ΑΙΓΥΠΤΙΑΚΑ.
Μετὰ δὲ ταῦτα καὶ περὶ ἐθνῶν Αἰγυπτιακῶν πέντε ἐν τριάκοντα δυναστείαις ἱστορεῖ τῶν λεγομένων παρʼ αὐτοῖς θεῶν καὶ ἡμιθέων καὶ νεκύων καὶ θνητῶν, ὧν καὶ Εὐσέβιος ὁ Παμφίλου μνησθεὶς ἐν τοῖς Χρονικοῖς αὐτοῦ φησὶν οὕτως·
«Αἰγύπτιοι δὲ θεῶν καὶ ἡμιθέων καὶ παρὰ τούτοις νεκύων καὶ θνητῶν ἑτέρων βασιλέων πολλὴν καὶ φλύαρον συνείρουσι μυθολογίαν· οἱ γὰρ παρʼ αὐτοῖς παλαιότατοι σεληναίους ἔφασκον εἶναι τοὺς ἐνιαυτοὺς ἐξ ἡμερῶν τριάκοντα συνεστῶτας, οἱ δὲ μετὰ τούτους ἡμίθεοι ὥρους ἐκάλουν τοὺς ἐνιαυτοὺς τοὺς τριμηνιαίους.»
Καὶ ταῦτα μὲν ὁ Εὐσέβιος μεμφόμενος αὐτοῖς τῆς φλυαρίας εὐλόγως συνέγραψεν, ὃν ὁ Πανόδωρος οὐ καλῶς, ὡς οἶμαι, ἐν τούτῳ μέμφεται, λέγων, ὅτι ἠπόρησε διαλύσασθαι τὴν ἔννοιαν τῶν συγγραφέων, ἣν αὐτὸς καινότερόν τι δοκῶν κατορθοῦν λέγει·
«Ἐπειδὴ ἀπὸ τῆς τοῦ Ἀδὰμ πλάσεως ἕως τοῦ Ἐνώχ, ἤτοι τοῦ καθολικοῦ κοσμικοῦ ͵ασπβʹ, οὔτε μηνὸς οὔτε ἐνιαυτοῦ ἀριθμὸς ἡμερῶν ἐγνωρίζετο, οἱ δὲ ἐγρήγοροι, κατελθόντες ἐπὶ τοῦ καθολικοῦ κοσμικοῦ χιλιοστοῦ ἔτους, συναναστραφέντες τοῖς ἀνθρώποις ἐδίδαξαν αὐτοὺς τοὺς κύκλους τῶν δύο φωστήρων δωδεκαζωδίους εἶναι ἐκ μοιρῶν τριακοσίων ἑξήκοντα, οἱ δὲ ἀποβλέψαντες εἰς τὸν περιγειότερον, μικρότερον καὶ εὐδηλότερον τριακονθήμερον σεληνιακὸν κύκλον ἐθέσπισαν εἰς ἐνιαυτὸν ἀριθμεῖσθαι, διὰ τὸ καὶ τὸν τοῦ ἡλίου κύκλον ἐν τοῖς αὐτοῖς δώδεκα ζωδίοις πληροῦσθαι ἐν ἰσαρίθμοις μοίραις τξʹ. Ὅθεν συνέβη τὰς βασιλείας τῶν παρʼ αὐτοῖς βασιλευσάντων θεῶν γενεῶν ἓξ ἐν δυναστείαις ἓξ κατὰ ἔτη ἐν σεληνιακοῖς τριακονθημέροις κύκλοις παρʼ αὐτοῖς ἀριθμεῖσθαι· ἃ καὶ συνῆξαν σελήνια αʹ ͵αϡπεʹ ἔτη, ἡλιακὰ ϡξθʹ· ταῦτα δὲ συναριθμούμενα τοῖς πρὸ τῆς τούτων βασιλείας ἡλιακοῖς ͵ανηʹ ἔτεσι συνάγουσιν ὁμάδα ἐτῶν ͵βκζʹ.» Ὁμοίως δὲ κατὰ τὰς δύο δυναστείας τῶν ἐννέα ἡμιθέων τῶν μηδέποτε γεγονότων ὡς γεγονότων ἔτη σιδʹ καὶ ἥμισυ σπουδάζει συνιστᾶν ἀπὸ τῶν ωνηʹ ὥρων, ἤτοι τρόπων, ὡς γίνεσθαί φησι σὺν ϡξθʹ. ͵αρνγʹ καὶ ἥμισυ ἔτη, καὶ συναπτόμενα τοῖς ἀπὸ Ἀδὰμ μέχρι τῆς τῶν θεῶν βασιλείας ανηʹ ἔτεσι συνάγειν ἔτη ͵βσμβʹ ἕως τοῦ κατακλυσμοῦ.
Καὶ ταῦτα μὲν ὁ Πανόδωρος τὰς κατὰ θεοῦ καὶ τῶν θεοπνεύστων γραφῶν Αἰγυπτιακὰς συγγραφὰς συμφωνεῖν αὐταῖς ἀγωνίζεται δεικνύναι, μεμφόμενος τὸν Εὐσέβιον, μὴ εἰδὼς ὅτι καθʼ ἑαυτοῦ καὶ τῆς ἀληθείας ἀποδέδεικται ταῦτα αὐτοῦ τὰ ἀναπόδεικτά τε καὶ ἀσυλλόγιστα, εἴ γε ... οὔτε Βαβυλὼν ἢ Χαλδαικὴ πρὸ τοῦ κατακλυσμοῦ οὔτε ἡ Αἴγυπτος πρὸ τοῦ Μεστρὲμ ἐβασιλεύθη, οἶμαι δʼ ὅτι οὐδʼ ᾠκίσθη.
Γεώργιος ὁ Σύγκελλος Περὶ τῆς τῶν Αἰγυπτίων ἀρχαιολογίας.
Μανεθῶ ὁ Σεβεννύτης ἀρχιερεὺς τῶν ἐν Αἰγύπτῳ μιαρῶν ἱερῶν μετὰ Βήρωσσον γενόμενος ἐπὶ Πτολεμαίου τοῦ Φιλαδέλφου γράφει τῷ αὐτῷ Πτολεμαίῳ, ψευδηγορῶν καὶ αὐτὸς ὡς ὁ Βήρωσσος, περὶ δυναστειῶν ϛʹ, ἤτοι θεῶν τῶν μηδέποτε γεγονότων ζʹ, οἳ, φησὶ, διαγεγόνασιν ἐπὶ ἔτη αʹ ͵αϡπεʹ. Ὧν πρῶτος θεὸς Ἥφαιστος ἔτη ͵θ ἐβασίλευσε. Ταῦτα τὰ ͵θ ἔτη πάλιν τινὲς τῶν καθʼ ἡμᾶς ἱστορικῶν ἀντὶ μηνῶν σεληνιακῶν λογισάμενοι καὶ μερίσαντες τὸ τῶν ἡμερῶν πλῆθος τῶν αὐτῶν ͵θ σεληνίων παρὰ τὰς τριακοσίας ἑξήκοντα πέντε ἡμέρας τοῦ ἐνιαυτοῦ συνῆξαν ἔτη ψκζʹ δʹ, ξένον τι δοκοῦντες κατωρθωκέναι, γελοίων δὲ μᾶλλον εἰπεῖν ἄξιον τὸ ψεῦδος τῇ ἀληθείᾳ συμβιβάζοντες.
Αἰγυπτίων αʹ ἐβασίλευσεν Ἥφαιστος ἔτη ψκʹ δʹ. Πρώτη δυναστεία. βʹ Ἥλιος Ἡφαίστου ἔτη πʹ ϛʹ. γʹ Ἀγαθοδαίμων ἔτη νϛʹ ιβʹ. δʹ Κρόνος ἔτη μʹ. εʹ Ὄσιρις καὶ Ἶσις ἔτη λεʹ. ϛʹ Τύφων ἔτη κθʹ. ζʹ Ὦρος ἡμίθεος ἔτη κεʹ. ηʹ Ἄρης ἡμίθεος κγʹ. θʹ Ἄνουβις ἡμίθεος ἔτη ιζʹ. ιʹ Ἡρακλῆς ἡμίθεος ἔτη ιεʹ. ιαʹ Ἀπολλῶ ἡμίθεος ἔτη κεʹ. ιβʹ Ἀμμῶν ἡμίθεος ἔτη λʹ. ιγʹ Τιθόης ἡμίθεος ἔτη κζʹ. ιδʹ Σῶσος ἡμίθεος ἔτη λβʹ. ιεʹ Ζεὺς ἡμίθεος ἔτη κʹ.
Ἰωάννης ὁ Μαλάλας Ἀντιοχεύς Ταῦτα δὲ παλαιὰ καὶ ἀρχαῖα βασίλεια τῶν Αἰγυπτίων Μανεθὼν συνεγράψατο· ἐν οἷς συγγράμμασιν αὐτοῦ ἐμφέρεται ἄλλως λέγεσθαι τὰς ἐπωνυμίας τῶν πέντε πλανητῶν ἀστέρων. Τὸν γὰρ λεγόμενον Κρόνον ἀστέρα ἐκάλουν τὸν λάμποντα, τὸν δὲ Διὸς τὸν φαέθοντα, τὸν δὲ Ἄρεος τὸν πυρώδη, τὸν δὲ Ἀφροδίτης τὸν κάλλιστον, τὸν δὲ Ἑρμοῦ τὸν στίλβοντα· ἅτινα μετὰ ταῦτα Σωτάτης ὁ σοφώτατος ἡρμήνευσε.
Ἰωάννης ὁ Μαλάλας Ἀντιοχεύς Αἰγυπτίων δὲ ἐβασίλευσε πρῶτος βασιλεὺς τῆς φυλῆς τοῦ Χάμ, υἱοῦ Νῶε, Φαραὼ ὁ καὶ Ναραχὼ καλούμενος. Τὰ οὖν πρὸ τούτου παλαιὰ βασίλεια Αἰγυπτίων ἐξέθετο Μανεθὼν ὁ σοφώτατος ὡς προείρηται.
Φέρεται παρʼ Αἰγυπτίοις παλαιόν τι χρονογραφεῖον, ἐξ οὗ καὶ τὸν Μανεθῶ πεπλανῆσθαι νομίζω, περιέχον λʹ δυναστειῶν ἐν γενεαῖς πάλιν ριγʹ χρόνον ἄπειρον καὶ οὐ τὸν αὐτὸν ὃν Μανεθῶ ἐν μυριάσι τρισὶ καὶ ͵ϛφκεʹ, πρῶτον μὲν τῶν Ἀεριτῶν, δεύτερον δὲ τῶν Μεστραίων, τρίτον δὲ Αἰγυπτίων, οὕτω πως ἐπὶ λέξεως ἔχον· Θεῶν βασιλεία κατὰ τὸ Παλαιὸν Χρονικόν. Ἡφαίστου χρόνος οὐκ ἔστι διὰ τὸ νυκτὸς καὶ
ἡμέρας αὐτὸν φαίνειν. Ἥλιος Ἡφαίστου ἐβασίλευσεν ἐτῶν μυριάδας τρεῖς. Ἔπειτα Κρόνος, φησὶ, καὶ οἱ λοιποὶ πάντες
θεοὶ δώδεκα ἐβασίλευσαν ἔτη ͵γϡπδʹ. Ἔπειτα ἡμίθεοι βασιλεῖς ὀκτὼ ἔτη σιζʹ. Καὶ μετʼ αὐτοὺς γενεαὶ ιεʹ Κυνικοῦ κύκλου ἀνεγράφησαν ἐν ἔτεσιν υμγʹ. Εἶτα Τανιτῶν ιϛʹ δυναστεία, γενεῶν ηʹ,
ἐτῶν ρϙ. Πρὸς οἷς ιζʹ δυναστεία Μεμφιτῶν, γενεῶν
δʹ, ἐτῶν ργʹ. Μεθʼ οὓς ιηʹ δυναστεία Μεμφιτῶν, γενεῶν
ιδʹ, ἐτῶν τμηʹ. Ἔπειτα ιθʹ δυναστεία Διοσπολιτῶν, γενεῶν
εʹ, ἐτῶν ρϙδʹ. Εἶτα κʹ δυναστεία Διοσπολιτῶν γενεῶν ηʹ,
ἐτῶν σκηʹ. Ἔπειτα καʹ δυναστεία Τανιτῶν, γενεῶν ϛʹ
ἐτῶν ρκαʹ. Εἴτα κβʹ δυναστεία Τανιτῶν, γενεῶν γʹ, ἐτῶν
μηʹ. Ἔπειτα κγʹ δυναστεία Διοσπολιτῶν, γενεῶν βʹ, ἐτῶν ιθʹ. Εἶτα κδʹ δυναστεία Σαϊτῶν, γενεῶν γʹ, ἐτῶν
μδʹ. Πρὸς οἷς κεʹ δυναστεία Αἰθιόπων, γενεῶν γʹ,
ἐτῶν μδʹ. Μεθʹ οὓς κϛʹ δυναστεία Μεμφιτῶν, γενεῶν
ζʹ, ἐτῶν ροζʹ. Καὶ μετὰ τὰς κϛʹ δυναστείας
Περσῶν εʹ, ἐτῶν ρκδʹ. Ἔπειτα κθʹ δυναστεία Τανιτῶν, γενεῶν …
ἐτῶν λθʹ. … Καὶ ἐπὶ πάσας λʹ δυναστεία Τανίτου ἑνός, ἔτη ιηʹ. Τὰ πάντα ὁμοῦ τῶν λʹ δυναστειῶν ἔτη Μγʹ
ϛφκεʹ.
Ταῦτα ἀναλυόμενα, εἴτουν μεριζόμενα, παρὰ τὰ ͵αυξαʹ ἔτη εἴκοσι πεντάκις, τὴν παρʼ Αἰγυπτίοις καὶ Ἕλλησιν ἀποκατάστασιν τοῦ ζωδιακοῦ μυθολογουμένην δηλοῖ, τοῦτʼ ἔστι τὴν ἀπὸ τοῦ αὐτοῦ σημείου ἐπὶ τὸ αὐτὸ σημεῖον, ὅ ἐστι πρῶτον λεπτὸν τῆς πρώτης μοίρας τοῦ ἰσημερινοῦ ζωδίου, κριοῦ λεγομένου παρʼ αὐτοῖς, ὥσπερ καὶ ἐν τοῖς Γενικοῖς τοῦ Ἑρμοῦ καὶ ἐν Κυραννίσι βίβλοις εἴρηται.
Ἐντεῦθεν δὲ οἶμαι καὶ Πτολεμαῖον τὸν Κλαύδιον τοὺς προχείρους κανόνας τῆς ἀστρονομίας διὰ κεʹ ἑτηρίδων ψηφίζεσθαι θεσπίσαι ...
Ἐντεῦθεν δέ ἐστι καὶ τὸ ἀσύμφωνον τῶν τοιούτων ἐκδόσεων πρός τε τὰς θείας ἡμῶν γραφὰς καὶ πρὸς ἄλληλα ἐπιγνῶναι, ὅτι αὕτη μὲν ἡ παλαιοτέρα νομιζομένη Αἰγυπτίων συγγραφὴ Ἡφαίστου μὲν ἄπειρον εἰσάγει χρόνον, τῶν δὲ λοιπῶν κθʹ δυναστειῶν ἔτη τρισμύρια ͵ϛφκεʹ, καίτοι τοῦ Ἡφαίστου πολλοῖς ἔτεσι μετὰ τὸν κατακλυσμὸν καὶ τὴν πυργοποιΐαν τῆς Αἰγύπτου βασιλεύσαντος, ὡς δειχθήσεται ἐν τῷ δέοντι τόπῳ.
Ὁ δὲ παρʼ Αἰγυπτίοις ἐπισημότατος Μανεθῶ περὶ τῶν αὐτῶν λʹ δυναστειῶν γράψας ἐκ τούτων δηλαδὴ λαβὼν τὰς ἀφορμὰς κατὰ πολὺ διαφωνεῖ περὶ τοὺς χρόνους πρὸς ταῦτα, καθὼς ἔστι καὶ ἐκ τῶν προειρημένων ἡμῖν ἀνωτέρω μαθεῖν καὶ ἐκ τῶν ἑξῆς λεχθησομένων. Τῶν γὰρ ριγʹ γενεῶν ἐν δυναστείαις λʹ ἀναγεγραμμένων, αὐτῷ ὁ χρόνος τὰ πάντα συνῆξεν ἔτη ͵γφνεʹ, ἀρξάμενα τῷ ͵αφπϛʹ ἔτει τοῦ κόσμου καὶ λήξαντα εἰς τὸ ͵ερμζʹ κοσμικὸν ἔτος, ἤτοι πρὸ τῆς Ἀλεξάνδρου τοῦ Μακεδόνος κοσμοκρατορίας ἔτη που ιεʹ.
