--- title: Odyssey title_greek: Ὀδύσσεια author: Homer eul_wid: abe-ab eul_aid: abe canonical: "https://eulogikon.org/works/homer-odyssey-abe-ab" lang: grc period: Archaic dialect: Homeric domain: "Poetry, Mythology" genre: Epic content_hash: "sha256:77b70567b818532f64d9a1d4bba95e639974a0bd9f6e438b6e0860a5c214e00d" content_modified_at: "2026-09-24" license: "https://creativecommons.org/publicdomain/mark/1.0/" --- # Odyssey *Ὀδύσσεια* **Author:** Homer **eul_wid:** `abe-ab` · [HTML page](https://eulogikon.org/works/homer-odyssey-abe-ab) ## Text ### book 1.1 Ἄνδρα μοι ἔννεπε, Μοῦσα, πολύτροπον, ὃς μάλα πολλὰ ### book 1.2 πλάγχθη, ἐπεὶ Τροίης ἱερὸν πτολίεθρον ἔπερσε· ### book 1.3 πολλῶν δ’ ἀνθρώπων ἴδεν ἄστεα καὶ νόον ἔγνω, ### book 1.4 πολλὰ δ’ ὅ γ’ ἐν πόντῳ πάθεν ἄλγεα ὃν κατὰ θυμόν, ### book 1.5 ἀρνύμενος ἥν τε ψυχὴν καὶ νόστον ἑταίρων. ### book 1.6 ἀλλ’ οὐδ’ ὧς ἑτάρους ἐρρύσατο, ἱέμενός περ· ### book 1.7 αὐτῶν γὰρ σφετέρῃσιν ἀτασθαλίῃσιν ὄλοντο, ### book 1.8 νήπιοι, οἳ κατὰ βοῦς Ὑπερίονος Ἠελίοιο ### book 1.9 ἤσθιον· αὐτὰρ ὁ τοῖσιν ἀφείλετο νόστιμον ἦμαρ. ### book 1.10 τῶν ἁμόθεν γε, θεά, θύγατερ Διός, εἰπὲ καὶ ἡμῖν. ### book 1.11 ἔνθ’ ἄλλοι μὲν πάντες, ὅσοι φύγον αἰπὺν ὄλεθρον, ### book 1.12 οἴκοι ἔσαν, πόλεμόν τε πεφευγότες ἠδὲ θάλασσαν· ### book 1.13 τὸν δ’ οἶον, νόστου κεχρημένον ἠδὲ γυναικός, ### book 1.14 νύμφη πότνι’ ἔρυκε Καλυψώ, δῖα θεάων, ### book 1.15 ἐν σπέεσι γλαφυροῖσι, λιλαιομένη πόσιν εἶναι. ### book 1.16 ἀλλ’ ὅτε δὴ ἔτος ἦλθε περιπλομένων ἐνιαυτῶν, ### book 1.17 τῷ οἱ ἐπεκλώσαντο θεοὶ οἶκόνδε νέεσθαι ### book 1.18 εἰς Ἰθάκην, οὐδ’ ἔνθα πεφυγμένος ἦεν ἀέθλων ### book 1.19 καὶ μετὰ οἷσι φίλοισι· θεοὶ δ’ ἐλέαιρον ἅπαντες ### book 1.20 νόσφι Ποσειδάωνος· ὁ δ’ ἀσπερχὲς μενέαινεν ### book 1.21 ἀντιθέῳ Ὀδυσῆϊ πάρος ἣν γαῖαν ἱκέσθαι. ### book 1.22 ἀλλ’ ὁ μὲν Αἰθίοπας μετεκίαθε τηλόθ’ ἐόντας, ### book 1.23 Αἰθίοπας, τοὶ διχθὰ δεδαίαται, ἔσχατοι ἀνδρῶν, ### book 1.24 οἱ μὲν δυσομένου Ὑπερίονος, οἱ δ’ ἀνιόντος, ### book 1.25 ἀντιόων ταύρων τε καὶ ἀρνειῶν ἑκατόμβης. ### book 1.26 ἔνθ’ ὅ γε τέρπετο δαιτὶ παρήμενος· οἱ δὲ δὴ ἄλλοι ### book 1.27 Ζηνὸς ἐνὶ μεγάροισιν Ὀλυμπίου ἁθρόοι ἦσαν. ### book 1.28 τοῖσι δὲ μύθων ἦρχε πατὴρ ἀνδρῶν τε θεῶν τε· ### book 1.29 μνήσατο γὰρ κατὰ θυμὸν ἀμύμονος Αἰγίσθοιο, ### book 1.30 τόν ῥ’ Ἀγαμεμνονίδης τηλεκλυτὸς ἔκταν’ Ὀρέστης· ### book 1.31 τοῦ ὅ γ’ ἐπιμνησθεὶς ἔπε’ ἀθανάτοισι μετηύδα· ### book 1.32 “ὢ πόποι, οἷον δή νυ θεοὺς βροτοὶ αἰτιόωνται. ### book 1.33 ἐξ ἡμέων γάρ φασι κάκ’ ἔμμεναι· οἱ δὲ καὶ αὐτοὶ ### book 1.34 σφῇσιν ἀτασθαλίῃσιν ὑπὲρ μόρον ἄλγε’ ἔχουσιν, ### book 1.35 ὡς καὶ νῦν Αἴγισθος ὑπὲρ μόρον Ἀτρεΐδαο ### book 1.36 γῆμ’ ἄλοχον μνηστήν, τὸν δ’ ἔκτανε νοστήσαντα, ### book 1.37 εἰδὼς αἰπὺν ὄλεθρον, ἐπεὶ πρό οἱ εἴπομεν ἡμεῖς, ### book 1.38 Ἑρμείαν πέμψαντες, ἐΰσκοπον Ἀργεϊφόντην, ### book 1.39 μήτ’ αὐτὸν κτείνειν μήτε μνάασθαι ἄκοιτιν· ### book 1.40 ἐκ γὰρ Ὀρέσταο τίσις ἔσσεται Ἀτρεΐδαο, ### book 1.41 ὁππότ’ ἂν ἡβήσῃ τε καὶ ἧς ἱμείρεται αἴης. ### book 1.42 ὣς ἔφαθ’ Ἑρμείας, ἀλλ’ οὐ φρένας Αἰγίσθοιο ### book 1.43 πεῖθ’ ἀγαθὰ φρονέων· νῦν δ’ ἁθρόα πάντ’ ἀπέτεισε.” ### book 1.44 τὸν δ’ ἠμείβετ’ ἔπειτα θεὰ γλαυκῶπις Ἀθήνη· ### book 1.45 “ὦ πάτερ ἡμέτερε Κρονίδη, ὕπατε κρειόντων, ### book 1.46 καὶ λίην κεῖνός γε ἐοικότι κεῖται ὀλέθρῳ, ### book 1.47 ὡς ἀπόλοιτο καὶ ἄλλος ὅτις τοιαῦτά γε ῥέζοι. ### book 1.48 ἀλλά μοι ἀμφ’ Ὀδυσῆϊ δαΐφρονι δαίεται ἦτορ, ### book 1.49 δυσμόρῳ, ὃς δὴ δηθὰ φίλων ἄπο πήματα πάσχει ### book 1.50 νήσῳ ἐν ἀμφιρύτῃ, ὅθι τ’ ὀμφαλός ἐστι θαλάσσης, ### book 1.51 νῆσος δενδρήεσσα, θεὰ δ’ ἐν δώματα ναίει, ### book 1.52 Ἄτλαντος θυγάτηρ ὀλοόφρονος, ὅς τε θαλάσσης ### book 1.53 πάσης βένθεα οἶδεν, ἔχει δέ τε κίονας αὐτὸς ### book 1.54 μακράς, αἳ γαῖάν τε καὶ οὐρανὸν ἀμφὶς ἔχουσι. ### book 1.55 τοῦ θυγάτηρ δύστηνον ὀδυρόμενον κατερύκει, ### book 1.56 αἰεὶ δὲ μαλακοῖσι καὶ αἱμυλίοισι λόγοισι ### book 1.57 θέλγει, ὅπως Ἰθάκης ἐπιλήσεται· αὐτὰρ Ὀδυσσεύς, ### book 1.58 ἱέμενος καὶ καπνὸν ἀποθρῴσκοντα νοῆσαι ### book 1.59 ἧς γαίης, θανέειν ἱμείρεται. οὐδέ νυ σοί περ ### book 1.60 ἐντρέπεται φίλον ἦτορ, Ὀλύμπιε; οὔ νύ τ’ Ὀδυσσεὺς ### book 1.61 Ἀργείων παρὰ νηυσὶ χαρίζετο ἱερὰ ῥέζων ### book 1.62 Τροίῃ ἐν εὐρείῃ; τί νύ οἱ τόσον ὠδύσαο, Ζεῦ;” ### book 1.63 τὴν δ’ ἀπαμειβόμενος προσέφη νεφεληγερέτα Ζεύς· ### book 1.64 “τέκνον ἐμόν, ποῖόν σε ἔπος φύγεν ἕρκος ὀδόντων. ### book 1.65 πῶς ἂν ἔπειτ’ Ὀδυσῆος ἐγὼ θείοιο λαθοίμην, ### book 1.66 ὃς περὶ μὲν νόον ἐστὶ βροτῶν, περὶ δ’ ἱρὰ θεοῖσιν ### book 1.67 ἀθανάτοισιν ἔδωκε, τοὶ οὐρανὸν εὐρὺν ἔχουσιν; ### book 1.68 ἀλλὰ Ποσειδάων γαιήοχος ἀσκελὲς αἰὲν ### book 1.69 Κύκλωπος κεχόλωται, ὃν ὀφθαλμοῦ ἀλάωσεν, ### book 1.70 ἀντίθεον Πολύφημον, ὅου κράτος ἐστὶ μέγιστον ### book 1.71 πᾶσιν Κυκλώπεσσι· Θόωσα δέ μιν τέκε νύμφη, ### book 1.72 Φόρκυνος θυγάτηρ, ἁλὸς ἀτρυγέτοιο μέδοντος, ### book 1.73 ἐν σπέεσι γλαφυροῖσι Ποσειδάωνι μιγεῖσα. ### book 1.74 ἐκ τοῦ δὴ Ὀδυσῆα Ποσειδάων ἐνοσίχθων ### book 1.75 οὔ τι κατακτείνει, πλάζει δ’ ἀπὸ πατρίδος αἴης. ### book 1.76 ἀλλ’ ἄγεθ’ ἡμεῖς οἵδε περιφραζώμεθα πάντες ### book 1.77 νόστον, ὅπως ἔλθῃσι· Ποσειδάων δὲ μεθήσει ### book 1.78 ὃν χόλον· οὐ μὲν γάρ τι δυνήσεται ἀντία πάντων ### book 1.79 ἀθανάτων ἀέκητι θεῶν ἐριδαινέμεν οἶος.” ### book 1.80 τὸν δ’ ἠμείβετ’ ἔπειτα θεὰ γλαυκῶπις Ἀθήνη· ### book 1.81 “ὦ πάτερ ἡμέτερε Κρονίδη, ὕπατε κρειόντων, ### book 1.82 εἰ μὲν δὴ νῦν τοῦτο φίλον μακάρεσσι θεοῖσι, ### book 1.83 νοστῆσαι Ὀδυσῆα πολύφρονα ὅνδε δόμονδε, ### book 1.84 Ἑρμείαν μὲν ἔπειτα, διάκτορον Ἀργεϊφόντην, ### book 1.85 νῆσον ἐς Ὠγυγίην ὀτρύνομεν, ὄφρα τάχιστα ### book 1.86 νύμφῃ ἐϋπλοκάμῳ εἴπῃ νημερτέα βουλήν, ### book 1.87 νόστον Ὀδυσσῆος ταλασίφρονος, ὥς κε νέηται. ### book 1.88 αὐτὰρ ἐγὼν Ἰθάκηνδε ἐλεύσομαι, ὄφρα οἱ υἱὸν ### book 1.89 μᾶλλον ἐποτρύνω καί οἱ μένος ἐν φρεσὶ θείω, ### book 1.90 εἰς ἀγορὴν καλέσαντα κάρη κομόωντας Ἀχαιοὺς ### book 1.91 πᾶσι μνηστήρεσσιν ἀπειπέμεν, οἵ τέ οἱ αἰεὶ ### book 1.92 μῆλ’ ἁδινὰ σφάζουσι καὶ εἰλίποδας ἕλικας βοῦς. ### book 1.93 πέμψω δ’ ἐς Σπάρτην τε καὶ ἐς Πύλον ἠμαθόεντα ### book 1.94 νόστον πευσόμενον πατρὸς φίλου, ἤν που ἀκούσῃ, ### book 1.95 ἠδ’ ἵνα μιν κλέος ἐσθλὸν ἐν ἀνθρώποισιν ἔχῃσιν.” ### book 1.96 ὣς εἰποῦς’ ὑπὸ ποσσὶν ἐδήσατο καλὰ πέδιλα, ### book 1.97 ἀμβρόσια χρύσεια, τά μιν φέρον ἠμὲν ἐφ’ ὑγρὴν ### book 1.98 ἠδ’ ἐπ’ ἀπείρονα γαῖαν ἅμα πνοιῇς’ ἀνέμοιο. ### book 1.99 εἵλετο δ’ ἄλκιμον ἔγχος, ἀκαχμένον ὀξέϊ χαλκῷ, ### book 1.100 βριθὺ μέγα στιβαρόν, τῷ δάμνησι στίχας ἀνδρῶν ### book 1.101 ἡρώων, τοῖσίν τε κοτέσσεται ὀβριμοπάτρη, ### book 1.102 βῆ δὲ κατ’ Οὐλύμποιο καρήνων ἀΐξασα, ### book 1.103 στῆ δ’ Ἰθάκης ἐνὶ δήμῳ ἐπὶ προθύροις’ Ὀδυσῆος, ### book 1.104 οὐδοῦ ἐπ’ αὐλείου· παλάμῃ δ’ ἔχε χάλκεον ἔγχος, ### book 1.105 εἰδομένη ξείνῳ, Ταφίων ἡγήτορι, Μέντῃ. ### book 1.106 εὗρε δ’ ἄρα μνηστῆρας ἀγήνορας· οἱ μὲν ἔπειτα ### book 1.107 πεσσοῖσι προπάροιθε θυράων θυμὸν ἔτερπον, ### book 1.108 ἥμενοι ἐν ῥινοῖσι βοῶν, οὓς ἔκτανον αὐτοί. ### book 1.109 κήρυκες δ’ αὐτοῖσι καὶ ὀτρηροὶ θεράποντες ### book 1.110 οἱ μὲν ἄρ’ οἶνον ἔμισγον ἐνὶ κρητῆρσι καὶ ὕδωρ, ### book 1.111 οἱ δ’ αὖτε σπόγγοισι πολυτρήτοισι τραπέζας ### book 1.112 νίζον καὶ πρότιθεν, τοὶ δὲ κρέα πολλὰ δατεῦντο. ### book 1.113 τὴν δὲ πολὺ πρῶτος ἴδε Τηλέμαχος θεοειδής· ### book 1.114 ἧστο γὰρ ἐν μνηστῆρσι φίλον τετιημένος ἦτορ, ### book 1.115 ὀσσόμενος πατέρ’ ἐσθλὸν ἐνὶ φρεσίν, εἴ ποθεν ἐλθὼν ### book 1.116 μνηστήρων τῶν μὲν σκέδασιν κατὰ δώματα θείη, ### book 1.117 τιμὴν δ’ αὐτὸς ἔχοι καὶ κτήμασιν οἷσιν ἀνάσσοι. ### book 1.118 τὰ φρονέων μνηστῆρσι μεθήμενος εἴσιδ’ Ἀθήνην, ### book 1.119 βῆ δ’ ἰθὺς προθύροιο, νεμεσσήθη δ’ ἐνὶ θυμῷ ### book 1.120 ξεῖνον δηθὰ θύρῃσιν ἐφεστάμεν· ἐγγύθι δὲ στὰς ### book 1.121 χεῖρ’ ἕλε δεξιτερὴν καὶ ἐδέξατο χάλκεον ἔγχος, ### book 1.122 καί μιν φωνήσας ἔπεα πτερόεντα προσηύδα· ### book 1.123 “χαῖρε, ξεῖνε, παρ’ ἄμμι φιλήσεαι· αὐτὰρ ἔπειτα ### book 1.124 δείπνου πασσάμενος μυθήσεαι ὅττεό σε χρή.” ### book 1.125 ὣς εἰπὼν ἡγεῖθ’, ἡ δ’ ἕσπετο Παλλὰς Ἀθήνη. ### book 1.126 οἱ δ’ ὅτε δή ῥ’ ἔντοσθεν ἔσαν δόμου ὑψηλοῖο, ### book 1.127 ἔγχος μέν ῥ’ ἔστησε φέρων πρὸς κίονα μακρὴν ### book 1.128 δουροδόκης ἔντοσθεν ἐϋξόου, ἔνθα περ ἄλλα ### book 1.129 ἔγχε’ Ὀδυσσῆος ταλασίφρονος ἵστατο πολλά, ### book 1.130 αὐτὴν δ’ ἐς θρόνον εἷσεν ἄγων, ὑπὸ λῖτα πετάσσας, ### book 1.131 καλὸν δαιδάλεον· ὑπὸ δὲ θρῆνυς ποσὶν ἦεν. ### book 1.132 πὰρ δ’ αὐτὸς κλισμὸν θέτο ποικίλον, ἔκτοθεν ἄλλων ### book 1.133 μνηστήρων, μὴ ξεῖνος ἀνιηθεὶς ὀρυμαγδῷ ### book 1.134 δείπνῳ ἀηδήσειεν, ὑπερφιάλοισι μετελθών, ### book 1.135 ἠδ’ ἵνα μιν περὶ πατρὸς ἀποιχομένοιο ἔροιτο. ### book 1.136 χέρνιβα δ’ ἀμφίπολος προχόῳ ἐπέχευε φέρουσα ### book 1.137 καλῇ χρυσείῃ, ὑπὲρ ἀργυρέοιο λέβητος, ### book 1.138 νίψασθαι· παρὰ δὲ ξεστὴν ἐτάνυσσε τράπεζαν. ### book 1.139 σῖτον δ’ αἰδοίη ταμίη παρέθηκε φέρουσα, ### book 1.140 εἴδατα πόλλ’ ἐπιθεῖσα, χαριζομένη παρεόντων· ### book 1.141 δαιτρὸς δὲ κρειῶν πίνακας παρέθηκεν ἀείρας ### book 1.142 παντοίων, παρὰ δέ σφι τίθει χρύσεια κύπελλα, ### book 1.143 κῆρυξ δ’ αὐτοῖσιν θάμ’ ἐπῴχετο οἰνοχοεύων. ### book 1.144 ἐς δ’ ἦλθον μνηστῆρες ἀγήνορες· οἱ μὲν ἔπειτα ### book 1.145 ἑξείης ἕζοντο κατὰ κλισμούς τε θρόνους τε. ### book 1.146 τοῖσι δὲ κήρυκες μὲν ὕδωρ ἐπὶ χεῖρας ἔχευαν, ### book 1.147 σῖτον δὲ δμῳαὶ παρενήεον ἐν κανέοισι, ### book 1.148 [κοῦροι δὲ κρητῆρας ἐπεστέψαντο ποτοῖο.] ### book 1.149 οἱ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 1.150 αὐτὰρ ἐπεὶ πόσιος καὶ ἐδητύος ἐξ ἔρον ἕντο ### book 1.151 μνηστῆρες, τοῖσιν μὲν ἐνὶ φρεσὶν ἄλλα μεμήλει, ### book 1.152 μολπή τ’ ὀρχηστύς τε· τὰ γάρ τ’ ἀναθήματα δαιτός. ### book 1.153 κῆρυξ δ’ ἐν χερσὶν κίθαριν περικαλλέα θῆκε ### book 1.154 Φημίῳ, ὅς ῥ’ ἤειδε παρὰ μνηστῆρσιν ἀνάγκῃ. ### book 1.155 ἦ τοι ὁ φορμίζων ἀνεβάλλετο καλὸν ἀείδειν, ### book 1.156 αὐτὰρ Τηλέμαχος προσέφη γλαυκῶπιν Ἀθήνην, ### book 1.157 ἄγχι σχὼν κεφαλήν, ἵνα μὴ πευθοίαθ’ οἱ ἄλλοι· ### book 1.158 “ξεῖνε φίλ’, ἦ καί μοι νεμεσήσεαι ὅττι κεν εἴπω; ### book 1.159 τούτοισιν μὲν ταῦτα μέλει, κίθαρις καὶ ἀοιδή, ### book 1.160 ῥεῖ’, ἐπεὶ ἀλλότριον βίοτον νήποινον ἔδουσιν, ### book 1.161 ἀνέρος, οὗ δή που λεύκ’ ὀστέα πύθεται ὄμβρῳ ### book 1.162 κείμεν’ ἐπ’ ἠπείρου, ἢ εἰν ἁλὶ κῦμα κυλίνδει. ### book 1.163 εἰ κεῖνόν γ’ Ἰθάκηνδε ἰδοίατο νοστήσαντα, ### book 1.164 πάντες κ’ ἀρησαίατ’ ἐλαφρότεροι πόδας εἶναι ### book 1.165 ἢ ἀφνειότεροι χρυσοῖό τε ἐσθῆτός τε. ### book 1.166 νῦν δ’ ὁ μὲν ὣς ἀπόλωλε κακὸν μόρον, οὐδέ τις ἥμιν ### book 1.167 θαλπωρή, εἴ πέρ τις ἐπιχθονίων ἀνθρώπων ### book 1.168 φῇσιν ἐλεύσεσθαι· τοῦ δ’ ὤλετο νόστιμον ἦμαρ. ### book 1.169 ἀλλ’ ἄγε μοι τόδε εἰπὲ καὶ ἀτρεκέως κατάλεξον· ### book 1.170 τίς πόθεν εἰς ἀνδρῶν; πόθι τοι πόλις ἠδὲ τοκῆες; ### book 1.171 ὁπποίης τ’ ἐπὶ νηὸς ἀφίκεο; πῶς δέ σε ναῦται ### book 1.172 ἤγαγον εἰς Ἰθάκην; τίνες ἔμμεναι εὐχετόωντο; ### book 1.173 οὐ μὲν γάρ τί σε πεζὸν ὀΐομαι ἐνθάδ’ ἱκέσθαι. ### book 1.174 καί μοι τοῦτ’ ἀγόρευσον ἐτήτυμον, ὄφρ’ ἐῢ εἰδῶ, ### book 1.175 ἠὲ νέον μεθέπεις, ἦ καὶ πατρώϊός ἐσσι ### book 1.176 ξεῖνος, ἐπεὶ πολλοὶ ἴσαν ἀνέρες ἡμέτερον δῶ ### book 1.177 ἄλλοι, ἐπεὶ καὶ κεῖνος ἐπίστροφος ἦν ἀνθρώπων.” ### book 1.178 τὸν δ’ αὖτε προσέειπε θεὰ γλαυκῶπις Ἀθήνη· ### book 1.179 “τοιγὰρ ἐγώ τοι ταῦτα μάλ’ ἀτρεκέως ἀγορεύσω. ### book 1.180 Μέντης Ἀγχιάλοιο δαΐφρονος εὔχομαι εἶναι ### book 1.181 υἱός, ἀτὰρ Ταφίοισι φιληρέτμοισιν ἀνάσσω. ### book 1.182 νῦν δ’ ὧδε ξὺν νηῒ κατήλυθον ἠδ’ ἑτάροισι, ### book 1.183 πλέων ἐπὶ οἴνοπα πόντον ἐπ’ ἀλλοθρόους ἀνθρώπους, ### book 1.184 ἐς Τεμέσην μετὰ χαλκόν, ἄγω δ’ αἴθωνα σίδηρον. ### book 1.185 νηῦς δέ μοι ἥδ’ ἕστηκεν ἐπ’ ἀγροῦ νόσφι πόληος, ### book 1.186 ἐν λιμένι Ῥείθρῳ, ὑπὸ Νηΐῳ ὑλήεντι. ### book 1.187 ξεῖνοι δ’ ἀλλήλων πατρώϊοι εὐχόμεθ’ εἶναι ### book 1.188 ἐξ ἀρχῆς, εἴ πέρ τε γέροντ’ εἴρηαι ἐπελθὼν ### book 1.189 Λαέρτην ἥρωα, τὸν οὐκέτι φασὶ πόλινδε ### book 1.190 ἔρχεσθ’, ἀλλ’ ἀπάνευθεν ἐπ’ ἀγροῦ πήματα πάσχειν ### book 1.191 γρηῒ σὺν ἀμφιπόλῳ, ἥ οἱ βρῶσίν τε πόσιν τε ### book 1.192 παρτιθεῖ, εὖτ’ ἄν μιν κάματος κατὰ γυῖα λάβῃσιν ### book 1.193 ἑρπύζοντ’ ἀνὰ γουνὸν ἀλῳῆς οἰνοπέδοιο. ### book 1.194 νῦν δ’ ἦλθον· δὴ γάρ μιν ἔφαντ’ ἐπιδήμιον εἶναι, ### book 1.195 σὸν πατέρ’· ἀλλά νυ τόν γε θεοὶ βλάπτουσι κελεύθου. ### book 1.196 οὐ γάρ πω τέθνηκεν ἐπὶ χθονὶ δῖος Ὀδυσσεύς, ### book 1.197 ἀλλ’ ἔτι που ζωὸς κατερύκεται εὐρέϊ πόντῳ, ### book 1.198 νήσῳ ἐν ἀμφιρύτῃ, χαλεποὶ δέ μιν ἄνδρες ἔχουσιν, ### book 1.199 ἄγριοι, οἵ που κεῖνον ἐρυκανόως’ ἀέκοντα. ### book 1.200 αὐτὰρ νῦν τοι ἐγὼ μαντεύσομαι, ὡς ἐνὶ θυμῷ ### book 1.201 ἀθάνατοι βάλλουσι καὶ ὡς τελέεσθαι ὀΐω, ### book 1.202 οὔτε τι μάντις ἐὼν οὔτ’ οἰωνῶν σάφα εἰδώς. ### book 1.203 οὔ τοι ἔτι δηρόν γε φίλης ἀπὸ πατρίδος αἴης ### book 1.204 ἔσσεται, οὐδ’ εἴ πέρ τε σιδήρεα δέσματ’ ἔχῃσι· ### book 1.205 φράσσεται ὥς κε νέηται, ἐπεὶ πολυμήχανός ἐστιν. ### book 1.206 ἀλλ’ ἄγε μοι τόδε εἰπὲ καὶ ἀτρεκέως κατάλεξον, ### book 1.207 εἰ δὴ ἐξ αὐτοῖο τόσος πάϊς εἰς Ὀδυσῆος. ### book 1.208 αἰνῶς μὲν κεφαλήν τε καὶ ὄμματα καλὰ ἔοικας ### book 1.209 κείνῳ, ἐπεὶ θαμὰ τοῖον ἐμισγόμεθ’ ἀλλήλοισι, ### book 1.210 πρίν γε τὸν ἐς Τροίην ἀναβήμεναι, ἔνθα περ ἄλλοι ### book 1.211 Ἀργείων οἱ ἄριστοι ἔβαν κοίλῃς’ ἐνὶ νηυσίν· ### book 1.212 ἐκ τοῦ δ’ οὔτ’ Ὀδυσῆα ἐγὼν ἴδον οὔτ’ ἐμὲ κεῖνος.” ### book 1.213 τὴν δ’ αὖ Τηλέμαχος πεπνυμένος ἀντίον ηὔδα· ### book 1.214 “τοιγὰρ ἐγώ τοι, ξεῖνε, μάλ’ ἀτρεκέως ἀγορεύσω. ### book 1.215 μήτηρ μέν τέ μέ φησι τοῦ ἔμμεναι, αὐτὰρ ἐγώ γε ### book 1.216 οὐκ οἶδ’· οὐ γάρ πώ τις ἑὸν γόνον αὐτὸς ἀνέγνω. ### book 1.217 ὡς δὴ ἐγώ γ’ ὄφελον μάκαρός νύ τευ ἔμμεναι υἱὸς ### book 1.218 ἀνέρος, ὃν κτεάτεσσιν ἑοῖς’ ἔπι γῆρας ἔτετμε. ### book 1.219 νῦν δ’ ὃς ἀποτμότατος γένετο θνητῶν ἀνθρώπων, ### book 1.220 τοῦ μ’ ἔκ φασι γενέσθαι, ἐπεὶ σύ με τοῦτ’ ἐρεείνεις.” ### book 1.221 τὸν δ’ αὖτε προσέειπε θεὰ γλαυκῶπις Ἀθήνη· ### book 1.222 “οὐ μέν τοι γενεήν γε θεοὶ νώνυμνον ὀπίσσω ### book 1.223 θῆκαν, ἐπεὶ σέ γε τοῖον ἐγείνατο Πηνελόπεια. ### book 1.224 ἀλλ’ ἄγε μοι τόδε εἰπὲ καὶ ἀτρεκέως κατάλεξον· ### book 1.225 τίς δαίς, τίς δὲ ὅμιλος ὅδ’ ἔπλετο; τίπτε δέ σε χρεώ; ### book 1.226 εἰλαπίνη ἦε γάμος; ἐπεὶ οὐκ ἔρανος τάδε γ’ ἐστίν, ### book 1.227 ὥς τέ μοι ὑβρίζοντες ὑπερφιάλως δοκέουσι ### book 1.228 δαίνυσθαι κατὰ δῶμα. νεμεσσήσαιτό κεν ἀνὴρ ### book 1.229 αἴσχεα πόλλ’ ὁρόων, ὅς τις πινυτός γε μετέλθοι.” ### book 1.230 τὴν δ’ αὖ Τηλέμαχος πεπνυμένος ἀντίον ηὔδα· ### book 1.231 “ξεῖν’, ἐπεὶ ἂρ δὴ ταῦτά μ’ ἀνείρεαι ἠδὲ μεταλλᾷς, ### book 1.232 μέλλεν μέν ποτε οἶκος ὅδ’ ἀφνειὸς καὶ ἀμύμων ### book 1.233 ἔμμεναι, ὄφρ’ ἔτι κεῖνος ἀνὴρ ἐπιδήμιος ἦεν· ### book 1.234 νῦν δ’ ἑτέρως ἐβόλοντο θεοὶ κακὰ μητιόωντες, ### book 1.235 οἳ κεῖνον μὲν ἄϊστον ἐποίησαν περὶ πάντων ### book 1.236 ἀνθρώπων, ἐπεὶ οὔ κε θανόντι περ ὧδ’ ἀκαχοίμην, ### book 1.237 εἰ μετὰ οἷς’ ἑτάροισι δάμη Τρώων ἐνὶ δήμῳ, ### book 1.238 ἠὲ φίλων ἐν χερσίν, ἐπεὶ πόλεμον τολύπευσε. ### book 1.239 τῶ κέν οἱ τύμβον μὲν ἐποίησαν Παναχαιοί, ### book 1.240 ἠδέ κε καὶ ᾧ παιδὶ μέγα κλέος ἤρατ’ ὀπίσσω. ### book 1.241 νῦν δέ μιν ἀκλειῶς Ἅρπυιαι ἀνηρέψαντο· ### book 1.242 οἴχετ’ ἄϊστος ἄπυστος, ἐμοὶ δ’ ὀδύνας τε γόους τε ### book 1.243 κάλλιπεν· οὐδέ τι κεῖνον ὀδυρόμενος στεναχίζω ### book 1.244 οἶον, ἐπεί νύ μοι ἄλλα θεοὶ κακὰ κήδε’ ἔτευξαν. ### book 1.245 ὅσσοι γὰρ νήσοισιν ἐπικρατέουσιν ἄριστοι, ### book 1.246 Δουλιχίῳ τε Σάμῃ τε καὶ ὑλήεντι Ζακύνθῳ, ### book 1.247 ἠδ’ ὅσσοι κραναὴν Ἰθάκην κάτα κοιρανέουσι, ### book 1.248 τόσσοι μητέρ’ ἐμὴν μνῶνται, τρύχουσι δὲ οἶκον. ### book 1.249 ἡ δ’ οὔτ’ ἀρνεῖται στυγερὸν γάμον οὔτε τελευτὴν ### book 1.250 ποιῆσαι δύναται· τοὶ δὲ φθινύθουσιν ἔδοντες ### book 1.251 οἶκον ἐμόν· τάχα δή με διαρραίσουσι καὶ αὐτόν.” ### book 1.252 τὸν δ’ ἐπαλαστήσασα προσηύδα Παλλὰς Ἀθήνη· ### book 1.253 “ὢ πόποι, ἦ δὴ πολλὸν ἀποιχομένου Ὀδυσῆος ### book 1.254 δεύῃ, ὅ κε μνηστῆρσιν ἀναιδέσι χεῖρας ἐφείη. ### book 1.255 εἰ γὰρ νῦν ἐλθὼν δόμου ἐν πρώτῃσι θύρῃσι ### book 1.256 σταίη, ἔχων πήληκα καὶ ἀσπίδα καὶ δύο δοῦρε, ### book 1.257 τοῖος ἐὼν οἷόν μιν ἐγὼ τὰ πρῶτ’ ἐνόησα ### book 1.258 οἴκῳ ἐν ἡμετέρῳ πίνοντά τε τερπόμενόν τε, ### book 1.259 ἐξ Ἐφύρης ἀνιόντα παρ’ Ἴλου Μερμερίδαο· — ### book 1.260 ᾤχετο γὰρ καὶ κεῖσε θοῆς ἐπὶ νηὸς Ὀδυσσεὺς ### book 1.261 φάρμακον ἀνδροφόνον διζήμενος, ὄφρα οἱ εἴη ### book 1.262 ἰοὺς χρίεσθαι χαλκήρεας· ἀλλ’ ὁ μὲν οὔ οἱ ### book 1.263 δῶκεν, ἐπεί ῥα θεοὺς νεμεσίζετο αἰὲν ἐόντας, ### book 1.264 ἀλλὰ πατήρ οἱ δῶκεν ἐμός· φιλέεσκε γὰρ αἰνῶς· — ### book 1.265 τοῖος ἐὼν μνηστῆρσιν ὁμιλήσειεν Ὀδυσσεύς· ### book 1.266 πάντες κ’ ὠκύμοροί τε γενοίατο πικρόγαμοί τε. ### book 1.267 ἀλλ’ ἦ τοι μὲν ταῦτα θεῶν ἐν γούνασι κεῖται, ### book 1.268 ἤ κεν νοστήσας ἀποτείσεται, ἦε καὶ οὐκί, ### book 1.269 οἷσιν ἐνὶ μεγάροισι· σὲ δὲ φράζεσθαι ἄνωγα, ### book 1.270 ὅππως κε μνηστῆρας ἀπώσεαι ἐκ μεγάροιο. ### book 1.271 εἰ δ’ ἄγε νῦν ξυνίει καὶ ἐμῶν ἐμπάζεο μύθων· ### book 1.272 αὔριον εἰς ἀγορὴν καλέσας ἥρωας Ἀχαιοὺς ### book 1.273 μῦθον πέφραδε πᾶσι, θεοὶ δ’ ἐπὶ μάρτυροι ἔστων. ### book 1.274 μνηστῆρας μὲν ἐπὶ σφέτερα σκίδνασθαι ἄνωχθι, ### book 1.275 μητέρα δ’, εἴ οἱ θυμὸς ἐφορμᾶται γαμέεσθαι, ### book 1.276 ἂψ ἴτω ἐς μέγαρον πατρὸς μέγα δυναμένοιο· ### book 1.277 οἱ δὲ γάμον τεύξουσι καὶ ἀρτυνέουσιν ἔεδνα ### book 1.278 πολλὰ μάλ’, ὅσσα ἔοικε φίλης ἐπὶ παιδὸς ἕπεσθαι. ### book 1.279 σοὶ δ’ αὐτῷ πυκινῶς ὑποθήσομαι, αἴ κε πίθηαι· ### book 1.280 νῆ’ ἄρσας ἐρέτῃσιν ἐείκοσιν, ἥ τις ἀρίστη, ### book 1.281 ἔρχεο πευσόμενος πατρὸς δὴν οἰχομένοιο, ### book 1.282 ἤν τίς τοι εἴπῃσι βροτῶν, ἢ ὄσσαν ἀκούσῃς ### book 1.283 ἐκ Διός, ἥ τε μάλιστα φέρει κλέος ἀνθρώποισι. ### book 1.284 πρῶτα μὲν ἐς Πύλον ἐλθὲ καὶ εἴρεο Νέστορα δῖον, ### book 1.285 κεῖθεν δὲ Σπάρτηνδε παρὰ ξανθὸν Μενέλαον· ### book 1.286 ὃς γὰρ δεύτατος ἦλθεν Ἀχαιῶν χαλκοχιτώνων. ### book 1.287 εἰ μέν κεν πατρὸς βίοτον καὶ νόστον ἀκούσῃς, ### book 1.288 ἦ τ’ ἂν τρυχόμενός περ ἔτι τλαίης ἐνιαυτόν· ### book 1.289 εἰ δέ κε τεθνηῶτος ἀκούσῃς μηδ’ ἔτ’ ἐόντος, ### book 1.290 νοστήσας δὴ ἔπειτα φίλην ἐς πατρίδα γαῖαν ### book 1.291 σῆμά τέ οἱ χεῦαι καὶ ἐπὶ κτέρεα κτερεΐξαι ### book 1.292 πολλὰ μάλ’, ὅσσα ἔοικε, καὶ ἀνέρι μητέρα δοῦναι. ### book 1.293 αὐτὰρ ἐπὴν δὴ ταῦτα τελευτήσῃς τε καὶ ἕρξῃς, ### book 1.294 φράζεσθαι δὴ ἔπειτα κατὰ φρένα καὶ κατὰ θυμόν, ### book 1.295 ὅππως κε μνηστῆρας ἐνὶ μεγάροισι τεοῖσι ### book 1.296 κτείνῃς ἠὲ δόλῳ ἢ ἀμφαδόν· οὐδέ τί σε χρὴ ### book 1.297 νηπιάας ὀχέειν, ἐπεὶ οὐκέτι τηλίκος ἐσσί. ### book 1.298 ἦ οὐκ ἀΐεις οἷον κλέος ἔλλαβε δῖος Ὀρέστης ### book 1.299 πάντας ἐπ’ ἀνθρώπους, ἐπεὶ ἔκτανε πατροφονῆα, ### book 1.300 Αἴγισθον δολόμητιν, ὅ οἱ πατέρα κλυτὸν ἔκτα; ### book 1.301 καὶ σύ, φίλος, μάλα γάρ ς’ ὁρόω καλόν τε μέγαν τε, ### book 1.302 ἄλκιμος ἔσς’, ἵνα τίς σε καὶ ὀψιγόνων ἐῢ εἴπῃ. ### book 1.303 αὐτὰρ ἐγὼν ἐπὶ νῆα θοὴν κατελεύσομαι ἤδη ### book 1.304 ἠδ’ ἑτάρους, οἵ πού με μάλ’ ἀσχαλόωσι μένοντες· ### book 1.305 σοὶ δ’ αὐτῷ μελέτω, καὶ ἐμῶν ἐμπάζεο μύθων.” ### book 1.306 τὴν δ’ αὖ Τηλέμαχος πεπνυμένος ἀντίον ηὔδα· ### book 1.307 “ξεῖν’, ἦ τοι μὲν ταῦτα φίλα φρονέων ἀγορεύεις, ### book 1.308 ὥς τε πατὴρ ᾧ παιδί, καὶ οὔ ποτε λήσομαι αὐτῶν. ### book 1.309 ἀλλ’ ἄγε νῦν ἐπίμεινον, ἐπειγόμενός περ ὁδοῖο, ### book 1.310 ὄφρα λοεσσάμενός τε τεταρπόμενός τε φίλον κῆρ ### book 1.311 δῶρον ἔχων ἐπὶ νῆα κίῃς, χαίρων ἐνὶ θυμῷ, ### book 1.312 τιμῆεν, μάλα καλόν, ὅ τοι κειμήλιον ἔσται ### book 1.313 ἐξ ἐμεῦ, οἷα φίλοι ξεῖνοι ξείνοισι διδοῦσι.” ### book 1.314 τὸν δ’ ἠμείβετ’ ἔπειτα θεὰ γλαυκῶπις Ἀθήνη· ### book 1.315 “μή μ’ ἔτι νῦν κατέρυκε, λιλαιόμενόν περ ὁδοῖο· ### book 1.316 δῶρον δ’ ὅττι κέ μοι δοῦναι φίλον ἦτορ ἀνώγῃ, ### book 1.317 αὖτις ἀνερχομένῳ δόμεναι οἶκόνδε φέρεσθαι, ### book 1.318 καὶ μάλα καλὸν ἑλών· σοὶ δ’ ἄξιον ἔσται ἀμοιβῆς.” ### book 1.319 ἡ μὲν ἄρ’ ὣς εἰποῦς’ ἀπέβη γλαυκῶπις Ἀθήνη, ### book 1.320 ὄρνις δ’ ὣς ἀνόπαια διέπτατο· τῷ δ’ ἐνὶ θυμῷ ### book 1.321 θῆκε μένος καὶ θάρσος, ὑπέμνησέν τέ ἑ πατρὸς ### book 1.322 μᾶλλον ἔτ’ ἢ τὸ πάροιθεν. ὁ δὲ φρεσὶν ᾗσι νοήσας ### book 1.323 θάμβησεν κατὰ θυμόν· ὀΐσατο γὰρ θεὸν εἶναι. ### book 1.324 αὐτίκα δὲ μνηστῆρας ἐπῴχετο ἰσόθεος φώς. ### book 1.325 τοῖσι δ’ ἀοιδὸς ἄειδε περικλυτός, οἱ δὲ σιωπῇ ### book 1.326 εἵατ’ ἀκούοντες· ὁ δ’ Ἀχαιῶν νόστον ἄειδε ### book 1.327 λυγρόν, ὃν ἐκ Τροίης ἐπετείλατο Παλλὰς Ἀθήνη. ### book 1.328 τοῦ δ’ ὑπερωϊόθεν φρεσὶ σύνθετο θέσπιν ἀοιδὴν ### book 1.329 κούρη Ἰκαρίοιο, περίφρων Πηνελόπεια· ### book 1.330 κλίμακα δ’ ὑψηλὴν κατεβήσετο οἷο δόμοιο, ### book 1.331 οὐκ οἴη, ἅμα τῇ γε καὶ ἀμφίπολοι δύ’ ἕποντο. ### book 1.332 ἡ δ’ ὅτε δὴ μνηστῆρας ἀφίκετο δῖα γυναικῶν, ### book 1.333 στῆ ῥα παρὰ σταθμὸν τέγεος πύκα ποιητοῖο, ### book 1.334 ἄντα παρειάων σχομένη λιπαρὰ κρήδεμνα· ### book 1.335 ἀμφίπολος δ’ ἄρα οἱ κεδνὴ ἑκάτερθε παρέστη. ### book 1.336 δακρύσασα δ’ ἔπειτα προσηύδα θεῖον ἀοιδόν· ### book 1.337 “Φήμιε, πολλὰ γὰρ ἄλλα βροτῶν θελκτήρια οἶδας ### book 1.338 ἔργ’ ἀνδρῶν τε θεῶν τε, τά τε κλείουσιν ἀοιδοί· ### book 1.339 τῶν ἕν γέ σφιν ἄειδε παρήμενος, οἱ δὲ σιωπῇ ### book 1.340 οἶνον πινόντων· ταύτης δ’ ἀποπαύε’ ἀοιδῆς ### book 1.341 λυγρῆς, ἥ τέ μοι αἰὲν ἐνὶ στήθεσσι φίλον κῆρ ### book 1.342 τείρει, ἐπεί με μάλιστα καθίκετο πένθος ἄλαστον. ### book 1.343 τοίην γὰρ κεφαλὴν ποθέω μεμνημένη αἰεὶ ### book 1.344 ἀνδρός, τοῦ κλέος εὐρὺ καθ’ Ἑλλάδα καὶ μέσον Ἄργος.” ### book 1.345 τὴν δ’ αὖ Τηλέμαχος πεπνυμένος ἀντίον ηὔδα· ### book 1.346 “μῆτερ ἐμή, τί τ’ ἄρα φθονέεις ἐρίηρον ἀοιδὸν ### book 1.347 τέρπειν ὅππῃ οἱ νόος ὄρνυται; οὔ νύ τ’ ἀοιδοὶ ### book 1.348 αἴτιοι, ἀλλά ποθι Ζεὺς αἴτιος, ὅς τε δίδωσιν ### book 1.349 ἀνδράσιν ἀλφηστῇσιν ὅπως ἐθέλῃσιν ἑκάστῳ. ### book 1.350 τούτῳ δ’ οὐ νέμεσις Δαναῶν κακὸν οἶτον ἀείδειν· ### book 1.351 τὴν γὰρ ἀοιδὴν μᾶλλον ἐπικλείους’ ἄνθρωποι, ### book 1.352 ἥ τις ἀϊόντεσσι νεωτάτη ἀμφιπέληται. ### book 1.353 σοὶ δ’ ἐπιτολμάτω κραδίη καὶ θυμὸς ἀκούειν· ### book 1.354 οὐ γὰρ Ὀδυσσεὺς οἶος ἀπώλεσε νόστιμον ἦμαρ ### book 1.355 ἐν Τροίῃ, πολλοὶ δὲ καὶ ἄλλοι φῶτες ὄλοντο. ### book 1.356 ἀλλ’ εἰς οἶκον ἰοῦσα τὰ ς’ αὐτῆς ἔργα κόμιζε, ### book 1.357 ἱστόν τ’ ἠλακάτην τε, καὶ ἀμφιπόλοισι κέλευε ### book 1.358 ἔργον ἐποίχεσθαι· μῦθος δ’ ἄνδρεσσι μελήσει ### book 1.359 πᾶσι, μάλιστα δ’ ἐμοί· τοῦ γὰρ κράτος ἔστ’ ἐνὶ οἴκῳ.” ### book 1.360 ἡ μὲν θαμβήσασα πάλιν οἶκόνδε βεβήκει· ### book 1.361 παιδὸς γὰρ μῦθον πεπνυμένον ἔνθετο θυμῷ. ### book 1.362 ἐς δ’ ὑπερῷ’ ἀναβᾶσα σὺν ἀμφιπόλοισι γυναιξὶ ### book 1.363 κλαῖεν ἔπειτ’ Ὀδυσῆα, φίλον πόσιν, ὄφρα οἱ ὕπνον ### book 1.364 ἡδὺν ἐπὶ βλεφάροισι βάλε γλαυκῶπις Ἀθήνη. ### book 1.365 μνηστῆρες δ’ ὁμάδησαν ἀνὰ μέγαρα σκιόεντα· ### book 1.366 πάντες δ’ ἠρήσαντο παραὶ λεχέεσσι κλιθῆναι. ### book 1.367 τοῖσι δὲ Τηλέμαχος πεπνυμένος ἤρχετο μύθων· ### book 1.368 “μητρὸς ἐμῆς μνηστῆρες, ὑπέρβιον ὕβριν ἔχοντες, ### book 1.369 νῦν μὲν δαινύμενοι τερπώμεθα, μηδὲ βοητὺς ### book 1.370 ἔστω, ἐπεὶ τό γε καλὸν ἀκουέμεν ἐστὶν ἀοιδοῦ ### book 1.371 τοιοῦδ’ οἷος ὅδ’ ἐστί, θεοῖς’ ἐναλίγκιος αὐδήν. ### book 1.372 ἠῶθεν δ’ ἀγορήνδε καθεζώμεσθα κιόντες ### book 1.373 πάντες, ἵν’ ὕμιν μῦθον ἀπηλεγέως ἀποείπω, ### book 1.374 ἐξιέναι μεγάρων· ἄλλας δ’ ἀλεγύνετε δαῖτας, ### book 1.375 ὑμὰ κτήματ’ ἔδοντες, ἀμειβόμενοι κατὰ οἴκους. ### book 1.376 εἰ δ’ ὕμιν δοκέει τόδε λωΐτερον καὶ ἄμεινον ### book 1.377 ἔμμεναι, ἀνδρὸς ἑνὸς βίοτον νήποινον ὀλέσθαι, ### book 1.378 κείρετ’· ἐγὼ δὲ θεοὺς ἐπιβώσομαι αἰὲν ἐόντας, ### book 1.379 αἴ κέ ποθι Ζεὺς δῷσι παλίντιτα ἔργα γενέσθαι· ### book 1.380 νήποινοί κεν ἔπειτα δόμων ἔντοσθεν ὄλοισθε.” ### book 1.381 ὣς ἔφαθ’, οἱ δ’ ἄρα πάντες ὀδὰξ ἐν χείλεσι φύντες ### book 1.382 Τηλέμαχον θαύμαζον, ὃ θαρσαλέως ἀγόρευε. ### book 1.383 τὸν δ’ αὖτ’ Ἀντίνοος προσέφη, Εὐπείθεος υἱός· ### book 1.384 “Τηλέμαχ’, ἦ μάλα δή σε διδάσκουσιν θεοὶ αὐτοὶ ### book 1.385 ὑψαγόρην τ’ ἔμεναι καὶ θαρσαλέως ἀγορεύειν. ### book 1.386 μὴ σέ γ’ ἐν ἀμφιάλῳ Ἰθάκῃ βασιλῆα Κρονίων ### book 1.387 ποιήσειεν, ὅ τοι γενεῇ πατρώϊόν ἐστιν.” ### book 1.388 τὸν δ’ αὖ Τηλέμαχος πεπνυμένος ἀντίον ηὔδα· ### book 1.389 “Ἀντίνο’, εἴ πέρ μοι καὶ ἀγάσσεαι ὅττι κεν εἴπω, ### book 1.390 καί κεν τοῦτ’ ἐθέλοιμι Διός γε διδόντος ἀρέσθαι. ### book 1.391 ἦ φῂς τοῦτο κάκιστον ἐν ἀνθρώποισι τετύχθαι; ### book 1.392 οὐ μὲν γάρ τι κακὸν βασιλευέμεν· αἶψά τέ οἱ δῶ ### book 1.393 ἀφνειὸν πέλεται καὶ τιμηέστερος αὐτός. ### book 1.394 ἀλλ’ ἦ τοι βασιλῆες Ἀχαιῶν εἰσὶ καὶ ἄλλοι ### book 1.395 πολλοὶ ἐν ἀμφιάλῳ Ἰθάκῃ, νέοι ἠδὲ παλαιοί, ### book 1.396 τῶν κέν τις τόδ’ ἔχῃσιν, ἐπεὶ θάνε δῖος Ὀδυσσεύς· ### book 1.397 αὐτὰρ ἐγὼν οἴκοιο ἄναξ ἔσομ’ ἡμετέροιο ### book 1.398 καὶ δμώων, οὕς μοι ληΐσσατο δῖος Ὀδυσσεύς.” ### book 1.399 τὸν δ’ αὖτ’ Εὐρύμαχος, Πολύβου πάϊς, ἀντίον ηὔδα· ### book 1.400 “Τηλέμαχ’, ἦ τοι ταῦτα θεῶν ἐν γούνασι κεῖται, ### book 1.401 ὅς τις ἐν ἀμφιάλῳ Ἰθάκῃ βασιλεύσει Ἀχαιῶν· ### book 1.402 κτήματα δ’ αὐτὸς ἔχοις καὶ δώμασι σοῖσιν ἀνάσσοις. ### book 1.403 μὴ γὰρ ὅ γ’ ἔλθοι ἀνήρ, ὅς τίς ς’ ἀέκοντα βίηφι ### book 1.404 κτήματ’ ἀπορραίσει’, Ἰθάκης ἔτι ναιεταούσης. ### book 1.405 ἀλλ’ ἐθέλω σε, φέριστε, περὶ ξείνοιο ἐρέσθαι, ### book 1.406 ὁππόθεν οὗτος ἀνήρ· ποίης δ’ ἐξ εὔχεται εἶναι ### book 1.407 γαίης; ποῦ δέ νύ οἱ γενεὴ καὶ πατρὶς ἄρουρα; ### book 1.408 ἠέ τιν’ ἀγγελίην πατρὸς φέρει ἐρχομένοιο, ### book 1.409 ἦ ἑὸν αὐτοῦ χρεῖος ἐελδόμενος τόδ’ ἱκάνει; ### book 1.410 οἷον ἀναΐξας ἄφαρ οἴχεται, οὐδ’ ὑπέμεινε ### book 1.411 γνώμεναι· οὐ μὲν γάρ τι κακῷ εἰς ὦπα ἐῴκει.” ### book 1.412 τὸν δ’ αὖ Τηλέμαχος πεπνυμένος ἀντίον ηὔδα· ### book 1.413 “Εὐρύμαχ’, ἦ τοι νόστος ἀπώλετο πατρὸς ἐμοῖο· ### book 1.414 οὔτ’ οὖν ἀγγελίῃ ἔτι πείθομαι, εἴ ποθεν ἔλθοι, ### book 1.415 οὔτε θεοπροπίης ἐμπάζομαι, ἥν τινα μήτηρ ### book 1.416 ἐς μέγαρον καλέσασα θεοπρόπον ἐξερέηται. ### book 1.417 ξεῖνος δ’ οὗτος ἐμὸς πατρώϊος ἐκ Τάφου ἐστί, ### book 1.418 Μέντης δ’ Ἀγχιάλοιο δαΐφρονος εὔχεται εἶναι ### book 1.419 υἱός, ἀτὰρ Ταφίοισι φιληρέτμοισιν ἀνάσσει.” ### book 1.420 ὣς φάτο Τηλέμαχος, φρεσὶ δ’ ἀθανάτην θεὸν ἔγνω. ### book 1.421 οἱ δ’ εἰς ὀρχηστύν τε καὶ ἱμερόεσσαν ἀοιδὴν ### book 1.422 τρεψάμενοι τέρποντο, μένον δ’ ἐπὶ ἕσπερον ἐλθεῖν. ### book 1.423 τοῖσι δὲ τερπομένοισι μέλας ἐπὶ ἕσπερος ἦλθε· ### book 1.424 δὴ τότε κακκείοντες ἔβαν οἶκόνδε ἕκαστος. ### book 1.425 Τηλέμαχος δ’, ὅθι οἱ θάλαμος περικαλλέος αὐλῆς ### book 1.426 ὑψηλὸς δέδμητο, περισκέπτῳ ἐνὶ χώρῳ, ### book 1.427 ἔνθ’ ἔβη εἰς εὐνὴν πολλὰ φρεσὶ μερμηρίζων. ### book 1.428 τῷ δ’ ἄρ’ ἅμ’ αἰθομένας δαΐδας φέρε κεδνὰ ἰδυῖα ### book 1.429 Εὐρύκλει’, Ὦπος θυγάτηρ Πεισηνορίδαο, ### book 1.430 τήν ποτε Λαέρτης πρίατο κτεάτεσσιν ἑοῖσι, ### book 1.431 πρωθήβην ἔτ’ ἐοῦσαν, ἐεικοσάβοια δ’ ἔδωκεν, ### book 1.432 ἶσα δέ μιν κεδνῇ ἀλόχῳ τίεν ἐν μεγάροισιν, ### book 1.433 εὐνῇ δ’ οὔ ποτ’ ἔμικτο, χόλον δ’ ἀλέεινε γυναικός· ### book 1.434 ἥ οἱ ἅμ’ αἰθομένας δαΐδας φέρε καί ἑ μάλιστα ### book 1.435 δμῳάων φιλέεσκε καὶ ἔτρεφε τυτθὸν ἐόντα. ### book 1.436 ὤϊξεν δὲ θύρας θαλάμου πύκα ποιητοῖο, ### book 1.437 ἕζετο δ’ ἐν λέκτρῳ, μαλακὸν δ’ ἔκδυνε χιτῶνα· ### book 1.438 καὶ τὸν μὲν γραίης πυκιμηδέος ἔμβαλε χερσίν. ### book 1.439 ἡ μὲν τὸν πτύξασα καὶ ἀσκήσασα χιτῶνα, ### book 1.440 πασσάλῳ ἀγκρεμάσασα παρὰ τρητοῖσι λέχεσσι, ### book 1.441 βῆ ῥ’ ἴμεν ἐκ θαλάμοιο, θύρην δ’ ἐπέρυσσε κορώνῃ ### book 1.442 ἀργυρέῃ, ἐπὶ δὲ κληῗδ’ ἐτάνυσσεν ἱμάντι. ### book 1.443 ἔνθ’ ὅ γε παννύχιος, κεκαλυμμένος οἰὸς ἀώτῳ, ### book 1.444 βούλευε φρεσὶν ᾗσιν ὁδόν, τὴν πέφραδ’ Ἀθήνη. ### book 2.1 Ἦμος δ’ ἠριγένεια φάνη ῥοδοδάκτυλος Ἠώς, ### book 2.2 ὤρνυτ’ ἄρ’ ἐξ εὐνῆφιν Ὀδυσσῆος φίλος υἱός, ### book 2.3 εἵματα ἑσσάμενος, περὶ δὲ ξίφος ὀξὺ θέτ’ ὤμῳ, ### book 2.4 ποσσὶ δ’ ὑπὸ λιπαροῖσιν ἐδήσατο καλὰ πέδιλα, ### book 2.5 βῆ δ’ ἴμεν ἐκ θαλάμοιο θεῷ ἐναλίγκιος ἄντην. ### book 2.6 αἶψα δὲ κηρύκεσσι λιγυφθόγγοισι κέλευσε ### book 2.7 κηρύσσειν ἀγορήνδε κάρη κομόωντας Ἀχαιούς. ### book 2.8 οἱ μὲν ἐκήρυσσον, τοὶ δ’ ἠγείροντο μάλ’ ὦκα. ### book 2.9 αὐτὰρ ἐπεί ῥ’ ἤγερθεν ὁμηγερέες τ’ ἐγένοντο, ### book 2.10 βῆ ῥ’ ἴμεν εἰς ἀγορήν, παλάμῃ δ’ ἔχε χάλκεον ἔγχος, ### book 2.11 οὐκ οἶος, ἅμα τῷ γε δύω κύνες ἀργοὶ ἕποντο. ### book 2.12 θεσπεσίην δ’ ἄρα τῷ γε χάριν κατέχευεν Ἀθήνη· ### book 2.13 τὸν δ’ ἄρα πάντες λαοὶ ἐπερχόμενον θηεῦντο. ### book 2.14 ἕζετο δ’ ἐν πατρὸς θώκῳ, εἶξαν δὲ γέροντες. ### book 2.15 τοῖσι δ’ ἔπειθ’ ἥρως Αἰγύπτιος ἦρχ’ ἀγορεύειν, ### book 2.16 ὃς δὴ γήραϊ κυφὸς ἔην καὶ μυρία ᾔδη. ### book 2.17 καὶ γὰρ τοῦ φίλος υἱὸς ἅμ’ ἀντιθέῳ Ὀδυσῆϊ ### book 2.18 Ἴλιον εἰς εὔπωλον ἔβη κοίλῃς’ ἐνὶ νηυσίν, ### book 2.19 Ἄντιφος αἰχμητής· τὸν δ’ ἄγριος ἔκτανε Κύκλωψ ### book 2.20 ἐν σπῆϊ γλαφυρῷ, πύματον δ’ ὁπλίσσατο δόρπον. ### book 2.21 τρεῖς δέ οἱ ἄλλοι ἔσαν, καὶ ὁ μὲν μνηστῆρσιν ὁμίλει, ### book 2.22 Εὐρύνομος, δύο δ’ αἰὲν ἔχον πατρώϊα ἔργα· ### book 2.23 ἀλλ’ οὐδ’ ὧς τοῦ λήθετ’ ὀδυρόμενος καὶ ἀχεύων. ### book 2.24 τοῦ ὅ γε δάκρυ χέων ἀγορήσατο καὶ μετέειπε· ### book 2.25 “κέκλυτε δὴ νῦν μευ, Ἰθακήσιοι, ὅττι κεν εἴπω. ### book 2.26 οὔτε ποθ’ ἡμετέρη ἀγορὴ γένετ’ οὔτε θόωκος ### book 2.27 ἐξ οὗ Ὀδυσσεὺς δῖος ἔβη κοίλῃς’ ἐνὶ νηυσί. ### book 2.28 νῦν δὲ τίς ὧδ’ ἤγειρε; τίνα χρειὼ τόσον ἵκει ### book 2.29 ἠὲ νέων ἀνδρῶν ἢ οἳ προγενέστεροί εἰσιν; ### book 2.30 ἠέ τιν’ ἀγγελίην στρατοῦ ἔκλυεν ἐρχομένοιο, ### book 2.31 ἥν χ’ ἥμιν σάφα εἴποι, ὅτε πρότερός γε πύθοιτο; ### book 2.32 ἦέ τι δήμιον ἄλλο πιφαύσκεται ἠδ’ ἀγορεύει; ### book 2.33 ἐσθλός μοι δοκεῖ εἶναι, ὀνήμενος. εἴθε οἱ αὐτῷ ### book 2.34 Ζεὺς ἀγαθὸν τελέσειεν, ὅ τι φρεσὶν ᾗσι μενοινᾷ.” ### book 2.35 ὣς φάτο, χαῖρε δὲ φήμῃ Ὀδυσσῆος φίλος υἱός, ### book 2.36 οὐδ’ ἄρ’ ἔτι δὴν ἧστο, μενοίνησεν δ’ ἀγορεύειν, ### book 2.37 στῆ δὲ μέσῃ ἀγορῇ· σκῆπτρον δέ οἱ ἔμβαλε χειρὶ ### book 2.38 κῆρυξ Πεισήνωρ, πεπνυμένα μήδεα εἰδώς. ### book 2.39 πρῶτον ἔπειτα γέροντα καθαπτόμενος προσέειπεν· ### book 2.40 “ὦ γέρον, οὐχ ἑκὰς οὗτος ἀνήρ, τάχα δ’ εἴσεαι αὐτός, ### book 2.41 ὃς λαὸν ἤγειρα· μάλιστα δέ μ’ ἄλγος ἱκάνει. ### book 2.42 οὔτε τιν’ ἀγγελίην στρατοῦ ἔκλυον ἐρχομένοιο, ### book 2.43 ἥν χ’ ὕμιν σάφα εἴπω, ὅτε πρότερός γε πυθοίμην, ### book 2.44 οὔτε τι δήμιον ἄλλο πιφαύσκομαι οὐδ’ ἀγορεύω, ### book 2.45 ἀλλ’ ἐμὸν αὐτοῦ χρεῖος, ὅ μοι κακὰ ἔμπεσεν οἴκῳ, ### book 2.46 δοιά· τὸ μὲν πατέρ’ ἐσθλὸν ἀπώλεσα, ὅς ποτ’ ἐν ὑμῖν ### book 2.47 τοίσδεσσιν βασίλευε, πατὴρ δ’ ὣς ἤπιος ἦεν· ### book 2.48 νῦν δ’ αὖ καὶ πολὺ μεῖζον, ὃ δὴ τάχα οἶκον ἅπαντα ### book 2.49 πάγχυ διαρραίσει, βίοτον δ’ ἀπὸ πάμπαν ὀλέσσει. ### book 2.50 μητέρι μοι μνηστῆρες ἐπέχραον οὐκ ἐθελούσῃ, ### book 2.51 τῶν ἀνδρῶν φίλοι υἷες οἳ ἐνθάδε γ’ εἰσὶν ἄριστοι, ### book 2.52 οἳ πατρὸς μὲν ἐς οἶκον ἀπερρίγασι νέεσθαι ### book 2.53 Ἰκαρίου, ὅς κ’ αὐτὸς ἐεδνώσαιτο θύγατρα, ### book 2.54 δοίη δ’ ᾧ κ’ ἐθέλοι καί οἱ κεχαρισμένος ἔλθοι· ### book 2.55 οἱ δ’ εἰς ἡμετέρου πωλεύμενοι ἤματα πάντα, ### book 2.56 βοῦς ἱερεύοντες καὶ ὄϊς καὶ πίονας αἶγας, ### book 2.57 εἰλαπινάζουσιν πίνουσί τε αἴθοπα οἶνον ### book 2.58 μαψιδίως· τὰ δὲ πολλὰ κατάνεται. οὐ γὰρ ἔπ’ ἀνήρ, ### book 2.59 οἷος Ὀδυσσεὺς ἔσκεν, ἀρὴν ἀπὸ οἴκου ἀμῦναι. ### book 2.60 ἡμεῖς δ’ οὔ νύ τι τοῖοι ἀμυνέμεν· ἦ καὶ ἔπειτα ### book 2.61 λευγαλέοι τ’ ἐσόμεσθα καὶ οὐ δεδαηκότες ἀλκήν. ### book 2.62 ἦ τ’ ἂν ἀμυναίμην, εἴ μοι δύναμίς γε παρείη· ### book 2.63 οὐ γὰρ ἔτ’ ἀνσχετὰ ἔργα τετεύχαται, οὐδ’ ἔτι καλῶς ### book 2.64 οἶκος ἐμὸς διόλωλε· νεμεσσήθητε καὶ αὐτοί, ### book 2.65 ἄλλους τ’ αἰδέσθητε περικτίονας ἀνθρώπους, ### book 2.66 οἳ περιναιετάουσι· θεῶν δ’ ὑποδείσατε μῆνιν, ### book 2.67 μή τι μεταστρέψωσιν ἀγασσάμενοι κακὰ ἔργα. ### book 2.68 λίσσομαι ἠμὲν Ζηνὸς Ὀλυμπίου ἠδὲ Θέμιστος, ### book 2.69 ἥ τ’ ἀνδρῶν ἀγορὰς ἠμὲν λύει ἠδὲ καθίζει· ### book 2.70 σχέσθε, φίλοι, καί μ’ οἶον ἐάσατε πένθεϊ λυγρῷ ### book 2.71 τείρεσθ’, εἰ μή πού τι πατὴρ ἐμὸς ἐσθλὸς Ὀδυσσεὺς ### book 2.72 δυσμενέων κάκ’ ἔρεξεν ἐϋκνήμιδας Ἀχαιούς, ### book 2.73 τῶν μ’ ἀποτεινύμενοι κακὰ ῥέζετε δυσμενέοντες, ### book 2.74 τούτους ὀτρύνοντες. ἐμοὶ δέ κε κέρδιον εἴη ### book 2.75 ὑμέας ἐσθέμεναι κειμήλιά τε πρόβασίν τε· ### book 2.76 εἴ χ’ ὑμεῖς γε φάγοιτε, τάχ’ ἄν ποτε καὶ τίσις εἴη· ### book 2.77 τόφρα γὰρ ἂν κατὰ ἄστυ ποτιπτυσσοίμεθα μύθῳ ### book 2.78 χρήματ’ ἀπαιτίζοντες, ἕως κ’ ἀπὸ πάντα δοθείη· ### book 2.79 νῦν δέ μοι ἀπρήκτους ὀδύνας ἐμβάλλετε θυμῷ.” ### book 2.80 ὣς φάτο χωόμενος, ποτὶ δὲ σκῆπτρον βάλε γαίῃ, ### book 2.81 δάκρυ’ ἀναπρήσας· οἶκτος δ’ ἕλε λαὸν ἅπαντα. ### book 2.82 ἔνθ’ ἄλλοι μὲν πάντες ἀκὴν ἔσαν, οὐδέ τις ἔτλη ### book 2.83 Τηλέμαχον μύθοισιν ἀμείψασθαι χαλεποῖσιν· ### book 2.84 Ἀντίνοος δέ μιν οἶος ἀμειβόμενος προσέειπε· ### book 2.85 “Τηλέμαχ’ ὑψαγόρη, μένος ἄσχετε, ποῖον ἔειπες ### book 2.86 ἡμέας αἰσχύνων, ἐθέλοις δέ κε μῶμον ἀνάψαι. ### book 2.87 σοὶ δ’ οὔ τι μνηστῆρες Ἀχαιῶν αἴτιοί εἰσιν, ### book 2.88 ἀλλὰ φίλη μήτηρ, ἥ τοι περὶ κέρδεα οἶδεν. ### book 2.89 ἤδη γὰρ τρίτον ἐστὶν ἔτος, τάχα δ’ εἶσι τέταρτον, ### book 2.90 ἐξ οὗ ἀτέμβει θυμὸν ἐνὶ στήθεσσιν Ἀχαιῶν. ### book 2.91 πάντας μέν ῥ’ ἔλπει, καὶ ὑπίσχεται ἀνδρὶ ἑκάστῳ, ### book 2.92 ἀγγελίας προϊεῖσα· νόος δέ οἱ ἄλλα μενοινᾷ. ### book 2.93 ἡ δὲ δόλον τόνδ’ ἄλλον ἐνὶ φρεσὶ μερμήριξε· ### book 2.94 στησαμένη μέγαν ἱστὸν ἐνὶ μεγάροισιν ὕφαινε, ### book 2.95 λεπτὸν καὶ περίμετρον· ἄφαρ δ’ ἡμῖν μετέειπε· ### book 2.96 κοῦροι, ἐμοὶ μνηστῆρες, ἐπεὶ θάνε δῖος Ὀδυσσεύς, ### book 2.97 μίμνετ’ ἐπειγόμενοι τὸν ἐμὸν γάμον, εἰς ὅ κε φᾶρος ### book 2.98 ἐκτελέσω, μή μοι μεταμώνια νήματ’ ὄληται, ### book 2.99 Λαέρτῃ ἥρωϊ ταφήϊον, εἰς ὅτε κέν μιν ### book 2.100 μοῖρ’ ὀλοὴ καθέλῃσι τανηλεγέος θανάτοιο, ### book 2.101 μή τίς μοι κατὰ δῆμον Ἀχαιϊάδων νεμεσήσῃ, ### book 2.102 αἴ κεν ἄτερ σπείρου κεῖται πολλὰ κτεατίσσας. ### book 2.103 ὣς ἔφαθ’, ἡμῖν δ’ αὖτ’ ἐπεπείθετο θυμὸς ἀγήνωρ. ### book 2.104 ἔνθα καὶ ἠματίη μὲν ὑφαίνεσκεν μέγαν ἱστόν, ### book 2.105 νύκτας δ’ ἀλλύεσκεν, ἐπὴν δαΐδας παραθεῖτο. ### book 2.106 ὣς τρίετες μὲν ἔληθε δόλῳ καὶ ἔπειθεν Ἀχαιούς· ### book 2.107 ἀλλ’ ὅτε τέτρατον ἦλθεν ἔτος καὶ ἐπήλυθον ὧραι, ### book 2.108 καὶ τότε δή τις ἔειπε γυναικῶν, ἣ σάφα ᾔδη, ### book 2.109 καὶ τήν γ’ ἀλλύουσαν ἐφεύρομεν ἀγλαὸν ἱστόν. ### book 2.110 ὣς τὸ μὲν ἐξετέλεσσε καὶ οὐκ ἐθέλους’, ὑπ’ ἀνάγκης· ### book 2.111 σοὶ δ’ ὧδε μνηστῆρες ὑποκρίνονται, ἵν’ εἰδῇς ### book 2.112 αὐτὸς σῷ θυμῷ, εἰδῶσι δὲ πάντες Ἀχαιοί· ### book 2.113 μητέρα σὴν ἀπόπεμψον, ἄνωχθι δέ μιν γαμέεσθαι ### book 2.114 τῷ ὅτεῴ τε πατὴρ κέλεται καὶ ἁνδάνει αὐτῇ. ### book 2.115 εἰ δ’ ἔτ’ ἀνιήσει γε πολὺν χρόνον υἷας Ἀχαιῶν, ### book 2.116 τὰ φρονέους’ ἀνὰ θυμόν, ἅ οἱ περὶ δῶκεν Ἀθήνη, ### book 2.117 ἔργα τ’ ἐπίστασθαι περικαλλέα καὶ φρένας ἐσθλὰς ### book 2.118 κέρδεά θ’, οἷ’ οὔ πώ τιν’ ἀκούομεν οὐδὲ παλαιῶν, ### book 2.119 τάων αἳ πάρος ἦσαν ἐϋπλοκαμῖδες Ἀχαιαί, ### book 2.120 Τυρώ τ’ Ἀλκμήνη τε ἐϋστέφανός τε Μυκήνη· ### book 2.121 τάων οὔ τις ὁμοῖα νοήματα Πηνελοπείῃ ### book 2.122 ᾔδη· ἀτὰρ μὲν τοῦτό γ’ ἐναίσιμον οὐκ ἐνόησε. — ### book 2.123 τόφρα γὰρ οὖν βίοτόν τε τεὸν καὶ κτήματ’ ἔδονται, ### book 2.124 ὄφρα κε κείνη τοῦτον ἔχῃ νόον, ὅν τινά οἱ νῦν ### book 2.125 ἐν στήθεσσι τιθεῖσι θεοί· μέγα μὲν κλέος αὐτῇ ### book 2.126 ποιεῖτ’, αὐτὰρ σοί γε ποθὴν πολέος βιότοιο. ### book 2.127 ἡμεῖς δ’ οὔτ’ ἐπὶ ἔργα πάρος γ’ ἴμεν οὔτε πῃ ἄλλῃ, ### book 2.128 πρίν γ’ αὐτὴν γήμασθαι Ἀχαιῶν ᾧ κ’ ἐθέλῃσι.” ### book 2.129 τὸν δ’ αὖ Τηλέμαχος πεπνυμένος ἀντίον ηὔδα· ### book 2.130 “Ἀντίνο’, οὔ πως ἔστι δόμων ἀέκουσαν ἀπῶσαι ### book 2.131 ἥ μ’ ἔτεχ’, ἥ μ’ ἔθρεψε, πατὴρ δ’ ἐμὸς ἄλλοθι γαίης, ### book 2.132 ζώει ὅ γ’ ἦ τέθνηκε· κακὸν δέ με πόλλ’ ἀποτίνειν ### book 2.133 Ἰκαρίῳ, αἴ κ’ αὐτὸς ἑκὼν ἀπὸ μητέρα πέμψω. ### book 2.134 ἐκ γὰρ τοῦ πατρὸς κακὰ πείσομαι, ἄλλα δὲ δαίμων ### book 2.135 δώσει, ἐπεὶ μήτηρ στυγερὰς ἀρήσετ’ ἐρινῦς ### book 2.136 οἴκου ἀπερχομένη· νέμεσις δέ μοι ἐξ ἀνθρώπων ### book 2.137 ἔσσεται· ὣς οὐ τοῦτον ἐγώ ποτε μῦθον ἐνίψω. ### book 2.138 ὑμέτερος δ’ εἰ μὲν θυμὸς νεμεσίζεται αὐτῶν, ### book 2.139 ἔξιτέ μοι μεγάρων, ἄλλας δ’ ἀλεγύνετε δαῖτας ### book 2.140 ὑμὰ κτήματ’ ἔδοντες ἀμειβόμενοι κατὰ οἴκους. ### book 2.141 εἰ δ’ ὕμιν δοκέει τόδε λωΐτερον καὶ ἄμεινον ### book 2.142 ἔμμεναι, ἀνδρὸς ἑνὸς βίοτον νήποινον ὀλέσθαι, ### book 2.143 κείρετ’· ἐγὼ δὲ θεοὺς ἐπιβώσομαι αἰὲν ἐόντας, ### book 2.144 αἴ κέ ποθι Ζεὺς δῷσι παλίντιτα ἔργα γενέσθαι· ### book 2.145 νήποινοί κεν ἔπειτα δόμων ἔντοσθεν ὄλοισθε.” ### book 2.146 ὣς φάτο Τηλέμαχος, τῷ δ’ αἰετὼ εὐρύοπα Ζεὺς ### book 2.147 ὑψόθεν ἐκ κορυφῆς ὄρεος προέηκε πέτεσθαι. ### book 2.148 τὼ δ’ ἕως μέν ῥ’ ἐπέτοντο μετὰ πνοιῇς’ ἀνέμοιο, ### book 2.149 πλησίω ἀλλήλοισι τιταινομένω πτερύγεσσιν· ### book 2.150 ἀλλ’ ὅτε δὴ μέσσην ἀγορὴν πολύφημον ἱκέσθην, ### book 2.151 ἔνθ’ ἐπιδινηθέντε τιναξάσθην πτερὰ πυκνά, ### book 2.152 ἐς δ’ ἰδέτην πάντων κεφαλάς, ὄσσοντο δ’ ὄλεθρον· ### book 2.153 δρυψαμένω δ’ ὀνύχεσσι παρειὰς ἀμφί τε δειρὰς ### book 2.154 δεξιὼ ἤϊξαν διά τ’ οἰκία καὶ πόλιν αὐτῶν. ### book 2.155 θάμβησαν δ’ ὄρνιθας, ἐπεὶ ἴδον ὀφθαλμοῖσιν· ### book 2.156 ὥρμηναν δ’ ἀνὰ θυμὸν ἅ περ τελέεσθαι ἔμελλον. ### book 2.157 τοῖσι δὲ καὶ μετέειπε γέρων ἥρως Ἁλιθέρσης ### book 2.158 Μαστορίδης· ὁ γὰρ οἶος ὁμηλικίην ἐκέκαστο ### book 2.159 ὄρνιθας γνῶναι καὶ ἐναίσιμα μυθήσασθαι· ### book 2.160 ὅ σφιν ἐῢ φρονέων ἀγορήσατο καὶ μετέειπε· ### book 2.161 “κέκλυτε δὴ νῦν μευ, Ἰθακήσιοι, ὅττι κεν εἴπω· ### book 2.162 μνηστῆρσιν δὲ μάλιστα πιφαυσκόμενος τάδε εἴρω. ### book 2.163 τοῖσιν γὰρ μέγα πῆμα κυλίνδεται· οὐ γὰρ Ὀδυσσεὺς ### book 2.164 δὴν ἀπάνευθε φίλων ὧν ἔσσεται, ἀλλά που ἤδη ### book 2.165 ἐγγὺς ἐὼν τοίσδεσσι φόνον καὶ κῆρα φυτεύει, ### book 2.166 πάντεσσιν· πολέσιν δὲ καὶ ἄλλοισιν κακὸν ἔσται, ### book 2.167 οἳ νεμόμεσθ’ Ἰθάκην εὐδείελον. ἀλλὰ πολὺ πρὶν ### book 2.168 φραζώμεσθ’ ὥς κεν καταπαύσομεν· οἱ δὲ καὶ αὐτοὶ ### book 2.169 παυέσθων· καὶ γάρ σφιν ἄφαρ τόδε λώϊόν ἐστιν. ### book 2.170 οὐ γὰρ ἀπείρητος μαντεύομαι, ἀλλ’ ἐῢ εἰδώς· ### book 2.171 καὶ γὰρ κείνῳ φημὶ τελευτηθῆναι ἅπαντα, ### book 2.172 ὥς οἱ ἐμυθεόμην, ὅτε Ἴλιον εἰσανέβαινον ### book 2.173 Ἀργεῖοι, μετὰ δέ σφιν ἔβη πολύμητις Ὀδυσσεύς. ### book 2.174 φῆν κακὰ πολλὰ παθόντ’, ὀλέσαντ’ ἄπο πάντας ἑταίρους, ### book 2.175 ἄγνωστον πάντεσσιν ἐεικοστῷ ἐνιαυτῷ ### book 2.176 οἴκαδ’ ἐλεύσεσθαι· τὰ δὲ δὴ νῦν πάντα τελεῖται.” ### book 2.177 τὸν δ’ αὖτ’ Εὐρύμαχος, Πολύβου πάϊς, ἀντίον ηὔδα· ### book 2.178 “ὦ γέρον, εἰ δ’ ἄγε δὴ μαντεύεο σοῖσι τέκεσσιν ### book 2.179 οἴκαδ’ ἰών, μή πού τι κακὸν πάσχωσιν ὀπίσσω· ### book 2.180 ταῦτα δ’ ἐγὼ σέο πολλὸν ἀμείνων μαντεύεσθαι. ### book 2.181 ὄρνιθες δέ τε πολλοὶ ὑπ’ αὐγὰς ἠελίοιο ### book 2.182 φοιτῶς’, οὐδέ τε πάντες ἐναίσιμοι· αὐτὰρ Ὀδυσσεὺς ### book 2.183 ὤλετο τῆλ’, ὡς καὶ σὺ καταφθίσθαι σὺν ἐκείνῳ ### book 2.184 ὤφελες· οὐκ ἂν τόσσα θεοπροπέων ἀγόρευες, ### book 2.185 οὐδέ κε Τηλέμαχον κεχολωμένον ὧδ’ ἀνιείης, ### book 2.186 σῷ οἴκῳ δῶρον ποτιδέγμενος, αἴ κε πόρῃσιν. ### book 2.187 ἀλλ’ ἔκ τοι ἐρέω, τὸ δὲ καὶ τετελεσμένον ἔσται· ### book 2.188 αἴ κε νεώτερον ἄνδρα παλαιά τε πολλά τε εἰδὼς ### book 2.189 παρφάμενος ἐπέεσσιν ἐποτρύνῃς χαλεπαίνειν, ### book 2.190 αὐτῷ μέν οἱ πρῶτον ἀνιηρέστερον ἔσται, ### book 2.191 [πρῆξαι δ’ ἔμπης οὔ τι δυνήσεται εἵνεκα τῶνδε·] ### book 2.192 σοὶ δὲ, γέρον, θῳὴν ἐπιθήσομεν, ἥν κ’ ἐνὶ θυμῷ ### book 2.193 τίνων ἀσχάλλῃς· χαλεπὸν δέ τοι ἔσσεται ἄλγος. ### book 2.194 Τηλεμάχῳ δ’ ἐν πᾶσιν ἐγὼν ὑποθήσομαι αὐτός· ### book 2.195 μητέρα ἣν ἐς πατρὸς ἀνωγέτω ἀπονέεσθαι· ### book 2.196 οἱ δὲ γάμον τεύξουσι καὶ ἀρτυνέουσιν ἔεδνα ### book 2.197 πολλὰ μάλ’, ὅσσα ἔοικε φίλης ἐπὶ παιδὸς ἕπεσθαι. ### book 2.198 οὐ γὰρ πρὶν παύσεσθαι ὀΐομαι υἷας Ἀχαιῶν ### book 2.199 μνηστύος ἀργαλέης, ἐπεὶ οὔ τινα δείδιμεν ἔμπης, ### book 2.200 οὔτ’ οὖν Τηλέμαχον, μάλα περ πολύμυθον ἐόντα, ### book 2.201 οὔτε θεοπροπίης ἐμπαζόμεθ’, ἣν σύ, γεραιέ, ### book 2.202 μυθέαι ἀκράαντον, ἀπεχθάνεαι δ’ ἔτι μᾶλλον. ### book 2.203 χρήματα δ’ αὖτε κακῶς βεβρώσεται, οὐδέ ποτ’ ἶσα ### book 2.204 ἔσσεται, ὄφρα κεν ἥ γε διατρίβῃσιν Ἀχαιοὺς ### book 2.205 ὃν γάμον· ἡμεῖς δ’ αὖ ποτιδέγμενοι ἤματα πάντα ### book 2.206 εἵνεκα τῆς ἀρετῆς ἐριδαίνομεν, οὐδὲ μετ’ ἄλλας ### book 2.207 ἐρχόμεθ’, ἃς ἐπιεικὲς ὀπυιέμεν ἐστὶν ἑκάστῳ.” ### book 2.208 τὸν δ’ αὖ Τηλέμαχος πεπνυμένος ἀντίον ηὔδα· ### book 2.209 “Εὐρύμαχ’ ἠδὲ καὶ ἄλλοι, ὅσοι μνηστῆρες ἀγαυοί, ### book 2.210 ταῦτα μὲν οὐχ ὑμέας ἔτι λίσσομαι οὐδ’ ἀγορεύω· ### book 2.211 ἤδη γὰρ τὰ ἴσασι θεοὶ καὶ πάντες Ἀχαιοί. ### book 2.212 ἀλλ’ ἄγε μοι δότε νῆα θοὴν καὶ εἴκος’ ἑταίρους, ### book 2.213 οἵ κέ μοι ἔνθα καὶ ἔνθα διαπρήσσωσι κέλευθον. ### book 2.214 εἶμι γὰρ ἐς Σπάρτην τε καὶ ἐς Πύλον ἠμαθόεντα, ### book 2.215 νόστον πευσόμενος πατρὸς δὴν οἰχομένοιο, ### book 2.216 ἤν τίς μοι εἴπῃσι βροτῶν, ἢ ὄσσαν ἀκούσω ### book 2.217 ἐκ Διός, ἥ τε μάλιστα φέρει κλέος ἀνθρώποισιν. ### book 2.218 εἰ μέν κεν πατρὸς βίοτον καὶ νόστον ἀκούσω, ### book 2.219 ἦ τ’ ἂν τρυχόμενός περ ἔτι τλαίην ἐνιαυτόν· ### book 2.220 εἰ δέ κε τεθνηῶτος ἀκούσω μηδ’ ἔτ’ ἐόντος, ### book 2.221 νοστήσας δὴ ἔπειτα φίλην ἐς πατρίδα γαῖαν ### book 2.222 σῆμά τέ οἱ χείω καὶ ἐπὶ κτέρεα κτερεΐξω ### book 2.223 πολλὰ μάλ’, ὅσσα ἔοικε, καὶ ἀνέρι μητέρα δώσω.” ### book 2.224 ἦ τοι ὅ γ’ ὣς εἰπὼν κατ’ ἄρ’ ἕζετο, τοῖσι δ’ ἀνέστη ### book 2.225 Μέντωρ, ὅς ῥ’ Ὀδυσῆος ἀμύμονος ἦεν ἑταῖρος, ### book 2.226 καί οἱ ἰὼν ἐν νηυσὶν ἐπέτρεπεν οἶκον ἅπαντα, ### book 2.227 πείθεσθαί τε γέροντι καὶ ἔμπεδα πάντα φυλάσσειν· ### book 2.228 ὅ σφιν ἐῢ φρονέων ἀγορήσατο καὶ μετέειπε· ### book 2.229 “κέκλυτε δὴ νῦν μευ, Ἰθακήσιοι, ὅττι κεν εἴπω· ### book 2.230 μή τις ἔτι πρόφρων ἀγανὸς καὶ ἤπιος ἔστω ### book 2.231 σκηπτοῦχος βασιλεύς, μηδὲ φρεσὶν αἴσιμα εἰδώς, ### book 2.232 ἀλλ’ αἰεὶ χαλεπός τ’ εἴη καὶ αἴσυλα ῥέζοι, ### book 2.233 ὡς οὔ τις μέμνηται Ὀδυσσῆος θείοιο ### book 2.234 λαῶν, οἷσιν ἄνασσε, πατὴρ δ’ ὣς ἤπιος ἦεν. ### book 2.235 ἀλλ’ ἦ τοι μνηστῆρας ἀγήνορας οὔ τι μεγαίρω ### book 2.236 ἕρδειν ἔργα βίαια κακορραφίῃσι νόοιο· ### book 2.237 σφὰς γὰρ παρθέμενοι κεφαλὰς κατέδουσι βιαίως ### book 2.238 οἶκον Ὀδυσσῆος, τὸν δ’ οὐκέτι φασὶ νέεσθαι. ### book 2.239 νῦν δ’ ἄλλῳ δήμῳ νεμεσίζομαι, οἷον ἅπαντες ### book 2.240 ἧσθ’ ἄνεω, ἀτὰρ οὔ τι καθαπτόμενοι ἐπέεσσι ### book 2.241 παύρους μνηστῆρας κατερύκετε πολλοὶ ἐόντες.” ### book 2.242 τὸν δ’ Εὐηνορίδης Λειώκριτος ἀντίον ηὔδα· ### book 2.243 “Μέντορ ἀταρτηρέ, φρένας ἠλεέ, ποῖον ἔειπες ### book 2.244 ἡμέας ὀτρύνων καταπαυέμεν. ἀργαλέον δὲ ### book 2.245 ἀνδράσι καὶ πλεόνεσσι μαχέσσασθαι περὶ δαιτί. ### book 2.246 εἴ περ γάρ κ’ Ὀδυσεὺς Ἰθακήσιος αὐτὸς ἐπελθὼν ### book 2.247 δαινυμένους κατὰ δῶμα ἑὸν μνηστῆρας ἀγαυοὺς ### book 2.248 ἐξελάσαι μεγάροιο μενοινήσει’ ἐνὶ θυμῷ, ### book 2.249 οὔ κέν οἱ κεχάροιτο γυνή, μάλα περ χατέουσα, ### book 2.250 ἐλθόντ’, ἀλλά κεν αὐτοῦ ἀεικέα πότμον ἐπίσποι, ### book 2.251 εἰ πλεόνεσσι μάχοιτο· σὺ δ’ οὐ κατὰ μοῖραν ἔειπες. ### book 2.252 ἀλλ’ ἄγε, λαοὶ μὲν σκίδνασθ’ ἐπὶ ἔργα ἕκαστος, ### book 2.253 τούτῳ δ’ ὀτρυνέει Μέντωρ ὁδὸν ἠδ’ Ἁλιθέρσης, ### book 2.254 οἵ τέ οἱ ἐξ ἀρχῆς πατρώϊοί εἰσιν ἑταῖροι. ### book 2.255 ἀλλ’, ὀΐω, καὶ δηθὰ καθήμενος ἀγγελιάων ### book 2.256 πεύσεται εἰν Ἰθάκῃ, τελέει δ’ ὁδὸν οὔ ποτε ταύτην.” ### book 2.257 ὣς ἄρ’ ἐφώνησεν, λῦσεν δ’ ἀγορὴν αἰψηρήν. ### book 2.258 οἱ μὲν ἄρ’ ἐσκίδναντο ἑὰ πρὸς δώμαθ’ ἕκαστος, ### book 2.259 μνηστῆρες δ’ ἐς δώματ’ ἴσαν θείου Ὀδυσῆος. ### book 2.260 Τηλέμαχος δ’ ἀπάνευθε κιὼν ἐπὶ θῖνα θαλάσσης, ### book 2.261 χεῖρας νιψάμενος πολιῆς ἁλός, εὔχετ’ Ἀθήνῃ· ### book 2.262 “κλῦθί μευ, ὃ χθιζὸς θεὸς ἤλυθες ἡμέτερον δῶ ### book 2.263 καί μ’ ἐν νηῒ κέλευσας ἐπ’ ἠεροειδέα πόντον, ### book 2.264 νόστον πευσόμενον πατρὸς δὴν οἰχομένοιο, ### book 2.265 ἔρχεσθαι· τὰ δὲ πάντα διατρίβουσιν Ἀχαιοί, ### book 2.266 μνηστῆρες δὲ μάλιστα, κακῶς ὑπερηνορέοντες.” ### book 2.267 ὣς ἔφατ’ εὐχόμενος, σχεδόθεν δέ οἱ ἦλθεν Ἀθήνη, ### book 2.268 Μέντορι εἰδομένη ἠμὲν δέμας ἠδὲ καὶ αὐδήν, ### book 2.269 καί μιν φωνήσας’ ἔπεα πτερόεντα προσηύδα· ### book 2.270 “Τηλέμαχ’, οὐδ’ ὄπιθεν κακὸς ἔσσεαι οὐδ’ ἀνοήμων· ### book 2.271 εἰ δή τοι σοῦ πατρὸς ἐνέστακται μένος ἠΰ, ### book 2.272 οἷος κεῖνος ἔην τελέσαι ἔργον τε ἔπος τε, ### book 2.273 οὔ τοι ἔπειθ’ ἁλίη ὁδὸς ἔσσεται οὐδ’ ἀτέλεστος. ### book 2.274 εἰ δ’ οὐ κείνου γ’ ἐσσὶ γόνος καὶ Πηνελοπείης, ### book 2.275 οὔ σε ἔπειτα ἔολπα τελευτήσειν ἃ μενοινᾷς. ### book 2.276 παῦροι γάρ τοι παῖδες ὁμοῖοι πατρὶ πέλονται, ### book 2.277 οἱ πλέονες κακίους, παῦροι δέ τε πατρὸς ἀρείους. ### book 2.278 ἀλλ’ ἐπεὶ οὐδ’ ὄπιθεν κακὸς ἔσσεαι οὐδ’ ἀνοήμων, ### book 2.279 οὐδέ σε πάγχυ γε μῆτις Ὀδυσσῆος προλέλοιπεν, ### book 2.280 ἐλπωρή τοι ἔπειτα τελευτῆσαι τάδε ἔργα. ### book 2.281 τῶ νῦν μνηστήρων μὲν ἔα βουλήν τε νόον τε ### book 2.282 ἀφραδέων, ἐπεὶ οὔ τι νοήμονες οὐδὲ δίκαιοι· ### book 2.283 οὐδέ τι ἴσασιν θάνατον καὶ κῆρα μέλαιναν, ### book 2.284 ὡς δή σφιν σχεδόν ἐστιν ἐπ’ ἤματι πάντας ὀλέσθαι. ### book 2.285 σοὶ δ’ ὁδὸς οὐκέτι δηρὸν ἀπέσσεται ἣν σὺ μενοινᾷς· ### book 2.286 τοῖος γάρ τοι ἑταῖρος ἐγὼ πατρώϊός εἰμι, ### book 2.287 ὅς τοι νῆα θοὴν στελέω καὶ ἅμ’ ἕψομαι αὐτός. ### book 2.288 ἀλλὰ σὺ μὲν πρὸς δώματ’ ἰὼν μνηστῆρσιν ὁμίλει, ### book 2.289 ὅπλισσόν τ’ ἤϊα καὶ ἄγγεσιν ἄρσον ἅπαντα, ### book 2.290 οἶνον ἐν ἀμφιφορεῦσι καὶ ἄλφιτα, μυελὸν ἀνδρῶν, ### book 2.291 δέρμασιν ἐν πυκινοῖσιν· ἐγὼ δ’ ἀνὰ δῆμον ἑταίρους ### book 2.292 αἶψ’ ἐθελοντῆρας συλλέξομαι. εἰσὶ δὲ νῆες ### book 2.293 πολλαὶ ἐν ἀμφιάλῳ Ἰθάκῃ, νέαι ἠδὲ παλαιαί· ### book 2.294 τάων μέν τοι ἐγὼν ἐπιόψομαι ἥ τις ἀρίστη, ### book 2.295 ὦκα δ’ ἐφοπλίσσαντες ἐνήσομεν εὐρέϊ πόντῳ.” ### book 2.296 ὣς φάτ’ Ἀθηναίη, κούρη Διός· οὐδ’ ἄρ’ ἔτι δὴν ### book 2.297 Τηλέμαχος παρέμιμνεν, ἐπεὶ θεοῦ ἔκλυεν αὐδήν. ### book 2.298 βῆ δ’ ἴμεναι πρὸς δῶμα, φίλον τετιημένος ἦτορ, ### book 2.299 εὗρε δ’ ἄρα μνηστῆρας ἐνὶ μεγάροισιν ἑοῖσιν ### book 2.300 αἶγας ἀνιεμένους σιάλους θ’ εὕοντας ἐν αὐλῇ. ### book 2.301 Ἀντίνοος δ’ ἰθὺς γελάσας κίε Τηλεμάχοιο· ### book 2.302 ἔν τ’ ἄρα οἱ φῦ χειρὶ ἔπος τ’ ἔφατ’ ἔκ τ’ ὀνόμαζε· ### book 2.303 “Τηλέμαχ’ ὑψαγόρη, μένος ἄσχετε, μή τί τοι ἄλλο ### book 2.304 ἐν στήθεσσι κακὸν μελέτω ἔργον τε ἔπος τε, ### book 2.305 ἀλλὰ μάλ’ ἐσθιέμεν καὶ πινέμεν, ὡς τὸ πάρος περ. ### book 2.306 ταῦτα δέ τοι μάλα πάντα τελευτήσουσιν Ἀχαιοί, ### book 2.307 νῆα καὶ ἐξαίτους ἐρέτας, ἵνα θᾶσσον ἵκηαι ### book 2.308 ἐς Πύλον ἠγαθέην μετ’ ἀγαυοῦ πατρὸς ἀκουήν.” ### book 2.309 τὸν δ’ αὖ Τηλέμαχος πεπνυμένος ἀντίον ηὔδα· ### book 2.310 “Ἀντίνο’, οὔ πως ἔστιν ὑπερφιάλοισι μεθ’ ὑμῖν ### book 2.311 δαίνυσθαί τ’ ἀκέοντα καὶ εὐφραίνεσθαι ἕκηλον. ### book 2.312 ἦ οὐχ ἅλις, ὡς τὸ πάροιθεν ἐκείρετε πολλὰ καὶ ἐσθλὰ ### book 2.313 κτήματ’ ἐμά, μνηστῆρες, ἐγὼ δ’ ἔτι νήπιος ἦα; ### book 2.314 νῦν δ’ ὅτε δὴ μέγας εἰμί, καὶ ἄλλων μῦθον ἀκούων ### book 2.315 πυνθάνομαι, καὶ δή μοι ἀέξεται ἔνδοθι θυμός, ### book 2.316 πειρήσω, ὥς κ’ ὔμμι κακὰς ἐπὶ κῆρας ἰήλω, ### book 2.317 ἠὲ Πύλονδ’ ἐλθὼν ἢ αὐτοῦ τῷδ’ ἐνὶ δήμῳ. ### book 2.318 εἶμι μέν, οὐδ’ ἁλίη ὁδὸς ἔσσεται ἣν ἀγορεύω, ### book 2.319 ἔμπορος· οὐ γὰρ νηὸς ἐπήβολος οὐδ’ ἐρετάων ### book 2.320 γίνομαι· ὥς νύ που ὔμμιν ἐείσατο κέρδιον εἶναι.” ### book 2.321 ἦ ῥα, καὶ ἐκ χειρὸς χεῖρα σπάσατ’ Ἀντινόοιο ### book 2.322 ῥεῖα· μνηστῆρες δὲ δόμον κάτα δαῖτα πένοντο. ### book 2.323 οἱ δ’ ἐπελώβευον καὶ ἐκερτόμεον ἐπέεσσιν· ### book 2.324 ὧδε δέ τις εἴπεσκε νέων ὑπερηνορεόντων· ### book 2.325 “ἦ μάλα Τηλέμαχος φόνον ἥμιν μερμηρίζει. ### book 2.326 ἤ τινας ἐκ Πύλου ἄξει ἀμύντορας ἠμαθόεντος, ### book 2.327 ἢ ὅ γε καὶ Σπάρτηθεν, ἐπεί νύ περ ἵεται αἰνῶς· ### book 2.328 ἠὲ καὶ εἰς Ἐφύρην ἐθέλει, πίειραν ἄρουραν, ### book 2.329 ἐλθεῖν, ὄφρ’ ἔνθεν θυμοφθόρα φάρμακ’ ἐνείκῃ, ### book 2.330 ἐν δὲ βάλῃ κρητῆρι καὶ ἡμέας πάντας ὀλέσσῃ.” ### book 2.331 ἄλλος δ’ αὖτ’ εἴπεσκε νέων ὑπερηνορεόντων· ### book 2.332 “τίς δ’ οἶδ’, εἴ κε καὶ αὐτὸς ἰὼν κοίλης ἐπὶ νηὸς ### book 2.333 τῆλε φίλων ἀπόληται ἀλώμενος ὥς περ Ὀδυσσεύς; ### book 2.334 οὕτω κεν καὶ μᾶλλον ὀφέλλειεν πόνον ἄμμιν· ### book 2.335 κτήματα γάρ κεν πάντα δασαίμεθα, οἰκία δ’ αὖτε ### book 2.336 τούτου μητέρι δοῖμεν ἔχειν ἠδ’ ὅς τις ὀπυίοι.” ### book 2.337 ὣς φάν· ὁ δ’ ὑψόροφον θάλαμον κατεβήσετο πατρός, ### book 2.338 εὐρύν, ὅθι νητὸς χρυσὸς καὶ χαλκὸς ἔκειτο ### book 2.339 ἐσθής τ’ ἐν χηλοῖσιν ἅλις τ’ εὐῶδες ἔλαιον. ### book 2.340 ἐν δὲ πίθοι οἴνοιο παλαιοῦ ἡδυπότοιο ### book 2.341 ἕστασαν, ἄκρητον θεῖον ποτὸν ἐντὸς ἔχοντες, ### book 2.342 ἑξείης ποτὶ τοῖχον ἀρηρότες, εἴ ποτ’ Ὀδυσσεὺς ### book 2.343 οἴκαδε νοστήσειε καὶ ἄλγεα πολλὰ μογήσας. ### book 2.344 κληϊσταὶ δ’ ἔπεσαν σανίδες πυκινῶς ἀραρυῖαι, ### book 2.345 δικλίδες· ἐν δὲ γυνὴ ταμίη νύκτας τε καὶ ἦμαρ ### book 2.346 ἔσχ’, ἣ πάντ’ ἐφύλασσε νόου πολυϊδρείῃσιν, ### book 2.347 Εὐρύκλει’, Ὦπος θυγάτηρ Πεισηνορίδαο. ### book 2.348 τὴν τότε Τηλέμαχος προσέφη θάλαμόνδε καλέσσας· ### book 2.349 “μαῖ’, ἄγε δή μοι οἶνον ἐν ἀμφιφορεῦσιν ἄφυσσον ### book 2.350 ἡδύν, ὅτις μετὰ τὸν λαρώτατος, ὃν σὺ φυλάσσεις, ### book 2.351 κεῖνον ὀϊομένη τὸν κάμμορον, εἴ ποθεν ἔλθοι ### book 2.352 διογενὴς Ὀδυσεὺς θάνατον καὶ κῆρας ἀλύξας. ### book 2.353 δώδεκα δ’ ἔμπλησον καὶ πώμασιν ἄρσον ἅπαντας. ### book 2.354 ἐν δέ μοι ἄλφιτα χεῦον ἐϋρραφέεσσι δοροῖσιν· ### book 2.355 εἴκοσι δ’ ἔστω μέτρα μυληφάτου ἀλφίτου ἀκτῆς. ### book 2.356 αὐτὴ δ’ οἴη ἴσθι· τὰ δ’ ἁθρόα πάντα τετύχθω· ### book 2.357 ἑσπέριος γὰρ ἐγὼν αἱρήσομαι, ὁππότε κεν δὴ ### book 2.358 μήτηρ εἰς ὑπερῷ’ ἀναβῇ κοίτου τε μέδηται· ### book 2.359 εἶμι γὰρ ἐς Σπάρτην τε καὶ ἐς Πύλον ἠμαθόεντα, ### book 2.360 νόστον πευσόμενος πατρὸς φίλου, ἤν που ἀκούσω.” ### book 2.361 ὣς φάτο, κώκυσεν δὲ φίλη τροφὸς Εὐρύκλεια, ### book 2.362 καί ῥ’ ὀλοφυρομένη ἔπεα πτερόεντα προσηύδα· ### book 2.363 “τίπτε δέ τοι, φίλε τέκνον, ἐνὶ φρεσὶ τοῦτο νόημα ### book 2.364 ἔπλετο; πῇ δ’ ἐθέλεις ἰέναι πολλὴν ἐπὶ γαῖαν ### book 2.365 μοῦνος ἐὼν ἀγαπητός; ὁ δ’ ὤλετο τηλόθι πάτρης ### book 2.366 διογενὴς Ὀδυσεὺς ἀλλογνώτῳ ἐνὶ δήμῳ. ### book 2.367 οἱ δέ τοι αὐτίκ’ ἰόντι κακὰ φράσσονται ὀπίσσω, ### book 2.368 ὥς κε δόλῳ φθίῃς, τάδε δ’ αὐτοὶ πάντα δάσωνται. ### book 2.369 ἀλλὰ μέν’ αὖθ’ ἐπὶ σοῖσι καθήμενος· οὐδέ τί σε χρὴ ### book 2.370 πόντον ἐπ’ ἀτρύγετον κακὰ πάσχειν οὐδ’ ἀλάλησθαι.” ### book 2.371 τὴν δ’ αὖ Τηλέμαχος πεπνυμένος ἀντίον ηὔδα· ### book 2.372 “θάρσει, μαῖ’, ἐπεὶ οὔ τοι ἄνευ θεοῦ ἥδε γε βουλή. ### book 2.373 ἀλλ’ ὄμοσον μὴ μητρὶ φίλῃ τάδε μυθήσασθαι, ### book 2.374 πρίν γ’ ὅτ’ ἂν ἑνδεκάτη τε δυωδεκάτη τε γένηται, ### book 2.375 ἢ αὐτὴν ποθέσαι καὶ ἀφορμηθέντος ἀκοῦσαι, ### book 2.376 ὡς ἂν μὴ κλαίουσα κατὰ χρόα καλὸν ἰάπτῃ.” ### book 2.377 ὣς ἄρ’ ἔφη, γρηῢς δὲ θεῶν μέγαν ὅρκον ἀπώμνυ. ### book 2.378 αὐτὰρ ἐπεί ῥ’ ὄμοσέν τε τελεύτησέν τε τὸν ὅρκον, ### book 2.379 αὐτίκ’ ἔπειτά οἱ οἶνον ἐν ἀμφιφορεῦσιν ἄφυσσεν, ### book 2.380 ἐν δέ οἱ ἄλφιτα χεῦεν ἐϋρραφέεσσι δοροῖσι· ### book 2.381 Τηλέμαχος δ’ ἐς δώματ’ ἰὼν μνηστῆρσιν ὁμίλει. ### book 2.382 ἔνθ’ αὖτ’ ἄλλ’ ἐνόησε θεὰ γλαυκῶπις Ἀθήνη· ### book 2.383 Τηλεμάχῳ εἰκυῖα κατὰ πτόλιν ᾤχετο πάντῃ, ### book 2.384 καί ῥα ἑκάστῳ φωτὶ παρισταμένη φάτο μῦθον, ### book 2.385 ἑσπερίους δ’ ἐπὶ νῆα θοὴν ἀγέρεσθαι ἀνώγει. ### book 2.386 ἡ δ’ αὖτε Φρονίοιο Νοήμονα φαίδιμον υἱὸν ### book 2.387 ᾔτεε νῆα θοήν· ὁ δέ οἱ πρόφρων ὑπέδεκτο. ### book 2.388 δύσετό τ’ ἠέλιος σκιόωντό τε πᾶσαι ἀγυιαί· ### book 2.389 καὶ τότε νῆα θοὴν ἅλαδ’ εἴρυσε, πάντα δ’ ἐν αὐτῇ ### book 2.390 ὅπλ’ ἐτίθει, τά τε νῆες ἐΰσσελμοι φορέουσι. ### book 2.391 στῆσε δ’ ἐπ’ ἐσχατιῇ λιμένος, περὶ δ’ ἐσθλοὶ ἑταῖροι ### book 2.392 ἁθρόοι ἠγερέθοντο· θεὰ δ’ ὤτρυνεν ἕκαστον. ### book 2.393 ἔνθ’ αὖτ’ ἄλλ’ ἐνόησε θεὰ γλαυκῶπις Ἀθήνη· ### book 2.394 βῆ ῥ’ ἴμεναι πρὸς δώματ’ Ὀδυσσῆος θείοιο· ### book 2.395 ἔνθα μνηστήρεσσιν ἐπὶ γλυκὺν ὕπνον ἔχευε, ### book 2.396 πλάζε δὲ πίνοντας, χειρῶν δ’ ἔκβαλλε κύπελλα. ### book 2.397 οἱ δ’ εὕδειν ὤρνυντο κατὰ πτόλιν, οὐδ’ ἄρ’ ἔτι δὴν ### book 2.398 εἵατ’, ἐπεί σφισιν ὕπνος ἐπὶ βλεφάροισιν ἔπιπτεν. ### book 2.399 αὐτὰρ Τηλέμαχον προσέφη γλαυκῶπις Ἀθήνη ### book 2.400 ἐκπροκαλεσσαμένη μεγάρων ἐὺ ναιεταόντων, ### book 2.401 Μέντορι εἰδομένη ἠμὲν δέμας ἠδὲ καὶ αὐδήν· ### book 2.402 “Τηλέμαχ’, ἤδη μέν τοι ἐϋκνήμιδες ἑταῖροι ### book 2.403 εἵατ’ ἐπήρετμοι, τὴν σὴν ποτιδέγμενοι ὁρμήν· ### book 2.404 ἀλλ’ ἴομεν, μὴ δηθὰ διατρίβωμεν ὁδοῖο.” ### book 2.405 ὣς ἄρα φωνήσας’ ἡγήσατο Παλλὰς Ἀθήνη ### book 2.406 καρπαλίμως· ὁ δ’ ἔπειτα μετ’ ἴχνια βαῖνε θεοῖο. ### book 2.407 [αὐτὰρ ἐπεί ῥ’ ἐπὶ νῆα κατήλυθον ἠδὲ θάλασσαν,] ### book 2.408 εὗρον ἔπειτ’ ἐπὶ θινὶ κάρη κομόωντας ἑταίρους. ### book 2.409 τοῖσι δὲ καὶ μετέειφ’ ἱερὴ ἲς Τηλεμάχοιο· ### book 2.410 “δεῦτε, φίλοι, ἤϊα φερώμεθα· πάντα γὰρ ἤδη ### book 2.411 ἁθρό’ ἐνὶ μεγάρῳ· μήτηρ δ’ ἐμὴ οὔ τι πέπυσται, ### book 2.412 οὐδ’ ἄλλαι δμῳαί, μία δ’ οἴη μῦθον ἄκουσεν.” ### book 2.413 ὣς ἄρα φωνήσας ἡγήσατο, τοὶ δ’ ἅμ’ ἕποντο. ### book 2.414 οἱ δ’ ἄρα πάντα φέροντες ἐϋσσέλμῳ ἐνὶ νηῒ ### book 2.415 κάτθεσαν, ὡς ἐκέλευσεν Ὀδυσσῆος φίλος υἱός. ### book 2.416 ἂν δ’ ἄρα Τηλέμαχος νηὸς βαῖν’, ἦρχε δ’ Ἀθήνη, ### book 2.417 νηῒ δ’ ἐνὶ πρυμνῇ κατ’ ἄρ’ ἕζετο· ἄγχι δ’ ἄρ’ αὐτῆς ### book 2.418 ἕζετο Τηλέμαχος. τοὶ δὲ πρυμνήσι’ ἔλυσαν, ### book 2.419 ἂν δὲ καὶ αὐτοὶ βάντες ἐπὶ κληῗσι καθῖζον. ### book 2.420 τοῖσιν δ’ ἴκμενον οὖρον ἵει γλαυκῶπις Ἀθήνη, ### book 2.421 ἀκραῆ ζέφυρον, κελάδοντ’ ἐπὶ οἴνοπα πόντον. ### book 2.422 Τηλέμαχος δ’ ἑτάροισιν ἐποτρύνων ἐκέλευσεν ### book 2.423 ὅπλων ἅπτεσθαι· τοὶ δ’ ὀτρύνοντος ἄκουσαν. ### book 2.424 ἱστὸν δ’ εἰλάτινον κοίλης ἔντοσθε μεσόδμης ### book 2.425 στῆσαν ἀείραντες, κατὰ δὲ προτόνοισιν ἔδησαν, ### book 2.426 ἕλκον δ’ ἱστία λευκὰ ἐϋστρέπτοισι βοεῦσιν. ### book 2.427 ἔμπρησεν δ’ ἄνεμος μέσον ἱστίον, ἀμφὶ δὲ κῦμα ### book 2.428 στείρῃ πορφύρεον μεγάλ’ ἴαχε νηὸς ἰούσης· ### book 2.429 [ἡ δ’ ἔθεεν κατὰ κῦμα διαπρήσσουσα κέλευθον.] ### book 2.430 δησάμενοι δ’ ἄρα ὅπλα θοὴν ἀνὰ νῆα μέλαιναν ### book 2.431 στήσαντο κρητῆρας ἐπιστεφέας οἴνοιο, ### book 2.432 λεῖβον δ’ ἀθανάτοισι θεοῖς’ αἰειγενέτῃσιν, ### book 2.433 ἐκ πάντων δὲ μάλιστα Διὸς γλαυκώπιδι κούρῃ. ### book 2.434 παννυχίη μέν ῥ’ ἥ γε καὶ ἠῶ πεῖρε κέλευθον. ### book 3.1 Ἠέλιος δ’ ἀνόρουσε, λιπὼν περικαλλέα λίμνην, ### book 3.2 οὐρανὸν ἐς πολύχαλκον, ἵν’ ἀθανάτοισι φαείνοι ### book 3.3 καὶ θνητοῖσι βροτοῖσιν ἐπὶ ζείδωρον ἄρουραν· ### book 3.4 οἱ δὲ Πύλον, Νηλῆος ἐϋκτίμενον πτολίεθρον, ### book 3.5 ἷξον· τοὶ δ’ ἐπὶ θινὶ θαλάσσης ἱερὰ ῥέζον, ### book 3.6 ταύρους παμμέλανας, ἐνοσίχθονι κυανοχαίτῃ. ### book 3.7 ἐννέα δ’ ἕδραι ἔσαν, πεντηκόσιοι δ’ ἐν ἑκάστῃ ### book 3.8 εἵατο, καὶ προὔχοντο ἑκάστοθι ἐννέα ταύρους. ### book 3.9 εὖθ’ οἱ σπλάγχνα πάσαντο, θεῷ δ’ ἐπὶ μηρί’ ἔκηαν, ### book 3.10 οἱ δ’ ἰθὺς κατάγοντο ἰδ’ ἱστία νηὸς ἐΐσης ### book 3.11 στεῖλαν ἀείραντες, τὴν δ’ ὥρμισαν, ἐκ δ’ ἔβαν αὐτοί· ### book 3.12 ἐκ δ’ ἄρα Τηλέμαχος νηὸς βαῖν’, ἦρχε δ’ Ἀθήνη. ### book 3.13 τὸν προτέρη προσέειπε θεὰ γλαυκῶπις Ἀθήνη· ### book 3.14 “Τηλέμαχ’, οὐ μέν σε χρὴ ἔτ’ αἰδοῦς οὐδ’ ἠβαιόν· ### book 3.15 τοὔνεκα γὰρ καὶ πόντον ἐπέπλως, ὄφρα πύθηαι ### book 3.16 πατρός, ὅπου κύθε γαῖα καὶ ὅν τινα πότμον ἐπέσπεν. ### book 3.17 ἀλλ’ ἄγε νῦν ἰθὺς κίε Νέστορος ἱπποδάμοιο· ### book 3.18 εἴδομεν ἥν τινα μῆτιν ἐνὶ στήθεσσι κέκευθε. ### book 3.19 [λίσσεσθαι δέ μιν αὐτόν, ὅπως νημερτέα εἴπῃ·] ### book 3.20 ψεῦδος δ’ οὐκ ἐρέει· μάλα γὰρ πεπνυμένος ἐστί.” ### book 3.21 τὴν δ’ αὖ Τηλέμαχος πεπνυμένος ἀντίον ηὔδα· ### book 3.22 “Μέντορ, πῶς τ’ ἄρ’ ἴω, πῶς τ’ ἂρ προσπτύξομαι αὐτόν; ### book 3.23 οὐδέ τί πω μύθοισι πεπείρημαι πυκινοῖσιν· ### book 3.24 αἰδὼς δ’ αὖ νέον ἄνδρα γεραίτερον ἐξερέεσθαι.” ### book 3.25 τὸν δ’ αὖτε προσέειπε θεὰ γλαυκῶπις Ἀθήνη· ### book 3.26 “Τηλέμαχ’, ἄλλα μὲν αὐτὸς ἐνὶ φρεσὶ σῇσι νοήσεις, ### book 3.27 ἄλλα δὲ καὶ δαίμων ὑποθήσεται· οὐ γὰρ ὀΐω ### book 3.28 οὔ σε θεῶν ἀέκητι γενέσθαι τε τραφέμεν τε.” ### book 3.29 ὣς ἄρα φωνήσας’ ἡγήσατο Παλλὰς Ἀθήνη ### book 3.30 καρπαλίμως· ὁ δ’ ἔπειτα μετ’ ἴχνια βαῖνε θεοῖο. ### book 3.31 ἷξον δ’ ἐς Πυλίων ἀνδρῶν ἄγυρίν τε καὶ ἕδρας, ### book 3.32 ἔνθ’ ἄρα Νέστωρ ἧστο σὺν υἱάσιν, ἀμφὶ δ’ ἑταῖροι ### book 3.33 δαῖτ’ ἐντυνόμενοι κρέα τ’ ὤπτων ἄλλα τ’ ἔπειρον. ### book 3.34 οἱ δ’ ὡς οὖν ξείνους ἴδον, ἁθρόοι ἦλθον ἅπαντες, ### book 3.35 χερσίν τ’ ἠσπάζοντο καὶ ἑδριάασθαι ἄνωγον. ### book 3.36 πρῶτος Νεστορίδης Πεισίστρατος ἐγγύθεν ἐλθὼν ### book 3.37 ἀμφοτέρων ἕλε χεῖρα καὶ ἵδρυσεν παρὰ δαιτὶ ### book 3.38 κώεσιν ἐν μαλακοῖσιν, ἐπὶ ψαμάθοις’ ἁλίῃσι, ### book 3.39 πάρ τε κασιγνήτῳ Θρασυμήδεϊ καὶ πατέρι ᾧ. ### book 3.40 δῶκε δ’ ἄρα σπλάγχνων μοίρας, ἐν δ’ οἶνον ἔχευε ### book 3.41 χρυσείῳ δέπαϊ· δειδισκόμενος δὲ προσηύδα ### book 3.42 Παλλάδ’ Ἀθηναίην, κούρην Διὸς αἰγιόχοιο· ### book 3.43 “εὔχεο νῦν, ὦ ξεῖνε, Ποσειδάωνι ἄνακτι· ### book 3.44 τοῦ γὰρ καὶ δαίτης ἠντήσατε δεῦρο μολόντες. ### book 3.45 αὐτὰρ ἐπὴν σπείσῃς τε καὶ εὔξεαι, ἣ θέμις ἐστί, ### book 3.46 δὸς καὶ τούτῳ ἔπειτα δέπας μελιηδέος οἴνου ### book 3.47 σπεῖσαι, ἐπεὶ καὶ τοῦτον ὀΐομαι ἀθανάτοισιν ### book 3.48 εὔχεσθαι· πάντες δὲ θεῶν χατέους’ ἄνθρωποι. ### book 3.49 ἀλλὰ νεώτερός ἐστιν, ὁμηλικίη δ’ ἐμοὶ αὐτῷ· ### book 3.50 τοὔνεκα σοὶ προτέρῳ δώσω χρύσειον ἄλεισον.” ### book 3.51 ὣς εἰπὼν ἐν χερσὶ τίθει δέπας ἡδέος οἴνου· ### book 3.52 χαῖρε δ’ Ἀθηναίη πεπνυμένῳ ἀνδρὶ δικαίῳ, ### book 3.53 οὕνεκα οἷ προτέρῃ δῶκε χρύσειον ἄλεισον· ### book 3.54 αὐτίκα δ’ εὔχετο πολλὰ Ποσειδάωνι ἄνακτι· ### book 3.55 “κλῦθι, Ποσείδαον γαιήοχε, μηδὲ μεγήρῃς ### book 3.56 ἡμῖν εὐχομένοισι τελευτῆσαι τάδε ἔργα. ### book 3.57 Νέστορι μὲν πρώτιστα καὶ υἱάσι κῦδος ὄπαζε, ### book 3.58 αὐτὰρ ἔπειτ’ ἄλλοισι δίδου χαρίεσσαν ἀμοιβὴν ### book 3.59 σύμπασιν Πυλίοισιν ἀγακλειτῆς ἑκατόμβης. ### book 3.60 δὸς δ’ ἔτι Τηλέμαχον καὶ ἐμὲ πρήξαντα νέεσθαι, ### book 3.61 οὕνεκα δεῦρ’ ἱκόμεσθα θοῇ σὺν νηῒ μελαίνῃ.” ### book 3.62 ὣς ἄρ’ ἔπειτ’ ἠρᾶτο καὶ αὐτὴ πάντα τελεύτα. ### book 3.63 δῶκε δὲ Τηλεμάχῳ καλὸν δέπας ἀμφικύπελλον· ### book 3.64 ὣς δ’ αὔτως ἠρᾶτο Ὀδυσσῆος φίλος υἱός. ### book 3.65 οἱ δ’ ἐπεὶ ὤπτησαν κρέ’ ὑπέρτερα καὶ ἐρύσαντο, ### book 3.66 μοίρας δασσάμενοι δαίνυντ’ ἐρικυδέα δαῖτα. ### book 3.67 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 3.68 τοῖς’ ἄρα μύθων ἦρχε Γερήνιος ἱππότα Νέστωρ· ### book 3.69 “νῦν δὴ κάλλιόν ἐστι μεταλλῆσαι καὶ ἐρέσθαι ### book 3.70 ξείνους, οἵ τινές εἰσιν, ἐπεὶ τάρπησαν ἐδωδῆς. ### book 3.71 ὦ ξεῖνοι, τίνες ἐστέ; πόθεν πλεῖθ’ ὑγρὰ κέλευθα; ### book 3.72 ἤ τι κατὰ πρῆξιν ἦ μαψιδίως ἀλάλησθε ### book 3.73 οἷά τε ληϊστῆρες ὑπεὶρ ἅλα, τοί τ’ ἀλόωνται ### book 3.74 ψυχὰς παρθέμενοι, κακὸν ἀλλοδαποῖσι φέροντες;” ### book 3.75 τὸν δ’ αὖ Τηλέμαχος πεπνυμένος ἀντίον ηὔδα, ### book 3.76 θαρσήσας· αὐτὴ γὰρ ἐνὶ φρεσὶ θάρσος Ἀθήνη ### book 3.77 θῆχ’, ἵνα μιν περὶ πατρὸς ἀποιχομένοιο ἔροιτο, ### book 3.78 [ἠδ’ ἵνα μιν κλέος ἐσθλὸν ἐν ἀνθρώποισιν ἔχῃσιν·] ### book 3.79 “ὦ Νέστορ Νηληϊάδη, μέγα κῦδος Ἀχαιῶν, ### book 3.80 εἴρεαι ὁππόθεν εἰμέν· ἐγὼ δέ κέ τοι καταλέξω. ### book 3.81 ἡμεῖς ἐξ Ἰθάκης Ὑπονηΐου εἰλήλουθμεν· ### book 3.82 πρῆξις δ’ ἥδ’ ἰδίη, οὐ δήμιος, ἣν ἀγορεύω. ### book 3.83 πατρὸς ἐμοῦ κλέος εὐρὺ μετέρχομαι, ἤν που ἀκούσω, ### book 3.84 δίου Ὀδυσσῆος ταλασίφρονος, ὅν ποτέ φασι ### book 3.85 σὺν σοὶ μαρνάμενον Τρώων πόλιν ἐξαλαπάξαι. ### book 3.86 ἄλλους μὲν γὰρ πάντας, ὅσοι Τρωσὶν πολέμιζον, ### book 3.87 πευθόμεθ’, ἧχι ἕκαστος ἀπώλετο λυγρῷ ὀλέθρῳ· ### book 3.88 κείνου δ’ αὖ καὶ ὄλεθρον ἀπευθέα θῆκε Κρονίων. ### book 3.89 οὐ γάρ τις δύναται σάφα εἰπέμεν ὁππόθ’ ὄλωλεν, ### book 3.90 εἴ θ’ ὅ γ’ ἐπ’ ἠπείρου δάμη ἀνδράσι δυσμενέεσσιν, ### book 3.91 εἴ τε καὶ ἐν πελάγει μετὰ κύμασιν Ἀμφιτρίτης. ### book 3.92 τοὔνεκα νῦν τὰ σὰ γούναθ’ ἱκάνομαι, αἴ κ’ ἐθέλῃσθα ### book 3.93 κείνου λυγρὸν ὄλεθρον ἐνισπεῖν, εἴ που ὄπωπας ### book 3.94 ὀφθαλμοῖσι τεοῖσιν, ἢ ἄλλου μῦθον ἄκουσας ### book 3.95 πλαζομένου· περὶ γάρ μιν ὀϊζυρὸν τέκε μήτηρ· ### book 3.96 μηδέ τί μ’ αἰδόμενος μειλίσσεο μηδ’ ἐλεαίρων, ### book 3.97 ἀλλ’ εὖ μοι κατάλεξον ὅπως ἤντησας ὀπωπῆς. ### book 3.98 λίσσομαι, εἴ ποτέ τοί τι πατὴρ ἐμός, ἐσθλὸς Ὀδυσσεύς, ### book 3.99 ἢ ἔπος ἠέ τι ἔργον ὑποστὰς ἐξετέλεσσε ### book 3.100 δήμῳ ἔνι Τρώων, ὅθι πάσχετε πήματ’ Ἀχαιοί· ### book 3.101 τῶν νῦν μοι μνῆσαι, καί μοι νημερτὲς ἐνίσπες.” ### book 3.102 τὸν δ’ ἠμείβετ’ ἔπειτα Γερήνιος ἱππότα Νέστωρ· ### book 3.103 “ὦ φίλ’, ἐπεί μ’ ἔμνησας ὀϊζύος, ἣν ἐν ἐκείνῳ ### book 3.104 δήμῳ ἀνέτλημεν μένος ἄσχετοι υἷες Ἀχαιῶν, ### book 3.105 ἠμὲν ὅσα ξὺν νηυσὶν ἐπ’ ἠεροειδέα πόντον ### book 3.106 πλαζόμενοι κατὰ ληΐδ’, ὅπῃ ἄρξειεν Ἀχιλλεύς, ### book 3.107 ἠδ’ ὅσα καὶ περὶ ἄστυ μέγα Πριάμοιο ἄνακτος ### book 3.108 μαρνάμεθ’· ἔνθα δ’ ἔπειτα κατέκταθεν ὅσσοι ἄριστοι· ### book 3.109 ἔνθα μὲν Αἴας κεῖται ἀρήϊος, ἔνθα δ’ Ἀχιλλεύς, ### book 3.110 ἔνθα δὲ Πάτροκλος, θεόφιν μήστωρ ἀτάλαντος, ### book 3.111 ἔνθα δ’ ἐμὸς φίλος υἱός, ἅμα κρατερὸς καὶ ἀταρβής, ### book 3.112 Ἀντίλοχος, περὶ μὲν θείειν ταχὺς ἠδὲ μαχητής· ### book 3.113 ἄλλα τε πόλλ’ ἐπὶ τοῖς πάθομεν κακά· τίς κεν ἐκεῖνα ### book 3.114 πάντα γε μυθήσαιτο καταθνητῶν ἀνθρώπων; ### book 3.115 οὐδ’ εἰ πεντάετές γε καὶ ἑξάετες παραμίμνων ### book 3.116 ἐξερέοις, ὅσα κεῖθι πάθον κακὰ δῖοι Ἀχαιοί· ### book 3.117 πρίν κεν ἀνιηθεὶς σὴν πατρίδα γαῖαν ἵκοιο. ### book 3.118 εἰνάετες γάρ σφιν κακὰ ῥάπτομεν ἀμφιέποντες ### book 3.119 παντοίοισι δόλοισι, μόγις δ’ ἐτέλεσσε Κρονίων. ### book 3.120 ἔνθ’ οὔ τίς ποτε μῆτιν ὁμοιωθήμεναι ἄντην ### book 3.121 ἤθελ’, ἐπεὶ μάλα πολλὸν ἐνίκα δῖος Ὀδυσσεὺς ### book 3.122 παντοίοισι δόλοισι, πατὴρ τεός, εἰ ἐτεόν γε ### book 3.123 κείνου ἔκγονός ἐσσι· σέβας μ’ ἔχει εἰσορόωντα. ### book 3.124 ἦ τοι γὰρ μῦθοί γε ἐοικότες, οὐδέ κε φαίης ### book 3.125 ἄνδρα νεώτερον ὧδε ἐοικότα μυθήσασθαι. ### book 3.126 ἔνθ’ ἦ τοι εἷος μὲν ἐγὼ καὶ δῖος Ὀδυσσεὺς ### book 3.127 οὔτε ποτ’ εἰν ἀγορῇ δίχ’ ἐβάζομεν οὔτ’ ἐνὶ βουλῇ, ### book 3.128 ἀλλ’ ἕνα θυμὸν ἔχοντε νόῳ καὶ ἐπίφρονι βουλῇ ### book 3.129 φραζόμεθ’ Ἀργείοισιν ὅπως ὄχ’ ἄριστα γένοιτο. ### book 3.130 αὐτὰρ ἐπεὶ Πριάμοιο πόλιν διεπέρσαμεν αἰπήν, ### book 3.131 [βῆμεν δ’ ἐν νήεσσι, θεὸς δ’ ἐκέδασσεν Ἀχαιούς,] ### book 3.132 καὶ τότε δὴ Ζεὺς λυγρὸν ἐνὶ φρεσὶ μήδετο νόστον ### book 3.133 Ἀργείοις’, ἐπεὶ οὔ τι νοήμονες οὐδὲ δίκαιοι ### book 3.134 πάντες ἔσαν· τῶ σφεων πολέες κακὸν οἶτον ἐπέσπον ### book 3.135 μήνιος ἐξ ὀλοῆς γλαυκώπιδος ὀβριμοπάτρης, ### book 3.136 ἥ τ’ ἔριν Ἀτρεΐδῃσι μετ’ ἀμφοτέροισιν ἔθηκε. ### book 3.137 τὼ δὲ καλεσσαμένω ἀγορὴν ἐς πάντας Ἀχαιούς, ### book 3.138 μάψ, ἀτὰρ οὐ κατὰ κόσμον, ἐς ἠέλιον καταδύντα, — ### book 3.139 οἱ δ’ ἦλθον οἴνῳ βεβαρηότες υἷες Ἀχαιῶν, — ### book 3.140 μῦθον μυθείσθην, τοῦ εἵνεκα λαὸν ἄγειραν. ### book 3.141 ἔνθ’ ἦ τοι Μενέλαος ἀνώγει πάντας Ἀχαιοὺς ### book 3.142 νόστου μιμνῄσκεσθαι ἐπ’ εὐρέα νῶτα θαλάσσης· ### book 3.143 οὐδ’ Ἀγαμέμνονι πάμπαν ἑήνδανε· βούλετο γάρ ῥα ### book 3.144 λαὸν ἐρυκακέειν ῥέξαι θ’ ἱερὰς ἑκατόμβας, ### book 3.145 ὡς τὸν Ἀθηναίης δεινὸν χόλον ἐξακέσαιτο, ### book 3.146 νήπιος, οὐδὲ τὸ ᾔδη, ὃ οὐ πείσεσθαι ἔμελλεν· ### book 3.147 οὐ γάρ τ’ αἶψα θεῶν τρέπεται νόος αἰὲν ἐόντων. ### book 3.148 ὣς τὼ μὲν χαλεποῖσιν ἀμειβομένω ἐπέεσσιν ### book 3.149 ἕστασαν· οἱ δ’ ἀνόρουσαν ἐϋκνήμιδες Ἀχαιοὶ ### book 3.150 ἠχῇ θεσπεσίῃ, δίχα δέ σφισιν ἥνδανε βουλή. ### book 3.151 νύκτα μὲν ἀέσαμεν χαλεπὰ φρεσὶν ὁρμαίνοντες ### book 3.152 ἀλλήλοις’· ἐπὶ γὰρ Ζεὺς ἤρτυε πῆμα κακοῖο· ### book 3.153 ἠῶθεν δ’ οἱ μὲν νέας ἕλκομεν εἰς ἅλα δῖαν ### book 3.154 κτήματά τ’ ἐντιθέμεσθα βαθυζώνους τε γυναῖκας. ### book 3.155 ἡμίσεες δ’ ἄρα λαοὶ ἐρητύοντο μένοντες ### book 3.156 αὖθι παρ’ Ἀτρεΐδῃ Ἀγαμέμνονι, ποιμένι λαῶν· ### book 3.157 ἡμίσεες δ’ ἀναβάντες ἐλαύνομεν· αἱ δὲ μάλ’ ὦκα ### book 3.158 ἔπλεον, ἐστόρεσεν δὲ θεὸς μεγακήτεα πόντον. ### book 3.159 ἐς Τένεδον δ’ ἐλθόντες ἐρέξαμεν ἱρὰ θεοῖσιν, ### book 3.160 οἴκαδε ἱέμενοι· Ζεὺς δ’ οὔ πω μήδετο νόστον, ### book 3.161 σχέτλιος, ὅς ῥ’ ἔριν ὦρσε κακὴν ἔπι δεύτερον αὖτις. ### book 3.162 οἱ μὲν ἀποστρέψαντες ἔβαν νέας ἀμφιελίσσας ### book 3.163 ἀμφ’ Ὀδυσῆα ἄνακτα δαΐφρονα ποικιλομήτην, ### book 3.164 αὖτις ἐπ’ Ἀτρεΐδῃ Ἀγαμέμνονι ἦρα φέροντες· ### book 3.165 αὐτὰρ ἐγὼ σὺν νηυσὶν ἀολλέσιν, αἵ μοι ἔποντο, ### book 3.166 φεῦγον, ἐπεὶ γίνωσκον, ὃ δὴ κακὰ μήδετο δαίμων. ### book 3.167 φεῦγε δὲ Τυδέος υἱὸς ἀρήϊος, ὦρσε δ’ ἑταίρους. ### book 3.168 ὀψὲ δὲ δὴ μετὰ νῶϊ κίε ξανθὸς Μενέλαος, ### book 3.169 ἐν Λέσβῳ δ’ ἔκιχεν δολιχὸν πλόον ὁρμαίνοντας, ### book 3.170 ἢ καθύπερθε Χίοιο νεοίμεθα παιπαλοέσσης, ### book 3.171 νήσου ἔπι Ψυρίης, αὐτὴν ἐπ’ ἀριστέρ’ ἔχοντες, ### book 3.172 ἦ ὑπένερθε Χίοιο παρ’ ἠνεμόεντα Μίμαντα. ### book 3.173 ᾐτέομεν δὲ θεὸν φῆναι τέρας· αὐτὰρ ὅ γ’ ἥμιν ### book 3.174 δεῖξε, καὶ ἠνώγει πέλαγος μέσον εἰς Εὔβοιαν ### book 3.175 τέμνειν, ὄφρα τάχιστα ὑπὲκ κακότητα φύγοιμεν. ### book 3.176 ὦρτο δ’ ἐπὶ λιγὺς οὖρος ἀήμεναι· αἱ δὲ μάλ’ ὦκα ### book 3.177 ἰχθυόεντα κέλευθα διέδραμον, ἐς δὲ Γεραιστὸν ### book 3.178 ἐννύχιαι κατάγοντο· Ποσειδάωνι δὲ ταύρων ### book 3.179 πόλλ’ ἐπὶ μῆρ’ ἔθεμεν, πέλαγος μέγα μετρήσαντες. ### book 3.180 τέτρατον ἦμαρ ἔην, ὅτ’ ἐν Ἄργεϊ νῆας ἐΐσας ### book 3.181 Τυδεΐδεω ἕταροι Διομήδεος ἱπποδάμοιο ### book 3.182 ἵστασαν· αὐτὰρ ἐγώ γε Πύλονδ’ ἔχον, οὐδέ ποτ’ ἔσβη ### book 3.183 οὖρος, ἐπεὶ δὴ πρῶτα θεὸς προέηκεν ἀῆναι. ### book 3.184 ὣς ἦλθον, φίλε τέκνον, ἀπευθής, οὐδέ τι οἶδα ### book 3.185 κείνων, οἵ τ’ ἐσάωθεν Ἀχαιῶν οἵ τ’ ἀπόλοντο. ### book 3.186 ὅσσα δ’ ἐνὶ μεγάροισι καθήμενος ἡμετέροισι ### book 3.187 πεύθομαι, ἣ θέμις ἐστί, δαήσεαι, οὐδέ σε κεύσω. ### book 3.188 εὖ μὲν Μυρμιδόνας φάς’ ἐλθέμεν ἐγχεσιμώρους, ### book 3.189 οὓς ἄγ’ Ἀχιλλῆος μεγαθύμου φαίδιμος υἱός, ### book 3.190 εὖ δὲ φιλοκτήτην, Ποιάντιον ἀγλαὸν υἱόν. ### book 3.191 πάντας δ’ Ἰδομενεὺς Κρήτην εἰσήγαγ’ ἑταίρους, ### book 3.192 οἳ φύγον ἐκ πολέμου, πόντος δέ οἱ οὔ τιν’ ἀπηύρα. ### book 3.193 Ἀτρεΐδην δὲ καὶ αὐτοὶ ἀκούετε νόσφιν ἐόντες, ### book 3.194 ὥς τ’ ἦλθ’ ὥς τ’ Αἴγισθος ἐμήσατο λυγρὸν ὄλεθρον. ### book 3.195 ἀλλ’ ἦ τοι κεῖνος μὲν ἐπισμυγερῶς ἀπέτεισεν. ### book 3.196 ὡς ἀγαθὸν καὶ παῖδα καταφθιμένοιο λιπέσθαι ### book 3.197 ἀνδρός, ἐπεὶ καὶ κεῖνος ἐτείσατο πατροφονῆα, ### book 3.198 Αἴγισθον δολόμητιν, ὅ οἱ πατέρα κλυτὸν ἔκτα. ### book 3.199 καὶ σύ, φίλος, μάλα γάρ ς’ ὁρόω καλόν τε μέγαν τε, ### book 3.200 ἄλκιμος ἔσς’, ἵνα τίς σε καὶ ὀψιγόνων ἐῢ εἴπῃ.” ### book 3.201 τὸν δ’ αὖ Τηλέμαχος πεπνυμένος ἀντίον ηὔδα· ### book 3.202 “ὦ Νέστορ Νηληϊάδη, μέγα κῦδος Ἀχαιῶν, ### book 3.203 καὶ λίην κεῖνος μὲν ἐτείσατο, καί οἱ Ἀχαιοὶ ### book 3.204 οἴσουσι κλέος εὐρὺ καὶ ἐσσομένοισιν ἀοιδήν. ### book 3.205 αἲ γὰρ ἐμοὶ τοσσήνδε θεοὶ δύναμιν περιθεῖεν, ### book 3.206 τείσασθαι μνηστῆρας ὑπερβασίης ἀλεγεινῆς, ### book 3.207 οἵ τέ μοι ὑβρίζοντες ἀτάσθαλα μηχανόωνται. ### book 3.208 ἀλλ’ οὔ μοι τοιοῦτον ἐπέκλωσαν θεοὶ ὄλβον, ### book 3.209 πατρί τ’ ἐμῷ καὶ ἐμοί· νῦν δὲ χρὴ τετλάμεν ἔμπης.” ### book 3.210 τὸν δ’ ἠμείβετ’ ἔπειτα Γερήνιος ἱππότα Νέστωρ· ### book 3.211 “ὦ φίλ’, ἐπεὶ δὴ ταῦτά μ’ ἀνέμνησας καὶ ἔειπες, ### book 3.212 φασὶ μνηστῆρας σῆς μητέρος εἵνεκα πολλοὺς ### book 3.213 ἐν μεγάροις’ ἀέκητι σέθεν κακὰ μηχανάασθαι. ### book 3.214 εἰπέ μοι, ἠὲ ἑκὼν ὑποδάμνασαι, ἦ σέ γε λαοὶ ### book 3.215 ἐχθαίρους’ ἀνὰ δῆμον, ἐπισπόμενοι θεοῦ ὀμφῇ. ### book 3.216 τίς δ’ οἶδ’ εἴ κέ ποτέ σφι βίας ἀποτείσεται ἐλθών, ### book 3.217 ἢ ὅ γε μοῦνος ἐὼν ἢ καὶ σύμπαντες Ἀχαιοί; ### book 3.218 εἰ γάρ ς’ ὣς ἐθέλοι φιλέειν γλαυκῶπις Ἀθήνη, ### book 3.219 ὡς τότ’ Ὀδυσσῆος περικήδετο κυδαλίμοιο ### book 3.220 δήμῳ ἔνι Τρώων. ὅθι πάσχομεν ἄλγε’ Ἀχαιοί· — ### book 3.221 οὐ γάρ πω ἴδον ὧδε θεοὺς ἀναφανδὰ φιλεῦντας, ### book 3.222 ὡς κείνῳ ἀναφανδὰ παρίστατο Παλλὰς Ἀθήνη· — ### book 3.223 εἴ ς’ οὕτως ἐθέλοι φιλέειν κήδοιτό τε θυμῷ, ### book 3.224 τῶ κέν τις κείνων γε καὶ ἐκλελάθοιτο γάμοιο.” ### book 3.225 τὸν δ’ αὖ Τηλέμαχος πεπνυμένος ἀντίον ηὔδα· ### book 3.226 “ὦ γέρον, οὔ πω τοῦτο ἔπος τελέεσθαι ὀΐω· ### book 3.227 λίην γὰρ μέγα εἶπες· ἄγη μ’ ἔχει. οὐκ ἂν ἐμοί γε ### book 3.228 ἐλπομένῳ τὰ γένοιτ’, οὐδ’ εἰ θεοὶ ὣς ἐθέλοιεν.” ### book 3.229 τὸν δ’ αὖτε προσέειπε θεὰ γλαυκῶπις Ἀθήνη· ### book 3.230 “Τηλέμαχε, ποῖόν σε ἔπος φύγεν ἕρκος ὀδόντων. ### book 3.231 ῥεῖα θεός γ’ ἐθέλων καὶ τηλόθεν ἄνδρα σαώσαι. ### book 3.232 βουλοίμην δ’ ἂν ἐγώ γε καὶ ἄλγεα πολλὰ μογήσας ### book 3.233 οἴκαδέ τ’ ἐλθέμεναι καὶ νόστιμον ἦμαρ ἰδέσθαι, ### book 3.234 ἢ ἐλθὼν ἀπολέσθαι ἐφέστιος, ὡς Ἀγαμέμνων ### book 3.235 ὤλεθ’ ὑπ’ Αἰγίσθοιο δόλῳ καὶ ἧς ἀλόχοιο. ### book 3.236 ἀλλ’ ἦ τοι θάνατον μὲν ὁμοίϊον οὐδὲ θεοί περ ### book 3.237 καὶ φίλῳ ἀνδρὶ δύνανται ἀλαλκέμεν, ὁππότε κεν δὴ ### book 3.238 μοῖρ’ ὀλοὴ καθέλῃσι τανηλεγέος θανάτοιο.” ### book 3.239 τὴν δ’ αὖ Τηλέμαχος πεπνυμένος ἀντίον ηὔδα· ### book 3.240 “Μέντορ, μηκέτι ταῦτα λεγώμεθα κηδόμενοί περ· ### book 3.241 κείνῳ δ’ οὐκέτι νόστος ἐτήτυμος, ἀλλά οἱ ἤδη ### book 3.242 φράσσαντ’ ἀθάνατοι θάνατον καὶ κῆρα μέλαιναν. ### book 3.243 νῦν δ’ ἐθέλω ἔπος ἄλλο μεταλλῆσαι καὶ ἐρέσθαι ### book 3.244 Νέστορ’, ἐπεὶ περίοιδε δίκας ἠδὲ φρόνιν ἄλλων· ### book 3.245 τρὶς γὰρ δή μίν φασιν ἀνάξασθαι γένε’ ἀνδρῶν, ### book 3.246 ὥς τέ μοι ἀθάνατος ἰνδάλλεται εἰσοράασθαι. ### book 3.247 ὦ Νέστορ Νηληϊάδη, σὺ δ’ ἀληθὲς ἐνίσπες· ### book 3.248 πῶς ἔθαν’ Ἀτρεΐδης εὐρὺ κρείων Ἀγαμέμνων; ### book 3.249 ποῦ Μενέλαος ἔην; τίνα δ’ αὐτῷ μήσατ’ ὄλεθρον ### book 3.250 Αἴγισθος δολόμητις, ἐπεὶ κτάνε πολλὸν ἀρείω; ### book 3.251 ἦ οὐκ Ἄργεος ἦεν Ἀχαιϊκοῦ, ἀλλά πῃ ἄλλῃ ### book 3.252 πλάζετ’ ἐπ’ ἀνθρώπους, ὁ δὲ θαρσήσας κατέπεφνε;” ### book 3.253 τὸν δ’ ἠμείβετ’ ἔπειτα Γερήνιος ἱππότα Νέστωρ· ### book 3.254 “τοιγὰρ ἐγώ τοι, τέκνον, ἀληθέα πάντ’ ἀγορεύσω. ### book 3.255 ἦ τοι μὲν τόδε καὐτὸς ὀΐεαι, ὥς κεν ἐτύχθη, ### book 3.256 εἰ ζώοντ’ Αἴγισθον ἐνὶ μεγάροισιν ἔτετμεν ### book 3.257 Ἀτρεΐδης Τροίηθεν ἰών, ξανθὸς Μενέλαος· ### book 3.258 τῶ κέ οἱ οὐδὲ θανόντι χυτὴν ἐπὶ γαῖαν ἔχευαν, ### book 3.259 ἀλλ’ ἄρα τόν γε κύνες τε καὶ οἰωνοὶ κατέδαψαν ### book 3.260 κείμενον ἐν πεδίῳ ἑκὰς ἄστεος, οὐδὲ κέ τίς μιν ### book 3.261 κλαῦσεν Ἀχαιϊάδων· μάλα γὰρ μέγα μήσατο ἔργον. ### book 3.262 ἡμεῖς μὲν γὰρ κεῖθι πολέας τελέοντες ἀέθλους ### book 3.263 ἥμεθ’· ὁ δ’ εὔκηλος μυχῷ Ἄργεος ἱπποβότοιο ### book 3.264 πόλλ’ Ἀγαμεμνονέην ἄλοχον θέλγεσκεν ἔπεσσιν. ### book 3.265 ἡ δ’ ἦ τοι τὸ πρὶν μὲν ἀναίνετο ἔργον ἀεικές, ### book 3.266 δῖα Κλυταιμνήστρη· φρεσὶ γὰρ κέχρητ’ ἀγαθῇσι· ### book 3.267 πὰρ δ’ ἄρ’ ἔην καὶ ἀοιδὸς ἀνήρ, ᾧ πόλλ’ ἐπέτελλεν ### book 3.268 Ἀτρεΐδης Τροίηνδε κιὼν εἴρυσθαι ἄκοιτιν. ### book 3.269 ἀλλ’ ὅτε δή μιν μοῖρα θεῶν ἐπέδησε δαμῆναι, ### book 3.270 δὴ τότε τὸν μὲν ἀοιδὸν ἄγων ἐς νῆσον ἐρήμην ### book 3.271 κάλλιπεν οἰωνοῖσιν ἕλωρ καὶ κύρμα γενέσθαι, ### book 3.272 τὴν δ’ ἐθέλων ἐθέλουσαν ἀνήγαγεν ὅνδε δόμονδε. ### book 3.273 πολλὰ δὲ μηρί’ ἔκηε θεῶν ἱεροῖς’ ἐπὶ βωμοῖς, ### book 3.274 πολλὰ δ’ ἀγάλματ’ ἀνῆψεν, ὑφάσματά τε χρυσόν τε, ### book 3.275 ἐκτελέσας μέγα ἔργον, ὃ οὔ ποτε ἔλπετο θυμῷ. ### book 3.276 ἡμεῖς μὲν γὰρ ἅμα πλέομεν Τροίηθεν ἰόντες, ### book 3.277 Ἀτρεΐδης καὶ ἐγώ, φίλα εἰδότες ἀλλήλοισιν· ### book 3.278 ἀλλ’ ὅτε Σούνιον ἱρὸν ἀφικόμεθ’, ἄκρον Ἀθηνέων, ### book 3.279 ἔνθα κυβερνήτην Μενελάου Φοῖβος Ἀπόλλων ### book 3.280 οἷς’ ἀγανοῖσι βέλεσσιν ἐποιχόμενος κατέπεφνε, ### book 3.281 πηδάλιον μετὰ χερσὶ θεούσης νηὸς ἔχοντα, ### book 3.282 Φρόντιν Ὀνητορίδην, ὃς ἐκαίνυτο φῦλ’ ἀνθρώπων ### book 3.283 νῆα κυβερνῆσαι, ὁπότε σπέρχοιεν ἄελλαι. ### book 3.284 ὣς ὁ μὲν ἔνθα κατέσχετ’, ἐπειγόμενός περ ὁδοῖο, ### book 3.285 ὄφρ’ ἕταρον θάπτοι καὶ ἐπὶ κτέρεα κτερίσειεν. ### book 3.286 ἀλλ’ ὅτε δὴ καὶ κεῖνος ἰὼν ἐπὶ οἴνοπα πόντον ### book 3.287 ἐν νηυσὶ γλαφυρῇσι Μαλειάων ὄρος αἰπὺ ### book 3.288 ἷξε θέων, τότε δὴ στυγερὴν ὁδὸν εὐρύοπα Ζεὺς ### book 3.289 ἐφράσατο, λιγέων δ’ ἀνέμων ἐπ’ ἀϋτμένα χεῦε ### book 3.290 κύματά τε τροφόεντα πελώρια, ἶσα ὄρεσσιν. ### book 3.291 ἔνθα διατμήξας τὰς μὲν Κρήτῃ ἐπέλασσεν, ### book 3.292 ἧχι Κύδωνες ἔναιον Ἰαρδάνου ἀμφὶ ῥέεθρα. ### book 3.293 ἔστι δέ τις λισσὴ αἰπεῖά τε εἰς ἅλα πέτρη ### book 3.294 ἐσχατιῇ Γόρτυνος ἐν ἠεροειδέϊ πόντῳ· ### book 3.295 ἔνθα νότος μέγα κῦμα ποτὶ σκαιὸν ῥίον ὠθεῖ, ### book 3.296 ἐς Φαιστόν, μικρὸς δὲ λίθος μέγα κῦμ’ ἀποέργει. ### book 3.297 αἱ μὲν ἄρ’ ἔνθ’ ἦλθον, σπουδῇ δ’ ἤλυξαν ὄλεθρον ### book 3.298 ἄνδρες, ἀτὰρ νῆάς γε ποτὶ σπιλάδεσσιν ἔαξαν ### book 3.299 κύματ’· ἀτὰρ τὰς πέντε νέας κυανοπρωείρους ### book 3.300 Αἰγύπτῳ ἐπέλασσε φέρων ἄνεμός τε καὶ ὕδωρ. ### book 3.301 ὣς ὁ μὲν ἔνθα πολὺν βίοτον καὶ χρυσὸν ἀγείρων ### book 3.302 ἠλᾶτο ξὺν νηυσὶ κατ’ ἀλλοθρόους ἀνθρώπους· ### book 3.303 τόφρα δὲ ταῦτ’ Αἴγισθος ἐμήσατο οἴκοθι λυγρά, ### book 3.304 κτείνας Ἀτρεΐδην, δέδμητο δὲ λαὸς ὑπ’ αὐτῷ. ### book 3.305 ἑπτάετες δ’ ἤνασσε πολυχρύσοιο Μυκήνης, ### book 3.306 τῷ δέ οἱ ὀγδοάτῳ κακὸν ἤλυθε δῖος Ὀρέστης ### book 3.307 ἂψ ἀπ’ Ἀθηνάων, κατὰ δ’ ἔκτανε πατροφονῆα, ### book 3.308 [Αἴγισθον δολόμητιν, ὅ οἱ πατέρα κλυτὸν ἔκτα.] ### book 3.309 ἦ τοι ὁ τὸν κτείνας δαίνυ τάφον Ἀργείοισι ### book 3.310 μητρός τε στυγερῆς καὶ ἀνάλκιδος Αἰγίσθοιο· ### book 3.311 αὐτῆμαρ δέ οἱ ἦλθε βοὴν ἀγαθὸς Μενέλαος, ### book 3.312 πολλὰ κτήματ’ ἄγων, ὅσα οἱ νέες ἄχθος ἄειραν. ### book 3.313 καὶ σύ, φίλος, μὴ δηθὰ δόμων ἄπο τῆλ’ ἀλάλησο, ### book 3.314 κτήματά τε προλιπὼν ἄνδρας τ’ ἐν σοῖσι δόμοισιν ### book 3.315 οὕτω ὑπερφιάλους, μή τοι κατὰ πάντα φάγωσι ### book 3.316 κτήματα δασσάμενοι, σὺ δὲ τηϋσίην ὁδὸν ἔλθῃς. ### book 3.317 ἀλλ’ ἐς μὲν Μενέλαον ἐγὼ κέλομαι καὶ ἄνωγα ### book 3.318 ἐλθεῖν· κεῖνος γὰρ νέον ἄλλοθεν εἰλήλουθεν, ### book 3.319 ἐκ τῶν ἀνθρώπων, ὅθεν οὐκ ἔλποιτό γε θυμῷ ### book 3.320 ἐλθέμεν, ὅν τινα πρῶτον ἀποσφήλωσιν ἄελλαι ### book 3.321 ἐς πέλαγος μέγα τοῖον, ὅθεν τέ περ οὐδ’ οἰωνοὶ ### book 3.322 αὐτόετες οἰχνεῦσιν, ἐπεὶ μέγα τε δεινόν τε. ### book 3.323 ἀλλ’ ἴθι νῦν σὺν νηΐ τε σῇ καὶ σοῖς’ ἑτάροισιν· ### book 3.324 εἰ δ’ ἐθέλεις πεζός, πάρα τοι δίφρος τε καὶ ἵπποι, ### book 3.325 πὰρ δέ τοι υἷες ἐμοί, οἵ τοι πομπῆες ἔσονται ### book 3.326 ἐς Λακεδαίμονα δῖαν, ὅθι ξανθὸς Μενέλαος. ### book 3.327 λίσσεσθαι δέ μιν αὐτός, ἵνα νημερτὲς ἐνίσπῃ· ### book 3.328 ψεῦδος δ’ οὐκ ἐρέει· μάλα γὰρ πεπνυμένος ἐστίν.” ### book 3.329 ὣς ἔφατ’, ἠέλιος δ’ ἄρ’ ἔδυ καὶ ἐπὶ κνέφας ἦλθε. ### book 3.330 τοῖσι δὲ καὶ μετέειπε θεὰ γλαυκῶπις Ἀθήνη· ### book 3.331 “ὦ γέρον, ἦ τοι ταῦτα κατὰ μοῖραν κατέλεξας· ### book 3.332 ἀλλ’ ἄγε τάμνετε μὲν γλώσσας, κεράασθε δὲ οἶνον, ### book 3.333 ὄφρα Ποσειδάωνι καὶ ἄλλοις’ ἀθανάτοισι ### book 3.334 σπείσαντες κοίτοιο μεδώμεθα· τοῖο γὰρ ὥρη. ### book 3.335 ἤδη γὰρ φάος οἴχεθ’ ὑπὸ ζόφον, οὐδὲ ἔοικε ### book 3.336 δηθὰ θεῶν ἐν δαιτὶ θαασσέμεν, ἀλλὰ νέεσθαι.” ### book 3.337 ἦ ῥα Διὸς θυγάτηρ, οἱ δ’ ἔκλυον αὐδησάσης· ### book 3.338 τοῖσι δὲ κήρυκες μὲν ὕδωρ ἐπὶ χεῖρας ἔχευαν, ### book 3.339 κοῦροι δὲ κρητῆρας ἐπεστέψαντο ποτοῖο, ### book 3.340 νώμησαν δ’ ἄρα πᾶσιν ἐπαρξάμενοι δεπάεσσι· ### book 3.341 γλώσσας δ’ ἐν πυρὶ βάλλον, ἀνιστάμενοι δ’ ἐπέλειβον. ### book 3.342 αὐτὰρ ἐπεὶ σπεῖσάν τε πίον θ’ ὅσον ἤθελε θυμός, ### book 3.343 δὴ τότ’ Ἀθηναίη καὶ Τηλέμαχος θεοειδὴς ### book 3.344 ἄμφω ἱέσθην κοίλην ἐπὶ νῆα νέεσθαι· ### book 3.345 Νέστωρ αὖ κατέρυκε καθαπτόμενος ἐπέεσσι· ### book 3.346 “Ζεὺς τό γ’ ἀλεξήσειε καὶ ἀθάνατοι θεοὶ ἄλλοι, ### book 3.347 ὡς ὑμεῖς παρ’ ἐμεῖο θοὴν ἐπὶ νῆα κίοιτε ### book 3.348 ὥς τέ τευ ἢ παρὰ πάμπαν ἀνείμονος ἠὲ πενιχροῦ, ### book 3.349 ᾧ οὔ τι χλαῖναι καὶ ῥήγεα πόλλ’ ἐνὶ οἴκῳ, ### book 3.350 οὔτ’ αὐτῷ μαλακῶς οὔτε ξείνοισιν ἐνεύδειν. ### book 3.351 αὐτὰρ ἐμοὶ πάρα μὲν χλαῖναι καὶ ῥήγεα καλά. ### book 3.352 οὔ θην δὴ τοῦδ’ ἀνδρὸς Ὀδυσσῆος φίλος υἱὸς ### book 3.353 νηὸς ἐπ’ ἰκριόφιν καταλέξεται, ὄφρ’ ἂν ἐγώ γε ### book 3.354 ζώω, ἔπειτα δὲ παῖδες ἐνὶ μεγάροισι λίπωνται ### book 3.355 ξείνους ξεινίζειν, ὅς τίς κ’ ἐμὰ δώμαθ’ ἵκηται.” ### book 3.356 τὸν δ’ αὖτε προσέειπε θεὰ γλαυκῶπις Ἀθήνη· ### book 3.357 “εὖ δὴ ταῦτά γ’ ἔφησθα, γέρον φίλε· σοὶ δὲ ἔοικε ### book 3.358 Τηλέμαχον πείθεσθαι, ἐπεὶ πολὺ κάλλιον οὕτω. ### book 3.359 ἀλλ’ οὗτος μὲν νῦν σοι ἅμ’ ἕψεται, ὄφρα κεν εὕδῃ ### book 3.360 σοῖσιν ἐνὶ μεγάροισιν· ἐγὼ δ’ ἐπὶ νῆα μέλαιναν ### book 3.361 εἶμ’, ἵνα θαρσύνω θ’ ἑτάρους εἴπω τε ἕκαστα. ### book 3.362 οἶος γὰρ μετὰ τοῖσι γεραίτερος εὔχομαι εἶναι· ### book 3.363 οἱ δ’ ἄλλοι φιλότητι νεώτεροι ἄνδρες ἕπονται, ### book 3.364 πάντες ὁμηλικίη μεγαθύμου Τηλεμάχοιο. ### book 3.365 ἔνθα κε λεξαίμην κοίλῃ παρὰ νηῒ μελαίνῃ, ### book 3.366 νῦν· ἀτὰρ ἠῶθεν μετὰ Καύκωνας μεγαθύμους ### book 3.367 εἶμ’, ἔνθα χρεῖός μοι ὀφέλλεται, οὔ τι νέον γε ### book 3.368 οὐδ’ ὀλίγον· σὺ δὲ τοῦτον, ἐπεὶ τεὸν ἵκετο δῶμα, ### book 3.369 πέμψον σὺν δίφρῳ τε καὶ υἱέϊ· δὸς δέ οἱ ἵππους, ### book 3.370 οἵ τοι ἐλαφρότατοι θείειν καὶ κάρτος ἄριστοι.” ### book 3.371 ὣς ἄρα φωνήσας’ ἀπέβη γλαυκῶπις Ἀθήνη ### book 3.372 φήνῃ εἰδομένη· θάμβος δ’ ἕλε πάντας Ἀχαιούς. ### book 3.373 θαύμαζεν δ’ ὁ γεραιός, ὅπως ἴδεν ὀφθαλμοῖσι· ### book 3.374 Τηλεμάχου δ’ ἕλε χεῖρα, ἔπος τ’ ἔφατ’ ἔκ τ’ ὀνόμαζεν· ### book 3.375 “ὦ φίλος, οὔ σε ἔολπα κακὸν καὶ ἄναλκιν ἔσεσθαι, ### book 3.376 εἰ δή τοι νέῳ ὧδε θεοὶ πομπῆες ἕπονται. ### book 3.377 οὐ μὲν γάρ τις ὅδ’ ἄλλος Ὀλύμπια δώματ’ ἐχόντων, ### book 3.378 ἀλλὰ Διὸς θυγάτηρ, ἀγελείη Τριτογένεια, ### book 3.379 ἥ τοι καὶ πατέρ’ ἐσθλὸν ἐν Ἀργείοισιν ἐτίμα. ### book 3.380 ἀλλά, ἄνασς’, ἵληθι, δίδωθι δέ μοι κλέος ἐσθλόν, ### book 3.381 αὐτῷ καὶ παίδεσσι καὶ αἰδοίῃ παρακοίτι· ### book 3.382 σοὶ δ’ αὖ ἐγὼ ῥέξω βοῦν ἤνιν εὐρυμέτωπον, ### book 3.383 ἀδμήτην, ἣν οὔ πω ὑπὸ ζυγὸν ἤγαγεν ἀνήρ· ### book 3.384 τήν τοι ἐγὼ ῥέξω χρυσὸν κέρασιν περιχεύας.” ### book 3.385 ὣς ἔφατ’ εὐχόμενος, τοῦ δ’ ἔκλυε Παλλὰς Ἀθήνη. ### book 3.386 τοῖσιν δ’ ἡγεμόνευε Γερήνιος ἱππότα Νέστωρ, ### book 3.387 υἱάσι καὶ γαμβροῖσιν, ἑὰ πρὸς δώματα καλά. ### book 3.388 ἀλλ’ ὅτε δώμαθ’ ἵκοντο ἀγακλυτὰ τοῖο ἄνακτος, ### book 3.389 ἑξείης ἕζοντο κατὰ κλισμούς τε θρόνους τε· ### book 3.390 τοῖς δ’ ὁ γέρων ἐλθοῦσιν ἀνὰ κρητῆρα κέρασσεν ### book 3.391 οἴνου ἡδυπότοιο, τὸν ἑνδεκάτῳ ἐνιαυτῷ ### book 3.392 ὤϊξεν ταμίη καὶ ἀπὸ κρήδεμνον ἔλυσε· ### book 3.393 τοῦ ὁ γέρων κρητῆρα κεράσσατο, πολλὰ δ’ Ἀθήνῃ ### book 3.394 εὔχετ’ ἀποσπένδων, κούρῃ Διὸς αἰγιόχοιο. ### book 3.395 αὐτὰρ ἐπεὶ σπεῖσάν τε πίον θ’ ὅσον ἤθελε θυμός, ### book 3.396 οἱ μὲν κακκείοντες ἔβαν οἶκόνδε ἕκαστος, ### book 3.397 τὸν δ’ αὐτοῦ κοίμησε Γερήνιος ἱππότα Νέστωρ, ### book 3.398 Τηλέμαχον, φίλον υἱὸν Ὀδυσσῆος θείοιο, ### book 3.399 τρητοῖς’ ἐν λεχέεσσιν, ὑπ’ αἰθούσῃ ἐριδούπῳ, ### book 3.400 πὰρ δ’ ἄρ’ ἐϋμμελίην Πεισίστρατον, ὄρχαμον ἀνδρῶν, ### book 3.401 ὅς οἱ ἔτ’ ἠΐθεος παίδων ἦν ἐν μεγάροισιν. ### book 3.402 αὐτὸς δ’ αὖτε καθεῦδε μυχῷ δόμου ὑψηλοῖο· ### book 3.403 τῷ δ’ ἄλοχος δέσποινα λέχος πόρσυνε καὶ εὐνήν. ### book 3.404 ἦμος δ’ ἠριγένεια φάνη ῥοδοδάκτυλος Ἠώς, ### book 3.405 ὤρνυτ’ ἄρ’ ἐξ εὐνῆφι Γερήνιος ἱππότα Νέστωρ, ### book 3.406 ἐκ δ’ ἐλθὼν κατ’ ἄρ’ ἕζετ’ ἐπὶ ξεστοῖσι λίθοισιν, ### book 3.407 οἵ οἱ ἔσαν προπάροιθε θυράων ὑψηλάων ### book 3.408 λευκοί, ἀποστίλβοντες ἀλείφατος· οἷς’ ἔπι μὲν πρὶν ### book 3.409 Νηλεὺς ἵζεσκεν, θεόφιν μήστωρ ἀτάλαντος· ### book 3.410 ἀλλ’ ὁ μὲν ἤδη κηρὶ δαμεὶς Ἄϊδόσδε βεβήκει, ### book 3.411 Νέστωρ αὖ τότ’ ἐφῖζε Γερήνιος, οὖρος Ἀχαιῶν, ### book 3.412 σκῆπτρον ἔχων. περὶ δ’ υἷες ἀολλέες ἠγερέθοντο ### book 3.413 ἐκ θαλάμων ἐλθόντες, Ἐχέφρων τε Στρατίος τε ### book 3.414 Περσεύς τ’ Ἄρητός τε καὶ ἀντίθεος Θρασυμήδης. ### book 3.415 τοῖσι δ’ ἔπειθ’ ἕκτος Πεισίστρατος ἤλυθεν ἥρως, ### book 3.416 πὰρ δ’ ἄρα Τηλέμαχον θεοείκελον εἷσαν ἄγοντες. ### book 3.417 τοῖσι δὲ μύθων ἦρχε Γερήνιος ἱππότα Νέστωρ· ### book 3.418 “καρπαλίμως μοι, τέκνα φίλα, κρηήνατ’ ἐέλδωρ, ### book 3.419 ὄφρ’ ἦ τοι πρώτιστα θεῶν ἱλάσσομ’ Ἀθήνην, ### book 3.420 ἥ μοι ἐναργὴς ἦλθε θεοῦ ἐς δαῖτα θάλειαν. ### book 3.421 ἀλλ’ ἄγ’ ὁ μὲν πεδίονδ’ ἐπὶ βοῦν ἴτω, ὄφρα τάχιστα ### book 3.422 ἔλθῃσιν, ἐλάσῃ δὲ βοῶν ἐπιβουκόλος ἀνήρ· ### book 3.423 εἷς δ’ ἐπὶ Τηλεμάχου μεγαθύμου νῆα μέλαιναν ### book 3.424 πάντας ἰὼν ἑτάρους ἀγέτω, λιπέτω δὲ δύ’ οἴους· ### book 3.425 εἷς δ’ αὖ χρυσοχόον Λαέρκεα δεῦρο κελέσθω ### book 3.426 ἐλθεῖν, ὄφρα βοὸς χρυσὸν κέρασιν περιχεύῃ. ### book 3.427 οἱ δ’ ἄλλοι μένετ’ αὐτοῦ ἀολλέες, εἴπατε δ’ εἴσω ### book 3.428 δμῳῇσιν κατὰ δώματ’ ἀγακλυτὰ δαῖτα πένεσθαι, ### book 3.429 ἕδρας τε ξύλα τ’ ἀμφὶ καὶ ἀγλαὸν οἰσέμεν ὕδωρ.” ### book 3.430 ὣς ἔφαθ’, οἱ δ’ ἄρα πάντες ἐποίπνυον· ἦλθε μὲν ἂρ βοῦς ### book 3.431 ἐκ πεδίου, ἦλθον δὲ θοῆς παρὰ νηὸς ἐΐσης ### book 3.432 Τηλεμάχου ἕταροι μεγαλήτορος, ἦλθε δὲ χαλκεὺς ### book 3.433 ὅπλ’ ἐν χερσὶν ἔχων χαλκήϊα, πείρατα τέχνης, ### book 3.434 ἄκμονά τε σφῦράν τ’ εὐποίητόν τε πυράγρην, ### book 3.435 οἷσίν τε χρυσὸν ἐργάζετο· ἦλθε δ’ Ἀθήνη ### book 3.436 ἱρῶν ἀντιόωσα. γέρων δ’ ἱππηλάτα Νέστωρ ### book 3.437 χρυσὸν ἔδωχ’· ὁ δ’ ἔπειτα βοὸς κέρασιν περίχευεν ### book 3.438 ἀσκήσας, ἵν’ ἄγαλμα θεὰ κεχάροιτο ἰδοῦσα. ### book 3.439 βοῦν δ’ ἀγέτην κεράων Στρατίος καὶ δῖος Ἐχέφρων. ### book 3.440 χέρνιβα δέ σφ’ Ἄρητος ἐν ἀνθεμόεντι λέβητι ### book 3.441 ἤλυθεν ἐκ θαλάμοιο φέρων, ἑτέρῃ δ’ ἔχεν οὐλὰς ### book 3.442 ἐν κανέῳ· πέλεκυν δὲ μενεπτόλεμος Θρασυμήδης ### book 3.443 ὀξὺν ἔχων ἐν χειρὶ παρίστατο, βοῦν ἐπικόψων. ### book 3.444 Περσεὺς δ’ ἀμνίον εἶχε. γέρων δ’ ἱππηλάτα Νέστωρ ### book 3.445 χέρνιβά τ’ οὐλοχύτας τε κατήρχετο, πολλὰ δ’ Ἀθήνῃ ### book 3.446 εὔχετ’ ἀπαρχόμενος, κεφαλῆς τρίχας ἐν πυρὶ βάλλων. ### book 3.447 αὐτὰρ ἐπεί ῥ’ εὔξαντο καὶ οὐλοχύτας προβάλοντο, ### book 3.448 αὐτίκα Νέστορος υἱός, ὑπέρθυμος Θρασυμήδης, ### book 3.449 ἤλασεν ἄγχι στάς· πέλεκυς δ’ ἀπέκοψε τένοντας ### book 3.450 αὐχενίους, λῦσεν δὲ βοὸς μένος· αἱ δ’ ὀλόλυξαν ### book 3.451 θυγατέρες τε νυοί τε καὶ αἰδοίη παράκοιτις ### book 3.452 Νέστορος, Εὐρυδίκη, πρέσβα Κλυμένοιο θυγατρῶν. ### book 3.453 οἱ μὲν ἔπειτ’ ἀνελόντες ἀπὸ χθονὸς εὐρυοδείης ### book 3.454 ἔσχον· ἀτὰρ σφάξεν Πεισίστρατος, ὄρχαμος ἀνδρῶν. ### book 3.455 τῆς δ’ ἐπεὶ ἐκ μέλαν αἷμα ῥύη, λίπε δ’ ὀστέα θυμός, ### book 3.456 αἶψ’ ἄρα μιν διέχευαν, ἄφαρ δ’ ἐκ μηρία τάμνον ### book 3.457 πάντα κατὰ μοῖραν, κατά τε κνίσῃ ἐκάλυψαν, ### book 3.458 δίπτυχα ποιήσαντες, ἐπ’ αὐτῶν δ’ ὠμοθέτησαν. ### book 3.459 καῖε δ’ ἐπὶ σχίζῃς’ ὁ γέρων, ἐπὶ δ’ αἴθοπα οἶνον ### book 3.460 λεῖβε· νέοι δὲ παρ’ αὐτὸν ἔχον πεμπώβολα χερσίν. ### book 3.461 αὐτὰρ ἐπεὶ κατὰ μῆρ’ ἐκάη καὶ σπλάγχνα πάσαντο, ### book 3.462 μίστυλλόν τ’ ἄρα τἆλλα καὶ ἀμφ’ ὀβελοῖσιν ἔπειρον, ### book 3.463 ὤπτων δ’ ἀκροπόρους ὀβελοὺς ἐν χερσὶν ἔχοντες. ### book 3.464 τόφρα δὲ Τηλέμαχον λοῦσεν καλὴ Πολυκάστη, ### book 3.465 Νέστορος ὁπλοτάτη θυγάτηρ Νηληϊάδαο. ### book 3.466 αὐτὰρ ἐπεὶ λοῦσέν τε καὶ ἔχρισεν λίπ’ ἐλαίῳ, ### book 3.467 ἀμφὶ δέ μιν φᾶρος καλὸν βάλεν ἠδὲ χιτῶνα, ### book 3.468 ἔκ ῥ’ ἀσαμίνθου βῆ δέμας ἀθανάτοισιν ὁμοῖος· ### book 3.469 πὰρ δ’ ὅ γε Νέστορ’ ἰὼν κατ’ ἄρ’ ἕζετο, ποιμένα λαῶν. ### book 3.470 οἱ δ’ ἐπεὶ ὤπτησαν κρέ’ ὑπέρτερα καὶ ἐρύσαντο, ### book 3.471 δαίνυνθ’ ἑζόμενοι· ἐπὶ δ’ ἀνέρες ἐσθλοὶ ὄροντο ### book 3.472 οἶνον οἰνοχοεῦντες ἐνὶ χρυσέοις δεπάεσσιν. ### book 3.473 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 3.474 τοῖσι δὲ μύθων ἦρχε Γερήνιος ἱππότα Νέστωρ· ### book 3.475 “παῖδες ἐμοί, ἄγε Τηλεμάχῳ καλλίτριχας ἵππους ### book 3.476 ζεύξαθ’ ὑφ’ ἅρματ’ ἄγοντες, ἵνα πρήσσῃσιν ὁδοῖο.” ### book 3.477 ὣς ἔφαθ’, οἱ δ’ ἄρα τοῦ μάλα μὲν κλύον ἠδ’ ἐπίθοντο, ### book 3.478 καρπαλίμως δ’ ἔζευξαν ὑφ’ ἅρμασιν ὠκέας ἵππους. ### book 3.479 ἐν δὲ γυνὴ ταμίη σῖτον καὶ οἶνον ἔθηκεν ### book 3.480 ὄψα τε, οἷα ἔδουσι διοτρεφέες βασιλῆες. ### book 3.481 ἂν δ’ ἄρα Τηλέμαχος περικαλλέα βήσετο δίφρον· ### book 3.482 πὰρ δ’ ἄρα Νεστορίδης Πεισίστρατος, ὄρχαμος ἀνδρῶν, ### book 3.483 ἐς δίφρον τ’ ἀνέβαινε καὶ ἡνία λάζετο χερσί, ### book 3.484 μάστιξεν δ’ ἐλάαν, τὼ δ’ οὐκ ἀέκοντε πετέσθην ### book 3.485 ἐς πεδίον, λιπέτην δὲ Πύλου αἰπὺ πτολίεθρον. ### book 3.486 οἱ δὲ πανημέριοι σεῖον ζυγὸν ἀμφὶς ἔχοντες. ### book 3.487 δύσετό τ’ ἠέλιος σκιόωντό τε πᾶσαι ἀγυιαί· ### book 3.488 ἐς Φηρὰς δ’ ἵκοντο Διοκλῆος ποτὶ δῶμα, ### book 3.489 υἱέος Ὀρτιλόχοιο, τὸν Ἀλφειὸς τέκε παῖδα. ### book 3.490 ἔνθα δὲ νύκτ’ ἄεσαν, ὁ δ’ ἄρα ξεινήϊα δῶκεν. ### book 3.491 ἦμος δ’ ἠριγένεια φάνη ῥοδοδάκτυλος Ἠώς, ### book 3.492 ἵππους τ’ ἐζεύγνυντ’ ἀνά θ’ ἅρματα ποικίλ’ ἔβαινον, ### book 3.493 [ἐκ δ’ ἔλασαν προθύροιο καὶ αἰθούσης ἐριδούπου·] ### book 3.494 μάστιξεν δ’ ἐλάαν, τὼ δ’ οὐκ ἀέκοντε πετέσθην. ### book 3.495 ἷξον δ’ ἐς πεδίον πυρηφόρον, ἔνθα δ’ ἔπειτα ### book 3.496 ἦνον ὁδόν· τοῖον γὰρ ὑπέκφερον ὠκέες ἵπποι. ### book 3.497 δύσετό τ’ ἠέλιος σκιόωντό τε πᾶσαι ἀγυιαί. ### book 4.1 Οἱ δ’ ἷξον κοίλην Λακεδαίμονα κητώεσσαν, ### book 4.2 πρὸς δ’ ἄρα δώματ’ ἔλων Μενελάου κυδαλίμοιο. ### book 4.3 τὸν δ’ εὗρον δαινύντα γάμον πολλοῖσιν ἔτῃσιν ### book 4.4 υἱέος ἠδὲ θυγατρὸς ἀμύμονος ᾧ ἐνὶ οἴκῳ. ### book 4.5 τὴν μὲν Ἀχιλλῆος ῥηξήνορος υἱέϊ πέμπεν· ### book 4.6 ἐν Τροίῃ γὰρ πρῶτον ὑπέσχετο καὶ κατένευσε ### book 4.7 δωσέμεναι, τοῖσιν δὲ θεοὶ γάμον ἐξετέλειον· ### book 4.8 τὴν ἄρ’ ὅ γ’ ἔνθ’ ἵπποισι καὶ ἅρμασι πέμπε νέεσθαι ### book 4.9 Μυρμιδόνων προτὶ ἄστυ περικλυτόν, οἷσιν ἄνασσεν. ### book 4.10 υἱέϊ δὲ Σπάρτηθεν Ἀλέκτορος ἤγετο κούρην, ### book 4.11 ὅς οἱ τηλύγετος γένετο κρατερὸς Μεγαπένθης ### book 4.12 ἐκ δούλης· Ἑλένῃ δὲ θεοὶ γόνον οὐκέτ’ ἔφαινον, ### book 4.13 ἐπεὶ δὴ τὸ πρῶτον ἐγείνατο παῖδ’ ἐρατεινήν, ### book 4.14 Ἑρμιόνην, ἣ εἶδος ἔχε χρυσῆς Ἀφροδίτης. ### book 4.15 ὣς οἱ μὲν δαίνυντο καθ’ ὑψερεφὲς μέγα δῶμα ### book 4.16 γείτονες ἠδὲ ἔται Μενελάου κυδαλίμοιο, ### book 4.17 τερπόμενοι· μετὰ δέ σφιν ἐμέλπετο θεῖος ἀοιδὸς ### book 4.18 φορμίζων· δοιὼ δὲ κυβιστητῆρε κατ’ αὐτοὺς ### book 4.19 μολπῆς ἐξάρχοντες ἐδίνευον κατὰ μέσσους. ### book 4.20 τὼ δ’ αὖτ’ ἐν προθύροισι δόμων αὐτώ τε καὶ ἵππω, ### book 4.21 Τηλέμαχός θ’ ἥρως καὶ Νέστορος ἀγλαὸς υἱός, ### book 4.22 στῆσαν· ὁ δὲ προμολὼν ἴδετο κρείων Ἐτεωνεύς, ### book 4.23 ὀτρηρὸς θεράπων Μενελάου κυδαλίμοιο, ### book 4.24 βῆ δ’ ἴμεν ἀγγελέων διὰ δώματα ποιμένι λαῶν, ### book 4.25 ἀγχοῦ δ’ ἱστάμενος ἔπεα πτερόεντα προσηύδα· ### book 4.26 “ξείνω δή τινε τώδε, διοτρεφὲς ὦ Μενέλαε, ### book 4.27 ἄνδρε δύω, γενεῇ δὲ Διὸς μεγάλοιο ἔϊκτον. ### book 4.28 ἀλλ’ εἴπ’, ἤ σφωϊν καταλύσομεν ὠκέας ἵππους, ### book 4.29 ἦ ἄλλον πέμπωμεν ἱκανέμεν, ὅς κε φιλήσῃ.” ### book 4.30 τὸν δὲ μέγ’ ὀχθήσας προσέφη ξανθὸς Μενέλαος· ### book 4.31 “οὐ μὲν νήπιος ἦσθα, Βοηθοΐδη Ἐτεωνεῦ, ### book 4.32 τὸ πρίν· ἀτὰρ μὲν νῦν γε πάϊς ὣς νήπια βάζεις. ### book 4.33 ἦ μὲν δὴ νῶϊ ξεινήϊα πολλὰ φαγόντες ### book 4.34 ἄλλων ἀνθρώπων δεῦρ’ ἱκόμεθ’, αἴ κέ ποθι Ζεὺς ### book 4.35 ἐξοπίσω περ παύσῃ ὀϊζύος. ἀλλὰ λύ’ ἵππους ### book 4.36 ξείνων, ἐς δ’ αὐτοὺς προτέρω ἄγε θοινηθῆναι.” ### book 4.37 ὣς φάθ’, ὁ δὲ μεγάροιο διέσσυτο, κέκλετο δ’ ἄλλους ### book 4.38 ὀτρηροὺς θεράποντας ἅμα σπέσθαι ἑοῖ αὐτῷ. ### book 4.39 οἱ δ’ ἵππους μὲν λῦσαν ὑπὸ ζυγοῦ ἱδρώοντας· ### book 4.40 καὶ τοὺς μὲν κατέδησαν ἐφ’ ἱππείῃσι κάπῃσι, ### book 4.41 πὰρ δ’ ἔβαλον ζειάς, ἀνὰ δὲ κρῖ λευκὸν ἔμειξαν, ### book 4.42 ἅρματα δ’ ἔκλιναν πρὸς ἐνώπια παμφανόωντα, ### book 4.43 αὐτοὺς δ’ εἰσῆγον θεῖον δόμον. οἱ δὲ ἰδόντες ### book 4.44 θαύμαζον κατὰ δῶμα διοτρεφέος βασιλῆος· ### book 4.45 ὥς τε γὰρ ἠελίου αἴγλη πέλεν ἠὲ σελήνης ### book 4.46 δῶμα καθ’ ὑψερεφὲς Μενελάου κυδαλίμοιο. ### book 4.47 αὐτὰρ ἐπεὶ τάρπησαν ὁρώμενοι ὀφθαλμοῖσιν, ### book 4.48 ἔς ῥ’ ἀσαμίνθους βάντες ἐϋξέστας λούσαντο. ### book 4.49 τοὺς δ’ ἐπεὶ οὖν δμῳαὶ λοῦσαν καὶ χρῖσαν ἐλαίῳ, ### book 4.50 ἀμφὶ δ’ ἄρα χλαίνας οὔλας βάλον ἠδὲ χιτῶνας, ### book 4.51 ἔς ῥα θρόνους ἕζοντο παρ’ Ἀτρεΐδην Μενέλαον. ### book 4.52 χέρνιβα δ’ ἀμφίπολος προχόῳ ἐπέχευε φέρουσα ### book 4.53 καλῇ χρυσείῃ, ὑπὲρ ἀργυρέοιο λέβητος, ### book 4.54 νίψασθαι· παρὰ δὲ ξεστὴν ἐτάνυσσε τράπεζαν. ### book 4.55 σῖτον δ’ αἰδοίη ταμίη παρέθηκε φέρουσα, ### book 4.56 εἴδατα πόλλ’ ἐπιθεῖσα, χαριζομένη παρεόντων. ### book 4.57 [δαιτρὸς δὲ κρειῶν πίνακας παρέθηκεν ἀείρας ### book 4.58 παντοίων, παρὰ δέ σφι τίθει χρύσεια κύπελλα.] ### book 4.59 τὼ καὶ δεικνύμενος προσέφη ξανθὸς Μενέλαος· ### book 4.60 “σίτου θ’ ἅπτεσθον καὶ χαίρετον· αὐτὰρ ἔπειτα ### book 4.61 δείπνου πασσαμένω εἰρησόμεθ’ οἵ τινές ἐστον ### book 4.62 ἀνδρῶν· οὐ γὰρ σφῶν γε γένος ἀπόλωλε τοκήων, ### book 4.63 ἀλλ’ ἀνδρῶν γένος ἐστὲ διοτρεφέων βασιλήων ### book 4.64 σκηπτούχων, ἐπεὶ οὔ κε κακοὶ τοιούσδε τέκοιεν.” ### book 4.65 ὣς φάτο, καί σφιν νῶτα βοὸς παρὰ πίονα θῆκεν ### book 4.66 ὄπτ’ ἐν χερσὶν ἑλών, τά ῥά οἱ γέρα πάρθεσαν αὐτῷ. ### book 4.67 οἱ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 4.68 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 4.69 δὴ τότε Τηλέμαχος προσεφώνεε Νέστορος υἱόν, ### book 4.70 ἄγχι σχὼν κεφαλήν, ἵνα μὴ πευθοίαθ’ οἱ ἄλλοι· ### book 4.71 “φράζεο, Νεστορίδη, τῷ ἐμῷ κεχαρισμένε θυμῷ, ### book 4.72 χαλκοῦ τε στεροπὴν κατὰ δώματα ἠχήεντα ### book 4.73 χρυσοῦ τ’ ἠλέκτρου τε καὶ ἀργύρου ἠδ’ ἐλέφαντος. ### book 4.74 Ζηνός που τοιήδε γ’ Ὀλυμπίου ἔνδοθεν αὐλή, ### book 4.75 ὅσσα τάδ’ ἄσπετα πολλά· σέβας μ’ ἔχει εἰσορόωντα.” ### book 4.76 τοῦ δ’ ἀγορεύοντος ξύνετο ξανθὸς Μενέλαος, ### book 4.77 καί σφεας φωνήσας ἔπεα πτερόεντα προσηύδα· ### book 4.78 “τέκνα φίλ’, ἦ τοι Ζηνὶ βροτῶν οὐκ ἄν τις ἐρίζοι· ### book 4.79 ἀθάνατοι γὰρ τοῦ γε δόμοι καὶ κτήματ’ ἔασιν· ### book 4.80 ἀνδρῶν δ’ ἤ κέν τίς μοι ἐρίσσεται, ἠὲ καὶ οὐκί, ### book 4.81 κτήμασιν. ἦ γὰρ πολλὰ παθὼν καὶ πόλλ’ ἐπαληθεὶς ### book 4.82 ἠγαγόμην ἐν νηυσὶ καὶ ὀγδοάτῳ ἔτει ἦλθον, ### book 4.83 Κύπρον Φοινίκην τε καὶ Αἰγυπτίους ἐπαληθείς, ### book 4.84 Αἰθίοπάς θ’ ἱκόμην καὶ Σιδονίους καὶ Ἐρεμβοὺς ### book 4.85 καὶ Λιβύην, ἵνα τ’ ἄρνες ἄφαρ κεραοὶ τελέθουσι. ### book 4.86 τρὶς γὰρ τίκτει μῆλα τελεσφόρον εἰς ἐνιαυτόν· ### book 4.87 ἔνθα μὲν οὔτε ἄναξ ἐπιδευὴς οὔτε τι ποιμὴν ### book 4.88 τυροῦ καὶ κρειῶν οὐδὲ γλυκεροῖο γάλακτος, ### book 4.89 ἀλλ’ αἰεὶ παρέχουσιν ἐπηετανὸν γάλα θῆσθαι. ### book 4.90 εἷος ἐγὼ περὶ κεῖνα πολὺν βίοτον ξυναγείρων ### book 4.91 ἠλώμην, τεῖός μοι ἀδελφεὸν ἄλλος ἔπεφνε ### book 4.92 λάθρῃ, ἀνωϊστί, δόλῳ οὐλομένης ἀλόχοιο. ### book 4.93 ὣς οὔ τοι χαίρων τοῖσδε κτεάτεσσιν ἀνάσσω· — ### book 4.94 καὶ πατέρων τάδε μέλλετ’ ἀκουέμεν, οἵ τινες ὕμιν ### book 4.95 εἰσίν· —ἐπεὶ μάλα πολλὰ πάθον καὶ ἀπώλεσα οἶκον ### book 4.96 εὖ μάλα ναιετάοντα, κεχανδότα πολλὰ καὶ ἐσθλά. ### book 4.97 ὧν ὄφελον τριτάτην περ ἔχων ἐν δώμασι μοῖραν ### book 4.98 ναίειν, οἱ δ’ ἄνδρες σόοι ἔμμεναι, οἳ τότ’ ὄλοντο ### book 4.99 Τροίῃ ἐν εὐρείῃ, ἑκὰς Ἄργεος ἱπποβότοιο. ### book 4.100 ἀλλ’ ἔμπης, πάντας μὲν ὀδυρόμενος καὶ ἀχεύων, ### book 4.101 πολλάκις ἐν μεγάροισι καθήμενος ἡμετέροισιν ### book 4.102 ἄλλοτε μέν τε γόῳ φρένα τέρπομαι, ἄλλοτε δ’ αὖτε ### book 4.103 παύομαι· αἰψηρὸς δὲ κόρος κρυεροῖο γόοιο· — ### book 4.104 τῶν πάντων οὐ τόσσον ὀδύρομαι, ἀχνύμενός περ, ### book 4.105 ὡς ἑνός, ὅς τέ μοι ὕπνον ἀπεχθαίρει καὶ ἐδωδὴν, ### book 4.106 μνωομένῳ, ἐπεὶ οὔ τις Ἀχαιῶν τόσς’ ἐμόγησεν, ### book 4.107 ὅσς’ Ὀδυσεὺς ἐμόγησε καὶ ἤρατο. τῷ δ’ ἄρ’ ἔμελλεν ### book 4.108 αὐτῷ κήδε’ ἔσεσθαι, ἐμοὶ δ’ ἄχος αἰὲν ἄλαστον ### book 4.109 κείνου, ὅπως δὴ δηρὸν ἀποίχεται, οὐδέ τι ἴδμεν, ### book 4.110 ζώει ὅ γ’ ἦ τέθνηκεν. ὀδύρονται νύ που αὐτὸν ### book 4.111 Λαέρτης θ’ ὁ γέρων καὶ ἐχέφρων Πηνελόπεια ### book 4.112 Τηλέμαχός θ’, ὃν ἔλειπε νέον γεγαῶτ’ ἐνὶ οἴκῳ.” ### book 4.113 ὣς φάτο, τῷ δ’ ἄρα πατρὸς ὑφ’ ἵμερον ὦρσε γόοιο· ### book 4.114 δάκρυ δ’ ἀπὸ βλεφάρων χαμάδις βάλε πατρὸς ἀκούσας, ### book 4.115 χλαῖναν πορφυρέην ἄντ’ ὀφθαλμοῖιν ἀνασχὼν ### book 4.116 ἀμφοτέρῃσιν χερσί. νόησε δέ μιν Μενέλαος, ### book 4.117 μερμήριξε δ’ ἔπειτα κατὰ φρένα καὶ κατὰ θυμόν, ### book 4.118 ἠέ μιν αὐτὸν πατρὸς ἐάσειε μνησθῆναι, ### book 4.119 ἦ πρῶτ’ ἐξερέοιτο ἕκαστά τε πειρήσαιτο. ### book 4.120 εἷος ὁ ταῦθ’ ὥρμαινε κατὰ φρένα καὶ κατὰ θυμόν, ### book 4.121 ἐκ δ’ Ἑλένη θαλάμοιο θυώδεος ὑψορόφοιο ### book 4.122 ἤλυθεν Ἀρτέμιδι χρυσηλακάτῳ ἐϊκυῖα. ### book 4.123 τῇ δ’ ἄρ’ ἅμ’ Ἀδρήστη κλισίην εὔτυκτον ἔθηκεν, ### book 4.124 Ἀλκίππη δὲ τάπητα φέρεν μαλακοῦ ἐρίοιο, ### book 4.125 Φυλὼ δ’ ἀργύρεον τάλαρον φέρε, τόν οἱ ἔδωκεν ### book 4.126 Ἀλκάνδρη, Πολύβοιο δάμαρ, ὃς ἔναι’ ἐνὶ Θήβῃς ### book 4.127 Αἰγυπτίῃς’, ὅθι πλεῖστα δόμοις’ ἐν κτήματα κεῖται· ### book 4.128 ὃς Μενελάῳ δῶκε δύ’ ἀργυρέας ἀσαμίνθους, ### book 4.129 δοιοὺς δὲ τρίποδας, δέκα δὲ χρυσοῖο τάλαντα. ### book 4.130 χωρὶς δ’ αὖθ’ Ἑλένῃ ἄλοχος πόρε κάλλιμα δῶρα· ### book 4.131 χρυσῆν τ’ ἠλακάτην τάλαρόν θ’ ὑπόκυκλον ὄπασσεν ### book 4.132 ἀργύρεον, χρυσῷ δ’ ἐπὶ χείλεα κεκράαντο. ### book 4.133 τόν ῥά οἱ ἀμφίπολος Φυλὼ παρέθηκε φέρουσα ### book 4.134 νήματος ἀσκητοῖο βεβυσμένον· αὐτὰρ ἐπ’ αὐτῷ ### book 4.135 ἠλακάτη τετάνυστο ἰοδνεφὲς εἶρος ἔχουσα. ### book 4.136 ἕζετο δ’ ἐν κλισμῷ, ὑπὸ δὲ θρῆνυς ποσὶν ἦεν. ### book 4.137 αὐτίκα δ’ ἥ γ’ ἐπέεσσι πόσιν ἐρέεινεν ἕκαστα· ### book 4.138 “ἴδμεν δή, Μενέλαε διοτρεφές, οἵ τινες οἵδε ### book 4.139 ἀνδρῶν εὐχετόωνται ἱκανέμεν ἡμέτερον δῶ; ### book 4.140 ψεύσομαι ἦ ἔτυμον ἐρέω; κέλεται δέ με θυμός. ### book 4.141 οὐ γάρ πώ τινά φημι ἐοικότα ὧδε ἰδέσθαι ### book 4.142 οὔτ’ ἄνδρ’ οὔτε γυναῖκα, σέβας μ’ ἔχει εἰσορόωσαν, ### book 4.143 ὡς ὅδ’ Ὀδυσσῆος μεγαλήτορος υἷι ἔοικε, ### book 4.144 Τηλεμάχῳ, τὸν ἔλειπε νέον γεγαῶτ’ ἐνὶ οἴκῳ ### book 4.145 κεῖνος ἀνήρ, ὅτ’ ἐμεῖο κυνώπιδος εἵνεκ’ Ἀχαιοὶ ### book 4.146 ἤλθεθ’ ὑπὸ Τροίην, πόλεμον θρασὺν ὁρμαίνοντες.” ### book 4.147 τὴν δ’ ἀπαμειβόμενος προσέφη ξανθὸς