--- title: Post-Homeric Poem title_greek: τὰ μεθ᾿ Ὅμηρον author: Quintus of Smyrna eul_wid: ujg-aa eul_aid: ujg canonical: "https://eulogikon.org/grc/quintus-of-smyrna/post-homeric-poem" canonical_json: "https://eulogikon.org/data/works/grc/quintus-of-smyrna-post-homeric-poem-ujg-aa.json" sha256: "285a53b45184340859e55219bc651a4d8c8f1f2798fc19fb11dbef2f9e3d6e30" period: Late Antique dialect: Epic (Homeric) domain: Epic format: Verse license: CC0-1.0 --- # Post-Homeric Poem *τὰ μεθ᾿ Ὅμηρον* **Author:** Quintus of Smyrna **eul_wid:** `ujg-aa` · [HTML page](https://eulogikon.org/grc/quintus-of-smyrna/post-homeric-poem) · [Canonical JSON](https://eulogikon.org/data/works/grc/quintus-of-smyrna-post-homeric-poem-ujg-aa.json) ## Text ### book 1.1.1 Εὖθ’ ὑπὸ Πηλείωνι δάμη θεοείκελος Ἕκτωρ ### book 1.1.2 καί ἑ πυρὴ κατέδαψε καὶ ὀστέα γαῖα κεκεύθει, ### book 1.1.3 δὴ τότε Τρῶες ἔμιμνον ἀνὰ Πριάμοιο πόληα ### book 1.1.4 δειδιότες μένος ἠὺ θρασύφρονος Αἰακίδαο· ### book 1.5.1 ἠύτ’ ἐνὶ ξυλόχοισι βόες βλοσυροῖο λέοντος ### book 1.5.2 ἐλθέμεν οὐκ ἐθέλουσιν ἐναντίαι, ἀλλὰ φέβονται ### book 1.5.3 ἰληδὸν πτώσσουσαι ἀνὰ ῥωπήια πυκνά· ### book 1.5.4 ὣς οἳ ἀνὰ πτολίεθρον ὑπέτρεσαν ὄβριμον ἄνδρα, ### book 1.5.5 μνησάμενοι προτέρων ὁπόσων ἀπὸ θυμὸν ἴαψε ### book 1.10.1 θύων Ἰδαίοιο περὶ προχοῇσι Σκαμάνδρου, ### book 1.10.2 ἠδ’ 〈ὁπ〉όσους φεύγοντας ὑπὸ μέγα τεῖχος ὄλεσσεν, ### book 1.1 Ἕκτορά θ’ ὡς ἐδάμασσε καὶ ἀμφείρυσσε πόληι, ### book 1.2 ἄλλους θ’ οὓς ἐδάιξε δι’ ἀκαμάτοιο θαλάσσης, ### book 1.3 ὁππότε δὴ τὰ πρῶτα φέρεν Τρώεσσιν ὄλεθρον. ### book 1.15.1 Τῶν οἵ γε μνησθέντες ἀνὰ πτολίεθρον ἔμιμνον· ### book 1.15.2 ἀμφὶ δ’ ἄρά σφισι πένθος ἀνιηρὸν πεπότητο ### book 1.15.3 ὡς ἤδη στονόεντι καταιθομένης πυρὶ Τροίης. ### book 1.15.4 Καὶ τότε Θερμώδοντος ἀπ’ εὐρυπόροιο ῥεέθρων ### book 1.15.5 ἤλυθε Πενθεσίλεια θεῶν ἐπιειμένη εἶδος, ### book 1.20.1 ἄμφω καὶ στονόεντος ἐελδομένη πολέμοιο ### book 1.20.2 καὶ μέγ’ ἀλευομένη στυγερὴν καὶ ἀεικέα φήμην, ### book 1.20.3 μή τις ἑὸν κατὰ δῆμον ἐλεγχείῃσι χαλέψῃ ### book 1.20.4 ἀμφὶ κασιγνήτης, ἧς εἵνεκα πένθος ἄεξεν, ### book 1.20.5 Ἱππολύτης· τὴν γάρ ῥα κατέκτανε δουρὶ κραταιῷ, ### book 1.25.1 οὐ μὲν δή τι ἑκοῦσα, τιτυσκομένη δ’ ἐλάφοιο· ### book 1.25.2 τοὔνεκ’ ἄρα Τροίης ἐρικυδέος ἵκετο γαῖαν. ### book 1.25.3 Πρὸς δ’ ἔτι οἱ τόδε θυμὸς ἀρήιος ὁρμαίνεσκεν, ### book 1.25.4 ὄφρα καθηραμένη πέρι λύματα λυγρὰ φόνοιο ### book 1.25.5 σμερδαλέας θυέεσσιν Ἐριννύας ἱλάσσηται, ### book 1.30.1 αἵ οἱ ἀδελφειῆς κεχολωμέναι αὐτίχ’ ἕποντο ### book 1.30.2 ἄφραστοι· κεῖναι γὰρ ἀεὶ περὶ ποσσὶν ἀλιτρῶν ### book 1.30.3 στρωφῶντ’, οὐδέ τι ἔστι θεὰς ἀλιτόνθ’ ὑπαλύξαι. ### book 1.30.4 Σὺν δέ οἱ ἄλλαι ἕποντο δυώδεκα, πᾶσαι ἀγαυαί, ### book 1.30.5 πᾶσαι ἐελδόμεναι πόλεμον καὶ ἀεικέα χάρμην, ### book 1.35.1 αἵ οἱ δμωίδες ἔσκον ἀγακλειταί περ ἐοῦσαι· ### book 1.35.2 ἀλλ’ ἄρα πασάων μέγ’ ὑπείρεχε Πενθεσίλεια. ### book 1.1 Ὡς δ’ ὅτ’ ἀν’ οὐρανὸν εὐρὺν ἐν ἄστρασι δῖα σελήνη ### book 1.2 ἐκπρέπει ἐν πάντεσσιν ἀριζήλη γεγαυῖα, ### book 1.3 αἰθέρος ἀμφιραγέντος ὑπὸ νεφέων ἐριδούπων, ### book 1.40.1 εὖτ’ ἀνέμων εὕδῃσι μένος μέγα λάβρον ἀέντων· ### book 1.40.2 ὣς ἥ γ’ ἐν πάσῃσι μετέπρεπεν ἐσσυμένῃσιν. ### book 1.40.3 Ἔνθ’ ἄρ’ ἔην Κλονίη Πολεμοῦσά τε Δηρινόη τε ### book 1.40.4 Εὐά〈ν〉δρη τε καὶ Ἀντάνδρη καὶ δῖα Βρέμουσα ### book 1.40.5 ἠδὲ καὶ Ἱπποθόη, μετὰ δ’ Ἁρμοθόη κυανῶπις ### book 1.45.1 Ἀλκιβίη τε καὶ Ἀντιβρότη καὶ Δηριμάχεια, ### book 1.45.2 τῇς δ’ ἐπὶ Θερμώδοσσα μέγ’ ἔγχεϊ κυδιόωσα· ### book 1.45.3 τόσσαι ἄρ’ ἀμφὶς ἕποντο δαΐφρονι Πενθεσιλείῃ. ### book 1.45.4 Οἵη δ’ ἀκαμάτοιο κατέρχεται Οὐλύμποιο ### book 1.45.5 Ἠὼς μαρμαρέοισιν ἀγαλλομένη φρένας ἵπποις ### book 1.1 Ὡράων μετ’ ἐυπλοκάμων, μετὰ δέ σφισι πάσαις ### book 1.2 ἐκπρέπει ἀγλαὸν εἶδος ἀμωμήτοις περ ἐούσαις· ### book 1.3 τοίη Πενθεσίλεια μόλεν ποτὶ Τρώιον ἄστυ ### book 1.4 ἔξοχος ἐν πάσῃσιν Ἀμαζόσιν. Ἀμφὶ δὲ Τρῶες ### book 1.5 πάντοθεν ἐσσύμενοι μέγ’ ἐθάμβεον, εὖτ’ ἐσίδοντο ### book 1.55.1 Ἄρεος ἀκαμάτοιο βαθυκνήμιδα θύγατρα ### book 1.55.2 εἰδομένην μακάρεσσιν, ἐπεί ῥά οἱ ἀμφὶ προσώπῳ ### book 1.55.3 ἄμφω σμερδαλέον τε καὶ ἀγλαὸν εἶδος ὀρώρει, ### book 1.55.4 μειδίαεν 〈δ’〉 ἐρατεινόν, ὑπ’ ὀφρύσι δ’ ἱμερόεντες ### book 1.55.5 ὀφθαλμοὶ μάρμαιρον ἀλίγκιον ἀκτίνεσσιν, ### book 1.60.1 αἰδὼς δ’ ἀμφερύθηνε παρήια, τῶν δ’ ἐφύπερθε ### book 1.60.2 θεσπεσίη ἐπέκειτο χάρις καταειμένη ἀλκήν. ### book 1.60.3 Λαοὶ δ’ ἀμφεγάνυντο καὶ ἀχνύμενοι τὸ πάροιθεν· ### book 1.60.4 ὡς δ’ ὁπότ’ ἀθρήσαντες ἀπ’ οὔρεος ἀγροιῶται ### book 1.60.5 Ἶριν ἀνεγρομένην ἐξ εὐρυπόροιο θαλάσσης, ### book 1.65.1 ὄμβρου ὅτ’ ἰσχανόωσι θεουδέος, ὁππότ’ ἀλωαὶ ### book 1.65.2 ἤδη ἀπαυαίνονται ἐελδόμεναι Διὸς ὕδωρ, ### book 1.65.3 ὀψὲ δ’ ὑπηχλύνθη μέγας οὐρανός, οἳ δ’ ἐσιδόντες ### book 1.65.4 ἐσθλὸν σῆμ’ ἀνέμοιο καὶ ὑετοῦ ἐγγὺς ἐόντος ### book 1.65.5 χαίρουσι〈ν〉, τὸ πάροιθεν ἐπιστενάχοντες ἀρούραις· ### book 1.70.1 ὣς ἄρα Τρώιοι υἷες, ὅτ’ ἔδρακον ἔνδοθι πάτρης ### book 1.70.2 δεινὴν Πενθεσίλειαν ἐπὶ πτόλεμον μεμαυῖαν, ### book 1.70.3 γήθεον· ἐλπωρὴ γὰρ ὅτ’ ἐς φρένας ἀνδρὸς ἵκηται ### book 1.70.4 ἀμφ’ ἀγαθοῦ, στονόεσσαν ἀμαλδύνει κακότητα. ### book 1.70.5 Τοὔνεκα καὶ Πριάμοιο νόος πολέα στενάχοντος ### book 1.75.1 καὶ μέγ’ ἀκηχεμένοιο περὶ φρεσὶ τυτθὸν ἰάνθη. ### book 1.75.2 Ὡς δ’ ὅτ’ ἀνὴρ ἀλαοῖσιν ἐπ’ ὄμμασι πολλὰ μογήσας ### book 1.75.3 ἱμείρων ἰδέειν ἱερὸν φάος ἢ θανέεσθαι ### book 1.75.4 ἢ πόνῳ ἰητῆρος ἀμύμονος ἠὲ θεοῖο ### book 1.75.5 ὄμματ’ ἀπαχλύσαντος ἴδῃ φάος ἠριγενείης, ### book 1.80.1 οὐ μὲν ὅσον τὸ πάροιθεν, ὅμως δ’ ἄρα βαιὸν ἰάνθη ### book 1.80.2 πολλῆς ἐκ κακότητος, ἔχει δ’ ἔτι πήματος ἄλγος ### book 1.80.3 αἰνὸν ὑπὸ βλεφάροισι λελειμμένον· ὣς ἄρα δεινὴν ### book 1.80.4 υἱὸς Λαομέδοντος ἐσέδρακε Πενθεσίλειαν· ### book 1.80.5 παῦρον μὲν γήθησε, τὸ δὲ πλέον εἰσέτι παίδων ### book 1.85.1 ἄχνυτ’ ἀποκταμένων. Ἄγε δ’ εἰς ἑὰ δώματ’ ἄνασσαν, ### book 1.85.2 καί μιν προφρονέως τίεν ἔμπεδον, εὖτε θύγατρα ### book 1.85.3 τηλόθε νοστήσασαν ἐεικοστῷ λυκάβαντι, ### book 1.85.4 καί οἱ δόρπον ἔτευξε πανείδατον, οἷον ἔδουσι ### book 1.85.5 κυδάλιμοι βασιλῆες, ὅτ’ ἔθνεα δῃώσαντες ### book 1.90.1 δαίνυντ’ ἐν θαλίῃσιν ἀγαλλόμενοι περὶ νίκης. ### book 1.90.2 Δῶρα δέ οἱ πόρε καλὰ καὶ ὄλβια, πολλὰ δ’ ὑπέστη ### book 1.90.3 δωσέμεν, ἢν Τρώεσσι δαϊζομένοις ἐπαμύνῃ. ### book 1.90.4 Ἣ δ’ ἄρ’ ὑπέσχετο ἔργον ὃ οὔ ποτε θνητὸς ἐώλπει, ### book 1.90.5 δῃώσειν Ἀχιλῆα καὶ εὐρέα λαὸν ὀλέσσειν ### book 1.95.1 Ἀργείων, νῆας δὲ πυρὸς καθύπερθε βαλέσθαι, ### book 1.95.2 νηπίη· οὐδέ τι ᾔδη ἐυμμελίην Ἀχιλῆα, ### book 1.95.3 ὅσσον ὑπέρτατος ἦεν ἐνὶ φθισήνορι χάρμῃ. ### book 1.95.4 Τῆς δ’ ὡς οὖν ἐπάκουσεν ἐὺς πάις Ἠετίωνος ### book 1.95.5 Ἀνδρομάχη, μάλα τοῖα 〈φίλῳ〉 προσελέξατο θυμῷ· ### book 1.1 «Ἆ δειλή, τί νυ τόσσα μέγα φρονέους’ ἀγορεύεις; ### book 1.2 Οὐ γάρ τοι σθένος ἐστὶν ἀταρβέι Πηλείωνι ### book 1.3 μάρνασθ’, ἀλλὰ σοὶ ὦκα φόνον καὶ λοιγὸν ἐφήσει. ### book 1.4 Λευγαλέη, τί μέμηνας ἀνὰ φρένας; Ἦ νύ τοι ἄγχι ### book 1.5 ἕστηκε〈ν〉 Θανάτοιο τέλος καὶ Δαίμονος Αἶσα. ### book 1.105.1 Ἕκτωρ γὰρ σέο πολλὸν ὑπέρτερος ἔπλετο δουρί· ### book 1.105.2 ἀλλ’ ἐδάμη κρατερός περ ἐών, μέγα δ’ ἤκαχε Τρῶας ### book 1.105.3 οἵ ἑ θεὸν ὣς πάντες ἀνὰ πτόλιν εἰσορόωντο· ### book 1.105.4 καί μοι ἔην μέγα κῦδος ἰδ’ ἀντιθέοις τοκέεσσι ### book 1.105.5 ζωὸς ἐών. Ὡς εἴ με χυτὴ κατὰ γαῖα κεκεύθει, ### book 1.110.1 πρίν σφε δι’ ἀνθερεῶνος ὑπ’ ἔγχεϊ θυμὸν ὀλέσσαι. ### book 1.110.2 Νῦν δ’ ἄρ’ ἀάσπετον ἄλγος ὀιζυρῶς