Ἐκ τούτων οὖν ἀφελών τις τὰ πρὸ τοῦ κατακλυσμοῦ χνϛʹ πρὸς ἀναπλήρωσιν τῶν ͵βσμβʹ ἐξ Ἀδὰμ ἕως τοῦ κατακλυσμοῦ, ὡς ψευδῆ καὶ ἀνύπαρκτα, καὶ τὰ ἀπὸ τοῦ κατακλυσμοῦ ἕως τῆς πυργοποιίας καὶ συγχύσεως τῶν γλωσσῶν καὶ διασπορᾶς τῶν ἐθνῶν φλδʹ, ἕξει σαφῶς τὴν ἀρχὴν τῆς Αἰγυπτιακῆς βασιλείας ἐκ τοῦ πρώτου βασιλεύσαντος τῆς Αἰγύπτου Μεστραῒμ, τοῦ καὶ Μήνεος λεγομένου παρὰ τῷ Μανεθῶ, ἀπὸ τοῦ ͵βψοϛʹ ἔτους τοῦ ἐξ Ἀδὰμ ἕως Νεκταναβῶ τοῦ ἐσχάτου βασιλέως Αἰγύπτου, ὡς εἶναι τὰ πάντα ἀπὸ Μεστραῒμ ἕως τοῦ αὐτοῦ Νεκταναβῶ ἔτη ͵βτξεʹ, ἃ καὶ ἔφθασεν, ὡς προείρηται, εἰς τὸ κοσμικὸν ͵ερμζʹ ἔτος πρὸ τῆς Ἀλεξάνδρου τοῦ κτίστου ἀρχῆς ἔτεσι ιεʹ ἐγγύς.
Γεώργιος ὁ Σύγκελλος Ἐπειδὴ δὲ τῶν ἀπὸ Μεστραῒμ Αἰγυπτιακῶν δυναστειῶν οἱ χρόνοι ἕως Νεκταναβῶ χρειώδεις τυγχάνουσιν ἐν πολλοῖς τοῖς περὶ τὰς χρονικὰς καταγινομένοις ζητήσεις, αὐταὶ δὲ παρὰ Μανεθῶ ληφθεῖσαι τοῖς ἐκκλησιαστικοῖς ἱστορικοῖς διαπεφωνημένως κατά τε τὰς αὐτῶν προσηγορίας καὶ τὴν ποσότητα τῶν χρόνων τῆς βασιλείας ἐκδέδονται, ἐπὶ τίνος τε αὐτῶν Ἰωσὴφ ἡγεμόνευσε τῆς Αἰγύπτου καὶ μετʼ αὐτὸν ὁ θεόπτης Μωϋσῆς τῆς τοῦ Ἰσραὴλ ἐξ Αἰγύπτου πορείας ἡγήσατο, ἀναγκαῖον ἡγησάμην δύο τῶν ἐπισημοτάτων ἐκδόσεις ἐκλέξασθαι καὶ ταύτας ἀλλήλαις παραθέσθαι, Ἀφρικανοῦ τέ φημι καὶ τοῦ μετʼ αὐτὸν Εὐσεβίου τοῦ Παμφίλου καλουμένου, ὡς ἂν τὴν ἐγγίζουσαν τῇ γραφικῇ ἀληθείᾳ δόξαν ὀρθῶς ἐπιβάλλων τις καταμάθοι, τοῦτο πρό γε πάντων εἰδὼς ἀκριβῶς, ὅτι Ἀφρικανὸς μὲν εἴκοσιν ἔτη προστίθησιν ἐν τοῖς ἀπὸ Ἀδὰμ ἕως τοῦ κατακλυσμοῦ χρόνοις, καὶ ἀντὶ ͵βσμβʹ ͵βσξβʹ ἔτη βούλεται εἶναι, ὅπερ οὐ δοκεῖ καλῶς ἔχειν. Εὐσέβιος δὲ ͵βσμβʹ ὑγιῶς ἔθετο καὶ ὁμοφώνως τῇ γραφῇ. Ἐν δὲ τοῖς ἀπὸ τοῦ κατακλυσμοῦ ἀμφότεροι διήμαρτον ἕως τοῦ Ἀβραὰμ καὶ Μωϋσέως ἔτεσι ρλʹ τοῦ δευτέρου Καϊνᾶν υἱοῦ Ἀρφαξὰδ καὶ γενεᾷ μιᾷ, τῇ ιγʹ, παρὰ τῷ θείῳ εὐαγγελιστῇ Λουκᾷ ἀπὸ Ἀδὰμ κειμένῃ. Ἀλλʼ ὁ μὲν Ἀφρικανὸς ἐν τοῖς ἀπὸ Ἀδὰμ προστεθεῖσιν αὐτῷ καὶ ἐπὶ τὸν κατακλυσμὸν ἔτεσιν κʹ προαφήρπαξε ταῦτα, καὶ ἐν τοῖς τοῦ Καϊνᾶν καὶ τῶν μετέπειτα ριʹ μόνα λείπεται. Διὸ καὶ ἕως Ἀβραὰμ πρώτου ἔτους ͵γσβʹ ἔτη ἐστοιχείωσεν. Ὁ δὲ Εὐσέβιος ὁλοκλήρως τὰ ρλʹ ὑφελὼν, ͵γρπδʹ ἕως πρώτου ἔτους Ἀβραὰμ ἐξέδωκε.
Περὶ τῶν Αἰγύπτου δυναστειῶν, ὡς ὁ Ἀφρικανός.
αʹ Μετὰ νέκυας τοὺς ἡμιθέους πρώτη βασιλεία καταριθμεῖται βασιλέων ὀκτὼ, ὧν πρῶτος Μήνης Θινίτης ἐβασίλευσεν ἔτη ξβʹ· ὃς ὑπὸ ἱπποποτάμου διαρπαγεὶς διεφθάρη.
βʹ Ἄθωθις υἱὸς ἔτη νζʹ, ὁ τὰ ἐν Μέμφει βασίλεια οἰκοδομήσας· οὗ φέρονται βίβλοι ἀνατομικαὶ, ἰατρὸς γὰρ ἦν.
γʹ Κενκένης υἱὸς ἔτη λαʹ.
δʹ Οὐενέφης υἱὸς ἔτη κγʹ· ἐφʼ οὗ λιμὸς κατέσχε τὴν Αἴγυπτον μέγας. Οὗτος τὰς περὶ Κωχώμην ἤγειρε πυραμίδας. εʹ Οὐσαφαῖδος υἱὸς ἔτη κʹ. ϛʹ Μιεβιδὸς υἱὸς ἔτη κϛʹ. ζʹ Σεμέμψης υἱὸς ἔτη ιηʹ· ἐφʼ οὗ φθορὰ μεγίστη κατέσχε τὴν Αἴγυπτον. ηʹ Βιηνεχὴς υἱὸς ἔτη κϛʹ. Ὁμοῦ ἔτη σνγʹ.
Τὰ τῆς πρώτης δυναστείας οὕτω πως καὶ Εὐσέβιος ὡς ὁ Ἀφρικανὸς ἐξέθετο.
Γεώργιος ὁ Σύγκελλος Περὶ τῶν Αἰγυπτίων δυναστειῶν, ὡς Εὐσέβιος.
Μετὰ νέκυας καὶ τοὺς ἡμιθέους πρώτην δυναστείαν καταριθμοῦσι βασιλέων ὀκτώ· ὧν γέγονε Μήνης, ὃς διασήμως αὐτῶν ἡγήσατο. Ἀφʼ οὗ τοὺς ἐξ ἑκάστου γένους βασιλεύσαντας ἀναγράψομεν ὧν ἡ διαδοχὴ τοῦτον ἔχει τὸν τρόπον·
αʹ Μήνης Θινίτης καὶ οἱ τούτου ἀπόγονοι ιζʹ, ὃν Ἡρόδοτος Μῆνα ὠνόμασεν, ἐβασίλευσεν ἔτεσιν ξʹ. Οὗτος ὑπερόριον στρατείαν ἐποιήσατο καὶ ἔνδοξος ἐκρίθη, ὑπὸ δὲ ἱπποποτάμου ἡρπάσθη
βʹ Ἄθωθις ὁ τούτου υἱὸς ἦρξεν ἔτεσιν κζʹ, καὶ τὰ ἐν Μέμφει βασίλεια ᾠκοδόμησεν, ἰατρικήν τε ἐξήσκησε καὶ βίβλους ἀνατομικὰς συνέγραψε.
γʹ Κενκένης ὁ τούτου υἱὸς ἔτη λθʹ.
δʹ Οὐενέφης ἔτη μβʹ· ἐφʼ οὗ λιμὸς κατέσχε τὴν χώραν, ὃς καὶ τὰς πυραμίδας τὰς περὶ Κωχώμην εʹ Οὐσαφαὴς ἔτη κʹ. ϛʹ Νιεβαὴς ἔτη κϛʹ. ζʹ Σεμέμψης ἔτη ιηʹ· ἐφʼ οὗ πολλὰ παράσημα ἐγένετο καὶ μεγίστη φθορά. ηʹ Οὐβιένθης ἔτη κϛʹ. Οἱ πάντες ἐβασίλευσαν ἔτη σνβʹ
Πρῶτος ἐβασίλευσε Μήνης Θινίτης, ὃς ἑρμηνεύεται αἰώνιος· ἐβασίλευσεν ἔτη ξβʹ. Τοῦ κόσμου ἦν ἔτος ͵βϡʹ.
Θηβαίων δεύτερος ἐβασίλευσεν Ἀθώθης, υἱὸς Μήνεως, ἔτη νθʹ. Οὗτος ἑρμηνεύεται Ἑρμογένης. Ἔτος τοῦ κόσμου ͵βϡξβʹ.
Θηβαίων Αἰγυπτίων τρίτος ἐβασίλευσεν Ἀθώθης ὁμώνυμος, ἔτη λβʹ. Τοῦ δὲ κόσμου ἦν ἔτος ͵γκαʹ.
Θηβαίων ἐβασίλευσε δʹ Διαβαῆς υἱὸς Ἀθώθεως, ἔτη ιθʹ. Οὗτος ἑρμηνεύεται φιλόταυρος. Τοῦ δὲ κόσμου ἦν ἔτος ͵γνγʹ.
Θηβαίων ἐβασίλευσε εʹ Πεμφῶς, υἱὸς Ἀθώθους, ὅ ἐστιν Ἡρακλείδης.
Γεώργιος ὁ Σύγκελλος Δευτέρα δυναστεία Θινιτῶν βασιλέων ἐννέα,
ὧν πρῶτος Βοηθὸς ἔτη ληʹ. Ἐφʼ οὗ χάσμα κατὰ Βούβαστον ἐγένετο καὶ ἀπώλοντο πολλοί.
βʹ Καιέχως, ἔτη λθʹ. Ἐφʼ οὗ οἱ βόες Ἆπις ἐν Μέμφει καὶ Μνεῦις ἐν Ἡλιουπόλει καὶ ὁ Μενδήσιος τράγος ἐνομίσθησαν εἶναι θεοί. γʹ Βίνωθρις, ἔτη μζʹ. Ἐφʼ οὗ ἐκρίθη τὰς γυναῖκας βασιλείας γέρας ἔχειν. δʹ Τλὰς, ἔτη ιζʹ. εʹ Σεθένης, ἔτη μαʹ. ϛʹ Χαίρης, ἔτη ιζʹ.
ζʹ Νεφερχέρης, ἔτη κεʹ. Ἐφʼ οὗ μυθεύεται τὸν Νεῖλον μέλιτι κεκραμένον ἡμέρας ἕνδεκα ῥυῆναι.
ηʹ. Σέσωχρις ἔτη μηʹ, ὃς ὕψος εἶχε πηχῶν εʹ, παλαιστῶν γʹ.
θʹ. Χενεφρὴς, ἔτη λʹ.
Ὁμοῦ ἔτη τβʹ.
Ὁμοῦ πρώτης καὶ δευτέρας δυναστείας μετὰ τὸν κατακλυσμὸν ἔτη φνεʹ κατὰ τὴν δευτέραν ἔκδοσιν Ἀφρικανοῦ.
Γεώργιος ὁ Σύγκελλος Δευτέρα δυναστεία βασιλέων ἐννέα.
Πρῶτος Βῶχος, ἐφʼ οὗ χάσμα κατὰ Βούβαστον ἐγένετο, καὶ πολλοὶ ἀπώλοντο.
Μεθʼ ὃν καὶ δεύτερος Χῶος, ὅτε καὶ ὁ Ἆπις καὶ ὁ Μνεῦις, ἀλλὰ καὶ ὁ Μενδήσιος τράγος θεοὶ ἐνομίσθησαν.
γʹ. Βιόφις, ἐφʼ οὗ ἐκρίθη καὶ τὰς γυναῖκας βασιλείας γέρας ἔχειν. Καὶ μετὰ τούτους ἄλλοι τρεῖς, ἐφʼ ὧν οὐδὲν παράσημον ἐγένετο.
ζʹ. Ἐπὶ δὲ τοῦ ἑβδόμου μυθεύεται τὸν Νεῖλον μέλιτι κεκραμένον ἡμέραις ἕνδεκα ῥυῆναι.
ηʹ. Μεθʼ ὃν Σέσωχρις μηʹ, ὃς λέγεται γεγονέναι ὕψος ἔχων πηχῶν εʹ, παλαιστῶν γʹ τὸ μέγεθος.
θʹ. Ἐπὶ δὲ τοῦ θʹ οὐδὲν ἀξιομνημόνευτον ὑπῆρχεν. Οἳ καὶ ἐβασίλευσαν ἔτη σϙζʹ.
Ὁμοῦ πρώτης καὶ δευτέρας δυναστείας ἔτη φμθʹ κατὰ τὴν ἔκδοσιν Εὐσεβίου.
Γεώργιος ὁ Σύγκελλος ΑΦΡΙΚΑΝΟΥ.
Τρίτη δυναστεία Μεμφιτῶν βασιλέων ἐννέα, αʹ ὧν Νεχερώφης ἔτη κηʹ. Ἐφʼ οὗ Λίβυες ἀπέστησαν Αἰγυπτίων καὶ τῆς σελήνης παρὰ λόγον αὐξηθείσης διὰ δέος ἑαυτοὺς παρέδοσαν.
βʹ Τόσορθρος ἔτη κθʹ. Οὗτος Ἀσκληπιὸς Αἰγυπτίοις κατὰ τὴν ἰατρικὴν νενόμισται, καὶ τὴν διὰ ξεστῶν λίθων οἰκοδομίαν εὕρατο· ἀλλὰ καὶ γραφῆς ἐπεμελήθη. γʹ Τύρις ἔτη ζʹ. δʹ Μέσωχρις ἔτη ιζʹ. εʹ Σώϋφις ἔτη ιϛʹ. ϛʹ Τοσέρτασις ἔτη ιθʹ. ζʹ Ἄχης ἔτη μβʹ. ηʹ Σήφουρις λʹ. θʹ Κερφέρης ἔτη κϛʹ. Ὁμοῦ ἔτη σιδʹ.
Ὁμοῦ τῶν τριῶν δυναστειῶν κατὰ Ἀφρικανὸν ἔτη ψξθʹ.
Γεώργιος ὁ Σύγκελλος Τρίτη δυναστεία Μεμφιτῶν βασιλέων ὀκτώ,
αʹ Νεχέρωχις, ἐφʼ οὗ Λίβυες ἀπέστησαν Αἰγυπτίων, καὶ τῆς σελήνης παρὰ λόγον αὐξηθείσης διὰ δέος ἑαυτοὺς παρέδοσαν.
βʹ. Μεθʼ ὃν Σέσορθος, ὃς Ἀσκληπιὸς παρὰ Αἰγυπτίοις ἐκλήθη διὰ τὴν ἰατρικήν. Οὗτος καὶ τὴν διὰ ξεστῶν λίθων οἰκοδομὴν εὕρατο, ἀλλὰ καὶ γραφῆς ἐπεμελήθη.
Οἱ δὲ λοιποὶ ἓξ οὐδὲν ἀξιομνημόνευτον ἔπραξαν.
Οἳ καὶ ἐβασίλευσαν ἔτεσιν ρϙηʹ.
Ὁμοῦ τῶν τριῶν δυναστειῶν κατὰ τὸν Εὐσέβιον ἔτη ψμζʹ.
Θηβαίων Αἰγυπτίων ἐβασίλευσεν ϛʹ τοιγαράμαχος Μομχειρὶ Μεμφίτης ἔτη οθʹ. Οὗτος ἑρμηνεύεται τῆς ἀνδρὸς περισσομελής. Τοῦ δὲ κόσμου ἦν ἔτος ͵γϙʹ.
Θηβαίων Αἰγυπτίων ἐβασίλευσεν ζʹ Στοῖχος υἱὸς αὐτοῦ· ὅ ἐστιν Ἄρης ἀναίσθητος, ἔτη ϛʹ. Τοῦ δὲ κόσμου ἦν ἔτος ͵γρξθʹ.
