Ε Ἐν τῶιδε δείξω πᾶσιν ἐγμαθεῖν σοφὴν Υ ὑμῖν πόλου σύνταξιν ἐμ βραχεῖ λόγωι, Δ δοὺς τῆσδε τέχνης εἰδέναι σαφῆ πέρι. Ο οὐθεὶς γάρ ἐστιν ἐνδεὴς γνώμης, ὅτωι Ξ ξένον φανεῖται, τῶιδʼ ἐὰν ξυνῆι καλῶς. Ο ὁ μὲν στίχος μείς ἐστι, γράμμα δʼ ἡμέρα Υ ὑμῖν, ἀριθμὸν δʼ ἴσον ἔχει τὰ γράμματα Τ ταῖς ἡμέραισιν, ἃς ἄγει μέγας χρόνος, Ε ἐνιαύσιον βροτοῖσι περίοδόν τʼ ἔχει Χ χρόνος διοικῶν ἀστέρων γνωρίσματα. Ν νικᾶι δὲ τούτων οὐθὲν ἕτερον, ἀλλʼ ἀεὶ Η ἥκει τὰ πάντα εἰς ταὐτόν, ὅταν ἔλθηι χρόνος. Ἄστρων διαστήματα.— — — —Εἰς ἀστέρος ἀετοῦ δύσιν ἡμέραι ... Εἰς ἰσημερίαν μεθοπωρινὴν ἡμέραι ... Εἰς στεφάνου ἐπιτολὴν ἡμέραι ... Εἰς Πλειάδων δύσιν ἡμέραι ... Εἰς τροπὰς χειμερινὰς ἡμέραι ... ΧΕΙΜΟΝ — —Εἰς ζεφύρου ἀρχὴν ἡμέραι ... Ἡλίου πορεία. Ὁ ἥλιος ἀπὸ τῆς χειμερινῆς πορείας πάλιν ποιεῖται ἐγ δεξιῶν τὴν πορείαν, ἕως ἂν ἔλθηι εἰς τὸν βορρᾶν, ἐν ἡμέραις ρπʹ. καὶ ποήσας ἐν τῶι βορρᾶι ἡμέρας δύο … ἐν ὧι ἂν τὰς θερινὰς τροπὰς ἀποδείξηι, ἀπὸ τοῦ βορρᾶ ποιεῖται τὴν πορείαν ὡς εἰς τὸν νότον κατὰ τὸν αὐτὸν τρόπον, ἕως ἂν ἔλθηι εἰς τὸν νότον, ἐν ἡμέραις ρπʹ. καὶ ποήσας ἐν τῶι νότωι ἡμέρας τρεῖς, ἐν ὧι ἂν πάλιν ἀποδείξηι τὰς χειμερινὰς τροπάς, ποιεῖ προσλαμβάνειν ἤδη τὴν ἡμέραν παρὰ τὴν νύκτα ἀπὸ τροπῶν χειμερινῶν, ἕως ἂν ἔλθηι ὁ ἥλιος εἰς τὸν ἀπηλιώτην, καὶ γίνεται ἐν τῶι ἀπηλιώτηι ἡ μὲν ἡμέρα τῆι νυκτὶ ἴση, ἰσημερία δὲ ἐαρινή. ἰὼν δὲ ἀπὸ τοῦ ἀπηλιώτου ὡς εἰς τὸν βορρᾶν ἐν ἡμέραις Ϟʹ, προσδίδωσιν πάλιν τῆι ἡμέραι παρὰ τῆς νυκτὸς ὥρας μεʹ, καὶ γίνεται ἐν τῶι βορρᾶι ἡ μὲν ἡμέρα ὡρῶν ιδʹ, ἡ δὲ νὺξ ὡρῶν ιʹ, καὶ τροπαὶ θεριναί. — Ἀποδείξας δὲ ὁ ἥλιος τὰς θερινὰς τροπὰς ποιεῖται τὴν πορείαν ὡς εἰς τὸν λίβα, ἐν ἡμέραις Ϟʹ, προσδιδοὺς πάλιν τῆι νυκτί, καὶ ἰσημερία μεθοπωρινή. τὴν δὲ ἐπὶ νότον πορείαν ποιούμενος ἐκ τοῦ λιβὸς ἐν ἡμέραις Ϟʹ, προσδίδωσιν πάλιν τῆι νυκτὶ παρὰ τῆς ἡμέρας ὥρας μεʹ, καὶ γίνεται ἐν τῶι νότωι ἡ μὲν νὺξ ὡρῶν ιδʹ, ἡ δὲ ἡμέρα ὡρῶν ιʹ, καὶ τροπαὶ χειμεριναί. — Ἀποδείξας δὲ ὁ ἥλιος τὰς θερινὰς καὶ χειμερινὰς