Μενέλαος· ### book 4.148 “οὕτω νῦν καὶ ἐγὼ νοέω, γύναι, ὡς σὺ ἐΐσκεις· ### book 4.149 κείνου γὰρ τοιοίδε πόδες τοιαίδε τε χεῖρες ### book 4.150 ὀφθαλμῶν τε βολαὶ κεφαλή τ’ ἐφύπερθέ τε χαῖται. ### book 4.151 καὶ νῦν ἦ τοι ἐγὼ μεμνημένος ἀμφ’ Ὀδυσῆϊ ### book 4.152 μυθεόμην, ὅσα κεῖνος ὀϊζύσας ἐμόγησεν ### book 4.153 ἀμφ’ ἐμοί, αὐτὰρ ὁ πυκνὸν ὑπ’ ὀφρύσι δάκρυον εἶβε, ### book 4.154 χλαῖναν πορφυρέην ἄντ’ ὀφθαλμοῖιν ἀνασχών.” ### book 4.155 τὸν δ’ αὖ Νεστορίδης Πεισίστρατος ἀντίον ηὔδα· ### book 4.156 “Ἀτρεΐδη Μενέλαε διοτρεφές, ὄρχαμε λαῶν, ### book 4.157 κείνου μέν τοι ὅδ’ υἱὸς ἐτήτυμον, ὡς ἀγορεύεις· ### book 4.158 ἀλλὰ σαόφρων ἐστί, νεμεσσᾶται δ’ ἐνὶ θυμῷ ### book 4.159 ὧδ’ ἐλθὼν τὸ πρῶτον ἐπεσβολίας ἀναφαίνειν ### book 4.160 ἄντα σέθεν, τοῦ νῶϊ θεοῦ ὣς τερπόμεθ’ αὐδῇ. ### book 4.161 αὐτὰρ ἐμὲ προέηκε Γερήνιος ἱππότα Νέστωρ ### book 4.162 τῷ ἅμα πομπὸν ἕπεσθαι· ἐέλδετο γάρ σε ἰδέσθαι, ### book 4.163 ὄφρα οἱ ἤ τι ἔπος ὑποθήεαι ἠέ τι ἔργον. ### book 4.164 πολλὰ γὰρ ἄλγε’ ἔχει πατρὸς πάϊς οἰχομένοιο ### book 4.165 ἐν μεγάροις’, ᾧ μὴ ἄλλοι ἀοσσητῆρες ἔωσιν, ### book 4.166 ὡς νῦν Τηλεμάχῳ ὁ μὲν οἴχεται, οὐδέ οἱ ἄλλοι ### book 4.167 εἴς’, οἵ κεν κατὰ δῆμον ἀλάλκοιεν κακότητα.” ### book 4.168 τὸν δ’ ἀπαμειβόμενος προσέφη ξανθὸς Μενέλαος· ### book 4.169 “ὢ πόποι, ἦ μάλα δὴ φίλου ἀνέρος υἱὸς ἐμὸν δῶ ### book 4.170 ἵκεθ’, ὃς εἵνεκ’ ἐμεῖο πολέας ἐμόγησεν ἀέθλους· ### book 4.171 καί μιν ἔφην ἐλθόντα φιλησέμεν ἔξοχα πάντων ### book 4.172 Ἀργείων, εἰ νῶϊν ὑπεὶρ ἅλα νόστον ἔδωκε ### book 4.173 νηυσὶ θοῇσι γενέσθαι Ὀλύμπιος εὐρύοπα Ζεύς. ### book 4.174 καί κέ οἱ Ἄργεϊ νάσσα πόλιν καὶ δώματ’ ἔτευξα, ### book 4.175 ἐξ Ἰθάκης ἀγαγὼν σὺν κτήμασι καὶ τέκεϊ ᾧ ### book 4.176 καὶ πᾶσιν λαοῖσι, μίαν πόλιν ἐξαλαπάξας, ### book 4.177 αἳ περιναιετάουσιν, ἀνάσσονται δ’ ἐμοὶ αὐτῷ. ### book 4.178 καί κε θάμ’ ἐνθάδ’ ἐόντες ἐμισγόμεθ’· οὐδέ κεν ἥμεας ### book 4.179 ἄλλο διέκρινεν φιλέοντέ τε τερπομένω τε, ### book 4.180 πρίν γ’ ὅτε δὴ θανάτοιο μέλαν νέφος ἀμφεκάλυψεν. ### book 4.181 ἀλλὰ τὰ μέν που μέλλεν ἀγάσσασθαι θεὸς αὐτός, ### book 4.182 ὃς κεῖνον δύστηνον ἀνόστιμον οἶον ἔθηκεν.” ### book 4.183 ὣς φάτο, τοῖσι δὲ πᾶσιν ὑφ’ ἵμερον ὦρσε γόοιο. ### book 4.184 κλαῖε μὲν Ἀργείη Ἑλένη, Διὸς ἐκγεγαυῖα, ### book 4.185 κλαῖε δὲ Τηλέμαχός τε καὶ Ἀτρεΐδης Μενέλαος, ### book 4.186 οὐδ’ ἄρα Νέστορος υἱὸς ἀδακρύτω ἔχεν ὄσσε· ### book 4.187 μνήσατο γὰρ κατὰ θυμὸν ἀμύμονος Ἀντιλόχοιο, ### book 4.188 τόν ῥ’ Ἠοῦς ἔκτεινε φαεινῆς ἀγλαὸς υἱός. ### book 4.189 τοῦ ὅ γ’ ἐπιμνησθεὶς ἔπεα πτερόεντ’ ἀγόρευεν· ### book 4.190 “Ἀτρεΐδη, περὶ μέν σε βροτῶν πεπνυμένον εἶναι ### book 4.191 Νέστωρ φάσχ’ ὁ γέρων, ὅτ’ ἐπιμνησαίμεθα σεῖο ### book 4.192 οἷσιν ἐνὶ μεγάροισι καὶ ἀλλήλους ἐρέοιμεν· ### book 4.193 καὶ νῦν, εἴ τί που ἔστι, πίθοιό μοι· οὐ γὰρ ἐγώ γε ### book 4.194 τέρπομ’ ὀδυρόμενος μεταδόρπιος, ἀλλὰ καὶ Ἠὼς ### book 4.195 ἔσσεται ἠριγένεια· νεμεσσῶμαί γε μὲν οὐδὲν ### book 4.196 κλαίειν, ὅς κε θάνῃσι βροτῶν καὶ πότμον ἐπίσπῃ. ### book 4.197 τοῦτό νυ καὶ γέρας οἶον ὀϊζυροῖσι βροτοῖσι, ### book 4.198 κείρασθαί τε κόμην βαλέειν τ’ ἀπὸ δάκρυ παρειῶν. ### book 4.199 καὶ γὰρ ἐμὸς τέθνηκεν ἀδελφεός, οὔ τι κάκιστος ### book 4.200 Ἀργείων· μέλλεις δὲ σὺ ἴδμεναι· —οὐ γὰρ ἐγώ γε ### book 4.201 ἤντης’ οὐδὲ ἴδον· —περὶ δ’ ἄλλων φασὶ γενέσθαι ### book 4.202 Ἀντίλοχον, περὶ μὲν θείειν ταχὺν ἠδὲ μαχητήν.” ### book 4.203 τὸν δ’ ἀπαμειβόμενος προσέφη ξανθὸς Μενέλαος· ### book 4.204 “ὦ φίλ’, ἐπεὶ τόσα εἶπες, ὅς’ ἂν πεπνυμένος ἀνὴρ ### book 4.205 εἴποι καὶ ῥέξειε, καὶ ὃς προγενέστερος εἴη· ### book 4.206 τοίου γὰρ καὶ πατρός, ὃ καὶ πεπνυμένα βάζεις. ### book 4.207 ῥεῖα δ’ ἀρίγνωτος γόνος ἀνέρος, ᾧ τε Κρονίων ### book 4.208 ὄλβον ἐπικλώσῃ γαμέοντί τε γεινομένῳ τε, ### book 4.209 ὡς νῦν Νέστορι δῶκε διαμπερὲς ἤματα πάντα ### book 4.210 αὐτὸν μὲν λιπαρῶς γηρασκέμεν ἐν μεγάροισιν, ### book 4.211 υἱέας αὖ πινυτούς τε καὶ ἔγχεσιν εἶναι ἀρίστους. ### book 4.212 ἡμεῖς δὲ κλαυθμὸν μὲν ἐάσομεν, ὃς πρὶν ἐτύχθη, ### book 4.213 δόρπου δ’ ἐξαῦτις μνησώμεθα, χερσὶ δ’ ἐφ’ ὕδωρ ### book 4.214 χευάντων· μῦθοι δὲ καὶ ἠῶθέν περ ἔσονται ### book 4.215 Τηλεμάχῳ καὶ ἐμοὶ διαειπέμεν ἀλλήλοισιν.” ### book 4.216 ὣς ἔφατ’, Ἀσφαλίων δ’ ἄρ’ ὕδωρ ἐπὶ χεῖρας ἔχευεν, ### book 4.217 ὀτρηρὸς θεράπων Μενελάου κυδαλίμοιο. ### book 4.218 οἱ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 4.219 ἔνθ’ αὖτ’ ἄλλ’ ἐνόης’ Ἑλένη Διὸς ἐκγεγαυῖα· ### book 4.220 αὐτίκ’ ἄρ’ εἰς οἶνον βάλε φάρμακον, ἔνθεν ἔπινον, ### book 4.221 νηπενθές τ’ ἄχολόν τε, κακῶν ἐπίληθον ἁπάντων. ### book 4.222 ὃς τὸ καταβρόξειεν, ἐπὴν κρητῆρι μιγείη, ### book 4.223 οὔ κεν ἐφημέριός γε βάλοι κατὰ δάκρυ παρειῶν, ### book 4.224 οὐδ’ εἴ οἱ κατατεθναίη μήτηρ τε πατήρ τε, ### book 4.225 οὐδ’ εἴ οἱ προπάροιθεν ἀδελφεὸν ἢ φίλον υἱὸν ### book 4.226 χαλκῷ δηϊόῳεν, ὁ δ’ ὀφθαλμοῖσιν ὁρῷτο. ### book 4.227 τοῖα Διὸς θυγάτηρ ἔχε φάρμακα μητιόεντα, ### book 4.228 ἐσθλά, τά οἱ Πολύδαμνα πόρεν, Θῶνος παράκοιτις, ### book 4.229 Αἰγυπτίη, τῇ πλεῖστα φέρει ζείδωρος ἄρουρα ### book 4.230 φάρμακα, πολλὰ μὲν ἐσθλὰ μεμιγμένα, πολλὰ δὲ λυγρά, ### book 4.231 ἰητρὸς δὲ ἕκαστος ἐπιστάμενος περὶ πάντων ### book 4.232 ἀνθρώπων· ἦ γὰρ Παιήονός εἰσι γενέθλης. ### book 4.233 αὐτὰρ ἐπεί ῥ’ ἐνέηκε κέλευσέ τε οἰνοχοῆσαι, ### book 4.234 ἐξαῦτις μύθοισιν ἀμειβομένη προσέειπεν· ### book 4.235 “Ἀτρεΐδη Μενέλαε διοτρεφὲς ἠδὲ καὶ οἵδε ### book 4.236 ἀνδρῶν ἐσθλῶν παῖδες, ἀτὰρ θεὸς ἄλλοτε ἄλλῳ ### book 4.237 Ζεὺς ἀγαθόν τε κακόν τε διδοῖ· δύναται γὰρ ἅπαντα· — ### book 4.238 ἦ τοι νῦν δαίνυσθε καθήμενοι ἐν μεγάροισι ### book 4.239 καὶ μύθοις τέρπεσθε· ἐοικότα γὰρ καταλέξω. ### book 4.240 πάντα μὲν οὐκ ἂν ἐγὼ μυθήσομαι οὐδ’ ὀνομήνω, ### book 4.241 ὅσσοι Ὀδυσσῆος ταλασίφρονός εἰσιν ἄεθλοι· ### book 4.242 ἀλλ’ οἷον τόδ’ ἔρεξε καὶ ἔτλη καρτερὸς ἀνὴρ ### book 4.243 δήμῳ ἔνι Τρώων, ὅθι πάσχετε πήματ’ Ἀχαιοί. ### book 4.244 αὐτόν μιν πληγῇσιν ἀεικελίῃσι δαμάσσας, ### book 4.245 σπεῖρα κάκ’ ἀμφ’ ὤμοισι βαλών, οἰκῆϊ ἐοικώς, ### book 4.246 ἀνδρῶν δυσμενέων κατέδυ πόλιν εὐρυάγυιαν. ### book 4.247 ἄλλῳ δ’ αὐτὸν φωτὶ κατακρύπτων ἤϊσκε ### book 4.248 Δέκτῃ, ὃς οὐδὲν τοῖος ἔην ἐπὶ νηυσὶν Ἀχαιῶν· ### book 4.249 τῷ ἴκελος κατέδυ Τρώων πόλιν, οἱ δ’ ἀβάκησαν ### book 4.250 πάντες· ἐγὼ δέ μιν οἴη ἀνέγνων τοῖον ἐόντα, ### book 4.251 καί μιν ἀνειρώτευν· ὁ δὲ κερδοσύνῃ ἀλέεινεν. ### book 4.252 ἀλλ’ ὅτε δή μιν ἐγὼ λόεον καὶ χρῖον ἐλαίῳ, ### book 4.253 ἀμφὶ δὲ εἵματα ἕσσα καὶ ὤμοσα καρτερὸν ὅρκον, ### book 4.254 μή με πρὶν Ὀδυσῆα μετὰ Τρώεσς’ ἀναφῆναι, ### book 4.255 πρίν γε τὸν ἐς νῆάς τε θοὰς κλισίας τ’ ἀφικέσθαι, ### book 4.256 καὶ τότε δή μοι πάντα νόον κατέλεξεν Ἀχαιῶν. ### book 4.257 πολλοὺς δὲ Τρώων κτείνας ταναήκεϊ χαλκῷ ### book 4.258 ἦλθε μετ’ Ἀργείους, κατὰ δὲ φρόνιν ἤγαγε πολλήν. ### book 4.259 ἔνθ’ ἄλλαι Τρῳαὶ λίγ’ ἐκώκυον· αὐτὰρ ἐμὸν κῆρ ### book 4.260 χαῖρ’, ἐπεὶ ἤδη μοι κραδίη τέτραπτο νεέσθαι ### book 4.261 ἂψ οἶκόνδ’, ἄτην δὲ μετέστενον, ἣν Ἀφροδίτη ### book 4.262 δῶχ’, ὅτε μ’ ἤγαγε κεῖσε φίλης ἀπὸ πατρίδος αἴης, ### book 4.263 παῖδά τ’ ἐμὴν νοσφισσαμένην θάλαμόν τε πόσιν τε ### book 4.264 οὔ τευ δευόμενον, οὔτ’ ἂρ φρένας οὔτε τι εἶδος.” ### book 4.265 τὴν δ’ ἀπαμειβόμενος προσέφη ξανθὸς Μενέλαος· ### book 4.266 “ναὶ δὴ ταῦτά γε πάντα, γύναι, κατὰ μοῖραν ἔειπες. ### book 4.267 ἤδη μὲν πολέων ἐδάην βουλήν τε νόον τε ### book 4.268 ἀνδρῶν ἡρώων, πολλὴν δ’ ἐπελήλυθα γαῖαν· ### book 4.269 ἀλλ’ οὔ πω τοιοῦτον ἐγὼν ἴδον ὀφθαλμοῖσιν ### book 4.270 οἷον Ὀδυσσῆος ταλασίφρονος ἔσκε φίλον κῆρ. ### book 4.271 οἷον καὶ τόδ’ ἔρεξε καὶ ἔτλη καρτερὸς ἀνὴρ ### book 4.272 ἵππῳ ἔνι ξεστῷ, ἵν’ ἐνήμεθα πάντες ἄριστοι ### book 4.273 Ἀργείων, Τρώεσσι φόνον καὶ κῆρα φέροντες. ### book 4.274 ἦλθες ἔπειτα σὺ κεῖσε· κελευσέμεναι δέ ς’ ἔμελλε ### book 4.275 δαίμων, ὃς Τρώεσσιν ἐβούλετο κῦδος ὀρέξαι· ### book 4.276 καί τοι Δηΐφοβος θεοείκελος ἕσπετ’ ἰούσῃ. ### book 4.277 τρὶς δὲ περίστειξας κοῖλον λόχον ἀμφαφόωσα, ### book 4.278 ἐκ δ’ ὀνομακλήδην Δαναῶν ὀνόμαζες ἀρίστους, ### book 4.279 πάντων Ἀργείων φωνὴν ἴσκους’ ἀλόχοισιν· ### book 4.280 αὐτὰρ ἐγὼ καὶ Τυδεΐδης καὶ δῖος Ὀδυσσεὺς ### book 4.281 ἥμενοι ἐν μέσσοισιν ἀκούσαμεν, ὡς ἐβόησας. ### book 4.282 νῶϊ μὲν ἀμφοτέρω μενεήναμεν ὁρμηθέντες ### book 4.283 ἢ ἐξελθέμεναι ἢ ἔνδοθεν αἶψ’ ὑπακοῦσαι· ### book 4.284 ἀλλ’ Ὀδυσεὺς κατέρυκε καὶ ἔσχεθεν ἱεμένω περ. ### book 4.285 ἔνθ’ ἄλλοι μὲν πάντες ἀκὴν ἔσαν υἷες Ἀχαιῶν, ### book 4.286 Ἄντικλος δὲ σέ γ’ οἶος ἀμείψασθαι ἐπέεσσιν ### book 4.287 ἤθελεν· ἀλλ’ Ὀδυσεὺς ἐπὶ μάστακα χερσὶ πίεζε ### book 4.288 νωλεμέως κρατερῇσι, σάωσε δὲ πάντας Ἀχαιούς· ### book 4.289 τόφρα δ’ ἔχ’, ὄφρα σε νόσφιν ἀπήγαγε Παλλὰς Ἀθήνη.” ### book 4.290 τὸν δ’ αὖ Τηλέμαχος πεπνυμένος ἀντίον ηὔδα· ### book 4.291 “Ἀτρεΐδη Μενέλαε διοτρεφές, ὄρχαμε λαῶν, ### book 4.292 ἄλγιον· οὐ γάρ οἵ τι τό γ’ ἤρκεσε λυγρὸν ὄλεθρον, ### book 4.293 οὐδ’ εἴ οἱ κραδίη γε σιδηρέη ἔνδοθεν ἦεν. ### book 4.294 ἀλλ’ ἄγετ’ εἰς εὐνὴν τράπεθ’ ἥμεας, ὄφρα καὶ ἤδη ### book 4.295 ὕπνῳ ὕπο γλυκερῷ ταρπώμεθα κοιμηθέντες.” ### book 4.296 ὣς ἔφατ’, Ἀργείη δ’ Ἑλένη δμῳῇσι κέλευσε ### book 4.297 δέμνι’ ὑπ’ αἰθούσῃ θέμεναι καὶ ῥήγεα καλὰ ### book 4.298 πορφύρε’ ἐμβαλέειν, στορέσαι τ’ ἐφύπερθε τάπητας ### book 4.299 χλαίνας τ’ ἐνθέμεναι οὔλας καθύπερθεν ἕσασθαι. ### book 4.300 αἱ δ’ ἴσαν ἐκ μεγάροιο δάος μετὰ χερσὶν ἔχουσαι, ### book 4.301 δέμνια δ’ ἐστόρεσαν· ἐκ δὲ ξείνους ἄγε κῆρυξ. ### book 4.302 οἱ μὲν ἄρ’ ἐν προδόμῳ δόμου αὐτόθι κοιμήσαντο, ### book 4.303 Τηλέμαχός θ’ ἥρως καὶ Νέστορος ἀγλαὸς υἱός· ### book 4.304 Ἀτρεΐδης δὲ καθεῦδε μυχῷ δόμου ὑψηλοῖο, ### book 4.305 πὰρ δ’ Ἑλένη τανύπεπλος ἐλέξατο, δῖα γυναικῶν. ### book 4.306 ἦμος δ’ ἠριγένεια φάνη ῥοδοδάκτυλος Ἠώς, ### book 4.307 ὤρνυτ’ ἄρ’ ἐξ εὐνῆφι βοὴν ἀγαθὸς Μενέλαος ### book 4.308 εἵματα ἑσσάμενος, περὶ δὲ ξίφος ὀξὺ θέτ’ ὤμῳ, ### book 4.309 ποσσὶ δ’ ὑπὸ λιπαροῖσιν ἐδήσατο καλὰ πέδιλα, ### book 4.310 βῆ δ’ ἴμεν ἐκ θαλάμοιο θεῷ ἐναλίγκιος ἄντην, ### book 4.311 Τηλεμάχῳ δὲ παρῖζεν, ἔπος τ’ ἔφατ’ ἔκ τ’ ὀνόμαζε· ### book 4.312 “τίπτε δέ σε χρειὼ δεῦρ’ ἤγαγε, Τηλέμαχ’ ἥρως, ### book 4.313 ἐς Λακεδαίμονα δῖαν ἐπ’ εὐρέα νῶτα θαλάσσης; ### book 4.314 δήμιον ἦ ἴδιον; τόδε μοι νημερτὲς ἐνίσπες.” ### book 4.315 τὸν δ’ αὖ Τηλέμαχος πεπνυμένος ἀντίον ηὔδα· ### book 4.316 “Ἀτρεΐδη Μενέλαε διοτρεφές, ὄρχαμε λαῶν, ### book 4.317 ἤλυθον εἴ τινά μοι κληηδόνα πατρὸς ἐνίσποις. ### book 4.318 ἐσθίεταί μοι οἶκος, ὄλωλε δὲ πίονα ἔργα, ### book 4.319 δυσμενέων δ’ ἀνδρῶν πλεῖος δόμος, οἵ τέ μοι αἰεὶ ### book 4.320 μῆλ’ ἁδινὰ σφάζουσι καὶ εἰλίποδας ἕλικας βοῦς, ### book 4.321 μητρὸς ἐμῆς μνηστῆρες ὑπέρβιον ὕβριν ἔχοντες. ### book 4.322 τοὔνεκα νῦν τὰ σὰ γούναθ’ ἱκάνομαι, αἴ κ’ ἐθέλῃσθα ### book 4.323 κείνου λυγρὸν ὄλεθρον ἐνισπεῖν, εἴ που ὄπωπας ### book 4.324 ὀφθαλμοῖσι τεοῖσιν ἢ ἄλλου μῦθον ἄκουσας ### book 4.325 πλαζομένου· περὶ γάρ μιν ὀϊζυρὸν τέκε μήτηρ. ### book 4.326 μηδέ τί μ’ αἰδόμενος μειλίσσεο μηδ’ ἐλεαίρων, ### book 4.327 ἀλλ’ εὖ μοι κατάλεξον, ὅπως ἤντησας ὀπωπῆς. ### book 4.328 λίσσομαι, εἴ ποτέ τοί τι πατὴρ ἐμός, ἐσθλὸς Ὀδυσσεύς, ### book 4.329 ἢ ἔπος ἠέ τι ἔργον ὑποστὰς ἐξετέλεσσε ### book 4.330 δήμῳ ἔνι Τρώων, ὅθι πάσχετε πήματ’ Ἀχαιοί· ### book 4.331 τῶν νῦν μοι μνῆσαι, καί μοι νημερτὲς ἐνίσπες.” ### book 4.332 τὸν δὲ μέγ’ ὀχθήσας προσέφη ξανθὸς Μενέλαος· ### book 4.333 “ὢ πόποι, ἦ μάλα δὴ κρατερόφρονος ἀνδρὸς ἐν εὐνῇ ### book 4.334 ἤθελον εὐνηθῆναι ἀνάλκιδες αὐτοὶ ἐόντες. ### book 4.335 ὡς δ’ ὁπότ’ ἐν ξυλόχῳ ἔλαφος κρατεροῖο λέοντος ### book 4.336 νεβροὺς κοιμήσασα νεηγενέας γαλαθηνοὺς ### book 4.337 κνημοὺς ἐξερέῃσι καὶ ἄγκεα ποιήεντα ### book 4.338 βοσκομένη, ὁ δ’ ἔπειτα ἑὴν εἰσήλυθεν εὐνήν, ### book 4.339 ἀμφοτέροισι δὲ τοῖσιν ἀεικέα πότμον ἐφῆκεν, ### book 4.340 ὣς Ὀδυσεὺς κείνοισιν ἀεικέα πότμον ἐφήσει. ### book 4.341 αἲ γάρ, Ζεῦ τε πάτερ καὶ Ἀθηναίη καὶ Ἄπολλον, ### book 4.342 τοῖος ἐὼν οἷός ποτ’ ἐϋκτιμένῃ ἐνὶ Λέσβῳ ### book 4.343 ἐξ ἔριδος Φιλομηλεΐδῃ ἐπάλαισεν ἀναστάς, ### book 4.344 κὰδ δ’ ἔβαλε κρατερῶς, κεχάροντο δὲ πάντες Ἀχαιοί, ### book 4.345 τοῖος ἐὼν μνηστῆρσιν ὁμιλήσειεν Ὀδυσσεύς· ### book 4.346 πάντες κ’ ὠκύμοροί τε γενοίατο πικρόγαμοί τε. ### book 4.347 ταῦτα δ’, ἅ μ’ εἰρωτᾷς καὶ λίσσεαι, οὐκ ἂν ἐγώ γε ### book 4.348 ἄλλα παρὲξ εἴποιμι παρακλιδὸν οὐδ’ ἀπατήσω· ### book 4.349 ἀλλὰ τὰ μέν μοι ἔειπε γέρων ἅλιος νημερτής, ### book 4.350 τῶν οὐδέν τοι ἐγὼ κρύψω ἔπος οὐδ’ ἐπικεύσω. ### book 4.351 Αἰγύπτῳ μ’ ἔτι δεῦρο θεοὶ μεμαῶτα νέεσθαι ### book 4.352 ἔσχον, ἐπεὶ οὔ σφιν ἔρεξα τεληέσσας ἑκατόμβας· ### book 4.353 οἱ δ’ αἰεὶ βούλοντο θεοὶ μεμνῆσθαι ἐφετμέων. ### book 4.354 νῆσος ἔπειτά τις ἔστι πολυκλύστῳ ἐνὶ πόντῳ ### book 4.355 Αἰγύπτου προπάροιθε, Φάρον δέ ἑ κικλήσκουσι, ### book 4.356 τόσσον ἄνευθ’, ὅσσον τε πανημερίη γλαφυρὴ νηῦς ### book 4.357 ἤνυσεν, ᾗ λιγὺς οὖρος ἐπιπνείῃσιν ὄπισθεν. ### book 4.358 ἐν δὲ λιμὴν εὔορμος, ὅθεν τ’ ἀπὸ νῆας ἐΐσας ### book 4.359 ἐς πόντον βάλλουσιν, ἀφυσσάμενοι μέλαν ὕδωρ. ### book 4.360 ἔνθα μ’ ἐείκοσιν ἤματ’ ἔχον θεοί, οὐδέ ποτ’ οὖροι ### book 4.361 πνείοντες φαίνονθ’ ἁλιαέες, οἵ ῥά τε νηῶν ### book 4.362 πομπῆες γίνονται ἐπ’ εὐρέα νῶτα θαλάσσης. ### book 4.363 καί νύ κεν ἤϊα πάντα κατέφθιτο καὶ μένε’ ἀνδρῶν, ### book 4.364 εἰ μή τίς με θεῶν ὀλοφύρατο καί μ’ ἐλέησε, ### book 4.365 Πρωτέος ἰφθίμου θυγάτηρ ἁλίοιο γέροντος, ### book 4.366 Εἰδοθέη· τῇ γάρ ῥα μάλιστά γε θυμὸν ὄρινα· ### book 4.367 ἥ μ’ οἴῳ ἔρροντι συνήντετο νόσφιν ἑταίρων· ### book 4.368 αἰεὶ γὰρ περὶ νῆσον ἀλώμενοι ἰχθυάασκον ### book 4.369 γναμπτοῖς’ ἀγκίστροισιν, ἔτειρε δὲ γαστέρα λιμός. ### book 4.370 ἡ δέ μευ ἄγχι στᾶσα ἔπος φάτο φώνησέν τε· ### book 4.371 νήπιός εἰς, ὦ ξεῖνε, λίην τόσον ἠδὲ χαλίφρων, ### book 4.372 ἦε ἑκὼν μεθιεῖς καὶ τέρπεαι ἄλγεα πάσχων; ### book 4.373 ὡς δὴ δήθ’ ἐνὶ νήσῳ ἐρύκεαι, οὐδέ τι τέκμωρ ### book 4.374 εὑρέμεναι δύνασαι, μινύθει δέ τοι ἦτορ ἑταίρων. ### book 4.375 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 4.376 ἐκ μέν τοι ἐρέω, ἥ τις σύ πέρ ἐσσι θεάων, ### book 4.377 ὡς ἐγὼ οὔ τι ἑκὼν κατερύκομαι, ἀλλά νυ μέλλω ### book 4.378 ἀθανάτους ἀλιτέσθαι, οἳ οὐρανὸν εὐρὺν ἔχουσιν. ### book 4.379 ἀλλὰ σύ πέρ μοι εἰπέ, θεοὶ δέ τε πάντα ἴσασιν, ### book 4.380 ὅς τίς μ’ ἀθανάτων πεδάᾳ καὶ ἔδησε κελεύθου, ### book 4.381 νόστον θ’, ὡς ἐπὶ πόντον ἐλεύσομαι ἰχθυόεντα. ### book 4.382 ὣς ἐφάμην, ἡ δ’ αὐτίκ’ ἀμείβετο δῖα θεάων· ### book 4.383 τοιγὰρ ἐγώ τοι, ξεῖνε, μάλ’ ἀτρεκέως ἀγορεύσω. ### book 4.384 πωλεῖταί τις δεῦρο γέρων ἅλιος νημερτής, ### book 4.385 ἀθάνατος, Πρωτεὺς Αἰγύπτιος, ὅς τε θαλάσσης ### book 4.386 πάσης βένθεα οἶδε, Ποσειδάωνος ὑποδμώς· ### book 4.387 τὸν δέ τ’ ἐμόν φασιν πατέρ’ ἔμμεναι ἠδὲ τεκέσθαι. ### book 4.388 τόν γ’ εἴ πως σὺ δύναιο λοχησάμενος λελαβέσθαι, ### book 4.389 ὅς κέν τοι εἴπῃσιν ὁδὸν καὶ μέτρα κελεύθου ### book 4.390 νόστον θ’, ὡς ἐπὶ πόντον ἐλεύσεαι ἰχθυόεντα. ### book 4.391 καὶ δέ κέ τοι εἴπῃσι, διοτρεφές, αἴ κ’ ἐθέλῃσθα, ### book 4.392 ὅττι τοι ἐν μεγάροισι κακόν τ’ ἀγαθόν τε τέτυκται ### book 4.393 οἰχομένοιο σέθεν δολιχὴν ὁδὸν ἀργαλέην τε. ### book 4.394 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 4.395 αὐτὴ νῦν φράζευ σὺ λόχον θείοιο γέροντος, ### book 4.396 μή πώς με προϊδὼν ἠὲ προδαεὶς ἀλέηται· ### book 4.397 ἀργαλέος γάρ τ’ ἐστὶ θεὸς βροτῷ ἀνδρὶ δαμῆναι. ### book 4.398 ὣς ἐφάμην, ἡ δ’ αὐτίκ’ ἀμείβετο δῖα θεάων· ### book 4.399 [τοιγὰρ ἐγώ τοι ταῦτα μάλ’ ἀτρεκέως ἀγορεύσω.] ### book 4.400 ἦμος δ’ ἠέλιος μέσον οὐρανὸν ἀμφιβεβήκῃ, ### book 4.401 τῆμος ἄρ’ ἐξ ἁλὸς εἶσι γέρων ἅλιος νημερτὴς ### book 4.402 πνοιῇ ὕπο ζεφύροιο, μελαίνῃ φρικὶ καλυφθείς, ### book 4.403 ἐκ δ’ ἐλθὼν κοιμᾶται ὑπὸ σπέεσι γλαφυροῖσιν· ### book 4.404 ἀμφὶ δέ μιν φῶκαι νέποδες καλῆς ἁλοσύδνης ### book 4.405 ἁθρόαι εὕδουσιν, πολιῆς ἁλὸς ἐξαναδῦσαι, ### book 4.406 πικρὸν ἀποπνείουσαι ἁλὸς πολυβενθέος ὀδμήν. ### book 4.407 ἔνθα ς’ ἐγὼν ἀγαγοῦσα ἅμ’ ἠόϊ φαινομένηφιν ### book 4.408 εὐνάσω ἑξείης· σὺ δ’ ἐῢ κρίνασθαι ἑταίρους ### book 4.409 τρεῖς, οἵ τοι παρὰ νηυσὶν ἐϋσσέλμοισιν ἄριστοι. ### book 4.410 πάντα δέ τοι ἐρέω ὀλοφώϊα τοῖο γέροντος. ### book 4.411 φώκας μέν τοι πρῶτον ἀριθμήσει καὶ ἔπεισιν· ### book 4.412 αὐτὰρ ἐπὴν πάσας πεμπάσσεται ἠδὲ ἴδηται, ### book 4.413 λέξεται ἐν μέσσῃσι, νομεὺς ὣς πώεσι μήλων. ### book 4.414 τὸν μὲν ἐπὴν δὴ πρῶτα κατευνηθέντα ἴδησθε, ### book 4.415 καὶ τότ’ ἔπειθ’ ὕμιν μελέτω κάρτος τε βίη τε, ### book 4.416 αὖθι δ’ ἔχειν μεμαῶτα, καὶ ἐσσύμενόν περ ἀλύξαι. ### book 4.417 πάντα δὲ γινόμενος πειρήσεται, ὅσς’ ἐπὶ γαῖαν ### book 4.418 ἑρπετὰ γίνονται καὶ ὕδωρ καὶ θεσπιδαὲς πῦρ· ### book 4.419 ὑμεῖς δ’ ἀστεμφέως ἐχέμεν μᾶλλόν τε πιέζειν. ### book 4.420 ἀλλ’ ὅτε κεν δή ς’ αὐτὸς ἀνείρηται ἐπέεσσι, ### book 4.421 τοῖος ἐών, οἷόν κε κατευνηθέντα ἴδηαι, ### book 4.422 καὶ τότε δὴ σχέσθαι τε βίης λῦσαί τε γέροντα, ### book 4.423 ἥρως, εἴρεσθαι δέ, θεῶν ὅς τίς σε χαλέπτει, ### book 4.424 νόστον θ’, ὡς ἐπὶ πόντον ἐλεύσεαι ἰχθυόεντα. ### book 4.425 ὣς εἰποῦς’ ὑπὸ πόντον ἐδύσετο κυμαίνοντα· ### book 4.426 αὐτὰρ ἐγὼν ἐπὶ νῆας, ὅθ’ ἕστασαν ἐν ψαμάθοισιν, ### book 4.427 ἤϊα· πολλὰ δέ μοι κραδίη πόρφυρε κιόντι. ### book 4.428 αὐτὰρ ἐπεί ῥ’ ἐπὶ νῆα κατήλυθον ἠδὲ θάλασσαν, ### book 4.429 δόρπον θ’ ὁπλισάμεσθ’ ἐπί τ’ ἤλυθεν ἀμβροσίη νύξ, ### book 4.430 δὴ τότε κοιμήθημεν ἐπὶ ῥηγμῖνι θαλάσσης. ### book 4.431 ἦμος δ’ ἠριγένεια φάνη ῥοδοδάκτυλος Ἠώς, ### book 4.432 καὶ τότε δὴ παρὰ θῖνα θαλάσσης εὐρυπόροιο ### book 4.433 ἤϊα, πολλὰ θεοὺς γουνούμενος· αὐτὰρ ἑταίρους ### book 4.434 τρεῖς ἄγον, οἷσι μάλιστα πεποίθεα πᾶσαν ἐπ’ ἰθύν. ### book 4.435 τόφρα δ’ ἄρ’ ἥ γ’ ὑποδῦσα θαλάσσης εὐρέα κόλπον ### book 4.436 τέσσαρα φωκάων ἐκ πόντου δέρματ’ ἔνεικε· — ### book 4.437 πάντα δ’ ἔσαν νεόδαρτα· —δόλον δ’ ἐπεμήδετο πατρί. ### book 4.438 εὐνὰς δ’ ἐν ψαμάθοισι διαγλάψας’ ἁλίῃσιν ### book 4.439 ἧστο μένους’· ἡμεῖς δὲ μάλα σχεδὸν ἤλθομεν αὐτῆς· ### book 4.440 ἑξείης δ’ εὔνησε, βάλεν δ’ ἐπὶ δέρμα ἑκάστῳ. ### book 4.441 ἔνθα κεν αἰνότατος λόχος ἔπλετο· τεῖρε γὰρ αἰνῶς ### book 4.442 φωκάων ἁλιοτρεφέων ὀλοώτατος ὀδμή· ### book 4.443 τίς γάρ κ’ εἰναλίῳ παρὰ κήτεϊ κοιμηθείη; ### book 4.444 ἀλλ’ αὐτὴ ἐσάωσε καὶ ἐφράσατο μέγ’ ὄνειαρ· ### book 4.445 ἀμβροσίην ὑπὸ ῥῖνα ἑκάστῳ θῆκε φέρουσα ### book 4.446 ἡδὺ μάλα πνείουσαν, ὄλεσσε δὲ κήτεος ὀδμήν. ### book 4.447 πᾶσαν δ’ ἠοίην μένομεν τετληότι θυμῷ· ### book 4.448 φῶκαι δ’ ἐξ ἁλὸς ἦλθον ἀολλέες. αἱ μὲν ἔπειτα ### book 4.449 ἑξῆς εὐνάζοντο παρὰ ῥηγμῖνι θαλάσσης· ### book 4.450 ἔνδιος δ’ ὁ γέρων ἦλθ’ ἐξ ἁλός, εὗρε δὲ φώκας ### book 4.451 ζατρεφέας, πάσας δ’ ἄρ’ ἐπῴχετο, λέκτο δ’ ἀριθμόν. ### book 4.452 ἐν δ’ ἡμέας πρώτους λέγε κήτεσιν, οὐδέ τι θυμῷ ### book 4.453 ὠΐσθη δόλον εἶναι· ἔπειτα δὲ λέκτο καὶ αὐτός. ### book 4.454 ἡμεῖς δὲ ἰάχοντες ἐπεσσύμεθ’, ἀμφὶ δὲ χεῖρας ### book 4.455 βάλλομεν· οὐδ’ ὁ γέρων δολίης ἐπελήθετο τέχνης, ### book 4.456 ἀλλ’ ἦ τοι πρώτιστα λέων γένετ’ ἠϋγένειος, ### book 4.457 αὐτὰρ ἔπειτα δράκων καὶ πάρδαλις ἠδὲ μέγας σῦς· ### book 4.458 [γίνετο δ’ ὑγρὸν ὕδωρ καὶ δένδρεον ὑψιπέτηλον.] ### book 4.459 ἡμεῖς δ’ ἀστεμφέως ἔχομεν τετληότι θυμῷ. ### book 4.460 ἀλλ’ ὅτε δή ῥ’ ἀνίαζ’ ὁ γέρων ὀλοφώϊα εἰδώς, ### book 4.461 καὶ τότε δή μ’ ἐπέεσσιν ἀνειρόμενος προσέειπε· ### book 4.462 τίς νύ τοι, Ἀτρέος υἱέ, θεῶν συμφράσσατο βουλάς, ### book 4.463 ὄφρα μ’ ἕλοις ἀέκοντα λοχησάμενος; τέο σε χρή; ### book 4.464 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 4.465 οἶσθα, γέρον· τί με ταῦτα παρατροπέων ἐρεείνεις; ### book 4.466 ὡς δὴ δήθ’ ἐνὶ νήσῳ ἐρύκομαι, οὐδέ τι τέκμωρ ### book 4.467 εὑρέμεναι δύναμαι, μινύθει δέ μοι ἔνδοθεν ἦτορ. ### book 4.468 ἀλλὰ σύ πέρ μοι εἰπέ, θεοὶ δέ τε πάντα ἴσασιν, ### book 4.469 ὅς τίς μ’ ἀθανάτων πεδάᾳ καὶ ἔδησε κελεύθου, ### book 4.470 νόστον θ’, ὡς ἐπὶ πόντον ἐλεύσομαι ἰχθυόεντα. ### book 4.471 ὣς ἐφάμην, ὁ δέ μ’ αὐτίκ’ ἀμειβόμενος προσέειπεν· ### book 4.472 ἀλλὰ μάλ’ ὤφελλες Διί τ’ ἄλλοισίν τε θεοῖσι ### book 4.473 ῥέξας ἱερὰ κάλ’ ἀναβαινέμεν, ὄφρα τάχιστα ### book 4.474 σὴν ἐς πατρίδ’ ἵκοιο πλέων ἐπὶ οἴνοπα πόντον. ### book 4.475 οὐ γάρ τοι πρὶν μοῖρα φίλους τ’ ἰδέειν καὶ ἱκέσθαι ### book 4.476 οἶκον ἐϋκτίμενον καὶ σὴν ἐς πατρίδα γαῖαν, ### book 4.477 πρίν γ’ ὅτ’ ἂν Αἰγύπτοιο, διιπετέος ποταμοῖο, ### book 4.478 αὖτις ὕδωρ ἔλθῃς ῥέξῃς θ’ ἱερὰς ἑκατόμβας ### book 4.479 ἀθανάτοισι θεοῖσι, τοὶ οὐρανὸν εὐρὺν ἔχουσι· ### book 4.480 καὶ τότε τοι δώσουσιν ὁδὸν θεοί, ἣν σὺ μενοινᾷς. ### book 4.481 ὣς ἔφατ’, αὐτὰρ ἐμοί γε κατεκλάσθη φίλον ἦτορ, ### book 4.482 οὕνεκά μ’ αὖτις ἄνωγεν ἐπ’ ἠεροειδέα πόντον ### book 4.483 Αἴγυπτόνδ’ ἰέναι, δολιχὴν ὁδὸν ἀργαλέην τε. ### book 4.484 ἀλλὰ καὶ ὧς μύθοισιν ἀμειβόμενος προσέειπον· ### book 4.485 ταῦτα μὲν οὕτω δὴ τελέω, γέρον, ὡς σὺ κελεύεις. ### book 4.486 ἀλλ’ ἄγε μοι τόδε εἰπὲ καὶ ἀτρεκέως κατάλεξον, ### book 4.487 ἢ πάντες σὺν νηυσὶν ἀπήμονες ἦλθον Ἀχαιοί, ### book 4.488 οὓς Νέστωρ καὶ ἐγὼ λίπομεν Τροίηθεν ἰόντες, ### book 4.489 ἦέ τις ὤλετ’ ὀλέθρῳ ἀδευκέϊ ἧς ἐπὶ νηὸς ### book 4.490 ἠὲ φίλων ἐν χερσίν, ἐπεὶ πόλεμον τολύπευσεν. ### book 4.491 ὣς ἐφάμην, ὁ δέ μ’ αὐτίκ’ ἀμειβόμενος προσέειπεν· ### book 4.492 Ἀτρεΐδη, τί με ταῦτα διείρεαι; οὐδέ τί σε χρὴ ### book 4.493 ἴδμεναι, οὐδὲ δαῆναι ἐμὸν νόον· οὐδέ σέ φημι ### book 4.494 δὴν ἄκλαυτον ἔσεσθαι, ἐπεί κ’ ἐῢ πάντα πύθηαι. ### book 4.495 πολλοὶ μὲν γὰρ τῶν γε δάμεν, πολλοὶ δὲ λίποντο· ### book 4.496 ἀρχοὶ δ’ αὖ δύο μοῦνοι Ἀχαιῶν χαλκοχιτώνων ### book 4.497 ἐν νόστῳ ἀπόλοντο· μάχῃ δέ τε καὶ σὺ παρῆσθα. ### book 4.498 εἷς δ’ ἔτι που ζωὸς κατερύκεται εὐρέϊ πόντῳ. ### book 4.499 Αἴας μὲν μετὰ νηυσὶ δάμη δολιχηρέτμοισι· ### book 4.500 Γυρῇσίν μιν πρῶτα Ποσειδάων ἐπέλασσε ### book 4.501 πέτρῃσιν μεγάλῃσι καὶ ἐξεσάωσε θαλάσσης· ### book 4.502 καί νύ κεν ἔκφυγε κῆρα, καὶ ἐχθόμενός περ Ἀθήνῃ, ### book 4.503 εἰ μὴ ὑπερφίαλον ἔπος ἔκβαλε καὶ μέγ’ ἀάσθη· ### book 4.504 φῆ ῥ’ ἀέκητι θεῶν φυγέειν μέγα λαῖτμα θαλάσσης. ### book 4.505 τοῦ δὲ Ποσειδάων μεγάλ’ ἔκλυεν αὐδήσαντος· ### book 4.506 αὐτίκ’ ἔπειτα τρίαιναν ἑλὼν χερσὶ στιβαρῇσιν ### book 4.507 ἤλασε Γυραίην πέτρην, ἀπὸ δ’ ἔσχισεν αὐτήν· ### book 4.508 καὶ τὸ μὲν αὐτόθι μεῖνε, τὸ δὲ τρύφος ἔμπεσε πόντῳ, ### book 4.509 τῷ ῥ’ Αἴας τὸ πρῶτον ἐφεζόμενος μέγ’ ἀάσθη· ### book 4.510 τὸν δ’ ἐφόρει κατὰ πόντον ἀπείρονα κυμαίνοντα. ### book 4.511 [ὣς ὁ μὲν ἔνθ’ ἀπόλωλεν, ἐπεὶ πίεν ἁλμυρὸν ὕδωρ.] ### book 4.512 σὸς δέ που ἔκφυγε κῆρας ἀδελφεὸς ἠδ’ ὑπάλυξεν ### book 4.513 ἐν νηυσὶ γλαφυρῇσι· σάωσε δὲ πότνια Ἥρη. ### book 4.514 ἀλλ’ ὅτε δὴ τάχ’ ἔμελλε Μαλειάων ὄρος αἰπὺ ### book 4.515 ἵξεσθαι, τότε δή μιν ἀναρπάξασα θύελλα ### book 4.516 πόντον ἐπ’ ἰχθυόεντα φέρεν βαρέα στενάχοντα, ### book 4.517 ἀγροῦ ἐπ’ ἐσχατιήν, ὅθι δώματα ναῖε Θυέστης ### book 4.518 τὸ πρίν, ἀτὰρ τότ’ ἔναιε Θυεστιάδης Αἴγισθος. ### book 4.519 ἀλλ’ ὅτε δὴ καὶ κεῖθεν ἐφαίνετο νόστος ἀπήμων, ### book 4.520 ἂψ δὲ θεοὶ οὖρον στρέψαν, καὶ οἴκαδ’ ἵκοντο, ### book 4.521 ἦ τοι ὁ μὲν χαίρων ἐπεβήσετο πατρίδος αἴης, ### book 4.522 καὶ κύνει ἁπτόμενος ἣν πατρίδα· πολλὰ δ’ ἀπ’ αὐτοῦ ### book 4.523 δάκρυα θερμὰ χέοντ’, ἐπεὶ ἀσπασίως ἴδε γαῖαν. ### book 4.524 τὸν δ’ ἄρ’ ἀπὸ σκοπιῆς εἶδε σκοπός, ὅν ῥα καθεῖσεν ### book 4.525 Αἴγισθος δολόμητις ἄγων, ὑπὸ δ’ ἔσχετο μισθὸν ### book 4.526 χρυσοῦ δοιὰ τάλαντα· φύλασσε δ’ ὅ γ’ εἰς ἐνιαυτόν, ### book 4.527 μή ἑ λάθοι παριών, μνήσαιτο δὲ θούριδος ἀλκῆς. ### book 4.528 βῆ δ’ ἴμεν ἀγγελέων πρὸς δώματα ποιμένι λαῶν. ### book 4.529 αὐτίκα δ’ Αἴγισθος δολίην ἐφράσσατο τέχνην· ### book 4.530 κρινάμενος κατὰ δῆμον ἐείκοσι φῶτας ἀρίστους ### book 4.531 εἷσε λόχον, ἑτέρωθι δ’ ἀνώγει δαῖτα πένεσθαι· ### book 4.532 αὐτὰρ ὁ βῆ καλέων Ἀγαμέμνονα, ποιμένα λαῶν, ### book 4.533 ἵπποισιν καὶ ὄχεσφιν, ἀεικέα μερμηρίζων. ### book 4.534 τὸν δ’ οὐκ εἰδότ’ ὄλεθρον ἀνήγαγε καὶ κατέπεφνε ### book 4.535 δειπνίσσας, ὥς τίς τε κατέκτανε βοῦν ἐπὶ φάτνῃ. ### book 4.536 οὐδέ τις Ἀτρεΐδεω ἑτάρων λίπεθ’, οἵ οἱ ἕποντο, ### book 4.537 οὐδέ τις Αἰγίσθου, ἀλλ’ ἔκταθεν ἐν μεγάροισιν. ### book 4.538 ὣς ἔφατ’, αὐτὰρ ἐμοί γε κατεκλάσθη φίλον ἦτορ, ### book 4.539 κλαῖον δ’ ἐν ψαμάθοισι καθήμενος, οὐδέ νύ μοι κῆρ ### book 4.540 ἤθελ’ ἔτι ζώειν καὶ ὁρᾶν φάος ἠελίοιο. ### book 4.541 αὐτὰρ ἐπεὶ κλαίων τε κυλινδόμενός τε κορέσθην, ### book 4.542 δὴ τότε με προσέειπε γέρων ἅλιος νημερτής· ### book 4.543 μηκέτι, Ἀτρέος υἱέ, πολὺν χρόνον ἀσκελὲς οὕτω ### book 4.544 κλαῖ’, ἐπεὶ οὐκ ἄνυσίν τινα δήομεν· ἀλλὰ τάχιστα ### book 4.545 πείρα, ὅπως κεν δὴ σὴν πατρίδα γαῖαν ἵκηαι. ### book 4.546 ἢ γάρ μιν ζωόν γε κιχήσεαι, ἤ κεν Ὀρέστης ### book 4.547 κτεῖνεν ὑποφθάμενος· σὺ δέ κεν τάφου ἀντιβολήσαις. ### book 4.548 ὣς ἔφατ’, αὐτὰρ ἐμοὶ κραδίη καὶ θυμὸς ἀγήνωρ ### book 4.549 αὖτις ἐνὶ στήθεσσι καὶ ἀχνυμένῳ περ ἰάνθη, ### book 4.550 καί μιν φωνήσας ἔπεα πτερόεντα προσηύδων· ### book 4.551 τούτους μὲν δὴ οἶδα· σὺ δὲ τρίτον ἄνδρ’ ὀνόμαζε, ### book 4.552 ὅς τις ἔτι ζωὸς κατερύκεται εὐρέϊ πόντῳ ### book 4.553 [ἠὲ θανών· ἐθέλω δὲ καὶ ἀχνύμενός περ ἀκοῦσαι.] ### book 4.554 ὣς ἐφάμην, ὁ δέ μ’ αὐτίκ’ ἀμειβόμενος προσέειπεν· ### book 4.555 υἱὸς Λαέρτεω, Ἰθάκῃ ἔνι οἰκία ναίων· ### book 4.556 τὸν δ’ ἴδον ἐν νήσῳ θαλερὸν κατὰ δάκρυ χέοντα, ### book 4.557 νύμφης ἐν μεγάροισι Καλυψοῦς, ἥ μιν ἀνάγκῃ ### book 4.558 ἴσχει· ὁ δ’ οὐ δύναται ἣν πατρίδα γαῖαν ἱκέσθαι· ### book 4.559 οὐ γάρ οἱ πάρα νῆες ἐπήρετμοι καὶ ἑταῖροι, ### book 4.560 οἵ κέν μιν πέμποιεν ἐπ’ εὐρέα νῶτα θαλάσσης. ### book 4.561 σοὶ δ’ οὐ θέσφατόν ἐστι, διοτρεφὲς ὦ Μενέλαε, ### book 4.562 Ἄργει ἐν ἱπποβότῳ θανέειν καὶ πότμον ἐπισπεῖν, ### book 4.563 ἀλλά ς’ ἐς Ἠλύσιον πεδίον καὶ πείρατα γαίης ### book 4.564 ἀθάνατοι πέμψουσιν, ὅθι ξανθὸς Ῥαδάμανθυς, — ### book 4.565 τῇ περ ῥηΐστη βιοτὴ πέλει ἀνθρώποισιν· ### book 4.566 οὐ νιφετός, οὔτ’ ἂρ χειμὼν πολὺς οὔτε ποτ’ ὄμβρος, ### book 4.567 ἀλλ’ αἰεὶ ζεφύροιο λιγὺ πνείοντος ἀήτας ### book 4.568 Ὠκεανὸς ἀνίησιν ἀναψύχειν ἀνθρώπους, — ### book 4.569 οὕνεκ’ ἔχεις Ἑλένην καί σφιν γαμβρὸς Διός ἐσσι. ### book 4.570 ὣς εἰπὼν ὑπὸ πόντον ἐδύσετο κυμαίνοντα, ### book 4.571 αὐτὰρ ἐγὼν ἐπὶ νῆας ἅμ’ ἀντιθέοις’ ἑτάροισιν ### book 4.572 ἤϊα, πολλὰ δέ μοι κραδίη πόρφυρε κιόντι. ### book 4.573 αὐτὰρ ἐπεί ῥ’ ἐπὶ νῆα κατήλθομεν ἠδὲ θάλασσαν, ### book 4.574 δόρπον θ’ ὁπλισάμεσθ’ ἐπί τ’ ἤλυθεν ἀμβροσίη νύξ, ### book 4.575 δὴ τότε κοιμήθημεν ἐπὶ ῥηγμῖνι θαλάσσης. ### book 4.576 ἦμος δ’ ἠριγένεια φάνη ῥοδοδάκτυλος Ἠώς, ### book 4.577 νῆας μὲν πάμπρωτον ἐρύσσαμεν εἰς ἅλα δῖαν, ### book 4.578 ἐν δ’ ἱστοὺς τιθέμεσθα καὶ ἱστία νηυσὶν ἐΐσῃς· ### book 4.579 ἂν δὲ καὶ αὐτοὶ βάντες ἐπὶ κληῖσι καθῖζον, ### book 4.580 ἑξῆς δ’ ἑζόμενοι πολιὴν ἅλα τύπτον ἐρετμοῖς. ### book 4.581 ἂψ δ’ εἰς Αἰγύπτοιο, διιπετέος ποταμοῖο, ### book 4.582 στῆσα νέας καὶ ἔρεξα τεληέσσας ἑκατόμβας. ### book 4.583 αὐτὰρ ἐπεὶ κατέπαυσα θεῶν χόλον αἰὲν ἐόντων, ### book 4.584 χεῦ’ Ἀγαμέμνονι τύμβον, ἵν’ ἄσβεστον κλέος εἴη. ### book 4.585 ταῦτα τελευτήσας νεόμην, ἔδοσαν δέ μοι οὖρον ### book 4.586 ἀθάνατοι, τοί μ’ ὦκα φίλην ἐς πατρίδ’ ἔπεμψαν. ### book 4.587 ἀλλ’ ἄγε νῦν ἐπίμεινον ἐνὶ μεγάροισιν ἐμοῖσιν, ### book 4.588 ὄφρα κεν ἑνδεκάτη τε δυωδεκάτη τε γένηται· ### book 4.589 καὶ τότε ς’ εὖ πέμψω, δώσω δέ τοι ἀγλαὰ δῶρα, ### book 4.590 τρεῖς ἵππους καὶ δίφρον ἐΰξοον· αὐτὰρ ἔπειτα ### book 4.591 δώσω καλὸν ἄλεισον, ἵνα σπένδῃσθα θεοῖσιν ### book 4.592 ἀθανάτοις’ ἐμέθεν μεμνημένος ἤματα πάντα.” ### book 4.593 τὸν δ’ αὖ Τηλέμαχος πεπνυμένος ἀντίον ηὔδα· ### book 4.594 “Ἀτρεΐδη, μὴ δή με πολὺν χρόνον ἐνθάδ’ ἔρυκε. ### book 4.595 καὶ γάρ κ’ εἰς ἐνιαυτὸν ἐγὼ παρὰ σοί γ’ ἀνεχοίμην ### book 4.596 ἥμενος, οὐδέ κέ μ’ οἴκου ἕλοι πόθος οὐδὲ τοκήων· ### book 4.597 αἰνῶς γὰρ μύθοισιν ἔπεσσί τε σοῖσιν ἀκούων ### book 4.598 τέρπομαι· ἀλλ’ ἤδη μοι ἀνιάζουσιν ἑταῖροι ### book 4.599 ἐν Πύλῳ ἠγαθέῃ· σὺ δέ με χρόνον ἐνθάδ’ ἐρύκεις. ### book 4.600 δῶρον δ’, ὅττι κέ μοι δώῃς, κειμήλιον ἔστω· ### book 4.601 ἵππους δ’ εἰς Ἰθάκην οὐκ ἄξομαι, ἀλλὰ σοὶ αὐτῷ ### book 4.602 ἐνθάδε λείψω ἄγαλμα· σὺ γὰρ πεδίοιο ἀνάσσεις ### book 4.603 εὐρέος, ᾧ ἔνι μὲν λωτὸς πολύς, ἐν δὲ κύπειρον ### book 4.604 πυροί τε ζειαί τε ἰδ’ εὐρυφυὲς κρῖ λευκόν. ### book 4.605 ἐν δ’ Ἰθάκῃ οὔτ’ ἂρ δρόμοι εὐρέες οὔτε τι λειμών· ### book 4.606 αἰγίβοτος, καὶ μᾶλλον ἐπήρατος ἱπποβότοιο. ### book 4.607 οὐ γάρ τις νήσων ἱππήλατος οὐδ’ εὐλείμων, ### book 4.608 αἵ θ’ ἁλὶ κεκλίαται· Ἰθάκη δέ τε καὶ περὶ πασέων.” ### book 4.609 ὣς φάτο, μείδησεν δὲ βοὴν ἀγαθὸς Μενέλαος, ### book 4.610 χειρί τέ μιν κατέρεξεν ἔπος τ’ ἔφατ’ ἔκ τ’ ὀνόμαζεν· ### book 4.611 “αἵματός εἰς ἀγαθοῖο, φίλον τέκος, οἷ’ ἀγορεύεις· ### book 4.612 τοιγὰρ ἐγώ τοι ταῦτα μεταστήσω· δύναμαι γάρ. ### book 4.613 δώρων δ’, ὅσς’ ἐν ἐμῷ οἴκῳ κειμήλια κεῖται, ### book 4.614 δώσω, ὃ κάλλιστον καὶ τιμηέστατόν ἐστι. ### book 4.615 δώσω τοι κρητῆρα τετυγμένον· ἀργύρεος δὲ ### book 4.616 ἔστιν ἅπας, χρυσῷ δ’ ἐπὶ χείλεα κεκράανται, ### book 4.617 ἔργον δ’ Ἡφαίστοιο· πόρεν δέ ἑ Φαίδιμος ἥρως, ### book 4.618 Σιδονίων βασιλεύς, ὅθ’ ἑὸς δόμος ἀμφεκάλυψε ### book 4.619 κεῖσέ με νοστήσαντα· τεῒν δ’ ἐθέλω τόδ’ ὀπάσσαι.” ### book 4.620 ὣς οἱ μὲν τοιαῦτα πρὸς ἀλλήλους ἀγόρευον, ### book 4.621 δαιτυμόνες δ’ ἐς δώματ’ ἴσαν θείου βασιλῆος. ### book 4.622 οἱ δ’ ἦγον μὲν μῆλα, φέρον δ’ εὐήνορα οἶνον· ### book 4.623 σῖτον δέ σφ’ ἄλοχοι καλλικρήδεμνοι ἔπεμπον. ### book 4.624 ὣς οἱ μὲν περὶ δεῖπνον ἐνὶ μεγάροισι πένοντο, ### book 4.625 μνηστῆρες δὲ πάροιθεν Ὀδυσσῆος μεγάροιο ### book 4.626 δίσκοισιν τέρποντο καὶ αἰγανέῃσιν ἱέντες, ### book 4.627 ἐν τυκτῷ δαπέδῳ, ὅθι περ πάρος, ὕβριν ἔχοντες. ### book 4.628 Ἀντίνοος δὲ καθῆστο καὶ Εὐρύμαχος θεοειδής, ### book 4.629 ἀρχοὶ μνηστήρων, ἀρετῇ δ’ ἔσαν ἔξοχ’ ἄριστοι. ### book 4.630 τοῖς δ’ υἱὸς Φρονίοιο Νοήμων ἐγγύθεν ἐλθὼν ### book 4.631 Ἀντίνοον μύθοισιν ἀνειρόμενος προσέειπεν· ### book 4.632 “Ἀντίνο’, ἤ ῥά τι ἴδμεν ἐνὶ φρεσὶν ἦε καὶ οὐκί, ### book 4.633 ὁππότε Τηλέμαχος νεῖτ’ ἐκ Πύλου ἠμαθόεντος; ### book 4.634 νῆά μοι οἴχετ’ ἄγων· ἐμὲ δὲ χρεὼ γίνεται αὐτῆς ### book 4.635 Ἤλιδ’ ἐς εὐρύχορον διαβήμεναι, ἔνθα μοι ἵπποι ### book 4.636 δώδεκα θήλειαι, ὑπὸ δ’ ἡμίονοι ταλαεργοὶ ### book 4.637 ἀδμῆτες· τῶν κέν τιν’ ἐλασσάμενος δαμασαίμην.” ### book 4.638 ὣς ἔφαθ’, οἱ δ’ ἀνὰ θυμὸν ἐθάμβεον· οὐ γὰρ ἔφαντο ### book 4.639 ἐς Πύλον οἴχεσθαι Νηλήϊον, ἀλλά που αὐτοῦ ### book 4.640 ἀγρῶν ἢ μήλοισι παρέμμεναι ἠὲ συβώτῃ. ### book 4.641 τὸν δ’ αὖτ’ Ἀντίνοος προσέφη, Εὐπείθεος υἱός· ### book 4.642 “νημερτές μοι ἔνισπε· πότ’ ᾤχετο καὶ τίνες αὐτῷ ### book 4.643 κοῦροι ἕποντ’; Ἰθάκης ἐξαίρετοι, ἦ ἑοὶ αὐτοῦ ### book 4.644 θῆτές τε δμῶές τε; δύναιτό κε καὶ τὸ τελέσσαι. ### book 4.645 καί μοι τοῦτ’ ἀγόρευσον ἐτήτυμον, ὄφρ’ ἐῢ εἰδῶ, ### book 4.646 ἤ σε βίῃ ἀέκοντος ἀπηύρα νῆα μέλαιναν, ### book 4.647 ἦε ἑκών οἱ δῶκας, ἐπεὶ προσπτύξατο μύθῳ.” ### book 4.648 τὸν δ’ υἱὸς Φρονίοιο Νοήμων ἀντίον ηὔδα· ### book 4.649 “αὐτὸς ἑκών οἱ δῶκα· τί κεν ῥέξειε καὶ ἄλλος, ### book 4.650 ὁππότ’ ἀνὴρ τοιοῦτος, ἔχων μελεδήματα θυμῷ, ### book 4.651 αἰτίζῃ; χαλεπόν κεν ἀνήνασθαι δόσιν εἴη. ### book 4.652 κοῦροι δ’, οἳ κατὰ δῆμον ἀριστεύουσι μεθ’ ἡμέας, ### book 4.653 οἵ οἱ ἕποντ’· ἐν δ’ ἀρχὸν ἐγὼ βαίνοντ’ ἐνόησα ### book 4.654 Μέντορα ἠὲ θεόν, τῷ δ’ αὐτῷ πάντα ἐῴκει. ### book 4.655 ἀλλὰ τὸ θαυμάζω· ἴδον ἐνθάδε Μέντορα δῖον ### book 4.656 χθιζὸν ὑπηοῖον. τότε δ’ ἔμβη νηῒ Πύλονδε.” ### book 4.657 ὣς ἄρα φωνήσας ἀπέβη πρὸς δώματα πατρός, ### book 4.658 τοῖσιν δ’ ἀμφοτέροισιν ἀγάσσατο θυμὸς ἀγήνωρ. ### book 4.659 μνηστῆρας δ’ ἄμυδις κάθισαν καὶ παῦσαν ἀέθλων. ### book 4.660 τοῖσιν δ’ Ἀντίνοος μετέφη, Εὐπείθεος υἱός, ### book 4.661 ἀχνύμενος· μένεος δὲ μέγα φρένες ἀμφιμέλαιναι ### book 4.662 πίμπλαντ’, ὄσσε δέ οἱ πυρὶ λαμπετόωντι ἐΐκτην· ### book 4.663 “ὢ πόποι, ἦ μέγα ἔργον ὑπερφιάλως ἐτελέσθη ### book 4.664 Τηλεμάχῳ ὁδὸς ἥδε· φάμεν δέ οἱ οὐ τελέεσθαι. ### book 4.665 εἰ τοσσῶνδ’ ἀέκητι νέος πάϊς οἴχεται αὔτως, ### book 4.666 νῆα ἐρυσσάμενος κρίνας τ’ ἀνὰ δῆμον ἀρίστους, ### book 4.667 ἄρξει καὶ προτέρω κακὸν ἔμμεναι· ἀλλά οἱ αὐτῷ ### book 4.668 Ζεὺς ὀλέσειε βίην, πρὶν ἥβης μέτρον ἱκέσθαι. ### book 4.669 ἀλλ’ ἄγε μοι δότε νῆα θοὴν καὶ εἴκος’ ἑταίρους, ### book 4.670 ὄφρα μιν αὖτις ἰόντα λοχήσομαι ἠδὲ φυλάξω ### book 4.671 ἐν πορθμῷ Ἰθάκης τε Σάμοιό τε παιπαλοέσσης, ### book 4.672 ὡς ἂν ἐπισμυγερῶς ναυτίλεται εἵνεκα πατρός.” ### book 4.673 ὣς ἔφαθ’, οἱ δ’ ἄρα πάντες ἐπῄνεον ἠδ’ ἐκέλευον· ### book 4.674 αὐτίκ’ ἔπειτ’ ἀνστάντες ἔβαν δόμον εἰς Ὀδυσῆος. ### book 4.675 οὐδ’ ἄρα Πηνελόπεια πολὺν χρόνον ἦεν ἄπυστος ### book 4.676 μύθων, οὓς μνηστῆρες ἐνὶ φρεσὶ βυσσοδόμευον. ### book 4.677 κῆρυξ γάρ οἱ ἔειπε Μέδων, ὃς ἐπεύθετο βουλὰς ### book 4.678 αὐλῆς ἐκτὸς ἐών· οἱ δ’ ἔνδοθι μῆτιν ὕφαινον. ### book 4.679 βῆ δ’ ἴμεν ἀγγελέων διὰ δώματα Πηνελοπείῃ· ### book 4.680 τὸν δὲ κατ’ οὐδοῦ βάντα προσηύδα Πηνελόπεια· ### book 4.681 “κῆρυξ, τίπτε δέ σε πρόεσαν μνηστῆρες ἀγαυοί; ### book 4.682 ἦ εἰπέμεναι δμῳῇσιν Ὀδυσσῆος θείοιο ### book 4.683 ἔργων παύσασθαι, σφίσι δ’ αὐτοῖς δαῖτα πένεσθαι; ### book 4.684 μὴ μνηστεύσαντες μηδ’ ἄλλοθ’ ὁμιλήσαντες ### book 4.685 ὕστατα καὶ πύματα νῦν ἐνθάδε δειπνήσειαν· ### book 4.686 οἳ θάμ’ ἀγειρόμενοι βίοτον κατακείρετε πολλόν, ### book 4.687 κτῆσιν Τηλεμάχοιο δαΐφρονος. οὐδέ τι πατρῶν ### book 4.688 ὑμετέρων τὸ πρόσθεν ἀκούετε, παῖδες ἐόντες, ### book 4.689 οἷος Ὀδυσσεὺς ἔσκε μεθ’ ὑμετέροισι τοκεῦσιν, ### book 4.690 οὔτε τινὰ ῥέξας ἐξαίσιον οὔτε τι εἰπὼν ### book 4.691 ἐν δήμῳ; ἥ τ’ ἐστὶ δίκη θείων βασιλήων· ### book 4.692 ἄλλον κ’ ἐχθαίρῃσι βροτῶν, ἄλλον κε φιλοίη. ### book 4.693 κεῖνος δ’ οὔ ποτε πάμπαν ἀτάσθαλον ἄνδρα ἐώργει· ### book 4.694 ἀλλ’ ὁ μὲν ὑμέτερος θυμὸς καὶ ἀεικέα ἔργα ### book 4.695 φαίνεται, οὐδέ τίς ἐστι χάρις μετόπισθ’ εὐεργέων.” ### book 4.696 τὴν δ’ αὖτε προσέειπε Μέδων, πεπνυμένα εἰδώς· ### book 4.697 “εἰ γὰρ δή, βασίλεια, τόδε πλεῖστον κακὸν εἴη. ### book 4.698 ἀλλὰ πολὺ μεῖζόν τε καὶ ἀργαλεώτερον ἄλλο ### book 4.699 μνηστῆρες φράζονται, ὃ μὴ τελέσειε Κρονίων· ### book 4.700 Τηλέμαχον μεμάασι κατακτάμεν ὀξέϊ χαλκῷ ### book 4.701 οἴκαδε νισόμενον· ὁ δ’ ἔβη μετὰ πατρὸς ἀκουὴν ### book 4.702 ἐς Πύλον ἠγαθέην ἠδ’ ἐς Λακεδαίμονα δῖαν.” ### book 4.703 ὣς φάτο, τῆς δ’ αὐτοῦ λύτο γούνατα καὶ φίλον ἦτορ· ### book 4.704 δὴν δέ μιν ἀφασίη ἐπέων λάβε, τὼ δέ οἱ ὄσσε ### book 4.705 δακρυόφιν πλῆσθεν, θαλερὴ δέ οἱ ἔσχετο φωνή. ### book 4.706 ὀψὲ δὲ δή μιν ἔπεσσιν ἀμειβομένη προσέειπε· ### book 4.707 “κῆρυξ, τίπτε δέ μοι πάϊς οἴχεται; οὐδέ τί μιν χρεὼ ### book 4.708 νηῶν ὠκυπόρων ἐπιβαινέμεν, αἵ θ’ ἁλὸς ἵπποι ### book 4.709 ἀνδράσι γίνονται, περόωσι δὲ πουλὺν ἐφ’ ὑγρήν. ### book 4.710 ἦ ἵνα μηδ’ ὄνομ’ αὐτοῦ ἐν ἀνθρώποισι λίπηται;” ### book 4.711 τὴν δ’ ἠμείβετ’ ἔπειτα Μέδων πεπνυμένα εἰδώς· ### book 4.712 “οὐκ οἶδ’, ἤ τίς μιν θεὸς ὤρορεν, ἦε καὶ αὐτοῦ ### book 4.713 θυμὸς ἐφωρμήθη ἴμεν ἐς Πύλον, ὄφρα πύθηται ### book 4.714 πατρὸς ἑοῦ ἢ νόστον ἢ ὅν τινα πότμον ἐπέσπεν.” ### book 4.715 ὣς ἄρα φωνήσας ἀπέβη κατὰ δῶμ’ Ὀδυσῆος. ### book 4.716 τὴν δ’ ἄχος ἀμφεχύθη θυμοφθόρον, οὐδ’ ἄρ’ ἔτ’ ἔτλη ### book 4.717 δίφρῳ ἐφέζεσθαι πολλῶν κατὰ οἶκον ἐόντων, ### book 4.718 ἀλλ’ ἄρ’ ἐπ’ οὐδοῦ ἷζε πολυκμήτου θαλάμοιο ### book 4.719 οἴκτρ’ ὀλοφυρομένη· περὶ δὲ δμῳαὶ μινύριζον ### book 4.720 πᾶσαι, ὅσαι κατὰ δώματ’ ἔσαν νέαι ἠδὲ παλαιαί. ### book 4.721 τῇς δ’ ἁδινὸν γοόωσα μετηύδα Πηνελόπεια· ### book 4.722 “κλῦτε, φίλαι· περὶ γάρ μοι Ὀλύμπιος ἄλγε’ ἔδωκεν ### book 4.723 ἐκ πασέων, ὅσσαι μοι ὁμοῦ τράφον ἠδ’ ἐγένοντο, ### book 4.724 ἣ πρὶν μὲν πόσιν ἐσθλὸν ἀπώλεσα θυμολέοντα, ### book 4.725 παντοίῃς’ ἀρετῇσι κεκασμένον ἐν Δαναοῖσιν, ### book 4.726 ἐσθλόν, τοῦ κλέος εὐρὺ καθ’ Ἑλλάδα καὶ μέσον Ἄργος. ### book 4.727 νῦν αὖ παῖδ’ ἀγαπητὸν ἀνηρέψαντο θύελλαι ### book 4.728 ἀκλέα ἐκ μεγάρων, οὐδ’ ὁρμηθέντος ἄκουσα. ### book 4.729 σχέτλιαι, οὐδ’ ὑμεῖς περ ἐνὶ φρεσὶ θέσθε ἑκάστη ### book 4.730 ἐκ λεχέων μ’ ἀνεγεῖραι, ἐπιστάμεναι σάφα θυμῷ, ### book 4.731 ὁππότε κεῖνος ἔβη κοίλην ἐπὶ νῆα μέλαιναν. ### book 4.732 εἰ γὰρ ἐγὼ πυθόμην ταύτην ὁδὸν ὁρμαίνοντα, ### book 4.733 τῶ κε μάλ’ ἤ κεν ἔμεινε, καὶ ἐσσύμενός περ ὁδοῖο, ### book 4.734 ἤ κέ με τεθνηυῖαν ἐνὶ μεγάροισιν ἔλειπεν. ### book 4.735 ἀλλά τις ὀτρηρῶς Δολίον καλέσειε γέροντα, ### book 4.736 δμῶ’ ἐμόν, ὅν μοι δῶκε πατὴρ ἔτι δεῦρο κιούσῃ, ### book 4.737 καί μοι κῆπον ἔχει πολυδένδρεον, ὄφρα τάχιστα ### book 4.738 Λαέρτῃ τάδε πάντα παρεζόμενος καταλέξῃ, ### book 4.739 εἰ δή πού τινα κεῖνος ἐνὶ φρεσὶ μῆτιν ὑφήνας ### book 4.740 ἐξελθὼν λαοῖσιν ὀδύρεται, οἳ μεμάασιν ### book 4.741 ὃν καὶ Ὀδυσσῆος φθεῖσαι γόνον ἀντιθέοιο.” ### book 4.742 τὴν δ’ αὖτε προσέειπε φίλη τροφὸς Εὐρύκλεια· ### book 4.743 “νύμφα φίλη, σὺ μὲν ἄρ με κατάκτανε νηλέϊ χαλκῷ, ### book 4.744 ἢ ἔα ἐν μεγάρῳ· μῦθον δέ τοι οὐκ ἐπικεύσω. ### book 4.745 ᾔδε’ ἐγὼ τάδε πάντα, πόρον δέ οἱ, ὅσς’ ἐκέλευσε, ### book 4.746 σῖτον καὶ μέθυ ἡδύ· ἐμεῦ δ’ ἕλετο μέγαν ὅρκον ### book 4.747 μὴ πρὶν σοὶ ἐρέειν, πρὶν δωδεκάτην γε γενέσθαι ### book 4.748 ἤ ς’ αὐτὴν ποθέσαι καὶ ἀφορμηθέντος ἀκοῦσαι, ### book 4.749 ὡς ἂν μὴ κλαίουσα κατὰ χρόα καλὸν ἰάπτῃς. ### book 4.750 ἀλλ’ ὑδρηναμένη, καθαρὰ χροῒ εἵμαθ’ ἑλοῦσα, ### book 4.751 εἰς ὑπερῷ’ ἀναβᾶσα σὺν ἀμφιπόλοισι γυναιξὶν ### book 4.752 εὔχε’ Ἀθηναίῃ κούρῃ Διὸς αἰγιόχοιο· ### book 4.753 ἡ γάρ κέν μιν ἔπειτα καὶ ἐκ θανάτοιο σαώσαι. ### book 4.754 μηδὲ γέροντα κάκου κεκακωμένον· οὐ γὰρ ὀΐω ### book 4.755 πάγχυ θεοῖς μακάρεσσι γονὴν Ἀρκεισιάδαο ### book 4.756 ἔχθεσθ’, ἀλλ’ ἔτι πού τις ἐπέσσεται, ὅς κεν ἔχῃσι ### book 4.757 δώματά θ’ ὑψερεφέα καὶ ἀπόπροθι πίονας ἀγρούς.” ### book 4.758 ὣς φάτο, τῆς δ’ εὔνησε γόον, σχέθε δ’ ὄσσε γόοιο. ### book 4.759 ἡ δ’ ὑδρηναμένη, καθαρὰ χροῒ εἵμαθ’ ἑλοῦσα, ### book 4.760 εἰς ὑπερῷ’ ἀνέβαινε σὺν ἀμφιπόλοισι γυναιξίν, ### book 4.761 ἐν δ’ ἔθετ’ οὐλοχύτας κανέῳ, ἠρᾶτο δ’ Ἀθήνῃ· ### book 4.762 “κλῦθί μευ, αἰγιόχοιο Διὸς τέκος, Ἀτρυτώνη, ### book 4.763 εἴ ποτέ τοι πολύμητις ἐνὶ μεγάροισιν Ὀδυσσεὺς ### book 4.764 ἢ βοὸς ἢ ὄϊος κατὰ πίονα μηρία κῆε, ### book 4.765 τῶν νῦν μοι μνῆσαι καί μοι φίλον υἷα σάωσον, ### book 4.766 μνηστῆρας δ’ ἀπάλαλκε κακῶς ὑπερηνορέοντας.” ### book 4.767 ὣς εἰποῦς’ ὀλόλυξε, θεὰ δέ οἱ ἔκλυεν ἀρῆς. ### book 4.768 μνηστῆρες δ’ ὁμάδησαν ἀνὰ μέγαρα σκιόεντα· ### book 4.769 ὧδε δέ τις εἴπεσκε νέων ὑπερηνορεόντων· ### book 4.770 “ἦ μάλα δὴ γάμον ἄμμι πολυμνήστη βασίλεια ### book 4.771 ἀρτύει, οὐδέ τι οἶδεν, ὅ οἱ φόνος υἷϊ τέτυκται.” ### book 4.772 ὣς ἄρα τις εἴπεσκε, τὰ δ’ οὐκ ἴσαν, ὡς ἐτέτυκτο. ### book 4.773 τοῖσιν δ’ Ἀντίνοος ἀγορήσατο καὶ μετέειπε· ### book 4.774 “δαιμόνιοι, μύθους μὲν ὑπερφιάλους ἀλέασθε ### book 4.775 πάντες ὁμῶς, μή πού τις ἀπαγγείλῃσι καὶ εἴσω. ### book 4.776 ἀλλ’ ἄγε σιγῇ τοῖον ἀναστάντες τελέωμεν ### book 4.777 μῦθον, ὃ δὴ καὶ πᾶσιν ἐνὶ φρεσὶν ἤραρεν ἥμιν.” ### book 4.778 ὣς εἰπὼν ἐκρίνατ’ ἐείκοσι φῶτας ἀρίστους, ### book 4.779 βὰν δ’ ἰέναι ἐπὶ νῆα θοὴν καὶ θῖνα θαλάσσης. ### book 4.780 νῆα μὲν οὖν πάμπρωτον ἁλὸς βένθοσδε ἔρυσσαν, ### book 4.781 ἐν δ’ ἱστόν τε τίθεντο καὶ ἱστία νηῒ μελαίνῃ, ### book 4.782 ἠρτύναντο δ’ ἐρετμὰ τροποῖς’ ἐν δερματίνοισι ### book 4.783 [πάντα κατὰ μοῖραν· ἀνά θ’ ἱστία λευκὰ πέτασσαν·] ### book 4.784 τεύχεα δέ σφ’ ἤνεικαν ὑπέρθυμοι θεράποντες. ### book 4.785 ὑψοῦ δ’ ἐν νοτίῳ τήν γ’ ὥρμισαν, ἐκ δ’ ἔβαν αὐτοί· ### book 4.786 ἔνθα δὲ δόρπον ἕλοντο, μένον δ’ ἐπὶ ἕσπερον ἐλθεῖν. ### book 4.787 ἡ δ’ ὑπερωΐῳ αὖθι περίφρων Πηνελόπεια ### book 4.788 κεῖτ’ ἄρ’ ἄσιτος, ἄπαστος ἐδητύος ἠδὲ ποτῆτος, ### book 4.789 ὁρμαίνους’, ἤ οἱ θάνατον φύγοι υἱὸς ἀμύμων, ### book 4.790 ἦ ὅ γ’ ὑπὸ μνηστῆρσιν ὑπερφιάλοισι δαμείη. ### book 4.791 ὅσσα δὲ μερμήριξε λέων ἀνδρῶν ἐν ὁμίλῳ ### book 4.792 δείσας, ὁππότε μιν δόλιον περὶ κύκλον ἄγωσι, ### book 4.793 τόσσα μιν ὁρμαίνουσαν ἐπήλυθε νήδυμος ὕπνος· ### book 4.794 εὗδε δ’ ἀνακλινθεῖσα, λύθεν δέ οἱ ἅψεα πάντα. ### book 4.795 ἔνθ’ αὖτ’ ἄλλ’ ἐνόησε θεὰ γλαυκῶπις Ἀθήνη· ### book 4.796 εἴδωλον ποίησε, δέμας δ’ ἤϊκτο γυναικί, ### book 4.797 Ἰφθίμῃ, κούρῃ μεγαλήτορος Ἰκαρίοιο, ### book 4.798 τὴν Εὔμηλος ὄπυιε, Φερῇς’ ἔνι οἰκία ναίων. ### book 4.799 πέμπε δέ μιν πρὸς δώματ’ Ὀδυσσῆος θείοιο, ### book 4.800 εἷος Πηνελόπειαν ὀδυρομένην γοόωσαν ### book 4.801 παύσειε κλαυθμοῖο γόοιό τε δακρυόεντος. ### book 4.802 ἐς θάλαμον δ’ εἰσῆλθε παρὰ κληῖδος ἱμάντα, ### book 4.803 στῆ δ’ ἄρ’ ὑπὲρ κεφαλῆς καί μιν πρὸς μῦθον ἔειπεν· ### book 4.804 “εὕδεις, Πηνελόπεια, φίλον τετιημένη ἦτορ; ### book 4.805 οὐ μέν ς’ οὐδὲ ἐῶσι θεοὶ ῥεῖα ζώοντες ### book 4.806 κλαίειν οὐδ’ ἀκάχησθαι, ἐπεί ῥ’ ἔτι νόστιμός ἐστι ### book 4.807 σὸς πάϊς· οὐ μὲν γάρ τι θεοῖς’ ἀλιτήμενός ἐστι.” ### book 4.808 τὴν δ’ ἠμείβετ’ ἔπειτα περίφρων Πηνελόπεια, ### book 4.809 ἡδὺ μάλα κνώσσους’ ἐν ὀνειρείῃσι πύλῃσιν· ### book 4.810 “τίπτε, κασιγνήτη, δεῦρ’ ἤλυθες; οὔ τι πάρος γε ### book 4.811 πωλέ’, ἐπεὶ μάλα πολλὸν ἀπόπροθι δώματα ναίεις· ### book 4.812 καί με κέλεαι παύσασθαι ὀϊζύος ἠδ’ ὀδυνάων ### book 4.813 πολλέων, αἵ μ’ ἐρέθουσι κατὰ φρένα καὶ κατὰ θυμόν· ### book 4.814 ἣ πρὶν μὲν πόσιν ἐσθλὸν ἀπώλεσα θυμολέοντα, ### book 4.815 παντοίῃς’ ἀρετῇσι κεκασμένον ἐν Δαναοῖσιν, ### book 4.816 ἐσθλόν, τοῦ κλέος εὐρὺ καθ’ Ἑλλάδα καὶ μέσον Ἄργος. ### book 4.817 νῦν αὖ παῖς ἀγαπητὸς ἔβη κοίλης ἐπὶ νηός, ### book 4.818 νήπιος, οὔτε πόνων εὖ εἰδὼς οὔτ’ ἀγοράων. ### book 4.819 τοῦ δὴ ἐγὼ καὶ μᾶλλον ὀδύρομαι ἤ περ ἐκείνου. ### book 4.820 τοῦ δ’ ἀμφιτρομέω καὶ δείδια μή τι πάθῃσιν, ### book 4.821 ἢ ὅ γε τῶν ἐνὶ δήμῳ, ἵν’ οἴχεται, ἢ ἐνὶ πόντῳ· ### book 4.822 δυσμενέες γὰρ πολλοὶ ἐπ’ αὐτῷ μηχανόωνται, ### book 4.823 ἱέμενοι κτεῖναι, πρὶν πατρίδα γαῖαν ἱκέσθαι.” ### book 4.824 τὴν δ’ ἀπαμειβόμενον προσέφη εἴδωλον ἀμαυρόν· ### book 4.825 “θάρσει, μηδέ τι πάγχυ μετὰ φρεσὶ δείδιθι λίην· ### book 4.826 τοίη γάρ οἱ πομπὸς ἅμ’ ἔρχεται, ἥν τε καὶ ἄλλοι ### book 4.827 ἀνέρες ἠρήσαντο παρεστάμεναι, δύναται γάρ, ### book 4.828 Παλλὰς Ἀθηναίη· σὲ δ’ ὀδυρομένην ἐλεαίρει· ### book 4.829 ἣ νῦν με προέηκε τεῒν τάδε μυθήσασθαι.” ### book 4.830 τὴν δ’ αὖτε προσέειπε περίφρων Πηνελόπεια· ### book 4.831 “εἰ μὲν δὴ θεός ἐσσι, θεοῖό τε ἔκλυες αὐδήν, ### book 4.832 εἰ δ’ ἄγε μοι καὶ κεῖνον ὀϊζυρὸν κατάλεξον, ### book 4.833 ἤ που ἔτι ζώει καὶ ὁρᾷ φάος ἠελίοιο, ### book 4.834 ἦ ἤδη τέθνηκε καὶ εἰν Ἀΐδαο δόμοισι.” ### book 4.835 τὴν δ’ ἀπαμειβόμενον προσέφη εἴδωλον ἀμαυρόν· ### book 4.836 “οὐ μέν τοι κεῖνόν γε διηνεκέως ἀγορεύσω, ### book 4.837 ζώει ὅ γ’ ἦ τέθνηκε· κακὸν δ’ ἀνεμώλια βάζειν.” ### book 4.838 ὣς εἰπὸν σταθμοῖο παρὰ κληῖδα λιάσθη ### book 4.839 ἐς πνοιὰς ἀνέμων· ἡ δ’ ἐξ ὕπνου ἀνόρουσε ### book 4.840 κούρη Ἰκαρίοιο· φίλον δέ οἱ ἦτορ ἰάνθη, ### book 4.841 ὥς οἱ ἐναργὲς ὄνειρον ἐπέσσυτο νυκτὸς ἀμολγῷ. ### book 4.842 μνηστῆρες δ’ ἀναβάντες ἐπέπλεον ὑγρὰ κέλευθα, ### book 4.843 Τηλεμάχῳ φόνον αἰπὺν ἐνὶ φρεσὶν ὁρμαίνοντες. ### book 4.844 ἔστι δέ τις νῆσος μέσσῃ ἁλὶ πετρήεσσα, ### book 4.845 μεσσηγὺς Ἰθάκης τε Σάμοιό τε παιπαλοέσσης, ### book 4.846 Ἀστερίς, οὐ μεγάλη, λιμένες δ’ ἔνι ναύλοχοι αὐτῇ ### book 4.847 ἀμφίδυμοι· τῇ τόν γε μένον λοχόωντες Ἀχαιοί. ### book 5.1 Ἠὼς δ’ ἐκ λεχέων παρ’ ἀγαυοῦ Τιθωνοῖο ### book 5.2 ὤρνυθ’, ἵν’ ἀθανάτοισι φόως φέροι ἠδὲ βροτοῖσιν· ### book 5.3 οἱ δὲ θεοὶ θῶκόνδε καθίζανον, ἐν δ’ ἄρα τοῖσι ### book 5.4 Ζεὺς ὑψιβρεμέτης, οὗ τε κράτος ἐστὶ μέγιστον. ### book 5.5 τοῖσι δ’ Ἀθηναίη λέγε κήδεα πόλλ’ Ὀδυσῆος ### book 5.6 μνησαμένη· μέλε γάρ οἱ ἐὼν ἐν δώμασι νύμφης· ### book 5.7 “Ζεῦ πάτερ ἠδ’ ἄλλοι μάκαρες θεοὶ αἰὲν ἐόντες, ### book 5.8 μή τις ἔτι πρόφρων ἀγανὸς καὶ ἤπιος ἔστω ### book 5.9 σκηπτοῦχος βασιλεύς, μηδὲ φρεσὶν αἴσιμα εἰδώς, ### book 5.10 ἀλλ’ αἰεὶ χαλεπός τ’ εἴη καὶ αἴσυλα ῥέζοι, ### book 5.11 ὡς οὔ τις μέμνηται Ὀδυσσῆος θείοιο ### book 5.12 λαῶν, οἷσιν ἄνασσε, πατὴρ δ’ ὣς ἤπιος ἦεν. ### book 5.13 ἀλλ’ ὁ μὲν ἐν νήσῳ κεῖται κρατέρ’ ἄλγεα πάσχων, ### book 5.14 νύμφης ἐν μεγάροισι Καλυψοῦς, ἥ μιν ἀνάγκῃ ### book 5.15 ἴσχει· ὁ δ’ οὐ δύναται ἣν πατρίδα γαῖαν ἱκέσθαι· ### book 5.16 οὐ γάρ οἱ πάρα νῆες ἐπήρετμοι καὶ ἑταῖροι, ### book 5.17 οἵ κέν μιν πέμποιεν ἐπ’ εὐρέα νῶτα θαλάσσης. ### book 5.18 νῦν αὖ παῖδ’ ἀγαπητὸν ἀποκτεῖναι μεμάασιν ### book 5.19 οἴκαδε νισόμενον· ὁ δ’ ἔβη μετὰ πατρὸς ἀκουὴν ### book 5.20 ἐς Πύλον ἠγαθέην ἠδ’ ἐς Λακεδαίμονα δῖαν.” ### book 5.21 τὴν δ’ ἀπαμειβόμενος προσέφη νεφεληγερέτα Ζεύς· ### book 5.22 “τέκνον ἐμόν, ποῖόν σε ἔπος φύγεν ἕρκος ὀδόντων. ### book 5.23 οὐ γὰρ δὴ τοῦτον μὲν ἐβούλευσας νόον αὐτή, ### book 5.24 ὡς ἦ τοι κείνους Ὀδυσεὺς ἀποτείσεται ἐλθών; ### book 5.25 Τηλέμαχον δὲ σὺ πέμψον ἐπισταμένως, δύνασαι γάρ, ### book 5.26 ὥς κε μάλ’ ἀσκηθὴς ἣν πατρίδα γαῖαν ἵκηται, ### book 5.27 μνηστῆρες δ’ ἐν νηῒ παλιμπετὲς ἀπονέωνται.” ### book 5.28 ἦ ῥα, καὶ Ἑρμείαν, υἱὸν φίλον, ἀντίον ηὔδα· ### book 5.29 “Ἑρμεία· σὺ γὰρ αὖτε τά τ’ ἄλλα περ ἄγγελός ἐσσι· ### book 5.30 νύμφῃ ἐϋπλοκάμῳ εἰπεῖν νημερτέα βουλήν, ### book 5.31 νόστον Ὀδυσσῆος ταλασίφρονος, ὥς κε νέηται, ### book 5.32 οὔτε θεῶν πομπῇ οὔτε θνητῶν ἀνθρώπων· ### book 5.33 ἀλλ’ ὅ γ’ ἐπὶ σχεδίης πολυδέσμου πήματα πάσχων ### book 5.34 ἤματι εἰκοστῷ Σχερίην ἐρίβωλον ἵκοιτο, ### book 5.35 Φαιήκων ἐς γαῖαν, οἳ ἀγχίθεοι γεγάασιν· ### book 5.36 οἵ κέν μιν περὶ κῆρι θεὸν ὣς τιμήσουσι, ### book 5.37 πέμψουσιν δ’ ἐν νηῒ φίλην ἐς πατρίδα γαῖαν, ### book 5.38 χαλκόν τε χρυσόν τε ἅλις ἐσθῆτά τε δόντες, ### book 5.39 πόλλ’, ὅς’ ἂν οὐδέ ποτε Τροίης ἐξήρατ’ Ὀδυσσεύς, ### book 5.40 εἴ περ ἀπήμων ἦλθε, λαχὼν ἀπὸ ληΐδος αἶσαν. ### book 5.41 ὣς γάρ οἱ μοῖρ’ ἐστὶ φίλους τ’ ἰδέειν καὶ ἱκέσθαι ### book 5.42 οἶκον ἐς ὑψόροφον καὶ ἑὴν ἐς πατρίδα γαῖαν.” ### book 5.43 ὣς ἔφατ’, οὐδ’ ἀπίθησε διάκτορος Ἀργεϊφόντης. ### book 5.44 αὐτίκ’ ἔπειθ’ ὑπὸ ποσσὶν ἐδήσατο καλὰ πέδιλα, ### book 5.45 ἀμβρόσια χρύσεια, τά μιν φέρον ἠμὲν ἐφ’ ὑγρὴν ### book 5.46 ἠδ’ ἐπ’ ἀπείρονα γαῖαν ἅμα πνοιῇς’ ἀνέμοιο. ### book 5.47 εἵλετο δὲ ῥάβδον, τῇ τ’ ἀνδρῶν ὄμματα θέλγει, ### book 5.48 ὧν ἐθέλει, τοὺς δ’ αὖτε καὶ ὑπνώοντας ἐγείρει· ### book 5.49 τὴν μετὰ χερσὶν ἔχων πέτετο κρατὺς Ἀργεϊφόντης. ### book 5.50 Πιερίην δ’ ἐπιβὰς ἐξ αἰθέρος ἔμπεσε πόντῳ· ### book 5.51 σεύατ’ ἔπειτ’ ἐπὶ κῦμα λάρῳ ὄρνιθι ἐοικώς, ### book 5.52 ὅς τε κατὰ δεινοὺς κόλπους ἁλὸς ἀτρυγέτοιο ### book 5.53 ἰχθῦς ἀγρώσσων πυκινὰ πτερὰ δεύεται ἅλμῃ· ### book 5.54 τῷ ἴκελος πολέεσσιν ὀχήσατο κύμασιν Ἑρμῆς. ### book 5.55 ἀλλ’ ὅτε δὴ τὴν νῆσον ἀφίκετο τηλόθ’ ἐοῦσαν, ### book 5.56 ἔνθ’ ἐκ πόντου βὰς ἰοειδέος ἤπειρόνδε ### book 5.57 ἤϊεν, ὄφρα μέγα σπέος ἵκετο, τῷ ἔνι νύμφη ### book 5.58 ναῖεν ἐϋπλόκαμος· τὴν δ’ ἔνδοθι τέτμεν ἐοῦσαν. ### book 5.59 πῦρ μὲν ἐπ’ ἐσχαρόφιν μέγα καίετο, τηλόσε δ’ ὀδμὴ ### book 5.60 κέδρου τ’ εὐκεάτοιο θύου τ’ ἀνὰ νῆσον ὀδώδει ### book 5.61 δαιομένων· ἡ δ’ ἔνδον ἀοιδιάους’ ὀπὶ καλῇ ### book 5.62 ἱστὸν ἐποιχομένη χρυσείῃ κερκίδ’ ὕφαινεν. ### book 5.63 ὕλη δὲ σπέος ἀμφὶ πεφύκει τηλεθόωσα, ### book 5.64 κλήθρη τ’ αἴγειρός τε καὶ εὐώδης κυπάρισσος. ### book 5.65 ἔνθα δέ τ’ ὄρνιθες τανυσίπτεροι εὐνάζοντο, ### book 5.66 σκῶπές τ’ ἴρηκές τε τανύγλωσσοί τε κορῶναι ### book 5.67 εἰνάλιαι, τῇσίν τε θαλάσσια ἔργα μέμηλεν. ### book 5.68 ἡ δ’ αὐτοῦ τετάνυστο περὶ σπείους γλαφυροῖο ### book 5.69 ἡμερὶς ἡβώωσα, τεθήλει δὲ σταφυλῇσι. ### book 5.70 κρῆναι δ’ ἑξείης πίσυρες ῥέον ὕδατι λευκῷ, ### book 5.71 πλησίαι ἀλλήλων τετραμμέναι ἄλλυδις ἄλλη. ### book 5.72 ἀμφὶ δὲ λειμῶνες μαλακοὶ ἴου ἠδὲ σελίνου ### book 5.73 θήλεον. ἔνθα κ’ ἔπειτα καὶ ἀθάνατός περ ἐπελθὼν ### book 5.74 θηήσαιτο ἰδὼν καὶ τερφθείη φρεσὶν ᾗσιν. ### book 5.75 ἔνθα στὰς θηεῖτο διάκτορος Ἀργεϊφόντης. ### book 5.76 αὐτὰρ ἐπεὶ δὴ πάντα ἑῷ θηήσατο θυμῷ, ### book 5.77 αὐτίκ’ ἄρ’ εἰς εὐρὺ σπέος ἤλυθεν. οὐδέ μιν ἄντην ### book 5.78 ἠγνοίησεν ἰδοῦσα Καλυψώ, δῖα θεάων· ### book 5.79 οὐ γάρ τ’ ἀγνῶτες θεοὶ ἀλλήλοισι πέλονται ### book 5.80 ἀθάνατοι, οὐδ’ εἴ τις ἀπόπροθι δώματα ναίει. ### book 5.81 οὐδ’ ἄρ’ Ὀδυσσῆα μεγαλήτορα ἔνδον ἔτετμεν, ### book 5.82 ἀλλ’ ὅ γ’ ἐπ’ ἀκτῆς κλαῖε καθήμενος, ἔνθα πάρος περ, ### book 5.83 δάκρυσι καὶ στοναχῇσι καὶ ἄλγεσι θυμὸν ἐρέχθων ### book 5.84 [πόντον ἐπ’ ἀτρύγετον δερκέσκετο δάκρυα λείβων]. ### book 5.85 Ἑρμείαν δ’ ἐρέεινε Καλυψώ, δῖα θεάων, ### book 5.86 ἐν θρόνῳ ἱδρύσασα φαεινῷ σιγαλόεντι· ### book 5.87 “τίπτε μοι, Ἑρμεία χρυσόρραπι, εἰλήλουθας, ### book 5.88 αἰδοῖός τε φίλος τε; πάρος γε μὲν οὔ τι θαμίζεις. ### book 5.89 αὔδα ὅ τι φρονέεις· τελέσαι δέ με θυμὸς ἄνωγεν, ### book 5.90 εἰ δύναμαι τελέσαι γε καὶ εἰ τετελεσμένον ἐστίν. ### book 5.91 [ἀλλ’ ἕπεο προτέρω, ἵνα τοι πὰρ ξείνια θείω.]” ### book 5.92 ὣς ἄρα φωνήσασα θεὰ παρέθηκε τράπεζαν ### book 5.93 ἀμβροσίης πλήσασα, κέρασσε δὲ νέκταρ ἐρυθρόν· ### book 5.94 αὐτὰρ ὁ πῖνε καὶ ἦσθε διάκτορος Ἀργεϊφόντης. ### book 5.95 αὐτὰρ ἐπεὶ δείπνησε καὶ ἤραρε θυμὸν ἐδωδῇ, ### book 5.96 καὶ τότε δή μιν ἔπεσσιν ἀμειβόμενος προσέειπεν· ### book 5.97 “εἰρωτᾷς μ’ ἐλθόντα θεὰ θεόν· αὐτὰρ ἐγώ τοι ### book 5.98 νημερτέως τὸν μῦθον ἐνισπήσω· κέλεαι γάρ. ### book 5.99 Ζεὺς ἐμέ γ’ ἠνώγει δεῦρ’ ἐλθέμεν οὐκ ἐθέλοντα· ### book 5.100 τίς δ’ ἂν ἑκὼν τοσσόνδε διαδράμοι ἁλμυρὸν ὕδωρ ### book 5.101 ἄσπετον; οὐδέ τις ἄγχι βροτῶν πόλις, οἵ τε θεοῖσιν ### book 5.102 ἱερά τε ῥέζουσι καὶ ἐξαίτους ἑκατόμβας. ### book 5.103 ἀλλὰ μάλ’ οὔ πως ἔστι Διὸς νόον αἰγιόχοιο ### book 5.104 οὔτε παρεξελθεῖν ἄλλον θεὸν οὔθ’ ἁλιῶσαι. ### book 5.105 φησί τοι ἄνδρα παρεῖναι ὀϊζυρώτατον ἄλλων, ### book 5.106 τῶν ἀνδρῶν, οἳ ἄστυ πέρι Πριάμοιο μάχοντο ### book 5.107 εἰνάετες, δεκάτῳ δὲ πόλιν πέρσαντες ἔβησαν ### book 5.108 οἴκαδ’· ἀτὰρ ἐν νόστῳ Ἀθηναίην ἀλίτοντο, ### book 5.109 ἥ σφιν ἐπῶρς’ ἄνεμόν τε κακὸν καὶ κύματα μακρά. ### book 5.110 ἔνθ’ ἄλλοι μὲν πάντες ἀπέφθιθεν ἐσθλοὶ ἑταῖροι, ### book 5.111 τὸν δ’ ἄρα δεῦρ’ ἄνεμός τε φέρων καὶ κῦμα πέλασσε. ### book 5.112 τὸν νῦν ς’ ἠνώγειν ἀποπεμπέμεν ὅττι τάχιστα· ### book 5.113 οὐ γάρ οἱ τῇδ’ αἶσα φίλων ἀπονόσφιν ὀλέσθαι, ### book 5.114 ἀλλ’ ἔτι οἱ μοῖρ’ ἐστὶ φίλους τ’ ἰδέειν καὶ ἱκέσθαι ### book 5.115 οἶκον ἐς ὑψόροφον καὶ ἑὴν ἐς πατρίδα γαῖαν.” ### book 5.116 ὣς φάτο, ῥίγησεν δὲ Καλυψώ, δῖα θεάων, ### book 5.117 καί μιν φωνήσας’ ἔπεα πτερόεντα προσηύδα· ### book 5.118 “σχέτλιοί ἐστε, θεοί, ζηλήμονες ἔξοχον ἄλλων, ### book 5.119 οἵ τε θεαῖς’ ἀγάασθε παρ’ ἀνδράσιν εὐνάζεσθαι ### book 5.120 ἀμφαδίην, ἤν τίς τε φίλον ποιήσετ’ ἀκοίτην. ### book 5.121 ὣς μὲν ὅτ’ Ὠρίων’ ἕλετο ῥοδοδάκτυλος Ἠώς, ### book 5.122 τόφρα οἱ ἠγάασθε θεοὶ ῥεῖα ζώοντες, ### book 5.123 ἕως μιν ἐν Ὀρτυγίῃ χρυσόθρονος Ἄρτεμις ἁγνὴ ### book 5.124 οἷς’ ἀγανοῖσι βέλεσσιν ἐποιχομένη κατέπεφνεν. ### book 5.125 ὣς δ’ ὁπότ’ Ἰασίωνι ἐϋπλόκαμος Δημήτηρ, ### book 5.126 ᾧ θυμῷ εἴξασα, μίγη φιλότητι καὶ εὐνῇ ### book 5.127 νειῷ ἔνι τριπόλῳ· οὐδὲ δὴν ἦεν ἄπυστος ### book 5.128 Ζεύς, ὅς μιν κατέπεφνε βαλὼν ἀργῆτι κεραυνῷ. ### book 5.129 ὣς δ’ αὖ νῦν μοι ἄγασθε, θεοί, βροτὸν ἄνδρα παρεῖναι. ### book 5.130 τὸν μὲν ἐγὼν ἐσάωσα περὶ τρόπιος βεβαῶτα ### book 5.131 οἶον, ἐπεί οἱ νῆα θοὴν ἀργῆτι κεραυνῷ ### book 5.132 Ζεὺς ἐλάσας ἐκέασσε μέσῳ ἐνὶ οἴνοπι πόντῳ. ### book 5.133 ἔνθ’ ἄλλοι μὲν πάντες ἀπέφθιθεν ἐσθλοὶ ἑταῖροι, ### book 5.134 τὸν δ’ ἄρα δεῦρ’ ἄνεμός τε φέρων καὶ κῦμα πέλασσε. ### book 5.135 τὸν μὲν ἐγὼ φίλεόν τε καὶ ἔτρεφον ἠδὲ ἔφασκον ### book 5.136 θήσειν ἀθάνατον καὶ ἀγήραον ἤματα πάντα. ### book 5.137 ἀλλ’ ἐπεὶ οὔ πως ἔστι Διὸς νόον αἰγιόχοιο ### book 5.138 οὔτε παρεξελθεῖν ἄλλον θεὸν οὔθ’ ἁλιῶσαι, ### book 5.139 ἐρρέτω, εἴ μιν κεῖνος ἐποτρύνει καὶ ἀνώγει, ### book 5.140 πόντον ἐπ’ ἀτρύγετον. πέμψω δέ μιν οὔ πῃ ἐγώ γε· ### book 5.141 οὐ γάρ μοι πάρα νῆες ἐπήρετμοι καὶ ἑταῖροι, ### book 5.142 οἵ κέν μιν πέμποιεν ἐπ’ εὐρέα νῶτα θαλάσσης. ### book 5.143 αὐτάρ οἱ πρόφρων ὑποθήσομαι οὐδ’ ἐπικεύσω, ### book 5.144 ὥς κε μάλ’ ἀσκηθὴς ἣν πατρίδα γαῖαν ἵκηται.” ### book 5.145 τὴν δ’ αὖτε προσέειπε διάκτορος Ἀργεϊφόντης· ### book 5.146 “οὕτω νῦν ἀπόπεμπε, Διὸς δ’ ἐποπίζεο μῆνιν, ### book 5.147 μή πώς τοι μετόπισθε κοτεσσάμενος χαλεπήνῃ.” ### book 5.148 ὣς ἄρα φωνήσας ἀπέβη κρατὺς Ἀργεϊφόντης· ### book 5.149 ἡ δ’ ἐπ’ Ὀδυσσῆα μεγαλήτορα πότνια νύμφη ### book 5.150 ἤϊ’, ἐπεὶ δὴ Ζηνὸς ἐπέκλυεν ἀγγελιάων. ### book 5.151 τὸν δ’ ἄρ’ ἐπ’ ἀκτῆς εὗρε καθήμενον· οὐδέ ποτ’ ὄσσε ### book 5.152 δακρυόφιν τέρσοντο, κατείβετο δὲ γλυκὺς αἰὼν ### book 5.153 νόστον ὀδυρομένῳ, ἐπεὶ οὐκέτι ἥνδανε νύμφη. ### book 5.154 ἀλλ’ ἦ τοι νύκτας μὲν ἰαύεσκεν καὶ ἀνάγκῃ ### book 5.155 ἐν σπέεσι γλαφυροῖσι παρ’ οὐκ ἐθέλων ἐθελούσῃ· ### book 5.156 ἤματα δ’ ἂμ πέτρῃσι καὶ ἠϊόνεσσι καθίζων ### book 5.157 [δάκρυσι καὶ στοναχῇσι καὶ ἄλγεσι θυμὸν ἐρέχθων] ### book 5.158 πόντον ἐπ’ ἀτρύγετον δερκέσκετο δάκρυα λείβων. ### book 5.159 ἀγχοῦ δ’ ἱσταμένη προσεφώνεε δῖα θεάων· ### book 5.160 “κάμμορε, μή μοι ἔτ’ ἐνθάδ’ ὀδύρεο, μηδέ τοι αἰὼν ### book 5.161 φθινέτω· ἤδη γάρ σε μάλα πρόφρασς’ ἀποπέμψω. ### book 5.162 ἀλλ’ ἄγε δούρατα μακρὰ ταμὼν ἁρμόζεο χαλκῷ ### book 5.163 εὐρεῖαν σχεδίην· ἀτὰρ ἴκρια πῆξαι ἐπ’ αὐτῆς ### book 5.164 ὑψοῦ, ὥς σε φέρῃσιν ἐπ’ ἠεροειδέα πόντον. ### book 5.165 αὐτὰρ ἐγὼ σῖτον καὶ ὕδωρ καὶ οἶνον ἐρυθρὸν ### book 5.166 ἐνθήσω μενοεικέ’, ἅ κέν τοι λιμὸν ἐρύκοι, ### book 5.167 εἵματά τ’ ἀμφιέσω· πέμψω δέ τοι οὖρον ὄπισθεν, ### book 5.168 ὥς κε μάλ’ ἀσκηθὴς σὴν πατρίδα γαῖαν ἵκηαι, ### book 5.169 αἴ κε θεοί γ’ ἐθέλωσι, τοὶ οὐρανὸν εὐρὺν ἔχουσιν, ### book 5.170 οἵ μευ φέρτεροί εἰσι νοῆσαί τε κρῆναί τε.” ### book 5.171 ὣς φάτο, ῥίγησεν δὲ πολύτλας δῖος Ὀδυσσεύς, ### book 5.172 καί μιν φωνήσας ἔπεα πτερόεντα προσηύδα· ### book 5.173 “ἄλλο τι δὴ σύ, θεά, τόδε μήδεαι οὐδέ τι πομπήν, ### book 5.174 ἥ με κέλεαι σχεδίῃ περάαν μέγα λαῖτμα θαλάσσης, ### book 5.175 δεινόν τ’ ἀργαλέον τε· τὸ δ’ οὐδ’ ἐπὶ νῆες ἐῖσαι ### book 5.176 ὠκύποροι περόωσιν, ἀγαλλόμεναι Διὸς οὔρῳ. ### book 5.177 οὐδ’ ἂν ἐγώ γ’ ἀέκητι σέθεν σχεδίης ἐπιβαίην, ### book 5.178 εἰ μή μοι τλαίης γε, θεά, μέγαν ὅρκον ὀμόσσαι ### book 5.179 μή τί μοι αὐτῷ πῆμα κακὸν βουλευσέμεν ἄλλο.” ### book 5.180 ὣς φάτο, μείδησεν δὲ Καλυψώ, δῖα θεάων, ### book 5.181 χειρί τέ μιν κατέρεξεν ἔπος τ’ ἔφατ’ ἔκ τ’ ὀνόμαζεν· ### book 5.182 “ἦ δὴ ἀλιτρός γ’ ἐσσὶ καὶ οὐκ ἀποφώλια εἰδώς, ### book 5.183 οἷον δὴ τὸν μῦθον ἐπεφράσθης ἀγορεῦσαι. ### book 5.184 ἴστω νῦν τόδε γαῖα καὶ οὐρανὸς εὐρὺς ὕπερθε ### book 5.185 καὶ τὸ κατειβόμενον Στυγὸς ὕδωρ, ὅς τε μέγιστος ### book 5.186 ὅρκος δεινότατός τε πέλει μακάρεσσι θεοῖσι, ### book 5.187 μή τί τοι αὐτῷ πῆμα κακὸν βουλευσέμεν ἄλλο. ### book 5.188 ἀλλὰ τὰ μὲν νοέω καὶ φράσσομαι, ἅσς’ ἂν ἐμοί περ ### book 5.189 αὐτῇ μηδοίμην, ὅτε με χρειὼ τόσον ἵκοι· ### book 5.190 καὶ γὰρ ἐμοὶ νόος ἐστὶν ἐναίσιμος, οὐδέ μοι αὐτῇ ### book 5.191 θυμὸς ἐνὶ στήθεσσι σιδήρεος, ἀλλ’ ἐλεήμων.” ### book 5.192 ὣς ἄρα φωνήσας’ ἡγήσατο δῖα θεάων ### book 5.193 καρπαλίμως· ὁ δ’ ἔπειτα μετ’ ἴχνια βαῖνε θεοῖο. ### book 5.194 ἷξον δὲ σπεῖος γλαφυρὸν θεὸς ἠδὲ καὶ ἀνήρ· ### book 5.195 καί ῥ’ ὁ μὲν ἔνθα καθέζετ’ ἐπὶ θρόνου, ἔνθεν ἀνέστη ### book 5.196 Ἑρμείας, νύμφη δ’ ἐτίθει πάρα πᾶσαν ἐδωδήν, ### book 5.197 ἔσθειν καὶ πίνειν, οἷα βροτοὶ ἄνδρες ἔδουσιν· ### book 5.198 αὐτὴ δ’ ἀντίον ἷζεν Ὀδυσσῆος θείοιο, ### book 5.199 τῇ δὲ παρ’ ἀμβροσίην δμῳαὶ καὶ νέκταρ ἔθηκαν. ### book 5.200 οἱ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 5.201 αὐτὰρ ἐπεὶ τάρπησαν ἐδητύος ἠδὲ ποτῆτος, ### book 5.202 τοῖς’ ἄρα μύθων ἦρχε Καλυψώ, δῖα θεάων· ### book 5.203 “διογενὲς Λαερτιάδη, πολυμήχαν’ Ὀδυσσεῦ, ### book 5.204 οὕτω δὴ οἶκόνδε φίλην ἐς πατρίδα γαῖαν ### book 5.205 αὐτίκα νῦν ἐθέλεις ἰέναι; σὺ δὲ χαῖρε καὶ ἔμπης. ### book 5.206 εἴ γε μὲν εἰδείης σῇσι φρεσίν, ὅσσα τοι αἶσα ### book 5.207 κήδε’ ἀναπλῆσαι, πρὶν πατρίδα γαῖαν ἱκέσθαι, ### book 5.208 ἐνθάδε κ’ αὖθι μένων σὺν ἐμοὶ τόδε δῶμα φυλάσσοις ### book 5.209 ἀθάνατός τ’ εἴης, ἱμειρόμενός περ ἰδέσθαι ### book 5.210 σὴν ἄλοχον, τῆς τ’ αἰὲν ἐέλδεαι ἤματα πάντα. ### book 5.211 οὐ μέν θην κείνης γε χερείων εὔχομαι εἶναι, ### book 5.212 οὐ δέμας οὐδὲ φυήν, ἐπεὶ οὔ πως οὐδὲ ἔοικε ### book 5.213 θνητὰς ἀθανάτῃσι δέμας καὶ εἶδος ἐρίζειν.” ### book 5.214 τὴν δ’ ἀπαμειβόμενος προσέφη πολύμητις Ὀδυσσεύς· ### book 5.215 “πότνα θεά, μή μοι τόδε χώεο· οἶδα καὶ αὐτὸς ### book 5.216 πάντα μάλ’, οὕνεκα σεῖο περίφρων Πηνελόπεια ### book 5.217 εἶδος ἀκιδνοτέρη μέγεθός τ’ εἰσάντα ἰδέσθαι· ### book 5.218 ἡ μὲν γὰρ βροτός ἐστι, σὺ δ’ ἀθάνατος καὶ ἀγήρως. ### book 5.219 ἀλλὰ καὶ ὧς ἐθέλω καὶ ἐέλδομαι ἤματα πάντα ### book 5.220 οἴκαδέ τ’ ἐλθέμεναι καὶ νόστιμον ἦμαρ ἰδέσθαι. ### book 5.221 εἰ δ’ αὖ τις ῥαίῃσι θεῶν ἐνὶ οἴνοπι πόντῳ, ### book 5.222 τλήσομαι ἐν στήθεσσιν ἔχων ταλαπενθέα θυμόν· ### book 5.223 ἤδη γὰρ μάλα πολλὰ πάθον καὶ πολλὰ μόγησα ### book 5.224 κύμασι καὶ πολέμῳ· μετὰ καὶ τόδε τοῖσι γενέσθω.” ### book 5.225 ὣς ἔφατ’, ἠέλιος δ’ ἄρ’ ἔδυ καὶ ἐπὶ κνέφας ἦλθεν· ### book 5.226 ἐλθόντες δ’ ἄρα τώ γε μυχῷ σπείους γλαφυροῖο ### book 5.227 τερπέσθην φιλότητι, παρ’ ἀλλήλοισι μένοντες. ### book 5.228 ἦμος δ’ ἠριγένεια φάνη ῥοδοδάκτυλος Ἠώς, ### book 5.229 αὐτίχ’ ὁ μὲν χλαῖνάν τε χιτῶνά τε ἕννυτ’ Ὀδυσσεύς, ### book 5.230 αὐτὴ δ’ ἀργύφεον φᾶρος μέγα ἕννυτο νύμφη, ### book 5.231 λεπτὸν καὶ χαρίεν, περὶ δὲ ζώνην βάλετ’ ἰξυῖ ### book 5.232 καλὴν χρυσείην, κεφαλῇ δ’ ἐφύπερθε καλύπτρην. ### book 5.233 καὶ τότ’ Ὀδυσσῆϊ μεγαλήτορι μήδετο πομπήν· ### book 5.234 δῶκε μέν οἱ πέλεκυν μέγαν, ἄρμενον ἐν παλάμῃσι, ### book 5.235 χάλκεον, ἀμφοτέρωθεν ἀκαχμένον· αὐτὰρ ἐν αὐτῷ ### book 5.236 στειλειὸν περικαλλὲς ἐλάϊνον, εὖ ἐναρηρός· ### book 5.237 δῶκε δ’ ἔπειτα σκέπαρνον ἐΰξοον· ἦρχε δ’ ὁδοῖο ### book 5.238 νήσου ἐπ’ ἐσχατιήν, ὅθι δένδρεα μακρὰ πεφύκει, ### book 5.239 κλήθρη τ’ αἴγειρός τ’, ἐλάτη τ’ ἦν οὐρανομήκης, ### book 5.240 αὖα πάλαι, περίκηλα, τά οἱ πλώοιεν ἐλαφρῶς. ### book 5.241 αὐτὰρ ἐπεὶ δὴ δεῖξ’ ὅθι δένδρεα μακρὰ πεφύκει, ### book 5.242 ἡ μὲν ἔβη πρὸς δῶμα Καλυψώ, δῖα θεάων, ### book 5.243 αὐτὰρ ὁ τάμνετο δοῦρα· θοῶς δέ οἱ ἤνυτο ἔργον. ### book 5.244 εἴκοσι δ’ ἔκβαλε πάντα, πελέκκησεν δ’ ἄρα χαλκῷ, ### book 5.245 ξέσσε δ’ ἐπισταμένως καὶ ἐπὶ στάθμην ἴθυνε. ### book 5.246 τόφρα δ’ ἔνεικε τέρετρα Καλυψώ, δῖα θεάων· ### book 5.247 τέτρηνεν δ’ ἄρα πάντα καὶ ἥρμοσεν ἀλλήλοισι, ### book 5.248 γόμφοισιν δ’ ἄρα τήν γε καὶ ἁρμονίῃσιν ἄρασσεν. ### book 5.249 ὅσσον τίς τ’ ἔδαφος νηὸς τορνώσεται ἀνὴρ ### book 5.250 φορτίδος εὐρείης, εὖ εἰδὼς τεκτοσυνάων, ### book 5.251 τόσσον ἐπ’ εὐρεῖαν σχεδίην ποιήσατ’ Ὀδυσσεύς. ### book 5.252 ἴκρια δὲ στήσας, ἀραρὼν θαμέσι σταμίνεσσι, ### book 5.253 ποίει· ἀτὰρ μακρῇσιν ἐπηγκενίδεσσι τελεύτα. ### book 5.254 ἐν δ’ ἱστὸν ποίει καὶ ἐπίκριον ἄρμενον αὐτῷ· ### book 5.255 πρὸς δ’ ἄρα πηδάλιον ποιήσατο, ὄφρ’ ἰθύνοι. ### book 5.256 φράξε δέ μιν ῥίπεσσι διαμπερὲς οἰσυΐνῃσι, ### book 5.257 κύματος εἶλαρ ἔμεν· πολλὴν δ’ ἐπεχεύατο ὕλην. ### book 5.258 τόφρα δὲ φάρε’ ἔνεικε Καλυψώ, δῖα θεάων, ### book 5.259 ἱστία ποιήσασθαι· ὁ δ’ εὖ τεχνήσατο καὶ τά. ### book 5.260 ἐν δ’ ὑπέρας τε κάλους τε πόδας τ’ ἐνέδησεν ἐν αὐτῇ, ### book 5.261 μοχλοῖσιν δ’ ἄρα τήν γε κατείρυσεν εἰς ἅλα δῖαν. ### book 5.262 τέτρατον ἦμαρ ἔην, καὶ τῷ τετέλεστο ἅπαντα· ### book 5.263 τῷ δ’ ἄρα πέμπτῳ πέμπ’ ἀπὸ νήσου δῖα Καλυψώ, ### book 5.264 εἵματά τ’ ἀμφιέσασα θυώδεα καὶ λούσασα. ### book 5.265 ἐν δέ οἱ ἀσκὸν ἔθηκε θεὰ μέλανος οἴνοιο ### book 5.266 τὸν ἕτερον, ἕτερον δ’ ὕδατος μέγαν, ἐν δὲ καὶ ᾖα ### book 5.267 κωρύκῳ, ἐν δέ οἱ ὄψα τίθει μενοεικέα πολλά· ### book 5.268 οὖρον δὲ προέηκεν ἀπήμονά τε λιαρόν τε. ### book 5.269 γηθόσυνος δ’ οὔρῳ πέτας’ ἱστία δῖος Ὀδυσσεύς. ### book 5.270 αὐτὰρ ὁ πηδαλίῳ ἰθύνετο τεχνηέντως ### book 5.271 ἥμενος· οὐδέ οἱ ὕπνος ἐπὶ βλεφάροισιν ἔπιπτε ### book 5.272 Πληϊάδας τ’ ἐσορῶντι καὶ ὀψὲ δύοντα Βοώτην ### book 5.273 Ἄρκτον θ’, ἣν καὶ ἄμαξαν ἐπίκλησιν καλέουσιν, ### book 5.274 ἥ τ’ αὐτοῦ στρέφεται καί τ’ Ὠρίωνα δοκεύει, ### book 5.275 οἴη δ’ ἄμμορός ἐστι λοετρῶν Ὠκεανοῖο· ### book 5.276 τὴν γὰρ δή μιν ἄνωγε Καλυψώ, δῖα θεάων, ### book 5.277 ποντοπορευέμεναι ἐπ’ ἀριστερὰ χειρὸς ἔχοντα. ### book 5.278 ἑπτὰ δὲ καὶ δέκα μὲν πλέεν ἤματα ποντοπορεύων, ### book 5.279 ὀκτωκαιδεκάτῃ δ’ ἐφάνη ὄρεα σκιόεντα ### book 5.280 γαίης Φαιήκων, ὅθι τ’ ἄγχιστον πέλεν αὐτῷ· ### book 5.281 εἴσατο δ’ ὡς ὅτε ῥινὸν ἐν ἠεροειδέϊ πόντῳ. ### book 5.282 τὸν δ’ ἐξ Αἰθιόπων ἀνιὼν κρείων ἐνοσίχθων ### book 5.283 τηλόθεν ἐκ Σολύμων ὀρέων ἴδεν· εἴσατο γάρ οἱ ### book 5.284 πόντον ἐπιπλείων. ὁ δ’ ἐχώσατο κηρόθι μᾶλλον, ### book 5.285 κινήσας δὲ κάρη προτὶ ὃν μυθήσατο θυμόν· ### book 5.286 “ὢ πόποι, ἦ μάλα δὴ μετεβούλευσαν θεοὶ ἄλλως ### book 5.287 ἀμφ’ Ὀδυσῆϊ ἐμεῖο μετ’ Αἰθιόπεσσιν ἐόντος· ### book 5.288 καὶ δὴ Φαιήκων γαίης σχεδόν, ἔνθα οἱ αἶσα ### book 5.289 ἐκφυγέειν μέγα πεῖραρ ὀϊζύος, ἥ μιν ἱκάνει. ### book 5.290 ἀλλ’ ἔτι μέν μίν φημι ἅδην ἐλάαν κακότητος.” ### book 5.291 ὣς εἰπὼν σύναγεν νεφέλας, ἐτάραξε δὲ πόντον ### book 5.292 χερσὶ τρίαιναν ἑλών· πάσας δ’ ὀρόθυνεν ἀέλλας ### book 5.293 παντοίων ἀνέμων, σὺν δὲ νεφέεσσι κάλυψε ### book 5.294 γαῖαν ὁμοῦ καὶ πόντον· ὀρώρει δ’ οὐρανόθεν νύξ. ### book 5.295 σὺν δ’ εὖρός τε νότος τ’ ἔπεσον ζέφυρός τε δυσαὴς ### book 5.296 καὶ βορέης αἰθρηγενέτης, μέγα κῦμα κυλίνδων. ### book 5.297 καὶ τότ’ Ὀδυσσῆος λύτο γούνατα καὶ φίλον ἦτορ, ### book 5.298 ὀχθήσας δ’ ἄρα εἶπε πρὸς ὃν μεγαλήτορα θυμόν· ### book 5.299 “ὤ μοι ἐγὼ δειλός, τί νύ μοι μήκιστα γένηται; ### book 5.300 δείδω μὴ δὴ πάντα θεὰ νημερτέα εἶπεν, ### book 5.301 ἥ μ’ ἔφατ’ ἐν πόντῳ, πρὶν πατρίδα γαῖαν ἱκέσθαι, ### book 5.302 ἄλγε’ ἀναπλήσειν· τὰ δὲ δὴ νῦν πάντα τελεῖται. ### book 5.303 οἵοισιν νεφέεσσι περιστέφει οὐρανὸν εὐρὺν ### book 5.304 Ζεύς, ἐτάραξε δὲ πόντον, ἐπισπέρχουσι δ’ ἄελλαι ### book 5.305 παντοίων ἀνέμων· νῦν μοι σῶς αἰπὺς ὄλεθρος. ### book 5.306 τρὶς μάκαρες Δαναοὶ καὶ τετράκις, οἳ τότ’ ὄλοντο ### book 5.307 Τροίῃ ἐν εὐρείῃ, χάριν Ἀτρεΐδῃσι φέροντες. ### book 5.308 ὡς δὴ ἐγώ γ’ ὄφελον θανέειν καὶ πότμον ἐπισπεῖν ### book 5.309 ἤματι τῷ ὅτε μοι πλεῖστοι χαλκήρεα δοῦρα ### book 5.310 Τρῶες ἐπέρριψαν περὶ Πηλεΐωνι θανόντι. ### book 5.311 τῶ κ’ ἔλαχον κτερέων, καί μευ κλέος ἦγον Ἀχαιοί· ### book 5.312 νῦν δέ με λευγαλέῳ θανάτῳ εἵμαρτο ἁλῶναι.” ### book 5.313 ὣς ἄρα μιν εἰπόντ’ ἔλασεν μέγα κῦμα κατ’ ἄκρης, ### book 5.314 δεινὸν ἐπεσσύμενον, περὶ δὲ σχεδίην ἐλέλιξε. ### book 5.315 τῆλε δ’ ἀπὸ σχεδίης αὐτὸς πέσε, πηδάλιον δὲ ### book 5.316 ἐκ χειρῶν προέηκε· μέσον δέ οἱ ἱστὸν ἔαξε ### book 5.317 δεινὴ μισγομένων ἀνέμων ἐλθοῦσα θύελλα· ### book 5.318 τηλοῦ δὲ σπεῖρον καὶ ἐπίκριον ἔμπεσε πόντῳ. ### book 5.319 τὸν δ’ ἄρ’ ὑπόβρυχα θῆκε πολὺν χρόνον, οὐδὲ δυνάσθη ### book 5.320 αἶψα μάλ’ ἀνσχεθέειν μεγάλου ὑπὸ κύματος ὁρμῆς· ### book 5.321 εἵματα γάρ ἑ βάρυνε, τά οἱ πόρε δῖα Καλυψώ. ### book 5.322 ὀψὲ δὲ δή ῥ’ ἀνέδυ, στόματος δ’ ἐξέπτυσεν ἅλμην ### book 5.323 πικρήν, ἥ οἱ πολλὴ ἀπὸ κρατὸς κελάρυζεν. ### book 5.324 ἀλλ’ οὐδ’ ὧς σχεδίης ἐπελήθετο, τειρόμενός περ, ### book 5.325 ἀλλὰ μεθορμηθεὶς ἐνὶ κύμασιν ἐλλάβετ’ αὐτῆς, ### book 5.326 ἐν μέσσῃ δὲ καθῖζε τέλος θανάτου ἀλεείνων. ### book 5.327 τὴν δ’ ἐφόρει μέγα κῦμα κατὰ ῥόον ἔνθα καὶ ἔνθα. ### book 5.328 ὡς δ’ ὅτ’ ὀπωρινὸς βορέης φορέῃσιν ἀκάνθας ### book 5.329 ἂμ πεδίον, πυκιναὶ δὲ πρὸς ἀλλήλῃσιν ἔχονται. ### book 5.330 ὣς τὴν ἂμ πέλαγος ἄνεμοι φέρον ἔνθα καὶ ἔνθα· ### book 5.331 ἄλλοτε μέν τε νότος βορέῃ προβάλεσκε φέρεσθαι, ### book 5.332 ἄλλοτε δ’ αὖτ’ εὖρος ζεφύρῳ εἴξασκε διώκειν. ### book 5.333 τὸν δὲ ἴδεν Κάδμου θυγάτηρ, καλλίσφυρος Ἰνώ, ### book 5.334 Λευκοθέη, ἣ πρὶν μὲν ἔην βροτὸς αὐδήεσσα, ### book 5.335 νῦν δ’ ἁλὸς ἐν πελάγεσσι θεῶν ἐξέμμορε τιμῆς. ### book 5.336 ἥ ῥ’ Ὀδυσῆ’ ἐλέησεν ἀλώμενον, ἄλγε’ ἔχοντα· ### book 5.337 [αἰθυίῃ δ’ εἰκυῖα ποτῇ ἀνεδύσετο λίμνης,] ### book 5.338 ἷζε δ’ ἐπὶ σχεδίης καί μιν πρὸς μῦθον ἔειπε· ### book 5.339 “κάμμορε, τίπτε τοι ὧδε Ποσειδάων ἐνοσίχθων ### book 5.340 ὠδύσατ’ ἐκπάγλως, ὅτι τοι κακὰ πολλὰ φυτεύει; ### book 5.341 οὐ μὲν δή σε καταφθείσει, μάλα περ μενεαίνων. ### book 5.342 ἀλλὰ μάλ’ ὧδ’ ἕρξαι, δοκέεις δέ μοι οὐκ ἀπινύσσειν· ### book 5.343 εἵματα ταῦτ’ ἀποδὺς σχεδίην ἀνέμοισι φέρεσθαι ### book 5.344 κάλλιπ’, ἀτὰρ χείρεσσι νέων ἐπιμαίεο νόστου ### book 5.345 γαίης Φαιήκων, ὅθι τοι μοῖρ’ ἐστὶν ἀλύξαι. ### book 5.346 τῆ δέ, τόδε κρήδεμνον ὑπὸ στέρνοιο τανύσσαι ### book 5.347 ἄμβροτον· οὐδέ τί τοι παθέειν δέος οὐδ’ ἀπολέσθαι. ### book 5.348 αὐτὰρ ἐπὴν χείρεσσιν ἐφάψεαι ἠπείροιο, ### book 5.349 ἂψ ἀπολυσάμενος βαλέειν εἰς οἴνοπα πόντον ### book 5.350 πολλὸν ἀπ’ ἠπείρου, αὐτὸς δ’ ἀπονόσφι τραπέσθαι.” ### book 5.351 ὣς ἄρα φωνήσασα θεὰ κρήδεμνον ἔδωκεν, ### book 5.352 αὐτὴ δ’ ἂψ ἐς πόντον ἐδύσετο κυμαίνοντα ### book 5.353 αἰθυίῃ εἰκυῖα· μέλαν δέ ἑ κῦμ’ ἐκάλυψεν. ### book 5.354 αὐτὰρ ὁ μερμήριξε πολύτλας δῖος Ὀδυσσεύς, ### book 5.355 ὀχθήσας δ’ ἄρα εἶπε πρὸς ὃν μεγαλήτορα θυμόν· ### book 5.356 “ὤ μοι ἐγώ, μή τίς μοι ὑφαίνῃσιν δόλον αὖτε ### book 5.357 ἀθανάτων, ὅ τέ με σχεδίης ἀποβῆναι ἀνώγει. ### book 5.358 ἀλλὰ μάλ’ οὔ πω πείσομ’, ἐπεὶ ἑκὰς ὀφθαλμοῖσι ### book 5.359 γαῖαν ἐγὼν ἰδόμην, ὅθι μοι φάτο φύξιμον εἶναι. ### book 5.360 ἀλλὰ μάλ’ ὧδ’ ἕρξω, δοκέει δέ μοι εἶναι ἄριστον· ### book 5.361 ὄφρ’ ἂν μέν κεν δούρατ’ ἐν ἁρμονίῃσιν ἀρήρῃ, ### book 5.362 τόφρ’ αὐτοῦ μενέω καὶ τλήσομαι ἄλγεα πάσχων· ### book 5.363 αὐτὰρ ἐπὴν δή μοι σχεδίην διὰ κῦμα τινάξῃ, ### book 5.364 νήξομ’, ἐπεὶ οὐ μέν τι πάρα προνοῆσαι ἄμεινον.” ### book 5.365 εἷος ὁ ταῦθ’ ὥρμαινε κατὰ φρένα καὶ κατὰ θυμόν, ### book 5.366 ὦρσε δ’ ἐπὶ μέγα κῦμα Ποσειδάων ἐνοσίχθων, ### book 5.367 δεινόν τ’ ἀργαλέον τε, κατηρεφές, ἤλασε δ’ αὐτόν. ### book 5.368 ὡς δ’ ἄνεμος ζαὴς ᾔων θημῶνα τινάξῃ ### book 5.369 καρφαλέων, τὰ μὲν ἄρ τε διεσκέδας’ ἄλλυδις ἄλλῃ, ### book 5.370 ὣς τῆς δούρατα μακρὰ διεσκέδας’. αὐτὰρ Ὀδυσσεὺς ### book 5.371 ἀμφ’ ἑνὶ δούρατι βαῖνε, κέληθ’ ὡς ἵππον ἐλαύνων, ### book 5.372 εἵματα δ’ ἐξαπέδυνε, τά οἱ πόρε δῖα Καλυψώ. ### book 5.373 αὐτίκα δὲ κρήδεμνον ὑπὸ στέρνοιο τάνυσσεν, ### book 5.374 αὐτὸς δὲ πρηνὴς ἁλὶ κάππεσε, χεῖρε πετάσσας, ### book 5.375 νηχέμεναι μεμαώς. ἴδε δὲ κρείων ἐνοσίχθων, ### book 5.376 κινήσας δὲ κάρη προτὶ ὃν μυθήσατο θυμόν· ### book 5.377 “οὕτω νῦν κακὰ πολλὰ παθὼν ἀλόω κατὰ πόντον, ### book 5.378 εἰς ὅ κεν ἀνθρώποισι διοτρεφέεσσι μιγήῃς. ### book 5.379 ἀλλ’ οὐδ’ ὧς σε ἔολπα ὀνόσσεσθαι κακότητος.” ### book 5.380 ὣς ἄρα φωνήσας ἵμασεν καλλίτριχας ἵππους, ### book 5.381 ἵκετο δ’ εἰς Αἰγάς, ὅθι οἱ κλυτὰ δώματ’ ἔασιν. ### book 5.382 αὐτὰρ Ἀθηναίη, κούρη Διός, ἄλλ’ ἐνόησεν· ### book 5.383 ἦ τοι τῶν ἄλλων ἀνέμων κατέδησε κελεύθους, ### book 5.384 παύσασθαι δ’ ἐκέλευσε καὶ εὐνηθῆναι ἅπαντας· ### book 5.385 ὦρσε δ’ ἐπὶ κραιπνὸν βορέην, πρὸ δὲ κύματ’ ἔαξεν, ### book 5.386 εἷος ὃ Φαιήκεσσι φιληρέτμοισι μιγείη ### book 5.387 διογενὴς Ὀδυσεύς, θάνατον καὶ κῆρας ἀλύξας. ### book 5.388 ἔνθα δύω νύκτας δύο τ’ ἤματα κύματι πηγῷ ### book 5.389 πλάζετο, πολλὰ δέ οἱ κραδίη προτιόσσετ’ ὄλεθρον. ### book 5.390 ἀλλ’ ὅτε δὴ τρίτον ἦμαρ ἐϋπλόκαμος τέλες’ Ἠώς, ### book 5.391 καὶ τότ’ ἔπειτ’ ἄνεμος μὲν ἐπαύσατο ἠδὲ γαλήνη ### book 5.392 ἔπλετο νηνεμίη· ὁ δ’ ἄρα σχεδὸν εἴσιδε γαῖαν ### book 5.393 ὀξὺ μάλα προϊδών, μεγάλου ὑπὸ κύματος ἀρθείς. ### book 5.394 ὡς δ’ ὅτ’ ἂν ἀσπάσιος βίοτος παίδεσσι φανήῃ ### book 5.395 πατρός, ὃς ἐν νούσῳ κεῖται κρατέρ’ ἄλγεα πάσχων, ### book 5.396 δηρὸν τηκόμενος, στυγερὸς δέ οἱ ἔχραε δαίμων, ### book 5.397 ἀσπάσιον δ’ ἄρα τόν γε θεοὶ κακότητος ἔλυσαν, ### book 5.398 ὣς Ὀδυσῆ’ ἀσπαστὸν ἐείσατο γαῖα καὶ ὕλη, ### book 5.399 νῆχε δ’ ἐπειγόμενος ποσὶν ἠπείρου ἐπιβῆναι. ### book 5.400 ἀλλ’ ὅτε τόσσον ἀπῆν, ὅσσον τε γέγωνε βοήσας, ### book 5.401 καὶ δὴ δοῦπον ἄκουσε ποτὶ σπιλάδεσσι θαλάσσης· — ### book 5.402 ῥόχθει γὰρ μέγα κῦμα ποτὶ ξερὸν ἠπείροιο ### book 5.403 δεινὸν ἐρευγόμενον, εἴλυτο δὲ πάνθ’ ἁλὸς ἄχνῃ· ### book 5.404 οὐ γὰρ ἔσαν λιμένες νηῶν ὀχοί, οὐδ’ ἐπιωγαί, ### book 5.405 ἀλλ’ ἀκταὶ προβλῆτες ἔσαν σπιλάδες τε πάγοι τε· — ### book 5.406 καὶ τότ’ Ὀδυσσῆος λύτο γούνατα καὶ φίλον ἦτορ, ### book 5.407 ὀχθήσας δ’ ἄρα εἶπε πρὸς ὃν μεγαλήτορα θυμόν· ### book 5.408 “ὤ μοι, ἐπεὶ δὴ γαῖαν ἀελπέα δῶκεν ἰδέσθαι ### book 5.409 Ζεύς, καὶ δὴ τόδε λαῖτμα διατμήξας ἐπέρησα, ### book 5.410 ἔκβασις οὔ πῃ φαίνεθ’ ἁλὸς πολιοῖο θύραζε· ### book 5.411 ἔκτοσθεν μὲν γὰρ πάγοι ὀξέες, ἀμφὶ δὲ κῦμα ### book 5.412 βέβρυχεν ῥόθιον, λισσὴ δ’ ἀναδέδρομε πέτρη, ### book 5.413 ἀγχιβαθὴς δὲ θάλασσα, καὶ οὔ πως ἔστι πόδεσσι ### book 5.414 στήμεναι ἀμφοτέροισι καὶ ἐκφυγέειν κακότητα· ### book 5.415 μή πώς μ’ ἐκβαίνοντα βάλῃ λίθακι ποτὶ πέτρῃ ### book 5.416 κῦμα μέγ’ ἁρπάξαν· μελέη δέ μοι ἔσσεται ὁρμή. ### book 5.417 εἰ δέ κ’ ἔτι προτέρω παρανήξομαι, ἤν που ἐφεύρω ### book 5.418 ἠϊόνας τε παραπλῆγας λιμένας τε θαλάσσης, ### book 5.419 δείδω μή μ’ ἐξαῦτις ἀναρπάξασα θύελλα ### book 5.420 πόντον ἐπ’ ἰχθυόεντα φέρῃ βαρέα στενάχοντα, ### book 5.421 ἠέ τί μοι καὶ κῆτος ἐπισσεύῃ μέγα δαίμων ### book 5.422 ἐξ ἁλός, οἷά τε πολλὰ τρέφει κλυτὸς Ἀμφιτρίτη· ### book 5.423 οἶδα γὰρ ὥς μοι ὀδώδυσται κλυτὸς ἐννοσίγαιος.” ### book 5.424 εἷος ὁ ταῦθ’ ὥρμαινε κατὰ φρένα καὶ κατὰ θυμόν, ### book 5.425 τόφρα δέ μιν μέγα κῦμα φέρεν τρηχεῖαν ἐπ’ ἀκτήν. ### book 5.426 ἔνθα κ’ ἀπὸ ῥινοὺς δρύφθη, σὺν δ’ ὀστέ’ ἀράχθη, ### book 5.427 εἰ μὴ ἐπὶ φρεσὶ θῆκε θεὰ γλαυκῶπις Ἀθήνη· ### book 5.428 ἀμφοτέρῃσι δὲ χερσὶν ἐπεσσύμενος λάβε πέτρης, ### book 5.429 τῆς ἔχετο στενάχων, εἷος μέγα κῦμα παρῆλθε. ### book 5.430 καὶ τὸ μὲν ὣς ὑπάλυξε, παλιρρόθιον δέ μιν αὖτις ### book 5.431 πλῆξεν ἐπεσσύμενον, τηλοῦ δέ μιν ἔμβαλε πόντῳ. ### book 5.432 ὡς δ’ ὅτε πουλύποδος θαλάμης ἐξελκομένοιο ### book 5.433 πρὸς κοτυληδονόφιν πυκιναὶ λάϊγγες ἔχονται, ### book 5.434 ὣς τοῦ πρὸς πέτρῃσι θρασειάων ἀπὸ χειρῶν ### book 5.435 ῥινοὶ ἀπέδρυφθεν· τὸν δὲ μέγα κῦμ’ ἐκάλυψεν. ### book 5.436 ἔνθα κε δὴ δύστηνος ὑπὲρ μόρον ὤλετ’ Ὀδυσσεύς, ### book 5.437 εἰ μὴ ἐπιφροσύνην δῶκε γλαυκῶπις Ἀθήνη· ### book 5.438 κύματος ἐξαναδύς, τά τ’ ἐρεύγεται ἤπειρόνδε, ### book 5.439 νῆχε παρέξ, ἐς γαῖαν ὁρώμενος, εἴ που ἐφεύροι ### book 5.440 ἠϊόνας τε παραπλῆγας λιμένας τε θαλάσσης. ### book 5.441 ἀλλ’ ὅτε δὴ ποταμοῖο κατὰ στόμα καλλιρόοιο ### book 5.442 ἷξε νέων, τῇ δή οἱ ἐείσατο χῶρος ἄριστος, ### book 5.443 λεῖος πετράων, καὶ ἐπὶ σκέπας ἦν ἀνέμοιο· ### book 5.444 ἔγνω δὲ προρέοντα καὶ εὔξατο ὃν κατὰ θυμόν· ### book 5.445 “κλῦθι, ἄναξ, ὅτις ἐσσί· πολύλλιστον δέ ς’ ἱκάνω ### book 5.446 φεύγων ἐκ πόντοιο Ποσειδάωνος ἐνιπάς. ### book 5.447 αἰδοῖος μέν τ’ ἐστὶ καὶ ἀθανάτοισι θεοῖσιν, ### book 5.448 ἀνδρῶν ὅς τις ἵκηται ἀλώμενος, ὡς καὶ ἐγὼ νῦν ### book 5.449 σόν τε ῥόον σά τε γούναθ’ ἱκάνω πολλὰ μογήσας. ### book 5.450 ἀλλ’ ἐλέαιρε, ἄναξ· ἱκέτης δέ τοι εὔχομαι εἶναι.” ### book 5.451 ὣς φάθ’, ὁ δ’ αὐτίκα παῦσεν ἑὸν ῥόον, ἔσχε δὲ κῦμα, ### book 5.452 πρόσθε δέ οἱ ποίησε γαλήνην, τὸν δ’ ἐσάωσεν ### book 5.453 ἐς ποταμοῦ προχοάς. ὁ δ’ ἄρ’ ἄμφω γούνατ’ ἔκαμψε ### book 5.454 χεῖράς τε στιβαράς· ἁλὶ γὰρ δέδμητο φίλον κῆρ· ### book 5.455 ᾤδεε δὲ χρόα πάντα, θάλασσα δὲ κήκιε πολλὴ ### book 5.456 ἂν στόμα τε ῥῖνάς θ’· ὁ δ’ ἄρ’ ἄπνευστος καὶ ἄναυδος ### book 5.457 κεῖτ’ ὀλιγηπελέων, κάματος δέ μιν αἰνὸς ἵκανεν. ### book 5.458 ἀλλ’ ὅτε δή ῥ’ ἄμπνυτο καὶ ἐς φρένα θυμὸς ἀγέρθη, ### book 5.459 καὶ τότε δὴ κρήδεμνον ἀπὸ ἕο λῦσε θεοῖο. ### book 5.460 καὶ τὸ μὲν ἐς ποταμὸν ἁλιμυρήεντα μεθῆκεν, ### book 5.461 ἂψ δ’ ἔφερεν μέγα κῦμα κατὰ ῥόον, αἶψα δ’ ἄρ’ Ἰνὼ ### book 5.462 δέξατο χερσὶ φίλῃσιν· ὁ δ’ ἐκ ποταμοῖο λιασθεὶς ### book 5.463 σχοίνῳ ὑπεκλίνθη, κύσε δὲ ζείδωρον ἄρουραν. ### book 5.464 ὀχθήσας δ’ ἄρα εἶπε πρὸς ὃν μεγαλήτορα θυμόν· ### book 5.465 “ὤ μοι ἐγώ, τί πάθω; τί νύ μοι μήκιστα γένηται; ### book 5.466 εἰ μέν κ’ ἐν ποταμῷ δυσκηδέα νύκτα φυλάσσω, ### book 5.467 μή μ’ ἄμυδις στίβη τε κακὴ καὶ θῆλυς ἐέρση ### book 5.468 ἐξ ὀλιγηπελίης δαμάσῃ κεκαφηότα θυμόν· ### book 5.469 αὔρη δ’ ἐκ ποταμοῦ ψυχρὴ πνέει ἠῶθι πρό. ### book 5.470 εἰ δέ κεν ἐς κλειτὺν ἀναβὰς καὶ δάσκιον ὕλην ### book 5.471 θάμνοις’ ἐν πυκινοῖσι καταδράθω, εἴ με μεθείη ### book 5.472 ῥῖγος καὶ κάματος, γλυκερὸς δέ μοι ὕπνος ἐπέλθοι, ### book 5.473 δείδω μὴ θήρεσσιν ἕλωρ καὶ κύρμα γένωμαι.” ### book 5.474 ὣς ἄρα οἱ φρονέοντι δοάσσατο κέρδιον εἶναι· ### book 5.475 βῆ ῥ’ ἴμεν εἰς ὕλην· τὴν δὲ σχεδὸν ὕδατος εὗρεν ### book 5.476 ἐν περιφαινομένῳ. δοιοὺς δ’ ἄρ’ ὑπήλυθε θάμνους ### book 5.477 ἐξ ὁμόθεν πεφυῶτας· ὁ μὲν φυλίης, ὁ δ’ ἐλαίης. ### book 5.478 τοὺς μὲν ἄρ’ οὔτ’ ἀνέμων διάη μένος ὑγρὸν ἀέντων, ### book 5.479 οὔτε ποτ’ ἠέλιος φαέθων ἀκτῖσιν ἔβαλλεν, ### book 5.480 οὔτ’ ὄμβρος περάασκε διαμπερές· ὣς ἄρα πυκνοὶ ### book 5.481 ἀλλήλοισιν ἔφυν ἐπαμοιβαδίς· οὓς ὑπ’ Ὀδυσσεὺς ### book 5.482 δύσετ’. ἄφαρ δ’ εὐνὴν ἐπαμήσατο χερσὶ φίλῃσιν ### book 5.483 εὐρεῖαν· φύλλων γὰρ ἔην χύσις ἤλιθα πολλή, ### book 5.484 ὅσσον τ’ ἠὲ δύω ἠὲ τρεῖς ἄνδρας ἔρυσθαι ### book 5.485 ὥρῃ χειμερίῃ, εἰ καὶ μάλα περ χαλεπαίνοι. ### book 5.486 τὴν μὲν ἰδὼν γήθησε πολύτλας δῖος Ὀδυσσεύς, ### book 5.487 ἐν δ’ ἄρα μέσσῃ λέκτο, χύσιν δ’ ἐπεχεύατο φύλλων. ### book 5.488 ὡς δ’ ὅτε τις δαλὸν σποδιῇ ἐνέκρυψε μελαίνῃ ### book 5.489 ἀγροῦ ἐπ’ ἐσχατιῆς, ᾧ μὴ πάρα γείτονες ἄλλοι, ### book 5.490 σπέρμα πυρὸς σῴζων, ἵνα μή ποθεν ἄλλοθεν αὕοι, ### book 5.491 ὣς Ὀδυσεὺς φύλλοισι καλύψατο. τῷ δ’ ἄρ’ Ἀθήνη ### book 5.492 ὕπνον ἐπ’ ὄμμασι χεῦ’, ἵνα μιν παύσειε τάχιστα ### book 5.493 δυσπονέος καμάτοιο, φίλα βλέφαρ’ ἀμφικαλύψας. ### book 6.1 Ὣς ὁ μὲν ἔνθα καθεῦδε πολύτλας δῖος Ὀδυσσεὺς ### book 6.2 ὕπνῳ καὶ καμάτῳ ἀρημένος· αὐτὰρ Ἀθήνη ### book 6.3 βῆ ῥ’ ἐς Φαιήκων ἀνδρῶν δῆμόν τε πόλιν τε· ### book 6.4 οἳ πρὶν μέν ποτ’ ἔναιον ἐν εὐρυχόρῳ Ὑπερείῃ, ### book 6.5 ἀγχοῦ Κυκλώπων ἀνδρῶν ὑπερηνορεόντων, ### book 6.6 οἵ σφεας σινέσκοντο, βίηφι δὲ φέρτεροι ἦσαν. ### book 6.7 ἔνθεν ἀναστήσας ἄγε Ναυσίθοος θεοειδής, ### book 6.8 εἷσεν δὲ Σχερίῃ, ἑκὰς ἀνδρῶν ἀλφηστάων, ### book 6.9 ἀμφὶ δὲ τεῖχος ἔλασσε πόλει καὶ ἐδείματο οἴκους ### book 6.10 καὶ νηοὺς ποίησε θεῶν καὶ ἐδάσσατ’ ἀρούρας. ### book 6.11 ἀλλ’ ὁ μὲν ἤδη κηρὶ δαμεὶς Ἄϊδόσδε βεβήκει, ### book 6.12 Ἀλκίνοος δὲ τότ’ ἦρχε, θεῶν ἄπο μήδεα εἰδώς. ### book 6.13 τοῦ μὲν ἔβη πρὸς δῶμα θεὰ γλαυκῶπις Ἀθήνη, ### book 6.14 νόστον Ὀδυσσῆϊ μεγαλήτορι μητιόωσα. ### book 6.15 βῆ δ’ ἴμεν ἐς θάλαμον πολυδαίδαλον, ᾧ ἔνι κούρη ### book 6.16 κοιμᾶτ’ ἀθανάτῃσι φυὴν καὶ εἶδος ὁμοίη, ### book 6.17 Ναυσικάα, θυγάτηρ μεγαλήτορος Ἀλκινόοιο, ### book 6.18 πὰρ δὲ δύ’ ἀμφίπολοι, Χαρίτων ἄπο κάλλος ἔχουσαι, ### book 6.19 σταθμοῖϊν ἑκάτερθε· θύραι δ’ ἐπέκειντο φαειναί. ### book 6.20 ἡ δ’ ἀνέμου ὡς πνοιὴ ἐπέσσυτο δέμνια κούρης, ### book 6.21 στῆ δ’ ἄρ’ ὑπὲρ κεφαλῆς καί μιν πρὸς μῦθον ἔειπεν, ### book 6.22 εἰδομένη κούρῃ ναυσικλειτοῖο Δύμαντος, ### book 6.23 ἥ οἱ ὁμηλικίη μὲν ἔην, κεχάριστο δὲ θυμῷ. ### book 6.24 τῇ μιν ἐεισαμένη προσέφη γλαυκῶπις Ἀθήνη· ### book 6.25 “Ναυσικάα, τί νύ ς’ ὧδε μεθήμονα γείνατο μήτηρ; ### book 6.26 εἵματα μέν τοι κεῖται ἀκηδέα σιγαλόεντα, ### book 6.27 σοὶ δὲ γάμος σχεδόν ἐστιν, ἵνα χρὴ καλὰ μὲν αὐτὴν ### book 6.28 ἕννυσθαι, τὰ δὲ τοῖσι παρασχεῖν, οἵ κέ ς’ ἄγωνται· ### book 6.29 ἐκ γάρ τοι τούτων φάτις ἀνθρώπους ἀναβαίνει ### book 6.30 ἐσθλή, χαίρουσιν δὲ πατὴρ καὶ πότνια μήτηρ. ### book 6.31 ἀλλ’ ἴομεν πλυνέουσαι ἅμ’ ἠόϊ φαινομένηφι· ### book 6.32 καί τοι ἐγὼ συνέριθος ἅμ’ ἕψομαι, ὄφρα τάχιστα ### book 6.33 ἐντύνεαι, ἐπεὶ οὔ τοι ἔτι δὴν παρθένος ἔσσεαι· ### book 6.34 ἤδη γάρ σε μνῶνται ἀριστῆες κατὰ δῆμον ### book 6.35 πάντων Φαιήκων, ὅθι τοι γένος ἐστὶ καὶ αὐτῇ. ### book 6.36 ἀλλ’ ἄγ’ ἐπότρυνον πατέρα κλυτὸν ἠῶθι πρὸ ### book 6.37 ἡμιόνους καὶ ἄμαξαν ἐφοπλίσαι, ἥ κεν ἄγῃσι ### book 6.38 ζῶστρά τε καὶ πέπλους καὶ ῥήγεα σιγαλόεντα. ### book 6.39 καὶ δὲ σοὶ ὧδ’ αὐτῇ πολὺ κάλλιον ἠὲ πόδεσσιν ### book 6.40 ἔρχεσθαι· πολλὸν γὰρ ἄπο πλυνοί εἰσι πόληος.” ### book 6.41 ἡ μὲν ἄρ’ ὣς εἰποῦς’ ἀπέβη γλαυκῶπις Ἀθήνη ### book 6.42 Οὔλυμπόνδ’, ὅθι φασὶ θεῶν ἕδος ἀσφαλὲς αἰεὶ ### book 6.43 ἔμμεναι· οὔτ’ ἀνέμοισι τινάσσεται οὔτε ποτ’ ὄμβρῳ ### book 6.44 δεύεται οὔτε χιὼν ἐπιπίλναται, ἀλλὰ μάλ’ αἴθρη ### book 6.45 πέπταται ἀννέφελος, λευκὴ δ’ ἐπιδέδρομεν αἴγλη· ### book 6.46 τῷ ἔνι τέρπονται μάκαρες θεοὶ ἤματα πάντα. ### book 6.47 ἔνθ’ ἀπέβη γλαυκῶπις, ἐπεὶ διεπέφραδε κούρῃ. ### book 6.48 αὐτίκα δ’ Ἠὼς ἦλθεν ἐΰθρονος, ἥ μιν ἔγειρε ### book 6.49 Ναυσικάαν εὔπεπλον· ἄφαρ δ’ ἀπεθαύμας’ ὄνειρον, ### book 6.50 βῆ δ’ ἴμεναι διὰ δώμαθ’, ἵν’ ἀγγείλειε τοκεῦσι, ### book 6.51 πατρὶ φίλῳ καὶ μητρί· κιχήσατο δ’ ἔνδον ἐόντας. ### book 6.52 ἡ μὲν ἐπ’ ἐσχάρῃ ἧστο σὺν ἀμφιπόλοισι γυναιξίν, ### book 6.53 ἠλάκατα στρωφῶς’ ἁλιπόρφυρα· τῷ δὲ θύραζε ### book 6.54 ἐρχομένῳ ξύμβλητο μετὰ κλειτοὺς βασιλῆας ### book 6.55 ἐς βουλήν, ἵνα μιν κάλεον Φαίηκες ἀγαυοί. ### book 6.56 ἡ δὲ μάλ’ ἄγχι στᾶσα φίλον πατέρα προσέειπε· ### book 6.57 “πάππα φίλ’, οὐκ ἂν δή μοι ἐφοπλίσσειας ἀπήνην ### book 6.58 ὑψηλὴν εὔκυκλον, ἵνα κλυτὰ εἵματ’ ἄγωμαι ### book 6.59 ἐς ποταμὸν πλυνέουσα, τά μοι ῥερυπωμένα κεῖται; ### book 6.60 καὶ δὲ σοὶ αὐτῷ ἔοικε μετὰ πρώτοισιν ἐόντα ### book 6.61 βουλὰς βουλεύειν καθαρὰ χροῒ εἵματ’ ἔχοντα. ### book 6.62 πέντε δέ τοι φίλοι υἷες ἐνὶ μεγάροις γεγάασιν, ### book 6.63 οἱ δύ’ ὀπυίοντες, τρεῖς δ’ ἠΐθεοι θαλέθοντες· ### book 6.64 οἱ δ’ αἰεὶ ἐθέλουσι νεόπλυτα εἵματ’ ἔχοντες ### book 6.65 ἐς χορὸν ἔρχεσθαι· τὰ δ’ ἐμῇ φρενὶ πάντα μέμηλεν.” ### book 6.66 ὣς ἔφατ’· αἴδετο γὰρ θαλερὸν γάμον ἐξονομῆναι ### book 6.67 πατρὶ φίλῳ· ὁ δὲ πάντα νόει καὶ ἀμείβετο μύθῳ· ### book 6.68 “οὔτε τοι ἡμιόνων φθονέω, τέκος, οὔτε τευ ἄλλου. ### book 6.69 ἔρχευ· ἀτάρ τοι δμῶες ἐφοπλίσσουσιν ἀπήνην ### book 6.70 ὑψηλὴν εὔκυκλον, ὑπερτερίῃ ἀραρυῖαν.” ### book 6.71 ὣς εἰπὼν δμώεσσιν ἐκέκλετο, τοὶ δ’ ἐπίθοντο. ### book 6.72 οἱ μὲν ἄρ’ ἐκτὸς ἄμαξαν ἐΰτροχον ἡμιονείην ### book 6.73 ὅπλεον ἡμιόνους θ’ ὕπαγον ζεῦξάν θ’ ὑπ’ ἀπήνῃ· ### book 6.74 κούρη δ’ ἐκ θαλάμοιο φέρεν ἐσθῆτα φαεινήν. ### book 6.75 καὶ τὴν μὲν κατέθηκεν ἐϋξέστῳ ἐπ’ ἀπήνῃ· ### book 6.76 μήτηρ δ’ ἐν κίστῃ ἐτίθει μενοεικέ’ ἐδωδὴν ### book 6.77 παντοίην, ἐν δ’ ὄψα τίθει, ἐν δ’ οἶνον ἔχευεν ### book 6.78 ἀσκῷ ἐν αἰγείῳ· κούρη δ’ ἐπεβήσετ’ ἀπήνης. ### book 6.79 δῶκεν δὲ χρυσέῃ ἐν ληκύθῳ ὑγρὸν ἔλαιον, ### book 6.80 εἷος χυτλώσαιτο σὺν ἀμφιπόλοισι γυναιξίν. ### book 6.81 ἡ δ’ ἔλαβεν μάστιγα καὶ ἡνία σιγαλόεντα, ### book 6.82 μάστιξεν δ’ ἐλάαν· καναχὴ δ’ ἦν ἡμιόνοιϊν· ### book 6.83 αἱ δ’ ἄμοτον τανύοντο, φέρον δ’ ἐσθῆτα καὶ αὐτήν, ### book 6.84 οὐκ οἴην· ἅμα τῇ γε καὶ ἀμφίπολοι κίον ἄλλαι. ### book 6.85 αἱ δ’ ὅτε δὴ ποταμοῖο ῥόον περικαλλέ’ ἵκοντο, ### book 6.86 ἔνθ’ ἦ τοι πλυνοὶ ἦσαν ἐπηετανοί, πολὺ δ’ ὕδωρ ### book 6.87 καλὸν ὑπεκπρόρεεν μάλα περ ῥυπόωντα καθῆραι, ### book 6.88 ἔνθ’ αἵ γ’ ἡμιόνους μὲν ὑπεκπροέλυσαν ἀπήνης. ### book 6.89 καὶ τὰς μὲν σεῦαν ποταμὸν πάρα δινήεντα ### book 6.90 τρώγειν ἄγρωστιν μελιηδέα· ταὶ δ’ ἀπ’ ἀπήνης ### book 6.91 εἵματα χερσὶν ἕλοντο καὶ ἐσφόρεον μέλαν ὕδωρ, ### book 6.92 στεῖβον δ’ ἐν βόθροισι θοῶς, ἔριδα προφέρουσαι. ### book 6.93 αὐτὰρ ἐπεὶ πλῦνάν τε κάθηράν τε ῥύπα πάντα, ### book 6.94 ἑξείης πέτασαν παρὰ θῖν’ ἁλός, ἧχι μάλιστα ### book 6.95 λάϊγγας ποτὶ χέρσον ἀποπτύεσκε θάλασσα. ### book 6.96 αἱ δὲ λοεσσάμεναι καὶ χρισάμεναι λίπ’ ἐλαίῳ ### book 6.97 δεῖπνον ἔπειθ’ εἵλοντο παρ’ ὄχθῃσιν ποταμοῖο, ### book 6.98 εἵματα δ’ ἠελίοιο μένον τερσήμεναι αὐγῇ. ### book 6.99 αὐτὰρ ἐπεὶ σίτου τάρφθεν δμῳαί τε καὶ αὐτή, ### book 6.100 σφαίρῃ ταὶ δ’ ἄρ’ ἔπαιζον, ἀπὸ κρήδεμνα βαλοῦσαι, ### book 6.101 τῇσι δὲ Ναυσικάα λευκώλενος ἤρχετο μολπῆς. ### book 6.102 οἵη δ’ Ἄρτεμις εἶσι κατ’ οὔρεα ἰοχέαιρα, ### book 6.103 ἢ κατὰ Τηΰγετον περιμήκετον ἢ Ἐρύμανθον, ### book 6.104 τερπομένη κάπροισι καὶ ὠκείῃς’ ἐλάφοισι· ### book 6.105 τῇ δέ θ’ ἅμα Νύμφαι, κοῦραι Διὸς αἰγιόχοιο, ### book 6.106 ἀγρονόμοι παίζουσι· γέγηθε δέ τε φρένα Λητώ· ### book 6.107 πασάων δ’ ὑπὲρ ἥ γε κάρη ἔχει ἠδὲ μέτωπα, ### book 6.108 ῥεῖά τ’ ἀριγνώτη πέλεται, καλαὶ δέ τε πᾶσαι· ### book 6.109 ὣς ἥ γ’ ἀμφιπόλοισι μετέπρεπε παρθένος ἀδμής. ### book 6.110 ἀλλ’ ὅτε δὴ ἄρ’ ἔμελλε πάλιν οἶκόνδε νέεσθαι ### book 6.111 ζεύξας’ ἡμιόνους πτύξασά τε εἵματα καλά, ### book 6.112 ἔνθ’ αὖτ’ ἄλλ’ ἐνόησε θεὰ γλαυκῶπις Ἀθήνη, ### book 6.113 ὡς Ὀδυσεὺς ἔγροιτο, ἴδοι τ’ εὐώπιδα κούρην, ### book 6.114 ἥ οἱ Φαιήκων ἀνδρῶν πόλιν ἡγήσαιτο. ### book 6.115 σφαῖραν ἔπειτ’ ἔρριψε μετ’ ἀμφίπολον βασίλεια· ### book 6.116 ἀμφιπόλου μὲν ἅμαρτε, βαθείῃ δ’ ἔμβαλε δίνῃ. ### book 6.117 αἱ δ’ ἐπὶ μακρὸν ἄϋσαν· ὁ δ’ ἔγρετο δῖος Ὀδυσσεύς, ### book 6.118 ἑζόμενος δ’ ὥρμαινε κατὰ φρένα καὶ κατὰ θυμόν· ### book 6.119 “ὤ μοι ἐγώ, τέων αὖτε βροτῶν ἐς γαῖαν ἱκάνω; ### book 6.120 ἤ ῥ’ οἵ γ’ ὑβρισταί τε καὶ ἄγριοι οὐδὲ δίκαιοι, ### book 6.121 ἦε φιλόξεινοι καί σφιν νόος ἐστὶ θεουδής; ### book 6.122 ὥς τέ με κουράων ἀμφήλυθε θῆλυς ἀϋτή, ### book 6.123 Νυμφάων, αἳ ἔχους’ ὀρέων αἰπεινὰ κάρηνα ### book 6.124 καὶ πηγὰς ποταμῶν καὶ πίσεα ποιήεντα· ### book 6.125 ἦ νύ που ἀνθρώπων εἰμὶ σχεδὸν αὐδηέντων. ### book 6.126 ἀλλ’ ἄγ’ ἐγὼν αὐτὸς πειρήσομαι ἠδὲ ἴδωμαι.” ### book 6.127 ὣς εἰπὼν θάμνων ὑπεδύσετο δῖος Ὀδυσσεύς, ### book 6.128 ἐκ πυκινῆς δ’ ὕλης πτόρθον κλάσε χειρὶ παχείῃ ### book 6.129 φύλλων, ὡς ῥύσαιτο περὶ χροῒ μήδεα φωτός. ### book 6.130 βῆ δ’ ἴμεν ὥς τε λέων ὀρεσίτροφος, ἀλκὶ πεποιθώς, ### book 6.131 ὅς τ’ εἶς’ ὑόμενος καὶ ἀήμενος, ἐν δέ οἱ ὄσσε ### book 6.132 δαίεται· αὐτὰρ ὁ βουσὶ μετέρχεται ἢ ὀΐεσσιν ### book 6.133 ἠὲ μετ’ ἀγροτέρας ἐλάφους· κέλεται δέ ἑ γαστὴρ ### book 6.134 μήλων πειρήσοντα καὶ ἐς πυκινὸν δόμον ἐλθεῖν· ### book 6.135 ὣς Ὀδυσεὺς κούρῃσιν ἐϋπλοκάμοισιν ἔμελλε ### book 6.136 μείξεσθαι, γυμνός περ ἐών· χρειὼ γὰρ ἵκανε. ### book 6.137 σμερδαλέος δ’ αὐτῇσι φάνη κεκακωμένος ἅλμῃ, ### book 6.138 τρέσσαν δ’ ἄλλυδις ἄλλη ἐπ’ ἠϊόνας προὐχούσας. ### book 6.139 οἴη δ’ Ἀλκινόου θυγάτηρ μένε· τῇ γὰρ Ἀθήνη ### book 6.140 θάρσος ἐνὶ φρεσὶ θῆκε καὶ ἐκ δέος εἵλετο γυίων. ### book 6.141 στῆ δ’ ἄντα σχομένη· ὁ δὲ μερμήριξεν Ὀδυσσεύς, ### book 6.142 ἢ γούνων λίσσοιτο λαβὼν εὐώπιδα κούρην, ### book 6.143 ἦ αὔτως ἐπέεσσιν ἀποσταδὰ μειλιχίοισι ### book 6.144 λίσσοιτ’, εἰ δείξειε πόλιν καὶ εἵματα δοίη. ### book 6.145 ὣς ἄρα οἱ φρονέοντι δοάσσατο κέρδιον εἶναι, ### book 6.146 λίσσεσθαι ἐπέεσσιν ἀποσταδὰ μειλιχίοισι, ### book 6.147 μή οἱ γοῦνα λαβόντι χολώσαιτο φρένα κούρη. ### book 6.148 αὐτίκα μειλίχιον καὶ κερδαλέον φάτο μῦθον· ### book 6.149 “γουνοῦμαί σε, ἄνασσα· θεός νύ τις ἦ βροτός ἐσσι; ### book 6.150 εἰ μέν τις θεός ἐσσι, τοὶ οὐρανὸν εὐρὺν ἔχουσιν, ### book 6.151 Ἀρτέμιδί σε ἐγώ γε, Διὸς κούρῃ μεγάλοιο, ### book 6.152 εἶδός τε μέγεθός τε φυήν τ’ ἄγχιστα ἐΐσκω· ### book 6.153 εἰ δέ τίς ἐσσι βροτῶν, οἳ ἐπὶ χθονὶ ναιετάουσι, ### book 6.154 τρὶς μάκαρες μὲν σοί γε πατὴρ καὶ πότνια μήτηρ, ### book 6.155 τρὶς μάκαρες δὲ κασίγνητοι· μάλα πού σφισι θυμὸς ### book 6.156 αἰὲν ἐϋφροσύνῃσιν ἰαίνεται εἵνεκα σεῖο, ### book 6.157 λευσσόντων τοιόνδε θάλος χορὸν εἰσοιχνεῦσαν. ### book 6.158 κεῖνος δ’ αὖ περὶ κῆρι μακάρτατος ἔξοχον ἄλλων, ### book 6.159 ὅς κέ ς’ ἐέδνοισι βρίσας οἶκόνδ’ ἀγάγηται. ### book 6.160 οὐ γάρ πω τοιοῦτον ἴδον βροτὸν ὀφθαλμοῖσιν, ### book 6.161 οὔτ’ ἄνδρ’ οὔτε γυναῖκα· σέβας μ’ ἔχει εἰσορόωντα. ### book 6.162 Δήλῳ δή ποτε τοῖον Ἀπόλλωνος παρὰ βωμῷ ### book 6.163 φοίνικος νέον ἔρνος ἀνερχόμενον ἐνόησα· ### book 6.164 ἦλθον γὰρ καὶ κεῖσε, πολὺς δέ μοι ἕσπετο λαός, ### book 6.165 τὴν ὁδόν, ᾗ δὴ μέλλεν ἐμοὶ κακὰ κήδε’ ἔσεσθαι· ### book 6.166 ὣς δ’ αὔτως καὶ κεῖνο ἰδὼν ἐτεθήπεα θυμῷ, ### book 6.167 δήν, ἐπεὶ οὔ πω τοῖον ἀνήλυθεν ἐκ δόρυ γαίης, ### book 6.168 ὡς σέ, γύναι, ἄγαμαί τε τέθηπά τε, δείδια δ’ αἰνῶς ### book 6.169 γούνων ἅψασθαι· χαλεπὸν δέ με πένθος ἱκάνει. ### book 6.170 χθιζὸς ἐεικοστῷ φύγον ἤματι οἴνοπα πόντον· ### book 6.171 τόφρα δέ μ’ αἰεὶ κῦμα φόρει κραιπναί τε θύελλαι ### book 6.172 νήσου ἀπ’ Ὠγυγίης· νῦν δ’ ἐνθάδε κάββαλε δαίμων, ### book 6.173 ὄφρα τί που καὶ τῇδε πάθω κακόν· οὐ γὰρ ὀΐω ### book 6.174 παύσεσθ’, ἀλλ’ ἔτι πολλὰ θεοὶ τελέουσι πάροιθεν. ### book 6.175 ἀλλά, ἄνασς’, ἐλέαιρε· σὲ γὰρ κακὰ πολλὰ μογήσας ### book 6.176 ἐς πρώτην ἱκόμην, τῶν δ’ ἄλλων οὔ τινα οἶδα ### book 6.177 ἀνθρώπων, οἳ τήνδε πόλιν καὶ γαῖαν ἔχουσιν. ### book 6.178 ἄστυ δέ μοι δεῖξον, δὸς δὲ ῥάκος ἀμφιβαλέσθαι, ### book 6.179 εἴ τί που εἴλυμα σπείρων ἔχες ἐνθάδ’ ἰοῦσα. ### book 6.180 σοὶ δὲ θεοὶ τόσα δοῖεν, ὅσα φρεσὶ σῇσι μενοινᾷς, ### book 6.181 ἄνδρα τε καὶ οἶκον, καὶ ὁμοφροσύνην ὀπάσειαν ### book 6.182 ἐσθλήν· οὐ μὲν γὰρ τοῦ γε κρεῖσσον καὶ ἄρειον, ### book 6.183 ἢ ὅθ’ ὁμοφρονέοντε νοήμασιν οἶκον ἔχητον ### book 6.184 ἀνὴρ ἠδὲ γυνή· πόλλ’ ἄλγεα δυσμενέεσσι, ### book 6.185 χάρματα δ’ εὐμενέτῃσι· μάλιστα δέ τ’ ἔκλυον αὐτοί.” ### book 6.186 τὸν δ’ αὖ Ναυσικάα λευκώλενος ἀντίον ηὔδα· ### book 6.187 “ξεῖν’, ἐπεὶ οὔτε κακῷ οὔτ’ ἄφρονι φωτὶ ἔοικας, ### book 6.188 Ζεὺς δ’ αὐτὸς νέμει ὄλβον Ὀλύμπιος ἀνθρώποισιν, ### book 6.189 ἐσθλοῖς’ ἠδὲ κακοῖσιν, ὅπως ἐθέλῃσιν, ἑκάστῳ· ### book 6.190 καί που σοὶ τά γ’ ἔδωκε, σὲ δὲ χρὴ τετλάμεν ἔμπης. ### book 6.191 νῦν δ’, ἐπεὶ ἡμετέρην τε πόλιν καὶ γαῖαν ἱκάνεις, ### book 6.192 οὔτ’ οὖν ἐσθῆτος δευήσεαι οὔτε τευ ἄλλου, ### book 6.193 ὧν ἐπέοιχ’ ἱκέτην ταλαπείριον ἀντιάσαντα. ### book 6.194 ἄστυ δέ τοι δείξω, ἐρέω δέ τοι οὔνομα λαῶν· ### book 6.195 Φαίηκες μὲν τήνδε πόλιν καὶ γαῖαν ἔχουσιν, ### book 6.196 εἰμὶ δ’ ἐγὼ θυγάτηρ μεγαλήτορος Ἀλκινόοιο, ### book 6.197 τοῦ δ’ ἐκ Φαιήκων ἔχεται κάρτος τε βίη τε.” ### book 6.198 ἦ ῥα, καὶ ἀμφιπόλοισιν ἐϋπλοκάμοισι κέλευσε· ### book 6.199 “στῆτέ μοι ἀμφίπολοι· πόσε φεύγετε φῶτα ἰδοῦσαι; ### book 6.200 ἦ μή πού τινα δυσμενέων φάσθ’ ἔμμεναι ἀνδρῶν; ### book 6.201 οὐκ ἔσθ’ οὗτος ἀνὴρ διερὸς βροτὸς οὐδὲ γένηται, ### book 6.202 ὅς κεν Φαιήκων ἀνδρῶν ἐς γαῖαν ἵκηται ### book 6.203 δηϊοτῆτα φέρων· μάλα γὰρ φίλοι ἀθανάτοισιν. ### book 6.204 οἰκέομεν δ’ ἀπάνευθε πολυκλύστῳ ἐνὶ πόντῳ, ### book 6.205 ἔσχατοι, οὐδέ τις ἄμμι βροτῶν ἐπιμίσγεται ἄλλος. ### book 6.206 ἀλλ’ ὅδε τις δύστηνος ἀλώμενος ἐνθάδ’ ἱκάνει, ### book 6.207 τὸν νῦν χρὴ κομέειν· πρὸς γὰρ Διός εἰσιν ἅπαντες ### book 6.208 ξεῖνοί τε πτωχοί τε, δόσις δ’ ὀλίγη τε φίλη τε. ### book 6.209 ἀλλὰ δότ’, ἀμφίπολοι, ξείνῳ βρῶσίν τε πόσιν τε, ### book 6.210 λούσατέ τ’ ἐν ποταμῷ, ὅθ’ ἐπὶ σκέπας ἔστ’ ἀνέμοιο.” ### book 6.211 ὣς ἔφαθ’, αἱ δ’ ἔσταν τε καὶ ἀλλήλῃσι κέλευσαν, ### book 6.212 κὰδ δ’ ἄρ’ Ὀδυσσέα εἷσαν ἐπὶ σκέπας, ὡς ἐκέλευσε ### book 6.213 Ναυσικάα, θυγάτηρ μεγαλήτορος Ἀλκινόοιο· ### book 6.214 πὰρ δ’ ἄρα οἱ φᾶρός τε χιτῶνά τε εἵματ’ ἔθηκαν, ### book 6.215 δῶκαν δὲ χρυσέῃ ἐν ληκύθῳ ὑγρὸν ἔλαιον, ### book 6.216 ἤνωγον δ’ ἄρα μιν λοῦσθαι ποταμοῖο ῥοῇσι. ### book 6.217 δή ῥα τότ’ ἀμφιπόλοισι μετηύδα δῖος Ὀδυσσεύς· ### book 6.218 “ἀμφίπολοι, στῆθ’ οὕτω ἀπόπροθεν, ὄφρ’ ἐγὼ αὐτὸς ### book 6.219 ἅλμην ὤμοιϊν ἀπολούσομαι, ἀμφὶ δ’ ἐλαίῳ ### book 6.220 χρίσομαι· ἦ γὰρ δηρὸν ἀπὸ χροός ἐστιν ἀλοιφή. ### book 6.221 ἄντην δ’ οὐκ ἂν ἐγώ γε λοέσσομαι· αἰδέομαι γὰρ ### book 6.222 γυμνοῦσθαι κούρῃσιν ἐϋπλοκάμοισι μετελθών.” ### book 6.223 ὣς ἔφαθ’, αἱ δ’ ἀπάνευθεν ἴσαν, εἶπον δ’ ἄρα κούρῃ. ### book 6.224 αὐτὰρ ὁ ἐκ ποταμοῦ χρόα νίζετο δῖος Ὀδυσσεὺς ### book 6.225 ἅλμην, ἥ οἱ νῶτα καὶ εὐρέας ἄμπεχεν ὤμους· ### book 6.226 ἐκ κεφαλῆς δ’ ἔσμηχεν ἁλὸς χνόον ἀτρυγέτοιο. ### book 6.227 αὐτὰρ ἐπεὶ δὴ πάντα λοέσσατο καὶ λίπ’ ἄλειψεν, ### book 6.228 ἀμφὶ δὲ εἵματα ἕσσαθ’ ἅ οἱ πόρε παρθένος ἀδμής, ### book 6.229 τὸν μὲν Ἀθηναίη θῆκεν, Διὸς ἐκγεγαυῖα, ### book 6.230 μείζονά τ’ εἰσιδέειν καὶ πάσσονα, κὰδ δὲ κάρητος ### book 6.231 οὔλας ἧκε κὄμας, ὑακινθίνῳ ἄνθει ὁμοίας. ### book 6.232 ὡς δ’ ὅτε τις χρυσὸν περιχεύεται ἀργύρῳ ἀνὴρ ### book 6.233 ἴδρις, ὃν Ἥφαιστος δέδαεν καὶ Παλλὰς Ἀθήνη ### book 6.234 τέχνην παντοίην, χαρίεντα δὲ ἔργα τελείει, ### book 6.235 ὣς ἄρα τῷ κατέχευε χάριν κεφαλῇ τε καὶ ὤμοις. ### book 6.236 ἕζετ’ ἔπειτ’ ἀπάνευθε κιὼν ἐπὶ θῖνα θαλάσσης, ### book 6.237 κάλλεϊ καὶ χάρισι στίλβων· θηεῖτο δὲ κούρη. ### book 6.238 δή ῥα τότ’ ἀμφιπόλοισιν ἐϋπλοκάμοισι μετηύδα· ### book 6.239 “κλῦτέ μοι, ἀμφίπολοι λευκώλενοι, ὄφρα τι εἴπω. ### book 6.240 οὐ πάντων ἀέκητι θεῶν, οἳ Ὄλυμπον ἔχουσι, ### book 6.241 Φαιήκεσς’ ὅδ’ ἀνὴρ ἐπιμείξεται ἀντιθέοισι· ### book 6.242 πρόσθεν μὲν γὰρ δή μοι ἀεικέλιος δέατ’ εἶναι, ### book 6.243 νῦν δὲ θεοῖσιν ἔοικε, τοὶ οὐρανὸν εὐρὺν ἔχουσιν. ### book 6.244 αἲ γὰρ ἐμοὶ τοιόσδε πόσις κεκλημένος εἴη ### book 6.245 ἐνθάδε ναιετάων, καί οἱ ἅδοι αὐτόθι μίμνειν. ### book 6.246 ἀλλὰ δότ’, ἀμφίπολοι, ξείνῳ βρῶσίν τε πόσιν τε.” ### book 6.247 ὣς ἔφαθ’, αἱ δ’ ἄρα τῆς μάλα μὲν κλύον ἠδ’ ἐπίθοντο, ### book 6.248 πὰρ δ’ ἄρ’ Ὀδυσσῆϊ ἔθεσαν βρῶσίν τε πόσιν τε. ### book 6.249 ἦ τοι ὁ πῖνε καὶ ἦσθε πολύτλας δῖος Ὀδυσσεὺς ### book 6.250 ἁρπαλέως· δηρὸν γὰρ ἐδητύος ἦεν ἄπαστος. ### book 6.251 αὐτὰρ Ναυσικάα λευκώλενος ἄλλ’ ἐνόησεν· ### book 6.252 εἵματ’ ἄρα πτύξασα τίθει καλῆς ἐπ’ ἀπήνης, ### book 6.253 ζεῦξε δ’ ὑφ’ ἡμιόνους κρατερώνυχας, ἂν δ’ ἔβη αὐτή. ### book 6.254 ὤτρυνεν δ’ Ὀδυσῆα ἔπος τ’ ἔφατ’ ἔκ τ’ ὀνόμαζεν· ### book 6.255 “ὄρσεο νῦν, ὦ ξεῖνε, πόλινδ’ ἴμεν, ὄφρα σε πέμψω ### book 6.256 πατρὸς ἐμοῦ πρὸς δῶμα δαΐφρονος, ἔνθα σέ φημι ### book 6.257 πάντων Φαιήκων εἰδησέμεν, ὅσσοι ἄριστοι. ### book 6.258 ἀλλὰ μάλ’ ὧδ’ ἕρδειν· δοκέεις δέ μοι οὐκ ἀπινύσσειν· ### book 6.259 ὄφρ’ ἂν μέν κ’ ἀγροὺς ἴομεν καὶ ἔργ’ ἀνθρώπων, ### book 6.260 τόφρα σὺν ἀμφιπόλοισι μεθ’ ἡμιόνους καὶ ἄμαξαν ### book 6.261 καρπαλίμως ἔρχεσθαι· ἐγὼ δ’ ὁδὸν ἡγεμονεύσω. ### book 6.262 αὐτὰρ ἐπὴν πόλιος ἐπιβήομεν, ἣν πέρι πύργος ### book 6.263 ὑψηλός, καλὸς δὲ λιμὴν ἑκάτερθε πόληος, ### book 6.264 λεπτὴ δ’ εἰσίθμη· νῆες δ’ ὁδὸν ἀμφιέλισσαι ### book 6.265 εἰρύαται· πᾶσιν γὰρ ἐπίστιόν ἐστιν ἑκάστῳ. ### book 6.266 ἔνθα δέ τέ σφ’ ἀγορὴ καλὸν Ποσιδήϊον ἀμφίς, ### book 6.267 ῥυτοῖσιν λάεσσι κατωρυχέεσς’ ἀραρυῖα. ### book 6.268 ἔνθα δὲ νηῶν ὅπλα μελαινάων ἀλέγουσι, ### book 6.269 πείσματα καὶ σπείρας, καὶ ἀποξύνουσιν ἐρετμά. ### book 6.270 οὐ γὰρ Φαιήκεσσι μέλει βιὸς οὐδὲ φαρέτρη, ### book 6.271 ἀλλ’ ἱστοὶ καὶ ἐρετμὰ νεῶν καὶ νῆες ἐῖσαι, ### book 6.272 ᾗσιν ἀγαλλόμενοι πολιὴν περόωσι θάλασσαν. ### book 6.273 τῶν ἀλεείνω φῆμιν ἀδευκέα, μή τις ὀπίσσω ### book 6.274 μωμεύῃ· μάλα δ’ εἰσὶν ὑπερφίαλοι κατὰ δῆμον· ### book 6.275 καί νύ τις ὧδ’ εἴπῃσι κακώτερος ἀντιβολήσας· ### book 6.276 ‘τίς δ’ ὅδε Ναυσικάᾳ ἕπεται καλός τε μέγας τε ### book 6.277 ξεῖνος; ποῦ δέ μιν εὗρε; πόσις νύ οἱ ἔσσεται αὐτῇ. ### book 6.278 ἦ τινά που πλαγχθέντα κομίσσατο ἧς ἀπὸ νηὸς ### book 6.279 ἀνδρῶν τηλεδαπῶν, ἐπεὶ οὔ τινες ἐγγύθεν εἰσίν· ### book 6.280 ἤ τίς οἱ εὐξαμένῃ πολυάρητος θεὸς ἦλθεν ### book 6.281 οὐρανόθεν καταβάς, ἕξει δέ μιν ἤματα πάντα. ### book 6.282 βέλτερον, εἰ καὐτή περ ἐποιχομένη πόσιν εὗρεν ### book 6.283 ἄλλοθεν· ἦ γὰρ τούσδε γ’ ἀτιμάζει κατὰ δῆμον ### book 6.284 Φαίηκας, τοί μιν μνῶνται πολέες τε καὶ ἐσθλοί.