---
title: "Scholia on Aeschylus: Suppliants"
title_greek: "Σχόλια εἰς Αἰσχύλον, Ἱκέτιδες"
author: Aeschylus Scholia
eul_wid: tro-agd
eul_aid: tro
canonical: "https://eulogikon.org/works/aeschylus-scholia-text-suppliants-tro-agd"
lang: grc
period: Late Antique
dialect: Medieval Greek
content_hash: "sha256:f4dcbe2483c819cdfc217b34c97d74c28e37be47990d7ac7745ddae40d117c13"
content_modified_at: "2026-10-23"
license: "https://creativecommons.org/publicdomain/mark/1.0/"
---
# Scholia on Aeschylus: Suppliants
*Σχόλια εἰς Αἰσχύλον, Ἱκέτιδες*
**Author:** Aeschylus Scholia
**eul_wid:** `tro-agd` · [HTML page](https://eulogikon.org/works/aeschylus-scholia-text-suppliants-tro-agd)
## Text
Part of [Scholia on Aeschylus](/works/aeschylus-scholia-text-tro-ag)
`1`
ἀφίκτωρ ἱκετῶν ἔφορος.
`2`
νάιον ἀρθέντα· …
`3`
ἀπὸ προστομίων τινὲς τῆς Φάρου· Αἰγύπτου προπάροιθε γάρ ἐστιν. ἄμεινον δὲ τὰ στόμια ἀκούειν, πλεοναζούσης τῆς πρό· διὰ γὰρ τοῦ Ἡρακλεωτικοῦ στομίου τὴν φυγὴν ἐποιήσαντο.
`4`
δὲ ὁ δὲ ἀντὶ τοῦ γάρ.
`6`
οὔτινʼ ἐφʼ αἵματι· οὐκ ἐφʼ αἵματί τινι καταγνωσθεῖσαι ψήφωι πόλεως δημοσίαι ἡμᾶς ἀπελαυνούσηι.
`8`
φυλαξάνοραν· γάμον φυγὴν ἀνδρῶν ἡμῖν ἐμποιοῦντα.
`9`
ἀσεβῆ ὃν οὐ σέβομεν ἡμεῖς οὐδὲ τιμῶμεν.
`12a`
στασίαρχος τῆς συστάσεως ἡμῶν ἄρχων.
`12b`
τάδε πεσσονομῶν ὑπὲρ τούτων λογιζόμενος.
`13`
κύδιστʼ ἀχέων ἀμείνονα τῶν κακῶν ἐψηφίσατο τὴν φυγήν. κακὸν ὁ γάμος, κακὸν δὲ καὶ ἡ φυγή, αἱρετώτερον δὲ τὸ φεύγειν.
`21`
ἐγχειριδίοις τοῖς ἱκετηρίοις θαλλοῖς.
`22`
ἱεροστέπτοισι κλάδοισι τοῖς στεφάνοις.
`24-25`
βαρύτιμοι οἱ βαρέως τινύμενοι καταχθόνιοι θεοί. τὸ δὲ ὕπατοι ἀπὸ ἄλλης ἀρχῆς.
`26`
τρίτος οἰκοφύλαξ· ὁ τριτόσπονδος, ἢ ὁ τρίτος τῶν εἰρημένων. εἶπε γὰρ ὕπατοι θεοὶ καὶ χθόνιοι καὶ Ζεὺς σωτὴρ τρίτος.
`27`
δέξαιθʼ ἱκέτην· δέξαιτο ἡμᾶς τῶι τῆς χώρας αἰδεσίμωι πνεύματι, ὅ ἐστιν αἰδῶ ἐπιπνεύσας τοῖς ἡμᾶς δεχομένοις Ἀργείοις.
`31a`
ἀσώδει πηλώδει.
`31b`
ἀσώδει ψαμμώδει. τὴν γὰρ ψάμμον οὕτως φησὶν ὡς ὁ ποιητής· εἰλύσω ψαμάθοις τόσην οἱ ἄσιν.
`33-36`
πέμψατε ... ὄλοιντο τὸ ἑξῆς οὕτως· πέμψατε πόντονδε, ἔνθα ἀντήσαντες λαίλαπι χειμωνοτύπωι, βροντῆι, στεροπῆι τε, ὀμβροφόροισί τε ἀνέμοις ἀγρίας ἁλὸς ὄλοιντο.
`37`
ὧν θέμις εἴργει ὧν τὸ δίκαιον ἡμᾶς εἴργει διὰ τὸ μὴ θανατωθῆναι τὸν πατέρα.
`38`
πατραδελφίαν συγγένειαν τὴν τῶν ἀνεψιῶν τῶν ἐκ τοῦ ἀδελφοῦ τοῦ πατρὸς αὐτῶν.
`40-45`
ἐπικεκλομένα ... ἔφαψιν ἐπικαλούμεθα τὸν ἶνιν τῆς βοὸς τὴν ἐπαφὴν τὴν ἐξ ἐπιπνοίας τοῦ Διός.
`41`
Δῖον πόρτιν τὸν Ἔπαφον.
`42`
τιμάορα· βοηθόν.
`45`
ἔφαψιν τὴν ἐξ ἐρωτικῆς διαθέσεως. ἐπέπνευσε γὰρ αὐτῶι ὁ Ἔρως.
`45-46`
ἐπωνυμίαι τῆι δὲ ἐπωνυμίαι ἐβεβαιοῦτο ὁ εὔμοιρος αὐτοῦ βίος. ὡς γὰρ τῆς γονῆς ἐφήψατο Ζεύς, οὕτως καὶ τῆς τύχης.
`49-54`
ὅν τʼ ... τεκμήρια τὸ ἑξῆς· ὃν ἐπικαλουμένη νῦν ἐν Ἄργει δείξω πιστὰ τεκμήρια, ὡς οὐ ξένη οὖσα ἐλεύσομαι, ἀλλʼ εἰς προγόνων γῆν.
`49a`
ἐπιλεξαμένα ἐπικαλουμένη.
`50`
ἐν ποιονόμοις ἐν Ἄργει οὗ ἐνέμετο ἡ Ἰώ.
`52`
πρόσθε πόνων τῆς Ἰοῦς τοὺς πόνους ἐγὼ διηγουμένη.
`56`
ἐν μάκει προϊόντος τοῦ λόγου.
`58`
οἰωνοπόλων τῶν φωνὰς οἰωνῶν γινωσκόντων.
`59`
τις πλεονάζει τὸ τις.
`60-61`
Τηρείας μήτιδος· κατὰ περίφρασιν τοῦ Τηρέως.
`62`
κιρκηλάτου τῆς ὑπὸ κίρκων ἐλαυνομένης.
`63`
ἐργομένα διωκομένη.
`64`
ἠθέων· τῶν συνήθων τόπων.
