--- title: Epigrams title_greek: Ἐπιγράμματα author: Simonides of Ceos eul_wid: big-ae eul_aid: big canonical: "https://eulogikon.org/grc/simonides-of-ceos/epigrams" canonical_json: "https://eulogikon.org/data/works/grc/simonides-of-ceos-epigrams-big-ae.json" sha256: "2bb6040cb7d89032cd3725deb60eaa4e67ccaf91f470d91b5ac3ea249d8ea429" period: Archaic dialect: Koine domain: Poetry format: Verse license: CC0-1.0 --- # Epigrams *Ἐπιγράμματα* **Author:** Simonides of Ceos **eul_wid:** `big-ae` · [HTML page](https://eulogikon.org/grc/simonides-of-ceos/epigrams) · [Canonical JSON](https://eulogikon.org/data/works/grc/simonides-of-ceos-epigrams-big-ae.json) ## Text ### book 159.1.1 Βοίδιον ηὑλητρὶς καὶ Πυθιάς, αἵ ποτ’ ἐρασταί, ### book 159.1.2 σοί, Κύπρι, τὰς ζώνας τάς τε γραφὰς ἔθεσαν. ### book 159.1.3 ἔμπορε καὶ φορτηγέ, τὸ σὸν βαλλάντιον οἶδεν, ### book 159.1.4 καὶ πόθεν αἱ ζῶναι καὶ πόθεν οἱ πίνακες. ### book 2.1.1 Τόξα τάδε πτολέμοιο πεπαυμένα δακρυόεντος ### book 2.1.2 νηῷ Ἀθηναίης κεῖται ὑπωρόφια, ### book 2.1.3 πολλάκι δὴ στονόεντα κατὰ κλόνον ἐν δαῒ φωτῶν ### book 2.1.4 Περσῶν ἱππομάχων αἵματι λουσάμενα. ### book 50.1.1 Τόνδε ποθ’ Ἕλληνες ῥώμῃ χερὸς ἔργῳ Ἄρηος, ### book 50.1.2 εὐτόλμῳ ψυχῆς λήματι πειθόμενοι, ### book 50.1.3 Πέρσας ἐξελάσαντες, ἐλεύθερον Ἑλλάδι κόσμον ### book 50.1.4 ἱδρύσαντο Διὸς βωμὸν Ἐλευθερίου. ### book 52.1.1 Οὕτω τοι, μελία ταναά, ποτὶ κίονα μακρὸν ### book 52.1.2 ἧσο, Πανομφαίῳ Ζηνὶ μένους’ ἱερά· ### book 52.1.3 ἤδη γὰρ χαλκός τε γέρων αὐτά τε τέτρυσαι ### book 52.1.4 πυκνὰ κραδαινομένα δαΐῳ ἐν πολέμῳ. ### book 197.1.1 Ἑλλάνων ἀρχαγὸς ἐπεὶ στρατὸν ὤλεσα Μήδων ### book 197.1.2 Παυσανίας, Φοίβῳ μνᾶμ’ ἀνέθηκα τόδε. ### book 212.1.1 Εὔχεό τοι δώροισι, Κύτων, θεὸν ὧδε χαρῆναι ### book 212.1.2 Λητοΐδην ἀγορῆς καλλιχόρου πρύτανιν, ### book 212.1.3 ὥσπερ ὑπὸ ξείνων τε καὶ οἳ ναίουσι Κόρινθον ### book 212.1.4 αἶνον ἔχεις χαρίτων, δέσποτα, τοῖς στεφάνοις. ### book 213.1.1 Ἓξ ἐπὶ πεντήκοντα, Σιμωνίδη, ἤραο ταύρους ### book 213.1.2 καὶ τρίποδας, πρὶν τόνδ’ ἀνθέμεναι πίνακα. ### book 213.1.3 τοσσάκι δ’ ἱμερόεντα διδαξάμενος χορὸν ἀνδρῶν ### book 213.1.4 εὐδόξου Νίκας ἀγλαὸν ἅρμ’ ἐπέβης. ### book 214.1.1 Φημὶ Γέλων’, Ἱέρωνα, Πολύζηλον, Θρασύβουλον, ### book 214.1.2 παῖδας Δεινομένευς, τοὺς τρίποδας θέμεναι ### book 214.1.3 ἐξ ἑκατὸν λιτρῶν καὶ πεντήκοντα ταλάντων ### book 214 δαρεικοῦ χρυσοῦ, τᾶς δεκάτας δεκάταν. ### book 215.1.1 Ταῦτ’ ἀπὸ δυσμενέων Μήδων ναῦται Διοδώρου ### book 215.1.2 ὅπλ’ ἀνέθεν Λατοῖ μνάματα ναυμαχίας. ### book 216.1.1 Σῶσος καὶ Σωσώ, σῶτερ, σοὶ τόνδ’ ἀνέθηκαν· ### book 216.1.2 Σῶσος μὲν σωθείς, Σωσὼ δ’, ὅτι Σῶσος ἐσώθη. ### book 217.1.1 Χειμερίην νιφετοῖο κατήλυσιν ἡνίκ’ ἀλύξας ### book 217.1.2 Γάλλος ἐρημαίην ἤλυθ’ ὑπὸ σπιλάδα, ### book 217.1.3 ὑετὸν ἄρτι κόμης ἀπομόρξατο, τοῦ δὲ κατ’ ἴχνος ### book 217.1.4 βουφάγος εἰς κοίλην ἀτραπὸν ἷκτο λέων· ### book 217.5.1 αὐτὰρ ὁ πεπταμένῃ μέγα τύμπανον, ὃ σχέθε, χειρὶ ### book 217.5.2 ἤραξεν, καναχῇ δ’ ἴαχεν ἄντρον ἅπαν· ### book 217.5.3 οὐδ’ ἔτλη Κυβέλης ἱερὸν βρόμον ὑλονόμος θὴρ ### book 217.5.4 μεῖναι, ἀν’ ὑλῆεν δ’ ὠκὺς ἔθυνεν ὄρος, ### book 217.5.5 δείσας ἡμιγύναικα θεῆς λάτριν, ὃς τάδε Ῥείᾳ ### book 217.10 ἐνδυτὰ καὶ ξανθοὺς ἐκρέμασε πλοκάμους. ### book 20.1.1 Ἐσβέσθης, γηραιὲ Σοφόκλεες, ἄνθος ἀοιδῶν, ### book 20.1.2 οἰνωπὸν Βάκχου βότρυν ἐρεπτόμενος. ### book 24.1.1 Ἡμερὶ πανθέλκτειρα, μεθυτρόφε μῆτερ ὀπώρας, ### book 24.1.2 οὔλης ἣ σκολιὸν πλέγμα φύεις ἕλικος, ### book 24.1.3 Τηίου ἡβήσειας Ἀνακρείοντος ἐπ’ ἄκρῃ ### book 24.1.4 στήλῃ καὶ λεπτῷ χώματι τοῦδε τάφου, ### book 24.5.1 ὡς ὁ φιλάκρητός τε καὶ οἰνοβαρὴς φιλόκωμος ### book 24.5.2 παννύχιος κρούων τὴν φιλόπαιδα χέλυν ### book 24.5.3 κἠν χθονὶ πεπτηὼς κεφαλῆς ἐφύπερθε φέροιτο ### book 24.5.4 ἀγλαὸν ὡραίων βότρυν ἀπ’ ἀκρεμόνων ### book 24.5.5 καί μιν ἀεὶ τέγγοι νοτερὴ δρόσος, ἧς ὁ γεραιὸς ### book 24.10 λαρότερον μαλακῶν ἔπνεεν ἐκ στομάτων. ### book 25.1.1 Οὗτος Ἀνακρείοντα, τὸν ἄφθιτον εἵνεκα Μουσέων ### book 25.1.2 ὑμνοπόλον, πάτρης τύμβος ἔδεκτο Τέω, ### book 