Θηβαίων Αἰγυπτίων ἐβασίλευσεν ὄγδοος Γοσορμίης, ὅ ἐστιν αἰτησιπαντός, ἔτη λʹ. Τοῦ δὲ κόσμου ἦν ἔτος ͵γροεʹ.
Θηβαίων Αἰγυπτίων ἐβασίλευσεν θʹ Μάρης, υἱὸς αὐτοῦ, ὅ ἐστιν Ἡλιόδωρος, ἔτη κϛʹ. Τοῦ δὲ κόσμου ἦν ἔτος ͵γσεʹ. Θηβαίων Αἰγυπτίων ιʹ ἐβασίλευσεν Ἀνωϋφίς, ὅ ἐστιν ἐπίκωμος, ἔτη κʹ. Τοῦ δὲ κόσμου ἦν ἔτος ͵γσλαʹ. Θηβαίων Αἰγυπτίων ιαʹ ἐβασίλευσε Σίριος, ὅ ἐστιν υἱὸς κόρης, ὡς δὲ ἕτεροι ἀβάσκαντος, ἔτη ιηʹ. Τοῦ δὲ κόσμου ἦν ἔτος ͵γσναʹ. Θηβαίων Αἰγυπτίων ιβʹ ἐβασίλευσε Χνοῦβος Γνευρός, ὅ ἐστι Χρύσης Χρύσου υἱός, ἔτη κβʹ. Τοῦ δὲ κόσμου ἦν ἔτος ͵γσξθʹ. Θηβαίων Αἰγυπτίων ιγʹ ἐβασίλευσε Ῥαύωσις, ὅ ἐστιν ἀρχικράτωρ, ἔτη ιγʹ. Τοῦ δὲ κόσμου ἦν ἔτος ͵γςϙαʹ. Θηβαίων Αἰγυπτίων ιδʹ ἐβασίλευσε Βιΰρης, ἔτη ιʹ. Τοῦ δὲ κόσμου ἦν ἔτος ͵γτδʹ.
Γεώργιος ὁ Σύγκελλος Τετάρτη δυναστεία. Μεμφιτῶν συγγενείας ἑτέρας βασιλεῖς ηʹ.
αʹ Σῶρις ἔτη κθʹ.
βʹ Σοῦφις ἔτη ξγʹ· ὃς τὴν μεγίστην ἤγειρε πυραμίδα, ἥν φησιν Ἡρόδοτος ὑπὸ Χέοπος γεγονέναι. Οὗτος δὲ καὶ ὑπερόπτης εἰς θεοὺς ἐγένετο καὶ τὴν ἱερὰν συνέγραψε βίβλον, ἣν ὡς μέγα χρῆμα ἐν Αἰγύπτῳ γενόμενος ἐκτησάμην. γʹ Σοῦφις ἔτη ξϛʹ. δʹ Μενχέρης ἔτη ξγʹ. εʹ Ῥατοίσης ἔτη κεʹ. ϛʹ Βίχερις ἔτη κβʹ. ζʹ Σεβερχέρης ἔτη ζʹ. ηʹ Θαμφθὶς ἔτη θʹ. Ὁμοῦ ἔτη σοδʹ
Ὁμοῦ τῶν δʹ δυναστειῶν τῶν μετὰ τὸν κατακλυσμὸν ἔτη ͵αμϛʹ κατʼ Ἀφρικανόν.
Γεώργιος ὁ Σύγκελλος Τετάρτη δυναστεία βασιλέων ιζʹ Μεμφιτῶν συγγενείας ἑτέρας βασιλείας.
Ὧν τρίτος Σοῦφις, ὁ τὴν μεγίστην πυραμίδα ἐγείρας, ἥν φησιν Ἡρόδοτος ὑπὸ Χέοπος γεγονέναι, ὃς καὶ ὑπερόπτης εἰς θεοὺς γέγονεν, ὡς μετανοήσαντα αὐτὸν τὴν ἱερὰν συγγράψαι βίβλον, ἣν ὡς μέγα χρῆμα Αἰγύπτιοι περιέπουσι. Τῶν δὲ λοιπῶν οὐδὲν ἀξιομνημόνευτον ἀνεγράφη. Οἳ καὶ ἐβασίλευσαν ἔτεσιν υμηʹ.
Ὁμοῦ τῶν δʹ δυναστειῶν μετὰ τὸν κατακλυσμὸν αρϙεʹ κατὰ Εὐσέβιον.
Θηβαίων Αἰγυπτίων ιεʹ ἐβασίλευσε Σαῶφις, κωμαστής, κατὰ δὲ ἐνίους χρηματίτης, ἔτη κθʹ. Τοῦ δὲ κόσμου ἦν ἔτος ͵γτιδʹ. Θηβαίων ιϛʹ ἐβασίλευσε Σαῶφις βʹ, ἔτη κζʹ. Τοῦ δὲ κόσμου ἦν ἔτος ͵γτμγʹ. Θηβαίων ιζʹ ἐβασίλευσε Μοσχερῆς, ἡλιόδοτος, ἔτη λαʹ. Τοῦ δὲ κόσμου ἦν ἔτος ͵γτοʹ. Θηβαίων ιηʹ ἐβασίλευσε Μοσθῆς, ἔτη λγʹ. Τοῦ δὲ κόσμου ἦν ἔτος ͵γυαʹ. Θηβαίων ιθʹ ἐβασίλευσε Παμμῆς, ἀρχονδὴς, ἔτη λεʹ. Τοῦ δὲ κόσμου ἦν ἔτος ͵γυλδʹ.
Γεώργιος ὁ Σύγκελλος Πέμπτη δυναστεία βασιλέων ηʹ ἐξ Ἐλεφαντίνης. αʹ Οὐσερχέρης ἔτη κηʹ. βʹ Σεφρὴς ἔτη ιγʹ. γʹ Νεφερχέρης ἔτη κʹ εʹ Χείρης ἔτη κʹ. δʹ Σισίρης ἔτη ζʹ. ϛʹ Ῥαθούρης ἔτη μδʹ. ζʹ Μενχέρης ἔτη θʹ. ηʹ Τανχέρης ἔτη μδʹ. θʹ Ὄννος ἔτη λγʹ. Ὁμοῦ ἔτη σμηʹ. Γίνονται σὺν τοῖς προτεταγμένοις, ͵αμϛʹ ἔτεσι τῶν τεσσάρων δυναστειῶν ἔτη, ͵αςϙδʹ
Γεώργιος ὁ Σύγκελλος Πέμπτη δυναστεία βασιλέων τριάκοντα ἑνὸς ἐξ Ἐλεφαντίνης. Ὧν πρῶτος Ὀθόης. Οὗτος ὑπὸ τῶν δορυφόρων ἀνῃρέθη.
Ὁ δὲ δʹ Φίωψ ἑξαέτης ἀρξάμενος ἐβασίλευσε μέχρις ἐτῶν ἑκατόν. Γίνονται οὖν σὺν τοῖς προτεταγμένοις ͵αρϙεʹ ἔτεσι τῶν τεσσάρων δυναστειῶν ͵αςϙεʹ.
Γεώργιος ὁ Σύγκελλος Ἕκτη δυναστεία βασιλέων ἓξ Μεμφιτῶν. αʹ Ὀθόης ἔτη λʹ, ὃς ὑπὸ τῶν δορυφόρων ἀνῃρέθη. βʹ Φιὸς ἔτη νγʹ. γʹ Μεθουσοῦφις ἔτη ζʹ. δʹ Φίωψ, ἑξαέτης ἀρξάμενος βασιλεύειν διεγένετο μέχρι ἐτῶν ρʹ. εʹ Μενθεσοῦφις ἔτος ἕν. ϛʹ Νίτωκρις, γεννικωτάτη καὶ εὐμορφοτάτη τῶν κατʼ αὐτὴν γενομένη, ξανθὴ τὴν χροιὰν, ἣ τὴν τρίτην ἤγειρε πυραμίδα, ἐβασίλευσεν ἔτη ιβʹ.
Ὁμοῦ ἔτη σγʹ. Γίνονται σὺν τοῖς προτεταγμένοις, ͵αςϙδʹ τῶν εʹ δυναστειῶν ἔτη ͵αυϙʹ.
Γεώργιος ὁ Σύγκελλος Ἕκτη δυναστεία.
Γυνὴ Νίτωκρις ἐβασίλευσε τῶν κατʼ αὐτὴν γεννικωτάτη καὶ εὐμορφοτάτη, ξανθή τε τὴν χροιὰν ὑπάρξασα, ἣ καὶ λέγεται τὴν τρίτην πυραμίδα ᾠκοδομηκέναι.
Οἳ καὶ ἐβασίλευσαν ἔτη τρία· ἐν ἄλλῳ σγʹ.
Γίνονται σὺν τοῖς προτεταγμένοις ͵αςϙεʹ τῶν πέντε δυναστειῶν ἔτη ͵αυϙηʹ.
Γεώργιος ὁ Σύγκελλος Σημειωτέον ὁπόσον Εὐσέβιος Ἀφρικανοῦ λείπεται ἀκριβείας ἐν τε τῇ τῶν βασιλέων ποσότητι καὶ ταῖς τῶν ὀνομάτων ὑφαιρέσεσι καὶ τοῖς χρόνοις, σχεδὸν τὰ Ἀφρικανοῦ αὐταῖς λέξεσι γράφων.
Θηβαίων κʹ ἐβασίλευσεν Ἀπάππους, μέγιστος. Οὗτος ὥς φασι παρὰ ὥραν μίαν ἐβασίλευσεν ἔτη ρʹ. Τοῦ δὲ κόσμου ἦν ἔτος ͵γυξθʹ. Θηβαίων καʹ ἐβασίλευσεν Ἐχεσκοσοκάρα, ἔτος αʹ. Τοῦ δὲ κόσμου ἦν ἔτος ͵γφξθʹ. Θηβαίων κβʹ ἐβασίλευσε Νίτωκρις, γυνὴ ἀντὶ τοῦ ἀνδρός, ὅ ἐστιν Ἀθηνᾶ νικαφόρος, ἔτη ϛʹ. Τοῦ δὲ κόσμου ἦν ἔτος ͵γφοʹ.
Γεώργιος ὁ Σύγκελλος Ἑβδόμη δυναστεία Μεμφιτῶν βασιλέων οʹ, οἳ ἐβασίλευσαν ἡμέρας οʹ.
Γεώργιος ὁ Σύγκελλος Ἑβδόμη δυναστεία Μεμφιτῶν βασιλέων πέντε, οἳ ἐβασίλευσαν ἡμέρας οεʹ.
Γεώργιος ὁ Σύγκελλος Ὀγδόη δυναστεία Μεμφιτῶν βασιλέων κζʹ, οἳ ἐβασίλευσαν ἔτη ρμϛʹ. Γίνονται σὺν τοῖς προτεταγμένοις ἔτη ͵αχλθʹ τῶν ὀκτὼ δυναστειῶν.
Γεώργιος ὁ Σύγκελλος Ὀγδόη δυναστεία Μεμφιτῶν βασιλέων πέντε, οἳ ἐβασίλευσαν ἔτη ἑκατόν. Γίνονται σὺν τοῖς προτεταγμένοις ἔτη ͵αφϙηʹ τῶν ὀκτὼ δυναστειῶν.
Γεώργιος ὁ Σύγκελλος Ἐνάτη δυναστεία Ἡρακλεοπολιτῶν βασιλέων ιθʹ, οἳ ἐβασίλευσαν ἔτη υθʹ· ὧν ὁ πρῶτος Ἀχθόης, δεινότατος τῶν πρὸ αὐτοῦ γενόμενος τοῖς ἐν πάσῃ Αἰγύπτῳ κακὰ εἰργάσατο, ὕστερον δὲ μανίᾳ περιέπεσε καὶ ὑπὸ κροκοδείλου διεφθάρη.
Γεώργιος ὁ Σύγκελλος Ἐνάτη δυναστεία Ἡρακλεοπολιτῶν βασιλέων τεσσάρων, οἳ ἐβασίλευσαν ἔτη ἑκατόν· ὧν πρῶτος Ἀχθώης, δεινότατος τῶν πρὸ αὐτοῦ γενόμενος, τοῖς ἐν πάσῃ Αἰγύπτῳ κακὰ εἰργάσατο, ὕστερον δὲ μανίᾳ περιέπεσε καὶ ὑπὸ κροκοδείλου διεφθάρη.
Γεώργιος ὁ Σύγκελλος Δεκάτη δυναστεία Ἡρακλεοπολιτῶν βασιλέων ιθʹ, οἳ ἐβασίλευσαν ἔτη ρπεʹ.
Γεώργιος ὁ Σύγκελλος Δεκάτη δυναστεία Ἡρακλεοπολιτῶν βασιλέων ιθʹ, οἳ ἐβασίλευσαν ἔτη ρπεʹ.
Γεώργιος ὁ Σύγκελλος Ἑνδεκάτη δυναστεία Διοσπολιτῶν βασιλέων ιϛʹ, οἳ ἐβασίλευσαν ἔτη μγʹ. Μεθʼ οὓς Ἀμμενέμης ἔτη, ιϛʹ. Μέχρι τοῦδε τὸν πρῶτον τόμον καταγήοχε Μανεθῶ. Ὁμοῦ βασιλεῖς ρϙβʹ, ἔτη ͵βτʹ, ἡμέραι οʹ.
Γεώργιος ὁ Σύγκελλος Ἑνδεκάτη δυναστεία Διοσπολιτῶν βασιλέων ιϛʹ, οἳ ἐβασίλευσαν ἔτη μγʹ. Μεθʼ οὓς Ἀμμεμένης ἔτη ιϛʹ.
Μέχρι τοῦδε τὸν πρῶτον τόμον καταγήοχεν ὁ Μανεθῶ. Ὁμοῦ βασιλεῖς ρϙβʹ, ἔτη ͵βτʹ, ἡμέραι οθʹ
Γεώργιος ὁ Σύγκελλος Θηβαίων κγʹ ἐβασίλευσε Μυρταῖος, Ἀμμωνόδοτος, ἔτη κβʹ. Τοῦ δὲ κόσμου ἦν ἔτος ͵γφοϛʹ. Θηβαίων κδʹ ἐβασίλευσεν Θυωσιμάρης, κραταιὸς, ὅ ἐστιν ἥλιος, ἔτη ιβʹ. Τοῦ δὲ κόσμου ἦν ἔτος ͵γφϙηʹ. Θηβαίων κεʹ ἐβασίλευσε Σεθίνιλος, ὅ ἐστιν αὐξήσας τὸ πάτριον κράτος, ἔτη ηʹ. Τοῦ δὲ κόσμου ἦν ἔτος ͵γχιʹ. Θηβαίων κϛʹ ἐβασίλευσε Σεμφρουκράτης, ὅ ἐστιν Ἡρακλῆς Ἁρποκράτης, ἔτη ιηʹ. Τοῦ δὲ κόσμου ἦν ἔτος ͵γχιηʹ. Θηβαίων κζʹ ἐβασίλευσε Χουθὴρ Ταῦρος, τύραννος, ἔτη ζʹ. Τοῦ δὲ κόσμου ἦν ἔτος ͵γχλϛʹ. Θηβαίων κηʹ ἐβασίλευσε Μευρὴς, φιλόσκορος, ἔτη ιβʹ. Τοῦ δὲ κόσμου ἦν ἔτος ͵γχμγʹ. Θηβαίων κθʹ ἐβασίλευσε Χωμαεφθά, κόσμος φιλήφαιστος, ἔτη ιαʹ. Τοῦ δὲ κόσμου ἦν ἔτος ͵γχνεʹ. Θηβαίων λʹ ἐβασίλευσε Σοικούνιος ὁχοτύραννος, ἔτη ξʹ. Τοῦ δὲ κόσμου ἦν ἔτος ͵γχξϛʹ. Θηβαίων λαʹ ἐβασίλευσε Πετεαθυρῆς, ἔτη ιϛʹ. Τοῦ δὲ κόσμου ἦν ἔτος ͵γψκϛʹ.
Γεώργιος ὁ Σύγκελλος Δευτέρου τόμου Μανεθῶ.
Δωδεκάτη δυναστεία Διοσπολιτῶν βασιλέων ἑπτά.
αʹ Σεσόγχοσις Ἀμμανέμου υἱὸς ἔτη μϛʹ.
βʹ Ἀμμανέμης ἔτη ληʹ, ὃς ὑπὸ τῶν ἰδίων εὐνούχων ἀνῃρέθη.
γʹ Σέσωστρις ἔτη μηʹ, ὃς ἅπασαν ἐχειρώσατο τὴν Ἀσίαν ἐν ἐνιαυτοῖς ἐννέα, καὶ τῆς Εὐρώπης τὰ μέχρι Θρᾴκης, πανταχόσε μνημόσυνα ἐγείρας τῆς τῶν ἐθνῶν σχέσεως ἐπὶ μὲν τοῖς γενναίοις ἀνδρῶν, ἐπὶ δὲ τοῖς ἀγεννέσι γυναικῶν μόρια ταῖς στήλαις ἐγχαράσσων, ὡς ὑπὸ Αἰγυπτίων μετὰ Ὄσιριν πρῶτον νομισθῆναι. δʹ Λαχάρης ἔτη ηʹ, ὃς τὸν ἐν Ἀρσινοΐτῃ λαβύρινθον ἑαυτῷ τάφον κατεσκεύασε. εʹ Ἀμερὴς ἔτη ηʹ. ϛʹ Ἀμενέμης ἔτη ηʹ. ζʹ Σκεμίοφρις, ἀδελφή, ἔτη δʹ. Ὁμοῦ ἔτη ρξʹ.
Γεώργιος ὁ Σύγκελλος Δωδεκάτη δυναστεία Διοσπολιτῶν βασιλέων ἑπτά. Ὧν ὁ πρῶτος Σεσόγχωσις Ἀμμενέμου υἱὸς ἔτη μϛʹ.
βʹ Ἀμμανέμης ἔτη ληʹ, ὃς ὑπὸ τῶν ἰδίων εὐνούχων ἀνῃρέθη.
γʹ Σέσωστρις ἔτη μηʹ, ὃς λέγεται γεγονέναι πηχῶν δʹ, παλαιστῶν γʹ, δακτύλων βʹ. Ὃς πᾶσαν ἐχειρώσατο τὴν Ἀσίαν ἐν ἐνιαυτοῖς ἐννέα, καὶ τῆς Εὐρώπης τὰ μέχρι Θρᾴκης, πανταχόσε μνημόσυνα ἐγείρας τῆς τῶν ἐθνῶν κατασχέσεως, ἐπὶ μὲν τοῖς γενναίοις ἀνδρῶν, ἐπὶ δὲ τοῖς ἀγεννέσι γυναικῶν μόρια ταῖς στήλαις ἐγχαράσσων, ὡς καὶ ὑπὸ τῶν Αἰγυπτίων μετὰ Ὄσιριν νομισθῆναι.
Μεθʼ ὃν Λάμαρις ἔτη ηʹ, ὃς τὴν ἐν Ἀρσενοΐτῃ λαβύρινθον ἑαυτῷ τάφον κατεσκεύασεν.
Οἱ δὲ τούτου διάδοχοι ἐπὶ ἔτη μβʹ, οἳ πάντες ἐβασίλευσαν ἔτεσι σμεʹ.
Θηβαίων λβʹ ἐβασίλευσεν Σταμμενεμῆς ἔτη κϛʹ. Τοῦ δὲ κόσμου ἦν ἔτος ͵γψμβʹ. Θηβαίων λγʹ ἐβασίλευσε Σταμμενεμῆς βʹ ἔτη κγʹ. Τοῦ δὲ κόσμου ἦν ἔτος γψξηʹ. Θηβαίων λδʹ ἐβασίλευσε Σιστοσιχέρμης, Ἡρακλῆς κραταιὸς ἔτη νγʹ. Τοῦ δὲ κόσμου ἦν ἔτος ͵γψϙαʹ. Θηβαίων λεʹ ἐβασίλευσε Μάρης, ἔτη μγʹ. Τοῦ δὲ κόσμου ἦν ἔτος ͵γωμϛʹ.
Γεώργιος ὁ Σύγκελλος Τρισκαιδεκάτη δυναστεία Διοσπολιτῶν βασιλέων ξʹ, οἳ ἐβασίλευσαν ἔτη υνγʹ.
Γεώργιος ὁ Σύγκελλος Θηβαίων λϛʹ ἐβασίλευσε Σιφόας, υἱὸς Ἡφαίστου, ἔτη εʹ. Τοῦ δὲ κόσμου ἦν ἔτος ͵γωπθʹ
Θηβαίων λζʹ ἐβασίλευσε Φρουορῶ ἤτοι Νεῖλος, ἔτη εʹ. Τοῦ δὲ κόσμου ἦν ἔτος ͵γωγωπθʹ. Θηβαίων ληʹ ἐβασίλευσε Ἀμουθαρταῖος, ἔτη ξγʹ. Τοῦ δὲ κόσμου ἦν ἔτος ͵γϡιγʹ.
Γεώργιος ὁ Σύγκελλος Τεσσαρεσκαιδεκάτη δυναστεία Ξοϊτῶν βασιλέων οϛʹ, οἳ ἐβασίλευσαν ἔτη ρπδʹ.
Γεώργιος ὁ Σύγκελλος Τεσσαρεσκαιδεκάτη δυναστεία Ξοϊτῶν βασιλέων οϛʹ, οἳ ἐβασίλευσαν ἔτη ρπδʹ· ἐν ἄλλῳ υπδʹ.
Ἰώσηπος ὁ ἱστορικός Μανεθὼν δʼ ἦν τὸ γένος ἀνὴρ Αἰγύπτιος, τῆς Ἑλληνικῆς μετεσχηκὼς παιδείας, ὡς δῆλός ἐστι· γέγραφε γὰρ Ἑλλάδι φωνῇ τὴν πάτριον ἱστορίαν, ἔκ τε τῶν ἱερῶν, ὥς φησιν αὐτὸς, μεταφράσας καὶ πολλὰ τὸν Ἡρόδοτον ἐλέγχει τῶν Αἰγυπτιακῶν ὑπʼ ἀγνοίας ἐψευσμένον. Αὐτὸς δὴ τοίνυν ὁ Μανεθὼν ἐν τῇ δευτέρᾳ τῶν Αἰγυπτιακῶν ταῦτα περὶ ἡμῶν γράφει — παραθήσομαι δὲ τὴν λέξιν αὐτοῦ, καθάπερ αὐτὸν ἐκεῖνον παραγαγὼν μάρτυρα·
«Ἐγένετο βασιλεὺς ἡμῖν Τίμαος ὄνομα· ἐπὶ τούτου οὐκ οἶδʼ ὅπως ὁ θεὸς ἀντέπνευσεν, καὶ παραδόξως ἐκ τῶν πρὸς ἀνατολὴν μερῶν ἄνθρωποι τὸ γένος ἄσημοι, καταθαρσήσαντες ἐπὶ τὴν χώραν ἐστράτευσαν, καὶ ῥᾳδίως ἀμαχητὶ ταύτην κατὰ κράτος εἷλον. Καὶ τοὺς ἡγεμονεύσαντας ἐν αὐτῇ χειρωσάμενοι τὸ λοιπὸν τάς τε πόλεις ὠμῶς ἐνέπρησαν καὶ τὰ ἱερὰ τῶν θεῶν κατέσκαψαν· πᾶσι δὲ τοῖς ἐπιχωρίοις ἐχθρότατά πως ἐχρήσαντο, τοὺς μὲν σφάζοντες, τῶν δὲ καὶ τὰ τέκνα καὶ γυναῖκας εἰς δουλείαν ἄγοντες. Πέρας δὲ καὶ βασιλέα ἕνα ἐξ αὐτῶν ἐποίησαν, ᾧ ὄνομα ἦν Σάλατις. Καὶ οὗτος ἐν τῇ Μέμφιδι κατεγίνετο, τήν τε ἄνω καὶ κάτω χώραν δασμολογῶν καὶ φρουρὰν ἐν τοῖς ἐπιτηδειοτάτοις καταλείπων τόποις. Μάλιστα δὲ καὶ τὰ πρὸς ἀνατολὴν ἠσφαλίσατο μέρη, προορώμενος Ἀσσυρίων, τότε μεῖζον ἰσχυόντων, ἐσομένην ἐπιθυμίαν τῆς αὐτῆς βασιλείας ἐφόδου. Εὑρὼν δὲ ἐν νομῷ τῷ Σεθροΐτῃ πόλιν ἐπικαιροτάτην, κειμένην μὲν πρὸς ἀνατολὴν τοῦ Βουβαστίτου ποταμοῦ, καλουμένην δʼ ἀπὸ τῆς ἀρχαίας θεολογίας Αὔαριν, ταύτην ἔκτισέ τε καὶ τοῖς τείχεσιν ὀχυρωτάτην ἐποίησεν, ἐνοικίσας αὐτῇ καὶ πλῆθος ὁπλιτῶν εἰς εἴκοσι καὶ τέσσαρας μυριάδας ἀνδρῶν πρὸς φυλακήν. Ἐνθάδε κατὰ θέρειαν ἤρχετο, τὰ μὲν σιτομετρῶν καὶ μισθοφορίαν παρεχόμενος, τὰ δὲ καὶ ταῖς ἐξοπλισίαις πρὸς φόβον τῶν ἔξωθεν ἐπιμελῶς γυμνάζων. Ἄρξας δʼ ἐννεακαίδεκα ἔτη τὸν βίον ἐτελεύτησεν. Μετὰ τοῦτον δὲ ἕτερος ἐβασίλευσε τέσσαρα καὶ τετταράκοντα ἔτη, καλούμενος Βηών. Μεθʼ ὃν ἄλλος Ἀπαχνὰς, ἓξ καὶ τριάκοντα ἔτη καὶ μῆνας ἑπτά. Ἔπειτα δὲ καὶ Ἄπωφις ἓν καὶ ἑξήκοντα, καὶ Ἰαννὰς πεντήκοντα καὶ μῆνα ἕνα. Ἐπὶ πᾶσι δὲ καὶ Ἄσσης ἐννέα καὶ τεσσαράκοντα καὶ μῆνας δύο. Καὶ οὗτοι μὲν ἓξ ἐν αὐτοῖς ἐγενήθησαν πρῶτοι ἄρχοντες, πολεμοῦντες ἀεὶ καὶ ποθοῦντες μᾶλλον τῆς Αἰγύπτου ἐξᾶραι τὴν ῥίζαν.»
«Ἐκαλεῖτο δὲ τὸ σύμπαν αὐτῶν ἔθνος ὝΚΣΩΣ, τοῦτο δέ ἐστι βασιλεῖς ποιμένες· τὸ γὰρ ὝΚ καθʼ ἱερὰν γλῶσσαν βασιλέα σημαίνει, τὸ δὲ ΣΩΣ ποιμήν ἐστι καὶ ποιμένες κατὰ τὴν κοινὴν διάλεκτον, καὶ οὕτω συντιθέμενον γίνεται ὝΚΣΩΣ.» Τινὲς δὲ λέγουσιν αὐτοὺς Ἄραβας εἶναι. Ἐν δʼ ἄλλῳ ἀντιγράφῳ, οὐ βασιλεῖς σημαίνεσθαι διὰ τῆς τοῦ ὝΚ προσηγορίας, ἀλλὰ τοὐναντίον αἰχμαλώτους δηλοῦσθαι ποιμένας· τὸ γὰρ ὝΚ πάλιν Αἰγυπτιστὶ καὶ τὸ ἍΚ δασυνόμενον αἰχμαλώτους ῥητῶς μηνύει. Καὶ τοῦτο μᾶλλον πιθανώτερόν μοι φαίνεται καὶ παλαιᾶς ἱστορίας ἐχόμενον.
Τούτους δὲ τοὺς προκατωνομασμένους βασιλέας τοὺς τῶν ποιμένων καλουμένων καὶ τοὺς ἐξ αὐτῶν γενομένους κρατῆσαι τῆς Αἰγύπτου φησὶν ἔτη πρὸς τοῖς πεντακοσίοις ἕνδεκα. Μετὰ ταῦτα δὲ τῶν ἐκ τῆς Θηβαΐδος καὶ τῆς ἄλλης Αἰγύπτου βασιλέων γενέσθαι φησὶν ἐπὶ τοὺς ποιμένας ἐπανάστασιν, καὶ πόλεμον αὐτοῖς συρραγῆναι μέγαν καὶ πολυχρόνιον. Ἐπὶ δὲ βασιλέως, ᾧ ὄνομα εἶναι Μισφραγμούθωσις, ἡττωμένους φησὶ τοὺς ποιμένας ὑπʼ αὐτοῦ ἐκ μὲν τῆς ἄλλης Αἰγύπτου πάσης ἐκπεσεῖν, κατακλεισθῆναι δʼ εἰς τόπον, ἀρουρῶν ἔχοντα μυρίων τὴν περίμετρον. Αὔαριν ὄνομα τῷ τόπῳ. Τοῦτον φησὶν ὁ Μανεθὼν ἅπαντα τείχει τε μεγάλῳ καὶ ἰσχυρῷ περιβαλεῖν τοὺς ποιμένας, ὅπως τήν τε κτῆσιν ἅπασαν ἔχωσιν ἐν ὀχυρῷ καὶ τὴν λείαν τὴν ἑαυτῶν. Τὸν δὲ Μισφραγμουθώσεως υἱὸν Θούθμωσιν ἐπιχειρῆσαι μὲν αὐτοὺς διὰ πολιορκίας ἑλεῖν κατὰ κράτος, ὀκτὼ καὶ τεσσαράκοντα μυριάσι προσεδρεύσαντα τοῖς τείχεσιν· ἐπεὶ δὲ τῆς πολιορκίας ἀπέγνω, ποιήσασθαι συμβάσεις, ἵνα τὴν Αἴγυπτον ἐκλιπόντες ὅποι βούλονται πάντες ἀβλαβεῖς ἀπέλθωσι. Τοὺς δὲ ἐπὶ ταῖς ὁμολογίαις πανοικεσίᾳ μετὰ τῶν κτήσεων οὐκ ἐλάττους μυριάδων ὄντας εἴκοσι καὶ τεσσάρων ἀπὸ τῆς Αἰγύπτου τὴν ἔρημον εἰς Συρίαν ὁδοιπορῆσαι. Φοβουμένους δὲ τὴν Ἀσσυρίων δυναστείαν — τότε γὰρ ἐκείνους τῆς Ἀσίας κρατεῖν —, ἐν τῇ νῦν Ἰουδαίᾳ καλουμένῃ πόλιν οἰκοδομησαμένους τοσαύταις μυριάσιν ἀνθρώπων ἀρκέσουσαν, Ἱεροσόλυμα ταύτην ὀνομάσαι.
Ἐν ἄλλῃ δέ τινι βίβλῳ τῶν Αἰγυπτιακῶν Μανεθὼν τοῦτό φησιν ἔθνος τοὺς καλουμένους ποιμένας αἰχμαλώτους ἐν ταῖς ἱεραῖς αὐτῶν βίβλοις γεγράφθαι, λέγων ὀρθῶς. Καὶ γὰρ τοῖς ἀνωτάτω προγόνοις ἡμῶν τὸ ποιμαίνειν πάτριον ἦν καὶ νομαδικὸν ἔχοντες τὸν βίον οὕτως ἐκαλοῦντο ποιμένες. Αἰχμάλωτοί τε πάλιν οὐκ ἀλόγως ὑπὸ τῶν Αἰγυπτίων ἀνεγράφησαν, ἐπειδήπερ ὁ πρόγονος ἡμῶν Ἰώσηπος ἑαυτὸν ἔφη πρὸς τὸν βασιλέα τῶν Αἰγυπτίων αἰχμάλωτον εἶναι, καὶ τοὺς ἀδελφοὺς εἰς τὴν Αἴγυπτον ὕστερον μετεπέμψατο, τοῦ βασιλέως ἐπιτρέψαντος. Ἀλλὰ περὶ μὲν τούτων κτλ.
Γεώργιος ὁ Σύγκελλος Πεντεκαιδεκάτη δυναστεία ποιμένων.
Ἦσαν δὲ Φοίνικες ξένοι βασιλεῖς ϛʹ, οἳ καὶ Μέμφιν εἷλον, οἳ καὶ ἐν τῷ Σεθροΐτῃ νομῷ πόλιν ἔκτισαν, ἀφʼ ἧς ὁρμώμενοι Αἰγυπτίους ἐχειρώσαντο. Ὧν πρῶτος Σαΐτης ἐβασίλευσεν ἔτη ιθʹ, ἀφʼ οὗ καὶ ὁ Σαΐτης νομός. βʹ Βνῶν ἔτη μδʹ. γʹ Παχνὰν ἔτη ξαʹ. δʹ Σταὰν ἔτη νʹ. εʹ Ἄρχλης ἔτη μθʹ. ϛʹ Ἄφοβις ἔτη ξαʹ. Ὁμοῦ ἔτη σπδʹ.
Γεώργιος ὁ Σύγκελλος Πεντεκαιδεκάτη δυναστεία Διοσπολιτῶν βασιλέων, οἳ ἐβασίλευσαν ἔτη σνʹ.
Γεώργιος ὁ Σύγκελλος Ἑκκαιδεκάτη δυναστεία ποιμένες ἄλλοι βασιλεῖς λβʹ· ἐβασίλευσαν ἔτη φιηʹ.