`69`
Ἰαονίοισι νόμοισι ἀντὶ τοῦ φωνῆι Ἑλληνικῆι.
`71`
Νειλοθερῆ τὴν ἐν τῶι Νείλωι θερισθεῖσαν, ὅ ἐστι βλαστήσασαν ἐν Αἰγύπτωι. ἀπὸ τῶν σταχύων δὲ ἡ μεταφορά.
`73`
γόεδνα· τῶν γόων τὸ ἄνθος ἀποδρέπομαι.
`75`
ἀερίας ἀπὸ γᾶς· σκοτεινῆς, μέλαινα γάρ ἐστιν. ἢ ὅτι ταπεινὴ καὶ τοῖς ἀπὸ θαλάσσης ὡς ὑπόγειος φαίνεται.
`77`
ἀλλὰ θεοί· ἀλλʼ ὦ γενέται θεοί, κλύετε καλῶς τὸ δίκαιον ὁρῶντες. καὶ Ἡσίοδος· κλῦθι ἰδὼν ἀίων τε.
`79`
ἥβαι τὴν τῶν Αἰγυπτιαδῶν.
`82`
γάμοις ἐπὶ τοῖς νενομισμένοις καὶ δόξασιν ὑμῖν.
`83`
ἔστι δὲ κἀκ πολέμου· καὶ τοῖς ἐκ πολέμου δὲ τειρομένοις καὶ φεύγουσιν ὁ βωμὸς διὰ τὸ τῶν δαιμόνων σέβας ῥῦμα τῆς βλάβης ἐστίν. ἢ οὕτως· καὶ τοῖς ὑπὸ πολέμου τειρομένοις καὶ τετραμμένοις εἰς φυγὴν ὁ βωμὸς Ἄρης ἐστίν· ὑπερμαχεῖ γὰρ αὐτῶν, καὶ οὐδὲν πάσχουσι διὰ τὸ σέβας τῶν θεῶν.
`85`
σέβας λείπει ἡ διά.
`87`
Διὸς ἵμερος ... ἐτύχθη γνωμικῶς παρὰ τὸ ἀνὴρ δέ κεν οὔτι Διὸς νόον εἰρύσαιτο.
`88`
πάνται τοι φλεγέθει· ἐν παντὶ τόπωι λάμπει, κἂν διὰ σκότου χωρῆι. τοῖς μὲν ἀνθρώποις οὐκ εὐσύνοπτός ἐστιν, ἀλλὰ μέλαινά τις αὐτοὺς κατέχει συντυχία.
`91a`
πίπτει δʼ ἀσφαλές· εἰ δέ τι ἀνυσθῆι τῶι νεύματι τοῦ Διός, ἀσφαλῶς πίπτει καὶ εὐσχημόνως. τὸ γὰρ ἐπὶ νώτωι πίπτειν τοὺς παλαιστὰς ἄσχημόν ἐστιν.
`91b`
πίπτει δʼ ἀσφαλὲς ἀσφαλῶς ἀποβαίνει.
`91c`
ἀσφαλὲς εὐσχημόνως.
`91d`
ἐπὶ νώτωι ἀσχημόνως.
`93-95`
δαυλοὶ ... πόροι πυκνοὶ γάρ εἰσιν οἱ τῶν πραπίδων αὐτοῦ τοῦ Διὸς πόροι.
`97`
πανώλεις τοὺς τοῦ ὀλέσθαι ἀξίους, ὅ ἐστι κακούς.
`101a`
ἥμενον ἢ τὸ ἄνω ἱδρυμένον ἢ τὸ ἑδραῖον.
`101b`
ἥμενον ἄνω φρόνημα· τὸ δὲ φρόνημα αὐτοῦ ἐπὶ τῶν ἁγνῶν ἑδρασμάτων ἐφήμενον ἐξέπραξε τὸν σκοπὸν ἑαυτοῦ.
`102`
αὐτόθεν· ἀπὸ τῶν ἁγνῶν ἑδρασμάτων, ὅ ἐστι τοῦ οὐρανοῦ.
`105`
πυθμήν· αὐτὸς ὁ Αἴγυπτος.
`106`
τὸ θάλος· ἡ ῥίζα τῶν πεντήκοντα παίδων, ὅ ἐστιν αὐτὸς ὁ Αἴγυπτος.
`106-110`
τεθαλώς· οὐ φύλλοις, ἀλλὰ τῆι ἀνοίαι τῶν παίδων ἑαυτοῦ· καὶ διάνοιαν μαινόλιν ἔχων, ὅπερ ἐστι κέντρον ἄφυκτον.
`111`
ἀπάται τῆι ἀπατητικῆι.
`113`
δακρυοπετῆ· παρασκευαστικὰ τοῦ πίπτειν τὰ δάκρυα τῶν ἀκουόντων.
`117a`
ἱλέωμαι ἱλάσκομαι.
`117b`
βοῦνιν τὴν γῆν κατὰ βαρβάρους.
`119`
εὐακοννεῖς ὦ γῆ, νοεῖς καὶ τὴν βάρβαρον φωνήν.
`121`
καλύπτραι τῶι κεφαλοδέσμωι.
`122`
θεοῖς δʼ ἐναγέα· ὅπου δὲ θάνατος ἀπῆι, ἐκεῖ τῶν ἀνθρώπων εὐπραγούντων τιμαὶ τοῖς θεοῖς ἐπιτρέχουσιν. ἐναγέα δὲ ἐναγίσματα.
`126`
δυσάγκριτοι δυσδιάγνωστοι.
`127`
ἀπάξει ἡμᾶς.
`131`
ἐμπιτνῶ ξὺν λακίδι τῶι διασχισμῶι ἐμπίπτω.
`134-135`
λινορραφὴς δόμος δορός· ἡ ναῦς, παρόσον τρυπῶντες τὰς ναῦς σπάρτοις αὐτὰς συνέρραπτον. καὶ τὸ παρʼ Ὁμήρωι νῆας ἀκειόμενον τὸ συρράπτοντα δηλοῖ, ὅθεν καὶ ἀκεστρίας τὰς ῥαπτρίας φασίν.
`135`
ἅλα στέγων τὴν θάλατταν εἴργων.
`138-140`
τελευτᾶς ... κτίσειεν … ἴσως οὖν πρὸς τὴν ἀρχὴν ἔσται καὶ τὸ τέλος.
`141`
σπέρμα ὁ Ἔπαφος.
`143`
ἐκφυγεῖν λείπει τὸ δοίη.
`144`
θέλουσαν θέλουσάν με εἶναι ἁγνήν.
`145-147`
μʼ ἐπιδέτω ... ἀσφαλές ἀσφαλῶς ἐπιδέτω με.
`149`
ἀδμήτα ἡ παρθένος ἡμᾶς τὰς παρθένους.
`150`
ῥύσιος γενέσθω ἀντὶ τοῦ ῥυσάσθω.
