Ἡροδότου λέξεις.
Ἱστορίας Α.
Ἀνέλῃ . χρήσῃ.
Ἐξ ἠθέων . ἐκ τόπων οἷς συναναστρέφονται.
Πηκτίς . ὄργανον ψαλτήριον, αὐλός, εἶδος ἀκολάστου σχήματος.
Διθύραμβος . ὕμνος εἰς Διόνυσον.
Σκευή . ὅπλισις καὶ στολή.
Ἑδώλοισιν . ὑποστρώμασι νηός, ζυγαῖς, καθέδραις.
Ὄρθιον νόμον Θαμύρα . ὁ κιθαρῳδικὸς τρόπος τῆς μελῳδίας, ἁρμονίαν ἔχων τακτὴν καὶ ῥυθμὸν ὡρισμένον. ἦσαν δὲ ζʹ, ὧν εἷς ὁ ὄρθιος.
Ἀνακῶς . ἐπιμελῶς, φυλακτικῶς.
Ξενίην συνεθήκατο . ἀντὶ τοῦ ὡς ξένιον ἐδωρήσατο.
Ἐπιστρεφέως . ἀπατητικῶς ἢ ἐπιμελῶς.
Ἠκούσης . ἐχούσης.
Σπερχθείς . ταραχθείς. θυμωθείς.
Χρήματος . πράγματος.
Ἀνδρεών . μέγας οἶκος.
Ἐπίστιος . ἔποικος.
Ἐξηρτυμένοι . κατεσκευασμένοι, ἡτοιμασμένοι.
Ἡμεκτέων . δυσφορῶν.
Ἑταιρεῖος . ὁ Ζεὺς παρὰ Κρησίν.
Συνηλίζοντο . συνηθροίζοντο.
Μετεξέτεροι . ἔνιοι, τινές.
Συνωμοτία . τάξις τις παρὰ Ἀττικοῖς.
Τριηκάδας . δεῖπνα κατὰ δήμους καὶ ἀριθμὸς λʹ ἀνδρῶν.
Ἐλινύειν . ἡσυχάζειν
Ἐννώσας . διανοηθείς.
Ἀναξυρίδας . τὰ βαθέα καὶ βασιλικὰ τῶν ὑποδημάτων, ἢ τὰ νῦν βρακία λεγόμενα.
Ἀβρόν . καλόν, αὔθαδες, σεμνόν, τρυφερόν
Ἀναισιμοῦν . δαπανᾶν, ἀναλίσκειν.
Ἴλη . συστροφή, τάξις ὄχλου ἱππική.
Ἀνέγνωσεν . ἀνέπεισεν, ἀνεδίδαξεν.
Κνάφος . ἄκανθα ἕλκουσα ἱμάτια.
Οὖροι . ὁροθεσία.
Πεσσοί . ψῆφοι ἐν αἷς ἔπαιζον.
Φαρμάκοισι . βαφαῖς.
Ἐλόχισεν . εἰς λόχους κατέταξεν.
Κατὰ τέλεα . τὰ ἀναλώματα καὶ τὰ συνέδρια τῶν ἐν τῇ ἀρχῇ, καὶ συντελεῖν εἰς τάγμα.
Εὔτυκτα . ἕτοιμα, ῥᾴδια, εἰργασμένα
Ἐπιφορήματα . τραγήματα.
Λεύκη . πάθος τι περὶ ὅλον τὸ σῶμα.
Πρυτανεῖον . θεσμοθέσιον, θόλος, καὶ ἡ τοῦ σίτου θήκη.
Ἔπιπλα . ἡ μὴ ἔγγαιος κτῆσις ἀλλʼ ἐπιπόλαιος.
Ἤθεα . τόποι ἐν οἷς ἀναστρέφονται.
Πρόχυσις . τὸ ἀποσπεῖσαι.
Μύδρον . σίδηρον ἀργόν.
Ἔμβολος . χάλκωμα περιτιθέμενον κατὰ πρώραν ταῖς ναυσίν.
Ἐναγίζειν . τὰς χοὰς ἐπιφέρειν, ἢ θύειν τοῖς κατοιχομένοις, ἢ τὸ διὰ πυρὸς δαπανᾶν.