Γεώργιος ὁ Σύγκελλος Ἑκκαιδεκάτη δυναστεία Θηβαῖοι βασιλεῖς εʹ, οἳ καὶ ἐβασίλευσαν ἔτη ρϙʹ.
Γεώργιος ὁ Σύγκελλος Ἑπτακαιδεκάτη δυναστεία ποιμένες ἄλλοι βασιλεῖς μγʹ καὶ Θηβαῖοι ἢ Διοσπολῖται μγʹ.
Ὁμοῦ οἱ ποιμένες καὶ οἱ Θηβαῖοι ἐβασίλευσαν ἔτη ρναʹ.
Ἑπτακαιδεκάτη δυναστεία. Ποιμένες ἄλλοι βασιλεῖς εʹ, ἐβασίλευσαν ἔτη ρναʹ. Ὁμοῦ οἱ ποιμένες βασιλεῖς μγʹ καὶ Θηβαῖοι Διοσπολῖται νγʹ. Ὁμοῦ οἱ ποιμένες καὶ οἱ Θηβαῖοι ϙϛʹ.
Γεώργιος ὁ Σύγκελλος Ἑπτακαιδεκάτη δυναστεία ποιμένες ἦσαν ἀδελφοὶ Φοίνικες ξένοι βασιλεῖς, οἳ καὶ Μέμφιν εἷλον.
Ὧν πρῶτος Σαΐτης ἐβασίλευσεν ἔτη ιθʹ, ἀφʼ οὗ καὶ ὁ Σαΐτης νομὸς ἐκλήθη, οἳ καὶ ἐν τῷ Σεθροΐτῃ νομῷ πόλιν ἔκτισαν, ἀφʼ ἧς ὁρμώμενοι Αἰγυπτίους ἐχειρώσαντο. βʹ Βνῶν ἔτη μʹ. γʹ Ἄφωφις ἔτη ιδʹ. Μεθʼ ὃν Ἄρχλης ἔτη λʹ. Ὁμοῦ ἔτη ργʹ. Κατὰ τούτους Αἰγυπτίων βασιλεὺς Ἰωσὴφ δείκνυται.
Πλατωνικὴ ὑπόμνησις Σαϊτικός Ἐκ τῶν Μανεθὼ Αἰγυπτιακῶν. Ἑπτακαιδεκάτη δυναστεία ἦσαν ἀδελφοὶ Φοίνικες ξένοι βασιλεῖς, οἳ καὶ Μέμφιν εἷλον, ὧν πρῶτος Σαΐτης ἐβασίλευσεν ἔτη ιθʹ, ἀφʼ οὗ καὶ ὁ Σαΐτης νομὸς ἐκλήθη· οἳ καὶ ἐν τῷ Σεθρωΐτῃ νομῷ πόλιν ἔκτισαν, ἀφʼ ἧς ὁρμώμενοι Αἰγυπτίους ἐχειρώσαντο. Δεύτερος αὐτῶν Βνῶν ἔτη μʹ, τρίτος Ἀρχάρης ἔτη λʹ, τέταρτος Ἄφωφις ἔτη ιδʹ. Ὁμοῦ ργʹ. Ὁ δὲ Σαΐτης προσέθηκε τῷ μηνὶ ὥρας ιβʹ, ὡς εἶναι ἡμερῶν λʹ, καὶ τῷ ἐνιαυτῷ ἡμέρας ϛʹ, καὶ γέγονε ἡμερῶν τξεʹ.
κϛʹ Σιλίτης ἔτη ιθʹ πρῶτος τῶν ϛʹ τῆς ιζʹ δυναστείας παρὰ Μανεθῷ .........
κζʹ Βαίων ἔτη μδʹ ........
κηʹ Ἀπαχνᾶς ἔτη λϛʹ ........
κθʹ Ἄφωφις ἔτη ξαʹ .........
λʹ Σέθως ἔτη νʹ .......... λαʹ Κήρτως ἔτη κθʹ .......... κατὰ δὲ τὸν Μανεθῶ ἔτη μδʹ λβʹ Ἀσὴθʼ ἔτη κʹ ...........
— —
Οὗτος προσέθηκε τῶν ἐνιαυτῶν τὰς εʹ ἐπαγομένας, καὶ ἐπὶ αὐτοῦ, ὥς φασιν, ἐχρημάτισεν τξεʹ ἡμερῶν ὁ Αἰγυπτιακὸς ἐνιαυτὸς τξʹ μόνον ἡμερῶν πρὸ τούτου μετρούμενος. Ἐπὶ αὐτοῦ ὁ μόσχος θεοποιηθεὶς Ἆπις ἐκλήθη.
Ἰώσηπος ὁ ἱστορικός Ἀλλὰ περὶ μὲν τούτων ἐν ἄλλοις ποιήσομαι τὴν ἐξέτασιν ἀκριβεστέραν. Νυνὶ δὲ τῆς ἀρχαιότητος ταύτης παρατίθεμαι τοὺς Αἰγυπτίους μάρτυρας. Πάλιν οὖν τὰ τοῦ Μανεθῶνος πῶς ἔχει πρὸς τὴν τῶν χρόνων τάξιν ὑπογράψω. Φησὶ δὲ οὕτω· «Μετὰ τὸ ἐξελθεῖν ἐξ Αἰγύπτου τὸν λαὸν τῶν ποιμένων εἰς Ἱεροσόλυμα ὁ ἐκβαλὼν αὐτοὺς ἐξ Αἰγύπτου βασιλεὺς Τέθμωσις ἐβασίλευσε μετὰ ταῦτα ἔτη εἴκοσι πέντε καὶ μῆνας τέσσαρας, καὶ ἐτελεύτησε, καὶ παρέλαβε τὴν ἀρχὴν αὐτοῦ υἱὸς Χέβρων ἔτη τρισκαίδεκα. Μεθʼ ὃν Ἀμένωφις εἴκοσι καὶ μῆνας ἑπτά. Τοῦ δὲ ἀδελφὴ Ἀμεσσὶς εἴκοσι ἓν καὶ μῆνας ἐννέα. Τῆς δὲ Μήφρης δώδεκα καὶ μῆνας ἐννέα. Τοῦ δὲ Μηφραμούθωσις εἴκοσι πέντε καὶ μῆνας δέκα. Τοῦ δὲ Θμῶσις ἐννέα καὶ μῆνας ὀκτώ. Τοῦ δʼ Ἀμένωφις τριάκοντα καὶ μῆνας δέκα Τοῦ δὲ Ὦρος τριάκοντα ἓξ καὶ μῆνας πέντε. Τοῦ δὲ θυγάτηρ Ἀκεγχρὴς δώδεκα καὶ μῆνα ἕνα. Τῆς δὲ Ῥάθωτις ἀδελφὸς ἐννέα. Τοῦ δὲ Ἀκεγχήρης δώδεκα καὶ μῆνας πέντε. Τοῦ δʼ Ἀκεγχήρης ἕτερος δώδεκα καὶ μῆνας τρεῖς. Τοῦ δὲ Ἄρμαϊς τέσσαρα καὶ μῆνα ἕνα. Τοῦ δὲ Ῥαμέσσης ἓν καὶ μῆνας τέσσαρας. Τοῦ δὲ Ἀρμέσσης Μιαμμοῦ ἑξήκοντα ἓξ καὶ μῆνας δύο. Τοῦ δὲ Ἀμένωφις δέκα καὶ ἐννέα καὶ μῆνας ἕξ. Τοῦ δὲ Σέθωσις ὁ καὶ Ῥαμέσσης, ἱππικὴν καὶ ναυτικὴν ἔχων δύναμιν. Οὗτος τὸν μὲν ἀδελφὸν Ἄρμαϊν ἐπίτροπον τῆς Αἰγύπτου κατέστησε, καὶ πᾶσαν μὲν αὐτῷ τὴν ἄλλην βασιλικὴν περιέθηκεν ἐξουσίαν, μόνον δὴ ἐνετείλατο διάδημα μὴ φορεῖν, μηδὲ τὴν βασιλίδα μητέρα τε τῶν τέκνων ἀδικεῖν, ἀπέχεσθαι δὲ καὶ τῶν ἄλλων βασιλικῶν παλλακίδων. Αὐτὸς δὲ ἐπὶ Κύπρον καὶ Φοινίκην καὶ πάλιν Ἀσσυρίους τε καὶ Μήδους στρατεύσας, ἅπαντας, τοὺς μὲν δόρατι, τοὺς δὲ ἀμαχητὶ, φόβῳ δὲ τῆς πολλῆς δυνάμεως, ὑποχειρίους ἔλαβε. Καὶ μέγα φρονήσας ἐπὶ ταῖς εὐπραγίαις, ἔτι καὶ θαρσαλεώτερον ἐπορεύετο, τὰς πρὸς ἀνατολὰς πόλεις τε καὶ χώρας καταστρεφόμενος. Χρόνου τε ἱκανοῦ γεγονότος, Ἄρμαϊς ὁ καταλειφθεὶς ἐν Αἰγύπτῳ πάντα τοὔμπαλιν οἷς ἀδελφὸς παρῄνει μὴ ποιεῖν ἀδεῶς ἔπραττεν· καὶ γὰρ τὴν βασιλίδα βιαίως ἔσχε, καὶ ταῖς ἄλλαις παλλακίσιν ἀφειδῶς διετέλει χρώμενος· πειθόμενος δὲ ὑπὸ τῶν φίλων διάδημα ἐφόρει, καὶ ἀντῇρε τῷ ἀδελφῷ. Ὁ δὲ τεταγμένος ἐπὶ τῶν ἱερῶν τῆς Αἰγύπτου γράψας βιβλίον ἔπεμψε τῷ Σεθώσει, δηλῶν αὐτῷ πάντα, καὶ ὅτι ἀντῇρεν ὁ ἀδελφὸς αὐτοῦ Ἄρμαϊς. Παραχρῆμα οὖν ὑπέστρεψεν εἰς Πηλούσιον, καὶ ἐκράτησε τῆς ἰδίας βασιλείας. Ἡ δὲ χώρα ἐκλήθη ἀπὸ τοῦ αὐτοῦ ὀνόματος Αἴγυπτος. Λέγει γὰρ ὅτι ὁ μὲν Σέθωσις ἐκαλεῖτο Αἴγυπτος, Ἄρμαϊς δὲ ὁ ἀδελφὸς αὐτοῦ Δαναός.»
ιϛʹ. Ταῦτα μὲν ὁ Μανεθών. Δῆλον δέ ἐστιν ἐκ τῶν εἰρημένων ἐτῶν τοῦ χρόνου συλλογισθέντος ὅτι οἱ καλούμενοι ποιμένες, ἡμέτεροι δὲ πρόγονοι, τρισὶ καὶ ἐνενήκοντα καὶ τριακοσίοις πρόσθεν ἔτεσιν ἐκ τῆς Αἰγύπτου ἀπαλλαγέντες τὴν χώραν ταύτην ἐπῴκησαν ἢ Δαναὸν εἰς Ἄργος ἀφικέσθαι. Καίτοι τοῦτον ἀρχαιότατον Ἀργεῖοι νομίζουσι. Δύο τοίνυν ὁ Μανεθὼν ἡμῖν τὰ μέγιστα μεμαρτύρηκεν ἐκ τῶν παρʼ Αἰγυπτίοις γραμμάτων· πρῶτον μὲν τὴν ἑτέρωθεν ἄφιξιν εἰς Αἴγυπτον, ἔπειτα δὲ τὴν ἐκεῖθεν ἀπαλλαγὴν, οὕτως ἀρχαίαν τοῖς χρόνοις, ὡς ἐγγύς που προτερεῖν αὐτὴν τῶν Ἰλιακῶν ἔτεσι χιλίοις. Ὑπὲρ ὧν δʼ ὁ Μανεθὼν οὐκ ἐκ τῶν παρʼ Αἰγυπτίοις γραμμάτων, ἀλλʼ ὡς αὐτὸς ὡμολόγησεν, ἐκ τῶν ἀδεσπότως μυθολογουμένων προστέθεικεν ὕστερον ἐξελέγξω κατὰ μέρος, ἀποδεικνὺς τὴν ἀπίθανον αὐτοῦ ψευδολογίαν.
Ἰώσηππος δὲ ἐν τῷ δευτέρῳ πρὸς ἔλεγχον Ἀπίωνος λόγῳ περὶ τῆς ἐξ Αἰγύπτου πορείας τοῦ λαοῦ γενομένης ἱστορῶν ἐπὶ τοῦ ιβʹ μετὰ τοὺς προγραφέντας κεʹ, τοῦτʼ ἔστι ἐπὶ τοῦ Μισφραγμουθώσεως ἤτοι Φαραὼ, ϛʹ βασιλέως Αἰγύπτου, κατὰ τὴν ιηʹ παρὰ τῷ Μανέθωνι δυναστείαν, λζʹ ὄντος ἀπὸ τοῦ Μεστραῒμ, χρόνον ἡμῖν ἐξέθετο Αἰγυπτίων βασιλέων κγʹ, ἐτῶν δὲ φϙδʹ, ἀρξάμενος ἀπὸ τοῦ κοσμικοῦ ͵γυοζʹ ἔτους καὶ λήξας εἰς τὸ ͵δοʹ ἔτος, οὐκ ἐν πᾶσιν ὁμοφωνήσας τῷ Μανεθῷ κατὰ τοὺς μερικοὺς τῶν βασιλέων χρόνους, οὔτε μὴν τελείως ἐν τῇ τούτων ὁμαδικῇ στοιχειώσει, ὡς δειχθήσεται ἐν τῇ πινακικῇ αὐτῶν στοιχειώσει ... Ἰστέον δὲ ὅτι οἱ παρὰ τῷ Ἰωσήππῳ οὗτοι κγʹ οἱ αὐτοί εἰσι τοῖς παρὰ Μανέθωνι ἐπὶ τῆς ιζʹ δυναστείας καὶ ιηʹ καὶ ιθʹ φερόμενοι ἐν χρόνοις φϙβʹ. Οὗτος γὰρ ἀρξάμενος ἀπὸ τοῦ ͵γυοεʹ ἔληξεν εἰς τὸ ͵δξζʹ ἔτος τοῦ κόσμου.
Θεόφιλος ὁ Ἀντιοχεύς Ὁ δὲ Μωσῆς ὡδήγησε τοὺς Ἰουδαίους, ὡς ἔφθημεν εἰρηκέναι, ἐκβεβλημένους ἀπὸ γῆς Αἰγύπτου ὑπὸ βασιλέως Φαραὼ οὗ τοὔνομα Τέθμωσις, ὃς, φασὶν, μετὰ τὴν ἐκβολὴν τοῦ λαοῦ ἐβασίλευσεν ἔτη εἴκοσι πέντε καὶ μῆνας δʹ, ὡς ὑφῄρηται Μαναιθῶς.
Καὶ μετὰ τοῦτον Χεβρῶν ἔτη ιγʹ.
Μετὰ δὲ τοῦτον Ἀμένωφις ἔτη κʹ, μῆνας ἑπτά.
Μετὰ δὲ τοῦτον ἡ ἀδελφὴ αὐτοῦ Ἀμέσση ἔτη καʹ, μῆνα αʹ.
Μετὰ δὲ ταύτην Μήφρης ἔτη ιβʹ, μῆνας θʹ.
Μετὰ δὲ τοῦτον Μηφραμούθωσις ἔτη κʹ, μῆνας ιʹ.
Καὶ μετὰ τοῦτον Τυθμώσης ἔτη θʹ, μῆνας ηʹ.
Καὶ μετὰ τοῦτον Ἀμένωφις ἔτη λʹ, μῆνας ιʹ.
Μετὰ δὲ τοῦτον Ὦρος, ἔτη λϛʹ, μῆνας εʹ.
Τούτου δὲ θυγάτηρ Ἀκεγχρὴς ἔτη ιβʹ, μῆνας αʹ.
Μετὰ δὲ ταύτην Ῥαθῶτις ἔτη θʹ.
Μετὰ δὲ τοῦτον Ἀκεγχήρης ἔτη ιβʹ, μῆνας εʹ.
Μετὰ δὲ τοῦτον Ἀκεγχήρης ἔτη ιβʹ, μῆνας γʹ.
Τοῦ δὲ Ἄρμαϊς, ἔτη δʹ, μῆνα αʹ.
Καὶ μετὰ τοῦτον Ῥαμέσσης ἐνιαυτὸν, μῆνας δʹ.
Καὶ μετὰ τοῦτον Ῥαμέσσης Μιαμμοὺ, ἔτη ξϛʹ καὶ μῆνας βʹ.
Καὶ μετὰ τοῦτον Ἀμένωφις ἔτη ιθʹ, μῆνας ϛʹ.
