--- title: Iliad title_greek: Ἰλιάς author: Homer eul_wid: abe-ac eul_aid: abe canonical: "https://eulogikon.org/works/homer-iliad-abe-ac" lang: grc period: Archaic dialect: Homeric domain: "Poetry, Mythology" genre: Epic content_hash: "sha256:5005600a5bf872ec1b32b63c085e786ffce52b50c771ce16ef1a44c5f805dde9" content_modified_at: "2026-09-24" license: "https://creativecommons.org/publicdomain/mark/1.0/" --- # Iliad *Ἰλιάς* **Author:** Homer **eul_wid:** `abe-ac` · [HTML page](https://eulogikon.org/works/homer-iliad-abe-ac) ## Text ### book 1.1 Μῆνιν ἄειδε θεὰ Πηληϊάδεω Ἀχιλῆος ### book 1.2 οὐλομένην, ἣ μυρί’ Ἀχαιοῖς ἄλγε’ ἔθηκε, ### book 1.3 πολλὰς δ’ ἰφθίμους ψυχὰς Ἄϊδι προΐαψεν ### book 1.4 ἡρώων, αὐτοὺς δὲ ἑλώρια τεῦχε κύνεσσιν ### book 1.5 οἰωνοῖσί τε πᾶσι, Διὸς δ’ ἐτελείετο βουλή, ### book 1.6 ἐξ οὗ δὴ τὰ πρῶτα διαστήτην ἐρίσαντε ### book 1.7 Ἀτρεΐδης τε ἄναξ ἀνδρῶν καὶ δῖος Ἀχιλλεύς. ### book 1.8 Τίς τάρ σφωε θεῶν ἔριδι ξυνέηκε μάχεσθαι; ### book 1.9 Λητοῦς καὶ Διὸς υἱός· ὃ γὰρ βασιλῆϊ χολωθεὶς ### book 1.10 νοῦσον ἀνὰ στρατὸν ὄρσε κακήν, ὀλέκοντο δὲ λαοί, ### book 1.11 οὕνεκα τὸν Χρύσην ἠτίμασεν ἀρητῆρα ### book 1.12 Ἀτρεΐδης· ὃ γὰρ ἦλθε θοὰς ἐπὶ νῆας Ἀχαιῶν ### book 1.13 λυσόμενός τε θύγατρα φέρων τ’ ἀπερείσι’ ἄποινα, ### book 1.14 στέμματ’ ἔχων ἐν χερσὶν ἑκηβόλου Ἀπόλλωνος ### book 1.15 χρυσέῳ ἀνὰ σκήπτρῳ, καὶ λίσσετο πάντας Ἀχαιούς, ### book 1.16 Ἀτρεΐδα δὲ μάλιστα δύω, κοσμήτορε λαῶν· ### book 1.17 Ἀτρεΐδαι τε καὶ ἄλλοι ἐϋκνήμιδες Ἀχαιοί, ### book 1.18 ὑμῖν μὲν θεοὶ δοῖεν Ὀλύμπια δώματ’ ἔχοντες ### book 1.19 ἐκπέρσαι Πριάμοιο πόλιν, εὖ δ’ οἴκαδ’ ἱκέσθαι· ### book 1.20 παῖδα δ’ ἐμοὶ λύσαιτε φίλην, τὰ δ’ ἄποινα δέχεσθαι, ### book 1.21 ἁζόμενοι Διὸς υἱὸν ἑκηβόλον Ἀπόλλωνα. ### book 1.22 Ἔνθ’ ἄλλοι μὲν πάντες ἐπευφήμησαν Ἀχαιοὶ ### book 1.23 αἰδεῖσθαί θ’ ἱερῆα καὶ ἀγλαὰ δέχθαι ἄποινα· ### book 1.24 ἀλλ’ οὐκ Ἀτρεΐδῃ Ἀγαμέμνονι ἥνδανε θυμῷ, ### book 1.25 ἀλλὰ κακῶς ἀφίει, κρατερὸν δ’ ἐπὶ μῦθον ἔτελλε· ### book 1.26 μή σε γέρον κοίλῃσιν ἐγὼ παρὰ νηυσὶ κιχείω ### book 1.27 ἢ νῦν δηθύνοντ’ ἢ ὕστερον αὖτις ἰόντα, ### book 1.28 μή νύ τοι οὐ χραίσμῃ σκῆπτρον καὶ στέμμα θεοῖο· ### book 1.29 τὴν δ’ ἐγὼ οὐ λύσω· πρίν μιν καὶ γῆρας ἔπεισιν ### book 1.30 ἡμετέρῳ ἐνὶ οἴκῳ ἐν Ἄργεϊ τηλόθι πάτρης ### book 1.31 ἱστὸν ἐποιχομένην καὶ ἐμὸν λέχος ἀντιόωσαν· ### book 1.32 ἀλλ’ ἴθι μή μ’ ἐρέθιζε σαώτερος ὥς κε νέηαι. ### book 1.33 Ὣς ἔφατ’, ἔδεισεν δ’ ὃ γέρων καὶ ἐπείθετο μύθῳ· ### book 1.34 βῆ δ’ ἀκέων παρὰ θῖνα πολυφλοίσβοιο θαλάσσης· ### book 1.35 πολλὰ δ’ ἔπειτ’ ἀπάνευθε κιὼν ἠρᾶθ’ ὃ γεραιὸς ### book 1.36 Ἀπόλλωνι ἄνακτι, τὸν ἠΰκομος τέκε Λητώ· ### book 1.37 κλῦθί μευ ἀργυρότοξ’, ὃς Χρύσην ἀμφιβέβηκας ### book 1.38 Κίλλάν τε ζαθέην Τενέδοιό τε ἶφι ἀνάσσεις, ### book 1.39 Σμινθεῦ εἴ ποτέ τοι χαρίεντ’ ἐπὶ νηὸν ἔρεψα, ### book 1.40 ἢ εἰ δή ποτέ τοι κατὰ πίονα μηρί’ ἔκηα ### book 1.41 ταύρων ἠδ’ αἰγῶν, τὸ δέ μοι κρήηνον ἐέλδωρ· ### book 1.42 τίσειαν Δαναοὶ ἐμὰ δάκρυα σοῖσι βέλεσσιν. ### book 1.43 Ὣς ἔφατ’ εὐχόμενος, τοῦ δ’ ἔκλυε Φοῖβος Ἀπόλλων, ### book 1.44 βῆ δὲ κατ’ Οὐλύμποιο καρήνων χωόμενος κῆρ, ### book 1.45 τόξ’ ὤμοισιν ἔχων ἀμφηρεφέα τε φαρέτρην· ### book 1.46 ἔκλαγξαν δ’ ἄρ’ ὀϊστοὶ ἐπ’ ὤμων χωομένοιο, ### book 1.47 αὐτοῦ κινηθέντος· ὃ δ’ ἤϊε νυκτὶ ἐοικώς. ### book 1.48 ἕζετ’ ἔπειτ’ ἀπάνευθε νεῶν, μετὰ δ’ ἰὸν ἕηκε· ### book 1.49 δεινὴ δὲ κλαγγὴ γένετ’ ἀργυρέοιο βιοῖο· ### book 1.50 οὐρῆας μὲν πρῶτον ἐπῴχετο καὶ κύνας ἀργούς, ### book 1.51 αὐτὰρ ἔπειτ’ αὐτοῖσι βέλος ἐχεπευκὲς ἐφιεὶς ### book 1.52 βάλλ’· αἰεὶ δὲ πυραὶ νεκύων καίοντο θαμειαί. ### book 1.53 Ἐννῆμαρ μὲν ἀνὰ στρατὸν ᾤχετο κῆλα θεοῖο, ### book 1.54 τῇ δεκάτῃ δ’ ἀγορὴν δὲ καλέσσατο λαὸν Ἀχιλλεύς· ### book 1.55 τῷ γὰρ ἐπὶ φρεσὶ θῆκε θεὰ λευκώλενος Ἥρη· ### book 1.56 κήδετο γὰρ Δαναῶν, ὅτι ῥα θνήσκοντας ὁρᾶτο. ### book 1.57 οἳ δ’ ἐπεὶ οὖν ἤγερθεν ὁμηγερέες τε γένοντο, ### book 1.58 τοῖσι δ’ ἀνιστάμενος μετέφη πόδας ὠκὺς Ἀχιλλεύς· ### book 1.59 Ἀτρεΐδη νῦν ἄμμε παλιμπλαγχθέντας ὀΐω ### book 1.60 ἂψ ἀπονοστήσειν, εἴ κεν θάνατόν γε φύγοιμεν, ### book 1.61 εἰ δὴ ὁμοῦ πόλεμός τε δαμᾷ καὶ λοιμὸς Ἀχαιούς· ### book 1.62 ἀλλ’ ἄγε δή τινα μάντιν ἐρείομεν ἢ ἱερῆα ### book 1.63 ἢ καὶ ὀνειροπόλον, καὶ γάρ τ’ ὄναρ ἐκ Διός ἐστιν, ### book 1.64 ὅς κ’ εἴποι ὅ τι τόσσον ἐχώσατο Φοῖβος Ἀπόλλων, ### book 1.65 εἴ ταρ ὅ γ’ εὐχωλῆς ἐπιμέμφεται ἠδ’ ἑκατόμβης, ### book 1.66 αἴ κέν πως ἀρνῶν κνίσης αἰγῶν τε τελείων ### book 1.67 βούλεται ἀντιάσας ἡμῖν ἀπὸ λοιγὸν ἀμῦναι. ### book 1.68 Ἤτοι ὅ γ’ ὣς εἰπὼν κατ’ ἄρ’ ἕζετο· τοῖσι δ’ ἀνέστη ### book 1.69 Κάλχας Θεστορίδης οἰωνοπόλων ὄχ’ ἄριστος, ### book 1.70 ὃς ᾔδη τά τ’ ἐόντα τά τ’ ἐσσόμενα πρό τ’ ἐόντα, ### book 1.71 καὶ νήεσς’ ἡγήσατ’ Ἀχαιῶν Ἴλιον εἴσω ### book 1.72 ἣν διὰ μαντοσύνην, τήν οἱ πόρε Φοῖβος Ἀπόλλων· ### book 1.73 ὅ σφιν ἐὺ φρονέων ἀγορήσατο καὶ μετέειπεν· ### book 1.74 ὦ Ἀχιλεῦ κέλεαί με Διῒ φίλε μυθήσασθαι ### book 1.75 μῆνιν Ἀπόλλωνος ἑκατηβελέταο ἄνακτος· ### book 1.76 τοὶ γὰρ ἐγὼν ἐρέω· σὺ δὲ σύνθεο καί μοι ὄμοσσον ### book 1.77 ἦ μέν μοι πρόφρων ἔπεσιν καὶ χερσὶν ἀρήξειν· ### book 1.78 ἦ γὰρ ὀΐομαι ἄνδρα χολωσέμεν, ὃς μέγα πάντων ### book 1.79 Ἀργείων κρατέει καί οἱ πείθονται Ἀχαιοί· ### book 1.80 κρείσσων γὰρ βασιλεὺς ὅτε χώσεται ἀνδρὶ χέρηϊ· ### book 1.81 εἴ περ γάρ τε χόλον γε καὶ αὐτῆμαρ καταπέψῃ, ### book 1.82 ἀλλά τε καὶ μετόπισθεν ἔχει κότον, ὄφρα τελέσσῃ, ### book 1.83 ἐν στήθεσσιν ἑοῖσι· σὺ δὲ φράσαι εἴ με σαώσεις. ### book 1.84 Τὸν δ’ ἀπαμειβόμενος προσέφη πόδας ὠκὺς Ἀχιλλεύς· ### book 1.85 θαρσήσας μάλα εἰπὲ θεοπρόπιον ὅ τι οἶσθα· ### book 1.86 οὐ μὰ γὰρ Ἀπόλλωνα Διῒ φίλον, ᾧ τε σὺ Κάλχαν ### book 1.87 εὐχόμενος Δαναοῖσι θεοπροπίας ἀναφαίνεις, ### book 1.88 οὔ τις ἐμεῦ ζῶντος καὶ ἐπὶ χθονὶ δερκομένοιο ### book 1.89 σοὶ κοίλῃς παρὰ νηυσὶ βαρείας χεῖρας ἐποίσει ### book 1.90 συμπάντων Δαναῶν, οὐδ’ ἢν Ἀγαμέμνονα εἴπῃς, ### book 1.91 ὃς νῦν πολλὸν ἄριστος Ἀχαιῶν εὔχεται εἶναι. ### book 1.92 Καὶ τότε δὴ θάρσησε καὶ ηὔδα μάντις ἀμύμων· ### book 1.93 οὔ ταρ ὅ γ’ εὐχωλῆς ἐπιμέμφεται οὐδ’ ἑκατόμβης, ### book 1.94 ἀλλ’ ἕνεκ’ ἀρητῆρος ὃν ἠτίμης’ Ἀγαμέμνων, ### book 1.95 οὐδ’ ἀπέλυσε θύγατρα καὶ οὐκ ἀπεδέξατ’ ἄποινα, ### book 1.96 τοὔνεκ’ ἄρ’ ἄλγε’ ἔδωκεν ἑκηβόλος ἠδ’ ἔτι δώσει· ### book 1.97 οὐδ’ ὅ γε πρὶν Δαναοῖσιν ἀεικέα λοιγὸν ἀπώσει ### book 1.98 πρίν γ’ ἀπὸ πατρὶ φίλῳ δόμεναι ἑλικώπιδα κούρην ### book 1.99 ἀπριάτην ἀνάποινον, ἄγειν θ’ ἱερὴν ἑκατόμβην ### book 1.100 ἐς Χρύσην· τότε κέν μιν ἱλασσάμενοι πεπίθοιμεν. ### book 1.101 Ἤτοι ὅ γ’ ὣς εἰπὼν κατ’ ἄρ’ ἕζετο· τοῖσι δ’ ἀνέστη ### book 1.102 ἥρως Ἀτρεΐδης εὐρὺ κρείων Ἀγαμέμνων ### book 1.103 ἀχνύμενος· μένεος δὲ μέγα φρένες ἀμφιμέλαιναι ### book 1.104 πίμπλαντ’, ὄσσε δέ οἱ πυρὶ λαμπετόωντι ἐΐκτην· ### book 1.105 Κάλχαντα πρώτιστα κάκ’ ὀσσόμενος προσέειπε· ### book 1.106 μάντι κακῶν οὐ πώ ποτέ μοι τὸ κρήγυον εἶπας· ### book 1.107 αἰεί τοι τὰ κάκ’ ἐστὶ φίλα φρεσὶ μαντεύεσθαι, ### book 1.108 ἐσθλὸν δ’ οὔτέ τί πω εἶπας ἔπος οὔτ’ ἐτέλεσσας· ### book 1.109 καὶ νῦν ἐν Δαναοῖσι θεοπροπέων ἀγορεύεις ### book 1.110 ὡς δὴ τοῦδ’ ἕνεκά σφιν ἑκηβόλος ἄλγεα τεύχει, ### book 1.111 οὕνεκ’ ἐγὼ κούρης Χρυσηΐδος ἀγλά’ ἄποινα ### book 1.112 οὐκ ἔθελον δέξασθαι, ἐπεὶ πολὺ βούλομαι αὐτὴν ### book 1.113 οἴκοι ἔχειν· καὶ γάρ ῥα Κλυταιμνήστρης προβέβουλα ### book 1.114 κουριδίης ἀλόχου, ἐπεὶ οὔ ἑθέν ἐστι χερείων, ### book 1.115 οὐ δέμας οὐδὲ φυήν, οὔτ’ ἂρ φρένας οὔτέ τι ἔργα. ### book 1.116 ἀλλὰ καὶ ὧς ἐθέλω δόμεναι πάλιν εἰ τό γ’ ἄμεινον· ### book 1.117 βούλομ’ ἐγὼ λαὸν σῶν ἔμμεναι ἢ ἀπολέσθαι· ### book 1.118 αὐτὰρ ἐμοὶ γέρας αὐτίχ’ ἑτοιμάσατ’ ὄφρα μὴ οἶος ### book 1.119 Ἀργείων ἀγέραστος ἔω, ἐπεὶ οὐδὲ ἔοικε· ### book 1.120 λεύσσετε γὰρ τό γε πάντες ὅ μοι γέρας ἔρχεται ἄλλῃ. ### book 1.121 Τὸν δ’ ἠμείβετ’ ἔπειτα ποδάρκης δῖος Ἀχιλλεύς· ### book 1.122 Ἀτρεΐδη κύδιστε φιλοκτεανώτατε πάντων, ### book 1.123 πῶς γάρ τοι δώσουσι γέρας μεγάθυμοι Ἀχαιοί; ### book 1.124 οὐδέ τί που ἴδμεν ξυνήϊα κείμενα πολλά· ### book 1.125 ἀλλὰ τὰ μὲν πολίων ἐξεπράθομεν, τὰ δέδασται, ### book 1.126 λαοὺς δ’ οὐκ ἐπέοικε παλίλλογα ταῦτ’ ἐπαγείρειν. ### book 1.127 ἀλλὰ σὺ μὲν νῦν τῆνδε θεῷ πρόες· αὐτὰρ Ἀχαιοὶ ### book 1.128 τριπλῇ τετραπλῇ τ’ ἀποτείσομεν, αἴ κέ ποθι Ζεὺς ### book 1.129 δῷσι πόλιν Τροίην εὐτείχεον ἐξαλαπάξαι. ### book 1.130 Τὸν δ’ ἀπαμειβόμενος προσέφη κρείων Ἀγαμέμνων· ### book 1.131 μὴ δ’ οὕτως ἀγαθός περ ἐὼν θεοείκελ’ Ἀχιλλεῦ ### book 1.132 κλέπτε νόῳ, ἐπεὶ οὐ παρελεύσεαι οὐδέ με πείσεις. ### book 1.133 ἦ ἐθέλεις ὄφρ’ αὐτὸς ἔχῃς γέρας, αὐτὰρ ἔμ’ αὔτως ### book 1.134 ἧσθαι δευόμενον, κέλεαι δέ με τῆνδ’ ἀποδοῦναι; ### book 1.135 ἀλλ’ εἰ μὲν δώσουσι γέρας μεγάθυμοι Ἀχαιοὶ ### book 1.136 ἄρσαντες κατὰ θυμὸν ὅπως ἀντάξιον ἔσται· ### book 1.137 εἰ δέ κε μὴ δώωσιν ἐγὼ δέ κεν αὐτὸς ἕλωμαι ### book 1.138 ἢ τεὸν ἢ Αἴαντος ἰὼν γέρας, ἢ Ὀδυσῆος ### book 1.139 ἄξω ἑλών· ὃ δέ κεν κεχολώσεται ὅν κεν ἵκωμαι. ### book 1.140 ἀλλ’ ἤτοι μὲν ταῦτα μεταφρασόμεσθα καὶ αὖτις, ### book 1.141 νῦν δ’ ἄγε νῆα μέλαιναν ἐρύσσομεν εἰς ἅλα δῖαν, ### book 1.142 ἐν δ’ ἐρέτας ἐπιτηδὲς ἀγείρομεν, ἐς δ’ ἑκατόμβην ### book 1.143 θείομεν, ἂν δ’ αὐτὴν Χρυσηΐδα καλλιπάρῃον ### book 1.144 βήσομεν· εἷς δέ τις ἀρχὸς ἀνὴρ βουληφόρος ἔστω, ### book 1.145 ἢ Αἴας ἢ Ἰδομενεὺς ἢ δῖος Ὀδυσσεὺς ### book 1.146 ἠὲ σὺ Πηλεΐδη πάντων ἐκπαγλότατ’ ἀνδρῶν, ### book 1.147 ὄφρ’ ἥμιν ἑκάεργον ἱλάσσεαι ἱερὰ ῥέξας. ### book 1.148 Τὸν δ’ ἄρ’ ὑπόδρα ἰδὼν προσέφη πόδας ὠκὺς Ἀχιλλεύς· ### book 1.149 ὤ μοι ἀναιδείην ἐπιειμένε κερδαλεόφρον ### book 1.150 πῶς τίς τοι πρόφρων ἔπεσιν πείθηται Ἀχαιῶν ### book 1.151 ἢ ὁδὸν ἐλθέμεναι ἢ ἀνδράσιν ἶφι μάχεσθαι; ### book 1.152 οὐ γὰρ ἐγὼ Τρώων ἕνεκ’ ἤλυθον αἰχμητάων ### book 1.153 δεῦρο μαχησόμενος, ἐπεὶ οὔ τί μοι αἴτιοί εἰσιν· ### book 1.154 οὐ γὰρ πώποτ’ ἐμὰς βοῦς ἤλασαν οὐδὲ μὲν ἵππους, ### book 1.155 οὐδέ ποτ’ ἐν Φθίῃ ἐριβώλακι βωτιανείρῃ ### book 1.156 καρπὸν ἐδηλήσαντ’, ἐπεὶ ἦ μάλα πολλὰ μεταξὺ ### book 1.157 οὔρεά τε σκιόεντα θάλασσά τε ἠχήεσσα· ### book 1.158 ἀλλὰ σοὶ ὦ μέγ’ ἀναιδὲς ἅμ’ ἑσπόμεθ’ ὄφρα σὺ χαίρῃς, ### book 1.159 τιμὴν ἀρνύμενοι Μενελάῳ σοί τε κυνῶπα ### book 1.160 πρὸς Τρώων· τῶν οὔ τι μετατρέπῃ οὐδ’ ἀλεγίζεις· ### book 1.161 καὶ δή μοι γέρας αὐτὸς ἀφαιρήσεσθαι ἀπειλεῖς, ### book 1.162 ᾧ ἔπι πολλὰ μόγησα, δόσαν δέ μοι υἷες Ἀχαιῶν. ### book 1.163 οὐ μὲν σοί ποτε ἶσον ἔχω γέρας ὁππότ’ Ἀχαιοὶ ### book 1.164 Τρώων ἐκπέρσως’ εὖ ναιόμενον πτολίεθρον· ### book 1.165 ἀλλὰ τὸ μὲν πλεῖον πολυάϊκος πολέμοιο ### book 1.166 χεῖρες ἐμαὶ διέπους’· ἀτὰρ ἤν ποτε δασμὸς ἵκηται, ### book 1.167 σοὶ τὸ γέρας πολὺ μεῖζον, ἐγὼ δ’ ὀλίγον τε φίλον τε ### book 1.168 ἔρχομ’ ἔχων ἐπὶ νῆας, ἐπεί κε κάμω πολεμίζων. ### book 1.169 νῦν δ’ εἶμι Φθίην δ’, ἐπεὶ ἦ πολὺ φέρτερόν ἐστιν ### book 1.170 οἴκαδ’ ἴμεν σὺν νηυσὶ κορωνίσιν, οὐδέ ς’ ὀΐω ### book 1.171 ἐνθάδ’ ἄτιμος ἐὼν ἄφενος καὶ πλοῦτον ἀφύξειν. ### book 1.172 Τὸν δ’ ἠμείβετ’ ἔπειτα ἄναξ ἀνδρῶν Ἀγαμέμνων· ### book 1.173 φεῦγε μάλ’ εἴ τοι θυμὸς ἐπέσσυται, οὐδέ ς’ ἔγωγε ### book 1.174 λίσσομαι εἵνεκ’ ἐμεῖο μένειν· πάρ’ ἔμοιγε καὶ ἄλλοι ### book 1.175 οἵ κέ με τιμήσουσι, μάλιστα δὲ μητίετα Ζεύς. ### book 1.176 ἔχθιστος δέ μοί ἐσσι διοτρεφέων βασιλήων· ### book 1.177 αἰεὶ γάρ τοι ἔρις τε φίλη πόλεμοί τε μάχαι τε· ### book 1.178 εἰ μάλα καρτερός ἐσσι, θεός που σοὶ τό γ’ ἔδωκεν· ### book 1.179 οἴκαδ’ ἰὼν σὺν νηυσί τε σῇς καὶ σοῖς ἑτάροισι ### book 1.180 Μυρμιδόνεσσιν ἄνασσε, σέθεν δ’ ἐγὼ οὐκ ἀλεγίζω, ### book 1.181 οὐδ’ ὄθομαι κοτέοντος· ἀπειλήσω δέ τοι ὧδε· ### book 1.182 ὡς ἔμ’ ἀφαιρεῖται Χρυσηΐδα Φοῖβος Ἀπόλλων, ### book 1.183 τὴν μὲν ἐγὼ σὺν νηΐ τ’ ἐμῇ καὶ ἐμοῖς ἑτάροισι ### book 1.184 πέμψω, ἐγὼ δέ κ’ ἄγω Βρισηΐδα καλλιπάρῃον ### book 1.185 αὐτὸς ἰὼν κλισίην δὲ τὸ σὸν γέρας ὄφρ’ ἐῢ εἰδῇς ### book 1.186 ὅσσον φέρτερός εἰμι σέθεν, στυγέῃ δὲ καὶ ἄλλος ### book 1.187 ἶσον ἐμοὶ φάσθαι καὶ ὁμοιωθήμεναι ἄντην. ### book 1.188 Ὣς φάτο· Πηλεΐωνι δ’ ἄχος γένετ’, ἐν δέ οἱ ἦτορ ### book 1.189 στήθεσσιν λασίοισι διάνδιχα μερμήριξεν, ### book 1.190 ἢ ὅ γε φάσγανον ὀξὺ ἐρυσσάμενος παρὰ μηροῦ ### book 1.191 τοὺς μὲν ἀναστήσειεν, ὃ δ’ Ἀτρεΐδην ἐναρίζοι, ### book 1.192 ἦε χόλον παύσειεν ἐρητύσειέ τε θυμόν. ### book 1.193 ἧος ὃ ταῦθ’ ὥρμαινε κατὰ φρένα καὶ κατὰ θυμόν, ### book 1.194 ἕλκετο δ’ ἐκ κολεοῖο μέγα ξίφος, ἦλθε δ’ Ἀθήνη ### book 1.195 οὐρανόθεν· πρὸ γὰρ ἧκε θεὰ λευκώλενος Ἥρη ### book 1.196 ἄμφω ὁμῶς θυμῷ φιλέουσά τε κηδομένη τε· ### book 1.197 στῆ δ’ ὄπιθεν, ξανθῆς δὲ κόμης ἕλε Πηλεΐωνα ### book 1.198 οἴῳ φαινομένη· τῶν δ’ ἄλλων οὔ τις ὁρᾶτο· ### book 1.199 θάμβησεν δ’ Ἀχιλεύς, μετὰ δ’ ἐτράπετ’, αὐτίκα δ’ ἔγνω ### book 1.200 Παλλάδ’ Ἀθηναίην· δεινὼ δέ οἱ ὄσσε φάανθεν· ### book 1.201 καί μιν φωνήσας ἔπεα πτερόεντα προσηύδα· ### book 1.202 τίπτ’ αὖτ’ αἰγιόχοιο Διὸς τέκος εἰλήλουθας; ### book 1.203 ἦ ἵνα ὕβριν ἴδῃ Ἀγαμέμνονος Ἀτρεΐδαο; ### book 1.204 ἀλλ’ ἔκ τοι ἐρέω, τὸ δὲ καὶ τελέεσθαι ὀΐω· ### book 1.205 ᾗς ὑπεροπλίῃσι τάχ’ ἄν ποτε θυμὸν ὀλέσσῃ. ### book 1.206 Τὸν δ’ αὖτε προσέειπε θεὰ γλαυκῶπις Ἀθήνη· ### book 1.207 ἦλθον ἐγὼ παύσουσα τὸ σὸν μένος, αἴ κε πίθηαι, ### book 1.208 οὐρανόθεν· πρὸ δέ μ’ ἧκε θεὰ λευκώλενος Ἥρη ### book 1.209 ἄμφω ὁμῶς θυμῷ φιλέουσά τε κηδομένη τε· ### book 1.210 ἀλλ’ ἄγε λῆγ’ ἔριδος, μηδὲ ξίφος ἕλκεο χειρί· ### book 1.211 ἀλλ’ ἤτοι ἔπεσιν μὲν ὀνείδισον ὡς ἔσεταί περ· ### book 1.212 ὧδε γὰρ ἐξερέω, τὸ δὲ καὶ τετελεσμένον ἔσται· ### book 1.213 καί ποτέ τοι τρὶς τόσσα παρέσσεται ἀγλαὰ δῶρα ### book 1.214 ὕβριος εἵνεκα τῆσδε· σὺ δ’ ἴσχεο, πείθεο δ’ ἡμῖν. ### book 1.215 Τὴν δ’ ἀπαμειβόμενος προσέφη πόδας ὠκὺς Ἀχιλλεύς· ### book 1.216 χρὴ μὲν σφωΐτερόν γε θεὰ ἔπος εἰρύσσασθαι ### book 1.217 καὶ μάλα περ θυμῷ κεχολωμένον· ὧς γὰρ ἄμεινον· ### book 1.218 ὅς κε θεοῖς ἐπιπείθηται μάλα τ’ ἔκλυον αὐτοῦ. ### book 1.219 Ἦ καὶ ἐπ’ ἀργυρέῃ κώπῃ σχέθε χεῖρα βαρεῖαν, ### book 1.220 ἂψ δ’ ἐς κουλεὸν ὦσε μέγα ξίφος, οὐδ’ ἀπίθησε ### book 1.221 μύθῳ Ἀθηναίης· ἣ δ’ Οὔλυμπον δὲ βεβήκει ### book 1.222 δώματ’ ἐς αἰγιόχοιο Διὸς μετὰ δαίμονας ἄλλους. ### book 1.223 Πηλεΐδης δ’ ἐξαῦτις ἀταρτηροῖς ἐπέεσσιν ### book 1.224 Ἀτρεΐδην προσέειπε, καὶ οὔ πω λῆγε χόλοιο· ### book 1.225 οἰνοβαρές, κυνὸς ὄμματ’ ἔχων, κραδίην δ’ ἐλάφοιο, ### book 1.226 οὔτέ ποτ’ ἐς πόλεμον ἅμα λαῷ θωρηχθῆναι ### book 1.227 οὔτε λόχον δ’ ἰέναι σὺν ἀριστήεσσιν Ἀχαιῶν ### book 1.228 τέτληκας θυμῷ· τὸ δέ τοι κὴρ εἴδεται εἶναι. ### book 1.229 ἦ πολὺ λώϊόν ἐστι κατὰ στρατὸν εὐρὺν Ἀχαιῶν ### book 1.230 δῶρ’ ἀποαιρεῖσθαι ὅς τις σέθεν ἀντίον εἴπῃ· ### book 1.231 δημοβόρος βασιλεὺς ἐπεὶ οὐτιδανοῖσιν ἀνάσσεις· ### book 1.232 ἦ γὰρ ἂν Ἀτρεΐδη νῦν ὕστατα λωβήσαιο. ### book 1.233 ἀλλ’ ἔκ τοι ἐρέω καὶ ἐπὶ μέγαν ὅρκον ὀμοῦμαι· ### book 1.234 ναὶ μὰ τόδε σκῆπτρον, τὸ μὲν οὔ ποτε φύλλα καὶ ὄζους ### book 1.235 φύσει, ἐπεὶ δὴ πρῶτα τομὴν ἐν ὄρεσσι λέλοιπεν, ### book 1.236 οὐδ’ ἀναθηλήσει· περὶ γάρ ῥά ἑ χαλκὸς ἔλεψε ### book 1.237 φύλλά τε καὶ φλοιόν· νῦν αὖτέ μιν υἷες Ἀχαιῶν ### book 1.238 ἐν παλάμῃς φορέουσι δικασπόλοι, οἵ τε θέμιστας ### book 1.239 πρὸς Διὸς εἰρύαται· ὃ δέ τοι μέγας ἔσσεται ὅρκος· ### book 1.240 ἦ ποτ’ Ἀχιλλῆος ποθὴ ἵξεται υἷας Ἀχαιῶν ### book 1.241 σύμπαντας· τότε δ’ οὔ τι δυνήσεαι ἀχνύμενός περ ### book 1.242 χραισμεῖν, εὖτ’ ἂν πολλοὶ ὑφ’ Ἕκτορος ἀνδροφόνοιο ### book 1.243 θνήσκοντες πίπτωσι· σὺ δ’ ἔνδοθι θυμὸν ἀμύξεις ### book 1.244 χωόμενος ὅ τ’ ἄριστον Ἀχαιῶν οὐδὲν ἔτισας. ### book 1.245 Ὣς φάτο Πηλεΐδης, ποτὶ δὲ σκῆπτρον βάλε γαίῃ ### book 1.246 χρυσείοις ἥλοισι πεπαρμένον, ἕζετο δ’ αὐτός· ### book 1.247 Ἀτρεΐδης δ’ ἑτέρωθεν ἐμήνιε· τοῖσι δὲ Νέστωρ ### book 1.248 ἡδυεπὴς ἀνόρουσε λιγὺς Πυλίων ἀγορητής, ### book 1.249 τοῦ καὶ ἀπὸ γλώσσης μέλιτος γλυκίων ῥέεν αὐδή· ### book 1.250 τῷ δ’ ἤδη δύο μὲν γενεαὶ μερόπων ἀνθρώπων ### book 1.251 ἐφθίαθ’, οἵ οἱ πρόσθεν ἅμα τράφεν ἠδ’ ἐγένοντο ### book 1.252 ἐν Πύλῳ ἠγαθέῃ, μετὰ δὲ τριτάτοισιν ἄνασσεν· ### book 1.253 ὅ σφιν ἐὺ φρονέων ἀγορήσατο καὶ μετέειπεν· ### book 1.254 ὦ πόποι ἦ μέγα πένθος Ἀχαιΐδα γαῖαν ἱκάνει· ### book 1.255 ἦ κεν γηθήσαι Πρίαμος Πριάμοιό τε παῖδες ### book 1.256 ἄλλοι τε Τρῶες μέγα κεν κεχαροίατο θυμῷ ### book 1.257 εἰ σφῶϊν τάδε πάντα πυθοίατο μαρναμένοιϊν, ### book 1.258 οἳ περὶ μὲν βουλὴν Δαναῶν, περὶ δ’ ἐστὲ μάχεσθαι. ### book 1.259 ἀλλὰ πίθεσθ’· ἄμφω δὲ νεωτέρω ἐστὸν ἐμεῖο· ### book 1.260 ἤδη γάρ ποτ’ ἐγὼ καὶ ἀρείοσιν ἠέ περ ὑμῖν ### book 1.261 ἀνδράσιν ὡμίλησα, καὶ οὔ ποτέ μ’ οἵ γ’ ἀθέριζον. ### book 1.262 οὐ γάρ πω τοίους ἴδον ἀνέρας οὐδὲ ἴδωμαι, ### book 1.263 οἷον Πειρίθοόν τε Δρύαντά τε ποιμένα λαῶν ### book 1.264 Καινέα τ’ Ἐξάδιόν τε καὶ ἀντίθεον Πολύφημον ### book 1.265 Θησέα τ’ Αἰγεΐδην, ἐπιείκελον ἀθανάτοισιν· ### book 1.266 κάρτιστοι δὴ κεῖνοι ἐπιχθονίων τράφεν ἀνδρῶν· ### book 1.267 κάρτιστοι μὲν ἔσαν καὶ καρτίστοις ἐμάχοντο ### book 1.268 φηρσὶν ὀρεσκῴοισι καὶ ἐκπάγλως ἀπόλεσσαν. ### book 1.269 καὶ μὲν τοῖσιν ἐγὼ μεθομίλεον ἐκ Πύλου ἐλθὼν ### book 1.270 τηλόθεν ἐξ ἀπίης γαίης· καλέσαντο γὰρ αὐτοί· ### book 1.271 καὶ μαχόμην κατ’ ἔμ’ αὐτὸν ἐγώ· κείνοισι δ’ ἂν οὔ τις ### book 1.272 τῶν οἳ νῦν βροτοί εἰσιν ἐπιχθόνιοι μαχέοιτο· ### book 1.273 καὶ μέν μευ βουλέων ξύνιεν πείθοντό τε μύθῳ· ### book 1.274 ἀλλὰ πίθεσθε καὶ ὔμμες, ἐπεὶ πείθεσθαι ἄμεινον· ### book 1.275 μήτε σὺ τόνδ’ ἀγαθός περ ἐὼν ἀποαίρεο κούρην, ### book 1.276 ἀλλ’ ἔα ὥς οἱ πρῶτα δόσαν γέρας υἷες Ἀχαιῶν· ### book 1.277 μήτε σὺ Πηλείδη ’θελ’ ἐριζέμεναι βασιλῆϊ ### book 1.278 ἀντιβίην, ἐπεὶ οὔ ποθ’ ὁμοίης ἔμμορε τιμῆς ### book 1.279 σκηπτοῦχος βασιλεύς, ᾧ τε Ζεὺς κῦδος ἔδωκεν. ### book 1.280 εἰ δὲ σὺ καρτερός ἐσσι θεὰ δέ σε γείνατο μήτηρ, ### book 1.281 ἀλλ’ ὅ γε φέρτερός ἐστιν ἐπεὶ πλεόνεσσιν ἀνάσσει. ### book 1.282 Ἀτρεΐδη σὺ δὲ παῦε τεὸν μένος· αὐτὰρ ἔγωγε ### book 1.283 λίσσομ’ Ἀχιλλῆϊ μεθέμεν χόλον, ὃς μέγα πᾶσιν ### book 1.284 ἕρκος Ἀχαιοῖσιν πέλεται πολέμοιο κακοῖο. ### book 1.285 Τὸν δ’ ἀπαμειβόμενος προσέφη κρείων Ἀγαμέμνων· ### book 1.286 ναὶ δὴ ταῦτά γε πάντα γέρον κατὰ μοῖραν ἔειπες· ### book 1.287 ἀλλ’ ὅδ’ ἀνὴρ ἐθέλει περὶ πάντων ἔμμεναι ἄλλων, ### book 1.288 πάντων μὲν κρατέειν ἐθέλει, πάντεσσι δ’ ἀνάσσειν, ### book 1.289 πᾶσι δὲ σημαίνειν, ἅ τιν’ οὐ πείσεσθαι ὀΐω· ### book 1.290 εἰ δέ μιν αἰχμητὴν ἔθεσαν θεοὶ αἰὲν ἐόντες ### book 1.291 τοὔνεκά οἱ προθέουσιν ὀνείδεα μυθήσασθαι; ### book 1.292 Τὸν δ’ ἄρ’ ὑποβλήδην ἠμείβετο δῖος Ἀχιλλεύς· ### book 1.293 ἦ γάρ κεν δειλός τε καὶ οὐτιδανὸς καλεοίμην ### book 1.294 εἰ δὴ σοὶ πᾶν ἔργον ὑπείξομαι ὅττί κεν εἴπῃς· ### book 1.295 ἄλλοισιν δὴ ταῦτ’ ἐπιτέλλεο, μὴ γὰρ ἔμοιγε ### book 1.296 σήμαιν’· οὐ γὰρ ἔγωγ’ ἔτι σοὶ πείσεσθαι ὀΐω. ### book 1.297 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσι· ### book 1.298 χερσὶ μὲν οὔ τοι ἔγωγε μαχήσομαι εἵνεκα κούρης ### book 1.299 οὔτε σοὶ οὔτέ τῳ ἄλλῳ, ἐπεί μ’ ἀφέλεσθέ γε δόντες· ### book 1.300 τῶν δ’ ἄλλων ἅ μοί ἐστι θοῇ παρὰ νηῒ μελαίνῃ ### book 1.301 τῶν οὐκ ἄν τι φέροις ἀνελὼν ἀέκοντος ἐμεῖο· ### book 1.302 εἰ δ’ ἄγε μὴν πείρησαι ἵνα γνώωσι καὶ οἷδε· ### book 1.303 αἶψά τοι αἷμα κελαινὸν ἐρωήσει περὶ δουρί. ### book 1.304 Ὣς τώ γ’ ἀντιβίοισι μαχεσσαμένω ἐπέεσσιν ### book 1.305 ἀνστήτην, λῦσαν δ’ ἀγορὴν παρὰ νηυσὶν Ἀχαιῶν· ### book 1.306 Πηλεΐδης μὲν ἐπὶ κλισίας καὶ νῆας ἐΐσας ### book 1.307 ἤϊε σύν τε Μενοιτιάδῃ καὶ οἷς ἑτάροισιν· ### book 1.308 Ἀτρεΐδης δ’ ἄρα νῆα θοὴν ἅλα δὲ προέρυσσεν, ### book 1.309 ἐν δ’ ἐρέτας ἔκρινεν ἐείκοσιν, ἐς δ’ ἑκατόμβην ### book 1.310 βῆσε θεῷ, ἀνὰ δὲ Χρυσηΐδα καλλιπάρῃον ### book 1.311 εἷσεν ἄγων· ἐν δ’ ἀρχὸς ἔβη πολύμητις Ὀδυσσεύς. ### book 1.312 Οἳ μὲν ἔπειτ’ ἀναβάντες ἐπέπλεον ὑγρὰ κέλευθα, ### book 1.313 λαοὺς δ’ Ἀτρεΐδης ἀπολυμαίνεσθαι ἄνωγεν· ### book 1.314 οἳ δ’ ἀπελυμαίνοντο καὶ εἰς ἅλα λύματα βάλλον, ### book 1.315 ἕρδον δ’ Ἀπόλλωνι τεληέσσας ἑκατόμβας ### book 1.316 ταύρων ἠδ’ αἰγῶν παρὰ θῖν’ ἁλὸς ἀτρυγέτοιο· ### book 1.317 κνίση δ’ οὐρανὸν ἷκεν ἑλισσομένη περὶ καπνῷ. ### book 1.318 Ὣς οἳ μὲν τὰ πένοντο κατὰ στρατόν· οὐδ’ Ἀγαμέμνων ### book 1.319 λῆγ’ ἔριδος τὴν πρῶτον ἐπηπείλης’ Ἀχιλῆϊ, ### book 1.320 ἀλλ’ ὅ γε Ταλθύβιόν τε καὶ Εὐρυβάτην προσέειπε, ### book 1.321 τώ οἱ ἔσαν κήρυκε καὶ ὀτρηρὼ θεράποντε· ### book 1.322 ἔρχεσθον κλισίην Πηληϊάδεω Ἀχιλῆος· ### book 1.323 χειρὸς ἑλόντ’ ἀγέμεν Βρισηΐδα καλλιπάρῃον· ### book 1.324 εἰ δέ κε μὴ δώῃσιν ἐγὼ δέ κεν αὐτὸς ἕλωμαι ### book 1.325 ἐλθὼν σὺν πλεόνεσσι· τό οἱ καὶ ῥίγιον ἔσται. ### book 1.326 Ὣς εἰπὼν προΐει, κρατερὸν δ’ ἐπὶ μῦθον ἔτελλε· ### book 1.327 τὼ δ’ ἀέκοντε βάτην παρὰ θῖν’ ἁλὸς ἀτρυγέτοιο, ### book 1.328 Μυρμιδόνων δ’ ἐπί τε κλισίας καὶ νῆας ἱκέσθην, ### book 1.329 τὸν δ’ εὗρον παρά τε κλισίῃ καὶ νηῒ μελαίνῃ ### book 1.330 ἥμενον· οὐδ’ ἄρα τώ γε ἰδὼν γήθησεν Ἀχιλλεύς. ### book 1.331 τὼ μὲν ταρβήσαντε καὶ αἰδομένω βασιλῆα ### book 1.332 στήτην, οὐδέ τί μιν προσεφώνεον οὐδ’ ἐρέοντο· ### book 1.333 αὐτὰρ ὃ ἔγνω ᾗσιν ἐνὶ φρεσὶ φώνησέν τε· ### book 1.334 χαίρετε κήρυκες Διὸς ἄγγελοι ἠδὲ καὶ ἀνδρῶν, ### book 1.335 ἆσσον ἴτ’· οὔ τί μοι ὔμμες ἐπαίτιοι ἀλλ’ Ἀγαμέμνων, ### book 1.336 ὃ σφῶϊ προΐει Βρισηΐδος εἵνεκα κούρης. ### book 1.337 ἀλλ’ ἄγε διογενὲς Πατρόκλεες ἔξαγε κούρην ### book 1.338 καί σφωϊν δὸς ἄγειν· τὼ δ’ αὐτὼ μάρτυροι ἔστων ### book 1.339 πρός τε θεῶν μακάρων πρός τε θνητῶν ἀνθρώπων ### book 1.340 καὶ πρὸς τοῦ βασιλῆος ἀπηνέος εἴ ποτε δ’ αὖτε ### book 1.341 χρειὼ ἐμεῖο γένηται ἀεικέα λοιγὸν ἀμῦναι ### book 1.342 τοῖς ἄλλοις· ἦ γὰρ ὅ γ’ ὀλοιῇσι φρεσὶ θύει, ### book 1.343 οὐδέ τι οἶδε νοῆσαι ἅμα πρόσσω καὶ ὀπίσσω, ### book 1.344 ὅππως οἱ παρὰ νηυσὶ σόοι μαχέοιντο Ἀχαιοί. ### book 1.345 Ὣς φάτο, Πάτροκλος δὲ φίλῳ ἐπεπείθεθ’ ἑταίρῳ, ### book 1.346 ἐκ δ’ ἄγαγε κλισίης Βρισηΐδα καλλιπάρῃον, ### book 1.347 δῶκε δ’ ἄγειν· τὼ δ’ αὖτις ἴτην παρὰ νῆας Ἀχαιῶν· ### book 1.348 ἣ δ’ ἀέκους’ ἅμα τοῖσι γυνὴ κίεν· αὐτὰρ Ἀχιλλεὺς ### book 1.349 δακρύσας ἑτάρων ἄφαρ ἕζετο νόσφι λιασθείς, ### book 1.350 θῖν’ ἔφ’ ἁλὸς πολιῆς, ὁρόων ἐπ’ ἀπείρονα πόντον· ### book 1.351 πολλὰ δὲ μητρὶ φίλῃ ἠρήσατο χεῖρας ὀρεγνύς· ### book 1.352 μῆτερ ἐπεί μ’ ἔτεκές γε μινυνθάδιόν περ ἐόντα, ### book 1.353 τιμήν πέρ μοι ὄφελλεν Ὀλύμπιος ἐγγυαλίξαι ### book 1.354 Ζεὺς ὑψιβρεμέτης· νῦν δ’ οὐδέ με τυτθὸν ἔτισεν· ### book 1.355 ἦ γάρ μ’ Ἀτρεΐδης εὐρὺ κρείων Ἀγαμέμνων ### book 1.356 ἠτίμησεν· ἑλὼν γὰρ ἔχει γέρας αὐτὸς ἀπούρας. ### book 1.357 Ὣς φάτο δάκρυ χέων, τοῦ δ’ ἔκλυε πότνια μήτηρ ### book 1.358 ἡμένη ἐν βένθεσσιν ἁλὸς παρὰ πατρὶ γέροντι· ### book 1.359 καρπαλίμως δ’ ἀνέδυ πολιῆς ἁλὸς ἠΰτ’ ὀμίχλη, ### book 1.360 καί ῥα πάροιθ’ αὐτοῖο καθέζετο δάκρυ χέοντος, ### book 1.361 χειρί τέ μιν κατέρεξεν ἔπος τ’ ἔφατ’ ἔκ τ’ ὀνόμαζε· ### book 1.362 τέκνον τί κλαίεις; τί δέ σε φρένας ἵκετο πένθος; ### book 1.363 ἐξαύδα, μὴ κεῦθε νόῳ, ἵνα εἴδομεν ἄμφω. ### book 1.364 Τὴν δὲ βαρὺ στενάχων προσέφη πόδας ὠκὺς Ἀχιλλεύς· ### book 1.365 οἶσθα· τί ἤ τοι ταῦτα ἰδυίῃ πάντ’ ἀγορεύω; ### book 1.366 ᾠχόμεθ’ ἐς Θήβην ἱερὴν πόλιν Ἠετίωνος, ### book 1.367 τὴν δὲ διεπράθομέν τε καὶ ἤγομεν ἐνθάδε πάντα· ### book 1.368 καὶ τὰ μὲν εὖ δάσσαντο μετὰ σφίσιν υἷες Ἀχαιῶν, ### book 1.369 ἐκ δ’ ἕλον Ἀτρεΐδῃ Χρυσηΐδα καλλιπάρῃον. ### book 1.370 Χρύσης δ’ αὖθ’ ἱερεὺς ἑκατηβόλου Ἀπόλλωνος ### book 1.371 ἦλθε θοὰς ἐπὶ νῆας Ἀχαιῶν χαλκοχιτώνων ### book 1.372 λυσόμενός τε θύγατρα φέρων τ’ ἀπερείσι’ ἄποινα, ### book 1.373 στέμματ’ ἔχων ἐν χερσὶν ἑκηβόλου Ἀπόλλωνος ### book 1.374 χρυσέῳ ἀνὰ σκήπτρῳ, καὶ λίσσετο πάντας Ἀχαιούς, ### book 1.375 Ἀτρεΐδα δὲ μάλιστα δύω κοσμήτορε λαῶν. ### book 1.376 ἔνθ’ ἄλλοι μὲν πάντες ἐπευφήμησαν Ἀχαιοὶ ### book 1.377 αἰδεῖσθαί θ’ ἱερῆα καὶ ἀγλαὰ δέχθαι ἄποινα· ### book 1.378 ἀλλ’ οὐκ Ἀτρεΐδῃ Ἀγαμέμνονι ἥνδανε θυμῷ, ### book 1.379 ἀλλὰ κακῶς ἀφίει, κρατερὸν δ’ ἐπὶ μῦθον ἔτελλε· ### book 1.380 χωόμενος δ’ ὁ γέρων πάλιν ᾤχετο· τοῖο δ’ Ἀπόλλων ### book 1.381 εὐξαμένου ἤκουσεν, ἐπεὶ μάλα οἱ φίλος ἦεν, ### book 1.382 ἧκε δ’ ἐπ’ Ἀργείοισι κακὸν βέλος· οἳ δέ νυ λαοὶ ### book 1.383 θνῇσκον ἐπασσύτεροι, τὰ δ’ ἐπῴχετο κῆλα θεοῖο ### book 1.384 πάντῃ ἀνὰ στρατὸν εὐρὺν Ἀχαιῶν· ἄμμι δὲ μάντις ### book 1.385 εὖ εἰδὼς ἀγόρευε θεοπροπίας ἑκάτοιο. ### book 1.386 αὐτίκ’ ἐγὼ πρῶτος κελόμην θεὸν ἱλάσκεσθαι· ### book 1.387 Ἀτρεΐωνα δ’ ἔπειτα χόλος λάβεν, αἶψα δ’ ἀναστὰς ### book 1.388 ἠπείλησεν μῦθον ὃ δὴ τετελεσμένος ἐστί· ### book 1.389 τὴν μὲν γὰρ σὺν νηῒ θοῇ ἑλίκωπες Ἀχαιοὶ ### book 1.390 ἐς Χρύσην πέμπουσιν, ἄγουσι δὲ δῶρα ἄνακτι· ### book 1.391 τὴν δὲ νέον κλισίηθεν ἔβαν κήρυκες ἄγοντες ### book 1.392 κούρην Βρισῆος τήν μοι δόσαν υἷες Ἀχαιῶν. ### book 1.393 ἀλλὰ σὺ εἰ δύνασαί γε περίσχεο παιδὸς ἑῆος· ### book 1.394 ἐλθοῦς’ Οὔλυμπον δὲ Δία λίσαι, εἴ ποτε δή τι ### book 1.395 ἢ ἔπει ὤνησας κραδίην Διὸς ἠὲ καὶ ἔργῳ. ### book 1.396 πολλάκι γάρ σεο πατρὸς ἐνὶ μεγάροισιν ἄκουσα ### book 1.397 εὐχομένης ὅτ’ ἔφησθα κελαινεφέϊ Κρονίωνι ### book 1.398 οἴη ἐν ἀθανάτοισιν ἀεικέα λοιγὸν ἀμῦναι, ### book 1.399 ὁππότε μιν ξυνδῆσαι Ὀλύμπιοι ἤθελον ἄλλοι ### book 1.400 Ἥρη τ’ ἠδὲ Ποσειδάων καὶ Παλλὰς Ἀθήνη· ### book 1.401 ἀλλὰ σὺ τόν γ’ ἐλθοῦσα θεὰ ὑπελύσαο δεσμῶν, ### book 1.402 ὦχ’ ἑκατόγχειρον καλέσας’ ἐς μακρὸν Ὄλυμπον, ### book 1.403 ὃν Βριάρεων καλέουσι θεοί, ἄνδρες δέ τε πάντες ### book 1.404 Αἰγαίων’, ὃ γὰρ αὖτε βίην οὗ πατρὸς ἀμείνων· ### book 1.405 ὅς ῥα παρὰ Κρονίωνι καθέζετο κύδεϊ γαίων· ### book 1.406 τὸν καὶ ὑπέδεισαν μάκαρες θεοὶ οὐδ’ ἔτ’ ἔδησαν. ### book 1.407 τῶν νῦν μιν μνήσασα παρέζεο καὶ λαβὲ γούνων ### book 1.408 αἴ κέν πως ἐθέλῃσιν ἐπὶ Τρώεσσιν ἀρῆξαι, ### book 1.409 τοὺς δὲ κατὰ πρύμνας τε καὶ ἀμφ’ ἅλα ἔλσαι Ἀχαιοὺς ### book 1.410 κτεινομένους, ἵνα πάντες ἐπαύρωνται βασιλῆος, ### book 1.411 γνῷ δὲ καὶ Ἀτρεΐδης εὐρὺ κρείων Ἀγαμέμνων ### book 1.412 ἣν ἄτην ὅ τ’ ἄριστον Ἀχαιῶν οὐδὲν ἔτισεν. ### book 1.413 Τὸν δ’ ἠμείβετ’ ἔπειτα Θέτις κατὰ δάκρυ χέουσα· ### book 1.414 ὤ μοι τέκνον ἐμόν, τί νύ ς’ ἔτρεφον αἰνὰ τεκοῦσα; ### book 1.415 αἴθ’ ὄφελες παρὰ νηυσὶν ἀδάκρυτος καὶ ἀπήμων ### book 1.416 ἧσθαι, ἐπεί νύ τοι αἶσα μίνυνθά περ οὔ τι μάλα δήν· ### book 1.417 νῦν δ’ ἅμα τ’ ὠκύμορος καὶ ὀϊζυρὸς περὶ πάντων ### book 1.418 ἔπλεο· τώ σε κακῇ αἴσῃ τέκον ἐν μεγάροισι. ### book 1.419 τοῦτο δέ τοι ἐρέουσα ἔπος Διὶ τερπικεραύνῳ ### book 1.420 εἶμ’ αὐτὴ πρὸς Ὄλυμπον ἀγάννιφον αἴ κε πίθηται. ### book 1.421 ἀλλὰ σὺ μὲν νῦν νηυσὶ παρήμενος ὠκυπόροισι ### book 1.422 μήνι’ Ἀχαιοῖσιν, πολέμου δ’ ἀποπαύεο πάμπαν· ### book 1.423 Ζεὺς γὰρ ἐς Ὠκεανὸν μετ’ ἀμύμονας Αἰθιοπῆας ### book 1.424 χθιζὸς ἔβη κατὰ δαῖτα, θεοὶ δ’ ἅμα πάντες ἕποντο· ### book 1.425 δωδεκάτῃ δέ τοι αὖτις ἐλεύσεται Οὔλυμπον δέ, ### book 1.426 καὶ τότ’ ἔπειτά τοι εἶμι Διὸς ποτὶ χαλκοβατὲς δῶ, ### book 1.427 καί μιν γουνάσομαι καί μιν πείσεσθαι ὀΐω. ### book 1.428 Ὣς ἄρα φωνήσας’ ἀπεβήσετο, τὸν δὲ λίπ’ αὐτοῦ ### book 1.429 χωόμενον κατὰ θυμὸν ἐϋζώνοιο γυναικὸς ### book 1.430 τήν ῥα βίῃ ἀέκοντος ἀπηύρων· αὐτὰρ Ὀδυσσεὺς ### book 1.431 ἐς Χρύσην ἵκανεν ἄγων ἱερὴν ἑκατόμβην. ### book 1.432 οἳ δ’ ὅτε δὴ λιμένος πολυβενθέος ἐντὸς ἵκοντο ### book 1.433 ἱστία μὲν στείλαντο, θέσαν δ’ ἐν νηῒ μελαίνῃ, ### book 1.434 ἱστὸν δ’ ἱστοδόκῃ πέλασαν προτόνοισιν ὑφέντες ### book 1.435 καρπαλίμως, τὴν δ’ εἰς ὅρμον προέρεσσαν ἐρετμοῖς. ### book 1.436 ἐκ δ’ εὐνὰς ἔβαλον, κατὰ δὲ πρυμνήσι’ ἔδησαν· ### book 1.437 ἐκ δὲ καὶ αὐτοὶ βαῖνον ἐπὶ ῥηγμῖνι θαλάσσης, ### book 1.438 ἐκ δ’ ἑκατόμβην βῆσαν ἑκηβόλῳ Ἀπόλλωνι· ### book 1.439 ἐκ δὲ Χρυσηῒς νηὸς βῆ ποντοπόροιο. ### book 1.440 τὴν μὲν ἔπειτ’ ἐπὶ βωμὸν ἄγων πολύμητις Ὀδυσσεὺς ### book 1.441 πατρὶ φίλῳ ἐν χερσὶ τίθει καί μιν προσέειπεν· ### book 1.442 ὦ Χρύση, πρό μ’ ἔπεμψεν ἄναξ ἀνδρῶν Ἀγαμέμνων ### book 1.443 παῖδά τε σοὶ ἀγέμεν, Φοίβῳ θ’ ἱερὴν ἑκατόμβην ### book 1.444 ῥέξαι ὑπὲρ Δαναῶν ὄφρ’ ἱλασόμεσθα ἄνακτα, ### book 1.445 ὃς νῦν Ἀργείοισι πολύστονα κήδε’ ἐφῆκεν. ### book 1.446 Ὣς εἰπὼν ἐν χερσὶ τίθει, ὃ δὲ δέξατο χαίρων ### book 1.447 παῖδα φίλην· τοὶ δ’ ὦκα θεῷ ἱερὴν ἑκατόμβην ### book 1.448 ἑξείης ἔστησαν ἐΰδμητον περὶ βωμόν, ### book 1.449 χερνίψαντο δ’ ἔπειτα καὶ οὐλοχύτας ἀνέλοντο. ### book 1.450 τοῖσιν δὲ Χρύσης μεγάλ’ εὔχετο χεῖρας ἀνασχών· ### book 1.451 κλῦθί μευ ἀργυρότοξ’, ὃς Χρύσην ἀμφιβέβηκας ### book 1.452 Κίλλάν τε ζαθέην Τενέδοιό τε ἶφι ἀνάσσεις· ### book 1.453 ἦ μὲν δή ποτ’ ἐμεῦ πάρος ἔκλυες εὐξαμένοιο, ### book 1.454 τίμησας μὲν ἐμέ, μέγα δ’ ἴψαο λαὸν Ἀχαιῶν· ### book 1.455 ἠδ’ ἔτι καὶ νῦν μοι τόδ’ ἐπικρήηνον ἐέλδωρ· ### book 1.456 ἤδη νῦν Δαναοῖσιν ἀεικέα λοιγὸν ἄμυνον. ### book 1.457 Ὣς ἔφατ’ εὐχόμενος, τοῦ δ’ ἔκλυε Φοῖβος Ἀπόλλων. ### book 1.458 αὐτὰρ ἐπεί ῥ’ εὔξαντο καὶ οὐλοχύτας προβάλοντο, ### book 1.459 αὐέρυσαν μὲν πρῶτα καὶ ἔσφαξαν καὶ ἔδειραν, ### book 1.460 μηρούς τ’ ἐξέταμον κατά τε κνίσῃ ἐκάλυψαν ### book 1.461 δίπτυχα ποιήσαντες, ἐπ’ αὐτῶν δ’ ὠμοθέτησαν· ### book 1.462 καῖε δ’ ἐπὶ σχίζῃς ὁ γέρων, ἐπὶ δ’ αἴθοπα οἶνον ### book 1.463 λεῖβε· νέοι δὲ παρ’ αὐτὸν ἔχον πεμπώβολα χερσίν. ### book 1.464 αὐτὰρ ἐπεὶ κατὰ μῆρε κάη καὶ σπλάγχνα πάσαντο, ### book 1.465 μίστυλλόν τ’ ἄρα τἆλλα καὶ ἀμφ’ ὀβελοῖσιν ἔπειραν, ### book 1.466 ὤπτησάν τε περιφραδέως, ἐρύσαντό τε πάντα. ### book 1.467 αὐτὰρ ἐπεὶ παύσαντο πόνου τετύκοντό τε δαῖτα ### book 1.468 δαίνυντ’, οὐδέ τι θυμὸς ἐδεύετο δαιτὸς ἐΐσης. ### book 1.469 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 1.470 κοῦροι μὲν κρητῆρας ἐπεστέψαντο ποτοῖο, ### book 1.471 νώμησαν δ’ ἄρα πᾶσιν ἐπαρξάμενοι δεπάεσσιν· ### book 1.472 οἳ δὲ πανημέριοι μολπῇ θεὸν ἱλάσκοντο ### book 1.473 καλὸν ἀείδοντες παιήονα κοῦροι Ἀχαιῶν ### book 1.474 μέλποντες ἑκάεργον· ὃ δὲ φρένα τέρπετ’ ἀκούων. ### book 1.475 Ἦμος δ’ ἠέλιος κατέδυ καὶ ἐπὶ κνέφας ἦλθε, ### book 1.476 δὴ τότε κοιμήσαντο παρὰ πρυμνήσια νηός· ### book 1.477 ἦμος δ’ ἠριγένεια φάνη ῥοδοδάκτυλος Ἠώς, ### book 1.478 καὶ τότ’ ἔπειτ’ ἀνάγοντο μετὰ στρατὸν εὐρὺν Ἀχαιῶν· ### book 1.479 τοῖσιν δ’ ἴκμενον οὖρον ἵει ἑκάεργος Ἀπόλλων· ### book 1.480 οἳ δ’ ἱστὸν στήσαντ’ ἀνά θ’ ἱστία λευκὰ πέτασσαν, ### book 1.481 ἐν δ’ ἄνεμος πρῆσεν μέσον ἱστίον, ἀμφὶ δὲ κῦμα ### book 1.482 στείρῃ πορφύρεον μεγάλ’ ἴαχε νηὸς ἰούσης· ### book 1.483 ἣ δ’ ἔθεεν κατὰ κῦμα διαπρήσσουσα κέλευθον. ### book 1.484 αὐτὰρ ἐπεί ῥ’ ἵκοντο κατὰ στρατὸν εὐρὺν Ἀχαιῶν, ### book 1.485 νῆα μὲν οἵ γε μέλαιναν ἐπ’ ἠπείροιο ἔρυσσαν ### book 1.486 ὑψοῦ ἐπὶ ψαμάθοις, ὑπὸ δ’ ἕρματα μακρὰ τάνυσσαν· ### book 1.487 αὐτοὶ δ’ ἐσκίδναντο κατὰ κλισίας τε νέας τε. ### book 1.488 Αὐτὰρ ὃ μήνιε νηυσὶ παρήμενος ὠκυπόροισι ### book 1.489 διογενὴς Πηλῆος υἱὸς πόδας ὠκὺς Ἀχιλλεύς· ### book 1.490 οὔτέ ποτ’ εἰς ἀγορὴν πωλέσκετο κυδιάνειραν ### book 1.491 οὔτέ ποτ’ ἐς πόλεμον, ἀλλὰ φθινύθεσκε φίλον κῆρ ### book 1.492 αὖθι μένων, ποθέεσκε δ’ ἀϋτήν τε πτόλεμόν τε. ### book 1.493 Ἀλλ’ ὅτε δή ῥ’ ἐκ τοῖο δυωδεκάτη γένετ’ ἠώς, ### book 1.494 καὶ τότε δὴ πρὸς Ὄλυμπον ἴσαν θεοὶ αἰὲν ἐόντες ### book 1.495 πάντες ἅμα, Ζεὺς δ’ ἦρχε· Θέτις δ’ οὐ λήθετ’ ἐφετμέων ### book 1.496 παιδὸς ἑοῦ, ἀλλ’ ἥ γ’ ἀνεδύσετο κῦμα θαλάσσης. ### book 1.497 ἠερίη δ’ ἀνέβη μέγαν οὐρανὸν Οὔλυμπόν τε. ### book 1.498 εὗρεν δ’ εὐρύοπα Κρονίδην ἄτερ ἥμενον ἄλλων ### book 1.499 ἀκροτάτῃ κορυφῇ πολυδειράδος Οὐλύμποιο· ### book 1.500 καί ῥα πάροιθ’ αὐτοῖο καθέζετο, καὶ λάβε γούνων ### book 1.501 σκαιῇ, δεξιτερῇ δ’ ἄρ’ ὑπ’ ἀνθερεῶνος ἑλοῦσα ### book 1.502 λισσομένη προσέειπε Δία Κρονίωνα ἄνακτα· ### book 1.503 Ζεῦ πάτερ εἴ ποτε δή σε μετ’ ἀθανάτοισιν ὄνησα ### book 1.504 ἢ ἔπει ἢ ἔργῳ, τόδε μοι κρήηνον ἐέλδωρ· ### book 1.505 τίμησόν μοι υἱὸν ὃς ὠκυμορώτατος ἄλλων ### book 1.506 ἔπλετ’· ἀτάρ μιν νῦν γε ἄναξ ἀνδρῶν Ἀγαμέμνων ### book 1.507 ἠτίμησεν· ἑλὼν γὰρ ἔχει γέρας αὐτὸς ἀπούρας. ### book 1.508 ἀλλὰ σύ πέρ μιν τῖσον Ὀλύμπιε μητίετα Ζεῦ· ### book 1.509 τόφρα δ’ ἐπὶ Τρώεσσι τίθει κράτος ὄφρ’ ἂν Ἀχαιοὶ ### book 1.510 υἱὸν ἐμὸν τίσωσιν ὀφέλλωσίν τέ ἑ τιμῇ. ### book 1.511 Ὣς φάτο· τὴν δ’ οὔ τι προσέφη νεφεληγερέτα Ζεύς, ### book 1.512 ἀλλ’ ἀκέων δὴν ἧστο· Θέτις δ’ ὡς ἥψατο γούνων ### book 1.513 ὣς ἔχετ’ ἐμπεφυυῖα, καὶ εἴρετο δεύτερον αὖτις· ### book 1.514 νημερτὲς μὲν δή μοι ὑπόσχεο καὶ κατάνευσον ### book 1.515 ἢ ἀπόειπ’, ἐπεὶ οὔ τοι ἔπι δέος, ὄφρ’ ἐῢ εἰδέω ### book 1.516 ὅσσον ἐγὼ μετὰ πᾶσιν ἀτιμοτάτη θεός εἰμι. ### book 1.517 Τὴν δὲ μέγ’ ὀχθήσας προσέφη νεφεληγερέτα Ζεύς· ### book 1.518 ἦ δὴ λοίγια ἔργ’ ὅ τέ μ’ ἐχθοδοπῆσαι ἐφήσεις ### book 1.519 Ἥρῃ ὅτ’ ἄν μ’ ἐρέθῃσιν ὀνειδείοις ἐπέεσσιν· ### book 1.520 ἣ δὲ καὶ αὔτως μ’ αἰεὶ ἐν ἀθανάτοισι θεοῖσι ### book 1.521 νεικεῖ, καί τέ μέ φησι μάχῃ Τρώεσσιν ἀρήγειν. ### book 1.522 ἀλλὰ σὺ μὲν νῦν αὖτις ἀπόστιχε μή τι νοήσῃ ### book 1.523 Ἥρη· ἐμοὶ δέ κε ταῦτα μελήσεται ὄφρα τελέσσω· ### book 1.524 εἰ δ’ ἄγε τοι κεφαλῇ κατανεύσομαι ὄφρα πεποίθῃς· ### book 1.525 τοῦτο γὰρ ἐξ ἐμέθεν γε μετ’ ἀθανάτοισι μέγιστον ### book 1.526 τέκμωρ· οὐ γὰρ ἐμὸν παλινάγρετον οὐδ’ ἀπατηλὸν ### book 1.527 οὐδ’ ἀτελεύτητον ὅ τί κεν κεφαλῇ κατανεύσω. ### book 1.528 Ἦ καὶ κυανέῃσιν ἐπ’ ὀφρύσι νεῦσε Κρονίων· ### book 1.529 ἀμβρόσιαι δ’ ἄρα χαῖται ἐπερρώσαντο ἄνακτος ### book 1.530 κρατὸς ἀπ’ ἀθανάτοιο· μέγαν δ’ ἐλέλιξεν Ὄλυμπον. ### book 1.531 Τώ γ’ ὣς βουλεύσαντε διέτμαγεν· ἣ μὲν ἔπειτα ### book 1.532 εἰς ἅλα ἆλτο βαθεῖαν ἀπ’ αἰγλήεντος Ὀλύμπου, ### book 1.533 Ζεὺς δὲ ἑὸν πρὸς δῶμα· θεοὶ δ’ ἅμα πάντες ἀνέσταν ### book 1.534 ἐξ ἑδέων σφοῦ πατρὸς ἐναντίον· οὐδέ τις ἔτλη ### book 1.535 μεῖναι ἐπερχόμενον, ἀλλ’ ἀντίοι ἔσταν ἅπαντες. ### book 1.536 ὣς ὃ μὲν ἔνθα καθέζετ’ ἐπὶ θρόνου· οὐδέ μιν Ἥρη ### book 1.537 ἠγνοίησεν ἰδοῦς’ ὅτι οἱ συμφράσσατο βουλὰς ### book 1.538 ἀργυρόπεζα Θέτις θυγάτηρ ἁλίοιο γέροντος. ### book 1.539 αὐτίκα κερτομίοισι Δία Κρονίωνα προσηύδα· ### book 1.540 τίς δ’ αὖ τοι δολομῆτα θεῶν συμφράσσατο βουλάς; ### book 1.541 αἰεί τοι φίλον ἐστὶν ἐμεῦ ἀπὸ νόσφιν ἐόντα ### book 1.542 κρυπτάδια φρονέοντα δικαζέμεν· οὐδέ τί πώ μοι ### book 1.543 πρόφρων τέτληκας εἰπεῖν ἔπος ὅττι νοήσῃς. ### book 1.544 Τὴν δ’ ἠμείβετ’ ἔπειτα πατὴρ ἀνδρῶν τε θεῶν τε· ### book 1.545 Ἥρη μὴ δὴ πάντας ἐμοὺς ἐπιέλπεο μύθους ### book 1.546 εἰδήσειν· χαλεποί τοι ἔσοντ’ ἀλόχῳ περ ἐούσῃ· ### book 1.547 ἀλλ’ ὃν μέν κ’ ἐπιεικὲς ἀκουέμεν οὔ τις ἔπειτα ### book 1.548 οὔτε θεῶν πρότερος τὸν εἴσεται οὔτ’ ἀνθρώπων· ### book 1.549 ὃν δέ κ’ ἐγὼν ἀπάνευθε θεῶν ἐθέλωμι νοῆσαι ### book 1.550 μή τι σὺ ταῦτα ἕκαστα διείρεο μηδὲ μετάλλα. ### book 1.551 Τὸν δ’ ἠμείβετ’ ἔπειτα βοῶπις πότνια Ἥρη· ### book 1.552 αἰνότατε Κρονίδη ποῖον τὸν μῦθον ἔειπες; ### book 1.553 καὶ λίην σε πάρος γ’ οὔτ’ εἴρομαι οὔτε μεταλλῶ, ### book 1.554 ἀλλὰ μάλ’ εὔκηλος τὰ φράζεαι ἅσς’ ἐθέλῃσθα. ### book 1.555 νῦν δ’ αἰνῶς δείδοικα κατὰ φρένα μή σε παρείπῃ ### book 1.556 ἀργυρόπεζα Θέτις θυγάτηρ ἁλίοιο γέροντος· ### book 1.557 ἠερίη γὰρ σοί γε παρέζετο καὶ λάβε γούνων· ### book 1.558 τῇ ς’ ὀΐω κατανεῦσαι ἐτήτυμον ὡς Ἀχιλῆα ### book 1.559 τιμήσῃς, ὀλέσῃς δὲ πολέας ἐπὶ νηυσὶν Ἀχαιῶν. ### book 1.560 Τὴν δ’ ἀπαμειβόμενος προσέφη νεφεληγερέτα Ζεύς· ### book 1.561 δαιμονίη αἰεὶ μὲν ὀΐεαι οὐδέ σε λήθω· ### book 1.562 πρῆξαι δ’ ἔμπης οὔ τι δυνήσεαι, ἀλλ’ ἀπὸ θυμοῦ ### book 1.563 μᾶλλον ἐμοὶ ἔσεαι· τὸ δέ τοι καὶ ῥίγιον ἔσται. ### book 1.564 εἰ δ’ οὕτω τοῦτ’ ἐστὶν ἐμοὶ μέλλει φίλον εἶναι· ### book 1.565 ἀλλ’ ἀκέουσα κάθησο, ἐμῷ δ’ ἐπιπείθεο μύθῳ, ### book 1.566 μή νύ τοι οὐ χραίσμωσιν ὅσοι θεοί εἰς’ ἐν Ὀλύμπῳ ### book 1.567 ἆσσον ἰόνθ’, ὅτε κέν τοι ἀάπτους χεῖρας ἐφείω. ### book 1.568 Ὣς ἔφατ’ ἔδεισεν δὲ βοῶπις πότνια Ἥρη, ### book 1.569 καί ῥ’ ἀκέουσα καθῆστο ἐπιγνάμψασα φίλον κῆρ· ### book 1.570 ὄχθησαν δ’ ἀνὰ δῶμα Διὸς θεοὶ Οὐρανίωνες· ### book 1.571 τοῖσιν δ’ Ἥφαιστος κλυτοτέχνης ἦρχ’ ἀγορεύειν ### book 1.572 μητρὶ φίλῃ ἐπίηρα φέρων λευκωλένῳ Ἥρῃ· ### book 1.573 ἦ δὴ λοίγια ἔργα τάδ’ ἔσσεται οὐδ’ ἔτ’ ἀνεκτά, ### book 1.574 εἰ δὴ σφὼ ἕνεκα θνητῶν ἐριδαίνετον ὧδε, ### book 1.575 ἐν δὲ θεοῖσι κολῳὸν ἐλαύνετον· οὐδέ τι δαιτὸς ### book 1.576 ἐσθλῆς ἔσσεται ἦδος, ἐπεὶ τὰ χερείονα νικᾷ. ### book 1.577 μητρὶ δ’ ἐγὼ παράφημι καὶ αὐτῇ περ νοεούσῃ ### book 1.578 πατρὶ φίλῳ ἐπίηρα φέρειν Διί, ὄφρα μὴ αὖτε ### book 1.579 νεικείῃσι πατήρ, σὺν δ’ ἡμῖν δαῖτα ταράξῃ. ### book 1.580 εἴ περ γάρ κ’ ἐθέλῃσιν Ὀλύμπιος ἀστεροπητὴς ### book 1.581 ἐξ ἑδέων στυφελίξαι· ὃ γὰρ πολὺ φέρτατός ἐστιν. ### book 1.582 ἀλλὰ σὺ τὸν ἐπέεσσι καθάπτεσθαι μαλακοῖσιν· ### book 1.583 αὐτίκ’ ἔπειθ’ ἵλαος Ὀλύμπιος ἔσσεται ἡμῖν. ### book 1.584 Ὣς ἄρ’ ἔφη καὶ ἀναΐξας δέπας ἀμφικύπελλον ### book 1.585 μητρὶ φίλῃ ἐν χειρὶ τίθει καί μιν προσέειπε· ### book 1.586 τέτλαθι μῆτερ ἐμή, καὶ ἀνάσχεο κηδομένη περ, ### book 1.587 μή σε φίλην περ ἐοῦσαν ἐν ὀφθαλμοῖσιν ἴδωμαι ### book 1.588 θεινομένην, τότε δ’ οὔ τι δυνήσομαι ἀχνύμενός περ ### book 1.589 χραισμεῖν· ἀργαλέος γὰρ Ὀλύμπιος ἀντιφέρεσθαι· ### book 1.590 ἤδη γάρ με καὶ ἄλλοτ’ ἀλεξέμεναι μεμαῶτα ### book 1.591 ῥῖψε ποδὸς τετάγων ἀπὸ βηλοῦ θεσπεσίοιο, ### book 1.592 πᾶν δ’ ἦμαρ φερόμην, ἅμα δ’ ἠελίῳ καταδύντι ### book 1.593 κάππεσον ἐν Λήμνῳ, ὀλίγος δ’ ἔτι θυμὸς ἐνῆεν· ### book 1.594 ἔνθά με Σίντιες ἄνδρες ἄφαρ κομίσαντο πεσόντα. ### book 1.595 Ὣς φάτο, μείδησεν δὲ θεὰ λευκώλενος Ἥρη, ### book 1.596 μειδήσασα δὲ παιδὸς ἐδέξατο χειρὶ κύπελλον· ### book 1.597 αὐτὰρ ὃ τοῖς ἄλλοισι θεοῖς ἐνδέξια πᾶσιν ### book 1.598 οἰνοχόει γλυκὺ νέκταρ ἀπὸ κρητῆρος ἀφύσσων· ### book 1.599 ἄσβεστος δ’ ἄρ’ ἐνῶρτο γέλως μακάρεσσι θεοῖσιν ### book 1.600 ὡς ἴδον Ἥφαιστον διὰ δώματα ποιπνύοντα. ### book 1.601 Ὣς τότε μὲν πρόπαν ἦμαρ ἐς ἠέλιον καταδύντα ### book 1.602 δαίνυντ’, οὐδέ τι θυμὸς ἐδεύετο δαιτὸς ἐΐσης, ### book 1.603 οὐ μὲν φόρμιγγος περικαλλέος ἣν ἔχ’ Ἀπόλλων, ### book 1.604 Μουσάων θ’ αἳ ἄειδον ἀμειβόμεναι ὀπὶ καλῇ. ### book 1.605 Αὐτὰρ ἐπεὶ κατέδυ λαμπρὸν φάος ἠελίοιο, ### book 1.606 οἳ μὲν κακκείοντες ἔβαν οἶκον δὲ ἕκαστος, ### book 1.607 ἧχι ἑκάστῳ δῶμα περικλυτὸς ἀμφιγυήεις ### book 1.608 Ἥφαιστος ποίησεν ἰδυίῃσι πραπίδεσσι· ### book 1.609 Ζεὺς δὲ πρὸς ὃν λέχος ἤϊ’ Ὀλύμπιος ἀστεροπητής, ### book 1.610 ἔνθα πάρος κοιμᾶθ’ ὅτε μιν γλυκὺς ὕπνος ἱκάνοι· ### book 1.611 ἔνθα καθεῦδ’ ἀναβάς, παρὰ δὲ χρυσόθρονος Ἥρη. ### book 2.1 Ἄλλοι μέν ῥα θεοί τε καὶ ἀνέρες ἱπποκορυσταὶ ### book 2.2 εὗδον παννύχιοι, Δία δ’ οὐκ ἔχε νήδυμος ὕπνος, ### book 2.3 ἀλλ’ ὅ γε μερμήριζε κατὰ φρένα ὡς Ἀχιλῆα ### book 2.4 τιμήσῃ, ὀλέσῃ δὲ πολέας ἐπὶ νηυσὶν Ἀχαιῶν. ### book 2.5 ἧδε δέ οἱ κατὰ θυμὸν ἀρίστη φαίνετο βουλή, ### book 2.6 πέμψαι ἐπ’ Ἀτρεΐδῃ Ἀγαμέμνονι οὖλον ὄνειρον· ### book 2.7 καί μιν φωνήσας ἔπεα πτερόεντα προσηύδα· ### book 2.8 βάσκ’ ἴθι οὖλε ὄνειρε θοὰς ἐπὶ νῆας Ἀχαιῶν· ### book 2.9 ἐλθὼν ἐς κλισίην Ἀγαμέμνονος Ἀτρεΐδαο ### book 2.10 πάντα μάλ’ ἀτρεκέως ἀγορευέμεν ὡς ἐπιτέλλω· ### book 2.11 θωρῆξαί ἑ κέλευε κάρη κομόωντας Ἀχαιοὺς ### book 2.12 πανσυδίῃ· νῦν γάρ κεν ἕλοι πόλιν εὐρυάγυιαν ### book 2.13 Τρώων· οὐ γὰρ ἔτ’ ἀμφὶς Ὀλύμπια δώματ’ ἔχοντες ### book 2.14 ἀθάνατοι φράζονται· ἐπέγναμψεν γὰρ ἅπαντας ### book 2.15 Ἥρη λισσομένη, Τρώεσσι δὲ κήδε’ ἐφῆπται. ### book 2.16 Ὣς φάτο, βῆ δ’ ἄρ’ ὄνειρος ἐπεὶ τὸν μῦθον ἄκουσε· ### book 2.17 καρπαλίμως δ’ ἵκανε θοὰς ἐπὶ νῆας Ἀχαιῶν, ### book 2.18 βῆ δ’ ἄρ’ ἐπ’ Ἀτρεΐδην Ἀγαμέμνονα· τὸν δὲ κίχανεν ### book 2.19 εὕδοντ’ ἐν κλισίῃ, περὶ δ’ ἀμβρόσιος κέχυθ’ ὕπνος. ### book 2.20 στῆ δ’ ἄρ’ ὑπὲρ κεφαλῆς Νηληΐῳ υἷι ἐοικώς ### book 2.21 Νέστορι, τόν ῥα μάλιστα γερόντων τῖ’ Ἀγαμέμνων· ### book 2.22 τῷ μιν ἐεισάμενος προσεφώνεε θεῖος ὄνειρος· ### book 2.23 εὕδεις Ἀτρέος υἱὲ δαΐφρονος ἱπποδάμοιο· ### book 2.24 οὐ χρὴ παννύχιον εὕδειν βουληφόρον ἄνδρα ### book 2.25 ᾧ λαοί τ’ ἐπιτετράφαται καὶ τόσσα μέμηλε· ### book 2.26 νῦν δ’ ἐμέθεν ξύνες ὦκα· Διὸς δέ τοι ἄγγελός εἰμι, ### book 2.27 ὃς σεῦ ἄνευθεν ἐὼν μέγα κήδεται ἠδ’ ἐλεαίρει. ### book 2.28 θωρῆξαί σε κέλευσε κάρη κομόωντας Ἀχαιοὺς ### book 2.29 πανσυδίῃ· νῦν γάρ κεν ἕλοις πόλιν εὐρυάγυιαν ### book 2.30 Τρώων· οὐ γὰρ ἔτ’ ἀμφὶς Ὀλύμπια δώματ’ ἔχοντες ### book 2.31 ἀθάνατοι φράζονται· ἐπέγναμψεν γὰρ ἅπαντας ### book 2.32 Ἥρη λισσομένη, Τρώεσσι δὲ κήδε’ ἐφῆπται ### book 2.33 ἐκ Διός· ἀλλὰ σὺ σῇσιν ἔχε φρεσί, μηδέ σε λήθη ### book 2.34 αἱρείτω εὖτ’ ἄν σε μελίφρων ὕπνος ἀνήῃ. ### book 2.35 Ὣς ἄρα φωνήσας ἀπεβήσετο, τὸν δὲ λίπ’ αὐτοῦ ### book 2.36 τὰ φρονέοντ’ ἀνὰ θυμὸν ἅ ῥ’ οὐ τελέεσθαι ἔμελλον· ### book 2.37 φῆ γὰρ ὅ γ’ αἱρήσειν Πριάμου πόλιν ἤματι κείνῳ ### book 2.38 νήπιος, οὐδὲ τὰ ᾔδη ἅ ῥα Ζεὺς μήδετο ἔργα· ### book 2.39 θήσειν γὰρ ἔτ’ ἔμελλεν ἐπ’ ἄλγεά τε στοναχάς τε ### book 2.40 Τρωσί τε καὶ Δαναοῖσι διὰ κρατερὰς ὑσμίνας. ### book 2.41 ἔγρετο δ’ ἐξ ὕπνου, θείη δέ μιν ἀμφέχυτ’ ὀμφή· ### book 2.42 ἕζετο δ’ ὀρθωθείς, μαλακὸν δ’ ἔνδυνε χιτῶνα ### book 2.43 καλὸν νηγάτεον, περὶ δὲ μέγα βάλλετο φᾶρος· ### book 2.44 ποσσὶ δ’ ὑπὸ λιπαροῖσιν ἐδήσατο καλὰ πέδιλα, ### book 2.45 ἀμφὶ δ’ ἄρ’ ὤμοισιν βάλετο ξίφος ἀργυρόηλον· ### book 2.46 εἵλετο δὲ σκῆπτρον πατρώϊον ἄφθιτον αἰεὶ ### book 2.47 σὺν τῷ ἔβη κατὰ νῆας Ἀχαιῶν χαλκοχιτώνων· ### book 2.48 Ἠὼς μέν ῥα θεὰ προσεβήσετο μακρὸν Ὄλυμπον ### book 2.49 Ζηνὶ φόως ἐρέουσα καὶ ἄλλοις ἀθανάτοισιν· ### book 2.50 αὐτὰρ ὃ κηρύκεσσι λιγυφθόγγοισι κέλευσε ### book 2.51 κηρύσσειν ἀγορὴν δὲ κάρη κομόωντας Ἀχαιούς· ### book 2.52 οἳ μὲν ἐκήρυσσον, τοὶ δ’ ἠγείροντο μάλ’ ὦκα· ### book 2.53 Βουλὴν δὲ πρῶτον μεγαθύμων ἷζε γερόντων ### book 2.54 Νεστορέῃ παρὰ νηῒ Πυλοιγενέος βασιλῆος· ### book 2.55 τοὺς ὅ γε συγκαλέσας πυκινὴν ἀρτύνετο βουλήν· ### book 2.56 κλῦτε φίλοι· θεῖός μοι ἐνύπνιον ἦλθεν ὄνειρος ### book 2.57 ἀμβροσίην διὰ νύκτα· μάλιστα δὲ Νέστορι δίῳ ### book 2.58 εἶδός τε μέγεθός τε φυήν τ’ ἄγχιστα ἐῴκει· ### book 2.59 στῆ δ’ ἄρ’ ὑπὲρ κεφαλῆς καί με πρὸς μῦθον ἔειπεν· ### book 2.60 εὕδεις Ἀτρέος υἱὲ δαΐφρονος ἱπποδάμοιο· ### book 2.61 οὐ χρὴ παννύχιον εὕδειν βουληφόρον ἄνδρα, ### book 2.62 ᾧ λαοί τ’ ἐπιτετράφαται καὶ τόσσα μέμηλε· ### book 2.63 νῦν δ’ ἐμέθεν ξύνες ὦκα· Διὸς δέ τοι ἄγγελός εἰμι, ### book 2.64 ὃς σεῦ ἄνευθεν ἐὼν μέγα κήδεται ἠδ’ ἐλεαίρει· ### book 2.65 θωρῆξαί σε κέλευσε κάρη κομόωντας Ἀχαιοὺς ### book 2.66 πανσυδίῃ· νῦν γάρ κεν ἕλοις πόλιν εὐρυάγυιαν ### book 2.67 Τρώων· οὐ γὰρ ἔτ’ ἀμφὶς Ὀλύμπια δώματ’ ἔχοντες ### book 2.68 ἀθάνατοι φράζονται· ἐπέγναμψεν γὰρ ἅπαντας ### book 2.69 Ἥρη λισσομένη, Τρώεσσι δὲ κήδε’ ἐφῆπται ### book 2.70 ἐκ Διός· ἀλλὰ σὺ σῇσιν ἔχε φρεσίν· ὣς ὃ μὲν εἰπὼν ### book 2.71 ᾤχετ’ ἀποπτάμενος, ἐμὲ δὲ γλυκὺς ὕπνος ἀνῆκεν. ### book 2.72 ἀλλ’ ἄγετ’ αἴ κέν πως θωρήξομεν υἷας Ἀχαιῶν· ### book 2.73 πρῶτα δ’ ἐγὼν ἔπεσιν πειρήσομαι, ἣ θέμις ἐστί, ### book 2.74 καὶ φεύγειν σὺν νηυσὶ πολυκλήϊσι κελεύσω· ### book 2.75 ὑμεῖς δ’ ἄλλοθεν ἄλλος ἐρητύειν ἐπέεσσιν. ### book 2.76 Ἤτοι ὅ γ’ ὣς εἰπὼν κατ’ ἄρ’ ἕζετο, τοῖσι δ’ ἀνέστη ### book 2.77 Νέστωρ, ὅς ῥα Πύλοιο ἄναξ ἦν ἠμαθόεντος, ### book 2.78 ὅ σφιν ἐὺ φρονέων ἀγορήσατο καὶ μετέειπεν· ### book 2.79 ὦ φίλοι Ἀργείων ἡγήτορες ἠδὲ μέδοντες ### book 2.80 εἰ μέν τις τὸν ὄνειρον Ἀχαιῶν ἄλλος ἔνισπε ### book 2.81 ψεῦδός κεν φαῖμεν καὶ νοσφιζοίμεθα μᾶλλον· ### book 2.82 νῦν δ’ ἴδεν ὃς μέγ’ ἄριστος Ἀχαιῶν εὔχεται εἶναι· ### book 2.83 ἀλλ’ ἄγετ’ αἴ κέν πως θωρήξομεν υἷας Ἀχαιῶν. ### book 2.84 Ὣς ἄρα φωνήσας βουλῆς ἐξῆρχε νέεσθαι, ### book 2.85 οἳ δ’ ἐπανέστησαν πείθοντό τε ποιμένι λαῶν ### book 2.86 σκηπτοῦχοι βασιλῆες· ἐπεσσεύοντο δὲ λαοί. ### book 2.87 ἠΰτε ἔθνεα εἶσι μελισσάων ἁδινάων ### book 2.88 πέτρης ἐκ γλαφυρῆς αἰεὶ νέον ἐρχομενάων, ### book 2.89 βοτρυδὸν δὲ πέτονται ἐπ’ ἄνθεσιν εἰαρινοῖσιν· ### book 2.90 αἳ μέν τ’ ἔνθα ἅλις πεποτήαται, αἳ δέ τε ἔνθα· ### book 2.91 ὣς τῶν ἔθνεα πολλὰ νεῶν ἄπο καὶ κλισιάων ### book 2.92 ἠϊόνος προπάροιθε βαθείης ἐστιχόωντο ### book 2.93 ἰλαδὸν εἰς ἀγορήν· μετὰ δέ σφισιν ὄσσα δεδήει ### book 2.94 ὀτρύνους’ ἰέναι Διὸς ἄγγελος· οἳ δ’ ἀγέροντο. ### book 2.95 τετρήχει δ’ ἀγορή, ὑπὸ δὲ στεναχίζετο γαῖα ### book 2.96 λαῶν ἱζόντων, ὅμαδος δ’ ἦν· ἐννέα δέ σφεας ### book 2.97 κήρυκες βοόωντες ἐρήτυον, εἴ ποτ’ ἀϋτῆς ### book 2.98 σχοίατ’, ἀκούσειαν δὲ διοτρεφέων βασιλήων. ### book 2.99 σπουδῇ δ’ ἕζετο λαός, ἐρήτυθεν δὲ καθ’ ἕδρας ### book 2.100 παυσάμενοι κλαγγῆς· ἀνὰ δὲ κρείων Ἀγαμέμνων ### book 2.101 ἔστη σκῆπτρον ἔχων τὸ μὲν Ἥφαιστος κάμε τεύχων. ### book 2.102 Ἥφαιστος μὲν δῶκε Διὶ Κρονίωνι ἄνακτι, ### book 2.103 αὐτὰρ ἄρα Ζεὺς δῶκε διακτόρῳ ἀργεϊφόντῃ· ### book 2.104 Ἑρμείας δὲ ἄναξ δῶκεν Πέλοπι πληξίππῳ, ### book 2.105 αὐτὰρ ὃ αὖτε Πέλοψ δῶκ’ Ἀτρέϊ ποιμένι λαῶν, ### book 2.106 Ἀτρεὺς δὲ θνῄσκων ἔλιπεν πολύαρνι Θυέστῃ, ### book 2.107 αὐτὰρ ὃ αὖτε Θυέστ’ Ἀγαμέμνονι λεῖπε φορῆναι, ### book 2.108 πολλῇσιν νήσοισι καὶ Ἄργεϊ παντὶ ἀνάσσειν. ### book 2.109 τῷ ὅ γ’ ἐρεισάμενος ἔπε’ Ἀργείοισι μετηύδα· ### book 2.110 ὦ φίλοι ἥρωες Δαναοὶ θεράποντες Ἄρηος ### book 2.111 Ζεύς με μέγα Κρονίδης ἄτῃ ἐνέδησε βαρείῃ ### book 2.112 σχέτλιος, ὃς πρὶν μέν μοι ὑπέσχετο καὶ κατένευσεν ### book 2.113 Ἴλιον ἐκπέρσαντ’ εὐτείχεον ἀπονέεσθαι, ### book 2.114 νῦν δὲ κακὴν ἀπάτην βουλεύσατο, καί με κελεύει ### book 2.115 δυσκλέα Ἄργος ἱκέσθαι, ἐπεὶ πολὺν ὤλεσα λαόν. ### book 2.116 οὕτω που Διὶ μέλλει ὑπερμενέϊ φίλον εἶναι, ### book 2.117 ὃς δὴ πολλάων πολίων κατέλυσε κάρηνα ### book 2.118 ἠδ’ ἔτι καὶ λύσει· τοῦ γὰρ κράτος ἐστὶ μέγιστον. ### book 2.119 αἰσχρὸν γὰρ τόδε γ’ ἐστὶ καὶ ἐσσομένοισι πυθέσθαι ### book 2.120 μὰψ οὕτω τοιόνδε τοσόνδε τε λαὸν Ἀχαιῶν ### book 2.121 ἄπρηκτον πόλεμον πολεμίζειν ἠδὲ μάχεσθαι ### book 2.122 ἀνδράσι παυροτέροισι, τέλος δ’ οὔ πώ τι πέφανται· ### book 2.123 εἴ περ γάρ κ’ ἐθέλοιμεν Ἀχαιοί τε Τρῶές τε ### book 2.124 ὅρκια πιστὰ ταμόντες ἀριθμηθήμεναι ἄμφω, ### book 2.125 Τρῶας μὲν λέξασθαι ἐφέστιοι ὅσσοι ἔασιν, ### book 2.126 ἡμεῖς δ’ ἐς δεκάδας διακοσμηθεῖμεν Ἀχαιοί, ### book 2.127 Τρώων δ’ ἄνδρα ἕκαστοι ἑλοίμεθα οἰνοχοεύειν, ### book 2.128 πολλαί κεν δεκάδες δευοίατο οἰνοχόοιο. ### book 2.129 τόσσον ἐγώ φημι πλέας ἔμμεναι υἷας Ἀχαιῶν ### book 2.130 Τρώων, οἳ ναίουσι κατὰ πτόλιν· ἀλλ’ ἐπίκουροι ### book 2.131 πολλέων ἐκ πολίων ἐγχέσπαλοι ἄνδρες ἔασιν, ### book 2.132 οἵ με μέγα πλάζουσι καὶ οὐκ εἰῶς’ ἐθέλοντα ### book 2.133 Ἰλίου ἐκπέρσαι εὖ ναιόμενον πτολίεθρον. ### book 2.134 ἐννέα δὴ βεβάασι Διὸς μεγάλου ἐνιαυτοί, ### book 2.135 καὶ δὴ δοῦρα σέσηπε νεῶν καὶ σπάρτα λέλυνται· ### book 2.136 αἳ δέ που ἡμέτεραί τ’ ἄλοχοι καὶ νήπια τέκνα ### book 2.137 εἵατ’ ἐνὶ μεγάροις ποτιδέγμεναι· ἄμμι δὲ ἔργον ### book 2.138 αὔτως ἀκράαντον οὗ εἵνεκα δεῦρ’ ἱκόμεσθα. ### book 2.139 ἀλλ’ ἄγεθ’ ὡς ἂν ἐγὼ εἴπω πειθώμεθα πάντες· ### book 2.140 φεύγωμεν σὺν νηυσὶ φίλην ἐς πατρίδα γαῖαν· ### book 2.141 οὐ γὰρ ἔτι Τροίην αἱρήσομεν εὐρυάγυιαν. ### book 2.142 Ὣς φάτο, τοῖσι δὲ θυμὸν ἐνὶ στήθεσσιν ὄρινε ### book 2.143 πᾶσι μετὰ πληθὺν ὅσοι οὐ βουλῆς ἐπάκουσαν· ### book 2.144 κινήθη δ’ ἀγορὴ φὴ κύματα μακρὰ θαλάσσης ### book 2.145 πόντου Ἰκαρίοιο, τὰ μέν τ’ Εὖρός τε Νότος τε ### book 2.146 ὤρορ’ ἐπαΐξας πατρὸς Διὸς ἐκ νεφελάων. ### book 2.147 ὡς δ’ ὅτε κινήσῃ Ζέφυρος βαθὺ λήϊον ἐλθὼν ### book 2.148 λάβρος ἐπαιγίζων, ἐπί τ’ ἠμύει ἀσταχύεσσιν, ### book 2.149 ὣς τῶν πᾶς’ ἀγορὴ κινήθη· τοὶ δ’ ἀλαλητῷ ### book 2.150 νῆας ἔπ’ ἐσσεύοντο, ποδῶν δ’ ὑπένερθε κονίη ### book 2.151 ἵστατ’ ἀειρομένη· τοὶ δ’ ἀλλήλοισι κέλευον ### book 2.152 ἅπτεσθαι νηῶν ἠδ’ ἑλκέμεν εἰς ἅλα δῖαν, ### book 2.153 οὐρούς τ’ ἐξεκάθαιρον· ἀϋτὴ δ’ οὐρανὸν ἷκεν ### book 2.154 οἴκαδε ἱεμένων· ὑπὸ δ’ ᾕρεον ἕρματα νηῶν. ### book 2.155 Ἔνθά κεν Ἀργείοισιν ὑπέρμορα νόστος ἐτύχθη ### book 2.156 εἰ μὴ Ἀθηναίην Ἥρη πρὸς μῦθον ἔειπεν· ### book 2.157 ὢ πόποι αἰγιόχοιο Διὸς τέκος Ἀτρυτώνη, ### book 2.158 οὕτω δὴ οἶκον δὲ φίλην ἐς πατρίδα γαῖαν ### book 2.159 Ἀργεῖοι φεύξονται ἐπ’ εὐρέα νῶτα θαλάσσης, ### book 2.160 κὰδ δέ κεν εὐχωλὴν Πριάμῳ καὶ Τρωσὶ λίποιεν ### book 2.161 Ἀργείην Ἑλένην, ἧς εἵνεκα πολλοὶ Ἀχαιῶν ### book 2.162 ἐν Τροίῃ ἀπόλοντο φίλης ἀπὸ πατρίδος αἴης· ### book 2.163 ἀλλ’ ἴθι νῦν κατὰ λαὸν Ἀχαιῶν χαλκοχιτώνων· ### book 2.164 σοῖς ἀγανοῖς ἐπέεσσιν ἐρήτυε φῶτα ἕκαστον, ### book 2.165 μηδὲ ἔα νῆας ἅλα δ’ ἑλκέμεν ἀμφιελίσσας. ### book 2.166 Ὣς ἔφατ’, οὐδ’ ἀπίθησε θεὰ γλαυκῶπις Ἀθήνη, ### book 2.167 βῆ δὲ κατ’ Οὐλύμποιο καρήνων ἀΐξασα· ### book 2.168 καρπαλίμως δ’ ἵκανε θοὰς ἐπὶ νῆας Ἀχαιῶν. ### book 2.169 εὗρεν ἔπειτ’ Ὀδυσῆα Διὶ μῆτιν ἀτάλαντον ### book 2.170 ἐσταότ’· οὐδ’ ὅ γε νηὸς ἐϋσσέλμοιο μελαίνης ### book 2.171 ἅπτετ’, ἐπεί μιν ἄχος κραδίην καὶ θυμὸν ἵκανεν· ### book 2.172 ἀγχοῦ δ’ ἱσταμένη προσέφη γλαυκῶπις Ἀθήνη· ### book 2.173 διογενὲς Λαερτιάδη πολυμήχαν’ Ὀδυσσεῦ, ### book 2.174 οὕτω δὴ οἶκον δὲ φίλην ἐς πατρίδα γαῖαν ### book 2.175 φεύξεσθ’ ἐν νήεσσι πολυκλήϊσι πεσόντες, ### book 2.176 κὰδ δέ κεν εὐχωλὴν Πριάμῳ καὶ Τρωσὶ λίποιτε ### book 2.177 Ἀργείην Ἑλένην, ἧς εἵνεκα πολλοὶ Ἀχαιῶν ### book 2.178 ἐν Τροίῃ ἀπόλοντο φίλης ἀπὸ πατρίδος αἴης; ### book 2.179 ἀλλ’ ἴθι νῦν κατὰ λαὸν Ἀχαιῶν, μηδ’ ἔτ’ ἐρώει, ### book 2.180 σοῖς δ’ ἀγανοῖς ἐπέεσσιν ἐρήτυε φῶτα ἕκαστον, ### book 2.181 μηδὲ ἔα νῆας ἅλα δ’ ἑλκέμεν ἀμφιελίσσας. ### book 2.182 Ὣς φάθ’, ὃ δὲ ξυνέηκε θεᾶς ὄπα φωνησάσης, ### book 2.183 βῆ δὲ θέειν, ἀπὸ δὲ χλαῖναν βάλε· τὴν δὲ κόμισσε ### book 2.184 κῆρυξ Εὐρυβάτης Ἰθακήσιος ὅς οἱ ὀπήδει· ### book 2.185 αὐτὸς δ’ Ἀτρεΐδεω Ἀγαμέμνονος ἀντίος ἐλθὼν ### book 2.186 δέξατό οἱ σκῆπτρον πατρώϊον ἄφθιτον αἰεί· ### book 2.187 σὺν τῷ ἔβη κατὰ νῆας Ἀχαιῶν χαλκοχιτώνων. ### book 2.188 Ὅν τινα μὲν βασιλῆα καὶ ἔξοχον ἄνδρα κιχείη ### book 2.189 τὸν δ’ ἀγανοῖς ἐπέεσσιν ἐρητύσασκε παραστάς· ### book 2.190 δαιμόνι’ οὔ σε ἔοικε κακὸν ὣς δειδίσσεσθαι, ### book 2.191 ἀλλ’ αὐτός τε κάθησο καὶ ἄλλους ἵδρυε λαούς· ### book 2.192 οὐ γάρ πω σάφα οἶσθ’ οἷος νόος Ἀτρεΐωνος· ### book 2.193 νῦν μὲν πειρᾶται, τάχα δ’ ἴψεται υἷας Ἀχαιῶν. ### book 2.194 ἐν βουλῇ δ’ οὐ πάντες ἀκούσαμεν οἷον ἔειπε. ### book 2.195 μή τι χολωσάμενος ῥέξῃ κακὸν υἷας Ἀχαιῶν· ### book 2.196 θυμὸς δὲ μέγας ἐστὶ διοτρεφέων βασιλήων, ### book 2.197 τιμὴ δ’ ἐκ Διός ἐστι, φιλεῖ δέ ἑ μητίετα Ζεύς. ### book 2.198 Ὃν δ’ αὖ δήμου τ’ ἄνδρα ἴδοι βοόωντά τ’ ἐφεύροι, ### book 2.199 τὸν σκήπτρῳ ἐλάσασκεν ὁμοκλήσασκέ τε μύθῳ· ### book 2.200 δαιμόνι’ ἀτρέμας ἧσο καὶ ἄλλων μῦθον ἄκουε, ### book 2.201 οἳ σέο φέρτεροί εἰσι, σὺ δ’ ἀπτόλεμος καὶ ἄναλκις ### book 2.202 οὔτέ ποτ’ ἐν πολέμῳ ἐναρίθμιος οὔτ’ ἐνὶ βουλῇ· ### book 2.203 οὐ μέν πως πάντες βασιλεύσομεν ἐνθάδ’ Ἀχαιοί· ### book 2.204 οὐκ ἀγαθὸν πολυκοιρανίη· εἷς κοίρανος ἔστω, ### book 2.205 εἷς βασιλεύς, ᾧ δῶκε Κρόνου πάϊς ἀγκυλομήτεω ### book 2.206 σκῆπτρόν τ’ ἠδὲ θέμιστας, ἵνά σφισι βουλεύῃσι. ### book 2.207 Ὣς ὅ γε κοιρανέων δίεπε στρατόν· οἳ δ’ ἀγορὴν δὲ ### book 2.208 αὖτις ἐπεσσεύοντο νεῶν ἄπο καὶ κλισιάων ### book 2.209 ἠχῇ, ὡς ὅτε κῦμα πολυφλοίσβοιο θαλάσσης ### book 2.210 αἰγιαλῷ μεγάλῳ βρέμεται, σμαραγεῖ δέ τε πόντος. ### book 2.211 Ἄλλοι μέν ῥ’ ἕζοντο, ἐρήτυθεν δὲ καθ’ ἕδρας· ### book 2.212 Θερσίτης δ’ ἔτι μοῦνος ἀμετροεπὴς ἐκολῴα, ### book 2.213 ὃς ἔπεα φρεσὶν ᾗσιν ἄκοσμά τε πολλά τε ᾔδη ### book 2.214 μάψ, ἀτὰρ οὐ κατὰ κόσμον, ἐριζέμεναι βασιλεῦσιν, ### book 2.215 ἀλλ’ ὅ τι οἱ εἴσαιτο γελοίϊον Ἀργείοισιν ### book 2.216 ἔμμεναι· αἴσχιστος δὲ ἀνὴρ ὑπὸ Ἴλιον ἦλθε· ### book 2.217 φολκὸς ἔην, χωλὸς δ’ ἕτερον πόδα· τὼ δέ οἱ ὤμω ### book 2.218 κυρτὼ ἐπὶ στῆθος συνοχωκότε· αὐτὰρ ὕπερθε ### book 2.219 φοξὸς ἔην κεφαλήν, ψεδνὴ δ’ ἐπενήνοθε λάχνη. ### book 2.220 ἔχθιστος δ’ Ἀχιλῆϊ μάλιστ’ ἦν ἠδ’ Ὀδυσῆϊ· ### book 2.221 τὼ γὰρ νεικείεσκε· τότ’ αὖτ’ Ἀγαμέμνονι δίῳ ### book 2.222 ὀξέα κεκλήγων λέγ’ ὀνείδεα· τῷ δ’ ἄρ’ Ἀχαιοὶ ### book 2.223 ἐκπάγλως κοτέοντο νεμέσσηθέν τ’ ἐνὶ θυμῷ. ### book 2.224 αὐτὰρ ὃ μακρὰ βοῶν Ἀγαμέμνονα νείκεε μύθῳ· ### book 2.225 Ἀτρεΐδη τέο δ’ αὖτ’ ἐπιμέμφεαι ἠδὲ χατίζεις; ### book 2.226 πλεῖαί τοι χαλκοῦ κλισίαι, πολλαὶ δὲ γυναῖκες ### book 2.227 εἰσὶν ἐνὶ κλισίῃς ἐξαίρετοι, ἅς τοι Ἀχαιοὶ ### book 2.228 πρωτίστῳ δίδομεν εὖτ’ ἂν πτολίεθρον ἕλωμεν. ### book 2.229 ἦ ἔτι καὶ χρυσοῦ ἐπιδεύεαι, ὅν κέ τις οἴσει ### book 2.230 Τρώων ἱπποδάμων ἐξ Ἰλίου υἷος ἄποινα, ### book 2.231 ὅν κεν ἐγὼ δήσας ἀγάγω ἢ ἄλλος Ἀχαιῶν, ### book 2.232 ἠὲ γυναῖκα νέην, ἵνα μίσγεαι ἐν φιλότητι, ### book 2.233 ἥν τ’ αὐτὸς ἀπονόσφι κατίσχεαι; οὐ μὲν ἔοικεν ### book 2.234 ἀρχὸν ἐόντα κακῶν ἐπιβασκέμεν υἷας Ἀχαιῶν. ### book 2.235 ὦ πέπονες κάκ’ ἐλέγχε’ Ἀχαιΐδες οὐκέτ’ Ἀχαιοὶ ### book 2.236 οἴκαδέ περ σὺν νηυσὶ νεώμεθα, τόνδε δ’ ἐῶμεν ### book 2.237 αὐτοῦ ἐνὶ Τροίῃ γέρα πεσσέμεν, ὄφρα ἴδηται ### book 2.238 ἤ ῥά τί οἱ χἠμεῖς προσαμύνομεν ἦε καὶ οὐκί· ### book 2.239 ὃς καὶ νῦν Ἀχιλῆα ἕο μέγ’ ἀμείνονα φῶτα ### book 2.240 ἠτίμησεν· ἑλὼν γὰρ ἔχει γέρας αὐτὸς ἀπούρας. ### book 2.241 ἀλλὰ μάλ’ οὐκ Ἀχιλῆϊ χόλος φρεσίν, ἀλλὰ μεθήμων· ### book 2.242 ἦ γὰρ ἂν Ἀτρεΐδη νῦν ὕστατα λωβήσαιο· ### book 2.243 Ὣς φάτο νεικείων Ἀγαμέμνονα ποιμένα λαῶν, ### book 2.244 Θερσίτης· τῷ δ’ ὦκα παρίστατο δῖος Ὀδυσσεύς, ### book 2.245 καί μιν ὑπόδρα ἰδὼν χαλεπῷ ἠνίπαπε μύθῳ· ### book 2.246 Θερσῖτ’ ἀκριτόμυθε, λιγύς περ ἐὼν ἀγορητής, ### book 2.247 ἴσχεο, μηδ’ ἔθελ’ οἶος ἐριζέμεναι βασιλεῦσιν· ### book 2.248 οὐ γὰρ ἐγὼ σέο φημὶ χερειότερον βροτὸν ἄλλον ### book 2.249 ἔμμεναι, ὅσσοι ἅμ’ Ἀτρεΐδῃς ὑπὸ Ἴλιον ἦλθον. ### book 2.250 τὼ οὐκ ἂν βασιλῆας ἀνὰ στόμ’ ἔχων ἀγορεύοις, ### book 2.251 καί σφιν ὀνείδεά τε προφέροις, νόστόν τε φυλάσσοις. ### book 2.252 οὐδέ τί πω σάφα ἴδμεν ὅπως ἔσται τάδε ἔργα, ### book 2.253 ἢ εὖ ἦε κακῶς νοστήσομεν υἷες Ἀχαιῶν. ### book 2.254 τὼ νῦν Ἀτρεΐδῃ Ἀγαμέμνονι ποιμένι λαῶν ### book 2.255 ἧσαι ὀνειδίζων, ὅτι οἱ μάλα πολλὰ διδοῦσιν ### book 2.256 ἥρωες Δαναοί· σὺ δὲ κερτομέων ἀγορεύεις. ### book 2.257 ἀλλ’ ἔκ τοι ἐρέω, τὸ δὲ καὶ τετελεσμένον ἔσται· ### book 2.258 εἴ κ’ ἔτι ς’ ἀφραίνοντα κιχήσομαι ὥς νύ περ ὧδε, ### book 2.259 μηκέτ’ ἔπειτ’ Ὀδυσῆϊ κάρη ὤμοισιν ἐπείη, ### book 2.260 μηδ’ ἔτι Τηλεμάχοιο πατὴρ κεκλημένος εἴην, ### book 2.261 εἰ μὴ ἐγώ σε λαβὼν ἀπὸ μὲν φίλα εἵματα δύσω, ### book 2.262 χλαῖνάν τ’ ἠδὲ χιτῶνα, τά τ’ αἰδῶ ἀμφικαλύπτει, ### book 2.263 αὐτὸν δὲ κλαίοντα θοὰς ἐπὶ νῆας ἀφήσω ### book 2.264 πεπλήγων ἀγορῆθεν ἀεικέσσι πληγῇσιν. ### book 2.265 Ὣς ἄρ’ ἔφη, σκήπτρῳ δὲ μετάφρενον ἠδὲ καὶ ὤμω ### book 2.266 πλῆξεν· ὃ δ’ ἰδνώθη, θαλερὸν δέ οἱ ἔκπεσε δάκρυ· ### book 2.267 σμῶδιξ δ’ αἱματόεσσα μεταφρένου ἐξυπανέστη ### book 2.268 σκήπτρου ὕπο χρυσέου· ὃ δ’ ἄρ’ ἕζετο τάρβησέν τε, ### book 2.269 ἀλγήσας δ’ ἀχρεῖον ἰδὼν ἀπομόρξατο δάκρυ. ### book 2.270 οἳ δὲ καὶ ἀχνύμενοί περ ἐπ’ αὐτῷ ἡδὺ γέλασσαν· ### book 2.271 ὧδε δέ τις εἴπεσκεν ἰδὼν ἐς πλησίον ἄλλον· ### book 2.272 ὢ πόποι ἦ δὴ μυρί’ Ὀδυσσεὺς ἐσθλὰ ἔοργε ### book 2.273 βουλάς τ’ ἐξάρχων ἀγαθὰς πόλεμόν τε κορύσσων· ### book 2.274 νῦν δὲ τόδε μέγ’ ἄριστον ἐν Ἀργείοισιν ἔρεξεν, ### book 2.275 ὃς τὸν λωβητῆρα ἐπεσβόλον ἔσχ’ ἀγοράων. ### book 2.276 οὔ θήν μιν πάλιν αὖτις ἀνήσει θυμὸς ἀγήνωρ ### book 2.277 νεικείειν βασιλῆας ὀνειδείοις ἐπέεσσιν. ### book 2.278 Ὣς φάσαν ἣ πληθύς· ἀνὰ δ’ ὃ πτολίπορθος Ὀδυσσεὺς ### book 2.279 ἔστη σκῆπτρον ἔχων· παρὰ δὲ γλαυκῶπις Ἀθήνη ### book 2.280 εἰδομένη κήρυκι σιωπᾶν λαὸν ἀνώγει, ### book 2.281 ὡς ἅμα θ’ οἳ πρῶτοί τε καὶ ὕστατοι υἷες Ἀχαιῶν ### book 2.282 μῦθον ἀκούσειαν καὶ ἐπιφρασσαίατο βουλήν· ### book 2.283 ὅ σφιν ἐὺ φρονέων ἀγορήσατο καὶ μετέειπεν· ### book 2.284 Ἀτρεΐδη νῦν δή σε ἄναξ ἐθέλουσιν Ἀχαιοὶ ### book 2.285 πᾶσιν ἐλέγχιστον θέμεναι μερόπεσσι βροτοῖσιν, ### book 2.286 οὐδέ τοι ἐκτελέουσιν ὑπόσχεσιν ἥν περ ὑπέσταν ### book 2.287 ἐνθάδ’ ἔτι στείχοντες ἀπ’ Ἄργεος ἱπποβότοιο ### book 2.288 Ἴλιον ἐκπέρσαντ’ εὐτείχεον ἀπονέεσθαι. ### book 2.289 ὥς τε γὰρ ἢ παῖδες νεαροὶ χῆραί τε γυναῖκες ### book 2.290 ἀλλήλοισιν ὀδύρονται οἶκον δὲ νέεσθαι. ### book 2.291 ἦ μὴν καὶ πόνος ἐστὶν ἀνιηθέντα νέεσθαι· ### book 2.292 καὶ γάρ τίς θ’ ἕνα μῆνα μένων ἀπὸ ἧς ἀλόχοιο ### book 2.293 ἀσχαλάᾳ σὺν νηῒ πολυζύγῳ, ὅν περ ἄελλαι ### book 2.294 χειμέριαι εἰλέωσιν ὀρινομένη τε θάλασσα· ### book 2.295 ἡμῖν δ’ εἴνατός ἐστι περιτροπέων ἐνιαυτὸς ### book 2.296 ἐνθάδε μιμνόντεσσι· τὼ οὐ νεμεσίζομ’ Ἀχαιοὺς ### book 2.297 ἀσχαλάαν παρὰ νηυσὶ κορωνίσιν· ἀλλὰ καὶ ἔμπης ### book 2.298 αἰσχρόν τοι δηρόν τε μένειν κενεόν τε νέεσθαι. ### book 2.299 τλῆτε φίλοι, καὶ μείνατ’ ἐπὶ χρόνον ὄφρα δαῶμεν ### book 2.300 ἢ ἐτεὸν Κάλχας μαντεύεται ἦε καὶ οὐκί. ### book 2.301 εὖ γὰρ δὴ τόδε ἴδμεν ἐνὶ φρεσίν, ἐστὲ δὲ πάντες ### book 2.302 μάρτυροι, οὓς μὴ κῆρες ἔβαν θανάτοιο φέρουσαι· ### book 2.303 χθιζά τε καὶ πρωΐζ’ ὅτ’ ἐς Αὐλίδα νῆες Ἀχαιῶν ### book 2.304 ἠγερέθοντο κακὰ Πριάμῳ καὶ Τρωσὶ φέρουσαι, ### book 2.305 ἡμεῖς δ’ ἀμφὶ περὶ κρήνην ἱεροὺς κατὰ βωμοὺς ### book 2.306 ἕρδομεν ἀθανάτοισι τεληέσσας ἑκατόμβας ### book 2.307 καλῇ ὑπὸ πλατανίστῳ ὅθεν ῥέεν ἀγλαὸν ὕδωρ· ### book 2.308 ἔνθ’ ἐφάνη μέγα σῆμα· δράκων ἐπὶ νῶτα δαφοινὸς ### book 2.309 σμερδαλέος, τόν ῥ’ αὐτὸς Ὀλύμπιος ἧκε φόως δέ, ### book 2.310 βωμοῦ ὑπαΐξας πρός ῥα πλατάνιστον ὄρουσεν. ### book 2.311 ἔνθα δ’ ἔσαν στρουθοῖο νεοσσοί, νήπια τέκνα, ### book 2.312 ὄζῳ ἐπ’ ἀκροτάτῳ πετάλοις ὑποπεπτηῶτες ### book 2.313 ὀκτώ, ἀτὰρ μήτηρ ἐνάτη ἦν ἣ τέκε τέκνα· ### book 2.314 ἔνθ’ ὅ γε τοὺς ἐλεεινὰ κατήσθιε τετριγῶτας· ### book 2.315 μήτηρ δ’ ἀμφεποτᾶτο ὀδυρομένη φίλα τέκνα· ### book 2.316 τὴν δ’ ἐλελιξάμενος πτέρυγος λάβεν ἀμφιαχυῖαν. ### book 2.317 αὐτὰρ ἐπεὶ κατὰ τέκνα φάγε στρουθοῖο καὶ αὐτήν, ### book 2.318 τὸν μὲν ἀρίζηλον θῆκεν θεὸς ὅς περ ἔφηνε· ### book 2.319 λᾶαν γάρ μιν ἔθηκε Κρόνου πάϊς ἀγκυλομήτεω· ### book 2.320 ἡμεῖς δ’ ἑσταότες θαυμάζομεν οἷον ἐτύχθη. ### book 2.321 ὡς οὖν δεινὰ πέλωρα θεῶν εἰσῆλθ’ ἑκατόμβας, ### book 2.322 Κάλχας δ’ αὐτίκ’ ἔπειτα θεοπροπέων ἀγόρευε· ### book 2.323 τίπτ’ ἄνεῳ ἐγένεσθε κάρη κομόωντες Ἀχαιοί; ### book 2.324 ἡμῖν μὲν τόδ’ ἔφηνε τέρας μέγα μητίετα Ζεὺς ### book 2.325 ὄψιμον ὀψιτέλεστον, ὅου κλέος οὔ ποτ’ ὀλεῖται. ### book 2.326 ὡς οὗτος κατὰ τέκνα φάγε στρουθοῖο καὶ αὐτὴν ### book 2.327 ὀκτώ, ἀτὰρ μήτηρ ἐνάτη ἦν ἣ τέκε τέκνα, ### book 2.328 ὣς ἡμεῖς τοσσαῦτ’ ἔτεα πτολεμίξομεν αὖθι, ### book 2.329 τῷ δεκάτῳ δὲ πόλιν αἱρήσομεν εὐρυάγυιαν. ### book 2.330 κεῖνος τὼς ἀγόρευε· τὰ δὴ νῦν πάντα τελεῖται. ### book 2.331 ἀλλ’ ἄγε μίμνετε πάντες ἐϋκνήμιδες Ἀχαιοὶ ### book 2.332 αὐτοῦ εἰς ὅ κεν ἄστυ μέγα Πριάμοιο ἕλωμεν. ### book 2.333 Ὣς ἔφατ’, Ἀργεῖοι δὲ μέγ’ ἴαχον, ἀμφὶ δὲ νῆες ### book 2.334 σμερδαλέον κονάβησαν ἀϋσάντων ὑπ’ Ἀχαιῶν, ### book 2.335 μῦθον ἐπαινήσαντες Ὀδυσσῆος θείοιο· ### book 2.336 τοῖσι δὲ καὶ μετέειπε Γερήνιος ἱππότα Νέστωρ· ### book 2.337 ὦ πόποι ἦ δὴ παισὶν ἐοικότες ἀγοράασθε ### book 2.338 νηπιάχοις οἷς οὔ τι μέλει πολεμήϊα ἔργα. ### book 2.339 πῇ δὴ συνθεσίαι τε καὶ ὅρκια βήσεται ἥμιν; ### book 2.340 ἐν πυρὶ δὴ βουλαί τε γενοίατο μήδεά τ’ ἀνδρῶν ### book 2.341 σπονδαί τ’ ἄκρητοι καὶ δεξιαί, ᾗς ἐπέπιθμεν· ### book 2.342 αὔτως γὰρ ἐπέεσς’ ἐριδαίνομεν, οὐδέ τι μῆχος ### book 2.343 εὑρέμεναι δυνάμεσθα, πολὺν χρόνον ἐνθάδ’ ἐόντες. ### book 2.344 Ἀτρεΐδη σὺ δ’ ἔθ’ ὡς πρὶν ἔχων ἀστεμφέα βουλὴν ### book 2.345 ἄρχευ’ Ἀργείοισι κατὰ κρατερὰς ὑσμίνας, ### book 2.346 τοῦσδε δ’ ἔα φθινύθειν ἕνα καὶ δύο, τοί κεν Ἀχαιῶν ### book 2.347 νόσφιν βουλεύως’· ἄνυσις δ’ οὐκ ἔσσεται αὐτῶν· ### book 2.348 πρὶν Ἄργος δ’ ἰέναι πρὶν καὶ Διὸς αἰγιόχοιο ### book 2.349 γνώμεναι εἴ τε ψεῦδος ὑπόσχεσις εἴ τε καὶ οὐκί. ### book 2.350 φημὶ γὰρ οὖν κατανεῦσαι ὑπερμενέα Κρονίωνα ### book 2.351 ἤματι τῷ ὅτε νηυσὶν ἐν ὠκυπόροισιν ἔβαινον ### book 2.352 Ἀργεῖοι Τρώεσσι φόνον καὶ κῆρα φέροντες ### book 2.353 ἀστράπτων ἐπιδέξι’ ἐναίσιμα σήματα φαίνων. ### book 2.354 τὼ μή τις πρὶν ἐπειγέσθω οἶκον δὲ νέεσθαι ### book 2.355 πρίν τινα πὰρ Τρώων ἀλόχῳ κατακοιμηθῆναι, ### book 2.356 τίσασθαι δ’ Ἑλένης ὁρμήματά τε στοναχάς τε. ### book 2.357 εἰ δέ τις ἐκπάγλως ἐθέλει οἶκον δὲ νέεσθαι ### book 2.358 ἁπτέσθω ἧς νηὸς ἐϋσσέλμοιο μελαίνης, ### book 2.359 ὄφρα πρόσθ’ ἄλλων θάνατον καὶ πότμον ἐπίσπῃ. ### book 2.360 ἀλλὰ ἄναξ αὐτός τ’ εὖ μήδεο πείθεό τ’ ἄλλῳ· ### book 2.361 οὔ τοι ἀπόβλητον ἔπος ἔσσεται ὅττί κεν εἴπω· ### book 2.362 κρῖν’ ἄνδρας κατὰ φῦλα κατὰ φρήτρας Ἀγάμεμνον, ### book 2.363 ὡς φρήτρη φρήτρηφιν ἀρήγῃ, φῦλα δὲ φύλοις. ### book 2.364 εἰ δέ κεν ὣς ἕρξῃς καί τοι πείθωνται Ἀχαιοί, ### book 2.365 γνώσῃ ἔπειθ’ ὅς θ’ ἡγεμόνων κακὸς ὅς τέ νυ λαῶν ### book 2.366 ἠδ’ ὅς κ’ ἐσθλὸς ἔῃσι· κατὰ σφέας γὰρ μαχέονται. ### book 2.367 γνώσεαι δ’ εἰ καὶ θεσπεσίῃ πόλιν οὐκ ἀλαπάξεις, ### book 2.368 ἦ ἀνδρῶν κακότητι καὶ ἀφραδίῃ πολέμοιο. ### book 2.369 Τὸν δ’ ἀπαμειβόμενος προσέφη κρείων Ἀγαμέμνων· ### book 2.370 ἦ μὰν αὖτ’ ἀγορῇ νικᾷς γέρον υἷας Ἀχαιῶν. ### book 2.371 αἲ γὰρ Ζεῦ τε πάτερ καὶ Ἀθηναίη καὶ Ἄπολλον ### book 2.372 τοιοῦτοι δέκα μοι συμφράδμονες εἶεν Ἀχαιῶν· ### book 2.373 τώ κε τάχ’ ἠμύσειε πόλις Πριάμοιο ἄνακτος ### book 2.374 χερσὶν ὑφ’ ἡμετέρῃσιν ἁλοῦσά τε περθομένη τε. ### book 2.375 ἀλλά μοι αἰγίοχος Κρονίδης Ζεὺς ἄλγε’ ἔδωκεν, ### book 2.376 ὅς με μετ’ ἀπρήκτους ἔριδας καὶ νείκεα βάλλει. ### book 2.377 καὶ γὰρ ἐγὼν Ἀχιλεύς τε μαχεσσάμεθ’ εἵνεκα κούρης ### book 2.378 ἀντιβίοις ἐπέεσσιν, ἐγὼ δ’ ἦρχον χαλεπαίνων· ### book 2.379 εἰ δέ ποτ’ ἔς γε μίαν βουλεύσομεν, οὐκέτ’ ἔπειτα ### book 2.380 Τρωσὶν ἀνάβλησις κακοῦ ἔσσεται οὐδ’ ἠβαιόν. ### book 2.381 νῦν δ’ ἔρχεσθ’ ἐπὶ δεῖπνον ἵνα ξυνάγωμεν Ἄρηα. ### book 2.382 εὖ μέν τις δόρυ θηξάσθω, εὖ δ’ ἀσπίδα θέσθω, ### book 2.383 εὖ δέ τις ἵπποισιν δεῖπνον δότω ὠκυπόδεσσιν, ### book 2.384 εὖ δέ τις ἅρματος ἀμφὶς ἰδὼν πολέμοιο μεδέσθω, ### book 2.385 ὥς κε πανημέριοι στυγερῷ κρινώμεθ’ Ἄρηϊ. ### book 2.386 οὐ γὰρ παυσωλή γε μετέσσεται οὐδ’ ἠβαιὸν ### book 2.387 εἰ μὴ νὺξ ἐλθοῦσα διακρινέει μένος ἀνδρῶν. ### book 2.388 ἱδρώσει μέν τευ τελαμὼν ἀμφὶ στήθεσφιν ### book 2.389 ἀσπίδος ἀμφιβρότης, περὶ δ’ ἔγχεϊ χεῖρα καμεῖται· ### book 2.390 ἱδρώσει δέ τευ ἵππος ἐΰξοον ἅρμα τιταίνων. ### book 2.391 ὃν δέ κ’ ἐγὼν ἀπάνευθε μάχης ἐθέλοντα νοήσω ### book 2.392 μιμνάζειν παρὰ νηυσὶ κορωνίσιν, οὔ οἱ ἔπειτα ### book 2.393 ἄρκιον ἐσσεῖται φυγέειν κύνας ἠδ’ οἰωνούς. ### book 2.394 Ὣς ἔφατ’, Ἀργεῖοι δὲ μέγ’ ἴαχον ὡς ὅτε κῦμα ### book 2.395 ἀκτῇ ἐφ’ ὑψηλῇ, ὅτε κινήσῃ Νότος ἐλθών, ### book 2.396 προβλῆτι σκοπέλῳ· τὸν δ’ οὔ ποτε κύματα λείπει ### book 2.397 παντοίων ἀνέμων, ὅτ’ ἂν ἔνθ’ ἢ ἔνθα γένωνται. ### book 2.398 ἀνστάντες δ’ ὀρέοντο κεδασθέντες κατὰ νῆας, ### book 2.399 κάπνισσάν τε κατὰ κλισίας, καὶ δεῖπνον ἕλοντο. ### book 2.400 ἄλλος δ’ ἄλλῳ ἔρεζε θεῶν αἰειγενετάων ### book 2.401 εὐχόμενος θάνατόν τε φυγεῖν καὶ μῶλον Ἄρηος. ### book 2.402 αὐτὰρ ὃ βοῦν ἱέρευσε ἄναξ ἀνδρῶν Ἀγαμέμνων ### book 2.403 πίονα πενταέτηρον ὑπερμενέϊ Κρονίωνι, ### book 2.404 κίκλησκεν δὲ γέροντας ἀριστῆας Παναχαιῶν, ### book 2.405 Νέστορα μὲν πρώτιστα καὶ Ἰδομενῆα ἄνακτα, ### book 2.406 αὐτὰρ ἔπειτ’ Αἴαντε δύω καὶ Τυδέος υἱόν, ### book 2.407 ἕκτον δ’ αὖτ’ Ὀδυσῆα Διὶ μῆτιν ἀτάλαντον. ### book 2.408 αὐτόματος δέ οἱ ἦλθε βοὴν ἀγαθὸς Μενέλαος· ### book 2.409 ᾔδεε γὰρ κατὰ θυμὸν ἀδελφεὸν ὡς ἐπονεῖτο. ### book 2.410 βοῦν δὲ περιστήσαντο καὶ οὐλοχύτας ἀνέλοντο· ### book 2.411 τοῖσιν δ’ εὐχόμενος μετέφη κρείων Ἀγαμέμνων· ### book 2.412 Ζεῦ κύδιστε μέγιστε κελαινεφὲς αἰθέρι ναίων ### book 2.413 μὴ πρὶν ἐπ’ ἠέλιον δῦναι καὶ ἐπὶ κνέφας ἐλθεῖν ### book 2.414 πρίν με κατὰ πρηνὲς βαλέειν Πριάμοιο μέλαθρον ### book 2.415 αἰθαλόεν, πρῆσαι δὲ πυρὸς δηΐοιο θύρετρα, ### book 2.416 Ἑκτόρεον δὲ χιτῶνα περὶ στήθεσσι δαΐξαι ### book 2.417 χαλκῷ ῥωγαλέον· πολέες δ’ ἀμφ’ αὐτὸν ἑταῖροι ### book 2.418 πρηνέες ἐν κονίῃσιν ὀδὰξ λαζοίατο γαῖαν. ### book 2.419 Ὣς ἔφατ’, οὐδ’ ἄρα πώ οἱ ἐπεκραίαινε Κρονίων, ### book 2.420 ἀλλ’ ὅ γε δέκτο μὲν ἱρά, πόνον δ’ ἀμέγαρτον ὄφελλεν. ### book 2.421 αὐτὰρ ἐπεί ῥ’ εὔξαντο καὶ οὐλοχύτας προβάλοντο, ### book 2.422 αὐέρυσαν μὲν πρῶτα καὶ ἔσφαξαν καὶ ἔδειραν, ### book 2.423 μηρούς τ’ ἐξέταμον κατά τε κνίσῃ ἐκάλυψαν ### book 2.424 δίπτυχα ποιήσαντες, ἐπ’ αὐτῶν δ’ ὠμοθέτησαν. ### book 2.425 καὶ τὰ μὲν ἂρ σχίζῃσιν ἀφύλλοισιν κατέκαιον, ### book 2.426 σπλάγχνα δ’ ἄρ’ ἀμπείραντες ὑπείρεχον Ἡφαίστοιο. ### book 2.427 αὐτὰρ ἐπεὶ κατὰ μῆρε κάη καὶ σπλάγχνα πάσαντο, ### book 2.428 μίστυλλόν τ’ ἄρα τἆλλα καὶ ἀμφ’ ὀβελοῖσιν ἔπειραν, ### book 2.429 ὤπτησάν τε περιφραδέως, ἐρύσαντό τε πάντα. ### book 2.430 αὐτὰρ ἐπεὶ παύσαντο πόνου τετύκοντό τε δαῖτα ### book 2.431 δαίνυντ’, οὐδέ τι θυμὸς ἐδεύετο δαιτὸς ἐΐσης. ### book 2.432 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 2.433 τοῖς ἄρα μύθων ἦρχε Γερήνιος ἱππότα Νέστωρ· ### book 2.434 Ἀτρεΐδη κύδιστε ἄναξ ἀνδρῶν Ἀγάμεμνον, ### book 2.435 μηκέτι νῦν δήθ’ αὖθι λεγώμεθα, μηδ’ ἔτι δηρὸν ### book 2.436 ἀμβαλλώμεθα ἔργον ὃ δὴ θεὸς ἐγγυαλίζει. ### book 2.437 ἀλλ’ ἄγε κήρυκες μὲν Ἀχαιῶν χαλκοχιτώνων ### book 2.438 λαὸν κηρύσσοντες ἀγειρόντων κατὰ νῆας, ### book 2.439 ἡμεῖς δ’ ἀθρόοι ὧδε κατὰ στρατὸν εὐρὺν Ἀχαιῶν ### book 2.440 ἴομεν ὄφρα κε θᾶσσον ἐγείρομεν ὀξὺν Ἄρηα. ### book 2.441 Ὣς ἔφατ’, οὐδ’ ἀπίθησεν ἄναξ ἀνδρῶν Ἀγαμέμνων. ### book 2.442 αὐτίκα κηρύκεσσι λιγυφθόγγοισι κέλευσε ### book 2.443 κηρύσσειν πόλεμον δὲ κάρη κομόωντας Ἀχαιούς· ### book 2.444 οἳ μὲν ἐκήρυσσον, τοὶ δ’ ἠγείροντο μάλ’ ὦκα. ### book 2.445 οἳ δ’ ἀμφ’ Ἀτρεΐωνα διοτρεφέες βασιλῆες ### book 2.446 θῦνον κρίνοντες, μετὰ δὲ γλαυκῶπις Ἀθήνη ### book 2.447 αἰγίδ’ ἔχους’ ἐρίτιμον ἀγήρων ἀθανάτην τε, ### book 2.448 τῆς ἑκατὸν θύσανοι παγχρύσεοι ἠερέθονται, ### book 2.449 πάντες ἐϋπλεκέες, ἑκατόμβοιος δὲ ἕκαστος· ### book 2.450 σὺν τῇ παιφάσσουσα διέσσυτο λαὸν Ἀχαιῶν ### book 2.451 ὀτρύνους’ ἰέναι· ἐν δὲ σθένος ὦρσεν ἑκάστῳ ### book 2.452 καρδίῃ ἄλληκτον πολεμίζειν ἠδὲ μάχεσθαι. ### book 2.453 τοῖσι δ’ ἄφαρ πόλεμος γλυκίων γένετ’ ἠὲ νέεσθαι ### book 2.454 ἐν νηυσὶ γλαφυρῇσι φίλην ἐς πατρίδα γαῖαν. ### book 2.455 Ἠΰτε πῦρ ἀΐδηλον ἐπιφλέγει ἄσπετον ὕλην ### book 2.456 οὔρεος ἐν κορυφῇς, ἕκαθεν δέ τε φαίνεται αὐγή, ### book 2.457 ὣς τῶν ἐρχομένων ἀπὸ χαλκοῦ θεσπεσίοιο ### book 2.458 αἴγλη παμφανόωσα δι’ αἰθέρος οὐρανὸν ἷκε. ### book 2.459 Τῶν δ’ ὥς τ’ ὀρνίθων πετεηνῶν ἔθνεα πολλὰ ### book 2.460 χηνῶν ἢ γεράνων ἢ κύκνων δουλιχοδείρων ### book 2.461 Ἀσίω ἐν λειμῶνι Καϋστρίου ἀμφὶ ῥέεθρα ### book 2.462 ἔνθα καὶ ἔνθα ποτῶνται ἀγαλλόμενα πτερύγεσσι ### book 2.463 κλαγγηδὸν προκαθιζόντων, σμαραγεῖ δέ τε λειμών, ### book 2.464 ὣς τῶν ἔθνεα πολλὰ νεῶν ἄπο καὶ κλισιάων ### book 2.465 ἐς πεδίον προχέοντο Σκαμάνδριον· αὐτὰρ ὑπὸ χθὼν ### book 2.466 σμερδαλέον κονάβιζε ποδῶν αὐτῶν τε καὶ ἵππων. ### book 2.467 ἔσταν δ’ ἐν λειμῶνι Σκαμανδρίῳ ἀνθεμόεντι ### book 2.468 μυρίοι, ὅσσά τε φύλλα καὶ ἄνθεα γίγνεται ὥρῃ. ### book 2.469 Ἠΰτε μυιάων ἁδινάων ἔθνεα πολλὰ ### book 2.470 αἵ τε κατὰ σταθμὸν ποιμνήϊον ἠλάσκουσιν ### book 2.471 ὥρῃ ἐν εἰαρινῇ ὅτε τε γλάγος ἄγγεα δεύει, ### book 2.472 τόσσοι ἐπὶ Τρώεσσι κάρη κομόωντες Ἀχαιοὶ ### book 2.473 ἐν πεδίῳ ἵσταντο διαρραῖσαι μεμαῶτες. ### book 2.474 Τοὺς δ’ ὥς τ’ αἰπόλια πλατέ’ αἰγῶν αἰπόλοι ἄνδρες ### book 2.475 ῥεῖα διακρίνωσιν ἐπεί κε νομῷ μιγέωσιν, ### book 2.476 ὣς τοὺς ἡγεμόνες διεκόσμεον ἔνθα καὶ ἔνθα ### book 2.477 ὑσμίνην δ’ ἰέναι, μετὰ δὲ κρείων Ἀγαμέμνων ### book 2.478 ὄμματα καὶ κεφαλὴν ἴκελος Διὶ τερπικεραύνῳ, ### book 2.479 Ἄρεϊ δὲ ζώνην, στέρνον δὲ Ποσειδάωνι. ### book 2.480 ἠΰτε βοῦς ἀγέληφι μέγ’ ἔξοχος ἔπλετο πάντων ### book 2.481 ταῦρος· ὃ γάρ τε βόεσσι μεταπρέπει ἀγρομένῃσι· ### book 2.482 τοῖον ἄρ’ Ἀτρεΐδην θῆκε Ζεὺς ἤματι κείνῳ ### book 2.483 ἐκπρεπέ’ ἐν πολλοῖσι καὶ ἔξοχον ἡρώεσσιν. ### book 2.484 Ἔσπετε νῦν μοι Μοῦσαι Ὀλύμπια δώματ’ ἔχουσαι· ### book 2.485 ὑμεῖς γὰρ θεαί ἐστε πάρεστέ τε ἴστέ τε πάντα, ### book 2.486 ἡμεῖς δὲ κλέος οἶον ἀκούομεν οὐδέ τι ἴδμεν· ### book 2.487 οἵ τινες ἡγεμόνες Δαναῶν καὶ κοίρανοι ἦσαν· ### book 2.488 πληθὺν δ’ οὐκ ἂν ἐγὼ μυθήσομαι οὐδ’ ὀνομήνω, ### book 2.489 οὐδ’ εἴ μοι δέκα μὲν γλῶσσαι, δέκα δὲ στόματ’ εἶεν, ### book 2.490 φωνὴ δ’ ἄρρηκτος, χάλκεον δέ μοι ἦτορ ἐνείη, ### book 2.491 εἰ μὴ Ὀλυμπιάδες Μοῦσαι Διὸς αἰγιόχοιο ### book 2.492 θυγατέρες μνησαίαθ’ ὅσοι ὑπὸ Ἴλιον ἦλθον· ### book 2.493 ἀρχοὺς αὖ νηῶν ἐρέω νῆάς τε προπάσας. ### book 2.494 Βοιωτῶν μὲν Πηνέλεως καὶ Λήϊτος ἦρχον ### book 2.495 Ἀρκεσίλαός τε Προθοήνωρ τε Κλονίος τε, ### book 2.496 οἵ θ’ Ὑρίην ἐνέμοντο καὶ Αὐλίδα πετρήεσσαν ### book 2.497 Σχοῖνόν τε Σκῶλόν τε πολύκνημόν τ’ Ἐτεωνόν, ### book 2.498 Θέσπειαν Γραῖάν τε καὶ εὐρύχορον Μυκαλησσόν, ### book 2.499 οἵ τ’ ἀμφ’ Ἅρμ’ ἐνέμοντο καὶ Εἰλέσιον καὶ Ἐρυθράς, ### book 2.500 οἵ τ’ Ἐλεῶν’ εἶχον ἠδ’ Ὕλην καὶ Πετεῶνα, ### book 2.501 Ὠκαλέην Μεδεῶνά τ’ ἐϋκτίμενον πτολίεθρον, ### book 2.502 Κώπας Εὔτρησίν τε πολυτρήρωνά τε Θίσβην, ### book 2.503 οἵ τε Κορώνειαν καὶ ποιήενθ’ Ἁλίαρτον, ### book 2.504 οἵ τε Πλάταιαν ἔχον ἠδ’ οἳ Γλισᾶντ’ ἐνέμοντο, ### book 2.505 οἵ θ’ Ὑποθήβας εἶχον ἐϋκτίμενον πτολίεθρον, ### book 2.506 Ὀγχηστόν θ’ ἱερὸν Ποσιδήϊον ἀγλαὸν ἄλσος, ### book 2.507 οἵ τε πολυστάφυλον Ἄρνην ἔχον, οἵ τε Μίδειαν ### book 2.508 Νῖσάν τε ζαθέην Ἀνθηδόνα τ’ ἐσχατόωσαν· ### book 2.509 τῶν μὲν πεντήκοντα νέες κίον, ἐν δὲ ἑκάστῃ ### book 2.510 κοῦροι Βοιωτῶν ἑκατὸν καὶ εἴκοσι βαῖνον. ### book 2.511 Οἳ δ’ Ἀσπληδόνα ναῖον ἰδ’ Ὀρχομενὸν Μινύειον, ### book 2.512 τῶν ἦρχ’ Ἀσκάλαφος καὶ Ἰάλμενος υἷες Ἄρηος ### book 2.513 οὓς τέκεν Ἀστυόχη δόμῳ Ἄκτορος Ἀζεΐδαο, ### book 2.514 παρθένος αἰδοίη ὑπερώϊον εἰσαναβᾶσα ### book 2.515 Ἄρηϊ κρατερῷ· ὃ δέ οἱ παρελέξατο λάθρῃ· ### book 2.516 τοῖς δὲ τριήκοντα γλαφυραὶ νέες ἐστιχόωντο. ### book 2.517 Αὐτὰρ Φωκήων Σχεδίος καὶ Ἐπίστροφος ἦρχον ### book 2.518 υἷες Ἰφίτου μεγαθύμου Ναυβολίδαο, ### book 2.519 οἳ Κυπάρισσον ἔχον Πυθῶνά τε πετρήεσσαν ### book 2.520 Κρῖσάν τε ζαθέην καὶ Δαυλίδα καὶ Πανοπῆα, ### book 2.521 οἵ τ’ Ἀνεμώρειαν καὶ Ὑάμπολιν ἀμφενέμοντο, ### book 2.522 οἵ τ’ ἄρα πὰρ ποταμὸν Κηφισὸν δῖον ἔναιον, ### book 2.523 οἵ τε Λίλαιαν ἔχον πηγῇς ἔπι Κηφισοῖο· ### book 2.524 τοῖς δ’ ἅμα τεσσαράκοντα μέλαιναι νῆες ἕποντο. ### book 2.525 οἳ μὲν Φωκήων στίχας ἵστασαν ἀμφιέποντες, ### book 2.526 Βοιωτῶν δ’ ἔμπλην ἐπ’ ἀριστερὰ θωρήσσοντο. ### book 2.527 Λοκρῶν δ’ ἡγεμόνευεν Ὀϊλῆος ταχὺς Αἴας ### book 2.528 μείων, οὔ τι τόσος γε ὅσος Τελαμώνιος Αἴας ### book 2.529 ἀλλὰ πολὺ μείων· ὀλίγος μὲν ἔην λινοθώρηξ, ### book 2.530 ἐγχείῃ δ’ ἐκέκαστο Πανέλληνας καὶ Ἀχαιούς· ### book 2.531 οἳ Κῦνόν τ’ ἐνέμοντ’ Ὀπόεντά τε Καλλίαρόν τε ### book 2.532 Βῆσσάν τε Σκάρφην τε καὶ Αὐγειὰς ἐρατεινὰς ### book 2.533 Τάρφην τε Θρόνιον τε Βοαγρίου ἀμφὶ ῥέεθρα· ### book 2.534 τῷ δ’ ἅμα τεσσαράκοντα μέλαιναι νῆες ἕποντο ### book 2.535 Λοκρῶν, οἳ ναίουσι πέρην ἱερῆς Εὐβοίης. ### book 2.536 Οἳ δ’ Εὔβοιαν ἔχον μένεα πνείοντες Ἄβαντες ### book 2.537 Χαλκίδα τ’ Εἰρέτριάν τε πολυστάφυλόν θ’ Ἱστίαιαν ### book 2.538 Κήρινθόν τ’ ἔφαλον Δίου τ’ αἰπὺ πτολίεθρον, ### book 2.539 οἵ τε Κάρυστον ἔχον ἠδ’ οἳ Στύρα ναιετάασκον, ### book 2.540 τῶν αὖθ’ ἡγεμόνευ’ Ἐλεφήνωρ ὄζος Ἄρηος ### book 2.541 Χαλκωδοντιάδης μεγαθύμων ἀρχὸς Ἀβάντων. ### book 2.542 τῷ δ’ ἅμ’ Ἄβαντες ἕποντο θοοὶ ὄπιθεν κομόωντες ### book 2.543 αἰχμηταὶ μεμαῶτες ὀρεκτῇσιν μελίῃσι ### book 2.544 θώρηκας ῥήξειν δηΐων ἀμφὶ στήθεσσι· ### book 2.545 τῷ δ’ ἅμα τεσσαράκοντα μέλαιναι νῆες ἕποντο. ### book 2.546 Οἳ δ’ ἄρ’ Ἀθήνας εἶχον ἐϋκτίμενον πτολίεθρον ### book 2.547 δῆμον Ἐρεχθῆος μεγαλήτορος, ὅν ποτ’ Ἀθήνη ### book 2.548 θρέψε Διὸς θυγάτηρ, τέκε δὲ ζείδωρος ἄρουρα, ### book 2.549 κὰδ δ’ ἐν Ἀθήνῃς εἷσεν ἑῷ ἐν πίονι νηῷ· ### book 2.550 ἔνθα δέ μιν ταύροισι καὶ ἀρνειοῖς ἱλάονται ### book 2.551 κοῦροι Ἀθηναίων περιτελλομένων ἐνιαυτῶν· ### book 2.552 τῶν αὖθ’ ἡγεμόνευ’ υἱὸς Πετεῶο Μενεσθεύς. ### book 2.553 τῷ δ’ οὔ πώ τις ὁμοῖος ἐπιχθόνιος γένετ’ ἀνὴρ ### book 2.554 κοσμῆσαι ἵππους τε καὶ ἀνέρας ἀσπιδιώτας· ### book 2.555 Νέστωρ οἶος ἔριζεν· ὃ γὰρ προγενέστερος ἦεν· ### book 2.556 τῷ δ’ ἅμα πεντήκοντα μέλαιναι νῆες ἕποντο. ### book 2.557 Αἴας δ’ ἐκ Σαλαμῖνος ἄγεν δυοκαίδεκα νῆας, ### book 2.558 στῆσε δ’ ἄγων ἵν’ Ἀθηναίων ἵσταντο φάλαγγες. ### book 2.559 Οἳ δ’ Ἄργός τ’ εἶχον Τίρυνθά τε τειχιόεσσαν ### book 2.560 Ἑρμιόνην Ἀσίνην τε, βαθὺν κατὰ κόλπον ἐχούσας, ### book 2.561 Τροιζῆν’ Ἠϊόνας τε καὶ ἀμπελόεντ’ Ἐπίδαυρον, ### book 2.562 οἵ τ’ ἔχον Αἴγιναν Μάσητά τε κοῦροι Ἀχαιῶν, ### book 2.563 τῶν αὖθ’ ἡγεμόνευε βοὴν ἀγαθὸς Διομήδης ### book 2.564 καὶ Σθένελος, Καπανῆος ἀγακλειτοῦ φίλος υἱός· ### book 2.565 τοῖσι δ’ ἅμ’ Εὐρύαλος τρίτατος κίεν ἰσόθεος φὼς ### book 2.566 Μηκιστέος υἱὸς Ταλαϊονίδαο ἄνακτος· ### book 2.567 συμπάντων δ’ ἡγεῖτο βοὴν ἀγαθὸς Διομήδης· ### book 2.568 τοῖσι δ’ ἅμ’ ὀγδώκοντα μέλαιναι νῆες ἕποντο. ### book 2.569 Οἳ δὲ Μυκήνας εἶχον ἐϋκτίμενον πτολίεθρον ### book 2.570 ἀφνειόν τε Κόρινθον ἐϋκτιμένας τε Κλεωνάς, ### book 2.571 Ὀρνειάς τ’ ἐνέμοντο Ἀραιθυρέην τ’ ἐρατεινὴν ### book 2.572 καὶ Σικυῶν’, ὅθ’ ἄρ’ Ἄδρηστος πρῶτ’ ἐμβασίλευεν, ### book 2.573 οἵ θ’ Ὑπερησίην τε καὶ αἰπεινὴν Γονόεσσαν ### book 2.574 Πελλήνην τ’ εἶχον ἠδ’ Αἴγιον ἀμφενέμοντο ### book 2.575 Αἰγιαλόν τ’ ἀνὰ πάντα καὶ ἀμφ’ Ἑλίκην εὐρεῖαν, ### book 2.576 τῶν ἑκατὸν νηῶν ἦρχε κρείων Ἀγαμέμνων ### book 2.577 Ἀτρεΐδης· ἅμα τῷ γε πολὺ πλεῖστοι καὶ ἄριστοι ### book 2.578 λαοὶ ἕποντ’· ἐν δ’ αὐτὸς ἐδύσετο νώροπα χαλκὸν ### book 2.579 κυδιόων, πᾶσιν δὲ μετέπρεπεν ἡρώεσσιν ### book 2.580 οὕνεκ’ ἄριστος ἔην πολὺ δὲ πλείστους ἄγε λαούς. ### book 2.581 Οἳ δ’ εἶχον κοίλην Λακεδαίμονα κητώεσσαν, ### book 2.582 Φᾶρίν τε Σπάρτην τε πολυτρήρωνά τε Μέσσην, ### book 2.583 Βρυσειάς τ’ ἐνέμοντο καὶ Αὐγειὰς ἐρατεινάς, ### book 2.584 οἵ τ’ ἄρ’ Ἀμύκλας εἶχον Ἕλος τ’ ἔφαλον πτολίεθρον, ### book 2.585 οἵ τε Λάαν εἶχον ἠδ’ Οἴτυλον ἀμφενέμοντο, ### book 2.586 τῶν οἱ ἀδελφεὸς ἦρχε βοὴν ἀγαθὸς Μενέλαος ### book 2.587 ἑξήκοντα νεῶν· ἀπάτερθε δὲ θωρήσσοντο· ### book 2.588 ἐν δ’ αὐτὸς κίεν ᾗσι προθυμίῃσι πεποιθὼς ### book 2.589 ὀτρύνων πόλεμον δέ· μάλιστα δὲ ἵετο θυμῷ ### book 2.590 τίσασθαι Ἑλένης ὁρμήματά τε στοναχάς τε. ### book 2.591 Οἳ δὲ Πύλον τ’ ἐνέμοντο καὶ Ἀρήνην ἐρατεινὴν ### book 2.592 καὶ Θρύον Ἀλφειοῖο πόρον καὶ ἐΰκτιτον Αἰπὺ ### book 2.593 καὶ Κυπαρισσήεντα καὶ Ἀμφιγένειαν ἔναιον ### book 2.594 καὶ Πτελεὸν καὶ Ἕλος καὶ Δώριον, ἔνθά τε Μοῦσαι ### book 2.595 ἀντόμεναι Θάμυριν τὸν Θρήϊκα παῦσαν ἀοιδῆς ### book 2.596 Οἰχαλίηθεν ἰόντα παρ’ Εὐρύτου Οἰχαλιῆος· ### book 2.597 στεῦτο γὰρ εὐχόμενος νικησέμεν εἴ περ ἂν αὐταὶ ### book 2.598 Μοῦσαι ἀείδοιεν κοῦραι Διὸς αἰγιόχοιο· ### book 2.599 αἳ δὲ χολωσάμεναι πηρὸν θέσαν, αὐτὰρ ἀοιδὴν ### book 2.600 θεσπεσίην ἀφέλοντο καὶ ἐκλέλαθον κιθαριστύν· ### book 2.601 τῶν αὖθ’ ἡγεμόνευε Γερήνιος ἱππότα Νέστωρ· ### book 2.602 τῷ δ’ ἐνενήκοντα γλαφυραὶ νέες ἐστιχόωντο. ### book 2.603 Οἳ δ’ ἔχον Ἀρκαδίην ὑπὸ Κυλλήνης ὄρος αἰπὺ ### book 2.604 Αἰπύτιον παρὰ τύμβον ἵν’ ἀνέρες ἀγχιμαχηταί, ### book 2.605 οἳ Φενεόν τ’ ἐνέμοντο καὶ Ὀρχομενὸν πολύμηλον ### book 2.606 Ῥίπην τε Στρατίην τε καὶ ἠνεμόεσσαν Ἐνίσπην ### book 2.607 καὶ Τεγέην εἶχον καὶ Μαντινέην ἐρατεινὴν ### book 2.608 Στύμφηλόν τ’ εἶχον καὶ Παρρασίην ἐνέμοντο, ### book 2.609 τῶν ἦρχ’ Ἀγκαίοιο πάϊς κρείων Ἀγαπήνωρ ### book 2.610 ἑξήκοντα νεῶν· πολέες δ’ ἐν νηῒ ἑκάστῃ ### book 2.611 Ἀρκάδες ἄνδρες ἔβαινον ἐπιστάμενοι πολεμίζειν. ### book 2.612 αὐτὸς γάρ σφιν δῶκεν ἄναξ ἀνδρῶν Ἀγαμέμνων ### book 2.613 νῆας ἐϋσσέλμους περάαν ἐπὶ οἴνοπα πόντον ### book 2.614 Ἀτρεΐδης, ἐπεὶ οὔ σφι θαλάσσια ἔργα μεμήλει. ### book 2.615 Οἳ δ’ ἄρα Βουπράσιόν τε καὶ Ἤλιδα δῖαν ἔναιον ### book 2.616 ὅσσον ἐφ’ Ὑρμίνη καὶ Μύρσινος ἐσχατόωσα ### book 2.617 πέτρη τ’ Ὠλενίη καὶ Ἀλήσιον ἐντὸς ἐέργει, ### book 2.618 τῶν αὖ τέσσαρες ἀρχοὶ ἔσαν, δέκα δ’ ἀνδρὶ ἑκάστῳ ### book 2.619 νῆες ἕποντο θοαί, πολέες δ’ ἔμβαινον Ἐπειοί. ### book 2.620 τῶν μὲν ἄρ’ Ἀμφίμαχος καὶ Θάλπιος ἡγησάσθην ### book 2.621 υἷες ὃ μὲν Κτεάτου, ὃ δ’ ἄρ’ Εὐρύτου, Ἀκτορίωνε· ### book 2.622 τῶν δ’ Ἀμαρυγκεΐδης ἦρχε κρατερὸς Διώρης· ### book 2.623 τῶν δὲ τετάρτων ἦρχε Πολύξεινος θεοειδὴς ### book 2.624 υἱὸς Ἀγασθένεος Αὐγηϊάδαο ἄνακτος. ### book 2.625 Οἳ δ’ ἐκ Δουλιχίοιο Ἐχινάων θ’ ἱεράων ### book 2.626 νήσων, αἳ ναίουσι πέρην ἁλὸς Ἤλιδος ἄντα, ### book 2.627 τῶν αὖθ’ ἡγεμόνευε Μέγης ἀτάλαντος Ἄρηϊ ### book 2.628 Φυλεΐδης, ὃν τίκτε Διῒ φίλος ἱππότα Φυλεύς, ### book 2.629 ὅς ποτε Δουλίχιον δ’ ἀπενάσσατο πατρὶ χολωθείς· ### book 2.630 τῷ δ’ ἅμα τεσσαράκοντα μέλαιναι νῆες ἕποντο. ### book 2.631 Αὐτὰρ Ὀδυσσεὺς ἦγε Κεφαλλῆνας μεγαθύμους, ### book 2.632 οἵ ῥ’ Ἰθάκην εἶχον καὶ Νήριτον εἰνοσίφυλλον ### book 2.633 καὶ Κροκύλει’ ἐνέμοντο καὶ Αἰγίλιπα τρηχεῖαν, ### book 2.634 οἵ τε Ζάκυνθον ἔχον ἠδ’ οἳ Σάμον ἀμφενέμοντο, ### book 2.635 οἵ τ’ ἤπειρον ἔχον ἠδ’ ἀντιπέραι’ ἐνέμοντο· ### book 2.636 τῶν μὲν Ὀδυσσεὺς ἦρχε Διὶ μῆτιν ἀτάλαντος· ### book 2.637 τῷ δ’ ἅμα νῆες ἕποντο δυώδεκα μιλτοπάρῃοι. ### book 2.638 Αἰτωλῶν δ’ ἡγεῖτο Θόας Ἀνδραίμονος υἱός, ### book 2.639 οἳ Πλευρῶν’ ἐνέμοντο καὶ Ὤλενον ἠδὲ Πυλήνην ### book 2.640 Χαλκίδα τ’ ἀγχίαλον Καλυδῶνά τε πετρήεσσαν· ### book 2.641 οὐ γὰρ ἔτ’ Οἰνῆος μεγαλήτορος υἱέες ἦσαν, ### book 2.642 οὐδ’ ἄρ’ ἔτ’ αὐτὸς ἔην, θάνε δὲ ξανθὸς Μελέαγρος· ### book 2.643 τῷ δ’ ἐπὶ πάντ’ ἐτέταλτο ἀνασσέμεν Αἰτωλοῖσι· ### book 2.644 τῷ δ’ ἅμα τεσσαράκοντα μέλαιναι νῆες ἕποντο. ### book 2.645 Κρητῶν δ’ Ἰδομενεὺς δουρὶ κλυτὸς ἡγεμόνευεν, ### book 2.646 οἳ Κνωσόν τ’ εἶχον Γόρτυνά τε τειχιόεσσαν, ### book 2.647 Λύκτον Μίλητόν τε καὶ ἀργινόεντα Λύκαστον ### book 2.648 Φαιστόν τε Ῥύτιόν τε, πόλεις εὖ ναιετοώσας, ### book 2.649 ἄλλοι θ’ οἳ Κρήτην ἑκατόμπολιν ἀμφενέμοντο. ### book 2.650 τῶν μὲν ἄρ’ Ἰδομενεὺς δουρὶ κλυτὸς ἡγεμόνευε ### book 2.651 Μηριόνης τ’ ἀτάλαντος Ἐνυαλίῳ ἀνδρειφόντῃ· ### book 2.652 τοῖσι δ’ ἅμ’ ὀγδώκοντα μέλαιναι νῆες ἕποντο. ### book 2.653 Τληπόλεμος δ’ Ἡρακλεΐδης ἠΰς τε μέγας τε ### book 2.654 ἐκ Ῥόδου ἐννέα νῆας ἄγεν Ῥοδίων ἀγερώχων, ### book 2.655 οἳ Ῥόδον ἀμφενέμοντο διὰ τρίχα κοσμηθέντες ### book 2.656 Λίνδον Ἰηλυσόν τε καὶ ἀργινόεντα Κάμειρον. ### book 2.657 τῶν μὲν Τληπόλεμος δουρὶ κλυτὸς ἡγεμόνευεν, ### book 2.658 ὃν τέκεν Ἀστυόχεια βίῃ Ἡρακληείῃ, ### book 2.659 τὴν ἄγετ’ ἐξ Ἐφύρης ποταμοῦ ἄπο Σελλήεντος ### book 2.660 πέρσας ἄστεα πολλὰ διοτρεφέων αἰζηῶν. ### book 2.661 Τληπόλεμος δ’ ἐπεὶ οὖν τράφ’ ἐνὶ μεγάρῳ εὐπήκτῳ, ### book 2.662 αὐτίκα πατρὸς ἑοῖο φίλον μήτρωα κατέκτα ### book 2.663 ἤδη γηράσκοντα Λικύμνιον ὄζον Ἄρηος· ### book 2.664 αἶψα δὲ νῆας ἔπηξε, πολὺν δ’ ὅ γε λαὸν ἀγείρας ### book 2.665 βῆ φεύγων ἐπὶ πόντον· ἀπείλησαν γάρ οἱ ἄλλοι ### book 2.666 υἱέες υἱωνοί τε βίης Ἡρακληείης. ### book 2.667 αὐτὰρ ὅ γ’ ἐς Ῥόδον ἷξεν ἀλώμενος ἄλγεα πάσχων· ### book 2.668 τριχθὰ δὲ ᾤκηθεν καταφυλαδόν, ἠδὲ φίληθεν ### book 2.669 ἐκ Διός, ὅς τε θεοῖσι καὶ ἀνθρώποισιν ἀνάσσει, ### book 2.670 καί σφιν θεσπέσιον πλοῦτον κατέχευε Κρονίων. ### book 2.671 Νιρεὺς αὖ Σύμηθεν ἄγε τρεῖς νῆας ἐΐσας ### book 2.672 Νιρεὺς Ἀγλαΐης υἱὸς Χαρόποιό τ’ ἄνακτος ### book 2.673 Νιρεύς, ὃς κάλλιστος ἀνὴρ ὑπὸ Ἴλιον ἦλθε ### book 2.674 τῶν ἄλλων Δαναῶν μετ’ ἀμύμονα Πηλεΐωνα· ### book 2.675 ἀλλ’ ἀλαπαδνὸς ἔην, παῦρος δέ οἱ εἵπετο λαός. ### book 2.676 Οἳ δ’ ἄρα Νίσυρόν τ’ εἶχον Κράπαθόν τε Κάσον τε ### book 2.677 καὶ Κῶν Εὐρυπύλοιο πόλιν νήσους τε Καλύδνας, ### book 2.678 τῶν αὖ Φείδιππός τε καὶ Ἄντιφος ἡγησάσθην ### book 2.679 Θεσσαλοῦ υἷε δύω Ἡρακλεΐδαο ἄνακτος· ### book 2.680 τοῖς δὲ τριήκοντα γλαφυραὶ νέες ἐστιχόωντο. ### book 2.681 Νῦν αὖ τοὺς ὅσσοι τὸ Πελασγικὸν Ἄργος ἔναιον, ### book 2.682 οἵ τ’ Ἄλον οἵ τ’ Ἀλόπην οἵ τε Τρηχῖνα νέμοντο, ### book 2.683 οἵ τ’ εἶχον Φθίην ἠδ’ Ἑλλάδα καλλιγύναικα, ### book 2.684 Μυρμιδόνες δὲ καλεῦντο καὶ Ἕλληνες καὶ Ἀχαιοί, ### book 2.685 τῶν αὖ πεντήκοντα νεῶν ἦν ἀρχὸς Ἀχιλλεύς. ### book 2.686 ἀλλ’ οἵ γ’ οὐ πολέμοιο δυσηχέος ἐμνώοντο· ### book 2.687 οὐ γὰρ ἔην ὅς τίς σφιν ἐπὶ στίχας ἡγήσαιτο· ### book 2.688 κεῖτο γὰρ ἐν νήεσσι ποδάρκης δῖος Ἀχιλλεὺς ### book 2.689 κούρης χωόμενος Βρισηΐδος ἠϋκόμοιο, ### book 2.690 τὴν ἐκ Λυρνησσοῦ ἐξείλετο πολλὰ μογήσας ### book 2.691 Λυρνησσὸν διαπορθήσας καὶ τείχεα Θήβης, ### book 2.692 κὰδ δὲ Μύνητ’ ἔβαλεν καὶ Ἐπίστροφον ἐγχεσιμώρους, ### book 2.693 υἱέας Εὐηνοῖο Σεληπιάδαο ἄνακτος· ### book 2.694 τῆς ὅ γε κεῖτ’ ἀχέων, τάχα δ’ ἀνστήσεσθαι ἔμελλεν. ### book 2.695 Οἳ δ’ εἶχον Φυλάκην καὶ Πύρασον ἀνθεμόεντα ### book 2.696 Δήμητρος τέμενος, Ἴτωνά τε μητέρα μήλων, ### book 2.697 ἀγχίαλόν τ’ Ἀντρῶνα ἰδὲ Πτελεὸν λεχεποίην, ### book 2.698 τῶν αὖ Πρωτεσίλαος ἀρήϊος ἡγεμόνευε ### book 2.699 ζωὸς ἐών· τότε δ’ ἤδη ἔχεν κάτα γαῖα μέλαινα. ### book 2.700 τοῦ δὲ καὶ ἀμφιδρυφὴς ἄλοχος Φυλάκῃ ἐλέλειπτο ### book 2.701 καὶ δόμος ἡμιτελής· τὸν δ’ ἔκτανε Δάρδανος ἀνὴρ ### book 2.702 νηὸς ἀποθρῴσκοντα πολὺ πρώτιστον Ἀχαιῶν. ### book 2.703 οὐδὲ μὲν οὐδ’ οἳ ἄναρχοι ἔσαν, πόθεόν γε μὲν ἀρχόν· ### book 2.704 ἀλλά σφεας κόσμησε Ποδάρκης ὄζος Ἄρηος ### book 2.705 Ἰφίκλου υἱὸς πολυμήλου Φυλακίδαο ### book 2.706 αὐτοκασίγνητος μεγαθύμου Πρωτεσιλάου ### book 2.707 ὁπλότερος γενεῇ· ὁ δ’ ἅμα πρότερος καὶ ἀρείων ### book 2.708 ἥρως Πρωτεσίλαος ἀρήϊος· οὐδέ τι λαοὶ ### book 2.709 δεύονθ’ ἡγεμόνος, πόθεόν γε μὲν ἐσθλὸν ἐόντα· ### book 2.710 τῷ δ’ ἅμα τεσσαράκοντα μέλαιναι νῆες ἕποντο. ### book 2.711 Οἳ δὲ Φερὰς ἐνέμοντο παραὶ Βοιβηΐδα λίμνην ### book 2.712 Βοίβην καὶ Γλαφύρας καὶ ἐϋκτιμένην Ἰαωλκόν, ### book 2.713 τῶν ἦρχ’ Ἀδμήτοιο φίλος πάϊς ἕνδεκα νηῶν ### book 2.714 Εὔμηλος, τὸν ὑπ’ Ἀδμήτῳ τέκε δῖα γυναικῶν ### book 2.715 Ἄλκηστις Πελίαο θυγατρῶν εἶδος ἀρίστη. ### book 2.716 Οἳ δ’ ἄρα Μηθώνην καὶ Θαυμακίην ἐνέμοντο ### book 2.717 καὶ Μελίβοιαν ἔχον καὶ Ὀλιζῶνα τρηχεῖαν, ### book 2.718 τῶν δὲ Φιλοκτήτης ἦρχεν τόξων ἐῢ εἰδὼς ### book 2.719 ἑπτὰ νεῶν· ἐρέται δ’ ἐν ἑκάστῃ πεντήκοντα ### book 2.720 ἐμβέβασαν τόξων εὖ εἰδότες ἶφι μάχεσθαι. ### book 2.721 ἀλλ’ ὃ μὲν ἐν νήσῳ κεῖτο κρατέρ’ ἄλγεα πάσχων ### book 2.722 Λήμνῳ ἐν ἠγαθέῃ, ὅθι μιν λίπον υἷες Ἀχαιῶν ### book 2.723 ἕλκεϊ μοχθίζοντα κακῷ ὀλοόφρονος ὕδρου· ### book 2.724 ἔνθ’ ὅ γε κεῖτ’ ἀχέων· τάχα δὲ μνήσεσθαι ἔμελλον ### book 2.725 Ἀργεῖοι παρὰ νηυσὶ Φιλοκτήταο ἄνακτος. ### book 2.726 οὐδὲ μὲν οὐδ’ οἳ ἄναρχοι ἔσαν, πόθεόν γε μὲν ἀρχόν· ### book 2.727 ἀλλὰ Μέδων κόσμησεν Ὀϊλῆος νόθος υἱός, ### book 2.728 τόν ῥ’ ἔτεκεν Ῥήνη ὑπ’ Ὀϊλῆϊ πτολιπόρθῳ. ### book 2.729 Οἳ δ’ εἶχον Τρίκκην καὶ Ἰθώμην κλωμακόεσσαν, ### book 2.730 οἵ τ’ ἔχον Οἰχαλίην πόλιν Εὐρύτου Οἰχαλιῆος, ### book 2.731 τῶν αὖθ’ ἡγείσθην Ἀσκληπιοῦ δύο παῖδε ### book 2.732 ἰητῆρ’ ἀγαθὼ Ποδαλείριος ἠδὲ Μαχάων· ### book 2.733 τοῖς δὲ τριήκοντα γλαφυραὶ νέες ἐστιχόωντο. ### book 2.734 Οἳ δ’ ἔχον Ὀρμένιον, οἵ τε κρήνην Ὑπέρειαν, ### book 2.735 οἵ τ’ ἔχον Ἀστέριον Τιτάνοιό τε λευκὰ κάρηνα, ### book 2.736 τῶν ἦρχ’ Εὐρύπυλος Εὐαίμονος ἀγλαὸς υἱός· ### book 2.737 τῷ δ’ ἅμα τεσσαράκοντα μέλαιναι νῆες ἕποντο. ### book 2.738 Οἳ δ’ Ἄργισσαν ἔχον καὶ Γυρτώνην ἐνέμοντο, ### book 2.739 Ὄρθην Ἠλώνην τε πόλιν τ’ Ὀλοοσσόνα λευκήν, ### book 2.740 τῶν αὖθ’ ἡγεμόνευε μενεπτόλεμος Πολυποίτης ### book 2.741 υἱὸς Πειριθόοιο τὸν ἀθάνατος τέκετο Ζεύς· ### book 2.742 τόν ῥ’ ὑπὸ Πειριθόῳ τέκετο κλυτὸς Ἱπποδάμεια ### book 2.743 ἤματι τῷ ὅτε Φῆρας ἐτίσατο λαχνήεντας, ### book 2.744 τοὺς δ’ ἐκ Πηλίου ὦσε καὶ Αἰθίκεσσι πέλασσεν· ### book 2.745 οὐκ οἶος, ἅμα τῷ γε Λεοντεὺς ὄζος Ἄρηος ### book 2.746 υἱὸς ὑπερθύμοιο Κορώνου Καινεΐδαο· ### book 2.747 τοῖς δ’ ἅμα τεσσαράκοντα μέλαιναι νῆες ἕποντο. ### book 2.748 Γουνεὺς δ’ ἐκ Κύφου ἦγε δύω καὶ εἴκοσι νῆας· ### book 2.749 τῷ δ’ Ἐνιῆνες ἕποντο μενεπτόλεμοί τε Περαιβοὶ ### book 2.750 οἳ περὶ Δωδώνην δυσχείμερον οἰκί’ ἔθεντο, ### book 2.751 οἵ τ’ ἀμφ’ ἱμερτὸν Τιταρησσὸν ἔργα νέμοντο ### book 2.752 ὅς ῥ’ ἐς Πηνειὸν προΐει καλλίρροον ὕδωρ, ### book 2.753 οὐδ’ ὅ γε Πηνειῷ συμμίσγεται ἀργυροδίνῃ, ### book 2.754 ἀλλά τέ μιν καθύπερθεν ἐπιρρέει ἠΰτ’ ἔλαιον· ### book 2.755 ὅρκου γὰρ δεινοῦ Στυγὸς ὕδατός ἐστιν ἀπορρώξ. ### book 2.756 Μαγνήτων δ’ ἦρχε Πρόθοος Τενθρηδόνος υἱός, ### book 2.757 οἳ περὶ Πηνειὸν καὶ Πήλιον εἰνοσίφυλλον ### book 2.758 ναίεσκον· τῶν μὲν Πρόθοος θοὸς ἡγεμόνευε, ### book 2.759 τῷ δ’ ἅμα τεσσαράκοντα μέλαιναι νῆες ἕποντο. ### book 2.760 Οὗτοι ἄρ’ ἡγεμόνες Δαναῶν καὶ κοίρανοι ἦσαν· ### book 2.761 τίς τὰρ τῶν ὄχ’ ἄριστος ἔην σύ μοι ἔννεπε Μοῦσα ### book 2.762 αὐτῶν ἠδ’ ἵππων, οἳ ἅμ’ Ἀτρεΐδῃσιν ἕποντο. ### book 2.763 Ἵπποι μὲν μέγ’ ἄρισται ἔσαν Φηρητιάδαο, ### book 2.764 τὰς Εὔμηλος ἔλαυνε ποδώκεας ὄρνιθας ὣς ### book 2.765 ὄτριχας οἰέτεας σταφύλῃ ἐπὶ νῶτον ἐΐσας· ### book 2.766 τὰς ἐν Πηρείῃ θρέψ’ ἀργυρότοξος Ἀπόλλων ### book 2.767 ἄμφω θηλείας, φόβον Ἄρηος φορεούσας. ### book 2.768 ἀνδρῶν αὖ μέγ’ ἄριστος ἔην Τελαμώνιος Αἴας ### book 2.769 ὄφρ’ Ἀχιλεὺς μήνιεν· ὃ γὰρ πολὺ φέρτατος ἦεν, ### book 2.770 ἵπποι θ’ οἳ φορέεσκον ἀμύμονα Πηλεΐωνα. ### book 2.771 ἀλλ’ ὃ μὲν ἐν νήεσσι κορωνίσι ποντοπόροισι ### book 2.772 κεῖτ’ ἀπομηνίσας Ἀγαμέμνονι ποιμένι λαῶν ### book 2.773 Ἀτρεΐδῃ· λαοὶ δὲ παρὰ ῥηγμῖνι θαλάσσης ### book 2.774 δίσκοισιν τέρποντο καὶ αἰγανέῃσιν ἱέντες ### book 2.775 τόξοισίν θ’· ἵπποι δὲ παρ’ ἅρμασιν οἷσιν ἕκαστος ### book 2.776 λωτὸν ἐρεπτόμενοι ἐλεόθρεπτόν τε σέλινον ### book 2.777 ἕστασαν· ἅρματα δ’ εὖ πεπυκασμένα κεῖτο ἀνάκτων ### book 2.778 ἐν κλισίῃς· οἳ δ’ ἀρχὸν ἀρηΐφιλον ποθέοντες ### book 2.779 φοίτων ἔνθα καὶ ἔνθα κατὰ στρατὸν οὐδὲ μάχοντο. ### book 2.780 Οἳ δ’ ἄρ’ ἴσαν ὡς εἴ τε πυρὶ χθὼν πᾶσα νέμοιτο· ### book 2.781 γαῖα δ’ ὑπεστενάχιζε Διὶ ὣς τερπικεραύνῳ ### book 2.782 χωομένῳ ὅτε τ’ ἀμφὶ Τυφωέϊ γαῖαν ἱμάσσῃ ### book 2.783 εἰν Ἀρίμοις, ὅθι φασὶ Τυφωέος ἔμμεναι εὐνάς· ### book 2.784 ὣς ἄρα τῶν ὑπὸ ποσσὶ μέγα στεναχίζετο γαῖα ### book 2.785 ἐρχομένων· μάλα δ’ ὦκα διέπρησσον πεδίοιο. ### book 2.786 Τρωσὶν δ’ ἄγγελος ἦλθε ποδήνεμος ὠκέα Ἶρις ### book 2.787 πὰρ Διὸς αἰγιόχοιο σὺν ἀγγελίῃ ἀλεγεινῇ· ### book 2.788 οἳ δ’ ἀγορὰς ἀγόρευον ἐπὶ Πριάμοιο θύρῃσι ### book 2.789 πάντες ὁμηγερέες ἠμὲν νέοι ἠδὲ γέροντες· ### book 2.790 ἀγχοῦ δ’ ἱσταμένη προσέφη πόδας ὠκέα Ἶρις· ### book 2.791 εἴσατο δὲ φθογγὴν υἷϊ Πριάμοιο Πολίτῃ, ### book 2.792 ὃς Τρώων σκοπὸς ἷζε ποδωκείῃσι πεποιθὼς ### book 2.793 τύμβῳ ἐπ’ ἀκροτάτῳ Αἰσυήταο γέροντος, ### book 2.794 δέγμενος ὁππότε ναῦφιν ἀφορμηθεῖεν Ἀχαιοί· ### book 2.795 τῷ μιν ἐεισαμένη προσέφη πόδας ὠκέα Ἶρις· ### book 2.796 ὦ γέρον αἰεί τοι μῦθοι φίλοι ἄκριτοί εἰσιν, ### book 2.797 ὥς ποτ’ ἐπ’ εἰρήνης· πόλεμος δ’ ἀλίαστος ὄρωρεν. ### book 2.798 ἤδη μὲν μάλα πολλὰ μάχας εἰσήλυθον ἀνδρῶν, ### book 2.799 ἀλλ’ οὔ πω τοιόνδε τοσόνδέ τε λαὸν ὄπωπα· ### book 2.800 λίην γὰρ φύλλοισιν ἐοικότες ἢ ψαμάθοισιν ### book 2.801 ἔρχονται πεδίοιο μαχησόμενοι προτὶ ἄστυ. ### book 2.802 Ἕκτορ σοὶ δὲ μάλιστ’ ἐπιτέλλομαι, ὧδε δὲ ῥέξαι· ### book 2.803 πολλοὶ γὰρ κατὰ ἄστυ μέγα Πριάμου ἐπίκουροι, ### book 2.804 ἄλλη δ’ ἄλλων γλῶσσα πολυσπερέων ἀνθρώπων· ### book 2.805 τοῖσιν ἕκαστος ἀνὴρ σημαινέτω οἷσί περ ἄρχει, ### book 2.806 τῶν δ’ ἐξηγείσθω κοσμησάμενος πολιήτας. ### book 2.807 Ὣς ἔφαθ’, Ἕκτωρ δ’ οὔ τι θεᾶς ἔπος ἠγνοίησεν, ### book 2.808 αἶψα δ’ ἔλυς’ ἀγορήν· ἐπὶ τεύχεα δ’ ἐσσεύοντο· ### book 2.809 πᾶσαι δ’ ὠΐγνυντο πύλαι, ἐκ δ’ ἔσσυτο λαὸς ### book 2.810 πεζοί θ’ ἱππῆές τε· πολὺς δ’ ὀρυμαγδὸς ὀρώρει. ### book 2.811 Ἔστι δέ τις προπάροιθε πόλιος αἰπεῖα κολώνη ### book 2.812 ἐν πεδίῳ ἀπάνευθε περίδρομος ἔνθα καὶ ἔνθα, ### book 2.813 τὴν ἤτοι ἄνδρες Βατίειαν κικλήσκουσιν, ### book 2.814 ἀθάνατοι δέ τε σῆμα πολυσκάρθμοιο Μυρίνης· ### book 2.815 ἔνθα τότε Τρῶές τε διέκριθεν ἠδ’ ἐπίκουροι. ### book 2.816 Τρωσὶ μὲν ἡγεμόνευε μέγας κορυθαίολος Ἕκτωρ ### book 2.817 Πριαμίδης· ἅμα τῷ γε πολὺ πλεῖστοι καὶ ἄριστοι ### book 2.818 λαοὶ θωρήσσοντο μεμαότες ἐγχείῃσι. ### book 2.819 Δαρδανίων αὖτ’ ἦρχεν ἐῢς πάϊς Ἀγχίσαο ### book 2.820 Αἰνείας, τὸν ὑπ’ Ἀγχίσῃ τέκε δῖ’ Ἀφροδίτη ### book 2.821 Ἴδης ἐν κνημοῖσι θεὰ βροτῷ εὐνηθεῖσα, ### book 2.822 οὐκ οἶος, ἅμα τῷ γε δύω Ἀντήνορος υἷε ### book 2.823 Ἀρχέλοχός τ’ Ἀκάμας τε μάχης εὖ εἰδότε πάσης. ### book 2.824 Οἳ δὲ Ζέλειαν ἔναιον ὑπαὶ πόδα νείατον Ἴδης ### book 2.825 ἀφνειοὶ πίνοντες ὕδωρ μέλαν Αἰσήποιο ### book 2.826 Τρῶες, τῶν αὖτ’ ἦρχε Λυκάονος ἀγλαὸς υἱὸς ### book 2.827 Πάνδαρος, ᾧ καὶ τόξον Ἀπόλλων αὐτὸς ἔδωκεν. ### book 2.828 Οἳ δ’ Ἀδρήστειάν τ’ εἶχον καὶ δῆμον Ἀπαισοῦ ### book 2.829 καὶ Πιτύειαν ἔχον καὶ Τηρείης ὄρος αἰπύ, ### book 2.830 τῶν ἦρχ’ Ἄδρηστός τε καὶ Ἄμφιος λινοθώρηξ ### book 2.831 υἷε δύω Μέροπος Περκωσίου, ὃς περὶ πάντων ### book 2.832 ᾔδεε μαντοσύνας, οὐδὲ οὓς παῖδας ἔασκε ### book 2.833 στείχειν ἐς πόλεμον φθισήνορα· τὼ δέ οἱ οὔ τι ### book 2.834 πειθέσθην· κῆρες γὰρ ἄγον μέλανος θανάτοιο. ### book 2.835 Οἳ δ’ ἄρα Περκώτην καὶ Πράκτιον ἀμφενέμοντο ### book 2.836 καὶ Σηστὸν καὶ Ἄβυδον ἔχον καὶ δῖαν Ἀρίσβην, ### book 2.837 τῶν αὖθ’ Ὑρτακίδης ἦρχ’ Ἄσιος ὄρχαμος ἀνδρῶν, ### book 2.838 Ἄσιος Ὑρτακίδης ὃν Ἀρίσβηθεν φέρον ἵπποι ### book 2.839 αἴθωνες μεγάλοι ποταμοῦ ἄπο Σελλήεντος. ### book 2.840 Ἱππόθοος δ’ ἄγε φῦλα Πελασγῶν ἐγχεσιμώρων ### book 2.841 τῶν οἳ Λάρισαν ἐριβώλακα ναιετάασκον· ### book 2.842 τῶν ἦρχ’ Ἱππόθοός τε Πύλαιός τ’ ὄζος Ἄρηος, ### book 2.843 υἷε δύω Λήθοιο Πελασγοῦ Τευταμίδαο. ### book 2.844 Αὐτὰρ Θρήϊκας ἦγ’ Ἀκάμας καὶ Πείροος ἥρως ### book 2.845 ὅσσους Ἑλλήσποντος ἀγάρροος ἐντὸς ἐέργει. ### book 2.846 Εὔφημος δ’ ἀρχὸς Κικόνων ἦν αἰχμητάων ### book 2.847 υἱὸς Τροιζήνοιο διοτρεφέος Κεάδαο. ### book 2.848 Αὐτὰρ Πυραίχμης ἄγε Παίονας ἀγκυλοτόξους ### book 2.849 τηλόθεν ἐξ Ἀμυδῶνος ἀπ’ Ἀξιοῦ εὐρὺ ῥέοντος, ### book 2.850 Ἀξιοῦ οὗ κάλλιστον ὕδωρ ἐπικίδναται αἶαν. ### book 2.851 Παφλαγόνων δ’ ἡγεῖτο Πυλαιμένεος λάσιον κῆρ ### book 2.852 ἐξ Ἐνετῶν, ὅθεν ἡμιόνων γένος ἀγροτεράων, ### book 2.853 οἵ ῥα Κύτωρον ἔχον καὶ Σήσαμον ἀμφενέμοντο ### book 2.854 ἀμφί τε Παρθένιον ποταμὸν κλυτὰ δώματ’ ἔναιον ### book 2.855 Κρῶμνάν τ’ Αἰγιαλόν τε καὶ ὑψηλοὺς Ἐρυθίνους. ### book 2.856 Αὐτὰρ Ἁλιζώνων Ὀδίος καὶ Ἐπίστροφος ἦρχον ### book 2.857 τηλόθεν ἐξ Ἀλύβης, ὅθεν ἀργύρου ἐστὶ γενέθλη. ### book 2.858 Μυσῶν δὲ Χρόμις ἦρχε καὶ Ἔννομος οἰωνιστής· ### book 2.859 ἀλλ’ οὐκ οἰωνοῖσιν ἐρύσατο κῆρα μέλαιναν, ### book 2.860 ἀλλ’ ἐδάμη ὑπὸ χερσὶ ποδώκεος Αἰακίδαο ### book 2.861 ἐν ποταμῷ, ὅθι περ Τρῶας κεράϊζε καὶ ἄλλους. ### book 2.862 Φόρκυς αὖ Φρύγας ἦγε καὶ Ἀσκάνιος θεοειδὴς ### book 2.863 τῆλ’ ἐξ Ἀσκανίης· μέμασαν δ’ ὑσμῖνι μάχεσθαι. ### book 2.864 Μῄοσιν αὖ Μέσθλης τε καὶ Ἄντιφος ἡγησάσθην ### book 2.865 υἷε Ταλαιμένεος τὼ Γυγαίη τέκε λίμνη, ### book 2.866 οἳ καὶ Μῄονας ἦγον ὑπὸ Τμώλῳ γεγαῶτας. ### book 2.867 Νάστης αὖ Καρῶν ἡγήσατο βαρβαροφώνων, ### book 2.868 οἳ Μίλητον ἔχον Φθιρῶν τ’ ὄρος ἀκριτόφυλλον ### book 2.869 Μαιάνδρου τε ῥοὰς Μυκάλης τ’ αἰπεινὰ κάρηνα· ### book 2.870 τῶν μὲν ἄρ’ Ἀμφίμαχος καὶ Νάστης ἡγησάσθην, ### book 2.871 Νάστης Ἀμφίμαχός τε Νομίονος ἀγλαὰ τέκνα, ### book 2.872 ὃς καὶ χρυσὸν ἔχων πόλεμον δ’ ἴεν ἠΰτε κούρη ### book 2.873 νήπιος, οὐδέ τί οἱ τό γ’ ἐπήρκεσε λυγρὸν ὄλεθρον, ### book 2.874 ἀλλ’ ἐδάμη ὑπὸ χερσὶ ποδώκεος Αἰακίδαο ### book 2.875 ἐν ποταμῷ, χρυσὸν δ’ Ἀχιλεὺς ἐκόμισσε δαΐφρων. ### book 2.876 Σαρπηδὼν δ’ ἦρχεν Λυκίων καὶ Γλαῦκος ἀμύμων ### book 2.877 τηλόθεν ἐκ Λυκίης, Ξάνθου ἄπο δινήεντος. ### book 3.1 Αὐτὰρ ἐπεὶ κόσμηθεν ἅμ’ ἡγεμόνεσσιν ἕκαστοι, ### book 3.2 Τρῶες μὲν κλαγγῇ τ’ ἐνοπῇ τ’ ἴσαν ὄρνιθες ὣς ### book 3.3 ἠΰτε περ κλαγγὴ γεράνων πέλει οὐρανόθι πρό· ### book 3.4 αἵ τ’ ἐπεὶ οὖν χειμῶνα φύγον καὶ ἀθέσφατον ὄμβρον ### book 3.5 κλαγγῇ ταί γε πέτονται ἐπ’ ὠκεανοῖο ῥοάων ### book 3.6 ἀνδράσι Πυγμαίοισι φόνον καὶ κῆρα φέρουσαι· ### book 3.7 ἠέριαι δ’ ἄρα ταί γε κακὴν ἔριδα προφέρονται. ### book 3.8 οἳ δ’ ἄρ’ ἴσαν σιγῇ μένεα πνείοντες Ἀχαιοὶ ### book 3.9 ἐν θυμῷ μεμαῶτες ἀλεξέμεν ἀλλήλοισιν. ### book 3.10 Εὖτ’ ὄρεος κορυφῇσι Νότος κατέχευεν ὀμίχλην ### book 3.11 ποιμέσιν οὔ τι φίλην, κλέπτῃ δέ τε νυκτὸς ἀμείνω, ### book 3.12 τόσσόν τίς τ’ ἐπιλεύσσει ὅσον τ’ ἐπὶ λᾶαν ἵησιν· ### book 3.13 ὣς ἄρα τῶν ὑπὸ ποσσὶ κονίσαλος ὄρνυτ’ ἀελλὴς ### book 3.14 ἐρχομένων· μάλα δ’ ὦκα διέπρησσον πεδίοιο. ### book 3.15 Οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντες, ### book 3.16 Τρωσὶν μὲν προμάχιζεν Ἀλέξανδρος θεοειδὴς ### book 3.17 παρδαλέην ὤμοισιν ἔχων καὶ καμπύλα τόξα ### book 3.18 καὶ ξίφος· αὐτὰρ δοῦρε δύω κεκορυθμένα χαλκῷ ### book 3.19 πάλλων Ἀργείων προκαλίζετο πάντας ἀρίστους ### book 3.20 ἀντίβιον μαχέσασθαι ἐν αἰνῇ δηϊοτῆτι. ### book 3.21 Τὸν δ’ ὡς οὖν ἐνόησεν ἀρηΐφιλος Μενέλαος ### book 3.22 ἐρχόμενον προπάροιθεν ὁμίλου μακρὰ βιβάντα, ### book 3.23 ὥς τε λέων ἐχάρη μεγάλῳ ἐπὶ σώματι κύρσας ### book 3.24 εὑρὼν ἢ ἔλαφον κεραὸν ἢ ἄγριον αἶγα ### book 3.25 πεινάων· μάλα γάρ τε κατεσθίει, εἴ περ ἂν αὐτὸν ### book 3.26 σεύωνται ταχέες τε κύνες θαλεροί τ’ αἰζηοί· ### book 3.27 ὣς ἐχάρη Μενέλαος Ἀλέξανδρον θεοειδέα ### book 3.28 ὀφθαλμοῖσιν ἰδών· φάτο γὰρ τίσεσθαι ἀλείτην· ### book 3.29 αὐτίκα δ’ ἐξ ὀχέων σὺν τεύχεσιν ἆλτο χαμᾶζε. ### book 3.30 Τὸν δ’ ὡς οὖν ἐνόησεν Ἀλέξανδρος θεοειδὴς ### book 3.31 ἐν προμάχοισι φανέντα, κατεπλήγη φίλον ἦτορ, ### book 3.32 ἂψ δ’ ἑτάρων εἰς ἔθνος ἐχάζετο κῆρ’ ἀλεείνων. ### book 3.33 ὡς δ’ ὅτε τίς τε δράκοντα ἰδὼν παλίνορσος ἀπέστη ### book 3.34 οὔρεος ἐν βήσσῃς, ὑπό τε τρόμος ἔλλαβε γυῖα, ### book 3.35 ἂψ δ’ ἀνεχώρησεν, ὦχρός τέ μιν εἷλε παρειάς, ### book 3.36 ὣς αὖτις καθ’ ὅμιλον ἔδυ Τρώων ἀγερώχων ### book 3.37 δείσας Ἀτρέος υἱὸν Ἀλέξανδρος θεοειδής. ### book 3.38 Τὸν δ’ Ἕκτωρ νείκεσσεν ἰδὼν αἰσχροῖς ἐπέεσσιν· ### book 3.39 Δύσπαρι εἶδος ἄριστε γυναιμανὲς ἠπεροπευτὰ ### book 3.40 αἴθ’ ὄφελες ἄγονός τ’ ἔμεναι ἄγαμός τ’ ἀπολέσθαι· ### book 3.41 καί κε τὸ βουλοίμην, καί κεν πολὺ κέρδιον ἦεν ### book 3.42 ἢ οὕτω λώβην τ’ ἔμεναι καὶ ὑπόψιον ἄλλων. ### book 3.43 ἦ που καγχαλόωσι κάρη κομόωντες Ἀχαιοὶ ### book 3.44 φάντες ἀριστῆα πρόμον ἔμμεναι, οὕνεκα καλὸν ### book 3.45 εἶδος ἔπ’, ἀλλ’ οὐκ ἔστι βίη φρεσὶν οὐδέ τις ἀλκή. ### book 3.46 ἦ τοιόσδε ἐὼν ἐν ποντοπόροισι νέεσσι ### book 3.47 πόντον ἐπιπλώσας, ἑτάρους ἐρίηρας ἀγείρας, ### book 3.48 μιχθεὶς ἀλλοδαποῖσι γυναῖκ’ εὐειδέ’ ἀνῆγες ### book 3.49 ἐξ ἀπίης γαίης νυὸν ἀνδρῶν αἰχμητάων ### book 3.50 πατρί τε σῷ μέγα πῆμα πόληΐ τε παντί τε δήμῳ, ### book 3.51 δυσμενέσιν μὲν χάρμα, κατηφείην δὲ σοὶ αὐτῷ; ### book 3.52 οὐκ ἂν δὴ μείνειας ἀρηΐφιλον Μενέλαον; ### book 3.53 γνοίης χ’ οἵου φωτὸς ἔχεις θαλερὴν παράκοιτιν· ### book 3.54 οὐκ ἄν τοι χραίσμῃ κίθαρις τά τε δῶρ’ Ἀφροδίτης ### book 3.55 ἥ τε κόμη τό τε εἶδος ὅτ’ ἐν κονίῃσι μιγείης. ### book 3.56 ἀλλὰ μάλα Τρῶες δειδήμονες· ἦ τέ κεν ἤδη ### book 3.57 λάϊνον ἕσσο χιτῶνα κακῶν ἕνεχ’ ὅσσα ἔοργας. ### book 3.58 Τὸν δ’ αὖτε προσέειπεν Ἀλέξανδρος θεοειδής· ### book 3.59 Ἕκτορ ἐπεί με κατ’ αἶσαν ἐνείκεσας οὐδ’ ὑπὲρ αἶσαν· ### book 3.60 αἰεί τοι κραδίη πέλεκυς ὥς ἐστιν ἀτειρὴς ### book 3.61 ὅς τ’ εἶσιν διὰ δουρὸς ὑπ’ ἀνέρος ὅς ῥά τε τέχνῃ ### book 3.62 νήϊον ἐκτάμνῃσιν, ὀφέλλει δ’ ἀνδρὸς ἐρωήν· ### book 3.63 ὣς σοὶ ἐνὶ στήθεσσιν ἀτάρβητος νόος ἐστί· ### book 3.64 μή μοι δῶρ’ ἐρατὰ πρόφερε χρυσέης Ἀφροδίτης· ### book 3.65 οὔ τοι ἀπόβλητ’ ἐστὶ θεῶν ἐρικυδέα δῶρα ### book 3.66 ὅσσά κεν αὐτοὶ δῶσιν, ἑκὼν δ’ οὐκ ἄν τις ἕλοιτο· ### book 3.67 νῦν αὖτ’ εἴ μ’ ἐθέλεις πολεμίζειν ἠδὲ μάχεσθαι, ### book 3.68 ἄλλους μὲν κάθισον Τρῶας καὶ πάντας Ἀχαιούς, ### book 3.69 αὐτὰρ ἔμ’ ἐν μέσσῳ καὶ ἀρηΐφιλον Μενέλαον ### book 3.70 συμβάλετ’ ἀμφ’ Ἑλένῃ καὶ κτήμασι πᾶσι μάχεσθαι· ### book 3.71 ὁππότερος δέ κε νικήσῃ κρείσσων τε γένηται, ### book 3.72 κτήμαθ’ ἑλὼν εὖ πάντα γυναῖκά τε οἴκαδ’ ἀγέσθω· ### book 3.73 οἳ δ’ ἄλλοι φιλότητα καὶ ὅρκια πιστὰ ταμόντες ### book 3.74 ναίοιτε Τροίην ἐριβώλακα, τοὶ δὲ νεέσθων ### book 3.75 Ἄργος ἐς ἱππόβοτον καὶ Ἀχαιΐδα καλλιγύναικα. ### book 3.76 Ὣς ἔφαθ’, Ἕκτωρ δ’ αὖτ’ ἐχάρη μέγα μῦθον ἀκούσας, ### book 3.77 καί ῥ’ ἐς μέσσον ἰὼν Τρώων ἀνέεργε φάλαγγας ### book 3.78 μέσσου δουρὸς ἑλών· τοὶ δ’ ἱδρύνθησαν ἅπαντες. ### book 3.79 τῷ δ’ ἐπετοξάζοντο κάρη κομόωντες Ἀχαιοὶ ### book 3.80 ἰοῖσίν τε τιτυσκόμενοι λάεσσί τ’ ἔβαλλον· ### book 3.81 αὐτὰρ ὃ μακρὸν ἄϋσεν ἄναξ ἀνδρῶν Ἀγαμέμνων· ### book 3.82 ἴσχεσθ’ Ἀργεῖοι, μὴ βάλλετε κοῦροι Ἀχαιῶν· ### book 3.83 στεῦται γάρ τι ἔπος ἐρέειν κορυθαίολος Ἕκτωρ. ### book 3.84 Ὣς ἔφαθ’, οἳ δ’ ἔσχοντο μάχης ἄνεῴ τ’ ἐγένοντο ### book 3.85 ἐσσυμένως· Ἕκτωρ δὲ μετ’ ἀμφοτέροισιν ἔειπε· ### book 3.86 κέκλυτέ μευ Τρῶες καὶ ἐϋκνήμιδες Ἀχαιοὶ ### book 3.87 μῦθον Ἀλεξάνδροιο, τοῦ εἵνεκα νεῖκος ὄρωρεν. ### book 3.88 ἄλλους μὲν κέλεται Τρῶας καὶ πάντας Ἀχαιοὺς ### book 3.89 τεύχεα κάλ’ ἀποθέσθαι ἐπὶ χθονὶ πουλυβοτείρῃ, ### book 3.90 αὐτὸν δ’ ἐν μέσσῳ καὶ ἀρηΐφιλον Μενέλαον ### book 3.91 οἴους ἀμφ’ Ἑλένῃ καὶ κτήμασι πᾶσι μάχεσθαι. ### book 3.92 ὁππότερος δέ κε νικήσῃ κρείσσων τε γένηται ### book 3.93 κτήμαθ’ ἑλὼν εὖ πάντα γυναῖκά τε οἴκαδ’ ἀγέσθω· ### book 3.94 οἳ δ’ ἄλλοι φιλότητα καὶ ὅρκια πιστὰ τάμωμεν. ### book 3.95 Ὣς ἔφαθ’, οἳ δ’ ἄρα πάντες ἀκὴν ἐγένοντο σιωπῇ· ### book 3.96 τοῖσι δὲ καὶ μετέειπε βοὴν ἀγαθὸς Μενέλαος· ### book 3.97 κέκλυτε νῦν καὶ ἐμεῖο· μάλιστα γὰρ ἄλγος ἱκάνει ### book 3.98 θυμὸν ἐμόν, φρονέω δὲ διακρινθήμεναι ἤδη ### book 3.99 Ἀργείους καὶ Τρῶας, ἐπεὶ κακὰ πολλὰ πέπασθε ### book 3.100 εἵνεκ’ ἐμῆς ἔριδος καὶ Ἀλεξάνδρου ἕνεκ’ ἀρχῆς· ### book 3.101 ἡμέων δ’ ὁπποτέρῳ θάνατος καὶ μοῖρα τέτυκται ### book 3.102 τεθναίη· ἄλλοι δὲ διακρινθεῖτε τάχιστα. ### book 3.103 οἴσετε ἄρν’, ἕτερον λευκόν, ἑτέρην δὲ μέλαιναν, ### book 3.104 Γῇ τε καὶ Ἠελίῳ· Διὶ δ’ ἡμεῖς οἴσομεν ἄλλον· ### book 3.105 ἄξετε δὲ Πριάμοιο βίην, ὄφρ’ ὅρκια τάμνῃ ### book 3.106 αὐτός, ἐπεί οἱ παῖδες ὑπερφίαλοι καὶ ἄπιστοι, ### book 3.107 μή τις ὑπερβασίῃ Διὸς ὅρκια δηλήσηται. ### book 3.108 αἰεὶ δ’ ὁπλοτέρων ἀνδρῶν φρένες ἠερέθονται· ### book 3.109 οἷς δ’ ὁ γέρων μετέῃσιν ἅμα πρόσσω καὶ ὀπίσσω ### book 3.110 λεύσσει, ὅπως ὄχ’ ἄριστα μετ’ ἀμφοτέροισι γένηται. ### book 3.111 Ὣς ἔφαθ’, οἳ δ’ ἐχάρησαν Ἀχαιοί τε Τρῶές τε ### book 3.112 ἐλπόμενοι παύσασθαι ὀϊζυροῦ πολέμοιο. ### book 3.113 καί ῥ’ ἵππους μὲν ἔρυξαν ἐπὶ στίχας, ἐκ δ’ ἔβαν αὐτοί, ### book 3.114 τεύχεά τ’ ἐξεδύοντο· τὰ μὲν κατέθεντ’ ἐπὶ γαίῃ ### book 3.115 πλησίον ἀλλήλων, ὀλίγη δ’ ἦν ἀμφὶς ἄρουρα· ### book 3.116 Ἕκτωρ δὲ προτὶ ἄστυ δύω κήρυκας ἔπεμπε ### book 3.117 καρπαλίμως ἄρνάς τε φέρειν Πρίαμόν τε καλέσσαι· ### book 3.118 αὐτὰρ ὃ Ταλθύβιον προΐει κρείων Ἀγαμέμνων ### book 3.119 νῆας ἔπι γλαφυρὰς ἰέναι, ἠδ’ ἄρν’ ἐκέλευεν ### book 3.120 οἰσέμεναι· ὃ δ’ ἄρ’ οὐκ ἀπίθης’ Ἀγαμέμνονι δίῳ. ### book 3.121 Ἶρις δ’ αὖθ’ Ἑλένῃ λευκωλένῳ ἄγγελος ἦλθεν ### book 3.122 εἰδομένη γαλόῳ Ἀντηνορίδαο δάμαρτι, ### book 3.123 τὴν Ἀντηνορίδης εἶχε κρείων Ἑλικάων ### book 3.124 Λαοδίκην Πριάμοιο θυγατρῶν εἶδος ἀρίστην. ### book 3.125 τὴν δ’ εὗρ’ ἐν μεγάρῳ· ἣ δὲ μέγαν ἱστὸν ὕφαινε ### book 3.126 δίπλακα πορφυρέην, πολέας δ’ ἐνέπασσεν ἀέθλους ### book 3.127 Τρώων θ’ ἱπποδάμων καὶ Ἀχαιῶν χαλκοχιτώνων, ### book 3.128 οὕς ἑθεν εἵνεκ’ ἔπασχον ὑπ’ Ἄρηος παλαμάων· ### book 3.129 ἀγχοῦ δ’ ἱσταμένη προσέφη πόδας ὠκέα Ἶρις· ### book 3.130 δεῦρ’ ἴθι νύμφα φίλη, ἵνα θέσκελα ἔργα ἴδηαι ### book 3.131 Τρώων θ’ ἱπποδάμων καὶ Ἀχαιῶν χαλκοχιτώνων, ### book 3.132 οἳ πρὶν ἐπ’ ἀλλήλοισι φέρον πολύδακρυν Ἄρηα ### book 3.133 ἐν πεδίῳ ὀλοοῖο λιλαιόμενοι πολέμοιο· ### book 3.134 οἳ δὴ νῦν ἕαται σιγῇ, πόλεμος δὲ πέπαυται, ### book 3.135 ἀσπίσι κεκλιμένοι, παρὰ δ’ ἔγχεα μακρὰ πέπηγεν. ### book 3.136 αὐτὰρ Ἀλέξανδρος καὶ ἀρηΐφιλος Μενέλαος ### book 3.137 μακρῇς ἐγχείῃσι μαχήσονται περὶ σεῖο· ### book 3.138 τῷ δέ κε νικήσαντι φίλη κεκλήσῃ ἄκοιτις. ### book 3.139 Ὣς εἰποῦσα θεὰ γλυκὺν ἵμερον ἔμβαλε θυμῷ ### book 3.140 ἀνδρός τε προτέρου καὶ ἄστεος ἠδὲ τοκήων· ### book 3.141 αὐτίκα δ’ ἀργεννῇσι καλυψαμένη ὀθόνῃσιν ### book 3.142 ὁρμᾶτ’ ἐκ θαλάμοιο τέρεν κατὰ δάκρυ χέουσα ### book 3.143 οὐκ οἴη, ἅμα τῇ γε καὶ ἀμφίπολοι δύ’ ἕποντο, ### book 3.144 Αἴθρη Πιτθῆος θυγάτηρ, Κλυμένη τε βοῶπις· ### book 3.145 αἶψα δ’ ἔπειθ’ ἵκανον ὅθι Σκαιαὶ πύλαι ἦσαν. ### book 3.146 Οἳ δ’ ἀμφὶ Πρίαμον καὶ Πάνθοον ἠδὲ Θυμοίτην ### book 3.147 Λάμπόν τε Κλυτίον θ’ Ἱκετάονά τ’ ὄζον Ἄρηος ### book 3.148 Οὐκαλέγων τε καὶ Ἀντήνωρ πεπνυμένω ἄμφω ### book 3.149 ἥατο δημογέροντες ἐπὶ Σκαιῇσι πύλῃσι, ### book 3.150 γήραϊ δὴ πολέμοιο πεπαυμένοι, ἀλλ’ ἀγορηταὶ ### book 3.151 ἐσθλοί, τεττίγεσσιν ἐοικότες οἵ τε καθ’ ὕλην ### book 3.152 δενδρέῳ ἐφεζόμενοι ὄπα λειριόεσσαν ἱεῖσι· ### book 3.153 τοῖοι ἄρα Τρώων ἡγήτορες ἧντ’ ἐπὶ πύργῳ. ### book 3.154 οἳ δ’ ὡς οὖν εἴδονθ’ Ἑλένην ἐπὶ πύργον ἰοῦσαν, ### book 3.155 ἦκα πρὸς ἀλλήλους ἔπεα πτερόεντ’ ἀγόρευον· ### book 3.156 οὐ νέμεσις Τρῶας καὶ ἐϋκνήμιδας Ἀχαιοὺς ### book 3.157 τοιῇδ’ ἀμφὶ γυναικὶ πολὺν χρόνον ἄλγεα πάσχειν· ### book 3.158 αἰνῶς ἀθανάτῃσι θεῇς εἰς ὦπα ἔοικεν· ### book 3.159 ἀλλὰ καὶ ὧς τοίη περ ἐοῦς’ ἐν νηυσὶ νεέσθω, ### book 3.160 μηδ’ ἡμῖν τεκέεσσί τ’ ὀπίσσω πῆμα λίποιτο. ### book 3.161 Ὣς ἄρ’ ἔφαν, Πρίαμος δ’ Ἑλένην ἐκαλέσσατο φωνῇ· ### book 3.162 δεῦρο πάροιθ’ ἐλθοῦσα φίλον τέκος ἵζευ ἐμεῖο, ### book 3.163 ὄφρα ἴδῃ πρότερόν τε πόσιν πηούς τε φίλους τε· ### book 3.164 οὔ τί μοι αἰτίη ἐσσί, θεοί νύ μοι αἴτιοί εἰσιν ### book 3.165 οἵ μοι ἐφώρμησαν πόλεμον πολύδακρυν Ἀχαιῶν· ### book 3.166 ὥς μοι καὶ τόνδ’ ἄνδρα πελώριον ἐξονομήνῃς ### book 3.167 ὅς τις ὅδ’ ἐστὶν Ἀχαιὸς ἀνὴρ ἠΰς τε μέγας τε. ### book 3.168 ἤτοι μὲν κεφαλῇ καὶ μείζονες ἄλλοι ἔασι, ### book 3.169 καλὸν δ’ οὕτω ἐγὼν οὔ πω ἴδον ὀφθαλμοῖσιν, ### book 3.170 οὐδ’ οὕτω γεραρόν· βασιλῆϊ γὰρ ἀνδρὶ ἔοικε. ### book 3.171 Τὸν δ’ Ἑλένη μύθοισιν ἀμείβετο δῖα γυναικῶν· ### book 3.172 αἰδοῖός τέ μοί ἐσσι φίλε ἑκυρὲ δεινός τε· ### book 3.173 ὡς ὄφελεν θάνατός μοι ἁδεῖν κακὸς ὁππότε δεῦρο ### book 3.174 υἱέϊ σῷ ἑπόμην θάλαμον γνωτούς τε λιποῦσα ### book 3.175 παῖδά τε τηλυγέτην καὶ ὁμηλικίην ἐρατεινήν. ### book 3.176 ἀλλὰ τά γ’ οὐκ ἐγένοντο· τὸ καὶ κλαίουσα τέτηκα. ### book 3.177 τοῦτο δέ τοι ἐρέω ὅ μ’ ἀνείρεαι ἠδὲ μεταλλᾷς· ### book 3.178 οὗτός γ’ Ἀτρεΐδης εὐρὺ κρείων Ἀγαμέμνων, ### book 3.179 ἀμφότερον βασιλεύς τ’ ἀγαθὸς κρατερός τ’ αἰχμητής· ### book 3.180 δαὴρ αὖτ’ ἐμὸς ἔσκε κυνώπιδος, εἴ ποτ’ ἔην γε. ### book 3.181 Ὣς φάτο, τὸν δ’ ὁ γέρων ἠγάσσατο φώνησέν τε· ### book 3.182 ὦ μάκαρ Ἀτρεΐδη μοιρηγενὲς ὀλβιόδαιμον, ### book 3.183 ἦ ῥά νύ τοι πολλοὶ δεδμήατο κοῦροι Ἀχαιῶν. ### book 3.184 ἤδη καὶ Φρυγίην εἰσήλυθον ἀμπελόεσσαν, ### book 3.185 ἔνθα ἴδον πλείστους Φρύγας ἀνέρας αἰολοπώλους ### book 3.186 λαοὺς Ὀτρῆος καὶ Μυγδόνος ἀντιθέοιο, ### book 3.187 οἵ ῥα τότ’ ἐστρατόωντο παρ’ ὄχθας Σαγγαρίοιο· ### book 3.188 καὶ γὰρ ἐγὼν ἐπίκουρος ἐὼν μετὰ τοῖσιν ἐλέχθην ### book 3.189 ἤματι τῷ ὅτε τ’ ἦλθον Ἀμαζόνες ἀντιάνειραι· ### book 3.190 ἀλλ’ οὐδ’ οἳ τόσοι ἦσαν ὅσοι ἑλίκωπες Ἀχαιοί. ### book 3.191 Δεύτερον αὖτ’ Ὀδυσῆα ἰδὼν ἐρέειν’ ὁ γεραιός· ### book 3.192 εἴπ’ ἄγε μοι καὶ τόνδε φίλον τέκος ὅς τις ὅδ’ ἐστί· ### book 3.193 μείων μὲν κεφαλῇ Ἀγαμέμνονος Ἀτρεΐδαο, ### book 3.194 εὐρύτερος δ’ ὤμοισιν ἰδὲ στέρνοισιν ἰδέσθαι. ### book 3.195 τεύχεα μέν οἱ κεῖται ἐπὶ χθονὶ πουλυβοτείρῃ, ### book 3.196 αὐτὸς δὲ κτίλος ὣς ἐπιπωλεῖται στίχας ἀνδρῶν· ### book 3.197 ἀρνειῷ μιν ἔγωγε ἐΐσκω πηγεσιμάλλῳ, ### book 3.198 ὅς τ’ οἰῶν μέγα πῶϋ διέρχεται ἀργεννάων. ### book 3.199 Τὸν δ’ ἠμείβετ’ ἔπειθ’ Ἑλένη Διὸς ἐκγεγαυῖα· ### book 3.200 οὗτος δ’ αὖ Λαερτιάδης πολύμητις Ὀδυσσεύς, ### book 3.201 ὃς τράφη ἐν δήμῳ Ἰθάκης κραναῆς περ ἐούσης ### book 3.202 εἰδὼς παντοίους τε δόλους καὶ μήδεα πυκνά. ### book 3.203 Τὴν δ’ αὖτ’ Ἀντήνωρ πεπνυμένος ἀντίον ηὔδα· ### book 3.204 ὦ γύναι ἦ μάλα τοῦτο ἔπος νημερτὲς ἔειπες· ### book 3.205 ἤδη γὰρ καὶ δεῦρό ποτ’ ἤλυθε δῖος Ὀδυσσεὺς ### book 3.206 σεῦ ἕνεκ’ ἀγγελίης σὺν ἀρηϊφίλῳ Μενελάῳ· ### book 3.207 τοὺς δ’ ἐγὼ ἐξείνισσα καὶ ἐν μεγάροισι φίλησα, ### book 3.208 ἀμφοτέρων δὲ φυὴν ἐδάην καὶ μήδεα πυκνά. ### book 3.209 ἀλλ’ ὅτε δὴ Τρώεσσιν ἐν ἀγρομένοισιν ἔμιχθεν ### book 3.210 στάντων μὲν Μενέλαος ὑπείρεχεν εὐρέας ὤμους, ### book 3.211 ἄμφω δ’ ἑζομένω γεραρώτερος ἦεν Ὀδυσσεύς· ### book 3.212 ἀλλ’ ὅτε δὴ μύθους καὶ μήδεα πᾶσιν ὕφαινον ### book 3.213 ἤτοι μὲν Μενέλαος ἐπιτροχάδην ἀγόρευε, ### book 3.214 παῦρα μὲν ἀλλὰ μάλα λιγέως, ἐπεὶ οὐ πολύμυθος ### book 3.215 οὐδ’ ἀφαμαρτοεπής· ἦ καὶ γένει ὕστερος ἦεν. ### book 3.216 ἀλλ’ ὅτε δὴ πολύμητις ἀναΐξειεν Ὀδυσσεὺς ### book 3.217 στάσκεν, ὑπαὶ δὲ ἴδεσκε κατὰ χθονὸς ὄμματα πήξας, ### book 3.218 σκῆπτρον δ’ οὔτ’ ὀπίσω οὔτε προπρηνὲς ἐνώμα, ### book 3.219 ἀλλ’ ἀστεμφὲς ἔχεσκεν ἀΐδρεϊ φωτὶ ἐοικώς· ### book 3.220 φαίης κε ζάκοτόν τέ τιν’ ἔμμεναι ἄφρονά τ’ αὔτως. ### book 3.221 ἀλλ’ ὅτε δὴ ὄπα τε μεγάλην ἐκ στήθεος εἵη ### book 3.222 καὶ ἔπεα νιφάδεσσιν ἐοικότα χειμερίῃσιν, ### book 3.223 οὐκ ἂν ἔπειτ’ Ὀδυσῆΐ γ’ ἐρίσσειε βροτὸς ἄλλος· ### book 3.224 οὐ τότε γ’ ὧδ’ Ὀδυσῆος ἀγασσάμεθ’ εἶδος ἰδόντες. ### book 3.225 Τὸ τρίτον αὖτ’ Αἴαντα ἰδὼν ἐρέειν’ ὃ γεραιός· ### book 3.226 τίς τὰρ ὅδ’ ἄλλος Ἀχαιὸς ἀνὴρ ἠΰς τε μέγας τε ### book 3.227 ἔξοχος Ἀργείων κεφαλήν τε καὶ εὐρέας ὤμους; ### book 3.228 Τὸν δ’ Ἑλένη τανύπεπλος ἀμείβετο δῖα γυναικῶν· ### book 3.229 οὗτος δ’ Αἴας ἐστὶ πελώριος ἕρκος Ἀχαιῶν· ### book 3.230 Ἰδομενεὺς δ’ ἑτέρωθεν ἐνὶ Κρήτεσσι θεὸς ὣς ### book 3.231 ἕστηκ’, ἀμφὶ δέ μιν Κρητῶν ἀγοὶ ἠγερέθονται. ### book 3.232 πολλάκι μιν ξείνισσεν ἀρηΐφιλος Μενέλαος ### book 3.233 οἴκῳ ἐν ἡμετέρῳ ὁπότε Κρήτηθεν ἵκοιτο. ### book 3.234 νῦν δ’ ἄλλους μὲν πάντας ὁρῶ ἑλίκωπας Ἀχαιούς, ### book 3.235 οὕς κεν ἐῢ γνοίην καί τ’ οὔνομα μυθησαίμην· ### book 3.236 δοιὼ δ’ οὐ δύναμαι ἰδέειν κοσμήτορε λαῶν ### book 3.237 Κάστορά θ’ ἱππόδαμον καὶ πὺξ ἀγαθὸν Πολυδεύκεα ### book 3.238 αὐτοκασιγνήτω, τώ μοι μία γείνατο μήτηρ. ### book 3.239 ἢ οὐχ ἑσπέσθην Λακεδαίμονος ἐξ ἐρατεινῆς, ### book 3.240 ἢ δεύρω μὲν ἕποντο νέεσς’ ἔνι ποντοπόροισι, ### book 3.241 νῦν αὖτ’ οὐκ ἐθέλουσι μάχην καταδύμεναι ἀνδρῶν ### book 3.242 αἴσχεα δειδιότες καὶ ὀνείδεα πόλλ’ ἅ μοί ἐστιν. ### book 3.243 Ὣς φάτο, τοὺς δ’ ἤδη κάτεχεν φυσίζοος αἶα ### book 3.244 ἐν Λακεδαίμονι αὖθι φίλῃ ἐν πατρίδι γαίῃ. ### book 3.245 Κήρυκες δ’ ἀνὰ ἄστυ θεῶν φέρον ὅρκια πιστὰ ### book 3.246 ἄρνε δύω καὶ οἶνον ἐΰφρονα καρπὸν ἀρούρης ### book 3.247 ἀσκῷ ἐν αἰγείῳ· φέρε δὲ κρητῆρα φαεινὸν ### book 3.248 κῆρυξ Ἰδαῖος ἠδὲ χρύσεια κύπελλα· ### book 3.249 ὄτρυνεν δὲ γέροντα παριστάμενος ἐπέεσσιν· ### book 3.250 ὄρσεο Λαομεδοντιάδη, καλέουσιν ἄριστοι ### book 3.251 Τρώων θ’ ἱπποδάμων καὶ Ἀχαιῶν χαλκοχιτώνων ### book 3.252 ἐς πεδίον καταβῆναι ἵν’ ὅρκια πιστὰ τάμητε· ### book 3.253 αὐτὰρ Ἀλέξανδρος καὶ ἀρηΐφιλος Μενέλαος ### book 3.254 μακρῇς ἐγχείῃσι μαχήσοντ’ ἀμφὶ γυναικί· ### book 3.255 τῷ δέ κε νικήσαντι γυνὴ καὶ κτήμαθ’ ἕποιτο· ### book 3.256 οἳ δ’ ἄλλοι φιλότητα καὶ ὅρκια πιστὰ ταμόντες ### book 3.257 ναίοιμεν Τροίην ἐριβώλακα, τοὶ δὲ νέονται ### book 3.258 Ἄργος ἐς ἱππόβοτον καὶ Ἀχαιΐδα καλλιγύναικα. ### book 3.259 Ὣς φάτο ῥίγησεν δ’ ὃ γέρων, ἐκέλευσε δ’ ἑταίρους ### book 3.260 ἵππους ζευγνύμεναι· τοὶ δ’ ὀτραλέως ἐπίθοντο. ### book 3.261 ἂν δ’ ἄρ’ ἔβη Πρίαμος, κατὰ δ’ ἡνία τεῖνεν ὀπίσσω· ### book 3.262 πὰρ δέ οἱ Ἀντήνωρ περικαλλέα βήσετο δίφρον· ### book 3.263 τὼ δὲ διὰ Σκαιῶν πεδίον δ’ ἔχον ὠκέας ἵππους. ### book 3.264 Ἀλλ’ ὅτε δή ῥ’ ἵκοντο μετὰ Τρῶας καὶ Ἀχαιούς, ### book 3.265 ἐξ ἵππων ἀποβάντες ἐπὶ χθόνα πουλυβότειραν ### book 3.266 ἐς μέσσον Τρώων καὶ Ἀχαιῶν ἐστιχόωντο. ### book 3.267 ὄρνυτο δ’ αὐτίκ’ ἔπειτα ἄναξ ἀνδρῶν Ἀγαμέμνων, ### book 3.268 ἂν δ’ Ὀδυσεὺς πολύμητις· ἀτὰρ κήρυκες ἀγαυοὶ ### book 3.269 ὅρκια πιστὰ θεῶν σύναγον, κρητῆρι δὲ οἶνον ### book 3.270 μίσγον, ἀτὰρ βασιλεῦσιν ὕδωρ ἐπὶ χεῖρας ἔχευαν. ### book 3.271 Ἀτρεΐδης δὲ ἐρυσσάμενος χείρεσσι μάχαιραν, ### book 3.272 ἥ οἱ πὰρ ξίφεος μέγα κουλεὸν αἰὲν ἄωρτο, ### book 3.273 ἀρνῶν ἐκ κεφαλέων τάμνε τρίχας· αὐτὰρ ἔπειτα ### book 3.274 κήρυκες Τρώων καὶ Ἀχαιῶν νεῖμαν ἀρίστοις. ### book 3.275 τοῖσιν δ’ Ἀτρεΐδης μεγάλ’ εὔχετο χεῖρας ἀνασχών· ### book 3.276 Ζεῦ πάτερ Ἴδηθεν μεδέων κύδιστε μέγιστε, ### book 3.277 Ἠέλιός θ’, ὃς πάντ’ ἐφορᾷς καὶ πάντ’ ἐπακούεις, ### book 3.278 καὶ ποταμοὶ καὶ γαῖα, καὶ οἳ ὑπένερθε καμόντας ### book 3.279 ἀνθρώπους τίνυσθον ὅτις κ’ ἐπίορκον ὀμόσσῃ, ### book 3.280 ὑμεῖς μάρτυροι ἔστε, φυλάσσετε δ’ ὅρκια πιστά· ### book 3.281 εἰ μέν κεν Μενέλαον Ἀλέξανδρος καταπέφνῃ ### book 3.282 αὐτὸς ἔπειθ’ Ἑλένην ἐχέτω καὶ κτήματα πάντα, ### book 3.283 ἡμεῖς δ’ ἐν νήεσσι νεώμεθα ποντοπόροισιν· ### book 3.284 εἰ δέ κ’ Ἀλέξανδρον κτείνῃ ξανθὸς Μενέλαος, ### book 3.285 Τρῶας ἔπειθ’ Ἑλένην καὶ κτήματα πάντ’ ἀποδοῦναι, ### book 3.286 τιμὴν δ’ Ἀργείοις ἀποτινέμεν ἥν τιν’ ἔοικεν, ### book 3.287 ἥ τε καὶ ἐσσομένοισι μετ’ ἀνθρώποισι πέληται. ### book 3.288 εἰ δ’ ἂν ἐμοὶ τιμὴν Πρίαμος Πριάμοιό τε παῖδες ### book 3.289 τίνειν οὐκ ἐθέλωσιν Ἀλεξάνδροιο πεσόντος, ### book 3.290 αὐτὰρ ἐγὼ καὶ ἔπειτα μαχήσομαι εἵνεκα ποινῆς ### book 3.291 αὖθι μένων, ἧός κε τέλος πολέμοιο κιχείω. ### book 3.292 Ἦ, καὶ ἀπὸ στομάχους ἀρνῶν τάμε νηλέϊ χαλκῷ· ### book 3.293 καὶ τοὺς μὲν κατέθηκεν ἐπὶ χθονὸς ἀσπαίροντας ### book 3.294 θυμοῦ δευομένους· ἀπὸ γὰρ μένος εἵλετο χαλκός. ### book 3.295 οἶνον δ’ ἐκ κρητῆρος ἀφυσσόμενοι δεπάεσσιν ### book 3.296 ἔκχεον, ἠδ’ εὔχοντο θεοῖς αἰειγενέτῃσιν. ### book 3.297 ὧδε δέ τις εἴπεσκεν Ἀχαιῶν τε Τρώων τε· ### book 3.298 Ζεῦ κύδιστε μέγιστε καὶ ἀθάνατοι θεοὶ ἄλλοι ### book 3.299 ὁππότεροι πρότεροι ὑπὲρ ὅρκια πημήνειαν ### book 3.300 ὧδέ σφ’ ἐγκέφαλος χαμάδις ῥέοι ὡς ὅδε οἶνος ### book 3.301 αὐτῶν καὶ τεκέων, ἄλοχοι δ’ ἄλλοισι δαμεῖεν. ### book 3.302 Ὣς ἔφαν, οὐδ’ ἄρα πώ σφιν ἐπεκραίαινε Κρονίων. ### book 3.303 τοῖσι δὲ Δαρδανίδης Πρίαμος μετὰ μῦθον ἔειπε· ### book 3.304 κέκλυτέ μευ Τρῶες καὶ ἐϋκνήμιδες Ἀχαιοί· ### book 3.305 ἤτοι ἐγὼν εἶμι προτὶ Ἴλιον ἠνεμόεσσαν ### book 3.306 ἄψ, ἐπεὶ οὔ πω τλήσομ’ ἐν ὀφθαλμοῖσιν ὁρᾶσθαι ### book 3.307 μαρνάμενον φίλον υἱὸν ἀρηϊφίλῳ Μενελάῳ· ### book 3.308 Ζεὺς μέν που τό γε οἶδε καὶ ἀθάνατοι θεοὶ ἄλλοι ### book 3.309 ὁπποτέρῳ θανάτοιο τέλος πεπρωμένον ἐστίν. ### book 3.310 Ἦ ῥα καὶ ἐς δίφρον ἄρνας θέτο ἰσόθεος φώς, ### book 3.311 ἂν δ’ ἄρ’ ἔβαιν’ αὐτός, κατὰ δ’ ἡνία τεῖνεν ὀπίσσω· ### book 3.312 πὰρ δέ οἱ Ἀντήνωρ περικαλλέα βήσετο δίφρον. ### book 3.313 τὼ μὲν ἄρ’ ἄψορροι προτὶ Ἴλιον ἀπονέοντο· ### book 3.314 Ἕκτωρ δὲ Πριάμοιο πάϊς καὶ δῖος Ὀδυσσεὺς ### book 3.315 χῶρον μὲν πρῶτον διεμέτρεον, αὐτὰρ ἔπειτα ### book 3.316 κλήρους ἐν κυνέῃ χαλκήρεϊ πάλλον ἑλόντες, ### book 3.317 ὁππότερος δὴ πρόσθεν ἀφείη χάλκεον ἔγχος. ### book 3.318 λαοὶ δ’ ἠρήσαντο, θεοῖσι δὲ χεῖρας ἀνέσχον, ### book 3.319 ὧδε δέ τις εἴπεσκεν Ἀχαιῶν τε Τρώων τε· ### book 3.320 Ζεῦ πάτερ Ἴδηθεν μεδέων κύδιστε μέγιστε ### book 3.321 ὁππότερος τάδε ἔργα μετ’ ἀμφοτέροισιν ἔθηκε, ### book 3.322 τὸν δὸς ἀποφθίμενον δῦναι δόμον Ἄϊδος εἴσω, ### book 3.323 ἡμῖν δ’ αὖ φιλότητα καὶ ὅρκια πιστὰ γενέσθαι. ### book 3.324 Ὣς ἄρ’ ἔφαν, πάλλεν δὲ μέγας κορυθαίολος Ἕκτωρ ### book 3.325 ἂψ ὁρόων· Πάριος δὲ θοῶς ἐκ κλῆρος ὄρουσεν. ### book 3.326 οἳ μὲν ἔπειθ’ ἵζοντο κατὰ στίχας, ἧχι ἑκάστῳ ### book 3.327 ἵπποι ἀερσίποδες καὶ ποικίλα τεύχε’ ἔκειτο· ### book 3.328 αὐτὰρ ὅ γ’ ἀμφ’ ὤμοισιν ἐδύσετο τεύχεα καλὰ ### book 3.329 δῖος Ἀλέξανδρος Ἑλένης πόσις ἠϋκόμοιο. ### book 3.330 κνημῖδας μὲν πρῶτα περὶ κνήμῃσιν ἔθηκε ### book 3.331 καλάς, ἀργυρέοισιν ἐπισφυρίοις ἀραρυίας· ### book 3.332 δεύτερον αὖ θώρηκα περὶ στήθεσσιν ἔδυνεν ### book 3.333 οἷο κασιγνήτοιο Λυκάονος· ἥρμοσε δ’ αὐτῷ. ### book 3.334 ἀμφὶ δ’ ἄρ’ ὤμοισιν βάλετο ξίφος ἀργυρόηλον ### book 3.335 χάλκεον, αὐτὰρ ἔπειτα σάκος μέγα τε στιβαρόν τε· ### book 3.336 κρατὶ δ’ ἐπ’ ἰφθίμῳ κυνέην εὔτυκτον ἔθηκεν ### book 3.337 ἵππουριν· δεινὸν δὲ λόφος καθύπερθεν ἔνευεν· ### book 3.338 εἵλετο δ’ ἄλκιμον ἔγχος, ὅ οἱ παλάμηφιν ἀρήρει. ### book 3.339 ὣς δ’ αὔτως Μενέλαος ἀρήϊος ἔντε’ ἔδυνεν. ### book 3.340 Οἳ δ’ ἐπεὶ οὖν ἑκάτερθεν ὁμίλου θωρήχθησαν, ### book 3.341 ἐς μέσσον Τρώων καὶ Ἀχαιῶν ἐστιχόωντο ### book 3.342 δεινὸν δερκόμενοι· θάμβος δ’ ἔχεν εἰσορόωντας ### book 3.343 Τρῶάς θ’ ἱπποδάμους καὶ ἐϋκνήμιδας Ἀχαιούς. ### book 3.344 καί ῥ’ ἐγγὺς στήτην διαμετρητῷ ἐνὶ χώρῳ ### book 3.345 σείοντ’ ἐγχείας ἀλλήλοισιν κοτέοντε. ### book 3.346 πρόσθε δ’ Ἀλέξανδρος προΐει δολιχόσκιον ἔγχος, ### book 3.347 καὶ βάλεν Ἀτρεΐδαο κατ’ ἀσπίδα πάντοσε ἴσην, ### book 3.348 οὐδ’ ἔρρηξεν χαλκός, ἀνεγνάμφθη δέ οἱ αἰχμὴ ### book 3.349 ἀσπίδ’ ἐνὶ κρατερῇ· ὃ δὲ δεύτερον ὄρνυτο χαλκῷ ### book 3.350 Ἀτρεΐδης Μενέλαος ἐπευξάμενος Διὶ πατρί· ### book 3.351 Ζεῦ ἄνα δὸς τίσασθαι ὅ με πρότερος κάκ’ ἔοργε ### book 3.352 δῖον Ἀλέξανδρον, καὶ ἐμῇς ὑπὸ χερσὶ δάμασσον, ### book 3.353 ὄφρα τις ἐρρίγῃσι καὶ ὀψιγόνων ἀνθρώπων ### book 3.354 ξεινοδόκον κακὰ ῥέξαι, ὅ κεν φιλότητα παράσχῃ. ### book 3.355 Ἦ ῥα καὶ ἀμπεπαλὼν προΐει δολιχόσκιον ἔγχος, ### book 3.356 καὶ βάλε Πριαμίδαο κατ’ ἀσπίδα πάντοσε ἴσην· ### book 3.357 διὰ μὲν ἀσπίδος ἦλθε φαεινῆς ὄβριμον ἔγχος, ### book 3.358 καὶ διὰ θώρηκος πολυδαιδάλου ἠρήρειστο· ### book 3.359 ἀντικρὺ δὲ παραὶ λαπάρην διάμησε χιτῶνα ### book 3.360 ἔγχος· ὃ δ’ ἐκλίνθη καὶ ἀλεύατο κῆρα μέλαιναν. ### book 3.361 Ἀτρεΐδης δὲ ἐρυσσάμενος ξίφος ἀργυρόηλον ### book 3.362 πλῆξεν ἀνασχόμενος κόρυθος φάλον· ἀμφὶ δ’ ἄρ’ αὐτῷ ### book 3.363 τριχθά τε καὶ τετραχθὰ διατρυφὲν ἔκπεσε χειρός. ### book 3.364 Ἀτρεΐδης δ’ ᾤμωξεν ἰδὼν εἰς οὐρανὸν εὐρύν· ### book 3.365 Ζεῦ πάτερ οὔ τις σεῖο θεῶν ὀλοώτερος ἄλλος· ### book 3.366 ἦ τ’ ἐφάμην τίσασθαι Ἀλέξανδρον κακότητος· ### book 3.367 νῦν δέ μοι ἐν χείρεσσιν ἄγη ξίφος, ἐκ δέ μοι ἔγχος ### book 3.368 ἠΐχθη παλάμηφιν ἐτώσιον, οὐδ’ ἔβαλόν μιν. ### book 3.369 Ἦ καὶ ἐπαΐξας κόρυθος λάβεν ἱπποδασείης, ### book 3.370 ἕλκε δ’ ἐπιστρέψας μετ’ ἐϋκνήμιδας Ἀχαιούς· ### book 3.371 ἄγχε δέ μιν πολύκεστος ἱμὰς ἁπαλὴν ὑπὸ δειρήν, ### book 3.372 ὅς οἱ ὑπ’ ἀνθερεῶνος ὀχεὺς τέτατο τρυφαλείης. ### book 3.373 καί νύ κεν εἴρυσσέν τε καὶ ἄσπετον ἤρατο κῦδος, ### book 3.374 εἰ μὴ ἄρ’ ὀξὺ νόησε Διὸς θυγάτηρ Ἀφροδίτη, ### book 3.375 ἥ οἱ ῥῆξεν ἱμάντα βοὸς ἶφι κταμένοιο· ### book 3.376 κεινὴ δὲ τρυφάλεια ἅμ’ ἕσπετο χειρὶ παχείῃ. ### book 3.377 τὴν μὲν ἔπειθ’ ἥρως μετ’ ἐϋκνήμιδας Ἀχαιοὺς ### book 3.378 ῥῖψ’ ἐπιδινήσας, κόμισαν δ’ ἐρίηρες ἑταῖροι· ### book 3.379 αὐτὰρ ὃ ἂψ ἐπόρουσε κατακτάμεναι μενεαίνων ### book 3.380 ἔγχεϊ χαλκείῳ· τὸν δ’ ἐξήρπαξ’ Ἀφροδίτη ### book 3.381 ῥεῖα μάλ’ ὥς τε θεός, ἐκάλυψε δ’ ἄρ’ ἠέρι πολλῇ, ### book 3.382 κὰδ δ’ εἷς’ ἐν θαλάμῳ εὐώδεϊ κηώεντι. ### book 3.383 αὐτὴ δ’ αὖ Ἑλένην καλέους’ ἴε· τὴν δὲ κίχανε ### book 3.384 πύργῳ ἐφ’ ὑψηλῷ, περὶ δὲ Τρῳαὶ ἅλις ἦσαν· ### book 3.385 χειρὶ δὲ νεκταρέου ἑανοῦ ἐτίναξε λαβοῦσα, ### book 3.386 γρηῒ δέ μιν ἐϊκυῖα παλαιγενέϊ προσέειπεν ### book 3.387 εἰροκόμῳ, ἥ οἱ Λακεδαίμονι ναιετοώσῃ ### book 3.388 ἤσκειν εἴρια καλά, μάλιστα δέ μιν φιλέεσκε· ### book 3.389 τῇ μιν ἐεισαμένη προσεφώνεε δῖ’ Ἀφροδίτη· ### book 3.390 δεῦρ’ ἴθ’· Ἀλέξανδρός σε καλεῖ οἶκον δὲ νέεσθαι. ### book 3.391 κεῖνος ὅ γ’ ἐν θαλάμῳ καὶ δινωτοῖσι λέχεσσι ### book 3.392 κάλλεΐ τε στίλβων καὶ εἵμασιν· οὐδέ κε φαίης ### book 3.393 ἀνδρὶ μαχεσσάμενον τόν γ’ ἐλθεῖν, ἀλλὰ χορὸν δὲ ### book 3.394 ἔρχεσθ’, ἠὲ χοροῖο νέον λήγοντα καθίζειν. ### book 3.395 Ὣς φάτο, τῇ δ’ ἄρα θυμὸν ἐνὶ στήθεσσιν ὄρινε· ### book 3.396 καί ῥ’ ὡς οὖν ἐνόησε θεᾶς περικαλλέα δειρὴν ### book 3.397 στήθεά θ’ ἱμερόεντα καὶ ὄμματα μαρμαίροντα, ### book 3.398 θάμβησέν τ’ ἄρ’ ἔπειτα ἔπος τ’ ἔφατ’ ἔκ τ’ ὀνόμαζε· ### book 3.399 δαιμονίη, τί με ταῦτα λιλαίεαι ἠπεροπεύειν; ### book 3.400 ἦ πῄ με προτέρω πολίων εὖ ναιομενάων ### book 3.401 ἄξεις, ἢ Φρυγίης ἢ Μῃονίης ἐρατεινῆς, ### book 3.402 εἴ τίς τοι καὶ κεῖθι φίλος μερόπων ἀνθρώπων· ### book 3.403 οὕνεκα δὴ νῦν δῖον Ἀλέξανδρον Μενέλαος ### book 3.404 νικήσας ἐθέλει στυγερὴν ἐμὲ οἴκαδ’ ἄγεσθαι, ### book 3.405 τοὔνεκα δὴ νῦν δεῦρο δολοφρονέουσα παρέστης; ### book 3.406 ἧσο παρ’ αὐτὸν ἰοῦσα, θεῶν δ’ ἀπόεικε κελεύθου, ### book 3.407 μηδ’ ἔτι σοῖσι πόδεσσιν ὑποστρέψειας Ὄλυμπον, ### book 3.408 ἀλλ’ αἰεὶ περὶ κεῖνον ὀΐζυε καί ἑ φύλασσε, ### book 3.409 εἰς ὅ κέ ς’ ἢ ἄλοχον ποιήσεται ἢ ὅ γε δούλην. ### book 3.410 κεῖσε δ’ ἐγὼν οὐκ εἶμι· νεμεσσητὸν δέ κεν εἴη· ### book 3.411 κείνου πορσανέουσα λέχος· Τρῳαὶ δέ μ’ ὀπίσσω ### book 3.412 πᾶσαι μωμήσονται· ἔχω δ’ ἄχε’ ἄκριτα θυμῷ. ### book 3.413 Τὴν δὲ χολωσαμένη προσεφώνεε δῖ’ Ἀφροδίτη· ### book 3.414 μή μ’ ἔρεθε σχετλίη, μὴ χωσαμένη σε μεθείω, ### book 3.415 τὼς δέ ς’ ἀπεχθήρω ὡς νῦν ἔκπαγλ’ ἐφίλησα, ### book 3.416 μέσσῳ δ’ ἀμφοτέρων μητίσομαι ἔχθεα λυγρὰ ### book 3.417 Τρώων καὶ Δαναῶν, σὺ δέ κεν κακὸν οἶτον ὄληαι. ### book 3.418 Ὣς ἔφατ’, ἔδεισεν δ’ Ἑλένη Διὸς ἐκγεγαυῖα, ### book 3.419 βῆ δὲ κατασχομένη ἑανῷ ἀργῆτι φαεινῷ ### book 3.420 σιγῇ, πάσας δὲ Τρῳὰς λάθεν· ἦρχε δὲ δαίμων. ### book 3.421 Αἳ δ’ ὅτ’ Ἀλεξάνδροιο δόμον περικαλλέ’ ἵκοντο, ### book 3.422 ἀμφίπολοι μὲν ἔπειτα θοῶς ἐπὶ ἔργα τράποντο, ### book 3.423 ἣ δ’ εἰς ὑψόροφον θάλαμον κίε δῖα γυναικῶν. ### book 3.424 τῇ δ’ ἄρα δίφρον ἑλοῦσα φιλομειδὴς Ἀφροδίτη ### book 3.425 ἀντί’ Ἀλεξάνδροιο θεὰ κατέθηκε φέρουσα· ### book 3.426 ἔνθα κάθιζ’ Ἑλένη κούρη Διὸς αἰγιόχοιο ### book 3.427 ὄσσε πάλιν κλίνασα, πόσιν δ’ ἠνίπαπε μύθῳ· ### book 3.428 ἤλυθες ἐκ πολέμου· ὡς ὤφελες αὐτόθ’ ὀλέσθαι ### book 3.429 ἀνδρὶ δαμεὶς κρατερῷ, ὃς ἐμὸς πρότερος πόσις ἦεν. ### book 3.430 ἦ μὲν δὴ πρίν γ’ εὔχε’ ἀρηϊφίλου Μενελάου ### book 3.431 σῇ τε βίῃ καὶ χερσὶ καὶ ἔγχεϊ φέρτερος εἶναι· ### book 3.432 ἀλλ’ ἴθι νῦν προκάλεσσαι ἀρηΐφιλον Μενέλαον ### book 3.433 ἐξαῦτις μαχέσασθαι ἐναντίον· ἀλλά ς’ ἔγωγε ### book 3.434 παύεσθαι κέλομαι, μηδὲ ξανθῷ Μενελάῳ ### book 3.435 ἀντίβιον πόλεμον πολεμίζειν ἠδὲ μάχεσθαι ### book 3.436 ἀφραδέως, μή πως τάχ’ ὑπ’ αὐτοῦ δουρὶ δαμήῃς. ### book 3.437 Τὴν δὲ Πάρις μύθοισιν ἀμειβόμενος προσέειπε· ### book 3.438 μή με γύναι χαλεποῖσιν ὀνείδεσι θυμὸν ἔνιπτε· ### book 3.439 νῦν μὲν γὰρ Μενέλαος ἐνίκησεν σὺν Ἀθήνῃ, ### book 3.440 κεῖνον δ’ αὖτις ἐγώ· πάρα γὰρ θεοί εἰσι καὶ ἡμῖν. ### book 3.441 ἀλλ’ ἄγε δὴ φιλότητι τραπείομεν εὐνηθέντε· ### book 3.442 οὐ γάρ πώ ποτέ μ’ ὧδέ γ’ ἔρως φρένας ἀμφεκάλυψεν, ### book 3.443 οὐδ’ ὅτε σε πρῶτον Λακεδαίμονος ἐξ ἐρατεινῆς ### book 3.444 ἔπλεον ἁρπάξας ἐν ποντοπόροισι νέεσσι, ### book 3.445 νήσῳ δ’ ἐν Κραναῇ ἐμίγην φιλότητι καὶ εὐνῇ, ### book 3.446 ὥς σεο νῦν ἔραμαι καί με γλυκὺς ἵμερος αἱρεῖ. ### book 3.447 Ἦ ῥα, καὶ ἄρχε λέχος δὲ κιών· ἅμα δ’ εἵπετ’ ἄκοιτις. ### book 3.448 Τὼ μὲν ἄρ’ ἐν τρητοῖσι κατεύνασθεν λεχέεσσιν, ### book 3.449 Ἀτρεΐδης δ’ ἀν’ ὅμιλον ἐφοίτα θηρὶ ἐοικὼς ### book 3.450 εἴ που ἐσαθρήσειεν Ἀλέξανδρον θεοειδέα. ### book 3.451 ἀλλ’ οὔ τις δύνατο Τρώων κλειτῶν τ’ ἐπικούρων ### book 3.452 δεῖξαι Ἀλέξανδρον τότ’ ἀρηϊφίλῳ Μενελάῳ· ### book 3.453 οὐ μὲν γὰρ φιλότητί γ’ ἐκεύθανον εἴ τις ἴδοιτο· ### book 3.454 ἶσον γάρ σφιν πᾶσιν ἀπήχθετο κηρὶ μελαίνῃ. ### book 3.455 τοῖσι δὲ καὶ μετέειπεν ἄναξ ἀνδρῶν Ἀγαμέμνων· ### book 3.456 κέκλυτέ μευ Τρῶες καὶ Δάρδανοι ἠδ’ ἐπίκουροι· ### book 3.457 νίκη μὲν δὴ φαίνετ’ ἀρηϊφίλου Μενελάου, ### book 3.458 ὑμεῖς δ’ Ἀργείην Ἑλένην καὶ κτήμαθ’ ἅμ’ αὐτῇ ### book 3.459 ἔκδοτε, καὶ τιμὴν ἀποτινέμεν ἥν τιν’ ἔοικεν, ### book 3.460 ἥ τε καὶ ἐσσομένοισι μετ’ ἀνθρώποισι πέληται. ### book 3.461 Ὣς ἔφατ’ Ἀτρεΐδης, ἐπὶ δ’ ᾔνεον ἄλλοι Ἀχαιοί. ### book 4.1 Οἳ δὲ θεοὶ πὰρ Ζηνὶ καθήμενοι ἠγορόωντο ### book 4.2 χρυσέῳ ἐν δαπέδῳ, μετὰ δέ σφισι πότνια Ἥβη ### book 4.3 νέκταρ ἐοινοχόει· τοὶ δὲ χρυσέοις δεπάεσσι ### book 4.4 δειδέχατ’ ἀλλήλους, Τρώων πόλιν εἰσορόωντες· ### book 4.5 αὐτίκ’ ἐπειρᾶτο Κρονίδης ἐρεθιζέμεν Ἥρην ### book 4.6 κερτομίοις ἐπέεσσι παραβλήδην ἀγορεύων· ### book 4.7 δοιαὶ μὲν Μενελάῳ ἀρηγόνες εἰσὶ θεάων ### book 4.8 Ἥρη τ’ Ἀργείη καὶ Ἀλαλκομενηῒς Ἀθήνη. ### book 4.9 ἀλλ’ ἤτοι ταὶ νόσφι καθήμεναι εἰσορόωσαι ### book 4.10 τέρπεσθον· τῷ δ’ αὖτε φιλομειδὴς Ἀφροδίτη ### book 4.11 αἰεὶ παρμέμβλωκε καὶ αὐτοῦ κῆρας ἀμύνει· ### book 4.12 καὶ νῦν ἐξεσάωσεν ὀϊόμενον θανέεσθαι. ### book 4.13 ἀλλ’ ἤτοι νίκη μὲν ἀρηϊφίλου Μενελάου· ### book 4.14 ἡμεῖς δὲ φραζώμεθ’ ὅπως ἔσται τάδε ἔργα, ### book 4.15 ἤ ῥ’ αὖτις πόλεμόν τε κακὸν καὶ φύλοπιν αἰνὴν ### book 4.16 ὄρσομεν, ἦ φιλότητα μετ’ ἀμφοτέροισι βάλωμεν. ### book 4.17 εἰ δ’ αὖ πως τόδε πᾶσι φίλον καὶ ἡδὺ γένοιτο, ### book 4.18 ἤτοι μὲν οἰκέοιτο πόλις Πριάμοιο ἄνακτος, ### book 4.19 αὖτις δ’ Ἀργείην Ἑλένην Μενέλαος ἄγοιτο. ### book 4.20 Ὣς ἔφαθ’, αἳ δ’ ἐπέμυξαν Ἀθηναίη τε καὶ Ἥρη· ### book 4.21 πλησίαι αἵ γ’ ἥσθην, κακὰ δὲ Τρώεσσι μεδέσθην. ### book 4.22 ἤτοι Ἀθηναίη ἀκέων ἦν οὐδέ τι εἶπε ### book 4.23 σκυζομένη Διὶ πατρί, χόλος δέ μιν ἄγριος ᾕρει· ### book 4.24 Ἥρῃ δ’ οὐκ ἔχαδε στῆθος χόλον, ἀλλὰ προσηύδα· ### book 4.25 αἰνότατε Κρονίδη ποῖον τὸν μῦθον ἔειπες· ### book 4.26 πῶς ἐθέλεις ἅλιον θεῖναι πόνον ἠδ’ ἀτέλεστον, ### book 4.27 ἱδρῶ θ’ ὃν ἵδρωσα μόγῳ, καμέτην δέ μοι ἵπποι ### book 4.28 λαὸν ἀγειρούσῃ, Πριάμῳ κακὰ τοῖό τε παισίν. ### book 4.29 ἕρδ’· ἀτὰρ οὔ τοι πάντες ἐπαινέομεν θεοὶ ἄλλοι. ### book 4.30 Τὴν δὲ μέγ’ ὀχθήσας προσέφη νεφεληγερέτα Ζεύς· ### book 4.31 δαιμονίη τί νύ σε Πρίαμος Πριάμοιό τε παῖδες ### book 4.32 τόσσα κακὰ ῥέζουσιν, ὅ τ’ ἀσπερχὲς μενεαίνεις ### book 4.33 Ἰλίου ἐξαλαπάξαι ἐϋκτίμενον πτολίεθρον; ### book 4.34 εἰ δὲ σύ γ’ εἰσελθοῦσα πύλας καὶ τείχεα