Σοῦδα Ἀκουσίλαος· Κάβα υἱός· Ἀργεῖος ἀπὸ Κερκάδος πόλεως οὔσης Αὐλίδος πλησίον. ἱστορικὸς πρεσβύτατος. ἔγραψε δὲ Γενεαλογίας ἐκ δέλτων χαλκῶν, ἃς λόγος εὑρεῖν τὸν πατέρα αὐτοῦ ὀρύξαντά τινα τόπον τῆς οἰκίας αὐτοῦ.
Διονύσιος ὁ Ἁλικαρνασσεύς ἀρχαῖοι μὲν οὖν συγγραφεῖς ... πρὸ τοῦ Πελοποννησιακοῦ πολέμου· ... ὅ τε Ἀργεῖος Ἀκουσίλαος·
Ἰώσηπος ὁ ἱστορικός οἱ μέντοι τὰς ἱστορίας ἐπιχειρήσαντες συγγράφειν παρʼ αὐτοῖς, λέγω δὲ τοὺς περὶ Κάδμον τε τὸν Μιλήσιον καὶ τὸν Ἀργεῖον Ἀκουσίλαον καὶ μετὰ τοῦτον εἴ τινες ἄλλοι λέγονται γενέσθαι, βραχὺ τῆς Περσῶν ἐπὶ τὴν Ἑλλάδα στρατείας τῶι χρόνωι προύλαβον.
Μένανδρος ὁ Λαοδικεύς Ῥήτωρ οἱ μέν γε νομίζοντες οὐδὲν διαφέρειν καὶ τὰς γενεαλογίας μύθους εἶναί φασιν, οἷον εἰ βούλει, ὅσα γε Ἀκουσίλεως καὶ Ἡσίοδος καὶ Ὀρφεὺς ἐν ταῖς Θεογονίαις εἰρήκασιν. εἰσὶ μὲν γὰρ γενεαλογικαὶ αὗται, οὐδὲν δὲ ἧττον μυθικαί.
Κλήμης ὁ Ἀλεξανδρεύς τὰ δὲ Ἡσιόδου μετήλλαξαν εἰς πεζὸν λόγον καὶ ὡς ἴδια ἐξήνεγκαν Εὔμηλός τε καὶ Ἀκουσίλαος οἱ ἱστοριογράφοι.
Ἰώσηπος ὁ ἱστορικός περίεργος δʼ ἂν εἴην ἐγὼ τοὺς ἐμοῦ μᾶλλον ἐπισταμένους διδάσκων ὅσα μὲν Ἑλλάνικος Ἀκουσιλάωι περὶ τῶν γενεαλογιῶν διαπεφώνηκεν, ὅσα δὲ διορθοῦται τὸν Ἡσίοδον Ἀκουσίλαος.
Σοῦδα ... πρῶτος δὲ ἱστορίαν πεζῶς ἐξήνεγκε, συγγραφὴν δὲ Φερεκύδης. τὰ γὰρ Ἀκουσιλάου νοθεύεται.
Κλήμης ὁ Ἀλεξανδρεύς ὁ Πλάτων ἐν Τιμαίωι κατακολουθήσας Ἀκουσιλάωι ...
Λαέρτιος Διογένης Δικαίαρχος δὲ τέσσαρας ὡμολογημένους ἡμῖν παραδίδωσιν· Θαλῆν Βίαντα Πιττακόν Σόλωνα. ἄλλους δὲ ὀνομάζει ἕξ, ὧν ἐκλέξασθαι τρεῖς· Ἀριστόδημον Πάμφυλον Χίλωνα Λακεδαιμόνιον Κλεόβουλον Ἀνάχαρσιν Περίανδρον. ἔνιοι προστιθέασιν Ἀκουσίλαον Κάβα ἢ Σκάβρα Ἀργεῖον. Ἕρμιππος δʼ ἐν τῶι Περὶ τῶν σοφῶν ἑπτακαίδεκά φησιν ... Σόλωνα Θαλῆν Πιττακόν Βίαντα Χίλωνα Μύσωνα Κλεόβουλον Περίανδρον Ἀνάχαρσιν Ἀκουσίλαον Ἐπιμενίδην Λεώφαντον Φερεκύδην Ἀριστόδημον Πυθαγόραν Λᾶσον ... Ἀναξαγόραν.
Κλήμης ὁ Ἀλεξανδρεύς οἱ δὲ Ἀκουσίλαον τὸν Ἀργεῖον ἐγκατέλεξαν τοῖς ἑπτὰ σοφοῖς· ἄλλοι δὲ Φερεκύδην τὸν Σύριον.
Σοῦδα Σαβῖνος· σοφιστής· γεγονὼς ἐπὶ Ἀδριανοῦ Καίσαρος. ἔγραψεν ... εἰς Θουκυδίδην καὶ Ἀκουσίλαον καὶ ἄλλους ὑπομνήματα.