`154a`
εἰ δὴ μή εἰ δὲ μὴ ῥύσεται.
`156`
τὸν ταιον τὸν καταχθόνιον Ἅιδην.
`162-163`
ἀζην ... ἐκ θεῶν ὦ Ζεῦ, ἡ παρὰ τῶν θεῶν μῆνις κατὰ Ἰοῦς ἰώδης ἐστὶ καὶ μαστιγωτική.
`165`
γαμετουρανόνεικον τὴν τῆς Ἥρας τῆς ἐν τῶι ἀνδρὶ νικώσης πάντας τοὺς ἐν οὐρανῶι θεούς. καὶ ἐφʼ ἡμᾶς οὖν ἔφθασεν ἡ μῆνις τῆς Ἥρας.
`166-167`
χαλεποῦ ... χειμών πρὸς τὸ ἄνω τοῦτο· τὸν πολυξενώτατον Ζῆνα τῶν κεκμηκότων ἱξόμεσθα· χαλεποῦ γὰρ ἐκ πνεύματος εἶσι χειμών· τὰ δʼ ἄλλα διὰ μέσου ἀναπεφώνηται.
`168`
καὶ τότʼ οὐ δικαίοις· τὸ ἑξῆς· καὶ τότε οὐ δικαίοις ἐνεύξεται Ζεὺς λόγοις, νῦν ἔχων παλίντροπον ὄψιν λιταῖς. οὐκ εὐαπολόγητος ἔσται, φασίν, ὅταν ἡμᾶς παρίδηι ἀπολλυμένας.
`177`
ναυκλήρωι ἐξάρχωι.
`178`
καὶ τἀπὶ χέρσου ὡς τὰ ἐν θαλάσσηι.
`179`
δελτουμένας ἀπογραφομένας.
`187`
στόλον τὸν πρὸς ἡμᾶς στόλον μετὰ ὁρμῆς ποιεῖται.
`189`
ἀγωνίων θεῶν στρογγύλα γάρ ἐστι τὰ ἱερεῖα καὶ γωνίας οὐκ ἔχοντα.
`191`
λευκοστεφεῖς λευκοῖς ἐρίοις ἐστεμμένας.
`192-193`
ἀγάλματʼ ... συνωνύμων ὅ ἐστιν ἀντέχεσθε τῆι δεξιᾶι τῶν ἀγαλμάτων, τῆι ἀριστερᾶι τοὺς κλάδους κατέχουσαι.
`200-201a`
πρόλεσχος ... γένηι μήτε προτέρα κατάρχου τοῦ λόγου μήτε ἀμειβομένη μακρολόγει.
`200-201b`
πρόλεσχος ... γένηι πολλὰ προοιμιάζου.
`202`
χρεῖος εἶξεν ἐπικουρίας χρήιζεις.
`203`
γνώμη.
`206`
γεννήτωρ ὁ ἔφορος τοῦ γένους.
`208`
θρόνους ἔχειν ὡς αὐτοῦ ἤδη καθεσθέντος.
`209`
οἴκτειρε μὴ ἀπολωλότας μὴ μετὰ τὸ ἀπολέσαι οἰκτειρήσηις ἡμᾶς.
`212`
ὄρνιν τόνδε τὸν ἥλιον· ἐξανίστησι γὰρ ἡμᾶς ὡς ὁ ἀλεκτρυών.
`218a`
ὁρῶ ἐν γραφῆι.
`218b`
θεοῦ τοῦ Ποσειδῶνος.
`220`
ἄλλος ὡς τῶν Αἰγυπτίων ἄλλως αὐτὸν γραφόντων.
`224`
ὁμοπτέρων τῶν συγγενῶν ὑμῖν.
`226`
ὄρνιθος τοῦ ὁμογενοῦς.
`227`
ἄκοντος πάρα παρὰ πατρὸς ἄκοντος.
`231`
ὑστάτας μεθʼ ἃς οὐκ ἔστιν ἄλλη τιμωρία.
`234`
ἀνέλληνα στόλον τὸν οὐχ Ἕλληνα κατὰ στολήν.
`236`
χλίοντα τρυφῶντα.
`238`
οὐδὲ κηρύκων ὕπο μὴ ἐπικηρυκευσάμεναι.
`239`
ἡγητῶν πρέσβεων.
`241`
ἀφικτόρων Ἑλληνικῶν ἱκετῶν.
`243a`
συνοίσεται συμφωνήσει.
`244-245`
καὶ τἄλλα ... σημανῶν ἔμελλον ἂν στοχασμῶι τὰ καθʼ ὑμᾶς λέγειν, εἰ μὴ φωνὴν εἴχετε.
`246`
ἀμφὶ κόσμον περὶ τοῦ κόσμου ἡμῶν ὅτι βάρβαρος.
`247`
ἐτὴν νῦν δημότην.
`248`
τηρὸν φύλακα.
`250`
Παλαίχθονος Παλαίχθων ὄνομα κύριον.
`254`
καὶ πᾶσαν αἴδνης ἀντὶ καὶ πάσης αἴας.
`255a`
Στρυμών ποταμὸς ἐγχώριος.
`255b`
Στρυμών ... κρατῶ τοῦ πρὸς δυσμὰς μέρους Στρυμόνος κρατῶ· Στρυμὼν δὲ ποταμὸς Θράικης.
`258-259`
συντέμνει ... κρατῶ ὁ δὲ ὅρος ὁ ἡμέτερος τἀπὶ Δωδώνην ἔχει ἕως τῆς θαλάσσης. καὶ ἐπέκεινα δὲ τῶνδε κρατῶ.
`262`
ἐκ πέρας τοῦ πέρατος. ἀνεχρόνισε δέ· τῶν γὰρ Ἡρακλειδῶν ναυσὶ διαβάντων εἰς Ἄργος οὕτως ἐκλήθη Ναύπακτος.
`265`
μιάσμασιν ὡς τῶν πολιτῶν αὐτοκτονησάντων.
`267`
δράκονθʼ ὅμιλον τί ἀνῆκε; δρακόντων πλῆθος.
`270`
εὕρετεν ἀντὶ περιεποιήσατο.
`276`
προσφύσω ἀντὶ ἀποδείξω.
`282-283`
Κύπριος χαρακτήρ καὶ γυναῖκες ἂν Κύπριαι ἀνδράσι μιγεῖσαι τέκοιεν καθʼ ὑμᾶς.
`284`
ἱπποβάμοισιν ἵπποις ἐοικυίαις κατὰ τὸ τάχος.
`285`
καμήλοις ἀστραβιζούσας χθόνα καμήλοις νωτοφορουμέναις κατὰ τὴν χθόνα. ἀστράβη δὲ λέγεται ἡ νωτοφόρος ἡμίονος.
`287-289`
καὶ τὰς ... ὑμᾶς λείπει εἶναι.