25.1.3 ὃς Χαρίτων πνείοντα μέλη, πνείοντα δ’ Ἐρώτων ### book 25.1.4 τὸν γλυκὺν ἐς παίδων ἵμερον ἡρμόσατο. ### book 25.5.1 μοῦνον δ’ εἰν Ἀχέροντι βαρύνεται, οὐχ ὅτι λείπων ### book 25.5.2 ἠέλιον Λήθης ἐνθάδ’ ἔκυρσε δόμων, ### book 25.5.3 ἀλλ’ ὅτι τὸν χαρίεντα μετ’ ἠιθέοισι Μεγιστέα ### book 25.5.4 καὶ τὸν Σμερδίεω Θρῇκα λέλοιπε πόθον. ### book 25.5.5 μολπῆς δ’ οὐ λήγει μελιτερπέος, ἀλλ’ ἔτ’ ἐκεῖνον ### book 25.10 βάρβιτον οὐδὲ θανὼν εὔνασεν εἰν Ἀίδῃ. ### book 77.1.1 Οὗτος ὁ τοῦ Κείοιο Σιμωνίδου ἐστὶ σαωτήρ, ### book 77.1.2 ὃς καὶ τεθνηὼς ζῶντ’ ἀπέδωκε χάριν. ### book 177.1 Σᾶμα τόδε Σπίνθηρι πατὴρ ἐπέθηκε θανόντι. ### book 248.1.1 Μυριάσιν ποτὲ τῇδε τριηκοσίαις ἐμάχοντο ### book 248.1.2 ἐκ Πελοποννάσου χιλιάδες τέτορες. ### book 249.1 Ὦ ξεῖν’, ἀγγέλλειν Λακεδαιμονίοις, ὅτι τῇδε ### book 249 κείμεθα τοῖς κείνων ῥήμασι πειθόμενοι. ### book 250.1.1 Ἀκμᾶς ἑστακυῖαν ἐπὶ ξυροῦ Ἑλλάδα πᾶσαν ### book 250.1.2 ταῖς αὑτῶν ψυχαῖς κείμεθα ῥυσάμενοι ### book 250.1.3 [δουλοσύνης· Πέρσαις δὲ περὶ φρεσὶ πήματα πάντα ### book 250.1.4 ἥψαμεν ἀργαλέης μνήματα ναυμαχίης. ### book 250.5.1 ὀστέα δ’ ἧμιν ἔχει Σαλαμίς· πατρὶς δὲ Κόρινθος ### book 250.5.2 ἀντ’ εὐεργεσίης μνῆμ’ ἐπέθηκε τόδε]. ### book 251.1.1 Ἄσβεστον κλέος οἵδε φίλῃ περὶ πατρίδι θέντες ### book 251.1.2 κυάνεον θανάτου ἀμφεβάλοντο νέφος· ### book 251.1.3 οὐδὲ τεθνᾶσι θανόντες, ἐπεί σφ’ ἀρετὴ καθύπερθε ### book 251.1.4 κυδαίνους’ ἀνάγει δώματος ἐξ Ἀίδεω. ### book 253.1.1 Εἰ τὸ καλῶς θνῄσκειν ἀρετῆς μέρος ἐστὶ μέγιστον, ### book 253.1.2 ἡμῖν ἐκ πάντων τοῦτ’ ἀπένειμε τύχη· ### book 253.1.3 Ἑλλάδι γὰρ σπεύδοντες ἐλευθερίην περιθεῖναι ### book 253 κείμεθ’ ἀγηράτῳ χρώμενοι εὐλογίῃ. ### book 254.1.1 Χαίρετ’, ἀριστῆες πολέμου μέγα κῦδος ἔχοντες, ### book 254.1.2 κοῦροι Ἀθηναίων ἔξοχοι ἱπποσύνᾳ, ### book 254.1.3 οἵ ποτε καλλιχόρου περὶ πατρίδος ὠλέσαθ’ ἥβην ### book 254.1.4 πλείστοις Ἑλλάνων ἀντία μαρνάμενοι. ### book 254b.1.1 Κρὴς γενεὰν Βρόταχος Γορτύνιος ἐνθάδε κεῖμαι ### book 254b.1.2 οὐ κατὰ τοῦτ’ ἐλθών, ἀλλὰ κατ’ ἐμπορίαν. ### book 258.1.1 Οἵδε παρ’ Εὐρυμέδοντά ποτ’ ἀγλαὸν ὤλεσαν ἥβην ### book 258.1.2 μαρνάμενοι Μήδων τοξοφόρων προμάχοις ### book 258.1.3 αἰχμηταί, πεζοί τε καὶ ὠκυπόρων ἐπὶ νηῶν· ### book 258.1.4 κάλλιστον δ’ ἀρετῆς μνῆμ’ ἔλιπον φθίμενοι. ### book 270.1 Τούσδε ποτ’ ἐκ Σπάρτας ἀκροθίνια Φοίβῳ ἄγοντας ### book 270 ἓν πέλαγος, μία νύξ, ἓν σκάφος ἐκτέρισεν. ### book 296.1.1 Ἐξ οὗ γ’ Εὐρώπην Ἀσίας δίχα πόντος ἔνειμε ### book 296.1.2 καὶ πόλεμον λαῶν θοῦρος Ἄρης ἐφέπει, ### book 296.1.3 οὐδαμά πω κάλλιον ἐπιχθονίων γένετ’ ἀνδρῶν ### book 296.1.4 ἔργον ἐν ἠπείρῳ καὶ κατὰ πόντον ἅμα. ### book 296.5.1 οἵδε γὰρ ἐν Κύπρῳ Μήδων πολλοὺς ὀλέσαντες ### book 296.5.2 Φοινίκων ἑκατὸν ναῦς ἕλον ἐν πελάγει ### book 296.5.3 ἀνδρῶν πληθούσας· μέγα δ’ ἔστεν〈εν Ἀσὶς ὑπ’ αὐτῶν〉 ### book 296.5.4 πληγεῖς’ ἀμφοτέραις χερσὶ κράτει πολέμου. ### book 300.1.1 Ἐνθάδε Πυθώνακτα κασίγνητόν τε κέκευθε ### book 300.1.2 γαῖ’, ἐρατῆς ἥβης πρὶν τέλος ἄκρον ἰδεῖν. ### book 300.1.3 μνῆμα δ’ ἀποφθιμένοισι πατὴρ Μεγάριστος ἔθηκεν ### book 300.1.4 ἀθάνατον θνητοῖς παισὶ χαριζόμενος. ### book 301.1.1 Εὐκλέας αἶα κέκευθε, Λεωνίδα, οἳ μετὰ σεῖο ### book 301.1.2 τῇδ’ ἔθανον, Σπάρτης εὐρυχόρου βασιλεῦ, ### book 301.1.3 πλείστων δὴ τόξων τε καὶ ὠκυπόδων σθένος ἵππων ### book 301 Μηδείων τ’ ἀνδρῶν δεξάμενοι πολέμῳ. ### book 302.1.1 Τῶν αὐτοῦ τις ἕκαστος ἀπολλυμένων ἀνιᾶται· ### book 302.1.2 Νικόδικον δὲ φίλοι καὶ πόλις ἥδε ποθεῖ. ### book 344.1.1 Θηρῶν μὲν κάρτιστος ἐγώ, θνατῶν δ’ ὃν ἐγὼ νῦν ### book 344.1.2 φρουρῶ τῷδε τάφῳ λαΐνῳ ἐμβεβαώς. ### book 348.1.1 Πολλὰ πιὼν καὶ πολλὰ φαγὼν καὶ πολλὰ κάκ’ εἰπὼν ### book 348.1.2 ἀνθρώπους κεῖμαι Τιμοκρέων Ῥόδιος. ### book 349.1.1 Βαιὰ φαγὼν καὶ βαιὰ πιὼν καὶ πολλὰ νοσήσας ### book 349.1.2 ὀψὲ μέν, ἀλλ’ ἔθανον. ἔρρετε πάντες ὁμοῦ. ### book 431.1.1 Οἵδε τριηκόσιοι, Σπάρτα πατρί, τοῖς συναρίθμοις ### book 431.1.2 Ἰναχίδαις Θυρέαν ἀμφὶ μαχεσσάμενοι, ### book 431.1.3 αὐχένας οὐ στρέψαντες, ὅπᾳ ποδὸς ἴχνια πρᾶτον ### book 431.1.4 ἁρμόσαμεν, ταύτᾳ καὶ λίπομεν βιοτάν. ### book 431.5.1 ἄρσενι δ’ Ὀθρυάδαο φόνῳ κεκαλυμμένον ὅπλον ### book 431.5.2 καρύσσει· „Θυρέα, Ζεῦ, Λακεδαιμονίων.