μακρὰ ### book 4.35 ὠμὸν βεβρώθοις Πρίαμον Πριάμοιό τε παῖδας ### book 4.36 ἄλλους τε Τρῶας, τότε κεν χόλον ἐξακέσαιο. ### book 4.37 ἕρξον ὅπως ἐθέλεις· μὴ τοῦτό γε νεῖκος ὀπίσσω ### book 4.38 σοὶ καὶ ἐμοὶ μέγ’ ἔρισμα μετ’ ἀμφοτέροισι γένηται. ### book 4.39 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσιν· ### book 4.40 ὁππότε κεν καὶ ἐγὼ μεμαὼς πόλιν ἐξαλαπάξαι ### book 4.41 τὴν ἐθέλω ὅθι τοι φίλοι ἀνέρες ἐγγεγάασι, ### book 4.42 μή τι διατρίβειν τὸν ἐμὸν χόλον, ἀλλά μ’ ἐᾶσαι· ### book 4.43 καὶ γὰρ ἐγὼ σοὶ δῶκα ἑκὼν ἀέκοντί γε θυμῷ· ### book 4.44 αἳ γὰρ ὑπ’ ἠελίῳ τε καὶ οὐρανῷ ἀστερόεντι ### book 4.45 ναιετάουσι πόληες ἐπιχθονίων ἀνθρώπων, ### book 4.46 τάων μοι περὶ κῆρι τιέσκετο Ἴλιος ἱρὴ ### book 4.47 καὶ Πρίαμος καὶ λαὸς ἐϋμμελίω Πριάμοιο. ### book 4.48 οὐ γάρ μοί ποτε βωμὸς ἐδεύετο δαιτὸς ἐΐσης ### book 4.49 λοιβῆς τε κνίσης τε· τὸ γὰρ λάχομεν γέρας ἡμεῖς. ### book 4.50 Τὸν δ’ ἠμείβετ’ ἔπειτα βοῶπις πότνια Ἥρη· ### book 4.51 ἤτοι ἐμοὶ τρεῖς μὲν πολὺ φίλταταί εἰσι πόληες ### book 4.52 Ἄργός τε Σπάρτη τε καὶ εὐρυάγυια Μυκήνη· ### book 4.53 τὰς διαπέρσαι ὅτ’ ἄν τοι ἀπέχθωνται περὶ κῆρι· ### book 4.54 τάων οὔ τοι ἐγὼ πρόσθ’ ἵσταμαι οὐδὲ μεγαίρω. ### book 4.55 εἴ περ γὰρ φθονέω τε καὶ οὐκ εἰῶ διαπέρσαι, ### book 4.56 οὐκ ἀνύω φθονέους’ ἐπεὶ ἦ πολὺ φέρτερός ἐσσι. ### book 4.57 ἀλλὰ χρὴ καὶ ἐμὸν θέμεναι πόνον οὐκ ἀτέλεστον· ### book 4.58 καὶ γὰρ ἐγὼ θεός εἰμι, γένος δέ μοι ἔνθεν ὅθεν σοί, ### book 4.59 καί με πρεσβυτάτην τέκετο Κρόνος ἀγκυλομήτης, ### book 4.60 ἀμφότερον γενεῇ τε καὶ οὕνεκα σὴ παράκοιτις ### book 4.61 κέκλημαι, σὺ δὲ πᾶσι μετ’ ἀθανάτοισιν ἀνάσσεις. ### book 4.62 ἀλλ’ ἤτοι μὲν ταῦθ’ ὑποείξομεν ἀλλήλοισι, ### book 4.63 σοὶ μὲν ἐγώ, σὺ δ’ ἐμοί· ἐπὶ δ’ ἕψονται θεοὶ ἄλλοι ### book 4.64 ἀθάνατοι· σὺ δὲ θᾶσσον Ἀθηναίῃ ἐπιτεῖλαι ### book 4.65 ἐλθεῖν ἐς Τρώων καὶ Ἀχαιῶν φύλοπιν αἰνήν, ### book 4.66 πειρᾶν δ’ ὥς κε Τρῶες ὑπερκύδαντας Ἀχαιοὺς ### book 4.67 ἄρξωσι πρότεροι ὑπὲρ ὅρκια δηλήσασθαι. ### book 4.68 Ὣς ἔφατ’, οὐδ’ ἀπίθησε πατὴρ ἀνδρῶν τε θεῶν τε· ### book 4.69 αὐτίκ’ Ἀθηναίην ἔπεα πτερόεντα προσηύδα· ### book 4.70 αἶψα μάλ’ ἐς στρατὸν ἐλθὲ μετὰ Τρῶας καὶ Ἀχαιούς, ### book 4.71 πειρᾶν δ’ ὥς κε Τρῶες ὑπερκύδαντας Ἀχαιοὺς ### book 4.72 ἄρξωσι πρότεροι ὑπὲρ ὅρκια δηλήσασθαι. ### book 4.73 Ὣς εἰπὼν ὄτρυνε πάρος μεμαυῖαν Ἀθήνην, ### book 4.74 βῆ δὲ κατ’ Οὐλύμποιο καρήνων ἀΐξασα. ### book 4.75 οἷον δ’ ἀστέρα ἧκε Κρόνου πάϊς ἀγκυλομήτεω ### book 4.76 ἢ ναύτῃσι τέρας ἠὲ στρατῷ εὐρέϊ λαῶν ### book 4.77 λαμπρόν· τοῦ δέ τε πολλοὶ ἀπὸ σπινθῆρες ἵενται· ### book 4.78 τῷ ἐϊκυῖ’ ἤϊξεν ἐπὶ χθόνα Παλλὰς Ἀθήνη, ### book 4.79 κὰδ δ’ ἔθορ’ ἐς μέσσον· θάμβος δ’ ἔχεν εἰσορόωντας ### book 4.80 Τρῶάς θ’ ἱπποδάμους καὶ ἐϋκνήμιδας Ἀχαιούς· ### book 4.81 ὧδε δέ τις εἴπεσκεν ἰδὼν ἐς πλησίον ἄλλον· ### book 4.82 ἦ ῥ’ αὖτις πόλεμός τε κακὸς καὶ φύλοπις αἰνὴ ### book 4.83 ἔσσεται, ἢ φιλότητα μετ’ ἀμφοτέροισι τίθησι ### book 4.84 Ζεύς, ὅς τ’ ἀνθρώπων ταμίης πολέμοιο τέτυκται. ### book 4.85 Ὣς ἄρα τις εἴπεσκεν Ἀχαιῶν τε Τρώων τε. ### book 4.86 ἣ δ’ ἀνδρὶ ἰκέλη Τρώων κατεδύσεθ’ ὅμιλον ### book 4.87 Λαοδόκῳ Ἀντηνορίδῃ κρατερῷ αἰχμητῇ, ### book 4.88 Πάνδαρον ἀντίθεον διζημένη εἴ που ἐφεύροι. ### book 4.89 εὗρε Λυκάονος υἱὸν ἀμύμονά τε κρατερόν τε ### book 4.90 ἑσταότ’· ἀμφὶ δέ μιν κρατεραὶ στίχες ἀσπιστάων ### book 4.91 λαῶν, οἵ οἱ ἕποντο ἀπ’ Αἰσήποιο ῥοάων· ### book 4.92 ἀγχοῦ δ’ ἱσταμένη ἔπεα πτερόεντα προσηύδα· ### book 4.93 ἦ ῥά νύ μοί τι πίθοιο Λυκάονος υἱὲ δαΐφρον. ### book 4.94 τλαίης κεν Μενελάῳ ἐπιπροέμεν ταχὺν ἰόν, ### book 4.95 πᾶσι δέ κε Τρώεσσι χάριν καὶ κῦδος ἄροιο, ### book 4.96 ἐκ πάντων δὲ μάλιστα Ἀλεξάνδρῳ βασιλῆϊ. ### book 4.97 τοῦ κεν δὴ πάμπρωτα παρ’ ἀγλαὰ δῶρα φέροιο, ### book 4.98 αἴ κεν ἴδῃ Μενέλαον ἀρήϊον Ἀτρέος υἱὸν ### book 4.99 σῷ βέλεϊ δμηθέντα πυρῆς ἐπιβάντ’ ἀλεγεινῆς. ### book 4.100 ἀλλ’ ἄγ’ ὀΐστευσον Μενελάου κυδαλίμοιο, ### book 4.101 εὔχεο δ’ Ἀπόλλωνι Λυκηγενέϊ κλυτοτόξῳ ### book 4.102 ἀρνῶν πρωτογόνων ῥέξειν κλειτὴν ἑκατόμβην ### book 4.103 οἴκαδε νοστήσας ἱερῆς εἰς ἄστυ Ζελείης. ### book 4.104 Ὣς φάτ’ Ἀθηναίη, τῷ δὲ φρένας ἄφρονι πεῖθεν· ### book 4.105 αὐτίκ’ ἐσύλα τόξον ἐΰξοον ἰξάλου αἰγὸς ### book 4.106 ἀγρίου, ὅν ῥά ποτ’ αὐτὸς ὑπὸ στέρνοιο τυχήσας ### book 4.107 πέτρης ἐκβαίνοντα δεδεγμένος ἐν προδοκῇσι ### book 4.108 βεβλήκει πρὸς στῆθος· ὃ δ’ ὕπτιος ἔμπεσε πέτρῃ. ### book 4.109 τοῦ κέρα ἐκ κεφαλῆς ἑκκαιδεκάδωρα πεφύκει· ### book 4.110 καὶ τὰ μὲν ἀσκήσας κεραοξόος ἤραρε τέκτων, ### book 4.111 πᾶν δ’ εὖ λειήνας χρυσέην ἐπέθηκε κορώνην. ### book 4.112 καὶ τὸ μὲν εὖ κατέθηκε τανυσσάμενος ποτὶ γαίῃ ### book 4.113 ἀγκλίνας· πρόσθεν δὲ σάκεα σχέθον ἐσθλοὶ ἑταῖροι ### book 4.114 μὴ πρὶν ἀναΐξειαν ἀρήϊοι υἷες Ἀχαιῶν ### book 4.115 πρὶν βλῆσθαι Μενέλαον ἀρήϊον Ἀτρέος υἱόν. ### book 4.116 αὐτὰρ ὁ σύλα πῶμα φαρέτρης, ἐκ δ’ ἕλετ’ ἰὸν ### book 4.117 ἀβλῆτα πτερόεντα μελαινέων ἕρμ’ ὀδυνάων· ### book 4.118 αἶψα δ’ ἐπὶ νευρῇ κατεκόσμει πικρὸν ὀϊστόν, ### book 4.119 εὔχετο δ’ Ἀπόλλωνι Λυκηγενέϊ κλυτοτόξῳ ### book 4.120 ἀρνῶν πρωτογόνων ῥέξειν κλειτὴν ἑκατόμβην ### book 4.121 οἴκαδε νοστήσας ἱερῆς εἰς ἄστυ Ζελείης. ### book 4.122 ἕλκε δ’ ὁμοῦ γλυφίδας τε λαβὼν καὶ νεῦρα βόεια· ### book 4.123 νευρὴν μὲν μαζῷ πέλασεν, τόξῳ δὲ σίδηρον. ### book 4.124 αὐτὰρ ἐπεὶ δὴ κυκλοτερὲς μέγα τόξον ἔτεινε, ### book 4.125 λίγξε βιός, νευρὴ δὲ μέγ’ ἴαχεν, ἆλτο δ’ ὀϊστὸς ### book 4.126 ὀξυβελὴς καθ’ ὅμιλον ἐπιπτέσθαι μενεαίνων. ### book 4.127 Οὐδὲ σέθεν Μενέλαε θεοὶ μάκαρες λελάθοντο ### book 4.128 ἀθάνατοι, πρώτη δὲ Διὸς θυγάτηρ ἀγελείη, ### book 4.129 ἥ τοι πρόσθε στᾶσα βέλος ἐχεπευκὲς ἄμυνεν. ### book 4.130 ἣ δὲ τόσον μὲν ἔεργεν ἀπὸ χροὸς ὡς ὅτε μήτηρ ### book 4.131 παιδὸς ἐέργῃ μυῖαν ὅθ’ ἡδέϊ λέξαται ὕπνῳ, ### book 4.132 αὐτὴ δ’ αὖτ’ ἴθυνεν ὅθι ζωστῆρος ὀχῆες ### book 4.133 χρύσειοι σύνεχον καὶ διπλόος ἤντετο θώρηξ. ### book 4.134 ἐν δ’ ἔπεσε ζωστῆρι ἀρηρότι πικρὸς ὀϊστός· ### book 4.135 διὰ μὲν ἂρ ζωστῆρος ἐλήλατο δαιδαλέοιο, ### book 4.136 καὶ διὰ θώρηκος πολυδαιδάλου ἠρήρειστο ### book 4.137 μίτρης θ’, ἣν ἐφόρει ἔρυμα χροὸς ἕρκος ἀκόντων, ### book 4.138 ἥ οἱ πλεῖστον ἔρυτο· διὰ πρὸ δὲ εἴσατο καὶ τῆς. ### book 4.139 ἀκρότατον δ’ ἄρ’ ὀϊστὸς ἐπέγραψε χρόα φωτός· ### book 4.140 αὐτίκα δ’ ἔρρεεν αἷμα κελαινεφὲς ἐξ ὠτειλῆς. ### book 4.141 Ὡς δ’ ὅτε τίς τ’ ἐλέφαντα γυνὴ φοίνικι μιήνῃ ### book 4.142 Μῃονὶς ἠὲ Κάειρα παρήϊον ἔμμεναι ἵππων· ### book 4.143 κεῖται δ’ ἐν θαλάμῳ, πολέες τέ μιν ἠρήσαντο ### book 4.144 ἱππῆες φορέειν· βασιλῆϊ δὲ κεῖται ἄγαλμα, ### book 4.145 ἀμφότερον κόσμός θ’ ἵππῳ ἐλατῆρί τε κῦδος· ### book 4.146 τοῖοί τοι Μενέλαε μιάνθην αἵματι μηροὶ ### book 4.147 εὐφυέες κνῆμαί τε ἰδὲ σφυρὰ κάλ’ ὑπένερθε. ### book 4.148 Ῥίγησεν δ’ ἄρ’ ἔπειτα ἄναξ ἀνδρῶν Ἀγαμέμνων ### book 4.149 ὡς εἶδεν μέλαν αἷμα καταρρέον ἐξ ὠτειλῆς· ### book 4.150 ῥίγησεν δὲ καὶ αὐτὸς ἀρηΐφιλος Μενέλαος. ### book 4.151 ὡς δὲ ἴδεν νεῦρόν τε καὶ ὄγκους ἐκτὸς ἐόντας ### book 4.152 ἄψορρόν οἱ θυμὸς ἐνὶ στήθεσσιν ἀγέρθη. ### book 4.153 τοῖς δὲ βαρὺ στενάχων μετέφη κρείων Ἀγαμέμνων ### book 4.154 χειρὸς ἔχων Μενέλαον, ἐπεστενάχοντο δ’ ἑταῖροι· ### book 4.155 φίλε κασίγνητε θάνατόν νύ τοι ὅρκι’ ἔταμνον ### book 4.156 οἶον προστήσας πρὸ Ἀχαιῶν Τρωσὶ μάχεσθαι, ### book 4.157 ὥς ς’ ἔβαλον Τρῶες, κατὰ δ’ ὅρκια πιστὰ πάτησαν. ### book 4.158 οὐ μέν πως ἅλιον πέλει ὅρκιον αἷμά τε ἀρνῶν ### book 4.159 σπονδαί τ’ ἄκρητοι καὶ δεξιαὶ ᾗς ἐπέπιθμεν. ### book 4.160 εἴ περ γάρ τε καὶ αὐτίκ’ Ὀλύμπιος οὐκ ἐτέλεσσεν, ### book 4.161 ἔκ τε καὶ ὀψὲ τελεῖ, σύν τε μεγάλῳ ἀπέτισαν ### book 4.162 σὺν σφῇσιν κεφαλῇσι γυναιξί τε καὶ τεκέεσσιν. ### book 4.163 εὖ γὰρ ἐγὼ τόδε οἶδα κατὰ φρένα καὶ κατὰ θυμόν· ### book 4.164 ἔσσεται ἦμαρ ὅτ’ ἄν ποτ’ ὀλώλῃ Ἴλιος ἱρὴ ### book 4.165 καὶ Πρίαμος καὶ λαὸς ἐϋμμελίω Πριάμοιο, ### book 4.166 Ζεὺς δέ σφι Κρονίδης ὑψίζυγος αἰθέρι ναίων ### book 4.167 αὐτὸς ἐπισσείῃσιν ἐρεμνὴν αἰγίδα πᾶσι ### book 4.168 τῆσδ’ ἀπάτης κοτέων· τὰ μὲν ἔσσεται οὐκ ἀτέλεστα· ### book 4.169 ἀλλά μοι αἰνὸν ἄχος σέθεν ἔσσεται ὦ Μενέλαε ### book 4.170 αἴ κε θάνῃς καὶ πότμον ἀναπλήσῃς βιότοιο. ### book 4.171 καί κεν ἐλέγχιστος πολυδίψιον Ἄργος ἱκοίμην· ### book 4.172 αὐτίκα γὰρ μνήσονται Ἀχαιοὶ πατρίδος αἴης· ### book 4.173 κὰδ δέ κεν εὐχωλὴν Πριάμῳ καὶ Τρωσὶ λίποιμεν ### book 4.174 Ἀργείην Ἑλένην· σέο δ’ ὀστέα πύσει ἄρουρα ### book 4.175 κειμένου ἐν Τροίῃ ἀτελευτήτῳ ἐπὶ ἔργῳ. ### book 4.176 καί κέ τις ὧδ’ ἐρέει Τρώων ὑπερηνορεόντων ### book 4.177 τύμβῳ ἐπιθρῴσκων Μενελάου κυδαλίμοιο· ### book 4.178 αἴθ’ οὕτως ἐπὶ πᾶσι χόλον τελέσει’ Ἀγαμέμνων, ### book 4.179 ὡς καὶ νῦν ἅλιον στρατὸν ἤγαγεν ἐνθάδ’ Ἀχαιῶν, ### book 4.180 καὶ δὴ ἔβη οἶκον δὲ φίλην ἐς πατρίδα γαῖαν ### book 4.181 σὺν κεινῇσιν νηυσὶ λιπὼν ἀγαθὸν Μενέλαον. ### book 4.182 ὥς ποτέ τις ἐρέει· τότε μοι χάνοι εὐρεῖα χθών. ### book 4.183 Τὸν δ’ ἐπιθαρσύνων προσέφη ξανθὸς Μενέλαος· ### book 4.184 θάρσει, μηδέ τί πω δειδίσσεο λαὸν Ἀχαιῶν· ### book 4.185 οὐκ ἐν καιρίῳ ὀξὺ πάγη βέλος, ἀλλὰ πάροιθεν ### book 4.186 εἰρύσατο ζωστήρ τε παναίολος ἠδ’ ὑπένερθε ### book 4.187 ζῶμά τε καὶ μίτρη, τὴν χαλκῆες κάμον ἄνδρες. ### book 4.188 Τὸν δ’ ἀπαμειβόμενος προσέφη κρείων Ἀγαμέμνων· ### book 4.189 αἲ γὰρ δὴ οὕτως εἴη φίλος ὦ Μενέλαε· ### book 4.190 ἕλκος δ’ ἰητὴρ ἐπιμάσσεται ἠδ’ ἐπιθήσει ### book 4.191 φάρμαχ’ ἅ κεν παύσῃσι μελαινάων ὀδυνάων. ### book 4.192 Ἦ καὶ Ταλθύβιον θεῖον κήρυκα προσηύδα· ### book 4.193 Ταλθύβι’ ὅττι τάχιστα Μαχάονα δεῦρο κάλεσσον ### book 4.194 φῶτ’ Ἀσκληπιοῦ υἱὸν ἀμύμονος ἰητῆρος, ### book 4.195 ὄφρα ἴδῃ Μενέλαον ἀρήϊον Ἀτρέος υἱόν, ### book 4.196 ὅν τις ὀϊστεύσας ἔβαλεν τόξων ἐῢ εἰδὼς ### book 4.197 Τρώων ἢ Λυκίων, τῷ μὲν κλέος, ἄμμι δὲ πένθος. ### book 4.198 Ὣς ἔφατ’, οὐδ’ ἄρα οἱ κῆρυξ ἀπίθησεν ἀκούσας, ### book 4.199 βῆ δ’ ἰέναι κατὰ λαὸν Ἀχαιῶν χαλκοχιτώνων ### book 4.200 παπταίνων ἥρωα Μαχάονα· τὸν δὲ νόησεν ### book 4.201 ἑσταότ’· ἀμφὶ δέ μιν κρατεραὶ στίχες ἀσπιστάων ### book 4.202 λαῶν, οἵ οἱ ἕποντο Τρίκης ἐξ ἱπποβότοιο. ### book 4.203 ἀγχοῦ δ’ ἱστάμενος ἔπεα πτερόεντα προσηύδα· ### book 4.204 ὄρς’ Ἀσκληπιάδη, καλέει κρείων Ἀγαμέμνων, ### book 4.205 ὄφρα ἴδῃς Μενέλαον ἀρήϊον ἀρχὸν Ἀχαιῶν, ### book 4.206 ὅν τις ὀϊστεύσας ἔβαλεν τόξων ἐῢ εἰδὼς ### book 4.207 Τρώων ἢ Λυκίων, τῷ μὲν κλέος, ἄμμι δὲ πένθος. ### book 4.208 Ὣς φάτο, τῷ δ’ ἄρα θυμὸν ἐνὶ στήθεσσιν ὄρινε· ### book 4.209 βὰν δ’ ἰέναι καθ’ ὅμιλον ἀνὰ στρατὸν εὐρὺν Ἀχαιῶν. ### book 4.210 ἀλλ’ ὅτε δή ῥ’ ἵκανον ὅθι ξανθὸς Μενέλαος ### book 4.211 βλήμενος ἦν, περὶ δ’ αὐτὸν ἀγηγέραθ’ ὅσσοι ἄριστοι ### book 4.212 κυκλός’, ὃ δ’ ἐν μέσσοισι παρίστατο ἰσόθεος φώς, ### book 4.213 αὐτίκα δ’ ἐκ ζωστῆρος ἀρηρότος ἕλκεν ὀϊστόν· ### book 4.214 τοῦ δ’ ἐξελκομένοιο πάλιν ἄγεν ὀξέες ὄγκοι. ### book 4.215 λῦσε δέ οἱ ζωστῆρα παναίολον ἠδ’ ὑπένερθε ### book 4.216 ζῶμά τε καὶ μίτρην, τὴν χαλκῆες κάμον ἄνδρες. ### book 4.217 αὐτὰρ ἐπεὶ ἴδεν ἕλκος ὅθ’ ἔμπεσε πικρὸς ὀϊστός, ### book 4.218 αἷμ’ ἐκμυζήσας ἐπ’ ἄρ’ ἤπια φάρμακα εἰδὼς ### book 4.219 πάσσε, τά οἵ ποτε πατρὶ φίλα φρονέων πόρε Χείρων. ### book 4.220 Ὄφρα τοὶ ἀμφεπένοντο βοὴν ἀγαθὸν Μενέλαον, ### book 4.221 τόφρα δ’ ἐπὶ Τρώων στίχες ἤλυθον ἀσπιστάων· ### book 4.222 οἳ δ’ αὖτις κατὰ τεύχε’ ἔδυν, μνήσαντο δὲ χάρμης. ### book 4.223 Ἔνθ’ οὐκ ἂν βρίζοντα ἴδοις Ἀγαμέμνονα δῖον ### book 4.224 οὐδὲ καταπτώσσοντ’ οὐδ’ οὐκ ἐθέλοντα μάχεσθαι, ### book 4.225 ἀλλὰ μάλα σπεύδοντα μάχην ἐς κυδιάνειραν. ### book 4.226 ἵππους μὲν γὰρ ἔασε καὶ ἅρματα ποικίλα χαλκῷ· ### book 4.227 καὶ τοὺς μὲν θεράπων ἀπάνευθ’ ἔχε φυσιόωντας ### book 4.228 Εὐρυμέδων υἱὸς Πτολεμαίου Πειραΐδαο· ### book 4.229 τῷ μάλα πόλλ’ ἐπέτελλε παρισχέμεν ὁππότε κέν μιν ### book 4.230 γυῖα λάβῃ κάματος πολέας διὰ κοιρανέοντα· ### book 4.231 αὐτὰρ ὃ πεζὸς ἐὼν ἐπεπωλεῖτο στίχας ἀνδρῶν· ### book 4.232 καί ῥ’ οὓς μὲν σπεύδοντας ἴδοι Δαναῶν ταχυπώλων, ### book 4.233 τοὺς μάλα θαρσύνεσκε παριστάμενος ἐπέεσσιν· ### book 4.234 Ἀργεῖοι μή πώ τι μεθίετε θούριδος ἀλκῆς· ### book 4.235 οὐ γὰρ ἐπὶ ψευδέσσι πατὴρ Ζεὺς ἔσσετ’ ἀρωγός, ### book 4.236 ἀλλ’ οἵ περ πρότεροι ὑπὲρ ὅρκια δηλήσαντο ### book 4.237 τῶν ἤτοι αὐτῶν τέρενα χρόα γῦπες ἔδονται, ### book 4.238 ἡμεῖς αὖτ’ ἀλόχους τε φίλας καὶ νήπια τέκνα ### book 4.239 ἄξομεν ἐν νήεσσιν, ἐπὴν πτολίεθρον ἕλωμεν. ### book 4.240 Οὕς τινας αὖ μεθιέντας ἴδοι στυγεροῦ πολέμοιο, ### book 4.241 τοὺς μάλα νεικείεσκε χολωτοῖσιν ἐπέεσσιν· ### book 4.242 Ἀργεῖοι ἰόμωροι ἐλεγχέες οὔ νυ σέβεσθε; ### book 4.243 τίφθ’ οὕτως ἔστητε τεθηπότες ἠΰτε νεβροί, ### book 4.244 αἵ τ’ ἐπεὶ οὖν ἔκαμον πολέος πεδίοιο θέουσαι ### book 4.245 ἑστᾶς’, οὐδ’ ἄρα τίς σφι μετὰ φρεσὶ γίγνεται ἀλκή· ### book 4.246 ὣς ὑμεῖς ἔστητε τεθηπότες οὐδὲ μάχεσθε. ### book 4.247 ἦ μένετε Τρῶας σχεδὸν ἐλθέμεν ἔνθά τε νῆες ### book 4.248 εἰρύατ’ εὔπρυμνοι πολιῆς ἐπὶ θινὶ θαλάσσης, ### book 4.249 ὄφρα ἴδητ’ αἴ κ’ ὔμμιν ὑπέρσχῃ χεῖρα Κρονίων; ### book 4.250 Ὣς ὅ γε κοιρανέων ἐπεπωλεῖτο στίχας ἀνδρῶν· ### book 4.251 ἦλθε δ’ ἐπὶ Κρήτεσσι κιὼν ἀνὰ οὐλαμὸν ἀνδρῶν. ### book 4.252 οἳ δ’ ἀμφ’ Ἰδομενῆα δαΐφρονα θωρήσσοντο· ### book 4.253 Ἰδομενεὺς μὲν ἐνὶ προμάχοις συῒ εἴκελος ἀλκήν, ### book 4.254 Μηριόνης δ’ ἄρα οἱ πυμάτας ὄτρυνε φάλαγγας. ### book 4.255 τοὺς δὲ ἰδὼν γήθησεν ἄναξ ἀνδρῶν Ἀγαμέμνων, ### book 4.256 αὐτίκα δ’ Ἰδομενῆα προσηύδα μειλιχίοισιν· ### book 4.257 Ἰδομενεῦ περὶ μέν σε τίω Δαναῶν ταχυπώλων ### book 4.258 ἠμὲν ἐνὶ πτολέμῳ ἠδ’ ἀλλοίῳ ἐπὶ ἔργῳ ### book 4.259 ἠδ’ ἐν δαίθ’, ὅτε πέρ τε γερούσιον αἴθοπα οἶνον ### book 4.260 Ἀργείων οἳ ἄριστοι ἐνὶ κρητῆρι κέρωνται. ### book 4.261 εἴ περ γάρ τ’ ἄλλοι γε κάρη κομόωντες Ἀχαιοὶ ### book 4.262 δαιτρὸν πίνωσιν, σὸν δὲ πλεῖον δέπας αἰεὶ ### book 4.263 ἕστηχ’, ὥς περ ἐμοί, πιέειν ὅτε θυμὸς ἀνώγοι. ### book 4.264 ἀλλ’ ὄρσευ πόλεμον δ’ οἷος πάρος εὔχεαι εἶναι. ### book 4.265 Τὸν δ’ αὖτ’ Ἰδομενεὺς Κρητῶν ἀγὸς ἀντίον ηὔδα· ### book 4.266 Ἀτρεΐδη μάλα μέν τοι ἐγὼν ἐρίηρος ἑταῖρος ### book 4.267 ἔσσομαι, ὡς τὸ πρῶτον ὑπέστην καὶ κατένευσα· ### book 4.268 ἀλλ’ ἄλλους ὄτρυνε κάρη κομόωντας Ἀχαιοὺς ### book 4.269 ὄφρα τάχιστα μαχώμεθ’, ἐπεὶ σύν γ’ ὅρκι’ ἔχευαν ### book 4.270 Τρῶες· τοῖσιν δ’ αὖ θάνατος καὶ κήδε’ ὀπίσσω ### book 4.271 ἔσσετ’ ἐπεὶ πρότεροι ὑπὲρ ὅρκια δηλήσαντο. ### book 4.272 Ὣς ἔφατ’, Ἀτρεΐδης δὲ παρῴχετο γηθόσυνος κῆρ· ### book 4.273 ἦλθε δ’ ἐπ’ Αἰάντεσσι κιὼν ἀνὰ οὐλαμὸν ἀνδρῶν· ### book 4.274 τὼ δὲ κορυσσέσθην, ἅμα δὲ νέφος εἵπετο πεζῶν. ### book 4.275 ὡς δ’ ὅτ’ ἀπὸ σκοπιῆς εἶδεν νέφος αἰπόλος ἀνὴρ ### book 4.276 ἐρχόμενον κατὰ πόντον ὑπὸ Ζεφύροιο ἰωῆς· ### book 4.277 τῷ δέ τ’ ἄνευθεν ἐόντι μελάντερον ἠΰτε πίσσα ### book 4.278 φαίνετ’ ἰὸν κατὰ πόντον, ἄγει δέ τε λαίλαπα πολλήν, ### book 4.279 ῥίγησέν τε ἰδών, ὑπό τε σπέος ἤλασε μῆλα· ### book 4.280 τοῖαι ἅμ’ Αἰάντεσσι διοτρεφέων αἰζηῶν ### book 4.281 δήϊον ἐς πόλεμον πυκιναὶ κίνυντο φάλαγγες ### book 4.282 κυάνεαι, σάκεσίν τε καὶ ἔγχεσι πεφρικυῖαι. ### book 4.283 καὶ τοὺς μὲν γήθησεν ἰδὼν κρείων Ἀγαμέμνων, ### book 4.284 καί σφεας φωνήσας ἔπεα πτερόεντα προσηύδα· ### book 4.285 Αἴαντ’ Ἀργείων ἡγήτορε χαλκοχιτώνων, ### book 4.286 σφῶϊ μέν· οὐ γὰρ ἔοικ’ ὀτρυνέμεν· οὔ τι κελεύω· ### book 4.287 αὐτὼ γὰρ μάλα λαὸν ἀνώγετον ἶφι μάχεσθαι. ### book 4.288 αἲ γὰρ Ζεῦ τε πάτερ καὶ Ἀθηναίη καὶ Ἄπολλον ### book 4.289 τοῖος πᾶσιν θυμὸς ἐνὶ στήθεσσι γένοιτο· ### book 4.290 τώ κε τάχ’ ἠμύσειε πόλις Πριάμοιο ἄνακτος ### book 4.291 χερσὶν ὑφ’ ἡμετέρῃσιν ἁλοῦσά τε περθομένη τε. ### book 4.292 Ὣς εἰπὼν τοὺς μὲν λίπεν αὐτοῦ, βῆ δὲ μετ’ ἄλλους· ### book 4.293 ἔνθ’ ὅ γε Νέστορ’ ἔτετμε λιγὺν Πυλίων ἀγορητὴν ### book 4.294 οὓς ἑτάρους στέλλοντα καὶ ὀτρύνοντα μάχεσθαι ### book 4.295 ἀμφὶ μέγαν Πελάγοντα Ἀλάστορά τε Χρομίον τε ### book 4.296 Αἵμονά τε κρείοντα Βίαντά τε ποιμένα λαῶν· ### book 4.297 ἱππῆας μὲν πρῶτα σὺν ἵπποισιν καὶ ὄχεσφι, ### book 4.298 πεζοὺς δ’ ἐξόπιθε στῆσεν πολέας τε καὶ ἐσθλοὺς ### book 4.299 ἕρκος ἔμεν πολέμοιο· κακοὺς δ’ ἐς μέσσον ἔλασσεν, ### book 4.300 ὄφρα καὶ οὐκ ἐθέλων τις ἀναγκαίῃ πολεμίζοι. ### book 4.301 ἱππεῦσιν μὲν πρῶτ’ ἐπετέλλετο· τοὺς γὰρ ἀνώγει ### book 4.302 σφοὺς ἵππους ἐχέμεν μηδὲ κλονέεσθαι ὁμίλῳ· ### book 4.303 μηδέ τις ἱπποσύνῃ τε καὶ ἠνορέηφι πεποιθὼς ### book 4.304 οἶος πρόσθ’ ἄλλων μεμάτω Τρώεσσι μάχεσθαι, ### book 4.305 μηδ’ ἀναχωρείτω· ἀλαπαδνότεροι γὰρ ἔσεσθε. ### book 4.306 ὃς δέ κ’ ἀνὴρ ἀπὸ ὧν ὀχέων ἕτερ’ ἅρμαθ’ ἵκηται ### book 4.307 ἔγχει ὀρεξάσθω, ἐπεὶ ἦ πολὺ φέρτερον οὕτω. ### book 4.308 ὧδε καὶ οἱ πρότεροι πόλεας καὶ τείχε’ ἐπόρθεον ### book 4.309 τόνδε νόον καὶ θυμὸν ἐνὶ στήθεσσιν ἔχοντες. ### book 4.310 Ὣς ὃ γέρων ὄτρυνε πάλαι πολέμων ἐῢ εἰδώς· ### book 4.311 καὶ τὸν μὲν γήθησεν ἰδὼν κρείων Ἀγαμέμνων, ### book 4.312 καί μιν φωνήσας ἔπεα πτερόεντα προσηύδα· ### book 4.313 ὦ γέρον εἴθ’ ὡς θυμὸς ἐνὶ στήθεσσι φίλοισιν ### book 4.314 ὥς τοι γούναθ’ ἕποιτο, βίη δέ τοι ἔμπεδος εἴη· ### book 4.315 ἀλλά σε γῆρας τείρει ὁμοίϊον· ὡς ὄφελέν τις ### book 4.316 ἀνδρῶν ἄλλος ἔχειν, σὺ δὲ κουροτέροισι μετεῖναι. ### book 4.317 Τὸν δ’ ἠμείβετ’ ἔπειτα Γερήνιος ἱππότα Νέστωρ· ### book 4.318 Ἀτρεΐδη μάλα μέν τοι ἐγὼν ἐθέλοιμι καὶ αὐτὸς ### book 4.319 ὣς ἔμεν ὡς ὅτε δῖον Ἐρευθαλίωνα κατέκταν. ### book 4.320 ἀλλ’ οὔ πως ἅμα πάντα θεοὶ δόσαν ἀνθρώποισιν· ### book 4.321 εἰ τότε κοῦρος ἔα νῦν αὖτέ με γῆρας ὀπάζει. ### book 4.322 ἀλλὰ καὶ ὧς ἱππεῦσι μετέσσομαι ἠδὲ κελεύσω ### book 4.323 βουλῇ καὶ μύθοισι· τὸ γὰρ γέρας ἐστὶ γερόντων. ### book 4.324 αἰχμὰς δ’ αἰχμάσσουσι νεώτεροι, οἵ περ ἐμεῖο ### book 4.325 ὁπλότεροι γεγάασι πεποίθασίν τε βίηφιν. ### book 4.326 Ὣς ἔφατ’, Ἀτρεΐδης δὲ παρῴχετο γηθόσυνος κῆρ. ### book 4.327 εὗρ’ υἱὸν Πετεῶο Μενεσθῆα πλήξιππον ### book 4.328 ἑσταότ’· ἀμφὶ δ’ Ἀθηναῖοι μήστωρες ἀϋτῆς· ### book 4.329 αὐτὰρ ὃ πλησίον ἑστήκει πολύμητις Ὀδυσσεύς, ### book 4.330 πὰρ δὲ Κεφαλλήνων ἀμφὶ στίχες οὐκ ἀλαπαδναὶ ### book 4.331 ἕστασαν· οὐ γάρ πώ σφιν ἀκούετο λαὸς ἀϋτῆς, ### book 4.332 ἀλλὰ νέον συνορινόμεναι κίνυντο φάλαγγες ### book 4.333 Τρώων ἱπποδάμων καὶ Ἀχαιῶν· οἳ δὲ μένοντες ### book 4.334 ἕστασαν ὁππότε πύργος Ἀχαιῶν ἄλλος ἐπελθὼν ### book 4.335 Τρώων ὁρμήσειε καὶ ἄρξειαν πολέμοιο. ### book 4.336 τοὺς δὲ ἰδὼν νείκεσσεν ἄναξ ἀνδρῶν Ἀγαμέμνων, ### book 4.337 καί σφεας φωνήσας ἔπεα πτερόεντα προσηύδα· ### book 4.338 ὦ υἱὲ Πετεῶο διοτρεφέος βασιλῆος, ### book 4.339 καὶ σὺ κακοῖσι δόλοισι κεκασμένε κερδαλεόφρον ### book 4.340 τίπτε καταπτώσσοντες ἀφέστατε, μίμνετε δ’ ἄλλους; ### book 4.341 σφῶϊν μέν τ’ ἐπέοικε μετὰ πρώτοισιν ἐόντας ### book 4.342 ἑστάμεν ἠδὲ μάχης καυστειρῆς ἀντιβολῆσαι· ### book 4.343 πρώτω γὰρ καὶ δαιτὸς ἀκουάζεσθον ἐμεῖο, ### book 4.344 ὁππότε δαῖτα γέρουσιν ἐφοπλίζωμεν Ἀχαιοί. ### book 4.345 ἔνθα φίλ’ ὀπταλέα κρέα ἔδμεναι ἠδὲ κύπελλα ### book 4.346 οἴνου πινέμεναι μελιηδέος ὄφρ’ ἐθέλητον· ### book 4.347 νῦν δὲ φίλως χ’ ὁρόῳτε καὶ εἰ δέκα πύργοι Ἀχαιῶν ### book 4.348 ὑμείων προπάροιθε μαχοίατο νηλέϊ χαλκῷ. ### book 4.349 Τὸν δ’ ἄρ’ ὑπόδρα ἰδὼν προσέφη πολύμητις Ὀδυσσεύς· ### book 4.350 Ἀτρεΐδη ποῖόν σε ἔπος φύγεν ἕρκος ὀδόντων; ### book 4.351 πῶς δὴ φῂς πολέμοιο μεθιέμεν ὁππότ’ Ἀχαιοὶ ### book 4.352 Τρωσὶν ἐφ’ ἱπποδάμοισιν ἐγείρομεν ὀξὺν Ἄρηα; ### book 4.353 ὄψεαι αἴ κ’ ἐθέλῃσθα καὶ αἴ κέν τοι τὰ μεμήλῃ ### book 4.354 Τηλεμάχοιο φίλον πατέρα προμάχοισι μιγέντα ### book 4.355 Τρώων ἱπποδάμων· σὺ δὲ ταῦτ’ ἀνεμώλια βάζεις. ### book 4.356 Τὸν δ’ ἐπιμειδήσας προσέφη κρείων Ἀγαμέμνων ### book 4.357 ὡς γνῶ χωομένοιο· πάλιν δ’ ὅ γε λάζετο μῦθον· ### book 4.358 διογενὲς Λαερτιάδη πολυμήχαν’ Ὀδυσσεῦ ### book 4.359 οὔτέ σε νεικείω περιώσιον οὔτε κελεύω· ### book 4.360 οἶδα γὰρ ὥς τοι θυμὸς ἐνὶ στήθεσσι φίλοισιν ### book 4.361 ἤπια δήνεα οἶδε· τὰ γὰρ φρονέεις ἅ τ’ ἐγώ περ. ### book 4.362 ἀλλ’ ἴθι ταῦτα δ’ ὄπισθεν ἀρεσσόμεθ’ εἴ τι κακὸν νῦν ### book 4.363 εἴρηται, τὰ δὲ πάντα θεοὶ μεταμώνια θεῖεν. ### book 4.364 Ὣς εἰπὼν τοὺς μὲν λίπεν αὐτοῦ, βῆ δὲ μετ’ ἄλλους. ### book 4.365 εὗρε δὲ Τυδέος υἱὸν ὑπέρθυμον Διομήδεα ### book 4.366 ἑσταότ’ ἔν θ’ ἵπποισι καὶ ἅρμασι κολλητοῖσι· ### book 4.367 πὰρ δέ οἱ ἑστήκει Σθένελος Καπανήϊος υἱός. ### book 4.368 καὶ τὸν μὲν νείκεσσεν ἰδὼν κρείων Ἀγαμέμνων, ### book 4.369 καί μιν φωνήσας ἔπεα πτερόεντα προσηύδα· ### book 4.370 ὤ μοι Τυδέος υἱὲ δαΐφρονος ἱπποδάμοιο ### book 4.371 τί πτώσσεις, τί δ’ ὀπιπεύεις πολέμοιο γεφύρας; ### book 4.372 οὐ μὲν Τυδέϊ γ’ ὧδε φίλον πτωσκαζέμεν ἦεν, ### book 4.373 ἀλλὰ πολὺ πρὸ φίλων ἑτάρων δηΐοισι μάχεσθαι, ### book 4.374 ὡς φάσαν οἵ μιν ἴδοντο πονεύμενον· οὐ γὰρ ἔγωγε ### book 4.375 ἤντης’ οὐδὲ ἴδον· περὶ δ’ ἄλλων φασὶ γενέσθαι. ### book 4.376 ἤτοι μὲν γὰρ ἄτερ πολέμου εἰσῆλθε Μυκήνας ### book 4.377 ξεῖνος ἅμ’ ἀντιθέῳ Πολυνείκεϊ λαὸν ἀγείρων· ### book 4.378 οἳ δὲ τότ’ ἐστρατόωνθ’ ἱερὰ πρὸς τείχεα Θήβης, ### book 4.379 καί ῥα μάλα λίσσοντο δόμεν κλειτοὺς ἐπικούρους· ### book 4.380 οἳ δ’ ἔθελον δόμεναι καὶ ἐπῄνεον ὡς ἐκέλευον· ### book 4.381 ἀλλὰ Ζεὺς ἔτρεψε παραίσια σήματα φαίνων. ### book 4.382 οἳ δ’ ἐπεὶ οὖν ᾤχοντο ἰδὲ πρὸ ὁδοῦ ἐγένοντο, ### book 4.383 Ἀσωπὸν δ’ ἵκοντο βαθύσχοινον λεχεποίην, ### book 4.384 ἔνθ’ αὖτ’ ἀγγελίην ἐπὶ Τυδῆ στεῖλαν Ἀχαιοί. ### book 4.385 αὐτὰρ ὃ βῆ, πολέας δὲ κιχήσατο Καδμεΐωνας ### book 4.386 δαινυμένους κατὰ δῶμα βίης Ἐτεοκληείης. ### book 4.387 ἔνθ’ οὐδὲ ξεῖνός περ ἐὼν ἱππηλάτα Τυδεὺς ### book 4.388 τάρβει, μοῦνος ἐὼν πολέσιν μετὰ Καδμείοισιν, ### book 4.389 ἀλλ’ ὅ γ’ ἀεθλεύειν προκαλίζετο, πάντα δ’ ἐνίκα ### book 4.390 ῥηϊδίως· τοίη οἱ ἐπίρροθος ἦεν Ἀθήνη. ### book 4.391 οἳ δὲ χολωσάμενοι Καδμεῖοι κέντορες ἵππων ### book 4.392 ἂψ ἄρ’ ἀνερχομένῳ πυκινὸν λόχον εἷσαν ἄγοντες ### book 4.393 κούρους πεντήκοντα· δύω δ’ ἡγήτορες ἦσαν, ### book 4.394 Μαίων Αἱμονίδης ἐπιείκελος ἀθανάτοισιν, ### book 4.395 υἱός τ’ Αὐτοφόνοιο μενεπτόλεμος Πολυφόντης. ### book 4.396 Τυδεὺς μὲν καὶ τοῖσιν ἀεικέα πότμον ἐφῆκε· ### book 4.397 πάντας ἔπεφν’, ἕνα δ’ οἶον ἵει οἶκον δὲ νέεσθαι· ### book 4.398 Μαίον’ ἄρα προέηκε θεῶν τεράεσσι πιθήσας. ### book 4.399 τοῖος ἔην Τυδεὺς Αἰτώλιος· ἀλλὰ τὸν υἱὸν ### book 4.400 γείνατο εἷο χέρεια μάχῃ, ἀγορῇ δέ τ’ ἀμείνω. ### book 4.401 Ὣς φάτο, τὸν δ’ οὔ τι προσέφη κρατερὸς Διομήδης ### book 4.402 αἰδεσθεὶς βασιλῆος ἐνιπὴν αἰδοίοιο· ### book 4.403 τὸν δ’ υἱὸς Καπανῆος ἀμείψατο κυδαλίμοιο· ### book 4.404 Ἀτρεΐδη μὴ ψεύδε’ ἐπιστάμενος σάφα εἰπεῖν· ### book 4.405 ἡμεῖς τοι πατέρων μέγ’ ἀμείνονες εὐχόμεθ’ εἶναι· ### book 4.406 ἡμεῖς καὶ Θήβης ἕδος εἵλομεν ἑπταπύλοιο ### book 4.407 παυρότερον λαὸν ἀγαγόνθ’ ὑπὸ τεῖχος ἄρειον, ### book 4.408 πειθόμενοι τεράεσσι θεῶν καὶ Ζηνὸς ἀρωγῇ· ### book 4.409 κεῖνοι δὲ σφετέρῃσιν ἀτασθαλίῃσιν ὄλοντο· ### book 4.410 τὼ μή μοι πατέρας ποθ’ ὁμοίῃ ἔνθεο τιμῇ. ### book 4.411 Τὸν δ’ ἄρ’ ὑπόδρα ἰδὼν προσέφη κρατερὸς Διομήδης· ### book 4.412 τέττα, σιωπῇ ἧσο, ἐμῷ δ’ ἐπιπείθεο μύθῳ· ### book 4.413 οὐ γὰρ ἐγὼ νεμεσῶ Ἀγαμέμνονι ποιμένι λαῶν ### book 4.414 ὀτρύνοντι μάχεσθαι ἐϋκνήμιδας Ἀχαιούς· ### book 4.415 τούτῳ μὲν γὰρ κῦδος ἅμ’ ἕψεται εἴ κεν Ἀχαιοὶ ### book 4.416 Τρῶας δῃώσωσιν ἕλωσί τε Ἴλιον ἱρήν, ### book 4.417 τούτῳ δ’ αὖ μέγα πένθος Ἀχαιῶν δῃωθέντων. ### book 4.418 ἀλλ’ ἄγε δὴ καὶ νῶϊ μεδώμεθα θούριδος ἀλκῆς. ### book 4.419 Ἦ ῥα καὶ ἐξ ὀχέων σὺν τεύχεσιν ἆλτο χαμᾶζε· ### book 4.420 δεινὸν δ’ ἔβραχε χαλκὸς ἐπὶ στήθεσσιν ἄνακτος ### book 4.421 ὀρνυμένου· ὑπό κεν ταλασίφρονά περ δέος εἷλεν. ### book 4.422 Ὡς δ’ ὅτ’ ἐν αἰγιαλῷ πολυηχέϊ κῦμα θαλάσσης ### book 4.423 ὄρνυτ’ ἐπασσύτερον Ζεφύρου ὕπο κινήσαντος· ### book 4.424 πόντῳ μέν τε πρῶτα κορύσσεται, αὐτὰρ ἔπειτα ### book 4.425 χέρσῳ ῥηγνύμενον μεγάλα βρέμει, ἀμφὶ δέ τ’ ἄκρας ### book 4.426 κυρτὸν ἐὸν κορυφοῦται, ἀποπτύει δ’ ἁλὸς ἄχνην· ### book 4.427 ὣς τότ’ ἐπασσύτεραι Δαναῶν κίνυντο φάλαγγες ### book 4.428 νωλεμέως πόλεμον δέ· κέλευε δὲ οἷσιν ἕκαστος ### book 4.429 ἡγεμόνων· οἳ δ’ ἄλλοι ἀκὴν ἴσαν, οὐδέ κε φαίης ### book 4.430 τόσσον λαὸν ἕπεσθαι ἔχοντ’ ἐν στήθεσιν αὐδήν, ### book 4.431 σιγῇ δειδιότες σημάντορας· ἀμφὶ δὲ πᾶσι ### book 4.432 τεύχεα ποικίλ’ ἔλαμπε, τὰ εἱμένοι ἐστιχόωντο. ### book 4.433 Τρῶες δ’, ὥς τ’ ὄϊες πολυπάμονος ἀνδρὸς ἐν αὐλῇ ### book 4.434 μυρίαι ἑστήκασιν ἀμελγόμεναι γάλα λευκὸν ### book 4.435 ἀζηχὲς μεμακυῖαι ἀκούουσαι ὄπα ἀρνῶν, ### book 4.436 ὣς Τρώων ἀλαλητὸς ἀνὰ στρατὸν εὐρὺν ὀρώρει· ### book 4.437 οὐ γὰρ πάντων ἦεν ὁμὸς θρόος οὐδ’ ἴα γῆρυς, ### book 4.438 ἀλλὰ γλῶσσα μέμικτο, πολύκλητοι δ’ ἔσαν ἄνδρες. ### book 4.439 ὄρσε δὲ τοὺς μὲν Ἄρης, τοὺς δὲ γλαυκῶπις Ἀθήνη ### book 4.440 Δεῖμός τ’ ἠδὲ Φόβος καὶ Ἔρις ἄμοτον μεμαυῖα, ### book 4.441 Ἄρεος ἀνδροφόνοιο κασιγνήτη ἑτάρη τε, ### book 4.442 ἥ τ’ ὀλίγη μὲν πρῶτα κορύσσεται, αὐτὰρ ἔπειτα ### book 4.443 οὐρανῷ ἐστήριξε κάρη καὶ ἐπὶ χθονὶ βαίνει· ### book 4.444 ἥ σφιν καὶ τότε νεῖκος ὁμοίϊον ἔμβαλε μέσσῳ ### book 4.445 ἐρχομένη καθ’ ὅμιλον ὀφέλλουσα στόνον ἀνδρῶν. ### book 4.446 Οἳ δ’ ὅτε δή ῥ’ ἐς χῶρον ἕνα ξυνιόντες ἵκοντο, ### book 4.447 σύν ῥ’ ἔβαλον ῥινούς, σὺν δ’ ἔγχεα καὶ μένε’ ἀνδρῶν ### book 4.448 χαλκεοθωρήκων· ἀτὰρ ἀσπίδες ὀμφαλόεσσαι ### book 4.449 ἔπληντ’ ἀλλήλῃσι, πολὺς δ’ ὀρυμαγδὸς ὀρώρει. ### book 4.450 ἔνθα δ’ ἅμ’ οἰμωγή τε καὶ εὐχωλὴ πέλεν ἀνδρῶν ### book 4.451 ὀλλύντων τε καὶ ὀλλυμένων, ῥέε δ’ αἵματι γαῖα. ### book 4.452 ὡς δ’ ὅτε χείμαρροι ποταμοὶ κατ’ ὄρεσφι ῥέοντες ### book 4.453 ἐς μισγάγκειαν συμβάλλετον ὄβριμον ὕδωρ ### book 4.454 κρουνῶν ἐκ μεγάλων κοίλης ἔντοσθε χαράδρης, ### book 4.455 τῶν δέ τε τηλόσε δοῦπον ἐν οὔρεσιν ἔκλυε ποιμήν· ### book 4.456 ὣς τῶν μισγομένων γένετο ἰαχή τε πόνος τε. ### book 4.457 Πρῶτος δ’ Ἀντίλοχος Τρώων ἕλεν ἄνδρα κορυστὴν ### book 4.458 ἐσθλὸν ἐνὶ προμάχοισι Θαλυσιάδην Ἐχέπωλον· ### book 4.459 τόν ῥ’ ἔβαλε πρῶτος κόρυθος φάλον ἱπποδασείης, ### book 4.460 ἐν δὲ μετώπῳ πῆξε, πέρησε δ’ ἄρ’ ὀστέον εἴσω ### book 4.461 αἰχμὴ χαλκείη· τὸν δὲ σκότος ὄσσε κάλυψεν, ### book 4.462 ἤριπε δ’ ὡς ὅτε πύργος ἐνὶ κρατερῇ ὑσμίνῃ. ### book 4.463 τὸν δὲ πεσόντα ποδῶν ἔλαβε κρείων Ἐλεφήνωρ ### book 4.464 Χαλκωδοντιάδης μεγαθύμων ἀρχὸς Ἀβάντων, ### book 4.465 ἕλκε δ’ ὑπ’ ἐκ βελέων, λελιημένος ὄφρα τάχιστα ### book 4.466 τεύχεα συλήσειε· μίνυνθα δέ οἱ γένεθ’ ὁρμή. ### book 4.467 νεκρὸν γὰρ ἐρύοντα ἰδὼν μεγάθυμος Ἀγήνωρ ### book 4.468 πλευρά, τά οἱ κύψαντι παρ’ ἀσπίδος ἐξεφαάνθη, ### book 4.469 οὔτησε ξυστῷ χαλκήρεϊ, λῦσε δὲ γυῖα. ### book 4.470 ὣς τὸν μὲν λίπε θυμός, ἐπ’ αὐτῷ δ’ ἔργον ἐτύχθη ### book 4.471 ἀργαλέον Τρώων καὶ Ἀχαιῶν· οἳ δὲ λύκοι ὣς ### book 4.472 ἀλλήλοις ἐπόρουσαν, ἀνὴρ δ’ ἄνδρ’ ἐδνοπάλιζεν. ### book 4.473 Ἔνθ’ ἔβαλ’ Ἀνθεμίωνος υἱὸν Τελαμώνιος Αἴας ### book 4.474 ἠΐθεον θαλερὸν Σιμοείσιον, ὅν ποτε μήτηρ ### book 4.475 Ἴδηθεν κατιοῦσα παρ’ ὄχθῃσιν Σιμόεντος ### book 4.476 γείνατ’, ἐπεί ῥα τοκεῦσιν ἅμ’ ἕσπετο μῆλα ἰδέσθαι· ### book 4.477 τοὔνεκά μιν κάλεον Σιμοείσιον· οὐδὲ τοκεῦσι ### book 4.478 θρέπτρα φίλοις ἀπέδωκε, μινυνθάδιος δέ οἱ αἰὼν ### book 4.479 ἔπλεθ’ ὑπ’ Αἴαντος μεγαθύμου δουρὶ δαμέντι. ### book 4.480 πρῶτον γάρ μιν ἰόντα βάλε στῆθος παρὰ μαζὸν ### book 4.481 δεξιόν· ἀντικρὺ δὲ δι’ ὤμου χάλκεον ἔγχος ### book 4.482 ἦλθεν· ὃ δ’ ἐν κονίῃσι χαμαὶ πέσεν αἴγειρος ὣς ### book 4.483 ἥ ῥά τ’ ἐν εἱαμενῇ ἕλεος μεγάλοιο πεφύκει ### book 4.484 λείη, ἀτάρ τέ οἱ ὄζοι ἐπ’ ἀκροτάτῃ πεφύασι· ### book 4.485 τὴν μέν θ’ ἁρματοπηγὸς ἀνὴρ αἴθωνι σιδήρῳ ### book 4.486 ἐξέταμ’, ὄφρα ἴτυν κάμψῃ περικαλλέϊ δίφρῳ· ### book 4.487 ἣ μέν τ’ ἀζομένη κεῖται ποταμοῖο παρ’ ὄχθας. ### book 4.488 τοῖον ἄρ’ Ἀνθεμίδην Σιμοείσιον ἐξενάριξεν ### book 4.489 Αἴας διογενής· τοῦ δ’ Ἄντιφος αἰολοθώρηξ ### book 4.490 Πριαμίδης καθ’ ὅμιλον ἀκόντισεν ὀξέϊ δουρί. ### book 4.491 τοῦ μὲν ἅμαρθ’, ὃ δὲ Λεῦκον Ὀδυσσέος ἐσθλὸν ἑταῖρον ### book 4.492 βεβλήκει βουβῶνα, νέκυν ἑτέρως’ ἐρύοντα· ### book 4.493 ἤριπε δ’ ἀμφ’ αὐτῷ, νεκρὸς δέ οἱ ἔκπεσε χειρός. ### book 4.494 τοῦ δ’ Ὀδυσεὺς μάλα θυμὸν ἀποκταμένοιο χολώθη, ### book 4.495 βῆ δὲ διὰ προμάχων κεκορυθμένος αἴθοπι χαλκῷ, ### book 4.496 στῆ δὲ μάλ’ ἐγγὺς ἰὼν καὶ ἀκόντισε δουρὶ φαεινῷ ### book 4.497 ἀμφὶ ἓ παπτήνας· ὑπὸ δὲ Τρῶες κεκάδοντο ### book 4.498 ἀνδρὸς ἀκοντίσσαντος· ὃ δ’ οὐχ ἅλιον βέλος ἧκεν, ### book 4.499 ἀλλ’ υἱὸν Πριάμοιο νόθον βάλε Δημοκόωντα ### book 4.500 ὅς οἱ Ἀβυδόθεν ἦλθε παρ’ ἵππων ὠκειάων. ### book 4.501 τόν ῥ’ Ὀδυσεὺς ἑτάροιο χολωσάμενος βάλε δουρὶ ### book 4.502 κόρσην· ἣ δ’ ἑτέροιο διὰ κροτάφοιο πέρησεν ### book 4.503 αἰχμὴ χαλκείη· τὸν δὲ σκότος ὄσσε κάλυψε, ### book 4.504 δούπησεν δὲ πεσών, ἀράβησε δὲ τεύχε’ ἐπ’ αὐτῷ. ### book 4.505 χώρησαν δ’ ὑπό τε πρόμαχοι καὶ φαίδιμος Ἕκτωρ· ### book 4.506 Ἀργεῖοι δὲ μέγα ἴαχον, ἐρύσαντο δὲ νεκρούς, ### book 4.507 ἴθυσαν δὲ πολὺ προτέρω· νεμέσησε δ’ Ἀπόλλων ### book 4.508 Περγάμου ἐκκατιδών, Τρώεσσι δὲ κέκλετ’ ἀΰσας· ### book 4.509 ὄρνυσθ’ ἱππόδαμοι Τρῶες μηδ’ εἴκετε χάρμης ### book 4.510 Ἀργείοις, ἐπεὶ οὔ σφι λίθος χρὼς οὐδὲ σίδηρος ### book 4.511 χαλκὸν ἀνασχέσθαι ταμεσίχροα βαλλομένοισιν· ### book 4.512 οὐ μὰν οὐδ’ Ἀχιλεὺς Θέτιδος πάϊς ἠϋκόμοιο ### book 4.513 μάρναται, ἀλλ’ ἐπὶ νηυσὶ χόλον θυμαλγέα πέσσει. ### book 4.514 Ὣς φάτ’ ἀπὸ πτόλιος δεινὸς θεός· αὐτὰρ Ἀχαιοὺς ### book 4.515 ὦρσε Διὸς θυγάτηρ κυδίστη Τριτογένεια ### book 4.516 ἐρχομένη καθ’ ὅμιλον, ὅθι μεθιέντας ἴδοιτο. ### book 4.517 Ἔνθ’ Ἀμαρυγκείδην Διώρεα μοῖρα πέδησε· ### book 4.518 χερμαδίῳ γὰρ βλῆτο παρὰ σφυρὸν ὀκριόεντι ### book 4.519 κνήμην δεξιτερήν· βάλε δὲ Θρῃκῶν ἀγὸς ἀνδρῶν ### book 4.520 Πείρως Ἰμβρασίδης ὃς ἄρ’ Αἰνόθεν εἰληλούθει. ### book 4.521 ἀμφοτέρω δὲ τένοντε καὶ ὀστέα λᾶας ἀναιδὴς ### book 4.522 ἄχρις ἀπηλοίησεν· ὃ δ’ ὕπτιος ἐν κονίῃσι ### book 4.523 κάππεσεν ἄμφω χεῖρε φίλοις ἑτάροισι πετάσσας ### book 4.524 θυμὸν ἀποπνείων· ὃ δ’ ἐπέδραμεν ὅς ῥ’ ἔβαλέν περ ### book 4.525 Πείροος, οὖτα δὲ δουρὶ παρ’ ὀμφαλόν· ἐκ δ’ ἄρα πᾶσαι ### book 4.526 χύντο χαμαὶ χολάδες, τὸν δὲ σκότος ὄσσε κάλυψε. ### book 4.527 Τὸν δὲ Θόας Αἰτωλὸς ἀπεσσύμενον βάλε δουρὶ ### book 4.528 στέρνον ὑπὲρ μαζοῖο, πάγη δ’ ἐν πνεύμονι χαλκός· ### book 4.529 ἀγχίμολον δέ οἱ ἦλθε Θόας, ἐκ δ’ ὄβριμον ἔγχος ### book 4.530 ἐσπάσατο στέρνοιο, ἐρύσσατο δὲ ξίφος ὀξύ, ### book 4.531 τῷ ὅ γε γαστέρα τύψε μέσην, ἐκ δ’ αἴνυτο θυμόν. ### book 4.532 τεύχεα δ’ οὐκ ἀπέδυσε· περίστησαν γὰρ ἑταῖροι ### book 4.533 Θρήϊκες ἀκρόκομοι δολίχ’ ἔγχεα χερσὶν ἔχοντες, ### book 4.534 οἵ ἑ μέγαν περ ἐόντα καὶ ἴφθιμον καὶ ἀγαυὸν ### book 4.535 ὦσαν ἀπὸ σφείων· ὃ δὲ χασσάμενος πελεμίχθη. ### book 4.536 ὣς τώ γ’ ἐν κονίῃσι παρ’ ἀλλήλοισι τετάσθην, ### book 4.537 ἤτοι ὃ μὲν Θρῃκῶν, ὃ δ’ Ἐπειῶν χαλκοχιτώνων ### book 4.538 ἡγεμόνες· πολλοὶ δὲ περὶ κτείνοντο καὶ ἄλλοι. ### book 4.539 Ἔνθά κεν οὐκέτι ἔργον ἀνὴρ ὀνόσαιτο μετελθών, ### book 4.540 ὅς τις ἔτ’ ἄβλητος καὶ ἀνούτατος ὀξέϊ χαλκῷ ### book 4.541 δινεύοι κατὰ μέσσον, ἄγοι δέ ἑ Παλλὰς Ἀθήνη ### book 4.542 χειρὸς ἑλοῦς’, αὐτὰρ βελέων ἀπερύκοι ἐρωήν· ### book 4.543 πολλοὶ γὰρ Τρώων καὶ Ἀχαιῶν ἤματι κείνῳ ### book 4.544 πρηνέες ἐν κονίῃσι παρ’ ἀλλήλοισι τέταντο. ### book 5.1 Ἔνθ’ αὖ Τυδεΐδῃ Διομήδεϊ Παλλὰς Ἀθήνη ### book 5.2 δῶκε μένος καὶ θάρσος, ἵν’ ἔκδηλος μετὰ πᾶσιν ### book 5.3 Ἀργείοισι γένοιτο ἰδὲ κλέος ἐσθλὸν ἄροιτο· ### book 5.4 δαῖέ οἱ ἐκ κόρυθός τε καὶ ἀσπίδος ἀκάματον πῦρ ### book 5.5 ἀστέρ’ ὀπωρινῷ ἐναλίγκιον, ὅς τε μάλιστα ### book 5.6 λαμπρὸν παμφαίνῃσι λελουμένος ὠκεανοῖο· ### book 5.7 τοῖόν οἱ πῦρ δαῖεν ἀπὸ κρατός τε καὶ ὤμων, ### book 5.8 ὦρσε δέ μιν κατὰ μέσσον ὅθι πλεῖστοι κλονέοντο. ### book 5.9 Ἦν δέ τις ἐν Τρώεσσι Δάρης ἀφνειὸς ἀμύμων ### book 5.10 ἱρεὺς Ἡφαίστοιο· δύω δέ οἱ υἱέες ἤστην ### book 5.11 Φηγεὺς Ἰδαῖός τε μάχης εὖ εἰδότε πάσης. ### book 5.12 τώ οἱ ἀποκρινθέντε ἐναντίω ὁρμηθήτην· ### book 5.13 τὼ μὲν ἀφ’ ἵπποιιν, ὃ δ’ ἀπὸ χθονὸς ὄρνυτο πεζός. ### book 5.14 οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντες ### book 5.15 Φηγεύς ῥα πρότερος προΐει δολιχόσκιον ἔγχος· ### book 5.16 Τυδεΐδεω δ’ ὑπὲρ ὦμον ἀριστερὸν ἤλυθ’ ἀκωκὴ ### book 5.17 ἔγχεος, οὐδ’ ἔβαλ’ αὐτόν· ὃ δ’ ὕστερος ὄρνυτο χαλκῷ ### book 5.18 Τυδεΐδης· τοῦ δ’ οὐχ ἅλιον βέλος ἔκφυγε χειρός, ### book 5.19 ἀλλ’ ἔβαλε στῆθος μεταμάζιον, ὦσε δ’ ἀφ’ ἵππων. ### book 5.20 Ἰδαῖος δ’ ἀπόρουσε λιπὼν περικαλλέα δίφρον, ### book 5.21 οὐδ’ ἔτλη περιβῆναι ἀδελφειοῦ κταμένοιο· ### book 5.22 οὐδὲ γὰρ οὐδέ κεν αὐτὸς ὑπέκφυγε κῆρα μέλαιναν, ### book 5.23 ἀλλ’ Ἥφαιστος ἔρυτο, σάωσε δὲ νυκτὶ καλύψας, ### book 5.24 ὡς δή οἱ μὴ πάγχυ γέρων ἀκαχήμενος εἴη. ### book 5.25 ἵππους δ’ ἐξελάσας μεγαθύμου Τυδέος υἱὸς ### book 5.26 δῶκεν ἑταίροισιν κατάγειν κοίλας ἐπὶ νῆας. ### book 5.27 Τρῶες δὲ μεγάθυμοι ἐπεὶ ἴδον υἷε Δάρητος ### book 5.28 τὸν μὲν ἀλευάμενον, τὸν δὲ κτάμενον παρ’ ὄχεσφι, ### book 5.29 πᾶσιν ὀρίνθη θυμός· ἀτὰρ γλαυκῶπις Ἀθήνη ### book 5.30 χειρὸς ἑλοῦς’ ἐπέεσσι προσηύδα θοῦρον Ἄρηα· ### book 5.31 Ἆρες Ἄρες βροτολοιγὲ μιαιφόνε τειχεσιπλῆτα ### book 5.32 οὐκ ἂν δὴ Τρῶας μὲν ἐάσαιμεν καὶ Ἀχαιοὺς ### book 5.33 μάρνασθ’, ὁπποτέροισι πατὴρ Ζεὺς κῦδος ὀρέξῃ, ### book 5.34 νῶϊ δὲ χαζώμεσθα, Διὸς δ’ ἀλεώμεθα μῆνιν; ### book 5.35 Ὣς εἰποῦσα μάχης ἐξήγαγε θοῦρον Ἄρηα· ### book 5.36 τὸν μὲν ἔπειτα καθεῖσεν ἐπ’ ἠϊόεντι Σκαμάνδρῳ, ### book 5.37 Τρῶας δ’ ἔκλιναν Δαναοί· ἕλε δ’ ἄνδρα ἕκαστος ### book 5.38 ἡγεμόνων· πρῶτος δὲ ἄναξ ἀνδρῶν Ἀγαμέμνων ### book 5.39 ἀρχὸν Ἁλιζώνων Ὀδίον μέγαν ἔκβαλε δίφρου· ### book 5.40 πρώτῳ γὰρ στρεφθέντι μεταφρένῳ ἐν δόρυ πῆξεν ### book 5.41 ὤμων μεσσηγύς, διὰ δὲ στήθεσφιν ἔλασσε, ### book 5.42 δούπησεν δὲ πεσών, ἀράβησε δὲ τεύχε’ ἐπ’ αὐτῷ. ### book 5.43 Ἰδομενεὺς δ’ ἄρα Φαῖστον ἐνήρατο Μῄονος υἱὸν ### book 5.44 Βώρου, ὃς ἐκ Τάρνης ἐριβώλακος εἰληλούθει. ### book 5.45 τὸν μὲν ἄρ’ Ἰδομενεὺς δουρικλυτὸς ἔγχεϊ μακρῷ ### book 5.46 νύξ’ ἵππων ἐπιβησόμενον κατὰ δεξιὸν ὦμον· ### book 5.47 ἤριπε δ’ ἐξ ὀχέων, στυγερὸς δ’ ἄρα μιν σκότος εἷλε. ### book 5.48 Τὸν μὲν ἄρ’ Ἰδομενῆος ἐσύλευον θεράποντες· ### book 5.49 υἱὸν δὲ Στροφίοιο Σκαμάνδριον αἵμονα θήρης ### book 5.50 Ἀτρεΐδης Μενέλαος ἕλ’ ἔγχεϊ ὀξυόεντι ### book 5.51 ἐσθλὸν θηρητῆρα· δίδαξε γὰρ Ἄρτεμις αὐτὴ ### book 5.52 βάλλειν ἄγρια πάντα, τά τε τρέφει οὔρεσιν ὕλη· ### book 5.53 ἀλλ’ οὔ οἱ τότε γε χραῖσμ’ Ἄρτεμις ἰοχέαιρα, ### book 5.54 οὐδὲ ἑκηβολίαι ᾗσιν τὸ πρίν γε κέκαστο· ### book 5.55 ἀλλά μιν Ἀτρεΐδης δουρικλειτὸς Μενέλαος ### book 5.56 πρόσθεν ἕθεν φεύγοντα μετάφρενον οὔτασε δουρὶ ### book 5.57 ὤμων μεσσηγύς, διὰ δὲ στήθεσφιν ἔλασσεν, ### book 5.58 ἤριπε δὲ πρηνής, ἀράβησε δὲ τεύχε’ ἐπ’ αὐτῷ. ### book 5.59 Μηριόνης δὲ Φέρεκλον ἐνήρατο, τέκτονος υἱὸν ### book 5.60 Ἁρμονίδεω, ὃς χερσὶν ἐπίστατο δαίδαλα πάντα ### book 5.61 τεύχειν· ἔξοχα γάρ μιν ἐφίλατο Παλλὰς Ἀθήνη· ### book 5.62 ὃς καὶ Ἀλεξάνδρῳ τεκτήνατο νῆας ἐΐσας ### book 5.63 ἀρχεκάκους, αἳ πᾶσι κακὸν Τρώεσσι γένοντο ### book 5.64 οἷ τ’ αὐτῷ, ἐπεὶ οὔ τι θεῶν ἐκ θέσφατα ᾔδη. ### book 5.65 τὸν μὲν Μηριόνης ὅτε δὴ κατέμαρπτε διώκων ### book 5.66 βεβλήκει γλουτὸν κατὰ δεξιόν· ἣ δὲ διαπρὸ ### book 5.67 ἀντικρὺ κατὰ κύστιν ὑπ’ ὀστέον ἤλυθ’ ἀκωκή· ### book 5.68 γνὺξ δ’ ἔριπ’ οἰμώξας, θάνατος δέ μιν ἀμφεκάλυψε. ### book 5.69 Πήδαιον δ’ ἄρ’ ἔπεφνε Μέγης Ἀντήνορος υἱὸν ### book 5.70 ὅς ῥα νόθος μὲν ἔην, πύκα δ’ ἔτρεφε δῖα Θεανὼ ### book 5.71 ἶσα φίλοισι τέκεσσι χαριζομένη πόσεϊ ᾧ. ### book 5.72 τὸν μὲν Φυλεΐδης δουρὶ κλυτὸς ἐγγύθεν ἐλθὼν ### book 5.73 βεβλήκει κεφαλῆς κατὰ ἰνίον ὀξέϊ δουρί· ### book 5.74 ἀντικρὺ δ’ ἀν’ ὀδόντας ὑπὸ γλῶσσαν τάμε χαλκός· ### book 5.75 ἤριπε δ’ ἐν κονίῃ, ψυχρὸν δ’ ἕλε χαλκὸν ὀδοῦσιν. ### book 5.76 Εὐρύπυλος δ’ Εὐαιμονίδης Ὑψήνορα δῖον ### book 5.77 υἱὸν ὑπερθύμου Δολοπίονος, ὅς ῥα Σκαμάνδρου ### book 5.78 ἀρητὴρ ἐτέτυκτο, θεὸς δ’ ὣς τίετο δήμῳ, ### book 5.79 τὸν μὲν ἄρ’ Εὐρύπυλος, Εὐαίμονος ἀγλαὸς υἱός, ### book 5.80 πρόσθεν ἕθεν φεύγοντα μεταδρομάδην ἔλας’ ὦμον ### book 5.81 φασγάνῳ ἀΐξας, ἀπὸ δ’ ἔξεσε χεῖρα βαρεῖαν· ### book 5.82 αἱματόεσσα δὲ χεὶρ πεδίῳ πέσε· τὸν δὲ κατ’ ὄσσε ### book 5.83 ἔλλαβε πορφύρεος θάνατος καὶ μοῖρα κραταιή. ### book 5.84 Ὣς οἳ μὲν πονέοντο κατὰ κρατερὴν ὑσμίνην· ### book 5.85 Τυδεΐδην δ’ οὐκ ἂν γνοίης ποτέροισι μετείη ### book 5.86 ἠὲ μετὰ Τρώεσσιν ὁμιλέοι ἦ μετ’ Ἀχαιοῖς. ### book 5.87 θῦνε γὰρ ἂμ πεδίον ποταμῷ πλήθοντι ἐοικὼς ### book 5.88 χειμάρρῳ, ὅς τ’ ὦκα ῥέων ἐκέδασσε γεφύρας· ### book 5.89 τὸν δ’ οὔτ’ ἄρ τε γέφυραι ἐεργμέναι ἰσχανόωσιν, ### book 5.90 οὔτ’ ἄρα ἕρκεα ἴσχει ἀλωάων ἐριθηλέων ### book 5.91 ἐλθόντ’ ἐξαπίνης ὅτ’ ἐπιβρίσῃ Διὸς ὄμβρος· ### book 5.92 πολλὰ δ’ ὑπ’ αὐτοῦ ἔργα κατήριπε κάλ’ αἰζηῶν· ### book 5.93 ὣς ὑπὸ Τυδεΐδῃ πυκιναὶ κλονέοντο φάλαγγες ### book 5.94 Τρώων, οὐδ’ ἄρα μιν μίμνον πολέες περ ἐόντες. ### book 5.95 Τὸν δ’ ὡς οὖν ἐνόησε Λυκάονος ἀγλαὸς υἱὸς ### book 5.96 θύνοντ’ ἂμ πεδίον πρὸ ἕθεν κλονέοντα φάλαγγας, ### book 5.97 αἶψ’ ἐπὶ Τυδεΐδῃ ἐτιταίνετο καμπύλα τόξα, ### book 5.98 καὶ βάλ’ ἐπαΐσσοντα τυχὼν κατὰ δεξιὸν ὦμον ### book 5.99 θώρηκος γύαλον· διὰ δ’ ἔπτατο πικρὸς ὀϊστός, ### book 5.100 ἀντικρὺ δὲ διέσχε, παλάσσετο δ’ αἵματι θώρηξ. ### book 5.101 τῷ δ’ ἐπὶ μακρὸν ἄϋσε Λυκάονος ἀγλαὸς υἱός· ### book 5.102 ὄρνυσθε Τρῶες μεγάθυμοι κέντορες ἵππων· ### book 5.103 βέβληται γὰρ ἄριστος Ἀχαιῶν, οὐδέ ἕ φημι ### book 5.104 δήθ’ ἀνσχήσεσθαι κρατερὸν βέλος, εἰ ἐτεόν με ### book 5.105 ὦρσεν ἄναξ Διὸς υἱὸς ἀπορνύμενον Λυκίηθεν. ### book 5.106 Ὣς ἔφατ’ εὐχόμενος· τὸν δ’ οὐ βέλος ὠκὺ δάμασσεν, ### book 5.107 ἀλλ’ ἀναχωρήσας πρόσθ’ ἵπποιιν καὶ ὄχεσφιν ### book 5.108 ἔστη, καὶ Σθένελον προσέφη Καπανήϊον υἱόν· ### book 5.109 ὄρσο πέπον Καπανηϊάδη, καταβήσεο δίφρου, ### book 5.110 ὄφρά μοι ἐξ ὤμοιο ἐρύσσῃς πικρὸν ὀϊστόν. ### book 5.111 Ὣς ἄρ’ ἔφη, Σθένελος δὲ καθ’ ἵππων ἆλτο χαμᾶζε, ### book 5.112 πὰρ δὲ στὰς βέλος ὠκὺ διαμπερὲς ἐξέρυς’ ὤμου· ### book 5.113 αἷμα δ’ ἀνηκόντιζε διὰ στρεπτοῖο χιτῶνος. ### book 5.114 δὴ τότ’ ἔπειτ’ ἠρᾶτο βοὴν ἀγαθὸς Διομήδης· ### book 5.115 κλῦθί μευ αἰγιόχοιο Διὸς τέκος Ἀτρυτώνη, ### book 5.116 εἴ ποτέ μοι καὶ πατρὶ φίλα φρονέουσα παρέστης ### book 5.117 δηΐῳ ἐν πολέμῳ, νῦν αὖτ’ ἐμὲ φῖλαι Ἀθήνη· ### book 5.118 δὸς δέ τέ μ’ ἄνδρα ἑλεῖν καὶ ἐς ὁρμὴν ἔγχεος ἐλθεῖν ### book 5.119 ὅς μ’ ἔβαλε φθάμενος καὶ ἐπεύχεται, οὐδέ μέ φησι ### book 5.120 δηρὸν ἔτ’ ὄψεσθαι λαμπρὸν φάος ἠελίοιο. ### book 5.121 Ὣς ἔφατ’ εὐχόμενος· τοῦ δ’ ἔκλυε Παλλὰς Ἀθήνη, ### book 5.122 γυῖα δ’ ἔθηκεν ἐλαφρά, πόδας καὶ χεῖρας ὕπερθεν· ### book 5.123 ἀγχοῦ δ’ ἱσταμένη ἔπεα πτερόεντα προσηύδα· ### book 5.124 θαρσῶν νῦν Διόμηδες ἐπὶ Τρώεσσι μάχεσθαι· ### book 5.125 ἐν γάρ τοι στήθεσσι μένος πατρώϊον ἧκα ### book 5.126 ἄτρομον, οἷον ἔχεσκε σακέσπαλος ἱππότα Τυδεύς· ### book 5.127 ἀχλὺν δ’ αὖ τοι ἀπ’ ὀφθαλμῶν ἕλον ἣ πρὶν ἐπῆεν, ### book 5.128 ὄφρ’ εὖ γιγνώσκῃς ἠμὲν θεὸν ἠδὲ καὶ ἄνδρα. ### book 5.129 τὼ νῦν αἴ κε θεὸς πειρώμενος ἐνθάδ’ ἵκηται ### book 5.130 μή τι σύ γ’ ἀθανάτοισι θεοῖς ἀντικρὺ μάχεσθαι ### book 5.131 τοῖς ἄλλοις· ἀτὰρ εἴ κε Διὸς θυγάτηρ Ἀφροδίτη ### book 5.132 ἔλθῃς’ ἐς πόλεμον, τήν γ’ οὐτάμεν ὀξέϊ χαλκῷ. ### book 5.133 ἣ μὲν ἄρ’ ὣς εἰποῦς’ ἀπέβη γλαυκῶπις Ἀθήνη, ### book 5.134 Τυδεΐδης δ’ ἐξαῦτις ἰὼν προμάχοισιν ἐμίχθη ### book 5.135 καὶ πρίν περ θυμῷ μεμαὼς Τρώεσσι μάχεσθαι· ### book 5.136 δὴ τότε μιν τρὶς τόσσον ἕλεν μένος ὥς τε λέοντα ### book 5.137 ὅν ῥά τε ποιμὴν ἀγρῷ ἐπ’ εἰροπόκοις ὀΐεσσι ### book 5.138 χραύσῃ μέν τ’ αὐλῆς ὑπεράλμενον οὐδὲ δαμάσσῃ· ### book 5.139 τοῦ μέν τε σθένος ὦρσεν, ἔπειτα δέ τ’ οὐ προσαμύνει, ### book 5.140 ἀλλὰ κατὰ σταθμοὺς δύεται, τὰ δ’ ἐρῆμα φοβεῖται· ### book 5.141 αἳ μέν τ’ ἀγχιστῖναι ἐπ’ ἀλλήλῃσι κέχυνται, ### book 5.142 αὐτὰρ ὃ ἐμμεμαὼς βαθέης ἐξάλλεται αὐλῆς· ### book 5.143 ὣς μεμαὼς Τρώεσσι μίγη κρατερὸς Διομήδης. ### book 5.144 Ἔνθ’ ἕλεν Ἀστύνοον καὶ Ὑπείρονα ποιμένα λαῶν, ### book 5.145 τὸν μὲν ὑπὲρ μαζοῖο βαλὼν χαλκήρεϊ δουρί, ### book 5.146 τὸν δ’ ἕτερον ξίφεϊ μεγάλῳ κληῗδα παρ’ ὦμον ### book 5.147 πλῆξ’, ἀπὸ δ’ αὐχένος ὦμον ἐέργαθεν ἠδ’ ἀπὸ νώτου. ### book 5.148 τοὺς μὲν ἔας’, ὃ δ’ Ἄβαντα μετῴχετο καὶ Πολύειδον ### book 5.149 υἱέας Εὐρυδάμαντος ὀνειροπόλοιο γέροντος· ### book 5.150 τοῖς οὐκ ἐρχομένοις ὃ γέρων ἐκρίνατ’ ὀνείρους, ### book 5.151 ἀλλά σφεας κρατερὸς Διομήδης ἐξενάριξε· ### book 5.152 βῆ δὲ μετὰ Ξάνθόν τε Θόωνά τε Φαίνοπος υἷε ### book 5.153 ἄμφω τηλυγέτω· ὃ δὲ τείρετο γήραϊ λυγρῷ, ### book 5.154 υἱὸν δ’ οὐ τέκετ’ ἄλλον ἐπὶ κτεάτεσσι λιπέσθαι. ### book 5.155 ἔνθ’ ὅ γε τοὺς ἐνάριζε, φίλον δ’ ἐξαίνυτο θυμὸν ### book 5.156 ἀμφοτέρω, πατέρι δὲ γόον καὶ κήδεα λυγρὰ ### book 5.157 λεῖπ’, ἐπεὶ οὐ ζώοντε μάχης ἐκνοστήσαντε ### book 5.158 δέξατο· χηρωσταὶ δὲ διὰ κτῆσιν δατέοντο. ### book 5.159 Ἔνθ’ υἷας Πριάμοιο δύω λάβε Δαρδανίδαο ### book 5.160 εἰν ἑνὶ δίφρῳ ἐόντας Ἐχέμμονά τε Χρομίον τε. ### book 5.161 ὡς δὲ λέων ἐν βουσὶ θορὼν ἐξ αὐχένα ἄξῃ ### book 5.162 πόρτιος ἠὲ βοὸς ξύλοχον κάτα βοσκομενάων, ### book 5.163 ὣς τοὺς ἀμφοτέρους ἐξ ἵππων Τυδέος υἱὸς ### book 5.164 βῆσε κακῶς ἀέκοντας, ἔπειτα δὲ τεύχε’ ἐσύλα· ### book 5.165 ἵππους δ’ οἷς ἑτάροισι δίδου μετὰ νῆας ἐλαύνειν. ### book 5.166 Τὸν δ’ ἴδεν Αἰνείας ἀλαπάζοντα στίχας ἀνδρῶν, ### book 5.167 βῆ δ’ ἴμεν ἄν τε μάχην καὶ ἀνὰ κλόνον ἐγχειάων ### book 5.168 Πάνδαρον ἀντίθεον διζήμενος εἴ που ἐφεύροι· ### book 5.169 εὗρε Λυκάονος υἱὸν ἀμύμονά τε κρατερόν τε, ### book 5.170 στῆ δὲ πρόσθ’ αὐτοῖο ἔπος τέ μιν ἀντίον ηὔδα· ### book 5.171 Πάνδαρε ποῦ τοι τόξον ἰδὲ πτερόεντες ὀϊστοὶ ### book 5.172 καὶ κλέος; ᾧ οὔ τίς τοι ἐρίζεται ἐνθάδε γ’ ἀνήρ, ### book 5.173 οὐδέ τις ἐν Λυκίῃ σέο γ’ εὔχεται εἶναι ἀμείνων. ### book 5.174 ἀλλ’ ἄγε τῷδ’ ἔφες ἀνδρὶ βέλος Διὶ χεῖρας ἀνασχὼν ### book 5.175 ὅς τις ὅδε κρατέει καὶ δὴ κακὰ πολλὰ ἔοργε ### book 5.176 Τρῶας, ἐπεὶ πολλῶν τε καὶ ἐσθλῶν γούνατ’ ἔλυσεν· ### book 5.177 εἰ μή τις θεός ἐστι κοτεσσάμενος Τρώεσσιν ### book 5.178 ἱρῶν μηνίσας· χαλεπὴ δὲ θεοῦ ἔπι μῆνις. ### book 5.179 Τὸν δ’ αὖτε προσέειπε Λυκάονος ἀγλαὸς υἱός· ### book 5.180 Αἰνεία Τρώων βουληφόρε χαλκοχιτώνων ### book 5.181 Τυδεΐδῃ μιν ἔγωγε δαΐφρονι πάντα ἐΐσκω, ### book 5.182 ἀσπίδι γιγνώσκων αὐλώπιδί τε τρυφαλείῃ, ### book 5.183 ἵππους τ’ εἰσορόων· σάφα δ’ οὐκ οἶδ’ εἰ θεός ἐστιν. ### book 5.184 εἰ δ’ ὅ γ’ ἀνὴρ ὅν φημι δαΐφρων Τυδέος υἱὸς ### book 5.185 οὐχ ὅ γ’ ἄνευθε θεοῦ τάδε μαίνεται, ἀλλά τις ἄγχι ### book 5.186 ἕστηκ’ ἀθανάτων νεφέλῃ εἰλυμένος ὤμους, ### book 5.187 ὃς τούτου βέλος ὠκὺ κιχήμενον ἔτραπεν ἄλλῃ. ### book 5.188 ἤδη γάρ οἱ ἐφῆκα βέλος, καί μιν βάλον ὦμον ### book 5.189 δεξιὸν ἀντικρὺ διὰ θώρηκος γυάλοιο· ### book 5.190 καί μιν ἔγωγ’ ἐφάμην Ἀϊδωνῆϊ προϊάψειν, ### book 5.191 ἔμπης δ’ οὐκ ἐδάμασσα· θεός νύ τίς ἐστι κοτήεις. ### book 5.192 ἵπποι δ’ οὐ παρέασι καὶ ἅρματα τῶν κ’ ἐπιβαίην· ### book 5.193 ἀλλά που ἐν μεγάροισι Λυκάονος ἕνδεκα δίφροι ### book 5.194 καλοὶ πρωτοπαγεῖς νεοτευχέες· ἀμφὶ δὲ πέπλοι ### book 5.195 πέπτανται· παρὰ δέ σφιν ἑκάστῳ δίζυγες ἵπποι ### book 5.196 ἑστᾶσι κρῖ λευκὸν ἐρεπτόμενοι καὶ ὀλύρας. ### book 5.197 ἦ μέν μοι μάλα πολλὰ γέρων αἰχμητὰ Λυκάων ### book 5.198 ἐρχομένῳ ἐπέτελλε δόμοις ἔνι ποιητοῖσιν· ### book 5.199 ἵπποισίν μ’ ἐκέλευε καὶ ἅρμασιν ἐμβεβαῶτα ### book 5.200 ἀρχεύειν Τρώεσσι κατὰ κρατερὰς ὑσμίνας· ### book 5.201 ἀλλ’ ἐγὼ οὐ πιθόμην· ἦ τ’ ἂν πολὺ κέρδιον ἦεν· ### book 5.202 ἵππων φειδόμενος, μή μοι δευοίατο φορβῆς ### book 5.203 ἀνδρῶν εἰλομένων εἰωθότες ἔδμεναι ἄδην. ### book 5.204 ὣς λίπον, αὐτὰρ πεζὸς ἐς Ἴλιον εἰλήλουθα ### book 5.205 τόξοισιν πίσυνος· τὰ δέ μ’ οὐκ ἄρ’ ἔμελλον ὀνήσειν. ### book 5.206 ἤδη γὰρ δοιοῖσιν ἀριστήεσσιν ἐφῆκα ### book 5.207 Τυδεΐδῃ τε καὶ Ἀτρεΐδῃ, ἐκ δ’ ἀμφοτέροιιν ### book 5.208 ἀτρεκὲς αἷμ’ ἔσσευα βαλών, ἤγειρα δὲ μᾶλλον. ### book 5.209 τώ ῥα κακῇ αἴσῃ ἀπὸ πασσάλου ἀγκύλα τόξα ### book 5.210 ἤματι τῷ ἑλόμην ὅτε Ἴλιον εἰς ἐρατεινὴν ### book 5.211 ἡγεόμην Τρώεσσι φέρων χάριν Ἕκτορι δίῳ. ### book 5.212 εἰ δέ κε νοστήσω καὶ ἐσόψομαι ὀφθαλμοῖσι ### book 5.213 πατρίδ’ ἐμὴν ἄλοχόν τε καὶ ὑψερεφὲς μέγα δῶμα, ### book 5.214 αὐτίκ’ ἔπειτ’ ἀπ’ ἐμεῖο κάρη τάμοι ἀλλότριος φὼς ### book 5.215 εἰ μὴ ἐγὼ τάδε τόξα φαεινῷ ἐν πυρὶ θείην ### book 5.216 χερσὶ διακλάσσας· ἀνεμώλια γάρ μοι ὀπηδεῖ. ### book 5.217 Τὸν δ’ αὖτ’ Αἰνείας Τρώων ἀγὸς ἀντίον ηὔδα· ### book 5.218 μὴ δ’ οὕτως ἀγόρευε· πάρος δ’ οὐκ ἔσσεται ἄλλως, ### book 5.219 πρίν γ’ ἐπὶ νὼ τῷδ’ ἀνδρὶ σὺν ἵπποισιν καὶ ὄχεσφιν ### book 5.220 ἀντιβίην ἐλθόντε σὺν ἔντεσι πειρηθῆναι. ### book 5.221 ἀλλ’ ἄγ’ ἐμῶν ὀχέων ἐπιβήσεο, ὄφρα ἴδηαι ### book 5.222 οἷοι Τρώϊοι ἵπποι ἐπιστάμενοι πεδίοιο ### book 5.223 κραιπνὰ μάλ’ ἔνθα καὶ ἔνθα διωκέμεν ἠδὲ φέβεσθαι· ### book 5.224 τὼ καὶ νῶϊ πόλιν δὲ σαώσετον, εἴ περ ἂν αὖτε ### book 5.225 Ζεὺς ἐπὶ Τυδεΐδῃ Διομήδεϊ κῦδος ὀρέξῃ. ### book 5.226 ἀλλ’ ἄγε νῦν μάστιγα καὶ ἡνία σιγαλόεντα ### book 5.227 δέξαι, ἐγὼ δ’ ἵππων ἀποβήσομαι ὄφρα μάχωμαι· ### book 5.228 ἠὲ σὺ τόνδε δέδεξο, μελήσουσιν δ’ ἐμοὶ ἵπποι. ### book 5.229 Τὸν δ’ αὖτε προσέειπε Λυκάονος ἀγλαὸς υἱός· ### book 5.230 Αἰνεία σὺ μὲν αὐτὸς ἔχ’ ἡνία καὶ τεὼ ἵππω· ### book 5.231 μᾶλλον ὑφ’ ἡνιόχῳ εἰωθότι καμπύλον ἅρμα ### book 5.232 οἴσετον, εἴ περ ἂν αὖτε φεβώμεθα Τυδέος υἱόν· ### book 5.233 μὴ τὼ μὲν δείσαντε ματήσετον, οὐδ’ ἐθέλητον ### book 5.234 ἐκφερέμεν πολέμοιο τεὸν φθόγγον ποθέοντε, ### book 5.235 νῶϊ δ’ ἐπαΐξας μεγαθύμου Τυδέος υἱὸς ### book 5.236 αὐτώ τε κτείνῃ καὶ ἐλάσσῃ μώνυχας ἵππους. ### book 5.237 ἀλλὰ σύ γ’ αὐτὸς ἔλαυνε τέ’ ἅρματα καὶ τεὼ ἵππω, ### book 5.238 τὸν δὲ δ’ ἐγὼν ἐπιόντα δεδέξομαι ὀξέϊ δουρί. ### book 5.239 Ὣς ἄρα φωνήσαντες ἐς ἅρματα ποικίλα βάντες ### book 5.240 ἐμμεμαῶτ’ ἐπὶ Τυδεΐδῃ ἔχον ὠκέας ἵππους. ### book 5.241 τοὺς δὲ ἴδε Σθένελος Καπανήϊος ἀγλαὸς υἱός, ### book 5.242 αἶψα δὲ Τυδεΐδην ἔπεα πτερόεντα προσηύδα· ### book 5.243 Τυδεΐδη Διόμηδες ἐμῷ κεχαρισμένε θυμῷ, ### book 5.244 ἄνδρ’ ὁρόω κρατερὼ ἐπὶ σοὶ μεμαῶτε μάχεσθαι ### book 5.245 ἶν’ ἀπέλεθρον ἔχοντας· ὃ μὲν τόξων ἐῢ εἰδὼς ### book 5.246 Πάνδαρος, υἱὸς δ’ αὖτε Λυκάονος εὔχεται εἶναι· ### book 5.247 Αἰνείας δ’ υἱὸς μὲν ἀμύμονος Ἀγχίσαο ### book 5.248 εὔχεται ἐκγεγάμεν, μήτηρ δέ οἵ ἐστ’ Ἀφροδίτη. ### book 5.249 ἀλλ’ ἄγε δὴ χαζώμεθ’ ἐφ’ ἵππων, μηδέ μοι οὕτω ### book 5.250 θῦνε διὰ προμάχων, μή πως φίλον ἦτορ ὀλέσσῃς. ### book 5.251 Τὸν δ’ ἄρ’ ὑπόδρα ἰδὼν προσέφη κρατερὸς Διομήδης· ### book 5.252 μή τι φόβον δ’ ἀγόρευ’, ἐπεὶ οὐδὲ σὲ πεισέμεν οἴω. ### book 5.253 οὐ γάρ μοι γενναῖον ἀλυσκάζοντι μάχεσθαι ### book 5.254 οὐδὲ καταπτώσσειν· ἔτι μοι μένος ἔμπεδόν ἐστιν· ### book 5.255 ὀκνείω δ’ ἵππων ἐπιβαινέμεν, ἀλλὰ καὶ αὔτως ### book 5.256 ἀντίον εἶμ’ αὐτῶν· τρεῖν μ’ οὐκ ἐᾷ Παλλὰς Ἀθήνη. ### book 5.257 τούτω δ’ οὐ πάλιν αὖτις ἀποίσετον ὠκέες ἵπποι ### book 5.258 ἄμφω ἀφ’ ἡμείων, εἴ γ’ οὖν ἕτερός γε φύγῃσιν. ### book 5.259 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσιν· ### book 5.260 αἴ κέν μοι πολύβουλος Ἀθήνη κῦδος ὀρέξῃ ### book 5.261 ἀμφοτέρω κτεῖναι, σὺ δὲ τούσδε μὲν ὠκέας ἵππους ### book 5.262 αὐτοῦ ἐρυκακέειν ἐξ ἄντυγος ἡνία τείνας, ### book 5.263 Αἰνείαο δ’ ἐπαΐξαι μεμνημένος ἵππων, ### book 5.264 ἐκ δ’ ἐλάσαι Τρώων μετ’ ἐϋκνήμιδας Ἀχαιούς. ### book 5.265 τῆς γάρ τοι γενεῆς ἧς Τρωΐ περ εὐρύοπα Ζεὺς ### book 5.266 δῶχ’ υἷος ποινὴν Γανυμήδεος, οὕνεκ’ ἄριστοι ### book 5.267 ἵππων ὅσσοι ἔασιν ὑπ’ ἠῶ τ’ ἠέλιόν τε, ### book 5.268 τῆς γενεῆς ἔκλεψεν ἄναξ ἀνδρῶν Ἀγχίσης ### book 5.269 λάθρῃ Λαομέδοντος ὑποσχὼν θήλεας ἵππους· ### book 5.270 τῶν οἱ ἓξ ἐγένοντο ἐνὶ μεγάροισι γενέθλη. ### book 5.271 τοὺς μὲν τέσσαρας αὐτὸς ἔχων ἀτίταλλ’ ἐπὶ φάτνῃ, ### book 5.272 τὼ δὲ δύ’ Αἰνείᾳ δῶκεν μήστωρε φόβοιο. ### book 5.273 εἰ τούτω κε λάβοιμεν, ἀροίμεθά κε κλέος ἐσθλόν. ### book 5.274 Ὣς οἳ μὲν τοιαῦτα πρὸς ἀλλήλους ἀγόρευον, ### book 5.275 τὼ δὲ τάχ’ ἐγγύθεν ἦλθον ἐλαύνοντ’ ὠκέας ἵππους. ### book 5.276 τὸν πρότερος προσέειπε Λυκάονος ἀγλαὸς υἱός· ### book 5.277 καρτερόθυμε δαΐφρον ἀγαυοῦ Τυδέος υἱὲ ### book 5.278 ἦ μάλα ς’ οὐ βέλος ὠκὺ δαμάσσατο πικρὸς ὀϊστός· ### book 5.279 νῦν αὖτ’ ἐγχείῃ πειρήσομαι αἴ κε τύχωμι. ### book 5.280 Ἦ ῥα καὶ ἀμπεπαλὼν προΐει δολιχόσκιον ἔγχος ### book 5.281 καὶ βάλε Τυδεΐδαο κατ’ ἀσπίδα· τῆς δὲ διὰ πρὸ ### book 5.282 αἰχμὴ χαλκείη πταμένη θώρηκι πελάσθη· ### book 5.283 τῷ δ’ ἐπὶ μακρὸν ἄϋσε Λυκάονος ἀγλαὸς υἱός· ### book 5.284 βέβληαι κενεῶνα διαμπερές, οὐδέ ς’ ὀΐω ### book 5.285 δηρὸν ἔτ’ ἀνσχήσεσθαι· ἐμοὶ δὲ μέγ’ εὖχος ἔδωκας. ### book 5.286 Τὸν δ’ οὐ ταρβήσας προσέφη κρατερὸς Διομήδης· ### book 5.287 ἤμβροτες οὐδ’ ἔτυχες· ἀτὰρ οὐ μὲν σφῶΐ γ’ ὀΐω ### book 5.288 πρίν γ’ ἀποπαύσεσθαι πρίν γ’ ἢ ἕτερόν γε πεσόντα ### book 5.289 αἵματος ἆσαι Ἄρηα, ταλαύρινον πολεμιστήν. ### book 5.290 Ὣς φάμενος προέηκε· βέλος δ’ ἴθυνεν Ἀθήνη ### book 5.291 ῥῖνα παρ’ ὀφθαλμόν, λευκοὺς δ’ ἐπέρησεν ὀδόντας. ### book 5.292 τοῦ δ’ ἀπὸ μὲν γλῶσσαν πρυμνὴν τάμε χαλκὸς ἀτειρής, ### book 5.293 αἰχμὴ δ’ ἐξελύθη παρὰ νείατον ἀνθερεῶνα· ### book 5.294 ἤριπε δ’ ἐξ ὀχέων, ἀράβησε δὲ τεύχε’ ἐπ’ αὐτῷ ### book 5.295 αἰόλα παμφανόωντα, παρέτρεσσαν δέ οἱ ἵπποι ### book 5.296 ὠκύποδες· τοῦ δ’ αὖθι λύθη ψυχή τε μένος τε. ### book 5.297 Αἰνείας δ’ ἀπόρουσε σὺν ἀσπίδι δουρί τε μακρῷ ### book 5.298 δείσας μή πώς οἱ ἐρυσαίατο νεκρὸν Ἀχαιοί. ### book 5.299 ἀμφὶ δ’ ἄρ’ αὐτῷ βαῖνε λέων ὣς ἀλκὶ πεποιθώς, ### book 5.300 πρόσθε δέ οἱ δόρυ τ’ ἔσχε καὶ ἀσπίδα πάντος’ ἐΐσην, ### book 5.301 τὸν κτάμεναι μεμαὼς ὅς τις τοῦ γ’ ἀντίος ἔλθοι ### book 5.302 σμερδαλέα ἰάχων· ὃ δὲ χερμάδιον λάβε χειρὶ ### book 5.303 Τυδεΐδης μέγα ἔργον ὃ οὐ δύο γ’ ἄνδρε φέροιεν, ### book 5.304 οἷοι νῦν βροτοί εἰς’· ὃ δέ μιν ῥέα πάλλε καὶ οἶος. ### book 5.305 τῷ βάλεν Αἰνείαο κατ’ ἰσχίον ἔνθά τε μηρὸς ### book 5.306 ἰσχίῳ ἐνστρέφεται, κοτύλην δέ τέ μιν καλέουσι· ### book 5.307 θλάσσε δέ οἱ κοτύλην, πρὸς δ’ ἄμφω ῥῆξε τένοντε· ### book 5.308 ὦσε δ’ ἀπὸ ῥινὸν τρηχὺς λίθος· αὐτὰρ ὅ γ’ ἥρως ### book 5.309 ἔστη γνὺξ ἐριπὼν καὶ ἐρείσατο χειρὶ παχείῃ ### book 5.310 γαίης· ἀμφὶ δὲ ὄσσε κελαινὴ νὺξ ἐκάλυψε. ### book 5.311 Καί νύ κεν ἔνθ’ ἀπόλοιτο ἄναξ ἀνδρῶν Αἰνείας, ### book 5.312 εἰ μὴ ἄρ’ ὀξὺ νόησε Διὸς θυγάτηρ Ἀφροδίτη ### book 5.313 μήτηρ, ἥ μιν ὑπ’ Ἀγχίσῃ τέκε βουκολέοντι· ### book 5.314 ἀμφὶ δ’ ἑὸν φίλον υἱὸν ἐχεύατο πήχεε λευκώ, ### book 5.315 πρόσθε δέ οἱ πέπλοιο φαεινοῦ πτύγμα κάλυψεν ### book 5.316 ἕρκος ἔμεν βελέων, μή τις Δαναῶν ταχυπώλων ### book 5.317 χαλκὸν ἐνὶ στήθεσσι βαλὼν ἐκ θυμὸν ἕλοιτο. ### book 5.318 ἣ μὲν ἑὸν φίλον υἱὸν ὑπεξέφερεν πολέμοιο· ### book 5.319 οὐδ’ υἱὸς Καπανῆος ἐλήθετο συνθεσιάων ### book 5.320 τάων ἃς ἐπέτελλε βοὴν ἀγαθὸς Διομήδης, ### book 5.321 ἀλλ’ ὅ γε τοὺς μὲν ἑοὺς ἠρύκακε μώνυχας ἵππους ### book 5.322 νόσφιν ἀπὸ φλοίσβου ἐξ ἄντυγος ἡνία τείνας, ### book 5.323 Αἰνείαο δ’ ἐπαΐξας καλλίτριχας ἵππους ### book 5.324 ἐξέλασε Τρώων μετ’ ἐϋκνήμιδας Ἀχαιούς. ### book 5.325 δῶκε δὲ Δηϊπύλῳ ἑτάρῳ φίλῳ, ὃν περὶ πάσης ### book 5.326 τῖεν ὁμηλικίης ὅτι οἱ φρεσὶν ἄρτια ᾔδη, ### book 5.327 νηυσὶν ἔπι γλαφυρῇσιν ἐλαυνέμεν· αὐτὰρ ὅ γ’ ἥρως ### book 5.328 ὧν ἵππων ἐπιβὰς ἔλαβ’ ἡνία σιγαλόεντα, ### book 5.329 αἶψα δὲ Τυδεΐδην μέθεπε κρατερώνυχας ἵππους ### book 5.330 ἐμμεμαώς· ὃ δὲ Κύπριν ἐπῴχετο νηλέϊ χαλκῷ ### book 5.331 γιγνώσκων ὅ τ’ ἄναλκις ἔην θεός, οὐδὲ θεάων ### book 5.332 τάων αἵ τ’ ἀνδρῶν πόλεμον κάτα κοιρανέουσιν, ### book 5.333 οὔτ’ ἄρ’ Ἀθηναίη οὔτε πτολίπορθος Ἐνυώ. ### book 5.334 ἀλλ’ ὅτε δή ῥ’ ἐκίχανε πολὺν καθ’ ὅμιλον ὀπάζων, ### book 5.335 ἔνθ’ ἐπορεξάμενος μεγαθύμου Τυδέος υἱὸς ### book 5.336 ἄκρην οὔτασε χεῖρα μετάλμενος ὀξέϊ δουρὶ ### book 5.337 ἀβληχρήν· εἶθαρ δὲ δόρυ χροὸς ἀντετόρησεν ### book 5.338 ἀμβροσίου διὰ πέπλου, ὅν οἱ Χάριτες κάμον αὐταί, ### book 5.339 πρυμνὸν ὕπερ θέναρος· ῥέε δ’ ἄμβροτον αἷμα θεοῖο ### book 5.340 ἰχώρ, οἷός πέρ τε ῥέει μακάρεσσι θεοῖσιν· ### book 5.341 οὐ γὰρ σῖτον ἔδους’, οὐ πίνους’ αἴθοπα οἶνον, ### book 5.342 τοὔνεκ’ ἀναίμονές εἰσι καὶ ἀθάνατοι καλέονται. ### book 5.343 ἣ δὲ μέγα ἰάχουσα ἀπὸ ἕο κάββαλεν υἱόν· ### book 5.344 καὶ τὸν μὲν μετὰ χερσὶν ἐρύσατο Φοῖβος Ἀπόλλων ### book 5.345 κυανέῃ νεφέλῃ, μή τις Δαναῶν ταχυπώλων ### book 5.346 χαλκὸν ἐνὶ στήθεσσι βαλὼν ἐκ θυμὸν ἕλοιτο· ### book 5.347 τῇ δ’ ἐπὶ μακρὸν ἄϋσε βοὴν ἀγαθὸς Διομήδης· ### book 5.348 εἶκε Διὸς θύγατερ πολέμου καὶ δηϊοτῆτος· ### book 5.349 ἦ οὐχ ἅλις ὅττι γυναῖκας ἀνάλκιδας ἠπεροπεύεις; ### book 5.350 εἰ δὲ σύ γ’ ἐς πόλεμον πωλήσεαι, ἦ τέ ς’ ὀΐω ### book 5.351 ῥιγήσειν πόλεμόν γε καὶ εἴ χ’ ἑτέρωθι πύθηαι. ### book 5.352 Ὣς ἔφαθ’, ἣ δ’ ἀλύους’ ἀπεβήσετο, τείρετο δ’ αἰνῶς· ### book 5.353 τὴν μὲν ἄρ’ Ἶρις ἑλοῦσα ποδήνεμος ἔξαγ’ ὁμίλου ### book 5.354 ἀχθομένην ὀδύνῃσι, μελαίνετο δὲ χρόα καλόν. ### book 5.355 εὗρεν ἔπειτα μάχης ἐπ’ ἀριστερὰ θοῦρον Ἄρηα ### book 5.356 ἥμενον· ἠέρι δ’ ἔγχος ἐκέκλιτο καὶ ταχέ’ ἵππω· ### book 5.357 ἣ δὲ γνὺξ ἐριποῦσα κασιγνήτοιο φίλοιο ### book 5.358 πολλὰ λισσομένη χρυσάμπυκας ᾔτεεν ἵππους· ### book 5.359 φίλε κασίγνητε κόμισαί τέ με δός τέ μοι ἵππους, ### book 5.360 ὄφρ’ ἐς Ὄλυμπον ἵκωμαι ἵν’ ἀθανάτων ἕδος ἐστί. ### book 5.361 λίην ἄχθομαι ἕλκος ὅ με βροτὸς οὔτασεν ἀνὴρ ### book 5.362 Τυδεΐδης, ὃς νῦν γε καὶ ἂν Διὶ πατρὶ μάχοιτο. ### book 5.363 Ὣς φάτο, τῇ δ’ ἄρ’ Ἄρης δῶκε χρυσάμπυκας ἵππους· ### book 5.364 ἣ δ’ ἐς δίφρον ἔβαινεν ἀκηχεμένη φίλον ἦτορ, ### book 5.365 πὰρ δέ οἱ Ἶρις ἔβαινε καὶ ἡνία λάζετο χερσί, ### book 5.366 μάστιξεν δ’ ἐλάαν, τὼ δ’ οὐκ ἀέκοντε πετέσθην. ### book 5.367 αἶψα δ’ ἔπειθ’ ἵκοντο θεῶν ἕδος αἰπὺν Ὄλυμπον· ### book 5.368 ἔνθ’ ἵππους ἔστησε ποδήνεμος ὠκέα Ἶρις ### book 5.369 λύσας’ ἐξ ὀχέων, παρὰ δ’ ἀμβρόσιον βάλεν εἶδαρ· ### book 5.370 ἣ δ’ ἐν γούνασι πῖπτε Διώνης δῖ’ Ἀφροδίτη ### book 5.371 μητρὸς ἑῆς· ἣ δ’ ἀγκὰς ἐλάζετο θυγατέρα ἥν, ### book 5.372 χειρί τέ μιν κατέρεξεν ἔπος τ’ ἔφατ’ ἐκ τ’ ὀνόμαζε· ### book 5.373 τίς νύ σε τοιάδ’ ἔρεξε φίλον τέκος Οὐρανιώνων ### book 5.374 μαψιδίως, ὡς εἴ τι κακὸν ῥέζουσαν ἐνωπῇ; ### book 5.375 Τὴν δ’ ἠμείβετ’ ἔπειτα φιλομμειδὴς Ἀφροδίτη· ### book 5.376 οὖτά με Τυδέος υἱὸς ὑπέρθυμος Διομήδης, ### book 5.377 οὕνεκ’ ἐγὼ φίλον υἱὸν ὑπεξέφερον πολέμοιο ### book 5.378 Αἰνείαν, ὃς ἐμοὶ πάντων πολὺ φίλτατός ἐστιν. ### book 5.379 οὐ γὰρ ἔτι Τρώων καὶ Ἀχαιῶν φύλοπις αἰνή, ### book 5.380 ἀλλ’ ἤδη Δαναοί γε καὶ ἀθανάτοισι μάχονται. ### book 5.381 Τὴν δ’ ἠμείβετ’ ἔπειτα Διώνη, δῖα θεάων· ### book 5.382 τέτλαθι τέκνον ἐμόν, καὶ ἀνάσχεο κηδομένη περ· ### book 5.383 πολλοὶ γὰρ δὴ τλῆμεν Ὀλύμπια δώματ’ ἔχοντες ### book 5.384 ἐξ ἀνδρῶν χαλέπ’ ἄλγε’ ἐπ’ ἀλλήλοισι τιθέντες. ### book 5.385 τλῆ μὲν Ἄρης ὅτε μιν Ὦτος κρατερός τ’ Ἐφιάλτης ### book 5.386 παῖδες Ἀλωῆος, δῆσαν κρατερῷ ἐνὶ δεσμῷ· ### book 5.387 χαλκέῳ δ’ ἐν κεράμῳ δέδετο τρισκαίδεκα μῆνας· ### book 5.388 καί νύ κεν ἔνθ’ ἀπόλοιτο Ἄρης ἆτος πολέμοιο, ### book 5.389 εἰ μὴ μητρυιὴ περικαλλὴς Ἠερίβοια ### book 5.390 Ἑρμέᾳ ἐξήγγειλεν· ὃ δ’ ἐξέκλεψεν Ἄρηα ### book 5.391 ἤδη τειρόμενον, χαλεπὸς δέ ἑ δεσμὸς ἐδάμνα. ### book 5.392 τλῆ δ’ Ἥρη, ὅτε μιν κρατερὸς πάϊς Ἀμφιτρύωνος ### book 5.393 δεξιτερὸν κατὰ μαζὸν ὀϊστῷ τριγλώχινι ### book 5.394 βεβλήκει· τότε καί μιν ἀνήκεστον λάβεν ἄλγος. ### book 5.395 τλῆ δ’ Ἀΐδης ἐν τοῖσι πελώριος ὠκὺν ὀϊστόν, ### book 5.396 εὖτέ μιν ωὐτὸς ἀνὴρ υἱὸς Διὸς αἰγιόχοιο ### book 5.397 ἐν Πύλῳ ἐν νεκύεσσι βαλὼν ὀδύνῃσιν ἔδωκεν· ### book 5.398 αὐτὰρ ὃ βῆ πρὸς δῶμα Διὸς καὶ μακρὸν Ὄλυμπον ### book 5.399 κῆρ ἀχέων ὀδύνῃσι πεπαρμένος· αὐτὰρ ὀϊστὸς ### book 5.400 ὤμῳ ἔνι στιβαρῷ ἠλήλατο, κῆδε δὲ θυμόν. ### book 5.401 τῷ δ’ ἐπὶ Παιήων ὀδυνήφατα φάρμακα πάσσων ### book 5.402 ἠκέσατ’· οὐ μὲν γάρ τι καταθνητός γε τέτυκτο. ### book 5.403 σχέτλιος ὀβριμοεργὸς ὃς οὐκ ὄθετ’ αἴσυλα ῥέζων, ### book 5.404 ὃς τόξοισιν ἔκηδε θεοὺς οἳ Ὄλυμπον ἔχουσι. ### book 5.405 σοὶ δ’ ἐπὶ τοῦτον ἀνῆκε θεὰ γλαυκῶπις Ἀθήνη· ### book 5.406 νήπιος, οὐδὲ τὸ οἶδε κατὰ φρένα Τυδέος υἱὸς ### book 5.407 ὅττι μάλ’ οὐ δηναιὸς ὃς ἀθανάτοισι μάχηται, ### book 5.408 οὐδέ τί μιν παῖδες ποτὶ γούνασι παππάζουσιν ### book 5.409 ἐλθόντ’ ἐκ πολέμοιο καὶ αἰνῆς δηϊοτῆτος. ### book 5.410 τὼ νῦν Τυδεΐδης, εἰ καὶ μάλα καρτερός ἐστι, ### book 5.411 φραζέσθω μή τίς οἱ ἀμείνων σεῖο μάχηται, ### book 5.412 μὴ δὴν Αἰγιάλεια περίφρων Ἀδρηστίνη ### book 5.413 ἐξ ὕπνου γοόωσα φίλους οἰκῆας ἐγείρῃ ### book 5.414 κουρίδιον ποθέουσα πόσιν τὸν ἄριστον Ἀχαιῶν ### book 5.415 ἰφθίμη ἄλοχος Διομήδεος ἱπποδάμοιο. ### book 5.416 Ἦ ῥα καὶ ἀμφοτέρῃσιν ἀπ’ ἰχῶ χειρὸς ὀμόργνυ· ### book 5.417 ἄλθετο χείρ, ὀδύναι δὲ κατηπιόωντο βαρεῖαι. ### book 5.418 αἳ δ’ αὖτ’ εἰσορόωσαι Ἀθηναίη τε καὶ Ἥρη ### book 5.419 κερτομίοις ἐπέεσσι Δία Κρονίδην ἐρέθιζον. ### book 5.420 τοῖσι δὲ μύθων ἦρχε θεὰ γλαυκῶπις Ἀθήνη· ### book 5.421 Ζεῦ πάτερ ἦ ῥά τί μοι κεχολώσεαι ὅττι κεν εἴπω; ### book 5.422 ἦ μάλα δή τινα Κύπρις Ἀχαιϊάδων ἀνιεῖσα ### book 5.423 Τρωσὶν ἅμα σπέσθαι, τοὺς νῦν ἔκπαγλα φίλησε, ### book 5.424 τῶν τινα καρρέζουσα Ἀχαιϊάδων ἐϋπέπλων ### book 5.425 πρὸς χρυσῇ περόνῃ καταμύξατο χεῖρα ἀραιήν. ### book 5.426 Ὣς φάτο, μείδησεν δὲ πατὴρ ἀνδρῶν τε θεῶν τε, ### book 5.427 καί ῥα καλεσσάμενος προσέφη χρυσῆν Ἀφροδίτην· ### book 5.428 οὔ τοι τέκνον ἐμὸν δέδοται πολεμήϊα ἔργα, ### book 5.429 ἀλλὰ σύ γ’ ἱμερόεντα μετέρχεο ἔργα γάμοιο, ### book 5.430 ταῦτα δ’ Ἄρηϊ θοῷ καὶ Ἀθήνῃ πάντα μελήσει. ### book 5.431 Ὣς οἳ μὲν τοιαῦτα πρὸς ἀλλήλους ἀγόρευον, ### book 5.432 Αἰνείᾳ δ’ ἐπόρουσε βοὴν ἀγαθὸς Διομήδης, ### book 5.433 γιγνώσκων ὅ οἱ αὐτὸς ὑπείρεχε χεῖρας Ἀπόλλων· ### book 5.434 ἀλλ’ ὅ γ’ ἄρ’ οὐδὲ θεὸν μέγαν ἅζετο, ἵετο δ’ αἰεὶ ### book 5.435 Αἰνείαν κτεῖναι καὶ ἀπὸ κλυτὰ τεύχεα δῦσαι. ### book 5.436 τρὶς μὲν ἔπειτ’ ἐπόρουσε κατακτάμεναι μενεαίνων, ### book 5.437 τρὶς δέ οἱ ἐστυφέλιξε φαεινὴν ἀσπίδ’ Ἀπόλλων· ### book 5.438 ἀλλ’ ὅτε δὴ τὸ τέταρτον ἐπέσσυτο δαίμονι ἶσος, ### book 5.439 δεινὰ δ’ ὁμοκλήσας προσέφη ἑκάεργος Ἀπόλλων· ### book 5.440 φράζεο Τυδεΐδη καὶ χάζεο, μηδὲ θεοῖσιν ### book 5.441 ἶς’ ἔθελε φρονέειν, ἐπεὶ οὔ ποτε φῦλον ὁμοῖον ### book 5.442 ἀθανάτων τε θεῶν χαμαὶ ἐρχομένων τ’ ἀνθρώπων. ### book 5.443 Ὣς φάτο, Τυδεΐδης δ’ ἀνεχάζετο τυτθὸν ὀπίσσω ### book 5.444 μῆνιν ἀλευάμενος ἑκατηβόλου Ἀπόλλωνος. ### book 5.445 Αἰνείαν δ’ ἀπάτερθεν ὁμίλου θῆκεν Ἀπόλλων ### book 5.446 Περγάμῳ εἰν ἱερῇ, ὅθι οἱ νηός γε τέτυκτο. ### book 5.447 ἤτοι τὸν Λητώ τε καὶ Ἄρτεμις ἰοχέαιρα ### book 5.448 ἐν μεγάλῳ ἀδύτῳ ἀκέοντό τε κύδαινόν τε· ### book 5.449 αὐτὰρ ὃ εἴδωλον τεῦξ’ ἀργυρότοξος Ἀπόλλων ### book 5.450 αὐτῷ τ’ Αἰνείᾳ ἴκελον καὶ τεύχεσι τοῖον, ### book 5.451 ἀμφὶ δ’ ἄρ’ εἰδώλῳ Τρῶες καὶ δῖοι Ἀχαιοὶ ### book 5.452 δῄουν ἀλλήλων ἀμφὶ στήθεσσι βοείας ### book 5.453 ἀσπίδας εὐκύκλους λαισήϊά τε πτερόεντα. ### book 5.454 δὴ τότε θοῦρον Ἄρηα προσηύδα Φοῖβος Ἀπόλλων· ### book 5.455 Ἆρες Ἄρες βροτολοιγὲ μιαιφόνε τειχεσιπλῆτα, ### book 5.456 οὐκ ἂν δὴ τόνδ’ ἄνδρα μάχης ἐρύσαιο μετελθὼν ### book 5.457 Τυδεΐδην, ὃς νῦν γε καὶ ἂν Διὶ πατρὶ μάχοιτο; ### book 5.458 Κύπριδα μὲν πρῶτα σχεδὸν οὔτασε χεῖρ’ ἐπὶ καρπῷ, ### book 5.459 αὐτὰρ ἔπειτ’ αὐτῷ μοι ἐπέσσυτο δαίμονι ἶσος. ### book 5.460 Ὣς εἰπὼν αὐτὸς μὲν ἐφέζετο Περγάμῳ ἄκρῃ, ### book 5.461 Τρῳὰς δὲ στίχας οὖλος Ἄρης ὄτρυνε μετελθὼν ### book 5.462 εἰδόμενος Ἀκάμαντι θοῷ ἡγήτορι Θρῃκῶν· ### book 5.463 υἱάσι δὲ Πριάμοιο διοτρεφέεσσι κέλευεν· ### book 5.464 ὦ υἱεῖς Πριάμοιο διοτρεφέος βασιλῆος ### book 5.465 ἐς τί ἔτι κτείνεσθαι ἐάσετε λαὸν Ἀχαιοῖς; ### book 5.466 ἦ εἰς ὅ κεν ἀμφὶ πύλῃς εὖ ποιητῇσι μάχωνται; ### book 5.467 κεῖται ἀνὴρ ὃν ἶσον ἐτίομεν Ἕκτορι δίῳ ### book 5.468 Αἰνείας υἱὸς μεγαλήτορος Ἀγχίσαο· ### book 5.469 ἀλλ’ ἄγετ’ ἐκ φλοίσβοιο σαώσομεν ἐσθλὸν ἑταῖρον. ### book 5.470 Ὣς εἰπὼν ὄτρυνε μένος καὶ θυμὸν ἑκάστου. ### book 5.471 ἔνθ’ αὖ Σαρπηδὼν μάλα νείκεσεν Ἕκτορα δῖον· ### book 5.472 Ἕκτορ πῇ δή τοι μένος οἴχεται ὃ πρὶν ἔχεσκες; ### book 5.473 φῆς που ἄτερ λαῶν πόλιν ἑξέμεν ἠδ’ ἐπικούρων ### book 5.474 οἶος σὺν γαμβροῖσι κασιγνήτοισί τε σοῖσι. ### book 5.475 τῶν νῦν οὔ τιν’ ἐγὼ ἰδέειν δύναμ’ οὐδὲ νοῆσαι, ### book 5.476 ἀλλὰ καταπτώσσουσι κύνες ὣς ἀμφὶ λέοντα· ### book 5.477 ἡμεῖς δὲ μαχόμεσθ’ οἵ πέρ τ’ ἐπίκουροι ἔνειμεν. ### book 5.478 καὶ γὰρ ἐγὼν ἐπίκουρος ἐὼν μάλα τηλόθεν ἥκω· ### book 5.479 τηλοῦ γὰρ Λυκίη Ξάνθῳ ἔπι δινήεντι, ### book 5.480 ἔνθ’ ἄλοχόν τε φίλην ἔλιπον καὶ νήπιον υἱόν, ### book 5.481 κὰδ δὲ κτήματα πολλά, τὰ ἔλδεται ὅς κ’ ἐπιδευής. ### book 5.482 ἀλλὰ καὶ ὧς Λυκίους ὀτρύνω καὶ μέμον’ αὐτὸς ### book 5.483 ἀνδρὶ μαχήσασθαι· ἀτὰρ οὔ τί μοι ἐνθάδε τοῖον ### book 5.484 οἷόν κ’ ἠὲ φέροιεν Ἀχαιοὶ ἤ κεν ἄγοιεν· ### book 5.485 τύνη δ’ ἕστηκας, ἀτὰρ οὐδ’ ἄλλοισι κελεύεις ### book 5.486 λαοῖσιν μενέμεν καὶ ἀμυνέμεναι ὤρεσσι. ### book 5.487 μή πως ὡς ἀψῖσι λίνου ἁλόντε πανάγρου ### book 5.488 ἀνδράσι δυσμενέεσσιν ἕλωρ καὶ κύρμα γένησθε· ### book 5.489 οἳ δὲ τάχ’ ἐκπέρσους’ εὖ ναιομένην πόλιν ὑμήν. ### book 5.490 σοὶ δὲ χρὴ τάδε πάντα μέλειν νύκτάς τε καὶ ἦμαρ ### book 5.491 ἀρχοὺς λισσομένῳ τηλεκλειτῶν ἐπικούρων ### book 5.492 νωλεμέως ἐχέμεν, κρατερὴν δ’ ἀποθέσθαι ἐνιπήν. ### book 5.493 Ὣς φάτο Σαρπηδών, δάκε δὲ φρένας Ἕκτορι μῦθος· ### book 5.494 αὐτίκα δ’ ἐξ ὀχέων σὺν τεύχεσιν ἆλτο χαμᾶζε, ### book 5.495 πάλλων δ’ ὀξέα δοῦρα κατὰ στρατὸν ᾤχετο πάντῃ ### book 5.496 ὀτρύνων μαχέσασθαι, ἔγειρε δὲ φύλοπιν αἰνήν. ### book 5.497 οἳ δ’ ἐλελίχθησαν καὶ ἐναντίοι ἔσταν Ἀχαιῶν· ### book 5.498 Ἀργεῖοι δ’ ὑπέμειναν ἀολλέες οὐδὲ φόβηθεν. ### book 5.499 ὡς δ’ ἄνεμος ἄχνας φορέει ἱερὰς κατ’ ἀλωὰς ### book 5.500 ἀνδρῶν λικμώντων, ὅτε τε ξανθὴ Δημήτηρ ### book 5.501 κρίνῃ ἐπειγομένων ἀνέμων καρπόν τε καὶ ἄχνας, ### book 5.502 αἳ δ’ ὑπολευκαίνονται ἀχυρμιαί· ὣς τότ’ Ἀχαιοὶ ### book 5.503 λευκοὶ ὕπερθε γένοντο κονισάλῳ, ὅν ῥα δι’ αὐτῶν ### book 5.504 οὐρανὸν ἐς πολύχαλκον ἐπέπληγον πόδες ἵππων ### book 5.505 ἂψ ἐπιμισγομένων· ὑπὸ δ’ ἔστρεφον ἡνιοχῆες. ### book 5.506 οἳ δὲ μένος χειρῶν ἰθὺς φέρον· ἀμφὶ δὲ νύκτα ### book 5.507 θοῦρος Ἄρης ἐκάλυψε μάχῃ Τρώεσσιν ἀρήγων ### book 5.508 πάντος’ ἐποιχόμενος· τοῦ δ’ ἐκραίαινεν ἐφετμὰς ### book 5.509 Φοίβου Ἀπόλλωνος χρυσαόρου, ὅς μιν ἀνώγει ### book 5.510 Τρωσὶν θυμὸν ἐγεῖραι, ἐπεὶ ἴδε Παλλάδ’ Ἀθήνην ### book 5.511 οἰχομένην· ἣ γάρ ῥα πέλεν Δαναοῖσιν ἀρηγών. ### book 5.512 αὐτὸς δ’ Αἰνείαν μάλα πίονος ἐξ ἀδύτοιο ### book 5.513 ἧκε, καὶ ἐν στήθεσσι μένος βάλε ποιμένι λαῶν. ### book 5.514 Αἰνείας δ’ ἑτάροισι μεθίστατο· τοὶ δὲ χάρησαν, ### book 5.515 ὡς εἶδον ζωόν τε καὶ ἀρτεμέα προσιόντα ### book 5.516 καὶ μένος ἐσθλὸν ἔχοντα· μετάλλησάν γε μὲν οὔ τι. ### book 5.517 οὐ γὰρ ἔα πόνος ἄλλος, ὃν ἀργυρότοξος ἔγειρεν ### book 5.518 Ἄρης τε βροτολοιγὸς Ἔρις τ’ ἄμοτον μεμαυῖα. ### book 5.519 Τοὺς δ’ Αἴαντε δύω καὶ Ὀδυσσεὺς καὶ Διομήδης ### book 5.520 ὄτρυνον Δαναοὺς πολεμιζέμεν· οἳ δὲ καὶ αὐτοὶ ### book 5.521 οὔτε βίας Τρώων ὑπεδείδισαν οὔτε ἰωκάς, ### book 5.522 ἀλλ’ ἔμενον νεφέλῃσιν ἐοικότες ἅς τε Κρονίων ### book 5.523 νηνεμίης ἔστησεν ἐπ’ ἀκροπόλοισιν ὄρεσσιν ### book 5.524 ἀτρέμας, ὄφρ’ εὕδῃσι μένος Βορέαο καὶ ἄλλων ### book 5.525 ζαχρειῶν ἀνέμων, οἵ τε νέφεα σκιόεντα ### book 5.526 πνοιῇσιν λιγυρῇσι διασκιδνᾶσιν ἀέντες· ### book 5.527 ὣς Δαναοὶ Τρῶας μένον ἔμπεδον οὐδὲ φέβοντο. ### book 5.528 Ἀτρεΐδης δ’ ἀν’ ὅμιλον ἐφοίτα πολλὰ κελεύων· ### book 5.529 ὦ φίλοι ἀνέρες ἔστε καὶ ἄλκιμον ἦτορ ἕλεσθε, ### book 5.530 ἀλλήλους τ’ αἰδεῖσθε κατὰ κρατερὰς ὑσμίνας· ### book 5.531 αἰδομένων ἀνδρῶν πλέονες σόοι ἠὲ πέφανται· ### book 5.532 φευγόντων δ’ οὔτ’ ἂρ κλέος ὄρνυται οὔτε τις ἀλκή. ### book 5.533 Ἦ καὶ ἀκόντισε δουρὶ θοῶς, βάλε δὲ πρόμον ἄνδρα ### book 5.534 Αἰνείω ἕταρον μεγαθύμου Δηϊκόωντα ### book 5.535 Περγασίδην, ὃν Τρῶες ὁμῶς Πριάμοιο τέκεσσι ### book 5.536 τῖον, ἐπεὶ θοὸς ἔσκε μετὰ πρώτοισι μάχεσθαι. ### book 5.537 τόν ῥα κατ’ ἀσπίδα δουρὶ βάλε κρείων Ἀγαμέμνων· ### book 5.538 ἣ δ’ οὐκ ἔγχος ἔρυτο, διὰ πρὸ δὲ εἴσατο χαλκός, ### book 5.539 νειαίρῃ δ’ ἐν γαστρὶ διὰ ζωστῆρος ἔλασσε· ### book 5.540 δούπησεν δὲ πεσών, ἀράβησε δὲ τεύχε’ ἐπ’ αὐτῷ. ### book 5.541 Ἔνθ’ αὖτ’ Αἰνείας Δαναῶν ἕλεν ἄνδρας ἀρίστους ### book 5.542 υἷε Διοκλῆος Κρήθωνά τε Ὀρσίλοχόν τε, ### book 5.543 τῶν ῥα πατὴρ μὲν ἔναιεν ἐϋκτιμένῃ ἐνὶ Φηρῇ ### book 5.544 ἀφνειὸς βιότοιο, γένος δ’ ἦν ἐκ ποταμοῖο ### book 5.545 Ἀλφειοῦ, ὅς τ’ εὐρὺ ῥέει Πυλίων διὰ γαίης, ### book 5.546 ὃς τέκετ’ Ὀρτίλοχον πολέεσς’ ἄνδρεσσιν ἄνακτα· ### book 5.547 Ὀρτίλοχος δ’ ἄρ’ ἔτικτε Διοκλῆα μεγάθυμον, ### book 5.548 ἐκ δὲ Διοκλῆος διδυμάονε παῖδε γενέσθην, ### book 5.549 Κρήθων Ὀρσίλοχός τε μάχης εὖ εἰδότε πάσης. ### book 5.550 τὼ μὲν ἄρ’ ἡβήσαντε μελαινάων ἐπὶ νηῶν ### book 5.551 Ἴλιον εἰς εὔπωλον ἅμ’ Ἀργείοισιν ἑπέσθην, ### book 5.552 τιμὴν Ἀτρεΐδῃς Ἀγαμέμνονι καὶ Μενελάῳ ### book 5.553 ἀρνυμένω· τὼ δ’ αὖθι τέλος θανάτοιο κάλυψεν. ### book 5.554 οἵω τώ γε λέοντε δύω ὄρεος κορυφῇσιν ### book 5.555 ἐτραφέτην ὑπὸ μητρὶ βαθείης τάρφεσιν ὕλης· ### book 5.556 τὼ μὲν ἄρ’ ἁρπάζοντε βόας καὶ ἴφια μῆλα ### book 5.557 σταθμοὺς ἀνθρώπων κεραΐζετον, ὄφρα καὶ αὐτὼ ### book 5.558 ἀνδρῶν ἐν παλάμῃσι κατέκταθεν ὀξέϊ χαλκῷ· ### book 5.559 τοίω τὼ χείρεσσιν ὑπ’ Αἰνείαο δαμέντε ### book 5.560 καππεσέτην, ἐλάτῃσιν ἐοικότες ὑψηλῇσι. ### book 5.561 Τὼ δὲ πεσόντ’ ἐλέησεν ἀρηΐφιλος Μενέλαος, ### book 5.562 βῆ δὲ διὰ προμάχων κεκορυθμένος αἴθοπι χαλκῷ ### book 5.563 σείων ἐγχείην· τοῦ δ’ ὄτρυνεν μένος Ἄρης, ### book 5.564 τὰ φρονέων ἵνα χερσὶν ὑπ’ Αἰνείαο δαμείη. ### book 5.565 τὸν δ’ ἴδεν Ἀντίλοχος μεγαθύμου Νέστορος υἱός, ### book 5.566 βῆ δὲ διὰ προμάχων· περὶ γὰρ δίε ποιμένι λαῶν ### book 5.567 μή τι πάθοι, μέγα δέ σφας ἀποσφήλειε πόνοιο. ### book 5.568 τὼ μὲν δὴ χεῖράς τε καὶ ἔγχεα ὀξυόεντα ### book 5.569 ἀντίον ἀλλήλων ἐχέτην μεμαῶτε μάχεσθαι· ### book 5.570 Ἀντίλοχος δὲ μάλ’ ἄγχι παρίστατο ποιμένι λαῶν. ### book 5.571 Αἰνείας δ’ οὐ μεῖνε θοός περ ἐὼν πολεμιστὴς ### book 5.572 ὡς εἶδεν δύο φῶτε παρ’ ἀλλήλοισι μένοντε. ### book 5.573 οἳ δ’ ἐπεὶ οὖν νεκροὺς ἔρυσαν μετὰ λαὸν Ἀχαιῶν, ### book 5.574 τὼ μὲν ἄρα δειλὼ βαλέτην ἐν χερσὶν ἑταίρων, ### book 5.575 αὐτὼ δὲ στρεφθέντε μετὰ πρώτοισι μαχέσθην. ### book 5.576 Ἔνθα Πυλαιμένεα ἑλέτην ἀτάλαντον Ἄρηϊ ### book 5.577 ἀρχὸν Παφλαγόνων μεγαθύμων ἀσπιστάων. ### book 5.578 τὸν μὲν ἄρ’ Ἀτρεΐδης δουρικλειτὸς Μενέλαος ### book 5.579 ἑσταότ’ ἔγχεϊ νύξε κατὰ κληῗδα τυχήσας· ### book 5.580 Ἀντίλοχος δὲ Μύδωνα βάλ’ ἡνίοχον θεράποντα ### book 5.581 ἐσθλὸν Ἀτυμνιάδην· ὃ δ’ ὑπέστρεφε μώνυχας ἵππους· ### book 5.582 χερμαδίῳ ἀγκῶνα τυχὼν μέσον· ἐκ δ’ ἄρα χειρῶν ### book 5.583 ἡνία λεύκ’ ἐλέφαντι χαμαὶ πέσον ἐν κονίῃσιν. ### book 5.584 Ἀντίλοχος δ’ ἄρ’ ἐπαΐξας ξίφει ἤλασε κόρσην· ### book 5.585 αὐτὰρ ὅ γ’ ἀσθμαίνων εὐεργέος ἔκπεσε δίφρου ### book 5.586 κύμβαχος ἐν κονίῃσιν ἐπὶ βρεχμόν τε καὶ ὤμους. ### book 5.587 δηθὰ μάλ’ ἑστήκει· τύχε γάρ ῥ’ ἀμάθοιο βαθείης· ### book 5.588 ὄφρ’ ἵππω πλήξαντε χαμαὶ βάλον ἐν κονίῃσι· ### book 5.589 τοὺς ἵμας’ Ἀντίλοχος, μετὰ δὲ στρατὸν ἤλας’ Ἀχαιῶν. ### book 5.590 Τοὺς δ’ Ἕκτωρ ἐνόησε κατὰ στίχας, ὦρτο δ’ ἐπ’ αὐτοὺς ### book 5.591 κεκλήγων· ἅμα δὲ Τρώων εἵποντο φάλαγγες ### book 5.592 καρτεραί· ἦρχε δ’ ἄρα σφιν Ἄρης καὶ πότνι’ Ἐνυώ, ### book 5.593 ἣ μὲν ἔχουσα Κυδοιμὸν ἀναιδέα δηϊοτῆτος, ### book 5.594 Ἄρης δ’ ἐν παλάμῃσι πελώριον ἔγχος ἐνώμα, ### book 5.595 φοίτα δ’ ἄλλοτε μὲν πρόσθ’ Ἕκτορος, ἄλλοτ’ ὄπισθε. ### book 5.596 Τὸν δὲ ἰδὼν ῥίγησε βοὴν ἀγαθὸς Διομήδης· ### book 5.597 ὡς δ’ ὅτ’ ἀνὴρ ἀπάλαμνος ἰὼν πολέος πεδίοιο ### book 5.598 στήῃ ἐπ’ ὠκυρόῳ ποταμῷ ἅλα δὲ προρέοντι ### book 5.599 ἀφρῷ μορμύροντα ἰδών, ἀνά τ’ ἔδραμ’ ὀπίσσω, ### book 5.600 ὣς τότε Τυδεΐδης ἀνεχάζετο, εἶπέ τε λαῷ· ### book 5.601 ὦ φίλοι οἷον δὴ θαυμάζομεν Ἕκτορα δῖον ### book 5.602 αἰχμητήν τ’ ἔμεναι καὶ θαρσαλέον πολεμιστήν· ### book 5.603 τῷ δ’ αἰεὶ πάρα εἷς γε θεῶν, ὃς λοιγὸν ἀμύνει· ### book 5.604 καὶ νῦν οἱ πάρα κεῖνος Ἄρης βροτῷ ἀνδρὶ ἐοικώς. ### book 5.605 ἀλλὰ πρὸς Τρῶας τετραμμένοι αἰὲν ὀπίσσω ### book 5.606 εἴκετε, μηδὲ θεοῖς μενεαινέμεν ἶφι μάχεσθαι. ### book 5.607 Ὣς ἄρ’ ἔφη, Τρῶες δὲ μάλα σχεδὸν ἤλυθον αὐτῶν. ### book 5.608 ἔνθ’ Ἕκτωρ δύο φῶτε κατέκτανεν εἰδότε χάρμης ### book 5.609 εἰν ἑνὶ δίφρῳ ἐόντε, Μενέσθην Ἀγχίαλόν τε. ### book 5.610 τὼ δὲ πεσόντ’ ἐλέησε μέγας Τελαμώνιος Αἴας· ### book 5.611 στῆ δὲ μάλ’ ἐγγὺς ἰών, καὶ ἀκόντισε δουρὶ φαεινῷ, ### book 5.612 καὶ βάλεν Ἄμφιον Σελάγου υἱόν, ὅς ῥ’ ἐνὶ Παισῷ ### book 5.613 ναῖε πολυκτήμων πολυλήϊος· ἀλλά ἑ μοῖρα ### book 5.614 ἦγ’ ἐπικουρήσοντα μετὰ Πρίαμόν τε καὶ υἷας. ### book 5.615 τόν ῥα κατὰ ζωστῆρα βάλεν Τελαμώνιος Αἴας, ### book 5.616 νειαίρῃ δ’ ἐν γαστρὶ πάγη δολιχόσκιον ἔγχος, ### book 5.617 δούπησεν δὲ πεσών· ὃ δ’ ἐπέδραμε φαίδιμος Αἴας ### book 5.618 τεύχεα συλήσων· Τρῶες δ’ ἐπὶ δούρατ’ ἔχευαν ### book 5.619 ὀξέα παμφανόωντα· σάκος δ’ ἀνεδέξατο πολλά. ### book 5.620 αὐτὰρ ὃ λὰξ προσβὰς ἐκ νεκροῦ χάλκεον ἔγχος ### book 5.621 ἐσπάσατ’· οὐδ’ ἄρ’ ἔτ’ ἄλλα δυνήσατο τεύχεα καλὰ ### book 5.622 ὤμοιιν ἀφελέσθαι· ἐπείγετο γὰρ βελέεσσι. ### book 5.623 δεῖσε δ’ ὅ γ’ ἀμφίβασιν κρατερὴν Τρώων ἀγερώχων, ### book 5.624 οἳ πολλοί τε καὶ ἐσθλοὶ ἐφέστασαν ἔγχε’ ἔχοντες, ### book 5.625 οἵ ἑ μέγαν περ ἐόντα καὶ ἴφθιμον καὶ ἀγαυὸν ### book 5.626 ὦσαν ἀπὸ σφείων· ὃ δὲ χασσάμενος πελεμίχθη. ### book 5.627 Ὣς οἳ μὲν πονέοντο κατὰ κρατερὴν ὑσμίνην· ### book 5.628 Τληπόλεμον δ’ Ἡρακλεΐδην ἠΰν τε μέγαν τε ### book 5.629 ὦρσεν ἐπ’ ἀντιθέῳ Σαρπηδόνι μοῖρα κραταιή. ### book 5.630 οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντες ### book 5.631 υἱός θ’ υἱωνός τε Διὸς νεφεληγερέταο, ### book 5.632 τὸν καὶ Τληπόλεμος πρότερος πρὸς μῦθον ἔειπε· ### book 5.633 Σαρπῆδον Λυκίων βουληφόρε, τίς τοι ἀνάγκη ### book 5.634 πτώσσειν ἐνθάδ’ ἐόντι μάχης ἀδαήμονι φωτί; ### book 5.635 ψευδόμενοι δέ σέ φασι Διὸς γόνον αἰγιόχοιο ### book 5.636 εἶναι, ἐπεὶ πολλὸν κείνων ἐπιδεύεαι ἀνδρῶν ### book 5.637 οἳ Διὸς ἐξεγένοντο ἐπὶ προτέρων ἀνθρώπων· ### book 5.638 ἀλλ’ οἷόν τινά φασι βίην Ἡρακληείην ### book 5.639 εἶναι, ἐμὸν πατέρα θρασυμέμνονα θυμολέοντα· ### book 5.640 ὅς ποτε δεῦρ’ ἐλθὼν ἕνεχ’ ἵππων Λαομέδοντος ### book 5.641 ἓξ οἴῃς σὺν νηυσὶ καὶ ἀνδράσι παυροτέροισιν ### book 5.642 Ἰλίου ἐξαλάπαξε πόλιν, χήρωσε δ’ ἀγυιάς· ### book 5.643 σοὶ δὲ κακὸς μὲν θυμός, ἀποφθινύθουσι δὲ λαοί. ### book 5.644 οὐδέ τί σε Τρώεσσιν ὀΐομαι ἄλκαρ ἔσεσθαι ### book 5.645 ἐλθόντ’ ἐκ Λυκίης, οὐδ’ εἰ μάλα καρτερός ἐσσι, ### book 5.646 ἀλλ’ ὑπ’ ἐμοὶ δμηθέντα πύλας Ἀΐδαο περήσειν. ### book 5.647 Τὸν δ’ αὖ Σαρπηδὼν Λυκίων ἀγὸς ἀντίον ηὔδα· ### book 5.648 Τληπόλεμ’ ἤτοι κεῖνος ἀπώλεσεν Ἴλιον ἱρὴν ### book 5.649 ἀνέρος ἀφραδίῃσιν ἀγαυοῦ Λαομέδοντος, ### book 5.650 ὅς ῥά μιν εὖ ἕρξαντα κακῷ ἠνίπαπε μύθῳ, ### book 5.651 οὐδ’ ἀπέδωχ’ ἵππους, ὧν εἵνεκα τηλόθεν ἦλθε. ### book 5.652 σοὶ δ’ ἐγὼ ἐνθάδε φημὶ φόνον καὶ κῆρα μέλαιναν ### book 5.653 ἐξ ἐμέθεν τεύξεσθαι, ἐμῷ δ’ ὑπὸ δουρὶ δαμέντα ### book 5.654 εὖχος ἐμοὶ δώσειν, ψυχὴν δ’ Ἄϊδι κλυτοπώλῳ. ### book 5.655 Ὣς φάτο Σαρπηδών, ὃ δ’ ἀνέσχετο μείλινον ἔγχος ### book 5.656 Τληπόλεμος· καὶ τῶν μὲν ἁμαρτῇ δούρατα μακρὰ ### book 5.657 ἐκ χειρῶν ἤϊξαν· ὃ μὲν βάλεν αὐχένα μέσσον ### book 5.658 Σαρπηδών, αἰχμὴ δὲ διαμπερὲς ἦλθ’ ἀλεγεινή· ### book 5.659 τὸν δὲ κατ’ ὀφθαλμῶν ἐρεβεννὴ νὺξ ἐκάλυψε. ### book 5.660 Τληπόλεμος δ’ ἄρα μηρὸν ἀριστερὸν ἔγχεϊ μακρῷ ### book 5.661 βεβλήκειν, αἰχμὴ δὲ διέσσυτο μαιμώωσα ### book 5.662 ὀστέω ἐγχριμφθεῖσα, πατὴρ δ’ ἔτι λοιγὸν ἄμυνεν. ### book 5.663 Οἳ μὲν ἄρ’ ἀντίθεον Σαρπηδόνα δῖοι ἑταῖροι ### book 5.664 ἐξέφερον πολέμοιο· βάρυνε δέ μιν δόρυ μακρὸν ### book 5.665 ἑλκόμενον· τὸ μὲν οὔ τις ἐπεφράσατ’ οὐδὲ νόησε ### book 5.666 μηροῦ ἐξερύσαι δόρυ μείλινον ὄφρ’ ἐπιβαίη ### book 5.667 σπευδόντων· τοῖον γὰρ ἔχον πόνον ἀμφιέποντες. ### book 5.668 Τληπόλεμον δ’ ἑτέρωθεν ἐϋκνήμιδες Ἀχαιοὶ ### book 5.669 ἐξέφερον πολέμοιο· νόησε δὲ δῖος Ὀδυσσεὺς ### book 5.670 τλήμονα θυμὸν ἔχων, μαίμησε δέ οἱ φίλον ἦτορ· ### book 5.671 μερμήριξε δ’ ἔπειτα κατὰ φρένα καὶ κατὰ θυμὸν ### book 5.672 ἢ προτέρω Διὸς υἱὸν ἐριγδούποιο διώκοι, ### book 5.673 ἦ ὅ γε τῶν πλεόνων Λυκίων ἀπὸ θυμὸν ἕλοιτο. ### book 5.674 οὐδ’ ἄρ’ Ὀδυσσῆϊ μεγαλήτορι μόρσιμον ἦεν ### book 5.675 ἴφθιμον Διὸς υἱὸν ἀποκτάμεν ὀξέϊ χαλκῷ· ### book 5.676 τώ ῥα κατὰ πληθὺν Λυκίων τράπε θυμὸν Ἀθήνη. ### book 5.677 ἔνθ’ ὅ γε Κοίρανον εἷλεν Ἀλάστορά τε Χρομίον τε ### book 5.678 Ἄλκανδρόν θ’ Ἅλιόν τε Νοήμονά τε Πρύτανίν τε. ### book 5.679 καί νύ κ’ ἔτι πλέονας Λυκίων κτάνε δῖος Ὀδυσσεὺς ### book 5.680 εἰ μὴ ἄρ’ ὀξὺ νόησε μέγας κορυθαίολος Ἕκτωρ· ### book 5.681 βῆ δὲ διὰ προμάχων κεκορυθμένος αἴθοπι χαλκῷ ### book 5.682 δεῖμα φέρων Δαναοῖσι· χάρη δ’ ἄρα οἱ προσιόντι ### book 5.683 Σαρπηδὼν Διὸς υἱός, ἔπος δ’ ὀλοφυδνὸν ἔειπε· ### book 5.684 Πριαμίδη, μὴ δή με ἕλωρ Δαναοῖσιν ἐάσῃς ### book 5.685 κεῖσθαι, ἀλλ’ ἐπάμυνον· ἔπειτά με καὶ λίποι αἰὼν ### book 5.686 ἐν πόλει ὑμετέρῃ, ἐπεὶ οὐκ ἄρ’ ἔμελλον ἔγωγε ### book 5.687 νοστήσας οἶκον δὲ φίλην ἐς πατρίδα γαῖαν ### book 5.688 εὐφρανέειν ἄλοχόν τε φίλην καὶ νήπιον υἱόν. ### book 5.689 Ὣς φάτο, τὸν δ’ οὔ τι προσέφη κορυθαίολος Ἕκτωρ, ### book 5.690 ἀλλὰ παρήϊξεν λελιημένος ὄφρα τάχιστα ### book 5.691 ὤσαιτ’ Ἀργείους, πολέων δ’ ἀπὸ θυμὸν ἕλοιτο. ### book 5.692 οἳ μὲν ἄρ’ ἀντίθεον Σαρπηδόνα δῖοι ἑταῖροι ### book 5.693 εἷσαν ὑπ’ αἰγιόχοιο Διὸς περικαλλέϊ φηγῷ· ### book 5.694 ἐκ δ’ ἄρα οἱ μηροῦ δόρυ μείλινον ὦσε θύραζε ### book 5.695 ἴφθιμος Πελάγων, ὅς οἱ φίλος ἦεν ἑταῖρος. ### book 5.696 τὸν δ’ ἔλιπε ψυχή, κατὰ δ’ ὀφθαλμῶν κέχυτ’ ἀχλύς· ### book 5.697 αὖτις δ’ ἐμπνύνθη, περὶ δὲ πνοιὴ Βορέαο ### book 5.698 ζώγρει ἐπιπνείουσα κακῶς κεκαφηότα θυμόν. ### book 5.699 Ἀργεῖοι δ’ ὑπ’ Ἄρηϊ καὶ Ἕκτορι χαλκοκορυστῇ ### book 5.700 οὔτε ποτὲ προτρέποντο μελαινάων ἐπὶ νηῶν ### book 5.701 οὔτε ποτ’ ἀντεφέροντο μάχῃ, ἀλλ’ αἰὲν ὀπίσσω ### book 5.702 χάζονθ’, ὡς ἐπύθοντο μετὰ Τρώεσσιν Ἄρηα. ### book 5.703 Ἔνθα τίνα πρῶτον τίνα δ’ ὕστατον ἐξενάριξαν ### book 5.704 Ἕκτωρ τε Πριάμοιο πάϊς καὶ χάλκεος Ἄρης; ### book 5.705 ἀντίθεον Τεύθραντ’, ἐπὶ δὲ πλήξιππον Ὀρέστην, ### book 5.706 Τρῆχόν τ’ αἰχμητὴν Αἰτώλιον Οἰνόμαόν τε, ### book 5.707 Οἰνοπίδην θ’ Ἕλενον καὶ Ὀρέσβιον αἰολομίτρην, ### book 5.708 ὅς ῥ’ ἐν Ὕλῃ ναίεσκε μέγα πλούτοιο μεμηλώς, ### book 5.709 λίμνῃ κεκλιμένος Κηφισίδι· πὰρ δέ οἱ ἄλλοι ### book 5.710 ναῖον Βοιωτοὶ μάλα πίονα δῆμον ἔχοντες. ### book 5.711 Τοὺς δ’ ὡς οὖν ἐνόησε θεὰ λευκώλενος Ἥρη ### book 5.712 Ἀργείους ὀλέκοντας ἐνὶ κρατερῇ ὑσμίνῃ, ### book 5.713 αὐτίκ’ Ἀθηναίην ἔπεα πτερόεντα προσηύδα· ### book 5.714 ὢ πόποι αἰγιόχοιο Διὸς τέκος Ἀτρυτώνη, ### book 5.715 ἦ ῥ’ ἅλιον τὸν μῦθον ὑπέστημεν Μενελάῳ ### book 5.716 Ἴλιον ἐκπέρσαντ’ εὐτείχεον ἀπονέεσθαι, ### book 5.717 εἰ οὕτω μαίνεσθαι ἐάσομεν οὖλον Ἄρηα. ### book 5.718 ἀλλ’ ἄγε δὴ καὶ νῶϊ μεδώμεθα θούριδος ἀλκῆς. ### book 5.719 Ὣς ἔφατ’, οὐδ’ ἀπίθησε θεὰ γλαυκῶπις Ἀθήνη. ### book 5.720 ἣ μὲν ἐποιχομένη χρυσάμπυκας ἔντυεν ἵππους ### book 5.721 Ἥρη πρέσβα θεὰ θυγάτηρ μεγάλοιο Κρόνοιο· ### book 5.722 Ἥβη δ’ ἀμφ’ ὀχέεσσι θοῶς βάλε καμπύλα κύκλα ### book 5.723 χάλκεα ὀκτάκνημα σιδηρέῳ ἄξονι ἀμφίς. ### book 5.724 τῶν ἤτοι χρυσέη ἴτυς ἄφθιτος, αὐτὰρ ὕπερθε ### book 5.725 χάλκε’ ἐπίσσωτρα προσαρηρότα, θαῦμα ἰδέσθαι· ### book 5.726 πλῆμναι δ’ ἀργύρου εἰσὶ περίδρομοι ἀμφοτέρωθεν· ### book 5.727 δίφρος δὲ χρυσέοισι καὶ ἀργυρέοισιν ἱμᾶσιν ### book 5.728 ἐντέταται, δοιαὶ δὲ περίδρομοι ἄντυγές εἰσι. ### book 5.729 τοῦ δ’ ἐξ ἀργύρεος ῥυμὸς πέλεν· αὐτὰρ ἐπ’ ἄκρῳ ### book 5.730 δῆσε χρύσειον καλὸν ζυγόν, ἐν δὲ λέπαδνα ### book 5.731 κάλ’ ἔβαλε χρύσει’· ὑπὸ δὲ ζυγὸν ἤγαγεν Ἥρη ### book 5.732 ἵππους ὠκύποδας, μεμαυῖ’ ἔριδος καὶ ἀϋτῆς. ### book 5.733 Αὐτὰρ Ἀθηναίη κούρη Διὸς αἰγιόχοιο ### book 5.734 πέπλον μὲν κατέχευεν ἑανὸν πατρὸς ἐπ’ οὔδει ### book 5.735 ποικίλον, ὅν ῥ’ αὐτὴ ποιήσατο καὶ κάμε χερσίν· ### book 5.736 ἣ δὲ χιτῶν’ ἐνδῦσα Διὸς νεφεληγερέταο ### book 5.737 τεύχεσιν ἐς πόλεμον θωρήσσετο δακρυόεντα. ### book 5.738 ἀμφὶ δ’ ἄρ’ ὤμοισιν βάλετ’ αἰγίδα θυσσανόεσσαν ### book 5.739 δεινήν, ἣν περὶ μὲν πάντῃ Φόβος ἐστεφάνωται, ### book 5.740 ἐν δ’ Ἔρις, ἐν δ’ Ἀλκή, ἐν δὲ κρυόεσσα Ἰωκή, ### book 5.741 ἐν δέ τε Γοργείη κεφαλὴ δεινοῖο πελώρου ### book 5.742 δεινή τε σμερδνή τε, Διὸς τέρας αἰγιόχοιο. ### book 5.743 κρατὶ δ’ ἐπ’ ἀμφίφαλον κυνέην θέτο τετραφάληρον ### book 5.744 χρυσείην, ἑκατὸν πολίων πρυλέεσς’ ἀραρυῖαν· ### book 5.745 ἐς δ’ ὄχεα φλόγεα ποσὶ βήσετο, λάζετο δ’ ἔγχος ### book 5.746 βριθὺ μέγα στιβαρόν, τῷ δάμνησι στίχας ἀνδρῶν ### book 5.747 ἡρώων, οἷσίν τε κοτέσσεται ὀβριμοπάτρη. ### book 5.748 Ἥρη δὲ μάστιγι θοῶς ἐπεμαίετ’ ἄρ’ ἵππους· ### book 5.749 αὐτόμαται δὲ πύλαι μύκον οὐρανοῦ ἃς ἔχον Ὧραι, ### book 5.750 τῇς ἐπιτέτραπται μέγας οὐρανὸς Οὔλυμπός τε ### book 5.751 ἠμὲν ἀνακλῖναι πυκινὸν νέφος ἠδ’ ἐπιθεῖναι. ### book 5.752 τῇ ῥα δι’ αὐτάων κεντρηνεκέας ἔχον ἵππους· ### book 5.753 εὗρον δὲ Κρονίωνα θεῶν ἄτερ ἥμενον ἄλλων ### book 5.754 ἀκροτάτῃ κορυφῇ πολυδειράδος Οὐλύμποιο. ### book 5.755 ἔνθ’ ἵππους στήσασα θεὰ λευκώλενος Ἥρη ### book 5.756 Ζῆν’ ὕπατον Κρονίδην ἐξείρετο καὶ προσέειπε· ### book 5.757 Ζεῦ πάτερ οὐ νεμεσίζῃ Ἄρῃ τάδε καρτερὰ ἔργα ### book 5.758 ὁσσάτιόν τε καὶ οἷον ἀπώλεσε λαὸν Ἀχαιῶν ### book 5.759 μὰψ ἀτὰρ οὐ κατὰ κόσμον ἐμοὶ δ’ ἄχος, οἳ δὲ ἕκηλοι ### book 5.760 τέρπονται Κύπρίς τε καὶ ἀργυρότοξος Ἀπόλλων ### book 5.761 ἄφρονα τοῦτον ἀνέντες, ὃς οὔ τινα οἶδε θέμιστα; ### book 5.762 Ζεῦ πάτερ ἦ ῥά τί μοι κεχολώσεαι, αἴ κεν Ἄρηα ### book 5.763 λυγρῶς πεπληγυῖα μάχης ἐξαποδίωμαι; ### book 5.764 Τὴν δ’ ἀπαμειβόμενος προσέφη νεφεληγερέτα Ζεύς· ### book 5.765 ἄγρει μάν οἱ ἔπορσον Ἀθηναίην ἀγελείην, ### book 5.766 ἥ ἑ μάλιστ’ εἴωθε κακῇς ὀδύνῃσι πελάζειν. ### book 5.767 Ὣς ἔφατ’, οὐδ’ ἀπίθησε θεὰ λευκώλενος Ἥρη, ### book 5.768 μάστιξεν δ’ ἵππους· τὼ δ’ οὐκ ἀέκοντε πετέσθην ### book 5.769 μεσσηγὺς γαίης τε καὶ οὐρανοῦ ἀστερόεντος. ### book 5.770 ὅσσον δ’ ἠεροειδὲς ἀνὴρ ἴδεν ὀφθαλμοῖσιν ### book 5.771 ἥμενος ἐν σκοπιῇ, λεύσσων ἐπὶ οἴνοπα πόντον, ### book 5.772 τόσσον ἐπιθρῴσκουσι θεῶν ὑψηχέες ἵπποι. ### book 5.773 ἀλλ’ ὅτε δὴ Τροίην ἷξον ποταμώ τε ῥέοντε, ### book 5.774 ἧχι ῥοὰς Σιμόεις συμβάλλετον ἠδὲ Σκάμανδρος, ### book 5.775 ἔνθ’ ἵππους ἔστησε θεὰ λευκώλενος Ἥρη ### book 5.776 λύσας’ ἐξ ὀχέων, περὶ δ’ ἠέρα πουλὺν ἔχευε· ### book 5.777 τοῖσιν δ’ ἀμβροσίην Σιμόεις ἀνέτειλε νέμεσθαι. ### book 5.778 Αἳ δὲ βάτην τρήρωσι πελειάσιν ἴθμαθ’ ὁμοῖαι ### book 5.779 ἀνδράσιν Ἀργείοισιν ἀλεξέμεναι μεμαυῖαι· ### book 5.780 ἀλλ’ ὅτε δή ῥ’ ἵκανον ὅθι πλεῖστοι καὶ ἄριστοι ### book 5.781 ἕστασαν ἀμφὶ βίην Διομήδεος ἱπποδάμοιο ### book 5.782 εἰλόμενοι λείουσιν ἐοικότες ὠμοφάγοισιν ### book 5.783 ἢ συσὶ κάπροισιν, τῶν τε σθένος οὐκ ἀλαπαδνόν, ### book 5.784 ἔνθα στᾶς’ ἤϋσε θεὰ λευκώλενος Ἥρη ### book 5.785 Στέντορι εἰσαμένη μεγαλήτορι χαλκεοφώνῳ, ### book 5.786 ὃς τόσον αὐδήσασχ’ ὅσον ἄλλοι πεντήκοντα· ### book 5.787 αἰδὼς Ἀργεῖοι κάκ’ ἐλέγχεα εἶδος ἀγητοί· ### book 5.788 ὄφρα μὲν ἐς πόλεμον πωλέσκετο δῖος Ἀχιλλεύς, ### book 5.789 οὐδέ ποτε Τρῶες πρὸ πυλάων Δαρδανιάων ### book 5.790 οἴχνεσκον· κείνου γὰρ ἐδείδισαν ὄβριμον ἔγχος· ### book 5.791 νῦν δὲ ἑκὰς πόλιος κοίλῃς ἐπὶ νηυσὶ μάχονται. ### book 5.792 Ὣς εἰποῦς’ ὄτρυνε μένος καὶ θυμὸν ἑκάστου. ### book 5.793 Τυδεΐδῃ δ’ ἐπόρουσε θεὰ γλαυκῶπις Ἀθήνη· ### book 5.794 εὗρε δὲ τόν γε ἄνακτα παρ’ ἵπποισιν καὶ ὄχεσφιν ### book 5.795 ἕλκος ἀναψύχοντα τό μιν βάλε Πάνδαρος ἰῷ. ### book 5.796 ἱδρὼς γάρ μιν ἔτειρεν ὑπὸ πλατέος τελαμῶνος ### book 5.797 ἀσπίδος εὐκύλου· τῷ τείρετο, κάμνε δὲ χεῖρα, ### book 5.798 ἂν δ’ ἴσχων τελαμῶνα κελαινεφὲς αἷμ’ ἀπομόργνυ. ### book 5.799 ἱππείου δὲ θεὰ ζυγοῦ ἥψατο φώνησέν τε· ### book 5.800 ἦ ὀλίγον οἷ παῖδα ἐοικότα γείνατο Τυδεύς. ### book 5.801 Τυδεύς τοι μικρὸς μὲν ἔην δέμας, ἀλλὰ μαχητής· ### book 5.802 καί ῥ’ ὅτε πέρ μιν ἐγὼ πολεμίζειν οὐκ εἴασκον ### book 5.803 οὐδ’ ἐκπαιφάσσειν, ὅτε τ’ ἤλυθε νόσφιν Ἀχαιῶν ### book 5.804 ἄγγελος ἐς Θήβας πολέας μετὰ Καδμείωνας· ### book 5.805 δαίνυσθαί μιν ἄνωγον ἐνὶ μεγάροισιν ἕκηλον· ### book 5.806 αὐτὰρ ὃ θυμὸν ἔχων ὃν καρτερὸν ὡς τὸ πάρος περ ### book 5.807 κούρους Καδμείων προκαλίζετο, πάντα δ’ ἐνίκα ### book 5.808 ῥηϊδίως· τοίη οἱ ἐγὼν ἐπιτάρροθος ἦα. ### book 5.809 σοὶ δ’ ἤτοι μὲν ἐγὼ παρά θ’ ἵσταμαι ἠδὲ φυλάσσω, ### book 5.810 καί σε προφρονέως κέλομαι Τρώεσσι μάχεσθαι· ### book 5.811 ἀλλά σευ ἢ κάματος πολυᾶϊξ γυῖα δέδυκεν ### book 5.812 ἤ νύ σέ που δέος ἴσχει ἀκήριον· οὐ σύ γ’ ἔπειτα ### book 5.813 Τυδέος ἔκγονός ἐσσι δαΐφρονος Οἰνεΐδαο. ### book 5.814 Τὴν δ’ ἀπαμειβόμενος προσέφη κρατερὸς Διομήδης· ### book 5.815 γιγνώσκω σε θεὰ θύγατερ Διὸς αἰγιόχοιο· ### book 5.816 τώ τοι προφρονέως ἐρέω ἔπος οὐδ’ ἐπικεύσω. ### book 5.817 οὔτέ τί με δέος ἴσχει ἀκήριον οὔτέ τις ὄκνος, ### book 5.818 ἀλλ’ ἔτι σέων μέμνημαι ἐφετμέων ἃς ἐπέτειλας· ### book 5.819 οὔ μ’ εἴας μακάρεσσι θεοῖς ἀντικρὺ μάχεσθαι ### book 5.820 τοῖς ἄλλοις· ἀτὰρ εἴ κε Διὸς θυγάτηρ Ἀφροδίτη ### book 5.821 ἔλθῃς’ ἐς πόλεμον, τήν γ’ οὐτάμεν ὀξέϊ χαλκῷ. ### book 5.822 τοὔνεκα νῦν αὐτός τ’ ἀναχάζομαι ἠδὲ καὶ ἄλλους ### book 5.823 Ἀργείους ἐκέλευσα ἀλήμεναι ἐνδάδε πάντας· ### book 5.824 γιγνώσκω γὰρ Ἄρηα μάχην ἀνὰ κοιρανέοντα. ### book 5.825 Τὸν δ’ ἠμείβετ’ ἔπειτα θεὰ γλαυκῶπις Ἀθήνη· ### book 5.826 Τυδεΐδη Διόμηδες ἐμῷ κεχαρισμένε θυμῷ ### book 5.827 μήτε σύ γ’ Ἄρηα τό γε δείδιθι μήτε τιν’ ἄλλον ### book 5.828 ἀθανάτων, τοίη τοι ἐγὼν ἐπιτάρροθός εἰμι· ### book 5.829 ἀλλ’ ἄγ’ ἐπ’ Ἄρηϊ πρώτῳ ἔχε μώνυχας ἵππους, ### book 5.830 τύψον δὲ σχεδίην μηδ’ ἅζεο θοῦρον Ἄρηα ### book 5.831 τοῦτον μαινόμενον, τυκτὸν κακόν, ἀλλοπρόσαλλον, ### book 5.832 ὃς πρῴην μὲν ἐμοί τε καὶ Ἥρῃ στεῦτ’ ἀγορεύων ### book 5.833 Τρωσὶ μαχήσεσθαι, ἀτὰρ Ἀργείοισιν ἀρήξειν, ### book 5.834 νῦν δὲ μετὰ Τρώεσσιν ὁμιλεῖ, τῶν δὲ λέλασται. ### book 5.835 Ὣς φαμένη Σθένελον μὲν ἀφ’ ἵππων ὦσε χαμᾶζε, ### book 5.836 χειρὶ πάλιν ἐρύσας’, ὃ δ’ ἄρ’ ἐμμαπέως ἀπόρουσεν· ### book 5.837 ἣ δ’ ἐς δίφρον ἔβαινε παραὶ Διομήδεα δῖον ### book 5.838 ἐμμεμαυῖα θεά· μέγα δ’ ἔβραχε φήγινος ἄξων ### book 5.839 βριθοσύνῃ· δεινὴν γὰρ ἄγεν θεὸν ἄνδρά τ’ ἄριστον. ### book 5.840 λάζετο δὲ μάστιγα καὶ ἡνία Παλλὰς Ἀθήνη· ### book 5.841 αὐτίκ’ ἐπ’ Ἄρηϊ πρώτῳ ἔχε μώνυχας ἵππους. ### book 5.842 ἤτοι ὃ μὲν Περίφαντα πελώριον ἐξενάριζεν ### book 5.843 Αἰτωλῶν ὄχ’ ἄριστον Ὀχησίου ἀγλαὸν υἱόν· ### book 5.844 τὸν μὲν Ἄρης ἐνάριζε μιαιφόνος· αὐτὰρ Ἀθήνη ### book 5.845 δῦν’ Ἄϊδος κυνέην, μή μιν ἴδοι ὄβριμος Ἄρης. ### book 5.846 Ὡς δὲ ἴδε βροτολοιγὸς Ἄρης Διομήδεα δῖον, ### book 5.847 ἤτοι ὃ μὲν Περίφαντα πελώριον αὐτόθ’ ἔασε ### book 5.848 κεῖσθαι ὅθι πρῶτον κτείνων ἐξαίνυτο θυμόν, ### book 5.849 αὐτὰρ ὃ βῆ ῥ’ ἰθὺς Διομήδεος ἱπποδάμοιο. ### book 5.850 οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντες, ### book 5.851 πρόσθεν Ἄρης ὠρέξαθ’ ὑπὲρ ζυγὸν ἡνία θ’ ἵππων ### book 5.852 ἔγχεϊ χαλκείῳ μεμαὼς ἀπὸ θυμὸν ἑλέσθαι· ### book 5.853 καὶ τό γε χειρὶ λαβοῦσα θεὰ γλαυκῶπις Ἀθήνη ### book 5.854 ὦσεν ὑπὲκ δίφροιο ἐτώσιον ἀϊχθῆναι. ### book 5.855 δεύτερος αὖθ’ ὡρμᾶτο βοὴν ἀγαθὸς Διομήδης ### book 5.856 ἔγχεϊ χαλκείῳ· ἐπέρεισε δὲ Παλλὰς Ἀθήνη ### book 5.857 νείατον ἐς κενεῶνα ὅθι ζωννύσκετο μίτρῃ· ### book 5.858 τῇ ῥά μιν οὖτα τυχών, διὰ δὲ χρόα καλὸν ἔδαψεν, ### book 5.859 ἐκ δὲ δόρυ σπάσεν αὖτις· ὃ δ’ ἔβραχε χάλκεος Ἄρης ### book 5.860 ὅσσόν τ’ ἐννεάχιλοι ἐπίαχον ἢ δεκάχιλοι ### book 5.861 ἀνέρες ἐν πολέμῳ ἔριδα ξυνάγοντες Ἄρηος. ### book 5.862 τοὺς δ’ ἄρ’ ὑπὸ τρόμος εἷλεν Ἀχαιούς τε Τρῶάς τε ### book 5.863 δείσαντας· τόσον ἔβραχ’ Ἄρης ἆτος πολέμοιο. ### book 5.864 Οἵη δ’ ἐκ νεφέων ἐρεβεννὴ φαίνεται ἀὴρ ### book 5.865 καύματος ἐξ ἀνέμοιο δυσαέος ὀρνυμένοιο, ### book 5.866 τοῖος Τυδεΐδῃ Διομήδεϊ χάλκεος Ἄρης ### book 5.867 φαίνεθ’ ὁμοῦ νεφέεσσιν ἰὼν εἰς οὐρανὸν εὐρύν. ### book 5.868 καρπαλίμως δ’ ἵκανε θεῶν ἕδος αἰπὺν Ὄλυμπον, ### book 5.869 πὰρ δὲ Διὶ Κρονίωνι καθέζετο θυμὸν ἀχεύων, ### book 5.870 δεῖξεν δ’ ἄμβροτον αἷμα καταρρέον ἐξ ὠτειλῆς, ### book 5.871 καί ῥ’ ὀλοφυρόμενος ἔπεα πτερόεντα προσηύδα· ### book 5.872 Ζεῦ πάτερ οὐ νεμεσίζῃ ὁρῶν τάδε καρτερὰ ἔργα; ### book 5.873 αἰεί τοι ῥίγιστα θεοὶ τετληότες εἰμὲν ### book 5.874 ἀλλήλων ἰότητι, χάριν ἄνδρεσσι φέροντες. ### book 5.875 σοὶ πάντες μαχόμεσθα· σὺ γὰρ τέκες ἄφρονα κούρην ### book 5.876 οὐλομένην, ᾗ τ’ αἰὲν ἀήσυλα ἔργα μέμηλεν. ### book 5.877 ἄλλοι μὲν γὰρ πάντες ὅσοι θεοί εἰς’ ἐν Ὀλύμπῳ ### book 5.878 σοί τ’ ἐπιπείθονται καὶ δεδμήμεσθα ἕκαστος· ### book 5.879 ταύτην δ’ οὔτ’ ἔπεϊ προτιβάλλεαι οὔτέ τι ἔργῳ, ### book 5.880 ἀλλ’ ἀνιεῖς, ἐπεὶ αὐτὸς ἐγείναο παῖδ’ ἀΐδηλον· ### book 5.881 ἣ νῦν Τυδέος υἱὸν ὑπερφίαλον Διομήδεα ### book 5.882 μαργαίνειν ἀνέηκεν ἐπ’ ἀθανάτοισι θεοῖσι. ### book 5.883 Κύπριδα μὲν πρῶτον σχεδὸν οὔτασε χεῖρ’ ἐπὶ καρπῷ, ### book 5.884 αὐτὰρ ἔπειτ’ αὐτῷ μοι ἐπέσσυτο δαίμονι ἶσος· ### book 5.885 ἀλλά μ’ ὑπήνεικαν ταχέες πόδες· ἦ τέ κε δηρὸν ### book 5.886 αὐτοῦ πήματ’ ἔπασχον ἐν αἰνῇσιν νεκάδεσσιν, ### book 5.887 ἤ κε ζὼς ἀμενηνὸς ἔα χαλκοῖο τυπῇσι. ### book 5.888 Τὸν δ’ ἄρ’ ὑπόδρα ἰδὼν προσέφη νεφεληγερέτα Ζεύς. ### book 5.889 μή τί μοι ἀλλοπρόσαλλε παρεζόμενος μινύριζε. ### book 5.890 ἔχθιστος δέ μοί ἐσσι θεῶν οἳ Ὄλυμπον ἔχουσιν· ### book 5.891 αἰεὶ γάρ τοι ἔρις τε φίλη πόλεμοί τε μάχαι τε. ### book 5.892 μητρός τοι μένος ἐστὶν ἀάσχετον οὐκ ἐπιεικτὸν ### book 5.893 Ἥρης· τὴν μὲν ἐγὼ σπουδῇ δάμνημ’ ἐπέεσσι· ### book 5.894 τώ ς’ ὀΐω κείνης τάδε πάσχειν ἐννεσίῃσιν. ### book 5.895 ἀλλ’ οὐ μάν ς’ ἔτι δηρὸν ἀνέξομαι ἄλγε’ ἔχοντα· ### book 5.896 ἐκ γὰρ ἐμεῦ γένος ἐσσί, ἐμοὶ δέ σε γείνατο μήτηρ· ### book 5.897 εἰ δέ τευ ἐξ ἄλλου γε θεῶν γένευ ὧδ’ ἀΐδηλος ### book 5.898 καί κεν δὴ πάλαι ἦσθα ἐνέρτερος Οὐρανιώνων. ### book 5.899 Ὣς φάτο, καὶ Παιήον’ ἀνώγειν ἰήσασθαι. ### book 5.900 τῷ δ’ ἐπὶ Παιήων ὀδυνήφατα φάρμακα πάσσων ### book 5.901 ἠκέσατ’· οὐ μὲν γάρ τι καταθνητός γ’ ἐτέτυκτο. ### book 5.902 ὡς δ’ ὅτ’ ὀπὸς γάλα λευκὸν ἐπειγόμενος συνέπηξεν ### book 5.903 ὑγρὸν ἐόν, μάλα δ’ ὦκα περιτρέφεται κυκόωντι, ### book 5.904 ὣς ἄρα καρπαλίμως ἰήσατο θοῦρον Ἄρηα. ### book 5.905 τὸν δ’ Ἥβη λοῦσεν, χαρίεντα δὲ εἵματα ἕσσε· ### book 5.906 πὰρ δὲ Διὶ Κρονίωνι καθέζετο κύδεϊ γαίων. ### book 5.907 Αἳ δ’ αὖτις πρὸς δῶμα Διὸς μεγάλοιο νέοντο ### book 5.908 Ἥρη τ’ Ἀργείη καὶ Ἀλαλκομενηῒς Ἀθήνη ### book 5.909 παύσασαι βροτολοιγὸν Ἄρη’ ἀνδροκτασιάων. ### book 6.1 Τρώων δ’ οἰώθη καὶ Ἀχαιῶν φύλοπις αἰνή· ### book 6.2 πολλὰ δ’ ἄρ’ ἔνθα καὶ ἔνθ’ ἴθυσε μάχη πεδίοιο ### book 6.3 ἀλλήλων ἰθυνομένων χαλκήρεα δοῦρα ### book 6.4 μεσσηγὺς Σιμόεντος ἰδὲ Ξάνθοιο ῥοάων. ### book 6.5 Αἴας δὲ πρῶτος Τελαμώνιος ἕρκος Ἀχαιῶν ### book 6.6 Τρώων ῥῆξε φάλαγγα, φόως δ’ ἑτάροισιν ἔθηκεν, ### book 6.7 ἄνδρα βαλὼν ὃς ἄριστος ἐνὶ Θρῄκεσσι τέτυκτο ### book 6.8 υἱὸν Ἐϋσσώρου Ἀκάμαντ’ ἠΰν τε μέγαν τε. ### book 6.9 τόν ῥ’ ἔβαλε πρῶτος κόρυθος φάλον ἱπποδασείης, ### book 6.10 ἐν δὲ μετώπῳ πῆξε, πέρησε δ’ ἄρ’ ὀστέον εἴσω ### book 6.11 αἰχμὴ χαλκείη· τὸν δὲ σκότος ὄσσε κάλυψεν. ### book 6.12 Ἄξυλον δ’ ἄρ’ ἔπεφνε βοὴν ἀγαθὸς Διομήδης ### book 6.13 Τευθρανίδην, ὃς ἔναιεν ἐϋκτιμένῃ ἐν Ἀρίσβῃ ### book 6.14 ἀφνειὸς βιότοιο, φίλος δ’ ἦν ἀνθρώποισι. ### book 6.15 πάντας γὰρ φιλέεσκεν ὁδῷ ἔπι οἰκία ναίων. ### book 6.16 ἀλλά οἱ οὔ τις τῶν γε τότ’ ἤρκεσε λυγρὸν ὄλεθρον ### book 6.17 πρόσθεν ὑπαντιάσας, ἀλλ’ ἄμφω θυμὸν ἀπηύρα ### book 6.18 αὐτὸν καὶ θεράποντα Καλήσιον, ὅς ῥα τόθ’ ἵππων ### book 6.19 ἔσκεν ὑφηνίοχος· τὼ δ’ ἄμφω γαῖαν ἐδύτην. ### book 6.20 Δρῆσον δ’ Εὐρύαλος καὶ Ὀφέλτιον ἐξενάριξε· ### book 6.21 βῆ δὲ μετ’ Αἴσηπον καὶ Πήδασον, οὕς ποτε νύμφη ### book 6.22 νηῒς Ἀβαρβαρέη τέκ’ ἀμύμονι Βουκολίωνι. ### book 6.23 Βουκολίων δ’ ἦν υἱὸς ἀγαυοῦ Λαομέδοντος ### book 6.24 πρεσβύτατος γενεῇ, σκότιον δέ ἑ γείνατο μήτηρ· ### book 6.25 ποιμαίνων δ’ ἐπ’ ὄεσσι μίγη φιλότητι καὶ εὐνῇ, ### book 6.26 ἣ δ’ ὑποκυσαμένη διδυμάονε γείνατο παῖδε. ### book 6.27 καὶ μὲν τῶν ὑπέλυσε μένος καὶ φαίδιμα γυῖα ### book 6.28 Μηκιστηϊάδης καὶ ἀπ’ ὤμων τεύχε’ ἐσύλα. ### book 6.29 Ἀστύαλον δ’ ἄρ’ ἔπεφνε μενεπτόλεμος Πολυποίτης· ### book 6.30 Πιδύτην δ’ Ὀδυσεὺς Περκώσιον ἐξενάριξεν ### book 6.31 ἔγχεϊ χαλκείῳ, Τεῦκρος δ’ Ἀρετάονα δῖον. ### book 6.32 Ἀντίλοχος δ’ Ἄβληρον ἐνήρατο δουρὶ φαεινῷ ### book 6.33 Νεστορίδης, Ἔλατον δὲ ἄναξ ἀνδρῶν Ἀγαμέμνων· ### book 6.34 ναῖε δὲ Σατνιόεντος ἐϋρρείταο παρ’ ὄχθας ### book 6.35 Πήδασον αἰπεινήν. Φύλακον δ’ ἕλε Λήϊτος ἥρως ### book 6.36 φεύγοντ’· Εὐρύπυλος δὲ Μελάνθιον ἐξενάριξεν. ### book 6.37 Ἄδρηστον δ’ ἄρ’ ἔπειτα βοὴν ἀγαθὸς Μενέλαος ### book 6.38 ζωὸν ἕλ’· ἵππω γάρ οἱ ἀτυζομένω πεδίοιο ### book 6.39 ὄζῳ ἔνι βλαφθέντε μυρικίνῳ ἀγκύλον ἅρμα ### book 6.40 ἄξαντ’ ἐν πρώτῳ ῥυμῷ αὐτὼ μὲν ἐβήτην ### book 6.41 πρὸς πόλιν, ᾗ περ οἱ ἄλλοι ἀτυζόμενοι φοβέοντο, ### book 6.42 αὐτὸς δ’ ἐκ δίφροιο παρὰ τροχὸν ἐξεκυλίσθη ### book 6.43 πρηνὴς ἐν κονίῃσιν ἐπὶ στόμα· πὰρ δέ οἱ ἔστη ### book 6.44 Ἀτρεΐδης Μενέλαος ἔχων δολιχόσκιον ἔγχος. ### book 6.45 Ἄδρηστος δ’ ἄρ’ ἔπειτα λαβὼν ἐλίσσετο γούνων· ### book 6.46 ζώγρει Ἀτρέος υἱέ, σὺ δ’ ἄξια δέξαι ἄποινα· ### book 6.47 πολλὰ δ’ ἐν ἀφνειοῦ πατρὸς κειμήλια κεῖται ### book 6.48 χαλκός τε χρυσός τε πολύκμητός τε σίδηρος, ### book 6.49 τῶν κέν τοι χαρίσαιτο πατὴρ ἀπερείσι’ ἄποινα ### book 6.50 εἴ κεν ἐμὲ ζωὸν πεπύθοιτ’ ἐπὶ νηυσὶν Ἀχαιῶν. ### book 6.51 Ὣς φάτο, τῷ δ’ ἄρα θυμὸν ἐνὶ στήθεσσιν ἔπειθε· ### book 6.52 καὶ δή μιν τάχ’ ἔμελλε θοὰς ἐπὶ νῆας Ἀχαιῶν ### book 6.53 δώσειν ᾧ θεράποντι καταξέμεν· ἀλλ’ Ἀγαμέμνων ### book 6.54 ἀντίος ἦλθε θέων, καὶ ὁμοκλήσας ἔπος ηὔδα· ### book 6.55 ὦ πέπον ὦ Μενέλαε, τί ἢ δὲ σὺ κήδεαι οὕτως ### book 6.56 ἀνδρῶν; ἦ σοὶ ἄριστα πεποίηται κατὰ οἶκον ### book 6.57 πρὸς Τρώων; τῶν μή τις ὑπεκφύγοι αἰπὺν ὄλεθρον ### book 6.58 χεῖράς θ’ ἡμετέρας, μηδ’ ὅν τινα γαστέρι μήτηρ ### book 6.59 κοῦρον ἐόντα φέροι, μηδ’ ὃς φύγοι, ἀλλ’ ἅμα πάντες ### book 6.60 Ἰλίου ἐξαπολοίατ’ ἀκήδεστοι καὶ ἄφαντοι. ### book 6.61 Ὣς εἰπὼν ἔτρεψεν ἀδελφειοῦ φρένας ἥρως ### book 6.62 αἴσιμα παρειπών· ὃ δ’ ἀπὸ ἕθεν ὤσατο χειρὶ ### book 6.63 ἥρω’ Ἄδρηστον· τὸν δὲ κρείων Ἀγαμέμνων ### book 6.64 οὖτα κατὰ λαπάρην· ὃ δ’ ἀνετράπετ’, Ἀτρεΐδης δὲ ### book 6.65 λὰξ ἐν στήθεσι βὰς ἐξέσπασε μείλινον ἔγχος. ### book 6.66 Νέστωρ δ’ Ἀργείοισιν ἐκέκλετο μακρὸν ἀΰσας· ### book 6.67 ὦ φίλοι ἥρωες Δαναοὶ θεράποντες Ἄρηος ### book 6.68 μή τις νῦν ἐνάρων ἐπιβαλλόμενος μετόπισθε ### book 6.69 μιμνέτω ὥς κε πλεῖστα φέρων ἐπὶ νῆας ἵκηται, ### book 6.70 ἀλλ’ ἄνδρας κτείνωμεν· ἔπειτα δὲ καὶ τὰ ἕκηλοι ### book 6.71 νεκροὺς ἂμ πεδίον συλήσετε τεθνηῶτας. ### book 6.72 Ὣς εἰπὼν ὄτρυνε μένος καὶ θυμὸν ἑκάστου. ### book 6.73 ἔνθά κεν αὖτε Τρῶες ἀρηϊφίλων ὑπ’ Ἀχαιῶν ### book 6.74 Ἴλιον εἰσανέβησαν ἀναλκείῃσι δαμέντες, ### book 6.75 εἰ μὴ ἄρ’ Αἰνείᾳ τε καὶ Ἕκτορι εἶπε παραστὰς ### book 6.76 Πριαμίδης Ἕλενος οἰωνοπόλων ὄχ’ ἄριστος· ### book 6.77 Αἰνεία τε καὶ Ἕκτορ, ἐπεὶ πόνος ὔμμι μάλιστα ### book 6.78 Τρώων καὶ Λυκίων ἐγκέκλιται, οὕνεκ’ ἄριστοι ### book 6.79 πᾶσαν ἐπ’ ἰθύν ἐστε μάχεσθαί τε φρονέειν τε, ### book 6.80 στῆτ’ αὐτοῦ, καὶ λαὸν ἐρυκάκετε πρὸ πυλάων ### book 6.81 πάντῃ ἐποιχόμενοι πρὶν αὖτ’ ἐν χερσὶ γυναικῶν ### book 6.82 φεύγοντας πεσέειν, δηΐοισι δὲ χάρμα γενέσθαι. ### book 6.83 αὐτὰρ ἐπεί κε φάλαγγας ἐποτρύνητον ἁπάσας, ### book 6.84 ἡμεῖς μὲν Δαναοῖσι μαχησόμεθ’ αὖθι μένοντες, ### book 6.85 καὶ μάλα τειρόμενοί περ· ἀναγκαίη γὰρ ἐπείγει· ### book 6.86 Ἕκτορ ἀτὰρ σὺ πόλιν δὲ μετέρχεο, εἰπὲ δ’ ἔπειτα ### book 6.87 μητέρι σῇ καὶ ἐμῇ· ἣ δὲ ξυνάγουσα γεραιὰς ### book 6.88 νηὸν Ἀθηναίης γλαυκώπιδος ἐν πόλει ἄκρῃ ### book 6.89 οἴξασα κληῗδι θύρας ἱεροῖο δόμοιο ### book 6.90 πέπλον, ὅς οἱ δοκέει χαριέστατος ἠδὲ μέγιστος ### book 6.91 εἶναι ἐνὶ μεγάρῳ καί οἱ πολὺ φίλτατος αὐτῇ, ### book 6.92 θεῖναι Ἀθηναίης ἐπὶ γούνασιν ἠϋκόμοιο, ### book 6.93 καί οἱ ὑποσχέσθαι δυοκαίδεκα βοῦς ἐνὶ νηῷ ### book 6.94 ἤνις ἠκέστας ἱερευσέμεν, αἴ κ’ ἐλεήσῃ ### book 6.95 ἄστύ τε καὶ Τρώων ἀλόχους καὶ νήπια τέκνα, ### book 6.96 ὥς κεν Τυδέος υἱὸν ἀπόσχῃ Ἰλίου ἱρῆς ### book 6.97 ἄγριον αἰχμητὴν κρατερὸν μήστωρα φόβοιο, ### book 6.98 ὃν δὴ ἐγὼ κάρτιστον Ἀχαιῶν φημι γενέσθαι. ### book 6.99 οὐδ’ Ἀχιλῆά ποθ’ ὧδέ γ’ ἐδείδιμεν ὄρχαμον ἀνδρῶν, ### book 6.100 ὅν πέρ φασι θεᾶς ἐξέμμεναι· ἀλλ’ ὅδε λίην ### book 6.101 μαίνεται, οὐδέ τίς οἱ δύναται μένος ἰσοφαρίζειν. ### book 6.102 Ὣς ἔφαθ’, Ἕκτωρ δ’ οὔ τι κασιγνήτῳ ἀπίθησεν. ### book 6.103 αὐτίκα δ’ ἐξ ὀχέων σὺν τεύχεσιν ἆλτο χαμᾶζε, ### book 6.104 πάλλων δ’ ὀξέα δοῦρα κατὰ στρατὸν ᾤχετο πάντῃ ### book 6.105 ὀτρύνων μαχέσασθαι, ἔγειρε δὲ φύλοπιν αἰνήν. ### book 6.106 οἳ δ’ ἐλελίχθησαν καὶ ἐναντίοι ἔσταν Ἀχαιῶν· ### book 6.107 Ἀργεῖοι δ’ ὑπεχώρησαν, λῆξαν δὲ φόνοιο, ### book 6.108 φὰν δέ τιν’ ἀθανάτων ἐξ οὐρανοῦ ἀστερόεντος ### book 6.109 Τρωσὶν ἀλεξήσοντα κατελθέμεν, ὡς ἐλέλιχθεν. ### book 6.110 Ἕκτωρ δὲ Τρώεσσιν ἐκέκλετο μακρὸν ἀΰσας· ### book 6.111 Τρῶες ὑπέρθυμοι τηλεκλειτοί τ’ ἐπίκουροι ### book 6.112 ἀνέρες ἔστε φίλοι, μνήσασθε δὲ θούριδος ἀλκῆς, ### book 6.113 ὄφρ’ ἂν ἐγὼ βείω προτὶ Ἴλιον, ἠδὲ γέρουσιν ### book 6.114 εἴπω βουλευτῇσι καὶ ἡμετέρῃς ἀλόχοισι ### book 6.115 δαίμοσιν ἀρήσασθαι, ὑποσχέσθαι δ’ ἑκατόμβας. ### book 6.116 Ὣς ἄρα φωνήσας ἀπέβη κορυθαίολος Ἕκτωρ· ### book 6.117 ἀμφὶ δέ μιν σφυρὰ τύπτε καὶ αὐχένα δέρμα κελαινὸν ### book 6.118 ἄντυξ ἣ πυμάτη θέεν ἀσπίδος ὀμφαλοέσσης. ### book 6.119 Γλαῦκος δ’ Ἱππολόχοιο πάϊς καὶ Τυδέος υἱὸς ### book 6.120 ἐς μέσον ἀμφοτέρων συνίτην μεμαῶτε μάχεσθαι. ### book 6.121 οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντε, ### book 6.122 τὸν πρότερος προσέειπε βοὴν ἀγαθὸς Διομήδης· ### book 6.123 τίς δὲ σύ ἐσσι φέριστε καταθνητῶν ἀνθρώπων; ### book 6.124 οὐ μὲν γάρ ποτ’ ὄπωπα μάχῃ ἔνι κυδιανείρῃ ### book 6.125 τὸ πρίν· ἀτὰρ μὲν νῦν γε πολὺ προβέβηκας ἁπάντων ### book 6.126 σῷ θάρσει, ὅ τ’ ἐμὸν δολιχόσκιον ἔγχος ἔμεινας· ### book 6.127 δυστήνων δέ τε παῖδες ἐμῷ μένει ἀντιόωσιν. ### book 6.128 εἰ δέ τις ἀθανάτων γε κατ’ οὐρανοῦ εἰλήλουθας, ### book 6.129 οὐκ ἂν ἔγωγε θεοῖσιν ἐπουρανίοισι μαχοίμην. ### book 6.130 οὐδὲ γὰρ οὐδὲ Δρύαντος υἱὸς κρατερὸς Λυκόοργος ### book 6.131 δὴν ἦν, ὅς ῥα θεοῖσιν ἐπουρανίοισιν ἔριζεν· ### book 6.132 ὅς ποτε μαινομένοιο Διωνύσοιο τιθήνας ### book 6.133 σεῦε κατ’ ἠγάθεον Νυσήϊον· αἳ δ’ ἅμα πᾶσαι ### book 6.134 θύσθλα χαμαὶ κατέχευαν ὑπ’ ἀνδροφόνοιο Λυκούργου ### book 6.135 θεινόμεναι βουπλῆγι· Διώνυσος δὲ φοβηθεὶς ### book 6.136 δύσεθ’ ἁλὸς κατὰ κῦμα, Θέτις δ’ ὑπεδέξατο κόλπῳ ### book 6.137 δειδιότα· κρατερὸς γὰρ ἔχε τρόμος ἀνδρὸς ὁμοκλῇ. ### book 6.138 τῷ μὲν ἔπειτ’ ὀδύσαντο θεοὶ ῥεῖα ζώοντες, ### book 6.139 καί μιν τυφλὸν ἔθηκε Κρόνου πάϊς· οὐδ’ ἄρ’ ἔτι δὴν ### book 6.140 ἦν, ἐπεὶ ἀθανάτοισιν ἀπήχθετο πᾶσι θεοῖσιν· ### book 6.141 οὐδ’ ἂν ἐγὼ μακάρεσσι θεοῖς ἐθέλοιμι μάχεσθαι. ### book 6.142 εἰ δέ τίς ἐσσι βροτῶν οἳ ἀρούρης καρπὸν ἔδουσιν, ### book 6.143 ἆσσον ἴθ’ ὥς κεν θᾶσσον ὀλέθρου πείραθ’ ἵκηαι. ### book 6.144 Τὸν δ’ αὖθ’ Ἱππολόχοιο προσηύδα φαίδιμος υἱός· ### book 6.145 Τυδεΐδη μεγάθυμε τί ἢ γενεὴν ἐρεείνεις; ### book 6.146 οἵη περ φύλλων γενεὴ τοίη δὲ καὶ ἀνδρῶν. ### book 6.147 φύλλα τὰ μέν τ’ ἄνεμος χαμάδις χέει, ἄλλα δέ θ’ ὕλη ### book 6.148 τηλεθόωσα φύει, ἔαρος δ’ ἐπιγίγνεται ὥρη· ### book 6.149 ὣς ἀνδρῶν γενεὴ ἣ μὲν φύει ἣ δ’ ἀπολήγει. ### book 6.150 εἰ δ’ ἐθέλεις καὶ ταῦτα δαήμεναι ὄφρ’ ἐῢ εἰδῇς ### book 6.151 ἡμετέρην γενεήν, πολλοὶ δέ μιν ἄνδρες ἴσασιν· ### book 6.152 ἔστι πόλις Ἐφύρη μυχῷ Ἄργεος ἱπποβότοιο, ### book 6.153 ἔνθα δὲ Σίσυφος ἔσκεν, ὃ κέρδιστος γένετ’ ἀνδρῶν, ### book 6.154 Σίσυφος Αἰολίδης· ὃ δ’ ἄρα Γλαῦκον τέκεθ’ υἱόν, ### book 6.155 αὐτὰρ Γλαῦκος τίκτεν ἀμύμονα Βελλεροφόντην· ### book 6.156 τῷ δὲ θεοὶ κάλλός τε καὶ ἠνορέην ἐρατεινὴν ### book 6.157 ὤπασαν· αὐτάρ οἱ Προῖτος κακὰ μήσατο θυμῷ, ### book 6.158 ὅς ῥ’ ἐκ δήμου ἔλασσεν, ἐπεὶ πολὺ φέρτερος ἦεν, ### book 6.159 Ἀργείων· Ζεὺς γάρ οἱ ὑπὸ σκήπτρῳ ἐδάμασσε. ### book 6.160 τῷ δὲ γυνὴ Προίτου ἐπεμήνατο δῖ’ Ἄντεια ### book 6.161 κρυπταδίῃ φιλότητι μιγήμεναι· ἀλλὰ τὸν οὔ τι ### book 6.162 πεῖθ’ ἀγαθὰ φρονέοντα δαΐφρονα Βελλεροφόντην. ### book 6.163 ἣ δὲ ψευσαμένη Προῖτον βασιλῆα προσηύδα· ### book 6.164 τεθναίης ὦ Προῖτ’, ἢ κάκτανε Βελλεροφόντην, ### book 6.165 ὅς μ’ ἔθελεν φιλότητι μιγήμεναι οὐκ ἐθελούσῃ. ### book 6.166 ὣς φάτο, τὸν δὲ ἄνακτα χόλος λάβεν οἷον ἄκουσε· ### book 6.167 κτεῖναι μέν ῥ’ ἀλέεινε, σεβάσσατο γὰρ τό γε θυμῷ, ### book 6.168 πέμπε δέ μιν Λυκίην δέ, πόρεν δ’ ὅ γε σήματα λυγρὰ ### book 6.169 γράψας ἐν πίνακι πτυκτῷ θυμοφθόρα πολλά, ### book 6.170 δεῖξαι δ’ ἠνώγειν ᾧ πενθερῷ ὄφρ’ ἀπόλοιτο. ### book 6.171 αὐτὰρ ὁ βῆ Λυκίην δὲ θεῶν ὑπ’ ἀμύμονι πομπῇ. ### book 6.172 ἀλλ’ ὅτε δὴ Λυκίην ἷξε Ξάνθόν τε ῥέοντα, ### book 6.173 προφρονέως μιν τῖεν ἄναξ Λυκίης εὐρείης· ### book 6.174 ἐννῆμαρ ξείνισσε καὶ ἐννέα βοῦς ἱέρευσεν. ### book 6.175 ἀλλ’ ὅτε δὴ δεκάτη ἐφάνη ῥοδοδάκτυλος Ἠὼς ### book 6.176 καὶ τότε μιν ἐρέεινε καὶ ᾔτεε σῆμα ἰδέσθαι ### book 6.177 ὅττί ῥά οἱ γαμβροῖο πάρα Προίτοιο φέροιτο. ### book 6.178 αὐτὰρ ἐπεὶ δὴ σῆμα κακὸν παρεδέξατο γαμβροῦ, ### book 6.179 πρῶτον μέν ῥα Χίμαιραν ἀμαιμακέτην ἐκέλευσε ### book 6.180 πεφνέμεν· ἣ δ’ ἄρ’ ἔην θεῖον γένος οὐδ’ ἀνθρώπων, ### book 6.181 πρόσθε λέων, ὄπιθεν δὲ δράκων, μέσση δὲ χίμαιρα, ### book 6.182 δεινὸν ἀποπνείουσα πυρὸς μένος αἰθομένοιο, ### book 6.183 καὶ τὴν μὲν κατέπεφνε θεῶν τεράεσσι πιθήσας. ### book 6.184 δεύτερον αὖ Σολύμοισι μαχέσσατο κυδαλίμοισι· ### book 6.185 καρτίστην δὴ τήν γε μάχην φάτο δύμεναι ἀνδρῶν. ### book 6.186 τὸ τρίτον αὖ κατέπεφνεν Ἀμαζόνας ἀντιανείρας. ### book 6.187 τῷ δ’ ἄρ’ ἀνερχομένῳ πυκινὸν δόλον ἄλλον ὕφαινε· ### book 6.188 κρίνας ἐκ Λυκίης εὐρείης φῶτας ἀρίστους ### book 6.189 εἷσε λόχον· τοὶ δ’ οὔ τι πάλιν οἶκον δὲ νέοντο· ### book 6.190 πάντας γὰρ κατέπεφνεν ἀμύμων Βελλεροφόντης. ### book 6.191 ἀλλ’ ὅτε δὴ γίγνωσκε θεοῦ γόνον ἠῢν ἐόντα ### book 6.192 αὐτοῦ μιν κατέρυκε, δίδου δ’ ὅ γε θυγατέρα ἥν, ### book 6.193 δῶκε δέ οἱ τιμῆς βασιληΐδος ἥμισυ πάσης· ### book 6.194 καὶ μέν οἱ Λύκιοι τέμενος τάμον ἔξοχον ἄλλων ### book 6.195 καλὸν φυταλιῆς καὶ ἀρούρης, ὄφρα νέμοιτο. ### book 6.196 ἣ δ’ ἔτεκε τρία τέκνα δαΐφρονι Βελλεροφόντῃ ### book 6.197 Ἴσανδρόν τε καὶ Ἱππόλοχον καὶ Λαοδάμειαν. ### book 6.198 Λαοδαμείῃ μὲν παρελέξατο μητίετα Ζεύς, ### book 6.199 ἣ δ’ ἔτεκ’ ἀντίθεον Σαρπηδόνα χαλκοκορυστήν. ### book 6.200 ἀλλ’ ὅτε δὴ καὶ κεῖνος ἀπήχθετο πᾶσι θεοῖσιν, ### book 6.201 ἤτοι ὃ κὰπ πεδίον τὸ Ἀλήϊον οἶος ἀλᾶτο ### book 6.202 ὃν θυμὸν κατέδων, πάτον ἀνθρώπων ἀλεείνων· ### book 6.203 Ἴσανδρον δέ οἱ υἱὸν Ἄρης ἆτος πολέμοιο ### book 6.204 μαρνάμενον Σολύμοισι κατέκτανε κυδαλίμοισι· ### book 6.205 τὴν δὲ χολωσαμένη χρυσήνιος Ἄρτεμις ἔκτα. ### book 6.206 Ἱππόλοχος δέ μ’ ἔτικτε, καὶ ἐκ τοῦ φημι γενέσθαι· ### book 6.207 πέμπε δέ μ’ ἐς Τροίην, καί μοι μάλα πόλλ’ ἐπέτελλεν ### book 6.208 αἰὲν ἀριστεύειν καὶ ὑπείροχον ἔμμεναι ἄλλων, ### book 6.209 μηδὲ γένος πατέρων αἰσχυνέμεν, οἳ μέγ’ ἄριστοι ### book 6.210 ἔν τ’ Ἐφύρῃ ἐγένοντο καὶ ἐν Λυκίῃ εὐρείῃ. ### book 6.211 ταύτης τοι γενεῆς τε καὶ αἵματος εὔχομαι εἶναι. ### book 6.212 Ὣς φάτο, γήθησεν δὲ βοὴν ἀγαθὸς Διομήδης· ### book 6.213 ἔγχος μὲν κατέπηξεν ἐπὶ χθονὶ πουλυβοτείρῃ, ### book 6.214 αὐτὰρ ὃ μειλιχίοισι προσηύδα ποιμένα λαῶν· ### book 6.215 ἦ ῥά νύ μοι ξεῖνος πατρώϊός ἐσσι παλαιός· ### book 6.216 Οἰνεὺς γάρ ποτε δῖος ἀμύμονα Βελλεροφόντην ### book 6.217 ξείνις’ ἐνὶ μεγάροισιν ἐείκοσιν ἤματ’ ἐρύξας· ### book 6.218 οἳ δὲ καὶ ἀλλήλοισι πόρον ξεινήϊα καλά· ### book 6.219 Οἰνεὺς μὲν ζωστῆρα δίδου φοίνικι φαεινόν, ### book 6.220 Βελλεροφόντης δὲ χρύσεον δέπας ἀμφικύπελλον ### book 6.221 καί μιν ἐγὼ κατέλειπον ἰὼν ἐν δώμας’ ἐμοῖσι. ### book 6.222 Τυδέα δ’ οὐ μέμνημαι, ἐπεί μ’ ἔτι τυτθὸν ἐόντα ### book 6.223 κάλλιφ’, ὅτ’ ἐν Θήβῃσιν ἀπώλετο λαὸς Ἀχαιῶν. ### book 6.224 τὼ νῦν σοὶ μὲν ἐγὼ ξεῖνος φίλος Ἄργεϊ μέσσῳ ### book 6.225 εἰμί, σὺ δ’ ἐν Λυκίῃ ὅτε κεν τῶν δῆμον ἵκωμαι. ### book 6.226 ἔγχεα δ’ ἀλλήλων ἀλεώμεθα καὶ δι’ ὁμίλου· ### book 6.227 πολλοὶ μὲν γὰρ ἐμοὶ Τρῶες κλειτοί τ’ ἐπίκουροι ### book 6.228 κτείνειν ὅν κε θεός γε πόρῃ καὶ ποσσὶ κιχείω, ### book 6.229 πολλοὶ δ’ αὖ σοὶ Ἀχαιοὶ ἐναιρέμεν ὅν κε δύνηαι. ### book 6.230 τεύχεα δ’ ἀλλήλοις ἐπαμείψομεν, ὄφρα καὶ οἷδε ### book 6.231 γνῶσιν ὅτι ξεῖνοι πατρώϊοι εὐχόμεθ’ εἶναι. ### book 6.232 Ὣς ἄρα φωνήσαντε καθ’ ἵππων ἀΐξαντε ### book 6.233 χεῖράς τ’ ἀλλήλων λαβέτην καὶ πιστώσαντο· ### book 6.234 ἔνθ’ αὖτε Γλαύκῳ Κρονίδης φρένας ἐξέλετο Ζεύς, ### book 6.235 ὃς πρὸς Τυδεΐδην Διομήδεα τεύχε’ ἄμειβε ### book 6.236 χρύσεα χαλκείων, ἑκατόμβοι’ ἐννεαβοίων. ### book 6.237 Ἕκτωρ δ’ ὡς Σκαιάς τε πύλας καὶ φηγὸν ἵκανεν, ### book 6.238 ἀμφ’ ἄρα μιν Τρώων ἄλοχοι θέον ἠδὲ θύγατρες ### book 6.239 εἰρόμεναι παῖδάς τε κασιγνήτους τε ἔτας τε ### book 6.240 καὶ πόσιας· ὃ δ’ ἔπειτα θεοῖς εὔχεσθαι ἀνώγει ### book 6.241 πάσας ἑξείης· πολλῇσι δὲ κήδε’ ἐφῆπτο. ### book 6.242 Ἀλλ’ ὅτε δὴ Πριάμοιο δόμον περικαλλέ’ ἵκανε ### book 6.243 ξεστῇς αἰθούσῃσι τετυγμένον· αὐτὰρ ἐν αὐτῷ ### book 6.244 πεντήκοντ’ ἔνεσαν θάλαμοι ξεστοῖο λίθοιο ### book 6.245 πλησίον ἀλλήλων δεδμημένοι, ἔνθα δὲ παῖδες ### book 6.246 κοιμῶντο Πριάμοιο παρὰ μνηστῇς ἀλόχοισι, ### book 6.247 κουράων δ’ ἑτέρωθεν ἐναντίοι ἔνδοθεν αὐλῆς ### book 6.248 δώδεκ’ ἔσαν τέγεοι θάλαμοι ξεστοῖο λίθοιο ### book 6.249 πλησίον ἀλλήλων δεδμημένοι, ἔνθα δὲ γαμβροὶ ### book 6.250 κοιμῶντο Πριάμοιο παρ’ αἰδοίῃς ἀλόχοισιν· ### book 6.251 ἔνθά οἱ ἠπιόδωρος ἐναντίη ἤλυθε μήτηρ ### book 6.252 Λαοδίκην ἐσάγουσα θυγατρῶν εἶδος ἀρίστην· ### book 6.253 ἔν τ’ ἄρα οἱ φῦ χειρὶ ἔπος τ’ ἔφατ’ ἔκ τ’ ὀνόμαζε· ### book 6.254 τέκνον τίπτε λιπὼν πόλεμον θρασὺν εἰλήλουθας; ### book 6.255 ἦ μάλα δὴ τείρουσι δυσώνυμοι υἷες Ἀχαιῶν ### book 6.256 μαρνάμενοι περὶ ἄστυ· σὲ δ’ ἐνθάδε θυμὸς ἀνῆκεν ### book 6.257 ἐλθόντ’ ἐξ ἄκρης πόλιος Διὶ χεῖρας ἀνασχεῖν. ### book 6.258 ἀλλὰ μέν’ ὄφρά κέ τοι μελιηδέα οἶνον ἐνείκω, ### book 6.259 ὡς σπείσῃς Διὶ πατρὶ καὶ ἄλλοις ἀθανάτοισι ### book 6.260 πρῶτον, ἔπειτα δὲ καὐτὸς ὀνήσεαι αἴ κε πίῃσθα. ### book 6.261 ἀνδρὶ δὲ κεκμηῶτι μένος μέγα οἶνος ἀέξει, ### book 6.262 ὡς τύνη κέκμηκας ἀμύνων σοῖσιν ἔτῃσι. ### book 6.263 Τὴν δ’ ἠμείβετ’ ἔπειτα μέγας κορυθαίολος Ἕκτωρ· ### book 6.264 μή μοι οἶνον ἄειρε μελίφρονα πότνια μῆτερ, ### book 6.265 μή μ’ ἀπογυιώσῃς μένεος, ἀλκῆς τε λάθωμαι· ### book 6.266 χερσὶ δ’ ἀνίπτοισιν Διὶ λείβειν αἴθοπα οἶνον ### book 6.267 ἅζομαι· οὐδέ πῃ ἔστι κελαινεφέϊ Κρονίωνι ### book 6.268 αἵματι καὶ λύθρῳ πεπαλαγμένον εὐχετάασθαι. ### book 6.269 ἀλλὰ σὺ μὲν πρὸς νηὸν Ἀθηναίης ἀγελείης ### book 6.270 ἔρχεο σὺν θυέεσσιν ἀολλίσσασα γεραιάς· ### book 6.271 πέπλον δ’, ὅς τίς τοι χαριέστατος ἠδὲ μέγιστος ### book 6.272 ἔστιν ἐνὶ μεγάρῳ καί τοι πολὺ φίλτατος αὐτῇ, ### book 6.273 τὸν θὲς Ἀθηναίης ἐπὶ γούνασιν ἠϋκόμοιο, ### book 6.274 καί οἱ ὑποσχέσθαι δυοκαίδεκα βοῦς ἐνὶ νηῷ ### book 6.275 ἤνις ἠκέστας ἱερευσέμεν, αἴ κ’ ἐλεήσῃ ### book 6.276 ἄστύ τε καὶ Τρώων ἀλόχους καὶ νήπια τέκνα, ### book 6.277 αἴ κεν Τυδέος υἱὸν ἀπόσχῃ Ἰλίου ἱρῆς ### book 6.278 ἄγριον αἰχμητὴν κρατερὸν μήστωρα φόβοιο. ### book 6.279 ἀλλὰ σὺ μὲν πρὸς νηὸν Ἀθηναίης ἀγελείης ### book 6.280 ἔρχευ, ἐγὼ δὲ Πάριν μετελεύσομαι ὄφρα καλέσσω ### book 6.281 αἴ κ’ ἐθέλῃς’ εἰπόντος ἀκουέμεν· ὥς κέ οἱ αὖθι ### book 6.282 γαῖα χάνοι· μέγα γάρ μιν Ὀλύμπιος ἔτρεφε πῆμα ### book 6.283 Τρωσί τε καὶ Πριάμῳ μεγαλήτορι τοῖό τε παισίν. ### book 6.284 εἰ κεῖνόν γε ἴδοιμι κατελθόντ’ Ἄϊδος εἴσω ### book 6.285 φαίην κε φρέν’ ἀτέρπου ὀϊζύος ἐκλελαθέσθαι. ### book 6.286 Ὣς ἔφαθ’, ἣ δὲ μολοῦσα ποτὶ μέγαρ’ ἀμφιπόλοισι ### book 6.287 κέκλετο· ταὶ δ’ ἄρ’ ἀόλλισσαν κατὰ ἄστυ γεραιάς. ### book 6.288 αὐτὴ δ’ ἐς θάλαμον κατεβήσετο κηώεντα, ### book 6.289 ἔνθ’ ἔσάν οἱ πέπλοι παμποίκιλα ἔργα γυναικῶν ### book 6.290 Σιδονίων, τὰς αὐτὸς Ἀλέξανδρος θεοειδὴς ### book 6.291 ἤγαγε Σιδονίηθεν ἐπιπλὼς εὐρέα πόντον, ### book 6.292 τὴν ὁδὸν ἣν Ἑλένην περ ἀνήγαγεν εὐπατέρειαν· ### book 6.293 τῶν ἕν’ ἀειραμένη Ἑκάβη φέρε δῶρον Ἀθήνῃ, ### book 6.294 ὃς κάλλιστος ἔην ποικίλμασιν ἠδὲ μέγιστος, ### book 6.295 ἀστὴρ δ’ ὣς ἀπέλαμπεν· ἔκειτο δὲ νείατος ἄλλων. ### book 6.296 βῆ δ’ ἰέναι, πολλαὶ δὲ μετεσσεύοντο γεραιαί. ### book 6.297 Αἳ δ’ ὅτε νηὸν ἵκανον Ἀθήνης ἐν πόλει ἄκρῃ, ### book 6.298 τῇσι θύρας ὤϊξε Θεανὼ καλλιπάρῃος ### book 6.299 Κισσηῒς ἄλοχος Ἀντήνορος ἱπποδάμοιο· ### book 6.300 τὴν γὰρ Τρῶες ἔθηκαν Ἀθηναίης ἱέρειαν. ### book 6.301 αἳ δ’ ὀλολυγῇ πᾶσαι Ἀθήνῃ χεῖρας ἀνέσχον· ### book 6.302 ἣ δ’ ἄρα πέπλον ἑλοῦσα Θεανὼ καλλιπάρῃος ### book 6.303 θῆκεν Ἀθηναίης ἐπὶ γούνασιν ἠϋκόμοιο, ### book 6.304 εὐχομένη δ’ ἠρᾶτο Διὸς κούρῃ μεγάλοιο· ### book 6.305 πότνι’ Ἀθηναίη ἐρυσίπτολι δῖα θεάων ### book 6.306 ἆξον δὴ ἔγχος Διομήδεος, ἠδὲ καὶ αὐτὸν ### book 6.307 πρηνέα δὸς πεσέειν Σκαιῶν προπάροιθε πυλάων, ### book 6.308 ὄφρά τοι αὐτίκα νῦν δυοκαίδεκα βοῦς ἐνὶ νηῷ ### book 6.309 ἤνις ἠκέστας ἱερεύσομεν, αἴ κ’ ἐλεήσῃς ### book 6.310 ἄστύ τε καὶ Τρώων ἀλόχους καὶ νήπια τέκνα. ### book 6.311 Ὣς ἔφατ’ εὐχομένη, ἀνένευε δὲ Παλλὰς Ἀθήνη. ### book 6.312 ὣς αἳ μέν ῥ’ εὔχοντο Διὸς κούρῃ μεγάλοιο, ### book 6.313 Ἕκτωρ δὲ πρὸς δώματ’ Ἀλεξάνδροιο βεβήκει ### book 6.314 καλά, τά ῥ’ αὐτὸς ἔτευξε σὺν ἀνδράσιν οἳ τότ’ ἄριστοι ### book 6.315 ἦσαν ἐνὶ Τροίῃ ἐριβώλακι τέκτονες ἄνδρες, ### book 6.316 οἵ οἱ ἐποίησαν θάλαμον καὶ δῶμα καὶ αὐλὴν ### book 6.317 ἐγγύθι τε Πριάμοιο καὶ Ἕκτορος ἐν πόλει ἄκρῃ. ### book 6.318 ἔνθ’ Ἕκτωρ εἰσῆλθε Διῒ φίλος, ἐν δ’ ἄρα χειρὶ ### book 6.319 ἔγχος ἔχ’ ἑνδεκάπηχυ· πάροιθε δὲ λάμπετο δουρὸς ### book 6.320 αἰχμὴ χαλκείη, περὶ δὲ χρύσεος θέε πόρκης. ### book 6.321 τὸν δ’ εὗρ’ ἐν θαλάμῳ περικαλλέα τεύχε’ ἕποντα ### book 6.322 ἀσπίδα καὶ θώρηκα, καὶ ἀγκύλα τόξ’ ἁφόωντα· ### book 6.323 Ἀργείη δ’ Ἑλένη μετ’ ἄρα δμῳῇσι γυναιξὶν ### book 6.324 ἧστο καὶ ἀμφιπόλοισι περικλυτὰ ἔργα κέλευε. ### book 6.325 τὸν δ’ Ἕκτωρ νείκεσσεν ἰδὼν αἰσχροῖς ἐπέεσσι· ### book 6.326 δαιμόνι’ οὐ μὲν καλὰ χόλον τόνδ’ ἔνθεο θυμῷ, ### book 6.327 λαοὶ μὲν φθινύθουσι περὶ πτόλιν αἰπύ τε τεῖχος ### book 6.328 μαρνάμενοι· σέο δ’ εἵνεκ’ ἀϋτή τε πτόλεμός τε ### book 6.329 ἄστυ τόδ’ ἀμφιδέδηε· σὺ δ’ ἂν μαχέσαιο καὶ ἄλλῳ, ### book 6.330 ὅν τινά που μεθιέντα ἴδοις στυγεροῦ πολέμοιο. ### book 6.331 ἀλλ’ ἄνα μὴ τάχα ἄστυ πυρὸς δηΐοιο θέρηται. ### book 6.332 Τὸν δ’ αὖτε προσέειπεν Ἀλέξανδρος θεοειδής· ### book 6.333 Ἕκτορ ἐπεί με κατ’ αἶσαν ἐνείκεσας οὐδ’ ὑπὲρ αἶσαν, ### book 6.334 τοὔνεκά τοι ἐρέω· σὺ δὲ σύνθεο καί μευ ἄκουσον· ### book 6.335 οὔ τοι ἐγὼ Τρώων τόσσον χόλῳ οὐδὲ νεμέσσι ### book 6.336 ἥμην ἐν θαλάμῳ, ἔθελον δ’ ἄχεϊ προτραπέσθαι. ### book 6.337 νῦν δέ με παρειποῦς’ ἄλοχος μαλακοῖς ἐπέεσσιν ### book 6.338 ὅρμης’ ἐς πόλεμον· δοκέει δέ μοι ὧδε καὶ αὐτῷ ### book 6.339 λώϊον ἔσσεσθαι· νίκη δ’ ἐπαμείβεται ἄνδρας. ### book 6.340 ἀλλ’ ἄγε νῦν ἐπίμεινον, Ἀρήϊα τεύχεα δύω· ### book 6.341 ἢ ἴθ’, ἐγὼ δὲ μέτειμι· κιχήσεσθαι δέ ς’ ὀΐω. ### book 6.342 Ὣς φάτο, τὸν δ’ οὔ τι προσέφη κορυθαίολος Ἕκτωρ· ### book 6.343 τὸν δ’ Ἑλένη μύθοισι προσηύδα μειλιχίοισι· ### book 6.344 δᾶερ ἐμεῖο κυνὸς κακομηχάνου ὀκρυοέσσης, ### book 6.345 ὥς μ’ ὄφελ’ ἤματι τῷ ὅτε με πρῶτον τέκε μήτηρ ### book 6.346 οἴχεσθαι προφέρουσα κακὴ ἀνέμοιο θύελλα ### book 6.347 εἰς ὄρος ἢ εἰς κῦμα πολυφλοίσβοιο θαλάσσης, ### book 6.348 ἔνθά με κῦμ’ ἀπόερσε πάρος τάδε ἔργα γενέσθαι. ### book 6.349 αὐτὰρ ἐπεὶ τάδε γ’ ὧδε θεοὶ κακὰ τεκμήραντο, ### book 6.350 ἀνδρὸς ἔπειτ’ ὤφελλον ἀμείνονος εἶναι ἄκοιτις, ### book 6.351 ὃς ᾔδη νέμεσίν τε καὶ αἴσχεα πόλλ’ ἀνθρώπων. ### book 6.352 τούτῳ δ’ οὔτ’ ἂρ νῦν φρένες ἔμπεδοι οὔτ’ ἄρ’ ὀπίσσω ### book 6.353 ἔσσονται· τὼ καί μιν ἐπαυρήσεσθαι ὀΐω. ### book 6.354 ἀλλ’ ἄγε νῦν εἴσελθε καὶ ἕζεο τῷδ’ ἐπὶ δίφρῳ ### book 6.355 δᾶερ, ἐπεί σε μάλιστα πόνος φρένας ἀμφιβέβηκεν ### book 6.356 εἵνεκ’ ἐμεῖο κυνὸς καὶ Ἀλεξάνδρου ἕνεκ’ ἄτης, ### book 6.357 οἷσιν ἐπὶ Ζεὺς θῆκε κακὸν μόρον, ὡς καὶ ὀπίσσω ### book 6.358 ἀνθρώποισι πελώμεθ’ ἀοίδιμοι ἐσσομένοισι. ### book 6.359 Τὴν δ’ ἠμείβετ’ ἔπειτα μέγας κορυθαίολος Ἕκτωρ ### book 6.360 μή με κάθιζ’ Ἑλένη φιλέουσά περ· οὐδέ με πείσεις· ### book 6.361 ἤδη γάρ μοι θυμὸς ἐπέσσυται ὄφρ’ ἐπαμύνω ### book 6.362 Τρώεσς’, οἳ μέγ’ ἐμεῖο ποθὴν ἀπεόντος ἔχουσιν. ### book 6.363 ἀλλὰ σύ γ’ ὄρνυθι τοῦτον, ἐπειγέσθω δὲ καὶ αὐτός, ### book 6.364 ὥς κεν ἔμ’ ἔντοσθεν πόλιος καταμάρψῃ ἐόντα. ### book 6.365 καὶ γὰρ ἐγὼν οἶκον δὲ ἐλεύσομαι ὄφρα ἴδωμαι ### book 6.366 οἰκῆας ἄλοχόν τε φίλην καὶ νήπιον υἱόν. ### book 6.367 οὐ γὰρ οἶδ’ εἰ ἔτι σφιν ὑπότροπος ἵξομαι αὖτις, ### book 6.368 ἦ ἤδη μ’ ὑπὸ χερσὶ θεοὶ δαμόωσιν Ἀχαιῶν. ### book 6.369 Ὣς ἄρα φωνήσας ἀπέβη κορυθαίολος Ἕκτωρ· ### book 6.370 αἶψα δ’ ἔπειθ’ ἵκανε δόμους εὖ ναιετάοντας, ### book 6.371 οὐδ’ εὗρ’ Ἀνδρομάχην λευκώλενον ἐν μεγάροισιν, ### book 6.372 ἀλλ’ ἥ γε ξὺν παιδὶ καὶ ἀμφιπόλῳ ἐϋπέπλῳ ### book 6.373 πύργῳ ἐφεστήκει γοόωσά τε μυρομένη τε. ### book 6.374 Ἕκτωρ δ’ ὡς οὐκ ἔνδον ἀμύμονα τέτμεν ἄκοιτιν ### book 6.375 ἔστη ἐπ’ οὐδὸν ἰών, μετὰ δὲ δμῳῇσιν ἔειπεν· ### book 6.376 εἰ δ’ ἄγε μοι δμῳαὶ νημερτέα μυθήσασθε· ### book 6.377 πῇ ἔβη Ἀνδρομάχη λευκώλενος ἐκ μεγάροιο; ### book 6.378 ἠέ πῃ ἐς γαλόων ἢ εἰνατέρων ἐϋπέπλων ### book 6.379 ἢ ἐς Ἀθηναίης ἐξοίχεται, ἔνθά περ ἄλλαι ### book 6.380 Τρῳαὶ ἐϋπλόκαμοι δεινὴν θεὸν ἱλάσκονται; ### book 6.381 Τὸν δ’ αὖτ’ ὀτρηρὴ ταμίη πρὸς μῦθον ἔειπεν· ### book 6.382 Ἕκτορ ἐπεὶ μάλ’ ἄνωγας ἀληθέα μυθήσασθαι, ### book 6.383 οὔτέ πῃ ἐς γαλόων οὔτ’ εἰνατέρων ἐϋπέπλων ### book 6.384 οὔτ’ ἐς Ἀθηναίης ἐξοίχεται, ἔνθά περ ἄλλαι ### book 6.385 Τρῳαὶ ἐϋπλόκαμοι δεινὴν θεὸν ἱλάσκονται, ### book 6.386 ἀλλ’ ἐπὶ πύργον ἔβη μέγαν Ἰλίου, οὕνεκ’ ἄκουσε ### book 6.387 τείρεσθαι Τρῶας, μέγα δὲ κράτος εἶναι Ἀχαιῶν. ### book 6.388 ἣ μὲν δὴ πρὸς τεῖχος ἐπειγομένη ἀφικάνει ### book 6.389 μαινομένῃ ἐϊκυῖα· φέρει δ’ ἅμα παῖδα τιθήνη. ### book 6.390 Ἦ ῥα γυνὴ ταμίη, ὃ δ’ ἀπέσσυτο δώματος Ἕκτωρ ### book 6.391 τὴν αὐτὴν ὁδὸν αὖτις ἐϋκτιμένας κατ’ ἀγυιάς. ### book 6.392 εὖτε πύλας ἵκανε διερχόμενος μέγα ἄστυ ### book 6.393 Σκαιάς, τῇ ἄρ’ ἔμελλε διεξίμεναι πεδίον δέ, ### book 6.394 ἔνθ’ ἄλοχος πολύδωρος ἐναντίη ἦλθε θέουσα ### book 6.395 Ἀνδρομάχη θυγάτηρ μεγαλήτορος Ἠετίωνος ### book 6.396 Ἠετίων ὃς ἔναιεν ὑπὸ Πλάκῳ ὑληέσσῃ ### book 6.397 Θήβῃ Ὑποπλακίῃ Κιλίκεσς’ ἄνδρεσσιν ἀνάσσων· ### book 6.398 τοῦ περ δὴ θυγάτηρ ἔχεθ’ Ἕκτορι χαλκοκορυστῇ. ### book 6.399 ἥ οἱ ἔπειτ’ ἤντης’, ἅμα δ’ ἀμφίπολος κίεν αὐτῇ ### book 6.400 παῖδ’ ἐπὶ κόλπῳ ἔχους’ ἀταλάφρονα νήπιον αὔτως ### book 6.401 Ἑκτορίδην ἀγαπητὸν ἀλίγκιον ἀστέρι καλῷ, ### book 6.402 τόν ῥ’ Ἕκτωρ καλέεσκε Σκαμάνδριον, αὐτὰρ οἱ ἄλλοι ### book 6.403 Ἀστυάνακτ’· οἶος γὰρ ἐρύετο Ἴλιον Ἕκτωρ. ### book 6.404 ἤτοι ὃ μὲν μείδησεν ἰδὼν ἐς παῖδα σιωπῇ· ### book 6.405 Ἀνδρομάχη δέ οἱ ἄγχι παρίστατο δάκρυ χέουσα, ### book 6.406 ἔν τ’ ἄρα οἱ φῦ χειρὶ ἔπος τ’ ἔφατ’ ἔκ τ’ ὀνόμαζε· ### book 6.407 δαιμόνιε φθίσει σε τὸ σὸν μένος, οὐδ’ ἐλεαίρεις ### book 6.408 παῖδά τε νηπίαχον καὶ ἔμ’ ἄμμορον, ἣ τάχα χήρη ### book 6.409 σεῦ ἔσομαι· τάχα γάρ σε κατακτανέουσιν Ἀχαιοὶ ### book 6.410 πάντες ἐφορμηθέντες· ἐμοὶ δέ κε κέρδιον εἴη ### book 6.411 σεῦ ἀφαμαρτούσῃ χθόνα δύμεναι· οὐ γὰρ ἔτ’ ἄλλη ### book 6.412 ἔσται θαλπωρὴ ἐπεὶ ἂν σύ γε πότμον ἐπίσπῃς ### book 6.413 ἀλλ’ ἄχε’· οὐδέ μοι ἔστι πατὴρ καὶ πότνια μήτηρ. ### book 6.414 ἤτοι γὰρ πατέρ’ ἁμὸν ἀπέκτανε δῖος Ἀχιλλεύς, ### book 6.415 ἐκ δὲ πόλιν πέρσεν Κιλίκων εὖ ναιετάουσαν ### book 6.416 Θήβην ὑψίπυλον· κατὰ δ’ ἔκτανεν Ἠετίωνα, ### book 6.417 οὐδέ μιν ἐξενάριξε, σεβάσσατο γὰρ τό γε θυμῷ, ### book 6.418 ἀλλ’ ἄρα μιν κατέκηε σὺν ἔντεσι δαιδαλέοισιν ### book 6.419 ἠδ’ ἐπὶ σῆμ’ ἔχεεν· περὶ δὲ πτελέας ἐφύτευσαν ### book 6.420 νύμφαι ὀρεστιάδες κοῦραι Διὸς αἰγιόχοιο. ### book 6.421 οἳ δέ μοι ἑπτὰ κασίγνητοι ἔσαν ἐν μεγάροισιν ### book 6.422 οἳ μὲν πάντες ἰῷ κίον ἤματι Ἄϊδος εἴσω· ### book 6.423 πάντας γὰρ κατέπεφνε ποδάρκης δῖος Ἀχιλλεὺς ### book 6.424 βουσὶν ἐπ’ εἰλιπόδεσσι καὶ ἀργεννῇς ὀΐεσσι. ### book 6.425 μητέρα δ’, ἣ βασίλευεν ὑπὸ Πλάκῳ ὑληέσσῃ, ### book 6.426 τὴν ἐπεὶ ἂρ δεῦρ’ ἤγαγ’ ἅμ’ ἄλλοισι κτεάτεσσιν, ### book 6.427 ἂψ ὅ γε τὴν ἀπέλυσε λαβὼν ἀπερείσι’ ἄποινα, ### book 6.428 πατρὸς δ’ ἐν μεγάροισι βάλ’ Ἄρτεμις ἰοχέαιρα. ### book 6.429 Ἕκτορ ἀτὰρ σύ μοί ἐσσι πατὴρ καὶ πότνια μήτηρ ### book 6.430 ἠδὲ κασίγνητος, σὺ δέ μοι θαλερὸς παρακοίτης· ### book 6.431 ἀλλ’ ἄγε νῦν ἐλέαιρε καὶ αὐτοῦ μίμν’ ἐπὶ πύργῳ, ### book 6.432 μὴ παῖδ’ ὀρφανικὸν θήῃς χήρην τε γυναῖκα· ### book 6.433 λαὸν δὲ στῆσον παρ’ ἐρινεόν, ἔνθα μάλιστα ### book 6.434 ἀμβατός ἐστι πόλις καὶ ἐπίδρομον ἔπλετο τεῖχος. ### book 6.435 τρὶς γὰρ τῇ γ’ ἐλθόντες ἐπειρήσανθ’ οἱ ἄριστοι ### book 6.436 ἀμφ’ Αἴαντε δύω καὶ ἀγακλυτὸν Ἰδομενῆα ### book 6.437 ἠδ’ ἀμφ’ Ἀτρεΐδας καὶ Τυδέος ἄλκιμον υἱόν· ### book 6.438 ἤ πού τίς σφιν ἔνισπε θεοπροπίων ἐῢ εἰδώς, ### book 6.439 ἤ νυ καὶ αὐτῶν θυμὸς ἐποτρύνει καὶ ἀνώγει. ### book 6.440 Τὴν δ’ αὖτε προσέειπε μέγας κορυθαίολος Ἕκτωρ· ### book 6.441 ἦ καὶ ἐμοὶ τάδε πάντα μέλει γύναι· ἀλλὰ μάλ’ αἰνῶς ### book 6.442 αἰδέομαι Τρῶας καὶ Τρῳάδας ἑλκεσιπέπλους, ### book 6.443 αἴ κε κακὸς ὣς νόσφιν ἀλυσκάζω πολέμοιο· ### book 6.444 οὐδέ με θυμὸς ἄνωγεν, ἐπεὶ μάθον ἔμμεναι ἐσθλὸς ### book 6.445 αἰεὶ καὶ πρώτοισι μετὰ Τρώεσσι μάχεσθαι ### book 6.446 ἀρνύμενος πατρός τε μέγα κλέος ἠδ’ ἐμὸν αὐτοῦ. ### book 6.447 εὖ γὰρ ἐγὼ τόδε οἶδα κατὰ φρένα καὶ κατὰ θυμόν· ### book 6.448 ἔσσεται ἦμαρ ὅτ’ ἄν ποτ’ ὀλώλῃ Ἴλιος ἱρὴ ### book 6.449 καὶ Πρίαμος καὶ λαὸς ἐϋμμελίω Πριάμοιο. ### book 6.450 ἀλλ’ οὔ μοι Τρώων τόσσον μέλει ἄλγος ὀπίσσω, ### book 6.451 οὔτ’ αὐτῆς Ἑκάβης οὔτε Πριάμοιο ἄνακτος ### book 6.452 οὔτε κασιγνήτων, οἵ κεν πολέες τε καὶ ἐσθλοὶ ### book 6.453 ἐν κονίῃσι πέσοιεν ὑπ’ ἀνδράσι δυσμενέεσσιν, ### book 6.454 ὅσσον σεῦ, ὅτε κέν τις Ἀχαιῶν χαλκοχιτώνων ### book 6.455 δακρυόεσσαν ἄγηται ἐλεύθερον ἦμαρ ἀπούρας· ### book 6.456 καί κεν ἐν Ἄργει ἐοῦσα πρὸς ἄλλης ἱστὸν ὑφαίνοις, ### book 6.457 καί κεν ὕδωρ φορέοις Μεσσηΐδος ἢ Ὑπερείης ### book 6.458 πόλλ’ ἀεκαζομένη, κρατερὴ δ’ ἐπικείσετ’ ἀνάγκη· ### book 6.459 καί ποτέ τις εἴπῃσιν ἰδὼν κατὰ δάκρυ χέουσαν· ### book 6.460 Ἕκτορος ἧδε γυνὴ ὃς ἀριστεύεσκε μάχεσθαι ### book 6.461 Τρώων ἱπποδάμων ὅτε Ἴλιον ἀμφεμάχοντο. ### book 6.462 ὥς ποτέ τις ἐρέει· σοὶ δ’ αὖ νέον ἔσσεται ἄλγος ### book 6.463 χήτεϊ τοιοῦδ’ ἀνδρὸς ἀμύνειν δούλιον ἦμαρ. ### book 6.464 ἀλλά με τεθνηῶτα χυτὴ κατὰ γαῖα καλύπτοι ### book 6.465 πρίν γέ τι σῆς τε βοῆς σοῦ θ’ ἑλκηθμοῖο πυθέσθαι. ### book 6.466 Ὣς εἰπὼν οὗ παιδὸς ὀρέξατο φαίδιμος Ἕκτωρ· ### book 6.467 ἂψ δ’ ὃ πάϊς πρὸς κόλπον ἐϋζώνοιο τιθήνης ### book 6.468 ἐκλίνθη ἰάχων πατρὸς φίλου ὄψιν ἀτυχθεὶς ### book 6.469 ταρβήσας χαλκόν τε ἰδὲ λόφον ἱππιοχαίτην, ### book 6.470 δεινὸν ἀπ’ ἀκροτάτης κόρυθος νεύοντα νοήσας. ### book 6.471 ἐκ δ’ ἐγέλασσε πατήρ τε φίλος καὶ πότνια μήτηρ· ### book 6.472 αὐτίκ’ ἀπὸ κρατὸς κόρυθ’ εἵλετο φαίδιμος Ἕκτωρ, ### book 6.473 καὶ τὴν μὲν κατέθηκεν ἐπὶ χθονὶ παμφανόωσαν· ### book 6.474 αὐτὰρ ὅ γ’ ὃν φίλον υἱὸν ἐπεὶ κύσε πῆλέ τε χερσὶν ### book 6.475 εἶπε δ’ ἐπευξάμενος Διί τ’ ἄλλοισίν τε θεοῖσι· ### book 6.476 Ζεῦ ἄλλοι τε θεοὶ δότε δὴ καὶ τόνδε γενέσθαι ### book 6.477 παῖδ’ ἐμὸν ὡς καὶ ἐγώ περ ἀριπρεπέα Τρώεσσιν, ### book 6.478 ὧδε βίην τ’ ἀγαθόν, καὶ Ἰλίου ἶφι ἀνάσσειν· ### book 6.479 καί ποτέ τις εἴποι πατρός γ’ ὅδε πολλὸν ἀμείνων ### book 6.480 ἐκ πολέμου ἀνιόντα· φέροι δ’ ἔναρα βροτόεντα ### book 6.481 κτείνας δήϊον ἄνδρα, χαρείη δὲ φρένα μήτηρ. ### book 6.482 Ὣς εἰπὼν ἀλόχοιο φίλης ἐν χερσὶν ἔθηκε ### book 6.483 παῖδ’ ἑόν· ἣ δ’ ἄρα μιν κηώδεϊ δέξατο κόλπῳ ### book 6.484 δακρυόεν γελάσασα· πόσις δ’ ἐλέησε νοήσας, ### book 6.485 χειρί τέ μιν κατέρεξεν ἔπος τ’ ἔφατ’ ἔκ τ’ ὀνόμαζε· ### book 6.486 δαιμονίη μή μοί τι λίην ἀκαχίζεο θυμῷ· ### book 6.487 οὐ γάρ τίς μ’ ὑπὲρ αἶσαν ἀνὴρ Ἄϊδι προϊάψει· ### book 6.488 μοῖραν δ’ οὔ τινά φημι πεφυγμένον ἔμμεναι ἀνδρῶν, ### book 6.489 οὐ κακὸν οὐδὲ μὲν ἐσθλόν, ἐπὴν τὰ πρῶτα γένηται. ### book 6.490 ἀλλ’ εἰς οἶκον ἰοῦσα τὰ ς’ αὐτῆς ἔργα κόμιζε ### book 6.491 ἱστόν τ’ ἠλακάτην τε, καὶ ἀμφιπόλοισι κέλευε ### book 6.492 ἔργον ἐποίχεσθαι· πόλεμος δ’ ἄνδρεσσι μελήσει ### book 6.493 πᾶσι, μάλιστα δ’ ἐμοί, τοὶ Ἰλίῳ ἐγγεγάασιν. ### book 6.494 Ὣς ἄρα φωνήσας κόρυθ’ εἵλετο φαίδιμος Ἕκτωρ ### book 6.495 ἵππουριν· ἄλοχος δὲ φίλη οἶκον δὲ βεβήκει ### book 6.496 ἐντροπαλιζομένη, θαλερὸν κατὰ δάκρυ χέουσα. ### book 6.497 αἶψα δ’ ἔπειθ’ ἵκανε δόμους εὖ ναιετάοντας ### book 6.498 Ἕκτορος ἀνδροφόνοιο, κιχήσατο δ’ ἔνδοθι πολλὰς ### book 6.499 ἀμφιπόλους, τῇσιν δὲ γόον πάσῃσιν ἐνῶρσεν. ### book 6.500 αἳ μὲν ἔτι ζωὸν γόον Ἕκτορα ᾧ ἐνὶ οἴκῳ· ### book 6.501 οὐ γάρ μιν ἔτ’ ἔφαντο ὑπότροπον ἐκ πολέμοιο ### book 6.502 ἵξεσθαι προφυγόντα μένος καὶ χεῖρας Ἀχαιῶν. ### book 6.503 Οὐδὲ Πάρις δήθυνεν ἐν ὑψηλοῖσι δόμοισιν, ### book 6.504 ἀλλ’ ὅ γ’, ἐπεὶ κατέδυ κλυτὰ τεύχεα ποικίλα χαλκῷ, ### book 6.505 σεύατ’ ἔπειτ’ ἀνὰ ἄστυ ποσὶ κραιπνοῖσι πεποιθώς. ### book 6.506 ὡς δ’ ὅτε τις στατὸς ἵππος ἀκοστήσας ἐπὶ φάτνῃ ### book 6.507 δεσμὸν ἀπορρήξας θείῃ πεδίοιο κροαίνων ### book 6.508 εἰωθὼς λούεσθαι ἐϋρρεῖος ποταμοῖο ### book 6.509 κυδιόων· ὑψοῦ δὲ κάρη ἔχει, ἀμφὶ δὲ χαῖται ### book 6.510 ὤμοις ἀΐσσονται· ὃ δ’ ἀγλαΐηφι πεποιθὼς ### book 6.511 ῥίμφά ἑ γοῦνα φέρει μετά τ’ ἤθεα καὶ νομὸν ἵππων· ### book 6.512 ὣς υἱὸς Πριάμοιο Πάρις κατὰ Περγάμου ἄκρης ### book 6.513 τεύχεσι παμφαίνων ὥς τ’ ἠλέκτωρ ἐβεβήκει ### book 6.514 καγχαλόων, ταχέες δὲ πόδες φέρον· αἶψα δ’ ἔπειτα ### book 6.515 Ἕκτορα δῖον ἔτετμεν ἀδελφεὸν εὖτ’ ἄρ’ ἔμελλε ### book 6.516 στρέψεσθ’ ἐκ χώρης ὅθι ᾗ ὀάριζε γυναικί. ### book 6.517 τὸν πρότερος προσέειπεν Ἀλέξανδρος θεοειδής· ### book 6.518 ἠθεῖ’ ἦ μάλα δή σε καὶ ἐσσύμενον κατερύκω ### book 6.519 δηθύνων, οὐδ’ ἦλθον ἐναίσιμον ὡς ἐκέλευες; ### book 6.520 Τὸν δ’ ἀπαμειβόμενος προσέφη κορυθαίολος Ἕκτωρ· ### book 6.521 δαιμόνι’ οὐκ ἄν τίς τοι ἀνὴρ ὃς ἐναίσιμος εἴη ### book 6.522 ἔργον ἀτιμήσειε μάχης, ἐπεὶ ἄλκιμός ἐσσι· ### book 6.523 ἀλλὰ ἑκὼν μεθιεῖς τε καὶ οὐκ ἐθέλεις· τὸ δ’ ἐμὸν κῆρ ### book 6.524 ἄχνυται ἐν θυμῷ, ὅθ’ ὑπὲρ σέθεν αἴσχε’ ἀκούω ### book 6.525 πρὸς Τρώων, οἳ ἔχουσι πολὺν πόνον εἵνεκα σεῖο. ### book 6.526 ἀλλ’ ἴομεν· τὰ δ’ ὄπισθεν ἀρεσσόμεθ’, αἴ κέ ποθι Ζεὺς ### book 6.527 δώῃ ἐπουρανίοισι θεοῖς αἰειγενέτῃσι ### book 6.528 κρητῆρα στήσασθαι ἐλεύθερον ἐν μεγάροισιν ### book 6.529 ἐκ Τροίης ἐλάσαντας ἐϋκνήμιδας Ἀχαιούς. ### book 7.1 Ὣς εἰπὼν πυλέων ἐξέσσυτο φαίδιμος Ἕκτωρ, ### book 7.2 τῷ δ’ ἅμ’ Ἀλέξανδρος κί’ ἀδελφεός· ἐν δ’ ἄρα θυμῷ ### book 7.3 ἀμφότεροι μέμασαν πολεμίζειν ἠδὲ μάχεσθαι. ### book 7.4 ὡς δὲ θεὸς ναύτῃσιν ἐελδομένοισιν ἔδωκεν ### book 7.5 οὖρον, ἐπεί κε κάμωσιν ἐϋξέστῃς ἐλάτῃσι ### book 7.6 πόντον ἐλαύνοντες, καμάτῳ δ’ ὑπὸ γυῖα λέλυνται, ### book 7.7 ὣς ἄρα τὼ Τρώεσσιν ἐελδομένοισι φανήτην. ### book 7.8 Ἔνθ’ ἑλέτην ὃ μὲν υἱὸν Ἀρηϊθόοιο ἄνακτος ### book 7.9 Ἄρνῃ ναιετάοντα Μενέσθιον, ὃν κορυνήτης ### book 7.10 γείνατ’ Ἀρηΐθοος καὶ Φυλομέδουσα βοῶπις· ### book 7.11 Ἕκτωρ δ’ Ἠϊονῆα βάλ’ ἔγχεϊ ὀξυόεντι ### book 7.12 αὐχέν’ ὑπὸ στεφάνης εὐχάλκου, λύντο δὲ γυῖα. ### book 7.13 Γλαῦκος δ’ Ἱππολόχοιο πάϊς Λυκίων ἀγὸς ἀνδρῶν ### book 7.14 Ἰφίνοον βάλε δουρὶ κατὰ κρατερὴν ὑσμίνην ### book 7.15 Δεξιάδην ἵππων ἐπιάλμενον ὠκειάων ### book 7.16 ὦμον· ὃ δ’ ἐξ ἵππων χαμάδις πέσε, λύντο δὲ γυῖα. ### book 7.17 Τοὺς δ’ ὡς οὖν ἐνόησε θεὰ γλαυκῶπις Ἀθήνη ### book 7.18 Ἀργείους ὀλέκοντας ἐνὶ κρατερῇ ὑσμίνῃ, ### book 7.19 βῆ ῥα κατ’ Οὐλύμποιο καρήνων ἀΐξασα ### book 7.20 Ἴλιον εἰς ἱερήν· τῇ δ’ ἀντίος ὄρνυτ’ Ἀπόλλων ### book 7.21 Περγάμου ἐκκατιδών, Τρώεσσι δὲ βούλετο νίκην· ### book 7.22 ἀλλήλοισι δὲ τώ γε συναντέσθην παρὰ φηγῷ. ### book 7.23 τὴν πρότερος προσέειπεν ἄναξ Διὸς υἱὸς Ἀπόλλων· ### book 7.24 τίπτε σὺ δ’ αὖ μεμαυῖα Διὸς θύγατερ μεγάλοιο ### book 7.25 ἦλθες ἀπ’ Οὐλύμποιο, μέγας δέ σε θυμὸς ἀνῆκεν; ### book 7.26 ἦ ἵνα δὴ Δαναοῖσι μάχης ἑτεραλκέα νίκην ### book 7.27 δῷς; ἐπεὶ οὔ τι Τρῶας ἀπολλυμένους ἐλεαίρεις. ### book 7.28 ἀλλ’ εἴ μοί τι πίθοιο τό κεν πολὺ κέρδιον εἴη· ### book 7.29 νῦν μὲν παύσωμεν πόλεμον καὶ δηϊοτῆτα ### book 7.30 σήμερον· ὕστερον αὖτε μαχήσοντ’ εἰς ὅ κε τέκμωρ ### book 7.31 Ἰλίου εὕρωσιν, ἐπεὶ ὣς φίλον ἔπλετο θυμῷ ### book 7.32 ὑμῖν ἀθανάτῃσι, διαπραθέειν τόδε ἄστυ. ### book 7.33 Τὸν δ’ αὖτε προσέειπε θεὰ γλαυκῶπις Ἀθήνη· ### book 7.34 ὧδ’ ἔστω ἑκάεργε· τὰ γὰρ φρονέουσα καὶ αὐτὴ ### book 7.35 ἦλθον ἀπ’ Οὐλύμποιο μετὰ Τρῶας καὶ Ἀχαιούς. ### book 7.36 ἀλλ’ ἄγε πῶς μέμονας πόλεμον καταπαυσέμεν ἀνδρῶν; ### book 7.37 Τὴν δ’ αὖτε προσέειπεν ἄναξ Διὸς υἱὸς Ἀπόλλων· ### book 7.38 Ἕκτορος ὄρσωμεν κρατερὸν μένος ἱπποδάμοιο, ### book 7.39 ἤν τινά που Δαναῶν προκαλέσσεται οἰόθεν οἶος ### book 7.40 ἀντίβιον μαχέσασθαι ἐν αἰνῇ δηϊοτῆτι, ### book 7.41 οἳ δέ κ’ ἀγασσάμενοι χαλκοκνήμιδες Ἀχαιοὶ ### book 7.42 οἶον ἐπόρσειαν πολεμίζειν Ἕκτορι δίῳ. ### book 7.43 Ὣς ἔφατ’, οὐδ’ ἀπίθησε θεὰ γλαυκῶπις