τροπάς, καὶ τὰς ἐαρινὰς καὶ μεθοπωρινὰς ἰσημερίας, «ἀρχὴν ποιεῖται τοῦ καθʼ ἡμέραν δρόμου», ποτὲ μὲν τῆι νυκτὶ ποτὲ δὲ τῆι ἡμέραι προσδιδοὺς ἀεὶ τὸ προσῆκον τῆς ἡμέρας ͵απʹ. Τροπαὶ δὲ γίνονται τὸν τρόπον τοῦτον, διὰ τὸ ποτὲ μὲν τὴν νύκτα, ποτὲ δὲ τὴν ἡμέραν γίνεσθαι ὡρῶν ιδʹ, τὴν δὲ ὡρῶν ιʹ, — ὥστʼ εἶναι τὸ διαλλάσσον μεῖζον ἢ ἔλασσον ἑκατέρου μέρη δʹ. ταῦτʼ ἐστὶν ἃ τὴν κίνησιν λαμβάνει διʼ ἑξαμήνου, ποτὲ μὲν προσχωροῦντος τοῦ ἡλίου ποτὲ δʼ ἀναχωροῦντος ἐν τῆι δωδεκαμήνωι. διὸ οὐ συμφωνοῦσιν τοῖς ἀστρολόγοις αἱ ἡμέραι οὐδὲ οἱ ἑλληνικοὶ μῆνες. ἔστιν δὲ ὁ μὲν τοῦ ἡλίου ἐνιαυτὸς ἡ μερῶν τξεʹ, ὁ δὲ τῆς σελήνης ἐνιαυτὸς ἡμερῶν τνδʹ· τὰς γὰρ νουμηνίας οὐ φαίνει νύκτας ιβʹ, καὶ ἄλλας τοῦ ἐνιαυτοῦ ἡμέρας εʹ, — ὥστε ἐλλείπειν τὴν σελήνην τοῦ ἡλίου ἡμέρας ιαʹ. οἱ δὲ ἀστρολόγοι καὶ οἱ ἱερογραμματεῖς χρῶνται ταῖς κατὰ σελήνην ἡμέραις, καὶ ἄγουσι πανδημικὰς ἑορτὰς τινὰς μὲν ὡς ἐνομίσθη, τὰ δὲ καταχυτήρια καὶ κυνὸς ἀνατολὴν καὶ σεληναῖα κατὰ θεόν, ἀναλεγόμενοι τὰς ἡμέρας ἐκ τῶν Αἰγυπτίων· αὗται γὰρ οὔτε ὑπεξαιροῦνται οὔτε παρεμβάλλονται. δεῖ μὲν οὖν τὰς τοῦ ἡλίου καὶ τὰς τῆς σελήνης ἡμέρας ἀναλεγομένους κατὰ τετραετηρίδα ἀντιβάλλειν ταῖς κατὰ μῆνα, προστιθέντα καθʼ ἕτος ἡμέρας τέταρτον· ἐκ γὰρ τούτων αἱ γενέσεις καὶ ἀναγενέσεις διακρίνονται, πλὴν τῶν πλανωμένων. — Σελήνης πορεία. Ἀρχὴ πορείας τοῦ κατὰ σελήνην δρόμου. νουμηνίαν μὲν καὶ τέταρτον τῆς τρίτης φαίνει ʼπὶ πρώτου ζωιδίου· τοῦ δʼ ἐχομένου— τὰ προσόντα μόρια κἄτι πέμπτης ἥμισυ, ὥστε τὸ τρίτον τῆς ἑβδόμης προσλαμβάνειν ἥμισυ τέταρτον. —τὸ δὲ τέταρτον ζώιδιον ἐνάτην ἀπʼ ἠοῦς καὶ τὰ πρόσλοιπα μόρια. δεκάτης ἐπιφάει πέμπτον, ὅ καὶ προσλαμβάνει τῆς δωδεκάτης τέταρτον. ἕκτον ἐπιφάει τῆς τεσσαρακαιδεκάτης ἀπολιπὸν θἥμισυ. τὸ δʼ ἕβδομον ἕκτης καὶ δεκάτης τέταρτον ἓν λείπει. τὸ δʼ ὄγδουν ὀγδόης ἐπὶ δεκάτηι τὸ δʼ ἔνατον τῆς μιᾶς καὶ εἰκάδος τέταρτον ἓν ἐπιλαμβάνει. τὸ δέκατον, ἥμισυ δʼ ὑπεραίρει τῆς τρίτης ἐπʼ εἴκοσιν. — τὸ δʼ ἑνδέκατον ἐπιλαμβάνει ἥμισυ τέταρτον τῆς πεντεκαιεικοστῆς. τὸ δωδέκατον δὲ τῆς ἐπʼ εἴκοσιν ἑβδόμης κρύπτει τὸν ἱερὸν καὶ διʼ αἰῶνος δρόμον. τὰ δʼ ἐπόντα μόρια τῆι καταρχῆι προστιθεὶς ἅπαντʼ ἀνάλεξαι τὰ μέχρι τῆς τριακάδος, κἀρχὴ πορείας τοῦ κατὰ σελήνην δρόμου. —