‘ ### book 6.285 ὣς ἐρέουσιν, ἐμοὶ δέ κ’ ὀνείδεα ταῦτα γένοιτο. ### book 6.286 καὶ δ’ ἄλλῃ νεμεσῶ, ἥ τις τοιαῦτά γε ῥέζοι, ### book 6.287 ἥ τ’ ἀέκητι φίλων πατρὸς καὶ μητρὸς ἐόντων ### book 6.288 ἀνδράσι μίσγηται πρίν γ’ ἀμφάδιον γάμον ἐλθεῖν. — ### book 6.289 ξεῖνε, σὺ δ’ ὦκ’ ἐμέθεν ξυνίει ἔπος, ὄφρα τάχιστα ### book 6.290 πομπῆς καὶ νόστοιο τύχῃς παρὰ πατρὸς ἐμοῖο. ### book 6.291 δήομεν ἀγλαὸν ἄλσος Ἀθήνης ἄγχι κελεύθου ### book 6.292 αἰγείρων, ἐν δὲ κρήνη νάει, ἀμφὶ δὲ λειμών· ### book 6.293 ἔνθα δὲ πατρὸς ἐμοῦ τέμενος τεθαλυῖά τ’ ἀλῳή, ### book 6.294 τόσσον ἀπὸ πτόλιος, ὅσσον τε γέγωνε βοήσας. ### book 6.295 ἔνθα καθεζόμενος μεῖναι χρόνον, εἰς ὅ κεν ἡμεῖς ### book 6.296 ἄστυδε ἔλθωμεν καὶ ἱκώμεθα δώματα πατρός. ### book 6.297 αὐτὰρ ἐπὴν ἥμεας ἔλπῃ ποτὶ δώματ’ ἀφῖχθαι, ### book 6.298 καὶ τότε Φαιήκων ἴμεν ἐς πόλιν ἠδ’ ἐρέεσθαι ### book 6.299 δώματα πατρὸς ἐμοῦ μεγαλήτορος Ἀλκινόοιο. ### book 6.300 ῥεῖα δ’ ἀρίγνωτ’ ἐστί, καὶ ἂν πάϊς ἡγήσαιτο ### book 6.301 νήπιος· οὐ μὲν γάρ τι ἐοικότα τοῖσι τέτυκται ### book 6.302 δώματα Φαιήκων, οἷος δόμος Ἀλκινόοιο ### book 6.303 ἥρως. ἀλλ’ ὁπότ’ ἄν σε δόμοι κεκύθωσι καὶ αὐλή, ### book 6.304 ὦκα μάλα μεγάροιο διελθέμεν, ὄφρ’ ἂν ἵκηαι ### book 6.305 μητέρ’ ἐμήν· ἡ δ’ ἧσται ἐπ’ ἐσχάρῃ ἐν πυρὸς αὐγῇ, ### book 6.306 ἠλάκατα στρωφῶς’ ἁλιπόρφυρα, θαῦμα ἰδέσθαι, ### book 6.307 κίονι κεκλιμένη· δμῳαὶ δέ οἱ εἵατ’ ὄπισθεν. ### book 6.308 ἔνθα δὲ πατρὸς ἐμοῖο θρόνος ποτικέκλιται αὐτῇ, ### book 6.309 τῷ ὅ γε οἰνοποτάζει ἐφήμενος ἀθάνατος ὥς. ### book 6.310 τὸν παραμειψάμενος μητρὸς περὶ γούνασι χεῖρας ### book 6.311 βάλλειν ἡμετέρης, ἵνα νόστιμον ἦμαρ ἴδηαι ### book 6.312 χαίρων καρπαλίμως, εἰ καὶ μάλα τηλόθεν ἐσσί. ### book 6.313 [εἴ κέν τοι κείνη γε φίλα φρονέῃς’ ἐνὶ θυμῷ, ### book 6.314 ἐλπωρή τοι ἔπειτα φίλους τ’ ἰδέειν καὶ ἱκέσθαι ### book 6.315 οἶκον ἐϋκτίμενον καὶ σὴν ἐς πατρίδα γαῖαν.]” ### book 6.316 ὣς ἄρα φωνήσας’ ἵμασεν μάστιγι φαεινῇ ### book 6.317 ἡμιόνους· αἱ δ’ ὦκα λίπον ποταμοῖο ῥέεθρα. ### book 6.318 αἱ δ’ εὖ μὲν τρώχων, εὖ δ’ ἐπλίσσοντο πόδεσσιν· ### book 6.319 ἡ δὲ μάλ’ ἡνιόχευεν, ὅπως ἅμ’ ἑποίατο πεζοὶ ### book 6.320 ἀμφίπολοί τ’ Ὀδυσεύς τε· νόῳ δ’ ἐπέβαλλεν ἱμάσθλην. ### book 6.321 δύσετό τ’ ἠέλιος, καὶ τοὶ κλυτὸν ἄλσος ἵκοντο ### book 6.322 ἱρὸν Ἀθηναίης, ἵν’ ἄρ’ ἕζετο δῖος Ὀδυσσεύς. ### book 6.323 αὐτίκ’ ἔπειτ’ ἠρᾶτο Διὸς κούρῃ μεγάλοιο· ### book 6.324 “κλῦθί μοι, αἰγιόχοιο Διὸς τέκος, Ἀτρυτώνη· ### book 6.325 νῦν δή πέρ μευ ἄκουσον, ἐπεὶ πάρος οὔ ποτ’ ἄκουσας ### book 6.326 ῥαιομένου, ὅτε μ’ ἔρραιε κλυτὸς ἐννοσίγαιος. ### book 6.327 δός μ’ ἐς Φαίηκας φίλον ἐλθεῖν ἠδ’ ἐλεεινόν.” ### book 6.328 ὣς ἔφατ’ εὐχόμενος, τοῦ δ’ ἔκλυε Παλλὰς Ἀθήνη· ### book 6.329 αὐτῷ δ’ οὔ πω φαίνετ’ ἐναντίη· αἴδετο γάρ ῥα ### book 6.330 πατροκασίγνητον· ὁ δ’ ἐπιζαφελῶς μενέαινεν ### book 6.331 ἀντιθέῳ Ὀδυσῆϊ πάρος ἣν γαῖαν ἱκέσθαι. ### book 7.1 Ὣς ὁ μὲν ἔνθ’ ἠρᾶτο πολύτλας δῖος Ὀδυσσεύς, ### book 7.2 κούρην δὲ προτὶ ἄστυ φέρεν μένος ἡμιόνοιϊν. ### book 7.3 ἡ δ’ ὅτε δὴ οὗ πατρὸς ἀγακλυτὰ δώμαθ’ ἵκανε, ### book 7.4 στῆσεν ἄρ’ ἐν προθύροισι· κασίγνητοι δέ μιν ἀμφὶς ### book 7.5 ἵσταντ’ ἀθανάτοις’ ἐναλίγκιοι, οἵ ῥ’ ὑπ’ ἀπήνης ### book 7.6 ἡμιόνους ἔλυον ἐσθῆτά τε ἔσφερον εἴσω. ### book 7.7 αὐτὴ δ’ ἐς θάλαμον ἑὸν ἤϊε· δαῖε δέ οἱ πῦρ ### book 7.8 γρηῢς Ἀπειραίη, θαλαμηπόλος Εὐρυμέδουσα, ### book 7.9 τήν ποτ’ Ἀπείρηθεν νέες ἤγαγον ἀμφιέλισσαι, ### book 7.10 Ἀλκινόῳ δ’ αὐτὴν γέρας ἔξελον, οὕνεκα πᾶσι ### book 7.11 Φαιήκεσσιν ἄνασσε, θεοῦ δ’ ὣς δῆμος ἄκουεν· ### book 7.12 ἣ τρέφε Ναυσικάαν λευκώλενον ἐν μεγάροισιν. ### book 7.13 ἥ οἱ πῦρ ἀνέκαιε καὶ εἴσω δόρπον ἐκόσμει. ### book 7.14 καὶ τότ’ Ὀδυσσεὺς ὦρτο πόλινδ’ ἴμεν· ἀμφὶ δ’ Ἀθήνη ### book 7.15 πολλὴν ἠέρα χεῦε φίλα φρονέους’ Ὀδυσῆϊ, ### book 7.16 μή τις Φαιήκων μεγαθύμων ἀντιβολήσας ### book 7.17 κερτομέοι τ’ ἐπέεσσι καὶ ἐξερέοιθ’ ὅτις εἴη. ### book 7.18 ἀλλ’ ὅτε δὴ ἄρ’ ἔμελλε πόλιν δύσεσθαι ἐραννήν, ### book 7.19 ἔνθα οἱ ἀντεβόλησε θεὰ γλαυκῶπις Ἀθήνη ### book 7.20 παρθενικῇ εἰκυῖα νεήνιδι κάλπιν ἐχούσῃ. ### book 7.21 στῆ δὲ πρόσθ’ αὐτοῦ· ὁ δ’ ἀνείρετο δῖος Ὀδυσσεύς· ### book 7.22 “ὦ τέκος, οὐκ ἄν μοι δόμον ἀνέρος ἡγήσαιο ### book 7.23 Ἀλκινόου, ὃς τοῖσδε μετ’ ἀνθρώποισιν ἀνάσσει; ### book 7.24 καὶ γὰρ ἐγὼ ξεῖνος ταλαπείριος ἐνθάδ’ ἱκάνω ### book 7.25 τηλόθεν ἐξ ἀπίης γαίης· τῶ οὔ τινα οἶδα ### book 7.26 ἀνθρώπων, οἳ τήνδε πόλιν καὶ ἔργα νέμονται.” ### book 7.27 τὸν δ’ αὖτε προσέειπε θεὰ γλαυκῶπις Ἀθήνη· ### book 7.28 “τοιγὰρ ἐγώ τοι, ξεῖνε πάτερ, δόμον, ὅν με κελεύεις, ### book 7.29 δείξω, ἐπεί μοι πατρὸς ἀμύμονος ἐγγύθι ναίει. ### book 7.30 ἀλλ’ ἴθι σιγῇ τοῖον, ἐγὼ δ’ ὁδὸν ἡγεμονεύσω, ### book 7.31 μηδέ τιν’ ἀνθρώπων προτιόσσεο μηδ’ ἐρέεινε. ### book 7.32 οὐ γὰρ ξείνους οἵ γε μάλ’ ἀνθρώπους ἀνέχονται ### book 7.33 οὐδ’ ἀγαπαζόμενοι φιλέους’, ὅς κ’ ἄλλοθεν ἔλθῃ. ### book 7.34 νηυσὶ θοῇσιν τοί γε πεποιθότες ὠκείῃσι ### book 7.35 λαῖτμα μέγ’ ἐκπερόωσιν, ἐπεί σφισι δῶκ’ ἐνοσίχθων· ### book 7.36 τῶν νέες ὠκεῖαι ὡς εἰ πτερὸν ἠὲ νόημα.” ### book 7.37 ὣς ἄρα φωνήσας’ ἡγήσατο Παλλὰς Ἀθήνη ### book 7.38 καρπαλίμως· ὁ δ’ ἔπειτα μετ’ ἴχνια βαῖνε θεοῖο. ### book 7.39 τὸν δ’ ἄρα Φαίηκες ναυσικλυτοὶ οὐκ ἐνόησαν ### book 7.40 ἐρχόμενον κατὰ ἄστυ διὰ σφέας· οὐ γὰρ Ἀθήνη ### book 7.41 εἴα ἐϋπλόκαμος, δεινὴ θεός, ἥ ῥά οἱ ἀχλὺν ### book 7.42 θεσπεσίην κατέχευε φίλα φρονέους’ ἐνὶ θυμῷ. ### book 7.43 θαύμαζεν δ’ Ὀδυσεὺς λιμένας καὶ νῆας ἐΐσας, ### book 7.44 αὐτῶν θ’ ἡρώων ἀγορὰς καὶ τείχεα μακρά, ### book 7.45 ὑψηλά, σκολόπεσσιν ἀρηρότα, θαῦμα ἰδέσθαι. ### book 7.46 ἀλλ’ ὅτε δὴ βασιλῆος ἀγακλυτὰ δώμαθ’ ἵκοντο, ### book 7.47 τοῖσι δὲ μύθων ἦρχε θεὰ γλαυκῶπις Ἀθήνη· ### book 7.48 “οὗτος δή τοι, ξεῖνε πάτερ, δόμος, ὅν με κελεύεις ### book 7.49 πεφραδέμεν. δήεις δὲ διοτρεφέας βασιλῆας ### book 7.50 δαίτην δαινυμένους· σὺ δ’ ἔσω κίε μηδέ τι θυμῷ ### book 7.51 τάρβει· θαρσαλέος γὰρ ἀνὴρ ἐν πᾶσιν ἀμείνων ### book 7.52 ἔργοισιν τελέθει, εἰ καί ποθεν ἄλλοθεν ἔλθοι. ### book 7.53 δέσποιναν μὲν πρῶτα κιχήσεαι ἐν μεγάροισιν· ### book 7.54 Ἀρήτη δ’ ὄνομ’ ἐστὶν ἐπώνυμον, ἐκ δὲ τοκήων ### book 7.55 τῶν αὐτῶν, οἵ περ τέκον Ἀλκίνοον βασιλῆα. ### book 7.56 Ναυσίθοον μὲν πρῶτα Ποσειδάων ἐνοσίχθων ### book 7.57 γείνατο καὶ Περίβοια, γυναικῶν εἶδος ἀρίστη, ### book 7.58 ὁπλοτάτη θυγάτηρ μεγαλήτορος Εὐρυμέδοντος, ### book 7.59 ὅς ποθ’ ὑπερθύμοισι Γιγάντεσσιν βασίλευεν. ### book 7.60 ἀλλ’ ὁ μὲν ὤλεσε λαὸν ἀτάσθαλον, ὤλετο δ’ αὐτός· ### book 7.61 τῇ δὲ Ποσειδάων ἐμίγη καὶ ἐγείνατο παῖδα ### book 7.62 Ναυσίθοον μεγάθυμον, ὃς ἐν Φαίηξιν ἄνασσε· ### book 7.63 Ναυσίθοος δ’ ἔτεκεν Ῥηξήνορά τ’ Ἀλκίνοόν τε. ### book 7.64 τὸν μὲν ἄκουρον ἐόντα βάλ’ ἀργυρότοξος Ἀπόλλων ### book 7.65 νυμφίον, ἐν μεγάρῳ μίαν οἴην παῖδα λιπόντα, ### book 7.66 Ἀρήτην· τὴν δ’ Ἀλκίνοος ποιήσατ’ ἄκοιτιν ### book 7.67 καί μιν ἔτις’ ὡς οὔ τις ἐπὶ χθονὶ τίεται ἄλλη, ### book 7.68 ὅσσαι νῦν γε γυναῖκες ὑπ’ ἀνδράσιν οἶκον ἔχουσιν. ### book 7.69 ὣς κείνη περὶ κῆρι τετίμηταί τε καὶ ἔστιν ### book 7.70 ἔκ τε φίλων παίδων ἔκ τ’ αὐτοῦ Ἀλκινόοιο ### book 7.71 καὶ λαῶν, οἵ μίν ῥα θεὸν ὣς εἰσορόωντες ### book 7.72 δειδέχαται μύθοισιν, ὅτε στείχῃς’ ἀνὰ ἄστυ. ### book 7.73 οὐ μὲν γάρ τι νόου γε καὶ αὐτὴ δεύεται ἐσθλοῦ, ### book 7.74 οἷσί τ’ ἐῢ φρονέῃσι, καὶ ἀνδράσι νείκεα λύει. ### book 7.75 εἴ κέν τοι κείνη γε φίλα φρονέῃς’ ἐνὶ θυμῷ, ### book 7.76 ἐλπωρή τοι ἔπειτα φίλους ἰδέειν καὶ ἱκέσθαι ### book 7.77 οἶκον ἐς ὑψόροφον καὶ σὴν ἐς πατρίδα γαῖαν.” ### book 7.78 ὣς ἄρα φωνήσας’ ἀπέβη γλαυκῶπις Ἀθήνη ### book 7.79 πόντον ἐπ’ ἀτρύγετον, λίπε δὲ Σχερίην ἐρατεινήν, ### book 7.80 ἵκετο δ’ ἐς Μαραθῶνα καὶ εὐρυάγυιαν Ἀθήνην, ### book 7.81 δῦνε δ’ Ἐρεχθῆος πυκινὸν δόμον. αὐτὰρ Ὀδυσσεὺς ### book 7.82 Ἀλκινόου πρὸς δώματ’ ἴε κλυτά· πολλὰ δέ οἱ κῆρ ### book 7.83 ὥρμαιν’ ἱσταμένῳ, πρὶν χάλκεον οὐδὸν ἱκέσθαι. ### book 7.84 ὥς τε γὰρ ἠελίου αἴγλη πέλεν ἠὲ σελήνης ### book 7.85 δῶμα καθ’ ὑψερεφὲς μεγαλήτορος Ἀλκινόοιο. ### book 7.86 χάλκεοι μὲν γὰρ τοῖχοι ἐληλέδατ’ ἔνθα καὶ ἔνθα, ### book 7.87 ἐς μυχὸν ἐξ οὐδοῦ, περὶ δὲ θριγκὸς κυάνοιο· ### book 7.88 χρύσειαι δὲ θύραι πυκινὸν δόμον ἐντὸς ἔεργον· ### book 7.89 ἀργύρεοι δὲ σταθμοὶ ἐν χαλκέῳ ἕστασαν οὐδῷ, ### book 7.90 ἀργύρεον δ’ ἐφ’ ὑπερθύριον, χρυσέη δὲ κορώνη. ### book 7.91 χρύσειοι δ’ ἑκάτερθε καὶ ἀργύρεοι κύνες ἦσαν, ### book 7.92 οὓς Ἥφαιστος ἔτευξεν ἰδυίῃσι πραπίδεσσι ### book 7.93 δῶμα φυλασσέμεναι μεγαλήτορος Ἀλκινόοιο, ### book 7.94 ἀθανάτους ὄντας καὶ ἀγήρως ἤματα πάντα. ### book 7.95 ἐν δὲ θρόνοι περὶ τοῖχον ἐρηρέδατ’ ἔνθα καὶ ἔνθα ### book 7.96 ἐς μυχὸν ἐξ οὐδοῖο διαμπερές, ἔνθ’ ἐνὶ πέπλοι ### book 7.97 λεπτοὶ ἐΰννητοι βεβλήατο, ἔργα γυναικῶν. ### book 7.98 ἔνθα δὲ Φαιήκων ἡγήτορες ἑδριόωντο ### book 7.99 πίνοντες καὶ ἔδοντες· ἐπηετανὸν γὰρ ἔχεσκον. ### book 7.100 χρύσειοι δ’ ἄρα κοῦροι ἐϋδμήτων ἐπὶ βωμῶν ### book 7.101 ἕστασαν αἰθομένας δαΐδας μετὰ χερσὶν ἔχοντες, ### book 7.102 φαίνοντες νύκτας κατὰ δώματα δαιτυμόνεσσι. ### book 7.103 πεντήκοντα δέ οἱ δμῳαὶ κατὰ δῶμα γυναῖκες ### book 7.104 αἱ μὲν ἀλετρεύουσι μύλῃς’ ἔπι μήλοπα καρπόν, ### book 7.105 αἱ δ’ ἱστοὺς ὑφόωσι καὶ ἠλάκατα στρωφῶσιν ### book 7.106 ἥμεναι, οἱά τε φύλλα μακεδνῆς αἰγείροιο· ### book 7.107 καιρουσσέων δ’ ὀθονέων ἀπολείβεται ὑγρὸν ἔλαιον. ### book 7.108 ὅσσον Φαίηκες περὶ πάντων ἴδριες ἀνδρῶν ### book 7.109 νῆα θοὴν ἐνὶ πόντῳ ἐλαυνέμεν, ὣς δὲ γυναῖκες ### book 7.110 ἱστὸν τεχνῆσσαι· περὶ γάρ σφισι δῶκεν Ἀθήνη ### book 7.111 ἔργα τ’ ἐπίστασθαι περικαλλέα καὶ φρένας ἐσθλάς. ### book 7.112 ἔκτοσθεν δ’ αὐλῆς μέγας ὄρχατος ἄγχι θυράων ### book 7.113 τετράγυος· περὶ δ’ ἕρκος ἐλήλαται ἀμφοτέρωθεν. ### book 7.114 ἔνθα δὲ δένδρεα μακρὰ πεφύκασι τηλεθάοντα, ### book 7.115 ὄγχναι καὶ ῥοιαὶ καὶ μηλέαι ἀγλαόκαρποι ### book 7.116 συκέαι τε γλυκεραὶ καὶ ἐλαῖαι τηλεθόωσαι. ### book 7.117 τάων οὔ ποτε καρπὸς ἀπόλλυται οὐδ’ ἀπολείπει ### book 7.118 χείματος οὐδὲ θέρευς, ἐπετήσιος· ἀλλὰ μάλ’ αἰεὶ ### book 7.119 ζεφυρίη πνείουσα τὰ μὲν φύει, ἄλλα δὲ πέσσει. ### book 7.120 ὄγχνη ἐπ’ ὄγχνῃ γηράσκει, μῆλον δ’ ἐπὶ μήλῳ, ### book 7.121 αὐτὰρ ἐπὶ σταφυλῇ σταφυλή, σῦκον δ’ ἐπὶ σύκῳ. ### book 7.122 ἔνθα δέ οἱ πολύκαρπος ἀλῳὴ ἐρρίζωται, ### book 7.123 τῆς ἕτερον μέν θ’ εἱλόπεδον λευρῷ ἐνὶ χώρῳ ### book 7.124 τέρσεται ἠελίῳ, ἑτέρας δ’ ἄρα τε τρυγόωσιν, ### book 7.125 ἄλλας δὲ τραπέουσι· πάροιθε δέ τ’ ὄμφακές εἰσιν ### book 7.126 ἄνθος ἀφιεῖσαι, ἕτεραι δ’ ὑποπερκάζουσιν. ### book 7.127 ἔνθα δὲ κοσμηταὶ πρασιαὶ παρὰ νείατον ὄρχον ### book 7.128 παντοῖαι πεφύασιν, ἐπηετανὸν γανόωσαι. ### book 7.129 ἐν δὲ δύω κρῆναι ἡ μέν τ’ ἀνὰ κῆπον ἅπαντα ### book 7.130 σκίδναται, ἡ δ’ ἑτέρωθεν ὑπ’ αὐλῆς οὐδὸν ἵησι ### book 7.131 πρὸς δόμον ὑψηλόν, ὅθεν ὑδρεύοντο πολῖται. ### book 7.132 τοῖ’ ἄρ’ ἐν Ἀλκινόοιο θεῶν ἔσαν ἀγλαὰ δῶρα. ### book 7.133 ἔνθα στὰς θηεῖτο πολύτλας δῖος Ὀδυσσεύς. ### book 7.134 αὐτὰρ ἐπεὶ δὴ πάντα ἑῷ θηήσατο θυμῷ, ### book 7.135 καρπαλίμως ὑπὲρ οὐδὸν ἐβήσετο δώματος εἴσω. ### book 7.136 εὗρε δὲ Φαιήκων ἡγήτορας ἠδὲ μέδοντας ### book 7.137 σπένδοντας δεπάεσσιν ἐϋσκόπῳ Ἀργεϊφόντῃ, ### book 7.138 ᾧ πυμάτῳ σπένδεσκον, ὅτε μνησαίατο κοίτου. ### book 7.139 αὐτὰρ ὁ βῆ διὰ δῶμα πολύτλας δῖος Ὀδυσσεὺς ### book 7.140 πολλὴν ἠέρ’ ἔχων, ἥν οἱ περίχευεν Ἀθήνη, ### book 7.141 ὄφρ’ ἵκετ’ Ἀρήτην τε καὶ Ἀλκίνοον βασιλῆα. ### book 7.142 ἀμφὶ δ’ ἄρ’ Ἀρήτης βάλε γούνασι χεῖρας Ὀδυσσεύς, ### book 7.143 καὶ τότε δή ῥ’ αὐτοῖο πάλιν χύτο θέσφατος ἀήρ. ### book 7.144 οἱ δ’ ἄνεω ἐγένοντο δόμον κάτα φῶτα ἰδόντες, ### book 7.145 θαύμαζον δ’ ὁρόωντες· ὁ δ’ ἐλλιτάνευεν Ὀδυσσεύς· ### book 7.146 “Ἀρήτη, θύγατερ Ῥηξήνορος ἀντιθέοιο, ### book 7.147 σόν τε πόσιν σά τε γούναθ’ ἱκάνω πολλὰ μογήσας, ### book 7.148 τούσδε τε δαιτυμόνας, τοῖσιν θεοὶ ὄλβια δοῖεν, ### book 7.149 ζωέμεναι, καὶ παισὶν ἐπιτρέψειεν ἕκαστος ### book 7.150 κτήματ’ ἐνὶ μεγάροισι γέρας θ’, ὅ τι δῆμος ἔδωκεν. ### book 7.151 αὐτὰρ ἐμοὶ πομπὴν ὀτρύνετε πατρίδ’ ἱκέσθαι ### book 7.152 θᾶσσον, ἐπεὶ δὴ δηθὰ φίλων ἄπο πήματα πάσχω.” ### book 7.153 ὣς εἰπὼν κατ’ ἄρ’ ἕζετ’ ἐπ’ ἐσχάρῃ ἐν κονίῃσι ### book 7.154 πὰρ πυρί· οἱ δ’ ἄρα πάντες ἀκὴν ἐγένοντο σιωπῇ. ### book 7.155 ὀψὲ δὲ δὴ μετέειπε γέρων ἥρως Ἐχένηος, ### book 7.156 ὃς δὴ Φαιήκων ἀνδρῶν προγενέστερος ἦεν ### book 7.157 καὶ μύθοισι κέκαστο, παλαιά τε πολλά τε εἰδώς· ### book 7.158 ὅ σφιν ἐῢ φρονέων ἀγορήσατο καὶ μετέειπεν· ### book 7.159 “Ἀλκίνο’, οὐ μέν τοι τόδε κάλλιον οὐδὲ ἔοικε ### book 7.160 ξεῖνον μὲν χαμαὶ ἧσθαι ἐπ’ ἐσχάρῃ ἐν κονίῃσιν· ### book 7.161 οἵδε δὲ σὸν μῦθον ποτιδέγμενοι ἰσχανόωνται. ### book 7.162 ἀλλ’ ἄγε δὴ ξεῖνον μὲν ἐπὶ θρόνου ἀργυροήλου ### book 7.163 ἕσσον ἀναστήσας, σὺ δὲ κηρύκεσσι κέλευσον ### book 7.164 οἶνον ἐπικρῆσαι, ἵνα καὶ Διὶ τερπικεραύνῳ ### book 7.165 σπείσομεν, ὅς θ’ ἱκέτῃσιν ἅμ’ αἰδοίοισιν ὀπηδεῖ· ### book 7.166 δόρπον δὲ ξείνῳ ταμίη δότω ἔνδον ἐόντων.” ### book 7.167 αὐτὰρ ἐπεὶ τό γ’ ἄκους’ ἱερὸν μένος Ἀλκινόοιο, ### book 7.168 χειρὸς ἑλὼν Ὀδυσῆα δαΐφρονα ποικιλομήτην ### book 7.169 ὦρσεν ἀπ’ ἐσχαρόφιν καὶ ἐπὶ θρόνου εἷσε φαεινοῦ, ### book 7.170 υἱὸν ἀναστήσας ἀγαπήνορα Λαοδάμαντα, ### book 7.171 ὅς οἱ πλησίον ἷζε, μάλιστα δέ μιν φιλέεσκε. ### book 7.172 χέρνιβα δ’ ἀμφίπολος προχόῳ ἐπέχευε φέρουσα ### book 7.173 καλῇ χρυσείῃ, ὑπὲρ ἀργυρέοιο λέβητος, ### book 7.174 νίψασθαι· παρὰ δὲ ξεστὴν ἐτάνυσσε τράπεζαν. ### book 7.175 σῖτον δ’ αἰδοίη ταμίη παρέθηκε φέρουσα, ### book 7.176 εἴδατα πόλλ’ ἐπιθεῖσα, χαριζομένη παρεόντων. ### book 7.177 αὐτὰρ ὁ πῖνε καὶ ἦσθε πολύτλας δῖος Ὀδυσσεύς. ### book 7.178 καὶ τότε κήρυκα προσέφη μένος Ἀλκινόοιο· ### book 7.179 “Ποντόνοε, κρητῆρα κερασσάμενος μέθυ νεῖμον ### book 7.180 πᾶσιν ἀνὰ μέγαρον, ἵνα καὶ Διὶ τερπικεραύνῳ ### book 7.181 σπείσομεν, ὅς θ’ ἱκέτῃσιν ἅμ’ αἰδοίοισιν ὀπηδεῖ.” ### book 7.182 ὣς φάτο, Ποντόνοος δὲ μελίφρονα οἶνον ἐκίρνα, ### book 7.183 νώμησεν δ’ ἄρα πᾶσιν ἐπαρξάμενος δεπάεσσιν. ### book 7.184 αὐτὰρ ἐπεὶ σπεῖσάν τε πίον θ’, ὅσον ἤθελε θυμός, ### book 7.185 τοῖσιν δ’ Ἀλκίνοος ἀγορήσατο καὶ μετέειπε· ### book 7.186 “κέκλυτε, Φαιήκων ἡγήτορες ἠδὲ μέδοντες, ### book 7.187 ὄφρ’ εἴπω, τά με θυμὸς ἐνὶ στήθεσσι κελεύει. ### book 7.188 νῦν μὲν δαισάμενοι κατακείετε οἴκαδ’ ἰόντες, ### book 7.189 ἠῶθεν δὲ γέροντας ἐπὶ πλέονας καλέσαντες ### book 7.190 ξεῖνον ἐνὶ μεγάροις ξεινίσσομεν ἠδὲ θεοῖσι ### book 7.191 ῥέξομεν ἱερὰ καλά, ἔπειτα δὲ καὶ περὶ πομπῆς ### book 7.192 μνησόμεθ’, ὥς χ’ ὁ ξεῖνος ἄνευθε πόνου καὶ ἀνίης ### book 7.193 πομπῇ ὑφ’ ἡμετέρῃ ἣν πατρίδα γαῖαν ἵκηται ### book 7.194 χαίρων καρπαλίμως, εἰ καὶ μάλα τηλόθεν ἐστί, ### book 7.195 μηδέ τι μεσσηγύς γε κακὸν καὶ πῆμα πάθῃσι ### book 7.196 πρίν γε τὸν ἧς γαίης ἐπιβήμεναι· ἔνθα δ’ ἔπειτα ### book 7.197 πείσεται, ἅσσα οἱ αἶσα κατὰ Κλῶθές τε βαρεῖαι ### book 7.198 γεινομένῳ νήσαντο λίνῳ, ὅτε μιν τέκε μήτηρ. ### book 7.199 εἰ δέ τις ἀθανάτων γε κατ’ οὐρανοῦ εἰλήλουθεν, ### book 7.200 ἄλλο τι δὴ τόδ’ ἔπειτα θεοὶ περιμηχανόωνται. ### book 7.201 αἰεὶ γὰρ τὸ πάρος γε θεοὶ φαίνονται ἐναργεῖς ### book 7.202 ἡμῖν, εὖθ’ ἕρδωμεν ἀγακλειτὰς ἑκατόμβας, ### book 7.203 δαίνυνταί τε παρ’ ἄμμι καθήμενοι ἔνθα περ ἡμεῖς. ### book 7.204 εἰ δ’ ἄρα τις καὶ μοῦνος ἰὼν ξύμβληται ὁδίτης, ### book 7.205 οὔ τι κατακρύπτουσιν, ἐπεί σφισιν ἐγγύθεν εἰμέν, ### book 7.206 ὥς περ Κύκλωπές τε καὶ ἄγρια φῦλα Γιγάντων.” ### book 7.207 τὸν δ’ ἀπαμειβόμενος προσέφη πολύμητις Ὀδυσσεύς· ### book 7.208 “Ἀλκίνο’, ἄλλο τί τοι μελέτω φρεσίν· οὐ γὰρ ἐγώ γε ### book 7.209 ἀθανάτοισιν ἔοικα, τοὶ οὐρανὸν εὐρὺν ἔχουσιν, ### book 7.210 οὐ δέμας οὐδὲ φυήν, ἀλλὰ θνητοῖσι βροτοῖσιν. ### book 7.211 οὕς τινας ὑμεῖς ἴστε μάλιστ’ ὀχέοντας ὀϊζὺν ### book 7.212 ἀνθρώπων, τοῖσίν κεν ἐν ἄλγεσιν ἰσωσαίμην· ### book 7.213 καὶ δ’ ἔτι κεν καὶ πλείον’ ἐγὼ κακὰ μυθησαίμην, ### book 7.214 ὅσσα γε δὴ ξύμπαντα θεῶν ἰότητι μόγησα. ### book 7.215 ἀλλ’ ἐμὲ μὲν δορπῆσαι ἐάσατε κηδόμενόν περ· ### book 7.216 οὐ γάρ τι στυγερῇ ἐπὶ γαστέρι κύντερον ἄλλο ### book 7.217 ἔπλετο, ἥ τ’ ἐκέλευσεν ἕο μνήσασθαι ἀνάγκῃ ### book 7.218 καὶ μάλα τειρόμενον καὶ ἐνὶ φρεσὶ πένθος ἔχοντα, ### book 7.219 ὡς καὶ ἐγὼ πένθος μὲν ἔχω φρεσίν, ἡ δὲ μάλ’ αἰεὶ ### book 7.220 ἐσθέμεναι κέλεται καὶ πινέμεν, ἐκ δέ με πάντων ### book 7.221 ληθάνει, ὅσς’ ἔπαθον, καὶ ἐνιπλησθῆναι ἀνώγει. ### book 7.222 ὑμεῖς δ’ ὀτρύνεσθε ἅμ’ ἠόϊ φαινομένηφιν, ### book 7.223 ὥς κ’ ἐμὲ τὸν δύστηνον ἐμῆς ἐπιβήσετε πάτρης, ### book 7.224 καί περ πολλὰ παθόντα· ἰδόντα με καὶ λίποι αἰὼν ### book 7.225 κτῆσιν ἐμὴν δμῶάς τε καὶ ὑψερεφὲς μέγα δῶμα.” ### book 7.226 ὣς ἔφαθ’, οἱ δ’ ἄρα πάντες ἐπῄνεον ἠδ’ ἐκέλευον ### book 7.227 πεμπέμεναι τὸν ξεῖνον, ἐπεὶ κατὰ μοῖραν ἔειπεν. ### book 7.228 αὐτὰρ ἐπεὶ σπεῖσάν τε πίον θ’, ὅσον ἤθελε θυμός, ### book 7.229 οἱ μὲν κακκείοντες ἔβαν οἶκόνδε ἕκαστος, ### book 7.230 αὐτὰρ ὁ ἐν μεγάρῳ ὑπελείπετο δῖος Ὀδυσσεύς, ### book 7.231 πὰρ δέ οἱ Ἀρήτη τε καὶ Ἀλκίνοος θεοειδὴς ### book 7.232 ἥσθην· ἀμφίπολοι δ’ ἀπεκόσμεον ἔντεα δαιτός. ### book 7.233 τοῖσιν δ’ Ἀρήτη λευκώλενος ἤρχετο μύθων· ### book 7.234 ἔγνω γὰρ φᾶρός τε χιτῶνά τε εἵματ’ ἰδοῦσα ### book 7.235 καλά, τά ῥ’ αὐτὴ τεῦξε σὺν ἀμφιπόλοισι γυναιξί· ### book 7.236 καί μιν φωνήσας’ ἔπεα πτερόεντα προσηύδα· ### book 7.237 “ξεῖνε, τὸ μέν σε πρῶτον ἐγὼν εἰρήσομαι αὐτή· ### book 7.238 τίς πόθεν εἰς ἀνδρῶν; τίς τοι τάδε εἵματ’ ἔδωκεν; ### book 7.239 οὐ δὴ φῂς ἐπὶ πόντον ἀλώμενος ἐνθάδ’ ἱκέσθαι;” ### book 7.240 τὴν δ’ ἀπαμειβόμενος προσέφη πολύμητις Ὀδυσσεύς· ### book 7.241 “ἀργαλέον, βασίλεια, διηνεκέως ἀγορεῦσαι, ### book 7.242 κήδε’ ἐπεί μοι πολλὰ δόσαν θεοὶ Οὐρανίωνες· ### book 7.243 τοῦτο δέ τοι ἐρέω, ὅ μ’ ἀνείρεαι ἠδὲ μεταλλᾷς. ### book 7.244 Ὠγυγίη τις νῆσος ἀπόπροθεν εἰν ἁλὶ κεῖται· ### book 7.245 ἔνθα μὲν Ἄτλαντος θυγάτηρ, δολόεσσα Καλυψώ, ### book 7.246 ναίει ἐϋπλόκαμος, δεινὴ θεός· οὐδέ τις αὐτῇ ### book 7.247 μίσγεται οὔτε θεῶν οὔτε θνητῶν ἀνθρώπων. ### book 7.248 ἀλλ’ ἐμὲ τὸν δύστηνον ἐφέστιον ἤγαγε δαίμων ### book 7.249 οἶον, ἐπεί μοι νῆα θοὴν ἀργῆτι κεραυνῷ ### book 7.250 Ζεὺς ἐλάσας ἐκέασσε μέσῳ ἐνὶ οἴνοπι πόντῳ. ### book 7.251 ἔνθ’ ἄλλοι μὲν πάντες ἀπέφθιθεν ἐσθλοὶ ἑταῖροι, ### book 7.252 αὐτὰρ ἐγὼ τρόπιν ἀγκὰς ἑλὼν νεὸς ἀμφιελίσσης ### book 7.253 ἐννῆμαρ φερόμην· δεκάτῃ δέ με νυκτὶ μελαίνῃ ### book 7.254 νῆσον ἐς Ὠγυγίην πέλασαν θεοί, ἔνθα Καλυψὼ ### book 7.255 ναίει ἐϋπλόκαμος, δεινὴ θεός· ἥ με λαβοῦσα ### book 7.256 ἐνδυκέως ἐφίλει τε καὶ ἔτρεφεν ἠδὲ ἔφασκε ### book 7.257 θήσειν ἀθάνατον καὶ ἀγήραον ἤματα πάντα· ### book 7.258 ἀλλ’ ἐμὸν οὔ ποτε θυμὸν ἐνὶ στήθεσσιν ἔπειθεν. ### book 7.259 ἔνθα μὲν ἑπτάετες μένον ἔμπεδον, εἵματα δ’ αἰεὶ ### book 7.260 δάκρυσι δεύεσκον, τά μοι ἄμβροτα δῶκε Καλυψώ· ### book 7.261 ἀλλ’ ὅτε δὴ ὄγδοόν μοι ἐπιπλόμενον ἔτος ἦλθε, ### book 7.262 καὶ τότε δή μ’ ἐκέλευσεν ἐποτρύνουσα νέεσθαι ### book 7.263 Ζηνὸς ὑπ’ ἀγγελίης, ἢ καὶ νόος ἐτράπετ’ αὐτῆς. ### book 7.264 πέμπε δ’ ἐπὶ σχεδίης πολυδέσμου, πολλὰ δ’ ἔδωκε, ### book 7.265 σῖτον καὶ μέθυ ἡδύ, καὶ ἄμβροτα εἵματα ἕσσεν, ### book 7.266 οὖρον δὲ προέηκεν ἀπήμονά τε λιαρόν τε. ### book 7.267 ἑπτὰ δὲ καὶ δέκα μὲν πλέον ἤματα ποντοπορεύων, ### book 7.268 ὀκτωκαιδεκάτῃ δ’ ἐφάνη ὄρεα σκιόεντα ### book 7.269 γαίης ὑμετέρης, γήθησε δέ μοι φίλον ἦτορ, ### book 7.270 δυσμόρῳ· ἦ γὰρ μέλλον ἔτι ξυνέσεσθαι ὀϊζυῖ ### book 7.271 πολλῇ, τήν μοι ἐπῶρσε Ποσειδάων ἐνοσίχθων, ### book 7.272 ὅς μοι ἐφορμήσας ἀνέμους κατέδησε κέλευθον, ### book 7.273 ὤρινεν δὲ θάλασσαν ἀθέσφατον, οὐδέ τι κῦμα ### book 7.274 εἴα ἐπὶ σχεδίης ἁδινὰ στενάχοντα φέρεσθαι. ### book 7.275 τὴν μὲν ἔπειτα θύελλα διεσκέδας’· αὐτὰρ ἐγώ γε ### book 7.276 νηχόμενος τόδε λαῖτμα διέτμαγον, ὄφρα με γαίῃ ### book 7.277 ὑμετέρῃ ἐπέλασσε φέρων ἄνεμός τε καὶ ὕδωρ. ### book 7.278 ἔνθα κέ μ’ ἐκβαίνοντα βιήσατο κῦμ’ ἐπὶ χέρσου, ### book 7.279 πέτρῃς πρὸς μεγάλῃσι βαλὸν καὶ ἀτερπέϊ χώρῳ, ### book 7.280 ἀλλ’ ἀναχασσάμενος νῆχον πάλιν, εἷος ἐπῆλθον ### book 7.281 ἐς ποταμόν, τῇ δή μοι ἐείσατο χῶρος ἄριστος, ### book 7.282 λεῖος πετράων, καὶ ἐπὶ σκέπας ἦν ἀνέμοιο. ### book 7.283 ἐκ δ’ ἔπεσον θυμηγερέων, ἐπὶ δ’ ἀμβροσίη νὺξ ### book 7.284 ἤλυθ’· ἐγὼ δ’ ἀπάνευθε διιπετέος ποταμοῖο ### book 7.285 ἐκβὰς ἐν θάμνοισι κατέδραθον, ἀμφὶ δὲ φύλλα ### book 7.286 ἠφυσάμην· ὕπνον δὲ θεὸς κατ’ ἀπείρονα χεῦεν. ### book 7.287 ἔνθα μὲν ἐν φύλλοισι, φίλον τετιημένος ἦτορ, ### book 7.288 εὗδον παννύχιος καὶ ἐπ’ ἠῶ καὶ μέσον ἦμαρ· ### book 7.289 δύσετό τ’ ἠέλιος, καί με γλυκὺς ὕπνος ἀνῆκεν. ### book 7.290 ἀμφιπόλους δ’ ἐπὶ θινὶ τεῆς ἐνόησα θυγατρὸς ### book 7.291 παιζούσας, ἐν δ’ αὐτὴ ἔην εἰκυῖα θεῇσι. ### book 7.292 τὴν ἱκέτευς’· ἡ δ’ οὔ τι νοήματος ἤμβροτεν ἐσθλοῦ, ### book 7.293 ὡς οὐκ ἂν ἔλποιο νεώτερον ἀντιάσαντα ### book 7.294 ἑρξέμεν· αἰεὶ γάρ τε νεώτεροι ἀφραδέουσιν. ### book 7.295 ἥ μοι σῖτον δῶκεν ἅλις ἠδ’ αἴθοπα οἶνον ### book 7.296 καὶ λοῦς’ ἐν ποταμῷ καί μοι τάδε εἵματ’ ἔδωκε. ### book 7.297 ταῦτά τοι, ἀχνύμενός περ, ἀληθείην κατέλεξα.” ### book 7.298 τὸν δ’ αὖτ’ Ἀλκίνοος ἀπαμείβετο φώνησέν τε· ### book 7.299 “ξεῖν’, ἦ τοι μὲν τοῦτό γ’ ἐναίσιμον οὐκ ἐνόησε ### book 7.300 παῖς ἐμή, οὕνεκά ς’ οὔ τι μετ’ ἀμφιπόλοισι γυναιξὶν ### book 7.301 ἦγεν ἐς ἡμετέρου· σὺ δ’ ἄρα πρώτην ἱκέτευσας.” ### book 7.302 τὸν δ’ ἀπαμειβόμενος προσέφη πολύμητις Ὀδυσσεύς· ### book 7.303 “ἥρως, μή μοι τοὔνεκ’ ἀμύμονα νείκεε κούρην· ### book 7.304 ἡ μὲν γάρ μ’ ἐκέλευε σὺν ἀμφιπόλοισιν ἕπεσθαι, ### book 7.305 ἀλλ’ ἐγὼ οὐκ ἔθελον δείσας αἰσχυνόμενός τε, ### book 7.306 μή πως καὶ σοὶ θυμὸς ἐπισκύσσαιτο ἰδόντι· ### book 7.307 δύσζηλοι γάρ τ’ εἰμὲν ἐπὶ χθονὶ φῦλ’ ἀνθρώπων.” ### book 7.308 τὸν δ’ αὖτ’ Ἀλκίνοος ἀπαμείβετο φώνησέν τε· ### book 7.309 “ξεῖν’, οὔ μοι τοιοῦτον ἐνὶ στήθεσσι φίλον κῆρ ### book 7.310 μαψιδίως κεχολῶσθαι· ἀμείνω δ’ αἴσιμα πάντα. ### book 7.311 αἲ γάρ, Ζεῦ τε πάτερ καὶ Ἀθηναίη καὶ Ἄπολλον, ### book 7.312 τοῖος ἐών, οἷός ἐσσι, τά τε φρονέων ἅ τ’ ἐγώ περ, ### book 7.313 παῖδά τ’ ἐμὴν ἐχέμεν καὶ ἐμὸς γαμβρὸς καλέεσθαι, ### book 7.314 αὖθι μένων· οἶκον δέ κ’ ἐγὼ καὶ κτήματα δοίην, ### book 7.315 εἴ κ’ ἐθέλων γε μένοις· ἀέκοντα δέ ς’ οὔ τις ἐρύξει ### book 7.316 Φαιήκων· μὴ τοῦτο φίλον Διὶ πατρὶ γένοιτο. ### book 7.317 πομπὴν δ’ ἐς τόδ’ ἐγὼ τεκμαίρομαι, ὄφρ’ ἐῢ εἰδῇς, ### book 7.318 αὔριον ἔς· τῆμος δὲ σὺ μὲν δεδμημένος ὕπνῳ ### book 7.319 λέξεαι, οἱ δ’ ἐλόωσι γαλήνην, ὄφρ’ ἂν ἵκηαι ### book 7.320 πατρίδα σὴν καὶ δῶμα, καὶ εἴ πού τοι φίλον ἐστίν, ### book 7.321 εἴ περ καὶ μάλα πολλὸν ἑκαστέρω ἔστ’ Εὐβοίης· ### book 7.322 τὴν γὰρ τηλοτάτω φάς’ ἔμμεναι οἵ μιν ἴδοντο ### book 7.323 λαῶν ἡμετέρων, ὅτε τε ξανθὸν Ῥαδάμανθυν ### book 7.324 ἦγον ἐποψόμενον Τιτυόν, Γαιήϊον υἱόν. ### book 7.325 καὶ μὲν οἱ ἔνθ’ ἦλθον καὶ ἄτερ καμάτοιο τέλεσσαν ### book 7.326 ἤματι τῷ αὐτῷ καὶ ἀπήνυσαν οἴκαδ’ ὀπίσσω. ### book 7.327 εἰδήσεις δὲ καὶ αὐτὸς ἐνὶ φρεσίν, ὅσσον ἄρισται ### book 7.328 νῆες ἐμαὶ καὶ κοῦροι ἀναρρίπτειν ἅλα πηδῷ.” ### book 7.329 ὣς φάτο, γήθησεν δὲ πολύτλας δῖος Ὀδυσσεύς, ### book 7.330 εὐχόμενος δ’ ἄρα εἶπεν ἔπος τ’ ἔφατ’ ἔκ τ’ ὀνόμαζε· ### book 7.331 “Ζεῦ πάτερ, αἴθ’, ὅσα εἶπε, τελευτήσειεν ἅπαντα ### book 7.332 Ἀλκίνοος· τοῦ μέν κεν ἐπὶ ζείδωρον ἄρουραν ### book 7.333 ἄσβεστον κλέος εἴη, ἐγὼ δέ κε πατρίδ’ ἱκοίμην.” ### book 7.334 ὣς οἱ μὲν τοιαῦτα πρὸς ἀλλήλους ἀγόρευον, ### book 7.335 κέκλετο δ’ Ἀρήτη λευκώλενος ἀμφιπόλοισι ### book 7.336 δέμνι’ ὑπ’ αἰθούσῃ θέμεναι καὶ ῥήγεα καλὰ ### book 7.337 πορφύρε’ ἐμβαλέειν στορέσαι τ’ ἐφύπερθε τάπητας, ### book 7.338 χλαίνας τ’ ἐνθέμεναι οὔλας καθύπερθεν ἕσασθαι. ### book 7.339 αἱ δ’ ἴσαν ἐκ μεγάροιο δάος μετὰ χερσὶν ἔχουσαι· ### book 7.340 αὐτὰρ ἐπεὶ στόρεσαν πυκινὸν λέχος ἐγκονέουσαι, ### book 7.341 ὤτρυνον Ὀδυσῆα παριστάμεναι ἐπέεσσιν· ### book 7.342 “ὄρσο κέων, ὦ ξεῖνε· πεποίηται δέ τοι εὐνή.” ### book 7.343 ὣς φάν· τῷ δ’ ἀσπαστὸν ἐείσατο κοιμηθῆναι. ### book 7.344 ὣς ὁ μὲν ἔνθα καθεῦδε πολύτλας δῖος Ὀδυσσεὺς ### book 7.345 τρητοῖς’ ἐν λεχέεσσιν ὑπ’ αἰθούσῃ ἐριδούπῳ· ### book 7.346 Ἀλκίνοος δ’ ἄρα λέκτο μυχῷ δόμου ὑψηλοῖο, ### book 7.347 πὰρ δὲ γυνὴ δέσποινα λέχος πόρσυνε καὶ εὐνήν. ### book 8.1 Ἦμος δ’ ἠριγένεια φάνη ῥοδοδάκτυλος Ἠώς, ### book 8.2 ὤρνυτ’ ἄρ’ ἐξ εὐνῆς ἱερὸν μένος Ἀλκινόοιο, ### book 8.3 ἂν δ’ ἄρα διογενὴς ὦρτο πτολίπορθος Ὀδυσσεύς. ### book 8.4 τοῖσιν δ’ ἡγεμόνευ’ ἱερὸν μένος Ἀλκινόοιο ### book 8.5 Φαιήκων ἀγορήνδ’, ἥ σφιν παρὰ νηυσὶ τέτυκτο. ### book 8.6 ἐλθόντες δὲ καθῖζον ἐπὶ ξεστοῖσι λίθοισι ### book 8.7 πλησίον· ἡ δ’ ἀνὰ ἄστυ μετῴχετο Παλλὰς Ἀθήνη ### book 8.8 εἰδομένη κήρυκι δαΐφρονος Ἀλκινόοιο, ### book 8.9 νόστον Ὀδυσσῆϊ μεγαλήτορι μητιόωσα, ### book 8.10 καί ῥα ἑκάστῳ φωτὶ παρισταμένη φάτο μῦθον· ### book 8.11 “δεῦτ’ ἄγε, Φαιήκων ἡγήτορες ἠδὲ μέδοντες, ### book 8.12 εἰς ἀγορὴν ἰέναι, ὄφρα ξείνοιο πύθησθε, ### book 8.13 ὃς νέον Ἀλκινόοιο δαΐφρονος ἵκετο δῶμα ### book 8.14 πόντον ἐπιπλαγχθείς, δέμας ἀθανάτοισιν ὁμοῖος.” ### book 8.15 ὣς εἰποῦς’ ὤτρυνε μένος καὶ θυμὸν ἑκάστου. ### book 8.16 καρπαλίμως δ’ ἔμπληντο βροτῶν ἀγοραί τε καὶ ἕδραι ### book 8.17 ἀγρομένων· πολλοὶ δ’ ἄρα θηήσαντο ἰδόντες ### book 8.18 υἱὸν Λαέρταο δαΐφρονα. τῷ δ’ ἄρ’ Ἀθήνη ### book 8.19 θεσπεσίην κατέχευε χάριν κεφαλῇ τε καὶ ὤμοις ### book 8.20 καί μιν μακρότερον καὶ πάσσονα θῆκεν ἰδέσθαι, ### book 8.21 ὥς κεν Φαιήκεσσι φίλος πάντεσσι γένοιτο ### book 8.22 δεινός τ’ αἰδοῖός τε καὶ ἐκτελέσειεν ἀέθλους ### book 8.23 πολλούς, τοὺς Φαίηκες ἐπειρήσαντ’ Ὀδυσῆος. ### book 8.24 αὐτὰρ ἐπεί ῥ’ ἤγερθεν ὁμηγερέες τ’ ἐγένοντο, ### book 8.25 τοῖσιν δ’ Ἀλκίνοος ἀγορήσατο καὶ μετέειπε· ### book 8.26 “κέκλυτε, Φαιήκων ἡγήτορες ἠδὲ μέδοντες, ### book 8.27 [ὄφρ’ εἴπω, τά με θυμὸς ἐνὶ στήθεσσι κελεύει.] ### book 8.28 ξεῖνος ὅδ’, οὐκ οἶδ’ ὅς τις, ἀλώμενος ἵκετ’ ἐμὸν δῶ, ### book 8.29 ἠὲ πρὸς ἠοίων ἦ ἑσπερίων ἀνθρώπων· ### book 8.30 πομπὴν δ’ ὀτρύνει καὶ λίσσεται ἔμπεδον εἶναι. ### book 8.31 ἡμεῖς δ’, ὡς τὸ πάρος περ, ἐποτρυνώμεθα πομπήν· ### book 8.32 οὐδὲ γὰρ οὐδέ τις ἄλλος, ὅτις κ’ ἐμὰ δώμαθ’ ἵκηται, ### book 8.33 ἐνθάδ’ ὀδυρόμενος δηρὸν μένει εἵνεκα πομπῆς. ### book 8.34 ἀλλ’ ἄγε νῆα μέλαιναν ἐρύσσομεν εἰς ἅλα δῖαν ### book 8.35 πρωτόπλοον, κούρω δὲ δύω καὶ πεντήκοντα ### book 8.36 κρινάσθων κατὰ δῆμον, ὅσοι πάρος εἰσὶν ἄριστοι. ### book 8.37 δησάμενοι δ’ εὖ πάντες ἐπὶ κληῖσιν ἐρετμὰ ### book 8.38 ἔκβητ’· αὐτὰρ ἔπειτα θοὴν ἀλεγύνετε δαῖτα ### book 8.39 ἡμέτερόνδ’ ἐλθόντες· ἐγὼ δ’ ἐῢ πᾶσι παρέξω. ### book 8.40 κούροισιν μὲν ταῦτ’ ἐπιτέλλομαι· αὐτὰρ οἱ ἄλλοι ### book 8.41 σκηπτοῦχοι βασιλῆες ἐμὰ πρὸς δώματα καλὰ ### book 8.42 ἔρχεσθ’, ὄφρα ξεῖνον ἐνὶ μεγάροισι φιλέωμεν· ### book 8.43 μηδέ τις ἀρνείσθω. καλέσασθε δὲ θεῖον ἀοιδόν, ### book 8.44 Δημόδοκον· τῷ γάρ ῥα θεὸς περὶ δῶκεν ἀοιδὴν ### book 8.45 τέρπειν, ὅππῃ θυμὸς ἐποτρύνῃσιν ἀείδειν.” ### book 8.46 ὣς ἄρα φωνήσας ἡγήσατο, τοὶ δ’ ἅμ’ ἕποντο ### book 8.47 σκηπτοῦχοι· κῆρυξ δὲ μετῴχετο θεῖον ἀοιδόν. ### book 8.48 κούρω δὲ κρινθέντε δύω καὶ πεντήκοντα ### book 8.49 βήτην, ὡς ἐκέλευς’, ἐπὶ θῖν’ ἁλὸς ἀτρυγέτοιο. ### book 8.50 αὐτὰρ ἐπεί ῥ’ ἐπὶ νῆα κατήλυθον ἠδὲ θάλασσαν, ### book 8.51 νῆα μὲν οἵ γε μέλαιναν ἁλὸς βένθοσδε ἔρυσσαν, ### book 8.52 ἐν δ’ ἱστόν τ’ ἐτίθεντο καὶ ἱστία νηῒ μελαίνῃ, ### book 8.53 ἠρτύναντο δ’ ἐρετμὰ τροποῖς’ ἐν δερματίνοισι ### book 8.54 πάντα κατὰ μοῖραν· παρὰ δ’ ἱστία λευκὰ τάνυσσαν. ### book 8.55 ὑψοῦ δ’ ἐν νοτίῳ τήν γ’ ὥρμισαν· αὐτὰρ ἔπειτα ### book 8.56 βάν ῥ’ ἴμεν Ἀλκινόοιο δαΐφρονος ἐς μέγα δῶμα. ### book 8.57 πλῆντο δ’ ἄρ’ αἴθουσαί τε καὶ ἕρκεα καὶ δόμοι ἀνδρῶν ### book 8.58 [ἀγρομένων· πολλοὶ δ’ ἄρ’ ἔσαν, νέοι ἠδὲ παλαιοί.] ### book 8.59 τοῖσιν δ’ Ἀλκίνοος δυοκαίδεκα μῆλ’ ἱέρευσεν, ### book 8.60 ὀκτὼ δ’ ἀργιόδοντας ὕας, δύο δ’ εἰλίποδας βοῦς· ### book 8.61 τοὺς δέρον ἀμφί θ’ ἕπον, τετύκοντό τε δαῖτ’ ἐρατεινήν. ### book 8.62 κῆρυξ δ’ ἐγγύθεν ἦλθεν ἄγων ἐρίηρον ἀοιδόν, ### book 8.63 τὸν περὶ Μοῦς’ ἐφίλησε, δίδου δ’ ἀγαθόν τε κακόν τε· ### book 8.64 ὀφθαλμῶν μὲν ἄμερσε, δίδου δ’ ἡδεῖαν ἀοιδήν. ### book 8.65 τῷ δ’ ἄρα Ποντόνοος θῆκε θρόνον ἀργυρόηλον ### book 8.66 μέσσῳ δαιτυμόνων, πρὸς κίονα μακρὸν ἐρείσας· ### book 8.67 κὰδ δ’ ἐκ πασσαλόφι κρέμασεν φόρμιγγα λίγειαν ### book 8.68 αὐτοῦ ὑπὲρ κεφαλῆς καὶ ἐπέφραδε χερσὶν ἑλέσθαι ### book 8.69 κῆρυξ· πὰρ δ’ ἐτίθει κάνεον καλήν τε τράπεζαν, ### book 8.70 πὰρ δὲ δέπας οἴνοιο, πιεῖν ὅτε θυμὸς ἀνώγοι. ### book 8.71 οἱ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 8.72 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 8.73 Μοῦς’ ἄρ’ ἀοιδὸν ἀνῆκεν ἀειδέμεναι κλέα ἀνδρῶν, ### book 8.74 οἴμης, τῆς τότ’ ἄρα κλέος οὐρανὸν εὐρὺν ἵκανε, ### book 8.75 νεῖκος Ὀδυσσῆος καὶ Πηλεΐδεω Ἀχιλῆος, ### book 8.76 ὥς ποτε δηρίσαντο θεῶν ἐν δαιτὶ θαλείῃ ### book 8.77 ἐκπάγλοις’ ἐπέεσσιν, ἄναξ δ’ ἀνδρῶν Ἀγαμέμνων ### book 8.78 χαῖρε νόῳ, ὅ τ’ ἄριστοι Ἀχαιῶν δηριόωντο. ### book 8.79 ὣς γάρ οἱ χρείων μυθήσατο Φοῖβος Ἀπόλλων ### book 8.80 Πυθοῖ ἐν ἠγαθέῃ, ὅθ’ ὑπέρβη λάϊνον οὐδὸν ### book 8.81 χρησόμενος. τότε γάρ ῥα κυλίνδετο πήματος ἀρχὴ ### book 8.82 Τρωσί τε καὶ Δαναοῖσι Διὸς μεγάλου διὰ βουλάς. ### book 8.83 ταῦτ’ ἄρ’ ἀοιδὸς ἄειδε περικλυτός· αὐτὰρ Ὀδυσσεὺς ### book 8.84 πορφύρεον μέγα φᾶρος ἑλὼν χερσὶ στιβαρῇσι ### book 8.85 κὰκ κεφαλῆς εἴρυσσε, κάλυψε δὲ καλὰ πρόσωπα· ### book 8.86 αἴδετο γὰρ Φαίηκας ὑπ’ ὀφρύσι δάκρυα λείβων. ### book 8.87 ἦ τοι ὅτε λήξειεν ἀείδων θεῖος ἀοιδός, ### book 8.88 δάκρυ’ ὀμορξάμενος κεφαλῆς ἄπο φᾶρος ἕλεσκε ### book 8.89 καὶ δέπας ἀμφικύπελλον ἑλὼν σπείσασκε θεοῖσιν· ### book 8.90 αὐτὰρ ὅτ’ ἂψ ἄρχοιτο καὶ ὀτρύνειαν ἀείδειν ### book 8.91 Φαιήκων οἱ ἄριστοι, ἐπεὶ τέρποντ’ ἐπέεσσιν, ### book 8.92 ἂψ Ὀδυσεὺς κατὰ κρᾶτα καλυψάμενος γοάασκεν. ### book 8.93 ἔνθ’ ἄλλους μὲν πάντας ἐλάνθανε δάκρυα λείβων, ### book 8.94 Ἀλκίνοος δέ μιν οἶος ἐπεφράσατ’ ἠδ’ ἐνόησεν ### book 8.95 ἥμενος ἄγχ’ αὐτοῦ, βαρὺ δὲ στενάχοντος ἄκουσεν. ### book 8.96 αἶψα δὲ Φαιήκεσσι φιληρέτμοισι μετηύδα· ### book 8.97 “κέκλυτε, Φαιήκων ἡγήτορες ἠδὲ μέδοντες· ### book 8.98 ἤδη μὲν δαιτὸς κεκορήμεθα θυμὸν ἐΐσης ### book 8.99 φόρμιγγός θ’, ἣ δαιτὶ συνήορός ἐστι θαλείῃ· ### book 8.100 νῦν δ’ ἐξέλθωμεν καὶ ἀέθλων πειρηθῶμεν ### book 8.101 πάντων, ὥς χ’ ὁ ξεῖνος ἐνίσπῃ οἷσι φίλοισιν ### book 8.102 οἴκαδε νοστήσας, ὅσσον περιγινόμεθ’ ἄλλων ### book 8.103 πύξ τε παλαιμοσύνῃ τε καὶ ἅλμασιν ἠδὲ πόδεσσιν.” ### book 8.104 ὣς ἄρα φωνήσας ἡγήσατο, τοὶ δ’ ἅμ’ ἕποντο. ### book 8.105 κὰδ δ’ ἐκ πασσαλόφι κρέμασεν φόρμιγγα λίγειαν, ### book 8.106 Δημοδόκου δ’ ἕλε χεῖρα καὶ ἔξαγεν ἐκ μεγάροιο ### book 8.107 κῆρυξ· ἦρχε δὲ τῷ αὐτὴν ὁδὸν ἥν περ οἱ ἄλλοι ### book 8.108 Φαιήκων οἱ ἄριστοι, ἀέθλια θαυμανέοντες. ### book 8.109 βὰν δ’ ἴμεν εἰς ἀγορήν, ἅμα δ’ ἕσπετο πουλὺς ὅμιλος, ### book 8.110 μυρίοι· ἂν δ’ ἵσταντο νέοι πολλοί τε καὶ ἐσθλοί. ### book 8.111 ὦρτο μὲν Ἀκρόνεώς τε καὶ Ὠκύαλος καὶ Ἐλατρεὺς ### book 8.112 Ναυτεύς τε Πρυμνεύς τε καὶ Ἀγχίαλος καὶ Ἐρετμεὺς ### book 8.113 Ποντεύς τε Πρῳρεύς τε, Θόων Ἀναβησίνεώς τε ### book 8.114 Ἀμφίαλός θ’, υἱὸς Πολυνήου Τεκτονίδαο· ### book 8.115 ἂν δὲ καὶ Εὐρύαλος, βροτολοιγῷ ἶσος Ἄρηϊ, ### book 8.116 Ναυβολίδης, ὃς ἄριστος ἔην εἶδός τε δέμας τε ### book 8.117 πάντων Φαιήκων μετ’ ἀμύμονα Λαοδάμαντα. ### book 8.118 ἂν δ’ ἔσταν τρεῖς παῖδες ἀμύμονος Ἀλκινόοιο, ### book 8.119 Λαοδάμας θ’ Ἅλιός τε καὶ ἀντίθεος Κλυτόνηος. ### book 8.120 οἱ δ’ ἦ τοι πρῶτον μὲν ἐπειρήσαντο πόδεσσι· ### book 8.121 τοῖσι δ’ ἀπὸ νύσσης τέτατο δρόμος· οἱ δ’ ἅμα πάντες ### book 8.122 καρπαλίμως ἐπέτοντο κονίοντες πεδίοιο. ### book 8.123 τῶν δὲ θέειν ὄχ’ ἄριστος ἔην Κλυτόνηος ἀμύμων· ### book 8.124 ὅσσον τ’ ἐν νειῷ οὖρον πέλει ἡμιόνοιϊν, ### book 8.125 τόσσον ὑπεκπροθέων λαοὺς ἵκεθ’, οἱ δ’ ἐλίποντο. ### book 8.126 οἱ δὲ παλαιμοσύνης ἀλεγεινῆς πειρήσαντο· ### book 8.127 τῇ δ’ αὖτ’ Εὐρύαλος ἀπεκαίνυτο πάντας ἀρίστους. ### book 8.128 ἅλματι δ’ Ἀμφίαλος πάντων προφερέστατος ἦεν· ### book 8.129 δίσκῳ δ’ αὖ πάντων πολὺ φέρτατος ἦεν Ἐλατρεύς, ### book 8.130 πὺξ δ’ αὖ Λαοδάμας, ἀγαθὸς πάϊς Ἀλκινόοιο. ### book 8.131 αὐτὰρ ἐπεὶ δὴ πάντες ἐτέρφθησαν φρέν’ ἀέθλοις, ### book 8.132 τοῖς’ ἄρα Λαοδάμας μετέφη, πάϊς Ἀλκινόοιο· ### book 8.133 “δεῦτε, φίλοι, τὸν ξεῖνον ἐρώμεθα, εἴ τιν’ ἄεθλον ### book 8.134 οἶδέ τε καὶ δεδάηκε· φυήν γε μὲν οὐ κακός ἐστι, ### book 8.135 μηρούς τε κνήμας τε καὶ ἄμφω χεῖρας ὕπερθεν ### book 8.136 αὐχένα τε στιβαρὸν μέγα τε σθένος· οὐδέ τι ἥβης ### book 8.137 δεύεται, ἀλλὰ κακοῖσι συνέρρηκται πολέεσσιν. ### book 8.138 οὐ γὰρ ἐγώ γέ τί φημι κακώτερον ἄλλο θαλάσσης ### book 8.139 ἄνδρα γε συγχεῦαι, εἰ καὶ μάλα καρτερὸς εἴη.” ### book 8.140 τὸν δ’ αὖτ’ Εὐρύαλος ἀπαμείβετο φώνησέν τε· ### book 8.141 “Λαοδάμαν, μάλα τοῦτο ἔπος κατὰ μοῖραν ἔειπες. ### book 8.142 αὐτὸς νῦν προκάλεσσαι ἰὼν καὶ πέφραδε μῦθον.” ### book 8.143 αὐτὰρ ἐπεὶ τό γ’ ἄκους’ ἀγαθὸς πάϊς Ἀλκινόοιο, ### book 8.144 στῆ ῥ’ ἐς μέσσον ἰὼν καὶ Ὀδυσσῆα προσέειπε· ### book 8.145 “δεῦρ’ ἄγε καὶ σύ, ξεῖνε πάτερ, πείρησαι ἀέθλων, ### book 8.146 εἴ τινά που δεδάηκας· ἔοικε δέ ς’ ἴδμεν ἀέθλους. ### book 8.147 οὐ μὲν γὰρ μεῖζον κλέος ἀνέρος, ὄφρα κεν ᾖσιν, ### book 8.148 ἢ ὅ τι ποσσίν τε ῥέξῃ καὶ χερσὶν ἑῇσιν. ### book 8.149 ἀλλ’ ἄγε πείρησαι, σκέδασον δ’ ἀπὸ κήδεα θυμοῦ· ### book 8.150 σοὶ δ’ ὁδὸς οὐκέτι δηρὸν ἀπέσσεται, ἀλλά τοι ἤδη ### book 8.151 νηῦς τε κατείρυσται καὶ ἐπαρτέες εἰσὶν ἑταῖροι.” ### book 8.152 τὸν δ’ ἀπαμειβόμενος προσέφη πολύμητις Ὀδυσσεύς· ### book 8.153 “Λαοδάμαν, τί με ταῦτα κελεύετε κερτομέοντες; ### book 8.154 κήδεά μοι καὶ μᾶλλον ἐνὶ φρεσὶν ἤ περ ἄεθλοι, ### book 8.155 ὃς πρὶν μὲν μάλα πολλὰ πάθον καὶ πολλὰ μόγησα, ### book 8.156 νῦν δὲ μεθ’ ὑμετέρῃ ἀγορῇ νόστοιο χατίζων ### book 8.157 ἧμαι, λισσόμενος βασιλῆά τε πάντα τε δῆμον.” ### book 8.158 τὸν δ’ αὖτ’ Εὐρύαλος ἀπαμείβετο νείκεσέ τ’ ἄντην· ### book 8.159 “οὐ γάρ ς’ οὐδέ, ξεῖνε, δαήμονι φωτὶ ἐΐσκω ### book 8.160 ἄθλων, οἷά τε πολλὰ μετ’ ἀνθρώποισι πέλονται, ### book 8.161 ἀλλὰ τῷ, ὅς θ’ ἅμα νηῒ πολυκλήϊδι θαμίζων, ### book 8.162 ἀρχὸς ναυτάων, οἵ τε πρηκτῆρες ἔασι, ### book 8.163 φόρτου τε μνήμων καὶ ἐπίσκοπος ᾖσιν ὁδαίων ### book 8.164 κερδέων θ’ ἁρπαλέων· οὐδ’ ἀθλητῆρι ἔοικας.” ### book 8.165 τὸν δ’ ἄρ’ ὑπόδρα ἰδὼν προσέφη πολύμητις Ὀδυσσεύς· ### book 8.166 “ξεῖν’, οὐ καλὸν ἔειπες· ἀτασθάλῳ ἀνδρὶ ἔοικας. ### book 8.167 οὕτως οὐ πάντεσσι θεοὶ χαρίεντα διδοῦσιν ### book 8.168 ἀνδράσιν, οὔτε φυὴν οὔτ’ ἂρ φρένας οὔτ’ ἀγορητύν. ### book 8.169 ἄλλος μὲν γὰρ εἶδος ἀκιδνότερος πέλει ἀνήρ, ### book 8.170 ἀλλὰ θεὸς μορφὴν ἔπεσι στέφει· οἱ δέ τ’ ἐς αὐτὸν ### book 8.171 τερπόμενοι λεύσσουσιν, ὁ δ’ ἀσφαλέως ἀγορεύει, ### book 8.172 αἰδοῖ μειλιχίῃ, μετὰ δὲ πρέπει ἀγρομένοισιν, ### book 8.173 ἐρχόμενον δ’ ἀνὰ ἄστυ θεὸν ὣς εἰσορόωσιν. ### book 8.174 ἄλλος δ’ αὖ εἶδος μὲν ἀλίγκιος ἀθανάτοισιν, ### book 8.175 ἀλλ’ οὔ οἱ χάρις ἀμφὶ περιστέφεται ἐπέεσσιν, ### book 8.176 ὡς καὶ σοὶ εἶδος μὲν ἀριπρεπές, οὐδέ κεν ἄλλως ### book 8.177 οὐδὲ θεὸς τεύξειε, νόον δ’ ἀποφώλιός ἐσσι. ### book 8.178 ὤρινάς μοι θυμὸν ἐνὶ στήθεσσι φίλοισιν ### book 8.179 εἰπὼν οὐ κατὰ κόσμον· ἐγὼ δ’ οὐ νῆϊς ἀέθλων, ### book 8.180 ὡς σύ γε μυθεῖαι, ἀλλ’ ἐν πρώτοισιν ὀΐω ### book 8.181 ἔμμεναι, ὄφρ’ ἥβῃ τε πεποίθεα χερσί τ’ ἐμῇσι. ### book 8.182 νῦν δ’ ἔχομαι κακότητι καὶ ἄλγεσι· πολλὰ γὰρ ἔτλην, ### book 8.183 ἀνδρῶν τε πτολέμους ἀλεγεινά τε κύματα πείρων. ### book 8.184 ἀλλὰ καὶ ὧς, κακὰ πολλὰ παθών, πειρήσομ’ ἀέθλων· ### book 8.185 θυμοδακὴς γὰρ μῦθος· ἐπώτρυνας δέ με εἰπών.” ### book 8.186 ἦ ῥα, καὶ αὐτῷ φάρει ἀναΐξας λάβε δίσκον ### book 8.187 μείζονα καὶ πάχετον, στιβαρώτερον οὐκ ὀλίγον περ ### book 8.188 ἢ οἵῳ Φαίηκες ἐδίσκεον ἀλλήλοισι. ### book 8.189 τόν ῥα περιστρέψας ἧκε στιβαρῆς ἀπὸ χειρός· ### book 8.190 βόμβησεν δὲ λίθος· κατὰ δ’ ἔπτηξαν ποτὶ γαίῃ ### book 8.191 Φαίηκες δολιχήρετμοι, ναυσικλυτοὶ ἄνδρες, ### book 8.192 λᾶος ὑπὸ ῥιπῆς· ὁ δ’ ὑπέρπτατο σήματα πάντων, ### book 8.193 ῥίμφα θέων ἀπὸ χειρός· ἔθηκε δὲ τέρματ’ Ἀθήνη ### book 8.194 ἀνδρὶ δέμας εἰκυῖα, ἔπος τ’ ἔφατ’ ἔκ τ’ ὀνόμαζε· ### book 8.195 “καί κ’ ἀλαός τοι, ξεῖνε, διακρίνειε τὸ σῆμα ### book 8.196 ἀμφαφόων, ἐπεὶ οὔ τι μεμιγμένον ἐστὶν ὁμίλῳ, ### book 8.197 ἀλλὰ πολὺ πρῶτον. σὺ δὲ θάρσει τόνδε γ’ ἄεθλον· ### book 8.198 οὔ τις Φαιήκων τόν γ’ ἵξεται οὐδ’ ὑπερήσει.” ### book 8.199 ὣς φάτο, γήθησεν δὲ πολύτλας δῖος Ὀδυσσεύς, ### book 8.200 χαίρων οὕνεχ’ ἑταῖρον ἐνηέα λεῦσς’ ἐν ἀγῶνι. ### book 8.201 καὶ τότε κουφότερον μετεφώνεε Φαιήκεσσι· ### book 8.202 “τοῦτον νῦν ἀφίκεσθε, νέοι· τάχα δ’ ὕστερον ἄλλον ### book 8.203 ἥσειν ἢ τοσσοῦτον ὀΐομαι ἢ ἔτι μάσσον. ### book 8.204 τῶν δ’ ἄλλων ὅτινα κραδίη θυμός τε κελεύει, ### book 8.205 δεῦρ’ ἄγε πειρηθήτω, ἐπεί μ’ ἐχολώσατε λίην, ### book 8.206 ἢ πὺξ ἠὲ πάλῃ ἢ καὶ ποσίν, οὔ τι μεγαίρω, ### book 8.207 πάντων Φαιήκων πλήν γ’ αὐτοῦ Λαοδάμαντος. ### book 8.208 ξεῖνος γάρ μοι ὅδ’ ἐστί· τίς ἂν φιλέοντι μάχοιτο; ### book 8.209 ἄφρων δὴ κεῖνός γε καὶ οὐτιδανὸς πέλει ἀνήρ, ### book 8.210 ὅς τις ξεινοδόκῳ ἔριδα προφέρηται ἀέθλων ### book 8.211 δήμῳ ἐν ἀλλοδαπῷ· ἕο δ’ αὐτοῦ πάντα κολούει. ### book 8.212 τῶν δ’ ἄλλων οὔ πέρ τιν’ ἀναίνομαι οὐδ’ ἀθερίζω, ### book 8.213 ἀλλ’ ἐθέλω ἴδμεν καὶ πειρηθήμεναι ἄντην. ### book 8.214 πάντα γὰρ οὐ κακός εἰμι, μετ’ ἀνδράσιν ὅσσοι ἄεθλοι· ### book 8.215 εὖ μὲν τόξον οἶδα ἐΰξοον ἀμφαφάασθαι· ### book 8.216 πρῶτός κ’ ἄνδρα βάλοιμι ὀϊστεύσας ἐν ὁμίλῳ ### book 8.217 ἀνδρῶν δυσμενέων, εἰ καὶ μάλα πολλοὶ ἑταῖροι ### book 8.218 ἄγχι παρασταῖεν καὶ τοξαζοίατο φωτῶν. ### book 8.219 οἶος δή με Φιλοκτήτης ἀπεκαίνυτο τόξῳ ### book 8.220 δήμῳ ἔνι Τρώων, ὅτε τοξαζοίμεθ’ Ἀχαιοί· ### book 8.221 τῶν δ’ ἄλλων ἐμέ φημι πολὺ προφερέστερον εἶναι, ### book 8.222 ὅσσοι νῦν βροτοί εἰσιν ἐπὶ χθονὶ σῖτον ἔδοντες. ### book 8.223 ἀνδράσι δὲ προτέροισιν ἐριζέμεν οὐκ ἐθελήσω, ### book 8.224 οὔθ’ Ἡρακλῆϊ οὔτ’ Εὐρύτῳ Οἰχαλιῆϊ, ### book 8.225 οἵ ῥα καὶ ἀθανάτοισιν ἐρίζεσκον περὶ τόξων. ### book 8.226 τῶ ῥα καὶ αἶψ’ ἔθανεν μέγας Εὔρυτος οὐδ’ ἐπὶ γῆρας ### book 8.227 ἵκετ’ ἐνὶ μεγάροισι· χολωσάμενος γὰρ Ἀπόλλων ### book 8.228 ἔκτανεν, οὕνεκά μιν προκαλίζετο τοξάζεσθαι. ### book 8.229 δουρὶ δ’ ἀκοντίζω ὅσον οὐκ ἄλλος τις ὀϊστῷ. ### book 8.230 οἴοισιν δείδοικα ποσὶν μή τίς με παρέλθῃ ### book 8.231 Φαιήκων· λίην γὰρ ἀεικελίως ἐδαμάσθην ### book 8.232 κύμασιν ἐν πολλοῖς’, ἐπεὶ οὐ κομιδὴ κατὰ νῆα ### book 8.233 ἦεν ἐπηετανός· τῶ μοι φίλα γυῖα λέλυνται.” ### book 8.234 ὣς ἔφαθ’, οἱ δ’ ἄρα πάντες ἀκὴν ἐγένοντο σιωπῇ· ### book 8.235 Ἀλκίνοος δέ μιν οἶος ἀμειβόμενος προσέειπε· ### book 8.236 “ξεῖν’, ἐπεὶ οὐκ ἀχάριστα μεθ’ ἡμῖν ταῦτ’ ἀγορεύεις, ### book 8.237 ἀλλ’ ἐθέλεις ἀρετὴν σὴν φαινέμεν, ἥ τοι ὀπηδεῖ, ### book 8.238 χωόμενος, ὅτι ς’ οὗτος ἀνὴρ ἐν ἀγῶνι παραστὰς ### book 8.239 νείκεσεν, ὡς ἂν σὴν ἀρετὴν βροτὸς οὔ τις ὄνοιτο, ### book 8.240 ὅς τις ἐπίσταιτο ᾗσι φρεσὶν ἄρτια βάζειν· ### book 8.241 ἀλλ’ ἄγε νῦν ἐμέθεν ξυνίει ἔπος, ὄφρα καὶ ἄλλῳ ### book 8.242 εἴπῃς ἡρώων, ὅτε κεν σοῖς’ ἐν μεγάροισι ### book 8.243 δαινύῃ παρὰ σῇ τ’ ἀλόχῳ καὶ σοῖσι τέκεσσιν, ### book 8.244 ἡμετέρης ἀρετῆς μεμνημένος, οἷα καὶ ἡμῖν ### book 8.245 Ζεὺς ἐπὶ ἔργα τίθησι διαμπερὲς ἐξ ἔτι πατρῶν. ### book 8.246 οὐ γὰρ πυγμάχοι εἰμὲν ἀμύμονες οὐδὲ παλαισταί, ### book 8.247 ἀλλὰ ποσὶ κραιπνῶς θέομεν καὶ νηυσὶν ἄριστοι, ### book 8.248 αἰεὶ δ’ ἡμῖν δαίς τε φίλη κίθαρίς τε χοροί τε ### book 8.249 εἵματά τ’ ἐξημοιβὰ λοετρά τε θερμὰ καὶ εὐναί. ### book 8.250 ἀλλ’ ἄγε, Φαιήκων βητάρμονες ὅσσοι ἄριστοι, ### book 8.251 παίσατε, ὥς χ’ ὁ ξεῖνος ἐνίσπῃ οἷσι φίλοισιν, ### book 8.252 οἴκαδε νοστήσας, ὅσσον περιγινόμεθ’ ἄλλων ### book 8.253 ναυτιλίῃ καὶ ποσσὶ καὶ ὀρχηστυῖ καὶ ἀοιδῇ. ### book 8.254 Δημοδόκῳ δέ τις αἶψα κιὼν φόρμιγγα λίγειαν ### book 8.255 οἰσέτω, ἥ που κεῖται ἐν ἡμετέροισι δόμοισιν.” ### book 8.256 ὣς ἔφατ’ Ἀλκίνοος θεοείκελος, ὦρτο δὲ κῆρυξ ### book 8.257 οἴσων φόρμιγγα γλαφυρὴν δόμου ἐκ βασιλῆος. ### book 8.258 αἰσυμνῆται δὲ κριτοὶ ἐννέα πάντες ἀνέσταν, ### book 8.259 δήμιοι, οἳ κατ’ ἀγῶνα ἐῢ πρήσσεσκον ἕκαστα, ### book 8.260 λείηναν δὲ χορόν, καλὸν δ’ εὔρυναν ἀγῶνα. ### book 8.261 κῆρυξ δ’ ἐγγύθεν ἦλθε φέρων φόρμιγγα λίγειαν ### book 8.262 Δημοδόκῳ· ὁ δ’ ἔπειτα κί’ ἐς μέσον· ἀμφὶ δὲ κοῦροι ### book 8.263 πρωθῆβαι ἵσταντο, δαήμονες ὀρχηθμοῖο, ### book 8.264 πέπληγον δὲ χορὸν θεῖον ποσίν. αὐτὰρ Ὀδυσσεὺς ### book 8.265 μαρμαρυγὰς θηεῖτο ποδῶν, θαύμαζε δὲ θυμῷ. ### book 8.266 αὐτὰρ ὁ φορμίζων ἀνεβάλλετο καλὸν ἀείδειν ### book 8.267 ἀμφ’ Ἄρεος φιλότητος ἐϋστεφάνου τ’ Ἀφροδίτης, ### book 8.268 ὡς τὰ πρῶτ’ ἐμίγησαν ἐν Ἡφαίστοιο δόμοισι ### book 8.269 λάθρῃ· πολλὰ δὲ δῶκε, λέχος δ’ ᾔσχυνε καὶ εὐνὴν ### book 8.270 Ἡφαίστοιο ἄνακτος. ἄφαρ δέ οἱ ἄγγελος ἦλθεν ### book 8.271 Ἥλιος, ὅ σφ’ ἐνόησε μιγαζομένους φιλότητι. ### book 8.272 Ἥφαιστος δ’ ὡς οὖν θυμαλγέα μῦθον ἄκουσε, ### book 8.273 βῆ ῥ’ ἴμεν ἐς χαλκεῶνα, κακὰ φρεσὶ βυσσοδομεύων· ### book 8.274 ἐν δ’ ἔθετ’ ἀκμοθέτῳ μέγαν ἄκμονα, κόπτε δὲ δεσμοὺς ### book 8.275 ἀρρήκτους ἀλύτους, ὄφρ’ ἔμπεδον αὖθι μένοιεν. ### book 8.276 αὐτὰρ ἐπεὶ δὴ τεῦξε δόλον κεχολωμένος Ἄρει, ### book 8.277 βῆ ῥ’ ἴμεν ἐς θάλαμον, ὅθι οἱ φίλα δέμνια κεῖτο· ### book 8.278 ἀμφὶ δ’ ἄρ’ ἑρμῖσιν χέε δέσματα κύκλῳ ἁπάντῃ, ### book 8.279 πολλὰ δὲ καὶ καθύπερθε μελαθρόφιν ἐξεκέχυντο, ### book 8.280 ἠΰτ’ ἀράχνια λεπτά· τά γ’ οὔ κέ τις οὐδὲ ἴδοιτο, ### book 8.281 οὐδὲ θεῶν μακάρων· περὶ γὰρ δολόεντα τέτυκτο. ### book 8.282 αὐτὰρ ἐπεὶ δὴ πάντα δόλον περὶ δέμνια χεῦεν, ### book 8.283 εἴσατ’ ἴμεν ἐς Λῆμνον, ἐϋκτίμενον πτολίεθρον, ### book 8.284 ἥ οἱ γαιάων πολὺ φιλτάτη ἐστὶν ἁπασέων. ### book 8.285 οὐδ’ ἀλαὸς σκοπιὴν εἶχε χρυσήνιος Ἄρης, ### book 8.286 ὡς ἴδεν Ἥφαιστον κλυτοτέχνην νόσφι κιόντα· ### book 8.287 βῆ δ’ ἴμεναι πρὸς δῶμα περικλυτοῦ Ἡφαίστοιο, ### book 8.288 ἰχανόων φιλότητος ἐϋστεφάνου Κυθερείης. ### book 8.289 ἡ δὲ νέον παρὰ πατρὸς ἐρισθενέος Κρονίωνος ### book 8.290 ἐρχομένη κατ’ ἄρ’ ἕζεθ’· ὁ δ’ εἴσω δώματος ᾔει ### book 8.291 ἔν τ’ ἄρα οἱ φῦ χειρὶ ἔπος τ’ ἔφατ’ ἔκ τ’ ὀνόμαζε· ### book 8.292 “δεῦρο, φίλη, λέκτρονδε, τραπείομεν εὐνηθέντε· ### book 8.293 οὐ γὰρ ἔθ’ Ἥφαιστος μεταδήμιος, ἀλλά που ἤδη ### book 8.294 οἴχεται ἐς Λῆμνον μετὰ Σίντιας ἀγριοφώνους.” ### book 8.295 ὣς φάτο, τῇ δ’ ἀσπαστὸν ἐείσατο κοιμηθῆναι. ### book 8.296 τὼ δ’ ἐς δέμνια βάντε κατέδραθον· ἀμφὶ δὲ δεσμοὶ ### book 8.297 τεχνήεντες ἔχυντο πολύφρονος Ἡφαίστοιο, ### book 8.298 οὐδέ τι κινῆσαι μελέων ἦν οὐδ’ ἀναεῖραι. ### book 8.299 καὶ τότε δὴ γίνωσκον, ὅ τ’ οὐκέτι φυκτὰ πέλοντο. ### book 8.300 ἀγχίμολον δέ σφ’ ἦλθε περικλυτὸς ἀμφιγυήεις, ### book 8.301 αὖτις ὑποστρέψας πρὶν Λήμνου γαῖαν ἱκέσθαι· ### book 8.302 Ἠέλιος γάρ οἱ σκοπιὴν ἔχεν εἶπέ τε μῦθον. ### book 8.303 [βῆ δ’ ἴμεναι πρὸς δῶμα, φίλον τετιημένος ἦτορ·] ### book 8.304 ἔστη δ’ ἐν προθύροισι, χόλος δέ μιν ἄγριος ᾕρει· ### book 8.305 σμερδαλέον δ’ ἐβόησε γέγωνέ τε πᾶσι θεοῖσι· ### book 8.306 “Ζεῦ πάτερ ἠδ’ ἄλλοι μάκαρες θεοὶ αἰὲν ἐόντες, ### book 8.307 δεῦθ’, ἵνα ἔργ’ ἀγέλαστα καὶ οὐκ ἐπιεικτὰ ἴδησθε, ### book 8.308 ὡς ἐμὲ χωλὸν ἐόντα Διὸς θυγάτηρ Ἀφροδίτη ### book 8.309 αἰὲν ἀτιμάζει, φιλέει δ’ ἀΐδηλον Ἄρηα, ### book 8.310 οὕνεχ’ ὁ μὲν καλός τε καὶ ἀρτίπος, αὐτὰρ ἐγώ γε ### book 8.311 ἠπεδανὸς γενόμην· ἀτὰρ οὔ τί μοι αἴτιος ἄλλος, ### book 8.312 ἀλλὰ τοκῆε δύω, τὼ μὴ γείνασθαι ὄφελλον. ### book 8.313 ἀλλ’ ὄψεσθ’, ἵνα τώ γε καθεύδετον ἐν φιλότητι, ### book 8.314 εἰς ἐμὰ δέμνια βάντες· ἐγὼ δ’ ὁρόων ἀκάχημαι. ### book 8.315 οὐ μέν σφεας ἔτ’ ἔολπα μίνυνθά γε κειέμεν οὕτω, ### book 8.316 καὶ μάλα περ φιλέοντε· τάχ’ οὐκ ἐθελήσετον ἄμφω ### book 8.317 εὕδειν· ἀλλά σφωε δόλος καὶ δεσμὸς ἐρύξει, ### book 8.318 εἰς ὅ κέ μοι μάλα πάντα πατὴρ ἀποδῷσιν ἔεδνα, ### book 8.319 ὅσσα οἱ ἐγγυάλιξα κυνώπιδος εἵνεκα κούρης, ### book 8.320 οὕνεκά οἱ καλὴ θυγάτηρ, ἀτὰρ οὐκ ἐχέθυμος.” ### book 8.321 ὣς ἔφαθ’, οἱ δ’ ἀγέροντο θεοὶ ποτὶ χαλκοβατὲς δῶ· ### book 8.322 ἦλθε Ποσειδάων γαιήοχος, ἦλθ’ ἐριούνης ### book 8.323 Ἑρμείας, ἦλθεν δὲ ἄναξ ἑκάεργος Ἀπόλλων. ### book 8.324 θηλύτεραι δὲ θεαὶ μένον αἰδόϊ οἴκοι ἑκάστη. ### book 8.325 ἔσταν δ’ ἐν προθύροισι θεοί, δωτῆρες ἑάων· ### book 8.326 ἄσβεστος δ’ ἄρ’ ἐνῶρτο γέλως μακάρεσσι θεοῖσι ### book 8.327 τέχνας εἰσορόωσι πολύφρονος Ἡφαίστοιο. ### book 8.328 ὧδε δέ τις εἴπεσκεν ἰδὼν ἐς πλησίον ἄλλον· ### book 8.329 “οὐκ ἀρετᾷ κακὰ ἔργα· κιχάνει τοι βραδὺς ὠκύν, ### book 8.330 ὡς καὶ νῦν Ἥφαιστος ἐὼν βραδὺς εἷλεν Ἄρηα, ### book 8.331 ὠκύτατόν περ ἐόντα θεῶν, οἳ Ὄλυμπον ἔχουσι, ### book 8.332 χωλὸς ἐών, τέχνῃσι· τὸ καὶ μοιχάγρι’ ὀφέλλει.” ### book 8.333 ὣς οἱ μὲν τοιαῦτα πρὸς ἀλλήλους ἀγόρευον· ### book 8.334 Ἑρμῆν δὲ προσέειπεν ἄναξ Διὸς υἱὸς Ἀπόλλων· ### book 8.335 “Ἑρμεία Διὸς υἱέ, διάκτορε, δῶτορ ἑάων, ### book 8.336 ἦ ῥά κεν ἐν δεσμοῖς’ ἐθέλοις κρατεροῖσι πιεσθεὶς ### book 8.337 εὕδειν ἐν λέκτροισι παρὰ χρυσῇ Ἀφροδίτῃ;” ### book 8.338 τὸν δ’ ἠμείβετ’ ἔπειτα διάκτορος Ἀργεϊφόντης· ### book 8.339 “αἲ γὰρ τοῦτο γένοιτο, ἄναξ ἑκατηβόλ’ Ἄπολλον. ### book 8.340 δεσμοὶ μὲν τρὶς τόσσοι ἀπείρονες ἀμφὶς ἔχοιεν, ### book 8.341 ὑμεῖς δ’ εἰσορόῳτε θεοὶ πᾶσαί τε θέαιναι, ### book 8.342 αὐτὰρ ἐγὼν εὕδοιμι παρὰ χρυσῇ Ἀφροδίτῃ.” ### book 8.343 ὣς ἔφατ’, ἐν δὲ γέλως ὦρτ’ ἀθανάτοισι θεοῖσιν. ### book 8.344 οὐδὲ Ποσειδάωνα γέλως ἔχε, λίσσετο δ’ αἰεὶ ### book 8.345 Ἥφαιστον κλυτοεργόν, ὅπως λύσειεν Ἄρηα· ### book 8.346 καί μιν φωνήσας ἔπεα πτερόεντα προσηύδα· ### book 8.347 “λῦσον· ἐγὼ δέ τοι αὐτὸν ὑπίσχομαι, ὡς σὺ κελεύεις, ### book 8.348 τείσειν αἴσιμα πάντα μετ’ ἀθανάτοισι θεοῖσι·” ### book 8.349 τὸν δ’ αὖτε προσέειπε περικλυτὸς ἀμφιγυήεις· ### book 8.350 “μή με, Ποσείδαον γαιήοχε, ταῦτα κέλευε· ### book 8.351 δειλαί τοι δειλῶν γε καὶ ἐγγύαι ἐγγυάασθαι. ### book 8.352 πῶς ἂν ἐγώ σε δέοιμι μετ’ ἀθανάτοισι θεοῖσιν, ### book 8.353 εἴ κεν Ἄρης οἴχοιτο χρέος καὶ δεσμὸν ἀλύξας;” ### book 8.354 τὸν δ’ αὖτε προσέειπε Ποσειδάων ἐνοσίχθων· ### book 8.355 “Ἥφαιστ’, εἴ περ γάρ κεν Ἄρης χρεῖος ὑπαλύξας ### book 8.356 οἴχηται φεύγων, αὐτός τοι ἐγὼ τάδε τείσω.” ### book 8.357 τὸν δ’ ἠμείβετ’ ἔπειτα περικλυτὸς ἀμφιγυήεις· ### book 8.358 “οὐκ ἔστ’ οὐδὲ ἔοικε τεὸν ἔπος ἀρνήσασθαι.” ### book 8.359 ὣς εἰπὼν δεσμὸν ἀνίει μένος Ἡφαίστοιο. ### book 8.360 τὼ δ’ ἐπεὶ ἐκ δεσμοῖο λύθεν, κρατεροῦ περ ἐόντος, ### book 8.361 αὐτίκ’ ἀναΐξαντε ὁ μὲν Θρῄκηνδε βεβήκει, ### book 8.362 ἡ δ’ ἄρα Κύπρον ἵκανε φιλομμειδὴς Ἀφροδίτη, ### book 8.363 ἐς Πάφον, ἔνθα τέ οἱ τέμενος βωμός τε θυήεις. ### book 8.364 ἔνθα δέ μιν Χάριτες λοῦσαν καὶ χρῖσαν ἐλαίῳ, ### book 8.365 ἀμβρότῳ, οἷα θεοὺς ἐπενήνοθεν αἰὲν ἐόντας, ### book 8.366 ἀμφὶ δὲ εἵματα ἕσσαν ἐπήρατα, θαῦμα ἰδέσθαι. ### book 8.367 ταῦτ’ ἄρ’ ἀοιδὸς ἄειδε περικλυτός· αὐτὰρ Ὀδυσσεὺς ### book 8.368 τέρπετ’ ἐνὶ φρεσὶν ᾗσιν ἀκούων ἠδὲ καὶ ἄλλοι ### book 8.369 Φαίηκες δολιχήρετμοι, ναυσικλυτοὶ ἄνδρες. ### book 8.370 Ἀλκίνοος δ’ Ἅλιον καὶ Λαοδάμαντα κέλευσε ### book 8.371 μουνὰξ ὀρχήσασθαι, ἐπεί σφισιν οὔ τις ἔριζεν. ### book 8.372 οἱ δ’ ἐπεὶ οὖν σφαῖραν καλὴν μετὰ χερσὶν ἕλοντο, ### book 8.373 πορφυρέην, τήν σφιν Πόλυβος ποίησε δαΐφρων, ### book 8.374 τὴν ἕτερος ῥίπτασκε ποτὶ νέφεα σκιόεντα ### book 8.375 ἰδνωθεὶς ὀπίσω· ὁ δ’ ἀπὸ χθονὸς ὑψός’ ἀερθεὶς ### book 8.376 ῥηϊδίως μεθέλεσκε, πάρος ποσὶν οὖδας ἱκέσθαι. ### book 8.377 αὐτὰρ ἐπεὶ δὴ σφαίρῃ ἀν’ ἰθὺν πειρήσαντο, ### book 8.378 ὀρχείσθην δὴ ἔπειτα ποτὶ χθονὶ πουλυβοτείρῃ ### book 8.379 ταρφέ’ ἀμειβομένω· κοῦροι δ’ ἐπελήκεον ἄλλοι ### book 8.380 ἑσταότες κατ’ ἀγῶνα, πολὺς δ’ ὑπὸ κόμπος ὀρώρει. ### book 8.381 δὴ τότ’ ἄρ’ Ἀλκίνοον προσεφώνεε δῖος Ὀδυσσεύς· ### book 8.382 “Ἀλκίνοε κρεῖον, πάντων ἀριδείκετε λαῶν, ### book 8.383 ἠμὲν ἀπείλησας βητάρμονας εἶναι ἀρίστους, ### book 8.384 ἠδ’ ἄρ’ ἑτοῖμα τέτυκτο· σέβας μ’ ἔχει εἰσορόωντα.” ### book 8.385 ὣς φάτο, γήθησεν δ’ ἱερὸν μένος Ἀλκινόοιο, ### book 8.386 αἶψα δὲ Φαιήκεσσι φιληρέτμοισι μετηύδα· ### book 8.387 “κέκλυτε, Φαιήκων ἡγήτορες ἠδὲ μέδοντες· ### book 8.388 ὁ ξεῖνος μάλα μοι δοκέει πεπνυμένος εἶναι. ### book 8.389 ἀλλ’ ἄγε οἱ δῶμεν ξεινήϊον, ὡς ἐπιεικές. ### book 8.390 δώδεκα γὰρ κατὰ δῆμον ἀριπρεπέες βασιλῆες ### book 8.391 ἀρχοὶ κραίνουσι, τρεισκαιδέκατος δ’ ἐγὼ αὐτός· ### book 8.392 τῶν οἱ ἕκαστος φᾶρος ἐϋπλυνὲς ἠδὲ χιτῶνα ### book 8.393 καὶ χρυσοῖο τάλαντον ἐνείκατε τιμήεντος. ### book 8.394 αἶψα δὲ πάντα φέρωμεν ἀολλέα, ὄφρ’ ἐνὶ χερσὶ ### book 8.395 ξεῖνος ἔχων ἐπὶ δόρπον ἴῃ χαίρων ἐνὶ θυμῷ. ### book 8.396 Εὐρύαλος δέ ἑ αὐτὸν ἀρεσσάσθω ἐπέεσσι ### book 8.397 καὶ δώρῳ, ἐπεὶ οὔ τι ἔπος κατὰ μοῖραν ἔειπεν.” ### book 8.398 ὣς ἔφαθ’, οἱ δ’ ἄρα πάντες ἐπῄνεον ἠδ’ ἐκέλευον, ### book 8.399 δῶρα δ’ ἄρ’ οἰσέμεναι πρόεσαν κήρυκα ἕκαστος. ### book 8.400 τὸν δ’ αὖτ’ Εὐρύαλος ἀπαμείβετο φώνησέν τε· ### book 8.401 “Ἀλκίνοε κρεῖον, πάντων ἀριδείκετε λαῶν, ### book 8.402 τοιγὰρ ἐγὼ τὸν ξεῖνον ἀρέσσομαι, ὡς σὺ κελεύεις. ### book 8.403 δώσω οἱ τόδ’ ἄορ παγχάλκεον, ᾧ ἔπι κώπη ### book 8.404 ἀργυρέη, κολεὸν δὲ νεοπρίστου ἐλέφαντος ### book 8.405 ἀμφιδεδίνηται· πολέος δέ οἱ ἄξιον ἔσται.” ### book 8.406 ὣς εἰπὼν ἐν χερσὶ τίθει ξίφος ἀργυρόηλον, ### book 8.407 καί μιν φωνήσας ἔπεα πτερόεντα προσηύδα· ### book 8.408 “χαῖρε, πάτερ ὦ ξεῖνε· ἔπος δ’ εἴ περ τι βέβακται ### book 8.409 δεινόν, ἄφαρ τὸ φέροιεν ἀναρπάξασαι ἄελλαι. ### book 8.410 σοὶ δὲ θεοὶ ἄλοχόν τ’ ἰδέειν καὶ πατρίδ’ ἱκέσθαι ### book 8.411 δοῖεν, ἐπεὶ δὴ δηθὰ φίλων ἄπο πήματα πάσχεις.” ### book 8.412 τὸν δ’ ἀπαμειβόμενος προσέφη πολύμητις Ὀδυσσεύς· ### book 8.413 “καὶ σύ, φίλος, μάλα χαῖρε, θεοὶ δέ τοι ὄλβια δοῖεν· ### book 8.414 μηδέ τί τοι ξίφεός γε ποθὴ μετόπισθε γένοιτο ### book 8.415 τούτου, ὃ δή μοι δῶκας ἀρεσσάμενος ἐπέεσσιν.” ### book 8.416 ἦ ῥα, καὶ ἀμφ’ ὤμοισι θέτο ξίφος ἀργυρόηλον. ### book 8.417 δύσετό τ’ ἠέλιος, καὶ τῷ κλυτὰ δῶρα παρῆεν. ### book 8.418 καὶ τά γ’ ἐς Ἀλκινόοιο φέρον κήρυκες ἀγαυοί· ### book 8.419 δεξάμενοι δ’ ἄρα παῖδες ἀμύμονος Ἀλκινόοιο ### book 8.420 μητρὶ παρ’ αἰδοίῃ ἔθεσαν περικαλλέα δῶρα. ### book 8.421 τοῖσιν δ’ ἡγεμόνευ’ ἱερὸν μένος Ἀλκινόοιο, ### book 8.422 ἐλθόντες δὲ καθῖζον ἐν ὑψηλοῖσι θρόνοισι. ### book 8.423 δή ῥα τότ’ Ἀρήτην προσέφη μένος Ἀλκινόοιο· ### book 8.424 “δεῦρο, γύναι, φέρε χηλὸν ἀριπρεπέ’, ἥ τις ἀρίστη· ### book 8.425 ἐν δ’ αὐτὴ θὲς φᾶρος ἐϋπλυνὲς ἠδὲ χιτῶνα. ### book 8.426 ἀμφὶ δέ οἱ πυρὶ χαλκὸν ἰήνατε, θέρμετε δ’ ὕδωρ, ### book 8.427 ὄφρα λοεσσάμενός τε ἰδών τ’ ἐῢ κείμενα πάντα ### book 8.428 δῶρα, τά οἱ Φαίηκες ἀμύμονες ἐνθάδ’ ἔνεικαν, ### book 8.429 δαιτί τε τέρπηται καὶ ἀοιδῆς ὕμνον ἀκούων. ### book 8.430 καί οἱ ἐγὼ τόδ’ ἄλεισον ἐμὸν περικαλλὲς ὀπάσσω, ### book 8.431 χρύσεον, ὄφρ’ ἐμέθεν μεμνημένος ἤματα πάντα ### book 8.432 σπένδῃ ἐνὶ μεγάρῳ Διί τ’ ἄλλοισίν τε θεοῖσιν.” ### book 8.433 ὣς ἔφατ’, Ἀρήτη δὲ μετὰ δμῳῇσιν ἔειπεν ### book 8.434 ἀμφὶ πυρὶ στῆσαι τρίποδα μέγαν ὅττι τάχιστα. ### book 8.435 αἱ δὲ λοετροχόον τρίποδ’ ἵστασαν ἐν πυρὶ κηλέῳ, ### book 8.436 ἐν δ’ ἄρ’ ὕδωρ ἔχεον, ὑπὸ δὲ ξύλα δαῖον ἑλοῦσαι. ### book 8.437 γάστρην μὲν τρίποδος πῦρ ἄμφεπε, θέρμετο δ’ ὕδωρ· ### book 8.438 τόφρα δ’ ἄρ’ Ἀρήτη ξείνῳ περικαλλέα χηλὸν ### book 8.439 ἐξέφερεν θαλάμοιο, τίθει δ’ ἐνὶ κάλλιμα δῶρα, ### book 8.440 ἐσθῆτα χρυσόν τε, τά οἱ Φαίηκες ἔδωκαν· ### book 8.441 ἐν δ’ αὐτὴ φᾶρος θῆκεν καλόν τε χιτῶνα ### book 8.442 καί μιν φωνήσας’ ἔπεα πτερόεντα προσηύδα· ### book 8.443 “αὐτὸς νῦν ἴδε πῶμα, θοῶς δ’ ἐπὶ δεσμὸν ἴηλον, ### book 8.444 μή τίς τοι καθ’ ὁδὸν δηλήσεται, ὁππότ’ ἂν αὖτε ### book 8.445 εὕδῃσθα γλυκὺν ὕπνον ἐὼν ἐν νηῒ μελαίνῃ.” ### book 8.446 αὐτὰρ ἐπεὶ τό γ’ ἄκουσε πολύτλας δῖος Ὀδυσσεύς, ### book 8.447 αὐτίκ’ ἐπήρτυε πῶμα, θοῶς δ’ ἐπὶ δεσμὸν ἴηλε ### book 8.448 ποικίλον, ὅν ποτέ μιν δέδαε φρεσὶ πότνια Κίρκη. ### book 8.449 αὐτόδιον δ’ ἄρα μιν ταμίη λούσασθαι ἀνώγει ### book 8.450 ἔς ῥ’ ἀσάμινθον βάνθ’· ὁ δ’ ἄρ’ ἀσπασίως ἴδε θυμῷ ### book 8.451 θερμὰ λοέτρ’, ἐπεὶ οὔ τι κομιζόμενός γε θάμιζεν, ### book 8.452 ἐπεὶ δὴ λίπε δῶμα Καλυψοῦς ἠϋκόμοιο· ### book 8.453 τόφρα δέ οἱ κομιδή γε θεῷ ὣς ἔμπεδος ἦεν. ### book 8.454 τὸν δ’ ἐπεὶ οὖν δμῳαὶ λοῦσαν καὶ χρῖσαν ἐλαίῳ, ### book 8.455 ἀμφὶ δέ μιν χλαῖναν καλὴν βάλον ἠδὲ χιτῶνα, ### book 8.456 ἔκ ῥ’ ἀσαμίνθου βὰς ἄνδρας μέτα οἰνοποτῆρας ### book 8.457 ἤϊε· Ναυσικάα δὲ θεῶν ἄπο κάλλος ἔχουσα ### book 8.458 στῆ ῥα παρὰ σταθμὸν τέγεος πύκα ποιητοῖο, ### book 8.459 θαύμαζεν δ’ Ὀδυσῆα ἐν ὀφθαλμοῖσιν ὁρῶσα ### book 8.460 καί μιν φωνήσας’ ἔπεα πτερόεντα προσηύδα· ### book 8.461 “χαῖρε, ξεῖν’, ἵνα καί ποτ’ ἐὼν ἐν πατρίδι γαίῃ ### book 8.462 μνήσῃ ἐμεῖ’, ὅτι μοι πρώτῃ ζωάγρι’ ὀφέλλεις.” ### book 8.463 τὴν δ’ ἀπαμειβόμενος προσέφη πολύμητις Ὀδυσσεύς· ### book 8.464 “Ναυσικάα, θύγατερ μεγαλήτορος Ἀλκινόοιο, ### book 8.465 οὕτω νῦν Ζεὺς θείη, ἐρίγδουπος πόσις Ἥρης, ### book 8.466 οἴκαδέ τ’ ἐλθέμεναι καὶ νόστιμον ἦμαρ ἰδέσθαι· ### book 8.467 τῶ κέν τοι καὶ κεῖθι θεῷ ὣς εὐχετοῴμην ### book 8.468 αἰεὶ ἤματα πάντα· σὺ γάρ μ’ ἐβιώσαο, κούρη.” ### book 8.469 ἦ ῥα, καὶ ἐς θρόνον ἷζε παρ’ Ἀλκίνοον βασιλῆα. ### book 8.470 οἱ δ’ ἤδη μοίρας τ’ ἔνεμον κερόωντό τε οἶνον. ### book 8.471 κῆρυξ δ’ ἐγγύθεν ἦλθεν ἄγων ἐρίηρον ἀοιδόν, ### book 8.472 Δημόδοκον, λαοῖσι τετιμένον· εἷσε δ’ ἄρ’ αὐτὸν ### book 8.473 μέσσῳ δαιτυμόνων, πρὸς κίονα μακρὸν ἐρείσας. ### book 8.474 δὴ τότε κήρυκα προσέφη πολύμητις Ὀδυσσεύς, ### book 8.475 νώτου ἀποπροταμών, ἐπὶ δὲ πλεῖον ἐλέλειπτο, ### book 8.476 ἀργιόδοντος ὑός, θαλερὴ δ’ ἦν ἀμφὶς ἀλοιφή· ### book 8.477 “κῆρυξ, τῆ δή, τοῦτο πόρε κρέας, ὄφρα φάγῃσι, ### book 8.478 Δημοδόκῳ, καί μιν προσπτύξομαι, ἀχνύμενός περ· ### book 8.479 πᾶσι γὰρ ἀνθρώποισιν ἐπιχθονίοισιν ἀοιδοὶ ### book 8.480 τιμῆς ἔμμοροί εἰσι καὶ αἰδοῦς, οὕνεκ’ ἄρα σφέας ### book 8.481 οἴμας Μοῦς’ ἐδίδαξε, φίλησε δὲ φῦλον ἀοιδῶν.” ### book 8.482 ὣς ἄρ’ ἔφη, κῆρυξ δὲ φέρων ἐν χερσὶν ἔθηκεν ### book 8.483 ἥρῳ Δημοδόκῳ· ὁ δ’ ἐδέξατο, χαῖρε δὲ θυμῷ. ### book 8.484 οἱ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 8.485 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 8.486 δὴ τότε Δημόδοκον προσέφη πολύμητις Ὀδυσσεύς· ### book 8.487 “Δημόδοκ’, ἔξοχα δή σε βροτῶν αἰνίζομ’ ἁπάντων· ### book 8.488 ἢ σέ γε Μοῦς’ ἐδίδαξε, Διὸς πάϊς, ἢ σέ γ’ Ἀπόλλων· ### book 8.489 λίην γὰρ κατὰ κόσμον Ἀχαιῶν οἶτον ἀείδεις, ### book 8.490 ὅσς’ ἕρξαν τ’ ἔπαθόν τε καὶ ὅσς’ ἐμόγησαν Ἀχαιοί, ### book 8.491 ὥς τέ που ἢ αὐτὸς παρεὼν ἢ ἄλλου ἀκούσας. ### book 8.492 ἀλλ’ ἄγε δὴ μετάβηθι καὶ ἵππου κόσμον ἄεισον ### book 8.493 δουρατέου, τὸν Ἐπειὸς ἐποίησεν σὺν Ἀθήνῃ, ### book 8.494 ὅν ποτ’ ἐς ἀκρόπολιν δόλον ἤγαγε δῖος Ὀδυσσεὺς ### book 8.495 ἀνδρῶν ἐμπλήσας, οἳ Ἴλιον ἐξαλάπαξαν. ### book 8.496 αἴ κεν δή μοι ταῦτα κατὰ μοῖραν καταλέξῃς, ### book 8.497 αὐτίκα καὶ πᾶσιν μυθήσομαι ἀνθρώποισιν, ### book 8.498 ὡς ἄρα τοι πρόφρων θεὸς ὤπασε θέσπιν ἀοιδήν.” ### book 8.499 ὣς φάθ’, ὁ δ’ ὁρμηθεὶς θεοῦ ἤρχετο, φαῖνε δ’ ἀοιδήν, ### book 8.500 ἔνθεν ἑλών, ὡς οἱ μὲν ἐϋσσέλμων ἐπὶ νηῶν ### book 8.501 βάντες ἀπέπλειον, πῦρ ἐν κλισίῃσι βαλόντες, ### book 8.502 Ἀργεῖοι, τοὶ δ’ ἤδη ἀγακλυτὸν ἀμφ’ Ὀδυσῆα ### book 8.503 εἵατ’ ἐνὶ Τρώων ἀγορῇ κεκαλυμμένοι ἵππῳ· ### book 8.504 αὐτοὶ γάρ μιν Τρῶες ἐς ἀκρόπολιν ἐρύσαντο. ### book 8.505 ὣς ὁ μὲν ἑστήκει, τοὶ δ’ ἄκριτα πόλλ’ ἀγόρευον ### book 8.506 ἥμενοι ἀμφ’ αὐτόν· τρίχα δέ σφισιν ἥνδανε βουλή, ### book 8.507 ἠὲ διατμῆξαι κοῖλον δόρυ νηλέϊ χαλκῷ, ### book 8.508 ἢ κατὰ πετράων βαλέειν ἐρύσαντας ἐπ’ ἄκρης, ### book 8.509 ἢ ἐάαν μέγ’ ἄγαλμα θεῶν θελκτήριον εἶναι, ### book 8.510 τῇ περ δὴ καὶ ἔπειτα τελευτήσεσθαι ἔμελλεν· ### book 8.511 αἶσα γὰρ ἦν ἀπολέσθαι, ἐπὴν πόλις ἀμφικαλύψῃ ### book 8.512 δουράτεον μέγαν ἵππον, ὅθ’ εἵατο πάντες ἄριστοι ### book 8.513 Ἀργεῖοι Τρώεσσι φόνον καὶ κῆρα φέροντες. ### book 8.514 ἤειδεν δ’ ὡς ἄστυ διέπραθον υἷες Ἀχαιῶν ### book 8.515 ἱππόθεν ἐκχύμενοι, κοῖλον λόχον ἐκπρολιπόντες. ### book 8.516 ἄλλον δ’ ἄλλῃ ἄειδε πόλιν κεραϊζέμεν αἰπήν, ### book 8.517 αὐτὰρ Ὀδυσσῆα προτὶ δώματα Δηϊφόβοιο ### book 8.518 βήμεναι, ἠΰτ’ Ἄρηα, σὺν ἀντιθέῳ Μενελάῳ. ### book 8.519 κεῖθι δὴ αἰνότατον πόλεμον φάτο τολμήσαντα ### book 8.520 νικῆσαι καὶ ἔπειτα διὰ μεγάθυμον Ἀθήνην. ### book 8.521 ταῦτ’ ἄρ’ ἀοιδὸς ἄειδε περικλυτός· αὐτὰρ Ὀδυσσεὺς ### book 8.522 τήκετο, δάκρυ δ’ ἔδευεν ὑπὸ βλεφάροισι παρειάς. ### book 8.523 ὡς δὲ γυνὴ κλαίῃσι φίλον πόσιν ἀμφιπεσοῦσα, ### book 8.524 ὅς τε ἑῆς πρόσθεν πόλιος λαῶν τε πέσῃσιν, ### book 8.525 ἄστεϊ καὶ τεκέεσσιν ἀμύνων νηλεὲς ἦμαρ· ### book 8.526 ἡ μὲν τὸν θνῄσκοντα καὶ ἀσπαίροντα ἰδοῦσα ### book 8.527 ἀμφ’ αὐτῷ χυμένη λίγα κωκύει· οἱ δέ τ’ ὄπισθε ### book 8.528 κόπτοντες δούρεσσι μετάφρενον ἠδὲ καὶ ὤμους ### book 8.529 εἴρερον εἰσανάγουσι, πόνον τ’ ἐχέμεν καὶ ὀϊζύν· ### book 8.530 τῆς δ’ ἐλεεινοτάτῳ ἄχεϊ φθινύθουσι παρειαί· ### book 8.531 ὣς Ὀδυσεὺς ἐλεεινὸν ὑπ’ ὀφρύσι δάκρυον εἶβεν. ### book 8.532 ἔνθ’ ἄλλους μὲν πάντας ἐλάνθανε δάκρυα λείβων, ### book 8.533 Ἀλκίνοος δέ μιν οἶος ἐπεφράσατ’ ἠδ’ ἐνόησεν ### book 8.534 ἥμενος ἄγχ’ αὐτοῦ, βαρὺ δὲ στενάχοντος ἄκουσεν. ### book 8.535 αἶψα δὲ Φαιήκεσσι φιληρέτμοισι μετηύδα· ### book 8.536 “κέκλυτε, Φαιήκων ἡγήτορες ἠδὲ μέδοντες, ### book 8.537 Δημόδοκος δ’ ἤδη σχεθέτω φόρμιγγα λίγειαν· ### book 8.538 οὐ γάρ πως πάντεσσι χαριζόμενος τάδ’ ἀείδει. ### book 8.539 ἐξ οὗ δορπέομέν τε καὶ ὤρορε θεῖος ἀοιδός, ### book 8.540 ἐκ τοῦδ’ οὔ πω παύσατ’ ὀϊζυροῖο γόοιο ### book 8.541 ὁ ξεῖνος· μάλα πού μιν ἄχος φρένας ἀμφιβέβηκεν. ### book 8.542 ἀλλ’ ἄγ’ ὁ μὲν σχεθέτω, ἵν’ ὁμῶς τερπώμεθα πάντες, ### book 8.543 ξεινοδόκοι καὶ ξεῖνος, ἐπεὶ πολὺ κάλλιον οὕτω· ### book 8.544 εἵνεκα γὰρ ξείνοιο τάδ’ αἰδοίοιο τέτυκται, ### book 8.545 πομπὴ καὶ φίλα δῶρα, τὰ οἱ δίδομεν φιλέοντες. ### book 8.546 ἀντὶ κασιγνήτου ξεῖνός θ’ ἱκέτης τε τέτυκται ### book 8.547 ἀνέρι, ὅς τ’ ὀλίγον περ ἐπιψαύῃ πραπίδεσσι. ### book 8.548 τῶ νῦν μηδὲ σὺ κεῦθε νοήμασι κερδαλέοισιν, ### book 8.549 ὅττι κέ ς’ εἴρωμαι· φάσθαι δέ σε κάλλιόν ἐστιν. ### book 8.550 εἴπ’ ὄνομ’, ὅττι σε κεῖθι κάλεον μήτηρ τε πατήρ τε, ### book 8.551 ἄλλοι θ’ οἳ κατὰ ἄστυ καὶ οἳ περιναιετάουσιν. ### book 8.552 οὐ μὲν γάρ τις πάμπαν ἀνώνυμός ἐστ’ ἀνθρώπων, ### book 8.553 οὐ κακὸς οὐδὲ μὲν ἐσθλός, ἐπὴν τὰ πρῶτα γένηται, ### book 8.554 ἀλλ’ ἐπὶ πᾶσι τίθενται, ἐπεί κε τέκωσι, τοκῆες. ### book 8.555 εἰπὲ δέ μοι γαῖάν τε τεὴν δῆμόν τε πόλιν τε, ### book 8.556 ὄφρα σε τῇ πέμψωσι τιτυσκόμεναι φρεσὶ νῆες. ### book 8.557 οὐ γὰρ Φαιήκεσσι κυβερνητῆρες ἔασιν, ### book 8.558 οὐδέ τι πηδάλι’ ἐστί, τά τ’ ἄλλαι νῆες ἔχουσιν· ### book 8.559 ἀλλ’ αὐταὶ ἴσασι νοήματα καὶ φρένας ἀνδρῶν, ### book 8.560 καὶ πάντων ἴσασι πόλιας καὶ πίονας ἀγροὺς ### book 8.561 ἀνθρώπων καὶ λαῖτμα τάχισθ’ ἁλὸς ἐκπερόωσιν ### book 8.562 ἠέρι καὶ νεφέλῃ κεκαλυμμέναι· οὐδέ ποτέ σφιν ### book 8.563 οὔτε τι πημανθῆναι ἔπι δέος οὔτ’ ἀπολέσθαι. ### book 8.564 ἀλλὰ τόδ’ ὥς ποτε πατρὸς ἐγὼν εἰπόντος ἄκουσα ### book 8.565 Ναυσιθόου, ὃς ἔφασκε Ποσειδάων’ ἀγάσασθαι ### book 8.566 ἡμῖν, οὕνεκα πομποὶ ἀπήμονές εἰμεν ἁπάντων· ### book 8.567 φῆ ποτε Φαιήκων ἀνδρῶν περικαλλέα νῆα ### book 8.568 ἐκ πομπῆς ἀνιοῦσαν ἐν ἠεροειδέϊ πόντῳ ### book 8.569 ῥαισέμεναι, μέγα δ’ ἧμιν ὄρος πόλει ἀμφικαλύψειν. ### book 8.570 ὣς ἀγόρευ’ ὁ γέρων· τὰ δέ κεν θεὸς ἢ τελέσειεν, ### book 8.571 ἤ κ’ ἀτέλεστ’ εἴη, ὥς οἱ φίλον ἔπλετο θυμῷ. ### book 8.572 ἀλλ’ ἄγε μοι τόδε εἰπὲ καὶ ἀτρεκέως κατάλεξον, ### book 8.573 ὅππῃ ἀπεπλάγχθης τε καὶ ἅς τινας ἵκεο χώρας ### book 8.574 ἀνθρώπων, αὐτούς τε πόλιάς τ’ ἐῢ ναιεταούσας, ### book 8.575 ἠμὲν ὅσοι χαλεποί τε καὶ ἄγριοι οὐδὲ δίκαιοι, ### book 8.576 οἵ τε φιλόξεινοι καί σφιν νόος ἐστὶ θεουδής. ### book 8.577 εἰπὲ δ’ ὅ τι κλαίεις καὶ ὀδύρεαι ἔνδοθι θυμῷ ### book 8.578 Ἀργείων Δαναῶν ἠδ’ Ἰλίου οἶτον ἀκούων. ### book 8.579 τὸν δὲ θεοὶ μὲν τεῦξαν, ἐπεκλώσαντο δ’ ὄλεθρον ### book 8.580 ἀνθρώποις’, ἵνα ᾖσι καὶ ἐσσομένοισιν ἀοιδή. ### book 8.581 ἦ τίς τοι καὶ πηὸς ἀπέφθιτο Ἰλιόθι πρό, ### book 8.582 ἐσθλὸς ἐών, γαμβρὸς ἢ πενθερός; οἵ τε μάλιστα ### book 8.583 κήδιστοι τελέθουσι μεθ’ αἷμά τε καὶ γένος αὐτῶν. ### book 8.584 ἦ τίς που καὶ ἑταῖρος ἀνὴρ κεχαρισμένα εἰδώς, ### book 8.585 ἐσθλός; ἐπεὶ οὐ μέν τι κασιγνήτοιο χερείων ### book 8.586 γίνεται, ὅς κεν ἑταῖρος ἐὼν πεπνυμένα εἰδῇ.” ### book 9.1 Τὸν δ’ ἀπαμειβόμενος προσέφη πολύμητις Ὀδυσσεύς· ### book 9.2 “Ἀλκίνοε κρεῖον, πάντων ἀριδείκετε λαῶν, ### book 9.3 ἦ τοι μὲν τόδε καλὸν ἀκουέμεν ἐστὶν ἀοιδοῦ ### book 9.4 τοιοῦδ’, οἷος ὅδ’ ἐστί, θεοῖς’ ἐναλίγκιος αὐδήν. ### book 9.5 οὐ γὰρ ἐγώ γέ τί φημι τέλος χαριέστερον εἶναι ### book 9.6 ἢ ὅτ’ ἐϋφροσύνη μὲν ἔχῃ κάτα δῆμον ἅπαντα, ### book 9.7 δαιτυμόνες δ’ ἀνὰ δώματ’ ἀκουάζωνται ἀοιδοῦ ### book 9.8 ἥμενοι ἑξείης, παρὰ δὲ πλήθωσι τράπεζαι ### book 9.9 σίτου καὶ κρειῶν, μέθυ δ’ ἐκ κρητῆρος ἀφύσσων ### book 9.10 οἰνοχόος φορέῃσι καὶ ἐγχείῃ δεπάεσσι· ### book 9.11 τοῦτό τί μοι κάλλιστον ἐνὶ φρεσὶν εἴδεται εἶναι. ### book 9.12 σοὶ δ’ ἐμὰ κήδεα θυμὸς ἐπετράπετο στονόεντα ### book 9.13 εἴρεσθ’, ὄφρ’ ἔτι μᾶλλον ὀδυρόμενος στεναχίζω. ### book 9.14 τί πρῶτόν τοι ἔπειτα, τί δ’ ὑστάτιον καταλέξω; ### book 9.15 κήδε’ ἐπεί μοι πολλὰ δόσαν θεοὶ Οὐρανίωνες. ### book 9.16 νῦν δ’ ὄνομα πρῶτον μυθήσομαι, ὄφρα καὶ ὑμεῖς ### book 9.17 εἴδετ’, ἐγὼ δ’ ἂν ἔπειτα φυγὼν ὕπο νηλεὲς ἦμαρ ### book 9.18 ὑμῖν ξεῖνος ἔω καὶ ἀπόπροθι δώματα ναίων. ### book 9.19 εἴμ’ Ὀδυσεὺς Λαερτιάδης, ὃς πᾶσι δόλοισιν ### book 9.20 ἀνθρώποισι μέλω, καί μευ κλέος οὐρανὸν ἵκει. ### book 9.21 ναιετάω δ’ Ἰθάκην εὐδείελον· ἐν δ’ ὄρος αὐτῇ, ### book 9.22 Νήριτον εἰνοσίφυλλον, ἀριπρεπές· ἀμφὶ δὲ νῆσοι ### book 9.23 πολλαὶ ναιετάουσι μάλα σχεδὸν ἀλλήλῃσι, ### book 9.24 Δουλίχιόν τε Σάμη τε καὶ ὑλήεσσα Ζάκυνθος. ### book 9.25 αὐτὴ δὲ χθαμαλὴ πανυπερτάτη εἰν ἁλὶ κεῖται ### book 9.26 πρὸς ζόφον, αἱ δέ τ’ ἄνευθε πρὸς ἠῶ τ’ ἠέλιόν τε, ### book 9.27 τρηχεῖ’, ἀλλ’ ἀγαθὴ κουροτρόφος· οὔ τι ἐγώ γε ### book 9.28 ἧς γαίης δύναμαι γλυκερώτερον ἄλλο ἰδέσθαι. ### book 9.29 ἦ μέν μ’ αὐτόθ’ ἔρυκε Καλυψώ, δῖα θεάων, ### book 9.30 [ἐν σπέεσι γλαφυροῖσι, λιλαιομένη πόσιν εἶναι·] ### book 9.31 ὣς δ’ αὔτως Κίρκη κατερήτυεν ἐν μεγάροισιν ### book 9.32 Αἰαίη δολόεσσα, λιλαιομένη πόσιν εἶναι· ### book 9.33 ἀλλ’ ἐμὸν οὔ ποτε θυμὸν ἐνὶ στήθεσσιν ἔπειθεν. ### book 9.34 ὡς οὐδὲν γλύκιον ἧς πατρίδος οὐδὲ τοκήων ### book 9.35 γίνεται, εἴ περ καί τις ἀπόπροθι πίονα οἶκον ### book 9.36 γαίῃ ἐν ἀλλοδαπῇ ναίει ἀπάνευθε τοκήων. ### book 9.37 εἰ δ’ ἄγε τοι καὶ νόστον ἐμὸν πολυκηδέ’ ἐνίσπω, ### book 9.38 ὅν μοι Ζεὺς ἐφέηκεν ἀπὸ Τροίηθεν ἰόντι. ### book 9.39 Ἰλιόθεν με φέρων ἄνεμος Κικόνεσσι πέλασσεν, ### book 9.40 Ἰσμάρῳ· ἔνθα δ’ ἐγὼ πόλιν ἔπραθον, ὤλεσα δ’ αὐτούς. ### book 9.41 ἐκ πόλιος δ’ ἀλόχους καὶ κτήματα πολλὰ λαβόντες ### book 9.42 δασσάμεθ’, ὡς μή τίς μοι ἀτεμβόμενος κίοι ἴσης. ### book 9.43 ἔνθ’ ἦ τοι μὲν ἐγὼ διερῷ ποδὶ φευγέμεν ἡμέας ### book 9.44 ἠνώγεα, τοὶ δὲ μέγα νήπιοι οὐκ ἐπίθοντο. ### book 9.45 ἔνθα δὲ πολλὸν μὲν μέθυ πίνετο, πολλὰ δὲ μῆλα ### book 9.46 ἔσφαζον παρὰ θῖνα καὶ εἰλίποδας ἕλικας βοῦς. ### book 9.47 τόφρα δ’ ἄρ’ οἰχόμενοι Κίκονες Κικόνεσσι γεγώνευν, ### book 9.48 οἵ σφιν γείτονες ἦσαν, ἅμα πλέονες καὶ ἀρείους, ### book 9.49 ἤπειρον ναίοντες, ἐπιστάμενοι μὲν ἀφ’ ἵππων ### book 9.50 ἀνδράσι μάρνασθαι καὶ ὅθι χρὴ πεζὸν ἐόντα. ### book 9.51 ἦλθον ἔπειθ’, ὅσα φύλλα καὶ ἄνθεα γίνεται ὥρῃ, ### book 9.52 ἠέριοι· τότε δή ῥα κακὴ Διὸς αἶσα παρέστη ### book 9.53 ἡμῖν αἰνομόροισιν, ἵν’ ἄλγεα πολλὰ πάθοιμεν. ### book 9.54 στησάμενοι δ’ ἐμάχοντο μάχην παρὰ νηυσὶ θοῇσι, ### book 9.55 βάλλον δ’ ἀλλήλους χαλκήρεσιν ἐγχείῃσιν. ### book 9.56 ὄφρα μὲν ἠὼς ἦν καὶ ἀέξετο ἱερὸν ἦμαρ, ### book 9.57 τόφρα δ’ ἀλεξόμενοι μένομεν πλέονάς περ ἐόντας· ### book 9.58 ἦμος δ’ ἠέλιος μετενίσετο βουλυτόνδε, ### book 9.59 καὶ τότε δὴ Κίκονες κλῖναν δαμάσαντες Ἀχαιούς. ### book 9.60 ἓξ δ’ ἀφ’ ἑκάστης νηὸς ἐϋκνήμιδες ἑταῖροι ### book 9.61 ὤλονθ’· οἱ δ’ ἄλλοι φύγομεν θάνατόν τε μόρον τε. ### book 9.62 ἔνθεν δὲ προτέρω πλέομεν ἀκαχήμενοι ἦτορ, ### book 9.63 ἄσμενοι ἐκ θανάτοιο, φίλους ὀλέσαντες ἑταίρους. ### book 9.64 οὐδ’ ἄρα μοι προτέρω νῆες κίον ἀμφιέλισσαι, ### book 9.65 πρίν τινα τῶν δειλῶν ἑτάρων τρὶς ἕκαστον ἀῦσαι, ### book 9.66 οἳ θάνον ἐν πεδίῳ Κικόνων ὕπο δῃωθέντες. ### book 9.67 νηυσὶ δ’ ἐπῶρς’ ἄνεμον βορέην νεφεληγερέτα Ζεὺς ### book 9.68 λαίλαπι θεσπεσίῃ, σὺν δὲ νεφέεσσι κάλυψε ### book 9.69 γαῖαν ὁμοῦ καὶ πόντον· ὀρώρει δ’ οὐρανόθεν νύξ. ### book 9.70 αἱ μὲν ἔπειτ’ ἐφέροντ’ ἐπικάρσιαι, ἱστία δέ σφιν ### book 9.71 τριχθά τε καὶ τετραχθὰ διέσχισεν ἲς ἀνέμοιο. ### book 9.72 καὶ τὰ μὲν ἐς νῆας κάθεμεν, δείσαντες ὄλεθρον, ### book 9.73 αὐτὰς δ’ ἐσσυμένως προερέσσαμεν ἤπειρόνδε. ### book 9.74 ἔνθα δύω νύκτας δύο τ’ ἤματα συννεχὲς αἰεὶ ### book 9.75 κείμεθ’, ὁμοῦ καμάτῳ τε καὶ ἄλγεσι θυμὸν ἔδοντες. ### book 9.76 ἀλλ’ ὅτε δὴ τρίτον ἦμαρ ἐϋπλόκαμος τέλες’ Ἠώς, ### book 9.77 ἱστοὺς στησάμενοι ἀνά θ’ ἱστία λεύκ’ ἐρύσαντες ### book 9.78 ἥμεθα· τὰς δ’ ἄνεμός τε κυβερνῆταί τ’ ἴθυνον. ### book 9.79 καί νύ κεν ἀσκηθὴς ἱκόμην ἐς πατρίδα γαῖαν, ### book 9.80 ἀλλά με κῦμα ῥόος τε περιγνάμπτοντα Μάλειαν ### book 9.81 καὶ βορέης ἀπέωσε, παρέπλαγξεν δὲ Κυθήρων. ### book 9.82 ἔνθεν δ’ ἐννῆμαρ φερόμην ὀλοοῖς’ ἀνέμοισι ### book 9.83 πόντον ἐπ’ ἰχθυόεντα· ἀτὰρ δεκάτῃ ἐπέβημεν ### book 9.84 γαίης Λωτοφάγων, οἵ τ’ ἄνθινον εἶδαρ ἔδουσιν. ### book 9.85 ἔνθα δ’ ἐπ’ ἠπείρου βῆμεν καὶ ἀφυσσάμεθ’ ὕδωρ, ### book 9.86 αἶψα δὲ δεῖπνον ἕλοντο θοῇς παρὰ νηυσὶν ἑταῖροι. ### book 9.87 αὐτὰρ ἐπεὶ σίτοιό τ’ ἐπασσάμεθ’ ἠδὲ ποτῆτος, ### book 9.88 δὴ τότ’ ἐγὼν ἑτάρους προΐην πεύθεσθαι ἰόντας, ### book 9.89 οἵ τινες ἀνέρες εἶεν ἐπὶ χθονὶ σῖτον ἔδοντες, ### book 9.90 ἄνδρε δύω κρίνας, τρίτατον κήρυχ’ ἅμ’ ὀπάσσας. ### book 9.91 οἱ δ’ αἶψ’ οἰχόμενοι μίγεν ἀνδράσι Λωτοφάγοισιν· ### book 9.92 οὐδ’ ἄρα Λωτοφάγοι μήδονθ’ ἑτάροισιν ὄλεθρον ### book 9.93 ἡμετέροις’, ἀλλά σφι δόσαν λωτοῖο πάσασθαι. ### book 9.94 τῶν δ’ ὅς τις λωτοῖο φάγοι μελιηδέα καρπόν, ### book 9.95 οὐκέτ’ ἀπαγγεῖλαι πάλιν ἤθελεν οὐδὲ νέεσθαι, ### book 9.96 ἀλλ’ αὐτοῦ βούλοντο μετ’ ἀνδράσι Λωτοφάγοισι ### book 9.97 λωτὸν ἐρεπτόμενοι μενέμεν νόστου τε λαθέσθαι. ### book 9.98 τοὺς μὲν ἐγὼν ἐπὶ νῆας ἄγον κλαίοντας ἀνάγκῃ, ### book 9.99 νηυσὶ δ’ ἐνὶ γλαφυρῇσιν ὑπὸ ζυγὰ δῆσα ἐρύσσας· ### book 9.100 αὐτὰρ τοὺς ἄλλους κελόμην ἐρίηρας ἑταίρους ### book 9.101 σπερχομένους νηῶν ἐπιβαινέμεν ὠκειάων, ### book 9.102 μή πώς τις λωτοῖο φαγὼν νόστοιο λάθηται. ### book 9.103 οἱ δ’ αἶψ’ εἴσβαινον καὶ ἐπὶ κληῖσι καθῖζον, ### book 9.104 ἑξῆς δ’ ἑζόμενοι πολιὴν ἅλα τύπτον ἐρετμοῖς. ### book 9.105 ἔνθεν δὲ προτέρω πλέομεν ἀκαχήμενοι ἦτορ. ### book 9.106 Κυκλώπων δ’ ἐς γαῖαν ὑπερφιάλων ἀθεμίστων ### book 9.107 ἱκόμεθ’, οἵ ῥα θεοῖσι πεποιθότες ἀθανάτοισιν ### book 9.108 οὔτε φυτεύουσιν χερσὶν φυτὸν οὔτ’ ἀρόωσιν, ### book 9.109 ἀλλὰ τά γ’ ἄσπαρτα καὶ ἀνήροτα πάντα φύονται, ### book 9.110 πυροὶ καὶ κριθαὶ ἠδ’ ἄμπελοι, αἵ τε φέρουσιν ### book 9.111 οἶνον ἐριστάφυλον, καί σφιν Διὸς ὄμβρος ἀέξει. ### book 9.112 τοῖσιν δ’ οὔτ’ ἀγοραὶ βουληφόροι οὔτε θέμιστες, ### book 9.113 ἀλλ’ οἵ γ’ ὑψηλῶν ὀρέων ναίουσι κάρηνα ### book 9.114 ἐν σπέεσι γλαφυροῖσι, θεμιστεύει δὲ ἕκαστος ### book 9.115 παίδων ἠδ’ ἀλόχων, οὐδ’ ἀλλήλων ἀλέγουσι. ### book 9.116 νῆσος ἔπειτα λάχεια παρὲκ λιμένος τετάνυσται, ### book 9.117 γαίης Κυκλώπων οὔτε σχεδὸν οὔτ’ ἀποτηλοῦ, ### book 9.118 ὑλήεσς’· ἐν δ’ αἶγες ἀπειρέσιαι γεγάασιν ### book 9.119 ἄγριαι· οὐ μὲν γὰρ πάτος ἀνθρώπων ἀπερύκει, ### book 9.120 οὐδέ μιν εἰσοιχνεῦσι κυνηγέται, οἵ τε καθ’ ὕλην ### book 9.121 ἄλγεα πάσχουσιν κορυφὰς ὀρέων ἐφέποντες. ### book 9.122 οὔτ’ ἄρα ποίμνῃσιν καταΐσχεται οὔτ’ ἀρότοισιν, ### book 9.123 ἀλλ’ ἥ γ’ ἄσπαρτος καὶ ἀνήροτος ἤματα πάντα ### book 9.124 ἀνδρῶν χηρεύει, βόσκει δέ τε μηκάδας αἶγας. ### book 9.125 οὐ γὰρ Κυκλώπεσσι νέες πάρα μιλτοπάρῃοι, ### book 9.126 οὐδ’ ἄνδρες νηῶν ἔνι τέκτονες, οἵ κε κάμοιεν ### book 9.127 νῆας ἐϋσσέλμους, αἵ κεν τελέοιεν ἕκαστα ### book 9.128 ἄστε’ ἐπ’ ἀνθρώπων ἱκνεύμεναι, οἷά τε πολλὰ ### book 9.129 ἄνδρες ἐπ’ ἀλλήλους νηυσὶν περόωσι θάλασσαν· ### book 9.130 οἵ κέ σφιν καὶ νῆσον ἐϋκτιμένην ἐκάμοντο. ### book 9.131 οὐ μὲν γάρ τι κακή γε, φέροι δέ κεν ὥρια πάντα· ### book 9.132 ἐν μὲν γὰρ λειμῶνες ἁλὸς πολιοῖο παρ’ ὄχθας ### book 9.133 ὑδρηλοὶ μαλακοί· μάλα κ’ ἄφθιτοι ἄμπελοι εἶεν· ### book 9.134 ἐν δ’ ἄροσις λείη· μάλα κεν βαθὺ λήϊον αἰεὶ ### book 9.135 εἰς ὥρας ἀμόῳεν, ἐπεὶ μάλα πῖαρ ὑπ’ οὖδας. ### book 9.136 ἐν δὲ λιμὴν εὔορμος, ἵν’ οὐ χρεὼ πείσματός ἐστιν, ### book 9.137 οὔτ’ εὐνὰς βαλέειν οὔτε πρυμνήσι’ ἀνάψαι, ### book 9.138 ἀλλ’ ἐπικέλσαντας μεῖναι χρόνον, εἰς ὅ κε ναυτέων ### book 9.139 θυμὸς ἐποτρύνῃ καὶ ἐπιπνεύσωσιν ἀῆται. ### book 9.140 αὐτὰρ ἐπὶ κρατὸς λιμένος ῥέει ἀγλαὸν ὕδωρ, ### book 9.141 κρήνη ὑπὸ σπείους· περὶ δ’ αἴγειροι πεφύασιν. ### book 9.142 ἔνθα κατεπλέομεν, καί τις θεὸς ἡγεμόνευε ### book 9.143 νύκτα δι’ ὀρφναίην, οὐδὲ προὐφαίνετ’ ἰδέσθαι· ### book 9.144 ἀὴρ γὰρ περὶ νηυσὶ βαθεῖ’ ἦν, οὐδὲ σελήνη ### book 9.145 οὐρανόθεν προὔφαινε, κατείχετο δὲ νεφέεσσιν. ### book 9.146 ἔνθ’ οὔ τις τὴν νῆσον ἐσέδρακεν ὀφθαλμοῖσιν, ### book 9.147 οὔτ’ οὖν κύματα μακρὰ κυλινδόμενα προτὶ χέρσον ### book 9.148 εἰσίδομεν, πρὶν νῆας ἐϋσσέλμους ἐπικέλσαι. ### book 9.149 κελσάσῃσι δὲ νηυσὶ καθείλομεν ἱστία πάντα, ### book 9.150 ἐκ δὲ καὶ αὐτοὶ βῆμεν ἐπὶ ῥηγμῖνι θαλάσσης· ### book 9.151 ἔνθα δ’ ἀποβρίξαντες ἐμείναμεν Ἠῶ δῖαν. ### book 9.152 ἦμος δ’ ἠριγένεια φάνη ῥοδοδάκτυλος Ἠώς, ### book 9.153 νῆσον θαυμάζοντες ἐδινεόμεσθα κατ’ αὐτήν. ### book 9.154 ὦρσαν δὲ Νύμφαι, κοῦραι Διὸς αἰγιόχοιο, ### book 9.155 αἶγας ὀρεσκῴους, ἵνα δειπνήσειαν ἑταῖροι. ### book 9.156 αὐτίκα καμπύλα τόξα καὶ αἰγανέας δολιχαύλους ### book 9.157 εἱλόμεθ’ ἐκ νηῶν, διὰ δὲ τρίχα κοσμηθέντες ### book 9.158 βάλλομεν· αἶψα δὲ δῶκε θεὸς μενοεικέα θήρην. ### book 9.159 νῆες μέν μοι ἕποντο δυώδεκα, ἐς δὲ ἑκάστην ### book 9.160 ἐννέα λάγχανον αἶγες· ἐμοὶ δὲ δέκ’ ἔξελον οἴῳ. ### book 9.161 ὣς τότε μὲν πρόπαν ἦμαρ ἐς ἠέλιον καταδύντα ### book 9.162 ἥμεθα δαινύμενοι κρέα τ’ ἄσπετα καὶ μέθυ ἡδύ. ### book 9.163 οὐ γάρ πω νηῶν ἐξέφθιτο οἶνος ἐρυθρός, ### book 9.164 ἀλλ’ ἐνέην· πολλὸν γὰρ ἐν ἀμφιφορεῦσιν ἕκαστοι ### book 9.165 ἠφύσαμεν Κικόνων ἱερὸν πτολίεθρον ἑλόντες. ### book 9.166 Κυκλώπων δ’ ἐς γαῖαν ἐλεύσσομεν ἐγγὺς ἐόντων, ### book 9.167 καπνόν τ’ αὐτῶν τε φθογγὴν ὀΐων τε καὶ αἰγῶν. ### book 9.168 ἦμος δ’ ἠέλιος κατέδυ καὶ ἐπὶ κνέφας ἦλθε, ### book 9.169 δὴ τότε κοιμήθημεν ἐπὶ ῥηγμῖνι θαλάσσης. ### book 9.170 ἦμος δ’ ἠριγένεια φάνη ῥοδοδάκτυλος Ἠώς, ### book 9.171 καὶ τότ’ ἐγὼν ἀγορὴν θέμενος μετὰ πᾶσιν ἔειπον· ### book 9.172 ‘ἄλλοι μὲν νῦν μίμνετ’, ἐμοὶ ἐρίηρες ἑταῖροι· ### book 9.173 αὐτὰρ ἐγὼ σὺν νηΐ τ’ ἐμῇ καὶ ἐμοῖς’ ἑτάροισιν ### book 9.174 ἐλθὼν τῶνδ’ ἀνδρῶν πειρήσομαι, οἵ τινές εἰσιν, ### book 9.175 ἤ ῥ’ οἵ γ’ ὑβρισταί τε καὶ ἄγριοι οὐδὲ δίκαιοι, ### book 9.176 ἦε φιλόξεινοι, καί σφιν νόος ἐστὶ θεουδής.‘ ### book 9.177 ὣς εἰπὼν ἀνὰ νηὸς ἔβην, ἐκέλευσα δ’ ἑταίρους ### book 9.178 αὐτούς τ’ ἀμβαίνειν ἀνά τε πρυμνήσια λῦσαι. ### book 9.179 οἱ δ’ αἶψ’ εἴσβαινον καὶ ἐπὶ κληῖσι καθῖζον, ### book 9.180 ἑξῆς δ’ ἑζόμενοι πολιὴν ἅλα τύπτον ἐρετμοῖς. ### book 9.181 ἀλλ’ ὅτε δὴ τὸν χῶρον ἀφικόμεθ’ ἐγγὺς ἐόντα, ### book 9.182 ἔνθα δ’ ἐπ’ ἐσχατιῇ σπέος εἴδομεν ἄγχι θαλάσσης, ### book 9.183 ὑψηλόν, δάφνῃσι κατηρεφές· ἔνθα δὲ πολλὰ ### book 9.184 μῆλ’, ὄϊές τε καὶ αἶγες, ἰαύεσκον· περὶ δ’ αὐλὴ ### book 9.185 ὑψηλὴ δέδμητο κατωρυχέεσσι λίθοισι ### book 9.186 μακρῇσίν τε πίτυσσιν ἰδὲ δρυσὶν ὑψικόμοισιν. ### book 9.187 ἔνθα δ’ ἀνὴρ ἐνίαυε πελώριος, ὅς ῥα τὰ μῆλα ### book 9.188 οἶος ποιμαίνεσκεν ἀπόπροθεν· οὐδὲ μετ’ ἄλλους ### book 9.189 πωλεῖτ’, ἀλλ’ ἀπάνευθεν ἐὼν ἀθεμίστια ᾔδη. ### book 9.190 καὶ γὰρ θαῦμ’ ἐτέτυκτο πελώριον, οὐδὲ ἐῴκει ### book 9.191 ἀνδρί γε σιτοφάγῳ, ἀλλὰ ῥίῳ ὑλήεντι ### book 9.192 ὑψηλῶν ὀρέων, ὅ τε φαίνεται οἶον ἀπ’ ἄλλων. ### book 9.193 δὴ τότε τοὺς ἄλλους κελόμην ἐρίηρας ἑταίρους ### book 9.194 αὐτοῦ πὰρ νηΐ τε μένειν καὶ νῆα ἔρυσθαι· ### book 9.195 αὐτὰρ ἐγὼ κρίνας ἑτάρων δυοκαίδεκ’ ἀρίστους ### book 9.196 βῆν· ἀτὰρ αἴγεον ἀσκὸν ἔχον μέλανος οἴνοιο, ### book 9.197 ἡδέος, ὅν μοι δῶκε Μάρων, Εὐάνθεος υἱός, ### book 9.198 ἱρεὺς Ἀπόλλωνος, ὃς Ἴσμαρον ἀμφιβεβήκει, ### book 9.199 οὕνεκά μιν σὺν παιδὶ περισχόμεθ’ ἠδὲ γυναικὶ ### book 9.200 ἁζόμενοι· ᾤκει γὰρ ἐν ἄλσεϊ δενδρήεντι ### book 9.201 Φοίβου Ἀπόλλωνος. ὁ δέ μοι πόρεν ἀγλαὰ δῶρα· ### book 9.202 χρυσοῦ μέν μοι δῶκ’ εὐεργέος ἑπτὰ τάλαντα, ### book 9.203 δῶκε δέ μοι κρητῆρα πανάργυρον, αὐτὰρ ἔπειτα ### book 9.204 οἶνον ἐν ἀμφιφορεῦσι δυώδεκα πᾶσιν ἀφύσσας, ### book 9.205 ἡδὺν ἀκηράσιον, θεῖον ποτόν· οὐδέ τις αὐτὸν ### book 9.206 ἠείδη δμώων οὐδ’ ἀμφιπόλων ἐνὶ οἴκῳ, ### book 9.207 ἀλλ’ αὐτὸς ἄλοχός τε φίλη ταμίη τε μί’ οἴη. ### book 9.208 τὸν δ’ ὅτε πίνοιεν μελιηδέα οἶνον ἐρυθρόν, ### book 9.209 ἓν δέπας ἐμπλήσας ὕδατος ἀνὰ εἴκοσι μέτρα ### book 9.210 χεῦ’, ὀδμὴ δ’ ἡδεῖα ἀπὸ κρητῆρος ὀδώδει, ### book 9.211 θεσπεσίη· τότ’ ἂν οὔ τοι ἀποσχέσθαι φίλον ἦεν. ### book 9.212 τοῦ φέρον ἐμπλήσας ἀσκὸν μέγαν, ἐν δὲ καὶ ᾖα ### book 9.213 κωρύκῳ· αὐτίκα γάρ μοι ὀΐσατο θυμὸς ἀγήνωρ ### book 9.214 ἄνδρ’ ἐπελεύσεσθαι μεγάλην ἐπιειμένον ἀλκήν, ### book 9.215 ἄγριον, οὔτε δίκας εὖ εἰδότα οὔτε θέμιστας. ### book 9.216 καρπαλίμως δ’ εἰς ἄντρον ἀφικόμεθ’, οὐδέ μιν ἔνδον ### book 9.217 εὕρομεν, ἀλλ’ ἐνόμευε νομὸν κάτα πίονα μῆλα. ### book 9.218 ἐλθόντες δ’ εἰς ἄντρον ἐθηεύμεσθα ἕκαστα· ### book 9.219 ταρσοὶ μὲν τυρῶν βρῖθον στείνοντο δὲ σηκοὶ ### book 9.220 ἀρνῶν ἠδ’ ἐρίφων· διακεκριμέναι δὲ ἕκασται ### book 9.221 ἔρχατο, χωρὶς μὲν πρόγονοι, χωρὶς δὲ μέτασσαι, ### book 9.222 χωρὶς δ’ αὖθ’ ἕρσαι· ναῖον δ’ ὀρῷ ἄγγεα πάντα, ### book 9.223 γαυλοί τε σκαφίδες τε, τετυγμένα, τοῖς’ ἐνάμελγεν. ### book 9.224 ἔνθ’ ἐμὲ μὲν πρώτισθ’ ἕταροι λίσσοντ’ ἐπέεσσι ### book 9.225 τυρῶν αἰνυμένους ἰέναι πάλιν, αὐτὰρ ἔπειτα ### book 9.226 καρπαλίμως ἐπὶ νῆα θοὴν ἐρίφους τε καὶ ἄρνας ### book 9.227 σηκῶν ἐξελάσαντας ἐπιπλεῖν ἁλμυρὸν ὕδωρ· ### book 9.228 ἀλλ’ ἐγὼ οὐ πιθόμην, —ἦ τ’ ἂν πολὺ κέρδιον ἦεν, — ### book 9.229 ὄφρ’ αὐτόν τε ἴδοιμι, καὶ εἴ μοι ξείνια δοίη. ### book 9.230 οὐδ’ ἄρ’ ἔμελλ’ ἑτάροισι φανεὶς ἐρατεινὸς ἔσεσθαι. ### book 9.231 ἔνθα δὲ πῦρ κήαντες ἐθύσαμεν ἠδὲ καὶ αὐτοὶ ### book 9.232 τυρῶν αἰνύμενοι φάγομεν, μένομέν τέ μιν ἔνδον ### book 9.233 ἥμενοι, εἷος ἐπῆλθε νέμων. φέρε δ’ ὄβριμον ἄχθος ### book 9.234 ὕλης ἀζαλέης, ἵνα οἱ ποτιδόρπιον εἴη. ### book 9.235 ἔντοσθεν δ’ ἄντροιο βαλὼν ὀρυμαγδὸν ἔθηκεν· ### book 9.236 ἡμεῖς δὲ δείσαντες ἀπεσσύμεθ’ ἐς μυχὸν ἄντρου. ### book 9.237 αὐτὰρ ὅ γ’ εἰς εὐρὺ σπέος ἤλασε πίονα μῆλα, ### book 9.238 πάντα μάλ’, ὅσς’ ἤμελγε, τὰ δ’ ἄρσενα λεῖπε θύρηφιν, ### book 9.239 ἀρνειούς τε τράγους τε, βαθείης ἔντοθεν αὐλῆς. ### book 9.240 αὐτὰρ ἔπειτ’ ἐπέθηκε θυρεὸν μέγαν ὑψός’ ἀείρας, ### book 9.241 ὄβριμον· οὐκ ἂν τόν γε δύω καὶ εἴκος’ ἄμαξαι ### book 9.242 ἐσθλαὶ τετράκυκλοι ἀπ’ οὔδεος ὀχλίσσειαν· ### book 9.243 τόσσην ἠλίβατον πέτρην ἐπέθηκε θύρῃσιν. ### book 9.244 ἑζόμενος δ’ ἤμελγεν ὄϊς καὶ μηκάδας αἶγας, ### book 9.245 πάντα κατὰ μοῖραν, καὶ ὑπ’ ἔμβρυον ἧκεν ἑκάστῃ. ### book 9.246 αὐτίκα δ’ ἥμισυ μὲν θρέψας λευκοῖο γάλακτος ### book 9.247 πλεκτοῖς’ ἐν ταλάροισιν ἀμησάμενος κατέθηκεν, ### book 9.248 ἥμισυ δ’ αὖτ’ ἔστησεν ἐν ἄγγεσιν, ὄφρα οἱ εἴη ### book 9.249 πίνειν αἰνυμένῳ καί οἱ ποτιδόρπιον εἴη. ### book 9.250 αὐτὰρ ἐπεὶ δὴ σπεῦσε πονησάμενος τὰ ἃ ἔργα, ### book 9.251 καὶ τότε πῦρ ἀνέκαιε καὶ εἴσιδεν, εἴρετο δ’ ἥμεας· ### book 9.252 ‘ὦ ξεῖνοι, τίνες ἐστέ; πόθεν πλεῖθ’ ὑγρὰ κέλευθα; ### book 9.253 ἤ τι κατὰ πρῆξιν ἦ μαψιδίως ἀλάλησθε ### book 9.254 οἷά τε ληϊστῆρες ὑπεὶρ ἅλα, τοί τ’ ἀλόωνται ### book 9.255 ψυχὰς παρθέμενοι, κακὸν ἀλλοδαποῖσι φέροντες;‘ ### book 9.256 ὣς ἔφαθ’, ἡμῖν δ’ αὖτε κατεκλάσθη φίλον ἦτορ, ### book 9.257 δεισάντων φθόγγον τε βαρὺν αὐτόν τε πέλωρον. ### book 9.258 ἀλλὰ καὶ ὧς μιν ἔπεσσιν ἀμειβόμενος προσέειπον· ### book 9.259 ‘ἡμεῖς τοι Τροίηθεν ἀποπλαγχθέντες Ἀχαιοὶ ### book 9.260 παντοίοις’ ἀνέμοισιν ὑπὲρ μέγα λαῖτμα θαλάσσης, ### book 9.261 οἴκαδε ἱέμενοι, ἄλλην ὁδὸν ἄλλα κέλευθα ### book 9.262 ἤλθομεν· οὕτω που Ζεὺς ἤθελε μητίσασθαι. ### book 9.263 λαοὶ δ’ Ἀτρεΐδεω Ἀγαμέμνονος εὐχόμεθ’ εἶναι, ### book 9.264 τοῦ δὴ νῦν γε μέγιστον ὑπουράνιον κλέος ἐστί· ### book 9.265 τόσσην γὰρ διέπερσε πόλιν καὶ ἀπώλεσε λαοὺς ### book 9.266 πολλούς. ἡμεῖς δ’ αὖτε κιχανόμενοι τὰ σὰ γοῦνα ### book 9.267 ἱκόμεθ’, εἴ τι πόροις ξεινήϊον ἠὲ καὶ ἄλλως ### book 9.268 δοίης δωτίνην, ἥ τε ξείνων θέμις ἐστίν. ### book 9.269 ἀλλ’ αἰδεῖο, φέριστε, θεούς· ἱκέται δέ τοί εἰμεν. ### book 9.270 Ζεὺς δ’ ἐπιτιμήτωρ ἱκετάων τε ξείνων τε, ### book 9.271 ξείνιος, ὃς ξείνοισιν ἅμ’ αἰδοίοισιν ὀπηδεῖ.‘ ### book 9.272 ὣς ἐφάμην, ὁ δέ μ’ αὐτίκ’ ἀμείβετο νηλέϊ θυμῷ· ### book 9.273 ‘νήπιός εἰς, ὦ ξεῖν’, ἢ τηλόθεν εἰλήλουθας, ### book 9.274 ὅς με θεοὺς κέλεαι ἢ δειδίμεν ἢ ἀλέασθαι. ### book 9.275 οὐ γὰρ Κύκλωπες Διὸς αἰγιόχου ἀλέγουσιν ### book 9.276 οὐδὲ θεῶν μακάρων, ἐπεὶ ἦ πολὺ φέρτεροί εἰμεν· ### book 9.277 οὐδ’ ἂν ἐγὼ Διὸς ἔχθος ἀλευάμενος πεφιδοίμην ### book 9.278 οὔτε σεῦ οὔθ’ ἑτάρων, εἰ μὴ θυμός με κελεύοι. ### book 9.279 ἀλλά μοι εἴφ’, ὅπῃ ἔσχες ἰὼν εὐεργέα νῆα, ### book 9.280 ἤ που ἐπ’ ἐσχατιῆς ἦ καὶ σχεδόν, ὄφρα δαείω.‘ ### book 9.281 ὣς φάτο πειράζων, ἐμὲ δ’ οὐ λάθεν εἰδότα πολλά, ### book 9.282 ἀλλά μιν ἄψορρον προσέφην δολίοις’ ἐπέεσσι· ### book 9.283 ‘νέα μέν μοι κατέαξε Ποσειδάων ἐνοσίχθων, ### book 9.284 πρὸς πέτρῃσι βαλὼν ὑμῆς ἐπὶ πείρασι γαίης, ### book 9.285 ἄκρῃ προσπελάσας· ἄνεμος δ’ ἐκ πόντου ἔνεικεν· ### book 9.286 αὐτὰρ ἐγὼ σὺν τοῖσδε ὑπέκφυγον αἰπὺν ὄλεθρον.‘ ### book 9.287 ὣς ἐφάμην, ὁ δέ μ’ οὐδὲν ἀμείβετο νηλέϊ θυμῷ, ### book 9.288 ἀλλ’ ὅ γ’ ἀναΐξας ἑτάροις’ ἐπὶ χεῖρας ἴαλλε, ### book 9.289 σὺν δὲ δύω μάρψας ὥς τε σκύλακας ποτὶ γαίῃ ### book 9.290 κόπτ’· ἐκ δ’ ἐγκέφαλος χαμάδις ῥέε, δεῦε δὲ γαῖαν. ### book 9.291 τοὺς δὲ διὰ μελεϊστὶ ταμὼν ὁπλίσσατο δόρπον· ### book 9.292 ἤσθιε δ’ ὥς τε λέων ὀρεσίτροφος, οὐδ’ ἀπέλειπεν, ### book 9.293 ἔγκατά τε σάρκας τε καὶ ὀστέα μυελόεντα. ### book 9.294 ἡμεῖς δὲ κλαίοντες ἀνεσχέθομεν Διὶ χεῖρας, ### book 9.295 σχέτλια ἔργ’ ὁρόωντες· ἀμηχανίη δ’ ἔχε θυμόν. ### book 9.296 αὐτὰρ ἐπεὶ Κύκλωψ μεγάλην ἐμπλήσατο νηδὺν ### book 9.297 ἀνδρόμεα κρέ’ ἔδων καὶ ἐπ’ ἄκρητον γάλα πίνων, ### book 9.298 κεῖτ’ ἔντοσθ’ ἄντροιο τανυσσάμενος διὰ μήλων. ### book 9.299 τὸν μὲν ἐγὼ βούλευσα κατὰ μεγαλήτορα θυμὸν ### book 9.300 ἄσσον ἰών, ξίφος ὀξὺ ἐρυσσάμενος παρὰ μηροῦ, ### book 9.301 οὐτάμεναι πρὸς στῆθος, ὅθι φρένες ἧπαρ ἔχουσι, ### book 9.302 χείρ’ ἐπιμασσάμενος· ἕτερος δέ με θυμὸς ἔρυκεν. ### book 9.303 αὐτοῦ γάρ κε καὶ ἄμμες ἀπωλόμεθ’ αἰπὺν ὄλεθρον· ### book 9.304 οὐ γάρ κεν δυνάμεσθα θυράων ὑψηλάων ### book 9.305 χερσὶν ἀπώσασθαι λίθον ὄβριμον, ὃν προσέθηκεν. ### book 9.306 ὣς τότε μὲν στενάχοντες ἐμείναμεν Ἠῶ δῖαν. ### book 9.307 ἦμος δ’ ἠριγένεια φάνη ῥοδοδάκτυλος Ἠώς, ### book 9.308 καὶ τότε πῦρ ἀνέκαιε καὶ ἤμελγε κλυτὰ μῆλα, ### book 9.309 πάντα κατὰ μοῖραν, καὶ ὑπ’ ἔμβρυον ἧκεν ἑκάστῃ. ### book 9.310 αὐτὰρ ἐπεὶ δὴ σπεῦσε πονησάμενος τὰ ἃ ἔργα, ### book 9.311 σὺν δ’ ὅ γε δὴ αὖτε δύω μάρψας ὁπλίσσατο δεῖπνον. ### book 9.312 δειπνήσας δ’ ἄντρου ἐξήλασε πίονα μῆλα, ### book 9.313 ῥηϊδίως ἀφελὼν θυρεὸν μέγαν· αὐτὰρ ἔπειτα ### book 9.314 ἂψ ἐπέθηχ’, ὡς εἴ τε φαρέτρῃ πῶμ’ ἐπιθείη. ### book 9.315 πολλῇ δὲ ῥοίζῳ πρὸς ὄρος τρέπε πίονα μῆλα ### book 9.316 Κύκλωψ· αὐτὰρ ἐγὼ λιπόμην κακὰ βυσσοδομεύων, ### book 9.317 εἴ πως τεισαίμην, δοίη δέ μοι εὖχος Ἀθήνη. ### book 9.318 ἥδε δέ μοι κατὰ θυμὸν ἀρίστη φαίνετο βουλή· ### book 9.319 Κύκλωπος γὰρ ἔκειτο μέγα ῥόπαλον παρὰ σηκῷ, ### book 9.320 χλωρὸν ἐλαΐνεον· τὸ μὲν ἔκταμεν, ὄφρα φοροίη ### book 9.321 αὐανθέν. τὸ μὲν ἄμμες ἐΐσκομεν εἰσορόωντες ### book 9.322 ὅσσον θ’ ἱστὸν νηὸς ἐεικοσόροιο μελαίνης, ### book 9.323 φορτίδος εὐρείης, ἥ τ’ ἐκπεράᾳ μέγα λαῖτμα· ### book 9.324 τόσσον ἔην μῆκος, τόσσον πάχος εἰσοράασθαι. ### book 9.325 τοῦ μὲν ὅσον τ’ ὄργυιαν ἐγὼν ἀπέκοψα παραστὰς ### book 9.326 καὶ παρέθηχ’ ἑτάροισιν, ἀποξῦναι δ’ ἐκέλευσα· ### book 9.327 οἱ δ’ ὁμαλὸν ποίησαν· ἐγὼ δ’ ἐθόωσα παραστὰς ### book 9.328 ἄκρον, ἄφαρ δὲ λαβὼν ἐπυράκτεον ἐν πυρὶ κηλέῳ. ### book 9.329 καὶ τὸ μὲν εὖ κατέθηκα κατακρύψας ὑπὸ κόπρῳ, ### book 9.330 ἥ ῥα κατὰ σπείους κέχυτο μεγάλ’ ἤλιθα πολλή· ### book 9.331 αὐτὰρ τοὺς ἄλλους κλήρῳ πεπαλέσθαι ἄνωγον, ### book 9.332 ὅς τις τολμήσειεν ἐμοὶ σὺν μοχλὸν ἀείρας ### book 9.333 τρῖψαι ἐν ὀφθαλμῷ, ὅτε τὸν γλυκὺς ὕπνος ἱκάνοι. ### book 9.334 οἱ δ’ ἔλαχον, τοὺς ἄν κε καὶ ἤθελον αὐτὸς ἑλέσθαι, ### book 9.335 τέσσαρες, αὐτὰρ ἐγὼ πέμπτος μετὰ τοῖσιν ἐλέγμην. ### book 9.336 ἑσπέριος δ’ ἦλθεν καλλίτριχα μῆλα νομεύων· ### book 9.337 αὐτίκα δ’ εἰς εὐρὺ σπέος ἤλασε πίονα μῆλα, ### book 9.338 πάντα μάλ’, οὐδέ τι λεῖπε βαθείης ἔντοθεν αὐλῆς, ### book 9.339 ἤ τι ὀϊσάμενος, ἢ καὶ θεὸς ὣς ἐκέλευσεν. ### book 9.340 αὐτὰρ ἔπειτ’ ἐπέθηκε θυρεὸν μέγαν ὑψός’ ἀείρας· ### book 9.341 ἑζόμενος δ’ ἤμελγεν ὄϊς καὶ μηκάδας αἶγας, ### book 9.342 πάντα κατὰ μοῖραν, καὶ ὑπ’ ἔμβρυον ἧκεν ἑκάστῃ. ### book 9.343 αὐτὰρ ἐπεὶ δὴ σπεῦσε πονησάμενος τὰ ἃ ἔργα, ### book 9.344 σὺν δ’ ὅ γε δὴ αὖτε δύω μάρψας ὁπλίσσατο δόρπον. ### book 9.345 καὶ τότ’ ἐγὼ Κύκλωπα προσηύδων ἄγχι παραστάς, ### book 9.346 κισσύβιον μετὰ χερσὶν ἔχων μέλανος οἴνοιο· ### book 9.347 ‘Κύκλωψ, τῆ, πίε οἶνον, ἐπεὶ φάγες ἀνδρόμεα κρέα, ### book 9.348 ὄφρ’ εἰδῇς, οἷόν τι ποτὸν τόδε νηῦς ἐκεκεύθει ### book 9.349 ἡμετέρη· σοὶ δ’ αὖ λοιβὴν φέρον, εἴ μ’ ἐλεήσας ### book 9.350 οἴκαδε πέμψειας· σὺ δὲ μαίνεαι οὐκέτ’ ἀνεκτῶς. ### book 9.351 σχέτλιε, πῶς κέν τίς σε καὶ ὕστερον ἄλλος ἵκοιτο ### book 9.352 ἀνθρώπων πολέων; ἐπεὶ οὐ κατὰ μοῖραν ἔρεξας.‘ ### book 9.353 ὣς ἐφάμην, ὁ δὲ δέκτο καὶ ἔκπιεν· ἥσατο δ’ αἰνῶς ### book 9.354 ἡδὺ ποτὸν πίνων καί μ’ ᾔτεε δεύτερον αὖτις· ### book 9.355 ‘δός μοι ἔτι πρόφρων καί μοι τεὸν οὔνομα εἰπὲ ### book 9.356 αὐτίκα νῦν, ἵνα τοι δῶ ξείνιον, ᾧ κε σὺ χαίρῃς. ### book 9.357 καὶ γὰρ Κυκλώπεσσι φέρει ζείδωρος ἄρουρα ### book 9.358 οἶνον ἐριστάφυλον, καί σφιν Διὸς ὄμβρος ἀέξει· ### book 9.359 ἀλλὰ τόδ’ ἀμβροσίης καὶ νέκταρός ἐστιν ἀπορρώξ.‘ ### book 9.360 ὣς ἔφατ’· αὐτάρ οἱ αὖτις ἐγὼ πόρον αἴθοπα οἶνον· ### book 9.361 τρὶς μὲν ἔδωκα φέρων, τρὶς δ’ ἔκπιεν ἀφραδίῃσιν. ### book 9.362 αὐτὰρ ἐπεὶ Κύκλωπα περὶ φρένας ἤλυθεν οἶνος, ### book 9.363 καὶ τότε δή μιν ἔπεσσι προσηύδων μειλιχίοισι· ### book 9.364 ‘Κύκλωψ, εἰρωτᾷς μ’ ὄνομα κλυτόν; αὐτὰρ ἐγώ τοι ### book 9.365 ἐξερέω· σὺ δέ μοι δὸς ξείνιον, ὥς περ ὑπέστης. ### book 9.366 Οὖτις ἐμοί γ’ ὄνομα· Οὖτιν δέ με κικλήσκουσι ### book 9.367 μήτηρ ἠδὲ πατὴρ ἠδ’ ἄλλοι πάντες ἑταῖροι.‘ ### book 9.368 ὣς ἐφάμην, ὁ δέ μ’ αὐτίκ’ ἀμείβετο νηλέϊ θυμῷ· ### book 9.369 ‘Οὖτιν ἐγὼ πύματον ἔδομαι μετὰ οἷς’ ἑτάροισι, ### book 9.370 τοὺς δ’ ἄλλους πρόσθεν· τὸ δέ τοι ξεινήϊον ἔσται.‘ ### book 9.371 ἦ, καὶ ἀνακλινθεὶς πέσεν ὕπτιος, αὐτὰρ ἔπειτα ### book 9.372 κεῖτ’ ἀποδοχμώσας παχὺν αὐχένα, κὰδ δέ μιν ὕπνος ### book 9.373 ᾕρει πανδαμάτωρ· φάρυγος δ’ ἐξέσσυτο οἶνος ### book 9.374 ψωμοί τ’ ἀνδρόμεοι· ὁ δ’ ἐρεύγετο οἰνοβαρείων. ### book 9.375 καὶ τότ’ ἐγὼ τὸν μοχλὸν ὑπὸ σποδοῦ ἤλασα πολλῆς, ### book 9.376 εἷος θερμαίνοιτο· ἔπεσσι δὲ πάντας ἑταίρους ### book 9.377 θάρσυνον, μή τίς μοι ὑποδδείσας ἀναδύη. ### book 9.378 ἀλλ’ ὅτε δὴ τάχ’ ὁ μοχλὸς ἐλάϊνος ἐν πυρὶ μέλλεν ### book 9.379 ἅψασθαι, χλωρός περ ἐών, διεφαίνετο δ’ αἰνῶς, ### book 9.380 καὶ τότ’ ἐγὼν ἄσσον φέρον ἐκ πυρός, ἀμφὶ δ’ ἑταῖροι ### book 9.381 ἵσταντ’· αὐτὰρ θάρσος ἐνέπνευσεν μέγα δαίμων. ### book 9.382 οἱ μὲν μοχλὸν ἑλόντες ἐλάϊνον, ὀξὺν ἐπ’ ἄκρῳ, ### book 9.383 ὀφθαλμῷ ἐνέρεισαν· ἐγὼ δ’ ἐφύπερθεν ἐρεισθεὶς ### book 9.384 δίνεον, ὡς ὅτε τις τρυπᾷ δόρυ νήϊον ἀνὴρ ### book 9.385 τρυπάνῳ, οἱ δέ τ’ ἔνερθεν ὑποσσείουσιν ἱμάντι ### book 9.386 ἁψάμενοι ἑκάτερθε, τὸ δὲ τρέχει ἐμμενὲς αἰεί· ### book 9.387 ὣς τοῦ ἐν ὀφθαλμῷ πυριήκεα μοχλὸν ἑλόντες ### book 9.388 δινέομεν, τὸν δ’ αἷμα περίρρεε θερμὸν ἐόντα. ### book 9.389 πάντα δέ οἱ βλέφαρ’ ἀμφὶ καὶ ὀφρύας εὗσεν ἀϋτμὴ ### book 9.390 γλήνης καιομένης· σφαραγεῦντο δέ οἱ πυρὶ ῥίζαι. ### book 9.391 ὡς δ’ ὅτ’ ἀνὴρ χαλκεὺς πέλεκυν μέγαν ἠὲ σκέπαρνον ### book 9.392 εἰν ὕδατι ψυχρῷ βάπτῃ μεγάλα ἰάχοντα ### book 9.393 φαρμάσσων· τὸ γὰρ αὖτε σιδήρου γε κράτος ἐστίν· ### book 9.394 ὣς τοῦ σίζ’ ὀφθαλμὸς ἐλαϊνέῳ περὶ μοχλῷ. ### book 9.395 σμερδαλέον δὲ μέγ’ ᾤμωξεν, περὶ δ’ ἴαχε πέτρη, ### book 9.396 ἡμεῖς δὲ δείσαντες ἀπεσσύμεθ’. αὐτὰρ ὁ μοχλὸν ### book 9.397 ἐξέρυς’ ὀφθαλμοῖο πεφυρμένον αἵματι πολλῷ. ### book 9.398 τὸν μὲν ἔπειτ’ ἔρριψεν ἀπὸ ἕο χερσὶν ἀλύων, ### book 9.399 αὐτὰρ ὁ Κύκλωπας μεγάλ’ ἤπυεν, οἵ ῥά μιν ἀμφὶς ### book 9.400 ᾤκεον ἐν σπήεσσι δι’ ἄκριας ἠνεμοέσσας. ### book 9.401 οἱ δὲ βοῆς ἀΐοντες ἐφοίτων ἄλλοθεν ἄλλος, ### book 9.402 ἱστάμενοι δ’ εἴροντο περὶ σπέος, ὅττι ἑ κήδοι· ### book 9.403 ‘τίπτε τόσον, Πολύφημ’, ἀρημένος ὧδ’ ἐβόησας ### book 9.404 νύκτα δι’ ἀμβροσίην καὶ ἀΰπνους ἄμμε τίθησθα; ### book 9.405 ἦ μή τίς σευ μῆλα βροτῶν ἀέκοντος ἐλαύνει; ### book 9.406 ἦ μή τίς ς’ αὐτὸν κτείνει δόλῳ ἠὲ βίηφι;‘ ### book 9.407 τοὺς δ’ αὖτ’ ἐξ ἄντρου προσέφη κρατερὸς Πολύφημος· ### book 9.408 ‘ὦ φίλοι, Οὖτίς με κτείνει δόλῳ οὐδὲ βίηφιν.‘ ### book 9.409 οἱ δ’ ἀπαμειβόμενοι ἔπεα πτερόεντ’ ἀγόρευον· ### book 9.410 ‘εἰ μὲν δὴ μή τίς σε βιάζεται οἶον ἐόντα, ### book 9.411 νοῦσόν γ’ οὔ πως ἔστι Διὸς μεγάλου ἀλέασθαι, ### book 9.412 ἀλλὰ σύ γ’ εὔχεο πατρὶ Ποσειδάωνι ἄνακτι.‘ ### book 9.413 ὣς ἄρ’ ἔφαν ἀπιόντες, ἐμὸν δ’ ἐγέλασσε φίλον κῆρ, ### book 9.414 ὡς ὄνομ’ ἐξαπάτησεν ἐμὸν καὶ μῆτις ἀμύμων. ### book 9.415 Κύκλωψ δὲ στενάχων τε καὶ ὠδίνων ὀδύνῃσι, ### book 9.416 χερσὶ ψηλαφόων, ἀπὸ μὲν λίθον εἷλε θυράων, ### book 9.417 αὐτὸς δ’ εἰνὶ θύρῃσι καθέζετο χεῖρε πετάσσας, ### book 9.418 εἴ τινά που μετ’ ὄεσσι λάβοι στείχοντα θύραζε· ### book 9.419 οὕτω γάρ πού μ’ ἤλπετ’ ἐνὶ φρεσὶ νήπιον εἶναι. ### book 9.420 αὐτὰρ ἐγὼ βούλευον, ὅπως ὄχ’ ἄριστα γένοιτο, ### book 9.421 εἴ τιν’ ἑταίροισιν θανάτου λύσιν ἠδ’ ἐμοὶ αὐτῷ ### book 9.422 εὑροίμην· πάντας δὲ δόλους καὶ μῆτιν ὕφαινον, ### book 9.423 ὥς τε περὶ ψυχῆς· μέγα γὰρ κακὸν ἐγγύθεν ἦεν. ### book 9.424 ἥδε δέ μοι κατὰ θυμὸν ἀρίστη φαίνετο βουλή· ### book 9.425 ἄρσενες οἴιες ἦσαν ἐϋτρεφέες δασύμαλλοι, ### book 9.426 καλοί τε μεγάλοι τε, ἰοδνεφὲς εἶρος ἔχοντες· ### book 9.427 τοὺς ἀκέων συνέεργον ἐϋστρεφέεσσι λύγοισι, ### book 9.428 τῇς’ ἔπι Κύκλωψ εὗδε πέλωρ, ἀθεμίστια εἰδώς, ### book 9.429 σύντρεις αἰνύμενος· ὁ μὲν ἐν μέσῳ ἄνδρα φέρεσκε, ### book 9.430 τὼ δ’ ἑτέρω ἑκάτερθεν ἴτην σώοντες ἑταίρους. ### book 9.431 τρεῖς δὲ ἕκαστον φῶτ’ ὄϊες φέρον· αὐτὰρ ἐγώ γε, — ### book 9.432 ἀρνειὸς γὰρ ἔην μήλων ὄχ’ ἄριστος ἁπάντων, — ### book 9.433 τοῦ κατὰ νῶτα λαβών, λασίην ὑπὸ γαστέρ’ ἐλυσθεὶς ### book 9.434 κείμην· αὐτὰρ χερσὶν ἀώτου θεσπεσίοιο ### book 9.435 νωλεμέως στρεφθεὶς ἐχόμην τετληότι θυμῷ. ### book 9.436 ὣς τότε μὲν στενάχοντες ἐμείναμεν Ἠῶ δῖαν. ### book 9.437 ἦμος δ’ ἠριγένεια φάνη ῥοδοδάκτυλος Ἠώς, ### book 9.438 καὶ τότ’ ἔπειτα νομόνδ’ ἐξέσσυτο ἄρσενα μῆλα, ### book 9.439 θήλειαι δὲ μέμηκον ἀνήμελκτοι περὶ σηκούς· ### book 9.440 οὔθατα γὰρ σφαραγεῦντο. ἄναξ δ’ ὀδύνῃσι κακῇσι ### book 9.441 τειρόμενος πάντων ὀΐων ἐπεμαίετο νῶτα ### book 9.442 ὀρθῶν ἑσταότων· τὸ δὲ νήπιος οὐκ ἐνόησεν, ### book 9.443 ὥς οἱ ὑπ’ εἰροπόκων ὀΐων στέρνοισι δέδεντο. ### book 9.444 ὕστατος ἀρνειὸς μήλων ἔστειχε θύραζε, ### book 9.445 λάχνῳ στεινόμενος καὶ ἐμοὶ πυκινὰ φρονέοντι. ### book 9.446 τὸν δ’ ἐπιμασσάμενος προσέφη κρατερὸς Πολύφημος· ### book 9.447 ‘κριὲ πέπον, τί μοι ὧδε διὰ σπέος ἔσσυο μήλων ### book 9.448 ὕστατος; οὔ τι πάρος γε λελειμμένος ἔρχεαι οἰῶν, ### book 9.449 ἀλλὰ πολὺ πρῶτος νέμεαι τέρεν’ ἄνθεα ποίης ### book 9.450 μακρὰ βιβάς, πρῶτος δὲ ῥοὰς ποταμῶν ἀφικάνεις, ### book 9.451 πρῶτος δὲ σταθμόνδε λιλαίεαι ἀπονέεσθαι ### book 9.452 ἑσπέριος, νῦν αὖτε πανύστατος. ἦ σύ γ’ ἄνακτος ### book 9.453 ὀφθαλμὸν ποθέεις; τὸν ἀνὴρ κακὸς ἐξαλάωσε ### book 9.454 σὺν λυγροῖς’ ἑτάροισι, δαμασσάμενος φρένας οἴνῳ, ### book 9.455 Οὖτις, ὃν οὔ πώ φημι πεφυγμένον ἔμμεν ὄλεθρον. ### book 9.456 εἰ δὴ ὁμοφρονέοις ποτιφωνήεις τε γένοιο ### book 9.457 εἰπεῖν, ὅππῃ κεῖνος ἐμὸν μένος ἠλασκάζει· ### book 9.458 τῶ κέ οἱ ἐγκέφαλός γε διὰ σπέος ἄλλυδις ἄλλῃ ### book 9.459 θεινομένου ῥαίοιτο πρὸς οὔδεϊ, κὰδ δέ τ’ ἐμὸν κῆρ ### book 9.460 λωφήσειε κακῶν, τά μοι οὐτιδανὸς πόρεν Οὖτις.‘ ### book 9.461 ὣς εἰπὼν τὸν κριὸν ἀπὸ ἕο πέμπε θύραζε. ### book 9.462 ἐλθόντες δ’ ἠβαιὸν ἀπὸ σπείους τε καὶ αὐλῆς ### book 9.463 πρῶτος ὑπ’ ἀρνειοῦ λυόμην, ὑπέλυσα δ’ ἑταίρους. ### book 9.464 καρπαλίμως δὲ τὰ μῆλα ταναύποδα, πίονα δημῷ, ### book 9.465 πολλὰ περιτροπέοντες ἐλαύνομεν, ὄφρ’ ἐπὶ νῆα ### book 9.466 ἱκόμεθ’· ἀσπάσιοι δὲ φίλοις’ ἑτάροισι φάνημεν, ### book 9.467 οἳ φύγομεν θάνατον· τοὺς δὲ στενάχοντο γοῶντες. ### book 9.468 ἀλλ’ ἐγὼ οὐκ εἴων, ἀνὰ δ’ ὀφρύσι νεῦον ἑκάστῳ, ### book 9.469 κλαίειν· ἀλλ’ ἐκέλευσα θοῶς καλλίτριχα μῆλα ### book 9.470 πόλλ’ ἐν νηῒ βαλόντας ἐπιπλεῖν ἁλμυρὸν ὕδωρ. ### book 9.471 οἱ δ’ αἶψ’ εἴσβαινον καὶ ἐπὶ κληῖσι καθῖζον· ### book 9.472 ἑξῆς δ’ ἑζόμενοι πολιὴν ἅλα τύπτον ἐρετμοῖς. ### book 9.473 ἀλλ’ ὅτε τόσσον ἀπῆν, ὅσσον τε γέγωνε βοήσας, ### book 9.474 καὶ τότ’ ἐγὼ Κύκλωπα προσηύδων κερτομίοισι· ### book 9.475 ‘Κύκλωψ, οὐκ ἄρ’ ἔμελλες ἀνάλκιδος ἀνδρὸς ἑταίρους ### book 9.476 ἔδμεναι ἐν σπῆϊ γλαφυρῷ κρατερῆφι βίηφι. ### book 9.477 καὶ λίην σέ γ’ ἔμελλε κιχήσεσθαι κακὰ ἔργα, ### book 9.478 σχέτλι’, ἐπεὶ ξείνους οὐχ ἅζεο σῷ ἐνὶ οἴκῳ ### book 9.479 ἐσθέμεναι· τῶ σε Ζεὺς τείσατο καὶ θεοὶ ἄλλοι.‘ ### book 9.480 ὣς ἐφάμην, ὁ δ’ ἔπειτα χολώσατο κηρόθι μᾶλλον· ### book 9.481 ἧκε δ’ ἀπορρήξας κορυφὴν ὄρεος μεγάλοιο, ### book 9.482 κὰδ δ’ ἔβαλε προπάροιθε νεὸς κυανοπρῴροιο ### book 9.483 [τυτθόν, ἐδεύησεν δ’ οἰήϊον ἄκρον ἱκέσθαι.] ### book 9.484 ἐκλύσθη δὲ θάλασσα κατερχομένης ὑπὸ πέτρης· ### book 9.485 τὴν δ’ ἂψ ἤπειρόνδε παλιρρόθιον φέρε κῦμα, ### book 9.486 πλημυρὶς ἐκ πόντοιο, θέμωσε δὲ χέρσον ἱκέσθαι. ### book 9.487 αὐτὰρ ἐγὼ χείρεσσι λαβὼν περιμήκεα κοντὸν ### book 9.488 ὦσα παρέξ· ἑτάροισι δ’ ἐποτρύνας ἐκέλευσα ### book 9.489 [ἐμβαλέειν κώπῃς’, ἵν’ ὑπὲκ κακότητα φύγοιμεν,] ### book 9.490 κρατὶ καταννεύων· οἱ δὲ προπεσόντες ἔρεσσον. ### book 9.491 ἀλλ’ ὅτε δὴ δὶς τόσσον ἅλα πρήσσοντες ἀπῆμεν, ### book 9.492 καὶ τότε δὴ Κύκλωπα προσηύδων· ἀμφὶ δ’ ἑταῖροι ### book 9.493 μειλιχίοις’ ἐπέεσσιν ἐρήτυον ἄλλοθεν ἄλλος· ### book 9.494 ‘σχέτλιε, τίπτ’ ἐθέλεις ἐρεθιζέμεν ἄγριον ἄνδρα; ### book 9.495 ὃς καὶ νῦν πόντονδε βαλὼν βέλος ἤγαγε νῆα ### book 9.496 αὖτις ἐς ἤπειρον, καὶ δὴ φάμεν αὐτόθ’ ὀλέσθαι. ### book 9.497 εἰ δὲ φθεγξαμένου τευ ἢ αὐδήσαντος ἄκουσε, ### book 9.498 σύν κεν ἄραξ’ ἡμέων κεφαλὰς καὶ νήϊα δοῦρα ### book 9.499 μαρμάρῳ ὀκριόεντι βαλών· τόσσον γὰρ ἵησιν.‘ ### book 9.500 ὣς φάσαν, ἀλλ’ οὐ πεῖθον ἐμὸν μεγαλήτορα θυμόν, ### book 9.501 ἀλλά μιν ἄψορρον προσέφην κεκοτηότι θυμῷ· ### book 9.502 ‘Κύκλωψ, αἴ κέν τίς σε καταθνητῶν ἀνθρώπων ### book 9.503 ὀφθαλμοῦ εἴρηται ἀεικελίην ἀλαωτύν, ### book 9.504 φάσθαι Ὀδυσσῆα πτολιπόρθιον ἐξαλαῶσαι, ### book 9.505 υἱὸν Λαέρτεω, Ἰθάκῃ ἔνι οἰκί’ ἔχοντα.‘ ### book 9.506 ὣς ἐφάμην, ὁ δέ μ’ οἰμώξας ἠμείβετο μύθῳ· ### book 9.507 ‘ὢ πόποι, ἦ μάλα δή με παλαίφατα θέσφαθ’ ἱκάνει. ### book 9.508 ἔσκε τις ἐνθάδε μάντις ἀνὴρ ἠΰς τε μέγας τε, ### book 9.509 Τήλεμος Εὐρυμίδης, ὃς μαντοσύνῃ ἐκέκαστο ### book 9.510 καὶ μαντευόμενος κατεγήρα Κυκλώπεσσιν· ### book 9.511 ὅς μοι ἔφη τάδε πάντα τελευτήσεσθαι ὀπίσσω, ### book 9.512 χειρῶν ἐξ Ὀδυσῆος ἁμαρτήσεσθαι ὀπωπῆς. ### book 9.513 ἀλλ’ αἰεί τινα φῶτα μέγαν καὶ καλὸν ἐδέγμην ### book 9.514 ἐνθάδ’ ἐλεύσεσθαι, μεγάλην ἐπιειμένον ἀλκήν· ### book 9.515 νῦν δέ μ’ ἐὼν ὀλίγος τε καὶ οὐτιδανὸς καὶ ἄκικυς ### book 9.516 ὀφθαλμοῦ ἀλάωσεν, ἐπεί μ’ ἐδαμάσσατο οἴνῳ. ### book 9.517 ἀλλ’ ἄγε δεῦρ’, Ὀδυσεῦ, ἵνα τοι πὰρ ξείνια θείω, ### book 9.518 πομπήν τ’ ὀτρύνω δόμεναι κλυτὸν ἐννοσίγαιον· ### book 9.519 τοῦ γὰρ ἐγὼ πάϊς εἰμί, πατὴρ δ’ ἐμὸς εὔχεται εἶναι. ### book 9.520 αὐτὸς δ’, αἴ κ’ ἐθέλῃς’, ἰήσεται, οὐδέ τις ἄλλος ### book 9.521 οὔτε θεῶν μακάρων οὔτε θνητῶν ἀνθρώπων.‘ ### book 9.522 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 9.523 ‘αἲ γὰρ δὴ ψυχῆς τε καὶ αἰῶνός σε δυναίμην ### book 9.524 εὖνιν ποιήσας πέμψαι δόμον Ἄϊδος εἴσω, ### book 9.525 ὡς οὐκ ὀφθαλμόν γ’ ἰήσεται οὐδ’ ἐνοσίχθων.‘ ### book 9.526 ὣς ἐφάμην, ὁ δ’ ἔπειτα Ποσειδάωνι ἄνακτι ### book 9.527 εὔχετο, χεῖρ’ ὀρέγων εἰς οὐρανὸν ἀστερόεντα· ### book 9.528 ‘κλῦθι, Ποσείδαον γαιήοχε κυανοχαῖτα· ### book 9.529 εἰ ἐτεόν γε σός εἰμι, πατὴρ δ’ ἐμὸς εὔχεαι εἶναι, ### book 9.530 δὸς μὴ Ὀδυσσῆα πτολιπόρθιον οἴκαδ’ ἱκέσθαι, ### book 9.531 [υἱὸν Λαέρτεω, Ἰθάκῃ ἔνι οἰκί’ ἔχοντα.] ### book 9.532 ἀλλ’ εἴ οἱ μοῖρ’ ἐστὶ φίλους τ’ ἰδέειν καὶ ἱκέσθαι ### book 9.533 οἶκον ἐϋκτίμενον καὶ ἑὴν ἐς πατρίδα γαῖαν, ### book 9.534 ὀψὲ κακῶς ἔλθοι, ὀλέσας ἄπο πάντας ἑταίρους, ### book 9.535 νηὸς ἐπ’ ἀλλοτρίης, εὕροι δ’ ἐν πήματα οἴκῳ.‘ ### book 9.536 ὣς ἔφατ’ εὐχόμενος, τοῦ δ’ ἔκλυε κυανοχαίτης. ### book 9.537 αὐτὰρ ὅ γ’ ἐξαῦτις πολὺ μείζονα λᾶαν ἀείρας ### book 9.538 ἧκ’ ἐπιδινήσας, ἐπέρεισε δὲ ἶν’ ἀπέλεθρον· ### book 9.539 κὰδ δ’ ἔβαλεν μετόπισθε νεὸς κυανοπρῴροιο ### book 9.540 τυτθόν, ἐδεύησεν δ’ οἰήϊον ἄκρον ἱκέσθαι. ### book 9.541 ἐκλύσθη δὲ θάλασσα κατερχομένης ὑπὸ πέτρης· ### book 9.542 τὴν δὲ πρόσω φέρε κῦμα, θέμωσε δὲ χέρσον ἱκέσθαι. ### book 9.543 ἀλλ’ ὅτε δὴ τὴν νῆσον ἀφικόμεθ’, ἔνθα περ ἄλλαι ### book 9.544 νῆες ἐΰσσελμοι μένον ἁθρόαι, ἀμφὶ δ’ ἑταῖροι ### book 9.545 εἵατ’ ὀδυρόμενοι, ἡμέας ποτιδέγμενοι αἰεί, ### book 9.546 νῆα μὲν ἔνθ’ ἐλθόντες ἐκέλσαμεν ἐν ψαμάθοισιν, ### book 9.547 [ἐκ δὲ καὶ αὐτοὶ βῆμεν ἐπὶ ῥηγμῖνι θαλάσσης.] ### book 9.548 μῆλα δὲ Κύκλωπος γλαφυρῆς ἐκ νηὸς ἑλόντες ### book 9.549 δασσάμεθ’, ὡς μή τίς μοι ἀτεμβόμενος κίοι ἴσης. ### book 9.550 ἀρνειὸν δ’ ἐμοὶ οἴῳ ἐϋκνήμιδες ἑταῖροι ### book 9.551 μήλων δαιομένων δόσαν ἔξοχα· τὸν δ’ ἐπὶ θινὶ ### book 9.552 Ζηνὶ κελαινεφέϊ Κρονίδῃ, ὃς πᾶσιν ἀνάσσει, ### book 9.553 ῥέξας μηρί’ ἔκαιον· ὁ δ’ οὐκ ἐμπάζετο ἱρῶν, ### book 9.554 ἀλλ’ ὅ γε μερμήριζεν, ὅπως ἀπολοίατο πᾶσαι ### book 9.555 νῆες ἐΰσσελμοι καὶ ἐμοὶ ἐρίηρες ἑταῖροι. ### book 9.556 ὣς τότε μὲν πρόπαν ἦμαρ ἐς ἠέλιον καταδύντα ### book 9.557 ἥμεθα δαινύμενοι κρέα τ’ ἄσπετα καὶ μέθυ ἡδύ· ### book 9.558 ἦμος δ’ ἠέλιος κατέδυ καὶ ἐπὶ κνέφας ἦλθε, ### book 9.559 δὴ τότε κοιμήθημεν ἐπὶ ῥηγμῖνι θαλάσσης. ### book 9.560 ἦμος δ’ ἠριγένεια φάνη ῥοδοδάκτυλος Ἠώς, ### book 9.561 δὴ τότ’ ἐγὼν ἑτάροισιν ἐποτρύνας ἐκέλευσα ### book 9.562 αὐτούς τ’ ἀμβαίνειν ἀνά τε πρυμνήσια λῦσαι. ### book 9.563 οἱ δ’ αἶψ’ εἴσβαινον καὶ ἐπὶ κληῖσι καθῖζον, ### book 9.564 ἑξῆς δ’ ἑζόμενοι πολιὴν ἅλα τύπτον ἐρετμοῖς. ### book 9.565 ἔνθεν δὲ προτέρω πλέομεν ἀκαχήμενοι ἦτορ, ### book 9.566 ἄσμενοι ἐκ θανάτοιο, φίλους ὀλέσαντες ἑταίρους. ### book 10.1 Αἰολίην δ’ ἐς νῆσον ἀφικόμεθ’· ἔνθα δ’ ἔναιεν ### book 10.2 Αἴολος Ἱπποτάδης, φίλος ἀθανάτοισι θεοῖσι, ### book 10.3 πλωτῇ ἐνὶ νήσῳ· πᾶσαν δέ τέ μιν πέρι τεῖχος ### book 10.4 χάλκεον ἄρρηκτον, λισσὴ δ’ ἀναδέδρομε πέτρη. ### book 10.5 τοῦ καὶ δώδεκα παῖδες ἐνὶ μεγάροις γεγάασιν, ### book 10.6 ἓξ μὲν θυγατέρες, ἓξ δ’ υἱέες ἡβώοντες. ### book 10.7 ἔνθ’ ὅ γε θυγατέρας πόρεν υἱάσιν εἶναι ἀκοίτις. ### book 10.8 οἱ δ’ αἰεὶ παρὰ πατρὶ φίλῳ καὶ μητέρι κεδνῇ ### book 10.9 δαίνυνται· παρὰ δέ σφιν ὀνείατα μυρία κεῖται, ### book 10.10 κνισῆεν δέ τε δῶμα περιστεναχίζεται αὐλῇ, ### book 10.11 ἤματα· νύκτας δ’ αὖτε παρ’ αἰδοίῃς’ ἀλόχοισιν ### book 10.12 εὕδους’ ἔν τε τάπησι καὶ ἐν τρητοῖσι λέχεσσι. ### book 10.13 καὶ μὲν τῶν ἱκόμεσθα πόλιν καὶ δώματα καλά. ### book 10.14 μῆνα δὲ πάντα φίλει με καὶ ἐξερέεινεν ἕκαστα, ### book 10.15 Ἴλιον Ἀργείων τε νέας καὶ νόστον Ἀχαιῶν· ### book 10.16 καὶ μὲν ἐγὼ τῷ πάντα κατὰ μοῖραν κατέλεξα. ### book 10.17 ἀλλ’ ὅτε δὴ καὶ ἐγὼν ὁδὸν ᾔτεον ἠδ’ ἐκέλευον ### book 10.18 πεμπέμεν, οὐδέ τι κεῖνος ἀνήνατο, τεῦχε δὲ πομπήν. ### book 10.19 δῶκε δέ μ’ ἐκδείρας ἀσκὸν βοὸς ἐννεώροιο, ### book 10.20 ἔνθα δὲ βυκτάων ἀνέμων κατέδησε κέλευθα· ### book 10.21 κεῖνον γὰρ ταμίην ἀνέμων ποίησε Κρονίων, ### book 10.22 ἠμὲν παυέμεναι ἠδ’ ὀρνύμεν, ὅν κ’ ἐθέλῃσι. ### book 10.23 νηῒ δ’ ἐνὶ γλαφυρῇ κατέδει μέρμιθι φαεινῇ ### book 10.24 ἀργυρέῃ, ἵνα μή τι παραπνεύσει’ ὀλίγον περ· ### book 10.25 αὐτὰρ ἐμοὶ πνοιὴν ζεφύρου προέηκεν ἀῆναι, ### book 10.26 ὄφρα φέροι νῆάς τε καὶ αὐτούς· οὐδ’ ἄρ’ ἔμελλεν ### book 10.27 ἐκτελέειν· αὐτῶν γὰρ ἀπωλόμεθ’ ἀφραδίῃσιν. ### book 10.28 ἐννῆμαρ μὲν ὁμῶς πλέομεν νύκτας τε καὶ ἦμαρ, ### book 10.29 τῇ δεκάτῃ δ’ ἤδη ἀνεφαίνετο πατρὶς ἄρουρα, ### book 10.30 καὶ δὴ πυρπολέοντας ἐλεύσσομεν ἐγγὺς ἐόντας. ### book 10.31 ἔνθ’ ἐμὲ μὲν γλυκὺς ὕπνος ἐπέλλαβε κεκμηῶτα· ### book 10.32 αἰεὶ γὰρ πόδα νηὸς ἐνώμων, οὐδέ τῳ ἄλλῳ ### book 10.33 δῶχ’ ἑτάρων, ἵνα θᾶσσον ἱκοίμεθα πατρίδα γαῖαν· ### book 10.34 οἱ δ’ ἕταροι ἐπέεσσι πρὸς ἀλλήλους ἀγόρευον ### book 10.35 καί μ’ ἔφασαν χρυσόν τε καὶ ἄργυρον οἴκαδ’ ἄγεσθαι, ### book 10.36 δῶρα παρ’ Αἰόλοο μεγαλήτορος Ἱπποτάδαο. ### book 10.37 ὧδε δέ τις εἴπεσκεν ἰδὼν ἐς πλησίον ἄλλον· ### book 10.38 ‘ὢ πόποι, ὡς ὅδε πᾶσι φίλος καὶ τίμιός ἐστιν ### book 10.39 ἀνθρώποις’, ὅτεών κε πόλιν καὶ γαῖαν ἵκηται. ### book 10.40 πολλὰ μὲν ἐκ Τροίης ἄγεται κειμήλια καλὰ ### book 10.41 ληΐδος· ἡμεῖς δ’ αὖτε ὁμὴν ὁδὸν ἐκτελέσαντες ### book 10.42 οἴκαδε νισόμεθα κενεὰς σὺν χεῖρας ἔχοντες. ### book 10.43 καὶ νῦν οἱ τά γε δῶκε χαριζόμενος φιλότητι ### book 10.44 Αἴολος. ἀλλ’ ἄγε θᾶσσον ἰδώμεθα, ὅττι τάδ’ ἐστίν, ### book 10.45 ὅσσος τις χρυσός τε καὶ ἄργυρος ἀσκῷ ἔνεστιν.