ἐσάθρησα, ### book 1.110.3 κεῖνον ὅτ’ ἀμφὶ πόληα ποδώκεες εἴρυον ἵπποι ### book 1.110.4 ἀργαλέως Ἀχιλῆος, ὅ μ’ ἀνέρος εὖνιν ἔθηκε ### book 1.110.5 κουριδίου, τό μοι αἰνὸν ἄχος πέλει ἤματα πάντα.» ### book 1.115 Ὣς φάθ’ ἑὸν κατὰ θυμὸν ἐύσφυρος Ἠετιώνη ### book 1.1 μνησαμένη πόσιος· μάλα γὰρ μέγα πένθος ἀέξει ### book 1.2 ἀνδρὸς ἀποφθιμένοιο σαόφροσι θηλυτέρῃσιν. ### book 1.3 Ἠέλιος δὲ θοῇσιν ἑλισσόμενος περὶ δίνῃς ### book 1.4 δύσετ’ ἐς Ὠκεανοῖο βαθὺν ῥόον, ἤνυτο δ’ ἠώς. ### book 1.120.1 Καί ῥ’ ὅτε δὴ παύσαντο ποτοῦ δαιτός 〈τ’〉 ἐρατεινῆς, ### book 1.120.2 δὴ τότε που δμωαὶ στόρεσαν θυμήρεα λέκτρα ### book 1.120.3 ἐν Πριάμοιο δόμοισι θρασύφρονι Πενθεσιλείῃ. ### book 1.120.4 Ἣ δὲ κιοῦς’ εὕδεσκεν, ὕπνος δέ οἱ ὄσς’ ἐκάλυψε ### book 1.120.5 νήδυμος ἀμφιπεσών. Μόλε δ’ αἰθέρος ἐξ ὑπάτοιο ### book 1.125.1 Παλλάδος ἐννεσίῃσι μένος δολόεντος Ὀνείρου, ### book 1.125.2 ὅππως μιν λεύσσουσα κακὸν Τρώεσσι γένηται ### book 1.125.3 οἷ τ’ αὐτῇ, μεμαυῖα ποτὶ πτολέμοιο φάλαγγας. ### book 1.125.4 Καὶ τὰ μὲν ὣς ὥρμαινε δαΐφρων Τριτογένεια· ### book 1.125.5 τῇ δ’ ἄρα λυγρὸς Ὄνειρος ἐφίστατο πατρὶ ἐοικώς, ### book 1.130.1 καί μιν ἐποτρύνεσκε ποδάρκεος ἄντ’ Ἀχιλῆος ### book 1.130.2 θαρσαλέως μάρνασθαι ἐναντίον. Ἣ δ’ ἀίουσα ### book 1.130.3 γήθεεν ἐν φρεσὶ πάμπαν· ὀίσατο γὰρ μέγα ἔργον ### book 1.130.4 ἐκτελέειν αὐτῆμαρ ἀνὰ μόθον ὀκρυόεντα, ### book 1.130.5 νηπίη, ἥ ῥ’ ἐπίθησεν ὀιζυρῷ περ Ὀνείρῳ ### book 1.135.1 ἑσπερίῳ, ὃς φῦλα πολυτλήτων ἀνθρώπων ### book 1.135.2 θέλγει ἐνὶ λεχέεσσιν ἄδην ἐπικέρτομα βάζων, ### book 1.135.3 ὅς μιν ἄρ’ ἐξαπάφησεν ἐποτρύνων πονέεσθαι. ### book 1.135.4 Ἀλλ’ ὅτε δή ῥ’ ἐπόρουσε ῥοδόσφυρος Ἠριγένεια, ### book 1.135.5 δὴ τότε Πενθεσίλεια μέγ’ ἐνθεμένη φρεσὶ κάρτος ### book 1.140.1 ἐξ εὐνῆς ἀνέπαλτο καὶ ἀμφ’ ὤμοισιν ἔδυνε ### book 1.140.2 τεύχεα δαιδαλόεντα, τά οἱ θεὸς ὤπασεν Ἄρης. ### book 1.1 Πρῶτα μὲν ἂρ κνήμῃσιν ἐπ’ ἀργυφέῃσιν ἔθηκε ### book 1.2 κνημῖδας χρυσέας αἵ οἱ ἔσαν εὖ ἀραρυῖαι· ### book 1.3 ἕσσατο δ’ αὖ θώρηκα παναίολον· ἀμφὶ δ’ ἄρ’ ὤμοις ### book 1.145.1 θήκατο κυδιόωσα μέγα ξίφος ᾧ περὶ πάντῃ ### book 1.145.2 κουλεὸς εὖ ἤσκητο δι’ ἀργύρου ἠδ’ ἐλέφαντος· ### book 1.145.3 ἂν δ’ ἔθετ’ ἀσπίδα δῖαν ἀλίγκιον ἄντυγι μήνης, ### book 1.145.4 ἥ θ’ ὑπὲρ Ὠκεανοῖο βαθυρρόου ἀντέλλῃσιν ### book 1.145.5 ἥμισυ πεπληθυῖα περιγνάμπτοισι κεραίῃς· ### book 1.1 τοίη μαρμαίρεσκεν 〈ἀ〉άσπετον· ἀμφὶ δὲ κρατὶ ### book 1.2 θῆκε κόρυν κομόωσαν ἐθείρῃσι〈ν〉 χρυσέῃσιν. ### book 1.3 Ὣς ἣ μὲν μορόεντα περὶ χροῒ θήκατο τεύχη· ### book 1.4 ἀστεροπῇ δ’ ἀτάλαντος ἐείδετο, τὴν ἀπ’ Ὀλύμπου ### book 1.5 ἐς γαῖαν προΐησι Διὸς μένος ἀκαμάτοιο ### book 1.155.1 δεικνὺς ἀνθρώποισι μένος βαρυηχέος ὄμβρου ### book 1.155.2 ἠὲ πολυρροίζων ἀνέμων ἄλληκτον ἰωήν. ### book 1.155.3 Αὐτίκα δ’ ἐγκονέουσα δι’ ἐκ μεγάροιο νέεσθαι ### book 1.155.4 δοιοὺς εἵλετ’ ἄκοντας ὑπ’ ἀσπίδα, δεξιτερῇ δὲ ### book 1.155.5 ἀμφίτυπον βουπλῆγα τόν οἱ Ἔρις ὤπασε δεινὴ ### book 1.160.1 θυμοβόρου πολέμοιο πελώριον ἔμμεναι ἄλκαρ. ### book 1.160.2 Τῷ ἐπικαγχαλόωσα τάχ’ ἤλυθεν ἔκτοθι πύργων ### book 1.160.3 Τρῶας ἐποτρύνουσα μάχην ἐς κυδιάνειραν ### book 1.160.4 ἐλθέμεναι· 〈τ〉οὶ δ’ ὦκα συναγρόμενοι πεπίθοντο ### book 1.160.5 ἄνδρες ἀριστῆες, καί περ πάρος οὐκ ἐθέλοντες ### book 1.165.1 στήμεναι ἄντ’ Ἀχιλῆος· ὃ γὰρ περιδάμνατο πάντας. ### book 1.165.2 Ἣ δ’ ἄρα κυδιάασκεν ἀάσχετον· ἕζετο δ’ ἵππῳ ### book 1.1 καλῷ τ’ ὠκυτάτῳ τε τόν οἱ ἄλοχος Βορέαο ### book 1.2 ὤπασεν Ὠρείθυια πάρος Θρῄκην δὲ κιούσῃ ### book 1.3 ξείνιον, ὅς τε θοῇσι μετέπρεπεν Ἁρπυίῃσι· ### book 1.170.1 τῷ ῥα τόθ’ ἑζομένη λίπεν ἄστεος αἰπὰ μέλαθρα ### book 1.170.2 ἐσθλὴ Πενθεσίλεια· λυγραὶ δέ μιν ὀτρύνεσκον ### book 1.170.3 Κῆρες ὁμῶς πρώτην τε καὶ ὑστατίην ἐπὶ δῆριν ### book 1.170.4 ἐλθέμεν. Ἀμφὶ δὲ Τρῶες ἀνοστήτοισι πόδεσσι ### book 1.170.5 πολλοὶ ἕποντ’ ἐπὶ δῆριν ἀναιδέα τλήμονι κούρῃ ### book 1.175.1 ἰλαδόν, ἠύτε μῆλα μετὰ κτίλον, ὅς θ’ ἅμα πάντων ### book 1.175.2 νισομένων προθέῃσι δαημοσύνῃσι νομῆος· ### book 1.175.3 ὣς ἄρα τῇ γ’ ἐφέποντο βίῃ μέγα μαιμώωντες ### book 1.175.4 Τρῶες ἐυσθενέες καὶ Ἀμαζόνες ὀβριμόθυμοι. ### book 1.175.5 Ἣ δ’ οἵη Τριτωνίς, ὅτ’ ἤλυθεν ἄντα Γιγάντων, ### book 1.180.1 ἢ Ἔρις ἐγρεκύδοιμος ἀνὰ στρατὸν ἀίσσουσα, ### book 1.180.2 τοίη ἐνὶ Τρώεσσι θοὴ πέλε Πενθεσίλεια. ### book 1.180.3 Καὶ τότε δὴ Κρονίωνι πολυτλήτους ἀναείρας ### book 1.180.4 χεῖρας Λαομέδοντος ἐὺς γόνος ἀφνειοῖο ### book 1.180.5 εὔχετ’ ἐς ἱερὸν ἠὺ τετραμμένος Ἰδαίοιο ### book 1.185.1 Ζηνὸς ὃς Ἴλιον αἰὲν ἑοῖς ἐπιδέρκεται ὄσσοις· ### book 1.185.2 «Κλῦθι, πάτερ, καὶ λαὸν Ἀχαι〈ι〉κὸν ἤματι τῷδε ### book 1.185.3 δὸς πεσέειν ὑπὸ χερσὶν Ἀρηι〈ά〉δος βασιλείης, ### book 1.185.4 καὶ δή μιν παλίνορσον ἐμὸν ποτὶ δῶμα σάωσον ### book 1.185.5 ἁζόμενος τεὸν υἷα πελώριον ὄβριμον Ἄρην ### book 1.190.1 αὐτήν θ’, οὕνεκ’ ἔοικεν ἐπουρανίῃσι θεῇσιν ### book 1.190.2 ἐκπάγλως καὶ σεῖο θεοῦ γένος ἐστὶ γενέθλης. ### book 1.1 Αἴδεσσαι δ’ ἐμὸν ἦτορ, ἐπεὶ κακὰ πολλὰ τέτληκα ### book 1.2 παίδων ὀλλυμένων οὕς μοι περὶ Κῆρες ἔμαρψαν ### book 1.3 Ἀργείων παλάμῃσι κατὰ στόμα δηιοτῆτος· ### book 1.195.1 αἴδεο δ’, 〈ἕ〉ως ἔτι παῦροι ἀφ’ αἵματός εἰμεν ἀγαυοῦ ### book 1.195.2 Δαρδάνου, 〈ἕ〉ως ἀδάικτος ἔτι πτόλις, ὄφρα καὶ ἡμεῖς ### book 1.195.3 ἐκ φόνου ἀργαλέοιο καὶ Ἄρεος ἀμπνεύσωμεν.» ### book 1.195.4 Ἦ ῥα μέγ’ εὐχόμενος. Τῷ δ’ αἰετὸς ὀξὺ κεκληγὼς ### book 1.195.5 ἤδη ἀποπνείουσαν ἔχων ὀνύχεσσι πέλειαν ### book 1.1 ἐσσυμένως οἴμησεν ἀριστερός· ἀμφὶ δὲ θυμῷ ### book 1.2 τάρβησε〈ν〉 Πριάμοιο νόος, φάτο δ’ οὐκέτ’ ἀθρήσειν ### book 1.3 ζωὴν Πενθεσίλειαν ἀπὸ πτολέμοιο κιοῦσαν. ### book 1.4 Καὶ τὸ μὲν ὣς ἤμελλον ἐτήτυμον ἤματι κείνῳ ### book 1.5 Κῆρες ὑπεκτελέειν· ὃ δ’ ἄρ’ ἄχνυτο θυμὸν ἐαγώς. ### book 1.205.1 Ἀργεῖοι δ’ ἀπάνευθεν ἐθάμβεον, εὖτ’ ἐσίδοντο ### book 1.205.2 Τρῶας ἐπεσσυμένους καὶ Ἀρηίδα Πενθεσίλειαν, ### book 1.205.3 τοὺς μὲν δὴ θήρεσσιν ἐοικότας, οἵ τ’ ἐν ὄρεσσι ### book 1.205.4 ποίμνῃς εἰροπόκοισι φόνον στονόεντα φέρουσι, ### book 1.205.5 τὴν δὲ πυρὸς ῥιπῇ ἐναλίγκιον, ἥ τ’ ἐπὶ θάμνοις ### book 1.210.1 μαίνεται ἀζαλέοισιν ἐπειγομένου ἀνέμοιο. ### book 1.210.2 Καί τις ἅμ’ ἀγρομένοισιν ἔπος ποτὶ τοῖον ἔειπε· ### book 1.210.3 «Τίς δὴ Τρῶας ἄγειρε μεθ’ Ἕκτορα δῃωθέντα, ### book 1.210.4 οὓς φάμεν οὐκέτι νῶιν ὑπαντιάσειν μεμαῶτας; ### book 1.210.5 Νῦν δ’ ἄφαρ ἀίσσουσι λιλαιόμενοι μέγα χάρμης. ### book 1.215.1 Καί νύ τις ἐν μέσσοισιν ἐποτρύνει πονέεσθαι· ### book 1.215.2 φαίης κεν θεὸν ἔμμεν, ἐπεὶ μέγα μήδεται ἔργον. ### book 1.1 Ἀλλ’ ἄγε, θάρσος ἄατον ἐνὶ στέρνοισι βαλόντες ### book 1.2 ἀλκῆς μνησώμεσθα δαΐφρονος· οὐδὲ γὰρ ἡμεῖς ### book 1.3 νόσφι θεῶν Τρώεσσι μαχησόμεθ’ ἤματι τῷδε.» ### book 1.220.1 Ὣς φάτο· τοὶ δὲ φαεινὰ περὶ σφίσι τεύχεα θέντες ### book 1.220.2 νηῶν ἐξεχέοντο μένος καταειμένοι ὤμοις. ### book 1.220.3 Σὺν δ’ ἔβαλον θήρεσσιν ἐοικότες ὠμοβόροισι ### book 1.220.4 δῆριν ἐς αἱματόεσσαν, ὁμοῦ δ’ ἔχον ἔντεα καλά, ### book 1.220.5 ἔγχεα καὶ θώρηκας ἐυσθενέας τε βοείας ### book 1.225.1 καὶ κόρυθας βριαράς· ἕτερος δ’ ἑτέρου χρόα χαλκῷ ### book 1.225.2 τύπτον ἀνηλεγέως, τὸ δ’ ἐρεύθετο Τρώιον οὖδας. ### book 1.225.3 Ἔνθ’ ἕλε Πενθεσίλεια Μολίονα Περσίνοόν τε ### book 1.225.4 Εἴλισσόν τε καὶ Ἀντίθεον καὶ ἀγήνορα Λέρνον ### book 1.225.5 Ἵππαλμόν τε καὶ Αἱμονίδην κρατερόν τ’ Ἐλάσιππον. ### book 1.230.1 Δηρινόη δ’ ἕλε Λαογόνον, Κλονίη δὲ Μένιππον ### book 1.230.2 ὅς ῥα πάρος Φυλάκηθεν ἐφέσπετο Πρωτεσιλάῳ, ### book 1.230.3 ὅππως κεν Τρώεσσιν ἐυσθενέεσσι μάχοιτο. ### book 1.230.4 Τοῦ δ’ ἄρ’ ἀποφθιμένοιο