Ἡβηδόν . μετὰ ἰσχύος, μετὰ ἀκολασίας.
Ἀντίξοον . τὸ ἐναντιούμενον.
Ταρσοὶ καλάμων . πρασιὰ ἐν ᾗ ἐξήραινον τὴν πλίνθον.
Φάρσος . τρύφος, κλάσμα, ἀκρωτήριον.
Αἱμασιά . τὸ ἐκ χαλίκων ᾠκοδομημένον ἄνευ πηλοῦ τειχίον, ὃ νῦν ἑρμακιὰς καλοῦσιν.
Λαῦραι . ῥύμαι, ἄμφοδοι.
Ἔλυτρον . σκέπη, θήκη, δέρμα.
Συμψήσας . συντρίψας.
Καταγωγή . πανδοκεῖον.
Σχοινοτενές . μακρόν, ὀρθόν
Ψῆνες . κωνώπια τὰ ἐν τοῖς ὀλύνθοις γινόμενα.
Ἀλεξομένους . ἀμυνομένους.
Σαγάρεις . πελέκεις, τὰ ἐκ χειρὸς ὅπλα.
Ἄρδις . φαρέτρας, βέλη.
Φάλαρα . τὰ περὶ τὰς γνάθους σκεπάσματα. Ἱστορίας Β.
Ἱστορίας Β.
Κνυζημάτων . τῶν γοερῶν ἀποφθεγμάτων.
Γεωπεῖναι . οἱ γῆς πεινῶντες καὶ ἀπορούμενοι.
Ἀπόσας . ἱκανώσας.
Μυχοί . αἱ καταδύσεις, τὰ ἔνδον, λιμένες, κοιλότητες, τὰ ἔσχατα, ἔσω.
Ἐπιεικεστάτη . μετρία, εὐγνώμων, καλῶς ἔχουσα.
Βυσσός . βυθός.
Χοιράδες . πέτραι λεῖαι ἐν θαλάσσῃ.
Εὐμαρέη . ἀπόπατος.
Πεσσόμενα . ὀπτώμενα.
Βάρις . ναῦς.
Ὄσιρις . ὁ Διόνυσος λέγεται.
Ἐγχρίμψαι . ἐμπεσεῖν, παραπελάσαι.
Κορύνη . ξύλον ἐπικαμπές.
Πρόπολος . νεωκόρος.
Μελεδωνοί . φροντισταί.
Ἀμφιδέας . ἁλύσεις, οἱ δὲ ψέλλια.
Κρέξ . ὄρνεον δυσοιωνιστὸν τοῖς γαμοῦσιν.
Συρμαΐζειν . καθαίρειν πόματι ἐκ ζειῶν καὶ ὕδατος.
Λίνον . ᾠδῆς ὄνομα ἢ λύρας χορδή.
Θύσανοι . κόρυμβοι, κροσσοί.
Ἐσηθήσαντες . ὑλίσαντες.
Κάπτοντες . ἀποδεχόμενοι.
Ῥιπίς . πλέγμα.
Καινοῦν . χρήσασθαι καινῷ λόγῳ.
Ἀποφορήν . τὴν τελουμένην τιμὴν ὑπὸ τῶν δούλων τοῖς δεσπόταις.
Ἤλυσιν . ἔφοδον, πορείαν.
Συρμαίην . λάχανον σελίνῳ ἐοικός, ἢ βρῶμα διὰ στέατος καὶ μέλιτος.
Ἐνηβητήρια . ἐνευωχητήρια.
Ποινή . ἀντέκτισις, τίσις.
Βουπόρους . ὀβελοὺς μεγάλους.
Ἀμυρταίου . εἱμαρτοῦ.
Ὄχανα . ἀσπίδων πόρπακες καὶ οἱ δεσμοί.
Τριφάσιοι . τριπλάσιοι καὶ τρίφωνοι.
Ἀπεματάισεν . ἐματαιολόγησεν, ἐμώρανεν.
Ἀποτιμοτέρους . ἀτίμους.
Ἀνδρόσφιγγας . σύνθετον σῶμα ἐξ ἀνδρὸς καὶ σφιγγὸς ὑπὸ δημιουργοῦ γεγονός. Ἱστορίας Γ.