“ ### book 431.5.3 αἰ δέ τις Ἀργείων ἔφυγεν μόρον, ἦς ἀπ’ Ἀδράστου· ### book 431.5.4 Σπάρτᾳ δ’ οὐ τὸ θανεῖν, ἀλλὰ φυγεῖν θάνατος. ### book 442.1.1 Εὐθυμάχων ἀνδρῶν μνησώμεθα, τῶν ὅδε τύμβος, ### book 442.1.2 οἳ θάνον εὔμηλον ῥυόμενοι Τεγέαν ### book 442.1.3 αἰχμηταὶ πρὸ πόληος, ἵνα σφίσι μὴ καθέληται ### book 442 Ἑλλὰς ἀποφθιμένου κρατὸς ἐλευθερίαν. ### book 443.1.1 Τῶνδέ ποτ’ ἐν στέρνοισι τανυγλώχινας ὀιστοὺς ### book 443.1.2 λοῦσεν φοινίσσᾳ θοῦρος Ἄρης ψακάδι. ### book 443.1.3 ἀντὶ δ’ ἀκοντοδόκων ἀνδρῶν μνημεῖα θανόντων ### book 443.1.4 ἄψυχ’ ἐμψύχων ἅδε κέκευθε κόνις. ### book 496.1.1 Ἠερίη Γεράνεια, κακὸν λέπας, ὤφελεν Ἴστρον ### book 496.1.2 τῆλε καὶ ἐκ Σκυθέων μακρὸν ὁρᾶν Τάναϊν ### book 496.1.3 μηδὲ πέλας ναίειν Σκειρωνικὸν οἶδμα θαλάσσης ### book 496.1.4 ἄγκεα νειφομένης ἀμφὶ Μεθουριάδος. ### book 496.5.1 νῦν δ’ ὁ μὲν ἐν πόντῳ κρυερὸς νέκυς, οἱ δὲ βαρεῖαν ### book 496.5.2 ναυτιλίην κενεοὶ τῇδε βοῶσι τάφοι. ### book 507.1.1 Ἄνθρωπ’, οὐ Κροίσου λεύσσεις τάφον, ἀλλὰ γὰρ ἀνδρὸς ### book 507.1.2 χερνήτεω· μικρὸς τύμβος, ἐμοὶ δ’ ἱκανός. ### book 508.1.1 Παυσανίαν ἰητρὸν ἐπώνυμον, Ἀγχίτεω υἱόν, ### book 508.1.2 τόνδ’ Ἀσκληπιάδην πατρὶς ἔθαψε Γέλα, ### book 508.1.3 ὃς πλείστους κρυεραῖσι μαραινομένους ὑπὸ νούσοις ### book 508.1.4 φῶτας ἀπέστρεψεν Φερσεφόνης θαλάμων. ### book 509.1.1 Σῆμα Θεόγνιδός εἰμι Σινωπέος, ᾧ μ’ ἐπέθηκεν ### book 509.1.2 Γλαῦκος ἑταιρείης ἀντὶ πολυχρονίου. ### book 510.1.1 Σῶμα μὲν ἀλλοδαπὴ κεύθει κόνις, ἐν δέ σε πόντῳ, ### book 510.1.2 Κλείσθενες, Εὐξείνῳ μοῖρ’ ἔκιχεν θανάτου ### book 510.1.3 πλαζόμενον· γλυκεροῦ δὲ μελίφρονος οἴκαδε νόστου ### book 510.1.4 ἤμπλακες οὐδ’ ἵκευ Χῖον ἐπ’ ἀμφιρύτην. ### book 511.1.1 Σῆμα καταφθιμένοιο Μεγακλέος εὖτ’ ἂν ἴδωμαι, ### book 511.1.2 οἰκτείρω σε, τάλαν Καλλία, οἷ’ ἔπαθες. ### book 512.1.1 Τῶνδε δι’ ἀνθρώπων ἀρετὰν οὐχ ἵκετο καπνὸς ### book 512.1.2 αἰθέρα δαιομένας εὐρυχόρου