Ποδάρκεϊ θυμὸς ὀρίνθη ### book 1.230.5 Ἰφικληιάδῃ· τὸν γὰρ μέγα φίλαθ’ ἑταίρων. ### book 1.235.1 Αἶψα δ’ ὅ γ’ ἀντιθέην Κλονίην βάλε· τῆς δὲ διὰ πρὸ ### book 1.235.2 ἦλθε δόρυ στιβαρὸν κατὰ νηδύος, ἐκ δέ οἱ ὦκα ### book 1.235.3 δουρὶ χύθη μέλαν αἷμα, συνέσπετο δ’ ἔγκατα πάντα. ### book 1.235.4 Τῆς δ’ ἄρα Πενθεσίλεια χολώσατο, καί ῥα Ποδάρκεα ### book 1.235.5 οὔτασεν ἐς μυῶνα παχὺν περιμήκεϊ δουρὶ ### book 1.240 χειρὸς δεξιτερῆς, διὰ δὲ φλέβας αἱματοέσσας ### book 1.1 κέρσε, μέλαν δέ οἱ αἷμα δι’ ἕλκεος οὐταμένοιο ### book 1.2 ἔβλυσεν ἐσσυμένως· ὃ δ’ ἄρα στενάχων ἀπόρουσεν ### book 1.3 εἰσοπίσω, μάλα γάρ οἱ ἐδάμνατο θυμὸν ἀνίη. ### book 1.4 Τοῦ δ’ ἄρ’ ἀπεσσυμένοιο ποθὴ Φυλάκεσσιν ἐτύχθη ### book 1.245.1 ἄσπετος· ὃ〈σ〉 δ’ ἄρα βαιὸν ἀπὸ πτολέμοιο λιασθεὶς ### book 1.245.2 κάτθανε καρπαλίμως σφετέρων ἐν χερσὶν ἑταίρων. ### book 1.245.3 Ἰδομενεὺς δὲ Βρέμουσαν ἐνήρατο δούρατι μακρῷ ### book 1.245.4 δεξιτερὸν παρὰ μαζόν, ἄφαρ δέ οἱ ἦτορ ἔλυσεν. ### book 1.245.5 Ἣ δ’ ἔπεσεν μελίῃ ἐναλίγκιος, ἥν τ’ ἐν ὄρεσσι ### book 1.1 δουροτόμοι τέμνουσιν ὑπείροχον, ἣ δ’ ἀλεγεινὸν ### book 1.2 ῥοῖζον ὁμῶς καὶ δοῦπον ἐρειπομένη προΐησιν· ### book 1.3 ὣς ἣ ἀνοιμώξασα πέσεν, τῆς δ’ ἅψεα πάντα ### book 1.4 λῦσε μόρος, ψυχὴ δ’ ἐμίγη πολυαέσιν αὔραις. ### book 1.5 Εὐάνδρην δ’ ἄρα Μηριόνης ἰδὲ Θερμώδοσσαν ### book 1.255.1 εἷλεν ἐπεσσυμένας ὀλοὴν ἀνὰ δηιοτῆτα, ### book 1.255.2 τῇ μὲν ἄρ’ ἐς κραδίην ἐλάσας δόρυ, τῇ δ’ ὑπὸ νηδὺν ### book 1.255.3 φάσγανον ἐγχρίμψας· τὰς δ’ ἐσσυμένως λίπεν ἦτορ. ### book 1.255.4 Δηρινόην δ’ ἐδάμασσεν Ὀιλέος ὄβριμος υἱὸς ### book 1.255.5 ἔγχεϊ ὀκριόεντι διὰ κληῖδα τυχήσας. ### book 1.260.1 Ἀλκιβίης δ’ ἄρα Τυδείδης καὶ Δηριμαχείης ### book 1.260.2 ἄμφω κρᾶτ’ ἀπέκοψε σὺν αὐχέσιν ἄχρις ἐπ’ ὤμοις ### book 1.260.3 ἄορι λευγαλέῳ· ταὶ δ’ ἠύτε πόρτιες ἄμφω ### book 1.260.4 κάππεσον, ἅς τ’ αἰζηὸς ἄφαρ ψυχῆς ἀπαμέρσῃ ### book 1.260.5 κόψας αὐχενίους στιβαρῷ βουπλῆγι τένοντας· ### book 1.265 ὣς αἳ Τυδείδαο πέσον παλάμῃσι δαμεῖσαι ### book 1.1 Τρώων ἂμ πεδίον σφετέρων ἀπὸ νόσφι καρήνων. ### book 1.2 Τῇσι δ’ ἐπὶ Σθένελος κρατερὸν κατέπεφνε Κάβειρον ### book 1.3 ὃς κίεν ἐκ Σηστοῖο λιλαιόμενος πολεμίζειν ### book 1.4 Ἀργείοις, οὐδ’ αὖτις ἑὴν νοστήσατο πάτρην. ### book 1.270.1 Τοῦ δὲ Πάρις κραδίην ἐχολώσατο δῃωθέντος ### book 1.270.2 καί ῥ’ ἔβαλε Σθενέλοιο καταντίον· οὐδ’ ἄρα τόν γε ### book 1.270.3 οὔτασεν ἐλδόμενός περ, ἀπεπλάγχθη γὰρ ὀιστὸς ### book 1.270.4 ἄλλῃ, ὅπῃ μιν Κῆρες ἀμείλιχοι ἰθύνεσκον· ### book 1.270.5 κτεῖνε δ’ ἄρ’ ἐσσυμένως Εὐήνορα χαλκεομίτρην ### book 1.275.1 ὅς ῥ’ ἐκ Δουλιχίοιο κίεν Τρώεσσι μάχεσθαι. ### book 1.275.2 Τοῦ δ’ ἄρ’ ἀποφθιμένοιο πάις Φυλῆος ἀγαυοῦ ### book 1.275.3 ὠρίνθη· μάλα δ’ ὦκα, λέων ὣς πώεσι μήλων, ### book 1.275.4 ἔνθορε· τοὶ δ’ ἅμα πάντες ὑπέτρεσαν ὄβριμον ἄνδρα. ### book 1.275.5 Κτεῖνε γὰρ Ἰτυμονῆα καὶ Ἱππασίδην Ἀγέλαον ### book 1.280.1 οἵ ῥ’ ἀπὸ Μιλήτοιο φέρον Δαναοῖσιν ὁμοκλὴν ### book 1.280.2 Νάστῃ ὑπ’ ἀντιθέῳ καὶ ὑπ’ Ἀμφιμάχῳ μεγαθύμῳ, ### book 1.280.3 οἳ Μυκάλην ἐνέμοντο Λάτμοιό τε λευκὰ κάρηνα ### book 1.280.4 Βράγχου τ’ ἄγκεα μακρὰ καὶ ἠιόεντα Πάνορμον ### book 1.280.5 Μαιάνδρου τε ῥέεθρα βαθυρρόου, ὅς ῥ’ ἐπὶ γαῖαν ### book 1.285.1 Καρῶν ἀμπελόεσσαν ἀπὸ Φρυγίης πολυμήλου ### book 1.285.2 εἶσι πολυγνάμπτοισιν ἑλισσόμενος προχοῇσι. ### book 1.285.3 Καὶ τοὺς μὲν κατέπεφνε Μέγης ἐν δηιοτῆτι· ### book 1.285.4 ἄλλους δ’ αὖτ’ ἐδάμασσεν ὅσους κίχε δουρὶ κελαινῷ· ### book 1.285.5 ἐν γάρ οἱ στέρνοισι θράσος βάλε Τριτογένεια, ### book 1.290.1 ὄφρά κε δυσμενέεσσιν ὀλέθριον ἦμαρ ἐφείη. ### book 1.290.2 Δρησαῖον δ’ ἐδάμασσεν ἀρηίφιλος Πολυποίτης ### book 1.290.3 τὸν τέκε δῖα Νέαιρα περίφρονι Θειοδάμαντι ### book 1.290.4 μιχθεῖς’ ἐν λεχέεσσιν ὑπαὶ Σιπύλῳ νιφόεντι, ### book 1.290.5 ἧχι θεοὶ Νιόβην λᾶαν θέσαν, ἧς ἔτι δάκρυ ### book 1.295.1 πουλὺ μάλα στυφελῆς καταλείβεται ὑψόθε πέτρης, ### book 1.295.2 καί οἱ συστοναχοῦσι ῥοαὶ πολυηχέος Ἕρμου ### book 1.295.3 καὶ κορυφαὶ Σιπύλου περιμήκεες ὧν καθύπερθεν ### book 1.295.4 ἐχθρὴ μηλονόμοισιν ἀεὶ περιπέπτατ’ ὀμίχλη· ### book 1.295.5 ἣ δὲ πέλει μέγα θαῦμα παρεσσυμένοισι βροτοῖσιν, ### book 1.1 οὕνεκ’ ἔοικε γυναικὶ πολυστόνῳ ἥ τ’ ἐπὶ λυγρῷ ### book 1.2 πένθεϊ μυρομένη μάλα μυρία δάκρυα χεύει· ### book 1.3 καὶ τὸ μὲν ἀτρεκέως φῂς ἔμμεναι, ὁππότ’ ἄρ’ αὐτὴν ### book 1.4 τηλόθεν ἀθρήσειας· ἐπὴν δέ οἱ ἐγγὺς ἵκηαι, ### book 1.5 φαίνεται αἰπήεσσα πέτρη Σιπύλοιό τ’ ἀπορρώξ. ### book 1.305.1 Ἀλλ’ ἣ μὲν μακάρων ὀλοὸν χόλον ἐκτελέουσα ### book 1.305.2 μύρεται ἐν πέτρῃσιν ἔτ’ ἀχνυμένῃ εἰκυῖα. ### book 1.305.3 Ἄλλοι δ’ ἀμφ’ ἄλλοισι φόνον καὶ κῆρ’ ἐτίθεντο ### book 1.305.4 ἀργαλέον. Δεινὸς γὰρ ἐνεστρωφᾶτο Κυδοιμὸς ### book 1.305.5 λαοῖς ἐν μέσσοισιν· ἀταρτηρὸν δέ οἱ ἄγχι ### book 1.310.1 εἱστήκει Θανάτοιο τέλος· περὶ δέ σφισι Κῆρες ### book 1.310.2 λευγαλέαι στρωφῶντο φόνον στονόεντα φέρουσαι. ### book 1.310.3 Πολλῶν δ’ ἐν κονίῃσι λύθη κέαρ ἤματι κείνῳ ### book 1.310.4 Τρώων τ’ Ἀργείων τε, πολὺς δ’ ἀλαλητὸς ὀρώρει. ### book 1.310.5 Οὐ γάρ πως ἀπέληγε μένος μέγα Πενθεσιλείης, ### book 1.315.1 ἀλλ’ ὥς τίς τε βόεσσι κατ’ οὔρεα μακρὰ λέαινα ### book 1.315.2 ἐνθόρῃ ἀίξασα βαθυσκοπέλου διὰ βήσσης ### book 1.315.3 αἵματος ἱμείρουσα, τό οἱ μάλα θυμὸν ἰαίνει· ### book 1.315.4 ὣς τῆμος Δαναοῖσιν Ἀρηιὰς ἔνθορε κούρη. ### book 1 Οἳ δ’ ὀπίσω χάζοντο τεθηπότα θυμὸν ἔχοντες· ### book 1.320.1 ἣ δ’ ἕπετ’ ἠύτε κῦμα βαρυγδούποιο θαλάσσης ### book 1.320.2 νήεσιν ὠκείῃσιν, ὅθ’ ἱστία λευκὰ πετάσσῃ ### book 1.320.3 οὖρος ἐπειγόμενος, βοόωσι δὲ πάντοθεν ἄκραι ### book 1.320.4 πόντου ἐρευγομένοιο ποτὶ χθονὸς ᾐόνα μακρήν. ### book 1.320.5 Ὣς ἥ γ’ ἑσπομένη Δαναῶν ἐδάιζε φάλαγγας· ### book 1.325.1 καί σφιν ἐπηπείλησε μέγα φρεσὶ κυδιόωσα· ### book 1.325.2 «Ὦ κύνες, ὡς Πριάμοιο κακὴν ἀποτίσετε λώβην ### book 1.325.3 σήμερον. Οὐ γάρ πώ τις ἐμὸν σθένος ἐξυπαλύξας ### book 1.325.4 χάρμα φίλοις τοκέεσσι καὶ υἱάσιν ἠδ’ ἀλόχοισιν ### book 1.325.5 ἔσσεται· οἰωνοῖς δὲ βόσις καὶ θηρσὶ θανόντες ### book 1.330.1 κείσεσθ’, οὐδέ τι τύμβος ἐφ’ ὑμέας ἵξεται αἴης. ### book 1.330.2 Πῇ νῦν Τυδείδαο βίη, πῇ δ’ Αἰακίδαο, ### book 1.330.3 ποῦ δὲ καὶ Αἴαντος; Τοὺς γὰρ φάτις ἔμμεν ἀρίστους· ### book 1.330.4 ἀλλ’ ἐμοὶ οὐ τλήσονται ἐναντία δηριάασθαι, ### book 1.330.5 μή σφιν ἀπὸ μελέων ψυχὰς φθιμένοισι πελάσσω.» ### book 1.335.1 Ἦ ῥα καὶ Ἀργείοισι μέγα φρονέους’ ἐνόρουσε, ### book 1.335.2 Κηρὶ βίην εἰκυῖα. Πολὺν δ’ ὑπεδάμνατο λαόν, ### book 1.335.3 ἄλλοτε μὲν βουπλῆγι βαθυστόμῳ, ἄλλοτε δ’ αὖτε ### book 1.335.4 πάλλους’ ὀξὺν ἄκοντα· φέρεν δέ οἱ αἰόλος ἵππος ### book 1.335.5 ἰοδόκην καὶ τόξον ἀμείλιχον, εἴ που ἄρ’ αὐτῇ ### book 1.340.1 χρειὼ ἀν’ αἱματόεντα μόθον βελέων ἀλεγεινῶν ### book 1.340.2 καὶ τόξοιο πέλοιτο. Θοοὶ δέ οἱ ἄνδρες ἕποντο, ### book 1.340.3 Ἕκτορος ἀγχεμάχοιο κασίγνητοί τε φίλοι τε, ### book 1.340.4 ὄβριμον ἐν στέρνοισιν ἀναπνείοντες Ἄρηα, ### book 1.340.5 οἳ Δαναοὺς ἐδάιζον ἐυξέστῃς μελίῃσι. ### book 1.345.1 Τοὶ δὲ θοοῖς φύλλοισιν ἐοικότες ἢ ψεκάδεσσι ### book 1.345.2 πῖπτον ἐπασσύτεροι· μέγα δ’ ἔστενεν ἄσπετος αἶα ### book 1.345.3 αἵματι δευομένη νεκύεσσί τε πεπληθυῖα, ### book 1.345.4 ἵπποι δ’ ἀμφὶ βέλεσσι πεπαρμένοι ἢ μελίῃσιν ### book 1.345.5 ὑστάτιον χρεμέτιζον ἑὸν μένος ἐκπνείοντες. ### book 1.1 Οἳ δὲ κόνιν δραχμοῖσι δεδραγμένοι ἀσπαίρεσκον· ### book 1.2 τοὺς δ’ ἄρα Τρώιοι ἵπποι ἐπεσσύμενοι μετόπισθεν ### book 1.3 ἄντλον ὅπως στείβεσκον ὁμοῦ κταμένοισι πεσόντας. ### book 1.4 Καί τις ἐνὶ Τρώεσσιν ἀγάσσατο μακρὰ γεγηθώς, ### book 1.5 ὡς ἴδε Πενθεσίλειαν