κριός ταῦρος δίδυμοι καρκίνος λέων παρθένος χηλαί σκορπίος τοξότης αἰγόκερως ὑδροχόος ἰχθύες. ἑωσφόρος, Ἄρεως, Φαέθων ἰσόχρονος τῶι ἑωσφόρωι Σπέλβων, Φαίνων. Ἀστέρων πορεία τῶν εʹ πλανητῶν. Ἑωσφόρος ὁ τῆς Ἀφροδίτης λεγόμενος ἀστὴρ τὴν ἕλικα διεξέρχετʼ ἐν ἐνιαυτῶι, μησὶν τρισὶν καὶ ἡμέραις δʹ. ὁ αὐτὸς δὲ καὶ ἕσπερος τὸν αὐτὸν ἔχων δρόμον, τὴν αὐτὴν πορείαν ἰσοχρόνως, τῆι ὀνομασίαι διαλλάσσων. —
Στίλβων ὁ Ἑρμοῦ τὴν ἕλικα διεξέρχετʼ ἐν μησὶν τρισὶν καὶ εἴκοσιν ἓξ ἡμέραις. —
… —Πυροειδὴς τὸν ζωιδίων κύκλον διεξέρχετʼ ἐν ἔτεσιν βʹ. Φαέθων δʼ ὁ τοῦ Διὸς ἀστὴρ τὸν ζωιδίων κύκλον διεξέρχετʼ ἐν ἔτεσιν ιβʹ.
Φαίνων δʼ ὁ τοῦ Ἡλίου τὸν ζωιδίων κύκλον διεξέρχεται ἐν ἔτεσιν λʹ.
Οὐράνιος κύκλος σφαιροειδής. Νοείσθω ὁρίζων κύκλος ὁ δοκῶν συνάπτεσθαι κοινὸς τόπος τῆς γῆς καὶ τοῦ οὐρανοῦ καὶ τὸν κόσμον δίχα διαιρῶν—, τὰ μὲν ὑπὲρ γῆς, τὰ δʼ ὑπὸ γῆς. — Ἀεὶ δὲ φανερὸς ὁ μηδέποτε δύνων, ἐν ὧι εἰσὶν αἱ ἄρκτοι· ἀεὶ δὲ ἀφανὴς ὁ μηδέποτε ἐπιτέλλων. — Θερινὸς δὲ τροπικός, καθʼ ὃν ὁ ἥλιος φερόμενος τὴν μὲν ἡμέραν μακροτάτην ποεῖ—, τὴν δὲ νύκτα βραχυτάτην. —Χειμερινὸς δὲ τροπικός, καθʼ ὃν ὁ ἥλιος φερόμενος τὴν μὲν ἡμέραν βραχυτάτην ποιεῖ, τὴν δὲ νύκτα μακροτάτην. Ἰσημερινὸς δέ, κα θʼ ὃν ὁ ἥλιος φερόμενος ἴσην τὴν ἡμέραν τῆι νυκτὶ σημαίνει. — Ὁ δὲ τῶν ιβʹ ζωιδίων κύκλος, ἐν ὧι ὁ ἥλιος ἐνιαυτῶι διατρίβει. — ὁ δὲ τῆς σελήνης κύκλος, ὃν ἡ σελήνη διὰ τῶν ιβʹ ζωιδίων διεξέρχεται, ὑπὸ τῶι ἡλίωι φερομένη. πόλοι δʼ εἰσὶ τοῦ κόσμου δύο, περὶ οὓς ὁ κόσμος στρέφεται. ἡ δὲ γῆ σφαιροειδὴς οὖσα ἐν μέσωι τῶι κόσμωι κεῖται σφαιροειδεῖ ὄντι, καὶ οἱ πόλοι μένουσιν, περὶ οὓς ὁ κόσμος στρέφεται. Ἀπόδειξις. εἰ μὲγ γὰρ ὁ πόλος ἀνανεύσει ἢ κατανεύσει, αἱ ἄρκτοι δύσονται καὶ ἐπιτελοῦσιν· οὐ δύνουσιν δέ. εἰ δὲ πρὸς ἀνατολὰς ὁ πόλος νεύσει ἢ πρὸς δυσμάς, οὐκέτι τἀπλανῆ ἄστρα κατὰ τὸν αὐτὸν τόπον ἀνατελεῖ τῆς γῆς· ἀνατέλλει δέ. ὁ κόσμος ἄρα στρέφεται περὶ δύο πόλους μένοντας· ἔδει δὲ δεῖξαι. —