Τοῦ δὲ Σέθως ὃς καὶ Ῥαμέσσης ἔτη ιʹ, ὅν φασιν ἐσχηκέναι πολλὴν δύναμιν ἱππικῆς καὶ παράταξιν ναυτικῆς.
ΚΑΤΑ ΑΦΡΙΚΑΝΟΝ.
Ὀκτωκαιδεκάτη δυναστεία Διοσπολιτῶν βασιλέων ιϛʹ.
Ὧν πρῶτος Ἀμὼς, ἐφʼ οὗ Μωυσῆς ἐξῆλθεν ἐξ Αἰγύπτου, ὡς ἡμεῖς ἀποδεικνύομεν, ὡς δὲ ἡ παροῦσα ψῆφος ἀναγκάζει, ἐπὶ τούτου τὸν Μωυσέα συμβαίνει νέον ἔτι ὄντα. Δεύτερος κατὰ Ἀφρικανὸν κατὰ τὴν ιηʹ δυναστείαν ἐβασίλευσε Χεβρὼς ἔτη ιγʹ.
Τρίτος Ἀμενωφθὶς ἔτη κδʹ.
Τέταρτος Ἀμενσῒς. ἔτη κβʹ.
Πέμπτος Μίσαφρις ἔτη ιγʹ.
Ἕκτος Μισφραγμούθωσις ἔτη κϛʹ, ἐφʼ οὗ ὁ ἐπὶ Δευκαλίωνος κατακλυσμός.
Ὁμοῦ ἐπὶ Ἀμώσεως τοῦ καὶ Μισφραγμουθώσεως ἀρχῆς κατὰ Ἀφρικανὸν γίνονται ἔτη ξθʹ. Τοῦ γὰρ Ἀμὼς οὐδʼ ὅλως εἶπεν ἔτη. ζʹ. Τούθμωσις ἔτη θʹ. ηʹ. Ἀμενῶφις ἔτη λαʹ. Οὗτός ἐστιν ὁ Μέμνων εἶναι νομιζόμενος καὶ φθεγγόμενος λίθος. θʹ. Ὦρος ἔτη λζʹ. ιʹ. Ἀχερρῆς ἔτη λβʹ. ιαʹ. Ῥαθῶς ἔτη ἕξ. ιβʹ. Χεβρὴς ἔτη ιβʹ. ιγʹ. Ἀχερρῆς ἔτη ιβʹ. ιδʹ. Ἀρμεσσῆς ἔτη εʹ. ιεʹ. Ῥαμεσσῆς ἔτος αʹ. ιϛʹ. Ἀμενωφὰθ ἔτη ιθʹ. Ὁμοῦ ἔτη σξγʹ.
ΚΑΤʼ ΕΥΣΕΒΙΟΝ.Ὀκτωκαιδεκάτη δυναστεία Διοσπολιτῶν βασιλέων ιδʹ. Ὧν πρῶτος Ἄμωσις ἔτη κεʹ. βʹ Χεβρὼν δεύτερος ἔτη ιγʹ. γʹ Ἀμμενῶφις ἔτη καʹ. δʹ Μίφρης ἔτη ιβʹ. εʹ Μισφραγμούθωσις ἔτη κϛʹ. Ὁμοῦ ἀπʼ Ἀμώσεως τοῦ πρώτου τῆς προκειμένης ιηʹ δυναστείας ἕως Μισφραγμουθώσεως ἀρχῆς κατὰ Εὐσέβιον ἔτη γίγνονται οαʹ, βασιλεῖς πέντε ἀντὶ τῶν ἕξ· τὸν γὰρ τέταρτον Ἀμένσην παραδραμὼν, οὗ ὁ Ἀφρικανὸς καὶ οἱ λοιποὶ μέμνηνται, ἔτη κβʹ αὐτοῦ ἐκολόβωσεν. ϛʹ Τούθμωσις ἔτη θʹ. ζʹ Ἀμένωφις ἔτη λαʹ. Οὗτός ἐστιν ὁ Μέμνων εἶναι νομιζόμενος καὶ φθεγγόμενος λίθος. ηʹ Ὦρος ἔτη λϛʹ. θʹ Ἀχενχέρσης ἔτη ιϛʹ. Κατὰ τοῦτον Μωυσῆς τῆς ἐξ Αἰγύπτου πορείας τῶν Ἰουδαίων ἡγήσατο.
ιʹ Ἀχερρῆς ἔτη ηʹ.
ιαʹ Χερρῆς ἔτη ιεʹ.
ιβʹ. Ἄρμαϊς ὁ καὶ Δαναὸς ἔτη εʹ, μεθʼ ἃ ἐκ τῆς Αἰγύπτου ἐκπεσὼν καὶ φεύγων τὸν ἀδελφὸν Αἴγυπτον εἰς τὴν Ἑλλάδα ἀφικνεῖται, κρατήσας τε τοῦ Ἄργους βασιλεύει τῶν Ἀργείων. ιγʹ Ῥαμεσσῆς ὁ καὶ Αἴγυπτος, ἔτη ξηʹ.
ιδʹ Ἀμμένωφις ἔτη μʹ.
Ὁμοῦ ἔτη τμηʹ.
Προσέθηκεν ὑπὲρ τὸν Ἀφρικανὸν ἔτη πεʹ Εὐσέβιος κατὰ τὴν ιηʹ δυναστείαν.
Ἰώσηπος ὁ ἱστορικός Ἐφʼ ἑνὸς δὴ πρώτου στήσω τὸν λόγον ᾧ καὶ μάρτυρι μικρὸν ἕμπροσθεν τῆς ἀρχαιότητος ἐχρησάμην. Ὁ γὰρ Μανεθὼν οὗτος, ὁ τὴν Αἰγυπτιακὴν ἱστορίαν ἐκ τῶν ἱερῶν γραμμάτων μεθερμηνεύειν ὑπεσχημένος, προειπὼν τοὺς ἡμετέρους προγόνους πολλαῖς μυριάσιν ἐπὶ τὴν Αἴγυπτον ἐλθόντας κρατῆσαι τῶν ἐνοικούντων, εἶτʼ αὐτὸς ὁμολογῶν χρόνῳ πάλιν ὕστερον ἐκπεσόντας τὴν νῦν Ἰουδαίαν κατασχεῖν, καὶ κτίσαντες Ἱεροσόλυμα τὸν νεὼν κατασκευάσασθαι, μέχρι μὲν τούτων ἠκολούθησε ταῖς ἀναγραφαῖς, ἔπειτα δὲ δοὺς ἐξουσίαν αὑτῷ, διὰ τοῦ φάναι γράψειν τὰ μυθευόμενα καὶ λεγόμενα περὶ τῶν Ἰουδαίων, λόγους ἀπιθάνους παρενέβαλεν … ἀναμῖξαι βουλόμενος ἡμῖν Αἰγυπτίων πλῆθος λεπρῶν καὶ ἐπὶ ἄλλοις ἀρρωστήμασιν, ὥς φησι, φυγεῖν ἐκ τῆς Αἰγύπτου καταγνωσθέντων. Ἀμένωφιν γὰρ βασιλέα προσθεὶς, ψευδὲς ὄνομα … καὶ διὰ τοῦτο χρόνον αὐτοῦ τῆς βασιλείας ὁρίσαι μὴ τολμήσας, καίτοι γε ἐπὶ τῶν ἄλλων βασιλέων ἀκριβῶς τὰ ἔτη προστιθεὶς, τούτῳ προσάπτει τινὰς μυθολογίας, ἐπιλαθόμενος σχεδὸν ὅτι πεντακοσίοις ἔτεσι καὶ ὀκτωκαίδεκα πρότερον ἱστόρηκε γενέσθαι τὴν τῶν ποιμένων ἔξοδον εἰς Ἱεροσόλυμα· Τέθμωσις γὰρ ἦν βασιλεὺς ὅτε ἐξῄεσαν. Ἀπὸ δὲ τούτου τῶν μεταξὺ βασιλέων κατʼ αὐτόν ἐστι τριακόσια ἐνενήκοντα τρία ἔτη, μέχρι τῶν δύο ἀδελφῶν Σέθω καὶ Ἑρμαίου, ὧν τὸν μὲν Σέθων Αἴγυπτον, τὸν δὲ Ἕρμαιον Δαναὸν μετονομασθῆναί φησιν. Ὃν ἐκβαλὼν ὁ Σέθως ἐβασίλευσεν ἔτη νθʹ· καὶ μετʼ αὐτὸν ὁ πρεσβύτερος τῶν υἱῶν αὐτοῦ Ῥάμψης ξϛʹ. Τοσούτοις οὖν πρότερον ἔτεσιν ἀπελθεῖν ἐξ Αἰγύπτου τοὺς πατέρας ἡμῶν ὡμολογηκὼς, εἶτα τὸν Ἀμένωφιν εἰσποιήσας ἐμβόλιμον βασιλέα, φησὶ τοῦτον ἐπιθυμῆσαι θεῶν γενέσθαι θεατὴν, ὥσπερ Ὦρος εἷς τῶν πρὸ αὐτοῦ βεβασιλευκότων· ἀνενεγκεῖν δὲ τὴν ἐπιθυμίαν ὁμωνύμῳ μὲν αὐτῷ Ἀμενώφει, πατρὸς δὲ Παάπιος ὄντι, θείας δὲ δοκοῦντι μετεσχηκέναι φύσεως κατά τε σοφίαν καὶ πρόγνωσιν τῶν ἐσομένων. Εἰπεῖν οὖν αὐτῷ τοῦτον τὸν ὁμώνυμον ὅτι δυνήσεται θεοὺς ἰδεῖν, εἰ καθαρὰν ἀπό τε λεπρῶν καὶ τῶν ἄλλων μιαρῶν ἀνθρώπων τὴν χώραν ἅπασαν ποιήσειεν. Ἡσθέντα δὲ τὸν βασιλέα πάντας τοὺς τὰ σώματα λελωβημένους ἐκ τῆς Αἰγύπτου συναγαγεῖν — γενέσθαι δὲ τοῦ πλήθους μυριάδας ὀκτώ —, καὶ τούτους εἰς τὰς λιθοτομίας τὰς ἐν τῷ πρὸς ἀνατολὴν μέρει τοῦ Νείλου ἐμβαλεῖν αὐτὸν, ὅπως ἐργάζοιντο καὶ τῶν ἄλλων Αἰγυπτίων οἱ ἐγκεχωρισμένοι. Εἶναι δέ τινας ἐν αὐτοῖς καὶ τῶν λογίων ἱερέων φησὶ λέπρᾳ συγκεχυμένους. Τὸν δὲ Ἀμένωφιν ἐκεῖνον, τὸν σοφὸν καὶ μαντικὸν ἄνδρα, ὑποδεῖσαι πρὸς αὑτόν τε καὶ τὸν βασιλέα χόλον τῶν θεῶν, εἰ βιασθέντες ὀφθήσονται· καὶ προσθέμενον εἰπεῖν ὅτι συμμαχήσουσί τινες τοῖς μιαροῖς καὶ τῆς Αἰγύπτου κρατήσουσιν ἐπʼ ἔτη τρισκαίδεκα. Μὴ τολμῆσαι μὲν αὐτὸν εἰπεῖν ταῦτα τῷ βασιλεῖ, γραφὴν δὲ καταλιπόντα περὶ πάντων ἑαυτὸν ἀνελεῖν. Ἐν ἀθυμίᾳ δὲ εἶναι τὸν βασιλέα. Κἄπειτα κατὰ λέξιν οὕτω γέγραφεν· «Τῶν δὲ ταῖς λατομίαις ὡς χρόνος ἱκανὸς διῆλθεν ταλαιπωρούντων, ἀξιωθεὶς ὁ βασιλεὺς ἵνα πρὸς κατάλυσιν αὐτοῖς καὶ σκέπην ἀπομερίσῃ τὴν τότε τῶν ποιμένων ἐρημωθεῖσαν πόλιν, Αὔαριν συνεχώρησεν. Ἔστι δʼ ἡ πόλις κατὰ τὴν θεολογίαν ἄνωθεν Τυφώνιος. Οἱ δὲ εἰς ταύτην εἰσελθόντες καὶ τὸν τόπον τοῦτον εἰς ἀπόστασιν ἔχοντες ἡγεμόνα αὑτῶν λεγόμενόν τινα τῶν Ἡλιοπολιτῶν ἱερέων Ὁσάρσιφον ἐστήσαντο· καὶ τούτῳ πειθαρχήσοντες ἐν πᾶσιν ὡρκομότησαν. Ὁ δὲ πρῶτον μὲν αὐτοῖς νόμον ἔθετο μήτε προσκυνεῖν θεοὺς μήτε τῶν μάλιστα ἐν Αἰγύπτῳ θεμιστευομένων ἱερῶν ζῴων ἀπέχεσθαι μηδενὸς, πάντα τε θύειν καὶ ἀναλοῦν, συνάπτεσθαι δὲ μηδενὶ πλὴν τῶν συνωμοσμένων. Τοιαῦτα δὲ νομοθετήσας καὶ πλεῖστα ἄλλα, μάλιστα τοῖς Αἰγυπτίοις ἐθισμοῖς ἐναντιούμενα, ἐκέλευσε πολυχειρίᾳ τὰ τῆς πόλεως ἐπισκευάζειν τείχη, καὶ πρὸς πόλεμον ἑτοίμους γίνεσθαι τὸν πρὸς Ἀμένωφιν τὸν βασιλέα. Αὐτὸς δὲ προσλαβόμενος μεθʼ ἑαυτοῦ καὶ τῶν ἄλλων ἱερέων καὶ συμμεμιασμένων ἔπεμψε πρέσβεις πρὸς τοὺς ὑπὸ Τεθμώσεως ἀπελαθέντας ποιμένας εἰς πόλιν τὴν καλουμένην Ἱεροσόλυμα. Καὶ τὰ καθʼ ἑαυτὸν καὶ τοὺς ἄλλους τοὺς συνατιμασθέντας δηλώσας ἠξίου συνεπιστρατεύειν ὁμοθυμαδὸν ἐπʼ Αἴγυπτον. Ἐπάξειν μὲν οὖν αὐτοὺς ἐπηγγείλατο πρῶτον μὲν εἰς Αὔαριν τὴν προγονικὴν αὐτῶν πατρίδα, τὰ ἐπιτήδεια τοῖς ὄχλοις παρέξειν ἀφθόνως, ὑπερμαχήσεσθαι δὲ, ὅτε δέοι, καὶ ῥᾳδίως ὑποχείριον αὐτοῖς τὴν χώραν ποιήσειν. Οἱ δὲ ὑπερχαρεῖς γενόμενοι πάντες προθύμως εἰς εἴκοσι μυριάδας ἀνδρῶν συνεξώρμησαν, καὶ μετʼ οὐ πολὺ ἧκον εἰς Αὔαριν. Ἀμένωφις δʼ, ὁ τῶν Αἰγυπτίων βασιλεὺς, ὡς ἐπύθετο τὰ κατὰ τὴν ἐκείνων ἔφοδον, οὐ μετρίως συνεχύθη, τῆς παρʼ Ἀμενώφεως τοῦ Παάπιος μνησθεὶς προδηλώσεως. Καὶ πρότερον συναγαγὼν πλῆθος Αἰγυπτίων, καὶ βουλευσάμενος μετὰ τῶν ἐν τούτοις ἡγεμόνων, τά τε ἱερὰ ζῷα τὰ πρῶτα μάλιστα ἐν τοῖς ἱεροῖς τιμώμενα ὥς γʼ ἑαυτὸν μετεπέμψατο, καὶ τοῖς κατὰ μέρος ἱερεῦσιν παρήγγειλεν ὡς ἀσφαλέστατα τῶν θεῶν συγκρύψαι τὰ ξόανα. Τὸν δὲ υἱὸν Σέθων τὸν καὶ Ῥαμέσσην ἀπὸ Ῥάμψεως τοῦ πατρὸς ὠνομασμένον, πενταέτη ὄντα, ἐξέθετο πρὸς τὸν ἑαυτοῦ φίλον. Αὐτὸς δὲ διαβὰς τοῖς ἄλλοις. Αἰγυπτίοις, οὖσιν εἰς τριάκοντα μυριάδας ἀνδρῶν μαχιμωτάτων, καὶ τοῖς πολεμίοις ἀπαντήσασιν οὐ συνέβαλεν, ἀλλὰ μέλλειν θεομαχεῖν νομίσας, παλινδρομήσας ἧκεν εἰς Μέμφιν. Ἀναλαβών τε τόν τε Ἆπιν καὶ τὰ ἄλλα τὰ ἐκεῖσε μεταπεμφθέντα ἱερὰ ζῷα, εὐθὺς εἰς Αἰθιοπίαν σὺν ἅπαντι τῷ στόλῳ καὶ πλήθει τῶν Αἰγυπτίων ἀνήχθη. Χάριτι γὰρ ἦν αὐτῷ ὑποχείριος ὁ τῶν Αἰθιόπων βασιλεύς· ὅθεν ὑποδεξάμενος καὶ τοὺς ὄχλους πάντας ὑπολαβὼν οἷς ἔσχεν ἡ χώρα τῶν πρὸς ἀνθρωπίνην τροφὴν ἐπιτηδείων, καὶ πόλεις καὶ κώμας πρὸς τὴν τῶν πεπρωμένων τρισκαίδεκα ἐτῶν ἀπὸ τῆς ἀρχῆς αὐτοῦ ἔκπτωσιν αὐτάρκεις, οὐχ ἧττόν γε καὶ στρατόπεδον Αἰθιοπικὸν πρὸς φυλακὴν ἐπέταξε τοῖς παρʼ Ἀμενώφεως τοῦ βασιλέως ἐπὶ τῶν ὁρίων τῆς Αἰγύπτου. Καὶ τὰ μὲν κατὰ τὴν Αἰθιοπίαν τοιαῦτα. Οἱ δὲ Σολυμῖται κατελθόντες σὺν τοῖς μιαροῖς Αἰγυπτίων ἀνοσίως τοῖς ἀνθρώποις προσηνέχθησαν, ὥστε τὴν τῶν προειρημένων κράτησιν χειρίστην φαίνεσθαι τοῖς τότε τὰ τούτων ἀσεβήματα θεωμένοις. Καὶ γὰρ οὐ μόνον πόλεις καὶ κώμας ἐνέπρησαν, οὐδὲ ἱεροσυλοῦντες οὐδὲ λυμαινόμενοι ξόανα θεῶν ἠρκοῦντο, ἀλλὰ καὶ τοῖς αὐτοῖς ὀπτανίοις τῶν σεβαστευομένων ἱερῶν ζῴων χρώμενοι διετέλουν, καὶ θύτας καὶ σφαγεῖς τούτων ἱερεῖς καὶ προφήτας ἠνάγκαζον γίνεσθαι, καὶ γυμνοὺς ἐξέβαλον. Λέγεται δʼ ὅτι τὴν πολιτείαν καὶ τοὺς νόμους αὐτοῖς καταβαλόμενος ἱερεὺς, τὸ γένος Ἡλιουπολίτης, ὄνομα Ὀσαρσὶφ, ἀπὸ τοῦ ἐν Ἡλιουπόλει θεοῦ Ὀσίρεως, ὡς μετέβη εἰς τοῦτο τὸ γένος, μετετέθη τοὔνομα καὶ προσηγορεύθη Μωϋσῆς.»