‘ ### book 10.46 ὣς ἔφασαν, βουλὴ δὲ κακὴ νίκησεν ἑταίρων· ### book 10.47 ἀσκὸν μὲν λῦσαν, ἄνεμοι δ’ ἐκ πάντες ὄρουσαν, ### book 10.48 τοὺς δ’ αἶψ’ ἁρπάξασα φέρεν πόντονδε θύελλα ### book 10.49 κλαίοντας, γαίης ἄπο πατρίδος. αὐτὰρ ἐγώ γε ### book 10.50 ἐγρόμενος κατὰ θυμὸν ἀμύμονα μερμήριξα, ### book 10.51 ἠὲ πεσὼν ἐκ νηὸς ἀποφθίμην ἐνὶ πόντῳ, ### book 10.52 ἦ ἀκέων τλαίην καὶ ἔτι ζωοῖσι μετείην. ### book 10.53 ἀλλ’ ἔτλην καὶ ἔμεινα, καλυψάμενος δ’ ἐνὶ νηῒ ### book 10.54 κείμην· αἱ δ’ ἐφέροντο κακῇ ἀνέμοιο θυέλλῃ ### book 10.55 αὖτις ἐπ’ Αἰολίην νῆσον, στενάχοντο δ’ ἑταῖροι. ### book 10.56 ἔνθα δ’ ἐπ’ ἠπείρου βῆμεν καὶ ἀφυσσάμεθ’ ὕδωρ· ### book 10.57 αἶψα δὲ δεῖπνον ἕλοντο θοῇς παρὰ νηυσὶν ἑταῖροι. ### book 10.58 αὐτὰρ ἐπεὶ σίτοιό τ’ ἐπασσάμεθ’ ἠδὲ ποτῆτος, ### book 10.59 δὴ τότ’ ἐγὼ κήρυκά τ’ ὀπασσάμενος καὶ ἑταῖρον, ### book 10.60 βῆν εἰς Αἰόλοο κλυτὰ δώματα· τὸν δ’ ἐκίχανον ### book 10.61 δαινύμενον παρὰ ᾗ τ’ ἀλόχῳ καὶ οἷσι τέκεσσιν. ### book 10.62 ἐλθόντες δ’ ἐς δῶμα παρὰ σταθμοῖσιν ἐπ’ οὐδοῦ ### book 10.63 ἑζόμεθ’· οἱ δ’ ἀνὰ θυμὸν ἐθάμβεον ἔκ τ’ ἐρέοντο· ### book 10.64 ‘πῶς ἦλθες, Ὀδυσεῦ; τίς τοι κακὸς ἔχραε δαίμων; ### book 10.65 ἦ μέν ς’ ἐνδυκέως ἀπεπέμπομεν, ὄφρα ἵκοιο ### book 10.66 πατρίδα σὴν καὶ δῶμα, καὶ εἴ πού τοι φίλον ἐστίν.‘ ### book 10.67 ὣς φάσαν· αὐτὰρ ἐγὼ μετεφώνεον ἀχνύμενος κῆρ· ### book 10.68 ‘ἄασάν μ’ ἕταροί τε κακοὶ πρὸς τοῖσί τε ὕπνος ### book 10.69 σχέτλιος. ἀλλ’ ἀκέσασθε, φίλοι· δύναμις γὰρ ἐν ὑμῖν.‘ ### book 10.70 ὣς ἐφάμην μαλακοῖσι καθαπτόμενος ἐπέεσσιν· ### book 10.71 οἱ δ’ ἄνεω ἐγένοντο· πατὴρ δ’ ἠμείβετο μύθῳ· ### book 10.72 ‘ἔρρ’ ἐκ νήσου θᾶσσον, ἐλέγχιστε ζωόντων· ### book 10.73 οὐ γάρ μοι θέμις ἐστὶ κομιζέμεν οὐδ’ ἀποπέμπειν ### book 10.74 ἄνδρα τόν, ὅς τε θεοῖσιν ἀπέχθηται μακάρεσσιν. ### book 10.75 [ἔρρ’, ἐπεὶ ἀθανάτοισιν ἀπεχθόμενος τόδ’ ἱκάνεις.‘] ### book 10.76 ὣς εἰπὼν ἀπέπεμπε δόμων βαρέα στενάχοντα. ### book 10.77 ἔνθεν δὲ προτέρω πλέομεν ἀκαχήμενοι ἦτορ· ### book 10.78 τείρετο δ’ ἀνδρῶν θυμὸς ὑπ’ εἰρεσίης ἀλεγεινῆς ### book 10.79 ἡμετέρῃ ματίῃ, ἐπεὶ οὐκέτι φαίνετο πομπή. ### book 10.80 ἑξῆμαρ μὲν ὁμῶς πλέομεν νύκτας τε καὶ ἦμαρ· ### book 10.81 ἑβδομάτῃ δ’ ἱκόμεσθα Λάμου αἰπὺ πτολίεθρον, ### book 10.82 Τηλέπυλον Λαιστρυγονίην, ὅθι ποιμένα ποιμὴν ### book 10.83 ἠπύει εἰσελάων, ὁ δέ τ’ ἐξελάων ὑπακούει. ### book 10.84 ἔνθα κ’ ἄϋπνος ἀνὴρ δοιοὺς ἐξήρατο μισθούς, ### book 10.85 τὸν μὲν βουκολέων, τὸν δ’ ἄργυφα μῆλα νομεύων· ### book 10.86 ἐγγὺς γὰρ νυκτός τε καὶ ἤματός εἰσι κέλευθοι. ### book 10.87 ἔνθ’ ἐπεὶ ἐς λιμένα κλυτὸν ἤλθομεν, ὃν πέρι πέτρη ### book 10.88 ἠλίβατος τετύχηκε διαμπερὲς ἀμφοτέρωθεν, ### book 10.89 ἀκταὶ δὲ προβλῆτες ἐναντίαι ἀλλήλῃσιν ### book 10.90 ἐν στόματι προὔχουσιν, ἀραιὴ δ’ εἴσοδός ἐστιν, ### book 10.91 ἔνθ’ οἵ γ’ εἴσω πάντες ἔχον νέας ἀμφιελίσσας. ### book 10.92 αἱ μὲν ἄρ’ ἔντοσθεν λιμένος κοίλοιο δέδεντο ### book 10.93 πλησίαι· οὐ μὲν γάρ ποτ’ ἀέξετο κῦμά γ’ ἐν αὐτῷ, ### book 10.94 οὔτε μέγ’ οὔτ’ ὀλίγον, λευκὴ δ’ ἦν ἀμφὶ γαλήνη. ### book 10.95 αὐτὰρ ἐγὼν οἶος σχέθον ἔξω νῆα μέλαιναν, ### book 10.96 αὐτοῦ ἐπ’ ἐσχατιῇ, πέτρης ἐκ πείσματα δήσας. ### book 10.97 ἔστην δὲ σκοπιὴν ἐς παιπαλόεσσαν ἀνελθών· ### book 10.98 ἔνθα μὲν οὔτε βοῶν οὔτ’ ἀνδρῶν φαίνετο ἔργα, ### book 10.99 καπνὸν δ’ οἶον ὁρῶμεν ἀπὸ χθονὸς ἀΐσσοντα. ### book 10.100 δὴ τότ’ ἐγὼν ἑτάρους προΐην πεύθεσθαι ἰόντας, ### book 10.101 οἵ τινες ἀνέρες εἶεν ἐπὶ χθονὶ σῖτον ἔδοντες, ### book 10.102 ἄνδρε δύω κρίνας, τρίτατον κήρυχ’ ἅμ’ ὀπάσσας. ### book 10.103 οἱ δ’ ἴσαν ἐκβάντες λείην ὁδόν, ᾗ περ ἄμαξαι ### book 10.104 ἄστυδ’ ἀφ’ ὑψηλῶν ὀρέων καταγίνεον ὕλην. ### book 10.105 κούρῃ δὲ ξύμβληντο πρὸ ἄστεος ὑδρευούσῃ, ### book 10.106 θυγατέρ’ ἰφθίμῃ Λαιστρυγόνος Ἀντιφάταο. ### book 10.107 ἡ μὲν ἄρ’ ἐς κρήνην κατεβήσετο καλλιρέεθρον ### book 10.108 Ἀρτακίην· ἔνθεν γὰρ ὕδωρ προτὶ ἄστυ φέρεσκον· ### book 10.109 οἱ δὲ παριστάμενοι προσεφώνεον ἔκ τ’ ἐρέοντο, ### book 10.110 ὅς τις τῶνδ’ εἴη βασιλεὺς καὶ οἷσιν ἀνάσσοι. ### book 10.111 ἡ δὲ μάλ’ αὐτίκα πατρὸς ἐπέφραδεν ὑψερεφὲς δῶ. ### book 10.112 οἱ δ’ ἐπεὶ εἰσῆλθον κλυτὰ δώματα, τὴν δὲ γυναῖκα ### book 10.113 εὗρον ὅσην τ’ ὄρεος κορυφήν, κατὰ δ’ ἔστυγον αὐτήν. ### book 10.114 ἡ δ’ αἶψ’ ἐξ ἀγορῆς ἐκάλει κλυτὸν Ἀντιφατῆα, ### book 10.115 ὃν πόσιν, ὃς δὴ τοῖσιν ἐμήσατο λυγρὸν ὄλεθρον. ### book 10.116 αὐτίχ’ ἕνα μάρψας ἑτάρων ὁπλίσσατο δεῖπνον. ### book 10.117 τὼ δὲ δύ’ ἀΐξαντε φυγῇ ἐπὶ νῆας ἱκέσθην. ### book 10.118 αὐτὰρ ὁ τεῦχε βοὴν διὰ ἄστεος· οἱ δ’ ἀΐοντες ### book 10.119 φοίτων ἴφθιμοι Λαιστρυγόνες ἄλλοθεν ἄλλος, ### book 10.120 μυρίοι, οὐκ ἄνδρεσσιν ἐοικότες, ἀλλὰ Γίγασιν. ### book 10.121 οἵ ῥ’ ἀπὸ πετράων ἀνδραχθέσι χερμαδίοισι ### book 10.122 βάλλον· ἄφαρ δὲ κακὸς κόναβος κατὰ νῆας ὀρώρει ### book 10.123 ἀνδρῶν τ’ ὀλλυμένων νηῶν θ’ ἅμα ἀγνυμενάων· ### book 10.124 ἰχθῦς δ’ ὣς πείροντες ἀτερπέα δαῖτα φέροντο. ### book 10.125 ὄφρ’ οἱ τοὺς ὄλεκον λιμένος πολυβενθέος ἐντός, ### book 10.126 τόφρα δ’ ἐγὼ ξίφος ὀξὺ ἐρυσσάμενος παρὰ μηροῦ ### book 10.127 τῷ ἀπὸ πείσματ’ ἔκοψα νεὸς κυανοπρῴροιο· ### book 10.128 αἶψα δ’ ἐμοῖς’ ἑτάροισιν ἐποτρύνας ἐκέλευσα ### book 10.129 ἐμβαλέειν κώπῃς’, ἵν’ ὑπὲκ κακότητα φύγοιμεν· ### book 10.130 οἱ δ’ ἅμα πάντες ἀνέρριψαν, δείσαντες ὄλεθρον. ### book 10.131 ἀσπασίως δ’ ἐς πόντον ἐπηρεφέας φύγε πέτρας ### book 10.132 νηῦς ἐμή· αὐτὰρ αἱ ἄλλαι ἀολλέες αὐτόθ’ ὄλοντο. ### book 10.133 ἔνθεν δὲ προτέρω πλέομεν ἀκαχήμενοι ἦτορ, ### book 10.134 ἄσμενοι ἐκ θανάτοιο, φίλους ὀλέσαντες ἑταίρους. ### book 10.135 Αἰαίην δ’ ἐς νῆσον ἀφικόμεθ’· ἔνθα δ’ ἔναιε ### book 10.136 Κίρκη ἐϋπλόκαμος, δεινὴ θεὸς αὐδήεσσα, ### book 10.137 αὐτοκασιγνήτη ὀλοόφρονος Αἰήταο· ### book 10.138 ἄμφω δ’ ἐκγεγάτην φαεσιμβρότου Ἠελίοιο ### book 10.139 μητρός τ’ ἐκ Πέρσης, τὴν Ὠκεανὸς τέκε παῖδα. ### book 10.140 ἔνθα δ’ ἐπ’ ἀκτῆς νηῒ κατηγαγόμεσθα σιωπῇ ### book 10.141 ναύλοχον ἐς λιμένα, καί τις θεὸς ἡγεμόνευεν. ### book 10.142 ἔνθα τότ’ ἐκβάντες δύο τ’ ἤματα καὶ δύο νύκτας ### book 10.143 κείμεθ’, ὁμοῦ καμάτῳ τε καὶ ἄλγεσι θυμὸν ἔδοντες. ### book 10.144 ἀλλ’ ὅτε δὴ τρίτον ἦμαρ ἐϋπλόκαμος τέλες’ Ἠώς, ### book 10.145 καὶ τότ’ ἐγὼν ἐμὸν ἔγχος ἑλὼν καὶ φάσγανον ὀξὺ ### book 10.146 καρπαλίμως παρὰ νηὸς ἀνήϊον ἐς περιωπήν, ### book 10.147 εἴ πως ἔργα ἴδοιμι βροτῶν ἐνοπήν τε πυθοίμην. ### book 10.148 ἔστην δὲ σκοπιὴν ἐς παιπαλόεσσαν ἀνελθών, ### book 10.149 καί μοι ἐείσατο καπνὸς ἀπὸ χθονὸς εὐρυοδείης ### book 10.150 Κίρκης ἐν μεγάροισι διὰ δρυμὰ πυκνὰ καὶ ὕλην. ### book 10.151 μερμήριξα δ’ ἔπειτα κατὰ φρένα καὶ κατὰ θυμὸν ### book 10.152 ἐλθεῖν ἠδὲ πυθέσθαι, ἐπεὶ ἴδον αἴθοπα καπνόν. ### book 10.153 ὧδε δέ μοι φρονέοντι δοάσσατο κέρδιον εἶναι, ### book 10.154 πρῶτ’ ἐλθόντ’ ἐπὶ νῆα θοὴν καὶ θῖνα θαλάσσης ### book 10.155 δεῖπνον ἑταίροισιν δόμεναι προέμεν τε πυθέσθαι. ### book 10.156 ἀλλ’ ὅτε δὴ σχεδὸν ἦα κιὼν νεὸς ἀμφιελίσσης, ### book 10.157 καὶ τότε τίς με θεῶν ὀλοφύρατο μοῦνον ἐόντα, ### book 10.158 ὅς ῥά μοι ὑψίκερων ἔλαφον μέγαν εἰς ὁδὸν αὐτὴν ### book 10.159 ἧκεν· ὁ μὲν ποταμόνδε κατήϊεν ἐκ νομοῦ ὕλης ### book 10.160 πιόμενος· δὴ γάρ μιν ἔχεν μένος ἠελίοιο. ### book 10.161 τὸν δ’ ἐγὼ ἐκβαίνοντα κατὰ κνῆστιν μέσα νῶτα ### book 10.162 πλῆξα· τὸ δ’ ἀντικρὺ δόρυ χάλκεον ἐξεπέρησε, ### book 10.163 κὰδ δ’ ἔπες’ ἐν κονίῃσι μακών, ἀπὸ δ’ ἔπτατο θυμός. ### book 10.164 τῷ δ’ ἐγὼ ἐμβαίνων δόρυ χάλκεον ἐξ ὠτειλῆς ### book 10.165 εἰρυσάμην· τὸ μὲν αὖθι κατακλίνας ἐπὶ γαίῃ ### book 10.166 εἴας’· αὐτὰρ ἐγὼ σπασάμην ῥῶπάς τε λύγους τε, ### book 10.167 πεῖσμα δ’ ὅσον τ’ ὄργυιαν ἐϋστρεφὲς ἀμφοτέρωθεν ### book 10.168 πλεξάμενος συνέδησα πόδας δεινοῖο πελώρου, ### book 10.169 βῆν δὲ καταλλοφάδια φέρων ἐπὶ νῆα μέλαιναν, ### book 10.170 ἔγχει ἐρειδόμενος, ἐπεὶ οὔ πως ἦεν ἐπ’ ὤμου ### book 10.171 χειρὶ φέρειν ἑτέρῃ· μάλα γὰρ μέγα θηρίον ἦεν. ### book 10.172 κὰδ δ’ ἔβαλον προπάροιθε νεός, ἀνέγειρα δ’ ἑταίρους ### book 10.173 μειλιχίοις’ ἐπέεσσι παρασταδὸν ἄνδρα ἕκαστον· ### book 10.174 ‘ὦ φίλοι, οὐ γάρ πω καταδυσόμεθ’, ἀχνύμενοι περ, ### book 10.175 εἰς Ἀΐδαο δόμους, πρὶν μόρσιμον ἦμαρ ἐπέλθῃ· ### book 10.176 ἀλλ’ ἄγετ’, ὄφρ’ ἐν νηῒ θοῇ βρῶσίς τε πόσις τε, ### book 10.177 μνησόμεθα βρώμης μηδὲ τρυχώμεθα λιμῷ.‘ ### book 10.178 ὣς ἐφάμην, οἱ δ’ ὦκα ἐμοῖς’ ἐπέεσσι πίθοντο· ### book 10.179 ἐκ δὲ καλυψάμενοι παρὰ θῖν’ ἁλὸς ἀτρυγέτοιο ### book 10.180 θηήσαντ’ ἔλαφον· μάλα γὰρ μέγα θηρίον ἦεν. ### book 10.181 αὐτὰρ ἐπεὶ τάρπησαν ὁρώμενοι ὀφθαλμοῖσι, ### book 10.182 χεῖρας νιψάμενοι τεύχοντ’ ἐρικυδέα δαῖτα. ### book 10.183 ὣς τότε μὲν πρόπαν ἦμαρ ἐς ἠέλιον καταδύντα ### book 10.184 ἥμεθα δαινύμενοι κρέα τ’ ἄσπετα καὶ μέθυ ἡδύ· ### book 10.185 ἦμος δ’ ἠέλιος κατέδυ καὶ ἐπὶ κνέφας ἦλθε, ### book 10.186 δὴ τότε κοιμήθημεν ἐπὶ ῥηγμῖνι θαλάσσης. ### book 10.187 ἦμος δ’ ἠριγένεια φάνη ῥοδοδάκτυλος Ἠώς, ### book 10.188 καὶ τότ’ ἐγὼν ἀγορὴν θέμενος μετὰ πᾶσιν ἔειπον· ### book 10.189 [‘κέκλυτέ μευ μύθων, κακά περ πάσχοντες ἑταῖροι·] ### book 10.190 ὦ φίλοι, οὐ γὰρ ἴδμεν ὅπῃ ζόφος οὐδ’ ὅπῃ ἠώς, ### book 10.191 οὐδ’ ὅπῃ ἠέλιος φαεσίμβροτος εἶς’ ὑπὸ γαῖαν ### book 10.192 οὐδ’ ὅπῃ ἀννεῖται· ἀλλὰ φραζώμεθα θᾶσσον, ### book 10.193 εἴ τις ἔτ’ ἔσται μῆτις· ἐγὼ δ’ οὐκ οἴομαι εἶναι. ### book 10.194 εἶδον γὰρ σκοπιὴν ἐς παιπαλόεσσαν ἀνελθὼν ### book 10.195 νῆσον, τὴν πέρι πόντος ἀπείριτος ἐστεφάνωται. ### book 10.196 αὐτὴ δὲ χθαμαλὴ κεῖται· καπνὸν δ’ ἐνὶ μέσσῃ ### book 10.197 ἔδρακον ὀφθαλμοῖσι διὰ δρυμὰ πυκνὰ καὶ ὕλην.‘ ### book 10.198 ὣς ἐφάμην, τοῖσιν δὲ κατεκλάσθη φίλον ἦτορ ### book 10.199 μνησαμένοις’ ἔργων Λαιστρυγόνος Ἀντιφάταο ### book 10.200 Κύκλωπός τε βίης μεγαλήτορος ἀνδροφάγοιο. ### book 10.201 κλαῖον δὲ λιγέως, θαλερὸν κατὰ δάκρυ χέοντες· ### book 10.202 ἀλλ’ οὐ γάρ τις πρῆξις ἐγίνετο μυρομένοισιν. ### book 10.203 αὐτὰρ ἐγὼ δίχα πάντας ἐϋκνήμιδας ἑταίρους ### book 10.204 ἠρίθμεον, ἀρχὸν δὲ μετ’ ἀμφοτέροισιν ὄπασσα· ### book 10.205 τῶν μὲν ἐγὼν ἦρχον, τῶν δ’ Εὐρύλοχος θεοειδής. ### book 10.206 κλήρους δ’ ἐν κυνέῃ χαλκήρεϊ πάλλομεν ὦκα· ### book 10.207 ἐκ δ’ ἔθορε κλῆρος μεγαλήτορος Εὐρυλόχοιο. ### book 10.208 βῆ δ’ ἰέναι, ἅμα τῷ γε δύω καὶ εἴκος’ ἑταῖροι ### book 10.209 κλαίοντες· κατὰ δ’ ἄμμε λίπον γοόωντας ὄπισθεν. ### book 10.210 εὗρον δ’ ἐν βήσσῃσι τετυγμένα δώματα Κίρκης ### book 10.211 ξεστοῖσιν λάεσσι, περισκέπτῳ ἐνὶ χώρῳ. ### book 10.212 ἀμφὶ δέ μιν λύκοι ἦσαν ὀρέστεροι ἠδὲ λέοντες, ### book 10.213 τοὺς αὐτὴ κατέθελξεν, ἐπεὶ κακὰ φάρμακ’ ἔδωκεν. ### book 10.214 οὐδ’ οἵ γ’ ὡρμήθησαν ἐπ’ ἀνδράσιν, ἀλλ’ ἄρα τοί γε ### book 10.215 οὐρῇσιν μακρῇσι περισσαίνοντες ἀνέσταν. ### book 10.216 ὡς δ’ ὅτ’ ἂν ἀμφὶ ἄνακτα κύνες δαίτηθεν ἰόντα ### book 10.217 σαίνως’· αἰεὶ γάρ τε φέρει μειλίγματα θυμοῦ· ### book 10.218 ὣς τοὺς ἀμφὶ λύκοι κρατερώνυχες ἠδὲ λέοντες ### book 10.219 σαῖνον· τοὶ δ’ ἔδδεισαν, ἐπεὶ ἴδον αἰνὰ πέλωρα. ### book 10.220 ἔσταν δ’ ἐν προθύροισι θεᾶς καλλιπλοκάμοιο, ### book 10.221 Κίρκης δ’ ἔνδον ἄκουον ἀειδούσης ὀπὶ καλῇ ### book 10.222 ἱστὸν ἐποιχομένης μέγαν ἄμβροτον, οἷα θεάων ### book 10.223 λεπτά τε καὶ χαρίεντα καὶ ἀγλαὰ ἔργα πέλονται. ### book 10.224 τοῖσι δὲ μύθων ἦρχε Πολίτης, ὄρχαμος ἀνδρῶν, ### book 10.225 ὅς μοι κήδιστος ἑτάρων ἦν κεδνότατός τε· ### book 10.226 ‘ὦ φίλοι, ἔνδον γάρ τις ἐποιχομένη μέγαν ἱστὸν ### book 10.227 καλὸν ἀοιδιάει, δάπεδον δ’ ἅπαν ἀμφιμέμυκεν, ### book 10.228 ἢ θεὸς ἠὲ γυνή· ἀλλὰ φθεγγώμεθα θᾶσσον.‘ ### book 10.229 ὣς ἄρ’ ἐφώνησεν, τοὶ δ’ ἐφθέγγοντο καλεῦντες. ### book 10.230 ἡ δ’ αἶψ’ ἐξελθοῦσα θύρας ὤϊξε φαεινὰς ### book 10.231 καὶ κάλει· οἱ δ’ ἅμα πάντες ἀϊδρείῃσιν ἕποντο· ### book 10.232 Εὐρύλοχος δ’ ὑπέμεινεν· ὀΐσατο γὰρ δόλον εἶναι. ### book 10.233 εἷσεν δ’ εἰσαγαγοῦσα κατὰ κλισμούς τε θρόνους τε, ### book 10.234 ἐν δέ σφιν τυρόν τε καὶ ἄλφιτα καὶ μέλι χλωρὸν ### book 10.235 οἴνῳ Πραμνείῳ ἐκύκα· ἀνέμισγε δὲ σίτῳ ### book 10.236 φάρμακα λύγρ’, ἵνα πάγχυ λαθοίατο πατρίδος αἴης. ### book 10.237 αὐτὰρ ἐπεὶ δῶκέν τε καὶ ἔκπιον, αὐτίκ’ ἔπειτα ### book 10.238 ῥάβδῳ πεπληγυῖα κατὰ συφεοῖσιν ἐέργνυ. ### book 10.239 οἱ δὲ συῶν μὲν ἔχον κεφαλὰς φωνήν τε τρίχας τε ### book 10.240 καὶ δέμας, αὐτὰρ νοῦς ἦν ἔμπεδος ὡς τὸ πάρος περ. ### book 10.241 ὣς οἱ μὲν κλαίοντες ἐέρχατο· τοῖσι δὲ Κίρκη ### book 10.242 πὰρ ἄκυλον βάλανόν τ’ ἔβαλεν καρπόν τε κρανείης ### book 10.243 ἔδμεναι, οἷα σύες χαμαιευνάδες αἰὲν ἔδουσιν. ### book 10.244 Εὐρύλοχος δ’ ἂψ ἦλθε θοὴν ἐπὶ νῆα μέλαιναν, ### book 10.245 ἀγγελίην ἑτάρων ἐρέων καὶ ἀδευκέα πότμον. ### book 10.246 οὐδέ τι ἐκφάσθαι δύνατο ἔπος, ἱέμενός περ, ### book 10.247 κῆρ ἄχεϊ μεγάλῳ βεβολημένος· ἐν δέ οἱ ὄσσε ### book 10.248 δακρυόφιν πίμπλαντο, γόον δ’ ὠΐετο θυμός. ### book 10.249 ἀλλ’ ὅτε δή μιν πάντες ἀγαζόμεθ’ ἐξερέοντες, ### book 10.250 καὶ τότε τῶν ἄλλων ἑτάρων κατέλεξεν ὄλεθρον· ### book 10.251 ‘ᾔομεν, ὡς ἐκέλευες, ἀνὰ δρυμά, φαίδιμ’ Ὀδυσσεῦ· ### book 10.252 εὕρομεν ἐν βήσσῃσι τετυγμένα δώματα καλὰ ### book 10.253 [ξεστοῖσιν λάεσσι, περισκέπτῳ ἐνὶ χώρῳ.] ### book 10.254 ἔνθα δέ τις μέγαν ἱστὸν ἐποιχομένη λίγ’ ἄειδεν ### book 10.255 ἢ θεὸς ἠὲ γυνή· τοὶ δ’ ἐφθέγγοντο καλεῦντες. ### book 10.256 ἡ δ’ αἶψ’ ἐξελθοῦσα θύρας ὤϊξε φαεινὰς ### book 10.257 καὶ κάλει· οἱ δ’ ἅμα πάντες ἀϊδρείῃσιν ἕποντο· ### book 10.258 αὐτὰρ ἐγὼν ὑπέμεινα, ὀϊσάμενος δόλον εἶναι. ### book 10.259 οἱ δ’ ἅμ’ ἀϊστώθησαν ἀολλέες, οὐδέ τις αὐτῶν ### book 10.260 ἐξεφάνη· δηρὸν δὲ καθήμενος ἐσκοπίαζον.‘ ### book 10.261 ὣς ἔφατ’, αὐτὰρ ἐγὼ περὶ μὲν ξίφος ἀργυρόηλον ### book 10.262 ὤμοιϊν βαλόμην, μέγα χάλκεον, ἀμφὶ δὲ τόξα· ### book 10.263 τὸν δ’ ἂψ ἠνώγεα αὐτὴν ὁδὸν ἡγήσασθαι. ### book 10.264 αὐτὰρ ὅ γ’ ἀμφοτέρῃσι λαβὼν ἐλλίσσετο γούνων ### book 10.265 [καί μ’ ὀλοφυρόμενος ἔπεα πτερόεντα προσηύδα·] ### book 10.266 ‘μή μ’ ἄγε κεῖς’ ἀέκοντα, διοτρεφές, ἀλλὰ λίπ’ αὐτοῦ· ### book 10.267 οἶδα γὰρ ὡς οὔτ’ αὐτὸς ἐλεύσεαι οὔτε τιν’ ἄλλον ### book 10.268 ἄξεις σῶν ἑτάρων. ἀλλὰ ξὺν τοίσδεσι θᾶσσον ### book 10.269 φεύγωμεν· ἔτι γάρ κεν ἀλύξαιμεν κακὸν ἦμαρ.‘ ### book 10.270 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 10.271 ‘Εὐρύλοχ’, ἦ τοι μὲν σὺ μέν’ αὐτοῦ τῷδ’ ἐνὶ χώρῳ ### book 10.272 ἔσθων καὶ πίνων κοίλῃ παρὰ νηῒ μελαίνῃ· ### book 10.273 αὐτὰρ ἐγὼν εἶμι· κρατερὴ δέ μοι ἔπλετ’ ἀνάγκη.‘ ### book 10.274 ὣς εἰπὼν παρὰ νηὸς ἀπήϊον ἠδὲ θαλάσσης. ### book 10.275 ἀλλ’ ὅτε δὴ ἄρ’ ἔμελλον ἰὼν ἱερὰς ἀνὰ βήσσας ### book 10.276 Κίρκης ἵξεσθαι πολυφαρμάκου ἐς μέγα δῶμα, ### book 10.277 ἔνθα μοι Ἑρμείας χρυσόρραπις ἀντεβόλησεν ### book 10.278 ἐρχομένῳ πρὸς δῶμα, νεηνίῃ ἀνδρὶ ἐοικώς, ### book 10.279 πρῶτον ὑπηνήτῃ, τοῦ περ χαριεστάτη ἥβη· ### book 10.280 ἔν τ’ ἄρα μοι φῦ χειρὶ ἔπος τ’ ἔφατ’ ἔκ τ’ ὀνόμαζε· ### book 10.281 ‘πῇ δὴ αὖτ’, ὦ δύστηνε, δι’ ἄκριας ἔρχεαι οἶος, ### book 10.282 χώρου ἄϊδρις ἐών; ἕταροι δέ τοι οἵδ’ ἐνὶ Κίρκης ### book 10.283 ἔρχαται ὥς τε σύες πυκινοὺς κευθμῶνας ἔχοντες. ### book 10.284 ἦ τοὺς λυσόμενος δεῦρ’ ἔρχεαι; οὐδέ σέ φημι ### book 10.285 αὐτὸν νοστήσειν, μενέεις δὲ σύ γ’ ἔνθα περ ἄλλοι. ### book 10.286 ἀλλ’ ἄγε δή σε κακῶν ἐκλύσομαι ἠδὲ σαώσω· ### book 10.287 τῆ, τόδε φάρμακον ἐσθλὸν ἔχων ἐς δώματα Κίρκης ### book 10.288 ἔρχευ, ὅ κέν τοι κρατὸς ἀλάλκῃσιν κακὸν ἦμαρ. ### book 10.289 πάντα δέ τοι ἐρέω ὀλοφώϊα δήνεα Κίρκης. ### book 10.290 τεύξει τοι κυκεῶ, βαλέει δ’ ἐν φάρμακα σίτῳ· ### book 10.291 ἀλλ’ οὐδ’ ὧς θέλξαι σε δυνήσεται· οὐ γὰρ ἐάσει ### book 10.292 φάρμακον ἐσθλόν, ὅ τοι δώσω, ἐρέω δὲ ἕκαστα. ### book 10.293 ὁππότε κεν Κίρκη ς’ ἐλάσῃ περιμήκεϊ ῥάβδῳ, ### book 10.294 δὴ τότε σὺ ξίφος ὀξὺ ἐρυσσάμενος παρὰ μηροῦ ### book 10.295 Κίρκῃ ἐπαΐξαι ὥς τε κτάμεναι μενεαίνων. ### book 10.296 ἡ δέ ς’ ὑποδδείσασα κελήσεται εὐνηθῆναι· ### book 10.297 ἔνθα σὺ μηκέτ’ ἔπειτ’ ἀπανήνασθαι θεοῦ εὐνήν, ### book 10.298 ὄφρα κέ τοι λύσῃ θ’ ἑτάρους αὐτόν τε κομίσσῃ· ### book 10.299 ἀλλὰ κέλεσθαί μιν μακάρων μέγαν ὅρκον ὀμόσσαι ### book 10.300 μή τί τοι αὐτῷ πῆμα κακὸν βουλευσέμεν ἄλλο, ### book 10.301 μή ς’ ἀπογυμνωθέντα κακὸν καὶ ἀνήνορα θήῃ.‘ ### book 10.302 ὣς ἄρα φωνήσας πόρε φάρμακον Ἀργεϊφόντης ### book 10.303 ἐκ γαίης ἐρύσας καί μοι φύσιν αὐτοῦ ἔδειξε. ### book 10.304 ῥίζῃ μὲν μέλαν ἔσκε, γάλακτι δὲ εἴκελον ἄνθος· ### book 10.305 μῶλυ δέ μιν καλέουσι θεοί, χαλεπὸν δέ τ’ ὀρύσσειν ### book 10.306 ἀνδράσι γε θνητοῖσι· θεοὶ δέ τε πάντα δύνανται. ### book 10.307 Ἑρμείας μὲν ἔπειτ’ ἀπέβη πρὸς μακρὸν Ὄλυμπον ### book 10.308 νῆσον ἀν’ ὑλήεσσαν, ἐγὼ δ’ ἐς δώματα Κίρκης ### book 10.309 ἤϊα· πολλὰ δέ μοι κραδίη πόρφυρε κιόντι. ### book 10.310 ἔστην δ’ εἰνὶ θύρῃσι θεᾶς καλλιπλοκάμοιο· ### book 10.311 ἔνθα στὰς ἐβόησα, θεὰ δέ μευ ἔκλυεν αὐδῆς. ### book 10.312 ἡ δ’ αἶψ’ ἐξελθοῦσα θύρας ὤϊξε φαεινὰς ### book 10.313 καὶ κάλει· αὐτὰρ ἐγὼν ἑπόμην ἀκαχήμενος ἦτορ. ### book 10.314 εἷσε δέ μ’ εἰσαγαγοῦσα ἐπὶ θρόνου ἀργυροήλου, ### book 10.315 [καλοῦ δαιδαλέου· ὑπὸ δὲ θρῆνυς ποσὶν ἦεν·] ### book 10.316 τεῦχε δέ μοι κυκεῶ χρυσέῳ δέπᾳ, ὄφρα πίοιμι, ### book 10.317 ἐν δέ τε φάρμακον ἧκε, κακὰ φρονέους’ ἐνὶ θυμῷ. ### book 10.318 αὐτὰρ ἐπεὶ δῶκέν τε καὶ ἔκπιον οὐδέ μ’ ἔθελξε, ### book 10.319 ῥάβδῳ πεπληγυῖα ἔπος τ’ ἔφατ’ ἔκ τ’ ὀνόμαζεν· ### book 10.320 ‘ἔρχεο νῦν συφεόνδε, μετ’ ἄλλων λέξο ἑταίρων.‘ ### book 10.321 ὣς φάτ’, ἐγὼ δ’ ἄορ ὀξὺ ἐρυσσάμενος παρὰ μηροῦ ### book 10.322 Κίρκῃ ἐπήϊξα ὥς τε κτάμεναι μενεαίνων. ### book 10.323 ἡ δὲ μέγα ἰάχουσα ὑπέδραμε καὶ λάβε γούνων ### book 10.324 καί μ’ ὀλοφυρομένη ἔπεα πτερόεντα προσηύδα· ### book 10.325 ‘τίς πόθεν εἰς ἀνδρῶν; πόθι τοι πόλις ἠδὲ τοκῆες; ### book 10.326 θαῦμά μ’ ἔχει, ὡς οὔ τι πιὼν τάδε φάρμακ’ ἐθέλχθης. ### book 10.327 οὐδὲ γὰρ οὐδέ τις ἄλλος ἀνὴρ τάδε φάρμακ’ ἀνέτλη, ### book 10.328 ὅς κε πίῃ καὶ πρῶτον ἀμείψεται ἕρκος ὀδόντων· ### book 10.329 σοὶ δέ τις ἐν στήθεσσιν ἀκήλητος νόος ἐστίν. ### book 10.330 ἦ σύ γ’ Ὀδυσσεύς ἐσσι πολύτροπος, ὅν τέ μοι αἰεὶ ### book 10.331 φάσκεν ἐλεύσεσθαι χρυσόρραπις Ἀργεϊφόντης, ### book 10.332 ἐκ Τροίης ἀνιόντα θοῇ σὺν νηῒ μελαίνῃ. ### book 10.333 ἀλλ’ ἄγε δὴ κολεῷ μὲν ἄορ θέο, νῶϊ δ’ ἔπειτα ### book 10.334 εὐνῆς ἡμετέρης ἐπιβήομεν, ὄφρα μιγέντε ### book 10.335 εὐνῇ καὶ φιλότητι πεποίθομεν ἀλλήλοισιν.‘ ### book 10.336 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 10.337 ‘ὦ Κίρκη, πῶς γάρ με κέλῃ σοὶ ἤπιον εἶναι, ### book 10.338 ἥ μοι σῦς μὲν ἔθηκας ἐνὶ μεγάροισιν ἑταίρους, ### book 10.339 αὐτὸν δ’ ἐνθάδ’ ἔχουσα δολοφρονέουσα κελεύεις ### book 10.340 ἐς θάλαμόν τ’ ἰέναι καὶ σῆς ἐπιβήμεναι εὐνῆς, ### book 10.341 ὄφρα με γυμνωθέντα κακὸν καὶ ἀνήνορα θήῃς. ### book 10.342 οὐδ’ ἂν ἐγώ γ’ ἐθέλοιμι τεῆς ἐπιβήμεναι εὐνῆς, ### book 10.343 εἰ μή μοι τλαίης γε, θεά, μέγαν ὅρκον ὀμόσσαι, ### book 10.344 μή τί μοι αὐτῷ πῆμα κακὸν βουλευσέμεν ἄλλο.‘ ### book 10.345 ὣς ἐφάμην, ἡ δ’ αὐτίκ’ ἀπώμνυεν, ὡς ἐκέλευον. ### book 10.346 αὐτὰρ ἐπεί ῥ’ ὄμοσέν τε τελεύτησέν τε τὸν ὅρκον, ### book 10.347 καὶ τότ’ ἐγὼ Κίρκης ἐπέβην περικαλλέος εὐνῆς. ### book 10.348 ἀμφίπολοι δ’ ἄρα τεῖος ἐνὶ μεγάροισι πένοντο ### book 10.349 τέσσαρες, αἵ οἱ δῶμα κάτα δρήστειραι ἔασι. ### book 10.350 γίνονται δ’ ἄρα ταί γ’ ἔκ τε κρηνέων ἀπό τ’ ἀλσέων ### book 10.351 ἔκ θ’ ἱερῶν ποταμῶν, οἵ τ’ εἰς ἅλαδε προρέουσι. ### book 10.352 τάων ἡ μὲν ἔβαλλε θρόνοις’ ἔνι ῥήγεα καλὰ ### book 10.353 πορφύρεα καθύπερθ’, ὑπένερθε δὲ λῖθ’ ὑπέβαλλεν· ### book 10.354 ἡ δ’ ἑτέρη προπάροιθε θρόνων ἐτίταινε τραπέζας ### book 10.355 ἀργυρέας, ἐπὶ δέ σφι τίθει χρύσεια κάνεια· ### book 10.356 ἡ δὲ τρίτη κρητῆρι μελίφρονα οἶνον ἐκίρνα ### book 10.357 ἡδὺν ἐν ἀργυρέῳ, νέμε δὲ χρύσεια κύπελλα· ### book 10.358 ἡ δὲ τετάρτη ὕδωρ ἐφόρει καὶ πῦρ ἀνέκαιε ### book 10.359 πολλὸν ὑπὸ τρίποδι μεγάλῳ· ἰαίνετο δ’ ὕδωρ. ### book 10.360 αὐτὰρ ἐπεὶ δὴ ζέσσεν ὕδωρ ἐνὶ ἤνοπι χαλκῷ, ### book 10.361 ἔς ῥ’ ἀσάμινθον ἕσασα λό’ ἐκ τρίποδος μεγάλοιο, ### book 10.362 θυμῆρες κεράσασα, κατὰ κρατός τε καὶ ὤμων, ### book 10.363 ὄφρα μοι ἐκ κάματον θυμοφθόρον εἵλετο γυίων. ### book 10.364 αὐτὰρ ἐπεὶ λοῦσέν τε καὶ ἔχρισεν λίπ’ ἐλαίῳ, ### book 10.365 ἀμφὶ δέ με χλαῖναν καλὴν βάλεν ἠδὲ χιτῶνα, ### book 10.366 εἷσε δέ μ’ εἰσαγαγοῦσα ἐπὶ θρόνου ἀργυροήλου, ### book 10.367 καλοῦ δαιδαλέου· ὑπὸ δὲ θρῆνυς ποσὶν ἦεν· ### book 10.368 [χέρνιβα δ’ ἀμφίπολος προχόῳ ἐπέχευε φέρουσα ### book 10.369 καλῇ χρυσείῃ, ὑπὲρ ἀργυρέοιο λέβητος, ### book 10.370 νίψασθαι· παρὰ δὲ ξεστὴν ἐτάνυσσε τράπεζαν. ### book 10.371 σῖτον δ’ αἰδοίη ταμίη παρέθηκε φέρουσα, ### book 10.372 εἴδατα πόλλ’ ἐπιθεῖσα, χαριζομένη παρεόντων·] ### book 10.373 ἐσθέμεναι δ’ ἐκέλευεν· ἐμῷ δ’ οὐχ ἥνδανε θυμῷ, ### book 10.374 ἀλλ’ ἥμην ἀλλοφρονέων, κακὰ δ’ ὄσσετο θυμός. ### book 10.375 Κίρκη δ’ ὡς ἐνόησεν ἔμ’ ἥμενον οὐδ’ ἐπὶ σίτῳ ### book 10.376 χεῖρας ἰάλλοντα, στυγερὸν δέ με πένθος ἔχοντα, ### book 10.377 ἄγχι παρισταμένη ἔπεα πτερόεντα προσηύδα· ### book 10.378 ‘τίφθ’ οὕτως, Ὀδυσεῦ, κατ’ ἄρ’ ἕζεαι ἶσος ἀναύδῳ, ### book 10.379 θυμὸν ἔδων, βρώμης δ’ οὐχ ἅπτεαι οὐδὲ ποτῆτος; ### book 10.380 ἦ τινά που δόλον ἄλλον ὀΐεαι; οὐδέ τί σε χρὴ ### book 10.381 δειδίμεν· ἤδη γάρ τοι ἀπώμοσα καρτερὸν ὅρκον.‘ ### book 10.382 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 10.383 ‘ὦ Κίρκη, τίς γάρ κεν ἀνήρ, ὃς ἐναίσιμος εἴη, ### book 10.384 πρὶν τλαίη πάσσασθαι ἐδητύος ἠδὲ ποτῆτος, ### book 10.385 πρὶν λύσασθ’ ἑτάρους καὶ ἐν ὀφθαλμοῖσιν ἰδέσθαι; ### book 10.386 ἀλλ’ εἰ δὴ πρόφρασσα πιεῖν φαγέμεν τε κελεύεις, ### book 10.387 λῦσον, ἵν’ ὀφθαλμοῖσιν ἴδω ἐρίηρας ἑταίρους.‘ ### book 10.388 ὣς ἐφάμην, Κίρκη δὲ διὲκ μεγάροιο βεβήκει ### book 10.389 ῥάβδον ἔχους’ ἐν χειρί, θύρας δ’ ἀνέῳξε συφειοῦ, ### book 10.390 ἐκ δ’ ἔλασεν σιάλοισιν ἐοικότας ἐννεώροισιν. ### book 10.391 οἱ μὲν ἔπειτ’ ἔστησαν ἐναντίοι, ἡ δὲ δι’ αὐτῶν ### book 10.392 ἐρχομένη προσάλειφεν ἑκάστῳ φάρμακον ἄλλο. ### book 10.393 τῶν δ’ ἐκ μὲν μελέων τρίχες ἔρρεον, ἃς πρὶν ἔφυσε ### book 10.394 φάρμακον οὐλόμενον, τό σφιν πόρε πότνια Κίρκη· ### book 10.395 ἄνδρες δ’ ἂψ ἐγένοντο νεώτεροι ἢ πάρος ἦσαν ### book 10.396 καὶ πολὺ καλλίονες καὶ μείζονες εἰσοράασθαι. ### book 10.397 ἔγνωσαν δέ με κεῖνοι, ἔφυν τ’ ἐν χερσὶν ἕκαστος· ### book 10.398 πᾶσιν δ’ ἱμερόεις ὑπέδυ γόος, ἀμφὶ δὲ δῶμα ### book 10.399 σμερδαλέον κονάβιζε· θεὰ δ’ ἐλέαιρε καὶ αὐτή. ### book 10.400 ἡ δέ μευ ἄγχι στᾶσα προσηύδα δῖα θεάων· ### book 10.401 ‘διογενὲς Λαερτιάδη, πολυμήχαν’ Ὀδυσσεῦ, ### book 10.402 ἔρχεο νῦν ἐπὶ νῆα θοὴν καὶ θῖνα θαλάσσης. ### book 10.403 νῆα μὲν ἂρ πάμπρωτον ἐρύσσατε ἤπειρόνδε, ### book 10.404 κτήματα δ’ ἐν σπήεσσι πελάσσατε ὅπλα τε πάντα· ### book 10.405 αὐτὸς δ’ ἂψ ἰέναι καὶ ἄγειν ἐρίηρας ἑταίρους.‘ ### book 10.406 ὣς ἔφατ’, αὐτὰρ ἐμοί γ’ ἐπεπείθετο θυμὸς ἀγήνωρ, ### book 10.407 βῆν δ’ ἰέναι ἐπὶ νῆα θοὴν καὶ θῖνα θαλάσσης. ### book 10.408 εὗρον ἔπειτ’ ἐπὶ νηῒ θοῇ ἐρίηρας ἑταίρους ### book 10.409 οἴκτρ’ ὀλοφυρομένους, θαλερὸν κατὰ δάκρυ χέοντας. ### book 10.410 ὡς δ’ ὅτε ἄγραυλοι πόριες περὶ βοῦς ἀγελαίας, ### book 10.411 ἐλθούσας ἐς κόπρον, ἐπὴν βοτάνης κορέσωνται, ### book 10.412 πᾶσαι ἅμα σκαίρουσιν ἐναντίαι· οὐδ’ ἔτι σηκοὶ ### book 10.413 ἴσχους’, ἀλλ’ ἁδινὸν μυκώμεναι ἀμφιθέουσι ### book 10.414 μητέρας· ὣς ἐμὲ κεῖνοι, ἐπεὶ ἴδον ὀφθαλμοῖσι, ### book 10.415 δακρυόεντες ἔχυντο· δόκησε δ’ ἄρα σφίσι θυμὸς ### book 10.416 ὣς ἔμεν, ὡς εἰ πατρίδ’ ἱκοίατο καὶ πόλιν αὐτὴν ### book 10.417 τρηχείης Ἰθάκης, ἵνα τ’ ἔτραφον ἠδ’ ἐγένοντο· ### book 10.418 καί μ’ ὀλοφυρόμενοι ἔπεα πτερόεντα προσηύδων· ### book 10.419 ‘σοὶ μὲν νοστήσαντι, διοτρεφές, ὣς ἐχάρημεν, ### book 10.420 ὡς εἴ τ’ εἰς Ἰθάκην ἀφικοίμεθα πατρίδα γαῖαν· ### book 10.421 ἀλλ’ ἄγε, τῶν ἄλλων ἑτάρων κατάλεξον ὄλεθρον.‘ ### book 10.422 ὣς ἔφαν, αὐτὰρ ἐγὼ προσέφην μαλακοῖς’ ἐπέεσσι· ### book 10.423 ‘νῆα μὲν ἂρ πάμπρωτον ἐρύσσομεν ἤπειρόνδε, ### book 10.424 κτήματα δ’ ἐν σπήεσσι πελάσσομεν ὅπλα τε πάντα· ### book 10.425 αὐτοὶ δ’ ὀτρύνεσθε ἐμοὶ ἅμα πάντες ἕπεσθαι, ### book 10.426 ὄφρα ἴδηθ’ ἑτάρους ἱεροῖς’ ἐν δώμασι Κίρκης ### book 10.427 πίνοντας καὶ ἔδοντας· ἐπηετανὸν γὰρ ἔχουσιν.‘ ### book 10.428 ὣς ἐφάμην, οἱ δ’ ὦκα ἐμοῖς’ ἐπέεσσι πίθοντο· ### book 10.429 Εὐρύλοχος δέ μοι οἶος ἐρύκακε πάντας ἑταίρους ### book 10.430 [καί σφεας φωνήσας ἔπεα πτερόεντα προσηύδα·] ### book 10.431 ‘ἆ δειλοί, πός’ ἴμεν; τί κακῶν ἱμείρετε τούτων; ### book 10.432 Κίρκης ἐς μέγαρον καταβήμεναι, ἥ κεν ἅπαντας ### book 10.433 ἢ σῦς ἠὲ λύκους ποιήσεται ἠὲ λέοντας, ### book 10.434 οἵ κέν οἱ μέγα δῶμα φυλάσσοιμεν καὶ ἀνάγκῃ, ### book 10.435 ὥς περ Κύκλωψ ἕρξ’, ὅτε οἱ μέσσαυλον ἵκοντο ### book 10.436 ἡμέτεροι ἕταροι, σὺν δ’ ὁ θρασὺς εἵπετ’ Ὀδυσσεύς· ### book 10.437 τούτου γὰρ καὶ κεῖνοι ἀτασθαλίῃσιν ὄλοντο.‘ ### book 10.438 ὣς ἔφατ’, αὐτὰρ ἐγώ γε μετὰ φρεσὶ μερμήριξα, ### book 10.439 σπασσάμενος τανύηκες ἄορ παχέος παρὰ μηροῦ, ### book 10.440 τῷ οἱ ἀποτμήξας κεφαλὴν οὖδάσδε πελάσσαι, ### book 10.441 καὶ πηῷ περ ἐόντι μάλα σχεδόν· ἀλλά μ’ ἑταῖροι ### book 10.442 μειλιχίοις’ ἐπέεσσιν ἐρήτυον ἄλλοθεν ἄλλος· ### book 10.443 ‘διογενές, τοῦτον μὲν ἐάσομεν, εἰ σὺ κελεύεις, ### book 10.444 αὐτοῦ πὰρ νηΐ τε μένειν καὶ νῆα ἔρυσθαι· ### book 10.445 ἡμῖν δ’ ἡγεμόνευ’ ἱερὰ πρὸς δώματα Κίρκης.‘ ### book 10.446 ὣς φάμενοι παρὰ νηὸς ἀνήϊον ἠδὲ θαλάσσης. ### book 10.447 οὐδὲ μὲν Εὐρύλοχος κοίλῃ παρὰ νηῒ λέλειπτο, ### book 10.448 ἀλλ’ ἔπετ’· ἔδδεισεν γὰρ ἐμὴν ἔκπαγλον ἐνιπήν. ### book 10.449 τόφρα δὲ τοὺς ἄλλους ἑτάρους ἐν δώμασι Κίρκη ### book 10.450 ἐνδυκέως λοῦσέν τε καὶ ἔχρισεν λίπ’ ἐλαίῳ, ### book 10.451 ἀμφὶ δ’ ἄρα χλαίνας οὔλας βάλεν ἠδὲ χιτῶνας· ### book 10.452 δαινυμένους δ’ εὖ πάντας ἐφεύρομεν ἐν μεγάροισιν. ### book 10.453 οἱ δ’ ἐπεὶ ἀλλήλους εἶδον φράσσαντό τ’ ἐσάντα, ### book 10.454 κλαῖον ὀδυρόμενοι, περὶ δὲ στεναχίζετο δῶμα. ### book 10.455 ἡ δέ μευ ἄγχι στᾶσα προσηύδα δῖα θεάων· ### book 10.456 [‘διογενὲς Λαερτιάδη, πολυμήχαν’ Ὀδυσσεῦ,] ### book 10.457 μηκέτι νῦν θαλερὸν γόον ὄρνυτε· οἶδα καὶ αὐτή, ### book 10.458 ἠμὲν ὅς’ ἐν πόντῳ πάθετ’ ἄλγεα ἰχθυόεντι, ### book 10.459 ἠδ’ ὅς’ ἀνάρσιοι ἄνδρες ἐδηλήσαντ’ ἐπὶ χέρσου. ### book 10.460 ἀλλ’ ἄγετ’ ἐσθίετε βρώμην καὶ πίνετε οἶνον, ### book 10.461 εἰς ὅ κεν αὖτις θυμὸν ἐνὶ στήθεσσι λάβητε, ### book 10.462 οἷον ὅτε πρώτιστον ἐλείπετε πατρίδα γαῖαν ### book 10.463 τρηχείης Ἰθάκης· νῦν δ’ ἀσκελέες καὶ ἄθυμοι, ### book 10.464 αἰὲν ἄλης χαλεπῆς μεμνημένοι· οὐδέ ποθ’ ὕμιν ### book 10.465 θυμὸς ἐν εὐφροσύνῃ, ἐπεὶ ἦ μάλα πολλὰ πέπασθε.‘ ### book 10.466 ὣς ἔφαθ’, ἡμῖν δ’ αὖτ’ ἐπεπείθετο θυμὸς ἀγήνωρ. ### book 10.467 ἔνθα μὲν ἤματα πάντα τελεσφόρον εἰς ἐνιαυτὸν ### book 10.468 ἥμεθα, δαινύμενοι κρέα τ’ ἄσπετα καὶ μέθυ ἡδύ· ### book 10.469 ἀλλ’ ὅτε δή ῥ’ ἐνιαυτὸς ἔην, περὶ δ’ ἔτραπον ὧραι, ### book 10.470 [μηνῶν φθινόντων, περὶ δ’ ἤματα μακρὰ τελέσθη,] ### book 10.471 καὶ τότε μ’ ἐκκαλέσαντες ἔφαν ἐρίηρες ἑταῖροι· ### book 10.472 ‘δαιμόνι’, ἤδη νῦν μιμνῄσκεο πατρίδος αἴης, ### book 10.473 εἴ τοι θέσφατόν ἐστι σαωθῆναι καὶ ἱκέσθαι ### book 10.474 οἶκον ἐϋκτίμενον καὶ σὴν ἐς πατρίδα γαῖαν.‘ ### book 10.475 [ὣς ἔφαν, αὐτὰρ ἐμοί γ’ ἐπεπείθετο θυμὸς ἀγήνωρ. ### book 10.476 ὣς τότε μὲν πρόπαν ἦμαρ ἐς ἠέλιον καταδύντα ### book 10.477 ἥμεθα, δαινύμενοι κρέα τ’ ἄσπετα καὶ μέθυ ἡδύ. ### book 10.478 ἦμος δ’ ἠέλιος κατέδυ καὶ ἐπὶ κνέφας ἦλθεν, ### book 10.479 οἱ μὲν κοιμήσαντο κατὰ μέγαρα σκιόεντα.] ### book 10.480 αὐτὰρ ἐγὼ Κίρκης ἐπιβὰς περικαλλέος εὐνῆς ### book 10.481 γούνων ἐλλιτάνευσα, θεὰ δέ μευ ἔκλυεν αὐδῆς, ### book 10.482 [καί μιν φωνήσας ἔπεα πτερόεντα προσηύδων·] ### book 10.483 ‘ὦ Κίρκη, τέλεσόν μοι ὑπόσχεσιν, ἥν περ ὑπέστης, ### book 10.484 οἴκαδε πεμψέμεναι· θυμὸς δέ μοι ἔσσυται ἤδη ### book 10.485 ἠδ’ ἄλλων ἑτάρων, οἵ μευ φθινύθουσι φίλον κῆρ ### book 10.486 ἀμφ’ ἔμ’ ὀδυρόμενοι, ὅτε που σύ γε νόσφι γένηαι.‘ ### book 10.487 ὣς ἐφάμην, ἡ δ’ αὐτίκ’ ἀμείβετο δῖα θεάων· ### book 10.488 ‘διογενὲς Λαερτιάδη, πολυμήχαν’ Ὀδυσσεῦ, ### book 10.489 μηκέτι νῦν ἀέκοντες ἐμῷ ἐνὶ μίμνετε οἴκῳ. ### book 10.490 ἀλλ’ ἄλλην χρὴ πρῶτον ὁδὸν τελέσαι καὶ ἱκέσθαι ### book 10.491 εἰς Ἀΐδαο δόμους καὶ ἐπαινῆς Περσεφονείης ### book 10.492 ψυχῇ χρησομένους Θηβαίου Τειρεσίαο, ### book 10.493 μάντιος ἀλαοῦ, τοῦ τε φρένες ἔμπεδοί εἰσι· ### book 10.494 τῷ καὶ τεθνηῶτι νόον πόρε Περσεφόνεια ### book 10.495 οἴῳ πεπνῦσθαι· τοὶ δὲ σκιαὶ ἀΐσσουσιν.‘ ### book 10.496 ὣς ἔφατ’, αὐτὰρ ἐμοί γε κατεκλάσθη φίλον ἦτορ· ### book 10.497 κλαῖον δ’ ἐν λεχέεσσι καθήμενος, οὐδέ νύ μοι κῆρ ### book 10.498 ἤθελ’ ἔτι ζώειν καὶ ὁρᾶν φάος ἠελίοιο. ### book 10.499 αὐτὰρ ἐπεὶ κλαίων τε κυλινδόμενός τε κορέσθην, ### book 10.500 καὶ τότε δή μιν ἔπεσσιν ἀμειβόμενος προσέειπον· ### book 10.501 ‘ὦ Κίρκη, τίς γὰρ ταύτην ὁδὸν ἡγεμονεύσει; ### book 10.502 εἰς Ἄϊδος δ’ οὔ πώ τις ἀφίκετο νηῒ μελαίνῃ.‘ ### book 10.503 ὣς ἐφάμην, ἡ δ’ αὐτίκ’ ἀμείβετο δῖα θεάων· ### book 10.504 [‘διογενὲς Λαερτιάδη, πολυμήχαν’ Ὀδυσσεῦ,] ### book 10.505 μή τί τοι ἡγεμόνος γε ποθὴ παρὰ νηῒ μελέσθω· ### book 10.506 ἱστὸν δὲ στήσας ἀνά θ’ ἱστία λευκὰ πετάσσας ### book 10.507 ἧσθαι· τὴν δέ κέ τοι πνοιὴ βορέαο φέρῃσιν. ### book 10.508 ἀλλ’ ὁπότ’ ἂν δὴ νηῒ δι’ Ὠκεανοῖο περήσῃς, ### book 10.509 ἔνθ’ ἀκτή τε λάχεια καὶ ἄλσεα Περσεφονείης ### book 10.510 μακραί τ’ αἴγειροι καὶ ἰτέαι ὠλεσίκαρποι, ### book 10.511 νῆα μὲν αὐτοῦ κέλσαι ἐπ’ Ὠκεανῷ βαθυδίνῃ, ### book 10.512 αὐτὸς δ’ εἰς Ἀΐδεω ἰέναι δόμον εὐρώεντα. ### book 10.513 ἔνθα μὲν εἰς Ἀχέροντα Πυριφλεγέθων τε ῥέουσι ### book 10.514 Κώκυτός θ’, ὃς δὴ Στυγὸς ὕδατός ἐστιν ἀπορρώξ, ### book 10.515 πέτρη τε ξύνεσίς τε δύω ποταμῶν ἐριδούπων· ### book 10.516 ἔνθα δ’ ἔπειθ’, ἥρως, χριμφθεὶς πέλας, ὥς σε κελεύω, ### book 10.517 βόθρον ὀρύξαι ὅσον τε πυγούσιον ἔνθα καὶ ἔνθα, ### book 10.518 ἀμφ’ αὐτῷ δὲ χοὴν χεῖσθαι πᾶσιν νεκύεσσι, ### book 10.519 πρῶτα μελικρήτῳ, μετέπειτα δὲ ἡδέϊ οἴνῳ, ### book 10.520 τὸ τρίτον αὖθ’ ὕδατι· ἐπὶ δ’ ἄλφιτα λευκὰ παλύνειν. ### book 10.521 πολλὰ δὲ γουνοῦσθαι νεκύων ἀμενηνὰ κάρηνα, ### book 10.522 ἐλθὼν εἰς Ἰθάκην στεῖραν βοῦν, ἥ τις ἀρίστη, ### book 10.523 ῥέξειν ἐν μεγάροισι πυρήν τ’ ἐμπλησέμεν ἐσθλῶν, ### book 10.524 Τειρεσίῃ δ’ ἀπάνευθεν ὄϊν ἱερευσέμεν οἴῳ ### book 10.525 παμμέλαν’, ὃς μήλοισι μεταπρέπει ὑμετέροισιν. ### book 10.526 αὐτὰρ ἐπὴν εὐχῇσι λίσῃ κλυτὰ ἔθνεα νεκρῶν, ### book 10.527 ἔνθ’ ὄϊν ἀρνειὸν ῥέζειν θῆλύν τε μέλαιναν ### book 10.528 εἰς Ἔρεβος στρέψας, αὐτὸς δ’ ἀπονόσφι τραπέσθαι ### book 10.529 ἱέμενος ποταμοῖο ῥοάων· ἔνθα δὲ πολλαὶ ### book 10.530 ψυχαὶ ἐλεύσονται νεκύων κατατεθνηώτων. ### book 10.531 δὴ τότ’ ἔπειθ’ ἑτάροισιν ἐποτρῦναι καὶ ἀνῶξαι ### book 10.532 μῆλα, τὰ δὴ κατάκειτ’ ἐσφαγμένα νηλέϊ χαλκῷ, ### book 10.533 δείραντας κατακῆαι, ἐπεύξασθαι δὲ θεοῖσιν, ### book 10.534 ἰφθίμῳ τ’ Ἀΐδῃ καὶ ἐπαινῇ Περσεφονείῃ· ### book 10.535 αὐτὸς δὲ ξίφος ὀξὺ ἐρυσσάμενος παρὰ μηροῦ ### book 10.536 ἧσθαι, μηδὲ ἐᾶν νεκύων ἀμενηνὰ κάρηνα ### book 10.537 αἵματος ἄσσον ἴμεν πρὶν Τειρεσίαο πυθέσθαι. ### book 10.538 ἔνθα τοι αὐτίκα μάντις ἐλεύσεται, ὄρχαμε λαῶν, ### book 10.539 ὅς κέν τοι εἴπῃσιν ὁδὸν καὶ μέτρα κελεύθου ### book 10.540 νόστον θ’, ὡς ἐπὶ πόντον ἐλεύσεαι ἰχθυόεντα.‘ ### book 10.541 ὣς ἔφατ’, αὐτίκα δὲ χρυσόθρονος ἤλυθεν Ἠώς. ### book 10.542 ἀμφὶ δέ με χλαῖνάν τε χιτῶνά τε εἵματα ἕσσεν· ### book 10.543 αὐτὴ δ’ ἀργύφεον φᾶρος μέγα ἕννυτο νύμφη, ### book 10.544 λεπτὸν καὶ χαρίεν, περὶ δὲ ζώνην βάλετ’ ἰξυῖ ### book 10.545 καλὴν χρυσείην, κεφαλῇ δ’ ἐπέθηκε καλύπτρην. ### book 10.546 αὐτὰρ ἐγὼ διὰ δώματ’ ἰὼν ὤτρυνον ἑταίρους ### book 10.547 μειλιχίοις’ ἐπέεσσι παρασταδὸν ἄνδρα ἕκαστον· ### book 10.548 ‘μηκέτι νῦν εὕδοντες ἀωτεῖτε γλυκὺν ὕπνον, ### book 10.549 ἀλλ’ ἴομεν· δὴ γάρ μοι ἐπέφραδε πότνια Κίρκη.‘ ### book 10.550 ὣς ἐφάμην, τοῖσιν δ’ ἐπεπείθετο θυμὸς ἀγήνωρ. ### book 10.551 οὐδὲ μὲν οὐδ’ ἔνθεν περ ἀπήμονας ἦγον ἑταίρους. ### book 10.552 Ἐλπήνωρ δέ τις ἔσκε νεώτατος, οὔτε τι λίην ### book 10.553 ἄλκιμος ἐν πολέμῳ οὔτε φρεσὶν ᾗσιν ἀρηρώς, ### book 10.554 ὅς μοι ἄνευθ’ ἑτάρων ἱεροῖς’ ἐν δώμασι Κίρκης, ### book 10.555 ψύχεος ἱμείρων, κατελέξατο οἰνοβαρείων· ### book 10.556 κινυμένων δ’ ἑτάρων ὅμαδον καὶ δοῦπον ἀκούσας ### book 10.557 ἐξαπίνης ἀνόρουσε καὶ ἐκλάθετο φρεσὶν ᾗσιν ### book 10.558 ἄψορρον καταβῆναι ἰὼν ἐς κλίμακα μακρήν, ### book 10.559 ἀλλὰ καταντικρὺ τέγεος πέσεν· ἐκ δέ οἱ αὐχὴν ### book 10.560 ἀστραγάλων ἐάγη, ψυχὴ δ’ Ἄϊδόσδε κατῆλθεν. ### book 10.561 ἐρχομένοισι δὲ τοῖσιν ἐγὼ μετὰ μῦθον ἔειπον· ### book 10.562 ‘φάσθε νύ που οἶκόνδε φίλην ἐς πατρίδα γαῖαν ### book 10.563 ἔρχεσθ’· ἄλλην δ’ ἧμιν ὁδὸν τεκμήρατο Κίρκη ### book 10.564 εἰς Ἀΐδαο δόμους καὶ ἐπαινῆς Περσεφονείης ### book 10.565 ψυχῇ χρησομένους θηβαίου Τειρεσίαο.‘ ### book 10.566 ὣς ἐφάμην, τοῖσιν δὲ κατεκλάσθη φίλον ἦτορ, ### book 10.567 ἑζόμενοι δὲ κατ’ αὖθι γόων τίλλοντό τε χαίτας· ### book 10.568 ἀλλ’ οὐ γάρ τις πρῆξις ἐγίνετο μυρομένοισιν. ### book 10.569 ἀλλ’ ὅτε δή ῥ’ ἐπὶ νῆα θοὴν καὶ θῖνα θαλάσσης ### book 10.570 ᾔομεν ἀχνύμενοι, θαλερὸν κατὰ δάκρυ χέοντες, ### book 10.571 τόφρα δ’ ἄρ’ οἰχομένη Κίρκη παρὰ νηῒ μελαίνῃ ### book 10.572 ἀρνειὸν κατέδησεν ὄϊν θῆλύν τε μέλαιναν, ### book 10.573 ῥεῖα παρεξελθοῦσα· τίς ἂν θεὸν οὐκ ἐθέλοντα ### book 10.574 ὀφθαλμοῖσιν ἴδοιτ’ ἢ ἔνθ’ ἢ ἔνθα κιόντα; ### book 11.1 Αὐτὰρ ἐπεί ῥ’ ἐπὶ νῆα κατήλθομεν ἠδὲ θάλασσαν, ### book 11.2 νῆα μὲν ἂρ πάμπρωτον ἐρύσσαμεν εἰς ἅλα δῖαν, ### book 11.3 ἐν δ’ ἱστὸν τιθέμεσθα καὶ ἱστία νηῒ μελαίνῃ, ### book 11.4 ἐν δὲ τὰ μῆλα λαβόντες ἐβήσαμεν, ἂν δὲ καὶ αὐτοὶ ### book 11.5 βαίνομεν ἀχνύμενοι, θαλερὸν κατὰ δάκρυ χέοντες. ### book 11.6 ἡμῖν δ’ αὖ κατόπισθε νεὸς κυανοπρῴροιο ### book 11.7 ἴκμενον οὖρον ἵει πλησίστιον, ἐσθλὸν ἑταῖρον, ### book 11.8 Κίρκη ἐϋπλόκαμος, δεινὴ θεὸς αὐδήεσσα. ### book 11.9 ἡμεῖς δ’ ὅπλα ἕκαστα πονησάμενοι κατὰ νῆα ### book 11.10 ἥμεθα· τὴν δ’ ἄνεμός τε κυβερνήτης τ’ ἴθυνε. ### book 11.11 τῆς δὲ πανημερίης τέταθ’ ἱστία ποντοπορούσης. ### book 11.12 δύσετό τ’ ἠέλιος σκιόωντό τε πᾶσαι ἀγυιαί· ### book 11.13 ἡ δ’ ἐς πείραθ’ ἵκανε βαθυρρόου Ὠκεανοῖο. ### book 11.14 ἔνθα δὲ Κιμμερίων ἀνδρῶν δῆμός τε πόλις τε, ### book 11.15 ἠέρι καὶ νεφέλῃ κεκαλυμμένοι· οὐδέ ποτ’ αὐτοὺς ### book 11.16 Ἠέλιος φαέθων καταδέρκεται ἀκτίνεσσιν, ### book 11.17 οὔθ’ ὁπότ’ ἂν στείχῃσι πρὸς οὐρανὸν ἀστερόεντα, ### book 11.18 οὔθ’ ὅτ’ ἂν ἂψ ἐπὶ γαῖαν ἀπ’ οὐρανόθεν προτράπηται, ### book 11.19 ἀλλ’ ἐπὶ νὺξ ὀλοὴ τέταται δειλοῖσι βροτοῖσι. ### book 11.20 νῆα μὲν ἔνθ’ ἐλθόντες ἐκέλσαμεν, ἐκ δὲ τὰ μῆλα ### book 11.21 εἱλόμεθ’· αὐτοὶ δ’ αὖτε παρὰ ῥόον Ὠκεανοῖο ### book 11.22 ᾔομεν, ὄφρ’ ἐς χῶρον ἀφικόμεθ’, ὃν φράσε Κίρκη. ### book 11.23 ἔνθ’ ἱερήϊα μὲν Περιμήδης Εὐρύλοχός τε ### book 11.24 ἔσχον· ἐγὼ δ’ ἄορ ὀξὺ ἐρυσσάμενος παρὰ μηροῦ ### book 11.25 βόθρον ὄρυξ’ ὅσσον τε πυγούσιον ἔνθα καὶ ἔνθα, ### book 11.26 ἀμφ’ αὐτῷ δὲ χοὴν χεόμην πᾶσιν νεκύεσσι, ### book 11.27 πρῶτα μελικρήτῳ, μετέπειτα δὲ ἡδέϊ οἴνῳ, ### book 11.28 τὸ τρίτον αὖθ’ ὕδατι· ἐπὶ δ’ ἄλφιτα λευκὰ πάλυνον. ### book 11.29 πολλὰ δὲ γουνούμην νεκύων ἀμενηνὰ κάρηνα, ### book 11.30 ἐλθὼν εἰς Ἰθάκην στεῖραν βοῦν, ἥ τις ἀρίστη, ### book 11.31 ῥέξειν ἐν μεγάροισι πυρήν τ’ ἐμπλησέμεν ἐσθλῶν, ### book 11.32 Τειρεσίῃ δ’ ἀπάνευθεν ὄϊν ἱερευσέμεν οἴῳ ### book 11.33 παμμέλαν’, ὃς μήλοισι μεταπρέπει ἡμετέροισι. ### book 11.34 τοὺς δ’ ἐπεὶ εὐχωλῇσι λιτῇσί τε, ἔθνεα νεκρῶν, ### book 11.35 ἐλλισάμην, τὰ δὲ μῆλα λαβὼν ἀπεδειροτόμησα ### book 11.36 ἐς βόθρον, ῥέε δ’ αἷμα κελαινεφές· αἱ δ’ ἀγέροντο ### book 11.37 ψυχαὶ ὑπὲξ Ἐρέβευς νεκύων κατατεθνηώτων· ### book 11.38 νύμφαι τ’ ἠΐθεοί τε πολύτλητοί τε γέροντες ### book 11.39 παρθενικαί τ’ ἀταλαὶ νεοπενθέα θυμὸν ἔχουσαι, ### book 11.40 πολλοὶ δ’ οὐτάμενοι χαλκήρεσιν ἐγχείῃσιν, ### book 11.41 ἄνδρες ἀρηΐφατοι, βεβροτωμένα τεύχε’ ἔχοντες· ### book 11.42 οἳ πολλοὶ περὶ βόθρον ἐφοίτων ἄλλοθεν ἄλλος ### book 11.43 θεσπεσίῃ ἰαχῇ· ἐμὲ δὲ χλωρὸν δέος ᾕρει. ### book 11.44 δὴ τότ’ ἔπειθ’ ἑτάροισιν ἐποτρύνας ἐκέλευσα ### book 11.45 μῆλα, τὰ δὴ κατέκειτ’ ἐσφαγμένα νηλέϊ χαλκῷ, ### book 11.46 δείραντας κατακῆαι, ἐπεύξασθαι δὲ θεοῖσιν, ### book 11.47 ἰφθίμῳ τ’ Ἀΐδῃ καὶ ἐπαινῇ Περσεφονείῃ· ### book 11.48 αὐτὸς δὲ ξίφος ὀξὺ ἐρυσσάμενος παρὰ μηροῦ ### book 11.49 ἥμην οὐδ’ εἴων νεκύων ἀμενηνὰ κάρηνα ### book 11.50 αἵματος ἄσσον ἴμεν πρὶν Τειρεσίαο πυθέσθαι. ### book 11.51 πρώτη δὲ ψυχὴ Ἐλπήνορος ἦλθεν ἑταίρου· ### book 11.52 οὐ γάρ πω ἐτέθαπτο ὑπὸ χθονὸς εὐρυοδείης· ### book 11.53 σῶμα γὰρ ἐν Κίρκης μεγάρῳ κατελείπομεν ἡμεῖς ### book 11.54 ἄκλαυτον καὶ ἄθαπτον, ἐπεὶ πόνος ἄλλος ἔπειγε. ### book 11.55 τὸν μὲν ἐγὼ δάκρυσα ἰδὼν ἐλέησά τε θυμῷ ### book 11.56 καί μιν φωνήσας ἔπεα πτερόεντα προσηύδων· ### book 11.57 ‘Ἐλπῆνορ, πῶς ἦλθες ὑπὸ ζόφον ἠερόεντα; ### book 11.58 ἔφθης πεζὸς ἰὼν ἢ ἐγὼ σὺν νηῒ μελαίνῃ.‘ ### book 11.59 ὣς ἐφάμην, ὁ δέ μ’ οἰμώξας ἠμείβετο μύθῳ· ### book 11.60 [‘διογενὲς Λαερτιάδη, πολυμήχαν’ Ὀδυσσεῦ,] ### book 11.61 ἆσέ με δαίμονος αἶσα κακὴ καὶ ἀθέσφατος οἶνος· ### book 11.62 Κίρκης δ’ ἐν μεγάρῳ καταλέγμενος οὐκ ἐνόησα ### book 11.63 ἄψορρον καταβῆναι ἰὼν ἐς κλίμακα μακρήν, ### book 11.64 ἀλλὰ καταντικρὺ τέγεος πέσον· ἐκ δέ μοι αὐχὴν ### book 11.65 ἀστραγάλων ἐάγη, ψυχὴ δ’ Ἄϊδόσδε κατῆλθε. ### book 11.66 νῦν δέ σε τῶν ὄπιθεν γουνάζομαι, οὐ παρεόντων, ### book 11.67 πρός τ’ ἀλόχου καὶ πατρός, ὅ ς’ ἔτρεφε τυτθὸν ἐόντα, ### book 11.68 Τηλεμάχου θ’, ὃν μοῦνον ἐνὶ μεγάροισιν ἔλειπες· ### book 11.69 οἶδα γὰρ ὡς ἐνθένδε κιὼν δόμου ἐξ Ἀΐδαο ### book 11.70 νῆσον ἐς Αἰαίην σχήσεις εὐεργέα νῆα· ### book 11.71 ἔνθα ς’ ἔπειτα, ἄναξ, κέλομαι μνήσασθαι ἐμεῖο. ### book 11.72 μή μ’ ἄκλαυτον ἄθαπτον ἰὼν ὄπιθεν καταλείπειν ### book 11.73 νοσφισθείς, μή τοί τι θεῶν μήνιμα γένωμαι, ### book 11.74 ἀλλά με κακκῆαι σὺν τεύχεσιν, ἅσσα μοί ἐστι, ### book 11.75 σῆμά τέ μοι χεῦαι πολιῆς ἐπὶ θινὶ θαλάσσης, ### book 11.76 ἀνδρὸς δυστήνοιο, καὶ ἐσσομένοισι πυθέσθαι· ### book 11.77 ταῦτά τέ μοι τελέσαι πῆξαί τ’ ἐπὶ τύμβῳ ἐρετμόν, ### book 11.78 τῷ καὶ ζωὸς ἔρεσσον ἐὼν μετ’ ἐμοῖς’ ἑτάροισιν.‘ ### book 11.79 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 11.80 ‘ταῦτά τοι, ὦ δύστηνε, τελευτήσω τε καὶ ἕρξω.‘ ### book 11.81 νῶϊ μὲν ὣς ἐπέεσσιν ἀμειβομένω στυγεροῖσιν ### book 11.82 ἥμεθ’, ἐγὼ μὲν ἄνευθεν ἐφ’ αἵματι φάσγανον ἴσχων, ### book 11.83 εἴδωλον δ’ ἑτέρωθεν ἑταίρου πόλλ’ ἀγόρευεν. ### book 11.84 ἦλθε δ’ ἐπὶ ψυχὴ μητρὸς κατατεθνηυίης, ### book 11.85 Αὐτολύκου θυγάτηρ μεγαλήτορος Ἀντίκλεια, ### book 11.86 τὴν ζωὴν κατέλειπον ἰὼν εἰς Ἴλιον ἱρήν. ### book 11.87 τὴν μὲν ἐγὼ δάκρυσα ἰδὼν ἐλέησά τε θυμῷ· ### book 11.88 ἀλλ’ οὐδ’ ὧς εἴων προτέρην, πυκινόν περ ἀχεύων, ### book 11.89 αἵματος ἄσσον ἴμεν πρὶν Τειρεσίαο πυθέσθαι. ### book 11.90 ἦλθε δ’ ἐπὶ ψυχὴ Θηβαίου Τειρεσίαο, ### book 11.91 χρύσεον σκῆπτρον ἔχων, ἐμὲ δ’ ἔγνω καὶ προσέειπε· ### book 11.92 [‘διογενὲς Λαερτιάδη, πολυμήχαν’ Ὀδυσσεῦ,] ### book 11.93 τίπτ’ αὖτ’, ὦ δύστηνε, λιπὼν φάος ἠελίοιο ### book 11.94 ἤλυθες, ὄφρα ἴδῃ νέκυας καὶ ἀτερπέα χῶρον; ### book 11.95 ἀλλ’ ἀποχάζεο βόθρου, ἄπισχε δὲ φάσγανον ὀξύ, ### book 11.96 αἵματος ὄφρα πίω καί τοι νημερτέα εἴπω.‘ ### book 11.97 ὣς φάτ’, ἐγὼ δ’ ἀναχασσάμενος ξίφος ἀργυρόηλον ### book 11.98 κουλεῷ ἐγκατέπηξ’. ὁ δ’ ἐπεὶ πίεν αἷμα κελαινόν, ### book 11.99 καὶ τότε δή μ’ ἐπέεσσι προσηύδα μάντις ἀμύμων· ### book 11.100 ‘νόστον δίζηαι μελιηδέα, φαίδιμ’ Ὀδυσσεῦ· ### book 11.101 τὸν δέ τοι ἀργαλέον θήσει θεός. οὐ γὰρ ὀΐω ### book 11.102 λήσειν ἐννοσίγαιον, ὅ τοι κότον ἔνθετο θυμῷ, ### book 11.103 χωόμενος ὅτι οἱ υἱὸν φίλον ἐξαλάωσας. ### book 11.104 ἀλλ’ ἔτι μέν κε καὶ ὧς, κακά περ πάσχοντες, ἵκοισθε, ### book 11.105 αἴ κ’ ἐθέλῃς σὸν θυμὸν ἐρυκακέειν καὶ ἑταίρων, ### book 11.106 ὁππότε κεν πρῶτον πελάσῃς εὐεργέα νῆα ### book 11.107 Θρινακίῃ νήσῳ, προφυγὼν ἰοειδέα πόντον, ### book 11.108 βοσκομένας δ’ εὕρητε βόας καὶ ἴφια μῆλα ### book 11.109 Ἠελίου, ὃς πάντ’ ἐφορᾷ καὶ πάντ’ ἐπακούει. ### book 11.110 τὰς εἰ μέν κ’ ἀσινέας ἐάᾳς νόστου τε μέδηαι, ### book 11.111 καί κεν ἔτ’ εἰς Ἰθάκην, κακά περ πάσχοντες, ἵκοισθε· ### book 11.112 εἰ δέ κε σίνηαι, τότε τοι τεκμαίρομ’ ὄλεθρον ### book 11.113 νηΐ τε καὶ ἑτάροις’. αὐτὸς δ’ εἴ πέρ κεν ἀλύξῃς, ### book 11.114 ὀψὲ κακῶς νεῖαι, ὀλέσας ἄπο πάντας ἑταίρους, ### book 11.115 νηὸς ἐπ’ ἀλλοτρίης· δήεις δ’ ἐν πήματα οἴκῳ, ### book 11.116 ἄνδρας ὑπερφιάλους, οἵ τοι βίοτον κατέδουσι ### book 11.117 μνώμενοι ἀντιθέην ἄλοχον καὶ ἕδνα διδόντες. ### book 11.118 ἀλλ’ ἦ τοι κείνων γε βίας ἀποτείσεαι ἐλθών· ### book 11.119 αὐτὰρ ἐπὴν μνηστῆρας ἐνὶ μεγάροισι τεοῖσι ### book 11.120 κτείνῃς ἠὲ δόλῳ ἢ ἀμφαδὸν ὀξέϊ χαλκῷ, ### book 11.121 ἔρχεσθαι δὴ ἔπειτα, λαβὼν εὐῆρες ἐρετμόν, ### book 11.122 εἰς ὅ κε τοὺς ἀφίκηαι, οἳ οὐκ ἴσασι θάλασσαν ### book 11.123 ἀνέρες οὐδέ θ’ ἅλεσσι μεμιγμένον εἶδαρ ἔδουσιν· ### book 11.124 οὐδ’ ἄρα τοὶ ἴσασι νέας φοινικοπαρῄους, ### book 11.125 οὐδ’ εὐήρε’ ἐρετμά, τά τε πτερὰ νηυσὶ πέλονται. ### book 11.126 σῆμα δέ τοι ἐρέω μάλ’ ἀριφραδές, οὐδέ σε λήσει· ### book 11.127 ὁππότε κεν δή τοι ξυμβλήμενος ἄλλος ὁδίτης ### book 11.128 φήῃ ἀθηρηλοιγὸν ἔχειν ἀνὰ φαιδίμῳ ὤμῳ, ### book 11.129 καὶ τότε δὴ γαίῃ πήξας εὐῆρες ἐρετμόν, ### book 11.130 ἕρξας ἱερὰ καλὰ Ποσειδάωνι ἄνακτι, ### book 11.131 ἀρνειὸν ταῦρόν τε συῶν τ’ ἐπιβήτορα κάπρον, ### book 11.132 οἴκαδ’ ἀποστείχειν ἕρδειν θ’ ἱερὰς ἑκατόμβας ### book 11.133 ἀθανάτοισι θεοῖσι, τοὶ οὐρανὸν εὐρὺν ἔχουσι, ### book 11.134 πᾶσι μάλ’ ἑξείης. θάνατος δέ τοι ἐξ ἁλὸς αὐτῷ ### book 11.135 ἀβληχρὸς μάλα τοῖος ἐλεύσεται, ὅς κέ σε πέφνῃ ### book 11.136 γήρᾳ ὕπο λιπαρῷ ἀρημένον· ἀμφὶ δὲ λαοὶ ### book 11.137 ὄλβιοι ἔσσονται. τὰ δέ τοι νημερτέα εἴρω.‘ ### book 11.138 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 11.139 ‘Τειρεσίη, τὰ μὲν ἄρ που ἐπέκλωσαν θεοὶ αὐτοί. ### book 11.140 ἀλλ’ ἄγε μοι τόδε εἰπὲ καὶ ἀτρεκέως κατάλεξον· ### book 11.141 μητρὸς τήνδ’ ὁρόω ψυχὴν κατατεθνηυίης· ### book 11.142 ἡ δ’ ἀκέους’ ἧσται σχεδὸν αἵματος οὐδ’ ἑὸν υἱὸν ### book 11.143 ἔτλη ἐσάντα ἰδεῖν οὐδὲ προτιμυθήσασθαι· ### book 11.144 εἰπέ, ἄναξ, πῶς κέν με ἀναγνοίη τὸν ἐόντα;‘ ### book 11.145 ὣς ἐφάμην, ὁ δέ μ’ αὐτίκ’ ἀμειβόμενος προσέειπε· ### book 11.146 ‘ῥηΐδιόν τοι ἔπος ἐρέω καὶ ἐνὶ φρεσὶ θήσω· ### book 11.147 ὅν τινα μέν κεν ἐᾷς νεκύων κατατεθνηώτων ### book 11.148 αἵματος ἄσσον ἴμεν, ὁ δέ τοι νημερτὲς ἐνίψει· ### book 11.149 ᾧ δέ κ’ ἐπιφθονέῃς, ὁ δέ τοι πάλιν εἶσιν ὀπίσσω.‘ ### book 11.150 ὣς φαμένη ψυχὴ μὲν ἔβη δόμον Ἄϊδος εἴσω ### book 11.151 Τειρεσίαο ἄνακτος, ἐπεὶ κατὰ θέσφατ’ ἔλεξεν· ### book 11.152 αὐτὰρ ἐγὼν αὐτοῦ μένον ἔμπεδον, ὄφρ’ ἐπὶ μήτηρ ### book 11.153 ἤλυθε καὶ πίεν αἷμα κελαινεφές· αὐτίκα δ’ ἔγνω ### book 11.154 καί μ’ ὀλοφυρομένη ἔπεα πτερόεντα προσηύδα· ### book 11.155 ‘τέκνον ἐμόν, πῶς ἦλθες ὑπὸ ζόφον ἠερόεντα ### book 11.156 ζωὸς ἐών; χαλεπὸν δὲ τάδε ζωοῖσιν ὁρᾶσθαι. ### book 11.157 μέσσῳ γὰρ μεγάλοι ποταμοὶ καὶ δεινὰ ῥέεθρα, ### book 11.158 Ὠκεανὸς μὲν πρῶτα, τὸν οὔ πως ἔστι περῆσαι ### book 11.159 πεζὸν ἐόντ’, ἢν μή τις ἔχῃ εὐεργέα νῆα. ### book 11.160 ἦ νῦν δὴ Τροίηθεν ἀλώμενος ἐνθάδ’ ἱκάνεις ### book 11.161 νηΐ τε καὶ ἑτάροισι πολὺν χρόνον; οὐδέ πω ἦλθες ### book 11.162 εἰς Ἰθάκην οὐδ’ εἶδες ἐνὶ μεγάροισι γυναῖκα;‘ ### book 11.163 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 11.164 ‘μῆτερ ἐμή, χρειώ με κατήγαγεν εἰς Ἀΐδαο ### book 11.165 ψυχῇ χρησόμενον Θηβαίου Τειρεσίαο· ### book 11.166 οὐ γάρ πω σχεδὸν ἦλθον Ἀχαιΐδος οὐδέ πω ἁμῆς ### book 11.167 γῆς ἐπέβην, ἀλλ’ αἰὲν ἔχων ἀλάλημαι ὀϊζύν, ### book 11.168 ἐξ οὗ τὰ πρώτισθ’ ἑπόμην Ἀγαμέμνονι δίῳ ### book 11.169 Ἴλιον εἰς εὔπωλον, ἵνα Τρώεσσι μαχοίμην. ### book 11.170 ἀλλ’ ἄγε μοι τόδε εἰπὲ καὶ ἀτρεκέως κατάλεξον· ### book 11.171 τίς νύ σε κὴρ ἐδάμασσε τανηλεγέος θανάτοιο; ### book 11.172 ἢ δολιχὴ νοῦσος, ἦ Ἄρτεμις ἰοχέαιρα ### book 11.173 οἷς’ ἀγανοῖσι βέλεσσιν ἐποιχομένη κατέπεφνεν; ### book 11.174 εἰπὲ δέ μοι πατρός τε καὶ υἱέος, ὃν κατέλειπον, ### book 11.175 ἢ ἔτι πὰρ κείνοισιν ἐμὸν γέρας, ἦέ τις ἤδη ### book 11.176 ἀνδρῶν ἄλλος ἔχει, ἐμὲ δ’ οὐκέτι φασὶ νέεσθαι. ### book 11.177 εἰπὲ δέ μοι μνηστῆς ἀλόχου βουλήν τε νόον τε, ### book 11.178 ἠὲ μένει παρὰ παιδὶ καὶ ἔμπεδα πάντα φυλάσσει, ### book 11.179 ἦ ἤδη μιν ἔγημεν Ἀχαιῶν ὅς τις ἄριστος.‘ ### book 11.180 ὣς ἐφάμην, ἡ δ’ αὐτίκ’ ἀμείβετο πότνια μήτηρ· ### book 11.181 ‘καὶ λίην κείνη γε μένει τετληότι θυμῷ ### book 11.182 σοῖσιν ἐνὶ μεγάροισιν· ὀϊζυραὶ δέ οἱ αἰεὶ ### book 11.183 φθίνουσιν νύκτες τε καὶ ἤματα δάκρυ χεούσῃ. ### book 11.184 σὸν δ’ οὔ πώ τις ἔχει καλὸν γέρας, ἀλλὰ ἕκηλος ### book 11.185 Τηλέμαχος τεμένεα νέμεται καὶ δαῖτας ἐΐσας ### book 11.186 δαίνυται, ἃς ἐπέοικε δικασπόλον ἄνδρ’ ἀλεγύνειν· ### book 11.187 πάντες γὰρ καλέουσι. πατὴρ δὲ σὸς αὐτόθι μίμνει ### book 11.188 ἀγρῷ οὐδὲ πόλινδε κατέρχεται· οὐδέ οἱ εὐναὶ ### book 11.189 δέμνια καὶ χλαῖναι καὶ ῥήγεα σιγαλόεντα, ### book 11.190 ἀλλ’ ὅ γε χεῖμα μὲν εὕδει ὅθι δμῶες ἐνὶ οἴκῳ, ### book 11.191 ἐν κόνι ἄγχι πυρός, κακὰ δὲ χροῒ εἵματα εἷται· ### book 11.192 αὐτὰρ ἐπὴν ἔλθῃσι θέρος τεθαλυῖά τ’ ὀπώρη, ### book 11.193 πάντῃ οἱ κατὰ γουνὸν ἀλῳῆς οἰνοπέδοιο ### book 11.194 φύλλων κεκλιμένων χθαμαλαὶ βεβλήαται εὐναί. ### book 11.195 ἔνθ’ ὅ γε κεῖτ’ ἀχέων, μέγα δὲ φρεσὶ πένθος ἀέξει ### book 11.196 σὸν νόστον ποθέων· χαλεπὸν δ’ ἐπὶ γῆρας ἱκάνει. ### book 11.197 οὕτω γὰρ καὶ ἐγὼν ὀλόμην καὶ πότμον ἐπέσπον· ### book 11.198 οὔτ’ ἐμέ γ’ ἐν μεγάροισιν ἐΰσκοπος ἰοχέαιρα ### book 11.199 οἷς’ ἀγανοῖσι βέλεσσιν ἐποιχομένη κατέπεφνεν, ### book 11.200 οὔτε τις οὖν μοι νοῦσος ἐπήλυθεν, ἥ τε μάλιστα ### book 11.201 τηκεδόνι στυγερῇ μελέων ἐξείλετο θυμόν· ### book 11.202 ἀλλά με σός τε πόθος σά τε μήδεα, φαίδιμ’ Ὀδυσσεῦ, ### book 11.203 σή τ’ ἀγανοφροσύνη μελιηδέα θυμὸν ἀπηύρα.‘ ### book 11.204 ὣς ἔφατ’, αὐτὰρ ἐγώ γ’ ἔθελον φρεσὶ μερμηρίξας ### book 11.205 μητρὸς ἐμῆς ψυχὴν ἑλέειν κατατεθνηυίης. ### book 11.206 τρὶς μὲν ἐφωρμήθην, ἑλέειν τέ με θυμὸς ἀνώγει, ### book 11.207 τρὶς δέ μοι ἐκ χειρῶν σκιῇ εἴκελον ἢ καὶ ὀνείρῳ ### book 11.208 ἔπτατ’· ἐμοὶ δ’ ἄχος ὀξὺ γενέσκετο κηρόθι μᾶλλον, ### book 11.209 καί μιν φωνήσας ἔπεα πτερόεντα προσηύδων· ### book 11.210 ‘μῆτερ ἐμή, τί νύ μ’ οὐ μίμνεις ἑλέειν μεμαῶτα, ### book 11.211 ὄφρα καὶ εἰν Ἀΐδαο φίλας περὶ χεῖρε βαλόντε ### book 11.212 ἀμφοτέρω κρυεροῖο τεταρπώμεσθα γόοιο; ### book 11.213 ἦ τί μοι εἴδωλον τόδ’ ἀγαυὴ Περσεφόνεια ### book 11.214 ὤτρυν’, ὄφρ’ ἔτι μᾶλλον ὀδυρόμενος στεναχίζω;‘ ### book 11.215 ὣς ἐφάμην, ἡ δ’ αὐτίκ’ ἀμείβετο πότνια μήτηρ· ### book 11.216 ‘ὤ μοι, τέκνον ἐμόν, περὶ πάντων κάμμορε φωτῶν, ### book 11.217 οὔ τί σε Περσεφόνεια Διὸς θυγάτηρ ἀπαφίσκει, ### book 11.218 ἀλλ’ αὕτη δίκη ἐστὶ βροτῶν, ὅτε τίς κε θάνῃσιν. ### book 11.219 οὐ γὰρ ἔτι σάρκας τε καὶ ὀστέα ἶνες ἔχουσιν, ### book 11.220 ἀλλὰ τὰ μέν τε πυρὸς κρατερὸν μένος αἰθομένοιο ### book 11.221 δαμνᾷ, ἐπεί κε πρῶτα λίπῃ λεύκ’ ὀστέα θυμός, ### book 11.222 ψυχὴ δ’ ἠΰτ’ ὄνειρος ἀποπταμένη πεπότηται. ### book 11.223 ἀλλὰ φόωσδε τάχιστα λιλαίεο· ταῦτα δὲ πάντα ### book 11.224 ἴσθ’, ἵνα καὶ μετόπισθε τεῇ εἴπῃσθα γυναικί.‘ ### book 11.225 νῶϊ μὲν ὣς ἐπέεσσιν ἀμειβόμεθ’, αἱ δὲ γυναῖκες ### book 11.226 ἤλυθον, ὤτρυνεν γὰρ ἀγαυὴ Περσεφόνεια, ### book 11.227 ὅσσαι ἀριστήων ἄλοχοι ἔσαν ἠδὲ θύγατρες. ### book 11.228 αἱ δ’ ἀμφ’ αἷμα κελαινὸν ἀολλέες ἠγερέθοντο, ### book 11.229 αὐτὰρ ἐγὼ βούλευον, ὅπως ἐρέοιμι ἑκάστην. ### book 11.230 ἥδε δέ μοι κατὰ θυμὸν ἀρίστη φαίνετο βουλή· ### book 11.231 σπασσάμενος τανύηκες ἄορ παχέος παρὰ μηροῦ ### book 11.232 οὐκ εἴων πίνειν ἅμα πάσας αἷμα κελαινόν. ### book 11.233 αἱ δὲ προμνηστῖναι ἐπήϊσαν, ἠδὲ ἑκάστη ### book 11.234 ὃν γόνον ἐξαγόρευεν· ἐγὼ δ’ ἐρέεινον ἁπάσας. ### book 11.235 ἔνθ’ ἦ τοι πρώτην Τυρὼ ἴδον εὐπατέρειαν, ### book 11.236 ἣ φάτο Σαλμωνῆος ἀμύμονος ἔκγονος εἶναι, ### book 11.237 φῆ δὲ Κρηθῆος γυνὴ ἔμμεναι Αἰολίδαο· ### book 11.238 ἣ ποταμοῦ ἠράσσατ’ Ἐνιπῆος θείοιο, ### book 11.239 ὃς πολὺ κάλλιστος ποταμῶν ἐπὶ γαῖαν ἵησι, ### book 11.240 καί ῥ’ ἐπ’ Ἐνιπῆος πωλέσκετο καλὰ ῥέεθρα. ### book 11.241 τῷ δ’ ἄρα εἰσάμενος γαιήοχος ἐννοσίγαιος ### book 11.242 ἐν προχοῇς ποταμοῦ παρελέξατο δινήεντος· ### book 11.243 πορφύρεον δ’ ἄρα κῦμα περιστάθη οὔρεϊ ἶσον, ### book 11.244 κυρτωθέν, κρύψεν δὲ θεὸν θνητήν τε γυναῖκα. ### book 11.245 [λῦσε δὲ παρθενίην ζώνην, κατὰ δ’ ὕπνον ἔχευεν.] ### book 11.246 αὐτὰρ ἐπεί ῥ’ ἐτέλεσσε θεὸς φιλοτήσια ἔργα, ### book 11.247 ἔν τ’ ἄρα οἱ φῦ χειρὶ ἔπος τ’ ἔφατ’ ἔκ τ’ ὀνόμαζε· ### book 11.248 ‘χαῖρε, γύναι, φιλότητι· περιπλομένου δ’ ἐνιαυτοῦ ### book 11.249 τέξεαι ἀγλαὰ τέκνα, ἐπεὶ οὐκ ἀποφώλιοι εὐναὶ ### book 11.250 ἀθανάτων· σὺ δὲ τοὺς κομέειν ἀτιταλλέμεναί τε. ### book 11.251 νῦν δ’ ἔρχευ πρὸς δῶμα καὶ ἴσχεο μηδ’ ὀνομήνῃς· ### book 11.252 αὐτὰρ ἐγώ τοί εἰμι Ποσειδάων ἐνοσίχθων.‘ ### book 11.253 ὣς εἰπὼν ὑπὸ πόντον ἐδύσετο κυμαίνοντα. ### book 11.254 ἡ δ’ ὑποκυσαμένη Πελίην τέκε καὶ Νηλῆα, ### book 11.255 τὼ κρατερὼ θεράποντε Διὸς μεγάλοιο γενέσθην ### book 11.256 ἀμφοτέρω· Πελίης μὲν ἐν εὐρυχόρῳ Ἰαολκῷ ### book 11.257 ναῖε πολύρρηνος, ὁ δ’ ἄρ’ ἐν Πύλῳ ἠμαθόεντι. ### book 11.258 τοὺς δ’ ἑτέρους Κρηθῆϊ τέκεν βασίλεια γυναικῶν, ### book 11.259 Αἴσονά τ’ ἠδὲ Φέρητ’ Ἀμυθάονά θ’ ἱππιοχάρμην. ### book 11.260 τὴν δὲ μέτ’ Ἀντιόπην ἴδον, Ἀσωποῖο θύγατρα, ### book 11.261 ἣ δὴ καὶ Διὸς εὔχετ’ ἐν ἀγκοίνῃσιν ἰαῦσαι, ### book 11.262 καί ῥ’ ἔτεκεν δύο παῖδ’, Ἀμφίονά τε Ζῆθόν τε, ### book 11.263 οἳ πρῶτοι Θήβης ἕδος ἔκτισαν ἑπταπύλοιο ### book 11.264 πύργωσάν τ’, ἐπεὶ οὐ μὲν ἀπύργωτόν γ’ ἐδύναντο ### book 11.265 ναιέμεν εὐρύχορον Θήβην, κρατερώ περ ἐόντε. ### book 11.266 τὴν δὲ μετ’ Ἀλκμήνην ἴδον, Ἀμφιτρύωνος ἄκοιτιν, ### book 11.267 ἥ ῥ’ Ἡρακλῆα θρασυμέμνονα θυμολέοντα ### book 11.268 γείνατ’ ἐν ἀγκοίνῃσι Διὸς μεγάλοιο μιγεῖσα· ### book 11.269 καὶ Μεγάρην, Κρείοντος ὑπερθύμοιο θύγατρα, ### book 11.270 τὴν ἔχεν Ἀμφιτρύωνος υἱὸς μένος αἰὲν ἀτειρής. ### book 11.271 μητέρα τ’ Οἰδιπόδαο ἴδον, καλὴν Ἐπικάστην, ### book 11.272 ἣ μέγα ἔργον ἔρεξεν ἀϊδρείῃσι νόοιο ### book 11.273 γημαμένη ᾧ υἷϊ· ὁ δ’ ὃν πατέρ’ ἐξεναρίξας ### book 11.274 γῆμεν· ἄφαρ δ’ ἀνάπυστα θεοὶ θέσαν ἀνθρώποισιν. ### book 11.275 ἀλλ’ ὁ μὲν ἐν Θήβῃ πολυηράτῳ ἄλγεα πάσχων ### book 11.276 Καδμείων ἤνασσε θεῶν ὀλοὰς διὰ βουλάς· ### book 11.277 ἡ δ’ ἔβη εἰς Ἀΐδαο πυλάρταο κρατεροῖο, ### book 11.278 ἁψαμένη βρόχον αἰπὺν ἀφ’ ὑψηλοῖο μελάθρου ### book 11.279 ᾧ ἄχεϊ σχομένη· τῷ δ’ ἄλγεα κάλλιπ’ ὀπίσσω ### book 11.280 πολλὰ μάλ’, ὅσσα τε μητρὸς ἐρινύες ἐκτελέουσι. ### book 11.281 καὶ Χλῶριν εἶδον περικαλλέα, τήν ποτε Νηλεὺς ### book 11.282 γῆμεν ἑὸν διὰ κάλλος, ἐπεὶ πόρε μυρία ἕδνα, ### book 11.283 ὁπλοτάτην κούρην Ἀμφίονος Ἰασίδαο, ### book 11.284 ὅς ποτ’ ἐν Ὀρχομενῷ Μινυηΐῳ ἶφι ἄνασσεν· ### book 11.285 ἡ δὲ Πύλου βασίλευε, τέκεν δέ οἱ ἀγλαὰ τέκνα, ### book 11.286 Νέστορά τε Χρομίον τε Περικλύμενόν τ’ ἀγέρωχον. ### book 11.287 τοῖσι δ’ ἐπ’ ἰφθίμην Πηρὼ τέκε, θαῦμα βροτοῖσι, ### book 11.288 τὴν πάντες μνώοντο περικτίται· οὐδέ τι Νηλεὺς ### book 11.289 τῷ ἐδίδου, ὃς μὴ ἕλικας βόας εὐρυμετώπους ### book 11.290 ἐκ Φυλάκης ἐλάσειε βίης Ἰφικληείης ### book 11.291 ἀργαλέας. τὰς δ’ οἶος ὑπέσχετο μάντις ἀμύμων ### book 11.292 ἐξελάαν· χαλεπὴ δὲ θεοῦ κατὰ μοῖρα πέδησε ### book 11.293 δεσμοί τ’ ἀργαλέοι καὶ βουκόλοι ἀγροιῶται. ### book 11.294 ἀλλ’ ὅτε δὴ μῆνές τε καὶ ἡμέραι ἐξετελεῦντο ### book 11.295 ἂψ περιτελλομένου ἔτεος καὶ ἐπήλυθον ὧραι, ### book 11.296 καὶ τότε δή μιν ἔλυσε βίη Ἰφικληείη ### book 11.297 θέσφατα πάντ’ εἰπόντα· Διὸς δ’ ἐτελείετο βουλή. ### book 11.298 καὶ Λήδην εἶδον, τὴν Τυνδαρέου παράκοιτιν, ### book 11.299 ἥ ῥ’ ὑπὸ Τυνδαρέῳ κρατερόφρονε γείνατο παῖδε, ### book 11.300 Κάστορά θ’ ἱππόδαμον καὶ πὺξ ἀγαθὸν Πολυδεύκεα, ### book 11.301 τοὺς ἄμφω ζωοὺς κατέχει φυσίζοος αἶα· ### book 11.302 οἳ καὶ νέρθεν γῆς τιμὴν πρὸς Ζηνὸς ἔχοντες ### book 11.303 ἄλλοτε μὲν ζώους’ ἑτερήμεροι, ἄλλοτε δ’ αὖτε ### book 11.304 τεθνᾶσιν· τιμὴν δὲ λελόγχασιν ἶσα θεοῖσι. ### book 11.305 τὴν δὲ μέτ’ Ἰφιμέδειαν, Ἀλωῆος παράκοιτιν, ### book 11.306 εἴσιδον, ἣ δὴ φάσκε Ποσειδάωνι μιγῆναι, ### book 11.307 καί ῥ’ ἔτεκεν δύο παῖδε, μινυνθαδίω δὲ γενέσθην, ### book 11.308 Ὦτόν τ’ ἀντίθεον τηλεκλειτόν τ’ Ἐφιάλτην, ### book 11.309 οὓς δὴ μηκίστους θρέψε ζείδωρος ἄρουρα ### book 11.310 καὶ πολὺ καλλίστους μετά γε κλυτὸν Ὠρίωνα· ### book 11.311 ἐννέωροι γὰρ τοί γε καὶ ἐννεαπήχεες ἦσαν ### book 11.312 εὖρος, ἀτὰρ μῆκός γε γενέσθην ἐννεόργυιοι. ### book 11.313 οἵ ῥα καὶ ἀθανάτοισιν ἀπειλήτην ἐν Ὀλύμπῳ ### book 11.314 φυλόπιδα στήσειν πολυάϊκος πολέμοιο. ### book 11.315 Ὄσσαν ἐπ’ Οὐλύμπῳ μέμασαν θέμεν, αὐτὰρ ἐπ’ Ὄσσῃ ### book 11.316 Πήλιον εἰνοσίφυλλον, ἵν’ οὐρανὸς ἀμβατὸς εἴη. ### book 11.317 καί νύ κεν ἐξετέλεσσαν, εἰ ἥβης μέτρον ἵκοντο· ### book 11.318 ἀλλ’ ὄλεσεν Διὸς υἱός, ὃν ἠύκομος τέκε Λητώ, ### book 11.319 ἀμφοτέρω, πρίν σφωϊν ὑπὸ κροτάφοισιν ἰούλους ### book 11.320 ἀνθῆσαι πυκάσαι τε γένυς εὐανθέϊ λάχνῃ. ### book 11.321 Φαίδρην τε Πρόκριν τε ἴδον καλήν τ’ Ἀριάδνην, ### book 11.322 κούρην Μίνωος ὀλοόφρονος, ἥν ποτε Θησεὺς ### book 11.323 ἐκ Κρήτης ἐς γουνὸν Ἀθηνάων ἱεράων ### book 11.324 ἦγε μέν, οὐδ’ ἀπόνητο· πάρος δέ μιν Ἄρτεμις ἔκτα ### book 11.325 Δίῃ ἐν ἀμφιρύτῃ Διονύσου μαρτυρίῃσι. ### book 11.326 Μαῖράν τε κλυμένην τε ἴδον στυγερήν τ’ Ἐριφύλην, ### book 11.327 ἣ χρυσὸν φίλου ἀνδρὸς ἐδέξατο τιμήεντα. ### book 11.328 πάσας δ’ οὐκ ἂν ἐγὼ μυθήσομαι οὐδ’ ὀνομήνω, ### book 11.329 ὅσσας ἡρώων ἀλόχους ἴδον ἠδὲ θύγατρας· ### book 11.330 πρὶν γάρ κεν καὶ νὺξ φθῖτ’ ἄμβροτος. ἀλλὰ καὶ ὥρη ### book 11.331 εὕδειν, ἢ ἐπὶ νῆα θοὴν ἐλθόντ’ ἐς ἑταίρους ### book 11.332 ἢ αὐτοῦ· πομπὴ δὲ θεοῖς’ ὑμῖν τε μελήσει.” ### book 11.333 ὣς ἔφαθ’, οἱ δ’ ἄρα πάντες ἀκὴν ἐγένοντο σιωπῇ, ### book 11.334 κηληθμῷ δ’ ἔσχοντο κατὰ μέγαρα σκιόεντα. ### book 11.335 τοῖσιν δ’ Ἀρήτη λευκώλενος ἤρχετο μύθων· ### book 11.336 “Φαίηκες, πῶς ὔμμιν ἀνὴρ ὅδε φαίνεται εἶναι ### book 11.337 εἶδός τε μέγεθός τε ἰδὲ φρένας ἔνδον ἐΐσας; ### book 11.338 ξεῖνος δ’ αὖτ’ ἐμός ἐστιν, ἕκαστος δ’ ἔμμορε τιμῆς. ### book 11.339 τῶ μὴ ἐπειγόμενοι ἀποπέμπετε μηδὲ τὰ δῶρα ### book 11.340 οὕτω χρηΐζοντι κολούετε· πολλὰ γὰρ ὑμῖν ### book 11.341 κτήματ’ ἐνὶ μεγάροισι θεῶν ἰότητι κέονται.” ### book 11.342 τοῖσι δὲ καὶ μετέειπε γέρων ἥρως Ἐχένηος, ### book 11.343 [ὃς δὴ Φαιήκων ἀνδρῶν προγενέστερος ἦεν·] ### book 11.344 “ὦ φίλοι, οὐ μὰν ἧμιν ἀπὸ σκοποῦ οὐδ’ ἀπὸ δόξης ### book 11.345 μυθεῖται βασίλεια περίφρων· ἀλλὰ πίθεσθε. ### book 11.346 Ἀλκινόου δ’ ἐκ τοῦδ’ ἔχεται ἔργον τε ἔπος τε.” ### book 11.347 τὸν δ’ αὖτ’ Ἀλκίνοος ἀπαμείβετο φώνησέν τε· ### book 11.348 “τοῦτο μὲν οὕτω δὴ ἔσται ἔπος, αἴ κεν ἐγώ γε ### book 11.349 ζωὸς Φαιήκεσσι φιληρέτμοισιν ἀνάσσω· ### book 11.350 ξεῖνος δὲ τλήτω, μάλα περ νόστοιο χατίζων, ### book 11.351 ἔμπης οὖν ἐπιμεῖναι ἐς αὔριον, εἰς ὅ κε πᾶσαν ### book 11.352 δωτίνην τελέσω. πομπὴ δ’ ἄνδρεσσι μελήσει ### book 11.353 πᾶσι, μάλιστα δ’ ἐμοί· τοῦ γὰρ κράτος ἔστ’ ἐνὶ δήμῳ.” ### book 11.354 τὸν δ’ ἀπαμειβόμενος προσέφη πολύμητις Ὀδυσσεύς· ### book 11.355 “Ἀλκίνοε κρεῖον, πάντων ἀριδείκετε λαῶν, ### book 11.356 εἴ με καὶ εἰς ἐνιαυτὸν ἀνώγοιτ’ αὐτόθι μίμνειν ### book 11.357 πομπήν τ’ ὀτρύνοιτε καὶ ἀγλαὰ δῶρα διδοῖτε, ### book 11.358 καί κε τὸ βουλοίμην, καί κεν πολὺ κέρδιον εἴη ### book 11.359 πλειοτέρῃ σὺν χειρὶ φίλην ἐς πατρίδ’ ἱκέσθαι, ### book 11.360 καί κ’ αἰδοιότερος καὶ φίλτερος ἀνδράσιν εἴην ### book 11.361 πᾶσιν, ὅσοι μ’ Ἰθάκηνδε ἰδοίατο νοστήσαντα.” ### book 11.362 τὸν δ’ αὖτ’ Ἀλκίνοος ἀπαμείβετο φώνησέν τε· ### book 11.363 “ὦ Ὀδυσεῦ, τὸ μὲν οὔ τί ς’ ἐΐσκομεν εἰσορόωντες ### book 11.364 ἠπεροπῆά τ’ ἔμεν καὶ ἐπίκλοπον, οἷά τε πολλοὺς ### book 11.365 βόσκει γαῖα μέλαινα πολυσπερέας ἀνθρώπους ### book 11.366 ψεύδεά τ’ ἀρτύνοντας, ὅθεν κέ τις οὐδὲ ἴδοιτο· ### book 11.367 σοὶ δ’ ἔπι μὲν μορφὴ ἐπέων, ἔνι δὲ φρένες ἐσθλαί, ### book 11.368 μῦθον δ’ ὡς ὅτ’ ἀοιδὸς ἐπισταμένως κατέλεξας, ### book 11.369 πάντων Ἀργείων σέο τ’ αὐτοῦ κήδεα λυγρά. ### book 11.370 ἀλλ’ ἄγε μοι τόδε εἰπὲ καὶ ἀτρεκέως κατάλεξον, ### book 11.371 εἴ τινας ἀντιθέων ἑτάρων ἴδες, οἵ τοι ἅμ’ αὐτῷ ### book 11.372 Ἴλιον εἰς ἅμ’ ἕποντο καὶ αὐτοῦ πότμον ἐπέσπον. ### book 11.373 νὺξ δ’ ἥδε μάλα μακρή, ἀθέσφατος, οὐδέ πω ὥρη ### book 11.374 εὕδειν ἐν μεγάρῳ· σὺ δέ μοι λέγε θέσκελα ἔργα. ### book 11.375 καί κεν ἐς ἠῶ δῖαν ἀνασχοίμην, ὅτε μοι σὺ ### book 11.376 τλαίης ἐν μεγάρῳ τὰ σὰ κήδεα μυθήσασθαι.” ### book 11.377 τὸν δ’ ἀπαμειβόμενος προσέφη πολύμητις Ὀδυσσεύς· ### book 11.378 “Ἀλκίνοε κρεῖον, πάντων ἀριδείκετε λαῶν, ### book 11.379 ὥρη μὲν πολέων μύθων, ὥρη δὲ καὶ ὕπνου· ### book 11.380 εἰ δ’ ἔτ’ ἀκουέμεναί γε λιλαίεαι, οὐκ ἂν ἔπειτα ### book 11.381 τούτων σοι φθονέοιμι καὶ οἰκτρότερ’ ἄλλ’ ἀγορεύειν, ### book 11.382 κήδε’ ἐμῶν ἑτάρων, οἳ δὴ μετόπισθεν ὄλοντο, ### book 11.383 οἳ Τρώων μὲν ὑπεξέφυγον στονόεσσαν ἀϋτήν, ### book 11.384 ἐν νόστῳ δ’ ἀπόλοντο κακῆς ἰότητι γυναικός. ### book 11.385 αὐτὰρ ἐπεὶ ψυχὰς μὲν ἀπεσκέδας’ ἄλλυδις ἄλλῃ ### book 11.386 ἁγνὴ Περσεφόνεια γυναικῶν θηλυτεράων, ### book 11.387 ἦλθε δ’ ἐπὶ ψυχὴ Ἀγαμέμνονος Ἀτρεΐδαο ### book 11.388 ἀχνυμένη· περὶ δ’ ἄλλαι ἀγηγέραθ’, ὅσσοι ἅμ’ αὐτῷ ### book 11.389 οἴκῳ ἐν Αἰγίσθοιο θάνον καὶ πότμον ἐπέσπον. ### book 11.390 ἔγνω δ’ αἶψ’ ἐμὲ κεῖνος, ἐπεὶ ἴδεν ὀφθαλμοῖσι· ### book 11.391 κλαῖε δ’ ὅ γε λιγέως, θαλερὸν κατὰ δάκρυον εἴβων, ### book 11.392 πιτνὰς εἰς ἐμὲ χεῖρας ὀρέξασθαι μενεαίνων· ### book 11.393 ἀλλ’ οὐ γάρ οἱ ἔτ’ ἦν ἲς ἔμπεδος οὐδ’ ἔτι κῖκυς, ### book 11.394 οἵη περ πάρος ἔσκεν ἐνὶ γναμπτοῖσι μέλεσσι. ### book 11.395 τὸν μὲν ἐγὼ δάκρυσα ἰδὼν ἐλέησά τε θυμῷ ### book 11.396 καί μιν φωνήσας ἔπεα πτερόεντα προσηύδων· ### book 11.397 ‘Ἀτρεΐδη κύδιστε, ἄναξ ἀνδρῶν Ἀγάμεμνον, ### book 11.398 τίς νύ σε κὴρ ἐδάμασσε τανηλεγέος θανάτοιο; ### book 11.399 ἠέ σέ γ’ ἐν νήεσσι Ποσειδάων ἐδάμασσεν ### book 11.400 ὄρσας ἀργαλέων ἀνέμων ἀμέγαρτον ἀϋτμήν; ### book 11.401 ἦέ ς’ ἀνάρσιοι ἄνδρες ἐδηλήσαντ’ ἐπὶ χέρσου ### book 11.402 βοῦς περιταμνόμενον ἠδ’ οἰῶν πώεα καλὰ ### book 11.403 ἠὲ περὶ πτόλιος μαχεούμενον ἠδὲ γυναικῶν;‘ ### book 11.404 ὣς ἐφάμην, ὁ δέ μ’ αὐτίκ’ ἀμειβόμενος προσέειπε· ### book 11.405 ‘διογενὲς Λαερτιάδη, πολυμήχαν’ Ὀδυσσεῦ, ### book 11.406 οὔτ’ ἐμέ γ’ ἐν νήεσσι Ποσειδάων ἐδάμασσεν ### book 11.407 [ὄρσας ἀργαλέων ἀνέμων ἀμέγαρτον ἀϋτμήν,] ### book 11.408 οὔτε μ’ ἀνάρσιοι ἄνδρες ἐδηλήσαντ’ ἐπὶ χέρσου, ### book 11.409 ἀλλά μοι Αἴγισθος τεύξας θάνατόν τε μόρον τε ### book 11.410 ἔκτα σὺν οὐλομένῃ ἀλόχῳ οἶκόνδε καλέσσας, ### book 11.411 δειπνίσσας, ὥς τίς τε κατέκτανε βοῦν ἐπὶ φάτνῃ. ### book 11.412 ὣς θάνον οἰκτίστῳ θανάτῳ· περὶ δ’ ἄλλοι ἑταῖροι ### book 11.413 νωλεμέως κτείνοντο σύες ὣς ἀργιόδοντες, ### book 11.414 οἵ ῥά τ’ ἐν ἀφνειοῦ ἀνδρὸς μέγα δυναμένοιο ### book 11.415 ἢ γάμῳ ἢ ἐράνῳ ἢ εἰλαπίνῃ τεθαλυίῃ. ### book 11.416 ἤδη μὲν πολέων φόνῳ ἀνδρῶν ἀντεβόλησας, ### book 11.417 μουνὰξ κτεινομένων καὶ ἐνὶ κρατερῇ ὑσμίνῃ· ### book 11.418 ἀλλά κε κεῖνα μάλιστα ἰδὼν ὀλοφύραο θυμῷ, ### book 11.419 ὡς ἀμφὶ κρητῆρα τραπέζας τε πληθούσας ### book 11.420 κείμεθ’ ἐνὶ μεγάρῳ, δάπεδον δ’ ἅπαν αἵματι θῦεν. ### book 11.421 οἰκτροτάτην δ’ ἤκουσα ὄπα Πριάμοιο θυγατρὸς ### book 11.422 Κασσάνδρης, τὴν κτεῖνε Κλυταιμνήστρη δολόμητις ### book 11.423 ἀμφ’ ἐμοί· αὐτὰρ ἐγὼ ποτὶ γαίῃ χεῖρας ἀείρων ### book 11.424 βάλλον ἀποθνῄσκων περὶ φασγάνῳ· ἡ δὲ κυνῶπις ### book 11.425 νοσφίσατ’ οὐδέ μοι ἔτλη, ἰόντι περ εἰς Ἀΐδαο, ### book 11.426 χερσὶ κατ’ ὀφθαλμοὺς ἑλέειν σύν τε στόμ’ ἐρεῖσαι. ### book 11.427 ὣς οὐκ αἰνότερον καὶ κύντερον ἄλλο γυναικός, ### book 11.428 [ἥ τις δὴ τοιαῦτα μετὰ φρεσὶν ἔργα βάληται·] ### book 11.429 οἷον δὴ καὶ κείνη ἐμήσατο ἔργον ἀεικές, ### book 11.430 κουριδίῳ τεύξασα πόσει φόνον. ἦ τοι ἔφην γε ### book 11.431 ἀσπάσιος παίδεσσιν ἰδὲ δμώεσσιν ἐμοῖσιν ### book 11.432 οἴκαδ’ ἐλεύσεσθαι· ἡ δ’ ἔξοχα λυγρὰ ἰδυῖα ### book 11.433 οἷ τε κατ’ αἶσχος ἔχευε καὶ ἐσσομένῃσιν ὀπίσσω ### book 11.434 θηλυτέρῃσι γυναιξί, καὶ ἥ κ’ εὐεργὸς ἔῃσιν.‘ ### book 11.435 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 11.436 ‘ὢ πόποι, ἦ μάλα δὴ γόνον Ἀτρέος εὐρύοπα Ζεὺς ### book 11.437 ἐκπάγλως ἤχθηρε γυναικείας διὰ βουλὰς ### book 11.438 ἐξ ἀρχῆς· Ἑλένης μὲν ἀπωλόμεθ’ εἵνεκα πολλοί, ### book 11.439 σοὶ δὲ Κλυταιμνήστρη δόλον ἤρτυε τηλόθ’ ἐόντι.‘ ### book 11.440 ὣς ἐφάμην, ὁ δέ μ’ αὐτίκ’ ἀμειβόμενος προσέειπε· ### book 11.441 ‘τῶ νῦν μή ποτε καὶ σὺ γυναικί περ ἤπιος εἶναι ### book 11.442 μηδ’ οἱ μῦθον ἅπαντα πιφαυσκέμεν, ὅν κ’ ἐῢ εἰδῇς, ### book 11.443 ἀλλὰ τὸ μὲν φάσθαι, τὸ δὲ καὶ κεκρυμμένον εἶναι. ### book 11.444 ἀλλ’ οὐ σοί γ’, Ὀδυσεῦ, φόνος ἔσσεται ἔκ γε γυναικός· ### book 11.445 λίην γὰρ πινυτή τε καὶ εὖ φρεσὶ μήδεα οἶδε ### book 11.446 κούρη Ἰκαρίοιο, περίφρων Πηνελόπεια. ### book 11.447 ἦ μέν μιν νύμφην γε νέην κατελείπομεν ἡμεῖς ### book 11.448 ἐρχόμενοι πόλεμόνδε· πάϊς δέ οἱ ἦν ἐπὶ μαζῷ ### book 11.449 νήπιος, ὅς που νῦν γε μετ’ ἀνδρῶν ἵζει ἀριθμῷ, ### book 11.450 ὄλβιος· ἦ γὰρ τόν γε πατὴρ φίλος ὄψεται ἐλθών, ### book 11.451 καὶ κεῖνος πατέρα προσπτύξεται, ἣ θέμις ἐστίν. ### book 11.452 ἡ δ’ ἐμὴ οὐδέ περ υἷος ἐνιπλησθῆναι ἄκοιτις ### book 11.453 ὀφθαλμοῖσιν ἔασε· πάρος δέ με πέφνε καὶ αὐτόν. ### book 11.454 [ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσι· ### book 11.455 κρύβδην, μηδ’ ἀναφανδά, φίλην ἐς πατρίδα γαῖαν ### book 11.456 νῆα κατισχέμεναι, ἐπεὶ οὐκέτι πιστὰ γυναιξίν.] ### book 11.457 ἀλλ’ ἄγε μοι τόδε εἰπὲ καὶ ἀτρεκέως κατάλεξον, ### book 11.458 εἴ που ἔτι ζώοντος ἀκούετε παιδὸς ἐμοῖο ### book 11.459 ἤ που ἐν Ὀρχομενῷ ἢ ἐν Πύλῳ ἠμαθόεντι ### book 11.460 ἤ που πὰρ Μενελάῳ ἐνὶ Σπάρτῃ εὐρείῃ· ### book 11.461 οὐ γάρ πω τέθνηκεν ἐπὶ χθονὶ δῖος Ὀρέστης.‘ ### book 11.462 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 11.463 ‘Ἀτρεΐδη, τί με ταῦτα διείρεαι; οὐδέ τι οἶδα, ### book 11.464 ζώει ὅ γ’ ἦ τέθνηκε· κακὸν δ’ ἀνεμώλια βάζειν.‘ ### book 11.465 νῶϊ μὲν ὣς ἐπέεσσιν ἀμειβομένω στυγεροῖσιν ### book 11.466 ἕσταμεν ἀχνύμενοι, θαλερὸν κατὰ δάκρυ χέοντες· ### book 11.467 ἦλθε δ’ ἐπὶ ψυχὴ Πηληϊάδεω Ἀχιλῆος ### book 11.468 καὶ Πατροκλῆος καὶ ἀμύμονος Ἀντιλόχοιο ### book 11.469 Αἴαντός θ’, ὃς ἄριστος ἔην εἶδός τε δέμας τε ### book 11.470 τῶν ἄλλων Δαναῶν μετ’ ἀμύμονα Πηλεΐωνα. ### book 11.471 ἔγνω δὲ ψυχή με ποδώκεος Αἰακίδαο ### book 11.472 καί ῥ’ ὀλοφυρομένη ἔπεα πτερόεντα προσηύδα· ### book 11.473 ‘διογενὲς Λαερτιάδη, πολυμήχαν’ Ὀδυσσεῦ, ### book 11.474 σχέτλιε, τίπτ’ ἔτι μεῖζον ἐνὶ φρεσὶ μήσεαι ἔργον; ### book 11.475 πῶς ἔτλης Ἄϊδόσδε κατελθέμεν, ἔνθα τε νεκροὶ ### book 11.476 ἀφραδέες ναίουσι, βροτῶν εἴδωλα καμόντων;‘ ### book 11.477 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 11.478 ‘ὦ Ἀχιλεῦ, Πηλῆος υἱέ, μέγα φέρτατ’ Ἀχαιῶν, ### book 11.479 ἦλθον Τειρεσίαο κατὰ χρέος, εἴ τινα βουλὴν ### book 11.480 εἴποι, ὅπως Ἰθάκην ἐς παιπαλόεσσαν ἱκοίμην· ### book 11.481 οὐ γάρ πω σχεδὸν ἦλθον Ἀχαιΐδος οὐδέ πω ἁμῆς ### book 11.482 γῆς ἐπέβην, ἀλλ’ αἰὲν ἔχω κακά. σεῖο δ’, Ἀχιλλεῦ, ### book 11.483 οὔ τις ἀνὴρ προπάροιθε μακάρτερος οὔτ’ ἄρ’ ὀπίσσω· ### book 11.484 πρὶν μὲν γάρ σε ζωὸν ἐτίομεν ἶσα θεοῖσιν ### book 11.485 Ἀργεῖοι, νῦν αὖτε μέγα κρατέεις νεκύεσσιν ### book 11.486 ἐνθάδ’ ἐών· τῶ μή τι θανὼν ἀκαχίζευ, Ἀχιλλεῦ.‘ ### book 11.487 ὣς ἐφάμην, ὁ δέ μ’ αὐτίκ’ ἀμειβόμενος προσέειπε· ### book 11.488 ‘μὴ δή μοι θάνατόν γε παραύδα, φαίδιμ’ Ὀδυσσεῦ. ### book 11.489 βουλοίμην κ’ ἐπάρουρος ἐὼν θητευέμεν ἄλλῳ, ### book 11.490 ἀνδρὶ παρ’ ἀκλήρῳ, ᾧ μὴ βίοτος πολὺς εἴη, ### book 11.491 ἢ πᾶσιν νεκύεσσι καταφθιμένοισιν ἀνάσσειν. ### book 11.492 ἀλλ’ ἄγε μοι τοῦ παιδὸς ἀγαυοῦ μῦθον ἐνίσπες, ### book 11.493 ἢ ἕπετ’ ἐς πόλεμον πρόμος ἔμμεναι ἦε καὶ οὐκί. ### book 11.494 εἰπὲ δέ μοι Πηλῆος ἀμύμονος εἴ τι πέπυσσαι, ### book 11.495 ἢ ἔτ’ ἔχει τιμὴν πολέσιν μετὰ Μυρμιδόνεσσιν, ### book 11.496 ἦ μιν ἀτιμάζουσιν ἀν’ Ἑλλάδα τε Φθίην τε, ### book 11.497 οὕνεκά μιν κατὰ γῆρας ἔχει χεῖράς τε πόδας τε. ### book 11.498 εἰ γὰρ ἐγὼν ἐπαρωγὸς ὑπ’ αὐγὰς ἠελίοιο, ### book 11.499 τοῖος ἐὼν οἷός ποτ’ ἐνὶ Τροίῃ εὐρείῃ ### book 11.500 πέφνον λαὸν ἄριστον, ἀμύνων Ἀργείοισιν, — ### book 11.501 εἰ τοιόσδ’ ἔλθοιμι μίνυνθά περ ἐς πατέρος δῶ, ### book 11.502 τῶ κέ τεῳ στύξαιμι μένος καὶ χεῖρας ἀάπτους, ### book 11.503 οἳ κεῖνον βιόωνται ἐέργουσίν τ’ ἀπὸ τιμῆς.‘ ### book 11.504 ὣς ἔφατ’, αὐτὰρ ἐγώ μιν ἀμειβόμενος προσέειπον· ### book 11.505 ‘ἦ τοι μὲν Πηλῆος ἀμύμονος οὔ τι πέπυσμαι, ### book 11.506 αὐτάρ τοι παιδός γε Νεοπτολέμοιο φίλοιο ### book 11.507 πᾶσαν ἀληθείην μυθήσομαι, ὥς με κελεύεις· ### book 11.508 αὐτὸς γάρ μιν ἐγὼ κοίλης ἐπὶ νηὸς ἐΐσης ### book 11.509 ἤγαγον ἐκ Σκύρου μετ’ ἐϋκνήμιδας Ἀχαιούς. ### book 11.510 ἦ τοι ὅτ’ ἀμφὶ πόλιν Τροίην φραζοίμεθα βουλάς, ### book 11.511 αἰεὶ πρῶτος ἔβαζε καὶ οὐχ ἡμάρτανε μύθων· ### book 11.512 Νέστωρ δ’ ἀντίθεος καὶ ἐγὼ νικάσκομεν οἴω. ### book 11.513 αὐτὰρ ὅτ’ ἐν πεδίῳ Τρώων μαρναίμεθ’ Ἀχαιοί, ### book 11.514 οὔ ποτ’ ἐνὶ πληθυῖ μένεν ἀνδρῶν οὐδ’ ἐν ὁμίλῳ, ### book 11.515 ἀλλὰ πολὺ προθέεσκε, τὸ ὃν μένος οὐδενὶ εἴκων· ### book 11.516 πολλοὺς δ’ ἄνδρας ἔπεφνεν ἐν αἰνῇ δηϊοτῆτι. ### book 11.517 πάντας δ’ οὐκ ἂν ἐγὼ μυθήσομαι οὐδ’ ὀνομήνω, ### book 11.518 ὅσσον λαὸν ἔπεφνεν ἀμύνων Ἀργείοισιν, ### book 11.519 ἀλλ’ οἷον τὸν Τηλεφίδην κατενήρατο χαλκῷ, ### book 11.520 ἥρω’ Εὐρύπυλον· πολλοὶ δ’ ἀμφ’ αὐτὸν ἑταῖροι ### book 11.521 Κήτειοι κτείνοντο γυναίων εἵνεκα δώρων. ### book 11.522 κεῖνον δὴ κάλλιστον ἴδον μετὰ Μέμνονα δῖον. ### book 11.523 αὐτὰρ ὅτ’ εἰς ἵππον κατεβαίνομεν, ὃν κάμ’ Ἐπειός, ### book 11.524 Ἀργείων οἱ ἄριστοι, ἐμοὶ δ’ ἐπὶ πάντ’ ἐτέταλτο, ### book 11.525 [ἠμὲν ἀνακλῖναι πυκινὸν λόχον ἠδ’ ἐπιθεῖναι,] ### book 11.526 ἔνθ’ ἄλλοι Δαναῶν ἡγήτορες ἠδὲ μέδοντες ### book 11.527 δάκρυά τ’ ὠμόργνυντο, τρέμον θ’ ὑπὸ γυῖα ἑκάστου· ### book 11.528 κεῖνον δ’ οὔ ποτε πάμπαν ἐγὼν ἴδον ὀφθαλμοῖσιν ### book 11.529 οὔτ’ ὠχρήσαντα χρόα κάλλιμον οὔτε παρειῶν ### book 11.530 δάκρυ’ ὀμορξάμενον· ὁ δέ με μάλα πόλλ’ ἱκέτευεν ### book 11.531 ἱππόθεν ἐξέμεναι, ξίφεος δ’ ἐπεμαίετο κώπην ### book 11.532 καὶ δόρυ χαλκοβαρές, κακὰ δὲ Τρώεσσι μενοίνα. ### book 11.533 ἀλλ’ ὅτε δὴ Πριάμοιο πόλιν διεπέρσαμεν αἰπήν, ### book 11.534 μοῖραν καὶ γέρας ἐσθλὸν ἔχων ἐπὶ νηὸς ἔβαινεν ### book 11.535 ἀσκηθής, οὔτ’ ἂρ βεβλημένος ὀξέϊ χαλκῷ ### book 11.536 οὔτ’ αὐτοσχεδίην οὐτασμένος, οἷά τε πολλὰ ### book 11.537 γίνεται ἐν πολέμῳ· ἐπιμὶξ δέ τε μαίνεται Ἄρης.‘ ### book 11.538 ὣς ἐφάμην, ψυχὴ δὲ ποδώκεος Αἰακίδαο ### book 11.539 φοίτα μακρὰ βιβᾶσα κατ’ ἀσφοδελὸν λειμῶνα, ### book 11.540 γηθοσύνη, ὅ οἱ υἱὸν ἔφην ἀριδείκετον εἶναι. ### book 11.541 αἱ δ’ ἄλλαι ψυχαὶ νεκύων κατατεθνηώτων ### book 11.542 ἕστασαν ἀχνύμεναι, εἴροντο δὲ κήδε’ ἑκάστη. ### book 11.543 οἴη δ’ Αἴαντος ψυχὴ Τελαμωνιάδαο ### book 11.544 νόσφιν ἀφεστήκει, κεχολωμένη εἵνεκα νίκης, ### book 11.545 τήν μιν ἐγὼ νίκησα δικαζόμενος παρὰ νηυσὶ ### book 11.546 τεύχεσιν ἀμφ’ Ἀχιλῆος· ἔθηκε δὲ πότνια μήτηρ, ### book 11.547 παῖδες δὲ Τρώων δίκασαν καὶ Παλλὰς Ἀθήνη. ### book 11.548 ὡς δὴ μὴ ὄφελον νικᾶν τοιῷδ’ ἐπ’ ἀέθλῳ· ### book 11.549 τοίην γὰρ κεφαλὴν ἕνεκ’ αὐτῶν γαῖα κατέσχεν, ### book 11.550 Αἴανθ’, ὃς περὶ μὲν εἶδος, περὶ δ’ ἔργα τέτυκτο ### book 11.551 τῶν ἄλλων Δαναῶν μετ’ ἀμύμονα Πηλεΐωνα. ### book 11.552 τὸν μὲν ἐγὼν ἐπέεσσι προσηύδων μειλιχίοισιν· ### book 11.553 ‘Αἶαν, παῖ Τελαμῶνος ἀμύμονος, οὐκ ἄρ’ ἔμελλες ### book 11.554 οὐδὲ θανὼν λήσεσθαι ἐμοὶ χόλου εἵνεκα τευχέων ### book 11.555 οὐλομένων; τὰ δὲ πῆμα θεοὶ θέσαν Ἀργείοισι· ### book 11.556 τοῖος γάρ σφιν πύργος ἀπώλεο· σεῖο δ’ Ἀχαιοὶ ### book 11.557 ἶσον Ἀχιλλῆος κεφαλῇ Πηληϊάδαο ### book 11.558 ἀχνύμεθα φθιμένοιο διαμπερές· οὐδέ τις ἄλλος ### book 11.559 αἴτιος, ἀλλὰ Ζεὺς Δαναῶν στρατὸν αἰχμητάων ### book 11.560 ἐκπάγλως ἤχθηρε, τεῒν δ’ ἐπὶ μοῖραν ἔθηκεν. ### book 11.561 ἀλλ’ ἄγε δεῦρο, ἄναξ, ἵν’ ἔπος καὶ μῦθον ἀκούσῃς ### book 11.562 ἡμέτερον· δάμασον δὲ μένος καὶ ἀγήνορα θυμόν.‘ ### book 11.563 ὣς ἐφάμην, ὁ δέ μ’ οὐδὲν ἀμείβετο, βῆ δὲ μετ’ ἄλλας ### book 11.564 ψυχὰς εἰς Ἔρεβος νεκύων κατατεθνηώτων. ### book 11.565 ἔνθα χ’ ὅμως προσέφη κεχολωμένος, ἤ κεν ἐγὼ τόν· ### book 11.566 ἀλλά μοι ἤθελε θυμὸς ἐνὶ στήθεσσι φίλοισι ### book 11.567 τῶν ἄλλων ψυχὰς ἰδέειν κατατεθνηώτων. ### book 11.568 ἔνθ’ ἦ τοι Μίνωα ἴδον, Διὸς ἀγλαὸν υἱόν, ### book 11.569 χρύσεον σκῆπτρον ἔχοντα θεμιστεύοντα νέκυσσιν, ### book 11.570 ἥμενον· οἱ δέ μιν ἀμφὶ δίκας εἴροντο ἄνακτα, ### book 11.571 ἥμενοι ἑσταότες τε, κατ’ εὐρυπυλὲς Ἄϊδος δῶ. ### book 11.572 τὸν δὲ μέτ’ Ὠρίωνα πελώριον εἰσενόησα ### book 11.573 θῆρας ὁμοῦ εἰλεῦντα κατ’ ἀσφοδελὸν λειμῶνα, ### book 11.574 τοὺς αὐτὸς κατέπεφνεν ἐν οἰοπόλοισιν ὄρεσσι, ### book 11.575 χερσὶν ἔχων ῥόπαλον παγχάλκεον, αἰὲν ἀαγές. ### book 11.576 καὶ Τιτυὸν εἶδον, Γαίης ἐρικυδέος υἱόν, ### book 11.577 κείμενον ἐν δαπέδῳ. ὁ δ’ ἐπ’ ἐννέα κεῖτο πέλεθρα, ### book 11.578 γῦπε δέ μιν ἑκάτερθε παρημένω ἧπαρ ἔκειρον, ### book 11.579 δέρτρον ἔσω δύνοντες· ὁ δ’ οὐκ ἀπαμύνετο χερσί. ### book 11.580 Λητὼ γὰρ ἕλκησε, Διὸς κυδρὴν παράκοιτιν, ### book 11.581 Πυθώδ’ ἐρχομένην διὰ καλλιχόρου Πανοπῆος. ### book 11.582 καὶ μὴν Τάνταλον εἰσεῖδον χαλέπ’ ἄλγε’ ἔχοντα, ### book 11.583 ἑσταότ’ ἐν λίμνῃ· ἡ δὲ προσέπλαζε γενείῳ. ### book 11.584 στεῦτο δὲ διψάων, πιέειν δ’ οὐκ εἶχεν ἑλέσθαι· ### book 11.585 ὁσσάκι γὰρ κύψει’ ὁ γέρων πιέειν μενεαίνων, ### book 11.586 τοσσάχ’ ὕδωρ ἀπολέσκετ’ ἀναβροχέν, ἀμφὶ δὲ ποσσὶ ### book 11.587 γαῖα μέλαινα φάνεσκε, καταζήνασκε δὲ δαίμων. ### book 11.588 δένδρεα δ’ ὑψιπέτηλα κατὰ κρῆθεν χέε καρπόν, ### book 11.589 ὄγχναι καὶ ῥοιαὶ καὶ μηλέαι ἀγλαόκαρποι ### book 11.590 συκέαι τε γλυκεραὶ καὶ ἐλαῖαι τηλεθόωσαι· ### book 11.591 τῶν ὁπότ’ ἰθύσει’ ὁ γέρων ἐπὶ χερσὶ μάσασθαι, ### book 11.592 τὰς δ’ ἄνεμος ῥίπτασκε ποτὶ νέφεα σκιόεντα. ### book 11.593 καὶ μὴν Σίσυφον εἰσεῖδον κρατέρ’ ἄλγε’ ἔχοντα, ### book 11.594 λᾶαν βαστάζοντα πελώριον ἀμφοτέρῃσιν. ### book 11.595 ἦ τοι ὁ μὲν σκηριπτόμενος χερσίν τε ποσίν τε ### book 11.596 λᾶαν ἄνω ὤθεσκε ποτὶ λόφον· ἀλλ’ ὅτε μέλλοι ### book 11.597 ἄκρον ὑπερβαλέειν, τότ’ ἀποστρέψασκε Κραταιΐς· ### book 11.598 αὖτις ἔπειτα πέδονδε κυλίνδετο λᾶας ἀναιδής. ### book 11.599 αὐτὰρ ὅ γ’ ἂψ ὤσασκε τιταινόμενος, κατὰ δ’ ἱδρὼς ### book 11.600 ἔρρεεν ἐκ μελέων, κονίη δ’ ἐκ κρατὸς ὀρώρει. ### book 11.601 τὸν δὲ μέτ’ εἰσενόησα βίην Ἡρακληείην, ### book 11.602 εἴδωλον· αὐτὸς δὲ μετ’ ἀθανάτοισι θεοῖσι ### book 11.603 τέρπεται ἐν θαλίῃς καὶ ἔχει καλλίσφυρον Ἥβην, ### book 11.604 [παῖδα Διὸς μεγάλοιο καὶ Ἥρης χρυσοπεδίλου.] ### book 11.605 ἀμφὶ δέ μιν κλαγγὴ νεκύων ἦν οἰωνῶν ὥς, ### book 11.606 πάντος’ ἀτυζομένων· ὁ δ’ ἐρεμνῇ νυκτὶ ἐοικώς, ### book 11.607 γυμνὸν τόξον ἔχων καὶ ἐπὶ νευρῆφιν ὀϊστόν, ### book 11.608 δεινὸν παπταίνων, αἰεὶ βαλέοντι ἐοικώς. ### book 11.609 σμερδαλέος δέ οἱ ἀμφὶ περὶ στήθεσσιν ἀορτὴρ ### book 11.610 χρύσεος ἦν τελαμών, ἵνα θέσκελα ἔργα τέτυκτο, ### book 11.611 ἄρκτοι τ’ ἀγρότεροί τε σύες χαροποί τε λέοντες, ### book 11.612 ὑσμῖναί τε μάχαι τε φόνοι τ’ ἀνδροκτασίαι τε. ### book 11.613 μὴ τεχνησάμενος μηδ’ ἄλλο τι τεχνήσαιτο, ### book 11.614 ὃς κεῖνον τελαμῶνα ἑῇ ἐγκάτθετο τέχνῃ. ### book 11.615 ἔγνω δ’ αἶψ’ ἐμὲ κεῖνος, ἐπεὶ ἴδεν ὀφθαλμοῖσι, ### book 11.616 καί μ’ ὀλοφυρόμενος ἔπεα πτερόεντα προσηύδα· ### book 11.617 ‘διογενὲς Λαερτιάδη, πολυμήχαν’ Ὀδυσσεῦ, ### book 11.618 ἆ δείλ’, ἦ τινὰ καὶ σὺ κακὸν μόρον ἡγηλάζεις, ### book 11.619 ὅν περ ἐγὼν ὀχέεσκον ὑπ’ αὐγὰς ἠελίοιο. ### book 11.620 Ζηνὸς μὲν πάϊς ἦα Κρονίονος, αὐτὰρ ὀϊζὺν ### book 11.621 εἶχον ἀπειρεσίην· μάλα γὰρ πολὺ χείρονι φωτὶ ### book 11.622 δεδμήμην, ὁ δέ μοι χαλεποὺς ἐπετέλλετ’ ἀέθλους. ### book 11.623 καί ποτέ μ’ ἐνθάδ’ ἔπεμψε κύν’ ἄξοντ’· οὐ γὰρ ἔτ’ ἄλλον ### book 11.624 φράζετο τοῦδέ γέ μοι κρατερώτερον εἶναι ἄεθλον. ### book 11.625 τὸν μὲν ἐγὼν ἀνένεικα καὶ ἤγαγον ἐξ Ἀΐδαο· ### book 11.626 Ἑρμείας δέ μ’ ἔπεμπεν ἰδὲ γλαυκῶπις Ἀθήνη.‘ ### book 11.627 ὣς εἰπὼν ὁ μὲν αὖτις ἔβη δόμον Ἄϊδος εἴσω, ### book 11.628 αὐτὰρ ἐγὼν αὐτοῦ μένον ἔμπεδον, εἴ τις ἔτ’ ἔλθοι ### book 11.629 ἀνδρῶν ἡρώων, οἳ δὴ τὸ πρόσθεν ὄλοντο. ### book 11.630 καί νύ κ’ ἔτι προτέρους ἴδον ἀνέρας, οὓς ἔθελόν περ, ### book 11.631 Θησέα Πειρίθοόν τε, θεῶν ἐρικυδέα τέκνα· ### book 11.632 ἀλλὰ πρὶν ἐπὶ ἔθνε’ ἀγείρετο μυρία νεκρῶν ### book 11.633 ἠχῇ θεσπεσίῃ· ἐμὲ δὲ χλωρὸν δέος ᾕρει, ### book 11.634 μή μοι Γοργείην κεφαλὴν δεινοῖο πελώρου ### book 11.635 ἐξ Ἄϊδος πέμψειεν ἀγαυὴ Περσεφόνεια. ### book 11.636 αὐτίκ’ ἔπειτ’ ἐπὶ νῆα κιὼν ἐκέλευον ἑταίρους ### book 11.637 αὐτούς τ’ ἀμβαίνειν ἀνά τε πρυμνήσια λῦσαι· ### book 11.638 οἱ δ’ αἶψ’ εἴσβαινον καὶ ἐπὶ κληῖσι καθῖζον. ### book 11.639 τὴν δὲ κατ’ Ὠκεανὸν ποταμὸν φέρε κῦμα ῥόοιο, ### book 11.640 πρῶτα μὲν εἰρεσίῃ, μετέπειτα δὲ κάλλιμος οὖρος. ### book 12.1 Αὐτὰρ ἐπεὶ ποταμοῖο λίπεν ῥόον Ὠκεανοῖο ### book 12.2 νηῦς, ἀπὸ δ’ ἵκετο κῦμα θαλάσσης εὐρυπόροιο ### book 12.3 νῆσόν τ’ Αἰαίην, ὅθι τ’ Ἠοῦς ἠριγενείης ### book 12.4 οἰκία καὶ χοροί εἰσι καὶ ἀντολαὶ Ἠελίοιο, ### book 12.5 νῆα μὲν ἔνθ’ ἐλθόντες ἐκέλσαμεν ἐν ψαμάθοισιν, ### book 12.6 ἐκ δὲ καὶ αὐτοὶ βῆμεν ἐπὶ ῥηγμῖνι θαλάσσης· ### book 12.7 ἔνθα δ’ ἀποβρίξαντες ἐμείναμεν Ἠῶ δῖαν. ### book 12.8 ἦμος δ’ ἠριγένεια φάνη ῥοδοδάκτυλος Ἠώς, ### book 12.9 δὴ τότ’ ἐγὼν ἑτάρους προΐην ἐς δώματα Κίρκης ### book 12.10 οἰσέμεναι νεκρὸν Ἐλπήνορα τεθνηῶτα. ### book 12.11 φιτροὺς δ’ αἶψα ταμόντες, ὅθ’ ἀκροτάτη πρόεχ’ ἀκτή, ### book 12.12 θάπτομεν ἀχνύμενοι, θαλερὸν κατὰ δάκρυ χέοντες. ### book 12.13 αὐτὰρ ἐπεὶ νεκρός τ’ ἐκάη καὶ τεύχεα νεκροῦ, ### book 12.14 τύμβον χεύαντες καὶ ἐπὶ στήλην ἐρύσαντες ### book 12.15 πήξαμεν ἀκροτάτῳ τύμβῳ εὐῆρες ἐρετμόν. ### book 12.16 ἡμεῖς μὲν τὰ ἕκαστα διείπομεν· οὐδ’ ἄρα Κίρκην ### book 12.17 ἐξ Ἀΐδεω ἐλθόντες ἐλήθομεν, ἀλλὰ μάλ’ ὦκα ### book 12.18 ἦλθ’ ἐντυναμένη· ἅμα δ’ ἀμφίπολοι φέρον αὐτῇ ### book 12.19 σῖτον καὶ κρέα πολλὰ καὶ αἴθοπα οἶνον ἐρυθρόν. ### book 12.20 ἡ δ’ ἐν μέσσῳ στᾶσα μετηύδα δῖα θεάων· ### book 12.21 ‘σχέτλιοι, οἳ ζώοντες ὑπήλθετε δῶμ’ Ἀΐδαο, ### book 12.22 δισθανέες, ὅτε τ’ ἄλλοι ἅπαξ θνῄσκους’ ἄνθρωποι. ### book 12.23 ἀλλ’ ἄγετ’ ἐσθίετε βρώμην καὶ πίνετε οἶνον ### book 12.24 αὖθι πανημέριοι· ἅμα δ’ ἠόϊ φαινομένηφι ### book 12.25 πλεύσεσθ’· αὐτὰρ ἐγὼ δείξω ὁδὸν ἠδὲ ἕκαστα ### book 12.26 σημανέω, ἵνα μή τι κακορραφίῃ ἀλεγεινῇ ### book 12.27 ἢ ἁλὸς ἢ ἐπὶ γῆς ἀλγήσετε πῆμα παθόντες.‘ ### book 12.28 ὣς ἔφαθ’, ἡμῖν δ’ αὖτ’ ἐπεπείθετο θυμὸς ἀγήνωρ. ### book 12.29 ὣς τότε μὲν πρόπαν ἦμαρ ἐς ἠέλιον καταδύντα ### book 12.30 ἥμεθα δαινύμενοι κρέα τ’ ἄσπετα καὶ μέθυ ἡδύ· ### book 12.31 ἦμος δ’ ἠέλιος κατέδυ καὶ ἐπὶ κνέφας ἦλθεν, ### book 12.32 οἱ μὲν κοιμήσαντο παρὰ πρυμνήσια νηός, ### book 12.33 ἡ δ’ ἐμὲ χειρὸς ἑλοῦσα φίλων ἀπονόσφιν ἑταίρων ### book 12.34 εἷσέ τε καὶ προσέλεκτο καὶ ἐξερέεινεν ἕκαστα· ### book 12.35 αὐτὰρ ἐγὼ τῇ πάντα κατὰ μοῖραν κατέλεξα. ### book 12.36 καὶ τότε δή μ’ ἐπέεσσι προσηύδα πότνια Κίρκη· ### book 12.37 ‘ταῦτα μὲν οὕτω πάντα πεπείρανται, σὺ δ’ ἄκουσον, ### book 12.38 ὥς τοι ἐγὼν ἐρέω, μνήσει δέ σε καὶ θεὸς αὐτός. ### book 12.39 Σειρῆνας μὲν πρῶτον ἀφίξεαι, αἵ ῥά τε πάντας ### book 12.40 ἀνθρώπους θέλγουσιν, ὅτίς σφεας εἰσαφίκηται. ### book 12.41 ὅς τις ἀϊδρείῃ πελάσῃ καὶ φθόγγον ἀκούσῃ ### book 12.42 Σειρήνων, τῷ δ’ οὔ τι γυνὴ καὶ νήπια τέκνα ### book 12.43 οἴκαδε νοστήσαντι παρίσταται οὐδὲ γάνυνται, ### book 12.44 ἀλλά τε Σειρῆνες λιγυρῇ θέλγουσιν ἀοιδῇ, ### book 12.45 ἥμεναι ἐν λειμῶνι· πολὺς δ’ ἀμφ’ ὀστεόφιν θὶς ### book 12.46 ἀνδρῶν πυθομένων, περὶ δὲ ῥινοὶ μινύθουσιν. ### book 12.47 ἀλλὰ παρὲξ ἐλάαν, ἐπὶ δ’ οὔατ’ ἀλεῖψαι ἑταίρων ### book 12.48 κηρὸν δεψήσας μελιηδέα, μή τις ἀκούσῃ ### book 12.49 τῶν ἄλλων· ἀτὰρ αὐτὸς ἀκουέμεν αἴ κ’ ἐθέλῃσθα, ### book 12.50 δησάντων ς’ ἐν νηῒ θοῇ χεῖράς τε πόδας τε ### book 12.51 ὀρθὸν ἐν ἱστοπέδῃ, ἐκ δ’ αὐτοῦ πείρατ’ ἀνήφθω, ### book 12.52 ὄφρα κε τερπόμενος ὄπ’ ἀκούσῃς Σειρήνοιϊν. ### book 12.53 εἰ δέ κε λίσσηαι ἑτάρους λῦσαί τε κελεύῃς, ### book 12.54 οἱ δέ ς’ ἔτι πλεόνεσσι τότ’ ἐν δεσμοῖσι διδέντων. ### book 12.55 αὐτὰρ ἐπὴν δὴ τάς γε παρὲξ ἐλάσωσιν ἑταῖροι, ### book 12.56 ἔνθα τοι οὐκέτ’ ἔπειτα διηνεκέως ἀγορεύσω, ### book 12.57 ὁπποτέρῃ δή τοι ὁδὸς ἔσσεται, ἀλλὰ καὶ αὐτὸς ### book 12.58 θυμῷ βουλεύειν· ἐρέω δέ τοι ἀμφοτέρωθεν. ### book 12.59 ἔνθεν μὲν γὰρ πέτραι ἐπηρεφέες, προτὶ δ’ αὐτὰς ### book 12.60 κῦμα μέγα ῥοχθεῖ κυανώπιδος Ἀμφιτρίτης· ### book 12.61 Πλαγκτὰς δή τοι τάς γε θεοὶ μάκαρες καλέουσι. ### book 12.62 τῇ μέν τ’ οὐδὲ ποτητὰ παρέρχεται οὐδὲ πέλειαι ### book 12.63 τρήρωνες, ταί τ’ ἀμβροσίην Διὶ πατρὶ φέρουσιν, ### book 12.64 ἀλλά τε καὶ τῶν αἰὲν ἀφαιρεῖται λὶς πέτρη· ### book 12.65 ἀλλ’ ἄλλην ἐνίησι πατὴρ ἐναρίθμιον εἶναι. ### book 12.66 τῇ δ’ οὔ πώ τις νηῦς φύγεν ἀνδρῶν, ἥ τις ἵκηται, ### book 12.67 ἀλλά θ’ ὁμοῦ πίνακάς τε νεῶν καὶ σώματα φωτῶν ### book 12.68 κύμαθ’ ἁλὸς φορέουσι πυρός τ’ ὀλοοῖο θύελλαι. ### book 12.69 οἴη δὴ κείνῃ γε παρέπλω ποντοπόρος νηῦς ### book 12.70 Ἀργὼ πᾶσι μέλουσα, παρ’ Αἰήταο πλέουσα· ### book 12.71 καί νύ κε τὴν ἔνθ’ ὦκα βάλεν μεγάλας ποτὶ πέτρας, ### book 12.72 ἀλλ’ Ἥρη παρέπεμψεν, ἐπεὶ φίλος ἦεν Ἰήσων. ### book 12.73 οἱ δὲ δύω σκόπελοι ὁ μὲν οὐρανὸν εὐρὺν ἱκάνει ### book 12.74 ὀξείῃ κορυφῇ, νεφέλη δέ μιν ἀμφιβέβηκε ### book 12.75 κυανέη· τὸ μὲν οὔ ποτ’ ἐρωεῖ, οὐδέ ποτ’ αἴθρη ### book 12.76 κείνου ἔχει κορυφὴν οὔτ’ ἐν θέρει οὔτ’ ἐν ὀπώρῃ· ### book 12.77 οὐδέ κεν ἀμβαίη βροτὸς ἀνὴρ οὐδ’ ἐπιβαίη, ### book 12.78 οὐδ’ εἴ οἱ χεῖρές γε ἐείκοσι καὶ πόδες εἶεν· ### book 12.79 πέτρη γὰρ λίς ἐστι, περιξέστῃ ἐϊκυῖα. ### book 12.80 μέσσῳ δ’ ἐν σκοπέλῳ ἐστὶ σπέος ἠεροειδές, ### book 12.81 πρὸς ζόφον εἰς Ἔρεβος τετραμμένον, ᾗ περ ἂν ὑμεῖς ### book 12.82 νῆα παρὰ γλαφυρὴν ἰθύνετε, φαίδιμ’ Ὀδυσσεῦ. ### book 12.83 οὐδέ κεν ἐκ νηὸς γλαφυρῆς αἰζήϊος ἀνὴρ ### book 12.84 τόξῳ ὀϊστεύσας κοῖλον σπέος εἰσαφίκοιτο. ### book 12.85 ἔνθα δ’ ἐνὶ Σκύλλη ναίει δεινὸν λελακυῖα. ### book 12.86 τῆς ἦ τοι φωνὴ μὲν ὅση σκύλακος νεογιλλῆς ### book 12.87 γίνεται, αὐτὴ δ’ αὖτε πέλωρ κακόν· οὐδέ κέ τίς μιν ### book 12.88 γηθήσειεν ἰδών, οὐδ’ εἰ θεὸς ἀντιάσειε. ### book 12.89 τῆς ἦ τοι πόδες εἰσὶ δυώδεκα πάντες ἄωροι, ### book 12.90 ἓξ δέ τέ οἱ δειραὶ περιμήκεες, ἐν δὲ ἑκάστῃ ### book 12.91 σμερδαλέη κεφαλή, ἐν δὲ τρίστοιχοι ὀδόντες, ### book 12.92 πυκνοὶ καὶ θαμέες, πλεῖοι μέλανος θανάτοιο. ### book 12.93 μέσση μέν τε κατὰ σπείους κοίλοιο δέδυκεν, ### book 12.94 ἔξω δ’ ἐξίσχει κεφαλὰς δεινοῖο βερέθρου· ### book 12.95 αὐτοῦ δ’ ἰχθυάᾳ, σκόπελον περιμαιμώωσα, ### book 12.96 δελφῖνάς τε κύνας τε καὶ εἴ ποθι μεῖζον ἕλῃσι ### book 12.97 κῆτος, ἃ μυρία βόσκει ἀγάστονος Ἀμφιτρίτη. ### book 12.98 τῇ δ’ οὔ πώ ποτε ναῦται ἀκήριοι εὐχετόωνται ### book 12.99 παρφυγέειν σὺν νηΐ· φέρει δέ τε κρατὶ ἑκάστῳ ### book 12.100 φῶτ’ ἐξαρπάξασα νεὸς κυανοπρῴροιο. ### book 12.101 τὸν δ’ ἕτερον σκόπελον χθαμαλώτερον ὄψει, Ὀδυσσεῦ, ### book 12.102 πλησίον ἀλλήλων· καί κεν διοϊστεύσειας. ### book 12.103 τῷ δ’ ἐν ἐρινεός ἐστι μέγας, φύλλοισι τεθηλώς· ### book 12.104 τῷ δ’ ὑπὸ δῖα Χάρυβδις ἀναρρυβδεῖ μέλαν ὕδωρ. ### book 12.105 τρὶς μὲν γάρ τ’ ἀνίησιν ἐπ’ ἤματι, τρὶς δ’ ἀναρυβδεῖ, ### book 12.106 δεινόν· μὴ σύ γε κεῖθι τύχοις, ὅτε ῥυβδήσειεν· ### book 12.107 οὐ γάρ κεν ῥύσαιτό ς’ ὑπὲκ κακοῦ οὐδ’ ἐνοσίχθων. ### book 12.108 ἀλλὰ μάλα Σκύλλης σκοπέλῳ πεπλημένος ὦκα ### book 12.109 νῆα παρὲξ ἐλάαν, ἐπεὶ ἦ πολὺ φέρτερόν ἐστιν ### book 12.110 ἓξ ἑτάρους ἐν νηῒ ποθήμεναι ἢ ἅμα πάντας.‘ ### book 12.111 ὣς ἔφατ’, αὐτὰρ ἐγώ μιν ἀτυζόμενος προσέειπον· ### book 12.112 ‘εἰ δ’ ἄγε δή μοι τοῦτο, θεά, νημερτὲς ἐνίσπες, ### book 12.113 εἴ πως τὴν ὀλοὴν μὲν ὑπεκπροφύγοιμι Χάρυβδιν, ### book 12.114 τὴν δέ κ’ ἀμυναίμην, ὅτε μοι σίνοιτό γ’ ἑταίρους.‘ ### book 12.115 ὣς ἐφάμην, ἡ δ’ αὐτίκ’ ἀμείβετο δῖα θεάων· ### book 12.116 ‘σχέτλιε, καὶ δὴ αὖ τοι πολεμήϊα ἔργα μέμηλε ### book 12.117 καὶ πόνος, οὐδὲ θεοῖσιν ὑπείξεαι ἀθανάτοισιν; ### book 12.118 ἡ δέ τοι οὐ θνητή, ἀλλ’ ἀθάνατον κακόν ἐστι, ### book 12.119 δεινόν τ’ ἀργαλέον τε καὶ ἄγριον οὐδὲ μαχητόν· ### book 12.120 οὐδέ τις ἔστ’ ἀλκή· φυγέειν κάρτιστον ἀπ’ αὐτῆς. ### book 12.121 ἢν γὰρ δηθύνῃσθα κορυσσόμενος παρὰ πέτρῃ, ### book 12.122 δείδω μή ς’ ἐξαῦτις ἐφορμηθεῖσα κίχῃσι ### book 12.123 τόσσῃσιν κεφαλῇσι, τόσους δ’ ἐκ φῶτας ἕληται. ### book 12.124 ἀλλὰ μάλα σφοδρῶς ἐλάαν, βωστρεῖν δὲ Κράταιϊν, ### book 12.125 μητέρα τῆς Σκύλλης, ἥ μιν τέκε πῆμα βροτοῖσιν· ### book 12.126 ἥ μιν ἔπειτ’ ἀποπαύσει ἐς ὕστερον ὁρμηθῆναι. ### book 12.127 Θρινακίην δ’ ἐς νῆσον ἀφίξεαι· ἔνθα δὲ πολλαὶ ### book 12.128 βόσκοντ’ Ἠελίοιο βόες καὶ ἴφια μῆλα. ### book 12.129 ἑπτὰ βοῶν ἀγέλαι, τόσα δ’ οἰῶν πώεα καλά, ### book 12.130 πεντήκοντα δ’ ἕκαστα. γόνος δ’ οὐ γίνεται αὐτῶν, ### book 12.131 οὐδέ ποτε φθινύθουσι. θεαὶ δ’ ἐπιποιμένες εἰσί, ### book 12.132 νύμφαι ἐϋπλόκαμοι, Φαέθουσά τε Λαμπετίη τε, ### book 12.133 ἃς τέκεν Ἠελίῳ Ὑπερίονι δῖα Νέαιρα. ### book 12.134 τὰς μὲν ἄρα θρέψασα τεκοῦσά τε πότνια μήτηρ ### book 12.135 Θρινακίην ἐς νῆσον ἀπῴκισε τηλόθι ναίειν, ### book 12.136 μῆλα φυλασσέμεναι πατρώϊα καὶ ἕλικας βοῦς. ### book 12.137 τὰς εἰ μέν κ’ ἀσινέας ἐάᾳς νόστου τε μέδηαι, ### book 12.138 ἦ τ’ ἂν ἔτ’ εἰς Ἰθάκην, κακά περ πάσχοντες, ἵκοισθε· ### book 12.139 εἰ δέ κε σίνηαι, τότε τοι τεκμαίρομ’ ὄλεθρον ### book 12.140 [νηΐ τε καὶ ἑτάροις’. αὐτὸς δ’ εἴ πέρ κεν ἀλύξῃς, ### book 12.141 ὀψὲ κακῶς νεῖαι, ὀλέσας ἄπο πάντας ἑταίρους.‘] ### book 12.142 ὣς ἔφατ’, αὐτίκα δὲ χρυσόθρονος ἤλυθεν Ἠώς. ### book 12.143 ἡ μὲν ἔπειτ’ ἀνὰ νῆσον ἀπέστιχε δῖα θεάων· ### book 12.144 αὐτὰρ ἐγὼν ἐπὶ νῆα κιὼν ὤτρυνον ἑταίρους ### book 12.145 αὐτούς τ’ ἀμβαίνειν ἀνά τε πρυμνήσια λῦσαι. ### book 12.146 οἱ δ’ αἶψ’ εἴσβαινον καὶ ἐπὶ κληῖσι καθῖζον, ### book 12.147 [ἑξῆς δ’ ἑζόμενοι πολιὴν ἅλα τύπτον ἐρετμοῖς.] ### book 12.148 ἡμῖν δ’ αὖ κατόπισθε νεὸς κυανοπρῴροιο ### book 12.149 ἴκμενον οὖρον ἵει πλησίστιον, ἐσθλὸν ἑταῖρον, ### book 12.150 Κίρκη ἐϋπλόκαμος, δεινὴ θεὸς αὐδήεσσα. ### book 12.151 αὐτίκα δ’ ὅπλα ἕκαστα πονησάμενοι κατὰ νῆα ### book 12.152 ἥμεθα· τὴν δ’ ἄνεμός τε κυβερνήτης τ’ ἴθυνε. ### book 12.153 δὴ τότ’ ἐγὼν ἑτάροισι μετηύδων ἀχνύμενος κῆρ· ### book 12.154 ‘ὦ φίλοι, οὐ γὰρ χρὴ ἕνα ἴδμεναι οὐδὲ δύ’ οἴους ### book 12.155 θέσφαθ’, ἅ μοι Κίρκη μυθήσατο, δῖα θεάων· ### book 12.156 ἀλλ’ ἐρέω μὲν ἐγών, ἵνα εἰδότες ἠὲ θάνωμεν ### book 12.157 ἤ κεν ἀλευάμενοι θάνατον καὶ κῆρα φύγοιμεν. ### book 12.158 Σειρήνων μὲν πρῶτον ἀνώγει θεσπεσιάων ### book 12.159 φθόγγον ἀλεύασθαι καὶ λειμῶν’ ἀνθεμόεντα. ### book 12.160 οἶον ἔμ’ ἠνώγει ὄπ’ ἀκουέμεν· ἀλλά με δεσμῷ ### book 12.161 δήσατ’ ἐν ἀργαλέῳ, ὄφρ’ ἔμπεδον αὐτόθι μίμνω, ### book 12.162 ὀρθὸν ἐν ἱστοπέδῃ, ἐκ δ’ αὐτοῦ πείρατ’ ἀνήφθω. ### book 12.163 εἰ δέ κε λίσσωμαι ὑμέας λῦσαί τε κελεύω, ### book 12.164 ὑμεῖς δὲ πλεόνεσσι τότ’ ἐν δεσμοῖσι πιέζειν.‘ ### book 12.165 ἦ τοι ἐγὼ τὰ ἕκαστα λέγων ἑτάροισι πίφαυσκον· ### book 12.166 τόφρα δὲ καρπαλίμως ἐξίκετο νηῦς ἐϋεργὴς ### book 12.167 νῆσον Σειρήνοιϊν· ἔπειγε γὰρ οὖρος ἀπήμων. ### book 12.168 αὐτίκ’ ἔπειτ’ ἄνεμος μὲν ἐπαύσατο ἠδὲ γαλήνη ### book 12.169 ἔπλετο νηνεμίη, κοίμησε δὲ κύματα δαίμων. ### book 12.170 ἀνστάντες δ’ ἕταροι νεὸς ἱστία μηρύσαντο, ### book 12.171 καὶ τὰ μὲν ἐν νηῒ γλαφυρῇ θέσαν, οἱ δ’ ἐπ’ ἐρετμὰ ### book 12.172 ἑζόμενοι λεύκαινον ὕδωρ ξεστῇς’ ἐλάτῃσιν. ### book 12.173 αὐτὰρ ἐγὼ κηροῖο μέγαν τροχὸν ὀξέϊ χαλκῷ ### book 12.174 τυτθὰ διατμήξας χερσὶ στιβαρῇσι πίεζον· ### book 12.175 αἶψα δ’ ἰαίνετο κηρός, ἐπεὶ κέλετο μεγάλη ἲς ### book 12.176 Ἠελίου τ’ αὐγὴ Ὑπεριονίδαο ἄνακτος· ### book 12.177 ἑξείης δ’ ἑτάροισιν ἐπ’ οὔατα πᾶσιν ἄλειψα. ### book 12.178 οἱ δ’ ἐν νηΐ μ’ ἔδησαν ὁμοῦ χεῖράς τε πόδας τε ### book 12.179 ὀρθὸν ἐν ἱστοπέδῃ, ἐκ δ’ αὐτοῦ πείρατ’ ἀνῆπτον· ### book 12.180 αὐτοὶ δ’ ἑζόμενοι πολιὴν ἅλα τύπτον ἐρετμοῖς. ### book 12.181 ἀλλ’ ὅτε τόσσον ἀπῆμεν, ὅσον τε γέγωνε βοήσας, ### book 12.182 ῥίμφα διώκοντες, τὰς δ’ οὐ λάθεν ὠκύαλος νηῦς ### book 12.183 ἐγγύθεν ὀρνυμένη, λιγυρὴν δ’ ἔντυνον ἀοιδήν· ### book 12.184 ‘δεῦρ’ ἄγ’ ἰών, πολύαιν’ Ὀδυσεῦ, μέγα κῦδος Ἀχαιῶν, ### book 12.185 νῆα κατάστησον, ἵνα νωϊτέρην ὄπ’ ἀκούσῃς. ### book 12.186 οὐ γάρ πώ τις τῇδε παρήλασε νηῒ μελαίνῃ, ### book 12.187 πρίν γ’ ἡμέων μελίγηρυν ἀπὸ στομάτων ὄπ’ ἀκοῦσαι, ### book 12.188 ἀλλ’ ὅ γε τερψάμενος νεῖται καὶ πλείονα εἰδώς. ### book 12.189 ἴδμεν γάρ τοι πάνθ’, ὅς’ ἐνὶ Τροίῃ εὐρείῃ ### book 12.190 Ἀργεῖοι Τρῶές τε θεῶν ἰότητι μόγησαν, ### book 12.191 ἴδμεν δ’ ὅσσα γένηται ἐπὶ χθονὶ πουλυβοτείρῃ.‘ ### book 12.192 ὣς φάσαν ἱεῖσαι ὄπα κάλλιμον· αὐτὰρ ἐμὸν κῆρ ### book 12.193 ἤθελ’ ἀκουέμεναι, λῦσαί τ’ ἐκέλευον ἑταίρους ### book 12.194 ὀφρύσι νευστάζων· οἱ δὲ προπεσόντες ἔρεσσον. ### book 12.195 αὐτίκα δ’ ἀνστάντες Περιμήδης Εὐρύλοχός τε ### book 12.196 πλείοσί μ’ ἐν δεσμοῖσι δέον μᾶλλόν τε πίεζον. ### book 12.197 αὐτὰρ ἐπεὶ δὴ τάς γε παρήλασαν οὐδ’ ἔτ’ ἔπειτα ### book 12.198 φθόγγον Σειρήνων ἠκούομεν οὐδέ τ’ ἀοιδήν, ### book 12.199 αἶψ’ ἀπὸ κηρὸν ἕλοντο ἐμοὶ ἐρίηρες ἑταῖροι, ### book 12.200 ὅν σφιν ἐπ’ ὠσὶν ἄλειψ’, ἐμέ τ’ ἐκ δεσμῶν ἀνέλυσαν. ### book 12.201 ἀλλ’ ὅτε δὴ τὴν νῆσον ἐλείπομεν, αὐτίκ’ ἔπειτα ### book 12.202 καπνὸν καὶ μέγα κῦμα ἴδον καὶ δοῦπον ἄκουσα. ### book 12.203 τῶν δ’ ἄρα δεισάντων ἐκ χειρῶν ἔπτατ’ ἐρετμά, ### book 12.204 βόμβησαν δ’ ἄρα πάντα κατὰ ῥόον· ἔσχετο δ’ αὐτοῦ ### book 12.205 νηῦς, ἐπεὶ οὐκέτ’ ἐρετμὰ προήκεα χερσὶν ἔπειγον. ### book 12.206 αὐτὰρ ἐγὼ διὰ νηὸς ἰὼν ὤτρυνον ἑταίρους ### book 12.207 μειλιχίοις’ ἐπέεσσι παρασταδὸν ἄνδρα ἕκαστον· ### book 12.208 ‘ὦ φίλοι, οὐ γάρ πώ τι κακῶν ἀδαήμονές εἰμεν· ### book 12.209 οὐ μὲν δὴ τόδε μεῖζον ἔπι κακόν, ἢ ὅτε Κύκλωψ ### book 12.210 εἴλει ἐνὶ σπῆϊ γλαφυρῷ κρατερῆφι βίηφιν· ### book 12.211 ἀλλὰ καὶ ἔνθεν ἐμῇ ἀρετῇ βουλῇ τε νόῳ τε ### book 12.212 ἐκφύγομεν, καί που τῶνδε μνήσεσθαι ὀΐω. ### book 12.213 νῦν δ’ ἄγεθ’, ὡς ἂν ἐγὼ εἴπω, πειθώμεθα πάντες. ### book 12.214 ὑμεῖς μὲν κώπῃσιν ἁλὸς ῥηγμῖνα βαθεῖαν ### book 12.215 τύπτετε κληΐδεσσιν ἐφήμενοι, αἴ κέ ποθι Ζεὺς ### book 12.216 δώῃ τόνδε γ’ ὄλεθρον ὑπεκφυγέειν καὶ ἀλύξαι· ### book 12.217 σοὶ δέ, κυβερνῆθ’, ὧδ’ ἐπιτέλλομαι· ἀλλ’ ἐνὶ θυμῷ ### book 12.218 βάλλευ, ἐπεὶ νηὸς γλαφυρῆς οἰήϊα νωμᾷς· ### book 12.219 τούτου μὲν καπνοῦ καὶ κύματος ἐκτὸς ἔεργε ### book 12.220 νῆα, σὺ δὲ σκοπέλου ἐπιμαίεο, μή σε λάθῃσι ### book 12.221 κεῖς’ ἐξορμήσασα καὶ ἐς κακὸν ἄμμε βάλῃσθα.‘ ### book 12.222 ὣς ἐφάμην, οἱ δ’ ὦκα ἐμοῖς’ ἐπέεσσι πίθοντο. ### book 12.223 Σκύλλην δ’ οὐκέτ’ ἐμυθεόμην, ἄπρηκτον ἀνίην, ### book 12.224 μή πώς μοι δείσαντες ἀπολλήξειαν ἑταῖροι ### book 12.225 εἰρεσίης, ἐντὸς δὲ πυκάζοιεν σφέας αὐτούς. ### book 12.226 καὶ τότε δὴ Κίρκης μὲν ἐφημοσύνης ἀλεγεινῆς ### book 12.227 λανθανόμην, ἐπεὶ οὔ τί μ’ ἀνώγει θωρήσσεσθαι· ### book 12.228 αὐτὰρ ἐγὼ καταδὺς κλυτὰ τεύχεα καὶ δύο δοῦρε ### book 12.229 μάκρ’ ἐν χερσὶν ἑλὼν εἰς ἴκρια νηὸς ἔβαινον ### book 12.230 πρῴρης· ἔνθεν γάρ μιν ἐδέγμην πρῶτα φανεῖσθαι ### book 12.231 Σκύλλην πετραίην, ἥ μοι φέρε πῆμ’ ἑτάροισιν. ### book 12.232 οὐδέ πῃ ἀθρῆσαι δυνάμην· ἔκαμον δέ μοι ὄσσε ### book 12.233 πάντῃ παπταίνοντι πρὸς ἠεροειδέα πέτρην. ### book 12.234 ἡμεῖς μὲν στεινωπὸν ἀνεπλέομεν γοόωντες· ### book 12.235 ἔνθεν γὰρ Σκύλλη, ἑτέρωθι δὲ δῖα Χάρυβδις ### book 12.236 δεινὸν ἀνερρύβδησε θαλάσσης ἁλμυρὸν ὕδωρ. ### book 12.237 ἦ τοι ὅτ’ ἐξεμέσειε, λέβης ὣς ἐν πυρὶ πολλῷ ### book 12.238 πᾶς’ ἀναμορμύρεσκε κυκωμένη· ὑψόσε δ’ ἄχνη ### book 12.239 ἄκροισι σκοπέλοισιν ἐπ’ ἀμφοτέροισιν ἔπιπτεν. ### book 12.240 ἀλλ’ ὅτ’ ἀναβρόξειε θαλάσσης ἁλμυρὸν ὕδωρ, ### book 12.241 πᾶς’ ἔντοσθε φάνεσκε κυκωμένη, ἀμφὶ δὲ πέτρη ### book 12.242 δεινὸν βεβρύχει, ὑπένερθε δὲ γαῖα φάνεσκε ### book 12.243 ψάμμῳ κυανέη· τοὺς δὲ χλωρὸν δέος ᾕρει. ### book 12.244 ἡμεῖς μὲν πρὸς τὴν ἴδομεν δείσαντες ὄλεθρον· ### book 12.245 τόφρα δέ μοι Σκύλλη γλαφυρῆς ἐκ νηὸς ἑταίρους ### book 12.246 ἓξ ἕλεθ’, οἳ χερσίν τε βίηφί τε φέρτατοι ἦσαν. ### book 12.247 σκεψάμενος δ’ ἐς νῆα θοὴν ἅμα καὶ μεθ’ ἑταίρους ### book 12.248 ἤδη τῶν ἐνόησα πόδας καὶ χεῖρας ὕπερθεν ### book 12.249 ὑψός’ ἀειρομένων· ἐμὲ δὲ φθέγγοντο καλεῦντες ### book 12.250 ἐξονομακλήδην, τότε γ’ ὕστατον, ἀχνύμενοι κῆρ. ### book 12.251 ὡς δ’ ὅτ’ ἐπὶ προβόλῳ ἁλιεὺς περιμήκεϊ ῥάβδῳ ### book 12.252 ἰχθύσι τοῖς ὀλίγοισι δόλον κατὰ εἴδατα βάλλων ### book 12.253 ἐς πόντον προΐησι βοὸς κέρας ἀγραύλοιο, ### book 12.254 ἀσπαίροντα δ’ ἔπειτα λαβὼν ἔρριψε θύραζε, ### book 12.255 ὣς οἵ γ’ ἀσπαίροντες ἀείροντο προτὶ πέτρας. ### book 12.256 αὐτοῦ δ’ εἰνὶ θύρῃσι κατήσθιε κεκλήγοντας, ### book 12.257 χεῖρας ἐμοὶ ὀρέγοντας ἐν αἰνῇ δηϊοτῆτι. ### book 12.258 οἴκτιστον δὴ κεῖνο ἐμοῖς’ ἴδον ὀφθαλμοῖσι ### book 12.259 πάντων, ὅσς’ ἐμόγησα πόρους ἁλὸς ἐξερεείνων. ### book 12.260 αὐτὰρ ἐπεὶ πέτρας φύγομεν δεινήν τε Χάρυβδιν ### book 12.261 Σκύλλην τ’, αὐτίκ’ ἔπειτα θεοῦ ἐς ἀμύμονα νῆσον ### book 12.262 ἱκόμεθ’· ἔνθα δ’ ἔσαν καλαὶ βόες εὐρυμέτωποι, ### book 12.263 πολλὰ δὲ ἴφια μῆλ’ Ὑπερίονος Ἠελίοιο. ### book 12.264 δὴ τότ’ ἐγὼν ἔτι πόντῳ ἐὼν ἐν νηῒ μελαίνῃ ### book 12.265 μυκηθμοῦ τ’ ἤκουσα βοῶν αὐλιζομενάων ### book 12.266 οἰῶν τε βληχήν· καί μοι ἔπος ἔμπεσε θυμῷ ### book 12.267 μάντιος ἀλαοῦ, Θηβαίου Τειρεσίαο, ### book 12.268 Κίρκης τ’ Αἰαίης, ἥ μοι μάλα πόλλ’ ἐπέτελλε ### book 12.269 νῆσον ἀλεύασθαι τερψιμβρότου Ἠελίοιο. ### book 12.270 δὴ τότ’ ἐγὼν ἑτάροισι μετηύδων ἀχνύμενος κῆρ· ### book 12.271 ‘κέκλυτέ μευ μύθων, κακά περ πάσχοντες ἑταῖροι, ### book 12.272 ὄφρ’ ὕμιν εἴπω μαντήϊα Τειρεσίαο ### book 12.273 Κίρκης τ’ Αἰαίης, ἥ μοι μάλα πόλλ’ ἐπέτελλε ### book 12.274 νῆσον ἀλεύασθαι τερψιμβρότου Ἠελίοιο· ### book 12.275 ἔνθα γὰρ αἰνότατον κακὸν ἔμμεναι ἄμμιν ἔφασκεν. ### book 12.276 ἀλλὰ παρὲξ τὴν νῆσον ἐλαύνετε νῆα μέλαιναν.‘ ### book 12.277 ὣς ἐφάμην, τοῖσιν δὲ κατεκλάσθη φίλον ἦτορ. ### book 12.278 αὐτίκα δ’ Εὐρύλοχος στυγερῷ μ’ ἠμείβετο μύθῳ· ### book 12.279 ‘σχέτλιός εἰς, Ὀδυσεῦ, περί τοι μένος, οὐδέ τι γυῖα ### book 12.280 κάμνεις· ἦ ῥά νυ σοί γε σιδήρεα πάντα τέτυκται, ### book 12.281 ὅς ῥ’ ἑτάρους καμάτῳ ἀδηκότας ἠδὲ καὶ ὕπνῳ ### book 12.282 οὐκ ἐάᾳς γαίης ἐπιβήμεναι, ἔνθα κεν αὖτε ### book 12.283 νήσῳ ἐν ἀμφιρύτῃ λαρὸν τετυκοίμεθα δόρπον, ### book 12.284 ἀλλ’ αὔτως διὰ νύκτα θοὴν ἀλάλησθαι ἄνωγας, ### book 12.285 νήσου ἀποπλαγχθέντας, ἐν ἠεροειδέϊ πόντῳ. ### book 12.286 ἐκ νυκτῶν δ’ ἄνεμοι χαλεποί, δηλήματα νηῶν, ### book 12.287 γίνονται· πῇ κέν τις ὑπεκφύγοι αἰπὺν ὄλεθρον, ### book 12.288 ἤν πως ἐξαπίνης ἔλθῃ ἀνέμοιο θύελλα, ### book 12.289 ἢ νότου ἢ ζεφύροιο δυσαέος, οἵ τε μάλιστα ### book 12.290 νῆα διαρραίουσι, θεῶν ἀέκητι ἀνάκτων; ### book 12.291 ἀλλ’ ἦ τοι νῦν μὲν πειθώμεθα νυκτὶ μελαίνῃ ### book 12.292 δόρπον θ’ ὁπλισόμεσθα θοῇ παρὰ νηῒ μένοντες· ### book 12.293 ἠῶθεν δ’ ἀναβάντες ἐνήσομεν εὐρέϊ πόντῳ.‘ ### book 12.294 ὣς ἔφατ’ Εὐρύλοχος, ἐπὶ δ’ ᾔνεον ἄλλοι ἑταῖροι. ### book 12.295 καὶ τότε δὴ γίνωσκον, ὃ δὴ κακὰ μήδετο δαίμων, ### book 12.296 καί μιν φωνήσας ἔπεα πτερόεντα προσηύδων· ### book 12.297 ‘Εὐρύλοχ’, ἦ μάλα δή με βιάζετε μοῦνον ἐόντα. ### book 12.298 ἀλλ’ ἄγε νῦν μοι πάντες ὀμόσσατε καρτερὸν ὅρκον· ### book 12.299 εἴ κέ τιν’ ἠὲ βοῶν ἀγέλην ἢ πῶϋ μέγ’ οἰῶν ### book 12.300 εὕρωμεν, μή πού τις ἀτασθαλίῃσι κακῇσιν ### book 12.301 ἢ βοῦν ἠέ τι μῆλον ἀποκτάνῃ· ἀλλὰ ἕκηλοι ### book 12.302 ἐσθίετε βρώμην, τὴν ἀθανάτη πόρε Κίρκη.‘ ### book 12.303 ὣς ἐφάμην, οἱ δ’ αὐτίκ’ ἀπώμνυον ὡς ἐκέλευον. ### book 12.304 αὐτὰρ ἐπεί ῥ’ ὄμοσάν τε τελεύτησάν τε τὸν ὅρκον, ### book 12.305 στήσαμεν ἐν λιμένι γλαφυρῷ εὐεργέα νῆα ### book 12.306 ἄγχ’ ὕδατος γλυκεροῖο καὶ ἐξαπέβησαν ἑταῖροι ### book 12.307 νηός, ἔπειτα δὲ δόρπον ἐπισταμένως τετύκοντο. ### book 12.308 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 12.309 μνησάμενοι δὴ ἔπειτα φίλους ἔκλαιον ἑταίρους, ### book 12.310 οὓς ἔφαγε Σκύλλη γλαφυρῆς ἐκ νηὸς ἑλοῦσα· ### book 12.311 κλαιόντεσσι δὲ τοῖσιν ἐπήλυθε νήδυμος ὕπνος. ### book 12.312 ἦμος δὲ τρίχα νυκτὸς ἔην, μετὰ δ’ ἄστρα βεβήκει, ### book 12.313 ὦρσεν ἔπι ζαὴν ἄνεμον νεφεληγερέτα Ζεὺς ### book 12.314 λαίλαπι θεσπεσίῃ, σὺν δὲ νεφέεσσι κάλυψε ### book 12.315 γαῖαν ὁμοῦ καὶ πόντον· ὀρώρει δ’ οὐρανόθεν νύξ. ### book 12.316 ἦμος δ’ ἠριγένεια φάνη ῥοδοδάκτυλος Ἠώς, ### book 12.317 νῆα μὲν ὡρμίσαμεν, κοῖλον σπέος εἰσερύσαντες· ### book 12.318 ἔνθα δ’ ἔσαν Νυμφέων καλοὶ χοροὶ ἠδὲ θόωκοι· ### book 12.319 καὶ τότ’ ἐγὼν ἀγορὴν θέμενος μετὰ πᾶσιν ἔειπον· ### book 12.320 ‘ὦ φίλοι, ἐν γὰρ νηῒ θοῇ βρῶσίς τε πόσις τε ### book 12.321 ἔστιν, τῶν δὲ βοῶν ἀπεχώμεθα, μή τι πάθωμεν· ### book 12.322 δεινοῦ γὰρ θεοῦ αἵδε βόες καὶ ἴφια μῆλα, ### book 12.323 Ἠελίου, ὃς πάντ’ ἐφορᾷ καὶ πάντ’ ἐπακούει.