Οὐρανίου κόσμου τάξις. Κόσμος νοεῖται ἔκ τε γῆς καὶ σελήνης καὶ ἡλίου καὶ πέντε πλανητῶν ἀστέρων καὶ ἀπλανῶν— καὶ τοῦ περιέχοντος τὸν οὐρανὸν καὶ τὴν γῆν ἀέρος. ἀπλανεῖς δὲ λέγομεν ἀστέρας εἶναι, ὅτι συντηροῦσι τὰς τάξεις· τρίγωνα δὲ καὶ τετράγωνα καὶ κύκλους καὶ εὐθείας γραμμὰς τὰ ἄστρα συντηροῦσιν ἐν τῆι περιφορᾶι τῆς σφαίρας. — ὅ τε γὰρ τοῦ Ὠρίωνος ὦμος καὶ ὁ κύων καὶ ὁ προκύων τρίγωνόν τι νοεῖται, οἵ τε τοῦ Κηφέως ἀστέρες καὶ ὁ λαμπρὸς ἀστὴρ τῆς μικρᾶς ἄρκτου— ἄλλο τρίγωνον δηλοῖ. τετράγωνα δὲ οἱ ἀπὸ τοῦ ἵππου ἀστέρες καὶ ἀπὸ τῶν ἄρκτων. εὐθείας δὲ γραμμὰς οἱ— — καὶ οἱ ἀπὸ τῶν διδύμων πόδες. κύκλους δὲ οἱ ἀπὸ τοῦ στεφάνου ἀστέρες καὶ ἀπὸ τῆς κεφαλῆς τοῦ λέοντος. καθόλου δὲ τῶν ἄστρων οὐθὲν τὴν τάξιν μεταλλάσσει· οὔτε ὁ Ὠρίων ἀπὸ τῶν Πλειάδων μεθίσταται, νεύει δὲ καὶ ἀνατέλλει κατὰ τὰ αὐτά. — διὸ καὶ ἀπλανῆ νοεῖται τὰ ἄστρα ὄντα. —
Ἄστρων τάξις. Ἕκαστον τῶν ἀπλανῶν ἄστρων κύκλον περιφέρεται. περὶ γὰρ τὸν μένοντα πόλον ἕκαστον αὐτῶν τὸ ἴσον ἔχον περιφέρεται τῆι ἰδίαι διαστάσει· ὥστε κύκλον ἂν περιφέροιτο ἕκαστον αὐτῶν. —
Οἱ δὲ πλανώμενοι ἀστέρες καὶ σελήνη καὶ ἥλιος ἕλικα περιφέρονται. οὐ γὰρ τῆι ἰδίαι διαστάσει περιφέρονται περὶ τὸν μένοντα πόλον—, ἀλλʼ ὅταν μὲν ὦσι ἐν τῶι καρκίνωι, ἐν τῆι ἐλαχίστηι διαστάσει εἰσίν· ὅταν δʼ ἐν ταῖς χηλαῖς, ἐν μείζονι· ὅταν δʼ ἐν τῶι αἰγόκερωι, ἐν τῆι μεγίστηι. διὰ ταύτην οὖν τὴν αἰτίαν ἕλικα περιφέρονται πάντα τὰ πλανώμενα ἄστρα.
Οἱ δὲ ἀπλανεῖς ἀστέρες παραλλήλους τοὺς κύκλους περιφέρονται. ἐπεὶ γὰρ ἀπʼ ἀλλήλων ἴσον ἀπέχουσιν—, καὶ οἱ κύκλοι αὐτῶν ἴσον ἀφέξουσιν· ὅ ἐστιν παραλλήλους εἶναι τοὺς κύκλους. —
Ὅσοι τῶν ἀπλανῶν ἀστέρων ἅμα ἀνατέλλουσιν, οἱ πρὸς νότον πρότεροι δύνουσιν. τοῦ μὲν γὰρ χειμερινοῦ κύκλου πλέον ἐστὶν ἢ τὸ ἥμισυ ὑπὸ γῆς—, τοῦ δὲ ἰσημερινοῦ τὸ ἥμισυ, τοῦ δὲ θερινοῦ ἔλαττον ἢ τὸ ἥμισυ—· ὥστε τῶν ἅμα ἀνατελλόντων ἀστέρων πρότεροι δύνουσιν οἱ πρὸς νότον. —
