---
title: "Scholia and Glosses on Oppian's Halieutica: Book IV"
author: Scholia on Oppian
eul_wid: xse-aad
eul_aid: xse
canonical: "https://eulogikon.org/works/scholia-oppian-halieutica-book-4-xse-aad"
lang: grc
content_hash: "sha256:feabf2cba5b73304bf711b272b8ecbb361b967fcbc8d7fa982250b642c0fe1ba"
content_modified_at: "2026-10-21"
license: "https://creativecommons.org/publicdomain/mark/1.0/"
---

# Scholia and Glosses on Oppian's Halieutica: Book IV

**Author:** Scholia on Oppian

**eul_wid:** `xse-aad` · [HTML page](https://eulogikon.org/works/scholia-oppian-halieutica-book-4-xse-aad)

## Text

ΕΙΣ ΤΟ Δ.

Περὶ σκάρων. Περὶ ἱππούρων. Περὶ κεφάλων. Περὶ πομπίλων. Περὶ σηπιῶν. Περὶ τευθίδων. Περὶ κοσσύφων. Περὶ ἀφυῶν. Περὶ κίχλας. Περὶ ἐγγραύλων. Περὶ γαλεῶν. Περὶ πηλαμύδων. Περὶ πολυπόδων. Περὶ σκιαίνης. Περὶ σαργῶν.

<!-- 4.1 -->Ἄλλους δʼ· ἰχθύας, τῶν ἰχθύων. ἀγρευτῆρσιν· τοῖς ἁλιεῦσιν. ληΐδα· αἰχμαλωσίαν, ἄγραν.

<!-- 4.2 -->Ἔρως· Θεόφραστός φησιν· ἔρως ἐστὶν ἀλογίστου τινὸς ἐπιθυμίας ὑπερβολὴ, ταχεῖαν μὲν ἔχουσα τὴν πρόσοδον, βραδεῖαν δὲ τὴν ἀπόλυσιν.

<!-- 4.3 -->Ἠντίασαν· ἐπέτυχον, ἔλαβον. φιλοτήσιον· ἐπιθυμητήν. ἄτην· εἰς.

<!-- 4.4 -->Πολιούχων· τῶν τὰς πόλεις ἐχόντων.

<!-- 4.5 -->Αὐτός τʼ· σύ. υἱέος ἠγάθεον κῆρ· Γορδιανέ. ἠγάθεον· ἄγαν θεῖον.

<!-- 4.6 -->Πρόφρονες· πρόθυμοι, μετὰ προθυμίας. εἰσαΐοιτε· ἀκούοιτέ μου. γάνυσθαι· εὐφραίνεσθαι. γάνυσθε· χαίροντες.

<!-- 4.7 -->Ἠπιόδωροι· πρᾳότατοι, μεγαλόδωροι.

<!-- 4.8 -->Κοσμήσαντο· ἐκόσμησαν. ἐξέστεψαν· ἐστεφάνωσαν. ᾠδαῖς· ποιήσεσι.

<!-- 4.9 -->Θεσπεσίῳ· θείῳ. πόρον· παρέσχον.

<!-- 4.10 -->Κίρνασθαι· κεράσαι, βαλεῖν, ἐμβαλεῖν. οὔασιν· ὠτίοις. πραπίδεσσι· πραπὶς ἡ φρόνησις ἀπὸ τοῦ τὰ πρέποντα διανοεῖν· εὐφραίνει γὰρ καὶ τὴν ψυχὴν καὶ τὸ σῶμα.

<!-- 4.11 -->Σχέτλιʼ· κακοποιὲ, κρατητικέ· προσαναφωνητικὸν, ἀποστροφὴ καταφορικὴ, ὡραῖον. θεῶν· ἀπὸ, θεωριῶν.

<!-- 4.12 -->Εἰσιδέειν· θεασθῆναι, θεάσασθαι. ἄλγιστε· λυπηρέ. ὀροθύνεις· διεγείρεις.

<!-- 4.13 -->Ἐμπίπτων· ἐπερχόμενος. ἀδόκητος· ἀπροσδόκητος.

<!-- 4.14 -->Μίσγεαι· εἰσέρχῃ. ἀσθμαίνεις· ἀναπνέεις, πνέεις. ὁμοκλήν· ἀπειλὴν, ὀργήν.

<!-- 4.15 -->Παφλάζων· ταρασσόμενος. ἀκρήτοισι· ἀπληρώτοις, πολλαῖς.

<!-- 4.16 -->Δάκρυ δέ σοι· θλίψις ὑπάρχει σου. προβαλεῖν· τὸ ἐκβαλεῖν, εἰπεῖν, ἐκκενῶσαι. λαρὸν γάνος· ἐπιθυμητὸν γλύκασμα, ἥδυσμα.

<!-- 4.17 -->Βυσσόθεν· ἀπὸ τοῦ βάθους, ἐκ βάθους τῆς καρδίας. οἰμωγήν· στεναγμὸν, φέρει σπλάγχνοις· ἐν, σπλάγχνων. ἔρευθος· τὴν χροιὰν, ὡς πῦρ ἐν τοῖς σπλάγχνοις βαλεῖν.

<!-- 4.18 -->Φοινίξαι· βαλεῖν, βάψαι. παράτροπον· παρηλλαγμένον, ἐξηλλαγμένον· ὠχριῶσιν οἱ ἐρῶντες παρατρεπόμενοι. ἀμέρσαι· ποιῆσαι, ἀφανίσαι.

<!-- 4.19 -->Κοιλῆναι· κοιλᾶναι. ἀεῖραι· παρατρέψαι.

<!-- 4.20 -->Μαινομένην· ἐρῶσαν. ἐξεκύλισας· ἐξέφυγες.

<!-- 4.21 -->Ἀντεβόλησας· ἐξ ἐναντίας ἦλθες, ἔπνευσας.

<!-- 4.23 -->Ἐν μακάρεσσι· τῶν μακάρων. γενέθλῃ· γενεᾷ.

<!-- 4.24 -->Ἀμειδέος· ἀγελάστου διὰ τὸ σκότος, σκοτεινοῦ. πυρσῷ· πυρὶ, ὥσπερ ἐκ τοῦ.

<!-- 4.25 -->Λαμπόμενος· λάμπων. ἐξεύραο· ἐφεῦρες. ἐζεύξαο· ἐτύπωσας.

<!-- 4.26 -->Ἀρότροις· τῇ συνουσίᾳ. ἐπεθήκαο· ἔθηκας. τέκμωρ· τέλος, ὑπονόημα.

<!-- 4.27 -->Πτερύγεσσιν· ἐν. ἀειρόμενον· πετώμενον.

<!-- 4.28 -->Πάφου· Κύπρου, πόλις τις τῆς Κύπρου, ἐξ οὗ καὶ Παφία ἡ Ἀφροδίτη. μεδέουσα· βασιλεύουσα. πολυφράδμων· πολύβουλος.

<!-- 4.29 -->Εὐμενέοις· εὐμενὴς γένοιο. ἱκάνοις· καταλάβοις, καταλαμβάνοις.

<!-- 4.30 -->Μέτρον· συμμετρίαν ἀντὶ τοῦ σύμμετρος ἡμῖν γινόμενος. ἀναίνεται· ἐκφεύγῃ.

<!-- 4.32 -->Πεφρίκασι· φοβοῦνται. ὁ δʼ ὄλβιος· ἐκεῖνος εὐτυχής.

<!-- 4.33 -->Εὐκραῆ· σύμμετρον. κομέει· γράφεται φορέει. στέρνοισι· ψυχῇ, καρδίᾳ.

<!-- 4.34 -->Οὐρανίης γενεῆς· τῶν θεῶν. ἅλις· αὐτάρκεια.

<!-- 4.35 -->Ἀναίνεαι· ἀπαρέσχεσαι ὅσα· πετεινά.

<!-- 4.36 -->Ἀτρυγετή· ὁ πολὺς, ἀκαταπόνητος. νεάτοις· ἐσχάτοις. κεύθεσι· βάθεσιν.

<!-- 4.37 -->Κελαινούς· ἀθλίους.

<!-- 4.38 -->Ἀτράκτους· μοίρας, βέλη, ἀπὸ μέρους· ἄτρακτον γὰρ τὸ ξύλον τοῦ ὀϊστοῦ. τι· πρᾶγμα.

<!-- 4.39 -->Λίπηται· καταλειφθῇ. ὑπόβρυχα· ὑπὸ τὸ βάθος.

<!-- 4.40 -->Οἵην· ποταπήν. μετʼ ἀλλήλοισιν· ἐν ἀλλήλοις. τίθενται· φυλάσσουσιν· γράφεται φύονται.

<!-- 4.41 -->Ὀξυβελῆ· μέγαν, ὀξέως βάλλοντα. στικτοί· ποικίλοι. μόχθοις· κόποις, ἀνάγκαις.

<!-- 4.42 -->Λείπουσι· καταλιμπάνουσιν. ἀλεξητῆρι βοηθητικῷ, βοηθῷ.

<!-- 4.43 -->Δαφοινοῦ· τοῦ διακοπτικοῦ καὶ φονικοῦ.

<!-- 4.45 -->Ἀπέκερσε· ἀπέκοπτεν. ἐξεσάωσε· ἔσωσεν.

<!-- 4.46 -->Ἠμάλδυνε· ἠφάνισεν. ἀκάχησεν· ἐλύπησεν.

<!-- 4.47 -->Παλιμπλακέεσσιν· εἰς τοὐπίσω πεπλεγμένοις, κατʼ ἀνάκλασιν πεπλεγμένοις. ἁλόντα· κρατηθέντα.

<!-- 4.48 -->Ὑπεξέκλεψε· κρυφίως ἦλθεν. ἐξείρυσεν· διέσωσεν.

<!-- 4.50 -->Ἐπεφράσθη· ἐπέγνω.

<!-- 4.52 -->Ἀμείβων· διερχόμενος.

<!-- 4.53 -->Ταναηκέας· ἐξηπλωμένας.

<!-- 4.54 -->Ἀμφιπεριφρίσσουσι· ἵστανται, ὀρθῶνται, πεπυκνῶνται, ἐξέχουσιν. οὐτάζουσιν· τιτρώσκουσιν. ὀπωπάς· ὀφθαλμοὺς, ὄψεις.

<!-- 4.56 -->Ἀμήχανα· μάταια, ἀνενέργητα.

<!-- 4.57 -->Ἀντιόωσιν· συναντῶσιν. λίποντο· κατελείποντο

<!-- 4.58 -->Ὤρεξε· ἔδωκεν. διασχών· ἐμβαλών. ἀνασχών· ἐνδιδοὺς, ἐμβάς.

<!-- 4.60 -->Δάξ· δακτικῶς, ἐν τοῖς ὀδοῦσιν. ἔρεισεν· ἔσφιξεν, τοὺς ὀδόντας.

<!-- 4.61 -->Ἡγήτειραν· ὁδοποιὸν, προοδοποιοῦσαν.

<!-- 4.62 -->Ἐόντος. τοῦ.

<!-- 4.63 -->Θύραζε· ἐκτός.

<!-- 4.64 -->Ἑσπόμενον· ἀκολουθοῦντα. ἄλυξαν· ἐξέφυγον.

<!-- 4.65 -->Παιπαλόεσσαν· τραχεῖαν. ἀναστείχωσι· διέρχονται, ἀνέρχονται. κολώνην· ἐξοχήν· ὄρος, ἀκρώρειαν.

<!-- 4.66 -->Ὑπὸ σκιερῆς νυκτὸς κνέφας· ἢ κατὰ τὴν νύκτα. σκιερῆς· σκοτεινῆς. κνέφας· σκότος. μήνη· ἡ σελήνη.

<!-- 4.67 -->Κελαινιόωσι· μελαίνουσι, μελαίνονται· καλύπτραι· σκέπαι.

<!-- 4.68 -->Ὄρφνῃ· σκότει, νυκτὶ παρὰ τὸ φένειν, τουτέστι φονεύειν τὴν ὅρασιν. ἀτρίπτοισι· ἀβάτοις.

<!-- 4.69 -->Χεῖρας δέ· ἑαυτῶν τὰς χεῖρας κρατοῦντες. ἔχουσιν· ἔχοντες.