Ἱστορίας Γ.
Ἀπηλικέστερον . πρεσβύτερον.
Ἐπάιστος . φανερός.
Εὐλέων . σκωλήκων.
Φρενήρης . σώφρων.
Γνωσιμαχεῖν . τὸ γνῶναι τὴν ἑαυτοῦ ἀσθένειαν τήν τε τῶν ἐναντίων ἰσχύν.
Οὐ καταπροίξεσθαι . προῖκα ποιῆσαι, ἀτιμωρητί, οἷον καταφρονήσας.
Παταΐκοισι . θεοὶ οἱ Πατάικοι Φοινικικοὶ ἐν ταῖς πρύμναις ἱδρυμένοι.
Ἐπίλαμπτος . καταφανής.
Αἰγυπιῶν . γυπῶν.
Ἀμύσσειν . ταράσσειν, ἑλκοῦν, ξέεν.
Φριμάξασθαι . φρυάξασθαι, φυσῆσαι.
Φορμός . πλέγμα ὡς κόφινος.
Διασφάγες . αἱ διεστῶσαι πέτραι.
Γαυλός . πλοῖον Φοινικικόν.
Σκυτάλοις . ῥάβδοις.
Γοργύνη . δεσμωτήριον ὑπόγαιον.
Διφροφορευμένους . φορείοις φερομένους.
Βαλανάγρας . κλεῖς.
Οὐ καταπροίξεται . προΐκτης. ἡ πρὸ ἀντὶ τῆς παρά. παρὰ τὸ προϊκνεῖσθαι. τινὲς δὲ ἀντὶ τοῦ ἵξεσθαι, ὅ ἐστι δωρεάν τι λαβεῖν. Ἀρχίλοχος· ἐμεῦ δʼ ἐκεῖνος οὐ καταπροίξεται. ὁ δὲ Ἡρωδιανὸς ἐν Ἐπιμερισμοῖς παρὰ τὸ ἴσσω φησί, ὡς καὶ Ἀρχίλοχος· προτείνω χεῖρα καὶ προΐσσομαι. Ἱστορίας Δ.
Ἱστορίας Δ.
Λάξιν . μίξιν, μερισμόν, κλῆρον.
Παλάθας . λέγεται καὶ ἐκ τρυγὸς πλάσματα. κυρίως δὲ ἡ τῶν σύκων ἐπάλληλος θέσις.
Ὀργίσας . μαλάξας.
Ἀνδρόγυνος . ἄνανδρος, ἑρμαφρόδιτος.
Ἐνάριες . οἱ ὁπλῖται.
Τόρνον . τὸ τρῆμα καὶ τὸ ἐνιέμενον εἰς αὐτό.
Σῶστρα . σωτήρια, μήνυτρα, μέτρα.
Σώχουσι . τρίβουσι.
Ἄρδιν . ἀκίδα βέλους καὶ τὰ ἐκ χειρὸς ὅπλα.
Σισύρα . βαρβαρικὸς χιτών.
Εὐμάρεια . ἡσυχία καὶ ἀπόπατος.
Ὑβρίζοντες . σκιρτῶντες.
Κομιδή . ἡ ἀνάσωσις, ἐπιμέλεια.
Ἀμβολάδην . καθʼ ὑπερβολήν.
Οἴσπη . ῥυπαρῶν προβάτων ἔρια.
Αἰγίς . ἣν Λίβυες φοροῦσι δοράν.
Ἀνθερίκων . νῦν τοὺς καυλούς φησι τῶν ἀσφοδέλων. εἰσὶ δὲ εὔθραυστοι.
Σχοίνου συμβολεῖς . οἱ ψιαθοπλόκοι, καὶ σχοῖνος ἡ ψίαθος. Περιφορητά . ἀκτά.
Στρόφος . τὸ περὶ τὴν κεφαλὴν στρόφιον ὅ ἐστιν ἐρεοῦν.
Κυματώγη . ὑπαγωγή, αἰγιαλός. Ἱστορίας Ε.
Ἱστορίας Ε.
Φυλάξαντες . ἐπιτηρήσαντες.
Νεοχμῶσαι . νεωστὶ κινῆσαι.