Τῶν δὲ ἅμα δυνόντων ἀστέρων πρότεροι ἐπιτέλλουσιν οἱ πρὸς ἄρκτους τοῦ μὲν γὰρ θερινοῦ κύκλου ἔλαττόν ἐστιν ἢ τὸ ἥμισυ ὑπὸ γῆς, τοῦ δὲ ἰσημερινοῦ τὸ ἥμισυ—, τοῦ δὲ χειμερινοῦ τροπικοῦ πλεῖον ἢ τὸ ἥμισυ—· ὥστε τῶν ἅμα δυνόντων ἀστέρων πρότεροι ἐπιτέλλουσιν οἱ πρὸς ἄρκτους. —
Ὁ τῶν ζωιδίων κύκλος πρὸς νότον ἐγκέκλικεν τῆς ἡμετέρας οἰκήσεως, αἱ δὲ σκιαὶ πρὸς ἄρκτους. εἰ μὲν γὰρ ἔσται ὁ τῶν ζωιδίων κύκλος ὑπὲρ ἡμῶν, τὸ μέσον τῆς ἡμέρας οὐ ποιήσει σκιὰν ἡμῶν ὁ ἥλιος—· εἰ δὲ πρὸς ἄρκτους ἐγκλινεῖ, πρὸς νότον ἡμῶν αἱ σκιαί. οὐ πίπτουσιν δέ· ἄρα ὁ τῶν ζωιδίων κύκλος πρὸς νότον ἐγκέκλικεν τῆς ἡμετέρας οἰκήσεως, αἱ δὲ σκιαὶ πρὸς ἄρκτους. —
Ἡ σελήνη φέγγος ἴδιον οὐκ ἔχει, ἀλλʼ ἀπὸ τοῦ ἡλίου προσλαμβάνει. εἰ μὲν γὰρ εἶχεν φέγγος ἴδιον ἡ σελήνη, ἔδει αὐτῆς τὸ μὲν κατὰ πρόσωπον μέρος τοῦ ἡλίου ἀμαυρὸν εἶναι, τὸ δʼ ἐπίλοιπον λαμπρόν. νῦν δὲ ἐκ τῶν ἐναντίων τὸ μὲν κατὰ πρόσωπά ἐστιν αὐτῆς μέρος λαμπρόν, τὸ δʼ ἐπίλοιπον σκιερόν, ὅπερ γίνεται καὶ ἐπὶ τῆς γῆς— τῆς μὴ ἐχούσης ἴδιον φέγγος.
— Ἥλιος, Σελήνη. — Ἡ σελήνη σφαιροειδής ἐστιν. εἰ μὲν γὰρ ἦν δισκοειδής, αὐθημερὸν ἂν αὐτὴν κατέλαμψεν ὁ ἥλιος, γίνεται δὲ μετὰ πεντεκαίδεχʼ ἡμέρας λαμπρά· —ὥστε οὐκ ἂν εἴη δισκοειδὴς ἡ σελήνη εἰ δὲ ἔσται σκαφοειδὴς καὶ τὰ κοῖλα αὐτῆς ἐστραμμένα, οὐχ ἕξει τὸ πρὸς τῶι ἡλίωι αὐτῆς μέρος πρῶτον λαμπρόν. νῦν δὲ ἐκ τῶν ἐναντίων τὸ μὲν κατὰ τὸν ἥλιόν ἐστιν αὐτῆς μέρος πρῶτον λαμπρόν, τὸ δὲ λοιπὸν σκιερόν· ὅπερ γίνεται καὶ ἐπὶ τῆς γῆς τῆς μὴ ἐχούσης ἴδιον φέγγος. —
Ὁ μεὶς ὁ κατὰ σελήνην ἐστὶν ἡμερῶν κθ𐅵ʹ. ὁρμήσασα γὰρ ἡ σελήνη ἀπὸ τοῦ ἡλίου ἐπὶ τὸν ἥλιον παραγίνεται δὶς ἐν ἡμέραις νθʹ, ὅ ἐστιν δυεῖν μηνῶν χρόνος, ὥστʼ εἶναι ἂν τὸ ἥμισυ μηνὸς χρόνον, ἡμέρας κθ𐅵ʹ. —
Ὁ καθʼ ἥλιον ἐνιαυτὸς μῆνας ἔχει τοὺς κατὰ σελήνην ιβʹ καὶ ἡμέρας ιαʹ—, ὄντος τοῦ μὲν καθʼ ἥλιον ἐνιαυτοῦ ἡμερῶν τξεʹ, τοῦ δὲ κατὰ σελήνην τνδʹ. —