Ἀθήνη. ### book 7.44 τῶν δ’ Ἕλενος Πριάμοιο φίλος παῖς σύνθετο θυμῷ ### book 7.45 βουλήν, ἥ ῥα θεοῖσιν ἐφήνδανε μητιόωσι· ### book 7.46 στῆ δὲ παρ’ Ἕκτορ’ ἰὼν καί μιν πρὸς μῦθον ἔειπεν· ### book 7.47 Ἕκτορ υἱὲ Πριάμοιο Διὶ μῆτιν ἀτάλαντε ### book 7.48 ἦ ῥά νύ μοί τι πίθοιο, κασίγνητος δέ τοί εἰμι· ### book 7.49 ἄλλους μὲν κάθισον Τρῶας καὶ πάντας Ἀχαιούς, ### book 7.50 αὐτὸς δὲ προκάλεσσαι Ἀχαιῶν ὅς τις ἄριστος ### book 7.51 ἀντίβιον μαχέσασθαι ἐν αἰνῇ δηϊοτῆτι· ### book 7.52 οὐ γάρ πώ τοι μοῖρα θανεῖν καὶ πότμον ἐπισπεῖν· ### book 7.53 ὣς γὰρ ἐγὼ ὄπ’ ἄκουσα θεῶν αἰειγενετάων. ### book 7.54 Ὣς ἔφαθ’, Ἕκτωρ δ’ αὖτε χάρη μέγα μῦθον ἀκούσας, ### book 7.55 καί ῥ’ ἐς μέσσον ἰὼν Τρώων ἀνέεργε φάλαγγας, ### book 7.56 μέσσου δουρὸς ἑλών· οἳ δ’ ἱδρύνθησαν ἅπαντες. ### book 7.57 κὰδ δ’ Ἀγαμέμνων εἷσεν ἐϋκνήμιδας Ἀχαιούς· ### book 7.58 κὰδ δ’ ἄρ’ Ἀθηναίη τε καὶ ἀργυρότοξος Ἀπόλλων ### book 7.59 ἑζέσθην ὄρνισιν ἐοικότες αἰγυπιοῖσι ### book 7.60 φηγῷ ἐφ’ ὑψηλῇ πατρὸς Διὸς αἰγιόχοιο ### book 7.61 ἀνδράσι τερπόμενοι· τῶν δὲ στίχες εἵατο πυκναὶ ### book 7.62 ἀσπίσι καὶ κορύθεσσι καὶ ἔγχεσι πεφρικυῖαι. ### book 7.63 οἵη δὲ Ζεφύροιο ἐχεύατο πόντον ἔπι φρὶξ ### book 7.64 ὀρνυμένοιο νέον, μελάνει δέ τε πόντος ὑπ’ αὐτῆς, ### book 7.65 τοῖαι ἄρα στίχες εἵατ’ Ἀχαιῶν τε Τρώων τε ### book 7.66 ἐν πεδίῳ· Ἕκτωρ δὲ μετ’ ἀμφοτέροισιν ἔειπε· ### book 7.67 κέκλυτέ μευ Τρῶες καὶ ἐϋκνήμιδες Ἀχαιοὶ ### book 7.68 ὄφρ’ εἴπω τά με θυμὸς ἐνὶ στήθεσσι κελεύει. ### book 7.69 ὅρκια μὲν Κρονίδης ὑψίζυγος οὐκ ἐτέλεσσεν, ### book 7.70 ἀλλὰ κακὰ φρονέων τεκμαίρεται ἀμφοτέροισιν ### book 7.71 εἰς ὅ κεν ἢ ὑμεῖς Τροίην εὔπυργον ἕλητε ### book 7.72 ἢ αὐτοὶ παρὰ νηυσὶ δαμείετε ποντοπόροισιν. ### book 7.73 ὑμῖν δ’ ἐν γὰρ ἔασιν ἀριστῆες Παναχαιῶν· ### book 7.74 τῶν νῦν ὅν τινα θυμὸς ἐμοὶ μαχέσασθαι ἀνώγει ### book 7.75 δεῦρ’ ἴτω ἐκ πάντων πρόμος ἔμμεναι Ἕκτορι δίῳ. ### book 7.76 ὧδε δὲ μυθέομαι, Ζεὺς δ’ ἄμμ’ ἐπιμάρτυρος ἔστω· ### book 7.77 εἰ μέν κεν ἐμὲ κεῖνος ἕλῃ ταναήκεϊ χαλκῷ, ### book 7.78 τεύχεα συλήσας φερέτω κοίλας ἐπὶ νῆας, ### book 7.79 σῶμα δὲ οἴκαδ’ ἐμὸν δόμεναι πάλιν, ὄφρα πυρός με ### book 7.80 Τρῶες καὶ Τρώων ἄλοχοι λελάχωσι θανόντα. ### book 7.81 εἰ δέ κ’ ἐγὼ τὸν ἕλω, δώῃ δέ μοι εὖχος Ἀπόλλων, ### book 7.82 τεύχεα σύλησας οἴσω προτὶ Ἴλιον ἱρήν, ### book 7.83 καὶ κρεμόω προτὶ νηὸν Ἀπόλλωνος ἑκάτοιο, ### book 7.84 τὸν δὲ νέκυν ἐπὶ νῆας ἐϋσσέλμους ἀποδώσω, ### book 7.85 ὄφρά ἑ ταρχύσωσι κάρη κομόωντες Ἀχαιοί, ### book 7.86 σῆμά τέ οἱ χεύωσιν ἐπὶ πλατεῖ Ἑλλησπόντῳ. ### book 7.87 καί ποτέ τις εἴπῃσι καὶ ὀψιγόνων ἀνθρώπων ### book 7.88 νηῒ πολυκλήϊδι πλέων ἐπὶ οἴνοπα πόντον· ### book 7.89 ἀνδρὸς μὲν τόδε σῆμα πάλαι κατατεθνηῶτος, ### book 7.90 ὅν ποτ’ ἀριστεύοντα κατέκτανε φαίδιμος Ἕκτωρ. ### book 7.91 ὥς ποτέ τις ἐρέει· τὸ δ’ ἐμὸν κλέος οὔ ποτ’ ὀλεῖται. ### book 7.92 Ὣς ἔφαθ’, οἱ δ’ ἄρα πάντες ἀκὴν ἐγένοντο σιωπῇ· ### book 7.93 αἴδεσθεν μὲν ἀνήνασθαι, δεῖσαν δ’ ὑποδέχθαι· ### book 7.94 ὀψὲ δὲ δὴ Μενέλαος ἀνίστατο καὶ μετέειπε ### book 7.95 νείκει ὀνειδίζων, μέγα δὲ στεναχίζετο θυμῷ· ### book 7.96 ὤ μοι ἀπειλητῆρες Ἀχαιΐδες οὐκέτ’ Ἀχαιοί· ### book 7.97 ἦ μὲν δὴ λώβη τάδε γ’ ἔσσεται αἰνόθεν αἰνῶς ### book 7.98 εἰ μή τις Δαναῶν νῦν Ἕκτορος ἀντίος εἶσιν. ### book 7.99 ἀλλ’ ὑμεῖς μὲν πάντες ὕδωρ καὶ γαῖα γένοισθε ### book 7.100 ἥμενοι αὖθι ἕκαστοι ἀκήριοι ἀκλεὲς αὔτως· ### book 7.101 τῷδε δ’ ἐγὼν αὐτὸς θωρήξομαι· αὐτὰρ ὕπερθε ### book 7.102 νίκης πείρατ’ ἔχονται ἐν ἀθανάτοισι θεοῖσιν. ### book 7.103 Ὣς ἄρα φωνήσας κατεδύσετο τεύχεα καλά. ### book 7.104 ἔνθά κέ τοι Μενέλαε φάνη βιότοιο τελευτὴ ### book 7.105 Ἕκτορος ἐν παλάμῃσιν, ἐπεὶ πολὺ φέρτερος ἦεν, ### book 7.106 εἰ μὴ ἀναΐξαντες ἕλον βασιλῆες Ἀχαιῶν, ### book 7.107 αὐτός τ’ Ἀτρεΐδης εὐρὺ κρείων Ἀγαμέμνων ### book 7.108 δεξιτερῆς ἕλε χειρὸς ἔπος τ’ ἔφατ’ ἔκ τ’ ὀνόμαζεν· ### book 7.109 ἀφραίνεις Μενέλαε διοτρεφές, οὐδέ τί σε χρὴ ### book 7.110 ταύτης ἀφροσύνης· ἀνὰ δὲ σχέο κηδόμενός περ, ### book 7.111 μηδ’ ἔθελ’ ἐξ ἔριδος σεῦ ἀμείνονι φωτὶ μάχεσθαι ### book 7.112 Ἕκτορι Πριαμίδῃ, τόν τε στυγέουσι καὶ ἄλλοι. ### book 7.113 καὶ δ’ Ἀχιλεὺς τούτῳ γε μάχῃ ἔνι κυδιανείρῃ ### book 7.114 ἔρριγ’ ἀντιβολῆσαι, ὅ περ σέο πολλὸν ἀμείνων. ### book 7.115 ἀλλὰ σὺ μὲν νῦν ἵζευ ἰὼν μετὰ ἔθνος ἑταίρων, ### book 7.116 τούτῳ δὲ πρόμον ἄλλον ἀναστήσουσιν Ἀχαιοί. ### book 7.117 εἴ περ ἀδειής τ’ ἐστὶ καὶ εἰ μόθου ἔστ’ ἀκόρητος, ### book 7.118 φημί μιν ἀσπασίως γόνυ κάμψειν, αἴ κε φύγῃσι ### book 7.119 δηΐου ἐκ πολέμοιο καὶ αἰνῆς δηϊοτῆτος. ### book 7.120 Ὣς εἰπὼν παρέπεισεν ἀδελφειοῦ φρένας ἥρως ### book 7.121 αἴσιμα παρειπών, ὃ δ’ ἐπείθετο· τοῦ μὲν ἔπειτα ### book 7.122 γηθόσυνοι θεράποντες ἀπ’ ὤμων τεύχε’ ἕλοντο· ### book 7.123 Νέστωρ δ’ Ἀργείοισιν ἀνίστατο καὶ μετέειπεν· ### book 7.124 ὢ πόποι ἦ μέγα πένθος Ἀχαιΐδα γαῖαν ἱκάνει. ### book 7.125 ἦ κε μέγ’ οἰμώξειε γέρων ἱππηλάτα Πηλεὺς ### book 7.126 ἐσθλὸς Μυρμιδόνων βουληφόρος ἠδ’ ἀγορητής, ### book 7.127 ὅς ποτέ μ’ εἰρόμενος μέγ’ ἐγήθεεν ᾧ ἐνὶ οἴκῳ ### book 7.128 πάντων Ἀργείων ἐρέων γενεήν τε τόκον τε. ### book 7.129 τοὺς νῦν εἰ πτώσσοντας ὑφ’ Ἕκτορι πάντας ἀκούσαι, ### book 7.130 πολλά κεν ἀθανάτοισι φίλας ἀνὰ χεῖρας ἀείραι ### book 7.131 θυμὸν ἀπὸ μελέων δῦναι δόμον Ἄϊδος εἴσω. ### book 7.132 αἲ γὰρ Ζεῦ τε πάτερ καὶ Ἀθηναίη καὶ Ἄπολλον ### book 7.133 ἡβῷμ’ ὡς ὅτ’ ἐπ’ ὠκυρόῳ Κελάδοντι μάχοντο ### book 7.134 ἀγρόμενοι Πύλιοί τε καὶ Ἀρκάδες ἐγχεσίμωροι ### book 7.135 Φειᾶς πὰρ τείχεσσιν Ἰαρδάνου ἀμφὶ ῥέεθρα. ### book 7.136 τοῖσι δ’ Ἐρευθαλίων πρόμος ἵστατο ἰσόθεος φὼς ### book 7.137 τεύχε’ ἔχων ὤμοισιν Ἀρηϊθόοιο ἄνακτος ### book 7.138 δίου Ἀρηϊθόου, τὸν ἐπίκλησιν κορυνήτην ### book 7.139 ἄνδρες κίκλησκον καλλίζωνοί τε γυναῖκες ### book 7.140 οὕνεκ’ ἄρ’ οὐ τόξοισι μαχέσκετο δουρί τε μακρῷ, ### book 7.141 ἀλλὰ σιδηρείῃ κορύνῃ ῥήγνυσκε φάλαγγας. ### book 7.142 τὸν Λυκόοργος ἔπεφνε δόλῳ, οὔ τι κράτεΐ γε, ### book 7.143 στεινωπῷ ἐν ὁδῷ ὅθ’ ἄρ’ οὐ κορύνη οἱ ὄλεθρον ### book 7.144 χραῖσμε σιδηρείη· πρὶν γὰρ Λυκόοργος ὑποφθὰς ### book 7.145 δουρὶ μέσον περόνησεν, ὃ δ’ ὕπτιος οὔδει ἐρείσθη· ### book 7.146 τεύχεα δ’ ἐξενάριξε, τά οἱ πόρε χάλκεος Ἄρης. ### book 7.147 καὶ τὰ μὲν αὐτὸς ἔπειτα φόρει μετὰ μῶλον Ἄρηος· ### book 7.148 αὐτὰρ ἐπεὶ Λυκόοργος ἐνὶ μεγάροισιν ἐγήρα, ### book 7.149 δῶκε δ’ Ἐρευθαλίωνι φίλῳ θεράποντι φορῆναι· ### book 7.150 τοῦ ὅ γε τεύχε’ ἔχων προκαλίζετο πάντας ἀρίστους. ### book 7.151 οἳ δὲ μάλ’ ἐτρόμεον καὶ ἐδείδισαν, οὐδέ τις ἔτλη· ### book 7.152 ἀλλ’ ἐμὲ θυμὸς ἀνῆκε πολυτλήμων πολεμίζειν ### book 7.153 θάρσεϊ ᾧ· γενεῇ δὲ νεώτατος ἔσκον ἁπάντων· ### book 7.154 καὶ μαχόμην οἱ ἐγώ, δῶκεν δέ μοι εὖχος Ἀθήνη. ### book 7.155 τὸν δὴ μήκιστον καὶ κάρτιστον κτάνον ἄνδρα· ### book 7.156 πολλὸς γάρ τις ἔκειτο παρήορος ἔνθα καὶ ἔνθα. ### book 7.157 εἴθ’ ὣς ἡβώοιμι, βίη δέ μοι ἔμπεδος εἴη· ### book 7.158 τώ κε τάχ’ ἀντήσειε μάχης κορυθαίολος Ἕκτωρ. ### book 7.159 ὑμέων δ’ οἵ περ ἔασιν ἀριστῆες Παναχαιῶν ### book 7.160 οὐδ’ οἳ προφρονέως μέμαθ’ Ἕκτορος ἀντίον ἐλθεῖν. ### book 7.161 Ὣς νείκεσς’ ὃ γέρων, οἳ δ’ ἐννέα πάντες ἀνέσταν. ### book 7.162 ὦρτο πολὺ πρῶτος μὲν ἄναξ ἀνδρῶν Ἀγαμέμνων, ### book 7.163 τῷ δ’ ἐπὶ Τυδεΐδης ὦρτο κρατερὸς Διομήδης, ### book 7.164 τοῖσι δ’ ἐπ’ Αἴαντες θοῦριν ἐπιειμένοι ἀλκήν, ### book 7.165 τοῖσι δ’ ἐπ’ Ἰδομενεὺς καὶ ὀπάων Ἰδομενῆος ### book 7.166 Μηριόνης ἀτάλαντος Ἐνυαλίῳ ἀνδρειφόντῃ, ### book 7.167 τοῖσι δ’ ἐπ’ Εὐρύπυλος Εὐαίμονος ἀγλαὸς υἱός, ### book 7.168 ἂν δὲ Θόας Ἀνδραιμονίδης καὶ δῖος Ὀδυσσεύς· ### book 7.169 πάντες ἄρ’ οἵ γ’ ἔθελον πολεμίζειν Ἕκτορι δίῳ. ### book 7.170 τοῖς δ’ αὖτις μετέειπε Γερήνιος ἱππότα Νέστωρ· ### book 7.171 κλήρῳ νῦν πεπάλασθε διαμπερὲς ὅς κε λάχῃσιν· ### book 7.172 οὗτος γὰρ δὴ ὀνήσει ἐϋκνήμιδας Ἀχαιούς, ### book 7.173 καὶ δ’ αὐτὸς ὃν θυμὸν ὀνήσεται αἴ κε φύγῃσι ### book 7.174 δηΐου ἐκ πολέμοιο καὶ αἰνῆς δηϊοτῆτος. ### book 7.175 Ὣς ἔφαθ’, οἳ δὲ κλῆρον ἐσημήναντο ἕκαστος, ### book 7.176 ἐν δ’ ἔβαλον κυνέῃ Ἀγαμέμνονος Ἀτρεΐδαο. ### book 7.177 λαοὶ δ’ ἠρήσαντο, θεοῖσι δὲ χεῖρας ἀνέσχον· ### book 7.178 ὧδε δέ τις εἴπεσκεν ἰδὼν εἰς οὐρανὸν εὐρύν· ### book 7.179 Ζεῦ πάτερ ἢ Αἴαντα λαχεῖν, ἢ Τυδέος υἱόν, ### book 7.180 ἢ αὐτὸν βασιλῆα πολυχρύσοιο Μυκήνης. ### book 7.181 Ὣς ἄρ’ ἔφαν, πάλλεν δὲ Γερήνιος ἱππότα Νέστωρ, ### book 7.182 ἐκ δ’ ἔθορε κλῆρος κυνέης ὃν ἄρ’ ἤθελον αὐτοὶ ### book 7.183 Αἴαντος· κῆρυξ δὲ φέρων ἀν’ ὅμιλον ἁπάντῃ ### book 7.184 δεῖξ’ ἐνδέξια πᾶσιν ἀριστήεσσιν Ἀχαιῶν. ### book 7.185 οἳ δ’ οὐ γιγνώσκοντες ἀπηνήναντο ἕκαστος. ### book 7.186 ἀλλ’ ὅτε δὴ τὸν ἵκανε φέρων ἀν’ ὅμιλον ἁπάντῃ ### book 7.187 ὅς μιν ἐπιγράψας κυνέῃ βάλε φαίδιμος Αἴας, ### book 7.188 ἤτοι ὑπέσχεθε χεῖρ’, ὃ δ’ ἄρ’ ἔμβαλεν ἄγχι παραστάς, ### book 7.189 γνῶ δὲ κλήρου σῆμα ἰδών, γήθησε δὲ θυμῷ. ### book 7.190 τὸν μὲν πὰρ πόδ’ ἑὸν χαμάδις βάλε φώνησέν τε· ### book 7.191 ὦ φίλοι ἤτοι κλῆρος ἐμός, χαίρω δὲ καὶ αὐτὸς ### book 7.192 θυμῷ, ἐπεὶ δοκέω νικησέμεν Ἕκτορα δῖον. ### book 7.193 ἀλλ’ ἄγετ’ ὄφρ’ ἂν ἐγὼ πολεμήϊα τεύχεα δύω, ### book 7.194 τόφρ’ ὑμεῖς εὔχεσθε Διὶ Κρονίωνι ἄνακτι ### book 7.195 σιγῇ ἐφ’ ὑμείων ἵνα μὴ Τρῶές γε πύθωνται, ### book 7.196 ἠὲ καὶ ἀμφαδίην, ἐπεὶ οὔ τινα δείδιμεν ἔμπης· ### book 7.197 οὐ γάρ τίς με βίῃ γε ἑκὼν ἀέκοντα δίηται ### book 7.198 οὐδέ τι ἰδρείῃ, ἐπεὶ οὐδ’ ἐμὲ νήϊδά γ’ οὕτως ### book 7.199 ἔλπομαι ἐν Σαλαμῖνι γενέσθαι τε τραφέμεν τε. ### book 7.200 Ὣς ἔφαθ’, οἳ δ’ εὔχοντο Διὶ Κρονίωνι ἄνακτι· ### book 7.201 ὧδε δέ τις εἴπεσκεν ἰδὼν εἰς οὐρανὸν εὐρύν· ### book 7.202 Ζεῦ πάτερ Ἴδηθεν μεδέων κύδιστε μέγιστε ### book 7.203 δὸς νίκην Αἴαντι καὶ ἀγλαὸν εὖχος ἀρέσθαι· ### book 7.204 εἰ δὲ καὶ Ἕκτορά περ φιλέεις καὶ κήδεαι αὐτοῦ, ### book 7.205 ἴσην ἀμφοτέροισι βίην καὶ κῦδος ὄπασσον. ### book 7.206 Ὣς ἄρ’ ἔφαν, Αἴας δὲ κορύσσετο νώροπι χαλκῷ. ### book 7.207 αὐτὰρ ἐπεὶ δὴ πάντα περὶ χροῒ ἕσσατο τεύχεα, ### book 7.208 σεύατ’ ἔπειθ’ οἷός τε πελώριος ἔρχεται Ἄρης, ### book 7.209 ὅς τ’ εἶσιν πόλεμον δὲ μετ’ ἀνέρας οὕς τε Κρονίων ### book 7.210 θυμοβόρου ἔριδος μένεϊ ξυνέηκε μάχεσθαι. ### book 7.211 τοῖος ἄρ’ Αἴας ὦρτο πελώριος ἕρκος Ἀχαιῶν ### book 7.212 μειδιόων βλοσυροῖσι προσώπασι· νέρθε δὲ ποσσὶν ### book 7.213 ἤϊε μακρὰ βιβάς, κραδάων δολιχόσκιον ἔγχος. ### book 7.214 τὸν δὲ καὶ Ἀργεῖοι μὲν ἐγήθεον εἰσορόωντες, ### book 7.215 Τρῶας δὲ τρόμος αἰνὸς ὑπήλυθε γυῖα ἕκαστον, ### book 7.216 Ἕκτορί τ’ αὐτῷ θυμὸς ἐνὶ στήθεσσι πάτασσεν· ### book 7.217 ἀλλ’ οὔ πως ἔτι εἶχεν ὑποτρέσαι οὐδ’ ἀναδῦναι ### book 7.218 ἂψ λαῶν ἐς ὅμιλον, ἐπεὶ προκαλέσσατο χάρμῃ. ### book 7.219 Αἴας δ’ ἐγγύθεν ἦλθε φέρων σάκος ἠΰτε πύργον ### book 7.220 χάλκεον ἑπταβόειον, ὅ οἱ Τυχίος κάμε τεύχων ### book 7.221 σκυτοτόμων ὄχ’ ἄριστος Ὕλῃ ἔνι οἰκία ναίων, ### book 7.222 ὅς οἱ ἐποίησεν σάκος αἰόλον ἑπταβόειον ### book 7.223 ταύρων ζατρεφέων, ἐπὶ δ’ ὄγδοον ἤλασε χαλκόν. ### book 7.224 τὸ πρόσθε στέρνοιο φέρων Τελαμώνιος Αἴας ### book 7.225 στῆ ῥα μάλ’ Ἕκτορος ἐγγύς, ἀπειλήσας δὲ προσηύδα· ### book 7.226 Ἕκτορ νῦν μὲν δὴ σάφα εἴσεαι οἰόθεν οἶος ### book 7.227 οἷοι καὶ Δαναοῖσιν ἀριστῆες μετέασι ### book 7.228 καὶ μετ’ Ἀχιλλῆα ῥηξήνορα θυμολέοντα. ### book 7.229 ἀλλ’ ὃ μὲν ἐν νήεσσι κορωνίσι ποντοπόροισι ### book 7.230 κεῖτ’ ἀπομηνίσας Ἀγαμέμνονι ποιμένι λαῶν· ### book 7.231 ἡμεῖς δ’ εἰμὲν τοῖοι οἳ ἂν σέθεν ἀντιάσαιμεν ### book 7.232 καὶ πολέες· ἀλλ’ ἄρχε μάχης ἠδὲ πτολέμοιο. ### book 7.233 Τὸν δ’ αὖτε προσέειπε μέγας κορυθαίολος Ἕκτωρ· ### book 7.234 Αἶαν διογενὲς Τελαμώνιε κοίρανε λαῶν ### book 7.235 μή τί μευ ἠΰτε παιδὸς ἀφαυροῦ πειρήτιζε ### book 7.236 ἠὲ γυναικός, ἣ οὐκ οἶδεν πολεμήϊα ἔργα. ### book 7.237 αὐτὰρ ἐγὼν εὖ οἶδα μάχας τ’ ἀνδροκτασίας τε· ### book 7.238 οἶδ’ ἐπὶ δεξιά, οἶδ’ ἐπ’ ἀριστερὰ νωμῆσαι βῶν ### book 7.239 ἀζαλέην, τό μοι ἔστι ταλαύρινον πολεμίζειν· ### book 7.240 οἶδα δ’ ἐπαΐξαι μόθον ἵππων ὠκειάων· ### book 7.241 οἶδα δ’ ἐνὶ σταδίῃ δηΐῳ μέλπεσθαι Ἄρηϊ. ### book 7.242 ἀλλ’ οὐ γάρ ς’ ἐθέλω βαλέειν τοιοῦτον ἐόντα ### book 7.243 λάθρῃ ὀπιπεύσας, ἀλλ’ ἀμφαδόν, αἴ κε τύχωμι. ### book 7.244 Ἦ ῥα, καὶ ἀμπεπαλὼν προΐει δολιχόσκιον ἔγχος, ### book 7.245 καὶ βάλεν Αἴαντος δεινὸν σάκος ἑπταβόειον ### book 7.246 ἀκρότατον κατὰ χαλκόν, ὃς ὄγδοος ἦεν ἐπ’ αὐτῷ. ### book 7.247 ἓξ δὲ διὰ πτύχας ἦλθε δαΐζων χαλκὸς ἀτειρής, ### book 7.248 ἐν τῇ δ’ ἑβδομάτῃ ῥινῷ σχέτο· δεύτερος αὖτε ### book 7.249 Αἴας διογενὴς προΐει δολιχόσκιον ἔγχος, ### book 7.250 καὶ βάλε Πριαμίδαο κατ’ ἀσπίδα πάντος’ ἐΐσην. ### book 7.251 διὰ μὲν ἀσπίδος ἦλθε φαεινῆς ὄβριμον ἔγχος, ### book 7.252 καὶ διὰ θώρηκος πολυδαιδάλου ἠρήρειστο· ### book 7.253 ἀντικρὺ δὲ παραὶ λαπάρην διάμησε χιτῶνα ### book 7.254 ἔγχος· ὃ δ’ ἐκλίνθη καὶ ἀλεύατο κῆρα μέλαιναν. ### book 7.255 τὼ δ’ ἐκσπασσαμένω δολίχ’ ἔγχεα χερσὶν ἅμ’ ἄμφω ### book 7.256 σύν ῥ’ ἔπεσον λείουσιν ἐοικότες ὠμοφάγοισιν ### book 7.257 ἢ συσὶ κάπροισιν, τῶν τε σθένος οὐκ ἀλαπαδνόν. ### book 7.258 Πριαμίδης μὲν ἔπειτα μέσον σάκος οὔτασε δουρί, ### book 7.259 οὐδ’ ἔρρηξεν χαλκός, ἀνεγνάμφθη δέ οἱ αἰχμή. ### book 7.260 Αἴας δ’ ἀσπίδα νύξεν ἐπάλμενος· ἣ δὲ διαπρὸ ### book 7.261 ἤλυθεν ἐγχείη, στυφέλιξε δέ μιν μεμαῶτα, ### book 7.262 τμήδην δ’ αὐχέν’ ἐπῆλθε, μέλαν δ’ ἀνεκήκιεν αἷμα, ### book 7.263 ἀλλ’ οὐδ’ ὧς ἀπέληγε μάχης κορυθαίολος Ἕκτωρ, ### book 7.264 ἀλλ’ ἀναχασσάμενος λίθον εἵλετο χειρὶ παχείῃ ### book 7.265 κείμενον ἐν πεδίῳ μέλανα τρηχύν τε μέγαν τε· ### book 7.266 τῷ βάλεν Αἴαντος δεινὸν σάκος ἑπταβόειον ### book 7.267 μέσσον ἐπομφάλιον· περιήχησεν δ’ ἄρα χαλκός. ### book 7.268 δεύτερος αὖτ’ Αἴας πολὺ μείζονα λᾶαν ἀείρας ### book 7.269 ἧκ’ ἐπιδινήσας, ἐπέρεισε δὲ ἶν’ ἀπέλεθρον, ### book 7.270 εἴσω δ’ ἀσπίδ’ ἔαξε βαλὼν μυλοειδέϊ πέτρῳ, ### book 7.271 βλάψε δέ οἱ φίλα γούναθ’· ὃ δ’ ὕπτιος ἐξετανύσθη ### book 7.272 ἀσπίδι ἐγχριμφθείς· τὸν δ’ αἶψ’ ὤρθωσεν Ἀπόλλων. ### book 7.273 καί νύ κε δὴ ξιφέεσς’ αὐτοσχεδὸν οὐτάζοντο, ### book 7.274 εἰ μὴ κήρυκες Διὸς ἄγγελοι ἠδὲ καὶ ἀνδρῶν ### book 7.275 ἦλθον, ὃ μὲν Τρώων, ὃ δ’ Ἀχαιῶν χαλκοχιτώνων, ### book 7.276 Ταλθύβιός τε καὶ Ἰδαῖος πεπνυμένω ἄμφω· ### book 7.277 μέσσῳ δ’ ἀμφοτέρων σκῆπτρα σχέθον, εἶπέ τε μῦθον ### book 7.278 κῆρυξ Ἰδαῖος πεπνυμένα μήδεα εἰδώς· ### book 7.279 μηκέτι παῖδε φίλω πολεμίζετε μηδὲ μάχεσθον· ### book 7.280 ἀμφοτέρω γὰρ σφῶϊ φιλεῖ νεφεληγερέτα Ζεύς, ### book 7.281 ἄμφω δ’ αἰχμητά· τό γε δὴ καὶ ἴδμεν ἅπαντες. ### book 7.282 νὺξ δ’ ἤδη τελέθει· ἀγαθὸν καὶ νυκτὶ πιθέσθαι. ### book 7.283 Τὸν δ’ ἀπαμειβόμενος προσέφη Τελαμώνιος Αἴας· ### book 7.284 Ἰδαῖ’ Ἕκτορα ταῦτα κελεύετε μυθήσασθαι· ### book 7.285 αὐτὸς γὰρ χάρμῃ προκαλέσσατο πάντας ἀρίστους. ### book 7.286 ἀρχέτω· αὐτὰρ ἐγὼ μάλα πείσομαι ᾗ περ ἂν οὗτος. ### book 7.287 Τὸν δ’ αὖτε προσέειπε μέγας κορυθαίολος Ἕκτωρ· ### book 7.288 Αἶαν ἐπεί τοι δῶκε θεὸς μέγεθός τε βίην τε ### book 7.289 καὶ πινυτήν, περὶ δ’ ἔγχει Ἀχαιῶν φέρτατός ἐσσι, ### book 7.290 νῦν μὲν παυσώμεσθα μάχης καὶ δηϊοτῆτος ### book 7.291 σήμερον· ὕστερον αὖτε μαχησόμεθ’ εἰς ὅ κε δαίμων ### book 7.292 ἄμμε διακρίνῃ, δώῃ δ’ ἑτέροισί γε νίκην. ### book 7.293 νὺξ δ’ ἤδη τελέθει· ἀγαθὸν καὶ νυκτὶ πιθέσθαι, ### book 7.294 ὡς σύ τ’ ἐϋφρήνῃς πάντας παρὰ νηυσὶν Ἀχαιούς, ### book 7.295 σούς τε μάλιστα ἔτας καὶ ἑταίρους, οἵ τοι ἔασιν· ### book 7.296 αὐτὰρ ἐγὼ κατὰ ἄστυ μέγα Πριάμοιο ἄνακτος ### book 7.297 Τρῶας ἐϋφρανέω καὶ Τρῳάδας ἑλκεσιπέπλους, ### book 7.298 αἵ τέ μοι εὐχόμεναι θεῖον δύσονται ἀγῶνα. ### book 7.299 δῶρα δ’ ἄγ’ ἀλλήλοισι περικλυτὰ δώομεν ἄμφω, ### book 7.300 ὄφρά τις ὧδ’ εἴπῃσιν Ἀχαιῶν τε Τρώων τε· ### book 7.301 ἠμὲν ἐμαρνάσθην ἔριδος πέρι θυμοβόροιο, ### book 7.302 ἠδ’ αὖτ’ ἐν φιλότητι διέτμαγεν ἀρθμήσαντε. ### book 7.303 Ὣς ἄρα φωνήσας δῶκε ξίφος ἀργυρόηλον ### book 7.304 σὺν κολεῷ τε φέρων καὶ ἐϋτμήτῳ τελαμῶνι· ### book 7.305 Αἴας δὲ ζωστῆρα δίδου φοίνικι φαεινόν. ### book 7.306 τὼ δὲ διακρινθέντε ὃ μὲν μετὰ λαὸν Ἀχαιῶν ### book 7.307 ἤϊ’, ὃ δ’ ἐς Τρώων ὅμαδον κίε· τοὶ δὲ χάρησαν, ### book 7.308 ὡς εἶδον ζωόν τε καὶ ἀρτεμέα προσιόντα, ### book 7.309 Αἴαντος προφυγόντα μένος καὶ χεῖρας ἀάπτους· ### book 7.310 καί ῥ’ ἦγον προτὶ ἄστυ ἀελπτέοντες σόον εἶναι. ### book 7.311 Αἴαντ’ αὖθ’ ἑτέρωθεν ἐϋκνήμιδες Ἀχαιοὶ ### book 7.312 εἰς Ἀγαμέμνονα δῖον ἄγον κεχαρηότα νίκῃ. ### book 7.313 Οἳ δ’ ὅτε δὴ κλισίῃσιν ἐν Ἀτρεΐδαο γένοντο, ### book 7.314 τοῖσι δὲ βοῦν ἱέρευσεν ἄναξ ἀνδρῶν Ἀγαμέμνων ### book 7.315 ἄρσενα πενταέτηρον ὑπερμενέϊ Κρονίωνι. ### book 7.316 τὸν δέρον ἀμφί θ’ ἕπον, καί μιν διέχευαν ἅπαντα, ### book 7.317 μίστυλλόν τ’ ἄρ’ ἐπισταμένως πεῖράν τ’ ὀβελοῖσιν, ### book 7.318 ὄπτησάν τε περιφραδέως, ἐρύσαντό τε πάντα. ### book 7.319 αὐτὰρ ἐπεὶ παύσαντο πόνου τετύκοντό τε δαῖτα, ### book 7.320 δαίνυντ’, οὐδέ τι θυμὸς ἐδεύετο δαιτὸς ἐΐσης· ### book 7.321 νώτοισιν δ’ Αἴαντα διηνεκέεσσι γέραιρεν ### book 7.322 ἥρως Ἀτρεΐδης εὐρὺ κρείων Ἀγαμέμνων. ### book 7.323 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 7.324 τοῖς ὁ γέρων πάμπρωτος ὑφαίνειν ἤρχετο μῆτιν ### book 7.325 Νέστωρ, οὗ καὶ πρόσθεν ἀρίστη φαίνετο βουλή· ### book 7.326 ὅ σφιν ἐϋφρονέων ἀγορήσατο καὶ μετέειπεν· ### book 7.327 Ἀτρεΐδη τε καὶ ἄλλοι ἀριστῆες Παναχαιῶν, ### book 7.328 πολλοὶ γὰρ τεθνᾶσι κάρη κομόωντες Ἀχαιοί, ### book 7.329 τῶν νῦν αἷμα κελαινὸν ἐΰρροον ἀμφὶ Σκάμανδρον ### book 7.330 ἐσκέδας’ ὀξὺς Ἄρης, ψυχαὶ δ’ Ἄϊδος δὲ κατῆλθον· ### book 7.331 τώ σε χρὴ πόλεμον μὲν ἅμ’ ἠοῖ παῦσαι Ἀχαιῶν, ### book 7.332 αὐτοὶ δ’ ἀγρόμενοι κυκλήσομεν ἐνθάδε νεκροὺς ### book 7.333 βουσὶ καὶ ἡμιόνοισιν· ἀτὰρ κατακήομεν αὐτοὺς ### book 7.334 τυτθὸν ἀπὸ πρὸ νεῶν, ὥς κ’ ὀστέα παισὶν ἕκαστος ### book 7.335 οἴκαδ’ ἄγῃ ὅτ’ ἂν αὖτε νεώμεθα πατρίδα γαῖαν. ### book 7.336 τύμβον δ’ ἀμφὶ πυρὴν ἕνα χεύομεν ἐξαγαγόντες ### book 7.337 ἄκριτον ἐκ πεδίου· ποτὶ δ’ αὐτὸν δείμομεν ὦκα ### book 7.338 πύργους ὑψηλοὺς εἶλαρ νηῶν τε καὶ αὐτῶν. ### book 7.339 ἐν δ’ αὐτοῖσι πύλας ποιήσομεν εὖ ἀραρυίας, ### book 7.340 ὄφρα δι’ αὐτάων ἱππηλασίη ὁδὸς εἴη· ### book 7.341 ἔκτοσθεν δὲ βαθεῖαν ὀρύξομεν ἐγγύθι τάφρον, ### book 7.342 ἥ χ’ ἵππον καὶ λαὸν ἐρυκάκοι ἀμφὶς ἐοῦσα, ### book 7.343 μή ποτ’ ἐπιβρίση πόλεμος Τρώων ἀγερώχων. ### book 7.344 Ὣς ἔφαθ’, οἳ δ’ ἄρα πάντες ἐπῄνησαν βασιλῆες. ### book 7.345 Τρώων αὖτ’ ἀγορὴ γένετ’ Ἰλίου ἐν πόλει ἄκρῃ ### book 7.346 δεινὴ τετρηχυῖα, παρὰ Πριάμοιο θύρῃσι· ### book 7.347 τοῖσιν δ’ Ἀντήνωρ πεπνυμένος ἦρχ’ ἀγορεύειν· ### book 7.348 κέκλυτέ μευ Τρῶες καὶ Δάρδανοι ἠδ’ ἐπίκουροι, ### book 7.349 ὄφρ’ εἴπω τά με θυμὸς ἐνὶ στήθεσσι κελεύει. ### book 7.350 δεῦτ’ ἄγετ’ Ἀργείην Ἑλένην καὶ κτήμαθ’ ἅμ’ αὐτῇ ### book 7.351 δώομεν Ἀτρεΐδῃσιν ἄγειν· νῦν δ’ ὅρκια πιστὰ ### book 7.352 ψευσάμενοι μαχόμεσθα· τὼ οὔ νύ τι κέρδιον ἡμῖν ### book 7.353 ἔλπομαι ἐκτελέεσθαι, ἵνα μὴ ῥέξομεν ὧδε. ### book 7.354 Ἤτοι ὅ γ’ ὣς εἰπὼν κατ’ ἄρ’ ἕζετο· τοῖσι δ’ ἀνέστη ### book 7.355 δῖος Ἀλέξανδρος Ἑλένης πόσις ἠϋκόμοιο, ### book 7.356 ὅς μιν ἀμειβόμενος ἔπεα πτερόεντα προσηύδα· ### book 7.357 Ἀντῆνορ σὺ μὲν οὐκέτ’ ἐμοὶ φίλα ταῦτ’ ἀγορεύεις· ### book 7.358 οἶσθα καὶ ἄλλον μῦθον ἀμείνονα τοῦδε νοῆσαι. ### book 7.359 εἰ δ’ ἐτεὸν δὴ τοῦτον ἀπὸ σπουδῆς ἀγορεύεις, ### book 7.360 ἐξ ἄρα δή τοι ἔπειτα θεοὶ φρένας ὤλεσαν αὐτοί. ### book 7.361 αὐτὰρ ἐγὼ Τρώεσσι μεθ’ ἱπποδάμοις ἀγορεύσω· ### book 7.362 ἀντικρὺ δ’ ἀπόφημι γυναῖκα μὲν οὐκ ἀποδώσω· ### book 7.363 κτήματα δ’ ὅσς’ ἀγόμην ἐξ Ἄργεος ἡμέτερον δῶ ### book 7.364 πάντ’ ἐθέλω δόμεναι καὶ οἴκοθεν ἄλλ’ ἐπιθεῖναι. ### book 7.365 Ἤτοι ὅ γ’ ὣς εἰπὼν κατ’ ἄρ’ ἕζετο· τοῖσι δ’ ἀνέστη ### book 7.366 Δαρδανίδης Πρίαμος, θεόφιν μήστωρ ἀτάλαντος, ### book 7.367 ὅ σφιν ἐϋφρονέων ἀγορήσατο καὶ μετέειπε· ### book 7.368 κέκλυτέ μευ Τρῶες καὶ Δάρδανοι ἠδ’ ἐπίκουροι, ### book 7.369 ὄφρ’ εἴπω τά με θυμὸς ἐνὶ στήθεσσι κελεύει. ### book 7.370 νῦν μὲν δόρπον ἕλεσθε κατὰ πτόλιν ὡς τὸ πάρος περ, ### book 7.371 καὶ φυλακῆς μνήσασθε καὶ ἐγρήγορθε ἕκαστος· ### book 7.372 ἠῶθεν δ’ Ἰδαῖος ἴτω κοίλας ἐπὶ νῆας ### book 7.373 εἰπέμεν Ἀτρεΐδῃς Ἀγαμέμνονι καὶ Μενελάῳ ### book 7.374 μῦθον Ἀλεξάνδροιο, τοῦ εἵνεκα νεῖκος ὄρωρε· ### book 7.375 καὶ δὲ τόδ’ εἰπέμεναι πυκινὸν ἔπος, αἴ κ’ ἐθέλωσι ### book 7.376 παύσασθαι πολέμοιο δυσηχέος, εἰς ὅ κε νεκροὺς ### book 7.377 κήομεν· ὕστερον αὖτε μαχησόμεθ’ εἰς ὅ κε δαίμων ### book 7.378 ἄμμε διακρίνῃ, δώῃ δ’ ἑτέροισί γε νίκην. ### book 7.379 Ὣς ἔφαθ’, οἳ δ’ ἄρα τοῦ μάλα μὲν κλύον ἠδ’ ἐπίθοντο· ### book 7.380 δόρπον ἔπειθ’ εἵλοντο κατὰ στρατὸν ἐν τελέεσσιν· ### book 7.381 ἠῶθεν δ’ Ἰδαῖος ἔβη κοίλας ἐπὶ νῆας· ### book 7.382 τοὺς δ’ εὗρ’ εἰν ἀγορῇ Δαναοὺς θεράποντας Ἄρηος ### book 7.383 νηῒ πάρα πρύμνῃ Ἀγαμέμνονος· αὐτὰρ ὃ τοῖσι ### book 7.384 στὰς ἐν μέσσοισιν μετεφώνεεν ἠπύτα κῆρυξ· ### book 7.385 Ἀτρεΐδη τε καὶ ἄλλοι ἀριστῆες Παναχαιῶν ### book 7.386 ἠνώγει Πρίαμός τε καὶ ἄλλοι Τρῶες ἀγαυοὶ ### book 7.387 εἰπεῖν, αἴ κέ περ ὔμμι φίλον καὶ ἡδὺ γένοιτο, ### book 7.388 μῦθον Ἀλεξάνδροιο, τοῦ εἵνεκα νεῖκος ὄρωρε· ### book 7.389 κτήματα μὲν ὅς’ Ἀλέξανδρος κοίλῃς ἐνὶ νηυσὶν ### book 7.390 ἠγάγετο Τροίηνδ’· ὡς πρὶν ὤφελλ’ ἀπολέσθαι· ### book 7.391 πάντ’ ἐθέλει δόμεναι καὶ οἴκοθεν ἄλλ’ ἐπιθεῖναι· ### book 7.392 κουριδίην δ’ ἄλοχον Μενελάου κυδαλίμοιο ### book 7.393 οὔ φησιν δώσειν· ἦ μὴν Τρῶές γε κέλονται. ### book 7.394 καὶ δὲ τόδ’ ἠνώγεον εἰπεῖν ἔπος αἴ κ’ ἐθέλητε ### book 7.395 παύσασθαι πολέμοιο δυσηχέος εἰς ὅ κε νεκροὺς ### book 7.396 κήομεν· ὕστερον αὖτε μαχησόμεθ’ εἰς ὅ κε δαίμων ### book 7.397 ἄμμε διακρίνῃ, δώῃ δ’ ἑτέροισί γε νίκην. ### book 7.398 Ὣς ἔφαθ’, οἳ δ’ ἄρα πάντες ἀκὴν ἐγένοντο σιωπῇ· ### book 7.399 ὀψὲ δὲ δὴ μετέειπε βοὴν ἀγαθὸς Διομήδης· ### book 7.400 μήτ’ ἄρ τις νῦν κτήματ’ Ἀλεξάνδροιο δεχέσθω ### book 7.401 μήθ’ Ἑλένην· γνωτὸν δὲ καὶ ὃς μάλα νήπιός ἐστιν ### book 7.402 ὡς ἤδη Τρώεσσιν ὀλέθρου πείρατ’ ἐφῆπται. ### book 7.403 Ὣς ἔφαθ’, οἳ δ’ ἄρα πάντες ἐπίαχον υἷες Ἀχαιῶν ### book 7.404 μῦθον ἀγασσάμενοι Διομήδεος ἱπποδάμοιο· ### book 7.405 καὶ τότ’ ἄρ’ Ἰδαῖον προσέφη κρείων Ἀγαμέμνων· ### book 7.406 Ἰδαῖ’ ἤτοι μῦθον Ἀχαιῶν αὐτὸς ἀκούεις ### book 7.407 ὥς τοι ὑποκρίνονται· ἐμοὶ δ’ ἐπιανδάνει οὕτως ### book 7.408 ἀμφὶ δὲ νεκροῖσιν κατακαιέμεν οὔ τι μεγαίρω· ### book 7.409 οὐ γάρ τις φειδὼ νεκύων κατατεθνηώτων ### book 7.410 γίγνετ’ ἐπεί κε θάνωσι πυρὸς μειλισσέμεν ὦκα. ### book 7.411 ὅρκια δὲ Ζεὺς ἴστω ἐρίγδουπος πόσις Ἥρης. ### book 7.412 Ὣς εἰπὼν τὸ σκῆπτρον ἀνέσχεθε πᾶσι θεοῖσιν, ### book 7.413 ἄψορρον δ’ Ἰδαῖος ἔβη προτὶ Ἴλιον ἱρήν. ### book 7.414 οἳ δ’ ἕατ’ εἰν ἀγορῇ Τρῶες καὶ Δαρδανίωνες ### book 7.415 πάντες ὁμηγερέες, ποτιδέγμενοι ὁππότ’ ἄρ’ ἔλθοι ### book 7.416 Ἰδαῖος· ὃ δ’ ἄρ’ ἦλθε καὶ ἀγγελίην ἀπέειπε ### book 7.417 στὰς ἐν μέσσοισιν· τοὶ δ’ ὁπλίζοντο μάλ’ ὦκα, ### book 7.418 ἀμφότερον νέκυάς τ’ ἀγέμεν ἕτεροι δὲ μεθ’ ὕλην· ### book 7.419 Ἀργεῖοι δ’ ἑτέρωθεν ἐϋσσέλμων ἀπὸ νηῶν ### book 7.420 ὀτρύνοντο νέκυς τ’ ἀγέμεν, ἕτεροι δὲ μεθ’ ὕλην. ### book 7.421 Ἠέλιος μὲν ἔπειτα νέον προσέβαλλεν ἀρούρας ### book 7.422 ἐξ ἀκαλαρρείταο βαθυρρόου Ὠκεανοῖο ### book 7.423 οὐρανὸν εἰσανιών· οἳ δ’ ἤντεον ἀλλήλοισιν. ### book 7.424 ἔνθα διαγνῶναι χαλεπῶς ἦν ἄνδρα ἕκαστον· ### book 7.425 ἀλλ’ ὕδατι νίζοντες ἄπο βρότον αἱματόεντα ### book 7.426 δάκρυα θερμὰ χέοντες ἀμαξάων ἐπάειραν. ### book 7.427 οὐδ’ εἴα κλαίειν Πρίαμος μέγας· οἳ δὲ σιωπῇ ### book 7.428 νεκροὺς πυρκαϊῆς ἐπινήνεον ἀχνύμενοι κῆρ, ### book 7.429 ἐν δὲ πυρὶ πρήσαντες ἔβαν προτὶ Ἴλιον ἱρήν. ### book 7.430 ὣς δ’ αὔτως ἑτέρωθεν ἐϋκνήμιδες Ἀχαιοὶ ### book 7.431 νεκροὺς πυρκαϊῆς ἐπινήνεον ἀχνύμενοι κῆρ, ### book 7.432 ἐν δὲ πυρὶ πρήσαντες ἔβαν κοίλας ἐπὶ νῆας. ### book 7.433 Ἦμος δ’ οὔτ’ ἄρ πω ἠώς, ἔτι δ’ ἀμφιλύκη νύξ, ### book 7.434 τῆμος ἄρ’ ἀμφὶ πυρὴν κριτὸς ἔγρετο λαὸς Ἀχαιῶν, ### book 7.435 τύμβον δ’ ἀμφ’ αὐτὴν ἕνα ποίεον ἐξαγαγόντες ### book 7.436 ἄκριτον ἐκ πεδίου, ποτὶ δ’ αὐτὸν τεῖχος ἔδειμαν ### book 7.437 πύργους θ’ ὑψηλούς, εἶλαρ νηῶν τε καὶ αὐτῶν. ### book 7.438 ἐν δ’ αὐτοῖσι πύλας ἐνεποίεον εὖ ἀραρυίας, ### book 7.439 ὄφρα δι’ αὐτάων ἱππηλασίη ὁδὸς εἴη· ### book 7.440 ἔκτοσθεν δὲ βαθεῖαν ἐπ’ αὐτῷ τάφρον ὄρυξαν ### book 7.441 εὐρεῖαν μεγάλην, ἐν δὲ σκόλοπας κατέπηξαν. ### book 7.442 Ὣς οἳ μὲν πονέοντο κάρη κομόωντες Ἀχαιοί· ### book 7.443 οἳ δὲ θεοὶ πὰρ Ζηνὶ καθήμενοι ἀστεροπητῇ ### book 7.444 θηεῦντο μέγα ἔργον Ἀχαιῶν χαλκοχιτώνων. ### book 7.445 τοῖσι δὲ μύθων ἦρχε Ποσειδάων ἐνοσίχθων· ### book 7.446 Ζεῦ πάτερ, ἦ ῥά τίς ἐστι βροτῶν ἐπ’ ἀπείρονα γαῖαν ### book 7.447 ὅς τις ἔτ’ ἀθανάτοισι νόον καὶ μῆτιν ἐνίψει; ### book 7.448 οὐχ ὁράᾳς ὅτι δ’ αὖτε κάρη κομόωντες Ἀχαιοὶ ### book 7.449 τεῖχος ἐτειχίσσαντο νεῶν ὕπερ, ἀμφὶ δὲ τάφρον ### book 7.450 ἤλασαν, οὐδὲ θεοῖσι δόσαν κλειτὰς ἑκατόμβας; ### book 7.451 τοῦ δ’ ἤτοι κλέος ἔσται ὅσον τ’ ἐπικίδναται ἠώς· ### book 7.452 τοῦ δ’ ἐπιλήσονται τὸ ἐγὼ καὶ Φοῖβος Ἀπόλλων ### book 7.453 ἥρῳ Λαομέδοντι πολίσσαμεν ἀθλήσαντε. ### book 7.454 Τὸν δὲ μέγ’ ὀχθήσας προσέφη νεφεληγερέτα Ζεύς· ### book 7.455 ὢ πόποι ἐννοσίγαι’ εὐρυσθενές, οἷον ἔειπες. ### book 7.456 ἄλλός κέν τις τοῦτο θεῶν δείσειε νόημα, ### book 7.457 ὃς σέο πολλὸν ἀφαυρότερος χεῖράς τε μένος τε· ### book 7.458 σὸν δ’ ἤτοι κλέος ἔσται ὅσον τ’ ἐπικίδναται ἠώς. ### book 7.459 ἄγρει μὰν ὅτ’ ἂν αὖτε κάρη κομόωντες Ἀχαιοὶ ### book 7.460 οἴχωνται σὺν νηυσὶ φίλην ἐς πατρίδα γαῖαν ### book 7.461 τεῖχος ἀναρρήξας τὸ μὲν εἰς ἅλα πᾶν καταχεῦαι, ### book 7.462 αὖτις δ’ ἠϊόνα μεγάλην ψαμάθοισι καλύψαι, ### book 7.463 ὥς κέν τοι μέγα τεῖχος ἀμαλδύνηται Ἀχαιῶν. ### book 7.464 Ὣς οἳ μὲν τοιαῦτα πρὸς ἀλλήλους ἀγόρευον, ### book 7.465 δύσετο δ’ ἠέλιος, τετέλεστο δὲ ἔργον Ἀχαιῶν, ### book 7.466 βουφόνεον δὲ κατὰ κλισίας καὶ δόρπον ἕλοντο. ### book 7.467 νῆες δ’ ἐκ Λήμνοιο παρέσταν οἶνον ἄγουσαι ### book 7.468 πολλαί, τὰς προέηκεν Ἰησονίδης Εὔνηος, ### book 7.469 τόν ῥ’ ἔτεχ’ Ὑψιπύλη ὑπ’ Ἰήσονι ποιμένι λαῶν. ### book 7.470 χωρὶς δ’ Ἀτρεΐδῃς Ἀγαμέμνονι καὶ Μενελάῳ ### book 7.471 δῶκεν Ἰησονίδης ἀγέμεν μέθυ χίλια μέτρα. ### book 7.472 ἔνθεν οἰνίζοντο κάρη κομόωντες Ἀχαιοί, ### book 7.473 ἄλλοι μὲν χαλκῷ, ἄλλοι δ’ αἴθωνι σιδήρῳ, ### book 7.474 ἄλλοι δὲ ῥινοῖς, ἄλλοι δ’ αὐτῇσι βόεσσιν, ### book 7.475 ἄλλοι δ’ ἀνδραπόδεσσι· τίθεντο δὲ δαῖτα θάλειαν. ### book 7.476 παννύχιοι μὲν ἔπειτα κάρη κομόωντες Ἀχαιοὶ ### book 7.477 δαίνυντο, Τρῶες δὲ κατὰ πτόλιν ἠδ’ ἐπίκουροι· ### book 7.478 παννύχιος δέ σφιν κακὰ μήδετο μητίετα Ζεὺς ### book 7.479 σμερδαλέα κτυπέων· τοὺς δὲ χλωρὸν δέος ᾕρει· ### book 7.480 οἶνον δ’ ἐκ δεπάων χαμάδις χέον, οὐδέ τις ἔτλη ### book 7.481 πρὶν πιέειν πρὶν λεῖψαι ὑπερμενέϊ Κρονίωνι. ### book 7.482 κοιμήσαντ’ ἄρ’ ἔπειτα καὶ ὕπνου δῶρον ἕλοντο. ### book 8.1 Ἠὼς μὲν κροκόπεπλος ἐκίδνατο πᾶσαν ἐπ’ αἶαν, ### book 8.2 Ζεὺς δὲ θεῶν ἀγορὴν ποιήσατο τερπικέραυνος ### book 8.3 ἀκροτάτῃ κορυφῇ πολυδειράδος Οὐλύμποιο· ### book 8.4 αὐτὸς δέ σφ’ ἀγόρευε, θεοὶ δ’ ὑπὸ πάντες ἄκουον· ### book 8.5 κέκλυτέ μευ πάντές τε θεοὶ πᾶσαί τε θέαιναι, ### book 8.6 ὄφρ’ εἴπω τά με θυμὸς ἐνὶ στήθεσσι κελεύει. ### book 8.7 μήτέ τις οὖν θήλεια θεὸς τό γε μήτέ τις ἄρσην ### book 8.8 πειράτω διακέρσαι ἐμὸν ἔπος, ἀλλ’ ἅμα πάντες ### book 8.9 αἰνεῖτ’, ὄφρα τάχιστα τελευτήσω τάδε ἔργα. ### book 8.10 ὃν δ’ ἂν ἐγὼν ἀπάνευθε θεῶν ἐθέλοντα νοήσω ### book 8.11 ἐλθόντ’ ἢ Τρώεσσιν ἀρηγέμεν ἢ Δαναοῖσι ### book 8.12 πληγεὶς οὐ κατὰ κόσμον ἐλεύσεται Οὔλυμπον δέ· ### book 8.13 ἤ μιν ἑλὼν ῥίψω ἐς Τάρταρον ἠερόεντα ### book 8.14 τῆλε μάλ’, ἧχι βάθιστον ὑπὸ χθονός ἐστι βέρεθρον, ### book 8.15 ἔνθα σιδήρειαί τε πύλαι καὶ χάλκεος οὐδός, ### book 8.16 τόσσον ἔνερθ’ Ἀΐδεω ὅσον οὐρανός ἐστ’ ἀπὸ γαίης· ### book 8.17 γνώσετ’ ἔπειθ’ ὅσον εἰμὶ θεῶν κάρτιστος ἁπάντων. ### book 8.18 εἰ δ’ ἄγε πειρήσασθε θεοὶ ἵνα εἴδετε πάντες· ### book 8.19 σειρὴν χρυσείην ἐξ οὐρανόθεν κρεμάσαντες ### book 8.20 πάντές τ’ ἐξάπτεσθε θεοὶ πᾶσαί τε θέαιναι· ### book 8.21 ἀλλ’ οὐκ ἂν ἐρύσαιτ’ ἐξ οὐρανόθεν πεδίον δὲ ### book 8.22 Ζῆν’ ὕπατον μήστωρ’, οὐδ’ εἰ μάλα πολλὰ κάμοιτε. ### book 8.23 ἀλλ’ ὅτε δὴ καὶ ἐγὼ πρόφρων ἐθέλοιμι ἐρύσσαι, ### book 8.24 αὐτῇ κεν γαίῃ ἐρύσαιμ’ αὐτῇ τε θαλάσσῃ· ### book 8.25 σειρὴν μέν κεν ἔπειτα περὶ ῥίον Οὐλύμποιο ### book 8.26 δησαίμην, τὰ δέ κ’ αὖτε μετήορα πάντα γένοιτο. ### book 8.27 τόσσον ἐγὼ περί τ’ εἰμὶ θεῶν περί τ’ εἴμ’ ἀνθρώπων. ### book 8.28 Ὣς ἔφαθ’, οἱ δ’ ἄρα πάντες ἀκὴν ἐγένοντο σιωπῇ ### book 8.29 μῦθον ἀγασσάμενοι· μάλα γὰρ κρατερῶς ἀγόρευσεν. ### book 8.30 ὀψὲ δὲ δὴ μετέειπε θεὰ γλαυκῶπις Ἀθήνη· ### book 8.31 ὦ πάτερ ἡμέτερε Κρονίδη ὕπατε κρειόντων ### book 8.32 εὖ νυ καὶ ἡμεῖς ἴδμεν ὅ τοι σθένος οὐκ ἐπιεικτόν· ### book 8.33 ἀλλ’ ἔμπης Δαναῶν ὀλοφυρόμεθ’ αἰχμητάων, ### book 8.34 οἵ κεν δὴ κακὸν οἶτον ἀναπλήσαντες ὄλωνται. ### book 8.35 ἀλλ’ ἤτοι πολέμου μὲν ἀφεξόμεθ’ ὡς σὺ κελεύεις· ### book 8.36 βουλὴν δ’ Ἀργείοις ὑποθησόμεθ’ ἥ τις ὀνήσει, ### book 8.37 ὡς μὴ πάντες ὄλωνται ὀδυσσαμένοιο τεοῖο. ### book 8.38 Τὴν δ’ ἐπιμειδήσας προσέφη νεφεληγερέτα Ζεύς· ### book 8.39 θάρσει Τριτογένεια φίλον τέκος· οὔ νύ τι θυμῷ ### book 8.40 πρόφρονι μυθέομαι, ἐθέλω δέ τοι ἤπιος εἶναι. ### book 8.41 Ὣς εἰπὼν ὑπ’ ὄχεσφι τιτύσκετο χαλκόποδ’ ἵππω ### book 8.42 ὠκυπέτα χρυσέῃσιν ἐθείρῃσιν κομόωντε, ### book 8.43 χρυσὸν δ’ αὐτὸς ἔδυνε περὶ χροΐ, γέντο δ’ ἱμάσθλην ### book 8.44 χρυσείην εὔτυκτον, ἑοῦ δ’ ἐπεβήσετο δίφρου, ### book 8.45 μάστιξεν δ’ ἐλάαν· τὼ δ’ οὐκ ἀέκοντε πετέσθην ### book 8.46 μεσσηγὺς γαίης τε καὶ οὐρανοῦ ἀστερόεντος. ### book 8.47 Ἴδην δ’ ἵκανεν πολυπίδακα μητέρα θηρῶν ### book 8.48 Γάργαρον, ἔνθά τέ οἱ τέμενος βωμός τε θυήεις. ### book 8.49 ἔνθ’ ἵππους ἔστησε πατὴρ ἀνδρῶν τε θεῶν τε ### book 8.50 λύσας ἐξ ὀχέων, κατὰ δ’ ἠέρα πουλὺν ἔχευεν. ### book 8.51 αὐτὸς δ’ ἐν κορυφῇσι καθέζετο κύδεϊ γαίων ### book 8.52 εἰσορόων Τρώων τε πόλιν καὶ νῆας Ἀχαιῶν. ### book 8.53 Οἳ δ’ ἄρα δεῖπνον ἕλοντο κάρη κομόωντες Ἀχαιοὶ ### book 8.54 ῥίμφα κατὰ κλισίας, ἀπὸ δ’ αὐτοῦ θωρήσσοντο. ### book 8.55 Τρῶες δ’ αὖθ’ ἑτέρωθεν ἀνὰ πτόλιν ὁπλίζοντο ### book 8.56 παυρότεροι· μέμασαν δὲ καὶ ὧς ὑσμῖνι μάχεσθαι ### book 8.57 χρειοῖ ἀναγκαίῃ, πρό τε παίδων καὶ πρὸ γυναικῶν. ### book 8.58 πᾶσαι δ’ ὠΐγνυντο πύλαι, ἐκ δ’ ἔσσυτο λαός, ### book 8.59 πεζοί θ’ ἱππῆές τε· πολὺς δ’ ὀρυμαγδὸς ὀρώρει. ### book 8.60 Οἳ δ’ ὅτε δή ῥ’ ἐς χῶρον ἕνα ξυνιόντες ἵκοντο ### book 8.61 σύν ῥ’ ἔβαλον ῥινούς, σὺν δ’ ἔγχεα καὶ μένε’ ἀνδρῶν ### book 8.62 χαλκεοθωρήκων· ἀτὰρ ἀσπίδες ὀμφαλόεσσαι ### book 8.63 ἔπληντ’ ἀλλήλῃσι, πολὺς δ’ ὀρυμαγδὸς ὀρώρει. ### book 8.64 ἔνθα δ’ ἅμ’ οἰμωγή τε καὶ εὐχωλὴ πέλεν ἀνδρῶν ### book 8.65 ὀλλύντων τε καὶ ὀλλυμένων, ῥέε δ’ αἵματι γαῖα. ### book 8.66 Ὄφρα μὲν ἠὼς ἦν καὶ ἀέξετο ἱερὸν ἦμαρ, ### book 8.67 τόφρα μάλ’ ἀμφοτέρων βέλε’ ἥπτετο, πῖπτε δὲ λαός. ### book 8.68 ἦμος δ’ Ἠέλιος μέσον οὐρανὸν ἀμφιβεβήκει, ### book 8.69 καὶ τότε δὴ χρύσεια πατὴρ ἐτίταινε τάλαντα· ### book 8.70 ἐν δ’ ἐτίθει δύο κῆρε τανηλεγέος θανάτοιο ### book 8.71 Τρώων θ’ ἱπποδάμων καὶ Ἀχαιῶν χαλκοχιτώνων, ### book 8.72 ἕλκε δὲ μέσσα λαβών· ῥέπε δ’ αἴσιμον ἦμαρ Ἀχαιῶν. ### book 8.73 αἳ μὲν Ἀχαιῶν κῆρες ἐπὶ χθονὶ πουλυβοτείρῃ ### book 8.74 ἑζέσθην, Τρώων δὲ πρὸς οὐρανὸν εὐρὺν ἄερθεν· ### book 8.75 αὐτὸς δ’ ἐξ Ἴδης μεγάλ’ ἔκτυπε, δαιόμενον δὲ ### book 8.76 ἧκε σέλας μετὰ λαὸν Ἀχαιῶν· οἳ δὲ ἰδόντες ### book 8.77 θάμβησαν, καὶ πάντας ὑπὸ χλωρὸν δέος εἷλεν. ### book 8.78 Ἔνθ’ οὔτ’ Ἰδομενεὺς τλῆ μίμνειν οὔτ’ Ἀγαμέμνων, ### book 8.79 οὔτε δύ’ Αἴαντες μενέτην θεράποντες Ἄρηος· ### book 8.80 Νέστωρ οἶος ἔμιμνε Γερήνιος οὖρος Ἀχαιῶν ### book 8.81 οὔ τι ἑκών, ἀλλ’ ἵππος ἐτείρετο, τὸν βάλεν ἰῷ ### book 8.82 δῖος Ἀλέξανδρος Ἑλένης πόσις ἠϋκόμοιο ### book 8.83 ἄκρην κὰκ κορυφήν, ὅθι τε πρῶται τρίχες ἵππων ### book 8.84 κρανίῳ ἐμπεφύασι, μάλιστα δὲ καίριόν ἐστιν. ### book 8.85 ἀλγήσας δ’ ἀνέπαλτο, βέλος δ’ εἰς ἐγκέφαλον δῦ, ### book 8.86 σὺν δ’ ἵππους ἐτάραξε κυλινδόμενος περὶ χαλκῷ. ### book 8.87 ὄφρ’ ὁ γέρων ἵπποιο παρηορίας ἀπέταμνε ### book 8.88 φασγάνῳ ἀΐσσων, τόφρ’ Ἕκτορος ὠκέες ἵπποι ### book 8.89 ἦλθον ἀν’ ἰωχμὸν θρασὺν ἡνίοχον φορέοντες ### book 8.90 Ἕκτορα· καί νύ κεν ἔνθ’ ὁ γέρων ἀπὸ θυμὸν ὄλεσσεν ### book 8.91 εἰ μὴ ἄρ’ ὀξὺ νόησε βοὴν ἀγαθὸς Διομήδης· ### book 8.92 σμερδαλέον δ’ ἐβόησεν ἐποτρύνων Ὀδυσῆα· ### book 8.93 διογενὲς Λαερτιάδη πολυμήχαν’ Ὀδυσσεῦ ### book 8.94 πῇ φεύγεις μετὰ νῶτα βαλὼν κακὸς ὣς ἐν ὁμίλῳ; ### book 8.95 μή τίς τοι φεύγοντι μεταφρένῳ ἐν δόρυ πήξῃ· ### book 8.96 ἀλλὰ μέν’ ὄφρα γέροντος ἀπώσομεν ἄγριον ἄνδρα. ### book 8.97 Ὣς ἔφατ’, οὐδ’ ἐσάκουσε πολύτλας δῖος Ὀδυσσεύς, ### book 8.98 ἀλλὰ παρήϊξεν κοίλας ἐπὶ νῆας Ἀχαιῶν. ### book 8.99 Τυδεΐδης δ’ αὐτός περ ἐὼν προμάχοισιν ἐμίχθη, ### book 8.100 στῆ δὲ πρόσθ’ ἵππων Νηληϊάδαο γέροντος, ### book 8.101 καί μιν φωνήσας ἔπεα πτερόεντα προσηύδα· ### book 8.102 ὦ γέρον ἦ μάλα δή σε νέοι τείρουσι μαχηταί, ### book 8.103 σὴ δὲ βίη λέλυται, χαλεπὸν δέ σε γῆρας ὀπάζει, ### book 8.104 ἠπεδανὸς δέ νύ τοι θεράπων, βραδέες δέ τοι ἵπποι. ### book 8.105 ἀλλ’ ἄγ’ ἐμῶν ὀχέων ἐπιβήσεο, ὄφρα ἴδηαι ### book 8.106 οἷοι Τρώϊοι ἵπποι ἐπιστάμενοι πεδίοιο ### book 8.107 κραιπνὰ μάλ’ ἔνθα καὶ ἔνθα διωκέμεν ἠδὲ φέβεσθαι, ### book 8.108 οὕς ποτ’ ἀπ’ Αἰνείαν ἑλόμην μήστωρε φόβοιο. ### book 8.109 τούτω μὲν θεράποντε κομείτων, τώδε δὲ νῶϊ ### book 8.110 Τρωσὶν ἐφ’ ἱπποδάμοις ἰθύνομεν, ὄφρα καὶ Ἕκτωρ ### book 8.111 εἴσεται εἰ καὶ ἐμὸν δόρυ μαίνεται ἐν παλάμῃσιν. ### book 8.112 Ὣς ἔφατ’, οὐδ’ ἀπίθησε Γερήνιος ἱππότα Νέστωρ. ### book 8.113 Νεστορέας μὲν ἔπειθ’ ἵππους θεράποντε κομείτην ### book 8.114 ἴφθιμοι Σθένελός τε καὶ Εὐρυμέδων ἀγαπήνωρ. ### book 8.115 τὼ δ’ εἰς ἀμφοτέρω Διομήδεος ἅρματα βήτην· ### book 8.116 Νέστωρ δ’ ἐν χείρεσσι λάβ’ ἡνία σιγαλόεντα, ### book 8.117 μάστιξεν δ’ ἵππους· τάχα δ’ Ἕκτορος ἄγχι γένοντο. ### book 8.118 τοῦ δ’ ἰθὺς μεμαῶτος ἀκόντισε Τυδέος υἱός· ### book 8.119 καὶ τοῦ μέν ῥ’ ἀφάμαρτεν, ὃ δ’ ἡνίοχον θεράποντα ### book 8.120 υἱὸν ὑπερθύμου Θηβαίου Ἠνιοπῆα ### book 8.121 ἵππων ἡνί’ ἔχοντα βάλε στῆθος παρὰ μαζόν. ### book 8.122 ἤριπε δ’ ἐξ ὀχέων, ὑπερώησαν δέ οἱ ἵπποι ### book 8.123 ὠκύποδες· τοῦ δ’ αὖθι λύθη ψυχή τε μένος τε. ### book 8.124 Ἕκτορα δ’ αἰνὸν ἄχος πύκασε φρένας ἡνιόχοιο· ### book 8.125 τὸν μὲν ἔπειτ’ εἴασε καὶ ἀχνύμενός περ ἑταίρου ### book 8.126 κεῖσθαι, ὃ δ’ ἡνίοχον μέθεπε θρασύν· οὐδ’ ἄρ’ ἔτι δὴν ### book 8.127 ἵππω δευέσθην σημάντορος· αἶψα γὰρ εὗρεν ### book 8.128 Ἰφιτίδην Ἀρχεπτόλεμον θρασύν, ὅν ῥα τόθ’ ἵππων ### book 8.129 ὠκυπόδων ἐπέβησε, δίδου δέ οἱ ἡνία χερσίν. ### book 8.130 Ἔνθά κε λοιγὸς ἔην καὶ ἀμήχανα ἔργα γένοντο, ### book 8.131 καί νύ κε σήκασθεν κατὰ Ἴλιον ἠΰτε ἄρνες, ### book 8.132 εἰ μὴ ἄρ’ ὀξὺ νόησε πατὴρ ἀνδρῶν τε θεῶν τε· ### book 8.133 βροντήσας δ’ ἄρα δεινὸν ἀφῆκ’ ἀργῆτα κεραυνόν, ### book 8.134 κὰδ δὲ πρόσθ’ ἵππων Διομήδεος ἧκε χαμᾶζε· ### book 8.135 δεινὴ δὲ φλὸξ ὦρτο θεείου καιομένοιο, ### book 8.136 τὼ δ’ ἵππω δείσαντε καταπτήτην ὑπ’ ὄχεσφι· ### book 8.137 Νέστορα δ’ ἐκ χειρῶν φύγον ἡνία σιγαλόεντα, ### book 8.138 δεῖσε δ’ ὅ γ’ ἐν θυμῷ, Διομήδεα δὲ προσέειπε· ### book 8.139 Τυδεΐδη ἄγε δ’ αὖτε φόβον δ’ ἔχε μώνυχας ἵππους. ### book 8.140 ἦ οὐ γιγνώσκεις ὅ τοι ἐκ Διὸς οὐχ ἕπετ’ ἀλκή; ### book 8.141 νῦν μὲν γὰρ τούτῳ Κρονίδης Ζεὺς κῦδος ὀπάζει ### book 8.142 σήμερον· ὕστερον αὖτε καὶ ἡμῖν, αἴ κ’ ἐθέλῃσι, ### book 8.143 δώσει· ἀνὴρ δέ κεν οὔ τι Διὸς νόον εἰρύσσαιτο ### book 8.144 οὐδὲ μάλ’ ἴφθιμος, ἐπεὶ ἦ πολὺ φέρτερός ἐστι. ### book 8.145 Τὸν δ’ ἠμείβετ’ ἔπειτα βοὴν ἀγαθὸς Διομήδης· ### book 8.146 ναὶ δὴ ταῦτά γε πάντα γέρον κατὰ μοῖραν ἔειπες· ### book 8.147 ἀλλὰ τόδ’ αἰνὸν ἄχος κραδίην καὶ θυμὸν ἱκάνει· ### book 8.148 Ἕκτωρ γάρ ποτε φήσει ἐνὶ Τρώεσς’ ἀγορεύων· ### book 8.149 Τυδεΐδης ὑπ’ ἐμεῖο φοβεύμενος ἵκετο νῆας. ### book 8.150 ὥς ποτ’ ἀπειλήσει· τότε μοι χάνοι εὐρεῖα χθών. ### book 8.151 Τὸν δ’ ἠμείβετ’ ἔπειτα Γερήνιος ἱππότα Νέστωρ· ### book 8.152 ὤ μοι Τυδέος υἱὲ δαΐφρονος, οἷον ἔειπες. ### book 8.153 εἴ περ γάρ ς’ Ἕκτωρ γε κακὸν καὶ ἀνάλκιδα φήσει, ### book 8.154 ἀλλ’ οὐ πείσονται Τρῶες καὶ Δαρδανίωνες ### book 8.155 καὶ Τρώων ἄλοχοι μεγαθύμων ἀσπιστάων, ### book 8.156 τάων ἐν κονίῃσι βάλες θαλεροὺς παρακοίτας. ### book 8.157 Ὣς ἄρα φωνήσας φύγαδε τράπε μώνυχας ἵππους ### book 8.158 αὖτις ἀν’ ἰωχμόν· ἐπὶ δὲ Τρῶές τε καὶ Ἕκτωρ ### book 8.159 ἠχῇ θεσπεσίῃ βέλεα στονόεντα χέοντο. ### book 8.160 τῷ δ’ ἐπὶ μακρὸν ἄϋσε μέγας κορυθαίολος Ἕκτωρ· ### book 8.161 Τυδεΐδη περὶ μέν σε τίον Δαναοὶ ταχύπωλοι ### book 8.162 ἕδρῃ τε κρέασίν τε ἰδὲ πλείοις δεπάεσσι· ### book 8.163 νῦν δέ ς’ ἀτιμήσουσι· γυναικὸς ἄρ’ ἀντὶ τέτυξο. ### book 8.164 ἔρρε κακὴ γλήνη, ἐπεὶ οὐκ εἴξαντος ἐμεῖο ### book 8.165 πύργων ἡμετέρων ἐπιβήσεαι, οὐδὲ γυναῖκας ### book 8.166 ἄξεις ἐν νήεσσι· πάρος τοι δαίμονα δώσω. ### book 8.167 Ὣς φάτο, Τυδεΐδης δὲ διάνδιχα μερμήριξεν ### book 8.168 ἵππους τε στρέψαι καὶ ἐναντίβιον μαχέσασθαι. ### book 8.169 τρὶς μὲν μερμήριξε κατὰ φρένα καὶ κατὰ θυμόν, ### book 8.170 τρὶς δ’ ἄρ’ ἀπ’ Ἰδαίων ὀρέων κτύπε μητίετα Ζεὺς ### book 8.171 σῆμα τιθεὶς Τρώεσσι μάχης ἑτεραλκέα νίκην. ### book 8.172 Ἕκτωρ δὲ Τρώεσσιν ἐκέκλετο μακρὸν ἀΰσας· ### book 8.173 Τρῶες καὶ Λύκιοι καὶ Δάρδανοι ἀγχιμαχηταὶ ### book 8.174 ἀνέρες ἔστε φίλοι, μνήσασθε δὲ θούριδος ἀλκῆς. ### book 8.175 γιγνώσκω δ’ ὅτι μοι πρόφρων κατένευσε Κρονίων ### book 8.176 νίκην καὶ μέγα κῦδος, ἀτὰρ Δαναοῖσί γε πῆμα· ### book 8.177 νήπιοι οἳ ἄρα δὴ τάδε τείχεα μηχανόωντο ### book 8.178 ἀβλήχρ’ οὐδενόσωρα· τὰ δ’ οὐ μένος ἁμὸν ἐρύξει· ### book 8.179 ἵπποι δὲ ῥέα τάφρον ὑπερθορέονται ὀρυκτήν. ### book 8.180 ἀλλ’ ὅτε κεν δὴ νηυσὶν ἔπι γλαφυρῇσι γένωμαι, ### book 8.181 μνημοσύνη τις ἔπειτα πυρὸς δηΐοιο γενέσθω, ### book 8.182 ὡς πυρὶ νῆας ἐνιπρήσω, κτείνω δὲ καὶ αὐτοὺς ### book 8.183 Ἀργείους παρὰ νηυσὶν ἀτυζομένους ὑπὸ καπνοῦ. ### book 8.184 Ὣς εἰπὼν ἵπποισιν ἐκέκλετο φώνησέν τε· ### book 8.185 Ξάνθέ τε καὶ σὺ Πόδαργε καὶ Αἴθων Λάμπέ τε δῖε ### book 8.186 νῦν μοι τὴν κομιδὴν ἀποτίνετον, ἣν μάλα πολλὴν ### book 8.187 Ἀνδρομάχη θυγάτηρ μεγαλήτορος Ἠετίωνος ### book 8.188 ὑμῖν πὰρ προτέροισι μελίφρονα πυρὸν ἔθηκεν ### book 8.189 οἶνόν τ’ ἐγκεράσασα πιεῖν, ὅτε θυμὸς ἀνώγοι, ### book 8.190 ἢ ἐμοί, ὅς πέρ οἱ θαλερὸς πόσις εὔχομαι εἶναι. ### book 8.191 ἀλλ’ ἐφομαρτεῖτον καὶ σπεύδετον ὄφρα λάβωμεν ### book 8.192 ἀσπίδα Νεστορέην, τῆς νῦν κλέος οὐρανὸν ἵκει ### book 8.193 πᾶσαν χρυσείην ἔμεναι, κανόνας τε καὶ αὐτήν, ### book 8.194 αὐτὰρ ἀπ’ ὤμοιιν Διομήδεος ἱπποδάμοιο ### book 8.195 δαιδάλεον θώρηκα, τὸν Ἥφαιστος κάμε τεύχων. ### book 8.196 εἰ τούτω κε λάβοιμεν, ἐελποίμην κεν Ἀχαιοὺς ### book 8.197 αὐτονυχὶ νηῶν ἐπιβησέμεν ὠκειάων. ### book 8.198 Ὣς ἔφατ’ εὐχόμενος, νεμέσησε δὲ πότνια Ἥρη, ### book 8.199 σείσατο δ’ εἰνὶ θρόνῳ, ἐλέλιξε δὲ μακρὸν Ὄλυμπον, ### book 8.200 καί ῥα Ποσειδάωνα μέγαν θεὸν ἀντίον ηὔδα· ### book 8.201 ὢ πόποι ἐννοσίγαι’ εὐρυσθενές, οὐδέ νυ σοί περ ### book 8.202 ὀλλυμένων Δαναῶν ὀλοφύρεται ἐν φρεσὶ θυμός. ### book 8.203 οἳ δέ τοι εἰς Ἑλίκην τε καὶ Αἰγὰς δῶρ’ ἀνάγουσι ### book 8.204 πολλά τε καὶ χαρίεντα· σὺ δέ σφισι βούλεο νίκην. ### book 8.205 εἴ περ γάρ κ’ ἐθέλοιμεν, ὅσοι Δαναοῖσιν ἀρωγοί, ### book 8.206 Τρῶας ἀπώσασθαι καὶ ἐρυκέμεν εὐρύοπα Ζῆν, ### book 8.207 αὐτοῦ κ’ ἔνθ’ ἀκάχοιτο καθήμενος οἶος ἐν Ἴδῃ. ### book 8.208 Τὴν δὲ μέγ’ ὀχθήσας προσέφη κρείων ἐνοσίχθων· ### book 8.209 Ἥρη ἀπτοεπὲς ποῖον τὸν μῦθον ἔειπες. ### book 8.210 οὐκ ἂν ἔγωγ’ ἐθέλοιμι Διὶ Κρονίωνι μάχεσθαι ### book 8.211 ἡμέας τοὺς ἄλλους, ἐπεὶ ἦ πολὺ φέρτερός ἐστιν. ### book 8.212 Ὣς οἳ μὲν τοιαῦτα πρὸς ἀλλήλους ἀγόρευον· ### book 8.213 τῶν δ’ ὅσον ἐκ νηῶν ἀπὸ πύργου τάφρος ἔεργε ### book 8.214 πλῆθεν ὁμῶς ἵππων τε καὶ ἀνδρῶν ἀσπιστάων ### book 8.215 εἰλομένων· εἴλει δὲ θοῷ ἀτάλαντος Ἄρηϊ ### book 8.216 Ἕκτωρ Πριαμίδης, ὅτε οἱ Ζεὺς κῦδος ἔδωκε. ### book 8.217 καί νύ κ’ ἐνέπρησεν πυρὶ κηλέῳ νῆας ἐΐσας, ### book 8.218 εἰ μὴ ἐπὶ φρεσὶ θῆκ’ Ἀγαμέμνονι πότνια Ἥρη ### book 8.219 αὐτῷ ποιπνύσαντι θοῶς ὀτρῦναι Ἀχαιούς. ### book 8.220 βῆ δ’ ἰέναι παρά τε κλισίας καὶ νῆας Ἀχαιῶν ### book 8.221 πορφύρεον μέγα φᾶρος ἔχων ἐν χειρὶ παχείῃ, ### book 8.222 στῆ δ’ ἐπ’ Ὀδυσσῆος μεγακήτεϊ νηῒ μελαίνῃ, ### book 8.223 ἥ ῥ’ ἐν μεσσάτῳ ἔσκε γεγωνέμεν ἀμφοτέρωσε, ### book 8.224 ἠμὲν ἐπ’ Αἴαντος κλισίας Τελαμωνιάδαο ### book 8.225 ἠδ’ ἐπ’ Ἀχιλλῆος, τοί ῥ’ ἔσχατα νῆας ἐΐσας ### book 8.226 εἴρυσαν, ἠνορέῃ πίσυνοι καὶ κάρτεϊ χειρῶν· ### book 8.227 ἤϋσεν δὲ διαπρύσιον Δαναοῖσι γεγωνώς· ### book 8.228 αἰδὼς Ἀργεῖοι, κάκ’ ἐλέγχεα, εἶδος ἀγητοί· ### book 8.229 πῇ ἔβαν εὐχωλαί, ὅτε δὴ φάμεν εἶναι ἄριστοι, ### book 8.230 ἃς ὁπότ’ ἐν Λήμνῳ κενεαυχέες ἠγοράασθε, ### book 8.231 ἔσθοντες κρέα πολλὰ βοῶν ὀρθοκραιράων ### book 8.232 πίνοντες κρητῆρας ἐπιστεφέας οἴνοιο, ### book 8.233 Τρώων ἄνθ’ ἑκατόν τε διηκοσίων τε ἕκαστος ### book 8.234 στήσεσθ’ ἐν πολέμῳ· νῦν δ’ οὐδ’ ἑνὸς ἄξιοί εἰμεν ### book 8.235 Ἕκτορος, ὃς τάχα νῆας ἐνιπρήσει πυρὶ κηλέῳ. ### book 8.236 Ζεῦ πάτερ, ἦ ῥά τιν’ ἤδη ὑπερμενέων βασιλήων ### book 8.237 τῇδ’ ἄτῃ ἄασας καί μιν μέγα κῦδος ἀπηύρας; ### book 8.238 οὐ μὲν δή ποτέ φημι τεὸν περικαλλέα βωμὸν ### book 8.239 νηῒ πολυκλήϊδι παρελθέμεν ἐνθάδε ἔρρων, ### book 8.240 ἀλλ’ ἐπὶ πᾶσι βοῶν δημὸν καὶ μηρί’ ἔκηα ### book 8.241 ἱέμενος Τροίην εὐτείχεον ἐξαλαπάξαι. ### book 8.242 ἀλλὰ Ζεῦ τόδε πέρ μοι ἐπικρήηνον ἐέλδωρ· ### book 8.243 αὐτοὺς δή περ ἔασον ὑπεκφυγέειν καὶ ἀλύξαι, ### book 8.244 μηδ’ οὕτω Τρώεσσιν ἔα δάμνασθαι Ἀχαιούς. ### book 8.245 Ὣς φάτο, τὸν δὲ πατὴρ ὀλοφύρατο δάκρυ χέοντα, ### book 8.246 νεῦσε δέ οἱ λαὸν σόον ἔμμεναι οὐδ’ ἀπολέσθαι. ### book 8.247 αὐτίκα δ’ αἰετὸν ἧκε τελειότατον πετεηνῶν, ### book 8.248 νεβρὸν ἔχοντ’ ὀνύχεσσι τέκος ἐλάφοιο ταχείης· ### book 8.249 πὰρ δὲ Διὸς βωμῷ περικαλλέϊ κάββαλε νεβρόν, ### book 8.250 ἔνθα πανομφαίῳ Ζηνὶ ῥέζεσκον Ἀχαιοί. ### book 8.251 οἳ δ’ ὡς οὖν εἴδονθ’ ὅ τ’ ἄρ’ ἐκ Διὸς ἤλυθεν ὄρνις, ### book 8.252 μᾶλλον ἐπὶ Τρώεσσι θόρον, μνήσαντο δὲ χάρμης. ### book 8.253 Ἔνθ’ οὔ τις πρότερος Δαναῶν πολλῶν περ ἐόντων ### book 8.254 εὔξατο Τυδεΐδαο πάρος σχέμεν ὠκέας ἵππους ### book 8.255 τάφρου τ’ ἐξελάσαι καὶ ἐναντίβιον μαχέσασθαι, ### book 8.256 ἀλλὰ πολὺ πρῶτος Τρώων ἕλεν ἄνδρα κορυστὴν ### book 8.257 Φραδμονίδην Ἀγέλαον· ὃ μὲν φύγαδ’ ἔτραπεν ἵππους· ### book 8.258 τῷ δὲ μεταστρεφθέντι μεταφρένῳ ἐν δόρυ πῆξεν ### book 8.259 ὤμων μεσσηγύς, διὰ δὲ στήθεσφιν ἔλασσεν· ### book 8.260 ἤριπε δ’ ἐξ ὀχέων, ἀράβησε δὲ τεύχε’ ἐπ’ αὐτῷ. ### book 8.261 Τὸν δὲ μετ’ Ἀτρεΐδαι Ἀγαμέμνων καὶ Μενέλαος, ### book 8.262 τοῖσι δ’ ἐπ’ Αἴαντες θοῦριν ἐπιειμένοι ἀλκήν, ### book 8.263 τοῖσι δ’ ἐπ’ Ἰδομενεὺς καὶ ὀπάων Ἰδομενῆος ### book 8.264 Μηριόνης ἀτάλαντος Ἐνυαλίῳ ἀνδρειφόντῃ, ### book 8.265 τοῖσι δ’ ἐπ’ Εὐρύπυλος Εὐαίμονος ἀγλαὸς υἱός· ### book 8.266 Τεῦκρος δ’ εἴνατος ἦλθε παλίντονα τόξα τιταίνων, ### book 8.267 στῆ δ’ ἄρ’ ὑπ’ Αἴαντος σάκεϊ Τελαμωνιάδαο. ### book 8.268 ἔνθ’ Αἴας μὲν ὑπεξέφερεν σάκος· αὐτὰρ ὅ γ’ ἥρως ### book 8.269 παπτήνας, ἐπεὶ ἄρ τιν’ ὀϊστεύσας ἐν ὁμίλῳ ### book 8.270 βεβλήκοι, ὃ μὲν αὖθι πεσὼν ἀπὸ θυμὸν ὄλεσσεν, ### book 8.271 αὐτὰρ ὃ αὖτις ἰὼν πάϊς ὣς ὑπὸ μητέρα δύσκεν ### book 8.272 εἰς Αἴανθ’· ὃ δέ μιν σάκεϊ κρύπτασκε φαεινῷ. ### book 8.273 Ἔνθα τίνα πρῶτον Τρώων ἕλε Τεῦκρος ἀμύμων; ### book 8.274 Ὀρσίλοχον μὲν πρῶτα καὶ Ὄρμενον ἠδ’ Ὀφελέστην ### book 8.275 Δαίτορά τε Χρομίον τε καὶ ἀντίθεον Λυκοφόντην ### book 8.276 καὶ Πολυαιμονίδην Ἀμοπάονα καὶ Μελάνιππον, ### book 8.277 πάντας ἐπασσυτέρους πέλασε χθονὶ πουλυβοτείρῃ. ### book 8.278 τὸν δὲ ἰδὼν γήθησεν ἄναξ ἀνδρῶν Ἀγαμέμνων ### book 8.279 τόξου ἄπο κρατεροῦ Τρώων ὀλέκοντα φάλαγγας· ### book 8.280 στῆ δὲ παρ’ αὐτὸν ἰὼν καί μιν πρὸς μῦθον ἔειπε· ### book 8.281 Τεῦκρε φίλη κεφαλή, Τελαμώνιε κοίρανε λαῶν ### book 8.282 βάλλ’ οὕτως, αἴ κέν τι φόως Δαναοῖσι γένηαι ### book 8.283 πατρί τε σῷ Τελαμῶνι, ὅ ς’ ἔτρεφε τυτθὸν ἐόντα, ### book 8.284 καί σε νόθον περ ἐόντα κομίσσατο ᾧ ἐνὶ οἴκῳ· ### book 8.285 τὸν καὶ τηλόθ’ ἐόντα ἐϋκλείης ἐπίβησον. ### book 8.286 σοὶ δ’ ἐγὼ ἐξερέω ὡς καὶ τετελεσμένον ἔσται· ### book 8.287 αἴ κέν μοι δώῃ Ζεύς τ’ αἰγίοχος καὶ Ἀθήνη ### book 8.288 Ἰλίου ἐξαλαπάξαι ἐϋκτίμενον πτολίεθρον, ### book 8.289 πρώτῳ τοι μετ’ ἐμὲ πρεσβήϊον ἐν χερὶ θήσω, ### book 8.290 ἢ τρίποδ’ ἠὲ δύω ἵππους αὐτοῖσιν ὄχεσφιν ### book 8.291 ἠὲ γυναῖχ’, ἥ κέν τοι ὁμὸν λέχος εἰσαναβαίνοι. ### book 8.292 Τὸν δ’ ἀπαμειβόμενος προσεφώνεε Τεῦκρος ἀμύμων· ### book 8.293 Ἀτρεΐδη κύδιστε τί με σπεύδοντα καὶ αὐτὸν ### book 8.294 ὀτρύνεις; οὐ μέν τοι ὅση δύναμίς γε πάρεστι ### book 8.295 παύομαι, ἀλλ’ ἐξ οὗ προτὶ Ἴλιον ὠσάμεθ’ αὐτοὺς ### book 8.296 ἐκ τοῦ δὴ τόξοισι δεδεγμένος ἄνδρας ἐναίρω. ### book 8.297 ὀκτὼ δὴ προέηκα τανυγλώχινας ὀϊστούς, ### book 8.298 πάντες δ’ ἐν χροῒ πῆχθεν ἀρηϊθόων αἰζηῶν· ### book 8.299 τοῦτον δ’ οὐ δύναμαι βαλέειν κύνα λυσσητῆρα. ### book 8.300 Ἦ ῥα καὶ ἄλλον ὀϊστὸν ἀπὸ νευρῆφιν ἴαλλεν ### book 8.301 Ἕκτορος ἀντικρύ, βαλέειν δέ ἑ ἵετο θυμός· ### book 8.302 καὶ τοῦ μέν ῥ’ ἀφάμαρθ’, ὃ δ’ ἀμύμονα Γοργυθίωνα ### book 8.303 υἱὸν ἐῢν Πριάμοιο κατὰ στῆθος βάλεν ἰῷ, ### book 8.304 τόν ῥ’ ἐξ Αἰσύμηθεν ὀπυιομένη τέκε μήτηρ ### book 8.305 καλὴ Καστιάνειρα δέμας ἐϊκυῖα θεῇσι. ### book 8.306 μήκων δ’ ὡς ἑτέρωσε κάρη βάλεν, ἥ τ’ ἐνὶ κήπῳ ### book 8.307 καρπῷ βριθομένη νοτίῃσί τε εἰαρινῇσιν, ### book 8.308 ὣς ἑτέρως’ ἤμυσε κάρη πήληκι βαρυνθέν. ### book 8.309 Τεῦκρος δ’ ἄλλον ὀϊστὸν ἀπὸ νευρῆφιν ἴαλλεν ### book 8.310 Ἕκτορος ἀντικρύ, βαλέειν δέ ἑ ἵετο θυμός. ### book 8.311 ἀλλ’ ὅ γε καὶ τόθ’ ἅμαρτε· παρέσφηλεν γὰρ Ἀπόλλων· ### book 8.312 ἀλλ’ Ἀρχεπτόλεμον θρασὺν Ἕκτορος ἡνιοχῆα ### book 8.313 ἱέμενον πόλεμον δὲ βάλε στῆθος παρὰ μαζόν· ### book 8.314 ἤριπε δ’ ἐξ ὀχέων, ὑπερώησαν δέ οἱ ἵπποι ### book 8.315 ὠκύποδες· τοῦ δ’ αὖθι λύθη ψυχή τε μένος τε. ### book 8.316 Ἕκτορα δ’ αἰνὸν ἄχος πύκασε φρένας ἡνιόχοιο· ### book 8.317 τὸν μὲν ἔπειτ’ εἴασε καὶ ἀχνύμενός περ ἑταίρου, ### book 8.318 Κεβριόνην δ’ ἐκέλευσεν ἀδελφεὸν ἐγγὺς ἐόντα ### book 8.319 ἵππων ἡνί’ ἑλεῖν· ὃ δ’ ἄρ’ οὐκ ἀπίθησεν ἀκούσας. ### book 8.320 αὐτὸς δ’ ἐκ δίφροιο χαμαὶ θόρε παμφανόωντος ### book 8.321 σμερδαλέα ἰάχων· ὃ δὲ χερμάδιον λάβε χειρί, ### book 8.322 βῆ δ’ ἰθὺς Τεύκρου, βαλέειν δέ ἑ θυμὸς ἀνώγει. ### book 8.323 ἤτοι ὃ μὲν φαρέτρης ἐξείλετο πικρὸν ὀϊστόν, ### book 8.324 θῆκε δ’ ἐπὶ νευρῇ· τὸν δ’ αὖ κορυθαίολος Ἕκτωρ ### book 8.325 αὐερύοντα παρ’ ὦμον, ὅθι κληῒς ἀποέργει ### book 8.326 αὐχένα τε στῆθός τε, μάλιστα δὲ καίριόν ἐστι, ### book 8.327 τῇ ῥ’ ἐπὶ οἷ μεμαῶτα βάλεν λίθῳ ὀκριόεντι, ### book 8.328 ῥῆξε δέ οἱ νευρήν· νάρκησε δὲ χεὶρ ἐπὶ καρπῷ, ### book 8.329 στῆ δὲ γνὺξ ἐριπών, τόξον δέ οἱ ἔκπεσε χειρός. ### book 8.330 Αἴας δ’ οὐκ ἀμέλησε κασιγνήτοιο πεσόντος, ### book 8.331 ἀλλὰ θέων περίβη καί οἱ σάκος ἀμφεκάλυψε. ### book 8.332 τὸν μὲν ἔπειθ’ ὑποδύντε δύω ἐρίηρες ἑταῖροι ### book 8.333 Μηκιστεὺς Ἐχίοιο πάϊς καὶ δῖος Ἀλάστωρ ### book 8.334 νῆας ἔπι γλαφυρὰς φερέτην βαρέα στενάχοντα. ### book 8.335 Ἂψ δ’ αὖτις Τρώεσσιν Ὀλύμπιος ἐν μένος ὦρσεν· ### book 8.336 οἳ δ’ ἰθὺς τάφροιο βαθείης ὦσαν Ἀχαιούς· ### book 8.337 Ἕκτωρ δ’ ἐν πρώτοισι κίε σθένεϊ βλεμεαίνων. ### book 8.338 ὡς δ’ ὅτε τίς τε κύων συὸς ἀγρίου ἠὲ λέοντος ### book 8.339 ἅπτηται κατόπισθε ποσὶν ταχέεσσι διώκων ### book 8.340 ἰσχία τε γλουτούς τε, ἑλισσόμενόν τε δοκεύει, ### book 8.341 ὣς Ἕκτωρ ὤπαζε κάρη κομόωντας Ἀχαιούς, ### book 8.342 αἰὲν ἀποκτείνων τὸν ὀπίστατον· οἳ δὲ φέβοντο. ### book 8.343 αὐτὰρ ἐπεὶ διά τε σκόλοπας καὶ τάφρον ἔβησαν ### book 8.344 φεύγοντες, πολλοὶ δὲ δάμεν Τρώων ὑπὸ χερσίν, ### book 8.345 οἳ μὲν δὴ παρὰ νηυσὶν ἐρητύοντο μένοντες, ### book 8.346 ἀλλήλοισί τε κεκλόμενοι καὶ πᾶσι θεοῖσι ### book 8.347 χεῖρας ἀνίσχοντες μεγάλ’ εὐχετόωντο ἕκαστος· ### book 8.348 Ἕκτωρ δ’ ἀμφιπεριστρώφα καλλίτριχας ἵππους ### book 8.349 Γοργοῦς ὄμματ’ ἔχων ἠδὲ βροτολοιγοῦ Ἄρηος. ### book 8.350 Τοὺς δὲ ἰδοῦς’ ἐλέησε θεὰ λευκώλενος Ἥρη, ### book 8.351 αἶψα δ’ Ἀθηναίην ἔπεα πτερόεντα προσηύδα· ### book 8.352 ὢ πόποι αἰγιόχοιο Διὸς τέκος οὐκέτι νῶϊ ### book 8.353 ὀλλυμένων Δαναῶν κεκαδησόμεθ’ ὑστάτιόν περ; ### book 8.354 οἵ κεν δὴ κακὸν οἶτον ἀναπλήσαντες ὄλωνται ### book 8.355 ἀνδρὸς ἑνὸς ῥιπῇ, ὃ δὲ μαίνεται οὐκέτ’ ἀνεκτῶς ### book 8.356 Ἕκτωρ Πριαμίδης, καὶ δὴ κακὰ πολλὰ ἔοργε. ### book 8.357 Τὴν δ’ αὖτε προσέειπε θεὰ γλαυκῶπις Ἀθήνη· ### book 8.358 καὶ λίην οὗτός γε μένος θυμόν τ’ ὀλέσειε ### book 8.359 χερσὶν ὑπ’ Ἀργείων φθίμενος ἐν πατρίδι γαίῃ· ### book 8.360 ἀλλὰ πατὴρ οὑμὸς φρεσὶ μαίνεται οὐκ ἀγαθῇσι ### book 8.361 σχέτλιος, αἰὲν ἀλιτρός, ἐμῶν μενέων ἀπερωεύς· ### book 8.362 οὐδέ τι τῶν μέμνηται, ὅ οἱ μάλα πολλάκις υἱὸν ### book 8.363 τειρόμενον σώεσκον ὑπ’ Εὐρυσθῆος ἀέθλων. ### book 8.364 ἤτοι ὃ μὲν κλαίεσκε πρὸς οὐρανόν, αὐτὰρ ἐμὲ Ζεὺς ### book 8.365 τῷ ἐπαλεξήσουσαν ἀπ’ οὐρανόθεν προΐαλλεν. ### book 8.366 εἰ γὰρ ἐγὼ τάδε ᾔδε’ ἐνὶ φρεσὶ πευκαλίμῃσιν ### book 8.367 εὖτέ μιν εἰς Ἀΐδαο πυλάρταο προὔπεμψεν ### book 8.368 ἐξ Ἐρέβευς ἄξοντα κύνα στυγεροῦ Ἀΐδαο, ### book 8.369 οὐκ ἂν ὑπεξέφυγε Στυγὸς ὕδατος αἰπὰ ῥέεθρα. ### book 8.370 νῦν δ’ ἐμὲ μὲν στυγέει, Θέτιδος δ’ ἐξήνυσε βουλάς, ### book 8.371 ἥ οἱ γούνατ’ ἔκυσσε καὶ ἔλλαβε χειρὶ γενείου, ### book 8.372 λισσομένη τιμῆσαι Ἀχιλλῆα πτολίπορθον. ### book 8.373 ἔσται μὰν ὅτ’ ἂν αὖτε φίλην γλαυκώπιδα εἴπῃ. ### book 8.374 ἀλλὰ σὰ μὲν νῦν νῶϊν ἐπέντυε μώνυχας ἵππους, ### book 8.375 ὄφρ’ ἂν ἐγὼ καταδῦσα Διὸς δόμον αἰγιόχοιο ### book 8.376 τεύχεσιν ἐς πόλεμον θωρήξομαι, ὄφρα ἴδωμαι ### book 8.377 ἢ νῶϊ Πριάμοιο πάϊς κορυθαίολος Ἕκτωρ ### book 8.378 γηθήσει προφανέντε ἀνὰ πτολέμοιο γεφύρας, ### book 8.379 ἦ τις καὶ Τρώων κορέει κύνας ἠδ’ οἰωνοὺς ### book 8.380 δημῷ καὶ σάρκεσσι, πεσὼν ἐπὶ νηυσὶν Ἀχαιῶν. ### book 8.381 Ὣς ἔφατ’, οὐδ’ ἀπίθησε θεὰ λευκώλενος Ἥρη. ### book 8.382 ἣ μὲν ἐποιχομένη χρυσάμπυκας ἔντυεν ἵππους ### book 8.383 Ἥρη πρέσβα θεὰ θυγάτηρ μεγάλοιο Κρόνοιο· ### book 8.384 αὐτὰρ Ἀθηναίη κούρη Διὸς αἰγιόχοιο ### book 8.385 πέπλον μὲν κατέχευεν ἑανὸν πατρὸς ἐπ’ οὔδει ### book 8.386 ποικίλον, ὅν ῥ’ αὐτὴ ποιήσατο καὶ κάμε χερσίν, ### book 8.387 ἣ δὲ χιτῶν’ ἐνδῦσα Διὸς νεφεληγερέταο ### book 8.388 τεύχεσιν ἐς πόλεμον θωρήσσετο δακρυόεντα. ### book 8.389 ἐς δ’ ὄχεα φλόγεα ποσὶ βήσετο, λάζετο δ’ ἔγχος ### book 8.390 βριθὺ μέγα στιβαρόν, τῷ δάμνησι στίχας ἀνδρῶν ### book 8.391 ἡρώων, τοῖσίν τε κοτέσσεται ὀβριμοπάτρη. ### book 8.392 Ἥρη δὲ μάστιγι θοῶς ἐπεμαίετ’ ἄρ’ ἵππους· ### book 8.393 αὐτόμαται δὲ πύλαι μύκον οὐρανοῦ ἃς ἔχον Ὧραι, ### book 8.394 τῇς ἐπιτέτραπται μέγας οὐρανὸς Οὔλυμπός τε ### book 8.395 ἠμὲν ἀνακλῖναι πυκινὸν νέφος ἠδ’ ἐπιθεῖναι. ### book 8.396 τῇ ῥα δι’ αὐτάων κεντρηνεκέας ἔχον ἵππους. ### book 8.397 Ζεὺς δὲ πατὴρ Ἴδηθεν ἐπεὶ ἴδε χώσατ’ ἄρ’ αἰνῶς, ### book 8.398 Ἶριν δ’ ὄτρυνε χρυσόπτερον ἀγγελέουσαν· ### book 8.399 βάσκ’ ἴθι Ἶρι ταχεῖα, πάλιν τρέπε μηδ’ ἔα ἄντην ### book 8.400 ἔρχεσθ’· οὐ γὰρ καλὰ συνοισόμεθα πτόλεμον δέ. ### book 8.401 ὧδε γὰρ ἐξερέω, τὸ δὲ καὶ τετελεσμένον ἔσται· ### book 8.402 γυιώσω μέν σφωϊν ὑφ’ ἅρμασιν ὠκέας ἵππους, ### book 8.403 αὐτὰς δ’ ἐκ δίφρου βαλέω κατά θ’ ἅρματα ἄξω· ### book 8.404 οὐδέ κεν ἐς δεκάτους περιτελλομένους ἐνιαυτοὺς ### book 8.405 ἕλκε’ ἀπαλθήσεσθον, ἅ κεν μάρπτῃσι κεραυνός· ### book 8.406 ὄφρα ἰδῇ γλαυκῶπις ὅτ’ ἂν ᾧ πατρὶ μάχηται. ### book 8.407 Ἥρῃ δ’ οὔ τι τόσον νεμεσίζομαι οὐδὲ χολοῦμαι· ### book 8.408 αἰεὶ γάρ μοι ἔωθεν ἐνικλᾶν ὅττί κεν εἴπω. ### book 8.409 Ὣς ἔφατ’, ὦρτο δὲ Ἶρις ἀελλόπος ἀγγελέουσα, ### book 8.410 βῆ δ’ ἐξ Ἰδαίων ὀρέων ἐς μακρὸν Ὄλυμπον. ### book 8.411 πρώτῃσιν δὲ πύλῃσι πολυπτύχου Οὐλύμποιο ### book 8.412 ἀντομένη κατέρυκε, Διὸς δέ σφ’ ἔννεπε μῦθον· ### book 8.413 πῇ μέματον; τί σφῶϊν ἐνὶ φρεσὶ μαίνεται ἦτορ; ### book 8.414 οὐκ ἐάᾳ Κρονίδης ἐπαμυνέμεν Ἀργείοισιν. ### book 8.415 ὧδε γὰρ ἠπείλησε Κρόνου πάϊς, ᾗ τελέει περ, ### book 8.416 γυιώσειν μὲν σφῶϊν ὑφ’ ἅρμασιν ὠκέας ἵππους, ### book 8.417 αὐτὰς δ’ ἐκ δίφρου βαλέειν κατά θ’ ἅρματα ἄξειν· ### book 8.418 οὐδέ κεν ἐς δεκάτους περιτελλομένους ἐνιαυτοὺς ### book 8.419 ἕλκε’ ἀπαλθήσεσθον, ἅ κεν μάρπτῃσι κεραυνός· ### book 8.420 ὄφρα ἰδῇς γλαυκῶπι ὅτ’ ἂν σῷ πατρὶ μάχηαι. ### book 8.421 Ἥρῃ δ’ οὔ τι τόσον νεμεσίζεται οὐδὲ χολοῦται· ### book 8.422 αἰεὶ γάρ οἱ ἔωθεν ἐνικλᾶν ὅττι κεν εἴπῃ· ### book 8.423 ἀλλὰ σύ γ’ αἰνοτάτη κύον ἀδεὲς εἰ ἐτεόν γε ### book 8.424 τολμήσεις Διὸς ἄντα πελώριον ἔγχος ἀεῖραι. ### book 8.425 Ἣ μὲν ἄρ’ ὣς εἰποῦς’ ἀπέβη πόδας ὠκέα Ἶρις, ### book 8.426 αὐτὰρ Ἀθηναίην Ἥρη πρὸς μῦθον ἔειπεν· ### book 8.427 ὢ πόποι αἰγιόχοιο Διὸς τέκος, οὐκέτ’ ἔγωγε ### book 8.428 νῶϊ ἐῶ Διὸς ἄντα βροτῶν ἕνεκα πτολεμίζειν· ### book 8.429 τῶν ἄλλος μὲν ἀποφθίσθω, ἄλλος δὲ βιώτω, ### book 8.430 ὅς κε τύχῃ· κεῖνος δὲ τὰ ἃ φρονέων ἐνὶ θυμῷ ### book 8.431 Τρωσί τε καὶ Δαναοῖσι δικαζέτω, ὡς ἐπιεικές. ### book 8.432 Ὣς ἄρα φωνήσασα πάλιν τρέπε μώνυχας ἵππους· ### book 8.433 τῇσιν δ’ Ὧραι μὲν λῦσαν καλλίτριχας ἵππους, ### book 8.434 καὶ τοὺς μὲν κατέδησαν ἐπ’ ἀμβροσίῃσι κάπῃσιν, ### book 8.435 ἅρματα δ’ ἔκλιναν πρὸς ἐνώπια παμφανόωντα· ### book 8.436 αὐταὶ δὲ χρυσέοισιν ἐπὶ κλισμοῖσι κάθιζον ### book 8.437 μίγδ’ ἄλλοισι θεοῖσι, φίλον τετιημέναι ἦτορ. ### book 8.438 Ζεὺς δὲ πατὴρ Ἴδηθεν ἐΰτροχον ἅρμα καὶ ἵππους ### book 8.439 Οὔλυμπον δὲ δίωκε, θεῶν δ’ ἐξίκετο θώκους. ### book 8.440 τῷ δὲ καὶ ἵππους μὲν λῦσε κλυτὸς ἐννοσίγαιος, ### book 8.441 ἅρματα δ’ ἂμ βωμοῖσι τίθει κατὰ λῖτα πετάσσας· ### book 8.442 αὐτὸς δὲ χρύσειον ἐπὶ θρόνον εὐρύοπα Ζεὺς ### book 8.443 ἕζετο, τῷ δ’ ὑπὸ ποσσὶ μέγας πελεμίζετ’ Ὄλυμπος. ### book 8.444 αἳ δ’ οἶαι Διὸς ἀμφὶς Ἀθηναίη τε καὶ Ἥρη ### book 8.445 ἥσθην, οὐδέ τί μιν προσεφώνεον οὐδ’ ἐρέοντο· ### book 8.446 αὐτὰρ ὃ ἔγνω ᾗσιν ἐνὶ φρεσὶ φώνησέν τε· ### book 8.447 τίφθ’ οὕτω τετίησθον Ἀθηναίη τε καὶ Ἥρη; ### book 8.448 οὐ μέν θην κάμετόν γε μάχῃ ἔνι κυδιανείρῃ ### book 8.449 ὀλλῦσαι Τρῶας, τοῖσιν κότον αἰνὸν ἔθεσθε. ### book 8.450 πάντως, οἷον ἐμόν γε μένος καὶ χεῖρες ἄαπτοι, ### book 8.451 οὐκ ἄν με τρέψειαν ὅσοι θεοί εἰς’ ἐν Ὀλύμπῳ. ### book 8.452 σφῶϊν δὲ πρίν περ τρόμος ἔλλαβε φαίδιμα γυῖα ### book 8.453 πρὶν πόλεμόν τε ἰδεῖν πολέμοιό τε μέρμερα ἔργα. ### book 8.454 ὧδε γὰρ ἐξερέω, τὸ δέ κεν τετελεσμένον ἦεν· ### book 8.455 οὐκ ἂν ἐφ’ ὑμετέρων ὀχέων πληγέντε κεραυνῷ ### book 8.456 ἂψ ἐς Ὄλυμπον ἵκεσθον, ἵν’ ἀθανάτων ἕδος ἐστίν. ### book 8.457 Ὣς ἔφαθ’, αἳ δ’ ἐπέμυξαν Ἀθηναίη τε καὶ Ἥρη· ### book 8.458 πλησίαι αἵ γ’ ἥσθην, κακὰ δὲ Τρώεσσι μεδέσθην. ### book 8.459 ἤτοι Ἀθηναίη ἀκέων ἦν οὐδέ τι εἶπε ### book 8.460 σκυζομένη Διὶ πατρί, χόλος δέ μιν ἄγριος ᾕρει· ### book 8.461 Ἥρῃ δ’ οὐκ ἔχαδε στῆθος χόλον, ἀλλὰ προσηύδα· ### book 8.462 αἰνότατε Κρονίδη ποῖον τὸν μῦθον ἔειπες. ### book 8.463 εὖ νυ καὶ ἡμεῖς ἴδμεν ὅ τοι σθένος οὐκ ἀλαπαδνόν· ### book 8.464 ἀλλ’ ἔμπης Δαναῶν ὀλοφυρόμεθ’ αἰχμητάων, ### book 8.465 οἵ κεν δὴ κακὸν οἶτον ἀναπλήσαντες ὄλωνται. ### book 8.466 ἀλλ’ ἤτοι πολέμου μὲν ἀφεξόμεθ’, εἰ σὺ κελεύεις· ### book 8.467 βουλὴν δ’ Ἀργείοις ὑποθησόμεθ’ ἥ τις ὀνήσει, ### book 8.468 ὡς μὴ πάντες ὄλωνται ὀδυσσαμένοιο τεοῖο. ### book 8.469 Τὴν δ’ ἀπαμειβόμενος προσέφη νεφεληγερέτα Ζεύς· ### book 8.470 ἠοῦς δὴ καὶ μᾶλλον ὑπερμενέα Κρονίωνα ### book 8.471 ὄψεαι, αἴ κ’ ἐθέλῃσθα, βοῶπις πότνια Ἥρη ### book 8.472 ὀλλύντ’ Ἀργείων πουλὺν στρατὸν αἰχμητάων· ### book 8.473 οὐ γὰρ πρὶν πολέμου ἀποπαύσεται ὄβριμος Ἕκτωρ ### book 8.474 πρὶν ὄρθαι παρὰ ναῦφι ποδώκεα Πηλεΐωνα, ### book 8.475 ἤματι τῷ ὅτ’ ἂν οἳ μὲν ἐπὶ πρύμνῃσι μάχωνται ### book 8.476 στείνει ἐν αἰνοτάτῳ περὶ Πατρόκλοιο θανόντος· ### book 8.477 ὣς γὰρ θέσφατόν ἐστι· σέθεν δ’ ἐγὼ οὐκ ἀλεγίζω ### book 8.478 χωομένης, οὐδ’ εἴ κε τὰ νείατα πείραθ’ ἵκηαι ### book 8.479 γαίης καὶ πόντοιο, ἵν’ Ἰάπετός τε Κρόνος τε ### book 8.480 ἥμενοι οὔτ’ αὐγῇς Ὑπερίονος Ἠελίοιο ### book 8.481 τέρποντ’ οὔτ’ ἀνέμοισι, βαθὺς δέ τε Τάρταρος ἀμφίς· ### book 8.482 οὐδ’ ἢν ἔνθ’ ἀφίκηαι ἀλωμένη, οὔ σευ ἔγωγε ### book 8.483 σκυζομένης ἀλέγω, ἐπεὶ οὐ σέο κύντερον ἄλλο. ### book 8.484 Ὣς φάτο, τὸν δ’ οὔ τι προσέφη λευκώλενος Ἥρη. ### book 8.485 ἐν δ’ ἔπες’ Ὠκεανῷ λαμπρὸν φάος ἠελίοιο ### book 8.486 ἕλκον νύκτα μέλαιναν ἐπὶ ζείδωρον ἄρουραν. ### book 8.487 Τρωσὶν μέν ῥ’ ἀέκουσιν ἔδυ φάος, αὐτὰρ Ἀχαιοῖς ### book 8.488 ἀσπασίη τρίλλιστος ἐπήλυθε νὺξ ἐρεβεννή. ### book 8.489 Τρώων αὖτ’ ἀγορὴν ποιήσατο φαίδιμος Ἕκτωρ ### book 8.490 νόσφι νεῶν ἀγαγὼν ποταμῷ ἔπι δινήεντι, ### book 8.491 ἐν καθαρῷ ὅθι δὴ νεκύων διεφαίνετο χῶρος. ### book 8.492 ἐξ ἵππων δ’ ἀποβάντες ἐπὶ χθόνα μῦθον ἄκουον ### book 8.493 τόν ῥ’ Ἕκτωρ ἀγόρευε Διῒ φίλος· ἐν δ’ ἄρα χειρὶ ### book 8.494 ἔγχος ἔχ’ ἑνδεκάπηχυ· πάροιθε δὲ λάμπετο δουρὸς ### book 8.495 αἰχμὴ χαλκείη, περὶ δὲ χρύσεος θέε πόρκης, ### book 8.496 τῷ ὅ γ’ ἐρεισάμενος ἔπεα Τρώεσσι μετηύδα· ### book 8.497 κέκλυτέ μευ Τρῶες καὶ Δάρδανοι ἠδ’ ἐπίκουροι· ### book 8.498 νῦν ἐφάμην νῆάς τ’ ὀλέσας καὶ πάντας Ἀχαιοὺς ### book 8.499 ἂψ ἀπονοστήσειν προτὶ Ἴλιον ἠνεμόεσσαν· ### book 8.500 ἀλλὰ πρὶν κνέφας ἦλθε, τὸ νῦν ἐσάωσε μάλιστα ### book 8.501 Ἀργείους καὶ νῆας ἐπὶ ῥηγμῖνι θαλάσσης. ### book 8.502 ἀλλ’ ἤτοι νῦν μὲν πειθώμεθα νυκτὶ μελαίνῃ ### book 8.503 δόρπά τ’ ἐφοπλισόμεσθα· ἀτὰρ καλλίτριχας ἵππους ### book 8.504 λύσαθ’ ὑπὲξ ὀχέων, παρὰ δέ σφισι βάλλετ’ ἐδωδήν· ### book 8.505 ἐκ πόλιος δ’ ἄξεσθε βόας καὶ ἴφια μῆλα ### book 8.506 καρπαλίμως, οἶνον δὲ μελίφρονα οἰνίζεσθε ### book 8.507 σῖτόν τ’ ἐκ μεγάρων, ἐπὶ δὲ ξύλα πολλὰ λέγεσθε, ### book 8.508 ὥς κεν παννύχιοι μέσφ’ ἠοῦς ἠριγενείης ### book 8.509 καίωμεν πυρὰ πολλά, σέλας δ’ εἰς οὐρανὸν ἵκῃ, ### book 8.510 μή πως καὶ διὰ νύκτα κάρη κομόωντες Ἀχαιοὶ ### book 8.511 φεύγειν ὁρμήσωνται ἐπ’ εὐρέα νῶτα θαλάσσης. ### book 8.512 μὴ μὰν ἀσπουδί γε νεῶν ἐπιβαῖεν ἕκηλοι, ### book 8.513 ἀλλ’ ὥς τις τούτων γε βέλος καὶ οἴκοθι πέσσῃ ### book 8.514 βλήμενος ἢ ἰῷ ἢ ἔγχεϊ ὀξυόεντι ### book 8.515 νηὸς ἐπιθρῴσκων, ἵνα τις στυγέῃσι καὶ ἄλλος ### book 8.516 Τρωσὶν ἐφ’ ἱπποδάμοισι φέρειν πολύδακρυν Ἄρηα. ### book 8.517 κήρυκες δ’ ἀνὰ ἄστυ Διῒ φίλοι ἀγγελλόντων ### book 8.518 παῖδας πρωθήβας πολιοκροτάφους τε γέροντας ### book 8.519 λέξασθαι περὶ ἄστυ θεοδμήτων ἐπὶ πύργων· ### book 8.520 θηλύτεραι δὲ γυναῖκες ἐνὶ μεγάροισιν ἑκάστη ### book 8.521 πῦρ μέγα καιόντων· φυλακὴ δέ τις ἔμπεδος ἔστω ### book 8.522 μὴ λόχος εἰσέλθῃσι πόλιν λαῶν ἀπεόντων. ### book 8.523 ὧδ’ ἔστω Τρῶες μεγαλήτορες ὡς ἀγορεύω· ### book 8.524 μῦθος δ’ ὃς μὲν νῦν ὑγιὴς εἰρημένος ἔστω, ### book 8.525 τὸν δ’ ἠοῦς Τρώεσσι μεθ’ ἱπποδάμοις ἀγορεύσω. ### book 8.526 ἔλπομαι εὐχόμενος Διί τ’ ἄλλοισίν τε θεοῖσιν ### book 8.527 ἐξελάαν ἐνθένδε κύνας κηρεσσιφορήτους, ### book 8.528 οὓς κῆρες φορέουσι μελαινάων ἐπὶ νηῶν. ### book 8.529 ἀλλ’ ἤτοι ἐπὶ νυκτὶ φυλάξομεν ἡμέας αὐτούς, ### book 8.530 πρῶϊ δ’ ὑπηοῖοι σὺν τεύχεσι θωρηχθέντες ### book 8.531 νηυσὶν ἔπι γλαφυρῇσιν ἐγείρομεν ὀξὺν Ἄρηα. ### book 8.532 εἴσομαι εἴ κέ μ’ ὁ Τυδεΐδης κρατερὸς Διομήδης ### book 8.533 πὰρ νηῶν πρὸς τεῖχος ἀπώσεται, ἤ κεν ἐγὼ τὸν ### book 8.534 χαλκῷ δῃώσας ἔναρα βροτόεντα φέρωμαι. ### book 8.535 αὔριον ἣν ἀρετὴν διαείσεται, εἴ κ’ ἐμὸν ἔγχος ### book 8.536 μείνῃ ἐπερχόμενον· ἀλλ’ ἐν πρώτοισιν ὀΐω ### book 8.537 κείσεται οὐτηθείς, πολέες δ’ ἀμφ’ αὐτὸν ἑταῖροι ### book 8.538 • ἠελίου ἀνιόντος ἐς αὔριον· εἰ γὰρ ἐγὼν ὣς ### book 8.539 • εἴην ἀθάνατος καὶ ἀγήρως ἤματα πάντα, ### book 8.540 • τιοίμην δ’ ὡς τίετ’ Ἀθηναίη καὶ Ἀπόλλων, ### book 8.541 ὡς νῦν ἡμέρη ἧδε κακὸν φέρει Ἀργείοισιν. ### book 8.542 Ὣς Ἕκτωρ ἀγόρευ’, ἐπὶ δὲ Τρῶες κελάδησαν. ### book 8.543 οἳ δ’ ἵππους μὲν λῦσαν ὑπὸ ζυγοῦ ἱδρώοντας, ### book 8.544 δῆσαν δ’ ἱμάντεσσι παρ’ ἅρμασιν οἷσιν ἕκαστος· ### book 8.545 ἐκ πόλιος δ’ ἄξοντο βόας καὶ ἴφια μῆλα ### book 8.546 καρπαλίμως, οἶνον δὲ μελίφρονα οἰνίζοντο, ### book 8.547 σῖτόν τ’ ἐκ μεγάρων, ἐπὶ δὲ ξύλα πολλὰ λέγοντο. ### book 8.549 κνίσην δ’ ἐκ πεδίου ἄνεμοι φέρον οὐρανὸν εἴσω. ### book 8.553 Οἳ δὲ μέγα φρονέοντες ἐπὶ πτολέμοιο γεφύρας ### book 8.554 εἴατο παννύχιοι, πυρὰ δέ σφισι καίετο πολλά. ### book 8.555 ὡς δ’ ὅτ’ ἐν οὐρανῷ ἄστρα φαεινὴν ἀμφὶ σελήνην ### book 8.556 φαίνετ’ ἀριπρεπέα, ὅτε τ’ ἔπλετο νήνεμος αἰθήρ· ### book 8.557 ἔκ τ’ ἔφανεν πᾶσαι σκοπιαὶ καὶ πρώονες ἄκροι ### book 8.558 καὶ νάπαι· οὐρανόθεν δ’ ἄρ’ ὑπερράγη ἄσπετος αἰθήρ, ### book 8.559 πάντα δὲ εἴδεται ἄστρα, γέγηθε δέ τε φρένα ποιμήν· ### book 8.560 τόσσα μεσηγὺ νεῶν ἠδὲ Ξάνθοιο ῥοάων ### book 8.561 Τρώων καιόντων πυρὰ φαίνετο Ἰλιόθι πρό. ### book 8.562 χίλι’ ἄρ’ ἐν πεδίῳ πυρὰ καίετο, πὰρ δὲ ἑκάστῳ ### book 8.563 εἴατο πεντήκοντα σέλᾳ πυρὸς αἰθομένοιο. ### book 8.564 ἵπποι δὲ κρῖ λευκὸν ἐρεπτόμενοι καὶ ὀλύρας ### book 8.565 ἑσταότες παρ’ ὄχεσφιν ἐΰθρονον Ἠῶ μίμνον. ### book 9.1 Ὣς οἳ μὲν Τρῶες φυλακὰς ἔχον· αὐτὰρ Ἀχαιοὺς ### book 9.2 θεσπεσίη ἔχε φύζα φόβου κρυόεντος ἑταίρη, ### book 9.3 πένθεϊ δ’ ἀτλήτῳ βεβολήατο πάντες ἄριστοι. ### book 9.4 ὡς δ’ ἄνεμοι δύο πόντον ὀρίνετον ἰχθυόεντα ### book 9.5 βορέης καὶ Ζέφυρος, τώ τε Θρῄκηθεν ἄητον ### book 9.6 ἐλθόντ’ ἐξαπίνης· ἄμυδις δέ τε κῦμα κελαινὸν ### book 9.7 κορθύεται, πολλὸν δὲ παρὲξ ἅλα φῦκος ἔχευεν· ### book 9.8 ὣς ἐδαΐζετο θυμὸς ἐνὶ στήθεσσιν Ἀχαιῶν. ### book 9.9 Ἀτρεΐδης δ’ ἄχεϊ μεγάλῳ βεβολημένος ἦτορ ### book 9.10 φοίτα κηρύκεσσι λιγυφθόγγοισι κελεύων ### book 9.11 κλήδην εἰς ἀγορὴν κικλήσκειν ἄνδρα ἕκαστον, ### book 9.12 μὴ δὲ βοᾶν· αὐτὸς δὲ μετὰ πρώτοισι πονεῖτο. ### book 9.13 ἷζον δ’ εἰν ἀγορῇ τετιηότες· ἂν δ’ Ἀγαμέμνων ### book 9.14 ἵστατο δάκρυ χέων ὥς τε κρήνη μελάνυδρος ### book 9.15 ἥ τε κατ’ αἰγίλιπος πέτρης δνοφερὸν χέει ὕδωρ· ### book 9.16 ὣς ὃ βαρὺ στενάχων ἔπε’ Ἀργείοισι μετηύδα· ### book 9.17 ὦ φίλοι Ἀργείων ἡγήτορες ἠδὲ μέδοντες ### book 9.18 Ζεύς με μέγα Κρονίδης ἄτῃ ἐνέδησε βαρείῃ ### book 9.19 σχέτλιος, ὃς τότε μέν μοι ὑπέσχετο καὶ κατένευσεν ### book 9.20 Ἴλιον ἐκπέρσαντ’ εὐτείχεον ἀπονέεσθαι, ### book 9.21 νῦν δὲ κακὴν ἀπάτην βουλεύσατο, καί με κελεύει ### book 9.22 δυσκλέα Ἄργος ἱκέσθαι, ἐπεὶ πολὺν ὤλεσα λαόν. ### book 9.23 οὕτω που Διὶ μέλλει ὑπερμενέϊ φίλον εἶναι, ### book 9.24 ὃς δὴ πολλάων πολίων κατέλυσε κάρηνα ### book 9.25 ἠδ’ ἔτι καὶ λύσει· τοῦ γὰρ κράτος ἐστὶ μέγιστον. ### book 9.26 ἀλλ’ ἄγεθ’ ὡς ἂν ἐγὼ εἴπω πειθώμεθα πάντες· ### book 9.27 φεύγωμεν σὺν νηυσὶ φίλην ἐς πατρίδα γαῖαν· ### book 9.28 οὐ γὰρ ἔτι Τροίην αἱρήσομεν εὐρυάγυιαν. ### book 9.29 Ὣς ἔφαθ’, οἳ δ’ ἄρα πάντες ἀκὴν ἐγένοντο σιωπῇ. ### book 9.30 δὴν δ’ ἄνεῳ ἦσαν τετιηότες υἷες Ἀχαιῶν· ### book 9.31 ὀψὲ δὲ δὴ μετέειπε βοὴν ἀγαθὸς Διομήδης· ### book 9.32 Ἀτρεΐδη σοὶ πρῶτα μαχήσομαι ἀφραδέοντι, ### book 9.33 ἣ θέμις ἐστὶν ἄναξ ἀγορῇ· σὺ δὲ μή τι χολωθῇς. ### book 9.34 ἀλκὴν μέν μοι πρῶτον ὀνείδισας ἐν Δαναοῖσι ### book 9.35 φὰς ἔμεν ἀπτόλεμον καὶ ἀνάλκιδα· ταῦτα δὲ πάντα ### book 9.36 ἴσας’ Ἀργείων ἠμὲν νέοι ἠδὲ γέροντες. ### book 9.37 σοὶ δὲ διάνδιχα δῶκε Κρόνου πάϊς ἀγκυλομήτεω· ### book 9.38 σκήπτρῳ μέν τοι δῶκε τετιμῆσθαι περὶ πάντων, ### book 9.39 ἀλκὴν δ’ οὔ τοι δῶκεν, ὅ τε κράτος ἐστὶ μέγιστον. ### book 9.40 δαιμόνι’ οὕτω που μάλα ἔλπεαι υἷας Ἀχαιῶν ### book 9.41 ἀπτολέμους τ’ ἔμεναι καὶ ἀνάλκιδας ὡς ἀγορεύεις; ### book 9.42 εἰ δέ τοι αὐτῷ θυμὸς ἐπέσσυται ὥς τε νέεσθαι ### book 9.43 ἔρχεο· πάρ τοι ὁδός, νῆες δέ τοι ἄγχι θαλάσσης ### book 9.44 ἑστᾶς’, αἵ τοι ἕποντο Μυκήνηθεν μάλα πολλαί. ### book 9.45 ἀλλ’ ἄλλοι μενέουσι κάρη κομόωντες Ἀχαιοὶ ### book 9.46 εἰς ὅ κέ περ Τροίην διαπέρσομεν. εἰ δὲ καὶ αὐτοὶ ### book 9.47 φευγόντων σὺν νηυσὶ φίλην ἐς πατρίδα γαῖαν· ### book 9.48 νῶϊ δ’ ἐγὼ Σθένελός τε μαχησόμεθ’ εἰς ὅ κε τέκμωρ ### book 9.49 Ἰλίου εὕρωμεν· σὺν γὰρ θεῷ εἰλήλουθμεν. ### book 9.50 Ὣς ἔφαθ’, οἳ δ’ ἄρα πάντες ἐπίαχον υἷες Ἀχαιῶν ### book 9.51 μῦθον ἀγασσάμενοι Διομήδεος ἱπποδάμοιο. ### book 9.52 τοῖσι δ’ ἀνιστάμενος μετεφώνεεν ἱππότα Νέστωρ· ### book 9.53 Τυδεΐδη περὶ μὲν πολέμῳ ἔνι καρτερός ἐσσι, ### book 9.54 καὶ βουλῇ μετὰ πάντας ὁμήλικας ἔπλευ ἄριστος. ### book 9.55 οὔ τίς τοι τὸν μῦθον ὀνόσσεται ὅσσοι Ἀχαιοί, ### book 9.56 οὐδὲ πάλιν ἐρέει· ἀτὰρ οὐ τέλος ἵκεο μύθων. ### book 9.57 ἦ μὲν καὶ νέος ἐσσί, ἐμὸς δέ κε καὶ πάϊς εἴης ### book 9.58 ὁπλότατος γενεῆφιν· ἀτὰρ πεπνυμένα βάζεις ### book 9.59 Ἀργείων βασιλῆας, ἐπεὶ κατὰ μοῖραν ἔειπες. ### book 9.60 ἀλλ’ ἄγ’ ἐγών, ὃς σεῖο γεραίτερος εὔχομαι εἶναι, ### book 9.61 ἐξείπω καὶ πάντα διίξομαι· οὐδέ κέ τίς μοι ### book 9.62 μῦθον ἀτιμήσει’, οὐδὲ κρείων Ἀγαμέμνων. ### book 9.63 ἀφρήτωρ ἀθέμιστος ἀνέστιός ἐστιν ἐκεῖνος ### book 9.64 ὃς πολέμου ἔραται ἐπιδημίου ὀκρυόεντος. ### book 9.65 ἀλλ’ ἤτοι νῦν μὲν πειθώμεθα νυκτὶ μελαίνῃ ### book 9.66 δόρπά τ’ ἐφοπλισόμεσθα· φυλακτῆρες δὲ ἕκαστοι ### book 9.67 λεξάσθων παρὰ τάφρον ὀρυκτὴν τείχεος ἐκτός. ### book 9.68 κούροισιν μὲν ταῦτ’ ἐπιτέλλομαι· αὐτὰρ ἔπειτα ### book 9.69 Ἀτρεΐδη σὺ μὲν ἄρχε· σὺ γὰρ βασιλεύτατός ἐσσι. ### book 9.70 δαίνυ δαῖτα γέρουσιν· ἔοικέ τοι, οὔ τοι ἀεικές. ### book 9.71 πλεῖαί τοι οἴνου κλισίαι, τὸν νῆες Ἀχαιῶν ### book 9.72 ἠμάτιαι Θρῄκηθεν ἐπ’ εὐρέα πόντον ἄγουσι· ### book 9.73 πᾶσά τοί ἐσθ’ ὑποδεξίη, πολέεσσι δ’ ἀνάσσεις. ### book 9.74 πολλῶν δ’ ἀγρομένων τῷ πείσεαι ὅς κεν ἀρίστην ### book 9.75 βουλὴν βουλεύσῃ· μάλα δὲ χρεὼ πάντας Ἀχαιοὺς ### book 9.76 ἐσθλῆς καὶ πυκινῆς, ὅτι δήϊοι ἐγγύθι νηῶν ### book 9.77 καίουσιν πυρὰ πολλά· τίς ἂν τάδε γηθήσειε; ### book 9.78 νὺξ δ’ ἧδ’ ἠὲ διαρραίσει στρατὸν ἠὲ σαώσει. ### book 9.79 Ὣς ἔφαθ’, οἳ δ’ ἄρα τοῦ μάλα μὲν κλύον ἠδὲ πίθοντο. ### book 9.80 ἐκ δὲ φυλακτῆρες σὺν τεύχεσιν ἐσσεύοντο ### book 9.81 ἀμφί τε Νεστορίδην Θρασυμήδεα ποιμένα λαῶν, ### book 9.82 ἠδ’ ἀμφ’ Ἀσκάλαφον καὶ Ἰάλμενον υἷας Ἄρηος ### book 9.83 ἀμφί τε Μηριόνην Ἀφαρῆά τε Δηΐπυρόν τε, ### book 9.84 ἠδ’ ἀμφὶ Κρείοντος υἱὸν Λυκομήδεα δῖον. ### book 9.85 ἕπτ’ ἔσαν ἡγεμόνες φυλάκων, ἑκατὸν δὲ ἑκάστῳ ### book 9.86 κοῦροι ἅμα στεῖχον δολίχ’ ἔγχεα χερσὶν ἔχοντες· ### book 9.87 κὰδ δὲ μέσον τάφρου καὶ τείχεος ἷζον ἰόντες· ### book 9.88 ἔνθα δὲ πῦρ κήαντο, τίθεντο δὲ δόρπα ἕκαστος. ### book 9.89 Ἀτρεΐδης δὲ γέροντας ἀολλέας ἦγεν Ἀχαιῶν ### book 9.90 ἐς κλισίην, παρὰ δέ σφι τίθει μενοεικέα δαῖτα. ### book 9.91 οἳ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 9.92 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 9.93 τοῖς ὁ γέρων πάμπρωτος ὑφαίνειν ἤρχετο μῆτιν ### book 9.94 Νέστωρ, οὗ καὶ πρόσθεν ἀρίστη φαίνετο βουλή· ### book 9.95 ὅ σφιν ἐϋφρονέων ἀγορήσατο καὶ μετέειπεν· ### book 9.96 Ἀτρεΐδη κύδιστε ἄναξ ἀνδρῶν Ἀγάμεμνον ### book 9.97 ἐν σοὶ μὲν λήξω, σέο δ’ ἄρξομαι, οὕνεκα πολλῶν ### book 9.98 λαῶν ἐσσι ἄναξ καί τοι Ζεὺς ἐγγυάλιξε ### book 9.99 σκῆπτρόν τ’ ἠδὲ θέμιστας, ἵνά σφισι βουλεύῃσθα. ### book 9.100 τώ σε χρὴ περὶ μὲν φάσθαι ἔπος ἠδ’ ἐπακοῦσαι, ### book 9.101 κρηῆναι δὲ καὶ ἄλλῳ, ὅτ’ ἄν τινα θυμὸς ἀνώγῃ ### book 9.102 εἰπεῖν εἰς ἀγαθόν· σέο δ’ ἕξεται ὅττί κεν ἄρχῃ. ### book 9.103 αὐτὰρ ἐγὼν ἐρέω ὥς μοι δοκεῖ εἶναι ἄριστα. ### book 9.104 οὐ γάρ τις νόον ἄλλος ἀμείνονα τοῦδε νοήσει ### book 9.105 οἷον ἐγὼ νοέω ἠμὲν πάλαι ἠδ’ ἔτι καὶ νῦν ### book 9.106 ἐξ ἔτι τοῦ ὅτε διογενὲς Βρισηΐδα κούρην ### book 9.107 χωομένου Ἀχιλῆος ἔβης κλισίηθεν ἀπούρας ### book 9.108 οὔ τι καθ’ ἡμέτερόν γε νόον· μάλα γάρ τοι ἔγωγε ### book 9.109 πόλλ’ ἀπεμυθεόμην· σὺ δὲ σῷ μεγαλήτορι θυμῷ ### book 9.110 εἴξας ἄνδρα φέριστον, ὃν ἀθάνατοί περ ἔτισαν, ### book 9.111 ἠτίμησας, ἑλὼν γὰρ ἔχεις γέρας· ἀλλ’ ἔτι καὶ νῦν ### book 9.112 φραζώμεσθ’ ὥς κέν μιν ἀρεσσάμενοι πεπίθωμεν ### book 9.113 δώροισίν τ’ ἀγανοῖσιν ἔπεσσί τε μειλιχίοισι. ### book 9.114 Τὸν δ’ αὖτε προσέειπεν ἄναξ ἀνδρῶν Ἀγαμέμνων· ### book 9.115 ὦ γέρον οὔ τι ψεῦδος ἐμὰς ἄτας κατέλεξας· ### book 9.116 ἀασάμην, οὐδ’ αὐτὸς ἀναίνομαι. ἀντί νυ πολλῶν ### book 9.117 λαῶν ἐστὶν ἀνὴρ ὅν τε Ζεὺς κῆρι φιλήσῃ, ### book 9.118 ὡς νῦν τοῦτον ἔτισε, δάμασσε δὲ λαὸν Ἀχαιῶν. ### book 9.119 ἀλλ’ ἐπεὶ ἀασάμην φρεσὶ λευγαλέῃσι πιθήσας, ### book 9.120 ἂψ ἐθέλω ἀρέσαι δόμεναί τ’ ἀπερείσι’ ἄποινα. ### book 9.121 ὑμῖν δ’ ἐν πάντεσσι περικλυτὰ δῶρ’ ὀνομήνω ### book 9.122 ἕπτ’ ἀπύρους τρίποδας, δέκα δὲ χρυσοῖο τάλαντα, ### book 9.123 αἴθωνας δὲ λέβητας ἐείκοσι, δώδεκα δ’ ἵππους ### book 9.124 πηγοὺς ἀθλοφόρους, οἳ ἀέθλια ποσσὶν ἄροντο. ### book 9.125 οὔ κεν ἀλήϊος εἴη ἀνὴρ ᾧ τόσσα γένοιτο, ### book 9.126 οὐδέ κεν ἀκτήμων ἐριτίμοιο χρυσοῖο, ### book 9.127 ὅσσά μοι ἠνείκαντο ἀέθλια μώνυχες ἵπποι. ### book 9.128 δώσω δ’ ἑπτὰ γυναῖκας ἀμύμονα ἔργα ἰδυίας ### book 9.129 Λεσβίδας, ἃς ὅτε Λέσβον ἐϋκτιμένην ἕλεν αὐτὸς ### book 9.130 ἐξελόμην, αἳ κάλλει ἐνίκων φῦλα γυναικῶν. ### book 9.131 τὰς μέν οἱ δώσω, μετὰ δ’ ἔσσεται ἣν τότ’ ἀπηύρων ### book 9.132 κούρη Βρισῆος· ἐπὶ δὲ μέγαν ὅρκον ὀμοῦμαι ### book 9.133 μή ποτε τῆς εὐνῆς ἐπιβήμεναι ἠδὲ μιγῆναι, ### book 9.134 ἣ θέμις ἀνθρώπων πέλει ἀνδρῶν ἠδὲ γυναικῶν. ### book 9.135 ταῦτα μὲν αὐτίκα πάντα παρέσσεται· εἰ δέ κεν αὖτε ### book 9.136 ἄστυ μέγα Πριάμοιο θεοὶ δώως’ ἀλαπάξαι, ### book 9.137 νῆα ἅλις χρυσοῦ καὶ χαλκοῦ νηησάσθω ### book 9.138 εἰσελθών, ὅτε κεν δατεώμεθα ληΐδ’ Ἀχαιοί, ### book 9.139 Τρωϊάδας δὲ γυναῖκας ἐείκοσιν αὐτὸς ἑλέσθω, ### book 9.140 αἴ κε μετ’ Ἀργείην Ἑλένην κάλλισται ἔωσιν. ### book 9.141 εἰ δέ κεν Ἄργος ἱκοίμεθ’ Ἀχαιϊκὸν οὖθαρ ἀρούρης ### book 9.142 γαμβρός κέν μοι ἔοι· τίσω δέ μιν ἶσον Ὀρέστῃ, ### book 9.143 ὅς μοι τηλύγετος τρέφεται θαλίῃ ἔνι πολλῇ. ### book 9.144 τρεῖς δέ μοί εἰσι θύγατρες ἐνὶ μεγάρῳ εὐπήκτῳ ### book 9.145 Χρυσόθεμις καὶ Λαοδίκη καὶ Ἰφιάνασσα, ### book 9.146 τάων ἥν κ’ ἐθέλῃσι φίλην ἀνάεδνον ἀγέσθω ### book 9.147 πρὸς οἶκον Πηλῆος· ἐγὼ δ’ ἐπὶ μείλια δώσω ### book 9.148 πολλὰ μάλ’, ὅσς’ οὔ πώ τις ἑῇ ἐπέδωκε θυγατρί· ### book 9.149 ἑπτὰ δέ οἱ δώσω εὖ ναιόμενα πτολίεθρα ### book 9.150 Καρδαμύλην Ἐνόπην τε καὶ Ἱρὴν ποιήεσσαν ### book 9.151 Φηράς τε ζαθέας ἠδ’ Ἄνθειαν βαθύλειμον ### book 9.152 καλήν τ’ Αἴπειαν καὶ Πήδασον ἀμπελόεσσαν. ### book 9.153 πᾶσαι δ’ ἐγγὺς ἁλός, νέαται Πύλου ἠμαθόεντος· ### book 9.154 ἐν δ’ ἄνδρες ναίουσι πολύρρηνες πολυβοῦται, ### book 9.155 οἵ κέ ἑ δωτίνῃσι θεὸν ὣς τιμήσουσι ### book 9.156 καί οἱ ὑπὸ σκήπτρῳ λιπαρὰς τελέουσι θέμιστας. ### book 9.157 ταῦτά κέ οἱ τελέσαιμι μεταλήξαντι χόλοιο. ### book 9.158 δμηθήτω· Ἀΐδης τοι ἀμείλιχος ἠδ’ ἀδάμαστος, ### book 9.159 τοὔνεκα καί τε βροτοῖσι θεῶν ἔχθιστος ἁπάντων· ### book 9.160 καί μοι ὑποστήτω ὅσσον βασιλεύτερός εἰμι ### book 9.161 ἠδ’ ὅσσον γενεῇ προγενέστερος εὔχομαι εἶναι. ### book 9.162 Τὸν δ’ ἠμείβετ’ ἔπειτα Γερήνιος ἱππότα Νέστωρ· ### book 9.163 Ἀτρεΐδη κύδιστε ἄναξ ἀνδρῶν Ἀγάμεμνον ### book 9.164 δῶρα μὲν οὐκέτ’ ὀνοστὰ διδοῖς Ἀχιλῆϊ ἄνακτι· ### book 9.165 ἀλλ’ ἄγετε κλητοὺς ὀτρύνομεν, οἵ κε τάχιστα ### book 9.166 ἔλθως’ ἐς κλισίην Πηληϊάδεω Ἀχιλῆος. ### book 9.167 εἰ δ’ ἄγε τοὺς ἂν ἐγὼ ἐπιόψομαι οἳ δὲ πιθέσθων. ### book 9.168 Φοῖνιξ μὲν πρώτιστα Διῒ φίλος ἡγησάσθω, ### book 9.169 αὐτὰρ ἔπειτ’ Αἴας τε μέγας καὶ δῖος Ὀδυσσεύς· ### book 9.170 κηρύκων δ’ Ὀδίος τε καὶ Εὐρυβάτης ἅμ’ ἑπέσθων. ### book 9.171 φέρτε δὲ χερσὶν ὕδωρ, εὐφημῆσαί τε κέλεσθε, ### book 9.172 ὄφρα Διὶ Κρονίδῃ ἀρησόμεθ’, αἴ κ’ ἐλεήσῃ. ### book 9.173 Ὣς φάτο, τοῖσι δὲ πᾶσιν ἑαδότα μῦθον ἔειπεν. ### book 9.174 αὐτίκα κήρυκες μὲν ὕδωρ ἐπὶ χεῖρας ἔχευαν, ### book 9.175 κοῦροι δὲ κρητῆρας ἐπεστέψαντο ποτοῖο, ### book 9.176 νώμησαν δ’ ἄρα πᾶσιν ἐπαρξάμενοι δεπάεσσιν. ### book 9.177 αὐτὰρ ἐπεὶ σπεῖσάν τ’ ἔπιόν θ’ ὅσον ἤθελε θυμός, ### book 9.178 ὁρμῶντ’ ἐκ κλισίης Ἀγαμέμνονος Ἀτρεΐδαο. ### book 9.179 τοῖσι δὲ πόλλ’ ἐπέτελλε Γερήνιος ἱππότα Νέστωρ ### book 9.180 δενδίλλων ἐς ἕκαστον, Ὀδυσσῆϊ δὲ μάλιστα, ### book 9.181 πειρᾶν ὡς πεπίθοιεν ἀμύμονα Πηλεΐωνα. ### book 9.182 Τὼ δὲ βάτην παρὰ θῖνα πολυφλοίσβοιο θαλάσσης ### book 9.183 πολλὰ μάλ’ εὐχομένω γαιηόχῳ ἐννοσιγαίῳ ### book 9.184 ῥηϊδίως πεπιθεῖν μεγάλας φρένας Αἰακίδαο. ### book 9.185 Μυρμιδόνων δ’ ἐπί τε κλισίας καὶ νῆας ἱκέσθην, ### book 9.186 τὸν δ’ εὗρον φρένα τερπόμενον φόρμιγγι λιγείῃ ### book 9.187 καλῇ δαιδαλέῃ, ἐπὶ δ’ ἀργύρεον ζυγὸν ἦεν, ### book 9.188 τὴν ἄρετ’ ἐξ ἐνάρων πόλιν Ἠετίωνος ὀλέσσας· ### book 9.189 τῇ ὅ γε θυμὸν ἔτερπεν, ἄειδε δ’ ἄρα κλέα ἀνδρῶν. ### book 9.190 Πάτροκλος δέ οἱ οἶος ἐναντίος ἧστο σιωπῇ, ### book 9.191 δέγμενος Αἰακίδην ὁπότε λήξειεν ἀείδων, ### book 9.192 τὼ δὲ βάτην προτέρω, ἡγεῖτο δὲ δῖος Ὀδυσσεύς, ### book 9.193 στὰν δὲ πρόσθ’ αὐτοῖο· ταφὼν δ’ ἀνόρουσεν Ἀχιλλεὺς ### book 9.194 αὐτῇ σὺν φόρμιγγι λιπὼν ἕδος ἔνθα θάασσεν. ### book 9.195 ὣς δ’ αὔτως Πάτροκλος, ἐπεὶ ἴδε φῶτας, ἀνέστη. ### book 9.196 τὼ καὶ δεικνύμενος προσέφη πόδας ὠκὺς Ἀχιλλεύς· ### book 9.197 χαίρετον· ἦ φίλοι ἄνδρες ἱκάνετον ἦ τι μάλα χρεώ, ### book 9.198 οἵ μοι σκυζομένῳ περ Ἀχαιῶν φίλτατοί ἐστον. ### book 9.199 Ὣς ἄρα φωνήσας προτέρω ἄγε δῖος Ἀχιλλεύς, ### book 9.200 εἷσεν δ’ ἐν κλισμοῖσι τάπησί τε πορφυρέοισιν. ### book 9.201 αἶψα δὲ Πάτροκλον προσεφώνεεν ἐγγὺς ἐόντα· ### book 9.202 μείζονα δὴ κρητῆρα Μενοιτίου υἱὲ καθίστα, ### book 9.203 ζωρότερον δὲ κέραιε, δέπας δ’ ἔντυνον ἑκάστῳ· ### book 9.204 οἳ γὰρ φίλτατοι ἄνδρες ἐμῷ ὑπέασι μελάθρῳ. ### book 9.205 Ὣς φάτο, Πάτροκλος δὲ φίλῳ ἐπεπείθεθ’ ἑταίρῳ. ### book 9.206 αὐτὰρ ὅ γε κρεῖον μέγα κάββαλεν ἐν πυρὸς αὐγῇ, ### book 9.207 ἐν δ’ ἄρα νῶτον ἔθηκ’ ὄϊος καὶ πίονος αἰγός, ### book 9.208 ἐν δὲ συὸς σιάλοιο ῥάχιν τεθαλυῖαν ἀλοιφῇ. ### book 9.209 τῷ δ’ ἔχεν Αὐτομέδων, τάμνεν δ’ ἄρα δῖος Ἀχιλλεύς. ### book 9.210 καὶ τὰ μὲν εὖ μίστυλλε καὶ ἀμφ’ ὀβελοῖσιν ἔπειρε, ### book 9.211 πῦρ δὲ Μενοιτιάδης δαῖεν μέγα ἰσόθεος φώς. ### book 9.212 αὐτὰρ ἐπεὶ κατὰ πῦρ ἐκάη καὶ φλὸξ ἐμαράνθη, ### book 9.213 ἀνθρακιὴν στορέσας ὀβελοὺς ἐφύπερθε τάνυσσε, ### book 9.214 πάσσε δ’ ἁλὸς θείοιο κρατευτάων ἐπαείρας. ### book 9.215 αὐτὰρ ἐπεί ῥ’ ὤπτησε καὶ εἰν ἐλεοῖσιν ἔχευε, ### book 9.216 Πάτροκλος μὲν σῖτον ἑλὼν ἐπένειμε τραπέζῃ ### book 9.217 καλοῖς ἐν κανέοισιν, ἀτὰρ κρέα νεῖμεν Ἀχιλλεύς. ### book 9.218 αὐτὸς δ’ ἀντίον ἷζεν Ὀδυσσῆος θείοιο ### book 9.219 τοίχου τοῦ ἑτέροιο, θεοῖσι δὲ θῦσαι ἀνώγει ### book 9.220 Πάτροκλον ὃν ἑταῖρον· ὃ δ’ ἐν πυρὶ βάλλε θυηλάς. ### book 9.221 οἳ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 9.222 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 9.223 νεῦς’ Αἴας Φοίνικι· νόησε δὲ δῖος Ὀδυσσεύς, ### book 9.224 πλησάμενος δ’ οἴνοιο δέπας δείδεκτ’ Ἀχιλῆα· ### book 9.225 χαῖρ’ Ἀχιλεῦ· δαιτὸς μὲν ἐΐσης οὐκ ἐπιδευεῖς ### book 9.226 ἠμὲν ἐνὶ κλισίῃ Ἀγαμέμνονος Ἀτρεΐδαο ### book 9.227 ἠδὲ καὶ ἐνθάδε νῦν, πάρα γὰρ μενοεικέα πολλὰ ### book 9.228 δαίνυσθ’· ἀλλ’ οὐ δαιτὸς ἐπηράτου ἔργα μέμηλεν, ### book 9.229 ἀλλὰ λίην μέγα πῆμα διοτρεφὲς εἰσορόωντες ### book 9.230 δείδιμεν· ἐν δοιῇ δὲ σαωσέμεν ἢ ἀπολέσθαι ### book 9.231 νῆας ἐϋσσέλμους, εἰ μὴ σύ γε δύσεαι ἀλκήν. ### book 9.232 ἐγγὺς γὰρ νηῶν καὶ τείχεος αὖλιν ἔθεντο ### book 9.233 Τρῶες ὑπέρθυμοι τηλεκλειτοί τ’ ἐπίκουροι ### book 9.234 κηάμενοι πυρὰ πολλὰ κατὰ στρατόν, οὐδ’ ἔτι φασὶ ### book 9.235 σχήσεσθ’, ἀλλ’ ἐν νηυσὶ μελαίνῃσιν πεσέεσθαι. ### book 9.236 Ζεὺς δέ σφι Κρονίδης ἐνδέξια σήματα φαίνων ### book 9.237 ἀστράπτει· Ἕκτωρ δὲ μέγα σθένεϊ βλεμεαίνων ### book 9.238 μαίνεται ἐκπάγλως πίσυνος Διί, οὐδέ τι τίει ### book 9.239 ἀνέρας οὐδὲ θεούς· κρατερὴ δέ ἑ λύσσα δέδυκεν. ### book 9.240 ἀρᾶται δὲ τάχιστα φανήμεναι Ἠῶ δῖαν· ### book 9.241 στεῦται γὰρ νηῶν ἀποκόψειν ἄκρα κόρυμβα ### book 9.242 αὐτάς τ’ ἐμπρήσειν μαλεροῦ πυρός, αὐτὰρ Ἀχαιοὺς ### book 9.243 δῃώσειν παρὰ τῇσιν ὀρινομένους ὑπὸ καπνοῦ. ### book 9.244 ταῦτ’ αἰνῶς δείδοικα κατὰ φρένα, μή οἱ ἀπειλὰς ### book 9.245 ἐκτελέσωσι θεοί, ἡμῖν δὲ δὴ αἴσιμον εἴη ### book 9.246 φθίσθαι ἐνὶ Τροίῃ ἑκὰς Ἄργεος ἱπποβότοιο. ### book 9.247 ἀλλ’ ἄνα εἰ μέμονάς γε καὶ ὀψέ περ υἷας Ἀχαιῶν ### book 9.248 τειρομένους ἐρύεσθαι ὑπὸ Τρώων ὀρυμαγδοῦ. ### book 9.249 αὐτῷ τοι μετόπισθ’ ἄχος ἔσσεται, οὐδέ τι μῆχος ### book 9.250 ῥεχθέντος κακοῦ ἔστ’ ἄκος εὑρεῖν· ἀλλὰ πολὺ πρὶν ### book 9.251 φράζευ ὅπως Δαναοῖσιν ἀλεξήσεις κακὸν ἦμαρ. ### book 9.252 ὦ πέπον ἦ μὲν σοί γε πατὴρ ἐπετέλλετο Πηλεὺς ### book 9.253 ἤματι τῷ ὅτε ς’ ἐκ Φθίης Ἀγαμέμνονι πέμπε· ### book 9.254 τέκνον ἐμὸν κάρτος μὲν Ἀθηναίη τε καὶ Ἥρη ### book 9.255 δώσους’ αἴ κ’ ἐθέλωσι, σὺ δὲ μεγαλήτορα θυμὸν ### book 9.256 ἴσχειν ἐν στήθεσσι· φιλοφροσύνη γὰρ ἀμείνων· ### book 9.257 ληγέμεναι δ’ ἔριδος κακομηχάνου, ὄφρά σε μᾶλλον ### book 9.258 τίως’ Ἀργείων ἠμὲν νέοι ἠδὲ γέροντες. ### book 9.259 ὣς ἐπέτελλ’ ὃ γέρων, σὺ δὲ λήθεαι· ἀλλ’ ἔτι καὶ νῦν ### book 9.260 παύε’, ἔα δὲ χόλον θυμαλγέα· σοὶ δ’ Ἀγαμέμνων ### book 9.261 ἄξια δῶρα δίδωσι μεταλήξαντι χόλοιο. ### book 9.262 εἰ δὲ σὺ μέν μευ ἄκουσον, ἐγὼ δέ κέ τοι καταλέξω ### book 9.263 ὅσσά τοι ἐν κλισίῃσιν ὑπέσχετο δῶρ’ Ἀγαμέμνων· ### book 9.264 ἕπτ’ ἀπύρους τρίποδας, δέκα δὲ χρυσοῖο τάλαντα, ### book 9.265 αἴθωνας δὲ λέβητας ἐείκοσι, δώδεκα δ’ ἵππους ### book 9.266 πηγοὺς ἀθλοφόρους, οἳ ἀέθλια ποσσὶν ἄροντο. ### book 9.267 οὔ κεν ἀλήϊος εἴη ἀνὴρ ᾧ τόσσα γένοιτο ### book 9.268 οὐδέ κεν ἀκτήμων ἐριτίμοιο χρυσοῖο, ### book 9.269 ὅσς’ Ἀγαμέμνονος ἵπποι ἀέθλια ποσσὶν ἄροντο. ### book 9.270 δώσει δ’ ἑπτὰ γυναῖκας ἀμύμονα ἔργα ἰδυίας ### book 9.271 Λεσβίδας, ἃς ὅτε Λέσβον ἐϋκτιμένην ἕλες αὐτὸς ### book 9.272 ἐξέλεθ’, αἳ τότε κάλλει ἐνίκων φῦλα γυναικῶν. ### book 9.273 τὰς μέν τοι δώσει, μετὰ δ’ ἔσσεται ἣν τότ’ ἀπηύρα ### book 9.274 κούρη Βρισῆος· ἐπὶ δὲ μέγαν ὅρκον ὀμεῖται ### book 9.275 μή ποτε τῆς εὐνῆς ἐπιβήμεναι ἠδὲ μιγῆναι ### book 9.276 ἣ θέμις ἐστὶν ἄναξ ἤτ’ ἀνδρῶν ἤτε γυναικῶν. ### book 9.277 ταῦτα μὲν αὐτίκα πάντα παρέσσεται· εἰ δέ κεν αὖτε ### book 9.278 ἄστυ μέγα Πριάμοιο θεοὶ δώως’ ἀλαπάξαι, ### book 9.279 νῆα ἅλις χρυσοῦ καὶ χαλκοῦ νηήσασθαι ### book 9.280 εἰσελθών, ὅτε κεν δατεώμεθα ληΐδ’ Ἀχαιοί, ### book 9.281 Τρωϊάδας δὲ γυναῖκας ἐείκοσιν αὐτὸς ἑλέσθαι, ### book 9.282 αἵ κε μετ’ Ἀργείην Ἑλένην κάλλισται ἔωσιν. ### book 9.283 εἰ δέ κεν Ἄργος ἱκοίμεθ’ Ἀχαιϊκὸν οὖθαρ ἀρούρης ### book 9.284 γαμβρός κέν οἱ ἔοις· τίσει δέ σε ἶσον Ὀρέστῃ, ### book 9.285 ὅς οἱ τηλύγετος τρέφεται θαλίῃ ἔνι πολλῇ. ### book 9.286 τρεῖς δέ οἵ εἰσι θύγατρες ἐνὶ μεγάρῳ εὐπήκτῳ ### book 9.287 Χρυσόθεμις καὶ Λαοδίκη καὶ Ἰφιάνασσα, ### book 9.288 τάων ἥν κ’ ἐθέλῃσθα φίλην ἀνάεδνον ἄγεσθαι ### book 9.289 πρὸς οἶκον Πηλῆος· ὃ δ’ αὖτ’ ἐπὶ μείλια δώσει ### book 9.290 πολλὰ μάλ’, ὅσς’ οὔ πώ τις ἑῇ ἐπέδωκε θυγατρί· ### book 9.291 ἑπτὰ δέ τοι δώσει εὖ ναιόμενα πτολίεθρα ### book 9.292 Καρδαμύλην Ἐνόπην τε καὶ Ἱρὴν ποιήεσσαν ### book 9.293 Φηράς τε ζαθέας ἠδ’ Ἄνθειαν βαθύλειμον ### book 9.294 καλήν τ’ Αἴπειαν καὶ Πήδασον ἀμπελόεσσαν. ### book 9.295 πᾶσαι δ’ ἐγγὺς ἁλός, νέαται Πύλου ἠμαθόεντος· ### book 9.296 ἐν δ’ ἄνδρες ναίουσι πολύρρηνες πολυβοῦται, ### book 9.297 οἵ κέ σε δωτίνῃσι θεὸν ὣς τιμήσουσι ### book 9.298 καί τοι ὑπὸ σκήπτρῳ λιπαρὰς τελέουσι θέμιστας. ### book 9.299 ταῦτά κέ τοι τελέσειε μεταλήξαντι χόλοιο. ### book 9.300 εἰ δέ τοι Ἀτρεΐδης μὲν ἀπήχθετο κηρόθι μᾶλλον ### book 9.301 αὐτὸς καὶ τοῦ δῶρα, σὺ δ’ ἄλλους περ Παναχαιοὺς ### book 9.302 τειρομένους ἐλέαιρε κατὰ στρατόν, οἵ σε θεὸν ὣς ### book 9.303 τίσους’· ἦ γάρ κέ σφι μάλα μέγα κῦδος ἄροιο· ### book 9.304 νῦν γάρ χ’ Ἕκτορ’ ἕλοις, ἐπεὶ ἂν μάλα τοι σχεδὸν ἔλθοι ### book 9.305 λύσσαν ἔχων ὀλοήν, ἐπεὶ οὔ τινά φησιν ὁμοῖον ### book 9.306 οἷ ἔμεναι Δαναῶν οὓς ἐνθάδε νῆες ἔνεικαν. ### book 9.307 Τὸν δ’ ἀπαμειβόμενος προσέφη πόδας ὠκὺς Ἀχιλλεύς· ### book 9.308 διογενὲς Λαερτιάδη πολυμήχαν’ Ὀδυσσεῦ ### book 9.309 χρὴ μὲν δὴ τὸν μῦθον ἀπηλεγέως ἀποειπεῖν, ### book 9.310 ᾗ περ δὴ φρονέω τε καὶ ὡς τετελεσμένον ἔσται, ### book 9.311 ὡς μή μοι τρύζητε παρήμενοι ἄλλοθεν ἄλλος. ### book 9.312 ἐχθρὸς γάρ μοι κεῖνος ὁμῶς Ἀΐδαο πύλῃσιν ### book 9.313 ὅς χ’ ἕτερον μὲν κεύθῃ ἐνὶ φρεσίν, ἄλλο δὲ εἴπῃ. ### book 9.314 αὐτὰρ ἐγὼν ἐρέω ὥς μοι δοκεῖ εἶναι ἄριστα· ### book 9.315 οὔτ’ ἔμεγ’ Ἀτρεΐδην Ἀγαμέμνονα πεισέμεν οἴω ### book 9.316 οὔτ’ ἄλλους Δαναούς, ἐπεὶ οὐκ ἄρα τις χάρις ἦεν ### book 9.317 μάρνασθαι δηΐοισιν ἐπ’ ἀνδράσι νωλεμὲς αἰεί. ### book 9.318 ἴση μοῖρα μένοντι καὶ εἰ μάλα τις πολεμίζοι· ### book 9.319 ἐν δὲ ἰῇ τιμῇ ἠμὲν κακὸς ἠδὲ καὶ ἐσθλός· ### book 9.320 κάτθαν’ ὁμῶς ὅ τ’ ἀεργὸς ἀνὴρ ὅ τε πολλὰ ἐοργώς. ### book 9.321 οὐδέ τί μοι περίκειται, ἐπεὶ πάθον ἄλγεα θυμῷ ### book 9.322 αἰεὶ ἐμὴν ψυχὴν παραβαλλόμενος πολεμίζειν. ### book 9.323 ὡς δ’ ὄρνις ἀπτῆσι νεοσσοῖσι προφέρῃσι ### book 9.324 μάστακ’ ἐπεί κε λάβῃσι, κακῶς δ’ ἄρα οἱ πέλει αὐτῇ, ### book 9.325 ὣς καὶ ἐγὼ πολλὰς μὲν ἀΰπνους νύκτας ἴαυον, ### book 9.326 ἤματα δ’ αἱματόεντα διέπρησσον πολεμίζων ### book 9.327 ἀνδράσι μαρνάμενος ὀάρων ἕνεκα σφετεράων. ### book 9.328 δώδεκα δὴ σὺν νηυσὶ πόλεις ἀλάπαξ’ ἀνθρώπων, ### book 9.329 πεζὸς δ’ ἕνδεκά φημι κατὰ Τροίην ἐρίβωλον· ### book 9.330 τάων ἐκ πασέων κειμήλια πολλὰ καὶ ἐσθλὰ ### book 9.331 ἐξελόμην, καὶ πάντα φέρων Ἀγαμέμνονι δόσκον ### book 9.332 Ἀτρεΐδῃ· ὃ δ’ ὄπισθε μένων παρὰ νηυσὶ θοῇσι ### book 9.333 δεξάμενος διὰ παῦρα δασάσκετο, πολλὰ δ’ ἔχεσκεν. ### book 9.334 ἄλλα δ’ ἀριστήεσσι δίδου γέρα καὶ βασιλεῦσι· ### book 9.335 τοῖσι μὲν ἔμπεδα κεῖται, ἐμεῦ δ’ ἀπὸ μούνου Ἀχαιῶν ### book 9.336 εἵλετ’, ἔχει δ’ ἄλοχον θυμαρέα· τῇ παριαύων ### book 9.337 τερπέσθω. τί δὲ δεῖ πολεμιζέμεναι Τρώεσσιν ### book 9.338 Ἀργείους; τί δὲ λαὸν ἀνήγαγεν ἐνθάδ’ ἀγείρας ### book 9.339 Ἀτρεΐδης; ἦ οὐχ Ἑλένης ἕνεκ’ ἠϋκόμοιο; ### book 9.340 ἦ μοῦνοι φιλέους’ ἀλόχους μερόπων ἀνθρώπων ### book 9.341 Ἀτρεΐδαι; ἐπεὶ ὅς τις ἀνὴρ ἀγαθὸς καὶ ἐχέφρων ### book 9.342 τὴν αὐτοῦ φιλέει καὶ κήδεται, ὡς καὶ ἐγὼ τὴν ### book 9.343 ἐκ θυμοῦ φίλεον δουρικτητήν περ ἐοῦσαν. ### book 9.344 νῦν δ’ ἐπεὶ ἐκ χειρῶν γέρας εἵλετο καί μ’ ἀπάτησε ### book 9.345 μή μευ πειράτω εὖ εἰδότος· οὐδέ με πείσει. ### book 9.346 ἀλλ’ Ὀδυσεῦ σὺν σοί τε καὶ ἄλλοισιν βασιλεῦσι ### book 9.347 φραζέσθω νήεσσιν ἀλεξέμεναι δήϊον πῦρ. ### book 9.348 ἦ μὲν δὴ μάλα πολλὰ πονήσατο νόσφιν ἐμεῖο, ### book 9.349 καὶ δὴ τεῖχος ἔδειμε, καὶ ἤλασε τάφρον ἐπ’ αὐτῷ ### book 9.350 εὐρεῖαν μεγάλην, ἐν δὲ σκόλοπας κατέπηξεν· ### book 9.351 ἀλλ’ οὐδ’ ὧς δύναται σθένος Ἕκτορος ἀνδροφόνοιο ### book 9.352 ἴσχειν· ὄφρα δ’ ἐγὼ μετ’ Ἀχαιοῖσιν πολέμιζον ### book 9.353 οὐκ ἐθέλεσκε μάχην ἀπὸ τείχεος ὀρνύμεν Ἕκτωρ, ### book 9.354 ἀλλ’ ὅσον ἐς Σκαιάς τε πύλας καὶ φηγὸν ἵκανεν· ### book 9.355 ἔνθά ποτ’ οἶον ἔμιμνε, μόγις δέ μευ ἔκφυγεν ὁρμήν. ### book 9.356 νῦν δ’ ἐπεὶ οὐκ ἐθέλω πολεμιζέμεν Ἕκτορι δίῳ ### book 9.357 αὔριον ἱρὰ Διὶ ῥέξας καὶ πᾶσι θεοῖσι ### book 9.358 νηήσας εὖ νῆας, ἐπὴν ἅλα δὲ προερύσσω, ### book 9.359 ὄψεαι, αἴ κ’ ἐθέλῃσθα καὶ αἴ κέν τοι τὰ μεμήλῃ, ### book 9.360 ἦρι μάλ’ Ἑλλήσποντον ἐπ’ ἰχθυόεντα πλεούσας ### book 9.361 νῆας ἐμάς, ἐν δ’ ἄνδρας ἐρεσσέμεναι μεμαῶτας· ### book 9.362 εἰ δέ κεν εὐπλοίην δώῃ κλυτὸς ἐννοσίγαιος ### book 9.363 ἤματί κε τριτάτῳ Φθίην ἐρίβωλον ἱκοίμην. ### book 9.364 ἔστι δέ μοι μάλα πολλά, τὰ κάλλιπον ἐνθάδε ἔρρων· ### book 9.365 ἄλλον δ’ ἐνθένδε χρυσὸν καὶ χαλκὸν ἐρυθρὸν ### book 9.366 ἠδὲ γυναῖκας ἐϋζώνους πολιόν τε σίδηρον ### book 9.367 ἄξομαι, ἅσς’ ἔλαχόν γε· γέρας δέ μοι, ὅς περ ἔδωκεν, ### book 9.368 αὖτις ἐφυβρίζων ἕλετο κρείων Ἀγαμέμνων ### book 9.369 Ἀτρεΐδης· τῷ πάντ’ ἀγορευέμεν ὡς ἐπιτέλλω ### book 9.370 ἀμφαδόν, ὄφρα καὶ ἄλλοι ἐπισκύζωνται Ἀχαιοὶ ### book 9.371 εἴ τινά που Δαναῶν ἔτι ἔλπεται ἐξαπατήσειν ### book 9.372 αἰὲν ἀναιδείην ἐπιειμένος· οὐδ’ ἂν ἔμοιγε ### book 9.373 τετλαίη κύνεός περ ἐὼν εἰς ὦπα ἰδέσθαι· ### book 9.374 οὐδέ τί οἱ βουλὰς συμφράσσομαι, οὐδὲ μὲν ἔργον· ### book 9.375 ἐκ γὰρ δή μ’ ἀπάτησε καὶ ἤλιτεν· οὐδ’ ἂν ἔτ’ αὖτις ### book 9.376 ἐξαπάφοιτ’ ἐπέεσσιν· ἅλις δέ οἱ· ἀλλὰ ἕκηλος ### book 9.377 ἐρρέτω· ἐκ γάρ εὑ φρένας εἵλετο μητίετα Ζεύς. ### book 9.378 ἐχθρὰ δέ μοι τοῦ δῶρα, τίω δέ μιν ἐν καρὸς αἴσῃ. ### book 9.379 οὐδ’ εἴ μοι δεκάκις τε καὶ εἰκοσάκις τόσα δοίη ### book 9.380 ὅσσά τέ οἱ νῦν ἔστι, καὶ εἴ ποθεν ἄλλα γένοιτο, ### book 9.381 οὐδ’ ὅς’ ἐς Ὀρχομενὸν ποτινίσεται, οὐδ’ ὅσα Θήβας ### book 9.382 Αἰγυπτίας, ὅθι πλεῖστα δόμοις ἐν κτήματα κεῖται, ### book 9.383 αἵ θ’ ἑκατόμπυλοί εἰσι, διηκόσιοι δ’ ἀν’ ἑκάστας ### book 9.384 ἀνέρες ἐξοιχνεῦσι σὺν ἵπποισιν καὶ ὄχεσφιν· ### book 9.385 οὐδ’ εἴ μοι τόσα δοίη ὅσα ψάμαθός τε κόνις τε, ### book 9.386 οὐδέ κεν ὧς ἔτι θυμὸν ἐμὸν πείσει’ Ἀγαμέμνων ### book 9.387 πρίν γ’ ἀπὸ πᾶσαν ἐμοὶ δόμεναι θυμαλγέα λώβην. ### book 9.388 κούρην δ’ οὐ γαμέω Ἀγαμέμνονος Ἀτρεΐδαο, ### book 9.389 οὐδ’ εἰ χρυσείῃ Ἀφροδίτῃ κάλλος ἐρίζοι, ### book 9.390 ἔργα δ’ Ἀθηναίῃ γλαυκώπιδι ἰσοφαρίζοι· ### book 9.391 οὐδέ μιν ὧς γαμέω· ὃ δ’ Ἀχαιῶν ἄλλον ἑλέσθω, ### book 9.392 ὅς τις οἷ τ’ ἐπέοικε καὶ ὃς βασιλεύτερός ἐστιν. ### book 9.393 ἢν γὰρ δή με σαῶσι θεοὶ καὶ οἴκαδ’ ἵκωμαι, ### book 9.394 Πηλεύς θήν μοι ἔπειτα γυναῖκά γε μάσσεται αὐτός. ### book 9.395 πολλαὶ Ἀχαιΐδες εἰσὶν ἀν’ Ἑλλάδα τε Φθίην τε ### book 9.396 κοῦραι ἀριστήων, οἵ τε πτολίεθρα ῥύονται, ### book 9.397 τάων ἥν κ’ ἐθέλωμι φίλην ποιήσομ’ ἄκοιτιν. ### book 9.398 ἔνθα δέ μοι μάλα πολλὸν ἐπέσσυτο θυμὸς ἀγήνωρ ### book 9.399 γήμαντα μνηστὴν ἄλοχον ἐϊκυῖαν ἄκοιτιν ### book 9.400 κτήμασι τέρπεσθαι τὰ γέρων ἐκτήσατο Πηλεύς· ### book 9.401 οὐ γὰρ ἐμοὶ ψυχῆς ἀντάξιον οὐδ’ ὅσα φασὶν ### book 9.402 Ἴλιον ἐκτῆσθαι εὖ ναιόμενον πτολίεθρον ### book 9.403 τὸ πρὶν ἐπ’ εἰρήνης, πρὶν ἐλθεῖν υἷας Ἀχαιῶν, ### book 9.404 οὐδ’ ὅσα λάϊνος οὐδὸς ἀφήτορος ἐντὸς ἐέργει ### book 9.405 Φοίβου Ἀπόλλωνος Πυθοῖ ἔνι πετρηέσσῃ. ### book 9.406 ληϊστοὶ μὲν γάρ τε βόες καὶ ἴφια μῆλα, ### book 9.407 κτητοὶ δὲ τρίποδές τε καὶ ἵππων ξανθὰ κάρηνα, ### book 9.408 ἀνδρὸς δὲ ψυχὴ πάλιν ἐλθεῖν οὔτε λεϊστὴ ### book 9.409 οὔθ’ ἑλετή, ἐπεὶ ἄρ κεν ἀμείψεται ἕρκος ὀδόντων. ### book 9.410 μήτηρ γάρ τέ μέ φησι θεὰ Θέτις ἀργυρόπεζα ### book 9.411 διχθαδίας κῆρας φερέμεν θανάτοιο τέλος δέ. ### book 9.412 εἰ μέν κ’ αὖθι μένων Τρώων πόλιν ἀμφιμάχωμαι, ### book 9.413 ὤλετο μέν μοι νόστος, ἀτὰρ κλέος ἄφθιτον ἔσται· ### book 9.414 εἰ δέ κεν οἴκαδ’ ἵκωμι φίλην ἐς πατρίδα γαῖαν, ### book 9.415 ὤλετό μοι κλέος ἐσθλόν, ἐπὶ δηρὸν δέ μοι αἰὼν ### book 9.416 ἔσσεται, οὐδέ κέ μ’ ὦκα τέλος θανάτοιο κιχείη. ### book 9.417 καὶ δ’ ἂν τοῖς ἄλλοισιν ἐγὼ παραμυθησαίμην ### book 9.418 οἴκαδ’ ἀποπλείειν, ἐπεὶ οὐκέτι δήετε τέκμωρ ### book 9.419 Ἰλίου αἰπεινῆς· μάλα γάρ ἑθεν εὐρύοπα Ζεὺς ### book 9.420 χεῖρα ἑὴν ὑπερέσχε, τεθαρσήκασι δὲ λαοί. ### book 9.421 ἀλλ’ ὑμεῖς μὲν ἰόντες ἀριστήεσσιν Ἀχαιῶν ### book 9.422 ἀγγελίην ἀπόφασθε· τὸ γὰρ γέρας ἐστὶ γερόντων· ### book 9.423 ὄφρ’ ἄλλην φράζωνται ἐνὶ φρεσὶ μῆτιν ἀμείνω, ### book 9.424 ἥ κέ σφιν νῆάς τε σαῷ καὶ λαὸν Ἀχαιῶν ### book 9.425 νηυσὶν ἔπι γλαφυρῇς, ἐπεὶ οὔ σφισιν ἧδέ γ’ ἑτοίμη ### book 9.426 ἣν νῦν ἐφράσσαντο ἐμεῦ ἀπομηνίσαντος· ### book 9.427 Φοῖνιξ δ’ αὖθι παρ’ ἄμμι μένων κατακοιμηθήτω, ### book 9.428 ὄφρά μοι ἐν νήεσσι φίλην ἐς πατρίδ’ ἕπηται ### book 9.429 αὔριον ἢν ἐθέλῃσιν· ἀνάγκῃ δ’ οὔ τί μιν ἄξω. ### book 9.430 Ὣς ἔφαθ’, οἳ δ’ ἄρα πάντες ἀκὴν ἐγένοντο σιωπῇ ### book 9.431 μῦθον ἀγασσάμενοι· μάλα γὰρ κρατερῶς ἀπέειπεν· ### book 9.432 ὀψὲ δὲ δὴ μετέειπε γέρων ἱππηλάτα Φοῖνιξ ### book 9.433 δάκρυ’ ἀναπρήσας· περὶ γὰρ δίε νηυσὶν Ἀχαιῶν· ### book 9.434 εἰ μὲν δὴ νόστόν γε μετὰ φρεσὶ φαίδιμ’ Ἀχιλλεῦ ### book 9.435 βάλλεαι, οὐδέ τι πάμπαν ἀμύνειν νηυσὶ θοῇσι ### book 9.436 πῦρ ἐθέλεις ἀΐδηλον, ἐπεὶ χόλος ἔμπεσε θυμῷ, ### book 9.437 πῶς ἂν ἔπειτ’ ἀπὸ σεῖο φίλον τέκος αὖθι λιποίμην ### book 9.438 οἶος; σοὶ δέ μ’ ἔπεμπε γέρων ἱππηλάτα Πηλεὺς ### book 9.439 ἤματι τῷ ὅτε ς’ ἐκ Φθίης Ἀγαμέμνονι πέμπε ### book 9.440 νήπιον οὔ πω εἰδόθ’ ὁμοιΐου πολέμοιο ### book 9.441 οὐδ’ ἀγορέων, ἵνα τ’ ἄνδρες ἀριπρεπέες τελέθουσι. ### book 9.442 τοὔνεκά με προέηκε διδασκέμεναι τάδε πάντα, ### book 9.443 μύθων τε ῥητῆρ’ ἔμεναι πρηκτῆρά τε ἔργων. ### book 9.444 ὡς ἂν ἔπειτ’ ἀπὸ σεῖο φίλον τέκος οὐκ ἐθέλοιμι ### book 9.445 λείπεσθ’, οὐδ’ εἴ κέν μοι ὑποσταίη θεὸς αὐτὸς ### book 9.446 γῆρας ἀποξύσας θήσειν νέον ἡβώοντα, ### book 9.447 οἷον ὅτε πρῶτον λίπον Ἑλλάδα καλλιγύναικα ### book 9.448 φεύγων νείκεα πατρὸς Ἀμύντορος Ὀρμενίδαο, ### book 9.449 ὅς μοι παλλακίδος περιχώσατο καλλικόμοιο, ### book 9.450 τὴν αὐτὸς φιλέεσκεν, ἀτιμάζεσκε δ’ ἄκοιτιν ### book 9.451 μητέρ’ ἐμήν· ἣ δ’ αἰὲν ἐμὲ λισσέσκετο γούνων ### book 9.452 παλλακίδι προμιγῆναι, ἵν’ ἐχθήρειε γέροντα. ### book 9.453 τῇ πιθόμην καὶ ἔρεξα· πατὴρ δ’ ἐμὸς αὐτίκ’ ὀϊσθεὶς ### book 9.454 πολλὰ κατηρᾶτο, στυγερὰς δ’ ἐπεκέκλετ’ Ἐρινῦς, ### book 9.455 μή ποτε γούνασιν οἷσιν ἐφέσσεσθαι φίλον υἱὸν ### book 9.456 ἐξ ἐμέθεν γεγαῶτα· θεοὶ δ’ ἐτέλειον ἐπαρὰς ### book 9.457 Ζεύς τε καταχθόνιος καὶ ἐπαινὴ Περσεφόνεια. ### book 9.462 ἔνθ’ ἐμοὶ οὐκέτι πάμπαν ἐρητύετ’ ἐν φρεσὶ θυμὸς ### book 9.463 πατρὸς χωομένοιο κατὰ μέγαρα στρωφᾶσθαι. ### book 9.464 ἦ μὲν πολλὰ ἔται καὶ ἀνεψιοὶ ἀμφὶς ἐόντες ### book 9.465 αὐτοῦ λισσόμενοι κατερήτυον ἐν μεγάροισι, ### book 9.466 πολλὰ δὲ ἴφια μῆλα καὶ εἰλίποδας ἕλικας βοῦς ### book 9.467 ἔσφαζον, πολλοὶ δὲ σύες θαλέθοντες ἀλοιφῇ ### book 9.468 εὑόμενοι τανύοντο διὰ φλογὸς Ἡφαίστοιο, ### book 9.469 πολλὸν δ’ ἐκ κεράμων μέθυ πίνετο τοῖο γέροντος. ### book 9.470 εἰνάνυχες δέ μοι ἀμφ’ αὐτῷ παρὰ νύκτας ἴαυον· ### book 9.471 οἳ μὲν ἀμειβόμενοι φυλακὰς ἔχον, οὐδέ ποτ’ ἔσβη ### book 9.472 πῦρ, ἕτερον μὲν ὑπ’ αἰθούσῃ εὐερκέος αὐλῆς, ### book 9.473 ἄλλο δ’ ἐνὶ προδόμῳ, πρόσθεν θαλάμοιο θυράων. ### book 9.474 ἀλλ’ ὅτε δὴ δεκάτη μοι ἐπήλυθε νὺξ ἐρεβεννή, ### book 9.475 καὶ τότ’ ἐγὼ θαλάμοιο θύρας πυκινῶς ἀραρυίας ### book 9.476 ῥήξας ἐξῆλθον, καὶ ὑπέρθορον ἑρκίον αὐλῆς ### book 9.477 ῥεῖα, λαθὼν φύλακάς τ’ ἄνδρας δμῳάς τε γυναῖκας. ### book 9.478 φεῦγον ἔπειτ’ ἀπάνευθε δι’ Ἑλλάδος εὐρυχόροιο, ### book 9.479 Φθίην δ’ ἐξικόμην ἐριβώλακα μητέρα μήλων ### book 9.480 ἐς Πηλῆα ἄναχθ’· ὃ δέ με πρόφρων ὑπέδεκτο, ### book 9.481 καί μ’ ἐφίλης’ ὡς εἴ τε πατὴρ ὃν παῖδα φιλήσῃ ### book 9.482 μοῦνον τηλύγετον πολλοῖσιν ἐπὶ κτεάτεσσι, ### book 9.483 καί μ’ ἀφνειὸν ἔθηκε, πολὺν δέ μοι ὤπασε λαόν· ### book 9.484 ναῖον δ’ ἐσχατιὴν Φθίης Δολόπεσσιν ἀνάσσων. ### book 9.485 καί σε τοσοῦτον ἔθηκα θεοῖς ἐπιείκελ’ Ἀχιλλεῦ, ### book 9.486 ἐκ θυμοῦ φιλέων, ἐπεὶ οὐκ ἐθέλεσκες ἅμ’ ἄλλῳ ### book 9.487 οὔτ’ ἐς δαῖτ’ ἰέναι οὔτ’ ἐν μεγάροισι πάσασθαι, ### book 9.488 πρίν γ’ ὅτε δή ς’ ἐπ’ ἐμοῖσιν ἐγὼ γούνεσσι καθίσσας ### book 9.489 ὄψου τ’ ἄσαιμι προταμὼν καὶ οἶνον ἐπισχών. ### book 9.490 πολλάκι μοι κατέδευσας ἐπὶ στήθεσσι χιτῶνα ### book 9.491 οἴνου ἀποβλύζων ἐν νηπιέῃ ἀλεγεινῇ. ### book 9.492 ὣς ἐπὶ σοὶ μάλα πολλὰ πάθον καὶ πολλὰ μόγησα, ### book 9.493 τὰ φρονέων ὅ μοι οὔ τι θεοὶ γόνον ἐξετέλειον ### book 9.494 ἐξ ἐμεῦ· ἀλλὰ σὲ παῖδα θεοῖς ἐπιείκελ’ Ἀχιλλεῦ ### book 9.495 ποιεύμην, ἵνα μοί ποτ’ ἀεικέα λοιγὸν ἀμύνῃς. ### book 9.496 ἀλλ’ Ἀχιλεῦ δάμασον θυμὸν μέγαν· οὐδέ τί σε χρὴ ### book 9.497 νηλεὲς ἦτορ ἔχειν· στρεπτοὶ δέ τε καὶ θεοὶ αὐτοί, ### book 9.498 τῶν περ καὶ μείζων ἀρετὴ τιμή τε βίη τε. ### book 9.499 καὶ μὲν τοὺς θυέεσσι καὶ εὐχωλῇς ἀγανῇσι ### book 9.500 λοιβῇ τε κνίσῃ τε παρατρωπῶς’ ἄνθρωποι ### book 9.501 λισσόμενοι, ὅτε κέν τις ὑπερβήῃ καὶ ἁμάρτῃ. ### book 9.502 καὶ γάρ τε λιταί εἰσι Διὸς κοῦραι μεγάλοιο ### book 9.503 χωλαί τε ῥυσαί τε παραβλῶπές τ’ ὀφθαλμώ, ### book 9.504 αἵ ῥά τε καὶ μετόπισθ’ ἄτης ἀλέγουσι κιοῦσαι. ### book 9.505 ἣ δ’ ἄτη σθεναρή τε καὶ ἀρτίπος, οὕνεκα πάσας ### book 9.506 πολλὸν ὑπεκπροθέει, φθάνει δέ τε πᾶσαν ἐπ’ αἶαν ### book 9.507 βλάπτους’ ἀνθρώπους· αἳ δ’ ἐξακέονται ὀπίσσω. ### book 9.508 ὃς μέν τ’ αἰδέσεται κούρας Διὸς ἆσσον ἰούσας, ### book 9.509 τὸν δὲ μέγ’ ὤνησαν καί τ’ ἔκλυον εὐχομένοιο· ### book 9.510 ὃς δέ κ’ ἀνήνηται καί τε στερεῶς ἀποείπῃ, ### book 9.511 λίσσονται δ’ ἄρα ταί γε Δία Κρονίωνα κιοῦσαι ### book 9.512 τῷ ἄτην ἅμ’ ἕπεσθαι, ἵνα βλαφθεὶς ἀποτίσῃ. ### book 9.513 ἀλλ’ Ἀχιλεῦ πόρε καὶ σὺ Διὸς κούρῃσιν ἕπεσθαι ### book 9.514 τιμήν, ἥ τ’ ἄλλων περ ἐπιγνάμπτει νόον ἐσθλῶν. ### book 9.515 εἰ μὲν γὰρ μὴ δῶρα φέροι τὰ δ’ ὄπισθ’ ὀνομάζοι ### book 9.516 Ἀτρεΐδης, ἀλλ’ αἰὲν ἐπιζαφελῶς χαλεπαίνοι, ### book 9.517 οὐκ ἂν ἔγωγέ σε μῆνιν ἀπορρίψαντα κελοίμην ### book 9.518 Ἀργείοισιν ἀμυνέμεναι χατέουσί περ ἔμπης· ### book 9.519 νῦν δ’ ἅμα τ’ αὐτίκα πολλὰ διδοῖ τὰ δ’ ὄπισθεν ὑπέστη, ### book 9.520 ἄνδρας δὲ λίσσεσθαι ἐπιπροέηκεν ἀρίστους ### book 9.521 κρινάμενος κατὰ λαὸν Ἀχαιϊκόν, οἵ τε σοὶ αὐτῷ ### book 9.522 φίλτατοι Ἀργείων· τῶν μὴ σύ γε μῦθον ἐλέγξῃς ### book 9.523 μηδὲ πόδας· πρὶν δ’ οὔ τι νεμεσσητὸν κεχολῶσθαι. ### book 9.524 οὕτω καὶ τῶν πρόσθεν ἐπευθόμεθα κλέα ἀνδρῶν ### book 9.525 ἡρώων, ὅτε κέν τιν’ ἐπιζάφελος χόλος ἵκοι· ### book 9.526 δωρητοί τε πέλοντο παράρρητοί τ’ ἐπέεσσι. ### book 9.527 μέμνημαι τόδε ἔργον ἐγὼ πάλαι οὔ τι νέον γε ### book 9.528 ὡς ἦν· ἐν δ’ ὑμῖν ἐρέω πάντεσσι φίλοισι. ### book 9.529 Κουρῆτές τ’ ἐμάχοντο καὶ Αἰτωλοὶ μενεχάρμαι ### book 9.530 ἀμφὶ πόλιν Καλυδῶνα καὶ ἀλλήλους ἐνάριζον, ### book 9.531 Αἰτωλοὶ μὲν ἀμυνόμενοι Καλυδῶνος ἐραννῆς, ### book 9.532 Κουρῆτες δὲ διαπραθέειν μεμαῶτες Ἄρηϊ. ### book 9.533 καὶ γὰρ τοῖσι κακὸν χρυσόθρονος Ἄρτεμις ὦρσε ### book 9.534 χωσαμένη ὅ οἱ οὔ τι θαλύσια γουνῷ ἀλωῆς ### book 9.535 Οἰνεὺς ῥέξ’· ἄλλοι δὲ θεοὶ δαίνυνθ’ ἑκατόμβας, ### book 9.536 οἴῃ δ’ οὐκ ἔρρεξε Διὸς κούρῃ μεγάλοιο. ### book 9.537 ἢ λάθετ’ ἢ οὐκ ἐνόησεν· ἀάσατο δὲ μέγα θυμῷ. ### book 9.538 ἣ δὲ χολωσαμένη δῖον γένος ἰοχέαιρα ### book 9.539 ὦρσεν ἔπι χλούνην σῦν ἄγριον ἀργιόδοντα, ### book 9.540 ὃς κακὰ πόλλ’ ἕρδεσκεν ἔθων Οἰνῆος ἀλωήν· ### book 9.541 πολλὰ δ’ ὅ γε προθέλυμνα χαμαὶ βάλε δένδρεα μακρὰ ### book 9.542 αὐτῇσιν ῥίζῃσι καὶ αὐτοῖς ἄνθεσι μήλων. ### book 9.543 τὸν δ’ υἱὸς Οἰνῆος ἀπέκτεινεν Μελέαγρος ### book 9.544 πολλέων ἐκ πολίων θηρήτορας ἄνδρας ἀγείρας ### book 9.545 καὶ κύνας· οὐ μὲν γάρ κε δάμη παύροισι βροτοῖσι· ### book 9.546 τόσσος ἔην, πολλοὺς δὲ πυρῆς ἐπέβης’ ἀλεγεινῆς. ### book 9.547 ἣ δ’ ἀμφ’ αὐτῷ θῆκε πολὺν κέλαδον καὶ ἀϋτὴν ### book 9.548 ἀμφὶ συὸς κεφαλῇ καὶ δέρματι λαχνήεντι, ### book 9.549 Κουρήτων τε μεσηγὺ καὶ Αἰτωλῶν μεγαθύμων. ### book 9.550 ὄφρα μὲν οὖν Μελέαγρος ἄρηι φίλος πολέμιζε, ### book 9.551 τόφρα δὲ Κουρήτεσσι κακῶς ἦν, οὐδὲ δύναντο ### book 9.552 τείχεος ἔκτοσθεν μίμνειν πολέες περ ἐόντες· ### book 9.553 ἀλλ’ ὅτε δὴ Μελέαγρον ἔδυ χόλος, ὅς τε καὶ ἄλλων ### book 9.554 οἰδάνει ἐν στήθεσσι νόον πύκα περ φρονεόντων, ### book 9.555 ἤτοι ὃ μητρὶ φίλῃ Ἀλθαίῃ χωόμενος κῆρ ### book 9.556 κεῖτο παρὰ μνηστῇ ἀλόχῳ καλῇ Κλεοπάτρῃ ### book 9.557 κούρῃ Μαρπήσσης καλλισφύρου Εὐηνίνης ### book 9.558 Ἴδεώ θ’, ὃς κάρτιστος ἐπιχθονίων γένετ’ ἀνδρῶν ### book 9.559 τῶν τότε· καί ῥα ἄνακτος ἐναντίον εἵλετο τόξον ### book 9.560 Φοίβου Ἀπόλλωνος καλλισφύρου εἵνεκα νύμφης, ### book 9.561 τὴν δὲ τότ’ ἐν μεγάροισι πατὴρ καὶ πότνια μήτηρ ### book 9.562 Ἀλκυόνην καλέεσκον ἐπώνυμον, οὕνεκ’ ἄρ’ αὐτῆς ### book 9.563 μήτηρ ἀλκυόνος πολυπενθέος οἶτον ἔχουσα ### book 9.564 κλαῖεν ὅ μιν ἑκάεργος ἀνήρπασε Φοῖβος Ἀπόλλων· ### book 9.565 τῇ ὅ γε παρκατέλεκτο χόλον θυμαλγέα πέσσων ### book 9.566 ἐξ ἀρέων μητρὸς κεχολωμένος, ἥ ῥα θεοῖσι ### book 9.567 πόλλ’ ἀχέους’ ἠρᾶτο κασιγνήτοιο φόνοιο, ### book 9.568 πολλὰ δὲ καὶ γαῖαν πολυφόρβην χερσὶν ἀλοία ### book 9.569 κικλήσκους’ Ἀΐδην καὶ ἐπαινὴν Περσεφόνειαν ### book 9.570 πρόχνυ καθεζομένη, δεύοντο δὲ δάκρυσι κόλποι, ### book 9.571 παιδὶ δόμεν θάνατον· τῆς δ’ ἠεροφοῖτις Ἐρινὺς ### book 9.572 ἔκλυεν ἐξ Ἐρέβεσφιν ἀμείλιχον ἦτορ ἔχουσα. ### book 9.573 τῶν δὲ τάχ’ ἀμφὶ πύλας ὅμαδος καὶ δοῦπος ὀρώρει ### book 9.574 πύργων βαλλομένων· τὸν δὲ λίσσοντο γέροντες ### book 9.575 Αἰτωλῶν, πέμπον δὲ θεῶν ἱερῆας ἀρίστους, ### book 9.576 ἐξελθεῖν καὶ ἀμῦναι ὑποσχόμενοι μέγα δῶρον· ### book 9.577 ὁππόθι πιότατον πεδίον Καλυδῶνος ἐραννῆς, ### book 9.578 ἔνθά μιν ἤνωγον τέμενος περικαλλὲς ἑλέσθαι ### book 9.579 πεντηκοντόγυον, τὸ μὲν ἥμισυ οἰνοπέδοιο, ### book 9.580 ἥμισυ δὲ ψιλὴν ἄροσιν πεδίοιο ταμέσθαι. ### book 9.581 πολλὰ δέ μιν λιτάνευε γέρων ἱππηλάτα Οἰνεὺς ### book 9.582 οὐδοῦ ἐπεμβεβαὼς ὑψηρεφέος θαλάμοιο ### book 9.583 σείων κολλητὰς σανίδας γουνούμενος υἱόν· ### book 9.584 πολλὰ δὲ τόν γε κασίγνηται καὶ πότνια μήτηρ ### book 9.585 ἐλλίσσονθ’· ὃ δὲ μᾶλλον ἀναίνετο· πολλὰ δ’ ἑταῖροι, ### book 9.586 οἵ οἱ κεδνότατοι καὶ φίλτατοι ἦσαν ἁπάντων· ### book 9.587 ἀλλ’ οὐδ’ ὧς τοῦ θυμὸν ἐνὶ στήθεσσιν ἔπειθον, ### book 9.588 πρίν γ’ ὅτε δὴ θάλαμος πύκ’ ἐβάλλετο, τοὶ δ’ ἐπὶ πύργων ### book 9.589 βαῖνον Κουρῆτες καὶ ἐνέπρηθον μέγα ἄστυ. ### book 9.590 καὶ τότε δὴ Μελέαγρον ἐΰζωνος παράκοιτις ### book 9.591 λίσσετ’ ὀδυρομένη, καί οἱ κατέλεξεν ἅπαντα ### book 9.592 κήδε’, ὅς’ ἀνθρώποισι πέλει τῶν ἄστυ ἁλώῃ· ### book 9.593 ἄνδρας μὲν κτείνουσι, πόλιν δέ τε πῦρ ἀμαθύνει, ### book 9.594 τέκνα δέ τ’ ἄλλοι ἄγουσι βαθυζώνους τε γυναῖκας. ### book 9.595 τοῦ δ’ ὠρίνετο θυμὸς ἀκούοντος κακὰ ἔργα, ### book 9.596 βῆ δ’ ἰέναι, χροῒ δ’ ἔντε’ ἐδύσετο παμφανόωντα. ### book 9.597 ὣς ὃ μὲν Αἰτωλοῖσιν ἀπήμυνεν κακὸν ἦμαρ ### book 9.598 εἴξας ᾧ θυμῷ· τῷ δ’ οὐκέτι δῶρα τέλεσσαν ### book 9.599 πολλά τε καὶ χαρίεντα, κακὸν δ’ ἤμυνε καὶ αὔτως. ### book 9.600 ἀλλὰ σὺ μή μοι ταῦτα νόει φρεσί, μὴ δέ σε δαίμων ### book 9.601 ἐνταῦθα τρέψειε φίλος· κάκιον δέ κεν εἴη ### book 9.602 νηυσὶν καιομένῃσιν ἀμυνέμεν· ἀλλ’ ἐπὶ δώρων ### book 9.603 ἔρχεο· ἶσον γάρ σε θεῷ τίσουσιν Ἀχαιοί. ### book 9.604 εἰ δέ κ’ ἄτερ δώρων πόλεμον φθισήνορα δύῃς ### book 9.605 οὐκέθ’ ὁμῶς τιμῆς ἔσεαι πόλεμόν περ ἀλαλκών, ### book 9.606 Τὸν δ’ ἀπαμειβόμενος προσέφη πόδας ὠκὺς Ἀχιλλεύς· ### book 9.607 Φοῖνιξ ἄττα γεραιὲ διοτρεφὲς οὔ τί με ταύτης ### book 9.608 χρεὼ τιμῆς· φρονέω δὲ τετιμῆσθαι Διὸς αἴσῃ, ### book 9.609 ἥ μ’ ἕξει παρὰ νηυσὶ κορωνίσιν εἰς ὅ κ’ ἀϋτμὴ ### book 9.610 ἐν στήθεσσι μένῃ καί μοι φίλα γούνατ’ ὀρώρῃ. ### book 9.611 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσι· ### book 9.612 μή μοι σύγχει θυμὸν ὀδυρόμενος καὶ ἀχεύων ### book 9.613 Ἀτρεΐδῃ ἥρωϊ φέρων χάριν· οὐδέ τί σε χρὴ ### book 9.614 τὸν φιλέειν, ἵνα μή μοι ἀπέχθηαι φιλέοντι. ### book 9.615 καλόν τοι σὺν ἐμοὶ τὸν κήδειν ὅς κ’ ἐμὲ κήδῃ· ### book 9.616 ἶσον ἐμοὶ βασίλευε καὶ ἥμισυ μείρεο τιμῆς. ### book 9.617 οὗτοι δ’ ἀγγελέουσι, σὺ δ’ αὐτόθι λέξεο μίμνων ### book 9.618 εὐνῇ ἔνι μαλακῇ· ἅμα δ’ ἠοῖ φαινομένηφι ### book 9.619 φρασσόμεθ’ ἤ κε νεώμεθ’ ἐφ’ ἡμέτερ’ ἦ κε μένωμεν. ### book 9.620 Ἦ καὶ Πατρόκλῳ ὅ γ’ ἐπ’ ὀφρύσι νεῦσε σιωπῇ ### book 9.621 Φοίνικι στορέσαι πυκινὸν λέχος, ὄφρα τάχιστα ### book 9.622 ἐκ κλισίης νόστοιο μεδοίατο· τοῖσι δ’ ἄρ’ Αἴας ### book 9.623 ἀντίθεος Τελαμωνιάδης μετὰ μῦθον ἔειπε· ### book 9.624 διογενὲς Λαερτιάδη πολυμήχαν’ Ὀδυσσεῦ ### book 9.625 ἴομεν· οὐ γάρ μοι δοκέει μύθοιο τελευτὴ ### book 9.626 τῇδέ γ’ ὁδῷ κρανέεσθαι· ἀπαγγεῖλαι δὲ τάχιστα ### book 9.627 χρὴ μῦθον Δαναοῖσι καὶ οὐκ ἀγαθόν περ ἐόντα ### book 9.628 οἵ που νῦν ἕαται ποτιδέγμενοι. αὐτὰρ Ἀχιλλεὺς ### book 9.629 ἄγριον ἐν στήθεσσι θέτο μεγαλήτορα θυμὸν ### book 9.630 σχέτλιος, οὐδὲ μετατρέπεται φιλότητος ἑταίρων ### book 9.631 τῆς ᾗ μιν παρὰ νηυσὶν ἐτίομεν ἔξοχον ἄλλων ### book 9.632 νηλής· καὶ μέν τίς τε κασιγνήτοιο φονῆος ### book 9.633 ποινὴν ἢ οὗ παιδὸς ἐδέξατο τεθνηῶτος· ### book 9.634 καί ῥ’ ὃ μὲν ἐν δήμῳ μένει αὐτοῦ πόλλ’ ἀποτίσας, ### book 9.635 τοῦ δέ τ’ ἐρητύεται κραδίη καὶ θυμὸς ἀγήνωρ ### book 9.636 ποινὴν δεξαμένῳ· σοὶ δ’ ἄληκτόν τε κακόν τε ### book 9.637 θυμὸν ἐνὶ στήθεσσι θεοὶ θέσαν εἵνεκα κούρης ### book 9.638 οἴης· νῦν δέ τοι ἑπτὰ παρίσχομεν ἔξοχ’ ἀρίστας, ### book 9.639 ἄλλά τε πόλλ’ ἐπὶ τῇσι· σὺ δ’ ἵλαον ἔνθεο θυμόν, ### book 9.640 αἴδεσσαι δὲ μέλαθρον· ὑπωρόφιοι δέ τοί εἰμεν ### book 9.641 πληθύος ἐκ Δαναῶν, μέμαμεν δέ τοι ἔξοχον ἄλλων ### book 9.642 κήδιστοί τ’ ἔμεναι καὶ φίλτατοι ὅσσοι Ἀχαιοί. ### book 9.643 Τὸν δ’ ἀπαμειβόμενος προσέφη πόδας ὠκὺς Ἀχιλλεύς· ### book 9.644 Αἶαν διογενὲς Τελαμώνιε κοίρανε λαῶν ### book 9.645 πάντά τί μοι κατὰ θυμὸν ἐείσαο μυθήσασθαι· ### book 9.646 ἀλλά μοι οἰδάνεται κραδίη χόλῳ ὁππότε κείνων ### book 9.647 μνήσομαι ὥς μ’ ἀσύφηλον ἐν Ἀργείοισιν ἔρεξεν ### book 9.648 Ἀτρεΐδης ὡς εἴ τιν’ ἀτίμητον μετανάστην. ### book 9.649 ἀλλ’ ὑμεῖς ἔρχεσθε καὶ ἀγγελίην ἀπόφασθε· ### book 9.650 οὐ γὰρ πρὶν πολέμοιο μεδήσομαι αἱματόεντος ### book 9.651 πρίν γ’ υἱὸν Πριάμοιο δαΐφρονος Ἕκτορα δῖον ### book 9.652 Μυρμιδόνων ἐπί τε κλισίας καὶ νῆας ἱκέσθαι ### book 9.653 κτείνοντ’ Ἀργείους, κατά τε σμῦξαι πυρὶ νῆας. ### book 9.654 ἀμφὶ δέ τοι τῇ ἐμῇ κλισίῃ καὶ νηῒ μελαίνῃ ### book 9.655 Ἕκτορα καὶ μεμαῶτα μάχης σχήσεσθαι ὀΐω. ### book 9.656 Ὣς ἔφαθ’, οἳ δὲ ἕκαστος ἑλὼν δέπας ἀμφικύπελλον ### book 9.657 σπείσαντες παρὰ νῆας ἴσαν πάλιν· ἦρχε δ’ Ὀδυσσεύς. ### book 9.658 Πάτροκλος δ’ ἑτάροισιν ἰδὲ δμωῇσι κέλευσε ### book 9.659 Φοίνικι στορέσαι πυκινὸν λέχος ὅττι τάχιστα. ### book 9.660 αἳ δ’ ἐπιπειθόμεναι στόρεσαν λέχος ὡς ἐκέλευσε ### book 9.661 κώεά τε ῥῆγός τε λίνοιό τε λεπτὸν ἄωτον. ### book 9.662 ἔνθ’ ὃ γέρων κατέλεκτο καὶ ἠῶ δῖαν ἔμιμνεν. ### book 9.663 αὐτὰρ Ἀχιλλεὺς εὗδε μυχῷ κλισίης εὐπήκτου· ### book 9.664 τῷ δ’ ἄρα παρκατέλεκτο γυνή, τὴν Λεσβόθεν ἦγε, ### book 9.665 Φόρβαντος θυγάτηρ Διομήδη καλλιπάρῃος. ### book 9.666 Πάτροκλος δ’ ἑτέρωθεν ἐλέξατο· πὰρ δ’ ἄρα καὶ τῷ ### book 9.667 Ἶφις ἐΰζωνος, τήν οἱ πόρε δῖος Ἀχιλλεὺς ### book 9.668 Σκῦρον ἑλὼν αἰπεῖαν Ἐνυῆος πτολίεθρον. ### book 9.669 Οἳ δ’ ὅτε δὴ κλισίῃσιν ἐν Ἀτρεΐδαο γένοντο. ### book 9.670 τοὺς μὲν ἄρα χρυσέοισι κυπέλλοις υἷες Ἀχαιῶν ### book 9.671 δειδέχατ’ ἄλλοθεν ἄλλος ἀνασταδόν, ἔκ τ’ ἐρέοντο· ### book 9.672 πρῶτος δ’ ἐξερέεινεν ἄναξ ἀνδρῶν Ἀγαμέμνων· ### book 9.673 εἴπ’ ἄγε μ’ ὦ πολύαιν’ Ὀδυσεῦ μέγα κῦδος Ἀχαιῶν ### book 9.674 ἤ ῥ’ ἐθέλει νήεσσιν ἀλεξέμεναι δήϊον πῦρ, ### book 9.675 ἦ ἀπέειπε, χόλος δ’ ἔτ’ ἔχει μεγαλήτορα θυμόν; ### book 9.676 Τὸν δ’ αὖτε προσέειπε πολύτλας δῖος Ὀδυσσεύς· ### book 9.677 Ἀτρεΐδη κύδιστε ἄναξ ἀνδρῶν Ἀγάμεμνον ### book 9.678 κεῖνός γ’ οὐκ ἐθέλει σβέσσαι χόλον, ἀλλ’ ἔτι μᾶλλον ### book 9.679 πιμπλάνεται μένεος, σὲ δ’ ἀναίνεται ἠδὲ σὰ δῶρα. ### book 9.680 αὐτόν σε φράζεσθαι ἐν Ἀργείοισιν ἄνωγεν ### book 9.681 ὅππως κεν νῆάς τε σαῷς καὶ λαὸν Ἀχαιῶν· ### book 9.682 αὐτὸς δ’ ἠπείλησεν ἅμ’ ἠοῖ φαινομένηφι ### book 9.683 νῆας ἐϋσσέλμους ἅλαδ’ ἑλκέμεν ἀμφιελίσσας. ### book 9.684 καὶ δ’ ἂν τοῖς ἄλλοισιν ἔφη παραμυθήσασθαι ### book 9.685 οἴκαδ’ ἀποπλείειν, ἐπεὶ οὐκέτι δήετε τέκμωρ ### book 9.686 Ἰλίου αἰπεινῆς· μάλα γάρ ἑθεν εὐρύοπα Ζεὺς ### book 9.687 χεῖρα ἑὴν ὑπερέσχε, τεθαρσήκασι δὲ λαοί. ### book 9.688 ὣς ἔφατ’· εἰσὶ καὶ οἵδε τάδ’ εἰπέμεν, οἵ μοι ἕποντο, ### book 9.689 Αἴας καὶ κήρυκε δύω πεπνυμένω ἄμφω. ### book 9.690 Φοῖνιξ δ’ αὖθ’ ὃ γέρων κατελέξατο, ὡς γὰρ ἀνώγει, ### book 9.691 ὄφρά οἱ ἐν νήεσσι φίλην ἐς πατρίδ’ ἕπηται ### book 9.692 αὔριον, ἢν ἐθέλῃσιν· ἀνάγκῃ δ’ οὔ τί μιν ἄξει. ### book 9.693 Ὣς ἔφαθ’, οἳ δ’ ἄρα πάντες ἀκὴν ἐγένοντο σιωπῇ ### book 9.694 μῦθον ἀγασσάμενοι· μάλα γὰρ κρατερῶς ἀγόρευσε. ### book 9.695 δὴν δ’ ἄνεῳ ἦσαν τετιηότες υἷες Ἀχαιῶν· ### book 9.696 ὀψὲ δὲ δὴ μετέειπε βοὴν ἀγαθὸς Διομήδης· ### book 9.697 Ἀτρεΐδη κύδιστε ἄναξ ἀνδρῶν Ἀγάμεμνον ### book 9.698 μὴ ὄφελες λίσσεσθαι ἀμύμονα Πηλεΐωνα ### book 9.699 μυρία δῶρα διδούς· ὃ δ’ ἀγήνωρ ἐστὶ καὶ ἄλλως· ### book 9.700 νῦν αὖ μιν πολὺ μᾶλλον ἀγηνορίῃσιν ἐνῆκας. ### book 9.701 ἀλλ’ ἤτοι κεῖνον μὲν ἐάσομεν ἤ κεν ἴῃσιν ### book 9.702 ἦ κε μένῃ· τότε δ’ αὖτε μαχήσεται ὁππότε κέν μιν ### book 9.703 θυμὸς ἐνὶ στήθεσσιν ἀνώγῃ καὶ θεὸς ὄρσῃ. ### book 9.704 ἀλλ’ ἄγεθ’ ὡς ἂν ἐγὼ εἴπω πειθώμεθα πάντες· ### book 9.705 νῦν μὲν κοιμήσασθε τεταρπόμενοι φίλον ἦτορ ### book 9.706 σίτου καὶ οἴνοιο· τὸ γὰρ μένος ἐστὶ καὶ ἀλκή· ### book 9.707 αὐτὰρ ἐπεί κε φανῇ καλὴ ῥοδοδάκτυλος Ἠώς, ### book 9.708 καρπαλίμως πρὸ νεῶν ἐχέμεν λαόν τε καὶ ἵππους ### book 9.709 ὀτρύνων, καὶ δ’ αὐτὸς ἐνὶ πρώτοισι μάχεσθαι. ### book 9.710 Ὣς ἔφαθ’, οἳ δ’ ἄρα πάντες ἐπῄνησαν βασιλῆες ### book 9.711 μῦθον ἀγασσάμενοι Διομήδεος ἱπποδάμοιο. ### book 9.712 καὶ τότε δὴ σπείσαντες ἔβαν κλισίην δὲ ἕκαστος, ### book 9.713 ἔνθα δὲ κοιμήσαντο καὶ ὕπνου δῶρον ἕλοντο. ### book 10.1 Ἄλλοι μὲν παρὰ νηυσὶν ἀριστῆες Παναχαιῶν ### book 10.2 εὗδον παννύχιοι μαλακῷ δεδμημένοι ὕπνῳ· ### book 10.3 ἀλλ’ οὐκ Ἀτρεΐδην Ἀγαμέμνονα ποιμένα λαῶν ### book 10.4 ὕπνος ἔχε γλυκερὸς πολλὰ φρεσὶν ὁρμαίνοντα. ### book 10.5 ὡς δ’ ὅτ’ ἂν ἀστράπτῃ πόσις Ἥρης ἠϋκόμοιο ### book 10.6 τεύχων ἢ πολὺν ὄμβρον ἀθέσφατον ἠὲ χάλαζαν ### book 10.7 ἢ νιφετόν, ὅτε πέρ τε χιὼν ἐπάλυνεν ἀρούρας, ### book 10.8 ἠέ ποθι πτολέμοιο μέγα στόμα πευκεδανοῖο, ### book 10.9 ὣς πυκίν’ ἐν στήθεσσιν ἀνεστενάχιζ’ Ἀγαμέμνων ### book 10.10 νειόθεν ἐκ κραδίης, τρομέοντο δέ οἱ φρένες ἐντός. ### book 10.11 ἤτοι ὅτ’ ἐς πεδίον τὸ Τρωϊκὸν ἀθρήσειε, ### book 10.12 θαύμαζεν πυρὰ πολλὰ τὰ καίετο Ἰλιόθι πρὸ ### book 10.13 αὐλῶν συρίγγων τ’ ἐνοπὴν ὅμαδόν τ’ ἀνθρώπων. ### book 10.14 αὐτὰρ ὅτ’ ἐς νῆάς τε ἴδοι καὶ λαὸν Ἀχαιῶν, ### book 10.15 πολλὰς ἐκ κεφαλῆς προθελύμνους ἕλκετο χαίτας ### book 10.16 ὑψόθ’ ἐόντι Διί, μέγα δ’ ἔστενε κυδάλιμον κῆρ. ### book 10.17 ἧδε δέ οἱ κατὰ θυμὸν ἀρίστη φαίνετο βουλὴ ### book 10.18 Νέστορ’ ἔπι πρῶτον Νηλήϊον ἐλθέμεν ἀνδρῶν, ### book 10.19 εἴ τινά οἱ σὺν μῆτιν ἀμύμονα τεκτήναιτο, ### book 10.20 ἥ τις ἀλεξίκακος πᾶσιν Δαναοῖσι γένοιτο. ### book 10.21 ὀρθωθεὶς δ’ ἔνδυνε περὶ στήθεσσι χιτῶνα, ### book 10.22 ποσσὶ δ’ ὑπὸ λιπαροῖσιν ἐδήσατο καλὰ πέδιλα, ### book 10.23 ἀμφὶ δ’ ἔπειτα δαφοινὸν ἑέσσατο δέρμα λέοντος ### book 10.24 αἴθωνος μεγάλοιο ποδηνεκές, εἵλετο δ’ ἔγχος. ### book 10.25 Ὣς δ’ αὔτως Μενέλαον ἔχε τρόμος· οὐδὲ γὰρ αὐτῷ ### book 10.26 ὕπνος ἐπὶ βλεφάροισιν ἐφίζανε· μή τι πάθοιεν ### book 10.27 Ἀργεῖοι, τοὶ δὴ ἕθεν εἵνεκα πουλὺν ἐφ’ ὑγρὴν ### book 10.28 ἤλυθον ἐς Τροίην πόλεμον θρασὺν ὁρμαίνοντες. ### book 10.29 παρδαλέῃ μὲν πρῶτα μετάφρενον εὐρὺ κάλυψε ### book 10.30 ποικίλῃ, αὐτὰρ ἐπὶ στεφάνην κεφαλῆφιν ἀείρας ### book 10.31 θήκατο χαλκείην, δόρυ δ’ εἵλετο χειρὶ παχείῃ. ### book 10.32 βῆ δ’ ἴμεν ἀνστήσων ὃν ἀδελφεόν, ὃς μέγα πάντων ### book 10.33 Ἀργείων ἤνασσε, θεὸς δ’ ὣς τίετο δήμῳ. ### book 10.34 τὸν δ’ εὗρ’ ἀμφ’ ὤμοισι τιθήμενον ἔντεα καλὰ ### book 10.35 νηῒ πάρα πρύμνῃ· τῷ δ’ ἀσπάσιος γένετ’ ἐλθών. ### book 10.36 τὸν πρότερος προσέειπε βοὴν ἀγαθὸς Μενέλαος· ### book 10.37 τίφθ’ οὕτως ἠθεῖε κορύσσεαι; ἦ τιν’ ἑταίρων ### book 10.38 ὀτρυνέεις Τρώεσσιν ἐπίσκοπον; ἀλλὰ μάλ’ αἰνῶς ### book 10.39 δείδω μὴ οὔ τίς τοι ὑπόσχηται τόδε ἔργον ### book 10.40 ἄνδρας δυσμενέας σκοπιαζέμεν οἶος ἐπελθὼν ### book 10.41 νύκτα δι’ ἀμβροσίην· μάλα τις θρασυκάρδιος ἔσται. ### book 10.42 Τὸν δ’ ἀπαμειβόμενος προσέφη κρείων Ἀγαμέμνων· ### book 10.43 χρεὼ βουλῆς ἐμὲ καὶ σὲ διοτρεφὲς ὦ Μενέλαε ### book 10.44 κερδαλέης, ἥ τίς κεν ἐρύσσεται ἠδὲ σαώσει ### book 10.45 Ἀργείους καὶ νῆας, ἐπεὶ Διὸς ἐτράπετο φρήν. ### book 10.46 Ἑκτορέοις ἄρα μᾶλλον ἐπὶ φρένα θῆχ’ ἱεροῖσιν· ### book 10.47 οὐ γάρ πω ἰδόμην, οὐδ’ ἔκλυον αὐδήσαντος ### book 10.48 ἄνδρ’ ἕνα τοσσάδε μέρμερ’ ἐπ’ ἤματι μητίσασθαι, ### book 10.49 ὅσς’ Ἕκτωρ ἔρρεξε Διῒ φίλος υἷας Ἀχαιῶν ### book 10.50 αὔτως, οὔτε θεᾶς υἱὸς φίλος οὔτε θεοῖο. ### book 10.51 ἔργα δ’ ἔρεξ’ ὅσα φημὶ μελησέμεν Ἀργείοισι ### book 10.52 δηθά τε καὶ δολιχόν· τόσα γὰρ κακὰ μήσατ’ Ἀχαιούς. ### book 10.53 ἀλλ’ ἴθι νῦν Αἴαντα καὶ Ἰδομενῆα κάλεσσον ### book 10.54 ῥίμφα θέων παρὰ νῆας· ἐγὼ δ’ ἐπὶ Νέστορα δῖον ### book 10.55 εἶμι, καὶ ὀτρυνέω ἀνστήμεναι, αἴ κ’ ἐθέλῃσιν ### book 10.56 ἐλθεῖν ἐς φυλάκων ἱερὸν τέλος ἠδ’ ἐπιτεῖλαι. ### book 10.57 κείνῳ γάρ κε μάλιστα πιθοίατο· τοῖο γὰρ υἱὸς ### book 10.58 σημαίνει φυλάκεσσι καὶ Ἰδομενῆος ὀπάων ### book 10.59 Μηριόνης· τοῖσιν γὰρ ἐπετράπομέν γε μάλιστα. ### book 10.60 Τὸν δ’ ἠμείβετ’ ἔπειτα βοὴν ἀγαθὸς Μενέλαος· ### book 10.61 πῶς γάρ μοι μύθῳ ἐπιτέλλεαι ἠδὲ κελεύεις; ### book 10.62 αὖθι μένω μετὰ τοῖσι δεδεγμένος εἰς ὅ κεν ἔλθῃς, ### book 10.63 ἦε θέω μετὰ ς’ αὖτις, ἐπὴν εὖ τοῖς ἐπιτείλω; ### book 10.64 Τὸν δ’ αὖτε προσέειπεν ἄναξ ἀνδρῶν Ἀγαμέμνων, ### book 10.65 αὖθι μένειν, μή πως ἀβροτάξομεν ἀλλήλοιιν ### book 10.66 ἐρχομένω· πολλαὶ γὰρ ἀνὰ στρατόν εἰσι κέλευθοι. ### book 10.67 φθέγγεο δ’ ᾗ κεν ἴῃσθα καὶ ἐγρήγορθαι ἄνωχθι ### book 10.68 πατρόθεν ἐκ γενεῆς ὀνομάζων ἄνδρα ἕκαστον ### book 10.69 πάντας κυδαίνων· μηδὲ μεγαλίζεο θυμῷ, ### book 10.70 ἀλλὰ καὶ αὐτοί περ πονεώμεθα· ὧδέ που ἄμμι ### book 10.71 Ζεὺς ἐπὶ γιγνομένοισιν ἵει κακότητα βαρεῖαν. ### book 10.72 Ὣς εἰπὼν ἀπέπεμπεν ἀδελφεὸν εὖ ἐπιτείλας· ### book 10.73 αὐτὰρ ὃ βῆ ῥ’ ἰέναι μετὰ Νέστορα ποιμένα λαῶν· ### book 10.74 τὸν δ’ εὗρεν παρά τε κλισίῃ καὶ νηῒ μελαίνῃ ### book 10.75 εὐνῇ ἔνι μαλακῇ· παρὰ δ’ ἔντεα ποικίλ’ ἔκειτο ### book 10.76 ἀσπὶς καὶ δύο δοῦρε φαεινή τε τρυφάλεια. ### book 10.77 πὰρ δὲ ζωστὴρ κεῖτο παναίολος, ᾧ ῥ’ ὁ γεραιὸς ### book 10.78 ζώννυθ’ ὅτ’ ἐς πόλεμον φθισήνορα θωρήσσοιτο ### book 10.79 λαὸν ἄγων, ἐπεὶ οὐ μὲν ἐπέτρεπε γήραϊ λυγρῷ. ### book 10.80 ὀρθωθεὶς δ’ ἄρ’ ἐπ’ ἀγκῶνος κεφαλὴν ἐπαείρας ### book 10.81 Ἀτρεΐδην προσέειπε καὶ ἐξερεείνετο μύθῳ· ### book 10.82 τίς δ’ οὗτος κατὰ νῆας ἀνὰ στρατὸν ἔρχεαι οἶος ### book 10.83 νύκτα δι’ ὀρφναίην, ὅτε θ’ εὕδουσι βροτοὶ ἄλλοι, ### book 10.84 ἠέ τιν’ οὐρήων διζήμενος, ἤ τιν’ ἑταίρων; ### book 10.85 φθέγγεο, μηδ’ ἀκέων ἐπ’ ἔμ’ ἔρχεο· τίπτε δέ σε χρεώ; ### book 10.86 Τὸν δ’ ἠμείβετ’ ἔπειτα ἄναξ ἀνδρῶν Ἀγαμέμνων· ### book 10.87 ὦ Νέστορ Νηληϊάδη μέγα κῦδος Ἀχαιῶν ### book 10.88 γνώσεαι Ἀτρεΐδην Ἀγαμέμνονα, τὸν περὶ πάντων ### book 10.89 Ζεὺς ἐνέηκε πόνοισι διαμπερὲς εἰς ὅ κ’ ἀϋτμὴ ### book 10.90 ἐν στήθεσσι μένῃ καί μοι φίλα γούνατ’ ὀρώρῃ. ### book 10.91 πλάζομαι ὧδ’ ἐπεὶ οὔ μοι ἐπ’ ὄμμασι νήδυμος ὕπνος ### book 10.92 ἱζάνει, ἀλλὰ μέλει πόλεμος καὶ κήδε’ Ἀχαιῶν. ### book 10.93 αἰνῶς γὰρ Δαναῶν περιδείδια, οὐδέ μοι ἦτορ ### book 10.94 ἔμπεδον, ἀλλ’ ἀλαλύκτημαι, κραδίη δέ μοι ἔξω ### book 10.95 στηθέων ἐκθρῴσκει, τρομέει δ’ ὑπὸ φαίδιμα γυῖα. ### book 10.96 ἀλλ’ εἴ τι δραίνεις, ἐπεὶ οὐδὲ σέ γ’ ὕπνος ἱκάνει, ### book 10.97 δεῦρ’ ἐς τοὺς φύλακας καταβήομεν, ὄφρα ἴδωμεν ### book 10.98 μὴ τοὶ μὲν καμάτῳ ἀδηκότες ἠδὲ καὶ ὕπνῳ ### book 10.99 κοιμήσωνται, ἀτὰρ φυλακῆς ἐπὶ πάγχυ λάθωνται. ### book 10.100 δυσμενέες δ’ ἄνδρες σχεδὸν εἵαται· οὐδέ τι ἴδμεν ### book 10.101 μή πως καὶ διὰ νύκτα μενοινήσωσι μάχεσθαι. ### book 10.102 Τὸν δ’ ἠμείβετ’ ἔπειτα Γερήνιος ἱππότα Νέστωρ· ### book 10.103 Ἀτρεΐδη κύδιστε ἄναξ ἀνδρῶν Ἀγάμεμνον ### book 10.104 οὔ θην Ἕκτορι πάντα νοήματα μητίετα Ζεὺς ### book 10.105 ἐκτελέει, ὅσα πού νυν ἐέλπεται· ἀλλά μιν οἴω ### book 10.106 κήδεσι μοχθήσειν καὶ πλείοσιν, εἴ κεν Ἀχιλλεὺς ### book 10.107 ἐκ χόλου ἀργαλέοιο μεταστρέψῃ φίλον ἦτορ. ### book 10.108 σοὶ δὲ μάλ’ ἕψομ’ ἐγώ· ποτὶ δ’ αὖ καὶ ἐγείρομεν ἄλλους ### book 10.109 ἠμὲν Τυδεΐδην δουρὶ κλυτὸν ἠδ’ Ὀδυσῆα ### book 10.110 ἠδ’ Αἴαντα ταχὺν καὶ Φυλέος ἄλκιμον υἱόν. ### book 10.111 ἀλλ’ εἴ τις καὶ τοῦσδε μετοιχόμενος καλέσειεν ### book 10.112 ἀντίθεόν τ’ Αἴαντα καὶ Ἰδομενῆα ἄνακτα· ### book 10.113 τῶν γὰρ νῆες ἔασιν ἑκαστάτω, οὐδὲ μάλ’ ἐγγύς. ### book 10.114 ἀλλὰ φίλον περ ἐόντα καὶ αἰδοῖον Μενέλαον ### book 10.115 νεικέσω, εἴ πέρ μοι νεμεσήσεαι, οὐδ’ ἐπικεύσω ### book 10.116 ὡς εὕδει, σοὶ δ’ οἴῳ ἐπέτρεψεν πονέεσθαι. ### book 10.117 νῦν ὄφελεν κατὰ πάντας ἀριστῆας πονέεσθαι ### book 10.118 λισσόμενος· χρειὼ γὰρ ἱκάνεται οὐκέτ’ ἀνεκτός. ### book 10.119 Τὸν δ’ αὖτε προσέειπεν ἄναξ ἀνδρῶν Ἀγαμέμνων· ### book 10.120 ὦ γέρον ἄλλοτε μέν σε καὶ αἰτιάασθαι ἄνωγα· ### book 10.121 πολλάκι γὰρ μεθιεῖ τε καὶ οὐκ ἐθέλει πονέεσθαι ### book 10.122 οὔτ’ ὄκνῳ εἴκων οὔτ’ ἀφραδίῃσι νόοιο, ### book 10.123 ἀλλ’ ἐμέ τ’ εἰσορόων καὶ ἐμὴν ποτιδέγμενος ὁρμήν. ### book 10.124 νῦν δ’ ἐμέο πρότερος μάλ’ ἐπέγρετο καί μοι ἐπέστη· ### book 10.125 τὸν μὲν ἐγὼ προέηκα καλήμεναι οὓς σὺ μεταλλᾷς. ### book 10.126 ἀλλ’ ἴομεν· κείνους δὲ κιχησόμεθα πρὸ πυλάων ### book 10.127 ἐν φυλάκεσς’, ἵνα γάρ σφιν ἐπέφραδον ἠγερέθεσθαι. ### book 10.128 Τὸν δ’ ἠμείβετ’ ἔπειτα Γερήνιος ἱππότα Νέστωρ· ### book 10.129 οὕτως οὔ τίς οἱ νεμεσήσεται οὐδ’ ἀπιθήσει ### book 10.130 Ἀργείων, ὅτε κέν τιν’ ἐποτρύνῃ καὶ ἀνώγῃ. ### book 10.131 Ὣς εἰπὼν ἔνδυνε περὶ στήθεσσι χιτῶνα, ### book 10.132 ποσσὶ δ’ ὑπὸ λιπαροῖσιν ἐδήσατο καλὰ πέδιλα, ### book 10.133 ἀμφὶ δ’ ἄρα χλαῖναν περονήσατο φοινικόεσσαν ### book 10.134 διπλῆν ἐκταδίην, οὔλη δ’ ἐπενήνοθε λάχνη. ### book 10.135 εἵλετο δ’ ἄλκιμον ἔγχος ἀκαχμένον ὀξέϊ χαλκῷ, ### book 10.136 βῆ δ’ ἰέναι κατὰ νῆας Ἀχαιῶν χαλκοχιτώνων. ### book 10.137 πρῶτον ἔπειτ’ Ὀδυσῆα Διὶ μῆτιν ἀτάλαντον ### book 10.138 ἐξ ὕπνου ἀνέγειρε Γερήνιος ἱππότα Νέστωρ ### book 10.139 φθεγξάμενος· τὸν δ’ αἶψα περὶ φρένας ἤλυθ’ ἰωή, ### book 10.140 ἐκ δ’ ἦλθε κλισίης καί σφεας πρὸς μῦθον ἔειπε· ### book 10.141 τίφθ’ οὕτω κατὰ νῆας ἀνὰ στρατὸν οἶοι ἀλᾶσθε ### book 10.142 νύκτα δι’ ἀμβροσίην, ὅ τι δὴ χρειὼ τόσον ἵκει; ### book 10.143 Τὸν δ’ ἠμείβετ’ ἔπειτα Γερήνιος ἱππότα Νέστωρ· ### book 10.144 διογενὲς Λαερτιάδη πολυμήχαν’ Ὀδυσσεῦ ### book 10.145 μὴ νεμέσα· τοῖον γὰρ ἄχος βεβίηκεν Ἀχαιούς. ### book 10.146 ἀλλ’ ἕπε’, ὄφρα καὶ ἄλλον ἐγείρομεν ὅν τ’ ἐπέοικε ### book 10.147 βουλὰς βουλεύειν, ἢ φευγέμεν ἠὲ μάχεσθαι. ### book 10.148 Ὣς φάθ’, ὃ δὲ κλισίην δὲ κιὼν πολύμητις Ὀδυσσεὺς ### book 10.149 ποικίλον ἀμφ’ ὤμοισι σάκος θέτο, βῆ δὲ μετ’ αὐτούς. ### book 10.150 βὰν δ’ ἐπὶ Τυδεΐδην Διομήδεα· τὸν δὲ κίχανον ### book 10.151 ἐκτὸς ἀπὸ κλισίης σὺν τεύχεσιν· ἀμφὶ δ’ ἑταῖροι ### book 10.152 εὗδον, ὑπὸ κρασὶν δ’ ἔχον ἀσπίδας· ἔγχεα δέ σφιν ### book 10.153 ὄρθ’ ἐπὶ σαυρωτῆρος ἐλήλατο, τῆλε δὲ χαλκὸς ### book 10.154 λάμφ’ ὥς τε στεροπὴ πατρὸς Διός· αὐτὰρ ὅ γ’ ἥρως ### book 10.155 εὗδ’, ὑπὸ δ’ ἔστρωτο ῥινὸν βοὸς ἀγραύλοιο, ### book 10.156 αὐτὰρ ὑπὸ κράτεσφι τάπης τετάνυστο φαεινός. ### book 10.157 τὸν παρστὰς ἀνέγειρε Γερήνιος ἱππότα Νέστωρ, ### book 10.158 λὰξ ποδὶ κινήσας, ὄτρυνέ τε νείκεσέ τ’ ἄντην· ### book 10.159 ἔγρεο Τυδέος υἱέ· τί πάννυχον ὕπνον ἀωτεῖς; ### book 10.160 οὐκ ἀΐεις ὡς Τρῶες ἐπὶ θρωσμῷ πεδίοιο ### book 10.161 εἵαται ἄγχι νεῶν, ὀλίγος δ’ ἔτι χῶρος ἐρύκει; ### book 10.162 Ὣς φάθ’, ὃ δ’ ἐξ ὕπνοιο μάλα κραιπνῶς ἀνόρουσε, ### book 10.163 καί μιν φωνήσας ἔπεα πτερόεντα προσηύδα· ### book 10.164 σχέτλιός ἐσσι γεραιέ· σὺ μὲν πόνου οὔ ποτε λήγεις. ### book 10.165 οὔ νυ καὶ ἄλλοι ἔασι νεώτεροι υἷες Ἀχαιῶν ### book 10.166 οἵ κεν ἔπειτα ἕκαστον ἐγείρειαν βασιλήων ### book 10.167 πάντῃ ἐποιχόμενοι; σὺ δ’ ἀμήχανός ἐσσι γεραιέ. ### book 10.168 Τὸν δ’ αὖτε προσέειπε Γερήνιος ἱππότα Νέστωρ· ### book 10.169 ναὶ δὴ ταῦτά γε πάντα φίλος κατὰ μοῖραν ἔειπες. ### book 10.170 εἰσὶν μέν μοι παῖδες ἀμύμονες, εἰσὶ δὲ λαοὶ ### book 10.171 καὶ πολέες, τῶν κέν τις ἐποιχόμενος καλέσειεν· ### book 10.172 ἀλλὰ μάλα μεγάλη χρειὼ βεβίηκεν Ἀχαιούς. ### book 10.173 νῦν γὰρ δὴ πάντεσσιν ἐπὶ ξυροῦ ἵσταται ἀκμῆς ### book 10.174 ἢ μάλα λυγρὸς ὄλεθρος Ἀχαιοῖς ἠὲ βιῶναι. ### book 10.175 ἀλλ’ ἴθι νῦν Αἴαντα ταχὺν καὶ Φυλέος υἱὸν ### book 10.176 ἄνστησον· σὺ γάρ ἐσσι νεώτερος· εἴ μ’ ἐλεαίρεις. ### book 10.177 Ὣς φάθ’, ὃ δ’ ἀμφ’ ὤμοισιν ἑέσσατο δέρμα λέοντος ### book 10.178 αἴθωνος μεγάλοιο ποδηνεκές, εἵλετο δ’ ἔγχος. ### book 10.179 βῆ δ’ ἰέναι, τοὺς δ’ ἔνθεν ἀναστήσας ἄγεν ἥρως. ### book 10.180 Οἳ δ’ ὅτε δὴ φυλάκεσσιν ἐν ἀγρομένοισιν ἔμιχθεν, ### book 10.181 οὐδὲ μὲν εὕδοντας φυλάκων ἡγήτορας εὗρον, ### book 10.182 ἀλλ’ ἐγρηγορτὶ σὺν τεύχεσιν εἵατο πάντες. ### book 10.183 ὡς δὲ κύνες περὶ μῆλα δυσωρήσωνται ἐν αὐλῇ ### book 10.184 θηρὸς ἀκούσαντες κρατερόφρονος, ὅς τε καθ’ ὕλην ### book 10.185 ἔρχηται δι’ ὄρεσφι· πολὺς δ’ ὀρυμαγδὸς ἐπ’ αὐτῷ ### book 10.186 ἀνδρῶν ἠδὲ κυνῶν, ἀπό τέ σφισιν ὕπνος ὄλωλεν· ### book 10.187 ὣς τῶν νήδυμος ὕπνος ἀπὸ βλεφάροιιν ὀλώλει ### book 10.188 νύκτα φυλασσομένοισι κακήν· πεδίον δὲ γὰρ αἰεὶ ### book 10.189 τετράφαθ’, ὁππότ’ ἐπὶ Τρώων ἀΐοιεν ἰόντων. ### book 10.190 τοὺς δ’ ὃ γέρων γήθησεν ἰδὼν θάρσυνέ τε μύθῳ ### book 10.191 καί σφεας φωνήσας ἔπεα πτερόεντα προσηύδα· ### book 10.192 οὕτω νῦν φίλα τέκνα φυλάσσετε· μηδέ τιν’ ὕπνος ### book 10.193 αἱρείτω, μὴ χάρμα γενώμεθα δυσμενέεσσιν. ### book 10.194 Ὣς εἰπὼν τάφροιο διέσσυτο· τοὶ δ’ ἅμ’ ἕποντο ### book 10.195 Ἀργείων βασιλῆες ὅσοι κεκλήατο βουλήν. ### book 10.196 τοῖς δ’ ἅμα Μηριόνης καὶ Νέστορος ἀγλαὸς υἱὸς ### book 10.197 ἤϊσαν· αὐτοὶ γὰρ κάλεον συμμητιάασθαι. ### book 10.198 τάφρον δ’ ἐκδιαβάντες ὀρυκτὴν ἑδριόωντο ### book 10.199 ἐν καθαρῷ, ὅθι δὴ νεκύων διεφαίνετο χῶρος ### book 10.200 πιπτόντων· ὅθεν αὖτις ἀπετράπετ’ ὄβριμος Ἕκτωρ ### book 10.201 ὀλλὺς Ἀργείους, ὅτε δὴ περὶ νὺξ ἐκάλυψεν. ### book 10.202 ἔνθα καθεζόμενοι ἔπε’ ἀλλήλοισι πίφαυσκον· ### book 10.203 τοῖσι δὲ μύθων ἦρχε Γερήνιος ἱππότα Νέστωρ· ### book 10.204 ὦ φίλοι οὐκ ἂν δή τις ἀνὴρ πεπίθοιθ’ ἑῷ αὐτοῦ ### book 10.205 θυμῷ τολμήεντι μετὰ Τρῶας μεγαθύμους ### book 10.206 ἐλθεῖν, εἴ τινά που δηΐων ἕλοι ἐσχατόωντα, ### book 10.207 ἤ τινά που καὶ φῆμιν ἐνὶ Τρώεσσι πύθοιτο, ### book 10.208 ἅσσά τε μητιόωσι μετὰ σφίσιν, ἢ μεμάασιν ### book 10.209 αὖθι μένειν παρὰ νηυσὶν ἀπόπροθεν, ἦε πόλιν δὲ ### book 10.210 ἂψ ἀναχωρήσουσιν, ἐπεὶ δαμάσαντό γ’ Ἀχαιούς. ### book 10.211 ταῦτά κε πάντα πύθοιτο, καὶ ἂψ εἰς ἡμέας ἔλθοι ### book 10.212 ἀσκηθής· μέγα κέν οἱ ὑπουράνιον κλέος εἴη ### book 10.213 πάντας ἐπ’ ἀνθρώπους, καί οἱ δόσις ἔσσεται ἐσθλή· ### book 10.214 ὅσσοι γὰρ νήεσσιν ἐπικρατέουσιν ἄριστοι ### book 10.215 τῶν πάντων οἱ ἕκαστος ὄϊν δώσουσι μέλαιναν ### book 10.216 θῆλυν ὑπόρρηνον· τῇ μὲν κτέρας οὐδὲν ὁμοῖον, ### book 10.217 αἰεὶ δ’ ἐν δαίτῃσι καὶ εἰλαπίνῃσι παρέσται. ### book 10.218 Ὣς ἔφαθ’, οἳ δ’ ἄρα πάντες ἀκὴν ἐγένοντο σιωπῇ. ### book 10.219 τοῖσι δὲ καὶ μετέειπε βοὴν ἀγαθὸς Διομήδης· ### book 10.220 Νέστορ ἔμ’ ὀτρύνει κραδίη καὶ θυμὸς ἀγήνωρ ### book 10.221 ἀνδρῶν δυσμενέων δῦναι στρατὸν ἐγγὺς ἐόντων ### book 10.222 Τρώων· ἀλλ’ εἴ τίς μοι ἀνὴρ ἅμ’ ἕποιτο καὶ ἄλλος ### book 10.223 μᾶλλον θαλπωρὴ καὶ θαρσαλεώτερον ἔσται. ### book 10.224 σύν τε δύ’ ἐρχομένω καί τε πρὸ ὃ τοῦ ἐνόησεν ### book 10.225 ὅππως κέρδος ἔῃ· μοῦνος δ’ εἴ πέρ τε νοήσῃ ### book 10.226 ἀλλά τέ οἱ βράσσων τε νόος, λεπτὴ δέ τε μῆτις. ### book 10.227 Ὣς ἔφαθ’, οἳ δ’ ἔθελον Διομήδεϊ πολλοὶ ἕπεσθαι. ### book 10.228 ἠθελέτην Αἴαντε δύω θεράποντες Ἄρηος, ### book 10.229 ἤθελε Μηριόνης, μάλα δ’ ἤθελε Νέστορος υἱός, ### book 10.230 ἤθελε δ’ Ἀτρεΐδης δουρικλειτὸς Μενέλαος, ### book 10.231 ἤθελε δ’ ὁ τλήμων Ὀδυσεὺς καταδῦναι ὅμιλον ### book 10.232 Τρώων· αἰεὶ γάρ οἱ ἐνὶ φρεσὶ θυμὸς ἐτόλμα. ### book 10.233 τοῖσι δὲ καὶ μετέειπεν ἄναξ ἀνδρῶν Ἀγαμέμνων· ### book 10.234 Τυδεΐδη Διόμηδες ἐμῷ κεχαρισμένε θυμῷ ### book 10.235 τὸν μὲν δὴ ἕταρόν γ’ αἱρήσεαι ὅν κ’ ἐθέλῃσθα, ### book 10.236 φαινομένων τὸν ἄριστον, ἐπεὶ μεμάασί γε πολλοί. ### book 10.237 μηδὲ σύ γ’ αἰδόμενος σῇσι φρεσὶ τὸν μὲν ἀρείω ### book 10.238 καλλείπειν, σὺ δὲ χείρον’ ὀπάσσεαι αἰδοῖ εἴκων ### book 10.239 ἐς γενεὴν ὁρόων, μηδ’ εἰ βασιλεύτερός ἐστιν. ### book 10.240 Ὣς ἔφατ’, ἔδεισεν δὲ περὶ ξανθῷ Μενελάῳ. ### book 10.241 τοῖς δ’ αὖτις μετέειπε βοὴν ἀγαθὸς Διομήδης· ### book 10.242 εἰ μὲν δὴ ἕταρόν γε κελεύετέ μ’ αὐτὸν ἑλέσθαι, ### book 10.243 πῶς ἂν ἔπειτ’ Ὀδυσῆος ἐγὼ θείοιο λαθοίμην, ### book 10.244 οὗ πέρι μὲν πρόφρων κραδίη καὶ θυμὸς ἀγήνωρ ### book 10.245 ἐν πάντεσσι πόνοισι, φιλεῖ δέ ἑ Παλλὰς Ἀθήνη. ### book 10.246 τούτου γ’ ἑσπομένοιο καὶ ἐκ πυρὸς αἰθομένοιο ### book 10.247 ἄμφω νοστήσαιμεν, ἐπεὶ περίοιδε νοῆσαι. ### book 10.248 Τὸν δ’ αὖτε προσέειπε πολύτλας δῖος Ὀδυσσεύς· ### book 10.249 Τυδεΐδη μήτ’ ἄρ με μάλ’ αἴνεε μήτέ τι νείκει· ### book 10.250 εἰδόσι γάρ τοι ταῦτα μετ’ Ἀργείοις ἀγορεύεις. ### book 10.251 ἀλλ’ ἴομεν· μάλα γὰρ νὺξ ἄνεται, ἐγγύθι δ’ ἠώς, ### book 10.252 ἄστρα δὲ δὴ προβέβηκε, παροίχωκεν δὲ πλέων νὺξ ### book 10.253 τῶν δύο μοιράων, τριτάτη δ’ ἔτι μοῖρα λέλειπται. ### book 10.254 Ὣς εἰπόνθ’ ὅπλοισιν ἔνι δεινοῖσιν ἐδύτην. ### book 10.255 Τυδεΐδῃ μὲν δῶκε μενεπτόλεμος Θρασυμήδης ### book 10.256 φάσγανον ἄμφηκες· τὸ δ’ ἑὸν παρὰ νηῒ λέλειπτο· ### book 10.257 καὶ σάκος· ἀμφὶ δέ οἱ κυνέην κεφαλῆφιν ἔθηκε ### book 10.258 ταυρείην, ἄφαλόν τε καὶ ἄλλοφον, ἥ τε καταῖτυξ ### book 10.259 κέκληται, ῥύεται δὲ κάρη θαλερῶν αἰζηῶν. ### book 10.260 Μηριόνης δ’ Ὀδυσῆϊ δίδου βιὸν ἠδὲ φαρέτρην ### book 10.261 καὶ ξίφος, ἀμφὶ δέ οἱ κυνέην κεφαλῆφιν ἔθηκε ### book 10.262 ῥινοῦ ποιητήν· πολέσιν δ’ ἔντοσθεν ἱμᾶσιν ### book 10.263 ἐντέτατο στερεῶς· ἔκτοσθε δὲ λευκοὶ ὀδόντες ### book 10.264 ἀργιόδοντος ὑὸς θαμέες ἔχον ἔνθα καὶ ἔνθα ### book 10.265 εὖ καὶ ἐπισταμένως· μέσσῃ δ’ ἐνὶ πῖλος ἀρήρει. ### book 10.266 τήν ῥά ποτ’ ἐξ Ἐλεῶνος Ἀμύντορος Ὀρμενίδαο ### book 10.267 ἐξέλετ’ Αὐτόλυκος πυκινὸν δόμον ἀντιτορήσας, ### book 10.268 Σκάνδειαν δ’ ἄρα δῶκε Κυθηρίῳ Ἀμφιδάμαντι· ### book 10.269 Ἀμφιδάμας δὲ Μόλῳ δῶκε ξεινήϊον εἶναι, ### book 10.270 αὐτὰρ ὃ Μηριόνῃ δῶκεν ᾧ παιδὶ φορῆναι· ### book 10.271 δὴ τότ’ Ὀδυσσῆος πύκασεν κάρη ἀμφιτεθεῖσα. ### book 10.272 Τὼ δ’ ἐπεὶ οὖν