`291`
κληιδοῦχον ἱέρειαν.
`296`
παλλαγμάτων αἱ περιπλοκαί.
`298`
πῶς ... τάδε τὰ νείκη Διὸς καὶ Ἥρας εἰς τί κατέληξαν;
`299`
βοῦν τὴν διὰ τὴν Ἥραν γενομένην ὑπὸ Διὸς μεταμόρφωσιν τῆς Ἰοῦς τῆι θεῶι προσῆψεν.
`309`
νιν ... δρόμωι διὰ τί αὐτὴν ἤλασε μακρῶι δρόμωι;
`310`
συγκόλλως· συμφώνως.
`318`
τίνʼ ... ἄλλον ὁ Εὐριπίδης εʹ φησὶ παῖδας εἶναι Βήλου, Αἴγυπτον, Δαναόν, Φοίνικα, Φινέα, Ἀγήνορα.
`320`
ὄνομα τοῦτο τοῦ πατρός σου.
`333`
τί φὴις διὰ τί λέγεις ἐληλυθέναι;
`336`
ἢ τὸ μὴ θέμις ἢ ὅτι ἀθέμιτος ὁ γάμος; ὤιετο γὰρ αὐτὰς ἐκδεδόσθαι ἤδη ἄλλοις ἀνδράσιν.
`337`
τίς δʼ ἂν κατʼ ἔχθραν δηλονότι· τίς γὰρ τοὺς ἄνδρας δεσπότας ὄνοιτο;
`344`
εἴπερ ... ἦν συνέπρασσον ὑμῖν, εἰ τὴν ἀρχὴν προφάσεως εἶχον.
`346`
κατασκίους τοῖς θαλλοῖς ἱκετηρίων κλάδων πεπληρωμένας.
`352`
ἀλκᾶι τῆι τοῦ ὄρους.
`353`
φράζουσα ... μόχθους τῶι ἑαυτῆς βοτῆρι σημαίνουσα τοὺς διωγμούς.
`354-355`
ὁρῶ ... θεῶν ὁρῶ ὅμιλον θεῶν ἐστεμμένων ἱκετηρίαις.
`356`
ἀστοξένων τῶν νῦν μὲν ξένων, πρώην δὲ συνημμένων τῶι ἄστει.
`359`
ἄνατον τὴν μὴ ἐπὶ βλάβηι τινὸς γεγονυῖαν.
`360`
κλαρίου πάντα πᾶσι κληροῦντος καὶ κραίνοντος.
`361`
παρʼ ὀψιγόνου παρʼ ἐμοῦ τῆς νεωτέρας ὁ γέρων.
`362`
οὖνπερ οὐ πτωχεύσεις.
`363-364`
ἱεροδόκα ἁγνοῦ οἱ θεοὶ δέχονται τὰ ἀπὸ ἀνδρὸς ἁγνοῦ ἱερά.
`365-366a`
οὔτοι ... ἐμῶν οὐ πρὸς τὴν ἑστίαν τῶν ἐμῶν δωμάτων.
`365-366b`
οὔτοι ... ἐμῶν ἀντὶ τοῦ οὐκ ἰδίαι πρὸς ἐμὲ ποιεῖσθε τὰς ἱκεσίας, ἀλλὰ πρὸς πᾶσαν τὴν πόλιν.
`366`
τὸ κοινὸν ... πόλις εἰ δὲ τὸ κοινὸν μιαίνεται, ὅ ἐστιν ἡ πόλις.
`371`
ἄκριτος ἀνυπεύθυνος.
`376`
παλιγκότοις ἐχθροῖς.
`380`
καὶ τύχην ἑλεῖν καὶ τοῦ συμφέροντος ἐπιτυχεῖν.
`381-384`
τὸν ... ἐννόμου τὸν ξένιον καὶ ἱκέσιον Δία τὸν φύλακα τῶν ἀτυχούντων, οἵτινες τοῖς πέλας προσιζάνοντες οὐ μεταλαμβάνουσι τῆς δίκης, ἀλλʼ ὑπερορῶνται.
`385-386`
μένει ... οἴκτοις τοῖς θρήνοις τῶν πασχόντων συμμαχεῖ ὁ τοῦ Διὸς χόλος.
`394`
μῆχαρ τὴν δὲ τοῦ γάμου μηχανὴν ὁριοῦμαι τοῖς ἄστροις· ἀντὶ μηχανήσομαι φεύγειν διʼ ὁδοῦ μακρᾶς τὸν γάμον. οἱ γὰρ μακρὰν ὁδὸν φεύγοντες διʼ ἄστρων σημαίνεσθαι ἐλέγοντο.
`403`
ἑτερορρεπής αὐτὸς ἐπεξηγήσατο τί ἐστιν ἑτερορρεπής.
`405`
τί τῶνδʼ εἰ ὁ Ζεὺς τὸ ἴσον φυλάττει, τί ἀπορεῖς συμμαχῆσαι τῶι Διί;
`407-408`
δεῖ ... ὠνωμένων δεῖ δὴ εἰς βυθὸν μολεῖν φροντίδος βαθείας σωτηρίου δίκην κολυμβητῆρος. τοῦτο δὲ τοῖς σπογγοτόμοις συμβαίνει, τὸ πόρρωθεν σκοπεῖν καὶ περιβλέπεσθαι.
`412`
ῥυσίων ἀντὶ τοῦ ἱκετίδων.
`415`
σημείωσαι.
`421`
ἐκβολαῖς δυσθέοις διωγμοῖς ἀθέοις.
`427`
κότον τὸν τοῦ Διός.
`429`
βίαι δίκας παρὰ βούλησιν τῆς δίκης.
`431`
ἱππηδὸν ὡς ἵππον τῆς ἄμπυκος ἑλκομένην.
`432a`
πέπλων ... ἐμῶν τὰς ἐπιλήψεις τῶν πέπλων μου.
`432b`
ἐπιλαβὰς ἀπὸ κοινοῦ τὸ μὴ τλαίης ἰδεῖν.
`434`
ἴσθι γὰρ λείπει τὸ ὅτι.
`436`
ὁμοίαν θέμιν δίκαιόν ἐστιν ἀποδιδόναι ὁμοίαν δίκην· αἴ κε πάθηι τά κʼ ἔρεξε, δίκη δʼ ἰθεῖα γένοιτο.
`438`
δεῦρο δʼ ἐξοκέλλεται οὕτως ἀποβαίνει.
`439`
ἢ τοῖσιν ἢ τοῖς ἢ τοῖς θεοῖς ἢ τοῖς Αἰγυπτιάδαις.
`443`
πορθουμένων χρημάτων.
`444`
ἄτην τοῦ Διὸς ἐμπιπλῶντος καὶ γεμίζοντος ἄτης τὸν γόμον.