‘ ### book 12.324 ὣς ἐφάμην, τοῖσιν δ’ ἐπεπείθετο θυμὸς ἀγήνωρ. ### book 12.325 μῆνα δὲ πάντ’ ἄλληκτος ἄη νότος, οὐδέ τις ἄλλος ### book 12.326 γίνετ’ ἔπειτ’ ἀνέμων, εἰ μὴ εὖρός τε νότος τε. ### book 12.327 οἱ δ’ εἷος μὲν σῖτον ἔχον καὶ οἶνον ἐρυθρόν, ### book 12.328 τόφρα βοῶν ἀπέχοντο λιλαιόμενοι βιότοιο· ### book 12.329 ἀλλ’ ὅτε δὴ νηὸς ἐξέφθιτο ἤϊα πάντα, ### book 12.330 καὶ δὴ ἄγρην ἐφέπεσκον ἀλητεύοντες ἀνάγκῃ, ### book 12.331 ἰχθῦς ὄρνιθάς τε, φίλας ὅ τι χεῖρας ἵκοιτο, ### book 12.332 γναμπτοῖς’ ἀγκίστροισιν· ἔτειρε δὲ γαστέρα λιμός· ### book 12.333 δὴ τότ’ ἐγὼν ἀνὰ νῆσον ἀπέστιχον, ὄφρα θεοῖσιν ### book 12.334 εὐξαίμην, εἴ τίς μοι ὁδὸν φήνειε νέεσθαι. ### book 12.335 ἀλλ’ ὅτε δὴ διὰ νήσου ἰὼν ἤλυξα ἑταίρους, ### book 12.336 χεῖρας νιψάμενος, ὅθ’ ἐπὶ σκέπας ἦν ἀνέμοιο, ### book 12.337 ἠρώμην πάντεσσι θεοῖς’, οἳ Ὄλυμπον ἔχουσιν· ### book 12.338 οἱ δ’ ἄρα μοι γλυκὺν ὕπνον ἐπὶ βλεφάροισιν ἔχευαν. ### book 12.339 Εὐρύλοχος δ’ ἑτάροισι κακῆς ἐξήρχετο βουλῆς· ### book 12.340 ‘κέκλυτέ μευ μύθων, κακά περ πάσχοντες ἑταῖροι· ### book 12.341 πάντες μὲν στυγεροὶ θάνατοι δειλοῖσι βροτοῖσι, ### book 12.342 λιμῷ δ’ οἴκτιστον θανέειν καὶ πότμον ἐπισπεῖν. ### book 12.343 ἀλλ’ ἄγετ’, Ἠελίοιο βοῶν ἐλάσαντες ἀρίστας ### book 12.344 ῥέξομεν ἀθανάτοισι, τοὶ οὐρανὸν εὐρὺν ἔχουσιν. ### book 12.345 εἰ δέ κεν εἰς Ἰθάκην ἀφικοίμεθα, πατρίδα γαῖαν, ### book 12.346 αἶψά κεν Ἠελίῳ Ὑπερίονι πίονα νηὸν ### book 12.347 τεύξομεν, ἐν δέ κε θεῖμεν ἀγάλματα πολλὰ καὶ ἐσθλά. ### book 12.348 εἰ δὲ χολωσάμενός τι βοῶν ὀρθοκραιράων ### book 12.349 νῆ’ ἐθέλῃ ὀλέσαι, ἐπὶ δ’ ἕσπωνται θεοὶ ἄλλοι, ### book 12.350 βούλομ’ ἅπαξ πρὸς κῦμα χανὼν ἀπὸ θυμὸν ὀλέσσαι ### book 12.351 ἢ δηθὰ στρεύγεσθαι ἐὼν ἐν νήσῳ ἐρήμῃ.‘ ### book 12.352 ὣς ἔφατ’ Εὐρύλοχος, ἐπὶ δ’ ᾔνεον ἄλλοι ἑταῖροι. ### book 12.353 αὐτίκα δ’ Ἠελίοιο βοῶν ἐλάσαντες ἀρίστας ### book 12.354 ἐγγύθεν· —οὐ γὰρ τῆλε νεὸς κυανοπρῴροιο ### book 12.355 βοσκέσκονθ’ ἕλικες καλαὶ βόες εὐρυμέτωποι· — ### book 12.356 τὰς δὲ περιστήσαντο καὶ εὐχετόωντο θεοῖσι, ### book 12.357 φύλλα δρεψάμενοι τέρενα δρυὸς ὑψικόμοιο· ### book 12.358 οὐ γὰρ ἔχον κρῖ λευκὸν ἐϋσσέλμου ἐπὶ νηός. ### book 12.359 αὐτὰρ ἐπεί ῥ’ εὔξαντο καὶ ἔσφαξαν καὶ ἔδειραν, ### book 12.360 μηρούς τ’ ἐξέταμον κατά τε κνίσῃ ἐκάλυψαν, ### book 12.361 δίπτυχα ποιήσαντες, ἐπ’ αὐτῶν δ’ ὠμοθέτησαν. ### book 12.362 οὐδ’ εἶχον μέθυ λεῖψαι ἐπ’ αἰθομένοις’ ἱεροῖσιν, ### book 12.363 ἀλλ’ ὕδατι σπένδοντες ἐπώπτων ἔγκατα πάντα. ### book 12.364 αὐτὰρ ἐπεὶ κατὰ μῆρ’ ἐκάη καὶ σπλάγχνα πάσαντο, ### book 12.365 μίστυλλόν τ’ ἄρα τἆλλα καὶ ἀμφ’ ὀβελοῖσιν ἔπειρον. ### book 12.366 καὶ τότε μοι βλεφάρων ἐξέσσυτο νήδυμος ὕπνος· ### book 12.367 βῆν δ’ ἰέναι ἐπὶ νῆα θοὴν καὶ θῖνα θαλάσσης. ### book 12.368 ἀλλ’ ὅτε δὴ σχεδὸν ἦα κιὼν νεὸς ἀμφιελίσσης, ### book 12.369 καὶ τότε με κνίσης ἀμφήλυθεν ἡδὺς ἀϋτμή· ### book 12.370 οἰμώξας δὲ θεοῖσι μετ’ ἀθανάτοισι γεγώνευν· ### book 12.371 ‘Ζεῦ πάτερ ἠδ’ ἄλλοι μάκαρες θεοὶ αἰὲν ἐόντες, ### book 12.372 ἦ με μάλ’ εἰς ἄτην κοιμήσατε νηλέϊ ὕπνῳ, ### book 12.373 οἱ δ’ ἕταροι μέγα ἔργον ἐμητίσαντο μένοντες.‘ ### book 12.374 ὠκέα δ’ Ἠελίῳ Ὑπερίονι ἄγγελος ἦλθε ### book 12.375 Λαμπετίη τανύπεπλος, ὅ οἱ βόας ἔκταμεν ἡμεῖς. ### book 12.376 αὐτίκα δ’ ἀθανάτοισι μετηύδα χωόμενος κῆρ· ### book 12.377 ‘Ζεῦ πάτερ ἠδ’ ἄλλοι μάκαρες θεοὶ αἰὲν ἐόντες, ### book 12.378 τεῖσαι δὴ ἑτάρους Λαερτιάδεω Ὀδυσῆος, ### book 12.379 οἵ μευ βοῦς ἔκτειναν ὑπέρβιον, ᾗσιν ἐγώ γε ### book 12.380 χαίρεσκον μὲν ἰὼν εἰς οὐρανὸν ἀστερόεντα, ### book 12.381 ἠδ’ ὁπότ’ ἂψ ἐπὶ γαῖαν ἀπ’ οὐρανόθεν προτραποίμην. ### book 12.382 εἰ δέ μοι οὐ τείσουσι βοῶν ἐπιεικέ’ ἀμοιβήν, ### book 12.383 δύσομαι εἰς Ἀΐδαο καὶ ἐν νεκύεσσι φαείνω.‘ ### book 12.384 τὸν δ’ ἀπαμειβόμενος προσέφη νεφεληγερέτα Ζεύς· ### book 12.385 ‘Ἠέλι’, ἦ τοι μὲν σὺ μετ’ ἀθανάτοισι φάεινε ### book 12.386 καὶ θνητοῖσι βροτοῖσιν ἐπὶ ζείδωρον ἄρουραν· ### book 12.387 τῶν δέ κ’ ἐγὼ τάχα νῆα θοὴν ἀργῆτι κεραυνῷ ### book 12.388 τυτθὰ βαλὼν κεάσαιμι μέσῳ ἐνὶ οἴνοπι πόντῳ.‘ ### book 12.389 ταῦτα δ’ ἐγὼν ἤκουσα Καλυψοῦς ἠϋκόμοιο· ### book 12.390 ἡ δ’ ἔφη Ἑρμείαο διακτόρου αὐτὴ ἀκοῦσαι. ### book 12.391 αὐτὰρ ἐπεί ῥ’ ἐπὶ νῆα κατήλυθον ἠδὲ θάλασσαν, ### book 12.392 νείκεον ἄλλοθεν ἄλλον ἐπισταδόν, οὐδέ τι μῆχος ### book 12.393 εὑρέμεναι δυνάμεσθα· βόες δ’ ἀποτέθνασαν ἤδη. ### book 12.394 τοῖσιν δ’ αὐτίκ’ ἔπειτα θεοὶ τέραα προὔφαινον· ### book 12.395 εἷρπον μὲν ῥινοί, κρέα δ’ ἀμφ’ ὀβελοῖς’ ἐμεμύκει, ### book 12.396 ὀπταλέα τε καὶ ὠμά· βοῶν δ’ ὣς γίνετο φωνή. ### book 12.397 ἑξῆμαρ μὲν ἔπειτα ἐμοὶ ἐρίηρες ἑταῖροι ### book 12.398 δαίνυντ’ Ἠελίοιο βοῶν ἐλόωντες ἀρίστας· ### book 12.399 ἀλλ’ ὅτε δὴ ἕβδομον ἦμαρ ἐπὶ Ζεὺς θῆκε Κρονίων, ### book 12.400 καὶ τότ’ ἔπειτ’ ἄνεμος μὲν ἐπαύσατο λαίλαπι θύων, ### book 12.401 ἡμεῖς δ’ αἶψ’ ἀναβάντες ἐνήκαμεν εὐρέϊ πόντῳ, ### book 12.402 ἱστὸν στησάμενοι ἀνά θ’ ἱστία λεύκ’ ἐρύσαντες. ### book 12.403 ἀλλ’ ὅτε δὴ τὴν νῆσον ἐλείπομεν οὐδέ τις ἄλλη ### book 12.404 φαίνετο γαιάων, ἀλλ’ οὐρανὸς ἠδὲ θάλασσα, ### book 12.405 δὴ τότε κυανέην νεφέλην ἔστησε Κρονίων ### book 12.406 νηὸς ὕπερ γλαφυρῆς, ἤχλυσε δὲ πόντος ὑπ’ αὐτῆς. ### book 12.407 ἡ δ’ ἔθει οὐ μάλα πολλὸν ἐπὶ χρόνον· αἶψα γὰρ ἦλθε ### book 12.408 κεκληγὼς ζέφυρος μεγάλῃ σὺν λαίλαπι θύων. ### book 12.409 ἱστοῦ δὲ προτόνους ἔρρηξ’ ἀνέμοιο θύελλα ### book 12.410 ἀμφοτέρους, ἱστὸς δ’ ὀπίσω πέσεν, ὅπλα τε πάντα ### book 12.411 εἰς ἄντλον κατέχυνθ’· ὁ δ’ ἄρα πρυμνῇ ἐνὶ νηῒ ### book 12.412 πλῆξε κυβερνήτεω κεφαλήν, σὺν δ’ ὀστέ’ ἄραξε ### book 12.413 πάντ’ ἄμυδις κεφαλῆς· ὁ δ’ ἄρ’ ἀρνευτῆρι ἐοικὼς ### book 12.414 κάππες’ ἀπ’ ἰκριόφιν, λίπε δ’ ὀστέα θυμὸς ἀγήνωρ. ### book 12.415 Ζεὺς δ’ ἄμυδις βρόντησε καὶ ἔμβαλε νηῒ κεραυνόν· ### book 12.416 ἡ δ’ ἐλελίχθη πᾶσα Διὸς πληγεῖσα κεραυνῷ, ### book 12.417 ἐν δὲ θεείου πλῆτο· πέσον δ’ ἐκ νηὸς ἑταῖροι. ### book 12.418 οἱ δὲ κορώνῃσιν ἴκελοι περὶ νῆα μέλαιναν ### book 12.419 κύμασιν ἐμφορέοντο, θεὸς δ’ ἀποαίνυτο νόστον. ### book 12.420 αὐτὰρ ἐγὼ διὰ νηὸς ἐφοίτων, ὄφρ’ ἀπὸ τοίχους ### book 12.421 λῦσε κλύδων τρόπιος· τὴν δὲ ψιλὴν φέρε κῦμα. ### book 12.422 ἐκ δέ οἱ ἱστὸν ἄραξε ποτὶ τρόπιν· αὐτὰρ ἐπ’ αὐτῷ ### book 12.423 ἐπίτονος βέβλητο, βοὸς ῥινοῖο τετευχώς· ### book 12.424 τῷ ῥ’ ἄμφω συνέεργον ὁμοῦ τρόπιν ἠδὲ καὶ ἱστόν, ### book 12.425 ἑζόμενος δ’ ἐπὶ τοῖς φερόμην ὀλοοῖς’ ἀνέμοισιν. ### book 12.426 ἔνθ’ ἦ τοι ζέφυρος μὲν ἐπαύσατο λαίλαπι θύων, ### book 12.427 ἦλθε δ’ ἐπὶ νότος ὦκα, φέρων ἐμῷ ἄλγεα θυμῷ, ### book 12.428 ὄφρ’ ἔτι τὴν ὀλοὴν ἀναμετρήσαιμι Χάρυβδιν. ### book 12.429 παννύχιος φερόμην, ἅμα δ’ ἠελίῳ ἀνιόντι ### book 12.430 ἦλθον ἐπὶ Σκύλλης σκόπελον δεινήν τε Χάρυβδιν. ### book 12.431 ἡ μὲν ἀνερρύβδησε θαλάσσης ἁλμυρὸν ὕδωρ· ### book 12.432 αὐτὰρ ἐγὼ ποτὶ μακρὸν ἐρινεὸν ὑψός’ ἀερθείς, ### book 12.433 τῷ προσφὺς ἐχόμην ὡς νυκτερίς· οὐδέ πῃ εἶχον ### book 12.434 οὔτε στηρίξαι ποσὶν ἔμπεδον οὔτ’ ἐπιβῆναι· ### book 12.435 ῥίζαι γὰρ ἑκὰς εἶχον, ἀπήωροι δ’ ἔσαν ὄζοι ### book 12.436 μακροί τε μεγάλοι τε, κατεσκίαον δὲ Χάρυβδιν. ### book 12.437 νωλεμέως δ’ ἐχόμην, ὄφρ’ ἐξεμέσειεν ὀπίσσω ### book 12.438 ἱστὸν καὶ τρόπιν αὖτις· ἐελδομένῳ δέ μοι ἦλθον, ### book 12.439 ὄψ’· ἦμος δ’ ἐπὶ δόρπον ἀνὴρ ἀγορῆθεν ἀνέστη ### book 12.440 κρίνων νείκεα πολλὰ δικαζομένων αἰζηῶν, ### book 12.441 τῆμος δὴ τά γε δοῦρα Χαρύβδιος ἐξεφαάνθη. ### book 12.442 ἧκα δ’ ἐγὼ καθύπερθε πόδας καὶ χεῖρε φέρεσθαι, ### book 12.443 μέσσῳ δ’ ἐνδούπησα παρὲξ περιμήκεα δοῦρα, ### book 12.444 ἑζόμενος δ’ ἐπὶ τοῖσι διήρεσα χερσὶν ἐμῇσι. ### book 12.445 Σκύλλην δ’ οὐκέτ’ ἔασε πατὴρ ἀνδρῶν τε θεῶν τε ### book 12.446 εἰσιδέειν· οὐ γάρ κεν ὑπέκφυγον αἰπὺν ὄλεθρον. ### book 12.447 ἔνθεν δ’ ἐννῆμαρ φερόμην, δεκάτῃ δέ με νυκτὶ ### book 12.448 νῆσον ἐς Ὠγυγίην πέλασαν θεοί, ἔνθα Καλυψὼ ### book 12.449 ναίει ἐϋπλόκαμος, δεινὴ θεὸς αὐδήεσσα, ### book 12.450 ἥ μ’ ἐφίλει τ’ ἐκόμει τε. τί τοι τάδε μυθολογεύω; ### book 12.451 ἤδη γάρ τοι χθιζὸς ἐμυθεόμην ἐνὶ οἴκῳ ### book 12.452 σοί τε καὶ ἰφθίμῃ ἀλόχῳ· ἐχθρὸν δέ μοί ἐστιν ### book 12.453 αὖτις ἀριζήλως εἰρημένα μυθολογεύειν.” ### book 13.1 Ὣς ἔφαθ’, οἱ δ’ ἄρα πάντες ἀκὴν ἐγένοντο σιωπῇ, ### book 13.2 κηληθμῷ δ’ ἔσχοντο κατὰ μέγαρα σκιόεντα. ### book 13.3 τὸν δ’ αὖτ’ Ἀλκίνοος ἀπαμείβετο φώνησέν τε· ### book 13.4 “ὦ Ὀδυσεῦ, ἐπεὶ ἵκευ ἐμὸν ποτὶ χαλκοβατὲς δῶ, ### book 13.5 ὑψερεφές, τῶ ς’ οὔ τι πάλιν πλαγχθέντα γ’ ὀΐω ### book 13.6 ἂψ ἀπονοστήσειν, εἰ καὶ μάλα πολλὰ πέπονθας. ### book 13.7 ὑμέων δ’ ἀνδρὶ ἑκάστῳ ἐφιέμενος τάδε εἴρω, ### book 13.8 ὅσσοι ἐνὶ μεγάροισι γερούσιον αἴθοπα οἶνον ### book 13.9 αἰεὶ πίνετ’ ἐμοῖσιν, ἀκουάζεσθε δ’ ἀοιδοῦ· ### book 13.10 εἵματα μὲν δὴ ξείνῳ ἐϋξέστῃ ἐνὶ χηλῷ ### book 13.11 κεῖται καὶ χρυσὸς πολυδαίδαλος ἄλλα τε πάντα ### book 13.12 δῶρ’, ὅσα Φαιήκων βουληφόροι ἐνθάδ’ ἔνεικαν· ### book 13.13 ἀλλ’ ἄγε οἱ δῶμεν τρίποδα μέγαν ἠδὲ λέβητα ### book 13.14 ἀνδρακάς, ἡμεῖς δ’ αὖτε ἀγειρόμενοι κατὰ δῆμον ### book 13.15 τεισόμεθ’· ἀργαλέον γὰρ ἕνα προικὸς χαρίσασθαι.” ### book 13.16 ὣς ἔφατ’ Ἀλκίνοος, τοῖσιν δ’ ἐπιήνδανε μῦθος. ### book 13.17 οἱ μὲν κακκείοντες ἔβαν οἶκόνδε ἕκαστος· ### book 13.18 ἦμος δ’ ἠριγένεια φάνη ῥοδοδάκτυλος Ἠώς, ### book 13.19 νῆάδ’ ἐπεσσεύοντο, φέρον δ’ εὐήνορα χαλκόν. ### book 13.20 καὶ τὰ μὲν εὖ κατέθηχ’ ἱερὸν μένος Ἀλκινόοιο, ### book 13.21 αὐτὸς ἰὼν διὰ νηός, ὑπὸ ζυγά, μή τιν’ ἑταίρων ### book 13.22 βλάπτοι ἐλαυνόντων, ὁπότε σπερχοίατ’ ἐρετμοῖς· ### book 13.23 οἱ δ’ εἰς Ἀλκινόοιο κίον καὶ δαῖτ’ ἀλέγυνον. ### book 13.24 τοῖσι δὲ βοῦν ἱέρευς’ ἱερὸν μένος Ἀλκινόοιο ### book 13.25 Ζηνὶ κελαινεφέϊ Κρονίδῃ, ὃς πᾶσιν ἀνάσσει. ### book 13.26 μῆρα δὲ κήαντες δαίνυντ’ ἐρικυδέα δαῖτα ### book 13.27 τερπόμενοι· μετὰ δέ σφιν ἐμέλπετο θεῖος ἀοιδός, ### book 13.28 Δημόδοκος, λαοῖσι τετιμένος. αὐτὰρ Ὀδυσσεὺς ### book 13.29 πολλὰ πρὸς ἠέλιον κεφαλὴν τρέπε παμφανόωντα, ### book 13.30 δῦναι ἐπειγόμενος· δὴ γὰρ μενέαινε νέεσθαι. ### book 13.31 ὡς δ’ ὅτ’ ἀνὴρ δόρποιο λιλαίεται, ᾧ τε πανῆμαρ ### book 13.32 νειὸν ἀν’ ἕλκητον βόε οἴνοπε πηκτὸν ἄροτρον· ### book 13.33 ἀσπασίως δ’ ἄρα τῷ κατέδυ φάος ἠελίοιο ### book 13.34 δόρπον ἐποίχεσθαι, βλάβεται δέ τε γούνατ’ ἰόντι· ### book 13.35 ὣς Ὀδυσῆ’ ἀσπαστὸν ἔδυ φάος ἠελίοιο. ### book 13.36 αἶψα δὲ Φαιήκεσσι φιληρέτμοισι μετηύδα, ### book 13.37 Ἀλκινόῳ δὲ μάλιστα πιφαυσκόμενος φάτο μῦθον· ### book 13.38 “Ἀλκίνοε κρεῖον, πάντων ἀριδείκετε λαῶν, ### book 13.39 πέμπετέ με σπείσαντες ἀπήμονα, χαίρετε δ’ αὐτοί. ### book 13.40 ἤδη γὰρ τετέλεσται ἅ μοι φίλος ἤθελε θυμός, ### book 13.41 πομπὴ καὶ φίλα δῶρα, τά μοι θεοὶ Οὐρανίωνες ### book 13.42 ὄλβια ποιήσειαν· ἀμύμονα δ’ οἴκοι ἄκοιτιν ### book 13.43 νοστήσας εὕροιμι σὺν ἀρτεμέεσσι φίλοισιν. ### book 13.44 ὑμεῖς δ’ αὖθι μένοντες ἐϋφραίνοιτε γυναῖκας ### book 13.45 κουριδίας καὶ τέκνα· θεοὶ δ’ ἀρετὴν ὀπάσειαν ### book 13.46 παντοίην, καὶ μή τι κακὸν μεταδήμιον εἴη.” ### book 13.47 ὣς ἔφαθ’, οἱ δ’ ἄρα πάντες ἐπῄνεον ἠδ’ ἐκέλευον ### book 13.48 πεμπέμεναι τὸν ξεῖνον, ἐπεὶ κατὰ μοῖραν ἔειπε. ### book 13.49 καὶ τότε κήρυκα προσέφη μένος Ἀλκινόοιο· ### book 13.50 “Ποντόνοε, κρητῆρα κερασσάμενος μέθυ νεῖμον ### book 13.51 πᾶσιν ἀνὰ μέγαρον, ὄφρ’ εὐξάμενοι Διὶ πατρὶ ### book 13.52 τὸν ξεῖνον πέμπωμεν ἑὴν ἐς πατρίδα γαῖαν.” ### book 13.53 ὣς φάτο, Ποντόνοος δὲ μελίφρονα οἶνον ἐκίρνα, ### book 13.54 νώμησεν δ’ ἄρα πᾶσιν ἐπισταδόν· οἱ δὲ θεοῖσιν ### book 13.55 ἔσπεισαν μακάρεσσι, τοὶ οὐρανὸν εὐρὺν ἔχουσιν, ### book 13.56 αὐτόθεν ἐξ ἑδρέων. ἀνὰ δ’ ἵστατο δῖος Ὀδυσσεύς, ### book 13.57 Ἀρήτῃ δ’ ἐν χερσὶ τίθει δέπας ἀμφικύπελλον ### book 13.58 καί μιν φωνήσας ἔπεα πτερόεντα προσηύδα· ### book 13.59 “χαῖρέ μοι, ὦ βασίλεια, διαμπερές, εἰς ὅ κε γῆρας ### book 13.60 ἔλθῃ καὶ θάνατος, τά τ’ ἐπ’ ἀνθρώποισι πέλονται. ### book 13.61 αὐτὰρ ἐγὼ νέομαι· σὺ δὲ τέρπεο τῷδ’ ἐνὶ οἴκῳ ### book 13.62 παισί τε καὶ λαοῖσι καὶ Ἀλκινόῳ βασιλῆϊ.” ### book 13.63 ὣς εἰπὼν ὑπὲρ οὐδὸν ἐβήσετο δῖος Ὀδυσσεύς. ### book 13.64 τῷ δ’ ἅμα κήρυκα προΐει μένος Ἀλκινόοιο ### book 13.65 ἡγεῖσθαι ἐπὶ νῆα θοὴν καὶ θῖνα θαλάσσης. ### book 13.66 Ἀρήτη δ’ ἄρα οἱ δμῳὰς ἅμ’ ἔπεμπε γυναῖκας, ### book 13.67 τὴν μὲν φᾶρος ἔχουσαν ἐϋπλυνὲς ἠδὲ χιτῶνα, ### book 13.68 τὴν δ’ ἑτέρην χηλὸν πυκινὴν ἅμ’ ὄπασσε κομίζειν· ### book 13.69 ἡ δ’ ἄλλη σῖτόν τ’ ἔφερεν καὶ οἶνον ἐρυθρόν. ### book 13.70 αὐτὰρ ἐπεί ῥ’ ἐπὶ νῆα κατήλυθον ἠδὲ θάλασσαν, ### book 13.71 αἶψα τά γ’ ἐν νηῒ γλαφυρῇ πομπῆες ἀγαυοὶ ### book 13.72 δεξάμενοι κατέθεντο, πόσιν καὶ βρῶσιν ἅπασαν· ### book 13.73 κὰδ δ’ ἄρ’ Ὀδυσσῆϊ στόρεσαν ῥῆγός τε λίνον τε ### book 13.74 νηὸς ἐπ’ ἰκριόφιν γλαφυρῆς, ἵνα νήγρετον εὕδοι, ### book 13.75 πρυμνῆς· ἂν δὲ καὶ αὐτὸς ἐβήσετο καὶ κατέλεκτο ### book 13.76 σιγῇ· τοὶ δὲ καθῖζον ἐπὶ κληῖσιν ἕκαστοι ### book 13.77 κόσμῳ, πεῖσμα δ’ ἔλυσαν ἀπὸ τρητοῖο λίθοιο. ### book 13.78 εὖθ’ οἳ ἀνακλινθέντες ἀνερρίπτουν ἅλα πηδῷ, ### book 13.79 καὶ τῷ νήδυμος ὕπνος ἐπὶ βλεφάροισιν ἔπιπτε, ### book 13.80 νήγρετος ἥδιστος, θανάτῳ ἄγχιστα ἐοικώς. ### book 13.81 ἡ δ’, ὥς τ’ ἐν πεδίῳ τετράοροι ἄρσενες ἵπποι, ### book 13.82 πάντες ἅμ’ ὁρμηθέντες ὑπὸ πληγῇσιν ἱμάσθλης ### book 13.83 ὑψός’ ἀειρόμενοι ῥίμφα πρήσσουσι κέλευθον, ### book 13.84 ὣς ἄρα τῆς πρύμνη μὲν ἀείρετο, κῦμα δ’ ὄπισθεν ### book 13.85 πορφύρεον μέγα θῦε πολυφλοίσβοιο θαλάσσης. ### book 13.86 ἡ δὲ μάλ’ ἀσφαλέως θέεν ἔμπεδον· οὐδέ κεν ἴρηξ ### book 13.87 κίρκος ὁμαρτήσειεν, ἐλαφρότατος πετεηνῶν· ### book 13.88 ὣς ἡ ῥίμφα θέουσα θαλάσσης κύματ’ ἔταμνεν, ### book 13.89 ἄνδρα φέρουσα θεοῖς’ ἐναλίγκια μήδε’ ἔχοντα, ### book 13.90 ὃς πρὶν μὲν μάλα πολλὰ πάθ’ ἄλγεα ὃν κατὰ θυμόν, ### book 13.91 ἀνδρῶν τε πτολέμους ἀλεγεινά τε κύματα πείρων· ### book 13.92 δὴ τότε γ’ ἀτρέμας εὗδε, λελασμένος ὅσς’ ἐπεπόνθει. ### book 13.93 εὖτ’ ἀστὴρ ὑπερέσχε φαάντατος, ὅς τε μάλιστα ### book 13.94 ἔρχεται ἀγγέλλων φάος Ἠοῦς ἠριγενείης, ### book 13.95 τῆμος δὴ νήσῳ προσεπίλνατο ποντοπόρος νηῦς. ### book 13.96 Φόρκυνος δέ τίς ἐστι λιμήν, ἁλίοιο γέροντος, ### book 13.97 ἐν δήμῳ Ἰθάκης· δύο δὲ προβλῆτες ἐν αὐτῷ ### book 13.98 ἀκταὶ ἀπορρῶγες, λιμένος πότι πεπτηυῖαι, ### book 13.99 αἵ τ’ ἀνέμων σκεπόωσι δυσαήων μέγα κῦμα ### book 13.100 ἔκτοθεν· ἔντοσθεν δέ τ’ ἄνευ δεσμοῖο μένουσι ### book 13.101 νῆες ἐΰσσελμοι, ὅτ’ ἂν ὅρμου μέτρον ἵκωνται. ### book 13.102 αὐτὰρ ἐπὶ κρατὸς λιμένος τανύφυλλος ἐλαίη, ### book 13.103 ἀγχόθι δ’ αὐτῆς ἄντρον ἐπήρατον ἠεροειδές, ### book 13.104 ἱρὸν Νυμφάων, αἳ Νηϊάδες καλέονται. ### book 13.105 ἐν δὲ κρητῆρές τε καὶ ἀμφιφορῆες ἔασι ### book 13.106 λάϊνοι· ἔνθα δ’ ἔπειτα τιθαιβώσσουσι μέλισσαι. ### book 13.107 ἐν δ’ ἱστοὶ λίθεοι περιμήκεες, ἔνθα τε Νύμφαι ### book 13.108 φάρε’ ὑφαίνουσιν ἁλιπόρφυρα, θαῦμα ἰδέσθαι· ### book 13.109 ἐν δ’ ὕδατ’ ἀενάοντα. δύω δέ τέ οἱ θύραι εἰσίν, ### book 13.110 αἱ μὲν πρὸς βορέαο καταιβαταὶ ἀνθρώποισιν, ### book 13.111 αἱ δ’ αὖ πρὸς νότου εἰσὶ θεώτεραι· οὐδέ τι κείνῃ ### book 13.112 ἄνδρες ἐσέρχονται, ἀλλ’ ἀθανάτων ὁδός ἐστιν. ### book 13.113 ἔνθ’ οἵ γ’ εἰσέλασαν, πρὶν εἰδότες. ἡ μὲν ἔπειτα ### book 13.114 ἠπείρῳ ἐπέκελσεν ὅσον τ’ ἐπὶ ἥμισυ πάσης, ### book 13.115 σπερχομένη· τοῖον γὰρ ἐπείγετο χέρς’ ἐρετάων. ### book 13.116 οἱ δ’ ἐκ νηὸς βάντες ἐϋζύγου ἤπειρόνδε ### book 13.117 πρῶτον Ὀδυσσῆα γλαφυρῆς ἐκ νηὸς ἄειραν ### book 13.118 αὐτῷ σύν τε λίνῳ καὶ ῥήγεϊ σιγαλόεντι, ### book 13.119 κὰδ δ’ ἄρ’ ἐπὶ ψαμάθῳ ἔθεσαν δεδμημένον ὕπνῳ, ### book 13.120 ἐκ δὲ κτήματ’ ἄειραν, ἅ οἱ Φαίηκες ἀγαυοὶ ### book 13.121 ὤπασαν οἴκαδ’ ἰόντι διὰ μεγάθυμον Ἀθήνην. ### book 13.122 καὶ τὰ μὲν οὖν παρὰ πυθμέν’ ἐλαίης ἁθρόα θῆκαν ### book 13.123 ἐκτὸς ὁδοῦ, μή πώ τις ὁδιτάων ἀνθρώπων, ### book 13.124 πρὶν Ὀδυσῆ’ ἐγρέσθαι, ἐπελθὼν δηλήσαιτο· ### book 13.125 αὐτοὶ δ’ αὖ οἶκόνδε πάλιν κίον. οὐδ’ ἐνοσίχθων ### book 13.126 λήθετ’ ἀπειλάων, τὰς ἀντιθέῳ Ὀδυσῆϊ ### book 13.127 πρῶτον ἐπηπείλησε, Διὸς δ’ ἐξείρετο βουλήν· ### book 13.128 “Ζεῦ πάτερ, οὐκέτ’ ἐγώ γε μετ’ ἀθανάτοισι θεοῖσι ### book 13.129 τιμήεις ἔσομαι, ὅτε με βροτοὶ οὔ τι τίουσι, ### book 13.130 Φαίηκες, τοί πέρ τε ἐμῆς ἔξ εἰσι γενέθλης. ### book 13.131 καὶ γὰρ νῦν Ὀδυσῆ’ ἐφάμην κακὰ πολλὰ παθόντα ### book 13.132 οἴκαδ’ ἐλεύσεσθαι· —νόστον δέ οἱ οὔ ποτ’ ἀπηύρων ### book 13.133 πάγχυ, ἐπεὶ σὺ πρῶτον ὑπέσχεο καὶ κατένευσας· — ### book 13.134 οἱ δ’ εὕδοντ’ ἐν νηῒ θοῇ ἐπὶ πόντον ἄγοντες ### book 13.135 κάτθεσαν εἰν Ἰθάκῃ, ἔδοσαν δέ οἱ ἀγλαὰ δῶρα, ### book 13.136 χαλκόν τε χρυσόν τε ἅλις ἐσθῆτά θ’ ὑφαντήν, ### book 13.137 πόλλ’, ὅς’ ἂν οὐδέ ποτε Τροίης ἐξήρατ’ Ὀδυσσεύς, ### book 13.138 εἴ περ ἀπήμων ἦλθε, λαχὼν ἀπὸ ληΐδος αἶσαν.” ### book 13.139 τὸν δ’ ἀπαμειβόμενος προσέφη νεφεληγερέτα Ζεύς· ### book 13.140 “ὢ πόποι, ἐννοσίγαι’ εὐρυσθενές, οἷον ἔειπες. ### book 13.141 οὔ τί ς’ ἀτιμάζουσι θεοί· χαλεπὸν δέ κεν εἴη ### book 13.142 πρεσβύτατον καὶ ἄριστον ἀτιμίῃσιν ἰάλλειν. ### book 13.143 ἀνδρῶν δ’ εἴ πέρ τίς σε βίῃ καὶ κάρτεϊ εἴκων ### book 13.144 οὔ τι τίει, σοὶ δ’ ἐστὶ καὶ ἐξοπίσω τίσις αἰεί. ### book 13.145 ἕρξον ὅπως ἐθέλεις καί τοι φίλον ἔπλετο θυμῷ.” ### book 13.146 τὸν δ’ ἠμείβετ’ ἔπειτα Ποσειδάων ἐνοσίχθων· ### book 13.147 “αἶψά κ’ ἐγὼν ἕρξαιμι, κελαινεφές, ὡς ἀγορεύεις· ### book 13.148 ἀλλὰ σὸν αἰεὶ θυμὸν ὀπίζομαι ἠδ’ ἀλεείνω. ### book 13.149 νῦν αὖ Φαιήκων ἐθέλω περικαλλέα νῆα ### book 13.150 ἐκ πομπῆς ἀνιοῦσαν ἐν ἠεροειδέϊ πόντῳ ### book 13.151 ῥαῖσαι, ἵν’ ἤδη σχῶνται, ἀπολλήξωσι δὲ πομπῆς ### book 13.152 ἀνθρώπων, μέγα δέ σφιν ὄρος πόλει ἀμφικαλύψαι.” ### book 13.153 τὸν δ’ ἀπαμειβόμενος προσέφη νεφεληγερέτα Ζεύς· ### book 13.154 “ὦ πέπον, ὣς μὲν ἐμῷ θυμῷ δοκεῖ εἶναι ἄριστα· ### book 13.155 ὁππότε κεν δὴ πάντες ἐλαυνομένην προΐδωνται ### book 13.156 λαοὶ ἀπὸ πτόλιος, θεῖναι λίθον ἐγγύθι γαίης ### book 13.157 νηῒ θοῇ ἴκελον, ἵνα θαυμάζωσιν ἅπαντες ### book 13.158 ἄνθρωποι, μέγα δέ σφιν ὄρος πόλει ἀμφικαλύψαι.” ### book 13.159 αὐτὰρ ἐπεὶ τό γ’ ἄκουσε Ποσειδάων ἐνοσίχθων, ### book 13.160 βῆ ῥ’ ἴμεν ἐς Σχερίην, ὅθι Φαίηκες γεγάασιν. ### book 13.161 ἔνθ’ ἔμεν’· ἡ δὲ μάλα σχεδὸν ἤλυθε ποντοπόρος νηῦς ### book 13.162 ῥίμφα διωκομένη. τῆς δὲ σχεδὸν ἦλθ’ ἐνοσίχθων, ### book 13.163 ὅς μιν λᾶαν ἔθηκε καὶ ἐρρίζωσεν ἔνερθε ### book 13.164 χειρὶ καταπρηνεῖ ἐλάσας· ὁ δὲ νόσφι βεβήκει. ### book 13.165 οἱ δὲ πρὸς ἀλλήλους ἔπεα πτερόεντ’ ἀγόρευον ### book 13.166 Φαίηκες δολιχήρετμοι, ναυσικλυτοὶ ἄνδρες. ### book 13.167 ὧδε δέ τις εἴπεσκεν ἰδὼν ἐς πλησίον ἄλλον· ### book 13.168 “ὤ μοι, τίς δὴ νῆα θοὴν ἐπέδης’ ἐνὶ πόντῳ ### book 13.169 οἴκαδ’ ἐλαυνομένην; καὶ δὴ προὐφαίνετο πᾶσα.” ### book 13.170 ὣς ἄρα τις εἴπεσκε· τὰ δ’ οὐκ ἴσαν ὡς ἐτέτυκτο. ### book 13.171 τοῖσιν δ’ Ἀλκίνοος ἀγορήσατο καὶ μετέειπεν· ### book 13.172 “ὢ πόποι, ἦ μάλα δή με παλαίφατα θέσφαθ’ ἱκάνει ### book 13.173 πατρὸς ἐμοῦ, ὃς ἔφασκε Ποσειδάων’ ἀγάσασθαι ### book 13.174 ἡμῖν, οὕνεκα πομποὶ ἀπήμονές εἰμεν ἁπάντων. ### book 13.175 φῆ ποτε Φαιήκων ἀνδρῶν περικαλλέα νῆα ### book 13.176 ἐκ πομπῆς ἀνιοῦσαν ἐν ἠεροειδέϊ πόντῳ ### book 13.177 ῥαισέμεναι, μέγα δ’ ἧμιν ὄρος πόλει ἀμφικαλύψειν. ### book 13.178 ὣς ἀγόρευ’ ὁ γέρων· τὰ δὲ δὴ νῦν πάντα τελεῖται. ### book 13.179 ἀλλ’ ἄγεθ’, ὡς ἂν ἐγὼ εἴπω, πειθώμεθα πάντες· ### book 13.180 πομπῆς μὲν παύεσθε βροτῶν, ὅτε κέν τις ἵκηται ### book 13.181 ἡμέτερον προτὶ ἄστυ· Ποσειδάωνι δὲ ταύρους ### book 13.182 δώδεκα κεκριμένους ἱερεύσομεν, αἴ κ’ ἐλεήσῃ ### book 13.183 μηδ’ ἥμιν περίμηκες ὄρος πόλει ἀμφικαλύψῃ.” ### book 13.184 ὣς ἔφαθ’, οἱ δ’ ἔδδεισαν, ἑτοιμάσσαντο δὲ ταύρους. ### book 13.185 ὣς οἱ μέν ῥ’ εὔχοντο Ποσειδάωνι ἄνακτι ### book 13.186 δήμου Φαιήκων ἡγήτορες ἠδὲ μέδοντες, ### book 13.187 ἑσταότες περὶ βωμόν. ὁ δ’ ἔγρετο δῖος Ὀδυσσεὺς ### book 13.188 εὕδων ἐν γαίῃ πατρωΐῃ, οὐδέ μιν ἔγνω, ### book 13.189 ἤδη δὴν ἀπεών· περὶ γὰρ θεὸς ἠέρα χεῦε ### book 13.190 Παλλὰς Ἀθηναίη, κούρη Διός, ὄφρα μιν αὐτὸν ### book 13.191 ἄγνωστον τεύξειεν ἕκαστά τε μυθήσαιτο, ### book 13.192 μή μιν πρὶν ἄλοχος γνοίη ἀστοί τε φίλοι τε, ### book 13.193 πρὶν πᾶσαν μνηστῆρας ὑπερβασίην ἀποτεῖσαι. ### book 13.194 τοὔνεκ’ ἄρ’ ἀλλοειδέα φαινέσκετο πάντα ἄνακτι, ### book 13.195 ἀτραπιτοί τε διηνεκέες λιμένες τε πάνορμοι ### book 13.196 πέτραι τ’ ἠλίβατοι καὶ δένδρεα τηλεθάοντα. ### book 13.197 στῆ δ’ ἄρ’ ἀναΐξας καί ῥ’ εἴσιδε πατρίδα γαῖαν, ### book 13.198 ᾤμωξέν τ’ ἄρ’ ἔπειτα καὶ ὣ πεπλήγετο μηρὼ ### book 13.199 χερσὶ καταπρηνέσς’, ὀλοφυρόμενος δ’ ἔπος ηὔδα· ### book 13.200 “ὤ μοι ἐγώ, τέων αὖτε βροτῶν ἐς γαῖαν ἱκάνω; ### book 13.201 ἤ ῥ’ οἵ γ’ ὑβρισταί τε καὶ ἄγριοι οὐδὲ δίκαιοι, ### book 13.202 ἦε φιλόξεινοι καί σφιν νόος ἐστὶ θεουδής; ### book 13.203 πῇ δὴ χρήματα πολλὰ φέρω τάδε; πῇ δὲ καὶ αὐτὸς ### book 13.204 πλάγξομαι; αἴθ’ ὄφελον μεῖναι παρὰ Φαιήκεσσιν ### book 13.205 αὐτοῦ· ἐγὼ δέ κεν ἄλλον ὑπερμενέων βασιλήων ### book 13.206 ἐξικόμην, ὅς κέν μ’ ἐφίλει καὶ ἔπεμπε νέεσθαι. ### book 13.207 νῦν δ’ οὔτ’ ἄρ πῃ θέσθαι ἐπίσταμαι, οὐδὲ μὲν αὐτοῦ ### book 13.208 καλλείψω, μή πώς μοι ἕλωρ ἄλλοισι γένηται. ### book 13.209 ὢ πόποι, οὐκ ἄρα πάντα νοήμονες οὐδὲ δίκαιοι ### book 13.210 ἦσαν Φαιήκων ἡγήτορες ἠδὲ μέδοντες, ### book 13.211 οἵ μ’ εἰς ἄλλην γαῖαν ἀπήγαγον· ἦ τέ μ’ ἔφαντο ### book 13.212 ἄξειν εἰς Ἰθάκην εὐδείελον, οὐδ’ ἐτέλεσσαν. ### book 13.213 Ζεύς σφεας τείσαιτο ἱκετήσιος, ὅς τε καὶ ἄλλους ### book 13.214 ἀνθρώπους ἐφορᾷ καὶ τείνυται, ὅς τις ἁμάρτῃ. ### book 13.215 ἀλλ’ ἄγε δὴ τὰ χρήματ’ ἀριθμήσω καὶ ἴδωμαι, ### book 13.216 μή τί μοι οἴχωνται κοίλης ἐπὶ νηὸς ἄγοντες.” ### book 13.217 ὣς εἰπὼν τρίποδας περικαλλέας ἠδὲ λέβητας ### book 13.218 ἠρίθμει καὶ χρυσὸν ὑφαντά τε εἵματα καλά. ### book 13.219 τῶν μὲν ἄρ’ οὔ τι πόθει· ὁ δ’ ὀδύρετο πατρίδα γαῖαν ### book 13.220 ἑρπύζων παρὰ θῖνα πολυφλοίσβοιο θαλάσσης, ### book 13.221 πόλλ’ ὀλοφυρόμενος. σχεδόθεν δέ οἱ ἦλθεν Ἀθήνη, ### book 13.222 ἀνδρὶ δέμας εἰκυῖα νέῳ, ἐπιβώτορι μήλων, ### book 13.223 παναπάλῳ, οἷοί τε ἀνάκτων παῖδες ἔασι, ### book 13.224 δίπτυχον ἀμφ’ ὤμοισιν ἔχους’ εὐεργέα λώπην· ### book 13.225 ποσσὶ δ’ ὑπὸ λιπαροῖσι πέδιλ’ ἔχε, χερσὶ δ’ ἄκοντα. ### book 13.226 τὴν δ’ Ὀδυσεὺς γήθησεν ἰδὼν καὶ ἐναντίος ἦλθε ### book 13.227 καί μιν φωνήσας ἔπεα πτερόεντα προσηύδα· ### book 13.228 “ὦ φίλ’, ἐπεί σε πρῶτα κιχάνω τῷδ’ ἐνὶ χώρῳ, ### book 13.229 χαῖρέ τε καὶ μή μοί τι κακῷ νόῳ ἀντιβολήσαις, ### book 13.230 ἀλλὰ σάω μὲν ταῦτα, σάω δ’ ἐμέ· σοὶ γὰρ ἐγώ γε ### book 13.231 εὔχομαι ὥς τε θεῷ καί σευ φίλα γούναθ’ ἱκάνω. ### book 13.232 καί μοι τοῦτ’ ἀγόρευσον ἐτήτυμον, ὄφρ’ ἐῢ εἰδῶ· ### book 13.233 τίς γῆ, τίς δῆμος, τίνες ἀνέρες ἐγγεγάασιν; ### book 13.234 ἤ πού τις νήσων εὐδείελος, ἦέ τις ἀκτὴ ### book 13.235 κεῖθ’ ἁλὶ κεκλιμένη ἐριβώλακος ἠπείροιο;” ### book 13.236 τὸν δ’ αὖτε προσέειπε θεὰ γλαυκῶπις Ἀθήνη· ### book 13.237 “νήπιός εἰς, ὦ ξεῖν’, ἢ τηλόθεν εἰλήλουθας, ### book 13.238 εἰ δὴ τήνδε τε γαῖαν ἀνείρεαι. οὐδέ τι λίην ### book 13.239 οὕτω νώνυμός ἐστιν· ἴσασι δέ μιν μάλα πολλοί, ### book 13.240 ἠμὲν ὅσοι ναίουσι πρὸς ἠῶ τ’ ἠέλιόν τε, ### book 13.241 ἠδ’ ὅσσοι μετόπισθε ποτὶ ζόφον ἠερόεντα. ### book 13.242 ἦ τοι μὲν τρηχεῖα καὶ οὐχ ἱππήλατός ἐστιν ### book 13.243 οὐδὲ λίην λυπρή, ἀτὰρ οὐδ’ εὐρεῖα τέτυκται. ### book 13.244 ἐν μὲν γάρ οἱ σῖτος ἀθέσφατος, ἐν δέ τε οἶνος ### book 13.245 γίνεται· αἰεὶ δ’ ὄμβρος ἔχει τεθαλυῖά τ’ ἐέρση. ### book 13.246 αἰγίβοτος δ’ ἀγαθὴ καὶ βούβοτος· ἔστι μὲν ὕλη ### book 13.247 παντοίη, ἐν δ’ ἀρδμοὶ ἐπηετανοὶ παρέασι. ### book 13.248 τῶ τοι, ξεῖν’, Ἰθάκης γε καὶ ἐς Τροίην ὄνομ’ ἵκει, ### book 13.249 τήν περ τηλοῦ φασὶν Ἀχαιΐδος ἔμμεναι αἴης.” ### book 13.250 ὣς φάτο, γήθησεν δὲ πολύτλας δῖος Ὀδυσσεὺς ### book 13.251 χαίρων ᾗ γαίῃ πατρωΐῃ, ὥς οἱ ἔειπε ### book 13.252 Παλλὰς Ἀθηναίη, κούρη Διὸς αἰγιόχοιο· ### book 13.253 καί μιν φωνήσας ἔπεα πτερόεντα προσηύδα· — ### book 13.254 οὐδ’ ὅ γ’ ἀληθέα εἶπε, πάλιν δ’ ὅ γε λάζετο μῦθον, ### book 13.255 αἰὲν ἐνὶ στήθεσσι νόον πολυκερδέα νωμῶν· — ### book 13.256 “πυνθανόμην Ἰθάκης γε καὶ ἐν Κρήτῃ εὐρείῃ, ### book 13.257 τηλοῦ ὑπὲρ πόντου· νῦν δ’ εἰλήλουθα καὶ αὐτὸς ### book 13.258 χρήμασι σὺν τοίσδεσσι· λιπὼν δ’ ἔτι παισὶ τοσαῦτα ### book 13.259 φεύγω, ἐπεὶ φίλον υἷα κατέκτανον Ἰδομενῆος, ### book 13.260 Ὀρσίλοχον πόδας ὠκύν, ὃς ἐν Κρήτῃ εὐρείῃ ### book 13.261 ἀνέρας ἀλφηστὰς νίκα ταχέεσσι πόδεσσιν, ### book 13.262 οὕνεκά με στερέσαι τῆς ληΐδος ἤθελε πάσης ### book 13.263 Τρωϊάδος, τῆς εἵνεκ’ ἐγὼ πάθον ἄλγεα θυμῷ, ### book 13.264 ἀνδρῶν τε πτολέμους ἀλεγεινά τε κύματα πείρων, ### book 13.265 οὕνεκ’ ἄρ’ οὐχ ᾧ πατρὶ χαριζόμενος θεράπευον ### book 13.266 δήμῳ ἔνι Τρώων, ἀλλ’ ἄλλων ἦρχον ἑταίρων. ### book 13.267 τὸν μὲν ἐγὼ κατιόντα βάλον χαλκήρεϊ δουρὶ ### book 13.268 ἀγρόθεν, ἐγγὺς ὁδοῖο λοχησάμενος σὺν ἑταίρῳ· ### book 13.269 νὺξ δὲ μάλα δνοφερὴ κάτεχ’ οὐρανόν, οὐδέ τις ἥμεας ### book 13.270 ἀνθρώπων ἐνόησε, λάθον δέ ἑ θυμὸν ἀπούρας. ### book 13.271 αὐτὰρ ἐπεὶ δὴ τόν γε κατέκτανον ὀξέϊ χαλκῷ, ### book 13.272 αὐτίκ’ ἐγὼν ἐπὶ νῆα κιὼν Φοίνικας ἀγαυοὺς ### book 13.273 ἐλλισάμην καί σφιν μενοεικέα ληΐδα δῶκα· ### book 13.274 τούς μ’ ἐκέλευσα Πύλονδε καταστῆσαι καὶ ἐφέσσαι ### book 13.275 ἢ εἰς Ἤλιδα δῖαν, ὅθι κρατέουσιν Ἐπειοί. ### book 13.276 ἀλλ’ ἦ τοί σφεας κεῖθεν ἀπώσατο ἲς ἀνέμοιο ### book 13.277 πόλλ’ ἀεκαζομένους, οὐδ’ ἤθελον ἐξαπατῆσαι. ### book 13.278 κεῖθεν δὲ πλαγχθέντες ἱκάνομεν ἐνθάδε νυκτός. ### book 13.279 σπουδῇ δ’ ἐς λιμένα προερέσσαμεν, οὐδέ τις ἥμιν ### book 13.280 δόρπου μνῆστις ἔην μάλα περ χατέουσιν ἑλέσθαι, ### book 13.281 ἀλλ’ αὔτως ἀποβάντες ἐκείμεθα νηὸς ἅπαντες. ### book 13.282 ἔνθ’ ἐμὲ μὲν γλυκὺς ὕπνος ἐπέλλαβε κεκμηῶτα, ### book 13.283 οἱ δὲ χρήματ’ ἐμὰ γλαφυρῆς ἐκ νηὸς ἑλόντες ### book 13.284 κάτθεσαν, ἔνθα περ αὐτὸς ἐπὶ ψαμάθοισιν ἐκείμην. ### book 13.285 οἱ δ’ ἐς Σιδονίην εὖ ναιομένην ἀναβάντες ### book 13.286 ᾤχοντ’· αὐτὰρ ἐγὼ λιπόμην ἀκαχήμενος ἦτορ.” ### book 13.287 ὣς φάτο, μείδησεν δὲ θεὰ γλαυκῶπις Ἀθήνη, ### book 13.288 χειρί τέ μιν κατέρεξε· δέμας δ’ ἤϊκτο γυναικὶ ### book 13.289 καλῇ τε μεγάλῃ τε καὶ ἀγλαὰ ἔργα ἰδυίῃ· ### book 13.290 καί μιν φωνήσας’ ἔπεα πτερόεντα προσηύδα· ### book 13.291 “κερδαλέος κ’ εἴη καὶ ἐπίκλοπος, ὅς σε παρέλθοι ### book 13.292 ἐν πάντεσσι δόλοισι, καὶ εἰ θεὸς ἀντιάσειε. ### book 13.293 σχέτλιε, ποικιλομῆτα, δόλων ἄατ’, οὐκ ἄρ’ ἔμελλες, ### book 13.294 οὐδ’ ἐν σῇ περ ἐὼν γαίῃ, λήξειν ἀπατάων ### book 13.295 μύθων τε κλοπίων, οἵ τοι πεδόθεν φίλοι εἰσίν. ### book 13.296 ἀλλ’ ἄγε μηκέτι ταῦτα λεγώμεθα, εἰδότες ἄμφω ### book 13.297 κέρδε’, ἐπεὶ σὺ μέν ἐσσι βροτῶν ὄχ’ ἄριστος ἁπάντων ### book 13.298 βουλῇ καὶ μύθοισιν, ἐγὼ δ’ ἐν πᾶσι θεοῖσι ### book 13.299 μήτι τε κλέομαι καὶ κέρδεσιν· οὐδὲ σύ γ’ ἔγνως ### book 13.300 Παλλάδ’ Ἀθηναίην, κούρην Διός, ἥ τέ τοι αἰεὶ ### book 13.301 ἐν πάντεσσι πόνοισι παρίσταμαι ἠδὲ φυλάσσω, ### book 13.302 καὶ δέ σε Φαιήκεσσι φίλον πάντεσσιν ἔθηκα. ### book 13.303 νῦν αὖ δεῦρ’ ἱκόμην, ἵνα τοι σὺν μῆτιν ὑφήνω ### book 13.304 χρήματά τε κρύψω, ὅσα τοι Φαίηκες ἀγαυοὶ ### book 13.305 ὤπασαν οἴκαδ’ ἰόντι ἐμῇ βουλῇ τε νόῳ τε, ### book 13.306 εἴπω θ’ ὅσσα τοι αἶσα δόμοις’ ἔνι ποιητοῖσι ### book 13.307 κήδε’ ἀνασχέσθαι· σὺ δὲ τετλάμεναι καὶ ἀνάγκῃ, ### book 13.308 μηδέ τῳ ἐκφάσθαι μήτ’ ἀνδρῶν μήτε γυναικῶν, ### book 13.309 πάντων, οὕνεκ’ ἄρ’ ἦλθες ἀλώμενος, ἀλλὰ σιωπῇ ### book 13.310 πάσχειν ἄλγεα πολλά, βίας ὑποδέγμενος ἀνδρῶν.” ### book 13.311 τὴν δ’ ἀπαμειβόμενος προσέφη πολύμητις Ὀδυσσεύς· ### book 13.312 “ἀργαλέον σε, θεά, γνῶναι βροτῷ ἀντιάσαντι ### book 13.313 καὶ μάλ’ ἐπισταμένῳ· σὲ γὰρ αὐτὴν παντὶ ἐΐσκεις. ### book 13.314 τοῦτο δ’ ἐγὼν εὖ οἶδ’, ὅτι μοι πάρος ἠπίη ἦσθα, ### book 13.315 εἷος ἐνὶ Τροίῃ πολεμίζομεν υἷες Ἀχαιῶν· ### book 13.316 αὐτὰρ ἐπεὶ Πριάμοιο πόλιν διεπέρσαμεν αἰπήν, ### book 13.317 βῆμεν δ’ ἐν νήεσσι, θεὸς δ’ ἐκέδασσεν Ἀχαιούς, ### book 13.318 οὔ ς’ ἔτ’ ἔπειτα ἴδον, κούρη Διός, οὐδ’ ἐνόησα ### book 13.319 νηὸς ἐμῆς ἐπιβᾶσαν, ὅπως τί μοι ἄλγος ἀλάλκοις. ### book 13.320 ἀλλ’ αἰεὶ φρεσὶν ᾗσιν ἔχων δεδαϊγμένον ἦτορ ### book 13.321 ἠλώμην, εἷός με θεοὶ κακότητος ἔλυσαν· ### book 13.322 πρίν γ’ ὅτε Φαιήκων ἀνδρῶν ἐν πίονι δήμῳ ### book 13.323 θάρσυνάς τ’ ἐπέεσσι καὶ ἐς πόλιν ἤγαγες αὐτή. ### book 13.324 νῦν δέ σε πρὸς πατρὸς γουνάζομαι· —οὐ γὰρ ὀΐω ### book 13.325 ἥκειν εἰς Ἰθάκην εὐδείελον, ἀλλά τιν’ ἄλλην ### book 13.326 γαῖαν ἀναστρέφομαι· σὲ δὲ κερτομέουσαν ὀΐω ### book 13.327 ταῦτ’ ἀγορευέμεναι, ἵν’ ἐμὰς φρένας ἠπεροπεύῃς· — ### book 13.328 εἰπέ μοι εἰ ἐτεόν γε φίλην ἐς πατρίδ’ ἱκάνω.” ### book 13.329 τὸν δ’ ἠμείβετ’ ἔπειτα θεὰ γλαυκῶπις Ἀθήνη· ### book 13.330 “αἰεί τοι τοιοῦτον ἐνὶ στήθεσσι νόημα· ### book 13.331 τῶ σε καὶ οὐ δύναμαι προλιπεῖν δύστηνον ἐόντα, ### book 13.332 οὕνεκ’ ἐπητής ἐσσι καὶ ἀγχίνοος καὶ ἐχέφρων. ### book 13.333 ἀσπασίως γάρ κ’ ἄλλος ἀνὴρ ἀλαλήμενος ἐλθὼν ### book 13.334 ἵετ’ ἐνὶ μεγάροις’ ἰδέειν παῖδάς τ’ ἄλοχόν τε· ### book 13.335 σοὶ δ’ οὔ πω φίλον ἐστὶ δαήμεναι οὐδὲ πυθέσθαι, ### book 13.336 πρίν γ’ ἔτι σῆς ἀλόχου πειρήσεαι, ἥ τέ τοι αὔτως ### book 13.337 ἧσται ἐνὶ μεγάροισιν, ὀϊζυραὶ δέ οἱ αἰεὶ ### book 13.338 φθίνουσιν νύκτες τε καὶ ἤματα δάκρυ χεούσῃ. ### book 13.339 αὐτὰρ ἐγὼ τὸ μὲν οὔ ποτ’ ἀπίστεον, ἀλλ’ ἐνὶ θυμῷ ### book 13.340 ᾔδε’, ὃ νοστήσεις ὀλέσας ἄπο πάντας ἑταίρους· ### book 13.341 ἀλλά τοι οὐκ ἐθέλησα Ποσειδάωνι μάχεσθαι ### book 13.342 πατροκασιγνήτῳ, ὅς τοι κότον ἔνθετο θυμῷ, ### book 13.343 χωόμενος ὅτι οἱ υἱὸν φίλον ἐξαλάωσας. ### book 13.344 ἀλλ’ ἄγε τοι δείξω Ἰθάκης ἕδος, ὄφρα πεποίθῃς· ### book 13.345 Φόρκυνος μὲν ὅδ’ ἐστὶ λιμήν, ἁλίοιο γέροντος, ### book 13.346 ἥδε δ’ ἐπὶ κρατὸς λιμένος τανύφυλλος ἐλαίη· ### book 13.347 [ἀγχόθι δ’ αὐτῆς ἄντρον ἐπήρατον ἠεροειδές, ### book 13.348 ἱρὸν Νυμφάων, αἳ Νηϊάδες καλέονται·] ### book 13.349 τοῦτο δέ τοι σπέος εὐρὺ κατηρεφές, ἔνθα σὺ πολλὰς ### book 13.350 ἕρδεσκες Νύμφῃσι τεληέσσας ἑκατόμβας· ### book 13.351 τοῦτο δὲ Νήριτόν ἐστιν ὄρος καταειμένον ὕλῃ.” ### book 13.352 ὣς εἰποῦσα θεὰ σκέδας’ ἠέρα, εἴσατο δὲ χθών· ### book 13.353 γήθησέν τ’ ἄρ’ ἔπειτα πολύτλας δῖος Ὀδυσσεὺς ### book 13.354 χαίρων ᾗ γαίῃ, κύσε δὲ ζείδωρον ἄρουραν. ### book 13.355 αὐτίκα δὲ Νύμφῃς’ ἠρήσατο χεῖρας ἀνασχών· ### book 13.356 “Νύμφαι Νηϊάδες, κοῦραι Διός, οὔ ποτ’ ἐγώ γε ### book 13.357 ὄψεσθ’ ὔμμ’ ἐφάμην· νῦν δ’ εὐχωλῇς’ ἀγανῇσι ### book 13.358 χαίρετ’· ἀτὰρ καὶ δῶρα διδώσομεν, ὡς τὸ πάρος περ, ### book 13.359 αἴ κεν ἐᾷ πρόφρων με Διὸς θυγάτηρ ἀγελείη ### book 13.360 αὐτόν τε ζώειν καί μοι φίλον υἱὸν ἀέξῃ.” ### book 13.361 τὸν δ’ αὖτε προσέειπε θεὰ γλαυκῶπις Ἀθήνη ### book 13.362 “θάρσει, μή τοι ταῦτα μετὰ φρεσὶ σῇσι μελόντων· ### book 13.363 ἀλλὰ χρήματα μὲν μυχῷ ἄντρου θεσπεσίοιο ### book 13.364 θείομεν αὐτίκα νῦν, ἵνα περ τάδε τοι σόα μίμνῃ· ### book 13.365 αὐτοὶ δὲ φραζώμεθ’, ὅπως ὄχ’ ἄριστα γένηται.” ### book 13.366 ὣς εἰποῦσα θεὰ δῦνε σπέος ἠεροειδές, ### book 13.367 μαιομένη κευθμῶνας ἀνὰ σπέος· αὐτὰρ Ὀδυσσεὺς ### book 13.368 ἄσσον πάντ’ ἐφόρει, χρυσὸν καὶ ἀτειρέα χαλκὸν ### book 13.369 εἵματά τ’ εὐποίητα, τά οἱ Φαίηκες ἔδωκαν. ### book 13.370 καὶ τὰ μὲν εὖ κατέθηκε, λίθον δ’ ἐπέθηκε θύρῃσι ### book 13.371 Παλλὰς Ἀθηναίη, κούρη Διὸς αἰγιόχοιο. ### book 13.372 τὼ δὲ καθεζομένω ἱερῆς παρὰ πυθμέν’ ἐλαίης ### book 13.373 φραζέσθην μνηστῆρσιν ὑπερφιάλοισιν ὄλεθρον. ### book 13.374 τοῖσι δὲ μύθων ἦρχε θεὰ γλαυκῶπις Ἀθήνη· ### book 13.375 “διογενὲς Λαερτιάδη, πολυμήχαν’ Ὀδυσσεῦ, ### book 13.376 φράζευ ὅπως μνηστῆρσιν ἀναιδέσι χεῖρας ἐφήσεις, ### book 13.377 οἳ δή τοι τρίετες μέγαρον κάτα κοιρανέουσι, ### book 13.378 μνώμενοι ἀντιθέην ἄλοχον καὶ ἕδνα διδόντες· ### book 13.379 ἡ δὲ σὸν αἰεὶ νόστον ὀδυρομένη κατὰ θυμὸν ### book 13.380 πάντας μέν ῥ’ ἔλπει καὶ ὑπίσχεται ἀνδρὶ ἑκάστῳ, ### book 13.381 ἀγγελίας προϊεῖσα, νόος δέ οἱ ἄλλα μενοινᾷ.” ### book 13.382 τὴν δ’ ἀπαμειβόμενος προσέφη πολύμητις Ὀδυσσεύς· ### book 13.383 “ὢ πόποι, ἦ μάλα δὴ Ἀγαμέμνονος Ἀτρεΐδαο ### book 13.384 φθείσεσθαι κακὸν οἶτον ἐνὶ μεγάροισιν ἔμελλον, ### book 13.385 εἰ μή μοι σὺ ἕκαστα, θεά, κατὰ μοῖραν ἔειπες. ### book 13.386 ἀλλ’ ἄγε μῆτιν ὕφηνον, ὅπως ἀποτείσομαι αὐτούς· ### book 13.387 πὰρ δέ μοι αὐτὴ στῆθι μένος πολυθαρσὲς ἐνεῖσα, ### book 13.388 οἷον ὅτε Τροίης λύομεν λιπαρὰ κρήδεμνα. ### book 13.389 αἴ κέ μοι ὣς μεμαυῖα παρασταίης, γλαυκῶπι, ### book 13.390 καί κε τριηκοσίοισιν ἐγὼν ἄνδρεσσι μαχοίμην ### book 13.391 σὺν σοί, πότνα θεά, ὅτε μοι πρόφρασς’ ἐπαρήγοις.” ### book 13.392 τὸν δ’ ἠμείβετ’ ἔπειτα θεὰ γλαυκῶπις Ἀθήνη· ### book 13.393 “καὶ λίην τοι ἐγώ γε παρέσσομαι, οὐδέ με λήσεις, ### book 13.394 ὁππότε κεν δὴ ταῦτα πενώμεθα· καί τιν’ ὀΐω ### book 13.395 αἵματί τ’ ἐγκεφάλῳ τε παλαξέμεν ἄσπετον οὖδας ### book 13.396 [ἀνδρῶν μνηστήρων, οἵ τοι βίοτον κατέδουσιν.] ### book 13.397 ἀλλ’ ἄγε ς’ ἄγνωστον τεύξω πάντεσσι βροτοῖσι· ### book 13.398 κάρψω μὲν χρόα καλὸν ἐνὶ γναμπτοῖσι μέλεσσι, ### book 13.399 ξανθὰς δ’ ἐκ κεφαλῆς ὀλέσω τρίχας, ἀμφὶ δὲ λαῖφος ### book 13.400 ἕσσω, ὅ κεν στυγέῃσιν ἰδὼν ἄνθρωπος ἔχοντα, ### book 13.401 κνυζώσω δέ τοι ὄσσε πάρος περικαλλέ’ ἐόντε, ### book 13.402 ὡς ἂν ἀεικέλιος πᾶσι μνηστῆρσι φανήῃς ### book 13.403 σῇ τ’ ἀλόχῳ καὶ παιδί, τὸν ἐν μεγάροισιν ἔλειπες. ### book 13.404 αὐτὸς δὲ πρώτιστα συβώτην εἰσαφικέσθαι, ### book 13.405 ὅς τοι ὑῶν ἐπίουρος, ὁμῶς δέ τοι ἤπια οἶδε, ### book 13.406 παῖδά τε σὸν φιλέει καὶ ἐχέφρονα Πηνελόπειαν. ### book 13.407 δήεις τόν γε σύεσσι παρήμενον· αἱ δὲ νέμονται ### book 13.408 πὰρ Κόρακος πέτρῃ ἐπί τε κρήνῃ Ἀρεθούσῃ, ### book 13.409 ἔσθουσαι βάλανον μενοεικέα καὶ μέλαν ὕδωρ ### book 13.410 πίνουσαι, τά θ’ ὕεσσι τρέφει τεθαλυῖαν ἀλοιφήν. ### book 13.411 ἔνθα μένειν καὶ πάντα παρήμενος ἐξερέεσθαι, ### book 13.412 ὄφρ’ ἂν ἐγὼν ἔλθω Σπάρτην ἐς καλλιγύναικα ### book 13.413 Τηλέμαχον καλέουσα, τεὸν φίλον υἱόν, Ὀδυσσεῦ· ### book 13.414 ὅς τοι ἐς εὐρύχορον Λακεδαίμονα πὰρ Μενέλαον ### book 13.415 ᾤχετο πευσόμενος μετὰ σὸν κλέος, εἴ που ἔτ’ εἴης.” ### book 13.416 τὴν δ’ ἀπαμειβόμενος προσέφη πολύμητις Ὀδυσσεύς· ### book 13.417 “τίπτε τ’ ἄρ’ οὔ οἱ ἔειπες, ἐνὶ φρεσὶ πάντα ἰδυῖα; ### book 13.418 ἦ ἵνα που καὶ κεῖνος ἀλώμενος ἄλγεα πάσχῃ ### book 13.419 πόντον ἐπ’ ἀτρύγετον, βίοτον δέ οἱ ἄλλοι ἔδωσι;” ### book 13.420 τὸν δ’ ἠμείβετ’ ἔπειτα θεὰ γλαυκῶπις Ἀθήνη· ### book 13.421 “μὴ δή τοι κεῖνός γε λίην ἐνθύμιος ἔστω. ### book 13.422 αὐτή μιν πόμπευον, ἵνα κλέος ἐσθλὸν ἄροιτο ### book 13.423 κεῖς’ ἐλθών· ἀτὰρ οὔ τιν’ ἔχει πόνον, ἀλλὰ ἕκηλος ### book 13.424 ἧσται ἐν Ἀτρεΐδαο δόμοις, παρὰ δ’ ἄσπετα κεῖται. ### book 13.425 ἦ μέν μιν λοχόωσι νέοι σὺν νηῒ μελαίνῃ, ### book 13.426 ἱέμενοι κτεῖναι, πρὶν πατρίδα γαῖαν ἱκέσθαι· ### book 13.427 ἀλλὰ τά γ’ οὐκ ὀΐω· πρὶν καί τινα γαῖα καθέξει ### book 13.428 ἀνδρῶν μνηστήρων, οἵ τοι βίοτον κατέδουσιν.” ### book 13.429 ὣς ἄρα μιν φαμένη ῥάβδῳ ἐπεμάσσατ’ Ἀθήνη. ### book 13.430 κάρψε μέν οἱ χρόα καλὸν ἐνὶ γναμπτοῖσι μέλεσσι, ### book 13.431 ξανθὰς δ’ ἐκ κεφαλῆς ὄλεσε τρίχας, ἀμφὶ δὲ δέρμα ### book 13.432 πάντεσσιν μελέεσσι παλαιοῦ θῆκε γέροντος, ### book 13.433 κνύζωσεν δέ οἱ ὄσσε πάρος περικαλλέ’ ἐόντε· ### book 13.434 ἀμφὶ δέ μιν ῥάκος ἄλλο κακὸν βάλεν ἠδὲ χιτῶνα, ### book 13.435 ῥωγαλέα ῥυπόωντα, κακῷ μεμορυγμένα καπνῷ· ### book 13.436 ἀμφὶ δέ μιν μέγα δέρμα ταχείης ἕσς’ ἐλάφοιο, ### book 13.437 ψιλόν· δῶκε δέ οἱ σκῆπτρον καὶ ἀεικέα πήρην, ### book 13.438 πυκνὰ ῥωγαλέην· ἐν δὲ στρόφος ἦεν ἀορτήρ. ### book 13.439 τώ γ’ ὣς βουλεύσαντε διέτμαγεν· ἡ μὲν ἔπειτα ### book 13.440 ἐς Λακεδαίμονα δῖαν ἔβη μετὰ παῖδ’ Ὀδυσῆος. ### book 14.1 Αὐτὰρ ὁ ἐκ λιμένος προσέβη τρηχεῖαν ἀταρπὸν ### book 14.2 χῶρον ἀν’ ὑλήεντα δι’ ἄκριας, ᾗ οἱ Ἀθήνη ### book 14.3 πέφραδε δῖον ὑφορβόν, ὅ οἱ βιότοιο μάλιστα ### book 14.4 κήδετο οἰκήων, οὓς κτήσατο δῖος Ὀδυσσεύς. ### book 14.5 τὸν δ’ ἄρ’ ἐνὶ προδόμῳ εὗρ’ ἥμενον, ἔνθα οἱ αὐλὴ ### book 14.6 ὑψηλὴ δέδμητο, περισκέπτῳ ἐνὶ χώρῳ, ### book 14.7 καλή τε μεγάλη τε, περίδρομος· ἥν ῥα συβώτης ### book 14.8 αὐτὸς δείμαθ’ ὕεσσιν ἀποιχομένοιο ἄνακτος, ### book 14.9 νόσφιν δεσποίνης καὶ Λαέρταο γέροντος, ### book 14.10 ῥυτοῖσιν λάεσσι καὶ ἐθρίγκωσεν ἀχέρδῳ. ### book 14.11 σταυροὺς δ’ ἐκτὸς ἔλασσε διαμπερὲς ἔνθα καὶ ἔνθα ### book 14.12 πυκνοὺς καὶ θαμέας, τὸ μέλαν δρυὸς ἀμφικεάσσας. ### book 14.13 ἔντοσθεν δ’ αὐλῆς συφεοὺς δυοκαίδεκα ποίει ### book 14.14 πλησίον ἀλλήλων, εὐνὰς συσίν· ἐν δὲ ἑκάστῳ ### book 14.15 πεντήκοντα σύες χαμαιευνάδες ἐρχατόωντο, ### book 14.16 θήλειαι τοκάδες· τοὶ δ’ ἄρσενες ἐκτὸς ἴαυον, ### book 14.17 πολλὸν παυρότεροι· τοὺς γὰρ μινύθεσκον ἔδοντες ### book 14.18 ἀντίθεοι μνηστῆρες, ἐπεὶ προΐαλλε συβώτης ### book 14.19 αἰεὶ ζατρεφέων σιάλων τὸν ἄριστον ἁπάντων· ### book 14.20 οἱ δὲ τριηκόσιοί τε καὶ ἑξήκοντα πέλοντο. ### book 14.21 πὰρ δὲ κύνες θήρεσσιν ἐοικότες αἰὲν ἴαυον ### book 14.22 τέσσαρες, οὓς ἔθρεψε συβώτης, ὄρχαμος ἀνδρῶν. ### book 14.23 αὐτὸς δ’ ἀμφὶ πόδεσσιν ἑοῖς ἀράρισκε πέδιλα, ### book 14.24 τάμνων δέρμα βόειον ἐϋχροές· οἱ δὲ δὴ ἄλλοι ### book 14.25 ᾤχοντ’ ἄλλυδις ἄλλος ἅμ’ ἀγρομένοισι σύεσσιν, ### book 14.26 οἱ τρεῖς· τὸν δὲ τέταρτον ἀποπροέηκε πόλινδε ### book 14.27 σῦν ἀγέμεν μνηστῆρσιν ὑπερφιάλοισιν ἀνάγκῃ, ### book 14.28 ὄφρ’ ἱερεύσαντες κρειῶν κορεσαίατο θυμόν. ### book 14.29 ἐξαπίνης δ’ Ὀδυσῆα ἴδον κύνες ὑλακόμωροι. ### book 14.30 οἱ μὲν κεκλήγοντες ἐπέδραμον· αὐτὰρ Ὀδυσσεὺς ### book 14.31 ἕζετο κερδοσύνῃ, σκῆπτρον δέ οἱ ἔκπεσε χειρός. ### book 14.32 ἔνθα κεν ᾧ πὰρ σταθμῷ ἀεικέλιον πάθεν ἄλγος· ### book 14.33 ἀλλὰ συβώτης ὦκα ποσὶ κραιπνοῖσι μετασπὼν ### book 14.34 ἔσσυτ’ ἀνὰ πρόθυρον, σκῦτος δέ οἱ ἔκπεσε χειρός. ### book 14.35 τοὺς μὲν ὁμοκλήσας σεῦεν κύνας ἄλλυδις ἄλλον ### book 14.36 πυκνῇσιν λιθάδεσσιν, ὁ δὲ προσέειπεν ἄνακτα· ### book 14.37 “ὦ γέρον, ἦ ὀλίγου σε κύνες διεδηλήσαντο ### book 14.38 ἐξαπίνης, καί κέν μοι ἐλεγχείην κατέχευας. ### book 14.39 καὶ δέ μοι ἄλλα θεοὶ δόσαν ἄλγεά τε στοναχάς τε· ### book 14.40 ἀντιθέου γὰρ ἄνακτος ὀδυρόμενος καὶ ἀχεύων ### book 14.41 ἧμαι, ἄλλοισιν δὲ σύας σιάλους ἀτιτάλλω ### book 14.42 ἔδμεναι· αὐτὰρ κεῖνος ἐελδόμενός που ἐδωδῆς ### book 14.43 πλάζετ’ ἐπ’ ἀλλοθρόων ἀνδρῶν δῆμόν τε πόλιν τε, ### book 14.44 εἴ που ἔτι ζώει καὶ ὁρᾷ φάος ἠελίοιο. ### book 14.45 ἀλλ’ ἕπεο, κλισίηνδ’ ἴομεν, γέρον, ὄφρα καὶ αὐτός, ### book 14.46 σίτου καὶ οἴνοιο κορεσσάμενος κατὰ θυμόν, ### book 14.47 εἴπῃς, ὁππόθεν ἐσσὶ καὶ ὁππόσα κήδε’ ἀνέτλης.” ### book 14.48 ὣς εἰπὼν κλισίηνδ’ ἡγήσατο δῖος ὑφορβός, ### book 14.49 εἷσεν δ’ εἰσαγαγών, ῥῶπας δ’ ὑπέχευε δασείας, ### book 14.50 ἐστόρεσεν δ’ ἐπὶ δέρμα ἰονθάδος ἀγρίου αἰγός, ### book 14.51 αὐτοῦ ἐνεύναιον, μέγα καὶ δασύ. χαῖρε δ’ Ὀδυσσεύς, ### book 14.52 ὅττι μιν ὣς ὑπέδεκτο, ἔπος τ’ ἔφατ’ ἔκ τ’ ὀνόμαζε· ### book 14.53 “Ζεύς τοι δοίη, ξεῖνε, καὶ ἀθάνατοι θεοὶ ἄλλοι, ### book 14.54 ὅττι μάλιστ’ ἐθέλεις, ὅτι με πρόφρων ὑπέδεξο.” ### book 14.55 τὸν δ’ ἀπαμειβόμενος προσέφης, Εὔμαιε συβῶτα· ### book 14.56 “ξεῖν’, οὔ μοι θέμις ἔστ’, οὐδ’ εἰ κακίων σέθεν ἔλθοι, ### book 14.57 ξεῖνον ἀτιμῆσαι· πρὸς γὰρ Διός εἰσιν ἅπαντες ### book 14.58 ξεῖνοί τε πτωχοί τε. δόσις δ’ ὀλίγη τε φίλη τε ### book 14.59 γίνεται ἡμετέρη· ἡ γὰρ δμώων δίκη ἐστίν, ### book 14.60 αἰεὶ δειδιότων, ὅτ’ ἐπικρατέωσιν ἄνακτες ### book 14.61 οἱ νέοι. ἦ γὰρ τοῦ γε θεοὶ κατὰ νόστον ἔδησαν, ### book 14.62 ὅς κεν ἔμ’ ἐνδυκέως ἐφίλει καὶ κτῆσιν ὄπασσεν, ### book 14.63 οἷά τε ᾧ οἰκῆϊ ἄναξ εὔθυμος ἔδωκεν, ### book 14.64 οἶκόν τε κλῆρόν τε πολυμνήστην τε γυναῖκα, ### book 14.65 ὅς οἱ πολλὰ κάμῃσι, θεὸς δ’ ἐπὶ ἔργον ἀέξῃ, ### book 14.66 ὡς καὶ ἐμοὶ τόδε ἔργον ἀέξεται, ᾧ ἐπιμίμνω. ### book 14.67 τῶ κέ με πόλλ’ ὤνησεν ἄναξ, εἰ αὐτόθ’ ἐγήρα· ### book 14.68 ἀλλ’ ὄλεθ’. ὡς ὤφελλ’ Ἑλένης ἀπὸ φῦλον ὀλέσθαι ### book 14.69 πρόχνυ, ἐπεὶ πολλῶν ἀνδρῶν ὑπὸ γούνατ’ ἔλυσε· ### book 14.70 καὶ γὰρ κεῖνος ἔβη Ἀγαμέμνονος εἵνεκα τιμῆς ### book 14.71 Ἴλιον εἰς εὔπωλον, ἵνα Τρώεσσι μάχοιτο.” ### book 14.72 ὣς εἰπὼν ζωστῆρι θοῶς συνέεργε χιτῶνα, ### book 14.73 βῆ δ’ ἴμεν ἐς συφεούς, ὅθι ἔθνεα ἔρχατο χοίρων. ### book 14.74 ἔνθεν ἑλὼν δύ’ ἔνεικε καὶ ἀμφοτέρους ἱέρευσεν, ### book 14.75 εὗσέ τε μίστυλλέν τε καὶ ἀμφ’ ὀβελοῖσιν ἔπειρεν. ### book 14.76 ὀπτήσας δ’ ἄρα πάντα φέρων παρέθηκ’ Ὀδυσῆϊ ### book 14.77 θέρμ’ αὐτοῖς’ ὀβελοῖσιν, ὁ δ’ ἄλφιτα λευκὰ πάλυνεν. ### book 14.78 ἐν δ’ ἄρα κισσυβίῳ κίρνη μελιηδέα οἶνον, ### book 14.79 αὐτὸς δ’ ἀντίον ἷζεν, ἐποτρύνων δὲ προσηύδα· ### book 14.80 “ἔσθιε νῦν, ὦ ξεῖνε, τά τε δμώεσσι πάρεστι, ### book 14.81 χοίρε’· ἀτὰρ σιάλους γε σύας μνηστῆρες ἔδουσιν, ### book 14.82 οὐκ ὄπιδα φρονέοντες ἐνὶ φρεσὶν οὐδ’ ἐλεητύν. ### book 14.83 οὐ μὲν σχέτλια ἔργα θεοὶ μάκαρες φιλέουσιν, ### book 14.84 ἀλλὰ δίκην τίουσι καὶ αἴσιμα ἔργ’ ἀνθρώπων. ### book 14.85 καὶ μὲν δυσμενέες καὶ ἀνάρσιοι, οἵ τ’ ἐπὶ γαίης ### book 14.86 ἀλλοτρίης βῶσιν καί σφιν Ζεὺς ληΐδα δώῃ, ### book 14.87 πλησάμενοι δέ τε νῆας ἔβαν οἶκόνδε νέεσθαι, — ### book 14.88 καὶ μὲν τοῖς’ ὄπιδος κρατερὸν δέος ἐν φρεσὶ πίπτει· ### book 14.89 οἵδε δέ τοι ἴσασι, θεοῦ δέ τιν’ ἔκλυον αὐδήν, ### book 14.90 κείνου λυγρὸν ὄλεθρον, ὅ τ’ οὐκ ἐθέλουσι δικαίως ### book 14.91 μνᾶσθαι οὐδὲ νέεσθαι ἐπὶ σφέτερ’, ἀλλὰ ἕκηλοι ### book 14.92 κτήματα δαρδάπτουσιν ὑπέρβιον, οὐδ’ ἔπι φειδώ. ### book 14.93 ὅσσαι γὰρ νύκτες τε καὶ ἡμέραι ἐκ Διός εἰσιν, ### book 14.94 οὔ ποθ’ ἓν ἱρεύους’ ἱερήϊον οὐδὲ δύ’ οἶα· ### book 14.95 οἶνον δὲ φθινύθουσιν ὑπέρβιον ἐξαφύοντες. ### book 14.96 ἦ γάρ οἱ ζωή γ’ ἦν ἄσπετος· οὔ τινι τόσση ### book 14.97 ἀνδρῶν ἡρώων, οὔτ’ ἠπείροιο μελαίνης ### book 14.98 οὔτ’ αὐτῆς Ἰθάκης· οὐδὲ ξυνεείκοσι φωτῶν ### book 14.99 ἔστ’ ἄφενος τοσσοῦτον· ἐγὼ δέ κέ τοι καταλέξω. ### book 14.100 δώδεκ’ ἐν ἠπείρῳ ἀγέλαι· τόσα πώεα οἰῶν, ### book 14.101 τόσσα συῶν συβόσια, τός’ αἰπόλια πλατέ’ αἰγῶν ### book 14.102 βόσκουσι ξεῖνοί τε καὶ αὐτοῦ βώτορες ἄνδρες· ### book 14.103 ἐνθάδε τ’ αἰπόλια πλατέ’ αἰγῶν ἕνδεκα πάντα ### book 14.104 ἐσχατιῇ βόσκοντ’, ἐπὶ δ’ ἀνέρες ἐσθλοὶ ὄρονται. ### book 14.105 τῶν αἰεί σφιν ἕκαστος ἐπ’ ἤματι μῆλον ἀγινεῖ, ### book 14.106 ζατρεφέων αἰγῶν ὅς τις φαίνηται ἄριστος. ### book 14.107 αὐτὰρ ἐγὼ σῦς τάσδε φυλάσσω τε ῥύομαί τε ### book 14.108 καί σφι συῶν τὸν ἄριστον ἐῢ κρίνας ἀποπέμπω.” ### book 14.109 ὣς φάθ’· ὁ δ’ ἐνδυκέως κρέα τ’ ἤσθιε πῖνέ τε οἶνον, ### book 14.110 ἁρπαλέως ἀκέων, κακὰ δὲ μνηστῆρσι φύτευεν. ### book 14.111 αὐτὰρ ἐπεὶ δείπνησε καὶ ἤραρε θυμὸν ἐδωδῇ, ### book 14.112 καί οἱ πλησάμενος δῶκε σκύφος, ᾧ περ ἔπινεν, ### book 14.113 οἴνου ἐνίπλειον· ὁ δ’ ἐδέξατο, χαῖρε δὲ θυμῷ, ### book 14.114 καί μιν φωνήσας ἔπεα πτερόεντα προσηύδα· ### book 14.115 “ὦ φίλε, τίς γάρ σε πρίατο κτεάτεσσιν ἑοῖσιν, ### book 14.116 ὧδε μάλ’ ἀφνειὸς καὶ καρτερός, ὡς ἀγορεύεις; ### book 14.117 φῂς δ’ αὐτὸν φθίσθαι Ἀγαμέμνονος εἵνεκα τιμῆς. ### book 14.118 εἰπέ μοι, αἴ κέ ποθι γνώω τοιοῦτον ἐόντα. ### book 14.119 Ζεὺς γάρ που τό γε οἶδε καὶ ἀθάνατοι θεοὶ ἄλλοι, ### book 14.120 εἴ κέ μιν ἀγγείλαιμι ἰδών· ἐπὶ πολλὰ δ’ ἀλήθην.” ### book 14.121 τὸν δ’ ἠμείβετ’ ἔπειτα συβώτης, ὄρχαμος ἀνδρῶν· ### book 14.122 “ὦ γέρον, οὔ τις κεῖνον ἀνὴρ ἀλαλήμενος ἐλθὼν ### book 14.123 ἀγγέλλων πείσειε γυναῖκά τε καὶ φίλον υἱόν, ### book 14.124 ἀλλ’ ἄλλως, κομιδῆς κεχρημένοι, ἄνδρες ἀλῆται ### book 14.125 ψεύδοντ’ οὐδ’ ἐθέλουσιν ἀληθέα μυθήσασθαι. ### book 14.126 ὃς δέ κ’ ἀλητεύων Ἰθάκης ἐς δῆμον ἵκηται, ### book 14.127 ἐλθὼν ἐς δέσποιναν ἐμὴν ἀπατήλια βάζει· ### book 14.128 ἡ δ’ εὖ δεξαμένη φιλέει καὶ ἕκαστα μεταλλᾷ, ### book 14.129 καί οἱ ὀδυρομένῃ βλεφάρων ἄπο δάκρυα πίπτει, ### book 14.130 ἣ θέμις ἐστὶ γυναικός, ἐπὴν πόσις ἄλλοθ’ ὄληται. ### book 14.131 αἶψά κε καὶ σύ, γεραιέ, ἔπος παρατεκτήναιο, ### book 14.132 εἴ τίς τοι χλαῖνάν τε χιτῶνά τε εἵματα δοίη. ### book 14.133 τοῦ δ’ ἤδη μέλλουσι κύνες ταχέες τ’ οἰωνοὶ ### book 14.134 ῥινὸν ἀπ’ ὀστεόφιν ἐρύσαι, ψυχὴ δὲ λέλοιπεν· ### book 14.135 ἢ τόν γ’ ἐν πόντῳ φάγον ἰχθύες, ὀστέα δ’ αὐτοῦ ### book 14.136 κεῖται ἐπ’ ἠπείρου ψαμάθῳ εἰλυμένα πολλῇ. ### book 14.137 ὣς ὁ μὲν ἔνθ’ ἀπόλωλε, φίλοισι δὲ κήδε’ ὀπίσσω ### book 14.138 πᾶσιν, ἐμοὶ δὲ μάλιστα, τετεύχαται· οὐ γὰρ ἔτ’ ἄλλον ### book 14.139 ἤπιον ὧδε ἄνακτα κιχήσομαι, ὁππός’ ἐπέλθω, ### book 14.140 οὐδ’ εἴ κεν πατρὸς καὶ μητέρος αὖτις ἵκωμαι ### book 14.141 οἶκον, ὅθι πρῶτον γενόμην καί μ’ ἔτρεφον αὐτοί. ### book 14.142 οὐδέ νυ τῶν ἔτι τόσσον ὀδύρομαι, ἱέμενός περ ### book 14.143 ὀφθαλμοῖσιν ἰδέσθαι ἐὼν ἐν πατρίδι γαίῃ· ### book 14.144 ἀλλά μ’ Ὀδυσσῆος πόθος αἴνυται οἰχομένοιο. ### book 14.145 τὸν μὲν ἐγών, ὦ ξεῖνε, καὶ οὐ παρεόντ’ ὀνομάζειν ### book 14.146 αἰδέομαι· περὶ γάρ μ’ ἐφίλει καὶ κήδετο θυμῷ· ### book 14.147 ἀλλά μιν ἠθεῖον καλέω καὶ νόσφιν ἐόντα.” ### book 14.148 τὸν δ’ αὖτε προσέειπε πολύτλας δῖος Ὀδυσσεύς· ### book 14.149 “ὦ φίλ’, ἐπεὶ δὴ πάμπαν ἀναίνεαι οὐδ’ ἔτι φῇσθα ### book 14.150 κεῖνον ἐλεύσεσθαι, θυμὸς δέ τοι αἰὲν ἄπιστος· ### book 14.151 ἀλλ’ ἐγὼ οὐκ αὔτως μυθήσομαι, ἀλλὰ σὺν ὅρκῳ, ### book 14.152 ὡς νεῖται Ὀδυσεύς· εὐαγγέλιον δέ μοι ἔστω ### book 14.153 αὐτίκ’, ἐπεί κεν κεῖνος ἰὼν τὰ ἃ δώμαθ’ ἵκηται· ### book 14.154 [ἕσσαι με χλαῖνάν τε χιτῶνά τε, εἵματα καλά·] ### book 14.155 πρὶν δέ κε, καὶ μάλα περ κεχρημένος, οὔ τι δεχοίμην. ### book 14.156 ἐχθρὸς γάρ μοι κεῖνος ὁμῶς Ἀΐδαο πύλῃσι ### book 14.157 γίνεται, ὃς πενίῃ εἴκων ἀπατήλια βάζει. ### book 14.158 ἴστω νῦν Ζεὺς πρῶτα θεῶν ξενίη τε τράπεζα ### book 14.159 ἱστίη τ’ Ὀδυσῆος ἀμύμονος, ἣν ἀφικάνω· ### book 14.160 ἦ μέν τοι τάδε πάντα τελείεται ὡς ἀγορεύω. ### book 14.161 τοῦδ’ αὐτοῦ λυκάβαντος ἐλεύσεται ἐνθάδ’ Ὀδυσσεύς, ### book 14.162 τοῦ μὲν φθίνοντος μηνός, τοῦ δ’ ἱσταμένοιο, ### book 14.163 οἴκαδε νοστήσας, καὶ τείσεται, ὅς τις ἐκείνου ### book 14.164 ἐνθάδ’ ἀτιμάζει ἄλοχον καὶ φαίδιμον υἱόν.” ### book 14.165 τὸν δ’ ἀπαμειβόμενος προσέφης, Εὔμαιε συβῶτα· ### book 14.166 “ὦ γέρον, οὔτ’ ἄρ’ ἐγὼν εὐαγγέλιον τόδε τείσω ### book 14.167 οὔτ’ Ὀδυσεὺς ἔτι οἶκον ἐλεύσεται· ἀλλὰ ἕκηλος ### book 14.168 πῖνε, καὶ ἄλλα παρὲξ μεμνώμεθα, μηδέ με τούτων ### book 14.169 μίμνῃσκ’· ἦ γὰρ θυμὸς ἐνὶ στήθεσσιν ἐμοῖσιν ### book 14.170 ἄχνυται, ὁππότε τις μνήσῃ κεδνοῖο ἄνακτος. ### book 14.171 ἀλλ’ ἦ τοι ὅρκον μὲν ἐάσομεν, αὐτὰρ Ὀδυσσεὺς ### book 14.172 ἔλθοι, ὅπως μιν ἐγώ γ’ ἐθέλω καὶ Πηνελόπεια ### book 14.173 Λαέρτης θ’ ὁ γέρων καὶ Τηλέμαχος θεοειδής. ### book 14.174 νῦν αὖ παιδὸς ἄλαστον ὀδύρομαι, ὃν τέκ’ Ὀδυσσεύς, ### book 14.175 Τηλεμάχου. τὸν ἐπεὶ θρέψαν θεοὶ ἔρνεϊ ἶσον, ### book 14.176 καί μιν ἔφην ἔσσεσθαι ἐν ἀνδράσιν οὔ τι χέρεια ### book 14.177 πατρὸς ἑοῖο φίλοιο, δέμας καὶ εἶδος ἀγητόν, ### book 14.178 τὸν δέ τις ἀθανάτων βλάψε φρένας ἔνδον ἐΐσας ### book 14.179 ἠέ τις ἀνθρώπων· ὁ δ’ ἔβη μετὰ πατρὸς ἀκουὴν ### book 14.180 ἐς Πύλον ἠγαθέην· τὸν δὲ μνηστῆρες ἀγαυοὶ ### book 14.181 οἴκαδ’ ἰόντα λοχῶσιν, ὅπως ἀπὸ φῦλον ὄληται ### book 14.182 νώνυμον ἐξ Ἰθάκης Ἀρκεισίου ἀντιθέοιο. ### book 14.183 ἀλλ’ ἦ τοι κεῖνον μὲν ἐάσομεν, ἤ κεν ἁλώῃ ### book 14.184 ἦ κε φύγῃ καί κέν οἱ ὑπέρσχῃ χεῖρα Κρονίων. ### book 14.185 ἀλλ’ ἄγε μοι σύ, γεραιέ, τὰ ς’ αὐτοῦ κήδε’ ἐνίσπες ### book 14.186 καί μοι τοῦτ’ ἀγόρευσον ἐτήτυμον, ὄφρ’ ἐῢ εἰδῶ· ### book 14.187 τίς πόθεν εἰς ἀνδρῶν; πόθι τοι πόλις ἠδὲ τοκῆες; ### book 14.188 ὁπποίης τ’ ἐπὶ νηὸς ἀφίκεο; πῶς δέ σε ναῦται ### book 14.189 ἤγαγον εἰς Ἰθάκην; τίνες ἔμμεναι εὐχετόωντο; ### book 14.190 οὐ μὲν γάρ τί σε πεζὸν ὀΐομαι ἐνθάδ’ ἱκέσθαι.” ### book 14.191 τὸν δ’ ἀπαμειβόμενος προσέφη πολύμητις Ὀδυσσεύς· ### book 14.192 “τοιγὰρ ἐγώ τοι ταῦτα μάλ’ ἀτρεκέως ἀγορεύσω. ### book 14.193 εἴη μὲν νῦν νῶϊν ἐπὶ χρόνον ἠμὲν ἐδωδὴ ### book 14.194 ἠδὲ μέθυ γλυκερὸν κλισίης ἔντοσθεν ἐοῦσι ### book 14.195 δαίνυσθαι ἀκέοντ’, ἄλλοι δ’ ἐπὶ ἔργον ἕποιεν· ### book 14.196 ῥηϊδίως κεν ἔπειτα καὶ εἰς ἐνιαυτὸν ἅπαντα ### book 14.197 οὔ τι διαπρήξαιμι λέγων ἐμὰ κήδεα θυμοῦ, ### book 14.198 ὅσσα γε δὴ ξύμπαντα θεῶν ἰότητι μόγησα. ### book 14.199 ἐκ μὲν Κρητάων γένος εὔχομαι εὐρειάων, ### book 14.200 ἀνέρος ἀφνειοῖο πάϊς· πολλοὶ δὲ καὶ ἄλλοι ### book 14.201 υἷες ἐνὶ μεγάρῳ ἠμὲν τράφον ἠδ’ ἐγένοντο ### book 14.202 γνήσιοι ἐξ ἀλόχου· ἐμὲ δ’ ὠνητὴ τέκε μήτηρ ### book 14.203 παλλακίς, ἀλλά με ἶσον ἰθαιγενέεσσιν ἐτίμα ### book 14.204 Κάστωρ Ὑλακίδης, τοῦ ἐγὼ γένος εὔχομαι εἶναι· ### book 14.205 ὃς τότ’ ἐνὶ Κρήτεσσι θεὸς ὣς τίετο δήμῳ ### book 14.206 ὄλβῳ τε πλούτῳ τε καὶ υἱάσι κυδαλίμοισιν. ### book 14.207 ἀλλ’ ἦ τοι τὸν κῆρες ἔβαν θανάτοιο φέρουσαι ### book 14.208 εἰς Ἀΐδαο δόμους· τοὶ δὲ ζωὴν ἐδάσαντο ### book 14.209 παῖδες ὑπέρθυμοι καὶ ἐπὶ κλήρους ἐβάλοντο, ### book 14.210 αὐτὰρ ἐμοὶ μάλα παῦρα δόσαν καὶ οἰκί’ ἔνειμαν. ### book 14.211 ἠγαγόμην δὲ γυναῖκα πολυκλήρων ἀνθρώπων ### book 14.212 εἵνεκ’ ἐμῆς ἀρετῆς. ἐπεὶ οὐκ ἀποφώλιος ἦα ### book 14.213 οὐδὲ φυγοπτόλεμος· νῦν δ’ ἤδη πάντα λέλοιπεν· ### book 14.214 ἀλλ’ ἔμπης καλάμην γέ ς’ ὀΐομαι εἰσορόωντα ### book 14.215 γινώσκειν· ἦ γάρ με δύη ἔχει ἤλιθα πολλή. ### book 14.216 ἦ μὲν δὴ θάρσος μοι Ἄρης τ’ ἔδοσαν καὶ Ἀθήνη ### book 14.217 καὶ ῥηξηνορίην· ὁπότε κρίνοιμι λόχονδε ### book 14.218 ἄνδρας ἀριστῆας, κακὰ δυσμενέεσσι φυτεύων, ### book 14.219 οὔ ποτέ μοι θάνατον προτιόσσετο θυμὸς ἀγήνωρ, ### book 14.220 ἀλλὰ πολὺ πρώτιστος ἐπάλμενος ἔγχει ἕλεσκον ### book 14.221 ἀνδρῶν δυσμενέων ὅ τέ μοι εἴξειε πόδεσσι. ### book 14.222 τοῖος ἔα ἐν πολέμῳ· ἔργον δέ μοι οὐ φίλον ἔσκεν ### book 14.223 οὐδ’ οἰκωφελίη, ἥ τε τρέφει ἀγλαὰ τέκνα, ### book 14.224 ἀλλά μοι αἰεὶ νῆες ἐπήρετμοι φίλαι ἦσαν ### book 14.225 καὶ πόλεμοι καὶ ἄκοντες ἐΰξεστοι καὶ ὀϊστοί, ### book 14.226 λυγρά, τά τ’ ἄλλοισίν γε καταρριγηλὰ πέλονται. ### book 14.227 αὐτὰρ ἐμοὶ τὰ φίλ’ ἔσκε, τά που θεὸς ἐν φρεσὶ θῆκεν· ### book 14.228 ἄλλος γάρ τ’ ἄλλοισιν ἀνὴρ ἐπιτέρπεται ἔργοις. ### book 14.229 πρὶν μὲν γὰρ Τροίης ἐπιβήμεναι υἷας Ἀχαιῶν ### book 14.230 εἰνάκις ἀνδράσιν ἦρξα καὶ ὠκυπόροισι νέεσσιν ### book 14.231 ἄνδρας ἐς ἀλλοδαπούς, καί μοι μάλα τύγχανε πολλά. ### book 14.232 τῶν ἐξαιρεύμην μενοεικέα, πολλὰ δ’ ὀπίσσω ### book 14.233 λάγχανον· αἶψα δὲ οἶκος ὀφέλλετο, καί ῥα ἔπειτα ### book 14.234 δεινός τ’ αἰδοῖός τε μετὰ Κρήτεσσι τετύγμην. ### book 14.235 ἀλλ’ ὅτε δὴ τήν γε στυγερὴν ὁδὸν εὐρύοπα Ζεὺς ### book 14.236 ἐφράσαθ’, ἣ πολλῶν ἀνδρῶν ὑπὸ γούνατ’ ἔλυσε, ### book 14.237 δὴ τότ’ ἔμ’ ἤνωγον καὶ ἀγακλυτὸν Ἰδομενῆα ### book 14.238 νήεσς’ ἡγήσασθαι ἐς Ἴλιον· οὐδέ τι μῆχος ### book 14.239 ἦεν ἀνήνασθαι, χαλεπὴ δ’ ἔχε δήμου φῆμις. ### book 14.240 ἔνθα μὲν εἰνάετες πολεμίζομεν υἷες Ἀχαιῶν, ### book 14.241 τῷ δεκάτῳ δὲ πόλιν Πριάμου πέρσαντες ἔβημεν ### book 14.242 οἴκαδε σὺν νήεσσι, θεὸς δ’ ἐκέδασσεν Ἀχαιούς. ### book 14.243 αὐτὰρ ἐμοὶ δειλῷ κακὰ μήδετο μητίετα Ζεύς· ### book 14.244 μῆνα γὰρ οἶον ἔμεινα τεταρπόμενος τεκέεσσι ### book 14.245 κουριδίῃ τ’ ἀλόχῳ καὶ κτήμασιν· αὐτὰρ ἔπειτα ### book 14.246 Αἴγυπτόνδε με θυμὸς ἀνώγει ναυτίλλεσθαι, ### book 14.247 νῆας ἐῢ στείλαντα, σὺν ἀντιθέοις’ ἑτάροισιν. ### book 14.248 ἐννέα νῆας στεῖλα, θοῶς δ’ ἐσαγείρετο λαός. ### book 14.249 ἑξῆμαρ μὲν ἔπειτα ἐμοὶ ἐρίηρες ἑταῖροι ### book 14.250 δαίνυντ’· αὐτὰρ ἐγὼν ἱερήϊα πολλὰ παρεῖχον ### book 14.251 θεοῖσίν τε ῥέζειν αὐτοῖσί τε δαῖτα πένεσθαι. ### book 14.252 ἑβδομάτῃ δ’ ἀναβάντες ἀπὸ Κρήτης εὐρείης ### book 14.253 ἐπλέομεν βορέῃ ἀνέμῳ ἀκραέϊ καλῷ ### book 14.254 ῥηϊδίως, ὡς εἴ τε κατὰ ῥόον· οὐδέ τις οὖν μοι ### book 14.255 νηῶν πημάνθη, ἀλλ’ ἀσκηθέες καὶ ἄνουσοι ### book 14.256 ἥμεθα, τὰς δ’ ἄνεμός τε κυβερνῆταί τ’ ἴθυνον. ### book 14.257 πεμπταῖοι δ’ Αἴγυπτον ἐϋρρείτην ἱκόμεσθα, ### book 14.258 στῆσα δ’ ἐν Αἰγύπτῳ ποταμῷ νέας ἀμφιελίσσας. ### book 14.259 ἔνθ’ ἦ τοι μὲν ἐγὼ κελόμην ἐρίηρας ἑταίρους ### book 14.260 αὐτοῦ πὰρ νήεσσι μένειν καὶ νῆας ἔρυσθαι, ### book 14.261 ὀπτῆρας δὲ κατὰ σκοπιὰς ὤτρυνα νέεσθαι· ### book 14.262 οἱ δ’ ὕβρει εἴξαντες, ἐπισπόμενοι μένεϊ σφῷ, ### book 14.263 αἶψα μάλ’ Αἰγυπτίων ἀνδρῶν περικαλλέας ἀγροὺς ### book 14.264 πόρθεον, ἐκ δὲ γυναῖκας ἄγον καὶ νήπια τέκνα, ### book 14.265 αὐτούς τ’ ἔκτεινον· τάχα δ’ ἐς πόλιν ἵκετ’ ἀϋτή. ### book 14.266 οἱ δὲ βοῆς ἀΐοντες ἅμ’ ἠόϊ φαινομένηφι ### book 14.267 ἦλθον· πλῆτο δὲ πᾶν πεδίον πεζῶν τε καὶ ἵππων ### book 14.268 χαλκοῦ τε στεροπῆς. ἐν δὲ Ζεὺς τερπικέραυνος ### book 14.269 φύζαν ἐμοῖς’ ἑτάροισι κακὴν βάλεν, οὐδέ τις ἔτλη ### book 14.270 μεῖναι ἐναντίβιον· περὶ γὰρ κακὰ πάντοθεν ἔστη. ### book 14.271 ἔνθ’ ἡμέων πολλοὺς μὲν ἀπέκτανον ὀξέϊ χαλκῷ, ### book 14.272 τοὺς δ’ ἄναγον ζωούς, σφίσιν ἐργάζεσθαι ἀνάγκῃ. ### book 14.273 αὐτὰρ ἐμοὶ Ζεὺς αὐτὸς ἐνὶ φρεσὶν ὧδε νόημα ### book 14.274 ποίης’· —ὡς ὄφελον θανέειν καὶ πότμον ἐπισπεῖν ### book 14.275 αὐτοῦ ἐν Αἰγύπτῳ· ἔτι γάρ νύ με πῆμ’ ὑπέδεκτο· — ### book 14.276 αὐτίκ’ ἀπὸ κρατὸς κυνέην εὔτυκτον ἔθηκα ### book 14.277 καὶ σάκος ὤμοιϊν, δόρυ δ’ ἔκβαλον ἔκτοσε χειρός· ### book 14.278 αὐτὰρ ἐγὼ βασιλῆος ἐναντίον ἤλυθον ἵππων ### book 14.279 καὶ κύσα γούναθ’ ἑλών· ὁ δ’ ἐρύσατο καί μ’ ἐλέησεν, ### book 14.280 ἐς δίφρον δέ μ’ ἕσας ἄγεν οἴκαδε δάκρυ χέοντα. ### book 14.281 ἦ μέν μοι μάλα πολλοὶ ἐπήϊσσον μελίῃσιν, ### book 14.282 ἱέμενοι κτεῖναι· δὴ γὰρ κεχολώατο λίην· ### book 14.283 ἀλλ’ ἀπὸ κεῖνος ἔρυκε, Διὸς δ’ ὠπίζετο μῆνιν ### book 14.284 ξεινίου, ὅς τε μάλιστα νεμεσσᾶται κακὰ ἔργα. ### book 14.285 ἔνθα μὲν ἑπτάετες μένον αὐτόθι, πολλὰ δ’ ἄγειρα ### book 14.286 χρήματ’ ἀν’ Αἰγυπτίους ἄνδρας· δίδοσαν γὰρ ἅπαντες. ### book 14.287 ἀλλ’ ὅτε δὴ ὄγδοόν μοι ἐπιπλόμενον ἔτος ἦλθε, ### book 14.288 δὴ τότε Φοῖνιξ ἦλθεν ἀνὴρ ἀπατήλια εἰδώς, ### book 14.289 τρώκτης, ὃς δὴ πολλὰ κάκ’ ἀνθρώπους ἐεόργει· ### book 14.290 ὅς μ’ ἄγε παρπεπιθὼν ᾗσι φρεσίν, ὄφρ’ ἱκόμεσθα ### book 14.291 Φοινίκην, ὅθι τοῦ γε δόμοι καὶ κτήματ’ ἔκειτο. ### book 14.292 ἔνθα παρ’ αὐτῷ μεῖνα τελεσφόρον εἰς ἐνιαυτόν. ### book 14.293 ἀλλ’ ὅτε δὴ μῆνές τε καὶ ἡμέραι ἐξετελεῦντο ### book 14.294 ἂψ περιτελλομένου ἔτεος καὶ ἐπήλυθον ὧραι, ### book 14.295 ἐς Λιβύην μ’ ἐπὶ νηὸς ἐφέσσατο ποντοπόροιο, ### book 14.296 ψεύδεα βουλεύσας, ἵνα οἱ σὺν φόρτον ἄγοιμι, ### book 14.297 κεῖθι δέ μ’ ὡς περάσειε καὶ ἄσπετον ὦνον ἕλοιτο. ### book 14.298 τῷ ἑπόμην ἐπὶ νηός, ὀϊόμενός περ, ἀνάγκῃ. ### book 14.299 ἡ δ’ ἔθεεν βορέῃ ἀνέμῳ ἀκραέϊ καλῷ ### book 14.300 μέσσον ὑπὲρ Κρήτης· Ζεὺς δέ σφισι μήδετ’ ὄλεθρον. ### book 14.301 ἀλλ’ ὅτε δὴ Κρήτην μὲν ἐλείπομεν, οὐδέ τις ἄλλη ### book 14.302 φαίνετο γαιάων, ἀλλ’ οὐρανὸς ἠδὲ θάλασσα, ### book 14.303 δὴ τότε κυανέην νεφέλην ἔστησε Κρονίων ### book 14.304 νηὸς ὕπερ γλαφυρῆς, ἤχλυσε δὲ πόντος ὑπ’ αὐτῆς. ### book 14.305 Ζεὺς δ’ ἄμυδις βρόντησε καὶ ἔμβαλε νηῒ κεραυνόν· ### book 14.306 ἡ δ’ ἐλελίχθη πᾶσα Διὸς πληγεῖσα κεραυνῷ, ### book 14.307 ἐν δὲ θεείου πλῆτο· πέσον δ’ ἐκ νηὸς ἅπαντες. ### book 14.308 οἱ δὲ κορώνῃσιν ἴκελοι περὶ νῆα μέλαιναν ### book 14.309 κύμασιν ἐμφορέοντο· θεὸς δ’ ἀποαίνυτο νόστον. ### book 14.310 αὐτὰρ ἐμοὶ Ζεὺς αὐτός, ἔχοντί περ ἄλγεα θυμῷ, ### book 14.311 ἱστὸν ἀμαιμάκετον νηὸς κυανοπρῴροιο ### book 14.312 ἐν χείρεσσιν ἔθηκεν, ὅπως ἔτι πῆμα φύγοιμι. ### book 14.313 τῷ ῥα περιπλεχθεὶς φερόμην ὀλοοῖς’ ἀνέμοισιν. ### book 14.314 ἐννῆμαρ φερόμην, δεκάτῃ δέ με νυκτὶ μελαίνῃ ### book 14.315 γαίῃ Θεσπρωτῶν πέλασεν μέγα κῦμα κυλίνδον. ### book 14.316 ἔνθα με Θεσπρωτῶν βασιλεὺς ἐκομίσσατο Φείδων ### book 14.317 ἥρως ἀπριάτην· τοῦ γὰρ φίλος υἱὸς ἐπελθὼν ### book 14.318 αἴθρῳ καὶ καμάτῳ δεδμημένον ἦγεν ἐς οἶκον, ### book 14.319 χειρὸς ἀναστήσας, ὄφρ’ ἵκετο δώματα πατρός· ### book 14.320 ἀμφὶ δέ με χλαῖνάν τε χιτῶνά τε εἵματα ἕσσεν. ### book 14.321 ἔνθ’ Ὀδυσῆος ἐγὼ πυθόμην· κεῖνος γὰρ ἔφασκε ### book 14.322 ξεινίσαι ἠδὲ φιλῆσαι ἰόντ’ ἐς πατρίδα γαῖαν, ### book 14.323 καί μοι κτήματ’ ἔδειξεν, ὅσα ξυναγείρατ’ Ὀδυσσεύς, ### book 14.324 χαλκόν τε χρυσόν τε πολύκμητόν τε σίδηρον. ### book 14.325 καί νύ κεν ἐς δεκάτην γενεὴν ἕτερόν γ’ ἔτι βόσκοι· ### book 14.326 τόσσα οἱ ἐν μεγάροις κειμήλια κεῖτο ἄνακτος. ### book 14.327 τὸν δ’ ἐς Δωδώνην φάτο βήμεναι, ὄφρα θεοῖο ### book 14.328 ἐκ δρυὸς ὑψικόμοιο Διὸς βουλὴν ἐπακούσαι, ### book 14.329 ὅππως νοστήσει’ Ἰθάκης ἐς πίονα δῆμον, ### book 14.330 ἤδη δὴν ἀπεών, ἢ ἀμφαδὸν ἦε κρυφηδόν. ### book 14.331 ὤμοσε δὲ πρὸς ἔμ’ αὐτόν, ἀποσπένδων ἐνὶ οἴκῳ, ### book 14.332 νῆα κατειρύσθαι καὶ ἐπαρτέας ἔμμεν ἑταίρους, ### book 14.333 οἳ δή μιν πέμψουσι φίλην ἐς πατρίδα γαῖαν. ### book 14.334 ἀλλ’ ἐμὲ πρὶν ἀπέπεμψε· τύχησε γὰρ ἐρχομένη νηῦς ### book 14.335 ἀνδρῶν Θεσπρωτῶν ἐς Δουλίχιον πολύπυρον. ### book 14.336 ἔνθ’ ὅ γέ μ’ ἠνώγει πέμψαι βασιλῆϊ Ἀκάστῳ ### book 14.337 ἐνδυκέως· τοῖσιν δὲ κακὴ φρεσὶν ἥνδανε βουλὴ ### book 14.338 ἀμφ’ ἐμοί, ὄφρ’ ἔτι πάγχυ δύης ἐπὶ πῆμα γενοίμην. ### book 14.339 ἀλλ’ ὅτε γαίης πολλὸν ἀπέπλω ποντοπόρος νηῦς, ### book 14.340 αὐτίκα δούλιον ἦμαρ ἐμοὶ περιμηχανόωντο. ### book 14.341 ἐκ μέν με χλαῖνάν τε χιτῶνά τε εἵματ’ ἔδυσαν, ### book 14.342 ἀμφὶ δέ με ῥάκος ἄλλο κακὸν βάλον ἠδὲ χιτῶνα, ### book 14.343 ῥωγαλέα, τὰ καὶ αὐτὸς ἐν ὀφθαλμοῖσιν ὅρηαι. ### book 14.344 ἑσπέριοι δ’ Ἰθάκης εὐδειέλου ἔργ’ ἀφίκοντο. ### book 14.345 ἔνθ’ ἐμὲ μὲν κατέδησαν ἐϋσσέλμῳ ἐνὶ νηῒ ### book 14.346 ὅπλῳ ἐϋστρεφέϊ στερεῶς, αὐτοὶ δ’ ἀποβάντες ### book 14.347 ἐσσυμένως παρὰ θῖνα θαλάσσης δόρπον ἕλοντο. ### book 14.348 αὐτὰρ ἐμοὶ δεσμὸν μὲν ἀνέγναμψαν θεοὶ αὐτοὶ ### book 14.349 ῥηϊδίως· κεφαλῇ δὲ κατὰ ῥάκος ἀμφικαλύψας, ### book 14.350 ξεστὸν ἐφόλκαιον καταβὰς ἐπέλασσα θαλάσσῃ ### book 14.351 στῆθος, ἔπειτα δὲ χερσὶ διήρεσα ἀμφοτέρῃσι ### book 14.352 νηχόμενος, μάλα δ’ ὦκα θύρηθ’ ἔα ἀμφὶς ἐκείνων. ### book 14.353 ἔνθ’ ἀναβάς, ὅθι τε δρίος ἦν πολυανθέος ὕλης, ### book 14.354 κείμην πεπτηώς. οἱ δὲ μεγάλα στενάχοντες ### book 14.355 φοίτων· ἀλλ’ οὐ γάρ σφιν ἐφαίνετο κέρδιον εἶναι ### book 14.356 μαίεσθαι προτέρω, τοὶ μὲν πάλιν αὖτις ἔβαινον ### book 14.357 νηὸς ἔπι γλαφυρῆς· ἐμὲ δ’ ἔκρυψαν θεοὶ αὐτοὶ ### book 14.358 ῥηϊδίως, καί με σταθμῷ ἐπέλασσαν ἄγοντες ### book 14.359 ἀνδρὸς ἐπισταμένου· ἔτι γάρ νύ μοι αἶσα βιῶναι.” ### book 14.360 τὸν δ’ ἀπαμειβόμενος προσέφης, Εὔμαιε συβῶτα· ### book 14.361 “ἆ δειλὲ ξείνων, ἦ μοι μάλα θυμὸν ὄρινας ### book 14.362 ταῦτα ἕκαστα λέγων, ὅσα δὴ πάθες ἠδ’ ὅς’ ἀλήθης. ### book 14.363 ἀλλὰ τά γ’ οὐ κατὰ κόσμον, ὀΐομαι, οὐδέ με πείσεις, ### book 14.364 εἰπὼν ἀμφ’ Ὀδυσῆϊ. τί σε χρὴ τοῖον ἐόντα ### book 14.365 μαψιδίως ψεύδεσθαι; ἐγὼ δ’ ἐῢ οἶδα καὶ αὐτὸς ### book 14.366 νόστον ἐμοῖο ἄνακτος, ὅ τ’ ἤχθετο πᾶσι θεοῖσι ### book 14.367 πάγχυ μάλ’, ὅττι μιν οὔ τι μετὰ Τρώεσσι δάμασσαν ### book 14.368 ἠὲ φίλων ἐν χερσίν, ἐπεὶ πόλεμον τολύπευσε. ### book 14.369 [τῶ κέν οἱ τύμβον μὲν ἐποίησαν Παναχαιοί, ### book 14.370 ἠδέ κε καὶ ᾧ παιδὶ μέγα κλέος ἤρατ’ ὀπίσσω.] ### book 14.371 νῦν δέ μιν ἀκλειῶς Ἅρπυιαι ἀνηρέψαντο. ### book 14.372 αὐτὰρ ἐγὼ παρ’ ὕεσσιν ἀπότροπος· οὐδὲ πόλινδε ### book 14.373 ἔρχομαι, εἰ μή πού τι περίφρων Πηνελόπεια ### book 14.374 ἐλθέμεν ὀτρύνῃσιν, ὅτ’ ἀγγελίη ποθὲν ἔλθῃ. ### book 14.375 ἀλλ’ οἱ μὲν τὰ ἕκαστα παρήμενοι ἐξερέουσιν, ### book 14.376 ἠμὲν οἳ ἄχνυνται δὴν οἰχομένοιο ἄνακτος, ### book 14.377 ἠδ’ οἳ χαίρουσιν βίοτον νήποινον ἔδοντες· ### book 14.378 ἀλλ’ ἐμοὶ οὐ φίλον ἐστὶ μεταλλῆσαι καὶ ἐρέσθαι, ### book 14.379 ἐξ οὗ δή μ’ Αἰτωλὸς ἀνὴρ ἐξήπαφε μύθῳ, ### book 14.380 ὅς ῥ’ ἄνδρα κτείνας πολλὴν ἐπὶ γαῖαν ἀληθεὶς ### book 14.381 ἤλυθ’ ἐμὸν πρὸς σταθμόν· ἐγὼ δέ μιν ἀμφαγάπαζον. ### book 14.382 φῆ δέ μιν ἐν Κρήτεσσι παρ’ Ἰδομενῆϊ ἰδέσθαι ### book 14.383 νῆας ἀκειόμενον, τάς οἱ ξυνέαξαν ἄελλαι· ### book 14.384 καὶ φάτ’ ἐλεύσεσθαι ἢ ἐς θέρος ἢ ἐς ὀπώρην, ### book 14.385 πολλὰ χρήματ’ ἄγοντα, σὺν ἀντιθέοις’ ἑτάροισι. ### book 14.386 καὶ σύ, γέρον πολυπενθές, ἐπεί σέ μοι ἤγαγε δαίμων, ### book 14.387 μήτε τί μοι ψεύδεσσι χαρίζεο μήτε τι θέλγε· ### book 14.388 οὐ γὰρ τοὔνεκ’ ἐγώ ς’ αἰδέσσομαι οὐδὲ φιλήσω, ### book 14.389 ἀλλὰ Δία ξένιον δείσας αὐτόν τ’ ἐλεαίρων.” ### book 14.390 τὸν δ’ ἀπαμειβόμενος προσέφη πολύμητις Ὀδυσσεύς· ### book 14.391 “ἦ μάλα τίς τοι θυμὸς ἐνὶ στήθεσσιν ἄπιστος, ### book 14.392 οἷόν ς’ οὐδ’ ὀμόσας περ ἐπήγαγον οὐδέ σε πείθω. ### book 14.393 ἀλλ’ ἄγε νῦν ῥήτρην ποιησόμεθ’· αὐτὰρ ὄπισθεν ### book 14.394 μάρτυροι ἀμφοτέροισι θεοί, τοὶ Ὄλυμπον ἔχουσιν. ### book 14.395 εἰ μέν κεν νοστήσῃ ἄναξ τεὸς ἐς τόδε δῶμα, ### book 14.396 ἕσσας με χλαῖνάν τε χιτῶνά τε εἵματα πέμψαι ### book 14.397 Δουλίχιόνδ’ ἰέναι, ὅθι μοι φίλον ἔπλετο θυμῷ· ### book 14.398 εἰ δέ κε μὴ ἔλθῃσιν ἄναξ τεὸς ὡς ἀγορεύω, ### book 14.399 δμῶας ἐπισσεύας βαλέειν μεγάλης κατὰ πέτρης, ### book 14.400 ὄφρα καὶ ἄλλος πτωχὸς ἀλεύεται ἠπεροπεύειν.” ### book 14.401 τὸν δ’ ἀπαμειβόμενος προσεφώνεε δῖος ὑφορβός· ### book 14.402 “ξεῖν’, οὕτω γάρ κέν μοι ἐϋκλείη τ’ ἀρετή τε ### book 14.403 εἴη ἐπ’ ἀνθρώπους, ἅμα τ’ αὐτίκα καὶ μετέπειτα, ### book 14.404 ὅς ς’ ἐπεὶ ἐς κλισίην ἄγαγον καὶ ξείνια δῶκα, ### book 14.405 αὖτις δὲ κτείναιμι φίλον τ’ ἀπὸ θυμὸν ἑλοίμην· ### book 14.406 πρόφρων κεν δὴ ἔπειτα Δία Κρονίωνα λιτοίμην. ### book 14.407 νῦν δ’ ὥρη δόρποιο· τάχιστά μοι ἔνδον ἑταῖροι ### book 14.408 εἶεν, ἵν’ ἐν κλισίῃ λαρὸν τετυκοίμεθα δόρπον.” ### book 14.409 ὣς οἱ μὲν τοιαῦτα πρὸς ἀλλήλους ἀγόρευον, ### book 14.410 ἀγχίμολον δὲ σύες τε καὶ ἀνέρες ἦλθον ὑφορβοί. ### book 14.411 τὰς μὲν ἄρα ἔρξαν κατὰ ἤθεα κοιμηθῆναι, ### book 14.412 κλαγγὴ δ’ ἄσπετος ὦρτο συῶν αὐλιζομενάων. ### book 14.413 αὐτὰρ ὁ οἷς’ ἑτάροισιν ἐκέκλετο δῖος ὑφορβός· ### book 14.414 “ἄξεθ’ ὑῶν τὸν ἄριστον, ἵνα ξείνῳ ἱερεύσω ### book 14.415 τηλεδαπῷ· πρὸς δ’ αὐτοὶ ὀνησόμεθ’, οἵ περ ὀϊζὺν ### book 14.416 δὴν ἔχομεν πάσχοντες ὑῶν ἕνεκ’ ἀργιοδόντων· ### book 14.417 ἄλλοι δ’ ἡμέτερον κάματον νήποινον ἔδουσιν.” ### book 14.418 ὣς ἄρα φωνήσας κέασε ξύλα νηλέϊ χαλκῷ· ### book 14.419 οἱ δ’ ὗν εἰσῆγον μάλα πίονα πενταέτηρον. ### book 14.420 τὸν μὲν ἔπειτ’ ἔστησαν ἐπ’ ἐσχάρῃ· οὐδὲ συβώτης ### book 14.421 λήθετ’ ἄρ’ ἀθανάτων· φρεσὶ γὰρ κέχρητ’ ἀγαθῇσιν· ### book 14.422 ἀλλ’ ὅ γ’ ἀπαρχόμενος κεφαλῆς τρίχας ἐν πυρὶ βάλλεν ### book 14.423 ἀργιόδοντος ὑὸς καὶ ἐπεύχετο πᾶσι θεοῖσι ### book 14.424 νοστῆσαι Ὀδυσῆα πολύφρονα ὅνδε δόμονδε. ### book 14.425 κόψε δ’ ἀνασχόμενος σχίζῃ δρυός, ἣν λίπε κείων· ### book 14.426 τὸν δ’ ἔλιπε ψυχή. τοὶ δ’ ἔσφαξάν τε καὶ εὗσαν, ### book 14.427 αἶψα δέ μιν διέχευαν· ὁ δ’ ὠμοθετεῖτο συβώτης, ### book 14.428 πάντων ἀρχόμενος μελέων, ἐς πίονα δημόν. ### book 14.429 καὶ τὰ μὲν ἐν πυρὶ βάλλε, παλύνας ἀλφίτου ἀκτῇ, ### book 14.430 μίστυλλόν τ’ ἄρα τἆλλα καὶ ἀμφ’ ὀβελοῖσιν ἔπειρον ### book 14.431 ὤπτησάν τε περιφραδέως ἐρύσαντό τε πάντα, ### book 14.432 βάλλον δ’ εἰν ἐλεοῖσιν ἀολλέα. ἂν δὲ συβώτης ### book 14.433 ἵστατο δαιτρεύσων· περὶ γὰρ φρεσὶν αἴσιμα ᾔδη. ### book 14.434 καὶ τὰ μὲν ἕπταχα πάντα διεμμοιρᾶτο δαΐζων· ### book 14.435 τὴν μὲν ἴαν Νύμφῃσι καὶ Ἑρμῇ, Μαιάδος υἷι, ### book 14.436 θῆκεν ἐπευξάμενος, τὰς δ’ ἄλλας νεῖμεν ἑκάστῳ· ### book 14.437 νώτοισιν δ’ Ὀδυσῆα διηνεκέεσσι γέραιρεν ### book 14.438 ἀργιόδοντος ὑός, κύδαινε δὲ θυμὸν ἄνακτος. ### book 14.439 καί μιν φωνήσας προσέφη πολύμητις Ὀδυσσεύς· ### book 14.440 “αἴθ’ οὕτως, Εὔμαιε, φίλος Διὶ πατρὶ γένοιο ### book 14.441 ὡς ἐμοί, ὅττι με τοῖον ἐόντ’ ἀγαθοῖσι γεραίρεις.” ### book 14.442 τὸν δ’ ἀπαμειβόμενος προσέφης, Εὔμαιε συβῶτα· ### book 14.443 “ἔσθιε, δαιμόνιε ξείνων, καὶ τέρπεο τοῖσδε, ### book 14.444 οἷα πάρεστι· θεὸς δὲ τὸ μὲν δώσει, τὸ δ’ ἐάσει, ### book 14.445 ὅττι κεν ᾧ θυμῷ ἐθέλῃ· δύναται γὰρ ἅπαντα.” ### book 14.446 ἦ ῥα, καὶ ἄργματα θῦσε θεοῖς’ αἰειγενέτῃσι, ### book 14.447 σπείσας δ’ αἴθοπα οἶνον Ὀδυσσῆϊ πτολιπόρθῳ ### book 14.448 ἐν χείρεσσιν ἔθηκεν· ὁ δ’ ἕζετο ᾗ παρὰ μοίρῃ. ### book 14.449 σῖτον δέ σφιν ἔνειμε Μεσαύλιος, ὅν ῥα συβώτης ### book 14.450 αὐτὸς κτήσατο οἶος ἀποιχομένοιο ἄνακτος, ### book 14.451 νόσφιν δεσποίνης καὶ Λαέρταο γέροντος· ### book 14.452 πὰρ δ’ ἄρα μιν Ταφίων πρίατο κτεάτεσσιν ἑοῖσιν. ### book 14.453 οἱ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 14.454 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 14.455 σῖτον μέν σφιν ἀφεῖλε Μεσαύλιος, οἱ δ’ ἐπὶ κοῖτον, ### book 14.456 σίτου καὶ κρειῶν κεκορημένοι, ἐσσεύοντο. ### book 14.457 νὺξ δ’ ἄρ’ ἐπῆλθε κακὴ σκοτομήνιος· ὗε δ’ ἄρα Ζεὺς ### book 14.458 πάννυχος, αὐτὰρ ἄη ζέφυρος μέγας αἰὲν ἔφυδρος. ### book 14.459 τοῖς δ’ Ὀδυσεὺς μετέειπε, συβώτεω πειρητίζων, ### book 14.460 εἴ πώς οἱ ἐκδὺς χλαῖναν πόροι ἤ τιν’ ἑταίρων ### book 14.461 ἄλλον ἐποτρύνειεν, ἐπεί ἑο κήδετο λίην· ### book 14.462 “κέκλυθι νῦν, Εὔμαιε καὶ ἄλλοι πάντες ἑταῖροι, ### book 14.463 εὐξάμενός τι ἔπος ἐρέω· οἶνος γὰρ ἀνώγει, ### book 14.464 ἠλεός, ὅς τ’ ἐφέηκε πολύφρονά περ μάλ’ ἀεῖσαι ### book 14.465 καί θ’ ἁπαλὸν γελάσαι καί τ’ ὀρχήσασθαι ἀνῆκε, ### book 14.466 καί τι ἔπος προέηκεν, ὅ πέρ τ’ ἄρρητον ἄμεινον. ### book 14.467 ἀλλ’ ἐπεὶ οὖν τὸ πρῶτον ἀνέκραγον, οὐκ ἐπικεύσω. ### book 14.468 εἴθ’ ὣς ἡβώοιμι βίη τέ μοι ἔμπεδος εἴη, ### book 14.469 ὡς ὅθ’ ὑπὸ Τροίην λόχον ἤγομεν ἀρτύναντες. ### book 14.470 ἡγείσθην δ’ Ὀδυσεύς τε καὶ Ἀτρεΐδης Μενέλαος, ### book 14.471 τοῖσι δ’ ἅμα τρίτος ἦρχον ἐγών· αὐτοὶ γὰρ ἄνωγον. ### book 14.472 ἀλλ’ ὅτε δή ῥ’ ἱκόμεσθα ποτὶ πτόλιν αἰπύ τε τεῖχος, ### book 14.473 ἡμεῖς μὲν περὶ ἄστυ κατὰ ῥωπήϊα πυκνά, ### book 14.474 ἂν δόνακας καὶ ἕλος, ὑπὸ τεύχεσι πεπτηῶτες ### book 14.475 κείμεθα, νὺξ δ’ ἄρ’ ἐπῆλθε κακὴ βορέαο πεσόντος, ### book 14.476 πηγυλίς· αὐτὰρ ὕπερθε χιὼν γένετ’ ἠΰτε πάχνη, ### book 14.477 ψυχρή, καὶ σακέεσσι περιτρέφετο κρύσταλλος. ### book 14.478 ἔνθ’ ἄλλοι πάντες χλαίνας ἔχον ἠδὲ χιτῶνας, ### book 14.479 εὗδον δ’ εὔκηλοι, σάκεσιν εἰλυμένοι ὤμους· ### book 14.480 αὐτὰρ ἐγὼ χλαῖναν μὲν ἰὼν ἑτάροισιν ἔλειπον ### book 14.481 ἀφραδέως, ἐπεὶ οὐκ ἐφάμην ῥιγωσέμεν ἔμπης, ### book 14.482 ἀλλ’ ἐπόμην σάκος οἶον ἔχων καὶ ζῶμα φαεινόν. ### book 14.483 ἀλλ’ ὅτε δὴ τρίχα νυκτὸς ἔην, μετὰ δ’ ἄστρα βεβήκει, ### book 14.484 καὶ τότ’ ἐγὼν Ὀδυσῆα προσηύδων ἐγγὺς ἐόντα ### book 14.485 ἀγκῶνι νύξας· ὁ δ’ ἄρ’ ἐμμαπέως ὑπάκουσε· ### book 14.486 ‘διογενὲς Λαερτιάδη, πολυμήχαν’ Ὀδυσσεῦ, ### book 14.487 οὔ τοι ἔτι ζωοῖσι μετέσσομαι, ἀλλά με χεῖμα ### book 14.488 δάμναται· οὐ γὰρ ἔχω χλαῖναν· παρά μ’ ἤπαφε δαίμων ### book 14.489 οἰοχίτων’ ἴμεναι· νῦν δ’ οὐκέτι φυκτὰ πέλονται.‘ ### book 14.490 ὣς ἐφάμην, ὁ δ’ ἔπειτα νόον σχέθε τόνδ’ ἐνὶ θυμῷ, ### book 14.491 οἷος κεῖνος ἔην βουλευέμεν ἠδὲ μάχεσθαι· ### book 14.492 φθεγξάμενος δ’ ὀλίγῃ ὀπί με πρὸς μῦθον ἔειπε· ### book 14.493 ‘σίγα νῦν, μή τίς σευ Ἀχαιῶν ἄλλος ἀκούσῃ.‘ ### book 14.494 ἦ, καὶ ἐπ’ ἀγκῶνος κεφαλὴν σχέθεν εἶπέ τε μῦθον· ### book 14.495 ‘κλῦτε, φίλοι· θεῖός μοι ἐνύπνιον ἦλθεν ὄνειρος. ### book 14.496 λίην γὰρ νηῶν ἑκὰς ἤλθομεν. ἀλλά τις εἴη ### book 14.497 εἰπεῖν Ἀτρεΐδῃ Ἀγαμέμνονι, ποιμένι λαῶν, ### book 14.498 εἰ πλέονας παρὰ ναῦφιν ἐποτρύνειε νέεσθαι.‘ ### book 14.499 ὣς ἔφατ’, ὦρτο δ’ ἔπειτα Θόας, Ἀνδραίμονος υἱός, ### book 14.500 καρπαλίμως, ἀπὸ δὲ χλαῖναν βάλε φοινικόεσσαν, ### book 14.501 βῆ δὲ θέειν ἐπὶ νῆας· ἐγὼ δ’ ἐνὶ εἵματι κείνου ### book 14.502 κείμην ἀσπασίως, φάε δὲ χρυσόθρονος Ἠώς. ### book 14.503 ὣς νῦν ἡβώοιμι βίη τέ μοι ἔμπεδος εἴη· ### book 14.504 δοίη κέν τις χλαῖναν ἐνὶ σταθμοῖσι συφορβῶν, ### book 14.505 ἀμφότερον, φιλότητι καὶ αἰδόϊ φωτὸς ἐῆος· ### book 14.506 νῦν δέ μ’ ἀτιμάζουσι κακὰ χροῒ εἵματ’ ἔχοντα.” ### book 14.507 τὸν δ’ ἀπαμειβόμενος προσέφης, Εὔμαιε συβῶτα· ### book 14.508 “ὦ γέρον, αἶνος μέν τοι ἀμύμων, ὃν κατέλεξας, ### book 14.509 οὐδέ τί πω παρὰ μοῖραν ἔπος νηκερδὲς ἔειπες· ### book 14.510 τῶ οὔτ’ ἐσθῆτος δευήσεαι οὔτε τευ ἄλλου, ### book 14.511 ὧν ἐπέοιχ’ ἱκέτην ταλαπείριον ἀντιάσαντα, ### book 14.512 νῦν· ἀτὰρ ἠῶθέν γε τὰ σὰ ῥάκεα δνοπαλίξεις. ### book 14.513 οὐ γὰρ πολλαὶ χλαῖναι ἐπημοιβοί τε χιτῶνες ### book 14.514 ἐνθάδε ἕννυσθαι, μία δ’ οἴη φωτὶ ἑκάστῳ. ### book 14.515 [αὐτὰρ ἐπὴν ἔλθῃσιν Ὀδυσσῆος φίλος υἱός, ### book 14.516 κεῖνός σε χλαῖνάν τε χιτῶνά τε εἵματα ἕσσει, ### book 14.517 πέμψει δ’, ὅππῃ σε κραδίη θυμός τε κελεύει.”] ### book 14.518 ὣς εἰπὼν ἀνόρουσε, τίθει δ’ ἄρα οἱ πυρὸς ἐγγὺς ### book 14.519 εὐνήν, ἐν δ’ ὀΐων τε καὶ αἰγῶν δέρματ’ ἔβαλλεν. ### book 14.520 ἔνθ’ Ὀδυσεὺς κατέλεκτ’. ἐπὶ δὲ χλαῖναν βάλεν αὐτῷ ### book 14.521 πυκνὴν καὶ μεγάλην, ἥ οἱ παρακέσκετ’ ἀμοιβὰς ### book 14.522 ἕννυσθαι, ὅτε τις χειμὼν ἔκπαγλος ὄροιτο. ### book 14.523 ὣς ὁ μὲν ἔνθ’ Ὀδυσεὺς κοιμήσατο, τοὶ δὲ παρ’ αὐτὸν ### book 14.524 ἄνδρες κοιμήσαντο νεηνίαι. οὐδὲ συβώτῃ ### book 14.525 ἥνδανεν αὐτόθι κοῖτος, ὑῶν ἄπο κοιμηθῆναι, ### book 14.526 ἀλλ’ ὅ γ’ ἄρ’ ἔξω ἰὼν ὁπλίζετο· χαῖρε δ’ Ὀδυσσεύς, ### book 14.527 ὅττι ῥά οἱ βιότου περικήδετο νόσφιν ἐόντος. ### book 14.528 πρῶτον μὲν ξίφος ὀξὺ περὶ στιβαροῖς βάλετ’ ὤμοις, ### book 14.529 ἀμφὶ δὲ χλαῖναν ἐέσσατ’, ἀλεξάνεμον μάλα πυκνήν, ### book 14.530 ἂν δὲ νάκην ἕλετ’ αἰγὸς ἐϋτρεφέος μεγάλοιο, ### book 14.531 εἵλετο δ’ ὀξὺν ἄκοντα, κυνῶν ἀλκτῆρα καὶ ἀνδρῶν. ### book 14.532 βῆ δ’ ἴμεναι κείων, ὅθι περ σύες ἀργιόδοντες ### book 14.533 πέτρῃ ὕπο γλαφυρῇ εὗδον, βορέω ὑπ’ ἰωγῇ. ### book 15.1 Ἡ δ’ εἰς εὐρύχορον Λακεδαίμονα Παλλὰς Ἀθήνη ### book 15.2 ᾤχετ’, Ὀδυσσῆος μεγαθύμου φαίδιμον υἱὸν ### book 15.3 νόστου ὑπομνήσουσα καὶ ὀτρυνέουσα νέεσθαι. ### book 15.4 εὗρε δὲ Τηλέμαχον καὶ Νέστορος ἀγλαὸν υἱὸν ### book 15.5 εὕδοντ’ ἐν προδόμῳ Μενελάου κυδαλίμοιο, ### book 15.6 ἦ τοι Νεστορίδην μαλακῷ δεδμημένον ὕπνῳ· ### book 15.7 Τηλέμαχον δ’ οὐχ ὕπνος ἔχε γλυκύς, ἀλλ’ ἐνὶ θυμῷ ### book 15.8 νύκτα δι’ ἀμβροσίην μελεδήματα πατρὸς ἔγειρεν. ### book 15.9 ἀγχοῦ δ’ ἱσταμένη προσέφη γλαυκῶπις Ἀθήνη· ### book 15.10 “Τηλέμαχ’, οὐκέτι καλὰ δόμων ἄπο τῆλ’ ἀλάλησαι, ### book 15.11 κτήματά τε προλιπὼν ἄνδρας τ’ ἐν σοῖσι δόμοισιν ### book 15.12 οὕτω ὑπερφιάλους· μή τοι κατὰ πάντα φάγωσι ### book 15.13 κτήματα δασσάμενοι, σὺ δὲ τηϋσίην ὁδὸν ἔλθῃς. ### book 15.14 ἀλλ’ ὄτρυνε τάχιστα βοὴν ἀγαθὸν Μενέλαον ### book 15.15 πεμπέμεν, ὄφρ’ ἔτι οἴκοι ἀμύμονα μητέρα τέτμῃς. ### book 15.16 ἤδη γάρ ῥα πατήρ τε κασίγνητοί τε κέλονται ### book 15.17 Εὐρυμάχῳ γήμασθαι· ὁ γὰρ περιβάλλει ἅπαντας ### book 15.18 μνηστῆρας δώροισι καὶ ἐξώφελλεν ἔεδνα· ### book 15.19 μή νύ τι σεῦ ἀέκητι δόμων ἐκ κτῆμα φέρηται. ### book 15.20 οἶσθα γὰρ οἷος θυμὸς ἐνὶ στήθεσσι γυναικός· ### book 15.21 κείνου βούλεται οἶκον ὀφέλλειν, ὅς κεν ὀπυίῃ, ### book 15.22 παίδων δὲ προτέρων καὶ κουριδίοιο φίλοιο ### book 15.23 οὐκέτι μέμνηται τεθνηότος οὐδὲ μεταλλᾷ. ### book 15.24 ἀλλὰ σύ γ’ ἐλθὼν αὐτὸς ἐπιτρέψειας ἕκαστα, ### book 15.25 δμῳάων ἥ τίς τοι ἀρίστη φαίνεται εἶναι, ### book 15.26 εἰς ὅ κέ τοι φήνωσι θεοὶ κυδρὴν παράκοιτιν. ### book 15.27 ἄλλο δέ τοί τι ἔπος ἐρέω, σὺ δὲ σύνθεο θυμῷ. ### book 15.28 μνηστήρων ς’ ἐπιτηδὲς ἀριστῆες λοχόωσιν ### book 15.29 ἐν πορθμῷ Ἰθάκης τε Σάμοιό τε παιπαλοέσσης ### book 15.30 ἱέμενοι κτεῖναι, πρὶν πατρίδα γαῖαν ἱκέσθαι. ### book 15.31 ἀλλὰ τά γ’ οὐκ ὀΐω· πρὶν καί τινα γαῖα καθέξει ### book 15.32 ἀνδρῶν μνηστήρων, οἵ τοι βίοτον κατέδουσιν. ### book 15.33 ἀλλὰ ἑκὰς νήσων ἀπέχειν εὐεργέα νῆα, ### book 15.34 νυκτὶ δ’ ὁμῶς πλείειν· πέμψει δέ τοι οὖρον ὄπισθεν ### book 15.35 ἀθανάτων ὅς τίς σε φυλάσσει τε ῥύεταί τε. ### book 15.36 αὐτὰρ ἐπὴν πρώτην ἀκτὴν Ἰθάκης ἀφίκηαι, ### book 15.37 νῆα μὲν ἐς πόλιν ὀτρῦναι καὶ πάντας ἑταίρους, ### book 15.38 αὐτὸς δὲ πρώτιστα συβώτην εἰσαφικέσθαι, ### book 15.39 ὅς τοι ὑῶν ἐπίουρος, ὁμῶς δέ τοι ἤπια οἶδεν. ### book 15.40 ἔνθα δὲ νύκτ’ ἀέσαι· τὸν δ’ ὀτρῦναι πόλιν εἴσω ### book 15.41 ἀγγελίην ἐρέοντα περίφρονι Πηνελοπείῃ, ### book 15.42 οὕνεκά οἱ σῶς ἐσσι καὶ ἐκ Πύλου εἰλήλουθας.” ### book 15.43 ἡ μὲν ἄρ’ ὣς εἰποῦς’ ἀπέβη πρὸς μακρὸν Ὄλυμπον, ### book 15.44 αὐτὰρ ὁ Νεστορίδην ἐξ ἡδέος ὕπνου ἔγειρε ### book 15.45 λὰξ ποδὶ κινήσας, καί μιν πρὸς μῦθον ἔειπεν· ### book 15.46 “ἔγρεο, Νεστορίδη Πεισίστρατε· μώνυχας ἵππους ### book 15.47 ζεῦξον ὑφ’ ἅρματ’ ἄγων, ὄφρα πρήσσωμεν ὁδοῖο.” ### book 15.48 τὸν δ’ αὖ Νεστορίδης Πεισίστρατος ἀντίον ηὔδα· ### book 15.49 “Τηλέμαχ’, οὔ πως ἔστιν, ἐπειγομένους περ ὁδοῖο, ### book 15.50 νύκτα διὰ δνοφερὴν ἐλάαν· τάχα δ’ ἔσσεται ἠώς. ### book 15.51 ἀλλὰ μέν’, εἰς ὅ κε δῶρα φέρων ἐπιδίφρια θήῃ ### book 15.52 ἥρως Ἀτρεΐδης, δουρικλειτὸς Μενέλαος, ### book 15.53 καὶ μύθοις’ ἀγανοῖσι παραυδήσας ἀποπέμψῃ. ### book 15.54 τοῦ γάρ τε ξεῖνος μιμνῄσκεται ἤματα πάντα ### book 15.55 ἀνδρὸς ξεινοδόκου, ὅς κεν φιλότητα παράσχῃ.” ### book 15.56 ὣς ἔφατ’, αὐτίκα δὲ χρυσόθρονος ἤλυθεν Ἠώς. ### book 15.57 ἀγχίμολον δέ σφ’ ἦλθε βοὴν ἀγαθὸς Μενέλαος, ### book 15.58 ἀνστὰς ἐξ εὐνῆς, Ἑλένης πάρα καλλικόμοιο. ### book 15.59 τὸν δ’ ὡς οὖν ἐνόησεν Ὀδυσσῆος φίλος υἱός, ### book 15.60 σπερχόμενός ῥα χιτῶνα περὶ χροῒ σιγαλόεντα ### book 15.61 δῦνεν καὶ μέγα φᾶρος ἐπὶ στιβαροῖς βάλετ’ ὤμοις ### book 15.62 ἥρως, βῆ δὲ θύραζε, παριστάμενος δὲ προσηύδα ### book 15.63 [Τηλέμαχος, φίλος υἱὸς Ὀδυσσῆος θείοιο·] ### book 15.64 “Ἀτρεΐδη Μενέλαε διοτρεφές, ὄρχαμε λαῶν, ### book 15.65 ἤδη νῦν μ’ ἀπόπεμπε φίλην ἐς πατρίδα γαῖαν· ### book 15.66 ἤδη γάρ μοι θυμὸς ἐέλδεται οἴκαδ’ ἱκέσθαι.” ### book 15.67 τὸν δ’ ἠμείβετ’ ἔπειτα βοὴν ἀγαθὸς Μενέλαος· ### book 15.68 “Τηλέμαχ’, οὔ τί ς’ ἐγώ γε πολὺν χρόνον ἐνθάδ’ ἐρύξω ### book 15.69 ἱέμενον νόστοιο· νεμεσσῶμαι δὲ καὶ ἄλλῳ ### book 15.70 ἀνδρὶ ξεινοδόκῳ, ὅς κ’ ἔξοχα μὲν φιλέῃσιν, ### book 15.71 ἔξοχα δ’ ἐχθαίρῃσιν· ἀμείνω δ’ αἴσιμα πάντα. ### book 15.72 ἶσόν τοι κακόν ἐσθ’, ὅς τ’ οὐκ ἐθέλοντα νέεσθαι ### book 15.73 ξεῖνον ἐποτρύνῃ καὶ ὃς ἐσσύμενον κατερύκῃ. ### book 15.74 [χρὴ ξεῖνον παρεόντα φιλεῖν, ἐθέλοντα δὲ πέμπειν.] ### book 15.75 ἀλλὰ μέν’, εἰς ὅ κε δῶρα φέρων ἐπιδίφρια θείω ### book 15.76 καλά, σὺ δ’ ὀφθαλμοῖσιν ἴδῃς, εἴπω δὲ γυναιξὶ ### book 15.77 δεῖπνον ἐνὶ μεγάροις τετυκεῖν ἅλις ἔνδον ἐόντων. ### book 15.78 ἀμφότερον, κῦδός τε καὶ ἀγλαΐη καὶ ὄνειαρ, ### book 15.79 δειπνήσαντας ἴμεν πολλὴν ἐπ’ ἀπείρονα γαῖαν. ### book 15.80 εἰ δ’ ἐθέλεις τραφθῆναι ἀν’ Ἑλλάδα καὶ μέσον Ἄργος, ### book 15.81 ὄφρα τοι αὐτὸς ἕπωμαι, ὑποζεύξω δέ τοι ἵππους, ### book 15.82 ἄστεα δ’ ἀνθρώπων ἡγήσομαι· οὐδέ τις ἥμεας ### book 15.83 αὔτως ἀππέμψει, δώσει δέ τε ἕν γε φέρεσθαι, ### book 15.84 ἠέ τινα τριπόδων εὐχάλκων ἠὲ λεβήτων ### book 15.85 ἠὲ δύ’ ἡμιόνους ἠὲ χρύσειον ἄλεισον.” ### book 15.86 τὸν δ’ αὖ Τηλέμαχος πεπνυμένος ἀντίον ηὔδα· ### book 15.87 “Ἀτρεΐδη Μενέλαε διοτρεφές, ὄρχαμε λαῶν, ### book 15.88 βούλομαι ἤδη νεῖσθαι ἐφ’ ἡμέτερ’· οὐ γὰρ ὄπισθεν ### book 15.89 οὖρον ἰὼν κατέλειπον ἐπὶ κτεάτεσσιν ἐμοῖσι· ### book 15.90 μὴ πατέρ’ ἀντίθεον διζήμενος αὐτὸς ὄλωμαι, ### book 15.91 ἤ τί μοι ἐκ μεγάρων κειμήλιον ἐσθλὸν ὄληται.” ### book 15.92 αὐτὰρ ἐπεὶ τό γ’ ἄκουσε βοὴν ἀγαθὸς Μενέλαος, ### book 15.93 αὐτίκ’ ἄρ’ ᾗ ἀλόχῳ ἠδὲ δμῳῇσι κέλευσε ### book 15.94 δεῖπνον ἐνὶ μεγάροις τετυκεῖν ἅλις ἔνδον ἐόντων. ### book 15.95 ἀγχίμολον δέ οἱ ἦλθε Βοηθοΐδης Ἐτεωνεύς, ### book 15.96 ἀνστὰς ἐξ εὐνῆς, ἐπεὶ οὐ πολὺ ναῖεν ἀπ’ αὐτοῦ· ### book 15.97 τὸν πῦρ κῆαι ἄνωγε βοὴν ἀγαθὸς Μενέλαος ### book 15.98 ὀπτῆσαί τε κρεῶν· ὁ δ’ ἄρ’ οὐκ ἀπίθησεν ἀκούσας. ### book 15.99 αὐτὸς δ’ ἐς θάλαμον κατεβήσετο κηώεντα, ### book 15.100 οὐκ οἶος, ἅμα τῷ γ’ Ἑλένη κίε καὶ Μεγαπένθης. ### book 15.101 ἀλλ’ ὅτε δή ῥ’ ἵκαν’, ὅθι οἱ κειμήλια κεῖτο, ### book 15.102 Ἀτρεΐδης μὲν ἔπειτα δέπας λάβεν ἀμφικύπελλον, ### book 15.103 υἱὸν δὲ κρητῆρα φέρειν Μεγαπένθε’ ἄνωγεν ### book 15.104 ἀργύρεον· Ἑλένη δὲ παρίστατο φωριαμοῖσιν, ### book 15.105 ἔνθ’ ἔσαν οἱ πέπλοι παμποίκιλοι, οὓς κάμεν αὐτή. ### book 15.106 τῶν ἕν’ ἀειραμένη Ἑλένη φέρε, δῖα γυναικῶν, ### book 15.107 ὃς κάλλιστος ἔην ποικίλμασιν ἠδὲ μέγιστος, ### book 15.108 ἀστὴρ δ’ ὣς ἀπέλαμπεν· ἔκειτο δὲ νείατος ἄλλων. ### book 15.109 βὰν δ’ ἰέναι προτέρω διὰ δώματος, εἷος ἵκοντο ### book 15.110 Τηλέμαχον· τὸν δὲ προσέφη ξανθὸς Μενέλαος· ### book 15.111 “Τηλέμαχ’, ἦ τοι νόστον, ὅπως φρεσὶ σῇσι μενοινᾷς, ### book 15.112 ὥς τοι Ζεὺς τελέσειεν, ἐρίγδουπος πόσις Ἥρης. ### book 15.113 δώρων δ’, ὅσς’ ἐν ἐμῷ οἴκῳ κειμήλια κεῖται, ### book 15.114 δώσω ὃ κάλλιστον καὶ τιμηέστατόν ἐστι. ### book 15.115 δώσω τοι κρητῆρα τετυγμένον· ἀργύρεος δὲ ### book 15.116 ἔστιν ἅπας, χρυσῷ δ’ ἐπὶ χείλεα κεκράανται, ### book 15.117 ἔργον δ’ Ἡφαίστοιο· πόρεν δέ ἑ Φαίδιμος ἥρως, ### book 15.118 Σιδονίων βασιλεύς, ὅθ’ ἑὸς δόμος ἀμφεκάλυψε ### book 15.119 κεῖσέ με νοστήσαντα· τεῒν δ’ ἐθέλω τόδ’ ὀπάσσαι.” ### book 15.120 ὣς εἰπὼν ἐν χερσὶ τίθει δέπας ἀμφικύπελλον ### book 15.121 ἥρως Ἀτρεΐδης· ὁ δ’ ἄρα κρητῆρα φαεινὸν ### book 15.122 θῆκ’ αὐτοῦ προπάροιθε φέρων κρατερὸς Μεγαπένθης, ### book 15.123 ἀργύρεον· Ἑλένη δὲ παρίστατο καλλιπάρῃος ### book 15.124 πέπλον ἔχους’ ἐν χερσίν, ἔπος τ’ ἔφατ’ ἔκ τ’ ὀνόμαζε· ### book 15.125 “δῶρόν τοι καὶ ἐγώ, τέκνον φίλε, τοῦτο δίδωμι, ### book 15.126 μνῆμ’ Ἑλένης χειρῶν, πολυηράτου ἐς γάμου ὥρην, ### book 15.127 σῇ ἀλόχῳ φορέειν· τεῖος δὲ φίλῃ παρὰ μητρὶ ### book 15.128 κεῖσθαι ἐνὶ μεγάρῳ. σὺ δέ μοι χαίρων ἀφίκοιο ### book 15.129 οἶκον ἐϋκτίμενον καὶ σὴν ἐς πατρίδα γαῖαν.” ### book 15.130 ὣς εἰποῦς’ ἐν χερσὶ τίθει, ὁ δ’ ἐδέξατο χαίρων. ### book 15.131 καὶ τὰ μὲν ἐς πείρινθα τίθει Πεισίστρατος ἥρως ### book 15.132 δεξάμενος, καὶ πάντα ἑῷ θηήσατο θυμῷ· ### book 15.133 τοὺς δ’ ἦγε πρὸς δῶμα κάρη ξανθὸς Μενέλαος. ### book 15.134 ἑζέσθην δ’ ἄρ’ ἔπειτα κατὰ κλισμούς τε θρόνους τε. ### book 15.135 χέρνιβα δ’ ἀμφίπολος προχόῳ ἐπέχευε φέρουσα ### book 15.136 καλῇ χρυσείῃ, ὑπὲρ ἀργυρέοιο λέβητος, ### book 15.137 νίψασθαι· παρὰ δὲ ξεστὴν ἐτάνυσσε τράπεζαν. ### book 15.138 σῖτον δ’ αἰδοίη ταμίη παρέθηκε φέρουσα, ### book 15.139 [εἴδατα πόλλ’ ἐπιθεῖσα, χαριζομένη παρεόντων·] ### book 15.140 πὰρ δὲ Βοηθοΐδης κρέα δαίετο καὶ νέμε μοίρας· ### book 15.141 οἰνοχόει δ’ υἱὸς Μενελάου κυδαλίμοιο. ### book 15.142 οἱ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 15.143 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 15.144 δὴ τότε Τηλέμαχος καὶ Νέστορος ἀγλαὸς υἱὸς ### book 15.145 ἵππους τ’ ἐζεύγνυντ’ ἀνά θ’ ἅρματα ποικίλ’ ἔβαινον, ### book 15.146 ἐκ δ’ ἔλασαν προθύροιο καὶ αἰθούσης ἐριδούπου. ### book 15.147 τοὺς δὲ μετ’ Ἀτρεΐδης ἔκιε ξανθὸς Μενέλαος, ### book 15.148 οἶνον ἔχων ἐν χειρὶ μελίφρονα δεξιτερῆφι, ### book 15.149 ἐν δέπαϊ χρυσέῳ, ὄφρα λείψαντε κιοίτην. ### book 15.150 στῆ δ’ ἵππων προπάροιθε, δεδισκόμενος δὲ προσηύδα· ### book 15.151 “χαίρετον, ὦ κούρω, καὶ Νέστορι ποιμένι λαῶν ### book 15.152 εἰπεῖν· ἦ γὰρ ἐμοί γε πατὴρ ὣς ἤπιος ἦεν, ### book 15.153 εἷος ἐνὶ Τροίῃ πολεμίζομεν υἷες Ἀχαιῶν.” ### book 15.154 τὸν δ’ αὖ Τηλέμαχος πεπνυμένος ἀντίον ηὔδα· ### book 15.155 “καὶ λίην κείνῳ γε, διοτρεφές, ὡς ἀγορεύεις, ### book 15.156 πάντα τάδ’ ἐλθόντες καταλέξομεν. αἲ γὰρ ἐγὼν ὣς ### book 15.157 νοστήσας Ἰθάκηνδε κιχὼν Ὀδυσῆ’ ἐνὶ οἴκῳ ### book 15.158 εἴποιμ’, ὡς παρὰ σεῖο τυχὼν φιλότητος ἁπάσης ### book 15.159 ἔρχομαι, αὐτὰρ ἄγω κειμήλια πολλὰ καὶ ἐσθλά.” ### book 15.160 ὣς ἄρα οἱ εἰπόντι ἐπέπτατο δεξιὸς ὄρνις, ### book 15.161 αἰετὸς ἀργὴν χῆνα φέρων ὀνύχεσσι πέλωρον, ### book 15.162 ἥμερον ἐξ αὐλῆς· οἱ δ’ ἰύζοντες ἕποντο ### book 15.163 ἀνέρες ἠδὲ γυναῖκες· ὁ δέ σφισιν ἐγγύθεν ἐλθὼν ### book 15.164 δεξιὸς ἤϊξε πρόσθ’ ἵππων. οἱ δὲ ἰδόντες ### book 15.165 γήθησαν, καὶ πᾶσιν ἐνὶ φρεσὶ θυμὸς ἰάνθη. ### book 15.166 τοῖσι δὲ Νεστορίδης Πεισίστρατος ἤρχετο μύθων· ### book 15.167 “φράζεο δή, Μενέλαε διοτρεφές, ὄρχαμε λαῶν, ### book 15.168 ἢ νῶϊν τόδ’ ἔφηνε θεὸς τέρας ἦε σοὶ αὐτῷ.” ### book 15.169 ὣς φάτο, μερμήριξε δ’ ἀρηΐφιλος Μενέλαος, ### book 15.170 ὅππως οἱ κατὰ μοῖραν ὑποκρίναιτο νοήσας. ### book 15.171 τὸν δ’ Ἑλένη τανύπεπλος ὑποφθαμένη φάτο μῦθον· ### book 15.172 “κλῦτέ μευ· αὐτὰρ ἐγὼ μαντεύσομαι, ὡς ἐνὶ θυμῷ ### book 15.173 ἀθάνατοι βάλλουσι καὶ ὡς τελέεσθαι ὀΐω. ### book 15.174 ὡς ὅδε χῆν’ ἥρπαξ’ ἀτιταλλομένην ἐνὶ οἴκῳ ### book 15.175 ἐλθὼν ἐξ ὄρεος, ὅθι οἱ γενεή τε τόκος τε, ### book 15.176 ὣς Ὀδυσεὺς κακὰ πολλὰ παθὼν καὶ πόλλ’ ἐπαληθεὶς ### book 15.177 οἴκαδε νοστήσει καὶ τείσεται· ἠὲ καὶ ἤδη ### book 15.178 οἴκοι, ἀτὰρ μνηστῆρσι κακὸν πάντεσσι φυτεύει.” ### book 15.179 τὴν δ’ αὖ Τηλέμαχος πεπνυμένος ἀντίον ηὔδα· ### book 15.180 “οὕτω νῦν Ζεὺς θείη, ἐρίγδουπος πόσις Ἥρης· ### book 15.181 τῶ κέν τοι καὶ κεῖθι θεῷ ὣς εὐχετοῴμην.” ### book 15.182 ἦ, καὶ ἐφ’ ἵπποιϊν μάστιν βάλε· τοὶ δὲ μάλ’ ὦκα ### book 15.183 ἤϊξαν πεδίονδε διὰ πτόλιος μεμαῶτες. ### book 15.184 οἱ δὲ πανημέριοι σεῖον ζυγὸν ἀμφὶς ἔχοντες. ### book 15.185 δύσετό τ’ ἠέλιος σκιόωντό τε πᾶσαι ἀγυιαί· ### book 15.186 ἐς φηρὰς δ’ ἵκοντο Διοκλῆος ποτὶ δῶμα, ### book 15.187 υἱέος Ὀρτιλόχοιο, τὸν Ἀλφειὸς τέκε παῖδα. ### book 15.188 ἔνθα δὲ νύκτ’ ἄεσαν, ὁ δὲ τοῖς πὰρ ξείνια θῆκεν. ### book 15.189 ἦμος δ’ ἠριγένεια φάνη ῥοδοδάκτυλος Ἠώς, ### book 15.190 ἵππους τ’ ἐζεύγνυντ’ ἀνά θ’ ἅρματα ποικίλ’ ἔβαινον, ### book 15.191 ἐκ δ’ ἔλασαν προθύροιο καὶ αἰθούσης ἐριδούπου· ### book 15.192 μάστιξεν δ’ ἐλάαν, τὼ δ’ οὐκ ἀέκοντε πετέσθην. ### book 15.193 αἶψα δ’ ἔπειθ’ ἵκοντο Πύλου αἰπὺ πτολίεθρον· ### book 15.194 καὶ τότε Τηλέμαχος προσεφώνεε Νέστορος υἱόν· ### book 15.195 “Νεστορίδη, πῶς κέν μοι ὑποσχόμενος τελέσειας ### book 15.196 μῦθον ἐμόν; ξεῖνοι δὲ διαμπερὲς εὐχόμεθ’ εἶναι ### book 15.197 ἐκ πατέρων φιλότητος, ἀτὰρ καὶ ὁμήλικές εἰμεν· ### book 15.198 ἥδε δ’ ὁδὸς καὶ μᾶλλον ὁμοφροσύνῃσιν ἐνήσει. ### book 15.199 μή με παρὲξ ἄγε νῆα, διοτρεφές, ἀλλὰ λίπ’ αὐτοῦ, ### book 15.200 μή μ’ ὁ γέρων ἀέκοντα κατάσχῃ ᾧ ἐνὶ οἴκῳ ### book 15.201 ἱέμενος φιλέειν· ἐμὲ δὲ χρεὼ θᾶσσον ἱκέσθαι.” ### book 15.202 ὣς φάτο, Νεστορίδης δ’ ἄρ’ ἑῷ συμφράσσατο θυμῷ, ### book 15.203 ὅππως οἱ κατὰ μοῖραν ὑποσχόμενος τελέσειεν. ### book 15.204 ὧδε δέ οἱ φρονέοντι δοάσσατο κέρδιον εἶναι· ### book 15.205 στρέψ’ ἵππους ἐπὶ νῆα θοὴν καὶ θῖνα θαλάσσης, ### book 15.206 νηῒ δ’ ἐνὶ πρυμνῇ ἐξαίνυτο κάλλιμα δῶρα, ### book 15.207 ἐσθῆτα χρυσόν τε, τά οἱ Μενέλαος ἔδωκε· ### book 15.208 καί μιν ἐποτρύνων ἔπεα πτερόεντα προσηύδα· ### book 15.209 “σπουδῇ νῦν ἀνάβαινε κέλευέ τε πάντας ἑταίρους, ### book 15.210 πρὶν ἐμὲ οἴκαδ’ ἱκέσθαι ἀπαγγεῖλαί τε γέροντι. ### book 15.211 εὖ γὰρ ἐγὼ τόδε οἶδα κατὰ φρένα καὶ κατὰ θυμόν· ### book 15.212 οἷος κείνου θυμὸς ὑπέρβιος, οὔ σε μεθήσει, ### book 15.213 ἀλλ’ αὐτὸς καλέων δεῦρ’ εἴσεται, οὐδέ ἕ φημι ### book 15.214 ἂψ ἰέναι κενεόν· μάλα γὰρ κεχολώσεται ἔμπης.” ### book 15.215 ὣς ἄρα φωνήσας ἔλασεν καλλίτριχας ἵππους ### book 15.216 ἂψ Πυλίων εἰς ἄστυ, θοῶς δ’ ἄρα δώμαθ’ ἵκανε. ### book 15.217 Τηλέμαχος δ’ ἑτάροισιν ἐποτρύνων ἐκέλευσεν· ### book 15.218 “ἐγκοσμεῖτε τὰ τεύχε’, ἑταῖροι, νηῒ μελαίνῃ, ### book 15.219 αὐτοί τ’ ἀμβαίνωμεν, ἵνα πρήσσωμεν ὁδοῖο.” ### book 15.220 ὣς ἔφαθ’, οἱ δ’ ἄρα τοῦ μάλα μὲν κλύον ἠδ’ ἐπίθοντο, ### book 15.221 αἶψα δ’ ἄρ’ εἴσβαινον καὶ ἐπὶ κληῖσι καθῖζον. ### book 15.222 ἦ τοι ὁ μὲν τὰ πονεῖτο καὶ εὔχετο, θῦε δ’ Ἀθήνῃ ### book 15.223 νηῒ πάρα πρυμνῇ· σχεδόθεν δέ οἱ ἤλυθεν ἀνὴρ ### book 15.224 τηλεδαπός, φεύγων ἐξ Ἄργεος ἄνδρα κατακτάς, ### book 15.225 μάντις· ἀτὰρ γενεήν γε Μελάμποδος ἔκγονος ἦεν, ### book 15.226 ὃς πρὶν μέν ποτ’ ἔναιε Πύλῳ ἔνι, μητέρι μήλων, ### book 15.227 ἀφνειὸς Πυλίοισι μέγ’ ἔξοχα δώματα ναίων· ### book 15.228 δὴ τότε γ’ ἄλλων δῆμον ἀφίκετο, πατρίδα φεύγων ### book 15.229 Νηλέα τε μεγάθυμον, ἀγαυότατον ζωόντων, ### book 15.230 ὅς οἱ χρήματα πολλὰ τελεσφόρον εἰς ἐνιαυτὸν ### book 15.231 εἶχε βίῃ. ὁ δὲ τεῖος ἐνὶ μεγάροις Φυλάκοιο ### book 15.232 δεσμῷ ἐν ἀργαλέῳ δέδετο, κρατέρ’ ἄλγεα πάσχων ### book 15.233 εἵνεκα Νηλῆος κούρης ἄτης τε βαρείης, ### book 15.234 τήν οἱ ἐπὶ φρεσὶ θῆκε θεὰ δασπλῆτις Ἐρινύς. ### book 15.235 ἀλλ’ ὁ μὲν ἔκφυγε κῆρα καὶ ἤλασε βοῦς ἐριμύκους ### book 15.236 ἐς Πύλον ἐκ Φυλάκης καὶ ἐτείσατο ἔργον ἀεικὲς ### book 15.237 ἀντίθεον Νηλῆα, κασιγνήτῳ δὲ γυναῖκα ### book 15.238 ἠγάγετο πρὸς δώμαθ’· ὁ δ’ ἄλλων ἵκετο δῆμον, ### book 15.239 Ἄργος ἐς ἱππόβοτον· τόθι γάρ νύ οἱ αἴσιμον ἦεν ### book 15.240 ναιέμεναι πολλοῖσιν ἀνάσσοντ’ Ἀργείοισιν. ### book 15.241 ἔνθα δ’ ἔγημε γυναῖκα καὶ ὑψερεφὲς θέτο δῶμα, ### book 15.242 γείνατο δ’ Ἀντιφάτην καὶ Μάντιον, υἷε κραταιώ. ### book 15.243 Ἀντιφάτης μὲν τίκτεν Ὀϊκλῆα μεγάθυμον, ### book 15.244 αὐτὰρ Ὀϊκλείης λαοσσόον Ἀμφιάρηον, ### book 15.245 ὃν περὶ κῆρι φίλει Ζεύς τ’ αἰγίοχος καὶ Ἀπόλλων ### book 15.246 παντοίην φιλότητ’· οὐδ’ ἵκετο γήραος οὐδόν, ### book 15.247 ἀλλ’ ὄλετ’ ἐν Θήβῃσι γυναίων εἵνεκα δώρων. ### book 15.248 τοῦ υἱεῖς ἐγένοντ’ Ἀλκμάων Ἀμφίλοχός τε. ### book 15.249 Μάντιος αὖ τέκετο Πολυφείδεά τε Κλεῖτόν τε· ### book 15.250 ἀλλ’ ἦ τοι Κλεῖτον χρυσόθρονος ἥρπασεν Ἠὼς ### book 15.251 κάλλεος εἵνεκα οἷο, ἵν’ ἀθανάτοισι μετείη· ### book 15.252 αὐτὰρ ὑπέρθυμον Πολυφείδεα μάντιν Ἀπόλλων ### book 15.253 θῆκε βροτῶν ὄχ’ ἄριστον, ἐπεὶ θάνεν Ἀμφιάρηος· ### book 15.254 ὅς ῥ’ Ὑπερησίηνδ’ ἀπενάσσατο πατρὶ χολωθείς, ### book 15.255 ἔνθ’ ὅ γε ναιετάων μαντεύετο πᾶσι βροτοῖσι. ### book 15.256 τοῦ μὲν ἄρ’ υἱὸς ἐπῆλθε, Θεοκλύμενος δ’ ὄνομ’ ἦεν, ### book 15.257 ὃς τότε Τηλεμάχου πέλας ἵστατο· τὸν δ’ ἐκίχανε ### book 15.258 σπένδοντ’ εὐχόμενόν τε θοῇ παρὰ νηῒ μελαίνῃ, ### book 15.259 καί μιν φωνήσας ἔπεα πτερόεντα προσηύδα· ### book 15.260 “ὦ φίλ’, ἐπεί σε θύοντα κιχάνω τῷδ’ ἐνὶ χώρῳ, ### book 15.261 λίσσομ’ ὑπὲρ θυέων καὶ δαίμονος, αὐτὰρ ἔπειτα ### book 15.262 σῆς τ’ αὐτοῦ κεφαλῆς καὶ ἑταίρων, οἵ τοι ἕπονται, ### book 15.263 εἰπέ μοι εἰρομένῳ νημερτέα μηδ’ ἐπικεύσῃς· ### book 15.264 τίς πόθεν εἰς ἀνδρῶν; πόθι τοι πόλις ἠδὲ τοκῆες;” ### book 15.265 τὸν δ’ αὖ Τηλέμαχος πεπνυμένος ἀντίον ηὔδα· ### book 15.266 “τοιγὰρ ἐγώ τοι, ξεῖνε, μάλ’ ἀτρεκέως ἀγορεύσω. ### book 15.267 ἐξ Ἰθάκης γένος εἰμί, πατὴρ δέ μοί ἐστιν Ὀδυσσεύς, ### book 15.268 εἴ ποτ’ ἔην· νῦν δ’ ἤδη ἀπέφθιτο λυγρῷ ὀλέθρῳ. ### book 15.269 τοὔνεκα νῦν ἑτάρους τε λαβὼν καὶ νῆα μέλαιναν ### book 15.270 ἦλθον πευσόμενος πατρὸς δὴν οἰχομένοιο.” ### book 15.271 τὸν δ’ αὖτε προσέειπε Θεοκλύμενος θεοειδής· ### book 15.272 “οὕτω τοι καὶ ἐγὼν ἐκ πατρίδος, ἄνδρα κατακτὰς ### book 15.273 ἔμφυλον· πολλοὶ δὲ κασίγνητοί τε ἔται τε ### book 15.274 Ἄργος ἀν’ ἱππόβοτον, μέγα δὲ κρατέουσιν Ἀχαιῶν· ### book 15.275 τῶν ὑπαλευάμενος θάνατον καὶ κῆρα μέλαιναν ### book 15.276 φεύγω, ἐπεί νύ μοι αἶσα κατ’ ἀνθρώπους ἀλάλησθαι. ### book 15.277 ἀλλά με νηὸς ἔφεσσαι, ἐπεί σε φυγὼν ἱκέτευσα, ### book 15.278 μή με κατακτείνωσι· διωκέμεναι γὰρ ὀΐω.” ### book 15.279 τὸν δ’ αὖ Τηλέμαχος πεπνυμένος ἀντίον ηὔδα· ### book 15.280 “οὐ μὲν δή ς’ ἐθέλοντά γ’ ἀπώσω νηὸς ἐΐσης, ### book 15.281 ἀλλ’ ἕπευ· αὐτὰρ κεῖθι φιλήσεαι, οἷά κ’ ἔχωμεν.” ### book 15.282 ὣς ἄρα φωνήσας οἱ ἐδέξατο χάλκεον ἔγχος· ### book 15.283 καὶ τό γ’ ἐπ’ ἰκριόφιν τάνυσεν νεὸς ἀμφιελίσσης, ### book 15.284 ἂν δὲ καὶ αὐτὸς νηὸς ἐβήσετο ποντοπόροιο. ### book 15.285 ἐν πρύμνῃ δ’ ἄρ’ ἔπειτα καθέζετο, πὰρ δὲ οἷ αὐτῷ ### book 15.286 εἷσε Θεοκλύμενον· τοὶ δὲ πρυμνήσι’ ἔλυσαν. ### book 15.287 Τηλέμαχος δ’ ἑτάροισιν ἐποτρύνων ἐκέλευσεν ### book 15.288 ὅπλων ἅπτεσθαι· τοὶ δ’ ἐσσυμένως ἐπίθοντο. ### book 15.289 ἱστὸν δ’ εἰλάτινον κοίλης ἔντοσθε μεσόδμης ### book 15.290 στῆσαν ἀείραντες, κατὰ δὲ προτόνοισιν ἔδησαν, ### book 15.291 ἕλκον δ’ ἱστία λευκὰ ἐϋστρέπτοισι βοεῦσι. ### book 15.292 τοῖσιν δ’ ἴκμενον οὖρον ἵει γλαυκῶπις Ἀθήνη, ### book 15.293 λάβρον ἐπαιγίζοντα δι’ αἰθέρος, ὄφρα τάχιστα ### book 15.294 νηῦς ἀνύσειε θέουσα θαλάσσης ἁλμυρὸν ὕδωρ. ### book 15.295 [βὰν δὲ παρὰ Κρουνοὺς καὶ Χαλκίδα καλλιρέεθρον.] ### book 15.296 δύσετό τ’ ἠέλιος σκιόωντό τε πᾶσαι ἀγυιαί· ### book 15.297 ἡ δὲ Φεὰς ἐπέβαλλεν ἐπειγομένη Διὸς οὔρῳ, ### book 15.298 ἠδὲ παρ’ Ἤλιδα δῖαν, ὅθι κρατέουσιν Ἐπειοί. ### book 15.299 ἔνθεν δ’ αὖ νήσοισιν ἐπιπροέηκε θοῇσιν, ### book 15.300 ὁρμαίνων, ἤ κεν θάνατον φύγοι ἦ κεν ἁλοίη. ### book 15.301 τὼ δ’ αὖτ’ ἐν κλισίῃ Ὀδυσεὺς καὶ δῖος ὑφορβὸς ### book 15.302 δορπείτην· παρὰ δέ σφιν ἐδόρπεον ἀνέρες ἄλλοι. ### book 15.303 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 15.304 τοῖς δ’ Ὀδυσεὺς μετέειπε, συβώτεω πειρητίζων, ### book 15.305 ἤ μιν ἔτ’ ἐνδυκέως φιλέοι μεῖναί τε κελεύοι ### book 15.306 αὐτοῦ ἐνὶ σταθμῷ ἦ ὀτρύνειε πόλινδε· ### book 15.307 “κέκλυθι νῦν, Εὔμαιε, καὶ ἄλλοι πάντες ἑταῖροι· ### book 15.308 ἠῶθεν προτὶ ἄστυ λιλαίομαι ἀπονέεσθαι ### book 15.309 πτωχεύσων, ἵνα μή σε κατατρύχω καὶ ἑταίρους. ### book 15.310 ἀλλά μοι εὖ θ’ ὑπόθευ καὶ ἅμ’ ἡγεμόν’ ἐσθλὸν ὄπασσον, ### book 15.311 ὅς κέ με κεῖς’ ἀγάγῃ· κατὰ δὲ πτόλιν αὐτὸς ἀνάγκῃ ### book 15.312 πλάγξομαι, αἴ κέν τις κοτύλην καὶ πύρνον ὀρέξῃ. ### book 15.313 καί κ’ ἐλθὼν πρὸς δώματ’ Ὀδυσσῆος θείοιο ### book 15.314 ἀγγελίην εἴποιμι περίφρονι Πηνελοπείῃ, ### book 15.315 καί κε μνηστήρεσσιν ὑπερφιάλοισι μιγείην, ### book 15.316 εἴ μοι δεῖπνον δοῖεν ὀνείατα μυρί’ ἔχοντες. ### book 15.317 αἶψά κεν εὖ δρώοιμι μετὰ σφίσιν, ὅττι θέλοιεν. ### book 15.318 ἐκ γάρ τοι ἐρέω, σὺ δὲ σύνθεο καί μευ ἄκουσον· ### book 15.319 Ἑρμείαο ἕκητι διακτόρου, ὅς ῥά τε πάντων ### book 15.320 ἀνθρώπων ἔργοισι χάριν καὶ κῦδος ὀπάζει, ### book 15.321 δρηστοσύνῃ οὐκ ἄν μοι ἐρίσσειε βροτὸς ἄλλος, ### book 15.322 πῦρ τ’ εὖ νηῆσαι διά τε ξύλα δανὰ κεάσσαι, ### book 15.323 δαιτρεῦσαί τε καὶ ὀπτῆσαι καὶ οἰνοχοῆσαι, ### book 15.324 οἷά τε τοῖς ἀγαθοῖσι παραδρώωσι χέρηες.” ### book 15.325 τὸν δὲ μέγ’ ὀχθήσας προσέφης, Εὔμαιε συβῶτα· ### book 15.326 “ὤ μοι, ξεῖνε, τίη τοι ἐνὶ φρεσὶ τοῦτο νόημα ### book 15.327 ἔπλετο; ἦ σύ γε πάγχυ λιλαίεαι αὐτόθ’ ὀλέσθαι, ### book 15.328 εἰ δὴ μνηστήρων ἐθέλεις καταδῦναι ὅμιλον, ### book 15.329 τῶν ὕβρις τε βίη τε σιδήρεον οὐρανὸν ἵκει. ### book 15.330 οὔ τοι τοιοίδ’ εἰσὶν ὑποδρηστῆρες ἐκείνων, ### book 15.331 ἀλλὰ νέοι, χλαίνας εὖ εἱμένοι ἠδὲ χιτῶνας, ### book 15.332 αἰεὶ δὲ λιπαροὶ κεφαλὰς καὶ καλὰ πρόσωπα, ### book 15.333 οἵ σφιν ὑποδρώωσιν· ἐΰξεστοι δὲ τράπεζαι ### book 15.334 σίτου καὶ κρειῶν ἠδ’ οἴνου βεβρίθασιν. ### book 15.335 ἀλλὰ μέν’· οὐ γάρ τίς τοι ἀνιᾶται παρεόντι, ### book 15.336 οὔτ’ ἐγὼ οὔτε τις ἄλλος ἑταίρων, οἵ μοι ἔασιν. ### book 15.337 αὐτὰρ ἐπὴν ἔλθῃσιν Ὀδυσσῆος φίλος υἱός, ### book 15.338 κεῖνός σε χλαῖνάν τε χιτῶνά τε εἵματα ἕσσει, ### book 15.339 πέμψει δ’ ὅππῃ σε κραδίη θυμός τε κελεύει.” ### book 15.340 τὸν δ’ ἠμείβετ’ ἔπειτα πολύτλας δῖος Ὀδυσσεύς· ### book 15.341 “αἴθ’ οὕτως, Εὔμαιε, φίλος Διὶ πατρὶ γένοιο ### book 15.342 ὡς ἐμοί, ὅττι μ’ ἔπαυσας ἄλης καὶ ὀϊζύος αἰνῆς. ### book 15.343 πλαγκτοσύνης δ’ οὐκ ἔστι κακώτερον ἄλλο βροτοῖσιν· ### book 15.344 ἀλλ’ ἕνεκ’ οὐλομένης γαστρὸς κακὰ κήδε’ ἔχουσιν ### book 15.345 [ἀνέρες, ὅν τιν’ ἵκηται ἄλη καὶ πῆμα καὶ ἄλγος.] ### book 15.346 νῦν δ’ ἐπεὶ ἰσχανάᾳς μεῖναί τέ με κεῖνον ἄνωγας, ### book 15.347 εἴπ’ ἄγε μοι περὶ μητρὸς Ὀδυσσῆος θείοιο ### book 15.348 πατρός θ’, ὃν κατέλειπεν ἰὼν ἐπὶ γήραος οὐδῷ, ### book 15.349 ἤ που ἔτι ζώουσιν ὑπ’ αὐγὰς ἠελίοιο, ### book 15.350 ἦ ἤδη τεθνᾶσι καὶ εἰν Ἀΐδαο δόμοισι.” ### book 15.351 τὸν δ’ αὖτε προσέειπε συβώτης, ὄρχαμος ἀνδρῶν· ### book 15.352 “τοιγὰρ ἐγώ τοι, ξεῖνε, μάλ’ ἀτρεκέως ἀγορεύσω. ### book 15.353 Λαέρτης μὲν ἔτι ζώει, Διὶ δ’ εὔχεται αἰεὶ ### book 15.354 θυμὸν ἀπὸ μελέων φθίσθαι οἷς’ ἐν μεγάροισιν· ### book 15.355 ἐκπάγλως γὰρ παιδὸς ὀδύρεται οἰχομένοιο ### book 15.356 κουριδίης τ’ ἀλόχοιο δαΐφρονος, ἥ ἑ μάλιστα ### book 15.357 ἤκαχ’ ἀποφθιμένη καὶ ἐν ὠμῷ γήραϊ θῆκεν. ### book 15.358 ἡ δ’ ἄχεϊ οὗ παιδὸς ἀπέφθιτο κυδαλίμοιο, ### book 15.359 λευγαλέῳ θανάτῳ, ὡς μὴ θάνοι ὅς τις ἐμοί γε ### book 15.360 ἐνθάδε ναιετάων φίλος εἴη καὶ φίλα ἕρδοι. ### book 15.361 ὄφρα μὲν οὖν δὴ κείνη ἔην, ἀχέουσά περ ἔμπης, ### book 15.362 τόφρα τί μοι φίλον ἔσκε μεταλλῆσαι καὶ ἐρέσθαι, ### book 15.363 οὕνεκά μ’ αὐτὴ θρέψεν ἅμα Κτιμένῃ τανυπέπλῳ, ### book 15.364 θυγατέρ’ ἰφθίμῃ, τὴν ὁπλοτάτην τέκε παίδων· ### book 15.365 τῇ ὁμοῦ ἐτρεφόμην, ὀλίγον δέ τί μ’ ἧσσον ἐτίμα. ### book 15.366 αὐτὰρ ἐπεί ῥ’ ἥβην πολυήρατον ἱκόμεθ’ ἄμφω, ### book 15.367 τὴν μὲν ἔπειτα Σάμηνδ’ ἔδοσαν καὶ μυρί’ ἕλοντο, ### book 15.368 αὐτὰρ ἐμὲ χλαῖνάν τε χιτῶνά τε εἵματ’ ἐκείνη ### book 15.369 καλὰ μάλ’ ἀμφιέσασα ποσίν θ’ ὑποδήματα δοῦσα ### book 15.370 ἀγρόνδε προΐαλλε· φίλει δέ με κηρόθι μᾶλλον. ### book 15.371 νῦν δ’ ἤδη τούτων ἐπιδεύομαι· ἀλλά μοι αὐτῷ ### book 15.372 ἔργον ἀέξουσιν μάκαρες θεοί, ᾧ ἐπιμίμνω· ### book 15.373 τῶν ἔφαγόν τ’ ἔπιόν τε καὶ αἰδοίοισιν ἔδωκα. ### book 15.374 ἐκ δ’ ἄρα δεσποίνης οὐ μείλιχόν ἐστιν ἀκοῦσαι ### book 15.375 οὔτ’ ἔπος οὔτε τι ἔργον, ἐπεὶ κακὸν ἔμπεσεν οἴκῳ, ### book 15.376 ἄνδρες ὑπερφίαλοι· μέγα δὲ δμῶες χατέουσιν ### book 15.377 ἀντία δεσποίνης φάσθαι καὶ ἕκαστα πυθέσθαι ### book 15.378 καὶ φαγέμεν πιέμεν τε, ἔπειτα δὲ καί τι φέρεσθαι ### book 15.379 ἀγρόνδ’, οἷά τε θυμὸν ἀεὶ δμώεσσιν ἰαίνει.” ### book 15.380 τὸν δ’ ἀπαμειβόμενος προσέφη πολύμητις Ὀδυσσεύς· ### book 15.381 “ὢ πόποι, ὡς ἄρα τυτθὸς ἐών, Εὔμαιε συβῶτα, ### book 15.382 πολλὸν ἀπεπλάγχθης σῆς πατρίδος ἠδὲ τοκήων. ### book 15.383 ἀλλ’ ἄγε μοι τόδε εἰπὲ καὶ ἀτρεκέως κατάλεξον, ### book 15.384 ἠὲ διεπράθετο πτόλις ἀνδρῶν εὐρυάγυια, ### book 15.385 ᾗ ἔνι ναιετάασκε πατὴρ καὶ πότνια μήτηρ, ### book 15.386 ἦ σέ γε μουνωθέντα παρ’ οἴεσιν ἢ παρὰ βουσὶν ### book 15.387 ἄνδρες δυσμενέες νηυσὶν λάβον ἠδ’ ἐπέρασσαν ### book 15.388 τοῦδ’ ἀνδρὸς πρὸς δώμαθ’, ὁ δ’ ἄξιον ὦνον ἔδωκε.” ### book 15.389 τὸν δ’ αὖτε προσέειπε συβώτης, ὄρχαμος ἀνδρῶν· ### book 15.390 “ξεῖν’, ἐπεὶ ἂρ δὴ ταῦτά μ’ ἀνείρεαι ἠδὲ μεταλλᾷς, ### book 15.391 σιγῇ νῦν ξυνίει καὶ τέρπεο πῖνέ τε οἶνον, ### book 15.392 ἥμενος. αἵδε δὲ νύκτες ἀθέσφατοι· ἔστι μὲν εὕδειν, ### book 15.393 ἔστι δὲ τερπομένοισιν ἀκουέμεν· οὐδέ τί σε χρή, ### book 15.394 πρὶν ὥρη, καταλέχθαι· ἀνίη καὶ πολὺς ὕπνος. ### book 15.395 τῶν δ’ ἄλλων ὅτινα κραδίη καὶ θυμὸς ἀνώγει, ### book 15.396 εὑδέτω ἐξελθών· ἅμα δ’ ἠόϊ φαινομένηφι ### book 15.397 δειπνήσας ἅμ’ ὕεσσιν ἀνακτορίῃσιν ἑπέσθω. ### book 15.398 νῶϊ δ’ ἐνὶ κλισίῃ πίνοντέ τε δαινυμένω τε ### book 15.399 κήδεσιν ἀλλήλων τερπώμεθα λευγαλέοισι ### book 15.400 μνωομένω· μετὰ γάρ τε καὶ ἄλγεσι τέρπεται ἀνήρ, ### book 15.401 ὅς τις δὴ μάλα πολλὰ πάθῃ καὶ πόλλ’ ἐπαληθῇ. ### book 15.402 τοῦτο δέ τοι ἐρέω, ὅ μ’ ἀνείρεαι ἠδὲ μεταλλᾷς. ### book 15.403 νῆσός τις Συρίη κικλήσκεται, εἴ που ἀκούεις, ### book 15.404 Ὀρτυγίης καθύπερθεν, ὅθι τροπαὶ ἠελίοιο, ### book 15.405 οὔ τι περιπληθὴς λίην τόσον, ἀλλ’ ἀγαθὴ μέν, ### book 15.406 εὔβοος εὔμηλος, οἰνοπληθὴς πολύπυρος. ### book 15.407 πείνη δ’ οὔ ποτε δῆμον ἐσέρχεται, οὐδέ τις ἄλλη ### book 15.408 νοῦσος ἐπὶ στυγερὴ πέλεται δειλοῖσι βροτοῖσιν· ### book 15.409 ἀλλ’ ὅτε γηράσκωσι πόλιν κάτα φῦλ’ ἀνθρώπων, ### book 15.410 ἐλθὼν ἀργυρότοξος Ἀπόλλων Ἀρτέμιδι ξύν, ### book 15.411 οἷς’ ἀγανοῖσι βέλεσσιν ἐποιχόμενος κατέπεφνεν. ### book 15.412 ἔνθα δύω πόλιες, δίχα δέ σφισι πάντα δέδασται· ### book 15.413 τῇσιν δ’ ἀμφοτέρῃσι πατὴρ ἐμὸς ἐμβασίλευε, ### book 15.414 Κτήσιος Ὀρμενίδης, ἐπιείκελος ἀθανάτοισιν. ### book 15.415 ἔνθα δὲ Φοίνικες ναυσικλυτοὶ ἤλυθον ἄνδρες, ### book 15.416 τρῶκται, μυρί’ ἄγοντες ἀθύρματα νηῒ μελαίνῃ. ### book 15.417 ἔσκε δὲ πατρὸς ἐμοῖο γυνὴ Φοίνισς’ ἐνὶ οἴκῳ, ### book 15.418 καλή τε μεγάλη τε καὶ ἀγλαὰ ἔργα ἰδυῖα· ### book 15.419 τὴν δ’ ἄρα Φοίνικες πολυπαίπαλοι ἠπερόπευον. ### book 15.420 πλυνούσῃ τις πρῶτα μίγη κοίλῃ παρὰ νηῒ ### book 15.421 εὐνῇ καὶ φιλότητι, τά τε φρένας ἠπεροπεύει ### book 15.422 θηλυτέρῃσι γυναιξί, καὶ ἥ κ’ εὐεργὸς ἔῃσιν. ### book 15.423 εἰρώτα δὴ ἔπειτα, τίς εἴη καὶ πόθεν ἔλθοι· ### book 15.424 ἡ δὲ μάλ’ αὐτίκα πατρὸς ἐπέφραδεν ὑψερεφὲς δῶ· ### book 15.425 ‘ἐκ μὲν Σιδῶνος πολυχάλκου εὔχομαι εἶναι, ### book 15.426 κούρη δ’ εἴμ’ Ἀρύβαντος ἐγὼ ῥυδὸν ἀφνειοῖο· ### book 15.427 ἀλλά μ’ ἀνήρπαξαν Τάφιοι ληΐστορες ἄνδρες ### book 15.428 ἀγρόθεν ἐρχομένην, πέρασαν δέ με δεῦρ’ ἀγαγόντες ### book 15.429 τοῦδ’ ἀνδρὸς πρὸς δώμαθ’· ὁ δ’ ἄξιον ὦνον ἔδωκε.