<!-- 4.70 -->Ἐπίκουρον ἀμοιβήν· βοηθὸν διαδοχήν.

<!-- 4.71 -->Ἀμοιβαίῃ φιλότητι· τῇ ἐκ διαδοχῆς ἀγάπῃ, τῇ ἐκ διαδοχῆς φιλίᾳ, ἀμοιβὴν ἔχοντες τῶν πόνων ἐπίκουρον.

<!-- 4.72 -->Ἀλκτῆρες· βοηθοί. γεγάασι· ἐγίνοντο. μήσατʼ· ἐβουλεύσατο.

<!-- 4.73 -->Ἀλγινόεντος· λυπηροῦ.

<!-- 4.74 -->Βλαφθέντες· ἐμποδισθέντες. ἐπιφροσύναις· φρονήσεσιν.

<!-- 4.75 -->Ἐμβεβάασι· εἰσέρχονται.

<!-- 4.76 -->Ἐπηρέτμοισι· κωπηλατικαῖς.

<!-- 4.77 -->Μέμβλονται· ἐν φροντίδι εἰσὶ, φροντίζονται. δολόφρονα μῆτιν· δόλον. ὑφαίνων· ποιῶν.

<!-- 4.78 -->Ἀναψάμενος· δεσμήσας. ἀκροτάτοιο· διά.

<!-- 4.79 -->Χείλεος· κατὰ τὴν ἐπιφάνειαν.

<!-- 4.80 -->Κέρδιστον· ὑπάρχει. ἀνελκέμεν· σύρειν.

<!-- 4.81 -->Μετά· εἰς. δέξατο· ἔλα, ἔβαλεν.

<!-- 4.82 -->Ἐλήλαται· κρέμαται, ἐκκρέμαται.

<!-- 4.83 -->Δινωτός· στρογγύλος, συστρεπτικός. κύβος· σφαῖρα. ἅμματος· σχοινίου, διά.

<!-- 4.86 -->Βαθὺν δόλον· ἢ τὸν κύρτον.

<!-- 4.87 -->Ἵενται· πορεύονται.

<!-- 4.88 -->Κραιπνόν· ταχέως. βαλιοί· κατάστικτοι, στικτοί· κατάστικτοι. ἐρύσωνται· λάβοι, ῥύσωνται, ἐξαΐσσωσι, λυτρώσουσιν.

<!-- 4.89 -->Περιπροθέουσιν· κυκλοῦσι, περικυκλοῦνται. ἀπάτην· γράφεται ἁπάντη.

<!-- 4.90 -->Οἴστρῳ· ἔρωτι. βεβιημένοι· βιαζόμενοι.

<!-- 4.91 -->Κατασπέρχουσιν· σπουδάζουσιν.

<!-- 4.92 -->Ἐσσυμένως· ὁρμητικῶς, προθύμως. τάχα· ἴσως. πανύστατος· ἔσχατος. ἔπλετʼ· ἤως ὑπάρξει· γράφεται ἔσσεται.

<!-- 4.96 -->Ἐμβαρύθων· βαρῶν.

<!-- 4.97 -->Ὡς ἴδον, ὡς ἐκέχυντο· λίαν ἐξεχύθησαν, λίαν εὐθὺς ἐχύθησαν. παραφθαδόν· συντόμως. ἕρκος· εἰς.

<!-- 4.98 -->Ἐπειγομένοις· σπουδάζουσιν. λόχοισι· ἔρωσιν

<!-- 4.99 -->Λύγων· βεργίων.

<!-- 4.100 -->Ἀργαλέων· κακίστων. ἐπισπέρχουσι· καταλαμβάνουσιν, ἐπισπεύδουσιν. μύωπες· ἔρωτες.

<!-- 4.101 -->Μεμελημένοι· εἴδησιν ἔχοντες, διὰ φροντίδος ἔχοντες· παραβολή.

<!-- 4.102 -->Στάθμης· ἀγῶνος, ἀπὸ νύσσης. ἀπόσσυτοι· κεχωρισμένοι, ἀποκεχωρισμένοι.

<!-- 4.103 -->Ἐγκονέουσιν· σπεύδουσιν.

<!-- 4.104 -->Ἐξανῦσαι· ἐκπληρῶσαι.

<!-- 4.105 -->Νίκης γλυκύδωρον ἑλεῖν κράτος· ἢ νικῆσαι. θύρετρα· τέλη.

<!-- 4.106 -->Ἀΐξαι· ὁρμῆσαι. κράτος· νίκην. ἀέθλιον· τὸ τῆς νίκης. ἀμφιβαλέσθαι· περιλαβεῖν.

<!-- 4.107 -->Ἡγεμονεύει· ἡγεμών ἐστιν.

<!-- 4.108 -->Ἐσθορέειν· εἰσπηδῆσαι. κευθμῶνας· μυχούς. ἀνοστήτοιο· ἀνυποστρόφου.

<!-- 4.109 -->Κύντατον· ὀλέθριον, ὀλεθρίως. ὕστατον· ἔσχατον, κακόν. ἑλόντες· γράφεται ἔχοντες.

<!-- 4.110 -->Πιμπλᾶσιν· πληροῦσι, ποιοῦσιν. ἐφίμερον· ἐπιθυμητήν.

<!-- 4.111 -->Κελαινοῦ· ἀθλιωτάτου.

<!-- 4.112 -->Ὑπὸ σπιλάδεσσι· ὑπὸ ταῖς πέτραις αἷς χαίρουσιν.

<!-- 4.113 -->Μέλει· ἔγκειται, πρόσκειται, οἰκεῖ. γλαγόεις· λευκός.

<!-- 4.114 -->Αὔρῃ· πνοῇ· γράφεται ἄγρῃ. φιλοτησίᾳ· τῇ φιλίᾳ.

<!-- 4.115 -->Ἀμφί· περί. λιχμάζουσι· περιλείχουσιν. ἐξερέουσιν· ἐρευνῶσιν, ἐξερευνῶσι, ψηλαφῶσιν.

<!-- 4.116 -->Μαιόμενοι· ψηλαφῶντες. κατήλυσιν· εἴσοδον, εἰσέλευσιν. ἵκοντο· παρεγένοντο.

<!-- 4.117 -->Εἰσίθμην· εἴσοδον, καταχρηστικῶς. ἀνέκβατον· ἀδιέκβατον.

<!-- 4.118 -->Ἐς δʼ· εἰς δὲ ταύτην.

<!-- 4.119 -->Στυγερήν· μισητήν. πόθων· γράφεται πόνον.

<!-- 4.120 -->Ὡς δέ· παραβολή,

<!-- 4.121 -->Θάμνοισι· φυτοῖς. λασίοισι· πυκνοτάτοις, δασυτάτοις.

<!-- 4.122 -->Ἠθάδα· συνήθη, συνηθεστάτη.

<!-- 4.123 -->Λίγα· ὀξέως. ξουθόν· ἡδὺ, θελκτικόν.

<!-- 4.125 -->Ἐνοπῇσι· φωναῖς, ἠχήσεσιν. παραπλαγχθέντες· πλανηθέντες. ἰωῆς· φωνῆς, κραυγῆς.

<!-- 4.127 -->Ἐπιβάλλεται· ποιεῖ.

<!-- 4.128 -->Παρήπαφεν· ἠπάτησεν.

<!-- 4.129 -->Πέλοι· ὑπαρχέτω. λιπόωσα· παχυτάτη.

<!-- 4.130 -->Ἀπείρονες· πολλοί.

<!-- 4.131 -->Ἐκπάγλως· ἐκπληκτικῶς.

<!-- 4.132 -->Ἴυγγες· δυνάμεις, τὰ φάρμακα, ἃ ποιοῦσιν οἱ ἐρῶντες θελκτήρια, Ἴυγγες αἱ γοητείαι καὶ ἐπῳδαὶ ἀπὸ τοῦ ὀρνέου τῆς κιγκλίδος καὶ ἴυγγος λεγομένου, ἤτοι σεισιπυγία, ἧς τὸ οὐραῖον πτερὸν καὶ τὸ περὶ τὸ στῆθος ὀστοῦν χρησιμεύουσι τοῖς ἐρῶσιν.

<!-- 4.133 -->Θαλπομένους· ἡδυνομένους, εὐφραινομένους. ἀνάρσιον· μισητὸν, ἐχθρόν. ἡγεμονεύοις· ποιεῖς. ἡγεμονεύει· προοδοποιεῖ.

<!-- 4.134 -->Ὑπεξερύων· ὑποσύρων καὶ ἕλκων.

<!-- 4.136 -->Ἠΐθεοι· νέοι, ἀΐσσοντες ἐπὶ θέαν. περικαλλέος· εὐμόρφου.

<!-- 4.137 -->Φρασσάμενοι· ἰδόντες. ἀποσταδόν· διακεχωρισμένως, ἀφεστηκότες. αὐγάζονται· θεωροῦσιν,

<!-- 4.138 -->Ἀγαυόμενοι· θαυμάζοντες. πολυήρατον· πολυαγάπητον.

<!-- 4.139 -->Ἐκ δʼ ἐλάθοντο· ἔλαθον τὰς ὁδοὺς ἑαυτῶν, ποίας ἀπέρχονται τοῦ οἴκου.

<!-- 4.140 -->Πάροιθεν· ἔμπροσθεν· τὰ πάροιθεν δὲ τὰ πρὸ τούτου, ὅπου ἀπῄεσαν.

<!-- 4.141 -->Θελγόμενοι· εὐφραινόμενοι. λιαρῇσιν· ἡδυτάταις, γλυκυτάταις. ῥιπῇς· νεύσεσι, ἐπινεύσεσιν, ὑπὸ ταῖς καυστικαῖς καὶ ἐπιθυμητικαῖς ὁρμαῖς τῆς ἀφροδίτης.

<!-- 4.142 -->Οἰστρηδόν· ἐρωτικῶς, μανιωδῶς, μετʼ οἴστρου ἤγουν ἔρωτι κινούμενοι.

<!-- 4.143 -->Εἱλομένων· σπαρασσομένων. ἀπεχθέες· μεμισημένοι.

<!-- 4.144 -->Ἀμφίβληστρον· δίκτυον. εὐεργές· καλῶς εἰργασμένον. ἀείρας· ἐγείρας.

<!-- 4.145 -->Ἐπιπροέηκε· ἔπεμψεν. ἄσπετον· πεπληθυσμένην.

<!-- 4.146 -->Ἁψῖσι· ταῖς τοῦ ἀμφιβλήστρου, καλύπτραις ἢ καμάραις· ἐν τοῖς συνδέσμασι τῶν ὀπῶν περιεχόμενοι· περικαλύψας τὴν θήραν καὶ περίσχετον ταῖς ἁψῖσιν. περίσχετον· κρατητὸν, περιεχόμενον, κεκρατημένον. ἀμφικαλύψας· κρατήσας, λαβών.

<!-- 4.147 -->Δυσέρωτες· χάριν τοῦ κακοῦ ἔρωτος. ἐπὶ πλέον· περισσότερον. ἔδραμεν· ἦλθεν.

<!-- 4.149 -->Ἀμφιβολάς· περιβολὰς, σκεπάσματα. ἐφέηκαν· ἔπεμψαν.

<!-- 4.150 -->Ἐρύουσιν· σύρουσιν. ἀναψάμενοι· δεσμήσαντες. οἴην· σηπίαν, μόνην. οἵην· μεγάλην.

<!-- 4.151 -->Ἀπόπροθεν· μακρόθεν, ἐξ ἐναντίας.

<!-- 4.152 -->Περιπλέγδην· περιπεπλεγμένας. ἐνέχονται· συνέχονται, σκιρτῶσιν.

<!-- 4.153 -->Ἐμφύμεναι· κολλώμεναι, συμμιγόμεναι, περιπλεκόμεναι. σπείρῃσιν· πλοκάμοις.

<!-- 4.154 -->Παρθενικαί· παρθένοι. δηναιόν· μετὰ χρόνον, μακροχρόνιον.

<!-- 4.155 -->Ἀπήμονα· ὑγιῆ. νοστήσαντα· ὑποστραφέντα.