ἀνὰ στρατὸν ἀίσσουσαν ### book 1.355.1 λαίλαπι κυανέῃ ἐναλίγκιον, ἥ τ’ ἐνὶ πόντῳ ### book 1.355.2 μαίνεθ’, ὅτ’ Αἰγοκερῆι συνέρχεται ἠελίου ἴς· ### book 1.355.3 καί ῥ’ ὅ γε μαψιδίῃσιν ἐπ’ ἐλπωρῇσιν ἔειπεν· ### book 1.355.4 «Ὦ φίλοι, ὡς ἀναφανδὸν ἀπ’ οὐρανοῦ εἰλήλουθε ### book 1.355.5 σήμερον ἀθανάτων τις, ἵν’ Ἀργείοισι μάχηται ### book 1.360.1 ἡμῖν ἦρα φέρουσα Διὸς κρατερόφρονι βουλῇ, ### book 1.360.2 ὃς τάχα που μέμνηται ἐυσθενέος Πριάμοιο ### book 1.360.3 ὅς ῥά οἱ εὔχεται εἶναι ἀφ’ αἵματος ἀθανάτοιο. ### book 1.360.4 Οὐ γὰρ τήνδε γυναῖκά γ’ ὀίομαι εἰσοράασθαι ### book 1.360.5 αὕτως θαρσαλέην τε καὶ ἀγλαὰ τεύχε’ ἔχουσαν, ### book 1.365.1 ἀλλ’ ἄρ’ Ἀθηναίην ἢ καρτερόθυμον Ἐνυὼ ### book 1.365.2 ἢ Ἔριν ἠ〈ὲ〉 κλυτὴν Λητωίδα· καί μιν ὀίω ### book 1.365.3 σήμερον Ἀργείοισι φόνον στονόεντα βαλέσθαι ### book 1.365.4 νῆάς τ’ ἐμπρήσειν ὀλοῷ πυρί, τῇσι πάροιθεν ### book 1.365.5 ἤλυθον ἐς Τροίην νῶιν κακὰ πορφύροντες· ### book 1.370 ἤλυθον ἄσχετον ἄμμιν ὑπ’ Ἄρεϊ πῆμα φέροντες, ### book 1.1 ἀλλ’ οὐ μὰν παλίνορσοι ἐς Ἑλλάδα νοστήσαντες ### book 1.2 πάτρην εὐφρανέουσιν, ἐπεὶ θεὸς ἄμμιν ἀρήγει.» ### book 1.3 Ὣς ἄρ’ ἔφη Τρώων τις ἐνὶ φρεσὶ πάγχυ γεγηθώς, ### book 1.4 νήπιος· οὐδ’ ἄρ’ ἐφράσσατ’ ἐπεσσύμενον βαρὺ πῆμα ### book 1.375.1 οἷ αὐτῷ καὶ Τρωσὶ καὶ αὐτῇ Πενθεσιλείῃ. ### book 1.375.2 Οὐ γάρ πώ τι μόθοιο δυσηχέος ἀμφὶ πέπυστο ### book 1.375.3 Αἴας ὀβριμόθυμος ἰδὲ πτολίπορθος Ἀχιλλεύς· ### book 1.375.4 ἀλλ’ ἄμφω περὶ σῆμα Μενοιτιάδαο κέχυντο ### book 1.375.5 μνησάμενοι ἑτάροιο, γόος δ’ ἔχεν ἄλλυδις ἄλλον. ### book 1.380.1 Τοὺς γὰρ δὴ μακάρων τις ἐρήτυε νόσφι κυδοιμοῦ, ### book 1.380.2 ὄφρ’ ἀλεγεινὸν ὄλεθρον ἀναπλήσωσι δαμέντες ### book 1.380.3 πολλοὶ ὑπὸ Τρώεσσι καὶ ἐσθλῇ Πενθεσιλείῃ ### book 1.380.4 ἥ σφιν ἐπαΐσσουσα . . . . . . . . . . . . . ### book 1.383.1 . . . . . . . . . κακὰ μήδετο, καί οἱ ἄεξεν ### book 1.383.2 ἀλκὴ ὁμῶς καὶ θάρσος ἐπὶ πλέον, οὐδέ γ’ ἐς αἰχμὴν ### book 1.385.1 μαψιδίη ποτ’ ἔθυνεν, ἀεὶ δ’ ἢ νῶτα δάιζε ### book 1.385.2 φευγόντων ἢ στέρνα καταντίον ἀισσόντων. ### book 1.385.3 Θερμῷ δ’ αἵματι πάμπαν ἐδεύετο· γυῖα δ’ ἐλαφρὰ ### book 1.385.4 ἔπλετ’ ἐπεσσυμένης· κάματος δ’ οὐ δάμνατο θυμὸν ### book 1.385.5 ἄτρομον, ἀλλ’ ἀδάμαντος ἔχε〈ν〉 μένος. Εἰσέτι γάρ μιν ### book 1.389a [οὕνεκα Μοῖρα ποτὶ κλεινὸν ὀτρύνους’ Ἀχιλῆα] ### book 1.390.1 Αἶσα λυγρὴ κύδαινεν· ἀπόπροθι δ’ ἑστηυῖα ### book 1.390.2 χάρμης κυδιάασκεν ὀλέθριον, οὕνεκ’ ἔμελλε ### book 1.390.3 κούρην οὐ μετὰ δηρὸν ὑπ’ Αἰακίδαο χέρεσσι ### book 1.390.4 δάμνασθ’· ἀμφὶ δέ μιν ζόφος ἔκρυφε· τὴν δ’ ὀρόθυνεν ### book 1.390.5 αἰὲν ἄιστος ἐοῦσα καὶ ἐς κακὸν ἦγεν ὄλεθρον ### book 1.395.1 ὕστατα κυδαίνους’. Ἣ δ’ ἄλλοθεν ἄλλον ἔναιρεν· ### book 1.395.2 ὡς δ’ ὁπόθ’ ἑρσήεντος ἔσω κήποιο θοροῦσα ### book 1.395.3 ποίης ἐλδομένη θυμηδέος εἴαρι πόρτις, ### book 1.395.4 ἀνέρος οὐ παρεόντος, ἐπέσσυται ἄλλοθεν ἄλλῃ ### book 1.395.5 σινομένη φυτὰ πάντα νέον μάλα τηλεθόωντα, ### book 1.1 καὶ τὰ μὲν ἂρ κατέδαψε, τὰ δ’ ἐν ποσὶν ἠμάλδυνεν· ### book 1.2 ὣς ἄρ’ Ἀχαιῶν υἷας ἐπεσσυμένη καθ’ ὅμιλον ### book 1.3 κούρη Ἐνυαλίη τοὺς μὲν κτάνε, τοὺς δ’ ἐφόβησε. ### book 1.4 Τρωιάδες δ’ ἀπάνευθεν ἀρήια ἔργα γυναικὸς ### book 1.5 θαύμαζον· πολέμοιο δ’ ἔρως λάβεν Ἱπποδάμειαν ### book 1.405.1 Ἀντιμάχοιο θύγατρα, μενεπτολέμοιο δ’ ἄκοιτιν ### book 1.405.2 Τισιφόνου. Κρατερῇσι δ’ ὑπὸ φρεσὶ〈ν ἐμ〉μεμαυῖα ### book 1.405.3 θαρσαλέον φάτο μῦθον ὁμήλικας ὀτρύνουσα ### book 1.405.4 δῆριν ἐπὶ στονόεσσαν (ἔγειρε δέ οἱ θράσος ἀλκήν)· ### book 1.405.5 «Ὦ φίλαι, ἄλκιμον ἦτορ ἐνὶ στέρνοισι βαλοῦσαι ### book 1.410.1 ἀνδράσιν ἡμετέροισιν ὁμοίιον, οἳ περὶ πάτρης ### book 1.410.2 δυσμενέσιν μάρνανται ὑπὲρ τεκέων τε καὶ ἡμέων, ### book 1.410.3 οὔ ποτ’ ἀναπνείοντες ὀιζύος—, ἀλλὰ καὶ αὐταὶ ### book 1.410.4 παρθέμεναι φρεσὶ θυμὸν ἴσης μνησώμεθα χάρμης. ### book 1.410.5 Οὐ γὰρ ἀπόπροθέν εἰμεν ἐυσθενέων αἰζηῶν, ### book 1.415.1 ἀλλ’ οἷον κείνοισι πέλει μένος, ἔστι καὶ ἡμῖν· ### book 1.415.2 ἶσοι δ’ ὀφθαλμοὶ καὶ γούνατα, πάντα δ’ ὁμοῖα, ### book 1.415.3 ξυνὸν δ’ αὖ πάντεσσι φάος καὶ νήχυτος ἀήρ, ### book 1.415.4 φορβὴ δ’ οὐχ ἑτέρη. Τί δ’ ἐπ’ ἀνδράσι λώιον ἄλλο ### book 1.415.5 θῆκε θεός; Τῶ μή τι φεβώμεθα δηιοτῆτος. ### book 1.420.1 Ἦ οὐχ ὁρά〈α〉τε γυναῖκα μέγ’ αἰζηῶν προφέρουσαν ### book 1.420.2 ἀγχεμάχων; Τῆς δ’ οὔ τι πέλει σχεδὸν οὔτε γενέθλη ### book 1.420.3 οὔτ’ ἄρ’ ἑὸν πτολίεθρον, ὑπὲρ ξείνοιο δ’ ἄνακτος ### book 1.420.4 μάρναται ἐκ θυμοῖο καὶ οὐκ ἐμπάζεται ἀνδρῶν ### book 1.420.5 ἐνθεμένη φρεσὶ θάρσος ἀταρτηρόν τε νόημα. ### book 1.425.1 Ἡμῖν δ’ ἄλλοθεν ἄλλα παραὶ ποσὶν ἄλγεα κεῖται· ### book 1.425.2 τῇς μὲν γὰρ φίλα τέκνα καὶ ἀνέρες ἀμφὶ πόληι ### book 1.425.3 ὤλονθ’, αἳ δὲ τοκῆας ὀδυρόμεθ’ οὐκέτ’ ἐόντας, ### book 1.425.4 ἄλλαι δ’ αὖτ’ ἀκάχονται ἀδελφειῶν ἐπ’ ὀλέθρῳ ### book 1.425.5 καὶ πηῶν· οὐ γάρ τις ὀιζυρῆς κακότητος ### book 1.430.1 ἄμμορος, ἐλπωρὴ δὲ πέλει καὶ δούλιον ἦμαρ ### book 1.430.2 εἰσιδέειν. Τῶ μή τις ἔτ’ ἀμβολίη πολέμοιο ### book 1.430.3 εἴη τειρομένῃσιν· ἔοικε γὰρ ἐν δαῒ μᾶλλον ### book 1.430.4 τεθνάμεν ἢ μετόπισθεν ὑπ’ ἀλλοδαποῖσιν ἄγεσθαι ### book 1.430.5 νηπιάχοις ἅμα παισὶν ἀνιηρῇ ὑπ’ ἀνάγκῃ, ### book 1.435.1 ἄστεος αἰθομένοιο καὶ ἀνδρῶν οὐκέτ’ ἐόντων.» ### book 1.435.2 Ὣς ἄρ’ ἔφη, πάσῃσι δ’ ἔρως στυγεροῖο μόθοιο ### book 1.435.3 ἔμπεσεν· ἐσσυμένως δὲ πρὸ τείχεος ὁρμαίνεσκον ### book 1.435.4 βήμεναι ἐν τεύχεσσιν, ἀρηγέμεναι μεμαυῖαι ### book 1.435.5 ἄστεϊ καὶ λαοῖσιν· ὀρίνετο δέ σφισι θυμός. ### book 1.440.1 Ὡς δ’ ὅτ’ ἔσω σίμβλοιο μέγ’ ἰύζωσι μέλισσαι ### book 1.440.2 χείματος οὐκέτ’ ἐόντος, ὅτ’ ἐς νομὸν ἐντύνονται ### book 1.440.3 ἐλθέμεν, οὐδ’ ἄρα τῇσι φίλον πέλει ἔνδοθι μίμνειν, ### book 1.440.4 ἄλλη δ’ αὖθ’ ἑτέρην προκαλίζεται ἐκτὸς ἄγεσθαι· ### book 1.440.5 ὣς ἄρα Τρωιάδες ποτὶ φύλοπιν ἐγκονέουσαι ### book 1.445.1 ἀλλήλας ὤτρυνον· ἀπόπροθι δ’ εἴρια θέντο ### book 1.445.2 καὶ ταλάρους, ἀλεγεινὰ δ’ ἐπ’ ἔντεα χεῖρας ἴαλλον. ### book 1.445.3 Καί νύ κεν ἄστεος ἐκτὸς ἅμα σφετέροισιν ὄλοντο ### book 1.445.4 ἀνδράσι καὶ σθεναρῇσιν Ἀμαζόσιν ἐν δαῒ κεῖναι, ### book 1 εἰ μή σφεας κατέρυξε πύκα φρονέουσα Θεανὼ ### book 1.1 ἐσσυμένας πινυτοῖσι παραυδήσας’ ἐπέεσσι· ### book 1.2 «Τίπτε ποτὶ κλόνον αἰνόν, ἐελδόμεναι πονέεσθαι, ### book 1.3 σχέτλιαι, οὔ τι πάροιθε πονησάμεναι περὶ χάρμης, ### book 1.4 ἀλλ’ ἄρα νήιδες ἔργον ἐπ’ ἄτλητον μεμαυῖαι, ### book 1.5 ὄρνυσθ’ ἀφραδέως; Οὐ γὰρ σθένος ἔσσεται ἶσον ### book 1.455.1 ὑμῖν καὶ Δαναοῖσιν ἐπισταμένοισι μάχεσθαι. ### book 1.455.2 Αὐτὰρ Ἀμαζόσι δῆρις ἀμείλιχος ἱππασίαι τε ### book 1.455.3 εὔαδεν ἐξ ἀρχῆς καὶ ὅς’ ἀνέρες ἔργα πένονται· ### book 1.455.4 τοὔνεκ’ ἄρά σφισι θυμὸς ἀρήιος αἰὲν ὄρωρεν, ### book 1.455.5 οὐδ’ ἀνδρῶν δεύονται, ἐπεὶ πόνος ἐς μέγα κάρτος ### book 1.460.1 θυμὸν ἀνηέξησε καὶ ἄτρομα γούνατ’ ἔθηκε. ### book 1.460.2 Τὴν δὲ φάτις καὶ Ἄρηος ἔμεν κρατεροῖο θύγατρα· ### book 1.460.3 τῶ οἱ θηλυτέρην τιν’ ἐριζέμεν οὔ τι ἔοικεν· ### book 1.460.4 ἠὲ τάχ’ ἀθανάτων τις ἐπήλυθεν εὐχομένοισι. ### book 1.460.5 Πᾶσι δ’ ἄρ’ ἀνθρώποισιν ὁμὸν γένος, ἀλλ’ ἐπὶ ἔργα ### book 1.465.1 στρωφῶντ’ ἄλλος ἐπ’ ἄλλα· πέλει δ’ ἄρα κεῖνο φέριστον ### book 1.465.2 ἔργον, ὅ τι φρεσὶν ᾗσιν ἐπιστάμενος πονέηται. ### book 1.465.3 Τοὔνεκα δηιοτῆτος ἀποσχόμεναι κελαδεινῆς ### book 1.465.4 ἱστὸν ἐπεντύνεσθε ἑῶν ἔντοσθε μελάθρων· ### book 1.465.5 ἀνδράσι δ’ ἡμετέροισι περὶ πτολέμοιο μελήσει. ### book 1.470.1 Ἐλπωρὴ δ’ ἀγαθοῖο τάχ’ ἔσσεται, οὕνεκ’ Ἀχαιοὺς ### book 1.470.2 δερκόμεθ’ ὀλλυμένους, μέγα δὲ κράτος ὄρνυται ἀνδρῶν ### book 