`446`
γλῶσσα ἀντὶ τοῦ γλώσσης τοξευσάσης, ὅ ἐστιν εἰπούσης.
`451`
πημονῆς ἄκη τῆς προσδοκωμένης πημονῆς ἄκη.
`452`
παροίχομαι καὶ τοῦτο ποιῶν ἐκτὸς ἔσομαι τοῦ νείκους θεοῖς ὑπηρετῶν.
`454`
γένοιτο μάντις ἀποβαίην φαῦλος.
`457a`
στρόβους ζώνας τε τὰς στροφὰς τῶν ζωνῶν.
`463`
νέοις πίναξιν καινοῖς ἀναθήμασι τὰ ἀγάλματα τῶν θεῶν κοσμήσω. λέγει δὲ ὅτι μετεωρήσω ἐμαυτὴν τῆι ἀγχόνηι.
`465`
ἀπάγξασθαι θεῶν ἐξηρτῆσθαι τῶν θεῶν.
`466a`
ἤκουσα ἤκουσα λόγον καρδίας δηκτικόν.
`466b`
μακιστῆρα· ἰόν.
`468a`
δυσπάλαιστα δυσμεταχείριστα.
`468b`
πράγματα ἀπὸ κοινοῦ τὸ ἤκουσα.
`473`
οὐχ ὑπερτοξεύσιμον ἀνυπέρβλητον.
`476`
τἀνάλωμα τὸ πτῶμα τῶν σωμάτων.
`479`
φόβος ὁ τούτου φόβος μέγιστός ἐστιν ἐν βροτοῖς.
`485`
κατʼ ἀρχῆς ... λεώς τοὺς γὰρ ἄρχοντας ἐν ταῖς τοιαύταις περιστάσεσιν εἴωθεν αἰτιᾶσθαι ὁ λαός.
`489`
τοῖς ἥσσοσιν ... φέρει ὡς καὶ πρὸς τὸν ἔχονθʼ ὁ φθόνος ἕρπει.
`492`
φράστορας τοὺς φράσοντας.
`496`
ὁμόστολος φύσις οὐχ ὅμοιοι τοῖς ἐγχωρίοις ἐσμέν, ὥστε λαθεῖν.
`498`
θράσος μὴ θαρρήσας μόνος ἀπελθεῖν φοβηθῶ ὑπό τινος.
`501`
βωμοὺς τοὺς κατὰ τὰς ἕδρας τῶν θεῶν.
`502`
ξυμβόλοισιν τοῖς συντυγχάνουσι.
`505`
ποῦ θράσος ἀντὶ τοῦ ποῦ παραγενομένης μου τὸ θράσος νέμεις;
`509`
βέβηλον τὸ πᾶσι βατὸν καὶ μὴ ἱερόν.
`510`
πτερωτῶν· δρακόντων.
`528a`
ἄλευσον καταπόντωσον αὐτῶν τὴν ὕβριν.
`528b`
εὖ ἀντὶ δικαίως.
`530`
τὰν μελανόζυγαταν τὴν ναῦν ἐν ἧι βλαβήσονται.
`532`
παλαίφατον πολυβόητον.
`534`
νέωσον ... αἶνον ἀνανέωσον τὴν φήμην ὅτι σοῦ ἐσμεν.
`535`
πολυμνήστωρ πολλὴν μνήμην ἔχων γενοῦ ἐφάπτωρ τῆς Ἰοῦς.
`537`
γᾶς ἀπὸ τᾶσδʼ τῆς δίας Αἰγύπτου, τῆς τοῦ Διὸς ἱερᾶς γῆς.
`538`
εἰς ἴχνος εἰς Ἄργος.
`539`
ἀνθονόμους ἐπωπὰς κατανομάς.
`540`
βούχιλον ἔνθα ἐχιλοῦτο ἡ βοῦς καὶ ἤσθιεν.
`541`
ἐρεσσομένα ἐλαυνομένη.
`542`
ἁμαρτίνοος ἀντὶ τοῦ μανεῖσα.
`544-545`
ἀντίπορον γαῖαν Ἀσίαν καὶ Εὐρώπην.
`545`
ἐν αἴσαι ἐν εἱμαρμένηι.
`546`
πόρον τὸν Βόσπορον.
`548`
λείπει ὁ καί.
`555`
αἶαν Φοινίκην, ἣν ἱερὰν Ἀφροδίτης φασὶ διὰ Βύβλον καὶ Λίβανον.
`556`
ἱκνεῖται ἱκνεῖται δὲ δῖον πάμβοτον ἄλσος τοῦ οἴστρου τῶι κέντρωι αὐτὴν διατρυπῶντος.
`557`
βουκόλου πτερόεντος τοῦ μύωπος.
`558`
ἄλσος τὴν Αἴγυπτον.
`559`
χιονόβοσκον φασὶ γὰρ λυομένης χιόνος παρὰ Ἰνδοῖς πληροῦσθαι αὐτόν.
`561`
ὕδωρ ... ἄθικτον λέγεται γὰρ ὁ ἀὴρ κουφότερος εἶναι· ἐπεξηγήσατο δὲ τί ἐστι τὸ μένος τοῦ Τυφῶ, εἰπὼν τὸ ὕδωρ τοῦ Νείλου.
`565`
ἔννομοι οἰκήτορες.
`567`
ὄψιν ἀήθη ὄψιν ἀήθη ὁρῶντες.
`568`
δυσχερὲς τερατῶδες.
`571`
τίς ἦν ὡς ἐν ἐρωτήσει.
`571-572`
θέλξας θεραπεύσας.
`576`
σθένει λείπει ὁ καί.
`578-579`
δακρύων ... αἰδῶ ἐννοοῦσα ὃ πέπονθεν.
`580a`
ἕρμα τὸ βάρος.
`580b`
ἀψευδεῖ λόγωι καθὼς ἡ φήμη βούλεται.
`584`
γένος τὸ γένος τῆς Ἰοῦς.
`588-589`
καὶ ... κυρήσαις καὶ τὸ γένος ἡμῶν ἐξ Ἐπάφου λέγων εἶναι τῆς ἀληθείας κυρήσεις καὶ οὐ ψεύσηι.
`592`
αὐτόχειρ αὐτὸς ὁ πατὴρ φυτουργὸς τοῦ γένους, ὁ τῆι ἑαυτοῦ χειρὶ θεραπεύσας τὴν Ἰώ.
`594`
τὸ πᾶν μῆχαρ ἡ πάντων μηχανή.
`595-596`
ὑπʼ ἀρχὰς ... κρατύνει οὐχ ὑπὸ τὰς ἀρχὰς δέ τινος τῶν κρεισσόνων καθήμενος, τὸ μεῖον ἔχων.
`597`
ὅστινος ... κάτω οὐ σέβει κάτω ὢν αὐτός.