<!-- 4.156 -->Νέον· νεωστί. εὐναίης· ζευκτικῆς.

<!-- 4.157 -->Ληϊσθεῖσα· λαφυραγωγηθεῖσα, συζευχθεῖσα.

<!-- 4.158 -->Ἀμφέπλεξεν· περιέλαβε, περιέπλεξεν. πάννυχα· ὁλονύκτια.

<!-- 4.159 -->Ἀργεννοῖς· λευκοτάτοις. κυρτώσασα· γυρώσασα. γυρώσασα· κυκλώσασα.

<!-- 4.161 -->Μεθίεται· ἐνδίδοται, καταλείπεται. ἐξερύσωσιν· φυλάξωσιν, ἑλκύωσιν. ἐπὶ σκάφος· ἐπὶ τὴν νῆα.

<!-- 4.163 -->Συμπεφύασι· συμμίγονται. ἕλοντο· προέκρινον.

<!-- 4.164 -->Παρήπαφεν· ἠπάτησεν.

<!-- 4.165 -->Σκιάσαντες· σκεπάσαντες. πτόρθοισι· κλάδοις. μυρίνης· μυρίκης.

<!-- 4.167 -->Λάχνη· δασυτάτη.

<!-- 4.168 -->Γενεῆς· τόκου.

<!-- 4.169 -->Ἥμεναι· καθήμεναι.

<!-- 4.170 -->Αὐτοῦ· ἐκεῖ. παύσαντο· τέλος ἔλαβον.

<!-- 4.171 -->Πινυτοῖσιν· συνετοῖς.

<!-- 4.173 -->Ἀεθλεύει· πάσχει, ἔχει. κίχλῃς· ἐπί. δαίεται· ἐκκαίεται.

<!-- 4.174 -->Δαίμονι· θεῷ. θύων· ὁρμῶν, δουλεύων.

<!-- 4.175 -->Σύννομος· συνήθης. δάμαρ· νύμφη. οἴη· μία.

<!-- 4.176 -->Ἄλοχοι· σύζυγοι.

<!-- 4.177 -->Κεκριμέναι· διακεχωρισμέναι. ἐφέστια· ἔνοικα, ἔποικα, κάτοικα, διὰ τὸ μὴ ἐκτὸς, ἀλλʼ ἔνδον τῶν σπηλαίων εἶναι.

<!-- 4.178 -->Γλαφυροῖσι· βαθυτάτοις.

<!-- 4.179 -->Ἀρτιγάμοισι· ταῖς ἤδη μέλλουσι γαμηθῆναι, ἢ νεογάμοις.

<!-- 4.180 -->Οὔπω· οὐκέτι. ἴδοι· ἀττικῶς. πάροιθεν· ἐκτός.

<!-- 4.181 -->Γαμήλιος· παρθενική. αἴθεται· ἐκκαίεται, αὔξεται, ἐκπυροῦται, ἔγκειται, ἐκ τοῦ γάμου σωφροσύνη ἔγκειται.

<!-- 4.182 -->Ἐνδόμυχοι· ἔνδον μυχούμεναι, φυλαττόμεναι.

<!-- 4.183 -->Δηθύνουσι· χρονίζουσι, καταμένουσιν. πόσις· ἀνήρ. ἀνώγει· κελεύει.

<!-- 4.185 -->Λεχέων· ὁμοζύγων. ἄλλῃ· ἀλλαχόθεν.

<!-- 4.186 -->Τέτραπται· τρέπεται. ἑλίσσεται· ἀναστρέφεται.

<!-- 4.187 -->Παπταίνων· περισκοπῶν.

<!-- 4.189 -->Δύσζηλος· κακόζηλος. ἀειφρούροισι· ἀειφυλάκτοις.

<!-- 4.191 -->Τυτθόν· μικρόν· ἡ ἀνάπαυσις αὐτοῦ πρὸς τὴν φυλακὴν ὀλίγη ἐστίν. φυλακῆς· ὤρας. ἀζηχέος· ἐπιπόνου, ἀδιαλείπτου, διηνεκοῦς.

<!-- 4.192 -->Τῆμος· τηνικαῦτα.

<!-- 4.193 -->Ἀμφιπεριτρομέων· ἀγωνιῶν.

<!-- 4.195 -->Ὠδίνων· χάριν πόνων. οἷον δέ· παραβολή. ἀλύει· ἔχει, ἀδημονεῖ.

<!-- 4.196 -->Τηλυγέτοιο· μονογενοῦς, ὡραία. θοήν· διὰ ὀξεῖαν, ταχεῖαν.

<!-- 4.197 -->Πρωτοτόκου· πρωτολόχου. φρίσσουσα· φοβουμένη.

<!-- 4.198 -->Αὐτήν· τὴν μητέρα. χέρειον· χειρότερον. εἰλειθυίης· τῆς γεννήσεως, γέννας.

<!-- 4.200 -->Μετῄορον· ἐκκρεμὲς, ἐκκρεμάμενον, περιπετασμένον· μετέωρα τὰ ἐν οὐρανῷ καὶ αἰθέρι μετάρσια, τὰ μεταξὺ αἰθέρος καὶ γῆς ἐν ἀέρι συνιστάμενα.

<!-- 4.201 -->Λυσιπόνοιο· λυούσης τὸν πόνον. βοῆς· φωνῆς.

<!-- 4.202 -->Ἀλόχοις· κοίταις.

<!-- 4.203 -->Λεχέων· κοιτῶν. ἐντύνεσθαι· ποιεῖν, φυλάσσειν.

<!-- 4.204 -->Ἀσσυρίους· Βαβυλωνίους. τίγριν· Τιγρικόν· Τίγρης ποταμὸς ι καὶ η, καὶ κλίνεται Τίγρητος, τίγρις δὲ τὸ ζῶον ι τὰ δύο, καὶ κλίνεται τίγριδος.

<!-- 4.205 -->Ἐνναετῆρες· κάτοικοι. ἑκηβόλον· πόῤῥωθεν βάλλων.

<!-- 4.207 -->Μεθέπουσι· συνέρχονται, μετέρχονται ἐξ ἀμοιβῆς, ἐπακολουθοῦσιν, εἰσὶν, ὑπάρχουσιν. εὐνάζονται· συγκοιμῶνται.

<!-- 4.208 -->Νύκτας· γράφεται κοίτας. ἀμειβόμεναι· ἀλλάσσουσαι, μετέρχουσαι· ἐξ ἀμοιβῆς γὰρ ἄλλοτε ἄλλῃ συγκοιμῶνται. μέτρον· γράφεται κέντρον· ζῆλος.

<!-- 4.209 -->Περί· ἕνεκα. ὀλέκονται· ἀπόλλυνται.

<!-- 4.210 -->Ἄρηα· σίδηρον, πόλεμον.

<!-- 4.211 -->Ὡς οὐδέν· θαυμαστικῶς, γνώμη.

<!-- 4.213 -->Ἀναιδέος· ἀναισχύντου.

<!-- 4.214 -->Λύσσης· μανίας. ἐπιμίσγεται· ὁ ζῆλος.

<!-- 4.215 -->Ἐξεχόρευσε· ἐχώρησεν, ἦλθεν, ἐξεσκίρτησεν, ἐσκίρτησεν, ἐνέβαλεν· γράφεται ἐξεκύλισεν· οἱ· τῷ ζήλῳ.

<!-- 4.217 -->Ἤντησεν· ἔτυχεν. ἀμοιβῆς· χάριν.

<!-- 4.218 -->Ἐπιδινεύοντα· συστρεφόμενον, ἀδημονοῦντα ἢ ἀναστρεφόμενον.

<!-- 4.219 -->Ἀλόχου· συζύγου.

<!-- 4.222 -->Μολίβου· καθέτου. κύβος· τροχὸς, σφαῖρα, ἢ καθετής.

<!-- 4.223 -->Πρὸς πέτραις· πλησίον τῶν πετρῶν. ἀφέηκε· ἔπεμψε, κατέβαλε, κατέῤῥιψεν. ἐγγύθι δʼ αὐτῶν· γράφεται μικρὸν τὸ αὐτὸν, ἤως αὐτὸν τὸν δόλον.

<!-- 4.224 -->Ἐσέδρακεν· ἐδράξατο. ὀρινθείς· ὁρμισθείς.

<!-- 4.225 -->Ὡρμήθη· ἐπήδησεν.

<!-- 4.226 -->Ἀνάρσιον· ἐχθρὸν, πολέμιον. ἀλόχοισιν· ὁμοκοίτοις.

<!-- 4.227 -->Ἐπιθύσας· ζηλοτυπήσας, ὁρμήσας, δειλιάσας.

<!-- 4.228 -->Τίνυσθαι· τιμωρεῖσθαι, τιμωρῆσαι, κωλύειν, τιμωρεῖν. ἐπήλυσιν· ἐπέλευσιν.

<!-- 4.229 -->Ἀμφιχανών· καταπιών. δοκεύσας· ἐπιτηρήσας, ἐξ ἐναντίας ἐλθὼν, ἢ καὶ ἰδών.

<!-- 4.230 -->Συνέπειρεν· ἐσούβλισεν. ἀνακρούων· ἀνασείων. γενύεσσι· στόμασιν.

<!-- 4.231 -->Ἀσχαλόωντα· λυπούμενον. ἀσπαίροντα· ψυχοῤῥαγοῦντα.

<!-- 4.232 -->Ἐνίπαπε· ἐνέπληξεν, ἐκακολόγησεν, ἐπέπληξεν. κερτομίῃσιν· ὀνειδισμοῖς.

<!-- 4.233 -->Νῦν δὴ νῦν· γράφεται ἤδη νῦν. ἠθοποιΐα, αἱμωπεῖαι πρὸς τὸν κόσσυφον ἐκ τοῦ ἁλιέως. περιφρούρειε· περίβλεπε.

<!-- 4.235 -->Κύπρις· γυνή. ἐφήνδανεν· ἤρεσκεν, ἤρκει· ἐφήνδανε γίνεται ἀπὸ τοῦ ἥδω τὸ εὐφραίνομαι, ὅθεν καὶ δασύνεται.

<!-- 4.236 -->Ἀγάλλεο· ἠγάλλου, ἔχαιρες.

<!-- 4.237 -->Ἴθι· ἐλθέ. τοί· σοι.

<!-- 4.238 -->Χρυσέοιο· γράφεται χερσαίοιο πυρὸς λευκάμπυγος αὐγή· ἢ τὸ πῦρ.

<!-- 4.239 -->Νείκεσε· κατειρωνεύσατο. ἀΐοντι· αἰσθανομένῳ. καίοντι· αἰθαλομένῳ. πιφαύσκων· λέγων. οὐκ ἀΐοντι πιφαύσκων· καὶ ἀκούοντι μὴ διαλεγομένῳ.

<!-- 4.240 -->Πόσις· ἀνήρ. ἰοῦσαι· πορευθεῖσαι.

<!-- 4.242 -->Μέν· μήν. ἐπαρωγῇ· βοηθείᾳ.

<!-- 4.244 -->Κεντροφόρων· κέντρα ἐχόντων, τῶν κεντρίνων λέγει.

<!-- 4.245 -->Κιών· παραγενόμενος. ἀϊδνής· σκοτεινὸς, μέλας, ἀφανής.

<!-- 4.246 -->Βυθίοις· βυθοῖς. ὑφίζεται· κάθηται, ὑπόκειται. ὀργυίῃσι· χερσίν.

<!-- 4.248 -->Μιν· γράφεται μέν.

<!-- 4.250 -->Ἵκωνται· πορεύωνται.

<!-- 4.251 -->Περιηγέϊ· τῷ περιφερεῖ.

<!-- 4.252 -->Καταΐγδην· ὁρμητικῶς, συντόμως, στυφελίζων· κόπτων, τύπτων, ἀνακρούων, ἀναπείρων.

<!-- 4.253 -->Τριγλώχισι· τριαίναις.

<!-- 4.254 -->Ἀπότροποι· ὀπίσω, εἰς τοὐπίσω.

<!-- 4.255 -->Λεύσσωσιν· ἐνεστὼς χρόνος.

<!-- 4.256 -->Ἀρτιφάτου· νεωστὶ ἐφονευμένου. νέκυν· νέκυν παιδὸς, τουτέστιν ἐκεῖνον αὐτόν.

