eul_wid: umi-al
Κόσμος ΜηνῶνAdornment of the Months
Medical Writers Anonymous Adornment of the Months PDF
| 1 | ΑΝΩΝΥΜΟΥ ΠΕΡΙ ΤΟΥ ΑΥΤΟΥ ΣΤΙΧΟΙ. |
| 2 | ΣΕΠΤ. |
| 3 | Γῆν ἀροσίμην σπεῦδε τέμνειν, ἀγρότα· Βρωτῶν ποτῶν τε γλυκέων πᾶς ἀντέχου· Χολὴ μέλαινα κυριεύει γὰρ πλέον. |
| 4 | ΟΚΤ. |
| 5 | Σπείρειν ἀνάγκη, γλυκέων τ’ ἀποτρέχειν· Οἴνῳ παλαιῷ χρώμενος ἐν τοῖς ποτοῖς. Δριμεῖα καὶ γὰρ ἡ χολὴ πλεῖον φέρει. |
| 6 | ΝΟΕΜΒ. |
| 7 | Συχνῶν λοετρῶν ἀπέχου καὶ δριμέων. Ἔσθιε θερμὰ καὶ γλυκαίνοντα πλέον. Φλέγμα ψυχρὸν γὰρ κυριεύει τῷ τότε. |
| 8 | ΔΕΚ. |
| 9 | Παύθητι νῦν γε τοῦ σπείρειν, πᾶς ἀγρότης. |
| 10 | Ψυχρῶν δὲ πάντων ἀπέχεσθ’ ἐδεσμάτων. Καιρὸς γὰρ οὗτος τὸ πλέον φλέγμα φέρει. |
| 11 | ΙΑΝ. |
| 12 | Νῦν ἀπογεύου νῆστις ἀκράτου τρίτον. Τὸ φλέγμα πλέον κυριεύει γὰρ πάλιν. |
| 13 | ΦΕΒΡ. |
| 14 | Θερμοῖς σιτίοις καὶ ποτοῖς ἀνθοσμίου Κέχρησο· καὶ γὰρ φλέγμα ψυχρὸν πλημμύρει. |
| 15 | ΜΑΡΤ. |
| 16 | Πρὸς ἐκστρατείαν γυμνάσιά τε τρέπου. |
| 17 | Βρωτῶν ποτῶν τε γλυκερῶν πᾶς ἀντέχου. Αἷμα προσαῦξον εὐκραὲς γάρ σοι τότε. |
| 18 | ΑΠΡ. |
| 19 | Θερμῶν ἁπάντων δριμέων τ’ ἀφεκτέον. Εὔχυμα δ’ ἔσθειν καὶ πίνειν ἀνθοσμίου. |
| 20 | Αἵματος ἡ κίνησίς ἐστι γὰρ τότε. |
| 21 | ΜΑΙΟΣ. |
| 22 | Τῶν ταριχευτῶν ἀπέχου καὶ δριμέων. Τοῖς εὐόσμοις ἥδου τε καὶ γλυκυτέροις. Μέλαν γὰρ αἷμα κυριεύει καὶ πάλιν. |
| 23 | ΙΟΥΝ. |
| 24 | Νῦν ὕδατος πρωΐθεν ἐκρόφα τρίτον. Θερμὸν γὰρ αἷμα κυριεύει καὶ πάλιν. |
| 25 | ΙΟΥΛ. |
| 26 | Μόχθους παραιτοῦ καὶ κέχρησο τοῖς ὕπνοις. |
| 27 | Ξανθὴ χολὴ γὰρ κυριεύει τὸ πλέον. |
| 28 | ΑΥΓ. |
| 29 | Τὴν τῶν ψυχρῶν δίαιταν ἀσπάζου πλέον. Μόνην ἐδωδὴν φεῦγε τὴν τῶν λαχάνων. |
| 30 | Χλωρὰ χολὴ γὰρ καὶ πάλιν κατισχύει. |