‘ ### book 15.430 τὴν δ’ αὖτε προσέειπεν ἀνήρ, ὃς μίσγετο λάθρῃ· ### book 15.431 ‘ἦ ῥά κε νῦν πάλιν αὖτις ἅμ’ ἡμῖν οἴκαδ’ ἕποιο, ### book 15.432 ὄφρα ἴδῃ πατρὸς καὶ μητέρος ὑψερεφὲς δῶ ### book 15.433 αὐτούς τ’; ἦ γὰρ ἔτ’ εἰσὶ καὶ ἀφνειοὶ καλέονται.‘ ### book 15.434 τὸν δ’ αὖτε προσέειπε γυνὴ καὶ ἀμείβετο μύθῳ· ### book 15.435 ‘εἴη κεν καὶ τοῦτ’, εἴ μοι ἐθέλοιτέ γε, ναῦται, ### book 15.436 ὅρκῳ πιστωθῆναι ἀπήμονά μ’ οἴκαδ’ ἀπάξειν.‘ ### book 15.437 ὣς ἔφαθ’, οἱ δ’ ἄρα πάντες ἐπώμνυον, ὡς ἐκέλευεν. ### book 15.438 αὐτὰρ ἐπεί ῥ’ ὄμοσάν τε τελεύτησάν τε τὸν ὅρκον, ### book 15.439 τοῖς δ’ αὖτις μετέειπε γυνὴ καὶ ἀμείβετο μύθῳ· ### book 15.440 ‘σιγῇ νῦν· μή τίς με προσαυδάτω ἐπέεσσιν ### book 15.441 ὑμετέρων ἑτάρων ξυμβλήμενος ἢ ἐν ἀγυιῇ ### book 15.442 ἤ που ἐπὶ κρήνῃ· μή τις ποτὶ δῶμα γέροντι ### book 15.443 ἐλθὼν ἐξείπῃ, ὁ δ’ ὀϊσάμενος καταδήσῃ ### book 15.444 δεσμῷ ἐν ἀργαλέῳ, ὑμῖν δ’ ἐπιφράσσετ’ ὄλεθρον. ### book 15.445 ἀλλ’ ἔχετ’ ἐν φρεσὶ μῦθον, ἐπείγετε δ’ ὦνον ὁδαίων. ### book 15.446 ἀλλ’ ὅτε κεν δὴ νηῦς πλείη βιότοιο γένηται, ### book 15.447 ἀγγελίη μοι ἔπειτα θοῶς πρὸς δώμαθ’ ἱκέσθω· ### book 15.448 οἴσω γὰρ καὶ χρυσόν, ὅτις χ’ ὑποχείριος ἔλθῃ. ### book 15.449 καὶ δέ κεν ἄλλ’ ἐπίβαθρον ἐγὼν ἐθέλουσά γε δοίην· ### book 15.450 παῖδα γὰρ ἀνδρὸς ἐῆος ἐνὶ μεγάροις’ ἀτιτάλλω, ### book 15.451 κερδαλέον δὴ τοῖον, ἅμα τροχόωντα θύραζε· ### book 15.452 τόν κεν ἄγοιμ’ ἐπὶ νηός, ὁ δ’ ὕμιν μυρίον ὦνον ### book 15.453 ἄλφοι, ὅπῃ περάσητε κατ’ ἀλλοθρόους ἀνθρώπους.‘ ### book 15.454 ἡ μὲν ἄρ’ ὣς εἰποῦς’ ἀπέβη πρὸς δώματα καλά· ### book 15.455 οἱ δ’ ἐνιαυτὸν ἅπαντα παρ’ ἡμῖν αὖθι μένοντες ### book 15.456 ἐν νηῒ γλαφυρῇ βίοτον πολὺν ἐμπολόωντο. ### book 15.457 ἀλλ’ ὅτε δὴ κοίλη νηῦς ἤχθετο τοῖσι νέεσθαι, ### book 15.458 καὶ τότ’ ἄρ’ ἄγγελον ἧκαν, ὃς ἀγγείλειε γυναικί. ### book 15.459 ἤλυθ’ ἀνὴρ πολύϊδρις ἐμοῦ πρὸς δώματα πατρὸς ### book 15.460 χρύσεον ὅρμον ἔχων, μετὰ δ’ ἠλέκτροισιν ἔερτο. ### book 15.461 τὸν μὲν ἄρ’ ἐν μεγάρῳ δμῳαὶ καὶ πότνια μήτηρ ### book 15.462 χερσίν τ’ ἀμφαφόωντο καὶ ὀφθαλμοῖσιν ὁρῶντο, ### book 15.463 ὦνον ὑπισχόμεναι· ὁ δὲ τῇ κατένευσε σιωπῇ. ### book 15.464 ἦ τοι ὁ καννεύσας κοίλην ἐπὶ νῆα βεβήκει, ### book 15.465 ἡ δ’ ἐμὲ χειρὸς ἑλοῦσα δόμων ἐξῆγε θύραζε. ### book 15.466 εὗρε δ’ ἐνὶ προδόμῳ ἠμὲν δέπα ἠδὲ τραπέζας ### book 15.467 ἀνδρῶν δαιτυμόνων, οἵ μευ πατέρ’ ἀμφεπένοντο. ### book 15.468 οἱ μὲν ἄρ’ ἐς θῶκον πρόμολον δήμοιό τε φῆμιν, ### book 15.469 ἡ δ’ αἶψα τρί’ ἄλεισα κατακρύψας’ ὑπὸ κόλπῳ ### book 15.470 ἔκφερεν· αὐτὰρ ἐγὼν ἑπόμην ἀεσιφροσύνῃσι. ### book 15.471 δύσετό τ’ ἠέλιος σκιόωντό τε πᾶσαι ἀγυιαί· ### book 15.472 ἡμεῖς δ’ ἐς λιμένα κλυτὸν ἤλθομεν ὦκα κιόντες, ### book 15.473 ἔνθ’ ἄρα Φοινίκων ἀνδρῶν ἦν ὠκύαλος νηῦς. ### book 15.474 οἱ μὲν ἔπειτ’ ἀναβάντες ἐπέπλεον ὑγρὰ κέλευθα, ### book 15.475 νὼ ἀναβησάμενοι· ἐπὶ δὲ Ζεὺς οὖρον ἴαλλεν. ### book 15.476 ἑξῆμαρ μὲν ὁμῶς πλέομεν νύκτας τε καὶ ἦμαρ· ### book 15.477 ἀλλ’ ὅτε δὴ ἕβδομον ἦμαρ ἐπὶ Ζεὺς θῆκε Κρονίων, ### book 15.478 τὴν μὲν ἔπειτα γυναῖκα βάλ’ Ἄρτεμις ἰοχέαιρα, ### book 15.479 ἄντλῳ δ’ ἐνδούπησε πεσοῦς’ ὡς εἰναλίη κήξ. ### book 15.480 καὶ τὴν μὲν φώκῃσι καὶ ἰχθύσι κύρμα γενέσθαι ### book 15.481 ἔκβαλον· αὐτὰρ ἐγὼ λιπόμην ἀκαχήμενος ἦτορ. ### book 15.482 τοὺς δ’ Ἰθάκῃ ἐπέλασσε φέρων ἄνεμός τε καὶ ὕδωρ, ### book 15.483 ἔνθα με Λαέρτης πρίατο κτεάτεσσιν ἑοῖσιν. ### book 15.484 οὕτω τήνδε τε γαῖαν ἐγὼν ἴδον ὀφθαλμοῖσι.” ### book 15.485 τὸν δ’ αὖ διογενὴς Ὀδυσεὺς ἠμείβετο μύθῳ· ### book 15.486 “Εὔμαι’, ἦ μάλα δή μοι ἐνὶ φρεσὶ θυμὸν ὄρινας ### book 15.487 ταῦτα ἕκαστα λέγων, ὅσα δὴ πάθες ἄλγεα θυμῷ. ### book 15.488 ἀλλ’ ἦ τοι σοὶ μὲν παρὰ καὶ κακῷ ἐσθλὸν ἔθηκε ### book 15.489 Ζεύς, ἐπεὶ ἀνδρὸς δώματ’ ἀφίκεο πολλὰ μογήσας ### book 15.490 ἠπίου, ὃς δή τοι παρέχει βρῶσίν τε πόσιν τε ### book 15.491 ἐνδυκέως, ζώεις δ’ ἀγαθὸν βίον· αὐτὰρ ἐγώ γε ### book 15.492 πολλὰ βροτῶν ἐπὶ ἄστε’ ἀλώμενος ἐνθάδ’ ἱκάνω.” ### book 15.493 ὣς οἱ μὲν τοιαῦτα πρὸς ἀλλήλους ἀγόρευον, ### book 15.494 καδδραθέτην δ’ οὐ πολλὸν ἐπὶ χρόνον, ἀλλὰ μίνυνθα· ### book 15.495 αἶψα γὰρ Ἠὼς ἦλθεν ἐΰθρονος. οἱ δ’ ἐπὶ χέρσου ### book 15.496 Τηλεμάχου ἕταροι λύον ἱστία, κὰδ δ’ ἕλον ἱστὸν ### book 15.497 καρπαλίμως, τὴν δ’ εἰς ὅρμον προέρεσσαν ἐρετμοῖς. ### book 15.498 ἐκ δ’ εὐνὰς ἔβαλον, κατὰ δὲ πρυμνήσι’ ἔδησαν· ### book 15.499 ἐκ δὲ καὶ αὐτοὶ βαῖνον ἐπὶ ῥηγμῖνι θαλάσσης ### book 15.500 δεῖπνόν τ’ ἐντύνοντο κερῶντό τε αἴθοπα οἶνον. ### book 15.501 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 15.502 τοῖσι δὲ Τηλέμαχος πεπνυμένος ἤρχετο μύθων· ### book 15.503 “ὑμεῖς μὲν νῦν ἄστυδ’ ἐλαύνετε νῆα μέλαιναν, ### book 15.504 αὐτὰρ ἐγὼν ἀγροὺς ἐπιείσομαι ἠδὲ βοτῆρας· ### book 15.505 ἑσπέριος δ’ εἰς ἄστυ ἰδὼν ἐμὰ ἔργα κάτειμι. ### book 15.506 ἠῶθεν δέ κεν ὔμμιν ὁδοιπόριον παραθείμην, ### book 15.507 δαῖτ’ ἀγαθὴν κρειῶν τε καὶ οἴνου ἡδυπότοιο.” ### book 15.508 τὸν δ’ αὖτε προσέειπε Θεοκλύμενος θεοειδής· ### book 15.509 “πῇ γὰρ ἐγώ, φίλε τέκνον, ἴω; τεῦ δώμαθ’ ἵκωμαι ### book 15.510 ἀνδρῶν, οἳ κραναὴν Ἰθάκην κάτα κοιρανέουσιν; ### book 15.511 ἦ ἰθὺς σῆς μητρὸς ἴω καὶ σοῖο δόμοιο;” ### book 15.512 τὸν δ’ αὖ Τηλέμαχος πεπνυμένος ἀντίον ηὔδα· ### book 15.513 “ἄλλως μέν ς’ ἂν ἐγώ γε καὶ ἡμέτερόνδε κελοίμην ### book 15.514 ἔρχεσθ’· οὐ γάρ τι ξενίων ποθή· ἀλλὰ σοὶ αὐτῷ ### book 15.515 χεῖρον, ἐπεί τοι ἐγὼ μὲν ἀπέσσομαι, οὐδέ σε μήτηρ ### book 15.516 ὄψεται· οὐ μὲν γάρ τι θαμὰ μνηστῆρς’ ἐνὶ οἴκῳ ### book 15.517 φαίνεται, ἀλλ’ ἀπὸ τῶν ὑπερωΐῳ ἱστὸν ὑφαίνει. ### book 15.518 ἀλλά τοι ἄλλον φῶτα πιφαύσκομαι, ὅν κεν ἵκοιο, ### book 15.519 Εὐρύμαχον, Πολύβοιο δαΐφρονος ἀγλαὸν υἱόν, ### book 15.520 τὸν νῦν ἶσα θεῷ Ἰθακήσιοι εἰσορόωσι· ### book 15.521 καὶ γὰρ πολλὸν ἄριστος ἀνὴρ μέμονέν τε μάλιστα ### book 15.522 μητέρ’ ἐμὴν γαμέειν καὶ Ὀδυσσῆος γέρας ἕξειν. ### book 15.523 ἀλλὰ τά γε Ζεὺς οἶδεν Ὀλύμπιος, αἰθέρι ναίων, ### book 15.524 εἴ κέ σφιν πρὸ γάμοιο τελευτήσει κακὸν ἦμαρ.” ### book 15.525 ὣς ἄρα οἱ εἰπόντι ἐπέπτατο δεξιὸς ὄρνις, ### book 15.526 κίρκος, Ἀπόλλωνος ταχὺς ἄγγελος· ἐν δὲ πόδεσσι ### book 15.527 τίλλε πέλειαν ἔχων, κατὰ δὲ πτερὰ χεῦεν ἔραζε ### book 15.528 μεσσηγὺς νηός τε καὶ αὐτοῦ Τηλεμάχοιο. ### book 15.529 τὸν δὲ Θεοκλύμενος ἑτάρων ἀπονόσφι καλέσσας ### book 15.530 ἔν τ’ ἄρα οἱ φῦ χειρὶ ἔπος τ’ ἔφατ’ ἔκ τ’ ὀνόμαζε· ### book 15.531 “Τηλέμαχ’, οὔ τοι ἄνευ θεοῦ ἤλυθε δεξιὸς ὄρνις· ### book 15.532 ἔγνων γάρ μιν ἐσάντα ἰδὼν οἰωνὸν ἐόντα. ### book 15.533 ὑμετέρου δ’ οὐκ ἔστι γένευς βασιλεύτερον ἄλλο ### book 15.534 ἐν δήμῳ Ἰθάκης, ἀλλ’ ὑμεῖς καρτεροὶ αἰεί.” ### book 15.535 τὸν δ’ αὖ Τηλέμαχος πεπνυμένος ἀντίον ηὔδα· ### book 15.536 “αἲ γὰρ τοῦτο, ξεῖνε, ἔπος τετελεσμένον εἴη· ### book 15.537 τῶ κε τάχα γνοίης φιλότητά τε πολλά τε δῶρα ### book 15.538 ἐξ ἐμεῦ, ὡς ἄν τίς σε συναντόμενος μακαρίζοι.” ### book 15.539 ἦ, καὶ Πείραιον προσεφώνεε, πιστὸν ἑταῖρον· ### book 15.540 “Πείραιε Κλυτίδη, σὺ δέ μοι τά περ ἄλλα μάλιστα ### book 15.541 πείθῃ ἐμῶν ἑτάρων, οἵ μοι Πύλον εἰς ἅμ’ ἕποντο· ### book 15.542 καὶ νῦν μοι τὸν ξεῖνον ἄγων ἐν δώμασι σοῖσιν ### book 15.543 ἐνδυκέως φιλέειν καὶ τιέμεν, εἰς ὅ κεν ἔλθω.” ### book 15.544 τὸν δ’ αὖ Πείραιος δουρικλυτὸς ἀντίον ηὔδα· ### book 15.545 “Τηλέμαχ’, εἰ γάρ κεν σὺ πολὺν χρόνον ἐνθάδε μίμνοις, ### book 15.546 τόνδε τ’ ἐγὼ κομιῶ, ξενίων δέ οἱ οὐ ποθὴ ἔσται.” ### book 15.547 ὣς εἰπὼν ἐπὶ νηὸς ἔβη, ἐκέλευσε δ’ ἑταίρους ### book 15.548 αὐτούς τ’ ἀμβαίνειν ἀνά τε πρυμνήσια λῦσαι. ### book 15.549 οἱ δ’ αἶψ’ εἴσβαινον καὶ ἐπὶ κληῖσι καθῖζον. ### book 15.550 Τηλέμαχος δ’ ὑπὸ ποσσὶν ἐδήσατο καλὰ πέδιλα, ### book 15.551 εἵλετο δ’ ἄλκιμον ἔγχος, ἀκαχμένον ὀξέϊ χαλκῷ, ### book 15.552 νηὸς ἀπ’ ἰκριόφιν· τοὶ δὲ πρυμνήσι’ ἔλυσαν. ### book 15.553 οἱ μὲν ἀνώσαντες πλέον ἐς πόλιν, ὡς ἐκέλευσε ### book 15.554 Τηλέμαχος, φίλος υἱὸς Ὀδυσσῆος θείοιο· ### book 15.555 τὸν δ’ ὦκα προβιβῶντα πόδες φέρον, ὄφρ’ ἵκετ’ αὐλήν, ### book 15.556 ἔνθα οἱ ἦσαν ὕες μάλα μυρίαι, ᾗσι συβώτης ### book 15.557 ἐσθλὸς ἐὼν ἐνίαυεν, ἀνάκτεσιν ἤπια εἰδώς. ### book 16.1 Τὼ δ’ αὖτ’ ἐν κλισίῃ Ὀδυσεὺς καὶ δῖος ὑφορβὸς ### book 16.2 ἐντύνοντ’ ἄριστον ἅμ’ ἠόϊ, κηαμένω πῦρ, ### book 16.3 ἔκπεμψάν τε νομῆας ἅμ’ ἀγρομένοισι σύεσσι. ### book 16.4 Τηλέμαχον δὲ περίσσαινον κύνες ὑλακόμωροι, ### book 16.5 οὐδ’ ὕλαον προσιόντα· νόησε δὲ δῖος Ὀδυσσεὺς ### book 16.6 σαίνοντάς τε κύνας, περί τε κτύπος ἦλθε ποδοῖϊν. ### book 16.7 αἶψα δ’ ἄρ’ Εὔμαιον ἔπεα πτερόεντα προσηύδα· ### book 16.8 “Εὔμαι’, ἦ μάλα τίς τοι ἐλεύσεται ἐνθάδ’ ἑταῖρος ### book 16.9 ἢ καὶ γνώριμος ἄλλος, ἐπεὶ κύνες οὐχ ὑλάουσιν, ### book 16.10 ἀλλὰ περισσαίνουσι· ποδῶν δ’ ὑπὸ δοῦπον ἀκούω.” ### book 16.11 οὔ πω πᾶν εἴρητο ἔπος, ὅτε οἱ φίλος υἱὸς ### book 16.12 ἔστη ἐνὶ προθύροισι. ταφὼν δ’ ἀνόρουσε συβώτης, ### book 16.13 ἐκ δ’ ἄρα οἱ χειρῶν πέσον ἄγγεα, τοῖς’ ἐπονεῖτο ### book 16.14 κιρνὰς αἴθοπα οἶνον. ὁ δ’ ἀντίος ἦλθεν ἄνακτος, ### book 16.15 κύσσε δέ μιν κεφαλήν τε καὶ ἄμφω φάεα καλὰ ### book 16.16 χεῖράς τ’ ἀμφοτέρας· θαλερὸν δέ οἱ ἔκπεσε δάκρυ. ### book 16.17 ὡς δὲ πατὴρ ὃν παῖδα φίλα φρονέων ἀγαπάζῃ ### book 16.18 ἐλθόντ’ ἐξ ἀπίης γαίης δεκάτῳ ἐνιαυτῷ, ### book 16.19 μοῦνον τηλύγετον, τῷ ἐπ’ ἄλγεα πολλὰ μογήσῃ, ### book 16.20 ὣς τότε Τηλέμαχον θεοειδέα δῖος ὑφορβὸς ### book 16.21 πάντα κύσεν περιφύς, ὡς ἐκ θανάτοιο φυγόντα· ### book 16.22 καί ῥ’ ὀλοφυρόμενος ἔπεα πτερόεντα προσηύδα· ### book 16.23 “ἦλθες, Τηλέμαχε, γλυκερὸν φάος· οὔ ς’ ἔτ’ ἐγώ γε ### book 16.24 ὄψεσθαι ἐφάμην, ἐπεὶ ᾤχεο νηῒ Πύλονδε. ### book 16.25 ἀλλ’ ἄγε νῦν εἴσελθε, φίλον τέκος, ὄφρα σε θυμῷ ### book 16.26 τέρψομαι εἰσορόων νέον ἄλλοθεν ἔνδον ἐόντα. ### book 16.27 οὐ μὲν γάρ τι θάμ’ ἀγρὸν ἐπέρχεαι οὐδὲ νομῆας, ### book 16.28 ἀλλ’ ἐπιδημεύεις· ὣς γάρ νύ τοι εὔαδε θυμῷ, ### book 16.29 ἀνδρῶν μνηστήρων ἐσορᾶν ἀΐδηλον ὅμιλον.” ### book 16.30 τὸν δ’ αὖ Τηλέμαχος πεπνυμένος ἀντίον ηὔδα· ### book 16.31 “ἔσσεται οὕτως, ἄττα· σέθεν δ’ ἕνεκ’ ἐνθάδ’ ἱκάνω, ### book 16.32 ὄφρα σέ τ’ ὀφθαλμοῖσιν ἴδω καὶ μῦθον ἀκούσω, ### book 16.33 ἤ μοι ἔτ’ ἐν μεγάροις μήτηρ μένει, ἦέ τις ἤδη ### book 16.34 ἀνδρῶν ἄλλος ἔγημεν, Ὀδυσσῆος δέ που εὐνὴ ### book 16.35 χήτει ἐνευναίων κάκ’ ἀράχνια κεῖται ἔχουσα.” ### book 16.36 τὸν δ’ αὖτε προσέειπε συβώτης, ὄρχαμος ἀνδρῶν· ### book 16.37 “καὶ λίην κείνη γε μένει τετληότι θυμῷ ### book 16.38 σοῖσιν ἐνὶ μεγάροισιν· ὀϊζυραὶ δέ οἱ αἰεὶ ### book 16.39 φθίνουσιν νύκτες τε καὶ ἤματα δάκρυ χεούσῃ.” ### book 16.40 ὣς ἄρα φωνήσας οἱ ἐδέξατο χάλκεον ἔγχος· ### book 16.41 αὐτὰρ ὅ γ’ εἴσω ἴεν καὶ ὑπέρβη λάϊνον οὐδόν. ### book 16.42 τῷ δ’ ἕδρης ἐπιόντι πατὴρ ὑπόειξεν Ὀδυσσεύς· ### book 16.43 Τηλέμαχος δ’ ἑτέρωθεν ἐρήτυε φώνησέν τε· ### book 16.44 “ἧσο, ξεῖν’· ἡμεῖς δὲ καὶ ἄλλοθι δήομεν ἕδρην ### book 16.45 σταθμῷ ἐν ἡμετέρῳ· παρὰ δ’ ἀνήρ, ὃς καταθήσει.” ### book 16.46 ὣς φάθ’, ὁ δ’ αὖτις ἰὼν κατ’ ἄρ’ ἕζετο· τῷ δὲ συβώτης ### book 16.47 χεῦεν ὕπο χλωρὰς ῥῶπας καὶ κῶας ὕπερθεν· ### book 16.48 ἔνθα καθέζετ’ ἔπειτα Ὀδυσσῆος φίλος υἱός. ### book 16.49 τοῖσιν δὲ κρειῶν πίνακας παρέθηκε συβώτης ### book 16.50 ὀπταλέων, ἅ ῥα τῇ προτέρῃ ὑπέλειπον ἔδοντες, ### book 16.51 σῖτον δ’ ἐσσυμένως παρενήεεν ἐν κανέοισιν, ### book 16.52 ἐν δ’ ἄρα κισσυβίῳ κίρνη μελιηδέα οἶνον· ### book 16.53 αὐτὸς δ’ ἀντίον ἷζεν Ὀδυσσῆος θείοιο. ### book 16.54 οἱ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 16.55 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 16.56 δὴ τότε Τηλέμαχος προσεφώνεε δῖον ὑφορβόν· ### book 16.57 “ἄττα, πόθεν τοι ξεῖνος ὅδ’ ἵκετο; πῶς δέ ἑ ναῦται ### book 16.58 ἤγαγον εἰς Ἰθάκην; τίνες ἔμμεναι εὐχετόωντο; ### book 16.59 οὐ μὲν γάρ τί ἑ πεζὸν ὀΐομαι ἐνθάδ’ ἱκέσθαι.” ### book 16.60 τὸν δ’ ἀπαμειβόμενος προσέφης, Εὔμαιε συβῶτα· ### book 16.61 “τοιγὰρ ἐγώ τοι, τέκνον, ἀληθέα πάντ’ ἀγορεύσω. ### book 16.62 ἐκ μὲν Κρητάων γένος εὔχεται εὐρειάων, ### book 16.63 φησὶ δὲ πολλὰ βροτῶν ἐπὶ ἄστεα δινηθῆναι ### book 16.64 πλαζόμενος· ὣς γάρ οἱ ἐπέκλωσεν τά γε δαίμων. ### book 16.65 νῦν αὖ Θεσπρωτῶν ἀνδρῶν παρὰ νηὸς ἀποδρὰς ### book 16.66 ἤλυθ’ ἐμὸν πρὸς σταθμόν, ἐγὼ δέ τοι ἐγγυαλίξω. ### book 16.67 ἕρξον ὅπως ἐθέλεις· ἱκέτης δέ τοι εὔχεται εἶναι.” ### book 16.68 τὸν δ’ αὖ Τηλέμαχος πεπνυμένος ἀντίον ηὔδα· ### book 16.69 “Εὔμαι’, ἦ μάλα τοῦτο ἔπος θυμαλγὲς ἔειπες. ### book 16.70 πῶς γὰρ δὴ τὸν ξεῖνον ἐγὼν ὑποδέξομαι οἴκῳ; ### book 16.71 αὐτὸς μὲν νέος εἰμὶ καὶ οὔ πω χερσὶ πέποιθα ### book 16.72 ἄνδρ’ ἀπαμύνασθαι, ὅτε τις πρότερος χαλεπήνῃ· ### book 16.73 μητρὶ δ’ ἐμῇ δίχα θυμὸς ἐνὶ φρεσὶ μερμηρίζει, ### book 16.74 ἢ αὐτοῦ παρ’ ἐμοί τε μένῃ καὶ δῶμα κομίζῃ, ### book 16.75 εὐνήν τ’ αἰδομένη πόσιος δήμοιό τε φῆμιν, ### book 16.76 ἦ ἤδη ἅμ’ ἕπηται, Ἀχαιῶν ὅς τις ἄριστος ### book 16.77 μνᾶται ἐνὶ μεγάροισιν ἀνὴρ καὶ πλεῖστα πόρῃσιν. ### book 16.78 ἀλλ’ ἦ τοι τὸν ξεῖνον, ἐπεὶ τεὸν ἵκετο δῶμα, ### book 16.79 ἕσσω μιν χλαῖνάν τε χιτῶνά τε εἵματα καλά, ### book 16.80 δώσω δὲ ξίφος ἄμφηκες καὶ ποσσὶ πέδιλα, ### book 16.81 πέμψω δ’, ὅππῃ μιν κραδίη θυμός τε κελεύει. ### book 16.82 εἰ δ’ ἐθέλεις, σὺ κόμισσον ἐνὶ σταθμοῖσιν ἐρύξας· ### book 16.83 εἵματα δ’ ἐνθάδ’ ἐγὼ πέμψω καὶ σῖτον ἅπαντα ### book 16.84 ἔδμεναι, ὡς ἂν μή σε κατατρύχῃ καὶ ἑταίρους. ### book 16.85 κεῖσε δ’ ἂν οὔ μιν ἐγώ γε μετὰ μνηστῆρας ἐῷμι ### book 16.86 ἔρχεσθαι, λίην γὰρ ἀτάσθαλον ὕβριν ἔχουσι· ### book 16.87 μή μιν κερτομέωσιν· ἐμοὶ δ’ ἄχος ἔσσεται αἰνόν. ### book 16.88 πρῆξαι δ’ ἀργαλέον τι μετὰ πλεόνεσσιν ἐόντα ### book 16.89 ἄνδρα καὶ ἴφθιμον, ἐπεὶ ἦ πολὺ φέρτεροί εἰσι.” ### book 16.90 τὸν δ’ αὖτε προσέειπε πολύτλας δῖος Ὀδυσσεύς· ### book 16.91 “ὦ φίλ’, ἐπεί θήν μοι καὶ ἀμείψασθαι θέμις ἐστίν, ### book 16.92 ἦ μάλα μευ καταδάπτετ’ ἀκούοντος φίλον ἦτορ, ### book 16.93 οἷά φατε μνηστῆρας ἀτάσθαλα μηχανάασθαι ### book 16.94 ἐν μεγάροις’, ἀέκητι σέθεν τοιούτου ἐόντος. ### book 16.95 εἰπέ μοι, ἠὲ ἑκὼν ὑποδάμνασαι, ἦ σέ γε λαοὶ ### book 16.96 ἐχθαίρους’ ἀνὰ δῆμον ἐπισπόμενοι θεοῦ ὀμφῇ· ### book 16.97 ἦ τι κασιγνήτοις’ ἐπιμέμφεαι, οἷσί περ ἀνὴρ ### book 16.98 μαρναμένοισι πέποιθε, καὶ εἰ μέγα νεῖκος ὄρηται; ### book 16.99 αἲ γὰρ ἐγὼν οὕτω νέος εἴην τῷδ’ ἐπὶ θυμῷ, ### book 16.100 ἢ παῖς ἐξ Ὀδυσῆος ἀμύμονος ἠὲ καὶ αὐτὸς ### book 16.101 ἔλθοι ἀλητεύων· ἔτι γὰρ καὶ ἐλπίδος αἶσα· ### book 16.102 αὐτίκ’ ἔπειτ’ ἀπ’ ἐμεῖο κάρη τάμοι ἀλλότριος φῶς, ### book 16.103 εἰ μὴ ἐγὼ κείνοισι κακὸν πάντεσσι γενοίμην ### book 16.104 [ἐλθὼν ἐς μέγαρον Λαερτιάδεω Ὀδυσῆος.] ### book 16.105 εἰ δ’ αὖ με πληθυῖ δαμασαίατο μοῦνον ἐόντα, ### book 16.106 βουλοίμην κ’ ἐν ἐμοῖσι κατακτάμενος μεγάροισι ### book 16.107 τεθνάμεν ἢ τάδε γ’ αἰὲν ἀεικέα ἔργ’ ὁράασθαι, ### book 16.108 ξείνους τε στυφελιζομένους δμῳάς τε γυναῖκας ### book 16.109 ῥυστάζοντας ἀεικελίως κατὰ δώματα καλά, ### book 16.110 καὶ οἶνον διαφυσσόμενον, καὶ σῖτον ἔδοντας ### book 16.111 μὰψ αὔτως ἀτέλεστον, ἀνηνύστῳ ἐπὶ ἔργῳ.” ### book 16.112 τὸν δ’ αὖ Τηλέμαχος πεπνυμένος ἀντίον ηὔδα· ### book 16.113 “τοιγὰρ ἐγώ τοι, ξεῖνε, μάλ’ ἀτρεκέως ἀγορεύσω. ### book 16.114 οὔτε τί μοι πᾶς δῆμος ἀπεχθόμενος χαλεπαίνει, ### book 16.115 οὔτε κασιγνήτοις’ ἐπιμέμφομαι, οἷσί περ ἀνὴρ ### book 16.116 μαρναμένοισι πέποιθε, καὶ εἰ μέγα νεῖκος ὄρηται. ### book 16.117 ὧδε γὰρ ἡμετέρην γενεὴν μούνωσε Κρονίων· ### book 16.118 μοῦνον Λαέρτην Ἀρκείσιος υἱὸν ἔτικτε, ### book 16.119 μοῦνον δ’ αὖτ’ Ὀδυσῆα πατὴρ τέκεν· αὐτὰρ Ὀδυσσεὺς ### book 16.120 μοῦνον ἔμ’ ἐν μεγάροισι τεκὼν λίπεν, οὐδ’ ἀπόνητο. ### book 16.121 τῶ νῦν δυσμενέες μάλα μυρίοι εἴς’ ἐνὶ οἴκῳ. ### book 16.122 ὅσσοι γὰρ νήσοισιν ἐπικρατέουσιν ἄριστοι, ### book 16.123 Δουλιχίῳ τε Σάμῃ τε καὶ ὑλήεντι Ζακύνθῳ, ### book 16.124 ἠδ’ ὅσσοι κραναὴν Ἰθάκην κάτα κοιρανέουσι, ### book 16.125 τόσσοι μητέρ’ ἐμὴν μνῶνται, τρύχουσι δὲ οἶκον. ### book 16.126 ἡ δ’ οὔτ’ ἀρνεῖται στυγερὸν γάμον οὔτε τελευτὴν ### book 16.127 ποιῆσαι δύναται· τοὶ δὲ φθινύθουσιν ἔδοντες ### book 16.128 οἶκον ἐμόν· τάχα δή με διαρραίσουσι καὶ αὐτόν. ### book 16.129 ἀλλ’ ἦ τοι μὲν ταῦτα θεῶν ἐν γούνασι κεῖται· ### book 16.130 ἄττα, σὺ δ’ ἔρχεο θᾶσσον, ἐχέφρονι Πηνελοπείῃ ### book 16.131 εἴφ’, ὅτι οἱ σῶς εἰμι καὶ ἐκ Πύλου εἰλήλουθα. ### book 16.132 αὐτὰρ ἐγὼν αὐτοῦ μενέω, σὺ δὲ δεῦρο νέεσθαι ### book 16.133 οἴη ἀπαγγείλας· τῶν δ’ ἄλλων μή τις Ἀχαιῶν ### book 16.134 πευθέσθω· πολλοὶ γὰρ ἐμοὶ κακὰ μηχανόωνται.” ### book 16.135 τὸν δ’ ἀπαμειβόμενος προσέφης, Εὔμαιε συβῶτα· ### book 16.136 “γινώσκω, φρονέω· τά γε δὴ νοέοντι κελεύεις. ### book 16.137 ἀλλ’ ἄγε μοι τόδε εἰπὲ καὶ ἀτρεκέως κατάλεξον, ### book 16.138 εἰ καὶ Λαέρτῃ αὐτὴν ὁδὸν ἄγγελος ἔλθω ### book 16.139 δυσμόρῳ, ὃς τεῖος μὲν Ὀδυσσῆος μέγ’ ἀχεύων ### book 16.140 ἔργα τ’ ἐποπτεύεσκε μετὰ δμώων τ’ ἐνὶ οἴκῳ ### book 16.141 πῖνε καὶ ἦσθ’, ὅτε θυμὸς ἐνὶ στήθεσσιν ἀνώγοι· ### book 16.142 αὐτὰρ νῦν, ἐξ οὗ σύ γε ᾤχεο νηῒ Πύλονδε, ### book 16.143 οὔ πώ μίν φασιν φαγέμεν καὶ πιέμεν αὔτως, ### book 16.144 οὐδ’ ἐπὶ ἔργα ἰδεῖν, ἀλλὰ στοναχῇ τε γόῳ τε ### book 16.145 ἧσται ὀδυρόμενος, φθινύθει δ’ ἀμφ’ ὀστεόφι χρώς.” ### book 16.146 τὸν δ’ αὖ Τηλέμαχος πεπνυμένος ἀντίον ηὔδα· ### book 16.147 “ἄλγιον, ἀλλ’ ἔμπης μιν ἐάσομεν, ἀχνύμενοί περ. ### book 16.148 εἰ γάρ πως εἴη αὐτάγρετα πάντα βροτοῖσι, ### book 16.149 πρῶτόν κεν τοῦ πατρὸς ἑλοίμεθα νόστιμον ἦμαρ. ### book 16.150 ἀλλὰ σύ γ’ ἀγγείλας ὀπίσω κίε, μηδὲ κατ’ ἀγροὺς ### book 16.151 πλάζεσθαι μετ’ ἐκεῖνον· ἀτὰρ πρὸς μητέρα εἰπεῖν ### book 16.152 ἀμφίπολον ταμίην ὀτρυνέμεν ὅττι τάχιστα ### book 16.153 κρύβδην· κείνη γάρ κεν ἀπαγγείλειε γέροντι.” ### book 16.154 ἦ ῥα, καὶ ὦρσε συφορβόν· ὁ δ’ εἵλετο χερσὶ πέδιλα, ### book 16.155 δησάμενος δ’ ὑπὸ ποσσὶ πόλινδ’ ἴεν. οὐδ’ ἄρ’ Ἀθήνην ### book 16.156 λῆθεν ἀπὸ σταθμοῖο κιὼν Εὔμαιος ὑφορβός, ### book 16.157 ἀλλ’ ἥ γε σχεδὸν ἦλθε· δέμας δ’ ἤϊκτο γυναικὶ ### book 16.158 καλῇ τε μεγάλῃ τε καὶ ἀγλαὰ ἔργα ἰδυίῃ. ### book 16.159 στῆ δὲ κατ’ ἀντίθυρον κλισίης Ὀδυσῆϊ φανεῖσα· ### book 16.160 οὐδ’ ἄρα Τηλέμαχος ἴδεν ἀντίον οὐδ’ ἐνόησεν, — ### book 16.161 οὐ γάρ πως πάντεσσι θεοὶ φαίνονται ἐναργεῖς, — ### book 16.162 ἀλλ’ Ὀδυσεύς τε κύνες τε ἴδον, καί ῥ’ οὐχ ὑλάοντο, ### book 16.163 κνυζηθμῷ δ’ ἑτέρωσε διὰ σταθμοῖο φόβηθεν. ### book 16.164 ἡ δ’ ἄρ’ ἐπ’ ὀφρύσι νεῦσε· νόησε δὲ δῖος Ὀδυσσεύς, ### book 16.165 ἐκ δ’ ἦλθεν μεγάροιο παρὲκ μέγα τειχίον αὐλῆς, ### book 16.166 στῆ δὲ πάροιθ’ αὐτῆς. τὸν δὲ προσέειπεν Ἀθήνη· ### book 16.167 “διογενὲς Λαερτιάδη, πολυμήχαν’ Ὀδυσσεῦ, ### book 16.168 ἤδη νῦν σῷ παιδὶ ἔπος φάο μηδ’ ἐπίκευθε, ### book 16.169 ὡς ἂν μνηστῆρσιν θάνατον καὶ κῆρ’ ἀραρόντε ### book 16.170 ἔρχησθον προτὶ ἄστυ περικλυτόν· οὐδ’ ἐγὼ αὐτὴ ### book 16.171 δηρὸν ἀπὸ σφῶϊν ἔσομαι μεμαυῖα μάχεσθαι.” ### book 16.172 ἦ, καὶ χρυσείῃ ῥάβδῳ ἐπεμάσσατ’ Ἀθήνη. ### book 16.173 φᾶρος μέν οἱ πρῶτον ἐϋπλυνὲς ἠδὲ χιτῶνα ### book 16.174 θῆκ’ ἀμφὶ στήθεσφι, δέμας δ’ ὤφελλε καὶ ἥβην. ### book 16.175 ἂψ δὲ μελαγχροιὴς γένετο, γναθμοὶ δ’ ἐτάνυσθεν, ### book 16.176 κυάνεαι δ’ ἐγένοντο ἐθειράδες ἀμφὶ γένειον. ### book 16.177 ἡ μὲν ἄρ’ ὣς ἕρξασα πάλιν κίεν· αὐτὰρ Ὀδυσσεὺς ### book 16.178 ἤϊεν ἐς κλισίην. θάμβησε δέ μιν φίλος υἱός, ### book 16.179 ταρβήσας δ’ ἑτέρωσε βάλ’ ὄμματα, μὴ θεὸς εἴη, ### book 16.180 καί μιν φωνήσας ἔπεα πτερόεντα προσηύδα· ### book 16.181 “ἀλλοῖός μοι, ξεῖνε, φάνης νέον ἠὲ πάροιθεν, ### book 16.182 ἄλλα δὲ εἵματ’ ἔχεις καί τοι χρὼς οὐκέθ’ ὁμοῖος. ### book 16.183 ἦ μάλα τις θεός ἐσσι, τοὶ οὐρανὸν εὐρὺν ἔχουσιν· ### book 16.184 ἀλλ’ ἵληθ’, ἵνα τοι κεχαρισμένα δώομεν ἱρὰ ### book 16.185 ἠδὲ χρύσεα δῶρα, τετυγμένα· φείδεο δ’ ἡμέων.” ### book 16.186 τὸν δ’ ἠμείβετ’ ἔπειτα πολύτλας δῖος Ὀδυσσεύς· ### book 16.187 “οὔ τίς τοι θεός εἰμι· τί μ’ ἀθανάτοισιν ἐΐσκεις; ### book 16.188 ἀλλὰ πατὴρ τεός εἰμι, τοῦ εἵνεκα σὺ στεναχίζων ### book 16.189 πάσχεις ἄλγεα πολλά, βίας ὑποδέγμενος ἀνδρῶν.” ### book 16.190 ὣς ἄρα φωνήσας υἱὸν κύσε, κὰδ δὲ παρειῶν ### book 16.191 δάκρυον ἧκε χαμᾶζε· πάρος δ’ ἔχε νωλεμὲς αἰεί. ### book 16.192 Τηλέμαχος δ’, —οὐ γάρ πω ἐπείθετο ὃν πατέρ’ εἶναι, — ### book 16.193 ἐξαῦτίς μιν ἔπεσσιν ἀμειβόμενος προσέειπεν· ### book 16.194 “οὐ σύ γ’ Ὀδυσσεύς ἐσσι πατὴρ ἐμός, ἀλλά με δαίμων ### book 16.195 θέλγει, ὄφρ’ ἔτι μᾶλλον ὀδυρόμενος στεναχίζω. ### book 16.196 οὐ γάρ πως ἂν θνητὸς ἀνὴρ τάδε μηχανόῳτο ### book 16.197 ᾧ αὐτοῦ γε νόῳ, ὅτε μὴ θεὸς αὐτὸς ἐπελθὼν ### book 16.198 ῥηϊδίως ἐθέλων θείη νέον ἠδὲ γέροντα. ### book 16.199 ἦ γάρ τοι νέον ἦσθα γέρων καὶ ἀεικέα ἕσσο· ### book 16.200 νῦν δὲ θεοῖσιν ἔοικας, οἳ οὐρανὸν εὐρὺν ἔχουσι.” ### book 16.201 τὸν δ’ ἀπαμειβόμενος προσέφη πολύμητις Ὀδυσσεύς· ### book 16.202 “Τηλέμαχ’, οὔ σε ἔοικε φίλον πατέρ’ ἔνδον ἐόντα ### book 16.203 οὔτε τι θαυμάζειν περιώσιον οὔτ’ ἀγάασθαι· ### book 16.204 οὐ μὲν γάρ τοι ἔτ’ ἄλλος ἐλεύσεται ἐνθάδ’ Ὀδυσσεύς, ### book 16.205 ἀλλ’ ὅδ’ ἐγὼ τοιόσδε, παθὼν κακά, πολλὰ δ’ ἀληθείς, ### book 16.206 ἤλυθον εἰκοστῷ ἔτεϊ ἐς πατρίδα γαῖαν. ### book 16.207 αὐτάρ τοι τόδε ἔργον Ἀθηναίης ἀγελείης, ### book 16.208 ἥ τέ με τοῖον ἔθηκεν ὅπως ἐθέλει, δύναται γάρ, ### book 16.209 ἄλλοτε μὲν πτωχῷ ἐναλίγκιον, ἄλλοτε δ’ αὖτε ### book 16.210 ἀνδρὶ νέῳ καὶ καλὰ περὶ χροῒ εἵματ’ ἔχοντι. ### book 16.211 ῥηΐδιον δὲ θεοῖσι, τοὶ οὐρανὸν εὐρὺν ἔχουσιν, ### book 16.212 ἠμὲν κυδῆναι θνητὸν βροτὸν ἠδὲ κακῶσαι.” ### book 16.213 ὣς ἄρα φωνήσας κατ’ ἄρ’ ἕζετο, Τηλέμαχος δὲ ### book 16.214 ἀμφιχυθεὶς πατέρ’ ἐσθλὸν ὀδύρετο δάκρυα λείβων. ### book 16.215 ἀμφοτέροισι δὲ τοῖσιν ὑφ’ ἵμερος ὦρτο γόοιο· ### book 16.216 κλαῖον δὲ λιγέως, ἁδινώτερον ἤ τ’ οἰωνοί, ### book 16.217 φῆναι ἢ αἰγυπιοὶ γαμψώνυχες, οἷσί τε τέκνα ### book 16.218 ἀγρόται ἐξείλοντο πάρος πετεηνὰ γενέσθαι· ### book 16.219 ὣς ἄρα τοί γ’ ἐλεεινὸν ὑπ’ ὀφρύσι δάκρυον εἶβον. ### book 16.220 καί νύ κ’ ὀδυρομένοισιν ἔδυ φάος ἠελίοιο, ### book 16.221 εἰ μὴ Τηλέμαχος προσεφώνεεν ὃν πατέρ’ αἶψα· ### book 16.222 “ποίῃ γὰρ νῦν δεῦρο, πάτερ φίλε, νηΐ σε ναῦται ### book 16.223 ἤγαγον εἰς Ἰθάκην; τίνες ἔμμεναι εὐχετόωντο; ### book 16.224 [οὐ μὲν γάρ τί σε πεζὸν ὀΐομαι ἐνθάδ’ ἱκέσθαι.”] ### book 16.225 τὸν δ’ αὖτε προσέειπε πολύτλας δῖος Ὀδυσσεύς· ### book 16.226 “τοιγὰρ ἐγώ τοι, τέκνον, ἀληθείην καταλέξω. ### book 16.227 Φαίηκές μ’ ἄγαγον ναυσικλυτοί, οἵ τε καὶ ἄλλους ### book 16.228 ἀνθρώπους πέμπουσιν, ὅτίς σφεας εἰσαφίκηται· ### book 16.229 καί μ’ εὕδοντ’ ἐν νηῒ θοῇ ἐπὶ πόντον ἄγοντες ### book 16.230 κάτθεσαν εἰν Ἰθάκῃ, ἔπορον δέ μοι ἀγλαὰ δῶρα, ### book 16.231 χαλκόν τε χρυσόν τε ἅλις ἐσθῆτά θ’ ὑφαντήν. ### book 16.232 καὶ τὰ μὲν ἐν σπήεσσι θεῶν ἰότητι κέονται· ### book 16.233 νῦν αὖ δεῦρ’ ἱκόμην ὑποθημοσύνῃσιν Ἀθήνης, ### book 16.234 ὄφρα κε δυσμενέεσσι φόνου πέρι βουλεύσωμεν. ### book 16.235 ἀλλ’ ἄγε μοι μνηστῆρας ἀριθμήσας κατάλεξον, ### book 16.236 ὄφρ’ εἰδέω, ὅσσοι τε καὶ οἵ τινες ἀνέρες εἰσί· ### book 16.237 καί κεν ἐμὸν κατὰ θυμὸν ἀμύμονα μερμηρίξας ### book 16.238 φράσσομαι, ἤ κεν νῶϊ δυνησόμεθ’ ἀντιφέρεσθαι ### book 16.239 μούνω ἄνευθ’ ἄλλων, ἦ καὶ διζησόμεθ’ ἄλλους.” ### book 16.240 τὸν δ’ αὖ Τηλέμαχος πεπνυμένος ἀντίον ηὔδα· ### book 16.241 “ὦ πάτερ, ἦ τοι σεῖο μέγα κλέος αἰὲν ἄκουον, ### book 16.242 χεῖράς τ’ αἰχμητὴν ἔμεναι καὶ ἐπίφρονα βουλήν· ### book 16.243 ἀλλὰ λίην μέγα εἶπες· ἄγη μ’ ἔχει· οὐδέ κεν εἴη ### book 16.244 ἄνδρε δύω πολλοῖσι καὶ ἰφθίμοισι μάχεσθαι. ### book 16.245 μνηστήρων δ’ οὔτ’ ἂρ δεκὰς ἀτρεκὲς οὔτε δύ’ οἶαι, ### book 16.246 ἀλλὰ πολὺ πλέονες· τάχα δ’ εἴσεαι ἐνθάδ’ ἀριθμόν. ### book 16.247 ἐκ μὲν Δουλιχίοιο δύω καὶ πεντήκοντα ### book 16.248 κοῦροι κεκριμένοι, ἓξ δὲ δρηστῆρες ἕπονται· ### book 16.249 ἐκ δὲ Σάμης πίσυρες τε καὶ εἴκοσι φῶτες ἔασιν, ### book 16.250 ἐκ δὲ Ζακύνθου ἔασιν ἐείκοσι κοῦροι Ἀχαιῶν, ### book 16.251 ἐκ δ’ αὐτῆς Ἰθάκης δυοκαίδεκα πάντες ἄριστοι, ### book 16.252 καί σφιν ἅμ’ ἐστὶ Μέδων κῆρυξ καὶ θεῖος ἀοιδὸς ### book 16.253 καὶ δοιὼ θεράποντε, δαήμονε δαιτροσυνάων. ### book 16.254 τῶν εἴ κεν πάντων ἀντήσομεν ἔνδον ἐόντων, ### book 16.255 μὴ πολύπικρα καὶ αἰνὰ βίας ἀποτείσεαι ἐλθών. ### book 16.256 ἀλλὰ σύ γ’, εἰ δύνασαί τιν’ ἀμύντορα μερμηρίξαι, ### book 16.257 φράζευ, ὅ κέν τις νῶϊν ἀμύνοι πρόφρονι θυμῷ.” ### book 16.258 τὸν δ’ αὖτε προσέειπε πολύτλας δῖος Ὀδυσσεύς· ### book 16.259 “τοιγὰρ ἐγὼν ἐρέω, σὺ δὲ σύνθεο καί μευ ἄκουσον, ### book 16.260 καὶ φράσαι, ἤ κεν νῶϊν Ἀθήνη σὺν Διὶ πατρὶ ### book 16.261 ἀρκέσει, ἦέ τιν’ ἄλλον ἀμύντορα μερμηρίξω.” ### book 16.262 τὸν δ’ αὖ Τηλέμαχος πεπνυμένος ἀντίον ηὔδα· ### book 16.263 “ἐσθλώ τοι τούτω γ’ ἐπαμύντορε, τοὺς ἀγορεύεις, ### book 16.264 ὕψι περ ἐν νεφέεσσι καθημένω· ὥ τε καὶ ἄλλοις ### book 16.265 ἀνδράσι τε κρατέουσι καὶ ἀθανάτοισι θεοῖσι.” ### book 16.266 τὸν δ’ αὖτε προσέειπε πολύτλας δῖος Ὀδυσσεύς· ### book 16.267 “οὐ μέν τοι κείνω γε πολὺν χρόνον ἀμφὶς ἔσεσθον ### book 16.268 φυλόπιδος κρατερῆς, ὁπότε μνηστῆρσι καὶ ἡμῖν ### book 16.269 ἐν μεγάροισιν ἐμοῖσι μένος κρίνηται Ἄρηος. ### book 16.270 ἀλλὰ σὺ μὲν νῦν ἔρχευ ἅμ’ ἠόϊ φαινομένηφι ### book 16.271 οἴκαδε καὶ μνηστῆρσιν ὑπερφιάλοισιν ὁμίλει· ### book 16.272 αὐτὰρ ἐμὲ προτὶ ἄστυ συβώτης ὕστερον ἄξει ### book 16.273 πτωχῷ λευγαλέῳ ἐναλίγκιον ἠδὲ γέροντι. ### book 16.274 εἰ δέ μ’ ἀτιμήσουσι δόμον κάτα, σὸν δὲ φίλον κῆρ ### book 16.275 τετλάτω ἐν στήθεσσι κακῶς πάσχοντος ἐμεῖο, ### book 16.276 ἤν περ καὶ διὰ δῶμα ποδῶν ἕλκωσι θύραζε ### book 16.277 ἢ βέλεσιν βάλλωσι· σὺ δ’ εἰσορόων ἀνέχεσθαι. ### book 16.278 ἀλλ’ ἦ τοι παύεσθαι ἀνωγέμεν ἀφροσυνάων, ### book 16.279 μειλιχίοις’ ἐπέεσσι παραυδῶν· οἱ δέ τοι οὔ τι ### book 16.280 πείσονται· δὴ γάρ σφι παρίσταται αἴσιμον ἦμαρ. ### book 16.281 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσιν· ### book 16.282 ὁππότε κεν πολύβουλος ἐνὶ φρεσὶ θῇσιν Ἀθήνη, ### book 16.283 νεύσω μέν τοι ἐγὼ κεφαλῇ, σὺ δ’ ἔπειτα νοήσας, ### book 16.284 ὅσσα τοι ἐν μεγάροισιν ἀρήϊα τεύχεα κεῖται, ### book 16.285 ἐς μυχὸν ὑψηλοῦ θαλάμου καταθεῖναι ἀείρας ### book 16.286 πάντα μάλ’· αὐτὰρ μνηστῆρας μαλακοῖς’ ἐπέεσσι ### book 16.287 παρφάσθαι, ὅτε κέν σε μεταλλῶσιν ποθέοντες· ### book 16.288 ‘ἐκ καπνοῦ κατέθηκ’, ἐπεὶ οὐκέτι τοῖσιν ἐῴκει, ### book 16.289 οἷά ποτε Τροίηνδε κιὼν κατέλειπεν Ὀδυσσεύς, ### book 16.290 ἀλλὰ κατῄκισται, ὅσσον πυρὸς ἵκετ’ ἀϋτμή. ### book 16.291 πρὸς δ’ ἔτι καὶ τόδε μεῖζον ἐνὶ φρεσὶ θῆκε Κρονίων, ### book 16.292 μή πως οἰνωθέντες, ἔριν στήσαντες ἐν ὑμῖν, ### book 16.293 ἀλλήλους τρώσητε καταισχύνητέ τε δαῖτα ### book 16.294 καὶ μνηστύν· αὐτὸς γὰρ ἐφέλκεται ἄνδρα σίδηρος.‘ ### book 16.295 νῶϊν δ’ οἴοισιν δύο φάσγανα καὶ δύο δοῦρε ### book 16.296 καλλιπέειν καὶ δοιὰ βοάγρια χερσὶν ἑλέσθαι, ### book 16.297 ὡς ἂν ἐπιθύσαντες ἑλοίμεθα· τοὺς δέ κ’ ἔπειτα ### book 16.298 Παλλὰς Ἀθηναίη θέλξει καὶ μητίετα Ζεύς. ### book 16.299 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσιν· ### book 16.300 εἰ ἐτεόν γ’ ἐμός ἐσσι καὶ αἵματος ἡμετέροιο, ### book 16.301 μή τις ἔπειτ’ Ὀδυσῆος ἀκουσάτω ἔνδον ἐόντος· ### book 16.302 μήτ’ οὖν Λαέρτης ἴστω τό γε μήτε συβώτης ### book 16.303 μήτε τις οἰκήων μήτ’ αὐτὴ Πηνελόπεια, ### book 16.304 ἀλλ’ οἶοι σύ τ’ ἐγώ τε γυναικῶν γνώομεν ἰθύν. ### book 16.305 καί κέ τεο δμώων ἀνδρῶν ἔτι πειρηθεῖμεν, ### book 16.306 ἠμὲν ὅ πού τις νῶϊ τίει καὶ δείδιε θυμῷ, ### book 16.307 ἠδ’ ὅτις οὐκ ἀλέγει, σὲ δ’ ἀτιμᾷ τοῖον ἐόντα.” ### book 16.308 τὸν δ’ ἀπαμειβόμενος προσεφώνεε φαίδιμος υἱός· ### book 16.309 “ὦ πάτερ, ἦ τοι ἐμὸν θυμὸν καὶ ἔπειτά γ’, ὀΐω, ### book 16.310 γνώσεαι· οὐ μὲν γάρ τι χαλιφροσύναι γέ μ’ ἔχουσιν· ### book 16.311 ἀλλ’ οὔ τοι τόδε κέρδος ἐγὼν ἔσσεσθαι ὀΐω ### book 16.312 ἡμῖν ἀμφοτέροισι· σὲ δὲ φράζεσθαι ἄνωγα. ### book 16.313 δηθὰ γὰρ αὔτως εἴσῃ ἑκάστου πειρητίζων, ### book 16.314 ἔργα μετερχόμενος· τοὶ δ’ ἐν μεγάροισιν ἕκηλοι ### book 16.315 κτήματα δαρδάπτουσιν ὑπέρβιον, οὐδ’ ἔπι φειδώ. ### book 16.316 ἀλλ’ ἦ τοί σε γυναῖκας ἐγὼ δεδάασθαι ἄνωγα, ### book 16.317 αἵ τέ ς’ ἀτιμάζουσι καὶ αἳ νηλείτιδές εἰσιν· ### book 16.318 ἀνδρῶν δ’ οὐκ ἂν ἐγώ γε κατὰ σταθμοὺς ἐθέλοιμι ### book 16.319 ἡμέας πειράζειν, ἀλλ’ ὕστερα ταῦτα πένεσθαι, ### book 16.320 εἰ ἐτεόν γέ τι οἶσθα Διὸς τέρας αἰγιόχοιο.” ### book 16.321 ὣς οἱ μὲν τοιαῦτα πρὸς ἀλλήλους ἀγόρευον, ### book 16.322 ἡ δ’ ἄρ’ ἔπειτ’ Ἰθάκηνδε κατήγετο νηῦς ἐϋεργής, ### book 16.323 ἣ φέρε Τηλέμαχον Πυλόθεν καὶ πάντας ἑταίρους. ### book 16.324 οἱ δ’ ὅτε δὴ λιμένος πολυβενθέος ἐντὸς ἵκοντο, ### book 16.325 νῆα μὲν οἵ γε μέλαιναν ἐπ’ ἠπείροιο ἔρυσσαν, ### book 16.326 τεύχεα δέ σφ’ ἀπένεικαν ὑπέρθυμοι θεράποντες, ### book 16.327 αὐτίκα δ’ ἐς Κλυτίοιο φέρον περικαλλέα δῶρα. ### book 16.328 αὐτὰρ κήρυκα πρόεσαν δόμον εἰς Ὀδυσῆος, ### book 16.329 ἀγγελίην ἐρέοντα περίφρονι Πηνελοπείῃ, ### book 16.330 οὕνεκα Τηλέμαχος μὲν ἐπ’ ἀγροῦ, νῆα δ’ ἀνώγει ### book 16.331 ἄστυδ’ ἀποπλείειν, ἵνα μὴ δείσας’ ἐνὶ θυμῷ ### book 16.332 ἰφθίμη βασίλεια τέρεν κατὰ δάκρυον εἴβοι. ### book 16.333 τὼ δὲ συναντήτην κῆρυξ καὶ δῖος ὑφορβὸς ### book 16.334 τῆς αὐτῆς ἕνεκ’ ἀγγελίης, ἐρέοντε γυναικί. ### book 16.335 ἀλλ’ ὅτε δή ῥ’ ἵκοντο δόμον θείου βασιλῆος, ### book 16.336 κῆρυξ μέν ῥα μέσῃσι μετὰ δμῳῇσιν ἔειπεν· ### book 16.337 “ἤδη τοι, βασίλεια, φίλος πάϊς εἰλήλουθε.” ### book 16.338 Πηνελοπείῃ δ’ εἶπε συβώτης ἄγχι παραστὰς ### book 16.339 πάνθ’ ὅσα οἱ φίλος υἱὸς ἀνώγει μυθήσασθαι. ### book 16.340 αὐτὰρ ἐπεὶ δὴ πᾶσαν ἐφημοσύνην ἀπέειπε, ### book 16.341 βῆ ῥ’ ἴμεναι μεθ’ ὕας, λίπε δ’ ἕρκεά τε μέγαρόν τε. ### book 16.342 μνηστῆρες δ’ ἀκάχοντο κατήφησάν τ’ ἐνὶ θυμῷ, ### book 16.343 ἐκ δ’ ἦλθον μεγάροιο παρὲκ μέγα τειχίον αὐλῆς, ### book 16.344 αὐτοῦ δὲ προπάροιθε θυράων ἑδριόωντο. ### book 16.345 τοῖσιν δ’ Εὐρύμαχος, Πολύβου πάϊς, ἦρχ’ ἀγορεύειν· ### book 16.346 “ὦ φίλοι, ἦ μέγα ἔργον ὑπερφιάλως ἐτελέσθη ### book 16.347 Τηλεμάχῳ ὁδὸς ἥδε· φάμεν δέ οἱ οὐ τελέεσθαι. ### book 16.348 ἀλλ’ ἄγε νῆα μέλαιναν ἐρύσσομεν, ἥ τις ἀρίστη, ### book 16.349 ἐς δ’ ἐρέτας ἁλιῆας ἀγείρομεν, οἵ κε τάχιστα ### book 16.350 κείνοις’ ἀγγείλωσι θοῶς οἶκόνδε νέεσθαι.” ### book 16.351 οὔ πω πᾶν εἴρηθ’, ὅτ’ ἄρ’ Ἀμφίνομος ἴδε νῆα, ### book 16.352 στρεφθεὶς ἐκ χώρης, λιμένος πολυβενθέος ἐντός, ### book 16.353 ἱστία τε στέλλοντας ἐρετμά τε χερσὶν ἔχοντας. ### book 16.354 ἡδὺ δ’ ἄρ’ ἐκγελάσας μετεφώνεεν οἷς’ ἑτάροισι· ### book 16.355 “μή τιν’ ἔτ’ ἀγγελίην ὀτρύνομεν· οἵδε γὰρ ἔνδον. ### book 16.356 ἤ τίς σφιν τόδ’ ἔειπε θεῶν ἢ εἴσιδον αὐτοὶ ### book 16.357 νῆα παρερχομένην, τὴν δ’ οὐκ ἐδύναντο κιχῆναι.” ### book 16.358 ὣς ἔφαθ’, οἱ δ’ ἀνστάντες ἔβαν ἐπὶ θῖνα θαλάσσης, ### book 16.359 αἶψα δὲ νῆα μέλαιναν ἐπ’ ἠπείροιο ἔρυσσαν, ### book 16.360 τεύχεα δέ σφ’ ἀπένεικαν ὑπέρθυμοι θεράποντες. ### book 16.361 αὐτοὶ δ’ εἰς ἀγορὴν κίον ἁθρόοι, οὐδέ τιν’ ἄλλον ### book 16.362 εἴων οὔτε νέων μεταΐζειν οὔτε γερόντων. ### book 16.363 τοῖσιν δ’ Ἀντίνοος μετέφη, Εὐπείθεος υἱός· ### book 16.364 “ὢ πόποι, ὡς τόνδ’ ἄνδρα θεοὶ κακότητος ἔλυσαν. ### book 16.365 ἤματα μὲν σκοποὶ ἷζον ἐπ’ ἄκριας ἠνεμοέσσας ### book 16.366 αἰὲν ἐπασσύτεροι· ἅμα δ’ ἠελίῳ καταδύντι ### book 16.367 οὔ ποτ’ ἐπ’ ἠπείρου νύκτ’ ἄσαμεν, ἀλλ’ ἐνὶ πόντῳ ### book 16.368 νηῒ θοῇ πλείοντες ἐμίμνομεν Ἠῶ δῖαν, ### book 16.369 Τηλέμαχον λοχόωντες, ἵνα φθείσωμεν ἑλόντες ### book 16.370 αὐτόν· τὸν δ’ ἄρα τεῖος ἀπήγαγεν οἴκαδε δαίμων. ### book 16.371 ἡμεῖς δ’ ἐνθάδε οἱ φραζώμεθα λυγρὸν ὄλεθρον ### book 16.372 Τηλεμάχῳ, μηδ’ ἧμας ὑπεκφύγοι· οὐ γὰρ ὀΐω ### book 16.373 τούτου γε ζώοντος ἀνύσσεσθαι τάδε ἔργα. ### book 16.374 αὐτὸς μὲν γὰρ ἐπιστήμων βουλῇ τε νόῳ τε, ### book 16.375 λαοὶ δ’ οὐκέτι πάμπαν ἐφ’ ἡμῖν ἦρα φέρουσιν. ### book 16.376 ἀλλ’ ἄγετε, πρὶν κεῖνον ὁμηγυρίσασθαι Ἀχαιοὺς ### book 16.377 εἰς ἀγορήν· —οὐ γάρ τι μεθησέμεναί μιν ὀΐω, ### book 16.378 ἀλλ’ ἀπομηνίσει, ἐρέει δ’ ἐν πᾶσιν ἀναστάς, ### book 16.379 οὕνεκά οἱ φόνον αἰπὺν ἐράπτομεν οὐδ’ ἐκίχημεν· ### book 16.380 οἱ δ’ οὐκ αἰνήσουσιν ἀκούοντες κακὰ ἔργα· ### book 16.381 μή τι κακὸν ῥέξωσι καὶ ἥμεας ἐξελάσωσι ### book 16.382 γαίης ἡμετέρης, ἄλλων δ’ ἀφικώμεθα δῆμον. ### book 16.383 ἀλλὰ φθέωμεν ἑλόντες ἐπ’ ἀγροῦ νόσφι πόληος ### book 16.384 ἢ ἐν ὁδῷ· βίοτον δ’ αὐτοὶ καὶ κτήματ’ ἔχωμεν, ### book 16.385 δασσάμενοι κατὰ μοῖραν ἐφ’ ἡμέας, οἰκία δ’ αὖτε ### book 16.386 κείνου μητέρι δοῖμεν ἔχειν ἠδ’ ὅς τις ὀπυίοι. ### book 16.387 εἰ δ’ ὕμιν ὅδε μῦθος ἀφανδάνει, ἀλλὰ βόλεσθε ### book 16.388 αὐτόν τε ζώειν καὶ ἔχειν πατρώϊα πάντα, ### book 16.389 μή οἱ χρήματ’ ἔπειτα ἅλις θυμηδέ’ ἔδωμεν ### book 16.390 ἐνθάδ’ ἀγειρόμενοι, ἀλλ’ ἐκ μεγάροιο ἕκαστος ### book 16.391 μνάσθω ἐέδνοισιν διζήμενος· ἡ δέ κ’ ἔπειτα ### book 16.392 γήμαιθ’ ὅς κε πλεῖστα πόροι καὶ μόρσιμος ἔλθοι.” ### book 16.393 ὣς ἔφαθ’, οἱ δ’ ἄρα πάντες ἀκὴν ἐγένοντο σιωπῇ. ### book 16.394 τοῖσιν δ’ Ἀμφίνομος ἀγορήσατο καὶ μετέειπε, ### book 16.395 Νίσου φαίδιμος υἱός, Ἀρητιάδαο ἄνακτος, ### book 16.396 ὅς ῥ’ ἐκ Δουλιχίου πολυπύρου ποιήεντος ### book 16.397 ἡγεῖτο μνηστῆρσι, μάλιστα δὲ Πηνελοπείῃ ### book 16.398 ἥνδανε μύθοισι· φρεσὶ γὰρ κέχρητ’ ἀγαθῇσιν· ### book 16.399 ὅ σφιν ἐῢ φρονέων ἀγορήσατο καὶ μετέειπεν· ### book 16.400 “ὦ φίλοι, οὐκ ἂν ἐγώ γε κατακτείνειν ἐθέλοιμι ### book 16.401 Τηλέμαχον· δεινὸν δὲ γένος βασιλήϊόν ἐστι ### book 16.402 κτείνειν· ἀλλὰ πρῶτα θεῶν εἰρώμεθα βουλάς. ### book 16.403 εἰ μέν κ’ αἰνήσωσι Διὸς μεγάλοιο θέμιστες, ### book 16.404 αὐτός τε κτενέω τούς τ’ ἄλλους πάντας ἀνώξω· ### book 16.405 εἰ δέ κ’ ἀποτρωπῶσι θεοί, παύσασθαι ἄνωγα.” ### book 16.406 ὣς ἔφατ’ Ἀμφίνομος, τοῖσιν δ’ ἐπιήνδανε μῦθος. ### book 16.407 αὐτίκ’ ἔπειτ’ ἀνστάντες ἔβαν δόμον εἰς Ὀδυσῆος, ### book 16.408 ἐλθόντες δὲ καθῖζον ἐπὶ ξεστοῖσι θρόνοισιν. ### book 16.409 ἡ δ’ αὖτ’ ἄλλ’ ἐνόησε περίφρων Πηνελόπεια, ### book 16.410 μνηστήρεσσι φανῆναι ὑπέρβιον ὕβριν ἔχουσι. ### book 16.411 πεύθετο γὰρ οὗ παιδὸς ἐνὶ μεγάροισιν ὄλεθρον· ### book 16.412 κῆρυξ γάρ οἱ ἔειπε Μέδων, ὃς ἐπεύθετο βουλάς. ### book 16.413 βῆ δ’ ἰέναι μέγαρόνδε σὺν ἀμφιπόλοισι γυναιξίν. ### book 16.414 ἀλλ’ ὅτε δὴ μνηστῆρας ἀφίκετο δῖα γυναικῶν, ### book 16.415 στῆ ῥα παρὰ σταθμὸν τέγεος πύκα ποιητοῖο, ### book 16.416 ἄντα παρειάων σχομένη λιπαρὰ κρήδεμνα, ### book 16.417 Ἀντίνοον δ’ ἐνένιπεν ἔπος τ’ ἔφατ’ ἔκ τ’ ὀνόμαζεν· ### book 16.418 “Ἀντίνο’, ὕβριν ἔχων, κακομήχανε, καὶ δέ σέ φασιν ### book 16.419 ἐν δήμῳ Ἰθάκης μεθ’ ὁμήλικας ἔμμεν ἄριστον ### book 16.420 βουλῇ καὶ μύθοισι· σὺ δ’ οὐκ ἄρα τοῖος ἔησθα. ### book 16.421 μάργε, τίη δὲ σὺ Τηλεμάχῳ θάνατόν τε μόρον τε ### book 16.422 ῥάπτεις, οὐδ’ ἱκέτας ἐμπάζεαι, οἷσιν ἄρα Ζεὺς ### book 16.423 μάρτυρος; οὐδ’ ὁσίη κακὰ ῥάπτειν ἀλλήλοισιν. ### book 16.424 ἦ οὐκ οἶσθ’ ὅτε δεῦρο πατὴρ τεὸς ἵκετο φεύγων, ### book 16.425 δῆμον ὑποδδείσας; δὴ γὰρ κεχολώατο λίην, ### book 16.426 οὕνεκα ληϊστῆρσιν ἐπισπόμενος Ταφίοισιν ### book 16.427 ἤκαχε Θεσπρωτούς· οἱ δ’ ἥμιν ἄρθμιοι ἦσαν. ### book 16.428 τόν ῥ’ ἔθελον φθεῖσαι καὶ ἀπορραῖσαι φίλον ἦτορ ### book 16.429 ἠδὲ κατὰ ζωὴν φαγέειν μενοεικέα πολλήν· ### book 16.430 ἀλλ’ Ὀδυσεὺς κατέρυκε καὶ ἔσχεθεν ἱεμένους περ. ### book 16.431 τοῦ νῦν οἶκον ἄτιμον ἔδεις, μνάᾳ δὲ γυναῖκα ### book 16.432 παῖδά τ’ ἀποκτείνεις, ἐμὲ δὲ μεγάλως ἀκαχίζεις· ### book 16.433 ἀλλά σε παύεσθαι κέλομαι καὶ ἀνωγέμεν ἄλλους.” ### book 16.434 τὴν δ’ αὖτ’ Εὐρύμαχος, Πολύβου πάϊς, ἀντίον ηὔδα· ### book 16.435 “κούρη Ἰκαρίοιο, περίφρων Πηνελόπεια, ### book 16.436 θάρσει· μή τοι ταῦτα μετὰ φρεσὶ σῇσι μελόντων. ### book 16.437 οὐκ ἔσθ’ οὗτος ἀνὴρ οὐδ’ ἔσσεται οὐδὲ γένηται, ### book 16.438 ὅς κεν Τηλεμάχῳ, σῷ υἱέϊ, χεῖρας ἐποίσει ### book 16.439 ζώοντός γ’ ἐμέθεν καὶ ἐπὶ χθονὶ δερκομένοιο. ### book 16.440 ὧδε γὰρ ἐξερέω, καὶ μὴν τετελεσμένον ἔσται· ### book 16.441 αἶψά οἱ αἷμα κελαινὸν ἐρωήσει περὶ δουρὶ ### book 16.442 ἡμετέρῳ, ἐπεὶ ἦ καὶ ἐμὲ πτολίπορθος Ὀδυσσεὺς ### book 16.443 πολλάκι γούνασιν οἷσιν ἐφεσσάμενος κρέας ὀπτὸν ### book 16.444 ἐν χείρεσσιν ἔθηκεν ἐπέσχε τε οἶνον ἐρυθρόν. ### book 16.445 τῶ μοι Τηλέμαχος πάντων πολὺ φίλτατός ἐστιν ### book 16.446 ἀνδρῶν, οὐδέ τί μιν θάνατον τρομέεσθαι ἄνωγα ### book 16.447 ἔκ γε μνηστήρων· θεόθεν δ’ οὐκ ἔστ’ ἀλέασθαι.” ### book 16.448 ὣς φάτο θαρσύνων, τῷ δ’ ἤρτυεν αὐτὸς ὄλεθρον. ### book 16.449 ἡ μὲν ἄρ’ εἰσαναβᾶς’ ὑπερώϊα σιγαλόεντα ### book 16.450 κλαῖεν ἔπειτ’ Ὀδυσῆα φίλον πόσιν, ὄφρα οἱ ὕπνον ### book 16.451 ἡδὺν ἐπὶ βλεφάροισι βάλε γλαυκῶπις Ἀθήνη. ### book 16.452 ἑσπέριος δ’ Ὀδυσῆϊ καὶ υἱέϊ δῖος ὑφορβὸς ### book 16.453 ἤλυθεν· οἱ δ’ ἄρα δόρπον ἐπισταδὸν ὁπλίζοντο, ### book 16.454 σῦν ἱερεύσαντες ἐνιαύσιον. αὐτὰρ Ἀθήνη ### book 16.455 ἄγχι παρισταμένη Λαερτιάδην Ὀδυσῆα ### book 16.456 ῥάβδῳ πεπληγυῖα πάλιν ποίησε γέροντα, ### book 16.457 λυγρὰ δὲ εἵματα ἕσσε περὶ χροΐ, μή ἑ συβώτης ### book 16.458 γνοίη ἐσάντα ἰδὼν καὶ ἐχέφρονι Πηνελοπείῃ ### book 16.459 ἔλθοι ἀπαγγέλλων μηδὲ φρεσὶν εἰρύσσαιτο. ### book 16.460 τὸν καὶ Τηλέμαχος πρότερος πρὸς μῦθον ἔειπεν· ### book 16.461 “ἦλθες, δῖ’ Εὔμαιε· τί δὴ κλέος ἔστ’ ἀνὰ ἄστυ; ### book 16.462 ἤ ῥ’ ἤδη μνηστῆρες ἀγήνορες ἔνδον ἔασιν ### book 16.463 ἐκ λόχου, ἦ ἔτι μ’ αὖθ’ εἰρύαται οἴκαδ’ ἰόντα;” ### book 16.464 τὸν δ’ ἀπαμειβόμενος προσέφης, Εὔμαιε συβῶτα· ### book 16.465 “οὐκ ἔμελέν μοι ταῦτα μεταλλῆσαι καὶ ἐρέσθαι ### book 16.466 ἄστυ καταβλώσκοντα· τάχιστά με θυμὸς ἀνώγει ### book 16.467 ἀγγελίην εἰπόντα πάλιν δεῦρ’ ἀπονέεσθαι. ### book 16.468 ὡμήρησε δέ μοι παρ’ ἑταίρων ἄγγελος ὠκύς, ### book 16.469 κῆρυξ, ὃς δὴ πρῶτος ἔπος σῇ μητρὶ ἔειπεν. ### book 16.470 ἄλλο δέ τοι τόδε οἶδα· τὸ γὰρ ἴδον ὀφθαλμοῖσιν· ### book 16.471 ἤδη ὑπὲρ πόλιος, ὅθι Ἕρμαιος λόφος ἐστίν, ### book 16.472 ἦα κιών, ὅτε νῆα θοὴν ἰδόμην κατιοῦσαν ### book 16.473 ἐς λιμέν’ ἡμέτερον· πολλοὶ δ’ ἔσαν ἄνδρες ἐν αὐτῇ, ### book 16.474 βεβρίθει δὲ σάκεσσι καὶ ἔγχεσιν ἀμφιγύοισι· ### book 16.475 καί σφεας ὠΐσθην τοὺς ἔμμεναι, οὐδέ τι οἶδα.” ### book 16.476 ὣς φάτο, μείδησεν δ’ ἱερὴ ἲς Τηλεμάχοιο ### book 16.477 ἐς πατέρ’ ὀφθαλμοῖσιν ἰδών, ἀλέεινε δ’ ὑφορβόν. ### book 16.478 οἱ δ’ ἐπεὶ οὖν παύσαντο πόνου τετύκοντό τε δαῖτα, ### book 16.479 δαίνυντ’, οὐδέ τι θυμὸς ἐδεύετο δαιτὸς ἐΐσης. ### book 16.480 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 16.481 κοίτου τε μνήσαντο καὶ ὕπνου δῶρον ἕλοντο. ### book 17.1 Ἦμος δ’ ἠριγένεια φάνη ῥοδοδάκτυλος Ἠώς, ### book 17.2 δὴ τότ’ ἔπειθ’ ὑπὸ ποσσὶν ἐδήσατο καλὰ πέδιλα ### book 17.3 Τηλέμαχος, φίλος υἱὸς Ὀδυσσῆος θείοιο, ### book 17.4 εἵλετο δ’ ἄλκιμον ἔγχος, ὅ οἱ παλάμηφιν ἀρήρει, ### book 17.5 ἄστυδε ἱέμενος, καὶ ἑὸν προσέειπε συβώτην· ### book 17.6 “ἄττ’, ἦ τοι μὲν ἐγὼν εἶμ’ ἐς πόλιν, ὄφρα με μήτηρ ### book 17.7 ὄψεται· οὐ γάρ μιν πρόσθεν παύσεσθαι ὀΐω ### book 17.8 κλαυθμοῦ τε στυγεροῖο γόοιό τε δακρυόεντος, ### book 17.9 πρίν γ’ αὐτόν με ἴδηται· ἀτὰρ σοί γ’ ὧδ’ ἐπιτέλλω· ### book 17.10 τὸν ξεῖνον δύστηνον ἄγ’ ἐς πόλιν, ὄφρ’ ἂν ἐκεῖθι ### book 17.11 δαῖτα πτωχεύῃ· δώσει δέ οἱ ὅς κ’ ἐθέλῃσι, ### book 17.12 πύρνον καὶ κοτύλην· ἐμὲ δ’ οὔ πως ἔστιν ἅπαντας ### book 17.13 ἀνθρώπους ἀνέχεσθαι, ἔχοντά περ ἄλγεα θυμῷ. ### book 17.14 ὁ ξεῖνος δ’ εἴ περ μάλα μηνίει, ἄλγιον αὐτῷ ### book 17.15 ἔσσεται· ἦ γὰρ ἐμοὶ φίλ’ ἀληθέα μυθήσασθαι.” ### book 17.16 τὸν δ’ ἀπαμειβόμενος προσέφη πολύμητις Ὀδυσσεύς· ### book 17.17 “ὦ φίλος, οὐδέ τοι αὐτὸς ἐρύκεσθαι μενεαίνω. ### book 17.18 πτωχῷ βέλτερόν ἐστι κατὰ πτόλιν ἠὲ κατ’ ἀγροὺς ### book 17.19 δαῖτα πτωχεύειν· δώσει δέ μοι ὅς κ’ ἐθέλῃσιν. ### book 17.20 οὐ γὰρ ἐπὶ σταθμοῖσι μένειν ἔτι τηλίκος εἰμί, ### book 17.21 ὥς τ’ ἐπιτειλαμένῳ σημάντορι πάντα πιθέσθαι. ### book 17.22 ἀλλ’ ἔρχευ· ἐμὲ δ’ ἄξει ἀνὴρ ὅδε, τὸν σὺ κελεύεις, ### book 17.23 αὐτίκ’ ἐπεί κε πυρὸς θερέω ἀλέη τε γένηται. ### book 17.24 αἰνῶς γὰρ τάδε εἵματ’ ἔχω κακά· μή με δαμάσσῃ ### book 17.25 στίβη ὑπηοίη· ἕκαθεν δέ τε ἄστυ φάτ’ εἶναι.” ### book 17.26 ὣς φάτο, Τηλέμαχος δὲ διὲκ σταθμοῖο βεβήκει, ### book 17.27 κραιπνὰ ποσὶ προβιβάς, κακὰ δὲ μνηστῆρσι φύτευεν. ### book 17.28 αὐτὰρ ἐπεί ῥ’ ἵκανε δόμους ἐῢ ναιετάοντας, ### book 17.29 ἔγχος μέν ῥ’ ἔστησε φέρων πρὸς κίονα μακρήν, ### book 17.30 αὐτὸς δ’ εἴσω ἴεν καὶ ὑπέρβη λάϊνον οὐδόν. ### book 17.31 τὸν δὲ πολὺ πρώτη εἶδε τροφὸς Εὐρύκλεια, ### book 17.32 κώεα καστορνῦσα θρόνοις’ ἔνι δαιδαλέοισι, ### book 17.33 δακρύσασα δ’ ἔπειτ’ ἰθὺς κίεν· ἀμφὶ δ’ ἄρ’ ἄλλαι ### book 17.34 δμῳαὶ Ὀδυσσῆος ταλασίφρονος ἠγερέθοντο ### book 17.35 καὶ κύνεον ἀγαπαζόμεναι κεφαλήν τε καὶ ὤμους. ### book 17.36 ἡ δ’ ἴεν ἐκ θαλάμοιο περίφρων Πηνελόπεια, ### book 17.37 Ἀρτέμιδι ἰκέλη ἠὲ χρυσῇ Ἀφροδίτῃ, ### book 17.38 ἀμφὶ δὲ παιδὶ φίλῳ βάλε πήχεε δακρύσασα, ### book 17.39 κύσσε δέ μιν κεφαλήν τε καὶ ἄμφω φάεα καλά, ### book 17.40 καί ῥ’ ὀλοφυρομένη ἔπεα πτερόεντα προσηύδα· ### book 17.41 “ἦλθες, Τηλέμαχε, γλυκερὸν φάος· οὔ ς’ ἔτ’ ἐγώ γε ### book 17.42 ὄψεσθαι ἐφάμην, ἐπεὶ ᾤχεο νηῒ Πύλονδε ### book 17.43 λάθρῃ, ἐμεῦ ἀέκητι, φίλου μετὰ πατρὸς ἀκουήν. ### book 17.44 ἀλλ’ ἄγε μοι κατάλεξον, ὅπως ἤντησας ὀπωπῆς.” ### book 17.45 τὴν δ’ αὖ Τηλέμαχος πεπνυμένος ἀντίον ηὔδα· ### book 17.46 “μῆτερ ἐμή, μή μοι γόον ὄρνυθι μηδέ μοι ἦτορ ### book 17.47 ἐν στήθεσσιν ὄρινε φυγόντι περ αἰπὺν ὄλεθρον· ### book 17.48 ἀλλ’ ὑδρηναμένη, καθαρὰ χροῒ εἵμαθ’ ἑλοῦσα, ### book 17.49 [εἰς ὑπερῷ’ ἀναβᾶσα σὺν ἀμφιπόλοισι γυναιξὶν] ### book 17.50 εὔχεο πᾶσι θεοῖσι τεληέσσας ἑκατόμβας ### book 17.51 ῥέξειν, αἴ κέ ποθι Ζεὺς ἄντιτα ἔργα τελέσσῃ. ### book 17.52 αὐτὰρ ἐγὼν ἀγορήνδε ἐλεύσομαι, ὄφρα καλέσσω ### book 17.53 ξεῖνον, ὅτίς μοι κεῖθεν ἅμ’ ἕσπετο δεῦρο κιόντι. ### book 17.54 τὸν μὲν ἐγὼ προὔπεμψα σὺν ἀντιθέοις’ ἑτάροισι, ### book 17.55 Πείραιον δέ μιν ἠνώγεα προτὶ οἶκον ἄγοντα ### book 17.56 ἐνδυκέως φιλέειν καὶ τιέμεν, εἰς ὅ κεν ἔλθω.” ### book 17.57 ὣς ἄρ’ ἐφώνησεν, τῇ δ’ ἄπτερος ἔπλετο μῦθος. ### book 17.58 ἡ δ’ ὑδρηναμένη, καθαρὰ χροῒ εἵμαθ’ ἑλοῦσα, ### book 17.59 εὔχετο πᾶσι θεοῖσι τεληέσσας ἑκατόμβας ### book 17.60 ῥέξειν, αἴ κέ ποθι Ζεὺς ἄντιτα ἔργα τελέσσῃ. ### book 17.61 Τηλέμαχος δ’ ἄρ’ ἔπειτα διὲκ μεγάροιο βεβήκει ### book 17.62 ἔγχος ἔχων· ἅμα τῷ γε κύνες πόδας ἀργοὶ ἕποντο. ### book 17.63 θεσπεσίην δ’ ἄρα τῷ γε χάριν κατέχευεν Ἀθήνη· ### book 17.64 τὸν δ’ ἄρα πάντες λαοὶ ἐπερχόμενον θηεῦντο. ### book 17.65 ἀμφὶ δέ μιν μνηστῆρες ἀγήνορες ἠγερέθοντο ### book 17.66 ἔσθλ’ ἀγορεύοντες, κακὰ δὲ φρεσὶ βυσσοδόμευον. ### book 17.67 αὐτὰρ ὁ τῶν μὲν ἔπειτα ἀλεύατο πουλὺν ὅμιλον, ### book 17.68 ἀλλ’ ἵνα Μέντωρ ἧστο καὶ Ἄντιφος ἠδ’ Ἁλιθέρσης, ### book 17.69 οἵ τέ οἱ ἐξ ἀρχῆς πατρώϊοι ἦσαν ἑταῖροι, ### book 17.70 ἔνθα καθέζετ’ ἰών· τοὶ δ’ ἐξερέεινον ἕκαστα. ### book 17.71 τοῖσι δὲ Πείραιος δουρικλυτὸς ἐγγύθεν ἦλθε ### book 17.72 ξεῖνον ἄγων ἀγορήνδε διὰ πτόλιν· οὐδ’ ἄρ’ ἔτι δὴν ### book 17.73 Τηλέμαχος ξείνοιο ἑκὰς τράπετ’, ἀλλὰ παρέστη. ### book 17.74 τὸν καὶ Πείραιος πρότερος πρὸς μῦθον ἔειπε· ### book 17.75 “Τηλέμαχ’, αἶψ’ ὄτρυνον ἐμὸν ποτὶ δῶμα γυναῖκας, ### book 17.76 ὥς τοι δῶρ’ ἀποπέμψω, ἅ τοι Μενέλαος ἔδωκε.” ### book 17.77 τὸν δ’ αὖ Τηλέμαχος πεπνυμένος ἀντίον ηὔδα· ### book 17.78 “Πείραι’, οὐ γάρ τ’ ἴδμεν, ὅπως ἔσται τάδε ἔργα. ### book 17.79 εἴ κεν ἐμὲ μνηστῆρες ἀγήνορες ἐν μεγάροισι ### book 17.80 λάθρῃ κτείναντες πατρώϊα πάντα δάσωνται, ### book 17.81 αὐτὸν ἔχοντα σὲ βούλομ’ ἐπαυρέμεν ἤ τινα τῶνδε· ### book 17.82 εἰ δέ κ’ ἐγὼ τούτοισι φόνον καὶ κῆρα φυτεύσω, ### book 17.83 δὴ τότε μοι χαίροντι φέρειν πρὸς δώματα χαίρων.” ### book 17.84 ὣς εἰπὼν ξεῖνον ταλαπείριον ἦγεν ἐς οἶκον. ### book 17.85 αὐτὰρ ἐπεί ῥ’ ἵκοντο δόμους ἐῢ ναιετάοντας, ### book 17.86 χλαίνας μὲν κατέθεντο κατὰ κλισμούς τε θρόνους τε, ### book 17.87 ἐς δ’ ἀσαμίνθους βάντες ἐϋξέστας λούσαντο. ### book 17.88 τοὺς δ’ ἐπεὶ οὖν δμῳαὶ λοῦσαν καὶ χρῖσαν ἐλαίῳ, ### book 17.89 ἀμφὶ δ’ ἄρα χλαίνας οὔλας βάλον ἠδὲ χιτῶνας, ### book 17.90 ἔκ ῥ’ ἀσαμίνθων βάντες ἐπὶ κλισμοῖσι καθῖζον. ### book 17.91 χέρνιβα δ’ ἀμφίπολος προχόῳ ἐπέχευε φέρουσα ### book 17.92 καλῇ χρυσείῃ, ὑπὲρ ἀργυρέοιο λέβητος, ### book 17.93 νίψασθαι· παρὰ δὲ ξεστὴν ἐτάνυσσε τράπεζαν. ### book 17.94 σῖτον δ’ αἰδοίη ταμίη παρέθηκε φέρουσα, ### book 17.95 εἴδατα πόλλ’ ἐπιθεῖσα, χαριζομένη παρεόντων. ### book 17.96 μήτηρ δ’ ἀντίον ἷζε παρὰ σταθμὸν μεγάροιο ### book 17.97 κλισμῷ κεκλιμένη, λέπτ’ ἠλάκατα στρωφῶσα. ### book 17.98 οἱ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 17.99 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 17.100 τοῖσι δὲ μύθων ἦρχε περίφρων Πηνελόπεια· ### book 17.101 “Τηλέμαχ’, ἦ τοι ἐγὼν ὑπερώϊον εἰσαναβᾶσα ### book 17.102 λέξομαι εἰς εὐνήν, ἥ μοι στονόεσσα τέτυκται, ### book 17.103 αἰεὶ δάκρυς’ ἐμοῖσι πεφυρμένη, ἐξ οὗ Ὀδυσσεὺς ### book 17.104 ᾤχεθ’ ἅμ’ Ἀτρεΐδῃσιν ἐς Ἴλιον· οὐδέ μοι ἔτλης, ### book 17.105 πρὶν ἐλθεῖν μνηστῆρας ἀγήνορας ἐς τόδε δῶμα, ### book 17.106 νόστον σοῦ πατρὸς σάφα εἰπέμεν, εἴ που ἄκουσας.” ### book 17.107 τὴν δ’ αὖ Τηλέμαχος πεπνυμένος ἀντίον ηὔδα· ### book 17.108 “τοιγὰρ ἐγώ τοι, μῆτερ, ἀληθείην καταλέξω. ### book 17.109 ᾠχόμεθ’ ἔς τε Πύλον καὶ Νέστορα, ποιμένα λαῶν· ### book 17.110 δεξάμενος δέ με κεῖνος ἐν ὑψηλοῖσι δόμοισιν ### book 17.111 ἐνδυκέως ἐφίλει, ὡς εἴ τε πατὴρ ἑὸν υἷα ### book 17.112 ἐλθόντα χρόνιον νέον ἄλλοθεν· ὣς ἐμὲ κεῖνος ### book 17.113 ἐνδυκέως ἐκόμιζε σὺν υἱάσι κυδαλίμοισιν. ### book 17.114 αὐτὰρ Ὀδυσσῆος ταλασίφρονος οὔ ποτ’ ἔφασκε ### book 17.115 ζωοῦ οὐδὲ θανόντος ἐπιχθονίων τευ ἀκοῦσαι, ### book 17.116 ἀλλά μ’ ἐς Ἀτρεΐδην, δουρικλειτὸν Μενέλαον, ### book 17.117 ἵπποισι προὔπεμψε καὶ ἅρμασι κολλητοῖσιν. ### book 17.118 ἔνθ’ ἴδον Ἀργείην Ἑλένην, ἧς εἵνεκα πολλὰ ### book 17.119 Ἀργεῖοι Τρῶές τε θεῶν ἰότητι μόγησαν. ### book 17.120 εἴρετο δ’ αὐτίκ’ ἔπειτα βοὴν ἀγαθὸς Μενέλαος, ### book 17.121 ὅττευ χρηΐζων ἱκόμην Λακεδαίμονα δῖαν· ### book 17.122 αὐτὰρ ἐγὼ τῷ πᾶσαν ἀληθείην κατέλεξα. ### book 17.123 καὶ τότε δή μ’ ἐπέεσσιν ἀμειβόμενος προσέειπεν· ### book 17.124 ‘ὢ πόποι, ἦ μάλα δὴ κρατερόφρονος ἀνδρὸς ἐν εὐνῇ ### book 17.125 ἤθελον εὐνηθῆναι, ἀνάλκιδες αὐτοὶ ἐόντες. ### book 17.126 ὡς δ’ ὁπότ’ ἐν ξυλόχῳ ἔλαφος κρατεροῖο λέοντος ### book 17.127 νεβροὺς κοιμήσασα νεηγενέας γαλαθηνοὺς ### book 17.128 κνημοὺς ἐξερέῃσι καὶ ἄγκεα ποιήεντα ### book 17.129 βοσκομένη, ὁ δ’ ἔπειτα ἑὴν εἰσήλυθεν εὐνήν, ### book 17.130 ἀμφοτέροισι δὲ τοῖσιν ἀεικέα πότμον ἐφῆκεν, ### book 17.131 ὣς Ὀδυσεὺς κείνοισιν ἀεικέα πότμον ἐφήσει. ### book 17.132 αἲ γάρ, Ζεῦ τε πάτερ καὶ Ἀθηναίη καὶ Ἄπολλον, ### book 17.133 τοῖος ἐὼν οἷός ποτ’ ἐϋκτιμένῃ ἐνὶ Λέσβῳ ### book 17.134 ἐξ ἔριδος Φιλομηλεΐδῃ ἐπάλαισεν ἀναστάς, ### book 17.135 κὰδ δ’ ἔβαλε κρατερῶς, κεχάροντο δὲ πάντες Ἀχαιοί, ### book 17.136 τοῖος ἐὼν μνηστῆρσιν ὁμιλήσειεν Ὀδυσσεύς· ### book 17.137 πάντες κ’ ὠκύμοροί τε γενοίατο πικρόγαμοί τε. ### book 17.138 ταῦτα δ’ ἅ μ’ εἰρωτᾷς καὶ λίσσεαι, οὐκ ἂν ἐγώ γε ### book 17.139 ἄλλα παρὲξ εἴποιμι παρακλιδὸν οὐδ’ ἀπατήσω· ### book 17.140 ἀλλὰ τὰ μέν μοι ἔειπε γέρων ἅλιος νημερτής, ### book 17.141 τῶν οὐδέν τοι ἐγὼ κρύψω ἔπος οὐδ’ ἐπικεύσω. ### book 17.142 φῆ μιν ὅ γ’ ἐν νήσῳ ἰδέειν κρατέρ’ ἄλγε’ ἔχοντα, ### book 17.143 νύμφης ἐν μεγάροισι Καλυψοῦς, ἥ μιν ἀνάγκῃ ### book 17.144 ἴσχει· ὁ δ’ οὐ δύναται ἣν πατρίδα γαῖαν ἱκέσθαι· ### book 17.145 οὐ γάρ οἱ πάρα νῆες ἐπήρετμοι καὶ ἑταῖροι, ### book 17.146 οἵ κέν μιν πέμποιεν ἐπ’ εὐρέα νῶτα θαλάσσης.‘ ### book 17.147 ὣς ἔφατ’ Ἀτρεΐδης, δουρικλειτὸς Μενέλαος. ### book 17.148 ταῦτα τελευτήσας νεόμην· ἔδοσαν δέ μοι οὖρον ### book 17.149 ἀθάνατοι, τοί μ’ ὦκα φίλην ἐς πατρίδ’ ἔπεμψαν.” ### book 17.150 ὣς φάτο, τῇ δ’ ἄρα θυμὸν ἐνὶ στήθεσσιν ὄρινε. ### book 17.151 τοῖσι δὲ καὶ μετέειπε Θεοκλύμενος θεοειδής· ### book 17.152 “ὦ γύναι αἰδοίη Λαερτιάδεω Ὀδυσῆος, ### book 17.153 ἦ τοι ὅ γ’ οὐ σάφα οἶδεν, ἐμεῖο δὲ σύνθεο μῦθον· ### book 17.154 ἀτρεκέως γάρ τοι μαντεύσομαι οὐδ’ ἐπικεύσω. ### book 17.155 ἴστω νῦν Ζεὺς πρῶτα θεῶν ξενίη τε τράπεζα ### book 17.156 ἱστίη τ’ Ὀδυσῆος ἀμύμονος, ἣν ἀφικάνω, ### book 17.157 ὡς ἦ τοι Ὀδυσεὺς ἤδη ἐν πατρίδι γαίῃ, ### book 17.158 ἥμενος ἢ ἕρπων, τάδε πευθόμενος κακὰ ἔργα, ### book 17.159 ἔστιν, ἀτὰρ μνηστῆρσι κακὸν πάντεσσι φυτεύει, ### book 17.160 οἷον ἐγὼν οἰωνὸν ἐϋσσέλμου ἐπὶ νηὸς ### book 17.161 ἥμενος ἐφρασάμην καὶ Τηλεμάχῳ ἐγεγώνευν.” ### book 17.162 τὸν δ’ αὖτε προσέειπε περίφρων Πηνελόπεια· ### book 17.163 “αἲ γὰρ τοῦτο, ξεῖνε, ἔπος τετελεσμένον εἴη· ### book 17.164 τῶ κε τάχα γνοίης φιλότητά τε πολλά τε δῶρα ### book 17.165 ἐξ ἐμεῦ, ὥς κέν τίς σε συναντόμενος μακαρίζοι.” ### book 17.166 ὣς οἱ μὲν τοιαῦτα πρὸς ἀλλήλους ἀγόρευον· ### book 17.167 μνηστῆρες δὲ πάροιθεν Ὀδυσσῆος μεγάροιο ### book 17.168 δίσκοισιν τέρποντο καὶ αἰγανέῃσιν ἱέντες ### book 17.169 ἐν τυκτῷ δαπέδῳ, ὅθι περ πάρος, ὕβριν ἔχοντες. ### book 17.170 ἀλλ’ ὅτε δὴ δείπνηστος ἔην καὶ ἐπήλυθε μῆλα ### book 17.171 πάντοθεν ἐξ ἀγρῶν, οἱ δ’ ἤγαγον οἳ τὸ πάρος περ, ### book 17.172 καὶ τότε δή σφιν ἔειπε Μέδων· ὃς γάρ ῥα μάλιστα ### book 17.173 ἥνδανε κηρύκων καί σφιν παρεγίνετο δαιτί· ### book 17.174 “κοῦροι, ἐπεὶ δὴ πάντες ἐτέρφθητε φρέν’ ἀέθλοις, ### book 17.175 ἔρχεσθε πρὸς δώμαθ’, ἵν’ ἐντυνώμεθα δαῖτα· ### book 17.176 οὐ μὲν γάρ τι χέρειον ἐν ὥρῃ δεῖπνον ἑλέσθαι.” ### book 17.177 ὣς ἔφαθ’, οἱ δ’ ἀνστάντες ἔβαν πείθοντό τε μύθῳ. ### book 17.178 αὐτὰρ ἐπεί ῥ’ ἵκοντο δόμους ἐῢ ναιετάοντας, ### book 17.179 χλαίνας μὲν κατέθεντο κατὰ κλισμούς τε θρόνους τε, ### book 17.180 οἱ δ’ ἱέρευον ὄϊς μεγάλους καὶ πίονας αἶγας, ### book 17.181 ἵρευον δὲ σύας σιάλους καὶ βοῦν ἀγελαίην, ### book 17.182 δαῖτ’ ἐντυνόμενοι. τοὶ δ’ ἐξ ἀγροῖο πόλινδε ### book 17.183 ὠτρύνοντ’ Ὀδυσεύς τ’ ἰέναι καὶ δῖος ὑφορβός. ### book 17.184 τοῖσι δὲ μύθων ἦρχε συβώτης, ὄρχαμος ἀνδρῶν· ### book 17.185 “ξεῖν’, ἐπεὶ ἂρ δὴ ἔπειτα πόλινδ’ ἴμεναι μενεαίνεις ### book 17.186 σήμερον, ὡς ἐπέτελλεν ἄναξ ἐμός· —ἦ ς’ ἂν ἐγώ γε ### book 17.187 αὐτοῦ βουλοίμην σταθμῶν ῥυτῆρα λιπέσθαι· ### book 17.188 ἀλλὰ τὸν αἰδέομαι καὶ δείδια, μή μοι ὀπίσσω ### book 17.189 νεικείῃ· χαλεπαὶ δέ τ’ ἀνάκτων εἰσὶν ὁμοκλαί· — ### book 17.190 ἀλλ’ ἄγε νῦν ἴομεν· δὴ γὰρ μέμβλωκε μάλιστα ### book 17.191 ἦμαρ, ἀτὰρ τάχα τοι ποτὶ ἕσπερα ῥίγιον ἔσται.” ### book 17.192 τὸν δ’ ἀπαμειβόμενος προσέφη πολύμητις Ὀδυσσεύς· ### book 17.193 “γινώσκω, φρονέω· τά γε δὴ νοέοντι κελεύεις. ### book 17.194 ἀλλ’ ἴομεν, σὺ δ’ ἔπειτα διαμπερὲς ἡγεμόνευε. ### book 17.195 δὸς δέ μοι, εἴ ποθί τοι ῥόπαλον τετμημένον ἐστί, ### book 17.196 σκηρίπτεσθ’, ἐπεὶ ἦ φατ’ ἀρισφαλέ’ ἔμμεναι οὐδόν.” ### book 17.197 ἦ ῥα, καὶ ἀμφ’ ὤμοισιν ἀεικέα βάλλετο πήρην, ### book 17.198 πυκνὰ ῥωγαλέην, ἐν δὲ στρόφος ἦεν ἀορτήρ· ### book 17.199 Εὔμαιος δ’ ἄρα οἱ σκῆπτρον θυμαρὲς ἔδωκε. ### book 17.200 τὼ βήτην, σταθμὸν δὲ κύνες καὶ βώτορες ἄνδρες ### book 17.201 ῥύατ’ ὄπισθε μένοντες. ὁ δ’ ἐς πόλιν ἦγεν ἄνακτα ### book 17.202 πτωχῷ λευγαλέῳ ἐναλίγκιον ἠδὲ γέροντι, ### book 17.203 σκηπτόμενον· τὰ δὲ λυγρὰ περὶ χροῒ εἵματα ἕστο. ### book 17.204 ἀλλ’ ὅτε δὴ στείχοντες ὁδὸν κάτα παιπαλόεσσαν ### book 17.205 ἄστεος ἐγγὺς ἔσαν καὶ ἐπὶ κρήνην ἀφίκοντο ### book 17.206 τυκτὴν καλλίροον, ὅθεν ὑδρεύοντο πολῖται, ### book 17.207 τὴν ποίης’ Ἴθακος καὶ Νήριτος ἠδὲ Πολύκτωρ· ### book 17.208 ἀμφὶ δ’ ἄρ’ αἰγείρων ὑδατοτρεφέων ἦν ἄλσος, ### book 17.209 πάντοσε κυκλοτερές, κατὰ δὲ ψυχρὸν ῥέεν ὕδωρ ### book 17.210 ὑψόθεν ἐκ πέτρης· βωμὸς δ’ ἐφύπερθε τέτυκτο ### book 17.211 Νυμφάων, ὅθι πάντες ἐπιρρέζεσκον ὁδῖται· ### book 17.212 ἔνθα σφέας ἐκίχανεν υἱὸς Δολίοιο Μελανθεὺς ### book 17.213 αἶγας ἄγων, αἳ πᾶσι μετέπρεπον αἰπολίοισι, ### book 17.214 δεῖπνον μνηστήρεσσι· δύω δ’ ἅμ’ ἕποντο νομῆες. ### book 17.215 τοὺς δὲ ἰδὼν νείκεσσεν ἔπος τ’ ἔφατ’ ἔκ τ’ ὀνόμαζεν ### book 17.216 ἔκπαγλον καὶ ἀεικές· ὄρινε δὲ κῆρ Ὀδυσῆος· ### book 17.217 “νῦν μὲν δὴ μάλα πάγχυ κακὸς κακὸν ἡγηλάζει, ### book 17.218 ὡς αἰεὶ τὸν ὁμοῖον ἄγει θεὸς ὡς τὸν ὁμοῖον. ### book 17.219 πῇ δὴ τόνδε μολοβρὸν ἄγεις, ἀμέγαρτε συβῶτα, ### book 17.220 πτωχὸν ἀνιηρόν, δαιτῶν ἀπολυμαντῆρα; ### book 17.221 ὃς πολλῇς φλιῇσι παραστὰς φλίψεται ὤμους, ### book 17.222 αἰτίζων ἀκόλους, οὐκ ἄορα οὐδὲ λέβητας. ### book 17.223 τόν γ’ εἴ μοι δοίης σταθμῶν ῥυτῆρα γενέσθαι ### book 17.224 σηκοκόρον τ’ ἔμεναι θαλλόν τ’ ἐρίφοισι φορῆναι, ### book 17.225 καί κεν ὀρὸν πίνων μεγάλην ἐπιγουνίδα θεῖτο. ### book 17.226 ἀλλ’ ἐπεὶ οὖν δὴ ἔργα κάκ’ ἔμμαθεν, οὐκ ἐθελήσει ### book 17.227 ἔργον ἐποίχεσθαι, ἀλλὰ πτώσσων κατὰ δῆμον ### book 17.228 βούλεται αἰτίζων βόσκειν ἣν γαστέρ’ ἄναλτον. ### book 17.229 ἀλλ’ ἔκ τοι ἐρέω, τὸ δὲ καὶ τετελεσμένον ἔσται· ### book 17.230 αἴ κ’ ἔλθῃ πρὸς δώματ’ Ὀδυσσῆος θείοιο, ### book 17.231 πολλά οἱ ἀμφὶ κάρη σφέλα ἀνδρῶν ἐκ παλαμάων ### book 17.232 πλευραὶ ἀποτρίψουσι δόμον κάτα βαλλομένοιο.” ### book 17.233 ὣς φάτο, καὶ παριὼν λὰξ ἔνθορεν ἀφραδίῃσιν ### book 17.234 ἰσχίῳ· οὐδέ μιν ἐκτὸς ἀταρπιτοῦ ἐστυφέλιξεν, ### book 17.235 ἀλλ’ ἔμεν’ ἀσφαλέως. ὁ δὲ μερμήριξεν Ὀδυσσεύς, ### book 17.236 ἠὲ μεταΐξας ῥοπάλῳ ἐκ θυμὸν ἕλοιτο ### book 17.237 ἦ πρὸς γῆν ἐλάσειε κάρη ἀμφουδὶς ἀείρας· ### book 17.238 ἀλλ’ ἐπετόλμησε, φρεσὶ δ’ ἔσχετο. τὸν δὲ συβώτης ### book 17.239 νείκες’ ἐσάντα ἰδών, μέγα δ’ εὔξατο χεῖρας ἀνασχών· ### book 17.240 “Νύμφαι κρηναῖαι, κοῦραι Διός, εἴ ποτ’ Ὀδυσσεὺς ### book 17.241 ὔμμ’ ἐπὶ μηρί’ ἔκηε, καλύψας πίονι δημῷ, ### book 17.242 ἀρνῶν ἠδ’ ἐρίφων, τόδε μοι κρηήνατ’ ἐέλδωρ, ### book 17.243 ὡς ἔλθοι μὲν κεῖνος ἀνήρ, ἀγάγοι δέ ἑ δαίμων. ### book 17.244 τῶ κέ τοι ἀγλαΐας γε διασκεδάσειεν ἁπάσας, ### book 17.245 τὰς νῦν ὑβρίζων φορέεις, ἀλαλήμενος αἰεὶ ### book 17.246 ἄστυ κάτ’· αὐτὰρ μῆλα κακοὶ φθείρουσι νομῆες.” ### book 17.247 τὸν δ’ αὖτε προσέειπε Μελάνθιος, αἰπόλος αἰγῶν· ### book 17.248 “ὢ πόποι, οἷον ἔειπε κύων ὀλοφώϊα εἰδώς, ### book 17.249 τόν ποτ’ ἐγὼν ἐπὶ νηὸς ἐϋσσέλμοιο μελαίνης ### book 17.250 ἄξω τῆλ’ Ἰθάκης, ἵνα μοι βίοτον πολὺν ἄλφοι. ### book 17.251 αἲ γὰρ Τηλέμαχον βάλοι ἀργυρότοξος Ἀπόλλων ### book 17.252 σήμερον ἐν μεγάροις’, ἢ ὑπὸ μνηστῆρσι δαμείη, ### book 17.253 ὡς Ὀδυσῆΐ γε τηλοῦ ἀπώλετο νόστιμον ἦμαρ.” ### book 17.254 ὣς εἰπὼν τοὺς μὲν λίπεν αὐτόθι ἦκα κιόντας, ### book 17.255 αὐτὰρ ὁ βῆ, μάλα δ’ ὦκα δόμους ἵκανεν ἄνακτος. ### book 17.256 αὐτίκα δ’ εἴσω ἴεν, μετὰ δὲ μνηστῆρσι καθῖζεν, ### book 17.257 ἀντίον Εὐρυμάχου· τὸν γὰρ φιλέεσκε μάλιστα. ### book 17.258 τῷ πάρα μὲν κρειῶν μοῖραν θέσαν οἳ πονέοντο, ### book 17.259 σῖτον δ’ αἰδοίη ταμίη παρέθηκε φέρουσα ### book 17.260 ἔδμεναι. ἀγχίμολον δ’ Ὀδυσεὺς καὶ δῖος ὑφορβὸς ### book 17.261 στήτην ἐρχομένω, περὶ δέ σφεας ἤλυθ’ ἰωὴ ### book 17.262 φόρμιγγος γλαφυρῆς· ἀνὰ γάρ σφισι βάλλετ’ ἀείδειν ### book 17.263 Φήμιος. αὐτὰρ ὁ χειρὸς ἑλὼν προσέειπε συβώτην· ### book 17.264 “Εὔμαι’, ἦ μάλα δὴ τάδε δώματα κάλ’ Ὀδυσῆος· ### book 17.265 ῥεῖα δ’ ἀρίγνωτ’ ἐστὶ καὶ ἐν πολλοῖσιν ἰδέσθαι. ### book 17.266 ἐξ ἑτέρων ἕτερ’ ἐστίν, ἐπήσκηται δέ οἱ αὐλὴ ### book 17.267 τοίχῳ καὶ θριγκοῖσι, θύραι δ’ εὐερκέες εἰσὶ ### book 17.268 δικλίδες· οὔ κέν τίς μιν ἀνὴρ ὑπεροπλίσσαιτο. ### book 17.269 γινώσκω δ’, ὅτι πολλοὶ ἐν αὐτῷ δαῖτα τίθενται ### book 17.270 ἄνδρες, ἐπεὶ κνίση μὲν ἐνήνοθεν, ἐν δέ τε φόρμιγξ ### book 17.271 ἠπύει, ἣν ἄρα δαιτὶ θεοὶ ποίησαν ἑταίρην.” ### book 17.272 τὸν δ’ ἀπαμειβόμενος προσέφης, Εὔμαιε συβῶτα· ### book 17.273 “ῥεῖ’ ἔγνως, ἐπεὶ οὐδὲ τά τ’ ἄλλα πέρ ἐσς’ ἀνοήμων. ### book 17.274 ἀλλ’ ἄγε δὴ φραζώμεθ’, ὅπως ἔσται τάδε ἔργα. ### book 17.275 ἠὲ σὺ πρῶτος ἔσελθε δόμους ἐῢ ναιετάοντας, ### book 17.276 δύσεο δὲ μνηστῆρας, ἐγὼ δ’ ὑπολείψομαι αὐτοῦ· ### book 17.277 εἰ δ’ ἐθέλεις, ἐπίμεινον, ἐγὼ δ’ εἶμι προπάροιθεν. ### book 17.278 μηδὲ σὺ δηθύνειν, μή τίς ς’ ἔκτοσθε νοήσας ### book 17.279 ἢ βάλῃ ἢ ἐλάσῃ· τὰ δέ σε φράζεσθαι ἄνωγα.” ### book 17.280 τὸν δ’ ἠμείβετ’ ἔπειτα πολύτλας δῖος Ὀδυσσεύς· ### book 17.281 “γινώσκω, φρονέω· τά γε δὴ νοέοντι κελεύεις. ### book 17.282 ἀλλ’ ἔρχευ προπάροιθεν, ἐγὼ δ’ ὑπολείψομαι αὐτοῦ. ### book 17.283 οὐ γάρ τι πληγέων ἀδαήμων οὐδὲ βολάων· ### book 17.284 τολμήεις μοι θυμός, ἐπεὶ κακὰ πολλὰ πέπονθα ### book 17.285 κύμασι καὶ πολέμῳ· μετὰ καὶ τόδε τοῖσι γενέσθω. ### book 17.286 γαστέρα δ’ οὔ πως ἔστιν ἀποκρύψαι μεμαυῖαν, ### book 17.287 οὐλομένην, ἣ πολλὰ κάκ’ ἀνθρώποισι δίδωσι· ### book 17.288 τῆς ἕνεκεν καὶ νῆες ἐΰζυγοι ὁπλίζονται ### book 17.289 πόντον ἐπ’ ἀτρύγετον κακὰ δυσμενέεσσι φέρουσαι.” ### book 17.290 ὣς οἱ μὲν τοιαῦτα πρὸς ἀλλήλους ἀγόρευον· ### book 17.291 ἂν δὲ κύων κεφαλήν τε καὶ οὔατα κείμενος ἔσχεν, ### book 17.292 Ἄργος, Ὀδυσσῆος ταλασίφρονος, ὅν ῥά ποτ’ αὐτὸς ### book 17.293 θρέψε μέν, οὐδ’ ἀπόνητο, πάρος δ’ εἰς Ἴλιον ἱρὴν ### book 17.294 ᾤχετο. τὸν δὲ πάροιθεν ἀγίνεσκον νέοι ἄνδρες ### book 17.295 αἶγας ἐπ’ ἀγροτέρας ἠδὲ πρόκας ἠδὲ λαγωούς· ### book 17.296 δὴ τότε κεῖτ’ ἀπόθεστος ἀποιχομένοιο ἄνακτος ### book 17.297 ἐν πολλῇ κόπρῳ, ἥ οἱ προπάροιθε θυράων ### book 17.298 ἡμιόνων τε βοῶν τε ἅλις κέχυτ’, ὄφρ’ ἂν ἄγοιεν ### book 17.299 δμῶες Ὀδυσσῆος τέμενος μέγα κοπρίσσοντες· ### book 17.300 ἔνθα κύων κεῖτ’ Ἄργος ἐνίπλειος κυνοραιστέων. ### book 17.301 δὴ τότε γ’, ὡς ἐνόησεν Ὀδυσσέα ἐγγὺς ἐόντα, ### book 17.302 οὐρῇ μέν ῥ’ ὅ γ’ ἔσηνε καὶ οὔατα κάββαλεν ἄμφω, ### book 17.303 ἄσσον δ’ οὐκέτ’ ἔπειτα δυνήσατο οἷο ἄνακτος ### book 17.304 ἐλθέμεν· αὐτὰρ ὁ νόσφιν ἰδὼν ἀπομόρξατο δάκρυ, ### book 17.305 ῥεῖα λαθὼν Εὔμαιον, ἄφαρ δ’ ἐρεείνετο μύθῳ· ### book 17.306 “Εὔμαι’, ἦ μάλα θαῦμα κύων ὅδε κεῖτ’ ἐνὶ κόπρῳ. ### book 17.307 καλὸς μὲν δέμας ἐστίν, ἀτὰρ τόδε γ’ οὐ σάφα οἶδα, ### book 17.308 ἢ δὴ καὶ ταχὺς ἔσκε θέειν ἐπὶ εἴδεϊ τῷδε, ### book 17.309 ἦ αὔτως οἷοί τε τραπεζῆες κύνες ἀνδρῶν ### book 17.310 γίνοντ’, ἀγλαΐης δ’ ἕνεκεν κομέουσιν ἄνακτες.” ### book 17.311 τὸν δ’ ἀπαμειβόμενος προσέφης, Εὔμαιε συβῶτα· ### book 17.312 “καὶ λίην ἀνδρός γε κύων ὅδε τῆλε θανόντος ### book 17.313 εἰ τοιόσδ’ εἴη ἠμὲν δέμας ἠδὲ καὶ ἔργα, ### book 17.314 οἷόν μιν Τροίηνδε κιὼν κατέλειπεν Ὀδυσσεύς, ### book 17.315 αἶψά κε θηήσαιο ἰδὼν ταχυτῆτα καὶ ἀλκήν. ### book 17.316 οὐ μὲν γάρ τι φύγεσκε βαθείης βένθεσιν ὕλης ### book 17.317 κνώδαλον, ὅττι δίοιτο· καὶ ἴχνεσι γὰρ περιῄδη. ### book 17.318 νῦν δ’ ἔχεται κακότητι, ἄναξ δέ οἱ ἄλλοθι πάτρης ### book 17.319 ὤλετο, τὸν δὲ γυναῖκες ἀκηδέες οὐ κομέουσι. ### book 17.320 δμῶες δ’, εὖτ’ ἂν μηκέτ’ ἐπικρατέωσιν ἄνακτες, ### book 17.321 οὐκέτ’ ἔπειτ’ ἐθέλουσιν ἐναίσιμα ἐργάζεσθαι· ### book 17.322 ἥμισυ γάρ τ’ ἀρετῆς ἀποαίνυται εὐρύοπα Ζεὺς ### book 17.323 ἀνέρος, εὖτ’ ἄν μιν κατὰ δούλιον ἦμαρ ἕλῃσιν.” ### book 17.324 ὣς εἰπὼν εἰσῆλθε δόμους ἐῢ ναιετάοντας, ### book 17.325 βῆ δ’ ἰθὺς μεγάροιο μετὰ μνηστῆρας ἀγαυούς. ### book 17.326 Ἄργον δ’ αὖ κατὰ μοῖρ’ ἔλαβεν μέλανος θανάτοιο, ### book 17.327 αὐτίκ’ ἰδόντ’ Ὀδυσῆα ἐεικοστῷ ἐνιαυτῷ. ### book 17.328 τὸν δὲ πολὺ πρῶτος ἴδε Τηλέμαχος θεοειδὴς ### book 17.329 ἐρχόμενον κατὰ δῶμα συβώτην, ὦκα δ’ ἔπειτα ### book 17.330 νεῦς’ ἐπὶ οἷ καλέσας· ὁ δὲ παπτήνας ἕλε δίφρον ### book 17.331 κείμενον, ἔνθα τε δαιτρὸς ἐφίζεσκε κρέα πολλὰ ### book 17.332 δαιόμενος μνηστῆρσι δόμον κάτα δαινυμένοισι· ### book 17.333 τὸν κατέθηκε φέρων πρὸς Τηλεμάχοιο τράπεζαν ### book 17.334 ἀντίον, ἔνθα δ’ ἄρ’ αὐτὸς ἐφέζετο· τῷ δ’ ἄρα κῆρυξ ### book 17.335 μοῖραν ἑλὼν ἐτίθει κανέου τ’ ἐκ σῖτον ἀείρας. ### book 17.336 ἀγχίμολον δὲ μετ’ αὐτὸν ἐδύσετο δώματ’ Ὀδυσσεύς, ### book 17.337 πτωχῷ λευγαλέῳ ἐναλίγκιος ἠδὲ γέροντι, ### book 17.338 σκηπτόμενος· τὰ δὲ λυγρὰ περὶ χροῒ εἵματα ἕστο. ### book 17.339 ἷζε δ’ ἐπὶ μελίνου οὐδοῦ ἔντοσθε θυράων ### book 17.340 κλινάμενος σταθμῷ κυπαρισσίνῳ, ὅν ποτε τέκτων ### book 17.341 ξέσσεν ἐπισταμένως καὶ ἐπὶ στάθμην ἴθυνε. ### book 17.342 Τηλέμαχος δ’ ἐπὶ οἷ καλέσας προσέειπε συβώτην, ### book 17.343 ἄρτον τ’ οὖλον ἑλὼν περικαλλέος ἐκ κανέοιο ### book 17.344 καὶ κρέας, ὥς οἱ χεῖρες ἐχάνδανον ἀμφιβαλόντι· ### book 17.345 “δὸς τῷ ξείνῳ ταῦτα φέρων αὐτόν τε κέλευε ### book 17.346 αἰτίζειν μάλα πάντας ἐποιχόμενον μνηστῆρας· ### book 17.347 αἰδὼς δ’ οὐκ ἀγαθὴ κεχρημένῳ ἀνδρὶ παρεῖναι.” ### book 17.348 ὣς φάτο, βῆ δὲ συφορβός, ἐπεὶ τὸν μῦθον ἄκουσεν, ### book 17.349 ἀγχοῦ δ’ ἱστάμενος ἔπεα πτερόεντ’ ἀγόρευε· ### book 17.350 “Τηλέμαχός τοι, ξεῖνε, διδοῖ τάδε καί σε κελεύει ### book 17.351 αἰτίζειν μάλα πάντας ἐποιχόμενον μνηστῆρας· ### book 17.352 αἰδῶ δ’ οὐκ ἀγαθήν φης’ ἔμμεναι ἀνδρὶ προΐκτῃ.” ### book 17.353 τὸν δ’ ἀπαμειβόμενος προσέφη πολύμητις Ὀδυσσεύς· ### book 17.354 “Ζεῦ ἄνα, Τηλέμαχόν μοι ἐν ἀνδράσιν ὄλβιον εἶναι, ### book 17.355 καί οἱ πάντα γένοιτο, ὅσα φρεσὶν ᾗσι μενοινᾷ.” ### book 17.356 ἦ ῥα, καὶ ἀμφοτέρῃσιν ἐδέξατο καὶ κατέθηκεν ### book 17.357 αὖθι ποδῶν προπάροιθεν, ἀεικελίης ἐπὶ πήρης, ### book 17.358 ἤσθιε δ’ εἷος ἀοιδὸς ἐνὶ μεγάροισιν ἄειδεν. ### book 17.359 εὖθ’ ὁ δεδειπνήκειν, ὁ δ’ ἐπαύετο θεῖος ἀοιδός· ### book 17.360 μνηστῆρες δ’ ὁμάδησαν ἀνὰ μέγαρ’. αὐτὰρ Ἀθήνη ### book 17.361 ἄγχι παρισταμένη Λαερτιάδην Ὀδυσῆα ### book 17.362 ὤτρυν’, ὡς ἂν πύρνα κατὰ μνηστῆρας ἀγείροι ### book 17.363 γνοίη θ’ οἵ τινές εἰσιν ἐναίσιμοι οἵ τ’ ἀθέμιστοι· ### book 17.364 ἀλλ’ οὐδ’ ὧς τιν’ ἔμελλ’ ἀπαλεξήσειν κακότητος. ### book 17.365 βῆ δ’ ἴμεν αἰτήσων ἐνδέξια φῶτα ἕκαστον, ### book 17.366 πάντοσε χεῖρ’ ὀρέγων, ὡς εἰ πτωχὸς πάλαι εἴη. ### book 17.367 οἱ δ’ ἐλεαίροντες δίδοσαν καὶ ἐθάμβεον αὐτὸν ### book 17.368 ἀλλήλους τ’ εἴροντο, τίς εἴη καὶ πόθεν ἔλθοι. ### book 17.369 τοῖσι δὲ καὶ μετέειπε Μελάνθιος, αἰπόλος αἰγῶν· ### book 17.370 “κέκλυτέ μευ, μνηστῆρες ἀγακλειτῆς βασιλείης, ### book 17.371 τοῦδε περὶ ξείνου· ἦ γὰρ πρόσθεν μιν ὄπωπα. ### book 17.372 ἦ τοι μέν οἱ δεῦρο συβώτης ἡγεμόνευεν, ### book 17.373 αὐτὸν δ’ οὐ σάφα οἶδα, πόθεν γένος εὔχεται εἶναι.” ### book 17.374 ὣς ἔφατ’, Ἀντίνοος δ’ ἔπεσιν νείκεσσε συβώτην· ### book 17.375 “ὦ ἀρίγνωτε συβῶτα, τίη δὲ σὺ τόνδε πόλινδε ### book 17.376 ἤγαγες; ἦ οὐχ ἅλις ἧμιν ἀλήμονές εἰσι καὶ ἄλλοι, ### book 17.377 πτωχοὶ ἀνιηροί, δαιτῶν ἀπολυμαντῆρες; ### book 17.378 ἦ ὄνοσαι, ὅτι τοι βίοτον κατέδουσιν ἄνακτος ### book 17.379 ἐνθάδ’ ἀγειρόμενοι, σὺ δὲ καί ποθι τόνδ’ ἐκάλεσσας;” ### book 17.380 τὸν δ’ ἀπαμειβόμενος προσέφης, Εὔμαιε συβῶτα· ### book 17.381 “Ἀντίνο’, οὐ μὲν καλὰ καὶ ἐσθλὸς ἐὼν ἀγορεύεις· ### book 17.382 τίς γὰρ δὴ ξεῖνον καλεῖ ἄλλοθεν αὐτὸς ἐπελθὼν ### book 17.383 ἄλλον γ’, εἰ μὴ τῶν, οἳ δημιοεργοὶ ἔασι; ### book 17.384 μάντιν ἢ ἰητῆρα κακῶν ἢ τέκτονα δούρων, ### book 17.385 ἢ καὶ θέσπιν ἀοιδόν, ὅ κεν τέρπῃσιν ἀείδων. ### book 17.386 οὗτοι γὰρ κλητοί γε βροτῶν ἐπ’ ἀπείρονα γαῖαν· ### book 17.387 πτωχὸν δ’ οὐκ ἄν τις καλέοι τρύξοντα ἓ αὐτόν. ### book 17.388 ἀλλ’ αἰεὶ χαλεπὸς περὶ πάντων εἰς μνηστήρων ### book 17.389 δμωσὶν Ὀδυσσῆος, περὶ δ’ αὖτ’ ἐμοί· αὐτὰρ ἐγώ γε ### book 17.390 οὐκ ἀλέγω, εἷός μοι ἐχέφρων Πηνελόπεια ### book 17.391 ζώει ἐνὶ μεγάροις καὶ Τηλέμαχος θεοειδής.” ### book 17.392 τὸν δ’ αὖ Τηλέμαχος πεπνυμένος ἀντίον ηὔδα· ### book 17.393 “σίγα, μή μοι τοῦτον ἀμείβεο πόλλ’ ἐπέεσσιν· ### book 17.394 Ἀντίνοος δ’ εἴωθε κακῶς ἐρεθιζέμεν αἰεὶ ### book 17.395 μύθοισιν χαλεποῖσιν, ἐποτρύνει δὲ καὶ ἄλλους.” ### book 17.396 ἦ ῥα, καὶ Ἀντίνοον ἔπεα πτερόεντα προσηύδα· ### book 17.397 “Ἀντίνο’, ἦ μευ καλὰ πατὴρ ὣς κήδεαι υἷος, ### book 17.398 ὃς τὸν ξεῖνον ἄνωγας ἀπὸ μεγάροιο δίεσθαι ### book 17.399 μύθῳ ἀναγκαίῳ· μὴ τοῦτο θεὸς τελέσειε. ### book 17.400 δός οἱ ἑλών· οὔ τοι φθονέω· κέλομαι γὰρ ἐγώ γε. ### book 17.401 μήτ’ οὖν μητέρ’ ἐμὴν ἅζευ τό γε μήτε τιν’ ἄλλον ### book 17.402 [δμώων, οἳ κατὰ δώματ’ Ὀδυσσῆος θείοιο.] ### book 17.403 ἀλλ’ οὔ τοι τοιοῦτον ἐνὶ στήθεσσι νόημα· ### book 17.404 αὐτὸς γὰρ φαγέμεν πολὺ βούλεαι ἢ δόμεν ἄλλῳ.” ### book 17.405 τὸν δ’ αὖτ’ Ἀντίνοος ἀπαμειβόμενος προσέειπε· ### book 17.406 “Τηλέμαχ’ ὑψαγόρη, μένος ἄσχετε, ποῖον ἔειπες. ### book 17.407 εἴ οἱ τόσσον πάντες ὀρέξειαν μνηστῆρες, ### book 17.408 καί κέν μιν τρεῖς μῆνας ἀπόπροθεν οἶκος ἐρύκοι.” ### book 17.409 ὣς ἄρ’ ἔφη, καὶ θρῆνυν ἑλὼν ὑπέφηνε τραπέζης ### book 17.410 κείμενον, ᾧ ῥ’ ἔπεχεν λιπαροὺς πόδας εἰλαπινάζων. ### book 17.411 οἱ δ’ ἄλλοι πάντες δίδοσαν, πλῆσαν δ’ ἄρα πήρην ### book 17.412 σίτου καὶ κρειῶν. τάχα δὴ καὶ μέλλεν Ὀδυσσεὺς ### book 17.413 αὖτις ἐπ’ οὐδὸν ἰὼν προικὸς γεύσασθαι Ἀχαιῶν· ### book 17.414 στῆ δὲ παρ’ Ἀντίνοον καί μιν πρὸς μῦθον ἔειπε· ### book 17.415 “δός, φίλος· οὐ μέν μοι δοκέεις ὁ κάκιστος Ἀχαιῶν ### book 17.416 ἔμμεναι, ἀλλ’ ὤριστος, ἐπεὶ βασιλῆϊ ἔοικας. ### book 17.417 τῶ σε χρὴ δόμεναι καὶ λώϊον ἠέ περ ἄλλοι ### book 17.418 σίτου· ἐγὼ δέ κέ σε κλείω κατ’ ἀπείρονα γαῖαν. ### book 17.419 καὶ γὰρ ἐγώ ποτε οἶκον ἐν ἀνθρώποισιν ἔναιον ### book 17.420 ὄλβιος ἀφνειὸν καὶ πολλάκι δόσκον ἀλήτῃ ### book 17.421 τοίῳ, ὁποῖος ἔοι καὶ ὅτευ κεχρημένος ἔλθοι· ### book 17.422 ἦσαν δὲ δμῶες μάλα μυρίοι ἄλλα τε πολλά, ### book 17.423 οἷσίν τ’ εὖ ζώουσι καὶ ἀφνειοὶ καλέονται. ### book 17.424 ἀλλὰ Ζεὺς ἀλάπαξε Κρονίων· —ἤθελε γάρ που· — ### book 17.425 ὅς μ’ ἅμα ληϊστῆρσι πολυπλάγκτοισιν ἀνῆκεν ### book 17.426 Αἴγυπτόνδ’ ἰέναι, δολιχὴν ὁδόν, ὄφρ’ ἀπολοίμην. ### book 17.427 στῆσα δ’ ἐν Αἰγύπτῳ ποταμῷ νέας ἀμφιελίσσας. ### book 17.428 ἔνθ’ ἦ τοι μὲν ἐγὼ κελόμην ἐρίηρας ἑταίρους ### book 17.429 αὐτοῦ πὰρ νήεσσι μένειν καὶ νῆας ἔρυσθαι, ### book 17.430 ὀπτῆρας δὲ κατὰ σκοπιὰς ὤτρυνα νέεσθαι. ### book 17.431 οἱ δ’ ὕβρει εἴξαντες, ἐπισπόμενοι μένεϊ σφῷ, ### book 17.432 αἶψα μάλ’ Αἰγυπτίων ἀνδρῶν περικαλλέας ἀγροὺς ### book 17.433 πόρθεον, ἐκ δὲ γυναῖκας ἄγον καὶ νήπια τέκνα ### book 17.434 αὐτούς τ’ ἔκτεινον· τάχα δ’ ἐς πόλιν ἵκετ’ ἀϋτή. ### book 17.435 οἱ δὲ βοῆς ἀΐοντες ἅμ’ ἠόϊ φαινομένηφι ### book 17.436 ἦλθον· πλῆτο δὲ πᾶν πεδίον πεζῶν τε καὶ ἵππων ### book 17.437 χαλκοῦ τε στεροπῆς. ἐν δὲ Ζεὺς τερπικέραυνος ### book 17.438 φύζαν ἐμοῖς’ ἑτάροισι κακὴν βάλεν, οὐδέ τις ἔτλη ### book 17.439 στῆναι ἐναντίβιον· περὶ γὰρ κακὰ πάντοθεν ἔστη. ### book 17.440 ἔνθ’ ἡμέων πολλοὺς μὲν ἀπέκτανον ὀξέϊ χαλκῷ, ### book 17.441 τοὺς δ’ ἄναγον ζωούς, σφίσιν ἐργάζεσθαι ἀνάγκῃ. ### book 17.442 αὐτὰρ ἔμ’ ἐς Κύπρον ξείνῳ δόσαν ἀντιάσαντι, ### book 17.443 Δμήτορι Ἰασίδῃ, ὃς Κύπρου ἶφι ἄνασσεν. ### book 17.444 ἔνθεν δὴ νῦν δεῦρο τόδ’ ἵκω πήματα πάσχων.” ### book 17.445 τὸν δ’ αὖτ’ Ἀντίνοος ἀπαμείβετο φώνησέν τε· ### book 17.446 “τίς δαίμων τόδε πῆμα προσήγαγε, δαιτὸς ἀνίην; ### book 17.447 στῆθ’ οὕτως ἐς μέσσον, ἐμῆς ἀπάνευθε τραπέζης, ### book 17.448 μὴ τάχα πικρὴν Αἴγυπτον καὶ Κύπρον ἴδηαι· ### book 17.449 ὥς τις θαρσαλέος καὶ ἀναιδής ἐσσι προΐκτης. ### book 17.450 ἑξείης πάντεσσι παρίστασαι· οἱ δὲ διδοῦσι ### book 17.451 μαψιδίως, ἐπεὶ οὔ τις ἐπίσχεσις οὐδ’ ἐλεητὺς ### book 17.452 ἀλλοτρίων χαρίσασθαι, ἐπεὶ πάρα πολλὰ ἑκάστῳ.” ### book 17.453 τὸν δ’ ἀναχωρήσας προσέφη πολύμητις Ὀδυσσεύς· ### book 17.454 “ὢ πόποι, οὐκ ἄρα σοί γ’ ἐπὶ εἴδεϊ καὶ φρένες ἦσαν. ### book 17.455 οὐ σύ γ’ ἂν ἐξ οἴκου σῷ ἐπιστάτῃ οὐδ’ ἅλα δοίης, ### book 17.456 ὃς νῦν ἀλλοτρίοισι παρήμενος οὔ τί μοι ἔτλης ### book 17.457 σίτου ἀποπροελὼν δόμεναι· τὰ δὲ πολλὰ πάρεστιν.” ### book 17.458 ὣς ἔφατ’, Ἀντίνοος δὲ χολώσατο κηρόθι μᾶλλον ### book 17.459 καί μιν ὑπόδρα ἰδὼν ἔπεα πτερόεντα προσηύδα· ### book 17.460 “νῦν δή ς’ οὐκέτι καλὰ διὲκ μεγάροιο ὀΐω ### book 17.461 ἂψ ἀναχωρήσειν, ὅτε δὴ καὶ ὀνείδεα βάζεις.” ### book 17.462 ὣς ἄρ’ ἔφη, καὶ θρῆνυν ἑλὼν βάλε δεξιὸν ὦμον ### book 17.463 πρυμνότατον κατὰ νῶτον. ὁ δ’ ἐστάθη ἠΰτε πέτρη ### book 17.464 ἔμπεδον, οὐδ’ ἄρα μιν σφῆλεν βέλος Ἀντινόοιο, ### book 17.465 ἀλλ’ ἀκέων κίνησε κάρη, κακὰ βυσσοδομεύων. ### book 17.466 ἂψ δ’ ὅ γ’ ἐπ’ οὐδὸν ἰὼν κατ’ ἄρ’ ἕζετο, κὰδ δ’ ἄρα πήρην ### book 17.467 θῆκεν ἐϋπλείην, μετὰ δὲ μνηστῆρσιν ἔειπε· ### book 17.468 “κέκλυτέ μευ, μνηστῆρες ἀγακλειτῆς βασιλείης, ### book 17.469 ὄφρ’ εἴπω τά με θυμὸς ἐνὶ στήθεσσι κελεύει. ### book 17.470 οὐ μὰν οὔτ’ ἄχος ἐστὶ μετὰ φρεσὶν οὔτε τι πένθος, ### book 17.471 ὁππότ’ ἀνὴρ περὶ οἷσι μαχειόμενος κτεάτεσσι ### book 17.472 βλήεται ἢ περὶ βουσὶν ἢ ἀργεννῇς’ ὀΐεσσιν· ### book 17.473 αὐτὰρ ἔμ’ Ἀντίνοος βάλε γαστέρος εἵνεκα λυγρῆς, ### book 17.474 οὐλομένης, ἣ πολλὰ κάκ’ ἀνθρώποισι δίδωσιν. ### book 17.475 ἀλλ’ εἴ που πτωχῶν γε θεοὶ καὶ ἐρινύες εἰσίν, ### book 17.476 Ἀντίνοον πρὸ γάμοιο τέλος θανάτοιο κιχείη.” ### book 17.477 τὸν δ’ αὖτ’ Ἀντίνοος προσέφη, Εὐπείθεος υἱός· ### book 17.478 “ἔσθι’ ἕκηλος, ξεῖνε, καθήμενος, ἢ ἄπιθ’ ἄλλῃ, ### book 17.479 μή σε νέοι διὰ δώματ’ ἐρύσσως’, οἷ’ ἀγορεύεις, ### book 17.480 ἢ ποδὸς ἢ καὶ χειρός, ἀποδρύψωσι δὲ πάντα.” ### book 17.481 ὣς ἔφαθ’, οἱ δ’ ἄρα πάντες ὑπερφιάλως νεμέσησαν· ### book 17.482 ὧδε δέ τις εἴπεσκε νέων ὑπερηνορεόντων· ### book 17.483 “Ἀντίνο’, οὐ μὲν κάλ’ ἔβαλες δύστηνον ἀλήτην. ### book 17.484 οὐλόμεν’, εἰ δή πού τις ἐπουράνιος θεός ἐστι· ### book 17.485 καί τε θεοὶ ξείνοισιν ἐοικότες ἀλλοδαποῖσι, ### book 17.486 παντοῖοι τελέθοντες, ἐπιστρωφῶσι πόληας, ### book 17.487 ἀνθρώπων ὕβριν τε καὶ εὐνομίην ἐφορῶντες.” ### book 17.488 ὣς ἄρ’ ἔφαν μνηστῆρες, ὁ δ’ οὐκ ἐμπάζετο μύθων. ### book 17.489 Τηλέμαχος δ’ ἐν μὲν κραδίῃ μέγα πένθος ἄεξε ### book 17.490 βλημένου, οὐδ’ ἄρα δάκρυ χαμαὶ βάλεν ἐκ βλεφάροιϊν, ### book 17.491 ἀλλ’ ἀκέων κίνησε κάρη, κακὰ βυσσοδομεύων. ### book 17.492 τοῦ δ’ ὡς οὖν ἤκουσε περίφρων Πηνελόπεια ### book 17.493 βλημένου ἐν μεγάρῳ, μετ’ ἄρα δμῳῇσιν ἔειπεν· ### book 17.494 “αἴθ’ οὕτως αὐτόν σε βάλοι κλυτότοξος Ἀπόλλων.” ### book 17.495 τὴν δ’ αὖτ’ Εὐρυνόμη ταμίη πρὸς μῦθον ἔειπεν· ### book 17.496 “εἰ γὰρ ἐπ’ ἀρῇσιν τέλος ἡμετέρῃσι γένοιτο· ### book 17.497 οὐκ ἄν τις τούτων γε ἐΰθρονον Ἠῶ ἵκοιτο.” ### book 17.498 τὴν δ’ αὖτε προσέειπε περίφρων Πηνελόπεια· ### book 17.499 “μαῖ’, ἐχθροὶ μὲν πάντες, ἐπεὶ κακὰ μηχανόωνται· ### book 17.500 Ἀντίνοος δὲ μάλιστα μελαίνῃ κηρὶ ἔοικε. ### book 17.501 ξεῖνός τις δύστηνος ἀλητεύει κατὰ δῶμα ### book 17.502 ἀνέρας αἰτίζων· ἀχρημοσύνη γὰρ ἀνώγει· ### book 17.503 ἔνθ’ ἄλλοι μὲν πάντες ἐνέπλησάν τ’ ἔδοσάν τε, ### book 17.504 οὗτος δὲ θρήνυι πρυμνὸν βάλε δεξιὸν ὦμον.” ### book 17.505 ἡ μὲν ἄρ’ ὣς ἀγόρευε μετὰ δμῳῇσι γυναιξὶν ### book 17.506 ἡμένη ἐν θαλάμῳ· ὁ δ’ ἐδείπνει δῖος Ὀδυσσεύς. ### book 17.507 ἡ δ’ ἐπὶ οἷ καλέσασα προσηύδα δῖον ὑφορβόν· ### book 17.508 “ἔρχεο, δῖ’ Εὔμαιε, κιὼν τὸν ξεῖνον ἄνωχθι ### book 17.509 ἐλθέμεν, ὄφρα τί μιν προσπτύξομαι ἠδ’ ἐρέωμαι, ### book 17.510 εἴ που Ὀδυσσῆος ταλασίφρονος ἠὲ πέπυσται ### book 17.511 ἢ ἴδεν ὀφθαλμοῖσι· πολυπλάγκτῳ γὰρ ἔοικε.” ### book 17.512 τὴν δ’ ἀπαμειβόμενος προσέφης, Εὔμαιε συβῶτα· ### book 17.513 “εἰ γάρ τοι, βασίλεια, σιωπήσειαν Ἀχαιοί· ### book 17.514 οἷ’ ὅ γε μυθεῖται, θέλγοιτό κέ τοι φίλον ἦτορ. ### book 17.515 τρεῖς γὰρ δή μιν νύκτας ἔχον, τρία δ’ ἤματ’ ἔρυξα ### book 17.516 ἐν κλισίῃ· πρῶτον γὰρ ἔμ’ ἵκετο νηὸς ἀποδράς· ### book 17.517 ἀλλ’ οὔ πω κακότητα διήνυσεν ἣν ἀγορεύων. ### book 17.518 ὡς δ’ ὅτ’ ἀοιδὸν ἀνὴρ ποτιδέρκεται, ὅς τε θεῶν ἒξ ### book 17.519 ἀείδῃ δεδαὼς ἔπε’ ἱμερόεντα βροτοῖσι, ### book 17.520 τοῦ δ’ ἄμοτον μεμάασιν ἀκουέμεν, ὁππότ’ ἀείδῃ· ### book 17.521 ὣς ἐμὲ κεῖνος ἔθελγε παρήμενος ἐν μεγάροισι. ### book 17.522 φησὶ δ’ Ὀδυσσῆος ξεῖνος πατρώϊος εἶναι, ### book 17.523 Κρήτῃ ναιετάων, ὅθι Μίνωος γένος ἐστίν. ### book 17.524 ἔνθεν δὴ νῦν δεῦρο τόδ’ ἵκετο πήματα πάσχων ### book 17.525 προπροκυλινδόμενος· στεῦται δ’ Ὀδυσῆος ἀκοῦσαι ### book 17.526 ἀγχοῦ, Θεσπρωτῶν ἀνδρῶν ἐν πίονι δήμῳ, ### book 17.527 ζωοῦ· πολλὰ δ’ ἄγει κειμήλια ὅνδε δόμονδε.” ### book 17.528 τὸν δ’ αὖτε προσέειπε περίφρων Πηνελόπεια· ### book 17.529 “ἔρχεο, δεῦρο κάλεσσον, ἵν’ ἀντίον αὐτὸς ἐνίσπῃ. ### book 17.530 οὗτοι δ’ ἠὲ θύρῃσι καθήμενοι ἑψιαάσθων ### book 17.531 ἢ αὐτοῦ κατὰ δώματ’, ἐπεί σφισι θυμὸς ἐΰφρων. ### book 17.532 αὐτῶν μὲν γὰρ κτήματ’ ἀκήρατα κεῖτ’ ἐνὶ οἴκῳ, ### book 17.533 σῖτος καὶ μέθυ ἡδύ· τὰ μέν τ’ οἰκῆες ἔδουσιν, ### book 17.534 οἱ δ’ εἰς ἡμετέρου πωλεύμενοι ἤματα πάντα, ### book 17.535 βοῦς ἱερεύοντες καὶ ὄϊς καὶ πίονας αἶγας, ### book 17.536 εἰλαπινάζουσιν πίνουσί τε αἴθοπα οἶνον ### book 17.537 μαψιδίως· τὰ δὲ πολλὰ κατάνεται· οὐ γὰρ ἔπ’ ἀνήρ, ### book 17.538 οἷος Ὀδυσσεὺς ἔσκεν, ἀρὴν ἀπὸ οἴκου ἀμῦναι. ### book 17.539 εἰ δ’ Ὀδυσεὺς ἔλθοι καὶ ἵκοιτ’ ἐς πατρίδα γαῖαν, ### book 17.540 αἶψά κε σὺν ᾧ παιδὶ βίας ἀποτείσεται ἀνδρῶν.” ### book 17.541 ὣς φάτο, Τηλέμαχος δὲ μέγ’ ἔπταρεν, ἀμφὶ δὲ δῶμα ### book 17.542 σμερδαλέον κονάβησε· γέλασσε δὲ Πηνελόπεια, ### book 17.543 αἶψα δ’ ἄρ’ Εὔμαιον ἔπεα πτερόεντα προσηύδα· ### book 17.544 “ἔρχεό μοι, τὸν ξεῖνον ἐναντίον ὧδε κάλεσσον. ### book 17.545 οὐχ ὁράᾳς, ὅ μοι υἱὸς ἐπέπταρε πᾶσιν ἔπεσσι; ### book 17.546 τῶ κε καὶ οὐκ ἀτελὴς θάνατος μνηστῆρσι γένοιτο ### book 17.547 πᾶσι μάλ’, οὐδέ κέ τις θάνατον καὶ κῆρας ἀλύξει. ### book 17.548 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσιν· ### book 17.549 αἴ κ’ αὐτὸν γνώω νημερτέα πάντ’ ἐνέποντα, ### book 17.550 ἕσσω μιν χλαῖνάν τε χιτῶνά τε, εἵματα καλά.” ### book 17.551 ὣς φάτο, βῆ δὲ συφορβός, ἐπεὶ τὸν μῦθον ἄκουσεν, ### book 17.552 ἀγχοῦ δ’ ἱστάμενος ἔπεα πτερόεντα προσηύδα· ### book 17.553 “ξεῖνε πάτερ, καλέει σε περίφρων Πηνελόπεια, ### book 17.554 μήτηρ Τηλεμάχοιο· μεταλλῆσαί τί ἑ θυμὸς ### book 17.555 ἀμφὶ πόσει κέλεται, καὶ κήδεά περ πεπαθυίῃ. ### book 17.556 εἰ δέ κέ σε γνώῃ νημερτέα πάντ’ ἐνέποντα, ### book 17.557 ἕσσει σε χλαῖνάν τε χιτῶνά τε, τῶν σὺ μάλιστα ### book 17.558 χρηΐζεις· σῖτον δὲ καὶ αἰτίζων κατὰ δῆμον ### book 17.559 γαστέρα βοσκήσεις· δώσει δέ τοι ὅς κ’ ἐθέλῃσι.” ### book 17.560 τὸν δ’ αὖτε προσέειπε πολύτλας δῖος Ὀδυσσεύς· ### book 17.561 “Εὔμαι’, αἶψά κ’ ἐγὼ νημερτέα πάντ’ ἐνέποιμι ### book 17.562 κούρῃ Ἰκαρίοιο, περίφρονι Πηνελοπείῃ· ### book 17.563 οἶδα γὰρ εὖ περὶ κείνου, ὁμὴν δ’ ἀνεδέγμεθ’ ὀϊζύν. ### book 17.564 ἀλλὰ μνηστήρων χαλεπῶν ὑποδείδι’ ὅμιλον, ### book 17.565 [τῶν ὕβρις τε βίη τε σιδήρεον οὐρανὸν ἵκει.] ### book 17.566 καὶ γὰρ νῦν, ὅτε μ’ οὗτος ἀνὴρ κατὰ δῶμα κιόντα ### book 17.567 οὔ τι κακὸν ῥέξαντα βαλὼν ὀδύνῃσιν ἔδωκεν, ### book 17.568 οὔτε τι Τηλέμαχος τό γ’ ἐπήρκεσεν οὔτε τις ἄλλος. ### book 17.569 τῶ νῦν Πηνελόπειαν ἐνὶ μεγάροισιν ἄνωχθι ### book 17.570 μεῖναι, ἐπειγομένην περ, ἐς ἠέλιον καταδύντα· ### book 17.571 καὶ τότε μ’ εἰρέσθω πόσιος πέρι νόστιμον ἦμαρ ### book 17.572 ἀσσοτέρω καθίσασα παραὶ πυρί· εἵματα γάρ τοι ### book 17.573 λύγρ’ ἔχω· οἶσθα καὶ αὐτός, ἐπεί σε πρῶθ’ ἱκέτευσα.” ### book 17.574 ὣς φάτο, βῆ δὲ συφορβός, ἐπεὶ τὸν μῦθον ἄκουσε. ### book 17.575 τὸν δ’ ὑπὲρ οὐδοῦ βάντα προσηύδα Πηνελόπεια· ### book 17.576 “οὐ σύ γ’ ἄγεις, Εὔμαιε; τί τοῦτ’ ἐνόησεν ἀλήτης; ### book 17.577 ἤ τινά που δείσας ἐξαίσιον ἦε καὶ ἄλλως ### book 17.578 αἰδεῖται κατὰ δῶμα; κακὸς δ’ αἰδοῖος ἀλήτης.” ### book 17.579 τὴν δ’ ἀπαμειβόμενος προσέφης, Εὔμαιε συβῶτα· ### book 17.580 “μυθεῖται κατὰ μοῖραν, ἅ πέρ κ’ οἴοιτο καὶ ἄλλος, ### book 17.581 ὕβριν ἀλυσκάζων ἀνδρῶν ὑπερηνορεόντων· ### book 17.582 ἀλλά σε μεῖναι ἄνωγεν ἐς ἠέλιον καταδύντα. ### book 17.583 καὶ δὲ σοὶ ὧδ’ αὐτῇ πολὺ κάλλιον, ὦ βασίλεια, ### book 17.584 οἴην πρὸς ξεῖνον φάσθαι ἔπος ἠδ’ ἐπακοῦσαι.” ### book 17.585 τὸν δ’ αὖτε προσέειπε περίφρων Πηνελόπεια· ### book 17.586 “οὐκ ἄφρων ὁ ξεῖνος ὀΐεται, ὥς περ ἂν εἴη· ### book 17.587 οὐ γάρ πώ τινες ὧδε καταθνητῶν ἀνθρώπων ### book 17.588 ἀνέρες ὑβρίζοντες ἀτάσθαλα μηχανόωνται.” ### book 17.589 ἡ μὲν ἄρ’ ὣς ἀγόρευεν, ὁ δ’ ᾤχετο δῖος ὑφορβὸς ### book 17.590 μνηστήρων ἐς ὅμιλον, ἐπεὶ διεπέφραδε πάντα. ### book 17.591 αἶψα δὲ Τηλέμαχον ἔπεα πτερόεντα προσηύδα, ### book 17.592 ἄγχι σχὼν κεφαλήν, ἵνα μὴ πευθοίαθ’ οἱ ἄλλοι· ### book 17.593 “ὦ φίλ’, ἐγὼ μὲν ἄπειμι σύας καὶ κεῖνα φυλάξων, ### book 17.594 σὸν καὶ ἐμὸν βίοτον· σοὶ δ’ ἐνθάδε πάντα μελόντων. ### book 17.595 αὐτὸν μὲν σὲ πρῶτα σάω, καὶ φράζεο θυμῷ, ### book 17.596 μή τι πάθῃς· πολλοὶ δὲ κακὰ φρονέουσιν Ἀχαιῶν, ### book 17.597 τοὺς Ζεὺς ἐξολέσειε πρὶν ἥμιν πῆμα γενέσθαι.” ### book 17.598 τὸν δ’ αὖ Τηλέμαχος πεπνυμένος ἀντίον ηὔδα· ### book 17.599 “ἔσσεται οὕτως, ἄττα· σὺ δ’ ἔρχεο δειελιήσας· ### book 17.600 ἠῶθεν δ’ ἰέναι καὶ ἄγειν ἱερήϊα καλά. ### book 17.601 αὐτὰρ ἐμοὶ τάδε πάντα καὶ ἀθανάτοισι μελήσει.” ### book 17.602 ὣς φάθ’, ὁ δ’ αὖτις ἄρ’ ἕζετ’ ἐϋξέστου ἐπὶ δίφρου. ### book 17.603 πλησάμενος δ’ ἄρα θυμὸν ἐδητύος ἠδὲ ποτῆτος ### book 17.604 βῆ ῥ’ ἴμεναι μεθ’ ὕας, λίπε δ’ ἕρκεά τε μέγαρόν τε ### book 17.605 πλεῖον δαιτυμόνων· οἱ δ’ ὀρχηστυῖ καὶ ἀοιδῇ ### book 17.606 τέρποντ’· ἤδη γὰρ καὶ ἐπήλυθε δείελον ἦμαρ. ### book 18.1 Ἦλθε δ’ ἐπὶ πτωχὸς πανδήμιος, ὃς κατὰ ἄστυ ### book 18.2 πτωχεύεσκ’ Ἰθάκης, μετὰ δ’ ἔπρεπε γαστέρι μάργῃ ### book 18.3 ἀζηχὲς φαγέμεν καὶ πιέμεν· οὐδέ οἱ ἦν ἲς ### book 18.4 οὐδὲ βίη, εἶδος δὲ μάλα μέγας ἦν ὁράασθαι. ### book 18.5 Ἀρναῖος δ’ ὄνομ’ ἔσκε· τὸ γὰρ θέτο πότνια μήτηρ ### book 18.6 ἐκ γενετῆς· Ἶρον δὲ νέοι κίκλησκον ἅπαντες, ### book 18.7 οὕνεκ’ ἀπαγγέλλεσκε κιών, ὅτε πού τις ἀνώγοι. ### book 18.8 ὅς ῥ’ ἐλθὼν Ὀδυσῆα διώκετο οἷο δόμοιο, ### book 18.9 καί μιν νεικείων ἔπεα πτερόεντα προσηύδα· ### book 18.10 “εἶκε, γέρον, προθύρου, μὴ δὴ τάχα καὶ ποδὸς ἕλκῃ. ### book 18.11 οὐκ ἀΐεις, ὅτι δή μοι ἐπιλλίζουσιν ἅπαντες, ### book 18.12 ἑλκέμεναι δὲ κέλονται; ἐγὼ δ’ αἰσχύνομαι ἔμπης. ### book 18.13 ἀλλ’ ἄνα, μὴ τάχα νῶϊν ἔρις καὶ χερσὶ γένηται.” ### book 18.14 τὸν δ’ ἄρ’ ὑπόδρα ἰδὼν προσέφη πολύμητις Ὀδυσσεύς· ### book 18.15 “δαιμόνι’, οὔτε τί σε ῥέζω κακὸν οὔτ’ ἀγορεύω, ### book 18.16 οὔτε τινὰ φθονέω δόμεναι καὶ πόλλ’ ἀνελόντα. ### book 18.17 οὐδὸς δ’ ἀμφοτέρους ὅδε χείσεται, οὐδέ τί σε χρὴ ### book 18.18 ἀλλοτρίων φθονέειν· δοκέεις δέ μοι εἶναι ἀλήτης ### book 18.19 ὥς περ ἐγών, ὄλβον δὲ θεοὶ μέλλουσιν ὀπάζειν. ### book 18.20 χερσὶ δὲ μή τι λίην προκαλίζεο, μή με χολώσῃς, ### book 18.21 μή σε γέρων περ ἐὼν στῆθος καὶ χείλεα φύρσω ### book 18.22 αἵματος· ἡσυχίη δ’ ἂν ἐμοὶ καὶ μᾶλλον ἔτ’ εἴη ### book 18.23 αὔριον· οὐ μὲν γάρ τί ς’ ὑποστρέψεσθαι ὀΐω ### book 18.24 δεύτερον ἐς μέγαρον Λαερτιάδεω Ὀδυσῆος.” ### book 18.25 τὸν δὲ χολωσάμενος προσεφώνεεν Ἶρος ἀλήτης· ### book 18.26 “ὢ πόποι, ὡς ὁ μολοβρὸς ἐπιτροχάδην ἀγορεύει, ### book 18.27 γρηῒ καμινοῖ ἶσος· ὃν ἂν κακὰ μητισαίμην ### book 18.28 κόπτων ἀμφοτέρῃσι, χαμαὶ δέ κε πάντας ὀδόντας ### book 18.29 γναθμῶν ἐξελάσαιμι συὸς ὣς ληϊβοτείρης. ### book 18.30 ζῶσαι νῦν, ἵνα πάντες ἐπιγνώωσι καὶ οἵδε ### book 18.31 μαρναμένους· πῶς δ’ ἂν σὺ νεωτέρῳ ἀνδρὶ μάχοιο;” ### book 18.32 ὣς οἱ μὲν προπάροιθε θυράων ὑψηλάων ### book 18.33 οὐδοῦ ἔπι ξεστοῦ πανθυμαδὸν ὀκριόωντο. ### book 18.34 τοῖϊν δὲ ξυνέηχ’ ἱερὸν μένος Ἀντινόοιο, ### book 18.35 ἡδὺ δ’ ἄρ’ ἐκγελάσας μετεφώνει μνηστήρεσσιν· ### book 18.36 “ὦ φίλοι, οὐ μέν πώ τι πάρος τοιοῦτον ἐτύχθη, ### book 18.37 οἵην τερπωλὴν θεὸς ἤγαγεν ἐς τόδε δῶμα· ### book 18.38 ὁ ξεῖνός τε καὶ Ἶρος ἐρίζετον ἀλλήλοιϊν ### book 18.39 χερσὶ μαχέσσασθαι· ἀλλὰ ξυνελάσσομεν ὦκα.” ### book 18.40 ὣς ἔφαθ’, οἱ δ’ ἄρα πάντες ἀνήϊξαν γελόωντες, ### book 18.41 ἀμφὶ δ’ ἄρα πτωχοὺς κακοείμονας ἠγερέθοντο. ### book 18.42 τοῖσιν δ’ Ἀντίνοος μετέφη, Εὐπείθεος υἱός· ### book 18.43 “κέκλυτέ μευ, μνηστῆρες ἀγήνορες, ὄφρα τι εἴπω. ### book 18.44 γαστέρες αἵδ’ αἰγῶν κέατ’ ἐν πυρί, τὰς ἐπὶ δόρπῳ ### book 18.45 κατθέμεθα κνίσης τε καὶ αἵματος ἐμπλήσαντες. ### book 18.46 ὁππότερος δέ κε νικήσῃ κρείσσων τε γένηται, ### book 18.47 τάων ἥν κ’ ἐθέλῃσιν ἀναστὰς αὐτὸς ἑλέσθω· ### book 18.48 αἰεὶ δ’ αὖθ’ ἥμιν μεταδαίσεται, οὐδέ τιν’ ἄλλον ### book 18.49 πτωχὸν ἔσω μίσγεσθαι ἐάσομεν αἰτήσοντα.” ### book 18.50 ὣς ἔφατ’ Ἀντίνοος, τοῖσιν δ’ ἐπιήνδανε μῦθος. ### book 18.51 τοῖς δὲ δολοφρονέων μετέφη πολύμητις Ὀδυσσεύς· ### book 18.52 “ὦ φίλοι, οὔ πως ἔστι νεωτέρῳ ἀνδρὶ μάχεσθαι ### book 18.53 ἄνδρα γέροντα δύῃ ἀρημένον· ἀλλά με γαστὴρ ### book 18.54 ὀτρύνει κακοεργός, ἵνα πληγῇσι δαμείω. ### book 18.55 ἀλλ’ ἄγε νῦν μοι πάντες ὀμόσσατε καρτερὸν ὅρκον, ### book 18.56 μή τις ἐπ’ Ἴρῳ ἦρα φέρων ἐμὲ χειρὶ βαρείῃ ### book 18.57 πλήξῃ ἀτασθάλλων, τούτῳ δέ με ἶφι δαμάσσῃ.” ### book 18.58 ὣς ἔφαθ’, οἱ δ’ ἄρα πάντες ἐπώμνυον, ὡς ἐκέλευεν. ### book 18.59 [αὐτὰρ ἐπεί ῥ’ ὄμοσάν τε τελεύτησάν τε τὸν ὅρκον,] ### book 18.60 τοῖς δ’ αὖτις μετέειφ’ ἱερὴ ἲς Τηλεμάχοιο· ### book 18.61 “ξεῖν’, εἴ ς’ ὀτρύνει κραδίη καὶ θυμὸς ἀγήνωρ ### book 18.62 τοῦτον ἀλέξασθαι, τῶν δ’ ἄλλων μή τιν’ Ἀχαιῶν ### book 18.63 δείδιθ’, ἐπεὶ πλεόνεσσι μαχήσεται ὅς κέ σε θείνῃ. ### book 18.64 ξεινοδόκος μὲν ἐγών, ἐπὶ δ’ αἰνεῖτον βασιλῆες, ### book 18.65 Εὐρύμαχός τε καὶ Ἀντίνοος, πεπνυμένω ἄμφω.” ### book 18.66 ὣς ἔφαθ’, οἱ δ’ ἄρα πάντες ἐπῄνεον. αὐτὰρ Ὀδυσσεὺς ### book 18.67 ζώσατο μὲν ῥάκεσιν περὶ μήδεα, φαῖνε δὲ μηροὺς ### book 18.68 καλούς τε μεγάλους τε, φάνεν δέ οἱ εὐρέες ὦμοι ### book 18.69 στήθεά τε στιβαροί τε βραχίονες· αὐτὰρ Ἀθήνη ### book 18.70 ἄγχι παρισταμένη μέλε’ ἤλδανε ποιμένι λαῶν. ### book 18.71 μνηστῆρες δ’ ἄρα πάντες ὑπερφιάλως ἀγάσαντο· ### book 18.72 ὧδε δέ τις εἴπεσκεν ἰδὼν ἐς πλησίον ἄλλον· ### book 18.73 “ἦ τάχα Ἶρος Ἄϊρος ἐπίσπαστον κακὸν ἕξει, ### book 18.74 οἵην ἐκ ῥακέων ὁ γέρων ἐπιγουνίδα φαίνει.” ### book 18.75 ὣς ἄρ’ ἔφαν, Ἴρῳ δὲ κακῶς ὠρίνετο θυμός. ### book 18.76 ἀλλὰ καὶ ὧς δρηστῆρες ἄγον ζώσαντες ἀνάγκῃ ### book 18.77 δειδιότα· σάρκες δὲ περιτρομέοντο μέλεσσιν. ### book 18.78 Ἀντίνοος δ’ ἐνένιπεν ἔπος τ’ ἔφατ’ ἔκ τ’ ὀνόμαζε· ### book 18.79 “νῦν μὲν μήτ’ εἴης, βουγάϊε, μήτε γένοιο, ### book 18.80 εἰ δὴ τοῦτόν γε τρομέεις καὶ δείδιας αἰνῶς, ### book 18.81 ἄνδρα γέροντα δύῃ ἀρημένον, ἥ μιν ἱκάνει. ### book 18.82 ἀλλ’ ἔκ τοι ἐρέω, τὸ δὲ καὶ τετελεσμένον ἔσται· ### book 18.83 αἴ κέν ς’ οὗτος νικήσῃ κρείσσων τε γένηται, ### book 18.84 πέμψω ς’ ἤπειρόνδε, βαλὼν ἐν νηῒ μελαίνῃ, ### book 18.85 εἰς Ἔχετον βασιλῆα, βροτῶν δηλήμονα πάντων, ### book 18.86 ὅς κ’ ἀπὸ ῥῖνα τάμῃσι καὶ οὔατα νηλέϊ χαλκῷ ### book 18.87 μήδεά τ’ ἐξερύσας δώῃ κυσὶν ὠμὰ δάσασθαι.” ### book 18.88 ὣς φάτο, τῷ δ’ ἔτι μᾶλλον ὑπὸ τρόμος ἤλυθε γυῖα. ### book 18.89 ἐς μέσσον δ’ ἄναγον· τὼ δ’ ἄμφω χεῖρας ἀνέσχον. ### book 18.90 δὴ τότε μερμήριξε πολύτλας δῖος Ὀδυσσεύς, ### book 18.91 ἢ ἐλάσει’ ὥς μιν ψυχὴ λίποι αὖθι πεσόντα, ### book 18.92 ἦέ μιν ἦκ’ ἐλάσειε τανύσσειέν τ’ ἐπὶ γαίῃ. ### book 18.93 ὧδε δέ οἱ φρονέοντι δοάσσατο κέρδιον εἶναι, ### book 18.94 ἦκ’ ἐλάσαι, ἵνα μή μιν ἐπιφρασσαίατ’ Ἀχαιοί. ### book 18.95 δὴ τότ’ ἀνασχομένω ὁ μὲν ἤλασε δεξιὸν ὦμον ### book 18.96 Ἶρος, ὁ δ’ αὐχέν’ ἔλασσεν ὑπ’ οὔατος, ὀστέα δ’ εἴσω ### book 18.97 ἔθλασεν· αὐτίκα δ’ ἦλθεν ἀνὰ στόμα φοίνιον αἷμα, ### book 18.98 κὰδ δ’ ἔπες’ ἐν κονίῃσι μακών, σὺν δ’ ἤλας’ ὀδόντας ### book 18.99 λακτίζων ποσὶ γαῖαν· ἀτὰρ μνηστῆρες ἀγαυοὶ ### book 18.100 χεῖρας ἀνασχόμενοι γέλῳ ἔκθανον. αὐτὰρ Ὀδυσσεὺς ### book 18.101 ἕλκε διὲκ προθύροιο λαβὼν ποδός, ὄφρ’ ἵκετ’ αὐλὴν ### book 18.102 αἰθούσης τε θύρας· καί μιν ποτὶ ἑρκίον αὐλῆς ### book 18.103 εἷσεν ἀνακλίνας, σκῆπτρον δέ οἱ ἔμβαλε χειρί, ### book 18.104 καί μιν φωνήσας ἔπεα πτερόεντα προσηύδα· ### book 18.105 “ἐνταυθοῖ νῦν ἧσο κύνας τε σύας τ’ ἀπερύκων, ### book 18.106 μηδὲ σύ γε ξείνων καὶ πτωχῶν κοίρανος εἶναι ### book 18.107 λυγρὸς ἐών, μή πού τι κακὸν καὶ μεῖζον ἐπαύρῃ.” ### book 18.108 ἦ ῥα, καὶ ἀμφ’ ὤμοισιν ἀεικέα βάλλετο πήρην, ### book 18.109 πυκνὰ ῥωγαλέην, ἐν δὲ στρόφος ἦεν ἀορτήρ. ### book 18.110 ἂψ δ’ ὅ γ’ ἐπ’ οὐδὸν ἰὼν κατ’ ἄρ’ ἕζετο· τοὶ δ’ ἴσαν εἴσω ### book 18.111 ἡδὺ γελώοντες καὶ δεικανόωντ’ ἐπέεσσι· ### book 18.112 “Ζεύς τοι δοίη, ξεῖνε, καὶ ἀθάνατοι θεοὶ ἄλλοι, ### book 18.113 ὅττι μάλιστ’ ἐθέλεις καί τοι φίλον ἔπλετο θυμῷ, ### book 18.114 ὃς τοῦτον τὸν ἄναλτον ἀλητεύειν ἀπέπαυσας ### book 18.115 ἐν δήμῳ· τάχα γάρ μιν ἀνάξομεν ἤπειρόνδε ### book 18.116 εἰς Ἔχετον βασιλῆα, βροτῶν δηλήμονα πάντων.” ### book 18.117 ὣς ἄρ’ ἔφαν, χαῖρεν δὲ κλεηδόνι δῖος Ὀδυσσεύς. ### book 18.118 Ἀντίνοος δ’ ἄρα οἱ μεγάλην παρὰ γαστέρα θῆκεν, ### book 18.119 ἐμπλείην κνίσης τε καὶ αἵματος· Ἀμφίνομος δὲ ### book 18.120 ἄρτους ἐκ κανέοιο δύω παρέθηκεν ἀείρας ### book 18.121 καὶ δέπαϊ χρυσέῳ δειδίσκετο φώνησέν τε· ### book 18.122 “χαῖρε, πάτερ ὦ ξεῖνε· γένοιτό τοι ἔς περ ὀπίσσω ### book 18.123 ὄλβος· ἀτὰρ μὲν νῦν γε κακοῖς’ ἔχεαι πολέεσσι.” ### book 18.124 τὸν δ’ ἀπαμειβόμενος προσέφη πολύμητις Ὀδυσσεύς· ### book 18.125 “Ἀμφίνομ’, ἦ μάλα μοι δοκέεις πεπνυμένος εἶναι· ### book 18.126 τοίου γὰρ καὶ πατρός, ἐπεὶ κλέος ἐσθλὸν ἄκουον ### book 18.127 Νῖσον Δουλιχιῆα ἐΰν τ’ ἔμεν ἀφνειόν τε· ### book 18.128 τοῦ ς’ ἔκ φασι γενέσθαι, ἐπητῇ δ’ ἀνδρὶ ἔοικας. ### book 18.129 τοὔνεκά τοι ἐρέω, σὺ δὲ σύνθεο καί μευ ἄκουσον· ### book 18.130 οὐδὲν ἀκιδνότερον γαῖα τρέφει ἀνθρώποιο ### book 18.131 [πάντων, ὅσσα τε γαῖαν ἔπι πνείει τε καὶ ἕρπει.] ### book 18.132 οὐ μὲν γάρ ποτέ φησι κακὸν πείσεσθαι ὀπίσσω, ### book 18.133 ὄφρ’ ἀρετὴν παρέχωσι θεοὶ καὶ γούνατ’ ὀρώρῃ· ### book 18.134 ἀλλ’ ὅτε δὴ καὶ λυγρὰ θεοὶ μάκαρες τελέωσι, ### book 18.135 καὶ τὰ φέρει ἀεκαζόμενος τετληότι θυμῷ. ### book 18.136 τοῖος γὰρ νόος ἐστὶν ἐπιχθονίων ἀνθρώπων, ### book 18.137 οἷον ἐπ’ ἦμαρ ἄγῃσι πατὴρ ἀνδρῶν τε θεῶν τε. ### book 18.138 καὶ γὰρ ἐγώ ποτ’ ἔμελλον ἐν ἀνδράσιν ὄλβιος εἶναι, ### book 18.139 πολλὰ δ’ ἀτάσθαλ’ ἔρεξα βίῃ καὶ κάρτεϊ εἴκων, ### book 18.140 πατρί τ’ ἐμῷ πίσυνος καὶ ἐμοῖσι κασιγνήτοισι. ### book 18.141 τῶ μή τίς ποτε πάμπαν ἀνὴρ ἀθεμίστιος εἴη, ### book 18.142 ἀλλ’ ὅ γε σιγῇ δῶρα θεῶν ἔχοι, ὅττι διδοῖεν. ### book 18.143 οἷ’ ὁρόω μνηστῆρας ἀτάσθαλα μηχανόωντας, ### book 18.144 κτήματα κείροντας καὶ ἀτιμάζοντας ἄκοιτιν ### book 18.145 ἀνδρός, ὃν οὐκέτι φημὶ φίλων καὶ πατρίδος αἴης ### book 18.146 δηρὸν ἀπέσσεσθαι· μάλα δὲ σχεδόν. ἀλλά σε δαίμων ### book 18.147 οἴκαδ’ ὑπεξαγάγοι, μηδ’ ἀντιάσειας ἐκείνῳ, ### book 18.148 ὁππότε νοστήσειε φίλην ἐς πατρίδα γαῖαν· ### book 18.149 οὐ γὰρ ἀναιμωτί γε διακρινέεσθαι ὀΐω ### book 18.150 μνηστῆρας καὶ κεῖνον, ἐπεί κε μέλαθρον ὑπέλθῃ.” ### book 18.151 ὣς φάτο, καὶ σπείσας ἔπιεν μελιηδέα οἶνον, ### book 18.152 ἂψ δ’ ἐν χερσὶν ἔθηκε δέπας κοσμήτορι λαῶν. ### book 18.153 αὐτὰρ ὁ βῆ κατὰ δῶμα φίλον τετιημένος ἦτορ, ### book 18.154 νευστάζων κεφαλῇ· δὴ γὰρ κακὸν ὄσσετο θυμῷ. ### book 18.155 ἀλλ’ οὐδ’ ὧς φύγε κῆρα· πέδησε δὲ καὶ τὸν Ἀθήνη ### book 18.156 Τηλεμάχου ὑπὸ χερσὶ καὶ ἔγχεϊ ἶφι δαμῆναι. ### book 18.157 ἂψ δ’ αὖτις κατ’ ἄρ’ ἕζετ’ ἐπὶ θρόνου ἔνθεν ἀνέστη. ### book 18.158 τῇ δ’ ἄρ’ ἐπὶ φρεσὶ θῆκε θεὰ γλαυκῶπις Ἀθήνη, ### book 18.159 κούρῃ Ἰκαρίοιο, περίφρονι Πηνελοπείῃ, ### book 18.160 μνηστήρεσσι φανῆναι, ὅπως πετάσειε μάλιστα ### book 18.161 θυμὸν μνηστήρων ἰδὲ τιμήεσσα γένοιτο ### book 18.162 μᾶλλον πρὸς πόσιός τε καὶ υἱέος ἢ πάρος ἦεν. ### book 18.163 ἀχρεῖον δ’ ἐγέλασσεν ἔπος τ’ ἔφατ’ ἔκ τ’ ὀνόμαζεν· ### book 18.164 “Εὐρυνόμη, θυμός μοι ἐέλδεται, οὔ τι πάρος γε, ### book 18.165 μνηστήρεσσι φανῆναι, ἀπεχθομένοισί περ ἔμπης· ### book 18.166 παιδὶ δέ κεν εἴποιμι ἔπος, τό κε κέρδιον εἴη, ### book 18.167 μὴ πάντα μνηστῆρσιν ὑπερφιάλοισιν ὁμιλεῖν, ### book 18.168 οἵ τ’ εὖ μὲν βάζουσι, κακῶς δ’ ὄπιθεν φρονέουσι.” ### book 18.169 τὴν δ’ αὖτ’ Εὐρυνόμη ταμίη πρὸς μῦθον ἔειπε· ### book 18.170 “ναὶ δὴ ταῦτά γε πάντα, τέκος, κατὰ μοῖραν ἔειπες. ### book 18.171 ἀλλ’ ἴθι καὶ σῷ παιδὶ ἔπος φάο μηδ’ ἐπίκευθε, ### book 18.172 χρῶτ’ ἀπονιψαμένη καὶ ἐπιχρίσασα παρειάς, ### book 18.173 μηδ’ οὕτω δακρύοισι πεφυρμένη ἀμφὶ πρόσωπα ### book 18.174 ἔρχευ, ἐπεὶ κάκιον πενθήμεναι ἄκριτον αἰεί. ### book 18.175 ἤδη μὲν γάρ τοι παῖς τηλίκος, ὃν σὺ μάλιστα ### book 18.176 ἠρῶ ἀθανάτοισι γενειήσαντα ἰδέσθαι.” ### book 18.177 τὴν δ’ αὖτε προσέειπε περίφρων Πηνελόπεια· ### book 18.178 “Εὐρυνόμη, μὴ ταῦτα παραύδα, κηδομένη περ, ### book 18.179 χρῶτ’ ἀπονίπτεσθαι καὶ ἐπιχρίεσθαι ἀλοιφῇ· ### book 18.180 ἀγλαΐην γὰρ ἐμοί γε θεοί, τοὶ Ὄλυμπον ἔχουσιν, ### book 18.181 ὤλεσαν, ἐξ οὗ κεῖνος ἔβη κοίλῃς’ ἐνὶ νηυσίν. ### book 18.182 ἀλλά μοι Αὐτονόην τε καὶ Ἱπποδάμειαν ἄνωχθι ### book 18.183 ἐλθέμεν, ὄφρα κέ μοι παρστήετον ἐν μεγάροισιν· ### book 18.184 οἴη δ’ οὐ κεῖς’ εἶμι μετ’ ἀνέρας· αἰδέομαι γάρ.” ### book 18.185 ὣς ἄρ’ ἔφη, γρηῢς δὲ διὲκ μεγάροιο βεβήκει ### book 18.186 ἀγγελέουσα γυναιξὶ καὶ ὀτρυνέουσα νέεσθαι. ### book 18.187 ἔνθ’ αὖτ’ ἄλλ’ ἐνόησε θεὰ γλαυκῶπις Ἀθήνη· ### book 18.188 κούρῃ Ἰκαρίοιο κατὰ γλυκὺν ὕπνον ἔχευεν, ### book 18.189 εὗδε δ’ ἀνακλινθεῖσα, λύθεν δέ οἱ ἅψεα πάντα ### book 18.190 αὐτοῦ ἐνὶ κλιντῆρι· τέως δ’ ἄρα δῖα θεάων ### book 18.191 ἄμβροτα δῶρα δίδου, ἵνα θηησαίατ’ Ἀχαιοί. ### book 18.192 κάλλεϊ μέν οἱ πρῶτα προσώπατα καλὰ κάθηρεν ### book 18.193 ἀμβροσίῳ, οἵῳ περ ἐϋστέφανος Κυθέρεια ### book 18.194 χρίεται, εὖτ’ ἂν ἴῃ Χαρίτων χορὸν ἱμερόεντα· ### book 18.195 καί μιν μακροτέρην καὶ πάσσονα θῆκεν ἰδέσθαι, ### book 18.196 λευκοτέρην δ’ ἄρα μιν θῆκε πριστοῦ ἐλέφαντος. ### book 18.197 ἡ μὲν ἄρ’ ὣς ἕρξας’ ἀπεβήσετο δῖα θεάων· ### book 18.198 ἦλθον δ’ ἀμφίπολοι λευκώλενοι ἐκ μεγάροιο ### book 18.199 φθόγγῳ ἐπερχόμεναι· τὴν δὲ γλυκὺς ὕπνος ἀνῆκε, ### book 18.200 καί ῥ’ ἀπομόρξατο χερσὶ παρειὰς φώνησέν τε· ### book 18.201 “ἦ με μάλ’ αἰνοπαθῆ μαλακὸν περὶ κῶμ’ ἐκάλυψεν. ### book 18.202 αἴθε μοι ὣς μαλακὸν θάνατον πόροι Ἄρτεμις ἁγνὴ ### book 18.203 αὐτίκα νῦν, ἵνα μηκέτ’ ὀδυρομένη κατὰ θυμὸν ### book 18.204 αἰῶνα φθινύθω, πόσιος ποθέουσα φίλοιο ### book 18.205 παντοίην ἀρετήν, ἐπεὶ ἔξοχος ἦεν Ἀχαιῶν.” ### book 18.206 ὣς φαμένη κατέβαιν’ ὑπερώϊα σιγαλόεντα, ### book 18.207 οὐκ οἴη, ἅμα τῇ γε καὶ ἀμφίπολοι δύ’ ἕποντο. ### book 18.208 ἡ δ’ ὅτε δὴ μνηστῆρας ἀφίκετο δῖα γυναικῶν, ### book 18.209 στῆ ῥα παρὰ σταθμὸν τέγεος πύκα ποιητοῖο ### book 18.210 ἄντα παρειάων σχομένη λιπαρὰ κρήδεμνα· ### book 18.211 ἀμφίπολος δ’ ἄρα οἱ κεδνὴ ἑκάτερθε παρέστη. ### book 18.212 τῶν δ’ αὐτοῦ λύτο γούνατ’, ἔρῳ δ’ ἄρα θυμὸν ἔθελχθεν, ### book 18.213 πάντες δ’ ἠρήσαντο παραὶ λεχέεσσι κλιθῆναι. ### book 18.214 ἡ δ’ αὖ Τηλέμαχον προσεφώνεεν, ὃν φίλον υἱόν· ### book 18.215 “Τηλέμαχ’, οὐκέτι τοι φρένες ἔμπεδοι οὐδὲ νόημα. ### book 18.216 παῖς ἔτ’ ἐὼν καὶ μᾶλλον ἐνὶ φρεσὶ κέρδε’ ἐνώμας· ### book 18.217 νῦν δ’, ὅτε δὴ μέγας ἐσσὶ καὶ ἥβης μέτρον ἱκάνεις, ### book 18.218 καί κέν τις φαίη γόνον ἔμμεναι ὀλβίου ἀνδρὸς ### book 18.219 ἐς μέγεθος καὶ κάλλος ὁρώμενος, ἀλλότριος φώς, ### book 18.220 οὐκέτι τοι φρένες εἰσὶν ἐναίσιμοι οὐδὲ νόημα. ### book 18.221 οἷον δὴ τόδε ἔργον ἐνὶ μεγάροισιν ἐτύχθη, ### book 18.222 ὃς τὸν ξεῖνον ἔασας ἀεικισθήμεναι οὕτω. ### book 18.223 πῶς νῦν, εἴ τι ξεῖνος ἐν ἡμετέροισι δόμοισιν ### book 18.224 ἥμενος ὧδε πάθοι ῥυστακτύος ἐξ ἀλεγεινῆς; ### book 18.225 σοί κ’ αἶσχος λώβη τε μετ’ ἀνθρώποισι πέλοιτο.” ### book 18.226 τὴν δ’ αὖ Τηλέμαχος πεπνυμένος ἀντίον ηὔδα· ### book 18.227 “μῆτερ ἐμή, τὸ μὲν οὔ σε νεμεσσῶμαι κεχολῶσθαι· ### book 18.228 αὐτὰρ ἐγὼ θυμῷ νοέω καὶ οἶδα ἕκαστα, ### book 18.229 ἐσθλά τε καὶ τὰ χέρεια· πάρος δ’ ἔτι νήπιος ἦα. ### book 18.230 ἀλλά τοι οὐ δύναμαι πεπνυμένα πάντα νοῆσαι· ### book 18.231 ἐκ γάρ με πλήσσουσι παρήμενοι ἄλλοθεν ἄλλος ### book 18.232 οἵδε κακὰ φρονέοντες, ἐμοὶ δ’ οὐκ εἰσὶν ἀρωγοί. ### book 18.233 οὐ μέν τοι ξείνου γε καὶ Ἴρου μῶλος ἐτύχθη ### book 18.234 μνηστήρων ἰότητι, βίῃ δ’ ὅ γε φέρτερος ἦεν. ### book 18.235 αἲ γάρ, Ζεῦ τε πάτερ καὶ Ἀθηναίη καὶ Ἄπολλον, ### book 18.236 οὕτω νῦν μνηστῆρες ἐν ἡμετέροισι δόμοισι ### book 18.237 νεύοιεν κεφαλὰς δεδμημένοι, οἱ μὲν ἐν αὐλῇ, ### book 18.238 οἱ δ’ ἔντοσθε δόμοιο, λελῦτο δὲ γυῖα ἑκάστου, ### book 18.239 ὡς νῦν Ἶρος ἐκεῖνος ἐπ’ αὐλείῃσι θύρῃσιν ### book 18.240 ἧσται νευστάζων κεφαλῇ, μεθύοντι ἐοικώς, ### book 18.241 οὐδ’ ὀρθὸς στῆναι δύναται ποσὶν οὐδὲ νέεσθαι ### book 18.242 οἴκαδ’, ὅπῃ οἱ νόστος, ἐπεὶ φίλα γυῖα λέλυνται.” ### book 18.243 ὣς οἱ μὲν τοιαῦτα πρὸς ἀλλήλους ἀγόρευον· ### book 18.244 Εὐρύμαχος δ’ ἐπέεσσι προσηύδα Πηνελόπειαν· ### book 18.245 “κούρη Ἰκαρίοιο, περίφρων Πηνελόπεια, ### book 18.246 εἰ πάντες σε ἴδοιεν ἀν’ Ἴασον Ἄργος Ἀχαιοί, ### book 18.247 πλέονές κε μνηστῆρες ἐν ὑμετέροισι δόμοισιν ### book 18.248 ἠῶθεν δαινύατ’, ἐπεὶ περίεσσι γυναικῶν ### book 18.249 εἶδός τε μέγεθός τε ἰδὲ φρένας ἔνδον ἐΐσας.” ### book 18.250 τὸν δ’ ἠμείβετ’ ἔπειτα περίφρων Πηνελόπεια· ### book 18.251 “Εὐρύμαχ’, ἦ τοι ἐμὴν ἀρετὴν εἶδός τε δέμας τε ### book 18.252 ὤλεσαν ἀθάνατοι, ὅτε Ἴλιον εἰσανέβαινον ### book 18.253 Ἀργεῖοι, μετὰ τοῖσι δ’ ἐμὸς πόσις ᾖεν Ὀδυσσεύς. ### book 18.254 εἰ κεῖνός γ’ ἐλθὼν τὸν ἐμὸν βίον ἀμφιπολεύοι, ### book 18.255 μεῖζόν κε κλέος εἴη ἐμὸν καὶ κάλλιον οὕτω. ### book 18.256 νῦν δ’ ἄχομαι· τόσα γάρ μοι ἐπέσσευεν κακὰ δαίμων. ### book 18.257 ἦ μὲν δὴ ὅτε τ’ ᾖε λιπὼν κάτα πατρίδα γαῖαν, ### book 18.258 δεξιτερὴν ἐπὶ καρπῷ ἑλὼν ἐμὲ χεῖρα προσηύδα· ### book 18.259 ‘ὦ γύναι, οὐ γὰρ ὀΐω ἐϋκνήμιδας Ἀχαιοὺς ### book 18.260 ἐκ Τροίης εὖ πάντας ἀπήμονας ἀπονέεσθαι· ### book 18.261 καὶ γὰρ Τρῶάς φασι μαχητὰς ἔμμεναι ἄνδρας, ### book 18.262 ἠμὲν ἀκοντιστὰς ἠδὲ ῥυτῆρας ὀϊστῶν ### book 18.263 ἵππων τ’ ὠκυπόδων ἐπιβήτορας, οἵ τε τάχιστα ### book 18.264 ἔκριναν μέγα νεῖκος ὁμοιΐου πτολέμοιο. ### book 18.265 τῶ οὐκ οἶδ’, ἤ κέν μ’ ἀνέσει θεός, ἦ κεν ἁλώω ### book 18.266 αὐτοῦ ἐνὶ Τροίῃ· σοὶ δ’ ἐνθάδε πάντα μελόντων· ### book 18.267 μεμνῆσθαι πατρὸς καὶ μητέρος ἐν μεγάροισιν ### book 18.268 ὡς νῦν, ἢ ἔτι μᾶλλον, ἐμεῦ ἀπονόσφιν ἐόντος· ### book 18.269 αὐτὰρ ἐπὴν δὴ παῖδα γενειήσαντα ἴδηαι, ### book 18.270 γήμασθ’ ᾧ κ’ ἐθέλῃσθα, τεὸν κατὰ δῶμα λιποῦσα.