1.470.3 ἡμετέρων· οὐδ’ ἔστι κακοῦ δέος· οὔ τι γὰρ ἄστυ ### book 1.470.4 δήιοι ἀμφὶς ἔχουσιν ἀνηλέες, οὔτ’ ἀλεγεινὴ ### book 1.470.5 γίνετ’ ἀναγκαίη καὶ θηλυτέρῃσι μάχεσθαι.» ### book 1.475 Ὣς φάτο· ταὶ δ’ ἐπίθοντο παλαιοτέρῃ περ ἐούσῃ, ### book 1.1 ὑσμίνην δ’ ἀπάνευθεν ἐσέδρακον. Ἣ δ’ ἔτι λαοὺς ### book 1.2 δάμνατο Πενθεσίλεια· περιτρομέοντο δ’ Ἀχαιοί, ### book 1.3 οὐδέ σφιν θανάτοιο πέλε στονόεντος ἄλυξις, ### book 1.4 ἀλλ’ ἅτε μηκάδες αἶγες ὑπὸ βλοσυρῇσι γένυσσι ### book 1.480.1 πορδάλιος κτείνοντο. Ποθὴ δ’ ἔχεν οὐκέτι χάρμης ### book 1.480.2 ἀνέρας, ἀλλὰ φόβοιο· καὶ ἄλλυδις ἤιον ἄλλοι, ### book 1.480.3 οἳ μὲν ἀπορρίψαντες ἐπὶ χθόνα τεύχε’ ἀπ’ ὤμων, ### book 1.480.4 οἳ δ’ ἄρα σὺν τεύχεσσι· καὶ ἡνιόχων ἀπάνευθεν ### book 1.480.5 ἵπποι ἴσαν φεύγοντες. Ἐπεσσυμένοις δ’ ἄρα χάρμα ### book 1.485.1 ἔπλετ’, ἀπολλυμένων δὲ πολὺς στόνος· οὐδέ τις ἀλκὴ ### book 1.485.2 γίνετο τειρομένοισι· μινυνθάδιοι δὲ πέλοντο ### book 1.485.3 πάντες ὅσους ἐκίχανεν ἀνὰ κρυερὸν στόμα χάρμης. ### book 1.485.4 Ὡς δ’ ὅτ’ ἐπιβρίσασα μέγα στονόεσσα θύελλα ### book 1.485.5 ἄλλα μὲν ἐκ ῥιζῶν χαμάδις βάλε δένδρεα μακρὰ ### book 1.490.1 ἄνθεσι τηλεθόωντα, τὰ δ’ ἐκ πρέμνοιο κέδασσεν ### book 1.490.2 ὑψόθεν, ἀλλήλοισι δ’ ἐπὶ κλασθέντα κέχυ〈ν〉ται· ### book 1.490.3 ὣς Δαναῶν 〈τότε〉 κεῖτο πολὺς στρατὸς ἐν κονίῃσι ### book 1.490.4 Μοιράων ἰότητι καὶ ἔγχεϊ Πενθεσιλείης. ### book 1.490.5 Αὐτὰρ ἐπεὶ καὶ νῆες ἐνιπρήσεσθαι ἔμελλον ### book 1.495.1 χερσὶν ὕπο Τρώων, τότε που μενεδήιος Αἴας ### book 1.495.2 οἰμωγῆς ἐσάκουσε καὶ Αἰακίδην προσέειπεν· ### book 1.495.3 «Ὦ Ἀχιλεῦ, περὶ δή μοι ἀπείριτος ἤλυθεν αὐδὴ ### book 1.495.4 οὔασιν, ὡς πολέμοιο συνεσταότος μεγάλοιο. ### book 1.495.5 Ἀλλ’ ἴομεν, μὴ Τρῶες ὑποφθάμενοι παρὰ νηυσὶν ### book 1.1 Ἀργείους ὀλέσωσι, καταφλέξωσι δὲ νῆας, ### book 1.2 νῶιν δ’ ἀμφοτέροισιν ἐλεγχείη ἀλεγεινὴ ### book 1.3 ἔσσεται. Οὐ γὰρ ἔοικε Διὸς μεγάλοιο γεγῶτας ### book 1.1 αἰσχύνειν πατέρων ἱερὸν γένος, οἵ ῥα καὶ αὐτοὶ ### book 1.2 Τροίης ἀγλαὸν ἄστυ διέπραθον ἐγχείῃσι ### book 1.505 τὸ πρὶν ἅμ’ Ἡρακλῆι δαΐφρονι, Λαομέδοντος ### book 1.505.1 . . . . . . . . . . . . . . . . . . . . . . . . . ### book 1.505.2 ὥς περ νῦν τελέεσθαι ὑφ’ ἡμετέρῃσιν ὀίω ### book 1.505.3 χερσίν, ἐπεὶ μέγα κάρτος ἀέξεται ἀμφοτέροισιν.» ### book 1.505.4 Ὣς φάτο· τῷ δ’ ἐπίθησε θρασὺ σθένος Αἰακίδαο· ### book 1.505.5 κλαγγὴν γὰρ στονόεσσαν ἐπέκλυεν οὔασιν οἷσιν. ### book 1.510.1 Ἄμφω δ’ ὡρμήθησαν ἐπ’ ἔντεα μαρμαίροντα· ### book 1.510.2 καὶ τὰ μὲν ἑσσάμενοι κατεναντίον ἔσταν ὁμίλου· ### book 1.510.3 τῶν δ’ ἄρα τεύχεα καλὰ μέγ’ ἔβραχε, μαίνετο δέ σφιν ### book 1.510.4 ἶσον θυμὸς Ἄρηι, τόσον σθένος ἀμφοτέροισι ### book 1.510.5 δῶκεν ἐπειγομένοισι σακέσπαλος Ἀτρυτώνη. ### book 1.515.1 Ἀργεῖοι δ’ ἐχάρησαν, ἐπεὶ ἴδον ἄνδρε κραταιὼ ### book 1.515.2 εἰδομένω παίδεσσιν Ἀλωῆος μεγάλοιο, ### book 1.515.3 οἵ ποτ’ ἐπ’ εὐρὺν Ὄλυμπον ἔφαν θέμεν οὔρεα μακρά, ### book 1.515.4 Ὄσσαν 〈τ’〉 αἰπεινὴν καὶ Πήλιον ὑψικάρηνον, ### book 1.515.5 ὅππως δὴ μεμαῶτε καὶ οὐρανὸν εἰσαφίκωνται· ### book 1.520.1 τοῖοι ἄρ’ ἀντέστησαν ἀταρτηροῦ πολέμοιο ### book 1.520.2 Αἰακίδαι, μέγα χάρμα λιλαιομένοισιν Ἀχαιοῖς, ### book 1.520.3 ἄμφω ἐπειγόμενοι δηίων ἀπὸ λαὸν ὀλέσσαι. ### book 1.520.4 Πολλοὺς δ’ ἐγχείῃσιν ἀμαιμακέτῃσι δάμασσαν· ### book 1.520.5 ὡς δ’ ὅτε πίονα μῆλα βοοδμητῆρε λέοντε ### book 1.525.1 εὑρόντ’ ἐν ξυλόχοισι φίλων ἀπάνευθε νομήων ### book 1.525.2 πανσυδίῃ κτείνωσιν, ἄχρις μέλαν αἷμα πιόντες ### book 1.525.3 σπλάγχνων ἐμπλήσωνται ἑὴν πολυχανδέα νηδύν· ### book 1.525.4 ὣς οἵ γ’ ἄμφω ὄλεσσαν ἀπειρέσιον στρατὸν ἀνδρῶν. ### book 1.525.5 Ἔνθ’ Αἴας ἕλε Δηί〈ο〉χον καὶ ἀρήιον Ὕλλον ### book 1.530.1 Εὐρύνομόν τε φιλοπτόλεμον καὶ Ἐνυέα δῖον. ### book 1.530.2 Ἀντάνδρην δ’ ἄρα Πηλείδης ἕλε καὶ Πολεμοῦσαν ### book 1.530.3 ἠδὲ καὶ Ἀντιβρότην, μετὰ δ’ Ἱπποθόην ἐρίθυμον, ### book 1.530.4 τῇσι δ’ ἐφ’ Ἁρμοθόην. Ἐπὶ δ’ ᾤχετο λαὸν ἅπαντα ### book 1.530.5 σὺν Τελαμωνιάδῃ μεγαλήτορι· τῶν δ’ ὑπὸ χερσὶ ### book 1.535.1 πυκναί τε σθεναραί τε κατηρείποντο φάλαγγες ### book 1.535.2 ῥεῖα καὶ ὀτραλέως, ὡς εἰ πυρὶ δάσκιος ὕλη, ### book 1.535.3 οὔρεος ἐν ξυλόχοισιν ἐπισπέρχοντος ἀήτεω. ### book 1.535.4 Τοὺς δ’ ὁπότ’ εἰσενόησε δαΐφρων Πενθεσίλεια ### book 1.535.5 θῆρας ὅπως θύνοντας ἀνὰ μόθον ὀκρυόεντα, ### book 1.540.1 ἀμφοτέρων ὥρμησε καταντίον, ἠύτε λυγρὴ ### book 1.540.2 πόρδαλις ἐν ξυλόχοισιν ὀλέθριον ἦτορ ἔχουσα ### book 1.540.3 αἰνὰ περισσαίνουσα θόρῃ κατέναντ’ ἐπιόντων ### book 1.540.4 ἀγρευτῶν, οἵ πέρ μιν ἐν ἔντεσι θωρηχθέντες ### book 1.540.5 ἐσσυμένην μίμνουσι πεποιθότες ἐγχείῃσιν· ### book 1.545.1 ὣς ἄρα Πενθεσίλειαν ἀρήιοι ἄνδρες ἔμιμνον ### book 1.545.2 δούρατ’ ἀειράμενοι· περὶ δέ σφισι χαλκὸς ἀύτει ### book 1.545.3 κινυμένων. Πρώτη δ’ ἔβαλεν περιμήκετον ἔγχος ### book 1.545.4 ἐσθλὴ Πενθεσίλεια· τὸ δ’ ἐ〈σ〉 σάκος Αἰακίδαο ### book 1.545.5 ἷξεν, ἀπεπλάγχθη δὲ διατρυφὲν εὖτ’ ἀπὸ πέτρης· ### book 1.1 τοῖ’ ἔσαν Ἡφαίστοιο περίφρονος ἄμβροτα δῶρα. ### book 1.2 Ἣ δ’ ἕτερον μετὰ χερσὶ τιτύσκετο θοῦρον ἄκοντα ### book 1.3 Αἴαντος κατέναντα καὶ ἀμφοτέροισιν ἀπείλει· ### book 1.4 «Νῦν μὲν ἐμῆς ἀπὸ χειρὸς ἐτώσιον ἔκθορεν ἔγχος· ### book 1.5 ἀλλ’ ὀίω τάχα τῷδε μένος καὶ θυμὸν ὀλέσσειν ### book 1.555.1 ὑμέων ἀμφοτέρων, οἵ τ’ ἄλκιμοι εὐχετάασθε ### book 1.555.2 ἔμμεναι ἐν Δαναοῖσιν· ἐλαφροτέρη δὲ μόθοιο ### book 1.1 ἔσσεται ἱπποδάμοισι μετὰ Τρώεσσιν ὀιζύς. ### book 1.2 Ἀλλά μοι ἆσσον ἵκεσθε ἀνὰ κλόνον, ὄφρ’ ἐσίδησθε ### book 1.3 ὅσσον Ἀμαζόσι κάρτος ἐνὶ στήθεσσιν ὄρωρε. ### book 1.560.1 Καὶ γάρ μευ γένος ἐστὶν ἀρήιον· οὐδέ με θνητὸς ### book 1.560.2 γείνατ’ ἀνήρ, ἀλλ’ αὐτὸς Ἄρης ἀκόρητος ὁμοκλῆς· ### book 1.560.3 τοὔνεκά μοι μένος ἐστὶ πολὺ προφερέστατον ἀνδρῶν.» ### book 1.560.4 Ἦ μέγα . . . . . . . . . . . . . . . . . . . . . . . . . . . . . . . . . ### book 1.563.1 . . . . . . . τοὶ δ’ ἐγέλασσαν. Ἄφαρ δέ οἱ ἤλασεν αἰχμὴ ### book 1.563.2 Αἴαντος κνημῖδα πανάργυρον· οὐδέ οἱ εἴσω ### book 1.565.1 ἤλυθεν ἐς χρόα καλὸν ἐπειγομένη περ ἱκέσθαι· ### book 1.565.2 οὐ γὰρ δὴ πέπρωτο μιγήμεναι αἵματι κείνου ### book 1.565.3 δυσμενέων στονόεσσαν ἐνὶ πτολέμοισιν ἀκωκήν. ### book 1.565.4 Αἴας δ’ οὐκ ἀλέγιζεν Ἀμαζόνος, ἀλλ’ ἄρα Τρώων ### book 1.565.5 ἐς πληθὺν ἀνόρουσε· λίπεν δ’ ἄρα Πηλείωνι ### book 1.570.1 οἴῳ Πενθεσίλειαν, ἐπεί ῥά οἱ ἐν φρεσὶ θυμὸς ### book 1.570.2 ᾔδεεν ὡς Ἀχιλῆι καὶ ἰφθίμη περ ἐοῦσα ### book 1.570.3 ῥηίδιος πόνος ἔσσεθ’ ὅπως ἴρηκι πέλεια. ### book 1.570.4 Ἣ δὲ μέγα στονάχησεν ἐτώσια δοῦρα βαλοῦσα· ### book 1.570.5 καί μιν κερτομέων προσεφώνεε Πηλέος υἱός· ### book 1.575.1 «Ὦ γύναι, ὡς ἁλίοισιν ἀγαλλομένη ἐπέεσσιν ### book 1.575.2 ἡμέων ἤλυθες ἄντα λιλαιομένη πολεμίζειν, ### book 1.575.3 οἳ μέγα φέρτατοί εἰμεν ἐπιχθονίων ἡρώων. ### book 1.575.4 Ἐκ γὰρ δὴ Κρονίωνος ἐριγδούποιο γενέθλης ### book 1.575.5 εὐχόμεθ’ ἐκγεγάμεν· τρομέεσκε δὲ καὶ θοὸς Ἕκτωρ ### book 1.580.1 ἡμέας, εἰ καὶ ἄπωθεν ἐσέδρακεν ἀίσσοντας ### book 1.580.2 δῆριν ἐπὶ στονόεσσαν· ἐμὴ δέ μιν ἔκτανεν αἰχμὴ ### book 1.580.3 καὶ κρατερόν περ ἐόντα. Σὺ δ’ ἐν φρεσὶ πάγχυ μέμηνας, ### book 1.580.4 ἣ μέγ’ ἔτλης καὶ νῶιν ἐπηπείλησας ὄλεθρον ### book 1 σήμερον· ἀλλὰ σοὶ εἶθαρ ἐλεύσεται ὕστατον ἦμαρ· ### book 1.585.1 οὐδὲ γὰρ οὐδ’ αὐτός σε πατὴρ ἔτι ῥύσεται Ἄρης ### book 1.585.2 ἐξ ἐμέθεν, τίσεις δὲ κακὸν μόρον, εὖτ’ ἐν ὄρεσσι ### book 1.585.3 κεμμὰς ὁμαρτήσασα βοοδμητῆρι λέοντι. ### book 1.585.4 Ἢ οὔ πω τόδ’ ἄκουσας, ὅσων ὑποκάππεσε γυῖα ### book 1.585.5 Ξάνθου πὰρ προχοῇσιν ὑφ’ ἡμετέρῃς παλάμῃσιν, ### book 