ὅπλοισιν ἔνι δεινοῖσιν ἐδύτην, ### book 10.273 βάν ῥ’ ἰέναι, λιπέτην δὲ κατ’ αὐτόθι πάντας ἀρίστους. ### book 10.274 τοῖσι δὲ δεξιὸν ἧκεν ἐρωδιὸν ἐγγὺς ὁδοῖο ### book 10.275 Παλλὰς Ἀθηναίη· τοὶ δ’ οὐκ ἴδον ὀφθαλμοῖσι ### book 10.276 νύκτα δι’ ὀρφναίην, ἀλλὰ κλάγξαντος ἄκουσαν. ### book 10.277 χαῖρε δὲ τῷ ὄρνιθ’ Ὀδυσεύς, ἠρᾶτο δ’ Ἀθήνῃ· ### book 10.278 κλῦθί μευ αἰγιόχοιο Διὸς τέκος, ἥ τέ μοι αἰεὶ ### book 10.279 ἐν πάντεσσι πόνοισι παρίστασαι, οὐδέ σε λήθω ### book 10.280 κινύμενος· νῦν αὖτε μάλιστά με φῖλαι Ἀθήνη, ### book 10.281 δὸς δὲ πάλιν ἐπὶ νῆας ἐϋκλεῖας ἀφικέσθαι ### book 10.282 ῥέξαντας μέγα ἔργον, ὅ κε Τρώεσσι μελήσῃ. ### book 10.283 Δεύτερος αὖτ’ ἠρᾶτο βοὴν ἀγαθὸς Διομήδης· ### book 10.284 κέκλυθι νῦν καὶ ἐμεῖο Διὸς τέκος Ἀτρυτώνη· ### book 10.285 σπεῖό μοι ὡς ὅτε πατρὶ ἅμ’ ἕσπεο Τυδέϊ δίῳ ### book 10.286 ἐς Θήβας, ὅτε τε πρὸ Ἀχαιῶν ἄγγελος ᾔει. ### book 10.287 τοὺς δ’ ἄρ’ ἐπ’ Ἀσωπῷ λίπε χαλκοχίτωνας Ἀχαιούς, ### book 10.288 αὐτὰρ ὃ μειλίχιον μῦθον φέρε Καδμείοισι ### book 10.289 κεῖς’· ἀτὰρ ἂψ ἀπιὼν μάλα μέρμερα μήσατο ἔργα ### book 10.290 σὺν σοὶ δῖα θεά, ὅτε οἱ πρόφρασσα παρέστης. ### book 10.291 ὣς νῦν μοι ἐθέλουσα παρίσταο καί με φύλασσε. ### book 10.292 σοὶ δ’ αὖ ἐγὼ ῥέξω βοῦν ἦνιν εὐρυμέτωπον ### book 10.293 ἀδμήτην, ἣν οὔ πω ὑπὸ ζυγὸν ἤγαγεν ἀνήρ· ### book 10.294 τήν τοι ἐγὼ ῥέξω χρυσὸν κέρασιν περιχεύας. ### book 10.295 Ὣς ἔφαν εὐχόμενοι, τῶν δ’ ἔκλυε Παλλὰς Ἀθήνη. ### book 10.296 οἳ δ’ ἐπεὶ ἠρήσαντο Διὸς κούρῃ μεγάλοιο, ### book 10.297 βάν ῥ’ ἴμεν ὥς τε λέοντε δύω διὰ νύκτα μέλαιναν ### book 10.298 ἂμ φόνον, ἂν νέκυας, διά τ’ ἔντεα καὶ μέλαν αἷμα. ### book 10.299 Οὐδὲ μὲν οὐδὲ Τρῶας ἀγήνορας εἴασεν Ἕκτωρ ### book 10.300 εὕδειν, ἀλλ’ ἄμυδις κικλήσκετο πάντας ἀρίστους, ### book 10.301 ὅσσοι ἔσαν Τρώων ἡγήτορες ἠδὲ μέδοντες· ### book 10.302 τοὺς ὅ γε συγκαλέσας πυκινὴν ἀρτύνετο βουλήν· ### book 10.303 τίς κέν μοι τόδε ἔργον ὑποσχόμενος τελέσειε ### book 10.304 δώρῳ ἔπι μεγάλῳ; μισθὸς δέ οἱ ἄρκιος ἔσται. ### book 10.305 δώσω γὰρ δίφρόν τε δύω τ’ ἐριαύχενας ἵππους ### book 10.306 οἵ κεν ἄριστοι ἔωσι θοῇς ἐπὶ νηυσὶν Ἀχαιῶν ### book 10.307 ὅς τίς κε τλαίη, οἷ τ’ αὐτῷ κῦδος ἄροιτο, ### book 10.308 νηῶν ὠκυπόρων σχεδὸν ἐλθέμεν, ἔκ τε πυθέσθαι ### book 10.309 ἠὲ φυλάσσονται νῆες θοαὶ ὡς τὸ πάρος περ, ### book 10.310 ἦ ἤδη χείρεσσιν ὑφ’ ἡμετέρῃσι δαμέντες ### book 10.311 φύξιν βουλεύουσι μετὰ σφίσιν, οὐδ’ ἐθέλουσι ### book 10.312 νύκτα φυλασσέμεναι, καμάτῳ ἀδηκότες αἰνῷ. ### book 10.313 Ὣς ἔφαθ’, οἳ δ’ ἄρα πάντες ἀκὴν ἐγένοντο σιωπῇ. ### book 10.314 ἦν δέ τις ἐν Τρώεσσι Δόλων Εὐμήδεος υἱὸς ### book 10.315 κήρυκος θείοιο πολύχρυσος πολύχαλκος, ### book 10.316 ὃς δή τοι εἶδος μὲν ἔην κακός, ἀλλὰ ποδώκης· ### book 10.317 αὐτὰρ ὃ μοῦνος ἔην μετὰ πέντε κασιγνήτῃσιν. ### book 10.318 ὅς ῥα τότε Τρωσίν τε καὶ Ἕκτορι μῦθον ἔειπεν· ### book 10.319 Ἕκτορ ἔμ’ ὀτρύνει κραδίη καὶ θυμὸς ἀγήνωρ ### book 10.320 νηῶν ὠκυπόρων σχεδὸν ἐλθέμεν ἔκ τε πυθέσθαι. ### book 10.321 ἀλλ’ ἄγε μοι τὸ σκῆπτρον ἀνάσχεο, καί μοι ὄμοσσον ### book 10.322 ἦ μὲν τοὺς ἵππους τε καὶ ἅρματα ποικίλα χαλκῷ ### book 10.323 δωσέμεν, οἳ φορέουσιν ἀμύμονα Πηλεΐωνα, ### book 10.324 σοὶ δ’ ἐγὼ οὐχ ἅλιος σκοπὸς ἔσσομαι οὐδ’ ἀπὸ δόξης· ### book 10.325 τόφρα γὰρ ἐς στρατὸν εἶμι διαμπερὲς ὄφρ’ ἂν ἵκωμαι ### book 10.326 νῆ’ Ἀγαμεμνονέην, ὅθι που μέλλουσιν ἄριστοι ### book 10.327 βουλὰς βουλεύειν ἢ φευγέμεν ἠὲ μάχεσθαι. ### book 10.328 Ὣς φάθ’, ὃ δ’ ἐν χερσὶ σκῆπτρον λάβε καί οἱ ὄμοσσεν· ### book 10.329 ἴστω νῦν Ζεὺς αὐτὸς ἐρίγδουπος πόσις Ἥρης ### book 10.330 μὴ μὲν τοῖς ἵπποισιν ἀνὴρ ἐποχήσεται ἄλλος ### book 10.331 Τρώων, ἀλλά σέ φημι διαμπερὲς ἀγλαϊεῖσθαι. ### book 10.332 Ὣς φάτο καί ῥ’ ἐπίορκον ἐπώμοσε, τὸν δ’ ὀρόθυνεν· ### book 10.333 αὐτίκα δ’ ἀμφ’ ὤμοισιν ἐβάλλετο καμπύλα τόξα, ### book 10.334 ἕσσατο δ’ ἔκτοσθεν ῥινὸν πολιοῖο λύκοιο, ### book 10.335 κρατὶ δ’ ἐπὶ κτιδέην κυνέην, ἕλε δ’ ὀξὺν ἄκοντα, ### book 10.336 βῆ δ’ ἰέναι προτὶ νῆας ἀπὸ στρατοῦ· οὐδ’ ἄρ’ ἔμελλεν ### book 10.337 ἐλθὼν ἐκ νηῶν ἂψ Ἕκτορι μῦθον ἀποίσειν. ### book 10.338 ἀλλ’ ὅτε δή ῥ’ ἵππων τε καὶ ἀνδρῶν κάλλιφ’ ὅμιλον, ### book 10.339 βῆ ῥ’ ἀν’ ὁδὸν μεμαώς· τὸν δὲ φράσατο προσιόντα ### book 10.340 διογενὴς Ὀδυσεύς, Διομήδεα δὲ προσέειπεν· ### book 10.341 οὗτός τις Διόμηδες ἀπὸ στρατοῦ ἔρχεται ἀνήρ, ### book 10.342 οὐκ οἶδ’ ἢ νήεσσιν ἐπίσκοπος ἡμετέρῃσιν, ### book 10.343 ἦ τινα συλήσων νεκύων κατατεθνηώτων. ### book 10.344 ἀλλ’ ἐῶμέν μιν πρῶτα παρεξελθεῖν πεδίοιο ### book 10.345 τυτθόν· ἔπειτα δέ κ’ αὐτὸν ἐπαΐξαντες ἕλοιμεν ### book 10.346 καρπαλίμως· εἰ δ’ ἄμμε παραφθαίησι πόδεσσιν, ### book 10.347 αἰεί μιν ἐπὶ νῆας ἀπὸ στρατόφι προτιειλεῖν ### book 10.348 ἔγχει ἐπαΐσσων, μή πως προτὶ ἄστυ ἀλύξῃ. ### book 10.349 Ὣς ἄρα φωνήσαντε παρὲξ ὁδοῦ ἐν νεκύεσσι ### book 10.350 κλινθήτην· ὃ δ’ ἄρ’ ὦκα παρέδραμεν ἀφραδίῃσιν. ### book 10.351 ἀλλ’ ὅτε δή ῥ’ ἀπέην ὅσσόν τ’ ἐπὶ οὖρα πέλονται ### book 10.352 ἡμιόνων· αἱ γάρ τε βοῶν προφερέστεραί εἰσιν ### book 10.353 ἑλκέμεναι νειοῖο βαθείης πηκτὸν ἄροτρον· ### book 10.354 τὼ μὲν ἐπεδραμέτην, ὃ δ’ ἄρ’ ἔστη δοῦπον ἀκούσας. ### book 10.355 ἔλπετο γὰρ κατὰ θυμὸν ἀποστρέψοντας ἑταίρους ### book 10.356 ἐκ Τρώων ἰέναι πάλιν Ἕκτορος ὀτρύναντος. ### book 10.357 ἀλλ’ ὅτε δή ῥ’ ἄπεσαν δουρηνεκὲς ἢ καὶ ἔλασσον, ### book 10.358 γνῶ ῥ’ ἄνδρας δηΐους, λαιψηρὰ δὲ γούνατ’ ἐνώμα ### book 10.359 φευγέμεναι· τοὶ δ’ αἶψα διώκειν ὁρμήθησαν. ### book 10.360 ὡς δ’ ὅτε καρχαρόδοντε δύω κύνε εἰδότε θήρης ### book 10.361 ἢ κεμάδ’ ἠὲ λαγωὸν ἐπείγετον ἐμμενὲς αἰεὶ ### book 10.362 χῶρον ἀν’ ὑλήενθ’, ὃ δέ τε προθέῃσι μεμηκώς, ### book 10.363 ὣς τὸν Τυδεΐδης ἠδ’ ὃ πτολίπορθος Ὀδυσσεὺς ### book 10.364 λαοῦ ἀποτμήξαντε διώκετον ἐμμενὲς αἰεί. ### book 10.365 ἀλλ’ ὅτε δὴ τάχ’ ἔμελλε μιγήσεσθαι φυλάκεσσι ### book 10.366 φεύγων ἐς νῆας, τότε δὴ μένος ἔμβαλ’ Ἀθήνη ### book 10.367 Τυδεΐδῃ, ἵνα μή τις Ἀχαιῶν χαλκοχιτώνων ### book 10.368 φθαίη ἐπευξάμενος βαλέειν, ὃ δὲ δεύτερος ἔλθοι. ### book 10.369 δουρὶ δ’ ἐπαΐσσων προσέφη κρατερὸς Διομήδης· ### book 10.370 ἠὲ μέν’ ἠέ σε δουρὶ κιχήσομαι, οὐδέ σέ φημι ### book 10.371 δηρὸν ἐμῆς ἀπὸ χειρὸς ἀλύξειν αἰπὺν ὄλεθρον. ### book 10.372 Ἦ ῥα καὶ ἔγχος ἀφῆκεν, ἑκὼν δ’ ἡμάρτανε φωτός· ### book 10.373 δεξιτερὸν δ’ ὑπὲρ ὦμον ἐΰξου δουρὸς ἀκωκὴ ### book 10.374 ἐν γαίῃ ἐπάγη· ὃ δ’ ἄρ’ ἔστη τάρβησέν τε ### book 10.375 βαμβαίνων· ἄραβος δὲ διὰ στόμα γίγνετ’ ὀδόντων· ### book 10.376 χλωρὸς ὑπαὶ δείους· τὼ δ’ ἀσθμαίνοντε κιχήτην, ### book 10.377 χειρῶν δ’ ἁψάσθην· ὃ δὲ δακρύσας ἔπος ηὔδα· ### book 10.378 ζωγρεῖτ’, αὐτὰρ ἐγὼν ἐμὲ λύσομαι· ἔστι γὰρ ἔνδον ### book 10.379 χαλκός τε χρυσός τε πολύκμητός τε σίδηρος, ### book 10.380 τῶν κ’ ὔμμιν χαρίσαιτο πατὴρ ἀπερείσι’ ἄποινα ### book 10.381 εἴ κεν ἐμὲ ζωὸν πεπύθοιτ’ ἐπὶ νηυσὶν Ἀχαιῶν. ### book 10.382 Τὸν δ’ ἀπαμειβόμενος προσέφη πολύμητις Ὀδυσσεύς· ### book 10.383 θάρσει, μηδέ τί τοι θάνατος καταθύμιος ἔστω. ### book 10.384 ἀλλ’ ἄγε μοι τόδε εἰπὲ καὶ ἀτρεκέως κατάλεξον· ### book 10.385 πῇ δὴ οὕτως ἐπὶ νῆας ἀπὸ στρατοῦ ἔρχεαι οἷος ### book 10.386 νύκτα δι’ ὀρφναίην, ὅτε θ’ εὕδουσι βροτοὶ ἄλλοι; ### book 10.387 ἤ τινα συλήσων νεκύων κατατεθνηώτων; ### book 10.388 ἦ ς’ Ἕκτωρ προέηκε διασκοπιᾶσθαι ἕκαστα ### book 10.389 νῆας ἔπι γλαφυράς; ἦ ς’ αὐτὸν θυμὸς ἀνῆκε; ### book 10.390 Τὸν δ’ ἠμείβετ’ ἔπειτα Δόλων, ὑπὸ δ’ ἔτρεμε γυῖα· ### book 10.391 πολλῇσίν μ’ ἄτῃσι παρὲκ νόον ἤγαγεν Ἕκτωρ, ### book 10.392 ὅς μοι Πηλεΐωνος ἀγαυοῦ μώνυχας ἵππους ### book 10.393 δωσέμεναι κατένευσε καὶ ἅρματα ποικίλα χαλκῷ, ### book 10.394 ἠνώγει δέ μ’ ἰόντα θοὴν διὰ νύκτα μέλαιναν ### book 10.395 ἀνδρῶν δυσμενέων σχεδὸν ἐλθέμεν, ἔκ τε πυθέσθαι ### book 10.396 ἠὲ φυλάσσονται νῆες θοαὶ ὡς τὸ πάρος περ, ### book 10.397 ἦ ἤδη χείρεσσιν ὑφ’ ἡμετέρῃσι δαμέντες ### book 10.398 φύξιν βουλεύουσι μετὰ σφίσιν, οὐδ’ ἐθέλουσι ### book 10.399 νύκτα φυλασσέμεναι, καμάτῳ ἀδηκότες αἰνῷ. ### book 10.400 Τὸν δ’ ἐπιμειδήσας προσέφη πολύμητις Ὀδυσσεύς· ### book 10.401 ἦ ῥά νύ τοι μεγάλων δώρων ἐπεμαίετο θυμὸς ### book 10.402 ἵππων Αἰακίδαο δαΐφρονος· οἳ δ’ ἀλεγεινοὶ ### book 10.403 ἀνδράσι γε θνητοῖσι δαμήμεναι ἠδ’ ὀχέεσθαι ### book 10.404 ἄλλῳ γ’ ἢ Ἀχιλῆϊ, τὸν ἀθανάτη τέκε μήτηρ. ### book 10.405 ἀλλ’ ἄγε μοι τόδε εἰπὲ καὶ ἀτρεκέως κατάλεξον· ### book 10.406 ποῦ νῦν δεῦρο κιὼν λίπες Ἕκτορα ποιμένα λαῶν; ### book 10.407 ποῦ δέ οἱ ἔντεα κεῖται ἀρήϊα, ποῦ δέ οἱ ἵπποι; ### book 10.408 πῶς δαὶ τῶν ἄλλων Τρώων φυλακαί τε καὶ εὐναί; ### book 10.409 ἅσσά τε μητιόωσι μετὰ σφίσιν, ἢ μεμάασιν ### book 10.410 αὖθι μένειν παρὰ νηυσὶν ἀπόπροθεν, ἦε πόλιν δὲ ### book 10.411 ἂψ ἀναχωρήσουσιν, ἐπεὶ δαμάσαντό γ’ Ἀχαιούς. ### book 10.412 Τὸν δ’ αὖτε προσέειπε Δόλων Εὐμήδεος υἱός· ### book 10.413 τοὶ γὰρ ἐγώ τοι ταῦτα μάλ’ ἀτρεκέως καταλέξω. ### book 10.414 Ἕκτωρ μὲν μετὰ τοῖσιν, ὅσοι βουληφόροι εἰσί, ### book 10.415 βουλὰς βουλεύει θείου παρὰ σήματι Ἴλου ### book 10.416 νόσφιν ἀπὸ φλοίσβου· φυλακὰς δ’ ἃς εἴρεαι ἥρως ### book 10.417 οὔ τις κεκριμένη ῥύεται στρατὸν οὐδὲ φυλάσσει. ### book 10.418 ὅσσαι μὲν Τρώων πυρὸς ἐσχάραι, οἷσιν ἀνάγκη ### book 10.419 οἷ δ’ ἐγρηγόρθασι φυλασσέμεναί τε κέλονται ### book 10.420 ἀλλήλοις· ἀτὰρ αὖτε πολύκλητοι ἐπίκουροι ### book 10.421 εὕδουσι· Τρωσὶν γὰρ ἐπιτραπέουσι φυλάσσειν· ### book 10.422 οὐ γάρ σφιν παῖδες σχεδὸν εἵαται οὐδὲ γυναῖκες. ### book 10.423 Τὸν δ’ ἀπαμειβόμενος προσέφη πολύμητις Ὀδυσσεύς· ### book 10.424 πῶς γὰρ νῦν Τρώεσσι μεμιγμένοι ἱπποδάμοισιν ### book 10.425 εὕδους’ ἦ ἀπάνευθε; δίειπέ μοι ὄφρα δαείω. ### book 10.426 Τὸν δ’ ἠμείβετ’ ἔπειτα Δόλων Εὐμήδεος υἱός· ### book 10.427 τοὶ γὰρ ἐγὼ καὶ ταῦτα μάλ’ ἀτρεκέως καταλέξω. ### book 10.428 πρὸς μὲν ἁλὸς Κᾶρες καὶ Παίονες ἀγκυλότοξοι ### book 10.429 καὶ Λέλεγες καὶ Καύκωνες δῖοί τε Πελασγοί, ### book 10.430 πρὸς Θύμβρης δ’ ἔλαχον Λύκιοι Μυσοί τ’ ἀγέρωχοι ### book 10.431 καὶ Φρύγες ἱππόμαχοι καὶ Μῄονες ἱπποκορυσταί. ### book 10.432 ἀλλὰ τί ἢ ἐμὲ ταῦτα διεξερέεσθε ἕκαστα; ### book 10.433 εἰ γὰρ δὴ μέματον Τρώων καταδῦναι ὅμιλον ### book 10.434 Θρήϊκες οἷδ’ ἀπάνευθε νεήλυδες ἔσχατοι ἄλλων· ### book 10.435 ἐν δέ σφιν Ῥῆσος βασιλεὺς πάϊς Ἠϊονῆος. ### book 10.436 τοῦ δὴ καλλίστους ἵππους ἴδον ἠδὲ μεγίστους· ### book 10.437 λευκότεροι χιόνος, θείειν δ’ ἀνέμοισιν ὁμοῖοι· ### book 10.438 ἅρμα δέ οἱ χρυσῷ τε καὶ ἀργύρῳ εὖ ἤσκηται· ### book 10.439 τεύχεα δὲ χρύσεια πελώρια θαῦμα ἰδέσθαι ### book 10.440 ἤλυθ’ ἔχων· τὰ μὲν οὔ τι καταθνητοῖσιν ἔοικεν ### book 10.441 ἄνδρεσσιν φορέειν, ἀλλ’ ἀθανάτοισι θεοῖσιν. ### book 10.442 ἀλλ’ ἐμὲ μὲν νῦν νηυσὶ πελάσσετον ὠκυπόροισιν, ### book 10.443 ἠέ με δήσαντες λίπετ’ αὐτόθι νηλέϊ δεσμῷ, ### book 10.444 ὄφρά κεν ἔλθητον καὶ πειρηθῆτον ἐμεῖο ### book 10.445 ἠὲ κατ’ αἶσαν ἔειπον ἐν ὑμῖν, ἦε καὶ οὐκί. ### book 10.446 Τὸν δ’ ἄρ’ ὑπόδρα ἰδὼν προσέφη κρατερὸς Διομήδης· ### book 10.447 μὴ δή μοι φύξίν γε Δόλων ἐμβάλλεο θυμῷ· ### book 10.448 ἐσθλά περ ἀγγείλας, ἐπεὶ ἵκεο χεῖρας ἐς ἁμάς. ### book 10.449 εἰ μὲν γάρ κέ σε νῦν ἀπολύσομεν ἠὲ μεθῶμεν, ### book 10.450 ἦ τε καὶ ὕστερον εἶσθα θοὰς ἐπὶ νῆας Ἀχαιῶν ### book 10.451 ἠὲ διοπτεύσων ἢ ἐναντίβιον πολεμίξων· ### book 10.452 εἰ δέ κ’ ἐμῇς ὑπὸ χερσὶ δαμεὶς ἀπὸ θυμὸν ὀλέσσης, ### book 10.453 οὐκέτ’ ἔπειτα σὺ πῆμά ποτ’ ἔσσεαι Ἀργείοισιν. ### book 10.454 Ἦ, καὶ ὃ μέν μιν ἔμελλε γενείου χειρὶ παχείῃ ### book 10.455 ἁψάμενος λίσσεσθαι, ὃ δ’ αὐχένα μέσσον ἔλασσε ### book 10.456 φασγάνῳ ἀΐξας, ἀπὸ δ’ ἄμφω κέρσε τένοντε· ### book 10.457 φθεγγομένου δ’ ἄρα τοῦ γε κάρη κονίῃσιν ἐμίχθη. ### book 10.458 τοῦ δ’ ἀπὸ μὲν κτιδέην κυνέην κεφαλῆφιν ἕλοντο ### book 10.459 καὶ λυκέην καὶ τόξα παλίντονα καὶ δόρυ μακρόν· ### book 10.460 καὶ τά γ’ Ἀθηναίῃ ληΐτιδι δῖος Ὀδυσσεὺς ### book 10.461 ὑψός’ ἀνέσχεθε χειρὶ καὶ εὐχόμενος ἔπος ηὔδα· ### book 10.462 χαῖρε θεὰ τοῖσδεσσι· σὲ γὰρ πρώτην ἐν Ὀλύμπῳ ### book 10.463 πάντων ἀθανάτων ἐπιδωσόμεθ’· ἀλλὰ καὶ αὖτις ### book 10.464 πέμψον ἐπὶ Θρῃκῶν ἀνδρῶν ἵππους τε καὶ εὐνάς. ### book 10.465 Ὣς ἄρ’ ἐφώνησεν, καὶ ἀπὸ ἕθεν ὑψός’ ἀείρας ### book 10.466 θῆκεν ἀνὰ μυρίκην· δέελον δ’ ἐπὶ σῆμά τ’ ἔθηκε ### book 10.467 συμμάρψας δόνακας μυρίκης τ’ ἐριθηλέας ὄζους, ### book 10.468 μὴ λάθοι αὖτις ἰόντε θοὴν διὰ νύκτα μέλαιναν. ### book 10.469 τὼ δὲ βάτην προτέρω διά τ’ ἔντεα καὶ μέλαν αἷμα, ### book 10.470 αἶψα δ’ ἐπὶ Θρῃκῶν ἀνδρῶν τέλος ἷξον ἰόντες. ### book 10.471 οἳ δ’ εὗδον καμάτῳ ἀδηκότες, ἔντεα δέ σφιν ### book 10.472 καλὰ παρ’ αὐτοῖσι χθονὶ κέκλιτο εὖ κατὰ κόσμον ### book 10.473 τριστοιχί· παρὰ δέ σφιν ἑκάστῳ δίζυγες ἵπποι. ### book 10.474 Ῥῆσος δ’ ἐν μέσῳ εὗδε, παρ’ αὐτῷ δ’ ὠκέες ἵπποι ### book 10.475 ἐξ ἐπιδιφριάδος πυμάτης ἱμᾶσι δέδεντο. ### book 10.476 τὸν δ’ Ὀδυσεὺς προπάροιθεν ἰδὼν Διομήδεϊ δεῖξεν· ### book 10.477 οὗτός τοι Διόμηδες ἀνήρ, οὗτοι δέ τοι ἵπποι, ### book 10.478 οὓς νῶϊν πίφαυσκε Δόλων ὃν ἐπέφνομεν ἡμεῖς. ### book 10.479 ἀλλ’ ἄγε δὴ πρόφερε κρατερὸν μένος· οὐδέ τί σε χρὴ ### book 10.480 ἑστάμεναι μέλεον σὺν τεύχεσιν, ἀλλὰ λύ’ ἵππους· ### book 10.481 ἠὲ σύ γ’ ἄνδρας ἔναιρε, μελήσουσιν δ’ ἐμοὶ ἵπποι. ### book 10.482 Ὣς φάτο, τῷ δ’ ἔμπνευσε μένος γλαυκῶπις Ἀθήνη, ### book 10.483 κτεῖνε δ’ ἐπιστροφάδην· τῶν δὲ στόνος ὄρνυτ’ ἀεικὴς ### book 10.484 ἄορι θεινομένων, ἐρυθαίνετο δ’ αἵματι γαῖα. ### book 10.485 ὡς δὲ λέων μήλοισιν ἀσημάντοισιν ἐπελθὼν ### book 10.486 αἴγεσιν ἢ ὀΐεσσι κακὰ φρονέων ἐνορούσῃ, ### book 10.487 ὣς μὲν Θρήϊκας ἄνδρας ἐπῴχετο Τυδέος υἱὸς ### book 10.488 ὄφρα δυώδεκ’ ἔπεφνεν· ἀτὰρ πολύμητις Ὀδυσσεὺς ### book 10.489 ὅν τινα Τυδεΐδης ἄορι πλήξειε παραστὰς ### book 10.490 τὸν δ’ Ὀδυσεὺς μετόπισθε λαβὼν ποδὸς ἐξερύσασκε, ### book 10.491 τὰ φρονέων κατὰ θυμὸν ὅπως καλλίτριχες ἵπποι ### book 10.492 ῥεῖα διέλθοιεν μηδὲ τρομεοίατο θυμῷ ### book 10.493 νεκροῖς ἀμβαίνοντες· ἀήθεσσον γὰρ ἔτ’ αὐτῶν. ### book 10.494 ἀλλ’ ὅτε δὴ βασιλῆα κιχήσατο Τυδέος υἱός, ### book 10.495 τὸν τρισκαιδέκατον μελιηδέα θυμὸν ἀπηύρα ### book 10.496 ἀσθμαίνοντα· κακὸν γὰρ ὄναρ κεφαλῆφιν ἐπέστη ### book 10.497 τὴν νύκτ’ Οἰνεΐδαο πάϊς διὰ μῆτιν Ἀθήνης. ### book 10.498 τόφρα δ’ ἄρ’ ὃ τλήμων Ὀδυσεὺς λύε μώνυχας ἵππους, ### book 10.499 σὺν δ’ ἤειρεν ἱμᾶσι καὶ ἐξήλαυνεν ὁμίλου ### book 10.500 τόξῳ ἐπιπλήσσων, ἐπεὶ οὐ μάστιγα φαεινὴν ### book 10.501 ποικίλου ἐκ δίφροιο νοήσατο χερσὶν ἑλέσθαι· ### book 10.502 ῥοίζησεν δ’ ἄρα πιφαύσκων Διομήδεϊ δίῳ. ### book 10.503 Αὐτὰρ ὃ μερμήριζε μένων ὅ τι κύντατον ἕρδοι, ### book 10.504 ἢ ὅ γε δίφρον ἑλών, ὅθι ποικίλα τεύχε’ ἔκειτο, ### book 10.505 ῥυμοῦ ἐξερύοι ἢ ἐκφέροι ὑψός’ ἀείρας, ### book 10.506 ἦ ἔτι τῶν πλεόνων Θρῃκῶν ἀπὸ θυμὸν ἕλοιτο. ### book 10.507 εἷος ὃ ταῦθ’ ὥρμαινε κατὰ φρένα, τόφρα δ’ Ἀθήνη ### book 10.508 ἐγγύθεν ἱσταμένη προσέφη Διομήδεα δῖον· ### book 10.509 νόστου δὴ μνῆσαι μεγαθύμου Τυδέος υἱὲ ### book 10.510 νῆας ἔπι γλαφυράς, μὴ καὶ πεφοβημένος ἔλθῃς, ### book 10.511 μή πού τις καὶ Τρῶας ἐγείρῃσιν θεὸς ἄλλος. ### book 10.512 Ὣς φάθ’, ὃ δὲ ξυνέηκε θεᾶς ὄπα φωνησάσης, ### book 10.513 καρπαλίμως δ’ ἵππων ἐπεβήσετο· κόψε δ’ Ὀδυσσεὺς ### book 10.514 τόξῳ· τοὶ δ’ ἐπέτοντο θοὰς ἐπὶ νῆας Ἀχαιῶν. ### book 10.515 Οὐδ’ ἀλαοσκοπιὴν εἶχ’ ἀργυρότοξος Ἀπόλλων ### book 10.516 ὡς ἴδ’ Ἀθηναίην μετὰ Τυδέος υἱὸν ἕπουσαν· ### book 10.517 τῇ κοτέων Τρώων κατεδύσετο πουλὺν ὅμιλον, ### book 10.518 ὦρσεν δὲ Θρῃκῶν βουληφόρον Ἱπποκόωντα ### book 10.519 Ῥήσου ἀνεψιὸν ἐσθλόν· ὃ δ’ ἐξ ὕπνου ἀνορούσας ### book 10.520 ὡς ἴδε χῶρον ἐρῆμον, ὅθ’ ἕστασαν ὠκέες ἵπποι, ### book 10.521 ἄνδράς τ’ ἀσπαίροντας ἐν ἀργαλέῃσι φονῇσιν, ### book 10.522 ᾤμωξέν τ’ ἄρ’ ἔπειτα φίλον τ’ ὀνόμηνεν ἑταῖρον. ### book 10.523 Τρώων δὲ κλαγγή τε καὶ ἄσπετος ὦρτο κυδοιμὸς ### book 10.524 θυνόντων ἄμυδις· θηεῦντο δὲ μέρμερα ἔργα ### book 10.525 ὅσς’ ἄνδρες ῥέξαντες ἔβαν κοίλας ἐπὶ νῆας. ### book 10.526 Οἳ δ’ ὅτε δή ῥ’ ἵκανον ὅθι σκοπὸν Ἕκτορος ἔκταν, ### book 10.527 ἔνθ’ Ὀδυσεὺς μὲν ἔρυξε Διῒ φίλος ὠκέας ἵππους, ### book 10.528 Τυδεΐδης δὲ χαμᾶζε θορὼν ἔναρα βροτόεντα ### book 10.529 ἐν χείρεσς’ Ὀδυσῆϊ τίθει, ἐπεβήσετο δ’ ἵππων· ### book 10.530 μάστιξεν δ’ ἵππους, τὼ δ’ οὐκ ἀέκοντε πετέσθην ### book 10.531 νῆας ἔπι γλαφυράς· τῇ γὰρ φίλον ἔπλετο θυμῷ. ### book 10.532 Νέστωρ δὲ πρῶτος κτύπον ἄϊε φώνησέν τε· ### book 10.533 ὦ φίλοι Ἀργείων ἡγήτορες ἠδὲ μέδοντες ### book 10.534 ψεύσομαι, ἦ ἔτυμον ἐρέω; κέλεται δέ με θυμός. ### book 10.535 ἵππων μ’ ὠκυπόδων ἀμφὶ κτύπος οὔατα βάλλει. ### book 10.536 αἲ γὰρ δὴ Ὀδυσεύς τε καὶ ὃ κρατερὸς Διομήδης ### book 10.537 ὧδ’ ἄφαρ ἐκ Τρώων ἐλασαίατο μώνυχας ἵππους· ### book 10.538 ἀλλ’ αἰνῶς δείδοικα κατὰ φρένα μή τι πάθωσιν ### book 10.539 Ἀργείων οἳ ἄριστοι ὑπὸ Τρώων ὀρυμαγδοῦ. ### book 10.540 Οὔ πω πᾶν εἴρητο ἔπος ὅτ’ ἄρ’ ἤλυθον αὐτοί. ### book 10.541 καί ῥ’ οἳ μὲν κατέβησαν ἐπὶ χθόνα, τοὶ δὲ χαρέντες ### book 10.542 δεξιῇ ἠσπάζοντο ἔπεσσί τε μειλιχίοισι· ### book 10.543 πρῶτος δ’ ἐξερέεινε Γερήνιος ἱππότα Νέστωρ· ### book 10.544 εἴπ’ ἄγε μ’ ὦ πολύαιν’ Ὀδυσεῦ μέγα κῦδος Ἀχαιῶν ### book 10.545 ὅππως τοῦσδ’ ἵππους λάβετον καταδύντες ὅμιλον ### book 10.546 Τρώων, ἦ τίς σφωε πόρεν θεὸς ἀντιβολήσας. ### book 10.547 αἰνῶς ἀκτίνεσσιν ἐοικότες ἠελίοιο. ### book 10.548 αἰεὶ μὲν Τρώεσς’ ἐπιμίσγομαι, οὐδέ τί φημι ### book 10.549 μιμνάζειν παρὰ νηυσὶ γέρων περ ἐὼν πολεμιστής· ### book 10.550 ἀλλ’ οὔ πω τοίους ἵππους ἴδον οὐδὲ νοήσα. ### book 10.551 ἀλλά τιν’ ὔμμ’ ὀΐω δόμεναι θεὸν ἀντιάσαντα· ### book 10.552 ἀμφοτέρω γὰρ σφῶϊ φιλεῖ νεφεληγερέτα Ζεὺς ### book 10.553 κούρη τ’ αἰγιόχοιο Διὸς γλαυκῶπις Ἀθήνη. ### book 10.554 Τὸν δ’ ἀπαμειβόμενος προσέφη πολύμητις Ὀδυσσεύς· ### book 10.555 ὦ Νέστορ Νηληϊάδη μέγα κῦδος Ἀχαιῶν ### book 10.556 ῥεῖα θεός γ’ ἐθέλων καὶ ἀμείνονας ἠέ περ οἷδε ### book 10.557 ἵππους δωρήσαιτ’, ἐπεὶ ἢ πολὺ φέρτεροί εἰσιν. ### book 10.558 ἵπποι δ’ οἷδε γεραιὲ νεήλυδες οὓς ἐρεείνεις ### book 10.559 Θρηΐκιοι· τὸν δέ σφιν ἄνακτ’ ἀγαθὸς Διομήδης ### book 10.560 ἔκτανε, πὰρ δ’ ἑτάρους δυοκαίδεκα πάντας ἀρίστους. ### book 10.561 τὸν τρισκαιδέκατον σκοπὸν εἵλομεν ἐγγύθι νηῶν, ### book 10.562 τόν ῥα διοπτῆρα στρατοῦ ἔμμεναι ἡμετέροιο ### book 10.563 Ἕκτωρ τε προέηκε καὶ ἄλλοι Τρῶες ἀγαυοί. ### book 10.564 Ὣς εἰπὼν τάφροιο διήλασε μώνυχας ἵππους ### book 10.565 καγχαλόων· ἅμα δ’ ἄλλοι ἴσαν χαίροντες Ἀχαιοί. ### book 10.566 οἳ δ’ ὅτε Τυδεΐδεω κλισίην εὔτυκτον ἵκοντο, ### book 10.567 ἵππους μὲν κατέδησαν ἐϋτμήτοισιν ἱμᾶσι ### book 10.568 φάτνῃ ἐφ’ ἱππείῃ, ὅθι περ Διομήδεος ἵπποι ### book 10.569 ἕστασαν ὠκύποδες μελιηδέα πυρὸν ἔδοντες· ### book 10.570 νηῒ δ’ ἐνὶ πρυμνῇ ἔναρα βροτόεντα Δόλωνος ### book 10.571 θῆκ’ Ὀδυσεύς, ὄφρ’ ἱρὸν ἑτοιμασσαίατ’ Ἀθήνῃ. ### book 10.572 αὐτοὶ δ’ ἱδρῶ πολλὸν ἀπενίζοντο θαλάσσῃ ### book 10.573 ἐσβάντες κνήμας τε ἰδὲ λόφον ἀμφί τε μηρούς. ### book 10.574 αὐτὰρ ἐπεί σφιν κῦμα θαλάσσης ἱδρῶ πολλὸν ### book 10.575 νίψεν ἀπὸ χρωτὸς καὶ ἀνέψυχθεν φίλον ἦτορ, ### book 10.576 ἔς ῥ’ ἀσαμίνθους βάντες ἐϋξέστας λούσαντο. ### book 10.577 τὼ δὲ λοεσσαμένω καὶ ἀλειψαμένω λίπ’ ἐλαίῳ ### book 10.578 δείπνῳ ἐφιζανέτην, ἀπὸ δὲ κρητῆρος Ἀθήνῃ ### book 10.579 πλείου ἀφυσσόμενοι λεῖβον μελιηδέα οἶνον. ### book 11.1 Ἠὼς δ’ ἐκ λεχέων παρ’ ἀγαυοῦ Τιθωνοῖο ### book 11.2 ὄρνυθ’, ἵν’ ἀθανάτοισι φόως φέροι ἠδὲ βροτοῖσι· ### book 11.3 Ζεὺς δ’ Ἔριδα προΐαλλε θοὰς ἐπὶ νῆας Ἀχαιῶν ### book 11.4 ἀργαλέην, πολέμοιο τέρας μετὰ χερσὶν ἔχουσαν. ### book 11.5 στῆ δ’ ἐπ’ Ὀδυσσῆος μεγακήτεϊ νηῒ μελαίνῃ, ### book 11.6 ἥ ῥ’ ἐν μεσσάτῳ ἔσκε γεγωνέμεν ἀμφοτέρωσε, ### book 11.7 ἠμὲν ἐπ’ Αἴαντος κλισίας Τελαμωνιάδαο ### book 11.8 ἠδ’ ἐπ’ Ἀχιλλῆος, τοί ῥ’ ἔσχατα νῆας ἐΐσας ### book 11.9 εἴρυσαν ἠνορέῃ πίσυνοι καὶ κάρτεϊ χειρῶν ### book 11.10 ἔνθα στᾶς’ ἤϋσε θεὰ μέγα τε δεινόν τε ### book 11.11 ὄρθι’, Ἀχαιοῖσιν δὲ μέγα σθένος ἔμβαλ’ ἑκάστῳ ### book 11.12 καρδίῃ ἄληκτον πολεμίζειν ἠδὲ μάχεσθαι. ### book 11.13 τοῖσι δ’ ἄφαρ πόλεμος γλυκίων γένετ’ ἠὲ νέεσθαι ### book 11.14 ἐν νηυσὶ γλαφυρῇσι φίλην ἐς πατρίδα γαῖαν. ### book 11.15 Ἀτρεΐδης δ’ ἐβόησεν ἰδὲ ζώννυσθαι ἄνωγεν ### book 11.16 Ἀργείους· ἐν δ’ αὐτὸς ἐδύσετο νώροπα χαλκόν. ### book 11.17 κνημῖδας μὲν πρῶτα περὶ κνήμῃσιν ἔθηκε ### book 11.18 καλὰς ἀργυρέοισιν ἐπισφυρίοις ἀραρυίας· ### book 11.19 δεύτερον αὖ θώρηκα περὶ στήθεσσιν ἔδυνε, ### book 11.20 τόν ποτέ οἱ Κινύρης δῶκε ξεινήϊον εἶναι. ### book 11.21 πεύθετο γὰρ Κύπρον δὲ μέγα κλέος οὕνεκ’ Ἀχαιοὶ ### book 11.22 ἐς Τροίην νήεσσιν ἀναπλεύσεσθαι ἔμελλον· ### book 11.23 τοὔνεκά οἱ τὸν δῶκε χαριζόμενος βασιλῆϊ. ### book 11.24 τοῦ δ’ ἤτοι δέκα οἶμοι ἔσαν μέλανος κυάνοιο, ### book 11.25 δώδεκα δὲ χρυσοῖο καὶ εἴκοσι κασσιτέροιο· ### book 11.26 κυάνεοι δὲ δράκοντες ὀρωρέχατο προτὶ δειρὴν ### book 11.27 τρεῖς ἑκάτερθ’ ἴρισσιν ἐοικότες, ἅς τε Κρονίων ### book 11.28 ἐν νέφεϊ στήριξε, τέρας μερόπων ἀνθρώπων. ### book 11.29 ἀμφὶ δ’ ἄρ’ ὤμοισιν βάλετο ξίφος· ἐν δέ οἱ ἧλοι ### book 11.30 χρύσειοι πάμφαινον, ἀτὰρ περὶ κουλεὸν ἦεν ### book 11.31 ἀργύρεον χρυσέοισιν ἀορτήρεσσιν ἀρηρός. ### book 11.32 ἂν δ’ ἕλετ’ ἀμφιβρότην πολυδαίδαλον ἀσπίδα θοῦριν ### book 11.33 καλήν, ἣν πέρι μὲν κύκλοι δέκα χάλκεοι ἦσαν, ### book 11.34 ἐν δέ οἱ ὀμφαλοὶ ἦσαν ἐείκοσι κασσιτέροιο ### book 11.35 λευκοί, ἐν δὲ μέσοισιν ἔην μέλανος κυάνοιο. ### book 11.36 τῇ δ’ ἐπὶ μὲν Γοργὼ βλοσυρῶπις ἐστεφάνωτο ### book 11.37 δεινὸν δερκομένη, περὶ δὲ Δεῖμός τε Φόβος τε. ### book 11.38 τῆς δ’ ἐξ ἀργύρεος τελαμὼν ἦν· αὐτὰρ ἐπ’ αὐτοῦ ### book 11.39 κυάνεος ἐλέλικτο δράκων, κεφαλαὶ δέ οἱ ἦσαν ### book 11.40 τρεῖς ἀμφιστρεφέες ἑνὸς αὐχένος ἐκπεφυυῖαι. ### book 11.41 κρατὶ δ’ ἐπ’ ἀμφίφαλον κυνέην θέτο τετραφάληρον ### book 11.42 ἵππουριν· δεινὸν δὲ λόφος καθύπερθεν ἔνευεν. ### book 11.43 εἵλετο δ’ ἄλκιμα δοῦρε δύω κεκορυθμένα χαλκῷ ### book 11.44 ὀξέα· τῆλε δὲ χαλκὸς ἀπ’ αὐτόφιν οὐρανὸν εἴσω ### book 11.45 λάμπ’· ἐπὶ δ’ ἐγδούπησαν Ἀθηναίη τε καὶ Ἥρη ### book 11.46 τιμῶσαι βασιλῆα πολυχρύσοιο Μυκήνης. ### book 11.47 Ἡνιόχῳ μὲν ἔπειτα ἑῷ ἐπέτελλεν ἕκαστος ### book 11.48 ἵππους εὖ κατὰ κόσμον ἐρυκέμεν αὖθ’ ἐπὶ τάφρῳ, ### book 11.49 αὐτοὶ δὲ πρυλέες σὺν τεύχεσι θωρηχθέντες ### book 11.50 ῥώοντ’· ἄσβεστος δὲ βοὴ γένετ’ ἠῶθι πρό. ### book 11.51 φθὰν δὲ μέγ’ ἱππήων ἐπὶ τάφρῳ κοσμηθέντες, ### book 11.52 ἱππῆες δ’ ὀλίγον μετεκίαθον· ἐν δὲ κυδοιμὸν ### book 11.53 ὦρσε κακὸν Κρονίδης, κατὰ δ’ ὑψόθεν ἧκεν ἐέρσας ### book 11.54 αἵματι μυδαλέας ἐξ αἰθέρος, οὕνεκ’ ἔμελλε ### book 11.55 πολλὰς ἰφθίμους κεφαλὰς Ἄϊδι προϊάψειν. ### book 11.56 Τρῶες δ’ αὖθ’ ἑτέρωθεν ἐπὶ θρωσμῷ πεδίοιο ### book 11.57 Ἕκτορά τ’ ἀμφὶ μέγαν καὶ ἀμύμονα Πουλυδάμαντα ### book 11.58 Αἰνείαν θ’, ὃς Τρωσὶ θεὸς ὣς τίετο δήμῳ, ### book 11.59 τρεῖς τ’ Ἀντηνορίδας Πόλυβον καὶ Ἀγήνορα δῖον ### book 11.60 ἠΐθεόν τ’ Ἀκάμαντ’ ἐπιείκελον ἀθανάτοισιν. ### book 11.61 Ἕκτωρ δ’ ἐν πρώτοισι φέρ’ ἀσπίδα πάντος’ ἐΐσην, ### book 11.62 οἷος δ’ ἐκ νεφέων ἀναφαίνεται οὔλιος ἀστὴρ ### book 11.63 παμφαίνων, τοτὲ δ’ αὖτις ἔδυ νέφεα σκιόεντα, ### book 11.64 ὣς Ἕκτωρ ὁτὲ μέν τε μετὰ πρώτοισι φάνεσκεν, ### book 11.65 ἄλλοτε δ’ ἐν πυμάτοισι κελεύων· πᾶς δ’ ἄρα χαλκῷ ### book 11.66 λάμφ’ ὥς τε στεροπὴ πατρὸς Διὸς αἰγιόχοιο. ### book 11.67 Οἳ δ’, ὥς τ’ ἀμητῆρες ἐναντίοι ἀλλήλοισιν ### book 11.68 ὄγμον ἐλαύνωσιν ἀνδρὸς μάκαρος κατ’ ἄρουραν ### book 11.69 πυρῶν ἢ κριθῶν· τὰ δὲ δράγματα ταρφέα πίπτει· ### book 11.70 ὣς Τρῶες καὶ Ἀχαιοὶ ἐπ’ ἀλλήλοισι θορόντες ### book 11.71 δῄουν, οὐδ’ ἕτεροι μνώοντ’ ὀλοοῖο φόβοιο. ### book 11.72 ἴσας δ’ ὑσμίνη κεφαλὰς ἔχεν, οἳ δὲ λύκοι ὣς ### book 11.73 θῦνον· Ἔρις δ’ ἄρ’ ἔχαιρε πολύστονος εἰσορόωσα· ### book 11.74 οἴη γάρ ῥα θεῶν παρετύγχανε μαρναμένοισιν, ### book 11.75 οἳ δ’ ἄλλοι οὔ σφιν πάρεσαν θεοί, ἀλλὰ ἕκηλοι ### book 11.76 σφοῖσιν ἐνὶ μεγάροισι καθήατο, ἧχι ἑκάστῳ ### book 11.77 δώματα καλὰ τέτυκτο κατὰ πτύχας Οὐλύμποιο. ### book 11.78 πάντες δ’ ᾐτιόωντο κελαινεφέα Κρονίωνα ### book 11.79 οὕνεκ’ ἄρα Τρώεσσιν ἐβούλετο κῦδος ὀρέξαι. ### book 11.80 τῶν μὲν ἄρ’ οὐκ ἀλέγιζε πατήρ· ὃ δὲ νόσφι λιασθεὶς ### book 11.81 τῶν ἄλλων ἀπάνευθε καθέζετο κύδεϊ γαίων ### book 11.82 εἰσορόων Τρώων τε πόλιν καὶ νῆας Ἀχαιῶν ### book 11.83 χαλκοῦ τε στεροπήν, ὀλλύντάς τ’ ὀλλυμένους τε. ### book 11.84 Ὄφρα μὲν ἠὼς ἦν καὶ ἀέξετο ἱερὸν ἦμαρ, ### book 11.85 τόφρα μάλ’ ἀμφοτέρων βέλε’ ἥπτετο, πῖπτε δὲ λαός· ### book 11.86 ἦμος δὲ δρυτόμος περ ἀνὴρ ὁπλίσσατο δεῖπνον ### book 11.87 οὔρεος ἐν βήσσῃσιν, ἐπεί τ’ ἐκορέσσατο χεῖρας ### book 11.88 τάμνων δένδρεα μακρά, ἅδος τέ μιν ἵκετο θυμόν, ### book 11.89 σίτου τε γλυκεροῖο περὶ φρένας ἵμερος αἱρεῖ, ### book 11.90 τῆμος σφῇ ἀρετῇ Δαναοὶ ῥήξαντο φάλαγγας ### book 11.91 κεκλόμενοι ἑτάροισι κατὰ στίχας· ἐν δ’ Ἀγαμέμνων ### book 11.92 πρῶτος ὄρους’, ἕλε δ’ ἄνδρα Βιάνορα ποιμένα λαῶν ### book 11.93 αὐτόν, ἔπειτα δ’ ἑταῖρον Ὀϊλῆα πλήξιππον. ### book 11.94 ἤτοι ὅ γ’ ἐξ ἵππων κατεπάλμενος ἀντίος ἔστη· ### book 11.95 τὸν δ’ ἰθὺς μεμαῶτα μετώπιον ὀξέϊ δουρὶ ### book 11.96 νύξ’, οὐδὲ στεφάνη δόρυ οἱ σχέθε χαλκοβάρεια, ### book 11.97 ἀλλὰ δι’ αὐτῆς ἦλθε καὶ ὀστέου, ἐγκέφαλος δὲ ### book 11.98 ἔνδον ἅπας πεπάλακτο· δάμασσε δέ μιν μεμαῶτα. ### book 11.99 καὶ τοὺς μὲν λίπεν αὖθι ἄναξ ἀνδρῶν Ἀγαμέμνων ### book 11.100 στήθεσι παμφαίνοντας, ἐπεὶ περίδυσε χιτῶνας· ### book 11.101 αὐτὰρ ὃ βῆ Ἶσόν τε καὶ Ἄντιφον ἐξεναρίξων ### book 11.102 υἷε δύω Πριάμοιο νόθον καὶ γνήσιον ἄμφω ### book 11.103 εἰν ἑνὶ δίφρῳ ἐόντας· ὃ μὲν νόθος ἡνιόχευεν, ### book 11.104 Ἄντιφος αὖ παρέβασκε περικλυτός· ὥ ποτ’ Ἀχιλλεὺς ### book 11.105 Ἴδης ἐν κνημοῖσι δίδη μόσχοισι λύγοισι, ### book 11.106 ποιμαίνοντ’ ἐπ’ ὄεσσι λαβών, καὶ ἔλυσεν ἀποίνων. ### book 11.107 δὴ τότε γ’ Ἀτρεΐδης εὐρὺ κρείων Ἀγαμέμνων ### book 11.108 τὸν μὲν ὑπὲρ μαζοῖο κατὰ στῆθος βάλε δουρί, ### book 11.109 Ἄντιφον αὖ παρὰ οὖς ἔλασε ξίφει, ἐκ δ’ ἔβαλ’ ἵππων. ### book 11.110 σπερχόμενος δ’ ἀπὸ τοῖιν ἐσύλα τεύχεα καλὰ ### book 11.111 γιγνώσκων· καὶ γάρ σφε πάρος παρὰ νηυσὶ θοῇσιν ### book 11.112 εἶδεν, ὅτ’ ἐξ Ἴδης ἄγαγεν πόδας ὠκὺς Ἀχιλλεύς. ### book 11.113 ὡς δὲ λέων ἐλάφοιο ταχείης νήπια τέκνα ### book 11.114 ῥηϊδίως συνέαξε λαβὼν κρατεροῖσιν ὀδοῦσιν ### book 11.115 ἐλθὼν εἰς εὐνήν, ἁπαλόν τέ σφ’ ἦτορ ἀπηύρα· ### book 11.116 ἣ δ’ εἴ πέρ τε τύχῃσι μάλα σχεδόν, οὐ δύναταί σφι ### book 11.117 χραισμεῖν· αὐτὴν γάρ μιν ὑπὸ τρόμος αἰνὸς ἱκάνει· ### book 11.118 καρπαλίμως δ’ ἤϊξε διὰ δρυμὰ πυκνὰ καὶ ὕλην ### book 11.119 σπεύδους’ ἱδρώουσα κραταιοῦ θηρὸς ὑφ’ ὁρμῆς· ### book 11.120 ὣς ἄρα τοῖς οὔ τις δύνατο χραισμῆσαι ὄλεθρον ### book 11.121 Τρώων, ἀλλὰ καὶ αὐτοὶ ὑπ’ Ἀργείοισι φέβοντο. ### book 11.122 Αὐτὰρ ὃ Πείσανδρόν τε καὶ Ἱππόλοχον μενεχάρμην ### book 11.123 υἱέας Ἀντιμάχοιο δαΐφρονος, ὅς ῥα μάλιστα ### book 11.124 χρυσὸν Ἀλεξάνδροιο δεδεγμένος ἀγλαὰ δῶρα ### book 11.125 οὐκ εἴασχ’ Ἑλένην δόμεναι ξανθῷ Μενελάῳ, ### book 11.126 τοῦ περ δὴ δύο παῖδε λάβε κρείων Ἀγαμέμνων ### book 11.127 εἰν ἑνὶ δίφρῳ ἐόντας, ὁμοῦ δ’ ἔχον ὠκέας ἵππους· ### book 11.128 ἐκ γάρ σφεας χειρῶν φύγον ἡνία σιγαλόεντα, ### book 11.129 τὼ δὲ κυκηθήτην· ὃ δ’ ἐναντίον ὦρτο λέων ὣς ### book 11.130 Ἀτρεΐδης· τὼ δ’ αὖτ’ ἐκ δίφρου γουναζέσθην· ### book 11.131 ζώγρει Ἀτρέος υἱέ, σὺ δ’ ἄξια δέξαι ἄποινα· ### book 11.132 πολλὰ δ’ ἐν Ἀντιμάχοιο δόμοις κειμήλια κεῖται ### book 11.133 χαλκός τε χρυσός τε πολύκμητός τε σίδηρος, ### book 11.134 τῶν κέν τοι χαρίσαιτο πατὴρ ἀπερείσι’ ἄποινα, ### book 11.135 εἰ νῶϊ ζωοὺς πεπύθοιτ’ ἐπὶ νηυσὶν Ἀχαιῶν. ### book 11.136 Ὣς τώ γε κλαίοντε προσαυδήτην βασιλῆα ### book 11.137 μειλιχίοις ἐπέεσσιν· ἀμείλικτον δ’ ὄπ’ ἄκουσαν· ### book 11.138 εἰ μὲν δὴ Ἀντιμάχοιο δαΐφρονος υἱέες ἐστόν, ### book 11.139 ὅς ποτ’ ἐνὶ Τρώων ἀγορῇ Μενέλαον ἄνωγεν ### book 11.140 ἀγγελίην ἐλθόντα σὺν ἀντιθέῳ Ὀδυσῆϊ ### book 11.141 αὖθι κατακτεῖναι μηδ’ ἐξέμεν ἂψ ἐς Ἀχαιούς, ### book 11.142 νῦν μὲν δὴ τοῦ πατρὸς ἀεικέα τίσετε λώβην. ### book 11.143 Ἦ, καὶ Πείσανδρον μὲν ἀφ’ ἵππων ὦσε χαμᾶζε ### book 11.144 δουρὶ βαλὼν πρὸς στῆθος· ὃ δ’ ὕπτιος οὔδει ἐρείσθη. ### book 11.145 Ἱππόλοχος δ’ ἀπόρουσε, τὸν αὖ χαμαὶ ἐξενάριξε ### book 11.146 χεῖρας ἀπὸ ξίφεϊ τμήξας ἀπό τ’ αὐχένα κόψας, ### book 11.147 ὅλμον δ’ ὣς ἔσσευε κυλίνδεσθαι δι’ ὁμίλου. ### book 11.148 τοὺς μὲν ἔας’· ὃ δ’ ὅθι πλεῖσται κλονέοντο φάλαγγες, ### book 11.149 τῇ ῥ’ ἐνόρους’, ἅμα δ’ ἄλλοι ἐϋκνήμιδες Ἀχαιοί. ### book 11.150 πεζοὶ μὲν πεζοὺς ὄλεκον φεύγοντας ἀνάγκῃ, ### book 11.151 ἱππεῖς δ’ ἱππῆας· ὑπὸ δέ σφισιν ὦρτο κονίη ### book 11.152 ἐκ πεδίου, τὴν ὦρσαν ἐρίγδουποι πόδες ἵππων ### book 11.153 χαλκῷ δηϊόωντες· ἀτὰρ κρείων Ἀγαμέμνων ### book 11.154 αἰὲν ἀποκτείνων ἕπετ’ Ἀργείοισι κελεύων. ### book 11.155 ὡς δ’ ὅτε πῦρ ἀΐδηλον ἐν ἀξύλῳ ἐμπέσῃ ὕλῃ, ### book 11.156 πάντῃ τ’ εἰλυφόων ἄνεμος φέρει, οἳ δέ τε θάμνοι ### book 11.157 πρόρριζοι πίπτουσιν ἐπειγόμενοι πυρὸς ὁρμῇ· ### book 11.158 ὣς ἄρ’ ὑπ’ Ἀτρεΐδῃ Ἀγαμέμνονι πῖπτε κάρηνα ### book 11.159 Τρώων φευγόντων, πολλοὶ δ’ ἐριαύχενες ἵπποι ### book 11.160 κείν’ ὄχεα κροτάλιζον ἀνὰ πτολέμοιο γεφύρας ### book 11.161 ἡνιόχους ποθέοντες ἀμύμονας· οἳ δ’ ἐπὶ γαίῃ ### book 11.162 κείατο, γύπεσσιν πολὺ φίλτεροι ἢ ἀλόχοισιν. ### book 11.163 Ἕκτορα δ’ ἐκ βελέων ὕπαγε Ζεὺς ἔκ τε κονίης ### book 11.164 ἔκ τ’ ἀνδροκτασίης ἔκ θ’ αἵματος ἔκ τε κυδοιμοῦ· ### book 11.165 Ἀτρεΐδης δ’ ἕπετο σφεδανὸν Δαναοῖσι κελεύων. ### book 11.166 οἳ δὲ παρ’ Ἴλου σῆμα παλαιοῦ Δαρδανίδαο ### book 11.167 μέσσον κὰπ πεδίον παρ’ ἐρινεὸν ἐσσεύοντο ### book 11.168 ἱέμενοι πόλιος· ὃ δὲ κεκλήγων ἕπετ’ αἰεὶ ### book 11.169 Ἀτρεΐδης, λύθρῳ δὲ παλάσσετο χεῖρας ἀάπτους. ### book 11.170 ἀλλ’ ὅτε δὴ Σκαιάς τε πύλας καὶ φηγὸν ἵκοντο, ### book 11.171 ἔνθ’ ἄρα δὴ ἵσταντο καὶ ἀλλήλους ἀνέμιμνον. ### book 11.172 οἳ δ’ ἔτι κὰμ μέσσον πεδίον φοβέοντο βόες ὥς, ### book 11.173 ἅς τε λέων ἐφόβησε μολὼν ἐν νυκτὸς ἀμολγῷ ### book 11.174 πάσας· τῇ δέ τ’ ἰῇ ἀναφαίνεται αἰπὺς ὄλεθρος· ### book 11.175 τῆς δ’ ἐξ αὐχέν’ ἔαξε λαβὼν κρατεροῖσιν ὀδοῦσι ### book 11.176 πρῶτον, ἔπειτα δέ θ’ αἷμα καὶ ἔγκατα πάντα λαφύσσει· ### book 11.177 ὣς τοὺς Ἀτρεΐδης ἔφεπε κρείων Ἀγαμέμνων ### book 11.178 αἰὲν ἀποκτείνων τὸν ὀπίστατον· οἳ δ’ ἐφέβοντο. ### book 11.179 πολλοὶ δὲ πρηνεῖς τε καὶ ὕπτιοι ἔκπεσον ἵππων ### book 11.180 Ἀτρεΐδεω ὑπὸ χερσί· περὶ πρὸ γὰρ ἔγχεϊ θῦεν. ### book 11.181 ἀλλ’ ὅτε δὴ τάχ’ ἔμελλεν ὑπὸ πτόλιν αἰπύ τε τεῖχος ### book 11.182 ἵξεσθαι, τότε δή ῥα πατὴρ ἀνδρῶν τε θεῶν τε ### book 11.183 Ἴδης ἐν κορυφῇσι καθέζετο πιδηέσσης ### book 11.184 οὐρανόθεν καταβάς· ἔχε δ’ ἀστεροπὴν μετὰ χερσίν. ### book 11.185 Ἶριν δ’ ὄτρυνε χρυσόπτερον ἀγγελέουσαν· ### book 11.186 βάσκ’ ἴθι Ἶρι ταχεῖα, τὸν Ἕκτορι μῦθον ἐνίσπες· ### book 11.187 ὄφρ’ ἂν μέν κεν ὁρᾷ Ἀγαμέμνονα ποιμένα λαῶν ### book 11.188 θύνοντ’ ἐν προμάχοισιν ἐναίροντα στίχας ἀνδρῶν, ### book 11.189 τόφρ’ ἀναχωρείτω, τὸν δ’ ἄλλον λαὸν ἀνώχθω ### book 11.190 μάρνασθαι δηΐοισι κατὰ κρατερὴν ὑσμίνην. ### book 11.191 αὐτὰρ ἐπεί κ’ ἢ δουρὶ τυπεὶς ἢ βλήμενος ἰῷ ### book 11.192 εἰς ἵππους ἅλεται, τότε οἱ κράτος ἐγγυαλίξω ### book 11.193 κτείνειν εἰς ὅ κε νῆας ἐϋσσέλμους ἀφίκηται ### book 11.194 δύῃ τ’ ἠέλιος καὶ ἐπὶ κνέφας ἱερὸν ἔλθῃ. ### book 11.195 Ὣς ἔφατ’, οὐδ’ ἀπίθησε ποδήνεμος ὠκέα Ἶρις, ### book 11.196 βῆ δὲ κατ’ Ἰδαίων ὀρέων εἰς Ἴλιον ἱρήν. ### book 11.197 εὗρ’ υἱὸν Πριάμοιο δαΐφρονος Ἕκτορα δῖον ### book 11.198 ἑσταότ’ ἔν θ’ ἵπποισι καὶ ἅρμασι κολλητοῖσιν· ### book 11.199 ἀγχοῦ δ’ ἱσταμένη προσέφη πόδας ὠκέα Ἶρις· ### book 11.200 Ἕκτορ υἱὲ Πριάμοιο Διὶ μῆτιν ἀτάλαντε ### book 11.201 Ζεύς με πατὴρ προέηκε τεῒν τάδε μυθήσασθαι. ### book 11.202 ὄφρ’ ἂν μέν κεν ὁρᾷς Ἀγαμέμνονα ποιμένα λαῶν ### book 11.203 θύνοντ’ ἐν προμάχοισιν, ἐναίροντα στίχας ἀνδρῶν, ### book 11.204 τόφρ’ ὑπόεικε μάχης, τὸν δ’ ἄλλον λαὸν ἄνωχθι ### book 11.205 μάρνασθαι δηΐοισι κατὰ κρατερὴν ὑσμίνην. ### book 11.206 αὐτὰρ ἐπεί κ’ ἢ δουρὶ τυπεὶς ἢ βλήμενος ἰῷ ### book 11.207 εἰς ἵππους ἅλεται, τότε τοι κράτος ἐγγυαλίξει ### book 11.208 κτείνειν, εἰς ὅ κε νῆας ἐϋσσέλμους ἀφίκηαι ### book 11.209 δύῃ τ’ ἠέλιος καὶ ἐπὶ κνέφας ἱερὸν ἔλθῃ. ### book 11.210 ἣ μὲν ἄρ’ ὣς εἰποῦς’ ἀπέβη πόδας ὠκέα Ἶρις, ### book 11.211 Ἕκτωρ δ’ ἐξ ὀχέων σὺν τεύχεσιν ἆλτο χαμᾶζε, ### book 11.212 πάλλων δ’ ὀξέα δοῦρα κατὰ στρατὸν ᾤχετο πάντῃ ### book 11.213 ὀτρύνων μαχέσασθαι, ἔγειρε δὲ φύλοπιν αἰνήν. ### book 11.214 οἳ δ’ ἐλελίχθησαν καὶ ἐναντίοι ἔσταν Ἀχαιῶν, ### book 11.215 Ἀργεῖοι δ’ ἑτέρωθεν ἐκαρτύναντο φάλαγγας. ### book 11.216 ἀρτύνθη δὲ μάχη, στὰν δ’ ἀντίοι· ἐν δ’ Ἀγαμέμνων ### book 11.217 πρῶτος ὄρους’, ἔθελεν δὲ πολὺ προμάχεσθαι ἁπάντων. ### book 11.218 Ἔσπετε νῦν μοι Μοῦσαι Ὀλύμπια δώματ’ ἔχουσαι ### book 11.219 ὅς τις δὴ πρῶτος Ἀγαμέμνονος ἀντίον ἦλθεν ### book 11.220 ἢ αὐτῶν Τρώων ἠὲ κλειτῶν ἐπικούρων. ### book 11.221 Ἰφιδάμας Ἀντηνορίδης ἠΰς τε μέγας τε ### book 11.222 ὃς τράφη ἐν Θρῄκῃ ἐριβώλακι μητέρι μήλων· ### book 11.223 Κισσῆς τόν γ’ ἔθρεψε δόμοις ἔνι τυτθὸν ἐόντα ### book 11.224 μητροπάτωρ, ὃς τίκτε Θεανὼ καλλιπάρῃον· ### book 11.225 αὐτὰρ ἐπεί ῥ’ ἥβης ἐρικυδέος ἵκετο μέτρον, ### book 11.226 αὐτοῦ μιν κατέρυκε, δίδου δ’ ὅ γε θυγατέρα ἥν· ### book 11.227 γήμας δ’ ἐκ θαλάμοιο μετὰ κλέος ἵκετ’ Ἀχαιῶν ### book 11.228 σὺν δυοκαίδεκα νηυσὶ κορωνίσιν, αἵ οἱ ἕποντο. ### book 11.229 τὰς μὲν ἔπειτ’ ἐν Περκώτῃ λίπε νῆας ἐΐσας, ### book 11.230 αὐτὰρ ὃ πεζὸς ἐὼν ἐς Ἴλιον εἰληλούθει· ### book 11.231 ὅς ῥα τότ’ Ἀτρεΐδεω Ἀγαμέμνονος ἀντίον ἦλθεν. ### book 11.232 οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντες, ### book 11.233 Ἀτρεΐδης μὲν ἅμαρτε, παραὶ δέ οἱ ἐτράπετ’ ἔγχος, ### book 11.234 Ἰφιδάμας δὲ κατὰ ζώνην θώρηκος ἔνερθε ### book 11.235 νύξ’, ἐπὶ δ’ αὐτὸς ἔρεισε βαρείῃ χειρὶ πιθήσας· ### book 11.236 οὐδ’ ἔτορε ζωστῆρα παναίολον, ἀλλὰ πολὺ πρὶν ### book 11.237 ἀργύρῳ ἀντομένη μόλιβος ὣς ἐτράπετ’ αἰχμή. ### book 11.238 καὶ τό γε χειρὶ λαβὼν εὐρὺ κρείων Ἀγαμέμνων ### book 11.239 ἕλκ’ ἐπὶ οἷ μεμαὼς ὥς τε λίς, ἐκ δ’ ἄρα χειρὸς ### book 11.240 σπάσσατο· τὸν δ’ ἄορι πλῆξ’ αὐχένα, λῦσε δὲ γυῖα. ### book 11.241 ὣς ὃ μὲν αὖθι πεσὼν κοιμήσατο χάλκεον ὕπνον ### book 11.242 οἰκτρὸς ἀπὸ μνηστῆς ἀλόχου, ἀστοῖσιν ἀρήγων, ### book 11.243 κουριδίης, ἧς οὔ τι χάριν ἴδε, πολλὰ δ’ ἔδωκε· ### book 11.244 πρῶθ’ ἑκατὸν βοῦς δῶκεν, ἔπειτα δὲ χίλι’ ὑπέστη ### book 11.245 αἶγας ὁμοῦ καὶ ὄϊς, τά οἱ ἄσπετα ποιμαίνοντο. ### book 11.246 δὴ τότε γ’ Ἀτρεΐδης Ἀγαμέμνων ἐξενάριξε, ### book 11.247 βῆ δὲ φέρων ἀν’ ὅμιλον Ἀχαιῶν τεύχεα καλά. ### book 11.248 Τὸν δ’ ὡς οὖν ἐνόησε Κόων ἀριδείκετος ἀνδρῶν ### book 11.249 πρεσβυγενὴς Ἀντηνορίδης, κρατερόν ῥά ἑ πένθος ### book 11.250 ὀφθαλμοὺς ἐκάλυψε κασιγνήτοιο πεσόντος. ### book 11.251 στῆ δ’ εὐρὰξ σὺν δουρὶ λαθὼν Ἀγαμέμνονα δῖον, ### book 11.252 νύξε δέ μιν κατὰ χεῖρα μέσην ἀγκῶνος ἔνερθε, ### book 11.253 ἀντικρὺ δὲ διέσχε φαεινοῦ δουρὸς ἀκωκή. ### book 11.254 ῥίγησέν τ’ ἄρ’ ἔπειτα ἄναξ ἀνδρῶν Ἀγαμέμνων· ### book 11.255 ἀλλ’ οὐδ’ ὧς ἀπέληγε μάχης ἠδὲ πτολέμοιο, ### book 11.256 ἀλλ’ ἐπόρουσε Κόωνι ἔχων ἀνεμοτρεφὲς ἔγχος. ### book 11.257 ἤτοι ὃ Ἰφιδάμαντα κασίγνητον καὶ ὄπατρον ### book 11.258 ἕλκε ποδὸς μεμαώς, καὶ ἀΰτει πάντας ἀρίστους· ### book 11.259 τὸν δ’ ἕλκοντ’ ἀν’ ὅμιλον ὑπ’ ἀσπίδος ὀμφαλοέσσης ### book 11.260 οὔτησε ξυστῷ χαλκήρεϊ, λῦσε δὲ γυῖα· ### book 11.261 τοῖο δ’ ἐπ’ Ἰφιδάμαντι κάρη ἀπέκοψε παραστάς. ### book 11.262 ἔνθ’ Ἀντήνορος υἷες ὑπ’ Ἀτρεΐδῃ βασιλῆϊ ### book 11.263 πότμον ἀναπλήσαντες ἔδυν δόμον Ἄϊδος εἴσω. ### book 11.264 Αὐτὰρ ὃ τῶν ἄλλων ἐπεπωλεῖτο στίχας ἀνδρῶν ### book 11.265 ἔγχεΐ τ’ ἄορί τε μεγάλοισί τε χερμαδίοισιν, ### book 11.266 ὄφρά οἱ αἷμ’ ἔτι θερμὸν ἀνήνοθεν ἐξ ὠτειλῆς. ### book 11.267 αὐτὰρ ἐπεὶ τὸ μὲν ἕλκος ἐτέρσετο, παύσατο δ’ αἷμα, ### book 11.268 ὀξεῖαι δ’ ὀδύναι δῦνον μένος Ἀτρεΐδαο. ### book 11.269 ὡς δ’ ὅτ’ ἂν ὠδίνουσαν ἔχῃ βέλος ὀξὺ γυναῖκα ### book 11.270 δριμύ, τό τε προϊεῖσι μογοστόκοι Εἰλείθυιαι ### book 11.271 Ἥρης θυγατέρες πικρὰς ὠδῖνας ἔχουσαι, ### book 11.272 ὣς ὀξεῖ’ ὀδύναι δῦνον μένος Ἀτρεΐδαο. ### book 11.273 ἐς δίφρον δ’ ἀνόρουσε, καὶ ἡνιόχῳ ἐπέτελλε ### book 11.274 νηυσὶν ἔπι γλαφυρῇσιν ἐλαυνέμεν· ἤχθετο γὰρ κῆρ. ### book 11.275 ἤϋσεν δὲ διαπρύσιον Δαναοῖσι γεγωνώς· ### book 11.276 ὦ φίλοι Ἀργείων ἡγήτορες ἠδὲ μέδοντες ### book 11.277 ὑμεῖς μὲν νῦν νηυσὶν ἀμύνετε ποντοπόροισι ### book 11.278 φύλοπιν ἀργαλέην, ἐπεὶ οὐκ ἐμὲ μητίετα Ζεὺς ### book 11.279 εἴασε Τρώεσσι πανημέριον πολεμίζειν. ### book 11.280 Ὣς ἔφαθ’, ἡνίοχος δ’ ἵμασεν καλλίτριχας ἵππους ### book 11.281 νῆας ἔπι γλαφυράς· τὼ δ’ οὐκ ἀέκοντε πετέσθην· ### book 11.282 ἄφρεον δὲ στήθεα, ῥαίνοντο δὲ νέρθε κονίῃ ### book 11.283 τειρόμενον βασιλῆα μάχης ἀπάνευθε φέροντες. ### book 11.284 Ἕκτωρ δ’ ὡς ἐνόης’ Ἀγαμέμνονα νόσφι κιόντα ### book 11.285 Τρωσί τε καὶ Λυκίοισιν ἐκέκλετο μακρὸν ἀΰσας· ### book 11.286 Τρῶες καὶ Λύκιοι καὶ Δάρδανοι ἀγχιμαχηταὶ ### book 11.287 ἀνέρες ἔστε φίλοι, μνήσασθε δὲ θούριδος ἀλκῆς. ### book 11.288 οἴχετ’ ἀνὴρ ὤριστος, ἐμοὶ δὲ μέγ’ εὖχος ἔδωκε ### book 11.289 Ζεὺς Κρονίδης· ἀλλ’ ἰθὺς ἐλαύνετε μώνυχας ἵππους ### book 11.290 ἰφθίμων Δαναῶν, ἵν’ ὑπέρτερον εὖχος ἄρησθε. ### book 11.291 Ὣς εἰπὼν ὄτρυνε μένος καὶ θυμὸν ἑκάστου. ### book 11.292 ὡς δ’ ὅτε πού τις θηρητὴρ κύνας ἀργιόδοντας ### book 11.293 σεύῃ ἐπ’ ἀγροτέρῳ συῒ καπρίῳ ἠὲ λέοντι, ### book 11.294 ὣς ἐπ’ Ἀχαιοῖσιν σεῦε Τρῶας μεγαθύμους ### book 11.295 Ἕκτωρ Πριαμίδης βροτολοιγῷ ἶσος Ἄρηϊ. ### book 11.296 αὐτὸς δ’ ἐν πρώτοισι μέγα φρονέων ἐβεβήκει, ### book 11.297 ἐν δ’ ἔπες’ ὑσμίνῃ ὑπεραέϊ ἶσος ἀέλλῃ, ### book 11.298 ἥ τε καθαλλομένη ἰοειδέα πόντον ὀρίνει. ### book 11.299 Ἔνθα τίνα πρῶτον, τίνα δ’ ὕστατον ἐξενάριξεν ### book 11.300 Ἕκτωρ Πριαμίδης, ὅτε οἱ Ζεὺς κῦδος ἔδωκεν; ### book 11.301 Ἀσαῖον μὲν πρῶτα καὶ Αὐτόνοον καὶ Ὀπίτην ### book 11.302 καὶ Δόλοπα Κλυτίδην καὶ Ὀφέλτιον ἠδ’ Ἀγέλαον ### book 11.303 Αἴσυμνόν τ’ Ὦρόν τε καὶ Ἱππόνοον μενεχάρμην. ### book 11.304 τοὺς ἄρ’ ὅ γ’ ἡγεμόνας Δαναῶν ἕλεν, αὐτὰρ ἔπειτα ### book 11.305 πληθύν, ὡς ὁπότε νέφεα Ζέφυρος στυφελίξῃ ### book 11.306 ἀργεστᾶο Νότοιο βαθείῃ λαίλαπι τύπτων· ### book 11.307 πολλὸν δὲ τρόφι κῦμα κυλίνδεται, ὑψόσε δ’ ἄχνη ### book 11.308 σκίδναται ἐξ ἀνέμοιο πολυπλάγκτοιο ἰωῆς· ### book 11.309 ὣς ἄρα πυκνὰ καρήαθ’ ὑφ’ Ἕκτορι δάμνατο λαῶν. ### book 11.310 Ἔνθά κε λοιγὸς ἔην καὶ ἀμήχανα ἔργα γένοντο, ### book 11.311 καί νύ κεν ἐν νήεσσι πέσον φεύγοντες Ἀχαιοί, ### book 11.312 εἰ μὴ Τυδεΐδῃ Διομήδεϊ κέκλετ’ Ὀδυσσεύς· ### book 11.313 Τυδεΐδη τί παθόντε λελάσμεθα θούριδος ἀλκῆς; ### book 11.314 ἀλλ’ ἄγε δεῦρο πέπον, παρ’ ἔμ’ ἵσταο· δὴ γὰρ ἔλεγχος ### book 11.315 ἔσσεται εἴ κεν νῆας ἕλῃ κορυθαίολος Ἕκτωρ. ### book 11.316 Τὸν δ’ ἀπαμειβόμενος προσέφη κρατερὸς Διομήδης· ### book 11.317 ἤτοι ἐγὼ μενέω καὶ τλήσομαι· ἀλλὰ μίνυνθα ### book 11.318 ἡμέων ἔσσεται ἦδος, ἐπεὶ νεφεληγερέτα Ζεὺς ### book 11.319 Τρωσὶν δὴ βόλεται δοῦναι κράτος ἠέ περ ἡμῖν. ### book 11.320 Ἦ καὶ Θυμβραῖον μὲν ἀφ’ ἵππων ὦσε χαμᾶζε ### book 11.321 δουρὶ βαλὼν κατὰ μαζὸν ἀριστερόν· αὐτὰρ Ὀδυσσεὺς ### book 11.322 ἀντίθεον θεράποντα Μολίονα τοῖο ἄνακτος. ### book 11.323 τοὺς μὲν ἔπειτ’ εἴασαν, ἐπεὶ πολέμου ἀπέπαυσαν· ### book 11.324 τὼ δ’ ἀν’ ὅμιλον ἰόντε κυδοίμεον, ὡς ὅτε κάπρω ### book 11.325 ἐν κυσὶ θηρευτῇσι μέγα φρονέοντε πέσητον· ### book 11.326 ὣς ὄλεκον Τρῶας πάλιν ὀρμένω· αὐτὰρ Ἀχαιοὶ ### book 11.327 ἀσπασίως φεύγοντες ἀνέπνεον Ἕκτορα δῖον. ### book 11.328 Ἔνθ’ ἑλέτην δίφρόν τε καὶ ἀνέρε δήμου ἀρίστω ### book 11.329 υἷε δύω Μέροπος Περκωσίου, ὃς περὶ πάντων ### book 11.330 ᾔδεε μαντοσύνας, οὐδὲ οὓς παῖδας ἔασκε ### book 11.331 στείχειν ἐς πόλεμον φθισήνορα· τὼ δέ οἱ οὔ τι ### book 11.332 πειθέσθην· κῆρες γὰρ ἄγον μέλανος θανάτοιο. ### book 11.333 τοὺς μὲν Τυδεΐδης δουρικλειτὸς Διομήδης ### book 11.334 θυμοῦ καὶ ψυχῆς κεκαδὼν κλυτὰ τεύχε’ ἀπηύρα· ### book 11.335 Ἱππόδαμον δ’ Ὀδυσεὺς καὶ Ὑπείροχον ἐξενάριξεν. ### book 11.336 Ἔνθά σφιν κατὰ ἶσα μάχην ἐτάνυσσε Κρονίων ### book 11.337 ἐξ Ἴδης καθορῶν· τοὶ δ’ ἀλλήλους ἐνάριζον. ### book 11.338 ἤτοι Τυδέος υἱὸς Ἀγάστροφον οὔτασε δουρὶ ### book 11.339 Παιονίδην ἥρωα κατ’ ἰσχίον· οὐ δέ οἱ ἵπποι ### book 11.340 ἐγγὺς ἔσαν προφυγεῖν, ἀάσατο δὲ μέγα θυμῷ. ### book 11.341 τοὺς μὲν γὰρ θεράπων ἀπάνευθ’ ἔχεν, αὐτὰρ ὃ πεζὸς ### book 11.342 θῦνε διὰ προμάχων, εἷος φίλον ὤλεσε θυμόν. ### book 11.343 Ἕκτωρ δ’ ὀξὺ νόησε κατὰ στίχας, ὦρτο δ’ ἐπ’ αὐτοὺς ### book 11.344 κεκλήγων· ἅμα δὲ Τρώων εἵποντο φάλαγγες. ### book 11.345 τὸν δὲ ἰδὼν ῥίγησε βοὴν ἀγαθὸς Διομήδης, ### book 11.346 αἶψα δ’ Ὀδυσσῆα προσεφώνεεν ἐγγὺς ἐόντα· ### book 11.347 νῶϊν δὴ τόδε πῆμα κυλίνδεται ὄβριμος Ἕκτωρ· ### book 11.348 ἀλλ’ ἄγε δὴ στέωμεν καὶ ἀλεξώμεσθα μένοντες. ### book 11.349 Ἦ ῥα, καὶ ἀμπεπαλὼν προΐει δολιχόσκιον ἔγχος ### book 11.350 καὶ βάλεν, οὐδ’ ἀφάμαρτε τιτυσκόμενος κεφαλῆφιν, ### book 11.351 ἄκρην κὰκ κόρυθα· πλάγχθη δ’ ἀπὸ χαλκόφι χαλκός, ### book 11.352 οὐδ’ ἵκετο χρόα καλόν· ἐρύκακε γὰρ τρυφάλεια ### book 11.353 τρίπτυχος αὐλῶπις, τήν οἱ πόρε Φοῖβος Ἀπόλλων. ### book 11.354 Ἕκτωρ δ’ ὦκ’ ἀπέλεθρον ἀνέδραμε, μίκτο δ’ ὁμίλῳ, ### book 11.355 στῆ δὲ γνὺξ ἐριπὼν καὶ ἐρείσατο χειρὶ παχείῃ ### book 11.356 γαίης· ἀμφὶ δὲ ὄσσε κελαινὴ νὺξ ἐκάλυψεν. ### book 11.357 ὄφρα δὲ Τυδεΐδης μετὰ δούρατος ᾤχετ’ ἐρωὴν ### book 11.358 τῆλε διὰ προμάχων, ὅθι οἱ καταείσατο γαίης ### book 11.359 τόφρ’ Ἕκτωρ ἔμπνυτο, καὶ ἂψ ἐς δίφρον ὀρούσας ### book 11.360 ἐξέλας’ ἐς πληθύν, καὶ ἀλεύατο κῆρα μέλαιναν. ### book 11.361 δουρὶ δ’ ἐπαΐσσων προσέφη κρατερὸς Διομήδης· ### book 11.362 ἐξ αὖ νῦν ἔφυγες θάνατον κύον· ἦ τέ τοι ἄγχι ### book 11.363 ἦλθε κακόν· νῦν αὖτέ ς’ ἐρύσατο Φοῖβος Ἀπόλλων ### book 11.364 ᾧ μέλλεις εὔχεσθαι ἰὼν ἐς δοῦπον ἀκόντων. ### book 11.365 ἦ θήν ς’ ἐξανύω γε καὶ ὕστερον ἀντιβολήσας, ### book 11.366 εἴ πού τις καὶ ἔμοιγε θεῶν ἐπιτάρροθός ἐστι. ### book 11.367 νῦν αὖ τοὺς ἄλλους ἐπιείσομαι, ὅν κε κιχείω. ### book 11.368 Ἦ, καὶ Παιονίδην δουρὶ κλυτὸν ἐξενάριζεν. ### book 11.369 αὐτὰρ Ἀλέξανδρος Ἑλένης πόσις ἠϋκόμοιο ### book 11.370 Τυδεΐδῃ ἔπι τόξα τιταίνετο ποιμένι λαῶν, ### book 11.371 στήλῃ κεκλιμένος ἀνδροκμήτῳ ἐπὶ τύμβῳ ### book 11.372 Ἴλου Δαρδανίδαο, παλαιοῦ δημογέροντος. ### book 11.373 ἤτοι ὃ μὲν θώρηκα Ἀγαστρόφου ἰφθίμοιο ### book 11.374 αἴνυτ’ ἀπὸ στήθεσφι παναίολον ἀσπίδα τ’ ὤμων ### book 11.375 καὶ κόρυθα βριαρήν· ὃ δὲ τόξου πῆχυν ἄνελκε ### book 11.376 καὶ βάλεν, οὐδ’ ἄρα μιν ἅλιον βέλος ἔκφυγε χειρός, ### book 11.377 ταρσὸν δεξιτεροῖο ποδός· διὰ δ’ ἀμπερὲς ἰὸς ### book 11.378 ἐν γαίῃ κατέπηκτο· ὃ δὲ μάλα ἡδὺ γελάσσας ### book 11.379 ἐκ λόχου ἀμπήδησε καὶ εὐχόμενος ἔπος ηὔδα· ### book 11.380 βέβληαι οὐδ’ ἅλιον βέλος ἔκφυγεν· ὡς ὄφελόν τοι ### book 11.381 νείατον ἐς κενεῶνα βαλὼν ἐκ θυμὸν ἑλέσθαι. ### book 11.382 οὕτω κεν καὶ Τρῶες ἀνέπνευσαν κακότητος, ### book 11.383 οἵ τέ σε πεφρίκασι λέονθ’ ὡς μηκάδες αἶγες. ### book 11.384 Τὸν δ’ οὐ ταρβήσας προσέφη κρατερὸς Διομήδης· ### book 11.385 τοξότα λωβητὴρ κέρᾳ ἀγλαὲ παρθενοπῖπα ### book 11.386 εἰ μὲν δὴ ἀντίβιον σὺν τεύχεσι πειρηθείης, ### book 11.387 οὐκ ἄν τοι χραίσμῃσι βιὸς καὶ ταρφέες ἰοί· ### book 11.388 νῦν δέ μ’ ἐπιγράψας ταρσὸν ποδὸς εὔχεαι αὔτως. ### book 11.389 οὐκ ἀλέγω, ὡς εἴ με γυνὴ βάλοι ἢ πάϊς ἄφρων· ### book 11.390 κωφὸν γὰρ βέλος ἀνδρὸς ἀνάλκιδος οὐτιδανοῖο. ### book 11.391 ἦ τ’ ἄλλως ὑπ’ ἐμεῖο, καὶ εἴ κ’ ὀλίγον περ ἐπαύρῃ, ### book 11.392 ὀξὺ βέλος πέλεται, καὶ ἀκήριον αἶψα τίθησι. ### book 11.393 τοῦ δὲ γυναικὸς μέν τ’ ἀμφίδρυφοί εἰσι παρειαί, ### book 11.394 παῖδες δ’ ὀρφανικοί· ὃ δέ θ’ αἵματι γαῖαν ἐρεύθων ### book 11.395 πύθεται, οἰωνοὶ δὲ περὶ πλέες ἠὲ γυναῖκες. ### book 11.396 Ὣς φάτο, τοῦ δ’ Ὀδυσεὺς δουρικλυτὸς ἐγγύθεν ἐλθὼν ### book 11.397 ἔστη πρόσθ’· ὃ δ’ ὄπισθε καθεζόμενος βέλος ὠκὺ ### book 11.398 ἐκ πόδος ἕλκ’, ὀδύνη δὲ διὰ χροὸς ἦλθ’ ἀλεγεινή. ### book 11.399 ἐς δίφρον δ’ ἀνόρουσε, καὶ ἡνιόχῳ ἐπέτελλε ### book 11.400 νηυσὶν ἔπι γλαφυρῇσιν ἐλαυνέμεν· ἤχθετο γὰρ κῆρ. ### book 11.401 Οἰώθη δ’ Ὀδυσεὺς δουρὶ κλυτός, οὐδέ τις αὐτῷ ### book 11.402 Ἀργείων παρέμεινεν, ἐπεὶ φόβος ἔλλαβε πάντας· ### book 11.403 ὀχθήσας δ’ ἄρα εἶπε πρὸς ὃν μεγαλήτορα θυμόν· ### book 11.404 ὤ μοι ἐγὼ τί πάθω; μέγα μὲν κακὸν αἴ κε φέβωμαι ### book 11.405 πληθὺν ταρβήσας· τὸ δὲ ῥίγιον αἴ κεν ἁλώω ### book 11.406 μοῦνος· τοὺς δ’ ἄλλους Δαναοὺς ἐφόβησε Κρονίων. ### book 11.407 ἀλλὰ τί ἤ μοι ταῦτα φίλος διελέξατο θυμός; ### book 11.408 οἶδα γὰρ ὅττι κακοὶ μὲν ἀποίχονται πολέμοιο, ### book 11.409 ὃς δέ κ’ ἀριστεύῃσι μάχῃ ἔνι τὸν δὲ μάλα χρεὼ ### book 11.410 ἑστάμεναι κρατερῶς, ἤ τ’ ἔβλητ’ ἤ τ’ ἔβαλ’ ἄλλον. ### book 11.411 εἷος ὃ ταῦθ’ ὥρμαινε κατὰ φρένα καὶ κατὰ θυμόν, ### book 11.412 τόφρα δ’ ἐπὶ Τρώων στίχες ἤλυθον ἀσπιστάων, ### book 11.413 ἔλσαν δ’ ἐν μέσσοισι, μετὰ σφίσι πῆμα τιθέντες. ### book 11.414 ὡς δ’ ὅτε κάπριον ἀμφὶ κύνες θαλεροί τ’ αἰζηοὶ ### book 11.415 σεύωνται, ὃ δέ τ’ εἶσι βαθείης ἐκ ξυλόχοιο ### book 11.416 θήγων λευκὸν ὀδόντα μετὰ γναμπτῇσι γένυσσιν, ### book 11.417 ἀμφὶ δέ τ’ ἀΐσσονται, ὑπαὶ δέ τε κόμπος ὀδόντων ### book 11.418 γίγνεται, οἳ δὲ μένουσιν ἄφαρ δεινόν περ ἐόντα, ### book 11.419 ὥς ῥα τότ’ ἀμφ’ Ὀδυσῆα Διῒ φίλον ἐσσεύοντο ### book 11.420 Τρῶες· ὃ δὲ πρῶτον μὲν ἀμύμονα Δηϊοπίτην ### book 11.421 οὔτασεν ὦμον ὕπερθεν ἐπάλμενος ὀξέϊ δουρί, ### book 11.422 αὐτὰρ ἔπειτα Θόωνα καὶ Ἔννομον ἐξενάριξε. ### book 11.423 Χερσιδάμαντα δ’ ἔπειτα καθ’ ἵππων ἀΐξαντα ### book 11.424 δουρὶ κατὰ πρότμησιν ὑπ’ ἀσπίδος ὀμφαλοέσσης ### book 11.425 νύξεν· ὃ δ’ ἐν κονίῃσι πεσὼν ἕλε γαῖαν ἀγοστῷ. ### book 11.426 τοὺς μὲν ἔας’, ὃ δ’ ἄρ’ Ἱππασίδην Χάροπ’ οὔτασε δουρὶ ### book 11.427 αὐτοκασίγνητον εὐηφενέος Σώκοιο. ### book 11.428 τῷ δ’ ἐπαλεξήσων Σῶκος κίεν ἰσόθεος φώς, ### book 11.429 στῆ δὲ μάλ’ ἐγγὺς ἰὼν καί μιν πρὸς μῦθον ἔειπεν ### book 11.430 ὦ Ὀδυσεῦ πολύαινε δόλων ἆτ’ ἠδὲ πόνοιο ### book 11.431 σήμερον ἢ δοιοῖσιν ἐπεύξεαι Ἱππασίδῃσι ### book 11.432 τοιώδ’ ἄνδρε κατακτείνας καὶ τεύχε’ ἀπούρας, ### book 11.433 ἤ κεν ἐμῷ ὑπὸ δουρὶ τυπεὶς ἀπὸ θυμὸν ὀλέσσῃς. ### book 11.434 Ὣς εἰπὼν οὔτησε κατ’ ἀσπίδα πάντος’ ἐΐσην. ### book 11.435 διὰ μὲν ἀσπίδος ἦλθε φαεινῆς ὄβριμον ἔγχος, ### book 11.436 καὶ διὰ θώρηκος πολυδαιδάλου ἠρήρειστο, ### book 11.437 πάντα δ’ ἀπὸ πλευρῶν χρόα ἔργαθεν, οὐδ’ ἔτ’ ἔασε ### book 11.438 Παλλὰς Ἀθηναίη μιχθήμεναι ἔγκασι φωτός. ### book 11.439 γνῶ δ’ Ὀδυσεὺς ὅ οἱ οὔ τι τέλος κατακαίριον ἦλθεν, ### book 11.440 ἂψ δ’ ἀναχωρήσας Σῶκον πρὸς μῦθον ἔειπεν· ### book 11.441 ἆ δείλ’ ἦ μάλα δή σε κιχάνεται αἰπὺς ὄλεθρος. ### book 11.442 ἤτοι μέν ῥ’ ἔμ’ ἔπαυσας ἐπὶ Τρώεσσι μάχεσθαι· ### book 11.443 σοὶ δ’ ἐγὼ ἐνθάδε φημὶ φόνον καὶ κῆρα μέλαιναν ### book 11.444 ἤματι τῷδ’ ἔσσεσθαι, ἐμῷ δ’ ὑπὸ δουρὶ δαμέντα ### book 11.445 εὖχος ἐμοὶ δώσειν, ψυχὴν δ’ Ἄϊδι κλυτοπώλῳ. ### book 11.446 Ἦ, καὶ ὃ μὲν φύγαδ’ αὖτις ὑποστρέψας ἐβεβήκει, ### book 11.447 τῷ δὲ μεταστρεφθέντι μεταφρένῳ ἐν δόρυ πῆξεν ### book 11.448 ὤμων μεσσηγύς, διὰ δὲ στήθεσφιν ἔλασσε, ### book 11.449 δούπησεν δὲ πεσών· ὃ δ’ ἐπεύξατο δῖος Ὀδυσσεύς· ### book 11.450 ὦ Σῶχ’ Ἱππάσου υἱὲ δαΐφρονος ἱπποδάμοιο ### book 11.451 φθῆ σε τέλος θανάτοιο κιχήμενον, οὐδ’ ὑπάλυξας. ### book 11.452 ἆ δείλ’ οὐ μὲν σοί γε πατὴρ καὶ πότνια μήτηρ ### book 11.453 ὄσσε καθαιρήσουσι θανόντι περ, ἀλλ’ οἰωνοὶ ### book 11.454 ὠμησταὶ ἐρύουσι, περὶ πτερὰ πυκνὰ βαλόντες. ### book 11.455 αὐτὰρ ἔμ’, εἴ κε θάνω, κτεριοῦσί γε δῖοι Ἀχαιοί. ### book 11.456 Ὣς εἰπὼν Σώκοιο δαΐφρονος ὄβριμον ἔγχος ### book 11.457 ἔξω τε χροὸς ἕλκε καὶ ἀσπίδος ὀμφαλοέσσης· ### book 11.458 αἷμα δέ οἱ σπασθέντος ἀνέσσυτο, κῆδε δὲ θυμόν. ### book 11.459 Τρῶες δὲ μεγάθυμοι ὅπως ἴδον αἷμ’ Ὀδυσῆος ### book 11.460 κεκλόμενοι καθ’ ὅμιλον ἐπ’ αὐτῷ πάντες ἔβησαν. ### book 11.461 αὐτὰρ ὅ γ’ ἐξοπίσω ἀνεχάζετο, αὖε δ’ ἑταίρους. ### book 11.462 τρὶς μὲν ἔπειτ’ ἤϋσεν ὅσον κεφαλὴ χάδε φωτός, ### book 11.463 τρὶς δ’ ἄϊεν ἰάχοντος ἄρηι φίλος Μενέλαος. ### book 11.464 αἶψα δ’ ἄρ’ Αἴαντα προσεφώνεεν ἐγγὺς ἐόντα· ### book 11.465 Αἶαν διογενὲς Τελαμώνιε κοίρανε λαῶν ### book 11.466 ἀμφί μ’ Ὀδυσσῆος ταλασίφρονος ἵκετ’ ἀϋτὴ ### book 11.467 τῷ ἰκέλη ὡς εἴ ἑ βιῴατο μοῦνον ἐόντα ### book 11.468 Τρῶες ἀποτμήξαντες ἐνὶ κρατερῇ ὑσμίνῃ. ### book 11.469 ἀλλ’ ἴομεν καθ’ ὅμιλον· ἀλεξέμεναι γὰρ ἄμεινον. ### book 11.470 δείδω μή τι πάθῃσιν ἐνὶ Τρώεσσι μονωθεὶς ### book 11.471 ἐσθλὸς ἐών, μεγάλη δὲ ποθὴ Δαναοῖσι γένηται. ### book 11.472 Ὣς εἰπὼν ὃ μὲν ἦρχ’, ὃ δ’ ἅμ’ ἕσπετο ἰσόθεος φώς. ### book 11.473 εὗρον ἔπειτ’ Ὀδυσῆα Διῒ φίλον· ἀμφὶ δ’ ἄρ’ αὐτὸν ### book 11.474 Τρῶες ἕπονθ’ ὡς εἴ τε δαφοινοὶ θῶες ὄρεσφιν ### book 11.475 ἀμφ’ ἔλαφον κεραὸν βεβλημένον, ὅν τ’ ἔβαλ’ ἀνὴρ ### book 11.476 ἰῷ ἀπὸ νευρῆς· τὸν μέν τ’ ἤλυξε πόδεσσι ### book 11.477 φεύγων, ὄφρ’ αἷμα λιαρὸν καὶ γούνατ’ ὀρώρῃ· ### book 11.478 αὐτὰρ ἐπεὶ δὴ τόν γε δαμάσσεται ὠκὺς ὀϊστός, ### book 11.479 ὠμοφάγοι μιν θῶες ἐν οὔρεσι δαρδάπτουσιν ### book 11.480 ἐν νέμεϊ σκιερῷ· ἐπί τε λῖν ἤγαγε δαίμων ### book 11.481 σίντην· θῶες μέν τε διέτρεσαν, αὐτὰρ ὃ δάπτει· ### book 11.482 ὥς ῥα τότ’ ἀμφ’ Ὀδυσῆα δαΐφρονα ποικιλομήτην ### book 11.483 Τρῶες ἕπον πολλοί τε καὶ ἄλκιμοι, αὐτὰρ ὅ γ’ ἥρως ### book 11.484 ἀΐσσων ᾧ ἔγχει ἀμύνετο νηλεὲς ἦμαρ. ### book 11.485 Αἴας δ’ ἐγγύθεν ἦλθε φέρων σάκος ἠΰτε πύργον, ### book 11.486 στῆ δὲ παρέξ· Τρῶες δὲ διέτρεσαν ἄλλυδις ἄλλος. ### book 11.487 ἤτοι τὸν Μενέλαος ἀρήϊος ἔξαγ’ ὁμίλου ### book 11.488 χειρὸς ἔχων, εἷος θεράπων σχεδὸν ἤλασεν ἵππους. ### book 11.489 Αἴας δὲ Τρώεσσιν ἐπάλμενος εἷλε Δόρυκλον ### book 11.490 Πριαμίδην νόθον υἱόν, ἔπειτα δὲ Πάνδοκον οὖτα, ### book 11.491 οὖτα δὲ Λύσανδρον καὶ Πύρασον ἠδὲ Πυλάρτην. ### book 11.492 ὡς δ’ ὁπότε πλήθων ποταμὸς πεδίον δὲ κάτεισι ### book 11.493 χειμάρρους κατ’ ὄρεσφιν ὀπαζόμενος Διὸς ὄμβρῳ, ### book 11.494 πολλὰς δὲ δρῦς ἀζαλέας, πολλὰς δέ τε πεύκας ### book 11.495 ἐσφέρεται, πολλὸν δέ τ’ ἀφυσγετὸν εἰς ἅλα βάλλει, ### book 11.496 ὣς ἔφεπε κλονέων πεδίον τότε φαίδιμος Αἴας, ### book 11.497 δαΐζων ἵππους τε καὶ ἀνέρας· οὐδέ πω Ἕκτωρ ### book 11.498 πεύθετ’, ἐπεί ῥα μάχης ἐπ’ ἀριστερὰ μάρνατο πάσης ### book 11.499 ὄχθας πὰρ ποταμοῖο Σκαμάνδρου, τῇ ῥα μάλιστα ### book 11.500 ἀνδρῶν πῖπτε κάρηνα, βοὴ δ’ ἄσβεστος ὀρώρει ### book 11.501 Νέστορά τ’ ἀμφὶ μέγαν καὶ ἀρήϊον Ἰδομενῆα. ### book 11.502 Ἕκτωρ μὲν μετὰ τοῖσιν ὁμίλει μέρμερα ῥέζων ### book 11.503 ἔγχεΐ θ’ ἱπποσύνῃ τε, νέων δ’ ἀλάπαζε φάλαγγας· ### book 11.504 οὐδ’ ἄν πω χάζοντο κελεύθου δῖοι Ἀχαιοὶ ### book 11.505 εἰ μὴ Ἀλέξανδρος Ἑλένης πόσις ἠϋκόμοιο ### book 11.506 παῦσεν ἀριστεύοντα Μαχάονα ποιμένα λαῶν, ### book 11.507 ἰῷ τριγλώχινι βαλὼν κατὰ δεξιὸν ὦμον. ### book 11.508 τῷ ῥα περίδεισαν μένεα πνείοντες Ἀχαιοὶ ### book 11.509 μή πώς μιν πολέμοιο μετακλινθέντος ἕλοιεν. ### book 11.510 αὐτίκα δ’ Ἰδομενεὺς προσεφώνεε Νέστορα δῖον· ### book 11.511 ὦ Νέστορ Νηληϊάδη μέγα κῦδος Ἀχαιῶν ### book 11.512 ἄγρει σῶν ὀχέων ἐπιβήσεο, πὰρ δὲ Μαχάων ### book 11.513 βαινέτω, ἐς νῆας δὲ τάχιστ’ ἔχε μώνυχας ἵππους· ### book 11.514 ἰητρὸς γὰρ ἀνὴρ πολλῶν ἀντάξιος ἄλλων ### book 11.515 ἰούς τ’ ἐκτάμνειν ἐπί τ’ ἤπια φάρμακα πάσσειν. ### book 11.516 Ὣς ἔφατ’, οὐδ’ ἀπίθησε Γερήνιος ἱππότα Νέστωρ. ### book 11.517 αὐτίκα δ’ ὧν ὀχέων ἐπεβήσετο, πὰρ δὲ Μαχάων ### book 11.518 βαῖν’ Ἀσκληπιοῦ υἱὸς ἀμύμονος ἰητῆρος· ### book 11.519 μάστιξεν δ’ ἵππους, τὼ δ’ οὐκ ἀέκοντε πετέσθην ### book 11.520 νῆας ἔπι γλαφυράς· τῇ γὰρ φίλον ἔπλετο θυμῷ. ### book 11.521 Κεβριόνης δὲ Τρῶας ὀρινομένους ἐνόησεν ### book 11.522 Ἕκτορι παρβεβαώς, καί μιν πρὸς μῦθον ἔειπεν· ### book 11.523 Ἕκτορ νῶϊ μὲν ἐνθάδ’ ὁμιλέομεν Δαναοῖσιν ### book 11.524 ἐσχατιῇ πολέμοιο δυσηχέος· οἳ δὲ δὴ ἄλλοι ### book 11.525 Τρῶες ὀρίνονται ἐπιμὶξ ἵπποι τε καὶ αὐτοί. ### book 11.526 Αἴας δὲ κλονέει Τελαμώνιος· εὖ δέ μιν ἔγνων· ### book 11.527 εὐρὺ γὰρ ἀμφ’ ὤμοισιν ἔχει σάκος· ἀλλὰ καὶ ἡμεῖς ### book 11.528 κεῖς’ ἵππους τε καὶ ἅρμ’ ἰθύνομεν, ἔνθα μάλιστα ### book 11.529 ἱππῆες πεζοί τε κακὴν ἔριδα προβαλόντες ### book 11.530 ἀλλήλους ὀλέκουσι, βοὴ δ’ ἄσβεστος ὄρωρεν. ### book 11.531 Ὣς ἄρα φωνήσας ἵμασεν καλλίτριχας ἵππους ### book 11.532 μάστιγι λιγυρῇ· τοὶ δὲ πληγῆς ἀΐοντες ### book 11.533 ῥίμφ’ ἔφερον θοὸν ἅρμα μετὰ Τρῶας καὶ Ἀχαιοὺς ### book 11.534 στείβοντες νέκυάς τε καὶ ἀσπίδας· αἵματι δ’ ἄξων ### book 11.535 νέρθεν ἅπας πεπάλακτο καὶ ἄντυγες αἳ περὶ δίφρον, ### book 11.536 ἃς ἄρ’ ἀφ’ ἱππείων ὁπλέων ῥαθάμιγγες ἔβαλλον ### book 11.537 αἵ τ’ ἀπ’ ἐπισσώτρων. ὃ δὲ ἵετο δῦναι ὅμιλον ### book 11.538 ἀνδρόμεον ῥῆξαί τε μετάλμενος· ἐν δὲ κυδοιμὸν ### book 11.539 ἧκε κακὸν Δαναοῖσι, μίνυνθα δὲ χάζετο δουρός. ### book 11.540 αὐτὰρ ὃ τῶν ἄλλων ἐπεπωλεῖτο στίχας ἀνδρῶν ### book 11.541 ἔγχεΐ τ’ ἄορί τε μεγάλοισί τε χερμαδίοισιν, ### book 11.542 Αἴαντος δ’ ἀλέεινε μάχην Τελαμωνιάδαο. ### book 11.544 Ζεὺς δὲ πατὴρ Αἴανθ’ ὑψίζυγος ἐν φόβον ὦρσε· ### book 11.545 στῆ δὲ ταφών, ὄπιθεν δὲ σάκος βάλεν ἑπταβόειον, ### book 11.546 τρέσσε δὲ παπτήνας ἐφ’ ὁμίλου θηρὶ ἐοικὼς ### book 11.547 ἐντροπαλιζόμενος ὀλίγον γόνυ γουνὸς ἀμείβων. ### book 11.548 ὡς δ’ αἴθωνα λέοντα βοῶν ἀπὸ μεσσαύλοιο ### book 11.549 ἐσσεύαντο κύνες τε καὶ ἀνέρες ἀγροιῶται, ### book 11.550 οἵ τέ μιν οὐκ εἰῶσι βοῶν ἐκ πῖαρ ἑλέσθαι ### book 11.551 πάννυχοι ἐγρήσσοντες· ὃ δὲ κρειῶν ἐρατίζων ### book 11.552 ἰθύει, ἀλλ’ οὔ τι πρήσσει· θαμέες γὰρ ἄκοντες ### book 11.553 ἀντίον ἀΐσσουσι θρασειάων ἀπὸ χειρῶν ### book 11.554 καιόμεναί τε δεταί, τάς τε τρεῖ ἐσσύμενός περ· ### book 11.555 ἠῶθεν δ’ ἀπὸ νόσφιν ἔβη τετιηότι θυμῷ· ### book 11.556 ὣς Αἴας τότ’ ἀπὸ Τρώων τετιημένος ἦτορ ### book 11.557 ἤϊε πόλλ’ ἀέκων· περὶ γὰρ δίε νηυσὶν Ἀχαιῶν. ### book 11.558 ὡς δ’ ὅτ’ ὄνος παρ’ ἄρουραν ἰὼν ἐβιήσατο παῖδας ### book 11.559 νωθής, ᾧ δὴ πολλὰ περὶ ῥόπαλ’ ἀμφὶς ἐάγῃ, ### book 11.560 κείρει τ’ εἰσελθὼν βαθὺ λήϊον· οἳ δέ τε παῖδες ### book 11.561 τύπτουσιν ῥοπάλοισι· βίη δέ τε νηπίη αὐτῶν· ### book 11.562 σπουδῇ τ’ ἐξήλασσαν, ἐπεί τ’ ἐκορέσσατο φορβῆς· ### book 11.563 ὣς τότ’ ἔπειτ’ Αἴαντα μέγαν Τελαμώνιον υἱὸν ### book 11.564 Τρῶες ὑπέρθυμοι πολυηγερέες τ’ ἐπίκουροι ### book 11.565 νύσσοντες ξυστοῖσι μέσον σάκος αἰὲν ἕποντο. ### book 11.566 Αἴας δ’ ἄλλοτε μὲν μνησάσκετο θούριδος ἀλκῆς ### book 11.567 αὖτις ὑποστρεφθείς, καὶ ἐρητύσασκε φάλαγγας ### book 11.568 Τρώων ἱπποδάμων· ὁτὲ δὲ τρωπάσκετο φεύγειν. ### book 11.569 πάντας δὲ προέεργε θοὰς ἐπὶ νῆας ὁδεύειν, ### book 11.570 αὐτὸς δὲ Τρώων καὶ Ἀχαιῶν θῦνε μεσηγὺ ### book 11.571 ἱστάμενος· τὰ δὲ δοῦρα θρασειάων ἀπὸ χειρῶν ### book 11.572 ἄλλα μὲν ἐν σάκεϊ μεγάλῳ πάγεν ὄρμενα πρόσσω, ### book 11.573 πολλὰ δὲ καὶ μεσσηγύ, πάρος χρόα λευκὸν ἐπαυρεῖν, ### book 11.574 ἐν γαίῃ ἵσταντο λιλαιόμενα χροὸς ἆσαι. ### book 11.575 Τὸν δ’ ὡς οὖν ἐνόης’ Εὐαίμονος ἀγλαὸς υἱὸς ### book 11.576 Εὐρύπυλος πυκινοῖσι βιαζόμενον βελέεσσι, ### book 11.577 στῆ ῥα παρ’ αὐτὸν ἰών, καὶ ἀκόντισε δουρὶ φαεινῷ, ### book 11.578 καὶ βάλε Φαυσιάδην Ἀπισάονα ποιμένα λαῶν ### book 11.579 ἧπαρ ὑπὸ πραπίδων, εἶθαρ δ’ ὑπὸ γούνατ’ ἔλυσεν· ### book 11.580 Εὐρύπυλος δ’ ἐπόρουσε καὶ αἴνυτο τεύχε’ ἀπ’ ὤμων. ### book 11.581 τὸν δ’ ὡς οὖν ἐνόησεν Ἀλέξανδρος θεοειδὴς ### book 11.582 τεύχε’ ἀπαινύμενον Ἀπισάονος, αὐτίκα τόξον ### book 11.583 ἕλκετ’ ἐπ’ Εὐρυπύλῳ, καί μιν βάλε μηρὸν ὀϊστῷ ### book 11.584 δεξιόν· ἐκλάσθη δὲ δόναξ, ἐβάρυνε δὲ μηρόν. ### book 11.585 ἂψ δ’ ἑτάρων εἰς ἔθνος ἐχάζετο κῆρ’ ἀλεείνων, ### book 11.586 ἤϋσεν δὲ διαπρύσιον Δαναοῖσι γεγωνώς· ### book 11.587 ὦ φίλοι Ἀργείων ἡγήτορες ἠδὲ μέδοντες ### book 11.588 στῆτ’ ἐλελιχθέντες καὶ ἀμύνετε νηλεὲς ἦμαρ ### book 11.589 Αἴανθ’, ὃς βελέεσσι βιάζεται, οὐδέ ἕ φημι ### book 11.590 φεύξεσθ’ ἐκ πολέμοιο δυσηχέος· ἀλλὰ μάλ’ ἄντην ### book 11.591 ἵστασθ’ ἀμφ’ Αἴαντα μέγαν Τελαμώνιον υἱόν. ### book 11.592 Ὣς ἔφατ’ Εὐρύπυλος βεβλημένος· οἳ δὲ παρ’ αὐτὸν ### book 11.593 πλησίοι ἔστησαν σάκε’ ὤμοισι κλίναντες ### book 11.594 δούρατ’ ἀνασχόμενοι· τῶν δ’ ἀντίος ἤλυθεν Αἴας. ### book 11.595 στῆ δὲ μεταστρεφθείς, ἐπεὶ ἵκετο ἔθνος ἑταίρων. ### book 11.596 Ὣς οἳ μὲν μάρναντο δέμας πυρὸς αἰθομένοιο· ### book 11.597 Νέστορα δ’ ἐκ πολέμοιο φέρον Νηλήϊαι ἵπποι ### book 11.598 ἱδρῶσαι, ἦγον δὲ Μαχάονα ποιμένα λαῶν. ### book 11.599 τὸν δὲ ἰδὼν ἐνόησε ποδάρκης δῖος Ἀχιλλεύς· ### book 11.600 ἑστήκει γὰρ ἐπὶ πρυμνῇ μεγακήτεϊ νηῒ ### book 11.601 εἰσορόων πόνον αἰπὺν ἰῶκά τε δακρυόεσσαν. ### book 11.602 αἶψα δ’ ἑταῖρον ἑὸν Πατροκλῆα προσέειπε ### book 11.603 φθεγξάμενος παρὰ νηός· ὃ δὲ κλισίηθεν ἀκούσας ### book 11.604 ἔκμολεν ἶσος Ἄρηϊ, κακοῦ δ’ ἄρα οἱ πέλεν ἀρχή. ### book 11.605 τὸν πρότερος προσέειπε Μενοιτίου ἄλκιμος υἱός· ### book 11.606 τίπτέ με κικλήσκεις Ἀχιλεῦ; τί δέ σε χρεὼ ἐμεῖο; ### book 11.607 τὸν δ’ ἀπαμειβόμενος προσέφη πόδας ὠκὺς Ἀχιλλεύς· ### book 11.608 δῖε Μενοιτιάδη τῷ ἐμῷ κεχαρισμένε θυμῷ ### book 11.609 νῦν ὀΐω περὶ γούνατ’ ἐμὰ στήσεσθαι Ἀχαιοὺς ### book 11.610 λισσομένους· χρειὼ γὰρ ἱκάνεται οὐκέτ’ ἀνεκτός. ### book 11.611 ἀλλ’ ἴθι νῦν Πάτροκλε Διῒ φίλε Νέστορ’ ἔρειο ### book 11.612 ὅν τινα τοῦτον ἄγει βεβλημένον ἐκ πολέμοιο· ### book 11.613 ἤτοι μὲν τά γ’ ὄπισθε Μαχάονι πάντα ἔοικε ### book 11.614 τῷ Ἀσκληπιάδῃ, ἀτὰρ οὐκ ἴδον ὄμματα φωτός· ### book 11.615 ἵπποι γάρ με παρήϊξαν πρόσσω μεμαυῖαι. ### book 11.616 Ὣς φάτο, Πάτροκλος δὲ φίλῳ ἐπεπείθεθ’ ἑταίρῳ, ### book 11.617 βῆ δὲ θέειν παρά τε κλισίας καὶ νῆας Ἀχαιῶν. ### book 11.618 Οἳ δ’ ὅτε δὴ κλισίην Νηληϊάδεω ἀφίκοντο, ### book 11.619 αὐτοὶ μέν ῥ’ ἀπέβησαν ἐπὶ χθόνα πουλυβότειραν, ### book 11.620 ἵππους δ’ Εὐρυμέδων θεράπων λύε τοῖο γέροντος ### book 11.621 ἐξ ὀχέων· τοὶ δ’ ἱδρῶ ἀπεψύχοντο χιτώνων ### book 11.622 στάντε ποτὶ πνοιὴν παρὰ θῖν’ ἁλός· αὐτὰρ ἔπειτα ### book 11.623 ἐς κλισίην ἐλθόντες ἐπὶ κλισμοῖσι κάθιζον. ### book 11.624 τοῖσι δὲ τεῦχε κυκειῶ ἐϋπλόκαμος Ἑκαμήδη, ### book 11.625 τὴν ἄρετ’ ἐκ Τενέδοιο γέρων, ὅτε πέρσεν Ἀχιλλεύς, ### book 11.626 θυγατέρ’ Ἀρσινόου μεγαλήτορος, ἥν οἱ Ἀχαιοὶ ### book 11.627 ἔξελον οὕνεκα βουλῇ ἀριστεύεσκεν ἁπάντων. ### book 11.628 ἥ σφωϊν πρῶτον μὲν ἐπιπροΐηλε τράπεζαν ### book 11.629 καλὴν κυανόπεζαν ἐΰξοον, αὐτὰρ ἐπ’ αὐτῆς ### book 11.630 χάλκειον κάνεον, ἐπὶ δὲ κρόμυον ποτῷ ὄψον, ### book 11.631 ἠδὲ μέλι χλωρόν, παρὰ δ’ ἀλφίτου ἱεροῦ ἀκτήν, ### book 11.632 πὰρ δὲ δέπας περικαλλές, ὃ οἴκοθεν ἦγ’ ὁ γεραιός, ### book 11.633 χρυσείοις ἥλοισι πεπαρμένον· οὔατα δ’ αὐτοῦ ### book 11.634 τέσσαρ’ ἔσαν, δοιαὶ δὲ πελειάδες ἀμφὶς ἕκαστον ### book 11.635 χρύσειαι νεμέθοντο, δύω δ’ ὑπὸ πυθμένες ἦσαν. ### book 11.636 ἄλλος μὲν μογέων ἀποκινήσασκε τραπέζης ### book 11.637 πλεῖον ἐόν, Νέστωρ δ’ ὁ γέρων ἀμογητὶ ἄειρεν. ### book 11.638 ἐν τῷ ῥά σφι κύκησε γυνὴ ἐϊκυῖα θεῇσιν ### book 11.639 οἴνῳ Πραμνείῳ, ἐπὶ δ’ αἴγειον κνῆ τυρὸν ### book 11.640 κνήστι χαλκείῃ, ἐπὶ δ’ ἄλφιτα λευκὰ πάλυνε, ### book 11.641 πινέμεναι δ’ ἐκέλευσεν, ἐπεί ῥ’ ὥπλισσε κυκειῶ. ### book 11.642 τὼ δ’ ἐπεὶ οὖν πίνοντ’ ἀφέτην πολυκαγκέα δίψαν ### book 11.643 μύθοισιν τέρποντο πρὸς ἀλλήλους ἐνέποντες, ### book 11.644 Πάτροκλος δὲ θύρῃσιν ἐφίστατο ἰσόθεος φώς. ### book 11.645 τὸν δὲ ἰδὼν ὁ γεραιὸς ἀπὸ θρόνου ὦρτο φαεινοῦ, ### book 11.646 ἐς δ’ ἄγε χειρὸς ἑλών, κατὰ δ’ ἑδριάασθαι ἄνωγε. ### book 11.647 Πάτροκλος δ’ ἑτέρωθεν ἀναίνετο εἶπέ τε μῦθον· ### book 11.648 οὐχ ἕδος ἐστὶ γεραιὲ διοτρεφές, οὐδέ με πείσεις. ### book 11.649 αἰδοῖος νεμεσητὸς ὅ με προέηκε πυθέσθαι ### book 11.650 ὅν τινα τοῦτον ἄγεις βεβλημένον· ἀλλὰ καὶ αὐτὸς ### book 11.651 γιγνώσκω, ὁρόω δὲ Μαχάονα ποιμένα λαῶν. ### book 11.652 νῦν δὲ ἔπος ἐρέων πάλιν ἄγγελος εἶμ’ Ἀχιλῆϊ. ### book 11.653 εὖ δὲ σὺ οἶσθα γεραιὲ διοτρεφές, οἷος ἐκεῖνος ### book 11.654 δεινὸς ἀνήρ· τάχα κεν καὶ ἀναίτιον αἰτιόῳτο. ### book 11.655 Τὸν δ’ ἠμείβετ’ ἔπειτα Γερήνιος ἱππότα Νέστωρ· ### book 11.656 τίπτε τὰρ ὧδ’ Ἀχιλεὺς ὀλοφύρεται υἷας Ἀχαιῶν, ### book 11.657 ὅσσοι δὴ βέλεσιν βεβλήαται; οὐδέ τι οἶδε ### book 11.658 πένθεος, ὅσσον ὄρωρε κατὰ στρατόν· οἳ γὰρ ἄριστοι ### book 11.659 ἐν νηυσὶν κέαται βεβλημένοι οὐτάμενοί τε. ### book 11.660 βέβληται μὲν ὃ Τυδεΐδης κρατερὸς Διομήδης, ### book 11.661 οὔτασται δ’ Ὀδυσεὺς δουρὶ κλυτὸς ἠδ’ Ἀγαμέμνων· ### book 11.662 βέβληται δὲ καὶ Εὐρύπυλος κατὰ μηρὸν ὀϊστῷ· ### book 11.663 τοῦτον δ’ ἄλλον ἐγὼ νέον ἤγαγον ἐκ πολέμοιο ### book 11.664 ἰῷ ἀπὸ νευρῆς βεβλημένον. αὐτὰρ Ἀχιλλεὺς ### book 11.665 ἐσθλὸς ἐὼν Δαναῶν οὐ κήδεται οὐδ’ ἐλεαίρει. ### book 11.666 ἦ μένει εἰς ὅ κε δὴ νῆες θοαὶ ἄγχι θαλάσσης ### book 11.667 Ἀργείων ἀέκητι πυρὸς δηΐοιο θέρωνται, ### book 11.668 αὐτοί τε κτεινώμεθ’ ἐπισχερώ; οὐ γὰρ ἐμὴ ἲς ### book 11.669 ἔσθ’ οἵη πάρος ἔσκεν ἐνὶ γναμπτοῖσι μέλεσσιν. ### book 11.670 εἴθ’ ὣς ἡβώοιμι βίη δέ μοι ἔμπεδος εἴη ### book 11.671 ὡς ὁπότ’ Ἠλείοισι καὶ ἡμῖν νεῖκος ἐτύχθη ### book 11.672 ἀμφὶ βοηλασίῃ, ὅτ’ ἐγὼ κτάνον Ἰτυμονῆα ### book 11.673 ἐσθλὸν Ὑπειροχίδην, ὃς ἐν Ἤλιδι ναιετάασκε, ### book 11.674 ῥύσι’ ἐλαυνόμενος· ὃ δ’ ἀμύνων ᾗσι βόεσσιν ### book 11.675 ἔβλητ’ ἐν πρώτοισιν ἐμῆς ἀπὸ χειρὸς ἄκοντι, ### book 11.676 κὰδ δ’ ἔπεσεν, λαοὶ δὲ περίτρεσαν ἀγροιῶται. ### book 11.677 ληΐδα δ’ ἐκ πεδίου συνελάσσαμεν ἤλιθα πολλὴν ### book 11.678 πεντήκοντα βοῶν ἀγέλας, τόσα πώεα οἰῶν, ### book 11.679 τόσσα συῶν συβόσια, τός’ αἰπόλια πλατέ’ αἰγῶν, ### book 11.680 ἵππους δὲ ξανθὰς ἑκατὸν καὶ πεντήκοντα ### book 11.681 πάσας θηλείας, πολλῇσι δὲ πῶλοι ὑπῆσαν. ### book 11.682 καὶ τὰ μὲν ἠλασάμεσθα Πύλον Νηλήϊον εἴσω ### book 11.683 ἐννύχιοι προτὶ ἄστυ· γεγήθει δὲ φρένα Νηλεύς, ### book 11.684 οὕνεκά μοι τύχε πολλὰ νέῳ πόλεμον δὲ κιόντι. ### book 11.685 κήρυκες δ’ ἐλίγαινον ἅμ’ ἠοῖ φαινομένηφι ### book 11.686 τοὺς ἴμεν οἷσι χρεῖος ὀφείλετ’ ἐν Ἤλιδι δίῃ· ### book 11.687 οἳ δὲ συναγρόμενοι Πυλίων ἡγήτορες ἄνδρες ### book 11.688 δαίτρευον· πολέσιν γὰρ Ἐπειοὶ χρεῖος ὄφειλον, ### book 11.689 ὡς ἡμεῖς παῦροι κεκακωμένοι ἐν Πύλῳ ἦμεν· ### book 11.690 ἐλθὼν γάρ ῥ’ ἐκάκωσε βίη Ἡρακληείη ### book 11.691 τῶν προτέρων ἐτέων, κατὰ δ’ ἔκταθεν ὅσσοι ἄριστοι· ### book 11.692 δώδεκα γὰρ Νηλῆος ἀμύμονος υἱέες ἦμεν· ### book 11.693 τῶν οἶος λιπόμην, οἳ δ’ ἄλλοι πάντες ὄλοντο. ### book 11.694 ταῦθ’ ὑπερηφανέοντες Ἐπειοὶ χαλκοχίτωνες ### book 11.695 ἡμέας ὑβρίζοντες ἀτάσθαλα μηχανόωντο. ### book 11.696 ἐκ δ’ ὃ γέρων ἀγέλην τε βοῶν καὶ πῶϋ μέγ’ οἰῶν ### book 11.697 εἵλετο κρινάμενος τριηκόσι’ ἠδὲ νομῆας. ### book 11.698 καὶ γὰρ τῷ χρεῖος μέγ’ ὀφείλετ’ ἐν Ἤλιδι δίῃ ### book 11.699 τέσσαρες ἀθλοφόροι ἵπποι αὐτοῖσιν ὄχεσφιν ### book 11.700 ἐλθόντες μετ’ ἄεθλα· περὶ τρίποδος γὰρ ἔμελλον ### book 11.701 θεύσεσθαι· τοὺς δ’ αὖθι ἄναξ ἀνδρῶν Αὐγείας ### book 11.702 κάσχεθε, τὸν δ’ ἐλατῆρ’ ἀφίει ἀκαχήμενον ἵππων. ### book 11.703 τῶν ὃ γέρων ἐπέων κεχολωμένος ἠδὲ καὶ ἔργων ### book 11.704 ἐξέλετ’ ἄσπετα πολλά· τὰ δ’ ἄλλ’ ἐς δῆμον ἔδωκε ### book 11.705 δαιτρεύειν, μή τίς οἱ ἀτεμβόμενος κίοι ἴσης. ### book 11.706 ἡμεῖς μὲν τὰ ἕκαστα διείπομεν, ἀμφί τε ἄστυ ### book 11.707 ἕρδομεν ἱρὰ θεοῖς· οἳ δὲ τρίτῳ ἤματι πάντες ### book 11.708 ἦλθον ὁμῶς αὐτοί τε πολεῖς καὶ μώνυχες ἵπποι ### book 11.709 πανσυδίῃ· μετὰ δέ σφι Μολίονε θωρήσσοντο ### book 11.710 παῖδ’ ἔτ’ ἐόντ’, οὔ πω μάλα εἰδότε θούριδος ἀλκῆς. ### book 11.711 ἔστι δέ τις Θρυόεσσα πόλις αἰπεῖα κολώνη ### book 11.712 τηλοῦ ἐπ’ Ἀλφειῷ, νεάτη Πύλου ἠμαθόεντος· ### book 11.713 τὴν ἀμφεστρατόωντο διαρραῖσαι μεμαῶτες. ### book 11.714 ἀλλ’ ὅτε πᾶν πεδίον μετεκίαθον, ἄμμι δ’ Ἀθήνη ### book 11.715 ἄγγελος ἦλθε θέους’ ἀπ’ Ὀλύμπου θωρήσσεσθαι ### book 11.716 ἔννυχος, οὐδ’ ἀέκοντα Πύλον κάτα λαὸν ἄγειρεν ### book 11.717 ἀλλὰ μάλ’ ἐσσυμένους πολεμίζειν. οὐδέ με Νηλεὺς ### book 11.718 εἴα θωρήσσεσθαι, ἀπέκρυψεν δέ μοι ἵππους· ### book 11.719 οὐ γάρ πώ τί μ’ ἔφη ἴδμεν πολεμήϊα ἔργα. ### book 11.720 ἀλλὰ καὶ ὧς ἱππεῦσι μετέπρεπον ἡμετέροισι ### book 11.721 καὶ πεζός περ ἐών, ἐπεὶ ὧς ἄγε νεῖκος Ἀθήνη. ### book 11.722 ἔστι δέ τις ποταμὸς Μινυήϊος εἰς ἅλα βάλλων ### book 11.723 ἐγγύθεν Ἀρήνης, ὅθι μείναμεν Ἠῶ δῖαν ### book 11.724 ἱππῆες Πυλίων, τὰ δ’ ἐπέρρεον ἔθνεα πεζῶν. ### book 11.725 ἔνθεν πανσυδίῃ σὺν τεύχεσι θωρηχθέντες ### book 11.726 ἔνδιοι ἱκόμεσθ’ ἱερὸν ῥόον Ἀλφειοῖο. ### book 11.727 ἔνθα Διὶ ῥέξαντες ὑπερμενεῖ ἱερὰ καλά, ### book 11.728 ταῦρον δ’ Ἀλφειῷ, ταῦρον δὲ Ποσειδάωνι, ### book 11.729 αὐτὰρ Ἀθηναίη γλαυκώπιδι βοῦν ἀγελαίην, ### book 11.730 δόρπον ἔπειθ’ ἑλόμεσθα κατὰ στρατὸν ἐν τελέεσσι, ### book 11.731 καὶ κατεκοιμήθημεν ἐν ἔντεσιν οἷσιν ἕκαστος ### book 11.732 ἀμφὶ ῥοὰς ποταμοῖο. ἀτὰρ μεγάθυμοι Ἐπειοὶ ### book 11.733 ἀμφέσταν δὴ ἄστυ διαρραῖσαι μεμαῶτες· ### book 11.734 ἀλλά σφι προπάροιθε φάνη μέγα ἔργον Ἄρηος· ### book 11.735 εὖτε γὰρ ἠέλιος φαέθων ὑπερέσχεθε γαίης, ### book 11.736 συμφερόμεσθα μάχῃ Διί τ’ εὐχόμενοι καὶ Ἀθήνῃ. ### book 11.737 ἀλλ’ ὅτε δὴ Πυλίων καὶ Ἐπειῶν ἔπλετο νεῖκος, ### book 11.738 πρῶτος ἐγὼν ἕλον ἄνδρα, κόμισσα δὲ μώνυχας ἵππους, ### book 11.739 Μούλιον αἰχμητήν· γαμβρὸς δ’ ἦν Αὐγείαο, ### book 11.740 πρεσβυτάτην δὲ θύγατρ’ εἶχε ξανθὴν Ἀγαμήδην, ### book 11.741 ἣ τόσα φάρμακα ᾔδη ὅσα τρέφει εὐρεῖα χθών. ### book 11.742 τὸν μὲν ἐγὼ προσιόντα βάλον χαλκήρεϊ δουρί, ### book 11.743 ἤριπε δ’ ἐν κονίῃσιν· ἐγὼ δ’ ἐς δίφρον ὀρούσας ### book 11.744 στῆν ῥα μετὰ προμάχοισιν· ἀτὰρ μεγάθυμοι Ἐπειοὶ ### book 11.745 ἔτρεσαν ἄλλυδις ἄλλος, ἐπεὶ ἴδον ἄνδρα πεσόντα ### book 11.746 ἡγεμόν’ ἱππήων, ὃς ἀριστεύεσκε μάχεσθαι. ### book 11.747 αὐτὰρ ἐγὼν ἐπόρουσα κελαινῇ λαίλαπι ἶσος, ### book 11.748 πεντήκοντα δ’ ἕλον δίφρους, δύο δ’ ἀμφὶς ἕκαστον ### book 11.749 φῶτες ὀδὰξ ἕλον οὖδας ἐμῷ ὑπὸ δουρὶ δαμέντες. ### book 11.750 καί νύ κεν Ἀκτορίωνε Μολίονε παῖδ’ ἀλάπαξα, ### book 11.751 εἰ μή σφωε πατὴρ εὐρὺ κρείων ἐνοσίχθων ### book 11.752 ἐκ πολέμου ἐσάωσε καλύψας ἠέρι πολλῇ. ### book 11.753 ἔνθα Ζεὺς Πυλίοισι μέγα κράτος ἐγγυάλιξε· ### book 11.754 τόφρα γὰρ οὖν ἑπόμεσθα διὰ σπιδέος πεδίοιο ### book 11.755 κτείνοντές τ’ αὐτοὺς ἀνά τ’ ἔντεα καλὰ λέγοντες, ### book 11.756 ὄφρ’ ἐπὶ Βουπρασίου πολυπύρου βήσαμεν ἵππους ### book 11.757 πέτρης τ’ Ὠλενίης, καὶ Ἀλησίου ἔνθα κολώνη ### book 11.758 κέκληται· ὅθεν αὖτις ἀπέτραπε λαὸν Ἀθήνη. ### book 11.759 ἔνθ’ ἄνδρα κτείνας πύματον λίπον· αὐτὰρ Ἀχαιοὶ ### book 11.760 ἂψ ἀπὸ Βουπρασίοιο Πύλονδ’ ἔχον ὠκέας ἵππους, ### book 11.761 πάντες δ’ εὐχετόωντο θεῶν Διὶ Νέστορί τ’ ἀνδρῶν. ### book 11.762 ὣς ἔον, εἴ ποτ’ ἔον γε, μετ’ ἀνδράσιν. αὐτὰρ Ἀχιλλεὺς ### book 11.763 οἶος τῆς ἀρετῆς ἀπονήσεται· ἦ τέ μιν οἴω ### book 11.764 πολλὰ μετακλαύσεσθαι ἐπεί κ’ ἀπὸ λαὸς ὄληται. ### book 11.765 ὦ πέπον ἦ μὲν σοί γε Μενοίτιος ὧδ’ ἐπέτελλεν ### book 11.766 ἤματι τῷ ὅτε ς’ ἐκ Φθίης Ἀγαμέμνονι πέμπε, ### book 11.767 νῶϊ δέ τ’ ἔνδον ἐόντες ἐγὼ καὶ δῖος Ὀδυσσεὺς ### book 11.768 πάντα μάλ’ ἐν μεγάροις ἠκούομεν ὡς ἐπέτελλε. ### book 11.769 Πηλῆος δ’ ἱκόμεσθα δόμους εὖ ναιετάοντας ### book 11.770 λαὸν ἀγείροντες κατ’ Ἀχαιΐδα πουλυβότειραν. ### book 11.771 ἔνθα δ’ ἔπειθ’ ἥρωα Μενοίτιον εὕρομεν ἔνδον ### book 11.772 ἠδὲ σέ, πὰρ δ’ Ἀχιλῆα· γέρων δ’ ἱππηλάτα Πηλεὺς ### book 11.773 πίονα μηρία καῖε βοὸς Διὶ τερπικεραύνῳ ### book 11.774 αὐλῆς ἐν χόρτῳ· ἔχε δὲ χρύσειον ἄλεισον ### book 11.775 σπένδων αἴθοπα οἶνον ἐπ’ αἰθομένοις ἱεροῖσι. ### book 11.776 σφῶϊ μὲν ἀμφὶ βοὸς ἕπετον κρέα, νῶϊ δ’ ἔπειτα ### book 11.777 στῆμεν ἐνὶ προθύροισι· ταφὼν δ’ ἀνόρουσεν Ἀχιλλεύς, ### book 11.778 ἐς δ’ ἄγε χειρὸς ἑλών, κατὰ δ’ ἑδριάασθαι ἄνωγε, ### book 11.779 ξείνιά τ’ εὖ παρέθηκεν, ἅ τε ξείνοις θέμις ἐστίν. ### book 11.780 αὐτὰρ ἐπεὶ τάρπημεν ἐδητύος ἠδὲ ποτῆτος, ### book 11.781 ἦρχον ἐγὼ μύθοιο κελεύων ὔμμ’ ἅμ’ ἕπεσθαι· ### book 11.782 σφὼ δὲ μάλ’ ἠθέλετον, τὼ δ’ ἄμφω πόλλ’ ἐπέτελλον. ### book 11.783 Πηλεὺς μὲν ᾧ παιδὶ γέρων ἐπέτελλ’ Ἀχιλῆϊ ### book 11.784 αἰὲν ἀριστεύειν καὶ ὑπείροχον ἔμμεναι ἄλλων· ### book 11.785 σοὶ δ’ αὖθ’ ὧδ’ ἐπέτελλε Μενοίτιος Ἄκτορος υἱός· ### book 11.786 τέκνον ἐμὸν γενεῇ μὲν ὑπέρτερός ἐστιν Ἀχιλλεύς, ### book 11.787 πρεσβύτερος δὲ σύ ἐσσι· βίῃ δ’ ὅ γε πολλὸν ἀμείνων. ### book 11.788 ἀλλ’ εὖ οἱ φάσθαι πυκινὸν ἔπος ἠδ’ ὑποθέσθαι ### book 11.789 καί οἱ σημαίνειν· ὃ δὲ πείσεται εἰς ἀγαθόν περ. ### book 11.790 ὣς ἐπέτελλ’ ὃ γέρων, σὺ δὲ λήθεαι· ἀλλ’ ἔτι καὶ νῦν ### book 11.791 ταῦτ’ εἴποις Ἀχιλῆϊ δαΐφρονι αἴ κε πίθηται. ### book 11.792 τίς δ’ οἶδ’ εἴ κέν οἱ σὺν δαίμονι θυμὸν ὀρίναις ### book 11.793 παρειπών; ἀγαθὴ δὲ παραίφασίς ἐστιν ἑταίρου. ### book 11.794 εἰ δέ τινα φρεσὶν ᾗσι θεοπροπίην ἀλεείνει ### book 11.795 καί τινά οἱ πὰρ Ζηνὸς ἐπέφραδε πότνια μήτηρ, ### book 11.796 ἀλλὰ σέ περ προέτω, ἅμα δ’ ἄλλος λαὸς ἑπέσθω ### book 11.797 Μυρμιδόνων, αἴ κέν τι φόως Δαναοῖσι γένηαι· ### book 11.798 καί τοι τεύχεα καλὰ δότω πόλεμον δὲ φέρεσθαι, ### book 11.799 αἴ κέ σε τῷ εἴσκοντες ἀπόσχωνται πολέμοιο ### book 11.800 Τρῶες, ἀναπνεύσωσι δ’ ἀρήϊοι υἷες Ἀχαιῶν ### book 11.801 τειρόμενοι· ὀλίγη δέ τ’ ἀνάπνευσις πολέμοιο. ### book 11.802 ῥεῖα δέ κ’ ἀκμῆτες κεκμηότας ἄνδρας ἀϋτῇ ### book 11.803 ὤσαισθε προτὶ ἄστυ νεῶν ἄπο καὶ κλισιάων. ### book 11.804 Ὣς φάτο, τῷ δ’ ἄρα θυμὸν ἐνὶ στήθεσσιν ὄρινε, ### book 11.805 βῆ δὲ θέειν παρὰ νῆας ἐπ’ Αἰακίδην Ἀχιλῆα. ### book 11.806 ἀλλ’ ὅτε δὴ κατὰ νῆας Ὀδυσσῆος θείοιο ### book 11.807 ἷξε θέων Πάτροκλος, ἵνά σφ’ ἀγορή τε θέμις τε ### book 11.808 ἤην, τῇ δὴ καί σφι θεῶν ἐτετεύχατο βωμοί, ### book 11.809 ἔνθά οἱ Εὐρύπυλος βεβλημένος ἀντεβόλησε ### book 11.810 διογενὴς Εὐαιμονίδης κατὰ μηρὸν ὀϊστῷ ### book 11.811 σκάζων ἐκ πολέμου· κατὰ δὲ νότιος ῥέεν ἱδρὼς ### book 11.812 ὤμων καὶ κεφαλῆς, ἀπὸ δ’ ἕλκεος ἀργαλέοιο ### book 11.813 αἷμα μέλαν κελάρυζε· νόος γε μὲν ἔμπεδος ἦεν. ### book 11.814 τὸν δὲ ἰδὼν ᾤκτειρε Μενοιτίου ἄλκιμος υἱός, ### book 11.815 καί ῥ’ ὀλοφυρόμενος ἔπεα πτερόεντα προσηύδα· ### book 11.816 ἆ δειλοὶ Δαναῶν ἡγήτορες ἠδὲ μέδοντες ### book 11.817 ὣς ἄρ’ ἐμέλλετε τῆλε φίλων καὶ πατρίδος αἴης ### book 11.818 ἄσειν ἐν Τροίῃ ταχέας κύνας ἀργέτι δημῷ. ### book 11.819 ἀλλ’ ἄγε μοι τόδε εἰπὲ διοτρεφὲς Εὐρύπυλ’ ἥρως, ### book 11.820 ἤ ῥ’ ἔτι που σχήσουσι πελώριον Ἕκτορ’ Ἀχαιοί, ### book 11.821 ἦ ἤδη φθίσονται ὑπ’ αὐτοῦ δουρὶ δαμέντες; ### book 11.822 Τὸν δ’ αὖτ’ Εὐρύπυλος βεβλημένος ἀντίον ηὔδα· ### book 11.823 οὐκέτι διογενὲς Πατρόκλεες ἄλκαρ Ἀχαιῶν ### book 11.824 ἔσσεται, ἀλλ’ ἐν νηυσὶ μελαίνῃσιν πεσέονται. ### book 11.825 οἳ μὲν γὰρ δὴ πάντες, ὅσοι πάρος ἦσαν ἄριστοι, ### book 11.826 ἐν νηυσὶν κέαται βεβλημένοι οὐτάμενοί τε ### book 11.827 χερσὶν ὕπο Τρώων· τῶν δὲ σθένος ὄρνυται αἰέν. ### book 11.828 ἀλλ’ ἐμὲ μὲν σὺ σάωσον ἄγων ἐπὶ νῆα μέλαιναν, ### book 11.829 μηροῦ δ’ ἔκταμ’ ὀϊστόν, ἀπ’ αὐτοῦ δ’ αἷμα κελαινὸν ### book 11.830 νίζ’ ὕδατι λιαρῷ, ἐπὶ δ’ ἤπια φάρμακα πάσσε ### book 11.831 ἐσθλά, τά σε προτί φασιν Ἀχιλλῆος δεδιδάχθαι, ### book 11.832 ὃν Χείρων ἐδίδαξε δικαιότατος Κενταύρων. ### book 11.833 ἰητροὶ μὲν γὰρ Ποδαλείριος ἠδὲ Μαχάων ### book 11.834 τὸν μὲν ἐνὶ κλισίῃσιν ὀΐομαι ἕλκος ἔχοντα ### book 11.835 χρηΐζοντα καὶ αὐτὸν ἀμύμονος ἰητῆρος ### book 11.836 κεῖσθαι· ὃ δ’ ἐν πεδίῳ Τρώων μένει ὀξὺν Ἄρηα. ### book 11.837 Τὸν δ’ αὖτε προσέειπε Μενοιτίου ἄλκιμος υἱός· ### book 11.838 πῶς τὰρ ἔοι τάδε ἔργα; τί ῥέξομεν Εὐρύπυλ’ ἥρως; ### book 11.839 ἔρχομαι ὄφρ’ Ἀχιλῆϊ δαΐφρονι μῦθον ἐνίσπω ### book 11.840 ὃν Νέστωρ ἐπέτελλε Γερήνιος οὖρος Ἀχαιῶν· ### book 11.841 ἀλλ’ οὐδ’ ὧς περ σεῖο μεθήσω τειρομένοιο. ### book 11.842 Ἦ, καὶ ὑπὸ στέρνοιο λαβὼν ἄγε ποιμένα λαῶν ### book 11.843 ἐς κλισίην· θεράπων δὲ ἰδὼν ὑπέχευε βοείας. ### book 11.844 ἔνθά μιν ἐκτανύσας ἐκ μηροῦ τάμνε μαχαίρῃ ### book 11.845 ὀξὺ βέλος περιπευκές, ἀπ’ αὐτοῦ δ’ αἷμα κελαινὸν ### book 11.846 νίζ’ ὕδατι λιαρῷ, ἐπὶ δὲ ῥίζαν βάλε πικρὴν ### book 11.847 χερσὶ διατρίψας ὀδυνήφατον, ἥ οἱ ἁπάσας ### book 11.848 ἔσχ’ ὀδύνας· τὸ μὲν ἕλκος ἐτέρσετο, παύσατο δ’ αἷμα. ### book 12.1 Ὣς ὃ μὲν ἐν κλισίῃσι Μενοιτίου ἄλκιμος υἱὸς ### book 12.2 ἰᾶτ’ Εὐρύπυλον βεβλημένον· οἳ δὲ μάχοντο ### book 12.3 Ἀργεῖοι καὶ Τρῶες ὁμιλαδόν· οὐδ’ ἄρ’ ἔμελλε ### book 12.4 τάφρος ἔτι σχήσειν Δαναῶν καὶ τεῖχος ὕπερθεν ### book 12.5 εὐρύ, τὸ ποιήσαντο νεῶν ὕπερ, ἀμφὶ δὲ τάφρον ### book 12.6 ἤλασαν· οὐδὲ θεοῖσι δόσαν κλειτὰς ἑκατόμβας· ### book 12.7 ὄφρά σφιν νῆάς τε θοὰς καὶ ληΐδα πολλὴν ### book 12.8 ἐντὸς ἔχον ῥύοιτο· θεῶν δ’ ἀέκητι τέτυκτο ### book 12.9 ἀθανάτων· τὸ καὶ οὔ τι πολὺν χρόνον ἔμπεδον ἦεν. ### book 12.10 ὄφρα μὲν Ἕκτωρ ζωὸς ἔην καὶ μήνι’ Ἀχιλλεὺς ### book 12.11 καὶ Πριάμοιο ἄνακτος ἀπόρθητος πόλις ἔπλεν, ### book 12.12 τόφρα δὲ καὶ μέγα τεῖχος Ἀχαιῶν ἔμπεδον ἦεν. ### book 12.13 αὐτὰρ ἐπεὶ κατὰ μὲν Τρώων θάνον ὅσσοι ἄριστοι, ### book 12.14 πολλοὶ δ’ Ἀργείων οἳ μὲν δάμεν, οἳ δὲ λίποντο, ### book 12.15 πέρθετο δὲ Πριάμοιο πόλις δεκάτῳ ἐνιαυτῷ, ### book 12.16 Ἀργεῖοι δ’ ἐν νηυσὶ φίλην ἐς πατρίδ’ ἔβησαν, ### book 12.17 δὴ τότε μητιόωντο Ποσειδάων καὶ Ἀπόλλων ### book 12.18 τεῖχος ἀμαλδῦναι ποταμῶν μένος εἰσαγαγόντες. ### book 12.19 ὅσσοι ἀπ’ Ἰδαίων ὀρέων ἅλα δὲ προρέουσι, ### book 12.20 Ῥῆσός θ’ Ἑπτάπορός τε Κάρησός τε Ῥοδίος τε ### book 12.21 Γρήνικός τε καὶ Αἴσηπος δῖός τε Σκάμανδρος ### book 12.22 καὶ Σιμόεις, ὅθι πολλὰ βοάγρια καὶ τρυφάλειαι ### book 12.23 κάππεσον ἐν κονίῃσι καὶ ἡμιθέων γένος ἀνδρῶν· ### book 12.24 τῶν πάντων ὁμόσε στόματ’ ἔτραπε Φοῖβος Ἀπόλλων, ### book 12.25 ἐννῆμαρ δ’ ἐς τεῖχος ἵει ῥόον· ὗε δ’ ἄρα Ζεὺς ### book 12.26 συνεχές, ὄφρά κε θᾶσσον ἁλίπλοα τείχεα θείη. ### book 12.27 αὐτὸς δ’ ἐννοσίγαιος ἔχων χείρεσσι τρίαιναν ### book 12.28 ἡγεῖτ’, ἐκ δ’ ἄρα πάντα θεμείλια κύμασι πέμπε ### book 12.29 φιτρῶν καὶ λάων, τὰ θέσαν μογέοντες Ἀχαιοί, ### book 12.30 λεῖα δ’ ἐποίησεν παρ’ ἀγάρροον Ἐλλήσποντον, ### book 12.31 αὖτις δ’ ἠϊόνα μεγάλην ψαμάθοισι κάλυψε ### book 12.32 τεῖχος ἀμαλδύνας· ποταμοὺς δ’ ἔτρεψε νέεσθαι ### book 12.33 κὰρ ῥόον, ᾗ περ πρόσθεν ἵεν καλλίρροον ὕδωρ. ### book 12.34 Ὣς ἄρ’ ἔμελλον ὄπισθε Ποσειδάων καὶ Ἀπόλλων ### book 12.35 θησέμεναι· τότε δ’ ἀμφὶ μάχη ἐνοπή τε δεδήει ### book 12.36 τεῖχος ἐΰδμητον, κανάχιζε δὲ δούρατα πύργων ### book 12.37 βαλλόμεν’· Ἀργεῖοι δὲ Διὸς μάστιγι δαμέντες ### book 12.38 νηυσὶν ἔπι γλαφυρῇσιν ἐελμένοι ἰσχανόωντο ### book 12.39 Ἕκτορα δειδιότες, κρατερὸν μήστωρα φόβοιο· ### book 12.40 αὐτὰρ ὅ γ’ ὡς τὸ πρόσθεν ἐμάρνατο ἶσος ἀέλλῃ· ### book 12.41 ὡς δ’ ὅτ’ ἂν ἔν τε κύνεσσι καὶ ἀνδράσι θηρευτῇσι ### book 12.42 κάπριος ἠὲ λέων στρέφεται σθένεϊ βλεμεαίνων· ### book 12.43 οἳ δέ τε πυργηδὸν σφέας αὐτοὺς ἀρτύναντες ### book 12.44 ἀντίον ἵστανται καὶ ἀκοντίζουσι θαμειὰς ### book 12.45 αἰχμὰς ἐκ χειρῶν· τοῦ δ’ οὔ ποτε κυδάλιμον κῆρ ### book 12.46 ταρβεῖ οὐδὲ φοβεῖται, ἀγηνορίη δέ μιν ἔκτα· ### book 12.47 ταρφέα τε στρέφεται στίχας ἀνδρῶν πειρητίζων· ### book 12.48 ὅππῃ τ’ ἰθύσῃ τῇ εἴκουσι στίχες ἀνδρῶν· ### book 12.49 ὣς Ἕκτωρ ἀν’ ὅμιλον ἰὼν ἐλλίσσεθ’ ἑταίρους ### book 12.50 τάφρον ἐποτρύνων διαβαινέμεν· οὐδέ οἱ ἵπποι ### book 12.51 τόλμων ὠκύποδες, μάλα δὲ χρεμέτιζον ἐπ’ ἄκρῳ ### book 12.52 χείλει ἐφεσταότες· ἀπὸ γὰρ δειδίσσετο τάφρος ### book 12.53 εὐρεῖ’, οὔτ’ ἄρ’ ὑπερθορέειν σχεδὸν οὔτε περῆσαι ### book 12.54 ῥηϊδίη· κρημνοὶ γὰρ ἐπηρεφέες περὶ πᾶσαν ### book 12.55 ἕστασαν ἀμφοτέρωθεν, ὕπερθεν δὲ σκολόπεσσιν ### book 12.56 ὀξέσιν ἠρήρει, τοὺς ἵστασαν υἷες Ἀχαιῶν ### book 12.57 πυκνοὺς καὶ μεγάλους δηΐων ἀνδρῶν ἀλεωρήν. ### book 12.58 ἔνθ’ οὔ κεν ῥέα ἵππος ἐΰτροχον ἅρμα τιταίνων ### book 12.59 ἐσβαίη, πεζοὶ δὲ μενοίνεον εἰ τελέουσι. ### book 12.60 δὴ τότε Πουλυδάμας θρασὺν Ἕκτορα εἶπε παραστάς· ### book 12.61 Ἕκτορ τ’ ἠδ’ ἄλλοι Τρώων ἀγοὶ ἠδ’ ἐπικούρων ### book 12.62 ἀφραδέως διὰ τάφρον ἐλαύνομεν ὠκέας ἵππους· ### book 12.63 ἣ δὲ μάλ’ ἀργαλέη περάαν· σκόλοπες γὰρ ἐν αὐτῇ ### book 12.64 ὀξέες ἑστᾶσιν, ποτὶ δ’ αὐτοὺς τεῖχος Ἀχαιῶν, ### book 12.65 ἔνθ’ οὔ πως ἔστιν καταβήμεναι οὐδὲ μάχεσθαι ### book 12.66 ἱππεῦσι· στεῖνος γάρ, ὅθι τρώσεσθαι ὀΐω. ### book 12.67 εἰ μὲν γὰρ τοὺς πάγχυ κακὰ φρονέων ἀλαπάζει ### book 12.68 Ζεὺς ὑψιβρεμέτης, Τρώεσσι δὲ ἵετ’ ἀρήγειν, ### book 12.69 ἦ τ’ ἂν ἔγωγ’ ἐθέλοιμι καὶ αὐτίκα τοῦτο γενέσθαι, ### book 12.70 νωνύμνους ἀπολέσθαι ἀπ’ Ἄργεος ἐνθάδ’ Ἀχαιούς· ### book 12.71 εἰ δέ χ’ ὑποστρέψωσι, παλίωξις δὲ γένηται ### book 12.72 ἐκ νηῶν καὶ τάφρῳ ἐνιπλήξωμεν ὀρυκτῇ, ### book 12.73 οὐκέτ’ ἔπειτ’ ὀΐω οὐδ’ ἄγγελον ἀπονέεσθαι ### book 12.74 ἄψορρον προτὶ ἄστυ ἑλιχθέντων ὑπ’ Ἀχαιῶν. ### book 12.75 ἀλλ’ ἄγεθ’ ὡς ἂν ἐγὼ εἴπω πειθώμεθα πάντες· ### book 12.76 ἵππους μὲν θεράποντες ἐρυκόντων ἐπὶ τάφρῳ, ### book 12.77 αὐτοὶ δὲ πρυλέες σὺν τεύχεσι θωρηχθέντες ### book 12.78 Ἕκτορι πάντες ἑπώμεθ’ ἀολλέες· αὐτὰρ Ἀχαιοὶ ### book 12.79 οὐ μενέους’ εἰ δή σφιν ὀλέθρου πείρατ’ ἐφῆπται. ### book 12.80 Ὣς φάτο Πουλυδάμας, ἅδε δ’ Ἕκτορι μῦθος ἀπήμων, ### book 12.81 αὐτίκα δ’ ἐξ ὀχέων σὺν τεύχεσιν ἆλτο χαμᾶζε. ### book 12.82 οὐδὲ μὲν ἄλλοι Τρῶες ἐφ’ ἵππων ἠγερέθοντο, ### book 12.83 ἀλλ’ ἀπὸ πάντες ὄρουσαν, ἐπεὶ ἴδον Ἕκτορα δῖον. ### book 12.84 ἡνιόχῳ μὲν ἔπειτα ἑῷ ἐπέτελλεν ἕκαστος ### book 12.85 ἵππους εὖ κατὰ κόσμον ἐρυκέμεν αὖθ’ ἐπὶ τάφρῳ· ### book 12.86 οἳ δὲ διαστάντες σφέας αὐτοὺς ἀρτύναντες ### book 12.87 πένταχα κοσμηθέντες ἅμ’ ἡγεμόνεσσιν ἕποντο. ### book 12.88 Οἳ μὲν ἅμ’ Ἕκτορ’ ἴσαν καὶ ἀμύμονι Πουλυδάμαντι, ### book 12.89 οἳ πλεῖστοι καὶ ἄριστοι ἔσαν, μέμασαν δὲ μάλιστα ### book 12.90 τεῖχος ῥηξάμενοι κοίλῃς ἐπὶ νηυσὶ μάχεσθαι. ### book 12.91 καί σφιν Κεβριόνης τρίτος εἵπετο· πὰρ δ’ ἄρ’ ὄχεσφιν ### book 12.92 ἄλλον Κεβριόναο χερείονα κάλλιπεν Ἕκτωρ. ### book 12.93 τῶν δ’ ἑτέρων Πάρις ἦρχε καὶ Ἀλκάθοος καὶ Ἀγήνωρ, ### book 12.94 τῶν δὲ τρίτων Ἕλενος καὶ Δηΐφοβος θεοειδὴς ### book 12.95 υἷε δύω Πριάμοιο· τρίτος δ’ ἦν Ἄσιος ἥρως ### book 12.96 Ἄσιος Ὑρτακίδης, ὃν Ἀρίσβηθεν φέρον ἵπποι ### book 12.97 αἴθωνες μεγάλοι ποταμοῦ ἄπο Σελλήεντος. ### book 12.98 τῶν δὲ τετάρτων ἦρχεν ἐῢς πάϊς Ἀγχίσαο ### book 12.99 Αἰνείας, ἅμα τῷ γε δύω Ἀντήνορος υἷε ### book 12.100 Ἀρχέλοχός τ’ Ἀκάμας τε μάχης εὖ εἰδότε πάσης. ### book 12.101 Σαρπηδὼν δ’ ἡγήσατ’ ἀγακλειτῶν ἐπικούρων, ### book 12.102 πρὸς δ’ ἕλετο Γλαῦκον καὶ ἀρήϊον Ἀστεροπαῖον· ### book 12.103 οἳ γάρ οἱ εἴσαντο διακριδὸν εἶναι ἄριστοι ### book 12.104 τῶν ἄλλων μετά γ’ αὐτόν· ὃ δ’ ἔπρεπε καὶ διὰ πάντων. ### book 12.105 οἳ δ’ ἐπεὶ ἀλλήλους ἄραρον τυκτῇσι βόεσσι ### book 12.106 βάν ῥ’ ἰθὺς Δαναῶν λελιημένοι, οὐδ’ ἔτ’ ἔφαντο ### book 12.107 σχήσεσθ’, ἀλλ’ ἐν νηυσὶ μελαίνῃσιν πεσέεσθαι. ### book 12.108 Ἔνθ’ ἄλλοι Τρῶες τηλεκλειτοί τ’ ἐπίκουροι ### book 12.109 βουλῇ Πουλυδάμαντος ἀμωμήτοιο πίθοντο· ### book 12.110 ἀλλ’ οὐχ Ὑρτακίδης ἔθελ’ Ἄσιος ὄρχαμος ἀνδρῶν ### book 12.111 αὖθι λιπεῖν ἵππους τε καὶ ἡνίοχον θεράποντα, ### book 12.112 ἀλλὰ σὺν αὐτοῖσιν πέλασεν νήεσσι θοῇσι ### book 12.113 νήπιος, οὐδ’ ἄρ’ ἔμελλε κακὰς ὑπὸ κῆρας ἀλύξας ### book 12.114 ἵπποισιν καὶ ὄχεσφιν ἀγαλλόμενος παρὰ νηῶν ### book 12.115 ἂψ ἀπονοστήσειν προτὶ Ἴλιον ἠνεμόεσσαν· ### book 12.116 πρόσθεν γάρ μιν μοῖρα δυσώνυμος ἀμφεκάλυψεν ### book 12.117 ἔγχεϊ Ἰδομενῆος ἀγαυοῦ Δευκαλίδαο. ### book 12.118 εἴσατο γὰρ νηῶν ἐπ’ ἀριστερά, τῇ περ Ἀχαιοὶ ### book 12.119 ἐκ πεδίου νίσοντο σὺν ἵπποισιν καὶ ὄχεσφι· ### book 12.120 τῇ ῥ’ ἵππους τε καὶ ἅρμα διήλασεν, οὐδὲ πύλῃσιν ### book 12.121 εὗρ’ ἐπικεκλιμένας σανίδας καὶ μακρὸν ὀχῆα, ### book 12.122 ἀλλ’ ἀναπεπταμένας ἔχον ἀνέρες, εἴ τιν’ ἑταίρων ### book 12.123 ἐκ πολέμου φεύγοντα σαώσειαν μετὰ νῆας. ### book 12.124 τῇ ῥ’ ἰθὺς φρονέων ἵππους ἔχε, τοὶ δ’ ἅμ’ ἕποντο ### book 12.125 ὀξέα κεκλήγοντες· ἔφαντο γὰρ οὐκ ἔτ’ Ἀχαιοὺς ### book 12.126 σχήσεσθ’, ἀλλ’ ἐν νηυσὶ μελαίνῃσιν πεσέεσθαι ### book 12.127 νήπιοι, ἐν δὲ πύλῃσι δύ’ ἀνέρας εὗρον ἀρίστους ### book 12.128 υἷας ὑπερθύμους Λαπιθάων αἰχμητάων, ### book 12.129 τὸν μὲν Πειριθόου υἷα κρατερὸν Πολυποίτην, ### book 12.130 τὸν δὲ Λεοντῆα βροτολοιγῷ ἶσον Ἄρηϊ. ### book 12.131 τὼ μὲν ἄρα προπάροιθε πυλάων ὑψηλάων ### book 12.132 ἕστασαν ὡς ὅτε τε δρύες οὔρεσιν ὑψικάρηνοι, ### book 12.133 αἵ τ’ ἄνεμον μίμνουσι καὶ ὑετὸν ἤματα πάντα ### book 12.134 ῥίζῃσιν μεγάλῃσι διηνεκέεσς’ ἀραρυῖαι· ### book 12.135 ὣς ἄρα τὼ χείρεσσι πεποιθότες ἠδὲ βίηφι ### book 12.136 μίμνον ἐπερχόμενον μέγαν Ἄσιον οὐδὲ φέβοντο. ### book 12.137 οἳ δ’ ἰθὺς πρὸς τεῖχος ἐΰδμητον βόας αὔας ### book 12.138 ὑψός’ ἀνασχόμενοι ἔκιον μεγάλῳ ἀλαλητῷ ### book 12.139 Ἄσιον ἀμφὶ ἄνακτα καὶ Ἰαμενὸν καὶ Ὀρέστην ### book 12.140 Ἀσιάδην τ’ Ἀδάμαντα Θόωνά τε Οἰνόμαόν τε. ### book 12.141 οἳ δ’ ἤτοι εἷος μὲν ἐϋκνήμιδας Ἀχαιοὺς ### book 12.142 ὄρνυον ἔνδον ἐόντες ἀμύνεσθαι περὶ νηῶν· ### book 12.143 αὐτὰρ ἐπεὶ δὴ τεῖχος ἐπεσσυμένους ἐνόησαν ### book 12.144 Τρῶας, ἀτὰρ Δαναῶν γένετο ἰαχή τε φόβος τε, ### book 12.145 ἐκ δὲ τὼ ἀΐξαντε πυλάων πρόσθε μαχέσθην ### book 12.146 ἀγροτέροισι σύεσσιν ἐοικότε, τώ τ’ ἐν ὄρεσσιν ### book 12.147 ἀνδρῶν ἠδὲ κυνῶν δέχαται κολοσυρτὸν ἰόντα, ### book 12.148 δοχμώ τ’ ἀΐσσοντε περὶ σφίσιν ἄγνυτον ὕλην ### book 12.149 πρυμνὴν ἐκτάμνοντες, ὑπαὶ δέ τε κόμπος ὀδόντων ### book 12.150 γίγνεται εἰς ὅ κέ τίς τε βαλὼν ἐκ θυμὸν ἕληται· ### book 12.151 ὣς τῶν κόμπει χαλκὸς ἐπὶ στήθεσσι φαεινὸς ### book 12.152 ἄντην βαλλομένων· μάλα γὰρ κρατερῶς ἐμάχοντο ### book 12.153 λαοῖσιν καθύπερθε πεποιθότες ἠδὲ βίηφιν. ### book 12.154 οἳ δ’ ἄρα χερμαδίοισιν ἐϋδμήτων ἀπὸ πύργων ### book 12.155 βάλλον ἀμυνόμενοι σφῶν τ’ αὐτῶν καὶ κλισιάων ### book 12.156 νηῶν τ’ ὠκυπόρων· νιφάδες δ’ ὡς πῖπτον ἔραζε, ### book 12.157 ἅς τ’ ἄνεμος ζαὴς νέφεα σκιόεντα δονήσας ### book 12.158 ταρφειὰς κατέχευεν ἐπὶ χθονὶ πουλυβοτείρῃ· ### book 12.159 ὣς τῶν ἐκ χειρῶν βέλεα ῥέον ἠμὲν Ἀχαιῶν ### book 12.160 ἠδὲ καὶ ἐκ Τρώων· κόρυθες δ’ ἀμφ’ αὖον ἀΰτευν ### book 12.161 βαλλομένων μυλάκεσσι καὶ ἀσπίδες ὀμφαλόεσσαι. ### book 12.162 δή ῥα τότ’ ᾤμωξεν καὶ ὣ πεπλήγετο μηρὼ ### book 12.163 Ἄσιος Ὑρτακίδης, καὶ ἀλαστήσας ἔπος ηὔδα· ### book 12.164 Ζεῦ πάτερ ἦ ῥά νυ καὶ σὺ φιλοψευδὴς ἐτέτυξο ### book 12.165 πάγχυ μάλ’· οὐ γὰρ ἔγωγ’ ἐφάμην ἥρωας Ἀχαιοὺς ### book 12.166 σχήσειν ἡμέτερόν γε μένος καὶ χεῖρας ἀάπτους. ### book 12.167 οἳ δ’, ὥς τε σφῆκες μέσον αἰόλοι ἠὲ μέλισσαι ### book 12.168 οἰκία ποιήσωνται ὁδῷ ἔπι παιπαλοέσσῃ, ### book 12.169 οὐδ’ ἀπολείπουσιν κοῖλον δόμον, ἀλλὰ μένοντες ### book 12.170 ἄνδρας θηρητῆρας ἀμύνονται περὶ τέκνων, ### book 12.171 ὣς οἵ γ’ οὐκ ἐθέλουσι πυλάων καὶ δύ’ ἐόντε ### book 12.172 χάσσασθαι πρίν γ’ ἠὲ κατακτάμεν ἠὲ ἁλῶναι. ### book 12.173 Ὣς ἔφατ’, οὐδὲ Διὸς πεῖθε φρένα ταῦτ’ ἀγορεύων· ### book 12.174 Ἕκτορι γάρ οἱ θυμὸς ἐβούλετο κῦδος ὀρέξαι. ### book 12.175 Ἄλλοι δ’ ἀμφ’ ἄλλῃσι μάχην ἐμάχοντο πύλῃσιν· ### book 12.176 ἀργαλέον δέ με ταῦτα θεὸν ὣς πάντ’ ἀγορεῦσαι· ### book 12.177 πάντῃ γὰρ περὶ τεῖχος ὀρώρει θεσπιδαὲς πῦρ ### book 12.178 λάϊνον· Ἀργεῖοι δὲ καὶ ἀχνύμενοί περ ἀνάγκῃ ### book 12.179 νηῶν ἠμύνοντο· θεοὶ δ’ ἀκαχήατο θυμὸν ### book 12.180 πάντες ὅσοι Δαναοῖσι μάχης ἐπιτάρροθοι ἦσαν. ### book 12.181 σὺν δ’ ἔβαλον Λαπίθαι πόλεμον καὶ δηϊοτῆτα. ### book 12.182 Ἔνθ’ αὖ Πειριθόου υἱὸς κρατερὸς Πολυποίτης ### book 12.183 δουρὶ βάλεν Δάμασον κυνέης διὰ χαλκοπαρῄου· ### book 12.184 οὐδ’ ἄρα χαλκείη κόρυς ἔσχεθεν, ἀλλὰ διὰ πρὸ ### book 12.185 αἰχμὴ χαλκείη ῥῆξ’ ὀστέον, ἐγκέφαλος δὲ ### book 12.186 ἔνδον ἅπας πεπάλακτο· δάμασσε δέ μιν μεμαῶτα· ### book 12.187 αὐτὰρ ἔπειτα Πύλωνα καὶ Ὄρμενον ἐξενάριξεν. ### book 12.188 υἱὸν δ’ Ἀντιμάχοιο Λεοντεὺς ὄζος Ἄρηος ### book 12.189 Ἱππόμαχον βάλε δουρὶ κατὰ ζωστῆρα τυχήσας. ### book 12.190 αὖτις δ’ ἐκ κολεοῖο ἐρυσσάμενος ξίφος ὀξὺ ### book 12.191 Ἀντιφάτην μὲν πρῶτον ἐπαΐξας δι’ ὁμίλου ### book 12.192 πλῆξ’ αὐτοσχεδίην· ὃ δ’ ἄρ’ ὕπτιος οὔδει ἐρείσθη· ### book 12.193 αὐτὰρ ἔπειτα Μένωνα καὶ Ἰαμενὸν καὶ Ὀρέστην ### book 12.194 πάντας ἐπασσυτέρους πέλασε χθονὶ πουλυβοτείρῃ. ### book 12.195 Ὄφρ’ οἳ τοὺς ἐνάριζον ἀπ’ ἔντεα μαρμαίροντα, ### book 12.196 τόφρ’ οἳ Πουλυδάμαντι καὶ Ἕκτορι κοῦροι ἕποντο, ### book 12.197 οἳ πλεῖστοι καὶ ἄριστοι ἔσαν, μέμασαν δὲ μάλιστα ### book 12.198 τεῖχός τε ῥήξειν καὶ ἐνιπρήσειν πυρὶ νῆας, ### book 12.199 οἵ ῥ’ ἔτι μερμήριζον ἐφεσταότες παρὰ τάφρῳ. ### book 12.200 ὄρνις γάρ σφιν ἐπῆλθε περησέμεναι μεμαῶσιν ### book 12.201 αἰετὸς ὑψιπέτης ἐπ’ ἀριστερὰ λαὸν ἐέργων ### book 12.202 φοινήεντα δράκοντα φέρων ὀνύχεσσι πέλωρον ### book 12.203 ζωὸν ἔτ’ ἀσπαίροντα, καὶ οὔ πω λήθετο χάρμης, ### book 12.204 κόψε γὰρ αὐτὸν ἔχοντα κατὰ στῆθος παρὰ δειρὴν ### book 12.205 ἰδνωθεὶς ὀπίσω· ὃ δ’ ἀπὸ ἕθεν ἧκε χαμᾶζε ### book 12.206 ἀλγήσας ὀδύνῃσι, μέσῳ δ’ ἐνὶ κάββαλ’ ὁμίλῳ, ### book 12.207 αὐτὸς δὲ κλάγξας πέτετο πνοιῇς ἀνέμοιο. ### book 12.208 Τρῶες δ’ ἐρρίγησαν ὅπως ἴδον αἰόλον ὄφιν ### book 12.209 κείμενον ἐν μέσσοισι Διὸς τέρας αἰγιόχοιο. ### book 12.210 δὴ τότε Πουλυδάμας θρασὺν Ἕκτορα εἶπε παραστάς· ### book 12.211 Ἕκτορ ἀεὶ μέν πώς μοι ἐπιπλήσσεις ἀγορῇσιν ### book 12.212 ἐσθλὰ φραζομένῳ, ἐπεὶ οὐδὲ μὲν οὐδὲ ἔοικε ### book 12.213 δῆμον ἐόντα παρὲξ ἀγορευέμεν, οὔτ’ ἐνὶ βουλῇ ### book 12.214 οὔτέ ποτ’ ἐν πολέμῳ, σὸν δὲ κράτος αἰὲν ἀέξειν· ### book 12.215 νῦν αὖτ’ ἐξερέω ὥς μοι δοκεῖ εἶναι ἄριστα. ### book 12.216 μὴ ἴομεν Δαναοῖσι μαχησόμενοι περὶ νηῶν. ### book 12.217 ὧδε γὰρ ἐκτελέεσθαι ὀΐομαι, εἰ ἐτεόν γε ### book 12.218 Τρωσὶν ὅδ’ ὄρνις ἦλθε περησέμεναι μεμαῶσιν ### book 12.219 αἰετὸς ὑψιπέτης ἐπ’ ἀριστερὰ λαὸν ἐέργων ### book 12.220 φοινήεντα δράκοντα φέρων ὀνύχεσσι πέλωρον ### book 12.221 ζωόν· ἄφαρ δ’ ἀφέηκε πάρος φίλα οἰκί’ ἱκέσθαι, ### book 12.222 οὐδ’ ἐτέλεσσε φέρων δόμεναι τεκέεσσιν ἑοῖσιν. ### book 12.223 ὣς ἡμεῖς, εἴ πέρ τε πύλας καὶ τεῖχος Ἀχαιῶν ### book 12.224 ῥηξόμεθα σθένεϊ μεγάλῳ, εἴξωσι δ’ Ἀχαιοί, ### book 12.225 οὐ κόσμῳ παρὰ ναῦφιν ἐλευσόμεθ’ αὐτὰ κέλευθα· ### book 12.226 πολλοὺς γὰρ Τρώων καταλείψομεν, οὕς κεν Ἀχαιοὶ ### book 12.227 χαλκῷ δῃώσωσιν ἀμυνόμενοι περὶ νηῶν. ### book 12.228 ὧδέ χ’ ὑποκρίναιτο θεοπρόπος, ὃς σάφα θυμῷ ### book 12.229 εἰδείη τεράων καί οἱ πειθοίατο λαοί. ### book 12.230 Τὸν δ’ ἄρ’ ὑπόδρα ἰδὼν προσέφη κορυθαίολος Ἕκτωρ· ### book 12.231 Πουλυδάμα, σὺ μὲν οὐκ ἔτ’ ἐμοὶ φίλα ταῦτ’ ἀγορεύεις· ### book 12.232 οἶσθα καὶ ἄλλον μῦθον ἀμείνονα τοῦδε νοῆσαι. ### book 12.233 εἰ δ’ ἐτεὸν δὴ τοῦτον ἀπὸ σπουδῆς ἀγορεύεις, ### book 12.234 ἐξ ἄρα δή τοι ἔπειτα θεοὶ φρένας ὤλεσαν αὐτοί, ### book 12.235 ὃς κέλεαι Ζηνὸς μὲν ἐριγδούποιο λαθέσθαι ### book 12.236 βουλέων, ἅς τέ μοι αὐτὸς ὑπέσχετο καὶ κατένευσε· ### book 12.237 τύνη δ’ οἰωνοῖσι τανυπτερύγεσσι κελεύεις ### book 12.238 πείθεσθαι, τῶν οὔ τι μετατρέπομ’ οὐδ’ ἀλεγίζω ### book 12.239 εἴτ’ ἐπὶ δεξί’ ἴωσι πρὸς ἠῶ τ’ ἠέλιόν τε, ### book 12.240 εἴτ’ ἐπ’ ἀριστερὰ τοί γε ποτὶ ζόφον ἠερόεντα. ### book 12.241 ἡμεῖς δὲ μεγάλοιο Διὸς πειθώμεθα βουλῇ, ### book 12.242 ὃς πᾶσι θνητοῖσι καὶ ἀθανάτοισιν ἀνάσσει. ### book 12.243 εἷς οἰωνὸς ἄριστος ἀμύνεσθαι περὶ πάτρης. ### book 12.244 τίπτε σὺ δείδοικας πόλεμον καὶ δηϊοτῆτα; ### book 12.245 εἴ περ γάρ τ’ ἄλλοι γε περὶ κτεινώμεθα πάντες ### book 12.246 νηυσὶν ἐπ’ Ἀργείων, σοὶ δ’ οὐ δέος ἔστ’ ἀπολέσθαι· ### book 12.247 οὐ γάρ τοι κραδίη μενεδήϊος οὐδὲ μαχήμων. ### book 12.248 εἰ δὲ σὺ δηϊοτῆτος ἀφέξεαι, ἠέ τιν’ ἄλλον ### book 12.249 παρφάμενος ἐπέεσσιν ἀποτρέψεις πολέμοιο, ### book 12.250 αὐτίκ’ ἐμῷ ὑπὸ δουρὶ τυπεὶς ἀπὸ θυμὸν ὀλέσσεις. ### book 12.251 Ὣς ἄρα φωνήσας ἡγήσατο, τοὶ δ’ ἅμ’ ἕποντο ### book 12.252 ἠχῇ θεσπεσίῃ· ἐπὶ δὲ Ζεὺς τερπικέραυνος ### book 12.253 ὦρσεν ἀπ’ Ἰδαίων ὀρέων ἀνέμοιο θύελλαν, ### book 12.254 ἥ ῥ’ ἰθὺς νηῶν κονίην φέρεν· αὐτὰρ Ἀχαιῶν ### book 12.255 θέλγε νόον, Τρωσὶν δὲ καὶ Ἕκτορι κῦδος ὄπαζε. ### book 12.256 τοῦ περ δὴ τεράεσσι πεποιθότες ἠδὲ βίηφι ### book 12.257 ῥήγνυσθαι μέγα τεῖχος Ἀχαιῶν πειρήτιζον. ### book 12.258 κρόσσας μὲν πύργων ἔρυον, καὶ ἔρειπον ἐπάλξεις, ### book 12.259 στήλας τε προβλῆτας ἐμόχλεον, ἃς ἄρ’ Ἀχαιοὶ ### book 12.260 πρώτας ἐν γαίῃ θέσαν ἔμμεναι ἔχματα πύργων. ### book 12.261 τὰς οἵ γ’ αὐέρυον, ἔλποντο δὲ τεῖχος Ἀχαιῶν ### book 12.262 ῥήξειν· οὐδέ νύ πω Δαναοὶ χάζοντο κελεύθου, ### book 12.263 ἀλλ’ οἵ γε ῥινοῖσι βοῶν φράξαντες ἐπάλξεις ### book 12.264 βάλλον ἀπ’ αὐτάων δηΐους ὑπὸ τεῖχος ἰόντας. ### book 12.265 Ἀμφοτέρω δ’ Αἴαντε κελευτιόωντ’ ἐπὶ πύργων ### book 12.266 πάντοσε φοιτήτην μένος ὀτρύνοντες Ἀχαιῶν. ### book 12.267 ἄλλον μειλιχίοις, ἄλλον στερεοῖς ἐπέεσσι ### book 12.268 νείκεον, ὅν τινα πάγχυ μάχης μεθιέντα ἴδοιεν· ### book 12.269 ὦ φίλοι Ἀργείων ὅς τ’ ἔξοχος ὅς τε μεσήεις ### book 12.270 ὅς τε χερειότερος, ἐπεὶ οὔ πω πάντες ὁμοῖοι ### book 12.271 ἀνέρες ἐν πολέμῳ, νῦν ἔπλετο ἔργον ἅπασι· ### book 12.272 καὶ δ’ αὐτοὶ τόδε που γιγνώσκετε. μή τις ὀπίσσω ### book 12.273 τετράφθω ποτὶ νῆας ὁμοκλητῆρος ἀκούσας, ### book 12.274 ἀλλὰ πρόσω ἵεσθε καὶ ἀλλήλοισι κέλεσθε, ### book 12.275 αἴ κε Ζεὺς δώῃσιν Ὀλύμπιος ἀστεροπητὴς ### book 12.276 νεῖκος ἀπωσαμένους δηΐους προτὶ ἄστυ δίεσθαι. ### book 12.277 Ὣς τώ γε προβοῶντε μάχην ὄτρυνον Ἀχαιῶν. ### book 12.278 τῶν δ’, ὥς τε νιφάδες χιόνος πίπτωσι θαμειαὶ ### book 12.279 ἤματι χειμερίῳ, ὅτε τ’ ὤρετο μητίετα Ζεὺς ### book 12.280 νιφέμεν ἀνθρώποισι πιφαυσκόμενος τὰ ἃ κῆλα· ### book 12.281 κοιμήσας δ’ ἀνέμους χέει ἔμπεδον, ὄφρα καλύψῃ ### book 12.282 ὑψηλῶν ὀρέων κορυφὰς καὶ πρώονας ἄκρους ### book 12.283 καὶ πεδία λωτοῦντα καὶ ἀνδρῶν πίονα ἔργα, ### book 12.284 καί τ’ ἐφ’ ἁλὸς πολιῆς κέχυται λιμέσιν τε καὶ ἀκταῖς, ### book 12.285 κῦμα δέ μιν προσπλάζον ἐρύκεται· ἄλλά τε πάντα ### book 12.286 εἴλυται καθύπερθ’, ὅτ’ ἐπιβρίσῃ Διὸς ὄμβρος· ### book 12.287 ὣς τῶν ἀμφοτέρωσε λίθοι πωτῶντο θαμειαί, ### book 12.288 αἱ μὲν ἄρ’ ἐς Τρῶας, αἱ δ’ ἐκ Τρώων ἐς Ἀχαιούς, ### book 12.289 βαλλομένων· τὸ δὲ τεῖχος ὕπερ πᾶν δοῦπος ὀρώρει. ### book 12.290 Οὐδ’ ἄν πω τότε γε Τρῶες καὶ φαίδιμος Ἕκτωρ ### book 12.291 τείχεος ἐρρήξαντο πύλας καὶ μακρὸν ὀχῆα, ### book 12.292 εἰ μὴ ἄρ’ υἱὸν ἑὸν Σαρπηδόνα μητίετα Ζεὺς ### book 12.293 ὦρσεν ἐπ’ Ἀργείοισι λέονθ’ ὣς βουσὶν ἕλιξιν. ### book 12.294 αὐτίκα δ’ ἀσπίδα μὲν πρόσθ’ ἔσχετο πάντος’ ἐΐσην ### book 12.295 καλὴν χαλκείην ἐξήλατον, ἣν ἄρα χαλκεὺς ### book 12.296 ἤλασεν, ἔντοσθεν δὲ βοείας ῥάψε θαμειὰς ### book 12.297 χρυσείῃς ῥάβδοισι διηνεκέσιν περὶ κύκλον. ### book 12.298 τὴν ἄρ’ ὅ γε πρόσθε σχόμενος δύο δοῦρε τινάσσων ### book 12.299 βῆ ῥ’ ἴμεν ὥς τε λέων ὀρεσίτροφος, ὅς τ’ ἐπιδευὴς ### book 12.300 δηρὸν ἔῃ κρειῶν, κέλεται δέ ἑ θυμὸς ἀγήνωρ ### book 12.301 μήλων πειρήσοντα καὶ ἐς πυκινὸν δόμον ἐλθεῖν· ### book 12.302 εἴ περ γάρ χ’ εὕρῃσι παρ’ αὐτόφι βώτορας ἄνδρας ### book 12.303 σὺν κυσὶ καὶ δούρεσσι φυλάσσοντας περὶ μῆλα, ### book 12.304 οὔ ῥά τ’ ἀπείρητος μέμονε σταθμοῖο δίεσθαι, ### book 12.305 ἀλλ’ ὅ γ’ ἄρ’ ἢ ἥρπαξε μετάλμενος, ἠὲ καὶ αὐτὸς ### book 12.306 ἔβλητ’ ἐν πρώτοισι θοῆς ἀπὸ χειρὸς ἄκοντι· ### book 12.307 ὥς ῥα τότ’ ἀντίθεον Σαρπηδόνα θυμὸς ἀνῆκε ### book 12.308 τεῖχος ἐπαΐξαι διά τε ῥήξασθαι ἐπάλξεις. ### book 12.309 αὐτίκα δὲ Γλαῦκον προσέφη παῖδ’ Ἱππολόχοιο· ### book 12.310 Γλαῦκε τί ἢ δὴ νῶϊ τετιμήμεσθα μάλιστα ### book 12.311 ἕδρῃ τε κρέασίν τε ἰδὲ πλείοις δεπάεσσιν ### book 12.312 ἐν Λυκίῃ, πάντες δὲ θεοὺς ὣς εἰσορόωσι, ### book 12.313 καὶ τέμενος νεμόμεσθα μέγα Ξάνθοιο παρ’ ὄχθας ### book 12.314 καλὸν φυταλιῆς καὶ ἀρούρης πυροφόροιο; ### book 12.315 τὼ νῦν χρὴ Λυκίοισι μέτα πρώτοισιν ἐόντας ### book 12.316 ἑστάμεν ἠδὲ μάχης καυστείρης ἀντιβολῆσαι, ### book 12.317 ὄφρά τις ὧδ’ εἴπῃ Λυκίων πύκα θωρηκτάων· ### book 12.318 οὐ μὰν ἀκλεέες Λυκίην κάτα κοιρανέουσιν ### book 12.319 ἡμέτεροι βασιλῆες, ἔδουσί τε πίονα μῆλα ### book 12.320 οἶνόν τ’ ἔξαιτον μελιηδέα· ἀλλ’ ἄρα καὶ ἲς ### book 12.321 ἐσθλή, ἐπεὶ Λυκίοισι μέτα πρώτοισι μάχονται. ### book 12.322 ὦ πέπον εἰ μὲν γὰρ πόλεμον περὶ τόνδε φυγόντε ### book 12.323 αἰεὶ δὴ μέλλοιμεν ἀγήρω τ’ ἀθανάτω τε ### book 12.324 ἔσσεσθ’, οὔτέ κεν αὐτὸς ἐνὶ πρώτοισι μαχοίμην ### book 12.325 οὔτέ κε σὲ στέλλοιμι μάχην ἐς κυδιάνειραν· ### book 12.326 νῦν δ’ ἔμπης γὰρ κῆρες ἐφεστᾶσιν θανάτοιο ### book 12.327 μυρίαι, ἃς οὐκ ἔστι φυγεῖν βροτὸν οὐδ’ ὑπαλύξαι, ### book 12.328 ἴομεν ἠέ τῳ εὖχος ὀρέξομεν ἠέ τις ἡμῖν. ### book 12.329 Ὣς ἔφατ’, οὐδὲ Γλαῦκος ἀπετράπετ’ οὐδ’ ἀπίθησε· ### book 12.330 τὼ δ’ ἰθὺς βήτην Λυκίων μέγα ἔθνος ἄγοντε. ### book 12.331 τοὺς δὲ ἰδὼν ῥίγης’ υἱὸς Πετεῶο Μενεσθεύς· ### book 12.332 τοῦ γὰρ δὴ πρὸς πύργον ἴσαν κακότητα φέροντες. ### book 12.333 πάπτηνεν δ’ ἀνὰ πύργον Ἀχαιῶν εἴ τιν’ ἴδοιτο ### book 12.334 ἡγεμόνων, ὅς τίς οἱ ἀρὴν ἑτάροισιν ἀμύναι· ### book 12.335 ἐς δ’ ἐνόης’ Αἴαντε δύω πολέμου ἀκορήτω ### book 12.336 ἑσταότας, Τεῦκρόν τε νέον κλισίηθεν ἰόντα ### book 12.337 ἐγγύθεν· ἀλλ’ οὔ πώς οἱ ἔην βώσαντι γεγωνεῖν· ### book 12.338 τόσσος γὰρ κτύπος ἦεν, ἀϋτὴ δ’ οὐρανὸν ἷκε, ### book 12.339 βαλλομένων σακέων τε καὶ ἱπποκόμων τρυφαλειῶν ### book 12.340 καὶ πυλέων· πᾶσαι γὰρ ἐπώχατο, τοὶ δὲ κατ’ αὐτὰς ### book 12.341 ἱστάμενοι πειρῶντο βίῃ ῥήξαντες ἐσελθεῖν. ### book 12.342 αἶψα δ’ ἐπ’ Αἴαντα προΐει κήρυκα Θοώτην· ### book 12.343 ἔρχεο δῖε Θοῶτα, θέων Αἴαντα κάλεσσον, ### book 12.344 ἀμφοτέρω μὲν μᾶλλον· ὃ γάρ κ’ ὄχ’ ἄριστον ἁπάντων ### book 12.345 εἴη, ἐπεὶ τάχα τῇδε τετεύξεται αἰπὺς ὄλεθρος. ### book 12.346 ὧδε γὰρ ἔβρισαν Λυκίων ἀγοί, οἳ τὸ πάρος περ ### book 12.347 ζαχρηεῖς τελέθουσι κατὰ κρατερὰς ὑσμίνας. ### book 12.348 εἰ δέ σφιν καὶ κεῖθι πόνος καὶ νεῖκος ὄρωρεν, ### book 12.349 ἀλλά περ οἶος ἴτω Τελαμώνιος ἄλκιμος Αἴας, ### book 12.350 καί οἱ Τεῦκρος ἅμα σπέσθω τόξων ἐῢ εἰδώς. ### book 12.351 Ὣς ἔφατ’, οὐδ’ ἄρα οἱ κῆρυξ ἀπίθησεν ἀκούσας, ### book 12.352 βῆ δὲ θέειν παρὰ τεῖχος Ἀχαιῶν χαλκοχιτώνων, ### book 12.353 στῆ δὲ παρ’ Αἰάντεσσι κιών, εἶθαρ δὲ προσηύδα· ### book 12.354 Αἴαντ’ Ἀργείων ἡγήτορε χαλκοχιτώνων ### book 12.355 ἠνώγει Πετεῶο διοτρεφέος φίλος υἱὸς ### book 12.356 κεῖς’ ἴμεν, ὄφρα πόνοιο μίνυνθά περ ἀντιάσητον ### book 12.357 ἀμφοτέρω μὲν μᾶλλον· ὃ γάρ κ’ ὄχ’ ἄριστον ἁπάντων ### book 12.358 εἴη, ἐπεὶ τάχα κεῖθι τετεύξεται αἰπὺς ὄλεθρος· ### book 12.359 ὧδε γὰρ ἔβρισαν Λυκίων ἀγοί, οἳ τὸ πάρος περ ### book 12.360 ζαχρηεῖς τελέθουσι κατὰ κρατερὰς ὑσμίνας. ### book 12.361 εἰ δὲ καὶ ἐνθάδε περ πόλεμος καὶ νεῖκος ὄρωρεν, ### book 12.362 ἀλλά περ οἶος ἴτω Τελαμώνιος ἄλκιμος Αἴας, ### book 12.363 καί οἱ Τεῦκρος ἅμα σπέσθω τόξων ἐῢ εἰδώς. ### book 12.364 Ὣς ἔφατ’, οὐδ’ ἀπίθησε μέγας Τελαμώνιος Αἴας. ### book 12.365 αὐτίκ’ Ὀϊλιάδην ἔπεα πτερόεντα προσηύδα· ### book 12.366 Αἶαν σφῶϊ μὲν αὖθι, σὺ καὶ κρατερὸς Λυκομήδης, ### book 12.367 ἑσταότες Δαναοὺς ὀτρύνετον ἶφι μάχεσθαι· ### book 12.368 αὐτὰρ ἐγὼ κεῖς’ εἶμι καὶ ἀντιόω πολέμοιο· ### book 12.369 αἶψα δ’ ἐλεύσομαι αὖτις, ἐπὴν εὖ τοῖς ἐπαμύνω. ### book 12.370 Ὣς ἄρα φωνήσας ἀπέβη Τελαμώνιος Αἴας, ### book 12.371 καί οἱ Τεῦκρος ἅμ’ ᾖε κασίγνητος καὶ ὄπατρος· ### book 12.372 τοῖς δ’ ἅμα Πανδίων Τεύκρου φέρε καμπύλα τόξα. ### book 12.373 εὖτε Μενεσθῆος μεγαθύμου πύργον ἵκοντο ### book 12.374 τείχεος ἐντὸς ἰόντες, ἐπειγομένοισι δ’ ἵκοντο, ### book 12.375 οἳ δ’ ἐπ’ ἐπάλξεις βαῖνον ἐρεμνῇ λαίλαπι ἶσοι ### book 12.376 ἴφθιμοι Λυκίων ἡγήτορες ἠδὲ μέδοντες· ### book 12.377 σὺν δ’ ἐβάλοντο μάχεσθαι ἐναντίον, ὦρτο δ’ ἀϋτή. ### book 12.378 Αἴας δὲ πρῶτος Τελαμώνιος ἄνδρα κατέκτα ### book 12.379 Σαρπήδοντος ἑταῖρον Ἐπικλῆα μεγάθυμον ### book 12.380 μαρμάρῳ ὀκριόεντι βαλών, ὅ ῥα τείχεος ἐντὸς ### book 12.381 κεῖτο μέγας παρ’ ἔπαλξιν ὑπέρτατος· οὐδέ κέ μιν ῥέα ### book 12.382 χείρεσς’ ἀμφοτέρῃς ἔχοι ἀνὴρ οὐδὲ μάλ’ ἡβῶν, ### book 12.383 οἷοι νῦν βροτοί εἰς’· ὃ δ’ ἄρ’ ὑψόθεν ἔμβαλ’ ἀείρας, ### book 12.384 θλάσσε δὲ τετράφαλον κυνέην, σὺν δ’ ὀστέ’ ἄραξε ### book 12.385 πάντ’ ἄμυδις κεφαλῆς· ὃ δ’ ἄρ’ ἀρνευτῆρι ἐοικὼς ### book 12.386 κάππες’ ἀφ’ ὑψηλοῦ πύργου, λίπε δ’ ὀστέα θυμός. ### book 12.387 Τεῦκρος δὲ Γλαῦκον κρατερὸν παῖδ’ Ἱππολόχοιο ### book 12.388 ἰῷ ἐπεσσύμενον βάλε τείχεος ὑψηλοῖο, ### book 12.389 ᾗ ῥ’ ἴδε γυμνωθέντα βραχίονα, παῦσε δὲ χάρμης. ### book 12.390 ἂψ δ’ ἀπὸ τείχεος ἆλτο λαθών, ἵνα μή τις Ἀχαιῶν ### book 12.391 βλήμενον ἀθρήσειε καὶ εὐχετόῳτ’ ἐπέεσσι. ### book 12.392 Σαρπήδοντι δ’ ἄχος γένετο Γλαύκου ἀπιόντος ### book 12.393 αὐτίκ’ ἐπεί τ’ ἐνόησεν· ὅμως δ’ οὐ λήθετο χάρμης, ### book 12.394 ἀλλ’ ὅ γε Θεστορίδην Ἀλκμάονα δουρὶ τυχήσας ### book 12.395 νύξ’, ἐκ δ’ ἔσπασεν ἔγχος· ὃ δ’ ἑσπόμενος πέσε δουρὶ ### book 12.396 πρηνής, ἀμφὶ δέ οἱ βράχε τεύχεα ποικίλα χαλκῷ, ### book 12.397 Σαρπηδὼν δ’ ἄρ’ ἔπαλξιν ἑλὼν χερσὶ στιβαρῇσιν ### book 12.398 ἕλχ’, ἣ δ’ ἕσπετο πᾶσα διαμπερές, αὐτὰρ ὕπερθε ### book 12.399 τεῖχος ἐγυμνώθη, πολέεσσι δὲ θῆκε κέλευθον. ### book 12.400 Τὸν δ’ Αἴας καὶ Τεῦκρος ὁμαρτήσανθ’ ὃ μὲν ἰῷ ### book 12.401 βεβλήκει τελαμῶνα περὶ στήθεσσι φαεινὸν ### book 12.402 ἀσπίδος ἀμφιβρότης· ἀλλὰ Ζεὺς κῆρας ἄμυνε ### book 12.403 παιδὸς ἑοῦ, μὴ νηυσὶν ἔπι πρύμνῃσι δαμείη· ### book 12.404 Αἴας δ’ ἀσπίδα νύξεν ἐπάλμενος, οὐδὲ διὰ πρὸ ### book 12.405 ἤλυθεν ἐγχείη, στυφέλιξε δέ μιν μεμαῶτα. ### book 12.406 χώρησεν δ’ ἄρα τυτθὸν ἐπάλξιος· οὐδ’ ὅ γε πάμπαν ### book 12.407 χάζετ’, ἐπεί οἱ θυμὸς ἐέλπετο κῦδος ἀρέσθαι. ### book 12.408 κέκλετο δ’ ἀντιθέοισιν ἑλιξάμενος Λυκίοισιν· ### book 12.409 ὦ Λύκιοι τί τ’ ἄρ’ ὧδε μεθίετε θούριδος ἀλκῆς; ### book 12.410 ἀργαλέον δέ μοί ἐστι καὶ ἰφθίμῳ περ ἐόντι ### book 12.411 μούνῳ ῥηξαμένῳ θέσθαι παρὰ νηυσὶ κέλευθον· ### book 12.412 ἀλλ’ ἐφομαρτεῖτε· πλεόνων δέ τι ἔργον ἄμεινον. ### book 12.413 Ὣς ἔφαθ’, οἳ δὲ ἄνακτος ὑποδείσαντες ὁμοκλὴν ### book 12.414 μᾶλλον ἐπέβρισαν βουληφόρον ἀμφὶ ἄνακτα. ### book 12.415 Ἀργεῖοι δ’ ἑτέρωθεν ἐκαρτύναντο φάλαγγας ### book 12.416 τείχεος ἔντοσθεν, μέγα δέ σφισι φαίνετο ἔργον· ### book 12.417 οὔτε γὰρ ἴφθιμοι Λύκιοι Δαναῶν ἐδύναντο ### book 12.418 τεῖχος ῥηξάμενοι θέσθαι παρὰ νηυσὶ κέλευθον, ### book 12.419 οὔτέ ποτ’ αἰχμηταὶ Δαναοὶ Λυκίους ἐδύναντο ### book 12.420 τείχεος ἂψ ὤσασθαι, ἐπεὶ τὰ πρῶτα πέλασθεν. ### book 12.421 ἀλλ’ ὥς τ’ ἀμφ’ οὔροισι δύ’ ἀνέρε δηριάασθον ### book 12.422 μέτρ’ ἐν χερσὶν ἔχοντες ἐπιξύνῳ ἐν ἀρούρῃ, ### book 12.423 ὥ τ’ ὀλίγῳ ἐνὶ χώρῳ ἐρίζητον περὶ ἴσης, ### book 12.424 ὣς ἄρα τοὺς διέεργον ἐπάλξιες· οἳ δ’ ὑπὲρ αὐτέων ### book 12.425 δῄουν ἀλλήλων ἀμφὶ στήθεσσι βοείας ### book 12.426 ἀσπίδας εὐκύκλους λαισήϊά τε πτερόεντα. ### book 12.427 πολλοὶ δ’ οὐτάζοντο κατὰ χρόα νηλέϊ χαλκῷ, ### book 12.428 ἠμὲν ὅτεῳ στρεφθέντι μετάφρενα γυμνωθείη ### book 12.429 μαρναμένων, πολλοὶ δὲ διαμπερὲς ἀσπίδος αὐτῆς. ### book 12.430 πάντῃ δὴ πύργοι καὶ ἐπάλξιες αἵματι φωτῶν ### book 12.431 ἐρράδατ’ ἀμφοτέρωθεν ἀπὸ Τρώων καὶ Ἀχαιῶν. ### book 12.432 ἀλλ’ οὐδ’ ὧς ἐδύναντο φόβον ποιῆσαι Ἀχαιῶν, ### book 12.433 ἀλλ’ ἔχον ὥς τε τάλαντα γυνὴ χερνῆτις ἀληθής, ### book 12.434 ἥ τε σταθμὸν ἔχουσα καὶ εἴριον ἀμφὶς ἀνέλκει ### book 12.435 ἰσάζους’, ἵνα παισὶν ἀεικέα μισθὸν ἄρηται· ### book 12.436 ὣς μὲν τῶν ἐπὶ ἶσα μάχη τέτατο πτόλεμός τε, ### book 12.437 πρίν γ’ ὅτε δὴ Ζεὺς κῦδος ὑπέρτερον Ἕκτορι δῶκε ### book 12.438 Πριαμίδῃ, ὃς πρῶτος ἐσήλατο τεῖχος Ἀχαιῶν. ### book 12.439 ἤϋσεν δὲ διαπρύσιον Τρώεσσι γεγωνώς· ### book 12.440 ὄρνυσθ’ ἱππόδαμοι Τρῶες, ῥήγνυσθε δὲ τεῖχος ### book 12.441 Ἀργείων καὶ νηυσὶν ἐνίετε θεσπιδαὲς πῦρ. ### book 12.442 Ὣς φάτ’ ἐποτρύνων, οἳ δ’ οὔασι πάντες ἄκουον, ### book 12.443 ἴθυσαν δ’ ἐπὶ τεῖχος ἀολλέες· οἳ μὲν ἔπειτα ### book 12.444 κροσσάων ἐπέβαινον ἀκαχμένα δούρατ’ ἔχοντες, ### book 12.445 Ἕκτωρ δ’ ἁρπάξας λᾶαν φέρεν, ὅς ῥα πυλάων ### book 12.446 ἑστήκει πρόσθε πρυμνὸς παχύς, αὐτὰρ ὕπερθεν ### book 12.447 ὀξὺς ἔην· τὸν δ’ οὔ κε δύ’ ἀνέρε δήμου ἀρίστω ### book 12.448 ῥηϊδίως ἐπ’ ἄμαξαν ἀπ’ οὔδεος ὀχλίσσειαν, ### book 12.449 οἷοι νῦν βροτοί εἰς’· ὃ δέ μιν ῥέα πάλλε καὶ οἶος. ### book 12.450 τόν οἱ ἐλαφρὸν ἔθηκε Κρόνου πάϊς ἀγκυλομήτεω. ### book 12.451 ὡς δ’ ὅτε ποιμὴν ῥεῖα φέρει πόκον ἄρσενος οἰὸς ### book 12.452 χειρὶ λαβὼν ἑτέρῃ, ὀλίγον τέ μιν ἄχθος ἐπείγει, ### book 12.453 ὣς Ἕκτωρ ἰθὺς σανίδων φέρε λαᾶν ἀείρας, ### book 12.454 αἵ ῥα πύλας εἴρυντο πύκα στιβαρῶς ἀραρυίας ### book 12.455 δικλίδας ὑψηλάς· δοιοὶ δ’ ἔντοσθεν ὀχῆες ### book 12.456 εἶχον ἐπημοιβοί, μία δὲ κληῒς ἐπαρήρει. ### book 12.457 στῆ δὲ μάλ’ ἐγγὺς ἰών, καὶ ἐρεισάμενος βάλε μέσσας ### book 12.458 εὖ διαβάς, ἵνα μή οἱ ἀφαυρότερον βέλος εἴη, ### book 12.459 ῥῆξε δ’ ἀπ’ ἀμφοτέρους θαιρούς· πέσε δὲ λίθος εἴσω ### book 12.460 βριθοσύνῃ, μέγα δ’ ἀμφὶ πύλαι μύκον, οὐδ’ ἄρ’ ὀχῆες ### book 12.461 ἐσχεθέτην, σανίδες δὲ διέτμαγεν ἄλλυδις ἄλλη ### book 12.462 λᾶος ὑπὸ ῥιπῆς· ὃ δ’ ἄρ’ ἔσθορε φαίδιμος Ἕκτωρ ### book 12.463 νυκτὶ θοῇ ἀτάλαντος ὑπώπια· λάμπε δὲ χαλκῷ ### book 12.464 σμερδαλέῳ, τὸν ἕεστο περὶ χροΐ, δοιὰ δὲ χερσὶ ### book 12.465 δοῦρ’ ἔχεν· οὔ κέν τίς μιν ἐρύκακεν ἀντιβολήσας ### book 12.466 νόσφι θεῶν ὅτ’ ἐσᾶλτο πύλας· πυρὶ δ’ ὄσσε δεδήει. ### book 12.467 κέκλετο δὲ Τρώεσσιν ἑλιξάμενος καθ’ ὅμιλον ### book 12.468 τεῖχος ὑπερβαίνειν· τοὶ δ’ ὀτρύνοντι πίθοντο. ### book 12.469 αὐτίκα δ’ οἳ μὲν τεῖχος ὑπέρβασαν, οἳ δὲ κατ’ αὐτὰς ### book 12.470 ποιητὰς ἐσέχυντο πύλας· Δαναοὶ δὲ φόβηθεν ### book 12.471 νῆας ἀνὰ γλαφυράς, ὅμαδος δ’ ἀλίαστος ἐτύχθη. ### book 13.1 Ζεὺς δ’ ἐπεὶ οὖν Τρῶάς τε καὶ Ἕκτορα νηυσὶ πέλασσε, ### book 13.2 τοὺς μὲν ἔα παρὰ τῇσι πόνον τ’ ἐχέμεν καὶ ὀϊζὺν ### book 13.3 νωλεμέως, αὐτὸς δὲ πάλιν τρέπεν ὄσσε φαεινὼ ### book 13.4 νόσφιν ἐφ’ ἱπποπόλων Θρῃκῶν καθορώμενος αἶαν ### book 13.5 Μυσῶν τ’ ἀγχεμάχων καὶ ἀγαυῶν ἱππημολγῶν ### book 13.6 γλακτοφάγων Ἀβίων τε δικαιοτάτων ἀνθρώπων. ### book 13.7 ἐς Τροίην δ’ οὐ πάμπαν ἔτι τρέπεν ὄσσε φαεινώ· ### book 13.8 οὐ γὰρ ὅ γ’ ἀθανάτων τινα ἔλπετο ὃν κατὰ θυμὸν ### book 13.9 ἐλθόντ’ ἢ Τρώεσσιν ἀρηξέμεν ἢ Δαναοῖσιν. ### book 13.10 Οὐδ’ ἀλαοσκοπιὴν εἶχε κρείων ἐνοσίχθων· ### book 13.11 καὶ γὰρ ὃ θαυμάζων ἧστο πτόλεμόν τε μάχην τε ### book 13.12 ὑψοῦ ἐπ’ ἀκροτάτης κορυφῆς Σάμου ὑληέσσης ### book 13.13 Θρηϊκίης· ἔνθεν γὰρ ἐφαίνετο πᾶσα μὲν Ἴδη, ### book 13.14 φαίνετο δὲ Πριάμοιο πόλις καὶ νῆες Ἀχαιῶν. ### book 13.15 ἔνθ’ ἄρ’ ὅ γ’ ἐξ ἁλὸς ἕζετ’ ἰών, ἐλέαιρε δ’ Ἀχαιοὺς ### book 13.16 Τρωσὶν δαμναμένους, Διὶ δὲ κρατερῶς ἐνεμέσσα. ### book 13.17 Αὐτίκα δ’ ἐξ ὄρεος κατεβήσετο παιπαλόεντος ### book 13.18 κραιπνὰ ποσὶ προβιβάς· τρέμε δ’ οὔρεα μακρὰ καὶ ὕλη ### book 13.19 ποσσὶν ὑπ’ ἀθανάτοισι Ποσειδάωνος ἰόντος. ### book 13.20 τρὶς μὲν ὀρέξατ’ ἰών, τὸ δὲ τέτρατον ἵκετο τέκμωρ ### book 13.21 Αἰγάς, ἔνθα δέ οἱ κλυτὰ δώματα βένθεσι λίμνης ### book 13.22 χρύσεα μαρμαίροντα τετεύχαται ἄφθιτα αἰεί. ### book 13.23 ἔνθ’ ἐλθὼν ὑπ’ ὄχεσφι τιτύσκετο χαλκόποδ’ ἵππω ### book 13.24 ὠκυπέτα χρυσέῃσιν ἐθείρῃσιν κομόωντε, ### book 13.25 χρυσὸν δ’ αὐτὸς ἔδυνε περὶ χροΐ, γέντο δ’ ἱμάσθλην ### book 13.26 χρυσείην εὔτυκτον, ἑοῦ δ’ ἐπεβήσετο δίφρου, ### book 13.27 βῆ δ’ ἐλάαν ἐπὶ κύματ’· ἄταλλε δὲ κήτε’ ὑπ’ αὐτοῦ ### book 13.28 πάντοθεν ἐκ κευθμῶν, οὐδ’ ἠγνοίησεν ἄνακτα· ### book 13.29 γηθοσύνῃ δὲ θάλασσα διίστατο· τοὶ δὲ πέτοντο ### book 13.30 ῥίμφα μάλ’, οὐδ’ ὑπένερθε διαίνετο χάλκεος ἄξων· ### book 13.31 τὸν δ’ ἐς Ἀχαιῶν νῆας ἐΰσκαρθμοι φέρον ἵπποι. ### book 13.32 Ἔστι δέ τι σπέος εὐρὺ βαθείης βένθεσι λίμνης ### book 13.33 μεσσηγὺς Τενέδοιο καὶ Ἴμβρου παιπαλοέσσης· ### book 13.34 ἔνθ’ ἵππους ἔστησε Ποσειδάων ἐνοσίχθων ### book 13.35 λύσας ἐξ ὀχέων, παρὰ δ’ ἀμβρόσιον βάλεν εἶδαρ ### book 13.36 ἔδμεναι· ἀμφὶ δὲ ποσσὶ πέδας ἔβαλε χρυσείας ### book 13.37 ἀρρήκτους ἀλύτους, ὄφρ’ ἔμπεδον αὖθι μένοιεν ### book 13.38 νοστήσαντα ἄνακτα· ὃ δ’ ἐς στρατὸν ᾤχετ’ Ἀχαιῶν. ### book 13.39 Τρῶες δὲ φλογὶ ἶσοι ἀολλέες ἠὲ θυέλλῃ ### book 13.40 Ἕκτορι Πριαμίδῃ ἄμοτον μεμαῶτες ἕποντο ### book 13.41 ἄβρομοι αὐΐαχοι· ἔλποντο δὲ νῆας Ἀχαιῶν ### book 13.42 αἱρήσειν, κτενέειν δὲ παρ’ αὐτόθι πάντας ἀρίστους. ### book 13.43 ἀλλὰ Ποσειδάων γαιήοχος ἐννοσίγαιος ### book 13.44 Ἀργείους ὄτρυνε βαθείης ἐξ ἁλὸς ἐλθὼν ### book 13.45 εἰσάμενος Κάλχαντι δέμας καὶ ἀτειρέα φωνήν· ### book 13.46 Αἴαντε πρώτω προσέφη μεμαῶτε καὶ αὐτώ· ### book 13.47 Αἴαντε σφὼ μέν τε σαώσετε λαὸν Ἀχαιῶν ### book 13.48 ἀλκῆς μνησαμένω, μὴ δὲ κρυεροῖο φόβοιο. ### book 13.49 ἄλλῃ μὲν γὰρ ἔγωγ’ οὐ δείδια χεῖρας ἀάπτους ### book 13.50 Τρώων, οἳ μέγα τεῖχος ὑπερκατέβησαν ὁμίλῳ· ### book 13.51 ἕξουσιν γὰρ πάντας ἐϋκνήμιδες Ἀχαιοί· ### book 13.52 τῇ δὲ δὴ αἰνότατον περιδείδια μή τι πάθωμεν, ### book 13.53 ᾗ ῥ’ ὅ γ’ ὁ λυσσώδης φλογὶ εἴκελος ἡγεμονεύει ### book 13.54 Ἕκτωρ, ὃς Διὸς εὔχετ’ ἐρισθενέος πάϊς εἶναι. ### book 13.55 σφῶϊν δ’ ὧδε θεῶν τις ἐνὶ φρεσὶ ποιήσειεν ### book 13.56 αὐτώ θ’ ἑστάμεναι κρατερῶς καὶ ἀνωγέμεν ἄλλους· ### book 13.57 τώ κε καὶ ἐσσύμενόν περ ἐρωήσαιτ’ ἀπὸ νηῶν ### book 13.58 ὠκυπόρων, εἰ καί μιν Ὀλύμπιος αὐτὸς ἐγείρει. ### book 13.59 Ἦ καὶ σκηπανίῳ γαιήοχος ἐννοσίγαιος ### book 13.60 ἀμφοτέρω κεκόπων πλῆσεν μένεος κρατεροῖο, ### book 13.61 γυῖα δ’ ἔθηκεν ἐλαφρὰ πόδας καὶ χεῖρας ὕπερθεν. ### book 13.62 αὐτὸς δ’ ὥς τ’ ἴρηξ ὠκύπτερος ὦρτο πέτεσθαι, ### book 13.63 ὅς ῥά τ’ ἀπ’ αἰγίλιπος πέτρης περιμήκεος ἀρθεὶς ### book 13.64 ὁρμήσῃ πεδίοιο διώκειν ὄρνεον ἄλλο, ### book 13.65 ὣς ἀπὸ τῶν ἤϊξε Ποσειδάων ἐνοσίχθων. ### book 13.66 τοῖιν δ’ ἔγνω πρόσθεν Ὀϊλῆος ταχὺς Αἴας, ### book 13.67 αἶψα δ’ ἄρ’ Αἴαντα προσέφη Τελαμώνιον υἱόν· ### book 13.68 Αἶαν ἐπεί τις νῶϊ θεῶν οἳ Ὄλυμπον ἔχουσι ### book 13.69 μάντεϊ εἰδόμενος κέλεται παρὰ νηυσὶ μάχεσθαι, ### book 13.70 οὐδ’ ὅ γε Κάλχας ἐστὶ θεοπρόπος οἰωνιστής· ### book 13.71 ἴχνια γὰρ μετόπισθε ποδῶν ἠδὲ κνημάων ### book 13.72 ῥεῖ’ ἔγνων ἀπιόντος· ἀρίγνωτοι δὲ θεοί περ· ### book 13.73 καὶ δ’ ἐμοὶ αὐτῷ θυμὸς ἐνὶ στήθεσσι φίλοισι ### book 13.74 μᾶλλον ἐφορμᾶται πολεμίζειν ἠδὲ μάχεσθαι, ### book 13.75 μαιμώωσι δ’ ἔνερθε πόδες καὶ χεῖρες ὕπερθε. ### book 13.76 Τὸν δ’ ἀπαμειβόμενος προσέφη Τελαμώνιος Αἴας· ### book 13.77 οὕτω νῦν καὶ ἐμοὶ περὶ δούρατι χεῖρες ἄαπτοι ### book 13.78 μαιμῶσιν, καί μοι μένος ὤρορε, νέρθε δὲ ποσσὶν ### book 13.79 ἔσσυμαι ἀμφοτέροισι· μενοινώω δὲ καὶ οἶος ### book 13.80 Ἕκτορι Πριαμίδῃ ἄμοτον μεμαῶτι μάχεσθαι. ### book 13.81 Ὣς οἳ μὲν τοιαῦτα πρὸς ἀλλήλους ἀγόρευον ### book 13.82 χάρμῃ γηθόσυνοι, τήν σφιν θεὸς ἔμβαλε θυμῷ· ### book 13.83 τόφρα δὲ τοὺς ὄπιθεν γαιήοχος ὦρσεν Ἀχαιούς, ### book 13.84 οἳ παρὰ νηυσὶ θοῇσιν ἀνέψυχον φίλον ἦτορ. ### book 13.85 τῶν ῥ’ ἅμα τ’ ἀργαλέῳ καμάτῳ φίλα γυῖα λέλυντο, ### book 13.86 καί σφιν ἄχος κατὰ θυμὸν ἐγίγνετο δερκομένοισι ### book 13.87 Τρῶας, τοὶ μέγα τεῖχος ὑπερκατέβησαν ὁμίλῳ. ### book 13.88 τοὺς οἵ γ’ εἰσορόωντες ὑπ’ ὀφρύσι δάκρυα λεῖβον· ### book 13.89 οὐ γὰρ ἔφαν φεύξεσθαι ὑπ’ ἐκ κακοῦ· ἀλλ’ ἐνοσίχθων ### book 13.90 ῥεῖα μετεισάμενος κρατερὰς ὄτρυνε φάλαγγας. ### book 13.91 Τεῦκρον ἔπι πρῶτον καὶ Λήϊτον ἦλθε κελεύων ### book 13.92 Πηνέλεών θ’ ἥρωα Θόαντά τε Δηΐπυρόν τε ### book 13.93 Μηριόνην τε καὶ Ἀντίλοχον μήστωρας ἀϋτῆς· ### book 13.94 τοὺς ὅ γ’ ἐποτρύνων ἔπεα πτερόεντα προσηύδα· ### book 13.95 αἰδὼς Ἀργεῖοι, κοῦροι νέοι· ὔμμιν ἔγωγε ### book 13.96 μαρναμένοισι πέποιθα σαωσέμεναι νέας ἁμάς· ### book 13.97 εἰ δ’ ὑμεῖς πολέμοιο μεθήσετε λευγαλέοιο, ### book 13.98 νῦν δὴ εἴδεται ἦμαρ ὑπὸ Τρώεσσι δαμῆναι. ### book 13.99 ὢ πόποι ἦ μέγα θαῦμα τόδ’ ὀφθαλμοῖσιν ὁρῶμαι ### book 13.100 δεινόν, ὃ οὔ ποτ’ ἔγωγε τελευτήσεσθαι ἔφασκον, ### book 13.101 Τρῶας ἐφ’ ἡμετέρας ἰέναι νέας, οἳ τὸ πάρος περ ### book 13.102 φυζακινῇς ἐλάφοισιν ἐοίκεσαν, αἵ τε καθ’ ὕλην ### book 13.103 θώων παρδαλίων τε λύκων τ’ ἤϊα πέλονται ### book 13.104 αὔτως ἠλάσκουσαι ἀνάλκιδες, οὐδ’ ἔπι χάρμη· ### book 13.105 ὣς Τρῶες τὸ πρίν γε μένος καὶ χεῖρας Ἀχαιῶν ### book 13.106 μίμνειν οὐκ ἐθέλεσκον ἐναντίον, οὐδ’ ἠβαιόν· ### book 13.107 νῦν δὲ ἑκὰς πόλιος κοίλῃς ἐπὶ νηυσὶ μάχονται ### book 13.108 ἡγεμόνος κακότητι μεθημοσύνῃσί τε λαῶν, ### book 13.109 οἳ κείνῳ ἐρίσαντες ἀμυνέμεν οὐκ ἐθέλουσι ### book 13.110 νηῶν ὠκυπόρων, ἀλλὰ κτείνονται ἀν’ αὐτάς. ### book 13.111 ἀλλ’ εἰ δὴ καὶ πάμπαν ἐτήτυμον αἴτιός ἐστιν ### book 13.112 ἥρως Ἀτρεΐδης εὐρὺ κρείων Ἀγαμέμνων ### book 13.113 οὕνεκ’ ἀπητίμησε ποδώκεα Πηλεΐωνα, ### book 13.114 ἡμέας γ’ οὔ πως ἔστι μεθιέμεναι πολέμοιο. ### book 13.115 ἀλλ’ ἀκεώμεθα θᾶσσον· ἀκεσταί τοι φρένες ἐσθλῶν. ### book 13.116 ὑμεῖς δ’ οὐκ ἔτι καλὰ μεθίετε θούριδος ἀλκῆς ### book 13.117 πάντες ἄριστοι ἐόντες ἀνὰ στρατόν. οὐδ’ ἂν ἔγωγε ### book 13.118 ἀνδρὶ μαχεσσαίμην ὅς τις πολέμοιο μεθείη ### book 13.119 λυγρὸς ἐών· ὑμῖν δὲ νεμεσσῶμαι περὶ κῆρι. ### book 13.120 ὦ πέπονες τάχα δή τι κακὸν ποιήσετε μεῖζον ### book 13.121 τῇδε μεθημοσύνῃ· ἀλλ’ ἐν φρεσὶ θέσθε ἕκαστος ### book 13.122 αἰδῶ καὶ νέμεσιν· δὴ γὰρ μέγα νεῖκος ὄρωρεν. ### book 13.123 Ἕκτωρ δὴ παρὰ νηυσὶ βοὴν ἀγαθὸς πολεμίζει ### book 13.124 καρτερός, ἔρρηξεν δὲ πύλας καὶ μακρὸν ὀχῆα. ### book 13.125 Ὥς ῥα κελευτιόων γαιήοχος ὦρσεν Ἀχαιούς. ### book 13.126 ἀμφὶ δ’ ἄρ’ Αἴαντας δοιοὺς ἵσταντο φάλαγγες ### book 13.127 καρτεραί, ἃς οὔτ’ ἄν κεν Ἄρης ὀνόσαιτο μετελθὼν ### book 13.128 οὔτε κ’ Ἀθηναίη λαοσσόος· οἳ γὰρ ἄριστοι ### book 13.129 κρινθέντες Τρῶάς τε καὶ Ἕκτορα δῖον ἔμιμνον, ### book 13.130 φράξαντες δόρυ δουρί, σάκος σάκεϊ προθελύμνῳ· ### book 13.131 ἀσπὶς ἄρ’ ἀσπίδ’ ἔρειδε, κόρυς κόρυν, ἀνέρα δ’ ἀνήρ· ### book 13.132 ψαῦον δ’ ἱππόκομοι κόρυθες λαμπροῖσι φάλοισι ### book 13.133 νευόντων, ὡς πυκνοὶ ἐφέστασαν ἀλλήλοισιν· ### book 13.134 ἔγχεα δ’ ἐπτύσσοντο θρασειάων ἀπὸ χειρῶν ### book 13.135 σειόμεν’· οἳ δ’ ἰθὺς φρόνεον, μέμασαν δὲ μάχεσθαι. ### book 13.136 Τρῶες δὲ προὔτυψαν ἀολλέες, ἦρχε δ’ ἄρ’ Ἕκτωρ ### book 13.137 ἀντικρὺ μεμαώς, ὀλοοίτροχος ὣς ἀπὸ πέτρης, ### book 13.138 ὅν τε κατὰ στεφάνης ποταμὸς χειμάρροος ὤσῃ ### book 13.139 ῥήξας ἀσπέτῳ ὄμβρῳ ἀναιδέος ἔχματα πέτρης· ### book 13.140 ὕψι δ’ ἀναθρῴσκων πέτεται, κτυπέει δέ θ’ ὑπ’ αὐτοῦ ### book 13.141 ὕλη· ὃ δ’ ἀσφαλέως θέει ἔμπεδον, εἷος ἵκηται ### book 13.142 ἰσόπεδον, τότε δ’ οὔ τι κυλίνδεται ἐσσύμενός περ· ### book 13.143 ὣς Ἕκτωρ εἷος μὲν ἀπείλει μέχρι θαλάσσης ### book 13.144 ῥέα διελεύσεσθαι κλισίας καὶ νῆας Ἀχαιῶν ### book 13.145 κτείνων· ἀλλ’ ὅτε δὴ πυκινῇς ἐνέκυρσε φάλαγξι ### book 13.146 στῆ ῥα μάλ’ ἐγχριμφθείς· οἳ δ’ ἀντίοι υἷες Ἀχαιῶν ### book 13.147 νύσσοντες ξίφεσίν τε καὶ ἔγχεσιν ἀμφιγύοισιν ### book 13.148 ὦσαν ἀπὸ σφείων· ὃ δὲ χασσάμενος πελεμίχθη. ### book 13.149 ἤϋσεν δὲ διαπρύσιον Τρώεσσι γεγωνώς· ### book 13.150 Τρῶες καὶ Λύκιοι καὶ Δάρδανοι ἀγχιμαχηταὶ ### book 13.151 παρμένετ’· οὔ τοι δηρὸν ἐμὲ σχήσουσιν Ἀχαιοὶ ### book 13.152 καὶ μάλα πυργηδὸν σφέας αὐτοὺς ἀρτύναντες, ### book 13.153 ἀλλ’ ὀΐω χάσσονται ὑπ’ ἔγχεος, εἰ ἐτεόν με ### book 13.154 ὦρσε θεῶν ὤριστος, ἐρίγδουπος πόσις Ἥρης. ### book 13.155 Ὣς εἰπὼν ὄτρυνε μένος καὶ θυμὸν ἑκάστου. ### book 13.156 Δηΐφοβος δ’ ἐν τοῖσι μέγα φρονέων ἐβεβήκει ### book 13.157 Πριαμίδης, πρόσθεν δ’ ἔχεν ἀσπίδα πάντος’ ἐΐσην ### book 13.158 κοῦφα ποσὶ προβιβὰς καὶ ὑπασπίδια προποδίζων. ### book 13.159 Μηριόνης δ’ αὐτοῖο τιτύσκετο δουρὶ φαεινῷ ### book 13.160 καὶ βάλεν, οὐδ’ ἀφάμαρτε, κατ’ ἀσπίδα πάντος’ ἐΐσην ### book 13.161 ταυρείην· τῆς δ’ οὔ τι διήλασεν, ἀλλὰ πολὺ πρὶν ### book 13.162 ἐν καυλῷ ἐάγη δολιχὸν δόρυ· Δηΐφοβος δὲ ### book 13.163 ἀσπίδα ταυρείην σχέθ’ ἀπὸ ἕο, δεῖσε δὲ θυμῷ ### book 13.164 ἔγχος Μηριόναο δαΐφρονος· αὐτὰρ ὅ γ’ ἥρως ### book 13.165 ἂψ ἑτάρων εἰς ἔθνος ἐχάζετο, χώσατο δ’ αἰνῶς ### book 13.166 ἀμφότερον, νίκης τε καὶ ἔγχεος ὃ ξυνέαξε. ### book 13.167 βῆ δ’ ἰέναι παρά τε κλισίας καὶ νῆας Ἀχαιῶν ### book 13.168 οἰσόμενος δόρυ μακρόν, ὅ οἱ κλισίηφι λέλειπτο. ### book 13.169 Οἳ δ’ ἄλλοι μάρναντο, βοὴ δ’ ἄσβεστος ὀρώρει. ### book 13.170 Τεῦκρος δὲ πρῶτος Τελαμώνιος ἄνδρα κατέκτα ### book 13.171 Ἴμβριον αἰχμητὴν πολυΐππου Μέντορος υἱόν· ### book 13.172 ναῖε δὲ Πήδαιον πρὶν ἐλθεῖν υἷας Ἀχαιῶν, ### book 13.173 κούρην δὲ Πριάμοιο νόθην ἔχε, Μηδεσικάστην· ### book 13.174 αὐτὰρ ἐπεὶ Δαναῶν νέες ἤλυθον ἀμφιέλισσαι, ### book 13.175 ἂψ ἐς Ἴλιον ἦλθε, μετέπρεπε δὲ Τρώεσσι, ### book 13.176 ναῖε δὲ πὰρ Πριάμῳ· ὃ δέ μιν τίεν ἶσα τέκεσσι. ### book 13.177 τόν ῥ’ υἱὸς Τελαμῶνος ὑπ’ οὔατος ἔγχεϊ μακρῷ ### book 13.178 νύξ’, ἐκ δ’ ἔσπασεν ἔγχος· ὃ δ’ αὖτ’ ἔπεσεν μελίη ὣς ### book 13.179 ἥ τ’ ὄρεος κορυφῇ ἕκαθεν περιφαινομένοιο ### book 13.180 χαλκῷ ταμνομένη τέρενα χθονὶ φύλλα πελάσσῃ· ### book 13.181 ὣς πέσεν, ἀμφὶ δέ οἱ βράχε τεύχεα ποικίλα χαλκῷ. ### book 13.182 Τεῦκρος δ’ ὁρμήθη μεμαὼς ἀπὸ τεύχεα δῦσαι· ### book 13.183 Ἕκτωρ δ’ ὁρμηθέντος ἀκόντισε δουρὶ φαεινῷ. ### book 13.184 ἀλλ’ ὃ μὲν ἄντα ἰδὼν ἠλεύατο χάλκεον ἔγχος ### book 13.185 τυτθόν· ὃ δ’ Ἀμφίμαχον Κτεάτου υἷ’ Ἀκτορίωνος ### book 13.186 νισόμενον πόλεμον δὲ κατὰ στῆθος βάλε δουρί· ### book 13.187 δούπησεν δὲ πεσών, ἀράβησε δὲ τεύχε’ ἐπ’ αὐτῷ. ### book 13.188 Ἕκτωρ δ’ ὁρμήθη κόρυθα κροτάφοις ἀραρυῖαν ### book 13.189 κρατὸς ἀφαρπάξαι μεγαλήτορος Ἀμφιμάχοιο· ### book 13.190 Αἴας δ’ ὁρμηθέντος ὀρέξατο δουρὶ φαεινῷ ### book 13.191 Ἕκτορος· ἀλλ’ οὔ πῃ χροὸς εἴσατο, πᾶς δ’ ἄρα χαλκῷ ### book 13.192 σμερδαλέῳ κεκάλυφθ’· ὃ δ’ ἄρ’ ἀσπίδος ὀμφαλὸν οὖτα, ### book 13.193 ὦσε δέ μιν σθένεϊ μεγάλῳ· ὃ δὲ χάσσατ’ ὀπίσσω ### book 13.194 νεκρῶν ἀμφοτέρων, τοὺς δ’ ἐξείρυσσαν Ἀχαιοί. ### book 13.195 Ἀμφίμαχον μὲν ἄρα Στιχίος δῖός τε Μενεσθεὺς ### book 13.196 ἀρχοὶ Ἀθηναίων κόμισαν μετὰ λαὸν Ἀχαιῶν· ### book 13.197 Ἴμβριον αὖτ’ Αἴαντε μεμαότε θούριδος ἀλκῆς ### book 13.198 ὥς τε δύ’ αἶγα λέοντε κυνῶν ὕπο καρχαροδόντων ### book 13.199 ἁρπάξαντε φέρητον ἀνὰ ῥωπήϊα πυκνὰ ### book 13.200 ὑψοῦ ὑπὲρ γαίης μετὰ γαμφηλῇσιν ἔχοντε, ### book 13.201 ὥς ῥα τὸν ὑψοῦ ἔχοντε δύω Αἴαντε κορυστὰ ### book 13.202 τεύχεα συλήτην· κεφαλὴν δ’ ἁπαλῆς ἀπὸ δειρῆς ### book 13.203 κόψεν Ὀϊλιάδης κεχολωμένος Ἀμφιμάχοιο, ### book 13.204 ἧκε δέ μιν σφαιρηδὸν ἑλιξάμενος δι’ ὁμίλου· ### book 13.205 Ἕκτορι δὲ προπάροιθε ποδῶν πέσεν ἐν κονίῃσι. ### book 13.206 Καὶ τότε δὴ περὶ κῆρι Ποσειδάων ἐχολώθη ### book 13.207 υἱωνοῖο πεσόντος ἐν αἰνῇ δηϊοτῆτι, ### book 13.208 βῆ δ’ ἰέναι παρά τε κλισίας καὶ νῆας Ἀχαιῶν ### book 13.209 ὀτρυνέων Δαναούς, Τρώεσσι δὲ κήδεα τεῦχεν. ### book 13.210 Ἰδομενεὺς δ’ ἄρα οἱ δουρικλυτὸς ἀντεβόλησεν ### book 13.211 ἐρχόμενος παρ’ ἑταίρου, ὅ οἱ νέον ἐκ πολέμοιο ### book 13.212 ἦλθε κατ’ ἰγνύην βεβλημένος ὀξέϊ χαλκῷ. ### book 13.213 τὸν μὲν ἑταῖροι ἔνεικαν, ὃ δ’ ἰητροῖς ἐπιτείλας ### book 13.214 ἤϊεν ἐς κλισίην· ἔτι γὰρ πολέμοιο μενοίνα ### book 13.215 ἀντιάαν· τὸν δὲ προσέφη κρείων ἐνοσίχθων ### book 13.216 εἰσάμενος φθογγὴν Ἀνδραίμονος υἷϊ Θόαντι ### book 13.217 ὃς πάσῃ Πλευρῶνι καὶ αἰπεινῇ Καλυδῶνι ### book 13.218 Αἰτωλοῖσιν ἄνασσε, θεὸς δ’ ὣς τίετο δήμῳ· ### book 13.219 Ἰδομενεῦ Κρητῶν βουληφόρε ποῦ τοι ἀπειλαὶ ### book 13.220 οἴχονται, τὰς Τρωσὶν ἀπείλεον υἷες Ἀχαιῶν; ### book 13.221 Τὸν δ’ αὖτ’ Ἰδομενεὺς Κρητῶν ἀγὸς ἀντίον ηὔδα· ### book 13.222 ὦ Θόαν οὔ τις ἀνὴρ νῦν γ’ αἴτιος, ὅσσον ἔγωγε ### book 13.223 γιγνώσκω· πάντες γὰρ ἐπιστάμεθα πτολεμίζειν. ### book 13.224 οὔτέ τινα δέος ἴσχει ἀκήριον οὔτέ τις ὄκνῳ ### book 13.225 εἴκων ἀνδύεται πόλεμον κακόν· ἀλλά που οὕτω ### book 13.226 μέλλει δὴ φίλον εἶναι ὑπερμενέϊ Κρονίωνι ### book 13.227 νωνύμνους ἀπολέσθαι ἀπ’ Ἄργεος ἐνθάδ’ Ἀχαιούς. ### book 13.228 ἀλλὰ Θόαν, καὶ γὰρ τὸ πάρος μενεδήϊος ἦσθα, ### book 13.229 ὀτρύνεις δὲ καὶ ἄλλον ὅθι μεθιέντα ἴδηαι· ### book 13.230 τὼ νῦν μήτ’ ἀπόληγε κέλευέ τε φωτὶ ἑκάστῳ. ### book 13.231 Τὸν δ’ ἠμείβετ’ ἔπειτα Ποσειδάων ἐνοσίχθων· ### book 13.232 Ἰδομενεῦ μὴ κεῖνος ἀνὴρ ἔτι νοστήσειεν ### book 13.233 ἐκ Τροίης, ἀλλ’ αὖθι κυνῶν μέλπηθρα γένοιτο, ### book 13.234 ὅς τις ἐπ’ ἤματι τῷδε ἑκὼν μεθίῃσι μάχεσθαι. ### book 13.235 ἀλλ’ ἄγε τεύχεα δεῦρο λαβὼν ἴθι· ταῦτα δ’ ἅμα χρὴ ### book 13.236 σπεύδειν, αἴ κ’ ὄφελός τι γενώμεθα καὶ δύ’ ἐόντε. ### book 13.237 συμφερτὴ δ’ ἀρετὴ πέλει ἀνδρῶν καὶ μάλα λυγρῶν, ### book 13.238 νῶϊ δὲ καί κ’ ἀγαθοῖσιν ἐπισταίμεσθα μάχεσθαι. ### book 13.239 Ὣς εἰπὼν ὃ μὲν αὖτις ἔβη θεὸς ἂμ πόνον ἀνδρῶν· ### book 13.240 Ἰδομενεὺς δ’ ὅτε δὴ κλισίην εὔτυκτον ἵκανε ### book 13.241 δύσετο τεύχεα καλὰ περὶ χροΐ, γέντο δὲ δοῦρε, ### book 13.242 βῆ δ’ ἴμεν ἀστεροπῇ ἐναλίγκιος, ἥν τε Κρονίων ### book 13.243 χειρὶ λαβὼν ἐτίναξεν ἀπ’ αἰγλήεντος Ὀλύμπου ### book 13.244 δεικνὺς σῆμα βροτοῖσιν· ἀρίζηλοι δέ οἱ αὐγαί· ### book 13.245 ὣς τοῦ χαλκὸς ἔλαμπε περὶ στήθεσσι θέοντος. ### book 13.246 Μηριόνης δ’ ἄρα οἱ θεράπων ἐῢς ἀντεβόλησεν ### book 13.247 ἐγγὺς ἔτι κλισίης· μετὰ γὰρ δόρυ χάλκεον ᾔει ### book 13.248 οἰσόμενος· τὸν δὲ προσέφη σθένος Ἰδομενῆος· ### book 13.249 Μηριόνη Μόλου υἱὲ πόδας ταχὺ φίλταθ’ ἑταίρων ### book 13.250 τίπτ’ ἦλθες πόλεμόν τε λιπὼν καὶ δηϊοτῆτα; ### book 13.251 ἠέ τι βέβληαι, βέλεος δέ σε τείρει ἀκωκή, ### book 13.252 ἦέ τευ ἀγγελίης μετ’ ἔμ’ ἤλυθες; οὐδέ τοι αὐτὸς ### book 13.253 ἧσθαι ἐνὶ κλισίῃσι λιλαίομαι, ἀλλὰ μάχεσθαι. ### book 13.254 Τὸν δ’ αὖ Μηριόνης πεπνυμένος ἀντίον ηὔδα· ### book 13.255 Ἰδομενεῦ, Κρητῶν βουληφόρε χαλκοχιτώνων, ### book 13.256 ἔρχομαι εἴ τί τοι ἔγχος ἐνὶ κλισίῃσι λέλειπται ### book 13.257 οἰσόμενος· τό νυ γὰρ κατεάξαμεν ὃ πρὶν ἔχεσκον ### book 13.258 ἀσπίδα Δηϊφόβοιο βαλὼν ὑπερηνορέοντος. ### book 13.259 Τὸν δ’ αὖτ’ Ἰδομενεὺς Κρητῶν ἀγὸς ἀντίον ηὔδα· ### book 13.260 δούρατα δ’ αἴ κ’ ἐθέλῃσθα καὶ ἓν καὶ εἴκοσι δήεις ### book 13.261 ἑσταότ’ ἐν κλισίῃ πρὸς ἐνώπια παμφανόωντα ### book 13.262 Τρώϊα, τὰ κταμένων ἀποαίνυμαι· οὐ γὰρ ὀΐω ### book 13.263 ἀνδρῶν δυσμενέων ἑκὰς ἱστάμενος πολεμίζειν. ### book 13.264 τώ μοι δούρατά τ’ ἔστι καὶ ἀσπίδες ὀμφαλόεσσαι ### book 13.265 καὶ κόρυθες καὶ θώρηκες λαμπρὸν γανόωντες. ### book 13.266 Τὸν δ’ αὖ Μηριόνης πεπνυμένος ἀντίον ηὔδα· ### book 13.267 καί τοι ἐμοὶ παρά τε κλισίῃ καὶ νηῒ μελαίνῃ ### book 13.268 πόλλ’ ἔναρα Τρώων· ἀλλ’ οὐ σχεδόν ἐστιν ἑλέσθαι. ### book 13.269 οὐδὲ γὰρ οὐδ’ ἐμέ φημι λελασμένον ἔμμεναι ἀλκῆς, ### book 13.270 ἀλλὰ μετὰ πρώτοισι μάχην ἀνὰ κυδιάνειραν ### book 13.271 ἵσταμαι, ὁππότε νεῖκος ὀρώρηται πολέμοιο. ### book 13.272 ἄλλόν πού τινα μᾶλλον Ἀχαιῶν χαλκοχιτώνων ### book 13.273 λήθω μαρνάμενος, σὲ δὲ ἴδμεναι αὐτὸν ὀΐω. ### book 13.274 Τὸν δ’ αὖτ’ Ἰδομενεὺς Κρητῶν ἀγὸς ἀντίον ηὔδα· ### book 13.275 οἶδ’ ἀρετὴν οἷός ἐσσι· τί σε χρὴ ταῦτα λέγεσθαι; ### book 13.276 εἰ γὰρ νῦν παρὰ νηυσὶ λεγοίμεθα πάντες ἄριστοι ### book 13.277 ἐς λόχον, ἔνθα μάλιστ’ ἀρετὴ διαείδεται ἀνδρῶν, ### book 13.278 ἔνθ’ ὅ τε δειλὸς ἀνὴρ ὅς τ’ ἄλκιμος ἐξεφαάνθη· ### book 13.279 τοῦ μὲν γάρ τε κακοῦ τρέπεται χρὼς ἄλλυδις ἄλλῃ, ### book 13.280 οὐδέ οἱ ἀτρέμας ἧσθαι ἐρητύετ’ ἐν φρεσὶ θυμός, ### book 13.281 ἀλλὰ μετοκλάζει καὶ ἐπ’ ἀμφοτέρους πόδας ἵζει, ### book 13.282 ἐν δέ τέ οἱ κραδίη μεγάλα στέρνοισι πατάσσει ### book 13.283 κῆρας ὀϊομένῳ, πάταγος δέ τε γίγνετ’ ὀδόντων· ### book 13.284 τοῦ δ’ ἀγαθοῦ οὔτ’ ἂρ τρέπεται χρὼς οὔτέ τι λίην ### book 13.285 ταρβεῖ, ἐπειδὰν πρῶτον ἐσίζηται λόχον ἀνδρῶν, ### book 13.286 ἀρᾶται δὲ τάχιστα μιγήμεναι ἐν δαῒ λυγρῇ· ### book 13.287 οὐδέ κεν ἔνθα τεόν γε μένος καὶ χεῖρας ὄνοιτο. ### book 13.288 εἴ περ γάρ κε βλεῖο πονεύμενος ἠὲ τυπείης ### book 13.289 οὐκ ἂν ἐν αὐχέν’ ὄπισθε πέσοι βέλος οὐδ’ ἐνὶ νώτῳ, ### book 13.290 ἀλλά κεν ἢ στέρνων ἢ νηδύος ἀντιάσειε ### book 13.291 πρόσσω ἱεμένοιο μετὰ προμάχων ὀαριστύν. ### book 13.292 ἀλλ’ ἄγε μηκέτι ταῦτα λεγώμεθα νηπύτιοι ὣς ### book 13.293 ἑσταότες, μή πού τις ὑπερφιάλως νεμεσήσῃ· ### book 13.294 ἀλλὰ σύ γε κλισίην δὲ κιὼν ἕλευ ὄβριμον ἔγχος. ### book 13.295 Ὣς φάτο, Μηριόνης δὲ θοῷ ἀτάλαντος Ἄρηϊ ### book 13.296 καρπαλίμως κλισίηθεν ἀνείλετο χάλκεον ἔγχος, ### book 13.297 βῆ δὲ μετ’ Ἰδομενῆα μέγα πτολέμοιο μεμηλώς. ### book 13.298 • οἷος δὲ βροτολοιγὸς Ἄρης πόλεμον δὲ μέτεισι, ### book 13.299 τῷ δὲ Φόβος φίλος υἱὸς ἅμα κρατερὸς καὶ ἀταρβὴς ### book 13.300 ἕσπετο, ὅς τ’ ἐφόβησε ταλάφρονά περ πολεμιστήν· ### book 13.301 τὼ μὲν ἄρ’ ἐκ Θρῄκης Ἐφύρους μέτα θωρήσσεσθον, ### book 13.302 ἠὲ μετὰ Φλεγύας μεγαλήτορας· οὐδ’ ἄρα τώ γε ### book 13.303 ἔκλυον ἀμφοτέρων, ἑτέροισι δὲ κῦδος ἔδωκαν· ### book 13.304 τοῖοι Μηριόνης τε καὶ Ἰδομενεὺς ἀγοὶ ἀνδρῶν ### book 13.305 ἤϊσαν ἐς πόλεμον κεκορυθμένοι αἴθοπι χαλκῷ. ### book 13.306 τὸν καὶ Μηριόνης πρότερος πρὸς μῦθον ἔειπε· ### book 13.307 Δευκαλίδη πῇ τὰρ μέμονας καταδῦναι ὅμιλον; ### book 13.308 ἢ ἐπὶ δεξιόφιν παντὸς στρατοῦ, ἦ ἀνὰ μέσσους, ### book 13.309 ἦ ἐπ’ ἀριστερόφιν; ἐπεὶ οὔπωθι ἔλπομαι οὕτω ### book 13.310 δεύεσθαι πολέμοιο κάρη κομόωντας Ἀχαιούς. ### book 13.311 Τὸν δ’ αὖτ’ Ἰδομενεὺς Κρητῶν ἀγὸς ἀντίον ηὔδα· ### book 13.312 νηυσὶ μὲν ἐν μέσσῃσιν ἀμύνειν εἰσὶ καὶ ἄλλοι ### book 13.313 Αἴαντές τε δύω Τεῦκρός θ’, ὃς ἄριστος Ἀχαιῶν ### book 13.314 τοξοσύνῃ, ἀγαθὸς δὲ καὶ ἐν σταδίῃ ὑσμίνῃ· ### book 13.315 οἵ μιν ἅδην ἐλόωσι καὶ ἐσσύμενον πολέμοιο ### book 13.316 Ἕκτορα Πριαμίδην, καὶ εἰ μάλα καρτερός ἐστιν. ### book 13.317 αἰπύ οἱ ἐσσεῖται μάλα περ μεμαῶτι μάχεσθαι ### book 13.318 κείνων νικήσαντι μένος καὶ χεῖρας ἀάπτους ### book 13.319 νῆας ἐνιπρῆσαι, ὅτε μὴ αὐτός γε Κρονίων ### book 13.320 ἐμβάλοι αἰθόμενον δαλὸν νήεσσι θοῇσιν. ### book 13.321 ἀνδρὶ δέ κ’ οὐκ εἴξειε μέγας Τελαμώνιος Αἴας, ### book 13.322 ὃς θνητός τ’ εἴη καὶ ἔδοι Δημήτερος ἀκτὴν ### book 13.323 χαλκῷ τε ῥηκτὸς μεγάλοισί τε χερμαδίοισιν. ### book 13.324 οὐδ’ ἂν Ἀχιλλῆϊ ῥηξήνορι χωρήσειεν ### book 13.325 ἔν γ’ αὐτοσταδίῃ· ποσὶ δ’ οὔ πως