<!-- 4.257 -->Ἀμφίκλαυστον· περικλαιόμενον.

<!-- 4.258 -->Τηλύγετον· γνήσιον. περιμοχθήσωσι· κακοπαθήσωσιν.

<!-- 4.259 -->Δρυπτόμενοι· σπαραττόμενοι.

<!-- 4.260 -->Ἠρίῳ· μνημείῳ, τάφῳ. ἐμπεφύασι· κεκόλληνται.

<!-- 4.261 -->Ξυνῇ· κοινῶς, ὁμοῦ. θανεῖν· θέλουσιν.

<!-- 4.263 -->Αὐτόν· τὸν ὅμοιον.

<!-- 4.264 -->Ἐνδήμιος· συνήθης, ἐκ τοῦ δήμου.

<!-- 4.266 -->Ἔξαλον· ξένον τῆς ἁλός. ἀλλοδαπῆς· ξένης.

<!-- 4.268 -->Ἀθηναίης ἔρνεα· τῆς Ἀθηνᾶς λέγεται τὸ φυτὸν, ἐπειδὴ φέρεται μῦθος, ὡς ὅτι πρῶτον ἐν τῇ τῶν Ἀθηνῶν ἀκροπόλει Ἀθηνᾶς προνοίᾳ ἐβλάστησεν. ἔρνος κυρίως ὁ κλάδος τῆς ἀγρίας συκῆς· ἐρινεὸς γὰρ ἡ ἀγρία συκῆ, καταχρηστικῶς δὲ καὶ πᾶς κλάδος.

<!-- 4.269 -->Ἔρνεα· κλάδους.

<!-- 4.270 -->Ἔσπασον· ἔλαβον. ἦ· ὄντως.

<!-- 4.273 -->Γείτοσιν· ἐν τοῖς γείτοσι τόποις τῆς γῆς. γουνοῖσιν· γονίμοις τόποις, καρπίμοις τόποις, ἐν τοῖς γονιμωτάτοις τόποις τοῖς γειτνιάζουσι τῷ αἰγιαλῷ. ἐπακταίη· παραθαλασσία. τεθαλυῖα· θάλλουσα.

<!-- 4.275 -->Εὐρίνοιο· τὰς καλὰς ῥῖνας ἔχοντος.

<!-- 4.276 -->Ἀνιχνεύει· ἀνερευνᾷ. ἐξερεείνων· ζητῶν, ἢ λέγων.

<!-- 4.277 -->Ῥινός· διά.

<!-- 4.278 -->Μάρψεν· ἔλαβεν. ἐμάτησεν· ἐματαιώθη, ἀπέτυχεν. ἐπέλασσεν· ἐπλησίασεν εἰς τὸν φωλεὸν τοῦ θηρός.

<!-- 4.279 -->Τηλεθόωσαν· ὑψηλοτάτην. ἄφαρ· εὐθέως. μάθεν· γράφεται μάρψεν.

<!-- 4.281 -->Πρέμνοισιν· πρέμνοι κυρίως οἱ κορυφαῖοι τῶν δένδρων κλάδοι παρὰ τὸ πρυμνὸν τὸ ἔσχατον.

<!-- 4.282 -->Περὶ ῥίζης· ἢ περὶ τὴν ῥίζαν.

<!-- 4.285 -->Ἀείρει· ἐμβάλλει.

<!-- 4.286 -->Πηχύνασθαι· περιλαβεῖν, περιπλέξαι.

<!-- 4.287 -->Ἔρνεϊ· φυτῷ.

<!-- 4.288 -->Ἐρειδόμενος· πατῶν. κοτύλῃσιν· πλεκτάναις, τοῖς ποσίν.

<!-- 4.289 -->Λελιημένος· ἐπιθυμῶν, σπεύδων. χαίταις· κλάδοις.

<!-- 4.290 -->Πτύσσεται· ἀσπάζεται, φιλεῖ. ἔχων· κατέχων.

<!-- 4.292 -->Ἑλισσομένη· περιπλεκομένη.

<!-- 4.293 -->Βλωθρῇσιν· ὑψηλαῖς.

<!-- 4.294 -->Ὑγρός· ὁ πανταχοῦ ἐκτρέχων διὰ τὸ εὐπερίστρεπτον. ἕλιξ· ἐντυλιγμός. τιταινόμενος· συρόμενος, ἐξαπλούμενος.

<!-- 4.295 -->Περιῤῥέει· ἔρχεται, περιέρχεται. ἀκρεμόνεσσι· κλάδοις.

<!-- 4.297 -->Φιλέοντι· ἐρῶντι.

<!-- 4.298 -->Λωφήσῃ· καταπαύσῃ, ἐφέρπει· πορεύεται.

<!-- 4.299 -->Πλησάμενος· κορεσθείς. ἐλαιηροῦ τε πόθοιο· τοῦ ἐπὶ τῆς ἐλαίας αὐτῶν γινομένου πόθου.

<!-- 4.301 -->Θαλλούς· κλάδους.

<!-- 4.302 -->Εὐφυέας· εὐθαλεῖς, τὰς καλῶς ἀναβλαστάνοντας. μόλιβδον· διὰ τὸ βάρος.

<!-- 4.304 -->Ἤϊξε· ὥρμησεν.

<!-- 4.305 -->Πτόρθους· πτόρθος κυρίως ὁ ὀρθὸς κλάδος παρὰ τὸ πέτεσθαι ὄρθιον

<!-- 4.306 -->Ἀνίησιν· οὐκ ἀφίησιν.

<!-- 4.307 -->Ἤχθηρε· ἐμίσησεν.

<!-- 4.309 -->Ὀρειαύλοις δὲ βοτοῖσιν· ταῖς αἴγαις, τοῖς ἐν τοῖς ὄρεσιν αὐλιζομένοις ποιμνίοις.

<!-- 4.310 -->Ἐκπάγλως· λίαν.

<!-- 4.311 -->Ἦ· ὄντως. σέβας· ἔκπληξις. οὐκ ἐπίελπτον· μὴ ἐλπιζόμενον. ὁμόφρονα· προσφιλῆ ἀλλήλοις.

<!-- 4.312 -->Πάγους· καθέδρας. χαροπήν· φοβεράν.

<!-- 4.313 -->Εὖτε γάρ· παρήχησις.

<!-- 4.314 -->Μηκάδας· αἶγας· τὸ μηκᾶσθαι ἐπὶ τῶν αἰγῶν, τὸ δὲ βληχᾶσθαι ἐπὶ τῶν προβάτων. λοεσσαμένας· μελλούσας λουθῆναι.

<!-- 4.315 -->Ἐνδίους· κατὰ τὸ μεσήμερον, κατὰ τὸν καιρὸν τῆς δείλης. ὀλύμπιος· οὐράνιος.

<!-- 4.317 -->Αἰπολίων· ποιμνίων. βαρυαέα· μεγάλην. βαρυηχέα· τὴν μεγαλόφωνον, τὴν βαρέως ἀκουομένην, βαρυάκουστον.

<!-- 4.319 -->Ἀνδήροισι· ἄνθεσιν, αἰγιαλοῖς· ἄνδηρα κυρίως τὰ χείλη τῶν ποταμῶν παρὰ τὸ ἄνω τῆς δηοῦς αἴρεσθαι, ἢ ἄνω τῶν διερῶν εἶναι, νῦν δὲ σημαίνει τοὺς αἰγιαλοὺς καὶ τὰ ἐκεῖσε βρύα, καλεῖ δὲ ταῦτα ἄνθη.

<!-- 4.320 -->Κεραόν· κερατοφόρον. περισαίνουσιν· εὐφραίνονται.

<!-- 4.321 -->Λιχμάζουσι· λείχουσι τοὺς πόδας τῶν αἰγῶν ἀθροιζομένων εἰς τὴν θάλασσαν. ἀθρόοι· ἀθρόον δὲ τὸ μὴ ἔχον θόρυβον. ἀμφιχέονται· περιχέονται.

<!-- 4.322 -->Κατασπαίροντες· πηδῶντες.

<!-- 4.323 -->Πρωτοδαεῖς· πρωτομαθεῖς, τοὺς ἄρτι τοῦτο μαθόντας. φίλον χορόν· τῶν σαργῶν. οὐκ ἀέκουσαι· ἐθελουσίως.

<!-- 4.324 -->Δέχνυνται· δέχονται.

<!-- 4.325 -->Σταθμοῖσι· μάνδροις. κατηρεφέεσσι· κατεστεγασμένοις.

<!-- 4.326 -->Ἐκ βοτάνης· ἀπὸ τῆς νομῆς.

<!-- 4.328 -->Ἦμος· ὁπηνίκα. περίχωρος· ὁ πλησίον τόπος, ὅλος ὁ τόπος ἀντηχεῖ ἐκ τῆς φωνῆς τῶν αἰγῶν. ἰωῇς· κραυγαῖς,

<!-- 4.329 -->Νηπιάχων· ἐρίφων κέκληγε· ἠχεῖ, βοᾷ.

<!-- 4.330 -->Κεραῇσι· κερατοφόροις. περισπέρχουσʼ· κυκλῶσιν.

<!-- 4.331 -->Ἄδην· κόρον. ἴσχωσι· λάβωσιν. λοέτρων· καθαρσίων.

<!-- 4.333 -->Ἀχνύμενοι· λυπούμενοι.

<!-- 4.334 -->Ἀμείβει· διέρχεται.

<!-- 4.335 -->Ὡς δʼ ὅτε· παραβολή. τηλύγετον· γνήσιον. ἀκοίτην· σύζυγον.

<!-- 4.336 -->Τῆλε· μακράν. ἰόντα· πορευόμενον, ἀποδημοῦντα.

<!-- 4.337 -->Οἱ· ἐννοουμένῃ. ἀλύει· ἀδημονεῖ.

<!-- 4.338 -->Οἱ· αὐτῷ· μεσσηγύς· διὰ μέσης. κύκλα· διαδρομαί.

<!-- 4.341 -->Λισσομένη· παρακαλοῦσα.

<!-- 4.342 -->Ὀπωπάς· ὀφθαλμοὺς, θεωρίας.

<!-- 4.343 -->Ὑπʼ ὄμμασι· ἀπὸ τῶν ὀμμάτων.

<!-- 4.344 -->Οἰωθέντας· μονωθέντας, πάλιν· ὀπίσω, εἰς τοὐπίσω.

<!-- 4.346 -->Συνοίσεσθαι· γενήσεσθαι.

<!-- 4.347 -->Κῆρας· θανάτους. ἑούς· σούς.

<!-- 4.348 -->Τεκμαίρεται· ζητεῖ.

<!-- 4.349 -->Διδύμοισιν· διπλαῖς, ἀνισταμένας· ὑψηλὰς, ἐξεχούσας. κροτάφοισιν· ἐξοχαῖς· κρόταφος ἀπὸ τοῦ κηρύσσειν τὸν τάφον, ἢ παρὰ τὸ ποιεῖν κρότον τῇ ἁφῇ.

<!-- 4.350 -->Στεινωπόν· στενόν. χῶρον· μέσον, τὸν μεταξὺ τῆς θαλάσσης τόπον.

<!-- 4.351 -->Αἰθέρος· αἰθέρα λέγει τὸν ἥλιον ἀπὸ τοῦ αἴθω τὸ καίω, ὁ δʼ Ἀριστοτέλης φησὶν ἀπὸ τοῦ ἀεὶ θέειν. διαυγέας· λάμποντας, διαλαμπομένας.

<!-- 4.352 -->Ὁμόκλιτον· ὁμόκοιτον, ὁμοκάθεδρον. αὖλιν· αὐλὴν, αἰολικῶς συνεστάλη.

<!-- 4.353 -->Πυρσοῖσιν· ἀκτῖσι, ταῖς λαμπηδόσιν.

<!-- 4.354 -->Ἔνθα· ἐκεῖσε. μελέεσσιν· ἐπί. ἐφεσσάμενος· ἐνδυθεὶς, καλυψάμενος.

<!-- 4.355 -->Συνάψας· δεσμήσας, ἀνάψας.