1.590.1 ἤ σευ πευθομένης μάκαρες φρένας ἐξείλοντο ### book 1.590.2 καὶ νόον, ὄφρά σε Κῆρες ἀμείλιχοι ἀμφιχάνωσιν.» ### book 1.590.3 Ὣς εἰπὼν οἴμησε κραταιῇ χειρὶ τιταίνων ### book 1.590.4 λαοφόνον δόρυ μακρὸν ὑπαὶ Χείρωνι πονηθέν. ### book 1.590.5 Αἶψα δ’ ὑπὲρ μαζοῖο δαΐφρονα Πενθεσίλειαν ### book 1.595.1 οὔτασε δεξιτεροῖο, μέλαν δέ οἱ ἔρρεεν αἷμα ### book 1.595.2 ἐσσυμένως. Ἣ δ’ εἶθαρ ὑπεκλάσθη μελέεσσιν, ### book 1.595.3 ἐκ δ’ ἔβαλεν χειρὸς πέλεκυν μέγαν· ἀμφὶ δέ οἱ νὺξ ### book 1.595.4 ὀφθαλμοὺς ἤχλυσε καὶ ἐς φρένα δῦσαν ἀνῖαι. ### book 1.595.5 Ἀλλὰ καὶ ὧς ἄμπνυε καὶ ἔξιδε δήιον ἄνδρα ### book 1.1 ἤδη μιν μέλλοντα καθελκέμεν ὠκέος ἵππου· ### book 1.2 ὥρμηνεν δ’ ἢ χειρὶ μέγα ξίφος εἰρύσσασα ### book 1.3 μεῖναι ἐπεσσυμένοιο θοοῦ Ἀχιλῆος ἐρωήν, ### book 1.4 ἢ κραιπνῶς ἵπποιο κατ’ ὠκυτάτοιο θοροῦσα ### book 1.5 λίσσεσθ’ ἀνέρα δῖον, ὑποσχέσθαι δέ οἱ ὦκα ### book 1.605.1 χαλκὸν ἅλις καὶ χρυσόν, ἅ τε φρένας ἔνδον ἰαίνει ### book 1.605.2 θνητῶν ἀνθρώπων, εἰ καὶ μάλα τις θρασὺς εἴη, ### book 1.605.3 τοῖς ἤν πως πεπίθοιτ’ ὀλοὸν σθένος Αἰακίδαο, ### book 1.605.4 ἢ καὶ ὁμηλικίην αἰδεσσάμενος κατὰ θυμὸν ### book 1 δώῃ νόστιμον ἦμαρ ἐελδομένῃ περ ἀλύξαι. ### book 1.610.1 Καὶ τὰ μὲν ὣς ὥρμαινε· θεοὶ δ’ ἑτέρως ἐβάλοντο. ### book 1.610.2 Τῇ γὰρ ἐπεσσυμένῃ μέγ’ ἐχώσατο Πηλέος υἱός, ### book 1.610.3 καί οἱ ἄφαρ συνέπειρεν ἀελλόποδος δέμας ἵππου. ### book 1.610.4 Εὖτέ τις ἀμφ’ ὀβελοῖσιν ὑπὲρ πυρὸς αἰθαλόεντος ### book 1.610.5 σπλάγχνα διαμπείρῃσιν ἐπειγόμενος ποτὶ δόρπον, ### book 1.615.1 ἢ ὥς τις στονόεντα βαλὼν ἐν ὄρεσσιν ἄκοντα ### book 1.615.2 θηρητὴρ ἐλάφοιο μέσην διὰ νηδύα κέρσῃ ### book 1.615.3 ἐσσυμένως, πταμένη δὲ διαμπερὲς ὄβριμος αἰχμὴ ### book 1.615.4 πρέμνον ἐς ὑψικόμοιο πάγη δρυὸς ἠέ νυ πεύκης· ### book 1.615.5 ὣς ἄρα Πενθεσίλειαν ὁμῶς περικαλλέι ἵππῳ ### book 1.620.1 ἀντικρὺ διάμησεν ὑπ’ ἔγχεϊ μαιμώωντι ### book 1.620.2 Πηλείδης. Ἣ δ’ ὦκα μίγη κονίῃ καὶ ὀλέθρῳ ### book 1.620.3 εὐσταλέως ἐριποῦσα κατ’ οὔδεος· οὐδέ οἱ αἰδὼς ### book 1.620.4 ᾔσχυνεν δέμας ἠύ· τάθη δ’ ἐπὶ νηδύα μακρὴ ### book 1.620.5 δουρὶ περισπαίρουσα, θοῷ δ’ ἐπεκέκλιτο ἵππῳ. ### book 1.625.1 Εὖτ’ ἐλάτη κλασθεῖσα βίῃ κρυεροῦ Βορέαο, ### book 1.625.2 ἥν τέ που αἰπυτάτην ἀνά τ’ ἄγκεα μακρὰ καὶ ὕλην, ### book 1.625.3 οἷ αὐτῇ μέγ’ ἄγαλμα, τρέφει παρὰ πίδακι γαῖα· ### book 1.625.4 τοίη Πενθεσίλεια κατ’ ὠκέος ἤριπεν ἵππου, ### book 1.625.5 θηητή περ ἐοῦσα· κατεκλάσθη δέ οἱ ἀλκή. ### book 1.630.1 Τρῶες δ’ ὡς ἐ〈σ〉ίδοντο δαϊκταμένην ἐνὶ χάρμῃ, ### book 1.630.2 πανσυδίῃ τρομέοντες ἐπὶ πτόλιν ἐσσεύοντο, ### book 1.630.3 ἄσπετ’ ἀκηχέμενοι μεγάλῳ περὶ πένθεϊ θυμόν. ### book 1.1 Ὡς δ’ ὅτ’ ἀν’ εὐρέα πόντον ἐπιβρίσαντος ἀήτεω ### book 1.2 ναῦται νῆ’ ὀλέσαντες ὑπεκπροφύγωσιν ὄλεθρον, ### book 1.635.1 παῦροι πολλὰ καμόντες ὀιζυρῆς ἁλὸς εἴσω, ### book 1.635.2 ὀψὲ δ’ ἄρά σφισι γαῖα φάνη σχεδὸν ἠδὲ καὶ ἄστυ, ### book 1.635.3 τοὶ δὲ μόγῳ στονόεντι τετρυμένοι ἅψεα πάντα ### book 1.635.4 ἐξ ἁλὸς ἀίσσουσι μέγ’ ἀχνύμενοι περὶ νηὸς ### book 1.635.5 ἠδ’ ἑτάρων οὓς αἰνὸν ὑπὸ ζόφον ἤλασε κῦμα· ### book 1.640.1 ὣς Τρῶες ποτὶ ἄστυ πεφυζότες ἐκ πολέμοιο ### book 1.640.2 κλαῖον πάντες Ἄρηος ἀμαιμακέτοιο θύγατρα ### book 1.640.3 καὶ λαοὺς οἳ δῆριν ἀνὰ στονόεσσαν ὄλοντο. ### book 1.640.4 Τῇ δ’ ἐπικαγχαλόων μεγάλ’ εὔχετο Πηλέος υἱός· ### book 1.640.5 «Κεῖσό νυν ἐν κονίῃσι κυνῶν βόσις ἠδ’ οἰωνῶν, ### book 1.645.1 δειλαίη· τίς γάρ σε παρήπαφεν ἀντ〈ί〉’ ἐμεῖο ### book 1.645.2 ἐλθέμεν; Ἦ που ἔφησθα μάχης ἀπονοστήσασα ### book 1.645.3 οἴσειν ἄσπετα δῶρα παρὰ Πριάμοιο γέροντος ### book 1.645.4 κτείνας’ Ἀργείους; Ἀλλ’ οὐ τόδε σοί γε νόημα ### book 1.645.5 ἀθάνατοι ἐτέλεσσαν, ἐπεὶ μέγα φέρτατοί εἰμεν ### book 1.1 ἡρώων, Δαναοῖσι φάος μέγα, Τρωσὶ δὲ πῆμα ### book 1.2 ἠδὲ σοὶ αἰνομόρῳ, ἐπεὶ 〈ἦ〉 νύ σε Κῆρες ἐρεμναὶ ### book 1.3 καὶ νόος ἐξορόθυνε γυναικῶν ἔργα λιποῦσαν ### book 1.4 βήμεναι ἐς πόλεμον τόν περ τρομέουσι καὶ ἄνδρες.» ### book 1.5 Ὣς εἰπὼν μελίην ἐξείρυσε Πηλέος υἱὸς ### book 1.655.1 ὠκέος ἐξ ἵπποιο καὶ αἰνῆς Πενθεσιλείης· ### book 1.655.2 ἄμφω δ’ ἀσπαίρεσκον ὑφ’ ἓν δόρυ δῃωθέντες. ### book 1.655.3 Ἀμφὶ δέ οἱ κρατὸς κόρυν εἵλετο μαρμαίρουσαν ### book 1.655.4 ἠελίου ἀκτῖσιν ἀλίγκιον ἢ Διὸς αἴγλῃ· ### book 1.655.5 τῆς δὲ καὶ ἐν κονίῃσι καὶ αἵματι πεπτηυίης ### book 1.660 ἐξεφάνη ἐρατῇσιν ὑπ’ ὀφρύσι καλὰ πρόσωπα ### book 1.1 καί περ ἀποκταμένης. Οἳ δ’, ὡς ἴδον, ἀμφιέποντες ### book 1.2 Ἀργεῖοι θάμβησαν, ἐπεὶ μακάρεσσιν ἐῴκει. ### book 1.3 Κεῖτο γὰρ ἐν τεύχεσσι κατὰ χθονὸς ἠύτ’ ἀτειρὴς ### book 1.4 Ἄρτεμις ὑπνώουσα Διὸς τέκος, εὖτε κάμῃσι ### book 1.665.1 γυῖα κατ’ οὔρεα μακρὰ θοοὺς βάλλουσα λέοντας· ### book 1.665.2 αὐτὴ γάρ μιν ἔτευξε καὶ ἐν φθιμένοισιν ἀγητὴν ### book 1.665.3 Κύπρις ἐυστέφανος κρατεροῦ παράκοιτις Ἄρηος, ### book 1.665.4 ὄφρά τι καὶ Πηλῆος ἀμύμονος υἷ’ ἀκαχήσῃ. ### book 1.665.5 Πολλοὶ δ’ εὐχετόωντο κατ’ οἰκία νοστήσαντες ### book 1.670.1 τοίης 〈τῆσδ’〉 ἀλόχοιο παρὰ λεχέεσσιν ἰαῦσαι. ### book 1.670.2 Καὶ δ’ Ἀχιλεὺς ἀλίαστον ἑῷ ἐνετείρετο θυμῷ, ### book 1.670.3 οὕνεκά μιν κατέπεφνε καὶ οὐκ ἄγε δῖαν ἄκοιτιν ### book 1.670.4 Φθίην εἰς εὔπωλον, ἐπεὶ μέγεθός τε καὶ εἶδος ### book 1.670.5 ἔπλετ’ ἀμώμητός τε καὶ ἀθανάτῃσιν ὁμοίη. ### book 1.675.1 Ἄρεϊ δ’ ἔμπεσε πένθος ὑπὸ φρένας ἀμφὶ θυγατρὸς ### book 1.675.2 θυμὸν ἀκηχεμένου. Τάχα δ’ ἔκθορεν Οὐλύμποιο, ### book 1.675.3 σμερδαλέῳ ἀτάλαντος ἀεὶ κτυπέοντι κεραυνῷ ### book 1.675.4 ὅν τε Ζεὺς προΐησιν, ὃ δ’ ἀκαμάτης ἀπὸ χειρὸς ### book 1.675.5 ἔσσυται ἢ ἐπὶ πόντον ἀπείριτον ἢ ἐπὶ γαῖαν ### book 1.680.1 μαρμαίρων, τῷ δ’ ἀμφὶ μέγας πελεμίζετ’ Ὄλυμπος· ### book 1.680.2 τοῖος Ἄρης ταναοῖο δι’ ἠέρος ἀσχαλόων κῆρ ### book 1.680.3 ἔσσυτο σὺν τεύχεσσιν, ἐπεὶ μόρον αἰνὸν ἄκουσε ### book 1.680.4 παιδὸς ἑῆς· τῷ γάρ ῥα κατ’ οὐρανὸν εὐρὺν ἰόντι ### book 1.680.5 Αὖραι μυθήσαντο θεαὶ Βορέαο θύγατρες ### book 1.685.1 κούρης αἰνὸν ὄλεθρον. Ὃ δ’ ὡς κλύεν, ἶσος ἀέλλῃ ### book 1.685.2 Ἰδαίων ὀρέων ἐπεβήσετο· τοῦ δ’ ὑπὸ ποσσὶν ### book 1.685.3 ἄγκεα κίνυτο μακρὰ βαθύρρωχμοί τε χαράδραι ### book 1.1 καὶ ποταμοὶ καὶ πάντες ἀπειρέσιοι πόδες Ἴδης. ### book 1.2 Καί νύ κε Μυρμιδόνεσσι πολύστονον ὤπασεν ἦμαρ, ### book 1.690.1 εἰ μή μιν Ζεὺς αὐτὸς ἀπ’ Οὐλύμποιο φόβησε ### book 1.690.2 σμερδαλέῃς στεροπῇσι καὶ ἀργαλέοισι κεραυνοῖς ### book 1.690.3 οἵ οἱ πρόσθε ποδῶν θαμέες ποτέοντο δι’ αἴθρης ### book 1.690.4 δεινὸν ἀπαιθόμενοι. Ὃ δ’ ἄρ’ εἰσορόων ἐνόησε ### book 1.690.5 πατρὸς ἐριγδούποιο μέγα βρομέουσαν ὁμοκλήν, ### book 1.695.1 ἔστη δ’ ἐσσύμενός περ ἐπὶ πτολέμοιο κυδοιμόν. ### book 1.695.2 Ὡς δ’ ὅτ’ ἀπ’ ἠλιβάτου σκοπιῆς περιμήκεα λᾶαν ### book 1.695.3 λάβρος ὁμῶς ἀνέμοισιν ἀπορρήξῃ Διὸς ὄμβρος, ### book 1.695.4 ὄμβρος ἄρ’ ἠδὲ κεραυνός, ἐπικτυπέουσι δὲ βῆσσαι ### book 1.695.5 λάβρα κυλινδομένοιο, ὃ δ’ ἀκαμάτῳ ὑπὸ ῥοίβδῳ ### book 1.1 ἔσσυτ’ ἀναθρῴσκων μάλα ταρφέα, μέχρις ἵκηται ### book 1.2 χῶρον ἐπ’ ἰσόπεδον, σταίη δ’ ἄφαρ οὐκ ἐθέλων περ· ### book 1.3 ὣς Διὸς ὄβριμος υἱὸς Ἄρης ἀέκοντί γε θυμῷ ### book 1.4 ἔστη ἐπειγόμενός περ, ἐπεὶ μακάρων μεδέοντι ### book 1.5 πάντες ὁμῶς εἴκουσιν Ὀλύμπιοι, οὕνεκ’ ἄρ’ αὐτῶν ### book 1.705.1 πολλὸν ὑπέρτατός ἐστι, πέλει δέ οἱ ἄσπετος ἀλκή. ### book 1.705.2 Πολλὰ δὲ πορφύροντα θοὸς νόος ὀτρύνεσκεν ### book 1.705.3 ἄλλοτε μὲν Κρονίδαο μέγ’ ἀσχαλόωντος ἐνιπὴν ### book 1.705.4 σμερδαλέην τρομέοντα πρὸς οὐρανὸν ἀπονέεσθαι, ### book 1.705.5 ἄλλοτε δ’ οὐκ ἀλέγειν σφετέρου πατρός, ἀλλ’ Ἀχιλῆι ### book 1.710.1 μῖξαι ἐν αἵματι χεῖρας ἀτειρέας. Ὀψὲ δέ οἱ κῆρ ### book 1.710.2 μνήσαθ’ ὅσοι καὶ Ζηνὸς ἐνὶ πτολέμοισι δάμησαν ### book 1.710.3 υἱέες οἷς οὐδ’ αὐτὸς ἐπήρκεσεν ὀλλυμένοισι. ### book 1.710.4 Τοὔνεκ’ ἀπ’ Ἀργείων ἑκὰς ἤιεν· ἦ γὰρ ἔμελλε ### book 1.710.5 κεῖσθαι ὁμῶς Τιτῆσι δαμεὶς στονόεντι κεραυνῷ, ### book 1.715.1 εἰ Δ〈ι〉ὸς ἀθανάτοιο παρ’ ἐκ νόον ἄλλα μενοίνα. ### book 1.715.2 Καὶ τότ’ ἀρήιοι υἷες ἐυσθενέων Ἀργείων ### book 1.715.3 σύλεον ἐσσυμένως βεβροτωμένα τεύχεα νεκρῶν ### book 1.715.4 πάντῃ ἐπεσσύμενοι. Μέγα δ’ ἄχνυτο Πηλέος υἱὸς ### book 1.715.5 κούρης εἰσορόων ἐρατὸν σθένος ἐν κονίῃσι· ### book 1.720.1 τοὔνεκά οἱ κραδίην ὀλοαὶ κατέδαπτον ἀνῖαι, ### book 1.720.2 ὁππόσον ἀμφ’ ἑτάροιο πάρος Πατρόκλοιο δαμέντος. ### book 1.720.3 Θερσίτης δέ μιν ἄντα κακῷ 〈μέγα〉 νείκεσε μύθῳ· ### book 1.720.4 «Ὦ Ἀχιλεῦ φρένας αἰνέ, τί 〈ἤ〉 νύ σε〈υ〉 ἤπαφε δαίμων ### book 1.720.5 θυμὸν ἐνὶ στέρνοισιν Ἀμαζόνος εἵνεκα λυγρῆς ### book 1.725.1 ἣ νῶιν κακὰ πολλὰ λιλαίετο μητίσασθαι; ### book 1.725.2 Καί τοι ἐνὶ φρεσὶ σῇσι γυναιμανὲς ἦτορ ἔχοντι ### book 1.725.3 μέμβλεται ὡς ἀλόχοιο πολύφρονος ἥν τ’ ἐπὶ ἕδνοις ### book 1.725.4 κουριδίην μνήστευσας ἐελδόμενος γαμέεσθαι. ### book 1.725.5 Ὥς 〈σ’〉 ὄφελον κατὰ δῆριν ὑποφθαμένη βάλε δουρί, ### book 1.730.1 οὕνεκα θηλυτέρῃσιν ἄδην ἐπιτέρπεαι ἦτορ, ### book 1.730.2 οὐδέ νυ σοί τι μέμηλεν ἐνὶ φρεσὶν οὐλομένῃσιν ### book 1.730.3 ἀμφ’ ἀρετῆς κλυτὸν ἔργον, ἐπὴν ἐσίδῃσθα γυναῖκα. ### book 1.730.4 Σχέτλιε, ποῦ νύ τοί ἐστι † περὶ † σθένος ἠδὲ νόημα; ### book 1.730.5 Πῇ δὲ βίη βασιλῆος ἀμύμονος; Οὐδέ τι οἶσθα ### book 1.735.1 ὅσσον ἄχος Τρώεσσι γυναιμανέουσι τέτυκται; ### book 1.735.2 Οὐ γὰρ τερπωλῆς ὀλοώτερον ἄλλο βροτοῖσιν ### book 1.735.3 ἐς λέχος ἱεμένης, ἥ τ’ ἄφρονα φῶτα τίθησι ### book 1.735.4 καὶ πινυτόν περ ἐόντα. Πόνῳ δ’ ἄρα κῦδος ὀπηδεῖ· ### book 1.735.5 ἀνδρὶ γὰρ αἰχμητῇ νίκη〈σ〉 κλέος ἔργα τ’ Ἄρηος ### book 1.740.1 τερπνά, φυγοπτολέμῳ 〈δὲ〉 γυναικῶν εὔαδεν εὐνή.» ### book 1.740.2 Φῆ μέγα νεικείων· ὃ δέ οἱ περιχώσατο θυμῷ ### book 1.740.3 Πηλείδης ἐρίθυμος. Ἄφαρ δέ ἑ χειρὶ κραταιῇ ### book 1.740.4 τύψε κατὰ γναθμοῖο καὶ οὔατος· οἳ δ’ ἅμα πάντες ### book 1.740.5 ἐξεχύθησαν ὀδόντες ἐπὶ χθόνα, κάππεσε δ’ αὐτὸς ### book 1.745.1 πρηνής· ἐκ δέ οἱ αἷμα διὰ στόματος πεφόρητο ### book 1.745.2 ἀθρόον· αἶψα δ’ ἄναλκις ἀπὸ μελέων φύγε θυμὸς ### book 1.745.3 ἀνέρος οὐτιδανοῖο. Χάρη δ’ ἄρα λαὸς Ἀχαιῶν· ### book 1.745.4 τοὺς γὰρ νείκεε πάμπαν ἐπεσβολίῃσι κακῇσιν ### book 1.745.5 αὐτὸς ἐὼν λωβητός· ὃ γὰρ Δαναῶν πέλεν αἰδώς. ### book 1.1 Καί ῥά τις ὧδ’ εἴπεσκεν ἀρηιθόων Ἀργείων· ### book 1.2 «Οὐκ ἀγαθὸν βασιλῆας ὑβριζέμεν ἀνδρὶ χέρηι ### book 1.3 ἀμφαδὸν οὔτε κρυφηδόν, ἐπεὶ χόλος αἰνὸς ὀπηδεῖ· ### book 1.4 ἔστι θέμις, καὶ γλῶσσαν ἀναιδέα τίνυται Ἄτη ### book 1.5 ἥ τ’ αἰεὶ μερόπεσσιν ἐπ’ ἄλγεσιν ἄλγος ἀέξει.» ### book 1.755.1 Ὣς ἄρ’ ἔφη Δαναῶν τις· ὃ δ’ ἀσχαλόων ἐνὶ θυμῷ ### book 1.755.2 Πηλείδης ἐρίθυμος ἔπος ποτὶ τοῖον ἔειπε· ### book 1.755.3 «Κεῖσό νυν ἐν κονίῃσι λελασμένος ἀφροσυνάων· ### book 1.755.4 οὐ γὰρ ἀμείνονι φωτὶ χρεὼ κακὸν ἀντιφερίζειν· ### book 1.755.5 ὃς καί που προπάροιθεν Ὀδυσσῆος ταλαὸν κῆρ ### book 1.760.1 ἀργαλέως ὤρινας ἐλέγχεα μυρία βάζων. ### book 1.760.2 Ἀλλ’ οὐ Πηλείδης τοι ὁμοίιος ἐξεφαάνθη〈ν〉, ### book 1.760.3 ὅς σευ θυμὸν ἔλυσα καὶ οὐκ ἐπὶ χειρὶ βαρείῃ ### book 1.760.4 πληξάμενος· σὲ δὲ πότμος ἀμείλιχος ἀμφεκάλυψε, ### book 1.760.5 σῇ δ’ ὀλιγοδρανίῃ θυμὸν λίπες. Ἀλλ’ ἀπ’ Ἀχαιῶν ### book 1.765.1 ἔρρε καὶ ἐν φθιμένοισιν ἐπεσβολίας ἀγόρευε.» ### book 1.765.2 Ὣς ἔφατ’ Αἰακίδαο θρασύφρονος ἄτρομος υἱός. ### book 1.765.3 Τυδείδης δ’ ἄρα μοῦνος ἐν Ἀργείοις Ἀχιλῆι ### book 1.1 χώετο Θερσίταο δεδουπότος, οὕνεκ’ ἄρ’ αὐτοῦ ### book 1.2 εὔχετ’ ἀφ’ αἵματος εἶναι, ἐπεὶ πέλεν ὃς μὲν ἀγαυοῦ ### book 1.770.1 Τυδέος ὄβριμος υἱός, ὃ δ’ Ἀγρίου ἰσοθέοιο, ### book 1.770.2 Ἀγρίου ὅς τ’ Οἰνῆος ἀδελφ〈ε〉ὸς ἔπλετο δίου· ### book 1.770.3 Οἰνεὺς δ’ υἱ〈έ〉α γείνατ’ ἀρήιον ἐν Δαναοῖσι ### book 1.770.4 Τυδέα· τοῦ δ’ ἐτέ〈τυ〉κτο πάις σθεναρὸς Διομήδης. ### book 1.770.5 Τοὔνεκα Θερσίταο περὶ κταμένοιο χαλέφθη. ### book 1.775.1 Καί νύ κε Πηλείωνος ἐναντίον ἤρατο χεῖρας, ### book 1.775.2 εἰ μή μιν κατέρυξαν Ἀχαιῶν φέρτατοι υἷες ### book 1.775.3 πολλὰ παρηγορέοντες ὁμιλαδόν· ὣς δὲ καὶ αὐτὸν ### book 1.775.4 Πηλείδην ἑτέρωθεν ἐρήτυον. Ἦ γὰρ ἔμελλον ### book 1.775.5 ἤδη καὶ ξιφέεσσιν ἐριδμαίνειν οἱ ἄριστοι ### book 1.780.1 Ἀργείων· τοὺς γάρ ῥα κακὸς χόλος ὀτρύνεσκεν. ### book 1.780.2 Ἀλλ’ οἳ μὲν πεπίθοντο παραιφασίῃσιν ἑταίρων. ### book 1.780.3 Οἳ δὲ μέγ’ οἰκτείραντες ἀγαυὴν Πενθεσίλειαν ### book 1.780.4 Ἀτρεῖδαι βασιλῆες, ἀγασσάμενοι δὲ καὶ αὐτοὶ ### book 1.780.5 Τρωσὶ δόσαν ποτὶ ἄστυ φέρειν ἐρικυδέος Ἴλου ### book 1.785.1 σὺν σφοῖσι〈ν〉 τεύχεσσιν, ἐπεὶ Πριάμοιο νόησαν ### book 1.785.2 ἀγγελίην προϊέντος· ὃ γὰρ φρεσὶν ᾗσι μενοίνα ### book 1.785.3 κούρην ὀβριμόθυμον ὁμῶς τεύχεσσι καὶ ἵππῳ ### book 1.785.4 ἐς μέγα σῆμα βαλέσθαι ἀφνειοῦ Λαομέδοντος. ### book 1.785.5 Καί οἱ πυρκαϊὴν νηήσατο πρόσθε πόληος ### book 1.790.1 ὑψηλήν, εὐρεῖαν· ὕπερθε δὲ θήκατο κούρην ### book 1.790.2 πολλοῖς σὺν κτεάτεσσιν ὅσα κταμένῃ ἐπεῴκει ### book 1.790.3 ἐν πυρὶ συγκείασθαι ἐυκτεάνῳ βασιλείῃ. ### book 1.790.4 Καὶ τὴν μὲν κατέδαψε μένος μέγα Ἡφαίστοιο, ### book 1.790.5 φλὸξ ὀλοή· λαοὶ δὲ περισταδὸν ἄλλοθεν ἄλλοι ### book 1.795 πυρκαϊὴν σβέσσαντο θοῶς εὐώδεϊ οἴνῳ. ### book 1.1 Ὀστέα δ’ ἀλλέξαντες ἄδην ἐπέχευαν ἄλειφα ### book 1.2 ἡδὺ καὶ ἐς κοίλην χηλὸν θέσαν· ἀμφὶ δ’ ἄρ’ αὐτοῖς ### book 1.3 πίονα δημὸν ὕπερθε βάλον βοὸς ἥ τ’ ἀγέλῃσιν ### book 1.4 Ἰδαίοις ἐν ὄρεσσι μετέπρεπε φερβομένῃσι. ### book 1.1 Τρῶες δ’ ὥς τε θύγατρα φίλην περικωκύσαντες ### book 1.2 ἀχνύμενοι τάρχυσαν ἐύδμητον περὶ τεῖχος ### book 1.3 πύργῳ ἐπὶ προὔχοντι παρ’ ὀστέα Λαομέδοντος, ### book 1.4 ἦρα φέροντες Ἄρηι καὶ αὐτῇ Πενθεσιλείῃ. ### book 1.5 Καί οἱ παρκατέθαψαν Ἀμαζόνας ὅσσαι ἅμ’ αὐτῇ ### book 1.805.1 ἑσπόμεναι ποτὶ δῆριν ὑπ’ Ἀργείοισι δάμησαν· ### book 1.805.2 οὐ γάρ σφι〈ν〉 τύμβοιο πολυκλαύτοιο μέγηραν ### book 1.805.3 Ἀτρεῖδαι, Τρώεσσι δ’ ἐυπτολέμοισιν ὄπασσαν ### book 1.805.4 ἐκ βελέων ἐρύσασθαι ὁμῶς κταμένοισι καὶ ἄλλοις. ### book 1.805.5 Οὐ γὰρ ἐπὶ φθιμένοισι πέλει κότος, ἀλλ’ ἐλεεινοὶ ### book 1.810.1 δήιοι οὐκέτ’ ἐόντες, ἐπὴν ἀπὸ θυμὸς ὄληται. ### book 1.810.2 Ἀργεῖοι δ’ ἀπάνευθε δόσαν πυρὶ πολλὰ κάρηνα ### book 1.810.3 ἡρώων οἳ δή σφιν ὁμοῦ κτάθεν ἠδ’ ἐδάμησαν ### book 1.810.4 Τρώων ἐν παλάμῃσιν ἀνὰ στόμα δηιοτῆτος, ### book 1.810.5 πολλὰ μάλ’ ἀχνύμενοι κταμένων ὕπερ· ἔξοχα δ’ ἄλλων ### book 1.815.1 ἀμφ’ ἀγαθοῦ μύροντο Ποδάρκεος. Οὐ γὰρ ἐπ’ ἐσθλοῦ ### book 1.815.2 δεύετ’ ἀδελφειοῖο μάχῃ ἔνι Πρωτεσιλάου· ### book 1.815.3 ἀλλ’ ὃ μὲν ἤδη πρόσθεν ὑφ’ Ἕκτορι κεῖτο δαϊχθεὶς ### book 1.815.4 ἠὺς Πρωτεσίλαος, ὃ δ’ ἔγχεϊ Πενθεσιλείης ### book 1.815.5 βλήμενος Ἀργείοισι λυγρὸν περικάββαλε πένθος. ### book 1.820.1 Τοὔνεκά οἱ πληθὺν μὲν ἀπόπροθι ταρχύσαντο ### book 1.820.2 τεθναότων· κείνῳ δὲ πέριξ ἐβάλοντο καμόντες ### book 1.820.3 οἴῳ σῆμ’ ἀρίδηλον, ἐπεὶ θρασὺς ἔπλετο θυμῷ. ### book 1.1 Νόσφι δὲ Θερσίταο λυγρὸν δέμας οὐτιδανοῖο ### book 1.2 θάψαντες, ποτὶ νῆας ἐυπρώρους ἀφίκοντο ### book 1.825.1 Αἰακίδην Ἀχιλῆα μέγα φρεσὶ κυδαίνοντες. ### book 1.825.2 Ἦμος δ’ αἰγλήεσσα κατ’ Ὠκεανοῖο βεβήκει ### book 1.825.3 Ἠώς, ἀμφὶ δὲ γαῖαν ἐκίδνατο θεσπεσίη Νύξ, ### book 1.825.4 δὴ τότ’ ἄρ’ ἐν κλισίῃς Ἀγαμέμνονος ἀφνειοῖο ### book 1.825.5 δαίνυτο Πηλείδαο βίη· σὺν δ’ ἄλλοι ἄριστοι ### book 1.830 τέρποντ’ ἐν θαλίῃς μέχρις Ἠῶ δῖαν ἱκέσθαι. ### book 2.1.1 Αὐτὰρ ἐπεὶ κορυφὰς ὀρέων ὑπὲρ ἠχηέντων ### book 2.1.2 