‘ ### book 18.271 κεῖνος τὼς ἀγόρευε· τὰ δὴ νῦν πάντα τελεῖται. ### book 18.272 νὺξ δ’ ἔσται, ὅτε δὴ στυγερὸς γάμος ἀντιβολήσει ### book 18.273 οὐλομένης ἐμέθεν, τῆς τε Ζεὺς ὄλβον ἀπηύρα. ### book 18.274 ἀλλὰ τόδ’ αἰνὸν ἄχος κραδίην καὶ θυμὸν ἱκάνει· ### book 18.275 μνηστήρων οὐχ ἥδε δίκη τὸ πάροιθε τέτυκτο, ### book 18.276 οἵ τ’ ἀγαθήν τε γυναῖκα καὶ ἀφνειοῖο θύγατρα ### book 18.277 μνηστεύειν ἐθέλωσι καὶ ἀλλήλοις’ ἐρίσωσιν· ### book 18.278 αὐτοὶ τοί γ’ ἀπάγουσι βόας καὶ ἴφια μῆλα ### book 18.279 κούρης δαῖτα φίλοισι, καὶ ἀγλαὰ δῶρα διδοῦσιν· ### book 18.280 ἀλλ’ οὐκ ἀλλότριον βίοτον νήποινον ἔδουσιν.” ### book 18.281 ὣς φάτο, γήθησεν δὲ πολύτλας δῖος Ὀδυσσεύς, ### book 18.282 οὕνεκα τῶν μὲν δῶρα παρέλκετο, θέλγε δὲ θυμὸν ### book 18.283 μειλιχίοις’ ἐπέεσσι, νόος δέ οἱ ἄλλα μενοίνα. ### book 18.284 τὴν δ’ αὖτ’ Ἀντίνοος προσέφη, Εὐπείθεος υἱός· ### book 18.285 “κούρη Ἰκαρίοιο, περίφρων Πηνελόπεια, ### book 18.286 δῶρα μὲν ὅς κ’ ἐθέλῃσιν Ἀχαιῶν ἐνθάδ’ ἐνεῖκαι, ### book 18.287 δέξασθ’· οὐ γὰρ καλὸν ἀνήνασθαι δόσιν ἐστίν· ### book 18.288 ἡμεῖς δ’ οὔτ’ ἐπὶ ἔργα πάρος γ’ ἴμεν οὔτε πῃ ἄλλῃ, ### book 18.289 πρίν γέ σε τῷ γήμασθαι Ἀχαιῶν, ὅς τις ἄριστος.” ### book 18.290 ὣς ἔφατ’ Ἀντίνοος, τοῖσιν δ’ ἐπιήνδανε μῦθος. ### book 18.291 δῶρα δ’ ἄρ’ οἰσέμεναι πρόεσαν κήρυκα ἕκαστος. ### book 18.292 Ἀντινόῳ μὲν ἔνεικε μέγαν περικαλλέα πέπλον, ### book 18.293 ποικίλον· ἐν δ’ ἄρ’ ἔσαν περόναι δυοκαίδεκα πᾶσαι ### book 18.294 χρύσειαι, κληῖσιν ἐϋγνάμπτοις’ ἀραρυῖαι· ### book 18.295 ὅρμον δ’ Εὐρυμάχῳ πολυδαίδαλον αὐτίκ’ ἔνεικε, ### book 18.296 χρύσεον, ἠλέκτροισιν ἐερμένον, ἠέλιον ὥς· ### book 18.297 ἕρματα δ’ Εὐρυδάμαντι δύω θεράποντες ἔνεικαν ### book 18.298 τρίγληνα μορόεντα, χάρις δ’ ἀπελάμπετο πολλή· ### book 18.299 ἐκ δ’ ἄρα Πεισάνδροιο Πολυκτορίδαο ἄνακτος ### book 18.300 ἴσθμιον ἤνεικεν θεράπων, περικαλλὲς ἄγαλμα· ### book 18.301 ἄλλο δ’ ἄρ’ ἄλλος δῶρον Ἀχαιῶν καλὸν ἔνεικεν. ### book 18.302 ἡ μὲν ἔπειτ’ ἀνέβαιν’ ὑπερώϊα δῖα γυναικῶν, ### book 18.303 τῇ δ’ ἄρ’ ἅμ’ ἀμφίπολοι ἔφερον περικαλλέα δῶρα· ### book 18.304 οἱ δ’ εἰς ὀρχηστύν τε καὶ ἱμερόεσσαν ἀοιδὴν ### book 18.305 τρεψάμενοι τέρποντο, μένον δ’ ἐπὶ ἕσπερον ἐλθεῖν. ### book 18.306 τοῖσι δὲ τερπομένοισι μέλας ἐπὶ ἕσπερος ἦλθεν· ### book 18.307 αὐτίκα λαμπτῆρας τρεῖς ἵστασαν ἐν μεγάροισιν, ### book 18.308 ὄφρα φαείνοιεν· περὶ δὲ ξύλα κάγκανα θῆκαν, ### book 18.309 αὖα πάλαι, περίκηλα, νέον κεκεασμένα χαλκῷ, ### book 18.310 καὶ δαΐδας μετέμισγον· ἀμοιβηδὶς δ’ ἀνέφαινον ### book 18.311 δμῳαὶ Ὀδυσσῆος ταλασίφρονος. αὐτὰρ ὁ τῇσιν ### book 18.312 αὐτὸς διογενὴς μετέφη πολύμητις Ὀδυσσεύς· ### book 18.313 “δμῳαὶ Ὀδυσσῆος, δὴν οἰχομένοιο ἄνακτος, ### book 18.314 ἔρχεσθε πρὸς δώμαθ’, ἵν’ αἰδοίη βασίλεια· ### book 18.315 τῇ δὲ παρ’ ἠλάκατα στροφαλίζετε, τέρπετε δ’ αὐτὴν ### book 18.316 ἥμεναι ἐν μεγάρῳ, ἢ εἴρια πείκετε χερσίν· ### book 18.317 αὐτὰρ ἐγὼ τούτοισι φάος πάντεσσι παρέξω. ### book 18.318 εἴ περ γάρ κ’ ἐθέλωσιν ἐΰθρονον Ἠῶ μίμνειν, ### book 18.319 οὔ τί με νικήσουσι· πολυτλήμων δὲ μάλ’ εἰμί.” ### book 18.320 ὣς ἔφαθ’, αἱ δ’ ἐγέλασσαν, ἐς ἀλλήλας δὲ ἴδοντο. ### book 18.321 τὸν δ’ αἰσχρῶς ἐνένιπε Μελανθὼ καλλιπάρῃος, ### book 18.322 τὴν Δολίος μὲν ἔτικτε, κόμισσε δὲ Πηνελόπεια, ### book 18.323 παῖδα δὲ ὣς ἀτίταλλε, δίδου δ’ ἄρ’ ἀθύρματα θυμῷ· ### book 18.324 ἀλλ’ οὐδ’ ὧς ἔχε πένθος ἐνὶ φρεσὶ Πηνελοπείης, ### book 18.325 ἀλλ’ ἥ γ’ Εὐρυμάχῳ μισγέσκετο καὶ φιλέεσκεν. ### book 18.326 ἥ ῥ’ Ὀδυσῆ’ ἐνένιπεν ὀνειδείοις’ ἐπέεσσι· ### book 18.327 “ξεῖνε τάλαν, σύ γέ τις φρένας ἐκπεπαταγμένος ἐσσί, ### book 18.328 οὐδ’ ἐθέλεις εὕδειν χαλκήϊον ἐς δόμον ἐλθὼν ### book 18.329 ἠέ που ἐς λέσχην, ἀλλ’ ἐνθάδε πόλλ’ ἀγορεύεις ### book 18.330 θαρσαλέως πολλοῖσι μετ’ ἀνδράσιν, οὐδέ τι θυμῷ ### book 18.331 ταρβεῖς· ἦ ῥά σε οἶνος ἔχει φρένας, ἤ νύ τοι αἰεὶ ### book 18.332 τοιοῦτος νόος ἐστίν, ὃ καὶ μεταμώνια βάζεις. ### book 18.333 ἦ ἀλύεις ὅτι Ἶρον ἐνίκησας τὸν ἀλήτην; ### book 18.334 μή τίς τοι τάχα Ἴρου ἀμείνων ἄλλος ἀναστῇ, ### book 18.335 ὅς τίς ς’ ἀμφὶ κάρη κεκοπὼς χερσὶ στιβαρῇσι ### book 18.336 δώματος ἐκπέμψῃσι φορύξας αἵματι πολλῷ.” ### book 18.337 τὴν δ’ ἄρ’ ὑπόδρα ἰδὼν προσέφη πολύμητις Ὀδυσσεύς· ### book 18.338 “ἦ τάχα Τηλεμάχῳ ἐρέω, κύον, οἷ’ ἀγορεύεις, ### book 18.339 κεῖς’ ἐλθών, ἵνα ς’ αὖθι διὰ μελεϊστὶ τάμῃσιν.” ### book 18.340 ὣς εἰπὼν ἐπέεσσι διεπτοίησε γυναῖκας. ### book 18.341 βὰν δ’ ἴμεναι διὰ δῶμα, λύθεν δ’ ὑπὸ γυῖα ἑκάστης ### book 18.342 ταρβοσύνῃ· φὰν γάρ μιν ἀληθέα μυθήσασθαι. ### book 18.343 αὐτὰρ ὁ πὰρ λαμπτῆρσι φαείνων αἰθομένοισιν ### book 18.344 ἑστήκειν ἐς πάντας ὁρώμενος· ἄλλα δέ οἱ κῆρ ### book 18.345 ὥρμαινε φρεσὶν ᾗσιν, ἅ ῥ’ οὐκ ἀτέλεστα γένοντο. ### book 18.346 μνηστῆρας δ’ οὐ πάμπαν ἀγήνορας εἴα Ἀθήνη ### book 18.347 λώβης ἴσχεσθαι θυμαλγέος, ὄφρ’ ἔτι μᾶλλον ### book 18.348 δύη ἄχος κραδίην Λαερτιάδεω Ὀδυσῆος. ### book 18.349 τοῖσιν δ’ Εὐρύμαχος, Πολύβου πάϊς, ἦρχ’ ἀγορεύειν ### book 18.350 κερτομέων Ὀδυσῆα· γέλω δ’ ἑτάροισιν ἔτευχε· ### book 18.351 “κέκλυτέ μευ, μνηστῆρες ἀγακλειτῆς βασιλείης, ### book 18.352 ὄφρ’ εἴπω, τά με θυμὸς ἐνὶ στήθεσσι κελεύει. ### book 18.353 οὐκ ἀθεεὶ ὅδ’ ἀνὴρ Ὀδυσήϊον ἐς δόμον ἵκει· ### book 18.354 ἔμπης μοι δοκέει δαΐδων σέλας ἔμμεναι αὐτοῦ ### book 18.355 κὰκ κεφαλῆς, ἐπεὶ οὔ οἱ ἔνι τρίχες οὐδ’ ἠβαιαί.” ### book 18.356 ἦ ῥ’, ἅμα τε προσέειπεν Ὀδυσσῆα πτολίπορθον· ### book 18.357 “ξεῖν’, ἦ ἄρ κ’ ἐθέλοις θητευέμεν, εἴ ς’ ἀνελοίμην, ### book 18.358 ἀγροῦ ἐπ’ ἐσχατιῆς, —μισθὸς δέ τοι ἄρκιος ἔσται, — ### book 18.359 αἱμασιάς τε λέγων καὶ δένδρεα μακρὰ φυτεύων; ### book 18.360 ἔνθα κ’ ἐγὼ σῖτον μὲν ἐπηετανὸν παρέχοιμι, ### book 18.361 εἵματα δ’ ἀμφιέσαιμι ποσίν θ’ ὑποδήματα δοίην. ### book 18.362 ἀλλ’ ἐπεὶ οὖν δὴ ἔργα κάκ’ ἔμμαθες, οὐκ ἐθελήσεις ### book 18.363 ἔργον ἐποίχεσθαι, ἀλλὰ πτώσσειν κατὰ δῆμον ### book 18.364 βούλεαι, ὄφρ’ ἂν ἔχῃς βόσκειν σὴν γαστέρ’ ἄναλτον.” ### book 18.365 τὸν δ’ ἀπαμειβόμενος προσέφη πολύμητις Ὀδυσσεύς· ### book 18.366 “Εὐρύμαχ’, εἰ γὰρ νῶϊν ἔρις ἔργοιο γένοιτο ### book 18.367 ὥρῃ ἐν εἰαρινῇ, ὅτε τ’ ἤματα μακρὰ πέλονται, ### book 18.368 ἐν ποίῃ, δρέπανον μὲν ἐγὼν εὐκαμπὲς ἔχοιμι, ### book 18.369 καὶ δὲ σὺ τοῖον ἔχοις, ἵνα πειρησαίμεθα ἔργου ### book 18.370 νήστιες ἄχρι μάλα κνέφαος, ποίη δὲ παρείη· ### book 18.371 εἰ δ’ αὖ καὶ βόες εἶεν ἐλαυνέμεν, οἵ περ ἄριστοι, ### book 18.372 αἴθωνες μεγάλοι, ἄμφω κεκορηότε ποίης, ### book 18.373 ἥλικες ἰσοφόροι, τῶν τε σθένος οὐκ ἀλαπαδνόν, ### book 18.374 τετράγυον δ’ εἴη, εἴκοι δ’ ὑπὸ βῶλος ἀρότρῳ· ### book 18.375 τῶ κέ μ’ ἴδοις, εἰ ὦλκα διηνεκέα προταμοίμην. ### book 18.376 εἰ δ’ αὖ καὶ πόλεμόν ποθεν ὁρμήσειε Κρονίων ### book 18.377 σήμερον, αὐτὰρ ἐμοὶ σάκος εἴη καὶ δύο δοῦρε ### book 18.378 καὶ κυνέη πάγχαλκος ἐπὶ κροτάφοις’ ἀραρυῖα, ### book 18.379 τῶ κέ μ’ ἴδοις πρώτοισιν ἐνὶ προμάχοισι μιγέντα, ### book 18.380 οὐδ’ ἄν μοι τὴν γαστέρ’ ὀνειδίζων ἀγορεύοις. ### book 18.381 ἀλλὰ μάλ’ ὑβρίζεις καί τοι νόος ἐστὶν ἀπηνής· ### book 18.382 καί πού τις δοκέεις μέγας ἔμμεναι ἠδὲ κραταιός, ### book 18.383 οὕνεκα πὰρ παύροισι καὶ οὐκ ἀγαθοῖσιν ὁμιλεῖς. ### book 18.384 εἰ δ’ Ὀδυσεὺς ἔλθοι καὶ ἵκοιτ’ ἐς πατρίδα γαῖαν, ### book 18.385 αἶψά κέ τοι τὰ θύρετρα, καὶ εὐρέα περ μάλ’ ἐόντα, ### book 18.386 φεύγοντι στείνοιτο διὲκ προθύροιο θύραζε.” ### book 18.387 ὣς ἔφατ’, Εὐρύμαχος δὲ χολώσατο κηρόθι μᾶλλον ### book 18.388 καί μιν ὑπόδρα ἰδὼν ἔπεα πτερόεντα προσηύδα· ### book 18.389 “ἆ δείλ’, ἦ τάχα τοι τελέω κακόν, οἷ’ ἀγορεύεις ### book 18.390 θαρσαλέως πολλοῖσι μετ’ ἀνδράσιν, οὐδέ τι θυμῷ ### book 18.391 ταρβεῖς· ἦ ῥά σε οἶνος ἔχει φρένας, ἤ νύ τοι αἰεὶ ### book 18.392 τοιοῦτος νόος ἐστίν, ὃ καὶ μεταμώνια βάζεις. ### book 18.393 [ἦ ἀλύεις, ὅτι Ἶρον ἐνίκησας τὸν ἀλήτην;”] ### book 18.394 ὣς ἄρα φωνήσας σφέλας ἔλλαβεν· αὐτὰρ Ὀδυσσεὺς ### book 18.395 Ἀμφινόμου πρὸς γοῦνα καθέζετο Δουλιχιῆος, ### book 18.396 Εὐρύμαχον δείσας. ὁ δ’ ἄρ’ οἰνοχόον βάλε χεῖρα ### book 18.397 δεξιτερήν· πρόχοος δὲ χαμαὶ βόμβησε πεσοῦσα, ### book 18.398 αὐτὰρ ὅ γ’ οἰμώξας πέσεν ὕπτιος ἐν κονίῃσι. ### book 18.399 μνηστῆρες δ’ ὁμάδησαν ἀνὰ μέγαρα σκιόεντα, ### book 18.400 ὧδε δέ τις εἴπεσκεν ἰδὼν ἐς πλησίον ἄλλον· ### book 18.401 “αἴθ’ ὤφελλ’ ὁ ξεῖνος ἀλώμενος ἄλλοθ’ ὀλέσθαι ### book 18.402 πρὶν ἐλθεῖν· τῶ κ’ οὔ τι τόσον κέλαδον μετέθηκε. ### book 18.403 νῦν δὲ περὶ πτωχῶν ἐριδαίνομεν, οὐδέ τι δαιτὸς ### book 18.404 ἐσθλῆς ἔσσεται ἦδος, ἐπεὶ τὰ χερείονα νικᾷ.” ### book 18.405 τοῖσι δὲ καὶ μετέειφ’ ἱερὴ ἲς Τηλεμάχοιο· ### book 18.406 “δαιμόνιοι, μαίνεσθε καὶ οὐκέτι κεύθετε θυμῷ ### book 18.407 βρωτὺν οὐδὲ ποτῆτα· θεῶν νύ τις ὔμμ’ ὀροθύνει. ### book 18.408 ἀλλ’ εὖ δαισάμενοι κατακείετε οἴκαδ’ ἰόντες, ### book 18.409 ὁππότε θυμὸς ἄνωγε· διώκω δ’ οὔ τιν’ ἐγώ γε.” ### book 18.410 ὣς ἔφαθ’, οἱ δ’ ἄρα πάντες ὀδὰξ ἐν χείλεσι φύντες ### book 18.411 Τηλέμαχον θαύμαζον, ὃ θαρσαλέως ἀγόρευε. ### book 18.412 τοῖσιν δ’ Ἀμφίνομος ἀγορήσατο καὶ μετέειπε ### book 18.413 [Νίσου φαίδιμος υἱός, Ἀρητιάδαο ἄνακτος.] ### book 18.414 “ὦ φίλοι, οὐκ ἂν δή τις ἐπὶ ῥηθέντι δικαίῳ ### book 18.415 ἀντιβίοις’ ἐπέεσσι καθαπτόμενος χαλεπαίνοι· ### book 18.416 μήτε τι τὸν ξεῖνον στυφελίζετε μήτε τιν’ ἄλλον ### book 18.417 δμώων, οἳ κατὰ δώματ’ Ὀδυσσῆος θείοιο. ### book 18.418 ἀλλ’ ἄγετ’, οἰνοχόος μὲν ἐπαρξάσθω δεπάεσσιν, ### book 18.419 ὄφρα σπείσαντες κατακείομεν οἴκαδ’ ἰόντες· ### book 18.420 τὸν ξεῖνον δὲ ἐῶμεν ἐνὶ μεγάροις’ Ὀδυσῆος ### book 18.421 Τηλεμάχῳ μελέμεν· τοῦ γὰρ φίλον ἵκετο δῶμα.” ### book 18.422 ὣς φάτο, τοῖσι δὲ πᾶσιν ἑαδότα μῦθον ἔειπε. ### book 18.423 τοῖσιν δὲ κρητῆρα κεράσσατο Μούλιος ἥρως, ### book 18.424 κῆρυξ Δουλιχιεύς· θεράπων δ’ ἦν Ἀμφινόμοιο· ### book 18.425 νώμησεν δ’ ἄρα πᾶσιν ἐπισταδόν· οἱ δὲ θεοῖσι ### book 18.426 λείψαντες μακάρεσσι πίον μελιηδέα οἶνον. ### book 18.427 αὐτὰρ ἐπεὶ σπεῖσάν τε πίον θ’ ὅσον ἤθελε θυμός, ### book 18.428 βάν ῥ’ ἴμεναι κείοντες ἑὰ πρὸς δώμαθ’ ἕκαστος. ### book 19.1 Αὐτὰρ ὁ ἐν μεγάρῳ ὑπελείπετο δῖος Ὀδυσσεύς, ### book 19.2 μνηστήρεσσι φόνον σὺν Ἀθήνῃ μερμηρίζων. ### book 19.3 αἶψα δὲ Τηλέμαχον ἔπεα πτερόεντα προσηύδα· ### book 19.4 “Τηλέμαχε, χρὴ τεύχε’ ἀρήϊα κατθέμεν εἴσω ### book 19.5 πάντα μάλ’, αὐτὰρ μνηστῆρας μαλακοῖς’ ἐπέεσσι ### book 19.6 παρφάσθαι, ὅτε κέν σε μεταλλῶσιν ποθέοντες· ### book 19.7 ‘ἐκ καπνοῦ κατέθηκ’, ἐπεὶ οὐκέτι τοῖσιν ἐῴκει, ### book 19.8 οἷά ποτε Τροίηνδε κιὼν κατέλειπεν Ὀδυσσεύς, ### book 19.9 ἀλλὰ κατῄκισται, ὅσσον πυρὸς ἵκετ’ ἀϋτμή. ### book 19.10 πρὸς δ’ ἔτι καὶ τόδε μεῖζον ἐνὶ φρεσὶν ἔμβαλε δαίμων· ### book 19.11 μή πως οἰνωθέντες, ἔριν στήσαντες ἐν ὑμῖν, ### book 19.12 ἀλλήλους τρώσητε καταισχύνητέ τε δαῖτα ### book 19.13 καὶ μνηστύν· αὐτὸς γὰρ ἐφέλκεται ἄνδρα σίδηρος.‘” ### book 19.14 ὣς φάτο, Τηλέμαχος δὲ φίλῳ ἐπεπείθετο πατρί, ### book 19.15 ἐκ δὲ καλεσσάμενος προσέφη τροφὸν Εὐρύκλειαν· ### book 19.16 “μαῖ’, ἄγε δή μοι ἔρυξον ἐνὶ μεγάροισι γυναῖκας, ### book 19.17 ὄφρα κεν ἐς θάλαμον καταθείομαι ἔντεα πατρός, ### book 19.18 καλά, τά μοι κατὰ οἶκον ἀκηδέα καπνὸς ἀμέρδει ### book 19.19 πατρὸς ἀποιχομένοιο· ἐγὼ δ’ ἔτι νήπιος ἦα· ### book 19.20 νῦν δ’ ἐθέλω καταθέσθαι, ἵν’ οὐ πυρὸς ἵξετ’ ἀϋτμή.” ### book 19.21 τὸν δ’ αὖτε προσέειπε φίλη τροφὸς Εὐρύκλεια· ### book 19.22 “αἲ γὰρ δή ποτε, τέκνον, ἐπιφροσύνας ἀνέλοιο ### book 19.23 οἴκου κήδεσθαι καὶ κτήματα πάντα φυλάσσειν. ### book 19.24 ἀλλ’ ἄγε, τίς τοι ἔπειτα μετοιχομένη φάος οἴσει; ### book 19.25 δμῳὰς δ’ οὐκ εἴας προβλωσκέμεν, αἵ κεν ἔφαινον.” ### book 19.26 τὴν δ’ αὖ Τηλέμαχος πεπνυμένος ἀντίον ηὔδα· ### book 19.27 “ξεῖνος ὅδ’· οὐ γὰρ ἀεργὸν ἀνέξομαι, ὅς κεν ἐμῆς γε ### book 19.28 χοίνικος ἅπτηται, καὶ τηλόθεν εἰληλουθώς.” ### book 19.29 ὣς ἄρ’ ἐφώνησεν, τῇ δ’ ἄπτερος ἔπλετο μῦθος· ### book 19.30 κλήϊσεν δὲ θύρας μεγάρων ἐῢ ναιεταόντων. ### book 19.31 τὼ δ’ ἄρ’ ἀναΐξαντ’ Ὀδυσεὺς καὶ φαίδιμος υἱὸς ### book 19.32 ἐσφόρεον κόρυθάς τε καὶ ἀσπίδας ὀμφαλοέσσας ### book 19.33 ἔγχεά τ’ ὀξυόεντα· πάροιθε δὲ Παλλὰς Ἀθήνη ### book 19.34 χρύσεον λύχνον ἔχουσα φάος περικαλλὲς ἐποίει. ### book 19.35 δὴ τότε Τηλέμαχος προσεφώνεεν ὃν πατέρ’ αἶψα· ### book 19.36 “ὦ πάτερ, ἦ μέγα θαῦμα τόδ’ ὀφθαλμοῖσιν ὁρῶμαι· ### book 19.37 ἔμπης μοι τοῖχοι μεγάρων καλαί τε μεσόδμαι ### book 19.38 εἰλάτιναί τε δοκοὶ καὶ κίονες ὑψός’ ἔχοντες ### book 19.39 φαίνοντ’ ὀφθαλμοῖς’ ὡς εἰ πυρὸς αἰθομένοιο. ### book 19.40 ἦ μάλα τις θεὸς ἔνδον, οἳ οὐρανὸν εὐρὺν ἔχουσι.” ### book 19.41 τὸν δ’ ἀπαμειβόμενος προσέφη πολύμητις Ὀδυσσεύς· ### book 19.42 “σίγα καὶ κατὰ σὸν νόον ἴσχανε μηδ’ ἐρέεινε· ### book 19.43 αὕτη τοι δίκη ἐστὶ θεῶν, οἳ Ὄλυμπον ἔχουσιν. ### book 19.44 ἀλλὰ σὺ μὲν κατάλεξαι, ἐγὼ δ’ ὑπολείψομαι αὐτοῦ, ### book 19.45 ὄφρα κ’ ἔτι δμῳὰς καὶ μητέρα σὴν ἐρεθίζω· ### book 19.46 ἡ δέ μ’ ὀδυρομένη εἰρήσεται ἀμφὶς ἕκαστα.” ### book 19.47 ὣς φάτο, Τηλέμαχος δὲ διὲκ μεγάροιο βεβήκει ### book 19.48 κείων ἐς θάλαμον δαΐδων ὕπο λαμπομενάων, ### book 19.49 ἔνθα πάρος κοιμᾶθ’, ὅτε μιν γλυκὺς ὕπνος ἱκάνοι· ### book 19.50 ἔνθ’ ἄρα καὶ τότ’ ἔλεκτο καὶ Ἠῶ δῖαν ἔμιμνεν. ### book 19.51 αὐτὰρ ὁ ἐν μεγάρῳ ὑπελείπετο δῖος Ὀδυσσεὺς ### book 19.52 μνηστήρεσσι φόνον σὺν Ἀθήνῃ μερμηρίζων. ### book 19.53 ἡ δ’ ἴεν ἐκ θαλάμοιο περίφρων Πηνελόπεια, ### book 19.54 Ἀρτέμιδι ἰκέλη ἠὲ χρυσῇ Ἀφροδίτῃ. ### book 19.55 τῇ παρὰ μὲν κλισίην πυρὶ κάτθεσαν, ἔνθ’ ἄρ’ ἐφῖζε, ### book 19.56 δινωτὴν ἐλέφαντι καὶ ἀργύρῳ, ἥν ποτε τέκτων ### book 19.57 ποίης’ Ἰκμάλιος καὶ ὑπὸ θρῆνυν ποσὶν ἧκε ### book 19.58 προσφυέ’ ἐξ αὐτῆς, ὅθ’ ἐπὶ μέγα βάλλετο κῶας. ### book 19.59 ἔνθα καθέζετ’ ἔπειτα περίφρων Πηνελόπεια. ### book 19.60 ἦλθον δὲ δμῳαὶ λευκώλενοι ἐκ μεγάροιο. ### book 19.61 αἱ δ’ ἀπὸ μὲν σῖτον πολὺν ᾕρεον ἠδὲ τραπέζας ### book 19.62 καὶ δέπα, ἔνθεν ἄρ’ ἄνδρες ὑπερμενέοντες ἔπινον· ### book 19.63 πῦρ δ’ ἀπὸ λαμπτήρων χαμάδις βάλον, ἄλλα δ’ ἐπ’ αὐτῶν ### book 19.64 νήησαν ξύλα πολλά, φόως ἔμεν ἠδὲ θέρεσθαι. ### book 19.65 ἡ δ’ Ὀδυσῆ’ ἐνένιπε Μελανθὼ δεύτερον αὖτις· ### book 19.66 “ξεῖν’, ἔτι καὶ νῦν ἐνθάδ’ ἀνιήσεις διὰ νύκτα ### book 19.67 δινεύων κατὰ οἶκον, ὀπιπεύσεις δὲ γυναῖκας; ### book 19.68 ἀλλ’ ἔξελθε θύραζε, τάλαν, καὶ δαιτὸς ὄνησο· ### book 19.69 ἢ τάχα καὶ δαλῷ βεβλημένος εἶσθα θύραζε.” ### book 19.70 τὴν δ’ ἄρ’ ὑπόδρα ἰδὼν προσέφη πολύμητις Ὀδυσσεύς· ### book 19.71 “δαιμονίη, τί μοι ὧδ’ ἐπέχεις κεκοτηότι θυμῷ; ### book 19.72 ἦ ὅτι δὴ ῥυπόω, κακὰ δὲ χροῒ εἵματα εἷμαι, ### book 19.73 πτωχεύω δ’ ἀνὰ δῆμον; ἀναγκαίη γὰρ ἐπείγει. ### book 19.74 τοιοῦτοι πτωχοὶ καὶ ἀλήμονες ἄνδρες ἔασι. ### book 19.75 καὶ γὰρ ἐγώ ποτε οἶκον ἐν ἀνθρώποισιν ἔναιον ### book 19.76 ὄλβιος ἀφνειὸν καὶ πολλάκι δόσκον ἀλήτῃ ### book 19.77 τοίῳ, ὁποῖος ἔοι καὶ ὅτευ κεχρημένος ἔλθοι· ### book 19.78 ἦσαν δὲ δμῶες μάλα μυρίοι ἄλλα τε πολλά, ### book 19.79 οἷσίν τ’ εὖ ζώουσι καὶ ἀφνειοὶ καλέονται. ### book 19.80 ἀλλὰ Ζεὺς ἀλάπαξε Κρονίων· ἤθελε γάρ που. ### book 19.81 τῶ νῦν μή ποτε καὶ σύ, γύναι, ἀπὸ πᾶσαν ὀλέσσῃς ### book 19.82 ἀγλαΐην, τῇ νῦν γε μετὰ δμῳῇσι κέκασσαι, ### book 19.83 ἤν πώς τοι δέσποινα κοτεσσαμένη χαλεπήνῃ ### book 19.84 ἢ Ὀδυσεὺς ἔλθῃ· ἔτι γὰρ καὶ ἐλπίδος αἶσα. ### book 19.85 εἰ δ’ ὁ μὲν ὣς ἀπόλωλε καὶ οὐκέτι νόστιμός ἐστιν, ### book 19.86 ἀλλ’ ἤδη παῖς τοῖος Ἀπόλλωνός γε ἕκητι, ### book 19.87 Τηλέμαχος· τὸν δ’ οὔ τις ἐνὶ μεγάροισι γυναικῶν ### book 19.88 λήθει ἀτασθάλλους’, ἐπεὶ οὐκέτι τηλίκος ἐστίν.” ### book 19.89 ὣς φάτο, τοῦ δ’ ἤκουσε περίφρων Πηνελόπεια, ### book 19.90 ἀμφίπολον δ’ ἐνένιπεν ἔπος τ’ ἔφατ’ ἔκ τ’ ὀνόμαζε· ### book 19.91 “πάντως, θαρσαλέη, κύον ἀδδεές, οὔ τί με λήθεις ### book 19.92 ἕρδουσα μέγα ἔργον, ὃ σῇ κεφαλῇ ἀναμάξεις. ### book 19.93 πάντα γὰρ εὖ ᾔδησθ’, ἐπεὶ ἐξ ἐμεῦ ἔκλυες αὐτῆς, ### book 19.94 ὡς τὸν ξεῖνον ἔμελλον ἐνὶ μεγάροισιν ἐμοῖσιν ### book 19.95 ἀμφὶ πόσει εἴρεσθαι, ἐπεὶ πυκινῶς ἀκάχημαι.” ### book 19.96 ἦ ῥα, καὶ Εὐρυνόμην ταμίην πρὸς μῦθον ἔειπεν· ### book 19.97 “Εὐρυνόμη, φέρε δὴ δίφρον καὶ κῶας ἐπ’ αὐτοῦ, ### book 19.98 ὄφρα καθεζόμενος εἴπῃ ἔπος ἠδ’ ἐπακούσῃ ### book 19.99 ὁ ξεῖνος ἐμέθεν· ἐθέλω δέ μιν ἐξερέεσθαι.” ### book 19.100 ὣς ἔφαθ’, ἡ δὲ μάλ’ ὀτραλέως κατέθηκε φέρουσα ### book 19.101 δίφρον ἐΰξεστον καὶ ἐπ’ αὐτῷ κῶας ἔβαλλεν· ### book 19.102 ἔνθα καθέζετ’ ἔπειτα πολύτλας δῖος Ὀδυσσεύς. ### book 19.103 τοῖσι δὲ μύθων ἦρχε περίφρων Πηνελόπεια· ### book 19.104 “ξεῖνε, τὸ μέν σε πρῶτον ἐγὼν εἰρήσομαι αὐτή· ### book 19.105 τίς πόθεν εἰς ἀνδρῶν; πόθι τοι πόλις ἠδὲ τοκῆες;” ### book 19.106 τὴν δ’ ἀπαμειβόμενος προσέφη πολύμητις Ὀδυσσεύς· ### book 19.107 “ὦ γύναι, οὐκ ἄν τίς σε βροτῶν ἐπ’ ἀπείρονα γαῖαν ### book 19.108 νεικέοι· ἦ γάρ σευ κλέος οὐρανὸν εὐρὺν ἱκάνει, ### book 19.109 ὥς τέ τευ ἦ βασιλῆος ἀμύμονος, ὅς τε θεουδὴς ### book 19.110 [ἀνδράσιν ἐν πολλοῖσι καὶ ἰφθίμοισιν ἀνάσσων] ### book 19.111 εὐδικίας ἀνέχῃσι, φέρῃσι δὲ γαῖα μέλαινα ### book 19.112 πυροὺς καὶ κριθάς, βρίθῃσι δὲ δένδρεα καρπῷ, ### book 19.113 τίκτῃ δ’ ἔμπεδα μῆλα, θάλασσα δὲ παρέχῃ ἰχθῦς ### book 19.114 ἐξ εὐηγεσίης, ἀρετῶσι δὲ λαοὶ ὑπ’ αὐτοῦ. ### book 19.115 τῶ ἐμὲ νῦν τὰ μὲν ἄλλα μετάλλα σῷ ἐνὶ οἴκῳ, ### book 19.116 μηδέ μοι ἐξερέεινε γένος καὶ πατρίδα γαῖαν, ### book 19.117 μή μοι μᾶλλον θυμὸν ἐνιπλήσῃς ὀδυνάων ### book 19.118 μνησαμένῳ· μάλα δ’ εἰμὶ πολύστονος· οὐδέ τί με χρὴ ### book 19.119 οἴκῳ ἐν ἀλλοτρίῳ γοόωντά τε μυρόμενόν τε ### book 19.120 ἧσθαι, ἐπεὶ κάκιον πενθήμεναι ἄκριτον αἰεί· ### book 19.121 μή τίς μοι δμῳῶν νεμεσήσεται ἠὲ σύ γ’ αὐτή, ### book 19.122 φῇ δὲ δάκρυ πλώειν βεβαρηότα με φρένας οἴνῳ.” ### book 19.123 τὸν δ’ ἠμείβετ’ ἔπειτα περίφρων Πηνελόπεια· ### book 19.124 “ξεῖν’, ἦ τοι μὲν ἐμὴν ἀρετὴν εἶδός τε δέμας τε ### book 19.125 ὤλεσαν ἀθάνατοι, ὅτε Ἴλιον εἰσανέβαινον ### book 19.126 Ἀργεῖοι, μετὰ τοῖσι δ’ ἐμὸς πόσις ᾖεν Ὀδυσσεύς. ### book 19.127 εἰ κεῖνός γ’ ἐλθὼν τὸν ἐμὸν βίον ἀμφιπολεύοι, ### book 19.128 μεῖζόν κε κλέος εἴη ἐμὸν καὶ κάλλιον οὕτω. ### book 19.129 νῦν δ’ ἄχομαι· τόσα γάρ μοι ἐπέσσευεν κακὰ δαίμων. ### book 19.130 ὅσσοι γὰρ νήσοισιν ἐπικρατέουσιν ἄριστοι, ### book 19.131 Δουλιχίῳ τε Σάμῃ τε καὶ ὑλήεντι Ζακύνθῳ, ### book 19.132 οἵ τ’ αὐτὴν Ἰθάκην εὐδείελον ἀμφινέμονται, ### book 19.133 οἵ μ’ ἀεκαζομένην μνῶνται, τρύχουσι δὲ οἶκον. ### book 19.134 τῶ οὔτε ξείνων ἐμπάζομαι οὔθ’ ἱκετάων ### book 19.135 οὔτε τι κηρύκων, οἳ δημιοεργοὶ ἔασιν· ### book 19.136 ἀλλ’ Ὀδυσῆ ποθέουσα φίλον κατατήκομαι ἦτορ. ### book 19.137 οἱ δὲ γάμον σπεύδουσιν· ἐγὼ δὲ δόλους τολυπεύω. ### book 19.138 φᾶρος μέν μοι πρῶτον ἐνέπνευσε φρεσὶ δαίμων ### book 19.139 στησαμένῃ μέγαν ἱστὸν ἐνὶ μεγάροισιν ὑφαίνειν, ### book 19.140 λεπτὸν καὶ περίμετρον· ἄφαρ δ’ αὐτοῖς μετέειπον· ### book 19.141 ‘κοῦροι, ἐμοὶ μνηστῆρες, ἐπεὶ θάνε δῖος Ὀδυσσεύς, ### book 19.142 μίμνετ’ ἐπειγόμενοι τὸν ἐμὸν γάμον, εἰς ὅ κε φᾶρος ### book 19.143 ἐκτελέσω, μή μοι μεταμώνια νήματ’ ὄληται, ### book 19.144 Λαέρτῃ ἥρωϊ ταφήϊον, εἰς ὅτε κέν μιν ### book 19.145 μοῖρ’ ὀλοὴ καθέλῃσι τανηλεγέος θανάτοιο· ### book 19.146 μή τίς μοι κατὰ δῆμον Ἀχαιϊάδων νεμεσήσῃ, ### book 19.147 αἴ κεν ἄτερ σπείρου κεῖται πολλὰ κτεατίσσας.‘ ### book 19.148 ὣς ἐφάμην, τοῖσιν δ’ ἐπεπείθετο θυμὸς ἀγήνωρ. ### book 19.149 ἔνθα καὶ ἠματίη μὲν ὑφαίνεσκον μέγαν ἱστόν, ### book 19.150 νύκτας δ’ ἀλλύεσκον, ἐπὴν δαΐδας παραθείμην. ### book 19.151 ὣς τρίετες μὲν ἔληθον ἐγὼ καὶ ἔπειθον Ἀχαιούς· ### book 19.152 ἀλλ’ ὅτε τέτρατον ἦλθεν ἔτος καὶ ἐπήλυθον ὧραι, ### book 19.153 [μηνῶν φθινόντων, περὶ δ’ ἤματα πόλλ’ ἐτελέσθη,] ### book 19.154 καὶ τότε δή με διὰ δμῳάς, κύνας οὐκ ἀλεγούσας, ### book 19.155 εἷλον ἐπελθόντες καὶ ὁμόκλησαν ἐπέεσσιν. ### book 19.156 ὣς τὸ μὲν ἐξετέλεσσα καὶ οὐκ ἐθέλους’, ὑπ’ ἀνάγκης· ### book 19.157 νῦν δ’ οὔτ’ ἐκφυγέειν δύναμαι γάμον οὔτε τιν’ ἄλλην ### book 19.158 μῆτιν ἔθ’ εὑρίσκω· μάλα δ’ ὀτρύνουσι τοκῆες ### book 19.159 γήμασθ’, ἀσχαλάᾳ δὲ πάϊς βίοτον κατεδόντων, ### book 19.160 γινώσκων· ἤδη γὰρ ἀνὴρ οἷός τε μάλιστα ### book 19.161 οἴκου κήδεσθαι, τῷ τε Ζεὺς ὄλβον ὀπάζει. ### book 19.162 ἀλλὰ καὶ ὧς μοι εἰπὲ τεὸν γένος, ὁππόθεν ἐσσί· ### book 19.163 οὐ γὰρ ἀπὸ δρυός ἐσσι παλαιφάτου οὐδ’ ἀπὸ πέτρης.” ### book 19.164 τὴν δ’ ἀπαμειβόμενος προσέφη πολύμητις Ὀδυσσεύς· ### book 19.165 “ὦ γύναι αἰδοίη Λαερτιάδεω Ὀδυσῆος, ### book 19.166 οὐκέτ’ ἀπολλήξεις τὸν ἐμὸν γόνον ἐξερέουσα; ### book 19.167 ἀλλ’ ἔκ τοι ἐρέω. ἦ μέν μ’ ἀχέεσσί γε δώσεις ### book 19.168 πλείοσιν ἢ ἔχομαι· ἡ γὰρ δίκη, ὁππότε πάτρης ### book 19.169 ἧς ἀπέῃσιν ἀνὴρ τόσσον χρόνον ὅσσον ἐγὼ νῦν, ### book 19.170 πολλὰ βροτῶν ἐπὶ ἄστε’ ἀλώμενος, ἄλγεα πάσχων. ### book 19.171 ἀλλὰ καὶ ὧς ἐρέω ὅ μ’ ἀνείρεαι ἠδὲ μεταλλᾷς. ### book 19.172 Κρήτη τις γαῖ’ ἔστι μέσῳ ἐνὶ οἴνοπι πόντῳ, ### book 19.173 καλὴ καὶ πίειρα, περίρρυτος· ἐν δ’ ἄνθρωποι ### book 19.174 πολλοὶ ἀπειρέσιοι, καὶ ἐννήκοντα πόληες· — ### book 19.175 ἄλλη δ’ ἄλλων γλῶσσα μεμιγμένη· ἐν μὲν Ἀχαιοί, ### book 19.176 ἐν δ’ Ἐτεόκρητες μεγαλήτορες, ἐν δὲ Κύδωνες ### book 19.177 Δωριέες τε τριχάϊκες δῖοί τε Πελασγοί· — ### book 19.178 τῇσι δ’ ἐνὶ Κνωσός, μεγάλη πόλις, ἔνθα τε Μίνως ### book 19.179 ἐννέωρος βασίλευε Διὸς μεγάλου ὀαριστής, ### book 19.180 πατρὸς ἐμοῖο πατήρ, μεγαθύμου Δευκαλίωνος. ### book 19.181 Δευκαλίων δ’ ἐμὲ τίκτε καὶ Ἰδομενῆα ἄνακτα· ### book 19.182 ἀλλ’ ὁ μὲν ἐν νήεσσι κορωνίσιν Ἴλιον εἴσω ### book 19.183 ᾤχεθ’ ἅμ’ Ἀτρεΐδῃσιν· ἐμοὶ δ’ ὄνομα κλυτὸν Αἴθων, ### book 19.184 ὁπλότερος γενεῇ· ὁ δ’ ἅμα πρότερος καὶ ἀρείων. ### book 19.185 ἔνθ’ Ὀδυσῆα ἐγὼν ἰδόμην καὶ ξείνια δῶκα. ### book 19.186 καὶ γὰρ τὸν Κρήτηνδε κατήγαγεν ἲς ἀνέμοιο ### book 19.187 ἱέμενον Τροίηνδε, παραπλάγξασα Μαλειῶν· ### book 19.188 στῆσε δ’ ἐν Ἀμνισῷ, ὅθι τε σπέος Εἰλειθυίης, ### book 19.189 ἐν λιμέσιν χαλεποῖσι, μόγις δ’ ὑπάλυξεν ἀέλλας. ### book 19.190 αὐτίκα δ’ Ἰδομενῆα μετάλλα ἄστυδ’ ἀνελθών· ### book 19.191 ξεῖνον γάρ οἱ ἔφασκε φίλον τ’ ἔμεν αἰδοῖόν τε. ### book 19.192 τῷ δ’ ἤδη δεκάτη ἢ ἑνδεκάτη πέλεν ἠὼς ### book 19.193 οἰχομένῳ σὺν νηυσὶ κορωνίσιν Ἴλιον εἴσω. ### book 19.194 τὸν μὲν ἐγὼ πρὸς δώματ’ ἄγων ἐῢ ἐξείνισσα, ### book 19.195 ἐνδυκέως φιλέων, πολλῶν κατὰ οἶκον ἐόντων· ### book 19.196 καί οἱ τοῖς ἄλλοις’ ἑτάροις’, οἳ ἅμ’ αὐτῷ ἕποντο, ### book 19.197 δημόθεν ἄλφιτα δῶκα καὶ αἴθοπα οἶνον ἀγείρας ### book 19.198 καὶ βοῦς ἱρεύσασθαι, ἵνα πλησαίατο θυμόν. ### book 19.199 ἔνθα δυώδεκα μὲν μένον ἤματα δῖοι Ἀχαιοί· ### book 19.200 εἴλει γὰρ βορέης ἄνεμος μέγας οὐδ’ ἐπὶ γαίῃ ### book 19.201 εἴα ἵστασθαι, χαλεπὸς δέ τις ὤρορε δαίμων· ### book 19.202 τῇ τρεισκαιδεκάτῃ δ’ ἄνεμος πέσε, τοὶ δ’ ἀνάγοντο.” ### book 19.203 ἴσκε ψεύδεα πολλὰ λέγων ἐτύμοισιν ὁμοῖα· ### book 19.204 τῆς δ’ ἄρ’ ἀκουούσης ῥέε δάκρυα, τήκετο δὲ χρώς. ### book 19.205 ὡς δὲ χιὼν κατατήκετ’ ἐν ἀκροπόλοισιν ὄρεσσιν, ### book 19.206 ἥν τ’ εὖρος κατέτηξεν, ἐπὴν ζέφυρος καταχεύῃ, ### book 19.207 τηκομένης δ’ ἄρα τῆς ποταμοὶ πλήθουσι ῥέοντες· ### book 19.208 ὣς τῆς τήκετο καλὰ παρήϊα δάκρυ χεούσης, ### book 19.209 κλαιούσης ἑὸν ἄνδρα, παρήμενον. αὐτὰρ Ὀδυσσεὺς ### book 19.210 θυμῷ μὲν γοόωσαν ἑὴν ἐλέαιρε γυναῖκα, ### book 19.211 ὀφθαλμοὶ δ’ ὡς εἰ κέρα ἕστασαν ἠὲ σίδηρος ### book 19.212 ἀτρέμας ἐν βλεφάροισι· δόλῳ δ’ ὅ γε δάκρυα κεῦθεν. ### book 19.213 ἡ δ’ ἐπεὶ οὖν τάρφθη πολυδακρύτοιο γόοιο, ### book 19.214 ἐξαῦτίς μιν ἔπεσσιν ἀμειβομένη προσέειπε· ### book 19.215 “νῦν μὲν δή σευ ξεῖνέ γ’ ὀΐω πειρήσεσθαι, ### book 19.216 εἰ ἐτεὸν δὴ κεῖθι σὺν ἀντιθέοις’ ἑτάροισι ### book 19.217 ξείνισας ἐν μεγάροισιν ἐμὸν πόσιν, ὡς ἀγορεύεις. ### book 19.218 εἰπέ μοι, ὁπποῖ’ ἄσσα περὶ χροῒ εἵματα ἕστο, ### book 19.219 αὐτός θ’ οἷος ἔην, καὶ ἑταίρους, οἵ οἱ ἕποντο.” ### book 19.220 τὴν δ’ ἀπαμειβόμενος προσέφη πολύμητις Ὀδυσσεύς· ### book 19.221 “ὦ γύναι, ἀργαλέον τόσσον χρόνον ἀμφὶς ἐόντα ### book 19.222 εἰπεῖν· ἤδη γὰρ τόδ’ ἐεικοστὸν ἔτος ἐστίν, ### book 19.223 ἐξ οὗ κεῖθεν ἔβη καὶ ἐμῆς ἀπελήλυθε πάτρης· ### book 19.224 αὐτάρ τοι ἐρέω, ὥς μοι ἰνδάλλεται ἦτορ. ### book 19.225 χλαῖναν πορφυρέην οὔλην ἔχε δῖος Ὀδυσσεύς, ### book 19.226 διπλῆν· ἐν δ’ ἄρα οἱ περόνη χρυσοῖο τέτυκτο ### book 19.227 αὐλοῖσιν διδύμοισι· πάροιθε δὲ δαίδαλον ἦεν· ### book 19.228 ἐν προτέροισι πόδεσσι κύων ἔχε ποικίλον ἐλλόν, ### book 19.229 ἀσπαίροντα λάων· τὸ δὲ θαυμάζεσκον ἅπαντες, ### book 19.230 ὡς οἱ χρύσεοι ἐόντες ὁ μὲν λάε νεβρὸν ἀπάγχων, ### book 19.231 αὐτὰρ ὁ ἐκφυγέειν μεμαὼς ἤσπαιρε πόδεσσι. ### book 19.232 τὸν δὲ χιτῶν’ ἐνόησα περὶ χροῒ σιγαλόεντα, ### book 19.233 οἷόν τε κρομύοιο λοπὸν κάτα ἰσχαλέοιο· ### book 19.234 τὼς μὲν ἔην μαλακός, λαμπρὸς δ’ ἦν ἠέλιος ὥς. ### book 19.235 ἦ μὲν πολλαί γ’ αὐτὸν ἐθηήσαντο γυναῖκες. ### book 19.236 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσιν· ### book 19.237 οὐκ οἶδ’, ἢ τάδε ἕστο περὶ χροῒ οἴκοθ’ Ὀδυσσεύς, ### book 19.238 ἦ τις ἑταίρων δῶκε θοῆς ἐπὶ νηὸς ἰόντι ### book 19.239 ἤ τίς που καὶ ξεῖνος, ἐπεὶ πολλοῖσιν Ὀδυσσεὺς ### book 19.240 ἔσκε φίλος· παῦροι γὰρ Ἀχαιῶν ἦσαν ὁμοῖοι. ### book 19.241 καί οἱ ἐγὼ χάλκειον ἄορ καὶ δίπλακα δῶκα ### book 19.242 καλὴν πορφυρέην καὶ τερμιόεντα χιτῶνα, ### book 19.243 αἰδοίως δ’ ἀπέπεμπον ἐϋσσέλμου ἐπὶ νηός. ### book 19.244 καὶ μέν οἱ κῆρυξ ὀλίγον προγενέστερος αὐτοῦ ### book 19.245 εἵπετο· καὶ τόν τοι μυθήσομαι, οἷος ἔην περ· ### book 19.246 γυρὸς ἐν ὤμοισιν, μελανόχροος, οὐλοκάρηνος, ### book 19.247 Εὐρυβάτης δ’ ὄνομ’ ἔσκε· τίεν δέ μιν ἔξοχον ἄλλων ### book 19.248 ὧν ἑτάρων Ὀδυσεύς, ὅτι οἱ φρεσὶν ἄρτια ᾔδη.” ### book 19.249 ὣς φάτο, τῇ δ’ ἔτι μᾶλλον ὑφ’ ἵμερον ὦρσε γόοιο ### book 19.250 σήματ’ ἀναγνούσῃ, τά οἱ ἔμπεδα πέφραδ’ Ὀδυσσεύς. ### book 19.251 ἡ δ’ ἐπεὶ οὖν τάρφθη πολυδακρύτοιο γόοιο, ### book 19.252 καὶ τότε μιν μύθοισιν ἀμειβομένη προσέειπε· ### book 19.253 “νῦν μὲν δή μοι, ξεῖνε, πάρος περ ἐὼν ἐλεεινός, ### book 19.254 ἐν μεγάροισιν ἐμοῖσι φίλος τ’ ἔσῃ αἰδοῖός τε· ### book 19.255 αὐτὴ γὰρ τάδε εἵματ’ ἐγὼ πόρον, οἷ’ ἀγορεύεις, ### book 19.256 πτύξας’ ἐκ θαλάμου, περόνην τ’ ἐπέθηκα φαεινὴν ### book 19.257 κείνῳ ἄγαλμ’ ἔμεναι. τὸν δ’ οὐχ ὑποδέξομαι αὖτις ### book 19.258 οἴκαδε νοστήσαντα φίλην ἐς πατρίδα γαῖαν. ### book 19.259 τῶ ῥα κακῇ αἴσῃ κοίλης ἐπὶ νηὸς Ὀδυσσεὺς ### book 19.260 ᾤχετ’ ἐποψόμενος Κακοΐλιον οὐκ ὀνομαστήν.” ### book 19.261 τὴν δ’ ἀπαμειβόμενος προσέφη πολύμητις Ὀδυσσεύς· ### book 19.262 “ὦ γύναι αἰδοίη Λαερτιάδεω Ὀδυσῆος, ### book 19.263 μηκέτι νῦν χρόα καλὸν ἐναίρεο μηδέ τι θυμὸν ### book 19.264 τῆκε πόσιν γοόωσα. νεμεσσῶμαί γε μὲν οὐδέν· ### book 19.265 καὶ γάρ τίς τ’ ἀλλοῖον ὀδύρεται ἄνδρ’ ὀλέσασα ### book 19.266 κουρίδιον, τῷ τέκνα τέκῃ φιλότητι μιγεῖσα, ### book 19.267 ἢ Ὀδυσῆ’, ὅν φασι θεοῖς’ ἐναλίγκιον εἶναι. ### book 19.268 ἀλλὰ γόου μὲν παῦσαι, ἐμεῖο δὲ σύνθεο μῦθον· ### book 19.269 νημερτέως γάρ τοι μυθήσομαι οὐδ’ ἐπικεύσω, ### book 19.270 ὡς ἤδη Ὀδυσῆος ἐγὼ περὶ νόστου ἄκουσα ### book 19.271 ἀγχοῦ, Θεσπρωτῶν ἀνδρῶν ἐν πίονι δήμῳ, ### book 19.272 ζωοῦ· αὐτὰρ ἄγει κειμήλια πολλὰ καὶ ἐσθλά, ### book 19.273 αἰτίζων ἀνὰ δῆμον. ἀτὰρ ἐρίηρας ἑταίρους ### book 19.274 ὤλεσε καὶ νῆα γλαφυρὴν ἐνὶ οἴνοπι πόντῳ, ### book 19.275 Θρινακίης ἄπο νήσου ἰών· ὀδύσαντο γὰρ αὐτῷ ### book 19.276 Ζεύς τε καὶ Ἠέλιος· τοῦ γὰρ βόας ἔκταν ἑταῖροι. ### book 19.277 οἱ μὲν πάντες ὄλοντο πολυκλύστῳ ἐνὶ πόντῳ· ### book 19.278 τὸν δ’ ἄρ’ ἐπὶ τρόπιος νηὸς βάλε κῦμ’ ἐπὶ χέρσου, ### book 19.279 Φαιήκων ἐς γαῖαν, οἳ ἀγχίθεοι γεγάασιν· ### book 19.280 οἳ δή μιν περὶ κῆρι θεὸν ὣς τιμήσαντο ### book 19.281 καί οἱ πολλὰ δόσαν πέμπειν τέ μιν ἤθελον αὐτοὶ ### book 19.282 οἴκαδ’ ἀπήμαντον. καί κεν πάλαι ἐνθάδ’ Ὀδυσσεὺς ### book 19.283 ἤην· ἀλλ’ ἄρα οἱ τό γε κέρδιον εἴσατο θυμῷ, ### book 19.284 χρήματ’ ἀγυρτάζειν πολλὴν ἐπὶ γαῖαν ἰόντι· ### book 19.285 ὣς περὶ κέρδεα πολλὰ καταθνητῶν ἀνθρώπων ### book 19.286 οἶδ’ Ὀδυσεύς, οὐδ’ ἄν τις ἐρίσσειε βροτὸς ἄλλος. ### book 19.287 ὥς μοι Θεσπρωτῶν βασιλεὺς μυθήσατο Φείδων· ### book 19.288 ὤμνυε δὲ πρὸς ἔμ’ αὐτόν, ἀποσπένδων ἐνὶ οἴκῳ, ### book 19.289 νῆα κατειρύσθαι καὶ ἐπαρτέας ἔμμεν ἑταίρους, ### book 19.290 οἳ δή μιν πέμψουσι φίλην ἐς πατρίδα γαῖαν. ### book 19.291 ἀλλ’ ἐμὲ πρὶν ἀπέπεμψε· τύχησε γὰρ ἐρχομένη νηῦς ### book 19.292 ἀνδρῶν Θεσπρωτῶν ἐς Δουλίχιον πολύπυρον. ### book 19.293 καί μοι κτήματ’ ἔδειξεν, ὅσα ξυναγείρατ’ Ὀδυσσεύς· ### book 19.294 καί νύ κεν ἐς δεκάτην γενεὴν ἕτερόν γ’ ἔτι βόσκοι· ### book 19.295 τόσσα οἱ ἐν μεγάροις κειμήλια κεῖτο ἄνακτος. ### book 19.296 τὸν δ’ ἐς Δωδώνην φάτο βήμεναι, ὄφρα θεοῖο ### book 19.297 ἐκ δρυὸς ὑψικόμοιο Διὸς βουλὴν ἐπακούσαι, ### book 19.298 ὅππως νοστήσειε φίλην ἐς πατρίδα γαῖαν, ### book 19.299 ἤδη δὴν ἀπεών, ἢ ἀμφαδὸν ἦε κρυφηδόν. ### book 19.300 ὣς ὁ μὲν οὕτως ἐστὶ σόος καὶ ἐλεύσεται ἤδη ### book 19.301 ἄγχι μάλ’, οὐδ’ ἔτι τῆλε φίλων καὶ πατρίδος αἴης ### book 19.302 δηρὸν ἀπεσσεῖται· ἔμπης δέ τοι ὅρκια δώσω. ### book 19.303 ἴστω νῦν Ζεὺς πρῶτα, θεῶν ὕπατος καὶ ἄριστος, ### book 19.304 ἱστίη τ’ Ὀδυσῆος ἀμύμονος, ἣν ἀφικάνω· ### book 19.305 ἦ μέν τοι τάδε πάντα τελείεται ὡς ἀγορεύω. ### book 19.306 τοῦδ’ αὐτοῦ λυκάβαντος ἐλεύσεται ἐνθάδ’ Ὀδυσσεύς, ### book 19.307 τοῦ μὲν φθίνοντος μηνός, τοῦ δ’ ἱσταμένοιο.” ### book 19.308 τὸν δ’ αὖτε προσέειπε περίφρων Πηνελόπεια· ### book 19.309 “αἲ γὰρ τοῦτο, ξεῖνε, ἔπος τετελεσμένον εἴη· ### book 19.310 τῶ κε τάχα γνοίης φιλότητά τε πολλά τε δῶρα ### book 19.311 ἐξ ἐμεῦ, ὡς ἄν τίς σε συναντόμενος μακαρίζοι. ### book 19.312 ἀλλά μοι ὧδ’ ἀνὰ θυμὸν ὀΐεται, ὡς ἔσεταί περ· ### book 19.313 οὔτ’ Ὀδυσεὺς ἔτι οἶκον ἐλεύσεται, οὔτε σὺ πομπῆς ### book 19.314 τεύξῃ, ἐπεὶ οὐ τοῖοι σημάντορές εἰς’ ἐνὶ οἴκῳ, ### book 19.315 οἷος Ὀδυσσεὺς ἔσκε μετ’ ἀνδράσιν, εἴ ποτ’ ἔην γε, ### book 19.316 ξείνους αἰδοίους ἀποπεμπέμεν ἠδὲ δέχεσθαι. ### book 19.317 ἀλλά μιν, ἀμφίπολοι, ἀπονίψατε, κάτθετε δ’ εὐνήν, ### book 19.318 δέμνια καὶ χλαίνας καὶ ῥήγεα σιγαλόεντα, ### book 19.319 ὥς κ’ εὖ θαλπιόων χρυσόθρονον Ἠῶ ἵκηται. ### book 19.320 ἠῶθεν δὲ μάλ’ ἦρι λοέσσαι τε χρῖσαί τε, ### book 19.321 ὥς κ’ ἔνδον παρὰ Τηλεμάχῳ δείπνοιο μέδηται ### book 19.322 ἥμενος ἐν μεγάρῳ. τῷ δ’ ἄλγιον, ὅς κεν ἐκείνων ### book 19.323 τοῦτον ἀνιάζῃ θυμοφθόρος· οὐδέ τι ἔργον ### book 19.324 ἐνθάδ’ ἔτι πρήξει, μάλα περ κεχολωμένος αἰνῶς. ### book 19.325 πῶς γὰρ ἐμεῦ σύ, ξεῖνε, δαήσεαι, εἴ τι γυναικῶν ### book 19.326 ἀλλάων περίειμι νόον καὶ ἐπίφρονα μῆτιν, ### book 19.327 εἴ κεν ἀϋσταλέος, κακὰ εἱμένος ἐν μεγάροισι ### book 19.328 δαινύῃ; ἄνθρωποι δὲ μινυνθάδιοι τελέθουσιν. ### book 19.329 ὃς μὲν ἀπηνὴς αὐτὸς ἔῃ καὶ ἀπηνέα εἰδῇ, ### book 19.330 τῷ δὲ καταρῶνται πάντες βροτοὶ ἄλγε’ ὀπίσσω ### book 19.331 ζωῷ, ἀτὰρ τεθνεῶτί γ’ ἐφεψιόωνται ἅπαντες· ### book 19.332 ὃς δ’ ἂν ἀμύμων αὐτὸς ἔῃ καὶ ἀμύμονα εἰδῇ, ### book 19.333 τοῦ μέν τε κλέος εὐρὺ διὰ ξεῖνοι φορέουσι ### book 19.334 πάντας ἐπ’ ἀνθρώπους, πολλοί τέ μιν ἐσθλὸν ἔειπον.” ### book 19.335 τὴν δ’ ἀπαμειβόμενος προσέφη πολύμητις Ὀδυσσεύς· ### book 19.336 “ὦ γύναι αἰδοίη Λαερτιάδεω Ὀδυσῆος, ### book 19.337 ἦ τοι ἐμοὶ χλαῖναι καὶ ῥήγεα σιγαλόεντα ### book 19.338 ἤχθεθ’, ὅτε πρῶτον Κρήτης ὄρεα νιφόεντα ### book 19.339 νοσφισάμην ἐπὶ νηὸς ἰὼν δολιχηρέτμοιο· ### book 19.340 κείω δ’ ὡς τὸ πάρος περ ἀΰπνους νύκτας ἴαυον. ### book 19.341 πολλὰς γὰρ δὴ νύκτας ἀεικελίῳ ἐνὶ κοίτῃ ### book 19.342 ἄεσα καί τ’ ἀνέμεινα ἐΰθρονον Ἠῶ δῖαν. ### book 19.343 οὐδέ τί μοι ποδάνιπτρα ποδῶν ἐπιήρανα θυμῷ ### book 19.344 γίνεται· οὐδὲ γυνὴ ποδὸς ἅψεται ἡμετέροιο ### book 19.345 τάων, αἵ τοι δῶμα κάτα δρήστειραι ἔασιν, ### book 19.346 εἰ μή τις γρηῦς ἐστι παλαιή, κεδνὰ ἰδυῖα, ### book 19.347 ἥ τις δὴ τέτληκε τόσα φρεσὶν ὅσσα τ’ ἐγώ περ· ### book 19.348 τῇ δ’ οὐκ ἂν φθονέοιμι ποδῶν ἅψασθαι ἐμεῖο.” ### book 19.349 τὸν δ’ αὖτε προσέειπε περίφρων Πηνελόπεια· ### book 19.350 “ξεῖνε φίλ’· οὐ γάρ πώ τις ἀνὴρ πεπνυμένος ὧδε ### book 19.351 ξείνων τηλεδαπῶν φιλίων ἐμὸν ἵκετο δῶμα, ### book 19.352 ὡς σὺ μάλ’ εὐφραδέως πεπνυμένα πάντ’ ἀγορεύεις· ### book 19.353 ἔστι δέ μοι γρηῢς πυκινὰ φρεσὶ μήδε’ ἔχουσα, ### book 19.354 ἣ κεῖνον δύστηνον ἐῢ τρέφεν ἠδ’ ἀτίταλλε ### book 19.355 δεξαμένη χείρεσς’, ὅτε μιν πρῶτον τέκε μήτηρ· ### book 19.356 ἥ σε πόδας νίψει, ὀλιγηπελέουσά περ ἔμπης. ### book 19.357 ἀλλ’ ἄγε νῦν ἀνστᾶσα, περίφρων Εὐρύκλεια, ### book 19.358 νίψον σοῖο ἄνακτος ὁμήλικα· καί που Ὀδυσσεὺς ### book 19.359 ἤδη τοιόσδ’ ἐστὶ πόδας τοιόσδε τε χεῖρας· ### book 19.360 αἶψα γὰρ ἐν κακότητι βροτοὶ καταγηράσκουσιν.” ### book 19.361 ὣς ἄρ’ ἔφη, γρηῢς δὲ κατέσχετο χερσὶ πρόσωπα, ### book 19.362 δάκρυα δ’ ἔκβαλε θερμά, ἔπος δ’ ὀλοφυδνὸν ἔειπεν· ### book 19.363 “ὤ μοι ἐγὼ σέο, τέκνον, ἀμήχανος· ἦ σε περὶ Ζεὺς ### book 19.364 ἀνθρώπων ἤχθηρε θεουδέα θυμὸν ἔχοντα. ### book 19.365 οὐ γάρ πώ τις τόσσα βροτῶν Διὶ τερπικεραύνῳ ### book 19.366 πίονα μηρί’ ἔκη’ οὐδ’ ἐξαίτους ἑκατόμβας, ### book 19.367 ὅσσα σὺ τῷ ἐδίδους ἀρώμενος, εἷος ἵκοιο ### book 19.368 γῆράς τε λιπαρὸν θρέψαιό τε φαίδιμον υἱόν· ### book 19.369 νῦν δέ τοι οἴῳ πάμπαν ἀφείλετο νόστιμον ἦμαρ. ### book 19.370 οὕτω που καὶ κείνῳ ἐφεψιόωντο γυναῖκες ### book 19.371 ξείνων τηλεδαπῶν, ὅτε τευ κλυτὰ δώμαθ’ ἵκοιτο, ### book 19.372 ὡς σέθεν αἱ κύνες αἵδε καθεψιόωνται ἅπασαι, ### book 19.373 τάων νῦν λώβην τε καὶ αἴσχεα πόλλ’ ἀλεείνων ### book 19.374 οὐκ ἐάᾳς νίζειν· ἐμὲ δ’ οὐκ ἀέκουσαν ἄνωγε ### book 19.375 κούρη Ἰκαρίοιο, περίφρων Πηνελόπεια. ### book 19.376 τῶ σε πόδας νίψω ἅμα τ’ αὐτῆς Πηνελοπείης ### book 19.377 καὶ σέθεν εἵνεκ’, ἐπεί μοι ὀρώρεται ἔνδοθι θυμὸς ### book 19.378 κήδεσιν. ἀλλ’ ἄγε νῦν ξυνίει ἔπος, ὅττι κεν εἴπω· ### book 19.379 πολλοὶ δὴ ξεῖνοι ταλαπείριοι ἐνθάδ’ ἵκοντο, ### book 19.380 ἀλλ’ οὔ πώ τινά φημι ἐοικότα ὧδε ἰδέσθαι ### book 19.381 ὡς σὺ δέμας φωνήν τε πόδας τ’ Ὀδυσῆϊ ἔοικας.” ### book 19.382 τὴν δ’ ἀπαμειβόμενος προσέφη πολύμητις Ὀδυσσεύς· ### book 19.383 “ὦ γρηῦ, οὕτω φασὶν ὅσοι ἴδον ὀφθαλμοῖσιν ### book 19.384 ἡμέας ἀμφοτέρους, μάλα εἰκέλω ἀλλήλοιϊν ### book 19.385 ἔμμεναι, ὡς σύ περ αὐτὴ ἐπιφρονέους’ ἀγορεύεις.” ### book 19.386 ὣς ἄρ’ ἔφη, γρηῢς δὲ λέβηθ’ ἕλε παμφανόωντα, ### book 19.387 τῷ πόδας ἐξαπένιζεν, ὕδωρ δ’ ἐνεχεύατο πολλόν, ### book 19.388 ψυχρόν, ἔπειτα δὲ θερμὸν ἐπήφυσεν. αὐτὰρ Ὀδυσσεὺς ### book 19.389 ἷζεν ἀπ’ ἐσχαρόφιν, ποτὶ δὲ σκότον ἐτράπετ’ αἶψα· ### book 19.390 αὐτίκα γὰρ κατὰ θυμὸν ὀΐσατο, μή ἑ λαβοῦσα ### book 19.391 οὐλὴν ἀμφράσσαιτο καὶ ἀμφαδὰ ἔργα γένοιτο. ### book 19.392 νίζε δ’ ἄρ’ ἄσσον ἰοῦσα ἄναχθ’ ἑόν· αὐτίκα δ’ ἔγνω ### book 19.393 οὐλήν, τήν ποτέ μιν σῦς ἤλασε λευκῷ ὀδόντι ### book 19.394 Παρνησόνδ’ ἐλθόντα μετ’ Αὐτόλυκόν τε καὶ υἷας, ### book 19.395 μητρὸς ἑῆς πατέρ’ ἐσθλόν, ὃς ἀνθρώπους ἐκέκαστο ### book 19.396 κλεπτοσύνῃ θ’ ὅρκῳ τε· θεὸς δέ οἱ αὐτὸς ἔδωκεν ### book 19.397 Ἑρμείας· τῷ γὰρ κεχαρισμένα μηρία καῖεν ### book 19.398 ἀρνῶν ἠδ’ ἐρίφων· ὁ δέ οἱ πρόφρων ἅμ’ ὀπήδει. ### book 19.399 Αὐτόλυκος δ’ ἐλθὼν Ἰθάκης ἐς πίονα δῆμον ### book 19.400 παῖδα νέον γεγαῶτα κιχήσατο θυγατέρος ἧς· ### book 19.401 τόν ῥά οἱ Εὐρύκλεια φίλοις’ ἐπὶ γούνασι θῆκε ### book 19.402 παυομένῳ δόρποιο, ἔπος τ’ ἔφατ’ ἔκ τ’ ὀνόμαζεν· ### book 19.403 “Αὐτόλυκ’, αὐτὸς νῦν ὄνομ’ εὕρεο, ὅττι κε θεῖο ### book 19.404 παιδὸς παιδὶ φίλῳ· πολυάρητος δέ τοί ἐστι.” ### book 19.405 τὴν δ’ αὖτ’ Αὐτόλυκος ἀπαμείβετο φώνησέν τε· ### book 19.406 “γαμβρὸς ἐμὸς θύγατέρ τε, τίθεσθ’ ὄνομ’, ὅττι κεν εἴπω· ### book 19.407 πολλοῖσιν γὰρ ἐγώ γε ὀδυσσάμενος τόδ’ ἱκάνω, ### book 19.408 ἀνδράσιν ἠδὲ γυναιξὶν ἀνὰ χθόνα βωτιάνειραν· ### book 19.409 τῷ δ’ Ὀδυσεὺς ὄνομ’ ἔστω ἐπώνυμον. αὐτὰρ ἐγώ γε, ### book 19.410 ὁππότ’ ἂν ἡβήσας μητρώϊον ἐς μέγα δῶμα ### book 19.411 ἔλθῃ Παρνησόνδ’, ὅθι πού μοι κτήματ’ ἔασι, ### book 19.412 τῶν οἱ ἐγὼ δώσω καί μιν χαίροντ’ ἀποπέμψω.” ### book 19.413 τῶν ἕνεκ’ ἦλθ’ Ὀδυσεύς, ἵνα οἱ πόροι ἀγλαὰ δῶρα. ### book 19.414 τὸν μὲν ἄρ’ Αὐτόλυκός τε καὶ υἱέες Αὐτολύκοιο ### book 19.415 χερσίν τ’ ἠσπάζοντο ἔπεσσί τε μειλιχίοισι· ### book 19.416 μήτηρ δ’ Ἀμφιθέη μητρὸς περιφῦς’ Ὀδυσῆϊ ### book 19.417 κύσς’ ἄρα μιν κεφαλήν τε καὶ ἄμφω φάεα καλά. ### book 19.418 Αὐτόλυκος δ’ υἱοῖσιν ἐκέκλετο κυδαλίμοισι ### book 19.419 δεῖπνον ἐφοπλίσσαι· τοὶ δ’ ὀτρύνοντος ἄκουσαν. ### book 19.420 αὐτίκα δ’ εἰσάγαγον βοῦν ἄρσενα πενταέτηρον· ### book 19.421 τὸν δέρον ἀμφί θ’ ἕπον καί μιν διέχευαν ἅπαντα ### book 19.422 μίστυλλόν τ’ ἄρ’ ἐπισταμένως πεῖράν τ’ ὀβελοῖσιν ### book 19.423 ὤπτησάν τε περιφραδέως δάσσαντό τε μοίρας. ### book 19.424 ὣς τότε μὲν πρόπαν ἦμαρ ἐς ἠέλιον καταδύντα ### book 19.425 δαίνυντ’, οὐδέ τι θυμὸς ἐδεύετο δαιτὸς ἐΐσης· ### book 19.426 ἦμος δ’ ἠέλιος κατέδυ καὶ ἐπὶ κνέφας ἦλθε, ### book 19.427 δὴ τότε κοιμήσαντο καὶ ὕπνου δῶρον ἕλοντο. ### book 19.428 ἦμος δ’ ἠριγένεια φάνη ῥοδοδάκτυλος Ἠώς, ### book 19.429 βάν ῥ’ ἴμεν ἐς θήρην, ἠμὲν κύνες ἠδὲ καὶ αὐτοὶ ### book 19.430 υἱέες Αὐτολύκου· μετὰ τοῖσι δὲ δῖος Ὀδυσσεὺς ### book 19.431 ἤϊεν· αἰπὺ δ’ ὄρος προσέβαν καταειμένον ὕλῃ ### book 19.432 Παρνησοῦ, τάχα δ’ ἵκανον πτύχας ἠνεμοέσσας. ### book 19.433 Ἠέλιος μὲν ἔπειτα νέον προσέβαλλεν ἀρούρας ### book 19.434 ἐξ ἀκαλαρρείταο βαθυρρόου Ὠκεανοῖο, ### book 19.435 οἱ δ’ ἐς βῆσσαν ἵκανον ἐπακτῆρες· πρὸ δ’ ἄρ’ αὐτῶν ### book 19.436 ἴχνι’ ἐρευνῶντες κύνες ἤϊσαν, αὐτὰρ ὄπισθεν ### book 19.437 υἱέες Αὐτολύκου· μετὰ τοῖσι δὲ δῖος Ὀδυσσεὺς ### book 19.438 ἤϊεν ἄγχι κυνῶν, κραδάων δολιχόσκιον ἔγχος. ### book 19.439 ἔνθα δ’ ἄρ’ ἐν λόχμῃ πυκινῇ κατέκειτο μέγας σῦς· ### book 19.440 τὴν μὲν ἄρ’ οὔτ’ ἀνέμων διάη μένος ὑγρὸν ἀέντων, ### book 19.441 οὔτε μιν ἠέλιος φαέθων ἀκτῖσιν ἔβαλλεν, ### book 19.442 οὔτ’ ὄμβρος περάασκε διαμπερές· ὣς ἄρα πυκνὴ ### book 19.443 ἦεν, ἀτὰρ φύλλων ἐνέην χύσις ἤλιθα πολλή. ### book 19.444 τὸν δ’ ἀνδρῶν τε κυνῶν τε περὶ κτύπος ἦλθε ποδοῖϊν, ### book 19.445 ὡς ἐπάγοντες ἐπῇσαν· ὁ δ’ ἀντίος ἐκ ξυλόχοιο, ### book 19.446 φρίξας εὖ λοφιήν, πῦρ δ’ ὀφθαλμοῖσι δεδορκώς, ### book 19.447 στῆ ῥ’ αὐτῶν σχεδόθεν. ὁ δ’ ἄρα πρώτιστος Ὀδυσσεὺς ### book 19.448 ἔσσυτ’ ἀνασχόμενος δολιχὸν δόρυ χειρὶ παχείῃ, ### book 19.449 οὐτάμεναι μεμαώς· ὁ δέ μιν φθάμενος ἔλασεν σῦς ### book 19.450 γουνὸς ὕπερ, πολλὸν δὲ διήφυσε σαρκὸς ὀδόντι ### book 19.451 λικριφὶς ἀΐξας, οὐδ’ ὀστέον ἵκετο φωτός. ### book 19.452 τὸν δ’ Ὀδυσεὺς οὔτησε τυχὼν κατὰ δεξιὸν ὦμον, ### book 19.453 ἀντικρὺ δὲ διῆλθε φαεινοῦ δουρὸς ἀκωκή· ### book 19.454 κὰδ δ’ ἔπες’ ἐν κονίῃσι μακών, ἀπὸ δ’ ἔπτατο θυμός. ### book 19.455 τὸν μὲν ἄρ’ Αὐτολύκου παῖδες φίλοι ἀμφεπένοντο, ### book 19.456 ὠτειλὴν δ’ Ὀδυσῆος ἀμύμονος ἀντιθέοιο ### book 19.457 δῆσαν ἐπισταμένως, ἐπαοιδῇ δ’ αἷμα κελαινὸν ### book 19.458 ἔσχεθον, αἶψα δ’ ἵκοντο φίλου πρὸς δώματα πατρός. ### book 19.459 τὸν μὲν ἄρ’ Αὐτόλυκός τε καὶ υἱέες Αὐτολύκοιο ### book 19.460 εὖ ἰησάμενοι ἠδ’ ἀγλαὰ δῶρα πορόντες ### book 19.461 καρπαλίμως χαίροντα φίλως χαίροντες ἔπεμπον ### book 19.462 εἰς Ἰθάκην. τῷ μέν ῥα πατὴρ καὶ πότνια μήτηρ ### book 19.463 χαῖρον νοστήσαντι καὶ ἐξερέεινον ἕκαστα, ### book 19.464 οὐλὴν ὅττι πάθοι· ὁ δ’ ἄρα σφίσιν εὖ κατέλεξεν, ### book 19.465 ὥς μιν θηρεύοντ’ ἔλασεν σῦς λευκῷ ὀδόντι ### book 19.466 Παρνησόνδ’ ἐλθόντα σὺν υἱάσιν Αὐτολύκοιο. ### book 19.467 τὴν γρηῢς χείρεσσι καταπρηνέσσι λαβοῦσα ### book 19.468 γνῶ ῥ’ ἐπιμασσαμένη, πόδα δὲ προέηκε φέρεσθαι· ### book 19.469 ἐν δὲ λέβητι πέσε κνήμη, κανάχησε δὲ χαλκός, ### book 19.470 ἂψ δ’ ἑτέρως’ ἐκλίθη· τὸ δ’ ἐπὶ χθονὸς ἐξέχυθ’ ὕδωρ. ### book 19.471 τὴν δ’ ἅμα χάρμα καὶ ἄλγος ἕλε φρένα, τὼ δέ οἱ ὄσσε ### book 19.472 δακρυόφιν πλῆσθεν, θαλερὴ δέ οἱ ἔσχετο φωνή. ### book 19.473 ἁψαμένη δὲ γενείου Ὀδυσσῆα προσέειπεν· ### book 19.474 “ἦ μάλ’ Ὀδυσσεύς ἐσσι, φίλον τέκος· οὐδέ ς’ ἐγώ γε ### book 19.475 πρὶν ἔγνων, πρὶν πάντα ἄνακτ’ ἐμὸν ἀμφαφάασθαι.” ### book 19.476 ἦ, καὶ Πηνελόπειαν ἐσέδρακεν ὀφθαλμοῖσι, ### book 19.477 πεφραδέειν ἐθέλουσα φίλον πόσιν ἔνδον ἐόντα. ### book 19.478 ἡ δ’ οὔτ’ ἀθρῆσαι δύνατ’ ἀντίη οὔτε νοῆσαι· ### book 19.479 τῇ γὰρ Ἀθηναίη νόον ἔτραπεν. αὐτὰρ Ὀδυσσεὺς ### book 19.480 χείρ’ ἐπιμασσάμενος φάρυγος λάβε δεξιτερῆφι, ### book 19.481 τῇ δ’ ἑτέρῃ ἕθεν ἄσσον ἐρύσσατο φώνησέν τε· ### book 19.482 “μαῖα, τίη μ’ ἐθέλεις ὀλέσαι; σὺ δέ μ’ ἔτρεφες αὐτὴ ### book 19.483 τῷ σῷ ἐπὶ μαζῷ· νῦν δ’ ἄλγεα πολλὰ μογήσας ### book 19.484 ἤλυθον εἰκοστῷ ἔτεϊ ἐς πατρίδα γαῖαν. ### book 19.485 ἀλλ’ ἐπεὶ ἐφράσθης καί τοι θεὸς ἔμβαλε θυμῷ, ### book 19.486 σίγα, μή τίς τ’ ἄλλος ἐνὶ μεγάροισι πύθηται. ### book 19.487 ὧδε γὰρ ἐξερέω, καὶ μὴν τετελεσμένον ἔσται· ### book 19.488 εἴ χ’ ὑπ’ ἐμοί γε θεὸς δαμάσῃ μνηστῆρας ἀγαυούς, ### book 19.489 οὐδὲ τροφοῦ οὔσης σεῦ ἀφέξομαι, ὁππότ’ ἂν ἄλλας ### book 19.490 δμῳὰς ἐν μεγάροισιν ἐμοῖς κτείνωμι γυναῖκας.” ### book 19.491 τὸν δ’ αὖτε προσέειπε περίφρων Εὐρύκλεια· ### book 19.492 “τέκνον ἐμόν, ποῖόν σε ἔπος φύγεν ἕρκος ὀδόντων. ### book 19.493 οἶσθα μέν, οἷον ἐμὸν μένος ἔμπεδον οὐδ’ ἐπιεικτόν· ### book 19.494 ἕξω δ’ ὡς ὅτε τις στερεὴ λίθος ἠὲ σίδηρος. ### book 19.495 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσιν· ### book 19.496 εἴ χ’ ὑπὸ σοί γε θεὸς δαμάσῃ μνηστῆρας ἀγαυούς, ### book 19.497 δὴ τότε τοι καταλέξω ἐνὶ μεγάροισι γυναῖκας, ### book 19.498 αἵ τέ ς’ ἀτιμάζουσι καὶ αἳ νηλείτιδές εἰσι.” ### book 19.499 τὴν δ’ ἀπαμειβόμενος προσέφη πολύμητις Ὀδυσσεύς· ### book 19.500 “μαῖα, τίη δὲ σὺ τὰς μυθήσεαι; οὐδέ τί σε χρή· ### book 19.501 εὖ νυ καὶ αὐτὸς ἐγὼ φράσομαι καὶ εἴσομ’ ἑκάστην. ### book 19.502 ἀλλ’ ἔχε σιγῇ μῦθον, ἐπίτρεψον δὲ θεοῖσιν.” ### book 19.503 ὣς ἄρ’ ἔφη, γρηῢς δὲ διὲκ μεγάροιο βεβήκει ### book 19.504 οἰσομένη ποδάνιπτρα· τὰ γὰρ πρότερ’ ἔκχυτο πάντα. ### book 19.505 αὐτὰρ ἐπεὶ νίψεν τε καὶ ἤλειψεν λίπ’ ἐλαίῳ, ### book 19.506 αὖτις ἄρ’ ἀσσοτέρω πυρὸς ἕλκετο δίφρον Ὀδυσσεὺς ### book 19.507 θερσόμενος, οὐλὴν δὲ κατὰ ῥακέεσσι κάλυψε. ### book 19.508 τοῖσι δὲ μύθων ἦρχε περίφρων Πηνελόπεια· ### book 19.509 “ξεῖνε, τὸ μέν ς’ ἔτι τυτθὸν ἐγὼν εἰρήσομαι αὐτή· ### book 19.510 καὶ γὰρ δὴ κοίτοιο τάχ’ ἔσσεται ἡδέος ὥρη, ### book 19.511 ὅν τινά γ’ ὕπνος ἕλῃ γλυκερὸς καὶ κηδόμενόν περ. ### book 19.512 αὐτὰρ ἐμοὶ καὶ πένθος ἀμέτρητον πόρε δαίμων· ### book 19.513 ἤματα μὲν γὰρ τέρπομ’ ὀδυρομένη γοόωσα, ### book 19.514 ἔς τ’ ἐμὰ ἔργ’ ὁρόωσα καὶ ἀμφιπόλων ἐνὶ οἴκῳ· ### book 19.515 αὐτὰρ ἐπὴν νὺξ ἔλθῃ, ἕλῃσί τε κοῖτος ἅπαντας, ### book 19.516 κεῖμαι ἐνὶ λέκτρῳ, πυκιναὶ δέ μοι ἀμφ’ ἁδινὸν κῆρ ### book 19.517 ὀξεῖαι μελεδῶναι ὀδυρομένην ἐρέθουσιν. ### book 19.518 ὡς δ’ ὅτε Πανδαρέου κούρη, χλωρηῒς ἀηδών, ### book 19.519 καλὸν ἀείδῃσιν ἔαρος νέον ἱσταμένοιο, ### book 19.520 δενδρέων ἐν πετάλοισι καθεζομένη πυκινοῖσιν, ### book 19.521 ἥ τε θαμὰ τρωπῶσα χέει πολυδευκέα φωνήν, ### book 19.522 παῖδ’ ὀλοφυρομένη Ἴτυλον φίλον, ὅν ποτε χαλκῷ ### book 19.523 κτεῖνε δι’ ἀφραδίας, κοῦρον Ζήθοιο ἄνακτος· ### book 19.524 ὣς καὶ ἐμοὶ δίχα θυμὸς ὀρώρεται ἔνθα καὶ ἔνθα, ### book 19.525 ἠὲ μένω παρὰ παιδὶ καὶ ἔμπεδα πάντα φυλάσσω, ### book 19.526 κτῆσιν ἐμήν, δμῳάς τε καὶ ὑψερεφὲς μέγα δῶμα, ### book 19.527 εὐνήν τ’ αἰδομένη πόσιος δήμοιό τε φῆμιν, ### book 19.528 ἦ ἤδη ἅμ’ ἕπωμαι, Ἀχαιῶν ὅς τις ἄριστος ### book 19.529 μνᾶται ἐνὶ μεγάροισι, πορὼν ἀπερείσια ἕδνα. ### book 19.530 παῖς δ’ ἐμὸς εἷος ἔην ἔτι νήπιος ἠδὲ χαλίφρων, ### book 19.531 γήμασθ’ οὔ μ’ εἴα πόσιος κατὰ δῶμα λιποῦσαν· ### book 19.532 νῦν δ’ ὅτε δὴ μέγας ἐστὶ καὶ ἥβης μέτρον ἱκάνει, ### book 19.533 καὶ δή μ’ ἀρᾶται πάλιν ἐλθέμεν ἐκ μεγάροιο, ### book 19.534 κτήσιος ἀσχαλόων, τήν οἱ κατέδουσιν Ἀχαιοί. ### book 19.535 ἀλλ’ ἄγε μοι τὸν ὄνειρον ὑπόκριναι καὶ ἄκουσον. ### book 19.536 χῆνές μοι κατὰ οἶκον ἐείκοσι πυρὸν ἔδουσιν ### book 19.537 ἐξ ὕδατος, καί τέ σφιν ἰαίνομαι εἰσορόωσα· ### book 19.538 ἐλθὼν δ’ ἐξ ὄρεος μέγας αἰετὸς ἀγκυλοχήλης ### book 19.539 πᾶσι κατ’ αὐχένας ἦξε καὶ ἔκτανεν· οἱ δ’ ἐκέχυντο ### book 19.540 ἁθρόοι ἐν μεγάροις’, ὁ δ’ ἐς αἰθέρα δῖαν ἀέρθη. ### book 19.541 αὐτὰρ ἐγὼ κλαῖον καὶ ἐκώκυον ἔν περ ὀνείρῳ, ### book 19.542 ἀμφὶ δέ μ’ ἠγερέθοντο ἐϋπλοκαμῖδες Ἀχαιαί, ### book 19.543 οἴκτρ’ ὀλοφυρομένην, ὅ μοι αἰετὸς ἔκτανε χῆνας. ### book 19.544 ἂψ δ’ ἐλθὼν κατ’ ἄρ’ ἕζετ’ ἐπὶ προὔχοντι μελάθρῳ, ### book 19.545 φωνῇ δὲ βροτέῃ κατερήτυε φώνησέν τε· ### book 19.546 ‘θάρσει, Ἰκαρίου κούρη τηλεκλειτοῖο· ### book 19.547 οὐκ ὄναρ, ἀλλ’ ὕπαρ ἐσθλόν, ὅ τοι τετελεσμένον ἔσται. ### book 19.548 χῆνες μὲν μνηστῆρες, ἐγὼ δέ τοι αἰετὸς ὄρνις ### book 19.549 ἦα πάρος, νῦν αὖτε τεὸς πόσις εἰλήλουθα, ### book 19.550 ὃς πᾶσι μνηστῆρσιν ἀεικέα πότμον ἐφήσω.‘ ### book 19.551 ὣς ἔφατ’, αὐτὰρ ἐμὲ μελιηδὴς ὕπνος ἀνῆκε· ### book 19.552 παπτήνασα δὲ χῆνας ἐνὶ μεγάροις’ ἐνόησα ### book 19.553 πυρὸν ἐρεπτομένους παρὰ πύελον, ἧχι πάρος περ.” ### book 19.554 τὴν δ’ ἀπαμειβόμενος προσέφη πολύμητις Ὀδυσσεύς· ### book 19.555 “ὦ γύναι, οὔ πως ἔστιν ὑποκρίνασθαι ὄνειρον ### book 19.556 ἄλλῃ ἀποκλίναντ’, ἐπεὶ ἦ ῥά τοι αὐτὸς Ὀδυσσεὺς ### book 19.557 πέφραδ’, ὅπως τελέει· μνηστῆρσι δὲ φαίνετ’ ὄλεθρος ### book 19.558 πᾶσι μάλ’, οὐδέ κέ τις θάνατον καὶ κῆρας ἀλύξει.” ### book 19.559 τὸν δ’ αὖτε προσέειπε περίφρων Πηνελόπεια· ### book 19.560 “ξεῖν’, ἦ τοι μὲν ὄνειροι ἀμήχανοι ἀκριτόμυθοι ### book 19.561 γίνοντ’, οὐδέ τι πάντα τελείεται ἀνθρώποισι. ### book 19.562 δοιαὶ γάρ τε πύλαι ἀμενηνῶν εἰσὶν ὀνείρων· ### book 19.563 αἱ μὲν γὰρ κεράεσσι τετεύχαται, αἱ δ’ ἐλέφαντι. ### book 19.564 τῶν οἳ μέν κ’ ἔλθωσι διὰ πριστοῦ ἐλέφαντος, ### book 19.565 οἵ ῥ’ ἐλεφαίρονται, ἔπε’ ἀκράαντα φέροντες· ### book 19.566 οἳ δὲ διὰ ξεστῶν κεράων ἔλθωσι θύραζε, ### book 19.567 οἵ ῥ’ ἔτυμα κραίνουσι, βροτῶν ὅτε κέν τις ἴδηται. ### book 19.568 ἀλλ’ ἐμοὶ οὐκ ἐντεῦθεν ὀΐομαι αἰνὸν ὄνειρον ### book 19.569 ἐλθέμεν· ἦ κ’ ἀσπαστὸν ἐμοὶ καὶ παιδὶ γένοιτο. ### book 19.570 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσιν· ### book 19.571 ἥδε δὴ ἠὼς εἶσι δυσώνυμος, ἥ μ’ Ὀδυσῆος ### book 19.572 οἴκου ἀποσχήσει· νῦν γὰρ καταθήσω ἄεθλον, ### book 19.573 τοὺς πελέκεας, τοὺς κεῖνος ἐνὶ μεγάροισιν ἑοῖσιν ### book 19.574 ἵστασχ’ ἑξείης, δρυόχους ὥς, δώδεκα πάντας· ### book 19.575 στὰς δ’ ὅ γε πολλὸν ἄνευθε διαρρίπτασκεν ὀϊστόν. ### book 19.576 νῦν δὲ μνηστήρεσσιν ἄεθλον τοῦτον ἐφήσω· ### book 19.577 ὃς δέ κε ῥηΐτατ’ ἐντανύσῃ βιὸν ἐν παλάμῃσι ### book 19.578 καὶ διοϊστεύσῃ πελέκεων δυοκαίδεκα πάντων, ### book 19.579 τῷ κεν ἅμ’ ἑσποίμην, νοσφισσαμένη τόδε δῶμα ### book 19.580 κουρίδιον, μάλα καλόν, ἐνίπλειον βιότοιο, ### book 19.581 τοῦ ποτε μεμνήσεσθαι ὀΐομαι ἔν περ ὀνείρῳ.” ### book 19.582 τὴν δ’ ἀπαμειβόμενος προσέφη πολύμητις Ὀδυσσεύς· ### book 19.583 “ὦ γύναι αἰδοίη Λαερτιάδεω Ὀδυσῆος, ### book 19.584 μηκέτι νῦν ἀνάβαλλε δόμοις’ ἔνι τοῦτον ἄεθλον· ### book 19.585 πρὶν γάρ τοι πολύμητις ἐλεύσεται ἐνθάδ’ Ὀδυσσεύς, ### book 19.586 πρὶν τούτους τόδε τόξον ἐΰξοον ἀμφαφόωντας ### book 19.587 νευρήν τ’ ἐντανύσαι διοϊστεῦσαί τε σιδήρου.” ### book 19.588 τὸν δ’ αὖτε προσέειπε περίφρων Πηνελόπεια· ### book 19.589 “εἴ κ’ ἐθέλοις μοι, ξεῖνε, παρήμενος ἐν μεγάροισι ### book 19.590 τέρπειν, οὔ κέ μοι ὕπνος ἐπὶ βλεφάροισι χυθείη. ### book 19.591 ἀλλ’ οὐ γάρ πως ἔστιν ἀΰπνους ἔμμεναι αἰὲν ### book 19.592 ἀνθρώπους· ἐπὶ γάρ τοι ἑκάστῳ μοῖραν ἔθηκαν ### book 19.593 ἀθάνατοι θνητοῖσιν ἐπὶ ζείδωρον ἄρουραν. ### book 19.594 ἀλλ’ ἦ τοι μὲν ἐγὼν ὑπερώϊον εἰσαναβᾶσα ### book 19.595 λέξομαι εἰς εὐνήν, ἥ μοι στονόεσσα τέτυκται, ### book 19.596 αἰεὶ δάκρυς’ ἐμοῖσι πεφυρμένη, ἐξ οὗ Ὀδυσσεὺς ### book 19.597 ᾤχετ’ ἐποψόμενος Κακοΐλιον οὐκ ὀνομαστήν. ### book 19.598 ἔνθα κε λεξαίμην· σὺ δὲ λέξεο τῷδ’ ἐνὶ οἴκῳ, ### book 19.599 ἢ χαμάδις στορέσας, ἤ τοι κατὰ δέμνια θέντων.” ### book 19.600 ὣς εἰποῦς’ ἀνέβαιν’ ὑπερώϊα σιγαλόεντα, ### book 19.601 οὐκ οἴη, ἅμα τῇ γε καὶ ἀμφίπολοι κίον ἄλλαι. ### book 19.602 ἐς δ’ ὑπερῷ’ ἀναβᾶσα σὺν ἀμφιπόλοισι γυναιξὶ ### book 19.603 κλαῖεν ἔπειτ’ Ὀδυσῆα φίλον πόσιν, ὄφρα οἱ ὕπνον ### book 19.604 ἡδὺν ἐπὶ βλεφάροισι βάλε γλαυκῶπις Ἀθήνη. ### book 20.1 Αὐτὰρ ὁ ἐν προδόμῳ εὐνάζετο δῖος Ὀδυσσεύς· ### book 20.2 κὰμ μὲν ἀδέψητον βοέην στόρες’, αὐτὰρ ὕπερθεν ### book 20.3 κώεα πόλλ’ ὀΐων, τοὺς ἱρεύεσκον Ἀχαιοί· ### book 20.4 Εὐρυνόμη δ’ ἄρ’ ἐπὶ χλαῖναν βάλε κοιμηθέντι. ### book 20.5 ἔνθ’ Ὀδυσεὺς μνηστῆρσι κακὰ φρονέων ἐνὶ θυμῷ ### book 20.6 κεῖτ’ ἐγρηγορόων· ταὶ δ’ ἐκ μεγάροιο γυναῖκες ### book 20.7 ἤϊσαν, αἳ μνηστῆρσιν ἐμισγέσκοντο πάρος περ, ### book 20.8 ἀλλήλῃσι γέλω τε καὶ εὐφροσύνην παρέχουσαι. ### book 20.9 τοῦ δ’ ὠρίνετο θυμὸς ἐνὶ στήθεσσι φίλοισι· ### book 20.10 πολλὰ δὲ μερμήριζε κατὰ φρένα καὶ κατὰ θυμόν, ### book 20.11 ἠὲ μεταΐξας θάνατον τεύξειεν ἑκάστῃ, ### book 20.12 ἦ ἔτ’ ἐῷ μνηστῆρσιν ὑπερφιάλοισι μιγῆναι ### book 20.13 ὕστατα καὶ πύματα· κραδίη δέ οἱ ἔνδον ὑλάκτει. ### book 20.14 ὡς δὲ κύων ἀμαλῇσι περὶ σκυλάκεσσι βεβῶσα ### book 20.15 ἄνδρ’ ἀγνοιήσας’ ὑλάει μέμονέν τε μάχεσθαι, ### book 20.16 ὥς ῥα τοῦ ἔνδον ὑλάκτει ἀγαιομένου κακὰ ἔργα. ### book 20.17 στῆθος δὲ πλήξας κραδίην ἠνίπαπε μύθῳ· ### book 20.18 “τέτλαθι δή, κραδίη· καὶ κύντερον ἄλλο ποτ’ ἔτλης, ### book 20.19 ἤματι τῷ, ὅτε μοι μένος ἄσχετος ἤσθιε Κύκλωψ ### book 20.20 ἰφθίμους ἑτάρους· σὺ δ’ ἐτόλμας, ὄφρα σε μῆτις ### book 20.21 ἐξάγαγ’ ἐξ ἄντροιο ὀϊόμενον θανέεσθαι.” ### book 20.22 ὣς ἔφατ’, ἐν στήθεσσι καθαπτόμενος φίλον ἦτορ· ### book 20.23 τῷ δὲ μάλ’ ἐν πείσῃ κραδίη μένε τετληυῖα ### book 20.24 νωλεμέως· ἀτὰρ αὐτὸς ἑλίσσετο ἔνθα καὶ ἔνθα. ### book 20.25 ὡς δ’ ὅτε γαστέρ’ ἀνὴρ πολέος πυρὸς αἰθομένοιο, ### book 20.26 ἐμπλείην κνίσης τε καὶ αἵματος, ἔνθα καὶ ἔνθα ### book 20.27 αἰόλλῃ, μάλα δ’ ὦκα λιλαίεται ὀπτηθῆναι, ### book 20.28 ὣς ἄρ’ ὅ γ’ ἔνθα καὶ ἔνθα ἑλίσσετο μερμηρίζων, ### book 20.29 ὅππως δὴ μνηστῆρσιν ἀναιδέσι χεῖρας ἐφήσει, ### book 20.30 μοῦνος ἐὼν πολέσι. σχεδόθεν δέ οἱ ἦλθεν Ἀθήνη ### book 20.31 οὐρανόθεν καταβᾶσα, δέμας δ’ ἤϊκτο γυναικί· ### book 20.32 στῆ δ’ ἄρ’ ὑπὲρ κεφαλῆς καί μιν πρὸς μῦθον ἔειπε· ### book 20.33 “τίπτ’ αὖτ’ ἐγρήσσεις, πάντων περὶ κάμμορε φωτῶν; ### book 20.34 οἶκος μέν τοι ὅδ’ ἐστί, γυνὴ δέ τοι ἥδ’ ἐνὶ οἴκῳ ### book 20.35 καὶ πάϊς, οἷόν πού τις ἐέλδεται ἔμμεναι υἷα.” ### book 20.36 τὴν δ’ ἀπαμειβόμενος προσέφη πολύμητις Ὀδυσσεύς· ### book 20.37 “ναὶ δὴ ταῦτά γε πάντα, θεά, κατὰ μοῖραν ἔειπες· ### book 20.38 ἀλλά τί μοι τόδε θυμὸς ἐνὶ φρεσὶ μερμηρίζει, ### book 20.39 ὅππως δὴ μνηστῆρσιν ἀναιδέσι χεῖρας ἐφήσω, ### book 20.40 μοῦνος ἐών· οἱ δ’ αἰὲν ἀολλέες ἔνδον ἔασι. ### book 20.41 πρὸς δ’ ἔτι καὶ τόδε μεῖζον ἐνὶ φρεσὶ μερμηρίζω· ### book 20.42 εἴ περ γὰρ κτείναιμι Διός τε σέθεν τε ἕκητι, ### book 20.43 πῇ κεν ὑπεκπροφύγοιμι; τά σε φράζεσθαι ἄνωγα.” ### book 20.44 τὸν δ’ αὖτε προσέειπε θεὰ γλαυκῶπις Ἀθήνη· ### book 20.45 “σχέτλιε, καὶ μέν τίς τε χερείονι πείθεθ’ ἑταίρῳ, ### book 20.46 ὅς περ θνητός τ’ ἐστὶ καὶ οὐ τόσα μήδεα οἶδεν· ### book 20.47 αὐτὰρ ἐγὼ θεός εἰμι, διαμπερὲς ἥ σε φυλάσσω ### book 20.48 ἐν πάντεσσι πόνοις’. ἐρέω δέ τοι ἐξαναφανδόν· ### book 20.49 εἴ περ πεντήκοντα λόχοι μερόπων ἀνθρώπων ### book 20.50 νῶϊ περισταῖεν, κτεῖναι μεμαῶτες Ἄρηϊ, ### book 20.51 καί κεν τῶν ἐλάσαιο βόας καὶ ἴφια μῆλα. ### book 20.52 ἀλλ’ ἑλέτω σε καὶ ὕπνος· ἀνίη καὶ τὸ φυλάσσειν ### book 20.53 πάννυχον ἐγρήσσοντα, κακῶν δ’ ὑποδύσεαι ἤδη.” ### book 20.54 ὣς φάτο, καί ῥά οἱ ὕπνον ἐπὶ βλεφάροισιν ἔχευεν, ### book 20.55 αὐτὴ δ’ ἂψ ἐς Ὄλυμπον ἀπέστιχε δῖα θεάων. ### book 20.56 εὖτε τὸν ὕπνος ἔμαρπτε, λύων μελεδήματα θυμοῦ, ### book 20.57 λυσιμελής, ἄλοχος δ’ ἄρ’ ἐπέγρετο κεδνὰ ἰδυῖα, ### book 20.58 κλαῖεν δ’ ἐν λέκτροισι καθεζομένη μαλακοῖσιν. ### book 20.59 αὐτὰρ ἐπεὶ κλαίουσα κορέσσατο ὃν κατὰ θυμόν, ### book 20.60 Ἀρτέμιδι πρώτιστον ἐπεύξατο δῖα γυναικῶν· ### book 20.61 “Ἄρτεμι, πότνα θεά, θύγατερ Διός, αἴθε μοι ἤδη ### book 20.62 ἰὸν ἐνὶ στήθεσσι βαλοῦς’ ἐκ θυμὸν ἕλοιο ### book 20.63 αὐτίκα νῦν, ἢ ἔπειτά μ’ ἀναρπάξασα θύελλα ### book 20.64 οἴχοιτο προφέρουσα κατ’ ἠερόεντα κέλευθα, ### book 20.65 ἐν προχοῇς δὲ βάλοι ἀψορρόου Ὠκεανοῖο. ### book 20.66 ὡς δ’ ὅτε Πανδαρέου κούρας ἀνέλοντο θύελλαι· ### book 20.67 τῇσι τοκῆας μὲν φθεῖσαν θεοί, αἱ δ’ ἐλίποντο ### book 20.68 ὀρφαναὶ ἐν μεγάροισι, κόμισσε δὲ δῖ’ Ἀφροδίτη ### book 20.69 τυρῷ καὶ μέλιτι γλυκερῷ καὶ ἡδέϊ οἴνῳ· ### book 20.70 Ἥρη δ’ αὐτῇσιν περὶ πασέων δῶκε γυναικῶν ### book 20.71 εἶδος καὶ πινυτήν, μῆκος δ’ ἔπορ’ Ἄρτεμις ἁγνή, ### book 20.72 ἔργα δ’ Ἀθηναίη δέδαε κλυτὰ ἐργάζεσθαι. ### book 20.73 εὖτ’ Ἀφροδίτη δῖα προσέστιχε μακρὸν Ὄλυμπον, ### book 20.74 κούρῃς’ αἰτήσουσα τέλος θαλεροῖο γάμοιο, ### book 20.75 ἐς Δία τερπικέραυνον, —ὁ γάρ τ’ ἐῢ οἶδεν ἅπαντα, ### book 20.76 μοῖράν τ’ ἀμμορίην τε καταθνητῶν ἀνθρώπων, — ### book 20.77 τόφρα δὲ τὰς κούρας Ἅρπυιαι ἀνηρέψαντο ### book 20.78 καί ῥ’ ἔδοσαν στυγερῇσιν Ἐρινύσιν ἀμφιπολεύειν· ### book 20.79 ὣς ἔμ’ ἀϊστώσειαν Ὀλύμπια δώματ’ ἔχοντες, ### book 20.80 ἠέ μ’ ἐϋπλόκαμος βάλοι Ἄρτεμις, ὄφρ’ Ὀδυσῆα ### book 20.81 ὀσσομένη καὶ γαῖαν ὕπο στυγερὴν ἀφικοίμην, ### book 20.82 μηδέ τι χείρονος ἀνδρὸς ἐϋφραίνοιμι νόημα. ### book 20.83 ἀλλὰ τὸ μὲν καὶ ἀνεκτὸν ἔχει κακόν, ὁππότε κέν τις ### book 20.84 ἤματα μὲν κλαίῃ, πυκινῶς ἀκαχήμενος ἦτορ, ### book 20.85 νύκτας δ’ ὕπνος ἔχῃσιν, —ὁ γάρ τ’ ἐπέλησεν ἁπάντων, ### book 20.86 ἐσθλῶν ἠδὲ κακῶν, ἐπεὶ ἂρ βλέφαρ’ ἀμφικαλύψῃ· — ### book 20.87 αὐτὰρ ἐμοὶ καὶ ὀνείρατ’ ἐπέσσευεν κακὰ δαίμων. ### book 20.88 τῇδε γὰρ αὖ μοι νυκτὶ παρέδραθεν εἴκελος αὐτῷ, ### book 20.89 τοῖος ἐὼν, οἷος ᾖεν ἅμα στρατῷ· αὐτὰρ ἐμὸν κῆρ ### book 20.90 χαῖρ’, ἐπεὶ οὐκ ἐφάμην ὄναρ ἔμμεναι, ἀλλ’ ὕπαρ ἤδη.” ### book 20.91 ὣς ἔφατ’, αὐτίκα δὲ χρυσόθρονος ἤλυθεν Ἠώς. ### book 20.92 τῆς δ’ ἄρα κλαιούσης ὄπα σύνθετο δῖος Ὀδυσσεύς· ### book 20.93 μερμήριξε δ’ ἔπειτα, δόκησε δέ οἱ κατὰ θυμὸν ### book 20.94 ἤδη γινώσκουσα παρεστάμεναι κεφαλῆφι. ### book 20.95 χλαῖναν μὲν συνελὼν καὶ κώεα, τοῖσιν ἐνεῦδεν, ### book 20.96 ἐς μέγαρον κατέθηκεν ἐπὶ θρόνου, ἐκ δὲ βοείην ### book 20.97 θῆκε θύραζε φέρων, Διὶ δ’ εὔξατο χεῖρας ἀνασχών· ### book 20.98 “Ζεῦ πάτερ, εἴ μ’ ἐθέλοντες ἐπὶ τραφερήν τε καὶ ὑγρὴν ### book 20.99 ἤγετ’ ἐμὴν ἐς γαῖαν, ἐπεί μ’ ἐκακώσατε λίην, ### book 20.100 φήμην τίς μοι φάσθω ἐγειρομένων ἀνθρώπων ### book 20.101 ἔνδοθεν, ἔκτοσθεν δὲ Διὸς τέρας ἄλλο φανήτω.” ### book 20.102 ὣς ἔφατ’ εὐχόμενος· τοῦ δ’ ἔκλυε μητίετα Ζεύς, ### book 20.103 αὐτίκα δ’ ἐβρόντησεν ἀπ’ αἰγλήεντος Ὀλύμπου, ### book 20.104 ὑψόθεν ἐκ νεφέων· γήθησε δὲ δῖος Ὀδυσσεύς. ### book 20.105 φήμην δ’ ἐξ οἴκοιο γυνὴ προέηκεν ἀλετρὶς ### book 20.106 πλησίον, ἔνθ’ ἄρα οἱ μύλαι εἵατο ποιμένι λαῶν. ### book 20.107 τῇσιν δώδεκα πᾶσαι ἐπερρώοντο γυναῖκες ### book 20.108 ἄλφιτα τεύχουσαι καὶ ἀλείατα, μυελὸν ἀνδρῶν· ### book 20.109 αἱ μὲν ἄρ’ ἄλλαι εὗδον, ἐπεὶ κατὰ πυρὸν ἄλεσσαν, ### book 20.110 ἡ δὲ μί’ οὔ πω παύετ’, ἀφαυροτάτη δὲ τέτυκτο· ### book 20.111 ἥ ῥα μύλην στήσασα ἔπος φάτο, σῆμα ἄνακτι· ### book 20.112 “Ζεῦ πάτερ, ὅς τε θεοῖσι καὶ ἀνθρώποισιν ἀνάσσεις, ### book 20.113 ἦ μεγάλ’ ἐβρόντησας ἀπ’ οὐρανοῦ ἀστερόεντος, ### book 20.114 οὐδέ ποθι νέφος ἐστί· τέρας νύ τεῳ τόδε φαίνεις. ### book 20.115 κρῆνον νῦν καὶ ἐμοὶ δειλῇ ἔπος, ὅττι κεν εἴπω· ### book 20.116 μνηστῆρες πύματόν τε καὶ ὕστατον ἤματι τῷδε ### book 20.117 ἐν μεγάροις’ Ὀδυσῆος ἑλοίατο δαῖτ’ ἐρατεινήν, ### book 20.118 οἳ δή μοι καμάτῳ θυμαλγέϊ γούνατ’ ἔλυσαν ### book 20.119 ἄλφιτα τευχούσῃ· νῦν ὕστατα δειπνήσειαν.” ### book 20.120 ὣς ἄρ’ ἔφη, χαῖρεν δὲ κλεηδόνι δῖος Ὀδυσσεὺς ### book 20.121 Ζηνός τε βροντῇ· φάτο γὰρ τείσασθαι ἀλείτας. ### book 20.122 αἱ δ’ ἄλλαι δμῳαὶ κατὰ δώματα κάλ’ Ὀδυσῆος ### book 20.123 ἐγρόμεναι ἀνέκαιον ἐπ’ ἐσχάρῃ ἀκάματον πῦρ. ### book 20.124 Τηλέμαχος δ’ εὐνῆθεν ἀνίστατο, ἰσόθεος φώς, ### book 20.125 εἵματα ἑσσάμενος, περὶ δὲ ξίφος ὀξὺ θέτ’ ὤμῳ, ### book 20.126 ποσσὶ δ’ ὑπὸ λιπαροῖσιν ἐδήσατο καλὰ πέδιλα, ### book 20.127 εἵλετο δ’ ἄλκιμον ἔγχος ἀκαχμένον ὀξέϊ χαλκῷ. ### book 20.128 στῆ δ’ ἄρ’ ἐπ’ οὐδὸν ἰών, πρὸς δ’ Εὐρύκλειαν ἔειπε· ### book 20.129 “μαῖα φίλη, πῶς ξεῖνον ἐτιμήσασθ’ ἐνὶ οἴκῳ ### book 20.130 εὐνῇ καὶ σίτῳ, ἦ αὔτως κεῖται ἀκηδής; ### book 20.131 τοιαύτη γὰρ ἐμὴ μήτηρ, πινυτή περ ἐοῦσα· ### book 20.132 ἐμπλήγδην ἕτερόν γε τίει μερόπων ἀνθρώπων ### book 20.133 χείρονα, τὸν δέ τ’ ἀρείον’ ἀτιμήσας’ ἀποπέμπει.” ### book 20.134 τὸν δ’ αὖτε προσέειπε περίφρων Εὐρύκλεια· ### book 20.135 “οὐκ ἄν μιν νῦν, τέκνον, ἀναίτιον αἰτιόῳο. ### book 20.136 οἶνον μὲν γὰρ πῖνε καθήμενος, ὄφρ’ ἔθελ’ αὐτός, ### book 20.137 σίτου δ’ οὐκέτ’ ἔφη πεινήμεναι· εἴρετο γάρ μιν. ### book 20.138 ἀλλ’ ὅτε δὴ κοίτοιο καὶ ὕπνου μιμνῄσκοντο, ### book 20.139 ἡ μὲν δέμνι’ ἄνωγεν ὑποστορέσαι δμῳῇσιν, ### book 20.140 αὐτὰρ ὅ γ’, ὥς τις πάμπαν ὀϊζυρὸς καὶ ἄποτμος, ### book 20.141 οὐκ ἔθελ’ ἐν λέκτροισι καὶ ἐν ῥήγεσσι καθεύδειν, ### book 20.142 ἀλλ’ ἐν ἀδεψήτῳ βοέῃ καὶ κώεσιν οἰῶν ### book 20.143 ἔδραθ’ ἐνὶ προδόμῳ· χλαῖναν δ’ ἐπιέσσαμεν ἡμεῖς.” ### book 20.144 ὣς φάτο, Τηλέμαχος δὲ διὲκ μεγάροιο βεβήκει ### book 20.145 ἔγχος ἔχων· ἅμα τῷ γε κύνες πόδας ἀργοὶ ἕποντο. ### book 20.146 βῆ δ’ ἴμεν εἰς ἀγορὴν μετ’ ἐϋκνήμιδας Ἀχαιούς. ### book 20.147 ἡ δ’ αὖτε δμῳῇσιν ἐκέκλετο δῖα γυναικῶν, ### book 20.148 Εὐρύκλει’, Ὦπος θυγάτηρ Πεισηνορίδαο· ### book 20.149 “ἄγρειθ’, αἱ μὲν δῶμα κορήσατε ποιπνύσασαι ### book 20.150 ῥάσσατέ τ’ ἔν τε θρόνοις’ εὐποιήτοισι τάπητας ### book 20.151 βάλλετε πορφυρέους· αἱ δὲ σπόγγοισι τραπέζας ### book 20.152 πάσας ἀμφιμάσασθε, καθήρατε δὲ κρητῆρας ### book 20.153 καὶ δέπα ἀμφικύπελλα τετυγμένα· ταὶ δὲ μεθ’ ὕδωρ ### book 20.154 ἔρχεσθε κρήνηνδε καὶ οἴσετε θᾶσσον ἰοῦσαι. ### book 20.155 οὐ γὰρ δὴν μνηστῆρες ἀπέσσονται μεγάροιο, ### book 20.156 ἀλλὰ μάλ’ ἦρι νέονται, ἐπεὶ καὶ πᾶσιν ἑορτή.” ### book 20.157 ὣς ἔφαθ’, αἱ δ’ ἄρα τῆς μάλα μὲν κλύον ἠδ’ ἐπίθοντο. ### book 20.158 αἱ μὲν ἐείκοσι βῆσαν ἐπὶ κρήνην μελάνυδρον, ### book 20.159 αἱ δ’ αὐτοῦ κατὰ δώματ’ ἐπισταμένως πονέοντο. ### book 20.160 ἐς δ’ ἦλθον δρηστῆρες ἀγήνορες· οἱ μὲν ἔπειτα ### book 20.161 εὖ καὶ ἐπισταμένως κέασαν ξύλα, ταὶ δὲ γυναῖκες ### book 20.162 ἦλθον ἀπὸ κρήνης. ἐπὶ δέ σφισιν ἦλθε συβώτης ### book 20.163 τρεῖς σιάλους κατάγων, οἳ ἔσαν μετὰ πᾶσιν ἄριστοι. ### book 20.164 καὶ τοὺς μέν ῥ’ εἴασε καθ’ ἕρκεα καλὰ νέμεσθαι, ### book 20.165 αὐτὸς δ’ αὖτ’ Ὀδυσῆα προσηύδα μειλιχίοισι· ### book 20.166 “ξεῖν’, ἦ ἄρ τί σε μᾶλλον Ἀχαιοὶ εἰσορόωσιν, ### book 20.167 ἦέ ς’ ἀτιμάζουσι κατὰ μέγαρ’ ὡς τὸ πάρος περ;” ### book 20.168 τὸν δ’ ἀπαμειβόμενος προσέφη πολύμητις Ὀδυσσεύς· ### book 20.169 “αἲ γὰρ δή, Εὔμαιε, θεοὶ τεισαίατο λώβην, ### book 20.170 ἣν οἵδ’ ὑβρίζοντες ἀτάσθαλα μηχανόωνται ### book 20.171 οἴκῳ ἐν ἀλλοτρίῳ, οὐδ’ αἰδοῦς μοῖραν ἔχουσιν.” ### book 20.172 ὣς οἱ μὲν τοιαῦτα πρὸς ἀλλήλους ἀγόρευον· ### book 20.173 ἀγχίμολον δέ σφ’ ἦλθε Μελάνθιος, αἰπόλος αἰγῶν, ### book 20.174 αἶγας ἄγων, αἳ πᾶσι μετέπρεπον αἰπολίοισι, ### book 20.175 δεῖπνον μνηστήρεσσι· δύω δ’ ἅμ’ ἕποντο νομῆες. ### book 20.176 καὶ τὰς μὲν κατέδησαν ὑπ’ αἰθούσῃ ἐριδούπῳ, ### book 20.177 αὐτὸς δ’ αὖτ’ Ὀδυσῆα προσηύδα κερτομίοισι· ### book 20.178 “ξεῖν’, ἔτι καὶ νῦν ἐνθάδ’ ἀνιήσεις κατὰ δῶμα ### book 20.179 ἀνέρας αἰτίζων, ἀτὰρ οὐκ ἔξεισθα θύραζε; ### book 20.180 πάντως οὐκέτι νῶϊ διακρινέεσθαι ὀΐω ### book 20.181 πρὶν χειρῶν γεύσασθαι, ἐπεὶ σύ περ οὐ κατὰ κόσμον ### book 20.182 αἰτίζεις· εἰσὶν δὲ καὶ ἄλλοθι δαῖτες Ἀχαιῶν.” ### book 20.183 ὣς φάτο, τὸν δ’ οὔ τι προσέφη πολύμητις Ὀδυσσεύς, ### book 20.184 ἀλλ’ ἀκέων κίνησε κάρη, κακὰ βυσσοδομεύων. ### book 20.185 τοῖσι δ’ ἐπὶ τρίτος ἦλθε Φιλοίτιος, ὄρχαμος ἀνδρῶν, ### book 20.186 βοῦν στεῖραν μνηστῆρσιν ἄγων καὶ πίονας αἶγας. ### book 20.187 πορθμῆες δ’ ἄρα τούς γε διήγαγον, οἵ τε καὶ ἄλλους ### book 20.188 ἀνθρώπους πέμπουσιν, ὅτίς σφεας εἰσαφίκηται. ### book 20.189 καὶ τὰ μὲν εὖ κατέδησεν ὑπ’ αἰθούσῃ ἐριδούπῳ, ### book 20.190 αὐτὸς δ’ αὖτ’ ἐρέεινε συβώτην ἄγχι παραστάς· ### book 20.191 “τίς δὴ ὅδε ξεῖνος νέον εἰλήλουθε, συβῶτα, ### book 20.192 ἡμέτερον πρὸς δῶμα; τέων δ’ ἒξ εὔχεται εἶναι ### book 20.193 ἀνδρῶν; ποῦ δέ νύ οἱ γενεὴ καὶ πατρὶς ἄρουρα; ### book 20.194 δύσμορος· ἦ τε ἔοικε δέμας βασιλῆϊ ἄνακτι· ### book 20.195 ἀλλὰ θεοὶ δυόωσι πολυπλάγκτους ἀνθρώπους, ### book 20.196 ὁππότε καὶ βασιλεῦσιν ἐπικλώσωνται ὀϊζύν.” ### book 20.197 ἦ, καὶ δεξιτερῇ δειδίσκετο χειρὶ παραστὰς ### book 20.198 καί μιν φωνήσας ἔπεα πτερόεντα προσηύδα· ### book 20.199 “χαῖρε, πάτερ ὦ ξεῖνε· γένοιτό τοι ἔς περ ὀπίσσω ### book 20.200 ὄλβος· ἀτὰρ μὲν νῦν γε κακοῖς’ ἔχεαι πολέεσσι. ### book 20.201 Ζεῦ πάτερ, οὔ τις σεῖο θεῶν ὀλοώτερος ἄλλος· ### book 20.202 οὐκ ἐλεαίρεις ἄνδρας, ἐπὴν δὴ γείνεαι αὐτός, ### book 20.203 μισγέμεναι κακότητι καὶ ἄλγεσι λευγαλέοισιν. ### book 20.204 ἴδιον, ὡς ἐνόησα, δεδάκρυνται δέ μοι ὄσσε ### book 20.205 μνησαμένῳ Ὀδυσῆος, ἐπεὶ καὶ κεῖνον ὀΐω ### book 20.206 τοιάδε λαίφε’ ἔχοντα κατ’ ἀνθρώπους ἀλάλησθαι, ### book 20.207 εἴ που ἔτι ζώει καὶ ὁρᾷ φάος ἠελίοιο. ### book 20.208 εἰ δ’ ἤδη τέθνηκε καὶ εἰν Ἀΐδαο δόμοισιν, ### book 20.209 ὤ μοι ἔπειτ’ Ὀδυσῆος ἀμύμονος, ὅς μ’ ἐπὶ βουσὶν ### book 20.210 εἷς’ ἔτι τυτθὸν ἐόντα Κεφαλλήνων ἐνὶ δήμῳ. ### book 20.211 νῦν δ’ αἱ μὲν γίνονται ἀθέσφατοι, οὐδέ κεν ἄλλως ### book 20.212 ἀνδρί γ’ ὑποσταχύοιτο βοῶν γένος εὐρυμετώπων· ### book 20.213 τὰς δ’ ἄλλοι με κέλονται ἀγινέμεναι σφίσιν αὐτοῖς ### book 20.214 ἔδμεναι· οὐδέ τι παιδὸς ἐνὶ μεγάροις’ ἀλέγουσιν, ### book 20.215 οὐδ’ ὄπιδα τρομέουσι θεῶν· μεμάασι γὰρ ἤδη ### book 20.216 κτήματα δάσσασθαι δὴν οἰχομένοιο ἄνακτος. ### book 20.217 αὐτὰρ ἐμοὶ τόδε θυμὸς ἐνὶ στήθεσσι φίλοισι ### book 20.218 πόλλ’ ἐπιδινεῖται· μάλα μὲν κακὸν υἷος ἐόντος ### book 20.219 ἄλλων δῆμον ἱκέσθαι ἰόντ’ αὐτῇσι βόεσσιν ### book 20.220 ἄνδρας ἐς ἀλλοδαπούς· τὸ δὲ ῥίγιον αὖθι μένοντα ### book 20.221 βουσὶν ἐπ’ ἀλλοτρίῃσι καθήμενον ἄλγεα πάσχειν. ### book 20.222 καί κεν δὴ πάλαι ἄλλον ὑπερμενέων βασιλήων ### book 20.223 ἐξικόμην φεύγων, ἐπεὶ οὐκέτ’ ἀνεκτὰ πέλονται· ### book 20.224 ἀλλ’ ἔτι τὸν δύστηνον ὀΐομαι, εἴ ποθεν ἐλθὼν ### book 20.225 ἀνδρῶν μνηστήρων σκέδασιν κατὰ δώματα θείη.” ### book 20.226 τὸν δ’ ἀπαμειβόμενος προσέφη πολύμητις Ὀδυσσεύς· ### book 20.227 “βουκόλ’, ἐπεὶ οὔτε κακῷ οὔτ’ ἄφρονι φωτὶ ἔοικας, ### book 20.228 γινώσκω δὲ καὶ αὐτός, ὅ τοι πινυτὴ φρένας ἵκει, ### book 20.229 τοὔνεκά τοι ἐρέω καὶ ἐπὶ μέγαν ὅρκον ὀμοῦμαι· ### book 20.230 ἴστω νῦν Ζεὺς πρῶτα, θεῶν ὕπατος καὶ ἄριστος, ### book 20.231 ἱστίη τ’ Ὀδυσῆος ἀμύμονος, ἣν ἀφικάνω· ### book 20.232 ἦ σέθεν ἐνθάδ’ ἐόντος ἐλεύσεται οἴκαδ’ Ὀδυσσεύς· ### book 20.233 σοῖσιν δ’ ὀφθαλμοῖσιν ἐπόψεαι, αἴ κ’ ἐθέλῃσθα, ### book 20.234 κτεινομένους μνηστῆρας, οἳ ἐνθάδε κοιρανέουσι.” ### book 20.235 τὸν δ’ αὖτε προσέειπε βοῶν ἐπιβουκόλος ἀνήρ· ### book 20.236 “αἲ γὰρ τοῦτο, ξεῖνε, ἔπος τελέσειε Κρονίων· ### book 20.237 γνοίης χ’, οἵη ἐμὴ δύναμις καὶ χεῖρες ἕπονται.” ### book 20.238 ὣς δ’ αὔτως Εὔμαιος ἐπεύξατο πᾶσι θεοῖσι ### book 20.239 νοστῆσαι Ὀδυσῆα πολύφρονα ὅνδε δόμονδε. ### book 20.240 ὣς οἱ μὲν τοιαῦτα πρὸς ἀλλήλους ἀγόρευον· ### book 20.241 μνηστῆρες δ’ ἄρα Τηλεμάχῳ θάνατόν τε μόρον τε ### book 20.242 ἤρτυον· αὐτὰρ ὁ τοῖσιν ἀριστερὸς ἤλυθεν ὄρνις, ### book 20.243 αἰετὸς ὑψιπέτης, ἔχε δὲ τρήρωνα πέλειαν. ### book 20.244 τοῖσιν δ’ Ἀμφίνομος ἀγορήσατο καὶ μετέειπεν· ### book 20.245 “ὦ φίλοι, οὐχ ἥμιν συνθεύσεται ἥδε γε βουλή, ### book 20.246 Τηλεμάχοιο φόνος· ἀλλὰ μνησώμεθα δαιτός.” ### book 20.247 ὣς ἔφατ’ Ἀμφίνομος, τοῖσιν δ’ ἐπιήνδανε μῦθος. ### book 20.248 ἐλθόντες δ’ ἐς δώματ’ Ὀδυσσῆος θείοιο ### book 20.249 χλαίνας μὲν κατέθεντο κατὰ κλισμούς τε θρόνους τε, ### book 20.250 οἱ δ’ ἱέρευον ὄϊς μεγάλους καὶ πίονας αἶγας, ### book 20.251 ἵρευον δὲ σύας σιάλους καὶ βοῦν ἀγελαίην· ### book 20.252 σπλάγχνα δ’ ἄρ’ ὀπτήσαντες ἐνώμων, ἐν δέ τε οἶνον ### book 20.253 κρητῆρσιν κερόωντο· κύπελλα δὲ νεῖμε συβώτης. ### book 20.254 σῖτον δέ σφ’ ἐπένειμε Φιλοίτιος, ὄρχαμος ἀνδρῶν, ### book 20.255 καλοῖς’ ἐν κανέοισιν, ἐοινοχόει δὲ Μελανθεύς. ### book 20.256 οἱ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 20.257 Τηλέμαχος δ’ Ὀδυσῆα καθίδρυε, κέρδεα νωμῶν, ### book 20.258 ἐντὸς ἐϋσταθέος μεγάρου, παρὰ λάϊνον οὐδόν, ### book 20.259 δίφρον ἀεικέλιον καταθεὶς ὀλίγην τε τράπεζαν· ### book 20.260 πὰρ δ’ ἐτίθει σπλάγχνων μοίρας, ἐν δ’ οἶνον ἔχευεν ### book 20.261 ἐν δέπαϊ χρυσέῳ, καί μιν πρὸς μῦθον ἔειπεν· ### book 20.262 “ἐνταυθοῖ νῦν ἧσο μετ’ ἀνδράσιν οἰνοποτάζων· ### book 20.263 κερτομίας δέ τοι αὐτὸς ἐγὼ καὶ χεῖρας ἀφέξω ### book 20.264 πάντων μνηστήρων, ἐπεὶ οὔ τοι δήμιός ἐστιν ### book 20.265 οἶκος ὅδ’, ἀλλ’ Ὀδυσῆος, ἐμοὶ δ’ ἐκτήσατο κεῖνος. ### book 20.266 ὑμεῖς δέ, μνηστῆρες, ἐπίσχετε θυμὸν ἐνιπῆς ### book 20.267 καὶ χειρῶν, ἵνα μή τις ἔρις καὶ νεῖκος ὄρηται.” ### book 20.268 ὣς ἔφαθ’, οἱ δ’ ἄρα πάντες ὀδὰξ ἐν χείλεσι φύντες ### book 20.269 Τηλέμαχον θαύμαζον, ὃ θαρσαλέως ἀγόρευε. ### book 20.270 τοῖσιν δ’ Ἀντίνοος μετέφη, Εὐπείθεος υἱός· ### book 20.271 “καὶ χαλεπόν περ ἐόντα δεχώμεθα μῦθον, Ἀχαιοί, ### book 20.272 Τηλεμάχου· μάλα δ’ ἧμιν ἀπειλήσας ἀγορεύει. ### book 20.273 οὐ γὰρ Ζεὺς εἴασε Κρονίων· τῶ κέ μιν ἤδη ### book 20.274 παύσαμεν ἐν μεγάροισι, λιγύν περ ἐόντ’ ἀγορητήν.” ### book 20.275 ὣς ἔφατ’ Ἀντίνοος· ὁ δ’ ἄρ’ οὐκ ἐμπάζετο μύθων. ### book 20.276 κήρυκες δ’ ἀνὰ ἄστυ θεῶν ἱερὴν ἑκατόμβην ### book 20.277 ἦγον· τοὶ δ’ ἀγέροντο κάρη κομόωντες Ἀχαιοὶ ### book 20.278 ἄλσος ὕπο σκιερὸν ἑκατηβόλου Ἀπόλλωνος. ### book 20.279 οἱ δ’ ἐπεὶ ὤπτησαν κρέ’ ὑπέρτερα καὶ ἑρύσαντο, ### book 20.280 μοίρας δασσάμενοι δαίνυντ’ ἐρικυδέα δαῖτα. ### book 20.281 πὰρ δ’ ἄρ’ Ὀδυσσῆϊ μοῖραν θέσαν, οἳ πονέοντο, ### book 20.282 ἴσην, ὡς αὐτοί περ ἐλάγχανον· ὣς γὰρ ἀνώγει ### book 20.283 Τηλέμαχος, φίλος υἱὸς Ὀδυσσῆος θείοιο. ### book 20.284 μνηστῆρας δ’ οὐ πάμπαν ἀγήνορας εἴα Ἀθήνη ### book 20.285 λώβης ἴσχεσθαι θυμαλγέος, ὄφρ’ ἔτι μᾶλλον ### book 20.286 δύη ἄχος κραδίην Λαερτιάδεω Ὀδυσῆος. ### book 20.287 ἦν δέ τις ἐν μνηστῆρσιν ἀνὴρ ἀθεμίστια εἰδώς, ### book 20.288 Κτήσιππος δ’ ὄνομ’ ἔσκε, Σάμῃ δ’ ἐνὶ οἰκία ναῖεν· ### book 20.289 ὃς δή τοι κτεάτεσσι πεποιθὼς πατρὸς ἑοῖο ### book 20.290 μνάσκετ’ Ὀδυσσῆος δὴν οἰχομένοιο δάμαρτα. ### book 20.291 ὅς ῥα τότε μνηστῆρσιν ὑπερφιάλοισι μετηύδα· ### book 20.292 “κέκλυτέ μευ, μνηστῆρες ἀγήνορες, ὄφρα τι εἴπω· ### book 20.293 μοῖραν μὲν δὴ ξεῖνος ἔχει πάλαι, ὡς ἐπέοικεν, ### book 20.294 ἴσην· οὐ γὰρ καλὸν ἀτέμβειν οὐδὲ δίκαιον ### book 20.295 ξείνους Τηλεμάχου, ὅς κεν τάδε δώμαθ’ ἵκηται. ### book 20.296 ἀλλ’ ἄγε οἱ καὶ ἐγὼ δῶ ξείνιον, ὄφρα καὶ αὐτὸς ### book 20.297 ἠὲ λοετροχόῳ δώῃ γέρας ἠέ τῳ ἄλλῳ ### book 20.298 δμώων, οἳ κατὰ δώματ’ Ὀδυσσῆος θείοιο.” ### book 20.299 ὣς εἰπὼν ἔρριψε βοὸς πόδα χειρὶ παχείῃ, ### book 20.300 κείμενον ἐκ κανέοιο λαβών· ὁ δ’ ἀλεύατ’ Ὀδυσσεὺς ### book 20.301 ἦκα παρακλίνας κεφαλήν, μείδησε δὲ θυμῷ ### book 20.302 σαρδάνιον μάλα τοῖον· ὁ δ’ εὔδμητον βάλε τοῖχον. ### book 20.303 Κτήσιππον δ’ ἄρα Τηλέμαχος ἠνίπαπε μύθῳ· ### book 20.304 “Κτήσιππ’, ἦ μάλα τοι τόδε κέρδιον ἔπλετο θυμῷ· ### book 20.305 οὐκ ἔβαλες τὸν ξεῖνον· ἀλεύατο γὰρ βέλος αὐτός. ### book 20.306 ἦ γάρ κέν σε μέσον βάλον ἔγχεϊ ὀξυόεντι, ### book 20.307 καί κέ τοι ἀντὶ γάμοιο πατὴρ τάφον ἀμφεπονεῖτο ### book 20.308 ἐνθάδε. τῶ μή τίς μοι ἀεικείας ἐνὶ οἴκῳ ### book 20.309 φαινέτω· ἤδη γὰρ νοέω καὶ οἶδα ἕκαστα, ### book 20.310 ἐσθλά τε καὶ τὰ χέρεια· πάρος δ’ ἔτι νήπιος ἦα. ### book 20.311 ἀλλ’ ἔμπης τάδε μὲν καὶ τέτλαμεν εἰσορόωντες, ### book 20.312 μήλων σφαζομένων οἴνοιό τε πινομένοιο ### book 20.313 καὶ σίτου· χαλεπὸν γὰρ ἐρυκακέειν ἕνα πολλούς. ### book 20.314 ἀλλ’ ἄγε μηκέτι μοι κακὰ ῥέζετε δυσμενέοντες· ### book 20.315 εἰ δ’ ἤδη μ’ αὐτὸν κτεῖναι μενεαίνετε χαλκῷ, ### book 20.316 καί κε τὸ βουλοίμην, καί κεν πολὺ κέρδιον εἴη ### book 20.317 τεθνάμεν ἢ τάδε γ’ αἰὲν ἀεικέα ἔργ’ ὁράασθαι, ### book 20.318 ξείνους τε στυφελιζομένους δμῳάς τε γυναῖκας ### book 20.319 ῥυστάζοντας ἀεικελίως κατὰ δώματα καλά.” ### book 20.320 ὣς ἔφαθ’, οἱ δ’ ἄρα πάντες ἀκὴν ἐγένοντο σιωπῇ. ### book 20.321 ὀψὲ δὲ δὴ μετέειπε Δαμαστορίδης Ἀγέλαος· ### book 20.322 “ὦ φίλοι, οὐκ ἂν δή τις ἐπὶ ῥηθέντι δικαίῳ ### book 20.323 ἀντιβίοις’ ἐπέεσσι καθαπτόμενος χαλεπαίνοι· ### book 20.324 μήτε τι τὸν ξεῖνον στυφελίζετε μήτε τιν’ ἄλλον ### book 20.325 δμώων, οἳ κατὰ δώματ’ Ὀδυσσῆος θείοιο. ### book 20.326 Τηλεμάχῳ δέ κε μῦθον ἐγὼ καὶ μητέρι φαίην ### book 20.327 ἤπιον, εἴ σφωϊν κραδίῃ ἅδοι ἀμφοτέροιϊν. ### book 20.328 ὄφρα μὲν ὕμιν θυμὸς ἐνὶ στήθεσσιν ἐώλπει ### book 20.329 νοστῆσαι Ὀδυσῆα πολύφρονα ὅνδε δόμονδε, ### book 20.330 τόφρ’ οὔ τις νέμεσις μενέμεν τ’ ἦν ἰσχέμεναί τε ### book 20.331 μνηστῆρας κατὰ δώματ’, ἐπεὶ τόδε κέρδιον ἦεν, ### book 20.332 εἰ νόστης’ Ὀδυσεὺς καὶ ὑπότροπος ἵκετο δῶμα· ### book 20.333 νῦν δ’ ἤδη τόδε δῆλον, ὅ τ’ οὐκέτι νόστιμός ἐστιν. ### book 20.334 ἀλλ’ ἄγε σῇ τάδε μητρὶ παρεζόμενος κατάλεξον, ### book 20.335 γήμασθ’ ὅς τις ἄριστος ἀνὴρ καὶ πλεῖστα πόρῃσιν, ### book 20.336 ὄφρα σὺ μὲν χαίρων πατρώϊα πάντα νέμηαι, ### book 20.337 ἔσθων καὶ πίνων, ἡ δ’ ἄλλου δῶμα κομίζῃ.” ### book 20.338 τὸν δ’ αὖ Τηλέμαχος πεπνυμένος ἀντίον ηὔδα· ### book 20.339 “οὐ μὰ Ζῆν’, Ἀγέλαε, καὶ ἄλγεα πατρὸς ἐμοῖο, ### book 20.340 ὅς που τῆλ’ Ἰθάκης ἢ ἔφθιται ἢ ἀλάληται, ### book 20.341 οὔ τι διατρίβω μητρὸς γάμον, ἀλλὰ κελεύω ### book 20.342 γήμασθ’ ᾧ κ’ ἐθέλῃ, ποτὶ δ’ ἄσπετα δῶρα δίδωμι· ### book 20.343 αἰδέομαι δ’ ἀέκουσαν ἀπὸ μεγάροιο δίεσθαι ### book 20.344 μύθῳ ἀναγκαίῳ· μὴ τοῦτο θεὸς τελέσειεν.” ### book 20.345 ὣς φάτο Τηλέμαχος· μνηστῆρσι δὲ Παλλὰς Ἀθήνη ### book 20.346 ἄσβεστον γέλω ὦρσε, παρέπλαγξεν δὲ νόημα. ### book 20.347 οἱ δ’ ἤδη γναθμοῖσι γελώων ἀλλοτρίοισιν, ### book 20.348 αἱμοφόρυκτα δὲ δὴ κρέα ἤσθιον· ὄσσε δ’ ἄρα σφέων ### book 20.349 δακρυόφιν πίμπλαντο, γόον δ’ ὠΐετο θυμός. ### book 20.350 τοῖσι δὲ καὶ μετέειπε Θεοκλύμενος θεοειδής· ### book 20.351 “ἆ δειλοί, τί κακὸν τόδε πάσχετε; νυκτὶ μὲν ὑμέων ### book 20.352 εἰλύαται κεφαλαί τε πρόσωπά τε νέρθε τε γοῦνα, ### book 20.353 οἰμωγὴ δὲ δέδηε, δεδάκρυνται δὲ παρειαί, ### book 20.354 αἵματι δ’ ἐρράδαται τοῖχοι καλαί τε μεσόδμαι· ### book 20.355 εἰδώλων δὲ πλέον πρόθυρον, πλείη δὲ καὶ αὐλή, ### book 20.356 ἱεμένων Ἔρεβόσδε ὑπὸ ζόφον· ἠέλιος δὲ ### book 20.357 οὐρανοῦ ἐξαπόλωλε, κακὴ δ’ ἐπιδέδρομεν ἀχλύς.” ### book 20.358 ὣς ἔφαθ’, οἱ δ’ ἄρα πάντες ἐπ’ αὐτῷ ἡδὺ γέλασσαν. ### book 20.359 τοῖσιν δ’ Εὐρύμαχος, Πολύβου πάϊς, ἦρχ’ ἀγορεύειν· ### book 20.360 “ἀφραίνει ξεῖνος νέον ἄλλοθεν εἰληλουθώς. ### book 20.361 ἀλλά μιν αἶψα, νέοι, δόμου ἐκπέμψασθε θύραζε ### book 20.362 εἰς ἀγορὴν ἔρχεσθαι, ἐπεὶ τάδε νυκτὶ ἐΐσκει.” ### book 20.363 τὸν δ’ αὖτε προσέειπε Θεοκλύμενος θεοειδής· ### book 20.364 “Εὐρύμαχ’, οὔ τί ς’ ἄνωγα ἐμοὶ πομπῆας ὀπάζειν. ### book 20.365 εἰσί μοι ὀφθαλμοί τε καὶ οὔατα καὶ πόδες ἄμφω ### book 20.366 καὶ νόος ἐν στήθεσσι τετυγμένος, οὐδὲν ἀεικής· ### book 20.367 τοῖς’ ἔξειμι θύραζε, ἐπεὶ νοέω κακὸν ὔμμιν ### book 20.368 ἐρχόμενον, τό κεν οὔ τις ὑπεκφύγοι οὐδ’ ἀλέαιτο ### book 20.369 μνηστήρων, οἳ δῶμα κατ’ ἀντιθέου Ὀδυσῆος ### book 20.370 ἀνέρας ὑβρίζοντες ἀτάσθαλα μηχανάασθε.” ### book 20.371 ὣς εἰπὼν ἐξῆλθε δόμων ἐῢ ναιεταόντων, ### book 20.372 ἵκετο δ’ ἐς Πείραιον, ὅ μιν πρόφρων ὑπέδεκτο. ### book 20.373 μνηστῆρες δ’ ἄρα πάντες ἐς ἀλλήλους ὁρόωντες ### book 20.374 Τηλέμαχον ἐρέθιζον, ἐπὶ ξείνοις γελόωντες. ### book 20.375 ὧδε δέ τις εἴπεσκε νέων ὑπερηνορεόντων· ### book 20.376 “Τηλέμαχ’, οὔ τις σεῖο κακοξεινώτερος ἄλλος, ### book 20.377 οἷον μέν τινα τοῦτον ἔχεις ἐπίμαστον ἀλήτην, ### book 20.378 σίτου καὶ οἴνου κεχρημένον, οὐδέ τι ἔργων ### book 20.379 ἔμπαιον οὐδὲ βίης, ἀλλ’ αὔτως ἄχθος ἀρούρης· ### book 20.380 ἄλλος δ’ αὖτέ τις οὗτος ἀνέστη μαντεύεσθαι. ### book 20.381 ἀλλ’ εἴ μοί τι πίθοιο, τό κεν πολὺ κέρδιον εἴη· ### book 20.382 τοὺς ξείνους ἐν νηῒ πολυκλήϊδι βαλόντες ### book 20.383 ἐς Σικελοὺς πέμψωμεν, ὅθεν κέ τοι ἄξιον ἄλφοι.” ### book 20.384 ὣς ἔφασαν μνηστῆρες· ὁ δ’ οὐκ ἐμπάζετο μύθων, ### book 20.385 ἀλλ’ ἀκέων πατέρα προσεδέρκετο, δέγμενος αἰεί, ### book 20.386 ὁππότε δὴ μνηστῆρσιν ἀναιδέσι χεῖρας ἐφήσει. ### book 20.387 ἡ δὲ κατ’ ἄντηστιν θεμένη περικαλλέα δίφρον ### book 20.388 κούρη Ἰκαρίοιο, περίφρων Πηνελόπεια, ### book 20.389 ἀνδρῶν ἐν μεγάροισιν ἑκάστου μῦθον ἄκουε. ### book 20.390 δεῖπνον μὲν γὰρ τοί γε γελώοντες τετύκοντο ### book 20.391 ἡδύ τε καὶ μενοεικές, ἐπεὶ μάλα πόλλ’ ἱέρευσαν· ### book 20.392 δόρπου δ’ οὐκ ἄν πως ἀχαρίστερον ἄλλο γένοιτο, ### book 20.393 οἷον δὴ τάχ’ ἔμελλε θεὰ καὶ καρτερὸς ἀνὴρ ### book 20.394 θησέμεναι· πρότεροι γὰρ ἀεικέα μηχανόωντο. ### book 21.1 Τῇ δ’ ἄρ’ ἐπὶ φρεσὶ θῆκε θεὰ γλαυκῶπις Ἀθήνη, ### book 21.2 κούρῃ Ἰκαρίοιο, περίφρονι Πηνελοπείῃ, ### book 21.3 τόξον μνηστήρεσσι θέμεν πολιόν τε σίδηρον ### book 21.4 ἐν μεγάροις’ Ὀδυσῆος, ἀέθλια καὶ φόνου ἀρχήν. ### book 21.5 κλίμακα δ’ ὑψηλὴν προσεβήσετο οἷο δόμοιο, ### book 21.6 εἵλετο δὲ κληῖδ’ εὐκαμπέα χειρὶ παχείῃ, ### book 21.7 καλὴν χαλκείην· κώπη δ’ ἐλέφαντος ἐπῆεν. ### book 21.8 βῆ δ’ ἴμεναι θάλαμόνδε σὺν ἀμφιπόλοισι γυναιξὶν ### book 21.9 ἔσχατον· ἔνθα δέ οἱ κειμήλια κεῖτο ἄνακτος, ### book 21.10 χαλκός τε χρυσός τε πολύκμητός τε σίδηρος. ### book 21.11 ἔνθα δὲ τόξον κεῖτο παλίντονον ἠδὲ φαρέτρη ### book 21.12 ἰοδόκος, πολλοὶ δ’ ἔνεσαν στονόεντες ὀϊστοί, ### book 21.13 δῶρα τά οἱ ξεῖνος Λακεδαίμονι δῶκε τυχήσας ### book 21.14 Ἴφιτος Εὐρυτίδης, ἐπιείκελος ἀθανάτοισι. ### book 21.15 τὼ δ’ ἐν Μεσσήνῃ ξυμβλήτην ἀλλήλοιϊν ### book 21.16 οἴκῳ ἐν Ὀρτιλόχοιο δαΐφρονος. ἦ τοι Ὀδυσσεὺς ### book 21.17 ἦλθε μετὰ χρεῖος, τό ῥά οἱ πᾶς δῆμος ὄφελλε· ### book 21.18 μῆλα γὰρ ἐξ Ἰθάκης Μεσσήνιοι ἄνδρες ἄειραν ### book 21.19 νηυσὶ πολυκλήϊσι τριηκόσι’ ἠδὲ νομῆας. ### book 21.20 τῶν ἕνεκ’ ἐξεσίην πολλὴν ὁδὸν ἦλθεν Ὀδυσσεύς, ### book 21.21 παιδνὸς ἐών· πρὸ γὰρ ἧκε πατὴρ ἄλλοι τε γέροντες· ### book 21.22 Ἴφιτος αὖθ’ ἵππους διζήμενος, αἵ οἱ ὄλοντο ### book 21.23 δώδεκα θήλειαι, ὑπὸ δ’ ἡμίονοι ταλαεργοί· ### book 21.24 αἳ δή οἱ καὶ ἔπειτα φόνος καὶ μοῖρα γένοντο, ### book 21.25 ἐπεὶ δὴ Διὸς υἱὸν ἀφίκετο καρτερόθυμον, ### book 21.26 φῶθ’ Ἡρακλῆα, μεγάλων ἐπιίστορα ἔργων, ### book 21.27 ὅς μιν ξεῖνον ἐόντα κατέκτανεν ᾧ ἐνὶ οἴκῳ, ### book 21.28 σχέτλιος, οὐδὲ θεῶν ὄπιν αἰδέσατ’ οὐδὲ τράπεζαν, ### book 21.29 τὴν ἥν οἱ παρέθηκεν· ἔπειτα δὲ πέφνε καὶ αὐτόν, ### book 21.30 ἵππους δ’ αὐτὸς ἔχε κρατερώνυχας ἐν μεγάροισι. ### book 21.31 τὰς ἐρέων Ὀδυσῆϊ συνήντετο, δῶκε δὲ τόξον, ### book 21.32 τὸ πρὶν μὲν ἐφόρει μέγας Εὔρυτος, αὐτὰρ ὁ παιδὶ ### book 21.33 κάλλιπ’ ἀποθνῄσκων ἐν δώμασιν ὑψηλοῖσι. ### book 21.34 τῷ δ’ Ὀδυσεὺς ξίφος ὀξὺ καὶ ἄλκιμον ἔγχος ἔδωκεν, ### book 21.35 ἀρχὴν ξεινοσύνης προσκηδέος· οὐδὲ τραπέζῃ ### book 21.36 γνώτην ἀλλήλω· πρὶν γὰρ Διὸς υἱὸς ἔπεφνεν ### book 21.37 Ἴφιτον Εὐρυτίδην, ἐπιείκελον ἀθανάτοισιν, ### book 21.38 ὅς οἱ τόξον ἔδωκε. τὸ δ’ οὔ ποτε δῖος Ὀδυσσεὺς ### book 21.39 ἐρχόμενος πόλεμόνδε μελαινάων ἐπὶ νηῶν ### book 21.40 ᾑρεῖτ’, ἀλλ’ αὐτοῦ μνῆμα ξείνοιο φίλοιο ### book 21.41 κέσκετ’ ἐνὶ μεγάροισι, φόρει δέ μιν ἧς ἐπὶ γαίης. ### book 21.42 ἡ δ’ ὅτε δὴ θάλαμον τὸν ἀφίκετο δῖα γυναικῶν ### book 21.43 οὐδόν τε δρύϊνον προσεβήσετο, τόν ποτε τέκτων ### book 21.44 ξέσσεν ἐπισταμένως καὶ ἐπὶ στάθμην ἴθυνεν, ### book 21.45 ἐν δὲ σταθμοὺς ἄρσε, θύρας δ’ ἐπέθηκε φαεινάς, ### book 21.46 αὐτίκ’ ἄρ’ ἥ γ’ ἱμάντα θοῶς ἀπέλυσε κορώνης, ### book 21.47 ἐν δὲ κληῖδ’ ἧκε, θυρέων δ’ ἀνέκοπτεν ὀχῆας ### book 21.48 ἄντα τιτυσκομένη. τὰ δ’ ἀνέβραχεν ἠΰτε ταῦρος ### book 21.49 βοσκόμενος λειμῶνι· τός’ ἔβραχε καλὰ θύρετρα ### book 21.50 πληγέντα κληῖδι, πετάσθησαν δέ οἱ ὦκα. ### book 21.51 ἡ δ’ ἄρ’ ἐφ’ ὑψηλῆς σανίδος βῆ· ἔνθα δὲ χηλοὶ ### book 21.52 ἕστασαν, ἐν δ’ ἄρα τῇσι θυώδεα εἵματ’ ἔκειτο. ### book 21.53 ἔνθεν ὀρεξαμένη ἀπὸ πασσάλου αἴνυτο τόξον ### book 21.54 αὐτῷ γωρυτῷ, ὅς οἱ περίκειτο φαεινός. ### book 21.55 ἑζομένη δὲ κατ’ αὖθι, φίλοις’ ἐπὶ γούνασι θεῖσα, ### book 21.56 κλαῖε μάλα λιγέως, ἐκ δ’ ᾕρεε τόξον ἄνακτος. ### book 21.57 ἡ δ’ ἐπεὶ οὖν τάρφθη πολυδακρύτοιο γόοιο, ### book 21.58 βῆ ῥ’ ἴμεναι μέγαρόνδε μετὰ μνηστῆρας ἀγαυοὺς ### book 21.59 τόξον ἔχους’ ἐν χειρὶ παλίντονον ἠδὲ φαρέτρην ### book 21.60 ἰοδόκον· πολλοὶ δ’ ἔνεσαν στονόεντες ὀϊστοί. ### book 21.61 τῇ δ’ ἄρ’ ἅμ’ ἀμφίπολοι φέρον ὄγκιον, ἔνθα σίδηρος ### book 21.62 κεῖτο πολὺς καὶ χαλκός, ἀέθλια τοῖο ἄνακτος. ### book 21.63 ἡ δ’ ὄτε δὴ μνηστῆρας ἀφίκετο δῖα γυναικῶν, ### book 21.64 στῆ ῥα παρὰ σταθμὸν τέγεος πύκα ποιητοῖο, ### book 21.65 ἄντα παρειάων σχομένη λιπαρὰ κρήδεμνα· ### book 21.66 ἀμφίπολος δ’ ἄρα οἱ κεδνὴ ἑκάτερθε παρέστη. ### book 21.67 αὐτίκα δὲ μνηστῆρσι μετηύδα καὶ φάτο μῦθον· ### book 21.68 “κέκλυτέ μευ, μνηστῆρες ἀγήνορες, οἳ τόδε δῶμα ### book 21.69 ἐχράετ’ ἐσθιέμεν καὶ πινέμεν ἐμμενὲς αἰεὶ ### book 21.70 ἀνδρὸς ἀποιχομένοιο πολὺν χρόνον, οὐδέ τιν’ ἄλλην ### book 21.71 μύθου ποιήσασθαι ἐπισχεσίην ἐδύνασθε, ### book 21.72 ἀλλ’ ἐμὲ ἱέμενοι γῆμαι θέσθαι τε γυναῖκα. ### book 21.73 ἀλλ’ ἄγετε, μνηστῆρες, ἐπεὶ τόδε φαίνετ’ ἄεθλον· ### book 21.74 θήσω γὰρ μέγα τόξον Ὀδυσσῆος θείοιο· ### book 21.75 ὃς δέ κε ῥηΐτατ’ ἐντανύσῃ βιὸν ἐν παλάμῃσι ### book 21.76 καὶ διοϊστεύσῃ πελέκεων δυοκαίδεκα πάντων, ### book 21.77 τῷ κεν ἅμ’ ἑσποίμην, νοσφισσαμένη τόδε δῶμα ### book 21.78 κουρίδιον, μάλα καλόν, ἐνίπλειον βιότοιο, ### book 21.79 τοῦ ποτε μεμνήσεσθαι ὀΐομαι ἔν περ ὀνείρῳ.” ### book 21.80 ὣς φάτο, καί ῥ’ Εὔμαιον ἀνώγει, δῖον ὑφορβόν, ### book 21.81 τόξον μνηστήρεσσι θέμεν πολιόν τε σίδηρον. ### book 21.82 δακρύσας δ’ Εὔμαιος ἐδέξατο καὶ κατέθηκε· ### book 21.83 κλαῖε δὲ βουκόλος ἄλλοθ’, ἐπεὶ ἴδε τόξον ἄνακτος. ### book 21.84 Ἀντίνοος δ’ ἐνένιπεν ἔπος τ’ ἔφατ’ ἔκ τ’ ὀνόμαζε· ### book 21.85 “νήπιοι ἀγροιῶται, ἐφημέρια φρονέοντες, ### book 21.86 ἆ δειλώ, τί νυ δάκρυ κατείβετον ἠδὲ γυναικὶ ### book 21.87 θυμὸν ἐνὶ στήθεσσιν ὀρίνετον; ᾗ τε καὶ ἄλλως ### book 21.88 κεῖται ἐν ἄλγεσι θυμός, ἐπεὶ φίλον ὤλες’ ἀκοίτην. ### book 21.89 ἀλλ’ ἀκέων δαίνυσθε καθήμενοι, ἠὲ θύραζε ### book 21.90 κλαίετον ἐξελθόντε κατ’ αὐτόθι τόξα λιπόντε, ### book 21.91 μνηστήρεσσιν ἄεθλον ἀάατον· οὐ γὰρ ὀΐω ### book 21.92 ῥηϊδίως τόδε τόξον ἐΰξοον ἐντανύεσθαι. ### book 21.93 οὐ γάρ τις μέτα τοῖος ἀνὴρ ἐν τοίσδεσι πᾶσιν, ### book 21.94 οἷος Ὀδυσσεὺς ἔσκεν· ἐγὼ δέ μιν αὐτὸς ὄπωπα, ### book 21.95 καὶ γὰρ μνήμων εἰμί, πάϊς δ’ ἔτι νήπιος ἦα.” ### book 21.96 ὣς φάτο, τῷ δ’ ἄρα θυμὸς ἐνὶ στήθεσσιν ἐώλπει ### book 21.97 νευρὴν ἐντανύειν διοϊστεύσειν τε σιδήρου. ### book 21.98 ἦ τοι ὀϊστοῦ γε πρῶτος γεύσασθαι ἔμελλεν ### book 21.99 ἐκ χειρῶν Ὀδυσῆος ἀμύμονος, ὃν τότ’ ἀτίμα ### book 21.100 ἥμενος ἐν μεγάροις’, ἐπὶ δ’ ὤρνυε πάντας ἑταίρους. ### book 21.101 τοῖσι δὲ καὶ μετέειφ’ ἱερὴ ἲς Τηλεμάχοιο· ### book 21.102 “ὢ πόποι, ἦ μάλα με Ζεὺς ἄφρονα θῆκε Κρονίων· ### book 21.103 μήτηρ μέν μοί φησι φίλη, πινυτή περ ἐοῦσα, ### book 21.104 ἄλλῳ ἅμ’ ἕψεσθαι νοσφισσαμένη τόδε δῶμα· ### book 21.105 αὐτὰρ ἐγὼ γελόω καὶ τέρπομαι ἄφρονι θυμῷ. ### book 21.106 ἀλλ’ ἄγετε, μνηστῆρες, ἐπεὶ τόδε φαίνετ’ ἄεθλον, ### book 21.107 οἵη νῦν οὐκ ἔστι γυνὴ κατ’ Ἀχαιΐδα γαῖαν, ### book 21.108 οὔτε Πύλου ἱερῆς οὔτ’ Ἄργεος οὔτε Μυκήνης, ### book 21.109 [οὔτ’ αὐτῆς Ἰθάκης οὔτ’ ἠπείροιο μελαίνης·] ### book 21.110 καὶ δ’ αὐτοὶ τόδε ἴστε· τί με χρὴ μητέρος αἴνου; — ### book 21.111 ἀλλ’ ἄγε μὴ μύνῃσι παρέλκετε μηδ’ ἔτι τόξου ### book 21.112 δηρὸν ἀποτρωπᾶσθε τανυστύος, ὄφρα ἴδωμεν. ### book 21.113 καὶ δέ κεν αὐτὸς ἐγὼ τοῦ τόξου πειρησαίμην· ### book 21.114 εἰ δέ κεν ἐντανύσω διοϊστεύσω τε σιδήρου, ### book 21.115 οὔ κέ μοι ἀχνυμένῳ τάδε δώματα πότνια μήτηρ ### book 21.116 λείποι ἅμ’ ἄλλῳ ἰοῦς’, ὅτ’ ἐγὼ κατόπισθε λιποίμην ### book 21.117 οἷός τ’ ἤδη πατρὸς ἀέθλια κάλ’ ἀνελέσθαι.” ### book 21.118 ἦ, καὶ ἀπ’ ὤμοιϊν χλαῖναν θέτο φοινικόεσσαν ### book 21.119 ὀρθὸς ἀναΐξας, ἀπὸ δὲ ξίφος ὀξὺ θέτ’ ὤμων. ### book 21.120 πρῶτον μὲν πελέκεας στῆσεν, διὰ τάφρον ὀρύξας ### book 21.121 πᾶσι μίαν μακρήν, καὶ ἐπὶ στάθμην ἴθυνεν, ### book 21.122 ἀμφὶ δὲ γαῖαν ἔναξε. τάφος δ’ ἕλε πάντας ἰδόντας, ### book 21.123 ὡς εὐκόσμως στῆσε· πάρος δ’ οὔ πώ ποτ’ ὀπώπει. ### book 21.124 στῆ δ’ ἄρ’ ἐπ’ οὐδὸν ἰὼν καὶ τόξου πειρήτιζε. ### book 21.125 τρὶς μέν μιν πελέμιξεν ἐρύσσεσθαι μενεαίνων, ### book 21.126 τρὶς δὲ μεθῆκε βίης, ἐπιελπόμενος τό γε θυμῷ, ### book 21.127 νευρὴν ἐντανύειν διοϊστεύσειν τε σιδήρου. ### book 21.128 καί νύ κε δὴ ἐτάνυσσε βίῃ τὸ τέταρτον ἀνέλκων, ### book 21.129 ἀλλ’ Ὀδυσεὺς ἀνένευε καὶ ἔσχεθεν ἱέμενόν περ. ### book 21.130 τοῖς δ’ αὖτις μετέειφ’ ἱερὴ ἲς Τηλεμάχοιο· ### book 21.131 “ὢ πόποι, ἦ καὶ ἔπειτα κακός τ’ ἔσομαι καὶ ἄκικυς, ### book 21.132 ἠὲ νεώτερός εἰμι καὶ οὔ πω χερσὶ πέποιθα ### book 21.133 ἄνδρ’ ἀπαμύνασθαι, ὅτε τις πρότερος χαλεπήνῃ. ### book 21.134 ἀλλ’ ἄγεθ’, οἵ περ ἐμεῖο βίῃ προφερέστεροί ἐστε, ### book 21.135 τόξου πειρήσασθε, καὶ ἐκτελέωμεν ἄεθλον.” ### book 21.136 ὣς εἰπὼν τόξον μὲν ἀπὸ ἕο θῆκε χαμᾶζε, ### book 21.137 κλίνας κολλητῇσιν ἐϋξέστῃς σανίδεσσιν, ### book 21.138 αὐτοῦ δ’ ὠκὺ βέλος καλῇ προσέκλινε κορώνῃ, ### book 21.139 ἂψ δ’ αὖτις κατ’ ἄρ’ ἕζετ’ ἐπὶ θρόνου, ἔνθεν ἀνέστη. ### book 21.140 τοῖσιν δ’ Ἀντίνοος μετέφη, Εὐπείθεος υἱός· ### book 21.141 “ὄρνυσθ’ ἑξείης ἐπιδέξια πάντες ἑταῖροι, ### book 21.142 ἀρξάμενοι τοῦ χώρου, ὅθεν τέ περ οἰνοχοεύει.” ### book 21.143 ὣς ἔφατ’ Ἀντίνοος, τοῖσιν δ’ ἐπιήνδανε μῦθος. ### book 21.144 Λειώδης δὲ πρῶτος ἀνίστατο, Ἤνοπος υἱός, ### book 21.145 ὅ σφι θυοσκόος ἔσκε, παρὰ κρητῆρα δὲ καλὸν ### book 21.146 ἷζε μυχοίτατος αἰεί· ἀτασθαλίαι δέ οἱ οἴῳ ### book 21.147 ἐχθραὶ ἔσαν, πᾶσιν δὲ νεμέσσα μνηστήρεσσιν· ### book 21.148 ὅς ῥα τότε πρῶτος τόξον λάβε καὶ βέλος ὠκύ. ### book 21.149 στῆ δ’ ἄρ’ ἐπ’ οὐδὸν ἰὼν καὶ τόξου πειρήτιζεν, ### book 21.150 οὐδέ μιν ἐντάνυσε· πρὶν γὰρ κάμε χεῖρας ἀνέλκων ### book 21.151 ἀτρίπτους ἁπαλάς. μετὰ δὲ μνηστῆρσιν ἔειπεν· ### book 21.152 “ὦ φίλοι, οὐ μὲν ἐγὼ τανύω, λαβέτω δὲ καὶ ἄλλος. ### book 21.153 πολλοὺς γὰρ τόδε τόξον ἀριστῆας κεκαδήσει ### book 21.154 θυμοῦ καὶ ψυχῆς, ἐπεὶ ἦ πολὺ φέρτερόν ἐστι ### book 21.155 τεθνάμεν ἢ ζώοντας ἁμαρτεῖν, οὗ θ’ ἕνεκ’ αἰεὶ ### book 21.156 ἐνθάδ’ ὁμιλέομεν, ποτιδέγμενοι ἤματα πάντα. ### book 21.157 νῦν μέν τις καὶ ἔλπετ’ ἐνὶ φρεσὶν ἠδὲ μενοινᾷ ### book 21.158 γῆμαι Πηνελόπειαν, Ὀδυσσῆος παράκοιτιν· ### book 21.159 αὐτὰρ ἐπὴν τόξου πειρήσεται ἠδὲ ἴδηται, — ### book 21.160 ἄλλην δή τιν’ ἔπειτα Ἀχαιϊάδων εὐπέπλων ### book 21.161 μνάσθω ἐέδνοισιν διζήμενος· ἡ δέ κ’ ἔπειτα ### book 21.162 γήμαιθ’ ὅς κε πλεῖστα πόροι καὶ μόρσιμος ἔλθοι.” ### book 21.163 ὣς ἄρ’ ἐφώνησεν καὶ ἀπὸ ἕο τόξον ἔθηκε, ### book 21.164 κλίνας κολλητῇσιν ἐϋξέστῃς σανίδεσσιν, ### book 21.165 αὐτοῦ δ’ ὠκὺ βέλος καλῇ προσέκλινε κορώνῃ, ### book 21.166 ἂψ δ’ αὖτις κατ’ ἄρ’ ἕζετ’ ἐπὶ θρόνου, ἔνθεν ἀνέστη. ### book 21.167 Ἀντίνοος δ’ ἐνένιπεν ἔπος τ’ ἔφατ’ ἔκ τ’ ὀνόμαζε· ### book 21.168 “Λειῶδες, ποῖόν σε ἔπος φύγεν ἕρκος ὀδόντων, ### book 21.169 δεινόν τ’ ἀργαλέον τε, νεμεσσῶμαι δέ τ’ ἀκούων, ### book 21.170 εἰ δὴ τοῦτό γε τόξον ἀριστῆας κεκαδήσει ### book 21.171 θυμοῦ καὶ ψυχῆς, ἐπεὶ οὐ δύνασαι σὺ τανύσσαι. ### book 21.172 οὐ γάρ τοι σέ γε τοῖον ἐγείνατο πότνια μήτηρ, ### book 21.173 οἷόν τε ῥυτῆρα βιοῦ τ’ ἔμεναι καὶ ὀϊστῶν· ### book 21.174 ἀλλ’ ἄλλοι τανύουσι τάχα μνηστῆρες ἀγαυοί.” ### book 21.175 ὣς φάτο, καί ῥ’ ἐκέλευσε Μελάνθιον, αἰπόλον αἰγῶν· ### book 21.176 “ἄγρει δή, πῦρ κῆον ἐνὶ μεγάροισι, Μελανθεῦ, ### book 21.177 πὰρ δὲ τίθει δίφρον τε μέγαν καὶ κῶας ἐπ’ αὐτοῦ, ### book 21.178 ἐκ δὲ στέατος ἔνεικε μέγαν τροχὸν ἔνδον ἐόντος, ### book 21.179 ὄφρα νέοι θάλποντες, ἐπιχρίοντες ἀλοιφῇ, ### book 21.180 τόξου πειρώμεσθα καὶ ἐκτελέωμεν ἄεθλον.” ### book 21.181 ὣς φάθ’, ὁ δ’ αἶψ’ ἀνέκαιε Μελάνθιος ἀκάματον πῦρ, ### book 21.182 πὰρ δὲ φέρων δίφρον θῆκεν καὶ κῶας ἐπ’ αὐτοῦ, ### book 21.183 ἐκ δὲ στέατος ἔνεικε μέγαν τροχὸν ἔνδον ἐόντος. ### book 21.184 τῷ ῥα νέοι θάλποντες ἐπειρῶντ’, οὐδ’ ἐδύναντο ### book 21.185 ἐντανύσαι, πολλὸν δὲ βίης ἐπιδευέες ἦσαν. ### book 21.186 Ἀντίνοος δ’ ἔτ’ ἐπεῖχε καὶ Εὐρύμαχος θεοειδής, ### book 21.187 ἀρχοὶ μνηστήρων· ἀρετῇ δ’ ἔσαν ἔξοχ’ ἄριστοι. ### book 21.188 τὼ δ’ ἐξ οἴκου βῆσαν ὁμαρτήσαντες ἅμ’ ἄμφω ### book 21.189 βουκόλος ἠδὲ συφορβὸς Ὀδυσσῆος θείοιο· ### book 21.190 ἐκ δ’ αὐτὸς μετὰ τοὺς δόμου ἤλυθε δῖος Ὀδυσσεύς. ### book 21.191 ἀλλ’ ὅτε δή ῥ’ ἐκτὸς θυρέων ἔσαν ἠδὲ καὶ αὐλῆς, ### book 21.192 φθεγξάμενός σφ’ ἐπέεσσι προσηύδα μειλιχίοισι· ### book 21.193 “βουκόλε καὶ σύ, συφορβέ, ἔπος τί κε μυθησαίμην, ### book 21.194 ἦ αὐτὸς κεύθω; φάσθαι δέ με θυμὸς ἀνώγει. ### book 21.195 ποῖοί κ’ εἶτ’ Ὀδυσῆϊ ἀμυνέμεν, εἴ ποθεν ἔλθοι ### book 21.196 ὧδε μάλ’ ἐξαπίνης καί τις θεὸς αὐτὸν ἐνείκαι; ### book 21.197 ἤ κε μνηστήρεσσιν ἀμύνοιτ’ ἦ Ὀδυσῆϊ; ### book 21.198 εἴπαθ’ ὅπως ὑμέας κραδίη θυμός τε κελεύει.” ### book 21.199 τὸν δ’ αὖτε προσέειπε βοῶν ἐπιβουκόλος ἀνήρ· ### book 21.200 “Ζεῦ πάτερ, αἲ γὰρ τοῦτο τελευτήσειας ἐέλδωρ, ### book 21.201 ὡς ἔλθοι μὲν κεῖνος ἀνήρ, ἀγάγοι δέ ἑ δαίμων· ### book 21.202 γνοίης χ’, οἵη ἐμὴ δύναμις καὶ χεῖρες ἕπονται.” ### book 21.203 ὣς δ’ αὔτως Εὔμαιος ἐπεύξατο πᾶσι θεοῖσι ### book 21.204 νοστῆσαι Ὀδυσῆα πολύφρονα ὅνδε δόμονδε. ### book 21.205 αὐτὰρ ἐπεὶ δὴ τῶν γε νόον νημερτέ’ ἀνέγνω, ### book 21.206 ἐξαῦτίς σφ’ ἐπέεσσιν ἀμειβόμενος προσέειπεν· ### book 21.207 “ἔνδον μὲν δὴ ὅδ’ αὐτὸς ἐγώ, κακὰ πολλὰ μογήσας, ### book 21.208 ἤλυθον εἰκοστῷ ἔτεϊ ἐς πατρίδα γαῖαν. ### book 21.209 γινώσκω δ’ ὡς σφῶϊν ἐελδομένοισιν ἱκάνω ### book 21.210 οἴοισι δμώων· τῶν δ’ ἄλλων οὔ τευ ἄκουσα ### book 21.211 εὐξαμένου ἐμὲ αὖτις ὑπότροπον οἴκαδ’ ἱκέσθαι. ### book 21.212 σφῶϊν δ’, ὡς ἔσεταί περ, ἀληθείην καταλέξω· ### book 21.213 εἴ χ’ ὑπ’ ἐμοί γε θεὸς δαμάσῃ μνηστῆρας ἀγαυούς, ### book 21.214 ἄξομαι ἀμφοτέροις’ ἀλόχους καὶ κτήματ’ ὀπάσσω ### book 21.215 οἰκία τ’ ἐγγὺς ἐμεῖο τετυγμένα· καί μοι ἔπειτα ### book 21.216 Τηλεμάχου ἑτάρω τε κασιγνήτω τε ἔσεσθον. ### book 21.217 εἰ δ’ ἄγε δὴ καὶ σῆμα ἀριφραδὲς ἄλλο τι δείξω, ### book 21.218 ὄφρα μ’ ἐῢ γνῶτον πιστωθῆτόν τ’ ἐνὶ θυμῷ, ### book 21.219 [οὐλήν, τήν ποτέ με σῦς ἤλασε λευκῷ ὀδόντι ### book 21.220 Παρνησόνδ’ ἐλθόντα σὺν υἱάσιν Αὐτολύκοιο.”] ### book 21.221 ὣς εἰπὼν ῥάκεα μεγάλης ἀποέργαθεν οὐλῆς. ### book 21.222 τὼ δ’ ἐπεὶ εἰσιδέτην εὖ τ’ ἐφράσσαντο ἕκαστα, ### book 21.223 κλαῖον ἄρ’ ἀμφ’ Ὀδυσῆϊ δαΐφρονι χεῖρε βαλόντε ### book 21.224 καὶ κύνεον ἀγαπαζόμενοι κεφαλήν τε καὶ ὤμους· ### book 21.225 ὣς δ’ αὔτως Ὀδυσεὺς κεφαλὰς καὶ χεῖρας ἔκυσσε. ### book 21.226 καί νύ κ’ ὀδυρομένοισιν ἔδυ φάος ἠελίοιο, ### book 21.227 εἰ μὴ Ὀδυσσεὺς αὐτὸς ἐρύκακε φώνησέν τε· ### book 21.228 “παύεσθον κλαυθμοῖο γόοιό τε, μή τις ἴδηται ### book 21.229 ἐξελθὼν μεγάροιο, ἀτὰρ εἴπῃσι καὶ εἴσω. ### book 21.230 ἀλλὰ προμνηστῖνοι ἐσέλθετε, μηδ’ ἅμα πάντες, ### book 21.231 πρῶτος ἐγώ, μετὰ δ’ ὔμμες. ἀτὰρ τόδε σῆμα τετύχθω· ### book 21.232 ἄλλοι μὲν γὰρ πάντες, ὅσοι μνηστῆρες ἀγαυοί, ### book 21.233 οὐκ ἐάσουσιν ἐμοὶ δόμεναι βιὸν ἠδὲ φαρέτρην· ### book 21.234 ἀλλὰ σύ, δῖ’ Εὔμαιε, φέρων ἀνὰ δώματα τόξον ### book 21.235 ἐν χείρεσσιν ἐμοὶ θέμεναι, εἰπεῖν δὲ γυναιξὶ ### book 21.236 κληῖσαι μεγάροιο θύρας πυκινῶς ἀραρυίας· ### book 21.237 ἢν δέ τις ἢ στοναχῆς ἠὲ κτύπου ἔνδον ἀκούσῃ ### book 21.238 ἀνδρῶν ἡμετέροισιν ἐν ἕρκεσι, μή τι θύραζε ### book 21.239 προβλώσκειν, ἀλλ’ αὐτοῦ ἀκὴν ἔμεναι παρὰ ἔργῳ. ### book 21.240 σοὶ δέ, Φιλοίτιε δῖε, θύρας ἐπιτέλλομαι αὐλῆς ### book 21.241 κληῖσαι κληῖδι, θοῶς δ’ ἐπὶ δεσμὸν ἰῆλαι.” ### book 21.242 ὣς εἰπὼν εἰσῆλθε δόμους ἐῢ ναιετάοντας· ### book 21.243 ἕζετ’ ἔπειτ’ ἐπὶ δίφρον ἰών, ἔνθεν περ ἀνέστη. ### book 21.244 ἐς δ’ ἄρα καὶ τὼ δμῶε ἴτην θείου Ὀδυσῆος. ### book 21.245 Εὐρύμαχος δ’ ἤδη τόξον μετὰ χερσὶν ἐνώμα, ### book 21.246 θάλπων ἔνθα καὶ ἔνθα σέλᾳ πυρός· ἀλλά μιν οὐδ’ ὧς ### book 21.247 ἐντανύσαι δύνατο, μέγα δ’ ἔστενε κυδάλιμον κῆρ· ### book 21.248 ὀχθήσας δ’ ἄρα εἶπεν ἔπος τ’ ἔφατ’ ἔκ τ’ ὀνόμαζεν· ### book 21.249 “ὢ πόποι, ἦ μοι ἄχος περί τ’ αὐτοῦ καὶ περὶ πάντων. ### book 21.250 οὔ τι γάμου τοσσοῦτον ὀδύρομαι, ἀχνύμενός περ· — ### book 21.251 εἰσὶ καὶ ἄλλαι πολλαὶ Ἀχαιΐδες, αἱ μὲν ἐν αὐτῇ ### book 21.252 ἀμφιάλῳ Ἰθάκῃ, αἱ δ’ ἄλλῃσιν πολίεσσιν· — ### book 21.253 ἀλλ’ εἰ δὴ τοσσόνδε βίης ἐπιδευέες εἰμὲν ### book 21.254 ἀντιθέου Ὀδυσῆος, ὅ τ’ οὐ δυνάμεσθα τανύσσαι ### book 21.255 τόξον· ἐλεγχείη δὲ καὶ ἐσσομένοισι πυθέσθαι.” ### book 21.256 τὸν δ’ αὖτ’ Ἀντίνοος προσέφη, Εὐπείθεος υἱός· ### book 21.257 “Εὐρύμαχ’, οὐχ οὕτως ἔσται· νοέεις δὲ καὶ αὐτός. ### book 21.258 νῦν μὲν γὰρ κατὰ δῆμον ἑορτὴ τοῖο θεοῖο ### book 21.259 ἁγνή· τίς δέ κε τόξα τιταίνοιτ’; ἀλλὰ ἕκηλοι ### book 21.260 κάτθετ’. ἀτὰρ πελέκεάς γε καὶ εἴ κ’ εἰῶμεν ἅπαντας ### book 21.261 ἑστάμεν· οὐ μὲν γάρ τιν’ ἀναιρήσεσθαι ὀΐω, ### book 21.262 ἐλθόντ’ ἐς μέγαρον Λαερτιάδεω Ὀδυσῆος. ### book 21.263 ἀλλ’ ἄγετ’, οἰνοχόος μὲν ἐπαρξάσθω δεπάεσσιν, ### book 21.264 ὄφρα σπείσαντες καταθείομεν ἀγκύλα τόξα· ### book 21.265 ἠῶθεν δὲ κέλεσθε Μελάνθιον, αἰπόλον αἰγῶν, ### book 21.266 αἶγας ἄγειν, αἳ πᾶσι μέγ’ ἔξοχοι αἰπολίοισιν, ### book 21.267 ὄφρ’ ἐπὶ μηρία θέντες Ἀπόλλωνι κλυτοτόξῳ ### book 21.268 τόξου πειρώμεσθα καὶ ἐκτελέωμεν ἄεθλον.” ### book 21.269 ὣς ἔφατ’ Ἀντίνοος, τοῖσιν δ’ ἐπιήνδανε μῦθος. ### book 21.270 τοῖσι δὲ κήρυκες μὲν ὕδωρ ἐπὶ χεῖρας ἔχευαν, ### book 21.271 κοῦροι δὲ κρητῆρας ἐπεστέψαντο ποτοῖο, ### book 21.272 νώμησαν δ’ ἄρα πᾶσιν ἐπαρξάμενοι δεπάεσσιν. ### book 21.273 οἱ δ’ ἐπεὶ οὖν σπεῖσάν τε πίον θ’, ὅσον ἤθελε θυμός, ### book 21.274 τοῖς δὲ δολοφρονέων μετέφη πολύμητις Ὀδυσσεύς· ### book 21.275 “κέκλυτέ μευ, μνηστῆρες ἀγακλειτῆς βασιλείης, ### book 21.276 [ὄφρ’ εἴπω, τά με θυμὸς ἐνὶ στήθεσσι κελεύει·] ### book 21.277 Εὐρύμαχον δὲ μάλιστα καὶ Ἀντίνοον θεοειδέα ### book 21.278 λίσσομ’, ἐπεὶ καὶ τοῦτο ἔπος κατὰ μοῖραν ἔειπε, ### book 21.279 νῦν μὲν παῦσαι τόξον, ἐπιτρέψαι δὲ θεοῖσιν· ### book 21.280 ἠῶθεν δὲ θεὸς δώσει κράτος, ᾧ κ’ ἐθέλῃσιν. ### book 21.281 ἀλλ’ ἄγ’ ἐμοὶ δότε τόξον ἐΰξοον, ὄφρα μεθ’ ὑμῖν ### book 21.282 χειρῶν καὶ σθένεος πειρήσομαι, ἤ μοι ἔτ’ ἐστὶν ### book 21.283 ἴς, οἵη πάρος ἔσκεν ἐνὶ γναμπτοῖσι μέλεσσιν, ### book 21.284 ἦ ἤδη μοι ὄλεσσεν ἄλη τ’ ἀκομιστίη τε.” ### book 21.285 ὣς ἔφαθ’, οἱ δ’ ἄρα πάντες ὑπερφιάλως νεμέσησαν, ### book 21.286 δείσαντες μὴ τόξον ἐΰξοον ἐντανύσειεν. ### book 21.287 Ἀντίνοος δ’ ἐνένιπεν ἔπος τ’ ἔφατ’ ἔκ τ’ ὀνόμαζεν· ### book 21.288 “ἆ δειλὲ ξείνων, ἔνι τοι φρένες οὐδ’ ἠβαιαί. ### book 21.289 οὐκ ἀγαπᾷς, ὃ ἕκηλος ὑπερφιάλοισι μεθ’ ἡμῖν ### book 21.290 δαίνυσαι οὐδέ τι δαιτὸς ἀμέρδεαι, αὐτὰρ ἀκούεις ### book 21.291 μύθων ἡμετέρων καὶ ῥήσιος; οὐδέ τις ἄλλος ### book 21.292 ἡμετέρων μύθων ξεῖνος καὶ πτωχὸς ἀκούει. ### book 21.293 οἶνός σε τρώει μελιηδής, ὅς τε καὶ ἄλλους ### book 21.294 βλάπτει, ὃς ἄν μιν χανδὸν ἕλῃ μηδ’ αἴσιμα πίνῃ. ### book 21.295 οἶνος καὶ Κένταυρον, ἀγακλυτὸν Εὐρυτίωνα, ### book 21.296 ἄας’ ἐνὶ μεγάρῳ μεγαθύμου Πειριθόοιο, ### book 21.297 ἐς Λαπίθας ἐλθόνθ’· ὁ δ’ ἐπεὶ φρένας ἄασεν οἴνῳ, ### book 21.298 μαινόμενος κάκ’ ἔρεξε δόμον κάτα Πειριθόοιο. ### book 21.299 ἥρωας δ’ ἄχος εἷλε, διὲκ προθύρου δὲ θύραζε ### book 21.300 ἕλκον ἀναΐξαντες, ἀπ’ οὔατα νηλέϊ χαλκῷ ### book 21.301 ῥῖνάς τ’ ἀμήσαντες· ὁ δὲ φρεσὶν ᾗσιν ἀασθεὶς ### book 21.302 ἤϊεν ἣν ἄτην ὀχέων ἀεσίφρονι θυμῷ. ### book 21.303 ἐξ οὗ Κενταύροισι καὶ ἀνδράσι νεῖκος ἐτύχθη, ### book 21.304 οἷ δ’ αὐτῷ πρώτῳ κακὸν εὕρετο οἰνοβαρείων. ### book 21.305 ὣς καὶ σοὶ μέγα πῆμα πιφαύσκομαι, αἴ κε τὸ τόξον ### book 21.306 ἐντανύσῃς· οὐ γάρ τευ ἐπητύος ἀντιβολήσεις ### book 21.307 ἡμετέρῳ ἐνὶ δήμῳ, ἄφαρ δέ σε νηῒ μελαίνῃ ### book 21.308 εἰς Ἔχετον βασιλῆα, βροτῶν δηλήμονα πάντων, ### book 21.309 πέμψομεν· ἔνθεν δ’ οὔ τι σαώσεαι. ἀλλὰ ἕκηλος ### book 21.310 πῖνέ τε μηδ’ ἐρίδαινε μετ’ ἀνδράσι κουροτέροισι.” ### book 21.311 τὸν δ’ αὖτε προσέειπε περίφρων Πηνελόπεια· ### book 21.312 “Ἀντίνο’, οὐ μὲν καλὸν ἀτέμβειν οὐδὲ δίκαιον ### book 21.313 ξείνους Τηλεμάχου, ὅς κεν τάδε δώμαθ’ ἵκηται. ### book 21.314 ἔλπεαι, αἴ χ’ ὁ ξεῖνος Ὀδυσσῆος μέγα τόξον ### book 21.315 ἐντανύσῃ χερσίν τε βίηφί τε ἧφι πιθήσας, ### book 21.316 οἴκαδέ μ’ ἄξεσθαι καὶ ἑὴν θήσεσθαι ἄκοιτιν; ### book 21.317 οὐδ’ αὐτός που τοῦτό γ’ ἐνὶ στήθεσσιν ἔολπε· ### book 21.318 μηδέ τις ὑμείων τοῦ γ’ εἵνεκα θυμὸν ἀχεύων ### book 21.319 ἐνθάδε δαινύσθω, ἐπεὶ οὐδὲ μὲν οὐδὲ ἔοικε.” ### book 21.320 τὴν δ’ αὖτ’ Εὐρύμαχος, Πολύβου πάϊς, ἀντίον ηὔδα· ### book 21.321 “κούρη Ἰκαρίοιο, περίφρων Πηνελόπεια, ### book 21.322 οὔ τί σε τόνδ’ ἄξεσθαι ὀϊόμεθ’, οὐδὲ ἔοικεν, ### book 21.323 ἀλλ’ αἰσχυνόμενοι φάτιν ἀνδρῶν ἠδὲ γυναικῶν, ### book 21.324 μή ποτέ τις εἴπῃσι κακώτερος ἄλλος Ἀχαιῶν· ### book 21.325 ‘ἦ πολὺ χείρονες ἄνδρες ἀμύμονος ἀνδρὸς ἄκοιτιν ### book 21.326 μνῶνται, οὐδέ τι τόξον ἐΰξοον ἐντανύουσιν· ### book 21.327 ἀλλ’ ἄλλος τις πτωχὸς ἀνὴρ ἀλαλήμενος ἐλθὼν ### book 21.328 ῥηϊδίως ἐτάνυσσε βιόν, διὰ δ’ ἧκε σιδήρου.