`598`
ἔργον ἅμα τῶι λόγωι ἡ πρᾶξις.
`599`
σπεῦσαι εἰς τὸ συντελέσαι.
`603-604`
πληθύνεται πότερον πλείους οἱ συμμαχοῦντες ἡμῖν ἢ ὀλίγοι.
`607`
δεξιωνύμοις δεξιοῖς.
`608`
ἔφριξεν πυκνὰς ἔσχε τὰς ἠρμένας αὐτῶι χεῖρας.
`609`
τὸ ἑξῆς· ἔδοξεν ἡμᾶς μετοικεῖν.
`611`
ἐνοίκων πολιτῶν.
`612`
προστιθῆι τὸ καρτερόν λείπει τὸ τίς· ἀντὶ τοῦ βίαι πολιτῶν.
`616-618`
ἱκεσίου ... παχῦναι εἰς τὸν μετέπειτα χρόνον μήπως αὐξήσηι κότον ὁ Ζεύς.
`618a`
παχῦναι αὐξήσειν.
`618b`
ξενικὸν ἀστικόν θʼ ὃ εἶπεν ἄνω ἀστοξένων, τοῦτο διαλελυμένως εἶπεν.
`619`
διπλοῦν διπλοῦν καθὸ καὶ ξένους ὄντας παρορῶμεν καὶ συγγενεῖς δειχθέντας οὐκ ἐλεοῦμεν.
`621`
τοιαῦτʼ ἀκούων ταῖς χερσὶν ἐπέκρανεν, πρὶν εἰπεῖν τὸν κήρυκα· ἀράτω τὰς χεῖρας ὅτωι ταῦτα δοκεῖ.
`626`
ποινάς ἀμοιβάς.
`629`
τέρμονʼ ... ἅπαντα βεβαίως εἰς τὸ παντελὲς φέρων αὐτάς.
`630`
ὅτε ἀντὶ εἴποτε.
`632`
χεούσας χεούσης ἐμοῦ εὐκταῖα γένει ἤτοι τοῖς Ἀργείοις.
`633`
πυρέφατον πυρὶ ἀναλωθεῖσαν.
`636a`
κτίσαι ποιῆσαι.
`636b`
μάχλον τὸν εἰς τοὺς πολέμους κατωφερῆ ἢ τὸν παλίμβολον.
`637-638`
τὸν ... ἐν ἄλλοις τὸν ἐν ἄλλοις ἀρότροις θερίζοντα τοὺς βροτούς.
`639`
ὤκτεισαν ἡ πόλις.
`642a`
ποίμναν τὴν ἡμῶν σύστασιν.
`642b`
ἀμέγαρτον ἀφθόνητον διὰ τὸ εὐτελές.
`643`
ἀρσένων τῶν Αἰγυπτιαδῶν.
`646-647`
Δῖον ... σκοπὸν Διὸς σκοπόν, τὸν Διὸς ὀφθαλμὸν τὸν πάντα σκοποῦντα.
`651`
ἐφίζει ἐφιζάνει γὰρ βαρὺς καὶ ἐρείπει τὸν οἶκον.
`652`
ἅζονται τοῦτο συναπτέον τῶι οὐδὲ μετʼ ἀρσένων.
`655`
ἀρέσονται εἰς ἀρέσκειαν ἄγουσι.
`663-664`
ἄδρεπτον ἔστω τὸ ἄνθος τῆς ἥβης αὐτῶν μὴ ἐκκοπείη.
`668`
γεμόντων πληρούσθωσαν.
`667-669`
καὶ γεραροῖσι ... φλεγόντων καὶ διαπρεπέτωσαν τοῖς γέρουσιν αἱ θυμέλαι.
`670`
νέμοιτο οἱ γέροντες.
`670-671`
Ζῆνα ... ὑπέρτατον τῶν γερόντων σεβόντων τὸν Δία τὸν ξένιον ὑπερτάτως.
`673`
ὡς πολιῶι νόμωι ὁ Ζεὺς τῶι ἀρχαίωι νόμωι τὸ ἴσον τηρεῖ.
`674`
ἐφόρους βασιλεῖς.
`683`
βοάν τε δῆμον ἐμφύλιον μάχην, τὴν ἐπὶ τοῖς ἀπολωλόσι βοήν.
`684-685`
ἀπʼ ἀστῶν ἄποθεν τοῦ κράτους τῶν ἀστῶν.
`688-689`
καρποτελεῖ ... ἐπικραινέτω τελεσφορῆσαι ποιείτω.
`690a`
φέρματι κυήματι.
`690b`
πανώρωι κατὰ πᾶσαν ὥραν αὐξομένωι.
`691`
πρόνομα πρὸ τῆς πόλεως νεμόμενα.
`693`
ἐκ δαιμόνων παρὰ δαιμόνων.
`695`
μοῦσαι αἱ ὠιδαί.
`698`
φυλάσσοι ... τιμὰς ἀμετακίνητοι εἶεν αὐτοῖς αἱ τιμαί.
`700`
προμηθεὺς ἡ γὰρ ἀρχὴ ὑπὲρ τῶν κοινῶν προνοουμένη τήν τε πόλιν καὶ τὸ κοινὸν αὔξει.
`701`
ξένοισί τʼ τοῖς τε ξένοις δίκας εὐσυμβόλους διδοῖεν πρὶν ἐξοπλίζειν Ἄρη.
`707`
τὸ γὰρ τεκόντων πρῶτον θεούς, δεύτερον νόμους, τρίτον δὲ τόδε, τὸ τοὺς γονεῖς τιμᾶν. ἐχρῆν δὲ εἰπεῖν· καὶ τοὺς γονεῖς δὲ σέβοιντο. τὸ γὰρ τιμᾶν γονεῖς τρίτον ἐστὶ παράγγελμα δίκης.
`713`
ἱκεταδόκου τῆς δεξαμένης ἡμᾶς τοὺς ἱκέτας.
`715a`
στολμοί τε λαίφους κατὰ περίφρασιν τὸ λαῖφος.
`715b`
παραρρύσεις ἐκτάσεις.
`718`
οὕτως δὲ ἡμῖν κλύουσα τοῦ οἴακος οὐ φίλη ἐστίν.
`719`
ἄνδρες νήιοι ναῦται.
`719-720`
ἐκ τῶν λευκῶν πεπλωμάτων μέλανα γυῖα φαίνονται ἔχοντες.
`728`
ῥυσίων ἐνεχύρων· ἐνεχυράζοντες ἡμᾶς διά τινος ἁρπαγῆς.
`730`
βοῆι· νῦν τῆι βοηθείαι.
`731`
ἀλκῆς τῆς τῶν βωμῶν καταφυγῆς.
`732-733a`
σημείωσαι.
`732-733b`
γνώμη.
`735`
μῆκος ... χρόνου τῆς ἡμῶν φυγῆς καὶ τῆς τούτων παρουσίας.
