Λέξεις παρεκβληθεῖσαι ἀπὸ τῆς βίβλου τοῦ Ἡροδότου κατʼ ἀλφάβητον.
Α.
Ἀνέλῃ. χρήσῃ.
Ἀνδρεών. μέγας οἶκος ἀνδρῶν.
Ἀναξυρίδες. τὰ βαθέα καὶ βασιλικὰ τῶν ὑποδημάτων.
Αὐλός. εἶδος ἀκολάστου σχήματος.
Ἀνακῶς. ἐπιμελῶς, φυλακτικῶς.
Ἁβρόν. καλόν, αὔθαδες, τρυφερόν.
Ἀναισιμοῦν. δαπανᾶν, ἀναλίσκειν.
Ἀνέγνωσεν. ἀνέπεισεν, ἀνεδίδαξεν.
Ἀντίξοον. τὸ ἐναντιούμενον.
Ἀλεξομένους. ἀμυνομένους.
Ἄρδις. φαρέτρας. σημαίνει καὶ τὸ βέλος.
Αἱμασιά. τὸ ἐκ χαλίκων ᾠκοδομημένον ἄνευ πηλοῦ τειχίον, καὶ ὁ ἐξ ἀκανθῶν φραγμός.
Ἀπίσας. ἱκανώσας.
Ἀμφιδέας. ἁλύσεις, οἱ δὲ ψέλλια.
Ἀποφορήν. τὴν τελουμένην ὑπὸ τῶν δούλων τοῖς δεσπόταις.
Ἀποτιμοτέρους. ἀτίμους.
Ἀπεματάισεν. ἐμώρανεν.
Ἀπηλικέστερον. πρεσβύτερον.
Ἀμύσσειν. ταράσσειν, ἑλκοῦν, ξέειν.
Ἀνδρόσφιγγας. σύνθετον σῶμα ἐξ ἀνδρὸς καὶ σφιγγὸς ὑπὸ δημιουργοῦ γεγονός.
Ἀτιμωρητί. οἷον καταφρονήσας.
Αἰγυπιῶν. γυπῶν.
Ἀνδρόγυνος. ἄνανδρος καὶ ἑρμαφρόδιτος.
Ἄρδιν. ἀκίδα βέλους ἢ τὰ ἐκ χειρὸς ὅπλα.
Ἀμβολάδην. καθʼ ὑπερβολήν.
Αἰγίς. ἣν Λίβυες φοροῦσι δοράν.
Ἀνθερίκων. νῦν τοὺς καυλοὺς τῶν ἀσφοδέλων.
Ἀγηλατέειν. διώκειν, φυγαδεύειν, ἐπιτάττειν, ὑβρίζειν.
Ἀρχαιρεσίη. τὸ πρὸς χάριν πολλοῖς ζῆν, καὶ τὸ ἐπιδόσεις χρημάτων ποιεῖσθαι.
Ἄφλαστον. τὸ ἄκρον τῆς πρύμνης.
Ἀρθμία. φιλία.
Αἰωρηθέντες. μετεωρισθέντες.
Ἀναιρεόμενον. τὸ ἐν γαστρὶ συλλαμβανόμενον.
Ἀνακωχεύσαντες. ἀναχωρήσαντες.
Ἀκανθόπληξ. ὁ πλησσόμενος.
Ἄβιος. ἀντὶ τοῦ πολὺν βίον κεκτημένος, ὥσπερ ἄξυλος ὁ πολύξυλος.
Β.
Βυσσός. βυθός.
Βάρις. ναῦς.
Βουπόρους. ὀβελοὺς μεγάλους.
Βαλανάγρας. κλεῖς.
Γ.
Γνωσιμαχεῖν. τὸ γνῶναι τὴν ἑαυτοῦ ἀσθένειαν τήν τε τῶν ἐναντίων ἰσχύν.
Γαυλοί. πλοῖον φοινίκιον, καὶ φρέατος ἀντλητήριον. καὶ γαλακτοδόχον ἀγγεῖον.