Εἰς τὴν ὀκταετηρίδα μῆνες εἰσὶν ἐμβόλιμοι τρεῖς, οὕτω δὲ ἀγομένου, τοῦ μὲν πρώτου καθʼ ἥλιον ἐνιαυτοῦ ἡμερῶν τξεʹ, τοῦ δὲ κατὰ σελήνην μηνὸς ἡμερῶν κθ𐅵ʹ, καὶ τοῦ δευτέρου ἐνιαυτοῦ ἡμερῶν τξεʹ—, τοῦ δὲ τρίτου τρεισκαίδεκαμήνου ἡμερῶν τϞεʹ, καὶ τοῦ τετάρτου καὶ πέμπτου ἐνιαυτοῦ ἡμερῶν τξεʹ, τοῦ δὲ ἕκτου τρεισκαιδεκαμήνου—, τοῦ δὲ ἑβδόμου δωδεκαμήνου—, τοῦ δὲ ὄγδου τρεισκαιδεκαμήνου— μιᾶς τε, καὶ οὕτως εἰς τὴν ὀκταετηρίδα—μῆνές εἰσιν ἐμβόλιμοι τρεῖς. —
Δύντος τοῦ ἡλίου, οὐκ εὐθέως φαίνεται τὰ ἄστρα, ἀλλʼ ὅταν ὁ ἥλιος ἀπὸ τοῦ ὁρίζοντος ἀπόσχηι ἥμισυ ζωιδίου, τότε φαίνεται τὰ ἄστρα. ὅ ἐστιν ὥρας ἥμισυ. — Ἀπόδειξις. δύντος τοῦ ἡλίου, ἄφες ὕδωρ διὰ κλεψύδρας διαρεῖν εἰς ἀγγεῖόν τι, ἕως ἂν ἀνατείληι τὰ ἄστρα—, τῆι δὲ ἐχομένηι τὸ αὐτὸ ὕδωρ τῶι αὐτῶι τρόπωι— ἅπαν ἀπορεῖν, τῶν ἄστρων ἀνατεταλκότων. —ἅμα τῶι ὕδατι καὶ τὸ ζώιδιον ὅλον ἀπολείψει. —
Ὁ ἥλιος τὰς θερινὰς τροπὰς ἐν καρκίνωι ποεῖται—, τὰς δὲ χειμερινὰς ἐν αἰγόκερωι, τὰς δὲ ἰσημερίας ἐν κριῶι καὶ χηλαῖς. καθόλου δὲ ἐν ὧι ἂν ἦι ζωιδίωι ὁ ἥλιος, ἐκεῖνο τὸ ζώιδιον οὐχ ὁρᾶται· ἡμέρας γὰρ ἐπανατέλλει.
Ἕνδεκα τὰ πάντα ὁρᾶται ἐν ἁπάσηι νυκτὶ ζώιδια. ἐν ὧι γὰρ ἂν ᾖ ζωιδίωι ὁ ἥλιος—, ἐκεῖνο τὸ ζώιδιον οὐχ ὁρᾶται· ἡμέρας γὰρ ἐπανατέλλει. ὥστε φανερὸν ἂν εἴη ὅτι ιαʹ τὰ πάντα ὁρᾶται ἐν ἁπάσηι νυκτὶ ζώιδια. —
Ἡ σελήνη ἐν τῶι μηνὶ τὸν τῶν ζωιδίων κύκλον διεξέρχεται, ἐν ὧι ὁ ἥλιος ἐνιαυτῶι διατρίβει, καὶ τὴν μηνιείαν περιφέρειαν προσδιίησιν … ἐπὶ τοῦ κύκλου. ἐπὰν γὰρ ἡ σελήνη ἀπὸ τοῦ ἡλίου ἐπὶ τὸν ἥλιον παραγίνηται ἐν ἡμέραις κθ𐅵ʹ, οὐκ ἔσται μόνον διαπεπορευμένη τὸν τῶν ζωιδίων κύκλον. — Ὁ ἥλιος ἐν ἑκάστωι τῶν ζωιδίων— ποεῖ ἡμέρας λʹ καὶ ὥρας εʹ, ὄντος τοῦ καθʼ ἥλιον ἐνιαυτοῦ ἡμερῶν τξεʹ· τῶν γὰρ τξεʹ ἡμερῶν τοῦτʼ ἔστιν δωδεκατημόριον. —
Ἡ σελήνη ἐν ἑκάστωι τῶν ζωιδίων ποιεῖ ἡμέρας δύο καὶ τέταρτον ἡμέρας, καταδιηιρημένου τοῦ μηνὸς εἰς μόρια ιγʹ· τῶν γὰρ κθ𐅵ʹ ἡμερῶν τοῦτʼ ἔστιν τρεισκαιδεκατημόριον. — ἄρα γʼ ὁμαλὴν τὴν πορείαν ἡ σελήνη ὑπὸ τῶι ἡλίωι διεξέρχεται.