Τεγέας, ### book 512.1.3 οἳ βούλοντο πόλιν μὲν ἐλευθερίᾳ τεθαλυῖαν ### book 512 παισὶ λιπεῖν, αὐτοὶ δ’ ἐν προμάχοισι θανεῖν. ### book 513.1.1 Φῆ ποτε Πρωτόμαχος, πατρὸς περὶ χεῖρας ἔχοντος, ### book 513.1.2 ἡνίκ’ ἀφ’ ἱμερτὴν ἔπνεεν ἡλικίην· ### book 513.1.3 „Ὦ Τιμηνορίδη, παιδὸς φίλου οὔποτε λήσῃ ### book 513.1.4 οὔτ’ ἀρετὴν ποθέων οὔτε σαοφροσύνην.“ ### book 514.1.1 Αἰδὼς καὶ Κλεόδημον ἐπὶ προχοῇσι Θεαίρου ### book 514.1.2 ἀενάου στονόεντ’ ἤγαγεν εἰς θάνατον ### book 514.1.3 Θρηικίῳ κύρσαντα λόχῳ· πατρὸς δὲ κλεεννὸν ### book 514.1.4 Διφίλου αἰχμητὴς υἱὸς ἔθηκ’ ὄνομα. ### book 515.1.1 Αἰαῖ, νοῦσε βαρεῖα, τί δὴ ψυχαῖσι μεγαίρεις ### book 515.1.2 ἀνθρώπων ἐρατῇ πὰρ νεότητι μένειν; ### book 515.1.3 ἣ καὶ Τίμαρχον γλυκερῆς αἰῶνος ἄμερσας ### book 515.1.4 ἠίθεον, πρὶν ἰδεῖν κουριδίην ἄλοχον. ### book 516.1.1 Οἱ μὲν ἐμὲ κτείναντες ὁμοίων ἀντιτύχοιεν, ### book 516.1.2 Ζεῦ Ξένι’· οἱ δ’ ὑπὸ γᾶν θέντες ὄναιντο βίου. ### book 647.1.1 Ὕστατα δὴ τάδ’ ἔειπε φίλαν ποτὶ ματέρα Γοργὼ ### book 647.1.2 δακρυόεσσα δέρας χερσὶν ἐφαπτομένα· ### book 647.1.3 „Αὖθι μένοις παρὰ πατρί, τέκοις δ’ ἐπὶ λῴονι μοίρᾳ ### book 647.1.4 ἄλλαν σῷ πολιῷ γήραϊ καδεμόνα.“ ### book 650b.1 Τούσδ’ ἀπὸ Τυρρηνῶν ἀκροθίνια Φοίβῳ ἄγοντας ### book 650b ἓν πέλαγος, μία ναῦς, εἷς τάφος ἐκτέρισεν. ### book 677.1.1 Μνῆμα τόδε κλεινοῖο Μεγιστία, ὅν ποτε Μῆδοι ### book 677.1.2 Σπερχειὸν ποταμὸν κτεῖναν ἀμειψάμενοι, ### book 677.1.3 μάντιος, ὃς τότε κῆρας ἐπερχομένας σάφα εἰδὼς ### book 677.1.4 οὐκ ἔτλη Σπάρτης ἡγεμόνας προλιπεῖν. ### book 700.1.1 Γράψε Πολύγνωτος Θάσιος γένος, Ἀγλαοφῶντος ### book 700.1.2 υἱός, περθομένην Ἰλίου ἀκρόπολιν. ### book 757.1 Ἰφίων τόδ’ ἔγραψε Κορίνθιος· οὐκ ἔνι μῶμος ### book 757 χερσίν, ἐπεὶ δόξας ἔργα πολὺ προφέρει. ### book 758.1.1 Κίμων ἔγραψε τὴν θύραν τὴν δεξιάν, ### book 758.1.2 τὴν δ’ ἐξιόντων δεξιὰν Διονύσιος. ### book 105.1.1 Χαίρει τις, Θεόδωρος ἐπεὶ θάνον· ἄλλος ἐπ’ αὐτῷ ### book 105.1.2 χαιρήσει. θανάτῳ πάντες ὀφειλόμεθα. ### book 11.1.1 Τίς εἰκόνα τάνδ’ ἀνέθηκεν; —„Δωριεὺς ὁ Θούριος.