‘ ### book 21.329 ὣς ἐρέους’, ἡμῖν δ’ ἂν ἐλέγχεα ταῦτα γένοιτο.” ### book 21.330 τὸν δ’ αὖτε προσέειπε περίφρων Πηνελόπεια· ### book 21.331 “Εὐρύμαχ’, οὔ πως ἔστιν ἐϋκλεῖας κατὰ δῆμον ### book 21.332 ἔμμεναι, οἳ δὴ οἶκον ἀτιμάζοντες ἔδουσιν ### book 21.333 ἀνδρὸς ἀριστῆος· τί δ’ ἐλέγχεα ταῦτα τίθεσθε; ### book 21.334 οὗτος δὲ ξεῖνος μάλα μὲν μέγας ἠδ’ εὐπηγής, ### book 21.335 πατρὸς δ’ ἐξ ἀγαθοῦ γένος εὔχεται ἔμμεναι υἱός. ### book 21.336 ἀλλ’ ἄγε οἱ δότε τόξον ἐΰξοον, ὄφρα ἴδωμεν. ### book 21.337 ὧδε γὰρ ἐξερέω, τὸ δὲ καὶ τετελεσμένον ἔσται· ### book 21.338 εἴ κέ μιν ἐντανύσῃ, δώῃ δέ οἱ εὖχος Ἀπόλλων, ### book 21.339 ἕσσω μιν χλαῖνάν τε χιτῶνά τε, εἵματα καλά, ### book 21.340 δώσω δ’ ὀξὺν ἄκοντα, κυνῶν ἀλκτῆρα καὶ ἀνδρῶν, ### book 21.341 καὶ ξίφος ἄμφηκες· δώσω δ’ ὑπὸ ποσσὶ πέδιλα, ### book 21.342 πέμψω δ’ ὅππῃ μιν κραδίη θυμός τε κελεύει.” ### book 21.343 τὴν δ’ αὖ Τηλέμαχος πεπνυμένος ἀντίον ηὔδα· ### book 21.344 “μῆτερ ἐμή, τόξον μὲν Ἀχαιῶν οὔ τις ἐμεῖο ### book 21.345 κρείσσων, ᾧ κ’ ἐθέλω, δόμεναί τε καὶ ἀρνήσασθαι, ### book 21.346 οὔθ’ ὅσσοι κραναὴν Ἰθάκην κάτα κοιρανέουσιν, ### book 21.347 οὔθ’ ὅσσοι νήσοισι πρὸς Ἤλιδος ἱπποβότοιο· ### book 21.348 τῶν οὔ τίς μ’ ἀέκοντα βιήσεται, αἴ κ’ ἐθέλωμι ### book 21.349 καὶ καθάπαξ ξείνῳ δόμεναι τάδε τόξα φέρεσθαι. ### book 21.350 ἀλλ’ εἰς οἶκον ἰοῦσα τὰ ς’ αὐτῆς ἔργα κόμιζε, ### book 21.351 ἱστόν τ’ ἠλακάτην τε, καὶ ἀμφιπόλοισι κέλευε ### book 21.352 ἔργον ἐποίχεσθαι· τόξον δ’ ἄνδρεσσι μελήσει ### book 21.353 πᾶσι, μάλιστα δ’ ἐμοί· τοῦ γὰρ κράτος ἔστ’ ἐνὶ οἴκῳ.” ### book 21.354 ἡ μὲν θαμβήσασα πάλιν οἶκόνδε βεβήκει· ### book 21.355 παιδὸς γὰρ μῦθον πεπνυμένον ἔνθετο θυμῷ. ### book 21.356 ἐς δ’ ὑπερῷ’ ἀναβᾶσα σὺν ἀμφιπόλοισι γυναιξὶ ### book 21.357 κλαῖεν ἔπειτ’ Ὀδυσῆα, φίλον πόσιν, ὄφρα οἱ ὕπνον ### book 21.358 ἡδὺν ἐπὶ βλεφάροισι βάλε γλαυκῶπις Ἀθήνη. ### book 21.359 αὐτὰρ ὁ τόξα λαβὼν φέρε καμπύλα δῖος ὑφορβός· ### book 21.360 μνηστῆρες δ’ ἄρα πάντες ὁμόκλεον ἐν μεγάροισιν· ### book 21.361 ὧδε δέ τις εἴπεσκε νέων ὑπερηνορεόντων· ### book 21.362 “πῇ δὴ καμπύλα τόξα φέρεις, ἀμέγαρτε συβῶτα, ### book 21.363 πλαγκτέ; τάχ’ αὖ ς’ ἐφ’ ὕεσσι κύνες ταχέες κατέδονται ### book 21.364 οἶον ἀπ’ ἀνθρώπων, οὓς ἔτρεφες, εἴ κεν Ἀπόλλων ### book 21.365 ἡμῖν ἱλήκῃσι καὶ ἀθάνατοι θεοὶ ἄλλοι.” ### book 21.366 ὣς φάσαν, αὐτὰρ ὁ θῆκε φέρων αὐτῇ ἐνὶ χώρῃ, ### book 21.367 δείσας, οὕνεκα πολλοὶ ὁμόκλεον ἐν μεγάροισι. ### book 21.368 Τηλέμαχος δ’ ἑτέρωθεν ἀπειλήσας ἐγεγώνει· ### book 21.369 “ἄττα, πρόσω φέρε τόξα· τάχ’ οὐκ ἐῢ πᾶσι πιθήσεις· ### book 21.370 μή σε καὶ ὁπλότερος περ ἐὼν ἀγρόνδε δίωμαι ### book 21.371 βάλλων χερμαδίοισι· βίηφι δὲ φέρτερός εἰμι. ### book 21.372 αἲ γὰρ πάντων τόσσον, ὅσοι κατὰ δώματ’ ἔασι, ### book 21.373 μνηστήρων χερσίν τε βίηφί τε φέρτερος εἴην· ### book 21.374 τῶ κε τάχα στυγερῶς τιν’ ἐγὼ πέμψαιμι νέεσθαι ### book 21.375 ἡμετέρου ἐξ οἴκου, ἐπεὶ κακὰ μηχανόωνται.” ### book 21.376 ὣς ἔφαθ’, οἱ δ’ ἄρα πάντες ἐπ’ αὐτῷ ἡδὺ γέλασσαν ### book 21.377 μνηστῆρες καὶ δὴ μέθιεν χαλεποῖο χόλοιο ### book 21.378 Τηλεμάχῳ· τὰ δὲ τόξα φέρων ἀνὰ δῶμα συβώτης ### book 21.379 ἐν χείρεσς’ Ὀδυσῆϊ δαΐφρονι θῆκε παραστάς. ### book 21.380 ἐκ δὲ καλεσσάμενος προσέφη τροφὸν Εὐρύκλειαν· ### book 21.381 “Τηλέμαχος κέλεταί σε, περίφρων Εὐρύκλεια, ### book 21.382 κληῖσαι μεγάροιο θύρας πυκινῶς ἀραρυίας· ### book 21.383 ἢν δέ τις ἢ στοναχῆς ἠὲ κτύπου ἔνδον ἀκούσῃ ### book 21.384 ἀνδρῶν ἡμετέροισιν ἐν ἕρκεσι, μή τι θύραζε ### book 21.385 προβλώσκειν, ἀλλ’ αὐτοῦ ἀκὴν ἔμεναι παρὰ ἔργῳ.” ### book 21.386 ὣς ἄρ’ ἐφώνησεν, τῇ δ’ ἄπτερος ἔπλετο μῦθος, ### book 21.387 κλήϊσεν δὲ θύρας μεγάρων ἐῢ ναιεταόντων. ### book 21.388 σιγῇ δ’ ἐξ οἴκοιο Φιλοίτιος ἆλτο θύραζε, ### book 21.389 κλήϊσεν δ’ ἄρ’ ἔπειτα θύρας εὐερκέος αὐλῆς. ### book 21.390 κεῖτο δ’ ὑπ’ αἰθούσῃ ὅπλον νεὸς ἀμφιελίσσης ### book 21.391 βύβλινον, ᾧ ῥ’ ἐπέδησε θύρας, ἐς δ’ ἤϊεν αὐτός· ### book 21.392 ἕζετ’ ἔπειτ’ ἐπὶ δίφρον ἰών, ἔνθεν περ ἀνέστη, ### book 21.393 εἰσορόων Ὀδυσῆα. ὁ δ’ ἤδη τόξον ἐνώμα ### book 21.394 πάντῃ ἀναστρωφῶν, πειρώμενος ἔνθα καὶ ἔνθα, ### book 21.395 μὴ κέρα ἶπες ἔδοιεν ἀποιχομένοιο ἄνακτος. ### book 21.396 ὧδε δέ τις εἴπεσκεν ἰδὼν ἐς πλησίον ἄλλον· ### book 21.397 “ἦ τις θηητὴρ καὶ ἐπίκλοπος ἔπλετο τόξων· ### book 21.398 ἤ ῥά νύ που τοιαῦτα καὶ αὐτῷ οἴκοθι κεῖται, ### book 21.399 ἢ ὅ γ’ ἐφορμᾶται ποιησέμεν, ὡς ἐνὶ χερσὶ ### book 21.400 νωμᾷ ἔνθα καὶ ἔνθα κακῶν ἔμπαιος ἀλήτης.” ### book 21.401 ἄλλος δ’ αὖτ’ εἴπεσκε νέων ὑπερηνορεόντων· ### book 21.402 “αἲ γὰρ δὴ τοσσοῦτον ὀνήσιος ἀντιάσειεν, ### book 21.403 ὡς οὗτός ποτε τοῦτο δυνήσεται ἐντανύσασθαι.” ### book 21.404 ὣς ἄρ’ ἔφαν μνηστῆρες· ἀτὰρ πολύμητις Ὀδυσσεύς, ### book 21.405 αὐτίκ’ ἐπεὶ μέγα τόξον ἐβάστασε καὶ ἴδε πάντῃ, ### book 21.406 ὡς ὅτ’ ἀνὴρ φόρμιγγος ἐπιστάμενος καὶ ἀοιδῆς ### book 21.407 ῥηϊδίως ἐτάνυσσε νέῳ περὶ κόλλοπι χορδήν, ### book 21.408 ἅψας ἀμφοτέρωθεν ἐϋστρεφὲς ἔντερον οἰός, ### book 21.409 ὣς ἄρ’ ἄτερ σπουδῆς τάνυσεν μέγα τόξον Ὀδυσσεύς. ### book 21.410 δεξιτερῇ δ’ ἄρα χειρὶ λαβὼν πειρήσατο νευρῆς· ### book 21.411 ἡ δ’ ὑπὸ καλὸν ἄεισε, χελιδόνι εἰκέλη αὐδήν. ### book 21.412 μνηστῆρσιν δ’ ἄρ’ ἄχος γένετο μέγα, πᾶσι δ’ ἄρα χρὼς ### book 21.413 ἐτράπετο. Ζεὺς δὲ μεγάλ’ ἔκτυπε σήματα φαίνων· ### book 21.414 γήθησέν τ’ ἄρ’ ἔπειτα πολύτλας δῖος Ὀδυσσεύς, ### book 21.415 ὅττι ῥά οἱ τέρας ἧκε Κρόνου πάϊς ἀγκυλομήτεω. ### book 21.416 εἵλετο δ’ ὠκὺν ὀϊστόν, ὅ οἱ παρέκειτο τραπέζῃ ### book 21.417 γυμνός· τοὶ δ’ ἄλλοι κοίλης ἔντοσθε φαρέτρης ### book 21.418 κείατο, τῶν τάχ’ ἔμελλον Ἀχαιοὶ πειρήσεσθαι. ### book 21.419 τόν ῥ’ ἐπὶ πήχει ἑλὼν ἕλκεν νευρὴν γλυφίδας τε, ### book 21.420 αὐτόθεν ἐκ δίφροιο καθήμενος, ἧκε δ’ ὀϊστὸν ### book 21.421 ἄντα τιτυσκόμενος, πελέκεων δ’ οὐκ ἤμβροτε πάντων ### book 21.422 πρώτης στειλειῆς, διὰ δ’ ἀμπερὲς ἦλθε θύραζε ### book 21.423 ἰὸς χαλκοβαρής. ὁ δὲ Τηλέμαχον προσέειπε· ### book 21.424 “Τηλέμαχ’, οὔ ς’ ὁ ξεῖνος ἐνὶ μεγάροισιν ἐλέγχει ### book 21.425 ἥμενος, οὐδέ τι τοῦ σκοποῦ ἤμβροτον οὐδέ τι τόξον ### book 21.426 δὴν ἔκαμον τανύων· ἔτι μοι μένος ἔμπεδόν ἐστιν, ### book 21.427 οὐχ ὥς με μνηστῆρες ἀτιμάζοντες ὄνονται. ### book 21.428 νῦν δ’ ὥρη καὶ δόρπον Ἀχαιοῖσιν τετυκέσθαι ### book 21.429 ἐν φάει, αὐτὰρ ἔπειτα καὶ ἄλλως ἑψιάασθαι ### book 21.430 μολπῇ καὶ φόρμιγγι· τὰ γάρ τ’ ἀναθήματα δαιτός.” ### book 21.431 ἦ, καὶ ἐπ’ ὀφρύσι νεῦσεν· ὁ δ’ ἀμφέθετο ξίφος ὀξὺ ### book 21.432 Τηλέμαχος, φίλος υἱὸς Ὀδυσσῆος θείοιο, ### book 21.433 ἀμφὶ δὲ χεῖρα φίλην βάλεν ἔγχεϊ, ἄγχι δ’ ἄρ’ αὐτοῦ ### book 21.434 πὰρ θρόνον ἑστήκει κεκορυθμένος αἴθοπι χαλκῷ. ### book 22.1 Αὐτὰρ ὁ γυμνώθη ῥακέων πολύμητις Ὀδυσσεύς, ### book 22.2 ἆλτο δ’ ἐπὶ μέγαν οὐδὸν ἔχων βιὸν ἠδὲ φαρέτρην ### book 22.3 ἰῶν ἐμπλείην, ταχέας δ’ ἐκχεύατ’ ὀϊστοὺς ### book 22.4 αὐτοῦ πρόσθε ποδῶν, μετὰ δὲ μνηστῆρσιν ἔειπεν· ### book 22.5 “οὗτος μὲν δὴ ἄεθλος ἀάατος ἐκτετέλεσται· ### book 22.6 νῦν αὖτε σκοπὸν ἄλλον, ὃν οὔ πώ τις βάλεν ἀνήρ, ### book 22.7 εἴσομαι, αἴ κε τύχωμι, πόρῃ δέ μοι εὖχος Ἀπόλλων.” ### book 22.8 ἦ, καὶ ἐπ’ Ἀντινόῳ ἰθύνετο πικρὸν ὀϊστόν. ### book 22.9 ἦ τοι ὁ καλὸν ἄλεισον ἀναιρήσεσθαι ἔμελλε, ### book 22.10 χρύσεον ἄμφωτον, καὶ δὴ μετὰ χερσὶν ἐνώμα, ### book 22.11 ὄφρα πίοι οἴνοιο· φόνος δέ οἱ οὐκ ἐνὶ θυμῷ ### book 22.12 μέμβλετο. τίς κ’ οἴοιτο μετ’ ἀνδράσι δαιτυμόνεσσι ### book 22.13 μοῦνον ἐνὶ πλεόνεσσι, καὶ εἰ μάλα καρτερὸς εἴη, ### book 22.14 οἷ τεύξειν θάνατόν τε κακὸν καὶ κῆρα μέλαιναν; ### book 22.15 τὸν δ’ Ὀδυσεὺς κατὰ λαιμὸν ἐπισχόμενος βάλεν ἰῷ, ### book 22.16 ἀντικρὺ δ’ ἁπαλοῖο δι’ αὐχένος ἤλυθ’ ἀκωκή. ### book 22.17 ἐκλίνθη δ’ ἑτέρωσε, δέπας δέ οἱ ἔκπεσε χειρὸς ### book 22.18 βλημένου, αὐτίκα δ’ αὐλὸς ἀνὰ ῥῖνας παχὺς ἦλθεν ### book 22.19 αἵματος ἀνδρομέοιο· θοῶς δ’ ἀπὸ εἷο τράπεζαν ### book 22.20 ὦσε ποδὶ πλήξας, ἀπὸ δ’ εἴδατα χεῦεν ἔραζε· ### book 22.21 σῖτός τε κρέα τ’ ὀπτὰ φορύνετο. τοὶ δ’ ὁμάδησαν ### book 22.22 μνηστῆρες κατὰ δώμαθ’, ὅπως ἴδον ἄνδρα πεσόντα, ### book 22.23 ἐκ δὲ θρόνων ἀνόρουσαν ὀρινθέντες κατὰ δῶμα, ### book 22.24 πάντοσε παπταίνοντες ἐϋδμήτους ποτὶ τοίχους· ### book 22.25 οὐδέ που ἀσπὶς ἔην οὐδ’ ἄλκιμον ἔγχος ἑλέσθαι. ### book 22.26 νείκειον δ’ Ὀδυσῆα χολωτοῖσιν ἐπέεσσι· ### book 22.27 “ξεῖνε, κακῶς ἀνδρῶν τοξάζεαι· οὐκέτ’ ἀέθλων ### book 22.28 ἄλλων ἀντιάσεις· νῦν τοι σῶς αἰπὺς ὄλεθρος. ### book 22.29 καὶ γὰρ δὴ νῦν φῶτα κατέκτανες, ὃς μέγ’ ἄριστος ### book 22.30 κούρων εἰν Ἰθάκῃ· τῶ ς’ ἐνθάδε γῦπες ἔδονται.” ### book 22.31 ἴσκεν ἕκαστος ἀνήρ, ἐπεὶ ἦ φάσαν οὐκ ἐθέλοντα ### book 22.32 ἄνδρα κατακτεῖναι· τὸ δὲ νήπιοι οὐκ ἐνόησαν, ### book 22.33 ὡς δή σφιν καὶ πᾶσιν ὀλέθρου πείρατ’ ἐφῆπτο. ### book 22.34 τοὺς δ’ ἄρ’ ὑπόδρα ἰδὼν προσέφη πολύμητις Ὀδυσσεύς· ### book 22.35 “ὦ κύνες, οὔ μ’ ἔτ’ ἐφάσκεθ’ ὑπότροπον οἴκαδε νεῖσθαι ### book 22.36 δήμου ἄπο Τρώων, ὅτι μοι κατεκείρετε οἶκον ### book 22.37 δμῳῇσίν τε γυναιξὶ παρευνάζεσθε βιαίως ### book 22.38 αὐτοῦ τε ζώοντος ὑπεμνάασθε γυναῖκα, ### book 22.39 οὔτε θεοὺς δείσαντες, οἳ οὐρανὸν εὐρὺν ἔχουσιν, ### book 22.40 οὔτε τιν’ ἀνθρώπων νέμεσιν κατόπισθεν ἔσεσθαι. ### book 22.41 νῦν ὕμιν καὶ πᾶσιν ὀλέθρου πείρατ’ ἐφῆπται.” ### book 22.42 ὣς φάτο, τοὺς δ’ ἅρα πάντας ὑπὸ χλωρὸν δέος εἷλε· ### book 22.43 [πάπτηνεν δὲ ἕκαστος, ὅπῃ φύγοι αἰπὺν ὄλεθρον.] ### book 22.44 Εὐρύμαχος δέ μιν οἶος ἀμειβόμενος προσέειπεν· ### book 22.45 “εἰ μὲν δὴ Ὀδυσεὺς Ἰθακήσιος εἰλήλουθας, ### book 22.46 ταῦτα μὲν αἴσιμα εἶπες, ὅσα ῥέζεσκον Ἀχαιοί, ### book 22.47 πολλὰ μὲν ἐν μεγάροισιν ἀτάσθαλα, πολλὰ δ’ ἐπ’ ἀγροῦ. ### book 22.48 ἀλλ’ ὁ μὲν ἤδη κεῖται, ὃς αἴτιος ἔπλετο πάντων, ### book 22.49 Ἀντίνοος· οὗτος γὰρ ἐπίηλεν τάδε ἔργα, ### book 22.50 οὔ τι γάμου τόσσον κεχρημένος οὐδὲ χατίζων, ### book 22.51 ἀλλ’ ἄλλα φρονέων, τά οἱ οὐκ ἐτέλεσσε Κρονίων, ### book 22.52 ὄφρ’ Ἰθάκης κατὰ δῆμον ἐϋκτιμένης βασιλεύοι ### book 22.53 αὐτός, ἀτὰρ σὸν παῖδα κατακτείνειε λοχήσας. ### book 22.54 νῦν δ’ ὁ μὲν ἐν μοίρῃ πέφαται, σὺ δὲ φείδεο λαῶν ### book 22.55 σῶν· ἀτὰρ ἄμμες ὄπισθεν ἀρεσσάμενοι κατὰ δῆμον, ### book 22.56 ὅσσα τοι ἐκπέποται καὶ ἐδήδοται ἐν μεγάροισι, ### book 22.57 τιμὴν ἀμφὶς ἄγοντες ἐεικοσάβοιον ἕκαστος, ### book 22.58 χαλκόν τε χρυσόν τ’ ἀποδώσομεν, εἰς ὅ κε σὸν κῆρ ### book 22.59 ἰανθῇ· πρὶν δ’ οὔ τι νεμεσσητὸν κεχολῶσθαι.” ### book 22.60 τὸν δ’ ἄρ’ ὑπόδρα ἰδὼν προσέφη πολύμητις Ὀδυσσεύς· ### book 22.61 “Εὐρύμαχ’, οὐδ’ εἴ μοι πατρώϊα πάντ’ ἀποδοῖτε, ### book 22.62 ὅσσα τε νῦν ὔμμ’ ἐστὶ καὶ εἴ ποθεν ἄλλ’ ἐπιθεῖτε, ### book 22.63 οὐδέ κεν ὧς ἔτι χεῖρας ἐμὰς λήξαιμι φόνοιο, ### book 22.64 πρὶν πᾶσαν μνηστῆρας ὑπερβασίην ἀποτεῖσαι. ### book 22.65 νῦν ὕμιν παράκειται ἐναντίον ἠὲ μάχεσθαι ### book 22.66 ἢ φεύγειν, ὅς κεν θάνατον καὶ κῆρας ἀλύξῃ· ### book 22.67 ἀλλά τιν’ οὐ φεύξεσθαι ὀΐομαι αἰπὺν ὄλεθρον.” ### book 22.68 ὣς φάτο, τῶν δ’ αὐτοῦ λύτο γούνατα καὶ φίλον ἦτορ. ### book 22.69 τοῖσιν δ’ Εὐρύμαχος μετεφώνεε δεύτερον αὖτις· ### book 22.70 “ὦ φίλοι, οὐ γὰρ σχήσει ἀνὴρ ὅδε χεῖρας ἀάπτους, ### book 22.71 ἀλλ’ ἐπεὶ ἔλλαβε τόξον ἐΰξοον ἠδὲ φαρέτρην, ### book 22.72 οὐδοῦ ἄπο ξεστοῦ τοξάσσεται, εἰς ὅ κε πάντας ### book 22.73 ἄμμε κατακτείνῃ. ἀλλὰ μνησώμεθα χάρμης· ### book 22.74 φάσγανά τε σπάσσασθε καὶ ἀντίσχεσθε τραπέζας ### book 22.75 ἰῶν ὠκυμόρων· ἐπὶ δ’ αὐτῷ πάντες ἔχωμεν ### book 22.76 ἁθρόοι, εἴ κέ μιν οὐδοῦ ἀπώσομεν ἠδὲ θυράων, ### book 22.77 ἔλθωμεν δ’ ἀνὰ ἄστυ, βοὴ δ’ ὤκιστα γένηται· ### book 22.78 τῶ κε τάχ’ οὗτος ἀνὴρ νῦν ὕστατα τοξάσσαιτο.” ### book 22.79 ὣς ἄρα φωνήσας εἰρύσσατο φάσγανον ὀξύ, ### book 22.80 χάλκεον, ἀμφοτέρωθεν ἀκαχμένον, ἆλτο δ’ ἐπ’ αὐτῷ ### book 22.81 σμερδαλέα ἰάχων· ὁ δ’ ἁμαρτὴ δῖος Ὀδυσσεὺς ### book 22.82 ἰὸν ἀποπροΐει, βάλε δὲ στῆθος παρὰ μαζόν, ### book 22.83 ἐν δέ οἱ ἥπατι πῆξε θοὸν βέλος. ἐκ δ’ ἄρα χειρὸς ### book 22.84 φάσγανον ἧκε χαμᾶζε, περιρρηδὴς δὲ τραπέζῃ ### book 22.85 κάππεσεν ἰδνωθείς, ἀπὸ δ’ εἴδατα χεῦεν ἔραζε ### book 22.86 καὶ δέπας ἀμφικύπελλον· ὁ δὲ χθόνα τύπτε μετώπῳ ### book 22.87 θυμῷ ἀνιάζων, ποσὶ δὲ θρόνον ἀμφοτέροισι ### book 22.88 λακτίζων ἐτίνασσε· κατ’ ὀφθαλμῶν δ’ ἔχυτ’ ἀχλύς. ### book 22.89 Ἀμφίνομος δ’ Ὀδυσῆος ἐείσατο κυδαλίμοιο ### book 22.90 ἀντίος ἀΐξας, εἴρυτο δὲ φάσγανον ὀξύ, ### book 22.91 εἴ πώς οἱ εἴξειε θυράων. ἀλλ’ ἄρα μιν φθῆ ### book 22.92 Τηλέμαχος κατόπισθε βαλὼν χαλκήρεϊ δουρὶ ### book 22.93 ὤμων μεσσηγύς, διὰ δὲ στήθεσφιν ἔλασσε· ### book 22.94 δούπησεν δὲ πεσών, χθόνα δ’ ἤλασε παντὶ μετώπῳ. ### book 22.95 Τηλέμαχος δ’ ἀπόρουσε, λιπὼν δολιχόσκιον ἔγχος ### book 22.96 αὐτοῦ ἐν Ἀμφινόμῳ· περὶ γὰρ δίε, μή τις Ἀχαιῶν ### book 22.97 ἔγχος ἀνελκόμενον δολιχόσκιον ἢ ἐλάσειε ### book 22.98 φασγάνῳ ἀΐξας ἠὲ προπρηνέα τύψας. ### book 22.99 βῆ δὲ θέειν, μάλα δ’ ὦκα φίλον πατέρ’ εἰσαφίκανεν, ### book 22.100 ἀγχοῦ δ’ ἱστάμενος ἔπεα πτερόεντα προσηύδα· ### book 22.101 “ὦ πάτερ, ἤδη τοι σάκος οἴσω καὶ δύο δοῦρε ### book 22.102 καὶ κυνέην πάγχαλκον, ἐπὶ κροτάφοις’ ἀραρυῖαν, ### book 22.103 αὐτός τ’ ἀμφιβαλεῦμαι ἰών, δώσω δὲ συβώτῃ ### book 22.104 καὶ τῷ βουκόλῳ ἄλλα· τετευχῆσθαι γὰρ ἄμεινον.” ### book 22.105 τὸν δ’ ἀπαμειβόμενος προσέφη πολύμητις Ὀδυσσεύς· ### book 22.106 “οἶσε θέων, εἷός μοι ἀμύνεσθαι πάρ’ ὀϊστοί, ### book 22.107 μή μ’ ἀποκινήσωσι θυράων μοῦνον ἐόντα.” ### book 22.108 ὣς φάτο, Τηλέμαχος δὲ φίλῳ ἐπεπείθετο πατρί, ### book 22.109 βῆ δ’ ἴμεναι θάλαμόνδ’, ὅθι οἱ κλυτὰ τεύχεα κεῖτο. ### book 22.110 ἔνθεν τέσσαρα μὲν σάκε’ εἵλετο, δούρατα δ’ ὀκτὼ ### book 22.111 καὶ πίσυρας κυνέας χαλκήρεας ἱπποδασείας· ### book 22.112 βῆ δὲ φέρων, μάλα δ’ ὦκα φίλον πατέρ’ εἰσαφίκανεν. ### book 22.113 αὐτὸς δὲ πρώτιστα περὶ χροῒ δύσετο χαλκόν· ### book 22.114 ὣς δ’ αὔτως τὼ δμῶε δυέσθην τεύχεα καλά, ### book 22.115 ἔσταν δ’ ἀμφ’ Ὀδυσῆα δαΐφρονα ποικιλομήτην. ### book 22.116 αὐτὰρ ὅ γ’, ὄφρα μὲν αὐτῷ ἀμύνεσθαι ἔσαν ἰοί, ### book 22.117 τόφρα μνηστήρων ἕνα γ’ αἰεὶ ᾧ ἐνὶ οἴκῳ ### book 22.118 βάλλε τιτυσκόμενος· τοὶ δ’ ἀγχιστῖνοι ἔπιπτον. ### book 22.119 αὐτὰρ ἐπεὶ λίπον ἰοὶ ὀϊστεύοντα ἄνακτα, ### book 22.120 τόξον μὲν πρὸς σταθμὸν ἐϋσταθέος μεγάροιο ### book 22.121 ἔκλιν’ ἑστάμεναι, πρὸς ἐνώπια παμφανόωντα, ### book 22.122 αὐτὸς δ’ ἀμφ’ ὤμοισι σάκος θέτο τετραθέλυμνον, ### book 22.123 κρατὶ δ’ ἐπ’ ἰφθίμῳ κυνέην εὔτυκτον ἔθηκεν, ### book 22.124 ἵππουριν, δεινὸν δὲ λόφος καθύπερθεν ἔνευεν· ### book 22.125 εἵλετο δ’ ἄλκιμα δοῦρε δύω κεκορυθμένα χαλκῷ. ### book 22.126 ὀρσοθύρη δέ τις ἔσκεν ἐϋδμήτῳ ἐνὶ τοίχῳ, ### book 22.127 ἀκρότατον δὲ παρ’ οὐδὸν ἐϋσταθέος μεγάροιο ### book 22.128 ἦν ὁδὸς ἐς λαύρην, σανίδες δ’ ἔχον εὖ ἀραρυῖαι· ### book 22.129 τὴν Ὀδυσεὺς φράζεσθαι ἀνώγει δῖον ὑφορβὸν ### book 22.130 ἑσταότ’ ἄγχ’ αὐτῆς· μία δ’ οἴη γίνετ’ ἐφορμή. ### book 22.131 τοῖς δ’ Ἀγέλεως μετέειπεν ἔπος πάντεσσι πιφαύσκων· ### book 22.132 “ὦ φίλοι, οὐκ ἂν δή τις ἀν’ ὀρσοθύρην ἀναβαίη ### book 22.133 καὶ εἴποι λαοῖσι, βοὴ δ’ ὤκιστα γένοιτο; ### book 22.134 τῶ κε τάχ’ οὗτος ἀνὴρ νῦν ὕστατα τοξάσσαιτο.” ### book 22.135 τὸν δ’ αὖτε προσέειπε Μελάνθιος, αἰπόλος αἰγῶν· ### book 22.136 “οὔ πως ἔστ’, Ἀγέλαε διοτρεφές· ἄγχι γὰρ αἰνῶς ### book 22.137 αὐλῆς καλὰ θύρετρα, καὶ ἀργαλέον στόμα λαύρης· ### book 22.138 καί χ’ εἷς πάντας ἐρύκοι ἀνήρ, ὅς τ’ ἄλκιμος εἴη. ### book 22.139 ἀλλ’ ἄγεθ’, ὑμῖν τεύχε’ ἐνείκω θωρηχθῆναι ### book 22.140 ἐκ θαλάμου· ἔνδον γάρ, ὀΐομαι, οὐδέ πῃ ἄλλῃ ### book 22.141 τεύχεα κατθέσθην Ὀδυσεὺς καὶ φαίδιμος υἱός.” ### book 22.142 ὣς εἰπὼν ἀνέβαινε Μελάνθιος, αἰπόλος αἰγῶν, ### book 22.143 ἐς θαλάμους Ὀδυσῆος ἀνὰ ῥῶγας μεγάροιο. ### book 22.144 ἔνθεν δώδεκα μὲν σάκε’ ἔξελε, τόσσα δὲ δοῦρα ### book 22.145 καὶ τόσσας κυνέας χαλκήρεας ἱπποδασείας· ### book 22.146 βῆ δ’ ἴμεναι, μάλα δ’ ὦκα φέρων μνηστῆρσιν ἔδωκε. ### book 22.147 καὶ τότ’ Ὀδυσσῆος λύτο γούνατα καὶ φίλον ἦτορ, ### book 22.148 ὡς περιβαλλομένους ἴδε τεύχεα χερσί τε δοῦρα ### book 22.149 μακρὰ τινάσσοντας· μέγα δ’ αὐτῷ φαίνετο ἔργον. ### book 22.150 αἶψα δὲ Τηλέμαχον ἔπεα πτερόεντα προσηύδα· ### book 22.151 “Τηλέμαχ’, ἦ μάλα δή τις ἐνὶ μεγάροισι γυναικῶν ### book 22.152 νῶϊν ἐποτρύνει πόλεμον κακὸν ἠὲ Μελανθεύς.” ### book 22.153 τὸν δ’ αὖ Τηλέμαχος πεπνυμένος ἀντίον ηὔδα· ### book 22.154 “ὦ πάτερ, αὐτὸς ἐγὼ τόδε γ’ ἤμβροτον, —οὐδέ τις ἄλλος ### book 22.155 αἴτιος, —ὃς θαλάμοιο θύρην πυκινῶς ἀραρυῖαν ### book 22.156 κάλλιπον ἀγκλίνας· τῶν δὲ σκοπὸς ἦεν ἀμείνων. ### book 22.157 ἀλλ’ ἴθι, δῖ’ Εὔμαιε, θύρην ἐπίθες θαλάμοιο, ### book 22.158 καὶ φράσαι, ἤ τις ἄρ’ ἐστὶ γυναικῶν, ἣ τάδε ῥέζει, ### book 22.159 ἦ υἱὸς Δολίοιο Μελανθεύς, τόν περ ὀΐω.” ### book 22.160 ὣς οἱ μὲν τοιαῦτα πρὸς ἀλλήλους ἀγόρευον. ### book 22.161 βῆ δ’ αὖτις θάλαμόνδε Μελάνθιος, αἰπόλος αἰγῶν, ### book 22.162 οἴσων τεύχεα καλά· νόησε δὲ δῖος ὑφορβός, ### book 22.163 αἶψα δ’ Ὀδυσσῆα προσεφώνεεν ἐγγὺς ἐόντα· ### book 22.164 “διογενὲς Λαερτιάδη, πολυμήχαν’ Ὀδυσσεῦ, ### book 22.165 κεῖνος δὴ αὖτ’ ἀΐδηλος ἀνήρ, ὃν ὀϊόμεθ’ αὐτοί, ### book 22.166 ἔρχεται ἐς θάλαμον· σὺ δέ μοι νημερτὲς ἐνίσπες, ### book 22.167 ἤ μιν ἀποκτείνω, αἴ κε κρείσσων γε γένωμαι, ### book 22.168 ἦέ σοι ἐνθάδ’ ἄγω, ἵν’ ὑπερβασίας ἀποτείσῃ ### book 22.169 πολλάς, ὅσσας οὗτος ἐμήσατο σῷ ἐνὶ οἴκῳ.” ### book 22.170 τὸν δ’ ἀπαμειβόμενος προσέφη πολύμητις Ὀδυσσεύς· ### book 22.171 “ἦ τοι ἐγὼ καὶ Τηλέμαχος μνηστῆρας ἀγαυοὺς ### book 22.172 σχήσομεν ἔντοσθεν μεγάρων μάλα περ μεμαῶτας· ### book 22.173 σφῶϊ δ’ ἀποστρέψαντε πόδας καὶ χεῖρας ὕπερθεν ### book 22.174 [ἐς θάλαμον βαλέειν, σανίδας δ’ ἐκδῆσαι ὄπισθε,] ### book 22.175 σειρὴν δὲ πλεκτὴν ἐξ αὐτοῦ πειρήναντε ### book 22.176 κίον’ ἀν’ ὑψηλὴν ἐρύσαι πελάσαι τε δοκοῖσιν, ### book 22.177 ὥς κεν δηθὰ ζωὸς ἐὼν χαλέπ’ ἄλγεα πάσχῃ.” ### book 22.178 ὣς ἔφαθ’, οἱ δ’ ἄρα τοῦ μάλα μὲν κλύον ἠδ’ ἐπίθοντο, ### book 22.179 βὰν δ’ ἴμεν ἐς θάλαμον, λαθέτην δέ μιν ἔνδον ἐόντα. ### book 22.180 ἦ τοι ὁ μὲν θαλάμοιο μυχὸν κάτα τεύχε’ ἐρεύνα, ### book 22.181 τὼ δ’ ἔσταν ἑκάτερθε παρὰ σταθμοῖσι μένοντε. ### book 22.182 εὖθ’ ὑπὲρ οὐδὸν ἔβαινε Μελάνθιος, αἰπόλος αἰγῶν, ### book 22.183 τῇ ἑτέρῃ μὲν χειρὶ φέρων καλὴν τρυφάλειαν, ### book 22.184 τῇ δ’ ἑτέρῃ σάκος εὐρὺ γέρον, πεπαλαγμένον ἄζῃ, ### book 22.185 Λαέρτεω ἥρωος, ὃ κουρίζων φορέεσκε· ### book 22.186 δὴ τότε γ’ ἤδη κεῖτο, ῥαφαὶ δ’ ἐλέλυντο ἱμάντων· ### book 22.187 τὼ δ’ ἄρ’ ἐπαΐξανθ’ ἑλέτην ἔρυσάν τέ μιν εἴσω ### book 22.188 κουρίξ, ἐν δαπέδῳ δὲ χαμαὶ βάλον ἀχνύμενον κῆρ, ### book 22.189 σὺν δὲ πόδας χεῖράς τε δέον θυμαλγέϊ δεσμῷ ### book 22.190 εὖ μάλ’ ἀποστρέψαντε διαμπερές, ὡς ἐκέλευσεν ### book 22.191 [υἱὸς Λαέρταο, πολύτλας δῖος Ὀδυσσεύς·] ### book 22.192 σειρὴν δὲ πλεκτὴν ἐξ αὐτοῦ πειρήναντε ### book 22.193 κίον’ ἀν’ ὑψηλὴν ἔρυσαν πέλασάν τε δοκοῖσι. ### book 22.194 τὸν δ’ ἐπικερτομέων προσέφης, Εὔμαιε συβῶτα· ### book 22.195 “νῦν μὲν δὴ μάλα πάγχυ, Μελάνθιε, νύκτα φυλάξεις, ### book 22.196 εὐνῇ ἔνι μαλακῇ καταλέγμενος, ὥς σε ἔοικεν· ### book 22.197 οὐδὲ σέ γ’ ἠριγένεια παρ’ Ὠκεανοῖο ῥοάων ### book 22.198 λήσει ἀνερχομένη χρυσόθρονος, ἡνίκ’ ἀγινεῖς ### book 22.199 αἶγας μνηστήρεσσι δόμον κάτα δαῖτα πένεσθαι.” ### book 22.200 ὣς ὁ μὲν αὖθι λέλειπτο, ταθεὶς ὀλοῷ ἐνὶ δεσμῷ· ### book 22.201 τὼ δ’ ἐς τεύχεα δύντε, θύρην ἐπιθέντε φαεινήν, ### book 22.202 βήτην εἰς Ὀδυσῆα δαΐφρονα ποικιλομήτην. ### book 22.203 ἔνθα μένος πνείοντες ἐφέστασαν, οἱ μὲν ἐπ’ οὐδοῦ ### book 22.204 τέσσαρες, οἱ δ’ ἔντοσθε δόμων πολέες τε καὶ ἐσθλοί. ### book 22.205 τοῖσι δ’ ἐπ’ ἀγχίμολον θυγάτηρ Διὸς ἦλθεν Ἀθήνη ### book 22.206 Μέντορι εἰδομένη ἠμὲν δέμας ἠδὲ καὶ αὐδήν. ### book 22.207 τὴν δ’ Ὀδυσεὺς γήθησεν ἰδὼν καὶ μῦθον ἔειπε· ### book 22.208 “Μέντορ, ἄμυνον ἀρήν, μνῆσαι δ’ ἐτάροιο φίλοιο, ### book 22.209 ὅς ς’ ἀγαθὰ ῥέζεσκον· ὁμηλικίη δέ μοί ἐσσι.” ### book 22.210 ὣς φάτ’, ὀϊόμενος λαοσσόον ἔμμεν’ Ἀθήνην. ### book 22.211 μνηστῆρες δ’ ἑτέρωθεν ὁμόκλεον ἐν μεγάροισι· ### book 22.212 πρῶτος τήν γ’ ἐνένιπε Δαμαστορίδης Ἀγέλαος· ### book 22.213 “Μέντορ, μή ς’ ἐπέεσσι παραιπεπίθῃσιν Ὀδυσσεὺς ### book 22.214 μνηστήρεσσι μάχεσθαι, ἀμυνέμεναι δὲ οἷ αὐτῷ. ### book 22.215 ὧδε γὰρ ἡμέτερόν γε νόον τελέεσθαι ὀΐω· ### book 22.216 ὁππότε κεν τούτους κτέωμεν, πατέρ’ ἠδὲ καὶ υἱόν, ### book 22.217 ἐν δὲ σὺ τοῖσιν ἔπειτα πεφήσεαι, οἷα μενοινᾷς ### book 22.218 ἕρδειν ἐν μεγάροις· σῷ δ’ αὐτοῦ κράατι τείσεις. ### book 22.219 αὐτὰρ ἐπὴν ὑμέων γε βίας ἀφελώμεθα χαλκῷ, ### book 22.220 κτήμαθ’ ὁπόσσα τοί ἐστι, τά τ’ ἔνδοθι καὶ τὰ θύρηφι, ### book 22.221 τοῖσιν Ὀδυσσῆος μεταμείξομεν· οὐδέ τοι υἷας ### book 22.222 ζώειν ἐν μεγάροισιν ἐάσομεν, οὐδὲ θύγατρας ### book 22.223 οὐδ’ ἄλοχον κεδνὴν Ἰθάκης κατὰ ἄστυ πολεύειν.” ### book 22.224 ὣς φάτ’, Ἀθηναίη δὲ χολώσατο κηρόθι μᾶλλον, ### book 22.225 νείκεσσεν δ’ Ὀδυσῆα χολωτοῖσιν ἐπέεσσιν· ### book 22.226 “οὐκέτι σοί γ’, Ὀδυσεῦ, μένος ἔμπεδον οὐδέ τις ἀλκή, ### book 22.227 οἵη ὅτ’ ἀμφ’ Ἑλένῃ λευκωλένῳ εὐπατερείῃ ### book 22.228 εἰνάετες Τρώεσσιν ἐμάρναο νωλεμὲς αἰεί, ### book 22.229 πολλοὺς δ’ ἄνδρας ἔπεφνες ἐν αἰνῇ δηϊοτῆτι, ### book 22.230 σῇ δ’ ἥλω βουλῇ Πριάμου πόλις εὐρυάγυια. ### book 22.231 πῶς δὴ νῦν, ὅτε σόν γε δόμον καὶ κτήμαθ’ ἱκάνεις, ### book 22.232 ἄντα μνηστήρων ὀλοφύρεαι ἄλκιμος εἶναι; ### book 22.233 ἀλλ’ ἄγε δεῦρο, πέπον, παρ’ ἔμ’ ἵστασο καὶ ἴδε ἔργον, ### book 22.234 ὄφρ’ εἰδῇς, οἷός τοι ἐν ἀνδράσι δυσμενέεσσι ### book 22.235 Μέντωρ Ἀλκιμίδης εὐεργεσίας ἀποτίνειν.” ### book 22.236 ἦ ῥα, καὶ οὔ πω πάγχυ δίδου ἑτεραλκέα νίκην, ### book 22.237 ἀλλ’ ἔτ’ ἄρα σθένεός τε καὶ ἀλκῆς πειρήτιζεν ### book 22.238 ἠμὲν Ὀδυσσῆος ἠδ’ υἱοῦ κυδαλίμοιο. ### book 22.239 αὐτὴ δ’ αἰθαλόεντος ἀνὰ μεγάροιο μέλαθρον ### book 22.240 ἕζετ’ ἀναΐξασα, χελιδόνι εἰκέλη ἄντην. ### book 22.241 μνηστῆρας δ’ ὤτρυνε Δαμαστορίδης Ἀγέλαος ### book 22.242 Εὐρύνομός τε καὶ Ἀμφιμέδων Δημοπτόλεμός τε ### book 22.243 Πείσανδρός τε Πολυκτορίδης Πόλυβός τε δαΐφρων· ### book 22.244 οἱ γὰρ μνηστήρων ἀρετῇ ἔσαν ἔξοχ’ ἄριστοι, ### book 22.245 ὅσσοι ἔτ’ ἔζωον περί τε ψυχέων ἐμάχοντο· ### book 22.246 τοὺς δ’ ἤδη ἐδάμασσε βιὸς καὶ ταρφέες ἰοί. ### book 22.247 τοῖς δ’ Ἀγέλεως μετέειπεν ἔπος πάντεσσι πιφαύσκων· ### book 22.248 “ὦ φίλοι, ἤδη σχήσει ἀνὴρ ὅδε χεῖρας ἀάπτους· ### book 22.249 καὶ δή οἱ Μέντωρ μὲν ἔβη κενὰ εὔγματα εἰπών, ### book 22.250 οἱ δ’ οἶοι λείπονται ἐπὶ πρώτῃσι θύρῃσι. ### book 22.251 τῶ νῦν μὴ ἅμα πάντες ἐφίετε δούρατα μακρά, ### book 22.252 ἀλλ’ ἄγεθ’ οἱ ἓξ πρῶτον ἀκοντίσατ’, αἴ κέ ποθι Ζεὺς ### book 22.253 δώῃ Ὀδυσσῆα βλῆσθαι καὶ κῦδος ἀρέσθαι. ### book 22.254 τῶν δ’ ἄλλων οὐ κῆδος, ἐπὴν οὗτός γε πέσῃσιν.” ### book 22.255 ὣς ἔφαθ’, οἱ δ’ ἄρα πάντες ἀκόντισαν, ὡς ἐκέλευεν, ### book 22.256 ἱέμενοι· τὰ δὲ πάντα ἐτώσια θῆκεν Ἀθήνη. ### book 22.257 τῶν ἄλλος μὲν σταθμὸν ἐϋσταθέος μεγάροιο ### book 22.258 βεβλήκειν, ἄλλος δὲ θύρην πυκινῶς ἀραρυῖαν· ### book 22.259 ἄλλου δ’ ἐν τοίχῳ μελίη πέσε χαλκοβάρεια. ### book 22.260 αὐτὰρ ἐπεὶ δὴ δούρατ’ ἀλεύαντο μνηστήρων, ### book 22.261 τοῖς’ ἄρα μύθων ἦρχε πολύτλας δῖος Ὀδυσσεύς· ### book 22.262 “ὦ φίλοι, ἤδη μέν κεν ἐγὼν εἴποιμι καὶ ἄμμι ### book 22.263 μνηστήρων ἐς ὅμιλον ἀκοντίσαι, οἳ μεμάασιν ### book 22.264 ἡμέας ἐξεναρίξαι ἐπὶ προτέροισι κακοῖσιν.” ### book 22.265 ὣς ἔφαθ’, οἱ δ’ ἄρα πάντες ἀκόντισαν ὀξέα δοῦρα ### book 22.266 ἄντα τιτυσκόμενοι· Δημοπτόλεμον μὲν Ὀδυσσεύς, ### book 22.267 Εὐρυάδην δ’ ἄρα Τηλέμαχος, Ἔλατον δὲ συβώτης, ### book 22.268 Πείσανδρον δ’ ἄρ’ ἔπεφνε βοῶν ἐπιβουκόλος ἀνήρ. ### book 22.269 οἱ μὲν ἔπειθ’ ἅμα πάντες ὀδὰξ ἕλον ἄσπετον οὖδας, ### book 22.270 μνηστῆρες δ’ ἀνεχώρησαν μεγάροιο μυχόνδε· ### book 22.271 τοὶ δ’ ἄρ’ ἐπήϊξαν, νεκύων δ’ ἐξ ἔγχε’ ἕλοντο. ### book 22.272 αὖτις δὲ μνηστῆρες ἀκόντισαν ὀξέα δοῦρα ### book 22.273 ἱέμενοι· τὰ δὲ πολλὰ ἐτώσια θῆκεν Ἀθήνη. ### book 22.274 τῶν ἄλλος μὲν σταθμὸν ἐϋσταθέος μεγάροιο ### book 22.275 βεβλήκειν, ἄλλος δὲ θύρην πυκινῶς ἀραρυῖαν· ### book 22.276 ἄλλου δ’ ἐν τοίχῳ μελίη πέσε χαλκοβάρεια. ### book 22.277 Ἀμφιμέδων δ’ ἄρα Τηλέμαχον βάλε χεῖρ’ ἐπὶ καρπῷ ### book 22.278 λίγδην, ἄκρην δὲ ῥινὸν δηλήσατο χαλκός. ### book 22.279 Κτήσιππος δ’ Εὔμαιον ὑπὲρ σάκος ἔγχεϊ μακρῷ ### book 22.280 ὦμον ἐπέγραψεν· τὸ δ’ ὑπέρπτατο, πῖπτε δ’ ἔραζε. ### book 22.281 τοὶ δ’ αὖτ’ ἀμφ’ Ὀδυσῆα δαΐφρονα ποικιλομήτην ### book 22.282 μνηστήρων ἐς ὅμιλον ἀκόντισαν ὀξέα δοῦρα. ### book 22.283 ἔνθ’ αὖτ’ Εὐρυδάμαντα βάλε πτολίπορθος Ὀδυσσεύς, ### book 22.284 Ἀμφιμέδοντα δὲ Τηλέμαχος, Πόλυβον δὲ συβώτης· ### book 22.285 Κτήσιππον δ’ ἄρ’ ἔπειτα βοῶν ἐπιβουκόλος ἀνὴρ ### book 22.286 βεβλήκει πρὸς στῆθος, ἐπευχόμενος δὲ προσηύδα· ### book 22.287 “ὦ Πολυθερσεΐδη φιλοκέρτομε, μή ποτε πάμπαν ### book 22.288 εἴκων ἀφραδίῃς μέγα εἰπεῖν, ἀλλὰ θεοῖσι ### book 22.289 μῦθον ἐπιτρέψαι, ἐπεὶ ἦ πολὺ φέρτεροί εἰσι. ### book 22.290 τοῦτό τοι ἀντὶ ποδὸς ξεινήϊον, ὅν ποτ’ ἔδωκας ### book 22.291 ἀντιθέῳ Ὀδυσῆϊ δόμον κάτ’ ἀλητεύοντι.” ### book 22.292 ἦ ῥα βοῶν ἑλίκων ἐπιβουκόλος· αὐτὰρ Ὀδυσσεὺς ### book 22.293 οὖτα Δαμαστορίδην αὐτοσχεδὸν ἔγχεϊ μακρῷ· ### book 22.294 Τηλέμαχος δ’ Εὐηνορίδην Λειώκριτον οὖτα ### book 22.295 δουρὶ μέσον κενεῶνα, διαπρὸ δὲ χαλκὸν ἔλασσεν· ### book 22.296 ἤριπε δὲ πρηνής, χθόνα δ’ ἤλασε παντὶ μετώπῳ. ### book 22.297 δὴ τότ’ Ἀθηναίη φθισίμβροτον αἰγίδ’ ἀνέσχεν ### book 22.298 ὑψόθεν ἐξ ὀροφῆς· τῶν δὲ φρένες ἐπτοίηθεν. ### book 22.299 οἱ δ’ ἐφέβοντο κατὰ μέγαρον βόες ὣς ἀγελαῖαι· ### book 22.300 τὰς μέν τ’ αἰόλος οἶστρος ἐφορμηθεὶς ἐδόνησεν ### book 22.301 ὥρῃ ἐν εἰαρινῇ, ὅτε τ’ ἤματα μακρὰ πέλονται· ### book 22.302 οἱ δ’ ὥς τ’ αἰγυπιοὶ γαμψώνυχες ἀγκυλοχῆλαι ### book 22.303 ἐξ ὀρέων ἐλθόντες ἐπ’ ὀρνίθεσσι θόρωσι. ### book 22.304 ταὶ μέν τ’ ἐν πεδίῳ νέφεα πτώσσουσαι ἵενται, ### book 22.305 οἱ δέ τε τὰς ὀλέκουσιν ἐπάλμενοι, οὐδέ τις ἀλκὴ ### book 22.306 γίνεται οὐδὲ φυγή· χαίρουσι δέ τ’ ἀνέρες ἄγρῃ· ### book 22.307 ὣς ἄρα τοὶ μνηστῆρας ἐπεσσύμενοι κατὰ δῶμα ### book 22.308 τύπτον ἐπιστροφάδην· τῶν δὲ στόνος ὤρνυτ’ ἀεικὴς ### book 22.309 κράτων τυπτομένων, δάπεδον δ’ ἅπαν αἵματι θῦεν. ### book 22.310 Λειώδης δ’ Ὀδυσῆος ἐπεσσύμενος λάβε γούνων ### book 22.311 καί μιν λισσόμενος ἔπεα πτερόεντα προσηύδα· ### book 22.312 “γουνοῦμαί ς’, Ὀδυσεῦ· σὺ δέ μ’ αἴδεο καί μ’ ἐλέησον· ### book 22.313 οὐ γάρ πώ τινά φημι γυναικῶν ἐν μεγάροισιν ### book 22.314 εἰπεῖν οὐδέ τι ῥέξαι ἀτάσθαλον· ἀλλὰ καὶ ἄλλους ### book 22.315 παύεσκον μνηστῆρας, ὅτις τοιαῦτά γε ῥέζοι. ### book 22.316 ἀλλά μοι οὐ πείθοντο κακῶν ἄπο χεῖρας ἔχεσθαι· ### book 22.317 τῶ καὶ ἀτασθαλίῃσιν ἀεικέα πότμον ἐπέσπον. ### book 22.318 αὐτὰρ ἐγὼ μετὰ τοῖσι θυοσκόος οὐδὲν ἐοργὼς ### book 22.319 κείσομαι, ὡς οὐκ ἔστι χάρις μετόπισθ’ εὐεργέων.” ### book 22.320 τὸν δ’ ἄρ’ ὑπόδρα ἰδὼν προσέφη πολύμητις Ὀδυσσεύς· ### book 22.321 “εἰ μὲν δὴ μετὰ τοῖσι θυοσκόος εὔχεαι εἶναι, ### book 22.322 πολλάκι που μέλλεις ἀρήμεναι ἐν μεγάροισι ### book 22.323 τηλοῦ ἐμοὶ νόστοιο τέλος γλυκεροῖο γενέσθαι, ### book 22.324 σοὶ δ’ ἄλοχόν τε φίλην σπέσθαι καὶ τέκνα τεκέσθαι· ### book 22.325 τῶ οὐκ ἂν θάνατόν γε δυσηλεγέα προφύγοισθα.” ### book 22.326 ὣς ἄρα φωνήσας ξίφος εἵλετο χειρὶ παχείῃ ### book 22.327 κείμενον, ὅ ῥ’ Ἀγέλαος ἀποπροέηκε χαμᾶζε ### book 22.328 κτεινόμενος· τῷ τόν γε κατ’ αὐχένα μέσσον ἔλασσε· ### book 22.329 φθεγγομένου δ’ ἄρα τοῦ γε κάρη κονίῃσιν ἐμίχθη. ### book 22.330 Τερπιάδης δ’ ἔτ’ ἀοιδὸς ἀλύσκανε κῆρα μέλαιναν, ### book 22.331 Φήμιος, ὅς ῥ’ ἤειδε παρὰ μνηστῆρσιν ἀνάγκῃ. ### book 22.332 ἔστη δ’ ἐν χείρεσσιν ἔχων φόρμιγγα λίγειαν ### book 22.333 ἄγχι παρ’ ὀρσοθύρην· δίχα δὲ φρεσὶ μερμήριζεν, ### book 22.334 ἢ ἐκδὺς μεγάροιο Διὸς μεγάλου ποτὶ βωμὸν ### book 22.335 ἑρκείου ἕζοιτο τετυγμένον, ἔνθ’ ἄρα πολλὰ ### book 22.336 Λαέρτης Ὀδυσεύς τε βοῶν ἐπὶ μηρί’ ἔκηαν, ### book 22.337 ἦ γούνων λίσσοιτο προσαΐξας Ὀδυσῆα. ### book 22.338 ὧδε δέ οἱ φρονέοντι δοάσσατο κέρδιον εἶναι, ### book 22.339 γούνων ἅψασθαι Λαερτιάδεω Ὀδυσῆος. ### book 22.340 ἦ τοι ὁ φόρμιγγα γλαφυρὴν κατέθηκε χαμᾶζε ### book 22.341 μεσσηγὺς κρητῆρος ἰδὲ θρόνου ἀργυροήλου, ### book 22.342 αὐτὸς δ’ αὖτ’ Ὀδυσῆα προσαΐξας λάβε γούνων ### book 22.343 καί μιν λισσόμενος ἔπεα πτερόεντα προσηύδα· ### book 22.344 “γουνοῦμαί ς’, Ὀδυσεῦ· σὺ δέ μ’ αἴδεο καί μ’ ἐλέησον. ### book 22.345 αὐτῷ τοι μετόπισθ’ ἄχος ἔσσεται, εἴ κεν ἀοιδὸν ### book 22.346 πέφνῃς, ὅς τε θεοῖσι καὶ ἀνθρώποισιν ἀείδω. ### book 22.347 αὐτοδίδακτος δ’ εἰμί, θεὸς δέ μοι ἐν φρεσὶν οἴμας ### book 22.348 παντοίας ἐνέφυσεν· ἔοικα δέ τοι παραείδειν ### book 22.349 ὥς τε θεῷ· τῶ μή με λιλαίεο δειροτομῆσαι. ### book 22.350 καί κεν Τηλέμαχος τάδε γ’ εἴποι, σὸς φίλος υἱός, ### book 22.351 ὡς ἐγὼ οὔ τι ἑκὼν ἐς σὸν δόμον οὐδὲ χατίζων ### book 22.352 πωλεύμην μνηστῆρσιν ἀεισόμενος μετὰ δαῖτας, ### book 22.353 ἀλλὰ πολὺ πλέονες καὶ κρείσσονες ἦγον ἀνάγκῃ.” ### book 22.354 ὣς φάτο, τοῦ δ’ ἤκους’ ἱερὴ ἲς Τηλεμάχοιο, ### book 22.355 αἶψα δ’ ἑὸν πατέρα προσεφώνεεν ἐγγὺς ἐόντα· ### book 22.356 “ἴσχεο, μηδέ τι τοῦτον ἀναίτιον οὔταε χαλκῷ. ### book 22.357 καὶ κήρυκα Μέδοντα σαώσομεν, ὅς τέ μευ αἰεὶ ### book 22.358 οἴκῳ ἐν ἡμετέρῳ κηδέσκετο παιδὸς ἐόντος, ### book 22.359 εἰ δὴ μή μιν ἔπεφνε Φιλοίτιος ἠὲ συβώτης, ### book 22.360 ἠὲ σοὶ ἀντεβόλησεν ὀρινομένῳ κατὰ δῶμα.” ### book 22.361 ὣς φάτο, τοῦ δ’ ἤκουσε Μέδων πεπνυμένα εἰδώς· ### book 22.362 πεπτηὼς γὰρ ἔκειτο ὑπὸ θρόνον, ἀμφὶ δὲ δέρμα ### book 22.363 ἕστο βοὸς νεόδαρτον, ἀλύσκων κῆρα μέλαιναν. ### book 22.364 αἶψα δ’ ὑπὸ θρόνου ὦρτο, βοὸς δ’ ἀπέδυνε βοείην, ### book 22.365 Τηλέμαχον δ’ ἄρ’ ἔπειτα προσαΐξας λάβε γούνων ### book 22.366 καί μιν λισσόμενος ἔπεα πτερόεντα προσηύδα· ### book 22.367 “ὦ φίλ’, ἐγὼ μὲν ὅδ’ εἰμί, σὺ δ’ ἴσχεο· εἰπὲ δὲ πατρί, ### book 22.368 μή με περισθενέων δηλήσεται ὀξέϊ χαλκῷ, ### book 22.369 ἀνδρῶν μνηστήρων κεχολωμένος, οἵ οἱ ἔκειρον ### book 22.370 κτήματ’ ἐνὶ μεγάροις, σὲ δὲ νήπιοι οὐδὲν ἔτιον.” ### book 22.371 τὸν δ’ ἐπιμειδήσας προσέφη πολύμητις Ὀδυσσεύς· ### book 22.372 “θάρσει, ἐπεὶ δή ς’ οὗτος ἐρύσατο καὶ ἐσάωσεν, ### book 22.373 ὄφρα γνῷς κατὰ θυμόν, ἀτὰρ εἴπῃσθα καὶ ἄλλῳ, ### book 22.374 ὡς κακοεργίης εὐεργεσίη μέγ’ ἀμείνων. ### book 22.375 ἀλλ’ ἐξελθόντες μεγάρων ἕζεσθε θύραζε ### book 22.376 ἐκ φόνου εἰς αὐλήν, σύ τε καὶ πολύφημος ἀοιδός, ### book 22.377 ὄφρ’ ἂν ἐγὼ κατὰ δῶμα πονήσομαι ὅττεό με χρή.” ### book 22.378 ὣς φάτο, τὼ δ’ ἔξω βήτην μεγάροιο κιόντε· ### book 22.379 ἑζέσθην δ’ ἄρα τώ γε Διὸς μεγάλου ποτὶ βωμόν, ### book 22.380 πάντοσε παπταίνοντε, φόνον ποτιδεγμένω αἰεί. ### book 22.381 πάπτηνεν δ’ Ὀδυσεὺς καθ’ ἑὸν δόμον, εἴ τις ἔτ’ ἀνδρῶν ### book 22.382 ζωὸς ὑποκλοπέοιτο, ἀλύσκων κῆρα μέλαιναν. ### book 22.383 τοὺς δὲ ἴδεν μάλα πάντας ἐν αἵματι καὶ κονίῃσι ### book 22.384 πεπτεῶτας πολλούς, ὥς τ’ ἰχθύας, οὕς θ’ ἁλιῆες ### book 22.385 κοῖλον ἐς αἰγιαλὸν πολιῆς ἔκτοσθε θαλάσσης ### book 22.386 δικτύῳ ἐξέρυσαν πολυωπῷ· οἱ δέ τε πάντες ### book 22.387 κύμαθ’ ἁλὸς ποθέοντες ἐπὶ ψαμάθοισι κέχυνται· ### book 22.388 τῶν μέν τ’ ἠέλιος φαέθων ἐξείλετο θυμόν· ### book 22.389 ὣς τότ’ ἄρα μνηστῆρες ἐπ’ ἀλλήλοισι κέχυντο. ### book 22.390 δὴ τότε Τηλέμαχον προσέφη πολύμητις Ὀδυσσεύς· ### book 22.391 “Τηλέμαχ’, εἰ δ’ ἄγε μοι κάλεσον τροφὸν Εὐρύκλειαν, ### book 22.392 ὄφρα ἔπος εἴπωμι, τό μοι καταθύμιόν ἐστιν.” ### book 22.393 ὣς φάτο, Τηλέμαχος δὲ φίλῳ ἐπεπείθετο πατρί, ### book 22.394 κινήσας δὲ θύρην προσέφη τροφὸν Εὐρύκλειαν· ### book 22.395 “δεῦρο δὴ ὄρσο, γρηῢ παλαιγενές, ἥ τε γυναικῶν ### book 22.396 δμῳάων σκοπός ἐσσι κατὰ μέγαρ’ ἡμετεράων, ### book 22.397 ἔρχεο· κικλήσκει σε πατὴρ ἐμός, ὄφρα τι εἴπῃ.” ### book 22.398 ὣς ἄρ’ ἐφώνησεν, τῇ δ’ ἄπτερος ἔπλετο μῦθος, ### book 22.399 ὤϊξεν δὲ θύρας μεγάρων ἐῢ ναιεταόντων, ### book 22.400 βῆ δ’ ἴμεν· αὐτὰρ Τηλέμαχος πρόσθ’ ἡγεμόνευεν. ### book 22.401 εὗρεν ἔπειτ’ Ὀδυσῆα μετὰ κταμένοισι νέκυσσιν ### book 22.402 αἵματι καὶ λύθρῳ πεπαλαγμένον ὥς τε λέοντα, ### book 22.403 ὅς ῥά τε βεβρωκὼς βοὸς ἔρχεται ἀγραύλοιο· ### book 22.404 πᾶν δ’ ἄρα οἱ στῆθός τε παρήϊά τ’ ἀμφοτέρωθεν ### book 22.405 αἱματόεντα πέλει, δεινὸς δ’ εἰς ὦπα ἰδέσθαι· ### book 22.406 ὣς Ὀδυσεὺς πεπάλακτο πόδας καὶ χεῖρας ὕπερθεν. ### book 22.407 ἡ δ’ ὡς οὖν νέκυάς τε καὶ ἄσπετον εἴσιδεν αἷμα, ### book 22.408 ἴθυσέν ῥ’ ὀλολύξαι, ἐπεὶ μέγα εἴσιδεν ἔργον· ### book 22.409 ἀλλ’ Ὀδυσεὺς κατέρυκε καὶ ἔσχεθεν ἱεμένην περ ### book 22.410 καί μιν φωνήσας ἔπεα πτερόεντα προσηύδα· ### book 22.411 “ἐν θυμῷ, γρηῦ, χαῖρε καὶ ἴσχεο μηδ’ ὀλόλυζε· ### book 22.412 οὐχ ὁσίη κταμένοισιν ἐπ’ ἀνδράσιν εὐχετάασθαι. ### book 22.413 τούσδε δὲ μοῖρ’ ἐδάμασσε θεῶν καὶ σχέτλια ἔργα· ### book 22.414 οὔ τινα γὰρ τίεσκον ἐπιχθονίων ἀνθρώπων, ### book 22.415 οὐ κακὸν οὐδὲ μὲν ἐσθλόν, ὅτίς σφεας εἰσαφίκοιτο· ### book 22.416 τῶ καὶ ἀτασθαλίῃσιν ἀεικέα πότμον ἐπέσπον. ### book 22.417 ἀλλ’ ἄγε μοι σὺ γυναῖκας ἐνὶ μεγάροις κατάλεξον, ### book 22.418 αἵ τέ μ’ ἀτιμάζουσι καὶ αἳ νηλείτιδές εἰσι.” ### book 22.419 τὸν δ’ αὖτε προσέειπε φίλη τροφὸς Εὐρύκλεια· ### book 22.420 “τοιγὰρ ἐγώ τοι, τέκνον, ἀληθείην καταλέξω. ### book 22.421 πεντήκοντά τοί εἰσιν ἐνὶ μεγάροισι γυναῖκες ### book 22.422 δμῳαί, τὰς μέν τ’ ἔργα διδάξαμεν ἐργάζεσθαι, ### book 22.423 εἴριά τε ξαίνειν καὶ δουλοσύνην ἀνέχεσθαι· ### book 22.424 τάων δώδεκα πᾶσαι ἀναιδείης ἐπέβησαν, ### book 22.425 οὔτ’ ἐμὲ τίουσαι οὔτ’ αὐτὴν Πηνελόπειαν. ### book 22.426 Τηλέμαχος δὲ νέον μὲν ἀέξετο, οὐδέ ἑ μήτηρ ### book 22.427 σημαίνειν εἴασκεν ἐπὶ δμῳῇσι γυναιξίν. ### book 22.428 ἀλλ’ ἄγ’ ἐγὼν ἀναβᾶς’ ὑπερώϊα σιγαλόεντα ### book 22.429 εἴπω σῇ ἀλόχῳ, τῇ τις θεὸς ὕπνον ἐπῶρσε.” ### book 22.430 τὴν δ’ ἀπαμειβόμενος προσέφη πολύμητις Ὀδυσσεύς· ### book 22.431 “μή πω τήν γ’ ἐπέγειρε· σὺ δ’ ἐνθάδε εἰπὲ γυναιξὶν ### book 22.432 ἐλθέμεν, αἵ περ πρόσθεν ἀεικέα μηχανόωντο.” ### book 22.433 ὣς ἄρ’ ἔφη, γρηῢς δὲ διὲκ μεγάροιο βεβήκει ### book 22.434 ἀγγελέουσα γυναιξὶ καὶ ὀτρυνέουσα νέεσθαι. ### book 22.435 αὐτὰρ ὁ Τηλέμαχον καὶ βουκόλον ἠδὲ συβώτην ### book 22.436 εἰς ἓ καλεσσάμενος ἔπεα πτερόεντα προσηύδα· ### book 22.437 “ἄρχετε νῦν νέκυας φορέειν καὶ ἄνωχθε γυναῖκας· ### book 22.438 αὐτὰρ ἔπειτα θρόνους περικαλλέας ἠδὲ τραπέζας ### book 22.439 ὕδατι καὶ σπόγγοισι πολυτρήτοισι καθαίρειν. ### book 22.440 αὐτὰρ ἐπὴν δὴ πάντα δόμον διακοσμήσησθε, ### book 22.441 δμῳὰς ἐξαγαγόντες ἐϋσταθέος μεγάροιο, ### book 22.442 μεσσηγύς τε θόλου καὶ ἀμύμονος ἕρκεος αὐλῆς, ### book 22.443 θεινέμεναι ξίφεσιν τανυήκεσιν, εἰς ὅ κε πασέων ### book 22.444 ψυχὰς ἐξαφέλησθε καὶ ἐκλελάθωντ’ Ἀφροδίτης, ### book 22.445 τὴν ἄρ’ ὑπὸ μνηστῆρσιν ἔχον μίσγοντό τε λάθρῃ.” ### book 22.446 ὣς ἔφαθ’, αἱ δὲ γυναῖκες ἀολλέες ἦλθον ἅπασαι, ### book 22.447 αἴν’ ὀλοφυρόμεναι, θαλερὸν κατὰ δάκρυ χέουσαι. ### book 22.448 πρῶτα μὲν οὖν νέκυας φόρεον κατατεθνηῶτας, ### book 22.449 κὰδ δ’ ἄρ’ ὑπ’ αἰθούσῃ τίθεσαν εὐερκέος αὐλῆς, ### book 22.450 ἀλλήλοισιν ἐρείδουσαι· σήμαινε δ’ Ὀδυσσεὺς ### book 22.451 αὐτὸς ἐπισπέρχων· ταὶ δ’ ἐκφόρεον καὶ ἀνάγκῃ. ### book 22.452 αὐτὰρ ἔπειτα θρόνους περικαλλέας ἠδὲ τραπέζας ### book 22.453 ὕδατι καὶ σπόγγοισι πολυτρήτοισι κάθαιρον. ### book 22.454 αὐτὰρ Τηλέμαχος καὶ βουκόλος ἠδὲ συβώτης ### book 22.455 λίστροισιν δάπεδον πύκα ποιητοῖο δόμοιο ### book 22.456 ξῦον· ταὶ δ’ ἐφόρεον δμῳαί, τίθεσαν δὲ θύραζε. ### book 22.457 αὐτὰρ ἐπεὶ δὴ πᾶν μέγαρον διεκοσμήσαντο, ### book 22.458 δμῳὰς ἐξαγαγόντες ἐϋσταθέος μεγάροιο, ### book 22.459 μεσσηγύς τε θόλου καὶ ἀμύμονος ἕρκεος αὐλῆς, ### book 22.460 εἴλεον ἐν στείνει, ὅθεν οὔ πως ἦεν ἀλύξαι. ### book 22.461 τοῖσι δὲ Τηλέμαχος πεπνυμένος ἦρχ’ ἀγορεύειν· ### book 22.462 “μὴ μὲν δὴ καθαρῷ θανάτῳ ἀπὸ θυμὸν ἑλοίμην ### book 22.463 τάων, αἳ δὴ ἐμῇ κεφαλῇ κατ’ ὀνείδεα χεῦαν ### book 22.464 μητέρι θ’ ἡμετέρῃ, παρά τε μνηστῆρσιν ἴαυον.” ### book 22.465 ὣς ἄρ’ ἔφη, καὶ πεῖσμα νεὸς κυανοπρῴροιο ### book 22.466 κίονος ἐξάψας μεγάλης περίβαλλε θόλοιο, ### book 22.467 ὑψός’ ἐπεντανύσας, μή τις ποσὶν οὖδας ἵκοιτο. ### book 22.468 ὡς δ’ ὅτ’ ἂν ἢ κίχλαι τανυσίπτεροι ἠὲ πέλειαι ### book 22.469 ἕρκει ἐνιπλήξωσι, τό θ’ ἑστήκῃ ἐνὶ θάμνῳ, ### book 22.470 αὖλιν ἐσιέμεναι, στυγερὸς δ’ ὑπεδέξατο κοῖτος, ### book 22.471 ὣς αἵ γ’ ἑξείης κεφαλὰς ἔχον, ἀμφὶ δὲ πάσαις ### book 22.472 δειρῇσι βρόχοι ἦσαν, ὅπως οἴκτιστα θάνοιεν. ### book 22.473 ἤσπαιρον δὲ πόδεσσι μίνυνθά περ, οὔ τι μάλα δήν. ### book 22.474 ἐκ δὲ Μελάνθιον ἦγον ἀνὰ πρόθυρόν τε καὶ αὐλήν· ### book 22.475 τοῦ δ’ ἀπὸ μὲν ῥῖνάς τε καὶ οὔατα νηλέϊ χαλκῷ ### book 22.476 τάμνον μήδεά τ’ ἐξέρυσαν, κυσὶν ὠμὰ δάσασθαι, ### book 22.477 χεῖράς τ’ ἠδὲ πόδας κόπτον κεκοτηότι θυμῷ. ### book 22.478 οἱ μὲν ἔπειτ’ ἀπονιψάμενοι χεῖράς τε πόδας τε ### book 22.479 εἰς Ὀδυσῆα δόμονδε κίον, τετέλεστο δὲ ἔργον. ### book 22.480 αὐτὰρ ὅ γε προσέειπε φίλην τροφὸν Εὐρύκλειαν· ### book 22.481 “οἶσε θέειον, γρηΰ, κακῶν ἄκος, οἶσε δέ μοι πῦρ, ### book 22.482 ὄφρα θεειώσω μέγαρον· σὺ δὲ Πηνελόπειαν ### book 22.483 ἐλθεῖν ἐνθάδ’ ἄνωχθι σὺν ἀμφιπόλοισι γυναιξί· ### book 22.484 πάσας δ’ ὄτρυνον δμῳὰς κατὰ δῶμα νέεσθαι.” ### book 22.485 τὸν δ’ αὖτε προσέειπε φίλη τροφὸς Εὐρύκλεια· ### book 22.486 “ναὶ δὴ ταῦτά γε, τέκνον ἐμόν, κατὰ μοῖραν ἔειπες. ### book 22.487 ἀλλ’ ἄγε τοι χλαῖνάν τε χιτῶνά τε εἵματ’ ἐνείκω, ### book 22.488 μηδ’ οὕτω ῥάκεσιν πεπυκασμένος εὐρέας ὤμους ### book 22.489 ἕσταθ’ ἐνὶ μεγάροισι· νεμεσσητὸν δέ κεν εἴη.” ### book 22.490 τὴν δ’ ἀπαμειβόμενος προσέφη πολύμητις Ὀδυσσεύς· ### book 22.491 “πῦρ νῦν μοι πρώτιστον ἐνὶ μεγάροισι γενέσθω.” ### book 22.492 ὣς ἔφατ’, οὐδ’ ἀπίθησε φίλη τροφὸς Εὐρύκλεια, ### book 22.493 ἤνεικεν δ’ ἄρα πῦρ καὶ θήϊον· αὐτὰρ Ὀδυσσεὺς ### book 22.494 εὖ διεθείωσεν μέγαρον καὶ δῶμα καὶ αὐλήν. ### book 22.495 γρηῢς δ’ αὖτ’ ἀπέβη διὰ δώματα κάλ’ Ὀδυσῆος ### book 22.496 ἀγγελέουσα γυναιξὶ καὶ ὀτρυνέουσα νέεσθαι· ### book 22.497 αἱ δ’ ἴσαν ἐκ μεγάροιο δάος μετὰ χερσὶν ἔχουσαι. ### book 22.498 αἱ μὲν ἄρ’ ἀμφεχέοντο καὶ ἠσπάζοντ’ Ὀδυσῆα ### book 22.499 καὶ κύνεον ἀγαπαζόμεναι κεφαλήν τε καὶ ὤμους ### book 22.500 χεῖράς τ’ αἰνύμεναι· τὸν δὲ γλυκὺς ἵμερος ᾕρει ### book 22.501 κλαυθμοῦ καὶ στοναχῆς, γίνωσκε δ’ ἄρα φρεσὶ πάσας. ### book 23.1 Γρηῢς δ’ εἰς ὑπερῷ’ ἀνεβήσετο καγχαλόωσα, ### book 23.2 δεσποίνῃ ἐρέουσα φίλον πόσιν ἔνδον ἐόντα· ### book 23.3 γούνατα δ’ ἐρρώσαντο, πόδες δ’ ὑπερικταίνοντο. ### book 23.4 στῆ δ’ ἄρ’ ὑπὲρ κεφαλῆς καί μιν πρὸς μῦθον ἔειπεν· ### book 23.5 “ἔγρεο, Πηνελόπεια, φίλον τέκος, ὄφρα ἴδηαι ### book 23.6 ὀφθαλμοῖσι τεοῖσι τά τ’ ἔλδεαι ἤματα πάντα. ### book 23.7 ἦλθ’ Ὀδυσεὺς καὶ οἶκον ἱκάνεται, ὀψέ περ ἐλθών· ### book 23.8 μνηστῆρας δ’ ἔκτεινεν ἀγήνορας, οἵ θ’ ἑὸν οἶκον ### book 23.9 κήδεσκον καὶ κτήματ’ ἔδον βιόωντό τε παῖδα.” ### book 23.10 τὴν δ’ αὖτε προσέειπε περίφρων Πηνελόπεια· ### book 23.11 “μαῖα φίλη, μάργην σε θεοὶ θέσαν, οἵ τε δύνανται ### book 23.12 ἄφρονα ποιῆσαι καὶ ἐπίφρονά περ μάλ’ ἐόντα, ### book 23.13 καί τε χαλιφρονέοντα σαοφροσύνης ἐπέβησαν· ### book 23.14 οἵ σέ περ ἔβλαψαν· πρὶν δὲ φρένας αἰσίμη ἦσθα. ### book 23.15 τίπτε με λωβεύεις πολυπενθέα θυμὸν ἔχουσαν ### book 23.16 ταῦτα παρὲξ ἐρέουσα, καὶ ἐξ ὕπνου μ’ ἀνεγείρεις ### book 23.17 ἡδέος, ὅς μ’ ἐπέδησε φίλα βλέφαρ’ ἀμφικαλύψας; ### book 23.18 οὐ γάρ πω τοιόνδε κατέδραθον, ἐξ οὗ Ὀδυσσεὺς ### book 23.19 ᾤχετ’ ἐποψόμενος Κακοΐλιον οὐκ ὀνομαστήν. ### book 23.20 ἀλλ’ ἄγε νῦν κατάβηθι καὶ ἂψ ἔρχευ μέγαρόνδε. ### book 23.21 εἰ γάρ τίς μ’ ἄλλη γε γυναικῶν, αἵ μοι ἔασι, ### book 23.22 ταῦτ’ ἐλθοῦς’ ἤγγειλε καὶ ἐξ ὕπνου ἀνέγειρε, ### book 23.23 τῶ κε τάχα στυγερῶς μιν ἐγὼν ἀπέπεμψα νέεσθαι ### book 23.24 αὖτις ἔσω μέγαρον· σὲ δὲ τοῦτό γε γῆρας ὀνήσει.” ### book 23.25 τὴν δ’ αὖτε προσέειπε φίλη τροφὸς Εὐρύκλεια· ### book 23.26 “οὔ τί σε λωβεύω, τέκνον φίλον, ἀλλ’ ἔτυμόν τοι ### book 23.27 ἦλθ’ Ὀδυσεὺς καὶ οἶκον ἱκάνεται, ὡς ἀγορεύω, ### book 23.28 ὁ ξεῖνος, τὸν πάντες ἀτίμων ἐν μεγάροισι. ### book 23.29 Τηλέμαχος δ’ ἄρα μιν πάλαι ᾔδεεν ἔνδον ἐόντα, ### book 23.30 ἀλλὰ σαοφροσύνῃσι νοήματα πατρὸς ἔκευθεν, ### book 23.31 ὄφρ’ ἀνδρῶν τείσαιτο βίην ὑπερηνορεόντων.” ### book 23.32 ὣς ἔφαθ’, ἡ δ’ ἐχάρη καὶ ἀπὸ λέκτροιο θοροῦσα ### book 23.33 γρηῒ περιπλέχθη, βλεφάρων δ’ ἀπὸ δάκρυον ἧκε, ### book 23.34 καί μιν φωνήσας’ ἔπεα πτερόεντα προσηύδα· ### book 23.35 “εἰ δ’ ἄγε δή μοι, μαῖα φίλη, νημερτὲς ἐνίσπες, ### book 23.36 εἰ ἐτεὸν δὴ οἶκον ἱκάνεται, ὡς ἀγορεύεις, ### book 23.37 ὅππως δὴ μνηστῆρσιν ἀναιδέσι χεῖρας ἐφῆκε ### book 23.38 μοῦνος ἐών, οἱ δ’ αἰὲν ἀολλέες ἔνδον ἔμιμνον.” ### book 23.39 τὴν δ’ αὖτε προσέειπε φίλη τροφὸς Εὐρύκλεια· ### book 23.40 “οὐκ ἴδον, οὐ πυθόμην, ἀλλὰ στόνον οἶον ἄκουσα ### book 23.41 κτεινομένων· ἡμεῖς δὲ μυχῷ θαλάμων εὐπήκτων ### book 23.42 ἥμεθ’ ἀτυζόμεναι, σανίδες δ’ ἔχον εὖ ἀραρυῖαι, ### book 23.43 πρίν γ’ ὅτε δή με σὸς υἱὸς ἀπὸ μεγάροιο κάλεσσε ### book 23.44 Τηλέμαχος· τὸν γάρ ῥα πατὴρ προέηκε καλέσσαι. ### book 23.45 εὗρον ἔπειτ’ Ὀδυσῆα μετὰ κταμένοισι νέκυσσιν ### book 23.46 ἑσταόθ’· οἱ δέ μιν ἀμφί, κραταίπεδον οὖδας ἔχοντες, ### book 23.47 κείατ’ ἐπ’ ἀλλήλοισιν· ἰδοῦσά κε θυμὸν ἰάνθης ### book 23.48 [αἵματι καὶ λύθρῳ πεπαλαγμένον ὥς τε λέοντα.] ### book 23.49 νῦν δ’ οἱ μὲν δὴ πάντες ἐπ’ αὐλείῃσι θύρῃσιν ### book 23.50 ἁθρόοι, αὐτὰρ ὁ δῶμα θεειοῦται περικαλλές, ### book 23.51 πῦρ μέγα κηάμενος· σὲ δέ με προέηκε καλέσσαι. ### book 23.52 ἀλλ’ ἕπευ, ὄφρα σφῶϊν ἐϋφροσύνης ἐπιβῆτον ### book 23.53 ἀμφοτέρω φίλον ἦτορ, ἐπεὶ κακὰ πολλὰ πέπασθε. ### book 23.54 νῦν δ’ ἤδη τόδε μακρὸν ἐέλδωρ ἐκτετέλεσται· ### book 23.55 ἦλθε μὲν αὐτὸς ζωὸς ἐφέστιος, εὗρε δὲ καὶ σὲ ### book 23.56 καὶ παῖδ’ ἐν μεγάροισι· κακῶς δ’ οἵ πέρ μιν ἔρεζον ### book 23.57 μνηστῆρες, τοὺς πάντας ἐτείσατο ᾧ ἐνὶ οἴκῳ.” ### book 23.58 τὴν δ’ αὖτε προσέειπε περίφρων Πηνελόπεια· ### book 23.59 “μαῖα φίλη, μή πω μέγ’ ἐπεύχεο καγχαλόωσα. ### book 23.60 οἶσθα γὰρ ὥς κ’ ἀσπαστὸς ἐνὶ μεγάροισι φανείη ### book 23.61 πᾶσι, μάλιστα δ’ ἐμοί τε καὶ υἱέϊ, τὸν τεκόμεσθα· ### book 23.62 ἀλλ’ οὐκ ἔσθ’ ὅδε μῦθος ἐτήτυμος, ὡς ἀγορεύεις, ### book 23.63 ἀλλά τις ἀθανάτων κτεῖνε μνηστῆρας ἀγαυούς, ### book 23.64 ὕβριν ἀγασσάμενος θυμαλγέα καὶ κακὰ ἔργα. ### book 23.65 οὔ τινα γὰρ τίεσκον ἐπιχθονίων ἀνθρώπων, ### book 23.66 οὐ κακὸν οὐδὲ μὲν ἐσθλόν, ὅτίς σφεας εἰσαφίκοιτο· ### book 23.67 τῶ δι’ ἀτασθαλίας ἔπαθον κακόν. αὐτὰρ Ὀδυσσεὺς ### book 23.68 ὤλεσε τηλοῦ νόστον Ἀχαιΐδος, ὤλετο δ’ αὐτός.” ### book 23.69 τὴν δ’ ἠμείβετ’ ἔπειτα φίλη τροφὸς Εὐρύκλεια· ### book 23.70 “τέκνον ἐμόν, ποῖόν σε ἔπος φύγεν ἕρκος ὀδόντων, ### book 23.71 ἣ πόσιν ἔνδον ἐόντα παρ’ ἐσχάρῃ οὔ ποτε φῇσθα ### book 23.72 οἴκαδ’ ἐλεύσεσθαι· θυμὸς δέ τοι αἰὲν ἄπιστος. ### book 23.73 ἀλλ’ ἄγε τοι καὶ σῆμα ἀριφραδὲς ἄλλο τι εἴπω, ### book 23.74 οὐλήν, τήν ποτέ μιν σῦς ἤλασε λευκῷ ὀδόντι· ### book 23.75 τὴν ἀπονίζουσα φρασάμην, ἔθελον δὲ σοὶ αὐτῇ ### book 23.76 εἰπέμεν· ἀλλά με κεῖνος ἑλὼν ἐπὶ μάστακα χερσὶν ### book 23.77 οὐκ εἴα εἰπεῖν πολυκερδείῃσι νόοιο. ### book 23.78 ἀλλ’ ἕπευ· αὐτὰρ ἐγὼν ἐμέθεν περιδώσομαι αὐτῆς, ### book 23.79 αἴ κέν ς’ ἐξαπάφω, κτεῖναί μ’ οἰκτίστῳ ὀλέθρῳ.” ### book 23.80 τὴν δ’ ἠμείβετ’ ἔπειτα περίφρων Πηνελόπεια· ### book 23.81 “μαῖα φίλη, χαλεπόν σε θεῶν αἰειγενετάων ### book 23.82 δήνεα εἴρυσθαι, μάλα περ πολύϊδριν ἐοῦσαν· ### book 23.83 ἀλλ’ ἔμπης ἴομεν μετὰ παῖδ’ ἐμόν, ὄφρα ἴδωμαι ### book 23.84 ἄνδρας μνηστῆρας τεθνηότας, ἠδ’ ὃς ἔπεφνεν.” ### book 23.85 ὣς φαμένη κατέβαιν’ ὑπερώϊα· πολλὰ δέ οἱ κῆρ ### book 23.86 ὥρμαιν’, ἢ ἀπάνευθε φίλον πόσιν ἐξερεείνοι, ### book 23.87 ἦ παρστᾶσα κύσειε κάρη καὶ χεῖρε λαβοῦσα. ### book 23.88 ἡ δ’ ἐπεὶ εἰσῆλθεν καὶ ὑπέρβη λάϊνον οὐδόν, ### book 23.89 ἕζετ’ ἔπειτ’ Ὀδυσῆος ἐναντίον, ἐν πυρὸς αὐγῇ, ### book 23.90 τοίχου τοῦ ἑτέρου· ὁ δ’ ἄρα πρὸς κίονα μακρὴν ### book 23.91 ἧστο κάτω ὁρόων, ποτιδέγμενος εἴ τί μιν εἴποι ### book 23.92 ἰφθίμη παράκοιτις, ἐπεὶ ἴδεν ὀφθαλμοῖσιν. ### book 23.93 ἡ δ’ ἄνεω δὴν ἧστο, τάφος δέ οἱ ἦτορ ἵκανεν· ### book 23.94 ὄψει δ’ ἄλλοτε μέν μιν ἐνωπαδίως ἐσίδεσκεν, ### book 23.95 ἄλλοτε δ’ ἀγνώσασκε κακὰ χροῒ εἵματ’ ἔχοντα. ### book 23.96 Τηλέμαχος δ’ ἐνένιπεν ἔπος τ’ ἔφατ’ ἔκ τ’ ὀνόμαζε· ### book 23.97 “μῆτερ ἐμή, δύσμητερ, ἀπηνέα θυμὸν ἔχουσα, ### book 23.98 τίφθ’ οὕτω πατρὸς νοσφίζεαι, οὐδὲ παρ’ αὐτὸν ### book 23.99 ἑζομένη μύθοισιν ἀνείρεαι οὐδὲ μεταλλᾷς; ### book 23.100 οὐ μέν κ’ ἄλλη γ’ ὧδε γυνὴ τετληότι θυμῷ ### book 23.101 ἀνδρὸς ἀποσταίη, ὅς οἱ κακὰ πολλὰ μογήσας ### book 23.102 ἔλθοι ἐεικοστῷ ἔτεϊ ἐς πατρίδα γαῖαν· ### book 23.103 σοὶ δ’ αἰεὶ κραδίη στερεωτέρη ἐστὶ λίθοιο.” ### book 23.104 τὸν δ’ αὖτε προσέειπε περίφρων Πηνελόπεια· ### book 23.105 “τέκνον ἐμόν, θυμός μοι ἐνὶ στήθεσσι τέθηπεν, ### book 23.106 οὐδέ τι προσφάσθαι δύναμαι ἔπος οὐδ’ ἐρέεσθαι ### book 23.107 οὐδ’ εἰς ὦπα ἰδέσθαι ἐναντίον. εἰ δ’ ἐτεὸν δὴ ### book 23.108 ἔστ’ Ὀδυσεὺς καὶ οἶκον ἱκάνεται, ἦ μάλα νῶϊ ### book 23.109 γνωσόμεθ’ ἀλλήλω καὶ λώϊον· ἔστι γὰρ ἥμιν ### book 23.110 σήμαθ’, ἃ δὴ καὶ νῶϊ κεκρυμμένα ἴδμεν ἀπ’ ἄλλων.” ### book 23.111 ὣς φάτο, μείδησεν δὲ πολύτλας δῖος Ὀδυσσεύς, ### book 23.112 αἶψα δὲ Τηλέμαχον ἔπεα πτερόεντα προσηύδα· ### book 23.113 “Τηλέμαχ’, ἦ τοι μητέρ’ ἐνὶ μεγάροισιν ἔασον ### book 23.114 πειράζειν ἐμέθεν· τάχα δὲ φράσεται καὶ ἄρειον. ### book 23.115 νῦν δ’ ὅττι ῥυπόω, κακὰ δὲ χροῒ εἵματα εἷμαι, ### book 23.116 τοὔνεκ’ ἀτιμάζει με καὶ οὔ πώ φησι τὸν εἶναι. ### book 23.117 ἡμεῖς δὲ φραζώμεθ’, ὅπως ὄχ’ ἄριστα γένηται. ### book 23.118 καὶ γάρ τίς θ’ ἕνα φῶτα κατακτείνας ἐνὶ δήμῳ, ### book 23.119 ᾧ μὴ πολλοὶ ἔωσιν ἀοσσητῆρες ὀπίσσω, ### book 23.120 φεύγει πηούς τε προλιπὼν καὶ πατρίδα γαῖαν· ### book 23.121 ἡμεῖς δ’ ἕρμα πόληος ἀπέκταμεν, οἳ μέγ’ ἄριστοι ### book 23.122 κούρων εἰν Ἰθάκῃ· τὰ δέ σε φράζεσθαι ἄνωγα.” ### book 23.123 τὸν δ’ αὖ Τηλέμαχος πεπνυμένος ἀντίον ηὔδα· ### book 23.124 “αὐτὸς ταῦτά γε λεῦσσε, πάτερ φίλε· σὴν γὰρ ἀρίστην ### book 23.125 μῆτιν ἐπ’ ἀνθρώπους φάς’ ἔμμεναι, οὐδέ κέ τίς τοι ### book 23.126 ἄλλος ἀνὴρ ἐρίσειε καταθνητῶν ἀνθρώπων. ### book 23.127 [ἡμεῖς δὲ μεμαῶτες ἅμ’ ἑψόμεθ’, οὐδέ τί φημι ### book 23.128 ἀλκῆς δευήσεσθαι, ὅση δύναμίς γε πάρεστι.”] ### book 23.129 τὸν δ’ ἀπαμειβόμενος προσέφη πολύμητις Ὀδυσσεύς· ### book 23.130 “τοιγὰρ ἐγὼν ἐρέω, ὥς μοι δοκεῖ εἶναι ἄριστα. ### book 23.131 πρῶτα μὲν ἂρ λούσασθε καὶ ἀμφιέσασθε χιτῶνας, ### book 23.132 δμῳὰς δ’ ἐν μεγάροισιν ἀνώγετε εἵμαθ’ ἑλέσθαι· ### book 23.133 αὐτὰρ θεῖος ἀοιδὸς ἔχων φόρμιγγα λίγειαν ### book 23.134 ὑμῖν ἡγείσθω πολυπαίγμονος ὀρχηθμοῖο, ### book 23.135 ὥς κέν τις φαίη γάμον ἔμμεναι ἐκτὸς ἀκούων, ### book 23.136 ἢ ἀν’ ὁδὸν στείχων ἢ οἳ περιναιετάουσι· ### book 23.137 μὴ πρόσθε κλέος εὐρὺ φόνου κατὰ ἄστυ γένηται ### book 23.138 ἀνδρῶν μνηστήρων, πρίν γ’ ἡμέας ἐλθέμεν ἔξω ### book 23.139 ἀγρὸν ἐς ἡμέτερον πολυδένδρεον. ἔνθα δ’ ἔπειτα ### book 23.140 φρασσόμεθ’, ὅττί κε κέρδος Ὀλύμπιος ἐγγυαλίξῃ.” ### book 23.141 ὣς ἔφαθ’, οἱ δ’ ἄρα τοῦ μάλα μὲν κλύον ἠδ’ ἐπίθοντο. ### book 23.142 πρῶτα μὲν ἂρ λούσαντο καὶ ἀμφιέσαντο χιτῶνας, ### book 23.143 ὅπλισθεν δὲ γυναῖκες· ὁ δ’ εἵλετο θεῖος ἀοιδὸς ### book 23.144 φόρμιγγα γλαφυρήν, ἐν δέ σφισιν ἵμερον ὦρσε ### book 23.145 μολπῆς τε γλυκερῆς καὶ ἀμύμονος ὀρχηθμοῖο. ### book 23.146 τοῖσιν δὲ μέγα δῶμα περιστεναχίζετο ποσσὶν ### book 23.147 ἀνδρῶν παιζόντων καλλιζώνων τε γυναικῶν. ### book 23.148 ὧδε δέ τις εἴπεσκε δόμων ἔκτοσθεν ἀκούων· ### book 23.149 “ἦ μάλα δή τις ἔγημε πολυμνήστην βασίλειαν· ### book 23.150 σχετλίη, οὐδ’ ἔτλη πόσιος οὗ κουριδίοιο ### book 23.151 εἴρυσθαι μέγα δῶμα διαμπερές, εἷος ἵκοιτο.” ### book 23.152 ὣς ἄρα τις εἴπεσκε, τὰ δ’ οὐκ ἴσαν ὡς ἐτέτυκτο. ### book 23.153 αὐτὰρ Ὀδυσσῆα μεγαλήτορα ᾧ ἐνὶ οἴκῳ ### book 23.154 Εὐρυνόμη ταμίη λοῦσεν καὶ χρῖσεν ἐλαίῳ, ### book 23.155 ἀμφὶ δέ μιν φᾶρος καλὸν βάλεν ἠδὲ χιτῶνα· ### book 23.156 αὐτὰρ κὰκ κεφαλῆς χεῦεν πολὺ κάλλος Ἀθήνη ### book 23.157 [μείζονά τ’ εἰσιδέειν καὶ πάσσονα· κὰδ δὲ κάρητος ### book 23.158 οὔλας ἧκε κόμας, ὑακινθίνῳ ἄνθει ὁμοίας. ### book 23.159 ὡς δ’ ὅτε τις χρυσὸν περιχεύεται ἀργύρῳ ἀνὴρ ### book 23.160 ἴδρις, ὃν Ἥφαιστος δέδαεν καὶ Παλλὰς Ἀθήνη ### book 23.161 τέχνην παντοίην, χαρίεντα δὲ ἔργα τελείει, ### book 23.162 ὣς ἄρα τῷ κατέχευε χάριν κεφαλῇ τε καὶ ὤμοις.] ### book 23.163 ἐκ δ’ ἀσαμίνθου βῆ δέμας ἀθανάτοισιν ὁμοῖος· ### book 23.164 ἂψ δ’ αὖτις κατ’ ἄρ’ ἕζετ’ ἐπὶ θρόνου, ἔνθεν ἀνέστη, ### book 23.165 ἀντίον ἧς ἀλόχου, καί μιν πρὸς μῦθον ἔειπε· ### book 23.166 “δαιμονίη, περὶ σοί γε γυναικῶν θηλυτεράων ### book 23.167 κῆρ ἀτέραμνον ἔθηκαν Ὀλύμπια δώματ’ ἔχοντες· ### book 23.168 οὐ μέν κ’ ἄλλη γ’ ὧδε γυνὴ τετληότι θυμῷ ### book 23.169 ἀνδρὸς ἀποσταίη, ὅς οἱ κακὰ πολλὰ μογήσας ### book 23.170 ἔλθοι ἐεικοστῷ ἔτεϊ ἐς πατρίδα γαῖαν. ### book 23.171 ἀλλ’ ἄγε μοι, μαῖα, στόρεσον λέχος, ὄφρα καὶ αὐτὸς ### book 23.172 λέξομαι· ἦ γὰρ τῇ γε σιδήρεον ἐν φρεσὶν ἦτορ.” ### book 23.173 τὸν δ’ αὖτε προσέειπε περίφρων Πηνελόπεια· ### book 23.174 “δαιμόνι’, οὐ γάρ τι μεγαλίζομαι οὐδ’ ἀθερίζω ### book 23.175 οὐδὲ λίην ἄγαμαι, μάλα δ’ εὖ οἶδ’ οἷος ἔησθα ### book 23.176 ἐξ Ἰθάκης ἐπὶ νηὸς ἰὼν δολιχηρέτμοιο. ### book 23.177 ἀλλ’ ἄγε οἱ στόρεσον πυκινὸν λέχος, Εὐρύκλεια, ### book 23.178 ἐκτὸς ἐϋσταθέος θαλάμου, τόν ῥ’ αὐτὸς ἐποίει· ### book 23.179 ἔνθα οἱ ἐκθεῖσαι πυκινὸν λέχος ἐμβάλετ’ εὐνήν, ### book 23.180 κώεα καὶ χλαίνας καὶ ῥήγεα σιγαλόεντα.” ### book 23.181 ὣς ἄρ’ ἔφη πόσιος πειρωμένη· αὐτὰρ Ὀδυσσεὺς ### book 23.182 ὀχθήσας ἄλοχον προσεφώνεε κεδνὰ ἰδυῖαν· ### book 23.183 “ὦ γύναι, ἦ μάλα τοῦτο ἔπος θυμαλγὲς ἔειπες. ### book 23.184 τίς δέ μοι ἄλλοσε θῆκε λέχος; χαλεπὸν δέ κεν εἴη ### book 23.185 καὶ μάλ’ ἐπισταμένῳ, ὅτε μὴ θεὸς αὐτὸς ἐπελθὼν ### book 23.186 ῥηϊδίως ἐθέλων θείη ἄλλῃ ἐνὶ χώρῃ. ### book 23.187 ἀνδρῶν δ’ οὔ κέν τις ζωὸς βροτός, οὐδὲ μάλ’ ἡβῶν, ### book 23.188 ῥεῖα μετοχλίσσειεν, ἐπεὶ μέγα σῆμα τέτυκται ### book 23.189 ἐν λέχει ἀσκητῷ· τὸ δ’ ἐγὼ κάμον οὐδέ τις ἄλλος. ### book 23.190 θάμνος ἔφυ τανύφυλλος ἐλαίης ἕρκεος ἐντός, ### book 23.191 ἀκμηνὸς θαλέθων· πάχετος δ’ ἦν ἠΰτε κίων. ### book 23.192 τῷ δ’ ἐγὼ ἀμφιβαλὼν θάλαμον δέμον, ὄφρ’ ἐτέλεσσα, ### book 23.193 πυκνῇσιν λιθάδεσσι, καὶ εὖ καθύπερθεν ἔρεψα, ### book 23.194 κολλητὰς δ’ ἐπέθηκα θύρας, πυκινῶς ἀραρυίας. ### book 23.195 καὶ τότ’ ἔπειτ’ ἀπέκοψα κόμην τανυφύλλου ἐλαίης, ### book 23.196 κορμὸν δ’ ἐκ ῥίζης προταμὼν ἀμφέξεσα χαλκῷ ### book 23.197 εὖ καὶ ἐπισταμένως καὶ ἐπὶ στάθμην ἴθυνα, ### book 23.198 ἑρμῖν’ ἀσκήσας, τέτρηνα δὲ πάντα τερέτρῳ. ### book 23.199 ἐκ δὲ τοῦ ἀρχόμενος λέχος ἔξεον, ὄφρ’ ἐτέλεσσα, ### book 23.200 δαιδάλλων χρυσῷ τε καὶ ἀργύρῳ ἠδ’ ἐλέφαντι· ### book 23.201 ἐν δ’ ἐτάνυσς’ ἱμάντα βοὸς φοίνικι φαεινόν. ### book 23.202 οὕτω τοι τόδε σῆμα πιφαύσκομαι· οὐδέ τι οἶδα, ### book 23.203 ἤ μοι ἔτ’ ἔμπεδόν ἐστι, γύναι, λέχος, ἦέ τις ἤδη ### book 23.204 ἀνδρῶν ἄλλοσε θῆκε, ταμὼν ὕπο πυθμέν’ ἐλαίης.” ### book 23.205 ὣς φάτο, τῆς δ’ αὐτοῦ λύτο γούνατα καὶ φίλον ἦτορ, ### book 23.206 σήματ’ ἀναγνούσῃ, τά οἱ ἔμπεδα πέφραδ’ Ὀδυσσεύς· ### book 23.207 δακρύσασα δ’ ἔπειτ’ ἰθὺς κίεν, ἀμφὶ δὲ χεῖρας ### book 23.208 δειρῇ βάλλ’ Ὀδυσῆϊ, κάρη δ’ ἔκυς’ ἠδὲ προσηύδα· ### book 23.209 “μή μοι, Ὀδυσσεῦ, σκύζευ, ἐπεὶ τά περ ἄλλα μάλιστα ### book 23.210 ἀνθρώπων πέπνυσο· θεοὶ δ’ ὤπαζον ὀϊζύν, ### book 23.211 οἳ νῶϊν ἀγάσαντο παρ’ ἀλλήλοισι μένοντε ### book 23.212 ἥβης ταρπῆναι καὶ γήραος οὐδὸν ἱκέσθαι. ### book 23.213 αὐτὰρ μὴ νῦν μοι τόδε χώεο μηδὲ νεμέσσα, ### book 23.214 οὕνεκά ς’ οὐ τὸ πρῶτον, ἐπεὶ ἴδον, ὧδ’ ἀγάπησα. ### book 23.215 αἰεὶ γάρ μοι θυμὸς ἐνὶ στήθεσσι φίλοισιν ### book 23.216 ἐρρίγει, μή τίς με βροτῶν ἀπάφοιτ’ ἐπέεσσιν ### book 23.217 ἐλθών· πολλοὶ γὰρ κακὰ κέρδεα βουλεύουσιν. ### book 23.218 οὐδέ κεν Ἀργείη Ἑλένη, Διὸς ἐκγεγαυῖα, ### book 23.219 ἀνδρὶ παρ’ ἀλλοδαπῷ ἐμίγη φιλότητι καὶ εὐνῇ, ### book 23.220 εἰ ᾔδη, ὅ μιν αὖτις ἀρήϊοι υἷες Ἀχαιῶν ### book 23.221 ἀξέμεναι οἶκόνδε φίλην ἐς πατρίδ’ ἔμελλον. ### book 23.222 τὴν δ’ ἦ τοι ῥέξαι θεὸς ὤρορεν ἔργον ἀεικές· ### book 23.223 τὴν δ’ ἄτην οὐ πρόσθεν ἑῷ ἐγκάτθετο θυμῷ ### book 23.224 λυγρήν, ἐξ ἧς πρῶτα καὶ ἡμέας ἵκετο πένθος. ### book 23.225 νῦν δ’, ἐπεὶ ἤδη σήματ’ ἀριφραδέα κατέλεξας ### book 23.226 εὐνῆς ἡμετέρης, τὴν οὐ βροτὸς ἄλλος ὀπώπει, ### book 23.227 ἀλλ’ οἶοι σύ τ’ ἐγώ τε καὶ ἀμφίπολος μία μούνη, ### book 23.228 Ἀκτορίς, ἥν μοι δῶκε πατὴρ ἔτι δεῦρο κιούσῃ, ### book 23.229 ἣ νῶϊν εἴρυτο θύρας πυκινοῦ θαλάμοιο, ### book 23.230 πείθεις δή μευ θυμόν, ἀπηνέα περ μάλ’ ἐόντα.” ### book 23.231 ὣς φάτο, τῷ δ’ ἔτι μᾶλλον ὑφ’ ἵμερον ὦρσε γόοιο· ### book 23.232 κλαῖε δ’ ἔχων ἄλοχον θυμαρέα, κεδνὰ ἰδυῖαν. ### book 23.233 ὡς δ’ ὅτ’ ἂν ἀσπάσιος γῆ νηχομένοισι φανήῃ, ### book 23.234 ὧν τε Ποσειδάων εὐεργέα νῆ’ ἐνὶ πόντῳ ### book 23.235 ῥαίσῃ, ἐπειγομένην ἀνέμῳ καὶ κύματι πηγῷ· ### book 23.236 παῦροι δ’ ἐξέφυγον πολιῆς ἁλὸς ἤπειρόνδε ### book 23.237 νηχόμενοι, πολλὴ δὲ περὶ χροῒ τέτροφεν ἅλμη, ### book 23.238 ἀσπάσιοι δ’ ἐπέβαν γαίης, κακότητα φυγόντες· ### book 23.239 ὣς ἄρα τῇ ἀσπαστὸς ἔην πόσις εἰσοροώσῃ, ### book 23.240 δειρῆς δ’ οὔ πω πάμπαν ἀφίετο πήχεε λευκώ. ### book 23.241 καί νύ κ’ ὀδυρομένοισι φάνη ῥοδοδάκτυλος Ἠώς, ### book 23.242 εἰ μὴ ἄρ’ ἄλλ’ ἐνόησε θεὰ γλαυκῶπις Ἀθήνη. ### book 23.243 νύκτα μὲν ἐν περάτῃ δολιχὴν σχέθεν, Ἠῶ δ’ αὖτε ### book 23.244 ῥύσατ’ ἐπ’ Ὠκεανῷ χρυσόθρονον οὐδ’ ἔα ἵππους ### book 23.245 ζεύγνυσθ’ ὠκύποδας φάος ἀνθρώποισι φέροντας, ### book 23.246 Λάμπον καὶ Φαέθονθ’, οἵ τ’ Ἠῶ πῶλοι ἄγουσι. ### book 23.247 καὶ τότ’ ἄρ’ ἣν ἄλοχον προσέφη πολύμητις Ὀδυσσεύς· ### book 23.248 “ὦ γύναι, οὐ γάρ πω πάντων ἐπὶ πείρατ’ ἀέθλων ### book 23.249 ἤλθομεν, ἀλλ’ ἔτ’ ὄπισθεν ἀμέτρητος πόνος ἔσται, ### book 23.250 πολλὸς καὶ χαλεπός, τὸν ἐμὲ χρὴ πάντα τελέσσαι. ### book 23.251 ὣς γάρ μοι ψυχὴ μαντεύσατο Τειρεσίαο ### book 23.252 ἤματι τῷ, ὅτε δὴ κατέβην δόμον Ἄϊδος εἴσω, ### book 23.253 νόστον ἑταίροισιν διζήμενος ἠδ’ ἐμοὶ αὐτῷ. ### book 23.254 ἀλλ’ ἔρχευ, λέκτρονδ’ ἴομεν, γύναι, ὄφρα καὶ ἤδη ### book 23.255 ὕπνῳ ὕπο γλυκερῷ ταρπώμεθα κοιμηθέντες.” ### book 23.256 τὸν δ’ αὖτε προσέειπε περίφρων Πηνελόπεια· ### book 23.257 “εὐνὴ μὲν δὴ σοί γε τότ’ ἔσσεται, ὁππότε θυμῷ ### book 23.258 σῷ ἐθέλῃς, ἐπεὶ ἄρ σε θεοὶ ποίησαν ἱκέσθαι ### book 23.259 οἶκον ἐϋκτίμενον καὶ σὴν ἐς πατρίδα γαῖαν· ### book 23.260 ἀλλ’ ἐπεὶ ἐφράσθης καί τοι θεὸς ἔμβαλε θυμῷ, ### book 23.261 εἴπ’ ἄγε μοι τὸν ἄεθλον, ἐπεὶ καὶ ὄπισθεν, ὀΐω, ### book 23.262 πεύσομαι, αὐτίκα δ’ ἐστὶ δαήμεναι οὔ τι χέρειον.” ### book 23.263 τὴν δ’ ἀπαμειβόμενος προσέφη πολύμητις Ὀδυσσεύς· ### book 23.264 “δαιμονίη, τί τ’ ἄρ’ αὖ με μάλ’ ὀτρύνουσα κελεύεις ### book 23.265 εἰπέμεν; αὐτὰρ ἐγὼ μυθήσομαι οὐδ’ ἐπικεύσω. ### book 23.266 οὐ μέν τοι θυμὸς κεχαρήσεται· οὐδὲ γὰρ αὐτὸς ### book 23.267 χαίρω, ἐπεὶ μάλα πολλὰ βροτῶν ἐπὶ ἄστε’ ἄνωγεν ### book 23.268 ἐλθεῖν, ἐν χείρεσσιν ἔχοντ’ εὐῆρες ἐρετμόν, ### book 23.269 εἰς ὅ κε τοὺς ἀφίκωμαι, οἳ οὐκ ἴσασι θάλασσαν ### book 23.270 ἀνέρες οὐδέ θ’ ἅλεσσι μεμιγμένον εἶδαρ ἔδουσιν· ### book 23.271 οὐδ’ ἄρα τοὶ ἴσασι νέας φοινικοπαρῄους ### book 23.272 οὐδ’ εὐήρε’ ἐρετμά, τά τε πτερὰ νηυσὶ πέλονται. ### book 23.273 σῆμα δέ μοι τόδ’ ἔειπεν ἀριφραδές, οὐδέ σε κεύσω· ### book 23.274 ὁππότε κεν δή μοι ξυμβλήμενος ἄλλος ὁδίτης ### book 23.275 φήῃ ἀθηρηλοιγὸν ἔχειν ἀνὰ φαιδίμῳ ὤμῳ, ### book 23.276 καὶ τότε μ’ ἐν γαίῃ πήξαντ’ ἐκέλευσεν ἐρετμόν, ### book 23.277 ἕρξανθ’ ἱερὰ καλὰ Ποσειδάωνι ἄνακτι, ### book 23.278 ἀρνειὸν ταῦρόν τε συῶν τ’ ἐπιβήτορα κάπρον, ### book 23.279 οἴκαδ’ ἀποστείχειν ἕρδειν θ’ ἱερὰς ἑκατόμβας ### book 23.280 ἀθανάτοισι θεοῖσι, τοὶ οὐρανὸν εὐρὺν ἔχουσι, ### book 23.281 πᾶσι μάλ’ ἑξείης· θάνατος δέ μοι ἐξ ἁλὸς αὐτῷ ### book 23.282 ἀβληχρὸς μάλα τοῖος ἐλεύσεται, ὅς κέ με πέφνῃ ### book 23.283 γήρᾳ ὕπο λιπαρῷ ἀρημένον· ἀμφὶ δὲ λαοὶ ### book 23.284 ὄλβιοι ἔσσονται. τὰ δέ μοι φάτο πάντα τελεῖσθαι.” ### book 23.285 τὸν δ’ αὖτε προσέειπε περίφρων Πηνελόπεια· ### book 23.286 “εἰ μὲν δὴ γῆράς γε θεοὶ τελέουσιν ἄρειον, ### book 23.287 ἐλπωρή τοι ἔπειτα κακῶν ὑπάλυξιν ἔσεσθαι.” ### book 23.288 ὥς οἱ μὲν τοιαῦτα πρὸς ἀλλήλους ἀγόρευον· ### book 23.289 τόφρα δ’ ἄρ’ Εὐρυνόμη τε ἰδὲ τροφὸς ἔντυον εὐνὴν ### book 23.290 ἐσθῆτος μαλακῆς δαΐδων ὕπο λαμπομενάων. ### book 23.291 αὐτὰρ ἐπεὶ στόρεσαν πυκινὸν λέχος ἐγκονέουσαι, ### book 23.292 γρηῢς μὲν κείουσα πάλιν οἶκόνδε βεβήκει, ### book 23.293 τοῖσιν δ’ Εὐρυνόμη θαλαμηπόλος ἡγεμόνευεν ### book 23.294 ἐρχομένοισι λέχοσδε δάος μετὰ χερσὶν ἔχουσα· ### book 23.295 ἐς θάλαμον δ’ ἀγαγοῦσα πάλιν κίεν. οἱ μὲν ἔπειτα ### book 23.296 ἀσπάσιοι λέκτροιο παλαιοῦ θεσμὸν ἵκοντο· ### book 23.297 αὐτὰρ Τηλέμαχος καὶ βουκόλος ἠδὲ συβώτης ### book 23.298 παῦσαν ἄρ’ ὀρχηθμοῖο πόδας, παῦσαν δὲ γυναῖκας, ### book 23.299 αὐτοὶ δ’ εὐνάζοντο κατὰ μέγαρα σκιόεντα. ### book 23.300 τὼ δ’ ἐπεὶ οὖν φιλότητος ἐταρπήτην ἐρατεινῆς, ### book 23.301 τερπέσθην μύθοισι, πρὸς ἀλλήλους ἐνέποντες, ### book 23.302 ἡ μὲν ὅς’ ἐν μεγάροισιν ἀνέσχετο δῖα γυναικῶν ### book 23.303 ἀνδρῶν μνηστήρων ἐσορῶς’ ἀΐδηλον ὅμιλον, ### book 23.304 οἳ ἕθεν εἵνεκα πολλά, βόας καὶ ἴφια μῆλα, ### book 23.305 ἔσφαζον, πολλὸς δὲ πίθων ἠφύσσετο οἶνος· ### book 23.306 αὐτὰρ διογενὴς Ὀδυσεύς, ὅσα κήδε’ ἔθηκεν ### book 23.307 ἀνθρώποις’ ὅσα τ’ αὐτὸς ὀϊζύσας ἐμόγησε, ### book 23.308 πάντ’ ἔλεγ’· ἡ δ’ ἄρα τέρπετ’ ἀκούους’, οὐδέ οἱ ὕπνος ### book 23.309 πῖπτεν ἐπὶ βλεφάροισι πάρος καταλέξαι ἅπαντα. ### book 23.310 ἤρξατο δ’, ὡς πρῶτον Κίκονας δάμας’, αὐτὰρ ἔπειτα ### book 23.311 ἦλθεν Λωτοφάγων ἀνδρῶν πίειραν ἄρουραν· ### book 23.312 ἠδ’ ὅσα Κύκλωψ ἕρξε, καὶ ὡς ἀπετείσατο ποινὴν ### book 23.313 ἰφθίμων ἑτάρων, οὓς ἤσθιεν οὐδ’ ἐλέαιρεν· ### book 23.314 ἠδ’ ὡς Αἴολον ἵκεθ’, ὅ μιν πρόφρων ὑπέδεκτο ### book 23.315 καὶ πέμπ’, οὐδέ πω αἶσα φίλην ἐς πατρίδ’ ἱκέσθαι ### book 23.316 ἤην, ἀλλά μιν αὖτις ἀναρπάξασα θύελλα ### book 23.317 πόντον ἐπ’ ἰχθυόεντα φέρεν βαρέα στενάχοντα· ### book 23.318 ἠδ’ ὡς Τηλέπυλον Λαιστρυγονίην ἀφίκανεν, ### book 23.319 οἳ νῆάς τ’ ὄλεσαν καὶ ἐϋκνήμιδας ἑταίρους ### book 23.320 [πάντας· Ὀδυσσεὺς δ’ οἶος ὑπέκφυγε νηῒ μελαίνῃ.] ### book 23.321 καὶ Κίρκης κατέλεξε δόλον πολυμηχανίην τε, ### book 23.322 ἠδ’ ὡς εἰς Ἀΐδεω δόμον ἤλυθεν εὐρώεντα ### book 23.323 ψυχῇ χρησόμενος Θηβαίου Τειρεσίαο ### book 23.324 νηῒ πολυκλήϊδι, καὶ εἴσιδε πάντας ἑταίρους ### book 23.325 μητέρα θ’, ἥ μιν ἔτικτε καὶ ἔτρεφε τυτθὸν ἐόντα· ### book 23.326 ἠδ’ ὡς Σειρήνων ἁδινάων φθόγγον ἄκουσεν, ### book 23.327 ὥς θ’ ἵκετο Πλαγκτὰς πέτρας δεινήν τε Χάρυβδιν ### book 23.328 Σκύλλην θ’, ἣν οὔ πώ ποτ’ ἀκήριοι ἄνδρες ἄλυξαν· ### book 23.329 ἠδ’ ὡς Ἠελίοιο βόας κατέπεφνον ἑταῖροι· ### book 23.330 ἠδ’ ὡς νῆα θοὴν ἔβαλε ψολόεντι κεραυνῷ ### book 23.331 Ζεὺς ὑψιβρεμέτης, ἀπὸ δ’ ἔφθιθεν ἐσθλοὶ ἑταῖροι ### book 23.332 πάντες ὁμῶς, αὐτὸς δὲ κακὰς ὑπὸ κῆρας ἄλυξεν· ### book 23.333 ὥς θ’ ἵκετ’ Ὠγυγίην νῆσον νύμφην τε Καλυψώ, ### book 23.334 ἣ δή μιν κατέρυκε, λιλαιομένη πόσιν εἶναι, ### book 23.335 ἐν σπέεσι γλαφυροῖσι καὶ ἔτρεφεν ἠδὲ ἔφασκεν ### book 23.336 θήσειν ἀθάνατον καὶ ἀγήραον ἤματα πάντα· ### book 23.337 ἀλλὰ τοῦ οὔ ποτε θυμὸν ἐνὶ στήθεσσιν ἔπειθεν· ### book 23.338 ἠδ’ ὡς ἐς Φαίηκας ἀφίκετο πολλὰ μογήσας, ### book 23.339 οἳ δή μιν περὶ κῆρι θεὸν ὣς τιμήσαντο ### book 23.340 καὶ πέμψαν σὺν νηῒ φίλην ἐς πατρίδα γαῖαν, ### book 23.341 χαλκόν τε χρυσόν τε ἅλις ἐσθῆτά τε δόντες. ### book 23.342 τοῦτ’ ἄρα δεύτατον εἶπεν ἔπος, ὅτε οἱ γλυκὺς ὕπνος ### book 23.343 λυσιμελὴς ἐπόρουσε, λύων μελεδήματα θυμοῦ. ### book 23.344 ἡ δ’ αὖτ’ ἄλλ’ ἐνόησε θεὰ γλαυκῶπις Ἀθήνη· ### book 23.345 ὁππότε δή ῥ’ Ὀδυσῆα ἐέλπετο ὃν κατὰ θυμὸν ### book 23.346 εὐνῆς ἧς ἀλόχου ταρπήμεναι ἠδὲ καὶ ὕπνου, ### book 23.347 αὐτίκ’ ἀπ’ Ὠκεανοῦ χρυσόθρονον ἠριγένειαν ### book 23.348 ὦρσεν, ἵν’ ἀνθρώποισι φόως φέροι. ὦρτο δ’ Ὀδυσσεὺς ### book 23.349 εὐνῆς ἐκ μαλακῆς, ἀλόχῳ δ’ ἐπὶ μῦθον ἔτελλεν· ### book 23.350 “ὦ γύναι, ἤδη μὲν πολέων κεκορήμεθ’ ἀέθλων ### book 23.351 ἀμφοτέρω, σὺ μὲν ἐνθάδ’ ἐμὸν πολυκηδέα νόστον ### book 23.352 κλαίους’· αὐτὰρ ἐμὲ Ζεὺς ἄλγεσι καὶ θεοὶ ἄλλοι ### book 23.353 ἱέμενον πεδάασκον ἐμῆς ἀπὸ πατρίδος αἴης. ### book 23.354 νῦν δ’ ἐπεὶ ἀμφοτέρω πολυήρατον ἱκόμεθ’ εὐνήν, ### book 23.355 κτήματα μέν, τά μοί ἐστι, κομιζέμεν ἐν μεγάροισι, ### book 23.356 μῆλα δ’, ἅ μοι μνηστῆρες ὑπερφίαλοι κατέκειρον, ### book 23.357 πολλὰ μὲν αὐτὸς ἐγὼ ληΐσσομαι, ἄλλα δ’ Ἀχαιοὶ ### book 23.358 δώσους’, εἰς ὅ κε πάντας ἐνιπλήσωσιν ἐπαύλους. ### book 23.359 ἀλλ’ ἦ τοι μὲν ἐγὼ πολυδένδρεον ἀγρὸν ἄπειμι ### book 23.360 ὀψόμενος πατέρ’ ἐσθλόν, ὅ μοι πυκινῶς ἀκάχηται· ### book 23.361 σοὶ δέ, γύναι, τόδ’ ἐπιστέλλω πινυτῇ περ ἐούσῃ· ### book 23.362 αὐτίκα γὰρ φάτις εἶσιν ἅμ’ ἠελίῳ ἀνιόντι ### book 23.363 ἀνδρῶν μνηστήρων, οὓς ἔκτανον ἐν μεγάροισιν· ### book 23.364 εἰς ὑπερῷ’ ἀναβᾶσα σὺν ἀμφιπόλοισι γυναιξὶν ### book 23.365 ἧσθαι, μηδέ τινα προτιόσσεο μηδ’ ἐρέεινε.” ### book 23.366 ἦ ῥα, καὶ ἀμφ’ ὤμοισιν ἐδύσετο τεύχεα καλά, ### book 23.367 ὦρσε δὲ Τηλέμαχον καὶ βουκόλον ἠδὲ συβώτην, ### book 23.368 πάντας δ’ ἔντε’ ἄνωγεν ἀρήϊα χερσὶν ἑλέσθαι. ### book 23.369 οἱ δέ οἱ οὐκ ἀπίθησαν, ἐθωρήσσοντο δὲ χαλκῷ, ### book 23.370 ὤϊξαν δὲ θύρας, ἐκ δ’ ἤϊον· ἦρχε δ’ Ὀδυσσεύς. ### book 23.371 ἤδη μὲν φάος ἦεν ἐπὶ χθόνα, τοὺς δ’ ἄρ’ Ἀθήνη ### book 23.372 νυκτὶ κατακρύψασα θοῶς ἐξῆγε πόληος. ### book 24.1 Ἑρμῆς δὲ ψυχὰς Κυλλήνιος ἐξεκαλεῖτο ### book 24.2 ἀνδρῶν μνηστήρων· ἔχε δὲ ῥάβδον μετὰ χερσὶ ### book 24.3 καλὴν χρυσείην, τῇ τ’ ἀνδρῶν ὄμματα θέλγει, ### book 24.4 ὧν ἐθέλει, τοὺς δ’ αὖτε καὶ ὑπνώοντας ἐγείρει· ### book 24.5 τῇ ῥ’ ἄγε κινήσας, ταὶ δὲ τρίζουσαι ἕποντο. ### book 24.6 ὡς δ’ ὅτε νυκτερίδες μυχῷ ἄντρου θεσπεσίοιο ### book 24.7 τρίζουσαι ποτέονται, ἐπεί κέ τις ἀποπέσῃσιν ### book 24.8 ὁρμαθοῦ ἐκ πέτρης, ἀνά τ’ ἀλλήλῃσιν ἔχονται, ### book 24.9 ὣς αἱ τετριγυῖαι ἅμ’ ἤϊσαν· ἦρχε δ’ ἄρα σφιν ### book 24.10 Ἑρμείας ἀκάκητα κατ’ εὐρώεντα κέλευθα. ### book 24.11 πὰρ δ’ ἴσαν Ὠκεανοῦ τε ῥοὰς καὶ Λευκάδα πέτρην, ### book 24.12 ἠδὲ παρ’ Ἠελίοιο πύλας καὶ δῆμον Ὀνείρων ### book 24.13 ἤϊσαν· αἶψα δ’ ἵκοντο κατ’ ἀσφοδελὸν λειμῶνα, ### book 24.14 ἔνθα τε ναίουσι ψυχαί, εἴδωλα καμόντων. ### book 24.15 εὗρον δὲ ψυχὴν Πηληϊάδεω Ἀχιλῆος ### book 24.16 καὶ Πατροκλῆος καὶ ἀμύμονος Ἀντιλόχοιο ### book 24.17 Αἴαντός θ’, ὃς ἄριστος ἔην εἶδός τε δέμας τε ### book 24.18 τῶν ἄλλων Δαναῶν μετ’ ἀμύμονα Πηλεΐωνα. ### book 24.19 ὣς οἱ μὲν περὶ κεῖνον ὁμίλεον· ἀγχίμολον δὲ ### book 24.20 ἤλυθ’ ἔπι ψυχὴ Ἀγαμέμνονος Ἀτρεΐδαο ### book 24.21 ἀχνυμένη· περὶ δ’ ἄλλαι ἀγηγέραθ’, ὅσσοι ἅμ’ αὐτῷ ### book 24.22 οἴκῳ ἐν Αἰγίσθοιο θάνον καὶ πότμον ἐπέσπον. ### book 24.23 τὸν προτέρη ψυχὴ προσεφώνεε Πηλεΐωνος· ### book 24.24 “Ἀτρεΐδη, περὶ μέν σε φάμεν Διὶ τερπικεραύνῳ ### book 24.25 ἀνδρῶν ἡρώων φίλον ἔμμεναι ἤματα πάντα, ### book 24.26 οὕνεκα πολλοῖσίν τε καὶ ἰφθίμοισιν ἄνασσες ### book 24.27 δήμῳ ἔνι Τρώων, ὅθι πάσχομεν ἄλγε’ Ἀχαιοί. ### book 24.28 ἦ τ’ ἄρα καὶ σοὶ πρωῒ παραστήσεσθαι ἔμελλε ### book 24.29 μοῖρ’ ὀλοή, τὴν οὔ τις ἀλεύεται, ὅς κε γένηται. ### book 24.30 ὡς ὄφελες τιμῆς ἀπονήμενος, ἧς περ ἄνασσες, ### book 24.31 δήμῳ ἔνι Τρώων θάνατον καὶ πότμον ἐπισπεῖν· ### book 24.32 τῶ κέν τοι τύμβον μὲν ἐποίησαν Παναχαιοί, ### book 24.33 ἠδέ κε καὶ σῷ παιδὶ μέγα κλέος ἤρα’ ὀπίσσω· ### book 24.34 νῦν δ’ ἄρα ς’ οἰκτίστῳ θανάτῳ εἵμαρτο ἁλῶναι.” ### book 24.35 τὸν δ’ αὖτε ψυχὴ προσεφώνεεν Ἀτρεΐδαο· ### book 24.36 “ὄλβιε Πηλέος υἱέ, θεοῖς’ ἐπιείκελ’ Ἀχιλλεῦ, ### book 24.37 ὃς θάνες ἐν Τροίῃ ἑκὰς Ἄργεος· ἀμφὶ δέ ς’ ἄλλοι ### book 24.38 κτείνοντο Τρώων καὶ Ἀχαιῶν υἷες ἄριστοι, ### book 24.39 μαρνάμενοι περὶ σεῖο· σὺ δ’ ἐν στροφάλιγγι κονίης ### book 24.40 κεῖσο μέγας μεγαλωστί, λελασμένος ἱπποσυνάων. ### book 24.41 ἡμεῖς δὲ πρόπαν ἦμαρ ἐμαρνάμεθ’· οὐδέ κε πάμπαν ### book 24.42 παυσάμεθα πτολέμου, εἰ μὴ Ζεὺς λαίλαπι παῦσεν. ### book 24.43 αὐτὰρ ἐπεί ς’ ἐπὶ νῆας ἐνείκαμεν ἐκ πολέμοιο, ### book 24.44 κάτθεμεν ἐν λεχέεσσι, καθήραντες χρόα καλὸν ### book 24.45 ὕδατί τε λιαρῷ καὶ ἀλείφατι· πολλὰ δέ ς’ ἀμφὶ ### book 24.46 δάκρυα θερμὰ χέον Δαναοὶ κείροντό τε χαίτας. ### book 24.47 μήτηρ δ’ ἐξ ἁλὸς ἦλθε σὺν ἀθανάτῃς’ ἁλίῃσιν ### book 24.48 ἀγγελίης ἀΐουσα· βοὴ δ’ ἐπὶ πόντον ὀρώρει ### book 24.49 θεσπεσίη, ὑπὸ δὲ τρόμος ἤλυθε πάντας Ἀχαιούς. ### book 24.50 καί νύ κ’ ἀναΐξαντες ἔβαν κοίλας ἐπὶ νῆας, ### book 24.51 εἰ μὴ ἀνὴρ κατέρυκε παλαιά τε πολλά τε εἰδώς, ### book 24.52 Νέστωρ, οὗ καὶ πρόσθεν ἀρίστη φαίνετο βουλή· ### book 24.53 ὅ σφιν ἐῢ φρονέων ἀγορήσατο καὶ μετέειπεν· ### book 24.54 ‘ἴσχεσθ’, Ἀργεῖοι, μὴ φεύγετε, κοῦροι Ἀχαιῶν. ### book 24.55 μήτηρ ἐξ ἁλὸς ἥδε σὺν ἀθανάτῃς’ ἁλίῃσιν ### book 24.56 ἔρχεται, οὗ παιδὸς τεθνηότος ἀντιόωσα.‘ ### book 24.57 ὣς ἔφαθ’, οἱ δ’ ἔσχοντο φόβου μεγάθυμοι Ἀχαιοί. ### book 24.58 ἀμφὶ δέ ς’ ἔστησαν κοῦραι ἁλίοιο γέροντος ### book 24.59 οἴκτρ’ ὀλοφυρόμεναι, περὶ δ’ ἄμβροτα εἵματα ἕσσαν. ### book 24.60 Μοῦσαι δ’ ἐννέα πᾶσαι ἀμειβόμεναι ὀπὶ καλῇ ### book 24.61 θρήνεον· ἔνθα κεν οὔ τιν’ ἀδάκρυτόν γ’ ἐνόησας ### book 24.62 Ἀργείων· τοῖον γὰρ ὑπώρορε Μοῦσα λίγεια. ### book 24.63 ἑπτὰ δὲ καὶ δέκα μέν σε ὁμῶς νύκτας τε καὶ ἦμαρ ### book 24.64 κλαίομεν ἀθάνατοί τε θεοὶ θνητοί τ’ ἄνθρωποι· ### book 24.65 ὀκτωκαιδεκάτῃ δ’ ἔδομεν πυρί· πολλὰ δ’ ἐπ’ αὐτῷ ### book 24.66 μῆλα κατεκτάνομεν μάλα πίονα καὶ ἕλικας βοῦς. ### book 24.67 καίεο δ’ ἔν τ’ ἐσθῆτι θεῶν καὶ ἀλείφατι πολλῷ ### book 24.68 καὶ μέλιτι γλυκερῷ· πολλοὶ δ’ ἥρωες Ἀχαιοὶ ### book 24.69 τεύχεσιν ἐρρώσαντο πυρὴν πέρι καιομένοιο, ### book 24.70 πεζοί θ’ ἱππῆές τε· πολὺς δ’ ὀρυμαγδὸς ὀρώρει. ### book 24.71 αὐτὰρ ἐπεὶ δή σε φλὸξ ἤνυσεν Ἡφαίστοιο, ### book 24.72 ἠῶθεν δή τοι λέγομεν λεύκ’ ὀστέ’, Ἀχιλλεῦ, ### book 24.73 οἴνῳ ἐν ἀκρήτῳ καὶ ἀλείφατι. δῶκε δὲ μήτηρ ### book 24.74 χρύσεον ἀμφιφορῆα· Διωνύσοιο δὲ δῶρον ### book 24.75 φάσκ’ ἔμεναι, ἔργον δὲ περικλυτοῦ Ἡφαίστοιο. ### book 24.76 ἐν τῷ τοι κεῖται λεύκ’ ὀστέα, φαίδιμ’ Ἀχιλλεῦ, ### book 24.77 μίγδα δὲ Πατρόκλοιο Μενοιτιάδαο θανόντος, ### book 24.78 χωρὶς δ’ Ἀντιλόχοιο, τὸν ἔξοχα τῖες ἁπάντων ### book 24.79 τῶν ἄλλων ἑτάρων μετὰ Πάτροκλόν γε θανόντα. ### book 24.80 ἀμφ’ αὐτοῖσι δ’ ἔπειτα μέγαν καὶ ἀμύμονα τύμβον ### book 24.81 χεύαμεν Ἀργείων ἱερὸς στρατὸς αἰχμητάων ### book 24.82 ἀκτῇ ἔπι προὐχούσῃ, ἐπὶ πλατεῖ Ἑλλησπόντῳ, ### book 24.83 ὥς κεν τηλεφανὴς ἐκ ποντόφιν ἀνδράσιν εἴη ### book 24.84 τοῖς’, οἳ νῦν γεγάασι καὶ οἳ μετόπισθεν ἔσονται. ### book 24.85 μήτηρ δ’ αἰτήσασα θεοὺς περικαλλέ’ ἄεθλα ### book 24.86 θῆκε μέσῳ ἐν ἀγῶνι ἀριστήεσσιν Ἀχαιῶν. ### book 24.87 ἤδη μὲν πολέων τάφῳ ἀνδρῶν ἀντεβόλησας ### book 24.88 ἡρώων, ὅτε κέν ποτ’ ἀποφθιμένου βασιλῆος ### book 24.89 ζώννυνταί τε νέοι καὶ ἐπεντύνωνται ἄεθλα· ### book 24.90 ἀλλά κε κεῖνα μάλιστα ἰδὼν θηήσαο θυμῷ, ### book 24.91 οἷ’ ἐπὶ σοὶ κατέθηκε θεὰ περικαλλέ’ ἄεθλα, ### book 24.92 ἀργυρόπεζα Θέτις· μάλα γὰρ φίλος ἦσθα θεοῖσιν. ### book 24.93 ὣς σὺ μὲν οὐδὲ θανὼν ὄνομ’ ὤλεσας, ἀλλά τοι αἰεὶ ### book 24.94 πάντας ἐπ’ ἀνθρώπους κλέος ἔσσεται ἐσθλόν, Ἀχιλλεῦ· ### book 24.95 αὐτὰρ ἐμοὶ τί τόδ’ ἦδος, ἐπεὶ πόλεμον τολύπευσα; ### book 24.96 ἐν νόστῳ γάρ μοι Ζεὺς μήσατο λυγρὸν ὄλεθρον ### book 24.97 Αἰγίσθου ὑπὸ χερσὶ καὶ οὐλομένης ἀλόχοιο.” ### book 24.98 ὣς οἱ μὲν τοιαῦτα πρὸς ἀλλήλους ἀγόρευον· ### book 24.99 ἀγχίμολον δέ σφ’ ἦλθε διάκτορος Ἀργεϊφόντης ### book 24.100 ψυχὰς μνηστήρων κατάγων Ὀδυσῆϊ δαμέντων. ### book 24.101 τὼ δ’ ἄρα θαμβήσαντ’ ἰθὺς κίον, ὡς ἐσιδέσθην. ### book 24.102 ἔγνω δὲ ψυχὴ Ἀγαμέμνονος Ἀτρεΐδαο ### book 24.103 παῖδα φίλον Μελανῆος, ἀγακλυτὸν Ἀμφιμέδοντα· ### book 24.104 ξεῖνος γάρ οἱ ἔην Ἰθάκῃ ἔνι οἰκία ναίων. ### book 24.105 τὸν προτέρη ψυχὴ προσεφώνεεν Ἀτρεΐδαο· ### book 24.106 “Ἀμφίμεδον, τί παθόντες ἐρεμνὴν γαῖαν ἔδυτε ### book 24.107 πάντες κεκριμένοι καὶ ὁμήλικες; οὐδέ κεν ἄλλως ### book 24.108 κρινάμενος λέξαιτο κατὰ πτόλιν ἄνδρας ἀρίστους. ### book 24.109 ἢ ὔμμ’ ἐν νήεσσι Ποσειδάων ἐδάμασσεν ### book 24.110 ὄρσας ἀργαλέους ἀνέμους καὶ κύματα μακρά, ### book 24.111 ἦ που ἀνάρσιοι ἄνδρες ἐδηλήσαντ’ ἐπὶ χέρσου ### book 24.112 βοῦς περιταμνομένους ἠδ’ οἰῶν πώεα καλά, ### book 24.113 ἦε περὶ πτόλιος μαχεούμενοι ἠδὲ γυναικῶν; ### book 24.114 εἰπέ μοι εἰρομένῳ· ξεῖνος δέ τοι εὔχομαι εἶναι. ### book 24.115 ἦ οὐ μέμνῃ, ὅτε κεῖσε κατήλυθον ὑμέτερον δῶ ### book 24.116 ὀτρυνέων Ὀδυσῆα σὺν ἀντιθέῳ Μενελάῳ ### book 24.117 Ἴλιον εἰς ἅμ’ ἕπεσθαι ἐϋσσέλμων ἐπὶ νηῶν; ### book 24.118 μηνὶ δ’ ἐν οὔλῳ πάντα περήσαμεν εὐρέα πόντον, ### book 24.119 σπουδῇ παρπεπιθόντες Ὀδυσσῆα πτολίπορθον.” ### book 24.120 τὸν δ’ αὖτε ψυχὴ προσεφώνεεν Ἀμφιμέδοντος· ### book 24.121 [“Ἀτρεΐδη κύδιστε, ἄναξ ἀνδρῶν Ἀγάμεμνον,] ### book 24.122 μέμνημαι τάδε πάντα, διοτρεφές, ὡς ἀγορεύεις· ### book 24.123 σοὶ δ’ ἐγὼ εὖ μάλα πάντα καὶ ἀτρεκέως καταλέξω, ### book 24.124 ἡμετέρου θανάτοιο κακὸν τέλος, οἷον ἐτύχθη. ### book 24.125 μνώμεθ’ Ὀδυσσῆος δὴν οἰχομένοιο δάμαρτα· ### book 24.126 ἡ δ’ οὔτ’ ἠρνεῖτο στυγερὸν γάμον οὔτε τελεύτα, ### book 24.127 ἡμῖν φραζομένη θάνατον καὶ κῆρα μέλαιναν, ### book 24.128 ἀλλὰ δόλον τόνδ’ ἄλλον ἐνὶ φρεσὶ μερμήριξε· ### book 24.129 στησαμένη μέγαν ἱστὸν ἐνὶ μεγάροισιν ὕφαινε, ### book 24.130 λεπτὸν καὶ περίμετρον· ἄφαρ δ’ ἡμῖν μετέειπε· ### book 24.131 ‘κοῦροι, ἐμοὶ μνηστῆρες, ἐπεὶ θάνε δῖος Ὀδυσσεύς, ### book 24.132 μίμνετ’ ἐπειγόμενοι τὸν ἐμὸν γάμον, εἰς ὅ κε φᾶρος ### book 24.133 ἐκτελέσω, μή μοι μεταμώνια νήματ’ ὄληται, ### book 24.134 Λαέρτῃ ἥρωϊ ταφήϊον, εἰς ὅτε κέν μιν ### book 24.135 μοῖρ’ ὀλοὴ καθέλῃσι τανηλεγέος θανάτοιο, ### book 24.136 μή τίς μοι κατὰ δῆμον Ἀχαιϊάδων νεμεσήσῃ, ### book 24.137 αἴ κεν ἄτερ σπείρου κεῖται πολλὰ κτεατίσσας.‘ ### book 24.138 ὣς ἔφαθ’, ἡμῖν δ’ αὖτ’ ἐπεπείθετο θυμὸς ἀγήνωρ. ### book 24.139 ἔνθα καὶ ἠματίη μὲν ὑφαίνεσκεν μέγαν ἱστόν, ### book 24.140 νύκτας δ’ ἀλλύεσκεν, ἐπὴν δαΐδας παραθεῖτο. ### book 24.141 ὣς τρίετες μὲν ἔληθε δόλῳ καὶ ἔπειθεν Ἀχαιούς· ### book 24.142 ἀλλ’ ὅτε τέτρατον ἦλθεν ἔτος καὶ ἐπήλυθον ὧραι, ### book 24.143 [μηνῶν φθινόντων, περὶ δ’ ἤματα πόλλ’ ἐτελέσθη,] ### book 24.144 καὶ τότε δή τις ἔειπε γυναικῶν, ἣ σάφα ᾔδη, ### book 24.145 καὶ τήν γ’ ἀλλύουσαν ἐφεύρομεν ἀγλαὸν ἱστόν. ### book 24.146 ὣς τὸ μὲν ἐξετέλεσσε καὶ οὐκ ἐθέλους’, ὑπ’ ἀνάγκης. ### book 24.147 εὖθ’ ἡ φᾶρος ἔδειξεν, ὑφήνασα μέγαν ἱστόν, ### book 24.148 πλύνας’, ἠελίῳ ἐναλίγκιον ἠὲ σελήνῃ, ### book 24.149 καὶ τότε δή ῥ’ Ὀδυσῆα κακός ποθεν ἤγαγε δαίμων ### book 24.150 ἀγροῦ ἐπ’ ἐσχατιήν, ὅθι δώματα ναῖε συβώτης. ### book 24.151 ἔνθ’ ἦλθεν φίλος υἱὸς Ὀδυσσῆος θείοιο, ### book 24.152 ἐκ Πύλου ἠμαθόεντος ἰὼν σὺν νηῒ μελαίνῃ· ### book 24.153 τὼ δὲ μνηστῆρσιν θάνατον κακὸν ἀρτύναντε ### book 24.154 ἵκοντο προτὶ ἄστυ περικλυτόν, ἦ τοι Ὀδυσσεὺς ### book 24.155 ὕστερος, αὐτὰρ Τηλέμαχος πρόσθ’ ἡγεμόνευε. ### book 24.156 τὸν δὲ συβώτης ἦγε κακὰ χροῒ εἵματ’ ἔχοντα, ### book 24.157 πτωχῷ λευγαλέῳ ἐναλίγκιον ἠδὲ γέροντι, ### book 24.158 σκηπτόμενον· τὰ δὲ λυγρὰ περὶ χροῒ εἵματα ἕστο· ### book 24.159 οὐδέ τις ἡμείων δύνατο γνῶναι τὸν ἐόντα, ### book 24.160 ἐξαπίνης προφανέντ’, οὐδ’ οἳ προγενέστεροι ἦσαν, ### book 24.161 ἀλλ’ ἔπεσίν τε κακοῖσιν ἐνίσσομεν ἠδὲ βολῇσιν. ### book 24.162 αὐτὰρ ὁ τεῖος ἐτόλμα ἐνὶ μεγάροισιν ἑοῖσι ### book 24.163 βαλλόμενος καὶ ἐνισσόμενος τετληότι θυμῷ· ### book 24.164 ἀλλ’ ὅτε δή μιν ἔγειρε Διὸς νόος αἰγιόχοιο, ### book 24.165 σὺν μὲν Τηλεμάχῳ περικαλλέα τεύχε’ ἀείρας ### book 24.166 ἐς θάλαμον κατέθηκε καὶ ἐκλήϊσεν ὀχῆας, ### book 24.167 αὐτὰρ ὁ ἣν ἄλοχον πολυκερδείῃσιν ἄνωγε ### book 24.168 τόξον μνηστήρεσσι θέμεν πολιόν τε σίδηρον, ### book 24.169 ἡμῖν αἰνομόροισιν ἀέθλια καὶ φόνου ἀρχήν. ### book 24.170 οὐδέ τις ἡμείων δύνατο κρατεροῖο βιοῖο ### book 24.171 νευρὴν ἐντανύσαι, πολλὸν δ’ ἐπιδευέες ἦμεν. ### book 24.172 ἀλλ’ ὅτε χεῖρας ἵκανεν Ὀδυσσῆος μέγα τόξον, ### book 24.173 ἔνθ’ ἡμεῖς μὲν πάντες ὁμοκλέομεν ἐπέεσσι ### book 24.174 τόξον μὴ δόμεναι, μηδ’ εἰ μάλα πόλλ’ ἀγορεύοι, ### book 24.175 Τηλέμαχος δέ μιν οἶος ἐποτρύνων ἐκέλευσεν. ### book 24.176 αὐτὰρ ὁ δέξατο χειρὶ πολύτλας δῖος Ὀδυσσεύς, ### book 24.177 ῥηϊδίως δ’ ἐτάνυσσε βιόν, διὰ δ’ ἧκε σιδήρου· ### book 24.178 στῆ δ’ ἄρ’ ἐπ’ οὐδὸν ἰών, ταχέας δ’ ἐκχεύατ’ ὀϊστοὺς ### book 24.179 δεινὸν παπταίνων, βάλε δ’ Ἀντίνοον βασιλῆα. ### book 24.180 αὐτὰρ ἔπειτ’ ἄλλοις’ ἐφίει στονόεντα βέλεμνα ### book 24.181 ἄντα τιτυσκόμενος· τοὶ δ’ ἀγχιστῖνοι ἔπιπτον. ### book 24.182 γνωτὸν δ’ ἦν, ὅ ῥά τίς σφι θεῶν ἐπιτάρροθος ἦεν· ### book 24.183 αὐτίκα γὰρ κατὰ δώματ’ ἐπισπόμενοι μένεϊ σφῷ ### book 24.184 κτεῖνον ἐπιστροφάδην, τῶν δὲ στόνος ὤρνυτ’ ἀεικὴς ### book 24.185 κράτων τυπτομένων, δάπεδον δ’ ἅπαν αἵματι θῦεν. ### book 24.186 ὣς ἡμεῖς, Ἀγάμεμνον, ἀπωλόμεθ’, ὧν ἔτι καὶ νῦν ### book 24.187 σώματ’ ἀκηδέα κεῖται ἐνὶ μεγάροις’ Ὀδυσῆος· ### book 24.188 οὐ γάρ πω ἴσασι φίλοι κατὰ δώμαθ’ ἑκάστου, ### book 24.189 οἵ κ’ ἀπονίψαντες μέλανα βρότον ἐξ ὠτειλέων ### book 24.190 κατθέμενοι γοάοιεν· ὃ γὰρ γέρας ἐστὶ θανόντων.” ### book 24.191 τὸν δ’ αὖτε ψυχὴ προσεφώνεεν Ἀτρεΐδαο· ### book 24.192 “ὄλβιε Λαέρταο πάϊ, πολυμήχαν’ Ὀδυσσεῦ, ### book 24.193 ἦ ἄρα σὺν μεγάλῃ ἀρετῇ ἐκτήσω ἄκοιτιν· ### book 24.194 ὡς ἀγαθαὶ φρένες ἦσαν ἀμύμονι Πηνελοπείῃ, ### book 24.195 κούρῃ Ἰκαρίου, ὡς εὖ μέμνητ’ Ὀδυσῆος, ### book 24.196 ἀνδρὸς κουριδίου. τῶ οἱ κλέος οὔ ποτ’ ὀλεῖται ### book 24.197 ἧς ἀρετῆς, τεύξουσι δ’ ἐπιχθονίοισιν ἀοιδὴν ### book 24.198 ἀθάνατοι χαρίεσσαν ἐχέφρονι Πηνελοπείῃ, ### book 24.199 οὐχ ὡς Τυνδαρέου κούρη κακὰ μήσατο ἔργα, ### book 24.200 κουρίδιον κτείνασα πόσιν, στυγερὴ δέ τ’ ἀοιδὴ ### book 24.201 ἔσσετ’ ἐπ’ ἀνθρώπους, χαλεπὴν δέ τε φῆμιν ὀπάσσει ### book 24.202 θηλυτέρῃσι γυναιξί, καὶ ἥ κ’ εὐεργὸς ἔῃσιν.” ### book 24.203 ὣς οἱ μὲν τοιαῦτα πρὸς ἀλλήλους ἀγόρευον, ### book 24.204 ἑσταότ’ εἰν Ἀΐδαο δόμοις’, ὑπὸ κεύθεσι γαίης· ### book 24.205 οἱ δ’ ἐπεὶ ἐκ πόλιος κατέβαν, τάχα δ’ ἀγρὸν ἵκοντο ### book 24.206 καλὸν Λαέρταο τετυγμένον, ὅν ῥά ποτ’ αὐτὸς ### book 24.207 Λαέρτης κτεάτισσεν, ἐπεὶ μάλα πολλὰ μόγησεν. ### book 24.208 ἔνθα οἱ οἶκος ἔην, περὶ δὲ κλίσιον θέε πάντῃ, ### book 24.209 ἐν τῷ σιτέσκοντο καὶ ἵζανον ἠδὲ ἴαυον ### book 24.210 δμῶες ἀναγκαῖοι, τοί οἱ φίλα ἐργάζοντο. ### book 24.211 ἐν δὲ γυνὴ Σικελὴ γρηῢς πέλεν, ἥ ῥα γέροντα ### book 24.212 ἐνδυκέως κομέεσκεν ἐπ’ ἀγροῦ νόσφι πόληος. ### book 24.213 ἔνθ’ Ὀδυσεὺς δμώεσσι καὶ υἱέϊ μῦθον ἔειπεν· ### book 24.214 “ὑμεῖς μὲν νῦν ἔλθετ’ ἐϋκτίμενον δόμον εἴσω, ### book 24.215 δεῖπνον δ’ αἶψα συῶν ἱερεύσατε ὅς τις ἄριστος· ### book 24.216 αὐτὰρ ἐγὼ πατρὸς πειρήσομαι ἡμετέροιο, ### book 24.217 αἴ κέ μ’ ἐπιγνώῃ καὶ φράσσεται ὀφθαλμοῖσιν, ### book 24.218 ἦέ κεν ἀγνοιῇσι πολὺν χρόνον ἀμφὶς ἐόντα.” ### book 24.219 ὣς εἰπὼν δμώεσσιν ἀρήϊα τεύχε’ ἔδωκεν. ### book 24.220 οἱ μὲν ἔπειτα δόμονδε θοῶς κίον, αὐτὰρ Ὀδυσσεὺς ### book 24.221 ἄσσον ἴεν πολυκάρπου ἀλῳῆς πειρητίζων. ### book 24.222 οὐδ’ εὗρεν Δολίον, μέγαν ὄρχατον ἐσκαταβαίνων, ### book 24.223 οὐδέ τινα δμώων οὐδ’ υἱῶν· ἀλλ’ ἄρα τοί γε ### book 24.224 αἱμασιὰς λέξοντες ἀλῳῆς ἔμμεναι ἕρκος ### book 24.225 ᾤχοντ’, αὐτὰρ ὁ τοῖσι γέρων ὁδὸν ἡγεμόνευε. ### book 24.226 τὸν δ’ οἶον πατέρ’ εὗρεν ἐϋκτιμένῃ ἐν ἀλῳῇ, ### book 24.227 λιστρεύοντα φυτόν· ῥυπόωντα δὲ ἕστο χιτῶνα, ### book 24.228 ῥαπτὸν ἀεικέλιον, περὶ δὲ κνήμῃσι βοείας ### book 24.229 κνημῖδας ῥαπτὰς δέδετο, γραπτῦς ἀλεείνων, ### book 24.230 χειρῖδάς τ’ ἐπὶ χερσὶ βάτων ἕνεκ’· αὐτὰρ ὕπερθεν ### book 24.231 αἰγείην κυνέην κεφαλῇ ἔχε, πένθος ἀέξων. ### book 24.232 τὸν δ’ ὡς οὖν ἐνόησε πολύτλας δῖος Ὀδυσσεὺς ### book 24.233 γήραϊ τειρόμενον, μέγα δὲ φρεσὶ πένθος ἔχοντα, ### book 24.234 στὰς ἄρ’ ὑπὸ βλωθρὴν ὄγχνην κατὰ δάκρυον εἶβε. ### book 24.235 μερμήριξε δ’ ἔπειτα κατὰ φρένα καὶ κατὰ θυμὸν ### book 24.236 κύσσαι καὶ περιφῦναι ἑὸν πατέρ’ ἠδὲ ἕκαστα ### book 24.237 εἰπεῖν, ὡς ἔλθοι καὶ ἵκοιτ’ ἐς πατρίδα γαῖαν, ### book 24.238 ἦ πρῶτ’ ἐξερέοιτο ἕκαστά τε πειρήσαιτο. ### book 24.239 ὧδε δέ οἱ φρονέοντι δοάσσατο κέρδιον εἶναι, ### book 24.240 πρῶτον κερτομίοις’ ἔπεσιν διαπειρηθῆναι. ### book 24.241 τὰ φρονέων ἰθὺς κίεν αὐτοῦ δῖος Ὀδυσσεύς. ### book 24.242 ἦ τοι ὁ μὲν κατέχων κεφαλὴν φυτὸν ἀμφελάχαινε· ### book 24.243 τὸν δὲ παριστάμενος προσεφώνεε φαίδιμος υἱός· ### book 24.244 “ὦ γέρον, οὐκ ἀδαημονίη ς’ ἔχει ἀμφιπολεύειν ### book 24.245 ὄρχατον, ἀλλ’ εὖ τοι κομιδὴ ἔχει, οὐδέ τι πάμπαν, ### book 24.246 οὐ φυτόν, οὐ συκῆ, οὐκ ἄμπελος, οὐ μὲν ἐλαίη, ### book 24.247 οὐκ ὄγχνη, οὐ πρασιή τοι ἄνευ κομιδῆς κατὰ κῆπον. ### book 24.248 ἄλλο δέ τοι ἐρέω, σὺ δὲ μὴ χόλον ἔνθεο θυμῷ· ### book 24.249 αὐτόν ς’ οὐκ ἀγαθὴ κομιδὴ ἔχει, ἀλλ’ ἅμα γῆρας ### book 24.250 λυγρὸν ἔχεις αὐχμεῖς τε κακῶς καὶ ἀεικέα ἕσσαι. ### book 24.251 οὐ μὲν ἀεργίης γε ἄναξ ἕνεκ’ οὔ σε κομίζει, ### book 24.252 οὐδέ τί τοι δούλειον ἐπιπρέπει εἰσοράασθαι ### book 24.253 εἶδος καὶ μέγεθος· βασιλῆι γὰρ ἀνδρὶ ἔοικας. ### book 24.254 τοιούτῳ δὲ ἔοικεν, ἐπεὶ λούσαιτο φάγοι τε, ### book 24.255 εὑδέμεναι μαλακῶς· ἡ γὰρ δίκη ἐστὶ γερόντων. ### book 24.256 ἀλλ’ ἄγε μοι τόδε εἰπὲ καὶ ἀτρεκέως κατάλεξον· ### book 24.257 τεῦ δμώς εἰς ἀνδρῶν; τεῦ δ’ ὄρχατον ἀμφιπολεύεις; ### book 24.258 καί μοι τοῦτ’ ἀγόρευσον ἐτήτυμον, ὄφρ’ ἐῢ εἰδῶ, ### book 24.259 εἰ ἐτεόν γ’ Ἰθάκην τήνδ’ ἱκόμεθ’, ὥς μοι ἔειπεν ### book 24.260 οὗτος ἀνὴρ νῦν δὴ ξυμβλήμενος ἐνθάδ’ ἰόντι, ### book 24.261 οὔ τι μάλ’ ἀρτίφρων, ἐπεὶ οὐ τόλμησεν ἕκαστα ### book 24.262 εἰπεῖν ἠδ’ ἐπακοῦσαι ἐμὸν ἔπος, ὡς ἐρέεινον ### book 24.263 ἀμφὶ ξείνῳ ἐμῷ, ἤ που ζώει τε καὶ ἔστιν, ### book 24.264 ἦ ἤδη τέθνηκε καὶ εἰν Ἀΐδαο δόμοισιν. ### book 24.265 ἐκ γάρ τοι ἐρέω, σὺ δὲ σύνθεο καί μευ ἄκουσον· ### book 24.266 ἄνδρα ποτ’ ἐξείνισσα φίλῃ ἐν πατρίδι γαίῃ ### book 24.267 ἡμέτερόνδ’ ἐλθόντα, καὶ οὔ πώ τις βροτὸς ἄλλος ### book 24.268 ξείνων τηλεδαπῶν φιλίων ἐμὸν ἵκετο δῶμα· ### book 24.269 εὔχετο δ’ ἐξ Ἰθάκης γένος ἔμμεναι, αὐτὰρ ἔφασκε ### book 24.270 Λαέρτην Ἀρκεισιάδην πατέρ’ ἔμμεναι αὐτῷ. ### book 24.271 τὸν μὲν ἐγὼ πρὸς δώματ’ ἄγων ἐῢ ἐξείνισσα, ### book 24.272 ἐνδυκέως φιλέων, πολλῶν κατὰ οἶκον ἐόντων, ### book 24.273 καί οἱ δῶρα πόρον ξεινήϊα, οἷα ἐῴκει. ### book 24.274 χρυσοῦ μέν οἱ δῶκ’ εὐεργέος ἑπτὰ τάλαντα, ### book 24.275 δῶκα δέ οἱ κρητῆρα πανάργυρον ἀνθεμόεντα, ### book 24.276 δώδεκα δ’ ἁπλοΐδας χλαίνας, τόσσους δὲ τάπητας, ### book 24.277 τόσσα δὲ φάρεα καλά, τόσους δ’ ἐπὶ τοῖσι χιτῶνας, ### book 24.278 χωρὶς δ’ αὖτε γυναῖκας ἀμύμονα ἔργα ἰδυίας ### book 24.279 τέσσαρας εἰδαλίμας, ἃς ἤθελεν αὐτὸς ἑλέσθαι.” ### book 24.280 τὸν δ’ ἠμείβετ’ ἔπειτα πατὴρ κατὰ δάκρυον εἴβων· ### book 24.281 “ξεῖν’, ἦ τοι μὲν γαῖαν ἱκάνεις, ἣν ἐρεείνεις, ### book 24.282 ὑβρισταὶ δ’ αὐτὴν καὶ ἀτάσθαλοι ἄνδρες ἔχουσι. ### book 24.283 δῶρα δ’ ἐτώσια ταῦτα χαρίζεο, μυρί’ ὀπάζων· ### book 24.284 εἰ γάρ μιν ζωόν γε κίχεις Ἰθάκης ἐνὶ δήμῳ, ### book 24.285 τῶ κέν ς’ εὖ δώροισιν ἀμειψάμενος ἀπέπεμψε ### book 24.286 καὶ ξενίῃ ἀγαθῇ· ἡ γὰρ θέμις, ὅς τις ὑπάρξῃ. ### book 24.287 ἀλλ’ ἄγε μοι τόδε εἰπὲ καὶ ἀτρεκέως κατάλεξον· ### book 24.288 πόστον δὴ ἔτος ἐστίν, ὅτε ξείνισσας ἐκεῖνον, ### book 24.289 σὸν ξεῖνον δύστηνον, ἐμὸν παῖδ’, εἴ ποτ’ ἔην γε; ### book 24.290 δύσμορον· ὅν που τῆλε φίλων καὶ πατρίδος αἴης ### book 24.291 ἠέ που ἐν πόντῳ φάγον ἰχθύες, ἢ ἐπὶ χέρσου ### book 24.292 θηρσὶ καὶ οἰωνοῖσιν ἕλωρ γένετ’· οὐδέ ἑ μήτηρ ### book 24.293 κλαῦσε περιστείλασα πατήρ θ’, οἵ μιν τεκόμεσθα· ### book 24.294 οὐδ’ ἄλοχος πολύδωρος, ἐχέφρων Πηνελόπεια, ### book 24.295 κώκυς’ ἐν λεχέεσσιν ἑὸν πόσιν, ὡς ἐπεῴκει, ### book 24.296 ὀφθαλμοὺς καθελοῦσα· τὸ γὰρ γέρας ἐστὶ θανόντων. ### book 24.297 καί μοι τοῦτ’ ἀγόρευσον ἐτήτυμον, ὄφρ’ ἐῢ εἰδῶ· ### book 24.298 τίς πόθεν εἰς ἀνδρῶν; πόθι τοι πόλις ἠδὲ τοκῆες; ### book 24.299 ποῦ δαὶ νηῦς ἕστηκε θοή, ἥ ς’ ἤγαγε δεῦρο ### book 24.300 ἀντιθέους θ’ ἑτάρους; ἦ ἔμπορος εἰλήλουθας ### book 24.301 νηὸς ἐπ’ ἀλλοτρίης, οἱ δ’ ἐκβήσαντες ἔβησαν;” ### book 24.302 τὸν δ’ ἀπαμειβόμενος προσέφη πολύμητις Ὀδυσσεύς· ### book 24.303 “τοιγὰρ ἐγώ τοι πάντα μάλ’ ἀτρεκέως καταλέξω. ### book 24.304 εἰμὶ μὲν ἐξ Ἀλύβαντος, ὅθι κλυτὰ δώματα ναίω, ### book 24.305 υἱὸς Ἀφείδαντος Πολυπημονίδαο ἄνακτος· ### book 24.306 αὐτὰρ ἐμοί γ’ ὄνομ’ ἐστὶν Ἐπήριτος· ἀλλά με δαίμων ### book 24.307 πλάγξ’ ἀπὸ Σικανίης δεῦρ’ ἐλθέμεν οὐκ ἐθέλοντα· ### book 24.308 νηῦς δέ μοι ἥδ’ ἕστηκεν ἐπ’ ἀγροῦ νόσφι πόληος. ### book 24.309 αὐτὰρ Ὀδυσσῆϊ τόδε δὴ πέμπτον ἔτος ἐστίν, ### book 24.310 ἐξ οὗ κεῖθεν ἔβη καὶ ἐμῆς ἀπελήλυθε πάτρης, ### book 24.311 δύσμορος· ἦ τέ οἱ ἐσθλοὶ ἔσαν ὄρνιθες ἰόντι, ### book 24.312 δεξιοί, οἷς χαίρων μὲν ἐγὼν ἀπέπεμπον ἐκεῖνον, ### book 24.313 χαῖρε δὲ κεῖνος ἰών· θυμὸς δ’ ἔτι νῶϊν ἐώλπει ### book 24.314 μείξεσθαι ξενίῃ ἠδ’ ἀγλαὰ δῶρα διδώσειν.” ### book 24.315 ὣς φάτο, τὸν δ’ ἄχεος νεφέλη ἐκάλυψε μέλαινα· ### book 24.316 ἀμφοτέρῃσι δὲ χερσὶν ἑλὼν κόνιν αἰθαλόεσσαν ### book 24.317 χεύατο κὰκ κεφαλῆς πολιῆς, ἁδινὰ στεναχίζων. ### book 24.318 τοῦ δ’ ὠρίνετο θυμός, ἀνὰ ῥῖνας δέ οἱ ἤδη ### book 24.319 δριμὺ μένος προὔτυψε φίλον πατέρ’ εἰσορόωντι. ### book 24.320 κύσσε δέ μιν περιφὺς ἐπιάλμενος ἠδὲ προσηύδα· ### book 24.321 “κεῖνος μὲν δὴ ὅδ’ αὐτὸς ἐγώ, πάτερ, ὃν σὺ μεταλλᾷς, ### book 24.322 ἤλυθον εἰκοστῷ ἔτεϊ ἐς πατρίδα γαῖαν. ### book 24.323 ἀλλ’ ἴσχευ κλαυθμοῖο γόοιό τε δακρυόεντος. ### book 24.324 ἐκ γάρ τοι ἐρέω· —μάλα δὲ χρὴ σπευδέμεν ἔμπης· — ### book 24.325 μνηστῆρας κατέπεφνον ἐν ἡμετέροισι δόμοισι ### book 24.326 λώβην τεινύμενος θυμαλγέα καὶ κακὰ ἔργα.” ### book 24.327 τὸν δ’ αὖ Λαέρτης ἀπαμείβετο φώνησέν τε· ### book 24.328 “εἰ μὲν δὴ Ὀδυσεύς γε, ἐμὸς πάϊς, εἰλήλουθας, ### book 24.329 σῆμά τί μοι νῦν εἰπὲ ἀριφραδές, ὄφρα πεποίθω.” ### book 24.330 τὸν δ’ ἀπαμειβόμενος προσέφη πολύμητις Ὀδυσσεύς· ### book 24.331 “οὐλὴν μὲν πρῶτον τήνδε φράσαι ὀφθαλμοῖσι, ### book 24.332 τὴν ἐν Παρνησῷ μ’ ἔλασεν σῦς λευκῷ ὀδόντι ### book 24.333 οἰχόμενον· σὺ δέ με προΐεις καὶ πότνια μήτηρ ### book 24.334 ἐς πατέρ’ Αὐτόλυκον μητρὸς φίλον, ὄφρ’ ἂν ἑλοίμην ### book 24.335 δῶρα, τὰ δεῦρο μολών μοι ὑπέσχετο καὶ κατένευσεν. ### book 24.336 εἰ δ’ ἄγε τοι καὶ δένδρε’ ἐϋκτιμένην κατ’ ἀλῳὴν ### book 24.337 εἴπω, ἅ μοί ποτ’ ἔδωκας, ἐγὼ δ’ ᾔτευν σε ἕκαστα ### book 24.338 παιδνὸς ἐών, κατὰ κῆπον ἐπισπόμενος· διὰ δ’ αὐτῶν ### book 24.339 ἱκνεύμεσθα, σὺ δ’ ὠνόμασας καὶ ἔειπες ἕκαστα. ### book 24.340 ὄγχνας μοι δῶκας τρεισκαίδεκα καὶ δέκα μηλέας, ### book 24.341 συκέας τεσσαράκοντ’· ὄρχους δέ μοι ὧδ’ ὀνόμηνας ### book 24.342 δώσειν πεντήκοντα, διατρύγιος δὲ ἕκαστος ### book 24.343 ἤην; ἔνθα δ’ ἀνὰ σταφυλαὶ παντοῖαι ἔασιν, ### book 24.344 ὁππότε δὴ Διὸς ὧραι ἐπιβρίσειαν ὕπερθεν.” ### book 24.345 ὣς φάτο, τοῦ δ’ αὐτοῦ λύτο γούνατα καὶ φίλον ἦτορ, ### book 24.346 σήματ’ ἀναγνόντος, τά οἱ ἔμπεδα πέφραδ’ Ὀδυσσεύς· ### book 24.347 ἀμφὶ δὲ παιδὶ φίλῳ βάλε πήχεε· τὸν δὲ ποτὶ οἷ ### book 24.348 εἷλεν ἀποψύχοντα πολύτλας δῖος Ὀδυσσεύς. ### book 24.349 αὐτὰρ ἐπεί ῥ’ ἄμπνυτο καὶ ἐς φρένα θυμὸς ἀγέρθη, ### book 24.350 ἐξαῦτις μύθοισιν ἀμειβόμενος προσέειπε· ### book 24.351 “Ζεῦ πάτερ, ἦ ῥ’ ἔτι ἐστὲ θεοὶ κατὰ μακρὸν Ὄλυμπον, ### book 24.352 εἰ ἐτεὸν μνηστῆρες ἀτάσθαλον ὕβριν ἔτεισαν. ### book 24.353 νῦν δ’ αἰνῶς δείδοικα κατὰ φρένα, μὴ τάχα πάντες ### book 24.354 ἐνθάδ’ ἐπέλθωσιν Ἰθακήσιοι, ἀγγελίας δὲ ### book 24.355 πάντῃ ἐποτρύνωσι Κεφαλλήνων πολίεσσι.” ### book 24.356 τὸν δ’ ἀπαμειβόμενος προσέφη πολύμητις Ὀδυσσεύς· ### book 24.357 “θάρσει· μή τοι ταῦτα μετὰ φρεσὶ σῇσι μελόντων. ### book 24.358 ἀλλ’ ἴομεν προτὶ οἶκον, ὃς ὀρχάτου ἐγγύθι κεῖται· ### book 24.359 ἔνθα δὲ Τηλέμαχον καὶ βουκόλον ἠδὲ συβώτην ### book 24.360 προὔπεμψ’, ὡς ἂν δεῖπνον ἐφοπλίσσωσι τάχιστα.” ### book 24.361 ὣς ἄρα φωνήσαντε βάτην πρὸς δώματα καλά. ### book 24.362 οἱ δ’ ὅτε δή ῥ’ ἵκοντο δόμους ἐῢ ναιετάοντας, ### book 24.363 εὗρον Τηλέμαχον καὶ βουκόλον ἠδὲ συβώτην ### book 24.364 ταμνομένους κρέα πολλὰ κερῶντάς τ’ αἴθοπα οἶνον. ### book 24.365 τόφρα δὲ Λαέρτην μεγαλήτορα ᾧ ἐνὶ οἴκῳ ### book 24.366 ἀμφίπολος Σικελὴ λοῦσεν καὶ χρῖσεν ἐλαίῳ, ### book 24.367 ἀμφὶ δ’ ἄρα χλαῖναν καλὴν βάλεν· αὐτὰρ Ἀθήνη ### book 24.368 ἄγχι παρισταμένη μέλε’ ἤλδανε ποιμένι λαῶν, ### book 24.369 μείζονα δ’ ἠὲ πάρος καὶ πάσσονα θῆκεν ἰδέσθαι. ### book 24.370 ἐκ δ’ ἀσαμίνθου βῆ· θαύμαζε δέ μιν φίλος υἱός, ### book 24.371 ὡς ἴδεν ἀθανάτοισι θεοῖς’ ἐναλίγκιον ἄντην, ### book 24.372 καί μιν φωνήσας ἔπεα πτερόεντα προσηύδα· ### book 24.373 “ὦ πάτερ, ἦ μάλα τίς σε θεῶν αἰειγενετάων ### book 24.374 εἶδός τε μέγεθός τε ἀμείνονα θῆκεν ἰδέσθαι.” ### book 24.375 τὸν δ’ αὖ Λαέρτης πεπνυμένος ἀντίον ηὔδα· ### book 24.376 “αἲ γάρ, Ζεῦ τε πάτερ καὶ Ἀθηναίη καὶ Ἄπολλον, ### book 24.377 οἷος Νήρικον εἷλον, ἐϋκτίμενον πτολίεθρον, ### book 24.378 ἀκτὴν ἠπείροιο, Κεφαλλήνεσσιν ἀνάσσων, ### book 24.379 τοῖος ἐών τοι χθιζὸς ἐν ἡμετέροισι δόμοισι ### book 24.380 τεύχε’ ἔχων ὤμοισιν ἐφεστάμεναι καὶ ἀμύνειν ### book 24.381 ἄνδρας μνηστῆρας· τῶ κέ σφεων γούνατ’ ἔλυσα ### book 24.382 πολλῶν ἐν μεγάροισι, σὺ δὲ φρένας ἔνδον ἐγήθεις.” ### book 24.383 ὣς οἱ μὲν τοιαῦτα πρὸς ἀλλήλους ἀγόρευον. ### book 24.384 οἱ δ’ ἐπεὶ οὖν παύσαντο πόνου τετύκοντό τε δαῖτα, ### book 24.385 ἑξείης ἕζοντο κατὰ κλισμούς τε θρόνους τε. ### book 24.386 ἔνθ’ οἱ μὲν δείπνῳ ἐπεχείρεον· ἀγχίμολον δὲ ### book 24.387 ἦλθ’ ὁ γέρων Δολίος, σὺν δ’ υἱεῖς τοῖο γέροντος, ### book 24.388 ἐξ ἔργων μογέοντες, ἐπεὶ προμολοῦσα κάλεσσε ### book 24.389 μήτηρ, γρηῦς Σικελή, ἥ σφεας τρέφε καί ῥα γέροντα ### book 24.390 ἐνδυκέως κομέεσκεν, ἐπεὶ κατὰ γῆρας ἔμαρψεν. ### book 24.391 οἱ δ’ ὡς οὖν Ὀδυσῆα ἴδον φράσσαντό τε θυμῷ, ### book 24.392 ἔσταν ἐνὶ μεγάροισι τεθηπότες· αὐτὰρ Ὀδυσσεὺς ### book 24.393 μειλιχίοις’ ἐπέεσσι καθαπτόμενος προσέειπεν· ### book 24.394 “ὦ γέρον, ἵζ’ ἐπὶ δεῖπνον, ἀπεκλελάθεσθε δὲ θάμβευς· ### book 24.395 δηρὸν γὰρ σίτῳ ἐπιχειρήσειν μεμαῶτες ### book 24.396 μίμνομεν ἐν μεγάροις’, ὑμέας ποτιδέγμενοι αἰεί.” ### book 24.397 ὣς ἄρ’ ἔφη, Δολίος δ’ ἰθὺς κίε χεῖρε πετάσσας ### book 24.398 ἀμφοτέρας, Ὀδυσεῦς δὲ λαβὼν κύσε χεῖρ’ ἐπὶ καρπῷ ### book 24.399 καί μιν φωνήσας ἔπεα πτερόεντα προσηύδα· ### book 24.400 “ὦ φίλ’, ἐπεὶ νόστησας ἐελδομένοισι μάλ’ ἡμῖν ### book 24.401 οὐδ’ ἔτ’ ὀϊομένοισι, θεοὶ δέ σε ἤγαγον αὐτοί, ### book 24.402 οὖλέ τε καὶ μέγα χαῖρε, θεοὶ δέ τοι ὄλβια δοῖεν. ### book 24.403 καί μοι τοῦτ’ ἀγόρευσον ἐτήτυμον, ὄφρ’ ἐῢ εἰδῶ, ### book 24.404 ἢ ἤδη σάφα οἶδε περίφρων Πηνελόπεια ### book 24.405 νοστήσαντά σε δεῦρ’, ἦ ἄγγελον ὀτρύνωμεν.” ### book 24.406 τὸν δ’ ἀπαμειβόμενος προσέφη πολύμητις Ὀδυσσεύς· ### book 24.407 “ὦ γέρον, ἤδη οἶδε· τί σε χρὴ ταῦτα πένεσθαι;” ### book 24.408 ὣς φάθ’, ὁ δ’ αὖτις ἄρ’ ἕζετ’ ἐϋξέστου ἐπὶ δίφρου. ### book 24.409 ὣς δ’ αὔτως παῖδες Δολίου κλυτὸν ἀμφ’ Ὀδυσῆα ### book 24.410 δεικανόωντ’ ἐπέεσσι καὶ ἐν χείρεσσι φύοντο, ### book 24.411 ἑξείης δ’ ἕζοντο παραὶ Δολίον, πατέρα σφόν. ### book 24.412 ὣς οἱ μὲν περὶ δεῖπνον ἐνὶ μεγάροισι πένοντο· ### book 24.413 ὄσσα δ’ ἄρ’ ἄγγελος ὦκα κατὰ πτόλιν ᾤχετο πάντῃ ### book 24.414 μνηστήρων στυγερὸν θάνατον καὶ κῆρ’ ἐνέπουσα. ### book 24.415 οἱ δ’ ἄρ’ ὁμῶς ἀΐοντες ἐφοίτων ἄλλοθεν ἄλλος ### book 24.416 μυχμῷ τε στοναχῇ τε δόμων προπάροιθ’ Ὀδυσῆος, ### book 24.417 ἐκ δὲ νέκυς οἴκων φόρεον καὶ θάπτον ἕκαστοι, ### book 24.418 τοὺς δ’ ἐξ ἀλλάων πολίων οἶκόνδε ἕκαστον ### book 24.419 πέμπον ἄγειν ἁλιεῦσι θοῇς’ ἐπὶ νηυσὶ τιθέντες· ### book 24.420 αὐτοὶ δ’ εἰς ἀγορὴν κίον ἁθρόοι, ἀχνύμενοι κῆρ. ### book 24.421 αὐτὰρ ἐπεί ῥ’ ἤγερθεν ὁμηγερέες τ’ ἐγένοντο, ### book 24.422 τοῖσιν δ’ Εὐπείθης ἀνά θ’ ἵστατο καὶ μετέειπε· ### book 24.423 παιδὸς γάρ οἱ ἄλαστον ἐνὶ φρεσὶ πένθος ἔκειτο, ### book 24.424 Ἀντινόου, τὸν πρῶτον ἐνήρατο δῖος Ὀδυσσεύς· ### book 24.425 τοῦ ὅ γε δάκρυ χέων ἀγορήσατο καὶ μετέειπεν· ### book 24.426 “ὦ φίλοι, ἦ μέγα ἔργον ἀνὴρ ὅδε μήσατ’ Ἀχαιούς· ### book 24.427 τοὺς μὲν σὺν νήεσσιν ἄγων πολέας τε καὶ ἐσθλοὺς ### book 24.428 ὤλεσε μὲν νῆας γλαφυράς, ἀπὸ δ’ ὤλεσε λαούς, ### book 24.429 τοὺς δ’ ἐλθὼν ἔκτεινε Κεφαλλήνων ὄχ’ ἀρίστους. ### book 24.430 ἀλλ’ ἄγετε, πρὶν τοῦτον ἢ ἐς Πύλον ὦκα ἱκέσθαι ### book 24.431 ἢ καὶ ἐς Ἤλιδα δῖαν, ὅθι κρατέουσιν Ἐπειοί, ### book 24.432 ἴομεν· ἢ καὶ ἔπειτα κατηφέες ἐσσόμεθ’ αἰεί. ### book 24.433 λώβη γὰρ τάδε γ’ ἐστὶ καὶ ἐσσομένοισι πυθέσθαι, ### book 24.434 εἰ δὴ μὴ παίδων τε κασιγνήτων τε φονῆας ### book 24.435 τεισόμεθ’· οὐκ ἂν ἐμοί γε μετὰ φρεσὶν ἡδὺ γένοιτο ### book 24.436 ζωέμεν, ἀλλὰ τάχιστα θανὼν φθιμένοισι μετείην. ### book 24.437 ἀλλ’ ἴομεν, μὴ φθέωσι περαιωθέντες ἐκεῖνοι.” ### book 24.438 ὣς φάτο δάκρυ χέων, οἶκτος δ’ ἕλε πάντας Ἀχαιούς. ### book 24.439 ἀγχίμολον δέ σφ’ ἦλθε Μέδων καὶ θεῖος ἀοιδὸς ### book 24.440 ἐκ μεγάρων Ὀδυσῆος, ἐπεί σφεας ὕπνος ἀνῆκεν, ### book 24.441 ἔσταν δ’ ἐν μέσσοισι· τάφος δ’ ἕλεν ἄνδρα ἕκαστον. ### book 24.442 τοῖσι δὲ καὶ μετέειπε Μέδων πεπνυμένα εἰδώς· ### book 24.443 “κέκλυτε δὴ νῦν μευ, Ἰθακήσιοι· οὐ γὰρ Ὀδυσσεὺς ### book 24.444 ἀθανάτων ἀέκητι θεῶν τάδε μήσατο ἔργα· ### book 24.445 αὐτὸς ἐγὼν εἶδον θεὸν ἄμβροτον, ὅς ῥ’ Ὀδυσῆϊ ### book 24.446 ἐγγύθεν ἑστήκει καὶ Μέντορι πάντα ἐῴκει. ### book 24.447 ἀθάνατος δὲ θεὸς τοτὲ μὲν προπάροιθ’ Ὀδυσῆος ### book 24.448 φαίνετο θαρσύνων, τοτὲ δὲ μνηστῆρας ὀρίνων ### book 24.449 θῦνε κατὰ μέγαρον· τοὶ δ’ ἀγχιστῖνοι ἔπιπτον.” ### book 24.450 ὣς φάτο, τοὺς δ’ ἄρα πάντας ὑπὸ χλωρὸν δέος ᾕρει. ### book 24.451 τοῖσι δὲ καὶ μετέειπε γέρων ἥρως Ἁλιθέρσης ### book 24.452 Μαστορίδης· ὁ γὰρ οἶος ὅρα πρόσσω καὶ ὀπίσσω· ### book 24.453 ὅ σφιν ἐῢ φρονέων ἀγορήσατο καὶ μετέειπε· ### book 24.454 “κέκλυτε δὴ νῦν μευ, Ἰθακήσιοι, ὅττι κεν εἴπω. ### book 24.455 ὑμετέρῃ κακότητι, φίλοι, τάδε ἔργα γένοντο· ### book 24.456 οὐ γὰρ ἐμοὶ πείθεσθ’, οὐ Μέντορι ποιμένι λαῶν, ### book 24.457 ὑμετέρους παῖδας καταπαυέμεν ἀφροσυνάων, ### book 24.458 οἳ μέγα ἔργον ἔρεζον ἀτασθαλίῃσι κακῇσι, ### book 24.459 κτήματα κείροντες καὶ ἀτιμάζοντες ἄκοιτιν ### book 24.460 ἀνδρὸς ἀριστῆος· τὸν δ’ οὐκέτι φάντο νέεσθαι. ### book 24.461 καὶ νῦν ὧδε γένοιτο, πίθεσθέ μοι, ὡς ἀγορεύω· ### book 24.462 μὴ ἴομεν, μή πού τις ἐπίσπαστον κακὸν εὕρῃ.” ### book 24.463 ὣς ἔφαθ’, οἱ δ’ ἄρ’ ἀνήϊξαν μεγάλῳ ἀλαλητῷ ### book 24.464 ἡμίσεων πλείους· —τοὶ δ’ ἁθρόοι αὐτόθι μεῖναν· — ### book 24.465 οὐ γάρ σφιν ἅδε μῦθος ἐνὶ φρεσίν, ἀλλ’ Εὐπείθει ### book 24.466 πείθοντ’· αἶψα δ’ ἔπειτ’ ἐπὶ τεύχεα ἐσσεύοντο. ### book 24.467 αὐτὰρ ἐπεί ῥ’ ἕσσαντο περὶ χροῒ νώροπα χαλκόν, ### book 24.468 ἁθρόοι ἠγερέθοντο πρὸ ἄστεος εὐρυχόροιο. ### book 24.469 τοῖσιν δ’ Εὐπείθης ἡγήσατο νηπιέῃσι· ### book 24.470 φῆ δ’ ὅ γε τείσεσθαι παιδὸς φόνον, οὐδ’ ἄρ’ ἔμελλεν ### book 24.471 ἂψ ἀπονοστήσειν, ἀλλ’ αὐτοῦ πότμον ἐφέψειν. ### book 24.472 αὐτὰρ Ἀθηναίη Ζῆνα Κρονίωνα προσηύδα· ### book 24.473 “ὦ πάτερ ἡμέτερε Κρονίδη, ὕπατε κρειόντων, ### book 24.474 εἰπέ μοι εἰρομένῃ· τί νύ τοι νόος ἔνδοθι κεύθει; ### book 24.475 ἢ προτέρω πόλεμόν τε κακὸν καὶ φύλοπιν αἰνὴν ### book 24.476 τεύξεις, ἦ φιλότητα μετ’ ἀμφοτέροισι τίθησθα;” ### book 24.477 τὴν δ’ ἀπαμειβόμενος προσέφη νεφεληγερέτα Ζεύς· ### book 24.478 “τέκνον ἐμόν, τί με ταῦτα διείρεαι ἠδὲ μεταλλᾷς; ### book 24.479 οὐ γὰρ δὴ τοῦτον μὲν ἐβούλευσας νόον αὐτή, ### book 24.480 ὡς ἦ τοι κείνους Ὀδυσεὺς ἀποτείσεται ἐλθών; ### book 24.481 ἕρξον ὅπως ἐθέλεις· ἐρέω δέ τοι ὡς ἐπέοικεν. ### book 24.482 ἐπεὶ δὴ μνηστῆρας ἐτείσατο δῖος Ὀδυσσεύς, ### book 24.483 ὅρκια πιστὰ ταμόντες ὁ μὲν βασιλευέτω αἰεί, ### book 24.484 ἡμεῖς δ’ αὖ παίδων τε κασιγνήτων τε φόνοιο ### book 24.485 ἔκλησιν θέωμεν· τοὶ δ’ ἀλλήλους φιλεόντων ### book 24.486 ὡς τὸ πάρος, πλοῦτος δὲ καὶ εἰρήνη ἅλις ἔστω.” ### book 24.487 ὣς εἰπὼν ὤτρυνε πάρος μεμαυῖαν Ἀθήνην, ### book 24.488 βῆ δὲ κατ’ Οὐλύμποιο καρήνων ἀΐξασα. ### book 24.489 οἱ δ’ ἐπεὶ οὖν σίτοιο μελίφρονος ἐξ ἔρον ἕντο, ### book 24.490 τοῖς’ ἄρα μύθων ἦρχε πολύτλας δῖος Ὀδυσσεύς· ### book 24.491 “ἐξελθών τις ἴδοι, μὴ δὴ σχεδὸν ὦσι κιόντες.” ### book 24.492 ὣς ἔφατ’· ἐκ δ’ υἱὸς Δολίου κίεν, ὡς ἐκέλευε, ### book 24.493 στῆ δ’ ἄρ’ ἐπ’ οὐδὸν ἰών, τοὺς δὲ σχεδὸν εἴσιδε πάντας. ### book 24.494 αἶψα δ’ Ὀδυσσῆα ἔπεα πτερόεντα προσηύδα· ### book 24.495 “οἵδε δὴ ἐγγὺς ἔας’· ἀλλ’ ὁπλιζώμεθα θᾶσσον.” ### book 24.496 ὣς ἔφαθ’, οἱ δ’ ὤρνυντο καὶ ἐν τεύχεσσιν ἔδυνον, ### book 24.497 τέσσαρες ἀμφ’ Ὀδυσῆ’, ἓξ δ’ υἱεῖς οἱ Δολίοιο· ### book 24.498 ἐν δ’ ἄρα Λαέρτης Δολίος τ’ ἐς τεύχε’ ἔδυνον, ### book 24.499 καὶ πολιοί περ ἐόντες, ἀναγκαῖοι πολεμισταί. ### book 24.500 αὐτὰρ ἐπεί ῥ’ ἕσσαντο περὶ χροῒ νώροπα χαλκόν, ### book 24.501 ὤϊξάν ῥα θύρας, ἐκ δ’ ἤϊον, ἦρχε δ’ Ὀδυσσεύς. ### book 24.502 τοῖσι δ’ ἐπ’ ἀγχίμολον θυγάτηρ Διὸς ἦλθεν Ἀθήνη, ### book 24.503 Μέντορι εἰδομένη ἠμὲν δέμας ἠδὲ καὶ αὐδήν. ### book 24.504 τὴν μὲν ἰδὼν γήθησε πολύτλας δῖος Ὀδυσσεύς, ### book 24.505 αἶψα δὲ Τηλέμαχον προσεφώνεεν ὃν φίλον υἱόν· ### book 24.506 “Τηλέμαχ’, ἤδη μὲν τό γε εἴσεαι αὐτὸς ἐπελθών, ### book 24.507 ἀνδρῶν μαρναμένων ἵνα τε κρίνονται ἄριστοι, ### book 24.508 μή τι καταισχύνειν πατέρων γένος, οἳ τὸ πάρος περ ### book 24.509 ἀλκῇ τ’ ἠνορέῃ τε κεκάσμεθα πᾶσαν ἐπ’ αἶαν.” ### book 24.510 τὸν δ’ αὖ Τηλέμαχος πεπνυμένος ἀντίον ηὔδα· ### book 24.511 “ὄψεαι, αἴ κ’ ἐθέλῃσθα, πάτερ φίλε, τῷδ’ ἐπὶ θυμῷ ### book 24.512 οὔ τι καταισχύνοντα τεὸν γένος, ὡς ἀγορεύεις.” ### book 24.513 ὣς φάτο, Λαέρτης δ’ ἐχάρη καὶ μῦθον ἔειπε· ### book 24.514 “τίς νύ μοι ἡμέρη ἥδε, θεοὶ φίλοι; ἦ μάλα χαίρω· ### book 24.515 υἱός θ’ υἱωνός τ’ ἀρετῆς πέρι δῆριν ἔχουσι.” ### book 24.516 τὸν δὲ παρισταμένη προσέφη γλαυκῶπις Ἀθήνη· ### book 24.517 “ὦ Ἀρκεισιάδη, πάντων πολὺ φίλταθ’ ἑταίρων, ### book 24.518 εὐξάμενος κούρῃ γλαυκώπιδι καὶ Διὶ πατρί, ### book 24.519 αἶψα μάλ’ ἀμπεπαλὼν προΐει δολιχόσκιον ἔγχος.” ### book 24.520 ὣς φάτο, καί ῥ’ ἔμπνευσε μένος μέγα Παλλὰς Ἀθήνη. ### book 24.521 εὐξάμενος δ’ ἄρ’ ἔπειτα Διὸς κούρῃ μεγάλοιο, ### book 24.522 αἶψα μάλ’ ἀμπεπαλὼν προΐει δολιχόσκιον ἔγχος ### book 24.523 καὶ βάλεν Εὐπείθεα κόρυθος διὰ χαλκοπαρῄου. ### book 24.524 ἡ δ’ οὐκ ἔγχος ἔρυτο, διαπρὸ δὲ εἴσατο χαλκός· ### book 24.525 δούπησεν δὲ πεσών, ἀράβησε δὲ τεύχε’ ἐπ’ αὐτῷ. ### book 24.526 ἐν δ’ ἔπεσον προμάχοις’ Ὀδυσεὺς καὶ φαίδιμος υἱός, ### book 24.527 τύπτον δὲ ξίφεσίν τε καὶ ἔγχεσιν ἀμφιγύοισι. ### book 24.528 καί νύ κε δὴ πάντας ὄλεσαν καὶ θῆκαν ἀνόστους, ### book 24.529 εἰ μὴ Ἀθηναίη, κούρη Διὸς αἰγιόχοιο, ### book 24.530 ἤϋσεν φωνῇ, κατὰ δ’ ἔσχεθε λαὸν ἅπαντα· ### book 24.531 “ἴσχεσθε πτολέμου, Ἰθακήσιοι, ἀργαλέοιο, ### book 24.532 ὥς κεν ἀναιμωτί γε διακρινθῆτε τάχιστα.” ### book 24.533 ὣς φάτ’ Ἀθηναίη, τοὺς δὲ χλωρὸν δέος εἷλε· ### book 24.534 τῶν δ’ ἄρα δεισάντων ἐκ χειρῶν ἔπτατο τεύχεα, ### book 24.535 πάντα δ’ ἐπὶ χθονὶ πῖπτε, θεᾶς ὄπα φωνησάσης· ### book 24.536 πρὸς δὲ πόλιν τρωπῶντο λιλαιόμενοι βιότοιο. ### book 24.537 σμερδαλέον δ’ ἐβόησε πολύτλας δῖος Ὀδυσσεύς, ### book 24.538 οἴμησεν δὲ ἀλεὶς ὥς τ’ αἰετὸς ὑψιπετήεις. ### book 24.539 καὶ τότε δὴ Κρονίδης ἀφίει ψολόεντα κεραυνόν, ### book 24.540 κὰδ δ’ ἔπεσε πρόσθε γλαυκώπιδος ὀβριμοπάτρης. ### book 24.541 δὴ τότ’ Ὀδυσσῆα προσέφη γλαυκῶπις Ἀθήνη· ### book 24.542 “διογενὲς Λαερτιάδη, πολυμήχαν’ Ὀδυσσεῦ, ### book 24.543 ἴσχεο, παῦε δὲ νεῖκος ὁμοιΐου πτολέμοιο, ### book 24.544 μή πώς τοι Κρονίδης κεχολώσεται εὐρύοπα Ζεύς.” ### book 24.545 ὣς φάτ’ Ἀθηναίη, ὁ δ’ ἐπείθετο, χαῖρε δὲ θυμῷ. ### book 24.546 ὅρκια δ’ αὖ κατόπισθε μετ’ ἀμφοτέροισιν ἔθηκε ### book 24.547 Παλλὰς Ἀθηναίη, κούρη Διὸς αἰγιόχοιο, ### book 24.548 Μέντορι εἰδομένη ἠμὲν δέμας ἠδὲ καὶ αὐδήν. ## License and provenance Eulogikon publishes public-domain Greek texts in cleaned, structured, readable form and makes no copyright claim over that preparation (Public Domain Mark 1.0, https://creativecommons.org/publicdomain/mark/1.0/). Cite as `eul_wid: abe-ab`.