ἔστιν ἐρίζειν. ### book 13.326 νῶϊν δ’ ὧδ’ ἐπ’ ἀριστέρ’ ἔχε στρατοῦ, ὄφρα τάχιστα ### book 13.327 εἴδομεν ἠέ τῳ εὖχος ὀρέξομεν, ἦέ τις ἡμῖν. ### book 13.328 Ὣς φάτο, Μηριόνης δὲ θοῷ ἀτάλαντος Ἄρηϊ ### book 13.329 ἦρχ’ ἴμεν, ὄφρ’ ἀφίκοντο κατὰ στρατὸν ᾗ μιν ἀνώγει, ### book 13.330 Οἳ δ’ ὡς Ἰδομενῆα ἴδον φλογὶ εἴκελον ἀλκὴν ### book 13.331 αὐτὸν καὶ θεράποντα σὺν ἔντεσι δαιδαλέοισι, ### book 13.332 κεκλόμενοι καθ’ ὅμιλον ἐπ’ αὐτῷ πάντες ἔβησαν· ### book 13.333 τῶν δ’ ὁμὸν ἵστατο νεῖκος ἐπὶ πρυμνῇσι νέεσσιν. ### book 13.334 ὡς δ’ ὅθ’ ὑπὸ λιγέων ἀνέμων σπέρχωσιν ἄελλαι ### book 13.335 ἤματι τῷ ὅτε τε πλείστη κόνις ἀμφὶ κελεύθους, ### book 13.336 οἵ τ’ ἄμυδις κονίης μεγάλην ἱστᾶσιν ὀμίχλην, ### book 13.337 ὣς ἄρα τῶν ὁμός’ ἦλθε μάχη, μέμασαν δ’ ἐνὶ θυμῷ ### book 13.338 ἀλλήλους καθ’ ὅμιλον ἐναιρέμεν ὀξέϊ χαλκῷ. ### book 13.339 ἔφριξεν δὲ μάχη φθισίμβροτος ἐγχείῃσι ### book 13.340 μακρῇς, ἃς εἶχον ταμεσίχροας· ὄσσε δ’ ἄμερδεν ### book 13.341 αὐγὴ χαλκείη κορύθων ἄπο λαμπομενάων ### book 13.342 θωρήκων τε νεοσμήκτων σακέων τε φαεινῶν ### book 13.343 ἐρχομένων ἄμυδις· μάλα κεν θρασυκάρδιος εἴη ### book 13.344 ὃς τότε γηθήσειεν ἰδὼν πόνον οὐδ’ ἀκάχοιτο. ### book 13.345 Τὼ δ’ ἀμφὶς φρονέοντε δύω Κρόνου υἷε κραταιὼ ### book 13.346 ἀνδράσιν ἡρώεσσιν ἐτεύχετον ἄλγεα λυγρά. ### book 13.347 Ζεὺς μέν ῥα Τρώεσσι καὶ Ἕκτορι βούλετο νίκην ### book 13.348 κυδαίνων Ἀχιλῆα πόδας ταχύν· οὐδέ τι πάμπαν ### book 13.349 ἤθελε λαὸν ὀλέσθαι Ἀχαιϊκὸν Ἰλιόθι πρό, ### book 13.350 ἀλλὰ Θέτιν κύδαινε καὶ υἱέα καρτερόθυμον. ### book 13.351 Ἀργείους δὲ Ποσειδάων ὀρόθυνε μετελθὼν ### book 13.352 λάθρῃ ὑπεξαναδὺς πολιῆς ἁλός· ἤχθετο γάρ ῥα ### book 13.353 Τρωσὶν δαμναμένους, Διὶ δὲ κρατερῶς ἐνεμέσσα. ### book 13.354 ἦ μὰν ἀμφοτέροισιν ὁμὸν γένος ἠδ’ ἴα πάτρη, ### book 13.355 ἀλλὰ Ζεὺς πρότερος γεγόνει καὶ πλείονα ᾔδη. ### book 13.356 τώ ῥα καὶ ἀμφαδίην μὲν ἀλεξέμεναι ἀλέεινε, ### book 13.357 λάθρῃ δ’ αἰὲν ἔγειρε κατὰ στρατὸν ἀνδρὶ ἐοικώς. ### book 13.358 τοὶ δ’ ἔριδος κρατερῆς καὶ ὁμοιΐου πτολέμοιο ### book 13.359 πεῖραρ ἐπαλλάξαντες ἐπ’ ἀμφοτέροισι τάνυσσαν ### book 13.360 ἄρρηκτόν τ’ ἄλυτόν τε, τὸ πολλῶν γούνατ’ ἔλυσεν. ### book 13.361 Ἔνθα μεσαιπόλιός περ ἐὼν Δαναοῖσι κελεύσας ### book 13.362 Ἰδομενεὺς Τρώεσσι μετάλμενος ἐν φόβον ὦρσε. ### book 13.363 πέφνε γὰρ Ὀθρυονῆα Καβησόθεν ἔνδον ἐόντα, ### book 13.364 ὅς ῥα νέον πολέμοιο μετὰ κλέος εἰληλούθει, ### book 13.365 ᾔτεε δὲ Πριάμοιο θυγατρῶν εἶδος ἀρίστην ### book 13.366 Κασσάνδρην ἀνάεδνον, ὑπέσχετο δὲ μέγα ἔργον, ### book 13.367 ἐκ Τροίης ἀέκοντας ἀπωσέμεν υἷας Ἀχαιῶν. ### book 13.368 τῷ δ’ ὁ γέρων Πρίαμος ὑπό τ’ ἔσχετο καὶ κατένευσε ### book 13.369 δωσέμεναι· ὃ δὲ μάρναθ’ ὑποσχεσίῃσι πιθήσας. ### book 13.370 Ἰδομενεὺς δ’ αὐτοῖο τιτύσκετο δουρὶ φαεινῷ, ### book 13.371 καὶ βάλεν ὕψι βιβάντα τυχών· οὐδ’ ἤρκεσε θώρηξ ### book 13.372 χάλκεος, ὃν φορέεσκε, μέσῃ δ’ ἐν γαστέρι πῆξε. ### book 13.373 δούπησεν δὲ πεσών· ὃ δ’ ἐπεύξατο φώνησέν τε· ### book 13.374 Ὀθρυονεῦ περὶ δή σε βροτῶν αἰνίζομ’ ἁπάντων ### book 13.375 εἰ ἐτεὸν δὴ πάντα τελευτήσεις ὅς’ ὑπέστης ### book 13.376 Δαρδανίδῃ Πριάμῳ· ὃ δ’ ὑπέσχετο θυγατέρα ἥν. ### book 13.377 καί κέ τοι ἡμεῖς ταῦτά γ’ ὑποσχόμενοι τελέσαιμεν, ### book 13.378 δοῖμεν δ’ Ἀτρεΐδαο θυγατρῶν εἶδος ἀρίστην ### book 13.379 Ἄργεος ἐξαγαγόντες ὀπυιέμεν, εἴ κε σὺν ἄμμιν ### book 13.380 Ἰλίου ἐκπέρσῃς εὖ ναιόμενον πτολίεθρον. ### book 13.381 ἀλλ’ ἕπε’, ὄφρ’ ἐπὶ νηυσὶ συνώμεθα ποντοπόροισιν ### book 13.382 ἀμφὶ γάμῳ, ἐπεὶ οὔ τοι ἐεδνωταὶ κακοί εἰμεν. ### book 13.383 Ὣς εἰπὼν ποδὸς ἕλκε κατὰ κρατερὴν ὑσμίνην ### book 13.384 ἥρως Ἰδομενεύς· τῷ δ’ Ἄσιος ἦλθ’ ἐπαμύντωρ ### book 13.385 πεζὸς πρόσθ’ ἵππων· τὼ δὲ πνείοντε κατ’ ὤμων ### book 13.386 αἰὲν ἔχ’ ἡνίοχος θεράπων· ὃ δὲ ἵετο θυμῷ ### book 13.387 Ἰδομενῆα βαλεῖν· ὃ δέ μιν φθάμενος βάλε δουρὶ ### book 13.388 λαιμὸν ὑπ’ ἀνθερεῶνα, διὰ πρὸ δὲ χαλκὸν ἔλασσεν. ### book 13.389 ἤριπε δ’ ὡς ὅτε τις δρῦς ἤριπεν ἢ ἀχερωῒς ### book 13.390 ἠὲ πίτυς βλωθρή, τήν τ’ οὔρεσι τέκτονες ἄνδρες ### book 13.391 ἐξέταμον πελέκεσσι νεήκεσι νήϊον εἶναι· ### book 13.392 ὣς ὃ πρόσθ’ ἵππων καὶ δίφρου κεῖτο τανυσθεὶς ### book 13.393 βεβρυχὼς κόνιος δεδραγμένος αἱματοέσσης. ### book 13.394 ἐκ δέ οἱ ἡνίοχος πλήγη φρένας ἃς πάρος εἶχεν, ### book 13.395 οὐδ’ ὅ γ’ ἐτόλμησεν δηΐων ὑπὸ χεῖρας ἀλύξας ### book 13.396 ἂψ ἵππους στρέψαι, τὸν δ’ Ἀντίλοχος μενεχάρμης ### book 13.397 δουρὶ μέσον περόνησε τυχών· οὐδ’ ἤρκεσε θώρηξ ### book 13.398 χάλκεος ὃν φορέεσκε, μέσῃ δ’ ἐν γαστέρι πῆξεν. ### book 13.399 αὐτὰρ ὃ ἀσθμαίνων εὐεργέος ἔκπεσε δίφρου, ### book 13.400 ἵππους δ’ Ἀντίλοχος μεγαθύμου Νέστορος υἱὸς ### book 13.401 ἐξέλασε Τρώων μετ’ ἐϋκνήμιδας Ἀχαιούς. ### book 13.402 Δηΐφοβος δὲ μάλα σχεδὸν ἤλυθεν Ἰδομενῆος ### book 13.403 Ἀσίου ἀχνύμενος, καὶ ἀκόντισε δουρὶ φαεινῷ. ### book 13.404 ἀλλ’ ὃ μὲν ἄντα ἰδὼν ἠλεύατο χάλκεον ἔγχος ### book 13.405 Ἰδομενεύς· κρύφθη γὰρ ὑπ’ ἀσπίδι πάντος’ ἐΐσῃ, ### book 13.406 τὴν ἄρ’ ὅ γε ῥινοῖσι βοῶν καὶ νώροπι χαλκῷ ### book 13.407 δινωτὴν φορέεσκε, δύω κανόνεσς’ ἀραρυῖαν· ### book 13.408 τῇ ὕπο πᾶς ἐάλη, τὸ δ’ ὑπέρπτατο χάλκεον ἔγχος, ### book 13.409 καρφαλέον δέ οἱ ἀσπὶς ἐπιθρέξαντος ἄϋσεν ### book 13.410 ἔγχεος· οὐδ’ ἅλιόν ῥα βαρείης χειρὸς ἀφῆκεν, ### book 13.411 ἀλλ’ ἔβαλ’ Ἱππασίδην Ὑψήνορα ποιμένα λαῶν ### book 13.412 ἧπαρ ὑπὸ πραπίδων, εἶθαρ δ’ ὑπὸ γούνατ’ ἔλυσε. ### book 13.413 Δηΐφοβος δ’ ἔκπαγλον ἐπεύξατο μακρὸν ἀΰσας· ### book 13.414 οὐ μὰν αὖτ’ ἄτιτος κεῖτ’ Ἄσιος, ἀλλά ἕ φημι ### book 13.415 εἰς Ἄϊδός περ ἰόντα πυλάρταο κρατεροῖο ### book 13.416 γηθήσειν κατὰ θυμόν, ἐπεί ῥά οἱ ὤπασα πομπόν. ### book 13.417 Ὣς ἔφατ’, Ἀργείοισι δ’ ἄχος γένετ’ εὐξαμένοιο, ### book 13.418 Ἀντιλόχῳ δὲ μάλιστα δαΐφρονι θυμὸν ὄρινεν· ### book 13.419 ἀλλ’ οὐδ’ ἀχνύμενός περ ἑοῦ ἀμέλησεν ἑταίρου, ### book 13.420 ἀλλὰ θέων περίβη καί οἱ σάκος ἀμφεκάλυψε. ### book 13.421 τὸν μὲν ἔπειθ’ ὑποδύντε δύω ἐρίηρες ἑταῖροι ### book 13.422 Μηκιστεὺς Ἐχίοιο πάϊς καὶ δῖος Ἀλάστωρ, ### book 13.423 νῆας ἔπι γλαφυρὰς φερέτην βαρέα στενάχοντα. ### book 13.424 Ἰδομενεὺς δ’ οὐ λῆγε μένος μέγα, ἵετο δ’ αἰεὶ ### book 13.425 ἠέ τινα Τρώων ἐρεβεννῇ νυκτὶ καλύψαι ### book 13.426 ἢ αὐτὸς δουπῆσαι ἀμύνων λοιγὸν Ἀχαιοῖς. ### book 13.427 ἔνθ’ Αἰσυήταο διοτρεφέος φίλον υἱὸν ### book 13.428 ἥρω’ Ἀλκάθοον, γαμβρὸς δ’ ἦν Ἀγχίσαο, ### book 13.429 πρεσβυτάτην δ’ ὤπυιε θυγατρῶν Ἱπποδάμειαν ### book 13.430 τὴν περὶ κῆρι φίλησε πατὴρ καὶ πότνια μήτηρ ### book 13.431 ἐν μεγάρῳ· πᾶσαν γὰρ ὁμηλικίην ἐκέκαστο ### book 13.432 κάλλεϊ καὶ ἔργοισιν ἰδὲ φρεσί· τοὔνεκα καί μιν ### book 13.433 γῆμεν ἀνὴρ ὤριστος ἐνὶ Τροίῃ εὐρείῃ· ### book 13.434 τὸν τόθ’ ὑπ’ Ἰδομενῆϊ Ποσειδάων ἐδάμασσε ### book 13.435 θέλξας ὄσσε φαεινά, πέδησε δὲ φαίδιμα γυῖα· ### book 13.436 οὔτε γὰρ ἐξοπίσω φυγέειν δύνατ’ οὔτ’ ἀλέασθαι, ### book 13.437 ἀλλ’ ὥς τε στήλην ἢ δένδρεον ὑψιπέτηλον ### book 13.438 ἀτρέμας ἑσταότα στῆθος μέσον οὔτασε δουρὶ ### book 13.439 ἥρως Ἰδομενεύς, ῥῆξεν δέ οἱ ἀμφὶ χιτῶνα ### book 13.440 χάλκεον, ὅς οἱ πρόσθεν ἀπὸ χροὸς ἤρκει ὄλεθρον· ### book 13.441 δὴ τότε γ’ αὖον ἄϋσεν ἐρεικόμενος περὶ δουρί. ### book 13.442 δούπησεν δὲ πεσών, δόρυ δ’ ἐν κραδίῃ ἐπεπήγει, ### book 13.443 ἥ ῥά οἱ ἀσπαίρουσα καὶ οὐρίαχον πελέμιζεν ### book 13.444 ἔγχεος· ἔνθα δ’ ἔπειτ’ ἀφίει μένος ὄβριμος Ἄρης· ### book 13.445 Ἰδομενεὺς δ’ ἔκπαγλον ἐπεύξατο μακρὸν ἀΰσας ### book 13.446 Δηΐφοβ’ ἦ ἄρα δή τι ἐΐσκομεν ἄξιον εἶναι ### book 13.447 τρεῖς ἑνὸς ἀντὶ πεφάσθαι; ἐπεὶ σύ περ εὔχεαι οὕτω. ### book 13.448 δαιμόνι’ ἀλλὰ καὶ αὐτὸς ἐναντίον ἵστας’ ἐμεῖο, ### book 13.449 ὄφρα ἴδῃ οἷος Ζηνὸς γόνος ἐνθάδ’ ἱκάνω, ### book 13.450 ὃς πρῶτον Μίνωα τέκε Κρήτῃ ἐπίουρον· ### book 13.451 Μίνως δ’ αὖ τέκεθ’ υἱὸν ἀμύμονα Δευκαλίωνα, ### book 13.452 Δευκαλίων δ’ ἐμὲ τίκτε πολέσς’ ἄνδρεσσιν ἄνακτα ### book 13.453 Κρήτῃ ἐν εὐρείῃ· νῦν δ’ ἐνθάδε νῆες ἔνεικαν ### book 13.454 σοί τε κακὸν καὶ πατρὶ καὶ ἄλλοισι Τρώεσσιν. ### book 13.455 Ὣς φάτο, Δηΐφοβος δὲ διάνδιχα μερμήριξεν ### book 13.456 ἤ τινά που Τρώων ἑταρίσσαιτο μεγαθύμων ### book 13.457 ἂψ ἀναχωρήσας, ἦ πειρήσαιτο καὶ οἶος. ### book 13.458 ὧδε δέ οἱ φρονέοντι δοάσσατο κέρδιον εἶναι ### book 13.459 βῆναι ἐπ’ Αἰνείαν· τὸν δ’ ὕστατον εὗρεν ὁμίλου ### book 13.460 ἑσταότ’· αἰεὶ γὰρ Πριάμῳ ἐπεμήνιε δίῳ ### book 13.461 οὕνεκ’ ἄρ’ ἐσθλὸν ἐόντα μετ’ ἀνδράσιν οὔ τι τίεσκεν. ### book 13.462 ἀγχοῦ δ’ ἱστάμενος ἔπεα πτερόεντα προσηύδα· ### book 13.463 Αἰνεία Τρώων βουληφόρε νῦν σε μάλα χρὴ ### book 13.464 γαμβρῷ ἀμυνέμεναι, εἴ πέρ τί σε κῆδος ἱκάνει. ### book 13.465 ἀλλ’ ἕπευ Ἀλκαθόῳ ἐπαμύνομεν, ὅς σε πάρος γε ### book 13.466 γαμβρὸς ἐὼν ἔθρεψε δόμοις ἔνι τυτθὸν ἐόντα· ### book 13.467 τὸν δέ τοι Ἰδομενεὺς δουρικλυτὸς ἐξενάριξεν. ### book 13.468 Ὣς φάτο, τῷ δ’ ἄρα θυμὸν ἐνὶ στήθεσσιν ὄρινε, ### book 13.469 βῆ δὲ μετ’ Ἰδομενῆα μέγα πτολέμοιο μεμηλώς. ### book 13.470 ἀλλ’ οὐκ Ἰδομενῆα φόβος λάβε τηλύγετον ὥς, ### book 13.471 ἀλλ’ ἔμεν’ ὡς ὅτε τις σῦς οὔρεσιν ἀλκὶ πεποιθώς, ### book 13.472 ὅς τε μένει κολοσυρτὸν ἐπερχόμενον πολὺν ἀνδρῶν ### book 13.473 χώρῳ ἐν οἰοπόλῳ, φρίσσει δέ τε νῶτον ὕπερθεν· ### book 13.474 ὀφθαλμὼ δ’ ἄρα οἱ πυρὶ λάμπετον· αὐτὰρ ὀδόντας ### book 13.475 θήγει, ἀλέξασθαι μεμαὼς κύνας ἠδὲ καὶ ἄνδρας· ### book 13.476 ὣς μένεν Ἰδομενεὺς δουρικλυτός, οὐδ’ ὑπεχώρει, ### book 13.477 Αἰνείαν ἐπιόντα βοηθόον· αὖε δ’ ἑταίρους ### book 13.478 Ἀσκάλαφόν τ’ ἐσορῶν Ἀφαρῆά τε Δηΐπυρόν τε ### book 13.479 Μηριόνην τε καὶ Ἀντίλοχον μήστωρας ἀϋτῆς· ### book 13.480 τοὺς ὅ γ’ ἐποτρύνων ἔπεα πτερόεντα προσηύδα· ### book 13.481 δεῦτε φίλοι, καί μ’ οἴῳ ἀμύνετε· δείδια δ’ αἰνῶς ### book 13.482 Αἰνείαν ἐπιόντα πόδας ταχύν, ὅς μοι ἔπεισιν, ### book 13.483 ὃς μάλα καρτερός ἐστι μάχῃ ἔνι φῶτας ἐναίρειν· ### book 13.484 καὶ δ’ ἔχει ἥβης ἄνθος, ὅ τε κράτος ἐστὶ μέγιστον. ### book 13.485 εἰ γὰρ ὁμηλικίη γε γενοίμεθα τῷδ’ ἐπὶ θυμῷ ### book 13.486 αἶψά κεν ἠὲ φέροιτο μέγα κράτος, ἠὲ φεροίμην. ### book 13.487 Ὣς ἔφαθ’, οἳ δ’ ἄρα πάντες ἕνα φρεσὶ θυμὸν ἔχοντες ### book 13.488 πλησίοι ἔστησαν, σάκε’ ὤμοισι κλίναντες. ### book 13.489 Αἰνείας δ’ ἑτέρωθεν ἐκέκλετο οἷς ἑτάροισι ### book 13.490 Δηΐφοβόν τε Πάριν τ’ ἐσορῶν καὶ Ἀγήνορα δῖον, ### book 13.491 οἵ οἱ ἅμ’ ἡγεμόνες Τρώων ἔσαν· αὐτὰρ ἔπειτα ### book 13.492 λαοὶ ἕπονθ’, ὡς εἴ τε μετὰ κτίλον ἕσπετο μῆλα ### book 13.493 πιόμεν’ ἐκ βοτάνης· γάνυται δ’ ἄρα τε φρένα ποιμήν· ### book 13.494 ὣς Αἰνείᾳ θυμὸς ἐνὶ στήθεσσι γεγήθει ### book 13.495 ὡς ἴδε λαῶν ἔθνος ἐπισπόμενον ἑοῖ αὐτῷ. ### book 13.496 Οἳ δ’ ἀμφ’ Ἀλκαθόῳ αὐτοσχεδὸν ὁρμήθησαν ### book 13.497 μακροῖσι ξυστοῖσι· περὶ στήθεσσι δὲ χαλκὸς ### book 13.498 σμερδαλέον κονάβιζε τιτυσκομένων καθ’ ὅμιλον ### book 13.499 ἀλλήλων· δύο δ’ ἄνδρες ἀρήϊοι ἔξοχον ἄλλων ### book 13.500 Αἰνείας τε καὶ Ἰδομενεὺς ἀτάλαντοι Ἄρηϊ ### book 13.501 ἵεντ’ ἀλλήλων ταμέειν χρόα νηλέϊ χαλκῷ. ### book 13.502 Αἰνείας δὲ πρῶτος ἀκόντισεν Ἰδομενῆος· ### book 13.503 ἀλλ’ ὃ μὲν ἄντα ἰδὼν ἠλεύατο χάλκεον ἔγχος, ### book 13.504 αἰχμὴ δ’ Αἰνείαο κραδαινομένη κατὰ γαίης ### book 13.505 ᾤχετ’, ἐπεί ῥ’ ἅλιον στιβαρῆς ἀπὸ χειρὸς ὄρουσεν. ### book 13.506 Ἰδομενεὺς δ’ ἄρα Οἰνόμαον βάλε γαστέρα μέσσην, ### book 13.507 ῥῆξε δὲ θώρηκος γύαλον, διὰ δ’ ἔντερα χαλκὸς ### book 13.508 ἤφυς’· ὃ δ’ ἐν κονίῃσι πεσὼν ἕλε γαῖαν ἀγοστῷ. ### book 13.509 Ἰδομενεὺς δ’ ἐκ μὲν νέκυος δολιχόσκιον ἔγχος ### book 13.510 ἐσπάσατ’, οὐδ’ ἄρ’ ἔτ’ ἄλλα δυνήσατο τεύχεα καλὰ ### book 13.511 ὤμοιιν ἀφελέσθαι· ἐπείγετο γὰρ βελέεσσιν. ### book 13.512 οὐ γὰρ ἔτ’ ἔμπεδα γυῖα ποδῶν ἦν ὁρμηθέντι, ### book 13.513 οὔτ’ ἄρ’ ἐπαΐξαι μεθ’ ἑὸν βέλος οὔτ’ ἀλέασθαι. ### book 13.514 τώ ῥα καὶ ἐν σταδίῃ μὲν ἀμύνετο νηλεὲς ἦμαρ, ### book 13.515 τρέσσαι δ’ οὐκ ἔτι ῥίμφα πόδες φέρον ἐκ πολέμοιο. ### book 13.516 τοῦ δὲ βάδην ἀπιόντος ἀκόντισε δουρὶ φαεινῷ ### book 13.517 Δηΐφοβος· δὴ γάρ οἱ ἔχεν κότον ἐμμενὲς αἰεί. ### book 13.518 ἀλλ’ ὅ γε καὶ τόθ’ ἅμαρτεν, ὃ δ’ Ἀσκάλαφον βάλε δουρὶ ### book 13.519 υἱὸν Ἐνυαλίοιο· δι’ ὤμου δ’ ὄβριμον ἔγχος ### book 13.520 ἔσχεν· ὃ δ’ ἐν κονίῃσι πεσὼν ἕλε γαῖαν ἀγοστῷ. ### book 13.521 οὐδ’ ἄρα πώ τι πέπυστο βριήπυος ὄβριμος Ἄρης ### book 13.522 υἷος ἑοῖο πεσόντος ἐνὶ κρατερῇ ὑσμίνῃ, ### book 13.523 ἀλλ’ ὅ γ’ ἄρ’ ἄκρῳ Ὀλύμπῳ ὑπὸ χρυσέοισι νέφεσσιν ### book 13.524 ἧστο Διὸς βουλῇσιν ἐελμένος, ἔνθά περ ἄλλοι ### book 13.525 ἀθάνατοι θεοὶ ἦσαν ἐεργόμενοι πολέμοιο. ### book 13.526 Οἳ δ’ ἀμφ’ Ἀσκαλάφῳ αὐτοσχεδὸν ὁρμήθησαν· ### book 13.527 Δηΐφοβος μὲν ἀπ’ Ἀσκαλάφου πήληκα φαεινὴν ### book 13.528 ἥρπασε, Μηριόνης δὲ θοῷ ἀτάλαντος Ἄρηϊ ### book 13.529 δουρὶ βραχίονα τύψεν ἐπάλμενος, ἐκ δ’ ἄρα χειρὸς ### book 13.530 αὐλῶπις τρυφάλεια χαμαὶ βόμβησε πεσοῦσα. ### book 13.531 Μηριόνης δ’ ἐξ αὖτις ἐπάλμενος αἰγυπιὸς ὣς ### book 13.532 ἐξέρυσε πρυμνοῖο βραχίονος ὄβριμον ἔγχος, ### book 13.533 ἂψ δ’ ἑτάρων εἰς ἔθνος ἐχάζετο. τὸν δὲ Πολίτης ### book 13.534 αὐτοκασίγνητος περὶ μέσσῳ χεῖρε τιτήνας ### book 13.535 ἐξῆγεν πολέμοιο δυσηχέος, ὄφρ’ ἵκεθ’ ἵππους ### book 13.536 ὠκέας, οἵ οἱ ὄπισθε μάχης ἠδὲ πτολέμοιο ### book 13.537 ἕστασαν ἡνίοχόν τε καὶ ἅρματα ποικίλ’ ἔχοντες· ### book 13.538 οἳ τόν γε προτὶ ἄστυ φέρον βαρέα στενάχοντα ### book 13.539 τειρόμενον· κατὰ δ’ αἷμα νεουτάτου ἔρρεε χειρός. ### book 13.540 Οἳ δ’ ἄλλοι μάρναντο, βοὴ δ’ ἄσβεστος ὀρώρει. ### book 13.541 ἔνθ’ Αἰνέας Ἀφαρῆα Καλητορίδην ἐπορούσας ### book 13.542 λαιμὸν τύψ’ ἐπὶ οἷ τετραμμένον ὀξέϊ δουρί· ### book 13.543 ἐκλίνθη δ’ ἑτέρωσε κάρη, ἐπὶ δ’ ἀσπὶς ἑάφθη ### book 13.544 καὶ κόρυς, ἀμφὶ δέ οἱ θάνατος χύτο θυμοραϊστής. ### book 13.545 Ἀντίλοχος δὲ Θόωνα μεταστρεφθέντα δοκεύσας ### book 13.546 οὔτας’ ἐπαΐξας, ἀπὸ δὲ φλέβα πᾶσαν ἔκερσεν, ### book 13.547 ἥ τ’ ἀνὰ νῶτα θέουσα διαμπερὲς αὐχέν’ ἱκάνει· ### book 13.548 τὴν ἀπὸ πᾶσαν ἔκερσεν· ὃ δ’ ὕπτιος ἐν κονίῃσι ### book 13.549 κάππεσεν, ἄμφω χεῖρε φίλοις ἑτάροισι πετάσσας. ### book 13.550 Ἀντίλοχος δ’ ἐπόρουσε, καὶ αἴνυτο τεύχε’ ἀπ’ ὤμων ### book 13.551 παπταίνων· Τρῶες δὲ περισταδὸν ἄλλοθεν ἄλλος ### book 13.552 οὔταζον σάκος εὐρὺ παναίολον, οὐδὲ δύναντο ### book 13.553 εἴσω ἐπιγράψαι τέρενα χρόα νηλέϊ χαλκῷ ### book 13.554 Ἀντιλόχου· πέρι γάρ ῥα Ποσειδάων ἐνοσίχθων ### book 13.555 Νέστορος υἱὸν ἔρυτο καὶ ἐν πολλοῖσι βέλεσσιν. ### book 13.556 οὐ μὲν γάρ ποτ’ ἄνευ δηΐων ἦν, ἀλλὰ κατ’ αὐτοὺς ### book 13.557 στρωφᾶτ’· οὐδέ οἱ ἔγχος ἔχ’ ἀτρέμας, ἀλλὰ μάλ’ αἰεὶ ### book 13.558 σειόμενον ἐλέλικτο· τιτύσκετο δὲ φρεσὶν ᾗσιν ### book 13.559 ἤ τευ ἀκοντίσσαι, ἠὲ σχεδὸν ὁρμηθῆναι. ### book 13.560 Ἀλλ’ οὐ λῆθ’ Ἀδάμαντα τιτυσκόμενος καθ’ ὅμιλον ### book 13.561 Ἀσιάδην, ὅ οἱ οὖτα μέσον σάκος ὀξέϊ χαλκῷ ### book 13.562 ἐγγύθεν ὁρμηθείς· ἀμενήνωσεν δέ οἱ αἰχμὴν ### book 13.563 κυανοχαῖτα Ποσειδάων βιότοιο μεγήρας. ### book 13.564 καὶ τὸ μὲν αὐτοῦ μεῖν’ ὥς τε σκῶλος πυρίκαυστος ### book 13.565 ἐν σάκει Ἀντιλόχοιο, τὸ δ’ ἥμισυ κεῖτ’ ἐπὶ γαίης· ### book 13.566 ἂψ δ’ ἑτάρων εἰς ἔθνος ἐχάζετο κῆρ’ ἀλεείνων· ### book 13.567 Μηριόνης δ’ ἀπιόντα μετασπόμενος βάλε δουρὶ ### book 13.568 αἰδοίων τε μεσηγὺ καὶ ὀμφαλοῦ, ἔνθα μάλιστα ### book 13.569 γίγνετ’ Ἄρης ἀλεγεινὸς ὀϊζυροῖσι βροτοῖσιν. ### book 13.570 ἔνθά οἱ ἔγχος ἔπηξεν· ὃ δ’ ἑσπόμενος περὶ δουρὶ ### book 13.571 ἤσπαιρ’ ὡς ὅτε βοῦς τόν τ’ οὔρεσι βουκόλοι ἄνδρες ### book 13.572 ἰλλάσιν οὐκ ἐθέλοντα βίῃ δήσαντες ἄγουσιν· ### book 13.573 ὣς ὃ τυπεὶς ἤσπαιρε μίνυνθά περ, οὔ τι μάλα δήν, ### book 13.574 ὄφρά οἱ ἐκ χροὸς ἔγχος ἀνεσπάσατ’ ἐγγύθεν ἐλθὼν ### book 13.575 ἥρως Μηριόνης· τὸν δὲ σκότος ὄσσε κάλυψε. ### book 13.576 Δηΐπυρον δ’ Ἕλενος ξίφεϊ σχεδὸν ἤλασε κόρσην ### book 13.577 Θρηϊκίῳ μεγάλῳ, ἀπὸ δὲ τρυφάλειαν ἄραξεν. ### book 13.578 ἣ μὲν ἀποπλαγχθεῖσα χαμαὶ πέσε, καί τις Ἀχαιῶν ### book 13.579 μαρναμένων μετὰ ποσσὶ κυλινδομένην ἐκόμισσε· ### book 13.580 τὸν δὲ κατ’ ὀφθαλμῶν ἐρεβεννὴ νὺξ ἐκάλυψεν. ### book 13.581 Ἀτρεΐδην δ’ ἄχος εἷλε βοὴν ἀγαθὸν Μενέλαον· ### book 13.582 βῆ δ’ ἐπαπειλήσας Ἑλένῳ ἥρωϊ ἄνακτι ### book 13.583 ὀξὺ δόρυ κραδάων· ὃ δὲ τόξου πῆχυν ἄνελκε. ### book 13.584 τὼ δ’ ἄρ’ ὁμαρτήδην ὃ μὲν ἔγχεϊ ὀξυόεντι ### book 13.585 ἵετ’ ἀκοντίσσαι, ὃ δ’ ἀπὸ νευρῆφιν ὀϊστῷ. ### book 13.586 Πριαμίδης μὲν ἔπειτα κατὰ στῆθος βάλεν ἰῷ ### book 13.587 θώρηκος γύαλον, ἀπὸ δ’ ἔπτατο πικρὸς ὀϊστός. ### book 13.588 ὡς δ’ ὅτ’ ἀπὸ πλατέος πτυόφιν μεγάλην κατ’ ἀλωὴν ### book 13.589 θρῴσκωσιν κύαμοι μελανόχροες ἢ ἐρέβινθοι ### book 13.590 πνοιῇ ὕπο λιγυρῇ καὶ λικμητῆρος ἐρωῇ, ### book 13.591 ὣς ἀπὸ θώρηκος Μενελάου κυδαλίμοιο ### book 13.592 πολλὸν ἀποπλαγχθεὶς ἑκὰς ἔπτατο πικρὸς ὀϊστός. ### book 13.593 Ἀτρεΐδης δ’ ἄρα χεῖρα βοὴν ἀγαθὸς Μενέλαος ### book 13.594 τὴν βάλεν ᾗ ῥ’ ἔχε τόξον ἐΰξοον· ἐν δ’ ἄρα τόξῳ ### book 13.595 ἀντικρὺ διὰ χειρὸς ἐλήλατο χάλκεον ἔγχος. ### book 13.596 ἂψ δ’ ἑτάρων εἰς ἔθνος ἐχάζετο κῆρ’ ἀλεείνων ### book 13.597 χεῖρα παρακρεμάσας· τὸ δ’ ἐφέλκετο μείλινον ἔγχος. ### book 13.598 καὶ τὸ μὲν ἐκ χειρὸς ἔρυσεν μεγάθυμος Ἀγήνωρ, ### book 13.599 αὐτὴν δὲ ξυνέδησεν ἐϋστρεφεῖ οἰὸς ἀώτῳ ### book 13.600 σφενδόνῃ, ἣν ἄρα οἱ θεράπων ἔχε ποιμένι λαῶν. ### book 13.601 Πείσανδρος δ’ ἰθὺς Μενελάου κυδαλίμοιο ### book 13.602 ἤϊε· τὸν δ’ ἄγε μοῖρα κακὴ θανάτοιο τέλος δὲ ### book 13.603 σοὶ Μενέλαε δαμῆναι ἐν αἰνῇ δηϊοτῆτι. ### book 13.604 οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντες ### book 13.605 Ἀτρεΐδης μὲν ἅμαρτε, παραὶ δέ οἱ ἐτράπετ’ ἔγχος, ### book 13.606 Πείσανδρος δὲ σάκος Μενελάου κυδαλίμοιο ### book 13.607 οὔτασεν, οὐδὲ διὰ πρὸ δυνήσατο χαλκὸν ἐλάσσαι· ### book 13.608 ἔσχεθε γὰρ σάκος εὐρύ, κατεκλάσθη δ’ ἐνὶ καυλῷ ### book 13.609 ἔγχος· ὃ δὲ φρεσὶν ᾗσι χάρη καὶ ἐέλπετο νίκην. ### book 13.610 Ἀτρεΐδης δὲ ἐρυσσάμενος ξίφος ἀργυρόηλον ### book 13.611 ἆλτ’ ἐπὶ Πεισάνδρῳ· ὃ δ’ ὑπ’ ἀσπίδος εἵλετο καλὴν ### book 13.612 ἀξίνην εὔχαλκον ἐλαΐνῳ ἀμφὶ πελέκκῳ ### book 13.613 μακρῷ ἐϋξέστῳ· ἅμα δ’ ἀλλήλων ἐφίκοντο. ### book 13.614 ἤτοι ὃ μὲν κόρυθος φάλον ἤλασεν ἱπποδασείης ### book 13.615 ἄκρον ὑπὸ λόφον αὐτόν, ὃ δὲ προσιόντα μέτωπον ### book 13.616 ῥινὸς ὕπερ πυμάτης· λάκε δ’ ὀστέα, τὼ δέ οἱ ὄσσε ### book 13.617 πὰρ ποσὶν αἱματόεντα χαμαὶ πέσον ἐν κονίῃσιν, ### book 13.618 ἰδνώθη δὲ πεσών· ὃ δὲ λὰξ ἐν στήθεσι βαίνων ### book 13.619 τεύχεά τ’ ἐξενάριξε καὶ εὐχόμενος ἔπος ηὔδα· ### book 13.620 λείψετέ θην οὕτω γε νέας Δαναῶν ταχυπώλων ### book 13.621 Τρῶες ὑπερφίαλοι δεινῆς ἀκόρητοι ἀϋτῆς, ### book 13.622 ἄλλης μὲν λώβης τε καὶ αἴσχεος οὐκ ἐπιδευεῖς ### book 13.623 ἣν ἐμὲ λωβήσασθε κακαὶ κύνες, οὐδέ τι θυμῷ ### book 13.624 Ζηνὸς ἐριβρεμέτεω χαλεπὴν ἐδείσατε μῆνιν ### book 13.625 ξεινίου, ὅς τέ ποτ’ ὔμμι διαφθέρσει πόλιν αἰπήν· ### book 13.626 οἵ μευ κουριδίην ἄλοχον καὶ κτήματα πολλὰ ### book 13.627 μὰψ οἴχεσθ’ ἀνάγοντες, ἐπεὶ φιλέεσθε παρ’ αὐτῇ· ### book 13.628 νῦν αὖτ’ ἐν νηυσὶν μενεαίνετε ποντοπόροισι ### book 13.629 πῦρ ὀλοὸν βαλέειν, κτεῖναι δ’ ἥρωας Ἀχαιούς. ### book 13.630 ἀλλά ποθι σχήσεσθε καὶ ἐσσύμενοί περ Ἄρηος. ### book 13.631 Ζεῦ πάτερ ἦ τέ σέ φασι περὶ φρένας ἔμμεναι ἄλλων ### book 13.632 ἀνδρῶν ἠδὲ θεῶν· σέο δ’ ἐκ τάδε πάντα πέλονται· ### book 13.633 οἷον δὴ ἄνδρεσσι χαρίζεαι ὑβριστῇσι ### book 13.634 Τρωσίν, τῶν μένος αἰὲν ἀτάσθαλον, οὐδὲ δύνανται ### book 13.635 φυλόπιδος κορέσασθαι ὁμοιΐου πτολέμοιο. ### book 13.636 πάντων μὲν κόρος ἐστὶ καὶ ὕπνου καὶ φιλότητος ### book 13.637 μολπῆς τε γλυκερῆς καὶ ἀμύμονος ὀρχηθμοῖο, ### book 13.638 τῶν πέρ τις καὶ μᾶλλον ἐέλδεται ἐξ ἔρον εἷναι ### book 13.639 ἢ πολέμου· Τρῶες δὲ μάχης ἀκόρητοι ἔασιν. ### book 13.640 Ὣς εἰπὼν τὰ μὲν ἔντε’ ἀπὸ χροὸς αἱματόεντα ### book 13.641 συλήσας ἑτάροισι δίδου Μενέλαος ἀμύμων, ### book 13.642 αὐτὸς δ’ αὖτ’ ἐξ αὖτις ἰὼν προμάχοισιν ἐμίχθη. ### book 13.643 Ἔνθά οἱ υἱὸς ἐπᾶλτο Πυλαιμένεος βασιλῆος ### book 13.644 Ἁρπαλίων, ὅ ῥα πατρὶ φίλῳ ἕπετο πτολεμίξων ### book 13.645 ἐς τροίην, οὐδ’ αὖτις ἀφίκετο πατρίδα γαῖαν· ### book 13.646 ὅς ῥα τότ’ Ἀτρεΐδαο μέσον σάκος οὔτασε δουρὶ ### book 13.647 ἐγγύθεν, οὐδὲ διὰ πρὸ δυνήσατο χαλκὸν ἐλάσσαι ### book 13.648 ἂψ δ’ ἑτάρων εἰς ἔθνος ἐχάζετο κῆρ’ ἀλεείνων ### book 13.649 πάντοσε παπταίνων μή τις χρόα χαλκῷ ἐπαύρῃ. ### book 13.650 Μηριόνης δ’ ἀπιόντος ἵει χαλκήρε’ ὀϊστόν, ### book 13.651 καί ῥ’ ἔβαλε γλουτὸν κάτα δεξιόν· αὐτὰρ ὀϊστὸς ### book 13.652 ἀντικρὺ κατὰ κύστιν ὑπ’ ὀστέον ἐξεπέρησεν. ### book 13.653 ἑζόμενος δὲ κατ’ αὖθι φίλων ἐν χερσὶν ἑταίρων ### book 13.654 θυμὸν ἀποπνείων, ὥς τε σκώληξ ἐπὶ γαίῃ ### book 13.655 κεῖτο ταθείς· ἐκ δ’ αἷμα μέλαν ῥέε, δεῦε δὲ γαῖαν. ### book 13.656 τὸν μὲν Παφλαγόνες μεγαλήτορες ἀμφεπένοντο, ### book 13.657 ἐς δίφρον δ’ ἀνέσαντες ἄγον προτὶ Ἴλιον ἱρὴν ### book 13.658 ἀχνύμενοι· μετὰ δέ σφι πατὴρ κίε δάκρυα λείβων, ### book 13.659 ποινὴ δ’ οὔ τις παιδὸς ἐγίγνετο τεθνηῶτος. ### book 13.660 Τοῦ δὲ Πάρις μάλα θυμὸν ἀποκταμένοιο χολώθη· ### book 13.661 ξεῖνος γάρ οἱ ἔην πολέσιν μετὰ Παφλαγόνεσσι· ### book 13.662 τοῦ ὅ γε χωόμενος προΐει χαλκήρε’ ὀϊστόν. ### book 13.663 ἦν δέ τις Εὐχήνωρ Πολυΐδου μάντιος υἱὸς ### book 13.664 ἀφνειός τ’ ἀγαθός τε Κορινθόθι οἰκία ναίων, ### book 13.665 ὅς ῥ’ εὖ εἰδὼς κῆρ’ ὀλοὴν ἐπὶ νηὸς ἔβαινε· ### book 13.666 πολλάκι γάρ οἱ ἔειπε γέρων ἀγαθὸς Πολύϊδος ### book 13.667 νούσῳ ὑπ’ ἀργαλέῃ φθίσθαι οἷς ἐν μεγάροισιν, ### book 13.668 ἢ μετ’ Ἀχαιῶν νηυσὶν ὑπὸ Τρώεσσι δαμῆναι· ### book 13.669 τώ ῥ’ ἅμα τ’ ἀργαλέην θωὴν ἀλέεινεν Ἀχαιῶν ### book 13.670 νοῦσόν τε στυγερήν, ἵνα μὴ πάθοι ἄλγεα θυμῷ. ### book 13.671 τὸν βάλ’ ὑπὸ γναθμοῖο. καὶ οὔατος· ὦκα δὲ θυμὸς ### book 13.672 ᾤχετ’ ἀπὸ μελέων, στυγερὸς δ’ ἄρα μιν σκότος εἷλεν. ### book 13.673 Ὣς οἳ μὲν μάρναντο δέμας πυρὸς αἰθομένοιο· ### book 13.674 Ἕκτωρ δ’ οὐκ ἐπέπυστο Διῒ φίλος, οὐδέ τι ᾔδη ### book 13.675 ὅττί ῥά οἱ νηῶν ἐπ’ ἀριστερὰ δηϊόωντο ### book 13.676 λαοὶ ὑπ’ Ἀργείων. τάχα δ’ ἂν καὶ κῦδος Ἀχαιῶν ### book 13.677 ἔπλετο· τοῖος γὰρ γαιήοχος ἐννοσίγαιος ### book 13.678 ὄτρυν’ Ἀργείους, πρὸς δὲ σθένει αὐτὸς ἄμυνεν· ### book 13.679 ἀλλ’ ἔχεν ᾗ τὰ πρῶτα πύλας καὶ τεῖχος ἐσᾶλτο ### book 13.680 ῥηξάμενος Δαναῶν πυκινὰς στίχας ἀσπιστάων, ### book 13.681 ἔνθ’ ἔσαν Αἴαντός τε νέες καὶ Πρωτεσιλάου ### book 13.682 θῖν’ ἔφ’ ἁλὸς πολιῆς εἰρυμέναι· αὐτὰρ ὕπερθε ### book 13.683 τεῖχος ἐδέδμητο χθαμαλώτατον, ἔνθα μάλιστα ### book 13.684 ζαχρηεῖς γίγνοντο μάχῃ αὐτοί τε καὶ ἵπποι. ### book 13.685 Ἔνθα δὲ Βοιωτοὶ καὶ Ἰάονες ἑλκεχίτωνες ### book 13.686 Λοκροὶ καὶ Φθῖοι καὶ φαιδιμόεντες Ἐπειοὶ ### book 13.687 σπουδῇ ἐπαΐσσοντα νεῶν ἔχον, οὐδὲ δύναντο ### book 13.688 ὦσαι ἀπὸ σφείων φλογὶ εἴκελον Ἕκτορα δῖον ### book 13.689 οἳ μὲν Ἀθηναίων προλελεγμένοι· ἐν δ’ ἄρα τοῖσιν ### book 13.690 ἦρχ’ υἱὸς Πετεῶο Μενεσθεύς, οἳ δ’ ἅμ’ ἕποντο ### book 13.691 Φείδας τε Στιχίος τε Βίας τ’ ἐΰς· αὐτὰρ Ἐπειῶν ### book 13.692 Φυλεΐδης τε Μέγης Ἀμφίων τε Δρακίος τε, ### book 13.693 πρὸ Φθίων δὲ Μέδων τε μενεπτόλεμός τε Ποδάρκης. ### book 13.694 ἤτοι ὃ μὲν νόθος υἱὸς Ὀϊλῆος θείοιο ### book 13.695 ἔσκε Μέδων Αἴαντος ἀδελφεός· αὐτὰρ ἔναιεν ### book 13.696 ἐν Φυλάκῃ γαίης ἄπο πατρίδος ἄνδρα κατακτὰς ### book 13.697 γνωτὸν μητρυιῆς Ἐριώπιδος, ἣν ἔχ’ Ὀϊλεύς· ### book 13.698 αὐτὰρ ὃ Ἰφίκλοιο πάϊς τοῦ Φυλακίδαο. ### book 13.699 οἳ μὲν πρὸ Φθίων μεγαθύμων θωρηχθέντες ### book 13.700 ναῦφιν ἀμυνόμενοι μετὰ Βοιωτῶν ἐμάχοντο· ### book 13.701 Αἴας δ’ οὐκέτι πάμπαν Ὀϊλῆος ταχὺς υἱὸς ### book 13.702 ἵστατ’ ἀπ’ Αἴαντος Τελαμωνίου οὐδ’ ἠβαιόν, ### book 13.703 ἀλλ’ ὥς τ’ ἐν νειῷ βόε οἴνοπε πηκτὸν ἄροτρον ### book 13.704 ἶσον θυμὸν ἔχοντε τιταίνετον· ἀμφὶ δ’ ἄρά σφι ### book 13.705 πρυμνοῖσιν κεράεσσι πολὺς ἀνακηκίει ἱδρώς· ### book 13.706 τὼ μέν τε ζυγὸν οἶον ἐΰξοον ἀμφὶς ἐέργει ### book 13.707 ἱεμένω κατὰ ὦλκα· τέμει δέ τε τέλσον ἀρούρης· ### book 13.708 ὣς τὼ παρβεβαῶτε μάλ’ ἕστασαν ἀλλήλοιιν. ### book 13.709 ἀλλ’ ἤτοι Τελαμωνιάδῃ πολλοί τε καὶ ἐσθλοὶ ### book 13.710 λαοὶ ἕπονθ’ ἕταροι, οἵ οἱ σάκος ἐξεδέχοντο ### book 13.711 ὁππότε μιν κάματός τε καὶ ἱδρὼς γούναθ’ ἵκοιτο. ### book 13.712 οὐδ’ ἄρ’ Ὀϊλιάδῃ μεγαλήτορι Λοκροὶ ἕποντο· ### book 13.713 οὐ γάρ σφι σταδίῃ ὑσμίνῃ μίμνε φίλον κῆρ· ### book 13.714 οὐ γὰρ ἔχον κόρυθας χαλκήρεας ἱπποδασείας, ### book 13.715 οὐδ’ ἔχον ἀσπίδας εὐκύκλους καὶ μείλινα δοῦρα, ### book 13.716 ἀλλ’ ἄρα τόξοισιν καὶ ἐϋστρεφεῖ οἶος ἀώτῳ ### book 13.717 Ἴλιον εἰς ἅμ’ ἕποντο πεποιθότες, οἷσιν ἔπειτα ### book 13.718 ταρφέα βάλλοντες Τρώων ῥήγνυντο φάλαγγας· ### book 13.719 δή ῥα τόθ’ οἳ μὲν πρόσθε σὺν ἔντεσι δαιδαλέοισι ### book 13.720 μάρναντο Τρωσίν τε καὶ Ἕκτορι χαλκοκορυστῇ, ### book 13.721 οἳ δ’ ὄπιθεν βάλλοντες ἐλάνθανον· οὐδέ τι χάρμης ### book 13.722 Τρῶες μιμνήσκοντο· συνεκλόνεον γὰρ ὀϊστοί. ### book 13.723 Ἔνθά κε λευγαλέως νηῶν ἄπο καὶ κλισιάων ### book 13.724 Τρῶες ἐχώρησαν προτὶ Ἴλιον ἠνεμόεσσαν, ### book 13.725 εἰ μὴ Πουλυδάμας θρασὺν Ἕκτορα εἶπε παραστάς· ### book 13.726 Ἕκτορ ἀμήχανός ἐσσι παραρρητοῖσι πιθέσθαι. ### book 13.727 οὕνεκά τοι περὶ δῶκε θεὸς πολεμήϊα ἔργα ### book 13.728 τοὔνεκα καὶ βουλῇ ἐθέλεις περιίδμεναι ἄλλων· ### book 13.729 ἀλλ’ οὔ πως ἅμα πάντα δυνήσεαι αὐτὸς ἑλέσθαι. ### book 13.730 ἄλλῳ μὲν γὰρ ἔδωκε θεὸς πολεμήϊα ἔργα, ### book 13.731 ἄλλῳ δ’ ὀρχηστύν, ἑτέρῳ κίθαριν καὶ ἀοιδήν, ### book 13.732 ἄλλῳ δ’ ἐν στήθεσσι τιθεῖ νόον εὐρύοπα Ζεὺς ### book 13.733 ἐσθλόν, τοῦ δέ τε πολλοὶ ἐπαυρίσκοντ’ ἄνθρωποι, ### book 13.734 καί τε πολέας ἐσάωσε, μάλιστα δὲ καὐτὸς ἀνέγνω. ### book 13.735 αὐτὰρ ἐγὼν ἐρέω ὥς μοι δοκεῖ εἶναι ἄριστα· ### book 13.736 πάντῃ γάρ σε περὶ στέφανος πολέμοιο δέδηε· ### book 13.737 Τρῶες δὲ μεγάθυμοι ἐπεὶ κατὰ τεῖχος ἔβησαν ### book 13.738 οἳ μὲν ἀφεστᾶσιν σὺν τεύχεσιν, οἳ δὲ μάχονται ### book 13.739 παυρότεροι πλεόνεσσι κεδασθέντες κατὰ νῆας. ### book 13.740 ἀλλ’ ἀναχασσάμενος κάλει ἐνθάδε πάντας ἀρίστους· ### book 13.741 ἔνθεν δ’ ἂν μάλα πᾶσαν ἐπιφρασσαίμεθα βουλὴν ### book 13.742 ἤ κεν ἐνὶ νήεσσι πολυκλήϊσι πέσωμεν ### book 13.743 αἴ κ’ ἐθέλῃσι θεὸς δόμεναι κράτος, ἦ κεν ἔπειτα ### book 13.744 πὰρ νηῶν ἔλθωμεν ἀπήμονες. ἦ γὰρ ἔγωγε ### book 13.745 δείδω μὴ τὸ χθιζὸν ἀποστήσωνται Ἀχαιοὶ ### book 13.746 χρεῖος, ἐπεὶ παρὰ νηυσὶν ἀνὴρ ἆτος πολέμοιο ### book 13.747 μίμνει, ὃν οὐκέτι πάγχυ μάχης σχήσεσθαι ὀΐω. ### book 13.748 Ὣς φάτο Πουλυδάμας, ἅδε δ’ Ἕκτορι μῦθος ἀπήμων, ### book 13.749 αὐτίκα δ’ ἐξ ὀχέων σὺν τεύχεσιν ἆλτο χαμᾶζε ### book 13.750 καί μιν φωνήσας ἔπεα πτερόεντα προσηύδα· ### book 13.751 Πουλυδάμα σὺ μὲν αὐτοῦ ἐρύκακε πάντας ἀρίστους, ### book 13.752 αὐτὰρ ἐγὼ κεῖς’ εἶμι καὶ ἀντιόω πολέμοιο· ### book 13.753 αἶψα δ’ ἐλεύσομαι αὖτις ἐπὴν εὖ τοῖς ἐπιτείλω. ### book 13.754 Ἦ ῥα, καὶ ὁρμήθη ὄρεϊ νιφόεντι ἐοικὼς ### book 13.755 κεκλήγων, διὰ δὲ Τρώων πέτετ’ ἠδ’ ἐπικούρων. ### book 13.756 οἳ δ’ ἐς Πανθοΐδην ἀγαπήνορα Πουλυδάμαντα ### book 13.757 πάντες ἐπεσσεύοντ’, ἐπεὶ Ἕκτορος ἔκλυον αὐδήν. ### book 13.758 αὐτὰρ ὃ Δηΐφοβόν τε βίην θ’ Ἑλένοιο ἄνακτος ### book 13.759 Ἀσιάδην τ’ Ἀδάμαντα καὶ Ἄσιον Ὑρτάκου υἱὸν ### book 13.760 φοίτα ἀνὰ προμάχους διζήμενος, εἴ που ἐφεύροι. ### book 13.761 τοὺς δ’ εὗρ’ οὐκέτι πάμπαν ἀπήμονας οὐδ’ ἀνολέθρους· ### book 13.762 ἀλλ’ οἳ μὲν δὴ νηυσὶν ἔπι πρυμνῇσιν Ἀχαιῶν ### book 13.763 χερσὶν ὑπ’ Ἀργείων κέατο ψυχὰς ὀλέσαντες, ### book 13.764 οἳ δ’ ἐν τείχει ἔσαν βεβλημένοι οὐτάμενοί τε. ### book 13.765 τὸν δὲ τάχ’ εὗρε μάχης ἐπ’ ἀριστερὰ δακρυοέσσης ### book 13.766 δῖον Ἀλέξανδρον Ἑλένης πόσιν ἠϋκόμοιο ### book 13.767 θαρσύνονθ’ ἑτάρους καὶ ἐποτρύνοντα μάχεσθαι, ### book 13.768 ἀγχοῦ δ’ ἱστάμενος προσέφη αἰσχροῖς ἐπέεσσι· ### book 13.769 Δύσπαρι εἶδος ἄριστε γυναιμανὲς ἠπεροπευτὰ ### book 13.770 ποῦ τοι Δηΐφοβός τε βίη θ’ Ἑλένοιο ἄνακτος ### book 13.771 Ἀσιάδης τ’ Ἀδάμας ἠδ’ Ἄσιος Ὑρτάκου υἱός; ### book 13.772 ποῦ δέ τοι Ὀθρυονεύς; νῦν ὤλετο πᾶσα κατ’ ἄκρης ### book 13.773 Ἴλιος αἰπεινή· νῦν τοι σῶς αἰπὺς ὄλεθρος. ### book 13.774 Τὸν δ’ αὖτε προσέειπεν Ἀλέξανδρος θεοειδής· ### book 13.775 Ἕκτορ ἐπεί τοι θυμὸς ἀναίτιον αἰτιάασθαι, ### book 13.776 ἄλλοτε δή ποτε μᾶλλον ἐρωῆσαι πολέμοιο ### book 13.777 μέλλω, ἐπεὶ οὐδ’ ἐμὲ πάμπαν ἀνάλκιδα γείνατο μήτηρ· ### book 13.778 ἐξ οὗ γὰρ παρὰ νηυσὶ μάχην ἤγειρας ἑταίρων, ### book 13.779 ἐκ τοῦ δ’ ἐνθάδ’ ἐόντες ὁμιλέομεν Δαναοῖσι ### book 13.780 νωλεμέως· ἕταροι δὲ κατέκταθεν οὓς σὺ μεταλλᾷς. ### book 13.781 οἴω Δηΐφοβός τε βίη θ’ Ἑλένοιο ἄνακτος ### book 13.782 οἴχεσθον, μακρῇσι τετυμμένω ἐγχείῃσιν ### book 13.783 ἀμφοτέρω κατὰ χεῖρα· φόνον δ’ ἤμυνε Κρονίων. ### book 13.784 νῦν δ’ ἄρχ’ ὅππῃ σε κραδίη θυμός τε κελεύει· ### book 13.785 ἡμεῖς δ’ ἐμμεμαῶτες ἅμ’ ἑψόμεθ’, οὐδέ τί φημι ### book 13.786 ἀλκῆς δευήσεσθαι, ὅση δύναμίς γε πάρεστι. ### book 13.787 πὰρ δύναμιν δ’ οὐκ ἔστι καὶ ἐσσύμενον πολεμίζειν. ### book 13.788 Ὣς εἰπὼν παρέπεισεν ἀδελφειοῦ φρένας ἥρως· ### book 13.789 βὰν δ’ ἴμεν ἔνθα μάλιστα μάχη καὶ φύλοπις ἦεν ### book 13.790 ἀμφί τε κεβριόνην καὶ ἀμύμονα Πουλυδάμαντα ### book 13.791 Φάλκην Ὀρθαῖόν τε καὶ ἀντίθεον Πολυφήτην ### book 13.792 Πάλμύν τ’ Ἀσκάνιόν τε Μόρυν θ’ υἷ’ Ἱπποτίωνος, ### book 13.793 οἵ ῥ’ ἐξ Ἀσκανίης ἐριβώλακος ἦλθον ἀμοιβοὶ ### book 13.794 ἠοῖ τῇ προτέρῃ· τότε δὲ Ζεὺς ὦρσε μάχεσθαι. ### book 13.795 οἳ δ’ ἴσαν ἀργαλέων ἀνέμων ἀτάλαντοι ἀέλλῃ, ### book 13.796 ἥ ῥά θ’ ὑπὸ βροντῆς πατρὸς Διὸς εἶσι πέδον δέ, ### book 13.797 θεσπεσίῳ δ’ ὁμάδῳ ἁλὶ μίσγεται, ἐν δέ τε πολλὰ ### book 13.798 κύματα παφλάζοντα πολυφλοίσβοιο θαλάσσης ### book 13.799 κυρτὰ φαληριόωντα, πρὸ μέν τ’ ἄλλ’, αὐτὰρ ἐπ’ ἄλλα· ### book 13.800 ὣς Τρῶες πρὸ μὲν ἄλλοι ἀρηρότες, αὐτὰρ ἐπ’ ἄλλοι, ### book 13.801 χαλκῷ μαρμαίροντες ἅμ’ ἡγεμόνεσσιν ἕποντο. ### book 13.802 Ἕκτωρ δ’ ἡγεῖτο βροτολοιγῷ ἶσος Ἄρηϊ ### book 13.803 Πριαμίδης· πρόσθεν δ’ ἔχεν ἀσπίδα πάντος’ ἐΐσην ### book 13.804 ῥινοῖσιν πυκινήν, πολλὸς δ’ ἐπελήλατο χαλκός· ### book 13.805 ἀμφὶ δέ οἱ κροτάφοισι φαεινὴ σείετο πήληξ. ### book 13.806 πάντῃ δ’ ἀμφὶ φάλαγγας ἐπειρᾶτο προποδίζων, ### book 13.807 εἴ πώς οἱ εἴξειαν ὑπασπίδια προβιβῶντι· ### book 13.808 ἀλλ’ οὐ σύγχει θυμὸν ἐνὶ στήθεσσιν Ἀχαιῶν. ### book 13.809 Αἴας δὲ πρῶτος προκαλέσσατο μάκρα βιβάσθων· ### book 13.810 δαιμόνιε σχεδὸν ἐλθέ· τί ἢ δειδίσσεαι αὔτως ### book 13.811 Ἀργείους; οὔ τοί τι μάχης ἀδαήμονές εἰμεν, ### book 13.812 ἀλλὰ Διὸς μάστιγι κακῇ ἐδάμημεν Ἀχαιοί. ### book 13.813 ἦ θήν πού τοι θυμὸς ἐέλπεται ἐξαλαπάξειν ### book 13.814 νῆας· ἄφαρ δέ τε χεῖρες ἀμύνειν εἰσὶ καὶ ἡμῖν. ### book 13.815 ἦ κε πολὺ φθαίη εὖ ναιομένη πόλις ὑμὴ ### book 13.816 χερσὶν ὑφ’ ἡμετέρῃσιν ἁλοῦσά τε περθομένη τε. ### book 13.817 σοὶ δ’ αὐτῷ φημὶ σχεδὸν ἔμμεναι ὁππότε φεύγων ### book 13.818 ἀρήσῃ Διὶ πατρὶ καὶ ἄλλις ἀθανάτοισι ### book 13.819 θάσσονας ἰρήκων ἔμεναι καλλίτριχας ἵππους, ### book 13.820 οἵ σε πόλιν δ’ οἴσουσι κονίοντες πεδίοιο. ### book 13.821 Ὣς ἄρα οἱ εἰπόντι ἐπέπτατο δεξιὸς ὄρνις ### book 13.822 αἰετὸς ὑψιπέτης· ἐπὶ δ’ ἴαχε λαὸς Ἀχαιῶν ### book 13.823 θάρσυνος οἰωνῷ· ὃ δ’ ἀμείβετο φαίδιμος Ἕκτωρ· ### book 13.824 Αἶαν ἁμαρτοεπὲς βουγάϊε ποῖον ἔειπες· ### book 13.825 εἰ γὰρ ἐγὼν οὕτω γε Διὸς πάϊς αἰγιόχοιο ### book 13.826 εἴην ἤματα πάντα, τέκοι δέ με πότνια Ἥρη, ### book 13.827 τιοίμην δ’ ὡς τίετ’ Ἀθηναίη καὶ Ἀπόλλων, ### book 13.828 ὡς νῦν ἡμέρη ἧδε κακὸν φέρει Ἀργείοισι ### book 13.829 πᾶσι μάλ’, ἐν δὲ σὺ τοῖσι πεφήσεαι, αἴ κε ταλάσσῃς ### book 13.830 μεῖναι ἐμὸν δόρυ μακρόν, ὅ τοι χρόα λειριόεντα ### book 13.831 δάψει· ἀτὰρ Τρώων κορέεις κύνας ἠδ’ οἰωνοὺς ### book 13.832 δημῷ καὶ σάρκεσσι πεσὼν ἐπὶ νηυσὶν Ἀχαιῶν. ### book 13.833 Ὣς ἄρα φωνήσας ἡγήσατο· τοὶ δ’ ἅμ’ ἕποντο ### book 13.834 ἠχῇ θεσπεσίῃ, ἐπὶ δ’ ἴαχε λαὸς ὄπισθεν. ### book 13.835 Ἀργεῖοι δ’ ἑτέρωθεν ἐπίαχον, οὐδὲ λάθοντο ### book 13.836 ἀλκῆς, ἀλλ’ ἔμενον Τρώων ἐπιόντας ἀρίστους. ### book 13.837 ἠχὴ δ’ ἀμφοτέρων ἵκετ’ αἰθέρα καὶ Διὸς αὐγάς. ### book 14.1 Νέστορα δ’ οὐκ ἔλαθεν ἰαχὴ πίνοντά περ ἔμπης, ### book 14.2 ἀλλ’ Ἀσκληπιάδην ἔπεα πτερόεντα προσηύδα· ### book 14.3 φράζεο δῖε Μαχᾶον ὅπως ἔσται τάδε ἔργα· ### book 14.4 μείζων δὴ παρὰ νηυσὶ βοὴ θαλερῶν αἰζηῶν. ### book 14.5 ἀλλὰ σὺ μὲν νῦν πῖνε καθήμενος αἴθοπα οἶνον ### book 14.6 εἰς ὅ κε θερμὰ λοετρὰ ἐϋπλόκαμος Ἑκαμήδη ### book 14.7 θερμήνῃ καὶ λούσῃ ἄπο βρότον αἱματόεντα· ### book 14.8 αὐτὰρ ἐγὼν ἐλθὼν τάχα εἴσομαι ἐς περιωπήν. ### book 14.9 Ὣς εἰπὼν σάκος εἷλε τετυγμένον υἷος ἑοῖο ### book 14.10 κείμενον ἐν κλισίῃ Θρασυμήδεος ἱπποδάμοιο ### book 14.11 χαλκῷ παμφαῖνον· ὃ δ’ ἔχ’ ἀσπίδα πατρὸς ἑοῖο. ### book 14.12 εἵλετο δ’ ἄλκιμον ἔγχος ἀκαχμένον ὀξέϊ χαλκῷ, ### book 14.13 στῆ δ’ ἐκτὸς κλισίης, τάχα δ’ εἴσιδεν ἔργον ἀεικὲς ### book 14.14 τοὺς μὲν ὀρινομένους, τοὺς δὲ κλονέοντας ὄπισθε ### book 14.15 Τρῶας ὑπερθύμους· ἐρέριπτο δὲ τεῖχος Ἀχαιῶν. ### book 14.16 ὡς δ’ ὅτε πορφύρῃ πέλαγος μέγα κύματι κωφῷ ### book 14.17 ὀσσόμενον λιγέων ἀνέμων λαιψηρὰ κέλευθα ### book 14.18 αὔτως, οὐδ’ ἄρα τε προκυλίνδεται οὐδετέρωσε, ### book 14.19 πρίν τινα κεκριμένον καταβήμεναι ἐκ Διὸς οὖρον, ### book 14.20 ὣς ὃ γέρων ὅρμαινε δαϊζόμενος κατὰ θυμὸν ### book 14.21 διχθάδι’, ἢ μεθ’ ὅμιλον ἴοι Δαναῶν ταχυπώλων, ### book 14.22 ἦε μετ’ Ἀτρεΐδην Ἀγαμέμνονα ποιμένα λαῶν. ### book 14.23 ὧδε δέ οἱ φρονέοντι δοάσσατο κέρδιον εἶναι ### book 14.24 βῆναι ἐπ’ Ἀτρεΐδην. οἳ δ’ ἀλλήλους ἐνάριζον ### book 14.25 μαρνάμενοι· λάκε δέ σφι περὶ χροῒ χαλκὸς ἀτειρὴς ### book 14.26 νυσσομένων ξίφεσίν τε καὶ ἔγχεσιν ἀμφιγύοισι. ### book 14.27 Νέστορι δὲ ξύμβληντο διοτρεφέες βασιλῆες ### book 14.28 πὰρ νηῶν ἀνιόντες ὅσοι βεβλήατο χαλκῷ ### book 14.29 Τυδεΐδης Ὀδυσεύς τε καὶ Ἀτρεΐδης Ἀγαμέμνων. ### book 14.30 πολλὸν γάρ ῥ’ ἀπάνευθε μάχης εἰρύατο νῆες ### book 14.31 θῖν’ ἔφ’ ἁλὸς πολιῆς· τὰς γὰρ πρώτας πεδίον δὲ ### book 14.32 εἴρυσαν, αὐτὰρ τεῖχος ἐπὶ πρύμνῃσιν ἔδειμαν. ### book 14.33 οὐδὲ γὰρ οὐδ’ εὐρύς περ ἐὼν ἐδυνήσατο πάσας ### book 14.34 αἰγιαλὸς νῆας χαδέειν, στείνοντο δὲ λαοί· ### book 14.35 τώ ῥα προκρόσσας ἔρυσαν, καὶ πλῆσαν ἁπάσης ### book 14.36 ἠϊόνος στόμα μακρόν, ὅσον συνεέργαθον ἄκραι. ### book 14.37 τώ ῥ’ οἵ γ’ ὀψείοντες ἀϋτῆς καὶ πολέμοιο ### book 14.38 ἔγχει ἐρειδόμενοι κίον ἀθρόοι· ἄχνυτο δέ σφι ### book 14.39 θυμὸς ἐνὶ στήθεσσιν. ὃ δὲ ξύμβλητο γεραιὸς ### book 14.40 Νέστωρ, πτῆξε δὲ θυμὸν ἐνὶ στήθεσσιν Ἀχαιῶν. ### book 14.41 τὸν καὶ φωνήσας προσέφη κρείων Ἀγαμέμνων· ### book 14.42 ὦ Νέστορ Νηληϊάδη μέγα κῦδος Ἀχαιῶν ### book 14.43 τίπτε λιπὼν πόλεμον φθισήνορα δεῦρ’ ἀφικάνεις; ### book 14.44 δείδω μὴ δή μοι τελέσῃ ἔπος ὄβριμος Ἕκτωρ, ### book 14.45 ὥς ποτ’ ἐπηπείλησεν ἐνὶ Τρώεσς’ ἀγορεύων ### book 14.46 μὴ πρὶν πὰρ νηῶν προτὶ Ἴλιον ἀπονέεσθαι ### book 14.47 πρὶν πυρὶ νῆας ἐνιπρῆσαι, κτεῖναι δὲ καὶ αὐτούς. ### book 14.48 κεῖνος τὼς ἀγόρευε· τὰ δὴ νῦν πάντα τελεῖται. ### book 14.49 ὢ πόποι ἦ ῥα καὶ ἄλλοι ἐϋκνήμιδες Ἀχαιοὶ ### book 14.50 ἐν θυμῷ βάλλονται ἐμοὶ χόλον ὥς περ Ἀχιλλεὺς ### book 14.51 οὐδ’ ἐθέλουσι μάχεσθαι ἐπὶ πρυμνῇσι νέεσσι. ### book 14.52 Τὸν δ’ ἠμείβετ’ ἔπειτα Γερήνιος ἱππότα Νέστωρ· ### book 14.53 ἦ δὴ ταῦτά γ’ ἑτοῖμα τετεύχαται, οὐδέ κεν ἄλλως ### book 14.54 Ζεὺς ὑψιβρεμέτης αὐτὸς παρατεκτήναιτο. ### book 14.55 τεῖχος μὲν γὰρ δὴ κατερήριπεν, ᾧ ἐπέπιθμεν ### book 14.56 ἄρρηκτον νηῶν τε καὶ αὐτῶν εἶλαρ ἔσεσθαι· ### book 14.57 οἳ δ’ ἐπὶ νηυσὶ θοῇσι μάχην ἀλίαστον ἔχουσι ### book 14.58 νωλεμές· οὐδ’ ἂν ἔτι γνοίης μάλα περ σκοπιάζων ### book 14.59 ὁπποτέρωθεν Ἀχαιοὶ ὀρινόμενοι κλονέονται, ### book 14.60 ὡς ἐπιμὶξ κτείνονται, ἀϋτὴ δ’ οὐρανὸν ἵκει. ### book 14.61 ἡμεῖς δὲ φραζώμεθ’ ὅπως ἔσται τάδε ἔργα ### book 14.62 εἴ τι νόος ῥέξει· πόλεμον δ’ οὐκ ἄμμε κελεύω ### book 14.63 δύμεναι· οὐ γάρ πως βεβλημένον ἐστὶ μάχεσθαι. ### book 14.64 Τὸν δ’ αὖτε προσέειπεν ἄναξ ἀνδρῶν Ἀγαμέμνων· ### book 14.65 Νέστορ ἐπεὶ δὴ νηυσὶν ἔπι πρυμνῇσι μάχονται, ### book 14.66 τεῖχος δ’ οὐκ ἔχραισμε τετυγμένον, οὐδέ τι τάφρος, ### book 14.67 ᾗ ἔπι πολλὰ πάθον Δαναοί, ἔλποντο δὲ θυμῷ ### book 14.68 ἄρρηκτον νηῶν τε καὶ αὐτῶν εἶλαρ ἔσεσθαι· ### book 14.69 οὕτω που Διὶ μέλλει ὑπερμενέϊ φίλον εἶναι ### book 14.70 νωνύμνους ἀπολέσθαι ἀπ’ Ἄργεος ἐνθάδ’ Ἀχαιούς. ### book 14.71 ᾔδεα μὲν γὰρ ὅτε πρόφρων Δαναοῖσιν ἄμυνεν, ### book 14.72 οἶδα δὲ νῦν ὅτε τοὺς μὲν ὁμῶς μακάρεσσι θεοῖσι ### book 14.73 κυδάνει, ἡμέτερον δὲ μένος καὶ χεῖρας ἔδησεν. ### book 14.74 ἀλλ’ ἄγεθ’ ὡς ἂν ἐγὼν εἴπω πειθώμεθα πάντες. ### book 14.75 νῆες ὅσαι πρῶται εἰρύαται ἄγχι θαλάσσης ### book 14.76 ἕλκωμεν, πάσας δὲ ἐρύσσομεν εἰς ἅλα δῖαν, ### book 14.77 ὕψι δ’ ἐπ’ εὐνάων ὁρμίσσομεν, εἰς ὅ κεν ἔλθῃ ### book 14.78 νὺξ ἀβρότη, ἢν καὶ τῇ ἀπόσχωνται πολέμοιο ### book 14.79 Τρῶες· ἔπειτα δέ κεν ἐρυσαίμεθα νῆας ἁπάσας. ### book 14.80 οὐ γάρ τις νέμεσις φυγέειν κακόν, οὐδ’ ἀνὰ νύκτα. ### book 14.81 βέλτερον ὃς φεύγων προφύγῃ κακὸν ἠὲ ἁλώῃ. ### book 14.82 Τὸν δ’ ἄρ’ ὑπόδρα ἰδὼν προσέφη πολύμητις Ὀδυσσεύς· ### book 14.83 Ἀτρεΐδη ποῖόν σε ἔπος φύγεν ἕρκος ὀδόντων· ### book 14.84 οὐλόμεν’ αἴθ’ ὤφελλες ἀεικελίου στρατοῦ ἄλλου ### book 14.85 σημαίνειν, μὴ δ’ ἄμμιν ἀνασσέμεν, οἷσιν ἄρα Ζεὺς ### book 14.86 ἐκ νεότητος ἔδωκε καὶ ἐς γῆρας τολυπεύειν ### book 14.87 ἀργαλέους πολέμους, ὄφρα φθιόμεσθα ἕκαστος. ### book 14.88 οὕτω δὴ μέμονας Τρώων πόλιν εὐρυάγυιαν ### book 14.89 καλλείψειν, ἧς εἵνεκ’ ὀϊζύομεν κακὰ πολλά; ### book 14.90 σίγα, μή τίς τ’ ἄλλος Ἀχαιῶν τοῦτον ἀκούσῃ ### book 14.91 μῦθον, ὃν οὔ κεν ἀνήρ γε διὰ στόμα πάμπαν ἄγοιτο ### book 14.92 ὅς τις ἐπίσταιτο ᾗσι φρεσὶν ἄρτια βάζειν ### book 14.93 σκηπτοῦχός τ’ εἴη, καί οἱ πειθοίατο λαοὶ ### book 14.94 τοσσοῖδ’ ὅσσοισιν σὺ μετ’ Ἀργείοισιν ἀνάσσεις· ### book 14.95 νῦν δέ σευ ὠνοσάμην πάγχυ φρένας, οἷον ἔειπες· ### book 14.96 ὃς κέλεαι πολέμοιο συνεσταότος καὶ ἀϋτῆς ### book 14.97 νῆας ἐϋσσέλμους ἅλαδ’ ἑλκέμεν, ὄφρ’ ἔτι μᾶλλον ### book 14.98 Τρωσὶ μὲν εὐκτὰ γένηται ἐπικρατέουσί περ ἔμπης, ### book 14.99 ἡμῖν δ’ αἰπὺς ὄλεθρος ἐπιρρέπῃ. οὐ γὰρ Ἀχαιοὶ ### book 14.100 σχήσουσιν πόλεμον νηῶν ἅλα δ’ ἑλκομενάων, ### book 14.101 ἀλλ’ ἀποπαπτανέουσιν, ἐρωήσουσι δὲ χάρμης. ### book 14.102 ἔνθά κε σὴ βουλὴ δηλήσεται ὄρχαμε λαῶν. ### book 14.103 Τὸν δ’ ἠμείβετ’ ἔπειτα ἄναξ ἀνδρῶν Ἀγαμέμνων· ### book 14.104 ὦ Ὀδυσεῦ μάλα πώς με καθίκεο θυμὸν ἐνιπῇ ### book 14.105 ἀργαλέῃ· ἀτὰρ οὐ μὲν ἐγὼν ἀέκοντας ἄνωγα ### book 14.106 νῆας ἐϋσσέλμους ἅλα δ’ ἑλκέμεν υἷας Ἀχαιῶν. ### book 14.107 νῦν δ’ εἴη ὃς τῆσδέ γ’ ἀμείνονα μῆτιν ἐνίσποι ### book 14.108 ἢ νέος ἠὲ παλαιός· ἐμοὶ δέ κεν ἀσμένῳ εἴη. ### book 14.109 Τοῖσι δὲ καὶ μετέειπε βοὴν ἀγαθὸς Διομήδης· ### book 14.110 ἐγγὺς ἀνήρ· οὐ δηθὰ ματεύσομεν· αἴ κ’ ἐθέλητε ### book 14.111 πείθεσθαι, καὶ μή τι κότῳ ἀγάσησθε ἕκαστος ### book 14.112 οὕνεκα δὴ γενεῆφι νεώτατός εἰμι μεθ’ ὑμῖν· ### book 14.113 πατρὸς δ’ ἐξ ἀγαθοῦ καὶ ἐγὼ γένος εὔχομαι εἶναι ### book 14.114 Τυδέος, ὃν Θήβῃσι χυτὴ κατὰ γαῖα καλύπτει. ### book 14.115 Πορθεῖ γὰρ τρεῖς παῖδες ἀμύμονες ἐξεγένοντο, ### book 14.116 οἴκεον δ’ ἐν Πλευρῶνι καὶ αἰπεινῇ Καλυδῶνι ### book 14.117 Ἄγριος ἠδὲ Μέλας, τρίτατος δ’ ἦν ἱππότα Οἰνεὺς ### book 14.118 πατρὸς ἐμοῖο πατήρ· ἀρετῇ δ’ ἦν ἔξοχος αὐτῶν. ### book 14.119 ἀλλ’ ὃ μὲν αὐτόθι μεῖνε, πατὴρ δ’ ἐμὸς Ἄργεϊ νάσθη ### book 14.120 πλαγχθείς· ὡς γάρ που Ζεὺς ἤθελε καὶ θεοὶ ἄλλοι. ### book 14.121 Ἀδρήστοιο δ’ ἔγημε θυγατρῶν, ναῖε δὲ δῶμα ### book 14.122 ἀφνειὸν βιότοιο, ἅλις δέ οἱ ἦσαν ἄρουραι ### book 14.123 πυροφόροι, πολλοὶ δὲ φυτῶν ἔσαν ὄρχατοι ἀμφίς, ### book 14.124 πολλὰ δέ οἱ πρόβατ’ ἔσκε· κέκαστο δὲ πάντας Ἀχαιοὺς ### book 14.125 ἐγχείῃ· τὰ δὲ μέλλετ’ ἀκουέμεν, εἰ ἐτεόν περ. ### book 14.126 τὼ οὐκ ἄν με γένος γε κακὸν καὶ ἀνάλκιδα φάντες ### book 14.127 μῦθον ἀτιμήσαιτε πεφασμένον ὅν κ’ ἐῢ εἴπω. ### book 14.128 δεῦτ’ ἴομεν πόλεμον δὲ καὶ οὐτάμενοί περ ἀνάγκῃ. ### book 14.129 ἔνθα δ’ ἔπειτ’ αὐτοὶ μὲν ἐχώμεθα δηϊοτῆτος ### book 14.130 ἐκ βελέων, μή πού τις ἐφ’ ἕλκεϊ ἕλκος ἄρηται· ### book 14.131 ἄλλους δ’ ὀτρύνοντες ἐνήσομεν, οἳ τὸ πάρος περ ### book 14.132 θυμῷ ἦρα φέροντες ἀφεστᾶς’ οὐδὲ μάχονται. ### book 14.133 Ὣς ἔφαθ’, οἳ δ’ ἄρα τοῦ μάλα μὲν κλύον ἠδὲ πίθοντο· ### book 14.134 βὰν δ’ ἴμεν, ἦρχε δ’ ἄρά σφιν ἄναξ ἀνδρῶν Ἀγαμέμνων. ### book 14.135 Οὐδ’ ἀλαοσκοπιὴν εἶχε κλυτὸς ἐννοσίγαιος, ### book 14.136 ἀλλὰ μετ’ αὐτοὺς ἦλθε παλαιῷ φωτὶ ἐοικώς, ### book 14.137 δεξιτερὴν δ’ ἕλε χεῖρ’ Ἀγαμέμνονος Ἀτρεΐδαο, ### book 14.138 καί μιν φωνήσας ἔπεα πτερόεντα προσηύδα· ### book 14.139 Ἀτρεΐδη νῦν δή που Ἀχιλλῆος ὀλοὸν κῆρ ### book 14.140 γηθεῖ ἐνὶ στήθεσσι φόνον καὶ φύζαν Ἀχαιῶν ### book 14.141 δερκομένῳ, ἐπεὶ οὔ οἱ ἔνι φρένες οὐδ’ ἠβαιαί. ### book 14.142 ἀλλ’ ὃ μὲν ὣς ἀπόλοιτο, θεὸς δέ ἑ σιφλώσειε· ### book 14.143 σοὶ δ’ οὔ πω μάλα πάγχυ θεοὶ μάκαρες κοτέουσιν, ### book 14.144 ἀλλ’ ἔτι που Τρώων ἡγήτορες ἠδὲ μέδοντες ### book 14.145 εὐρὺ κονίσουσιν πεδίον, σὺ δ’ ἐπόψεαι αὐτὸς ### book 14.146 φεύγοντας προτὶ ἄστυ νεῶν ἄπο καὶ κλισιάων. ### book 14.147 Ὣς εἰπὼν μέγ’ ἄϋσεν ἐπεσσύμενος πεδίοιο. ### book 14.148 ὅσσόν τ’ ἐννεάχιλοι ἐπίαχον ἢ δεκάχιλοι ### book 14.149 ἀνέρες ἐν πολέμῳ ἔριδα ξυνάγοντες Ἄρηος, ### book 14.150 τόσσην ἐκ στήθεσφιν ὄπα κρείων ἐνοσίχθων ### book 14.151 ἧκεν· Ἀχαιοῖσιν δὲ μέγα σθένος ἔμβαλ’ ἑκάστῳ ### book 14.152 καρδίῃ, ἄληκτον πολεμίζειν ἠδὲ μάχεσθαι. ### book 14.153 Ἥρη δ’ εἰσεῖδε χρυσόθρονος ὀφθαλμοῖσι ### book 14.154 στᾶς’ ἐξ Οὐλύμποιο ἀπὸ ῥίου· αὐτίκα δ’ ἔγνω ### book 14.155 τὸν μὲν ποιπνύοντα μάχην ἀνὰ κυδιάνειραν ### book 14.156 αὐτοκασίγνητον καὶ δαέρα, χαῖρε δὲ θυμῷ· ### book 14.157 Ζῆνα δ’ ἐπ’ ἀκροτάτης κορυφῆς πολυπίδακος Ἴδης ### book 14.158 ἥμενον εἰσεῖδε, στυγερὸς δέ οἱ ἔπλετο θυμῷ. ### book 14.159 μερμήριξε δ’ ἔπειτα βοῶπις πότνια Ἥρη ### book 14.160 ὅππως ἐξαπάφοιτο Διὸς νόον αἰγιόχοιο· ### book 14.161 ἧδε δέ οἱ κατὰ θυμὸν ἀρίστη φαίνετο βουλὴ ### book 14.162 ἐλθεῖν εἰς Ἴδην εὖ ἐντύνασαν ἓ αὐτήν, ### book 14.163 εἴ πως ἱμείραιτο παραδραθέειν φιλότητι ### book 14.164 ᾗ χροιῇ, τῷ δ’ ὕπνον ἀπήμονά τε λιαρόν τε ### book 14.165 χεύῃ ἐπὶ βλεφάροισιν ἰδὲ φρεσὶ πευκαλίμῃσι. ### book 14.166 βῆ δ’ ἴμεν ἐς θάλαμον, τόν οἱ φίλος υἱὸς ἔτευξεν ### book 14.167 Ἥφαιστος, πυκινὰς δὲ θύρας σταθμοῖσιν ἐπῆρσε ### book 14.168 κληῗδι κρυπτῇ, τὴν δ’ οὐ θεὸς ἄλλος ἀνῷγεν· ### book 14.169 ἔνθ’ ἥ γ’ εἰσελθοῦσα θύρας ἐπέθηκε φαεινάς. ### book 14.170 ἀμβροσίῃ μὲν πρῶτον ἀπὸ χροὸς ἱμερόεντος ### book 14.171 λύματα πάντα κάθηρεν, ἀλείψατο δὲ λίπ’ ἐλαίῳ ### book 14.172 ἀμβροσίῳ ἑδανῷ, τό ῥά οἱ τεθυωμένον ἦεν· ### book 14.173 τοῦ καὶ κινυμένοιο Διὸς κατὰ χαλκοβατὲς δῶ ### book 14.174 ἔμπης ἐς γαῖάν τε καὶ οὐρανὸν ἵκετ’ ἀϋτμή. ### book 14.175 τῷ ῥ’ ἥ γε χρόα καλὸν ἀλειψαμένη ἰδὲ χαίτας ### book 14.176 πεξαμένη χερσὶ πλοκάμους ἔπλεξε φαεινοὺς ### book 14.177 καλοὺς ἀμβροσίους ἐκ κράατος ἀθανάτοιο. ### book 14.178 ἀμφὶ δ’ ἄρ’ ἀμβρόσιον ἑανὸν ἕσαθ’, ὅν οἱ Ἀθήνη ### book 14.179 ἔξυς’ ἀσκήσασα, τίθει δ’ ἐνὶ δαίδαλα πολλά· ### book 14.180 χρυσείῃς δ’ ἐνετῇσι κατὰ στῆθος περονᾶτο. ### book 14.181 ζώσατο δὲ ζώνῃ ἑκατὸν θυσάνοις ἀραρυίῃ, ### book 14.182 ἐν δ’ ἄρα ἕρματα ἧκεν ἐϋτρήτοισι λοβοῖσι ### book 14.183 τρίγληνα μορόεντα· χάρις δ’ ἀπελάμπετο πολλή. ### book 14.184 κρηδέμνῳ δ’ ἐφύπερθε καλύψατο δῖα θεάων ### book 14.185 καλῷ νηγατέῳ· λευκὸν δ’ ἦν ἠέλιος ὥς· ### book 14.186 ποσσὶ δ’ ὑπὸ λιπαροῖσιν ἐδήσατο καλὰ πέδιλα. ### book 14.187 αὐτὰρ ἐπεὶ δὴ πάντα περὶ χροῒ θήκατο κόσμον ### book 14.188 βῆ ῥ’ ἴμεν ἐκ θαλάμοιο, καλεσσαμένη δ’ Ἀφροδίτην ### book 14.189 τῶν ἄλλων ἀπάνευθε θεῶν πρὸς μῦθον ἔειπε· ### book 14.190 ἦ ῥά νύ μοί τι πίθοιο φίλον τέκος ὅττί κεν εἴπω, ### book 14.191 ἦέ κεν ἀρνήσαιο κοτεσσαμένη τό γε θυμῷ, ### book 14.192 οὕνεκ’ ἐγὼ Δαναοῖσι, σὺ δὲ Τρώεσσιν ἀρήγεις; ### book 14.193 Τὴν δ’ ἠμείβετ’ ἔπειτα Διὸς θυγάτηρ Ἀφροδίτη· ### book 14.194 Ἥρη πρέσβα θεὰ θύγατερ μεγάλοιο Κρόνοιο ### book 14.195 αὔδα ὅ τι φρονέεις· τελέσαι δέ με θυμὸς ἄνωγεν, ### book 14.196 εἰ δύναμαι τελέσαι γε καὶ εἰ τετελεσμένον ἐστίν. ### book 14.197 Τὴν δὲ δολοφρονέουσα προσηύδα πότνια Ἥρη· ### book 14.198 δὸς νῦν μοι φιλότητα καὶ ἵμερον, ᾧ τε σὺ πάντας ### book 14.199 δαμνᾷ ἀθανάτους ἠδὲ θνητοὺς ἀνθρώπους. ### book 14.200 εἶμι γὰρ ὀψομένη πολυφόρβου πείρατα γαίης, ### book 14.201 Ὠκεανόν τε θεῶν γένεσιν καὶ μητέρα Τηθύν, ### book 14.202 οἵ μ’ ἐν σφοῖσι δόμοισιν ἐῢ τρέφον ἠδ’ ἀτίταλλον ### book 14.203 δεξάμενοι Ῥείας, ὅτε τε Κρόνον εὐρύοπα Ζεὺς ### book 14.204 γαίης νέρθε καθεῖσε καὶ ἀτρυγέτοιο θαλάσσης· ### book 14.205 τοὺς εἶμ’ ὀψομένη, καί σφ’ ἄκριτα νείκεα λύσω· ### book 14.206 ἤδη γὰρ δηρὸν χρόνον ἀλλήλων ἀπέχονται ### book 14.207 εὐνῆς καὶ φιλότητος, ἐπεὶ χόλος ἔμπεσε θυμῷ. ### book 14.208 εἰ κείνω ἐπέεσσι παραιπεπιθοῦσα φίλον κῆρ ### book 14.209 εἰς εὐνὴν ἀνέσαιμι ὁμωθῆναι φιλότητι, ### book 14.210 αἰεί κέ σφι φίλη τε καὶ αἰδοίη καλεοίμην. ### book 14.211 Τὴν δ’ αὖτε προσέειπε φιλομειδὴς Ἀφροδίτη· ### book 14.212 οὐκ ἔστ’ οὐδὲ ἔοικε τεὸν ἔπος ἀρνήσασθαι· ### book 14.213 Ζηνὸς γὰρ τοῦ ἀρίστου ἐν ἀγκοίνῃσιν ἰαύεις. ### book 14.214 Ἦ, καὶ ἀπὸ στήθεσφιν ἐλύσατο κεστὸν ἱμάντα ### book 14.215 ποικίλον, ἔνθα δέ οἱ θελκτήρια πάντα τέτυκτο· ### book 14.216 ἔνθ’ ἔνι μὲν φιλότης, ἐν δ’ ἵμερος, ἐν δ’ ὀαριστὺς ### book 14.217 πάρφασις, ἥ τ’ ἔκλεψε νόον πύκα περ φρονεόντων. ### book 14.218 τόν ῥά οἱ ἔμβαλε χερσὶν ἔπος τ’ ἔφατ’ ἔκ τ’ ὀνόμαζε· ### book 14.219 τῆ νῦν τοῦτον ἱμάντα τεῷ ἐγκάτθεο κόλπῳ ### book 14.220 ποικίλον, ᾧ ἔνι πάντα τετεύχαται· οὐδέ σέ φημι ### book 14.221 ἄπρηκτόν γε νέεσθαι, ὅ τι φρεσὶ σῇσι μενοινᾷς. ### book 14.222 Ὣς φάτο, μείδησεν δὲ βοῶπις πότνια Ἥρη, ### book 14.223 μειδήσασα δ’ ἔπειτα ἑῷ ἐγκάτθετο κόλπῳ. ### book 14.224 Ἣ μὲν ἔβη πρὸς δῶμα Διὸς θυγάτηρ Ἀφροδίτη, ### book 14.225 Ἥρη δ’ ἀΐξασα λίπεν ῥίον Οὐλύμποιο, ### book 14.226 Πιερίην δ’ ἐπιβᾶσα καὶ Ἠμαθίην ἐρατεινὴν ### book 14.227 σεύατ’ ἐφ’ ἱπποπόλων Θρῃκῶν ὄρεα νιφόεντα ### book 14.228 ἀκροτάτας κορυφάς· οὐδὲ χθόνα μάρπτε ποδοῖιν· ### book 14.229 ἐξ Ἀθόω δ’ ἐπὶ πόντον ἐβήσετο κυμαίνοντα, ### book 14.230 Λῆμνον δ’ εἰσαφίκανε πόλιν θείοιο Θόαντος. ### book 14.231 ἔνθ’ Ὕπνῳ ξύμβλητο κασιγνήτῳ Θανάτοιο, ### book 14.232 ἔν τ’ ἄρα οἱ φῦ χειρὶ ἔπος τ’ ἔφατ’ ἔκ τ’ ὀνόμαζεν· ### book 14.233 Ὕπνε ἄναξ πάντων τε θεῶν πάντων τ’ ἀνθρώπων, ### book 14.234 ἠμὲν δή ποτ’ ἐμὸν ἔπος ἔκλυες, ἠδ’ ἔτι καὶ νῦν ### book 14.235 πείθευ· ἐγὼ δέ κέ τοι ἰδέω χάριν ἤματα πάντα. ### book 14.236 κοίμησόν μοι Ζηνὸς ὑπ’ ὀφρύσιν ὄσσε φαεινὼ ### book 14.237 αὐτίκ’ ἐπεί κεν ἐγὼ παραλέξομαι ἐν φιλότητι. ### book 14.238 δῶρα δέ τοι δώσω καλὸν θρόνον ἄφθιτον αἰεὶ ### book 14.239 χρύσεον· Ἥφαιστος δέ κ’ ἐμὸς πάϊς ἀμφιγυήεις ### book 14.240 τεύξει’ ἀσκήσας, ὑπὸ δὲ θρῆνυν ποσὶν ἥσει, ### book 14.241 τῷ κεν ἐπισχοίης λιπαροὺς πόδας εἰλαπινάζων. ### book 14.242 Τὴν δ’ ἀπαμειβόμενος προσεφώνεε νήδυμος Ὕπνος· ### book 14.243 Ἥρη πρέσβα θεὰ θύγατερ μεγάλοιο Κρόνοιο ### book 14.244 ἄλλον μέν κεν ἔγωγε θεῶν αἰειγενετάων ### book 14.245 ῥεῖα κατευνήσαιμι, καὶ ἂν ποταμοῖο ῥέεθρα ### book 14.246 Ὠκεανοῦ, ὅς περ γένεσις πάντεσσι τέτυκται· ### book 14.247 Ζηνὸς δ’ οὐκ ἂν ἔγωγε Κρονίονος ἆσσον ἱκοίμην ### book 14.248 οὐδὲ κατευνήσαιμ’, ὅτε μὴ αὐτός γε κελεύοι. ### book 14.249 ἤδη γάρ με καὶ ἄλλο τεὴ ἐπίνυσσεν ἐφετμὴ ### book 14.250 ἤματι τῷ ὅτε κεῖνος ὑπέρθυμος Διὸς υἱὸς ### book 14.251 ἔπλεεν Ἰλιόθεν Τρώων πόλιν ἐξαλαπάξας. ### book 14.252 ἤτοι ἐγὼ μὲν ἔλεξα Διὸς νόον αἰγιόχοιο ### book 14.253 νήδυμος ἀμφιχυθείς· σὺ δέ οἱ κακὰ μήσαο θυμῷ ### book 14.254 ὄρσας’ ἀργαλέων ἀνέμων ἐπὶ πόντον ἀήτας, ### book 14.255 καί μιν ἔπειτα Κόων δ’ εὖ ναιομένην ἀπένεικας ### book 14.256 νόσφι φίλων πάντων. ὃ δ’ ἐπεγρόμενος χαλέπαινε ### book 14.257 ῥιπτάζων κατὰ δῶμα θεούς, ἐμὲ δ’ ἔξοχα πάντων ### book 14.258 ζήτει· καί κέ μ’ ἄϊστον ἀπ’ αἰθέρος ἔμβαλε πόντῳ, ### book 14.259 εἰ μὴ Νὺξ δμήτειρα θεῶν ἐσάωσε καὶ ἀνδρῶν· ### book 14.260 τὴν ἱκόμην φεύγων, ὃ δ’ ἐπαύσατο χωόμενός περ. ### book 14.261 ἅζετο γὰρ μὴ Νυκτὶ θοῇ ἀποθύμια ἕρδοι. ### book 14.262 νῦν αὖ τοῦτό μ’ ἄνωγας ἀμήχανον ἄλλο τελέσσαι. ### book 14.263 Τὸν δ’ αὖτε προσέειπε βοῶπις πότνια Ἥρη· ### book 14.264 Ὕπνε τί ἢ δὲ σὺ ταῦτα μετὰ φρεσὶ σῇσι μενοινᾷς; ### book 14.265 ἦ φῂς ὣς Τρώεσσιν ἀρηξέμεν εὐρύοπα Ζῆν ### book 14.266 ὡς Ἡρακλῆος περιχώσατο παῖδος ἑοῖο; ### book 14.267 ἀλλ’ ἴθ’, ἐγὼ δέ κέ τοι Χαρίτων μίαν ὁπλοτεράων ### book 14.268 δώσω ὀπυιέμεναι καὶ σὴν κεκλῆσθαι ἄκοιτιν. ### book 14.270 Ὣς φάτο, χήρατο δ’ Ὕπνος, ἀμειβόμενος δὲ προσηύδα· ### book 14.271 ἄγρει νῦν μοι ὄμοσσον ἀάατον Στυγὸς ὕδωρ, ### book 14.272 χειρὶ δὲ τῇ ἑτέρῃ μὲν ἕλε χθόνα πουλυβότειραν, ### book 14.273 τῇ δ’ ἑτέρῃ ἅλα μαρμαρέην, ἵνα νῶϊν ἅπαντες ### book 14.274 μάρτυροι ὦς’ οἳ ἔνερθε θεοὶ Κρόνον ἀμφὶς ἐόντες, ### book 14.275 ἦ μὲν ἐμοὶ δώσειν Χαρίτων μίαν ὁπλοτεράων ### book 14.276 Πασιθέην, ἧς τ’ αὐτὸς ἐέλδομαι ἤματα πάντα. ### book 14.277 Ὣς ἔφατ’, οὐδ’ ἀπίθησε θεὰ λευκώλενος Ἥρη, ### book 14.278 ὄμνυε δ’ ὡς ἐκέλευε, θεοὺς δ’ ὀνόμηνεν ἅπαντας ### book 14.279 τοὺς ὑποταρταρίους οἳ Τιτῆνες καλέονται. ### book 14.280 αὐτὰρ ἐπεί ῥ’ ὄμοσέν τε τελεύτησέν τε τὸν ὅρκον, ### book 14.281 τὼ βήτην Λήμνου τε καὶ Ἴμβρου ἄστυ λιπόντε ### book 14.282 ἠέρα ἑσσαμένω ῥίμφα πρήσσοντε κέλευθον. ### book 14.283 Ἴδην δ’ ἱκέσθην πολυπίδακα μητέρα θηρῶν ### book 14.284 Λεκτόν, ὅθι πρῶτον λιπέτην ἅλα· τὼ δ’ ἐπὶ χέρσου ### book 14.285 βήτην, ἀκροτάτη δὲ ποδῶν ὕπο σείετο ὕλη. ### book 14.286 ἔνθ’ Ὕπνος μὲν ἔμεινε πάρος Διὸς ὄσσε ἰδέσθαι ### book 14.287 εἰς ἐλάτην ἀναβὰς περιμήκετον, ἣ τότ’ ἐν Ἴδῃ ### book 14.288 μακροτάτη πεφυυῖα δι’ ἠέρος αἰθέρ’ ἵκανεν· ### book 14.289 ἔνθ’ ἧστ’ ὄζοισιν πεπυκασμένος εἰλατίνοισιν ### book 14.290 ὄρνιθι λιγυρῇ ἐναλίγκιος, ἥν τ’ ἐν ὄρεσσι ### book 14.291 χαλκίδα κικλήσκουσι θεοί, ἄνδρες δὲ κύμινδιν. ### book 14.292 Ἥρη δὲ κραιπνῶς προσεβήσετο Γάργαρον ἄκρον ### book 14.293 Ἴδης ὑψηλῆς· ἴδε δὲ νεφεληγερέτα Ζεύς. ### book 14.294 ὡς δ’ ἴδεν, ὥς μιν ἔρως πυκινὰς φρένας ἀμφεκάλυψεν, ### book 14.295 οἷον ὅτε πρῶτόν περ ἐμισγέσθην φιλότητι ### book 14.296 εἰς εὐνὴν φοιτῶντε, φίλους λήθοντε τοκῆας. ### book 14.297 στῆ δ’ αὐτῆς προπάροιθεν ἔπος τ’ ἔφατ’ ἔκ τ’ ὀνόμαζεν· ### book 14.298 Ἥρη πῇ μεμαυῖα κατ’ Οὐλύμπου τόδ’ ἱκάνεις; ### book 14.299 ἵπποι δ’ οὐ παρέασι καὶ ἅρματα τῶν κ’ ἐπιβαίης. ### book 14.300 Τὸν δὲ δολοφρονέουσα προσηύδα πότνια Ἥρη· ### book 14.301 ἔρχομαι ὀψομένη πολυφόρβου πείρατα γαίης, ### book 14.302 Ὠκεανόν τε θεῶν γένεσιν καὶ μητέρα Τηθύν, ### book 14.303 οἵ με σφοῖσι δόμοισιν ἐῢ τρέφον ἠδ’ ἀτίταλλον· ### book 14.304 τοὺς εἶμ’ ὀψομένη, καί σφ’ ἄκριτα νείκεα λύσω· ### book 14.305 ἤδη γὰρ δηρὸν χρόνον ἀλλήλων ἀπέχονται ### book 14.306 εὐνῆς καὶ φιλότητος, ἐπεὶ χόλος ἔμπεσε θυμῷ. ### book 14.307 ἵπποι δ’ ἐν πρυμνωρείῃ πολυπίδακος Ἴδης ### book 14.308 ἑστᾶς’, οἵ μ’ οἴσουσιν ἐπὶ τραφερήν τε καὶ ὑγρήν. ### book 14.309 νῦν δὲ σεῦ εἵνεκα δεῦρο κατ’ Οὐλύμπου τόδ’ ἱκάνω, ### book 14.310 μή πώς μοι μετέπειτα χολώσεαι, αἴ κε σιωπῇ ### book 14.311 οἴχωμαι πρὸς δῶμα βαθυρρόου Ὠκεανοῖο. ### book 14.312 Τὴν δ’ ἀπαμειβόμενος προσέφη νεφεληγερέτα Ζεύς· ### book 14.313 Ἥρη κεῖσε μὲν ἔστι καὶ ὕστερον ὁρμηθῆναι, ### book 14.314 νῶϊ δ’ ἄγ’ ἐν φιλότητι τραπείομεν εὐνηθέντε. ### book 14.315 οὐ γάρ πώ ποτέ μ’ ὧδε θεᾶς ἔρος οὐδὲ γυναικὸς ### book 14.316 θυμὸν ἐνὶ στήθεσσι περιπροχυθεὶς ἐδάμασσεν, ### book 14.317 οὐδ’ ὁπότ’ ἠρασάμην Ἰξιονίης ἀλόχοιο, ### book 14.318 ἣ τέκε Πειρίθοον θεόφιν μήστωρ’ ἀτάλαντον· ### book 14.319 οὐδ’ ὅτε περ Δανάης καλλισφύρου Ἀκρισιώνης, ### book 14.320 ἣ τέκε Περσῆα πάντων ἀριδείκετον ἀνδρῶν· ### book 14.321 οὐδ’ ὅτε Φοίνικος κούρης τηλεκλειτοῖο, ### book 14.322 ἣ τέκε μοι Μίνων τε καὶ ἀντίθεον Ῥαδάμανθυν· ### book 14.323 οὐδ’ ὅτε περ Σεμέλης οὐδ’ Ἀλκμήνης ἐνὶ Θήβῃ, ### book 14.324 ἥ ῥ’ Ἡρακλῆα κρατερόφρονα γείνατο παῖδα· ### book 14.325 ἣ δὲ Διώνυσον Σεμέλη τέκε χάρμα βροτοῖσιν· ### book 14.326 οὐδ’ ὅτε Δήμητρος καλλιπλοκάμοιο ἀνάσσης, ### book 14.327 οὐδ’ ὁπότε Λητοῦς ἐρικυδέος, οὐδὲ σεῦ αὐτῆς, ### book 14.328 ὡς σέο νῦν ἔραμαι καί με γλυκὺς ἵμερος αἱρεῖ. ### book 14.329 Τὸν δὲ δολοφρονέουσα προσηύδα πότνια Ἥρη· ### book 14.330 αἰνότατε Κρονίδη ποῖον τὸν μῦθον ἔειπες. ### book 14.331 εἰ νῦν ἐν φιλότητι λιλαίεαι εὐνηθῆναι ### book 14.332 Ἴδης ἐν κορυφῇσι, τὰ δὲ προπέφανται ἅπαντα· ### book 14.333 πῶς κ’ ἔοι εἴ τις νῶϊ θεῶν αἰειγενετάων ### book 14.334 εὕδοντ’ ἀθρήσειε, θεοῖσι δὲ πᾶσι μετελθὼν ### book 14.335 πεφράδοι; οὐκ ἂν ἔγωγε τεὸν πρὸς δῶμα νεοίμην ### book 14.336 ἐξ εὐνῆς ἀνστᾶσα, νεμεσσητὸν δέ κεν εἴη. ### book 14.337 ἀλλ’ εἰ δή ῥ’ ἐθέλεις καί τοι φίλον ἔπλετο θυμῷ, ### book 14.338 ἔστιν τοι θάλαμος, τόν τοι φίλος υἱὸς ἔτευξεν ### book 14.339 Ἥφαιστος, πυκινὰς δὲ θύρας σταθμοῖσιν ἐπῆρσεν· ### book 14.340 ἔνθ’ ἴομεν κείοντες, ἐπεί νύ τοι εὔαδεν εὐνή. ### book 14.341 Τὴν δ’ ἀπαμειβόμενος προσέφη νεφεληγερέτα Ζεύς· ### book 14.342 Ἥρη μήτε θεῶν τό γε δείδιθι μήτέ τιν’ ἀνδρῶν ### book 14.343 ὄψεσθαι· τοῖόν τοι ἐγὼ νέφος ἀμφικαλύψω ### book 14.344 χρύσεον· οὐδ’ ἂν νῶϊ διαδράκοι Ἠέλιός περ, ### book 14.345 οὗ τε καὶ ὀξύτατον πέλεται φάος εἰσοράασθαι. ### book 14.346 Ἦ ῥα καὶ ἀγκὰς ἔμαρπτε Κρόνου παῖς ἣν παράκοιτιν· ### book 14.347 τοῖσι δ’ ὑπὸ χθὼν δῖα φύεν νεοθηλέα ποίην, ### book 14.348 λωτόν θ’ ἑρσήεντα ἰδὲ κρόκον ἠδ’ ὑάκινθον ### book 14.349 πυκνὸν καὶ μαλακόν, ὃς ἀπὸ χθονὸς ὑψός’ ἔεργε. ### book 14.350 τῷ ἔνι λεξάσθην, ἐπὶ δὲ νεφέλην ἕσσαντο ### book 14.351 καλὴν χρυσείην· στιλπναὶ δ’ ἀπέπιπτον ἔερσαι. ### book 14.352 Ὣς ὃ μὲν ἀτρέμας εὗδε πατὴρ ἀνὰ Γαργάρῳ ἄκρῳ, ### book 14.353 ὕπνῳ καὶ φιλότητι δαμείς, ἔχε δ’ ἀγκὰς ἄκοιτιν· ### book 14.354 βῆ δὲ θέειν ἐπὶ νῆας Ἀχαιῶν νήδυμος Ὕπνος ### book 14.355 ἀγγελίην ἐρέων γαιηόχῳ ἐννοσιγαίῳ· ### book 14.356 ἀγχοῦ δ’ ἱστάμενος ἔπεα πτερόεντα προσηύδα· ### book 14.357 πρόφρων νῦν Δαναοῖσι Ποσείδαον ἐπάμυνε, ### book 14.358 καί σφιν κῦδος ὄπαζε μίνυνθά περ, ὄφρ’ ἔτι εὕδει ### book 14.359 Ζεύς, ἐπεὶ αὐτῷ ἐγὼ μαλακὸν περὶ κῶμ’ ἐκάλυψα· ### book 14.360 Ἥρη δ’ ἐν φιλότητι παρήπαφεν εὐνηθῆναι. ### book 14.361 Ὣς εἰπὼν ὃ μὲν ᾤχετ’ ἐπὶ κλυτὰ φῦλ’ ἀνθρώπων, ### book 14.362 τὸν δ’ ἔτι μᾶλλον ἀνῆκεν ἀμυνέμεναι Δαναοῖσιν. ### book 14.363 αὐτίκα δ’ ἐν πρώτοισι μέγα προθορὼν ἐκέλευσεν· ### book 14.364 Ἀργεῖοι καὶ δ’ αὖτε μεθίεμεν Ἕκτορι νίκην ### book 14.365 Πριαμίδῃ, ἵνα νῆας ἕλῃ καὶ κῦδος ἄρηται; ### book 14.366 ἀλλ’ ὃ μὲν οὕτω φησὶ καὶ εὔχεται οὕνεκ’ Ἀχιλλεὺς ### book 14.367 νηυσὶν ἔπι γλαφυρῇσι μένει κεχολωμένος ἦτορ· ### book 14.368 κείνου δ’ οὔ τι λίην ποθὴ ἔσσεται, εἴ κεν οἳ ἄλλοι ### book 14.369 ἡμεῖς ὀτρυνώμεθ’ ἀμυνέμεν ἀλλήλοισιν. ### book 14.370 ἀλλ’ ἄγεθ’ ὡς ἂν ἐγὼ εἴπω πειθώμεθα πάντες· ### book 14.371 ἀσπίδες ὅσσαι ἄρισται ἐνὶ στρατῷ ἠδὲ μέγισται ### book 14.372 ἑσσάμενοι, κεφαλὰς δὲ παναίθῃσιν κορύθεσσι ### book 14.373 κρύψαντες, χερσίν τε τὰ μακρότατ’ ἔγχε’ ἑλόντες ### book 14.374 ἴομεν· αὐτὰρ ἐγὼν ἡγήσομαι, οὐδ’ ἔτι φημὶ ### book 14.375 Ἕκτορα Πριαμίδην μενέειν μάλα περ μεμαῶτα. ### book 14.376 ὃς δέ κ’ ἀνὴρ μενέχαρμος, ἔχει δ’ ὀλίγον σάκος ὤμῳ, ### book 14.377 χείρονι φωτὶ δότω, ὃ δ’ ἐν ἀσπίδι μείζονι δύτω. ### book 14.378 Ὣς ἔφαθ’, οἳ δ’ ἄρα τοῦ μάλα μὲν κλύον ἠδὲ πίθοντο· ### book 14.379 τοὺς δ’ αὐτοὶ βασιλῆες ἐκόσμεον οὐτάμενοί περ ### book 14.380 Τυδεΐδης Ὀδυσεύς τε καὶ Ἀτρεΐδης Ἀγαμέμνων· ### book 14.381 οἰχόμενοι δ’ ἐπὶ πάντας ἀρήϊα τεύχε’ ἄμειβον· ### book 14.382 ἐσθλὰ μὲν ἐσθλὸς ἔδυνε, χέρεια δὲ χείρονι δόσκεν. ### book 14.383 αὐτὰρ ἐπεί ῥ’ ἕσσαντο περὶ χροῒ νώροπα χαλκὸν ### book 14.384 βάν ῥ’ ἴμεν· ἦρχε δ’ ἄρά σφι Ποσειδάων ἐνοσίχθων ### book 14.385 δεινὸν ἄορ τανύηκες ἔχων ἐν χειρὶ παχείῃ ### book 14.386 εἴκελον ἀστεροπῇ· τῷ δ’ οὐ θέμις ἐστὶ μιγῆναι ### book 14.387 ἐν δαῒ λευγαλέῃ, ἀλλὰ δέος ἰσχάνει ἄνδρας. ### book 14.388 Τρῶας δ’ αὖθ’ ἑτέρωθεν ἐκόσμει φαίδιμος Ἕκτωρ. ### book 14.389 δή ῥα τότ’ αἰνοτάτην ἔριδα πτολέμοιο τάνυσσαν ### book 14.390 κυανοχαῖτα Ποσειδάων καὶ φαίδιμος Ἕκτωρ, ### book 14.391 ἤτοι ὃ μὲν Τρώεσσιν, ὃ δ’ Ἀργείοισιν ἀρήγων. ### book 14.392 ἐκλύσθη δὲ θάλασσα ποτὶ κλισίας τε νέας τε ### book 14.393 Ἀργείων· οἳ δὲ ξύνισαν μεγάλῳ ἀλαλητῷ. ### book 14.394 οὔτε θαλάσσης κῦμα τόσον βοάᾳ ποτὶ χέρσον ### book 14.395 ποντόθεν ὀρνύμενον πνοιῇ Βορέω ἀλεγεινῇ· ### book 14.396 οὔτε πυρὸς τόσσός γε ποτὶ βρόμος αἰθομένοιο ### book 14.397 οὔρεος ἐν βήσσῃς, ὅτε τ’ ὤρετο καιέμεν ὕλην· ### book 14.398 οὔτ’ ἄνεμος τόσσόν γε περὶ δρυσὶν ὑψικόμοισι ### book 14.399 ἠπύει, ὅς τε μάλιστα μέγα βρέμεται χαλεπαίνων, ### book 14.400 ὅσση ἄρα Τρώων καὶ Ἀχαιῶν ἔπλετο φωνὴ ### book 14.401 δεινὸν ἀϋσάντων, ὅτ’ ἐπ’ ἀλλήλοισιν ὄρουσαν. ### book 14.402 Αἴαντος δὲ πρῶτος ἀκόντισε φαίδιμος Ἕκτωρ ### book 14.403 ἔγχει, ἐπεὶ τέτραπτο πρὸς ἰθύ οἱ, οὐδ’ ἀφάμαρτε, ### book 14.404 τῇ ῥα δύω τελαμῶνε περὶ στήθεσσι τετάσθην, ### book 14.405 ἤτοι ὃ μὲν σάκεος, ὃ δὲ φασγάνου ἀργυροήλου· ### book 14.406 τώ οἱ ῥυσάσθην τέρενα χρόα. χώσατο δ’ Ἕκτωρ, ### book 14.407 ὅττί ῥά οἱ βέλος ὠκὺ ἐτώσιον ἔκφυγε χειρός, ### book 14.408 ἂψ δ’ ἑτάρων εἰς ἔθνος ἐχάζετο κῆρ’ ἀλεείνων. ### book 14.409 τὸν μὲν ἔπειτ’ ἀπιόντα μέγας Τελαμώνιος Αἴας ### book 14.410 χερμαδίῳ, τά ῥα πολλὰ θοάων ἔχματα νηῶν ### book 14.411 πὰρ ποσὶ μαρναμένων ἐκυλίνδετο, τῶν ἓν ἀείρας ### book 14.412 στῆθος βεβλήκει ὑπὲρ ἄντυγος ἀγχόθι δειρῆς, ### book 14.413 στρόμβον δ’ ὣς ἔσσευε βαλών, περὶ δ’ ἔδραμε πάντῃ. ### book 14.414 ὡς δ’ ὅθ’ ὑπὸ πληγῆς πατρὸς Διὸς ἐξερίπῃ δρῦς ### book 14.415 πρόρριζος, δεινὴ δὲ θεείου γίγνεται ὀδμὴ ### book 14.416 ἐξ αὐτῆς, τὸν δ’ οὔ περ ἔχει θράσος ὅς κεν ἴδηται ### book 14.417 ἐγγὺς ἐών, χαλεπὸς δὲ Διὸς μεγάλοιο κεραυνός, ### book 14.418 ὣς ἔπες’ Ἕκτορος ὦκα χαμαὶ μένος ἐν κονίῃσι· ### book 14.419 χειρὸς δ’ ἔκβαλεν ἔγχος, ἐπ’ αὐτῷ δ’ ἀσπὶς ἑάφθη ### book 14.420 καὶ κόρυς, ἀμφὶ δέ οἱ βράχε τεύχεα ποικίλα χαλκῷ. ### book 14.421 οἳ δὲ μέγα ἰάχοντες ἐπέδραμον υἷες Ἀχαιῶν ### book 14.422 ἐλπόμενοι ἐρύεσθαι, ἀκόντιζον δὲ θαμειὰς ### book 14.423 αἰχμάς· ἀλλ’ οὔ τις ἐδυνήσατο ποιμένα λαῶν ### book 14.424 οὐτάσαι οὐδὲ βαλεῖν· πρὶν γὰρ περίβησαν ἄριστοι ### book 14.425 Πουλυδάμας τε καὶ Αἰνείας καὶ δῖος Ἀγήνωρ ### book 14.426 Σαρπηδών τ’ ἀρχὸς Λυκίων καὶ Γλαῦκος ἀμύμων. ### book 14.427 τῶν δ’ ἄλλων οὔ τίς εὑ ἀκήδεσεν, ἀλλὰ πάροιθεν ### book 14.428 ἀσπίδας εὐκύκλους σχέθον αὐτοῦ. τὸν δ’ ἄρ’ ἑταῖροι ### book 14.429 χερσὶν ἀείραντες φέρον ἐκ πόνου, ὄφρ’ ἵκεθ’ ἵππους ### book 14.430 ὠκέας, οἵ οἱ ὄπισθε μάχης ἠδὲ πτολέμοιο ### book 14.431 ἕστασαν ἡνίοχόν τε καὶ ἅρματα ποικίλ’ ἔχοντες· ### book 14.432 οἳ τόν γε προτὶ ἄστυ φέρον βαρέα στενάχοντα. ### book 14.433 Ἀλλ’ ὅτε δὴ πόρον ἷξον ἐϋρρεῖος ποταμοῖο ### book 14.434 Ξάνθου δινήεντος, ὃν ἀθάνατος τέκετο Ζεύς, ### book 14.435 ἔνθά μιν ἐξ ἵππων πέλασαν χθονί, κὰδ δέ οἱ ὕδωρ ### book 14.436 χεῦαν· ὃ δ’ ἀμπνύνθη καὶ ἀνέδρακεν ὀφθαλμοῖσιν, ### book 14.437 ἑζόμενος δ’ ἐπὶ γοῦνα κελαινεφὲς αἷμ’ ἀπέμεσσεν· ### book 14.438 αὖτις δ’ ἐξοπίσω πλῆτο χθονί, τὼ δέ οἱ ὄσσε ### book 14.439 νὺξ ἐκάλυψε μέλαινα· βέλος δ’ ἔτι θυμὸν ἐδάμνα. ### book 14.440 Ἀργεῖοι δ’ ὡς οὖν ἴδον Ἕκτορα νόσφι κιόντα ### book 14.441 μᾶλλον ἐπὶ Τρώεσσι θόρον, μνήσαντο δὲ χάρμης. ### book 14.442 ἔνθα πολὺ πρώτιστος Ὀϊλῆος ταχὺς Αἴας ### book 14.443 Σάτνιον οὔτασε δουρὶ μετάλμενος ὀξυόεντι ### book 14.444 Ἠνοπίδην, ὃν ἄρα νύμφη τέκε νηῒς ἀμύμων ### book 14.445 Ἤνοπι βουκολέοντι παρ’ ὄχθας Σατνιόεντος. ### book 14.446 τὸν μὲν Ὀϊλιάδης δουρὶ κλυτὸς ἐγγύθεν ἐλθὼν ### book 14.447 οὖτα κατὰ λαπάρην· ὃ δ’ ἀνετράπετ’, ἀμφὶ δ’ ἄρ’ αὐτῷ ### book 14.448 Τρῶες καὶ Δαναοὶ σύναγον κρατερὴν ὑσμίνην. ### book 14.449 τῷ δ’ ἐπὶ Πουλυδάμας ἐγχέσπαλος ἦλθεν ἀμύντωρ ### book 14.450 Πανθοΐδης, βάλε δὲ Προθοήνορα δεξιὸν ὦμον ### book 14.451 υἱὸν Ἀρηϊλύκοιο, δι’ ὤμου δ’ ὄβριμον ἔγχος ### book 14.452 ἔσχεν, ὃ δ’ ἐν κονίῃσι πεσὼν ἕλε γαῖαν ἀγοστῷ. ### book 14.453 Πουλυδάμας δ’ ἔκπαγλον ἐπεύξατο μακρὸν ἀΰσας· ### book 14.454 οὐ μὰν αὖτ’ ὀΐω μεγαθύμου Πανθοΐδαο ### book 14.455 χειρὸς ἄπο στιβαρῆς ἅλιον πηδῆσαι ἄκοντα, ### book 14.456 ἀλλά τις Ἀργείων κόμισε χροΐ, καί μιν ὀΐω ### book 14.457 αὐτῷ σκηπτόμενον κατίμεν δόμον Ἄϊδος εἴσω. ### book 14.458 Ὣς ἔφατ’, Ἀργείοισι δ’ ἄχος γένετ’ εὐξαμένοιο· ### book 14.459 Αἴαντι δὲ μάλιστα δαΐφρονι θυμὸν ὄρινε ### book 14.460 τῷ Τελαμωνιάδῃ· τοῦ γὰρ πέσεν ἄγχι μάλιστα. ### book 14.461 καρπαλίμως δ’ ἀπιόντος ἀκόντισε δουρὶ φαεινῷ. ### book 14.462 Πουλυδάμας δ’ αὐτὸς μὲν ἀλεύατο κῆρα μέλαιναν ### book 14.463 λικριφὶς ἀΐξας, κόμισεν δ’ Ἀντήνορος υἱὸς ### book 14.464 Ἀρχέλοχος· τῷ γάρ ῥα θεοὶ βούλευσαν ὄλεθρον. ### book 14.465 τόν ῥ’ ἔβαλεν κεφαλῆς τε καὶ αὐχένος ἐν συνεοχμῷ, ### book 14.466 νείατον ἀστράγαλον, ἀπὸ δ’ ἄμφω κέρσε τένοντε· ### book 14.467 τοῦ δὲ πολὺ προτέρη κεφαλὴ στόμα τε ῥῖνές τε ### book 14.468 οὔδεϊ πλῆντ’ ἤ περ κνῆμαι καὶ γοῦνα πεσόντος. ### book 14.469 Αἴας δ’ αὖτ’ ἐγέγωνεν ἀμύμονι Πουλυδάμαντι· ### book 14.470 φράζεο Πουλυδάμα καί μοι νημερτὲς ἐνίσπες ### book 14.471 ἦ ῥ’ οὐχ οὗτος ἀνὴρ Προθοήνορος ἀντὶ πεφάσθαι ### book 14.472 ἄξιος; οὐ μέν μοι κακὸς εἴδεται οὐδὲ κακῶν ἔξ, ### book 14.473 ἀλλὰ κασίγνητος Ἀντήνορος ἱπποδάμοιο ### book 14.474 ἢ πάϊς· αὐτῷ γὰρ γενεὴν ἄγχιστα ἐῴκει. ### book 14.475 Ἦ ῥ’ εὖ γιγνώσκων, Τρῶας δ’ ἄχος ἔλλαβε θυμόν. ### book 14.476 ἔνθ’ Ἀκάμας Πρόμαχον Βοιώτιον οὔτασε δουρὶ ### book 14.477 ἀμφὶ κασιγνήτῳ βεβαώς· ὃ δ’ ὕφελκε ποδοῖιν. ### book 14.478 τῷ δ’ Ἀκάμας ἔκπαγλον ἐπεύξατο μακρὸν ἀΰσας· ### book 14.479 Ἀργεῖοι ἰόμωροι ἀπειλάων ἀκόρητοι ### book 14.480 οὔ θην οἴοισίν γε πόνος τ’ ἔσεται καὶ ὀϊζὺς ### book 14.481 ἡμῖν, ἀλλά ποθ’ ὧδε κατακτενέεσθε καὶ ὔμμες. ### book 14.482 φράζεσθ’ ὡς ὑμῖν Πρόμαχος δεδμημένος εὕδει ### book 14.483 ἔγχει ἐμῷ, ἵνα μή τι κασιγνήτοιό γε ποινὴ ### book 14.484 δηρὸν ἄτιτος ἔῃ· τὼ καί κέ τις εὔχεται ἀνὴρ ### book 14.485 γνωτὸν ἐνὶ μεγάροισιν ἀρῆς ἀλκτῆρα λιπέσθαι. ### book 14.486 Ὣς ἔφατ’, Ἀργείοισι δ’ ἄχος γένετ’ εὐξαμένοιο· ### book 14.487 Πηνέλεῳ δὲ μάλιστα δαΐφρονι θυμὸν ὄρινεν· ### book 14.488 ὁρμήθη δ’ Ἀκάμαντος· ὃ δ’ οὐχ ὑπέμεινεν ἐρωὴν ### book 14.489 Πηνελέωο ἄνακτος· ὃ δ’ οὔτασεν Ἰλιονῆα ### book 14.490 υἱὸν Φόρβαντος πολυμήλου, τόν ῥα μάλιστα ### book 14.491 Ἑρμείας Τρώων ἐφίλει καὶ κτῆσιν ὄπασσε· ### book 14.492 τῷ δ’ ἄρ’ ὑπὸ μήτηρ μοῦνον τέκεν Ἰλιονῆα. ### book 14.493 τὸν τόθ’ ὑπ’ ὀφρύος οὖτα κατ’ ὀφθαλμοῖο θέμεθλα, ### book 14.494 ἐκ δ’ ὦσε γλήνην· δόρυ δ’ ὀφθαλμοῖο διὰ πρὸ ### book 14.495 καὶ διὰ ἰνίου ἦλθεν, ὃ δ’ ἕζετο χεῖρε πετάσσας ### book 14.496 ἄμφω· Πηνέλεως δὲ ἐρυσσάμενος ξίφος ὀξὺ ### book 14.497 αὐχένα μέσσον ἔλασσεν, ἀπήραξεν δὲ χαμᾶζε ### book 14.498 αὐτῇ σὺν πήληκι κάρη· ἔτι δ’ ὄβριμον ἔγχος ### book 14.499 ἦεν ἐν ὀφθαλμῷ· ὃ δὲ φὴ κώδειαν ἀνασχὼν ### book 14.500 πέφραδέ τε Τρώεσσι καὶ εὐχόμενος ἔπος ηὔδα· ### book 14.501 εἰπέμεναί μοι Τρῶες ἀγαυοῦ Ἰλιονῆος ### book 14.502 πατρὶ φίλῳ καὶ μητρὶ γοήμεναι ἐν μεγάροισιν· ### book 14.503 οὐδὲ γὰρ ἣ Προμάχοιο δάμαρ Ἀλεγηνορίδαο ### book 14.504 ἀνδρὶ φίλῳ ἐλθόντι γανύσσεται, ὁππότε κεν δὴ ### book 14.505 ἐκ Τροίης σὺν νηυσὶ νεώμεθα κοῦροι Ἀχαιῶν. ### book 14.506 Ὣς φάτο, τοὺς δ’ ἄρα πάντας ὑπὸ τρόμος ἔλλαβε γυῖα, ### book 14.507 πάπτηνεν δὲ ἕκαστος ὅπῃ φύγοι αἰπὺν ὄλεθρον. ### book 14.508 Ἔσπετε νῦν μοι Μοῦσαι Ὀλύμπια δώματ’ ἔχουσαι ### book 14.509 ὅς τις δὴ πρῶτος βροτόεντ’ ἀνδράγρι’ Ἀχαιῶν ### book 14.510 ἤρατ’, ἐπεί ῥ’ ἔκλινε μάχην κλυτὸς ἐννοσίγαιος. ### book 14.511 Αἴας ῥα πρῶτος Τελαμώνιος Ὕρτιον οὖτα ### book 14.512 Γυρτιάδην Μυσῶν ἡγήτορα καρτεροθύμων· ### book 14.513 Φάλκην δ’ Ἀντίλοχος καὶ Μέρμερον ἐξενάριξε· ### book 14.514 Μηριόνης δὲ Μόρυν τε καὶ Ἱπποτίωνα κατέκτα, ### book 14.515 Τεῦκρος δὲ Προθόωνά τ’ ἐνήρατο καὶ Περιφήτην· ### book 14.516 Ἀτρεΐδης δ’ ἄρ’ ἔπειθ’ Ὑπερήνορα ποιμένα λαῶν ### book 14.517 οὖτα κατὰ λαπάρην, διὰ δ’ ἔντερα χαλκὸς ἄφυσσε ### book 14.518 δῃώσας· ψυχὴ δὲ κατ’ οὐταμένην ὠτειλὴν ### book 14.519 ἔσσυτ’ ἐπειγομένη, τὸν δὲ σκότος ὄσσε κάλυψε. ### book 14.520 πλείστους δ’ Αἴας εἷλεν Ὀϊλῆος ταχὺς υἱός· ### book 14.521 οὐ γάρ οἵ τις ὁμοῖος ἐπισπέσθαι ποσὶν ἦεν ### book 14.522 ἀνδρῶν τρεσσάντων, ὅτε τε Ζεὺς ἐν φόβον ὄρσῃ. ### book 15.1 Αὐτὰρ ἐπεὶ διά τε σκόλοπας καὶ τάφρον ἔβησαν ### book 15.2 φεύγοντες, πολλοὶ δὲ δάμεν Δαναῶν ὑπὸ χερσίν, ### book 15.3 οἳ μὲν δὴ παρ’ ὄχεσφιν ἐρητύοντο μένοντες ### book 15.4 χλωροὶ ὑπαὶ δείους πεφοβημένοι· ἔγρετο δὲ Ζεὺς ### book 15.5 Ἴδης ἐν κορυφῇσι παρὰ χρυσοθρόνου Ἥρης, ### book 15.6 στῆ δ’ ἄρ’ ἀναΐξας, ἴδε δὲ Τρῶας καὶ Ἀχαιοὺς ### book 15.7 τοὺς μὲν ὀρινομένους, τοὺς δὲ κλονέοντας ὄπισθεν ### book 15.8 Ἀργείους, μετὰ δέ σφι Ποσειδάωνα ἄνακτα· ### book 15.9 Ἕκτορα δ’ ἐν πεδίῳ ἴδε κείμενον, ἀμφὶ δ’ ἑταῖροι ### book 15.10 εἵαθ’, ὃ δ’ ἀργαλέῳ ἔχετ’ ἄσθματι κῆρ ἀπινύσσων ### book 15.11 αἷμ’ ἐμέων, ἐπεὶ οὔ μιν ἀφαυρότατος βάλ’ Ἀχαιῶν. ### book 15.12 τὸν δὲ ἰδὼν ἐλέησε πατὴρ ἀνδρῶν τε θεῶν τε, ### book 15.13 δεινὰ δ’ ὑπόδρα ἰδὼν Ἥρην πρὸς μῦθον ἔειπεν· ### book 15.14 ἦ μάλα δὴ κακότεχνος ἀμήχανε σὸς δόλος Ἥρη ### book 15.15 Ἕκτορα δῖον ἔπαυσε μάχης, ἐφόβησε δὲ λαούς. ### book 15.16 οὐ μὰν οἶδ’ εἰ αὖτε κακορραφίης ἀλεγεινῆς ### book 15.17 πρώτη ἐπαύρηαι καί σε πληγῇσιν ἱμάσσω. ### book 15.18 ἦ οὐ μέμνῃ ὅτε τ’ ἐκρέμω ὑψόθεν, ἐκ δὲ ποδοῖιν ### book 15.19 ἄκμονας ἧκα δύω, περὶ χερσὶ δὲ δεσμὸν ἴηλα ### book 15.20 χρύσεον ἄρρηκτον; σὺ δ’ ἐν αἰθέρι καὶ νεφέλῃσιν ### book 15.21 ἐκρέμω· ἠλάστεον δὲ θεοὶ κατὰ μακρὸν Ὄλυμπον, ### book 15.22 λῦσαι δ’ οὐκ ἐδύναντο παρασταδόν· ὃν δὲ λάβοιμι ### book 15.23 ῥίπτασκον τεταγὼν ἀπὸ βηλοῦ ὄφρ’ ἂν ἵκηται ### book 15.24 γῆν ὀλιγηπελέων· ἐμὲ δ’ οὐδ’ ὧς θυμὸν ἀνίει ### book 15.25 ἀζηχὴς ὀδύνη Ἡρακλῆος θείοιο, ### book 15.26 τὸν σὺ ξὺν Βορέῃ ἀνέμῳ πεπιθοῦσα θυέλλας ### book 15.27 πέμψας ἐπ’ ἀτρύγετον πόντον κακὰ μητιόωσα, ### book 15.28 καί μιν ἔπειτα Κόων δ’ εὖ ναιομένην ἀπένεικας. ### book 15.29 τὸν μὲν ἐγὼν ἔνθεν ῥυσάμην καὶ ἀνήγαγον αὖτις ### book 15.30 Ἄργος ἐς ἱππόβοτον καὶ πολλά περ ἀθλήσαντα. ### book 15.31 τῶν ς’ αὖτις μνήσω ἵν’ ἀπολλήξῃς ἀπατάων, ### book 15.32 ὄφρα ἴδῃ ἤν τοι χραίσμῃ φιλότης τε καὶ εὐνή, ### book 15.33 ἣν ἐμίγης ἐλθοῦσα θεῶν ἄπο καί μ’ ἀπάτησας. ### book 15.34 Ὣς φάτο, ῥίγησεν δὲ βοῶπις πότνια Ἥρη, ### book 15.35 καί μιν φωνήσας’ ἔπεα πτερόεντα προσηύδα· ### book 15.36 ἴστω νῦν τόδε Γαῖα καὶ Οὐρανὸς εὐρὺς ὕπερθε ### book 15.37 καὶ τὸ κατειβόμενον Στυγὸς ὕδωρ, ὅς τε μέγιστος ### book 15.38 ὅρκος δεινότατός τε πέλει μακάρεσσι θεοῖσι, ### book 15.39 σή θ’ ἱερὴ κεφαλὴ καὶ νωΐτερον λέχος αὐτῶν ### book 15.40 κουρίδιον, τὸ μὲν οὐκ ἂν ἐγώ ποτε μὰψ ὀμόσαιμι· ### book 15.41 μὴ δι’ ἐμὴν ἰότητα Ποσειδάων ἐνοσίχθων ### book 15.42 πημαίνει Τρῶάς τε καὶ Ἕκτορα, τοῖσι δ’ ἀρήγει, ### book 15.43 ἀλλά που αὐτὸν θυμὸς ἐποτρύνει καὶ ἀνώγει, ### book 15.44 τειρομένους δ’ ἐπὶ νηυσὶν ἰδὼν ἐλέησεν Ἀχαιούς. ### book 15.45 αὐτάρ τοι καὶ κείνῳ ἐγὼ παραμυθησαίμην ### book 15.46 τῇ ἴμεν ᾗ κεν δὴ σὺ κελαινεφὲς ἡγεμονεύῃς. ### book 15.47 Ὣς φάτο, μείδησεν δὲ πατὴρ ἀνδρῶν τε θεῶν τε, ### book 15.48 καί μιν ἀμειβόμενος ἔπεα πτερόεντα προσηύδα· ### book 15.49 εἰ μὲν δὴ σύ γ’ ἔπειτα βοῶπις πότνια Ἥρη ### book 15.50 ἶσον ἐμοὶ φρονέουσα μετ’ ἀθανάτοισι καθίζοις, ### book 15.51 τώ κε Ποσειδάων γε, καὶ εἰ μάλα βούλεται ἄλλῃ, ### book 15.52 αἶψα μεταστρέψειε νόον μετὰ σὸν καὶ ἐμὸν κῆρ. ### book 15.53 ἀλλ’ εἰ δή ῥ’ ἐτεόν γε καὶ ἀτρεκέως ἀγορεύεις, ### book 15.54 ἔρχεο νῦν μετὰ φῦλα θεῶν, καὶ δεῦρο κάλεσσον ### book 15.55 Ἶρίν τ’ ἐλθέμεναι καὶ Ἀπόλλωνα κλυτότοξον, ### book 15.56 ὄφρ’ ἣ μὲν μετὰ λαὸν Ἀχαιῶν χαλκοχιτώνων ### book 15.57 ἔλθῃ, καὶ εἴπῃσι Ποσειδάωνι ἄνακτι ### book 15.58 παυσάμενον πολέμοιο τὰ ἃ πρὸς δώμαθ’ ἱκέσθαι, ### book 15.59 Ἕκτορα δ’ ὀτρύνῃσι μάχην ἐς Φοῖβος Ἀπόλλων, ### book 15.60 αὖτις δ’ ἐμπνεύσῃσι μένος, λελάθῃ δ’ ὀδυνάων ### book 15.61 αἳ νῦν μιν τείρουσι κατὰ φρένας, αὐτὰρ Ἀχαιοὺς ### book 15.62 αὖτις ἀποστρέψῃσιν ἀνάλκιδα φύζαν ἐνόρσας, ### book 15.63 φεύγοντες δ’ ἐν νηυσὶ πολυκλήϊσι πέσωσι ### book 15.64 Πηλεΐδεω Ἀχιλῆος· ὃ δ’ ἀνστήσει ὃν ἑταῖρον ### book 15.65 Πάτροκλον· τὸν δὲ κτενεῖ ἔγχεϊ φαίδιμος Ἕκτωρ ### book 15.66 Ἰλίου προπάροιθε πολέας ὀλέσαντ’ αἰζηοὺς ### book 15.67 τοὺς ἄλλους, μετὰ δ’ υἱὸν ἐμὸν Σαρπηδόνα δῖον. ### book 15.68 τοῦ δὲ χολωσάμενος κτενεῖ Ἕκτορα δῖος Ἀχιλλεύς. ### book 15.69 ἐκ τοῦ δ’ ἄν τοι ἔπειτα παλίωξιν παρὰ νηῶν ### book 15.70 αἰὲν ἐγὼ τεύχοιμι διαμπερὲς εἰς ὅ κ’ Ἀχαιοὶ ### book 15.71 Ἴλιον αἰπὺ ἕλοιεν Ἀθηναίης διὰ βουλάς. ### book 15.72 τὸ πρὶν δ’ οὔτ’ ἄρ’ ἐγὼ παύω χόλον οὔτέ τιν’ ἄλλον ### book 15.73 ἀθανάτων Δαναοῖσιν ἀμυνέμεν ἐνθάδ’ ἐάσω ### book 15.74 πρίν γε τὸ Πηλεΐδαο τελευτηθῆναι ἐέλδωρ, ### book 15.75 ὥς οἱ ὑπέστην πρῶτον, ἐμῷ δ’ ἐπένευσα κάρητι, ### book 15.76 ἤματι τῷ ὅτ’ ἐμεῖο θεὰ Θέτις ἥψατο γούνων, ### book 15.77 λισσομένη τιμῆσαι Ἀχιλλῆα πτολίπορθον. ### book 15.78 Ὣς ἔφατ’, οὐδ’ ἀπίθησε θεὰ λευκώλενος Ἥρη, ### book 15.79 βῆ δ’ ἐξ Ἰδαίων ὀρέων ἐς μακρὸν Ὄλυμπον. ### book 15.80 ὡς δ’ ὅτ’ ἂν ἀΐξῃ νόος ἀνέρος, ὅς τ’ ἐπὶ πολλὴν ### book 15.81 γαῖαν ἐληλουθὼς φρεσὶ πευκαλίμῃσι νοήσῃ ### book 15.82 ἔνθ’ εἴην ἢ ἔνθα, μενοινήῃσί τε πολλά, ### book 15.83 ὣς κραιπνῶς μεμαυῖα διέπτατο πότνια Ἥρη· ### book 15.84 ἵκετο δ’ αἰπὺν Ὄλυμπον, ὁμηγερέεσσι δ’ ἐπῆλθεν ### book 15.85 ἀθανάτοισι θεοῖσι Διὸς δόμῳ· οἳ δὲ ἰδόντες ### book 15.86 πάντες ἀνήϊξαν καὶ δεικανόωντο δέπασσιν. ### book 15.87 ἣ δ’ ἄλλους μὲν ἔασε, Θέμιστι δὲ καλλιπαρῄῳ ### book 15.88 δέκτο δέπας· πρώτη γὰρ ἐναντίη ἦλθε θέουσα, ### book 15.89 καί μιν φωνήσας’ ἔπεα πτερόεντα προσηύδα· ### book 15.90 Ἥρη τίπτε βέβηκας; ἀτυζομένῃ δὲ ἔοικας· ### book 15.91 ἦ μάλα δή ς’ ἐφόβησε Κρόνου πάϊς, ὅς τοι ἀκοίτης. ### book 15.92 Τὴν δ’ ἠμείβετ’ ἔπειτα θεὰ λευκώλενος Ἥρη· ### book 15.93 μή με θεὰ Θέμι ταῦτα διείρεο· οἶσθα καὶ αὐτὴ ### book 15.94 οἷος κείνου θυμὸς ὑπερφίαλος καὶ ἀπηνής. ### book 15.95 ἀλλὰ σύ γ’ ἄρχε θεοῖσι δόμοις ἔνι δαιτὸς ἐΐσης· ### book 15.96 ταῦτα δὲ καὶ μετὰ πᾶσιν ἀκούσεαι ἀθανάτοισιν ### book 15.97 οἷα Ζεὺς κακὰ ἔργα πιφαύσκεται· οὐδέ τί φημι ### book 15.98 πᾶσιν ὁμῶς θυμὸν κεχαρησέμεν, οὔτε βροτοῖσιν ### book 15.99 οὔτε θεοῖς, εἴ πέρ τις ἔτι νῦν δαίνυται εὔφρων. ### book 15.100 Ἣ μὲν ἄρ’ ὣς εἰποῦσα καθέζετο πότνια Ἥρη, ### book 15.101 ὄχθησαν δ’ ἀνὰ δῶμα Διὸς θεοί· ἣ δ’ ἐγέλασσε ### book 15.102 χείλεσιν, οὐδὲ μέτωπον ἐπ’ ὀφρύσι κυανέῃσιν ### book 15.103 ἰάνθη· πᾶσιν δὲ νεμεσσηθεῖσα μετηύδα· ### book 15.104 νήπιοι οἳ Ζηνὶ μενεαίνομεν ἀφρονέοντες· ### book 15.105 ἦ ἔτι μιν μέμαμεν καταπαυσέμεν ἆσσον ἰόντες ### book 15.106 ἢ ἔπει ἠὲ βίῃ· ὃ δ’ ἀφήμενος οὐκ ἀλεγίζει ### book 15.107 οὐδ’ ὄθεται· φησὶν γὰρ ἐν ἀθανάτοισι θεοῖσι ### book 15.108 κάρτεΐ τε σθένεΐ τε διακριδὸν εἶναι ἄριστος. ### book 15.109 τὼ ἔχεθ’ ὅττί κεν ὔμμι κακὸν πέμπῃσιν ἑκάστῳ. ### book 15.110 ἤδη γὰρ νῦν ἔλπομ’ Ἄρηΐ γε πῆμα τετύχθαι· ### book 15.111 υἱὸς γάρ οἱ ὄλωλε μάχῃ ἔνι φίλτατος ἀνδρῶν ### book 15.112 Ἀσκάλαφος, τόν φησιν ὃν ἔμμεναι ὄβριμος Ἄρης. ### book 15.113 Ὣς ἔφατ’, αὐτὰρ Ἄρης θαλερὼ πεπλήγετο μηρὼ ### book 15.114 χερσὶ καταπρηνέσς’, ὀλοφυρόμενος δ’ ἔπος ηὔδα· ### book 15.115 μὴ νῦν μοι νεμεσήσετ’ Ὀλύμπια δώματ’ ἔχοντες ### book 15.116 τίσασθαι φόνον υἷος ἰόντ’ ἐπὶ νῆας Ἀχαιῶν, ### book 15.117 εἴ πέρ μοι καὶ μοῖρα Διὸς πληγέντι κεραυνῷ ### book 15.118 κεῖσθαι ὁμοῦ νεκύεσσι μεθ’ αἵματι καὶ κονίῃσιν. ### book 15.119 Ὣς φάτο, καί ῥ’ ἵππους κέλετο Δεῖμόν τε Φόβον τε ### book 15.120 ζευγνύμεν, αὐτὸς δ’ ἔντε’ ἐδύσετο παμφανόωντα. ### book 15.121 ἔνθά κ’ ἔτι μείζων τε καὶ ἀργαλεώτερος ἄλλος ### book 15.122 πὰρ Διὸς ἀθανάτοισι χόλος καὶ μῆνις ἐτύχθη, ### book 15.123 εἰ μὴ Ἀθήνη πᾶσι περιδείσασα θεοῖσιν ### book 15.124 ὦρτο διὲκ προθύρου, λίπε δὲ θρόνον ἔνθα θάασσε, ### book 15.125 τοῦ δ’ ἀπὸ μὲν κεφαλῆς κόρυθ’ εἵλετο καὶ σάκος ὤμων, ### book 15.126 ἔγχος δ’ ἔστησε στιβαρῆς ἀπὸ χειρὸς ἑλοῦσα ### book 15.127 χάλκεον· ἣ δ’ ἐπέεσσι καθάπτετο θοῦρον Ἄρηα· ### book 15.128 μαινόμενε φρένας ἠλὲ διέφθορας· ἦ νύ τοι αὔτως ### book 15.129 οὔατ’ ἀκουέμεν ἐστί, νόος δ’ ἀπόλωλε καὶ αἰδώς. ### book 15.130 οὐκ ἀΐεις ἅ τέ φησι θεὰ λευκώλενος Ἥρη ### book 15.131 ἣ δὴ νῦν πὰρ Ζηνὸς Ὀλυμπίου εἰλήλουθεν; ### book 15.132 ἦ ἐθέλεις αὐτὸς μὲν ἀναπλήσας κακὰ πολλὰ ### book 15.133 ἂψ ἴμεν Οὔλυμπον δὲ καὶ ἀχνύμενός περ ἀνάγκῃ, ### book 15.134 αὐτὰρ τοῖς ἄλλοισι κακὸν μέγα πᾶσι φυτεῦσαι; ### book 15.135 αὐτίκα γὰρ Τρῶας μὲν ὑπερθύμους καὶ Ἀχαιοὺς ### book 15.136 λείψει, ὃ δ’ ἡμέας εἶσι κυδοιμήσων ἐς Ὄλυμπον, ### book 15.137 μάρψει δ’ ἑξείης ὅς τ’ αἴτιος ὅς τε καὶ οὐκί. ### book 15.138 τώ ς’ αὖ νῦν κέλομαι μεθέμεν χόλον υἷος ἑῆος· ### book 15.139 ἤδη γάρ τις τοῦ γε βίην καὶ χεῖρας ἀμείνων ### book 15.140 ἢ πέφατ’, ἢ καὶ ἔπειτα πεφήσεται· ἀργαλέον δὲ ### book 15.141 πάντων ἀνθρώπων ῥῦσθαι γενεήν τε τόκον τε. ### book 15.142 Ὣς εἰποῦς’ ἵδρυσε θρόνῳ ἔνι θοῦρον Ἄρηα. ### book 15.143 Ἥρη δ’ Ἀπόλλωνα καλέσσατο δώματος ἐκτὸς ### book 15.144 Ἶρίν θ’, ἥ τε θεοῖσι μετάγγελος ἀθανάτοισι, ### book 15.145 καί σφεας φωνήσας’ ἔπεα πτερόεντα προσηύδα· ### book 15.146 Ζεὺς σφὼ εἰς Ἴδην κέλετ’ ἐλθέμεν ὅττι τάχιστα· ### book 15.147 αὐτὰρ ἐπὴν ἔλθητε, Διός τ’ εἰς ὦπα ἴδησθε, ### book 15.148 ἕρδειν ὅττί κε κεῖνος ἐποτρύνῃ καὶ ἀνώγῃ. ### book 15.149 Ἣ μὲν ἄρ’ ὣς εἰποῦσα πάλιν κίε πότνια Ἥρη, ### book 15.150 ἕζετο δ’ εἰνὶ θρόνῳ· τὼ δ’ ἀΐξαντε πετέσθην. ### book 15.151 Ἴδην δ’ ἵκανον πολυπίδακα μητέρα θηρῶν, ### book 15.152 εὗρον δ’ εὐρύοπα Κρονίδην ἀνὰ Γαργάρῳ ἄκρῳ ### book 15.153 ἥμενον· ἀμφὶ δέ μιν θυόεν νέφος ἐστεφάνωτο. ### book 15.154 τὼ δὲ πάροιθ’ ἐλθόντε Διὸς νεφεληγερέταο ### book 15.155 στήτην· οὐδέ σφωϊν ἰδὼν ἐχολώσατο θυμῷ, ### book 15.156 ὅττί οἱ ὦκ’ ἐπέεσσι φίλης ἀλόχοιο πιθέσθην. ### book 15.157 Ἶριν δὲ προτέρην ἔπεα πτερόεντα προσηύδα· ### book 15.158 βάσκ’ ἴθι Ἶρι ταχεῖα, Ποσειδάωνι ἄνακτι ### book 15.159 πάντα τάδ’ ἀγγεῖλαι, μὴ δὲ ψευδάγγελος εἶναι. ### book 15.160 παυσάμενόν μιν ἄνωχθι μάχης ἠδὲ πτολέμοιο ### book 15.161 ἔρχεσθαι μετὰ φῦλα θεῶν ἢ εἰς ἅλα δῖαν. ### book 15.162 εἰ δέ μοι οὐκ ἐπέεσς’ ἐπιπείσεται, ἀλλ’ ἀλογήσει, ### book 15.163 φραζέσθω δὴ ἔπειτα κατὰ φρένα καὶ κατὰ θυμὸν ### book 15.164 μή μ’ οὐδὲ κρατερός περ ἐὼν ἐπιόντα ταλάσσῃ ### book 15.165 μεῖναι, ἐπεί εὑ φημὶ βίῃ πολὺ φέρτερος εἶναι ### book 15.166 καὶ γενεῇ πρότερος· τοῦ δ’ οὐκ ὄθεται φίλον ἦτορ ### book 15.167 ἶσον ἐμοὶ φάσθαι, τόν τε στυγέουσι καὶ ἄλλοι. ### book 15.168 Ὣς ἔφατ’, οὐδ’ ἀπίθησε ποδήνεμος ὠκέα Ἶρις, ### book 15.169 βῆ δὲ κατ’ Ἰδαίων ὀρέων εἰς Ἴλιον ἱρήν. ### book 15.170 ὡς δ’ ὅτ’ ἂν ἐκ νεφέων πτῆται νιφὰς ἠὲ χάλαζα ### book 15.171 ψυχρὴ ὑπὸ ῥιπῆς αἰθρηγενέος Βορέαο, ### book 15.172 ὣς κραιπνῶς μεμαυῖα διέπτατο ὠκέα Ἶρις, ### book 15.173 ἀγχοῦ δ’ ἱσταμένη προσέφη κλυτὸν ἐννοσίγαιον· ### book 15.174 ἀγγελίην τινά τοι γαιήοχε κυανοχαῖτα ### book 15.175 ἦλθον δεῦρο φέρουσα παραὶ Διὸς αἰγιόχοιο. ### book 15.176 παυσάμενόν ς’ ἐκέλευσε μάχης ἠδὲ πτολέμοιο ### book 15.177 ἔρχεσθαι μετὰ φῦλα θεῶν ἢ εἰς ἅλα δῖαν. ### book 15.178 εἰ δέ οἱ οὐκ ἐπέεσς’ ἐπιπείσεαι, ἀλλ’ ἀλογήσεις, ### book 15.179 ἠπείλει καὶ κεῖνος ἐναντίβιον πολεμίξων ### book 15.180 ἐνθάδ’ ἐλεύσεσθαι· σὲ δ’ ὑπεξαλέασθαι ἄνωγε ### book 15.181 χεῖρας, ἐπεὶ σέο φησὶ βίῃ πολὺ φέρτερος εἶναι ### book 15.182 καὶ γενεῇ πρότερος· σὸν δ’ οὐκ ὄθεται φίλον ἦτορ ### book 15.183 ἶσόν οἱ φάσθαι, τόν τε στυγέουσι καὶ ἄλλοι. ### book 15.184 Τὴν δὲ μέγ’ ὀχθήσας προσέφη κλυτὸς ἐννοσίγαιος· ### book 15.185 ὢ πόποι ἦ ῥ’ ἀγαθός περ ἐὼν ὑπέροπλον ἔειπεν ### book 15.186 εἴ μ’ ὁμότιμον ἐόντα βίῃ ἀέκοντα καθέξει. ### book 15.187 τρεῖς γάρ τ’ ἐκ Κρόνου εἰμὲν ἀδελφεοὶ οὓς τέκετο Ῥέα ### book 15.188 Ζεὺς καὶ ἐγώ, τρίτατος δ’ Ἀΐδης ἐνέροισιν ἀνάσσων. ### book 15.189 τριχθὰ δὲ πάντα δέδασται, ἕκαστος δ’ ἔμμορε τιμῆς· ### book 15.190 ἤτοι ἐγὼν ἔλαχον πολιὴν ἅλα ναιέμεν αἰεὶ ### book 15.191 παλλομένων, Ἀΐδης δ’ ἔλαχε ζόφον ἠερόεντα, ### book 15.192 Ζεὺς δ’ ἔλαχ’ οὐρανὸν εὐρὺν ἐν αἰθέρι καὶ νεφέλῃσι· ### book 15.193 γαῖα δ’ ἔτι ξυνὴ πάντων καὶ μακρὸς Ὄλυμπος. ### book 15.194 τώ ῥα καὶ οὔ τι Διὸς βέομαι φρεσίν, ἀλλὰ ἕκηλος ### book 15.195 καὶ κρατερός περ ἐὼν μενέτω τριτάτῃ ἐνὶ μοίρῃ. ### book 15.196 χερσὶ δὲ μή τί με πάγχυ κακὸν ὣς δειδισσέσθω· ### book 15.197 θυγατέρεσσιν γάρ τε καὶ υἱάσι βέλτερον εἴη ### book 15.198 ἐκπάγλοις ἐπέεσσιν ἐνισσέμεν οὓς τέκεν αὐτός, ### book 15.199 οἵ ἑθεν ὀτρύνοντος ἀκούσονται καὶ ἀνάγκῃ. ### book 15.200 Τὸν δ’ ἠμείβετ’ ἔπειτα ποδήνεμος ὠκέα Ἶρις· ### book 15.201 οὕτω γὰρ δή τοι γαιήοχε κυανοχαῖτα ### book 15.202 τόνδε φέρω Διὶ μῦθον ἀπηνέα τε κρατερόν τε, ### book 15.203 ἦ τι μεταστρέψεις; στρεπταὶ μέν τε φρένες ἐσθλῶν. ### book 15.204 οἶσθ’ ὡς πρεσβυτέροισιν Ἐρινύες αἰὲν ἕπονται. ### book 15.205 Τὴν δ’ αὖτε προσέειπε Ποσειδάων ἐνοσίχθων· ### book 15.206 Ἶρι θεὰ μάλα τοῦτο ἔπος κατὰ μοῖραν ἔειπες· ### book 15.207 ἐσθλὸν καὶ τὸ τέτυκται ὅτ’ ἄγγελος αἴσιμα εἰδῇ. ### book 15.208 ἀλλὰ τόδ’ αἰνὸν ἄχος κραδίην καὶ θυμὸν ἱκάνει ### book 15.209 ὁππότ’ ἂν ἰσόμορον καὶ ὁμῇ πεπρωμένον αἴσῃ ### book 15.210 νεικείειν ἐθέλῃσι χολωτοῖσιν ἐπέεσσιν. ### book 15.211 ἀλλ’ ἤτοι νῦν μέν κε νεμεσσηθεὶς ὑποείξω· ### book 15.212 ἄλλο δέ τοι ἐρέω, καὶ ἀπειλήσω τό γε θυμῷ· ### book 15.213 αἴ κεν ἄνευ ἐμέθεν καὶ Ἀθηναίης ἀγελείης ### book 15.214 Ἥρης Ἑρμείω τε καὶ Ἡφαίστοιο ἄνακτος ### book 15.215 Ἰλίου αἰπεινῆς πεφιδήσεται, οὐδ’ ἐθελήσει ### book 15.216 ἐκπέρσαι, δοῦναι δὲ μέγα κράτος Ἀργείοισιν, ### book 15.217 ἴστω τοῦθ’ ὅτι νῶϊν ἀνήκεστος χόλος ἔσται. ### book 15.218 Ὣς εἰπὼν λίπε λαὸν Ἀχαιϊκὸν ἐννοσίγαιος, ### book 15.219 δῦνε δὲ πόντον ἰών, πόθεσαν δ’ ἥρωες Ἀχαιοί. ### book 15.220 καὶ τότ’ Ἀπόλλωνα προσέφη νεφεληγερέτα Ζεύς· ### book 15.221 ἔρχεο νῦν φίλε Φοῖβε μεθ’ Ἕκτορα χαλκοκορυστήν· ### book 15.222 ἤδη μὲν γάρ τοι γαιήοχος ἐννοσίγαιος ### book 15.223 οἴχεται εἰς ἅλα δῖαν ἀλευάμενος χόλον αἰπὺν ### book 15.224 ἡμέτερον· μάλα γάρ κε μάχης ἐπύθοντο καὶ ἄλλοι, ### book 15.225 οἵ περ ἐνέρτεροί εἰσι θεοὶ Κρόνον ἀμφὶς ἐόντες. ### book 15.226 ἀλλὰ τόδ’ ἠμὲν ἐμοὶ πολὺ κέρδιον ἠδέ οἱ αὐτῷ ### book 15.227 ἔπλετο, ὅττι πάροιθε νεμεσσηθεὶς ὑπόειξε ### book 15.228 χεῖρας ἐμάς, ἐπεὶ οὔ κεν ἀνιδρωτί γ’ ἐτελέσθη. ### book 15.229 ἀλλὰ σύ γ’ ἐν χείρεσσι λάβ’ αἰγίδα θυσσανόεσσαν, ### book 15.230 τῇ μάλ’ ἐπισσείων φοβέειν ἥρωας Ἀχαιούς· ### book 15.231 σοὶ δ’ αὐτῷ μελέτω ἑκατηβόλε φαίδιμος Ἕκτωρ· ### book 15.232 τόφρα γὰρ οὖν οἱ ἔγειρε μένος μέγα, ὄφρ’ ἂν Ἀχαιοὶ ### book 15.233 φεύγοντες νῆάς τε καὶ Ἑλλήσποντον ἵκωνται. ### book 15.234 κεῖθεν δ’ αὐτὸς ἐγὼ φράσομαι ἔργον τε ἔπος τε, ### book 15.235 ὥς κε καὶ αὖτις Ἀχαιοὶ ἀναπνεύσωσι πόνοιο. ### book 15.236 Ὣς ἔφατ’, οὐδ’ ἄρα πατρὸς ἀνηκούστησεν Ἀπόλλων, ### book 15.237 βῆ δὲ κατ’ Ἰδαίων ὀρέων ἴρηκι ἐοικὼς ### book 15.238 ὠκέϊ φασσοφόνῳ, ὅς τ’ ὤκιστος πετεηνῶν. ### book 15.239 εὗρ’ υἱὸν Πριάμοιο δαΐφρονος Ἕκτορα δῖον ### book 15.240 ἥμενον, οὐδ’ ἔτι κεῖτο, νέον δ’ ἐσαγείρετο θυμόν, ### book 15.241 ἀμφὶ ἓ γιγνώσκων ἑτάρους· ἀτὰρ ἆσθμα καὶ ἱδρὼς ### book 15.242 παύετ’, ἐπεί μιν ἔγειρε Διὸς νόος αἰγιόχοιο. ### book 15.243 ἀγχοῦ δ’ ἱστάμενος προσέφη ἑκάεργος Ἀπόλλων· ### book 15.244 Ἕκτορ υἱὲ Πριάμοιο, τί ἢ δὲ σὺ νόσφιν ἀπ’ ἄλλων ### book 15.245 ἧς’ ὀλιγηπελέων; ἦ πού τί σε κῆδος ἱκάνει; ### book 15.246 Τὸν δ’ ὀλιγοδρανέων προσέφη κορυθαίολος Ἕκτωρ· ### book 15.247 τίς δὲ σύ ἐσσι φέριστε θεῶν ὅς μ’ εἴρεαι ἄντην; ### book 15.248 οὐκ ἀΐεις ὅ με νηυσὶν ἔπι πρυμνῇσιν Ἀχαιῶν ### book 15.249 οὓς ἑτάρους ὀλέκοντα βοὴν ἀγαθὸς βάλεν Αἴας ### book 15.250 χερμαδίῳ πρὸς στῆθος, ἔπαυσε δὲ θούριδος ἀλκῆς; ### book 15.251 καὶ δὴ ἔγωγ’ ἐφάμην νέκυας καὶ δῶμ’ Ἀΐδαο ### book 15.252 ἤματι τῷδ’ ἵξεσθαι, ἐπεὶ φίλον ἄϊον ἦτορ. ### book 15.253 Τὸν δ’ αὖτε προσέειπεν ἄναξ ἑκάεργος Ἀπόλλων· ### book 15.254 θάρσει νῦν· τοῖόν τοι ἀοσσητῆρα Κρονίων ### book 15.255 ἐξ Ἴδης προέηκε παρεστάμεναι καὶ ἀμύνειν ### book 15.256 Φοῖβον Ἀπόλλωνα χρυσάορον, ὅς σε πάρος περ ### book 15.257 ῥύομ’, ὁμῶς αὐτόν τε καὶ αἰπεινὸν πτολίεθρον. ### book 15.258 ἀλλ’ ἄγε νῦν ἱππεῦσιν ἐπότρυνον πολέεσσι ### book 15.259 νηυσὶν ἔπι γλαφυρῇσιν ἐλαυνέμεν ὠκέας ἵππους· ### book 15.260 αὐτὰρ ἐγὼ προπάροιθε κιὼν ἵπποισι κέλευθον ### book 15.261 πᾶσαν λειανέω, τρέψω δ’ ἥρωας Ἀχαιούς. ### book 15.262 Ὣς εἰπὼν ἔμπνευσε μένος μέγα ποιμένι λαῶν. ### book 15.263 ὡς δ’ ὅτε τις στατὸς ἵππος ἀκοστήσας ἐπὶ φάτνῃ ### book 15.264 δεσμὸν ἀπορρήξας θείῃ πεδίοιο κροαίνων ### book 15.265 εἰωθὼς λούεσθαι ἐϋρρεῖος ποταμοῖο ### book 15.266 κυδιόων· ὑψοῦ δὲ κάρη ἔχει, ἀμφὶ δὲ χαῖται ### book 15.267 ὤμοις ἀΐσσονται· ὃ δ’ ἀγλαΐηφι πεποιθὼς ### book 15.268 ῥίμφά ἑ γοῦνα φέρει μετά τ’ ἤθεα καὶ νομὸν ἵππων· ### book 15.269 ὣς Ἕκτωρ λαιψηρὰ πόδας καὶ γούνατ’ ἐνώμα ### book 15.270 ὀτρύνων ἱππῆας, ἐπεὶ θεοῦ ἔκλυεν αὐδήν. ### book 15.271 οἳ δ’ ὥς τ’ ἢ ἔλαφον κεραὸν ἢ ἄγριον αἶγα ### book 15.272 ἐσσεύαντο κύνες τε καὶ ἀνέρες ἀγροιῶται· ### book 15.273 τὸν μέν τ’ ἠλίβατος πέτρη καὶ δάσκιος ὕλη ### book 15.274 εἰρύσατ’, οὐδ’ ἄρα τέ σφι κιχήμεναι αἴσιμον ἦεν· ### book 15.275 τῶν δέ θ’ ὑπὸ ἰαχῆς ἐφάνη λὶς ἠϋγένειος ### book 15.276 εἰς ὁδόν, αἶψα δὲ πάντας ἀπέτραπε καὶ μεμαῶτας· ### book 15.277 ὣς Δαναοὶ εἷος μὲν ὁμιλαδὸν αἰὲν ἕποντο ### book 15.278 νύσσοντες ξίφεσίν τε καὶ ἔγχεσιν ἀμφιγύοισιν· ### book 15.279 αὐτὰρ ἐπεὶ ἴδον Ἕκτορ’ ἐποιχόμενον στίχας ἀνδρῶν ### book 15.280 τάρβησαν, πᾶσιν δὲ παραὶ ποσὶ κάππεσε θυμός. ### book 15.281 Τοῖσι δ’ ἔπειτ’ ἀγόρευε Θόας Ἀνδραίμονος υἱός, ### book 15.282 Αἰτωλῶν ὄχ’ ἄριστος ἐπιστάμενος μὲν ἄκοντι ### book 15.283 ἐσθλὸς δ’ ἐν σταδίῃ· ἀγορῇ δέ ἑ παῦροι Ἀχαιῶν ### book 15.284 νίκων, ὁππότε κοῦροι ἐρίσσειαν περὶ μύθων· ### book 15.285 ὅ σφιν ἐϋφρονέων ἀγορήσατο καὶ μετέειπεν· ### book 15.286 ὢ πόποι ἦ μέγα θαῦμα τόδ’ ὀφθαλμοῖσιν ὁρῶμαι, ### book 15.287 οἷον δ’ αὖτ’ ἐξαῦτις ἀνέστη κῆρας ἀλύξας ### book 15.288 Ἕκτωρ· ἦ θήν μιν μάλα ἔλπετο θυμὸς ἑκάστου ### book 15.289 χερσὶν ὑπ’ Αἴαντος θανέειν Τελαμωνιάδαο. ### book 15.290 ἀλλά τις αὖτε θεῶν ἐρρύσατο καὶ ἐσάωσεν ### book 15.291 Ἕκτορ’, ὃ δὴ πολλῶν Δαναῶν ὑπὸ γούνατ’ ἔλυσεν, ### book 15.292 ὡς καὶ νῦν ἔσσεσθαι ὀΐομαι· οὐ γὰρ ἄτερ γε ### book 15.293 Ζηνὸς ἐριγδούπου πρόμος ἵσταται ὧδε μενοινῶν. ### book 15.294 ἀλλ’ ἄγεθ’ ὡς ἂν ἐγὼν εἴπω πειθώμεθα πάντες. ### book 15.295 πληθὺν μὲν ποτὶ νῆας ἀνώξομεν ἀπονέεσθαι· ### book 15.296 αὐτοὶ δ’, ὅσσοι ἄριστοι ἐνὶ στρατῷ εὐχόμεθ’ εἶναι, ### book 15.297 στήομεν, εἴ κεν πρῶτον ἐρύξομεν ἀντιάσαντες ### book 15.298 δούρατ’ ἀνασχόμενοι· τὸν δ’ οἴω καὶ μεμαῶτα ### book 15.299 θυμῷ δείσεσθαι Δαναῶν καταδῦναι ὅμιλον. ### book 15.300 Ὣς ἔφαθ’, οἳ δ’ ἄρα τοῦ μάλα μὲν κλύον ἠδὲ πίθοντο· ### book 15.301 οἳ μὲν ἄρ’ ἀμφ’ Αἴαντα καὶ Ἰδομενῆα ἄνακτα ### book 15.302 Τεῦκρον Μηριόνην τε Μέγην τ’ ἀτάλαντον Ἄρηϊ ### book 15.303 ὑσμίνην ἤρτυνον ἀριστῆας καλέσαντες ### book 15.304 Ἕκτορι καὶ Τρώεσσιν ἐναντίον· αὐτὰρ ὀπίσσω ### book 15.305 ἣ πληθὺς ἐπὶ νῆας Ἀχαιῶν ἀπονέοντο. ### book 15.306 Τρῶες δὲ προὔτυψαν ἀολλέες, ἦρχε δ’ ἄρ’ Ἕκτωρ ### book 15.307 μακρὰ βιβάς· πρόσθεν δὲ κί’ αὐτοῦ Φοῖβος Ἀπόλλων ### book 15.308 εἱμένος ὤμοιιν νεφέλην, ἔχε δ’ αἰγίδα θοῦριν ### book 15.309 δεινὴν ἀμφιδάσειαν ἀριπρεπέ’, ἣν ἄρα χαλκεὺς ### book 15.310 Ἥφαιστος Διὶ δῶκε φορήμεναι ἐς φόβον ἀνδρῶν· ### book 15.311 τὴν ἄρ’ ὅ γ’ ἐν χείρεσσιν ἔχων ἡγήσατο λαῶν. ### book 15.312 Ἀργεῖοι δ’ ὑπέμειναν ἀολλέες, ὦρτο δ’ ἀϋτὴ ### book 15.313 ὀξεῖ’ ἀμφοτέρωθεν, ἀπὸ νευρῆφι δ’ ὀϊστοὶ ### book 15.314 θρῷσκον· πολλὰ δὲ δοῦρα θρασειάων ἀπὸ χειρῶν ### book 15.315 ἄλλα μὲν ἐν χροῒ πήγνυτ’ ἀρηϊθόων αἰζηῶν, ### book 15.316 πολλὰ δὲ καὶ μεσσηγὺ πάρος χρόα λευκὸν ἐπαυρεῖν ### book 15.317 ἐν γαίῃ ἵσταντο λιλαιόμενα χροὸς ἆσαι. ### book 15.318 ὄφρα μὲν αἰγίδα χερσὶν ἔχ’ ἀτρέμα Φοῖβος Ἀπόλλων, ### book 15.319 τόφρα μάλ’ ἀμφοτέρων βέλε’ ἥπτετο, πῖπτε δὲ λαός. ### book 15.320 αὐτὰρ ἐπεὶ κατ’ ἐνῶπα ἰδὼν Δαναῶν ταχυπώλων ### book 15.321 σεῖς’, ἐπὶ δ’ αὐτὸς ἄϋσε μάλα μέγα, τοῖσι δὲ θυμὸν ### book 15.322 ἐν στήθεσσιν ἔθελξε, λάθοντο δὲ θούριδος ἀλκῆς. ### book 15.323 οἳ δ’ ὥς τ’ ἠὲ βοῶν ἀγέλην ἢ πῶϋ μέγ’ οἰῶν ### book 15.324 θῆρε δύω κλονέωσι μελαίνης νυκτὸς ἀμολγῷ ### book 15.325 ἐλθόντ’ ἐξαπίνης σημάντορος οὐ παρεόντος, ### book 15.326 ὣς ἐφόβηθεν Ἀχαιοὶ ἀνάλκιδες· ἐν γὰρ Ἀπόλλων ### book 15.327 ἧκε φόβον, Τρωσὶν δὲ καὶ Ἕκτορι κῦδος ὄπαζεν. ### book 15.328 Ἔνθα δ’ ἀνὴρ ἕλεν ἄνδρα κεδασθείσης ὑσμίνης. ### book 15.329 Ἕκτωρ μὲν Στιχίον τε καὶ Ἀρκεσίλαον ἔπεφνε, ### book 15.330 τὸν μὲν Βοιωτῶν ἡγήτορα χαλκοχιτώνων, ### book 15.331 τὸν δὲ Μενεσθῆος μεγαθύμου πιστὸν ἑταῖρον· ### book 15.332 Αἰνείας δὲ Μέδοντα καὶ Ἴασον ἐξενάριξεν. ### book 15.333 ἤτοι ὃ μὲν νόθος υἱὸς Ὀϊλῆος θείοιο ### book 15.334 ἔσκε Μέδων Αἴαντος ἀδελφεός· αὐτὰρ ἔναιεν ### book 15.335 ἐν Φυλάκῃ γαίης ἄπο πατρίδος ἄνδρα κατακτὰς ### book 15.336 γνωτὸν μητρυιῆς Ἐριώπιδος, ἣν ἔχ’ Ὀϊλεύς· ### book 15.337 Ἴασος αὖτ’ ἀρχὸς μὲν Ἀθηναίων ἐτέτυκτο, ### book 15.338 υἱὸς δὲ Σφήλοιο καλέσκετο Βουκολίδαο. ### book 15.339 Μηκιστῆ δ’ ἕλε Πουλυδάμας, Ἐχίον δὲ Πολίτης ### book 15.340 πρώτῃ ἐν ὑσμίνῃ, Κλονίον δ’ ἕλε δῖος Ἀγήνωρ. ### book 15.341 Δηΐοχον δὲ Πάρις βάλε νείατον ὦμον ὄπισθε ### book 15.342 φεύγοντ’ ἐν προμάχοισι, διὰ πρὸ δὲ χαλκὸν ἔλασσεν. ### book 15.343 Ὄφρ’ οἳ τοὺς ἐνάριζον ἀπ’ ἔντεα, τόφρα δ’ Ἀχαιοὶ ### book 15.344 τάφρῳ καὶ σκολόπεσσιν ἐνιπλήξαντες ὀρυκτῇ ### book 15.345 ἔνθα καὶ ἔνθα φέβοντο, δύοντο δὲ τεῖχος ἀνάγκῃ. ### book 15.346 Ἕκτωρ δὲ Τρώεσσιν ἐκέκλετο μακρὸν ἀΰσας ### book 15.347 νηυσὶν ἐπισσεύεσθαι, ἐᾶν δ’ ἔναρα βροτόεντα· ### book 15.348 ὃν δ’ ἂν ἐγὼν ἀπάνευθε νεῶν ἑτέρωθι νοήσω, ### book 15.349 αὐτοῦ οἱ θάνατον μητίσομαι, οὐδέ νυ τόν γε ### book 15.350 γνωτοί τε γνωταί τε πυρὸς λελάχωσι θανόντα, ### book 15.351 ἀλλὰ κύνες ἐρύουσι πρὸ ἄστεος ἡμετέροιο. ### book 15.352 Ὣς εἰπὼν μάστιγι κατωμαδὸν ἤλασεν ἵππους ### book 15.353 κεκλόμενος Τρώεσσι κατὰ στίχας· οἳ δὲ σὺν αὐτῷ ### book 15.354 πάντες ὁμοκλήσαντες ἔχον ἐρυσάρματας ἵππους ### book 15.355 ἠχῇ θεσπεσίῃ· προπάροιθε δὲ Φοῖβος Ἀπόλλων ### book 15.356 ῥεῖ’ ὄχθας καπέτοιο βαθείης ποσσὶν ἐρείπων ### book 15.357 ἐς μέσσον κατέβαλλε, γεφύρωσεν δὲ κέλευθον ### book 15.358 μακρὴν ἠδ’ εὐρεῖαν, ὅσον τ’ ἐπὶ δουρὸς ἐρωὴ ### book 15.359 γίγνεται, ὁππότ’ ἀνὴρ σθένεος πειρώμενος ᾗσι. ### book 15.360 τῇ ῥ’ οἵ γε προχέοντο φαλαγγηδόν, πρὸ δ’ Ἀπόλλων ### book 15.361 αἰγίδ’ ἔχων ἐρίτιμον· ἔρειπε δὲ τεῖχος Ἀχαιῶν ### book 15.362 ῥεῖα μάλ’, ὡς ὅτε τις ψάμαθον πάϊς ἄγχι θαλάσσης, ### book 15.363 ὅς τ’ ἐπεὶ οὖν ποιήσῃ ἀθύρματα νηπιέῃσιν ### book 15.364 ἂψ αὖτις συνέχευε ποσὶν καὶ χερσὶν ἀθύρων. ### book 15.365 ὥς ῥα σὺ ἤϊε Φοῖβε πολὺν κάματον καὶ ὀϊζὺν ### book 15.366 σύγχεας Ἀργείων, αὐτοῖσι δὲ φύζαν ἐνῶρσας. ### book 15.367 Ὣς οἳ μὲν παρὰ νηυσὶν ἐρητύοντο μένοντες, ### book 15.368 ἀλλήλοισί τε κεκλόμενοι καὶ πᾶσι θεοῖσι ### book 15.369 χεῖρας ἀνίσχοντες μεγάλ’ εὐχετόωντο ἕκαστος· ### book 15.370 Νέστωρ αὖτε μάλιστα Γερήνιος οὖρος Ἀχαιῶν ### book 15.371 εὔχετο χεῖρ’ ὀρέγων εἰς οὐρανὸν ἀστερόεντα· ### book 15.372 Ζεῦ πάτερ εἴ ποτέ τίς τοι ἐν Ἄργεΐ περ πολυπύρῳ ### book 15.373 ἢ βοὸς ἢ οἰὸς κατὰ πίονα μηρία καίων ### book 15.374 εὔχετο νοστῆσαι, σὺ δ’ ὑπέσχεο καὶ κατένευσας, ### book 15.375 τῶν μνῆσαι καὶ ἄμυνον Ὀλύμπιε νηλεὲς ἦμαρ, ### book 15.376 μηδ’ οὕτω Τρώεσσιν ἔα δάμνασθαι Ἀχαιούς. ### book 15.377 Ὣς ἔφατ’ εὐχόμενος, μέγα δ’ ἔκτυπε μητίετα Ζεύς, ### book 15.378 ἀράων ἀΐων Νηληϊάδαο γέροντος. ### book 15.379 Τρῶες δ’ ὡς ἐπύθοντο Διὸς κτύπον αἰγιόχοιο, ### book 15.380 μᾶλλον ἐπ’ Ἀργείοισι θόρον, μνήσαντο δὲ χάρμης. ### book 15.381 οἳ δ’ ὥς τε μέγα κῦμα θαλάσσης εὐρυπόροιο ### book 15.382 νηὸς ὑπὲρ τοίχων καταβήσεται, ὁππότ’ ἐπείγῃ ### book 15.383 ἲς ἀνέμου· ἣ γάρ τε μάλιστά γε κύματ’ ὀφέλλει· ### book 15.384 ὣς Τρῶες μεγάλῃ ἰαχῇ κατὰ τεῖχος ἔβαινον, ### book 15.385 ἵππους δ’ εἰσελάσαντες ἐπὶ πρύμνῃσι μάχοντο ### book 15.386 ἔγχεσιν ἀμφιγύοις αὐτοσχεδόν, οἳ μὲν ἀφ’ ἵππων, ### book 15.387 οἳ δ’ ἀπὸ νηῶν ὕψι μελαινάων ἐπιβάντες ### book 15.388 μακροῖσι ξυστοῖσι, τά ῥά σφ’ ἐπὶ νηυσὶν ἔκειτο ### book 15.389 ναύμαχα κολλήεντα, κατὰ στόμα εἱμένα χαλκῷ. ### book 15.390 Πάτροκλος δ’ εἷος μὲν Ἀχαιοί τε Τρῶές τε ### book 15.391 τείχεος ἀμφεμάχοντο θοάων ἔκτοθι νηῶν, ### book 15.392 τόφρ’ ὅ γ’ ἐνὶ κλισίῃ ἀγαπήνορος Εὐρυπύλοιο ### book 15.393 ἧστό τε καὶ τὸν ἔτερπε λόγοις, ἐπὶ δ’ ἕλκεϊ λυγρῷ ### book 15.394 φάρμακ’ ἀκέσματ’ ἔπασσε μελαινάων ὀδυνάων. ### book 15.395 αὐτὰρ ἐπεὶ δὴ τεῖχος ἐπεσσυμένους ἐνόησε ### book 15.396 Τρῶας, ἀτὰρ Δαναῶν γένετο ἰαχή τε φόβος τε, ### book 15.397 ᾤμωξέν τ’ ἄρ’ ἔπειτα καὶ ὣ πεπλήγετο μηρὼ ### book 15.398 χερσὶ καταπρηνέσς’, ὀλοφυρόμενος δ’ ἔπος ηὔδα· ### book 15.399 Εὐρύπυλ’ οὐκ ἔτι τοι δύναμαι χατέοντί περ’ ἔμπης ### book 15.400 ἐνθάδε παρμενέμεν· δὴ γὰρ μέγα νεῖκος ὄρωρεν· ### book 15.401 ἀλλὰ σὲ μὲν θεράπων ποτιτερπέτω, αὐτὰρ ἔγωγε ### book 15.402 σπεύσομαι εἰς Ἀχιλῆα, ἵν’ ὀτρύνω πολεμίζειν. ### book 15.403 τίς δ’ οἶδ’ εἴ κέν οἱ σὺν δαίμονι θυμὸν ὀρίνω ### book 15.404 παρειπών; ἀγαθὴ δὲ παραίφασίς ἐστιν ἑταίρου. ### book 15.405 Τὸν μὲν ἄρ’ ὣς εἰπόντα πόδες φέρον· αὐτὰρ Ἀχαιοὶ ### book 15.406 Τρῶας ἐπερχομένους μένον ἔμπεδον, οὐδ’ ἐδύναντο ### book 15.407 παυροτέρους περ ἐόντας ἀπώσασθαι παρὰ νηῶν· ### book 15.408 οὐδέ ποτε Τρῶες Δαναῶν ἐδύναντο φάλαγγας ### book 15.409 ῥηξάμενοι κλισίῃσι μιγήμεναι ἠδὲ νέεσσιν. ### book 15.410 ἀλλ’ ὥς τε στάθμη δόρυ νήϊον ἐξιθύνει ### book 15.411 τέκτονος ἐν παλάμῃσι δαήμονος, ὅς ῥά τε πάσης ### book 15.412 εὖ εἰδῇ σοφίης ὑποθημοσύνῃσιν Ἀθήνης, ### book 15.413 ὣς μὲν τῶν ἐπὶ ἶσα μάχη τέτατο πτόλεμός τε· ### book 15.414 ἄλλοι δ’ ἀμφ’ ἄλλῃσι μάχην ἐμάχοντο νέεσσιν, ### book 15.415 Ἕκτωρ δ’ ἄντ’ Αἴαντος ἐείσατο κυδαλίμοιο. ### book 15.416 τὼ δὲ μιῆς περὶ νηὸς ἔχον πόνον, οὐδὲ δύναντο ### book 15.417 οὔθ’ ὃ τὸν ἐξελάσαι καὶ ἐνιπρῆσαι πυρὶ νῆα ### book 15.418 οὔθ’ ὃ τὸν ἂψ ὤσασθαι, ἐπεί ῥ’ ἐπέλασσέ γε δαίμων. ### book 15.419 ἔνθ’ υἷα Κλυτίοιο Καλήτορα φαίδιμος Αἴας ### book 15.420 πῦρ ἐς νῆα φέροντα κατὰ στῆθος βάλε δουρί. ### book 15.421 δούπησεν δὲ πεσών, δαλὸς δέ οἱ ἔκπεσε χειρός. ### book 15.422 Ἕκτωρ δ’ ὡς ἐνόησεν ἀνεψιὸν ὀφθαλμοῖσιν ### book 15.423 ἐν κονίῃσι πεσόντα νεὸς προπάροιθε μελαίνης, ### book 15.424 Τρωσί τε καὶ Λυκίοισιν ἐκέκλετο μακρὸν ἀΰσας· ### book 15.425 Τρῶες καὶ Λύκιοι καὶ Δάρδανοι ἀγχιμαχηταὶ ### book 15.426 μὴ δή πω χάζεσθε μάχης ἐν στείνεϊ τῷδε, ### book 15.427 ἀλλ’ υἷα Κλυτίοιο σαώσατε, μή μιν Ἀχαιοὶ ### book 15.428 τεύχεα συλήσωσι νεῶν ἐν ἀγῶνι πεσόντα. ### book 15.429 Ὣς εἰπὼν Αἴαντος ἀκόντισε δουρὶ φαεινῷ. ### book 15.430 τοῦ μὲν ἅμαρθ’, ὃ δ’ ἔπειτα Λυκόφρονα Μάστορος υἱὸν ### book 15.431 Αἴαντος θεράποντα Κυθήριον, ὅς ῥα παρ’ αὐτῷ ### book 15.432 ναῖ’, ἐπεὶ ἄνδρα κατέκτα Κυθήροισι ζαθέοισι, ### book 15.433 τόν ῥ’ ἔβαλεν κεφαλὴν ὑπὲρ οὔατος ὀξέϊ χαλκῷ ### book 15.434 ἑσταότ’ ἄγχ’ Αἴαντος· ὃ δ’ ὕπτιος ἐν κονίῃσι ### book 15.435 νηὸς ἄπο πρυμνῆς χαμάδις πέσε, λύντο δὲ γυῖα. ### book 15.436 Αἴας δ’ ἐρρίγησε, κασίγνητον δὲ προσηύδα· ### book 15.437 Τεῦκρε πέπον δὴ νῶϊν ἀπέκτατο πιστὸς ἑταῖρος ### book 15.438 Μαστορίδης, ὃν νῶϊ Κυθηρόθεν ἔνδον ἐόντα ### book 15.439 ἶσα φίλοισι τοκεῦσιν ἐτίομεν ἐν μεγάροισι· ### book 15.440 τὸν δ’ Ἕκτωρ μεγάθυμος ἀπέκτανε. ποῦ νύ τοι ἰοὶ ### book 15.441 ὠκύμοροι καὶ τόξον ὅ τοι πόρε Φοῖβος Ἀπόλλων; ### book 15.442 Ὣς φάθ’, ὃ δὲ ξυνέηκε, θέων δέ οἱ ἄγχι παρέστη, ### book 15.443 τόξον ἔχων ἐν χειρὶ παλίντονον ἠδὲ φαρέτρην ### book 15.444 ἰοδόκον· μάλα δ’ ὦκα βέλεα Τρώεσσιν ἐφίει. ### book 15.445 καί ῥ’ ἔβαλε Κλεῖτον Πεισήνορος ἀγλαὸν υἱὸν ### book 15.446 Πουλυδάμαντος ἑταῖρον ἀγαυοῦ Πανθοΐδαο ### book 15.447 ἡνία χερσὶν ἔχοντα· ὃ μὲν πεπόνητο καθ’ ἵππους· ### book 15.448 τῇ γὰρ ἔχ’ ᾗ ῥα πολὺ πλεῖσται κλονέοντο φάλαγγες ### book 15.449 Ἕκτορι καὶ Τρώεσσι χαριζόμενος· τάχα δ’ αὐτῷ ### book 15.450 ἦλθε κακόν, τό οἱ οὔ τις ἐρύκακεν ἱεμένων περ. ### book 15.451 αὐχένι γάρ οἱ ὄπισθε πολύστονος ἔμπεσεν ἰός· ### book 15.452 ἤριπε δ’ ἐξ ὀχέων, ὑπερώησαν δέ οἱ ἵπποι ### book 15.453 κείν’ ὄχεα κροτέοντες. ἄναξ δ’ ἐνόησε τάχιστα ### book 15.454 Πουλυδάμας, καὶ πρῶτος ἐναντίος ἤλυθεν ἵππων. ### book 15.455 τοὺς μὲν ὅ γ’ Ἀστυνόῳ Προτιάονος υἱέϊ δῶκε, ### book 15.456 πολλὰ δ’ ἐπότρυνε σχεδὸν ἴσχειν εἰσορόωντα ### book 15.457 ἵππους· αὐτὸς δ’ αὖτις ἰὼν προμάχοισιν ἐμίχθη. ### book 15.458 Τεῦκρος δ’ ἄλλον ὀϊστὸν ἐφ’ Ἕκτορι χαλκοκορυστῇ ### book 15.459 αἴνυτο, καί κεν ἔπαυσε μάχης ἐπὶ νηυσὶν Ἀχαιῶν, ### book 15.460 εἴ μιν ἀριστεύοντα βαλὼν ἐξείλετο θυμόν. ### book 15.461 ἀλλ’ οὐ λῆθε Διὸς πυκινὸν νόον, ὅς ῥ’ ἐφύλασσεν ### book 15.462 Ἕκτορ’, ἀτὰρ Τεῦκρον Τελαμώνιον εὖχος ἀπηύρα, ### book 15.463 ὅς οἱ ἐϋστρεφέα νευρὴν ἐν ἀμύμονι τόξῳ ### book 15.464 ῥῆξ’ ἐπὶ τῷ ἐρύοντι· παρεπλάγχθη δέ οἱ ἄλλῃ ### book 15.465 ἰὸς χαλκοβαρής, τόξον δέ οἱ ἔκπεσε χειρός. ### book 15.466 Τεῦκρος δ’ ἐρρίγησε, κασίγνητον δὲ προσηύδα· ### book 15.467 ὢ πόποι ἦ δὴ πάγχυ μάχης ἐπὶ μήδεα κείρει ### book 15.468 δαίμων ἡμετέρης, ὅ τέ μοι βιὸν ἔκβαλε χειρός, ### book 15.469 νευρὴν δ’ ἐξέρρηξε νεόστροφον, ἣν ἐνέδησα ### book 15.470 πρώϊον, ὄφρ’ ἀνέχοιτο θαμὰ θρῴσκοντας ὀϊστούς. ### book 15.471 Τὸν δ’ ἠμείβετ’ ἔπειτα μέγας Τελαμώνιος Αἴας· ### book 15.472 ὦ πέπον ἀλλὰ βιὸν μὲν ἔα καὶ ταρφέας ἰοὺς ### book 15.473 κεῖσθαι, ἐπεὶ συνέχευε θεὸς Δαναοῖσι μεγήρας· ### book 15.474 αὐτὰρ χερσὶν ἑλὼν δολιχὸν δόρυ καὶ σάκος ὤμῳ ### book 15.475 μάρναό τε Τρώεσσι καὶ ἄλλους ὄρνυθι λαούς. ### book 15.476 μὴ μὰν ἀσπουδί γε δαμασσάμενοί περ ἕλοιεν ### book 15.477 νῆας ἐϋσσέλμους, ἀλλὰ μνησώμεθα χάρμης. ### book 15.478 Ὣς φάθ’, ὃ δὲ τόξον μὲν ἐνὶ κλισίῃσιν ἔθηκεν, ### book 15.479 αὐτὰρ ὅ γ’ ἀμφ’ ὤμοισι σάκος θέτο τετραθέλυμνον, ### book 15.480 κρατὶ δ’ ἐπ’ ἰφθίμῳ κυνέην εὔτυκτον ἔθηκεν ### book 15.481 ἵππουριν, δεινὸν δὲ λόφος καθύπερθεν ἔνευεν· ### book 15.482 εἵλετο δ’ ἄλκιμον ἔγχος ἀκαχμένον ὀξέϊ χαλκῷ, ### book 15.483 βῆ δ’ ἰέναι, μάλα δ’ ὦκα θέων Αἴαντι παρέστη. ### book 15.484 Ἕκτωρ δ’ ὡς εἶδεν Τεύκρου βλαφθέντα βέλεμνα, ### book 15.485 Τρωσί τε καὶ Λυκίοισιν ἐκέκλετο μακρὸν ἀΰσας· ### book 15.486 Τρῶες καὶ Λύκιοι καὶ Δάρδανοι ἀγχιμαχηταὶ ### book 15.487 ἀνέρες ἔστε φίλοι, μνήσασθε δὲ θούριδος ἀλκῆς ### book 15.488 νῆας ἀνὰ γλαφυράς· δὴ γὰρ ἴδον ὀφθαλμοῖσιν ### book 15.489 ἀνδρὸς ἀριστῆος Διόθεν βλαφθέντα βέλεμνα. ### book 15.490 ῥεῖα δ’ ἀρίγνωτος Διὸς ἀνδράσι γίγνεται ἀλκή, ### book 15.491 ἠμὲν ὁτέοισιν κῦδος ὑπέρτερον ἐγγυαλίξῃ, ### book 15.492 ἠδ’ ὅτινας μινύθῃ τε καὶ οὐκ ἐθέλῃσιν ἀμύνειν, ### book 15.493 ὡς νῦν Ἀργείων μινύθει μένος, ἄμμι δ’ ἀρήγει. ### book 15.494 ἀλλὰ μάχεσθ’ ἐπὶ νηυσὶν ἀολλέες· ὃς δέ κεν ὕμεων ### book 15.495 βλήμενος ἠὲ τυπεὶς θάνατον καὶ πότμον ἐπίσπῃ ### book 15.496 τεθνάτω· οὔ οἱ ἀεικὲς ἀμυνομένῳ περὶ πάτρης ### book 15.497 τεθνάμεν· ἀλλ’ ἄλοχός τε σόη καὶ παῖδες ὀπίσσω, ### book 15.498 καὶ οἶκος καὶ κλῆρος ἀκήρατος, εἴ κεν Ἀχαιοὶ ### book 15.499 οἴχωνται σὺν νηυσὶ φίλην ἐς πατρίδα γαῖαν. ### book 15.500 Ὣς εἰπὼν ὄτρυνε μένος καὶ θυμὸν ἑκάστου. ### book 15.501 Αἴας δ’ αὖθ’ ἑτέρωθεν ἐκέκλετο οἷς ἑτάροισιν· ### book 15.502 αἰδὼς Ἀργεῖοι· νῦν ἄρκιον ἢ ἀπολέσθαι ### book 15.503 ἠὲ σαωθῆναι καὶ ἀπώσασθαι κακὰ νηῶν. ### book 15.504 ἦ ἔλπεσθ’ ἢν νῆας ἕλῃ κορυθαίολος Ἕκτωρ ### book 15.505 ἐμβαδὸν ἵξεσθαι ἣν πατρίδα γαῖαν ἕκαστος; ### book 15.506 ἦ οὐκ ὀτρύνοντος ἀκούετε λαὸν ἅπαντα ### book 15.507 Ἕκτορος, ὃς δὴ νῆας ἐνιπρῆσαι μενεαίνει; ### book 15.508 οὐ μὰν ἔς γε χορὸν κέλετ’ ἐλθέμεν, ἀλλὰ μάχεσθαι. ### book 15.509 ἡμῖν δ’ οὔ τις τοῦδε νόος καὶ μῆτις ἀμείνων ### book 15.510 ἢ αὐτοσχεδίῃ μῖξαι χεῖράς τε μένος τε. ### book 15.511 βέλτερον ἢ ἀπολέσθαι ἕνα χρόνον ἠὲ βιῶναι ### book 15.512 ἢ δηθὰ στρεύγεσθαι ἐν αἰνῇ δηϊοτῆτι ### book 15.513 ὧδ’ αὔτως παρὰ νηυσὶν ὑπ’ ἀνδράσι χειροτέροισιν. ### book 15.514 Ὣς εἰπὼν ὄτρυνε μένος καὶ θυμὸν ἑκάστου. ### book 15.515 ἔνθ’ Ἕκτωρ μὲν ἕλε Σχεδίον Περιμήδεος υἱὸν ### book 15.516 ἀρχὸν Φωκήων, Αἴας δ’ ἕλε Λαοδάμαντα ### book 15.517 ἡγεμόνα πρυλέων Ἀντήνορος ἀγλαὸν υἱόν· ### book 15.518 Πουλυδάμας δ’ Ὦτον Κυλλήνιον ἐξενάριξε ### book 15.519 Φυλεΐδεω ἕταρον, μεγαθύμων ἀρχὸν Ἐπειῶν. ### book 15.520 τῷ δὲ Μέγης ἐπόρουσεν ἰδών· ὃ δ’ ὕπαιθα λιάσθη ### book 15.521 Πουλυδάμας· καὶ τοῦ μὲν ἀπήμβροτεν· οὐ γὰρ Ἀπόλλων ### book 15.522 εἴα Πάνθου υἱὸν ἐνὶ προμάχοισι δαμῆναι· ### book 15.523 αὐτὰρ ὅ γε Κροίσμου στῆθος μέσον οὔτασε δουρί. ### book 15.524 δούπησεν δὲ πεσών· ὃ δ’ ἀπ’ ὤμων τεύχε’ ἐσύλα. ### book 15.525 τόφρα δὲ τῷ ἐπόρουσε Δόλοψ αἰχμῆς ἐῢ εἰδὼς ### book 15.526 Λαμπετίδης, ὃν Λάμπος ἐγείνατο φέρτατον υἱὸν ### book 15.527 Λαομεδοντιάδης εὖ εἰδότα θούριδος ἀλκῆς, ### book 15.528 ὃς τότε Φυλεΐδαο μέσον σάκος οὔτασε δουρὶ ### book 15.529 ἐγγύθεν ὁρμηθείς· πυκινὸς δέ οἱ ἤρκεσε θώρηξ, ### book 15.530 τόν ῥ’ ἐφόρει γυάλοισιν ἀρηρότα· τόν ποτε Φυλεὺς ### book 15.531 ἤγαγεν ἐξ Ἐφύρης, ποταμοῦ ἄπο Σελλήεντος. ### book 15.532 ξεῖνος γάρ οἱ ἔδωκεν ἄναξ ἀνδρῶν Εὐφήτης ### book 15.533 ἐς πόλεμον φορέειν δηΐων ἀνδρῶν ἀλεωρήν· ### book 15.534 ὅς οἱ καὶ τότε παιδὸς ἀπὸ χροὸς ἤρκες’ ὄλεθρον. ### book 15.535 τοῦ δὲ Μέγης κόρυθος χαλκήρεος ἱπποδασείης ### book 15.536 κύμβαχον ἀκρότατον νύξ’ ἔγχεϊ ὀξυόεντι, ### book 15.537 ῥῆξε δ’ ἀφ’ ἵππειον λόφον αὐτοῦ· πᾶς δὲ χαμᾶζε ### book 15.538 κάππεσεν ἐν κονίῃσι νέον φοίνικι φαεινός. ### book 15.539 εἷος ὃ τῷ πολέμιζε μένων, ἔτι δ’ ἔλπετο νίκην, ### book 15.540 τόφρα δέ οἱ Μενέλαος ἀρήϊος ἦλθεν ἀμύντωρ, ### book 15.541 στῆ δ’ εὐρὰξ σὺν δουρὶ λαθών, βάλε δ’ ὦμον ὄπισθεν· ### book 15.542 αἰχμὴ δὲ στέρνοιο διέσσυτο μαιμώωσα ### book 15.543 πρόσσω ἱεμένη· ὃ δ’ ἄρα πρηνὴς ἐλιάσθη. ### book 15.544 τὼ μὲν ἐεισάσθην χαλκήρεα τεύχε’ ἀπ’ ὤμων ### book 15.545 συλήσειν· Ἕκτωρ δὲ κασιγνήτοισι κέλευσε ### book 15.546 πᾶσι μάλα, πρῶτον δ’ Ἱκεταονίδην ἐνένιπεν ### book 15.547 ἴφθιμον Μελάνιππον. ὃ δ’ ὄφρα μὲν εἰλίποδας βοῦς ### book 15.548 βόσκ’ ἐν Περκώτῃ δηΐων ἀπὸ νόσφιν ἐόντων· ### book 15.549 αὐτὰρ ἐπεὶ Δαναῶν νέες ἤλυθον ἀμφιέλισσαι, ### book 15.550 ἂψ εἰς Ἴλιον ἦλθε, μετέπρεπε δὲ Τρώεσσι, ### book 15.551 ναῖε δὲ πὰρ Πριάμῳ, ὃ δέ μιν τίεν ἶσα τέκεσσι· ### book 15.552 τόν ῥ’ Ἕκτωρ ἐνένιπεν ἔπος τ’ ἔφατ’ ἔκ τ’ ὀνόμαζεν· ### book 15.553 οὕτω δὴ Μελάνιππε μεθήσομεν; οὐδέ νυ σοί περ ### book 15.554 ἐντρέπεται φίλον ἦτορ ἀνεψιοῦ κταμένοιο; ### book 15.555 οὐχ ὁράᾳς οἷον Δόλοπος περὶ τεύχε’ ἕπουσιν; ### book 15.556 ἀλλ’ ἕπευ· οὐ γὰρ ἔτ’ ἔστιν ἀποσταδὸν Ἀργείοισι ### book 15.557 μάρνασθαι, πρίν γ’ ἠὲ κατακτάμεν ἠὲ κατ’ ἄκρης ### book 15.558 Ἴλιον αἰπεινὴν ἑλέειν κτάσθαι τε πολίτας. ### book 15.559 Ὣς εἰπὼν ὃ μὲν ἦρχ’, ὃ δ’ ἅμ’ ἕσπετο ἰσόθεος φώς· ### book 15.560 Ἀργείους δ’ ὄτρυνε μέγας Τελαμώνιος Αἴας· ### book 15.561 ὦ φίλοι ἀνέρες ἔστε, καὶ αἰδῶ θέσθ’ ἐνὶ θυμῷ, ### book 15.562 ἀλλήλους τ’ αἰδεῖσθε κατὰ κρατερὰς ὑσμίνας. ### book 15.563 αἰδομένων δ’ ἀνδρῶν πλέονες σόοι ἠὲ πέφανται· ### book 15.564 φευγόντων δ’ οὔτ’ ἂρ κλέος ὄρνυται οὔτέ τις ἀλκή. ### book 15.565 Ὣς ἔφαθ’, οἳ δὲ καὶ αὐτοὶ ἀλέξασθαι μενέαινον, ### book 15.566 ἐν θυμῷ δ’ ἐβάλοντο ἔπος, φράξαντο δὲ νῆας ### book 15.567 ἕρκεϊ χαλκείῳ· ἐπὶ δὲ Ζεὺς Τρῶας ἔγειρεν. ### book 15.568 Ἀντίλοχον δ’ ὄτρυνε βοὴν ἀγαθὸς Μενέλαος· ### book 15.569 Ἀντίλοχ’ οὔ τις σεῖο νεώτερος ἄλλος Ἀχαιῶν, ### book 15.570 οὔτε ποσὶν θάσσων οὔτ’ ἄλκιμος ὡς σὺ μάχεσθαι· ### book 15.571 εἴ τινά που Τρώων ἐξάλμενος ἄνδρα βάλοισθα. ### book 15.572 Ὣς εἰπὼν ὃ μὲν αὖτις ἀπέσσυτο, τὸν δ’ ὀρόθυνεν· ### book 15.573 ἐκ δ’ ἔθορε προμάχων, καὶ ἀκόντισε δουρὶ φαεινῷ ### book 15.574 ἀμφὶ ἓ παπτήνας· ὑπὸ δὲ Τρῶες κεκάδοντο ### book 15.575 ἀνδρὸς ἀκοντίσσαντος· ὃ δ’ οὐχ ἅλιον βέλος ἧκεν, ### book 15.576 ἀλλ’ Ἱκετάονος υἱὸν ὑπέρθυμον Μελάνιππον ### book 15.577 νισόμενον πόλεμον δὲ βάλε στῆθος παρὰ μαζόν. ### book 15.578 δούπησεν δὲ πεσών, τὸν δὲ σκότος ὄσσε κάλυψεν. ### book 15.579 Ἀντίλοχος δ’ ἐπόρουσε κύων ὥς, ὅς τ’ ἐπὶ νεβρῷ ### book 15.580 βλημένῳ ἀΐξῃ, τόν τ’ ἐξ εὐνῆφι θορόντα ### book 15.581 θηρητὴρ ἐτύχησε βαλών, ὑπέλυσε δὲ γυῖα· ### book 15.582 ὣς ἐπὶ σοὶ Μελάνιππε θόρ’ Ἀντίλοχος μενεχάρμης ### book 15.583 τεύχεα συλήσων· ἀλλ’ οὐ λάθεν Ἕκτορα δῖον, ### book 15.584 ὅς ῥά οἱ ἀντίος ἦλθε θέων ἀνὰ δηϊοτῆτα. ### book 15.585 Ἀντίλοχος δ’ οὐ μεῖνε θοός περ ἐὼν πολεμιστής, ### book 15.586 ἀλλ’ ὅ γ’ ἄρ’ ἔτρεσε θηρὶ κακὸν ῥέξαντι ἐοικώς, ### book 15.587 ὅς τε κύνα κτείνας ἢ βουκόλον ἀμφὶ βόεσσι ### book 15.588 φεύγει πρίν περ ὅμιλον ἀολλισθήμεναι ἀνδρῶν· ### book 15.589 ὣς τρέσε Νεστορίδης, ἐπὶ δὲ Τρῶές τε καὶ Ἕκτωρ ### book 15.590 ἠχῇ θεσπεσίῃ βέλεα στονόεντα χέοντο· ### book 15.591 στῆ δὲ μεταστρεφθείς, ἐπεὶ ἵκετο ἔθνος ἑταίρων. ### book 15.592 Τρῶες δὲ λείουσιν ἐοικότες ὠμοφάγοισι ### book 15.593 νηυσὶν ἐπεσσεύοντο, Διὸς δ’ ἐτέλειον ἐφετμάς, ### book 15.594 ὅ σφισιν αἰὲν ἔγειρε μένος μέγα, θέλγε δὲ θυμὸν ### book 15.595 Ἀργείων καὶ κῦδος ἀπαίνυτο, τοὺς δ’ ὀρόθυνεν. ### book 15.596 Ἕκτορι γάρ οἱ θυμὸς ἐβούλετο κῦδος ὀρέξαι ### book 15.597 Πριαμίδῃ, ἵνα νηυσὶ κορωνίσι θεσπιδαὲς πῦρ ### book 15.598 ἐμβάλοι ἀκάματον, Θέτιδος δ’ ἐξαίσιον ἀρὴν ### book 15.599 πᾶσαν ἐπικρήνειε· τὸ γὰρ μένε μητίετα Ζεὺς ### book 15.600 νηὸς καιομένης σέλας ὀφθαλμοῖσιν ἰδέθαι. ### book 15.601 ἐκ γὰρ δὴ τοῦ μέλλε παλίωξιν παρὰ νηῶν ### book 15.602 θησέμεναι Τρώων, Δαναοῖσι δὲ κῦδος ὀρέξειν. ### book 15.603 τὰ φρονέων νήεσσιν ἔπι γλαφυρῇσιν ἔγειρεν ### book 15.604 Ἕκτορα Πριαμίδην μάλα περ μεμαῶτα καὶ αὐτόν. ### book 15.605 μαίνετο δ’ ὡς ὅτ’ Ἄρης ἐγχέσπαλος ἢ ὀλοὸν πῦρ ### book 15.606 οὔρεσι μαίνηται βαθέης ἐν τάρφεσιν ὕλης· ### book 15.607 ἀφλοισμὸς δὲ περὶ στόμα γίγνετο, τὼ δέ οἱ ὄσσε ### book 15.608 λαμπέσθην βλοσυρῇσιν ὑπ’ ὀφρύσιν, ἀμφὶ δὲ πήληξ ### book 15.609 σμερδαλέον κροτάφοισι τινάσσετο μαρναμένοιο ### book 15.610 Ἕκτορος· αὐτὸς γάρ οἱ ἀπ’ αἰθέρος ἦεν ἀμύντωρ ### book 15.611 Ζεύς, ὅς μιν πλεόνεσσι μετ’ ἀνδράσι μοῦνον ἐόντα ### book 15.612 τίμα καὶ κύδαινε. μινυνθάδιος γὰρ ἔμελλεν ### book 15.613 ἔσσεσθ’· ἤδη γάρ οἱ ἐπόρνυε μόρσιμον ἦμαρ ### book 15.614 Παλλὰς Ἀθηναίη ὑπὸ Πηλεΐδαο βίηφιν. ### book 15.615 καί ῥ’ ἔθελεν ῥῆξαι στίχας ἀνδρῶν πειρητίζων, ### book 15.616 ᾗ δὴ πλεῖστον ὅμιλον ὅρα καὶ τεύχε’ ἄριστα· ### book 15.617 ἀλλ’ οὐδ’ ὧς δύνατο ῥῆξαι μάλα περ μενεαίνων· ### book 15.618 ἴσχον γὰρ πυργηδὸν ἀρηρότες, ἠΰτε πέτρη ### book 15.619 ἠλίβατος μεγάλη πολιῆς ἁλὸς ἐγγὺς ἐοῦσα, ### book 15.620 ἥ τε μένει λιγέων ἀνέμων λαιψηρὰ κέλευθα ### book 15.621 κύματά τε τροφόεντα, τά τε προσερεύγεται αὐτήν· ### book 15.622 ὣς Δαναοὶ Τρῶας μένον ἔμπεδον οὐδὲ φέβοντο. ### book 15.623 αὐτὰρ ὃ λαμπόμενος πυρὶ πάντοθεν ἔνθορ’ ὁμίλῳ, ### book 15.624 ἐν δ’ ἔπες’ ὡς ὅτε κῦμα θοῇ ἐν νηῒ πέσῃσι ### book 15.625 λάβρον ὑπαὶ νεφέων ἀνεμοτρεφές· ἣ δέ τε πᾶσα ### book 15.626 ἄχνῃ ὑπεκρύφθη, ἀνέμοιο δὲ δεινὸς ἀήτη ### book 15.627 ἱστίῳ ἐμβρέμεται, τρομέουσι δέ τε φρένα ναῦται ### book 15.628 δειδιότες· τυτθὸν γὰρ ὑπ’ ἐκ θανάτοιο φέρονται· ### book 15.629 ὣς ἐδαΐζετο θυμὸς ἐνὶ στήθεσσιν Ἀχαιῶν. ### book 15.630 αὐτὰρ ὅ γ’ ὥς τε λέων ὀλοόφρων βουσὶν ἐπελθών, ### book 15.631 αἵ ῥά τ’ ἐν εἱαμενῇ ἕλεος μεγάλοιο νέμονται ### book 15.632 μυρίαι, ἐν δέ τε τῇσι νομεὺς οὔ πω σάφα εἰδὼς ### book 15.633 θηρὶ μαχέσσασθαι ἕλικος βοὸς ἀμφὶ φονῇσιν· ### book 15.634 ἤτοι ὃ μὲν πρώτῃσι καὶ ὑστατίῃσι βόεσσιν ### book 15.635 αἰὲν ὁμοστιχάει, ὃ δέ τ’ ἐν μέσσῃσιν ὀρούσας ### book 15.636 βοῦν ἔδει, αἳ δέ τε πᾶσαι ὑπέτρεσαν· ὣς τότ’ Ἀχαιοὶ ### book 15.637 θεσπεσίως ἐφόβηθεν ὑφ’ Ἕκτορι καὶ Διὶ πατρὶ ### book 15.638 πάντες, ὃ δ’ οἶον ἔπεφνε Μυκηναῖον Περιφήτην, ### book 15.639 Κοπρῆος φίλον υἱόν, ὃς Εὐρυσθῆος ἄνακτος ### book 15.640 ἀγγελίης οἴχνεσκε βίῃ Ἡρακληείῃ. ### book 15.641 τοῦ γένετ’ ἐκ πατρὸς πολὺ χείρονος υἱὸς ἀμείνων ### book 15.642 παντοίας ἀρετάς, ἠμὲν πόδας ἠδὲ μάχεσθαι, ### book 15.643 καὶ νόον ἐν πρώτοισι Μυκηναίων ἐτέτυκτο· ### book 15.644 ὅς ῥα τόθ’ Ἕκτορι κῦδος ὑπέρτερον ἐγγυάλιξε. ### book 15.645 στρεφθεὶς γὰρ μετόπισθεν ἐν ἀσπίδος ἄντυγι πάλτο, ### book 15.646 τὴν αὐτὸς φορέεσκε ποδηνεκέ’ ἕρκος ἀκόντων· ### book 15.647 τῇ ὅ γ’ ἐνὶ βλαφθεὶς πέσεν ὕπτιος, ἀμφὶ δὲ πήληξ ### book 15.648 σμερδαλέον κονάβησε περὶ κροτάφοισι πεσόντος. ### book 15.649 Ἕκτωρ δ’ ὀξὺ νόησε, θέων δέ οἱ ἄγχι παρέστη, ### book 15.650 στήθεϊ δ’ ἐν δόρυ πῆξε, φίλων δέ μιν ἐγγὺς ἑταίρων ### book 15.651 κτεῖν’· οἳ δ’ οὐκ ἐδύναντο καὶ ἀχνύμενοί περ ἑταίρου ### book 15.652 χραισμεῖν· αὐτοὶ γὰρ μάλα δείδισαν Ἕκτορα δῖον. ### book 15.653 Εἰσωποὶ δ’ ἐγένοντο νεῶν, περὶ δ’ ἔσχεθον ἄκραι ### book 15.654 νῆες ὅσαι πρῶται εἰρύατο· τοὶ δ’ ἐπέχυντο. ### book 15.655 Ἀργεῖοι δὲ νεῶν μὲν ἐχώρησαν καὶ ἀνάγκῃ ### book 15.656 τῶν πρωτέων, αὐτοῦ δὲ παρὰ κλισίῃσιν ἔμειναν ### book 15.657 ἁθρόοι, οὐδὲ κέδασθεν ἀνὰ στρατόν· ἴσχε γὰρ αἰδὼς ### book 15.658 καὶ δέος· ἀζηχὲς γὰρ ὁμόκλεον ἀλλήλοισι. ### book 15.659 Νέστωρ αὖτε μάλιστα Γερήνιος οὖρος Ἀχαιῶν ### book 15.660 λίσσεθ’ ὑπὲρ τοκέων γουνούμενος ἄνδρα ἕκαστον· ### book 15.661 ὦ φίλοι ἀνέρες ἔστε καὶ αἰδῶ θέσθ’ ἐνὶ θυμῷ ### book 15.662 ἄλλων ἀνθρώπων, ἐπὶ δὲ μνήσασθε ἕκαστος ### book 15.663 παίδων ἠδ’ ἀλόχων καὶ κτήσιος ἠδὲ τοκήων, ### book 15.664 ἠμὲν ὅτεῳ ζώουσι καὶ ᾧ κατατεθνήκασι· ### book 15.665 τῶν ὕπερ ἐνθάδ’ ἐγὼ γουνάζομαι οὐ παρεόντων ### book 15.666 ἑστάμεναι κρατερῶς, μὴ δὲ τρωπᾶσθε φόβον δέ. ### book 15.667 Ὣς εἰπὼν ὄτρυνε μένος καὶ θυμὸν ἑκάστου. ### book 15.668 τοῖσι δ’ ἀπ’ ὀφθαλμῶν νέφος ἀχλύος ὦσεν Ἀθήνη ### book 15.669 θεσπέσιον· μάλα δέ σφι φόως γένετ’ ἀμφοτέρωθεν ### book 15.670 ἠμὲν πρὸς νηῶν καὶ ὁμοιΐου πολέμοιο. ### book 15.671 Ἕκτορα δὲ φράσσαντο βοὴν ἀγαθὸν καὶ ἑταίρους, ### book 15.672 ἠμὲν ὅσοι μετόπισθεν ἀφέστασαν οὐδὲ μάχοντο, ### book 15.673 ἠδ’ ὅσσοι παρὰ νηυσὶ μάχην ἐμάχοντο θοῇσιν. ### book 15.674 Οὐδ’ ἄρ’ ἔτ’ Αἴαντι μεγαλήτορι ἥνδανε θυμῷ ### book 15.675 ἑστάμεν ἔνθά περ ἄλλοι ἀφέστασαν υἷες Ἀχαιῶν· ### book 15.676 ἀλλ’ ὅ γε νηῶν ἴκρι’ ἐπῴχετο μακρὰ βιβάσθων, ### book 15.677 νώμα δὲ ξυστὸν μέγα ναύμαχον ἐν παλάμῃσι ### book 15.678 κολλητὸν βλήτροισι δυωκαιεικοσίπηχυ. ### book 15.679 ὡς δ’ ὅτ’ ἀνὴρ ἵπποισι κελητίζειν ἐῢ εἰδώς, ### book 15.680 ὅς τ’ ἐπεὶ ἐκ πολέων πίσυρας συναείρεται ἵππους, ### book 15.681 σεύας ἐκ πεδίοιο μέγα προτὶ ἄστυ δίηται ### book 15.682 λαοφόρον καθ’ ὁδόν· πολέες τέ ἑ θηήσαντο ### book 15.683 ἀνέρες ἠδὲ γυναῖκες· ὃ δ’ ἔμπεδον ἀσφαλὲς αἰεὶ ### book 15.684 θρῴσκων ἄλλοτ’ ἐπ’ ἄλλον ἀμείβεται, οἳ δὲ πέτονται· ### book 15.685 ὣς Αἴας ἐπὶ πολλὰ θοάων ἴκρια νηῶν ### book 15.686 φοίτα μακρὰ βιβάς, φωνὴ δέ οἱ αἰθέρ’ ἵκανεν, ### book 15.687 αἰεὶ δὲ σμερδνὸν βοόων Δαναοῖσι κέλευε ### book 15.688 νηυσί τε καὶ κλισίῃσιν ἀμυνέμεν. οὐδὲ μὲν Ἕκτωρ ### book 15.689 μίμνεν ἐνὶ Τρώων ὁμάδῳ πύκα θωρηκτάων· ### book 15.690 ἀλλ’ ὥς τ’ ὀρνίθων πετεηνῶν αἰετὸς αἴθων ### book 15.691 ἔθνος ἐφορμᾶται ποταμὸν πάρα βοσκομενάων ### book 15.692 χηνῶν ἢ γεράνων ἢ κύκνων δουλιχοδείρων, ### book 15.693 ὣς Ἕκτωρ ἴθυσε νεὸς κυανοπρῴροιο ### book 15.694 ἀντίος ἀΐξας· τὸν δὲ Ζεὺς ὦσεν ὄπισθε ### book 15.695 χειρὶ μάλα μεγάλῃ, ὄτρυνε δὲ λαὸν ἅμ’ αὐτῷ. ### book 15.696 Αὖτις δὲ δριμεῖα μάχη παρὰ νηυσὶν ἐτύχθη· ### book 15.697 φαίης κ’ ἀκμῆτας καὶ ἀτειρέας ἀλλήλοισιν ### book 15.698 ἄντεσθ’ ἐν πολέμῳ, ὡς ἐσσυμένως ἐμάχοντο. ### book 15.699 τοῖσι δὲ μαρναμένοισιν ὅδ’ ἦν νόος· ἤτοι Ἀχαιοὶ ### book 15.700 οὐκ ἔφασαν φεύξεσθαι ὑπ’ ἐκ κακοῦ, ἀλλ’ ὀλέεσθαι, ### book 15.701 Τρωσὶν δ’ ἔλπετο θυμὸς ἐνὶ στήθεσσιν ἑκάστου ### book 15.702 νῆας ἐνιπρήσειν κτενέειν θ’ ἥρωας Ἀχαιούς. ### book 15.703 οἳ μὲν τὰ φρονέοντες ἐφέστασαν ἀλλήλοισιν· ### book 15.704 Ἕκτωρ δὲ πρυμνῆς νεὸς ἥψατο ποντοπόροιο ### book 15.705 καλῆς ὠκυάλου, ἣ Πρωτεσίλαον ἔνεικεν ### book 15.706 ἐς Τροίην, οὐδ’ αὖτις ἀπήγαγε πατρίδα γαῖαν. ### book 15.707 τοῦ περ δὴ περὶ νηὸς Ἀχαιοί τε Τρῶές τε ### book 15.708 δῄουν ἀλλήλους αὐτοσχεδόν· οὐδ’ ἄρα τοί γε ### book 15.709 τόξων ἀϊκὰς ἀμφὶς μένον οὐδ’ ἔτ’ ἀκόντων, ### book 15.710 ἀλλ’ οἵ γ’ ἐγγύθεν ἱστάμενοι ἕνα θυμὸν ἔχοντες ### book 15.711 ὀξέσι δὴ πελέκεσσι καὶ ἀξίνῃσι μάχοντο ### book 15.712 καὶ ξίφεσιν μεγάλοισι καὶ ἔγχεσιν ἀμφιγύοισι. ### book 15.713 πολλὰ δὲ φάσγανα καλὰ μελάνδετα κωπήεντα ### book 15.714 ἄλλα μὲν ἐκ χειρῶν χαμάδις πέσον, ἄλλα δ’ ἀπ’ ὤμων ### book 15.715 ἀνδρῶν μαρναμένων· ῥέε δ’ αἵματι γαῖα μέλαινα. ### book 15.716 Ἕκτωρ δὲ πρύμνηθεν ἐπεὶ λάβεν οὐχὶ μεθίει ### book 15.717 ἄφλαστον μετὰ χερσὶν ἔχων, Τρωσὶν δὲ κέλευεν· ### book 15.718 οἴσετε πῦρ, ἅμα δ’ αὐτοὶ ἀολλέες ὄρνυτ’ ἀϋτήν· ### book 15.719 νῦν ἡμῖν πάντων Ζεὺς ἄξιον ἦμαρ ἔδωκε ### book 15.720 νῆας ἑλεῖν, αἳ δεῦρο θεῶν ἀέκητι μολοῦσαι ### book 15.721 ἡμῖν πήματα πολλὰ θέσαν, κακότητι γερόντων, ### book 15.722 οἵ μ’ ἐθέλοντα μάχεσθαι ἐπὶ πρυμνῇσι νέεσσιν ### book 15.723 αὐτόν τ’ ἰσχανάασκον ἐρητύοντό τε λαόν· ### book 15.724 ἀλλ’ εἰ δή ῥα τότε βλάπτε φρένας εὐρύοπα Ζεὺς ### book 15.725 ἡμετέρας, νῦν αὐτὸς ἐποτρύνει καὶ ἀνώγει. ### book 15.726 Ὣς ἔφαθ’, οἳ δ’ ἄρα μᾶλλον ἐπ’ Ἀργείοισιν ὄρουσαν. ### book 15.727 Αἴας δ’ οὐκέτ’ ἔμιμνε· βιάζετο γὰρ βελέεσσιν· ### book 15.728 ἀλλ’ ἀνεχάζετο τυτθόν, ὀϊόμενος θανέεσθαι ### book 15.729 θρῆνυν ἐφ’ ἑπταπόδην, λίπε δ’ ἴκρια νηὸς ἐΐσης. ### book 15.730 ἔνθ’ ἄρ’ ὅ γ’ ἑστήκει δεδοκημένος, ἔγχεϊ δ’ αἰεὶ ### book 15.731 Τρῶας ἄμυνε νεῶν, ὅς τις φέροι ἀκάματον πῦρ· ### book 15.732 αἰεὶ δὲ σμερδνὸν βοόων Δαναοῖσι κέλευε· ### book 15.733 ὦ φίλοι ἥρωες Δαναοὶ θεράποντες Ἄρηος ### book 15.734 ἀνέρες ἔστε φίλοι, μνήσασθε δὲ θούριδος ἀλκῆς. ### book 15.735 ἠέ τινάς φαμεν εἶναι ἀοσσητῆρας ὀπίσσω, ### book 15.736 ἦέ τι τεῖχος ἄρειον, ὅ κ’ ἀνδράσι λοιγὸν ἀμύναι; ### book 15.737 οὐ μέν τι σχεδόν ἐστι πόλις πύργοις ἀραρυῖα, ### book 15.738 ᾗ κ’ ἀπαμυναίμεσθ’ ἑτεραλκέα δῆμον ἔχοντες· ### book 15.739 ἀλλ’ ἐν γὰρ Τρώων πεδίῳ πύκα θωρηκτάων ### book 15.740 πόντῳ κεκλιμένοι ἑκὰς ἥμεθα πατρίδος αἴης· ### book 15.741 τὼ ἐν χερσὶ φόως, οὐ μειλιχίῃ πολέμοιο. ### book 15.742 Ἦ, καὶ μαιμώων ἔφεπ’ ἔγχεϊ ὀξυόεντι. ### book 15.743 ὅς τις δὲ Τρώων κοίλῃς ἐπὶ νηυσὶ φέροιτο ### book 15.744 σὺν πυρὶ κηλείῳ, χάριν Ἕκτορος ὀτρύναντος, ### book 15.745 τὸν δ’ Αἴας οὔτασκε δεδεγμένος ἔγχεϊ μακρῷ· ### book 15.746 δώδεκα δὲ προπάροιθε νεῶν αὐτοσχεδὸν οὖτα. ### book 16.1 Ὣς οἳ μὲν περὶ νηὸς ἐϋσσέλμοιο μάχοντο· ### book 16.2 Πάτροκλος δ’ Ἀχιλῆϊ παρίστατο ποιμένι λαῶν ### book 16.3 δάκρυα θερμὰ χέων ὥς τε κρήνη μελάνυδρος, ### book 16.4 ἥ τε κατ’ αἰγίλιπος πέτρης δνοφερὸν χέει ὕδωρ. ### book 16.5 τὸν δὲ ἰδὼν ᾤκτιρε ποδάρκης δῖος Ἀχιλλεύς, ### book 16.6 καί μιν φωνήσας ἔπεα πτερόεντα προσηύδα· ### book 16.7 τίπτε δεδάκρυσαι Πατρόκλεες, ἠΰτε κούρη ### book 16.8 νηπίη, ἥ θ’ ἅμα μητρὶ θέους’ ἀνελέσθαι ἀνώγει ### book 16.9 εἱανοῦ ἁπτομένη, καί τ’ ἐσσυμένην κατερύκει, ### book 16.10 δακρυόεσσα δέ μιν ποτιδέρκεται, ὄφρ’ ἀνέληται· ### book 16.11 τῇ ἴκελος Πάτροκλε τέρεν κατὰ δάκρυον εἴβεις. ### book 16.12 ἠέ τι Μυρμιδόνεσσι πιφαύσκεαι, ἢ ἐμοὶ αὐτῷ, ### book 16.13 ἦέ τιν’ ἀγγελίην Φθίης ἐξέκλυες οἶος; ### book 16.14 ζώειν μὰν ἔτι φασὶ Μενοίτιον Ἄκτορος υἱόν, ### book 16.15 ζώει δ’ Αἰακίδης Πηλεὺς μετὰ Μυρμιδόνεσσι; ### book 16.16 τῶν κε μάλ’ ἀμφοτέρων ἀκαχοίμεθα τεθνηώτων. ### book 16.17 ἦε σύ γ’ Ἀργείων ὀλοφύρεαι, ὡς ὀλέκονται ### book 16.18 νηυσὶν ἔπι γλαφυρῇσιν ὑπερβασίης ἕνεκα σφῆς; ### book 16.19 ἐξαύδα, μὴ κεῦθε νόῳ, ἵνα εἴδομεν ἄμφω. ### book 16.20 Τὸν δὲ βαρὺ στενάχων προσέφης Πατρόκλεες ἱππεῦ· ### book 16.21 ὦ Ἀχιλεῦ Πηλῆος υἱὲ μέγα φέρτατ’ Ἀχαιῶν ### book 16.22 μὴ νεμέσα· τοῖον γὰρ ἄχος βεβίηκεν Ἀχαιούς. ### book 16.23 οἳ μὲν γὰρ δὴ πάντες, ὅσοι πάρος ἦσαν ἄριστοι, ### book 16.24 ἐν νηυσὶν κέαται βεβλημένοι οὐτάμενοί τε. ### book 16.25 βέβληται μὲν ὃ Τυδεΐδης κρατερὸς Διομήδης, ### book 16.26 οὔτασται δ’ Ὀδυσεὺς δουρικλυτὸς ἠδ’ Ἀγαμέμνων, ### book 16.27 βέβληται δὲ καὶ Εὐρύπυλος κατὰ μηρὸν ὀϊστῷ. ### book 16.28 τοὺς μέν τ’ ἰητροὶ πολυφάρμακοι ἀμφιπένονται ### book 16.29 ἕλκε’ ἀκειόμενοι· σὺ δ’ ἀμήχανος ἔπλευ Ἀχιλλεῦ. ### book 16.30 μὴ ἐμέ γ’ οὖν οὗτός γε λάβοι χόλος, ὃν σὺ φυλάσσεις ### book 16.31 αἰναρέτη· τί σευ ἄλλος ὀνήσεται ὀψίγονός περ ### book 16.32 αἴ κε μὴ Ἀργείοισιν ἀεικέα λοιγὸν ἀμύνῃς; ### book 16.33 νηλεές, οὐκ ἄρα σοί γε πατὴρ ἦν ἱππότα Πηλεύς, ### book 16.34 οὐδὲ Θέτις μήτηρ· γλαυκὴ δέ σε τίκτε θάλασσα ### book 16.35 πέτραι τ’ ἠλίβατοι, ὅτι τοι νόος ἐστὶν ἀπηνής. ### book 16.36 εἰ δέ τινα φρεσὶ σῇσι θεοπροπίην ἀλεείνεις ### book 16.37 καί τινά τοι πὰρ Ζηνὸς ἐπέφραδε πότνια μήτηρ, ### book 16.38 ἀλλ’ ἐμέ περ πρόες ὦχ’, ἅμα δ’ ἄλλον λαὸν ὄπασσον ### book 16.39 Μυρμιδόνων, ἤν πού τι φόως Δαναοῖσι γένωμαι. ### book 16.40 δὸς δέ μοι ὤμοιιν τὰ σὰ τεύχεα θωρηχθῆναι, ### book 16.41 αἴ κ’ ἐμὲ σοὶ ἴσκοντες ἀπόσχωνται πολέμοιο ### book 16.42 Τρῶες, ἀναπνεύσωσι δ’ Ἀρήϊοι υἷες Ἀχαιῶν ### book 16.43 τειρόμενοι· ὀλίγη δέ τ’ ἀνάπνευσις πολέμοιο. ### book 16.44 ῥεῖα δέ κ’ ἀκμῆτες κεκμηότας ἄνδρας ἀϋτῇ ### book 16.45 ὤσαιμεν προτὶ ἄστυ νεῶν ἄπο καὶ κλισιάων. ### book 16.46 Ὣς φάτο λισσόμενος μέγα νήπιος· ἦ γὰρ ἔμελλεν ### book 16.47 οἷ αὐτῷ θάνατόν τε κακὸν καὶ κῆρα λιτέσθαι. ### book 16.48 τὸν δὲ μέγ’ ὀχθήσας προσέφη πόδας ὠκὺς Ἀχιλλεύς· ### book 16.49 ὤ μοι διογενὲς Πατρόκλεες οἷον ἔειπες· ### book 16.50 οὔτε θεοπροπίης ἐμπάζομαι ἥν τινα οἶδα, ### book 16.51 οὔτέ τί μοι πὰρ Ζηνὸς ἐπέφραδε πότνια μήτηρ· ### book 16.52 ἀλλὰ τόδ’ αἰνὸν ἄχος κραδίην καὶ θυμὸν ἱκάνει, ### book 16.53 ὁππότε δὴ τὸν ὁμοῖον ἀνὴρ ἐθέλῃσιν ἀμέρσαι ### book 16.54 καὶ γέρας ἂψ ἀφελέσθαι, ὅ τε κράτεϊ προβεβήκῃ· ### book 16.55 αἰνὸν ἄχος τό μοί ἐστιν, ἐπεὶ πάθον ἄλγεα θυμῷ. ### book 16.56 κούρην ἣν ἄρα μοι γέρας ἔξελον υἷες Ἀχαιῶν, ### book 16.57 δουρὶ δ’ ἐμῷ κτεάτισσα πόλιν εὐτείχεα πέρσας, ### book 16.58 τὴν ἂψ ἐκ χειρῶν ἕλετο κρείων Ἀγαμέμνων ### book 16.59 Ἀτρεΐδης ὡς εἴ τιν’ ἀτίμητον μετανάστην. ### book 16.60 ἀλλὰ τὰ μὲν προτετύχθαι ἐάσομεν· οὐδ’ ἄρα πως ἦν ### book 16.61 ἀσπερχὲς κεχολῶσθαι ἐνὶ φρεσίν· ἤτοι ἔφην γε ### book 16.62 οὐ πρὶν μηνιθμὸν καταπαυσέμεν, ἀλλ’ ὁπότ’ ἂν δὴ ### book 16.63 νῆας ἐμὰς ἀφίκηται ἀϋτή τε πτόλεμός τε. ### book 16.64 τύνη δ’ ὤμοιιν μὲν ἐμὰ κλυτὰ τεύχεα δῦθι, ### book 16.65 ἄρχε δὲ Μυρμιδόνεσσι φιλοπτολέμοισι μάχεσθαι, ### book 16.66 εἰ δὴ κυάνεον Τρώων νέφος ἀμφιβέβηκε ### book 16.67 νηυσὶν ἐπικρατέως, οἳ δὲ ῥηγμῖνι θαλάσσης ### book 16.68 κεκλίαται, χώρης ὀλίγην ἔτι μοῖραν ἔχοντες ### book 16.69 Ἀργεῖοι, Τρώων δὲ πόλις ἐπὶ πᾶσα βέβηκε ### book 16.70 θάρσυνος· οὐ γὰρ ἐμῆς κόρυθος λεύσσουσι μέτωπον ### book 16.71 ἐγγύθι λαμπομένης· τάχα κεν φεύγοντες ἐναύλους ### book 16.72 πλήσειαν νεκύων, εἴ μοι κρείων Ἀγαμέμνων ### book 16.73 ἤπια εἰδείη· νῦν δὲ στρατὸν ἀμφιμάχονται. ### book 16.74 οὐ γὰρ Τυδεΐδεω Διομήδεος ἐν παλάμῃσι ### book 16.75 μαίνεται ἐγχείη Δαναῶν ἀπὸ λοιγὸν ἀμῦναι· ### book 16.76 οὐδέ πω Ἀτρεΐδεω ὀπὸς ἔκλυον αὐδήσαντος ### book 16.77 ἐχθρῆς ἐκ κεφαλῆς· ἀλλ’ Ἕκτορος ἀνδροφόνοιο ### book 16.78 Τρωσὶ κελεύοντος περιάγνυται, οἳ δ’ ἀλαλητῷ ### book 16.79 πᾶν πεδίον κατέχουσι μάχῃ νικῶντες Ἀχαιούς. ### book 16.80 ἀλλὰ καὶ ὧς Πάτροκλε νεῶν ἄπο λοιγὸν ἀμύνων ### book 16.81 ἔμπες’ ἐπικρατέως, μὴ δὴ πυρὸς αἰθομένοιο ### book 16.82 νῆας ἐνιπρήσωσι, φίλον δ’ ἀπὸ νόστον ἕλωνται. ### book 16.83 πείθεο δ’ ὥς τοι ἐγὼ μύθου τέλος ἐν φρεσὶ θείω, ### book 16.84 ὡς ἄν μοι τιμὴν μεγάλην καὶ κῦδος ἄρηαι ### book 16.85 πρὸς πάντων Δαναῶν, ἀτὰρ οἳ περικαλλέα κούρην ### book 16.86 ἂψ ἀπονάσσωσιν, ποτὶ δ’ ἀγλαὰ δῶρα πόρωσιν. ### book 16.87 ἐκ νηῶν ἐλάσας ἰέναι πάλιν· εἰ δέ κεν αὖ τοι ### book 16.88 δώῃ κῦδος ἀρέσθαι ἐρίγδουπος πόσις Ἥρης, ### book 16.89 μὴ σύ γ’ ἄνευθεν ἐμεῖο λιλαίεσθαι πολεμίζειν ### book 16.90 Τρωσὶ φιλοπτολέμοισιν· ἀτιμότερον δέ με θήσεις· ### book 16.91 μὴ δ’ ἐπαγαλλόμενος πολέμῳ καὶ δηϊοτῆτι ### book 16.92 Τρῶας ἐναιρόμενος προτὶ Ἴλιον ἡγεμονεύειν, ### book 16.93 μή τις ἀπ’ Οὐλύμποιο θεῶν αἰειγενετάων ### book 16.94 ἐμβήῃ· μάλα τούς γε φιλεῖ ἑκάεργος Ἀπόλλων· ### book 16.95 ἀλλὰ πάλιν τρωπᾶσθαι, ἐπὴν φάος ἐν νήεσσι ### book 16.96 θήῃς, τοὺς δ’ ἔτ’ ἐᾶν πεδίον κάτα δηριάασθαι. ### book 16.97 αἲ γὰρ Ζεῦ τε πάτερ καὶ Ἀθηναίη καὶ Ἄπολλον ### book 16.98 μήτέ τις οὖν Τρώων θάνατον φύγοι ὅσσοι ἔασι, ### book 16.99 μήτέ τις Ἀργείων, νῶϊν δ’ ἐκδῦμεν ὄλεθρον, ### book 16.100 ὄφρ’ οἶοι Τροίης ἱερὰ κρήδεμνα λύωμεν. ### book 16.101 Ὣς οἳ μὲν τοιαῦτα πρὸς ἀλλήλους ἀγόρευον, ### book 16.102 Αἴας δ’ οὐκ ἔτ’ ἔμιμνε· βιάζετο γὰρ βελέεσσι· ### book 16.103 δάμνα μιν Ζηνός τε νόος καὶ Τρῶες ἀγαυοὶ ### book 16.104 βάλλοντες· δεινὴν δὲ περὶ κροτάφοισι φαεινὴ ### book 16.105 πήληξ βαλλομένη καναχὴν ἔχε, βάλλετο δ’ αἰεὶ ### book 16.106 κὰπ φάλαρ’ εὐποίηθ’· ὃ δ’ ἀριστερὸν ὦμον ἔκαμνεν ### book 16.107 ἔμπεδον αἰὲν ἔχων σάκος αἰόλον· οὐδὲ δύναντο ### book 16.108 ἀμφ’ αὐτῷ πελεμίξαι ἐρείδοντες βελέεσσιν. ### book 16.109 αἰεὶ δ’ ἀργαλέῳ ἔχετ’ ἄσθματι, κὰδ δέ οἱ ἱδρὼς ### book 16.110 πάντοθεν ἐκ μελέων πολὺς ἔρρεεν, οὐδέ πῃ εἶχεν ### book 16.111 ἀμπνεῦσαι· πάντῃ δὲ κακὸν κακῷ ἐστήρικτο. ### book 16.112 Ἔσπετε νῦν μοι Μοῦσαι Ὀλύμπια δώματ’ ἔχουσαι, ### book 16.113 ὅππως δὴ πρῶτον πῦρ ἔμπεσε νηυσὶν Ἀχαιῶν. ### book 16.114 Ἕκτωρ Αἴαντος δόρυ μείλινον ἄγχι παραστὰς ### book 16.115 πλῆξ’ ἄορι μεγάλῳ αἰχμῆς παρὰ καυλὸν ὄπισθεν, ### book 16.116 ἀντικρὺ δ’ ἀπάραξε· τὸ μὲν Τελαμώνιος Αἴας ### book 16.117 πῆλ’ αὔτως ἐν χειρὶ κόλον δόρυ, τῆλε δ’ ἀπ’ αὐτοῦ ### book 16.118 αἰχμὴ χαλκείη χαμάδις βόμβησε πεσοῦσα. ### book 16.119 γνῶ δ’ Αἴας κατὰ θυμὸν ἀμύμονα ῥίγησέν τε ### book 16.120 ἔργα θεῶν, ὅ ῥα πάγχυ μάχης ἐπὶ μήδεα κεῖρε ### book 16.121 Ζεὺς ὑψιβρεμέτης, Τρώεσσι δὲ βούλετο νίκην· ### book 16.122 χάζετο δ’ ἐκ βελέων. τοὶ δ’ ἔμβαλον ἀκάματον πῦρ ### book 16.123 νηῒ θοῇ· τῆς δ’ αἶψα κατ’ ἀσβέστη κέχυτο φλόξ. ### book 16.124 ὣς τὴν μὲν πρυμνὴν πῦρ ἄμφεπεν· αὐτὰρ Ἀχιλλεὺς ### book 16.125 μηρὼ πληξάμενος Πατροκλῆα προσέειπεν· ### book 16.126 ὄρσεο διογενὲς Πατρόκλεες ἱπποκέλευθε· ### book 16.127 λεύσσω δὴ παρὰ νηυσὶ πυρὸς δηΐοιο ἰωήν· ### book 16.128 μὴ δὴ νῆας ἕλωσι καὶ οὐκέτι φυκτὰ πέλωνται· ### book 16.129 δύσεο τεύχεα θᾶσσον, ἐγὼ δέ κε λαὸν ἀγείρω. ### book 16.130 Ὣς φάτο, Πάτροκλος δὲ κορύσσετο νώροπι χαλκῷ. ### book 16.131 κνημῖδας μὲν πρῶτα περὶ κνήμῃσιν ἔθηκε ### book 16.132 καλάς, ἀργυρέοισιν ἐπισφυρίοις ἀραρυίας· ### book 16.133 δεύτερον αὖ θώρηκα περὶ στήθεσσιν ἔδυνε ### book 16.134 ποικίλον ἀστερόεντα ποδώκεος Αἰακίδαο. ### book 16.135 ἀμφὶ δ’ ἄρ’ ὤμοισιν βάλετο ξίφος ἀργυρόηλον ### book 16.136 χάλκεον, αὐτὰρ ἔπειτα σάκος μέγα τε στιβαρόν τε· ### book 16.137 κρατὶ δ’ ἐπ’ ἰφθίμῳ κυνέην εὔτυκτον ἔθηκεν ### book 16.138 ἵππουριν· δεινὸν δὲ λόφος καθύπερθεν ἔνευεν. ### book 16.139 εἵλετο δ’ ἄλκιμα δοῦρε, τά οἱ παλάμηφιν ἀρήρει. ### book 16.140 ἔγχος δ’ οὐχ ἕλετ’ οἶον ἀμύμονος Αἰακίδαο ### book 16.141 βριθὺ μέγα στιβαρόν· τὸ μὲν οὐ δύνατ’ ἄλλος Ἀχαιῶν ### book 16.142 πάλλειν, ἀλλά μιν οἶος ἐπίστατο πῆλαι Ἀχιλλεὺς ### book 16.143 Πηλιάδα μελίην, τὴν πατρὶ φίλῳ πόρε Χείρων ### book 16.144 Πηλίου ἐκ κορυφῆς, φόνον ἔμμεναι ἡρώεσσιν. ### book 16.145 ἵππους δ’ Αὐτομέδοντα θοῶς ζευγνῦμεν ἄνωγε, ### book 16.146 τὸν μετ’ Ἀχιλλῆα ῥηξήνορα τῖε μάλιστα, ### book 16.147 πιστότατος δέ οἱ ἔσκε μάχῃ ἔνι μεῖναι ὁμοκλήν. ### book 16.148 τῷ δὲ καὶ Αὐτομέδων ὕπαγε ζυγὸν ὠκέας ἵππους ### book 16.149 Ξάνθον καὶ Βαλίαν, τὼ ἅμα πνοιῇσι πετέσθην, ### book 16.150 τοὺς ἔτεκε Ζεφύρῳ ἀνέμῳ Ἅρπυια Ποδάργη ### book 16.151 βοσκομένη λειμῶνι παρὰ ῥόον Ὠκεανοῖο. ### book 16.152 ἐν δὲ παρηορίῃσιν ἀμύμονα Πήδασον ἵει, ### book 16.153 τόν ῥά ποτ’ Ἠετίωνος ἑλὼν πόλιν ἤγαγ’ Ἀχιλλεύς, ### book 16.154 ὃς καὶ θνητὸς ἐὼν ἕπεθ’ ἵπποις ἀθανάτοισι. ### book 16.155 Μυρμιδόνας δ’ ἄρ’ ἐποιχόμενος θώρηξεν Ἀχιλλεὺς ### book 16.156 πάντας ἀνὰ κλισίας σὺν τεύχεσιν· οἳ δὲ λύκοι ὣς ### book 16.157 ὠμοφάγοι, τοῖσίν τε περὶ φρεσὶν ἄσπετος ἀλκή, ### book 16.158 οἵ τ’ ἔλαφον κεραὸν μέγαν οὔρεσι δῃώσαντες ### book 16.159 δάπτουσιν· πᾶσιν δὲ παρήϊον αἵματι φοινόν· ### book 16.160 καί τ’ ἀγεληδὸν ἴασιν ἀπὸ κρήνης μελανύδρου ### book 16.161 λάψοντες γλώσσῃσιν ἀραιῇσιν μέλαν ὕδωρ ### book 16.162 ἄκρον ἐρευγόμενοι φόνον αἵματος· ἐν δέ τε θυμὸς ### book 16.163 στήθεσιν ἄτρομός ἐστι, περιστένεται δέ τε γαστήρ· ### book 16.164 τοῖοι Μυρμιδόνων ἡγήτορες ἠδὲ μέδοντες ### book 16.165 ἀμφ’ ἀγαθὸν θεράποντα ποδώκεος Αἰακίδαο ### book 16.166 ῥώοντ’· ἐν δ’ ἄρα τοῖσιν ἀρήϊος ἵστατ’ Ἀχιλλεύς, ### book 16.167 ὀτρύνων ἵππους τε καὶ ἀνέρας ἀσπιδιώτας. ### book 16.168 Πεντήκοντ’ ἦσαν νῆες θοαί, ᾗσιν Ἀχιλλεὺς ### book 16.169 ἐς Τροίην ἡγεῖτο Διῒ φίλος· ἐν δὲ ἑκάστῃ ### book 16.170 πεντήκοντ’ ἔσαν ἄνδρες ἐπὶ κληῗσιν ἑταῖροι· ### book 16.171 πέντε δ’ ἄρ’ ἡγεμόνας ποιήσατο τοῖς ἐπεποίθει ### book 16.172 σημαίνειν· αὐτὸς δὲ μέγα κρατέων ἤνασσε. ### book 16.173 τῆς μὲν ἰῆς στιχὸς ἦρχε Μενέσθιος αἰολοθώρηξ ### book 16.174 υἱὸς Σπερχειοῖο διιπετέος