“ — ### book 11.1.2 Οὐ Ῥόδιος γένος ἦν; —„Ναί, πρὶν φυγεῖν γε πατρίδα, ### book 11 δεινᾷ γε χειρὶ πόλλ’ ἔρξας ἔργα καὶ βίαια.“ ### book 14.1.1 Ἀργεῖος Δάνδης σταδιοδρόμος ἐνθάδε κεῖται ### book 14.1.2 νίκαις ἱππόβοτον πατρίδ’ ἐπευκλεΐσας ### book 14.1.3 Ὀλυμπίᾳ δίς, ἐν δὲ Πυθῶνι τρία, ### book 14.1.4 δύω δ’ ἐν Ἰσθμῷ, πεντεκαίδεκ’ ἐν Νεμέᾳ· ### book 14.5 τὰς δ’ ἄλλας νίκας οὐκ εὐμαρές ἐστ’ ἀριθμῆσαι. ### book 19.1.1 Ἄνθηκεν τόδ’ ἄγαλμα Κορίνθιος ὅσπερ ἐνίκα ### book 19.1.2 ἐν Δελφοῖς ποτε Νικολᾴδας ### book 19.1.3 καὶ Παναθηναίοις στεφάνους λάβε πέντ’ ἐπ’ ἀέθλοις ### book 19.1.4 ἑξῆς ἀμφιφορεῖς ἐλαίου· ### book 19.5.1 Ἰσθμῷ δ’ ἐν ζαθέᾳ τρὶς ἐπισχερὼ—οἶδεν ἑλόντα ### book 19.5.2 ἀκτὰ Ποντομέδοντος ἆθλα— ### book 19.5.3 καὶ Νεμέᾳ τρὶς ἐνίκησεν καὶ τετράκις ἄλλα ### book 19.1 Πελλάνᾳ, δύο δ’ ἐν Λυκαίῳ ### book 19.2 καὶ Τεγέᾳ καὶ ἐν Αἰγίνᾳ, κρατερᾷ τ’ Ἐπιδαύρῳ ### book 19.10.1 καὶ Θήβᾳ Μεγάρων τε δάμῳ, ### book 19.10.2 ἐν δὲ Φλειοῦντι σταδίῳ τά τε πέντε κρατήσας ### book 19.10.3 ηὔφρανεν μεγάλαν Κόρινθον. ### book 20.1.1 Πατρίδα κυδαίνων ἱερὴν πόλιν Ὦπις Ἀθήνης, ### book 20.1.2 τέκνον μελαίνης γῆς, χαρίεντας αὐλοὺς ### book 20.1.3 τούσδε σὺν Ἡφαίστῳ τελέσας ἀνέθηκ’ Ἀφροδίτῃ ### book 20.1.4 καλοῦ δαμασθεὶς ἱμέρῳ Βρύσωνος. ### book 26.1.1 Μνήσομαι, οὐ γὰρ ἔοικεν ἀνώνυμον ἐνθάδ’ Ἀρχεναύτεω ### book 26.1.2 κεῖσθαι θανοῦσαν ἀγλαὰν ἄκοιτιν ### book 26.1.3 Ξανθίππην, Περιάνδρου ἀπέκγονον, ὅς ποθ’ ὑψιπύργου ### book 26.1.4 σήμαινε λαοῖς τέρμ’ ἔχων Κορίνθου. ### book 28.1.1 Πολλάκι δὴ φυλῆς Ἀκαμαντίδος ἐν χοροῖσιν Ὧραι ### book 28.1.2 ἀνωλόλυξαν κισσοφόροις ἐπὶ διθυράμβοις ### book 28.1.3 αἱ Διονυσιάδες, μίτραισι δὲ καὶ ῥόδων ἀώτοις ### book 28.1.4 σοφῶν ἀοιδῶν ἐσκίασαν λιπαρὰν ἔθειραν, ### book 28.5.1 οἳ τόνδε τρίποδά σφισι μάρτυρα Βακχίων ἀέθλων ### book 28.5.2 ἔθηκαν· εὖ τούσδ’ Ἀντιγένης ἐδίδασκεν ἄνδρας, ### book 28.5.3 εὖ δ’ ἐτιθηνεῖτο γλυκερὰν ὄπα Δωρίοις Ἀρίστων ### book 28.5.4 Ἀγρεῖος ἡδὺ πνεῦμα χέων καθαροῖς ἐν αὐλοῖς, ### book 28.5.5 τῶν