Γεωπεῖναι. οἱ γῆς πεινῶντες καὶ ἄποροι.
Γοργύρη. δεσμωτήριον ὑπόγαιον.
Γυμνοπαιδία. ἑορτὴ ἐν Σπάρτῃ ἐν ᾗ γυμνοὶ χοροὺς ἱστᾶσιν.
Δ.
Δημιοεργοί. οἱ εἰς τὸ δημόσιον κάμνοντες.
Διθύραμβος. ὕμνος εἰς Διόνυσον.
Διασφάγες. αἱ διεστῶσαι πέτραι.
Διφροφορευμένους. φορείοις φερομένους.
Ε.
Ἐγχρίμψαι. ἐμπεσεῖν, προσπελάσαι.
Ἐσηθήσαντες. ὑλίσαντες.
Ἐνηβητήρια. ἐνευωχητήρια.
Ἐλόχισεν. εἰς λόχους κατέταξεν.
Εὐλέων. σκωλήκων.
Ἐπιφορήματα. τραγήματα.
Ἐπίλαμπτος. καταφανής.
Ἔπιπλα. ἡ μὴ βεβαία κτῆσις ἀλλʼ ἐπιπόλαιος. ἔπιπλα καὶ τὰ ἐπάνω τῶν στρωμάτων.
Ἐπάιστος. φανερός.
Εὔτυκτα. ῥαδίως εἰργασμένα.
Ἐπιεικεστάτη. μετρία, εὐγνώμων.
Ἐννώσας. διανοηθείς.
Εὐμάρεια ἡσυχία, εὐκολία.
Ἔμβολος. χάλκωμα περιτιθέμενον περὶ τὴν πρώραν ταῖς ναυσίν.
Ἐνάριες. οἱ ὁπλῖται.
Ἐξ ἠθέων. ἐκ τῶν τόπων οἷς συνανεστρέφοντο.
Ἔφεδρον. ἐπίκληρον.
Ἐπίστιον. ἔποικον κατάλυμα.
Ἔκνιζεν. ἔδακνεν, ἀπὸ τῆς πόας.
Ἐναγίζειν. χοὰς ἐπιφέρειν τοῖς κατοιχομένοις.
Ἐμμέλειαν. χορικὴν ὄρχησιν.
Ἑδώλοισιν. ὑποστρώμασι νηός.
Ἐκύρησεν. ἔτυχεν.
Ἐπικάρσιον. πλάγιον, οὐκ εὐθύ.
Ἐπιστρεφέως. ἐπιμελῶς.
Ἐλῶν. ἐλάσας.
Ἑταιρεῖος. ὁ Ζεύς.
Ἐπαμησάμενος. ἀνακινήσας.
Ἐνωμοτία. τάξις παρὰ τοῖς Ἀττικοῖς.
Ἑρμίς. ὁ κλινόπους.
Ἔλυτρον. σκέπη, δέρμα.
Εἰρήν. παρὰ Λακεδαιμονίοις ἐν τῷ πρώτῳ ἐνιαυτῷ ὁ παῖς ῥωβίδας καλεῖται, τῷ δευτέρῳ προκομιζόμενος, τῷ τρίτῳ μικιζόμενος, τῷ τετάρτῳ πρόπαις, τῷ πέμπτῳ παῖς, τῷ ἕκτῳ μελείρην. ἐφηβεύει δὲ παρʼ αὐτοῖς ὁ παῖς ἀπὸ ἐτῶν δεκατεσσάρων μέχρι καὶ εἴκοσιν. βαρυτόνως δὲ τὸ μελείρην, ὥσπερ πυθμὴν ἀπύθμην, αὐχὴν ὑψαύχην.
Ἐπίδοξα. ἀντὶ τοῦ προσδόκιμα.
Εὐεστώ. εὐημερία, εὐετηρία, ἡ καλλίστη τῶν ἐτῶν διαγωγή. Διογενιανὸς ἄνευ τοῦ ςʹ γράφει.
Ζ.