<!-- 4.356 -->Στέλλεται· πορεύεται. ὁρμαίνων· διαλογιζόμενος, φροντίζων, εὐτρεπίζων. νόμιον· κατὰ νομεῖς, ποιμενικόν.

<!-- 4.357 -->Λιπήνας· ἀλείψας.

<!-- 4.358 -->Ἄλφιτα· ἄλευρα· κυρίως τὰ τῶν κριθῶν ἄλευρα ἀπὸ τοῦ ἀλφῶ τὸ εὑρίσκω· πρὸ γὰρ τοῦ εὑρεθῆναι τὸν σῖτον κριθὰς ἤσθιον. ἐπωπή· πρόσοψις, φαντασία, ὅρασις, ὄψις.

<!-- 4.359 -->Εὐδώρητος· καλὴ, ἢ καλῶς δωρηθεῖσα.

<!-- 4.361 -->Περισσαίνοντες· χαιρόμενοι, τὸν τῇ αἰγὶ ἐοικότα πολέμιον αὐτοῖς ἄνδρα κολακεύοντες.

<!-- 4.363 -->Φρεσίν· νοήμασιν. αἰγείοισι· μηλείοις. ἀρηρότος· ὄντος, ἔχοντος.

<!-- 4.364 -->Κραναήν· τραχεῖαν.

<!-- 4.365 -->Πολιοῖο· λευκοῦ.

<!-- 4.366 -->Χηλῆς· ὄνυχος. ἔμφυτον· ὅμοιον, καὶ τὸ ἐμπεφυκὸς τῇ χηλῇ.

<!-- 4.367 -->Ἐσσυμένως· ταχέως.

<!-- 4.368 -->Αὖ· εἰς τοὐπίσω. ὀΐσσεται· ὑπολάβοι.

<!-- 4.370 -->Ἀποστύξαντες· μισήσαντες.

<!-- 4.371 -->Ἔνδια· διατριβὰς, τὰ λαμπόμενα.

<!-- 4.373 -->Λειφθείη· τῶν σαργῶν ἀπολειφθῇ. δαμάσσεται· θηρεύει. ὀπωπή· θεωρία, φαντασία. ὀπωπῇ· ὁράσει, μορφῇ.

<!-- 4.374 -->Μέλει· ἔγκειται.

<!-- 4.375 -->Δηριόωνται· μάχονται.

<!-- 4.377 -->Ἐπάρκιος· ἱκανὸς, ἀρκετός. ἔπλετʼ· ἵσταται. ἀκοίτης· ὁμόζυγος, ἀνήρ.

<!-- 4.378 -->Εἰσελάει· ἐλαύνει.

<!-- 4.379 -->Περιηγέα· κυκλοτερῆ, στρογγύλην. πάντη· παντελῶς.

<!-- 4.380 -->Τὸν δέ· τὸν χόρτον. λάχνῃσι· δασύτησιν. πύκασαν· ἐστέγασαν, ἐπύκνωσαν.

<!-- 4.382 -->Σκιάσαντες· σκεπάσαντες.

<!-- 4.383 -->Οἶστρος ποτὶ μῶλον· διὰ τὸ μὴ ὅλος εἶναι πόλεμον. ἐπώρορεν· διήγειρεν. εὐνητῆρας· συζύγους.

<!-- 4.384 -->Γαμήλιος ἐνυώ· ἡ περὶ τοῦ γάμου μάχη.

<!-- 4.385 -->Ἀριστεύσας· νικήσας.

<!-- 4.386 -->Γλαφυρήν· βαθυτάτην.

<!-- 4.387 -->Ἐπηρεφέʼ· ἐστεγασμένον, πυκνωμένον. ἀκρεμόνεσσιν· ἄκροις.

<!-- 4.388 -->Χορόν· τὸν νυμφικόν.

<!-- 4.389 -->Ἐρύκει· κωλύει.

<!-- 4.390 -->Ἐᾷ· καταλείπει.

<!-- 4.392 -->Προὔκυψεν· εἰσῆλθεν.

<!-- 4.393 -->Ὡς δʼ ὅτε· παραβολή. βοτάνηθεν· ὑπὸ τῆς βοσκῆς.

<!-- 4.394 -->Εἰροπόκους· τοὺς τὸ ἔριον φερούσας ἀπὸ τοῦ εἴρω καὶ τοῦ πέκω. πάλιν· ὀπίσω, εἰς τοὐπίσω.

<!-- 4.395 -->Πεμπάζεται· μετρεῖ· πεμπάζειν κυρίως τὸ κατὰ πέντε ἀριθμεῖν, ἐνταῦθα δʼ ἀντὶ τοῦ ἁπλῶς ἀριθμεῖν εἴληπται.

<!-- 4.396 -->Διέπων· ἐνεργῶν. σόα· ἰωνικῶς.

<!-- 4.397 -->Εἰλομένοισι· κλειομένοις, συγκεκλεισμένοις

<!-- 4.398 -->Στείνεται· στενοχωρεῖται. ἔσσυτο· ὥρμησεν.

<!-- 4.400 -->Ἔνθορε· ἐπήδησεν.

<!-- 4.401 -->Δειλαίαις· ἀθλίοις.

<!-- 4.402 -->Ἄεθλα· παθήματα.

<!-- 4.403 -->Ἐρωμανίῃσιν· ἔρωσι, ἐπιθυμίαις, ταῖς μανίαις τοῦ ἔρωτος· κλίνεται γὰρ ἀττικῶς· ὁ ἔρως τοῦ ἔρω.

<!-- 4.404 -->Ἀθρήσωσι· θεωρήσωσιν.

<!-- 4.405 -->Τῷ· ἐν τούτῳ, τούτῳ τῷ πλαζομένῳ.

<!-- 4.406 -->Διαῤῥαισθεῖσαν· διαφθαρεῖσαν. ἀέλλαις· ταραχαῖς.

<!-- 4.407 -->Αἰνά· πῶς, αἰνῶς καὶ λίαν, χαλεπῶς. Ποσειδάωνος· τῆς θαλάσσης. ἀμειλίκτοιο· ἀνημέροιο. τυχοῦσαν. ἐπιτυχοῦσαν.

<!-- 4.408 -->Δασσώμενον· μερισάμενον, διασκορπισάμενον. διακριδόν· διακεχωρισμένως.

<!-- 4.409 -->Δοῦρα· ξύλα. λώβῃσι· βλάβαις καὶ πληγαῖς κυμάτων. πολυσχιδέεσσι· πολυμερίστοις, συνεχέσι, ποικίλαις καὶ διαφόροις.

<!-- 4.410 -->Τῆμος· τηνικαῦτα. πινάκεσσι· σκάφαις, σανίσιν. θεούσαις· πρὸς τὸ σημαινόμενον.

<!-- 4.411 -->Μεθέπουσιν· ἀνέχονται, ἢ μετʼ αὐτῶν ἐνεργοῦσιν, ἐπιτηροῦσιν ἐν αὐτοῖς, ἐνεργοῦσι καὶ συμπλέουσιν. ἐγκύρσας· τυχών.

<!-- 4.412 -->Πολλήν· ἄπειρον. ἀμέγαρτον· ἐπίφθονον.

<!-- 4.413 -->Ἀλλὰ τὸ μέν· ἤγουν τὸ φθείρεσθαι τὰς νῆας· ὡραῖον. ναύτῃσιν· ἀπό. ἀλεξήσειε· ἀποδιώξειε, βοηθήσειεν.

<!-- 4.414 -->Ἐμβύθιος· ὁ τοῦ βυθοῦ ἔφορος Ποσειδῶν. θέοιεν· τρέχοιεν, τρέχωσιν.

<!-- 4.415 -->Εὐκήλοισιν· ἡσύχοις. ἀπήμονες· ἀβλαβεῖς. ἀτίνακτοι· ἀτάρακτοι, ἀδιάσειστοι, ἀμετάτρεπτοι.

<!-- 4.416 -->Ἀμοιβαίοισι· συχνοῖς, ἐκ διαδοχῆς ἁλιέων. μετερχόμεναι· φέρουσαι. καμάτοισιν· πλόοις.

<!-- 4.417 -->Ἀλλοῖα· ἕτερα. τεχνήσασθαι· εἰς τὸ κατασκευάσαι, κατασκευάσασθαι.

<!-- 4.418 -->Ἔστιν· δυνατὸν ὑπάρχει. μεταβαινέμεν· μετέρχεσθαι, μετερχόμεθα.

<!-- 4.419 -->Συμφυρτούς· μεμιγμένους, τοὺς ἔνθεν κἀκεῖθεν φερομένους. δονάκων· καλάμων. σφακέλους· δεσμὰ, σχοίνους· σφάκελος ἡ σῆψις τοῦ ἐγκεφάλου, καταχρηστικῶς δὲ καὶ ἡ σχοῖνος, καὶ ὁ μέσος τῆς χειρὸς δάκτυλος. γυρώσαντες· κυκληδὸν διατμήσαντες, δεσμήσαντες.

<!-- 4.420 -->Λᾶαν· διὰ τὸ βάρος.

<!-- 4.421 -->Ὑφορμιστῆρα· στερεωτὴν, κάτωθεν ὁρμώμενον στηρίζοντα τοὺς σφακέλους.

<!-- 4.422 -->Ἀτρέμα· ἡσύχως. δινεύουσι· περιτρέχουσι, περιφέρουσιν. φιλόσκια· τὰ τὴν σκιὰν φιλοῦντα.

<!-- 4.423 -->Ἀγεληδόν· ὁμοῦ.

<!-- 4.424 -->Ἀνατρίβουσι· ἀνέρχονται. μένοντες· πρὸς τὸ σημαινόμενον.

<!-- 4.425 -->Τοῖς δέ· τούτων. ἑτοίμην· σύντομον.

<!-- 4.426 -->Εἴδασιν· βρώμασι, τροφαῖς.

<!-- 4.427 -->Ἐρύουσι· ῥίπτουσιν ἑαυτοὺς καὶ πλέουσιν ἀγρεῦσαι αὐτούς.

<!-- 4.429 -->Δινεύων· κινῶν, ῥίπτων. μέσσοισι· τοῖς κυσίν. ἑλώρια· βρώματα.

<!-- 4.430 -->Μαργαίνοντες· μαινόμενοι.

<!-- 4.431 -->Προθέουσι· προλαμβάνουσιν.

<!-- 4.432 -->Ἔρις· μάχη.

<!-- 4.434 -->Ἀγρευτόν· κρατητόν. ἐρύσσεται· λάβῃ, ἑλκύσῃ.

<!-- 4.435 -->Ἐών· ὁ ἁλιεύς· αὐτοὶ γάρ· πλέον τῶν ἁλιέων ἐνεργοῦντες. ἐπισπεύδουσʼ· τουτέστι πλέον τῶν ἁλιέων προσπεύδουσιν.

<!-- 4.436 -->Ἀφραδίῃσι· μωρίαις. ἐγκονέοντες· σπουδάζοντες, σπεύδοντες.

<!-- 4.437 -->Τοίῃ· ὁμοίᾳ. ἐπιφροσύνῃ· νοήσει.

<!-- 4.438 -->Ἶσον· ὅπερ οἱ ἵππουροι. ἦτορ· προθυμία.

<!-- 4.439 -->Ἐπιμηχανόῳτο· κατασκευάσει.

<!-- 4.440 -->Ἐντύνων· κατασκευάζων. κλωστῆρι· ἀτράκτῳ, ἤγουν ἀτρακτοειδὲς ξύλον· κλωστὴρ ἐργαλεῖον σταυροειδὲς, ὅπερ γυριζόμενον διὰ χειρὸς κλώθει τὸ παρατυχὸν λίνον.

<!-- 4.441 -->Καταζεύξειεν· δεσμήσει. ἀνακλίνων· πηγνύων, ἐν τῷ ξύλῳ.

<!-- 4.443 -->Ἐμπείρειεν· σουβλίσειεν ὕπτια· ἐξηπλωμένα, ἐκ πλαγίου.

<!-- 4.444 -->Δάγματʼ· ὀξύτητας, ὀξύτησι τῶν ἀγκίστρων, τοὺς πώγωνας τοῦ ἀγκίστρου. γλαυκῆς· φοβερᾶς.