ἐχορήγησεν κύκλον μελίγηρυν Ἱππόνικος, ### book 28.10.1 Στρούθωνος υἱός, ἅρμασιν ἐν Χαρίτων φορηθείς, ### book 28.10.2 αἵ οἱ ἐπ’ ἀνθρώπους ὄνομα κλυτὸν ἀγλαάν τε νίκαν ### book 28.10.3 θεοῦ θ’ ἕκατι θῆκαν ἰοστεφάνων τε Μοισᾶν. ### book 30.1.1 Μοῦσά μοι Ἀλκμήνης καλλισφύρου υἱὸν ἄειδε. ### book 30.1.2 υἱὸν Ἀλκμήνης ἄειδε Μοῦσά μοι καλλισφύρου. ### book 2.1.1 Γνῶθι Θεόγνητον προσιδὼν τὸν Ὀλυμπιονίκαν ### book 2.1.2 παῖδα, παλαισμοσύνης δεξιὸν ἡνίοχον, ### book 2.1.3 κάλλιστον μὲν ἰδεῖν, ἀθλεῖν δ’ οὐ χείρονα μορφῆς, ### book 2.1.4 ὃς πατέρων ἀγαθῶν ἐστεφάνωσε πόλιν. ### book 3.1.1 Ἴσθμια καὶ Πυθοῖ Διοφῶν ὁ Φίλωνος ἐνίκα ### book 3.1.2 ἅλμα, ποδωκείην, δίσκον, ἄκοντα, πάλην. ### book 23.1.1 Εἶπον, τίς, τίνος ἐσσί, τίνος πατρίδος, τί δ’ ἐνίκης; — ### book 23.1.2 „Κασμύλος, Εὐαγόρου, Πύθια πύξ, Ῥόδιος.“ ### book 24.1 Μίλωνος τόδ’ ἄγαλμα καλοῦ καλόν, ὅς ποτε Πίσῃ ### book 24 ἑπτάκι νικήσας ἐς γόνατ’ οὐκ ἔπεσεν. ### book 26.1.1 Δίρφυος ἐδμήθημεν ὑπὸ πτυχί· σῆμα δ’ ἐφ’ ἡμῖν ### book 26.1.2 ἐγγύθεν Εὐρίπου δημοσίᾳ κέχυται, ### book 26.1.3 [οὐκ ἀδίκως· ἐρατὴν γὰρ ἀπωλέσαμεν νεότητα ### book 26.1.4 τρηχεῖαν πολέμου δεξάμενοι νεφέλην.] ### book 60.1.1 Τίς ἅδε; —„Βάκχα.“ —Τίς δέ νιν ξέσε; —„Σκόπας.“ — ### book 60.1.2 Τίς δ’ ἐξέμηνε, Βάκχος ἢ Σκόπας; —„Σκόπας.“ ### book 82.1.1 Τὸν ἐν Ῥόδῳ κολοσσὸν ὀκτάκις δέκα ### book 82.1.2 Χάρης ἐποίει πήχεων ὁ Λίνδιος. ### book 204.1.1 Πραξιτέλης, ὃν ἔπασχε, διηκρίβωσεν Ἔρωτα ### book 204.1.2 ἐξ ἰδίης ἕλκων ἀρχέτυπον κραδίης, ### book 204.1.3 Φρύνῃ μισθὸν ἐμεῖο διδοὺς ἐμέ. φίλτρα δὲ τίκτω ### book 204.1.4 οὐκέτι τοξεύων, ἀλλ’ ἀτενιζόμενος. ### book 232.1 Τὸν τραγόπουν ἐμὲ Πᾶνα τὸν Ἀρκάδα, τὸν κατὰ Μήδων, ### book 232 τὸν μετ’ Ἀθηναίων στήσατο Μιλτιάδης. ## License and provenance This text is licensed CC0 1.0 Universal. The canonical record is the JSON at https://eulogikon.org/data/works/grc/simonides-of-ceos-epigrams-big-ae.json (sha256:2bb6040cb7d89032cd3725deb60eaa4e67ccaf91f470d91b5ac3ea249d8ea429). Cite as `eul_wid: big-ae`.