κζʹ. Ἃ μὲν οὖν Αἰγύπτιοι φέρουσι περὶ τῶν Ἰουδαίων, ταῦτʼ ἐστὶ καὶ ἕτερα πλείονα, ἃ παρίημι συντομίας ἕνεκα. Λέγει δὲ ὁ Μανεθὼν πάλιν ὅτι μετὰ ταῦτα ἐπῆλθεν ὁ Ἀμένωφις ἀπὸ Αἰθιοπίας μετὰ μεγάλης δυνάμεως, καὶ ὁ υἱὸς αὐτοῦ Ῥάμψης καὶ αὐτὸς ἔχων δύναμιν· καὶ συμβαλόντες οἱ δύο τοῖς ποιμέσι καὶ τοῖς μιαροῖς, ἐνίκησαν αὐτοὺς, καὶ πολλοὺς ἀποκτείναντες ἐδίωξαν αὐτοὺς ἄχρι τῶν ὁρίων τῆς Συρίας. Ταῦτα μὲν καὶ τὰ τοιαῦτα Μανεθὼν συνέγραψεν· ὅτι δὲ ληρεῖ καὶ ψεύδεται περιφανῶς ἐπιδείξω.
Γεώργιος ὁ Σύγκελλος Ἐννεακαιδεκάτη δυναστεία βασιλέων ζʹ Διοσπολιτῶν. αʹ Σέθως ἔτη ναʹ. βʹ Ῥαψάκης ἔτη ξαʹ. γʹ Ἀμμενέφθης ἔτη κʹ. δʹ Ῥαμεσσῆς ἔτη ξʹ. εʹ Ἀμμενεμνῆς ἔτη εʹ. ϛʹ Θούωρις, ὁ παρʼ Ὁμήρῳ καλούμενος Πόλυβος, Ἀλκάνδρας ἀνὴρ, ἐφʼ οὗ τὸ Ἴλιον ἑάλω, ἔτη ζʹ.
Ὁμοῦ ἔτη σθʹ.
Ἐπὶ τοῦ αὐτοῦ δευτέρου τόμου Μανεθῶ βασιλεῖς ϙϛʹ.
Γεώργιος ὁ Σύγκελλος Ἐννεακαιδεκάτη δυναστεία βασιλέων εʹ Διοσπολιτῶν. αʹ Σέθως ἔτη νεʹ. βʹ Ῥαμψὴς ἔτη ξϛʹ. γʹ Ἀμμενεφθὴς ἔτη μʹ. δʹ Ἀμμενέμης ἔτη κϛʹ. εʹ Θούωρις, ὁ παρʼ Ὁμήρῳ καλούμενος Πόλυβος, Ἀλκάνδρας ἀνὴρ, ἐφʼ οὗ τὸ Ἴλιον ἑάλω, ἔτη ζʹ. Ὁμοῦ ἔτη ρϙδʹ. Ἐπὶ τὸ αὐτὸ βʹ τόμου Μανεθῶ βασιλέων ϙβʹ ἔτη ͵αρκαʹ.
Γεώργιος ὁ Σύγκελλος ΚΑΤΑ ΑΦΡΙΚΑΝΟΝ
τρίτου τόμου Μανεθῶ. Εἰκοστὴ δυναστεία βασιλέων Διοσπολιτῶν ιβʹ, οἳ ἐβασίλευσαν ἔτη ρλεʹ. ΚΑΤʼ ΕΥΣΕΒΙΟΝ.
Εἰκοστὴ δυναστεία βασιλέων Διοσπολιτῶν ιβʹ, οἳ ἐβασίλευσαν ἔτη ροηʹ.
Γεώργιος ὁ Σύγκελλος Πρώτη καὶ εἰκοστὴ δυναστεία βασιλέων Τανιτῶν ζʹ. αʹ Σμενδῆς ἔτη κϛʹ. βʹ Ψουσέννης ἔτη μϛʹ. γʹ Νεφερχερὴς ἔτη δʹ. δʹ Ἀμενωφθὶς ἔτη θʹ. εʹ Ὀσοχὼρ ἔτη ϛʹ. ϛʹ Ψιναχῆς ἔτη θʹ. ζʹ Ψουσέννης ἔτη ιδʹ. Ὁμοῦ ἔτη ρλʹ.
Γεώργιος ὁ Σύγκελλος Εἰκοστὴ πρώτη δυναστεία βασιλέων Τανιτῶν ἑπτά. αʹ Σμένδις ἔτη κϛʹ. βʹ Ψουσέννης ἔτη μαʹ. γʹ Νεφερχερὴς ἔτη δʹ. δʹ Ἀμενωφθὶς ἔτη θʹ. εʹ Ὀσοχὼρ ἔτη ϛʹ. ϛʹ Ψιναχῆς ἔτη θʹ. ζʹ Ψουσέννης ἔτη λεʹ. Ὁμοῦ ἔτη ρλʹ.
Γεώργιος ὁ Σύγκελλος Εἰκοστὴ δευτέρα δυναστεία Βουβαστιτῶν βασιλέων θʹ. αʹ Σέσωγχις ἔτη καʹ. βʹ Ὀσορθὼν ἔτη ιεʹ. γʹ δʹ εʹ Ἄλλοι τρεῖς ἔτη κεʹ ϛʹ Τακέλωθις ἔτη ιγʹ. ζʹ ηʹ θʹ Ἄλλοι τρεῖς ἔτη μβʹ. Ὁμοῦ ἔτη ρκʹ.
Γεώργιος ὁ Σύγκελλος Εἰκοστὴ δευτέρα δυναστεία Βουβαστιτῶν βασιλέων τριῶν. αʹ Σεσώγχωσις ἔτη καʹ. βʹ Ὀσορθὼν ἔτη ιεʹ. γʹ Τακέλωθις ἔτη ιγʹ. Ὁμοῦ μθʹ.
Γεώργιος ὁ Σύγκελλος Τρίτη καὶ εἰκοστὴ δυναστεία Τανιτῶν βασιλέων δʹ.
αʹ. Πετουβάτης ἔτη μʹ, ἐφʼ οὗ Ὀλυμπιὰς ἤχθη πρώτη.
βʹ. Ὀσορχὼ ἔτη ηʹ, ὃν Ἡρακλέα Αἰγύπτιοι καλοῦσι.
γʹ. Ψαμμοῦς ἔτη ιʹ.
δʹ. Ζὴτ ἔτη λαʹ.
Ὁμοῦ ἔτη πθʹ.
Γεώργιος ὁ Σύγκελλος Εἰκοστὴ τρίτη δυναστεία Τανιτῶν βασιλέων τριῶν. αʹ. Πετουβάστις ἔτη κεʹ. βʹ. Ὀσορθὼν ἔτη θʹ. γʹ. Ψαμμοῦς ἔτη ιʹ. Ὁμοῦ ἔτη μδʹ.
Γεώργιος ὁ Σύγκελλος Τετάρτη καὶ εἰκοστὴ δυναστεία.
Βόχχωρις Σαΐτης ἔτη ϛʹ· ἐφʼ οὗ ἀρνίον ἐφθέγξατο.
Γεώργιος ὁ Σύγκελλος Εἰκοστὴ τετάρτη δυναστεία.
Βόχχωρις Σαΐτης ἔτη μδʹ, ἐφʼ οὗ ἀρνίον ἐφθέγξατο. Ὁμοῦ ἔτη μδʹ.
Γεώργιος ὁ Σύγκελλος Πέμπτη καὶ εἰκοστὴ δυναστεία Αἰθιόπων βασιλέων τριῶν.
αʹ Σαβάκων, ὃς αἰχμάλωτον Βόχχωριν ἑλὼν ἔκαυσε ζῶντα, καὶ ἐβασίλευσεν ἔτη ηʹ. βʹ Σεβιχὼς υἱὸ ἔτη ιδʹ. γʹ Τάρκος ἔτη ιηʹ. Ὁμοῦ ἔτη μʹ.
Γεώργιος ὁ Σύγκελλος Εἰκοστὴ πέμπτη δυναστεία Αἰθιόπων βασιλέων τριῶν.
αʹ Σαβάκων, ὃς αἰχμάλωτον Βόχχωριν ἑλὼν ἔκαυσε ζῶντα, καὶ ἐβασίλευσε ἔτη ιβʹ. βʹ Σεβιχὼς υἱὸς ἔτη ιβʹ. γʹ Ταρακὸς ἔτη κʹ. Ὁμοῦ ἔτη μδʹ.
Γεώργιος ὁ Σύγκελλος Ἕκτη καὶ εἰκοστὴ δυναστεία Σαϊτῶν βασιλέων ἐννέα. αʹ Στεφινάτης ἔτη ζʹ. βʹ Νεχεψὼς ἔτη ϛʹ. γʹ Νεχαὼ ἔτη ηʹ. δʹ Ψαμμήτιχος ἔτη νδʹ. εʹ Νεχαὼ δεύτερος ἔτη ϛʹ. Οὗτος εἷλε τὴν Ἱερουσαλὴμκαὶ Ἰωάχαζ τὸν βασιλέα αἰχμάλωτον εἰς Αἴγυπτον ἀπήγαγε.
ϛʹ Ψάμμουθις ἕτερος ἔτη ἕξ.
ζʹ Οὔαφρις ἔτη ιθʹ, ᾧ προσέφυγον ἁλούσης ὑπὸ Ἀσσυρίων Ἱερουσαλὴμ οἱ τῶν Ἰουδαίων ὑπόλοιποι. ηʹ Ἄμωσις ἔτη μδʹ. θʹ Ψαμμεχερίτης μῆνας ϛʹ. Ὁμοῦ ἔτη ρνʹ καὶ μῆνας ϛʹ.
Γεώργιος ὁ Σύγκελλος Ἕκτη καὶ εἰκοστὴ δυναστεία Σαϊτῶν βασιλέων θʹ. αʹ Ἀμμέρις Αἰθίοψ ἔτη ιβʹ. βʹ Στεφινάθις ἔτη ζʹ. γʹ Νεχεψὼς ἔτη ϛʹ. δʹ Νεχαὼ ἔτη ηʹ. εʹ Ψαμμήτιχος ἔτη μεʹ. ϛʹ Νεχαὼ δεύτερος ἔτη ϛʹ. Οὗτος εἷλε κτλ. ζʹ Ψάμμουθις ἕτερος, ὁ καὶ Ψαμμήτιχος, ἔτη ιζʹ. ηʹ Οὔαφρις ἔτη κεʹ, ᾧ προσέφυγον κτλ. θʹ Ἄμωσις ἔτη μβʹ. Ὁμοῦ ἔτη ρξγʹ.
Γεώργιος ὁ Σύγκελλος Ἑβδόμη καὶ εἰκοστὴ δυναστεία Περσῶν βασιλέων ηʹ. αʹ Καμβύσης ἔτει εʹ τῆς ἑαυτοῦ βασιλείας Περσῶν ἐβασίλευσεν Αἰγύπτου ἔτη ϛʹ. βʹ Δαρεῖος Ὑστάσπου ἔτη λϛʹ. γʹ Ξέρξης ὁ μέγας ἔτη καʹ. δʹ Ἀρτάβανος μῆνας ζʹ. εʹ Ἀρταξέρξης ἔτη μαʹ. ϛʹ Ξέρξης μῆνας δύο. ζʹ Σογδιανὸς μῆνας ζʹ. ηʹ Δαρεῖος Ξέρξου ἔτη ιθʹ. Ὁμοῦ ἔτη ρκδʹ, μῆνας δʹ.
Γεώργιος ὁ Σύγκελλος Εἰκοστὴ ἑβδόμη δυναστεία Περσῶν βασιλέων ηʹ. αʹ Καμβύσης ἔτει πέμπτῳ τῆς ἑαυτοῦ βασιλείας ἐβασίλευσεν Αἰγύπτου ἔτη γʹ. βʹ Μάγοι μῆνας ζʹ. γʹ Δαρεῖος ἔτη λϛʹ. δʹ Ξέρξης ὁ Δαρείου ἔτη καʹ. εʹ Ἀρταξέρξης ὁ μακρόχειρ ἔτη μʹ. ϛʹ Ξέρξης ὁ δεύτερος μῆνας βʹ. ζʹ Σογδιανὸς μῆνας ζʹ. ηʹ Δαρεῖος ὁ Ξέρξου ἔτη ιθʹ. Ὁμοῦ ἔτη ρκʹ καὶ μῆνας δʹ.
Γεώργιος ὁ Σύγκελλος Εἰκοστὴ ὀγδόη δυναστεία. Ἀμύρτεος Σαΐτης ἔτη ϛʹ.
Γεώργιος ὁ Σύγκελλος Εἰκοστὴ ὀγδόη δυναστεία. Ἀμυρταῖος Σαΐτης ἔτη ϛʹ.
Γεώργιος ὁ Σύγκελλος Ἐνάτη καὶ εἰκοστὴ δυναστεία. Μενδήσιοι βασιλεῖς δʹ. αʹ Νεφερίτης ἔτη ϛʹ. βʹ Ἄχωρις ἔτη ιγʹ. γʹ Ψάμμουθις ἔτος αʹ. δʹ Νεφερίτης μῆνας δʹ. Ὁμοῦ ἔτη κʹ, μῆνας δʹ.
Γεώργιος ὁ Σύγκελλος Εἰκοστὴ ἐνάτη δυναστεία. Μενδήσιοι βασιλεῖς δʹ. αʹ Νεφερίτης ἔτη ϛʹ. βʹ. Ἄχωρις ἔτη ιγʹ. γʹ Ψάμμουθις ἔτος αʹ. δʹ Νεφερίτης μῆνας δʹ. εʹ Μοῦθις ἔτος αʹ. Ὁμοῦ ἔτη καʹ καὶ μῆνας δʹ.
Γεώργιος ὁ Σύγκελλος Τριακοστὴ δυναστεία Σεβεννυτῶν βασιλέων τριῶν. αʹ Νεκτανέβης ἔτη ιηʹ. βʹ Τεὼς ἔτη βʹ. γʹ Νεκτανεβὸς ἔτη ιηʹ. Ὁμοῦ ἔτη ληʹ.
Γεώργιος ὁ Σύγκελλος Τριακοστὴ δυναστεία Σεβεννυτῶν βασιλέων τριῶν. αʹ Νεκτανέβης ἔτη ιʹ. βʹ. Τεὼς ἔτη βʹ. γʹ Νεκτανεβὸς ἔτη ηʹ. Ὁμοῦ ἔτη κʹ.