Ζειρά. μίτρα, ζώνη.
Ζυγαῖς. καθέδραις.
Ζώνη. πορφυροῦν ἔνδυμα.
Ζάκορος. νεωκόρος, ἱερεύς.
Η.
Ἡμεκτέων. δυσφορῶν.
Ἤθεα. τόποι ἐν οἷς ἀναστρέφονται.
Ἡβηδόν. μετʼ ἰσχύος, μετʼ ἀκολασίας, ὀρχηδόν.
Ἤλυσιν. ἔφοδον, πορείαν.
Ι.
Ἴλη. συστροφή, τάξις ὄχλου ἱππική.
Ἰθαγενεῖς. οἱ γνήσιοι παῖδες.
Ἱστία. δεῖπνα.
Ἰακχάζουσι. λέγουσι, φλυαροῦσιν.
Κ.
Κνάφος. ἄκανθα ἕλκουσα ἱμάτια.
Κατατέλεα. τὰ ἀναλώματα καὶ συνέδρια.
Καταγωγή. πανδοκεῖον.
Κνυζημάτων. τῶν γοερῶν ἀποφθεγμάτων.
Κορύνη. ξύλον ἐπικαμπές.
Κρέξ. ὄρνεον δυσοιώνιστον τοῖς γαμοῦσι.
Κάπτοντες. ἀποδεχόμενοι.
Καινοῦν. τὸ χρήσασθαι λόγῳ καινῷ.
Κομιδή. ἀνάσωσις, ἐπιμέλεια.
Κέρκουρος. νεὼς εἶδος.
Κληρούχους. γεωργούς.
Κρησφύγετον. καταφυγή, ὀχύρωμα.
Καταγινέων. καταλύων.
Καλλιερεῖσθαι. ἐπὶ τοῦ θύειν τέτακται ἔντομα.
Κυματώγη. ὑπαγωγή, αἰγιαλός.
Κυρβασίας. τιάρας.
Λ.
Λεύκη. πάθος περὶ ὅλον τὸ σῶμα.
Λαῦραι. ῥύμαι, ἄμφοδα.
Λίνον. λύρας χορδὴ ἢ ᾠδῆς ὄνομα
Λάξιν. λῆξιν, μερισμόν, κλῆρον.
Λῆμα. ἀνδρεία, ἀξία, φρόνημα.
Λάσθη. αἰσχύνη.
Μ.
Μετεξέτεροι. ἔνιοι, τινές.
Μύδρον. σίδηρον ἀργόν.
Μελεδωνοί. φροντισταί.
Μυχοί. καταδύσεις.
Ν.
Νεοχμῶσαι. νεωστὶ κινῆσαι.
Ναυλόχιον. λιμένα.
Ξ.
Ξενίην συνεθήκατο. ἀντὶ τοῦ ὡς ξένον ἐδωρήσατο.
Ο.
Ὄρθιος νόμος. τρόπος μελῳδίας ἁρμονίαν ἔχων καὶ ῥυθμὸν ὡρισμένον.
Οὖροι. ὁροθέσια.
Ὄχανα. ἀσπίδων πόρπακες καὶ δεσμοί.
Οὐ καταπροίξεσθαι. προῖκα ποιῆσαι.
Ὀργίσας. μαλάξας.
Οἰσύπη. ῥυπαρὰ προβάτων ἔρια.
Οὐκ ἱκνεομένως. οὐ προσηκόντως.
Ὄνος. τὸ περὶ τὰ τῶν ὑδάτων ἀγγεῖα πολύπουν καὶ συστρεφόμενον.
Ὀρχηδόν. ἡβηδόν.
Π.
Πηκτίς. ὄργανον ψαλτήριον.
Πεσσοί. ψῆφοι.
Πρυτανεῖον. θεσμοθέσιον, θόλος, καὶ ἡ τοῦ σίτου θήκη.
Πρόχυσις. τὸ ἀποσπεῖσαι.
Πρόπολος. νεωκόρος. καὶ ὁ δοῦλος μετὰ τοῦ ςʹ.