Καὶ οἱ ἀπλανεῖς ἀστέρες ἰσόχρονοί εἰσιν ἀλλήλων καὶ οἱ κύκλοι αὐτῶν ἴσοι. ταύτην ἐροῦμεν τὴν αἰτίαν· διότι ὁ κόσμος στρέφεται περὶ δύο πόλους μένοντας, οὐθεὶς χρόνος ἐστὶν ἀνάμεσος ἡμέρας καὶ νυκτός· πᾶσα δὲ πάσηι νὺξ σὺν ἡμέραι τὸν ἴσον χρόνον διεξέρχεται. ὅ τε γὰρ θερινὸς καὶ μεσημβρινὸς καὶ μεσονύκτιος καὶ ὁ τῶν ἐπιτολῶν καὶ δυσμῶν χρόνος ἔνεστιν ἐν τῶι τῆς ἡμέρας καὶ νυκτὸς διαστήματι. —
Ὁ ἥλιος λείπεται τῶν ἀπλανῶν ἄστρων τῆς ἐπὶ τοῦ κόσμου περιφορᾶς. ἐν ὧι γὰρ ἂν ἦι ζωιδίωι ὁ ἥλιος, ἐκεῖνο τὸ ζώιδιον οὐχ ὁρᾶται· ἡμέρας γὰρ ἀνατέλλει· μετὰ δὲ τριάκοντα ἡμέρας προανατέλλον τοῦ ἡλίου φαίνεται. Ἀπόδειξις. νοείσθω καταδιηιρημένος ὁ τῶν ζωιδίων κύκλος εἰς μόρια τξεʹ. — ἐὰν οὖν ἑκάστης ἡμέρας καὶ νυκτὸς λείπηται ὁ ἥλιος τῆς ἐπὶ τοῦ κόσμου περιφορᾶς τὸ αὐτὸ μόριον, ἐν τῶι ἐνιαυτῶι ποιήσει χρόνον ἐκτὸς ἡμέραν μίαν καὶ νύκτα. —ἄρα γε λείπεται ὁ ἥλιος τῶν ἀπλανῶν ἄστρων τῆς ἐπὶ τοῦ κόσμου περιφορᾶς. —
Αἱ τοῦ ἡλίου ἐγλείψεις γίνονται νουμηνίαι, ὅταν ἡ σελήνη τῶι ἡλίωι ἐπισκοτήσηι ἀντὶ τῆς ὄψεως ἡμῶν. διὰ τί δὲ νουμηνίαι ἐγλείπει ὁ ἥλιος; ὅτι ἐν ταύτηι τῆι ἡμέραι συνανατέλλει καὶ συγκαταδύνει τῆι σελήνηι ὁ ἥλιος. —
Οὐ πάσηι νουμηνίαι ἐγλείπει ὁ ἥλιος, ἀλλʼ ὅταν ἐπὶ τῆς αὐτῆς εὐθείας καὶ ἐν τῶι αὐτῶι συνδέσμωι γενηθῆι τῆς σελήνης ὁ ἥλιος, τότε μεγίστη ἡλίου ἔγλειψις· ὅταν δὲ ἀποτέρω καὶ ἀποτέρω, ἐλάττους καὶ ἐλάττους αἱ ἐγλείψεις τοῦ ἡλίου— φαίνονται. οὐ πάσηι ἄρα νουμηνίαι ἐγλείπει ὁ ἥλιος, ἐγλείπει δὲ νουμηνίαι. —
Αἱ τῆς σελήνης ἐγλείψεις γίνονται διχομηνίαι, ὅταν ἐπὶ τῆς αὐτῆς εὐθείας καὶ ἐν τῶι αὐτῶι συνδέσμωι γενηθῆι— τῆς σελήνης ὁ ἥλιος. —διὰ τί δὲ διχομηνίαι ἐγλείπει ἡ σελήνη; — ὅτι ἐν ταύτηι τῆι ἡμέραι συνανατέλλει καὶ συγκαταδύνει τῆι σελήνηι ὁ ἥλιος, ἡμικυκλίου διάστημα ἔχων. —
Αἱ τοῦ ἡλίου καὶ τῆς σελήνης ἐγλείψεις αἱ μὲν ἐλάσσους μηνοειδεῖς, αἱ δὲ μείζους ἁψιδοειδεῖς, αἱ δὲ ἔτι μείζους ὠιοειδεῖς. —
Ὁ ἥλιος οὐδέποτε ὅλος ἐγλείπει, ἡ σελήνη δὲ ἐγλείπει. — διὰ τί δὲ ἡ σελήνη ἐγλείπει; τὸ διάστημα τοῦ κώνου ὅτʼ ἀπὸ τῆς ὄψειος ἡμῶν— γινομένου οὐ περιλαμβάνοντος τὸν ἥλιον. μείζων γάρ ἐσθʼ ὁ ἥλιος— τῆς σελήνης, ἡ σελήνη δὲ τῆς γῆς. Ἀπόδειξις. τὸ μέγεθος τὸ ἐπισκοτοῦν ἡμῶν τῆι ὄψει καὶ μεῖζον ὑπάρχον τῶι διαστήματι τὸν ὀφθαλμὸν μείζονι τόπωι περιλαμβάνει. — ἡ δὲ σελήνη, ἣ μείζων ἐστὶν τοῦ διαστήματος ἐν τῶι ὑπεραυγεῖν τὴν γῆν, οὐχ ὅλωι τῶι ἡλίωι ἐπισκοτεῖ ἐν τῆι μεγίστηι τοῦ ἡλίου ἐγλείψει. μείζων ἄρα ἔσθʼ ὁ ἥλιος τῆς σελήνης, ἡ σελήνη δὲ τῆς γῆς, ὅσωι ἡ διὰ πέντε τῆς διὰ τεσσάρων συμφωνίας.