Γεώργιος ὁ Σύγκελλος Πρώτη καὶ τριακοστὴ δυναστεία Περσῶν βασιλέων τριῶν.
αʹ Ὦχος εἰκοστῷ ἔτει τῆς ἑαυτοῦ βασιλείας Περσῶν ἐβασίλευσεν Αἰγύπτου ἔτη βʹ. βʹ Ἀρσῆς ἔτη γʹ. γʹ Δαρεῖος ἔτη δʹ. Ὁμοῦ ἔτη τρίτου τόμου ͵ανʹ. Μέχρι τῶνδε Μανεθῶ.
Γεώργιος ὁ Σύγκελλος Τριακοστὴ πρώτη δυναστεία Περσῶν βασιλέων τριῶν.
αʹ. Ὦχος εἰκοστῷ ἔτει τῆς αὑτοῦ Περσῶν βασιλείας κρατεῖ τῆς Αἰγύπτου ἔτη ϛʹ.
βʹ. Μεθʼ ὃν Ἀρσῆς Ὤχου ἔτη δʹ.
γʹ. Μεθʼ ὃν Δαρεῖος ἔτη ἕξ· ὃν Ἀλέξανδρος ὁ Μακεδὼν καθεῖλε.
Ταῦτα τοῦ τρίτου Μανεθῶ.
Μέχρι τῶνδε Μανεθῶ.
ΙΕΡΑ ΒΙΒΛΟΣ.
Εὐσέβιος Πᾶσαν μὲν οὖν τὴν Αἰγυπτιακὴν ἱστορίαν εἰς πλάτος τῆς Ἑλλήνων μετείληφε φωνῆς ἰδίως τε τὰ περὶ τῆς κατʼ αὐτοὺς θεολογίας Μανεθῶς ὁ Αἰγύπτιος, ἔν τε ᾗ ἔγραψεν Ἱερᾷ βίβλῳ καὶ ἐν ἑτέροις αὐτοῦ συγγράμμασι.
Πλούταρχος Τῶν πολλῶν νομιζόντων ἴδιον παρʼ Αἰγυπτίοις ὄνομα τοῦ Διὸς εἶναι τὸν Ἀμοῦν, Μανεθὼς μὲν ὁ Σεβεννύτης τὸ κεκρυμμένον οἴεται καὶ τὴν κρύψιν ὑπὸ ταύτης δηλοῦσθαι τῆς φωνῆς.
Πλούταρχος Βεβῶνα δὲ τινὲς μὲν ἕνα τῶν Τυφῶνος ἑταίρων γεγονέναι λέγουσιν, Μανεθὼς δʼ αὐτὸν τὸν Τυφῶνα καὶ Βέβωνα καλεῖσθαι. Σημαίνει δὲ τοὔνομα κάθεξιν ἢ κώλυσιν, ὡς τοῖς πράγμασιν ὁδῷ βαδίζουσι καὶ πρὸς ὃ χρὴ φερομένοις, ἐνισταμένης τῆς τοῦ Τυφῶνος δυνάμεως.
Πλούταρχος Ἔοικε δὲ τούτοις καὶ τὰ Αἰγύπτια. Τὴν μὲν γὰρ Ἶσιν πολλάκις τῷ τῆς Ἀθηνᾶς ὀνόματι καλοῦσι, φράζοντι τοιοῦτον λόγον, ἦλθον ἀπʼ ἐμαυτῆς· ὅπερ ἐστὶν αὐτοκινήτου φορᾶς δηλωτικόν· ὁ δὲ Τυφὼν, ὥσπερ εἴρηται, Σὴθ καὶ Βέβων καὶ Σμὺ ὀνομάζεται, βίαιόν τινα καὶ κωλυτικὴν ἐπίσχεσιν, ὑπεναντίωσιν ἢ ἀναστροφὴν ἐμφαίνειν βουλομένων τῶν ὀνομάτων. Ἔτι τὴν σιδηρῖτιν λίθον, ὀστέον Ὥρου, Τυφῶνος δὲ τὸν σίδηρον, ὡς ἱστορεῖ Μανεθὼς, καλοῦσιν. Ὥσπερ γὰρ ὁ σίδηρος πολλάκις μὲν ἑλκομένῳ καὶ ἑπομένῳ πρὸς τὴν λίθον ὅμοιός ἐστι, πολλάκις δʼ ἀποστρέφεται καὶ ἀποκρούεται πρὸς τοὐναντίον, οὕτως ἡ σωτήριος καὶ ἀγαθὴ καὶ λόγον ἔχουσα τοῦ κόσμου κίνησις ἐπιστρέφεταί τε καὶ προσάγεται καὶ μαλακωτέραν ποιεῖ, πείθουσα τὴν σκληρίαν ἐκείνην καὶ τυφώνιον, εἶτʼ αὖθις ἀνασχεθεῖσα εἰς ἑαυτὴν ἀνέστρεψε καὶ κατέδυσεν εἰς τὴν ἀπορίαν.
Πτολεμαῖος δὲ ὁ Σωτὴρ ὄναρ εἶδε τὸν ἐν Σινώπῃ τοῦ Πλούτωνος κολοσσὸν, οὐκ ἐπιστάμενος, οὐδὲ ἑωρακὼς πρότερον, οἷος ἦν τὴν μορφὴν, κελεύοντα κομίσαι τὴν ταχίστην αὐτὸν εἰς Ἀλεξάνδρειαν. Ἀγνοοῦντι δʼ αὐτῷ καὶ ἀποροῦντι, ποῦ καθίδρυται, καὶ διηγουμένῳ τοῖς φίλοις τὴν ὄψιν, εὑρέθη πολυπλανὴς ἄνθρωπος, ὄνομα Σωσίβιος, ἐν Σινώπῃ φάμενος ἑωρακέναι τοιοῦτον κολοσσὸν, οἷον ὁ βασιλεὺς ἰδεῖν ἔδοξεν. Ἔπεμψεν οὖν Σωτέλη καὶ Διόνυσον, οἳ χρόνῳ πολλῷ καὶ μόλις, οὐκ ἄνευ μέντοι θείας προνοίας, … ἤγαγον ἐκκλέψαντες. Ἐπεὶ δὲ κομισθεὶς ὤφθη, συμβαλόντες οἱ περὶ Τιμόθεον τὸν ἐξηγητὴν καὶ Μανέθωνα τὸν Σεβεννύτην Πλούτωνος εἶναι ἄγαλμα, τῷ Κερβέρῳ τεκμαιρόμενοι καὶ τῷ δράκοντι, πείθουσι τὸν Πτολεμαῖον, ὡς ἑτέρου θεῶν οὐδενὸς, ἀλλὰ Σαράπιδός ἐστιν. Οὐ γὰρ ἐκεῖθεν οὕτως ὀνομαζόμενος ἧκεν, ἀλλʼ εἰς Ἀλεξάνδρειαν κομισθεὶς τὸ παρʼ Αἰγυπτίοις ὄνομα τοῦ Πλούτωνος ἐκτήσατο, τὸν Σάραπιν.
Κλαύδιος Αἰλιανός Ἀκούω δὲ καὶ Μανέθωνα τὸν Αἰγύπτιον, σοφίας εἰς ἄκρον ἐληλακότα ἄνδρα, εἰπεῖν, ὅτι γάλακτος ὑείου ὁ γευσάμενος ἀλφῶν ὑποπίμπλαται καὶ λέπρας· μισοῦσι δὲ ἄρα οἱ Ἀσιανοὶ πάντες τάδε τὰ πάθη. Πεπιστεύκασι δὲ Αἰγύπτιοι τὴν ὗν καὶ ἡλίῳ καὶ σελήνῃ ἐχθίστην εἶναι· ὅταν δὲ Αἰγύπτιοι πανηγυρίζωσι τῇ σελήνῃ, θύουσι αὐτῇ ἅπαξ τοῦ ἔτους ὗς, ἄλλοτε δὲ οὔτε ἐκείνῃ οὔτε ἄλλῳ τῳ τῶν θεῶν τόδε τὸ ζῷον ἐθέλουσι θύειν, ὡς μυσαρόν.
ΤΩΝ ΦΥΣΙΚΩΝ ΕΠΙΤΟΜΗ.
Λαέρτιος Διογένης Θεοὺς δʼ εἶναι ἥλιον καὶ σελήνην· τὸν μὲν Ὄσιριν, τὴν δʼ Ἶσιν καλουμένην. Αἰνίττεσθαί τε αὐτοὺς διά τε κανθάρου καὶ δράκοντος καὶ ἱέρακος καὶ ἄλλων, ὥς φησι Μανεθῶς ἐν τῇ τῶν Φυσικῶν Ἐπιτομῇ.
Εὐσέβιος Τὴν Ἶσιν φασὶ καὶ τὸν Ὄσιριν τὸν ἥλιον καὶ τὴν σελήνην εἶναι, καὶ Δία μὲν τὸ διὰ πάντων χωροῦν πνεῦμα, Ἥφαιστον δὲ τὸ πῦρ, τὴν δὲ γῆν Δήμητραν ἐπονομάσαι· Ὠκεανόν τε τὸ ὑγρὸν νομίζεσθαι παρʼ Αἰγυπτίοις καὶ τὸν παρʼ αὐτοῖς ποταμὸν Νεῖλον, ᾧ καὶ τὰς τῶν θεῶν ἀναθεῖναι γενέσεις· τὸν δὲ ἀέρα φασὶν αὐτοὺς προσαγορεύειν Ἀθηνᾶν. Τούτους δὲ τοὺς πέντε θεοὺς, τὸν Ἀέρα λέγω καὶ τὸ Ὕδωρ τό τε Πῦρ καὶ τὴν Γῆν καὶ τὸ Πνεῦμα, πᾶσαν τὴν οἰκουμένην ἐπιπορεύεσθαι, ἄλλοτε ἄλλως εἰς μορφὰς καὶ ἰδέας ἀνθρώπων τε καὶ παντοίων ζῴων σχηματιζομένους· καὶ τούτων ὁμωνύμως παρʼ αὐτοῖς Αἰγυπτίοις γεγονέναι θνητοὺς ἀνθρώπους, Ἥλιον καὶ Κρόνον καὶ Ῥέαν, ἔτι δὲ καὶ Δία καὶ Ἥραν καὶ Ἥφαιστον καὶ Ἑστίαν ἐπονομασθέντας. Γράφει δὲ καὶ τὰ περὶ τούτων πλατύτερον μὲν ὁ Μάνεθως, ἐπιτετμημένως δὲ ὁ Διόδωρος
ΠΕΡΙ ΕΟΡΤΩΝ.
Ἰωάννης ὁ Λυδός Ἰστέον δὲ, ὡς ὁ Μανέθων ἐν τῷ Περὶ ἑορτῶν λέγει τὴν ἡλιακὴν ἔκλειψιν πονηρὰν ἐπήρειαν ἀνθρώποις ἐπιφέρειν περὶ τῆς τὴν κενὴν καὶ τὸν στόμαχον.
Ἀθήναιος Νικόμαχος δʼ ἐν πρώτῳ περὶ ἑορτῶν Αἰγυπτίων φησί· «Τὸ δὲ κόνδυ ἐστὶ μὲν Περσικὸν, τὴν δὲ ἀρχὴν, ἣν Ἕρμιππος ὁ ἀστρολογικὸς, ὡς ὁ κόσμος, ἐξ οὗ τῶν θεῶν τὰ θαύματα καὶ τὰ καρπώσιμα γίνεσθαι ἐπὶ γῆς· διὸ ἐκ τούτου σπένδεσθαι.»
ΠΕΡΙ ΑΡΧΑΪΣΜΟΥ ΚΑΙ ΕΥΣΕΒΕΙΑΣ.
Πορφύριος Κατέλυσε δὲ καὶ ἐν Ἡλίου πόλει τῆς Αἰγύπτου τὸν τῆς ἀνθρωποκτονίας νόμον Ἄμωσις, ὡς μαρτυρεῖ Μανεθὼς ἐν τῷ Περὶ ἀρχαϊσμοῦ καὶ εὐσεβείας. Ἐθύοντο δὲ τῇ Ἥρᾳ· καὶ ἐδοκιμάζοντο καθάπερ οἱ ζητούμενοι καθαροὶ μόσχοι καὶ συσφραγιζόμενοι· ἐθύοντο δὲ τῆς ἡμέρας τρεῖς, ἀνθʼ ὧν κηρίνους ἐκέλευσεν ὁ Ἄμωσις τοὺς ἴσους ἀποτίθεσθαι.
Πορφύριος Πολλῶν δὲ λεγόντων εἰς ταῦτα τὰ ζῷα τὴν Τυφῶνος αὐτοῦ διάρασθαι ψυχὴν, αἰνίττεσθαι δόξειεν ἂν ὁ μῦθος, ὅτι πᾶσα φύσις ἄλογος καὶ θηριώδης τῆς κακοῦ δαίμονος γέγονε μοίρας, κἀκεῖνον ἐκμειλισσόμενοι καὶ παρηγοροῦντες περιέπουσι ταῦτα καὶ θεραπεύουσιν· ἂν δὲ πολὺς ἐμπίπτῃ καὶ χαλεπὸς αὐχμὸς, ἐπάγων ὑπερβαλλόντως ἢ νόσους ὀλεθρίους ἢ συμφορὰς ἄλλας παραλόγους καὶ ἀλλοκότους, ἔνια τῶν τιμωμένων οἱ ἱερεῖς ἀπάγοντες ὑπὸ σκότους μετὰ σιωπῆς καὶ ἡσυχίας, ἀπειλοῦσι καὶ δεδίττονται τοπρῶτον, ἂν δʼ ἐπιμένῃ, καθιεροῦσι καὶ σφάττουσιν, ὡς δή τινα κολασμὸν ὄντα τοῦ δαίμονος τοῦτον, ἢ καθαρμὸν ἄλλως μέγαν ἐπὶ μεγίστοις· καὶ γὰρ ἐν Εἰληθυίας πόλει ζῶντας ἀνθρώπους κατεπίμπρασαν, ὡς Μανεθὼς ἱστόρηκε, Τυφωνίους καλοῦντες, καὶ τὴν τέφραν αὐτῶν λικμῶντες ἠφάνιζον καὶ διέσπειρον. Ἀλλὰ τοῦτο μὲν ἐδρᾶτο φανερῶς καὶ καθʼ ἕνα καιρὸν ἐν ταῖς κυνάσιν ἡμέραις· αἱ δὲ τῶν τιμωμένων ζῴων καθιερεύσεις ἀπόρρητοι καὶ χρόνοις ἀτάκτοις πρὸς τὰ συμπίπτοντα γινόμεναι, τοὺς πολλοὺς λανθάνουσι, πλὴν ὅταν ταφὰς ἔχωσι, καὶ τῶν ἄλλων ἀναδεικνύντες ἔνια πάντων παρόντων συνεμβάλωσιν, οἰόμενοι τοῦ Τυφῶνος ἀντιλυπεῖν καὶ κολούειν τὸ ἡδόμενον.
ΠΕΡΙ ΚΑΤΑΣΚΕΥΗΣ ΚΥΦΙΩΝ.
Πλούταρχος Τὸ δὲ Κῦφι, μῖγμα μὲν ἑκκαίδεκα γενῶν γυντιθεμένων ἐστὶ, μέλιτος καὶ οἴνου καὶ σταφίδος καὶ κυπέρου, ῥητίνης τε καὶ ἀσφάλτου καὶ θρύου καὶ λαπάθου, πρὸς δὲ τούτοις, ἀρκευθίδων ἀμφοῖν — ὧν τὴν μὲν μείζονα, τὴν δὲ ἐλάττονα καλοῦσι — καὶ καρδαμώμου καὶ καλάμου, κτλ.
ΤΑ ΠΡΟΣ ἩΡΟΔΟΤΟΝ.
Ἐτυμολογικὸν τὸ Μέγα Λεοντοκόμος Τὸ λέων παρὰ τὸ λάω, τὸ θεωρῶ· ὀξυδερκέστατον γὰρ τὸ θηρίον, ὥς φησι Μανέθων ἐν τῷ Πρὸς Ἡρόδοτον· ὅτι οὐδέποτε καθεύδει ὁ λέων, τοῦτο δὲ ἀπίθανον.
Εὐστάθιος ὁ Θεσσαλονίκης Τινὲς λέγουσιν ὅτι ἐκ τοῦ λάω, τὸ βλέπω, γίνεται ὥσπερ ὁ λέων, οὕτω καὶ ὁ λὶς, κατὰ τὸν γραμματικὸν Ὦρον, ὡς ὀξυδερκὴς, καὶ ὅτι, ὥς φησι Μανέθων ἐν τοῖς Πρὸς Ἡρόδοτον, οὐ καθεύδει ὁ λέων.