ποταμοῖο· ### book 16.175 ὃν τέκε Πηλῆος θυγάτηρ καλὴ Πολυδώρη ### book 16.176 Σπερχειῷ ἀκάμαντι γυνὴ θεῷ εὐνηθεῖσα, ### book 16.177 αὐτὰρ ἐπίκλησιν Βώρῳ Περιήρεος υἷι, ### book 16.178 ὅς ῥ’ ἀναφανδὸν ὄπυιε πορὼν ἀπερείσια ἕδνα. ### book 16.179 τῆς δ’ ἑτέρης Εὔδωρος ἀρήϊος ἡγεμόνευε ### book 16.180 παρθένιος, τὸν ἔτικτε χορῷ καλὴ Πολυμήλη ### book 16.181 Φύλαντος θυγάτηρ· τῆς δὲ κρατὺς Ἀργειφόντης ### book 16.182 ἠράσατ’, ὀφθαλμοῖσιν ἰδὼν μετὰ μελπομένῃσιν ### book 16.183 ἐν χορῷ Ἀρτέμιδος χρυσηλακάτου κελαδεινῆς. ### book 16.184 αὐτίκα δ’ εἰς ὑπερῷ’ ἀναβὰς παρελέξατο λάθρῃ ### book 16.185 Ἑρμείας ἀκάκητα, πόρεν δέ οἱ ἀγλαὸν υἱὸν ### book 16.186 Εὔδωρον πέρι μὲν θείειν ταχὺν ἠδὲ μαχητήν. ### book 16.187 αὐτὰρ ἐπεὶ δὴ τόν γε μογοστόκος Εἰλείθυια ### book 16.188 ἐξάγαγε πρὸ φόως δὲ καὶ ἠελίου ἴδεν αὐγάς, ### book 16.189 τὴν μὲν Ἐχεκλῆος κρατερὸν μένος Ἀκτορίδαο ### book 16.190 ἠγάγετο πρὸς δώματ’, ἐπεὶ πόρε μυρία ἕδνα, ### book 16.191 τὸν δ’ ὃ γέρων Φύλας εὖ ἔτρεφεν ἠδ’ ἀτίταλλεν ### book 16.192 ἀμφαγαπαζόμενος ὡς εἴ θ’ ἑὸν υἱὸν ἐόντα. ### book 16.193 τῆς δὲ τρίτης Πείσανδρος ἀρήϊος ἡγεμόνευε ### book 16.194 Μαιμαλίδης, ὃς πᾶσι μετέπρεπε Μυρμιδόνεσσιν ### book 16.195 ἔγχεϊ μάρνασθαι μετὰ Πηλεΐωνος ἑταῖρον. ### book 16.196 τῆς δὲ τετάρτης ἦρχε γέρων ἱππηλάτα Φοῖνιξ, ### book 16.197 πέμπτης δ’ Ἀλκιμέδων Λαέρκεος υἱὸς ἀμύμων. ### book 16.198 αὐτὰρ ἐπεὶ δὴ πάντας ἅμ’ ἡγεμόνεσσιν Ἀχιλλεὺς ### book 16.199 στῆσεν ἐῢ κρίνας, κρατερὸν δ’ ἐπὶ μῦθον ἔτελλε· ### book 16.200 Μυρμιδόνες μή τίς μοι ἀπειλάων λελαθέσθω, ### book 16.201 ἃς ἐπὶ νηυσὶ θοῇσιν ἀπειλεῖτε Τρώεσσι ### book 16.202 πάνθ’ ὑπὸ μηνιθμόν, καί μ’ ᾐτιάασθε ἕκαστος· ### book 16.203 σχέτλιε Πηλέος υἱὲ χόλῳ ἄρα ς’ ἔτρεφε μήτηρ, ### book 16.204 νηλεές, ὃς παρὰ νηυσὶν ἔχεις ἀέκοντας ἑταίρους· ### book 16.205 οἴκαδέ περ σὺν νηυσὶ νεώμεθα ποντοπόροισιν ### book 16.206 αὖτις, ἐπεί ῥά τοι ὧδε κακὸς χόλος ἔμπεσε θυμῷ. ### book 16.207 ταῦτά μ’ ἀγειρόμενοι θάμ’ ἐβάζετε· νῦν δὲ πέφανται ### book 16.208 φυλόπιδος μέγα ἔργον, ἕης τὸ πρίν γ’ ἐράασθε. ### book 16.209 ἔνθά τις ἄλκιμον ἦτορ ἔχων Τρώεσσι μαχέσθω. ### book 16.210 Ὣς εἰπὼν ὄτρυνε μένος καὶ θυμὸν ἑκάστου. ### book 16.211 μᾶλλον δὲ στίχες ἄρθεν, ἐπεὶ βασιλῆος ἄκουσαν. ### book 16.212 ὡς δ’ ὅτε τοῖχον ἀνὴρ ἀράρῃ πυκινοῖσι λίθοισι ### book 16.213 δώματος ὑψηλοῖο βίας ἀνέμων ἀλεείνων, ### book 16.214 ὣς ἄραρον κόρυθές τε καὶ ἀσπίδες ὀμφαλόεσσαι. ### book 16.215 ἀσπὶς ἄρ’ ἀσπίδ’ ἔρειδε, κόρυς κόρυν, ἀνέρα δ’ ἀνήρ· ### book 16.216 ψαῦον δ’ ἱππόκομοι κόρυθες λαμπροῖσι φάλοισι ### book 16.217 νευόντων, ὡς πυκνοὶ ἐφέστασαν ἀλλήλοισι. ### book 16.218 πάντων δὲ προπάροιθε δύ’ ἀνέρε θωρήσσοντο ### book 16.219 Πάτροκλός τε καὶ Αὐτομέδων ἕνα θυμὸν ἔχοντες ### book 16.220 πρόσθεν Μυρμιδόνων πολεμιζέμεν. αὐτὰρ Ἀχιλλεὺς ### book 16.221 βῆ ῥ’ ἴμεν ἐς κλισίην, χηλοῦ δ’ ἀπὸ πῶμ’ ἀνέῳγε ### book 16.222 καλῆς δαιδαλέης, τήν οἱ Θέτις ἀργυρόπεζα ### book 16.223 θῆκ’ ἐπὶ νηὸς ἄγεσθαι ἐῢ πλήσασα χιτώνων ### book 16.224 χλαινάων τ’ ἀνεμοσκεπέων οὔλων τε ταπήτων. ### book 16.225 ἔνθα δέ οἱ δέπας ἔσκε τετυγμένον, οὐδέ τις ἄλλος ### book 16.226 οὔτ’ ἀνδρῶν πίνεσκεν ἀπ’ αὐτοῦ αἴθοπα οἶνον, ### book 16.227 οὔτέ τεῳ σπένδεσκε θεῶν, ὅτε μὴ Διὶ πατρί. ### book 16.228 τό ῥα τότ’ ἐκ χηλοῖο λαβὼν ἐκάθηρε θεείῳ ### book 16.229 πρῶτον, ἔπειτα δ’ ἔνιψ’ ὕδατος καλῇσι ῥοῇσι, ### book 16.230 νίψατο δ’ αὐτὸς χεῖρας, ἀφύσσατο δ’ αἴθοπα οἶνον. ### book 16.231 εὔχετ’ ἔπειτα στὰς μέσῳ ἕρκεϊ, λεῖβε δὲ οἶνον ### book 16.232 οὐρανὸν εἰσανιδών· Δία δ’ οὐ λάθε τερπικέραυνον· ### book 16.233 Ζεῦ ἄνα Δωδωναῖε Πελασγικὲ τηλόθι ναίων ### book 16.234 Δωδώνης μεδέων δυσχειμέρου, ἀμφὶ δὲ Σελλοὶ ### book 16.235 σοὶ ναίους’ ὑποφῆται ἀνιπτόποδες χαμαιεῦναι, ### book 16.236 ἠμὲν δή ποτ’ ἐμὸν ἔπος ἔκλυες εὐξαμένοιο, ### book 16.237 τίμησας μὲν ἐμέ, μέγα δ’ ἴψαο λαὸν Ἀχαιῶν, ### book 16.238 ἠδ’ ἔτι καὶ νῦν μοι τόδ’ ἐπικρήηνον ἐέλδωρ· ### book 16.239 αὐτὸς μὲν γὰρ ἐγὼ μενέω νηῶν ἐν ἀγῶνι, ### book 16.240 ἀλλ’ ἕταρον πέμπω πολέσιν μετὰ Μυρμιδόνεσσι ### book 16.241 μάρνασθαι· τῷ κῦδος ἅμα πρόες εὐρύοπα Ζεῦ, ### book 16.242 θάρσυνον δέ οἱ ἦτορ ἐνὶ φρεσίν, ὄφρα καὶ Ἕκτωρ ### book 16.243 εἴσεται ἤ ῥα καὶ οἶος ἐπίστηται πολεμίζειν ### book 16.244 ἡμέτερος θεράπων, ἦ οἱ τότε χεῖρες ἄαπτοι ### book 16.245 μαίνονθ’, ὁππότ’ ἐγώ περ ἴω μετὰ μῶλον Ἄρηος. ### book 16.246 αὐτὰρ ἐπεί κ’ ἀπὸ ναῦφι μάχην ἐνοπήν τε δίηται, ### book 16.247 ἀσκηθής μοι ἔπειτα θοὰς ἐπὶ νῆας ἵκοιτο ### book 16.248 τεύχεσί τε ξὺν πᾶσι καὶ ἀγχεμάχοις ἑτάροισιν. ### book 16.249 Ὣς ἔφατ’ εὐχόμενος, τοῦ δ’ ἔκλυε μητίετα Ζεύς. ### book 16.250 τῷ δ’ ἕτερον μὲν ἔδωκε πατήρ, ἕτερον δ’ ἀνένευσε· ### book 16.251 νηῶν μέν οἱ ἀπώσασθαι πόλεμόν τε μάχην τε ### book 16.252 δῶκε, σόον δ’ ἀνένευσε μάχης ἐξαπονέεσθαι. ### book 16.253 ἤτοι ὃ μὲν σπείσας τε καὶ εὐξάμενος Διὶ πατρὶ ### book 16.254 ἂψ κλισίην εἰσῆλθε, δέπας δ’ ἀπέθηκ’ ἐνὶ χηλῷ, ### book 16.255 στῆ δὲ πάροιθ’ ἐλθὼν κλισίης, ἔτι δ’ ἤθελε θυμῷ ### book 16.256 εἰσιδέειν Τρώων καὶ Ἀχαιῶν φύλοπιν αἰνήν. ### book 16.257 Οἳ δ’ ἅμα Πατρόκλῳ μεγαλήτορι θωρηχθέντες ### book 16.258 ἔστιχον, ὄφρ’ ἐν Τρωσὶ μέγα φρονέοντες ὄρουσαν. ### book 16.259 αὐτίκα δὲ σφήκεσσιν ἐοικότες ἐξεχέοντο ### book 16.260 εἰνοδίοις, οὓς παῖδες ἐριδμαίνωσιν ἔθοντες ### book 16.261 αἰεὶ κερτομέοντες ὁδῷ ἔπι οἰκί’ ἔχοντας ### book 16.262 νηπίαχοι· ξυνὸν δὲ κακὸν πολέεσσι τιθεῖσι. ### book 16.263 τοὺς δ’ εἴ περ παρά τίς τε κιὼν ἄνθρωπος ὁδίτης ### book 16.264 κινήσῃ ἀέκων, οἳ δ’ ἄλκιμον ἦτορ ἔχοντες ### book 16.265 πρόσσω πᾶς πέτεται καὶ ἀμύνει οἷσι τέκεσσι. ### book 16.266 τῶν τότε Μυρμιδόνες κραδίην καὶ θυμὸν ἔχοντες ### book 16.267 ἐκ νηῶν ἐχέοντο· βοὴ δ’ ἄσβεστος ὀρώρει. ### book 16.268 Πάτροκλος δ’ ἑτάροισιν ἐκέκλετο μακρὸν ἀΰσας· ### book 16.269 Μυρμιδόνες ἕταροι Πηληϊάδεω Ἀχιλῆος ### book 16.270 ἀνέρες ἔστε φίλοι, μνήσασθε δὲ θούριδος ἀλκῆς, ### book 16.271 ὡς ἂν Πηλεΐδην τιμήσομεν, ὃς μέγ’ ἄριστος ### book 16.272 Ἀργείων παρὰ νηυσὶ καὶ ἀγχέμαχοι θεράποντες, ### book 16.273 γνῷ δὲ καὶ Ἀτρεΐδης εὐρὺ κρείων Ἀγαμέμνων ### book 16.274 ἣν ἄτην, ὅ τ’ ἄριστον Ἀχαιῶν οὐδὲν ἔτισεν. ### book 16.275 Ὣς εἰπὼν ὄτρυνε μένος καὶ θυμὸν ἑκάστου, ### book 16.276 ἐν δ’ ἔπεσον Τρώεσσιν ἀολλέες· ἀμφὶ δὲ νῆες ### book 16.277 σμερδαλέον κονάβησαν ἀϋσάντων ὑπ’ Ἀχαιῶν. ### book 16.278 Τρῶες δ’ ὡς εἴδοντο Μενοιτίου ἄλκιμον υἱὸν ### book 16.279 αὐτὸν καὶ θεράποντα σὺν ἔντεσι μαρμαίροντας, ### book 16.280 πᾶσιν ὀρίνθη θυμός, ἐκίνηθεν δὲ φάλαγγες ### book 16.281 ἐλπόμενοι παρὰ ναῦφι ποδώκεα Πηλεΐωνα ### book 16.282 μηνιθμὸν μὲν ἀπορρῖψαι, φιλότητα δ’ ἑλέσθαι· ### book 16.283 πάπτηνεν δὲ ἕκαστος ὅπῃ φύγοι αἰπὺν ὄλεθρον. ### book 16.284 Πάτροκλος δὲ πρῶτος ἀκόντισε δουρὶ φαεινῷ ### book 16.285 ἀντικρὺ κατὰ μέσσον, ὅθι πλεῖστοι κλονέοντο, ### book 16.286 νηῒ πάρα πρυμνῇ μεγαθύμου Πρωτεσιλάου, ### book 16.287 καὶ βάλε Πυραίχμην, ὃς Παίονας ἱπποκορυστὰς ### book 16.288 ἤγαγεν ἐξ Ἀμυδῶνος ἀπ’ Ἀξιοῦ εὐρὺ ῥέοντος· ### book 16.289 τὸν βάλε δεξιὸν ὦμον· ὃ δ’ ὕπτιος ἐν κονίῃσι ### book 16.290 κάππεσεν οἰμώξας, ἕταροι δέ μιν ἀμφεφόβηθεν ### book 16.291 Παίονες· ἐν γὰρ Πάτροκλος φόβον ἧκεν ἅπασιν ### book 16.292 ἡγεμόνα κτείνας, ὃς ἀριστεύεσκε μάχεσθαι. ### book 16.293 ἐκ νηῶν δ’ ἔλασεν, κατὰ δ’ ἔσβεσεν αἰθόμενον πῦρ. ### book 16.294 ἡμιδαὴς δ’ ἄρα νηῦς λίπετ’ αὐτόθι· τοὶ δὲ φόβηθεν ### book 16.295 Τρῶες θεσπεσίῳ ὁμάδῳ· Δαναοὶ δ’ ἐπέχυντο ### book 16.296 νῆας ἀνὰ γλαφυράς· ὅμαδος δ’ ἀλίαστος ἐτύχθη. ### book 16.297 ὡς δ’ ὅτ’ ἀφ’ ὑψηλῆς κορυφῆς ὄρεος μεγάλοιο ### book 16.298 κινήσῃ πυκινὴν νεφέλην στεροπηγερέτα Ζεύς, ### book 16.299 ἔκ τ’ ἔφανεν πᾶσαι σκοπιαὶ καὶ πρώονες ἄκροι ### book 16.300 καὶ νάπαι, οὐρανόθεν δ’ ἄρ’ ὑπερράγη ἄσπετος αἰθήρ, ### book 16.301 ὣς Δαναοὶ νηῶν μὲν ἀπωσάμενοι δήϊον πῦρ ### book 16.302 τυτθὸν ἀνέπνευσαν, πολέμου δ’ οὐ γίγνετ’ ἐρωή· ### book 16.303 οὐ γάρ πώ τι Τρῶες ἀρηϊφίλων ὑπ’ Ἀχαιῶν ### book 16.304 προτροπάδην φοβέοντο μελαινάων ἀπὸ νηῶν, ### book 16.305 ἀλλ’ ἔτ’ ἄρ’ ἀνθίσταντο, νεῶν δ’ ὑπόεικον ἀνάγκῃ. ### book 16.306 Ἔνθα δ’ ἀνὴρ ἕλεν ἄνδρα κεδασθείσης ὑσμίνης ### book 16.307 ἡγεμόνων. πρῶτος δὲ Μενοιτίου ἄλκιμος υἱὸς ### book 16.308 αὐτίκ’ ἄρα στρεφθέντος Ἀρηϊλύκου βάλε μηρὸν ### book 16.309 ἔγχεϊ ὀξυόεντι, διὰ πρὸ δὲ χαλκὸν ἔλασσε· ### book 16.310 ῥῆξεν δ’ ὀστέον ἔγχος, ὃ δὲ πρηνὴς ἐπὶ γαίῃ ### book 16.311 κάππες’· ἀτὰρ Μενέλαος ἀρήϊος οὖτα Θόαντα ### book 16.312 στέρνον γυμνωθέντα παρ’ ἀσπίδα, λῦσε δὲ γυῖα. ### book 16.313 Φυλεΐδης δ’ Ἄμφικλον ἐφορμηθέντα δοκεύσας ### book 16.314 ἔφθη ὀρεξάμενος πρυμνὸν σκέλος, ἔνθα πάχιστος ### book 16.315 μυὼν ἀνθρώπου πέλεται· περὶ δ’ ἔγχεος αἰχμῇ ### book 16.316 νεῦρα διεσχίσθη· τὸν δὲ σκότος ὄσσε κάλυψε. ### book 16.317 Νεστορίδαι δ’ ὃ μὲν οὔτας’ Ἀτύμνιον ὀξέϊ δουρὶ ### book 16.318 Ἀντίλοχος, λαπάρης δὲ διήλασε χάλκεον ἔγχος· ### book 16.319 ἤριπε δὲ προπάροιθε. Μάρις δ’ αὐτοσχεδὰ δουρὶ ### book 16.320 Ἀντιλόχῳ ἐπόρουσε κασιγνήτοιο χολωθεὶς ### book 16.321 στὰς πρόσθεν νέκυος· τοῦ δ’ ἀντίθεος Θρασυμήδης ### book 16.322 ἔφθη ὀρεξάμενος πρὶν οὐτάσαι, οὐδ’ ἀφάμαρτεν, ### book 16.323 ὦμον ἄφαρ· πρυμνὸν δὲ βραχίονα δουρὸς ἀκωκὴ ### book 16.324 δρύψ’ ἀπὸ μυώνων, ἀπὸ δ’ ὀστέον ἄχρις ἄραξε· ### book 16.325 δούπησεν δὲ πεσών, κατὰ δὲ σκότος ὄσσε κάλυψεν. ### book 16.326 ὣς τὼ μὲν δοιοῖσι κασιγνήτοισι δαμέντε ### book 16.327 βήτην εἰς Ἔρεβος Σαρπηδόνος ἐσθλοὶ ἑταῖροι ### book 16.328 υἷες ἀκοντισταὶ Ἀμισωδάρου, ὅς ῥα Χίμαιραν ### book 16.329 θρέψεν ἀμαιμακέτην πολέσιν κακὸν ἀνθρώποισιν. ### book 16.330 Αἴας δὲ Κλεόβουλον Ὀϊλιάδης ἐπορούσας ### book 16.331 ζωὸν ἕλε βλαφθέντα κατὰ κλόνον· ἀλλά οἱ αὖθι ### book 16.332 λῦσε μένος πλήξας ξίφει αὐχένα κωπήεντι. ### book 16.333 πᾶν δ’ ὑπεθερμάνθη ξίφος αἵματι· τὸν δὲ κατ’ ὄσσε ### book 16.334 ἔλλαβε πορφύρεος θάνατος καὶ μοῖρα κραταιή. ### book 16.335 Πηνέλεως δὲ Λύκων τε συνέδραμον· ἔγχεσι μὲν γὰρ ### book 16.336 ἤμβροτον ἀλλήλων, μέλεον δ’ ἠκόντισαν ἄμφω· ### book 16.337 τὼ δ’ αὖτις ξιφέεσσι συνέδραμον. ἔνθα Λύκων μὲν ### book 16.338 ἱπποκόμου κόρυθος φάλον ἤλασεν, ἀμφὶ δὲ καυλὸν ### book 16.339 φάσγανον ἐρραίσθη· ὃ δ’ ὑπ’ οὔατος αὐχένα θεῖνε ### book 16.340 Πηνέλεως, πᾶν δ’ εἴσω ἔδυ ξίφος, ἔσχεθε δ’ οἶον ### book 16.341 δέρμα, παρηέρθη δὲ κάρη, ὑπέλυντο δὲ γυῖα. ### book 16.342 Μηριόνης δ’ Ἀκάμαντα κιχεὶς ποσὶ καρπαλίμοισι ### book 16.343 νύξ’ ἵππων ἐπιβησόμενον κατὰ δεξιὸν ὦμον· ### book 16.344 ἤριπε δ’ ἐξ ὀχέων, κατὰ δ’ ὀφθαλμῶν κέχυτ’ ἀχλύς. ### book 16.345 Ἰδομενεὺς δ’ Ἐρύμαντα κατὰ στόμα νηλέϊ χαλκῷ ### book 16.346 νύξε· τὸ δ’ ἀντικρὺ δόρυ χάλκεον ἐξεπέρησε ### book 16.347 νέρθεν ὑπ’ ἐγκεφάλοιο, κέασσε δ’ ἄρ’ ὀστέα λευκά· ### book 16.348 ἐκ δ’ ἐτίναχθεν ὀδόντες, ἐνέπλησθεν δέ οἱ ἄμφω ### book 16.349 αἵματος ὀφθαλμοί· τὸ δ’ ἀνὰ στόμα καὶ κατὰ ῥῖνας ### book 16.350 πρῆσε χανών· θανάτου δὲ μέλαν νέφος ἀμφεκάλυψεν. ### book 16.351 Οὗτοι ἄρ’ ἡγεμόνες Δαναῶν ἕλον ἄνδρα ἕκαστος. ### book 16.352 ὡς δὲ λύκοι ἄρνεσσιν ἐπέχραον ἢ ἐρίφοισι ### book 16.353 σίνται ὑπ’ ἐκ μήλων αἱρεύμενοι, αἵ τ’ ἐν ὄρεσσι ### book 16.354 ποιμένος ἀφραδίῃσι διέτμαγεν· οἳ δὲ ἰδόντες ### book 16.355 αἶψα διαρπάζουσιν ἀνάλκιδα θυμὸν ἐχούσας· ### book 16.356 ὣς Δαναοὶ Τρώεσσιν ἐπέχραον· οἳ δὲ φόβοιο ### book 16.357 δυσκελάδου μνήσαντο, λάθοντο δὲ θούριδος ἀλκῆς. ### book 16.358 Αἴας δ’ ὃ μέγας αἰὲν ἐφ’ Ἕκτορι χαλκοκορυστῇ ### book 16.359 ἵετ’ ἀκοντίσσαι· ὃ δὲ ἰδρείῃ πολέμοιο ### book 16.360 ἀσπίδι ταυρείῃ κεκαλυμμένος εὐρέας ὤμους ### book 16.361 σκέπτετ’ ὀϊστῶν τε ῥοῖζον καὶ δοῦπον ἀκόντων. ### book 16.362 ἦ μὲν δὴ γίγνωσκε μάχης ἑτεραλκέα νίκην· ### book 16.363 ἀλλὰ καὶ ὧς ἀνέμιμνε, σάω δ’ ἐρίηρας ἑταίρους. ### book 16.364 Ὡς δ’ ὅτ’ ἀπ’ Οὐλύμπου νέφος ἔρχεται οὐρανὸν εἴσω ### book 16.365 αἰθέρος ἐκ δίης, ὅτε τε Ζεὺς λαίλαπα τείνῃ, ### book 16.366 ὣς τῶν ἐκ νηῶν γένετο ἰαχή τε φόβος τε, ### book 16.367 οὐδὲ κατὰ μοῖραν πέραον πάλιν. Ἕκτορα δ’ ἵπποι ### book 16.368 ἔκφερον ὠκύποδες σὺν τεύχεσι, λεῖπε δὲ λαὸν ### book 16.369 Τρωϊκόν, οὓς ἀέκοντας ὀρυκτὴ τάφρος ἔρυκε. ### book 16.370 πολλοὶ δ’ ἐν τάφρῳ ἐρυσάρματες ὠκέες ἵπποι ### book 16.371 ἄξαντ’ ἐν πρώτῳ ῥυμῷ λίπον ἅρματ’ ἀνάκτων, ### book 16.372 Πάτροκλος δ’ ἕπετο σφεδανὸν Δαναοῖσι κελεύων ### book 16.373 Τρωσὶ κακὰ φρονέων· οἳ δὲ ἰαχῇ τε φόβῳ τε ### book 16.374 πάσας πλῆσαν ὁδούς, ἐπεὶ ἂρ τμάγεν· ὕψι δ’ ἀέλλη ### book 16.375 σκίδναθ’ ὑπὸ νεφέων, τανύοντο δὲ μώνυχες ἵπποι ### book 16.376 ἄψορρον προτὶ ἄστυ νεῶν ἄπο καὶ κλισιάων. ### book 16.377 Πάτροκλος δ’ ᾗ πλεῖστον ὀρινόμενον ἴδε λαόν, ### book 16.378 τῇ ῥ’ ἔχ’ ὁμοκλήσας· ὑπὸ δ’ ἄξοσι φῶτες ἔπιπτον ### book 16.379 πρηνέες ἐξ ὀχέων, δίφροι δ’ ἀνακυμβαλίαζον. ### book 16.380 ἀντικρὺ δ’ ἄρα τάφρον ὑπέρθορον ὠκέες ἵπποι ### book 16.381 ἄμβροτοι, οὓς Πηλῆϊ θεοὶ δόσαν ἀγλαὰ δῶρα, ### book 16.382 πρόσσω ἱέμενοι, ἐπὶ δ’ Ἕκτορι κέκλετο θυμός· ### book 16.383 ἵετο γὰρ βαλέειν· τὸν δ’ ἔκφερον ὠκέες ἵπποι. ### book 16.384 ὡς δ’ ὑπὸ λαίλαπι πᾶσα κελαινὴ βέβριθε χθὼν ### book 16.385 ἤματ’ ὀπωρινῷ, ὅτε λαβρότατον χέει ὕδωρ ### book 16.386 Ζεύς, ὅτε δή ῥ’ ἄνδρεσσι κοτεσσάμενος χαλεπήνῃ, ### book 16.387 οἳ βίῃ εἰν ἀγορῇ σκολιὰς κρίνωσι θέμιστας, ### book 16.388 ἐκ δὲ δίκην ἐλάσωσι θεῶν ὄπιν οὐκ ἀλέγοντες· ### book 16.389 τῶν δέ τε πάντες μὲν ποταμοὶ πλήθουσι ῥέοντες, ### book 16.390 πολλὰς δὲ κλιτῦς τότ’ ἀποτμήγουσι χαράδραι, ### book 16.391 ἐς δ’ ἅλα πορφυρέην μεγάλα στενάχουσι ῥέουσαι ### book 16.392 ἐξ ὀρέων ἐπικάρ, μινύθει δέ τε ἔργ’ ἀνθρώπων· ### book 16.393 ὣς ἵπποι Τρῳαὶ μεγάλα στενάχοντο θέουσαι. ### book 16.394 Πάτροκλος δ’ ἐπεὶ οὖν πρώτας ἐπέκερσε φάλαγγας, ### book 16.395 ἂψ ἐπὶ νῆας ἔεργε παλιμπετές, οὐδὲ πόληος ### book 16.396 εἴα ἱεμένους ἐπιβαινέμεν, ἀλλὰ μεσηγὺ ### book 16.397 νηῶν καὶ ποταμοῦ καὶ τείχεος ὑψηλοῖο ### book 16.398 κτεῖνε μεταΐσσων, πολέων δ’ ἀπετίνυτο ποινήν. ### book 16.399 ἔνθ’ ἤτοι Πρόνοον πρῶτον βάλε δουρὶ φαεινῷ ### book 16.400 στέρνον γυμνωθέντα παρ’ ἀσπίδα, λῦσε δὲ γυῖα· ### book 16.401 δούπησεν δὲ πεσών· ὃ δὲ Θέστορα Ἤνοπος υἱὸν ### book 16.402 δεύτερον ὁρμηθείς· ὃ μὲν εὐξέστῳ ἐνὶ δίφρῳ ### book 16.403 ἧστο ἀλείς· ἐκ γὰρ πλήγη φρένας, ἐκ δ’ ἄρα χειρῶν ### book 16.404 ἡνία ἠΐχθησαν· ὃ δ’ ἔγχεϊ νύξε παραστὰς ### book 16.405 γναθμὸν δεξιτερόν, διὰ δ’ αὐτοῦ πεῖρεν ὀδόντων, ### book 16.406 ἕλκε δὲ δουρὸς ἑλὼν ὑπὲρ ἄντυγος, ὡς ὅτε τις φὼς ### book 16.407 πέτρῃ ἔπι προβλῆτι καθήμενος ἱερὸν ἰχθὺν ### book 16.408 ἐκ πόντοιο θύραζε λίνῳ καὶ ἤνοπι χαλκῷ· ### book 16.409 ὣς ἕλκ’ ἐκ δίφροιο κεχηνότα δουρὶ φαεινῷ, ### book 16.410 κὰδ δ’ ἄρ’ ἐπὶ στόμ’ ἔωσε· πεσόντα δέ μιν λίπε θυμός. ### book 16.411 αὐτὰρ ἔπειτ’ Ἐρύλαον ἐπεσσύμενον βάλε πέτρῳ ### book 16.412 μέσσην κὰκ κεφαλήν· ἣ δ’ ἄνδιχα πᾶσα κεάσθη ### book 16.413 ἐν κόρυθι βριαρῇ· ὃ δ’ ἄρα πρηνὴς ἐπὶ γαίῃ ### book 16.414 κάππεσεν, ἀμφὶ δέ μιν θάνατος χύτο θυμοραϊστής. ### book 16.415 αὐτὰρ ἔπειτ’ Ἐρύμαντα καὶ Ἀμφοτερὸν καὶ Ἐπάλτην ### book 16.416 Τληπόλεμόν τε Δαμαστορίδην Ἐχίον τε Πύριν τε ### book 16.417 Ἰφέα τ’ Εὔιππόν τε καὶ Ἀργεάδην Πολύμηλον ### book 16.418 πάντας ἐπασσυτέρους πέλασε χθονὶ πουλυβοτείρῃ. ### book 16.419 Σαρπηδὼν δ’ ὡς οὖν ἴδ’ ἀμιτροχίτωνας ἑταίρους ### book 16.420 χέρς’ ὕπο Πατρόκλοιο Μενοιτιάδαο δαμέντας, ### book 16.421 κέκλετ’ ἄρ’ ἀντιθέοισι καθαπτόμενος Λυκίοισιν· ### book 16.422 αἰδὼς ὦ Λύκιοι· πόσε φεύγετε; νῦν θοοὶ ἔστε. ### book 16.423 ἀντήσω γὰρ ἐγὼ τοῦδ’ ἀνέρος, ὄφρα δαείω ### book 16.424 ὅς τις ὅδε κρατέει καὶ δὴ κακὰ πολλὰ ἔοργε ### book 16.425 Τρῶας, ἐπεὶ πολλῶν τε καὶ ἐσθλῶν γούνατ’ ἔλυσεν. ### book 16.426 Ἦ ῥα, καὶ ἐξ ὀχέων σὺν τεύχεσιν ἆλτο χαμᾶζε. ### book 16.427 Πάτροκλος δ’ ἑτέρωθεν ἐπεὶ ἴδεν ἔκθορε δίφρου. ### book 16.428 οἳ δ’ ὥς τ’ αἰγυπιοὶ γαμψώνυχες ἀγκυλοχεῖλαι ### book 16.429 πέτρῃ ἐφ’ ὑψηλῇ μεγάλα κλάζοντε μάχωνται, ### book 16.430 ὣς οἳ κεκλήγοντες ἐπ’ ἀλλήλοισιν ὄρουσαν. ### book 16.431 τοὺς δὲ ἰδὼν ἐλέησε Κρόνου πάϊς ἀγκυλομήτεω, ### book 16.432 Ἥρην δὲ προσέειπε κασιγνήτην ἄλοχόν τε· ### book 16.433 ὤ μοι ἐγών, ὅ τέ μοι Σαρπηδόνα φίλτατον ἀνδρῶν ### book 16.434 μοῖρ’ ὑπὸ Πατρόκλοιο Μενοιτιάδαο δαμῆναι. ### book 16.435 διχθὰ δέ μοι κραδίη μέμονε φρεσὶν ὁρμαίνοντι, ### book 16.436 ἤ μιν ζωὸν ἐόντα μάχης ἄπο δακρυοέσσης ### book 16.437 θείω ἀναρπάξας Λυκίης ἐν πίονι δήμῳ, ### book 16.438 ἦ ἤδη ὑπὸ χερσὶ Μενοιτιάδαο δαμάσσω. ### book 16.439 Τὸν δ’ ἠμείβετ’ ἔπειτα βοῶπις πότνια Ἥρη· ### book 16.440 αἰνότατε Κρονίδη ποῖον τὸν μῦθον ἔειπες. ### book 16.441 ἄνδρα θνητὸν ἐόντα πάλαι πεπρωμένον αἴσῃ ### book 16.442 ἂψ ἐθέλεις θανάτοιο δυσηχέος ἐξαναλῦσαι; ### book 16.443 ἔρδ’· ἀτὰρ οὔ τοι πάντες ἐπαινέομεν θεοὶ ἄλλοι. ### book 16.444 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσιν· ### book 16.445 αἴ κε ζὼν πέμψῃς Σαρπηδόνα ὃν δὲ δόμον δέ, ### book 16.446 φράζεο μή τις ἔπειτα θεῶν ἐθέλῃσι καὶ ἄλλος ### book 16.447 πέμπειν ὃν φίλον υἱὸν ἀπὸ κρατερῆς ὑσμίνης· ### book 16.448 πολλοὶ γὰρ περὶ ἄστυ μέγα Πριάμοιο μάχονται ### book 16.449 υἱέες ἀθανάτων, τοῖσιν κότον αἰνὸν ἐνήσεις. ### book 16.450 ἀλλ’ εἴ τοι φίλος ἐστί, τεὸν δ’ ὀλοφύρεται ἦτορ, ### book 16.451 ἤτοι μέν μιν ἔασον ἐνὶ κρατερῇ ὑσμίνῃ ### book 16.452 χέρς’ ὕπο Πατρόκλοιο Μενοιτιάδαο δαμῆναι· ### book 16.453 αὐτὰρ ἐπὴν δὴ τόν γε λίπῃ ψυχή τε καὶ αἰών, ### book 16.454 πέμπειν μιν θάνατόν τε φέρειν καὶ νήδυμον ὕπνον ### book 16.455 εἰς ὅ κε δὴ Λυκίης εὐρείης δῆμον ἵκωνται, ### book 16.456 ἔνθά ἑ ταρχύσουσι κασίγνητοί τε ἔται τε ### book 16.457 τύμβῳ τε στήλῃ τε· τὸ γὰρ γέρας ἐστὶ θανόντων. ### book 16.458 Ὣς ἔφατ’, οὐδ’ ἀπίθησε πατὴρ ἀνδρῶν τε θεῶν τε· ### book 16.459 αἱματοέσσας δὲ ψιάδας κατέχευεν ἔραζε ### book 16.460 παῖδα φίλον τιμῶν, τόν οἱ Πάτροκλος ἔμελλε ### book 16.461 φθίσειν ἐν Τροίῃ ἐριβώλακι τηλόθι πάτρης. ### book 16.462 Οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντες, ### book 16.463 ἔνθ’ ἤτοι Πάτροκλος ἀγακλειτὸν Θρασύμηλον, ### book 16.464 ὅς ῥ’ ἠῢς θεράπων Σαρπηδόνος ἦεν ἄνακτος, ### book 16.465 τὸν βάλε νείαιραν κατὰ γαστέρα, λῦσε δὲ γυῖα. ### book 16.466 Σαρπηδὼν δ’ αὐτοῦ μὲν ἀπήμβροτε δουρὶ φαεινῷ ### book 16.467 δεύτερον ὁρμηθείς, ὃ δὲ Πήδασον οὔτασεν ἵππον ### book 16.468 ἔγχεϊ δεξιὸν ὦμον· ὃ δ’ ἔβραχε θυμὸν ἀΐσθων, ### book 16.469 κὰδ δ’ ἔπες’ ἐν κονίῃσι μακών, ἀπὸ δ’ ἔπτατο θυμός. ### book 16.470 τὼ δὲ διαστήτην, κρίκε δὲ ζυγόν, ἡνία δέ σφι ### book 16.471 σύγχυτ’, ἐπεὶ δὴ κεῖτο παρήορος ἐν κονίῃσι. ### book 16.472 τοῖο μὲν Αὐτομέδων δουρικλυτὸς εὕρετο τέκμωρ· ### book 16.473 σπασσάμενος τανύηκες ἄορ παχέος παρὰ μηροῦ ### book 16.474 ἀΐξας ἀπέκοψε παρήορον οὐδ’ ἐμάτησε· ### book 16.475 τὼ δ’ ἰθυνθήτην, ἐν δὲ ῥυτῆρσι τάνυσθεν· ### book 16.476 τὼ δ’ αὖτις συνίτην ἔριδος πέρι θυμοβόροιο. ### book 16.477 Ἔνθ’ αὖ Σαρπηδὼν μὲν ἀπήμβροτε δουρὶ φαεινῷ, ### book 16.478 Πατρόκλου δ’ ὑπὲρ ὦμον ἀριστερὸν ἤλυθ’ ἀκωκὴ ### book 16.479 ἔγχεος, οὐδ’ ἔβαλ’ αὐτόν· ὃ δ’ ὕστερος ὄρνυτο χαλκῷ ### book 16.480 Πάτροκλος· τοῦ δ’ οὐχ ἅλιον βέλος ἔκφυγε χειρός, ### book 16.481 ἀλλ’ ἔβαλ’ ἔνθ’ ἄρα τε φρένες ἔρχαται ἀμφ’ ἁδινὸν κῆρ. ### book 16.482 ἤριπε δ’ ὡς ὅτε τις δρῦς ἤριπεν ἢ ἀχερωῒς ### book 16.483 ἠὲ πίτυς βλωθρή, τήν τ’ οὔρεσι τέκτονες ἄνδρες ### book 16.484 ἐξέταμον πελέκεσσι νεήκεσι νήϊον εἶναι· ### book 16.485 ὣς ὃ πρόσθ’ ἵππων καὶ δίφρου κεῖτο τανυσθεὶς ### book 16.486 βεβρυχὼς κόνιος δεδραγμένος αἱματοέσσης. ### book 16.487 ἠΰτε ταῦρον ἔπεφνε λέων ἀγέληφι μετελθὼν ### book 16.488 αἴθωνα μεγάθυμον ἐν εἰλιπόδεσσι βόεσσι, ### book 16.489 ὤλετό τε στενάχων ὑπὸ γαμφηλῇσι λέοντος, ### book 16.490 ὣς ὑπὸ Πατρόκλῳ Λυκίων ἀγὸς ἀσπιστάων ### book 16.491 κτεινόμενος μενέαινε, φίλον δ’ ὀνόμηνεν ἑταῖρον· ### book 16.492 Γλαῦκε πέπον πολεμιστὰ μετ’ ἀνδράσι νῦν σε μάλα χρὴ ### book 16.493 αἰχμητήν τ’ ἔμεναι καὶ θαρσαλέον πολεμιστήν· ### book 16.494 νῦν τοι ἐελδέσθω πόλεμος κακός, εἰ θοός ἐσσι. ### book 16.495 πρῶτα μὲν ὄτρυνον Λυκίων ἡγήτορας ἄνδρας ### book 16.496 πάντῃ ἐποιχόμενος Σαρπηδόνος ἀμφιμάχεσθαι· ### book 16.497 αὐτὰρ ἔπειτα καὶ αὐτὸς ἐμεῦ πέρι μάρναο χαλκῷ. ### book 16.498 σοὶ γὰρ ἐγὼ καὶ ἔπειτα κατηφείη καὶ ὄνειδος ### book 16.499 ἔσσομαι ἤματα πάντα διαμπερές, εἴ κέ μ’ Ἀχαιοὶ ### book 16.500 τεύχεα συλήσωσι νεῶν ἐν ἀγῶνι πεσόντα. ### book 16.501 ἀλλ’ ἔχεο κρατερῶς, ὄτρυνε δὲ λαὸν ἅπαντα. ### book 16.502 Ὣς ἄρα μιν εἰπόντα τέλος θανάτοιο κάλυψεν ### book 16.503 ὀφθαλμοὺς ῥῖνάς θ’· ὃ δὲ λὰξ ἐν στήθεσι βαίνων ### book 16.504 ἐκ χροὸς ἕλκε δόρυ, προτὶ δὲ φρένες αὐτῷ ἕποντο· ### book 16.505 τοῖο δ’ ἅμα ψυχήν τε καὶ ἔγχεος ἐξέρυς’ αἰχμήν. ### book 16.506 Μυρμιδόνες δ’ αὐτοῦ σχέθον ἵππους φυσιόωντας ### book 16.507 ἱεμένους φοβέεσθαι, ἐπεὶ λίπον ἅρματ’ ἀνάκτων. ### book 16.508 Γλαύκῳ δ’ αἰνὸν ἄχος γένετο φθογγῆς ἀΐοντι· ### book 16.509 ὠρίνθη δέ οἱ ἦτορ ὅ τ’ οὐ δύνατο προσαμῦναι. ### book 16.510 χειρὶ δ’ ἑλὼν ἐπίεζε βραχίονα· τεῖρε γὰρ αὐτὸν ### book 16.511 ἕλκος, ὃ δή μιν Τεῦκρος ἐπεσσύμενον βάλεν ἰῷ ### book 16.512 τείχεος ὑψηλοῖο, ἀρὴν ἑτάροισιν ἀμύνων. ### book 16.513 εὐχόμενος δ’ ἄρα εἶπεν ἑκηβόλῳ Ἀπόλλωνι· ### book 16.514 κλῦθι ἄναξ ὅς που Λυκίης ἐν πίονι δήμῳ ### book 16.515 εἲς ἢ ἐνὶ Τροίῃ· δύνασαι δὲ σὺ πάντος’ ἀκούειν ### book 16.516 ἀνέρι κηδομένῳ, ὡς νῦν ἐμὲ κῆδος ἱκάνει. ### book 16.517 ἕλκος μὲν γὰρ ἔχω τόδε καρτερόν, ἀμφὶ δέ μοι χεὶρ ### book 16.518 ὀξείῃς ὀδύνῃσιν ἐλήλαται, οὐδέ μοι αἷμα ### book 16.519 τερσῆναι δύναται, βαρύθει δέ μοι ὦμος ὑπ’ αὐτοῦ· ### book 16.520 ἔγχος δ’ οὐ δύναμαι σχεῖν ἔμπεδον, οὐδὲ μάχεσθαι ### book 16.521 ἐλθὼν δυσμενέεσσιν. ἀνὴρ δ’ ὤριστος ὄλωλε ### book 16.522 Σαρπηδὼν Διὸς υἱός· ὃ δ’ οὐ οὗ παιδὸς ἀμύνει. ### book 16.523 ἀλλὰ σύ πέρ μοι ἄναξ τόδε καρτερὸν ἕλκος ἄκεσσαι, ### book 16.524 κοίμησον δ’ ὀδύνας, δὸς δὲ κράτος, ὄφρ’ ἑτάροισι ### book 16.525 κεκλόμενος Λυκίοισιν ἐποτρύνω πολεμίζειν, ### book 16.526 αὐτός τ’ ἀμφὶ νέκυι κατατεθνηῶτι μάχωμαι. ### book 16.527 Ὣς ἔφατ’ εὐχόμενος, τοῦ δ’ ἔκλυε Φοῖβος Ἀπόλλων. ### book 16.528 αὐτίκα παῦς’ ὀδύνας ἀπὸ δ’ ἕλκεος ἀργαλέοιο ### book 16.529 αἷμα μέλαν τέρσηνε, μένος δέ οἱ ἔμβαλε θυμῷ. ### book 16.530 Γλαῦκος δ’ ἔγνω ᾗσιν ἐνὶ φρεσὶ γήθησέν τε ### book 16.531 ὅττί οἱ ὦκ’ ἤκουσε μέγας θεὸς εὐξαμένοιο. ### book 16.532 πρῶτα μὲν ὄτρυνεν Λυκίων ἡγήτορας ἄνδρας ### book 16.533 πάντῃ ἐποιχόμενος Σαρπηδόνος ἀμφιμάχεσθαι· ### book 16.534 αὐτὰρ ἔπειτα μετὰ Τρῶας κίε μακρὰ βιβάσθων ### book 16.535 Πουλυδάμαντ’ ἔπι Πανθοΐδην καὶ Ἀγήνορα δῖον, ### book 16.536 βῆ δὲ μετ’ Αἰνείαν τε καὶ Ἕκτορα χαλκοκορυστήν, ### book 16.537 ἀγχοῦ δ’ ἱστάμενος ἔπεα πτερόεντα προσηύδα· ### book 16.538 Ἕκτορ νῦν δὴ πάγχυ λελασμένος εἰς ἐπικούρων, ### book 16.539 οἳ σέθεν εἵνεκα τῆλε φίλων καὶ πατρίδος αἴης ### book 16.540 θυμὸν ἀποφθινύθουσι· σὺ δ’ οὐκ ἐθέλεις ἐπαμύνειν. ### book 16.541 κεῖται Σαρπηδὼν Λυκίων ἀγὸς ἀσπιστάων, ### book 16.542 ὃς Λυκίην εἴρυτο δίκῃσί τε καὶ σθένεϊ ᾧ· ### book 16.543 τὸν δ’ ὑπὸ Πατρόκλῳ δάμας’ ἔγχεϊ χάλκεος Ἄρης. ### book 16.544 ἀλλὰ φίλοι πάρστητε, νεμεσσήθητε δὲ θυμῷ, ### book 16.545 μὴ ἀπὸ τεύχε’ ἕλωνται, ἀεικίσσωσι δὲ νεκρὸν ### book 16.546 Μυρμιδόνες, Δαναῶν κεχολωμένοι ὅσσοι ὄλοντο, ### book 16.547 τοὺς ἐπὶ νηυσὶ θοῇσιν ἐπέφνομεν ἐγχείῃσιν. ### book 16.548 Ὣς ἔφατο, Τρῶας δὲ κατὰ κρῆθεν λάβε πένθος ### book 16.549 ἄσχετον, οὐκ ἐπιεικτόν, ἐπεί σφισιν ἕρμα πόληος ### book 16.550 ἔσκε καὶ ἀλλοδαπός περ ἐών· πολέες γὰρ ἅμ’ αὐτῷ ### book 16.551 λαοὶ ἕποντ’, ἐν δ’ αὐτὸς ἀριστεύεσκε μάχεσθαι· ### book 16.552 βὰν δ’ ἰθὺς Δαναῶν λελιημένοι· ἦρχε δ’ ἄρά σφιν ### book 16.553 Ἕκτωρ χωόμενος Σαρπηδόνος. αὐτὰρ Ἀχαιοὺς ### book 16.554 ὦρσε Μενοιτιάδεω Πατροκλῆος λάσιον κῆρ· ### book 16.555 Αἴαντε πρώτω προσέφη μεμαῶτε καὶ αὐτώ· ### book 16.556 Αἴαντε νῦν σφῶϊν ἀμύνεσθαι φίλον ἔστω, ### book 16.557 οἷοί περ πάρος ἦτε μετ’ ἀνδράσιν ἢ καὶ ἀρείους. ### book 16.558 κεῖται ἀνὴρ ὃς πρῶτος ἐσήλατο τεῖχος Ἀχαιῶν ### book 16.559 Σαρπηδών· ἀλλ’ εἴ μιν ἀεικισσαίμεθ’ ἑλόντες, ### book 16.560 τεύχεά τ’ ὤμοιιν ἀφελοίμεθα, καί τιν’ ἑταίρων ### book 16.561 αὐτοῦ ἀμυνομένων δαμασαίμεθα νηλέϊ χαλκῷ. ### book 16.562 Ὣς ἔφαθ’, οἳ δὲ καὶ αὐτοὶ ἀλέξασθαι μενέαινον. ### book 16.563 οἳ δ’ ἐπεὶ ἀμφοτέρωθεν ἐκαρτύναντο φάλαγγας ### book 16.564 Τρῶες καὶ Λύκιοι καὶ Μυρμιδόνες καὶ Ἀχαιοί, ### book 16.565 σύμβαλον ἀμφὶ νέκυι κατατεθνηῶτι μάχεσθαι ### book 16.566 δεινὸν ἀΰσαντες· μέγα δ’ ἔβραχε τεύχεα φωτῶν. ### book 16.567 Ζεὺς δ’ ἐπὶ νύκτ’ ὀλοὴν τάνυσε κρατερῇ ὑσμίνῃ, ### book 16.568 ὄφρα φίλῳ περὶ παιδὶ μάχης ὀλοὸς πόνος εἴη. ### book 16.569 Ὦσαν δὲ πρότεροι Τρῶες ἑλίκωπας Ἀχαιούς· ### book 16.570 βλῆτο γὰρ οὔ τι κάκιστος ἀνὴρ μετὰ Μυρμιδόνεσσιν ### book 16.571 υἱὸς Ἀγακλῆος μεγαθύμου δῖος Ἐπειγεύς, ### book 16.572 ὅς ῥ’ ἐν Βουδείῳ εὖ ναιομένῳ ἤνασσε ### book 16.573 τὸ πρίν· ἀτὰρ τότε γ’ ἐσθλὸν ἀνεψιὸν ἐξεναρίξας ### book 16.574 ἐς Πηλῆ’ ἱκέτευσε καὶ ἐς Θέτιν ἀργυρόπεζαν· ### book 16.575 οἳ δ’ ἅμ’ Ἀχιλλῆϊ ῥηξήνορι πέμπον ἕπεσθαι ### book 16.576 Ἴλιον εἰς εὔπωλον, ἵνα Τρώεσσι μάχοιτο. ### book 16.577 τόν ῥα τόθ’ ἁπτόμενον νέκυος βάλε φαίδιμος Ἕκτωρ ### book 16.578 χερμαδίῳ κεφαλήν· ἣ δ’ ἄνδιχα πᾶσα κεάσθη ### book 16.579 ἐν κόρυθι βριαρῇ· ὃ δ’ ἄρα πρηνὴς ἐπὶ νεκρῷ ### book 16.580 κάππεσεν, ἀμφὶ δέ μιν θάνατος χύτο θυμοραϊστής. ### book 16.581 Πατρόκλῳ δ’ ἄρ’ ἄχος γένετο φθιμένου ἑτάροιο, ### book 16.582 ἴθυσεν δὲ διὰ προμάχων ἴρηκι ἐοικὼς ### book 16.583 ὠκέϊ, ὅς τ’ ἐφόβησε κολοιούς τε ψῆράς τε· ### book 16.584 ὣς ἰθὺς Λυκίων Πατρόκλεες ἱπποκέλευθε ### book 16.585 ἔσσυο καὶ Τρώων, κεχόλωσο δὲ κῆρ ἑτάροιο. ### book 16.586 καί ῥ’ ἔβαλε Σθενέλαον Ἰθαιμένεος φίλον υἱὸν ### book 16.587 αὐχένα χερμαδίῳ, ῥῆξεν δ’ ἀπὸ τοῖο τένοντας. ### book 16.588 χώρησαν δ’ ὑπό τε πρόμαχοι καὶ φαίδιμος Ἕκτωρ. ### book 16.589 ὅσση δ’ αἰγανέης ῥιπὴ ταναοῖο τέτυκται, ### book 16.590 ἥν ῥά τ’ ἀνὴρ ἀφέῃ πειρώμενος ἢ ἐν ἀέθλῳ ### book 16.591 ἠὲ καὶ ἐν πολέμῳ δηΐων ὕπο θυμοραϊστέων, ### book 16.592 τόσσον ἐχώρησαν Τρῶες, ὤσαντο δ’ Ἀχαιοί. ### book 16.593 Γλαῦκος δὲ πρῶτος Λυκίων ἀγὸς ἀσπιστάων ### book 16.594 ἐτράπετ’, ἔκτεινεν δὲ Βαθυκλῆα μεγάθυμον ### book 16.595 Χάλκωνος φίλον υἱόν, ὃς Ἑλλάδι οἰκία ναίων ### book 16.596 ὄλβῳ τε πλούτῳ τε μετέπρεπε Μυρμιδόνεσσι. ### book 16.597 τὸν μὲν ἄρα Γλαῦκος στῆθος μέσον οὔτασε δουρὶ ### book 16.598 στρεφθεὶς ἐξαπίνης, ὅτε μιν κατέμαρπτε διώκων· ### book 16.599 δούπησεν δὲ πεσών· πυκινὸν δ’ ἄχος ἔλλαβ’ Ἀχαιούς, ### book 16.600 ὡς ἔπες’ ἐσθλὸς ἀνήρ· μέγα δὲ Τρῶες κεχάροντο, ### book 16.601 στὰν δ’ ἀμφ’ αὐτὸν ἰόντες ἀολλέες· οὐδ’ ἄρ’ Ἀχαιοὶ ### book 16.602 ἀλκῆς ἐξελάθοντο, μένος δ’ ἰθὺς φέρον αὐτῶν. ### book 16.603 ἔνθ’ αὖ Μηριόνης Τρώων ἕλεν ἄνδρα κορυστὴν ### book 16.604 Λαόγονον θρασὺν υἱὸν Ὀνήτορος, ὃς Διὸς ἱρεὺς ### book 16.605 Ἰδαίου ἐτέτυκτο, θεὸς δ’ ὣς τίετο δήμῳ. ### book 16.606 τὸν βάλ’ ὑπὸ γναθμοῖο καὶ οὔατος· ὦκα δὲ θυμὸς ### book 16.607 ᾤχετ’ ἀπὸ μελέων, στυγερὸς δ’ ἄρα μιν σκότος εἷλεν. ### book 16.608 Αἰνείας δ’ ἐπὶ Μηριόνῃ δόρυ χάλκεον ἧκεν· ### book 16.609 ἔλπετο γὰρ τεύξεσθαι ὑπασπίδια προβιβῶντος. ### book 16.610 ἀλλ’ ὃ μὲν ἄντα ἰδὼν ἠλεύατο χάλκεον ἔγχος· ### book 16.611 πρόσσω γὰρ κατέκυψε, τὸ δ’ ἐξόπιθεν δόρυ μακρὸν ### book 16.612 οὔδει ἐνισκίμφθη, ἐπὶ δ’ οὐρίαχος πελεμίχθη ### book 16.613 ἔγχεος· ἔνθα δ’ ἔπειτ’ ἀφίει μένος ὄβριμος Ἄρης. ### book 16.614 αἰχμὴ δ’ Αἰνείαο κραδαινομένη κατὰ γαίης ### book 16.615 ᾤχετ’, ἐπεί ῥ’ ἅλιον στιβαρῆς ἀπὸ χειρὸς ὄρουσεν. ### book 16.616 Αἰνείας δ’ ἄρα θυμὸν ἐχώσατο φώνησέν τε· ### book 16.617 Μηριόνη τάχα κέν σε καὶ ὀρχηστήν περ ἐόντα ### book 16.618 ἔγχος ἐμὸν κατέπαυσε διαμπερές, εἴ ς’ ἔβαλόν περ. ### book 16.619 Τὸν δ’ αὖ Μηριόνης δουρικλυτὸς ἀντίον ηὔδα· ### book 16.620 Αἰνεία χαλεπόν σε καὶ ἴφθιμόν περ ἐόντα ### book 16.621 πάντων ἀνθρώπων σβέσσαι μένος, ὅς κέ σευ ἄντα ### book 16.622 ἔλθῃ ἀμυνόμενος· θνητὸς δέ νυ καὶ σὺ τέτυξαι. ### book 16.623 εἰ καὶ ἐγώ σε βάλοιμι τυχὼν μέσον ὀξέϊ χαλκῷ, ### book 16.624 αἶψά κε καὶ κρατερός περ ἐὼν καὶ χερσὶ πεποιθὼς ### book 16.625 εὖχος ἐμοὶ δοίης, ψυχὴν δ’ Ἄϊδι κλυτοπώλῳ. ### book 16.626 Ὣς φάτο, τὸν δ’ ἐνένιπε Μενοιτίου ἄλκιμος υἱός· ### book 16.627 Μηριόνη τί σὺ ταῦτα καὶ ἐσθλὸς ἐὼν ἀγορεύεις; ### book 16.628 ὦ πέπον οὔ τοι Τρῶες ὀνειδείοις ἐπέεσσι ### book 16.629 νεκροῦ χωρήσουσι· πάρος τινὰ γαῖα καθέξει. ### book 16.630 ἐν γὰρ χερσὶ τέλος πολέμου, ἐπέων δ’ ἐνὶ βουλῇ· ### book 16.631 τὼ οὔ τι χρὴ μῦθον ὀφέλλειν, ἀλλὰ μάχεσθαι. ### book 16.632 Ὣς εἰπὼν ὃ μὲν ἦρχ’, ὃ δ’ ἅμ’ ἕσπετο ἰσόθεος φώς. ### book 16.633 τῶν δ’ ὥς τε δρυτόμων ἀνδρῶν ὀρυμαγδὸς ὀρώρει ### book 16.634 οὔρεος ἐν βήσσῃς, ἕκαθεν δέ τε γίγνετ’ ἀκουή, ### book 16.635 ὣς τῶν ὄρνυτο δοῦπος ἀπὸ χθονὸς εὐρυοδείης ### book 16.636 χαλκοῦ τε ῥινοῦ τε βοῶν τ’ εὐποιητάων, ### book 16.637 νυσσομένων ξίφεσίν τε καὶ ἔγχεσιν ἀμφιγύοισιν. ### book 16.638 οὐδ’ ἂν ἔτι φράδμων περ ἀνὴρ Σαρπηδόνα δῖον ### book 16.639 ἔγνω, ἐπεὶ βελέεσσι καὶ αἵματι καὶ κονίῃσιν ### book 16.640 ἐκ κεφαλῆς εἴλυτο διαμπερὲς ἐς πόδας ἄκρους. ### book 16.641 οἳ δ’ αἰεὶ περὶ νεκρὸν ὁμίλεον, ὡς ὅτε μυῖαι ### book 16.642 σταθμῷ ἔνι βρομέωσι περιγλαγέας κατὰ πέλλας ### book 16.643 ὥρῃ ἐν εἰαρινῇ, ὅτε τε γλάγος ἄγγεα δεύει· ### book 16.644 ὣς ἄρα τοὶ περὶ νεκρὸν ὁμίλεον, οὐδέ ποτε Ζεὺς ### book 16.645 τρέψεν ἀπὸ κρατερῆς ὑσμίνης ὄσσε φαεινώ, ### book 16.646 ἀλλὰ κατ’ αὐτοὺς αἰὲν ὅρα καὶ φράζετο θυμῷ, ### book 16.647 πολλὰ μάλ’ ἀμφὶ φόνῳ Πατρόκλου μερμηρίζων, ### book 16.648 ἢ ἤδη καὶ κεῖνον ἐνὶ κρατερῇ ὑσμίνῃ ### book 16.649 αὐτοῦ ἐπ’ ἀντιθέῳ Σαρπηδόνι φαίδιμος Ἕκτωρ ### book 16.650 χαλκῷ δῃώσῃ, ἀπό τ’ ὤμων τεύχε’ ἕληται, ### book 16.651 ἦ ἔτι καὶ πλεόνεσσιν ὀφέλλειεν πόνον αἰπύν. ### book 16.652 ὧδε δέ οἱ φρονέοντι δοάσσατο κέρδιον εἶναι ### book 16.653 ὄφρ’ ἠῢς θεράπων Πηληϊάδεω Ἀχιλῆος ### book 16.654 ἐξαῦτις Τρῶάς τε καὶ Ἕκτορα χαλκοκορυστὴν ### book 16.655 ὤσαιτο προτὶ ἄστυ, πολέων δ’ ἀπὸ θυμὸν ἕλοιτο. ### book 16.656 Ἕκτορι δὲ πρωτίστῳ ἀνάλκιδα θυμὸν ἐνῆκεν· ### book 16.657 ἐς δίφρον δ’ ἀναβὰς φύγαδ’ ἔτραπε, κέκλετο δ’ ἄλλους ### book 16.658 Τρῶας φευγέμεναι· γνῶ γὰρ Διὸς ἱρὰ τάλαντα. ### book 16.659 ἔνθ’ οὐδ’ ἴφθιμοι Λύκιοι μένον, ἀλλὰ φόβηθεν ### book 16.660 πάντες, ἐπεὶ βασιλῆα ἴδον βεβλαμμένον ἦτορ ### book 16.661 κείμενον ἐν νεκύων ἀγύρει· πολέες γὰρ ἐπ’ αὐτῷ ### book 16.662 κάππεσον, εὖτ’ ἔριδα κρατερὴν ἐτάνυσσε Κρονίων. ### book 16.663 οἳ δ’ ἄρ’ ἀπ’ ὤμοιιν Σαρπηδόνος ἔντε’ ἕλοντο ### book 16.664 χάλκεα μαρμαίροντα, τὰ μὲν κοίλας ἐπὶ νῆας ### book 16.665 δῶκε φέρειν ἑτάροισι Μενοιτίου ἄλκιμος υἱός. ### book 16.666 καὶ τότ’ Ἀπόλλωνα προσέφη νεφεληγερέτα Ζεύς· ### book 16.667 εἰ δ’ ἄγε νῦν φίλε Φοῖβε, κελαινεφὲς αἷμα κάθηρον ### book 16.668 ἐλθὼν ἐκ βελέων Σαρπηδόνα, καί μιν ἔπειτα ### book 16.669 πολλὸν ἀπὸ πρὸ φέρων λοῦσον ποταμοῖο ῥοῇσι ### book 16.670 χρῖσόν τ’ ἀμβροσίῃ, περὶ δ’ ἄμβροτα εἵματα ἕσσον· ### book 16.671 πέμπε δέ μιν πομποῖσιν ἅμα κραιπνοῖσι φέρεσθαι ### book 16.672 ὕπνῳ καὶ θανάτῳ διδυμάοσιν, οἵ ῥά μιν ὦκα ### book 16.673 θήσους’ ἐν Λυκίης εὐρείης πίονι δήμῳ, ### book 16.674 ἔνθά ἑ ταρχύσουσι κασίγνητοί τε ἔται τε ### book 16.675 τύμβῳ τε στήλῃ τε· τὸ γὰρ γέρας ἐστὶ θανόντων. ### book 16.676 Ὣς ἔφατ’, οὐδ’ ἄρα πατρὸς ἀνηκούστησεν Ἀπόλλων. ### book 16.677 βῆ δὲ κατ’ Ἰδαίων ὀρέων ἐς φύλοπιν αἰνήν, ### book 16.678 αὐτίκα δ’ ἐκ βελέων Σαρπηδόνα δῖον ἀείρας ### book 16.679 πολλὸν ἀπὸ πρὸ φέρων λοῦσεν ποταμοῖο ῥοῇσι ### book 16.680 χρῖσέν τ’ ἀμβροσίῃ, περὶ δ’ ἄμβροτα εἵματα ἕσσε· ### book 16.681 πέμπε δέ μιν πομποῖσιν ἅμα κραιπνοῖσι φέρεσθαι, ### book 16.682 ὕπνῳ καὶ θανάτῳ διδυμάοσιν, οἵ ῥά μιν ὦκα ### book 16.683 κάτθεσαν ἐν Λυκίης εὐρείης πίονι δήμῳ. ### book 16.684 Πάτροκλος δ’ ἵπποισι καὶ Αὐτομέδοντι κελεύσας ### book 16.685 Τρῶας καὶ Λυκίους μετεκίαθε, καὶ μέγ’ ἀάσθη ### book 16.686 νήπιος· εἰ δὲ ἔπος Πηληϊάδαο φύλαξεν ### book 16.687 ἦ τ’ ἂν ὑπέκφυγε κῆρα κακὴν μέλανος θανάτοιο. ### book 16.688 ἀλλ’ αἰεί τε Διὸς κρείσσων νόος ἠέ περ ἀνδρῶν· ### book 16.689 ὅς τε καὶ ἄλκιμον ἄνδρα φοβεῖ καὶ ἀφείλετο νίκην ### book 16.690 ῥηϊδίως, ὅτε δ’ αὐτὸς ἐποτρύνῃσι μάχεσθαι· ### book 16.691 ὅς οἱ καὶ τότε θυμὸν ἐνὶ στήθεσσιν ἀνῆκεν. ### book 16.692 Ἔνθα τίνα πρῶτον τίνα δ’ ὕστατον ἐξενάριξας ### book 16.693 Πατρόκλεις, ὅτε δή σε θεοὶ θάνατον δὲ κάλεσσαν; ### book 16.694 Ἄδρηστον μὲν πρῶτα καὶ Αὐτόνοον καὶ Ἔχεκλον ### book 16.695 καὶ Πέριμον Μεγάδην καὶ Ἐπίστορα καὶ Μελάνιππον, ### book 16.696 αὐτὰρ ἔπειτ’ Ἔλασον καὶ Μούλιον ἠδὲ Πυλάρτην· ### book 16.697 τοὺς ἕλεν· οἳ δ’ ἄλλοι φύγαδε μνώοντο ἕκαστος. ### book 16.698 Ἔνθά κεν ὑψίπυλον Τροίην ἕλον υἷες Ἀχαιῶν ### book 16.699 Πατρόκλου ὑπὸ χερσί, περὶ πρὸ γὰρ ἔγχεϊ θῦεν, ### book 16.700 εἰ μὴ Ἀπόλλων Φοῖβος ἐϋδμήτου ἐπὶ πύργου ### book 16.701 ἔστη τῷ ὀλοὰ φρονέων, Τρώεσσι δ’ ἀρήγων. ### book 16.702 τρὶς μὲν ἐπ’ ἀγκῶνος βῆ τείχεος ὑψηλοῖο ### book 16.703 Πάτροκλος, τρὶς δ’ αὐτὸν ἀπεστυφέλιξεν Ἀπόλλων ### book 16.704 χείρεσς’ ἀθανάτῃσι φαεινὴν ἀσπίδα νύσσων. ### book 16.705 ἀλλ’ ὅτε δὴ τὸ τέταρτον ἐπέσσυτο δαίμονι ἶσος, ### book 16.706 δεινὰ δ’ ὁμοκλήσας ἔπεα πτερόεντα προσηύδα· ### book 16.707 χάζεο διογενὲς Πατρόκλεες· οὔ νύ τοι αἶσα ### book 16.708 σῷ ὑπὸ δουρὶ πόλιν πέρθαι Τρώων ἀγερώχων, ### book 16.709 οὐδ’ ὑπ’ Ἀχιλλῆος, ὅς περ σέο πολλὸν ἀμείνων. ### book 16.710 Ὣς φάτο, Πάτροκλος δ’ ἀνεχάζετο πολλὸν ὀπίσσω ### book 16.711 μῆνιν ἀλευάμενος ἑκατηβόλου Ἀπόλλωνος. ### book 16.712 Ἕκτωρ δ’ ἐν Σκαιῇσι πύλῃς ἔχε μώνυχας ἵππους· ### book 16.713 δίζε γὰρ ἠὲ μάχοιτο κατὰ κλόνον αὖτις ἐλάσσας, ### book 16.714 ἦ λαοὺς ἐς τεῖχος ὁμοκλήσειεν ἀλῆναι. ### book 16.715 ταῦτ’ ἄρα οἱ φρονέοντι παρίστατο Φοῖβος Ἀπόλλων ### book 16.716 ἀνέρι εἰσάμενος αἰζηῷ τε κρατερῷ τε ### book 16.717 Ἀσίῳ, ὃς μήτρως ἦν Ἕκτορος ἱπποδάμοιο ### book 16.718 αὐτοκασίγνητος Ἑκάβης, υἱὸς δὲ Δύμαντος, ### book 16.719 ὃς Φρυγίῃ ναίεσκε ῥοῇς ἔπι Σαγγαρίοιο· ### book 16.720 τῷ μιν ἐεισάμενος προσέφη Διὸς υἱὸς Ἀπόλλων· ### book 16.721 Ἕκτορ τίπτε μάχης ἀποπαύεαι; οὐδέ τί σε χρή. ### book 16.722 αἴθ’ ὅσον ἥσσων εἰμί, τόσον σέο φέρτερος εἴην· ### book 16.723 τώ κε τάχα στυγερῶς πολέμου ἀπερωήσειας. ### book 16.724 ἀλλ’ ἄγε Πατρόκλῳ ἔφεπε κρατερώνυχας ἵππους, ### book 16.725 αἴ κέν πώς μιν ἕλῃς, δώῃ δέ τοι εὖχος Ἀπόλλων. ### book 16.726 Ὣς εἰπὼν ὃ μὲν αὖτις ἔβη θεὸς ἂμ πόνον ἀνδρῶν, ### book 16.727 Κεβριόνῃ δ’ ἐκέλευσε δαΐφρονι φαίδιμος Ἕκτωρ ### book 16.728 ἵππους ἐς πόλεμον πεπληγέμεν. αὐτὰρ Ἀπόλλων ### book 16.729 δύσεθ’ ὅμιλον ἰών, ἐν δὲ κλόνον Ἀργείοισιν ### book 16.730 ἧκε κακόν, Τρωσὶν δὲ καὶ Ἕκτορι κῦδος ὄπαζεν. ### book 16.731 Ἕκτωρ δ’ ἄλλους μὲν Δαναοὺς ἔα οὐδ’ ἐνάριζεν· ### book 16.732 αὐτὰρ ὃ Πατρόκλῳ ἔφεπε κρατερώνυχας ἵππους. ### book 16.733 Πάτροκλος δ’ ἑτέρωθεν ἀφ’ ἵππων ἆλτο χαμᾶζε ### book 16.734 σκαιῇ ἔγχος ἔχων· ἑτέρηφι δὲ λάζετο πέτρον ### book 16.735 μάρμαρον ὀκριόεντα τόν οἱ περὶ χεὶρ ἐκάλυψεν, ### book 16.736 ἧκε δ’ ἐρεισάμενος, οὐδὲ δὴν χάζετο φωτός, ### book 16.737 οὐδ’ ἁλίωσε βέλος, βάλε δ’ Ἕκτορος ἡνιοχῆα ### book 16.738 Κεβριόνην νόθον υἱὸν ἀγακλῆος Πριάμοιο ### book 16.739 ἵππων ἡνί’ ἔχοντα μετώπιον ὀξέϊ λᾶϊ. ### book 16.740 ἀμφοτέρας δ’ ὀφρῦς σύνελεν λίθος, οὐδέ οἱ ἔσχεν ### book 16.741 ὀστέον, ὀφθαλμοὶ δὲ χαμαὶ πέσον ἐν κονίῃσιν ### book 16.742 αὐτοῦ πρόσθε ποδῶν· ὃ δ’ ἄρ’ ἀρνευτῆρι ἐοικὼς ### book 16.743 κάππες’ ἀπ’ εὐεργέος δίφρου, λίπε δ’ ὀστέα θυμός. ### book 16.744 τὸν δ’ ἐπικερτομέων προσέφης Πατρόκλεες ἱππεῦ· ### book 16.745 ὢ πόποι ἦ μάλ’ ἐλαφρὸς ἀνήρ, ὡς ῥεῖα κυβιστᾷ. ### book 16.746 εἰ δή που καὶ πόντῳ ἐν ἰχθυόεντι γένοιτο, ### book 16.747 πολλοὺς ἂν κορέσειεν ἀνὴρ ὅδε τήθεα διφῶν ### book 16.748 νηὸς ἀποθρῴσκων, εἰ καὶ δυσπέμφελος εἴη, ### book 16.749 ὡς νῦν ἐν πεδίῳ ἐξ ἵππων ῥεῖα κυβιστᾷ. ### book 16.750 ἦ ῥα καὶ ἐν Τρώεσσι κυβιστητῆρες ἔασιν. ### book 16.751 Ὣς εἰπὼν ἐπὶ Κεβριόνῃ ἥρωϊ βεβήκει ### book 16.752 οἶμα λέοντος ἔχων, ὅς τε σταθμοὺς κεραΐζων ### book 16.753 ἔβλητο πρὸς στῆθος, ἑή τέ μιν ὤλεσεν ἀλκή· ### book 16.754 ὣς ἐπὶ Κεβριόνῃ Πατρόκλεες ἆλσο μεμαώς. ### book 16.755 Ἕκτωρ δ’ αὖθ’ ἑτέρωθεν ἀφ’ ἵππων ἆλτο χαμᾶζε. ### book 16.756 τὼ περὶ Κεβριόναο λέονθ’ ὣς δηρινθήτην, ### book 16.757 ὥ τ’ ὄρεος κορυφῇσι περὶ κταμένης ἐλάφοιο ### book 16.758 ἄμφω πεινάοντε μέγα φρονέοντε μάχεσθον· ### book 16.759 ὣς περὶ Κεβριόναο δύω μήστωρες ἀϋτῆς ### book 16.760 Πάτροκλός τε Μενοιτιάδης καὶ φαίδιμος Ἕκτωρ ### book 16.761 ἵεντ’ ἀλλήλων ταμέειν χρόα νηλέϊ χαλκῷ. ### book 16.762 Ἕκτωρ μὲν κεφαλῆφιν ἐπεὶ λάβεν οὐχὶ μεθίει· ### book 16.763 Πάτροκλος δ’ ἑτέρωθεν ἔχεν ποδός· οἳ δὲ δὴ ἄλλοι ### book 16.764 Τρῶες καὶ Δαναοὶ σύναγον κρατερὴν ὑσμίνην. ### book 16.765 Ὡς δ’ Εὖρός τε Νότος τ’ ἐριδαίνετον ἀλλήλοιιν ### book 16.766 οὔρεος ἐν βήσσῃς βαθέην πελεμιζέμεν ὕλην ### book 16.767 φηγόν τε μελίην τε τανύφλοιόν τε κράνειαν, ### book 16.768 αἵ τε πρὸς ἀλλήλας ἔβαλον τανυήκεας ὄζους ### book 16.769 ἠχῇ θεσπεσίῃ, πάταγος δέ τε ἀγνυμενάων, ### book 16.770 ὣς Τρῶες καὶ Ἀχαιοὶ ἐπ’ ἀλλήλοισι θορόντες ### book 16.771 δῄουν, οὐδ’ ἕτεροι μνώοντ’ ὀλοοῖο φόβοιο. ### book 16.772 πολλὰ δὲ Κεβριόνην ἀμφ’ ὀξέα δοῦρα πεπήγει ### book 16.773 ἰοί τε πτερόεντες ἀπὸ νευρῆφι θορόντες, ### book 16.774 πολλὰ δὲ χερμάδια μεγάλ’ ἀσπίδας ἐστυφέλιξαν ### book 16.775 μαρναμένων ἀμφ’ αὐτόν· ὃ δ’ ἐν στροφάλιγγι κονίης ### book 16.776 κεῖτο μέγας μεγαλωστί, λελασμένος ἱπποσυνάων. ### book 16.777 Ὄφρα μὲν Ἠέλιος μέσον οὐρανὸν ἀμφιβεβήκει, ### book 16.778 τόφρα μάλ’ ἀμφοτέρων βέλε’ ἥπτετο, πῖπτε δὲ λαός· ### book 16.779 ἦμος δ’ Ἠέλιος μετενίσετο βουλυτὸν δέ, ### book 16.780 καὶ τότε δή ῥ’ ὑπὲρ αἶσαν Ἀχαιοὶ φέρτεροι ἦσαν. ### book 16.781 ἐκ μὲν Κεβριόνην βελέων ἥρωα ἔρυσσαν ### book 16.782 Τρώων ἐξ ἐνοπῆς, καὶ ἀπ’ ὤμων τεύχε’ ἕλοντο, ### book 16.783 Πάτροκλος δὲ Τρωσὶ κακὰ φρονέων ἐνόρουσε. ### book 16.784 τρὶς μὲν ἔπειτ’ ἐπόρουσε θοῷ ἀτάλαντος Ἄρηϊ ### book 16.785 σμερδαλέα ἰάχων, τρὶς δ’ ἐννέα φῶτας ἔπεφνεν. ### book 16.786 ἀλλ’ ὅτε δὴ τὸ τέταρτον ἐπέσσυτο δαίμονι ἶσος, ### book 16.787 ἔνθ’ ἄρα τοι Πάτροκλε φάνη βιότοιο τελευτή· ### book 16.788 ἤντετο γάρ τοι Φοῖβος ἐνὶ κρατερῇ ὑσμίνῃ ### book 16.789 δεινός· ὃ μὲν τὸν ἰόντα κατὰ κλόνον οὐκ ἐνόησεν, ### book 16.790 ἠέρι γὰρ πολλῇ κεκαλυμμένος ἀντεβόλησε· ### book 16.791 στῆ δ’ ὄπιθεν, πλῆξεν δὲ μετάφρενον εὐρέε τ’ ὤμω ### book 16.792 χειρὶ καταπρηνεῖ, στρεφεδίνηθεν δέ οἱ ὄσσε. ### book 16.793 τοῦ δ’ ἀπὸ μὲν κρατὸς κυνέην βάλε Φοῖβος Ἀπόλλων· ### book 16.794 ἣ δὲ κυλινδομένη καναχὴν ἔχε ποσσὶν ὑφ’ ἵππων ### book 16.795 αὐλῶπις τρυφάλεια, μιάνθησαν δὲ ἔθειραι ### book 16.796 αἵματι καὶ κονίῃσι· πάρος γε μὲν οὐ θέμις ἦεν ### book 16.797 ἱππόκομον πήληκα μιαίνεσθαι κονίῃσιν, ### book 16.798 ἀλλ’ ἀνδρὸς θείοιο κάρη χαρίεν τε μέτωπον ### book 16.799 ῥύετ’ Ἀχιλλῆος· τότε δὲ Ζεὺς Ἕκτορι δῶκεν ### book 16.800 ᾗ κεφαλῇ φορέειν, σχεδόθεν δέ οἱ ἦεν ὄλεθρος. ### book 16.801 πᾶν δέ οἱ ἐν χείρεσσιν ἄγη δολιχόσκιον ἔγχος ### book 16.802 βριθὺ μέγα στιβαρὸν κεκορυθμένον· αὐτὰρ ἀπ’ ὤμων ### book 16.803 ἀσπὶς σὺν τελαμῶνι χαμαὶ πέσε τερμιόεσσα. ### book 16.804 λῦσε δέ οἱ θώρηκα ἄναξ Διὸς υἱὸς Ἀπόλλων. ### book 16.805 τὸν δ’ ἄτη φρένας εἷλε, λύθεν δ’ ὑπὸ φαίδιμα γυῖα, ### book 16.806 στῆ δὲ ταφών· ὄπιθεν δὲ μετάφρενον ὀξέϊ δουρὶ ### book 16.807 ὤμων μεσσηγὺς σχεδόθεν βάλε Δάρδανος ἀνὴρ ### book 16.808 Πανθοΐδης Εὔφορβος, ὃς ἡλικίην ἐκέκαστο ### book 16.809 ἔγχεΐ θ’ ἱπποσύνῃ τε πόδεσσί τε καρπαλίμοισι· ### book 16.810 καὶ γὰρ δὴ τότε φῶτας ἐείκοσι βῆσεν ἀφ’ ἵππων ### book 16.811 πρῶτ’ ἐλθὼν σὺν ὄχεσφι διδασκόμενος πολέμοιο· ### book 16.812 ὅς τοι πρῶτος ἐφῆκε βέλος Πατρόκλεες ἱππεῦ ### book 16.813 οὐδὲ δάμασς’· ὃ μὲν αὖτις ἀνέδραμε, μίκτο δ’ ὁμίλῳ, ### book 16.814 ἐκ χροὸς ἁρπάξας δόρυ μείλινον, οὐδ’ ὑπέμεινε ### book 16.815 Πάτροκλον γυμνόν περ ἐόντ’ ἐν δηϊοτῆτι. ### book 16.816 Πάτροκλος δὲ θεοῦ πληγῇ καὶ δουρὶ δαμασθεὶς ### book 16.817 ἂψ ἑτάρων εἰς ἔθνος ἐχάζετο κῆρ’ ἀλεείνων. ### book 16.818 Ἕκτωρ δ’ ὡς εἶδεν Πατροκλῆα μεγάθυμον ### book 16.819 ἂψ ἀναχαζόμενον βεβλημένον ὀξέϊ χαλκῷ, ### book 16.820 ἀγχίμολόν ῥά οἱ ἦλθε κατὰ στίχας, οὖτα δὲ δουρὶ ### book 16.821 νείατον ἐς κενεῶνα, διὰ πρὸ δὲ χαλκὸν ἔλασσε· ### book 16.822 δούπησεν δὲ πεσών, μέγα δ’ ἤκαχε λαὸν Ἀχαιῶν· ### book 16.823 ὡς δ’ ὅτε σῦν ἀκάμαντα λέων ἐβιήσατο χάρμῃ, ### book 16.824 ὥ τ’ ὄρεος κορυφῇσι μέγα φρονέοντε μάχεσθον ### book 16.825 πίδακος ἀμφ’ ὀλίγης· ἐθέλουσι δὲ πιέμεν ἄμφω· ### book 16.826 πολλὰ δέ τ’ ἀσθμαίνοντα λέων ἐδάμασσε βίηφιν· ### book 16.827 ὣς πολέας πεφνόντα Μενοιτίου ἄλκιμον υἱὸν ### book 16.828 Ἕκτωρ Πριαμίδης σχεδὸν ἔγχεϊ θυμὸν ἀπηύρα, ### book 16.829 καί οἱ ἐπευχόμενος ἔπεα πτερόεντα προσηύδα· ### book 16.830 Πάτροκλ’ ἦ που ἔφησθα πόλιν κεραϊξέμεν ἁμήν, ### book 16.831 Τρωϊάδας δὲ γυναῖκας ἐλεύθερον ἦμαρ ἀπούρας ### book 16.832 ἄξειν ἐν νήεσσι φίλην ἐς πατρίδα γαῖαν ### book 16.833 νήπιε· τάων δὲ πρόσθ’ Ἕκτορος ὠκέες ἵπποι ### book 16.834 ποσσὶν ὀρωρέχαται πολεμίζειν· ἔγχεϊ δ’ αὐτὸς ### book 16.835 Τρωσὶ φιλοπτολέμοισι μεταπρέπω, ὅ σφιν ἀμύνω ### book 16.836 ἦμαρ ἀναγκαῖον· σὲ δέ τ’ ἐνθάδε γῦπες ἔδονται. ### book 16.837 ἆ δείλ’, οὐδέ τοι ἐσθλὸς ἐὼν χραίσμησεν Ἀχιλλεύς, ### book 16.838 ὅς πού τοι μάλα πολλὰ μένων ἐπετέλλετ’ ἰόντι· ### book 16.839 μή μοι πρὶν ἰέναι Πατρόκλεες ἱπποκέλευθε ### book 16.840 νῆας ἔπι γλαφυρὰς πρὶν Ἕκτορος ἀνδροφόνοιο ### book 16.841 αἱματόεντα χιτῶνα περὶ στήθεσσι δαΐξαι. ### book 16.842 ὥς πού σε προσέφη, σοὶ δὲ φρένας ἄφρονι πεῖθε. ### book 16.843 Τὸν δ’ ὀλιγοδρανέων προσέφης Πατρόκλεες ἱππεῦ· ### book 16.844 ἤδη νῦν Ἕκτορ μεγάλ’ εὔχεο· σοὶ γὰρ ἔδωκε ### book 16.845 νίκην Ζεὺς Κρονίδης καὶ Ἀπόλλων, οἵ με δάμασσαν ### book 16.846 ῥηιδίως· αὐτοὶ γὰρ ἀπ’ ὤμων τεύχε’ ἕλοντο. ### book 16.847 τοιοῦτοι δ’ εἴ πέρ μοι ἐείκοσιν ἀντεβόλησαν, ### book 16.848 πάντές κ’ αὐτόθ’ ὄλοντο ἐμῷ ὑπὸ δουρὶ δαμέντες. ### book 16.849 ἀλλά με μοῖρ’ ὀλοὴ καὶ Λητοῦς ἔκτανεν υἱός, ### book 16.850 ἀνδρῶν δ’ Εὔφορβος· σὺ δέ με τρίτος ἐξεναρίζεις. ### book 16.851 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσιν· ### book 16.852 οὔ θην οὐδ’ αὐτὸς δηρὸν βέῃ, ἀλλά τοι ἤδη ### book 16.853 ἄγχι παρέστηκεν θάνατος καὶ μοῖρα κραταιὴ ### book 16.854 χερσὶ δαμέντ’ Ἀχιλῆος ἀμύμονος Αἰακίδαο. ### book 16.855 Ὣς ἄρα μιν εἰπόντα τέλος θανάτοιο κάλυψε· ### book 16.856 ψυχὴ δ’ ἐκ ῥεθέων πταμένη Ἄϊδος δὲ βεβήκει ### book 16.857 ὃν πότμον γοόωσα λιποῦς’ ἀνδροτῆτα καὶ ἥβην. ### book 16.858 τὸν καὶ τεθνηῶτα προσηύδα φαίδιμος Ἕκτωρ· ### book 16.859 Πατρόκλεις τί νύ μοι μαντεύεαι αἰπὺν ὄλεθρον; ### book 16.860 τίς δ’ οἶδ’ εἴ κ’ Ἀχιλεὺς Θέτιδος πάϊς ἠϋκόμοιο ### book 16.861 φθήῃ ἐμῷ ὑπὸ δουρὶ τυπεὶς ἀπὸ θυμὸν ὀλέσσαι; ### book 16.862 Ὣς ἄρα φωνήσας δόρυ χάλκεον ἐξ ὠτειλῆς ### book 16.863 εἴρυσε λὰξ προσβάς, τὸν δ’ ὕπτιον ὦς’ ἀπὸ δουρός. ### book 16.864 αὐτίκα δὲ ξὺν δουρὶ μετ’ Αὐτομέδοντα βεβήκει ### book 16.865 ἀντίθεον θεράποντα ποδώκεος Αἰακίδαο· ### book 16.866 ἵετο γὰρ βαλέειν· τὸν δ’ ἔκφερον ὠκέες ἵπποι ### book 16.867 ἄμβροτοι, οὓς Πηλῆϊ θεοὶ δόσαν ἀγλαὰ δῶρα. ### book 17.1 Οὐδ’ ἔλαθ’ Ἀτρέος υἱὸν ἀρηΐφιλον Μενέλαον ### book 17.2 Πάτροκλος Τρώεσσι δαμεὶς ἐν δηϊοτῆτι. ### book 17.3 βῆ δὲ διὰ προμάχων κεκορυθμένος αἴθοπι χαλκῷ, ### book 17.4 ἀμφὶ δ’ ἄρ’ αὐτῷ βαῖν’ ὥς τις περὶ πόρτακι μήτηρ ### book 17.5 πρωτοτόκος κινυρὴ οὐ πρὶν εἰδυῖα τόκοιο· ### book 17.6 ὣς περὶ Πατρόκλῳ βαῖνε ξανθὸς Μενέλαος. ### book 17.7 πρόσθε δέ οἱ δόρυ τ’ ἔσχε καὶ ἀσπίδα πάντος’ ἐΐσην, ### book 17.8 τὸν κτάμεναι μεμαὼς ὅς τις τοῦ γ’ ἀντίος ἔλθοι. ### book 17.9 οὐδ’ ἄρα Πάνθου υἱὸς ἐϋμμελίης ἀμέλησε ### book 17.10 Πατρόκλοιο πεσόντος ἀμύμονος· ἄγχι δ’ ἄρ’ αὐτοῦ ### book 17.11 ἔστη, καὶ προσέειπεν ἀρηΐφιλον Μενέλαον· ### book 17.12 Ἀτρεΐδη Μενέλαε διοτρεφὲς ὄρχαμε λαῶν ### book 17.13 χάζεο, λεῖπε δὲ νεκρόν, ἔα δ’ ἔναρα βροτόεντα· ### book 17.14 οὐ γάρ τις πρότερος Τρώων κλειτῶν τ’ ἐπικούρων ### book 17.15 Πάτροκλον βάλε δουρὶ κατὰ κρατερὴν ὑσμίνην· ### book 17.16 τώ με ἔα κλέος ἐσθλὸν ἐνὶ Τρώεσσιν ἀρέσθαι, ### book 17.17 μή σε βάλω, ἀπὸ δὲ μελιηδέα θυμὸν ἕλωμαι. ### book 17.18 Τὸν δὲ μέγ’ ὀχθήσας προσέφη ξανθὸς Μενέλαος· ### book 17.19 Ζεῦ πάτερ οὐ μὲν καλὸν ὑπέρβιον εὐχετάασθαι. ### book 17.20 οὔτ’ οὖν παρδάλιος τόσσον μένος οὔτε λέοντος ### book 17.21 οὔτε συὸς κάπρου ὀλοόφρονος, οὗ τε μέγιστος ### book 17.22 θυμὸς ἐνὶ στήθεσσι περὶ σθένεϊ βλεμεαίνει, ### book 17.23 ὅσσον Πάνθου υἷες ἐϋμμελίαι φρονέουσιν. ### book 17.24 οὐδὲ μὲν οὐδὲ βίη Ὑπερήνορος ἱπποδάμοιο ### book 17.25 ἧς ἥβης ἀπόνηθ’, ὅτε μ’ ὤνατο καί μ’ ὑπέμεινε ### book 17.26 καί μ’ ἔφατ’ ἐν Δαναοῖσιν ἐλέγχιστον πολεμιστὴν ### book 17.27 ἔμμεναι· οὐδέ ἕ φημι πόδεσσί γε οἷσι κιόντα ### book 17.28 εὐφρῆναι ἄλοχόν τε φίλην κεδνούς τε τοκῆας. ### book 17.29 ὥς θην καὶ σὸν ἐγὼ λύσω μένος εἴ κέ μευ ἄντα ### book 17.30 στήῃς· ἀλλά ς’ ἔγωγ’ ἀναχωρήσαντα κελεύω ### book 17.31 ἐς πληθὺν ἰέναι, μηδ’ ἀντίος ἵστας’ ἐμεῖο ### book 17.32 πρίν τι κακὸν παθέειν· ῥεχθὲν δέ τε νήπιος ἔγνω. ### book 17.33 Ὣς φάτο, τὸν δ’ οὐ πεῖθεν· ἀμειβόμενος δὲ προσηύδα· ### book 17.34 νῦν μὲν δὴ Μενέλαε διοτρεφὲς ἦ μάλα τείσεις ### book 17.35 γνωτὸν ἐμὸν τὸν ἔπεφνες, ἐπευχόμενος δ’ ἀγορεύεις, ### book 17.36 χήρωσας δὲ γυναῖκα μυχῷ θαλάμοιο νέοιο, ### book 17.37 ἀρητὸν δὲ τοκεῦσι γόον καὶ πένθος ἔθηκας. ### book 17.38 ἦ κέ σφιν δειλοῖσι γόου κατάπαυμα γενοίμην ### book 17.39 εἴ κεν ἐγὼ κεφαλήν τε τεὴν καὶ τεύχε’ ἐνείκας ### book 17.40 Πάνθῳ ἐν χείρεσσι βάλω καὶ Φρόντιδι δίῃ. ### book 17.41 ἀλλ’ οὐ μὰν ἔτι δηρὸν ἀπείρητος πόνος ἔσται ### book 17.42 οὐδ’ ἔτ’ ἀδήριτος ἤτ’ ἀλκῆς ἤτε φόβοιο. ### book 17.43 Ὣς εἰπὼν οὔτησε κατ’ ἀσπίδα πάντος’ ἐΐσην· ### book 17.44 οὐδ’ ἔρρηξεν χαλκός, ἀνεγνάμφθη δέ οἱ αἰχμὴ ### book 17.45 ἀσπίδ’ ἐνὶ κρατερῇ· ὃ δὲ δεύτερος ὄρνυτο χαλκῷ ### book 17.46 Ἀτρεΐδης Μενέλαος ἐπευξάμενος Διὶ πατρί· ### book 17.47 ἂψ δ’ ἀναχαζομένοιο κατὰ στομάχοιο θέμεθλα ### book 17.48 νύξ’, ἐπὶ δ’ αὐτὸς ἔρεισε βαρείῃ χειρὶ πιθήσας· ### book 17.49 ἀντικρὺ δ’ ἁπαλοῖο δι’ αὐχένος ἤλυθ’ ἀκωκή, ### book 17.50 δούπησεν δὲ πεσών, ἀράβησε δὲ τεύχε’ ἐπ’ αὐτῷ. ### book 17.51 αἵματί οἱ δεύοντο κόμαι Χαρίτεσσιν ὁμοῖαι ### book 17.52 πλοχμοί θ’, οἳ χρυσῷ τε καὶ ἀργύρῳ ἐσφήκωντο. ### book 17.53 οἷον δὲ τρέφει ἔρνος ἀνὴρ ἐριθηλὲς ἐλαίης ### book 17.54 χώρῳ ἐν οἰοπόλῳ, ὅθ’ ἅλις ἀναβέβροχεν ὕδωρ, ### book 17.55 καλὸν τηλεθάον· τὸ δέ τε πνοιαὶ δονέουσι ### book 17.56 παντοίων ἀνέμων, καί τε βρύει ἄνθεϊ λευκῷ· ### book 17.57 ἐλθὼν δ’ ἐξαπίνης ἄνεμος σὺν λαίλαπι πολλῇ ### book 17.58 βόθρου τ’ ἐξέστρεψε καὶ ἐξετάνυσς’ ἐπὶ γαίῃ· ### book 17.59 τοῖον Πάνθου υἱὸν ἐϋμμελίην Εὔφορβον ### book 17.60 Ἀτρεΐδης Μενέλαος ἐπεὶ κτάνε τεύχε’ ἐσύλα. ### book 17.61 Ὡς δ’ ὅτε τίς τε λέων ὀρεσίτροφος ἀλκὶ πεποιθὼς ### book 17.62 βοσκομένης ἀγέλης βοῦν ἁρπάσῃ ἥ τις ἀρίστη· ### book 17.63 τῆς δ’ ἐξ αὐχέν’ ἔαξε λαβὼν κρατεροῖσιν ὀδοῦσι ### book 17.64 πρῶτον, ἔπειτα δέ θ’ αἷμα καὶ ἔγκατα πάντα λαφύσσει ### book 17.65 δῃῶν· ἀμφὶ δὲ τόν γε κύνες τ’ ἄνδρές τε νομῆες ### book 17.66 πολλὰ μάλ’ ἰύζουσιν ἀπόπροθεν οὐδ’ ἐθέλουσιν ### book 17.67 ἀντίον ἐλθέμεναι· μάλα γὰρ χλωρὸν δέος αἱρεῖ· ### book 17.68 ὣς τῶν οὔ τινι θυμὸς ἐνὶ στήθεσσιν ἐτόλμα ### book 17.69 ἀντίον ἐλθέμεναι Μενελάου κυδαλίμοιο. ### book 17.70 ἔνθά κε ῥεῖα φέροι κλυτὰ τεύχεα Πανθοΐδαο ### book 17.71 Ἀτρεΐδης, εἰ μή οἱ ἀγάσσατο Φοῖβος Ἀπόλλων, ### book 17.72 ὅς ῥά οἱ Ἕκτορ’ ἐπῶρσε θοῷ ἀτάλαντον Ἄρηϊ ### book 17.73 ἀνέρι εἰσάμενος Κικόνων ἡγήτορι Μέντῃ· ### book 17.74 καί μιν φωνήσας ἔπεα πτερόεντα προσηύδα· ### book 17.75 Ἕκτορ νῦν σὺ μὲν ὧδε θέεις ἀκίχητα διώκων ### book 17.76 ἵππους Αἰακίδαο δαΐφρονος· οἳ δ’ ἀλεγεινοὶ ### book 17.77 ἀνδράσι γε θνητοῖσι δαμήμεναι ἠδ’ ὀχέεσθαι ### book 17.78 ἄλλῳ γ’ ἢ Ἀχιλῆϊ, τὸν ἀθανάτη τέκε μήτηρ. ### book 17.79 τόφρα δέ τοι Μενέλαος ἀρήϊος Ἀτρέος υἱὸς ### book 17.80 Πατρόκλῳ περιβὰς Τρώων τὸν ἄριστον ἔπεφνε ### book 17.81 Πανθοΐδην Εὔφορβον, ἔπαυσε δὲ θούριδος ἀλκῆς. ### book 17.82 Ὣς εἰπὼν ὃ μὲν αὖτις ἔβη θεὸς ἂμ πόνον ἀνδρῶν, ### book 17.83 Ἕκτορα δ’ αἰνὸν ἄχος πύκασε φρένας ἀμφὶ μελαίνας· ### book 17.84 πάπτηνεν δ’ ἄρ’ ἔπειτα κατὰ στίχας, αὐτίκα δ’ ἔγνω ### book 17.85 τὸν μὲν ἀπαινύμενον κλυτὰ τεύχεα, τὸν δ’ ἐπὶ γαίῃ ### book 17.86 κείμενον· ἔρρει δ’ αἷμα κατ’ οὐταμένην ὠτειλήν. ### book 17.87 βῆ δὲ διὰ προμάχων κεκορυθμένος αἴθοπι χαλκῷ ### book 17.88 ὀξέα κεκλήγων φλογὶ εἴκελος Ἡφαίστοιο ### book 17.89 ἀσβέστῳ· οὐδ’ υἱὸν λάθεν Ἀτρέος ὀξὺ βοήσας· ### book 17.90 ὀχθήσας δ’ ἄρα εἶπε πρὸς ὃν μεγαλήτορα θυμόν· ### book 17.91 ὤ μοι ἐγὼν εἰ μέν κε λίπω κάτα τεύχεα καλὰ ### book 17.92 Πάτροκλόν θ’, ὃς κεῖται ἐμῆς ἕνεκ’ ἐνθάδε τιμῆς, ### book 17.93 μή τίς μοι Δαναῶν νεμεσήσεται ὅς κεν ἴδηται. ### book 17.94 εἰ δέ κεν Ἕκτορι μοῦνος ἐὼν καὶ Τρωσὶ μάχωμαι ### book 17.95 αἰδεσθείς, μή πώς με περιστήως’ ἕνα πολλοί· ### book 17.96 Τρῶας δ’ ἐνθάδε πάντας ἄγει κορυθαίολος Ἕκτωρ. ### book 17.97 ἀλλὰ τί ἤ μοι ταῦτα φίλος διελέξατο θυμός; ### book 17.98 ὁππότ’ ἀνὴρ ἐθέλῃ πρὸς δαίμονα φωτὶ μάχεσθαι ### book 17.99 ὅν κε θεὸς τιμᾷ, τάχα οἱ μέγα πῆμα κυλίσθη. ### book 17.100 τώ μ’ οὔ τις Δαναῶν νεμεσήσεται ὅς κεν ἴδηται ### book 17.101 Ἕκτορι χωρήσαντ’, ἐπεὶ ἐκ θεόφιν πολεμίζει. ### book 17.102 εἰ δέ που Αἴαντός γε βοὴν ἀγαθοῖο πυθοίμην, ### book 17.103 ἄμφω κ’ αὖτις ἰόντες ἐπιμνησαίμεθα χάρμης ### book 17.104 καὶ πρὸς δαίμονά περ, εἴ πως ἐρυσαίμεθα νεκρὸν ### book 17.105 Πηλεΐδῃ Ἀχιλῆϊ· κακῶν δέ κε φέρτατον εἴη. ### book 17.106 Εἷος ὁ ταῦθ’ ὅρμαινε κατὰ φρένα καὶ κατὰ θυμὸν ### book 17.107 τόφρα δ’ ἐπὶ Τρώων στίχες ἤλυθον· ἦρχε δ’ ἄρ’ Ἕκτωρ. ### book 17.108 αὐτὰρ ὅ γ’ ἐξοπίσω ἀνεχάζετο, λεῖπε δὲ νεκρὸν ### book 17.109 ἐντροπαλιζόμενος ὥς τε λὶς ἠϋγένειος, ### book 17.110 ὅν ῥα κύνες τε καὶ ἄνδρες ἀπὸ σταθμοῖο δίωνται ### book 17.111 ἔγχεσι καὶ φωνῇ· τοῦ δ’ ἐν φρεσὶν ἄλκιμον ἦτορ ### book 17.112 παχνοῦται, ἀέκων δέ τ’ ἔβη ἀπὸ μεσσαύλοιο· ### book 17.113 ὣς ἀπὸ Πατρόκλοιο κίε ξανθὸς Μενέλαος. ### book 17.114 στῆ δὲ μεταστρεφθεὶς ἐπεὶ ἵκετο ἔθνος ἑταίρων ### book 17.115 παπταίνων Αἴαντα μέγαν Τελαμώνιον υἱόν. ### book 17.116 τὸν δὲ μάλ’ αἶψ’ ἐνόησε μάχης ἐπ’ ἀριστερὰ πάσης ### book 17.117 θαρσύνονθ’ ἑτάρους καὶ ἐποτρύνοντα μάχεσθαι· ### book 17.118 θεσπέσιον γάρ σφιν φόβον ἔμβαλε Φοῖβος Ἀπόλλων· ### book 17.119 βῆ δὲ θέειν, εἶθαρ δὲ παριστάμενος ἔπος ηὔδα. ### book 17.120 Αἶαν δεῦρο πέπον, περὶ Πατρόκλοιο θανόντος ### book 17.121 σπεύσομεν, αἴ κε νέκυν περ Ἀχιλλῆϊ προφέρωμεν ### book 17.122 γυμνόν· ἀτὰρ τά γε τεύχε’ ἔχει κορυθαίολος Ἕκτωρ. ### book 17.123 Ὣς ἔφατ’, Αἴαντι δὲ δαΐφρονι θυμὸν ὄρινε· ### book 17.124 βῆ δὲ διὰ προμάχων, ἅμα δὲ ξανθὸς Μενέλαος. ### book 17.125 Ἕκτωρ μὲν Πάτροκλον ἐπεὶ κλυτὰ τεύχε’ ἀπηύρα, ### book 17.126 ἕλχ’ ἵν’ ἀπ’ ὤμοιιν κεφαλὴν τάμοι ὀξέϊ χαλκῷ, ### book 17.127 τὸν δὲ νέκυν Τρῳῇσιν ἐρυσσάμενος κυσὶ δοίη. ### book 17.128 Αἴας δ’ ἐγγύθεν ἦλθε φέρων σάκος ἠΰτε πύργον· ### book 17.129 Ἕκτωρ δ’ ἂψ ἐς ὅμιλον ἰὼν ἀνεχάζεθ’ ἑταίρων, ### book 17.130 ἐς δίφρον δ’ ἀνόρουσε· δίδου δ’ ὅ γε τεύχεα καλὰ ### book 17.131 Τρωσὶ φέρειν προτὶ ἄστυ, μέγα κλέος ἔμμεναι αὐτῷ. ### book 17.132 Αἴας δ’ ἀμφὶ Μενοιτιάδῃ σάκος εὐρὺ καλύψας ### book 17.133 ἑστήκει ὥς τίς τε λέων περὶ οἷσι τέκεσσιν, ### book 17.134 ᾧ ῥά τε νήπι’ ἄγοντι συναντήσωνται ἐν ὕλῃ ### book 17.135 ἄνδρες ἐπακτῆρες· ὃ δέ τε σθένεϊ βλεμεαίνει, ### book 17.136 πᾶν δέ τ’ ἐπισκύνιον κάτω ἕλκεται ὄσσε καλύπτων· ### book 17.137 ὣς Αἴας περὶ Πατρόκλῳ ἥρωϊ βεβήκει. ### book 17.138 Ἀτρεΐδης δ’ ἑτέρωθεν ἀρηΐφιλος Μενέλαος ### book 17.139 ἑστήκει, μέγα πένθος ἐνὶ στήθεσσιν ἀέξων. ### book 17.140 Γλαῦκος δ’ Ἱππολόχοιο πάϊς Λυκίων ἀγὸς ἀνδρῶν ### book 17.141 Ἕκτορ’ ὑπόδρα ἰδὼν χαλεπῷ ἠνίπαπε μύθῳ· ### book 17.142 Ἕκτορ εἶδος ἄριστε μάχης ἄρα πολλὸν ἐδεύεο. ### book 17.143 ἦ ς’ αὔτως κλέος ἐσθλὸν ἔχει φύξηλιν ἐόντα. ### book 17.144 φράζεο νῦν ὅππως κε πόλιν καὶ ἄστυ σαώσῃς ### book 17.145 οἶος σὺν λαοῖς τοὶ Ἰλίῳ ἐγγεγάασιν· ### book 17.146 οὐ γάρ τις Λυκίων γε μαχησόμενος Δαναοῖσιν ### book 17.147 εἶσι περὶ πτόλιος, ἐπεὶ οὐκ ἄρα τις χάρις ἦεν ### book 17.148 μάρνασθαι δηΐοισιν ἐπ’ ἀνδράσι νωλεμὲς αἰεί. ### book 17.149 πῶς κε σὺ χείρονα φῶτα σαώσειας μεθ’ ὅμιλον ### book 17.150 σχέτλι’, ἐπεὶ Σαρπηδόν’ ἅμα ξεῖνον καὶ ἑταῖρον ### book 17.151 κάλλιπες Ἀργείοισιν ἕλωρ καὶ κύρμα γενέσθαι, ### book 17.152 ὅς τοι πόλλ’ ὄφελος γένετο πτόλεΐ τε καὶ αὐτῷ ### book 17.153 ζωὸς ἐών· νῦν δ’ οὔ οἱ ἀλαλκέμεναι κύνας ἔτλης. ### book 17.154 τὼ νῦν εἴ τις ἐμοὶ Λυκίων ἐπιπείσεται ἀνδρῶν ### book 17.155 οἴκαδ’ ἴμεν, Τροίῃ δὲ πεφήσεται αἰπὺς ὄλεθρος. ### book 17.156 εἰ γὰρ νῦν Τρώεσσι μένος πολυθαρσὲς ἐνείη ### book 17.157 ἄτρομον, οἷόν τ’ ἄνδρας ἐσέρχεται οἳ περὶ πάτρης ### book 17.158 ἀνδράσι δυσμενέεσσι πόνον καὶ δῆριν ἔθεντο, ### book 17.159 αἶψά κε Πάτροκλον ἐρυσαίμεθα Ἴλιον εἴσω. ### book 17.160 εἰ δ’ οὗτος προτὶ ἄστυ μέγα Πριάμοιο ἄνακτος ### book 17.161 ἔλθοι τεθνηὼς καί μιν ἐρυσαίμεθα χάρμης, ### book 17.162 αἶψά κεν Ἀργεῖοι Σαρπηδόνος ἔντεα καλὰ ### book 17.163 λύσειαν, καί κ’ αὐτὸν ἀγοίμεθα Ἴλιον εἴσω· ### book 17.164 τοίου γὰρ θεράπων πέφατ’ ἀνέρος, ὃς μέγ’ ἄριστος ### book 17.165 Ἀργείων παρὰ νηυσὶ καὶ ἀγχέμαχοι θεράποντες. ### book 17.166 ἀλλὰ σύ γ’ Αἴαντος μεγαλήτορος οὐκ ἐτάλασσας ### book 17.167 στήμεναι ἄντα κατ’ ὄσσε ἰδὼν δηΐων ἐν ἀϋτῇ, ### book 17.168 οὐδ’ ἰθὺς μαχέσασθαι, ἐπεὶ σέο φέρτερός ἐστι. ### book 17.169 Τὸν δ’ ἄρ’ ὑπόδρα ἰδὼν προσέφη κορυθαίολος Ἕκτωρ· ### book 17.170 Γλαῦκε τί ἢ δὲ σὺ τοῖος ἐὼν ὑπέροπλον ἔειπες; ### book 17.171 ὢ πόποι ἦ τ’ ἐφάμην σὲ περὶ φρένας ἔμμεναι ἄλλων ### book 17.172 τῶν ὅσσοι Λυκίην ἐριβώλακα ναιετάουσι· ### book 17.173 νῦν δέ σευ ὠνοσάμην πάγχυ φρένας οἷον ἔειπες, ### book 17.174 ὅς τέ με φῂς Αἴαντα πελώριον οὐχ ὑπομεῖναι. ### book 17.175 οὔ τοι ἐγὼν ἔρριγα μάχην οὐδὲ κτύπον ἵππων· ### book 17.176 ἀλλ’ αἰεί τε Διὸς κρείσσων νόος αἰγιόχοιο, ### book 17.177 ὅς τε καὶ ἄλκιμον ἄνδρα φοβεῖ καὶ ἀφείλετο νίκην ### book 17.178 ῥηϊδίως, ὁτὲ δ’ αὐτὸς ἐποτρύνει μαχέσασθαι. ### book 17.179 ἀλλ’ ἄγε δεῦρο πέπον, παρ’ ἔμ’ ἵστασο καὶ ἴδε ἔργον, ### book 17.180 ἠὲ πανημέριος κακὸς ἔσσομαι, ὡς ἀγορεύεις, ### book 17.181 ἦ τινα καὶ Δαναῶν ἀλκῆς μάλα περ μεμαῶτα ### book 17.182 σχήσω ἀμυνέμεναι περὶ Πατρόκλοιο θανόντος. ### book 17.183 Ὣς εἰπὼν Τρώεσσιν ἐκέκλετο μακρὸν ἀΰσας· ### book 17.184 Τρῶες καὶ Λύκιοι καὶ Δάρδανοι ἀγχιμαχηταί, ### book 17.185 ἀνέρες ἔστε φίλοι, μνήσασθε δὲ θούριδος ἀλκῆς, ### book 17.186 ὄφρ’ ἂν ἐγὼν Ἀχιλῆος ἀμύμονος ἔντεα δύω ### book 17.187 καλά, τὰ Πατρόκλοιο βίην ἐνάριξα κατακτάς. ### book 17.188 Ὣς ἄρα φωνήσας ἀπέβη κορυθαίολος Ἕκτωρ ### book 17.189 δηΐου ἐκ πολέμοιο· θέων δ’ ἐκίχανεν ἑταίρους ### book 17.190 ὦκα μάλ’ οὔ πω τῆλε ποσὶ κραιπνοῖσι μετασπών, ### book 17.191 οἳ προτὶ ἄστυ φέρον κλυτὰ τεύχεα Πηλεΐωνος. ### book 17.192 στὰς δ’ ἀπάνευθε μάχης πολυδακρύου ἔντε’ ἄμειβεν· ### book 17.193 ἤτοι ὃ μὲν τὰ ἃ δῶκε φέρειν προτὶ Ἴλιον ἱρὴν ### book 17.194 Τρωσὶ φιλοπτολέμοισιν, ὃ δ’ ἄμβροτα τεύχεα δῦνε ### book 17.195 Πηλεΐδεω Ἀχιλῆος ἅ οἱ θεοὶ οὐρανίωνες ### book 17.196 πατρὶ φίλῳ ἔπορον· ὃ δ’ ἄρα ᾧ παιδὶ ὄπασσε ### book 17.197 γηράς· ἀλλ’ οὐχ υἱὸς ἐν ἔντεσι πατρὸς ἐγήρα. ### book 17.198 Τὸν δ’ ὡς οὖν ἀπάνευθεν ἴδεν νεφεληγερέτα Ζεὺς ### book 17.199 τεύχεσι Πηλεΐδαο κορυσσόμενον θείοιο, ### book 17.200 κινήσας ῥα κάρη προτὶ ὃν μυθήσατο θυμόν· ### book 17.201 ἆ δείλ’ οὐδέ τί τοι θάνατος καταθύμιός ἐστιν ### book 17.202 ὃς δή τοι σχεδὸν εἶσι· σὺ δ’ ἄμβροτα τεύχεα δύνεις ### book 17.203 ἀνδρὸς ἀριστῆος, τόν τε τρομέουσι καὶ ἄλλοι· ### book 17.204 τοῦ δὴ ἑταῖρον ἔπεφνες ἐνηέα τε κρατερόν τε, ### book 17.205 τεύχεα δ’ οὐ κατὰ κόσμον ἀπὸ κρατός τε καὶ ὤμων ### book 17.206 εἵλευ· ἀτάρ τοι νῦν γε μέγα κράτος ἐγγυαλίξω, ### book 17.207 τῶν ποινὴν ὅ τοι οὔ τι μάχης ἐκνοστήσαντι ### book 17.208 δέξεται Ἀνδρομάχη κλυτὰ τεύχεα Πηλεΐωνος. ### book 17.209 Ἦ καὶ κυανέῃσιν ἐπ’ ὀφρύσι νεῦσε Κρονίων. ### book 17.210 Ἕκτορι δ’ ἥρμοσε τεύχε’ ἐπὶ χροΐ, δῦ δέ μιν Ἄρης ### book 17.211 δεινὸς ἐνυάλιος, πλῆσθεν δ’ ἄρα οἱ μέλε’ ἐντὸς ### book 17.212 ἀλκῆς καὶ σθένεος· μετὰ δὲ κλειτοὺς ἐπικούρους ### book 17.213 βῆ ῥα μέγα ἰάχων· ἰνδάλλετο δέ σφισι πᾶσι ### book 17.214 τεύχεσι λαμπόμενος μεγαθύμου Πηλεΐωνος. ### book 17.215 ὄτρυνεν δὲ ἕκαστον ἐποιχόμενος ἐπέεσσι ### book 17.216 Μέσθλην τε Γλαῦκόν τε Μέδοντά τε Θερσίλοχόν τε ### book 17.217 Ἀστεροπαῖόν τε Δεισήνορά θ’ Ἱππόθοόν τε ### book 17.218 Φόρκυν τε Χρομίον τε καὶ Ἔννομον οἰωνιστήν· ### book 17.219 τοὺς ὅ γ’ ἐποτρύνων ἔπεα πτερόεντα προσηύδα· ### book 17.220 κέκλυτε μυρία φῦλα περικτιόνων ἐπικούρων· ### book 17.221 οὐ γὰρ ἐγὼ πληθὺν διζήμενος οὐδὲ χατίζων ### book 17.222 ἐνθάδ’ ἀφ’ ὑμετέρων πολίων ἤγειρα ἕκαστον, ### book 17.223 ἀλλ’ ἵνα μοι Τρώων ἀλόχους καὶ νήπια τέκνα ### book 17.224 προφρονέως ῥύοισθε φιλοπτολέμων ὑπ’ Ἀχαιῶν. ### book 17.225 τὰ φρονέων δώροισι κατατρύχω καὶ ἐδωδῇ ### book 17.226 λαούς, ὑμέτερον δὲ ἑκάστου θυμὸν ἀέξω. ### book 17.227 τώ τις νῦν ἰθὺς τετραμμένος ἢ ἀπολέσθω ### book 17.228 ἠὲ σαωθήτω· ἣ γὰρ πολέμου ὀαριστύς. ### book 17.229 ὃς δέ κε Πάτροκλον καὶ τεθνηῶτά περ ἔμπης ### book 17.230 Τρῶας ἐς ἱπποδάμους ἐρύσῃ, εἴξῃ δέ οἱ Αἴας, ### book 17.231 ἥμισυ τῷ ἐνάρων ἀποδάσσομαι, ἥμισυ δ’ αὐτὸς ### book 17.232 ἕξω ἐγώ· τὸ δέ οἱ κλέος ἔσσεται ὅσσον ἐμοί περ. ### book 17.233 Ὣς ἔφαθ’, οἳ δ’ ἰθὺς Δαναῶν βρίσαντες ἔβησαν ### book 17.234 δούρατ’ ἀνασχόμενοι· μάλα δέ σφισιν ἔλπετο θυμὸς ### book 17.235 νεκρὸν ὑπ’ Αἴαντος ἐρύειν Τελαμωνιάδαο ### book 17.236 νήπιοι· ἦ τε πολέσσιν ἐπ’ αὐτῷ θυμὸν ἀπηύρα. ### book 17.237 καὶ τότ’ ἄρ’ Αἴας εἶπε βοὴν ἀγαθὸν Μενέλαον· ### book 17.238 ὦ πέπον ὦ Μενέλαε διοτρεφὲς οὐκέτι νῶϊ ### book 17.239 ἔλπομαι αὐτώ περ νοστησέμεν ἐκ πολέμοιο. ### book 17.240 οὔ τι τόσον νέκυος περιδείδια Πατρόκλοιο, ### book 17.241 ὅς κε τάχα Τρώων κορέει κύνας ἠδ’ οἰωνούς, ### book 17.242 ὅσσον ἐμῇ κεφαλῇ περιδείδια μή τι πάθῃσι, ### book 17.243 καὶ σῇ, ἐπεὶ πολέμοιο νέφος περὶ πάντα καλύπτει ### book 17.244 Ἕκτωρ, ἡμῖν δ’ αὖτ’ ἀναφαίνεται αἰπὺς ὄλεθρος. ### book 17.245 ἀλλ’ ἄγ’ ἀριστῆας Δαναῶν κάλει, ἤν τις ἀκούσῃ. ### book 17.246 Ὣς ἔφατ’, οὐδ’ ἀπίθησε βοὴν ἀγαθὸς Μενέλαος, ### book 17.247 ἤϋσεν δὲ διαπρύσιον Δαναοῖσι γεγωνώς· ### book 17.248 ὦ φίλοι Ἀργείων ἡγήτορες ἠδὲ μέδοντες ### book 17.249 οἵ τε παρ’ Ἀτρεΐδῃς Ἀγαμέμνονι καὶ Μενελάῳ ### book 17.250 δήμια πίνουσιν καὶ σημαίνουσιν ἕκαστος ### book 17.251 λαοῖς· ἐκ δὲ Διὸς τιμὴ καὶ κῦδος ὀπηδεῖ. ### book 17.252 ἀργαλέον δέ μοί ἐστι διασκοπιᾶσθαι ἕκαστον ### book 17.253 ἡγεμόνων· τόσση γὰρ ἔρις πολέμοιο δέδηεν· ### book 17.254 ἀλλά τις αὐτὸς ἴτω, νεμεσιζέσθω δ’ ἐνὶ θυμῷ ### book 17.255 Πάτροκλον Τρῳῇσι κυσὶν μέλπηθρα γενέσθαι. ### book 17.256 Ὣς ἔφατ’, ὀξὺ δ’ ἄκουσεν Ὀϊλῆος ταχὺς Αἴας· ### book 17.257 πρῶτος δ’ ἀντίος ἦλθε θέων ἀνὰ δηϊοτῆτα, ### book 17.258 τὸν δὲ μετ’ Ἰδομενεὺς καὶ ὀπάων Ἰδομενῆος ### book 17.259 Μηριόνης ἀτάλαντος Ἐνυαλίῳ ἀνδρειφόντῃ. ### book 17.260 τῶν δ’ ἄλλων τίς κεν ᾗσι φρεσὶν οὐνόματ’ εἴποι, ### book 17.261 ὅσσοι δὴ μετόπισθε μάχην ἤγειραν Ἀχαιῶν; ### book 17.262 Τρῶες δὲ προὔτυψαν ἀολλέες· ἦρχε δ’ ἄρ’ Ἕκτωρ. ### book 17.263 ὡς δ’ ὅτ’ ἐπὶ προχοῇσι διιπετέος ποταμοῖο ### book 17.264 βέβρυχεν μέγα κῦμα ποτὶ ῥόον, ἀμφὶ δέ τ’ ἄκραι ### book 17.265 ἠϊόνες βοόωσιν ἐρευγομένης ἁλὸς ἔξω, ### book 17.266 τόσσῃ ἄρα Τρῶες ἰαχῇ ἴσαν. αὐτὰρ Ἀχαιοὶ ### book 17.267 ἕστασαν ἀμφὶ Μενοιτιάδῃ ἕνα θυμὸν ἔχοντες ### book 17.268 φραχθέντες σάκεσιν χαλκήρεσιν· ἀμφὶ δ’ ἄρά σφι ### book 17.269 λαμπρῇσιν κορύθεσσι Κρονίων ἠέρα πολλὴν ### book 17.270 χεῦ’, ἐπεὶ οὐδὲ Μενοιτιάδην ἔχθαιρε πάρος γε, ### book 17.271 ὄφρα ζωὸς ἐὼν θεράπων ἦν Αἰακίδαο· ### book 17.272 μίσησεν δ’ ἄρα μιν δηΐων κυσὶ κύρμα γενέσθαι ### book 17.273 Τρῳῇσιν· τὼ καί οἱ ἀμυνέμεν ὦρσεν ἑταίρους. ### book 17.274 Ὦσαν δὲ πρότεροι Τρῶες ἑλίκωπας Ἀχαιούς· ### book 17.275 νεκρὸν δὲ προλιπόντες ὑπέτρεσαν, οὐδέ τιν’ αὐτῶν ### book 17.276 Τρῶες ὑπέρθυμοι ἕλον ἔγχεσιν ἱέμενοί περ, ### book 17.277 ἀλλὰ νέκυν ἐρύοντο· μίνυνθα δὲ καὶ τοῦ Ἀχαιοὶ ### book 17.278 μέλλον ἀπέσσεσθαι· μάλα γάρ σφεας ὦκ’ ἐλέλιξεν ### book 17.279 Αἴας, ὃς περὶ μὲν εἶδος, περὶ δ’ ἔργα τέτυκτο ### book 17.280 τῶν ἄλλων Δαναῶν μετ’ ἀμύμονα Πηλεΐωνα. ### book 17.281 ἴθυσεν δὲ διὰ προμάχων συῒ εἴκελος ἀλκὴν ### book 17.282 καπρίῳ, ὅς τ’ ἐν ὄρεσσι κύνας θαλερούς τ’ αἰζηοὺς ### book 17.283 ῥηϊδίως ἐκέδασσεν, ἑλιξάμενος διὰ βήσσας· ### book 17.284 ὣς υἱὸς Τελαμῶνος ἀγαυοῦ φαίδιμος Αἴας ### book 17.285 ῥεῖα μετεισάμενος Τρώων ἐκέδασσε φάλαγγας ### book 17.286 οἳ περὶ Πατρόκλῳ βέβασαν, φρόνεον δὲ μάλιστα ### book 17.287 ἄστυ πότι σφέτερον ἐρύειν καὶ κῦδος ἀρέσθαι. ### book 17.288 Ἤτοι τὸν Λήθοιο Πελασγοῦ φαίδιμος υἱὸς ### book 17.289 Ἱππόθοος ποδὸς ἕλκε κατὰ κρατερὴν ὑσμίνην ### book 17.290 δησάμενος τελαμῶνι παρὰ σφυρὸν ἀμφὶ τένοντας ### book 17.291 Ἕκτορι καὶ Τρώεσσι χαριζόμενος· τάχα δ’ αὐτῷ ### book 17.292 ἦλθε κακόν, τό οἱ οὔ τις ἐρύκακεν ἱεμένων περ. ### book 17.293 τὸν δ’ υἱὸς Τελαμῶνος ἐπαΐξας δι’ ὁμίλου ### book 17.294 πλῆξ’ αὐτοσχεδίην κυνέης διὰ χαλκοπαρῄου· ### book 17.295 ἤρικε δ’ ἱπποδάσεια κόρυς περὶ δουρὸς ἀκωκῇ ### book 17.296 πληγεῖς’ ἔγχεΐ τε μεγάλῳ καὶ χειρὶ παχείῃ, ### book 17.297 ἐγκέφαλος δὲ παρ’ αὐλὸν ἀνέδραμεν ἐξ ὠτειλῆς ### book 17.298 αἱματόεις· τοῦ δ’ αὖθι λύθη μένος, ἐκ δ’ ἄρα χειρῶν ### book 17.299 Πατρόκλοιο πόδα μεγαλήτορος ἧκε χαμᾶζε ### book 17.300 κεῖσθαι· ὃ δ’ ἄγχ’ αὐτοῖο πέσε πρηνὴς ἐπὶ νεκρῷ ### book 17.301 τῆλ’ ἀπὸ Λαρίσης ἐριβώλακος, οὐδὲ τοκεῦσι ### book 17.302 θρέπτρα φίλοις ἀπέδωκε, μινυνθάδιος δέ οἱ αἰὼν ### book 17.303 ἔπλεθ’ ὑπ’ Αἴαντος μεγαθύμου δουρὶ δαμέντι. ### book 17.304 Ἕκτωρ δ’ αὖτ’ Αἴαντος ἀκόντισε δουρὶ φαεινῷ· ### book 17.305 ἀλλ’ ὃ μὲν ἄντα ἰδὼν ἠλεύατο χάλκεον ἔγχος ### book 17.306 τυτθόν· ὃ δὲ Σχεδίον μεγαθύμου Ἰφίτου υἱὸν ### book 17.307 Φωκήων ὄχ’ ἄριστον, ὃς ἐν κλειτῷ Πανοπῆϊ ### book 17.308 οἰκία ναιετάασκε πολέσς’ ἄνδρεσσιν ἀνάσσων, ### book 17.309 τὸν βάλ’ ὑπὸ κληῗδα μέσην· διὰ δ’ ἀμπερὲς ἄκρη ### book 17.310 αἰχμὴ χαλκείη παρὰ νείατον ὦμον ἀνέσχε· ### book 17.311 δούπησεν δὲ πεσών, ἀράβησε δὲ τεύχε’ ἐπ’ αὐτῷ. ### book 17.312 Αἴας δ’ αὖ Φόρκυνα δαΐφρονα Φαίνοπος υἱὸν ### book 17.313 Ἱπποθόῳ περιβάντα μέσην κατὰ γαστέρα τύψε· ### book 17.314 ῥῆξε δὲ θώρηκος γύαλον, διὰ δ’ ἔντερα χαλκὸς ### book 17.315 ἤφυς’· ὃ δ’ ἐν κονίῃσι πεσὼν ἕλε γαῖαν ἀγοστῷ. ### book 17.316 χώρησαν δ’ ὑπό τε πρόμαχοι καὶ φαίδιμος Ἕκτωρ· ### book 17.317 Ἀργεῖοι δὲ μέγα ἴαχον, ἐρύσαντο δὲ νεκροὺς ### book 17.318 Φόρκυν θ’ Ἱππόθοόν τε, λύοντο δὲ τεύχε’ ἀπ’ ὤμων. ### book 17.319 Ἔνθά κεν αὖτε Τρῶες ἀρηϊφίλων ὑπ’ Ἀχαιῶν ### book 17.320 Ἴλιον εἰσανέβησαν ἀναλκείῃσι δαμέντες, ### book 17.321 Ἀργεῖοι δέ κε κῦδος ἕλον καὶ ὑπὲρ Διὸς αἶσαν ### book 17.322 κάρτεϊ καὶ σθένεϊ σφετέρῳ· ἀλλ’ αὐτὸς Ἀπόλλων ### book 17.323 Αἰνείαν ὄτρυνε δέμας Περίφαντι ἐοικὼς ### book 17.324 κήρυκι Ἠπυτίδῃ, ὅς οἱ παρὰ πατρὶ γέροντι ### book 17.325 κηρύσσων γήρασκε φίλα φρεσὶ μήδεα εἰδώς· ### book 17.326 τῷ μιν ἐεισάμενος προσέφη Διὸς υἱὸς Ἀπόλλων· ### book 17.327 Αἰνεία πῶς ἂν καὶ ὑπὲρ θεὸν εἰρύσσαισθε ### book 17.328 Ἴλιον αἰπεινήν; ὡς δὴ ἴδον ἀνέρας ἄλλους ### book 17.329 κάρτεΐ τε σθένεΐ τε πεποιθότας ἠνορέῃ τε ### book 17.330 πλήθεΐ τε σφετέρῳ καὶ ὑπερδέα δῆμον ἔχοντας· ### book 17.331 ἡμῖν δὲ Ζεὺς μὲν πολὺ βούλεται ἢ Δαναοῖσι ### book 17.332 νίκην· ἀλλ’ αὐτοὶ τρεῖτ’ ἄσπετον οὐδὲ μάχεσθε. ### book 17.333 Ὣς ἔφατ’, Αἰνείας δ’ ἑκατηβόλον Ἀπόλλωνα ### book 17.334 ἔγνω ἐς ἄντα ἰδών, μέγα δ’ Ἕκτορα εἶπε βοήσας· ### book 17.335 Ἕκτόρ τ’ ἠδ’ ἄλλοι Τρώων ἀγοὶ ἠδ’ ἐπικούρων ### book 17.336 αἰδὼς μὲν νῦν ἧδε γ’ ἀρηϊφίλων ὑπ’ Ἀχαιῶν ### book 17.337 Ἴλιον εἰσαναβῆναι ἀναλκείῃσι δαμέντας. ### book 17.338 ἀλλ’ ἔτι γάρ τίς φησι θεῶν ἐμοὶ ἄγχι παραστὰς ### book 17.339 Ζῆν’ ὕπατον μήστωρα μάχης ἐπιτάρροθον εἶναι· ### book 17.340 τώ ῥ’ ἰθὺς Δαναῶν ἴομεν, μηδ’ οἵ γε ἕκηλοι ### book 17.341 Πάτροκλον νηυσὶν πελασαίατο τεθνηῶτα. ### book 17.342 Ὣς φάτο, καί ῥα πολὺ προμάχων ἐξάλμενος ἔστη· ### book 17.343 οἳ δ’ ἐλελίχθησαν καὶ ἐναντίοι ἔσταν Ἀχαιῶν. ### book 17.344 ἔνθ’ αὖτ’ Αἰνείας Λειώκριτον οὔτασε δουρὶ ### book 17.345 υἱὸν Ἀρίσβαντος Λυκομήδεος ἐσθλὸν ἑταῖρον. ### book 17.346 τὸν δὲ πεσόντ’ ἐλέησεν ἀρηΐφιλος Λυκομήδης, ### book 17.347 στῆ δὲ μάλ’ ἐγγὺς ἰών, καὶ ἀκόντισε δουρὶ φαεινῷ, ### book 17.348 καὶ βάλεν Ἱππασίδην Ἀπισάονα ποιμένα λαῶν ### book 17.349 ἧπαρ ὑπὸ πραπίδων, εἶθαρ δ’ ὑπὸ γούνατ’ ἔλυσεν, ### book 17.350 ὅς ῥ’ ἐκ Παιονίης ἐριβώλακος εἰληλούθει, ### book 17.351 καὶ δὲ μετ’ Ἀστεροπαῖον ἀριστεύεσκε μάχεσθαι. ### book 17.352 Τὸν δὲ πεσόντ’ ἐλέησεν ἀρήϊος Ἀστεροπαῖος, ### book 17.353 ἴθυσεν δὲ καὶ ὃ πρόφρων Δαναοῖσι μάχεσθαι· ### book 17.354 ἀλλ’ οὔ πως ἔτι εἶχε· σάκεσσι γὰρ ἔρχατο πάντῃ ### book 17.355 ἑσταότες περὶ Πατρόκλῳ, πρὸ δὲ δούρατ’ ἔχοντο. ### book 17.356 Αἴας γὰρ μάλα πάντας ἐπῴχετο πολλὰ κελεύων· ### book 17.357 οὔτέ τιν’ ἐξοπίσω νεκροῦ χάζεσθαι ἀνώγει ### book 17.358 οὔτέ τινα προμάχεσθαι Ἀχαιῶν ἔξοχον ἄλλων, ### book 17.359 ἀλλὰ μάλ’ ἀμφ’ αὐτῷ βεβάμεν, σχεδόθεν δὲ μάχεσθαι. ### book 17.360 ὣς Αἴας ἐπέτελλε πελώριος, αἵματι δὲ χθὼν ### book 17.361 δεύετο πορφυρέῳ, τοὶ δ’ ἀγχιστῖνοι ἔπιπτον ### book 17.362 νεκροὶ ὁμοῦ Τρώων καὶ ὑπερμενέων ἐπικούρων ### book 17.363 καὶ Δαναῶν· οὐδ’ οἳ γὰρ ἀναιμωτί γε μάχοντο, ### book 17.364 παυρότεροι δὲ πολὺ φθίνυθον· μέμνηντο γὰρ αἰεὶ ### book 17.365 ἀλλήλοις ἀν’ ὅμιλον ἀλεξέμεναι φόνον αἰπύν. ### book 17.366 Ὣς οἳ μὲν μάρναντο δέμας πυρός, οὐδέ κε φαίης ### book 17.367 οὔτέ ποτ’ ἠέλιον σῶν ἔμμεναι οὔτε σελήνην· ### book 17.368 ἠέρι γὰρ κατέχοντο μάχης ἐπί θ’ ὅσσον ἄριστοι ### book 17.369 ἕστασαν ἀμφὶ Μενοιτιάδῃ κατατεθνηῶτι. ### book 17.370 οἳ δ’ ἄλλοι Τρῶες καὶ ἐϋκνήμιδες Ἀχαιοὶ ### book 17.371 εὔκηλοι πολέμιζον ὑπ’ αἰθέρι, πέπτατο δ’ αὐγὴ ### book 17.372 ἠελίου ὀξεῖα, νέφος δ’ οὐ φαίνετο πάσης ### book 17.373 γαίης οὐδ’ ὀρέων· μεταπαυόμενοι δὲ μάχοντο ### book 17.374 ἀλλήλων ἀλεείνοντες βέλεα στονόεντα ### book 17.375 πολλὸν ἀφεσταότες. τοὶ δ’ ἐν μέσῳ ἄλγε’ ἔπασχον ### book 17.376 ἠέρι καὶ πολέμῳ, τείροντο δὲ νηλέϊ χαλκῷ ### book 17.377 ὅσσοι ἄριστοι ἔσαν· δύο δ’ οὔ πω φῶτε πεπύσθην ### book 17.378 ἀνέρε κυδαλίμω Θρασυμήδης Ἀντίλοχός τε ### book 17.379 Πατρόκλοιο θανόντος ἀμύμονος, ἀλλ’ ἔτ’ ἔφαντο ### book 17.380 ζωὸν ἐνὶ πρώτῳ ὁμάδῳ Τρώεσσι μάχεσθαι. ### book 17.381 τὼ δ’ ἐπιοσσομένω θάνατον καὶ φύζαν ἑταίρων ### book 17.382 νόσφιν ἐμαρνάσθην, ἐπεὶ ὣς ἐπετέλλετο Νέστωρ ### book 17.383 ὀτρύνων πόλεμον δὲ μελαινάων ἀπὸ νηῶν. ### book 17.384 Τοῖς δὲ πανημερίοις ἔριδος μέγα νεῖκος ὀρώρει ### book 17.385 ἀργαλέης· καμάτῳ δὲ καὶ ἱδρῷ νωλεμὲς αἰεὶ ### book 17.386 γούνατά τε κνῆμαί τε πόδες θ’ ὑπένερθεν ἑκάστου ### book 17.387 χεῖρές τ’ ὀφθαλμοί τε παλάσσετο μαρναμένοιιν ### book 17.388 ἀμφ’ ἀγαθὸν θεράποντα ποδώκεος Αἰακίδαο. ### book 17.389 ὡς δ’ ὅτ’ ἀνὴρ ταύροιο βοὸς μεγάλοιο βοείην ### book 17.390 λαοῖσιν δώῃ τανύειν μεθύουσαν ἀλοιφῇ· ### book 17.391 δεξάμενοι δ’ ἄρα τοί γε διαστάντες τανύουσι ### book 17.392 κυκλός’, ἄφαρ δέ τε ἰκμὰς ἔβη, δύνει δέ τ’ ἀλοιφὴ ### book 17.393 πολλῶν ἑλκόντων, τάνυται δέ τε πᾶσα διὰ πρό· ### book 17.394 ὣς οἵ γ’ ἔνθα καὶ ἔνθα νέκυν ὀλίγῃ ἐνὶ χώρῃ ### book 17.395 εἵλκεον ἀμφότεροι· μάλα δέ σφισιν ἔλπετο θυμὸς ### book 17.396 Τρωσὶν μὲν ἐρύειν προτὶ Ἴλιον, αὐτὰρ Ἀχαιοῖς ### book 17.397 νῆας ἔπι γλαφυράς· περὶ δ’ αὐτοῦ μῶλος ὀρώρει ### book 17.398 ἄγριος· οὐδέ κ’ Ἄρης λαοσσόος οὐδέ κ’ Ἀθήνη ### book 17.399 τόν γε ἰδοῦς’ ὀνόσαιτ’, οὐδ’ εἰ μάλα μιν χόλος ἵκοι· ### book 17.400 τοῖον Ζεὺς ἐπὶ Πατρόκλῳ ἀνδρῶν τε καὶ ἵππων ### book 17.401 ἤματι τῷ ἐτάνυσσε κακὸν πόνον· οὐδ’ ἄρα πώ τι ### book 17.402 ᾔδεε Πάτροκλον τεθνηότα δῖος Ἀχιλλεύς· ### book 17.403 πολλὸν γὰρ ῥ’ ἀπάνευθε νεῶν μάρναντο θοάων ### book 17.404 τείχει ὕπο Τρώων· τό μιν οὔ ποτε ἔλπετο θυμῷ ### book 17.405 τεθνάμεν, ἀλλὰ ζωὸν ἐνιχριμφθέντα πύλῃσιν ### book 17.406 ἂψ ἀπονοστήσειν, ἐπεὶ οὐδὲ τὸ ἔλπετο πάμπαν ### book 17.407 ἐκπέρσειν πτολίεθρον ἄνευ ἕθεν, οὐδὲ σὺν αὐτῷ· ### book 17.408 πολλάκι γὰρ τό γε μητρὸς ἐπεύθετο νόσφιν ἀκούων, ### book 17.409 ἥ οἱ ἀπαγγέλλεσκε Διὸς μεγάλοιο νόημα. ### book 17.410 δὴ τότε γ’ οὔ οἱ ἔειπε κακὸν τόσον ὅσσον ἐτύχθη ### book 17.411 μήτηρ, ὅττί ῥά οἱ πολὺ φίλτατος ὤλεθ’ ἑταῖρος. ### book 17.412 Οἳ δ’ αἰεὶ περὶ νεκρὸν ἀκαχμένα δούρατ’ ἔχοντες ### book 17.413 νωλεμὲς ἐγχρίμπτοντο καὶ ἀλλήλους ἐνάριζον· ### book 17.414 ὧδε δέ τις εἴπεσκεν Ἀχαιῶν χαλκοχιτώνων· ### book 17.415 ὦ φίλοι οὐ μὰν ἧμιν ἐϋκλεὲς ἀπονέεσθαι ### book 17.416 νῆας ἔπι γλαφυράς, ἀλλ’ αὐτοῦ γαῖα μέλαινα ### book 17.417 πᾶσι χάνοι· τό κεν ἧμιν ἄφαρ πολὺ κέρδιον εἴη ### book 17.418 εἰ τοῦτον Τρώεσσι μεθήσομεν ἱπποδάμοισιν ### book 17.419 ἄστυ πότι σφέτερον ἐρύσαι καὶ κῦδος ἀρέσθαι. ### book 17.420 Ὣς δέ τις αὖ Τρώων μεγαθύμων αὐδήσασκεν· ### book 17.421 ὦ φίλοι, εἰ καὶ μοῖρα παρ’ ἀνέρι τῷδε δαμῆναι ### book 17.422 πάντας ὁμῶς, μή πώ τις ἐρωείτω πολέμοιο. ### book 17.423 Ὣς ἄρα τις εἴπεσκε, μένος δ’ ὄρσασκεν ἑκάστου. ### book 17.424 ὣς οἳ μὲν μάρναντο, σιδήρειος δ’ ὀρυμαγδὸς ### book 17.425 χάλκεον οὐρανὸν ἷκε δι’ αἰθέρος ἀτρυγέτοιο· ### book 17.426 ἵπποι δ’ Αἰακίδαο μάχης ἀπάνευθεν ἐόντες ### book 17.427 κλαῖον, ἐπεὶ δὴ πρῶτα πυθέσθην ἡνιόχοιο ### book 17.428 ἐν κονίῃσι πεσόντος ὑφ’ Ἕκτορος ἀνδροφόνοιο. ### book 17.429 ἦ μὰν Αὐτομέδων Διώρεος ἄλκιμος υἱὸς ### book 17.430 πολλὰ μὲν ἂρ μάστιγι θοῇ ἐπεμαίετο θείνων, ### book 17.431 πολλὰ δὲ μειλιχίοισι προσηύδα, πολλὰ δ’ ἀρειῇ· ### book 17.432 τὼ δ’ οὔτ’ ἂψ ἐπὶ νῆας ἐπὶ πλατὺν Ἑλλήσποντον ### book 17.433 ἠθελέτην ἰέναι οὔτ’ ἐς πόλεμον μετ’ Ἀχαιούς, ### book 17.434 ἀλλ’ ὥς τε στήλη μένει ἔμπεδον, ἥ τ’ ἐπὶ τύμβῳ ### book 17.435 ἀνέρος ἑστήκῃ τεθνηότος ἠὲ γυναικός, ### book 17.436 ὣς μένον ἀσφαλέως περικαλλέα δίφρον ἔχοντες ### book 17.437 οὔδει ἐνισκίμψαντε καρήατα· δάκρυα δέ σφι ### book 17.438 θερμὰ κατὰ βλεφάρων χαμάδις ῥέε μυρομένοισιν ### book 17.439 ἡνιόχοιο πόθῳ· θαλερὴ δ’ ἐμιαίνετο χαίτη ### book 17.440 ζεύγλης ἐξεριποῦσα παρὰ ζυγὸν ἀμφοτέρωθεν. ### book 17.441 Μυρομένω δ’ ἄρα τώ γε ἰδὼν ἐλέησε Κρονίων, ### book 17.442 κινήσας δὲ κάρη προτὶ ὃν μυθήσατο θυμόν· ### book 17.443 ἆ δειλώ, τί σφῶϊ δόμεν Πηλῆϊ ἄνακτι ### book 17.444 θνητῷ, ὑμεῖς δ’ ἐστὸν ἀγήρω τ’ ἀθανάτω τε; ### book 17.445 ἦ ἵνα δυστήνοισι μετ’ ἀνδράσιν ἄλγε’ ἔχητον; ### book 17.446 οὐ μὲν γάρ τί πού ἐστιν ὀϊζυρώτερον ἀνδρὸς ### book 17.447 πάντων, ὅσσά τε γαῖαν ἔπι πνείει τε καὶ ἕρπει. ### book 17.448 ἀλλ’ οὐ μὰν ὑμῖν γε καὶ ἅρμασι δαιδαλέοισιν ### book 17.449 Ἕκτωρ Πριαμίδης ἐποχήσεται· οὐ γὰρ ἐάσω. ### book 17.450 ἦ οὐχ ἅλις ὡς καὶ τεύχε’ ἔχει καὶ ἐπεύχεται αὔτως; ### book 17.451 σφῶϊν δ’ ἐν γούνεσσι βαλῶ μένος ἠδ’ ἐνὶ θυμῷ, ### book 17.452 ὄφρα καὶ Αὐτομέδοντα σαώσετον ἐκ πολέμοιο ### book 17.453 νῆας ἔπι γλαφυράς· ἔτι γάρ σφισι κῦδος ὀρέξω ### book 17.454 κτείνειν, εἰς ὅ κε νῆας ἐϋσσέλμους ἀφίκωνται ### book 17.455 δύῃ τ’ ἠέλιος καὶ ἐπὶ κνέφας ἱερὸν ἔλθῃ· ### book 17.456 Ὣς εἰπὼν ἵπποισιν ἐνέπνευσεν μένος ἠΰ. ### book 17.457 τὼ δ’ ἀπὸ χαιτάων κονίην οὖδας δὲ βαλόντε ### book 17.458 ῥίμφα φέρον θοὸν ἅρμα μετὰ Τρῶας καὶ Ἀχαιούς. ### book 17.459 τοῖσι δ’ ἐπ’ Αὐτομέδων μάχετ’ ἀχνύμενός περ ἑταίρου ### book 17.460 ἵπποις ἀΐσσων ὥς τ’ αἰγυπιὸς μετὰ χῆνας· ### book 17.461 ῥέα μὲν γὰρ φεύγεσκεν ὑπ’ ἐκ Τρώων ὀρυμαγδοῦ, ### book 17.462 ῥεῖα δ’ ἐπαΐξασκε πολὺν καθ’ ὅμιλον ὀπάζων. ### book 17.463 ἀλλ’ οὐχ ᾕρει φῶτας ὅτε σεύαιτο διώκειν· ### book 17.464 οὐ γάρ πως ἦν οἶον ἐόνθ’ ἱερῷ ἐνὶ δίφρῳ ### book 17.465 ἔγχει ἐφορμᾶσθαι καὶ ἐπίσχειν ὠκέας ἵππους. ### book 17.466 ὀψὲ δὲ δή μιν ἑταῖρος ἀνὴρ ἴδεν ὀφθαλμοῖσιν ### book 17.467 Ἀλκιμέδων υἱὸς Λαέρκεος Αἱμονίδαο· ### book 17.468 στῆ δ’ ὄπιθεν δίφροιο καὶ Αὐτομέδοντα προσηύδα· ### book 17.469 Αὐτόμεδον, τίς τοί νυ θεῶν νηκερδέα βουλὴν ### book 17.470 ἐν στήθεσσιν ἔθηκε, καὶ ἐξέλετο φρένας ἐσθλάς; ### book 17.471 οἷον πρὸς Τρῶας μάχεαι πρώτῳ ἐν ὁμίλῳ ### book 17.472 μοῦνος· ἀτάρ τοι ἑταῖρος ἀπέκτατο, τεύχεα δ’ Ἕκτωρ ### book 17.473 αὐτὸς ἔχων ὤμοισιν ἀγάλλεται Αἰακίδαο. ### book 17.474 Τὸν δ’ αὖτ’ Αὐτομέδων προσέφη Διώρεος υἱός· ### book 17.475 Ἀλκίμεδον τίς γάρ τοι Ἀχαιῶν ἄλλος ὁμοῖος ### book 17.476 ἵππων ἀθανάτων ἐχέμεν δμῆσίν τε μένος τε, ### book 17.477 εἰ μὴ Πάτροκλος θεόφιν μήστωρ ἀτάλαντος ### book 17.478 ζωὸς ἐών; νῦν αὖ θάνατος καὶ μοῖρα κιχάνει. ### book 17.479 ἀλλὰ σὺ μὲν μάστιγα καὶ ἡνία σιγαλόεντα ### book 17.480 δέξαι, ἐγὼ δ’ ἵππων ἀποβήσομαι, ὄφρα μάχωμαι. ### book 17.481 Ὣς ἔφατ’, Ἀλκιμέδων δὲ βοηθόον ἅρμ’ ἐπορούσας ### book 17.482 καρπαλίμως μάστιγα καὶ ἡνία λάζετο χερσίν, ### book 17.483 Αὐτομέδων δ’ ἀπόρουσε· νόησε δὲ φαίδιμος Ἕκτωρ, ### book 17.484 αὐτίκα δ’ Αἰνείαν προσεφώνεεν ἐγγὺς ἐόντα· ### book 17.485 Αἰνεία Τρώων βουληφόρε χαλκοχιτώνων ### book 17.486 ἵππω τώδ’ ἐνόησα ποδώκεος Αἰακίδαο ### book 17.487 ἐς πόλεμον προφανέντε σὺν ἡνιόχοισι κακοῖσι· ### book 17.488 τώ κεν ἐελποίμην αἱρησέμεν, εἰ σύ γε θυμῷ ### book 17.489 σῷ ἐθέλεις, ἐπεὶ οὐκ ἂν ἐφορμηθέντε γε νῶϊ ### book 17.490 τλαῖεν ἐναντίβιον στάντες μαχέσασθαι Ἄρηϊ. ### book 17.491 Ὣς ἔφατ’, οὐδ’ ἀπίθησεν ἐῢς πάϊς Ἀγχίσαο. ### book 17.492 τὼ δ’ ἰθὺς βήτην βοέῃς εἰλυμένω ὤμους ### book 17.493 αὔῃσι στερεῇσι· πολὺς δ’ ἐπελήλατο χαλκός. ### book 17.494 τοῖσι δ’ ἅμα Χρομίος τε καὶ Ἄρητος θεοειδὴς ### book 17.495 ἤϊσαν ἀμφότεροι· μάλα δέ σφισιν ἔλπετο θυμὸς ### book 17.496 αὐτώ τε κτενέειν ἐλάαν τ’ ἐριαύχενας ἵππους ### book 17.497 νήπιοι, οὐδ’ ἄρ’ ἔμελλον ἀναιμωτί γε νέεσθαι ### book 17.498 αὖτις ἀπ’ Αὐτομέδοντος. ὃ δ’ εὐξάμενος Διὶ πατρὶ ### book 17.499 ἀλκῆς καὶ σθένεος πλῆτο φρένας ἀμφὶ μελαίνας· ### book 17.500 αὐτίκα δ’ Ἀλκιμέδοντα προσηύδα πιστὸν ἑταῖρον· ### book 17.501 Ἀλκίμεδον μὴ δή μοι ἀπόπροθεν ἰσχέμεν ἵππους, ### book 17.502 ἀλλὰ μάλ’ ἐμπνείοντε μεταφρένῳ· οὐ γὰρ ἔγωγε ### book 17.503 Ἕκτορα Πριαμίδην μένεος σχήσεσθαι ὀΐω, ### book 17.504 πρίν γ’ ἐπ’ Ἀχιλλῆος καλλίτριχε βήμεναι ἵππω ### book 17.505 νῶϊ κατακτείναντα, φοβῆσαί τε στίχας ἀνδρῶν ### book 17.506 Ἀργείων, ἤ κ’ αὐτὸς ἐνὶ πρώτοισιν ἁλοίη. ### book 17.507 Ὣς εἰπὼν Αἴαντε καλέσσατο καὶ Μενέλαον· ### book 17.508 Αἴαντ’ Ἀργείων ἡγήτορε καὶ Μενέλαε ### book 17.509 ἤτοι μὲν τὸν νεκρὸν ἐπιτράπεθ’ οἵ περ ἄριστοι ### book 17.510 ἀμφ’ αὐτῷ βεβάμεν καὶ ἀμύνεσθαι στίχας ἀνδρῶν, ### book 17.511 νῶϊν δὲ ζωοῖσιν ἀμύνετε νηλεὲς ἦμαρ· ### book 17.512 τῇδε γὰρ ἔβρισαν πόλεμον κάτα δακρυόεντα ### book 17.513 Ἕκτωρ Αἰνείας θ’, οἳ Τρώων εἰσὶν ἄριστοι. ### book 17.514 ἀλλ’ ἤτοι μὲν ταῦτα θεῶν ἐν γούνασι κεῖται· ### book 17.515 ἥσω γὰρ καὶ ἐγώ, τὰ δέ κεν Διὶ πάντα μελήσει. ### book 17.516 Ἦ ῥα, καὶ ἀμπεπαλὼν προΐει δολιχόσκιον ἔγχος, ### book 17.517 καὶ βάλεν Ἀρήτοιο κατ’ ἀσπίδα πάντος’ ἐΐσην· ### book 17.518 ἣ δ’ οὐκ ἔγχος ἔρυτο, διὰ πρὸ δὲ εἴσατο χαλκός, ### book 17.519 νειαίρῃ δ’ ἐν γαστρὶ διὰ ζωστῆρος ἔλασσεν. ### book 17.520 ὡς δ’ ὅτ’ ἂν ὀξὺν ἔχων πέλεκυν αἰζήϊος ἀνὴρ ### book 17.521 κόψας ἐξόπιθεν κεράων βοὸς ἀγραύλοιο ### book 17.522 ἶνα τάμῃ διὰ πᾶσαν, ὃ δὲ προθορὼν ἐρίπῃσιν, ### book 17.523 ὣς ἄρ’ ὅ γε προθορὼν πέσεν ὕπτιος· ἐν δέ οἱ ἔγχος ### book 17.524 νηδυίοισι μάλ’ ὀξὺ κραδαινόμενον λύε γυῖα. ### book 17.525 Ἕκτωρ δ’ Αὐτομέδοντος ἀκόντισε δουρὶ φαεινῷ· ### book 17.526 ἀλλ’ ὃ μὲν ἄντα ἰδὼν ἠλεύατο χάλκεον ἔγχος· ### book 17.527 πρόσσω γὰρ κατέκυψε, τὸ δ’ ἐξόπιθεν δόρυ μακρὸν ### book 17.528 οὔδει ἐνισκίμφθη, ἐπὶ δ’ οὐρίαχος πελεμίχθη ### book 17.529 ἔγχεος· ἔνθα δ’ ἔπειτ’ ἀφίει μένος ὄβριμος Ἄρης. ### book 17.530 καί νύ κε δὴ ξιφέεσς’ αὐτοσχεδὸν ὁρμηθήτην ### book 17.531 εἰ μή σφω’ Αἴαντε διέκριναν μεμαῶτε, ### book 17.532 οἵ ῥ’ ἦλθον καθ’ ὅμιλον ἑταίρου κικλήσκοντος· ### book 17.533 τοὺς ὑποταρβήσαντες ἐχώρησαν πάλιν αὖτις ### book 17.534 Ἕκτωρ Αἰνείας τ’ ἠδὲ Χρομίος θεοειδής, ### book 17.535 Ἄρητον δὲ κατ’ αὖθι λίπον δεδαϊγμένον ἦτορ ### book 17.536 κείμενον· Αὐτομέδων δὲ θοῷ ἀτάλαντος Ἄρηϊ ### book 17.537 τεύχεά τ’ ἐξενάριξε καὶ εὐχόμενος ἔπος ηὔδα· ### book 17.538 ἦ δὴ μὰν ὀλίγον γε Μενοιτιάδαο θανόντος ### book 17.539 κῆρ ἄχεος μεθέηκα χερείονά περ καταπέφνων. ### book 17.540 Ὣς εἰπὼν ἐς δίφρον ἑλὼν ἔναρα βροτόεντα ### book 17.541 θῆκ’, ἂν δ’ αὐτὸς ἔβαινε πόδας καὶ χεῖρας ὕπερθεν ### book 17.542 αἱματόεις ὥς τίς τε λέων κατὰ ταῦρον ἐδηδώς. ### book 17.543 Ἂψ δ’ ἐπὶ Πατρόκλῳ τέτατο κρατερὴ ὑσμίνη ### book 17.544 ἀργαλέη πολύδακρυς, ἔγειρε δὲ νεῖκος Ἀθήνη ### book 17.545 οὐρανόθεν καταβᾶσα· προῆκε γὰρ εὐρύοπα Ζεὺς ### book 17.546 ὀρνύμεναι Δαναούς· δὴ γὰρ νόος ἐτράπετ’ αὐτοῦ. ### book 17.547 ἠΰτε πορφυρέην ἶριν θνητοῖσι τανύσσῃ ### book 17.548 Ζεὺς ἐξ οὐρανόθεν τέρας ἔμμεναι ἢ πολέμοιο ### book 17.549 ἢ καὶ χειμῶνος δυσθαλπέος, ὅς ῥά τε ἔργων ### book 17.550 ἀνθρώπους ἀνέπαυσεν ἐπὶ χθονί, μῆλα δὲ κήδει, ### book 17.551 ὣς ἣ πορφυρέῃ νεφέλῃ πυκάσασα ἓ αὐτὴν ### book 17.552 δύσετ’ Ἀχαιῶν ἔθνος, ἔγειρε δὲ φῶτα ἕκαστον. ### book 17.553 πρῶτον δ’ Ἀτρέος υἱὸν ἐποτρύνουσα προσηύδα ### book 17.554 ἴφθιμον Μενέλαον· ὃ γάρ ῥά οἱ ἐγγύθεν ἦεν· ### book 17.555 εἰσαμένη Φοίνικι δέμας καὶ ἀτειρέα φωνήν· ### book 17.556 σοὶ μὲν δὴ Μενέλαε κατηφείη καὶ ὄνειδος ### book 17.557 ἔσσεται εἴ κ’ Ἀχιλῆος ἀγαυοῦ πιστὸν ἑταῖρον ### book 17.558 τείχει ὕπο Τρώων ταχέες κύνες ἑλκήσουσιν. ### book 17.559 ἀλλ’ ἔχεο κρατερῶς, ὄτρυνε δὲ λαὸν ἅπαντα. ### book 17.560 Τὴν δ’ αὖτε προσέειπε βοὴν ἀγαθὸς Μενέλαος· ### book 17.561 Φοῖνιξ ἄττα γεραιὲ παλαιγενές, εἰ γὰρ Ἀθήνη ### book 17.562 δοίη κάρτος ἐμοί, βελέων δ’ ἀπερύκοι ἐρωήν· ### book 17.563 τώ κεν ἔγωγ’ ἐθέλοιμι παρεστάμεναι καὶ ἀμύνειν ### book 17.564 Πατρόκλῳ· μάλα γάρ με θανὼν ἐσεμάσσατο θυμόν. ### book 17.565 ἀλλ’ Ἕκτωρ πυρὸς αἰνὸν ἔχει μένος, οὐδ’ ἀπολήγει ### book 17.566 χαλκῷ δηϊόων· τῷ γὰρ Ζεὺς κῦδος ὀπάζει. ### book 17.567 Ὣς φάτο, γήθησεν δὲ θεὰ γλαυκῶπις Ἀθήνη, ### book 17.568 ὅττί ῥά οἱ πάμπρωτα θεῶν ἠρήσατο πάντων. ### book 17.569 ἐν δὲ βίην ὤμοισι καὶ ἐν γούνεσσιν ἔθηκε, ### book 17.570 καί οἱ μυίης θάρσος ἐνὶ στήθεσσιν ἐνῆκεν, ### book 17.571 ἥ τε καὶ ἐργομένη μάλα περ χροὸς ἀνδρομέοιο ### book 17.572 ἰσχανάᾳ δακέειν, λαρόν τέ οἱ αἷμ’ ἀνθρώπου· ### book 17.573 τοίου μιν θάρσευς πλῆσε φρένας ἀμφὶ μελαίνας, ### book 17.574 βῆ δ’ ἐπὶ Πατρόκλῳ, καὶ ἀκόντισε δουρὶ φαεινῷ. ### book 17.575 ἔσκε δ’ ἐνὶ Τρώεσσι Ποδῆς υἱὸς Ἠετίωνος ### book 17.576 ἀφνειός τ’ ἀγαθός τε· μάλιστα δέ μιν τίεν Ἕκτωρ ### book 17.577 δήμου, ἐπεί οἱ ἑταῖρος ἔην φίλος εἰλαπιναστής· ### book 17.578 τόν ῥα κατὰ ζωστῆρα βάλε ξανθὸς Μενέλαος ### book 17.579 ἀΐξαντα φόβον δέ, διὰ πρὸ δὲ χαλκὸν ἔλασσε· ### book 17.580 δούπησεν δὲ πεσών· ἀτὰρ Ἀτρεΐδης Μενέλαος ### book 17.581 νεκρὸν ὑπ’ ἐκ Τρώων ἔρυσεν μετὰ ἔθνος ἑταίρων. ### book 17.582 Ἕκτορα δ’ ἐγγύθεν ἱστάμενος ὄτρυνεν Ἀπόλλων ### book 17.583 Φαίνοπι Ἀσιάδῃ ἐναλίγκιος, ὅς οἱ ἁπάντων ### book 17.584 ξείνων φίλτατος ἔσκεν Ἀβυδόθι οἰκία ναίων· ### book 17.585 τῷ μιν ἐεισάμενος προσέφη ἑκάεργος Ἀπόλλων· ### book 17.586 Ἕκτορ τίς κέ ς’ ἔτ’ ἄλλος Ἀχαιῶν ταρβήσειεν; ### book 17.587 οἷον δὴ Μενέλαον ὑπέτρεσας, ὃς τὸ πάρος γε ### book 17.588 μαλθακὸς αἰχμητής· νῦν δ’ οἴχεται οἶος ἀείρας ### book 17.589 νεκρὸν ὑπ’ ἐκ Τρώων, σὸν δ’ ἔκτανε πιστὸν ἑταῖρον ### book 17.590 ἐσθλὸν ἐνὶ προμάχοισι Ποδῆν υἱὸν Ἠετίωνος. ### book 17.591 Ὣς φάτο, τὸν δ’ ἄχεος νεφέλη ἐκάλυψε μέλαινα, ### book 17.592 βῆ δὲ διὰ προμάχων κεκορυθμένος αἴθοπι χαλκῷ. ### book 17.593 καὶ τότ’ ἄρα Κρονίδης ἕλετ’ αἰγίδα θυσσανόεσσαν ### book 17.594 μαρμαρέην, Ἴδην δὲ κατὰ νεφέεσσι κάλυψεν, ### book 17.595 ἀστράψας δὲ μάλα μεγάλ’ ἔκτυπε, τὴν δὲ τίναξε, ### book 17.596 νίκην δὲ Τρώεσσι δίδου, ἐφόβησε δ’ Ἀχαιούς. ### book 17.597 Πρῶτος Πηνέλεως Βοιώτιος ἦρχε φόβοιο. ### book 17.598 βλῆτο γὰρ ὦμον δουρὶ πρόσω τετραμμένος αἰεὶ ### book 17.599 ἄκρον ἐπιλίγδην· γράψεν δέ οἱ ὀστέον ἄχρις ### book 17.600 αἰχμὴ Πουλυδάμαντος· ὃ γάρ ῥ’ ἔβαλε σχεδὸν ἐλθών. ### book 17.601 Λήϊτον αὖθ’ Ἕκτωρ σχεδὸν οὔτασε χεῖρ’ ἐπὶ καρπῷ ### book 17.602 υἱὸν Ἀλεκτρυόνος μεγαθύμου, παῦσε δὲ χάρμης· ### book 17.603 τρέσσε δὲ παπτήνας, ἐπεὶ οὐκέτι ἔλπετο θυμῷ ### book 17.604 ἔγχος ἔχων ἐν χειρὶ μαχήσεσθαι Τρώεσσιν. ### book 17.605 Ἕκτορα δ’ Ἰδομενεὺς μετὰ Λήϊτον ὁρμηθέντα ### book 17.606 βεβλήκει θώρηκα κατὰ στῆθος παρὰ μαζόν· ### book 17.607 ἐν καυλῷ δ’ ἐάγη δολιχὸν δόρυ, τοὶ δὲ βόησαν ### book 17.608 Τρῶες· ὃ δ’ Ἰδομενῆος ἀκόντισε Δευκαλίδαο ### book 17.609 δίφρῳ ἐφεσταότος· τοῦ μέν ῥ’ ἀπὸ τυτθὸν ἅμαρτεν· ### book 17.610 αὐτὰρ ὃ Μηριόναο ὀπάονά θ’ ἡνίοχόν τε ### book 17.611 Κοίρανον, ὅς ῥ’ ἐκ Λύκτου ἐϋκτιμένης ἕπετ’ αὐτῷ· ### book 17.612 πεζὸς γὰρ τὰ πρῶτα λιπὼν νέας ἀμφιελίσσας ### book 17.613 ἤλυθε, καί κε Τρωσὶ μέγα κράτος ἐγγυάλιξεν, ### book 17.614 εἰ μὴ Κοίρανος ὦκα ποδώκεας ἤλασεν ἵππους· ### book 17.615 καὶ τῷ μὲν φάος ἦλθεν, ἄμυνε δὲ νηλεὲς ἦμαρ, ### book 17.616 αὐτὸς δ’ ὤλεσε θυμὸν ὑφ’ Ἕκτορος ἀνδροφόνοιο· ### book 17.617 τὸν βάλ’ ὑπὸ γναθμοῖο καὶ οὔατος, ἐκ δ’ ἄρ’ ὀδόντας ### book 17.618 ὦσε δόρυ πρυμνόν, διὰ δὲ γλῶσσαν τάμε μέσσην. ### book 17.619 ἤριπε δ’ ἐξ ὀχέων, κατὰ δ’ ἡνία χεῦεν ἔραζε. ### book 17.620 καὶ τά γε Μηριόνης ἔλαβεν χείρεσσι φίλῃσι ### book 17.621 κύψας ἐκ πεδίοιο, καὶ Ἰδομενῆα προσηύδα· ### book 17.622 μάστιε νῦν εἷός κε θοὰς ἐπὶ νῆας ἵκηαι· ### book 17.623 γιγνώσκεις δὲ καὶ αὐτὸς ὅ τ’ οὐκέτι κάρτος Ἀχαιῶν. ### book 17.624 Ὣς ἔφατ’, Ἰδομενεὺς δ’ ἵμασεν καλλίτριχας ἵππους ### book 17.625 νῆας ἔπι γλαφυράς· δὴ γὰρ δέος ἔμπεσε θυμῷ. ### book 17.626 Οὐδ’ ἔλαθ’ Αἴαντα μεγαλήτορα καὶ Μενέλαον ### book 17.627 Ζεύς, ὅτε δὴ Τρώεσσι δίδου ἑτεραλκέα νίκην. ### book 17.628 τοῖσι δὲ μύθων ἦρχε μέγας Τελαμώνιος Αἴας· ### book 17.629 ὢ πόποι ἤδη μέν κε καὶ ὃς μάλα νήπιός ἐστι ### book 17.630 γνοίη ὅτι Τρώεσσι πατὴρ Ζεὺς αὐτὸς ἀρήγει. ### book 17.631 τῶν μὲν γὰρ πάντων βέλε’ ἅπτεται ὅς τις ἀφήῃ ### book 17.632 ἢ κακὸς ἢ ἀγαθός· Ζεὺς δ’ ἔμπης πάντ’ ἰθύνει· ### book 17.633 ἡμῖν δ’ αὔτως πᾶσιν ἐτώσια πίπτει ἔραζε. ### book 17.634 ἀλλ’ ἄγετ’ αὐτοί περ φραζώμεθα μῆτιν ἀρίστην, ### book 17.635 ἠμὲν ὅπως τὸν νεκρὸν ἐρύσσομεν, ἠδὲ καὶ αὐτοὶ ### book 17.636 χάρμα φίλοις ἑτάροισι γενώμεθα νοστήσαντες, ### book 17.637 οἵ που δεῦρ’ ὁρόωντες ἀκηχέδατ’, οὐδ’ ἔτι φασὶν ### book 17.638 Ἕκτορος ἀνδροφόνοιο μένος καὶ χεῖρας ἀάπτους ### book 17.639 σχήσεσθ’, ἀλλ’ ἐν νηυσὶ μελαίνῃσιν πεσέεσθαι. ### book 17.640 εἴη δ’ ὅς τις ἑταῖρος ἀπαγγείλειε τάχιστα ### book 17.641 Πηλεΐδῃ, ἐπεὶ οὔ μιν ὀΐομαι οὐδὲ πεπύσθαι ### book 17.642 λυγρῆς ἀγγελίης, ὅτι οἱ φίλος ὤλεθ’ ἑταῖρος. ### book 17.643 ἀλλ’ οὔ πῃ δύναμαι ἰδέειν τοιοῦτον Ἀχαιῶν· ### book 17.644 ἠέρι γὰρ κατέχονται ὁμῶς αὐτοί τε καὶ ἵπποι. ### book 17.645 Ζεῦ πάτερ ἀλλὰ σὺ ῥῦσαι ὑπ’ ἠέρος υἷας Ἀχαιῶν, ### book 17.646 ποίησον δ’ αἴθρην, δὸς δ’ ὀφθαλμοῖσιν ἰδέσθαι· ### book 17.647 ἐν δὲ φάει καὶ ὄλεσσον, ἐπεί νύ τοι εὔαδεν οὕτως. ### book 17.648 Ὣς φάτο, τὸν δὲ πατὴρ ὀλοφύρατο δάκρυ χέοντα· ### book 17.649 αὐτίκα δ’ ἠέρα μὲν σκέδασεν καὶ ἀπῶσεν ὀμίχλην, ### book 17.650 ἠέλιος δ’ ἐπέλαμψε, μάχη δ’ ἐπὶ πᾶσα φαάνθη· ### book 17.651 καὶ τότ’ ἄρ’ Αἴας εἶπε βοὴν ἀγαθὸν Μενέλαον· ### book 17.652 σκέπτεο νῦν Μενέλαε διοτρεφὲς αἴ κεν ἴδηαι ### book 17.653 ζωὸν ἔτ’ Ἀντίλοχον μεγαθύμου Νέστορος υἱόν, ### book 17.654 ὄτρυνον δ’ Ἀχιλῆϊ δαΐφρονι θᾶσσον ἰόντα ### book 17.655 εἰπεῖν ὅττι ῥά οἱ πολὺ φίλτατος ὤλεθ’ ἑταῖρος. ### book 17.656 Ὣς ἔφατ’, οὐδ’ ἀπίθησε βοὴν ἀγαθὸς Μενέλαος, ### book 17.657 βῆ δ’ ἰέναι ὥς τίς τε λέων ἀπὸ μεσσαύλοιο, ### book 17.658 ὅς τ’ ἐπεὶ ἄρ κε κάμῃσι κύνας τ’ ἄνδρας τ’ ἐρεθίζων, ### book 17.659 οἵ τέ μιν οὐκ εἰῶσι βοῶν ἐκ πῖαρ ἑλέσθαι ### book 17.660 πάννυχοι ἐγρήσσοντες· ὃ δὲ κρειῶν ἐρατίζων ### book 17.661 ἰθύει, ἀλλ’ οὔ τι πρήσσει· θαμέες γὰρ ἄκοντες ### book 17.662 ἀντίον ἀΐσσουσι θρασειάων ἀπὸ χειρῶν, ### book 17.663 καιόμεναί τε δεταί, τάς τε τρεῖ ἐσσύμενός περ· ### book 17.664 ἠῶθεν δ’ ἀπονόσφιν ἔβη τετιηότι θυμῷ· ### book 17.665 ὣς ἀπὸ Πατρόκλοιο βοὴν ἀγαθὸς Μενέλαος ### book 17.666 ἤϊε πόλλ’ ἀέκων· περὶ γὰρ δίε μή μιν Ἀχαιοὶ ### book 17.667 ἀργαλέου πρὸ φόβοιο ἕλωρ δηΐοισι λίποιεν. ### book 17.668 πολλὰ δὲ Μηριόνῃ τε καὶ Αἰάντεσς’ ἐπέτελλεν· ### book 17.669 Αἴαντ’ Ἀργείων ἡγήτορε Μηριόνη τε ### book 17.670 νῦν τις ἐνηείης Πατροκλῆος δειλοῖο ### book 17.671 μνησάσθω· πᾶσιν γὰρ ἐπίστατο μείλιχος εἶναι ### book 17.672 ζωὸς ἐών· νῦν αὖ θάνατος καὶ μοῖρα κιχάνει. ### book 17.673 Ὣς ἄρα φωνήσας ἀπέβη ξανθὸς Μενέλαος, ### book 17.674 πάντοσε παπταίνων ὥς τ’ αἰετός, ὅν ῥά τέ φασιν ### book 17.675 ὀξύτατον δέρκεσθαι ὑπουρανίων πετεηνῶν, ### book 17.676 ὅν τε καὶ ὑψόθ’ ἐόντα πόδας ταχὺς οὐκ ἔλαθε πτὼξ ### book 17.677 θάμνῳ ὑπ’ ἀμφικόμῳ κατακείμενος, ἀλλά τ’ ἐπ’ αὐτῷ ### book 17.678 ἔσσυτο, καί τέ μιν ὦκα λαβὼν ἐξείλετο θυμόν. ### book 17.679 ὣς τότε σοὶ Μενέλαε διοτρεφὲς ὄσσε φαεινὼ ### book 17.680 πάντοσε δινείσθην πολέων κατὰ ἔθνος ἑταίρων, ### book 17.681 εἴ που Νέστορος υἱὸν ἔτι ζώοντα ἴδοιτο. ### book 17.682 τὸν δὲ μάλ’ αἶψ’ ἐνόησε μάχης ἐπ’ ἀριστερὰ πάσης ### book 17.683 θαρσύνονθ’ ἑτάρους καὶ ἐποτρύνοντα μάχεσθαι, ### book 17.684 ἀγχοῦ δ’ ἱστάμενος προσέφη ξανθὸς Μενέλαος· ### book 17.685 Ἀντίλοχ’ εἰ δ’ ἄγε δεῦρο διοτρεφὲς ὄφρα πύθηαι ### book 17.686 λυγρῆς ἀγγελίης, ἣ μὴ ὤφελλε γενέσθαι. ### book 17.687 ἤδη μὲν σὲ καὶ αὐτὸν ὀΐομαι εἰσορόωντα ### book 17.688 γιγνώσκειν ὅτι πῆμα θεὸς Δαναοῖσι κυλίνδει, ### book 17.689 νίκη δὲ Τρώων· πέφαται δ’ ὤριστος Ἀχαιῶν ### book 17.690 Πάτροκλος, μεγάλη δὲ ποθὴ Δαναοῖσι τέτυκται. ### book 17.691 ἀλλὰ σύ γ’ αἶψ’ Ἀχιλῆϊ θέων ἐπὶ νῆας Ἀχαιῶν ### book 17.692 εἰπεῖν, αἴ κε τάχιστα νέκυν ἐπὶ νῆα σαώσῃ ### book 17.693 γυμνόν· ἀτὰρ τά γε τεύχε’ ἔχει κορυθαίολος Ἕκτωρ. ### book 17.694 Ὣς ἔφατ’, Ἀντίλοχος δὲ κατέστυγε μῦθον ἀκούσας· ### book 17.695 δὴν δέ μιν ἀμφασίη ἐπέων λάβε, τὼ δέ οἱ ὄσσε ### book 17.696 δακρυόφι πλῆσθεν, θαλερὴ δέ οἱ ἔσχετο φωνή. ### book 17.697 ἀλλ’ οὐδ’ ὧς Μενελάου ἐφημοσύνης ἀμέλησε, ### book 17.698 βῆ δὲ θέειν, τὰ δὲ τεύχε’ ἀμύμονι δῶκεν ἑταίρῳ ### book 17.699 Λαοδόκῳ, ὅς οἱ σχεδὸν ἔστρεφε μώνυχας ἵππους. ### book 17.700 Τὸν μὲν δάκρυ χέοντα πόδες φέρον ἐκ πολέμοιο ### book 17.701 Πηλεΐδῃ Ἀχιλῆϊ κακὸν ἔπος ἀγγελέοντα. ### book 17.702 οὐδ’ ἄρα σοὶ Μενέλαε διοτρεφὲς ἤθελε θυμὸς ### book 17.703 τειρομένοις ἑτάροισιν ἀμυνέμεν, ἔνθεν ἀπῆλθεν ### book 17.704 Ἀντίλοχος, μεγάλη δὲ ποθὴ Πυλίοισιν ἐτύχθη· ### book 17.705 ἀλλ’ ὅ γε τοῖσιν μὲν Θρασυμήδεα δῖον ἀνῆκεν, ### book 17.706 αὐτὸς δ’ αὖτ’ ἐπὶ Πατρόκλῳ ἥρωϊ βεβήκει, ### book 17.707 στῆ δὲ παρ’ Αἰάντεσσι θέων, εἶθαρ δὲ προσηύδα· ### book 17.708 κεῖνον μὲν δὴ νηυσὶν ἐπιπροέηκα θοῇσιν ### book 17.709 ἐλθεῖν εἰς Ἀχιλῆα πόδας ταχύν· οὐδέ μιν οἴω ### book 17.710 νῦν ἰέναι μάλα περ κεχολωμένον Ἕκτορι δίῳ· ### book 17.711 οὐ γάρ πως ἂν γυμνὸς ἐὼν Τρώεσσι μάχοιτο. ### book 17.712 ἡμεῖς δ’ αὐτοί περ φραζώμεθα μῆτιν ἀρίστην, ### book 17.713 ἠμὲν ὅπως τὸν νεκρὸν ἐρύσσομεν, ἠδὲ καὶ αὐτοὶ ### book 17.714 Τρώων ἐξ ἐνοπῆς θάνατον καὶ κῆρα φύγωμεν. ### book 17.715 Τὸν δ’ ἠμείβετ’ ἔπειτα μέγας Τελαμώνιος Αἴας· ### book 17.716 πάντα κατ’ αἶσαν ἔειπες ἀγακλεὲς ὦ Μενέλαε· ### book 17.717 ἀλλὰ σὺ μὲν καὶ Μηριόνης ὑποδύντε μάλ’ ὦκα ### book 17.718 νεκρὸν ἀείραντες φέρετ’ ἐκ πόνου· αὐτὰρ ὄπισθε ### book 17.719 νῶϊ μαχησόμεθα Τρωσίν τε καὶ Ἕκτορι δίῳ ### book 17.720 ἶσον θυμὸν ἔχοντες ὁμώνυμοι, οἳ τὸ πάρος περ ### book 17.721 μίμνομεν ὀξὺν Ἄρηα παρ’ ἀλλήλοισι μένοντες. ### book 17.722 Ὣς ἔφαθ’, οἳ δ’ ἄρα νεκρὸν ἀπὸ χθονὸς ἀγκάζοντο ### book 17.723 ὕψι μάλα μεγάλως· ἐπὶ δ’ ἴαχε λαὸς ὄπισθε ### book 17.724 Τρωϊκός, ὡς εἴδοντο νέκυν αἴροντας Ἀχαιούς. ### book 17.725 ἴθυσαν δὲ κύνεσσιν ἐοικότες, οἵ τ’ ἐπὶ κάπρῳ ### book 17.726 βλημένῳ ἀΐξωσι πρὸ κούρων θηρητήρων· ### book 17.727 ἕως μὲν γάρ τε θέουσι διαρραῖσαι μεμαῶτες, ### book 17.728 ἀλλ’ ὅτε δή ῥ’ ἐν τοῖσιν ἑλίξεται ἀλκὶ πεποιθώς, ### book 17.729 ἄψ τ’ ἀνεχώρησαν διά τ’ ἔτρεσαν ἄλλυδις ἄλλος. ### book 17.730 ὣς Τρῶες εἷος μὲν ὁμιλαδὸν αἰὲν ἕποντο ### book 17.731 νύσσοντες ξίφεσίν τε καὶ ἔγχεσιν ἀμφιγύοισιν· ### book 17.732 ἀλλ’ ὅτε δή ῥ’ Αἴαντε μεταστρεφθέντε κατ’ αὐτοὺς ### book 17.733 σταίησαν, τῶν δὲ τράπετο χρώς, οὐδέ τις ἔτλη ### book 17.734 πρόσσω ἀΐξας περὶ νεκροῦ δηριάασθαι. ### book 17.735 Ὣς οἵ γ’ ἐμμεμαῶτε νέκυν φέρον ἐκ πολέμοιο ### book 17.736 νῆας ἔπι γλαφυράς· ἐπὶ δὲ πτόλεμος τέτατό σφιν ### book 17.737 ἄγριος ἠΰτε πῦρ, τό τ’ ἐπεσσύμενον πόλιν ἀνδρῶν ### book 17.738 ὄρμενον ἐξαίφνης φλεγέθει, μινύθουσι δὲ οἶκοι ### book 17.739 ἐν σέλαϊ μεγάλῳ· τὸ δ’ ἐπιβρέμει ἲς ἀνέμοιο. ### book 17.740 ὣς μὲν τοῖς ἵππων τε καὶ ἀνδρῶν αἰχμητάων ### book 17.741 ἀζηχὴς ὀρυμαγδὸς ἐπήϊεν ἐρχομένοισιν· ### book 17.742 οἳ δ’ ὥς θ’ ἡμίονοι κρατερὸν μένος ἀμφιβαλόντες ### book 17.743 ἕλκως’ ἐξ ὄρεος κατὰ παιπαλόεσσαν ἀταρπὸν ### book 17.744 ἢ δοκὸν ἠὲ δόρυ μέγα νήϊον· ἐν δέ τε θυμὸς ### book 17.745 τείρεθ’ ὁμοῦ καμάτῳ τε καὶ ἱδρῷ σπευδόντεσσιν· ### book 17.746 ὣς οἵ γ’ ἐμμεμαῶτε νέκυν φέρον. αὐτὰρ ὄπισθεν ### book 17.747 Αἴαντ’ ἰσχανέτην, ὥς τε πρὼν ἰσχάνει ὕδωρ ### book 17.748 ὑλήεις πεδίοιο διαπρύσιον τετυχηκώς, ### book 17.749 ὅς τε καὶ ἰφθίμων ποταμῶν ἀλεγεινὰ ῥέεθρα ### book 17.750 ἴσχει, ἄφαρ δέ τε πᾶσι ῥόον πεδίον δὲ τίθησι ### book 17.751 πλάζων· οὐδέ τί μιν σθένεϊ ῥηγνῦσι ῥέοντες· ### book 17.752 ὣς αἰεὶ Αἴαντε μάχην ἀνέεργον ὀπίσσω ### book 17.753 Τρώων· οἳ δ’ ἅμ’ ἕποντο, δύω δ’ ἐν τοῖσι μάλιστα ### book 17.754 Αἰνείας τ’ Ἀγχισιάδης καὶ φαίδιμος Ἕκτωρ. ### book 17.755 τῶν δ’ ὥς τε ψαρῶν νέφος ἔρχεται ἠὲ κολοιῶν ### book 17.756 οὖλον κεκλήγοντες, ὅτε προΐδωσιν ἰόντα ### book 17.757 κίρκον, ὅ τε σμικρῇσι φόνον φέρει ὀρνίθεσσιν, ### book 17.758 ὣς ἄρ’ ὑπ’ Αἰνείᾳ τε καὶ Ἕκτορι κοῦροι Ἀχαιῶν ### book 17.759 οὖλον κεκλήγοντες ἴσαν, λήθοντο δὲ χάρμης. ### book 17.760 πολλὰ δὲ τεύχεα καλὰ πέσον περί τ’ ἀμφί τε τάφρον ### book 17.761 φευγόντων Δαναῶν· πολέμου δ’ οὐ γίγνετ’ ἐρωή. ### book 18.1 Ὣς οἳ μὲν μάρναντο δέμας πυρὸς αἰθομένοιο, ### book 18.2 Ἀντίλοχος δ’ Ἀχιλῆϊ πόδας ταχὺς ἄγγελος ἦλθε. ### book 18.3 τὸν δ’ εὗρε προπάροιθε νεῶν ὀρθοκραιράων ### book 18.4 τὰ φρονέοντ’ ἀνὰ θυμὸν ἃ δὴ τετελεσμένα ἦεν· ### book 18.5 ὀχθήσας δ’ ἄρα εἶπε πρὸς ὃν μεγαλήτορα θυμόν· ### book 18.6 ὤ μοι ἐγώ, τί τ’ ἄρ’ αὖτε κάρη κομόωντες Ἀχαιοὶ ### book 18.7 νηυσὶν ἔπι κλονέονται ἀτυζόμενοι πεδίοιο; ### book 18.8 μὴ δή μοι τελέσωσι θεοὶ κακὰ κήδεα θυμῷ, ### book 18.9 ὥς ποτέ μοι μήτηρ διεπέφραδε καί μοι ἔειπε ### book 18.10 Μυρμιδόνων τὸν ἄριστον ἔτι ζώοντος ἐμεῖο ### book 18.11 χερσὶν ὕπο Τρώων λείψειν φάος ἠελίοιο. ### book 18.12 ἦ μάλα δὴ τέθνηκε Μενοιτίου ἄλκιμος υἱὸς ### book 18.13 σχέτλιος· ἦ τ’ ἐκέλευον ἀπωσάμενον δήϊον πῦρ ### book 18.14 ἂψ ἐπὶ νῆας ἴμεν, μηδ’ Ἕκτορι ἶφι μάχεσθαι. ### book 18.15 Εἷος ὃ ταῦθ’ ὥρμαινε κατὰ φρένα καὶ κατὰ θυμόν, ### book 18.16 τόφρά οἱ ἐγγύθεν ἦλθεν ἀγαυοῦ Νέστορος υἱὸς ### book 18.17 δάκρυα θερμὰ χέων, φάτο δ’ ἀγγελίην ἀλεγεινήν· ### book 18.18 ὤ μοι Πηλέος υἱὲ δαΐφρονος ἦ μάλα λυγρῆς ### book 18.19 πεύσεαι ἀγγελίης, ἣ μὴ ὤφελλε γενέσθαι. ### book 18.20 κεῖται Πάτροκλος, νέκυος δὲ δὴ ἀμφιμάχονται ### book 18.21 γυμνοῦ· ἀτὰρ τά γε τεύχε’ ἔχει κορυθαίολος Ἕκτωρ. ### book 18.22 Ὣς φάτο, τὸν δ’ ἄχεος νεφέλη ἐκάλυψε μέλαινα· ### book 18.23 ἀμφοτέρῃσι δὲ χερσὶν ἑλὼν κόνιν αἰθαλόεσσαν ### book 18.24 χεύατο κὰκ κεφαλῆς, χαρίεν δ’ ᾔσχυνε πρόσωπον· ### book 18.25 νεκταρέῳ δὲ χιτῶνι μέλαιν’ ἀμφίζανε τέφρη. ### book 18.26 αὐτὸς δ’ ἐν κονίῃσι μέγας μεγαλωστὶ τανυσθεὶς ### book 18.27 κεῖτο, φίλῃσι δὲ χερσὶ κόμην ᾔσχυνε δαΐζων. ### book 18.28 δμῳαὶ δ’ ἃς Ἀχιλεὺς ληΐσσατο Πάτροκλός τε ### book 18.29 θυμὸν ἀκηχέμεναι μεγάλ’ ἴαχον, ἐκ δὲ θύραζε ### book 18.30 ἔδραμον ἀμφ’ Ἀχιλῆα δαΐφρονα, χερσὶ δὲ πᾶσαι ### book 18.31 στήθεα πεπλήγοντο, λύθεν δ’ ὑπὸ γυῖα ἑκάστης. ### book 18.32 Ἀντίλοχος δ’ ἑτέρωθεν ὀδύρετο δάκρυα λείβων ### book 18.33 χεῖρας ἔχων Ἀχιλῆος· ὃ δ’ ἔστενε κυδάλιμον κῆρ· ### book 18.34 δείδιε γὰρ μὴ λαιμὸν ἀπαμήσειε σιδήρῳ. ### book 18.35 σμερδαλέον δ’ ᾤμωξεν· ἄκουσε δὲ πότνια μήτηρ ### book 18.36 ἡμένη ἐν βένθεσσιν ἁλὸς παρὰ πατρὶ γέροντι, ### book 18.37 κώκυσέν τ’ ἄρ’ ἔπειτα· θεαὶ δέ μιν ἀμφαγέροντο ### book 18.38 πᾶσαι ὅσαι κατὰ βένθος ἁλὸς Νηρηΐδες ἦσαν. ### book 18.39 ἔνθ’ ἄρ’ ἔην Γλαύκη τε Θάλειά τε Κυμοδόκη τε ### book 18.40 Νησαίη Σπειώ τε Θόη θ’ Ἁλίη τε βοῶπις ### book 18.41 Κυμοθόη τε καὶ Ἀκταίη καὶ Λιμνώρεια ### book 18.42 καὶ Μελίτη καὶ Ἴαιρα καὶ Ἀμφιθόη καὶ Ἀγαυὴ ### book 18.43 Δωτώ τε Πρωτώ τε Φέρουσά τε Δυναμένη τε ### book 18.44 Δεξαμένη τε καὶ Ἀμφινόμη καὶ Καλλιάνειρα ### book 18.45 Δωρὶς καὶ Πανόπη καὶ ἀγακλειτὴ Γαλάτεια ### book 18.46 Νημερτής τε καὶ Ἀψευδὴς καὶ Καλλιάνασσα· ### book 18.47 ἔνθα δ’ ἔην Κλυμένη Ἰάνειρά τε καὶ Ἰάνασσα ### book 18.48 Μαῖρα καὶ Ὠρείθυια ἐϋπλόκαμός τ’ Ἀμάθεια ### book 18.49 ἄλλαι θ’ αἳ κατὰ βένθος ἁλὸς Νηρηΐδες ἦσαν. ### book 18.50 τῶν δὲ καὶ ἀργύφεον πλῆτο σπέος· αἳ δ’ ἅμα πᾶσαι ### book 18.51 στήθεα πεπλήγοντο, Θέτις δ’ ἐξῆρχε γόοιο· ### book 18.52 κλῦτε κασίγνηται Νηρηΐδες, ὄφρ’ ἐῢ πᾶσαι ### book 18.53 εἴδετ’ ἀκούουσαι ὅς’ ἐμῷ ἔνι κήδεα θυμῷ. ### book 18.54 ὤ μοι ἐγὼ δειλή, ὤ μοι δυσαριστοτόκεια, ### book 18.55 ἥ τ’ ἐπεὶ ἂρ τέκον υἱὸν ἀμύμονά τε κρατερόν τε ### book 18.56 ἔξοχον ἡρώων· ὃ δ’ ἀνέδραμεν ἔρνεϊ ἶσος· ### book 18.57 τὸν μὲν ἐγὼ θρέψασα φυτὸν ὣς γουνῷ ἀλωῆς ### book 18.58 νηυσὶν ἐπιπροέηκα κορωνίσιν Ἴλιον εἴσω ### book 18.59 Τρωσὶ μαχησόμενον· τὸν δ’ οὐχ ὑποδέξομαι αὖτις ### book 18.60 οἴκαδε νοστήσαντα δόμον Πηλήϊον εἴσω. ### book 18.61 ὄφρα δέ μοι ζώει καὶ ὁρᾷ φάος ἠελίοιο ### book 18.62 ἄχνυται, οὐδέ τί οἱ δύναμαι χραισμῆσαι ἰοῦσα. ### book 18.63 ἀλλ’ εἶμ’, ὄφρα ἴδωμι φίλον τέκος, ἠδ’ ἐπακούσω ### book 18.64 ὅττί μιν ἵκετο πένθος ἀπὸ πτολέμοιο μένοντα. ### book 18.65 Ὣς ἄρα φωνήσασα λίπε σπέος· αἳ δὲ σὺν αὐτῇ ### book 18.66 δακρυόεσσαι ἴσαν, περὶ δέ σφισι κῦμα θαλάσσης ### book 18.67 ῥήγνυτο· ταὶ δ’ ὅτε δὴ Τροίην ἐρίβωλον ἵκοντο ### book 18.68 ἀκτὴν εἰσανέβαινον ἐπισχερώ, ἔνθα θαμειαὶ ### book 18.69 Μυρμιδόνων εἴρυντο νέες ταχὺν ἀμφ’ Ἀχιλῆα. ### book 18.70 τῷ δὲ βαρὺ στενάχοντι παρίστατο πότνια μήτηρ, ### book 18.71 ὀξὺ δὲ κωκύσασα κάρη λάβε παιδὸς ἑοῖο, ### book 18.72 καί ῥ’ ὀλοφυρομένη ἔπεα πτερόεντα προσηύδα· ### book 18.73 τέκνον τί κλαίεις; τί δέ σε φρένας ἵκετο πένθος; ### book 18.74 ἐξαύδα, μὴ κεῦθε· τὰ μὲν δή τοι τετέλεσται ### book 18.75 ἐκ Διός, ὡς ἄρα δὴ πρίν γ’ εὔχεο χεῖρας ἀνασχὼν ### book 18.76 πάντας ἐπὶ πρύμνῃσιν ἀλήμεναι υἷας Ἀχαιῶν ### book 18.77 σεῦ ἐπιδευομένους, παθέειν τ’ ἀεκήλια ἔργα. ### book 18.78 Τὴν δὲ βαρὺ στενάχων προσέφη πόδας ὠκὺς Ἀχιλλεύς· ### book 18.79 μῆτερ ἐμή, τὰ μὲν ἄρ μοι Ὀλύμπιος ἐξετέλεσσεν· ### book 18.80 ἀλλὰ τί μοι τῶν ἦδος ἐπεὶ φίλος ὤλεθ’ ἑταῖρος ### book 18.81 Πάτροκλος, τὸν ἐγὼ περὶ πάντων τῖον ἑταίρων ### book 18.82 ἶσον ἐμῇ κεφαλῇ; τὸν ἀπώλεσα, τεύχεα δ’ Ἕκτωρ ### book 18.83 δῃώσας ἀπέδυσε πελώρια θαῦμα ἰδέσθαι ### book 18.84 καλά· τὰ μὲν Πηλῆϊ θεοὶ δόσαν ἀγλαὰ δῶρα ### book 18.85 ἤματι τῷ ὅτε σε βροτοῦ ἀνέρος ἔμβαλον εὐνῇ. ### book 18.86 αἴθ’ ὄφελες σὺ μὲν αὖθι μετ’ ἀθανάτῃς ἁλίῃσι ### book 18.87 ναίειν, Πηλεὺς δὲ θνητὴν ἀγαγέσθαι ἄκοιτιν. ### book 18.88 νῦν δ’ ἵνα καὶ σοὶ πένθος ἐνὶ φρεσὶ μυρίον εἴη ### book 18.89 παιδὸς ἀποφθιμένοιο, τὸν οὐχ ὑποδέξεαι αὖτις ### book 18.90 οἴκαδε νοστήσαντ’, ἐπεὶ οὐδ’ ἐμὲ θυμὸς ἄνωγε ### book 18.91 ζώειν οὐδ’ ἄνδρεσσι μετέμμεναι, αἴ κε μὴ Ἕκτωρ ### book 18.92 πρῶτος ἐμῷ ὑπὸ δουρὶ τυπεὶς ἀπὸ θυμὸν ὀλέσσῃ, ### book 18.93 Πατρόκλοιο δ’ ἕλωρα Μενοιτιάδεω ἀποτίσῃ. ### book 18.94 Τὸν δ’ αὖτε προσέειπε Θέτις κατὰ δάκρυ χέουσα· ### book 18.95 ὠκύμορος δή μοι τέκος ἔσσεαι, οἷ’ ἀγορεύεις· ### book 18.96 αὐτίκα γάρ τοι ἔπειτα μεθ’ Ἕκτορα πότμος ἑτοῖμος. ### book 18.97 Τὴν δὲ μέγ’ ὀχθήσας προσέφη πόδας ὠκὺς Ἀχιλλεύς· ### book 18.98 αὐτίκα τεθναίην, ἐπεὶ οὐκ ἄρ’ ἔμελλον ἑταίρῳ ### book 18.99 κτεινομένῳ ἐπαμῦναι· ὃ μὲν μάλα τηλόθι πάτρης ### book 18.100 ἔφθιτ’, ἐμεῖο δὲ δῆσεν ἀρῆς ἀλκτῆρα γενέσθαι. ### book 18.101 νῦν δ’ ἐπεὶ οὐ νέομαί γε φίλην ἐς πατρίδα γαῖαν, ### book 18.102 οὐδέ τι Πατρόκλῳ γενόμην φάος οὐδ’ ἑτάροισι ### book 18.103 τοῖς ἄλλοις, οἳ δὴ πολέες δάμεν Ἕκτορι δίῳ, ### book 18.104 ἀλλ’ ἧμαι παρὰ νηυσὶν ἐτώσιον ἄχθος ἀρούρης, ### book 18.105 τοῖος ἐὼν οἷος οὔ τις Ἀχαιῶν χαλκοχιτώνων ### book 18.106 ἐν πολέμῳ· ἀγορῇ δέ τ’ ἀμείνονές εἰσι καὶ ἄλλοι. ### book 18.107 ὡς ἔρις ἔκ τε θεῶν ἔκ τ’ ἀνθρώπων ἀπόλοιτο ### book 18.108 καὶ χόλος, ὅς τ’ ἐφέηκε πολύφρονά περ χαλεπῆναι, ### book 18.109 ὅς τε πολὺ γλυκίων μέλιτος καταλειβομένοιο ### book 18.110 ἀνδρῶν ἐν στήθεσσιν ἀέξεται ἠΰτε καπνός· ### book 18.111 ὡς ἐμὲ νῦν ἐχόλωσεν ἄναξ ἀνδρῶν Ἀγαμέμνων. ### book 18.112 ἀλλὰ τὰ μὲν προτετύχθαι ἐάσομεν ἀχνύμενοί περ, ### book 18.113 θυμὸν ἐνὶ στήθεσσι φίλον δαμάσαντες ἀνάγκῃ· ### book 18.114 νῦν δ’ εἶμ’ ὄφρα φίλης κεφαλῆς ὀλετῆρα κιχείω ### book 18.115 Ἕκτορα· κῆρα δ’ ἐγὼ τότε δέξομαι ὁππότε κεν δὴ ### book 18.116 Ζεὺς ἐθέλῃ τελέσαι ἠδ’ ἀθάνατοι θεοὶ ἄλλοι. ### book 18.117 οὐδὲ γὰρ οὐδὲ βίη Ἡρακλῆος φύγε κῆρα, ### book 18.118 ὅς περ φίλτατος ἔσκε Διὶ Κρονίωνι ἄνακτι· ### book 18.119 ἀλλά ἑ μοῖρα δάμασσε καὶ ἀργαλέος χόλος Ἥρης. ### book 18.120 ὣς καὶ ἐγών, εἰ δή μοι ὁμοίη μοῖρα τέτυκται, ### book 18.121 κείσομ’ ἐπεί κε θάνω· νῦν δὲ κλέος ἐσθλὸν ἀροίμην, ### book 18.122 καί τινα Τρωϊάδων καὶ Δαρδανίδων βαθυκόλπων ### book 18.123 ἀμφοτέρῃσιν χερσὶ παρειάων ἁπαλάων ### book 18.124 δάκρυ’ ὀμορξαμένην ἁδινὸν στοναχῆσαι ἐφείην, ### book 18.125 γνοῖεν δ’ ὡς δὴ δηρὸν ἐγὼ πολέμοιο πέπαυμαι· ### book 18.126 μὴ δέ μ’ ἔρυκε μάχης φιλέουσά περ· οὐδέ με πείσεις. ### book 18.127 Τὸν δ’ ἠμείβετ’ ἔπειτα θεὰ Θέτις ἀργυρόπεζα· ### book 18.128 ναὶ δὴ ταῦτά γε τέκνον ἐτήτυμον οὐ κακόν ἐστι ### book 18.129 τειρομένοις ἑτάροισιν ἀμυνέμεν αἰπὺν ὄλεθρον. ### book 18.130 ἀλλά τοι ἔντεα καλὰ μετὰ Τρώεσσιν ἔχονται ### book 18.131 χάλκεα μαρμαίροντα· τὰ μὲν κορυθαίολος Ἕκτωρ ### book 18.132 αὐτὸς ἔχων ὤμοισιν ἀγάλλεται· οὐδέ ἕ φημι ### book 18.133 δηρὸν ἐπαγλαϊεῖσθαι, ἐπεὶ φόνος ἐγγύθεν αὐτῷ. ### book 18.134 ἀλλὰ σὺ μὲν μή πω καταδύσεο μῶλον Ἄρηος ### book 18.135 πρίν γ’ ἐμὲ δεῦρ’ ἐλθοῦσαν ἐν ὀφθαλμοῖσιν ἴδηαι· ### book 18.136 ἠῶθεν γὰρ νεῦμαι ἅμ’ ἠελίῳ ἀνιόντι ### book 18.137 τεύχεα καλὰ φέρουσα παρ’ Ἡφαίστοιο ἄνακτος. ### book 18.138 Ὣς ἄρα φωνήσασα πάλιν τράπεθ’ υἷος ἑοῖο, ### book 18.139 καὶ στρεφθεῖς’ ἁλίῃσι κασιγνήτῃσι μετηύδα· ### book 18.140 ὑμεῖς μὲν νῦν δῦτε θαλάσσης εὐρέα κόλπον ### book 18.141 ὀψόμεναί τε γέρονθ’ ἅλιον καὶ δώματα πατρός, ### book 18.142 καί οἱ πάντ’ ἀγορεύσατ’· ἐγὼ δ’ ἐς μακρὸν Ὄλυμπον ### book 18.143 εἶμι παρ’ Ἥφαιστον κλυτοτέχνην, αἴ κ’ ἐθέλῃσιν ### book 18.144 υἱεῖ ἐμῷ δόμεναι κλυτὰ τεύχεα παμφανόωντα. ### book 18.145 Ὣς ἔφαθ’, αἳ δ’ ὑπὸ κῦμα θαλάσσης αὐτίκ’ ἔδυσαν· ### book 18.146 ἣ δ’ αὖτ’ Οὔλυμπον δὲ θεὰ Θέτις ἀργυρόπεζα ### book 18.147 ἤϊεν ὄφρα φίλῳ παιδὶ κλυτὰ τεύχε’ ἐνείκαι. ### book 18.148 Τὴν μὲν ἄρ’ Οὔλυμπον δὲ πόδες φέρον· αὐτὰρ Ἀχαιοὶ ### book 18.149 θεσπεσίῳ ἀλαλητῷ ὑφ’ Ἕκτορος ἀνδροφόνοιο ### book 18.150 φεύγοντες νῆάς τε καὶ Ἑλλήσποντον ἵκοντο. ### book 18.151 οὐδέ κε Πάτροκλόν περ ἐϋκνήμιδες Ἀχαιοὶ ### book 18.152 ἐκ βελέων ἐρύσαντο νέκυν θεράποντ’ Ἀχιλῆος· ### book 18.153 αὖτις γὰρ δὴ τόν γε κίχον λαός τε καὶ ἵπποι ### book 18.154 Ἕκτωρ τε Πριάμοιο πάϊς φλογὶ εἴκελος ἀλκήν. ### book 18.155 τρὶς μέν μιν μετόπισθε ποδῶν λάβε φαίδιμος Ἕκτωρ ### book 18.156 ἑλκέμεναι μεμαώς, μέγα δὲ Τρώεσσιν ὁμόκλα· ### book 18.157 τρὶς δὲ δύ’ Αἴαντες θοῦριν ἐπιειμένοι ἀλκὴν ### book 18.158 νεκροῦ ἀπεστυφέλιξαν· ὃ δ’ ἔμπεδον ἀλκὶ πεποιθὼς ### book 18.159 ἄλλοτ’ ἐπαΐξασκε κατὰ μόθον, ἄλλοτε δ’ αὖτε ### book 18.160 στάσκε μέγα ἰάχων· ὀπίσω δ’ οὐ χάζετο πάμπαν. ### book 18.161 ὡς δ’ ἀπὸ σώματος οὔ τι λέοντ’ αἴθωνα δύνανται ### book 18.162 ποιμένες ἄγραυλοι μέγα πεινάοντα δίεσθαι, ### book 18.163 ὥς ῥα τὸν οὐκ ἐδύναντο δύω Αἴαντε κορυστὰ ### book 18.164 Ἕκτορα Πριαμίδην ἀπὸ νεκροῦ δειδίξασθαι. ### book 18.165 καί νύ κεν εἴρυσσέν τε καὶ ἄσπετον ἤρατο κῦδος, ### book 18.166 εἰ μὴ Πηλεΐωνι ποδήνεμος ὠκέα Ἶρις ### book 18.167 ἄγγελος ἦλθε θέους’ ἀπ’ Ὀλύμπου θωρήσσεσθαι ### book 18.168 κρύβδα Διὸς ἄλλων τε θεῶν· πρὸ γὰρ ἧκέ μιν Ἥρη. ### book 18.169 ἀγχοῦ δ’ ἱσταμένη ἔπεα πτερόεντα προσηύδα· ### book 18.170 ὄρσεο Πηλεΐδη, πάντων ἐκπαγλότατ’ ἀνδρῶν· ### book 18.171 Πατρόκλῳ ἐπάμυνον, οὗ εἵνεκα φύλοπις αἰνὴ ### book 18.172 ἕστηκε πρὸ νεῶν· οἳ δ’ ἀλλήλους ὀλέκουσιν ### book 18.173 οἳ μὲν ἀμυνόμενοι νέκυος πέρι τεθνηῶτος, ### book 18.174 οἳ δὲ ἐρύσσασθαι ποτὶ Ἴλιον ἠνεμόεσσαν ### book 18.175 Τρῶες ἐπιθύουσι· μάλιστα δὲ φαίδιμος Ἕκτωρ ### book 18.176 ἑλκέμεναι μέμονεν· κεφαλὴν δέ ἑ θυμὸς ἄνωγε ### book 18.177 πῆξαι ἀνὰ σκολόπεσσι ταμόνθ’ ἁπαλῆς ἀπὸ δειρῆς. ### book 18.178 ἀλλ’ ἄνα μηδ’ ἔτι κεῖσο· σέβας δέ σε θυμὸν ἱκέσθω ### book 18.179 Πάτροκλον Τρῳῇσι κυσὶν μέλπηθρα γενέσθαι· ### book 18.180 σοὶ λώβη, αἴ κέν τι νέκυς ᾐσχυμμένος ἔλθῃ. ### book 18.181 Τὴν δ’ ἠμείβετ’ ἔπειτα ποδάρκης δῖος Ἀχιλλεύς· ### book 18.182 Ἶρι θεὰ τίς γάρ σε θεῶν ἐμοὶ ἄγγελον ἧκε; ### book 18.183 Τὸν δ’ αὖτε προσέειπε ποδήνεμος ὠκέα Ἶρις· ### book 18.184 Ἥρη με προέηκε Διὸς κυδρὴ παράκοιτις· ### book 18.185 οὐδ’ οἶδε Κρονίδης ὑψίζυγος οὐδέ τις ἄλλος ### book 18.186 ἀθανάτων, οἳ Ὄλυμπον ἀγάννιφον ἀμφινέμονται. ### book 18.187 Τὴν δ’ ἀπαμειβόμενος προσέφη πόδας ὠκὺς Ἀχιλλεύς· ### book 18.188 πῶς τὰρ ἴω μετὰ μῶλον; ἔχουσι δὲ τεύχε’ ἐκεῖνοι· ### book 18.189 μήτηρ δ’ οὔ με φίλη πρίν γ’ εἴα θωρήσσεσθαι ### book 18.190 πρίν γ’ αὐτὴν ἐλθοῦσαν ἐν ὀφθαλμοῖσιν ἴδωμαι· ### book 18.191 στεῦτο γὰρ Ἡφαίστοιο πάρ’ οἰσέμεν ἔντεα καλά. ### book 18.192 ἄλλου δ’ οὔ τευ οἶδα τεῦ ἂν κλυτὰ τεύχεα δύω, ### book 18.193 εἰ μὴ Αἴαντός γε σάκος Τελαμωνιάδαο. ### book 18.194 ἀλλὰ καὶ αὐτὸς ὅ γ’ ἔλπομ’ ἐνὶ πρώτοισιν ὁμιλεῖ ### book 18.195 ἔγχεϊ δηϊόων περὶ Πατρόκλοιο θανόντος. ### book 18.196 Τὸν δ’ αὖτε προσέειπε ποδήνεμος ὠκέα Ἶρις· ### book 18.197 εὖ νυ καὶ ἡμεῖς ἴδμεν ὅ τοι κλυτὰ τεύχε’ ἔχονται· ### book 18.198 ἀλλ’ αὔτως ἐπὶ τάφρον ἰὼν Τρώεσσι φάνηθι, ### book 18.199 αἴ κέ ς’ ὑποδείσαντες ἀπόσχωνται πολέμοιο ### book 18.200 Τρῶες, ἀναπνεύσωσι δ’ ἀρήϊοι υἷες Ἀχαιῶν ### book 18.201 τειρόμενοι· ὀλίγη δέ τ’ ἀνάπνευσις πολέμοιο. ### book 18.202 Ἣ μὲν ἄρ’ ὣς εἰποῦς’ ἀπέβη πόδας ὠκέα Ἶρις, ### book 18.203 αὐτὰρ Ἀχιλλεὺς ὦρτο Διῒ φίλος· ἀμφὶ δ’ Ἀθήνη ### book 18.204 ὤμοις ἰφθίμοισι βάλ’ αἰγίδα θυσσανόεσσαν, ### book 18.205 ἀμφὶ δέ οἱ κεφαλῇ νέφος ἔστεφε δῖα θεάων ### book 18.206 χρύσεον, ἐκ δ’ αὐτοῦ δαῖε φλόγα παμφανόωσαν. ### book 18.207 ὡς δ’ ὅτε καπνὸς ἰὼν ἐξ ἄστεος αἰθέρ’ ἵκηται ### book 18.208 τηλόθεν ἐκ νήσου, τὴν δήϊοι ἀμφιμάχωνται, ### book 18.209 οἵ τε πανημέριοι στυγερῷ κρίνονται Ἄρηϊ ### book 18.210 ἄστεος ἐκ σφετέρου· ἅμα δ’ ἠελίῳ καταδύντι ### book 18.211 πυρσοί τε φλεγέθουσιν ἐπήτριμοι, ὑψόσε δ’ αὐγὴ ### book 18.212 γίγνεται ἀΐσσουσα περικτιόνεσσιν ἰδέσθαι, ### book 18.213 αἴ κέν πως σὺν νηυσὶν ἄρεω ἀλκτῆρες ἵκωνται· ### book 18.214 ὣς ἀπ’ Ἀχιλλῆος κεφαλῆς σέλας αἰθέρ’ ἵκανε· ### book 18.215 στῆ δ’ ἐπὶ τάφρον ἰὼν ἀπὸ τείχεος, οὐδ’ ἐς Ἀχαιοὺς ### book 18.216 μίσγετο· μητρὸς γὰρ πυκινὴν ὠπίζετ’ ἐφετμήν. ### book 18.217 ἔνθα στὰς ἤϋς’, ἀπάτερθε δὲ Παλλὰς Ἀθήνη ### book 18.218 φθέγξατ’· ἀτὰρ Τρώεσσιν ἐν ἄσπετον ὦρσε κυδοιμόν. ### book 18.219 ὡς δ’ ὅτ’ ἀριζήλη φωνή, ὅτε τ’ ἴαχε σάλπιγξ ### book 18.220 ἄστυ περιπλομένων δηΐων ὕπο θυμοραϊστέων, ### book 18.221 ὣς τότ’ ἀριζήλη φωνὴ γένετ’ Αἰακίδαο. ### book 18.222 οἳ δ’ ὡς οὖν ἄϊον ὄπα χάλκεον Αἰακίδαο, ### book 18.223 πᾶσιν ὀρίνθη θυμός· ἀτὰρ καλλίτριχες ἵπποι ### book 18.224 ἂψ ὄχεα τρόπεον· ὄσσοντο γὰρ ἄλγεα θυμῷ. ### book 18.225 ἡνίοχοι δ’ ἔκπληγεν, ἐπεὶ ἴδον ἀκάματον πῦρ ### book 18.226 δεινὸν ὑπὲρ κεφαλῆς μεγαθύμου Πηλεΐωνος ### book 18.227 δαιόμενον· τὸ δὲ δαῖε θεὰ γλαυκῶπις Ἀθήνη. ### book 18.228 τρὶς μὲν ὑπὲρ τάφρου μεγάλ’ ἴαχε δῖος Ἀχιλλεύς, ### book 18.229 τρὶς δὲ κυκήθησαν Τρῶες κλειτοί τ’ ἐπίκουροι. ### book 18.230 ἔνθα δὲ καὶ τότ’ ὄλοντο δυώδεκα φῶτες ἄριστοι ### book 18.231 ἀμφὶ σφοῖς ὀχέεσσι καὶ ἔγχεσιν. αὐτὰρ Ἀχαιοὶ ### book 18.232 ἀσπασίως Πάτροκλον ὑπ’ ἐκ βελέων ἐρύσαντες ### book 18.233 κάτθεσαν ἐν λεχέεσσι· φίλοι δ’ ἀμφέσταν ἑταῖροι ### book 18.234 μυρόμενοι· μετὰ δέ σφι ποδώκης εἵπετ’ Ἀχιλλεὺς ### book 18.235 δάκρυα θερμὰ χέων, ἐπεὶ εἴσιδε πιστὸν ἑταῖρον ### book 18.236 κείμενον ἐν φέρτρῳ δεδαϊγμένον ὀξέϊ χαλκῷ, ### book 18.237 τόν ῥ’ ἤτοι μὲν ἔπεμπε σὺν ἵπποισιν καὶ ὄχεσφιν ### book 18.238 ἐς πόλεμον, οὐδ’ αὖτις ἐδέξατο νοστήσαντα. ### book 18.239 Ἠέλιον δ’ ἀκάμαντα βοῶπις πότνια Ἥρη ### book 18.240 πέμψεν ἐπ’ Ὠκεανοῖο ῥοὰς ἀέκοντα νέεσθαι· ### book 18.241 ἠέλιος μὲν ἔδυ, παύσαντο δὲ δῖοι Ἀχαιοὶ ### book 18.242 φυλόπιδος κρατερῆς καὶ ὁμοιΐου πολέμοιο. ### book 18.243 Τρῶες δ’ αὖθ’ ἑτέρωθεν ἀπὸ κρατερῆς ὑσμίνης ### book 18.244 χωρήσαντες ἔλυσαν ὑφ’ ἅρμασιν ὠκέας ἵππους, ### book 18.245 ἐς δ’ ἀγορὴν ἀγέροντο πάρος δόρποιο μέδεσθαι. ### book 18.246 ὀρθῶν δ’ ἑσταότων ἀγορὴ γένετ’, οὐδέ τις ἔτλη ### book 18.247 ἕζεσθαι· πάντας γὰρ ἔχε τρόμος, οὕνεκ’ Ἀχιλλεὺς ### book 18.248 ἐξεφάνη, δηρὸν δὲ μάχης ἐπέπαυτ’ ἀλεγεινῆς. ### book 18.249 τοῖσι δὲ Πουλυδάμας πεπνυμένος ἦρχ’ ἀγορεύειν ### book 18.250 Πανθοΐδης· ὃ γὰρ οἶος ὅρα πρόσσω καὶ ὀπίσσω· ### book 18.251 Ἕκτορι δ’ ἦεν ἑταῖρος, ἰῇ δ’ ἐν νυκτὶ γένοντο, ### book 18.252 ἀλλ’ ὃ μὲν ἂρ μύθοισιν, ὃ δ’ ἔγχεϊ πολλὸν ἐνίκα· ### book 18.253 ὅ σφιν ἐϋφρονέων ἀγορήσατο καὶ μετέειπεν· ### book 18.254 ἀμφὶ μάλα φράζεσθε φίλοι· κέλομαι γὰρ ἔγωγε ### book 18.255 ἄστυδε νῦν ἰέναι, μὴ μίμνειν ἠῶ δῖαν ### book 18.256 ἐν πεδίῳ παρὰ νηυσίν· ἑκὰς δ’ ἀπὸ τείχεός εἰμεν. ### book 18.257 ὄφρα μὲν οὗτος ἀνὴρ Ἀγαμέμνονι μήνιε δίῳ ### book 18.258 τόφρα δὲ ῥηΐτεροι πολεμίζειν ἦσαν Ἀχαιοί· ### book 18.259 χαίρεσκον γὰρ ἔγωγε θοῇς ἐπὶ νηυσὶν ἰαύων ### book 18.260 ἐλπόμενος νῆας αἱρησέμεν ἀμφιελίσσας. ### book 18.261 νῦν δ’ αἰνῶς δείδοικα ποδώκεα Πηλεΐωνα· ### book 18.262 οἷος κείνου θυμὸς ὑπέρβιος, οὐκ ἐθελήσει ### book 18.263 μίμνειν ἐν πεδίῳ, ὅθι περ Τρῶες καὶ Ἀχαιοὶ ### book 18.264 ἐν μέσῳ ἀμφότεροι μένος Ἄρηος δατέονται, ### book 18.265 ἀλλὰ περὶ πτόλιός τε μαχήσεται ἠδὲ γυναικῶν. ### book 18.266 ἀλλ’ ἴομεν προτὶ ἄστυ, πίθεσθέ μοι· ὧδε γὰρ ἔσται· ### book 18.267 νῦν μὲν νὺξ ἀπέπαυσε ποδώκεα Πηλεΐωνα ### book 18.268 ἀμβροσίη· εἰ δ’ ἄμμε κιχήσεται ἐνθάδ’ ἐόντας ### book 18.269 αὔριον ὁρμηθεὶς σὺν τεύχεσιν, εὖ νύ τις αὐτὸν ### book 18.270 γνώσεται· ἀσπασίως γὰρ ἀφίξεται Ἴλιον ἱρὴν ### book 18.271 ὅς κε φύγῃ, πολλοὺς δὲ κύνες καὶ γῦπες ἔδονται ### book 18.272 Τρώων· αἲ γὰρ δή μοι ἀπ’ οὔατος ὧδε γένοιτο. ### book 18.273 εἰ δ’ ἂν ἐμοῖς ἐπέεσσι πιθώμεθα κηδόμενοί περ, ### book 18.274 νύκτα μὲν εἰν ἀγορῇ σθένος ἕξομεν, ἄστυ δὲ πύργοι ### book 18.275 ὑψηλαί τε πύλαι σανίδες τ’ ἐπὶ τῇς ἀραρυῖαι ### book 18.276 μακραὶ ἐΰξεστοι ἐζευγμέναι εἰρύσσονται· ### book 18.277 πρῶϊ δ’ ὑπηοῖοι σὺν τεύχεσι θωρηχθέντες ### book 18.278 στησόμεθ’ ἂμ πύργους· τῷ δ’ ἄλγιον, αἴ κ’ ἐθέλῃσιν ### book 18.279 ἐλθὼν ἐκ νηῶν περὶ τείχεος ἄμμι μάχεσθαι. ### book 18.280 ἂψ πάλιν εἶς’ ἐπὶ νῆας, ἐπεί κ’ ἐριαύχενας ἵππους ### book 18.281 παντοίου δρόμου ἄσῃ ὑπὸ πτόλιν ἠλασκάζων· ### book 18.282 εἴσω δ’ οὔ μιν θυμὸς ἐφορμηθῆναι ἐάσει, ### book 18.283 οὐδέ ποτ’ ἐκπέρσει· πρίν μιν κύνες ἀργοὶ ἔδονται. ### book 18.284 Τὸν δ’ ἄρ’ ὑπόδρα ἰδὼν προσέφη κορυθαίολος Ἕκτωρ· ### book 18.285 Πουλυδάμα σὺ μὲν οὐκέτ’ ἐμοὶ φίλα ταῦτ’ ἀγορεύεις, ### book 18.286 ὃς κέλεαι κατὰ ἄστυ ἀλήμεναι αὖτις ἰόντας. ### book 18.287 ἦ οὔ πω κεκόρησθε ἐελμένοι ἔνδοθι πύργων; ### book 18.288 πρὶν μὲν γὰρ Πριάμοιο πόλιν μέροπες ἄνθρωποι ### book 18.289 πάντες μυθέσκοντο πολύχρυσον πολύχαλκον· ### book 18.290 νῦν δὲ δὴ ἐξαπόλωλε δόμων κειμήλια καλά, ### book 18.291 πολλὰ δὲ δὴ Φρυγίην καὶ Μῃονίην ἐρατεινὴν ### book 18.292 κτήματα περνάμεν’ ἵκει, ἐπεὶ μέγας ὠδύσατο Ζεύς. ### book 18.293 νῦν δ’ ὅτε πέρ μοι ἔδωκε Κρόνου πάϊς ἀγκυλομήτεω ### book 18.294 κῦδος ἀρέσθ’ ἐπὶ νηυσί, θαλάσσῃ τ’ ἔλσαι Ἀχαιούς, ### book 18.295 νήπιε μηκέτι ταῦτα νοήματα φαῖν’ ἐνὶ δήμῳ· ### book 18.296 οὐ γάρ τις Τρώων ἐπιπείσεται· οὐ γὰρ ἐάσω. ### book 18.297 ἀλλ’ ἄγεθ’ ὡς ἂν ἐγὼ εἴπω, πειθώμεθα πάντες. ### book 18.298 νῦν μὲν δόρπον ἕλεσθε κατὰ στρατὸν ἐν τελέεσσι, ### book 18.299 καὶ φυλακῆς μνήσασθε, καὶ ἐγρήγορθε ἕκαστος· ### book 18.300 Τρώων δ’ ὃς κτεάτεσσιν ὑπερφιάλως ἀνιάζει, ### book 18.301 συλλέξας λαοῖσι δότω καταδημοβορῆσαι· ### book 18.302 τῶν τινὰ βέλτερόν ἐστιν ἐπαυρέμεν ἤ περ Ἀχαιούς. ### book 18.303 πρῶϊ δ’ ὑπηοῖοι σὺν τεύχεσι θωρηχθέντες ### book 18.304 νηυσὶν ἔπι γλαφυρῇσιν ἐγείρομεν ὀξὺν Ἄρηα. ### book 18.305 εἰ δ’ ἐτεὸν παρὰ ναῦφιν ἀνέστη δῖος Ἀχιλλεύς, ### book 18.306 ἄλγιον αἴ κ’ ἐθέλῃσι τῷ ἔσσεται· οὔ μιν ἔγωγε ### book 18.307 φεύξομαι ἐκ πολέμοιο δυσηχέος, ἀλλὰ μάλ’ ἄντην ### book 18.308 στήσομαι, ἤ κε φέρῃσι μέγα κράτος, ἦ κε φεροίμην. ### book 18.309 ξυνὸς Ἐνυάλιος, καί τε κτανέοντα κατέκτα. ### book 18.310 Ὣς Ἕκτωρ ἀγόρευ’, ἐπὶ δὲ Τρῶες κελάδησαν ### book 18.311 νήπιοι· ἐκ γάρ σφεων φρένας εἵλετο Παλλὰς Ἀθήνη. ### book 18.312 Ἕκτορι μὲν γὰρ ἐπῄνησαν κακὰ μητιόωντι, ### book 18.313 Πουλυδάμαντι δ’ ἄρ’ οὔ τις ὃς ἐσθλὴν φράζετο βουλήν. ### book 18.314 δόρπον ἔπειθ’ εἵλοντο κατὰ στρατόν· αὐτὰρ Ἀχαιοὶ ### book 18.315 παννύχιοι Πάτροκλον ἀνεστενάχοντο γοῶντες. ### book 18.316 τοῖσι δὲ Πηλεΐδης ἁδινοῦ ἐξῆρχε γόοιο ### book 18.317 χεῖρας ἐπ’ ἀνδροφόνους θέμενος στήθεσσιν ἑταίρου ### book 18.318 πυκνὰ μάλα στενάχων ὥς τε λὶς ἠϋγένειος, ### book 18.319 ᾧ ῥά θ’ ὑπὸ σκύμνους ἐλαφηβόλος ἁρπάσῃ ἀνὴρ ### book 18.320 ὕλης ἐκ πυκινῆς· ὃ δέ τ’ ἄχνυται ὕστερος ἐλθών, ### book 18.321 πολλὰ δέ τ’ ἄγκε ἐπῆλθε μετ’ ἀνέρος ἴχνι’ ἐρευνῶν ### book 18.322 εἴ ποθεν ἐξεύροι· μάλα γὰρ δριμὺς χόλος αἱρεῖ· ### book 18.323 ὣς ὃ βαρὺ στενάχων μετεφώνεε Μυρμιδόνεσσιν· ### book 18.324 ὢ πόποι ἦ ῥ’ ἅλιον ἔπος ἔκβαλον ἤματι κείνῳ ### book 18.325 θαρσύνων ἥρωα Μενοίτιον ἐν μεγάροισι· ### book 18.326 φῆν δέ οἱ εἰς Ὀπόεντα περικλυτὸν υἱὸν ἀπάξειν ### book 18.327 Ἴλιον ἐκπέρσαντα, λαχόντα τε ληΐδος αἶσαν. ### book 18.328 ἀλλ’ οὐ Ζεὺς ἄνδρεσσι νοήματα πάντα τελευτᾷ· ### book 18.329 ἄμφω γὰρ πέπρωται ὁμοίην γαῖαν ἐρεῦσαι ### book 18.330 αὐτοῦ ἐνὶ Τροίῃ, ἐπεὶ οὐδ’ ἐμὲ νοστήσαντα ### book 18.331 δέξεται ἐν μεγάροισι γέρων ἱππηλάτα Πηλεὺς ### book 18.332 οὐδὲ Θέτις μήτηρ, ἀλλ’ αὐτοῦ γαῖα καθέξει. ### book 18.333 νῦν δ’ ἐπεὶ οὖν Πάτροκλε σεῦ ὕστερος εἶμ’ ὑπὸ γαῖαν, ### book 18.334 οὔ σε πρὶν κτεριῶ πρίν γ’ Ἕκτορος ἐνθάδ’ ἐνεῖκαι ### book 18.335 τεύχεα καὶ κεφαλὴν μεγαθύμου σοῖο φονῆος· ### book 18.336 δώδεκα δὲ προπάροιθε πυρῆς ἀποδειροτομήσω ### book 18.337 Τρώων ἀγλαὰ τέκνα σέθεν κταμένοιο χολωθείς. ### book 18.338 τόφρα δέ μοι παρὰ νηυσὶ κορωνίσι κείσεαι αὔτως, ### book 18.339 ἀμφὶ δὲ σὲ Τρῳαὶ καὶ Δαρδανίδες βαθύκολποι ### book 18.340 κλαύσονται νύκτάς τε καὶ ἤματα δάκρυ χέουσαι, ### book 18.341 τὰς αὐτοὶ καμόμεσθα βίηφί τε δουρί τε μακρῷ ### book 18.342 πιείρας πέρθοντε πόλεις μερόπων ἀνθρώπων. ### book 18.343 Ὣς εἰπὼν ἑτάροισιν ἐκέκλετο δῖος Ἀχιλλεὺς ### book 18.344 ἀμφὶ πυρὶ στῆσαι τρίποδα μέγαν, ὄφρα τάχιστα ### book 18.345 Πάτροκλον λούσειαν ἄπο βρότον αἱματόεντα. ### book 18.346 οἳ δὲ λοετροχόον τρίποδ’ ἵστασαν ἐν πυρὶ κηλέῳ, ### book 18.347 ἐν δ’ ἄρ’ ὕδωρ ἔχεαν, ὑπὸ δὲ ξύλα δαῖον ἑλόντες. ### book 18.348 γάστρην μὲν τρίποδος πῦρ ἄμφεπε, θέρμετο δ’ ὕδωρ· ### book 18.349 αὐτὰρ ἐπεὶ δὴ ζέσσεν ὕδωρ ἐνὶ ἤνοπι χαλκῷ, ### book 18.350 καὶ τότε δὴ λοῦσάν τε καὶ ἤλειψαν λίπ’ ἐλαίῳ, ### book 18.351 ἐν δ’ ὠτειλὰς πλῆσαν ἀλείφατος ἐννεώροιο· ### book 18.352 ἐν λεχέεσσι δὲ θέντες ἑανῷ λιτὶ κάλυψαν ### book 18.353 ἐς πόδας ἐκ κεφαλῆς, καθύπερθε δὲ φάρεϊ λευκῷ. ### book 18.354 παννύχιοι μὲν ἔπειτα πόδας ταχὺν ἀμφ’ Ἀχιλῆα ### book 18.355 Μυρμιδόνες Πάτροκλον ἀνεστενάχοντο γοῶντες· ### book 18.356 Ζεὺς δ’ Ἥρην προσέειπε κασιγνήτην ἄλοχόν τε· ### book 18.357 ἔπρηξας καὶ ἔπειτα βοῶπις πότνια Ἥρη ### book 18.358 ἀνστήσας’ Ἀχιλῆα πόδας ταχύν· ἦ ῥά νυ σεῖο ### book 18.359 ἐξ αὐτῆς ἐγένοντο κάρη κομόωντες Ἀχαιοί. ### book 18.360 Τὸν δ’ ἠμείβετ’ ἔπειτα βοῶπις πότνια Ἥρη· ### book 18.361 αἰνότατε Κρονίδη ποῖον τὸν μῦθον ἔειπες. ### book 18.362 καὶ μὲν δή πού τις μέλλει βροτὸς ἀνδρὶ τελέσσαι, ### book 18.363 ὅς περ θνητός τ’ ἐστὶ καὶ οὐ τόσα μήδεα οἶδε· ### book 18.364 πῶς δὴ ἔγωγ’, ἥ φημι θεάων ἔμμεν ἀρίστη, ### book 18.365 ἀμφότερον γενεῇ τε καὶ οὕνεκα σὴ παράκοιτις ### book 18.366 κέκλημαι, σὺ δὲ πᾶσι μετ’ ἀθανάτοισιν ἀνάσσεις, ### book 18.367 οὐκ ὄφελον Τρώεσσι κοτεσσαμένη κακὰ ῥάψαι; ### book 18.368 Ὣς οἳ μὲν τοιαῦτα πρὸς ἀλλήλους ἀγόρευον· ### book 18.369 Ἡφαίστου δ’ ἵκανε δόμον Θέτις ἀργυρόπεζα ### book 18.370 ἄφθιτον ἀστερόεντα μεταπρεπέ’ ἀθανάτοισι ### book 18.371 χάλκεον, ὅν ῥ’ αὐτὸς ποιήσατο κυλλοποδίων. ### book 18.372 τὸν δ’ εὗρ’ ἱδρώοντα ἑλισσόμενον περὶ φύσας ### book 18.373 σπεύδοντα· τρίποδας γὰρ ἐείκοσι πάντας ἔτευχεν ### book 18.374 ἑστάμεναι περὶ τοῖχον ἐϋσταθέος μεγάροιο, ### book 18.375 χρύσεα δέ σφ’ ὑπὸ κύκλα ἑκάστῳ πυθμένι θῆκεν, ### book 18.376 ὄφρά οἱ αὐτόματοι θεῖον δυσαίατ’ ἀγῶνα ### book 18.377 ἠδ’ αὖτις πρὸς δῶμα νεοίατο θαῦμα ἰδέσθαι. ### book 18.378 οἳ δ’ ἤτοι τόσσον μὲν ἔχον τέλος, οὔατα δ’ οὔ πω ### book 18.379 δαιδάλεα προσέκειτο· τά ῥ’ ἤρτυε, κόπτε δὲ δεσμούς. ### book 18.380 ὄφρ’ ὅ γε ταῦτ’ ἐπονεῖτο ἰδυίῃσι πραπίδεσσι, ### book 18.381 τόφρά οἱ ἐγγύθεν ἦλθε θεὰ Θέτις ἀργυρόπεζα. ### book 18.382 τὴν δὲ ἴδε προμολοῦσα Χάρις λιπαροκρήδεμνος ### book 18.383 καλή, τὴν ὤπυιε περικλυτὸς ἀμφιγυήεις· ### book 18.384 ἔν τ’ ἄρα οἱ φῦ χειρὶ ἔπος τ’ ἔφατ’ ἔκ τ’ ὀνόμαζε· ### book 18.385 τίπτε Θέτι τανύπεπλε ἱκάνεις ἡμέτερον δῶ ### book 18.386 αἰδοίη τε φίλη τε; πάρος γε μὲν οὔ τι θαμίζεις. ### book 18.387 ἀλλ’ ἕπεο προτέρω, ἵνα τοι πὰρ ξείνια θείω. ### book 18.388 Ὣς ἄρα φωνήσασα πρόσω ἄγε δῖα θεάων. ### book 18.389 τὴν μὲν ἔπειτα καθεῖσεν ἐπὶ θρόνου ἀργυροήλου ### book 18.390 καλοῦ δαιδαλέου· ὑπὸ δὲ θρῆνυς ποσὶν ἦεν· ### book 18.391 κέκλετο δ’ Ἥφαιστον κλυτοτέχνην εἶπέ τε μῦθον· ### book 18.392 Ἥφαιστε πρόμολ’ ὧδε· Θέτις νύ τι σεῖο χατίζει. ### book 18.393 τὴν δ’ ἠμείβετ’ ἔπειτα περικλυτὸς ἀμφιγυήεις· ### book 18.394 ἦ ῥά νύ μοι δεινή τε καὶ αἰδοίη θεὸς ἔνδον, ### book 18.395 ἥ μ’ ἐσάως’ ὅτε μ’ ἄλγος ἀφίκετο τῆλε πεσόντα ### book 18.396 μητρὸς ἐμῆς ἰότητι κυνώπιδος, ἥ μ’ ἐθέλησε ### book 18.397 κρύψαι χωλὸν ἐόντα· τότ’ ἂν πάθον ἄλγεα θυμῷ, ### book 18.398 εἰ μή μ’ Εὐρυνόμη τε Θέτις θ’ ὑπεδέξατο κόλπῳ ### book 18.399 Εὐρυνόμη θυγάτηρ ἀψορρόου Ὠκεανοῖο. ### book 18.400 τῇσι παρ’ εἰνάετες χάλκευον δαίδαλα πολλά, ### book 18.401 πόρπας τε γναμπτάς θ’ ἕλικας κάλυκάς τε καὶ ὅρμους ### book 18.402 ἐν σπῆϊ γλαφυρῷ· περὶ δὲ ῥόος Ὠκεανοῖο ### book 18.403 ἀφρῷ μορμύρων ῥέεν ἄσπετος· οὐδέ τις ἄλλος ### book 18.404 ᾔδεεν οὔτε θεῶν οὔτε θνητῶν ἀνθρώπων, ### book 18.405 ἀλλὰ Θέτις τε καὶ Εὐρυνόμη ἴσαν, αἵ μ’ ἐσάωσαν. ### book 18.406 ἣ νῦν ἡμέτερον δόμον ἵκει· τώ με μάλα χρεὼ ### book 18.407 πάντα Θέτι καλλιπλοκάμῳ ζῳάγρια τίνειν. ### book 18.408 ἀλλὰ σὺ μὲν νῦν οἱ παράθες ξεινήϊα καλά, ### book 18.409 ὄφρ’ ἂν ἐγὼ φύσας ἀποθείομαι ὅπλά τε πάντα. ### book 18.410 Ἦ, καὶ ἀπ’ ἀκμοθέτοιο πέλωρ αἴητον ἀνέστη ### book 18.411 χωλεύων· ὑπὸ δὲ κνῆμαι ῥώοντο ἀραιαί. ### book 18.412 φύσας μέν ῥ’ ἀπάνευθε τίθει πυρός, ὅπλά τε πάντα ### book 18.413 λάρνακ’ ἐς ἀργυρέην συλλέξατο, τοῖς ἐπονεῖτο· ### book 18.414 σπόγγῳ δ’ ἀμφὶ πρόσωπα καὶ ἄμφω χεῖρ’ ἀπομόργνυ ### book 18.415 αὐχένα τε στιβαρὸν καὶ στήθεα λαχνήεντα, ### book 18.416 δῦ δὲ χιτῶν’, ἕλε δὲ σκῆπτρον παχύ, βῆ δὲ θύραζε ### book 18.417 χωλεύων· ὑπὸ δ’ ἀμφίπολοι ῥώοντο ἄνακτι ### book 18.418 χρύσειαι ζωῇσι νεήνισιν εἰοικυῖαι. ### book 18.419 τῇς ἐν μὲν νόος ἐστὶ μετὰ φρεσίν, ἐν δὲ καὶ αὐδὴ ### book 18.420 καὶ σθένος, ἀθανάτων δὲ θεῶν ἄπο ἔργα ἴσασιν. ### book 18.421 αἳ μὲν ὕπαιθα ἄνακτος ἐποίπνυον· αὐτὰρ ὃ ἔρρων ### book 18.422 πλησίον, ἔνθα Θέτις περ, ἐπὶ θρόνου ἷζε φαεινοῦ, ### book 18.423 ἔν τ’ ἄρα οἱ φῦ χειρὶ ἔπος τ’ ἔφατ’ ἔκ τ’ ὀνόμαζε· ### book 18.424 τίπτε Θέτι τανύπεπλε ἱκάνεις ἡμέτερον δῶ ### book 18.425 αἰδοίη τε φίλη τε; πάρος γε μὲν οὔ τι θαμίζεις. ### book 18.426 αὔδα ὅ τι φρονέεις· τελέσαι δέ με θυμὸς ἄνωγεν, ### book 18.427 εἰ δύναμαι τελέσαι γε καὶ εἰ τετελεσμένον ἐστίν. ### book 18.428 Τὸν δ’ ἠμείβετ’ ἔπειτα Θέτις κατὰ δάκρυ χέουσα· ### book 18.429 Ἥφαιστ’, ἦ ἄρα δή τις, ὅσαι θεαί εἰς’ ἐν Ὀλύμπῳ, ### book 18.430 τοσσάδ’ ἐνὶ φρεσὶν ᾗσιν ἀνέσχετο κήδεα λυγρὰ ### book 18.431 ὅσς’ ἐμοὶ ἐκ πασέων Κρονίδης Ζεὺς ἄλγε’ ἔδωκεν; ### book 18.432 ἐκ μέν μ’ ἀλλάων ἁλιάων ἀνδρὶ δάμασσεν ### book 18.433 Αἰακίδῃ Πηλῆϊ, καὶ ἔτλην ἀνέρος εὐνὴν ### book 18.434 πολλὰ μάλ’ οὐκ ἐθέλουσα. ὃ μὲν δὴ γήραϊ λυγρῷ ### book 18.435 κεῖται ἐνὶ μεγάροις ἀρημένος, ἄλλα δέ μοι νῦν, ### book 18.436 υἱὸν ἐπεί μοι δῶκε γενέσθαί τε τραφέμεν τε ### book 18.437 ἔξοχον ἡρώων· ὃ δ’ ἀνέδραμεν ἔρνεϊ ἶσος· ### book 18.438 τὸν μὲν ἐγὼ θρέψασα φυτὸν ὣς γουνῷ ἀλωῆς ### book 18.439 νηυσὶν ἐπιπροέηκα κορωνίσιν Ἴλιον εἴσω ### book 18.440 Τρωσὶ μαχησόμενον· τὸν δ’ οὐχ ὑποδέξομαι αὖτις ### book 18.441 οἴκαδε νοστήσαντα δόμον Πηλήϊον εἴσω. ### book 18.442 ὄφρα δέ μοι ζώει καὶ ὁρᾷ φάος ἠελίοιο ### book 18.443 ἄχνυται, οὐδέ τί οἱ δύναμαι χραισμῆσαι ἰοῦσα. ### book 18.444 κούρην ἣν ἄρα οἱ γέρας ἔξελον υἷες Ἀχαιῶν, ### book 18.445 τὴν ἂψ ἐκ χειρῶν ἕλετο κρείων Ἀγαμέμνων. ### book 18.446 ἤτοι ὃ τῆς ἀχέων φρένας ἔφθιεν· αὐτὰρ Ἀχαιοὺς ### book 18.447 Τρῶες ἐπὶ πρύμνῃσιν ἐείλεον, οὐδὲ θύραζε ### book 18.448 εἴων ἐξιέναι· τὸν δὲ λίσσοντο γέροντες ### book 18.449 Ἀργείων, καὶ πολλὰ περικλυτὰ δῶρ’ ὀνόμαζον. ### book 18.450 ἔνθ’ αὐτὸς μὲν ἔπειτ’ ἠναίνετο λοιγὸν ἀμῦναι, ### book 18.451 αὐτὰρ ὃ Πάτροκλον περὶ μὲν τὰ ἃ τεύχεα ἕσσε, ### book 18.452 πέμπε δέ μιν πόλεμον δέ, πολὺν δ’ ἅμα λαὸν ὄπασσε. ### book 18.453 πᾶν δ’ ἦμαρ μάρναντο περὶ Σκαιῇσι πύλῃσι· ### book 18.454 καί νύ κεν αὐτῆμαρ πόλιν ἔπραθον, εἰ μὴ Ἀπόλλων ### book 18.455 πολλὰ κακὰ ῥέξαντα Μενοιτίου ἄλκιμον υἱὸν ### book 18.456 ἔκταν’ ἐνὶ προμάχοισι καὶ Ἕκτορι κῦδος ἔδωκε. ### book 18.457 τοὔνεκα νῦν τὰ σὰ γούναθ’ ἱκάνομαι, αἴ κ’ ἐθέλῃσθα ### book 18.458 υἱεῖ ἐμῷ ὠκυμόρῳ δόμεν ἀσπίδα καὶ τρυφάλειαν ### book 18.459 καὶ καλὰς κνημῖδας ἐπισφυρίοις ἀραρυίας ### book 18.460 καὶ θώρηχ’· ὃ γὰρ ἦν οἱ ἀπώλεσε πιστὸς ἑταῖρος ### book 18.461 Τρωσὶ δαμείς· ὃ δὲ κεῖται ἐπὶ χθονὶ θυμὸν ἀχεύων. ### book 18.462 Τὴν δ’ ἠμείβετ’ ἔπειτα περικλυτὸς ἀμφιγυήεις· ### book 18.463 θάρσει· μή τοι ταῦτα μετὰ φρεσὶ σῇσι μελόντων. ### book 18.464 αἲ γάρ μιν θανάτοιο δυσηχέος ὧδε δυναίμην ### book 18.465 νόσφιν ἀποκρύψαι, ὅτε μιν μόρος αἰνὸς ἱκάνοι, ### book 18.466 ὥς οἱ τεύχεα καλὰ παρέσσεται, οἷά τις αὖτε ### book 18.467 ἀνθρώπων πολέων θαυμάσσεται, ὅς κεν ἴδηται. ### book 18.468 Ὣς εἰπὼν τὴν μὲν λίπεν αὐτοῦ, βῆ δ’ ἐπὶ φύσας· ### book 18.469 τὰς δ’ ἐς πῦρ ἔτρεψε κέλευσέ τε ἐργάζεσθαι. ### book 18.470 φῦσαι δ’ ἐν χοάνοισιν ἐείκοσι πᾶσαι ἐφύσων ### book 18.471 παντοίην εὔπρηστον ἀϋτμὴν ἐξανιεῖσαι, ### book 18.472 ἄλλοτε μὲν σπεύδοντι παρέμμεναι, ἄλλοτε δ’ αὖτε, ### book 18.473 ὅππως Ἥφαιστός τ’ ἐθέλοι καὶ ἔργον ἄνοιτο. ### book 18.474 χαλκὸν δ’ ἐν πυρὶ βάλλεν ἀτειρέα κασσίτερόν τε ### book 18.475 καὶ χρυσὸν τιμῆντα καὶ ἄργυρον· αὐτὰρ ἔπειτα ### book 18.476 θῆκεν ἐν ἀκμοθέτῳ μέγαν ἄκμονα, γέντο δὲ χειρὶ ### book 18.477 ῥαιστῆρα κρατερήν, ἑτέρηφι δὲ γέντο πυράγρην. ### book 18.478 Ποίει δὲ πρώτιστα σάκος μέγα τε στιβαρόν τε ### book 18.479 πάντοσε δαιδάλλων, περὶ δ’ ἄντυγα βάλλε φαεινὴν ### book 18.480 τρίπλακα μαρμαρέην, ἐκ δ’ ἀργύρεον τελαμῶνα. ### book 18.481 πέντε δ’ ἄρ’ αὐτοῦ ἔσαν σάκεος πτύχες· αὐτὰρ ἐν αὐτῷ ### book 18.482 ποίει δαίδαλα πολλὰ ἰδυίῃσι πραπίδεσσιν. ### book 18.483 Ἐν μὲν γαῖαν ἔτευξ’, ἐν δ’ οὐρανόν, ἐν δὲ θάλασσαν, ### book 18.484 ἠέλιόν τ’ ἀκάμαντα σελήνην τε πλήθουσαν, ### book 18.485 ἐν δὲ τὰ τείρεα πάντα, τά τ’ οὐρανὸς ἐστεφάνωται, ### book 18.486 Πληϊάδας θ’ Ὑάδας τε τό τε σθένος Ὠρίωνος ### book 18.487 Ἄρκτόν θ’, ἣν καὶ Ἄμαξαν ἐπίκλησιν καλέουσιν, ### book 18.488 ἥ τ’ αὐτοῦ στρέφεται καί τ’ Ὠρίωνα δοκεύει, ### book 18.489 οἴη δ’ ἄμμορός ἐστι λοετρῶν Ὠκεανοῖο. ### book 18.490 Ἐν δὲ δύω ποίησε πόλεις μερόπων ἀνθρώπων ### book 18.491 καλάς. ἐν τῇ μέν ῥα γάμοι τ’ ἔσαν εἰλαπίναι τε, ### book 18.492 νύμφας δ’ ἐκ θαλάμων δαΐδων ὕπο λαμπομενάων ### book 18.493 ἠγίνεον ἀνὰ ἄστυ, πολὺς δ’ ὑμέναιος ὀρώρει· ### book 18.494 κοῦροι δ’ ὀρχηστῆρες ἐδίνεον, ἐν