ΕΚ ΤΩΝ ΤΟΥ ΕΡΕΝΝΙΟΥ ΦΙΛΩΝΟΣ ΠΕΡΙ ΚΥΡΙΟΛΕΞΙΑΣ
μηκᾶσθαι ἐπὶ αἰγῶν, μυκᾶσθαι ἐπὶ βοῶν, βληχᾶσθαι ἐπὶ προβάτων.
ὑπάγειν ὑπὸ ζυγόν, πορεύεσθαι ἐθελουσίως, ἕρπειν ἐπὶ ἀπόδων.
σκύλακες καὶ σκυλάδες ἐπὶ κυνῶν.
Σικελὸς ὁ ἐν Σικελίᾳ κατοικῶν βάρβαρος, Σικελιώτης ὁ ἀπὸ Ἑλληνικῆς χώρας ἀποικήσας εἰς Σικελίαν.
ἄρχειν μετὰ λόγου, κρατεῖν ἄνευ λόγου.
βιοῦν τὸ ἁπλῶς ζῆν, βιοτεύειν τὸ καλῶς ἀναστρέφεσθαι.
ἀνακογχυλίσας οὐκ ἀναγαργαρίσας.
ἀνακρεμαννύναι οὐ κρεμᾶν.
σκηνῆσαι οὐ σκηνῶσαι.
ἁλίπαστον τὸ ἁλσὶ πεπασμένον κρέας, ἁλίσπαρτον τὴν ἁλσὶ κατεσπαρμένην χώραν λέγομεν. τῶν γὰρ ἀρχαίων τινὲς βαρβάρων, δυσμενῶς διακείμενοι πρὸς τοὺς Ἕλληνας, τὰς χώρας αὐτῶν ἁλσὶ κατέσπειρον εἰς τὸ μὴ δύνασθαι φέρειν καρπούς· ὅθεν καὶ βίος τοὺς ᾐκισμένους δεινῶς ἁλισπάρτους καλεῖ.
ὀρρωδεῖν τὸ εὐλαβεῖσθαι.
ἀρρωδεῖν τὸ καταφρονεῖν καὶ τεθαρρηκέναι.
ἁρπάγην ὡς Ἀνάφην, ἐν ᾗ ἐκ τῶν φρεάτων τοὺς κάδδους ἐξαιροῦσιν.
βλὰξ ὁ εὐήθης καὶ κοῦφος.
ἐν Κυρήνῃ τοὺς ἐφήβους τριακατίους καλοῦσιν, ἐν δὲ Κρήτῃ ἀποδρόμους διὰ τὸ μὴ τῶν κοινῶν δρόμων μετέχειν. Ἀχαιοὶ κούρους, δάκες ἀγούρους.
διαβόητος ἐπʼ ἀρετῇ, ἐπιβόητος ὁ ἔχων φήμην μοχθηράν. τοῦτον ἔνιοι τῶν ποιητῶν ἐπίφατον καλοῦσιν.
… διπλουμένων …
ἔνδον ἐστίν· ἔσω εἰσέρχεται.
… εὕρασθαι …
ἐπιστρεφὴς καὶ εὐστρεφὴς διαφέρει. ἐπιστρεφὴς μὲν γὰρ ὁ ἐπιμελής, εὐστρεφὴς δὲ ὁ ἐπιδέξιος.
ἦσθα ἐπὶ παρῳχημένου, ᾖς ἐπὶ μέλλοντος.
Ἰταλὸς καὶ Ἰταλιώτης ὡς Σικελὸς καὶ Σικελιώτης.
λῆμα ἡ ἀνδρεία, λῆμμα τὸ κέρδος.
ὑποψία κακοῦ τινος ὑπόνοια, ὑφόρασις δὲ δόξα ἐπὶ τῶν χειρόνων.
νῦν καὶ νυνὶ διαφέρει. τὸ μὲν νῦν ἐπὶ παρεληλυθότος, ἐνεστῶτος καὶ μέλλοντος γράφεται, τὸ δὲ νυνὶ ἐπὶ ἐνεστῶτος μόνου.