<!-- 4.445 -->Ἀναψάμενος· δήσας. σύροι· συρέτω.

<!-- 4.446 -->Ἐφωρμήθη· ἔδραμεν.

<!-- 4.447 -->Ἰκμαλέοισι· διύγροις. θυσάνοισι· πτεροῖς, ἱματίοις, πλοκάμοις, κροσσοῖς. πάγη· ἐσουβλίσθη.

<!-- 4.448 -->Μεμαυῖα· προθυμουμένη. λιπεῖν· καταλειφθῆναι.

<!-- 4.449 -->Αὐτόπλεκτον· ἀφʼ ἑαυτοῦ πλεχθὲν, τὸ ἀφʼ ἑαυτῆς πλεκόμενον, αὐτοδέσμητον, αὐτοκράτητον, αὐτάγρευτον.

<!-- 4.450 -->Ἀκλύστοισι· τοῖς μὴ ταρασσομένοις ὑπὸ τῶν ἀνέμων, ἁλὸς περικλυζομένοις.

<!-- 4.451 -->Κοῦρος· νέος. ἀθύρων· παίζων.

<!-- 4.452 -->Οἰός· προβάτου. περιμήκετον· μέγα, μακρότητα. ἧκε· ἔβαλεν.

<!-- 4.453 -->Ἐκτάδιον· ἡπλωμένον, ἐξηπλωμένον.

<!-- 4.454 -->Ἐπόρουσε· ὥρμησεν. ἔσπασε· ἔλαβεν.

<!-- 4.455 -->Ἔγνω· ὁ κοῦρος. μήλειον· προβάτειον, τὸ ἐκ τοῦ μήλου ἤτοι προβάτου ἔντερον. ἐκύρτωσεν· ὄγκωσεν. ἀϋτμῇ· πνοῇ.

<!-- 4.456 -->Ἐμπνείων· φυσῶν, ἐμφυσῶν. ἀνίσταται· ὀγκοῦται. ἄσθματι· πνοῇ. λαύρῳ· μεγάλῳ· λαῦρον ἐπὶ μὲν ἀνέμου διὰ τοῦ υ ψιλοῦ δέον ἐστὶ γράφειν παρὰ τὸ αὖρα ἡ πνοὴ καὶ τοῦ λίαν, ὃ σημαίνει τὸ πάνυ, ἐπὶ δὲ κυνὸς ἢ ἄλλου τινὸς ζώου διὰ τοῦ βῆτα παρὰ τὸ λίαν βορὸν ἤτοι φαγόν.

<!-- 4.457 -->Οἰδαλέον· γινόμενον.

<!-- 4.458 -->Περιστένεται· στενοῦται.

<!-- 4.459 -->Δέδεται· δεσμεῖται. ἀλύξαι· ἐκφυγεῖν.

<!-- 4.460 -->Οἰδαίνουσα· ὀγκοῦσα. ἀσθμαίνουσα· πνέουσα, βιαζομένη.

<!-- 4.461 -->Ἀναπλώσῃ· ἀναπνεύσῃ.

<!-- 4.462 -->Ὡς δʼ ὅτε· παραβολή· τὴν παραβολὴν ἀπὸ τῶν σιφωνιζόντων· φησὶ γὰρ ὅτι ὥσπερ τις ἀνὴρ πεπληρωμένου καὶ γέμοντος ἀμφορέως πειρωμένου, αὐλὸν ἤως σιφώνιον ἔχων ἤρεισεν οἱονεὶ ἥρμοσεν ὑπὸ τοῦ ἑαυτοῦ στόμα τὸν φυσητῆρα, τουτέστι τὸν αὐλὸν, τῷ δὲ στόματι ἑλκύει ποτὲ τοῦ μέθυος, ἕλκων αὐτὸ ἐξ ὑποστροφῆς ἐκ τοῦ ἀγγείου εἰς ἑαυτὸν, ἐνσιφωνίζειν τοῖς χείλεσι τῷ ἀκροτάτῳ, τὸ δὲ μέθυ ἀνατρέχει τῇ ἀναπνοῇ ἤως τῇ ἀναῤῥοφήσει τοῦ ἀνδρός. πλείου· πεπληρωμένου, ὅθεν καὶ κρητικῶς γέγραπται διὰ τοῦ ει διφθόγγου. πειρώμενος· δοκιμάζων. ἀμφιφορῆος· πίθου, τοῦ ἀμφοτέρωθεν φερομένου.

<!-- 4.463 -->Ἤρεισεν· ἥρμησεν, ἡδραίωσεν. φυσητῆρα· αὐλὸν, τὸν σίφωνα.

<!-- 4.464 -->Ἐρύει· ἕλκει. μέθυος· οἴνου.

<!-- 4.466 -->Κυμαίνουσαι· φυσώμεναι.

<!-- 4.468 -->Ἄκικυς· ἀσθενής.

<!-- 4.469 -->Ἀδινόν· πολὺ, λεπτόν.

<!-- 4.470 -->Ἀγαθή· ἑτοῖμος.

<!-- 4.471 -->Φύζα· φόβος, φυγή. δέδυκε· εἰσέρχεται. δέδῃε· ὑπεισέρχεται.

<!-- 4.472 -->Ὑποτρομέουσι· τὰ πάντα ἅπερ ἐῶσι φοβοῦνται. σύν· ἐν. χυθεῖσαι· ὁρμηθεῖσαι.

<!-- 4.473 -->Ἐμπεφύασι· κεκόλληνται.

<!-- 4.474 -->Ἀναγκαίοιο· βιαστικοῦ, ἀναγκαστικοῦ, ἤως καθάπερ δύναμιν δεσμοῦ ἐξ ἀνάγκης αὐτῷ ἐπικειμένη φέρουσι, τουτέστιν ἄλλου δεσμεύσαντος αὐτὰς ἀναγκαστικῶς.

<!-- 4.475 -->Μητίσαιο· νοήσῃς, κατανοήσῃς.

<!-- 4.476 -->Τοῖον· οὕτως, τοιοῦτον. ἔχονται· δεδέσμηνται.

<!-- 4.477 -->Ἔργμασιν· κωλύμασι, στηρίγμασι, καλύμμασι, θαλασσίοις λίθοις κεκρυμμένοις. ἔκελσαν· ἔτυχον, ἐνέτυχον· νῆες προσέκελσαν αὐταῖς ὥσπερ ἐν φραγμῷ ἢ τοίχῳ, καὶ ἐνεποδίσθησαν ἐξ αὐτῶν.

<!-- 4.478 -->Σφιν· αὐταῖς, αὐτάς. ἐνιπλήσσουσιν· ἐμπλέκονται, τύπτουσιν. ἐρετμοῖς· κωπηλασίαις.

<!-- 4.479 -->Κληΐδων· ἐκ τῶν καθεδρῶν, ἐνέσχετο· ἐκωλύθη.

<!-- 4.480 -->Χοιράδος· ὑφάλου. ἀντιτυχοῦσα· πλήθης.

<!-- 4.481 -->Βουπλῆγα· πέλεκυν.

<!-- 4.482 -->Ἐτίναξε· ἔκοψεν. διέκερσε· διέκοψεν.

<!-- 4.483 -->Ἀπεδάσσατο· ἐμέρισεν, ἐμερίσατο. Τάμε· ἔκοψεν. ἐκόλουσεν· ἔκοψεν.

<!-- 4.485 -->Ἤμησε· ἐθέρισεν, ἔκοψεν.

<!-- 4.486 -->Οἰκτρόν· ἐλεεινὸν, ἐλέους ἄξιον. μογεροῖσιν· ἀθλίοις.

<!-- 4.487 -->Ἀνέηκαν· ἀνέδωκαν, ἀφῆκαν.

<!-- 4.488 -->Γόμφος· δεσμὸς, συναγμός. ἄρηρεν· ἥρμοσται.

<!-- 4.489 -->Καὶ μέν τις· γράφεται καί κέν τις. παλάμῃσιν· ἐν.

<!-- 4.490 -->Ἀντιάσας· τυχών. ἀμήσαιτο· λάβῃ, σωρεύσῃ, συναγάγῃ, ἀποσπάσῃ.

<!-- 4.491 -->Φράσσωνται· νοήσωνται. πεπτηυίας· κειμένας, συνηγμένας. περιπτύσσουσιν· ἀποκλείουσι, κρύπτουσιν.

<!-- 4.494 -->Νόσφι· χωρίς. ἀφύῃσιν· ἐν.

<!-- 4.496 -->Νήησαν· συνῆξαν, ἐσώρευσαν. χύσιν· σωρόν.

<!-- 4.497 -->Ἐργατίναι· θερισταὶ, γεωργοί· παραβολή· ἐργατίνης ὁ θεριστὴς, καὶ κλίνεται ἐργατίνου. δηοῦς· θέρους, τῆς γῆς, τοῦ θερισμοῦ τῆς γῆς. τελέσαντες· πληρώσαντες.

<!-- 4.498 -->Πνοιῇσι· ἐν. ἐρετμοῖς· λικμητηρίοις, τριόδουσι, πτύοις.

<!-- 4.499 -->Εὐτροχάλοιο· στρογγύλου. ἀλωῆς· ἁλῶνος.

<!-- 4.500 -->Ἐνηήσαντο· συνῆξαν, ἐσώρευσαν.

<!-- 4.501 -->Πυροδόκος· σῖτον δεχομένη, ἅλως. στεφάνη· ἡ περιφερὴς ἅλως.

<!-- 4.503 -->Ἀγχιάλοιο· πλησίον τοῦ αἰγιαλοῦ.

<!-- 4.504 -->Πηλαμύδων· Διὰ τί λέγονται πηλαμύδες; ὅτι ἐν τῷ πηλῷ μύουσι, τουτέστιν ἀμβλυωποῦσι κατὰ τὸν χειμῶνα ἐν τοῖς πηλώδεσιν· οἱ δέ φασιν, ὅτι φυσικῶς τῷ ἑτέρῳ τῶν ὀφθαλμῶν ὁρῶσι, τῷ δὲ λοιπῷ οὐκέτι, καὶ τοῦτο τεκμηριοῖ ὁ Αἰσχύλος λέγων·

  
τὸ σκαιὸν ὄμμα παραβαλὼν θύννου δίκην.  

<!-- 4.505 -->Εἰλείθυιαι· γεννήματά εἰσιν, γεννήσεις.

<!-- 4.506 -->Κεῖναι· αἱ θύνναι. Μαιῶτις· ἔστι θάλασσα ὑπεράνω τοῦ Εὐξείνου πόντου, ἥτις εἰς τὸν Εὔξεινον πόντον εἰσρέει καὶ ἐξ αὐτῆς τῆς Μαιώτιδος καλεῖται καὶ ὁ Εὔξεινος πολλάκις Μαιῶτις, ἡ μαιεύουσα ἢ τρέφουσα τοὺς ἰχθύας. ξυμβάλλεται· εἰσέρχονται.

<!-- 4.507 -->Δονακῆας· καλαμῶνας.

<!-- 4.508 -->Ὑδρηλούς· καθύγρους, διύγρας, καθύλους. ὠδῖνος· τῆς γεννήσεως. ἐπαλγέος· δεινοτάτης.

<!-- 4.509 -->Μεταδρομάδην· μετὰ σπουδῆς. μετατροπάδην· μεταδρομάδην, μετὰ δρόμου, ἢ ἐπιτρέχουσαι.

<!-- 4.510 -->Σχοίνοισι· βρύοις, βρούλοις, σχῖνος δὲ δένδρον.

<!-- 4.511 -->Ὥρη· ὁ καιρός.

<!-- 4.512 -->Πρῶτον· πρώτως. ἐπιψαίρωσι· κινηθῶσιν. πόροιο· τοῦ πόντου. πειρήσονται· δοκιμάσωσι, δοκίμασον.

<!-- 4.513 -->Μετά· εἰς.

<!-- 4.514 -->Ἠβαιαί· ἀσθενεῖς.

<!-- 4.515 -->Βάθιστον· ὥσπερ παρὰ τὸ ἡδὺς ἥδιστος, οὕτω καὶ παρὰ τὸ βαθὺς βάθιστος.