δ’ ἄρα τοῖσιν ### book 18.495 αὐλοὶ φόρμιγγές τε βοὴν ἔχον· αἳ δὲ γυναῖκες ### book 18.496 ἱστάμεναι θαύμαζον ἐπὶ προθύροισιν ἑκάστη. ### book 18.497 λαοὶ δ’ εἰν ἀγορῇ ἔσαν ἀθρόοι· ἔνθα δὲ νεῖκος ### book 18.498 ὠρώρει, δύο δ’ ἄνδρες ἐνείκεον εἵνεκα ποινῆς ### book 18.499 ἀνδρὸς ἀποφθιμένου· ὃ μὲν εὔχετο πάντ’ ἀποδοῦναι ### book 18.500 δήμῳ πιφαύσκων, ὃ δ’ ἀναίνετο μηδὲν ἑλέσθαι· ### book 18.501 ἄμφω δ’ ἱέσθην ἐπὶ ἴστορι πεῖραρ ἑλέσθαι. ### book 18.502 λαοὶ δ’ ἀμφοτέροισιν ἐπήπυον ἀμφὶς ἀρωγοί· ### book 18.503 κήρυκες δ’ ἄρα λαὸν ἐρήτυον· οἳ δὲ γέροντες ### book 18.504 εἵατ’ ἐπὶ ξεστοῖσι λίθοις ἱερῷ ἐνὶ κύκλῳ, ### book 18.505 σκῆπτρα δὲ κηρύκων ἐν χέρς’ ἔχον ἠεροφώνων· ### book 18.506 τοῖσιν ἔπειτ’ ἤϊσσον, ἀμοιβηδὶς δὲ δίκαζον. ### book 18.507 κεῖτο δ’ ἄρ’ ἐν μέσσοισι δύω χρυσοῖο τάλαντα, ### book 18.508 τῷ δόμεν ὃς μετὰ τοῖσι δίκην ἰθύντατα εἴποι. ### book 18.509 Τὴν δ’ ἑτέρην πόλιν ἀμφὶ δύω στρατοὶ ἥατο λαῶν ### book 18.510 τεύχεσι λαμπόμενοι· δίχα δέ σφισιν ἥνδανε βουλή, ### book 18.511 ἠὲ διαπραθέειν ἢ ἄνδιχα πάντα δάσασθαι ### book 18.512 κτῆσιν ὅσην πτολίεθρον ἐπήρατον ἐντὸς ἔεργεν· ### book 18.513 οἳ δ’ οὔ πω πείθοντο, λόχῳ δ’ ὑπεθωρήσσοντο. ### book 18.514 τεῖχος μέν ῥ’ ἄλοχοί τε φίλαι καὶ νήπια τέκνα ### book 18.515 ῥύατ’ ἐφεσταότες, μετὰ δ’ ἀνέρες οὓς ἔχε γῆρας· ### book 18.516 οἳ δ’ ἴσαν· ἦρχε δ’ ἄρά σφιν Ἄρης καὶ Παλλὰς Ἀθήνη ### book 18.517 ἄμφω χρυσείω, χρύσεια δὲ εἵματα ἕσθην, ### book 18.518 καλὼ καὶ μεγάλω σὺν τεύχεσιν, ὥς τε θεώ περ ### book 18.519 ἀμφὶς ἀριζήλω· λαοὶ δ’ ὑπολίζονες ἦσαν. ### book 18.520 οἳ δ’ ὅτε δή ῥ’ ἵκανον ὅθι σφίσιν εἶκε λοχῆσαι ### book 18.521 ἐν ποταμῷ, ὅθι τ’ ἀρδμὸς ἔην πάντεσσι βοτοῖσιν, ### book 18.522 ἔνθ’ ἄρα τοί γ’ ἵζοντ’ εἰλυμένοι αἴθοπι χαλκῷ. ### book 18.523 τοῖσι δ’ ἔπειτ’ ἀπάνευθε δύω σκοποὶ εἵατο λαῶν ### book 18.524 δέγμενοι ὁππότε μῆλα ἰδοίατο καὶ ἕλικας βοῦς. ### book 18.525 οἳ δὲ τάχα προγένοντο, δύω δ’ ἅμ’ ἕποντο νομῆες ### book 18.526 τερπόμενοι σύριγξι· δόλον δ’ οὔ τι προνόησαν. ### book 18.527 οἳ μὲν τὰ προϊδόντες ἐπέδραμον, ὦκα δ’ ἔπειτα ### book 18.528 τάμνοντ’ ἀμφὶ βοῶν ἀγέλας καὶ πώεα καλὰ ### book 18.529 ἀργεννέων οἰῶν, κτεῖνον δ’ ἐπὶ μηλοβοτῆρας. ### book 18.530 οἳ δ’ ὡς οὖν ἐπύθοντο πολὺν κέλαδον παρὰ βουσὶν ### book 18.531 εἰράων προπάροιθε καθήμενοι, αὐτίκ’ ἐφ’ ἵππων ### book 18.532 βάντες ἀερσιπόδων μετεκίαθον, αἶψα δ’ ἵκοντο. ### book 18.533 στησάμενοι δ’ ἐμάχοντο μάχην ποταμοῖο παρ’ ὄχθας, ### book 18.534 βάλλον δ’ ἀλλήλους χαλκήρεσιν ἐγχείῃσιν. ### book 18.535 ἐν δ’ Ἔρις ἐν δὲ Κυδοιμὸς ὁμίλεον, ἐν δ’ ὀλοὴ Κήρ, ### book 18.536 ἄλλον ζωὸν ἔχουσα νεούτατον, ἄλλον ἄουτον, ### book 18.537 ἄλλον τεθνηῶτα κατὰ μόθον ἕλκε ποδοῖιν· ### book 18.538 εἷμα δ’ ἔχ’ ἀμφ’ ὤμοισι δαφοινεὸν αἵματι φωτῶν. ### book 18.539 ὡμίλευν δ’ ὥς τε ζωοὶ βροτοὶ ἠδ’ ἐμάχοντο, ### book 18.540 νεκρούς τ’ ἀλλήλων ἔρυον κατατεθνηῶτας. ### book 18.541 Ἐν δ’ ἐτίθει νειὸν μαλακὴν πίειραν ἄρουραν ### book 18.542 εὐρεῖαν τρίπολον· πολλοὶ δ’ ἀροτῆρες ἐν αὐτῇ ### book 18.543 ζεύγεα δινεύοντες ἐλάστρεον ἔνθα καὶ ἔνθα. ### book 18.544 οἳ δ’ ὁπότε στρέψαντες ἱκοίατο τέλσον ἀρούρης, ### book 18.545 τοῖσι δ’ ἔπειτ’ ἐν χερσὶ δέπας μελιηδέος οἴνου ### book 18.546 δόσκεν ἀνὴρ ἐπιών· τοὶ δὲ στρέψασκον ἀν’ ὄγμους, ### book 18.547 ἱέμενοι νειοῖο βαθείης τέλσον ἱκέσθαι. ### book 18.548 ἣ δὲ μελαίνετ’ ὄπισθεν, ἀρηρομένῃ δὲ ἐῴκει, ### book 18.549 χρυσείη περ ἐοῦσα· τὸ δὴ περὶ θαῦμα τέτυκτο. ### book 18.550 Ἐν δ’ ἐτίθει τέμενος βασιλήϊον· ἔνθα δ’ ἔριθοι ### book 18.551 ἤμων ὀξείας δρεπάνας ἐν χερσὶν ἔχοντες. ### book 18.552 δράγματα δ’ ἄλλα μετ’ ὄγμον ἐπήτριμα πῖπτον ἔραζε, ### book 18.553 ἄλλα δ’ ἀμαλλοδετῆρες ἐν ἐλλεδανοῖσι δέοντο. ### book 18.554 τρεῖς δ’ ἄρ’ ἀμαλλοδετῆρες ἐφέστασαν· αὐτὰρ ὄπισθε ### book 18.555 παῖδες δραγμεύοντες ἐν ἀγκαλίδεσσι φέροντες ### book 18.556 ἀσπερχὲς πάρεχον· βασιλεὺς δ’ ἐν τοῖσι σιωπῇ ### book 18.557 σκῆπτρον ἔχων ἑστήκει ἐπ’ ὄγμου γηθόσυνος κῆρ. ### book 18.558 κήρυκες δ’ ἀπάνευθεν ὑπὸ δρυῒ δαῖτα πένοντο, ### book 18.559 βοῦν δ’ ἱερεύσαντες μέγαν ἄμφεπον· αἳ δὲ γυναῖκες ### book 18.560 δεῖπνον ἐρίθοισιν λεύκ’ ἄλφιτα πολλὰ πάλυνον. ### book 18.561 Ἐν δ’ ἐτίθει σταφυλῇσι μέγα βρίθουσαν ἀλωὴν ### book 18.562 καλὴν χρυσείην· μέλανες δ’ ἀνὰ βότρυες ἦσαν, ### book 18.563 ἑστήκει δὲ κάμαξι διαμπερὲς ἀργυρέῃσιν. ### book 18.564 ἀμφὶ δὲ κυανέην κάπετον, περὶ δ’ ἕρκος ἔλασσε ### book 18.565 κασσιτέρου· μία δ’ οἴη ἀταρπιτὸς ἦεν ἐπ’ αὐτήν, ### book 18.566 τῇ νίσοντο φορῆες ὅτε τρυγόῳεν ἀλωήν. ### book 18.567 παρθενικαὶ δὲ καὶ ἠΐθεοι ἀταλὰ φρονέοντες ### book 18.568 πλεκτοῖς ἐν ταλάροισι φέρον μελιηδέα καρπόν. ### book 18.569 τοῖσιν δ’ ἐν μέσσοισι πάϊς φόρμιγγι λιγείῃ ### book 18.570 ἱμερόεν κιθάριζε, λίνον δ’ ὑπὸ καλὸν ἄειδε ### book 18.571 λεπταλέῃ φωνῇ· τοὶ δὲ ῥήσσοντες ἁμαρτῇ ### book 18.572 μολπῇ τ’ ἰυγμῷ τε ποσὶ σκαίροντες ἕποντο. ### book 18.573 Ἐν δ’ ἀγέλην ποίησε βοῶν ὀρθοκραιράων· ### book 18.574 αἳ δὲ βόες χρυσοῖο τετεύχατο κασσιτέρου τε, ### book 18.575 μυκηθμῷ δ’ ἀπὸ κόπρου ἐπεσσεύοντο νομὸν δὲ ### book 18.576 πὰρ ποταμὸν κελάδοντα, παρὰ ῥοδανὸν δονακῆα. ### book 18.577 χρύσειοι δὲ νομῆες ἅμ’ ἐστιχόωντο βόεσσι ### book 18.578 τέσσαρες, ἐννέα δέ σφι κύνες πόδας ἀργοὶ ἕποντο. ### book 18.579 σμερδαλέω δὲ λέοντε δύ’ ἐν πρώτῃσι βόεσσι ### book 18.580 ταῦρον ἐρύγμηλον ἐχέτην· ὃ δὲ μακρὰ μεμυκὼς ### book 18.581 ἕλκετο· τὸν δὲ κύνες μετεκίαθον ἠδ’ αἰζηοί. ### book 18.582 τὼ μὲν ἀναρρήξαντε βοὸς μεγάλοιο βοείην ### book 18.583 ἔγκατα καὶ μέλαν αἷμα λαφύσσετον· οἳ δὲ νομῆες ### book 18.584 αὔτως ἐνδίεσαν ταχέας κύνας ὀτρύνοντες. ### book 18.585 οἳ δ’ ἤτοι δακέειν μὲν ἀπετρωπῶντο λεόντων, ### book 18.586 ἱστάμενοι δὲ μάλ’ ἐγγὺς ὑλάκτεον ἔκ τ’ ἀλέοντο. ### book 18.587 Ἐν δὲ νομὸν ποίησε περικλυτὸς ἀμφιγυήεις ### book 18.588 ἐν καλῇ βήσσῃ μέγαν οἰῶν ἀργεννάων, ### book 18.589 σταθμούς τε κλισίας τε κατηρεφέας ἰδὲ σηκούς. ### book 18.590 Ἐν δὲ χορὸν ποίκιλλε περικλυτὸς ἀμφιγυήεις, ### book 18.591 τῷ ἴκελον οἷόν ποτ’ ἐνὶ Κνωσῷ εὐρείῃ ### book 18.592 Δαίδαλος ἤσκησεν καλλιπλοκάμῳ Ἀριάδνῃ. ### book 18.593 ἔνθα μὲν ἠΐθεοι καὶ παρθένοι ἀλφεσίβοιαι ### book 18.594 ὀρχεῦντ’ ἀλλήλων ἐπὶ καρπῷ χεῖρας ἔχοντες. ### book 18.595 τῶν δ’ αἳ μὲν λεπτὰς ὀθόνας ἔχον, οἳ δὲ χιτῶνας ### book 18.596 εἵατ’ ἐϋννήτους, ἦκα στίλβοντας ἐλαίῳ· ### book 18.597 καί ῥ’ αἳ μὲν καλὰς στεφάνας ἔχον, οἳ δὲ μαχαίρας ### book 18.598 εἶχον χρυσείας ἐξ ἀργυρέων τελαμώνων. ### book 18.599 οἳ δ’ ὁτὲ μὲν θρέξασκον ἐπισταμένοισι πόδεσσι ### book 18.600 ῥεῖα μάλ’, ὡς ὅτε τις τροχὸν ἄρμενον ἐν παλάμῃσιν ### book 18.601 ἑζόμενος κεραμεὺς πειρήσεται, αἴ κε θέῃσιν· ### book 18.602 ἄλλοτε δ’ αὖ θρέξασκον ἐπὶ στίχας ἀλλήλοισι. ### book 18.603 πολλὸς δ’ ἱμερόεντα χορὸν περιίσταθ’ ὅμιλος ### book 18.604 τερπόμενοι· ### book 18.605 δοιὼ δὲ κυβιστητῆρε κατ’ αὐτοὺς ### book 18.606 μολπῆς ἐξάρχοντες ἐδίνευον κατὰ μέσσους. ### book 18.607 Ἐν δ’ ἐτίθει ποταμοῖο μέγα σθένος Ὠκεανοῖο ### book 18.608 ἄντυγα πὰρ πυμάτην σάκεος πύκα ποιητοῖο. ### book 18.609 Αὐτὰρ ἐπεὶ δὴ τεῦξε σάκος μέγα τε στιβαρόν τε, ### book 18.610 τεῦξ’ ἄρα οἱ θώρηκα φαεινότερον πυρὸς αὐγῆς, ### book 18.611 τεῦξε δέ οἱ κόρυθα βριαρὴν κροτάφοις ἀραρυῖαν ### book 18.612 καλὴν δαιδαλέην, ἐπὶ δὲ χρύσεον λόφον ἧκε, ### book 18.613 τεῦξε δέ οἱ κνημῖδας ἑανοῦ κασσιτέροιο. ### book 18.614 Αὐτὰρ ἐπεὶ πάνθ’ ὅπλα κάμε κλυτὸς ἀμφιγυήεις, ### book 18.615 μητρὸς Ἀχιλλῆος θῆκε προπάροιθεν ἀείρας. ### book 18.616 ἣ δ’ ἴρηξ ὣς ἆλτο κατ’ Οὐλύμπου νιφόεντος ### book 18.617 τεύχεα μαρμαίροντα παρ’ Ἡφαίστοιο φέρουσα. ### book 19.1 Ἠὼς μὲν κροκόπεπλος ἀπ’ Ὠκεανοῖο ῥοάων ### book 19.2 ὄρνυθ’, ἵν’ ἀθανάτοισι φόως φέροι ἠδὲ βροτοῖσιν· ### book 19.3 ἣ δ’ ἐς νῆας ἵκανε θεοῦ πάρα δῶρα φέρουσα. ### book 19.4 εὗρε δὲ Πατρόκλῳ περικείμενον ὃν φίλον υἱὸν ### book 19.5 κλαίοντα λιγέως· πολέες δ’ ἀμφ’ αὐτὸν ἑταῖροι ### book 19.6 μύρονθ’· ἣ δ’ ἐν τοῖσι παρίστατο δῖα θεάων, ### book 19.7 ἔν τ’ ἄρα οἱ φῦ χειρὶ ἔπος τ’ ἔφατ’ ἔκ τ’ ὀνόμαζε· ### book 19.8 τέκνον ἐμὸν τοῦτον μὲν ἐάσομεν ἀχνύμενοί περ ### book 19.9 κεῖσθαι, ἐπεὶ δὴ πρῶτα θεῶν ἰότητι δαμάσθη· ### book 19.10 τύνη δ’ Ἡφαίστοιο πάρα κλυτὰ τεύχεα δέξο ### book 19.11 καλὰ μάλ’, οἷ’ οὔ πώ τις ἀνὴρ ὤμοισι φόρησεν. ### book 19.12 Ὡς ἄρα φωνήσασα θεὰ κατὰ τεύχε’ ἔθηκε ### book 19.13 πρόσθεν Ἀχιλλῆος· τὰ δ’ ἀνέβραχε δαίδαλα πάντα. ### book 19.14 Μυρμιδόνας δ’ ἄρα πάντας ἕλε τρόμος, οὐδέ τις ἔτλη ### book 19.15 ἄντην εἰσιδέειν, ἀλλ’ ἔτρεσαν. αὐτὰρ Ἀχιλλεὺς ### book 19.16 ὡς εἶδ’, ὥς μιν μᾶλλον ἔδυ χόλος, ἐν δέ οἱ ὄσσε ### book 19.17 δεινὸν ὑπὸ βλεφάρων ὡς εἰ σέλας ἐξεφάανθεν· ### book 19.18 τέρπετο δ’ ἐν χείρεσσιν ἔχων θεοῦ ἀγλαὰ δῶρα. ### book 19.19 αὐτὰρ ἐπεὶ φρεσὶν ᾗσι τετάρπετο δαίδαλα λεύσσων ### book 19.20 αὐτίκα μητέρα ἣν ἔπεα πτερόεντα προσηύδα· ### book 19.21 μῆτερ ἐμὴ τὰ μὲν ὅπλα θεὸς πόρεν οἷ’ ἐπιεικὲς ### book 19.22 ἔργ’ ἔμεν ἀθανάτων, μὴ δὲ βροτὸν ἄνδρα τελέσσαι. ### book 19.23 νῦν δ’ ἤτοι μὲν ἐγὼ θωρήξομαι· ἀλλὰ μάλ’ αἰνῶς ### book 19.24 δείδω μή μοι τόφρα Μενοιτίου ἄλκιμον υἱὸν ### book 19.25 μυῖαι καδδῦσαι κατὰ χαλκοτύπους ὠτειλὰς ### book 19.26 εὐλὰς ἐγγείνωνται, ἀεικίσσωσι δὲ νεκρόν, ### book 19.27 ἐκ δ’ αἰὼν πέφαται, κατὰ δὲ χρόα πάντα σαπήῃ. ### book 19.28 Τὸν δ’ ἠμείβετ’ ἔπειτα θεὰ Θέτις ἀργυρόπεζα· ### book 19.29 τέκνον μή τοι ταῦτα μετὰ φρεσὶ σῇσι μελόντων. ### book 19.30 τῷ μὲν ἐγὼ πειρήσω ἀλαλκεῖν ἄγρια φῦλα ### book 19.31 μυίας, αἵ ῥά τε φῶτας ἀρηϊφάτους κατέδουσιν· ### book 19.32 ἤν περ γὰρ κεῖταί γε τελεσφόρον εἰς ἐνιαυτόν, ### book 19.33 αἰεὶ τῷ γ’ ἔσται χρὼς ἔμπεδος, ἢ καὶ ἀρείων. ### book 19.34 ἀλλὰ σύ γ’ εἰς ἀγορὴν καλέσας ἥρωας Ἀχαιοὺς ### book 19.35 μῆνιν ἀποειπὼν Ἀγαμέμνονι ποιμένι λαῶν ### book 19.36 αἶψα μάλ’ ἐς πόλεμον θωρήσσεο, δύσεο δ’ ἀλκήν. ### book 19.37 Ὣς ἄρα φωνήσασα μένος πολυθαρσὲς ἐνῆκε, ### book 19.38 Πατρόκλῳ δ’ αὖτ’ ἀμβροσίην καὶ νέκταρ ἐρυθρὸν ### book 19.39 στάξε κατὰ ῥινῶν, ἵνα οἱ χρὼς ἔμπεδος εἴη. ### book 19.40 Αὐτὰρ ὃ βῆ παρὰ θῖνα θαλάσσης δῖος Ἀχιλλεὺς ### book 19.41 σμερδαλέα ἰάχων, ὦρσεν δ’ ἥρωας Ἀχαιούς. ### book 19.42 καί ῥ’ οἵ περ τὸ πάρος γε νεῶν ἐν ἀγῶνι μένεσκον ### book 19.43 οἵ τε κυβερνῆται καὶ ἔχον οἰήϊα νηῶν ### book 19.44 καὶ ταμίαι παρὰ νηυσὶν ἔσαν σίτοιο δοτῆρες, ### book 19.45 καὶ μὴν οἳ τότε γ’ εἰς ἀγορὴν ἴσαν, οὕνεκ’ Ἀχιλλεὺς ### book 19.46 ἐξεφάνη, δηρὸν δὲ μάχης ἐπέπαυτ’ ἀλεγεινῆς. ### book 19.47 τὼ δὲ δύω σκάζοντε βάτην Ἄρεος θεράποντε ### book 19.48 Τυδεΐδης τε μενεπτόλεμος καὶ δῖος Ὀδυσσεὺς ### book 19.49 ἔγχει ἐρειδομένω· ἔτι γὰρ ἔχον ἕλκεα λυγρά· ### book 19.50 κὰδ δὲ μετὰ πρώτῃ ἀγορῇ ἵζοντο κιόντες. ### book 19.51 αὐτὰρ ὃ δεύτατος ἦλθεν ἄναξ ἀνδρῶν Ἀγαμέμνων ### book 19.52 ἕλκος ἔχων· καὶ γὰρ τὸν ἐνὶ κρατερῇ ὑσμίνῃ ### book 19.53 οὖτα Κόων Ἀντηνορίδης χαλκήρεϊ δουρί. ### book 19.54 αὐτὰρ ἐπεὶ δὴ πάντες ἀολλίσθησαν Ἀχαιοί, ### book 19.55 τοῖσι δ’ ἀνιστάμενος μετέφη πόδας ὠκὺς Ἀχιλλεύς· ### book 19.56 Ἀτρεΐδη ἦ ἄρ τι τόδ’ ἀμφοτέροισιν ἄρειον ### book 19.57 ἔπλετο σοὶ καὶ ἐμοί, ὅ τε νῶΐ περ ἀχνυμένω κῆρ ### book 19.58 θυμοβόρῳ ἔριδι μενεήναμεν εἵνεκα κούρης; ### book 19.59 τὴν ὄφελ’ ἐν νήεσσι κατακτάμεν Ἄρτεμις ἰῷ ### book 19.60 ἤματι τῷ ὅτ’ ἐγὼν ἑλόμην Λυρνησσὸν ὀλέσσας· ### book 19.61 τώ κ’ οὐ τόσσοι Ἀχαιοὶ ὀδὰξ ἕλον ἄσπετον οὖδας ### book 19.62 δυσμενέων ὑπὸ χερσὶν ἐμεῦ ἀπομηνίσαντος. ### book 19.63 Ἕκτορι μὲν καὶ Τρωσὶ τὸ κέρδιον· αὐτὰρ Ἀχαιοὺς ### book 19.64 δηρὸν ἐμῆς καὶ σῆς ἔριδος μνήσεσθαι ὀΐω. ### book 19.65 ἀλλὰ τὰ μὲν προτετύχθαι ἐάσομεν ἀχνύμενοί περ ### book 19.66 θυμὸν ἐνὶ στήθεσσι φίλον δαμάσαντες ἀνάγκῃ· ### book 19.67 νῦν δ’ ἤτοι μὲν ἐγὼ παύω χόλον, οὐδέ τί με χρὴ ### book 19.68 ἀσκελέως αἰεὶ μενεαινέμεν· ἀλλ’ ἄγε θᾶσσον ### book 19.69 ὄτρυνον πόλεμον δὲ κάρη κομόωντας Ἀχαιούς, ### book 19.70 ὄφρ’ ἔτι καὶ Τρώων πειρήσομαι ἀντίον ἐλθὼν ### book 19.71 αἴ κ’ ἐθέλως’ ἐπὶ νηυσὶν ἰαύειν· ἀλλά τιν’ οἴω ### book 19.72 ἀσπασίως αὐτῶν γόνυ κάμψειν, ὅς κε φύγῃσι ### book 19.73 δηΐου ἐκ πολέμοιο ὑπ’ ἔγχεος ἡμετέροιο. ### book 19.74 Ὣς ἔφαθ’, οἳ δ’ ἐχάρησαν ἐϋκνήμιδες Ἀχαιοὶ ### book 19.75 μῆνιν ἀπειπόντος μεγαθύμου Πηλεΐωνος. ### book 19.76 τοῖσι δὲ καὶ μετέειπεν ἄναξ ἀνδρῶν Ἀγαμέμνων ### book 19.77 αὐτόθεν ἐξ ἕδρης, οὐδ’ ἐν μέσσοισιν ἀναστάς· ### book 19.78 ὦ φίλοι ἥρωες Δαναοὶ θεράποντες Ἄρηος ### book 19.79 ἑσταότος μὲν καλὸν ἀκούειν, οὐδὲ ἔοικεν ### book 19.80 ὑββάλλειν· χαλεπὸν γὰρ ἐπισταμένῳ περ ἐόντι. ### book 19.81 ἀνδρῶν δ’ ἐν πολλῷ ὁμάδῳ πῶς κέν τις ἀκούσαι ### book 19.82 ἢ εἴποι; βλάβεται δὲ λιγύς περ ἐὼν ἀγορητής. ### book 19.83 Πηλεΐδῃ μὲν ἐγὼν ἐνδείξομαι· αὐτὰρ οἱ ἄλλοι ### book 19.84 σύνθεσθ’ Ἀργεῖοι, μῦθόν τ’ εὖ γνῶτε ἕκαστος. ### book 19.85 πολλάκι δή μοι τοῦτον Ἀχαιοὶ μῦθον ἔειπον ### book 19.86 καί τέ με νεικείεσκον· ἐγὼ δ’ οὐκ αἴτιός εἰμι, ### book 19.87 ἀλλὰ Ζεὺς καὶ Μοῖρα καὶ ἠεροφοῖτις Ἐρινύς, ### book 19.88 οἵ τέ μοι εἰν ἀγορῇ φρεσὶν ἔμβαλον ἄγριον ἄτην, ### book 19.89 ἤματι τῷ ὅτ’ Ἀχιλλῆος γέρας αὐτὸς ἀπηύρων. ### book 19.90 ἀλλὰ τί κεν ῥέξαιμι; θεὸς διὰ πάντα τελευτᾷ. ### book 19.91 πρέσβα Διὸς θυγάτηρ Ἄτη, ἣ πάντας ἀᾶται, ### book 19.92 οὐλομένη· τῇ μέν θ’ ἁπαλοὶ πόδες· οὐ γὰρ ἐπ’ οὔδει ### book 19.93 πίλναται, ἀλλ’ ἄρα ἥ γε κατ’ ἀνδρῶν κράατα βαίνει ### book 19.94 βλάπτους’ ἀνθρώπους· κατὰ δ’ οὖν ἕτερόν γε πέδησε. ### book 19.95 καὶ γὰρ δή νύ ποτε Ζεὺς ἄσατο, τόν περ ἄριστον ### book 19.96 ἀνδρῶν ἠδὲ θεῶν φας’ ἔμμεναι· ἀλλ’ ἄρα καὶ τὸν ### book 19.97 Ἥρη θῆλυς ἐοῦσα δολοφροσύνῃς ἀπάτησεν, ### book 19.98 ἤματι τῷ ὅτ’ ἔμελλε βίην Ἡρακληείην ### book 19.99 Ἀλκμήνη τέξεσθαι ἐϋστεφάνῳ ἐνὶ Θήβῃ. ### book 19.100 ἤτοι ὅ γ’ εὐχόμενος μετέφη πάντεσσι θεοῖσι· ### book 19.101 κέκλυτέ μευ πάντές τε θεοὶ πᾶσαί τε θέαιναι, ### book 19.102 ὄφρ’ εἴπω τά με θυμὸς ἐνὶ στήθεσσιν ἀνώγει. ### book 19.103 σήμερον ἄνδρα φόως δὲ μογοστόκος Εἰλείθυια ### book 19.104 ἐκφανεῖ, ὃς πάντεσσι περικτιόνεσσιν ἀνάξει, ### book 19.105 τῶν ἀνδρῶν γενεῆς οἵ θ’ αἵματος ἐξ ἐμεῦ εἰσί. ### book 19.106 τὸν δὲ δολοφρονέουσα προσηύδα πότνια Ἥρη· ### book 19.107 ψευστήσεις, οὐδ’ αὖτε τέλος μύθῳ ἐπιθήσεις. ### book 19.108 εἰ δ’ ἄγε νῦν μοι ὄμοσσον Ὀλύμπιε καρτερὸν ὅρκον, ### book 19.109 ἦ μὲν τὸν πάντεσσι περικτιόνεσσιν ἀνάξειν ### book 19.110 ὅς κεν ἐπ’ ἤματι τῷδε πέσῃ μετὰ ποσσὶ γυναικὸς ### book 19.111 τῶν ἀνδρῶν οἳ σῆς ἐξ αἵματός εἰσι γενέθλης. ### book 19.112 ὣς ἔφατο· Ζεὺς δ’ οὔ τι δολοφροσύνην ἐνόησεν, ### book 19.113 ἀλλ’ ὄμοσεν μέγαν ὅρκον, ἔπειτα δὲ πολλὸν ἀάσθη. ### book 19.114 Ἥρη δ’ ἀΐξασα λίπεν ῥίον Οὐλύμποιο, ### book 19.115 καρπαλίμως δ’ ἵκετ’ Ἄργος Ἀχαιικόν, ἔνθ’ ἄρα ᾔδη ### book 19.116 ἰφθίμην ἄλοχον Σθενέλου Περσηϊάδαο. ### book 19.117 ἣ δ’ ἐκύει φίλον υἱόν, ὃ δ’ ἕβδομος ἑστήκει μείς· ### book 19.118 ἐκ δ’ ἄγαγε πρὸ φόως δὲ καὶ ἠλιτόμηνον ἐόντα, ### book 19.119 Ἀλκμήνης δ’ ἀπέπαυσε τόκον, σχέθε δ’ Εἰλειθυίας. ### book 19.120 αὐτὴ δ’ ἀγγελέουσα Δία Κρονίωνα προσηύδα· ### book 19.121 Ζεῦ πάτερ ἀργικέραυνε ἔπος τί τοι ἐν φρεσὶ θήσω· ### book 19.122 ἤδη ἀνὴρ γέγον’ ἐσθλὸς ὃς Ἀργείοισιν ἀνάξει ### book 19.123 Εὐρυσθεὺς Σθενέλοιο πάϊς Περσηϊάδαο ### book 19.124 σὸν γένος· οὔ οἱ ἀεικὲς ἀνασσέμεν Ἀργείοισιν. ### book 19.125 ὣς φάτο, τὸν δ’ ἄχος ὀξὺ κατὰ φρένα τύψε βαθεῖαν· ### book 19.126 αὐτίκα δ’ εἷλ’ Ἄτην κεφαλῆς λιπαροπλοκάμοιο ### book 19.127 χωόμενος φρεσὶν ᾗσι, καὶ ὤμοσε καρτερὸν ὅρκον ### book 19.128 μή ποτ’ ἐς Οὔλυμπόν τε καὶ οὐρανὸν ἀστερόεντα ### book 19.129 αὖτις ἐλεύσεσθαι Ἄτην, ἣ πάντας ἀᾶται. ### book 19.130 ὣς εἰπὼν ἔρριψεν ἀπ’ οὐρανοῦ ἀστερόεντος ### book 19.131 χειρὶ περιστρέψας· τάχα δ’ ἵκετο ἔργ’ ἀνθρώπων. ### book 19.132 τὴν αἰεὶ στενάχεσχ’ ὅθ’ ἑὸν φίλον υἱὸν ὁρῷτο ### book 19.133 ἔργον ἀεικὲς ἔχοντα ὑπ’ Εὐρυσθῆος ἀέθλων. ### book 19.134 ὣς καὶ ἐγών, ὅτε δ’ αὖτε μέγας κορυθαίολος Ἕκτωρ ### book 19.135 Ἀργείους ὀλέκεσκεν ἐπὶ πρυμνῇσι νέεσσιν, ### book 19.136 οὐ δυνάμην λελαθέσθ’ Ἄτης ᾗ πρῶτον ἀάσθην. ### book 19.137 ἀλλ’ ἐπεὶ ἀασάμην καί μευ φρένας ἐξέλετο Ζεύς, ### book 19.138 ἂψ ἐθέλω ἀρέσαι, δόμεναί τ’ ἀπερείσι’ ἄποινα· ### book 19.139 ἀλλ’ ὄρσευ πόλεμον δὲ καὶ ἄλλους ὄρνυθι λαούς. ### book 19.140 δῶρα δ’ ἐγὼν ὅδε πάντα παρασχέμεν ὅσσά τοι ἐλθὼν ### book 19.141 χθιζὸς ἐνὶ κλισίῃσιν ὑπέσχετο δῖος Ὀδυσσεύς. ### book 19.142 εἰ δ’ ἐθέλεις, ἐπίμεινον ἐπειγόμενός περ Ἄρηος, ### book 19.143 δῶρα δέ τοι θεράποντες ἐμῆς παρὰ νηὸς ἑλόντες ### book 19.144 οἴσους’, ὄφρα ἴδηαι ὅ τοι μενοεικέα δώσω. ### book 19.145 Τὸν δ’ ἀπαμειβόμενος προσέφη πόδας ὠκὺς Ἀχιλλεύς· ### book 19.146 Ἀτρεΐδη κύδιστε ἄναξ ἀνδρῶν Ἀγάμεμνον ### book 19.147 δῶρα μὲν αἴ κ’ ἐθέλῃσθα παρασχέμεν, ὡς ἐπιεικές, ### book 19.148 ἤ τ’ ἐχέμεν παρὰ σοί· νῦν δὲ μνησώμεθα χάρμης ### book 19.149 αἶψα μάλ’· οὐ γὰρ χρὴ κλοτοπεύειν ἐνθάδ’ ἐόντας ### book 19.150 οὐδὲ διατρίβειν· ἔτι γὰρ μέγα ἔργον ἄρεκτον· ### book 19.151 ὥς κέ τις αὖτ’ Ἀχιλῆα μετὰ πρώτοισιν ἴδηται ### book 19.152 ἔγχεϊ χαλκείῳ Τρώων ὀλέκοντα φάλαγγας. ### book 19.153 ὧδέ τις ὑμείων μεμνημένος ἀνδρὶ μαχέσθω. ### book 19.154 Τὸν δ’ ἀπαμειβόμενος προσέφη πολύμητις Ὀδυσσεύς· ### book 19.155 μὴ δ’ οὕτως, ἀγαθός περ ἐών, θεοείκελ’ Ἀχιλλεῦ ### book 19.156 νήστιας ὄτρυνε προτὶ Ἴλιον υἷας Ἀχαιῶν ### book 19.157 Τρωσὶ μαχησομένους, ἐπεὶ οὐκ ὀλίγον χρόνον ἔσται ### book 19.158 φύλοπις, εὖτ’ ἂν πρῶτον ὁμιλήσωσι φάλαγγες ### book 19.159 ἀνδρῶν, ἐν δὲ θεὸς πνεύσῃ μένος ἀμφοτέροισιν. ### book 19.160 ἀλλὰ πάσασθαι ἄνωχθι θοῇς ἐπὶ νηυσὶν Ἀχαιοὺς ### book 19.161 σίτου καὶ οἴνοιο· τὸ γὰρ μένος ἐστὶ καὶ ἀλκή. ### book 19.162 οὐ γὰρ ἀνὴρ πρόπαν ἦμαρ ἐς ἠέλιον καταδύντα ### book 19.163 ἄκμηνος σίτοιο δυνήσεται ἄντα μάχεσθαι· ### book 19.164 εἴ περ γὰρ θυμῷ γε μενοινάᾳ πολεμίζειν, ### book 19.165 ἀλλά τε λάθρῃ γυῖα βαρύνεται, ἠδὲ κιχάνει ### book 19.166 δίψά τε καὶ λιμός, βλάβεται δέ τε γούνατ’ ἰόντι. ### book 19.167 ὃς δέ κ’ ἀνὴρ οἴνοιο κορεσσάμενος καὶ ἐδωδῆς ### book 19.168 ἀνδράσι δυσμενέεσσι πανημέριος πολεμίζῃ, ### book 19.169 θαρσαλέον νύ οἱ ἦτορ ἐνὶ φρεσίν, οὐδέ τι γυῖα ### book 19.170 πρὶν κάμνει πρὶν πάντας ἐρωῆσαι πολέμοιο. ### book 19.171 ἀλλ’ ἄγε λαὸν μὲν σκέδασον καὶ δεῖπνον ἄνωχθι ### book 19.172 ὅπλεσθαι· τὰ δὲ δῶρα ἄναξ ἀνδρῶν Ἀγαμέμνων ### book 19.173 οἰσέτω ἐς μέσσην ἀγορήν, ἵνα πάντες Ἀχαιοὶ ### book 19.174 ὀφθαλμοῖσιν ἴδωσι, σὺ δὲ φρεσὶ σῇσιν ἰανθῇς. ### book 19.175 ὀμνυέτω δέ τοι ὅρκον ἐν Ἀργείοσιν ἀναστὰς ### book 19.176 μή ποτε τῆς εὐνῆς ἐπιβήμεναι ἠδὲ μιγῆναι· ### book 19.177 ἣ θέμις ἐστὶν ἄναξ ἤ τ’ ἀνδρῶν ἤ τε γυναικῶν· ### book 19.178 καὶ δὲ σοὶ αὐτῷ θυμὸς ἐνὶ φρεσὶν ἵλαος ἔστω. ### book 19.179 αὐτὰρ ἔπειτά σε δαιτὶ ἐνὶ κλισίῃς ἀρεσάσθω ### book 19.180 πιείρῃ, ἵνα μή τι δίκης ἐπιδευὲς ἔχῃσθα. ### book 19.181 Ἀτρεΐδη σὺ δ’ ἔπειτα δικαιότερος καὶ ἐπ’ ἄλλῳ ### book 19.182 ἔσσεαι. οὐ μὲν γάρ τι νεμεσσητὸν βασιλῆα ### book 19.183 ἄνδρ’ ἀπαρέσσασθαι ὅτε τις πρότερος χαλεπήνῃ. ### book 19.184 Τὸν δ’ αὖτε προσέειπεν ἄναξ ἀνδρῶν Ἀγαμέμνων· ### book 19.185 χαίρω σεῦ Λαερτιάδη τὸν μῦθον ἀκούσας· ### book 19.186 ἐν μοίρῃ γὰρ πάντα διίκεο καὶ κατέλεξας. ### book 19.187 ταῦτα δ’ ἐγὼν ἐθέλω ὀμόσαι, κέλεται δέ με θυμός, ### book 19.188 οὐδ’ ἐπιορκήσω πρὸς δαίμονος. αὐτὰρ Ἀχιλλεὺς ### book 19.189 μιμνέτω αὐτόθι τεῖος ἐπειγόμενός περ Ἄρηος· ### book 19.190 μίμνετε δ’ ἄλλοι πάντες ἀολλέες, ὄφρά κε δῶρα ### book 19.191 ἐκ κλισίης ἔλθῃσι καὶ ὅρκια πιστὰ τάμωμεν. ### book 19.192 σοὶ δ’ αὐτῷ τόδ’ ἐγὼν ἐπιτέλλομαι ἠδὲ κελεύω· ### book 19.193 κρινάμενος κούρητας ἀριστῆας Παναχαιῶν ### book 19.194 δῶρα ἐμῆς παρὰ νηὸς ἐνεικέμεν, ὅσς’ Ἀχιλῆϊ ### book 19.195 χθιζὸν ὑπέστημεν δώσειν, ἀγέμεν τε γυναῖκας. ### book 19.196 Ταλθύβιος δέ μοι ὦκα κατὰ στρατὸν εὐρὺν Ἀχαιῶν ### book 19.197 κάπρον ἑτοιμασάτω ταμέειν Διί τ’ Ἠελίῳ τε. ### book 19.198 Τὸν δ’ ἀπαμειβόμενος προσέφη πόδας ὠκὺς Ἀχιλλεύς· ### book 19.199 Ἀτρεΐδη κύδιστε ἄναξ ἀνδρῶν Ἀγάμεμνον ### book 19.200 ἄλλοτέ περ καὶ μᾶλλον ὀφέλλετε ταῦτα πένεσθαι, ### book 19.201 ὁππότε τις μεταπαυσωλὴ πολέμοιο γένηται ### book 19.202 καὶ μένος οὐ τόσον ᾖσιν ἐνὶ στήθεσσιν ἐμοῖσι. ### book 19.203 νῦν δ’ οἳ μὲν κέαται δεδαϊγμένοι, οὓς ἐδάμασσεν ### book 19.204 Ἕκτωρ Πριαμίδης, ὅτε οἱ Ζεὺς κῦδος ἔδωκεν, ### book 19.205 ὑμεῖς δ’ ἐς βρωτὺν ὀτρύνετον· ἦ τ’ ἂν ἔγωγε ### book 19.206 νῦν μὲν ἀνώγοιμι πτολεμίζειν υἷας Ἀχαιῶν ### book 19.207 νήστιας ἀκμήνους, ἅμα δ’ ἠελίῳ καταδύντι ### book 19.208 τεύξεσθαι μέγα δόρπον, ἐπὴν τεισαίμεθα λώβην. ### book 19.209 πρὶν δ’ οὔ πως ἂν ἔμοιγε φίλον κατὰ λαιμὸν ἰείη ### book 19.210 οὐ πόσις οὐδὲ βρῶσις ἑταίρου τεθνηῶτος ### book 19.211 ὅς μοι ἐνὶ κλισίῃ δεδαϊγμένος ὀξέϊ χαλκῷ ### book 19.212 κεῖται ἀνὰ πρόθυρον τετραμμένος, ἀμφὶ δ’ ἑταῖροι ### book 19.213 μύρονται· τό μοι οὔ τι μετὰ φρεσὶ ταῦτα μέμηλεν, ### book 19.214 ἀλλὰ φόνος τε καὶ αἷμα καὶ ἀργαλέος στόνος ἀνδρῶν. ### book 19.215 Τὸν δ’ ἀπαμειβόμενος προσέφη πολύμητις Ὀδυσσεύς· ### book 19.216 ὦ Ἀχιλεῦ Πηλῆος υἱὲ μέγα φέρτατ’ Ἀχαιῶν, ### book 19.217 κρείσσων εἰς ἐμέθεν καὶ φέρτερος οὐκ ὀλίγον περ ### book 19.218 ἔγχει, ἐγὼ δέ κε σεῖο νοήματί γε προβαλοίμην ### book 19.219 πολλόν, ἐπεὶ πρότερος γενόμην καὶ πλείονα οἶδα. ### book 19.220 τώ τοι ἐπιτλήτω κραδίη μύθοισιν ἐμοῖσιν. ### book 19.221 αἶψά τε φυλόπιδος πέλεται κόρος ἀνθρώποισιν, ### book 19.222 ἧς τε πλείστην μὲν καλάμην χθονὶ χαλκὸς ἔχευεν, ### book 19.223 ἄμητος δ’ ὀλίγιστος, ἐπὴν κλίνῃσι τάλαντα ### book 19.224 Ζεύς, ὅς τ’ ἀνθρώπων ταμίης πολέμοιο τέτυκται. ### book 19.225 γαστέρι δ’ οὔ πως ἔστι νέκυν πενθῆσαι Ἀχαιούς· ### book 19.226 λίην γὰρ πολλοὶ καὶ ἐπήτριμοι ἤματα πάντα ### book 19.227 πίπτουσιν· πότε κέν τις ἀναπνεύσειε πόνοιο; ### book 19.228 ἀλλὰ χρὴ τὸν μὲν καταθάπτειν ὅς κε θάνῃσι ### book 19.229 νηλέα θυμὸν ἔχοντας ἐπ’ ἤματι δακρύσαντας· ### book 19.230 ὅσσοι δ’ ἂν πολέμοιο περὶ στυγεροῖο λίπωνται ### book 19.231 μεμνῆσθαι πόσιος καὶ ἐδητύος, ὄφρ’ ἔτι μᾶλλον ### book 19.232 ἀνδράσι δυσμενέεσσι μαχώμεθα νωλεμὲς αἰεὶ ### book 19.233 ἑσσάμενοι χροῒ χαλκὸν ἀτειρέα. μηδέ τις ἄλλην ### book 19.234 λαῶν ὀτρυντὺν ποτιδέγμενος ἰσχαναάσθω· ### book 19.235 ἧδε γὰρ ὀτρυντὺς κακὸν ἔσσεται ὅς κε λίπηται ### book 19.236 νηυσὶν ἐπ’ Ἀργείων· ἀλλ’ ἀθρόοι ὁρμηθέντες ### book 19.237 Τρωσὶν ἐφ’ ἱπποδάμοισιν ἐγείρομεν ὀξὺν Ἄρηα. ### book 19.238 Ἦ, καὶ Νέστορος υἷας ὀπάσσατο κυδαλίμοιο ### book 19.239 Φυλεΐδην τε Μέγητα Θόαντά τε Μηριόνην τε ### book 19.240 καὶ Κρειοντιάδην Λυκομήδεα καὶ Μελάνιππον· ### book 19.241 βὰν δ’ ἴμεν ἐς κλισίην Ἀγαμέμνονος Ἀτρεΐδαο. ### book 19.242 αὐτίκ’ ἔπειθ’ ἅμα μῦθος ἔην, τετέλεστο δὲ ἔργον· ### book 19.243 ἑπτὰ μὲν ἐκ κλισίης τρίποδας φέρον, οὕς οἱ ὑπέστη, ### book 19.244 αἴθωνας δὲ λέβητας ἐείκοσι, δώδεκα δ’ ἵππους· ### book 19.245 ἐκ δ’ ἄγον αἶψα γυναῖκας ἀμύμονα ἔργα ἰδυίας ### book 19.246 ἕπτ’, ἀτὰρ ὀγδοάτην Βρισηΐδα καλλιπάρῃον. ### book 19.247 χρυσοῦ δὲ στήσας Ὀδυσεὺς δέκα πάντα τάλαντα ### book 19.248 ἦρχ’, ἅμα δ’ ἄλλοι δῶρα φέρον κούρητες Ἀχαιῶν. ### book 19.249 καὶ τὰ μὲν ἐν μέσσῃ ἀγορῇ θέσαν, ἂν δ’ Ἀγαμέμνων ### book 19.250 ἵστατο· Ταλθύβιος δὲ θεῷ ἐναλίγκιος αὐδὴν ### book 19.251 κάπρον ἔχων ἐν χερσὶ παρίστατο ποιμένι λαῶν. ### book 19.252 Ἀτρεΐδης δὲ ἐρυσσάμενος χείρεσσι μάχαιραν, ### book 19.253 ἥ οἱ πὰρ ξίφεος μέγα κουλεὸν αἰὲν ἄωρτο, ### book 19.254 κάπρου ἀπὸ τρίχας ἀρξάμενος Διὶ χεῖρας ἀνασχὼν ### book 19.255 εὔχετο· τοὶ δ’ ἄρα πάντες ἐπ’ αὐτόφιν εἵατο σιγῇ ### book 19.256 Ἀργεῖοι κατὰ μοῖραν ἀκούοντες βασιλῆος. ### book 19.257 εὐξάμενος δ’ ἄρα εἶπεν ἰδὼν εἰς οὐρανὸν εὐρύν· ### book 19.258 ἴστω νῦν Ζεὺς πρῶτα θεῶν ὕπατος καὶ ἄριστος ### book 19.259 Γῆ τε καὶ Ἠέλιος καὶ Ἐρινύες, αἵ θ’ ὑπὸ γαῖαν ### book 19.260 ἀνθρώπους τίνυνται, ὅτις κ’ ἐπίορκον ὀμόσσῃ, ### book 19.261 μὴ μὲν ἐγὼ κούρῃ Βρισηΐδι χεῖρ’ ἐπένεικα, ### book 19.262 οὔτ’ εὐνῆς πρόφασιν κεχρημένος οὔτέ τευ ἄλλου. ### book 19.263 ἀλλ’ ἔμεν’ ἀπροτίμαστος ἐνὶ κλισίῃσιν ἐμῇσιν. ### book 19.264 εἰ δέ τι τῶνδ’ ἐπίορκον ἐμοὶ θεοὶ ἄλγεα δοῖεν ### book 19.265 πολλὰ μάλ’, ὅσσα διδοῦσιν ὅτίς σφ’ ἀλίτηται ὀμόσσας. ### book 19.266 Ἦ, καὶ ἀπὸ στόμαχον κάπρου τάμε νηλέϊ χαλκῷ. ### book 19.267 τὸν μὲν Ταλθύβιος πολιῆς ἁλὸς ἐς μέγα λαῖτμα ### book 19.268 ῥῖψ’ ἐπιδινήσας βόσιν ἰχθύσιν· αὐτὰρ Ἀχιλλεὺς ### book 19.269 ἀνστὰς Ἀργείοισι φιλοπτολέμοισι μετηύδα· ### book 19.270 Ζεῦ πάτερ ἦ μεγάλας ἄτας ἄνδρεσσι διδοῖσθα· ### book 19.271 οὐκ ἂν δή ποτε θυμὸν ἐνὶ στήθεσσιν ἐμοῖσιν ### book 19.272 Ἀτρεΐδης ὤρινε διαμπερές, οὐδέ κε κούρην ### book 19.273 ἦγεν ἐμεῦ ἀέκοντος ἀμήχανος· ἀλλά ποθι Ζεὺς ### book 19.274 ἤθελ’ Ἀχαιοῖσιν θάνατον πολέεσσι γενέσθαι. ### book 19.275 νῦν δ’ ἔρχεσθ’ ἐπὶ δεῖπνον, ἵνα ξυνάγωμεν Ἄρηα. ### book 19.276 Ὣς ἄρ’ ἐφώνησεν, λῦσεν δ’ ἀγορὴν αἰψηρήν. ### book 19.277 οἳ μὲν ἄρ’ ἐσκίδναντο ἑὴν ἐπὶ νῆα ἕκαστος, ### book 19.278 δῶρα δὲ Μυρμιδόνες μεγαλήτορες ἀμφεπένοντο, ### book 19.279 βὰν δ’ ἐπὶ νῆα φέροντες Ἀχιλλῆος θείοιο. ### book 19.280 καὶ τὰ μὲν ἐν κλισίῃσι θέσαν, κάθισαν δὲ γυναῖκας, ### book 19.281 ἵππους δ’ εἰς ἀγέλην ἔλασαν θεράποντες ἀγαυοί. ### book 19.282 Βρισηῒς δ’ ἄρ’ ἔπειτ’ ἰκέλη χρυσέῃ Ἀφροδίτῃ ### book 19.283 ὡς ἴδε Πάτροκλον δεδαϊγμένον ὀξέϊ χαλκῷ, ### book 19.284 ἀμφ’ αὐτῷ χυμένη λίγ’ ἐκώκυε, χερσὶ δ’ ἄμυσσε ### book 19.285 στήθεά τ’ ἠδ’ ἁπαλὴν δειρὴν ἰδὲ καλὰ πρόσωπα. ### book 19.286 εἶπε δ’ ἄρα κλαίουσα γυνὴ ἐϊκυῖα θεῇσι· ### book 19.287 Πάτροκλέ μοι δειλῇ πλεῖστον κεχαρισμένε θυμῷ ### book 19.288 ζωὸν μέν σε ἔλειπον ἐγὼ κλισίηθεν ἰοῦσα, ### book 19.289 νῦν δέ σε τεθνηῶτα κιχάνομαι ὄρχαμε λαῶν ### book 19.290 ἂψ ἀνιοῦς’· ὥς μοι δέχεται κακὸν ἐκ κακοῦ αἰεί. ### book 19.291 ἄνδρα μὲν ᾧ ἔδοσάν με πατὴρ καὶ πότνια μήτηρ ### book 19.292 εἶδον πρὸ πτόλιος δεδαϊγμένον ὀξέϊ χαλκῷ, ### book 19.293 τρεῖς τε κασιγνήτους, τούς μοι μία γείνατο μήτηρ, ### book 19.294 κηδείους, οἳ πάντες ὀλέθριον ἦμαρ ἐπέσπον. ### book 19.295 οὐδὲ μὲν οὐδέ μ’ ἔασκες, ὅτ’ ἄνδρ’ ἐμὸν ὠκὺς Ἀχιλλεὺς ### book 19.296 ἔκτεινεν, πέρσεν δὲ πόλιν θείοιο Μύνητος, ### book 19.297 κλαίειν, ἀλλά μ’ ἔφασκες Ἀχιλλῆος θείοιο ### book 19.298 κουριδίην ἄλοχον θήσειν, ἄξειν τ’ ἐνὶ νηυσὶν ### book 19.299 ἐς Φθίην, δαίσειν δὲ γάμον μετὰ Μυρμιδόνεσσι. ### book 19.300 τώ ς’ ἄμοτον κλαίω τεθνηότα μείλιχον αἰεί. ### book 19.301 Ὣς ἔφατο κλαίους’, ἐπὶ δὲ στενάχοντο γυναῖκες ### book 19.302 Πάτροκλον πρόφασιν, σφῶν δ’ αὐτῶν κήδε’ ἑκάστη. ### book 19.303 αὐτὸν δ’ ἀμφὶ γέροντες Ἀχαιῶν ἠγερέθοντο ### book 19.304 λισσόμενοι δειπνῆσαι· ὃ δ’ ἠρνεῖτο στεναχίζων· ### book 19.305 λίσσομαι, εἴ τις ἔμοιγε φίλων ἐπιπείθεθ’ ἑταίρων, ### book 19.306 μή με πρὶν σίτοιο κελεύετε μηδὲ ποτῆτος ### book 19.307 ἄσασθαι φίλον ἦτορ, ἐπεί μ’ ἄχος αἰνὸν ἱκάνει· ### book 19.308 δύντα δ’ ἐς ἠέλιον μενέω καὶ τλήσομαι ἔμπης. ### book 19.309 Ὣς εἰπὼν ἄλλους μὲν ἀπεσκέδασεν βασιλῆας, ### book 19.310 δοιὼ δ’ Ἀτρεΐδα μενέτην καὶ δῖος Ὀδυσσεὺς ### book 19.311 Νέστωρ Ἰδομενεύς τε γέρων θ’ ἱππηλάτα Φοῖνιξ ### book 19.312 τέρποντες πυκινῶς ἀκαχήμενον· οὐδέ τι θυμῷ ### book 19.313 τέρπετο, πρὶν πολέμου στόμα δύμεναι αἱματόεντος. ### book 19.314 μνησάμενος δ’ ἁδινῶς ἀνενείκατο φώνησέν τε· ### book 19.315 ἦ ῥά νύ μοί ποτε καὶ σὺ δυσάμμορε φίλταθ’ ἑταίρων ### book 19.316 αὐτὸς ἐνὶ κλισίῃ λαρὸν παρὰ δεῖπνον ἔθηκας ### book 19.317 αἶψα καὶ ὀτραλέως, ὁπότε σπερχοίατ’ Ἀχαιοὶ ### book 19.318 Τρωσὶν ἐφ’ ἱπποδάμοισι φέρειν πολύδακρυν Ἄρηα. ### book 19.319 νῦν δὲ σὺ μὲν κεῖσαι δεδαϊγμένος, αὐτὰρ ἐμὸν κῆρ ### book 19.320 ἄκμηνον πόσιος καὶ ἐδητύος ἔνδον ἐόντων ### book 19.321 σῇ ποθῇ· οὐ μὲν γάρ τι κακώτερον ἄλλο πάθοιμι, ### book 19.322 οὐδ’ εἴ κεν τοῦ πατρὸς ἀποφθιμένοιο πυθοίμην, ### book 19.323 ὅς που νῦν Φθίηφι τέρεν κατὰ δάκρυον εἴβει ### book 19.324 χήτεϊ τοιοῦδ’ υἷος· ὃ δ’ ἀλλοδαπῷ ἐνὶ δήμῳ ### book 19.325 εἵνεκα ῥιγεδανῆς Ἑλένης Τρωσὶν πολεμίζω· ### book 19.326 ἠὲ τὸν ὃς Σκύρῳ μοι ἔνι τρέφεται φίλος υἱός, ### book 19.327 εἴ που ἔτι ζώει γε Νεοπτόλεμος θεοειδής. ### book 19.328 πρὶν μὲν γάρ μοι θυμὸς ἐνὶ στήθεσσιν ἐώλπει ### book 19.329 οἶον ἐμὲ φθίσεσθαι ἀπ’ Ἄργεος ἱπποβότοιο ### book 19.330 αὐτοῦ ἐνὶ Τροίῃ, σὲ δέ τε Φθίην δὲ νέεσθαι, ### book 19.331 ὡς ἄν μοι τὸν παῖδα θοῇ ἐνὶ νηῒ μελαίνῃ ### book 19.332 Σκυρόθεν ἐξαγάγοις καί οἱ δείξειας ἕκαστα ### book 19.333 κτῆσιν ἐμὴν δμῶάς τε καὶ ὑψερεφὲς μέγα δῶμα. ### book 19.334 ἤδη γὰρ Πηλῆά γ’ ὀΐομαι ἢ κατὰ πάμπαν ### book 19.335 τεθνάμεν, ἤ που τυτθὸν ἔτι ζώοντ’ ἀκάχησθαι ### book 19.336 γήραΐ τε στυγερῷ καὶ ἐμὴν ποτιδέγμενον αἰεὶ ### book 19.337 λυγρὴν ἀγγελίην, ὅτ’ ἀποφθιμένοιο πύθηται. ### book 19.338 Ὣς ἔφατο κλαίων, ἐπὶ δὲ στενάχοντο γέροντες, ### book 19.339 μνησάμενοι τὰ ἕκαστος ἐνὶ μεγάροισιν ἔλειπον· ### book 19.340 μυρομένους δ’ ἄρα τούς γε ἰδὼν ἐλέησε Κρονίων, ### book 19.341 αἶψα δ’ Ἀθηναίην ἔπεα πτερόεντα προσηύδα· ### book 19.342 τέκνον ἐμόν, δὴ πάμπαν ἀποίχεαι ἀνδρὸς ἑῆος. ### book 19.343 ἦ νύ τοι οὐκέτι πάγχυ μετὰ φρεσὶ μέμβλετ’ Ἀχιλλεύς; ### book 19.344 κεῖνος ὅ γε προπάροιθε νεῶν ὀρθοκραιράων ### book 19.345 ἧσται ὀδυρόμενος ἕταρον φίλον· οἳ δὲ δὴ ἄλλοι ### book 19.346 οἴχονται μετὰ δεῖπνον, ὃ δ’ ἄκμηνος καὶ ἄπαστος. ### book 19.347 ἀλλ’ ἴθι οἱ νέκτάρ τε καὶ ἀμβροσίην ἐρατεινὴν ### book 19.348 στάξον ἐνὶ στήθεσς’, ἵνα μή μιν λιμὸς ἵκηται. ### book 19.349 Ὣς εἰπὼν ὄτρυνε πάρος μεμαυῖαν Ἀθήνην· ### book 19.350 ἣ δ’ ἅρπῃ ἐϊκυῖα τανυπτέρυγι λιγυφώνῳ ### book 19.351 οὐρανοῦ ἐκκατεπᾶλτο δι’ αἰθέρος. αὐτὰρ Ἀχαιοὶ ### book 19.352 αὐτίκα θωρήσσοντο κατὰ στρατόν· ἣ δ’ Ἀχιλῆϊ ### book 19.353 νέκταρ ἐνὶ στήθεσσι καὶ ἀμβροσίην ἐρατεινὴν ### book 19.354 στάξ’, ἵνα μή μιν λιμὸς ἀτερπὴς γούναθ’ ἵκοιτο· ### book 19.355 αὐτὴ δὲ πρὸς πατρὸς ἐρισθενέος πυκινὸν δῶ ### book 19.356 ᾤχετο, τοὶ δ’ ἀπάνευθε νεῶν ἐχέοντο θοάων. ### book 19.357 ὡς δ’ ὅτε ταρφειαὶ νιφάδες Διὸς ἐκποτέονται ### book 19.358 ψυχραὶ ὑπὸ ῥιπῆς αἰθρηγενέος Βορέαο, ### book 19.359 ὣς τότε ταρφειαὶ κόρυθες λαμπρὸν γανόωσαι ### book 19.360 νηῶν ἐκφορέοντο καὶ ἀσπίδες ὀμφαλόεσσαι ### book 19.361 θώρηκές τε κραταιγύαλοι καὶ μείλινα δοῦρα. ### book 19.362 αἴγλη δ’ οὐρανὸν ἷκε, γέλασσε δὲ πᾶσα περὶ χθὼν ### book 19.363 χαλκοῦ ὑπὸ στεροπῆς· ὑπὸ δὲ κτύπος ὄρνυτο ποσσὶν ### book 19.364 ἀνδρῶν· ἐν δὲ μέσοισι κορύσσετο δῖος Ἀχιλλεύς. ### book 19.365 τοῦ καὶ ὀδόντων μὲν καναχὴ πέλε, τὼ δέ οἱ ὄσσε ### book 19.366 λαμπέσθην ὡς εἴ τε πυρὸς σέλας, ἐν δέ οἱ ἦτορ ### book 19.367 δῦν’ ἄχος ἄτλητον· ὃ δ’ ἄρα Τρωσὶν μενεαίνων ### book 19.368 δύσετο δῶρα θεοῦ, τά οἱ Ἥφαιστος κάμε τεύχων. ### book 19.369 κνημῖδας μὲν πρῶτα περὶ κνήμῃσιν ἔθηκε ### book 19.370 καλὰς ἀργυρέοισιν ἐπισφυρίοις ἀραρυίας· ### book 19.371 δεύτερον αὖ θώρηκα περὶ στήθεσσιν ἔδυνεν. ### book 19.372 ἀμφὶ δ’ ἄρ’ ὤμοισιν βάλετο ξίφος ἀργυρόηλον ### book 19.373 χάλκεον· αὐτὰρ ἔπειτα σάκος μέγα τε στιβαρόν τε ### book 19.374 εἵλετο, τοῦ δ’ ἀπάνευθε σέλας γένετ’ ἠΰτε μήνης. ### book 19.375 ὡς δ’ ὅτ’ ἂν ἐκ πόντοιο σέλας ναύτῃσι φανήῃ ### book 19.376 καιομένοιο πυρός, τό τε καίεται ὑψόθ’ ὄρεσφι ### book 19.377 σταθμῷ ἐν οἰοπόλῳ· τοὺς δ’ οὐκ ἐθέλοντας ἄελλαι ### book 19.378 πόντον ἐπ’ ἰχθυόεντα φίλων ἀπάνευθε φέρουσιν· ### book 19.379 ὣς ἀπ’ Ἀχιλλῆος σάκεος σέλας αἰθέρ’ ἵκανε ### book 19.380 καλοῦ δαιδαλέου· περὶ δὲ τρυφάλειαν ἀείρας ### book 19.381 κρατὶ θέτο βριαρήν· ἣ δ’ ἀστὴρ ὣς ἀπέλαμπεν ### book 19.382 ἵππουρις τρυφάλεια, περισσείοντο δ’ ἔθειραι ### book 19.383 χρύσεαι, ἃς Ἥφαιστος ἵει λόφον ἀμφὶ θαμειάς. ### book 19.384 πειρήθη δ’ ἕο αὐτοῦ ἐν ἔντεσι δῖος Ἀχιλλεύς, ### book 19.385 εἰ οἷ ἐφαρμόσσειε καὶ ἐντρέχοι ἀγλαὰ γυῖα· ### book 19.386 τῷ δ’ εὖτε πτερὰ γίγνετ’, ἄειρε δὲ ποιμένα λαῶν. ### book 19.387 ἐκ δ’ ἄρα σύριγγος πατρώϊον ἐσπάσατ’ ἔγχος ### book 19.388 βριθὺ μέγα στιβαρόν· τὸ μὲν οὐ δύνατ’ ἄλλος Ἀχαιῶν ### book 19.389 πάλλειν, ἀλλά μιν οἶος ἐπίστατο πῆλαι Ἀχιλλεύς· ### book 19.390 Πηλιάδα μελίην, τὴν πατρὶ φίλῳ πόρε Χείρων ### book 19.391 Πηλίου ἐκ κορυφῆς φόνον ἔμμεναι ἡρώεσσιν· ### book 19.392 ἵππους δ’ Αὐτομέδων τε καὶ Ἄλκιμος ἀμφιέποντες ### book 19.393 ζεύγνυον· ἀμφὶ δὲ καλὰ λέπαδν’ ἕσαν, ἐν δὲ χαλινοὺς ### book 19.394 γαμφηλῇς ἔβαλον, κατὰ δ’ ἡνία τεῖναν ὀπίσσω ### book 19.395 κολλητὸν ποτὶ δίφρον. ὃ δὲ μάστιγα φαεινὴν ### book 19.396 χειρὶ λαβὼν ἀραρυῖαν ἐφ’ ἵπποιιν ἀνόρουσεν ### book 19.397 Αὐτομέδων· ὄπιθεν δὲ κορυσσάμενος βῆ Ἀχιλλεὺς ### book 19.398 τεύχεσι παμφαίνων ὥς τ’ ἠλέκτωρ Ὑπερίων, ### book 19.399 σμερδαλέον δ’ ἵπποισιν ἐκέκλετο πατρὸς ἑοῖο· ### book 19.400 Ξάνθέ τε καὶ Βαλία τηλεκλυτὰ τέκνα Ποδάργης ### book 19.401 ἄλλως δὴ φράζεσθε σαωσέμεν ἡνιοχῆα ### book 19.402 ἂψ Δαναῶν ἐς ὅμιλον ἐπεί χ’ ἕωμεν πολέμοιο, ### book 19.403 μηδ’ ὡς Πάτροκλον λίπετ’ αὐτόθι τεθνηῶτα. ### book 19.404 Τὸν δ’ ἄρ’ ὑπὸ ζυγόφι προσέφη πόδας αἰόλος ἵππος ### book 19.405 Ξάνθος, ἄφαρ δ’ ἤμυσε καρήατι· πᾶσα δὲ χαίτη ### book 19.406 ζεύγλης ἐξεριποῦσα παρὰ ζυγὸν οὖδας ἵκανεν· ### book 19.407 αὐδήεντα δ’ ἔθηκε θεὰ λευκώλενος Ἥρη· ### book 19.408 καὶ λίην ς’ ἔτι νῦν γε σαώσομεν ὄβριμ’ Ἀχιλλεῦ· ### book 19.409 ἀλλά τοι ἐγγύθεν ἦμαρ ὀλέθριον· οὐδέ τοι ἡμεῖς ### book 19.410 αἴτιοι, ἀλλὰ θεός τε μέγας καὶ Μοῖρα κραταιή. ### book 19.411 οὐδὲ γὰρ ἡμετέρῃ βραδυτῆτί τε νωχελίῃ τε ### book 19.412 Τρῶες ἀπ’ ὤμοιιν Πατρόκλου τεύχε’ ἕλοντο· ### book 19.413 ἀλλὰ θεῶν ὤριστος, ὃν ἠΰκομος τέκε Λητώ, ### book 19.414 ἔκταν’ ἐνὶ προμάχοισι καὶ Ἕκτορι κῦδος ἔδωκε. ### book 19.415 νῶϊ δὲ καί κεν ἅμα πνοιῇ Ζεφύροιο θέοιμεν, ### book 19.416 ἥν περ ἐλαφροτάτην φάς’ ἔμμεναι· ἀλλὰ σοὶ αὐτῷ ### book 19.417 μόρσιμόν ἐστι θεῷ τε καὶ ἀνέρι ἶφι δαμῆναι. ### book 19.418 Ὣς ἄρα φωνήσαντος Ἐρινύες ἔσχεθον αὐδήν. ### book 19.419 τὸν δὲ μέγ’ ὀχθήσας προσέφη πόδας ὠκὺς Ἀχιλλεύς· ### book 19.420 Ξάνθε τί μοι θάνατον μαντεύεαι; οὐδέ τί σε χρή. ### book 19.421 εὖ νυ τὸ οἶδα καὶ αὐτὸς ὅ μοι μόρος ἐνθάδ’ ὀλέσθαι ### book 19.422 νόσφι φίλου πατρὸς καὶ μητέρος· ἀλλὰ καὶ ἔμπης ### book 19.423 οὐ λήξω πρὶν Τρῶας ἅδην ἐλάσαι πολέμοιο. ### book 19.424 Ἦ ῥα, καὶ ἐν πρώτοις ἰάχων ἔχε μώνυχας ἵππους. ### book 20.1 Ὣς οἳ μὲν παρὰ νηυσὶ κορωνίσι θωρήσσοντο ### book 20.2 ἀμφὶ σὲ Πηλέος υἱὲ μάχης ἀκόρητον Ἀχαιοί, ### book 20.3 Τρῶες δ’ αὖθ’ ἑτέρωθεν ἐπὶ θρωσμῷ πεδίοιο· ### book 20.4 Ζεὺς δὲ Θέμιστα κέλευσε θεοὺς ἀγορὴν δὲ καλέσσαι ### book 20.5 κρατὸς ἀπ’ Οὐλύμποιο πολυπτύχου· ἣ δ’ ἄρα πάντῃ ### book 20.6 φοιτήσασα κέλευσε Διὸς πρὸς δῶμα νέεσθαι. ### book 20.7 οὔτέ τις οὖν ποταμῶν ἀπέην νόσφ’ Ὠκεανοῖο, ### book 20.8 οὔτ’ ἄρα νυμφάων αἵ τ’ ἄλσεα καλὰ νέμονται ### book 20.9 καὶ πηγὰς ποταμῶν καὶ πίσεα ποιήεντα. ### book 20.10 ἐλθόντες δ’ ἐς δῶμα Διὸς νεφεληγερέταο ### book 20.11 ξεστῇς αἰθούσῃσιν ἐνίζανον, ἃς Διὶ πατρὶ ### book 20.12 Ἥφαιστος ποίησεν ἰδυίῃσι πραπίδεσσιν. ### book 20.13 Ὣς οἳ μὲν Διὸς ἔνδον ἀγηγέρατ’· οὐδ’ ἐνοσίχθων ### book 20.14 νηκούστησε θεᾶς, ἀλλ’ ἐξ ἁλὸς ἦλθε μετ’ αὐτούς, ### book 20.15 ἷζε δ’ ἄρ’ ἐν μέσσοισι, Διὸς δ’ ἐξείρετο βουλήν· ### book 20.16 τίπτ’ αὖτ’ ἀργικέραυνε θεοὺς ἀγορὴν δὲ κάλεσσας; ### book 20.17 ἦ τι περὶ Τρώων καὶ Ἀχαιῶν μερμηρίζεις; ### book 20.18 τῶν γὰρ νῦν ἄγχιστα μάχη πόλεμός τε δέδηε. ### book 20.19 Τὸν δ’ ἀπαμειβόμενος προσέφη νεφεληγερέτα Ζεύς· ### book 20.20 ἔγνως ἐννοσίγαιε ἐμὴν ἐν στήθεσι βουλὴν ### book 20.21 ὧν ἕνεκα ξυνάγειρα· μέλουσί μοι ὀλλύμενοί περ. ### book 20.22 ἀλλ’ ἤτοι μὲν ἐγὼ μενέω πτυχὶ Οὐλύμποιο ### book 20.23 ἥμενος, ἔνθ’ ὁρόων φρένα τέρψομαι· οἳ δὲ δὴ ἄλλοι ### book 20.24 ἔρχεσθ’ ὄφρ’ ἂν ἵκησθε μετὰ Τρῶας καὶ Ἀχαιούς, ### book 20.25 ἀμφοτέροισι δ’ ἀρήγεθ’ ὅπῃ νόος ἐστὶν ἑκάστου. ### book 20.26 εἰ γὰρ Ἀχιλλεὺς οἶος ἐπὶ Τρώεσσι μαχεῖται ### book 20.27 οὐδὲ μίνυνθ’ ἕξουσι ποδώκεα Πηλεΐωνα. ### book 20.28 καὶ δέ τί μιν καὶ πρόσθεν ὑποτρομέεσκον ὁρῶντες· ### book 20.29 νῦν δ’ ὅτε δὴ καὶ θυμὸν ἑταίρου χώεται αἰνῶς ### book 20.30 δείδω μὴ καὶ τεῖχος ὑπέρμορον ἐξαλαπάξῃ. ### book 20.31 Ὣς ἔφατο Κρονίδης, πόλεμον δ’ ἀλίαστον ἔγειρε. ### book 20.32 βὰν δ’ ἴμεναι πόλεμον δὲ θεοὶ δίχα θυμὸν ἔχοντες· ### book 20.33 Ἥρη μὲν μετ’ ἀγῶνα νεῶν καὶ Παλλὰς Ἀθήνη ### book 20.34 ἠδὲ Ποσειδάων γαιήοχος ἠδ’ ἐριούνης ### book 20.35 Ἑρμείας, ὃς ἐπὶ φρεσὶ πευκαλίμῃσι κέκασται· ### book 20.36 Ἥφαιστος δ’ ἅμα τοῖσι κίε σθένεϊ βλεμεαίνων ### book 20.37 χωλεύων, ὑπὸ δὲ κνῆμαι ῥώοντο ἀραιαί. ### book 20.38 ἐς δὲ Τρῶας Ἄρης κορυθαίολος, αὐτὰρ ἅμ’ αὐτῷ ### book 20.39 Φοῖβος ἀκερσεκόμης ἠδ’ Ἄρτεμις ἰοχέαιρα ### book 20.40 Λητώ τε Ξάνθός τε φιλομειδής τ’ Ἀφροδίτη. ### book 20.41 Εἷος μέν ῥ’ ἀπάνευθε θεοὶ θνητῶν ἔσαν ἀνδρῶν, ### book 20.42 τεῖος Ἀχαιοὶ μὲν μέγα κύδανον, οὕνεκ’ Ἀχιλλεὺς ### book 20.43 ἐξεφάνη, δηρὸν δὲ μάχης ἐπέπαυτ’ ἀλεγεινῆς· ### book 20.44 Τρῶας δὲ τρόμος αἰνὸς ὑπήλυθε γυῖα ἕκαστον ### book 20.45 δειδιότας, ὅθ’ ὁρῶντο ποδώκεα Πηλεΐωνα ### book 20.46 τεύχεσι λαμπόμενον βροτολοιγῷ ἶσον Ἄρηϊ. ### book 20.47 αὐτὰρ ἐπεὶ μεθ’ ὅμιλον Ὀλύμπιοι ἤλυθον ἀνδρῶν, ### book 20.48 ὦρτο δ’ Ἔρις κρατερὴ λαοσσόος, αὖε δ’ Ἀθήνη ### book 20.49 στᾶς’ ὁτὲ μὲν παρὰ τάφρον ὀρυκτὴν τείχεος ἐκτός, ### book 20.50 ἄλλοτ’ ἐπ’ ἀκτάων ἐριδούπων μακρὸν ἀΰτει. ### book 20.51 αὖε δ’ Ἄρης ἑτέρωθεν ἐρεμνῇ λαίλαπι ἶσος ### book 20.52 ὀξὺ κατ’ ἀκροτάτης πόλιος Τρώεσσι κελεύων, ### book 20.53 ἄλλοτε πὰρ Σιμόεντι θέων ἐπὶ Καλλικολώνῃ. ### book 20.54 Ὣς τοὺς ἀμφοτέρους μάκαρες θεοὶ ὀτρύνοντες ### book 20.55 σύμβαλον, ἐν δ’ αὐτοῖς ἔριδα ῥήγνυντο βαρεῖαν· ### book 20.56 δεινὸν δὲ βρόντησε πατὴρ ἀνδρῶν τε θεῶν τε ### book 20.57 ὑψόθεν· αὐτὰρ νέρθε Ποσειδάων ἐτίναξε ### book 20.58 γαῖαν ἀπειρεσίην ὀρέων τ’ αἰπεινὰ κάρηνα. ### book 20.59 πάντες δ’ ἐσσείοντο πόδες πολυπίδακος Ἴδης ### book 20.60 καὶ κορυφαί, Τρώων τε πόλις καὶ νῆες Ἀχαιῶν. ### book 20.61 ἔδεισεν δ’ ὑπένερθεν ἄναξ ἐνέρων Ἀϊδωνεύς, ### book 20.62 δείσας δ’ ἐκ θρόνου ἆλτο καὶ ἴαχε, μή οἱ ὕπερθε ### book 20.63 γαῖαν ἀναρρήξειε Ποσειδάων ἐνοσίχθων, ### book 20.64 οἰκία δὲ θνητοῖσι καὶ ἀθανάτοισι φανείη ### book 20.65 σμερδαλέ’ εὐρώεντα, τά τε στυγέουσι θεοί περ· ### book 20.66 τόσσος ἄρα κτύπος ὦρτο θεῶν ἔριδι ξυνιόντων. ### book 20.67 ἤτοι μὲν γὰρ ἔναντα Ποσειδάωνος ἄνακτος ### book 20.68 ἵστατ’ Ἀπόλλων Φοῖβος ἔχων ἰὰ πτερόεντα, ### book 20.69 ἄντα δ’ Ἐνυαλίοιο θεὰ γλαυκῶπις Ἀθήνη· ### book 20.70 Ἥρῃ δ’ ἀντέστη χρυσηλάκατος κελαδεινὴ ### book 20.71 Ἄρτεμις ἰοχέαιρα κασιγνήτη ἑκάτοιο· ### book 20.72 Λητοῖ δ’ ἀντέστη σῶκος ἐριούνιος Ἑρμῆς, ### book 20.73 ἄντα δ’ ἄρ’ Ἡφαίστοιο μέγας ποταμὸς βαθυδίνης, ### book 20.74 ὃν Ξάνθον καλέουσι θεοί, ἄνδρες δὲ Σκάμανδρον. ### book 20.75 Ὣς οἳ μὲν θεοὶ ἄντα θεῶν ἴσαν· αὐτὰρ Ἀχιλλεὺς ### book 20.76 Ἕκτορος ἄντα μάλιστα λιλαίετο δῦναι ὅμιλον ### book 20.77 Πριαμίδεω· τοῦ γάρ ῥα μάλιστά ἑ θυμὸς ἀνώγει ### book 20.78 αἵματος ἆσαι Ἄρηα ταλαύρινον πολεμιστήν. ### book 20.79 Αἰνείαν δ’ ἰθὺς λαοσσόος ὦρσεν Ἀπόλλων ### book 20.80 ἀντία Πηλεΐωνος, ἐνῆκε δέ οἱ μένος ἠΰ· ### book 20.81 υἱέϊ δὲ Πριάμοιο Λυκάονι εἴσατο φωνήν· ### book 20.82 τῷ μιν ἐεισάμενος προσέφη Διὸς υἱὸς Ἀπόλλων· ### book 20.83 Αἰνεία Τρώων βουληφόρε ποῦ τοι ἀπειλαὶ ### book 20.84 ἃς Τρώων βασιλεῦσιν ὑπίσχεο οἰνοποτάζων ### book 20.85 Πηλεΐδεω Ἀχιλῆος ἐναντίβιον πολεμίξειν; ### book 20.86 Τὸν δ’ αὖτ’ Αἰνείας ἀπαμειβόμενος προσέειπε· ### book 20.87 Πριαμίδη τί με ταῦτα καὶ οὐκ ἐθέλοντα κελεύεις ### book 20.88 ἀντία Πηλεΐωνος ὑπερθύμοιο μάχεσθαι; ### book 20.89 οὐ μὲν γὰρ νῦν πρῶτα ποδώκεος ἄντ’ Ἀχιλῆος ### book 20.90 στήσομαι, ἀλλ’ ἤδη με καὶ ἄλλοτε δουρὶ φόβησεν ### book 20.91 ἐξ Ἴδης, ὅτε βουσὶν ἐπήλυθεν ἡμετέρῃσι, ### book 20.92 πέρσε δὲ Λυρνησσὸν καὶ Πήδασον· αὐτὰρ ἐμὲ Ζεὺς ### book 20.93 εἰρύσαθ’, ὅς μοι ἐπῶρσε μένος λαιψηρά τε γοῦνα. ### book 20.94 ἦ κ’ ἐδάμην ὑπὸ χερσὶν Ἀχιλλῆος καὶ Ἀθήνης, ### book 20.95 ἥ οἱ πρόσθεν ἰοῦσα τίθει φάος ἠδ’ ἐκέλευεν ### book 20.96 ἔγχεϊ χαλκείῳ Λέλεγας καὶ Τρῶας ἐναίρειν. ### book 20.97 τὼ οὐκ ἔστ’ Ἀχιλῆος ἐναντίον ἄνδρα μάχεσθαι· ### book 20.98 αἰεὶ γὰρ πάρα εἷς γε θεῶν ὃς λοιγὸν ἀμύνει. ### book 20.99 καὶ δ’ ἄλλως τοῦ γ’ ἰθὺ βέλος πέτετ’, οὐδ’ ἀπολήγει ### book 20.100 πρὶν χροὸς ἀνδρομέοιο διελθέμεν. εἰ δὲ θεός περ ### book 20.101 ἶσον τείνειεν πολέμου τέλος, οὔ κε μάλα ῥέα ### book 20.102 νικήσει’, οὐδ’ εἰ παγχάλκεος εὔχεται εἶναι. ### book 20.103 Τὸν δ’ αὖτε προσέειπεν ἄναξ Διὸς υἱὸς Ἀπόλλων· ### book 20.104 ἥρως ἀλλ’ ἄγε καὶ σὺ θεοῖς αἰειγενέτῃσιν ### book 20.105 εὔχεο· καὶ δὲ σέ φασι Διὸς κούρης Ἀφροδίτης ### book 20.106 ἐκγεγάμεν, κεῖνος δὲ χερείονος ἐκ θεοῦ ἐστίν· ### book 20.107 ἣ μὲν γὰρ Διός ἐσθ’, ἣ δ’ ἐξ ἁλίοιο γέροντος. ### book 20.108 ἀλλ’ ἰθὺς φέρε χαλκὸν ἀτειρέα, μηδέ σε πάμπαν ### book 20.109 λευγαλέοις ἐπέεσσιν ἀποτρεπέτω καὶ ἀρειῇ. ### book 20.110 Ὣς εἰπὼν ἔμπνευσε μένος μέγα ποιμένι λαῶν, ### book 20.111 βῆ δὲ διὰ προμάχων κεκορυθμένος αἴθοπι χαλκῷ. ### book 20.112 οὐδ’ ἔλαθ’ Ἀγχίσαο πάϊς λευκώλενον Ἥρην ### book 20.113 ἀντία Πηλεΐωνος ἰὼν ἀνὰ οὐλαμὸν ἀνδρῶν· ### book 20.114 ἣ δ’ ἄμυδις στήσασα θεοὺς μετὰ μῦθον ἔειπε· ### book 20.115 φράζεσθον δὴ σφῶϊ Ποσείδαον καὶ Ἀθήνη ### book 20.116 ἐν φρεσὶν ὑμετέρῃσιν, ὅπως ἔσται τάδε ἔργα. ### book 20.117 Αἰνείας ὅδ’ ἔβη κεκορυθμένος αἴθοπι χαλκῷ ### book 20.118 ἀντία Πηλεΐωνος, ἀνῆκε δὲ Φοῖβος Ἀπόλλων. ### book 20.119 ἀλλ’ ἄγεθ’, ἡμεῖς πέρ μιν ἀποτρωπῶμεν ὀπίσσω ### book 20.120 αὐτόθεν, ἤ τις ἔπειτα καὶ ἡμείων Ἀχιλῆϊ ### book 20.121 παρσταίη, δοίη δὲ κράτος μέγα, μηδέ τι θυμῷ ### book 20.122 δευέσθω, ἵνα εἰδῇ ὅ μιν φιλέουσιν ἄριστοι ### book 20.123 ἀθανάτων, οἳ δ’ αὖτ’ ἀνεμώλιοι οἳ τὸ πάρος περ ### book 20.124 Τρωσὶν ἀμύνουσιν πόλεμον καὶ δηϊοτῆτα. ### book 20.125 πάντες δ’ Οὐλύμποιο κατήλθομεν ἀντιόωντες ### book 20.126 τῆσδε μάχης, ἵνα μή τι μετὰ Τρώεσσι πάθῃσι ### book 20.127 σήμερον· ὕστερον αὖτε τὰ πείσεται ἅσσά οἱ αἶσα ### book 20.128 γιγνομένῳ ἐπένησε λίνῳ ὅτε μιν τέκε μήτηρ. ### book 20.129 εἰ δ’ Ἀχιλεὺς οὐ ταῦτα θεῶν ἐκ πεύσεται ὀμφῆς ### book 20.130 δείσετ’ ἔπειθ’, ὅτε κέν τις ἐναντίβιον θεὸς ἔλθῃ ### book 20.131 ἐν πολέμῳ· χαλεποὶ δὲ θεοὶ φαίνεσθαι ἐναργεῖς. ### book 20.132 Τὴν δ’ ἠμείβετ’ ἔπειτα Ποσειδάων ἐνοσίχθων· ### book 20.133 Ἥρη μὴ χαλέπαινε παρ’ ἐκ νόον· οὐδέ τί σε χρή. ### book 20.134 οὐκ ἂν ἔγωγ’ ἐθέλοιμι θεοὺς ἔριδι ξυνελάσσαι ### book 20.135 ἡμέας τοὺς ἄλλους, ἐπεὶ ἦ πολὺ φέρτεροί εἰμεν· ### book 20.136 ἀλλ’ ἡμεῖς μὲν ἔπειτα καθεζώμεσθα κιόντες ### book 20.137 ἐκ πάτου ἐς σκοπιήν, πόλεμος δ’ ἄνδρεσσι μελήσει. ### book 20.138 εἰ δέ κ’ Ἄρης ἄρχωσι μάχης ἢ Φοῖβος Ἀπόλλων, ### book 20.139 ἢ Ἀχιλῆ’ ἴσχωσι καὶ οὐκ εἰῶσι μάχεσθαι, ### book 20.140 αὐτίκ’ ἔπειτα καὶ ἄμμι παρ’ αὐτόθι νεῖκος ὀρεῖται ### book 20.141 φυλόπιδος· μάλα δ’ ὦκα διακρινθέντας ὀΐω ### book 20.142 ἂψ ἴμεν Οὔλυμπον δὲ θεῶν μεθ’ ὁμήγυριν ἄλλων ### book 20.143 ἡμετέρῃς ὑπὸ χερσὶν ἀναγκαίηφι δαμέντας. ### book 20.144 Ὣς ἄρα φωνήσας ἡγήσατο κυανοχαίτης ### book 20.145 τεῖχος ἐς ἀμφίχυτον Ἡρακλῆος θείοιο ### book 20.146 ὑψηλόν, τό ῥά οἱ Τρῶες καὶ Παλλὰς Ἀθήνη ### book 20.147 ποίεον, ὄφρα τὸ κῆτος ὑπεκπροφυγὼν ἀλέαιτο, ### book 20.148 ὁππότε μιν σεύαιτο ἀπ’ ἠϊόνος πεδίον δέ. ### book 20.149 ἔνθα Ποσειδάων κατ’ ἄρ’ ἕζετο καὶ θεοὶ ἄλλοι, ### book 20.150 ἀμφὶ δ’ ἄρ’ ἄρρηκτον νεφέλην ὤμοισιν ἕσαντο· ### book 20.151 οἳ δ’ ἑτέρωσε καθῖζον ἐπ’ ὀφρύσι Καλλικολώνης ### book 20.152 ἀμφὶ σὲ ἤϊε Φοῖβε καὶ Ἄρηα πτολίπορθον. ### book 20.153 Ὣς οἳ μέν ῥ’ ἑκάτερθε καθήατο μητιόωντες ### book 20.154 βουλάς· ἀρχέμεναι δὲ δυσηλεγέος πολέμοιο ### book 20.155 ὄκνεον ἀμφότεροι, Ζεὺς δ’ ἥμενος ὕψι κέλευε. ### book 20.156 Τῶν δ’ ἅπαν ἐπλήσθη πεδίον καὶ λάμπετο χαλκῷ ### book 20.157 ἀνδρῶν ἠδ’ ἵππων· κάρκαιρε δὲ γαῖα πόδεσσιν ### book 20.158 ὀρνυμένων ἄμυδις. δύο δ’ ἀνέρες ἔξοχ’ ἄριστοι ### book 20.159 ἐς μέσον ἀμφοτέρων συνίτην μεμαῶτε μάχεσθαι ### book 20.160 Αἰνείας τ’ Ἀγχισιάδης καὶ δῖος Ἀχιλλεύς. ### book 20.161 Αἰνείας δὲ πρῶτος ἀπειλήσας ἐβεβήκει ### book 20.162 νευστάζων κόρυθι βριαρῇ· ἀτὰρ ἀσπίδα θοῦριν ### book 20.163 πρόσθεν ἔχε στέρνοιο, τίνασσε δὲ χάλκεον ἔγχος. ### book 20.164 Πηλεΐδης δ’ ἑτέρωθεν ἐναντίον ὦρτο λέων ὣς ### book 20.165 σίντης, ὅν τε καὶ ἄνδρες ἀποκτάμεναι μεμάασιν ### book 20.166 ἀγρόμενοι πᾶς δῆμος· ὃ δὲ πρῶτον μὲν ἀτίζων ### book 20.167 ἔρχεται, ἀλλ’ ὅτε κέν τις ἀρηϊθόων αἰζηῶν ### book 20.168 δουρὶ βάλῃ ἐάλη τε χανών, περί τ’ ἀφρὸς ὀδόντας ### book 20.169 γίγνεται, ἐν δέ τέ οἱ κραδίῃ στένει ἄλκιμον ἦτορ, ### book 20.170 οὐρῇ δὲ πλευράς τε καὶ ἰσχία ἀμφοτέρωθεν ### book 20.171 μαστίεται, ἑὲ δ’ αὐτὸν ἐποτρύνει μαχέσασθαι, ### book 20.172 γλαυκιόων δ’ ἰθὺς φέρεται μένει, ἤν τινα πέφνῃ ### book 20.173 ἀνδρῶν, ἢ αὐτὸς φθίεται πρώτῳ ἐν ὁμίλῳ· ### book 20.174 ὣς Ἀχιλῆ’ ὄτρυνε μένος καὶ θυμὸς ἀγήνωρ ### book 20.175 ἀντίον ἐλθέμεναι μεγαλήτορος Αἰνείαο. ### book 20.176 οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντες, ### book 20.177 τὸν πρότερος προσέειπε ποδάρκης δῖος Ἀχιλλεύς· ### book 20.178 Αἰνεία τί σὺ τόσσον ὁμίλου πολλὸν ἐπελθὼν ### book 20.179 ἔστης; ἦ σέ γε θυμὸς ἐμοὶ μαχέσασθαι ἀνώγει ### book 20.180 ἐλπόμενον Τρώεσσιν ἀνάξειν ἱπποδάμοισι ### book 20.181 τιμῆς τῆς Πριάμου; ἀτὰρ εἴ κεν ἔμ’ ἐξεναρίξῃς, ### book 20.182 οὔ τοι τοὔνεκά γε Πρίαμος γέρας ἐν χερὶ θήσει· ### book 20.183 εἰσὶν γάρ οἱ παῖδες, ὃ δ’ ἔμπεδος οὐδ’ ἀεσίφρων. ### book 20.184 ἦ νύ τί τοι Τρῶες τέμενος τάμον ἔξοχον ἄλλων ### book 20.185 καλὸν φυταλιῆς καὶ ἀρούρης, ὄφρα νέμηαι ### book 20.186 αἴ κεν ἐμὲ κτείνης; χαλεπῶς δέ ς’ ἔολπα τὸ ῥέξειν. ### book 20.187 ἤδη μὲν σέ γέ φημι καὶ ἄλλοτε δουρὶ φοβῆσαι. ### book 20.188 ἦ οὐ μέμνῃ ὅτε πέρ σε βοῶν ἄπο μοῦνον ἐόντα ### book 20.189 σεῦα κατ’ Ἰδαίων ὀρέων ταχέεσσι πόδεσσι ### book 20.190 καρπαλίμως; τότε δ’ οὔ τι μετατροπαλίζεο φεύγων. ### book 20.191 ἔνθεν δ’ ἐς Λυρνησσὸν ὑπέκφυγες· αὐτὰρ ἐγὼ τὴν ### book 20.192 πέρσα μεθορμηθεὶς σὺν Ἀθήνῃ καὶ Διὶ πατρί, ### book 20.193 ληϊάδας δὲ γυναῖκας ἐλεύθερον ἦμαρ ἀπούρας ### book 20.194 ἦγον· ἀτὰρ σὲ Ζεὺς ἐρρύσατο καὶ θεοὶ ἄλλοι. ### book 20.195 ἀλλ’ οὐ νῦν ἐρύεσθαι ὀΐομαι, ὡς ἐνὶ θυμῷ ### book 20.196 βάλλεαι· ἀλλά ς’ ἔγωγ’ ἀναχωρήσαντα κελεύω ### book 20.197 ἐς πληθὺν ἰέναι, μηδ’ ἀντίος ἵστας’ ἐμεῖο, ### book 20.198 πρίν τι κακὸν παθέειν· ῥεχθὲν δέ τε νήπιος ἔγνω. ### book 20.199 Τὸν δ’ αὖτ’ Αἰνείας ἀπαμείβετο φώνησέν τε· ### book 20.200 Πηλεΐδη μὴ δὴ ἐπέεσσί με νηπύτιον ὣς ### book 20.201 ἔλπεο δειδίξεσθαι, ἐπεὶ σάφα οἶδα καὶ αὐτὸς ### book 20.202 ἠμὲν κερτομίας ἠδ’ αἴσυλα μυθήσασθαι. ### book 20.203 ἴδμεν δ’ ἀλλήλων γενεήν, ἴδμεν δὲ τοκῆας ### book 20.204 πρόκλυτ’ ἀκούοντες ἔπεα θνητῶν ἀνθρώπων· ### book 20.205 ὄψει δ’ οὔτ’ ἄρ πω σὺ ἐμοὺς ἴδες οὔτ’ ἄρ’ ἐγὼ σούς. ### book 20.206 φασὶ σὲ μὲν Πηλῆος ἀμύμονος ἔκγονον εἶναι, ### book 20.207 μητρὸς δ’ ἐκ Θέτιδος καλλιπλοκάμου ἁλοσύδνης· ### book 20.208 αὐτὰρ ἐγὼν υἱὸς μεγαλήτορος Ἀγχίσαο ### book 20.209 εὔχομαι ἐκγεγάμεν, μήτηρ δέ μοί ἐστ’ Ἀφροδίτη· ### book 20.210 τῶν δὴ νῦν ἕτεροί γε φίλον παῖδα κλαύσονται ### book 20.211 σήμερον· οὐ γάρ φημ’ ἐπέεσσί γε νηπυτίοισιν ### book 20.212 ὧδε διακρινθέντε μάχης ἐξαπονέεσθαι. ### book 20.213 εἰ δ’ ἐθέλεις καὶ ταῦτα δαήμεναι, ὄφρ’ ἐῢ εἰδῇς ### book 20.214 ἡμετέρην γενεήν, πολλοὶ δέ μιν ἄνδρες ἴσασι· ### book 20.215 Δάρδανον αὖ πρῶτον τέκετο νεφεληγερέτα Ζεύς, ### book 20.216 κτίσσε δὲ Δαρδανίην, ἐπεὶ οὔ πω Ἴλιος ἱρὴ ### book 20.217 ἐν πεδίῳ πεπόλιστο πόλις μερόπων ἀνθρώπων, ### book 20.218 ἀλλ’ ἔθ’ ὑπωρείας ᾤκεον πολυπίδακος Ἴδης. ### book 20.219 Δάρδανος αὖ τέκεθ’ υἱὸν Ἐριχθόνιον βασιλῆα, ### book 20.220 ὃς δὴ ἀφνειότατος γένετο θνητῶν ἀνθρώπων· ### book 20.221 τοῦ τρισχίλιαι ἵπποι ἕλος κάτα βουκολέοντο ### book 20.222 θήλειαι, πώλοισιν ἀγαλλόμεναι ἀταλῇσι. ### book 20.223 τάων καὶ Βορέης ἠράσσατο βοσκομενάων, ### book 20.224 ἵππῳ δ’ εἰσάμενος παρελέξατο κυανοχαίτῃ· ### book 20.225 αἳ δ’ ὑποκυσάμεναι ἔτεκον δυοκαίδεκα πώλους. ### book 20.226 αἳ δ’ ὅτε μὲν σκιρτῷεν ἐπὶ ζείδωρον ἄρουραν, ### book 20.227 ἄκρον ἐπ’ ἀνθερίκων καρπὸν θέον οὐδὲ κατέκλων· ### book 20.228 ἀλλ’ ὅτε δὴ σκιρτῷεν ἐπ’ εὐρέα νῶτα θαλάσσης, ### book 20.229 ἄκρον ἐπὶ ῥηγμῖνος ἁλὸς πολιοῖο θέεσκον. ### book 20.230 Τρῶα δ’ Ἐριχθόνιος τέκετο Τρώεσσιν ἄνακτα· ### book 20.231 Τρωὸς δ’ αὖ τρεῖς παῖδες ἀμύμονες ἐξεγένοντο ### book 20.232 Ἶλός τ’ Ἀσσάρακός τε καὶ ἀντίθεος Γανυμήδης, ### book 20.233 ὃς δὴ κάλλιστος γένετο θνητῶν ἀνθρώπων· ### book 20.234 τὸν καὶ ἀνηρείψαντο θεοὶ Διὶ οἰνοχοεύειν ### book 20.235 κάλλεος εἵνεκα οἷο ἵν’ ἀθανάτοισι μετείη. ### book 20.236 Ἶλος δ’ αὖ τέκεθ’ υἱὸν ἀμύμονα Λαομέδοντα· ### book 20.237 Λαομέδων δ’ ἄρα Τιθωνὸν τέκετο Πρίαμόν τε ### book 20.238 Λάμπόν τε Κλυτίον θ’ Ἱκετάονά τ’ ὄζον Ἄρηος· ### book 20.239 Ἀσσάρακος δὲ Κάπυν, ὃ δ’ ἄρ’ Ἀγχίσην τέκε παῖδα· ### book 20.240 αὐτὰρ ἔμ’ Ἀγχίσης, Πρίαμος δ’ ἔτεχ’ Ἕκτορα δῖον. ### book 20.241 ταύτης τοι γενεῆς τε καὶ αἵματος εὔχομαι εἶναι. ### book 20.242 Ζεὺς δ’ ἀρετὴν ἄνδρεσσιν ὀφέλλει τε μινύθει τε ### book 20.243 ὅππως κεν ἐθέλῃσιν· ὃ γὰρ κάρτιστος ἁπάντων. ### book 20.244 ἀλλ’ ἄγε μηκέτι ταῦτα λεγώμεθα νηπύτιοι ὣς ### book 20.245 ἑσταότ’ ἐν μέσσῃ ὑσμίνῃ δηϊοτῆτος. ### book 20.246 ἔστι γὰρ ἀμφοτέροισιν ὀνείδεα μυθήσασθαι ### book 20.247 πολλὰ μάλ’, οὐδ’ ἂν νηῦς ἑκατόζυγος ἄχθος ἄροιτο. ### book 20.248 στρεπτὴ δὲ γλῶσς’ ἐστὶ βροτῶν, πολέες δ’ ἔνι μῦθοι ### book 20.249 παντοῖοι, ἐπέων δὲ πολὺς νομὸς ἔνθα καὶ ἔνθα. ### book 20.250 ὁπποῖόν κ’ εἴπῃσθα ἔπος, τοῖόν κ’ ἐπακούσαις. ### book 20.251 ἀλλὰ τί ἢ ἔριδας καὶ νείκεα νῶϊν ἀνάγκη ### book 20.252 νεικεῖν ἀλλήλοισιν ἐναντίον ὥς τε γυναῖκας, ### book 20.253 αἵ τε χολωσάμεναι ἔριδος πέρι θυμοβόροιο ### book 20.254 νεικεῦς’ ἀλλήλῃσι μέσην ἐς ἄγυιαν ἰοῦσαι ### book 20.255 πόλλ’ ἐτεά τε καὶ οὐκί· χόλος δέ τε καὶ τὰ κελεύει. ### book 20.256 ἀλκῆς δ’ οὔ μ’ ἐπέεσσιν ἀποτρέψεις μεμαῶτα ### book 20.257 πρὶν χαλκῷ μαχέσασθαι ἐναντίον· ἀλλ’ ἄγε θᾶσσον ### book 20.258 γευσόμεθ’ ἀλλήλων χαλκήρεσιν ἐγχείῃσιν. ### book 20.259 Ἦ ῥα καὶ ἐν δεινῷ σάκει ἤλασεν ὄβριμον ἔγχος ### book 20.260 σμερδαλέῳ· μέγα δ’ ἀμφὶ σάκος μύκε δουρὸς ἀκωκῇ. ### book 20.261 Πηλεΐδης δὲ σάκος μὲν ἀπὸ ἕο χειρὶ παχείῃ ### book 20.262 ἔσχετο ταρβήσας· φάτο γὰρ δολιχόσκιον ἔγχος ### book 20.263 ῥέα διελεύσεσθαι μεγαλήτορος Αἰνείαο ### book 20.264 νήπιος, οὐδ’ ἐνόησε κατὰ φρένα καὶ κατὰ θυμὸν ### book 20.265 ὡς οὐ ῥηΐδι’ ἐστὶ θεῶν ἐρικυδέα δῶρα ### book 20.266 ἀνδράσι γε θνητοῖσι δαμήμεναι οὐδ’ ὑποείκειν. ### book 20.267 οὐδὲ τότ’ Αἰνείαο δαΐφρονος ὄβριμον ἔγχος ### book 20.268 ῥῆξε σάκος· χρυσὸς γὰρ ἐρύκακε, δῶρα θεοῖο· ### book 20.269 ἀλλὰ δύω μὲν ἔλασσε διὰ πτύχας, αἳ δ’ ἄρ’ ἔτι τρεῖς ### book 20.270 ἦσαν, ἐπεὶ πέντε πτύχας ἤλασε κυλλοποδίων, ### book 20.271 τὰς δύο χαλκείας, δύο δ’ ἔνδοθι κασσιτέροιο, ### book 20.272 τὴν δὲ μίαν χρυσῆν, τῇ ῥ’ ἔσχετο μείλινον ἔγχος. ### book 20.273 Δεύτερος αὖτ’ Ἀχιλεὺς προΐει δολιχόσκιον ἔγχος, ### book 20.274 καὶ βάλεν Αἰνείαο κατ’ ἀσπίδα πάντος’ ἐΐσην ### book 20.275 ἄντυγ’ ὕπο πρώτην, ᾗ λεπτότατος θέε χαλκός, ### book 20.276 λεπτοτάτη δ’ ἐπέην ῥινὸς βοός· ἣ δὲ διὰ πρὸ ### book 20.277 Πηλιὰς ἤϊξεν μελίη, λάκε δ’ ἀσπὶς ὑπ’ αὐτῆς. ### book 20.278 Αἰνείας δ’ ἐάλη καὶ ἀπὸ ἕθεν ἀσπίδ’ ἀνέσχε ### book 20.279 δείσας· ἐγχείη δ’ ἄρ’ ὑπὲρ νώτου ἐνὶ γαίῃ ### book 20.280 ἔστη ἱεμένη, διὰ δ’ ἀμφοτέρους ἕλε κύκλους ### book 20.281 ἀσπίδος ἀμφιβρότης· ὃ δ’ ἀλευάμενος δόρυ μακρὸν ### book 20.282 ἔστη, κὰδ δ’ ἄχος οἱ χύτο μυρίον ὀφθαλμοῖσι, ### book 20.283 ταρβήσας ὅ οἱ ἄγχι πάγη βέλος. αὐτὰρ Ἀχιλλεὺς ### book 20.284 ἐμμεμαὼς ἐπόρουσεν ἐρυσσάμενος ξίφος ὀξὺ ### book 20.285 σμερδαλέα ἰάχων· ὃ δὲ χερμάδιον λάβε χειρὶ ### book 20.286 Αἰνείας, μέγα ἔργον, ὃ οὐ δύο γ’ ἄνδρε φέροιεν, ### book 20.287 οἷοι νῦν βροτοί εἰς’· ὃ δέ μιν ῥέα πάλλε καὶ οἶος. ### book 20.288 ἔνθά κεν Αἰνείας μὲν ἐπεσσύμενον βάλε πέτρῳ ### book 20.289 ἢ κόρυθ’ ἠὲ σάκος, τό οἱ ἤρκεσε λυγρὸν ὄλεθρον, ### book 20.290 τὸν δέ κε Πηλεΐδης σχεδὸν ἄορι θυμὸν ἀπηύρα, ### book 20.291 εἰ μὴ ἄρ’ ὀξὺ νόησε Ποσειδάων ἐνοσίχθων· ### book 20.292 αὐτίκα δ’ ἀθανάτοισι θεοῖς μετὰ μῦθον ἔειπεν· ### book 20.293 ὢ πόποι ἦ μοι ἄχος μεγαλήτορος Αἰνείαο, ### book 20.294 ὃς τάχα Πηλεΐωνι δαμεὶς Ἄϊδος δὲ κάτεισι ### book 20.295 πειθόμενος μύθοισιν Ἀπόλλωνος ἑκάτοιο ### book 20.296 νήπιος, οὐδέ τί οἱ χραισμήσει λυγρὸν ὄλεθρον. ### book 20.297 ἀλλὰ τί ἢ νῦν οὗτος ἀναίτιος ἄλγεα πάσχει ### book 20.298 μὰψ ἕνεκ’ ἀλλοτρίων ἀχέων, κεχαρισμένα δ’ αἰεὶ ### book 20.299 δῶρα θεοῖσι δίδωσι τοὶ οὐρανὸν εὐρὺν ἔχουσιν; ### book 20.300 ἀλλ’ ἄγεθ’ ἡμεῖς πέρ μιν ὑπὲκ θανάτου ἀγάγωμεν, ### book 20.301 μή πως καὶ Κρονίδης κεχολώσεται, αἴ κεν Ἀχιλλεὺς ### book 20.302 τόνδε κατακτείνῃ· μόριμον δέ οἵ ἐστ’ ἀλέασθαι, ### book 20.303 ὄφρα μὴ ἄσπερμος γενεὴ καὶ ἄφαντος ὄληται ### book 20.304 Δαρδάνου, ὃν Κρονίδης περὶ πάντων φίλατο παίδων ### book 20.305 οἳ ἕθεν ἐξεγένοντο γυναικῶν τε θνητάων. ### book 20.306 ἤδη γὰρ Πριάμου γενεὴν ἔχθηρε Κρονίων· ### book 20.307 νῦν δὲ δὴ Αἰνείαο βίη Τρώεσσιν ἀνάξει ### book 20.308 καὶ παίδων παῖδες, τοί κεν μετόπισθε γένωνται. ### book 20.309 Τὸν δ’ ἠμείβετ’ ἔπειτα βοῶπις πότνια Ἥρη· ### book 20.310 ἐννοσίγαι’, αὐτὸς σὺ μετὰ φρεσὶ σῇσι νόησον ### book 20.311 Αἰνείαν ἤ κέν μιν ἐρύσσεαι ἦ κεν ἐάσῃς ### book 20.312 Πηλεΐδῃ Ἀχιλῆϊ δαμήμεναι, ἐσθλὸν ἐόντα. ### book 20.313 ἤτοι μὲν γὰρ νῶϊ πολέας ὠμόσσαμεν ὅρκους ### book 20.314 πᾶσι μετ’ ἀθανάτοισιν ἐγὼ καὶ Παλλὰς Ἀθήνη ### book 20.315 μή ποτ’ ἐπὶ Τρώεσσιν ἀλεξήσειν κακὸν ἦμαρ, ### book 20.316 μηδ’ ὁπότ’ ἂν Τροίη μαλερῷ πυρὶ πᾶσα δάηται ### book 20.317 καιομένη, καίωσι δ’ ἀρήϊοι υἷες Ἀχαιῶν. ### book 20.318 Αὐτὰρ ἐπεὶ τό γ’ ἄκουσε Ποσειδάων ἐνοσίχθων, ### book 20.319 βῆ ῥ’ ἴμεν ἄν τε μάχην καὶ ἀνὰ κλόνον ἐγχειάων, ### book 20.320 ἷξε δ’ ὅθ’ Αἰνείας ἠδ’ ὃ κλυτὸς ἦεν Ἀχιλλεύς. ### book 20.321 αὐτίκα τῷ μὲν ἔπειτα κατ’ ὀφθαλμῶν χέεν ἀχλὺν ### book 20.322 Πηλεΐδῃ Ἀχιλῆϊ· ὃ δὲ μελίην εὔχαλκον ### book 20.323 ἀσπίδος ἐξέρυσεν μεγαλήτορος Αἰνείαο· ### book 20.324 καὶ τὴν μὲν προπάροιθε ποδῶν Ἀχιλῆος ἔθηκεν, ### book 20.325 Αἰνείαν δ’ ἔσσευεν ἀπὸ χθονὸς ὑψός’ ἀείρας. ### book 20.326 πολλὰς δὲ στίχας ἡρώων, πολλὰς δὲ καὶ ἵππων ### book 20.327 Αἰνείας ὑπερᾶλτο θεοῦ ἀπὸ χειρὸς ὀρούσας, ### book 20.328 ἷξε δ’ ἐπ’ ἐσχατιὴν πολυάϊκος πολέμοιο, ### book 20.329 ἔνθά τε Καύκωνες πόλεμον μέτα θωρήσσοντο. ### book 20.330 τῷ δὲ μάλ’ ἐγγύθεν ἦλθε Ποσειδάων ἐνοσίχθων, ### book 20.331 καί μιν φωνήσας ἔπεα πτερόεντα προσηύδα· ### book 20.332 Αἰνεία, τίς ς’ ὧδε θεῶν ἀτέοντα κελεύει ### book 20.333 ἀντία Πηλεΐωνος ὑπερθύμοιο μάχεσθαι, ### book 20.334 ὃς σεῦ ἅμα κρείσσων καὶ φίλτερος ἀθανάτοισιν; ### book 20.335 ἀλλ’ ἀναχωρῆσαι ὅτε κεν συμβλήσεαι αὐτῷ, ### book 20.336 μὴ καὶ ὑπὲρ μοῖραν δόμον Ἄϊδος εἰσαφίκηαι. ### book 20.337 αὐτὰρ ἐπεί κ’ Ἀχιλεὺς θάνατον καὶ πότμον ἐπίσπῃ, ### book 20.338 θαρσήσας δὴ ἔπειτα μετὰ πρώτοισι μάχεσθαι· ### book 20.339 οὐ μὲν γάρ τίς ς’ ἄλλος Ἀχαιῶν ἐξεναρίξει. ### book 20.340 Ὣς εἰπὼν λίπεν αὐτόθ’, ἐπεὶ διεπέφραδε πάντα. ### book 20.341 αἶψα δ’ ἔπειτ’ Ἀχιλῆος ἀπ’ ὀφθαλμῶν σκέδας’ ἀχλὺν ### book 20.342 θεσπεσίην· ὃ δ’ ἔπειτα μέγ’ ἔξιδεν ὀφθαλμοῖσιν, ### book 20.343 ὀχθήσας δ’ ἄρα εἶπε πρὸς ὃν μεγαλήτορα θυμόν· ### book 20.344 ὢ πόποι ἦ μέγα θαῦμα τόδ’ ὀφθαλμοῖσιν ὁρῶμαι· ### book 20.345 ἔγχος μὲν τόδε κεῖται ἐπὶ χθονός, οὐδέ τι φῶτα ### book 20.346 λεύσσω, τῷ ἐφέηκα κατακτάμεναι μενεαίνων. ### book 20.347 ἦ ῥα καὶ Αἰνείας φίλος ἀθανάτοισι θεοῖσιν ### book 20.348 ἦεν· ἀτάρ μιν ἔφην μὰψ αὔτως εὐχετάασθαι. ### book 20.349 ἐρρέτω· οὔ οἱ θυμὸς ἐμεῦ ἔτι πειρηθῆναι ### book 20.350 ἔσσεται, ὃς καὶ νῦν φύγεν ἄσμενος ἐκ θανάτοιο. ### book 20.351 ἀλλ’ ἄγε δὴ Δαναοῖσι φιλοπτολέμοισι κελεύσας ### book 20.352 τῶν ἄλλων Τρώων πειρήσομαι ἀντίος ἐλθών. ### book 20.353 Ἦ, καὶ ἐπὶ στίχας ἆλτο, κέλευε δὲ φωτὶ ἑκάστῳ· ### book 20.354 μηκέτι νῦν Τρώων ἑκὰς ἕστατε δῖοι Ἀχαιοί, ### book 20.355 ἀλλ’ ἄγ’ ἀνὴρ ἄντ’ ἀνδρὸς ἴτω, μεμάτω δὲ μάχεσθαι. ### book 20.356 ἀργαλέον δέ μοί ἐστι καὶ ἰφθίμῳ περ ἐόντι ### book 20.357 τοσσούσδ’ ἀνθρώπους ἐφέπειν καὶ πᾶσι μάχεσθαι· ### book 20.358 οὐδέ κ’ Ἄρης, ὅς περ θεὸς ἄμβροτος, οὐδέ κ’ Ἀθήνη ### book 20.359 τοσσῆσδ’ ὑσμίνης ἐφέποι στόμα καὶ πονέοιτο· ### book 20.360 ἀλλ’ ὅσσον μὲν ἐγὼ δύναμαι χερσίν τε ποσίν τε ### book 20.361 καὶ σθένει, οὔ μ’ ἔτι φημὶ μεθησέμεν οὐδ’ ἠβαιόν, ### book 20.362 ἀλλὰ μάλα στιχὸς εἶμι διαμπερές, οὐδέ τιν’ οἴω ### book 20.363 Τρώων χαιρήσειν, ὅς τις σχεδὸν ἔγχεος ἔλθῃ. ### book 20.364 Ὣς φάτ’ ἐποτρύνων· Τρώεσσι δὲ φαίδιμος Ἕκτωρ ### book 20.365 κέκλεθ’ ὁμοκλήσας, φάτο δ’ ἴμεναι ἄντ’ Ἀχιλῆος· ### book 20.366 Τρῶες ὑπέρθυμοι μὴ δείδιτε Πηλεΐωνα. ### book 20.367 καί κεν ἐγὼ ἐπέεσσι καὶ ἀθανάτοισι μαχοίμην, ### book 20.368 ἔγχεϊ δ’ ἀργαλέον, ἐπεὶ ἦ πολὺ φέρτεροί εἰσιν. ### book 20.369 οὐδ’ Ἀχιλεὺς πάντεσσι τέλος μύθοις ἐπιθήσει, ### book 20.370 ἀλλὰ τὸ μὲν τελέει, τὸ δὲ καὶ μεσσηγὺ κολούει. ### book 20.371 τοῦ δ’ ἐγὼ ἀντίος εἶμι καὶ εἰ πυρὶ χεῖρας ἔοικεν, ### book 20.372 εἰ πυρὶ χεῖρας ἔοικε, μένος δ’ αἴθωνι σιδήρῳ. ### book 20.373 Ὣς φάτ’ ἐποτρύνων, οἳ δ’ ἀντίοι ἔγχε’ ἄειραν ### book 20.374 Τρῶες· τῶν δ’ ἄμυδις μίχθη μένος, ὦρτο δ’ ἀϋτή. ### book 20.375 καὶ τότ’ ἄρ’ Ἕκτορα εἶπε παραστὰς Φοῖβος Ἀπόλλων· ### book 20.376 Ἕκτορ μηκέτι πάμπαν Ἀχιλλῆϊ προμάχιζε, ### book 20.377 ἀλλὰ κατὰ πληθύν τε καὶ ἐκ φλοίσβοιο δέδεξο, ### book 20.378 μή πώς ς’ ἠὲ βάλῃ ἠὲ σχεδὸν ἄορι τύψῃ. ### book 20.379 Ὣς ἔφαθ’, Ἕκτωρ δ’ αὖτις ἐδύσετο οὐλαμὸν ἀνδρῶν ### book 20.380 ταρβήσας, ὅτ’ ἄκουσε θεοῦ ὄπα φωνήσαντος. ### book 20.381 ἐν δ’ Ἀχιλεὺς Τρώεσσι θόρε φρεσὶν εἱμένος ἀλκὴν ### book 20.382 σμερδαλέα ἰάχων, πρῶτον δ’ ἕλεν Ἰφιτίωνα ### book 20.383 ἐσθλὸν Ὀτρυντεΐδην πολέων ἡγήτορα λαῶν, ### book 20.384 ὃν νύμφη τέκε νηῒς Ὀτρυντῆϊ πτολιπόρθῳ ### book 20.385 Τμώλῳ ὕπο νιφόεντι Ὕδης ἐν πίονι δήμῳ· ### book 20.386 τὸν δ’ ἰθὺς μεμαῶτα βάλ’ ἔγχεϊ δῖος Ἀχιλλεὺς ### book 20.387 μέσσην κὰκ κεφαλήν· ἣ δ’ ἄνδιχα πᾶσα κεάσθη, ### book 20.388 δούπησεν δὲ πεσών, ὃ δ’ ἐπεύξατο δῖος Ἀχιλλεύς· ### book 20.389 κεῖσαι Ὀτρυντεΐδη πάντων ἐκπαγλότατ’ ἀνδρῶν· ### book 20.390 ἐνθάδε τοι θάνατος, γενεὴ δέ τοί ἐστ’ ἐπὶ λίμνῃ ### book 20.391 Γυγαίῃ, ὅθι τοι τέμενος πατρώϊόν ἐστιν ### book 20.392 Ὕλλῳ ἐπ’ ἰχθυόεντι καὶ Ἕρμῳ δινήεντι. ### book 20.393 Ὣς ἔφατ’ εὐχόμενος, τὸν δὲ σκότος ὄσσε κάλυψε. ### book 20.394 τὸν μὲν Ἀχαιῶν ἵπποι ἐπισσώτροις δατέοντο ### book 20.395 πρώτῃ ἐν ὑσμίνῃ· ὃ δ’ ἐπ’ αὐτῷ Δημολέοντα ### book 20.396 ἐσθλὸν ἀλεξητῆρα μάχης Ἀντήνορος υἱὸν ### book 20.397 νύξε κατὰ κρόταφον, κυνέης διὰ χαλκοπαρῄου. ### book 20.398 οὐδ’ ἄρα χαλκείη κόρυς ἔσχεθεν, ἀλλὰ δι’ αὐτῆς ### book 20.399 αἰχμὴ ἱεμένη ῥῆξ’ ὀστέον, ἐγκέφαλος δὲ ### book 20.400 ἔνδον ἅπας πεπάλακτο· δάμασσε δέ μιν μεμαῶτα. ### book 20.401 Ἱπποδάμαντα δ’ ἔπειτα καθ’ ἵππων ἀΐξαντα ### book 20.402 πρόσθεν ἕθεν φεύγοντα μετάφρενον οὔτασε δουρί. ### book 20.403 αὐτὰρ ὃ θυμὸν ἄϊσθε καὶ ἤρυγεν, ὡς ὅτε ταῦρος ### book 20.404 ἤρυγεν ἑλκόμενος Ἑλικώνιον ἀμφὶ ἄνακτα ### book 20.405 κούρων ἑλκόντων· γάνυται δέ τε τοῖς ἐνοσίχθων· ### book 20.406 ὣς ἄρα τόν γ’ ἐρυγόντα λίπ’ ὀστέα θυμὸς ἀγήνωρ· ### book 20.407 αὐτὰρ ὃ βῆ σὺν δουρὶ μετ’ ἀντίθεον Πολύδωρον ### book 20.408 Πριαμίδην. τὸν δ’ οὔ τι πατὴρ εἴασκε μάχεσθαι, ### book 20.409 οὕνεκά οἱ μετὰ παισὶ νεώτατος ἔσκε γόνοιο, ### book 20.410 καί οἱ φίλτατος ἔσκε, πόδεσσι δὲ πάντας ἐνίκα ### book 20.411 δὴ τότε νηπιέῃσι ποδῶν ἀρετὴν ἀναφαίνων ### book 20.412 θῦνε διὰ προμάχων, εἷος φίλον ὤλεσε θυμόν. ### book 20.413 τὸν βάλε μέσσον ἄκοντι ποδάρκης δῖος Ἀχιλλεὺς ### book 20.414 νῶτα παραΐσσοντος, ὅθι ζωστῆρος ὀχῆες ### book 20.415 χρύσειοι σύνεχον καὶ διπλόος ἤντετο θώρηξ· ### book 20.416 ἀντικρὺ δὲ διέσχε παρ’ ὀμφαλὸν ἔγχεος αἰχμή, ### book 20.417 γνὺξ δ’ ἔριπ’ οἰμώξας, νεφέλη δέ μιν ἀμφεκάλυψε ### book 20.418 κυανέη, προτὶ οἷ δ’ ἔλαβ’ ἔντερα χερσὶ λιασθείς. ### book 20.419 Ἕκτωρ δ’ ὡς ἐνόησε κασίγνητον Πολύδωρον ### book 20.420 ἔντερα χερσὶν ἔχοντα λιαζόμενον ποτὶ γαίη ### book 20.421 κάρ ῥά οἱ ὀφθαλμῶν κέχυτ’ ἀχλύς· οὐδ’ ἄρ’ ἔτ’ ἔτλη ### book 20.422 δηρὸν ἑκὰς στρωφᾶσθ’, ἀλλ’ ἀντίος ἦλθ’ Ἀχιλῆϊ ### book 20.423 ὀξὺ δόρυ κραδάων φλογὶ εἴκελος· αὐτὰρ Ἀχιλλεὺς ### book 20.424 ὡς εἶδ’, ὣς ἀνεπᾶλτο, καὶ εὐχόμενος ἔπος ηὔδα· ### book 20.425 ἐγγὺς ἀνὴρ ὃς ἐμόν γε μάλιστ’ ἐσεμάσσατο θυμόν, ### book 20.426 ὅς μοι ἑταῖρον ἔπεφνε τετιμένον· οὐδ’ ἂν ἔτι δὴν ### book 20.427 ἀλλήλους πτώσσοιμεν ἀνὰ πτολέμοιο γεφύρας. ### book 20.428 Ἦ, καὶ ὑπόδρα ἰδὼν προσεφώνεεν Ἕκτορα δῖον· ### book 20.429 ἆσσον ἴθ’ ὥς κεν θᾶσσον ὀλέθρου πείραθ’ ἵκηαι. ### book 20.430 Τὸν δ’ οὐ ταρβήσας προσέφη κορυθαίολος Ἕκτωρ· ### book 20.431 Πηλεΐδη μὴ δὴ ἐπέεσσί με νηπύτιον ὣς ### book 20.432 ἔλπεο δειδίξεσθαι, ἐπεὶ σάφα οἶδα καὶ αὐτὸς ### book 20.433 ἠμὲν κερτομίας ἠδ’ αἴσυλα μυθήσασθαι. ### book 20.434 οἶδα δ’ ὅτι σὺ μὲν ἐσθλός, ἐγὼ δὲ σέθεν πολὺ χείρων. ### book 20.435 ἀλλ’ ἤτοι μὲν ταῦτα θεῶν ἐν γούνασι κεῖται, ### book 20.436 αἴ κέ σε χειρότερός περ ἐὼν ἀπὸ θυμὸν ἕλωμαι ### book 20.437 δουρὶ βαλών, ἐπεὶ ἦ καὶ ἐμὸν βέλος ὀξὺ πάροιθεν. ### book 20.438 Ἦ ῥα, καὶ ἀμπεπαλὼν προΐει δόρυ, καὶ τό γ’ Ἀθήνη ### book 20.439 πνοιῇ Ἀχιλλῆος πάλιν ἔτραπε κυδαλίμοιο ### book 20.440 ἦκα μάλα ψύξασα· τὸ δ’ ἂψ ἵκεθ’ Ἕκτορα δῖον, ### book 20.441 αὐτοῦ δὲ προπάροιθε ποδῶν πέσεν. αὐτὰρ Ἀχιλλεὺς ### book 20.442 ἐμμεμαὼς ἐπόρουσε κατακτάμεναι μενεαίνων, ### book 20.443 σμερδαλέα ἰάχων· τὸν δ’ ἐξήρπαξεν Ἀπόλλων ### book 20.444 ῥεῖα μάλ’ ὥς τε θεός, ἐκάλυψε δ’ ἄρ’ ἠέρι πολλῇ. ### book 20.445 τρὶς μὲν ἔπειτ’ ἐπόρουσε ποδάρκης δῖος Ἀχιλλεὺς ### book 20.446 ἔγχεϊ χαλκείῳ, τρὶς δ’ ἠέρα τύψε βαθεῖαν. ### book 20.447 ἀλλ’ ὅτε δὴ τὸ τέταρτον ἐπέσσυτο δαίμονι ἶσος, ### book 20.448 δεινὰ δ’ ὁμοκλήσας ἔπεα πτερόεντα προσηύδα· ### book 20.449 ἐξ αὖ νῦν ἔφυγες θάνατον κύον· ἦ τέ τοι ἄγχι ### book 20.450 ἦλθε κακόν· νῦν αὖτέ ς’ ἐρύσατο Φοῖβος Ἀπόλλων, ### book 20.451 ᾧ μέλλεις εὔχεσθαι ἰὼν ἐς δοῦπον ἀκόντων. ### book 20.452 ἦ θήν ς’ ἐξανύω γε καὶ ὕστερον ἀντιβολήσας, ### book 20.453 εἴ πού τις καὶ ἔμοιγε θεῶν ἐπιτάρροθός ἐστι. ### book 20.454 νῦν αὖ τοὺς ἄλλους ἐπιείσομαι, ὅν κε κιχείω. ### book 20.455 Ὣς εἰπὼν Δρύοπ’ οὖτα κατ’ αὐχένα μέσσον ἄκοντι· ### book 20.456 ἤριπε δὲ προπάροιθε ποδῶν· ὃ δὲ τὸν μὲν ἔασε, ### book 20.457 Δημοῦχον δὲ Φιλητορίδην ἠΰν τε μέγαν τε ### book 20.458 κὰγ γόνυ δουρὶ βαλὼν ἠρύκακε. τὸν μὲν ἔπειτα ### book 20.459 οὐτάζων ξίφεϊ μεγάλῳ ἐξαίνυτο θυμόν· ### book 20.460 αὐτὰρ ὃ Λαόγονον καὶ Δάρδανον υἷε Βίαντος ### book 20.461 ἄμφω ἐφορμηθεὶς ἐξ ἵππων ὦσε χαμᾶζε, ### book 20.462 τὸν μὲν δουρὶ βαλών, τὸν δὲ σχεδὸν ἄορι τύψας. ### book 20.463 Τρῶα δ’ Ἀλαστορίδην, ὃ μὲν ἀντίος ἤλυθε γούνων, ### book 20.464 εἴ πώς εὑ πεφίδοιτο λαβὼν καὶ ζωὸν ἀφείη ### book 20.465 μηδὲ κατακτείνειεν ὁμηλικίην ἐλεήσας, ### book 20.466 νήπιος, οὐδὲ τὸ ᾔδη ὃ οὐ πείσεσθαι ἔμελλεν· ### book 20.467 οὐ γάρ τι γλυκύθυμος ἀνὴρ ἦν οὐδ’ ἀγανόφρων, ### book 20.468 ἀλλὰ μάλ’ ἐμμεμαώς· ὃ μὲν ἥπτετο χείρεσι γούνων ### book 20.469 ἱέμενος λίσσεσθ’, ὃ δὲ φασγάνῳ οὖτα καθ’ ἧπαρ· ### book 20.470 ἐκ δέ οἱ ἧπαρ ὄλισθεν, ἀτὰρ μέλαν αἷμα κατ’ αὐτοῦ ### book 20.471 κόλπον ἐνέπλησεν· τὸν δὲ σκότος ὄσσε κάλυψε ### book 20.472 θυμοῦ δευόμενον· ὃ δὲ Μούλιον οὖτα παραστὰς ### book 20.473 δουρὶ κατ’ οὖς· εἶθαρ δὲ δι’ οὔατος ἦλθ’ ἑτέροιο ### book 20.474 αἰχμὴ χαλκείη· ὃ δ’ Ἀγήνορος υἱὸν Ἔχεκλον ### book 20.475 μέσσην κὰκ κεφαλὴν ξίφει ἤλασε κωπήεντι, ### book 20.476 πᾶν δ’ ὑπεθερμάνθη ξίφος αἵματι· τὸν δὲ κατ’ ὄσσε ### book 20.477 ἔλλαβε πορφύρεος θάνατος καὶ μοῖρα κραταιή. ### book 20.478 Δευκαλίωνα δ’ ἔπειθ’, ἵνα τε ξυνέχουσι τένοντες ### book 20.479 ἀγκῶνος, τῇ τόν γε φίλης διὰ χειρὸς ἔπειρεν ### book 20.480 αἰχμῇ χαλκείῃ· ὃ δέ μιν μένε χεῖρα βαρυνθεὶς ### book 20.481 πρόσθ’ ὁρόων θάνατον· ὃ δὲ φασγάνῳ αὐχένα θείνας ### book 20.482 τῆλ’ αὐτῇ πήληκι κάρη βάλε· μυελὸς αὖτε ### book 20.483 σφονδυλίων ἔκπαλθ’, ὃ δ’ ἐπὶ χθονὶ κεῖτο τανυσθείς. ### book 20.484 αὐτὰρ ὃ βῆ ῥ’ ἰέναι μετ’ ἀμύμονα Πείρεω υἱὸν ### book 20.485 Ῥίγμον, ὃς ἐκ Θρῄκης ἐριβώλακος εἰληλούθει· ### book 20.486 τὸν βάλε μέσσον ἄκοντι, πάγη δ’ ἐν νηδύϊ χαλκός, ### book 20.487 ἤριπε δ’ ἐξ ὀχέων· ὃ δ’ Ἀρηΐθοον θεράποντα ### book 20.488 ἂψ ἵππους στρέψαντα μετάφρενον ὀξέϊ δουρὶ ### book 20.489 νύξ’, ἀπὸ δ’ ἅρματος ὦσε· κυκήθησαν δέ οἱ ἵπποι. ### book 20.490 Ὡς δ’ ἀναμαιμάει βαθέ’ ἄγκεα θεσπιδαὲς πῦρ ### book 20.491 οὔρεος ἀζαλέοιο, βαθεῖα δὲ καίεται ὕλη, ### book 20.492 πάντῃ τε κλονέων ἄνεμος φλόγα εἰλυφάζει, ### book 20.493 ὣς ὅ γε πάντῃ θῦνε σὺν ἔγχεϊ δαίμονι ἶσος ### book 20.494 κτεινομένους ἐφέπων· ῥέε δ’ αἵματι γαῖα μέλαινα. ### book 20.495 ὡς δ’ ὅτε τις ζεύξῃ βόας ἄρσενας εὐρυμετώπους ### book 20.496 τριβέμεναι κρῖ λευκὸν ἐϋκτιμένῃ ἐν ἀλωῇ, ### book 20.497 ῥίμφά τε λέπτ’ ἐγένοντο βοῶν ὑπὸ πόσς’ ἐριμύκων, ### book 20.498 ὣς ὑπ’ Ἀχιλλῆος μεγαθύμου μώνυχες ἵπποι ### book 20.499 στεῖβον ὁμοῦ νέκυάς τε καὶ ἀσπίδας· αἵματι δ’ ἄξων ### book 20.500 νέρθεν ἅπας πεπάλακτο καὶ ἄντυγες αἳ περὶ δίφρον, ### book 20.501 ἃς ἄρ’ ἀφ’ ἱππείων ὁπλέων ῥαθάμιγγες ἔβαλλον ### book 20.502 αἵ τ’ ἀπ’ ἐπισσώτρων· ὃ δὲ ἵετο κῦδος ἀρέσθαι ### book 20.503 Πηλεΐδης, λύθρῳ δὲ παλάσσετο χεῖρας ἀάπτους. ### book 21.1 Ἀλλ’ ὅτε δὴ πόρον ἷξον ἐϋρρεῖος ποταμοῖο ### book 21.2 Ξάνθου δινήεντος, ὃν ἀθάνατος τέκετο Ζεύς, ### book 21.3 ἔνθα διατμήξας τοὺς μὲν πεδίον δὲ δίωκε ### book 21.4 πρὸς πόλιν, ᾗ περ Ἀχαιοὶ ἀτυζόμενοι φοβέοντο ### book 21.5 ἤματι τῷ προτέρῳ, ὅτε μαίνετο φαίδιμος Ἕκτωρ· ### book 21.6 τῇ ῥ’ οἵ γε προχέοντο πεφυζότες, ἠέρα δ’ Ἥρη ### book 21.7 πίτνα πρόσθε βαθεῖαν ἐρυκέμεν· ἡμίσεες δὲ ### book 21.8 ἐς ποταμὸν εἰλεῦντο βαθύρροον ἀργυροδίνην, ### book 21.9 ἐν δ’ ἔπεσον μεγάλῳ πατάγῳ, βράχε δ’ αἰπὰ ῥέεθρα, ### book 21.10 ὄχθαι δ’ ἀμφὶ περὶ μεγάλ’ ἴαχον· οἳ δ’ ἀλαλητῷ ### book 21.11 ἔννεον ἔνθα καὶ ἔνθα ἑλισσόμενοι περὶ δίνας. ### book 21.12 ὡς δ’ ὅθ’ ὑπὸ ῥιπῆς πυρὸς ἀκρίδες ἠερέθονται ### book 21.13 φευγέμεναι ποταμὸν δέ· τὸ δὲ φλέγει ἀκάματον πῦρ ### book 21.14 ὄρμενον ἐξαίφνης, ταὶ δὲ πτώσσουσι καθ’ ὕδωρ· ### book 21.15 ὣς ὑπ’ Ἀχιλλῆος Ξάνθου βαθυδινήεντος ### book 21.16 πλῆτο ῥόος κελάδων ἐπιμὶξ ἵππων τε καὶ ἀνδρῶν. ### book 21.17 Αὐτὰρ ὃ διογενὴς δόρυ μὲν λίπεν αὐτοῦ ἐπ’ ὄχθῃ ### book 21.18 κεκλιμένον μυρίκῃσιν, ὃ δ’ ἔσθορε δαίμονι ἶσος ### book 21.19 φάσγανον οἶον ἔχων, κακὰ δὲ φρεσὶ μήδετο ἔργα, ### book 21.20 τύπτε δ’ ἐπιστροφάδην· τῶν δὲ στόνος ὄρνυτ’ ἀεικὴς ### book 21.21 ἄορι θεινομένων, ἐρυθαίνετο δ’ αἵματι ὕδωρ. ### book 21.22 ὡς δ’ ὑπὸ δελφῖνος μεγακήτεος ἰχθύες ἄλλοι ### book 21.23 φεύγοντες πιμπλᾶσι μυχοὺς λιμένος εὐόρμου ### book 21.24 δειδιότες· μάλα γάρ τε κατεσθίει ὅν κε λάβῃσιν· ### book 21.25 ὣς Τρῶες ποταμοῖο κατὰ δεινοῖο ῥέεθρα ### book 21.26 πτῶσσον ὑπὸ κρημνούς. ὃ δ’ ἐπεὶ κάμε χεῖρας ἐναίρων, ### book 21.27 ζωοὺς ἐκ ποταμοῖο δυώδεκα λέξατο κούρους ### book 21.28 ποινὴν Πατρόκλοιο Μενοιτιάδαο θανόντος· ### book 21.29 τοὺς ἐξῆγε θύραζε τεθηπότας ἠΰτε νεβρούς, ### book 21.30 δῆσε δ’ ὀπίσσω χεῖρας ἐϋτμήτοισιν ἱμᾶσι, ### book 21.31 τοὺς αὐτοὶ φορέεσκον ἐπὶ στρεπτοῖσι χιτῶσι, ### book 21.32 δῶκε δ’ ἑταίροισιν κατάγειν κοίλας ἐπὶ νῆας. ### book 21.33 αὐτὰρ ὃ ἂψ ἐπόρουσε δαϊζέμεναι μενεαίνων. ### book 21.34 Ἔνθ’ υἷι Πριάμοιο συνήντετο Δαρδανίδαο ### book 21.35 ἐκ ποταμοῦ φεύγοντι Λυκάονι, τόν ῥά ποτ’ αὐτὸς ### book 21.36 ἦγε λαβὼν ἐκ πατρὸς ἀλωῆς οὐκ ἐθέλοντα ### book 21.37 ἐννύχιος προμολών· ὃ δ’ ἐρινεὸν ὀξέϊ χαλκῷ ### book 21.38 τάμνε νέους ὄρπηκας, ἵν’ ἅρματος ἄντυγες εἶεν· ### book 21.39 τῷ δ’ ἄρ’ ἀνώϊστον κακὸν ἤλυθε δῖος Ἀχιλλεύς. ### book 21.40 καὶ τότε μέν μιν Λῆμνον ἐϋκτιμένην ἐπέρασσε ### book 21.41 νηυσὶν ἄγων, ἀτὰρ υἱὸς Ἰήσονος ὦνον ἔδωκε· ### book 21.42 κεῖθεν δὲ ξεῖνός μιν ἐλύσατο πολλὰ δ’ ἔδωκεν ### book 21.43 Ἴμβριος Ἠετίων, πέμψεν δ’ ἐς δῖαν Ἀρίσβην· ### book 21.44 ἔνθεν ὑπεκπροφυγὼν πατρώϊον ἵκετο δῶμα. ### book 21.45 ἕνδεκα δ’ ἤματα θυμὸν ἐτέρπετο οἷσι φίλοισιν ### book 21.46 ἐλθὼν ἐκ Λήμνοιο· δυωδεκάτῃ δέ μιν αὖτις ### book 21.47 χερσὶν Ἀχιλλῆος θεὸς ἔμβαλεν, ὅς μιν ἔμελλε ### book 21.48 πέμψειν εἰς Ἀΐδαο καὶ οὐκ ἐθέλοντα νέεσθαι. ### book 21.49 τὸν δ’ ὡς οὖν ἐνόησε ποδάρκης δῖος Ἀχιλλεὺς ### book 21.50 γυμνὸν ἄτερ κόρυθός τε καὶ ἀσπίδος, οὐδ’ ἔχεν ἔγχος, ### book 21.51 ἀλλὰ τὰ μέν ῥ’ ἀπὸ πάντα χαμαὶ βάλε· τεῖρε γὰρ ἱδρὼς ### book 21.52 φεύγοντ’ ἐκ ποταμοῦ, κάματος δ’ ὑπὸ γούνατ’ ἐδάμνα· ### book 21.53 ὀχθήσας δ’ ἄρα εἶπε πρὸς ὃν μεγαλήτορα θυμόν· ### book 21.54 ὢ πόποι ἦ μέγα θαῦμα τόδ’ ὀφθαλμοῖσιν ὁρῶμαι· ### book 21.55 ἦ μάλα δὴ Τρῶες μεγαλήτορες οὕς περ ἔπεφνον ### book 21.56 αὖτις ἀναστήσονται ὑπὸ ζόφου ἠερόεντος, ### book 21.57 οἷον δὴ καὶ ὅδ’ ἦλθε φυγὼν ὕπο νηλεὲς ἦμαρ ### book 21.58 Λῆμνον ἐς ἠγαθέην πεπερημένος· οὐδέ μιν ἔσχε ### book 21.59 πόντος ἁλὸς πολιῆς, ὃ πολέας ἀέκοντας ἐρύκει. ### book 21.60 ἀλλ’ ἄγε δὴ καὶ δουρὸς ἀκωκῆς ἡμετέροιο ### book 21.61 γεύσεται, ὄφρα ἴδωμαι ἐνὶ φρεσὶν ἠδὲ δαείω ### book 21.62 ἢ ἄρ’ ὁμῶς καὶ κεῖθεν ἐλεύσεται, ἦ μιν ἐρύξει ### book 21.63 γῆ φυσίζοος, ἥ τε κατὰ κρατερόν περ ἐρύκει. ### book 21.64 Ὣς ὅρμαινε μένων· ὃ δέ οἱ σχεδὸν ἦλθε τεθηπὼς ### book 21.65 γούνων ἅψασθαι μεμαώς, περὶ δ’ ἤθελε θυμῷ ### book 21.66 ἐκφυγέειν θάνατόν τε κακὸν καὶ κῆρα μέλαιναν. ### book 21.67 ἤτοι ὃ μὲν δόρυ μακρὸν ἀνέσχετο δῖος Ἀχιλλεὺς ### book 21.68 οὐτάμεναι μεμαώς, ὃ δ’ ὑπέδραμε καὶ λάβε γούνων ### book 21.69 κύψας· ἐγχείη δ’ ἄρ’ ὑπὲρ νώτου ἐνὶ γαίῃ ### book 21.70 ἔστη ἱεμένη χροὸς ἄμεναι ἀνδρομέοιο. ### book 21.71 αὐτὰρ ὃ τῇ ἑτέρῃ μὲν ἑλὼν ἐλλίσσετο γούνων, ### book 21.72 τῇ δ’ ἑτέρῃ ἔχεν ἔγχος ἀκαχμένον οὐδὲ μεθίει· ### book 21.73 καί μιν φωνήσας ἔπεα πτερόεντα προσηύδα· ### book 21.74 γουνοῦμαι ς’ Ἀχιλεῦ· σὺ δέ μ’ αἴδεο καί μ’ ἐλέησον· ### book 21.75 ἀντί τοί εἰμ’ ἱκέταο διοτρεφὲς αἰδοίοιο· ### book 21.76 πὰρ γὰρ σοὶ πρώτῳ πασάμην Δημήτερος ἀκτὴν ### book 21.77 ἤματι τῷ ὅτε μ’ εἷλες ἐϋκτιμένῃ ἐν ἀλωῇ, ### book 21.78 καί μ’ ἐπέρασσας ἄνευθεν ἄγων πατρός τε φίλων τε ### book 21.79 Λῆμνον ἐς ἠγαθέην, ἑκατόμβοιον δέ τοι ἦλφον. ### book 21.80 νῦν δὲ λύμην τρὶς τόσσα πορών· ἠὼς δέ μοί ἐστιν ### book 21.81 ἧδε δυωδεκάτη, ὅτ’ ἐς Ἴλιον εἰλήλουθα ### book 21.82 πολλὰ παθών· νῦν αὖ με τεῇς ἐν χερσὶν ἔθηκε ### book 21.83 μοῖρ’ ὀλόη· μέλλω που ἀπεχθέσθαι Διὶ πατρί, ### book 21.84 ὅς με σοὶ αὖτις δῶκε· μινυνθάδιον δέ με μήτηρ ### book 21.85 γείνατο Λαοθόη θυγάτηρ Ἄλταο γέροντος ### book 21.86 Ἄλτεω, ὃς Λελέγεσσι φιλοπτολέμοισιν ἀνάσσει ### book 21.87 Πήδασον αἰπήεσσαν ἔχων ἐπὶ Σατνιόεντι. ### book 21.88 τοῦ δ’ ἔχε θυγατέρα Πρίαμος, πολλὰς δὲ καὶ ἄλλας· ### book 21.89 τῆς δὲ δύω γενόμεσθα, σὺ δ’ ἄμφω δειροτομήσεις, ### book 21.90 ἤτοι τὸν πρώτοισι μετὰ πρυλέεσσι δάμασσας ### book 21.91 ἀντίθεον Πολύδωρον, ἐπεὶ βάλες ὀξέϊ δουρί· ### book 21.92 νῦν δὲ δὴ ἐνθάδ’ ἐμοὶ κακὸν ἔσσεται· οὐ γὰρ ὀΐω ### book 21.93 σὰς χεῖρας φεύξεσθαι, ἐπεί ῥ’ ἐπέλασσέ γε δαίμων. ### book 21.94 ἄλλο δέ τοι ἐρέω, σὺ δ’ ἐνὶ φρεσὶ βάλλεο σῇσι· ### book 21.95 μή με κτεῖν’, ἐπεὶ οὐχ ὁμογάστριος Ἕκτορός εἰμι, ### book 21.96 ὅς τοι ἑταῖρον ἔπεφνεν ἐνηέα τε κρατερόν τε. ### book 21.97 Ὣς ἄρα μιν Πριάμοιο προσηύδα φαίδιμος υἱὸς ### book 21.98 λισσόμενος ἐπέεσσιν, ἀμείλικτον δ’ ὄπ’ ἄκουσε· ### book 21.99 νήπιε μή μοι ἄποινα πιφαύσκεο μηδ’ ἀγόρευε· ### book 21.100 πρὶν μὲν γὰρ Πάτροκλον ἐπισπεῖν αἴσιμον ἦμαρ ### book 21.101 τόφρά τί μοι πεφιδέσθαι ἐνὶ φρεσὶ φίλτερον ἦεν ### book 21.102 Τρώων, καὶ πολλοὺς ζωοὺς ἕλον ἠδ’ ἐπέρασσα· ### book 21.103 νῦν δ’ οὐκ ἔσθ’ ὅς τις θάνατον φύγῃ ὅν κε θεός γε ### book 21.104 Ἰλίου προπάροιθεν ἐμῇς ἐν χερσὶ βάλῃσι ### book 21.105 καὶ πάντων Τρώων, περὶ δ’ αὖ Πριάμοιό γε παίδων. ### book 21.106 ἀλλὰ φίλος θάνε καὶ σύ· τί ἦ ὀλοφύρεαι οὕτως; ### book 21.107 κάτθανε καὶ Πάτροκλος, ὅ περ σέο πολλὸν ἀμείνων. ### book 21.108 οὐχ ὁράᾳς οἷος καὶ ἐγὼ καλός τε μέγας τε; ### book 21.109 πατρὸς δ’ εἴμ’ ἀγαθοῖο, θεὰ δέ με γείνατο μήτηρ· ### book 21.110 ἀλλ’ ἔπι τοι καὶ ἐμοὶ θάνατος καὶ μοῖρα κραταιή· ### book 21.111 ἔσσεται ἢ ἠὼς ἢ δείλη ἢ μέσον ἦμαρ ### book 21.112 ὁππότε τις καὶ ἐμεῖο Ἄρῃ ἐκ θυμὸν ἕληται ### book 21.113 ἢ ὅ γε δουρὶ βαλὼν ἢ ἀπὸ νευρῆφιν ὀϊστῷ. ### book 21.114 Ὣς φάτο, τοῦ δ’ αὐτοῦ λύτο γούνατα καὶ φίλον ἦτορ· ### book 21.115 ἔγχος μέν ῥ’ ἀφέηκεν, ὃ δ’ ἕζετο χεῖρε πετάσσας ### book 21.116 ἀμφοτέρας· Ἀχιλεὺς δὲ ἐρυσσάμενος ξίφος ὀξὺ ### book 21.117 τύψε κατὰ κληῗδα παρ’ αὐχένα, πᾶν δέ οἱ εἴσω ### book 21.118 δῦ ξίφος ἄμφηκες· ὃ δ’ ἄρα πρηνὴς ἐπὶ γαίῃ ### book 21.119 κεῖτο ταθείς, ἐκ δ’ αἷμα μέλαν ῥέε, δεῦε δὲ γαῖαν. ### book 21.120 τὸν δ’ Ἀχιλεὺς ποταμὸν δὲ λαβὼν ποδὸς ἧκε φέρεσθαι, ### book 21.121 καί οἱ ἐπευχόμενος ἔπεα πτερόεντ’ ἀγόρευεν· ### book 21.122 ἐνταυθοῖ νῦν κεῖσο μετ’ ἰχθύσιν, οἵ ς’ ὠτειλὴν ### book 21.123 αἷμ’ ἀπολιχμήσονται ἀκηδέες· οὐδέ σε μήτηρ ### book 21.124 ἐνθεμένη λεχέεσσι γοήσεται, ἀλλὰ Σκάμανδρος ### book 21.125 οἴσει δινήεις εἴσω ἁλὸς εὐρέα κόλπον· ### book 21.126 θρῴσκων τις κατὰ κῦμα μέλαιναν φρῖχ’ ὑπαΐξει ### book 21.127 ἰχθύς, ὅς κε φάγῃσι Λυκάονος ἀργέτα δημόν. ### book 21.128 φθείρεσθ’ εἰς ὅ κεν ἄστυ κιχείομεν Ἰλίου ἱρῆς ### book 21.129 ὑμεῖς μὲν φεύγοντες, ἐγὼ δ’ ὄπιθεν κεραΐζων. ### book 21.130 οὐδ’ ὑμῖν ποταμός περ ἐΰρροος ἀργυροδίνης ### book 21.131 ἀρκέσει, ᾧ δὴ δηθὰ πολέας ἱερεύετε ταύρους, ### book 21.132 ζωοὺς δ’ ἐν δίνῃσι καθίετε μώνυχας ἵππους. ### book 21.133 ἀλλὰ καὶ ὧς ὀλέεσθε κακὸν μόρον, εἰς ὅ κε πάντες ### book 21.134 τίσετε Πατρόκλοιο φόνον καὶ λοιγὸν Ἀχαιῶν, ### book 21.135 οὓς ἐπὶ νηυσὶ θοῇσιν ἐπέφνετε νόσφιν ἐμεῖο. ### book 21.136 Ὣς ἄρ’ ἔφη, ποταμὸς δὲ χολώσατο κηρόθι μᾶλλον, ### book 21.137 ὅρμηνεν δ’ ἀνὰ θυμὸν ὅπως παύσειε πόνοιο ### book 21.138 δῖον Ἀχιλλῆα, Τρώεσσι δὲ λοιγὸν ἀλάλκοι. ### book 21.139 τόφρα δὲ Πηλέος υἱὸς ἔχων δολιχόσκιον ἔγχος ### book 21.140 Ἀστεροπαίῳ ἐπᾶλτο κατακτάμεναι μενεαίνων ### book 21.141 υἱέϊ Πηλεγόνος· τὸν δ’ Ἀξιὸς εὐρυρέεθρος ### book 21.142 γείνατο καὶ Περίβοια Ἀκεσσαμενοῖο θυγατρῶν ### book 21.143 πρεσβυτάτη· τῇ γάρ ῥα μίγη ποταμὸς βαθυδίνης. ### book 21.144 τῷ ῥ’ Ἀχιλεὺς ἐπόρουσεν, ὃ δ’ ἀντίος ἐκ ποταμοῖο ### book 21.145 ἔστη ἔχων δύο δοῦρε· μένος δέ οἱ ἐν φρεσὶ θῆκε ### book 21.146 Ξάνθος, ἐπεὶ κεχόλωτο δαϊκταμένων αἰζηῶν, ### book 21.147 τοὺς Ἀχιλεὺς ἐδάϊζε κατὰ ῥόον οὐδ’ ἐλέαιρεν. ### book 21.148 οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντες, ### book 21.149 τὸν πρότερος προσέειπε ποδάρκης δῖος Ἀχιλλεύς· ### book 21.150 τίς πόθεν εἰς ἀνδρῶν ὅ μευ ἔτλης ἀντίος ἐλθεῖν; ### book 21.151 δυστήνων δέ τε παῖδες ἐμῷ μένει ἀντιόωσι. ### book 21.152 Τὸν δ’ αὖ Πηλεγόνος προσεφώνεε φαίδιμος υἱός· ### book 21.153 Πηλεΐδη μεγάθυμε τί ἦ γενεὴν ἐρεείνεις; ### book 21.154 εἴμ’ ἐκ Παιονίης ἐριβώλου τηλόθ’ ἐούσης ### book 21.155 Παίονας ἄνδρας ἄγων δολιχεγχέας· ἥδε δέ μοι νῦν ### book 21.156 ἠὼς ἑνδεκάτη ὅτε Ἴλιον εἰλήλουθα. ### book 21.157 αὐτὰρ ἐμοὶ γενεὴ ἐξ Ἀξιοῦ εὐρὺ ῥέοντος ### book 21.158 Ἀξιοῦ, ὃς κάλλιστον ὕδωρ ἐπὶ γαῖαν ἵησιν, ### book 21.159 ὃς τέκε Πηλεγόνα κλυτὸν ἔγχεϊ· τὸν δ’ ἐμέ φασι ### book 21.160 γείνασθαι· νῦν αὖτε μαχώμεθα φαίδιμ’ Ἀχιλλεῦ. ### book 21.161 Ὣς φάτ’ ἀπειλήσας, ὃ δ’ ἀνέσχετο δῖος Ἀχιλλεὺς ### book 21.162 Πηλιάδα μελίην· ὃ δ’ ἁμαρτῇ δούρασιν ἀμφὶς ### book 21.163 ἥρως Ἀστεροπαῖος, ἐπεὶ περιδέξιος ἦεν. ### book 21.164 καί ῥ’ ἑτέρῳ μὲν δουρὶ σάκος βάλεν, οὐδὲ διὰ πρὸ ### book 21.165 ῥῆξε σάκος· χρυσὸς γὰρ ἐρύκακε δῶρα θεοῖο· ### book 21.166 τῷ δ’ ἑτέρῳ μιν πῆχυν ἐπιγράβδην βάλε χειρὸς ### book 21.167 δεξιτερῆς, σύτο δ’ αἷμα κελαινεφές· ἣ δ’ ὑπὲρ αὐτοῦ ### book 21.168 γαίῃ ἐνεστήρικτο λιλαιομένη χροὸς ἆσαι. ### book 21.169 δεύτερος αὖτ’ Ἀχιλεὺς μελίην ἰθυπτίωνα ### book 21.170 Ἀστεροπαίῳ ἐφῆκε κατακτάμεναι μενεαίνων. ### book 21.171 καὶ τοῦ μέν ῥ’ ἀφάμαρτεν, ὃ δ’ ὑψηλὴν βάλεν ὄχθην, ### book 21.172 μεσσοπαγὲς δ’ ἄρ’ ἔθηκε κατ’ ὄχθης μείλινον ἔγχος. ### book 21.173 Πηλεΐδης δ’ ἄορ ὀξὺ ἐρυσσάμενος παρὰ μηροῦ ### book 21.174 ἆλτ’ ἐπί οἱ μεμαώς· ὃ δ’ ἄρα μελίην Ἀχιλῆος ### book 21.175 οὐ δύνατ’ ἐκ κρημνοῖο ἐρύσσαι χειρὶ παχείῃ. ### book 21.176 τρὶς μέν μιν πελέμιξεν ἐρύσσασθαι μενεαίνων, ### book 21.177 τρὶς δὲ μεθῆκε βίης· τὸ δὲ τέτρατον ἤθελε θυμῷ ### book 21.178 ἆξαι ἐπιγνάμψας δόρυ μείλινον Αἰακίδαο, ### book 21.179 ἀλλὰ πρὶν Ἀχιλεὺς σχεδὸν ἄορι θυμὸν ἀπηύρα. ### book 21.180 γαστέρα γάρ μιν τύψε παρ’ ὀμφαλόν, ἐκ δ’ ἄρα πᾶσαι ### book 21.181 χύντο χαμαὶ χολάδες· τὸν δὲ σκότος ὄσσε κάλυψεν ### book 21.182 ἀσθμαίνοντ’· Ἀχιλεὺς δ’ ἄρ’ ἐνὶ στήθεσσιν ὀρούσας ### book 21.183 τεύχεά τ’ ἐξενάριξε καὶ εὐχόμενος ἔπος ηὔδα· ### book 21.184 κεῖς’ οὕτως· χαλεπόν τοι ἐρισθενέος Κρονίωνος ### book 21.185 παισὶν ἐριζέμεναι ποταμοῖό περ ἐκγεγαῶτι. ### book 21.186 φῆσθα σὺ μὲν ποταμοῦ γένος ἔμμεναι εὐρὺ ῥέοντος, ### book 21.187 αὐτὰρ ἐγὼ γενεὴν μεγάλου Διὸς εὔχομαι εἶναι. ### book 21.188 τίκτέ μ’ ἀνὴρ πολλοῖσιν ἀνάσσων Μυρμιδόνεσσι ### book 21.189 Πηλεὺς Αἰακίδης· ὃ δ’ ἄρ’ Αἰακὸς ἐκ Διὸς ἦεν. ### book 21.190 τὼ κρείσσων μὲν Ζεὺς ποταμῶν ἁλιμυρηέντων, ### book 21.191 κρείσσων αὖτε Διὸς γενεὴ ποταμοῖο τέτυκται. ### book 21.192 καὶ γὰρ σοὶ ποταμός γε πάρα μέγας, εἰ δύναταί τι ### book 21.193 χραισμεῖν· ἀλλ’ οὐκ ἔστι Διὶ Κρονίωνι μάχεσθαι, ### book 21.194 τῷ οὐδὲ κρείων Ἀχελώϊος ἰσοφαρίζει, ### book 21.195 οὐδὲ βαθυρρείταο μέγα σθένος Ὠκεανοῖο, ### book 21.196 ἐξ οὗ περ πάντες ποταμοὶ καὶ πᾶσα θάλασσα ### book 21.197 καὶ πᾶσαι κρῆναι καὶ φρείατα μακρὰ νάουσιν· ### book 21.198 ἀλλὰ καὶ ὃς δείδοικε Διὸς μεγάλοιο κεραυνὸν ### book 21.199 δεινήν τε βροντήν, ὅτ’ ἀπ’ οὐρανόθεν σμαραγήσῃ. ### book 21.200 Ἦ ῥα, καὶ ἐκ κρημνοῖο ἐρύσσατο χάλκεον ἔγχος, ### book 21.201 τὸν δὲ κατ’ αὐτόθι λεῖπεν, ἐπεὶ φίλον ἦτορ ἀπηύρα, ### book 21.202 κείμενον ἐν ψαμάθοισι, δίαινε δέ μιν μέλαν ὕδωρ. ### book 21.203 τὸν μὲν ἄρ’ ἐγχέλυές τε καὶ ἰχθύες ἀμφεπένοντο ### book 21.204 δημὸν ἐρεπτόμενοι ἐπινεφρίδιον κείροντες· ### book 21.205 αὐτὰρ ὃ βῆ ῥ’ ἰέναι μετὰ Παίονας ἱπποκορυστάς, ### book 21.206 οἵ ῥ’ ἔτι πὰρ ποταμὸν πεφοβήατο δινήεντα, ### book 21.207 ὡς εἶδον τὸν ἄριστον ἐνὶ κρατερῇ ὑσμίνῃ ### book 21.208 χέρς’ ὕπο Πηλεΐδαο καὶ ἄορι ἶφι δαμέντα. ### book 21.209 ἔνθ’ ἕλε Θερσίλοχόν τε Μύδωνά τε Ἀστύπυλόν τε ### book 21.210 Μνῆσόν τε Θρασίον τε καὶ Αἴνιον ἠδ’ Ὀφελέστην· ### book 21.211 καί νύ κ’ ἔτι πλέονας κτάνε Παίονας ὠκὺς Ἀχιλλεύς, ### book 21.212 εἰ μὴ χωσάμενος προσέφη ποταμὸς βαθυδίνης ### book 21.213 ἀνέρι εἰσάμενος, βαθέης δ’ ἐκ φθέγξατο δίνης· ### book 21.214 ὦ Ἀχιλεῦ, περὶ μὲν κρατέεις, περὶ δ’ αἴσυλα ῥέζεις ### book 21.215 ἀνδρῶν· αἰεὶ γάρ τοι ἀμύνουσιν θεοὶ αὐτοί. ### book 21.216 εἴ τοι Τρῶας ἔδωκε Κρόνου παῖς πάντας ὀλέσσαι, ### book 21.217 ἐξ ἐμέθεν γ’ ἐλάσας πεδίον κάτα μέρμερα ῥέζε· ### book 21.218 πλήθει γὰρ δή μοι νεκύων ἐρατεινὰ ῥέεθρα, ### book 21.219 οὐδέ τί πῃ δύναμαι προχέειν ῥόον εἰς ἅλα δῖαν ### book 21.220 στεινόμενος νεκύεσσι, σὺ δὲ κτείνεις ἀϊδήλως. ### book 21.221 ἀλλ’ ἄγε δὴ καὶ ἔασον· ἄγη μ’ ἔχει ὄρχαμε λαῶν. ### book 21.222 Τὸν δ’ ἀπαμειβόμενος προσέφη πόδας ὠκὺς Ἀχιλλεύς· ### book 21.223 ἔσται ταῦτα Σκάμανδρε διοτρεφές, ὡς σὺ κελεύεις. ### book 21.224 Τρῶας δ’ οὐ πρὶν λήξω ὑπερφιάλους ἐναρίζων, ### book 21.225 πρὶν ἔλσαι κατὰ ἄστυ καὶ Ἕκτορι πειρηθῆναι ### book 21.226 ἀντιβίην, ἤ κέν με δαμάσσεται, ἦ κεν ἐγὼ τόν. ### book 21.227 Ὣς εἰπὼν Τρώεσσιν ἐπέσσυτο δαίμονι ἶσος· ### book 21.228 καὶ τότ’ Ἀπόλλωνα προσέφη ποταμὸς βαθυδίνης· ### book 21.229 ὢ πόποι ἀργυρότοξε Διὸς τέκος οὐ σύ γε βουλὰς ### book 21.230 εἰρύσαο Κρονίωνος, ὅ τοι μάλα πόλλ’ ἐπέτελλε ### book 21.231 Τρωσὶ παρεστάμεναι καὶ ἀμύνειν, εἰς ὅ κεν ἔλθῃ ### book 21.232 δείελος ὀψὲ δύων, σκιάσῃ δ’ ἐρίβωλον ἄρουραν. ### book 21.233 Ἦ, καὶ Ἀχιλλεὺς μὲν δουρικλυτὸς ἔνθορε μέσσῳ ### book 21.234 κρημνοῦ ἀπαΐξας· ὃ δ’ ἐπέσσυτο οἴδματι θύων, ### book 21.235 πάντα δ’ ὄρινε ῥέεθρα κυκώμενος, ὦσε δὲ νεκροὺς ### book 21.236 πολλούς, οἵ ῥα κατ’ αὐτὸν ἅλις ἔσαν, οὓς κτάν’ Ἀχιλλεύς· ### book 21.237 τοὺς ἔκβαλλε θύραζε μεμυκὼς ἠΰτε ταῦρος ### book 21.238 χέρσον δέ· ζωοὺς δὲ σάω κατὰ καλὰ ῥέεθρα, ### book 21.239 κρύπτων ἐν δίνῃσι βαθείῃσιν μεγάλῃσι. ### book 21.240 δεινὸν δ’ ἀμφ’ Ἀχιλῆα κυκώμενον ἵστατο κῦμα, ### book 21.241 ὤθει δ’ ἐν σάκεϊ πίπτων ῥόος· οὐδὲ πόδεσσιν ### book 21.242 εἶχε στηρίξασθαι· ὃ δὲ πτελέην ἕλε χερσὶν ### book 21.243 εὐφυέα μεγάλην· ἣ δ’ ἐκ ῥιζῶν ἐριποῦσα ### book 21.244 κρημνὸν ἅπαντα διῶσεν, ἐπέσχε δὲ καλὰ ῥέεθρα ### book 21.245 ὄζοισιν πυκινοῖσι, γεφύρωσεν δέ μιν αὐτὸν ### book 21.246 εἴσω πᾶς’ ἐριποῦς’· ὃ δ’ ἄρ’ ἐκ δίνης ἀνορούσας ### book 21.247 ἤϊξεν πεδίοιο ποσὶ κραιπνοῖσι πέτεσθαι ### book 21.248 δείσας· οὐδέ τ’ ἔληγε θεὸς μέγας, ὦρτο δ’ ἐπ’ αὐτῷ ### book 21.249 ἀκροκελαινιόων, ἵνα μιν παύσειε πόνοιο ### book 21.250 δῖον Ἀχιλλῆα, Τρώεσσι δὲ λοιγὸν ἀλάλκοι. ### book 21.251 Πηλεΐδης δ’ ἀπόρουσεν ὅσον τ’ ἐπὶ δουρὸς ἐρωή, ### book 21.252 αἰετοῦ οἴματ’ ἔχων μέλανος τοῦ θηρητῆρος, ### book 21.253 ὅς θ’ ἅμα κάρτιστός τε καὶ ὤκιστος πετεηνῶν· ### book 21.254 τῷ ἐϊκὼς ἤϊξεν, ἐπὶ στήθεσσι δὲ χαλκὸς ### book 21.255 σμερδαλέον κονάβιζεν· ὕπαιθα δὲ τοῖο λιασθεὶς ### book 21.256 φεῦγ’, ὃ δ’ ὄπισθε ῥέων ἕπετο μεγάλῳ ὀρυμαγδῷ. ### book 21.257 ὡς δ’ ὅτ’ ἀνὴρ ὀχετηγὸς ἀπὸ κρήνης μελανύδρου ### book 21.258 ἂμ φυτὰ καὶ κήπους ὕδατι ῥόον ἡγεμονεύῃ ### book 21.259 χερσὶ μάκελλαν ἔχων, ἀμάρης ἐξ ἔχματα βάλλων· ### book 21.260 τοῦ μέν τε προρέοντος ὑπὸ ψηφῖδες ἅπασαι ### book 21.261 ὀχλεῦνται· τὸ δέ τ’ ὦκα κατειβόμενον κελαρύζει ### book 21.262 χώρῳ ἔνι προαλεῖ, φθάνει δέ τε καὶ τὸν ἄγοντα· ### book 21.263 ὣς αἰεὶ Ἀχιλῆα κιχήσατο κῦμα ῥόοιο ### book 21.264 καὶ λαιψηρὸν ἐόντα· θεοὶ δέ τε φέρτεροι ἀνδρῶν. ### book 21.265 ὁσσάκι δ’ ὁρμήσειε ποδάρκης δῖος Ἀχιλλεὺς ### book 21.266 στῆναι ἐναντίβιον καὶ γνώμεναι εἴ μιν ἅπαντες ### book 21.267 ἀθάνατοι φοβέουσι, τοὶ οὐρανὸν εὐρὺν ἔχουσι, ### book 21.268 τοσσάκι μιν μέγα κῦμα διιπετέος ποταμοῖο ### book 21.269 πλάζ’ ὤμους καθύπερθεν· ὃ δ’ ὑψόσε ποσσὶν ἐπήδα ### book 21.270 θυμῷ ἀνιάζων· ποταμὸς δ’ ὑπὸ γούνατ’ ἐδάμνα ### book 21.271 λάβρος ὕπαιθα ῥέων, κονίην δ’ ὑπέρεπτε ποδοῖιν. ### book 21.272 Πηλεΐδης δ’ ᾤμωξεν ἰδὼν εἰς οὐρανὸν εὐρύν· ### book 21.273 Ζεῦ πάτερ ὡς οὔ τίς με θεῶν ἐλεεινὸν ὑπέστη ### book 21.274 ἐκ ποταμοῖο σαῶσαι· ἔπειτα δὲ καί τι πάθοιμι. ### book 21.275 ἄλλος δ’ οὔ τις μοι τόσον αἴτιος Οὐρανιώνων, ### book 21.276 ἀλλὰ φίλη μήτηρ, ἥ με ψεύδεσσιν ἔθελγεν· ### book 21.277 ἥ μ’ ἔφατο Τρώων ὑπὸ τείχεϊ θωρηκτάων ### book 21.278 λαιψηροῖς ὀλέεσθαι Ἀπόλλωνος βελέεσσιν. ### book 21.279 ὥς μ’ ὄφελ’ Ἕκτωρ κτεῖναι ὃς ἐνθάδε γ’ ἔτραφ’ ἄριστος· ### book 21.280 τώ κ’ ἀγαθὸς μὲν ἔπεφν’, ἀγαθὸν δέ κεν ἐξενάριξε· ### book 21.281 νῦν δέ με λευγαλέῳ θανάτῳ εἵμαρτο ἁλῶναι ### book 21.282 ἐρχθέντ’ ἐν μεγάλῳ ποταμῷ ὡς παῖδα συφορβόν, ### book 21.283 ὅν ῥά τ’ ἔναυλος ἀποέρσῃ χειμῶνι περῶντα. ### book 21.284 Ὣς φάτο, τῷ δὲ μάλ’ ὦκα Ποσειδάων καὶ Ἀθήνη ### book 21.285 στήτην ἐγγὺς ἰόντε, δέμας δ’ ἄνδρεσσιν ἐΐκτην, ### book 21.286 χειρὶ δὲ χεῖρα λαβόντες ἐπιστώσαντ’ ἐπέεσσι. ### book 21.287 τοῖσι δὲ μύθων ἦρχε Ποσειδάων ἐνοσίχθων· ### book 21.288 Πηλεΐδη μήτ’ ἄρ τι λίην τρέε μήτέ τι τάρβει· ### book 21.289 τοίω γάρ τοι νῶϊ θεῶν ἐπιταρρόθω εἰμὲν ### book 21.290 Ζηνὸς ἐπαινήσαντος ἐγὼ καὶ Παλλὰς Ἀθήνη· ### book 21.291 ὡς οὔ τοι ποταμῷ γε δαμήμεναι αἴσιμόν ἐστιν, ### book 21.292 ἀλλ’ ὅδε μὲν τάχα λωφήσει, σὺ δὲ εἴσεαι αὐτός· ### book 21.293 αὐτάρ τοι πυκινῶς ὑποθησόμεθ’ αἴ κε πίθηαι· ### book 21.294 μὴ πρὶν παύειν χεῖρας ὁμοιΐου πολέμοιο ### book 21.295 πρὶν κατὰ Ἰλιόφι κλυτὰ τείχεα λαὸν ἐέλσαι ### book 21.296 Τρωϊκόν, ὅς κε φύγῃσι· σὺ δ’ Ἕκτορι θυμὸν ἀπούρας ### book 21.297 ἂψ ἐπὶ νῆας ἴμεν· δίδομεν δέ τοι εὖχος ἀρέσθαι. ### book 21.298 Τὼ μὲν ἄρ’ ὣς εἰπόντε μετ’ ἀθανάτους ἀπεβήτην· ### book 21.299 αὐτὰρ ὃ βῆ, μέγα γάρ ῥα θεῶν ὄτρυνεν ἐφετμή, ### book 21.300 ἐς πεδίον· τὸ δὲ πᾶν πλῆθ’ ὕδατος ἐκχυμένοιο, ### book 21.301 πολλὰ δὲ τεύχεα καλὰ δαὶ κταμένων αἰζηῶν ### book 21.302 πλῶον καὶ νέκυες· τοῦ δ’ ὑψόσε γούνατ’ ἐπήδα ### book 21.303 πρὸς ῥόον ἀΐσσοντος ἀν’ ἰθύν, οὐδέ μιν ἴσχεν ### book 21.304 εὐρὺ ῥέων ποταμός· μέγα γὰρ σθένος ἔμβαλ’ Ἀθήνη. ### book 21.305 οὐδὲ Σκάμανδρος ἔληγε τὸ ὃν μένος, ἀλλ’ ἔτι μᾶλλον ### book 21.306 χώετο Πηλεΐωνι, κόρυσσε δὲ κῦμα ῥόοιο ### book 21.307 ὑψός’ ἀειρόμενος, Σιμόεντι δὲ κέκλετ’ ἀΰσας· ### book 21.308 φίλε κασίγνητε σθένος ἀνέρος ἀμφότεροί περ ### book 21.309 σχῶμεν, ἐπεὶ τάχα ἄστυ μέγα Πριάμοιο ἄνακτος ### book 21.310 ἐκπέρσει, Τρῶες δὲ κατὰ μόθον οὐ μενέουσιν. ### book 21.311 ἀλλ’ ἐπάμυνε τάχιστα, καὶ ἐμπίπληθι ῥέεθρα ### book 21.312 ὕδατος ἐκ πηγέων, πάντας δ’ ὀρόθυνον ἐναύλους, ### book 21.313 ἵστη δὲ μέγα κῦμα, πολὺν δ’ ὀρυμαγδὸν ὄρινε ### book 21.314 φιτρῶν καὶ λάων, ἵνα παύσομεν ἄγριον ἄνδρα ### book 21.315 ὃς δὴ νῦν κρατέει, μέμονεν δ’ ὅ γε ἶσα θεοῖσι. ### book 21.316 φημὶ γὰρ οὔτε βίην χραισμησέμεν οὔτέ τι εἶδος ### book 21.317 οὔτε τὰ τεύχεα καλά, τά που μάλα νειόθι λίμνης ### book 21.318 κείσεθ’ ὑπ’ ἰλύος κεκαλυμμένα· κὰδ δέ μιν αὐτὸν ### book 21.319 εἰλύσω ψαμάθοισιν ἅλις χέραδος περιχεύας ### book 21.320 μυρίον, οὐδέ οἱ ὀστέ’ ἐπιστήσονται Ἀχαιοὶ ### book 21.321 ἀλλέξαι· τόσσην οἱ ἄσιν καθύπερθε καλύψω. ### book 21.322 αὐτοῦ οἱ καὶ σῆμα τετεύξεται, οὐδέ τί μιν χρεὼ ### book 21.323 ἔσται τυμβοχόης, ὅτε μιν θάπτωσιν Ἀχαιοί. ### book 21.324 Ἦ, καὶ ἐπῶρτ’ Ἀχιλῆϊ κυκώμενος ὑψόσε θύων ### book 21.325 μορμύρων ἀφρῷ τε καὶ αἵματι καὶ νεκύεσσι. ### book 21.326 πορφύρεον δ’ ἄρα κῦμα διιπετέος ποταμοῖο ### book 21.327 ἵστατ’ ἀειρόμενον, κατὰ δ’ ᾕρεε Πηλεΐωνα· ### book 21.328 Ἥρη δὲ μέγ’ ἄϋσε περιδείσας’ Ἀχιλῆϊ ### book 21.329 μή μιν ἀποέρσειε μέγας ποταμὸς βαθυδίνης, ### book 21.330 αὐτίκα δ’ Ἥφαιστον προσεφώνεεν ὃν φίλον υἱόν· ### book 21.331 ὄρσεο κυλλοπόδιον ἐμὸν τέκος· ἄντα σέθεν γὰρ ### book 21.332 Ξάνθον δινήεντα μάχῃ ἠΐσκομεν εἶναι· ### book 21.333 ἀλλ’ ἐπάμυνε τάχιστα, πιφαύσκεο δὲ φλόγα πολλήν. ### book 21.334 αὐτὰρ ἐγὼ Ζεφύροιο καὶ ἀργεστᾶο Νότοιο ### book 21.335 εἴσομαι ἐξ ἁλόθεν χαλεπὴν ὄρσουσα θύελλαν, ### book 21.336 ἥ κεν ἀπὸ Τρώων κεφαλὰς καὶ τεύχεα κήαι ### book 21.337 φλέγμα κακὸν φορέουσα· σὺ δὲ Ξάνθοιο παρ’ ὄχθας ### book 21.338 δένδρεα καῖ’, ἐν δ’ αὐτὸν ἵει πυρί· μὴ δέ σε πάμπαν ### book 21.339 μειλιχίοις ἐπέεσσιν ἀποτρεπέτω καὶ ἀρειῇ· ### book 21.340 μὴ δὲ πρὶν ἀπόπαυε τεὸν μένος, ἀλλ’ ὁπότ’ ἂν δὴ ### book 21.341 φθέγξομ’ ἐγὼν ἰάχουσα, τότε σχεῖν ἀκάματον πῦρ. ### book 21.342 Ὣς ἔφαθ’, Ἥφαιστος δὲ τιτύσκετο θεσπιδαὲς πῦρ. ### book 21.343 πρῶτα μὲν ἐν πεδίῳ πῦρ δαίετο, καῖε δὲ νεκροὺς ### book 21.344 πολλούς, οἵ ῥα κατ’ αὐτὸν ἅλις ἔσαν, οὓς κτάν’ Ἀχιλλεύς· ### book 21.345 πᾶν δ’ ἐξηράνθη πεδίον, σχέτο δ’ ἀγλαὸν ὕδωρ. ### book 21.346 ὡς δ’ ὅτ’ ὀπωρινὸς Βορέης νεοαρδέ’ ἀλωὴν ### book 21.347 αἶψ’ ἀγξηράνῃ· χαίρει δέ μιν ὅς τις ἐθείρῃ· ### book 21.348 ὣς ἐξηράνθη πεδίον πᾶν, κὰδ δ’ ἄρα νεκροὺς ### book 21.349 κῆεν· ὃ δ’ ἐς ποταμὸν τρέψε φλόγα παμφανόωσαν. ### book 21.350 καίοντο πτελέαι τε καὶ ἰτέαι ἠδὲ μυρῖκαι, ### book 21.351 καίετο δὲ λωτός τε ἰδὲ θρύον ἠδὲ κύπειρον, ### book 21.352 τὰ περὶ καλὰ ῥέεθρα ἅλις ποταμοῖο πεφύκει· ### book 21.353 τείροντ’ ἐγχέλυές τε καὶ ἰχθύες οἳ κατὰ δίνας, ### book 21.354 οἳ κατὰ καλὰ ῥέεθρα κυβίστων ἔνθα καὶ ἔνθα ### book 21.355 πνοιῇ τειρόμενοι πολυμήτιος Ἡφαίστοιο. ### book 21.356 καίετο δ’ ἲς ποταμοῖο ἔπος τ’ ἔφατ’ ἔκ τ’ ὀνόμαζεν· ### book 21.357 Ἥφαιστ’, οὔ τις σοί γε θεῶν δύνατ’ ἀντιφερίζειν, ### book 21.358 οὐδ’ ἂν ἐγὼ σοί γ’ ὧδε πυρὶ φλεγέθοντι μαχοίμην. ### book 21.359 λῆγ’ ἔριδος, Τρῶας δὲ καὶ αὐτίκα δῖος Ἀχιλλεὺς ### book 21.360 ἄστεος ἐξελάσειε· τί μοι ἔριδος καὶ ἀρωγῆς; ### book 21.361 Φῆ πυρὶ καιόμενος, ἀνὰ δ’ ἔφλυε καλὰ ῥέεθρα. ### book 21.362 ὡς δὲ λέβης ζεῖ ἔνδον ἐπειγόμενος πυρὶ πολλῷ ### book 21.363 κνίσην μελδόμενος ἁπαλοτρεφέος σιάλοιο ### book 21.364 πάντοθεν ἀμβολάδην, ὑπὸ δὲ ξύλα κάγκανα κεῖται, ### book 21.365 ὣς τοῦ καλὰ ῥέεθρα πυρὶ φλέγετο, ζέε δ’ ὕδωρ· ### book 21.366 οὐδ’ ἔθελε προρέειν, ἀλλ’ ἴσχετο· τεῖρε δ’ ἀϋτμὴ ### book 21.367 Ἡφαίστοιο βίηφι πολύφρονος. αὐτὰρ ὅ γ’ Ἥρην ### book 21.368 πολλὰ λισσόμενος ἔπεα πτερόεντα προσηύδα· ### book 21.369 Ἥρη τίπτε σὸς υἱὸς ἐμὸν ῥόον ἔχραε κήδειν ### book 21.370 ἐξ ἄλλων; οὐ μέν τοι ἐγὼ τόσον αἴτιός εἰμι ### book 21.371 ὅσσον οἱ ἄλλοι πάντες, ὅσοι Τρώεσσιν ἀρωγοί. ### book 21.372 ἀλλ’ ἤτοι μὲν ἐγὼν ἀποπαύσομαι εἰ σὺ κελεύεις, ### book 21.373 παυέσθω δὲ καὶ οὗτος· ἐγὼ δ’ ἐπὶ καὶ τόδ’ ὀμοῦμαι, ### book 21.374 μή ποτ’ ἐπὶ Τρώεσσιν ἀλεξήσειν κακὸν ἦμαρ, ### book 21.375 μὴ δ’ ὁπότ’ ἂν Τροίη μαλερῷ πυρὶ πᾶσα δάηται ### book 21.376 καιομένη, καίωσι δ’ ἀρήϊοι υἷες Ἀχαιῶν. ### book 21.377 Αὐτὰρ ἐπεὶ τό γ’ ἄκουσε θεὰ λευκώλενος Ἥρη, ### book 21.378 αὐτίκ’ ἄρ’ Ἥφαιστον προσεφώνεεν ὃν φίλον υἱόν· ### book 21.379 Ἥφαιστε σχέο τέκνον ἀγακλεές· οὐ γὰρ ἔοικεν ### book 21.380 ἀθάνατον θεὸν ὧδε βροτῶν ἕνεκα στυφελίζειν. ### book 21.381 Ὣς ἔφαθ’, Ἥφαιστος δὲ κατέσβεσε θεσπιδαὲς πῦρ, ### book 21.382 ἄψορρον δ’ ἄρα κῦμα κατέσσυτο καλὰ ῥέεθρα. ### book 21.383 Αὐτὰρ ἐπεὶ Ξάνθοιο δάμη μένος, οἳ μὲν ἔπειτα ### book 21.384 παυσάσθην, Ἥρη γὰρ ἐρύκακε χωομένη περ· ### book 21.385 ἐν δ’ ἄλλοισι θεοῖσιν ἔρις πέσε βεβριθυῖα ### book 21.386 ἀργαλέη, δίχα δέ σφιν ἐνὶ φρεσὶ θυμὸς ἄητο· ### book 21.387 σὺν δ’ ἔπεσον μεγάλῳ πατάγῳ, βράχε δ’ εὐρεῖα χθών, ### book 21.388 ἀμφὶ δὲ σάλπιγξεν μέγας οὐρανός. ἄϊε δὲ Ζεὺς ### book 21.389 ἥμενος Οὐλύμπῳ· ἐγέλασσε δέ οἱ φίλον ἦτορ ### book 21.390 γηθοσύνῃ, ὅθ’ ὁρᾶτο θεοὺς ἔριδι ξυνιόντας. ### book 21.391 ἔνθ’ οἵ γ’ οὐκέτι δηρὸν ἀφέστασαν· ἦρχε γὰρ Ἄρης ### book 21.392 ῥινοτόρος, καὶ πρῶτος Ἀθηναίῃ ἐπόρουσε ### book 21.393 χάλκεον ἔγχος ἔχων, καὶ ὀνείδειον φάτο μῦθον· ### book 21.394 τίπτ’ αὖτ’ ὦ κυνάμυια θεοὺς ἔριδι ξυνελαύνεις ### book 21.395 θάρσος ἄητον ἔχουσα, μέγας δέ σε θυμὸς ἀνῆκεν; ### book 21.396 ἦ οὐ μέμνῃ ὅτε Τυδεΐδην Διομήδε’ ἀνῆκας ### book 21.397 οὐτάμεναι, αὐτὴ δὲ πανόψιον ἔγχος ἑλοῦσα ### book 21.398 ἰθὺς ἐμεῦ ὦσας, διὰ δὲ χρόα καλὸν ἔδαψας; ### book 21.399 τώ ς’ αὖ νῦν ὀΐω ἀποτισέμεν ὅσσα ἔοργας. ### book 21.400 Ὣς εἰπὼν οὔτησε κατ’ αἰγίδα θυσσανόεσσαν ### book 21.401 σμερδαλέην, ἣν οὐδὲ Διὸς δάμνησι κεραυνός· ### book 21.402 τῇ μιν Ἄρης οὔτησε μιαιφόνος ἔγχεϊ μακρῷ. ### book 21.403 ἣ δ’ ἀναχασσαμένη λίθον εἵλετο χειρὶ παχείῃ ### book 21.404 κείμενον ἐν πεδίῳ μέλανα τρηχύν τε μέγαν τε, ### book 21.405 τόν ῥ’ ἄνδρες πρότεροι θέσαν ἔμμεναι οὖρον ἀρούρης· ### book 21.406 τῷ βάλε θοῦρον Ἄρηα κατ’ αὐχένα, λῦσε δὲ γυῖα. ### book 21.407 ἑπτὰ δ’ ἐπέσχε πέλεθρα πεσών, ἐκόνισε δὲ χαίτας, ### book 21.408 τεύχεά τ’ ἀμφαράβησε· γέλασσε δὲ Παλλὰς Ἀθήνη, ### book 21.409 καί οἱ ἐπευχομένη ἔπεα πτερόεντα προσηύδα· ### book 21.410 νηπύτι’ οὐδέ νύ πώ περ ἐπεφράσω ὅσσον ἀρείων ### book 21.411 εὔχομ’ ἐγὼν ἔμεναι, ὅτι μοι μένος ἰσοφαρίζεις. ### book 21.412 οὕτω κεν τῆς μητρὸς ἐρινύας ἐξαποτίνοις, ### book 21.413 ἥ τοι χωομένη κακὰ μήδεται οὕνεκ’ Ἀχαιοὺς ### book 21.414 κάλλιπες, αὐτὰρ Τρωσὶν ὑπερφιάλοισιν ἀμύνεις. ### book 21.415 Ὣς ἄρα φωνήσασα πάλιν τρέπεν ὄσσε φαεινώ· ### book 21.416 τὸν δ’ ἄγε χειρὸς ἑλοῦσα Διὸς θυγάτηρ Ἀφροδίτη ### book 21.417 πυκνὰ μάλα στενάχοντα· μόγις δ’ ἐσαγείρετο θυμόν. ### book 21.418 τὴν δ’ ὡς οὖν ἐνόησε θεὰ λευκώλενος Ἥρη, ### book 21.419 αὐτίκ’ Ἀθηναίην ἔπεα πτερόεντα προσηύδα· ### book 21.420 ὢ πόποι αἰγιόχοιο Διὸς τέκος Ἀτρυτώνη ### book 21.421 καὶ δ’ αὖθ’ ἡ κυνάμυια ἄγει βροτολοιγὸν Ἄρηα ### book 21.422 δηΐου ἐκ πολέμοιο κατὰ κλόνον· ἀλλὰ μέτελθε. ### book 21.423 Ὣς φάτ’, Ἀθηναίη δὲ μετέσσυτο, χαῖρε δὲ θυμῷ, ### book 21.424 καί ῥ’ ἐπιεισαμένη πρὸς στήθεα χειρὶ παχείῃ ### book 21.425 ἤλασε· τῆς δ’ αὐτοῦ λύτο γούνατα καὶ φίλον ἦτορ. ### book 21.426 τὼ μὲν ἄρ’ ἄμφω κεῖντο ἐπὶ χθονὶ πουλυβοτείρῃ, ### book 21.427 ἣ δ’ ἄρ’ ἐπευχομένη ἔπεα πτερόεντ’ ἀγόρευε· ### book 21.428 τοιοῦτοι νῦν πάντες ὅσοι Τρώεσσιν ἀρωγοὶ ### book 21.429 εἶεν, ὅτ’ Ἀργείοισι μαχοίατο θωρηκτῇσιν, ### book 21.430 ὧδέ τε θαρσαλέοι καὶ τλήμονες, ὡς Ἀφροδίτη ### book 21.431 ἦλθεν Ἄρῃ ἐπίκουρος ἐμῷ μένει ἀντιόωσα· ### book 21.432 τώ κεν δὴ πάλαι ἄμμες ἐπαυσάμεθα πτολέμοιο ### book 21.433 Ἰλίου ἐκπέρσαντες ἐϋκτίμενον πτολίεθρον. ### book 21.434 Ὣς φάτο, μείδησεν δὲ θεὰ λευκώλενος Ἥρη. ### book 21.435 αὐτὰρ Ἀπόλλωνα προσέφη κρείων ἐνοσίχθων· ### book 21.436 Φοῖβε τί ἢ δὴ νῶϊ διέσταμεν; οὐδὲ ἔοικεν ### book 21.437 ἀρξάντων ἑτέρων· τὸ μὲν αἴσχιον αἴ κ’ ἀμαχητὶ ### book 21.438 ἴομεν Οὔλυμπον δὲ Διὸς ποτὶ χαλκοβατὲς δῶ. ### book 21.439 ἄρχε· σὺ γὰρ γενεῆφι νεώτερος· οὐ γὰρ ἔμοιγε ### book 21.440 καλόν, ἐπεὶ πρότερος γενόμην καὶ πλείονα οἶδα. ### book 21.441 νηπύτι’ ὡς ἄνοον κραδίην ἔχες· οὐδέ νυ τῶν περ ### book 21.442 μέμνηαι ὅσα δὴ πάθομεν κακὰ Ἴλιον ἀμφὶ ### book 21.443 μοῦνοι νῶϊ θεῶν, ὅτ’ ἀγήνορι Λαομέδοντι ### book 21.444 πὰρ Διὸς ἐλθόντες θητεύσαμεν εἰς ἐνιαυτὸν ### book 21.445 μισθῷ ἔπι ῥητῷ· ὃ δὲ σημαίνων ἐπέτελλεν. ### book 21.446 ἤτοι ἐγὼ Τρώεσσι πόλιν πέρι τεῖχος ἔδειμα ### book 21.447 εὐρύ τε καὶ μάλα καλόν, ἵν’ ἄρρηκτος πόλις εἴη· ### book 21.448 Φοῖβε σὺ δ’ εἰλίποδας ἕλικας βοῦς βουκολέεσκες ### book 21.449 Ἴδης ἐν κνημοῖσι πολυπτύχου ὑληέσσης. ### book 21.450 ἀλλ’ ὅτε δὴ μισθοῖο τέλος πολυγηθέες ὧραι ### book 21.451 ἐξέφερον, τότε νῶϊ βιήσατο μισθὸν ἅπαντα ### book 21.452 Λαομέδων ἔκπαγλος, ἀπειλήσας δ’ ἀπέπεμπε. ### book 21.453 σὺν μὲν ὅ γ’ ἠπείλησε πόδας καὶ χεῖρας ὕπερθε ### book 21.454 δήσειν, καὶ περάαν νήσων ἔπι τηλεδαπάων· ### book 21.455 στεῦτο δ’ ὅ γ’ ἀμφοτέρων ἀπολεψέμεν οὔατα χαλκῷ. ### book 21.456 νῶϊ δὲ ἄψορροι κίομεν κεκοτηότι θυμῷ ### book 21.457 μισθοῦ χωόμενοι, τὸν ὑποστὰς οὐκ ἐτέλεσσε. ### book 21.458 τοῦ δὴ νῦν λαοῖσι φέρεις χάριν, οὐδὲ μεθ’ ἡμέων ### book 21.459 πειρᾷ ὥς κε Τρῶες ὑπερφίαλοι ἀπόλωνται ### book 21.460 πρόχνυ κακῶς σὺν παισὶ καὶ αἰδοίῃς ἀλόχοισι ### book 21.461 Τὸν δ’ αὖτε προσέειπεν ἄναξ ἑκάεργος Ἀπόλλων· ### book 21.462 ἐννοσίγαι’ οὐκ ἄν με σαόφρονα μυθήσαιο ### book 21.463 ἔμμεναι, εἰ δὴ σοί γε βροτῶν ἕνεκα πτολεμίξω ### book 21.464 δειλῶν, οἳ φύλλοισιν ἐοικότες ἄλλοτε μέν τε ### book 21.465 ζαφλεγέες τελέθουσιν ἀρούρης καρπὸν ἔδοντες, ### book 21.466 ἄλλοτε δὲ φθινύθουσιν ἀκήριοι. ἀλλὰ τάχιστα ### book 21.467 παυώμεσθα μάχης· οἳ δ’ αὐτοὶ δηριαάσθων. ### book 21.468 Ὣς ἄρα φωνήσας πάλιν ἐτράπετ’· αἴδετο γάρ ῥα ### book 21.469 πατροκασιγνήτοιο μιγήμεναι ἐν παλάμῃσι. ### book 21.470 τὸν δὲ κασιγνήτη μάλα νείκεσε πότνια θηρῶν ### book 21.471 Ἄρτεμις ἀγροτέρη, καὶ ὀνείδειον φάτο μῦθον· ### book 21.472 φεύγεις δὴ ἑκάεργε, Ποσειδάωνι δὲ νίκην ### book 21.473 πᾶσαν ἐπέτρεψας, μέλεον δέ οἱ εὖχος ἔδωκας· ### book 21.474 νηπύτιε τί νυ τόξον ἔχεις ἀνεμώλιον αὔτως; ### book 21.475 μή σευ νῦν ἔτι πατρὸς ἐνὶ μεγάροισιν ἀκούσω ### book 21.476 εὐχομένου, ὡς τὸ πρὶν ἐν ἀθανάτοισι θεοῖσιν, ### book 21.477 ἄντα Ποσειδάωνος ἐναντίβιον πολεμίζειν. ### book 21.478 Ὣς φάτο, τὴν δ’ οὔ τι προσέφη ἑκάεργος Ἀπόλλων, ### book 21.479 ἀλλὰ χολωσαμένη Διὸς αἰδοίη παράκοιτις ### book 21.480 νείκεσεν ἰοχέαιραν ὀνειδείοις ἐπέεσσι· ### book 21.481 πῶς δὲ σὺ νῦν μέμονας κύον ἀδεὲς ἀντί’ ἐμεῖο ### book 21.482 στήσεσθαι; χαλεπή τοι ἐγὼ μένος ἀντιφέρεσθαι ### book 21.483 τοξοφόρῳ περ ἐούσῃ, ἐπεὶ σὲ λέοντα γυναιξὶ ### book 21.484 Ζεὺς θῆκεν, καὶ ἔδωκε κατακτάμεν ἥν κ’ ἐθέλῃσθα. ### book 21.485 ἤτοι βέλτερόν ἐστι κατ’ οὔρεα θῆρας ἐναίρειν ### book 21.486 ἀγροτέρας τ’ ἐλάφους ἢ κρείσσοσιν ἶφι μάχεσθαι. ### book 21.487 εἰ δ’ ἐθέλεις πολέμοιο δαήμεναι, ὄφρ’ ἐῢ εἰδῇς ### book 21.488 ὅσσον φερτέρη εἴμ’, ὅτι μοι μένος ἀντιφερίζεις. ### book 21.489 Ἦ ῥα, καὶ ἀμφοτέρας ἐπὶ καρπῷ χεῖρας ἔμαρπτε ### book 21.490 σκαιῇ, δεξιτερῇ δ’ ἄρ’ ἀπ’ ὤμων αἴνυτο τόξα, ### book 21.491 αὐτοῖσιν δ’ ἄρ’ ἔθεινε παρ’ οὔατα μειδιόωσα ### book 21.492 ἐντροπαλιζομένην· ταχέες δ’ ἔκπιπτον ὀϊστοί. ### book 21.493 δακρυόεσσα δ’ ὕπαιθα θεὰ φύγεν ὥς τε πέλεια, ### book 21.494 ἥ ῥά θ’ ὑπ’ ἴρηκος κοίλην εἰσέπτατο πέτρην ### book 21.495 χηραμόν· οὐδ’ ἄρα τῇ γε ἁλώμεναι αἴσιμον ἦεν· ### book 21.496 ὣς ἣ δακρυόεσσα φύγεν, λίπε δ’ αὐτόθι τόξα. ### book 21.497 Λητὼ δὲ προσέειπε διάκτορος Ἀργειφόντης· ### book 21.498 Λητοῖ ἐγὼ δέ τοι οὔ τι μαχήσομαι· ἀργαλέον δὲ ### book 21.499 πληκτίζεσθ’ ἀλόχοισι Διὸς νεφεληγερέταο· ### book 21.500 ἀλλὰ μάλα πρόφρασσα μετ’ ἀθανάτοισι θεοῖσιν ### book 21.501 εὔχεσθαι ἐμὲ νικῆσαι κρατερῆφι βίηφιν. ### book 21.502 Ὣς ἄρ’ ἔφη, Λητὼ δὲ συναίνυτο καμπύλα τόξα ### book 21.503 πεπτεῶτ’ ἄλλυδις ἄλλα μετὰ στροφάλιγγι κονίης. ### book 21.504 ἣ μὲν τόξα λαβοῦσα πάλιν κίε θυγατέρος ἧς· ### book 21.505 ἣ δ’ ἄρ’ Ὄλυμπον ἵκανε Διὸς ποτὶ χαλκοβατὲς δῶ, ### book 21.506 δακρυόεσσα δὲ πατρὸς ἐφέζετο γούνασι κούρη, ### book 21.507 ἀμφὶ δ’ ἄρ’ ἀμβρόσιος ἑανὸς τρέμε· τὴν δὲ προτὶ οἷ ### book 21.508 εἷλε πατὴρ Κρονίδης, καὶ ἀνείρετο ἡδὺ γελάσσας· ### book 21.509 τίς νύ σε τοιάδ’ ἔρεξε φίλον τέκος Οὐρανιώνων ### book 21.510 μαψιδίως, ὡς εἴ τι κακὸν ῥέζουσαν ἐνωπῇ; ### book 21.511 Τὸν δ’ αὖτε προσέειπεν ἐϋστέφανος κελαδεινή· ### book 21.512 σή μ’ ἄλοχος στυφέλιξε πάτερ λευκώλενος Ἥρη, ### book 21.513 ἐξ ἧς ἀθανάτοισιν ἔρις καὶ νεῖκος ἐφῆπται. ### book 21.514 Ὣς οἳ μὲν τοιαῦτα πρὸς ἀλλήλους ἀγόρευον· ### book 21.515 αὐτὰρ Ἀπόλλων Φοῖβος ἐδύσετο Ἴλιον ἱρήν· ### book 21.516 μέμβλετο γάρ οἱ τεῖχος ἐϋδμήτοιο πόληος ### book 21.517 μὴ Δαναοὶ πέρσειαν ὑπὲρ μόρον ἤματι κείνῳ. ### book 21.518 οἳ δ’ ἄλλοι πρὸς Ὄλυμπον ἴσαν θεοὶ αἰὲν ἐόντες, ### book 21.519 οἳ μὲν χωόμενοι, οἳ δὲ μέγα κυδιόωντες· ### book 21.520 κὰδ δ’ ἷζον παρὰ πατρὶ κελαινεφεῖ· αὐτὰρ Ἀχιλλεὺς ### book 21.521 Τρῶας ὁμῶς αὐτούς τ’ ὄλεκεν καὶ μώνυχας ἵππους. ### book 21.522 ὡς δ’ ὅτε καπνὸς ἰὼν εἰς οὐρανὸν εὐρὺν ἵκηται ### book 21.523 ἄστεος αἰθομένοιο, θεῶν δέ ἑ μῆνις ἀνῆκε, ### book 21.524 πᾶσι δ’ ἔθηκε πόνον, πολλοῖσι δὲ κήδε’ ἐφῆκεν, ### book 21.525 ὣς Ἀχιλεὺς Τρώεσσι πόνον καὶ κήδε’ ἔθηκεν. ### book 21.526 Ἑστήκει δ’ ὃ γέρων Πρίαμος θείου ἐπὶ πύργου, ### book 21.527 ἐς δ’ ἐνόης’ Ἀχιλῆα πελώριον· αὐτὰρ ὑπ’ αὐτοῦ ### book 21.528 Τρῶες ἄφαρ κλονέοντο πεφυζότες, οὐδέ τις ἀλκὴ ### book 21.529 γίγνεθ’· ὃ δ’ οἰμώξας ἀπὸ πύργου βαῖνε χαμᾶζε ### book 21.530 ὀτρύνων παρὰ τεῖχος ἀγακλειτοὺς πυλαωρούς· ### book 21.531 πεπταμένας ἐν χερσὶ πύλας ἔχετ’ εἰς ὅ κε λαοὶ ### book 21.532 ἔλθωσι προτὶ ἄστυ πεφυζότες· ἦ γὰρ Ἀχιλλεὺς ### book 21.533 ἐγγὺς ὅδε κλονέων· νῦν οἴω λοίγι’ ἔσεσθαι. ### book 21.534 αὐτὰρ ἐπεί κ’ ἐς τεῖχος ἀναπνεύσωσιν ἀλέντες, ### book 21.535 αὖτις ἐπανθέμεναι σανίδας πυκινῶς ἀραρυίας· ### book 21.536 δείδια γὰρ μὴ οὖλος ἀνὴρ ἐς τεῖχος ἅληται. ### book 21.537 Ὣς ἔφαθ’, οἳ δ’ ἄνεσάν τε πύλας καὶ ἀπῶσαν ὀχῆας· ### book 21.538 αἳ δὲ πετασθεῖσαι τεῦξαν φάος· αὐτὰρ Ἀπόλλων ### book 21.539 ἀντίος ἐξέθορε Τρώων ἵνα λοιγὸν ἀλάλκοι. ### book 21.540 οἳ δ’ ἰθὺς πόλιος καὶ τείχεος ὑψηλοῖο ### book 21.541 δίψῃ καρχαλέοι κεκονιμένοι ἐκ πεδίοιο ### book 21.542 φεῦγον· ὃ δὲ σφεδανὸν ἔφεπ’ ἔγχεϊ, λύσσα δέ οἱ κῆρ ### book 21.543 αἰὲν ἔχε κρατερή, μενέαινε δὲ κῦδος ἀρέσθαι. ### book 21.544 Ἔνθά κεν ὑψίπυλον Τροίην ἕλον υἷες Ἀχαιῶν, ### book 21.545 εἰ μὴ Ἀπόλλων Φοῖβος Ἀγήνορα δῖον ἀνῆκε ### book 21.546 φῶτ’ Ἀντήνορος υἱὸν ἀμύμονά τε κρατερόν τε. ### book 21.547 ἐν μέν οἱ κραδίῃ θάρσος βάλε, πὰρ δέ οἱ αὐτὸς ### book 21.548 ἔστη, ὅπως θανάτοιο βαρείας χεῖρας ἀλάλκοι ### book 21.549 φηγῷ κεκλιμένος· κεκάλυπτο δ’ ἄρ’ ἠέρι πολλῇ. ### book 21.550 αὐτὰρ ὅ γ’ ὡς ἐνόησεν Ἀχιλλῆα πτολίπορθον ### book 21.551 ἔστη, πολλὰ δέ οἱ κραδίη πόρφυρε μένοντι· ### book 21.552 ὀχθήσας δ’ ἄρα εἶπε πρὸς ὃν μεγαλήτορα θυμόν· ### book 21.553 ὤ μοι ἐγών· εἰ μέν κεν ὑπὸ κρατεροῦ Ἀχιλῆος ### book 21.554 φεύγω, τῇ περ οἱ ἄλλοι ἀτυζόμενοι κλονέονται, ### book 21.555 αἱρήσει με καὶ ὧς, καὶ ἀνάλκιδα δειροτομήσει. ### book 21.556 εἰ δ’ ἂν ἐγὼ τούτους μὲν ὑποκλονέεσθαι ἐάσω ### book 21.557 Πηλεΐδῃ Ἀχιλῆϊ, ποσὶν δ’ ἀπὸ τείχεος ἄλλῃ ### book 21.558 φεύγω πρὸς πεδίον Ἰλήϊον, ὄφρ’ ἂν ἵκωμαι ### book 21.559 Ἴδης τε κνημοὺς κατά τε ῥωπήϊα δύω· ### book 21.560 ἑσπέριος δ’ ἂν ἔπειτα λοεσσάμενος ποταμοῖο ### book 21.561 ἱδρῶ ἀποψυχθεὶς προτὶ Ἴλιον ἀπονεοίμην· ### book 21.562 ἀλλὰ τί ἤ μοι ταῦτα φίλος διελέξατο θυμός; ### book 21.563 μή μ’ ἀπαειρόμενον πόλιος πεδίον δὲ νοήσῃ ### book 21.564 καί με μεταΐξας μάρψῃ ταχέεσσι πόδεσσιν. ### book 21.565 οὐκέτ’ ἔπειτ’ ἔσται θάνατον καὶ κῆρας ἀλύξαι· ### book 21.566 λίην γὰρ κρατερὸς περὶ πάντων ἔστ’ ἀνθρώπων. ### book 21.567 εἰ δέ κέ οἱ προπάροιθε πόλεος κατεναντίον ἔλθω· ### book 21.568 καὶ γάρ θην τούτῳ τρωτὸς χρὼς ὀξέϊ χαλκῷ, ### book 21.569 ἐν δὲ ἴα ψυχή, θνητὸν δέ ἕ φας’ ἄνθρωποι ### book 21.570 ἔμμεναι· αὐτάρ οἱ Κρονίδης Ζεὺς κῦδος ὀπάζει. ### book 21.571 Ὣς εἰπὼν Ἀχιλῆα ἀλεὶς μένεν, ἐν δέ οἱ ἦτορ ### book 21.572 ἄλκιμον ὁρμᾶτο πτολεμίζειν ἠδὲ μάχεσθαι. ### book 21.573 ἠΰτε πάρδαλις εἶσι βαθείης ἐκ ξυλόχοιο ### book 21.574 ἀνδρὸς θηρητῆρος ἐναντίον, οὐδέ τι θυμῷ ### book 21.575 ταρβεῖ οὐδὲ φοβεῖται, ἐπεί κεν ὑλαγμὸν ἀκούσῃ· ### book 21.576 εἴ περ γὰρ φθάμενός μιν ἢ οὐτάσῃ ἠὲ βάλῃσιν, ### book 21.577 ἀλλά τε καὶ περὶ δουρὶ πεπαρμένη οὐκ ἀπολήγει ### book 21.578 ἀλκῆς, πρίν γ’ ἠὲ ξυμβλήμεναι ἠὲ δαμῆναι· ### book 21.579 ὣς Ἀντήνορος υἱὸς ἀγαυοῦ δῖος Ἀγήνωρ ### book 21.580 οὐκ ἔθελεν φεύγειν, πρὶν πειρήσαιτ’ Ἀχιλῆος. ### book 21.581 ἀλλ’ ὅ γ’ ἄρ’ ἀσπίδα μὲν πρόσθ’ ἔσχετο πάντος’ ἐΐσην, ### book 21.582 ἐγχείῃ δ’ αὐτοῖο τιτύσκετο, καὶ μέγ’ ἀΰτει· ### book 21.583 ἦ δή που μάλ’ ἔολπας ἐνὶ φρεσὶ φαίδιμ’ Ἀχιλλεῦ ### book 21.584 ἤματι τῷδε πόλιν πέρσειν Τρώων ἀγερώχων ### book 21.585 νηπύτι’· ἦ τ’ ἔτι πολλὰ τετεύξεται ἄλγε’ ἐπ’ αὐτῇ. ### book 21.586 ἐν γάρ οἱ πολέες τε καὶ ἄλκιμοι ἀνέρες εἰμέν, ### book 21.587 οἳ καὶ πρόσθε φίλων τοκέων ἀλόχων τε καὶ υἱῶν ### book 21.588 Ἴλιον εἰρυόμεσθα· σὺ δ’ ἐνθάδε πότμον ἐφέψεις ### book 21.589 ὧδ’ ἔκπαγλος ἐὼν καὶ θαρσαλέος πολεμιστής. ### book 21.590 Ἦ ῥα, καὶ ὀξὺν ἄκοντα βαρείης χειρὸς ἀφῆκε, ### book 21.591 καί ῥ’ ἔβαλε κνήμην ὑπὸ γούνατος οὐδ’ ἀφάμαρτεν. ### book 21.592 ἀμφὶ δέ οἱ κνημὶς νεοτεύκτου κασσιτέροιο ### book 21.593 σμερδαλέον κονάβησε· πάλιν δ’ ἀπὸ χαλκὸς ὄρουσε ### book 21.594 βλημένου, οὐδ’ ἐπέρησε, θεοῦ δ’ ἠρύκακε δῶρα. ### book 21.595 Πηλεΐδης δ’ ὁρμήσατ’ Ἀγήνορος ἀντιθέοιο ### book 21.596 δεύτερος· οὐδ’ ἔτ’ ἔασεν Ἀπόλλων κῦδος ἀρέσθαι, ### book 21.597 ἀλλά μιν ἐξήρπαξε, κάλυψε δ’ ἄρ’ ἠέρι πολλῇ, ### book 21.598 ἡσύχιον δ’ ἄρα μιν πολέμου ἔκπεμπε νέεσθαι. ### book 21.599 αὐτὰρ ὃ Πηλεΐωνα δόλῳ ἀποέργαθε λαοῦ· ### book 21.600 αὐτῷ γὰρ ἑκάεργος Ἀγήνορι πάντα ἐοικὼς ### book 21.601 ἔστη πρόσθε ποδῶν, ὃ δ’ ἐπέσσυτο ποσσὶ διώκειν· ### book 21.602 εἷος ὃ τὸν πεδίοιο διώκετο πυροφόροιο ### book 21.603 τρέψας πὰρ ποταμὸν βαθυδινήεντα Σκάμανδρον ### book 21.604 τυτθὸν ὑπεκπροθέοντα· δόλῳ δ’ ἄρ’ ἔθελγεν Ἀπόλλων ### book 21.605 ὡς αἰεὶ ἔλποιτο κιχήσεσθαι ποσὶν οἷσι· ### book 21.606 τόφρ’ ἄλλοι Τρῶες πεφοβημένοι ἦλθον ὁμίλῳ ### book 21.607 ἀσπάσιοι προτὶ ἄστυ, πόλις δ’ ἔμπλητο ἀλέντων. ### book 21.608 οὐδ’ ἄρα τοί γ’ ἔτλαν πόλιος καὶ τείχεος ἐκτὸς ### book 21.609 μεῖναι ἔτ’ ἀλλήλους, καὶ γνώμεναι ὅς τε πεφεύγοι ### book 21.610 ὅς τ’ ἔθαν’ ἐν πολέμῳ· ἀλλ’ ἐσσυμένως ἐσέχυντο ### book 21.611 ἐς πόλιν, ὅν τινα τῶν γε πόδες καὶ γοῦνα σαώσαι. ### book 22.1 Ὣς οἳ μὲν κατὰ ἄστυ πεφυζότες ἠΰτε νεβροὶ ### book 22.2 ἱδρῶ ἀπεψύχοντο πίον τ’ ἀκέοντό τε δίψαν ### book 22.3 κεκλιμένοι καλῇσιν ἐπάλξεσιν· αὐτὰρ Ἀχαιοὶ ### book 22.4 τείχεος ἆσσον ἴσαν σάκε’ ὤμοισι κλίναντες. ### book 22.5 Ἕκτορα δ’ αὐτοῦ μεῖναι ὀλοιὴ μοῖρα πέδησεν ### book 22.6 Ἰλίου προπάροιθε πυλάων τε Σκαιάων. ### book 22.7 αὐτὰρ Πηλείωνα προσηύδα Φοῖβος Ἀπόλλων· ### book 22.8 τίπτέ με Πηλέος υἱὲ ποσὶν ταχέεσσι διώκεις ### book 22.9 αὐτὸς θνητὸς ἐὼν θεὸν ἄμβροτον; οὐδέ νύ πώ με ### book 22.10 ἔγνως ὡς θεός εἰμι, σὺ δ’ ἀσπερχὲς μενεαίνεις. ### book 22.11 ἦ νύ τοι οὔ τι μέλει Τρώων πόνος, οὓς ἐφόβησας, ### book 22.12 οἳ δή τοι εἰς ἄστυ ἄλεν, σὺ δὲ δεῦρο λιάσθης. ### book 22.13 οὐ μέν με κτενέεις, ἐπεὶ οὔ τοι μόρσιμός εἰμι. ### book 22.14 Τὸν δὲ μέγ’ ὀχθήσας προσέφη πόδας ὠκὺς Ἀχιλλεύς· ### book 22.15 ἔβλαψάς μ’ ἑκάεργε θεῶν ὀλοώτατε πάντων ### book 22.16 ἐνθάδε νῦν τρέψας ἀπὸ τείχεος· ἦ κ’ ἔτι πολλοὶ ### book 22.17 γαῖαν ὀδὰξ εἷλον πρὶν Ἴλιον εἰσαφικέσθαι. ### book 22.18 νῦν δ’ ἐμὲ μὲν μέγα κῦδος ἀφείλεο, τοὺς δὲ σάωσας ### book 22.19 ῥηϊδίως, ἐπεὶ οὔ τι τίσιν γ’ ἔδεισας ὀπίσσω. ### book 22.20 ἦ ς’ ἂν τισαίμην, εἴ μοι δύναμίς γε παρείη. ### book 22.21 Ὣς εἰπὼν προτὶ ἄστυ μέγα φρονέων ἐβεβήκει, ### book 22.22 σευάμενος ὥς θ’ ἵππος ἀεθλοφόρος σὺν ὄχεσφιν, ### book 22.23 ὅς ῥά τε ῥεῖα θέῃσι τιταινόμενος πεδίοιο· ### book 22.24 ὣς Ἀχιλεὺς λαιψηρὰ πόδας καὶ γούνατ’ ἐνώμα. ### book 22.25 Τὸν δ’ ὃ γέρων Πρίαμος πρῶτος ἴδεν ὀφθαλμοῖσι ### book 22.26 παμφαίνονθ’ ὥς τ’ ἀστέρ’ ἐπεσσύμενον πεδίοιο, ### book 22.27 ὅς ῥά τ’ ὀπώρης εἶσιν, ἀρίζηλοι δέ οἱ αὐγαὶ ### book 22.28 φαίνονται πολλοῖσι μετ’ ἀστράσι νυκτὸς ἀμολγῷ, ### book 22.29 ὅν τε κύν’ Ὠρίωνος ἐπίκλησιν καλέουσι. ### book 22.30 λαμπρότατος μὲν ὅ γ’ ἐστί, κακὸν δέ τε σῆμα τέτυκται, ### book 22.31 καί τε φέρει πολλὸν πυρετὸν δειλοῖσι βροτοῖσιν· ### book 22.32 ὣς τοῦ χαλκὸς ἔλαμπε περὶ στήθεσσι θέοντος. ### book 22.33 ᾤμωξεν δ’ ὃ γέρων, κεφαλὴν δ’ ὅ γε κόψατο χερσὶν ### book 22.34 ὑψός’ ἀνασχόμενος, μέγα δ’ οἰμώξας ἐγεγώνει ### book 22.35 λισσόμενος φίλον υἱόν· ὃ δὲ προπάροιθε πυλάων ### book 22.36 ἑστήκει ἄμοτον μεμαὼς Ἀχιλῆϊ μάχεσθαι· ### book 22.37 τὸν δ’ ὃ γέρων ἐλεεινὰ προσηύδα χεῖρας ὀρεγνύς· ### book 22.38 Ἕκτορ μή μοι μίμνε φίλον τέκος ἀνέρα τοῦτον ### book 22.39 οἶος ἄνευθ’ ἄλλων, ἵνα μὴ τάχα πότμον ἐπίσπῃς ### book 22.40 Πηλεΐωνι δαμείς, ἐπεὶ ἦ πολὺ φέρτερός ἐστι ### book 22.41 σχέτλιος· αἴθε θεοῖσι φίλος τοσσόνδε γένοιτο ### book 22.42 ὅσσον ἐμοί· τάχα κέν ἑ κύνες καὶ γῦπες ἔδοιεν ### book 22.43 κείμενον· ἦ κέ μοι αἰνὸν ἀπὸ πραπίδων ἄχος ἔλθοι· ### book 22.44 ὅς μ’ υἱῶν πολλῶν τε καὶ ἐσθλῶν εὖνιν ἔθηκε ### book 22.45 κτείνων καὶ περνὰς νήσων ἔπι τηλεδαπάων. ### book 22.46 καὶ γὰρ νῦν δύο παῖδε Λυκάονα καὶ Πολύδωρον ### book 22.47 οὐ δύναμαι ἰδέειν Τρώων εἰς ἄστυ ἀλέντων, ### book 22.48 τούς μοι Λαοθόη τέκετο κρείουσα γυναικῶν. ### book 22.49 ἀλλ’ εἰ μὲν ζώουσι μετὰ στρατῷ, ἦ τ’ ἂν ἔπειτα ### book 22.50 χαλκοῦ τε χρυσοῦ τ’ ἀπολυσόμεθ’, ἔστι γὰρ ἔνδον· ### book 22.51 πολλὰ γὰρ ὤπασε παιδὶ γέρων ὀνομάκλυτος Ἄλτης. ### book 22.52 εἰ δ’ ἤδη τεθνᾶσι καὶ εἰν Ἀΐδαο δόμοισιν, ### book 22.53 ἄλγος ἐμῷ θυμῷ καὶ μητέρι τοὶ τεκόμεσθα· ### book 22.54 λαοῖσιν δ’ ἄλλοισι μινυνθαδιώτερον ἄλγος ### book 22.55 ἔσσεται, ἢν μὴ καὶ σὺ θάνῃς Ἀχιλῆϊ δαμασθείς. ### book 22.56 ἀλλ’ εἰσέρχεο τεῖχος ἐμὸν τέκος, ὄφρα σαώσῃς ### book 22.57 Τρῶας καὶ Τρῳάς, μὴ δὲ μέγα κῦδος ὀρέξῃς ### book 22.58 Πηλεΐδῃ, αὐτὸς δὲ φίλης αἰῶνος ἀμερθῇς. ### book 22.59 πρὸς δ’ ἐμὲ τὸν δύστηνον ἔτι φρονέοντ’ ἐλέησον ### book 22.60 δύσμορον, ὅν ῥα πατὴρ Κρονίδης ἐπὶ γήραος οὐδῷ ### book 22.61 αἴσῃ ἐν ἀργαλέῃ φθίσει κακὰ πόλλ’ ἐπιδόντα ### book 22.62 υἷάς τ’ ὀλλυμένους ἑλκηθείσας τε θύγατρας, ### book 22.63 καὶ θαλάμους κεραϊζομένους, καὶ νήπια τέκνα ### book 22.64 βαλλόμενα προτὶ γαίῃ ἐν αἰνῇ δηϊοτῆτι, ### book 22.65 ἑλκομένας τε νυοὺς ὀλοῇς ὑπὸ χερσὶν Ἀχαιῶν. ### book 22.66 αὐτὸν δ’ ἂν πύματόν με κύνες πρώτῃσι θύρῃσιν ### book 22.67 ὠμησταὶ ἐρύουσιν, ἐπεί κέ τις ὀξέϊ χαλκῷ ### book 22.68 τύψας ἠὲ βαλὼν ῥεθέων ἐκ θυμὸν ἕληται, ### book 22.69 οὓς τρέφον ἐν μεγάροισι τραπεζῆας θυραωρούς, ### book 22.70 οἵ κ’ ἐμὸν αἷμα πιόντες ἀλύσσοντες περὶ θυμῷ ### book 22.71 κείσοντ’ ἐν προθύροισι. νέῳ δέ τε πάντ’ ἐπέοικεν ### book 22.72 ἄρηϊ κταμένῳ δεδαϊγμένῳ ὀξέϊ χαλκῷ ### book 22.73 κεῖσθαι· πάντα δὲ καλὰ θανόντι περ ὅττι φανήῃ· ### book 22.74 ἀλλ’ ὅτε δὴ πολιόν τε κάρη πολιόν τε γένειον ### book 22.75 αἰδῶ τ’ αἰσχύνωσι κύνες κταμένοιο γέροντος, ### book 22.76 τοῦτο δὴ οἴκτιστον πέλεται δειλοῖσι βροτοῖσιν. ### book 22.77 Ἦ ῥ’ ὃ γέρων, πολιὰς δ’ ἄρ’ ἀνὰ τρίχας ἕλκετο χερσὶ ### book 22.78 τίλλων ἐκ κεφαλῆς· οὐδ’ Ἕκτορι θυμὸν ἔπειθε. ### book 22.79 μήτηρ δ’ αὖθ’ ἑτέρωθεν ὀδύρετο δάκρυ χέουσα ### book 22.80 κόλπον ἀνιεμένη, ἑτέρηφι δὲ μαζὸν ἀνέσχε· ### book 22.81 καί μιν δάκρυ χέους’ ἔπεα πτερόεντα προσηύδα· ### book 22.82 Ἕκτορ τέκνον ἐμὸν τάδε τ’ αἴδεο καί μ’ ἐλέησον ### book 22.83 αὐτήν, εἴ ποτέ τοι λαθικηδέα μαζὸν ἐπέσχον· ### book 22.84 τῶν μνῆσαι φίλε τέκνον ἄμυνε δὲ δήϊον ἄνδρα ### book 22.85 τείχεος ἐντὸς ἐών, μὴ δὲ πρόμος ἵστασο τούτῳ ### book 22.86 σχέτλιος· εἴ περ γάρ σε κατακτάνῃ, οὔ ς’ ἔτ’ ἔγωγε ### book 22.87 κλαύσομαι ἐν λεχέεσσι φίλον θάλος, ὃν τέκον αὐτή, ### book 22.88 οὐδ’ ἄλοχος πολύδωρος· ἄνευθε δέ σε μέγα νῶϊν ### book 22.89 Ἀργείων παρὰ νηυσὶ κύνες ταχέες κατέδονται. ### book 22.90 Ὣς τώ γε κλαίοντε προσαυδήτην φίλον υἱὸν ### book 22.91 πολλὰ λισσομένω· οὐδ’ Ἕκτορι θυμὸν ἔπειθον, ### book 22.92 ἀλλ’ ὅ γε μίμν’ Ἀχιλῆα πελώριον ἆσσον ἰόντα. ### book 22.93 ὡς δὲ δράκων ἐπὶ χειῇ ὀρέστερος ἄνδρα μένῃσι ### book 22.94 βεβρωκὼς κακὰ φάρμακ’, ἔδυ δέ τέ μιν χόλος αἰνός, ### book 22.95 σμερδαλέον δὲ δέδορκεν ἑλισσόμενος περὶ χειῇ· ### book 22.96 ὣς Ἕκτωρ ἄσβεστον ἔχων μένος οὐχ ὑπεχώρει ### book 22.97 πύργῳ ἔπι προὔχοντι φαεινὴν ἀσπίδ’ ἐρείσας· ### book 22.98 ὀχθήσας δ’ ἄρα εἶπε πρὸς ὃν μεγαλήτορα θυμόν· ### book 22.99 ὤ μοι ἐγών, εἰ μέν κε πύλας καὶ τείχεα δύω, ### book 22.100 Πουλυδάμας μοι πρῶτος ἐλεγχείην ἀναθήσει, ### book 22.101 ὅς μ’ ἐκέλευε Τρωσὶ ποτὶ πτόλιν ἡγήσασθαι ### book 22.102 νύχθ’ ὕπο τήνδ’ ὀλοὴν ὅτε τ’ ὤρετο δῖος Ἀχιλλεύς. ### book 22.103 ἀλλ’ ἐγὼ οὐ πιθόμην· ἦ τ’ ἂν πολὺ κέρδιον ἦεν. ### book 22.104 νῦν δ’ ἐπεὶ ὤλεσα λαὸν ἀτασθαλίῃσιν ἐμῇσιν, ### book 22.105 αἰδέομαι Τρῶας καὶ Τρῳάδας ἑλκεσιπέπλους, ### book 22.106 μή ποτέ τις εἴπῃσι κακώτερος ἄλλος ἐμεῖο· ### book 22.107 Ἕκτωρ ἧφι βίηφι πιθήσας ὤλεσε λαόν. ### book 22.108 ὣς ἐρέουσιν· ἐμοὶ δὲ τότ’ ἂν πολὺ κέρδιον εἴη ### book 22.109 ἄντην ἢ Ἀχιλῆα κατακτείναντα νέεσθαι, ### book 22.110 ἠέ κεν αὐτῷ ὀλέσθαι ἐϋκλειῶς πρὸ πόληος. ### book 22.111 εἰ δέ κεν ἀσπίδα μὲν καταθείομαι ὀμφαλόεσσαν ### book 22.112 καὶ κόρυθα βριαρήν, δόρυ δὲ πρὸς τεῖχος ἐρείσας ### book 22.113 αὐτὸς ἰὼν Ἀχιλῆος ἀμύμονος ἀντίος ἔλθω ### book 22.114 καί οἱ ὑπόσχωμαι Ἑλένην καὶ κτήμαθ’ ἅμ’ αὐτῇ, ### book 22.115 πάντα μάλ’ ὅσσά τ’ Ἀλέξανδρος κοίλῃς ἐνὶ νηυσὶν ### book 22.116 ἠγάγετο Τροίηνδ’, ἥ τ’ ἔπλετο νείκεος ἀρχή, ### book 22.117 δωσέμεν Ἀτρεΐδῃσιν ἄγειν, ἅμα δ’ ἀμφὶς Ἀχαιοῖς ### book 22.118 ἄλλ’ ἀποδάσσεσθαι ὅσα τε πτόλις ἧδε κέκευθε· ### book 22.119 Τρωσὶν δ’ αὖ μετόπισθε γερούσιον ὅρκον ἕλωμαι ### book 22.120 μή τι κατακρύψειν, ἀλλ’ ἄνδιχα πάντα δάσασθαι ### book 22.121 κτῆσιν ὅσην πτολίεθρον ἐπήρατον ἐντὸς ἐέργει· ### book 22.122 ἀλλὰ τί ἤ μοι ταῦτα φίλος διελέξατο θυμός; ### book 22.123 μή μιν ἐγὼ μὲν ἵκωμαι ἰών, ὃ δέ μ’ οὐκ ἐλεήσει ### book 22.124 οὐδέ τί μ’ αἰδέσεται, κτενέει δέ με γυμνὸν ἐόντα ### book 22.125 αὔτως ὥς τε γυναῖκα, ἐπεί κ’ ἀπὸ τεύχεα δύω. ### book 22.126 οὐ μέν πως νῦν ἔστιν ἀπὸ δρυὸς οὐδ’ ἀπὸ πέτρης ### book 22.127 τῷ ὀαριζέμεναι, ἅ τε παρθένος ἠΐθεός τε ### book 22.128 παρθένος ἠΐθεός τ’ ὀαρίζετον ἀλλήλοιιν. ### book 22.129 βέλτερον αὖτ’ ἔριδι ξυνελαυνέμεν ὅττι τάχιστα· ### book 22.130 εἴδομεν ὁπποτέρῳ κεν Ὀλύμπιος εὖχος ὀρέξῃ. ### book 22.131 Ὣς ὅρμαινε μένων, ὃ δέ οἱ σχεδὸν ἦλθεν Ἀχιλλεὺς ### book 22.132 ἶσος Ἐνυαλίῳ κορυθάϊκι πτολεμιστῇ ### book 22.133 σείων Πηλιάδα μελίην κατὰ δεξιὸν ὦμον ### book 22.134 δεινήν· ἀμφὶ δὲ χαλκὸς ἐλάμπετο εἴκελος αὐγῇ ### book 22.135 ἢ πυρὸς αἰθομένου ἢ ἠελίου ἀνιόντος. ### book 22.136 Ἕκτορα δ’, ὡς ἐνόησεν, ἕλε τρόμος· οὐδ’ ἄρ’ ἔτ’ ἔτλη ### book 22.137 αὖθι μένειν, ὀπίσω δὲ πύλας λίπε, βῆ δὲ φοβηθείς· ### book 22.138 Πηλεΐδης δ’ ἐπόρουσε ποσὶ κραιπνοῖσι πεποιθώς. ### book 22.139 ἠΰτε κίρκος ὄρεσφιν ἐλαφρότατος πετεηνῶν ### book 22.140 ῥηϊδίως οἴμησε μετὰ τρήρωνα πέλειαν, ### book 22.141 ἣ δέ θ’ ὕπαιθα φοβεῖται, ὃ δ’ ἐγγύθεν ὀξὺ λεληκὼς ### book 22.142 ταρφέ’ ἐπαΐσσει, ἑλέειν τέ ἑ θυμὸς ἀνώγει· ### book 22.143 ὣς ἄρ’ ὅ γ’ ἐμμεμαὼς ἰθὺς πέτετο, τρέσε δ’ Ἕκτωρ ### book 22.144 τεῖχος ὕπο Τρώων, λαιψηρὰ δὲ γούνατ’ ἐνώμα. ### book 22.145 οἳ δὲ παρὰ σκοπιὴν καὶ ἐρινεὸν ἠνεμόεντα ### book 22.146 τείχεος αἰὲν ὑπ’ ἐκ κατ’ ἀμαξιτὸν ἐσσεύοντο, ### book 22.147 κρουνὼ δ’ ἵκανον καλλιρρόω· ἔνθα δὲ πηγαὶ ### book 22.148 δοιαὶ ἀναΐσσουσι Σκαμάνδρου δινήεντος. ### book 22.149 ἣ μὲν γάρ θ’ ὕδατι λιαρῷ ῥέει, ἀμφὶ δὲ καπνὸς ### book 22.150 γίγνεται ἐξ αὐτῆς ὡς εἰ πυρὸς αἰθομένοιο· ### book 22.151 ἣ δ’ ἑτέρη θέρεϊ προρέει ἐϊκυῖα χαλάζῃ, ### book 22.152 ἢ χιόνι ψυχρῇ ἢ ἐξ ὕδατος κρυστάλλῳ. ### book 22.153 ἔνθα δ’ ἐπ’ αὐτάων πλυνοὶ εὐρέες ἐγγὺς ἔασι ### book 22.154 καλοὶ λαΐνεοι, ὅθι εἵματα σιγαλόεντα ### book 22.155 πλύνεσκον Τρώων ἄλοχοι καλαί τε θύγατρες ### book 22.156 τὸ πρὶν ἐπ’ εἰρήνης πρὶν ἐλθεῖν υἷας Ἀχαιῶν. ### book 22.157 τῇ ῥα παραδραμέτην φεύγων ὃ δ’ ὄπισθε διώκων· ### book 22.158 πρόσθε μὲν ἐσθλὸς ἔφευγε, δίωκε δέ μιν μέγ’ ἀμείνων ### book 22.159 καρπαλίμως, ἐπεὶ οὐχ ἱερήϊον οὐδὲ βοείην ### book 22.160 ἀρνύσθην, ἅ τε ποσσὶν ἀέθλια γίγνεται ἀνδρῶν, ### book 22.161 ἀλλὰ περὶ ψυχῆς θέον Ἕκτορος ἱπποδάμοιο. ### book 22.162 ὡς δ’ ὅτ’ ἀεθλοφόροι περὶ τέρματα μώνυχες ἵπποι ### book 22.163 ῥίμφα μάλα τρωχῶσι· τὸ δὲ μέγα κεῖται ἄεθλον ### book 22.164 ἢ τρίπος ἠὲ γυνὴ ἀνδρὸς κατατεθνηῶτος· ### book 22.165 ὣς τὼ τρὶς Πριάμοιο πόλιν πέρι δινηθήτην ### book 22.166 καρπαλίμοισι πόδεσσι· θεοὶ δ’ ἐς πάντες ὁρῶντο· ### book 22.167 τοῖσι δὲ μύθων ἦρχε πατὴρ ἀνδρῶν τε θεῶν τε· ### book 22.168 ὢ πόποι ἦ φίλον ἄνδρα διωκόμενον περὶ τεῖχος ### book 22.169 ὀφθαλμοῖσιν ὁρῶμαι· ἐμὸν δ’ ὀλοφύρεται ἦτορ ### book 22.170 Ἕκτορος, ὅς μοι πολλὰ βοῶν ἐπὶ μηρί’ ἔκηεν ### book 22.171 Ἴδης ἐν κορυφῇσι πολυπτύχου, ἄλλοτε δ’ αὖτε ### book 22.172 ἐν πόλει ἀκροτάτῃ· νῦν αὖτέ ἑ δῖος Ἀχιλλεὺς ### book 22.173 ἄστυ πέρι Πριάμοιο ποσὶν ταχέεσσι διώκει. ### book 22.174 ἀλλ’ ἄγετε φράζεσθε θεοὶ καὶ μητιάασθε ### book 22.175 ἠέ μιν ἐκ θανάτοιο σαώσομεν, ἦέ μιν ἤδη ### book 22.176 Πηλεΐδῃ Ἀχιλῆϊ δαμάσσομεν ἐσθλὸν ἐόντα. ### book 22.177 Τὸν δ’ αὖτε προσέειπε θεὰ γλαυκῶπις Ἀθήνη· ### book 22.178 ὦ πάτερ ἀργικέραυνε κελαινεφὲς οἷον ἔειπες· ### book 22.179 ἄνδρα θνητὸν ἐόντα πάλαι πεπρωμένον αἴσῃ ### book 22.180 ἂψ ἐθέλεις θανάτοιο δυσηχέος ἐξαναλῦσαι; ### book 22.181 ἔρδ’· ἀτὰρ οὔ τοι πάντες ἐπαινέομεν θεοὶ ἄλλοι. ### book 22.182 Τὴν δ’ ἀπαμειβόμενος προσέφη νεφεληγερέτα Ζεύς· ### book 22.183 θάρσει Τριτογένεια φίλον τέκος· οὔ νύ τι θυμῷ ### book 22.184 πρόφρονι μυθέομαι, ἐθέλω δέ τοι ἤπιος εἶναι· ### book 22.185 ἔρξον ὅπῃ δή τοι νόος ἔπλετο, μὴ δ’ ἔτ’ ἐρώει. ### book 22.186 Ὣς εἰπὼν ὄτρυνε πάρος μεμαυῖαν Ἀθήνην· ### book 22.187 βῆ δὲ κατ’ Οὐλύμποιο καρήνων ἀΐξασα. ### book 22.188 Ἕκτορα δ’ ἀσπερχὲς κλονέων ἔφεπ’ ὠκὺς Ἀχιλλεύς. ### book 22.189 ὡς δ’ ὅτε νεβρὸν ὄρεσφι κύων ἐλάφοιο δίηται ### book 22.190 ὄρσας ἐξ εὐνῆς διά τ’ ἄγκεα καὶ διὰ βήσσας· ### book 22.191 τὸν δ’ εἴ πέρ τε λάθῃσι καταπτήξας ὑπὸ θάμνῳ, ### book 22.192 ἀλλά τ’ ἀνιχνεύων θέει ἔμπεδον ὄφρά κεν εὕρῃ· ### book 22.193 ὣς Ἕκτωρ οὐ λῆθε ποδώκεα Πηλεΐωνα. ### book 22.194 ὁσσάκι δ’ ὁρμήσειε πυλάων Δαρδανιάων ### book 22.195 ἀντίον ἀΐξασθαι ἐϋδμήτους ὑπὸ πύργους, ### book 22.196 εἴ πως οἷ καθύπερθεν ἀλάλκοιεν βελέεσσι, ### book 22.197 τοσσάκι μιν προπάροιθεν ἀποστρέψασκε παραφθὰς ### book 22.198 πρὸς πεδίον· αὐτὸς δὲ ποτὶ πτόλιος πέτετ’ αἰεί. ### book 22.199 ὡς δ’ ἐν ὀνείρῳ οὐ δύναται φεύγοντα διώκειν· ### book 22.200 οὔτ’ ἄρ’ ὃ τὸν δύναται ὑποφεύγειν οὔθ’ ὃ διώκειν· ### book 22.201 ὣς ὃ τὸν οὐ δύνατο μάρψαι ποσίν, οὐδ’ ὃς ἀλύξαι. ### book 22.202 πῶς δέ κεν Ἕκτωρ κῆρας ὑπεξέφυγεν θανάτοιο, ### book 22.203 εἰ μή οἱ πύματόν τε καὶ ὕστατον ἤντετ’ Ἀπόλλων ### book 22.204 ἐγγύθεν, ὅς οἱ ἐπῶρσε μένος λαιψηρά τε γοῦνα; ### book 22.205 λαοῖσιν δ’ ἀνένευε καρήατι δῖος Ἀχιλλεύς, ### book 22.206 οὐδ’ ἔα ἱέμεναι ἐπὶ Ἕκτορι πικρὰ βέλεμνα, ### book 22.207 μή τις κῦδος ἄροιτο βαλών, ὃ δὲ δεύτερος ἔλθοι. ### book 22.208 ἀλλ’ ὅτε δὴ τὸ τέταρτον ἐπὶ κρουνοὺς ἀφίκοντο, ### book 22.209 καὶ τότε δὴ χρύσεια πατὴρ ἐτίταινε τάλαντα, ### book 22.210 ἐν δ’ ἐτίθει δύο κῆρε τανηλεγέος θανάτοιο, ### book 22.211 τὴν μὲν Ἀχιλλῆος, τὴν δ’ Ἕκτορος ἱπποδάμοιο, ### book 22.212 ἕλκε δὲ μέσσα λαβών· ῥέπε δ’ Ἕκτορος αἴσιμον ἦμαρ, ### book 22.213 ᾤχετο δ’ εἰς Ἀΐδαο, λίπεν δέ ἑ Φοῖβος Ἀπόλλων. ### book 22.214 Πηλεΐωνα δ’ ἵκανε θεὰ γλαυκῶπις Ἀθήνη, ### book 22.215 ἀγχοῦ δ’ ἱσταμένη ἔπεα πτερόεντα προσηύδα· ### book 22.216 νῦν δὴ νῶι ἔολπα Διῒ φίλε φαίδιμ’ Ἀχιλλεῦ ### book 22.217 οἴσεσθαι μέγα κῦδος Ἀχαιοῖσι προτὶ νῆας ### book 22.218 Ἕκτορα δῃώσαντε μάχης ἄατόν περ ἐόντα. ### book 22.219 οὔ οἱ νῦν ἔτι γ’ ἔστι πεφυγμένον ἄμμε γενέσθαι, ### book 22.220 οὐδ’ εἴ κεν μάλα πολλὰ πάθοι ἑκάεργος Ἀπόλλων ### book 22.221 προπροκυλινδόμενος πατρὸς Διὸς αἰγιόχοιο. ### book 22.222 ἀλλὰ σὺ μὲν νῦν στῆθι καὶ ἄμπνυε, τόνδε δ’ ἐγώ τοι ### book 22.223 οἰχομένη πεπιθήσω ἐναντίβιον μαχέσασθαι. ### book 22.224 Ὣς φάτ’ Ἀθηναίη, ὃ δ’ ἐπείθετο, χαῖρε δὲ θυμῷ, ### book 22.225 στῆ δ’ ἄρ’ ἐπὶ μελίης χαλκογλώχινος ἐρεισθείς. ### book 22.226 ἣ δ’ ἄρα τὸν μὲν ἔλειπε, κιχήσατο δ’ Ἕκτορα δῖον ### book 22.227 Δηϊφόβῳ ἐϊκυῖα δέμας καὶ ἀτειρέα φωνήν· ### book 22.228 ἀγχοῦ δ’ ἱσταμένη ἔπεα πτερόεντα προσηύδα· ### book 22.229 ἠθεῖ’ ἦ μάλα δή σε βιάζεται ὠκὺς Ἀχιλλεὺς ### book 22.230 ἄστυ πέρι Πριάμοιο ποσὶν ταχέεσσι διώκων· ### book 22.231 ἀλλ’ ἄγε δὴ στέωμεν καὶ ἀλεξώμεσθα μένοντες. ### book 22.232 Τὴν δ’ αὖτε προσέειπε μέγας κορυθαίολος Ἕκτωρ· ### book 22.233 Δηΐφοβ’ ἦ μέν μοι τὸ πάρος πολὺ φίλτατος ἦσθα ### book 22.234 γνωτῶν οὓς Ἑκάβη ἠδὲ Πρίαμος τέκε παῖδας· ### book 22.235 νῦν δ’ ἔτι καὶ μᾶλλον νοέω φρεσὶ τιμήσασθαι, ### book 22.236 ὃς ἔτλης ἐμεῦ εἵνεκ’, ἐπεὶ ἴδες ὀφθαλμοῖσι, ### book 22.237 τείχεος ἐξελθεῖν, ἄλλοι δ’ ἔντοσθε μένουσι. ### book 22.238 Τὸν δ’ αὖτε προσέειπε θεὰ γλαυκῶπις Ἀθήνη· ### book 22.239 ἠθεῖ’ ἦ μὲν πολλὰ πατὴρ καὶ πότνια μήτηρ ### book 22.240 λίσσονθ’ ἑξείης γουνούμενοι, ἀμφὶ δ’ ἑταῖροι, ### book 22.241 αὖθι μένειν· τοῖον γὰρ ὑποτρομέουσιν ἅπαντες· ### book 22.242 ἀλλ’ ἐμὸς ἔνδοθι θυμὸς ἐτείρετο πένθεϊ λυγρῷ. ### book 22.243 νῦν δ’ ἰθὺς μεμαῶτε μαχώμεθα, μὴ δέ τι δούρων ### book 22.244 ἔστω φειδωλή, ἵνα εἴδομεν εἴ κεν Ἀχιλλεὺς ### book 22.245 νῶϊ κατακτείνας ἔναρα βροτόεντα φέρηται ### book 22.246 νῆας ἔπι γλαφυράς, ἦ κεν σῷ δουρὶ δαμήῃ. ### book 22.247 Ὣς φαμένη καὶ κερδοσύνῃ ἡγήσατ’ Ἀθήνη· ### book 22.248 οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντες, ### book 22.249 τὸν πρότερος προσέειπε μέγας κορυθαίολος Ἕκτωρ· ### book 22.250 οὔ ς’ ἔτι Πηλέος υἱὲ φοβήσομαι, ὡς τὸ πάρος περ ### book 22.251 τρὶς περὶ ἄστυ μέγα Πριάμου δίον, οὐδέ ποτ’ ἔτλην ### book 22.252 μεῖναι ἐπερχόμενον· νῦν αὖτέ με θυμὸς ἀνῆκε ### book 22.253 στήμεναι ἀντία σεῖο· ἕλοιμί κεν ἤ κεν ἁλοίην. ### book 22.254 ἀλλ’ ἄγε δεῦρο θεοὺς ἐπιδώμεθα· τοὶ γὰρ ἄριστοι ### book 22.255 μάρτυροι ἔσσονται καὶ ἐπίσκοποι ἁρμονιάων· ### book 22.256 οὐ γὰρ ἐγώ ς’ ἔκπαγλον ἀεικιῶ, αἴ κεν ἐμοὶ Ζεὺς ### book 22.257 δώῃ καμμονίην, σὴν δὲ ψυχὴν ἀφέλωμαι· ### book 22.258 ἀλλ’ ἐπεὶ ἄρ κέ σε συλήσω κλυτὰ τεύχε’ Ἀχιλλεῦ ### book 22.259 νεκρὸν Ἀχαιοῖσιν δώσω πάλιν· ὣς δὲ σὺ ῥέζειν. ### book 22.260 Τὸν δ’ ἄρ’ ὑπόδρα ἰδὼν προσέφη πόδας ὠκὺς Ἀχιλλεύς· ### book 22.261 Ἕκτορ μή μοι ἄλαστε συνημοσύνας ἀγόρευε· ### book 22.262 ὡς οὐκ ἔστι λέουσι καὶ ἀνδράσιν ὅρκια πιστά, ### book 22.263 οὐδὲ λύκοι τε καὶ ἄρνες ὁμόφρονα θυμὸν ἔχουσιν, ### book 22.264 ἀλλὰ κακὰ φρονέουσι διαμπερὲς ἀλλήλοισιν, ### book 22.265 ὣς οὐκ ἔστ’ ἐμὲ καὶ σὲ φιλήμεναι, οὐδέ τι νῶϊν ### book 22.266 ὅρκια ἔσσονται, πρίν γ’ ἢ ἕτερόν γε πεσόντα ### book 22.267 αἵματος ἆσαι Ἄρηα ταλαύρινον πολεμιστήν. ### book 22.268 παντοίης ἀρετῆς μιμνήσκεο· νῦν σε μάλα χρὴ ### book 22.269 αἰχμητήν τ’ ἔμεναι καὶ θαρσαλέον πολεμιστήν. ### book 22.270 οὔ τοι ἔτ’ ἔσθ’ ὑπάλυξις, ἄφαρ δέ σε Παλλὰς Ἀθήνη ### book 22.271 ἔγχει ἐμῷ δαμάᾳ· νῦν δ’ ἀθρόα πάντ’ ἀποτίσεις ### book 22.272 κήδε’ ἐμῶν ἑτάρων οὓς ἔκτανες ἔγχεϊ θύων. ### book 22.273 Ἦ ῥα, καὶ ἀμπεπαλὼν προΐει δολιχόσκιον ἔγχος· ### book 22.274 καὶ τὸ μὲν ἄντα ἰδὼν ἠλεύατο φαίδιμος Ἕκτωρ· ### book 22.275 ἕζετο γὰρ προϊδών, τὸ δ’ ὑπέρπτατο χάλκεον ἔγχος, ### book 22.276 ἐν γαίῃ δ’ ἐπάγη· ἀνὰ δ’ ἥρπασε Παλλὰς Ἀθήνη, ### book 22.277 ἂψ δ’ Ἀχιλῆϊ δίδου, λάθε δ’ Ἕκτορα ποιμένα λαῶν. ### book 22.278 Ἕκτωρ δὲ προσέειπεν ἀμύμονα Πηλεΐωνα· ### book 22.279 ἤμβροτες, οὐδ’ ἄρα πώ τι θεοῖς ἐπιείκελ’ Ἀχιλλεῦ ### book 22.280 ἐκ Διὸς ἠείδης τὸν ἐμὸν μόρον, ἦ τοι ἔφης γε· ### book 22.281 ἀλλά τις ἀρτιεπὴς καὶ ἐπίκλοπος ἔπλεο μύθων, ### book 22.282 ὄφρά ς’ ὑποδείσας μένεος ἀλκῆς τε λάθωμαι. ### book 22.283 οὐ μέν μοι φεύγοντι μεταφρένῳ ἐν δόρυ πήξεις, ### book 22.284 ἀλλ’ ἰθὺς