`736-738`
ὅσον μοι προγέγονεν ὄφελος διὰ τῆς ἐνθάδε φυγῆς, τῶι δείματι νῦν παροίχεται· ἀπιστῶ γὰρ εἰ τεύξομαι ἐπικουρίας.
`739`
τελεία τελεσθεῖσα.
`746-747`
ἐν μεσημβρίαι ... κατερρινημένους καλῶς ἐν ἡλίωι γεγυμνασμένους.
`750`
δουλόφρονες οἱ Αἰγυπτιάδαι.
`751`
κόρακες ὥστε λείπει ἁρπάζουσί με.
`754`
ἐχθαιροίατο εἰ ἀσεβήσαιεν εἰς τοὺς βωμούς.
`756`
χεῖρʼ χειρὶ τὸ ἐντελές.
`757a`
περίφρονες ἀντὶ ὑπέρφρονες.
`757b`
ἀνιέρωι ἀσεβεῖ.
`760`
κρείσσους τοσοῦτον αὐτῶν διαφέρουσιν ὡς λύκοι κυνῶν.
`761`
βύβλου ... στάχυν ἐπεὶ παπυροφάγοι οἱ Αἰγύπτιοι.
`763`
κράτος τὴν βίαν.
`764`
στολῆι ἀντὶ ὁρμῆι.
`764-765`
οὔτοι ταχεῖαι ... ὅρμος οὐδὲ ἡ ὁρμὴ ταχεῖα οὐδὲ ἡ ἔκβασις.
`765`
πισμάτων σωτηρίου ἀντὶ πείσματα σωτήρια.
`766`
ἀγκυρουχίαις ταῖς ἀσφαλείαις καὶ κατοχαῖς τῶν ἀγκυρῶν.
`767`
ποιμένες κυβερνῆται.
`772`
πρὶν ... θρασυνθῆναι πρὶν καταθαρρῆσαι τῶι ὅρμωι τὰς ναῦς.
`774`
ἄγγελον ἐμὲ τὸν ἀπαγγέλλοντα αὐτοῖς τὴν παρουσίαν τῶν Αἰγυπτιαδῶν.
`776a`
βουνῖτι ὀρεινή.
`776b`
ἔνδικον σέβας δικαία σέβεσθαι, ἢ ἣν δικαίως πάντες τιμῶσιν.
`778`
κελαινὸν ἀφανές.
`781-783`
ἄφαντος μεταβληθείην μὴ εἰς πτηνόν, ἀλλʼ εἰς ἄψυχόν τι.
`785`
μελανόχρως ἀντὶ τεταραγμένη. ἡ μεταφορὰ ἀπὸ τῆς θαλάσσης ἥτις ἐν τῶι ταράσσεσθαι μελαίνεται.
`786`
πατροσκοπαι προσκοπήσας ὁ πατὴρ καὶ σημάνας ἐτάραξεν ἡμᾶς.
`787`
μορσίμου μόρον μοι ἐπάγοντος.
`798-799`
δαΐκτορος τοῦ γάμου δαϊκτῆρος τῆς καρδίας μου.
`802`
ἐλευθεροῦται ἀντὶ ἐλευθεροῖ.
`805`
τυχών· ἐμοῦ δηλονότι.
`806`
ἀμφʼ αὐτᾶς περὶ ἐμαυτῆς.
`807a`
τέμνω εὕρω.
`807b`
λυτήρια λείπει ὁ καί.
`808-809`
ἐπεξηγήσατο ὀμφάν· ἑαυταῖς δὲ παρακελεύονται.
`809`
λίτανα λιτανευτικά.
`809-811`
καὶ τέλεα δέ μοι ... λύσιμα καὶ ἐπιτελεστικά μοι καὶ λύσιμα τῶν κακῶν γινόμενα.
`811`
μάχιμα ἀντὶ ἀτάραχα.
`816`
γαιάοχε παγκρατὲς Ζεῦ ὦ πάσης γῆς κρατῶν Ζεῦ.
`819`
διόμενοι διώκοντες.
`820a`
μάταισι ταῖς ζητήσεσιν.
`822`
ἐπίπαν ἴσον ἐπὶ πάντων.
`825`
ὂ ὂ ὂ ἂ ἂ ἄ ταῦτα μετά τινος πάθους ἀναβοῶσιν ἐξ ἀπόπτου τοὺς Αἰγυπτιάδας ἰδοῦσαι.
`826a`
μάρπις ὁ ἐλθὼν ἐπὶ τὸ μάρψαι ἡμᾶς.
`826c`
νάιος γάιος ὁ πρώην μὲν ἐπὶ νηός, νῦν δὲ ἐπὶ γῆς γεγονώς.
`827a`
τῶν πρό, μάρπτι, κάμνοις· πρότερον θάνοις, ὦ μάρπτι, πρὶν ἡμᾶς συλλαβεῖν.
`827b`
τῶν πρόμαρπτι κάμνοις τοῦτο διὰ μέσου.
`827c`
ἰόφ· ἔστι ἀποπτυσμοῦ μίμημα· ἀπὸ δὲ τοῦ ἀποπτύειν ἐπίφθεγμα ἐποίησεν. διὸ δεῖ τὴν ὑστέραν δασύνειν.
`828`
κάκκας καταβάσεις.
`829-830`
οὐκέτι παρὰ τοῦ πατρὸς ἀκούσασα, ἀλλʼ αὐτόπτης γενομένη βοῶ.
`832-833`
πρὸς ἀλκάν πρὸς τὴν τῶν θεῶν ἀλκήν, τὴν ἐπὶ τῆι δόξηι ἐπηρμένην ἀλκὴν τῶν θεῶν.
`835a`
γᾶι ἄναξ προτάσσου ὦ Πελασγέ, πρὸ ἡμῶν παράταξαι.
`835b`
γᾶι ἄναξ προτάσσου ἔστι δὲ παρὰ τὸ κύδεϊ γαίων.
`837`
ὅπως ποδῶν ὡς ἔχετε τάχους ποδῶν.
`838`
οὐκοῦν ἰδίως τοῦτο ἀντὶ εἰ δὲ μή.
`847`
αἵμονες ἡιμαγμένην σε καθίζω.
`848`
τάπιτα ἀπιόντα κατὰ συγκοπήν.
`850a`
ἴχαρ ἐπιθυμία.
`850b`
ἴχαρ τὴν ἐπιθυμίαν ἴχαρ εἶπεν.
`850c`
φρενί τʼ ἄταν τὴν ἄτην τῆς φρενός.
`852`
λείφʼ ἵδρανα κατάλειπε τοὺς βωμούς.
`853`
ἀτιετανα μήποτε μετέχων τῆς τιμῆς ἐν τῆι πόλει τῶν εὐσεβῶν.