<!-- 4.516 -->Κλήροισι· καθέδραις. τετύχθαι· κατασκευάσαι.

<!-- 4.517 -->Μέλας· πόντος, παρὰ τὸ μὴ λάω ἢ τὸ οὐ βλέπω. λάβρος· ἀπὸ τοῦ λίαν καὶ τοῦ βορός.

<!-- 4.518 -->Ὑπέροπλοι· ἰσχυροὶ, ἀναίσχυντοι. ἐπιθρώσκουσιν· ἐπιτρέχουσιν.

<!-- 4.519 -->Πεφύασι· εἴσιν, ὑπάρχουσιν.

<!-- 4.520 -->Πηλώεντες· ἀττικὴ ἐπαύξησις. ἀθέσφατοι· ἀκατανόητοι, ἄλεκτοι. πολλά· τῶν βοτανῶν.

<!-- 4.521 -->Τίκτεται· οἷον σκώληκες. δαῖτας· τροφὰς, βρύα καὶ τὰ τοιαῦτα· ἐκ τούτων γὰρ τρέφονται οἱ ἰχθύες· γράφεται δέμας. ὀφέλλει· αὐξάνει, αὔξει, φύει.

<!-- 4.522 -->Ἔνθα· ἐκεῖ. κέλευθα· ὁδοί.

<!-- 4.523 -->Ἐσμοῖσι· πλήθεσιν. περιώσιον· περισσότερον.

<!-- 4.524 -->Φρίσσουσι· φοβοῦνται. δυσαέα· δύσπνευστον, δύσπνοον. ὁρμήν· πνοήν.

<!-- 4.525 -->Χεῖμα δέ· ἱστοροῦσιν ὅτι ἡ πηλαμὺς ἀμβλυωπεῖ κατὰ τὸν καιρὸν τοῦ χειμῶνος ἐν τοῖς πηλώδεσι τόποις, τινὲς δέ φασιν, ὅτι τῷ ἑτέρῳ τῶν ὀφθαλμῶν ὁρῶσι φυσικῶς, τῷ δὲ λοιπῷ οὐκέτι, ὡς καὶ Αἰσχύλος·

  
τὸ σκαιὸν ὄμμα παραβαλὼν θύννου δίκην.  
ἀπαμβλύνει· ἐκτυφλοῖ.

<!-- 4.526 -->Ἔνθα· ὅπου.

<!-- 4.527 -->Μένουσι· καρτεροῦσιν.

<!-- 4.528 -->Λαρόν· ἡδὺ, τὸ γλυκὺ ἢ τὸ θερμόν. τῇδε· ἐκεῖ, ἐνταῦθα, ἐκεῖ δʼ αὐτοῖς ἡ ἐπιθυμία ἀνύεται τῆς γονῆς, τουτέστι τῆς συνουσίας. ἄνεται· γίνεται, αὐξάνεται. εὐνῆς· εὐναῖς.

<!-- 4.529 -->Παλίμποροι· παλιμπόρευτοι. ἵενται· πορεύονται.

<!-- 4.530 -->Μόγον· τόκον.

<!-- 4.532 -->Ἀγρώσσουσι· ἀγρεύουσιν αὐτὰς θήραν χαλεπὴν καὶ εὐτρεπῆ τοῦ πολέμου.

<!-- 4.533 -->Ἀργαλέην· ἐπίπονον, ἀτερπέα, ἀνευφρόσυνον. δηϊοτῆτος· πολέμου, ἀγρεύσεως.

<!-- 4.534 -->Θεσμὸν ὑφʼ· ὑπὸ νόμον. αἱματόεντα· αἱματηρὸν, αἱματικά.

<!-- 4.535 -->Πάχετός τε μεγίστη· παχεῖα.

<!-- 4.536 -->Στιβαρή· στερεά. δοκίς· ξύλον. ἄκρῃ· τῆς δοκίδος.

<!-- 4.537 -->Πολλὴ μέν· διὰ τὸ εἰδέναι δηλονότι.

<!-- 4.538 -->Ἐπασσύτεραι· πυκνότεραι, πυκναί.

<!-- 4.539 -->Ἐπίμηκες· μακρότατον. ἀμφιβέβηκε· περὶ τὸ ξύλον δέδεται, εἰς αὐτὸ τὸ ξύλον δέδεται.

<!-- 4.540 -->Δουρί· κώπῃ. ἀναπλώσαντες· ἀναχθέντες. βάθιστος· ὑπάρχει.

<!-- 4.541 -->Ἠερόεντα· σκοτεινόν. περικρατές· ἰσχυρόν.

<!-- 4.542 -->Εἰλατίνου· ξύλου, ἀπὸ τοῦ ἄκρου ξύλου τῆς δοκοῦ τῆς ἀπʼ ἐλάτης δένδρου. κρατερὸν σθένος· τὴν ἰσχυρὰν δύναμιν.

<!-- 4.543 -->Σπερχόμενον· βαρυνόμενον, κινούμενον. καταῤῥεπές· κατωφερὲς γινόμενον, κάτω ῥέπον.

<!-- 4.544 -->Σεύεται· ὁρμᾷ. ἔνθα· ἢ ἐν τῇ ἐσχάτῃ ῥίζῃ.

<!-- 4.545 -->Προὔτυψεν· ἐφάνη. ἰλύσι· ῥύποις. πεπτηυίαις· κειμένας.

<!-- 4.546 -->Ἕλε· προσέπεσεν. ἐτόρησεν· προσεπέβαλεν.

<!-- 4.547 -->Ἐληλαμένας· πεπηγμένας.

<!-- 4.549 -->Θρασυκάρδιος· ἀνελεήμων, ἀπηνής.

<!-- 4.550 -->Θήρης· ἕνεκα.

<!-- 4.551 -->Ἐλήλατο· διῆλθεν, ὥρμησεν.

<!-- 4.553 -->Οὔταται· τέτρωται. νηδὺν δʼ ἑτέρης· ἕλε συνεκδοχικῶς.

<!-- 4.554 -->Ἄρης· ὁ σίδηρος. κενεῶνα· λαγόνα. πέπαρται· διαπερόνηται.

<!-- 4.555 -->Κλιθέντος· παυθέντος, παύσαντος, τραπέντος· ὁμοιοῖ καὶ εἰκονίζει τὸ εἴδωλον τοῦ πολέμου, τουτέστι τῶν ἐκ τοῦ πολέμου νεκρῶν. ἐνυαλίοιο· πολεμικοῦ.

<!-- 4.556 -->Δουριφάτους· δορυφονεύτους. ἐξανελόντες· Καλλίμαχος ἄπελον τὸ ἕλκος λέγει ἀπὸ τοῦ α στερητικοῦ μορίου καὶ τοῦ πελῶ τὸ πλησιάζω, τὸ ἑλκυσθὲν καὶ διακριθὲν κατὰ διέχειαν σῶμα· τὰ γὰρ ἕλκεα πολλὰ καὶ αἰόλα ἐν τοῖς σώμασι τῶν νεκρῶν.

<!-- 4.557 -->Στέλλουσιν· ἀπατοῦσιν.

<!-- 4.558 -->Μυρόμενοι· θρηνοῦντες. σώμασι· ἐν τοῖς.

<!-- 4.559 -->Ἕλκεα· τραύματα. βολαί· κατατοξεύσεις.

<!-- 4.560 -->Ἐπιπρέπει· φέρει.

<!-- 4.561 -->Εἴδωλον πολέμοιο· τὸ ὁμοίωμα, ὁ σίδηρος.

<!-- 4.562 -->Ἀφαυρῶν· ἀσθενῶν.

<!-- 4.563 -->Κνέφας· νύκτα, σκότος

<!-- 4.564 -->Ἐμπίπτει· ἔλθῃ, εἰσέρχεται. ὀρφναῖον· κατὰ τὸ σκότος.

<!-- 4.565 -->Ὄρφνῃ· σκοτίᾳ. ἀτυζόμεναι· φοβούμεναι.

<!-- 4.566 -->Κοῦφα· λεπτὰ, ψιλά. ἐλαφρῶν· ψιλῶν.

<!-- 4.567 -->Βίῃ· δυνάμει. θείνοντες· τύπτοντες.

<!-- 4.568 -->Δοῦπον· γράφεται νῶτον. κοντοῖς· κονταρίοις. καταΐγδην· ὁρμητικῶς.

<!-- 4.569 -->Σμαραγῆς· γράφεται μαρμαρυγῆς. μαρμαρυγῆς· φαντασίας, κινήσεως, ἐκλάμψεως. πολυαρέος· πολυκωπηλάτου. ὁμάδοιο· θορύβου.

<!-- 4.570 -->Φυζαλέαι· φυγάδες, φεύγουσαι. ἵενται· εἰσέρχονται.

<!-- 4.571 -->Ἀτρέμας· ἡσύχως. ἑστηῶτος· ἱσταμένου.

<!-- 4.572 -->Δούποιο· κτύπου. εἰσεπέρησαν· ἦλθον, εἰσῆλθον.

<!-- 4.573 -->Ἐπισπέρχουσʼ· σπουδάζουσιν.

<!-- 4.575 -->Σχοίνους· σημείωσαι· Σχοῖνος πόλις, σχοῖνος δὲ δένδρον. κινυμένας· πεπλεγμένας. ἀνεμώλια· ματαῖα.

<!-- 4.576 -->Εἰλύμεναι· κρυπτόμεναι. εἱλόμεναι· συγκλειόμεναι, συσφιγγόμεναι πρὸς ἀλλήλους. ἐσπείρηνται· ἀθροίζονται, συναθροίζονται· σπεῖρα ἡ ἕλιξ τοῦ ὄφεως λέγεται, ἐνταῦθα δʼ ἐσπείρηνται ἀντὶ τοῦ συνεσφίγχθησαν· σπεῖρα γὰρ τὸ σύνταγμα καὶ τὸ ἄθροισμα· σπεῖρα γὰρ καὶ ὁ ἐντυλιγμὸς τοῦ ὄφεως· ἐσπείρηνται ἀντὶ τοῦ δίκην ὄφεως συσφίγγονται.

<!-- 4.577 -->Ἀρήσαιτο· ἐπεύξαιτο.

<!-- 4.578 -->Θορεῖν· ὑπερπηδῆσαι.

<!-- 4.579 -->Κινύμενον· ὁρμούμενον. δεῖξαι· ταῖς ἄλλαις. πόρον· ἔκβασιν.

<!-- 4.580 -->Ὑπὲρ κούφοιο λίνοιο· ὑπερπηδῶσαι τοῦ λίνου.

<!-- 4.581 -->Ἀΐσσουσι· ὁρμῶσιν.

<!-- 4.582 -->Ἁλιπλάγκτων· θαλασσοπλανήτων. νεμεσήσει· ὀργίσθη.

<!-- 4.584 -->Ἔξαλοι· ἐκτὸς τῆς ἁλὸς, ἐκτὸς τῆς θαλάσσης. ἐνέχονται· δεσμοῦνται.

<!-- 4.585 -->Μηρίνθῳ· σχοίνῳ. πολυδινέϊ· πολυκινήτῳ. πεπτηυῖαι· κείμεναι· γράφεται πεφρικυῖαι.

<!-- 4.586 -->Ὀρέστεροι· ὀρεινότεροι· παραβολή.

<!-- 4.587 -->Ἄναλκιν· ἀσθενῆ. εὐαγρέϊ· εὐαγρεύτῳ.

<!-- 4.588 -->Μηρίνθων· λίνων ἢ σχοίνων. στέψαντες· στεφανώσαντες, περικυκλώσαντες. δρίος· δάσος, ὄρος.

<!-- 4.589 -->Θοά· ταχύτατα.

<!-- 4.590 -->Ἠλέματα· ματαίως, ματαῖαι· ἠλέματον τὸ μάταιον. Ἠλέματα ἀπὸ δύο λέξεων ὁμοδυνάμων σύγκειται, τὸ ἠλεὸν καὶ τοῦ μάταιον, καὶ γίνεται ἠλέματον ὥσπερ ἀπὸ τοῦ ὄρω καὶ τοῦ θύνω τὸ ὀροθύνω, καὶ ἀπὸ τοῦ χέω καὶ ῥέω καὶ νάω χρόνος. πτώσσουσι· φοβοῦνται. κενόν· μάταιον.