Οἱ πλανώμενοι ἀστέρες καὶ ἥλιος καὶ σελήνη ἕλικα περιφέρονται. οὐ γὰρ τῆι αὐτῆι διαστάσει περιφέρονται περὶ τὸν μένοντα πόλον, ἀλλʼ ὅταν μὲν ὦσιν ἐν τῶι καρκίνωι, ἐν τῆι ἐλαχίστηι διαστάσει εἰσίν· ὅταν δὲ ἐν ταῖς χηλαῖς, ἐν μείζονι· ὅταν δὲ ἐν τῶι αἰγόκερωι, ἐν τῆι μεγίστηι. διὰ ταύτην οὖν τὴν αἰτίαν ἕλικα περιφέρονται οἱ πλανώμενοι. —
Ἀνατολαὶ τοῦ ἡλίου τροπικαὶ τρεῖς καὶ δύσεις τρεῖς, θερινὴ ἰσημερινὴ χειμερινή. ἀνατέλλει δὲ ὁ ἥλιος τὸ μὲν θέρος ἐκ τοῦ ἑλλησποντίου, δύνει δὲ ἐν τῶι ἀργεστῆι· τὴν δὲ ἰσημερίαν ἐκ τοῦ ἀπηλιώτου, δύνει δὲ ἐκ τῶν ἐν τῶι ζεφύρωι· τὸν χειμῶνα ἐκ τοῦ εὔρου, δύνει δὲ ἐν τῶι λιβί. — Πορεῖαι δὲ τοῦ ἡλίου δύο· μία μὲν ἡ διορίζουσα τὸ θέρος καὶ τὸν χειμῶνα, μία δὲ ἡ νύκτα καὶ ἡμέραν. Ἄστρων διαστήματα. Ἀπὸ Ὠρίωνος εἰς κύνα ἡμέραι ... Ἀπὸ κυνὸς εἰς ἀρκτούρου ἐπιτολὴν ἡμέραι ... Ἀπὸ τροπῶν θερινῶν εἰς ἰσημερίαν μεθοπωρινὴν ἡμέραι. — Ἀπὸ ...... εἰς ἀρκτούρου ἐπιτολὴν ἡμέραι μγʹ. — Ἀπὸ Πλειάδων εἰς Ὠρίωνος δύσιν ἡμέραι κβʹ. — Ἀπὸ Ὠρίωνος εἰς κυνὸς δύσιν ἡμέραι δύο. — Ἀπὸ κυνὸς ἐφʼ ἡλίου τροπὰς ἡμέραι κδʹ. — Ἀπὸ τροπῶν χειμερινῶν εἰς ζέφυρον ἡμέραι μέ. — Ἀπὸ ζεφύρου εἰς ἰσημερίαν ἡμέραι μδʹ. — Ἀπὸ ἰσημερίας ἐαρινῆς εἰς Πλειάδα ἡμέραι νʹ. — Ἀπὸ Πλειάδος ἐπιτολῆς εἰς τροπὰς θερινὰς ἡμέραι μεʹ. — Ἀπὸ τροπῶν θερινῶν εἰς ἰσημερίαν μεθοπωρινὴν ἡμέραι Ϟαʹ. — Εὐδόξωι Δημοκρίτωι χειμεριναὶ τροπαὶ ἀθὺρ ὁτὲ μὲν κʹ ὁτὲ δὲ ιθʹ. — Εὐδόξωι Δημοκρίτωι ἀπὸ τροπῶν θερινῶν εἰς ἰσημερίαν μεθοπωρινὴν ἡμέραι .., — Εὐκτήμονι Ϟʹ—, Καλλίππωι Ϟβʹ. — Ἀπὸ ἰσημερίας μεθοπωρινῆς ἐπὶ χειμερινὰς τροπὰς Εὐδόξωι ἡμέραι Ϟβʹ—, Δημοκρίτωι ἡμέραι Ϟαʹ, — Εὐκτήμονι Ϟʹ, — Καλλίππωι πθʹ. — Ἀπὸ τροπῶν χειμερινῶν εἰς ἰσημερίαν ἐαρινὴν Εὐδόξωι καὶ Δημοκρίτωι ἡμέραι Ϟαʹ—, Εὐκτήμονι Ϟβʹ, — Καλλίππωι Ϟʹ. — Κύκλος οὐράνιος. Σαράπιος χρησμοί.
κριός ταῦρος δίδυμοι καρκίνος λέων παρθένος χηλαί σκορπίος τόξον αἰγόκερως ὑδροχόος ἰχθύες. Κύκλου οὐρανίου. Σαράπιος χρησμοί. Πονεῖτε ὦ ἄνδρες ἵνα μηκέτι πονῆτε. Βασιλεῦσιν οὐράνιος διδασκαλέα. Σαράπιος χρησμοί Λεπτίνου π... Ἑρμοῦ χρησμοί.