Φερέγγυος . βεβαιωτής.
Παχέων . τῶν πλουσίων.
Ἔφεδρον . ἐπίκληρον.
Σταθμός . στρατιωτικὴ κατάλυσις.
Ἐπίστιον . ἔποικον κατάλυμα.
Ἀγηλατέεν . διώκειν.
Λῆμα . ἀξία καὶ ἀνδρεία.
Κληρούχους . γεωργούς.
Σινάμωρον . κατόσχολον.
Κρησφύγετον . κακαφυγή, ὀχύρωμα. Ἱστορίας Ζ.
Ἱστορίας Ζ.
Ἰθαγενεῖς . οἱ γνήσιοι παῖδες.
Πρόξενοι . οἱ προστάται πόλεων καὶ φροντισταὶ καὶ ξένους ὑποδεχόμενοι.
Ἀρχαιρεσίη . τὸ πρὸς χάριν πολλοῖς ζῆν καὶ τὸ ἐπιδόσεις χρημάτων ποιεῖσθαι.
Ψῶσαν . θάλπουσαν.
Ἔκνιζεν . ἔδακεν, ἀπὸ τῆς πόας.
Οὐχ ἱκνευμένως . οὐ προσηκόντως, οὐ καθηκόντως.
Γυμνοπαιδία . ἑορτὴ ἐν Σπάρτῃ, ἐν ᾗ γυμνοὶ χοροὺς ἱστᾶσιν.
Λάσθη . αἰσχύνη.
Χορδεύων . τέμνων.
Καταγινέων . καταλύων.
Ἄρθμια . φίλια.
Πολέμαρχος . ἄρχων πρὸς ὃν κατηγγυῶντο τοὺς ξένους.
Ἄφλαστον . τὸ ἄκρον τῆς πρύμνης.
Αἰωρηθέντες . μετεωρισθέντες.
Ἀναιρεόμενον . τὸ ἐν γαστρὶ συλλαμβανόμενον.
Ἀνακωχεύσαντες . ἀναχωρήσαντες.
Γαῦλος . φρέατος ἀντλητήρ.
Ἐμμέλειαν . χορικὴν ὄρχησιν.
Ζάκορος . νεωκόρος, ἱερεύς.
Πρόκα . εὐθὺς καὶ παραχρῆμα. Ἱστορίας Η.
Ἱστορίας Η.
Ἐπικάρσιον . πλάγιον, οὐκ εὐθύ.
Ἐλῶν . ἐλάσας.
Δημιοεργοί . οἱ εἰς τὸ δημόσιον κάμνοντες.
Ὄνος . τὸ περὶ τὰ τῶν ὑδάτων ἀγγεῖα πολύπουν καὶ συστρεφόμενον.
Χυτόν . χῶμα καὶ ὁ ξεστὸς λίθος.
Ῥηχίης . φραγμὸς ἢ δεσμοὶ τῶν φραγμάτων.
Σαυρωτήρ . ξεστὸν δόρυ ἢ στύραξ, ὃν ἔνιοι καλοῦσιν οὐρίαχον.
Κυρβασίας . τιάρας.
Ζειρά . μίτρα, ταινία, διάδημα, ἱμάτιον, ζώνη, πορφυροῦν ἔνδυμα.
Κέρκουρος . νεὼς εἶδος.
Ἱστία . δεῖπνα.
Ῥῆχος . φραγμός
Ὀρχηδόν . ἡβηδόν.
Καλλιερεῖσθαι . ἐπὶ τοῦ θύειν ἔντομα λέγεται.
Τέμπεα . τὰ στενὰ τῶν ὀρῶν καὶ οἱ σύνδενδροι τόποι.
Ναυλόχιον . λιμένα ἢ εὐδίαν. Ἱστορίας Θ.
Ἱστορίας Θ.
Ταρσούς . ταρσὸς κυρίως τῶν ὀρνίθων ἡ πτέρωσις, ἀφʼ οὗ καὶ ὁ τῶν κωπῶν ὅμοιος σχηματισμός.
Ἐπαμησάμενος . ἀνακινήσας.
Ἰακχάζουσιν . λέγουσι, φυλλολογοῦσι.