μεμαῶτι διὰ στήθεσφιν ἔλασσον ### book 22.285 εἴ τοι ἔδωκε θεός· νῦν αὖτ’ ἐμὸν ἔγχος ἄλευαι ### book 22.286 χάλκεον· ὡς δή μιν σῷ ἐν χροῒ πᾶν κομίσαιο. ### book 22.287 καί κεν ἐλαφρότερος πόλεμος Τρώεσσι γένοιτο ### book 22.288 σεῖο καταφθιμένοιο· σὺ γάρ σφισι πῆμα μέγιστον. ### book 22.289 Ἦ ῥα, καὶ ἀμπεπαλὼν προΐει δολιχόσκιον ἔγχος, ### book 22.290 καὶ βάλε Πηλεΐδαο μέσον σάκος οὐδ’ ἀφάμαρτε· ### book 22.291 τῆλε δ’ ἀπεπλάγχθη σάκεος δόρυ· χώσατο δ’ Ἕκτωρ ### book 22.292 ὅττί ῥά οἱ βέλος ὠκὺ ἐτώσιον ἔκφυγε χειρός, ### book 22.293 στῆ δὲ κατηφήσας, οὐδ’ ἄλλ’ ἔχε μείλινον ἔγχος. ### book 22.294 Δηΐφοβον δ’ ἐκάλει λευκάσπιδα μακρὸν ἀΰσας· ### book 22.295 ᾔτεέ μιν δόρυ μακρόν· ὃ δ’ οὔ τί οἱ ἐγγύθεν ἦεν. ### book 22.296 Ἕκτωρ δ’ ἔγνω ᾗσιν ἐνὶ φρεσὶ φώνησέν τε· ### book 22.297 ὢ πόποι ἦ μάλα δή με θεοὶ θάνατον δὲ κάλεσσαν· ### book 22.298 Δηΐφοβον γὰρ ἔγωγ’ ἐφάμην ἥρωα παρεῖναι· ### book 22.299 ἀλλ’ ὃ μὲν ἐν τείχει, ἐμὲ δ’ ἐξαπάτησεν Ἀθήνη. ### book 22.300 νῦν δὲ δὴ ἐγγύθι μοι θάνατος κακός, οὐδ’ ἔτ’ ἄνευθεν, ### book 22.301 οὐδ’ ἀλέη· ἦ γάρ ῥα πάλαι τό γε φίλτερον ἦεν ### book 22.302 Ζηνί τε καὶ Διὸς υἷι ἑκηβόλῳ, οἵ με πάρος γε ### book 22.303 πρόφρονες εἰρύατο· νῦν αὖτέ με μοῖρα κιχάνει. ### book 22.304 μὴ μὰν ἀσπουδί γε καὶ ἀκλειῶς ἀπολοίμην, ### book 22.305 ἀλλὰ μέγα ῥέξας τι καὶ ἐσσομένοισι πυθέσθαι. ### book 22.306 Ὣς ἄρα φωνήσας εἰρύσσατο φάσγανον ὀξύ, ### book 22.307 τό οἱ ὑπὸ λαπάρην τέτατο μέγα τε στιβαρόν τε, ### book 22.308 οἴμησεν δὲ ἀλεὶς ὥς τ’ αἰετὸς ὑψιπετήεις, ### book 22.309 ὅς τ’ εἶσιν πεδίον δὲ διὰ νεφέων ἐρεβεννῶν ### book 22.310 ἁρπάξων ἢ ἄρν’ ἀμαλὴν ἢ πτῶκα λαγωόν· ### book 22.311 ὣς Ἕκτωρ οἴμησε τινάσσων φάσγανον ὀξύ. ### book 22.312 ὁρμήθη δ’ Ἀχιλεύς, μένεος δ’ ἐμπλήσατο θυμὸν ### book 22.313 ἀγρίου, πρόσθεν δὲ σάκος στέρνοιο κάλυψε ### book 22.314 καλὸν δαιδάλεον, κόρυθι δ’ ἐπένευε φαεινῇ ### book 22.315 τετραφάλῳ· καλαὶ δὲ περισσείοντο ἔθειραι ### book 22.316 χρύσεαι, ἃς Ἥφαιστος ἵει λόφον ἀμφὶ θαμειάς. ### book 22.317 οἷος δ’ ἀστὴρ εἶσι μετ’ ἀστράσι νυκτὸς ἀμολγῷ ### book 22.318 ἕσπερος, ὃς κάλλιστος ἐν οὐρανῷ ἵσταται ἀστήρ, ### book 22.319 ὣς αἰχμῆς ἀπέλαμπ’ εὐήκεος, ἣν ἄρ’ Ἀχιλλεὺς ### book 22.320 πάλλεν δεξιτερῇ φρονέων κακὸν Ἕκτορι δίῳ ### book 22.321 εἰσορόων χρόα καλόν, ὅπῃ εἴξειε μάλιστα. ### book 22.322 τοῦ δὲ καὶ ἄλλο τόσον μὲν ἔχε χρόα χάλκεα τεύχεα ### book 22.323 καλά, τὰ Πατρόκλοιο βίην ἐνάριξε κατακτάς· ### book 22.324 φαίνετο δ’ ᾗ κληῗδες ἀπ’ ὤμων αὐχέν’ ἔχουσι ### book 22.325 λαυκανίην, ἵνα τε ψυχῆς ὤκιστος ὄλεθρος· ### book 22.326 τῇ ῥ’ ἐπὶ οἷ μεμαῶτ’ ἔλας’ ἔγχεϊ δῖος Ἀχιλλεύς, ### book 22.327 ἀντικρὺ δ’ ἁπαλοῖο δι’ αὐχένος ἤλυθ’ ἀκωκή· ### book 22.328 οὐδ’ ἄρ’ ἀπ’ ἀσφάραγον μελίη τάμε χαλκοβάρεια, ### book 22.329 ὄφρά τί μιν προτιείποι ἀμειβόμενος ἐπέεσσιν. ### book 22.330 ἤριπε δ’ ἐν κονίῃς· ὃ δ’ ἐπεύξατο δῖος Ἀχιλλεύς· ### book 22.331 Ἕκτορ ἀτάρ που ἔφης Πατροκλῆ’ ἐξεναρίζων ### book 22.332 σῶς ἔσσεσθ’, ἐμὲ δ’ οὐδὲν ὀπίζεο νόσφιν ἐόντα ### book 22.333 νήπιε· τοῖο δ’ ἄνευθεν ἀοσσητὴρ μέγ’ ἀμείνων ### book 22.334 νηυσὶν ἔπι γλαφυρῇσιν ἐγὼ μετόπισθε λελείμμην, ### book 22.335 ὅς τοι γούνατ’ ἔλυσα· σὲ μὲν κύνες ἠδ’ οἰωνοὶ ### book 22.336 ἑλκήσους’ ἀϊκῶς, τὸν δὲ κτεριοῦσιν Ἀχαιοί. ### book 22.337 Τὸν δ’ ὀλιγοδρανέων προσέφη κορυθαίολος Ἕκτωρ· ### book 22.338 λίσσομ’ ὑπὲρ ψυχῆς καὶ γούνων σῶν τε τοκήων ### book 22.339 μή με ἔα παρὰ νηυσὶ κύνας καταδάψαι Ἀχαιῶν, ### book 22.340 ἀλλὰ σὺ μὲν χαλκόν τε ἅλις χρυσόν τε δέδεξο ### book 22.341 δῶρα τά τοι δώσουσι πατὴρ καὶ πότνια μήτηρ, ### book 22.342 σῶμα δὲ οἴκαδ’ ἐμὸν δόμεναι πάλιν, ὄφρα πυρός με ### book 22.343 Τρῶες καὶ Τρώων ἄλοχοι λελάχωσι θανόντα. ### book 22.344 Τὸν δ’ ἄρ’ ὑπόδρα ἰδὼν προσέφη πόδας ὠκὺς Ἀχιλλεύς· ### book 22.345 μή με κύον γούνων γουνάζεο μὴ δὲ τοκήων· ### book 22.346 αἲ γάρ πως αὐτόν με μένος καὶ θυμὸς ἀνήη ### book 22.347 ὤμ’ ἀποταμνόμενον κρέα ἔδμεναι, οἷα ἔοργας, ### book 22.348 ὡς οὐκ ἔσθ’ ὃς σῆς γε κύνας κεφαλῆς ἀπαλάλκοι, ### book 22.349 οὐδ’ εἴ κεν δεκάκις τε καὶ εἰκοσινήριτ’ ἄποινα ### book 22.350 στήσως’ ἐνθάδ’ ἄγοντες, ὑπόσχωνται δὲ καὶ ἄλλα, ### book 22.351 οὐδ’ εἴ κέν ς’ αὐτὸν χρυσῷ ἐρύσασθαι ἀνώγοι ### book 22.352 Δαρδανίδης Πρίαμος· οὐδ’ ὧς σέ γε πότνια μήτηρ ### book 22.353 ἐνθεμένη λεχέεσσι γοήσεται ὃν τέκεν αὐτή, ### book 22.354 ἀλλὰ κύνες τε καὶ οἰωνοὶ κατὰ πάντα δάσονται. ### book 22.355 Τὸν δὲ καταθνῄσκων προσέφη κορυθαίολος Ἕκτωρ· ### book 22.356 ἦ ς’ εὖ γιγνώσκων προτιόσσομαι, οὐδ’ ἄρ’ ἔμελλον ### book 22.357 πείσειν· ἦ γὰρ σοί γε σιδήρεος ἐν φρεσὶ θυμός. ### book 22.358 φράζεο νῦν, μή τοί τι θεῶν μήνιμα γένωμαι ### book 22.359 ἤματι τῷ ὅτε κέν σε Πάρις καὶ Φοῖβος Ἀπόλλων ### book 22.360 ἐσθλὸν ἐόντ’ ὀλέσωσιν ἐνὶ Σκαιῇσι πύλῃσιν. ### book 22.361 Ὣς ἄρα μιν εἰπόντα τέλος θανάτοιο κάλυψε, ### book 22.362 ψυχὴ δ’ ἐκ ῥεθέων πταμένη Ἄϊδος δὲ βεβήκει ### book 22.363 ὃν πότμον γοόωσα λιποῦς’ ἀνδροτῆτα καὶ ἥβην. ### book 22.364 τὸν καὶ τεθνηῶτα προσηύδα δῖος Ἀχιλλεύς· ### book 22.365 τέθναθι· κῆρα δ’ ἐγὼ τότε δέξομαι ὁππότε κεν δὴ ### book 22.366 Ζεὺς ἐθέλῃ τελέσαι ἠδ’ ἀθάνατοι θεοὶ ἄλλοι. ### book 22.367 Ἦ ῥα, καὶ ἐκ νεκροῖο ἐρύσσατο χάλκεον ἔγχος, ### book 22.368 καὶ τό γ’ ἄνευθεν ἔθηχ’, ὃ δ’ ἀπ’ ὤμων τεύχε’ ἐσύλα ### book 22.369 αἱματόεντ’· ἄλλοι δὲ περίδραμον υἷες Ἀχαιῶν, ### book 22.370 οἳ καὶ θηήσαντο φυὴν καὶ εἶδος ἀγητὸν ### book 22.371 Ἕκτορος· οὐδ’ ἄρα οἵ τις ἀνουτητί γε παρέστη. ### book 22.372 ὧδε δέ τις εἴπεσκεν ἰδὼν ἐς πλησίον ἄλλον· ### book 22.373 ὢ πόποι, ἦ μάλα δὴ μαλακώτερος ἀμφαφάασθαι ### book 22.374 Ἕκτωρ ἢ ὅτε νῆας ἐνέπρησεν πυρὶ κηλέῳ. ### book 22.375 Ὣς ἄρα τις εἴπεσκε καὶ οὐτήσασκε παραστάς. ### book 22.376 τὸν δ’ ἐπεὶ ἐξενάριξε ποδάρκης δῖος Ἀχιλλεύς, ### book 22.377 στὰς ἐν Ἀχαιοῖσιν ἔπεα πτερόεντ’ ἀγόρευεν· ### book 22.378 ὦ φίλοι Ἀργείων ἡγήτορες ἠδὲ μέδοντες ### book 22.379 ἐπεὶ δὴ τόνδ’ ἄνδρα θεοὶ δαμάσασθαι ἔδωκαν, ### book 22.380 ὃς κακὰ πόλλ’ ἔρρεξεν ὅς’ οὐ σύμπαντες οἱ ἄλλοι, ### book 22.381 εἰ δ’ ἄγετ’ ἀμφὶ πόλιν σὺν τεύχεσι πειρηθῶμεν, ### book 22.382 ὄφρά κ’ ἔτι γνῶμεν Τρώων νόον ὅν τιν’ ἔχουσιν, ### book 22.383 ἢ καταλείψουσιν πόλιν ἄκρην τοῦδε πεσόντος, ### book 22.384 ἦε μένειν μεμάασι καὶ Ἕκτορος οὐκέτ’ ἐόντος. ### book 22.385 ἀλλὰ τί ἤ μοι ταῦτα φίλος διελέξατο θυμός; ### book 22.386 κεῖται πὰρ νήεσσι νέκυς ἄκλαυτος ἄθαπτος ### book 22.387 Πάτροκλος· τοῦ δ’ οὐκ ἐπιλήσομαι, ὄφρ’ ἂν ἔγωγε ### book 22.388 ζωοῖσιν μετέω καί μοι φίλα γούνατ’ ὀρώρῃ· ### book 22.389 εἰ δὲ θανόντων περ καταλήθοντ’ εἰν Ἀΐδαο ### book 22.390 αὐτὰρ ἐγὼ καὶ κεῖθι φίλου μεμνήσομ’ ἑταίρου. ### book 22.391 νῦν δ’ ἄγ’ ἀείδοντες παιήονα κοῦροι Ἀχαιῶν ### book 22.392 νηυσὶν ἔπι γλαφυρῇσι νεώμεθα, τόνδε δ’ ἄγωμεν. ### book 22.393 ἠράμεθα μέγα κῦδος· ἐπέφνομεν Ἕκτορα δῖον, ### book 22.394 ᾧ Τρῶες κατὰ ἄστυ θεῷ ὣς εὐχετόωντο. ### book 22.395 Ἦ ῥα, καὶ Ἕκτορα δῖον ἀεικέα μήδετο ἔργα. ### book 22.396 ἀμφοτέρων μετόπισθε ποδῶν τέτρηνε τένοντε ### book 22.397 ἐς σφυρὸν ἐκ πτέρνης, βοέους δ’ ἐξῆπτεν ἱμάντας, ### book 22.398 ἐκ δίφροιο δ’ ἔδησε, κάρη δ’ ἕλκεσθαι ἔασεν· ### book 22.399 ἐς δίφρον δ’ ἀναβὰς ἀνά τε κλυτὰ τεύχε’ ἀείρας ### book 22.400 μάστιξέν ῥ’ ἐλάαν, τὼ δ’ οὐκ ἀέκοντε πετέσθην. ### book 22.401 τοῦ δ’ ἦν ἑλκομένοιο κονίσαλος, ἀμφὶ δὲ χαῖται ### book 22.402 κυάνεαι πίτναντο, κάρη δ’ ἅπαν ἐν κονίῃσι ### book 22.403 κεῖτο πάρος χαρίεν· τότε δὲ Ζεὺς δυσμενέεσσι ### book 22.404 δῶκεν ἀεικίσσασθαι ἑῇ ἐν πατρίδι γαίῃ. ### book 22.405 Ὣς τοῦ μὲν κεκόνιτο κάρη ἅπαν· ἣ δέ νυ μήτηρ ### book 22.406 τίλλε κόμην, ἀπὸ δὲ λιπαρὴν ἔρριψε καλύπτρην ### book 22.407 τηλόσε, κώκυσεν δὲ μάλα μέγα παῖδ’ ἐσιδοῦσα· ### book 22.408 ᾤμωξεν δ’ ἐλεεινὰ πατὴρ φίλος, ἀμφὶ δὲ λαοὶ ### book 22.409 κωκυτῷ τ’ εἴχοντο καὶ οἰμωγῇ κατὰ ἄστυ. ### book 22.410 τῷ δὲ μάλιστ’ ἄρ’ ἔην ἐναλίγκιον ὡς εἰ ἅπασα ### book 22.411 Ἴλιος ὀφρυόεσσα πυρὶ σμύχοιτο κατ’ ἄκρης. ### book 22.412 λαοὶ μέν ῥα γέροντα μόγις ἔχον ἀσχαλόωντα ### book 22.413 ἐξελθεῖν μεμαῶτα πυλάων Δαρδανιάων. ### book 22.414 πάντας δ’ ἐλλιτάνευε κυλινδόμενος κατὰ κόπρον, ### book 22.415 ἐξονομακλήδην ὀνομάζων ἄνδρα ἕκαστον· ### book 22.416 σχέσθε φίλοι, καί μ’ οἶον ἐάσατε κηδόμενοί περ ### book 22.417 ἐξελθόντα πόληος ἱκέσθ’ ἐπὶ νῆας Ἀχαιῶν. ### book 22.418 λίσσωμ’ ἀνέρα τοῦτον ἀτάσθαλον ὀβριμοεργόν, ### book 22.419 ἤν πως ἡλικίην αἰδέσσεται ἠδ’ ἐλεήσῃ ### book 22.420 γῆρας· καὶ δέ νυ τῷ γε πατὴρ τοιόσδε τέτυκται ### book 22.421 Πηλεύς, ὅς μιν ἔτικτε καὶ ἔτρεφε πῆμα γενέσθαι ### book 22.422 Τρωσί· μάλιστα δ’ ἐμοὶ περὶ πάντων ἄλγε’ ἔθηκε. ### book 22.423 τόσσους γάρ μοι παῖδας ἀπέκτανε τηλεθάοντας· ### book 22.424 τῶν πάντων οὐ τόσσον ὀδύρομαι ἀχνύμενός περ ### book 22.425 ὡς ἑνός, οὗ μ’ ἄχος ὀξὺ κατοίσεται Ἄϊδος εἴσω, ### book 22.426 Ἕκτορος· ὡς ὄφελεν θανέειν ἐν χερσὶν ἐμῇσι· ### book 22.427 τώ κε κορεσσάμεθα κλαίοντέ τε μυρομένω τε ### book 22.428 μήτηρ θ’, ἥ μιν ἔτικτε δυσάμμορος, ἠδ’ ἐγὼ αὐτός. ### book 22.429 Ὣς ἔφατο κλαίων, ἐπὶ δὲ στενάχοντο πολῖται· ### book 22.430 Τρῳῇσιν δ’ Ἑκάβη ἁδινοῦ ἐξῆρχε γόοιο· ### book 22.431 τέκνον ἐγὼ δειλή· τί νυ βείομαι αἰνὰ παθοῦσα ### book 22.432 σεῦ ἀποτεθνηῶτος; ὅ μοι νύκτάς τε καὶ ἦμαρ ### book 22.433 εὐχωλὴ κατὰ ἄστυ πελέσκεο, πᾶσί τ’ ὄνειαρ ### book 22.434 Τρωσί τε καὶ Τρῳῇσι κατὰ πτόλιν, οἵ σε θεὸν ὣς ### book 22.435 δειδέχατ’· ἦ γὰρ καί σφι μάλα μέγα κῦδος ἔησθα ### book 22.436 ζωὸς ἐών· νῦν αὖ θάνατος καὶ μοῖρα κιχάνει. ### book 22.437 Ὣς ἔφατο κλαίους’, ἄλοχος δ’ οὔ πώ τι πέπυστο ### book 22.438 Ἕκτορος· οὐ γάρ οἵ τις ἐτήτυμος ἄγγελος ἐλθὼν ### book 22.439 ἤγγειλ’ ὅττί ῥά οἱ πόσις ἔκτοθι μίμνε πυλάων, ### book 22.440 ἀλλ’ ἥ γ’ ἱστὸν ὕφαινε μυχῷ δόμου ὑψηλοῖο ### book 22.441 δίπλακα πορφυρέην, ἐν δὲ θρόνα ποικίλ’ ἔπασσε. ### book 22.442 κέκλετο δ’ ἀμφιπόλοισιν ἐϋπλοκάμοις κατὰ δῶμα ### book 22.443 ἀμφὶ πυρὶ στῆσαι τρίποδα μέγαν, ὄφρα πέλοιτο ### book 22.444 Ἕκτορι θερμὰ λοετρὰ μάχης ἐκ νοστήσαντι ### book 22.445 νηπίη, οὐδ’ ἐνόησεν ὅ μιν μάλα τῆλε λοετρῶν ### book 22.446 χερσὶν Ἀχιλλῆος δάμασε γλαυκῶπις Ἀθήνη. ### book 22.447 κωκυτοῦ δ’ ἤκουσε καὶ οἰμωγῆς ἀπὸ πύργου· ### book 22.448 τῆς δ’ ἐλελίχθη γυῖα, χαμαὶ δέ οἱ ἔκπεσε κερκίς· ### book 22.449 ἣ δ’ αὖτις δμῳῇσιν ἐϋπλοκάμοισι μετηύδα· ### book 22.450 δεῦτε δύω μοι ἕπεσθον, ἴδωμ’ ὅτιν’ ἔργα τέτυκται. ### book 22.451 αἰδοίης ἑκυρῆς ὀπὸς ἔκλυον, ἐν δ’ ἐμοὶ αὐτῇ ### book 22.452 στήθεσι πάλλεται ἦτορ ἀνὰ στόμα, νέρθε δὲ γοῦνα ### book 22.453 πήγνυται· ἐγγὺς δή τι κακὸν Πριάμοιο τέκεσσιν. ### book 22.454 αἲ γὰρ ἀπ’ οὔατος εἴη ἐμεῦ ἔπος· ἀλλὰ μάλ’ αἰνῶς ### book 22.455 δείδω μὴ δή μοι θρασὺν Ἕκτορα δῖος Ἀχιλλεὺς ### book 22.456 μοῦνον ἀποτμήξας πόλιος πεδίον δὲ δίηται, ### book 22.457 καὶ δή μιν καταπαύσῃ ἀγηνορίης ἀλεγεινῆς ### book 22.458 ἥ μιν ἔχεσκ’, ἐπεὶ οὔ ποτ’ ἐνὶ πληθυῖ μένεν ἀνδρῶν, ### book 22.459 ἀλλὰ πολὺ προθέεσκε, τὸ ὃν μένος οὐδενὶ εἴκων. ### book 22.460 Ὣς φαμένη μεγάροιο διέσσυτο μαινάδι ἴση ### book 22.461 παλλομένη κραδίην· ἅμα δ’ ἀμφίπολοι κίον αὐτῇ ### book 22.462 αὐτὰρ ἐπεὶ πύργόν τε καὶ ἀνδρῶν ἷξεν ὅμιλον ### book 22.463 ἔστη παπτήνας’ ἐπὶ τείχεϊ, τὸν δὲ νόησεν ### book 22.464 ἑλκόμενον πρόσθεν πόλιος· ταχέες δέ μιν ἵπποι ### book 22.465 ἕλκον ἀκηδέστως κοίλας ἐπὶ νῆας Ἀχαιῶν. ### book 22.466 τὴν δὲ κατ’ ὀφθαλμῶν ἐρεβεννὴ νὺξ ἐκάλυψεν, ### book 22.467 ἤριπε δ’ ἐξοπίσω, ἀπὸ δὲ ψυχὴν ἐκάπυσσε. ### book 22.468 τῆλε δ’ ἀπὸ κρατὸς βάλε δέσματα σιγαλόεντα, ### book 22.469 ἄμπυκα κεκρύφαλόν τε ἰδὲ πλεκτὴν ἀναδέσμην ### book 22.470 κρήδεμνόν θ’, ὅ ῥά οἱ δῶκε χρυσῆ Ἀφροδίτη ### book 22.471 ἤματι τῷ ὅτε μιν κορυθαίολος ἠγάγεθ’ Ἕκτωρ ### book 22.472 ἐκ δόμου Ἠετίωνος, ἐπεὶ πόρε μυρία ἕδνα. ### book 22.473 ἀμφὶ δέ μιν γαλόῳ τε καὶ εἰνατέρες ἅλις ἔσταν, ### book 22.474 αἵ ἑ μετὰ σφίσιν εἶχον ἀτυζομένην ἀπολέσθαι. ### book 22.475 ἣ δ’ ἐπεὶ οὖν ἔμπνυτο καὶ ἐς φρένα θυμὸς ἀγέρθη ### book 22.476 ἀμβλήδην γοόωσα μετὰ Τρῳῇσιν ἔειπεν· ### book 22.477 Ἕκτορ ἐγὼ δύστηνος· ἰῇ ἄρα γεινόμεθ’ αἴσῃ ### book 22.478 ἀμφότεροι, σὺ μὲν ἐν Τροίῃ Πριάμου κατὰ δῶμα, ### book 22.479 αὐτὰρ ἐγὼ Θήβῃσιν ὑπὸ Πλάκῳ ὑληέσσῃ ### book 22.480 ἐν δόμῳ Ἠετίωνος, ὅ μ’ ἔτρεφε τυτθὸν ἐοῦσαν ### book 22.481 δύσμορος αἰνόμορον· ὡς μὴ ὤφελλε τεκέσθαι. ### book 22.482 νῦν δὲ σὺ μὲν Ἀΐδαο δόμους ὑπὸ κεύθεσι γαίης ### book 22.483 ἔρχεαι, αὐτὰρ ἐμὲ στυγερῷ ἐνὶ πένθεϊ λείπεις ### book 22.484 χήρην ἐν μεγάροισι· πάϊς δ’ ἔτι νήπιος αὔτως, ### book 22.485 ὃν τέκομεν σύ τ’ ἐγώ τε δυσάμμοροι· οὔτε σὺ τούτῳ ### book 22.486 ἔσσεαι Ἕκτορ ὄνειαρ ἐπεὶ θάνες, οὔτε σοὶ οὗτος. ### book 22.487 ἤν περ γὰρ πόλεμόν γε φύγῃ πολύδακρυν Ἀχαιῶν, ### book 22.488 αἰεί τοι τούτῳ γε πόνος καὶ κήδε’ ὀπίσσω ### book 22.489 ἔσσοντ’· ἄλλοι γάρ οἱ ἀπουρίσσουσιν ἀρούρας. ### book 22.490 ἦμαρ δ’ ὀρφανικὸν παναφήλικα παῖδα τίθησι· ### book 22.491 πάντα δ’ ὑπεμνήμυκε, δεδάκρυνται δὲ παρειαί, ### book 22.492 δευόμενος δέ τ’ ἄνεισι πάϊς ἐς πατρὸς ἑταίρους, ### book 22.493 ἄλλον μὲν χλαίνης ἐρύων, ἄλλον δὲ χιτῶνος· ### book 22.494 τῶν δ’ ἐλεησάντων κοτύλην τις τυτθὸν ἐπέσχε· ### book 22.495 χείλεα μέν τ’ ἐδίην’, ὑπερῴην δ’ οὐκ ἐδίηνε. ### book 22.496 τὸν δὲ καὶ ἀμφιθαλὴς ἐκ δαιτύος ἐστυφέλιξε ### book 22.497 χερσὶν πεπλήγων καὶ ὀνειδείοισιν ἐνίσσων· ### book 22.498 ἔρρ’ οὕτως· οὐ σός γε πατὴρ μεταδαίνυται ἡμῖν. ### book 22.499 δακρυόεις δέ τ’ ἄνεισι πάϊς ἐς μητέρα χήρην ### book 22.500 Ἀστυάναξ, ὃς πρὶν μὲν ἑοῦ ἐπὶ γούνασι πατρὸς ### book 22.501 μυελὸν οἶον ἔδεσκε καὶ οἰῶν πίονα δημόν· ### book 22.502 αὐτὰρ ὅθ’ ὕπνος ἕλοι, παύσαιτό τε νηπιαχεύων, ### book 22.503 εὕδεσκ’ ἐν λέκτροισιν ἐν ἀγκαλίδεσσι τιθήνης ### book 22.504 εὐνῇ ἔνι μαλακῇ θαλέων ἐμπλησάμενος κῆρ· ### book 22.505 νῦν δ’ ἂν πολλὰ πάθῃσι φίλου ἀπὸ πατρὸς ἁμαρτὼν ### book 22.506 Ἀστυάναξ, ὃν Τρῶες ἐπίκλησιν καλέουσιν· ### book 22.507 οἶος γάρ σφιν ἔρυσο πύλας καὶ τείχεα μακρά. ### book 22.508 νῦν δὲ σὲ μὲν παρὰ νηυσὶ κορωνίσι νόσφι τοκήων ### book 22.509 αἰόλαι εὐλαὶ ἔδονται, ἐπεί κε κύνες κορέσωνται ### book 22.510 γυμνόν· ἀτάρ τοι εἵματ’ ἐνὶ μεγάροισι κέονται ### book 22.511 λεπτά τε καὶ χαρίεντα τετυγμένα χερσὶ γυναικῶν. ### book 22.512 ἀλλ’ ἤτοι τάδε πάντα καταφλέξω πυρὶ κηλέῳ ### book 22.513 οὐδὲν σοί γ’ ὄφελος, ἐπεὶ οὐκ ἐγκείσεαι αὐτοῖς, ### book 22.514 ἀλλὰ πρὸς Τρώων καὶ Τρωϊάδων κλέος εἶναι. ### book 22.515 Ὣς ἔφατο κλαίους’, ἐπὶ δὲ στενάχοντο γυναῖκες. ### book 23.1 Ὣς οἳ μὲν στενάχοντο κατὰ πτόλιν· αὐτὰρ Ἀχαιοὶ ### book 23.2 ἐπεὶ δὴ νῆάς τε καὶ Ἑλλήσποντον ἵκοντο, ### book 23.3 οἳ μὲν ἄρ’ ἐσκίδναντο ἑὴν ἐπὶ νῆα ἕκαστος, ### book 23.4 Μυρμιδόνας δ’ οὐκ εἴα ἀποσκίδνασθαι Ἀχιλλεύς, ### book 23.5 ἀλλ’ ὅ γε οἷς ἑτάροισι φιλοπτολέμοισι μετηύδα· ### book 23.6 Μυρμιδόνες ταχύπωλοι ἐμοὶ ἐρίηρες ἑταῖροι ### book 23.7 μὴ δή πω ὑπ’ ὄχεσφι λυώμεθα μώνυχας ἵππους, ### book 23.8 ἀλλ’ αὐτοῖς ἵπποισι καὶ ἅρμασιν ἆσσον ἰόντες ### book 23.9 Πάτροκλον κλαίωμεν· ὃ γὰρ γέρας ἐστὶ θανόντων. ### book 23.10 αὐτὰρ ἐπεί κ’ ὀλοοῖο τεταρπώμεσθα γόοιο, ### book 23.11 ἵππους λυσάμενοι δορπήσομεν ἐνθάδε πάντες. ### book 23.12 Ὣς ἔφαθ’, οἳ δ’ ᾤμωξαν ἀολλέες, ἦρχε δ’ Ἀχιλλεύς. ### book 23.13 οἳ δὲ τρὶς περὶ νεκρὸν ἐΰτριχας ἤλασαν ἵππους ### book 23.14 μυρόμενοι· μετὰ δέ σφι Θέτις γόου ἵμερον ὦρσε. ### book 23.15 δεύοντο ψάμαθοι, δεύοντο δὲ τεύχεα φωτῶν ### book 23.16 δάκρυσι· τοῖον γὰρ πόθεον μήστωρα φόβοιο. ### book 23.17 τοῖσι δὲ Πηλεΐδης ἁδινοῦ ἐξῆρχε γόοιο ### book 23.18 χεῖρας ἐπ’ ἀνδροφόνους θέμενος στήθεσσιν ἑταίρου· ### book 23.19 χαῖρέ μοι ὦ Πάτροκλε καὶ εἰν Ἀΐδαο δόμοισι· ### book 23.20 πάντα γὰρ ἤδη τοι τελέω τὰ πάροιθεν ὑπέστην ### book 23.21 Ἕκτορα δεῦρ’ ἐρύσας δώσειν κυσὶν ὠμὰ δάσασθαι, ### book 23.22 δώδεκα δὲ προπάροιθε πυρῆς ἀποδειροτομήσειν ### book 23.23 Τρώων ἀγλαὰ τέκνα σέθεν κταμένοιο χολωθείς. ### book 23.24 Ἦ ῥα καὶ Ἕκτορα δῖον ἀεικέα μήδετο ἔργα ### book 23.25 πρηνέα πὰρ λεχέεσσι Μενοιτιάδαο τανύσσας ### book 23.26 ἐν κονίῃς· οἳ δ’ ἔντε’ ἀφωπλίζοντο ἕκαστος ### book 23.27 χάλκεα μαρμαίροντα, λύον δ’ ὑψηχέας ἵππους, ### book 23.28 κὰδ δ’ ἷζον παρὰ νηῒ ποδώκεος Αἰακίδαο ### book 23.29 μυρίοι· αὐτὰρ ὃ τοῖσι τάφον μενοεικέα δαίνυ. ### book 23.30 πολλοὶ μὲν βόες ἀργοὶ ὀρέχθεον ἀμφὶ σιδήρῳ ### book 23.31 σφαζόμενοι, πολλοὶ δ’ ὄϊες καὶ μηκάδες αἶγες· ### book 23.32 πολλοὶ δ’ ἀργιόδοντες ὕες θαλέθοντες ἀλοιφῇ ### book 23.33 εὑόμενοι τανύοντο διὰ φλογὸς Ἡφαίστοιο· ### book 23.34 πάντῃ δ’ ἀμφὶ νέκυν κοτυλήρυτον ἔρρεεν αἷμα. ### book 23.35 Αὐτὰρ τόν γε ἄνακτα ποδώκεα Πηλεΐωνα ### book 23.36 εἰς Ἀγαμέμνονα δῖον ἄγον βασιλῆες Ἀχαιῶν ### book 23.37 σπουδῇ παρπεπιθόντες ἑταίρου χωόμενον κῆρ. ### book 23.38 οἳ δ’ ὅτε δὴ κλισίην Ἀγαμέμνονος ἷξον ἰόντες, ### book 23.39 αὐτίκα κηρύκεσσι λιγυφθόγγοισι κέλευσαν ### book 23.40 ἀμφὶ πυρὶ στῆσαι τρίποδα μέγαν, εἰ πεπίθοιεν ### book 23.41 Πηλεΐδην λούσασθαι ἄπο βρότον αἱματόεντα. ### book 23.42 αὐτὰρ ὅ γ’ ἠρνεῖτο στερεῶς, ἐπὶ δ’ ὅρκον ὄμοσσεν· ### book 23.43 οὐ μὰ Ζῆν’, ὅς τίς τε θεῶν ὕπατος καὶ ἄριστος, ### book 23.44 οὐ θέμις ἐστὶ λοετρὰ καρήατος ἆσσον ἱκέσθαι ### book 23.45 πρίν γ’ ἐνὶ Πάτροκλον θέμεναι πυρὶ σῆμά τε χεῦαι ### book 23.46 κείρασθαί τε κόμην, ἐπεὶ οὔ μ’ ἔτι δεύτερον ὧδε ### book 23.47 ἵξετ’ ἄχος κραδίην ὄφρα ζωοῖσι μετείω. ### book 23.48 ἀλλ’ ἤτοι νῦν μὲν στυγερῇ πειθώμεθα δαιτί· ### book 23.49 ἠῶθεν δ’ ὄτρυνον ἄναξ ἀνδρῶν Ἀγάμεμνον ### book 23.50 ὕλην τ’ ἀξέμεναι παρά τε σχεῖν ὅσς’ ἐπιεικὲς ### book 23.51 νεκρὸν ἔχοντα νέεσθαι ὑπὸ ζόφον ἠερόεντα, ### book 23.52 ὄφρ’ ἤτοι τοῦτον μὲν ἐπιφλέγῃ ἀκάματον πῦρ ### book 23.53 θᾶσσον ἀπ’ ὀφθαλμῶν, λαοὶ δ’ ἐπὶ ἔργα τράπωνται. ### book 23.54 Ὣς ἔφαθ’, οἳ δ’ ἄρα τοῦ μάλα μὲν κλύον ἠδὲ πίθοντο. ### book 23.55 ἐσσυμένως δ’ ἄρα δόρπον ἐφοπλίσσαντες ἕκαστοι ### book 23.56 δαίνυντ’, οὐδέ τι θυμὸς ἐδεύετο δαιτὸς ἐΐσης. ### book 23.57 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 23.58 οἳ μὲν κακκείοντες ἕβαν κλισίην δὲ ἕκαστος, ### book 23.59 Πηλεΐδης δ’ ἐπὶ θινὶ πολυφλοίσβοιο θαλάσσης ### book 23.60 κεῖτο βαρὺ στενάχων πολέσιν μετὰ Μυρμιδόνεσσιν ### book 23.61 ἐν καθαρῷ, ὅθι κύματ’ ἐπ’ ἠϊόνος κλύζεσκον· ### book 23.62 εὖτε τὸν ὕπνος ἔμαρπτε λύων μελεδήματα θυμοῦ ### book 23.63 νήδυμος ἀμφιχυθείς· μάλα γὰρ κάμε φαίδιμα γυῖα ### book 23.64 Ἕκτορ’ ἐπαΐσσων προτὶ Ἴλιον ἠνεμόεσσαν· ### book 23.65 ἦλθε δ’ ἐπὶ ψυχὴ Πατροκλῆος δειλοῖο ### book 23.66 πάντ’ αὐτῷ μέγεθός τε καὶ ὄμματα κάλ’ ἐϊκυῖα ### book 23.67 καὶ φωνήν, καὶ τοῖα περὶ χροῒ εἵματα ἕστο· ### book 23.68 στῆ δ’ ἄρ’ ὑπὲρ κεφαλῆς καί μιν πρὸς μῦθον ἔειπεν· ### book 23.69 εὕδεις, αὐτὰρ ἐμεῖο λελασμένος ἔπλευ Ἀχιλλεῦ. ### book 23.70 οὐ μέν μευ ζώοντος ἀκήδεις, ἀλλὰ θανόντος· ### book 23.71 θάπτέ με ὅττι τάχιστα πύλας Ἀΐδαο περήσω. ### book 23.72 τῆλέ με εἴργουσι ψυχαὶ εἴδωλα καμόντων, ### book 23.73 οὐδέ μέ πω μίσγεσθαι ὑπὲρ ποταμοῖο ἐῶσιν, ### book 23.74 ἀλλ’ αὔτως ἀλάλημαι ἀν’ εὐρυπυλὲς Ἄϊδος δῶ. ### book 23.75 καί μοι δὸς τὴν χεῖρ’· ὀλοφύρομαι, οὐ γὰρ ἔτ’ αὖτις ### book 23.76 νίσομαι ἐξ Ἀΐδαο, ἐπήν με πυρὸς λελάχητε. ### book 23.77 οὐ μὲν γὰρ ζωοί γε φίλων ἀπάνευθεν ἑταίρων ### book 23.78 βουλὰς ἑζόμενοι βουλεύσομεν, ἀλλ’ ἐμὲ μὲν κὴρ ### book 23.79 ἀμφέχανε στυγερή, ἥ περ λάχε γιγνόμενόν περ· ### book 23.80 καὶ δὲ σοὶ αὐτῷ μοῖρα, θεοῖς ἐπιείκελ’ Ἀχιλλεῦ, ### book 23.81 τείχει ὕπο Τρώων εὐηφενέων ἀπολέσθαι. ### book 23.82 ἄλλο δέ τοι ἐρέω καὶ ἐφήσομαι αἴ κε πίθηαι· ### book 23.83 μὴ ἐμὰ σῶν ἀπάνευθε τιθήμεναι ὀστέ’ Ἀχιλλεῦ, ### book 23.84 ἀλλ’ ὁμοῦ ὡς ἐτράφημεν ἐν ὑμετέροισι δόμοισιν, ### book 23.85 εὖτέ με τυτθὸν ἐόντα Μενοίτιος ἐξ Ὀπόεντος ### book 23.86 ἤγαγεν ὑμέτερον δ’ ἀνδροκτασίης ὕπο λυγρῆς, ### book 23.87 ἤματι τῷ ὅτε παῖδα κατέκτανον Ἀμφιδάμαντος ### book 23.88 νήπιος οὐκ ἐθέλων ἀμφ’ ἀστραγάλοισι χολωθείς· ### book 23.89 ἔνθά με δεξάμενος ἐν δώμασιν ἱππότα Πηλεὺς ### book 23.90 ἔτραφέ τ’ ἐνδυκέως καὶ σὸν θεράποντ’ ὀνόμηνεν· ### book 23.91 ὣς δὲ καὶ ὀστέα νῶϊν ὁμὴ σορὸς ἀμφικαλύπτοι ### book 23.92 χρύσεος ἀμφιφορεύς, τόν τοι πόρε πότνια μήτηρ. ### book 23.93 Τὸν δ’ ἀπαμειβόμενος προσέφη πόδας ὠκὺς Ἀχιλλεύς· ### book 23.94 τίπτέ μοι ἠθείη κεφαλὴ δεῦρ’ εἰλήλουθας ### book 23.95 καί μοι ταῦτα ἕκαστ’ ἐπιτέλλεαι; αὐτὰρ ἐγώ τοι ### book 23.96 πάντα μάλ’ ἐκτελέω καὶ πείσομαι ὡς σὺ κελεύεις. ### book 23.97 ἀλλά μοι ἆσσον στῆθι· μίνυνθά περ ἀμφιβαλόντε ### book 23.98 ἀλλήλους ὀλοοῖο τεταρπώμεσθα γόοιο. ### book 23.99 Ὣς ἄρα φωνήσας ὠρέξατο χερσὶ φίλῃσιν ### book 23.100 οὐδ’ ἔλαβε· ψυχὴ δὲ κατὰ χθονὸς ἠΰτε καπνὸς ### book 23.101 ᾤχετο τετριγυῖα· ταφὼν δ’ ἀνόρουσεν Ἀχιλλεὺς ### book 23.102 χερσί τε συμπλατάγησεν, ἔπος δ’ ὀλοφυδνὸν ἔειπεν· ### book 23.103 ὢ πόποι ἦ ῥά τίς ἐστι καὶ εἰν Ἀΐδαο δόμοισι ### book 23.104 ψυχὴ καὶ εἴδωλον, ἀτὰρ φρένες οὐκ ἔνι πάμπαν· ### book 23.105 παννυχίη γάρ μοι Πατροκλῆος δειλοῖο ### book 23.106 ψυχὴ ἐφεστήκει γοόωσά τε μυρομένη τε, ### book 23.107 καί μοι ἕκαστ’ ἐπέτελλεν, ἔϊκτο δὲ θέσκελον αὐτῷ. ### book 23.108 Ὣς φάτο, τοῖσι δὲ πᾶσιν ὑφ’ ἵμερον ὦρσε γόοιο· ### book 23.109 μυρομένοισι δὲ τοῖσι φάνη ῥοδοδάκτυλος Ἠὼς ### book 23.110 ἀμφὶ νέκυν ἐλεεινόν. ἀτὰρ κρείων Ἀγαμέμνων ### book 23.111 οὐρῆάς τ’ ὄτρυνε καὶ ἀνέρας ἀξέμεν ὕλην ### book 23.112 πάντοθεν ἐκ κλισιῶν· ἐπὶ δ’ ἀνὴρ ἐσθλὸς ὀρώρει ### book 23.113 Μηριόνης θεράπων ἀγαπήνορος Ἰδομενῆος. ### book 23.114 οἳ δ’ ἴσαν ὑλοτόμους πελέκεας ἐν χερσὶν ἔχοντες ### book 23.115 σειράς τ’ εὐπλέκτους· πρὸ δ’ ἄρ’ οὐρῆες κίον αὐτῶν. ### book 23.116 πολλὰ δ’ ἄναντα κάταντα πάραντά τε δόχμιά τ’ ἦλθον· ### book 23.117 ἀλλ’ ὅτε δὴ κνημοὺς προσέβαν πολυπίδακος Ἴδης, ### book 23.118 αὐτίκ’ ἄρα δρῦς ὑψικόμους ταναήκεϊ χαλκῷ ### book 23.119 τάμνον ἐπειγόμενοι· ταὶ δὲ μεγάλα κτυπέουσαι ### book 23.120 πῖπτον· τὰς μὲν ἔπειτα διαπλήσσοντες Ἀχαιοὶ ### book 23.121 ἔκδεον ἡμιόνων· ταὶ δὲ χθόνα ποσσὶ δατεῦντο ### book 23.122 ἐλδόμεναι πεδίοιο διὰ ῥωπήϊα πυκνά. ### book 23.123 πάντες δ’ ὑλοτόμοι φιτροὺς φέρον· ὡς γὰρ ἀνώγει ### book 23.124 Μηριόνης θεράπων ἀγαπήνορος Ἰδομενῆος. ### book 23.125 κὰδ δ’ ἄρ’ ἐπ’ ἀκτῆς βάλλον ἐπισχερώ, ἔνθ’ ἄρ’ Ἀχιλλεὺς ### book 23.126 φράσσατο Πατρόκλῳ μέγα ἠρίον ἠδὲ οἷ αὐτῷ. ### book 23.127 Αὐτὰρ ἐπεὶ πάντῃ παρακάββαλον ἄσπετον ὕλην ### book 23.128 ἥατ’ ἄρ’ αὖθι μένοντες ἀολλέες. αὐτὰρ Ἀχιλλεὺς ### book 23.129 αὐτίκα Μυρμιδόνεσσι φιλοπτολέμοισι κέλευσε ### book 23.130 χαλκὸν ζώννυσθαι, ζεῦξαι δ’ ὑπ’ ὄχεσφιν ἕκαστον ### book 23.131 ἵππους· οἳ δ’ ὄρνυντο καὶ ἐν τεύχεσσιν ἔδυνον, ### book 23.132 ἂν δ’ ἔβαν ἐν δίφροισι παραιβάται ἡνίοχοί τε, ### book 23.133 πρόσθε μὲν ἱππῆες, μετὰ δὲ νέφος εἵπετο πεζῶν ### book 23.134 μυρίοι· ἐν δὲ μέσοισι φέρον Πάτροκλον ἑταῖροι. ### book 23.135 θριξὶ δὲ πάντα νέκυν καταείνυσαν, ἃς ἐπέβαλλον ### book 23.136 κειρόμενοι· ὄπιθεν δὲ κάρη ἔχε δῖος Ἀχιλλεὺς ### book 23.137 ἀχνύμενος· ἕταρον γὰρ ἀμύμονα πέμπ’ Ἄϊδος δέ. ### book 23.138 Οἳ δ’ ὅτε χῶρον ἵκανον ὅθί σφισι πέφραδ’ Ἀχιλλεὺς ### book 23.139 κάτθεσαν, αἶψα δέ οἱ μενοεικέα νήεον ὕλην. ### book 23.140 ἔνθ’ αὖτ’ ἄλλ’ ἐνόησε ποδάρκης δῖος Ἀχιλλεύς· ### book 23.141 στὰς ἀπάνευθε πυρῆς ξανθὴν ἀπεκείρατο χαίτην, ### book 23.142 τήν ῥα Σπερχειῷ ποταμῷ τρέφε τηλεθόωσαν· ### book 23.143 ὀχθήσας δ’ ἄρα εἶπεν ἰδὼν ἐπὶ οἴνοπα πόντον· ### book 23.144 Σπερχεί’ ἄλλως σοί γε πατὴρ ἠρήσατο Πηλεὺς ### book 23.145 κεῖσέ με νοστήσαντα φίλην ἐς πατρίδα γαῖαν ### book 23.146 σοί τε κόμην κερέειν ῥέξειν θ’ ἱερὴν ἑκατόμβην, ### book 23.147 πεντήκοντα δ’ ἔνορχα παρ’ αὐτόθι μῆλ’ ἱερεύσειν ### book 23.148 ἐς πηγάς, ὅθι τοι τέμενος βωμός τε θυήεις. ### book 23.149 ὣς ἠρᾶθ’ ὃ γέρων, σὺ δέ οἱ νόον οὐκ ἐτέλεσσας. ### book 23.150 νῦν δ’ ἐπεὶ οὐ νέομαί γε φίλην ἐς πατρίδα γαῖαν ### book 23.151 Πατρόκλῳ ἥρωϊ κόμην ὀπάσαιμι φέρεσθαι. ### book 23.152 Ὣς εἰπὼν ἐν χερσὶ κόμην ἑτάροιο φίλοιο ### book 23.153 θῆκεν, τοῖσι δὲ πᾶσιν ὑφ’ ἵμερον ὦρσε γόοιο. ### book 23.154 καί νύ κ’ ὀδυρομένοισιν ἔδυ φάος ἠελίοιο ### book 23.155 εἰ μὴ Ἀχιλλεὺς αἶψ’ Ἀγαμέμνονι εἶπε παραστάς· ### book 23.156 Ἀτρεΐδη, σοὶ γάρ τε μάλιστά γε λαὸς Ἀχαιῶν ### book 23.157 πείσονται μύθοισι, γόοιο μὲν ἔστι καὶ ἆσαι, ### book 23.158 νῦν δ’ ἀπὸ πυρκαϊῆς σκέδασον καὶ δεῖπνον ἄνωχθι ### book 23.159 ὅπλεσθαι· τάδε δ’ ἀμφὶ πονησόμεθ’ οἷσι μάλιστα ### book 23.160 κήδεός ἐστι νέκυς· παρὰ δ’ οἵ τ’ ἀγοὶ ἄμμι μενόντων. ### book 23.161 Αὐτὰρ ἐπεὶ τό γ’ ἄκουσεν ἄναξ ἀνδρῶν Ἀγαμέμνων, ### book 23.162 αὐτίκα λαὸν μὲν σκέδασεν κατὰ νῆας ἐΐσας, ### book 23.163 κηδεμόνες δὲ παρ’ αὖθι μένον καὶ νήεον ὕλην, ### book 23.164 ποίησαν δὲ πυρὴν ἑκατόμπεδον ἔνθα καὶ ἔνθα, ### book 23.165 ἐν δὲ πυρῇ ὑπάτῃ νεκρὸν θέσαν ἀχνύμενοι κῆρ. ### book 23.166 πολλὰ δὲ ἴφια μῆλα καὶ εἰλίποδας ἕλικας βοῦς ### book 23.167 πρόσθε πυρῆς ἔδερόν τε καὶ ἄμφεπον· ἐκ δ’ ἄρα πάντων ### book 23.168 δημὸν ἑλὼν ἐκάλυψε νέκυν μεγάθυμος Ἀχιλλεὺς ### book 23.169 ἐς πόδας ἐκ κεφαλῆς, περὶ δὲ δρατὰ σώματα νήει. ### book 23.170 ἐν δ’ ἐτίθει μέλιτος καὶ ἀλείφατος ἀμφιφορῆας ### book 23.171 πρὸς λέχεα κλίνων· πίσυρας δ’ ἐριαύχενας ἵππους ### book 23.172 ἐσσυμένως ἐνέβαλλε πυρῇ μεγάλα στεναχίζων. ### book 23.173 ἐννέα τῷ γε ἄνακτι τραπεζῆες κύνες ἦσαν, ### book 23.174 καὶ μὲν τῶν ἐνέβαλλε πυρῇ δύο δειροτομήσας, ### book 23.175 δώδεκα δὲ Τρώων μεγαθύμων υἱέας ἐσθλοὺς ### book 23.176 χαλκῷ δηϊόων· κακὰ δὲ φρεσὶ μήδετο ἔργα· ### book 23.177 ἐν δὲ πυρὸς μένος ἧκε σιδήρεον ὄφρα νέμοιτο. ### book 23.178 ᾤμωξέν τ’ ἄρ’ ἔπειτα, φίλον δ’ ὀνόμηνεν ἑταῖρον· ### book 23.179 χαῖρέ μοι ὦ Πάτροκλε καὶ εἰν Ἀΐδαο δόμοισι· ### book 23.180 πάντα γὰρ ἤδη τοι τελέω τὰ πάροιθεν ὑπέστην, ### book 23.181 δώδεκα μὲν Τρώων μεγαθύμων υἱέας ἐσθλοὺς ### book 23.182 τοὺς ἅμα σοὶ πάντας πῦρ ἐσθίει· Ἕκτορα δ’ οὔ τι ### book 23.183 δώσω Πριαμίδην πυρὶ δαπτέμεν, ἀλλὰ κύνεσσιν. ### book 23.184 Ὣς φάτ’ ἀπειλήσας· τὸν δ’ οὐ κύνες ἀμφεπένοντο, ### book 23.185 ἀλλὰ κύνας μὲν ἄλαλκε Διὸς θυγάτηρ Ἀφροδίτη ### book 23.186 ἤματα καὶ νύκτας, ῥοδόεντι δὲ χρῖεν ἐλαίῳ ### book 23.187 ἀμβροσίῳ, ἵνα μή μιν ἀποδρύφοι ἑλκυστάζων. ### book 23.188 τῷ δ’ ἐπὶ κυάνεον νέφος ἤγαγε Φοῖβος Ἀπόλλων ### book 23.189 οὐρανόθεν πεδίον δέ, κάλυψε δὲ χῶρον ἅπαντα ### book 23.190 ὅσσον ἐπεῖχε νέκυς, μὴ πρὶν μένος ἠελίοιο ### book 23.191 σκήλει’ ἀμφὶ περὶ χρόα ἴνεσιν ἠδὲ μέλεσσιν. ### book 23.192 Οὐδὲ πυρὴ Πατρόκλου ἐκαίετο τεθνηῶτος· ### book 23.193 ἔνθ’ αὖτ’ ἀλλ’ ἐνόησε ποδάρκης δῖος Ἀχιλλεύς· ### book 23.194 στὰς ἀπάνευθε πυρῆς δοιοῖς ἠρᾶτ’ ἀνέμοισι ### book 23.195 Βορέῃ καὶ Ζεφύρῳ, καὶ ὑπίσχετο ἱερὰ καλά· ### book 23.196 πολλὰ δὲ καὶ σπένδων χρυσέῳ δέπαϊ λιτάνευεν ### book 23.197 ἐλθέμεν, ὄφρα τάχιστα πυρὶ φλεγεθοίατο νεκροί, ### book 23.198 ὕλη τε σεύαιτο καήμεναι. ὦκα δὲ Ἶρις ### book 23.199 ἀράων ἀΐουσα μετάγγελος ἦλθ’ ἀνέμοισιν. ### book 23.200 οἳ μὲν ἄρα Ζεφύροιο δυσαέος ἀθρόοι ἔνδον ### book 23.201 εἰλαπίνην δαίνυντο· θέουσα δὲ Ἶρις ἐπέστη ### book 23.202 βηλῷ ἔπι λιθέῳ· τοὶ δ’ ὡς ἴδον ὀφθαλμοῖσι ### book 23.203 πάντες ἀνήϊξαν, κάλεόν τέ μιν εἰς ἓ ἕκαστος· ### book 23.204 ἣ δ’ αὖθ’ ἕζεσθαι μὲν ἀνήνατο, εἶπε δὲ μῦθον· ### book 23.205 οὐχ ἕδος· εἶμι γὰρ αὖτις ἐπ’ Ὠκεανοῖο ῥέεθρα ### book 23.206 Αἰθιόπων ἐς γαῖαν, ὅθι ῥέζους’ ἑκατόμβας ### book 23.207 ἀθανάτοις, ἵνα δὴ καὶ ἐγὼ μεταδαίσομαι ἱρῶν. ### book 23.208 ἀλλ’ Ἀχιλεὺς Βορέην ἠδὲ Ζέφυρον κελαδεινὸν ### book 23.209 ἐλθεῖν ἀρᾶται, καὶ ὑπίσχεται ἱερὰ καλά, ### book 23.210 ὄφρα πυρὴν ὄρσητε καήμεναι, ᾗ ἔνι κεῖται ### book 23.211 Πάτροκλος, τὸν πάντες ἀναστενάχουσιν Ἀχαιοί. ### book 23.212 Ἣ μὲν ἄρ’ ὣς εἰποῦς’ ἀπεβήσετο, τοὶ δ’ ὀρέοντο ### book 23.213 ἠχῇ θεσπεσίῃ νέφεα κλονέοντε πάροιθεν. ### book 23.214 αἶψα δὲ πόντον ἵκανον ἀήμεναι, ὦρτο δὲ κῦμα ### book 23.215 πνοιῇ ὕπο λιγυρῇ· Τροίην δ’ ἐρίβωλον ἱκέσθην, ### book 23.216 ἐν δὲ πυρῇ πεσέτην, μέγα δ’ ἴαχε θεσπιδαὲς πῦρ. ### book 23.217 παννύχιοι δ’ ἄρα τοί γε πυρῆς ἄμυδις φλόγ’ ἔβαλλον ### book 23.218 φυσῶντες λιγέως· ὃ δὲ πάννυχος ὠκὺς Ἀχιλλεὺς ### book 23.219 χρυσέου ἐκ κρητῆρος ἑλὼν δέπας ἀμφικύπελλον ### book 23.220 οἶνον ἀφυσσόμενος χαμάδις χέε, δεῦε δὲ γαῖαν ### book 23.221 ψυχὴν κικλήσκων Πατροκλῆος δειλοῖο. ### book 23.222 ὡς δὲ πατὴρ οὗ παιδὸς ὀδύρεται ὀστέα καίων ### book 23.223 νυμφίου, ὅς τε θανὼν δειλοὺς ἀκάχησε τοκῆας, ### book 23.224 ὣς Ἀχιλεὺς ἑτάροιο ὀδύρετο ὀστέα καίων, ### book 23.225 ἑρπύζων παρὰ πυρκαϊὴν ἁδινὰ στεναχίζων. ### book 23.226 Ἦμος δ’ ἑωσφόρος εἶσι φόως ἐρέων ἐπὶ γαῖαν, ### book 23.227 ὅν τε μέτα κροκόπεπλος ὑπεὶρ ἅλα κίδναται ἠώς, ### book 23.228 τῆμος πυρκαϊὴ ἐμαραίνετο, παύσατο δὲ φλόξ. ### book 23.229 οἳ δ’ ἄνεμοι πάλιν αὖτις ἔβαν οἶκον δὲ νέεσθαι ### book 23.230 Θρηΐκιον κατὰ πόντον· ὃ δ’ ἔστενεν οἴδματι θύων. ### book 23.231 Πηλεΐδης δ’ ἀπὸ πυρκαϊῆς ἑτέρωσε λιασθεὶς ### book 23.232 κλίνθη κεκμηώς, ἐπὶ δὲ γλυκὺς ὕπνος ὄρουσεν· ### book 23.233 οἳ δ’ ἀμφ’ Ἀτρεΐωνα ἀολλέες ἠγερέθοντο· ### book 23.234 τῶν μιν ἐπερχομένων ὅμαδος καὶ δοῦπος ἔγειρεν, ### book 23.235 ἕζετο δ’ ὀρθωθεὶς καί σφεας πρὸς μῦθον ἔειπεν· ### book 23.236 Ἀτρεΐδη τε καὶ ἄλλοι ἀριστῆες Παναχαιῶν, ### book 23.237 πρῶτον μὲν κατὰ πυρκαϊὴν σβέσατ’ αἴθοπι οἴνῳ ### book 23.238 πᾶσαν, ὁπόσσον ἐπέσχε πυρὸς μένος· αὐτὰρ ἔπειτα ### book 23.239 ὀστέα Πατρόκλοιο Μενοιτιάδαο λέγωμεν ### book 23.240 εὖ διαγιγνώσκοντες· ἀριφραδέα δὲ τέτυκται· ### book 23.241 ἐν μέσσῃ γὰρ ἔκειτο πυρῇ, τοὶ δ’ ἄλλοι ἄνευθεν ### book 23.242 ἐσχατιῇ καίοντ’ ἐπιμὶξ ἵπποι τε καὶ ἄνδρες. ### book 23.243 καὶ τὰ μὲν ἐν χρυσέῃ φιάλῃ καὶ δίπλακι δημῷ ### book 23.244 θείομεν, εἰς ὅ κεν αὐτὸς ἐγὼν Ἄϊδι κεύθωμαι. ### book 23.245 τύμβον δ’ οὐ μάλα πολλὸν ἐγὼ πονέεσθαι ἄνωγα, ### book 23.246 ἀλλ’ ἐπιεικέα τοῖον· ἔπειτα δὲ καὶ τὸν Ἀχαιοὶ ### book 23.247 εὐρύν θ’ ὑψηλόν τε τιθήμεναι, οἵ κεν ἐμεῖο ### book 23.248 δεύτεροι ἐν νήεσσι πολυκλήϊσι λίπησθε. ### book 23.249 Ὣς ἔφαθ’, οἳ δ’ ἐπίθοντο ποδώκεϊ Πηλεΐωνι. ### book 23.250 πρῶτον μὲν κατὰ πυρκαϊὴν σβέσαν αἴθοπι οἴνῳ ### book 23.251 ὅσσον ἐπὶ φλὸξ ἦλθε, βαθεῖα δὲ κάππεσε τέφρη· ### book 23.252 κλαίοντες δ’ ἑτάροιο ἐνηέος ὀστέα λευκὰ ### book 23.253 ἄλλεγον ἐς χρυσέην φιάλην καὶ δίπλακα δημόν, ### book 23.254 ἐν κλισίῃσι δὲ θέντες ἑανῷ λιτὶ κάλυψαν· ### book 23.255 τορνώσαντο δὲ σῆμα θεμείλιά τε προβάλοντο ### book 23.256 ἀμφὶ πυρήν· εἶθαρ δὲ χυτὴν ἐπὶ γαῖαν ἔχευαν, ### book 23.257 χεύαντες δὲ τὸ σῆμα πάλιν κίον. αὐτὰρ Ἀχιλλεὺς ### book 23.258 αὐτοῦ λαὸν ἔρυκε καὶ ἵζανεν εὐρὺν ἀγῶνα, ### book 23.259 νηῶν δ’ ἔκφερ’ ἄεθλα λέβητάς τε τρίποδάς τε ### book 23.260 ἵππους θ’ ἡμιόνους τε βοῶν τ’ ἴφθιμα κάρηνα, ### book 23.261 ἠδὲ γυναῖκας ἐϋζώνους πολιόν τε σίδηρον. ### book 23.262 Ἱππεῦσιν μὲν πρῶτα ποδώκεσιν ἀγλά’ ἄεθλα ### book 23.263 θῆκε γυναῖκα ἄγεσθαι ἀμύμονα ἔργα ἰδυῖαν ### book 23.264 καὶ τρίποδ’ ὠτώεντα δυωκαιεικοσίμετρον ### book 23.265 τῷ πρώτῳ· ἀτὰρ αὖ τῷ δευτέρῳ ἵππον ἔθηκεν ### book 23.266 ἑξέτε’ ἀδμήτην βρέφος ἡμίονον κυέουσαν· ### book 23.267 αὐτὰρ τῷ τριτάτῳ ἄπυρον κατέθηκε λέβητα ### book 23.268 καλὸν τέσσαρα μέτρα κεχανδότα λευκὸν ἔτ’ αὔτως· ### book 23.269 τῷ δὲ τετάρτῳ θῆκε δύω χρυσοῖο τάλαντα, ### book 23.270 πέμπτῳ δ’ ἀμφίθετον φιάλην ἀπύρωτον ἔθηκε. ### book 23.271 στῆ δ’ ὀρθὸς καὶ μῦθον ἐν Ἀργείοισιν ἔειπεν· ### book 23.272 Ἀτρεΐδη τε καὶ ἄλλοι ἐϋκνήμιδες Ἀχαιοὶ ### book 23.273 ἱππῆας τάδ’ ἄεθλα δεδεγμένα κεῖτ’ ἐν ἀγῶνι. ### book 23.274 εἰ μὲν νῦν ἐπὶ ἄλλῳ ἀεθλεύοιμεν Ἀχαιοὶ ### book 23.275 ἦ τ’ ἂν ἐγὼ τὰ πρῶτα λαβὼν κλισίην δὲ φεροίμην. ### book 23.276 ἴστε γὰρ ὅσσον ἐμοὶ ἀρετῇ περιβάλλετον ἵπποι· ### book 23.277 ἀθάνατοί τε γάρ εἰσι, Ποσειδάων δὲ πόρ’ αὐτοὺς ### book 23.278 πατρὶ ἐμῷ Πηλῆϊ, ὃ δ’ αὖτ’ ἐμοὶ ἐγγυάλιξεν. ### book 23.279 ἀλλ’ ἤτοι μὲν ἐγὼ μενέω καὶ μώνυχες ἵπποι· ### book 23.280 τοίου γὰρ κλέος ἐσθλὸν ἀπώλεσαν ἡνιόχοιο ### book 23.281 ἠπίου, ὅς σφωϊν μάλα πολλάκις ὑγρὸν ἔλαιον ### book 23.282 χαιτάων κατέχευε λοέσσας ὕδατι λευκῷ. ### book 23.283 τὸν τώ γ’ ἑσταότες πενθείετον, οὔδεϊ δέ σφι ### book 23.284 χαῖται ἐρηρέδαται, τὼ δ’ ἕστατον ἀχνυμένω κῆρ. ### book 23.285 ἄλλοι δὲ στέλλεσθε κατὰ στρατόν, ὅς τις Ἀχαιῶν ### book 23.286 ἵπποισίν τε πέποιθε καὶ ἅρμασι κολλητοῖσιν. ### book 23.287 Ὣς φάτο Πηλεΐδης, ταχέες δ’ ἱππῆες ἄγερθεν. ### book 23.288 ὦρτο πολὺ πρῶτος μὲν ἄναξ ἀνδρῶν Εὔμηλος ### book 23.289 Ἀδμήτου φίλος υἱός, ὃς ἱπποσύνῃ ἐκέκαστο· ### book 23.290 τῷ δ’ ἐπὶ Τυδεΐδης ὦρτο κρατερὸς Διομήδης, ### book 23.291 ἵππους δὲ Τρῳοὺς ὕπαγε ζυγόν, οὕς ποτ’ ἀπηύρα ### book 23.292 Αἰνείαν, ἀτὰρ αὐτὸν ὑπεξεσάωσεν Ἀπόλλων. ### book 23.293 τῷ δ’ ἄρ’ ἐπ’ Ἀτρεΐδης ὦρτο ξανθὸς Μενέλαος ### book 23.294 διογενής, ὑπὸ δὲ ζυγὸν ἤγαγεν ὠκέας ἵππους ### book 23.295 Αἴθην τὴν Ἀγαμεμνονέην τὸν ἑόν τε Πόδαργον· ### book 23.296 τὴν Ἀγαμέμνονι δῶκ’ Ἀγχισιάδης Ἐχέπωλος ### book 23.297 δῶρ’, ἵνα μή οἱ ἕποιθ’ ὑπὸ Ἴλιον ἠνεμόεσσαν, ### book 23.298 ἀλλ’ αὐτοῦ τέρποιτο μένων· μέγα γάρ οἱ ἔδωκε ### book 23.299 Ζεὺς ἄφενος, ναῖεν δ’ ὅ γ’ ἐν εὐρυχόρῳ Σικυῶνι· ### book 23.300 τὴν ὅ γ’ ὑπὸ ζυγὸν ἦγε μέγα δρόμου ἰσχανόωσαν. ### book 23.301 Ἀντίλοχος δὲ τέταρτος ἐΰτριχας ὁπλίσαθ’ ἵππους, ### book 23.302 Νέστορος ἀγλαὸς υἱὸς ὑπερθύμοιο ἄνακτος ### book 23.303 τοῦ Νηληϊάδαο· Πυλοιγενέες δέ οἱ ἵπποι ### book 23.304 ὠκύποδες φέρον ἅρμα· πατὴρ δέ οἱ ἄγχι παραστὰς ### book 23.305 μυθεῖτ’ εἰς ἀγαθὰ φρονέων νοέοντι καὶ αὐτῷ· ### book 23.306 Ἀντίλοχ’ ἤτοι μέν σε νέον περ ἐόντ’ ἐφίλησαν ### book 23.307 Ζεύς τε Ποσειδάων τε, καὶ ἱπποσύνας ἐδίδαξαν ### book 23.308 παντοίας· τὼ καί σε διδασκέμεν οὔ τι μάλα χρεώ· ### book 23.309 οἶσθα γὰρ εὖ περὶ τέρμαθ’ ἑλισσέμεν· ἀλλά τοι ἵπποι ### book 23.310 βάρδιστοι θείειν· τώ τ’ οἴω λοίγι’ ἔσεσθαι. ### book 23.311 τῶν δ’ ἵπποι μὲν ἔασιν ἀφάρτεροι, οὐδὲ μὲν αὐτοὶ ### book 23.312 πλείονα ἴσασιν σέθεν αὐτοῦ μητίσασθαι. ### book 23.313 ἀλλ’ ἄγε δὴ σὺ φίλος μῆτιν ἐμβάλλεο θυμῷ ### book 23.314 παντοίην, ἵνα μή σε παρεκπροφύγῃσιν ἄεθλα. ### book 23.315 μήτι τοι δρυτόμος μέγ’ ἀμείνων ἠὲ βίηφι· ### book 23.316 μήτι δ’ αὖτε κυβερνήτης ἐνὶ οἴνοπι πόντῳ ### book 23.317 νῆα θοὴν ἰθύνει ἐρεχθομένην ἀνέμοισι· ### book 23.318 μήτι δ’ ἡνίοχος περιγίγνεται ἡνιόχοιο. ### book 23.319 ἀλλ’ ὃς μέν θ’ ἵπποισι καὶ ἅρμασιν οἷσι πεποιθὼς ### book 23.320 ἀφραδέως ἐπὶ πολλὸν ἑλίσσεται ἔνθα καὶ ἔνθα, ### book 23.321 ἵπποι δὲ πλανόωνται ἀνὰ δρόμον, οὐδὲ κατίσχει· ### book 23.322 ὃς δέ κε κέρδεα εἰδῇ ἐλαύνων ἥσσονας ἵππους, ### book 23.323 αἰεὶ τέρμ’ ὁρόων στρέφει ἐγγύθεν, οὐδέ ἑ λήθει ### book 23.324 ὅππως τὸ πρῶτον τανύσῃ βοέοισιν ἱμᾶσιν, ### book 23.325 ἀλλ’ ἔχει ἀσφαλέως καὶ τὸν προὔχοντα δοκεύει. ### book 23.326 σῆμα δέ τοι ἐρέω μάλ’ ἀριφραδές, οὐδέ σε λήσει. ### book 23.327 ἕστηκε ξύλον αὖον ὅσον τ’ ὄργυι’ ὑπὲρ αἴης ### book 23.328 ἢ δρυὸς ἢ πεύκης· τὸ μὲν οὐ καταπύθεται ὄμβρῳ, ### book 23.329 λᾶε δὲ τοῦ ἑκάτερθεν ἐρηρέδαται δύο λευκὼ ### book 23.330 ἐν ξυνοχῇσιν ὁδοῦ, λεῖος δ’ ἱππόδρομος ἀμφὶς ### book 23.331 ἤ τευ σῆμα βροτοῖο πάλαι κατατεθνηῶτος, ### book 23.332 ἢ τό γε νύσσα τέτυκτο ἐπὶ προτέρων ἀνθρώπων, ### book 23.333 καὶ νῦν τέρματ’ ἔθηκε ποδάρκης δῖος Ἀχιλλεύς. ### book 23.334 τῷ σὺ μάλ’ ἐγχρίμψας ἐλάαν σχεδὸν ἅρμα καὶ ἵππους, ### book 23.335 αὐτὸς δὲ κλινθῆναι ἐϋπλέκτῳ ἐνὶ δίφρῳ ### book 23.336 ἦκ’ ἐπ’ ἀριστερὰ τοῖιν· ἀτὰρ τὸν δεξιὸν ἵππον ### book 23.337 κένσαι ὁμοκλήσας, εἶξαί τέ οἱ ἡνία χερσίν. ### book 23.338 ἐν νύσσῃ δέ τοι ἵππος ἀριστερὸς ἐγχριμφθήτω, ### book 23.339 ὡς ἄν τοι πλήμνη γε δοάσσεται ἄκρον ἱκέσθαι ### book 23.340 κύκλου ποιητοῖο· λίθου δ’ ἀλέασθαι ἐπαυρεῖν, ### book 23.341 μή πως ἵππους τε τρώσῃς κατά θ’ ἅρματα ἄξῃς· ### book 23.342 χάρμα δὲ τοῖς ἄλλοισιν, ἐλεγχείη δὲ σοὶ αὐτῷ ### book 23.343 ἔσσεται· ἀλλὰ φίλος φρονέων πεφυλαγμένος εἶναι. ### book 23.344 εἰ γάρ κ’ ἐν νύσσῃ γε παρεξελάσῃσθα διώκων, ### book 23.345 οὐκ ἔσθ’ ὅς κέ ς’ ἕλῃσι μετάλμενος οὐδὲ παρέλθῃ, ### book 23.346 οὐδ’ εἴ κεν μετόπισθεν Ἀρίονα δῖον ἐλαύνοι ### book 23.347 Ἀδρήστου ταχὺν ἵππον, ὃς ἐκ θεόφιν γένος ἦεν, ### book 23.348 ἢ τοὺς Λαομέδοντος, οἳ ἐνθάδε γ’ ἔτραφεν ἐσθλοί. ### book 23.349 Ὣς εἰπὼν Νέστωρ Νηλήϊος ἂψ ἐνὶ χώρῃ ### book 23.350 ἕζετ’, ἐπεὶ ᾧ παιδὶ ἑκάστου πείρατ’ ἔειπε. ### book 23.351 Μηριόνης δ’ ἄρα πέμπτος ἐΰτριχας ὁπλίσαθ’ ἵππους. ### book 23.352 ἂν δ’ ἔβαν ἐς δίφρους, ἐν δὲ κλήρους ἐβάλοντο· ### book 23.353 πάλλ’ Ἀχιλεύς, ἐκ δὲ κλῆρος θόρε Νεστορίδαο ### book 23.354 Ἀντιλόχου· μετὰ τὸν δ’ ἔλαχε κρείων Εὔμηλος· ### book 23.355 τῷ δ’ ἄρ’ ἐπ’ Ἀτρεΐδης δουρὶ κλειτὸς Μενέλαος, ### book 23.356 τῷ δ’ ἐπὶ Μηριόνης λάχ’ ἐλαυνέμεν· ὕστατος αὖτε ### book 23.357 Τυδεΐδης ὄχ’ ἄριστος ἐὼν λάχ’ ἐλαυνέμεν ἵππους. ### book 23.358 στὰν δὲ μεταστοιχί, σήμηνε δὲ τέρματ’ Ἀχιλλεὺς ### book 23.359 τηλόθεν ἐν λείῳ πεδίῳ· παρὰ δὲ σκοπὸν εἷσεν ### book 23.360 ἀντίθεον Φοίνικα ὀπάονα πατρὸς ἑοῖο, ### book 23.361 ὡς μεμνέῳτο δρόμους καὶ ἀληθείην ἀποείποι. ### book 23.362 Οἳ δ’ ἅμα πάντες ἐφ’ ἵπποιιν μάστιγας ἄειραν, ### book 23.363 πέπληγόν θ’ ἱμᾶσιν, ὁμόκλησάν τ’ ἐπέεσσιν ### book 23.364 ἐσσυμένως· οἳ δ’ ὦκα διέπρησσον πεδίοιο ### book 23.365 νόσφι νεῶν ταχέως· ὑπὸ δὲ στέρνοισι κονίη ### book 23.366 ἵστατ’ ἀειρομένη ὥς τε νέφος ἠὲ θύελλα, ### book 23.367 χαῖται δ’ ἐρρώοντο μετὰ πνοιῇς ἀνέμοιο. ### book 23.368 ἅρματα δ’ ἄλλοτε μὲν χθονὶ πίλνατο πουλυβοτείρῃ, ### book 23.369 ἄλλοτε δ’ ἀΐξασκε μετήορα· τοὶ δ’ ἐλατῆρες ### book 23.370 ἕστασαν ἐν δίφροισι, πάτασσε δὲ θυμὸς ἑκάστου ### book 23.371 νίκης ἱεμένων· κέκλοντο δὲ οἷσιν ἕκαστος ### book 23.372 ἵπποις, οἳ δ’ ἐπέτοντο κονίοντες πεδίοιο. ### book 23.373 Ἀλλ’ ὅτε δὴ πύματον τέλεον δρόμον ὠκέες ἵπποι ### book 23.374 ἂψ ἐφ’ ἁλὸς πολιῆς, τότε δὴ ἀρετή γε ἑκάστου ### book 23.375 φαίνετ’, ἄφαρ δ’ ἵπποισι τάθη δρόμος· ὦκα δ’ ἔπειτα ### book 23.376 αἳ Φηρητιάδαο ποδώκεες ἔκφερον ἵπποι. ### book 23.377 τὰς δὲ μετ’ ἐξέφερον Διομήδεος ἄρσενες ἵπποι ### book 23.378 Τρώϊοι, οὐδέ τι πολλὸν ἄνευθ’ ἔσαν, ἀλλὰ μάλ’ ἐγγύς· ### book 23.379 αἰεὶ γὰρ δίφρου ἐπιβησομένοισιν ἐΐκτην, ### book 23.380 πνοιῇ δ’ Εὐμήλοιο μετάφρενον εὐρέε τ’ ὤμω ### book 23.381 θέρμετ’· ἐπ’ αὐτῷ γὰρ κεφαλὰς καταθέντε πετέσθην. ### book 23.382 καί νύ κεν ἢ παρέλασς’ ἢ ἀμφήριστον ἔθηκεν, ### book 23.383 εἰ μὴ Τυδέος υἷϊ κοτέσσατο Φοῖβος Ἀπόλλων, ### book 23.384 ὅς ῥά οἱ ἐκ χειρῶν ἔβαλεν μάστιγα φαεινήν. ### book 23.385 τοῖο δ’ ἀπ’ ὀφθαλμῶν χύτο δάκρυα χωομένοιο, ### book 23.386 οὕνεκα τὰς μὲν ὅρα ἔτι καὶ πολὺ μᾶλλον ἰούσας, ### book 23.387 οἳ δέ οἱ ἐβλάφθησαν ἄνευ κέντροιο θέοντες. ### book 23.388 οὐδ’ ἄρ’ Ἀθηναίην ἐλεφηράμενος λάθ’ Ἀπόλλων ### book 23.389 Τυδεΐδην, μάλα δ’ ὦκα μετέσσυτο ποιμένα λαῶν, ### book 23.390 δῶκε δέ οἱ μάστιγα, μένος δ’ ἵπποισιν ἐνῆκεν· ### book 23.391 ἣ δὲ μετ’ Ἀδμήτου υἱὸν κοτέους’ ἐβεβήκει, ### book 23.392 ἵππειον δέ οἱ ἦξε θεὰ ζυγόν· αἳ δέ οἱ ἵπποι ### book 23.393 ἀμφὶς ὁδοῦ δραμέτην, ῥυμὸς δ’ ἐπὶ γαῖαν ἐλύσθη. ### book 23.394 αὐτὸς δ’ ἐκ δίφροιο παρὰ τροχὸν ἐξεκυλίσθη, ### book 23.395 ἀγκῶνάς τε περιδρύφθη στόμα τε ῥῖνάς τε, ### book 23.396 θρυλίχθη δὲ μέτωπον ἐπ’ ὀφρύσι· τὼ δέ οἱ ὄσσε ### book 23.397 δακρυόφι πλῆσθεν, θαλερὴ δέ οἱ ἔσχετο φωνή. ### book 23.398 Τυδεΐδης δὲ παρατρέψας ἔχε μώνυχας ἵππους, ### book 23.399 πολλὸν τῶν ἄλλων ἐξάλμενος· ἐν γὰρ Ἀθήνη ### book 23.400 ἵπποις ἧκε μένος καὶ ἐπ’ αὐτῷ κῦδος ἔθηκε. ### book 23.401 τῷ δ’ ἄρ’ ἐπ’ Ἀτρεΐδης εἶχε ξανθὸς Μενέλαος. ### book 23.402 Ἀντίλοχος δ’ ἵπποισιν ἐκέκλετο πατρὸς ἑοῖο· ### book 23.403 ἔμβητον καὶ σφῶϊ· τιταίνετον ὅττι τάχιστα. ### book 23.404 ἤτοι μὲν κείνοισιν ἐριζέμεν οὔ τι κελεύω ### book 23.405 Τυδεΐδεω ἵπποισι δαΐφρονος, οἷσιν Ἀθήνη ### book 23.406 νῦν ὤρεξε τάχος καὶ ἐπ’ αὐτῷ κῦδος ἔθηκεν· ### book 23.407 ἵππους δ’ Ἀτρεΐδαο κιχάνετε, μὴ δὲ λίπησθον, ### book 23.408 καρπαλίμως, μὴ σφῶϊν ἐλεγχείην καταχεύῃ ### book 23.409 Αἴθη θῆλυς ἐοῦσα· τί ἢ λείπεσθε φέριστοι; ### book 23.410 ὧδε γὰρ ἐξερέω, καὶ μὴν τετελεσμένον ἔσται· ### book 23.411 οὐ σφῶϊν κομιδὴ παρὰ Νέστορι ποιμένι λαῶν ### book 23.412 ἔσσεται, αὐτίκα δ’ ὔμμε κατακτενεῖ ὀξέϊ χαλκῷ, ### book 23.413 αἴ κ’ ἀποκηδήσαντε φερώμεθα χεῖρον ἄεθλον. ### book 23.414 ἀλλ’ ἐφομαρτεῖτον καὶ σπεύδετον ὅττι τάχιστα· ### book 23.415 ταῦτα δ’ ἐγὼν αὐτὸς τεχνήσομαι ἠδὲ νοήσω ### book 23.416 στεινωπῷ ἐν ὁδῷ παραδύμεναι, οὐδέ με λήσει. ### book 23.417 Ὣς ἔφαθ’, οἳ δὲ ἄνακτος ὑποδείσαντες ὁμοκλὴν ### book 23.418 μᾶλλον ἐπιδραμέτην ὀλίγον χρόνον· αἶψα δ’ ἔπειτα ### book 23.419 στεῖνος ὁδοῦ κοίλης ἴδεν Ἀντίλοχος μενεχάρμης. ### book 23.420 ῥωχμὸς ἔην γαίης, ᾗ χειμέριον ἀλὲν ὕδωρ ### book 23.421 ἐξέρρηξεν ὁδοῖο, βάθυνε δὲ χῶρον ἅπαντα· ### book 23.422 τῇ ῥ’ εἶχεν Μενέλαος ἁματροχιὰς ἀλεείνων. ### book 23.423 Ἀντίλοχος δὲ παρατρέψας ἔχε μώνυχας ἵππους ### book 23.424 ἐκτὸς ὁδοῦ, ὀλίγον δὲ παρακλίνας ἐδίωκεν. ### book 23.425 Ἀτρεΐδης δ’ ἔδεισε καὶ Ἀντιλόχῳ ἐγεγώνει· ### book 23.426 Ἀντίλοχ’ ἀφραδέως ἱππάζεαι, ἀλλ’ ἄνεχ’ ἵππους· ### book 23.427 στεινωπὸς γὰρ ὁδός, τάχα δ’ εὐρυτέρη παρελάσσαι· ### book 23.428 μή πως ἀμφοτέρους δηλήσεαι ἅρματι κύρσας. ### book 23.429 Ὣς ἔφατ’, Ἀντίλοχος δ’ ἔτι καὶ πολὺ μᾶλλον ἔλαυνε ### book 23.430 κέντρῳ ἐπισπέρχων ὡς οὐκ ἀΐοντι ἐοικώς. ### book 23.431 ὅσσα δὲ δίσκου οὖρα κατωμαδίοιο πέλονται, ### book 23.432 ὅν τ’ αἰζηὸς ἀφῆκεν ἀνὴρ πειρώμενος ἥβης, ### book 23.433 τόσσον ἐπιδραμέτην· αἳ δ’ ἠρώησαν ὀπίσσω ### book 23.434 Ἀτρεΐδεω· αὐτὸς γὰρ ἑκὼν μεθέηκεν ἐλαύνειν ### book 23.435 μή πως συγκύρσειαν ὁδῷ ἔνι μώνυχες ἵπποι, ### book 23.436 δίφρους τ’ ἀνστρέψειαν ἐϋπλεκέας, κατὰ δ’ αὐτοὶ ### book 23.437 ἐν κονίῃσι πέσοιεν ἐπειγόμενοι περὶ νίκης. ### book 23.438 τὸν καὶ νεικείων προσέφη ξανθὸς Μενέλαος· ### book 23.439 Ἀντίλοχ’ οὔ τις σεῖο βροτῶν ὀλοώτερος ἄλλος· ### book 23.440 ἔρρ’, ἐπεὶ οὔ ς’ ἔτυμόν γε φάμεν πεπνῦσθαι Ἀχαιοί. ### book 23.441 ἀλλ’ οὐ μὰν οὐδ’ ὧς ἄτερ ὅρκου οἴσῃ ἄεθλον. ### book 23.442 Ὣς εἰπὼν ἵπποισιν ἐκέκλετο φώνησέν τε· ### book 23.443 μή μοι ἐρύκεσθον μὴ δ’ ἕστατον ἀχνυμένω κῆρ. ### book 23.444 φθήσονται τούτοισι πόδες καὶ γοῦνα καμόντα ### book 23.445 ἢ ὑμῖν· ἄμφω γὰρ ἀτέμβονται νεότητος. ### book 23.446 Ὣς ἔφαθ’, οἳ δὲ ἄνακτος ὑποδείσαντες ὁμοκλὴν ### book 23.447 μᾶλλον ἐπιδραμέτην, τάχα δέ σφισιν ἄγχι γένοντο. ### book 23.448 Ἀργεῖοι δ’ ἐν ἀγῶνι καθήμενοι εἰσορόωντο ### book 23.449 ἵππους· τοὶ δὲ πέτοντο κονίοντες πεδίοιο. ### book 23.450 πρῶτος δ’ Ἰδομενεὺς Κρητῶν ἀγὸς ἐφράσαθ’ ἵππους· ### book 23.451 ἧστο γὰρ ἐκτὸς ἀγῶνος ὑπέρτατος ἐν περιωπῇ· ### book 23.452 τοῖο δ’ ἄνευθεν ἐόντος ὁμοκλητῆρος ἀκούσας ### book 23.453 ἔγνω, φράσσατο δ’ ἵππον ἀριπρεπέα προὔχοντα, ### book 23.454 ὃς τὸ μὲν ἄλλο τόσον φοῖνιξ ἦν, ἐν δὲ μετώπῳ ### book 23.455 λευκὸν σῆμα τέτυκτο περίτροχον ἠΰτε μήνη. ### book 23.456 στῆ δ’ ὀρθὸς καὶ μῦθον ἐν Ἀργείοισιν ἔειπεν· ### book 23.457 ὦ φίλοι Ἀργείων ἡγήτορες ἠδὲ μέδοντες ### book 23.458 οἶος ἐγὼν ἵππους αὐγάζομαι ἦε καὶ ὑμεῖς; ### book 23.459 ἄλλοι μοι δοκέουσι παροίτεροι ἔμμεναι ἵπποι, ### book 23.460 ἄλλος δ’ ἡνίοχος ἰνδάλλεται· αἳ δέ που αὐτοῦ ### book 23.461 ἔβλαβεν ἐν πεδίῳ, αἳ κεῖσέ γε φέρτεραι ἦσαν· ### book 23.462 ἤτοι γὰρ τὰς πρῶτα ἴδον περὶ τέρμα βαλούσας, ### book 23.463 νῦν δ’ οὔ πῃ δύναμαι ἰδέειν· πάντῃ δέ μοι ὄσσε ### book 23.464 Τρωϊκὸν ἂμ πεδίον παπταίνετον εἰσορόωντι· ### book 23.465 ἦε τὸν ἡνίοχον φύγον ἡνία, οὐδὲ δυνάσθη ### book 23.466 εὖ σχεθέειν περὶ τέρμα καὶ οὐκ ἐτύχησεν ἑλίξας· ### book 23.467 ἔνθά μιν ἐκπεσέειν ὀΐω σύν θ’ ἅρματα ἆξαι, ### book 23.468 αἳ δ’ ἐξηρώησαν, ἐπεὶ μένος ἔλλαβε θυμόν. ### book 23.469 ἀλλὰ ἴδεσθε καὶ ὔμμες ἀνασταδόν· οὐ γὰρ ἔγωγε ### book 23.470 εὖ διαγιγνώσκω· δοκέει δέ μοι ἔμμεναι ἀνὴρ ### book 23.471 Αἰτωλὸς γενεήν, μετὰ δ’ Ἀργείοισιν ἀνάσσει ### book 23.472 Τυδέος ἱπποδάμου υἱὸς κρατερὸς Διομήδης. ### book 23.473 Τὸν δ’ αἰσχρῶς ἐνένιπεν Ὀϊλῆος ταχὺς Αἴας· ### book 23.474 Ἰδομενεῦ τί πάρος λαβρεύεαι; αἳ δέ τ’ ἄνευθεν ### book 23.475 ἵπποι ἀερσίποδες πολέος πεδίοιο δίενται. ### book 23.476 οὔτε νεώτατός ἐσσι μετ’ Ἀργείοισι τοσοῦτον, ### book 23.477 οὔτέ τοι ὀξύτατον κεφαλῆς ἐκδέρκεται ὄσσε· ### book 23.478 ἀλλ’ αἰεὶ μύθοις λαβρεύεαι· οὐδέ τί σε χρὴ ### book 23.479 λαβραγόρην ἔμεναι· πάρα γὰρ καὶ ἀμείνονες ἄλλοι. ### book 23.480 ἵπποι δ’ αὐταὶ ἔασι παροίτεραι, αἳ τὸ πάρος περ, ### book 23.481 Εὐμήλου, ἐν δ’ αὐτὸς ἔχων εὔληρα βέβηκε. ### book 23.482 Τὸν δὲ χολωσάμενος Κρητῶν ἀγὸς ἀντίον ηὔδα· ### book 23.483 Αἶαν νεῖκος ἄριστε κακοφραδὲς ἄλλά τε πάντα ### book 23.484 δεύεαι Ἀργείων, ὅτι τοι νόος ἐστὶν ἀπηνής. ### book 23.485 δεῦρό νυν ἢ τρίποδος περιδώμεθον ἠὲ λέβητος, ### book 23.486 ἴστορα δ’ Ἀτρεΐδην Ἀγαμέμνονα θείομεν ἄμφω, ### book 23.487 ὁππότεραι πρόσθ’ ἵπποι, ἵνα γνώῃς ἀποτίνων. ### book 23.488 Ὣς ἔφατ’, ὄρνυτο δ’ αὐτίκ’ Ὀϊλῆος ταχὺς Αἴας ### book 23.489 χωόμενος χαλεποῖσιν ἀμείψασθαι ἐπέεσσι· ### book 23.490 καί νύ κε δὴ προτέρω ἔτ’ ἔρις γένετ’ ἀμφοτέροισιν, ### book 23.491 εἰ μὴ Ἀχιλλεὺς αὐτὸς ἀνίστατο καὶ φάτο μῦθον· ### book 23.492 μηκέτι νῦν χαλεποῖσιν ἀμείβεσθον ἐπέεσσιν ### book 23.493 Αἶαν Ἰδομενεῦ τε κακοῖς, ἐπεὶ οὐδὲ ἔοικε. ### book 23.494 καὶ δ’ ἄλλῳ νεμεσᾶτον ὅτις τοιαῦτά γε ῥέζοι. ### book 23.495 ἀλλ’ ὑμεῖς ἐν ἀγῶνι καθήμενοι εἰσοράασθε ### book 23.496 ἵππους· οἳ δὲ τάχ’ αὐτοὶ ἐπειγόμενοι περὶ νίκης ### book 23.497 ἐνθάδ’ ἐλεύσονται· τότε δὲ γνώσεσθε ἕκαστος ### book 23.498 ἵππους Ἀργείων, οἳ δεύτεροι οἵ τε πάροιθεν. ### book 23.499 Ὣς φάτο, Τυδεΐδης δὲ μάλα σχεδὸν ἦλθε διώκων, ### book 23.500 μάστι δ’ αἰὲν ἔλαυνε κατωμαδόν· οἳ δέ οἱ ἵπποι ### book 23.501 ὑψός’ ἀειρέσθην ῥίμφα πρήσσοντε κέλευθον. ### book 23.502 αἰεὶ δ’ ἡνίοχον κονίης ῥαθάμιγγες ἔβαλλον, ### book 23.503 ἅρματα δὲ χρυσῷ πεπυκασμένα κασσιτέρῳ τε ### book 23.504 ἵπποις ὠκυπόδεσσιν ἐπέτρεχον· οὐδέ τι πολλὴ ### book 23.505 γίγνετ’ ἐπισσώτρων ἁρματροχιὴ κατόπισθεν ### book 23.506 ἐν λεπτῇ κονίῃ· τὼ δὲ σπεύδοντε πετέσθην. ### book 23.507 στῆ δὲ μέσῳ ἐν ἀγῶνι, πολὺς δ’ ἀνεκήκιεν ἱδρὼς ### book 23.508 ἵππων ἔκ τε λόφων καὶ ἀπὸ στέρνοιο χαμᾶζε. ### book 23.509 αὐτὸς δ’ ἐκ δίφροιο χαμαὶ θόρε παμφανόωντος, ### book 23.510 κλῖνε δ’ ἄρα μάστιγα ποτὶ ζυγόν· οὐδὲ μάτησεν ### book 23.511 ἴφθιμος Σθένελος, ἀλλ’ ἐσσυμένως λάβ’ ἄεθλον, ### book 23.512 δῶκε δ’ ἄγειν ἑτάροισιν ὑπερθύμοισι γυναῖκα ### book 23.513 καὶ τρίποδ’ ὠτώεντα φέρειν· ὃ δ’ ἔλυεν ὑφ’ ἵππους. ### book 23.514 Τῷ δ’ ἄρ’ ἐπ’ Ἀντίλοχος Νηλήϊος ἤλασεν ἵππους ### book 23.515 κέρδεσιν, οὔ τι τάχει γε, παραφθάμενος Μενέλαον· ### book 23.516 ἀλλὰ καὶ ὧς Μενέλαος ἔχ’ ἐγγύθεν ὠκέας ἵππους. ### book 23.517 ὅσσον δὲ τροχοῦ ἵππος ἀφίσταται, ὅς ῥα ἄνακτα ### book 23.518 ἕλκῃσιν πεδίοιο τιταινόμενος σὺν ὄχεσφι· ### book 23.519 τοῦ μέν τε ψαύουσιν ἐπισσώτρου τρίχες ἄκραι ### book 23.520 οὐραῖαι· ὃ δέ τ’ ἄγχι μάλα τρέχει, οὐδέ τι πολλὴ ### book 23.521 χώρη μεσσηγὺς πολέος πεδίοιο θέοντος· ### book 23.522 τόσσον δὴ Μενέλαος ἀμύμονος Ἀντιλόχοιο ### book 23.523 λείπετ’· ἀτὰρ τὰ πρῶτα καὶ ἐς δίσκουρα λέλειπτο, ### book 23.524 ἀλλά μιν αἶψα κίχανεν· ὀφέλλετο γὰρ μένος ἠῢ ### book 23.525 ἵππου τῆς Ἀγαμεμνονέης καλλίτριχος Αἴθης· ### book 23.526 εἰ δέ κ’ ἔτι προτέρω γένετο δρόμος ἀμφοτέροισι, ### book 23.527 τώ κέν μιν παρέλασς’ οὐδ’ ἀμφήριστον ἔθηκεν. ### book 23.528 αὐτὰρ Μηριόνης θεράπων ἐῢς Ἰδομενῆος ### book 23.529 λείπετ’ ἀγακλῆος Μενελάου δουρὸς ἐρωήν· ### book 23.530 βάρδιστοι μὲν γάρ οἱ ἔσαν καλλίτριχες ἵπποι, ### book 23.531 ἤκιστος δ’ ἦν αὐτὸς ἐλαυνέμεν ἅρμ’ ἐν ἀγῶνι. ### book 23.532 υἱὸς δ’ Ἀδμήτοιο πανύστατος ἤλυθεν ἄλλων ### book 23.533 ἕλκων ἅρματα καλὰ ἐλαύνων πρόσσοθεν ἵππους. ### book 23.534 τὸν δὲ ἰδὼν ᾤκτειρε ποδάρκης δῖος Ἀχιλλεύς, ### book 23.535 στὰς δ’ ἄρ’ ἐν Ἀργείοις ἔπεα πτερόεντ’ ἀγόρευε· ### book 23.536 λοῖσθος ἀνὴρ ὤριστος ἐλαύνει μώνυχας ἵππους· ### book 23.537 ἀλλ’ ἄγε δή οἱ δῶμεν ἀέθλιον ὡς ἐπιεικὲς ### book 23.538 δεύτερ’· ἀτὰρ τὰ πρῶτα φερέσθω Τυδέος υἱός. ### book 23.539 Ὣς ἔφαθ’, οἳ δ’ ἄρα πάντες ἐπῄνεον ὡς ἐκέλευε. ### book 23.540 καί νύ κέ οἱ πόρεν ἵππον, ἐπῄνησαν γὰρ Ἀχαιοί, ### book 23.541 εἰ μὴ ἄρ’ Ἀντίλοχος μεγαθύμου Νέστορος υἱὸς ### book 23.542 Πηλεΐδην Ἀχιλῆα δίκῃ ἠμείψατ’ ἀναστάς· ### book 23.543 ὦ Ἀχιλεῦ μάλα τοι κεχολώσομαι αἴ κε τελέσσῃς ### book 23.544 τοῦτο ἔπος· μέλλεις γὰρ ἀφαιρήσεσθαι ἄεθλον ### book 23.545 τὰ φρονέων ὅτι οἱ βλάβεν ἅρματα καὶ ταχέ’ ἵππω ### book 23.546 αὐτός τ’ ἐσθλὸς ἐών· ἀλλ’ ὤφελεν ἀθανάτοισιν ### book 23.547 εὔχεσθαι· τό κεν οὔ τι πανύστατος ἦλθε διώκων. ### book 23.548 εἰ δέ μιν οἰκτίρεις καί τοι φίλος ἔπλετο θυμῷ ### book 23.549 ἔστί τοι ἐν κλισίῃ χρυσὸς πολύς, ἔστι δὲ χαλκὸς ### book 23.550 καὶ πρόβατ’, εἰσὶ δέ τοι δμῳαὶ καὶ μώνυχες ἵπποι· ### book 23.551 τῶν οἱ ἔπειτ’ ἀνελὼν δόμεναι καὶ μεῖζον ἄεθλον ### book 23.552 ἠὲ καὶ αὐτίκα νῦν, ἵνα ς’ αἰνήσωσιν Ἀχαιοί. ### book 23.553 τὴν δ’ ἐγὼ οὐ δώσω· περὶ δ’ αὐτῆς πειρηθήτω ### book 23.554 ἀνδρῶν ὅς κ’ ἐθέλῃσιν ἐμοὶ χείρεσσι μάχεσθαι. ### book 23.555 Ὣς φάτο, μείδησεν δὲ ποδάρκης δῖος Ἀχιλλεὺς ### book 23.556 χαίρων Ἀντιλόχῳ, ὅτι οἱ φίλος ἦεν ἑταῖρος· ### book 23.557 καί μιν ἀμειβόμενος ἔπεα πτερόεντα προσηύδα· ### book 23.558 Ἀντίλοχ’, εἰ μὲν δή με κελεύεις οἴκοθεν ἄλλο ### book 23.559 Εὐμήλῳ ἐπιδοῦναι, ἐγὼ δέ κε καὶ τὸ τελέσσω. ### book 23.560 δώσω οἱ θώρηκα, τὸν Ἀστεροπαῖον ἀπηύρων ### book 23.561 χάλκεον, ᾧ πέρι χεῦμα φαεινοῦ κασσιτέροιο ### book 23.562 ἀμφιδεδίνηται· πολέος δέ οἱ ἄξιος ἔσται. ### book 23.563 Ἦ ῥα, καὶ Αὐτομέδοντι φίλῳ ἐκέλευσεν ἑταίρῳ ### book 23.564 οἰσέμεναι κλισίηθεν· ὃ δ’ ᾤχετο καί οἱ ἔνεικεν, ### book 23.565 Εὐμήλῳ δ’ ἐν χερσὶ τίθει· ὃ δὲ δέξατο χαίρων. ### book 23.566 Τοῖσι δὲ καὶ Μενέλαος ἀνίστατο θυμὸν ἀχεύων ### book 23.567 Ἀντιλόχῳ ἄμοτον κεχολωμένος· ἐν δ’ ἄρα κῆρυξ ### book 23.568 χειρὶ σκῆπτρον ἔθηκε, σιωπῆσαί τε κέλευσεν ### book 23.569 Ἀργείους· ὃ δ’ ἔπειτα μετηύδα ἰσόθεος φώς· ### book 23.570 Ἀντίλοχε πρόσθεν πεπνυμένε ποῖον ἔρεξας. ### book 23.571 ᾔσχυνας μὲν ἐμὴν ἀρετήν, βλάψας δέ μοι ἵππους ### book 23.572 τοὺς σοὺς πρόσθε βαλών, οἵ τοι πολὺ χείρονες ἦσαν. ### book 23.573 ἀλλ’ ἄγετ’ Ἀργείων ἡγήτορες ἠδὲ μέδοντες ### book 23.574 ἐς μέσον ἀμφοτέροισι δικάσσατε, μὴ δ’ ἐπ’ ἀρωγῇ, ### book 23.575 μή ποτέ τις εἴπῃσιν Ἀχαιῶν χαλκοχιτώνων· ### book 23.576 Ἀντίλοχον ψεύδεσσι βιησάμενος Μενέλαος ### book 23.577 οἴχεται ἵππον ἄγων, ὅτι οἱ πολὺ χείρονες ἦσαν ### book 23.578 ἵπποι, αὐτὸς δὲ κρείσσων ἀρετῇ τε βίῃ τε. ### book 23.579 εἰ δ’ ἄγ’ ἐγὼν αὐτὸς δικάσω, καί μ’ οὔ τινά φημι ### book 23.580 ἄλλον ἐπιπλήξειν Δαναῶν· ἰθεῖα γὰρ ἔσται. ### book 23.581 Ἀντίλοχ’ εἰ δ’ ἄγε δεῦρο διοτρεφές, ἣ θέμις ἐστί, ### book 23.582 στὰς ἵππων προπάροιθε καὶ ἅρματος, αὐτὰρ ἱμάσθλην ### book 23.583 χερσὶν ἔχε ῥαδινήν, ᾗ περ τὸ πρόσθεν ἔλαυνες, ### book 23.584 ἵππων ἁψάμενος γαιήοχον ἐννοσίγαιον ### book 23.585 ὄμνυθι μὴ μὲν ἑκὼν τὸ ἐμὸν δόλῳ ἅρμα πεδῆσαι. ### book 23.586 Τὸν δ’ αὖτ’ Ἀντίλοχος πεπνυμένος ἀντίον ηὔδα· ### book 23.587 ἄνσχεο νῦν· πολλὸν γὰρ ἔγωγε νεώτερός εἰμι ### book 23.588 σεῖο ἄναξ Μενέλαε, σὺ δὲ πρότερος καὶ ἀρείων. ### book 23.589 οἶσθ’ οἷαι νέου ἀνδρὸς ὑπερβασίαι τελέθουσι· ### book 23.590 κραιπνότερος μὲν γάρ τε νόος, λεπτὴ δέ τε μῆτις. ### book 23.591 τώ τοι ἐπιτλήτω κραδίη· ἵππον δέ τοι αὐτὸς ### book 23.592 δώσω, τὴν ἀρόμην. εἰ καί νύ κεν οἴκοθεν ἄλλο ### book 23.593 μεῖζον ἐπαιτήσειας, ἄφαρ κέ τοι αὐτίκα δοῦναι ### book 23.594 βουλοίμην ἢ σοί γε διοτρεφὲς ἤματα πάντα ### book 23.595 ἐκ θυμοῦ πεσέειν καὶ δαίμοσιν εἶναι ἀλιτρός. ### book 23.596 Ἦ ῥα καὶ ἵππον ἄγων μεγαθύμου Νέστορος υἱὸς ### book 23.597 ἐν χείρεσσι τίθει Μενελάου· τοῖο δὲ θυμὸς ### book 23.598 ἰάνθη ὡς εἴ τε περὶ σταχύεσσιν ἐέρση ### book 23.599 ληΐου ἀλδήσκοντος, ὅτε φρίσσουσιν ἄρουραι· ### book 23.600 ὣς ἄρα σοὶ Μενέλαε μετὰ φρεσὶ θυμὸς ἰάνθη. ### book 23.601 καί μιν φωνήσας ἔπεα πτερόεντα προσηύδα· ### book 23.602 Ἀντίλοχε νῦν μέν τοι ἐγὼν ὑποείξομαι αὐτὸς ### book 23.603 χωόμενος, ἐπεὶ οὔ τι παρήορος οὐδ’ ἀεσίφρων ### book 23.604 ἦσθα πάρος· νῦν αὖτε νόον νίκησε νεοίη. ### book 23.605 δεύτερον αὖτ’ ἀλέασθαι ἀμείνονας ἠπεροπεύειν. ### book 23.606 οὐ γάρ κέν με τάχ’ ἄλλος ἀνὴρ παρέπεισεν Ἀχαιῶν. ### book 23.607 ἀλλὰ σὺ γὰρ δὴ πολλὰ πάθες καὶ πολλὰ μόγησας ### book 23.608 σός τε πατὴρ ἀγαθὸς καὶ ἀδελφεὸς εἵνεκ’ ἐμεῖο· ### book 23.609 τώ τοι λισσομένῳ ἐπιπείσομαι, ἠδὲ καὶ ἵππον ### book 23.610 δώσω ἐμήν περ ἐοῦσαν, ἵνα γνώωσι καὶ οἷδε ### book 23.611 ὡς ἐμὸς οὔ ποτε θυμὸς ὑπερφίαλος καὶ ἀπηνής. ### book 23.612 Ἦ ῥα, καὶ Ἀντιλόχοιο Νοήμονι δῶκεν ἑταίρῳ ### book 23.613 ἵππον ἄγειν· ὃ δ’ ἔπειτα λέβηθ’ ἕλε παμφανόωντα. ### book 23.614 Μηριόνης δ’ ἀνάειρε δύω χρυσοῖο τάλαντα ### book 23.615 τέτρατος, ὡς ἔλασεν. πέμπτον δ’ ὑπελείπετ’ ἄεθλον, ### book 23.616 ἀμφίθετος φιάλη· τὴν Νέστορι δῶκεν Ἀχιλλεὺς ### book 23.617 Ἀργείων ἀν’ ἀγῶνα φέρων, καὶ ἔειπε παραστάς· ### book 23.618 τῆ νῦν, καὶ σοὶ τοῦτο γέρον κειμήλιον ἔστω ### book 23.619 Πατρόκλοιο τάφου μνῆμ’ ἔμμεναι· οὐ γὰρ ἔτ’ αὐτὸν ### book 23.620 ὄψῃ ἐν Ἀργείοισι· δίδωμι δέ τοι τόδ’ ἄεθλον ### book 23.621 αὔτως· οὐ γὰρ πύξ γε μαχήσεαι, οὐδὲ παλαίσεις, ### book 23.622 οὐδ’ ἔτ’ ἀκοντιστὺν ἐσδύσεαι, οὐδὲ πόδεσσι ### book 23.623 θεύσεαι· ἤδη γὰρ χαλεπὸν κατὰ γῆρας ἐπείγει. ### book 23.624 Ὣς εἰπὼν ἐν χερσὶ τίθει· ὃ δ’ ἐδέξατο χαίρων, ### book 23.625 καί μιν φωνήσας ἔπεα πτερόεντα προσηύδα· ### book 23.626 ναὶ δὴ ταῦτά γε πάντα τέκος κατὰ μοῖραν ἔειπες· ### book 23.627 οὐ γὰρ ἔτ’ ἔμπεδα γυῖα φίλος πόδες, οὐδέ τι χεῖρες ### book 23.628 ὤμων ἀμφοτέρωθεν ἐπαΐσσονται ἐλαφραί. ### book 23.629 εἴθ’ ὣς ἡβώοιμι βίη τέ μοι ἔμπεδος εἴη ### book 23.630 ὡς ὁπότε κρείοντ’ Ἀμαρυγκέα θάπτον Ἐπειοὶ ### book 23.631 Βουπρασίῳ, παῖδες δ’ ἔθεσαν βασιλῆος ἄεθλα· ### book 23.632 ἔνθ’ οὔ τίς μοι ὁμοῖος ἀνὴρ γένετ’, οὔτ’ ἄρ’ Ἐπειῶν ### book 23.633 οὔτ’ αὐτῶν Πυλίων οὔτ’ Αἰτωλῶν μεγαθύμων. ### book 23.634 πὺξ μὲν ἐνίκησα Κλυτομήδεα Ἤνοπος υἱόν, ### book 23.635 Ἀγκαῖον δὲ πάλῃ Πλευρώνιον, ὅς μοι ἀνέστη· ### book 23.636 Ἴφικλον δὲ πόδεσσι παρέδραμον ἐσθλὸν ἐόντα, ### book 23.637 δουρὶ δ’ ὑπειρέβαλον Φυλῆά τε καὶ Πολύδωρον. ### book 23.638 οἴοισίν μ’ ἵπποισι παρήλασαν Ἀκτορίωνε ### book 23.639 πλήθει πρόσθε βαλόντες ἀγασσάμενοι περὶ νίκης, ### book 23.640 οὕνεκα δὴ τὰ μέγιστα παρ’ αὐτόθι λείπετ’ ἄεθλα. ### book 23.641 οἳ δ’ ἄρ’ ἔσαν δίδυμοι· ὃ μὲν ἔμπεδον ἡνιόχευεν, ### book 23.642 ἔμπεδον ἡνιόχευ’, ὃ δ’ ἄρα μάστιγι κέλευεν. ### book 23.643 ὥς ποτ’ ἔον· νῦν αὖτε νεώτεροι ἀντιοώντων ### book 23.644 ἔργων τοιούτων· ἐμὲ δὲ χρὴ γήραϊ λυγρῷ ### book 23.645 πείθεσθαι, τότε δ’ αὖτε μετέπρεπον ἡρώεσσιν. ### book 23.646 ἀλλ’ ἴθι καὶ σὸν ἑταῖρον ἀέθλοισι κτερέϊζε. ### book 23.647 τοῦτο δ’ ἐγὼ πρόφρων δέχομαι, χαίρει δέ μοι ἦτορ, ### book 23.648 ὥς μευ ἀεὶ μέμνησαι ἐνηέος, οὐδέ σε λήθω, ### book 23.649 τιμῆς ἧς τέ μ’ ἔοικε τετιμῆσθαι μετ’ Ἀχαιοῖς. ### book 23.650 σοὶ δὲ θεοὶ τῶνδ’ ἀντὶ χάριν μενοεικέα δοῖεν. ### book 23.651 Ὣς φάτο, Πηλεΐδης δὲ πολὺν καθ’ ὅμιλον Ἀχαιῶν ### book 23.652 ᾤχετ’, ἐπεὶ πάντ’ αἶνον ἐπέκλυε Νηλεΐδαο. ### book 23.653 αὐτὰρ ὃ πυγμαχίης ἀλεγεινῆς θῆκεν ἄεθλα· ### book 23.654 ἡμίονον ταλαεργὸν ἄγων κατέδης’ ἐν ἀγῶνι ### book 23.655 ἑξέτε’ ἀδμήτην, ἥ τ’ ἀλγίστη δαμάσασθαι· ### book 23.656 τῷ δ’ ἄρα νικηθέντι τίθει δέπας ἀμφικύπελλον. ### book 23.657 στῆ δ’ ὀρθὸς καὶ μῦθον ἐν Ἀργείοισιν ἔειπεν· ### book 23.658 Ἀτρεΐδη τε καὶ ἄλλοι ἐϋκνήμιδες Ἀχαιοὶ ### book 23.659 ἄνδρε δύω περὶ τῶνδε κελεύομεν, ὥ περ ἀρίστω, ### book 23.660 πὺξ μάλ’ ἀνασχομένω πεπληγέμεν· ᾧ δέ κ’ Ἀπόλλων ### book 23.661 δώῃ καμμονίην, γνώωσι δὲ πάντες Ἀχαιοί, ### book 23.662 ἡμίονον ταλαεργὸν ἄγων κλισίην δὲ νεέσθω· ### book 23.663 αὐτὰρ ὃ νικηθεὶς δέπας οἴσεται ἀμφικύπελλον. ### book 23.664 Ὣς ἔφατ’, ὄρνυτο δ’ αὐτίκ’ ἀνὴρ ἠΰς τε μέγας τε ### book 23.665 εἰδὼς πυγμαχίης υἱὸς Πανοπῆος Ἐπειός, ### book 23.666 ἅψατο δ’ ἡμιόνου ταλαεργοῦ φώνησέν τε· ### book 23.667 ἆσσον ἴτω ὅς τις δέπας οἴσεται ἀμφικύπελλον· ### book 23.668 ἡμίονον δ’ οὔ φημί τιν’ ἀξέμεν ἄλλον Ἀχαιῶν ### book 23.669 πυγμῇ νικήσαντ’, ἐπεὶ εὔχομαι εἶναι ἄριστος. ### book 23.670 ἦ οὐχ ἅλις ὅττι μάχης ἐπιδεύομαι; οὐδ’ ἄρα πως ἦν ### book 23.671 ἐν πάντεσς’ ἔργοισι δαήμονα φῶτα γενέσθαι. ### book 23.672 ὧδε γὰρ ἐξερέω, τὸ δὲ καὶ τετελεσμένον ἔσται· ### book 23.673 ἀντικρὺ χρόα τε ῥήξω σύν τ’ ὀστέ’ ἀράξω. ### book 23.674 κηδεμόνες δέ οἱ ἐνθάδ’ ἀολλέες αὖθι μενόντων, ### book 23.675 οἵ κέ μιν ἐξοίσουσιν ἐμῇς ὑπὸ χερσὶ δαμέντα. ### book 23.676 Ὣς ἔφαθ’, οἳ δ’ ἄρα πάντες ἀκὴν ἐγένοντο σιωπῇ. ### book 23.677 Εὐρύαλος δέ οἱ οἶος ἀνίστατο ἰσόθεος φὼς ### book 23.678 Μηκιστῆος υἱὸς Ταλαϊονίδαο ἄνακτος, ### book 23.679 ὅς ποτε Θήβας δ’ ἦλθε δεδουπότος Οἰδιπόδαο ### book 23.680 ἐς τάφον· ἔνθα δὲ πάντας ἐνίκα Καδμείωνας. ### book 23.681 τὸν μὲν Τυδεΐδης δουρὶ κλυτὸς ἀμφεπονεῖτο ### book 23.682 θαρσύνων ἔπεσιν, μέγα δ’ αὐτῷ βούλετο νίκην. ### book 23.683 ζῶμα δέ οἱ πρῶτον παρακάββαλεν, αὐτὰρ ἔπειτα ### book 23.684 δῶκεν ἱμάντας ἐϋτμήτους βοὸς ἀγραύλοιο. ### book 23.685 τὼ δὲ ζωσαμένω βήτην ἐς μέσσον ἀγῶνα, ### book 23.686 ἄντα δ’ ἀνασχομένω χερσὶ στιβαρῇσιν ἅμ’ ἄμφω ### book 23.687 σύν ῥ’ ἔπεσον, σὺν δέ σφι βαρεῖαι χεῖρες ἔμιχθεν. ### book 23.688 δεινὸς δὲ χρόμαδος γενύων γένετ’, ἔρρεε δ’ ἱδρὼς ### book 23.689 πάντοθεν ἐκ μελέων· ἐπὶ δ’ ὄρνυτο δῖος Ἐπειός, ### book 23.690 κόψε δὲ παπτήναντα παρήϊον· οὐδ’ ἄρ’ ἔτι δὴν ### book 23.691 ἑστήκειν· αὐτοῦ γὰρ ὑπήριπε φαίδιμα γυῖα. ### book 23.692 ὡς δ’ ὅθ’ ὑπὸ φρικὸς Βορέω ἀναπάλλεται ἰχθὺς ### book 23.693 θίν’ ἐν φυκιόεντι, μέλαν δέ ἑ κῦμα κάλυψεν, ### book 23.694 ὣς πληγεὶς ἀνέπαλτ’· αὐτὰρ μεγάθυμος Ἐπειὸς ### book 23.695 χερσὶ λαβὼν ὤρθωσε· φίλοι δ’ ἀμφέσταν ἑταῖροι, ### book 23.696 οἵ μιν ἄγον δι’ ἀγῶνος ἐφελκομένοισι πόδεσσιν ### book 23.697 αἷμα παχὺ πτύοντα κάρη βάλλονθ’ ἑτέρωσε· ### book 23.698 κὰδ δ’ ἀλλοφρονέοντα μετὰ σφίσιν εἷσαν ἄγοντες, ### book 23.699 αὐτοὶ δ’ οἰχόμενοι κόμισαν δέπας ἀμφικύπελλον. ### book 23.700 Πηλεΐδης δ’ αἶψ’ ἄλλα κατὰ τρίτα θῆκεν ἄεθλα ### book 23.701 δεικνύμενος Δαναοῖσι παλαισμοσύνης ἀλεγεινῆς, ### book 23.702 τῷ μὲν νικήσαντι μέγαν τρίποδ’ ἐμπυριβήτην, ### book 23.703 τὸν δὲ δυωδεκάβοιον ἐνὶ σφίσι τῖον Ἀχαιοί· ### book 23.704 ἀνδρὶ δὲ νικηθέντι γυναῖκ’ ἐς μέσσον ἔθηκε, ### book 23.705 πολλὰ δ’ ἐπίστατο ἔργα, τίον δέ ἑ τεσσαράβοιον. ### book 23.706 στῆ δ’ ὀρθὸς καὶ μῦθον ἐν Ἀργείοισιν ἔειπεν· ### book 23.707 ὄρνυσθ’ οἳ καὶ τούτου ἀέθλου πειρήσεσθον. ### book 23.708 ὣς ἔφατ’, ὦρτο δ’ ἔπειτα μέγας Τελαμώνιος Αἴας, ### book 23.709 ἂν δ’ Ὀδυσεὺς πολύμητις ἀνίστατο κέρδεα εἰδώς. ### book 23.710 ζωσαμένω δ’ ἄρα τώ γε βάτην ἐς μέσσον ἀγῶνα, ### book 23.711 ἀγκὰς δ’ ἀλλήλων λαβέτην χερσὶ στιβαρῇσιν ### book 23.712 ὡς ὅτ’ ἀμείβοντες, τούς τε κλυτὸς ἤραρε τέκτων ### book 23.713 δώματος ὑψηλοῖο βίας ἀνέμων ἀλεείνων. ### book 23.714 τετρίγει δ’ ἄρα νῶτα θρασειάων ἀπὸ χειρῶν ### book 23.715 ἑλκόμενα στερεῶς· κατὰ δὲ νότιος ῥέεν ἱδρώς, ### book 23.716 πυκναὶ δὲ σμώδιγγες ἀνὰ πλευράς τε καὶ ὤμους ### book 23.717 αἵματι φοινικόεσσαι ἀνέδραμον· οἳ δὲ μάλ’ αἰεὶ ### book 23.718 νίκης ἱέσθην τρίποδος πέρι ποιητοῖο· ### book 23.719 οὔτ’ Ὀδυσεὺς δύνατο σφῆλαι οὔδει τε πελάσσαι, ### book 23.720 οὔτ’ Αἴας δύνατο, κρατερὴ δ’ ἔχεν ἲς Ὀδυσῆος. ### book 23.721 ἀλλ’ ὅτε δή ῥ’ ἀνίαζον ἐϋκνήμιδας Ἀχαιούς, ### book 23.722 δὴ τότε μιν προσέειπε μέγας Τελαμώνιος Αἴας· ### book 23.723 διογενὲς Λαερτιάδη πολυμήχαν’ Ὀδυσσεῦ ### book 23.724 ἤ μ’ ἀνάειρ’, ἢ ἐγὼ σέ· τὰ δ’ αὖ Διὶ πάντα μελήσει. ### book 23.725 Ὣς εἰπὼν ἀνάειρε· δόλου δ’ οὐ λήθετ’ Ὀδυσσεύς· ### book 23.726 κόψ’ ὄπιθεν κώληπα τυχών, ὑπέλυσε δὲ γυῖα, ### book 23.727 κὰδ δ’ ἔβαλ’ ἐξοπίσω· ἐπὶ δὲ στήθεσσιν Ὀδυσσεὺς ### book 23.728 κάππεσε· λαοὶ δ’ αὖ θηεῦντό τε θάμβησάν τε. ### book 23.729 δεύτερος αὖτ’ ἀνάειρε πολύτλας δῖος Ὀδυσσεύς, ### book 23.730 κίνησεν δ’ ἄρα τυτθὸν ἀπὸ χθονός, οὐδ’ ἔτ’ ἄειρεν, ### book 23.731 ἐν δὲ γόνυ γνάμψεν· ἐπὶ δὲ χθονὶ κάππεσον ἄμφω ### book 23.732 πλησίοι ἀλλήλοισι, μιάνθησαν δὲ κονίῃ. ### book 23.733 καί νύ κε τὸ τρίτον αὖτις ἀναΐξαντ’ ἐπάλαιον, ### book 23.734 εἰ μὴ Ἀχιλλεὺς αὐτὸς ἀνίστατο καὶ κατέρυκε· ### book 23.735 μηκέτ’ ἐρείδεσθον, μὴ δὲ τρίβεσθε κακοῖσι· ### book 23.736 νίκη δ’ ἀμφοτέροισιν· ἀέθλια δ’ ἶς’ ἀνελόντες ### book 23.737 ἔρχεσθ’, ὄφρα καὶ ἄλλοι ἀεθλεύωσιν Ἀχαιοί. ### book 23.738 Ὣς ἔφαθ’, οἳ δ’ ἄρα τοῦ μάλα μὲν κλύον ἠδὲ πίθοντο, ### book 23.739 καί ῥ’ ἀπομορξαμένω κονίην δύσαντο χιτῶνας. ### book 23.740 Πηλεΐδης δ’ αἶψ’ ἄλλα τίθει ταχυτῆτος ἄεθλα ### book 23.741 ἀργύρεον κρητῆρα τετυγμένον· ἓξ δ’ ἄρα μέτρα ### book 23.742 χάνδανεν, αὐτὰρ κάλλει ἐνίκα πᾶσαν ἐπ’ αἶαν ### book 23.743 πολλόν, ἐπεὶ Σιδόνες πολυδαίδαλοι εὖ ἤσκησαν, ### book 23.744 Φοίνικες δ’ ἄγον ἄνδρες ἐπ’ ἠεροειδέα πόντον, ### book 23.745 στῆσαν δ’ ἐν λιμένεσσι, Θόαντι δὲ δῶρον ἔδωκαν· ### book 23.746 υἷος δὲ Πριάμοιο Λυκάονος ὦνον ἔδωκε ### book 23.747 Πατρόκλῳ ἥρωϊ Ἰησονίδης Εὔνηος. ### book 23.748 καὶ τὸν Ἀχιλλεὺς θῆκεν ἄεθλον οὗ ἑτάροιο, ### book 23.749 ὅς τις ἐλαφρότατος ποσσὶ κραιπνοῖσι πέλοιτο· ### book 23.750 δευτέρῳ αὖ βοῦν θῆκε μέγαν καὶ πίονα δημῷ, ### book 23.751 ἡμιτάλαντον δὲ χρυσοῦ λοισθήϊ’ ἔθηκε. ### book 23.752 στῆ δ’ ὀρθὸς καὶ μῦθον ἐν Ἀργείοισιν ἔειπεν· ### book 23.753 ὄρνυσθ’ οἳ καὶ τούτου ἀέθλου πειρήσεσθε. ### book 23.754 ὣς ἔφατ’, ὄρνυτο δ’ αὐτίκ’ Ὀϊλῆος ταχὺς Αἴας, ### book 23.755 ἂν δ’ Ὀδυσεὺς πολύμητις, ἔπειτα δὲ Νέστορος υἱὸς ### book 23.756 Ἀντίλοχος· ὃ γὰρ αὖτε νέους ποσὶ πάντας ἐνίκα. ### book 23.757 στὰν δὲ μεταστοιχί· σήμηνε δὲ τέρματ’ Ἀχιλλεύς. ### book 23.758 τοῖσι δ’ ἀπὸ νύσσης τέτατο δρόμος· ὦκα δ’ ἔπειτα ### book 23.759 ἔκφερ’ Ὀϊλιάδης· ἐπὶ δ’ ὄρνυτο δῖος Ὀδυσσεὺς ### book 23.760 ἄγχι μάλ’, ὡς ὅτε τίς τε γυναικὸς ἐϋζώνοιο ### book 23.761 στήθεός ἐστι κανών, ὅν τ’ εὖ μάλα χερσὶ τανύσσῃ ### book 23.762 πηνίον ἐξέλκουσα παρὲκ μίτον, ἀγχόθι δ’ ἴσχει ### book 23.763 στήθεος· ὣς Ὀδυσεὺς θέεν ἐγγύθεν, αὐτὰρ ὄπισθεν ### book 23.764 ἴχνια τύπτε πόδεσσι πάρος κόνιν ἀμφιχυθῆναι· ### book 23.765 κὰδ δ’ ἄρα οἱ κεφαλῆς χέ’ ἀϋτμένα δῖος Ὀδυσσεὺς ### book 23.766 αἰεὶ ῥίμφα θέων· ἴαχον δ’ ἐπὶ πάντες Ἀχαιοὶ ### book 23.767 νίκης ἱεμένῳ, μάλα δὲ σπεύδοντι κέλευον. ### book 23.768 ἀλλ’ ὅτε δὴ πύματον τέλεον δρόμον, αὐτίκ’ Ὀδυσσεὺς ### book 23.769 εὔχετ’ Ἀθηναίῃ γλαυκώπιδι ὃν κατὰ θυμόν· ### book 23.770 κλῦθι θεά, ἀγαθή μοι ἐπίρροθος ἐλθὲ ποδοῖιν. ### book 23.771 ὣς ἔφατ’ εὐχόμενος· τοῦ δ’ ἔκλυε Παλλὰς Ἀθήνη, ### book 23.772 γυῖα δ’ ἔθηκεν ἐλαφρά, πόδας καὶ χεῖρας ὕπερθεν. ### book 23.773 ἀλλ’ ὅτε δὴ τάχ’ ἔμελλον ἐπαΐξασθαι ἄεθλον, ### book 23.774 ἔνθ’ Αἴας μὲν ὄλισθε θέων, βλάψεν γὰρ Ἀθήνη, ### book 23.775 τῇ ῥα βοῶν κέχυτ’ ὄνθος ἀποκταμένων ἐριμύκων, ### book 23.776 οὓς ἐπὶ Πατρόκλῳ πέφνεν πόδας ὠκὺς Ἀχιλλεύς· ### book 23.777 ἐν δ’ ὄνθου βοέου πλῆτο στόμα τε ῥῖνάς τε· ### book 23.778 κρητῆρ’ αὖτ’ ἀνάειρε πολύτλας δῖος Ὀδυσσεύς, ### book 23.779 ὡς ἦλθε φθάμενος· ὃ δὲ βοῦν ἕλε φαίδιμος Αἴας. ### book 23.780 στῆ δὲ κέρας μετὰ χερσὶν ἔχων βοὸς ἀγραύλοιο ### book 23.781 ὄνθον ἀποπτύων, μετὰ δ’ Ἀργείοισιν ἔειπεν· ### book 23.782 ὢ πόποι ἦ μ’ ἔβλαψε θεὰ πόδας, ἣ τὸ πάρος περ ### book 23.783 μήτηρ ὣς Ὀδυσῆϊ παρίσταται ἠδ’ ἐπαρήγει. ### book 23.784 Ὣς ἔφαθ’, οἳ δ’ ἄρα πάντες ἐπ’ αὐτῷ ἡδὺ γέλασσαν. ### book 23.785 Ἀντίλοχος δ’ ἄρα δὴ λοισθήϊον ἔκφερ’ ἄεθλον ### book 23.786 μειδιόων, καὶ μῦθον ἐν Ἀργείοισιν ἔειπεν· ### book 23.787 εἰδόσιν ὔμμ’ ἐρέω πᾶσιν φίλοι, ὡς ἔτι καὶ νῦν ### book 23.788 ἀθάνατοι τιμῶσι παλαιοτέρους ἀνθρώπους. ### book 23.789 Αἴας μὲν γὰρ ἐμεῖ’ ὀλίγον προγενέστερός ἐστιν, ### book 23.790 οὗτος δὲ προτέρης γενεῆς προτέρων τ’ ἀνθρώπων· ### book 23.791 ὠμογέροντα δέ μίν φας’ ἔμμεναι· ἀργαλέον δὲ ### book 23.792 ποσσὶν ἐριδήσασθαι Ἀχαιοῖς, εἰ μὴ Ἀχιλλεῖ. ### book 23.793 Ὣς φάτο, κύδηνεν δὲ ποδώκεα Πηλεΐωνα. ### book 23.794 τὸν δ’ Ἀχιλεὺς μύθοισιν ἀμειβόμενος προσέειπεν· ### book 23.795 Ἀντίλοχ’ οὐ μέν τοι μέλεος εἰρήσεται αἶνος, ### book 23.796 ἀλλά τοι ἡμιτάλαντον ἐγὼ χρυσοῦ ἐπιθήσω. ### book 23.797 Ὣς εἰπὼν ἐν χερσὶ τίθει, ὃ δ’ ἐδέξατο χαίρων. ### book 23.798 αὐτὰρ Πηλεΐδης κατὰ μὲν δολιχόσκιον ἔγχος ### book 23.799 θῆκ’ ἐς ἀγῶνα φέρων, κατὰ δ’ ἀσπίδα καὶ τρυφάλειαν ### book 23.800 τεύχεα Σαρπήδοντος, ἅ μιν Πάτροκλος ἀπηύρα. ### book 23.801 στῆ δ’ ὀρθὸς καὶ μῦθον ἐν Ἀργείοισιν ἔειπεν· ### book 23.802 ἄνδρε δύω περὶ τῶνδε κελεύομεν, ὥ περ ἀρίστω, ### book 23.803 τεύχεα ἑσσαμένω ταμεσίχροα χαλκὸν ἑλόντε ### book 23.804 ἀλλήλων προπάροιθεν ὁμίλου πειρηθῆναι. ### book 23.805 ὁππότερός κε φθῇσιν ὀρεξάμενος χρόα καλόν, ### book 23.806 ψαύσῃ δ’ ἐνδίνων διά τ’ ἔντεα καὶ μέλαν αἷμα, ### book 23.807 τῷ μὲν ἐγὼ δώσω τόδε φάσγανον ἀργυρόηλον ### book 23.808 καλὸν Θρηΐκιον, τὸ μὲν Ἀστεροπαῖον ἀπηύρων· ### book 23.809 τεύχεα δ’ ἀμφότεροι ξυνήϊα ταῦτα φερέσθων· ### book 23.810 καί σφιν δαῖτ’ ἀγαθὴν παραθήσομεν ἐν κλισίῃσιν. ### book 23.811 Ὣς ἔφατ’, ὦρτο δ’ ἔπειτα μέγας Τελαμώνιος Αἴας, ### book 23.812 ἂν δ’ ἄρα Τυδεΐδης ὦρτο, κρατερὸς Διομήδης. ### book 23.813 οἳ δ’ ἐπεὶ οὖν ἑκάτερθεν ὁμίλου θωρήχθησαν, ### book 23.814 ἐς μέσον ἀμφοτέρω συνίτην μεμαῶτε μάχεσθαι ### book 23.815 δεινὸν δερκομένω· θάμβος δ’ ἔχε πάντας Ἀχαιούς. ### book 23.816 ἀλλ’ ὅτε δὴ σχεδὸν ἦσαν ἐπ’ ἀλλήλοισιν ἰόντες, ### book 23.817 τρὶς μὲν ἐπήϊξαν, τρὶς δὲ σχεδὸν ὁρμήθησαν. ### book 23.818 ἔνθ’ Αἴας μὲν ἔπειτα κατ’ ἀσπίδα πάντος’ ἐΐσην ### book 23.819 νύξ’, οὐδὲ χρό’ ἵκανεν· ἔρυτο γὰρ ἔνδοθι θώρηξ· ### book 23.820 Τυδεΐδης δ’ ἄρ’ ἔπειτα ὑπὲρ σάκεος μεγάλοιο ### book 23.821 αἰὲν ἐπ’ αὐχένι κῦρε φαεινοῦ δουρὸς ἀκωκῇ. ### book 23.822 καὶ τότε δή ῥ’ Αἴαντι περιδείσαντες Ἀχαιοὶ ### book 23.823 παυσαμένους ἐκέλευσαν ἀέθλια ἶς’ ἀνελέσθαι. ### book 23.824 αὐτὰρ Τυδεΐδῃ δῶκεν μέγα φάσγανον ἥρως ### book 23.825 σὺν κολεῷ τε φέρων καὶ ἐϋτμήτῳ τελαμῶνι. ### book 23.826 Αὐτὰρ Πηλεΐδης θῆκεν σόλον αὐτοχόωνον ### book 23.827 ὃν πρὶν μὲν ῥίπτασκε μέγα σθένος Ἠετίωνος· ### book 23.828 ἀλλ’ ἤτοι τὸν ἔπεφνε ποδάρκης δῖος Ἀχιλλεύς, ### book 23.829 τὸν δ’ ἄγετ’ ἐν νήεσσι σὺν ἄλλοισι κτεάτεσσι. ### book 23.830 στῆ δ’ ὀρθὸς καὶ μῦθον ἐν Ἀργείοισιν ἔειπεν· ### book 23.831 ὄρνυσθ’ οἳ καὶ τούτου ἀέθλου πειρήσεσθε. ### book 23.832 εἴ οἱ καὶ μάλα πολλὸν ἀπόπροθι πίονες ἀγροί, ### book 23.833 ἕξει μιν καὶ πέντε περιπλομένους ἐνιαυτοὺς ### book 23.834 χρεώμενος· οὐ μὲν γάρ οἱ ἀτεμβόμενός γε σιδήρου ### book 23.835 ποιμὴν οὐδ’ ἀροτὴρ εἶς’ ἐς πόλιν, ἀλλὰ παρέξει. ### book 23.836 Ὣς ἔφατ’, ὦρτο δ’ ἔπειτα μενεπτόλεμος Πολυποίτης, ### book 23.837 ἂν δὲ Λεοντῆος κρατερὸν μένος ἀντιθέοιο, ### book 23.838 ἂν δ’ Αἴας Τελαμωνιάδης καὶ δῖος Ἐπειός. ### book 23.839 ἑξείης δ’ ἵσταντο, σόλον δ’ ἕλε δῖος Ἐπειός, ### book 23.840 ἧκε δὲ δινήσας· γέλασαν δ’ ἐπὶ πάντες Ἀχαιοί. ### book 23.841 δεύτερος αὖτ’ ἀφέηκε Λεοντεὺς ὄζος Ἄρηος· ### book 23.842 τὸ τρίτον αὖτ’ ἔρριψε μέγας Τελαμώνιος Αἴας ### book 23.843 χειρὸς ἄπο στιβαρῆς, καὶ ὑπέρβαλε σήματα πάντων. ### book 23.844 ἀλλ’ ὅτε δὴ σόλον εἷλε μενεπτόλεμος Πολυποίτης, ### book 23.845 ὅσσόν τίς τ’ ἔρριψε καλαύροπα βουκόλος ἀνήρ, ### book 23.846 ἣ δέ θ’ ἑλισσομένη πέτεται διὰ βοῦς ἀγελαίας, ### book 23.847 τόσσον παντὸς ἀγῶνος ὑπέρβαλε· τοὶ δὲ βόησαν. ### book 23.848 ἀνστάντες δ’ ἕταροι Πολυποίταο κρατεροῖο ### book 23.849 νῆας ἔπι γλαφυρὰς ἔφερον βασιλῆος ἄεθλον. ### book 23.850 Αὐτὰρ ὃ τοξευτῇσι τίθει ἰόεντα σίδηρον, ### book 23.851 κὰδ δ’ ἐτίθει δέκα μὲν πελέκεας, δέκα δ’ ἡμιπέλεκκα, ### book 23.852 ἱστὸν δ’ ἔστησεν νηὸς κυανοπρῴροιο ### book 23.853 τηλοῦ ἐπὶ ψαμάθοις, ἐκ δὲ τρήρωνα πέλειαν ### book 23.854 λεπτῇ μηρίνθῳ δῆσεν ποδός, ἧς ἄρ’ ἀνώγει ### book 23.855 τοξεύειν· ὃς μέν κε βάλῃ τρήρωνα πέλειαν, ### book 23.856 πάντας ἀειράμενος πελέκεας οἶκον δὲ φερέσθω· ### book 23.857 ὃς δέ κε μηρίνθοιο τύχῃ ὄρνιθος ἁμαρτών, ### book 23.858 ἥσσων γὰρ δὴ κεῖνος, ὃ δ’ οἴσεται ἡμιπέλεκκα. ### book 23.859 Ὣς ἔφατ’, ὦρτο δ’ ἔπειτα βίη Τεύκροιο ἄνακτος, ### book 23.860 ἂν δ’ ἄρα Μηριόνης θεράπων ἐῢς Ἰδομενῆος. ### book 23.861 κλήρους δ’ ἐν κυνέῃ χαλκήρεϊ πάλλον ἑλόντες, ### book 23.862 Τεῦκρος δὲ πρῶτος κλήρῳ λάχεν· αὐτίκα δ’ ἰὸν ### book 23.863 ἧκεν ἐπικρατέως, οὐδ’ ἠπείλησεν ἄνακτι ### book 23.864 ἀρνῶν πρωτογόνων ῥέξειν κλειτὴν ἑκατόμβην. ### book 23.865 ὄρνιθος μὲν ἅμαρτε· μέγηρε γάρ οἱ τό γ’ Ἀπόλλων· ### book 23.866 αὐτὰρ ὃ μήρινθον βάλε πὰρ πόδα, τῇ δέδετ’ ὄρνις· ### book 23.867 ἀντικρὺ δ’ ἀπὸ μήρινθον τάμε πικρὸς ὀϊστός. ### book 23.868 ἣ μὲν ἔπειτ’ ἤϊξε πρὸς οὐρανόν, ἣ δὲ παρείθη ### book 23.869 μήρινθος ποτὶ γαῖαν· ἀτὰρ κελάδησαν Ἀχαιοί. ### book 23.870 σπερχόμενος δ’ ἄρα Μηριόνης ἐξείρυσε χειρὸς ### book 23.871 τόξον· ἀτὰρ δὴ ὀϊστὸν ἔχεν πάλαι, ὡς ἴθυνεν. ### book 23.872 αὐτίκα δ’ ἠπείλησεν ἑκηβόλῳ Ἀπόλλωνι ### book 23.873 ἀρνῶν πρωτογόνων ῥέξειν κλειτὴν ἑκατόμβην. ### book 23.874 ὕψι δ’ ὑπὸ νεφέων εἶδε τρήρωνα πέλειαν· ### book 23.875 τῇ ῥ’ ὅ γε δινεύουσαν ὑπὸ πτέρυγος βάλε μέσσην, ### book 23.876 ἀντικρὺ δὲ διῆλθε βέλος· τὸ μὲν ἂψ ἐπὶ γαίῃ ### book 23.877 πρόσθεν Μηριόναο πάγη ποδός· αὐτὰρ ἣ ὄρνις ### book 23.878 ἱστῷ ἐφεζομένη νηὸς κυανοπρῴροιο ### book 23.879 αὐχέν’ ἀπεκρέμασεν, σὺν δὲ πτερὰ πυκνὰ λίασθεν. ### book 23.880 ὠκὺς δ’ ἐκ μελέων θυμὸς πτάτο, τῆλε δ’ ἀπ’ αὐτοῦ ### book 23.881 κάππεσε· λαοὶ δ’ αὖ θηεῦντό τε θάμβησάν τε. ### book 23.882 ἂν δ’ ἄρα Μηριόνης πελέκεας δέκα πάντας ἄειρε, ### book 23.883 Τεῦκρος δ’ ἡμιπέλεκκα φέρεν κοίλας ἐπὶ νῆας. ### book 23.884 Αὐτὰρ Πηλεΐδης κατὰ μὲν δολιχόσκιον ἔγχος, ### book 23.885 κὰδ δὲ λέβητ’ ἄπυρον βοὸς ἄξιον ἀνθεμόεντα ### book 23.886 θῆκ’ ἐς ἀγῶνα φέρων· καί ῥ’ ἥμονες ἄνδρες ἀνέσταν· ### book 23.887 ἂν μὲν ἄρ’ Ἀτρεΐδης εὐρὺ κρείων Ἀγαμέμνων, ### book 23.888 ἂν δ’ ἄρα Μηριόνης, θεράπων ἐῢς Ἰδομενῆος. ### book 23.889 τοῖσι δὲ καὶ μετέειπε ποδάρκης δῖος Ἀχιλλεύς· ### book 23.890 Ἀτρεΐδη· ἴδμεν γὰρ ὅσον προβέβηκας ἁπάντων ### book 23.891 ἠδ’ ὅσσον δυνάμει τε καὶ ἥμασιν ἔπλευ ἄριστος· ### book 23.892 ἀλλὰ σὺ μὲν τόδ’ ἄεθλον ἔχων κοίλας ἐπὶ νῆας ### book 23.893 ἔρχευ, ἀτὰρ δόρυ Μηριόνῃ ἥρωϊ πόρωμεν, ### book 23.894 εἰ σύ γε σῷ θυμῷ ἐθέλοις· κέλομαι γὰρ ἔγωγε. ### book 23.895 Ὣς ἔφατ’, οὐδ’ ἀπίθησεν ἄναξ ἀνδρῶν Ἀγαμέμνων· ### book 23.896 δῶκε δὲ Μηριόνῃ δόρυ χάλκεον· αὐτὰρ ὅ γ’ ἥρως ### book 23.897 Ταλθυβίῳ κήρυκι δίδου περικαλλὲς ἄεθλον. ### book 24.1 Λῦτο δ’ ἀγών, λαοὶ δὲ θοὰς ἐπὶ νῆας ἕκαστοι ### book 24.2 ἐσκίδναντ’ ἰέναι. τοὶ μὲν δόρποιο μέδοντο ### book 24.3 ὕπνου τε γλυκεροῦ ταρπήμεναι· αὐτὰρ Ἀχιλλεὺς ### book 24.4 κλαῖε φίλου ἑτάρου μεμνημένος, οὐδέ μιν ὕπνος ### book 24.5 ᾕρει πανδαμάτωρ, ἀλλ’ ἐστρέφετ’ ἔνθα καὶ ἔνθα ### book 24.6 Πατρόκλου ποθέων ἀνδροτῆτά τε καὶ μένος ἠΰ, ### book 24.7 ἠδ’ ὁπόσα τολύπευσε σὺν αὐτῷ καὶ πάθεν ἄλγεα ### book 24.8 ἀνδρῶν τε πτολέμους ἀλεγεινά τε κύματα πείρων· ### book 24.9 τῶν μιμνησκόμενος θαλερὸν κατὰ δάκρυον εἶβεν, ### book 24.10 ἄλλοτ’ ἐπὶ πλευρὰς κατακείμενος, ἄλλοτε δ’ αὖτε ### book 24.11 ὕπτιος, ἄλλοτε δὲ πρηνής· τοτὲ δ’ ὀρθὸς ἀναστὰς ### book 24.12 δινεύεσκ’ ἀλύων παρὰ θῖν’ ἁλός· οὐδέ μιν ἠὼς ### book 24.13 φαινομένη λήθεσκεν ὑπεὶρ ἅλα τ’ ἠϊόνας τε. ### book 24.14 ἀλλ’ ὅ γ’ ἐπεὶ ζεύξειεν ὑφ’ ἅρμασιν ὠκέας ἵππους, ### book 24.15 Ἕκτορα δ’ ἕλκεσθαι δησάσκετο δίφρου ὄπισθεν, ### book 24.16 τρὶς δ’ ἐρύσας περὶ σῆμα Μενοιτιάδαο θανόντος ### book 24.17 αὖτις ἐνὶ κλισίῃ παυέσκετο, τὸν δέ τ’ ἔασκεν ### book 24.18 ἐν κόνι ἐκτανύσας προπρηνέα· τοῖο δ’ Ἀπόλλων ### book 24.19 πᾶσαν ἀεικείην ἄπεχε χροῒ φῶτ’ ἐλεαίρων ### book 24.20 καὶ τεθνηότα περ· περὶ δ’ αἰγίδι πάντα κάλυπτε ### book 24.21 χρυσείῃ, ἵνα μή μιν ἀποδρύφοι ἑλκυστάζων. ### book 24.22 Ὣς ὃ μὲν Ἕκτορα δῖον ἀείκιζεν μενεαίνων· ### book 24.23 τὸν δ’ ἐλεαίρεσκον μάκαρες θεοὶ εἰσορόωντες, ### book 24.24 κλέψαι δ’ ὀτρύνεσκον ἐΰσκοπον Ἀργειφόντην. ### book 24.25 ἔνθ’ ἄλλοις μὲν πᾶσιν ἑήνδανεν, οὐδέ ποθ’ Ἥρῃ ### book 24.26 οὐδὲ Ποσειδάων’ οὐδὲ γλαυκώπιδι κούρῃ, ### book 24.27 ἀλλ’ ἔχον ὥς σφιν πρῶτον ἀπήχθετο Ἴλιος ἱρὴ ### book 24.28 καὶ Πρίαμος καὶ λαὸς Ἀλεξάνδρου ἕνεκ’ ἄτης, ### book 24.29 ὃς νείκεσσε θεὰς ὅτε οἱ μέσσαυλον ἵκοντο, ### book 24.30 τὴν δ’ ᾔνης’ ἥ οἱ πόρε μαχλοσύνην ἀλεγεινήν. ### book 24.31 ἀλλ’ ὅτε δή ῥ’ ἐκ τοῖο δυωδεκάτη γένετ’ ἠώς, ### book 24.32 καὶ τότ’ ἄρ’ ἀθανάτοισι μετηύδα Φοῖβος Ἀπόλλων· ### book 24.33 σχέτλιοί ἐστε θεοί, δηλήμονες· οὔ νύ ποθ’ ὑμῖν ### book 24.34 Ἕκτωρ μηρί’ ἔκηε βοῶν αἰγῶν τε τελείων; ### book 24.35 τὸν νῦν οὐκ ἔτλητε νέκυν περ ἐόντα σαῶσαι ### book 24.36 ᾗ τ’ ἀλόχῳ ἰδέειν καὶ μητέρι καὶ τέκεϊ ᾧ ### book 24.37 καὶ πατέρι Πριάμῳ λαοῖσί τε, τοί κέ μιν ὦκα ### book 24.38 ἐν πυρὶ κήαιεν καὶ ἐπὶ κτέρεα κτερίσαιεν. ### book 24.39 ἀλλ’ ὀλοῷ Ἀχιλῆϊ θεοὶ βούλεσθ’ ἐπαρήγειν, ### book 24.40 ᾧ οὔτ’ ἂρ φρένες εἰσὶν ἐναίσιμοι οὔτε νόημα ### book 24.41 γναμπτὸν ἐνὶ στήθεσσι, λέων δ’ ὣς ἄγρια οἶδεν, ### book 24.42 ὅς τ’ ἐπεὶ ἂρ μεγάλῃ τε βίῃ καὶ ἀγήνορι θυμῷ ### book 24.43 εἴξας εἶς’ ἐπὶ μῆλα βροτῶν ἵνα δαῖτα λάβῃσιν· ### book 24.44 ὣς Ἀχιλεὺς ἔλεον μὲν ἀπώλεσεν, οὐδέ οἱ αἰδὼς ### book 24.45 γίγνεται, ἥ τ’ ἄνδρας μέγα σίνεται ἠδ’ ὀνίνησι. ### book 24.46 μέλλει μέν πού τις καὶ φίλτερον ἄλλον ὀλέσσαι ### book 24.47 ἠὲ κασίγνητον ὁμογάστριον ἠὲ καὶ υἱόν· ### book 24.48 ἀλλ’ ἤτοι κλαύσας καὶ ὀδυράμενος μεθέηκε· ### book 24.49 τλητὸν γὰρ Μοῖραι θυμὸν θέσαν ἀνθρώποισιν. ### book 24.50 αὐτὰρ ὅ γ’ Ἕκτορα δῖον, ἐπεὶ φίλον ἦτορ ἀπηύρα, ### book 24.51 ἵππων ἐξάπτων περὶ σῆμ’ ἑτάροιο φίλοιο ### book 24.52 ἕλκει· οὐ μήν οἱ τό γε κάλλιον οὐδέ τ’ ἄμεινον. ### book 24.53 μὴ ἀγαθῷ περ ἐόντι νεμεσσηθέωμέν οἱ ἡμεῖς· ### book 24.54 κωφὴν γὰρ δὴ γαῖαν ἀεικίζει μενεαίνων. ### book 24.55 Τὸν δὲ χολωσαμένη προσέφη λευκώλενος Ἥρη· ### book 24.56 εἴη κεν καὶ τοῦτο τεὸν ἔπος ἀργυρότοξε ### book 24.57 εἰ δὴ ὁμὴν Ἀχιλῆϊ καὶ Ἕκτορι θήσετε τιμήν. ### book 24.58 Ἕκτωρ μὲν θνητός τε γυναῖκά τε θήσατο μαζόν· ### book 24.59 αὐτὰρ Ἀχιλλεύς ἐστι θεᾶς γόνος, ἣν ἐγὼ αὐτὴ ### book 24.60 θρέψά τε καὶ ἀτίτηλα καὶ ἀνδρὶ πόρον παράκοιτιν ### book 24.61 Πηλέϊ, ὃς περὶ κῆρι φίλος γένετ’ ἀθανάτοισι. ### book 24.62 πάντες δ’ ἀντιάασθε θεοὶ γάμου· ἐν δὲ σὺ τοῖσι ### book 24.63 δαίνυ’ ἔχων φόρμιγγα κακῶν ἕταρ’, αἰὲν ἄπιστε. ### book 24.64 Τὴν δ’ ἀπαμειβόμενος προσέφη νεφεληγερέτα Ζεύς· ### book 24.65 Ἥρη μὴ δὴ πάμπαν ἀποσκύδμαινε θεοῖσιν· ### book 24.66 οὐ μὲν γὰρ τιμή γε μί’ ἔσσεται· ἀλλὰ καὶ Ἕκτωρ ### book 24.67 φίλτατος ἔσκε θεοῖσι βροτῶν οἳ ἐν Ἰλίῳ εἰσίν· ### book 24.68 ὣς γὰρ ἔμοιγ’, ἐπεὶ οὔ τι φίλων ἡμάρτανε δώρων. ### book 24.69 οὐ γάρ μοί ποτε βωμὸς ἐδεύετο δαιτὸς ἐΐσης ### book 24.70 λοιβῆς τε κνίσης τε· τὸ γὰρ λάχομεν γέρας ἡμεῖς. ### book 24.71 ἀλλ’ ἤτοι κλέψαι μὲν ἐάσομεν, οὐδέ πῃ ἔστι, ### book 24.72 λάθρῃ Ἀχιλλῆος θρασὺν Ἕκτορα· ἦ γάρ οἱ αἰεὶ ### book 24.73 μήτηρ παρμέμβλωκεν ὁμῶς νύκτάς τε καὶ ἦμαρ. ### book 24.74 ἀλλ’ εἴ τις καλέσειε θεῶν Θέτιν ἆσσον ἐμεῖο, ### book 24.75 ὄφρά τί οἱ εἴπω πυκινὸν ἔπος, ὥς κεν Ἀχιλλεὺς ### book 24.76 δώρων ἐκ Πριάμοιο λάχῃ ἀπό θ’ Ἕκτορα λύσῃ. ### book 24.77 Ὣς ἔφατ’, ὦρτο δὲ Ἶρις ἀελλόπος ἀγγελέουσα, ### book 24.78 μεσσηγὺς δὲ Σάμου τε καὶ Ἴμβρου παιπαλοέσσης ### book 24.79 ἔνθορε μείλανι πόντῳ· ἐπεστονάχησε δὲ λίμνη. ### book 24.80 ἣ δὲ μολυβδαίνῃ ἰκέλη ἐς βυσσὸν ὄρουσεν, ### book 24.81 ἥ τε κατ’ ἀγραύλοιο βοὸς κέρας ἐμβεβαυῖα ### book 24.82 ἔρχεται ὠμηστῇσιν ἐπ’ ἰχθύσι κῆρα φέρουσα. ### book 24.83 εὗρε δ’ ἐνὶ σπῆϊ γλαφυρῷ Θέτιν, ἀμφὶ δ’ ἄρ’ ἄλλαι ### book 24.84 εἵαθ’ ὁμηγερέες ἅλιαι θεαί· ἣ δ’ ἐνὶ μέσσῃς ### book 24.85 κλαῖε μόρον οὗ παιδὸς ἀμύμονος, ὅς οἱ ἔμελλε ### book 24.86 φθίσεσθ’ ἐν Τροίῃ ἐριβώλακι τηλόθι πάτρης. ### book 24.87 ἀγχοῦ δ’ ἱσταμένη προσέφη πόδας ὠκέα Ἶρις· ### book 24.88 ὄρσο Θέτι· καλέει Ζεὺς ἄφθιτα μήδεα εἰδώς. ### book 24.89 τὴν δ’ ἠμείβετ’ ἔπειτα θεὰ Θέτις ἀργυρόπεζα· ### book 24.90 τίπτέ με κεῖνος ἄνωγε μέγας θεός; αἰδέομαι δὲ ### book 24.91 μίσγεσθ’ ἀθανάτοισιν, ἔχω δ’ ἄχε’ ἄκριτα θυμῷ. ### book 24.92 εἶμι μέν, οὐδ’ ἅλιον ἔπος ἔσσεται ὅττί κεν εἴπῃ. ### book 24.93 Ὣς ἄρα φωνήσασα κάλυμμ’ ἕλε δῖα θεάων ### book 24.94 κυάνεον, τοῦ δ’ οὔ τι μελάντερον ἔπλετο ἔσθος. ### book 24.95 βῆ δ’ ἰέναι, πρόσθεν δὲ ποδήνεμος ὠκέα Ἶρις ### book 24.96 ἡγεῖτ’· ἀμφὶ δ’ ἄρα σφι λιάζετο κῦμα θαλάσσης. ### book 24.97 ἀκτὴν δ’ ἐξαναβᾶσαι ἐς οὐρανὸν ἀϊχθήτην, ### book 24.98 εὗρον δ’ εὐρύοπα Κρονίδην, περὶ δ’ ἄλλοι ἅπαντες ### book 24.99 εἵαθ’ ὁμηγερέες μάκαρες θεοὶ αἰὲν ἐόντες. ### book 24.100 ἣ δ’ ἄρα πὰρ Διὶ πατρὶ καθέζετο, εἶξε δ’ Ἀθήνη. ### book 24.101 Ἥρη δὲ χρύσεον καλὸν δέπας ἐν χερὶ θῆκε ### book 24.102 καί ῥ’ εὔφρην’ ἐπέεσσι· Θέτις δ’ ὤρεξε πιοῦσα. ### book 24.103 τοῖσι δὲ μύθων ἦρχε πατὴρ ἀνδρῶν τε θεῶν τε· ### book 24.104 ἤλυθες Οὔλυμπον δὲ θεὰ Θέτι κηδομένη περ, ### book 24.105 πένθος ἄλαστον ἔχουσα μετὰ φρεσίν· οἶδα καὶ αὐτός· ### book 24.106 ἀλλὰ καὶ ὧς ἐρέω τοῦ ς’ εἵνεκα δεῦρο κάλεσσα. ### book 24.107 ἐννῆμαρ δὴ νεῖκος ἐν ἀθανάτοισιν ὄρωρεν ### book 24.108 Ἕκτορος ἀμφὶ νέκυι καὶ Ἀχιλλῆϊ πτολιπόρθῳ· ### book 24.109 κλέψαι δ’ ὀτρύνουσιν ἐΰσκοπον Ἀργειφόντην· ### book 24.110 αὐτὰρ ἐγὼ τόδε κῦδος Ἀχιλλῆϊ προτιάπτω ### book 24.111 αἰδῶ καὶ φιλότητα τεὴν μετόπισθε φυλάσσων. ### book 24.112 αἶψα μάλ’ ἐς στρατὸν ἐλθὲ καὶ υἱέϊ σῷ ἐπίτειλον· ### book 24.113 σκύζεσθαί οἱ εἰπὲ θεούς, ἐμὲ δ’ ἔξοχα πάντων ### book 24.114 ἀθανάτων κεχολῶσθαι, ὅτι φρεσὶ μαινομένῃσιν ### book 24.115 Ἕκτορ’ ἔχει παρὰ νηυσὶ κορωνίσιν οὐδ’ ἀπέλυσεν, ### book 24.116 αἴ κέν πως ἐμέ τε δείσῃ ἀπό θ’ Ἕκτορα λύσῃ. ### book 24.117 αὐτὰρ ἐγὼ Πριάμῳ μεγαλήτορι Ἶριν ἐφήσω ### book 24.118 λύσασθαι φίλον υἱὸν ἰόντ’ ἐπὶ νῆας Ἀχαιῶν, ### book 24.119 δῶρα δ’ Ἀχιλλῆϊ φερέμεν, τά κε θυμὸν ἰήνῃ. ### book 24.120 Ὣς ἔφατ’, οὐδ’ ἀπίθησε θεὰ Θέτις ἀργυρόπεζα, ### book 24.121 βῆ δὲ κατ’ Οὐλύμποιο καρήνων ἀΐξασα, ### book 24.122 ἷξεν δ’ ἐς κλισίην οὗ υἱέος· ἔνθ’ ἄρα τόν γε ### book 24.123 εὗρ’ ἁδινὰ στενάχοντα· φίλοι δ’ ἀμφ’ αὐτὸν ἑταῖροι ### book 24.124 ἐσσυμένως ἐπένοντο καὶ ἐντύνοντο ἄριστον· ### book 24.125 τοῖσι δ’ ὄϊς λάσιος μέγας ἐν κλισίῃ ἱέρευτο. ### book 24.126 ἣ δὲ μάλ’ ἄγχ’ αὐτοῖο καθέζετο πότνια μήτηρ, ### book 24.127 χειρί τέ μιν κατέρεξεν ἔπος τ’ ἔφατ’ ἔκ τ’ ὀνόμαζε· ### book 24.128 τέκνον ἐμὸν τέο μέχρις ὀδυρόμενος καὶ ἀχεύων ### book 24.129 σὴν ἔδεαι κραδίην μεμνημένος οὔτέ τι σίτου ### book 24.130 οὔτ’ εὐνῆς; ἀγαθὸν δὲ γυναικί περ ἐν φιλότητι ### book 24.131 μίσγεσθ’· οὐ γάρ μοι δηρὸν βέῃ, ἀλλά τοι ἤδη ### book 24.132 ἄγχι παρέστηκεν θάνατος καὶ μοῖρα κραταιή. ### book 24.133 ἀλλ’ ἐμέθεν ξύνες ὦκα, Διὸς δέ τοι ἄγγελός εἰμι· ### book 24.134 σκύζεσθαι σοί φησι θεούς, ἑὲ δ’ ἔξοχα πάντων ### book 24.135 ἀθανάτων κεχολῶσθαι, ὅτι φρεσὶ μαινομένῃσιν ### book 24.136 Ἕκτορ’ ἔχεις παρὰ νηυσὶ κορωνίσιν οὐδ’ ἀπέλυσας. ### book 24.137 ἀλλ’ ἄγε δὴ λῦσον, νεκροῖο δὲ δέξαι ἄποινα. ### book 24.138 Τὴν δ’ ἀπαμειβόμενος προσέφη πόδας ὠκὺς Ἀχιλλεύς· ### book 24.139 τῇδ’ εἴη· ὃς ἄποινα φέροι καὶ νεκρὸν ἄγοιτο, ### book 24.140 εἰ δὴ πρόφρονι θυμῷ Ὀλύμπιος αὐτὸς ἀνώγει. ### book 24.141 Ὣς οἵ γ’ ἐν νηῶν ἀγύρει μήτηρ τε καὶ υἱὸς ### book 24.142 πολλὰ πρὸς ἀλλήλους ἔπεα πτερόεντ’ ἀγόρευον. ### book 24.143 Ἶριν δ’ ὄτρυνε Κρονίδης εἰς Ἴλιον ἱρήν· ### book 24.144 βάσκ’ ἴθι Ἶρι ταχεῖα λιποῦς’ ἕδος Οὐλύμποιο ### book 24.145 ἄγγειλον Πριάμῳ μεγαλήτορι Ἴλιον εἴσω ### book 24.146 λύσασθαι φίλον υἱὸν ἰόντ’ ἐπὶ νῆας Ἀχαιῶν, ### book 24.147 δῶρα δ’ Ἀχιλλῆϊ φερέμεν τά κε θυμὸν ἰήνῃ ### book 24.148 οἶον, μὴ δέ τις ἄλλος ἅμα Τρώων ἴτω ἀνήρ. ### book 24.149 κῆρύξ τίς οἱ ἕποιτο γεραίτερος, ὅς κ’ ἰθύνοι ### book 24.150 ἡμιόνους καὶ ἄμαξαν ἐΰτροχον, ἠδὲ καὶ αὖτις ### book 24.151 νεκρὸν ἄγοι προτὶ ἄστυ, τὸν ἔκτανε δῖος Ἀχιλλεύς. ### book 24.152 μὴ δέ τί οἱ θάνατος μελέτω φρεσὶ μὴ δέ τι τάρβος· ### book 24.153 τοῖον γάρ οἱ πομπὸν ὀπάσσομεν Ἀργειφόντην, ### book 24.154 ὃς ἄξει εἷός κεν ἄγων Ἀχιλῆϊ πελάσσῃ. ### book 24.155 αὐτὰρ ἐπὴν ἀγάγῃσιν ἔσω κλισίην Ἀχιλῆος, ### book 24.156 οὔτ’ αὐτὸς κτενέει ἀπό τ’ ἄλλους πάντας ἐρύξει· ### book 24.157 οὔτε γάρ ἐστ’ ἄφρων οὔτ’ ἄσκοπος οὔτ’ ἀλιτήμων, ### book 24.158 ἀλλὰ μάλ’ ἐνδυκέως ἱκέτεω πεφιδήσεται ἀνδρός. ### book 24.159 Ὣς ἔφατ’, ὦρτο δὲ Ἶρις ἀελλόπος ἀγγελέουσα. ### book 24.160 ἷξεν δ’ ἐς Πριάμοιο, κίχεν δ’ ἐνοπήν τε γόον τε. ### book 24.161 παῖδες μὲν πατέρ’ ἀμφὶ καθήμενοι ἔνδοθεν αὐλῆς ### book 24.162 δάκρυσιν εἵματ’ ἔφυρον, ὃ δ’ ἐν μέσσοισι γεραιὸς ### book 24.163 ἐντυπὰς ἐν χλαίνῃ κεκαλυμμένος· ἀμφὶ δὲ πολλὴ ### book 24.164 κόπρος ἔην κεφαλῇ τε καὶ αὐχένι τοῖο γέροντος ### book 24.165 τήν ῥα κυλινδόμενος καταμήσατο χερσὶν ἑῇσι. ### book 24.166 θυγατέρες δ’ ἀνὰ δώματ’ ἰδὲ νυοὶ ὠδύροντο ### book 24.167 τῶν μιμνησκόμεναι οἳ δὴ πολέες τε καὶ ἐσθλοὶ ### book 24.168 χερσὶν ὑπ’ Ἀργείων κέατο ψυχὰς ὀλέσαντες. ### book 24.169 στῆ δὲ παρὰ Πρίαμον Διὸς ἄγγελος, ἠδὲ προσηύδα ### book 24.170 τυτθὸν φθεγξαμένη· τὸν δὲ τρόμος ἔλλαβε γυῖα· ### book 24.171 θάρσει Δαρδανίδη Πρίαμε φρεσί, μὴ δέ τι τάρβει· ### book 24.172 οὐ μὲν γάρ τοι ἐγὼ κακὸν ὀσσομένη τόδ’ ἱκάνω ### book 24.173 ἀλλ’ ἀγαθὰ φρονέουσα· Διὸς δέ τοι ἄγγελός εἰμι, ### book 24.174 ὅς σευ ἄνευθεν ἐὼν μέγα κήδεται ἠδ’ ἐλεαίρει. ### book 24.175 λύσασθαί ς’ ἐκέλευσεν Ὀλύμπιος Ἕκτορα δῖον, ### book 24.176 δῶρα δ’ Ἀχιλλῆϊ φερέμεν τά κε θυμὸν ἰήνῃ ### book 24.177 οἶον, μὴ δέ τις ἄλλος ἅμα Τρώων ἴτω ἀνήρ. ### book 24.178 κῆρύξ τίς τοι ἕποιτο γεραίτερος, ὅς κ’ ἰθύνοι ### book 24.179 ἡμιόνους καὶ ἄμαξαν ἐΰτροχον, ἠδὲ καὶ αὖτις ### book 24.180 νεκρὸν ἄγοι προτὶ ἄστυ, τὸν ἔκτανε δῖος Ἀχιλλεύς. ### book 24.181 μὴ δέ τί τοι θάνατος μελέτω φρεσὶ μηδέ τι τάρβος· ### book 24.182 τοῖος γάρ τοι πομπὸς ἅμ’ ἕψεται Ἀργειφόντης, ### book 24.183 ὅς ς’ ἄξει εἷός κεν ἄγων Ἀχιλῆϊ πελάσσῃ. ### book 24.184 αὐτὰρ ἐπὴν ἀγάγῃσιν ἔσω κλισίην Ἀχιλῆος, ### book 24.185 οὔτ’ αὐτὸς κτενέει ἀπό τ’ ἄλλους πάντας ἐρύξει· ### book 24.186 οὔτε γάρ ἔστ’ ἄφρων οὔτ’ ἄσκοπος οὔτ’ ἀλιτήμων, ### book 24.187 ἀλλὰ μάλ’ ἐνδυκέως ἱκέτεω πεφιδήσεται ἀνδρός. ### book 24.188 Ἣ μὲν ἄρ’ ὣς εἰποῦς’ ἀπέβη πόδας ὠκέα Ἶρις, ### book 24.189 αὐτὰρ ὅ γ’ υἷας ἄμαξαν ἐΰτροχον ἡμιονείην ### book 24.190 ὁπλίσαι ἠνώγει, πείρινθα δὲ δῆσαι ἐπ’ αὐτῆς. ### book 24.191 αὐτὸς δ’ ἐς θάλαμον κατεβήσετο κηώεντα ### book 24.192 κέδρινον ὑψόροφον, ὃς γλήνεα πολλὰ κεχάνδει· ### book 24.193 ἐς δ’ ἄλοχον Ἑκάβην ἐκαλέσσατο φώνησέν τε· ### book 24.194 δαιμονίη Διόθεν μοι Ὀλύμπιος ἄγγελος ἦλθε ### book 24.195 λύσασθαι φίλον υἱὸν ἰόντ’ ἐπὶ νῆας Ἀχαιῶν, ### book 24.196 δῶρα δ’ Ἀχιλλῆϊ φερέμεν τά κε θυμὸν ἰήνῃ. ### book 24.197 ἀλλ’ ἄγε μοι τόδε εἰπὲ τί τοι φρεσὶν εἴδεται εἶναι; ### book 24.198 αἰνῶς γάρ μ’ αὐτόν γε μένος καὶ θυμὸς ἄνωγε ### book 24.199 κεῖς’ ἰέναι ἐπὶ νῆας ἔσω στρατὸν εὐρὺν Ἀχαιῶν. ### book 24.200 Ὣς φάτο, κώκυσεν δὲ γυνὴ καὶ ἀμείβετο μύθῳ· ### book 24.201 ὤ μοι πῇ δή τοι φρένες οἴχονθ’, ᾗς τὸ πάρος περ ### book 24.202 ἔκλε’ ἐπ’ ἀνθρώπους ξείνους ἠδ’ οἷσιν ἀνάσσεις; ### book 24.203 πῶς ἐθέλεις ἐπὶ νῆας Ἀχαιῶν ἐλθέμεν οἶος ### book 24.204 ἀνδρὸς ἐς ὀφθαλμοὺς ὅς τοι πολέας τε καὶ ἐσθλοὺς ### book 24.205 υἱέας ἐξενάριξε· σιδήρειόν νύ τοι ἦτορ. ### book 24.206 εἰ γάρ ς’ αἱρήσει καὶ ἐσόψεται ὀφθαλμοῖσιν ### book 24.207 ὠμηστὴς καὶ ἄπιστος ἀνὴρ ὅ γε οὔ ς’ ἐλεήσει, ### book 24.208 οὐδέ τί ς’ αἰδέσεται. νῦν δὲ κλαίωμεν ἄνευθεν ### book 24.209 ἥμενοι ἐν μεγάρῳ· τῷ δ’ ὥς ποθι Μοῖρα κραταιὴ ### book 24.210 γιγνομένῳ ἐπένησε λίνῳ, ὅτε μιν τέκον αὐτή, ### book 24.211 ἀργίποδας κύνας ἆσαι ἑῶν ἀπάνευθε τοκήων ### book 24.212 ἀνδρὶ πάρα κρατερῷ, τοῦ ἐγὼ μέσον ἧπαρ ἔχοιμι ### book 24.213 ἐσθέμεναι προσφῦσα· τότ’ ἄντιτα ἔργα γένοιτο ### book 24.214 παιδὸς ἐμοῦ, ἐπεὶ οὔ ἑ κακιζόμενόν γε κατέκτα, ### book 24.215 ἀλλὰ πρὸ Τρώων καὶ Τρωϊάδων βαθυκόλπων ### book 24.216 ἑσταότ’ οὔτε φόβου μεμνημένον οὔτ’ ἀλεωρῆς. ### book 24.217 Τὴν δ’ αὖτε προσέειπε γέρων Πρίαμος θεοειδής· ### book 24.218 μή μ’ ἐθέλοντ’ ἰέναι κατερύκανε, μὴ δέ μοι αὐτὴ ### book 24.219 ὄρνις ἐνὶ μεγάροισι κακὸς πέλευ· οὐδέ με πείσεις. ### book 24.220 εἰ μὲν γάρ τίς μ’ ἄλλος ἐπιχθονίων ἐκέλευεν, ### book 24.221 ἢ οἳ μάντιές εἰσι θυοσκόοι ἢ ἱερῆες, ### book 24.222 ψεῦδός κεν φαῖμεν καὶ νοσφιζοίμεθα μᾶλλον· ### book 24.223 νῦν δ’, αὐτὸς γὰρ ἄκουσα θεοῦ καὶ ἐσέδρακον ἄντην, ### book 24.224 εἶμι καὶ οὐχ ἅλιον ἔπος ἔσσεται. εἰ δέ μοι αἶσα ### book 24.225 τεθνάμεναι παρὰ νηυσὶν Ἀχαιῶν χαλκοχιτώνων ### book 24.226 βούλομαι· αὐτίκα γάρ με κατακτείνειεν Ἀχιλλεὺς ### book 24.227 ἀγκὰς ἑλόντ’ ἐμὸν υἱόν, ἐπὴν γόου ἐξ ἔρον εἵην. ### book 24.228 Ἦ καὶ φωριαμῶν ἐπιθήματα κάλ’ ἀνέῳγεν· ### book 24.229 ἔνθεν δώδεκα μὲν περικαλλέας ἔξελε πέπλους, ### book 24.230 δώδεκα δ’ ἁπλοΐδας χλαίνας, τόσσους δὲ τάπητας, ### book 24.231 τόσσα δὲ φάρεα λευκά, τόσους δ’ ἐπὶ τοῖσι χιτῶνας. ### book 24.232 χρυσοῦ δὲ στήσας ἔφερεν δέκα πάντα τάλαντα, ### book 24.233 ἐκ δὲ δύ’ αἴθωνας τρίποδας, πίσυρας δὲ λέβητας, ### book 24.234 ἐκ δὲ δέπας περικαλλές, ὅ οἱ Θρῇκες πόρον ἄνδρες ### book 24.235 ἐξεσίην ἐλθόντι μέγα κτέρας· οὐδέ νυ τοῦ περ ### book 24.236 φείσατ’ ἐνὶ μεγάροις ὃ γέρων, περὶ δ’ ἤθελε θυμῷ ### book 24.237 λύσασθαι φίλον υἱόν. ὃ δὲ Τρῶας μὲν ἅπαντας ### book 24.238 αἰθούσης ἀπέεργεν ἔπεσς’ αἰσχροῖσιν ἐνίσσων· ### book 24.239 ἔρρετε λωβητῆρες ἐλεγχέες· οὔ νυ καὶ ὑμῖν ### book 24.240 οἴκοι ἔνεστι γόος, ὅτι μ’ ἤλθετε κηδήσοντες; ### book 24.241 ἦ ὀνόσασθ’ ὅτι μοι Κρονίδης Ζεὺς ἄλγε’ ἔδωκε ### book 24.242 παῖδ’ ὀλέσαι τὸν ἄριστον; ἀτὰρ γνώσεσθε καὶ ὔμμες· ### book 24.243 ῥηΐτεροι γὰρ μᾶλλον Ἀχαιοῖσιν δὴ ἔσεσθε ### book 24.244 κείνου τεθνηῶτος ἐναιρέμεν. αὐτὰρ ἔγωγε ### book 24.245 πρὶν ἀλαπαζομένην τε πόλιν κεραϊζομένην τε ### book 24.246 ὀφθαλμοῖσιν ἰδεῖν βαίην δόμον Ἄϊδος εἴσω. ### book 24.247 Ἦ καὶ σκηπανίῳ δίεπ’ ἀνέρας· οἳ δ’ ἴσαν ἔξω ### book 24.248 σπερχομένοιο γέροντος· ὃ δ’ υἱάσιν οἷσιν ὁμόκλα ### book 24.249 νεικείων Ἕλενόν τε Πάριν τ’ Ἀγάθωνά τε δῖον ### book 24.250 Πάμμονά τ’ Ἀντίφονόν τε βοὴν ἀγαθόν τε Πολίτην ### book 24.251 Δηΐφοβόν τε καὶ Ἱππόθοον καὶ δῖον Ἀγαυόν· ### book 24.252 ἐννέα τοῖς ὃ γεραιὸς ὁμοκλήσας ἐκέλευε· ### book 24.253 σπεύσατέ μοι κακὰ τέκνα κατηφόνες· αἴθ’ ἅμα πάντες ### book 24.254 Ἕκτορος ὠφέλετ’ ἀντὶ θοῇς ἐπὶ νηυσὶ πεφάσθαι. ### book 24.255 ὤ μοι ἐγὼ πανάποτμος, ἐπεὶ τέκον υἷας ἀρίστους ### book 24.256 Τροίῃ ἐν εὐρείῃ, τῶν δ’ οὔ τινά φημι λελεῖφθαι, ### book 24.257 Μήστορά τ’ ἀντίθεον καὶ Τρωΐλον ἱππιοχάρμην ### book 24.258 Ἕκτορά θ’, ὃς θεὸς ἔσκε μετ’ ἀνδράσιν, οὐδὲ ἐῴκει ### book 24.259 ἀνδρός γε θνητοῦ πάϊς ἔμμεναι ἀλλὰ θεοῖο. ### book 24.260 τοὺς μὲν ἀπώλες’ Ἄρης, τὰ δ’ ἐλέγχεα πάντα λέλειπται ### book 24.261 ψεῦσταί τ’ ὀρχησταί τε χοροιτυπίῃσιν ἄριστοι ### book 24.262 ἀρνῶν ἠδ’ ἐρίφων ἐπιδήμιοι ἁρπακτῆρες. ### book 24.263 οὐκ ἂν δή μοι ἄμαξαν ἐφοπλίσσαιτε τάχιστα, ### book 24.264 ταῦτά τε πάντ’ ἐπιθεῖτε, ἵνα πρήσσωμεν ὁδοῖο; ### book 24.265 Ὣς ἔφαθ’, οἳ δ’ ἄρα πατρὸς ὑποδείσαντες ὁμοκλὴν ### book 24.266 ἐκ μὲν ἄμαξαν ἄειραν ἐΰτροχον ἡμιονείην ### book 24.267 καλὴν πρωτοπαγέα, πείρινθα δὲ δῆσαν ἐπ’ αὐτῆς, ### book 24.268 κὰδ δ’ ἀπὸ πασσαλόφι ζυγὸν ᾕρεον ἡμιόνειον ### book 24.269 πύξινον ὀμφαλόεν εὖ οἰήκεσσιν ἀρηρός· ### book 24.270 ἐκ δ’ ἔφερον ζυγόδεσμον ἅμα ζυγῷ ἐννεάπηχυ. ### book 24.271 καὶ τὸ μὲν εὖ κατέθηκαν ἐϋξέστῳ ἐπὶ ῥυμῷ ### book 24.272 πέζῃ ἔπι πρώτῃ, ἐπὶ δὲ κρίκον ἕστορι βάλλον, ### book 24.273 τρὶς δ’ ἑκάτερθεν ἔδησαν ἐπ’ ὀμφαλόν, αὐτὰρ ἔπειτα ### book 24.274 ἑξείης κατέδησαν, ὑπὸ γλωχῖνα δ’ ἔκαμψαν. ### book 24.275 ἐκ θαλάμου δὲ φέροντες ἐϋξέστης ἐπ’ ἀπήνης ### book 24.276 νήεον Ἑκτορέης κεφαλῆς ἀπερείσι’ ἄποινα, ### book 24.277 ζεῦξαν δ’ ἡμιόνους κρατερώνυχας ἐντεσιεργούς, ### book 24.278 τούς ῥά ποτε Πριάμῳ Μυσοὶ δόσαν ἀγλαὰ δῶρα. ### book 24.279 ἵππους δὲ Πριάμῳ ὕπαγον ζυγόν, οὓς ὃ γεραιὸς ### book 24.280 αὐτὸς ἔχων ἀτίταλλεν ἐϋξέστῃ ἐπὶ φάτνῃ. ### book 24.281 Τὼ μὲν ζευγνύσθην ἐν δώμασιν ὑψηλοῖσι ### book 24.282 κῆρυξ καὶ Πρίαμος πυκινὰ φρεσὶ μήδε’ ἔχοντες· ### book 24.283 ἀγχίμολον δέ σφ’ ἦλθ’ Ἑκάβη τετιηότι θυμῷ ### book 24.284 οἶνον ἔχους’ ἐν χειρὶ μελίφρονα δεξιτερῆφι ### book 24.285 χρυσέῳ ἐν δέπαϊ, ὄφρα λείψαντε κιοίτην· ### book 24.286 στῆ δ’ ἵππων προπάροιθεν ἔπος τ’ ἔφατ’ ἔκ τ’ ὀνόμαζε· ### book 24.287 τῆ σπεῖσον Διὶ πατρί, καὶ εὔχεο οἴκαδ’ ἱκέσθαι ### book 24.288 ἂψ ἐκ δυσμενέων ἀνδρῶν, ἐπεὶ ἂρ σέ γε θυμὸς ### book 24.289 ὀτρύνει ἐπὶ νῆας ἐμεῖο μὲν οὐκ ἐθελούσης. ### book 24.290 ἀλλ’ εὔχεο σύ γ’ ἔπειτα κελαινεφέϊ Κρονίωνι ### book 24.291 Ἰδαίῳ, ὅς τε Τροίην κατὰ πᾶσαν ὁρᾶται, ### book 24.292 αἴτει δ’ οἰωνὸν ταχὺν ἄγγελον, ὅς τέ οἱ αὐτῷ ### book 24.293 φίλτατος οἰωνῶν, καί εὑ κράτος ἐστὶ μέγιστον, ### book 24.294 δεξιόν, ὄφρά μιν αὐτὸς ἐν ὀφθαλμοῖσι νοήσας ### book 24.295 τῷ πίσυνος ἐπὶ νῆας ἴῃς Δαναῶν ταχυπώλων. ### book 24.296 εἰ δέ τοι οὐ δώσει ἑὸν ἄγγελον εὐρύοπα Ζεύς, ### book 24.297 οὐκ ἂν ἔγωγέ ς’ ἔπειτα ἐποτρύνουσα κελοίμην ### book 24.298 νῆας ἐπ’ Ἀργείων ἰέναι μάλα περ μεμαῶτα. ### book 24.299 Τὴν δ’ ἀπαμειβόμενος προσέφη Πρίαμος θεοειδής· ### book 24.300 ὦ γύναι οὐ μέν τοι τόδ’ ἐφιεμένῃ ἀπιθήσω. ### book 24.301 ἐσθλὸν γὰρ Διὶ χεῖρας ἀνασχέμεν αἴ κ’ ἐλεήσῃ. ### book 24.302 Ἦ ῥα καὶ ἀμφίπολον ταμίην ὄτρυν’ ὃ γεραιὸς ### book 24.303 χερσὶν ὕδωρ ἐπιχεῦαι ἀκήρατον· ἣ δὲ παρέστη ### book 24.304 χέρνιβον ἀμφίπολος πρόχοόν θ’ ἅμα χερσὶν ἔχουσα. ### book 24.305 νιψάμενος δὲ κύπελλον ἐδέξατο ἧς ἀλόχοιο· ### book 24.306 εὔχετ’ ἔπειτα στὰς μέσῳ ἕρκεϊ, λεῖβε δὲ οἶνον ### book 24.307 οὐρανὸν εἰσανιδών, καὶ φωνήσας ἔπος ηὔδα· ### book 24.308 Ζεῦ πάτερ Ἴδηθεν μεδέων κύδιστε μέγιστε ### book 24.309 δός μ’ ἐς Ἀχιλλῆος φίλον ἐλθεῖν ἠδ’ ἐλεεινόν, ### book 24.310 πέμψον δ’ οἰωνὸν ταχὺν ἄγγελον, ὅς τε σοὶ αὐτῷ ### book 24.311 φίλτατος οἰωνῶν, καί εὑ κράτος ἐστὶ μέγιστον, ### book 24.312 δεξιόν, ὄφρά μιν αὐτὸς ἐν ὀφθαλμοῖσι νοήσας ### book 24.313 τῷ πίσυνος ἐπὶ νῆας ἴω Δαναῶν ταχυπώλων. ### book 24.314 Ὣς ἔφατ’ εὐχόμενος, τοῦ δ’ ἔκλυε μητίετα Ζεὺς ### book 24.315 αὐτίκα δ’ αἰετὸν ἧκε τελειότατον πετεηνῶν ### book 24.316 μόρφνον θηρητῆρ’ ὃν καὶ περκνὸν καλέουσιν. ### book 24.317 ὅσση δ’ ὑψορόφοιο θύρη θαλάμοιο τέτυκται ### book 24.318 ἀνέρος ἀφνειοῖο ἐῢ κληῗς’ ἀραρυῖα, ### book 24.319 τόσς’ ἄρα τοῦ ἑκάτερθεν ἔσαν πτερά· εἴσατο δέ σφι ### book 24.320 δεξιὸς ἀΐξας διὰ ἄστεος· οἳ δὲ ἰδόντες ### book 24.321 γήθησαν, καὶ πᾶσιν ἐνὶ φρεσὶ θυμὸς ἰάνθη. ### book 24.322 Σπερχόμενος δ’ ὃ γεραιὸς ἑοῦ ἐπεβήσετο δίφρου, ### book 24.323 ἐκ δ’ ἔλασε προθύροιο καὶ αἰθούσης ἐριδούπου. ### book 24.324 πρόσθε μὲν ἡμίονοι ἕλκον τετράκυκλον ἀπήνην, ### book 24.325 τὰς Ἰδαῖος ἔλαυνε δαΐφρων· αὐτὰρ ὄπισθεν ### book 24.326 ἵπποι, τοὺς ὃ γέρων ἐφέπων μάστιγι κέλευε ### book 24.327 καρπαλίμως κατὰ ἄστυ· φίλοι δ’ ἅμα πάντες ἕποντο ### book 24.328 πόλλ’ ὀλοφυρόμενοι ὡς εἰ θάνατον δὲ κιόντα. ### book 24.329 οἳ δ’ ἐπεὶ οὖν πόλιος κατέβαν, πεδίον δ’ ἀφίκοντο, ### book 24.330 οἳ μὲν ἄρ’ ἄψορροι προτὶ Ἴλιον ἀπονέοντο ### book 24.331 παῖδες καὶ γαμβροί, τὼ δ’ οὐ λάθον εὐρύοπα Ζῆν ### book 24.332 ἐς πεδίον προφανέντε· ἰδὼν δ’ ἐλέησε γέροντα, ### book 24.333 αἶψα δ’ ἄρ’ Ἑρμείαν υἱὸν φίλον ἀντίον ηὔδα· ### book 24.334 Ἑρμεία, σοὶ γάρ τε μάλιστά γε φίλτατόν ἐστιν ### book 24.335 ἀνδρὶ ἑταιρίσσαι, καί τ’ ἔκλυες ᾧ κ’ ἐθέλῃσθα, ### book 24.336 βάσκ’ ἴθι καὶ Πρίαμον κοίλας ἐπὶ νῆας Ἀχαιῶν ### book 24.337 ὣς ἄγαγ’, ὡς μήτ’ ἄρ τις ἴδῃ μήτ’ ἄρ τε νοήσῃ ### book 24.338 τῶν ἄλλων Δαναῶν, πρὶν Πηλεΐωνα δ’ ἱκέσθαι. ### book 24.339 Ὣς ἔφατ’, οὐδ’ ἀπίθησε διάκτορος Ἀργειφόντης. ### book 24.340 αὐτίκ’ ἔπειθ’ ὑπὸ ποσσὶν ἐδήσατο καλὰ πέδιλα ### book 24.341 ἀμβρόσια χρύσεια, τά μιν φέρον ἠμὲν ἐφ’ ὑγρὴν ### book 24.342 ἠδ’ ἐπ’ ἀπείρονα γαῖαν ἅμα πνοιῇς ἀνέμοιο· ### book 24.343 εἵλετο δὲ ῥάβδον, τῇ τ’ ἀνδρῶν ὄμματα θέλγει ### book 24.344 ὧν ἐθέλει, τοὺς δ’ αὖτε καὶ ὑπνώοντας ἐγείρει· ### book 24.345 τὴν μετὰ χερσὶν ἔχων πέτετο κρατὺς Ἀργειφόντης. ### book 24.346 αἶψα δ’ ἄρα Τροίην τε καὶ Ἑλλήσποντον ἵκανε, ### book 24.347 βῆ δ’ ἰέναι κούρῳ αἰσυμνητῆρι ἐοικὼς ### book 24.348 πρῶτον ὑπηνήτῃ, τοῦ περ χαριεστάτη ἥβη. ### book 24.349 Οἳ δ’ ἐπεὶ οὖν μέγα σῆμα παρὲξ Ἴλοιο ἔλασσαν, ### book 24.350 στῆσαν ἄρ’ ἡμιόνους τε καὶ ἵππους ὄφρα πίοιεν ### book 24.351 ἐν ποταμῷ· δὴ γὰρ καὶ ἐπὶ κνέφας ἤλυθε γαῖαν. ### book 24.352 τὸν δ’ ἐξ ἀγχιμόλοιο ἰδὼν ἐφράσσατο κῆρυξ ### book 24.353 Ἑρμείαν, ποτὶ δὲ Πρίαμον φάτο φώνησέν τε· ### book 24.354 φράζεο Δαρδανίδη· φραδέος νόου ἔργα τέτυκται. ### book 24.355 ἄνδρ’ ὁρόω, τάχα δ’ ἄμμε διαρραίσεσθαι ὀΐω. ### book 24.356 ἀλλ’ ἄγε δὴ φεύγωμεν ἐφ’ ἵππων, ἤ μιν ἔπειτα ### book 24.357 γούνων ἁψάμενοι λιτανεύσομεν αἴ κ’ ἐλεήσῃ. ### book 24.358 Ὣς φάτο, σὺν δὲ γέροντι νόος χύτο, δείδιε δ’ αἰνῶς, ### book 24.359 ὀρθαὶ δὲ τρίχες ἔσταν ἐνὶ γναμπτοῖσι μέλεσσι, ### book 24.360 στῆ δὲ ταφών· αὐτὸς δ’ ἐριούνιος ἐγγύθεν ἐλθὼν ### book 24.361 χεῖρα γέροντος ἑλὼν ἐξείρετο καὶ προσέειπε· ### book 24.362 πῇ πάτερ ὧδ’ ἵππους τε καὶ ἡμιόνους ἰθύνεις ### book 24.363 νύκτα δι’ ἀμβροσίην, ὅτε θ’ εὕδουσι βροτοὶ ἄλλοι; ### book 24.364 οὐδὲ σύ γ’ ἔδεισας μένεα πνείοντας Ἀχαιούς, ### book 24.365 οἵ τοι δυσμενέες καὶ ἀνάρσιοι ἐγγὺς ἔασι; ### book 24.366 τῶν εἴ τίς σε ἴδοιτο θοὴν διὰ νύκτα μέλαιναν ### book 24.367 τοσσάδ’ ὀνείατ’ ἄγοντα, τίς ἂν δή τοι νόος εἴη; ### book 24.368 οὔτ’ αὐτὸς νέος ἐσσί, γέρων δέ τοι οὗτος ὀπηδεῖ, ### book 24.369 ἄνδρ’ ἀπαμύνασθαι, ὅτε τις πρότερος χαλεπήνῃ. ### book 24.370 ἀλλ’ ἐγὼ οὐδέν σε ῥέξω κακά, καὶ δέ κεν ἄλλον ### book 24.371 σεῦ ἀπαλεξήσαιμι· φίλῳ δέ σε πατρὶ ἐΐσκω. ### book 24.372 Τὸν δ’ ἠμείβετ’ ἔπειτα γέρων Πρίαμος θεοειδής· ### book 24.373 οὕτω πῃ τάδε γ’ ἐστὶ φίλον τέκος ὡς ἀγορεύεις. ### book 24.374 ἀλλ’ ἔτι τις καὶ ἐμεῖο θεῶν ὑπερέσχεθε χεῖρα, ### book 24.375 ὅς μοι τοιόνδ’ ἧκεν ὁδοιπόρον ἀντιβολῆσαι ### book 24.376 αἴσιον, οἷος δὴ σὺ δέμας καὶ εἶδος ἀγητός, ### book 24.377 πέπνυσαί τε νόῳ, μακάρων δ’ ἔξεσσι τοκήων. ### book 24.378 Τὸν δ’ αὖτε προσέειπε διάκτορος Ἀργειφόντης· ### book 24.379 ναὶ δὴ ταῦτά γε πάντα γέρον κατὰ μοῖραν ἔειπες. ### book 24.380 ἀλλ’ ἄγε μοι τόδε εἰπὲ καὶ ἀτρεκέως κατάλεξον, ### book 24.381 ἠέ πῃ ἐκπέμπεις κειμήλια πολλὰ καὶ ἐσθλὰ ### book 24.382 ἄνδρας ἐς ἀλλοδαποὺς ἵνα περ τάδε τοι σόα μίμνῃ, ### book 24.383 ἦ ἤδη πάντες καταλείπετε Ἴλιον ἱρὴν ### book 24.384 δειδιότες· τοῖος γὰρ ἀνὴρ ὤριστος ὄλωλε ### book 24.385 σὸς πάϊς· οὐ μὲν γάρ τι μάχης ἐπιδεύετ’ Ἀχαιῶν. ### book 24.386 Τὸν δ’ ἠμείβετ’ ἔπειτα γέρων Πρίαμος θεοειδής· ### book 24.387 τίς δὲ σύ ἐσσι φέριστε τέων δ’ ἔξεσσι τοκήων; ### book 24.388 ὥς μοι καλὰ τὸν οἶτον ἀπότμου παιδὸς ἔνισπες. ### book 24.389 Τὸν δ’ αὖτε προσέειπε διάκτορος Ἀργειφόντης· ### book 24.390 πειρᾷ ἐμεῖο γεραιὲ καὶ εἴρεαι Ἕκτορα δῖον. ### book 24.391 τὸν μὲν ἐγὼ μάλα πολλὰ μάχῃ ἔνι κυδιανείρῃ ### book 24.392 ὀφθαλμοῖσιν ὄπωπα, καὶ εὖτ’ ἐπὶ νηυσὶν ἐλάσσας ### book 24.393 Ἀργείους κτείνεσκε δαΐζων ὀξέϊ χαλκῷ· ### book 24.394 ἡμεῖς δ’ ἑσταότες θαυμάζομεν· οὐ γὰρ Ἀχιλλεὺς ### book 24.395 εἴα μάρνασθαι κεχολωμένος Ἀτρεΐωνι. ### book 24.396 τοῦ γὰρ ἐγὼ θεράπων, μία δ’ ἤγαγε νηῦς εὐεργής· ### book 24.397 Μυρμιδόνων δ’ ἔξειμι, πατὴρ δέ μοί ἐστι Πολύκτωρ. ### book 24.398 ἀφνειὸς μὲν ὅ γ’ ἐστί, γέρων δὲ δὴ ὡς σύ περ ὧδε, ### book 24.399 ἓξ δέ οἱ υἷες ἔασιν, ἐγὼ δέ οἱ ἕβδομός εἰμι· ### book 24.400 τῶν μέτα παλλόμενος κλήρῳ λάχον ἐνθάδ’ ἕπεσθαι. ### book 24.401 νῦν δ’ ἦλθον πεδίον δ’ ἀπὸ νηῶν· ἠῶθεν γὰρ ### book 24.402 θήσονται περὶ ἄστυ μάχην ἑλίκωπες Ἀχαιοί. ### book 24.403 ἀσχαλόωσι γὰρ οἷδε καθήμενοι, οὐδὲ δύνανται ### book 24.404 ἴσχειν ἐσσυμένους πολέμου βασιλῆες Ἀχαιῶν. ### book 24.405 Τὸν δ’ ἠμείβετ’ ἔπειτα γέρων Πρίαμος θεοειδής· ### book 24.406 εἰ μὲν δὴ θεράπων Πηληϊάδεω Ἀχιλῆος ### book 24.407 εἴς, ἄγε δή μοι πᾶσαν ἀληθείην κατάλεξον, ### book 24.408 ἢ ἔτι πὰρ νήεσσιν ἐμὸς πάϊς, ἦέ μιν ἤδη ### book 24.409 ᾗσι κυσὶν μελεϊστὶ ταμὼν προύθηκεν Ἀχιλλεύς. ### book 24.410 Τὸν δ’ αὖτε προσέειπε διάκτορος Ἀργειφόντης· ### book 24.411 ὦ γέρον οὔ πω τόν γε κύνες φάγον οὐδ’ οἰωνοί, ### book 24.412 ἀλλ’ ἔτι κεῖνος κεῖται Ἀχιλλῆος παρὰ νηῒ ### book 24.413 αὔτως ἐν κλισίῃσι· δυωδεκάτη δέ οἱ ἠὼς ### book 24.414 κειμένῳ, οὐδέ τί οἱ χρὼς σήπεται, οὐδέ μιν εὐλαὶ ### book 24.415 ἔσθους’, αἵ ῥά τε φῶτας ἀρηϊφάτους κατέδουσιν. ### book 24.416 ἦ μέν μιν περὶ σῆμα ἑοῦ ἑτάροιο φίλοιο ### book 24.417 ἕλκει ἀκηδέστως ἠὼς ὅτε δῖα φανήῃ, ### book 24.418 οὐδέ μιν αἰσχύνει· θηοῖό κεν αὐτὸς ἐπελθὼν ### book 24.419 οἷον ἐερσήεις κεῖται, περὶ δ’ αἷμα νένιπται, ### book 24.420 οὐδέ ποθι μιαρός· σὺν δ’ ἕλκεα πάντα μέμυκεν ### book 24.421 ὅσς’ ἐτύπη· πολέες γὰρ ἐν αὐτῷ χαλκὸν ἔλασσαν. ### book 24.422 ὥς τοι κήδονται μάκαρες θεοὶ υἷος ἑῆος ### book 24.423 καὶ νέκυός περ ἐόντος, ἐπεί σφι φίλος περὶ κῆρι. ### book 24.424 Ὣς φάτο, γήθησεν δ’ ὃ γέρων, καὶ ἀμείβετο μύθῳ· ### book 24.425 ὦ τέκος, ἦ ῥ’ ἀγαθὸν καὶ ἐναίσιμα δῶρα διδοῦναι ### book 24.426 ἀθανάτοις, ἐπεὶ οὔ ποτ’ ἐμὸς πάϊς, εἴ ποτ’ ἔην γε, ### book 24.427 λήθετ’ ἐνὶ μεγάροισι θεῶν οἳ Ὄλυμπον ἔχουσι· ### book 24.428 τώ οἱ ἀπεμνήσαντο καὶ ἐν θανάτοιό περ αἴσῃ. ### book 24.429 ἀλλ’ ἄγε δὴ τόδε δέξαι ἐμεῦ πάρα καλὸν ἄλεισον, ### book 24.430 αὐτόν τε ῥῦσαι, πέμψον δέ με σύν γε θεοῖσιν, ### book 24.431 ὄφρά κεν ἐς κλισίην Πηληϊάδεω ἀφίκωμαι. ### book 24.432 Τὸν δ’ αὖτε προσέειπε διάκτορος Ἀργειφόντης· ### book 24.433 πειρᾷ ἐμεῖο γεραιὲ νεωτέρου, οὐδέ με πείσεις, ### book 24.434 ὅς με κέλῃ σέο δῶρα παρὲξ Ἀχιλῆα δέχεσθαι. ### book 24.435 τὸν μὲν ἐγὼ δείδοικα καὶ αἰδέομαι περὶ κῆρι ### book 24.436 συλεύειν, μή μοί τι κακὸν μετόπισθε γένηται. ### book 24.437 σοὶ δ’ ἂν ἐγὼ πομπὸς καί κε κλυτὸν Ἄργος ἱκοίμην, ### book 24.438 ἐνδυκέως ἐν νηῒ θοῇ ἢ πεζὸς ὁμαρτέων· ### book 24.439 οὐκ ἄν τίς τοι πομπὸν ὀνοσσάμενος μαχέσαιτο. ### book 24.440 Ἦ καὶ ἀναΐξας ἐριούνιος ἅρμα καὶ ἵππους ### book 24.441 καρπαλίμως μάστιγα καὶ ἡνία λάζετο χερσίν, ### book 24.442 ἐν δ’ ἔπνευς’ ἵπποισι καὶ ἡμιόνοις μένος ἠΰ. ### book 24.443 ἀλλ’ ὅτε δὴ πύργους τε νεῶν καὶ τάφρον ἵκοντο, ### book 24.444 οἳ δὲ νέον περὶ δόρπα φυλακτῆρες πονέοντο, ### book 24.445 τοῖσι δ’ ἐφ’ ὕπνον ἔχευε διάκτορος Ἀργειφόντης ### book 24.446 πᾶσιν, ἄφαρ δ’ ὤϊξε πύλας καὶ ἀπῶσεν ὀχῆας, ### book 24.447 ἐς δ’ ἄγαγε Πρίαμόν τε καὶ ἀγλαὰ δῶρ’ ἐπ’ ἀπήνης. ### book 24.448 ἀλλ’ ὅτε δὴ κλισίην Πηληϊάδεω ἀφίκοντο ### book 24.449 ὑψηλήν, τὴν Μυρμιδόνες ποίησαν ἄνακτι ### book 24.450 δοῦρ’ ἐλάτης κέρσαντες· ἀτὰρ καθύπερθεν ἔρεψαν ### book 24.451 λαχνήεντ’ ὄροφον λειμωνόθεν ἀμήσαντες· ### book 24.452 ἀμφὶ δέ οἱ μεγάλην αὐλὴν ποίησαν ἄνακτι ### book 24.453 σταυροῖσιν πυκινοῖσι· θύρην δ’ ἔχε μοῦνος ἐπιβλὴς ### book 24.454 εἰλάτινος, τὸν τρεῖς μὲν ἐπιρρήσσεσκον Ἀχαιοί, ### book 24.455 τρεῖς δ’ ἀναοίγεσκον μεγάλην κληῗδα θυράων ### book 24.456 τῶν ἄλλων· Ἀχιλεὺς δ’ ἄρ’ ἐπιρρήσσεσκε καὶ οἶος· ### book 24.457 δή ῥα τόθ’ Ἑρμείας ἐριούνιος ᾦξε γέροντι, ### book 24.458 ἐς δ’ ἄγαγε κλυτὰ δῶρα ποδώκεϊ Πηλεΐωνι, ### book 24.459 ἐξ ἵππων δ’ ἀπέβαινεν ἐπὶ χθόνα φώνησέν τε· ### book 24.460 ὦ γέρον ἤτοι ἐγὼ θεὸς ἄμβροτος εἰλήλουθα ### book 24.461 Ἑρμείας· σοὶ γάρ με πατὴρ ἅμα πομπὸν ὄπασσεν. ### book 24.462 ἀλλ’ ἤτοι μὲν ἐγὼ πάλιν εἴσομαι, οὐδ’ Ἀχιλῆος ### book 24.463 ὀφθαλμοὺς εἴσειμι· νεμεσσητὸν δέ κεν εἴη ### book 24.464 ἀθάνατον θεὸν ὧδε βροτοὺς ἀγαπαζέμεν ἄντην· ### book 24.465 τύνη δ’ εἰσελθὼν λαβὲ γούνατα Πηλεΐωνος, ### book 24.466 καί μιν ὑπὲρ πατρὸς καὶ μητέρος ἠϋκόμοιο ### book 24.467 λίσσεο καὶ τέκεος, ἵνα οἱ σὺν θυμὸν ὀρίνῃς. ### book 24.468 Ὣς ἄρα φωνήσας ἀπέβη πρὸς μακρὸν Ὄλυμπον ### book 24.469 Ἑρμείας· Πρίαμος δ’ ἐξ ἵππων ἆλτο χαμᾶζε, ### book 24.470 Ἰδαῖον δὲ κατ’ αὖθι λίπεν· ὃ δὲ μίμνεν ἐρύκων ### book 24.471 ἵππους ἡμιόνους τε· γέρων δ’ ἰθὺς κίεν οἴκου, ### book 24.472 τῇ ῥ’ Ἀχιλεὺς ἵζεσκε Διῒ φίλος· ἐν δέ μιν αὐτὸν ### book 24.473 εὗρ’, ἕταροι δ’ ἀπάνευθε καθήατο· τὼ δὲ δύ’ οἴω ### book 24.474 ἥρως Αὐτομέδων τε καὶ Ἄλκιμος ὄζος Ἄρηος ### book 24.475 ποίπνυον παρεόντε· νέον δ’ ἀπέληγεν ἐδωδῆς ### book 24.476 ἔσθων καὶ πίνων· ἔτι καὶ παρέκειτο τράπεζα. ### book 24.477 τοὺς δ’ ἔλαθ’ εἰσελθὼν Πρίαμος μέγας, ἄγχι δ’ ἄρα στὰς ### book 24.478 χερσὶν Ἀχιλλῆος λάβε γούνατα καὶ κύσε χεῖρας ### book 24.479 δεινὰς ἀνδροφόνους, αἵ οἱ πολέας κτάνον υἷας. ### book 24.480 ὡς δ’ ὅτ’ ἂν ἄνδρ’ ἄτη πυκινὴ λάβῃ, ὅς τ’ ἐνὶ πάτρῃ ### book 24.481 φῶτα κατακτείνας ἄλλων ἐξίκετο δῆμον ### book 24.482 ἀνδρὸς ἐς ἀφνειοῦ, θάμβος δ’ ἔχει εἰσορόωντας, ### book 24.483 ὣς Ἀχιλεὺς θάμβησεν ἰδὼν Πρίαμον θεοειδέα· ### book 24.484 θάμβησαν δὲ καὶ ἄλλοι, ἐς ἀλλήλους δὲ ἴδοντο. ### book 24.485 τὸν καὶ λισσόμενος Πρίαμος πρὸς μῦθον ἔειπε· ### book 24.486 μνῆσαι πατρὸς σοῖο θεοῖς ἐπιείκελ’ Ἀχιλλεῦ, ### book 24.487 τηλίκου ὥς περ ἐγών, ὀλοῷ ἐπὶ γήραος οὐδῷ· ### book 24.488 καὶ μέν που κεῖνον περιναιέται ἀμφὶς ἐόντες ### book 24.489 τείρους’, οὐδέ τίς ἐστιν ἀρὴν καὶ λοιγὸν ἀμῦναι. ### book 24.490 ἀλλ’ ἤτοι κεῖνός γε σέθεν ζώοντος ἀκούων ### book 24.491 χαίρει τ’ ἐν θυμῷ, ἐπί τ’ ἔλπεται ἤματα πάντα ### book 24.492 ὄψεσθαι φίλον υἱὸν ἀπὸ Τροίηθεν ἰόντα· ### book 24.493 αὐτὰρ ἐγὼ πανάποτμος, ἐπεὶ τέκον υἷας ἀρίστους ### book 24.494 Τροίῃ ἐν εὐρείῃ, τῶν δ’ οὔ τινά φημι λελεῖφθαι. ### book 24.495 πεντήκοντά μοι ἦσαν ὅτ’ ἤλυθον υἷες Ἀχαιῶν· ### book 24.496 ἐννεακαίδεκα μέν μοι ἰῆς ἐκ νηδύος ἦσαν, ### book 24.497 τοὺς δ’ ἄλλους μοι ἔτικτον ἐνὶ μεγάροισι γυναῖκες. ### book 24.498 τῶν μὲν πολλῶν θοῦρος Ἄρης ὑπὸ γούνατ’ ἔλυσεν· ### book 24.499 ὃς δέ μοι οἶος ἔην, εἴρυτο δὲ ἄστυ καὶ αὐτούς, ### book 24.500 τὸν σὺ πρῴην κτεῖνας ἀμυνόμενον περὶ πάτρης ### book 24.501 Ἕκτορα· τοῦ νῦν εἵνεχ’ ἱκάνω νῆας Ἀχαιῶν ### book 24.502 λυσόμενος παρὰ σεῖο, φέρω δ’ ἀπερείσι’ ἄποινα. ### book 24.503 ἀλλ’ αἰδεῖο θεοὺς Ἀχιλεῦ, αὐτόν τ’ ἐλέησον ### book 24.504 μνησάμενος σοῦ πατρός· ἐγὼ δ’ ἐλεεινότερός περ, ### book 24.505 ἔτλην δ’ οἷ’ οὔ πώ τις ἐπιχθόνιος βροτὸς ἄλλος, ### book 24.506 ἀνδρὸς παιδοφόνοιο ποτὶ στόμα χεῖρ’ ὀρέγεσθαι. ### book 24.507 Ὣς φάτο, τῷ δ’ ἄρα πατρὸς ὑφ’ ἵμερον ὦρσε γόοιο· ### book 24.508 ἁψάμενος δ’ ἄρα χειρὸς ἀπώσατο ἦκα γέροντα. ### book 24.509 τὼ δὲ μνησαμένω ὃ μὲν Ἕκτορος ἀνδροφόνοιο ### book 24.510 κλαῖ’ ἁδινὰ προπάροιθε ποδῶν Ἀχιλῆος ἐλυσθείς, ### book 24.511 αὐτὰρ Ἀχιλλεὺς κλαῖεν ἑὸν πατέρ’, ἄλλοτε δ’ αὖτε ### book 24.512 Πάτροκλον· τῶν δὲ στοναχὴ κατὰ δώματ’ ὀρώρει. ### book 24.513 αὐτὰρ ἐπεί ῥα γόοιο τετάρπετο δῖος Ἀχιλλεύς, ### book 24.514 καί οἱ ἀπὸ πραπίδων ἦλθ’ ἵμερος ἠδ’ ἀπὸ γυίων, ### book 24.515 αὐτίκ’ ἀπὸ θρόνου ὦρτο, γέροντα δὲ χειρὸς ἀνίστη ### book 24.516 οἰκτίρων πολιόν τε κάρη πολιόν τε γένειον, ### book 24.517 καί μιν φωνήσας ἔπεα πτερόεντα προσηύδα· ### book 24.518 ἆ δείλ’, ἦ δὴ πολλὰ κάκ’ ἄνσχεο σὸν κατὰ θυμόν. ### book 24.519 πῶς ἔτλης ἐπὶ νῆας Ἀχαιῶν ἐλθέμεν οἶος ### book 24.520 ἀνδρὸς ἐς ὀφθαλμοὺς ὅς τοι πολέας τε καὶ ἐσθλοὺς ### book 24.521 υἱέας ἐξενάριξα; σιδήρειόν νύ τοι ἦτορ. ### book 24.522 ἀλλ’ ἄγε δὴ κατ’ ἄρ’ ἕζευ ἐπὶ θρόνου, ἄλγεα δ’ ἔμπης ### book 24.523 ἐν θυμῷ κατακεῖσθαι ἐάσομεν ἀχνύμενοί περ· ### book 24.524 οὐ γάρ τις πρῆξις πέλεται κρυεροῖο γόοιο· ### book 24.525 ὡς γὰρ ἐπεκλώσαντο θεοὶ δειλοῖσι βροτοῖσι ### book 24.526 ζώειν ἀχνυμένοις· αὐτοὶ δέ τ’ ἀκηδέες εἰσί. ### book 24.527 δοιοὶ γάρ τε πίθοι κατακείαται ἐν Διὸς οὔδει ### book 24.528 δώρων οἷα δίδωσι κακῶν, ἕτερος δὲ ἑάων· ### book 24.529 ᾧ μέν κ’ ἀμμίξας δώῃ Ζεὺς τερπικέραυνος, ### book 24.530 ἄλλοτε μέν τε κακῷ ὅ γε κύρεται, ἄλλοτε δ’ ἐσθλῷ· ### book 24.531 ᾧ δέ κε τῶν λυγρῶν δώῃ, λωβητὸν ἔθηκε, ### book 24.532 καί ἑ κακὴ βούβρωστις ἐπὶ χθόνα δῖαν ἐλαύνει, ### book 24.533 φοιτᾷ δ’ οὔτε θεοῖσι τετιμένος οὔτε βροτοῖσιν. ### book 24.534 ὣς μὲν καὶ Πηλῆϊ θεοὶ δόσαν ἀγλαὰ δῶρα ### book 24.535 ἐκ γενετῆς· πάντας γὰρ ἐπ’ ἀνθρώπους ἐκέκαστο ### book 24.536 ὄλβῳ τε πλούτῳ τε, ἄνασσε δὲ Μυρμιδόνεσσι, ### book 24.537 καί οἱ θνητῷ ἐόντι θεὰν ποίησαν ἄκοιτιν. ### book 24.538 ἀλλ’ ἐπὶ καὶ τῷ θῆκε θεὸς κακόν, ὅττί οἱ οὔ τι ### book 24.539 παίδων ἐν μεγάροισι γονὴ γένετο κρειόντων, ### book 24.540 ἀλλ’ ἕνα παῖδα τέκεν παναώριον· οὐδέ νυ τόν γε ### book 24.541 γηράσκοντα κομίζω, ἐπεὶ μάλα τηλόθι πάτρης ### book 24.542 ἧμαι ἐνὶ Τροίῃ, σέ τε κήδων ἠδὲ σὰ τέκνα. ### book 24.543 καὶ σὲ γέρον τὸ πρὶν μὲν ἀκούομεν ὄλβιον εἶναι· ### book 24.544 ὅσσον Λέσβος ἄνω Μάκαρος ἕδος ἐντὸς ἐέργει ### book 24.545 καὶ Φρυγίη καθύπερθε καὶ Ἑλλήσποντος ἀπείρων, ### book 24.546 τῶν σε γέρον πλούτῳ τε καὶ υἱάσι φασὶ κεκάσθαι. ### book 24.547 αὐτὰρ ἐπεί τοι πῆμα τόδ’ ἤγαγον Οὐρανίωνες ### book 24.548 αἰεί τοι περὶ ἄστυ μάχαι τ’ ἀνδροκτασίαι τε. ### book 24.549 ἄνσχεο, μὴ δ’ ἀλίαστον ὀδύρεο σὸν κατὰ θυμόν· ### book 24.550 οὐ γάρ τι πρήξεις ἀκαχήμενος υἷος ἑῆος, ### book 24.551 οὐδέ μιν ἀνστήσεις, πρὶν καὶ κακὸν ἄλλο πάθῃσθα. ### book 24.552 Τὸν δ’ ἠμείβετ’ ἔπειτα γέρων Πρίαμος θεοειδής· ### book 24.553 μή πω μ’ ἐς θρόνον ἵζε διοτρεφὲς ὄφρά κεν Ἕκτωρ ### book 24.554 κεῖται ἐνὶ κλισίῃσιν ἀκηδής, ἀλλὰ τάχιστα ### book 24.555 λῦσον ἵν’ ὀφθαλμοῖσιν ἴδω· σὺ δὲ δέξαι ἄποινα ### book 24.556 πολλά, τά τοι φέρομεν· σὺ δὲ τῶνδ’ ἀπόναιο, καὶ ἔλθοις ### book 24.557 σὴν ἐς πατρίδα γαῖαν, ἐπεί με πρῶτον ἔασας ### book 24.558 αὐτόν τε ζώειν καὶ ὁρᾶν φάος ἠελίοιο. ### book 24.559 Τὸν δ’ ἄρ’ ὑπόδρα ἰδὼν προσέφη πόδας ὠκὺς Ἀχιλλεύς· ### book 24.560 μηκέτι νῦν μ’ ἐρέθιζε γέρον· νοέω δὲ καὶ αὐτὸς ### book 24.561 Ἕκτορά τοι λῦσαι, Διόθεν δέ μοι ἄγγελος ἦλθε ### book 24.562 μήτηρ, ἥ μ’ ἔτεκεν, θυγάτηρ ἁλίοιο γέροντος. ### book 24.563 καὶ δέ σε γιγνώσκω Πρίαμε φρεσίν, οὐδέ με λήθεις, ### book 24.564 ὅττι θεῶν τίς ς’ ἦγε θοὰς ἐπὶ νῆας Ἀχαιῶν. ### book 24.565 οὐ γάρ κε τλαίη βροτὸς ἐλθέμεν, οὐδὲ μάλ’ ἡβῶν, ### book 24.566 ἐς στρατόν· οὐδὲ γὰρ ἂν φυλάκους λάθοι, οὐδέ κ’ ὀχῆα ### book 24.567 ῥεῖα μετοχλίσσειε θυράων ἡμετεράων. ### book 24.568 τὼ νῦν μή μοι μᾶλλον ἐν ἄλγεσι θυμὸν ὀρίνῃς, ### book 24.569 μή σε γέρον οὐδ’ αὐτὸν ἐνὶ κλισίῃσιν ἐάσω ### book 24.570 καὶ ἱκέτην περ ἐόντα, Διὸς δ’ ἀλίτωμαι ἐφετμάς. ### book 24.571 Ὣς ἔφατ’, ἔδεισεν δ’ ὃ γέρων καὶ ἐπείθετο μύθῳ. ### book 24.572 Πηλεΐδης δ’ οἴκοιο λέων ὣς ἆλτο θύραζε ### book 24.573 οὐκ οἶος, ἅμα τῷ γε δύω θεράποντες ἕποντο ### book 24.574 ἥρως Αὐτομέδων ἠδ’ Ἄλκιμος, οὕς ῥα μάλιστα ### book 24.575 τῖ’ Ἀχιλεὺς ἑτάρων μετὰ Πάτροκλόν γε θανόντα, ### book 24.576 οἳ τόθ’ ὑπὸ ζυγόφιν λύον ἵππους ἡμιόνους τε, ### book 24.577 ἐς δ’ ἄγαγον κήρυκα καλήτορα τοῖο γέροντος, ### book 24.578 κὰδ δ’ ἐπὶ δίφρου εἷσαν· ἐϋξέστου δ’ ἀπ’ ἀπήνης ### book 24.579 ᾕρεον Ἑκτορέης κεφαλῆς ἀπερείσι’ ἄποινα. ### book 24.580 κὰδ δ’ ἔλιπον δύο φάρε’ ἐΰννητόν τε χιτῶνα, ### book 24.581 ὄφρα νέκυν πυκάσας δοίη οἶκον δὲ φέρεσθαι. ### book 24.582 δμῳὰς δ’ ἐκκαλέσας λοῦσαι κέλετ’ ἀμφί τ’ ἀλεῖψαι ### book 24.583 νόσφιν ἀειράσας, ὡς μὴ Πρίαμος ἴδοι υἱόν, ### book 24.584 μὴ ὃ μὲν ἀχνυμένῃ κραδίῃ χόλον οὐκ ἐρύσαιτο ### book 24.585 παῖδα ἰδών, Ἀχιλῆϊ δ’ ὀρινθείη φίλον ἦτορ, ### book 24.586 καί ἑ κατακτείνειε, Διὸς δ’ ἀλίτηται ἐφετμάς. ### book 24.587 τὸν δ’ ἐπεὶ οὖν δμῳαὶ λοῦσαν καὶ χρῖσαν ἐλαίῳ, ### book 24.588 ἀμφὶ δέ μιν φᾶρος καλὸν βάλον ἠδὲ χιτῶνα, ### book 24.589 αὐτὸς τόν γ’ Ἀχιλεὺς λεχέων ἐπέθηκεν ἀείρας, ### book 24.590 σὺν δ’ ἕταροι ἤειραν ἐϋξέστην ἐπ’ ἀπήνην. ### book 24.591 ᾤμωξέν τ’ ἄρ’ ἔπειτα, φίλον δ’ ὀνόμηνεν ἑταῖρον· ### book 24.592 μή μοι Πάτροκλε σκυδμαινέμεν, αἴ κε πύθηαι ### book 24.593 εἰν Ἄϊδός περ ἐὼν ὅτι Ἕκτορα δῖον ἔλυσα ### book 24.594 πατρὶ φίλῳ, ἐπεὶ οὔ μοι ἀεικέα δῶκεν ἄποινα. ### book 24.595 σοὶ δ’ αὖ ἐγὼ καὶ τῶνδ’ ἀποδάσσομαι ὅσς’ ἐπέοικεν. ### book 24.596 Ἦ ῥα, καὶ ἐς κλισίην πάλιν ἤϊε δῖος Ἀχιλλεύς, ### book 24.597 ἕζετο δ’ ἐν κλισμῷ πολυδαιδάλῳ ἔνθεν ἀνέστη ### book 24.598 τοίχου τοῦ ἑτέρου, ποτὶ δὲ Πρίαμον φάτο μῦθον· ### book 24.599 υἱὸς μὲν δή τοι λέλυται γέρον ὡς ἐκέλευες, ### book 24.600 κεῖται δ’ ἐν λεχέεσς’· ἅμα δ’ ἠοῖ φαινομένηφιν ### book 24.601 ὄψεαι αὐτὸς ἄγων· νῦν δὲ μνησώμεθα δόρπου. ### book 24.602 καὶ γάρ τ’ ἠΰκομος Νιόβη ἐμνήσατο σίτου, ### book 24.603 τῇ περ δώδεκα παῖδες ἐνὶ μεγάροισιν ὄλοντο ### book 24.604 ἓξ μὲν θυγατέρες, ἓξ δ’ υἱέες ἡβώοντες. ### book 24.605 τοὺς μὲν Ἀπόλλων πέφνεν ἀπ’ ἀργυρέοιο βιοῖο ### book 24.606 χωόμενος Νιόβῃ, τὰς δ’ Ἄρτεμις ἰοχέαιρα, ### book 24.607 οὕνεκ’ ἄρα Λητοῖ ἰσάσκετο καλλιπαρῄῳ· ### book 24.608 φῆ δοιὼ τεκέειν, ἣ δ’ αὐτὴ γείνατο πολλούς· ### book 24.609 τὼ δ’ ἄρα καὶ δοιώ περ ἐόντ’ ἀπὸ πάντας ὄλεσσαν. ### book 24.610 οἳ μὲν ἄρ’ ἐννῆμαρ κέατ’ ἐν φόνῳ, οὐδέ τις ἦεν ### book 24.611 κατθάψαι, λαοὺς δὲ λίθους ποίησε Κρονίων· ### book 24.612 τοὺς δ’ ἄρα τῇ δεκάτῃ θάψαν θεοὶ Οὐρανίωνες. ### book 24.613 ἣ δ’ ἄρα σίτου μνήσατ’, ἐπεὶ κάμε δάκρυ χέουσα. ### book 24.614 νῦν δέ που ἐν πέτρῃσιν ἐν οὔρεσιν οἰοπόλοισιν ### book 24.615 ἐν Σιπύλῳ, ὅθι φασὶ θεάων ἔμμεναι εὐνὰς ### book 24.616 νυμφάων, αἵ τ’ ἀμφ’ Ἀχελώϊον ἐρρώσαντο, ### book 24.617 ἔνθα λίθος περ ἐοῦσα θεῶν ἐκ κήδεα πέσσει. ### book 24.618 ἀλλ’ ἄγε δὴ καὶ νῶϊ μεδώμεθα δῖε γεραιὲ ### book 24.619 σίτου· ἔπειτά κεν αὖτε φίλον παῖδα κλαίοισθα ### book 24.620 Ἴλιον εἰσαγαγών· πολυδάκρυτος δέ τοι ἔσται. ### book 24.621 Ἦ καὶ ἀναΐξας ὄϊν ἄργυφον ὠκὺς Ἀχιλλεὺς ### book 24.622 σφάξ’· ἕταροι δ’ ἔδερόν τε καὶ ἄμφεπον εὖ κατὰ κόσμον, ### book 24.623 μίστυλλόν τ’ ἄρ’ ἐπισταμένως πεῖράν τ’ ὀβελοῖσιν, ### book 24.624 ὄπτησάν τε περιφραδέως, ἐρύσαντό τε πάντα. ### book 24.625 Αὐτομέδων δ’ ἄρα σῖτον ἑλὼν ἐπένειμε τραπέζῃ ### book 24.626 καλοῖς ἐν κανέοισιν· ἀτὰρ κρέα νεῖμεν Ἀχιλλεύς. ### book 24.627 οἳ δ’ ἐπ’ ὀνείαθ’ ἑτοῖμα προκείμενα χεῖρας ἴαλλον. ### book 24.628 αὐτὰρ ἐπεὶ πόσιος καὶ ἐδητύος ἐξ ἔρον ἕντο, ### book 24.629 ἤτοι Δαρδανίδης Πρίαμος θαύμαζ’ Ἀχιλῆα ### book 24.630 ὅσσος ἔην οἷός τε· θεοῖσι γὰρ ἄντα ἐῴκει· ### book 24.631 αὐτὰρ ὃ Δαρδανίδην Πρίαμον θαύμαζεν Ἀχιλλεὺς ### book 24.632 εἰσορόων ὄψίν τ’ ἀγαθὴν καὶ μῦθον ἀκούων. ### book 24.633 αὐτὰρ ἐπεὶ τάρπησαν ἐς ἀλλήλους ὁρόωντες, ### book 24.634 τὸν πρότερος προσέειπε γέρων Πρίαμος θεοειδής· ### book 24.635 λέξον νῦν με τάχιστα διοτρεφές, ὄφρα καὶ ἤδη ### book 24.636 ὕπνῳ ὕπο γλυκερῷ ταρπώμεθα κοιμηθέντες· ### book 24.637 οὐ γάρ πω μύσαν ὄσσε ὑπὸ βλεφάροισιν ἐμοῖσιν ### book 24.638 ἐξ οὗ σῇς ὑπὸ χερσὶν ἐμὸς πάϊς ὤλεσε θυμόν, ### book 24.639 ἀλλ’ αἰεὶ στενάχω καὶ κήδεα μυρία πέσσω ### book 24.640 αὐλῆς ἐν χόρτοισι κυλινδόμενος κατὰ κόπρον. ### book 24.641 νῦν δὴ καὶ σίτου πασάμην καὶ αἴθοπα οἶνον ### book 24.642 λαυκανίης καθέηκα· πάρος γε μὲν οὔ τι πεπάσμην. ### book 24.643 Ἦ ῥ’, Ἀχιλεὺς δ’ ἑτάροισιν ἰδὲ δμῳῇσι κέλευσε ### book 24.644 δέμνι’ ὑπ’ αἰθούσῃ θέμεναι καὶ ῥήγεα καλὰ ### book 24.645 πορφύρε’ ἐμβαλέειν, στορέσαι τ’ ἐφύπερθε τάπητας, ### book 24.646 χλαίνας τ’ ἐνθέμεναι οὔλας καθύπερθεν ἕσασθαι. ### book 24.647 αἳ δ’ ἴσαν ἐκ μεγάροιο δάος μετὰ χερσὶν ἔχουσαι, ### book 24.648 αἶψα δ’ ἄρα στόρεσαν δοιὼ λέχε’ ἐγκονέουσαι. ### book 24.649 τὸν δ’ ἐπικερτομέων προσέφη πόδας ὠκὺς Ἀχιλλεύς· ### book 24.650 ἐκτὸς μὲν δὴ λέξο γέρον φίλε, μή τις Ἀχαιῶν ### book 24.651 ἐνθάδ’ ἐπέλθῃσιν βουληφόρος, οἵ τέ μοι αἰεὶ ### book 24.652 βουλὰς βουλεύουσι παρήμενοι, ἣ θέμις ἐστί· ### book 24.653 τῶν εἴ τίς σε ἴδοιτο θοὴν διὰ νύκτα μέλαιναν, ### book 24.654 αὐτίκ’ ἂν ἐξείποι Ἀγαμέμνονι ποιμένι λαῶν, ### book 24.655 καί κεν ἀνάβλησις λύσιος νεκροῖο γένηται. ### book 24.656 ἀλλ’ ἄγε μοι τόδε εἰπὲ καὶ ἀτρεκέως κατάλεξον, ### book 24.657 ποσσῆμαρ μέμονας κτερεϊζέμεν Ἕκτορα δῖον, ### book 24.658 ὄφρα τέως αὐτός τε μένω καὶ λαὸν ἐρύκω. ### book 24.659 Τὸν δ’ ἠμείβετ’ ἔπειτα γέρων Πρίαμος θεοειδής· ### book 24.660 εἰ μὲν δή μ’ ἐθέλεις τελέσαι τάφον Ἕκτορι δίῳ, ### book 24.661 ὧδέ κέ μοι ῥέζων Ἀχιλεῦ κεχαρισμένα θείης. ### book 24.662 οἶσθα γὰρ ὡς κατὰ ἄστυ ἐέλμεθα, τηλόθι δ’ ὕλη ### book 24.663 ἀξέμεν ἐξ ὄρεος, μάλα δὲ Τρῶες δεδίασιν. ### book 24.664 ἐννῆμαρ μέν κ’ αὐτὸν ἐνὶ μεγάροις γοάοιμεν, ### book 24.665 τῇ δεκάτῃ δέ κε θάπτοιμεν δαινῦτό τε λαός, ### book 24.666 ἑνδεκάτῃ δέ κε τύμβον ἐπ’ αὐτῷ ποιήσαιμεν, ### book 24.667 τῇ δὲ δυωδεκάτῃ πολεμίξομεν εἴ περ ἀνάγκη. ### book 24.668 Τὸν δ’ αὖτε προσέειπε ποδάρκης δῖος Ἀχιλλεύς· ### book 24.669 ἔσται τοι καὶ ταῦτα γέρον Πρίαμ’ ὡς σὺ κελεύεις· ### book 24.670 σχήσω γὰρ πόλεμον τόσσον χρόνον ὅσσον ἄνωγας. ### book 24.671 Ὣς ἄρα φωνήσας ἐπὶ καρπῷ χεῖρα γέροντος ### book 24.672 ἔλλαβε δεξιτερήν, μή πως δείσει’ ἐνὶ θυμῷ. ### book 24.673 οἳ μὲν ἄρ’ ἐν προδόμῳ δόμου αὐτόθι κοιμήσαντο ### book 24.674 κῆρυξ καὶ Πρίαμος πυκινὰ φρεσὶ μήδε’ ἔχοντες, ### book 24.675 αὐτὰρ Ἀχιλλεὺς εὗδε μυχῷ κλισίης ἐϋπήκτου· ### book 24.676 τῷ δὲ Βρισηῒς παρελέξατο καλλιπάρῃος. ### book 24.677 Ἄλλοι μέν ῥα θεοί τε καὶ ἀνέρες ἱπποκορυσταὶ ### book 24.678 εὗδον παννύχιοι μαλακῷ δεδμημένοι ὕπνῳ· ### book 24.679 ἀλλ’ οὐχ Ἑρμείαν ἐριούνιον ὕπνος ἔμαρπτεν ### book 24.680 ὁρμαίνοντ’ ἀνὰ θυμὸν ὅπως Πρίαμον βασιλῆα ### book 24.681 νηῶν ἐκπέμψειε λαθὼν ἱεροὺς πυλαωρούς. ### book 24.682 στῆ δ’ ἄρ’ ὑπὲρ κεφαλῆς καί μιν πρὸς μῦθον ἔειπεν· ### book 24.683 ὦ γέρον οὔ νύ τι σοί γε μέλει κακόν, οἷον ἔθ’ εὕδεις ### book 24.684 ἀνδράσιν ἐν δηΐοισιν, ἐπεί ς’ εἴασεν Ἀχιλλεύς. ### book 24.685 καὶ νῦν μὲν φίλον υἱὸν ἐλύσαο, πολλὰ δ’ ἔδωκας· ### book 24.686 σεῖο δέ κε ζωοῦ καὶ τρὶς τόσα δοῖεν ἄποινα ### book 24.687 παῖδες τοὶ μετόπισθε λελειμμένοι, αἴ κ’ Ἀγαμέμνων ### book 24.688 γνώῃ ς’ Ἀτρεΐδης, γνώωσι δὲ πάντες Ἀχαιοί. ### book 24.689 Ὣς ἔφατ’, ἔδεισεν δ’ ὃ γέρων, κήρυκα δ’ ἀνίστη. ### book 24.690 τοῖσιν δ’ Ἑρμείας ζεῦξ’ ἵππους ἡμιόνους τε, ### book 24.691 ῥίμφα δ’ ἄρ’ αὐτὸς ἔλαυνε κατὰ στρατόν, οὐδέ τις ἔγνω. ### book 24.692 Ἀλλ’ ὅτε δὴ πόρον ἷξον ἐϋρρεῖος ποταμοῖο ### book 24.693 Ξάνθου δινήεντος, ὃν ἀθάνατος τέκετο Ζεύς, ### book 24.694 Ἑρμείας μὲν ἔπειτ’ ἀπέβη πρὸς μακρὸν Ὄλυμπον, ### book 24.695 Ἠὼς δὲ κροκόπεπλος ἐκίδνατο πᾶσαν ἐπ’ αἶαν, ### book 24.696 οἳ δ’ εἰς ἄστυ ἔλων οἰμωγῇ τε στοναχῇ τε ### book 24.697 ἵππους, ἡμίονοι δὲ νέκυν φέρον. οὐδέ τις ἄλλος ### book 24.698 ἔγνω πρόσθ’ ἀνδρῶν καλλιζώνων τε γυναικῶν, ### book 24.699 ἀλλ’ ἄρα Κασσάνδρη ἰκέλη χρυσῇ Ἀφροδίτῃ ### book 24.700 Πέργαμον εἰσαναβᾶσα φίλον πατέρ’ εἰσενόησεν ### book 24.701 ἑσταότ’ ἐν δίφρῳ, κήρυκά τε ἀστυβοώτην· ### book 24.702 τὸν δ’ ἄρ’ ἐφ’ ἡμιόνων ἴδε κείμενον ἐν λεχέεσσι· ### book 24.703 κώκυσέν τ’ ἄρ’ ἔπειτα γέγωνέ τε πᾶν κατὰ ἄστυ· ### book 24.704 ὄψεσθε Τρῶες καὶ Τρῳάδες Ἕκτορ’ ἰόντες, ### book 24.705 εἴ ποτε καὶ ζώοντι μάχης ἐκνοστήσαντι ### book 24.706 χαίρετ’, ἐπεὶ μέγα χάρμα πόλει τ’ ἦν παντί τε δήμῳ. ### book 24.707 Ὣς ἔφατ’, οὐδέ τις αὐτόθ’ ἐνὶ πτόλεϊ λίπετ’ ἀνὴρ ### book 24.708 οὐδὲ γυνή· πάντας γὰρ ἀάσχετον ἵκετο πένθος· ### book 24.709 ἀγχοῦ δὲ ξύμβληντο πυλάων νεκρὸν ἄγοντι. ### book 24.710 πρῶται τόν γ’ ἄλοχός τε φίλη καὶ πότνια μήτηρ ### book 24.711 τιλλέσθην ἐπ’ ἄμαξαν ἐΰτροχον ἀΐξασαι ### book 24.712 ἁπτόμεναι κεφαλῆς· κλαίων δ’ ἀμφίσταθ’ ὅμιλος. ### book 24.713 καί νύ κε δὴ πρόπαν ἦμαρ ἐς ἠέλιον καταδύντα ### book 24.714 Ἕκτορα δάκρυ χέοντες ὀδύροντο πρὸ πυλάων, ### book 24.715 εἰ μὴ ἄρ’ ἐκ δίφροιο γέρων λαοῖσι μετηύδα· ### book 24.716 εἴξατέ μοι οὐρεῦσι διελθέμεν· αὐτὰρ ἔπειτα ### book 24.717 ἄσεσθε κλαυθμοῖο, ἐπὴν ἀγάγωμι δόμον δέ. ### book 24.718 Ὣς ἔφαθ’, οἳ δὲ διέστησαν καὶ εἶξαν ἀπήνῃ. ### book 24.719 οἳ δ’ ἐπεὶ εἰσάγαγον κλυτὰ δώματα, τὸν μὲν ἔπειτα ### book 24.720 τρητοῖς ἐν λεχέεσσι θέσαν, παρὰ δ’ εἷσαν ἀοιδοὺς ### book 24.721 θρήνων ἐξάρχους, οἵ τε στονόεσσαν ἀοιδὴν ### book 24.722 οἳ μὲν ἄρ’ ἐθρήνεον, ἐπὶ δὲ στενάχοντο γυναῖκες. ### book 24.723 τῇσιν δ’ Ἀνδρομάχη λευκώλενος ἦρχε γόοιο ### book 24.724 Ἕκτορος ἀνδροφόνοιο κάρη μετὰ χερσὶν ἔχουσα· ### book 24.725 ἆνερ ἀπ’ αἰῶνος νέος ὤλεο, κὰδ δέ με χήρην ### book 24.726 λείπεις ἐν μεγάροισι· πάϊς δ’ ἔτι νήπιος αὔτως ### book 24.727 ὃν τέκομεν σύ τ’ ἐγώ τε δυσάμμοροι, οὐδέ μιν οἴω ### book 24.728 ἥβην ἵξεσθαι· πρὶν γὰρ πόλις ἧδε κατ’ ἄκρης ### book 24.729 πέρσεται· ἦ γὰρ ὄλωλας ἐπίσκοπος, ὅς τέ μιν αὐτὴν ### book 24.730 ῥύσκευ, ἔχες δ’ ἀλόχους κεδνὰς καὶ νήπια τέκνα, ### book 24.731 αἳ δή τοι τάχα νηυσὶν ὀχήσονται γλαφυρῇσι, ### book 24.732 καὶ μὲν ἐγὼ μετὰ τῇσι· σὺ δ’ αὖ τέκος ἢ ἐμοὶ αὐτῇ ### book 24.733 ἕψεαι, ἔνθά κεν ἔργα ἀεικέα ἐργάζοιο ### book 24.734 ἀθλεύων πρὸ ἄνακτος ἀμειλίχου, ἤ τις Ἀχαιῶν ### book 24.735 ῥίψει χειρὸς ἑλὼν ἀπὸ πύργου λυγρὸν ὄλεθρον ### book 24.736 χωόμενος, ᾧ δή που ἀδελφεὸν ἔκτανεν Ἕκτωρ ### book 24.737 ἢ πατέρ’ ἠὲ καὶ υἱόν, ἐπεὶ μάλα πολλοὶ Ἀχαιῶν ### book 24.738 Ἕκτορος ἐν παλάμῃσιν ὀδὰξ ἕλον ἄσπετον οὖδας. ### book 24.739 οὐ γὰρ μείλιχος ἔσκε πατὴρ τεὸς ἐν δαῒ λυγρῇ· ### book 24.740 τὼ καί μιν λαοὶ μὲν ὀδύρονται κατὰ ἄστυ, ### book 24.741 ἀρητὸν δὲ τοκεῦσι γόον καὶ πένθος ἔθηκας ### book 24.742 Ἕκτορ· ἐμοὶ δὲ μάλιστα λελείψεται ἄλγεα λυγρά. ### book 24.743 οὐ γάρ μοι θνῄσκων λεχέων ἐκ χεῖρας ὄρεξας, ### book 24.744 οὐδέ τί μοι εἶπες πυκινὸν ἔπος, οὗ τέ κεν αἰεὶ ### book 24.745 μεμνῄμην νύκτάς τε καὶ ἤματα δάκρυ χέουσα. ### book 24.746 Ὣς ἔφατο κλαίους’, ἐπὶ δὲ στενάχοντο γυναῖκες. ### book 24.747 τῇσιν δ’ αὖθ’ Ἑκάβη ἁδινοῦ ἐξῆρχε γόοιο· ### book 24.748 Ἕκτορ ἐμῷ θυμῷ πάντων πολὺ φίλτατε παίδων, ### book 24.749 ἦ μέν μοι ζωός περ ἐὼν φίλος ἦσθα θεοῖσιν· ### book 24.750 οἳ δ’ ἄρα σεῦ κήδοντο καὶ ἐν θανάτοιό περ αἴσῃ. ### book 24.751 ἄλλους μὲν γὰρ παῖδας ἐμοὺς πόδας ὠκὺς Ἀχιλλεὺς ### book 24.752 πέρνασχ’ ὅν τιν’ ἕλεσκε πέρην ἁλὸς ἀτρυγέτοιο, ### book 24.753 ἐς Σάμον ἔς τ’ Ἴμβρον καὶ Λῆμνον ἀμιχθαλόεσσαν· ### book 24.754 σεῦ δ’ ἐπεὶ ἐξέλετο ψυχὴν ταναήκεϊ χαλκῷ, ### book 24.755 πολλὰ ῥυστάζεσκεν ἑοῦ περὶ σῆμ’ ἑτάροιο ### book 24.756 Πατρόκλου, τὸν ἔπεφνες· ἀνέστησεν δέ μιν οὐδ’ ὧς. ### book 24.757 νῦν δέ μοι ἑρσήεις καὶ πρόσφατος ἐν μεγάροισι ### book 24.758 κεῖσαι, τῷ ἴκελος ὅν τ’ ἀργυρότοξος Ἀπόλλων ### book 24.759 οἷς ἀγανοῖσι βέλεσσιν ἐποιχόμενος κατέπεφνεν. ### book 24.760 Ὣς ἔφατο κλαίουσα, γόον δ’ ἀλίαστον ὄρινε. ### book 24.761 τῇσι δ’ ἔπειθ’ Ἑλένη τριτάτη ἐξῆρχε γόοιο· ### book 24.762 Ἕκτορ ἐμῷ θυμῷ δαέρων πολὺ φίλτατε πάντων, ### book 24.763 ἦ μέν μοι πόσις ἐστὶν Ἀλέξανδρος θεοειδής, ### book 24.764 ὅς μ’ ἄγαγε Τροίηνδ’· ὡς πρὶν ὤφελλον ὀλέσθαι. ### book 24.765 ἤδη γὰρ νῦν μοι τόδε εἰκοστὸν ἔτος ἐστὶν ### book 24.766 ἐξ οὗ κεῖθεν ἔβην καὶ ἐμῆς ἀπελήλυθα πάτρης· ### book 24.767 ἀλλ’ οὔ πω σεῦ ἄκουσα κακὸν ἔπος οὐδ’ ἀσύφηλον· ### book 24.768 ἀλλ’ εἴ τίς με καὶ ἄλλος ἐνὶ μεγάροισιν ἐνίπτοι ### book 24.769 δαέρων ἢ γαλόων ἢ εἰνατέρων εὐπέπλων, ### book 24.770 ἢ ἑκυρή, ἑκυρὸς δὲ πατὴρ ὣς ἤπιος αἰεί, ### book 24.771 ἀλλὰ σὺ τὸν ἐπέεσσι παραιφάμενος κατέρυκες ### book 24.772 σῇ τ’ ἀγανοφροσύνῃ καὶ σοῖς ἀγανοῖς ἐπέεσσι. ### book 24.773 τὼ σέ θ’ ἅμα κλαίω καὶ ἔμ’ ἄμμορον ἀχνυμένη κῆρ· ### book 24.774 οὐ γάρ τίς μοι ἔτ’ ἄλλος ἐνὶ Τροίῃ εὐρείῃ ### book 24.775 ἤπιος οὐδὲ φίλος, πάντες δέ με πεφρίκασιν. ### book 24.776 Ὣς ἔφατο κλαίους’, ἐπὶ δ’ ἔστενε δῆμος ἀπείρων. ### book 24.777 λαοῖσιν δ’ ὃ γέρων Πρίαμος μετὰ μῦθον ἔειπεν· ### book 24.778 ἄξετε νῦν Τρῶες ξύλα ἄστυ δέ, μὴ δέ τι θυμῷ ### book 24.779 δείσητ’ Ἀργείων πυκινὸν λόχον· ἦ γὰρ Ἀχιλλεὺς ### book 24.780 πέμπων μ’ ὧδ’ ἐπέτελλε μελαινάων ἀπὸ νηῶν ### book 24.781 μὴ πρὶν πημανέειν πρὶν δωδεκάτη μόλῃ ἠώς. ### book 24.782 Ὣς ἔφαθ’, οἳ δ’ ὑπ’ ἀμάξῃσιν βόας ἡμιόνους τε ### book 24.783 ζεύγνυσαν, αἶψα δ’ ἔπειτα πρὸ ἄστεος ἠγερέθοντο. ### book 24.784 ἐννῆμαρ μὲν τοί γε ἀγίνεον ἄσπετον ὕλην· ### book 24.785 ἀλλ’ ὅτε δὴ δεκάτη ἐφάνη φαεσίμβροτος ἠώς, ### book 24.786 καὶ τότ’ ἄρ’ ἐξέφερον θρασὺν Ἕκτορα δάκρυ χέοντες, ### book 24.787 ἐν δὲ πυρῇ ὑπάτῃ νεκρὸν θέσαν, ἐν δ’ ἔβαλον πῦρ. ### book 24.788 Ἦμος δ’ ἠριγένεια φάνη ῥοδοδάκτυλος Ἠώς, ### book 24.789 τῆμος ἄρ’ ἀμφὶ πυρὴν κλυτοῦ Ἕκτορος ἔγρετο λαός. ### book 24.790 αὐτὰρ ἐπεί ῥ’ ἤγερθεν ὁμηγερέες τ’ ἐγένοντο ### book 24.791 πρῶτον μὲν κατὰ πυρκαϊὴν σβέσαν αἴθοπι οἴνῳ ### book 24.792 πᾶσαν, ὁπόσσον ἐπέσχε πυρὸς μένος· αὐτὰρ ἔπειτα ### book 24.793 ὀστέα λευκὰ λέγοντο κασίγνητοί θ’ ἕταροί τε ### book 24.794 μυρόμενοι, θαλερὸν δὲ κατείβετο δάκρυ παρειῶν. ### book 24.795 καὶ τά γε χρυσείην ἐς λάρνακα θῆκαν ἑλόντες ### book 24.796 πορφυρέοις πέπλοισι καλύψαντες μαλακοῖσιν. ### book 24.797 αἶψα δ’ ἄρ’ ἐς κοίλην κάπετον θέσαν, αὐτὰρ ὕπερθε ### book 24.798 πυκνοῖσιν λάεσσι κατεστόρεσαν μεγάλοισι· ### book 24.799 ῥίμφα δὲ σῆμ’ ἔχεαν, περὶ δὲ σκοποὶ ἥατο πάντῃ, ### book 24.800 μὴ πρὶν ἐφορμηθεῖεν ἐϋκνήμιδες Ἀχαιοί. ### book 24.801 χεύαντες δὲ τὸ σῆμα πάλιν κίον· αὐτὰρ ἔπειτα ### book 24.802 εὖ συναγειρόμενοι δαίνυντ’ ἐρικυδέα δαῖτα ### book 24.803 δώμασιν ἐν Πριάμοιο διοτρεφέος βασιλῆος. ### book 24.804 Ὣς οἵ γ’ ἀμφίεπον τάφον Ἕκτορος ἱπποδάμοιο. ## License and provenance Eulogikon publishes public-domain Greek texts in cleaned, structured, readable form and makes no copyright claim over that preparation (Public Domain Mark 1.0, https://creativecommons.org/publicdomain/mark/1.0/). Cite as `eul_wid: abe-ac`.