Ποινή. ἀντέκτισις.
Παταΐκοισι. θεοὶ Φοινικικοὶ ἐν ταῖς πρύμναις ἱδρυμένοι.
Παλάθας. τὰ ἐκ τρυγὸς πλάσματα. κυρίως δὲ ἡ τῶν σύκων ἐπάλληλος θέσις.
Περιφορητά. ἀκτά.
Παχέων. πλουσίων.
Πρόξενοι. προστάται πόλεων, φροντισταί.
Πολέμαρχος. ἄρχων πρὸς ὃν κατηγγυῶντο τοὺς ξένους.
Πρόκα. εὐθὺς καὶ παραχρῆμα.
Ρ.
Ῥιπίς. πλέγμα.
Ῥηχίης. φραγμοῦ ἢ δέσμης τῶν φραγμῶν.
Ῥῆχος. φραγμός.
Σ.
Σκευή. ὅπλισις καὶ στολή.
Σπερχθείς. ταραχθείς, θυμωθείς.
Συμψήσας. συντρίψας.
Σαγάρεις. πελέκεις.
Σχοινοτενές. μακρόν.
Συρμαΐζειν. καθαίρειν πόματί τῳ ἐκ ζειῶν καὶ ὕδατος.
Σπαδίξας. ἐκδείρας. σπάδιξ γὰρ φλοιὸς ῥίζης πρινίνης. οἱ δὲ φοίνικος ῥάβδον. σπάδακες δὲ καὶ οἱ κύνες. καὶ σπάδιξ ὄργανόν τι κιθαριστικόν.
Συρμαίην. βρῶμα διὰ στέατος καὶ μέλιτος, ἢ λάχανον σελίνῳ ἐοικός.
Σκυτάλαις. ῥάβδοις.
Σῶστρα. σωτήρια, λύτρα.
Σώχουσι τρίβουσι.
Σισύρα. χιτὼν βαρβαρικὸς ἐκ δερμάτων.
Σχοίνου συμβολεῖ. οἱ ψιαθοπλόκοι.
Στρόφος. τὸ περὶ τὴν κεφαλὴν ἐρεοῦν.
Σταθμός. κατάλυμα, ὁδοῦ μέτρον.
Σινάμωρον. κακόσχολον.
Σαυρωτήρ. ξεστὸν δόρυ ἢ στύραξ, ὃν ἔνιοι καλοῦσιν οὐρίαχον.
Τ.
Τριηκάδας. δεῖπνα κατὰ δήμους καὶ ἀριθμὸς ἀνδρῶν τριάκοντα.
Ταρσοὶ καλάμων. τρασιὰ ἐν ᾗ ἐξήραινον τὴν πλίνθον.
Τριφάσιοι. τρίφωνοι, τριπλάσιοι.
Τόρνιον. τὸ τρῆμα καὶ τὸ ἐνιέμενον εἰς αὐτό.
Τέμπεα. τὰ στενὰ τῶν ὀρῶν καὶ οἱ σύνδενδροι τόποι.
Ταινία. διάδημα.
Ταρσός. ἡ τῶν ὀρνίθων πτέρωσις.
Φ.
Φαρμάκοις. βαφαῖς.
Φάλαρα. τὰ περὶ τὰς γνάθους σκεπάσματα.
Φάρσος. τρύφος, κλάσμα.
Φρενήρης. σώφρων.
Φριμάξασθαι. φρυάξασθαι, φυσῆσαι.
Φορμός. πλέγμα, ὁ κόφινος.
Φυλάξαντες. ἐπιτηρήσαντες.
Φερέγγυος. βεβαιωτής.
Χ.
Χρήματος. πράγματος.
Χοιράδες. πέτραι λεῖαι ἐν θαλάσσῃ.
Χορδεύων. τέμνων.
Ψ.
Ψῆνες. κωνώπια τὰ ἐν τοῖς ὀλύνθοις τοῖς ἄρσεσι.
Ψῶσαν. θάλπουσαν.