<!-- 4.591 -->Μαψιδίαις· ματαίαις. μαψιδίως· ματαίως. πτερύγεσσι· κατὰ παράχρησιν πτέρυγας τὰ πτερά. ἀτυζόμεναι· φοβούμεναι.

<!-- 4.593 -->Δύπτης· κολυμβητής, δύτης κατʼ ἔλλειψιν τοῦ π, ἤως ὁ ἐν τῇ θαλάσσῃ δύων κολυμβητής. εὐμήχανος· ἐπιστήμων.

<!-- 4.594 -->Δόλου· δελεάσματος.

<!-- 4.595 -->Χέρσον ἀμειβόμενος· βαδίζων ἐν τῇ γῇ.

<!-- 4.598 -->Εἰλόμενοι· κρυπτόμενοι. πτώσσουσιν· κεῖνται.

<!-- 4.599 -->Δόχμιοι· πλάγιοι. ἀναφρίσσουσι· ὁπλίζονται, ὀρθοῦσιν, ἀνορθοῦσιν.

<!-- 4.600 -->Μετακλίνοντες· τιθέντες, μεταβάλλοντες. σκολόπεσσιν· ὀξύτησιν, ὀρθοῖς ξύλοις.

<!-- 4.601 -->Περίδρομον· στρογγύλον. ἀλωῆς· ἀμπέλου.

<!-- 4.602 -->Ἀγρονόμοι· οἱ γεωργοὶ, οἱ ἔχοντες τὴν τροφὴν ἐκ τοῦ ἀγροῦ. σίντῃσι· βλάπτουσι, κλέπταις. μεγάπονον· μέγαν πόνον.

<!-- 4.603 -->Ἐσβαίη· εἰσέλθῃ. σκῶλοι· ἐμποδιστικοὶ, ὀρθὰ ξύλα. ἐρητύουσι· κωλύουσιν.

<!-- 4.604 -->Ἐνιχρίμψειεν· προσψαύσειεν. ἑτοίμοις· ἀντὶ τοῦ ἰσχυροῖς παρὰ τὸ κρατηθῆναι, εὐχερέσι, προχείροις, εὐτόλμοις περὶ τὸ κρατεῖσθαι.

<!-- 4.605 -->Φρίσσουσι· πεπύκνωνται, ἀνορθοῦνται.

<!-- 4.606 -->Πρόκροσσαι· ὀξύτητες, ἐξέχουσαι. πυκινῇσιν· ὀξύτησιν. σταλίκεσσιν· ταῖς ὀξυτέραις ἐκ μεταφορᾶς τῶν κινητικῶν· στάλικες τὰ πολυβέργια.

<!-- 4.607 -->Ἰδμοσύνῃσιν· ἐμπειρίαις. κεύθεα· βάθη.

<!-- 4.608 -->Ἐσσυμένως· ὡρμημένως. δύοιτο· εἰσέλθῃ εὐκτικὸν ἀντὶ τοῦ προστακτικοῦ, ἀντὶ τοῦ εἰσελθέτω. ἢ οὕτως· εὐκτικὸν ἀντὶ τοῦ νὰ εἰσέλθοι τὸ ἐν ταῖς ἐμπορίαις· ὁμοίως καὶ τὸ περιφράσσοιτο. περιφράσσοιτο· περιβλέψοιτο.

<!-- 4.609 -->Κλίσις· ῥοπή.

<!-- 4.611 -->Καταῤῥέξειεν· κατακρατήσειεν ἐπικλίνοι· ἐπιφέροι πιέζων· συσφίγγων, ἐπισφίγγων.

<!-- 4.613 -->Ἀστεμφεῖς· ἀχώριστοι.

<!-- 4.615 -->Ἀναπλώει· ἀναχωρεῖ. πανεπίκλοπον· δόλιον.

<!-- 4.616 -->Πετραίην δὲ σκίαιναν· ἡ σύνταξις τρισσῶς, ἢ κατὰ στιγμὴν, ἢ κατʼ ἐπένθεσιν εἰς προθέσεως, ἢ κατʼ ἀντίπτωσιν.

<!-- 4.617 -->Σπιλάδεσσιν· ὑφάλοις πέτραις. ἐπέσσυτο· ὥρμησεν.

<!-- 4.618 -->Χειήν· κατάδυσιν. εἰσεπέρησεν· ἐπέδραμεν. περίδρομον· κυκλοτερῆ. χαράδρην· παρὰ τὸ κεχαράδραι

<!-- 4.619 -->Ἁλίῃσι· θαλασσίαις.

<!-- 4.620 -->Οἷον· δυνατόν.

<!-- 4.621 -->Οἶον· μόνον.

<!-- 4.622 -->Φράξασθαι· καλύψαι, περικαλύψασθαι.

<!-- 4.623 -->Ἐφορμήν· ἐπέλευσιν.

<!-- 4.624 -->Ὠμηστῆρος· ὠμοφάγου· παραβολή.

<!-- 4.625 -->Βουβαλίς· βούβαλος.

<!-- 4.626 -->Μαψιδίην· ματαίαν. προτιβάλλεται· ποιεῖ.

<!-- 4.628 -->Δαρδάψῃ· καταφάγῃ. ὁμοίϊον τὸ αὐτό.

<!-- 4.630 -->Τοιάδε καί· οὕτω καὶ ἡ στρουθοκάμηλος ποιεῖ ὡς ἡ βουβαλίς. Λιβύης πτερόεν βοτόν· τὸν στρουθοκάμηλον λέγει. ἀγκυλόδειρον· λοξοτράχηλον.

<!-- 4.631 -->Μελέη· ματαία. ἔπλετο· ἐγένετο.

<!-- 4.632 -->Ἀταλή· ἁπαλή. μελέῃσι· ματαίαις. ἐλπωρῇσι· ἐλπίσιν.

<!-- 4.633 -->Μιν· αὐτόν. ἐρυσσάμενος· ἑλκύσας.

<!-- 4.634 -->Ἀνέδυ· ἀνῆλθεν. ἀφραίνουσαν· κενομένην. ἔφηνε ἔφανεν, εἶπεν, ἐφόνευσε καὶ ἔδειξεν.

<!-- 4.635 -->Ἐδάην· ἔμαθον. ἁλιεργέα· τὰ τῆς θαλάσσης ἔργα.

<!-- 4.636 -->Πικρὸν ὄλεθρον· ἐδάην.

<!-- 4.637 -->Ὁμοίϊος· κακή. αἶσα· θάνατος. κιχάνει· καταλαμβάνει.

<!-- 4.638 -->Κύρτων τʼ ἀγκίστρων· ἐκ τούτων πάντων ἀγρεύονται τὰ λοιπά. πολυπλεκέος· βαθύ.

<!-- 4.639 -->Ἔντεα· ἅρματα, ὅπλα. τέχνης· ἤως ἐργαλεῖα.

<!-- 4.640 -->Ὑπηματίους· κατὰ τὴν ἡμέραν· πολλάκις γὰρ τῷ φωτὶ ἀγρεύονται οἱ ἰχθύες. ἕσπερος· κατά.

<!-- 4.642 -->Γλαφυρόν· βαθύτατον.

<!-- 4.643 -->Ἀτρεμέουσιν· ἡσυχάζουσιν. ἀείδελον· ἀφανῆ.

<!-- 4.646 -->Ῥιπῆς τριγλώχινος· τῆς ὁρμῆς τοῦ μὴ προσηνοῦς τριόδοντος τυχόντες.

<!-- 4.648 -->Φαρμακταῖς· πανούργοις, πανουργοτάτοις· τινὲς γὰρ τῶν ἰχθύων φαρμάκοις ἀγρεύονται. λυγρόν· χαλεπόν.

<!-- 4.650 -->Ἐπασσυτέραις· συχνοτέραις.

<!-- 4.651 -->Αἰκίῃσιν· τύψεσιν.

<!-- 4.652 -->Εἱλεῦσιν· συστρέφουσιν, συγκλείουσι τὴν πορείαν, τὴν κίνησιν, τὸ πλῆθος τῶν ἰχθύων.

<!-- 4.653 -->Κοιλοφυῆ· λακκώδη, βαθῆ. ὑπαγνύμενον· μεριζόμενον. ὑπαγνύμενοι· ὑποκυκλούμενοι.

<!-- 4.654 -->Δύνουσιν· ὁρμῶσιν.

<!-- 4.657 -->Περιπροβαλόντες· στησάμενοι. ἀνάρσια· ἐχθρά.

<!-- 4.658 -->Ἄργιλον· λευκήν. πίειραν· λιπαράν. ἀείρας· συνάξας.

<!-- 4.659 -->Ἐφήμισαν. ὠνόμασαν.

<!-- 4.660 -->Φυρήσατο· ἔμιξεν.

<!-- 4.661 -->Λίνων ὑπέρ· ὑπεράνω τῶν δικτύων. ἐγκατέπαλτο· ἔῤῥιψεν. αὐτῆς· αὐταῖς.

<!-- 4.662 -->Δυσαέα· κακόπνευστα.

<!-- 4.663 -->Ἐχθοδοποῖο· μισητοῦ, ἐχθρώδας. ἐξεμίηνε· ἐμίανεν.

<!-- 4.664 -->Παλίνορσον· ὀπισθόρμητον. φαρμάξαντα· φαρμακοποιήσαντα.

<!-- 4.665 -->Αἶψα· ταχέως. ἀνάρσιος· μισητός.

<!-- 4.666 -->Ἀχλύϊ· σκοτίᾳ.

<!-- 4.668 -->Ἀτυζόμενοι· φοβούμενοι. χέονται· σκοτίζονται.

<!-- 4.670 -->Πικροτέρη· ἐστίν. πέφυρται· μέμικται.

<!-- 4.671 -->Ὀλοῇ· ἐν. ὀδμῇ· ὀσμῇ.

<!-- 4.673 -->Ἐπαΐγδην· συντόμως, ὁρμητικῶς.

<!-- 4.674 -->Πίπτουσι· περιπίπτουσιν. διεκθορέειν· διεξελθεῖν καὶ ἀποφυγεῖν τὴν κακότητα.

<!-- 4.675 -->Ἀλεωρή· ἀνάπαυσις.

<!-- 4.676 -->Ἅλμασι· πηδήμασιν.

<!-- 4.677 -->Τειρόμενοι· δαμαζόμενοι.

<!-- 4.678 -->Φύσημα· πνοή.

<!-- 4.680 -->Ἀκηδέες· ἄλυποι.

<!-- 4.682 -->Στονόεσσαν· στενακτικήν. ἀϋτμήν· πνοήν.

<!-- 4.684 -->Λωβήτορι· βλαπτικῷ, ἐπονειδίστῳ. πότμῳ· θανάτῳ.

<!-- 4.685 -->Ὡς δʼ· συμβαίνει· παραβολή.

<!-- 4.686 -->Φροῦδον· κρυπτὸν, ἀφανῆ. ἐελδόμενοι· ἤως δόλον ἐλπίζοντες. ῥαῖσαι· φθεῖραι. ἀνιεῖσι· ἐνδίδωσιν, καταλείπωσι, ῥᾳθυμοῦσιν.

<!-- 4.687 -->Ἐπί σφισιν· κατὰ τῶν πολιτῶν.

<!-- 4.688 -->Φάρμαξαν· ἐμίαναν. ὀλέθριον· πῶς, ὀλεθρίως.

<!-- 4.689 -->Ὀϊζύϊ· κακοπαθείᾳ. μοχθίζοντες· κακοπαθοῦντες.

<!-- 4.690 -->Ὕδατι· ἐν. στυγερόν· μισητόν. ἀεικέα· κακὸν, ἀπρεπῆ.

<!-- 4.692 -->Ἀδευκέϊ· πικρῷ, ἀπρεπεῖ.

<!-- 4.693 -->Ὑποδμηθέντες· δεσμηθέντες.

## License and provenance

Eulogikon publishes public-domain Greek texts in cleaned, structured, readable form and makes no copyright claim over that preparation (Public Domain Mark 1.0, https://creativecommons.org/publicdomain/mark/1.0/). Cite as `eul_wid: xse-aad`.