`855`
ἀλφεσίβοιον ὕδωρ τὸ ζωοποιοῦν τὰ θρέμματα, ἢ τὸ ἔντιμον μεταφορικῶς. λέγει δὲ τοῦ Νείλου.
`857`
ζώφυτον ἀρρενογόνον γὰρ τὸ ὕδωρ τοῦ Νείλου· ὅθεν Ζεὺς πιὼν ἔτεκεν Ἄρεα.
`859-860`
ἄγειος ἐγὼ βαθυχαῖος ἐγὼ ἡ βαθυχαῖος ἀναξία ταύτης τῆς βαθρείας, ὦ γέρον.
`859`
βαθυχαῖος· ἡ μεγάλως εὐγενής· χαοὶ γὰρ οἱ εὐγενεῖς.
`861-864`
σὺ δὲ ναῒ σὺ δὲ θέλων καὶ μὴ θέλων ναῒ βήσηι τάχα, βίαι πολλῆι κακοπαθῶν.
`863`
βίαι ... πολλᾶι λείπει πεπειραμέναι.
`866`
αἰαῖ αἰαῖ τοῦτο ἰδίαι εὐκτικῶς· ὄλοιο οὖν σὺν ταῖς σαῖς μηχαναῖς.
`868`
ἄλσος τὸ πέλαγος.
`869-870`
κατὰ Σαρπηδόνιον χῶμα κατὰ τὴν Σαρπηδονίαν ἄκραν.
`872`
ἴυζε καὶ λάκαζε μάτην λήκει καὶ βόα.
`873`
οὐχ ὑπερθορῆι οὐκ ἐκφύγοις.
`875`
πικρότερʼ καὶ αὐτῶν τῶν ἀχέων πικρότερα ἴυζε.
`877`
λυμασις ὑπρογασυλασκοι εἷς ὑπὲρ τῶν Αἰγυπτίων πρεσβεύει.
`879`
Νεῖλος ... σʼ ὁ Νεῖλός σε.
`882b`
ἀντίστροφον τὴν ἐξ ἀμφοτέρων τῶν μερῶν ἑλισσομένην, ὅ ἐστιν ἀμφιέλισσαν.
`885-886`
βροτιοσα ροσαται ἡ τῶν βρετέων ἐπικουρία βλάπτει με· τοῦτο δέ φασιν, ἐπεὶ θαρσοῦσαι αὐτοῖς ἐν τῶι φανερῶι κατελήφθησαν.
`888`
ὄναρ μέλαν τουτέστι μηδέν με οὖσαν.
`890`
μᾶ γᾶ ὦ μῆτερ γῆ.
`892`
ὦ βᾶ γᾶς παῖ Ζεῦ ὦ πάτερ Ζεῦ, γῆς παῖ· ἡ αὐτὴ γάρ ἐστι Ῥέα καὶ Γῆ.
`894`
ἐγήρασαν εἰς γῆράς με ἤγαγον.
`895`
μαιμᾶι ἐνθουσιᾶι.
`900`
μᾶ γᾶ ὦ μῆτερ γῆ.
`904`
χιτῶνος ἔργον τὴν ἐργασίαν τοῦ χιτῶνος.
`915`
ὤρθωσα εἰς ὀρθὴν ἦλθες.
`934-936`
οὔτοι ... ἔλυσεν οὐ δεήσει μαρτύρων ἡμῖν. ὁ γὰρ Ἄρης κρίνει τὸ νεῖκος. οὐδὲ γὰρ ἄργυρον παρʼ ὑμῶν λαμβάνοντες εἰρηνεύσαιμεν ἄν.
`946`
ταῦτʼ οὐκ ἐγγράφως ταῦτα εἶπον, ἀλλὰ ζώσηι φωνῆι.
`953`
ἐκ κριθῶν μέθυ πρὸ γὰρ τῆς εὑρέσεως τοῦ οἴνου τοῦτο ἐξεῦρον Αἰγύπτιοι. λέγεται δὲ μεθύσκειν.
`960`
πολλῶν ὡς πολλῶν ξένων ἐκεῖ οἰκούντων.
`965`
τῶνδε ἐμοῦ καὶ τῶν ἀστῶν.
`967`
δῖε ὡς δῖα γυναικῶν.
`969`
πρόνοον τὸν πρόνοιαν ἡμῶν ποιούμενον.
`972-973`
πᾶς τις ... εὔτυκτος ἐπεὶ πᾶς ἄνθρωπός ἐστιν ἕτοιμος εἰς τὸ ψέγειν τοὺς ξένους.
`991`
σωφρονεῖτε ὅπως ὁ τῶν Αἰγυπτιαδῶν ὅμιλος καταγνωσθῆι ὑπὸ τῶν Ἀργείων καὶ μὴ ἡμεῖς.
`995`
εὐπετὲς τὸ εἰπεῖν μυσαρόν τι κατὰ τῶν ξένων εὐχερές ἐστιν.
`997`
ἐπίστρεπτον τὴν ἐπιστροφῆς δεομένην ἢ τὴν ἐπιστρέφουσαν εἰς θέαν.
`998-999`
πάντα ἐπιθυμίαι δουλεύουσι.
`1006`
μὴ πάθωμεν μὴ ὑποπέσητε ἀνδράσιν.
`1028`
πολύτεκνοι πολυτεκνίας πρόξενοι.
`1034`
θεσμὸς ὅδʼ ὁ τοῦ ἡμετέρου ὕμνου νόμος.
`1038`
μετάκοινοι κοινωνοί.
`1041-1042`
δέδοται ... ψεδυρὰ ἡ ἁρμονία μετέχει τῆς Ἀφροδίτης· ψευδὴς δὲ ὅτι πολλὰ ψεύδονται οἱ ἐρῶντες.
`1045-1046`
τί ποτʼ δέδοικα, ὅτι εὐπλοίας ἔτυχον, μὴ καὶ τοῦ γάμου τύχωσιν.
`1050-1051`
μετὰ ... γυναικῶν μετὰ ἄλλων πολλῶν γάμων γυναικῶν καὶ οὗτος τελεσθήσεται.
`1061`
ἀγάζειν λίαν ἐξετάζειν.
`1070`
τὸ δίμοιρον αἰνῶ ἡδέως ἔχω τὸ δίμοιρον τῶν κακῶν σὺν ἑνὶ ἀγαθῶι, ὅ ἐστι τῆι ἀπαλλαγῆι τοῦ γάμου. Πίνδαρος· ἓν παρʼ ἐσθλὸν σύνδυο δαίονται πήματα βροτοῖς ἀθάνατοι.
## License and provenance
Eulogikon publishes public-domain Greek texts in cleaned, structured, readable form and makes no copyright claim over that preparation (Public Domain Mark 1.0, https://creativecommons.org/publicdomain/mark/1.0/). Cite as `eul_wid: tro-agd`.