λαμπρὸν ὑπὲρ φάος ἦλθεν ἀτειρέος ἠελίοιο, ### book 2.1.3 οἳ μὲν ἄρ’ ἐν κλισίῃσιν Ἀχαιῶν ὄβριμοι υἷες ### book 2.1.4 γήθεον ἀκαμάτῳ μέγ’ ἐπευχόμενοι Ἀχιλῆι· ### book 2.5.1 Τρῶες δ’ αὖ μύροντο κατὰ πτόλιν, ἀμφὶ δὲ πύργους ### book 2.5.2 ἑζόμενοι σκοπίαζον, ἐπεὶ φόβος ἔλλαβε πάντας, ### book 2.5.3 μὴ δή που μέγα τεῖχος ὑπερθόρῃ ὄβριμος ἀνὴρ ### book 2.5.4 αὐτούς τε κτείνῃ κατά τε πρήσῃ πυρὶ πάντα. ### book 2.5.5 Τοῖσι δ’ ἄρ’ ἀχνυμένοισι γέρων μετέειπε Θυμοίτης· ### book 2.10.1 «Ὦ φίλοι, οὐκέτ’ ἔγωγε περὶ φρεσὶν οἶδα νοῆσαι ### book 2.10.2 ὅππως ἔσσεται ἄλκαρ ἀνιηροῦ πολέμοιο ### book 2.10.3 Ἕκτορος ἀγχεμάχοιο δεδουπότος, ὃς μέγα Τρώων ### book 2.10.4 κάρτος ἔην τὸ πάροιθε· καὶ οὐδ’ ὅ γε Κῆρας ἄλυξεν, ### book 2.10.5 ἀλλ’ ἐδάμη παλάμῃσιν Ἀχιλλέος, ᾧ περ ὀίω ### book 2.15.1 καὶ θεὸν ἀντιάσαντα μάχῃ ἔν〈ι〉 δῃωθῆναι· ### book 2.15.2 οἵην τήνδ’ ἐδάμασσεν ἀνὰ κλόνον, ἥν περ οἱ ἄλλοι ### book 2.15.3 Ἀργεῖοι φοβέοντο, δαΐφρονα Πενθεσίλειαν· ### book 2.15.4 καὶ γὰρ ἔην ἔκπαγλος· ἔγωγέ μιν ὡς ἐνόησα, ### book 2.15.5 ὠισάμην μακάρων τιν’ ἀπ’ οὐρανοῦ ἐνθάδ’ ἱκέσθαι ### book 2.20 ἡμῖν χάρμα φέρουσαν· ὃ δ’ οὐκ ἄρ’ ἐτήτυμον ἦεν. ### book 2.1 Ἀλλ’ ἄγε φραζώμεσθα τί λώιον ἄμμι γένηται, ### book 2.2 ἢ ἔτι που στυγεροῖσι μαχώμεθα δυσμενέεσσιν, ### book 2.3 ἢ ἤδη φεύγωμεν ἀπ’ ἄστεος ὀλλυμένοιο· ### book 2.4 οὐ γὰρ ἔτ’ Ἀργείοισι δυνησόμεθ’ ἀντιφερίζειν ### book 2.25.1 μαρναμένου κατὰ δῆριν ἀμειλίκτου Ἀχιλῆος.» ### book 2.25.2 Ὣς ἄρ’ ἔφη· τὸν δ’ υἱὸς ἀμείβετο Λαομέδοντος· ### book 2.25.3 «Ὦ φίλος ἠδ’ ἄλλοι Τρῶες σθεναροί τ’ ἐπίκουροι, ### book 2.25.4 μή νύ τι δειμαίνοντες ἑῆς χαζώμεθα πάτρης, ### book 2.25.5 μηδ’ ἔτι δυσμενέεσσι μαχώμεθα τῆλε πόληος, ### book 2.30.1 ἀλλά που ἐκ πύργων καὶ τείχεος, εἰς ὅ κεν ἔλθῃ ### book 2.30.2 Μέμνων ὀβριμόθυμος ἄγων ἀπερείσια φῦλα ### book 2.30.3 λαῶν οἳ ναίουσι μελάμβροτον Αἰθιόπειαν. ### book 2.30.4 Ἤδη γάρ ῥα καὶ αὐτὸν ὀίομαι ἀγχόθι γαίης ### book 2.30.5 ἔμμεναι ἡμετέρης, ἐπεὶ ἦ νύ οἱ οὔ τι νέον γε ### book 2.35.1 ἀγγελίην προέηκα μέγ’ ἀχνύμενος περὶ θυμῷ· ### book 2.35.2 αὐτὰρ ὅ γ’ ἀσπασίως μοι ὑπέσχετο πάντα τελέσσαι ### book 2.35.3 ἐλθὼν ἐς Τροίην· καί μιν σχεδὸν ἔλπομαι εἶναι. ### book 2.35.4 Ἀλλ’ ἄγε τλῆτ’ ἔτι βαιόν, ἐπεὶ πολὺ λώιόν ἐστι ### book 2.35.5 θαρσαλέως ἀπολέσθαι ἀνὰ κλόνον ἠὲ φυγόντας ### book 2.40.1 ζώειν ἀλλοδαποῖσι παρ’ ἀνδράσιν αἴσχε’ ἔχοντας.» ### book 2.40.2 Ἦ ῥ’ ὁ γέρων· ἀλλ’ οὔ τι σαόφρονι Πουλυδάμαντι ### book 2.40.3 ἥνδανεν εἰσέτι δῆρις, ἐύφρονα δ’ ἔκφατο μῦθον· ### book 2.40.4 «Εἰ μὲν δὴ Μέμνων τοι ἀριφραδέως κατένευσεν ### book 2.40.5 ἡμέων αἰνὸν ὄλεθρον ἀπωσέμεν, οὔ τι μεγαίρω ### book 2.45.1 μίμνειν ἀνέρα δῖον ἀνὰ πτόλιν· ἀλλ’ ἄρα θυμῷ ### book 2.45.2 δείδω μὴ σὺν ἑοῖσι κιὼν ἑτάροισι δαμείη ### book 2.45.3 κεῖνος ἀνήρ, πολλοῖς δὲ καὶ ἄλλοις πῆμα γένηται ### book 2.45.4 ἡμετέροις· δεινὸν γὰρ ἐπὶ σθένος ὄρνυτ’ Ἀχαιῶν. ### book 2.45.5 Ἀλλ’ ἄγε μήτε πόληος ἑῆς ἀπὸ τῆλε φυγόντες ### book 2.1 αἴσχεα πολλὰ φέρωμεν ἀναλκείῃ ὑπὸ λυγρῇ ### book 2.2 ἀλλοδαπὴν περόωντες ἐπὶ χθόνα, μηδ’ ἐνὶ πάτρῃ ### book 2.3 μίμνοντες κτεινώμεθ’ ὑπ’ Ἀργείων ὀρυμαγδοῦ· ### book 2.4 ἀλλ’ ἤδη Δαναοῖσι, καὶ εἰ βραδύ, λώιον εἴη ### book 2.5 εἰσέτι κυδαλίμην Ἑλένην καὶ κτήματα κείνης, ### book 2.55.1 ἠμὲν ὅσα Σπάρτηθεν ἀνήγαγεν ἠδὲ καὶ ἄλλα, ### book 2.55.2 δισσάκι τόσσα φέροντας ὑπὲρ πόλιός τε καὶ αὐτῶν ### book 2.55.3 〈ἐκδόμεν, ἕ〉ως οὐ κτῆσιν ἀνάρσια φῦλα δέδασται ### book 2.55.4 ἡμετέρην οὐδ’ ἄστυ κατήνυκε πῦρ ἀίδηλον. ### book 2.55.5 Νῦν δ’ ἄγ’ ἐμεῖο πίθεσθε ἐνὶ φρεσίν· οὐ γὰρ ὀίω ### book 2.60.1 ἄλλον ἀμείνονα μῆτιν ἐνὶ Τρώεσσι φράσασθαι. ### book 2.60.2 Αἴθ’ ὄφελον καὶ πρόσθεν ἐμῆς ἐπάκουσεν ἐφετμῆς ### book 2.60.3 Ἕκτωρ, ὁππότε μιν κατερήτυον ἔνδοθι πάτρης.» ### book 2.60.4 Ὣς φάτο Πουλυδάμαντος ἐὺ σθένος· ἀμφὶ δὲ Τρῶες ### book 2.60.5 ᾔνεον εἰσαΐοντες ἐνὶ φρεσίν, οὐδ’ ἀναφανδὸν ### book 2.65.1 μῦθον ἔφαν· πάντες γὰρ ἑὸν τρομέοντες ἄνακτα ### book 2.65.2 ἅζοντ’ ἠδ’ Ἑλένην, κείνης ἕνεκ’ ὀλλύμενοί περ. ### book 2.65.3 Τὸν δὲ καὶ ἐσθλὸν ἐόντα Πάρις μέγα νείκεσεν ἄντην· ### book 2.65.4 «Πουλυδάμα, σὺ μέν ἐσσι φυγοπτόλεμος καὶ ἄναλκις, ### book 2.65.5 οὐδὲ σοὶ ἐν στέρνοισι πέλει μενεδήιον ἦτορ, ### book 2.70.1 ἀλλὰ δέος καὶ φύζα· σὺ δ’ εὔχεαι εἶναι ἄριστος ### book 2.70.2 ἐν βουλῇ, πάντων δὲ χερείονα μήδεα οἶδας. ### book 2.70.3 Ἀλλ’ ἄγε 〈δὴ〉 σὺ μὲν αὐτὸς ἀπόσχεο δηιοτῆτος, ### book 2.70.4 μίμνε δ’ ἐνὶ μεγάροισι καθήμενος· αὐτὰρ οἱ ἄλλοι ### book 2.70.5 ἀμφ’ ἐμὲ θωρήξονται ἀνὰ πτόλιν, εἰς ὅ κε μῆχος ### book 2.75 εὕρωμεν θυμῆρες ἀνηλεγέος πολέμοιο. ### book 2.1 Οὐ γὰρ νόσφι πόνοιο καὶ ἀργαλέου πολέμοιο ### book 2.2 ἀνθρώποις μέγα κῦδος ἀέξεται ἠδὲ καὶ ἔργον, ### book 2.3 φύζα δὲ νηπιάχοισι μάλ’ εὔαδεν ἠδὲ γυναιξί· ### book 2.4 κείνῃς θυμὸν ἔοικας· ἐγὼ δέ τοι οὔ τι πέποιθα ### book 2.80.1 μαρναμένῳ· πάντων γὰρ ἀμαλδύνεις θρασὺ κάρτος.» ### book 2.80.2 Φῆ μέγα νεικείων· ὃ δὲ χωόμενος φάτο μῦθον ### book 2.80.3 Πουλυδάμας· οὐ γάρ οἱ ἐναντίον ἅζετ’ ἀῦσαι ### book 2.80.4 κεῖνος, ἐπεὶ στυγερὸς καὶ ἀτάσθαλος ἠδ’ ἀεσίφρων ### book 2.80.5 ὃς φίλα μὲν σαίνῃσιν ἐνωπαδόν, ἄλλα δὲ θυμῷ ### book 2.85.1 πορφύρῃ καὶ κρύβδα τὸν οὐ παρεόντα χαλέπτῃ. ### book 2.85.2 Τῶ ῥα καὶ ἀμφαδίῃ μέγα νείκεσε δῖον ἄνακτα· ### book 2.85.3 «Ὤ μοι ἐπιχθονίων πάντων ὀλοώτατε φωτῶν, ### book 2.85.4 σὸν θράσος ἤγαγε νῶιν ὀιζύα, σὸς νόος ἔτλη ### book 2.85.5 δῆριν ἀπειρεσίην καὶ τλήσεται, εἰς ὅ κε πάτρην ### book 2.90.1 σὺν λαοῖς σφετέροισι δαϊζομένην ἐσίδηαι. ### book 2.90.2 Ἀλλ’ ἐμὲ μὴ τοιόνδε λάβοι θράσος, ἀμφὶ δὲ τάρβος ### book 2.90.3 ἀσφαλὲς αἰὲν ἔχοιμι, σόον δέ μοι οἶκον ὀφέλλοι.» ### book 2.90.4 Ὣς ἄρ’ ἔφη· ὃ δ’ ἄρ’ οὔ τι προσέννεπε Πουλυδάμαντα· ### book 2.90.5 μνήσατο γὰρ Τρώεσσιν ὅσας ἐφέηκεν ἀνίας ### book 2.95.1 ἠδ’ ὁπόσας ἔτ’ ἔμελλεν, ἐπεί ῥά οἱ αἰθόμενον κῆρ ### book 2.95.2 μᾶλλον ἐφώρμαινεν θανέειν ἢ νόσφι γενέσθαι ### book 2.95.3 ἀντιθέης Ἑλένης, ἧς εἵνεκα Τρώιοι υἷες ### book 2.95.4 ὑψόθεν ἐσκοπίαζον ἀπ’ ἄστεος αἰπεινοῖο ### book 2.95.5 δέγμενοι Ἀργείους ἠδ’ Αἰακίδην Ἀχιλῆα. ### book 2.1 Τοῖσι δ’ ἄρ’ οὐ μετὰ δηρὸν ἀρήιος ἤλυθε Μέμνων, ### book 2.2 Μέμνων κυανέοισι μετ’ Αἰθιόπεσσιν ἀνάσσων, ### book 2.3 ὃς κίε λαὸν ἄγων ἀπερείσιον. Ἀμφὶ δὲ Τρῶες ### book 2.4 γηθόσυνοί μιν ἴδοντο κατὰ πτόλιν, ἠύτε ναῦται ### book 2 χείματος ἐξ ὀλοοῖο δι’ αἰθέρος ἀθρήσωσιν ### book 2.105.1 ἤδη τειρόμενοι Ἑλίκης περιηγέος αἴγλην· ### book 2.105.2 ὣς λαοὶ κεχάροντο περισταδόν, ἔξοχα δ’ ἄλλων ### book 2.105.3 Λαομεδοντιάδης· μάλα γάρ νύ οἱ ἦτορ ἐώλπει ### book 2.105.4 δῃώσειν πυρὶ νῆας ὑπ’ ἀνδράσιν Αἰθιόπεσσιν, ### book 2.105.5 οὕνεκ’ ἔχον βασιλῆα πελώριον ἠδὲ καὶ αὐτοὶ ### book 2.110.1 πολλοὶ ἔσαν καὶ πάντες ἐς Ἄρεα μαιμώωντες. ### book 2.110.2 Τῶ ῥ’ ἄμοτον κύδαινεν ἐὺν γόνον Ἠριγενείης ### book 2.110.3 δωτίνῃς ἀγαθῇσι καὶ εὐφροσύνῃ τεθαλυίῃ. ### book 2.110.4 Ἀλλήλοις δ’ ὀάριζον ἐπ’ εἰλαπίνῃ καὶ ἐδωδῇ, ### book 2.110.5 ὃς μὲν ἀριστῆας Δαναῶν καὶ ὅς’ ἄλγε’ ἀνέτλη ### book 2.115.1 ἐξενέπων, ὃ δὲ πατρὸς ἑοῦ καὶ μητέρος Ἠοῦς ### book 2.115.2 ἀθάνατον βίον αἰὲν ἀπειρεσίης τε ῥέεθρα ### book 2.115.3 Τηθύος Ὠκεανοῦ τε βαθυρρόου ἱερὸν οἶδμα ### book 2.115.4 ἠδὲ καὶ ἀκαμάτου πέρατα χθονὸς ἀντολίας τε ### book 2.115.5 ἠελίου καὶ πᾶσαν ἀπ’ Ὠκεανοῖο κέλευθον ### book 2.120.1 μέχρις ἐπὶ Πριάμοιο πόλιν καὶ πρώονας Ἴδης, ### book 2.120.2 ἠδὲ καὶ ὡς ἐδάιξεν ὑπὸ στιβαρῇσι χέρεσσιν ### book 2.120.3 ἀργαλέων Σολύμων ἱερὸν στρατόν, οἵ μιν ἰόντα ### book 2.120.4 εἶργον, ὃ καί σφισι πῆμα καὶ ἄσχετον ὤπασε πότμον. ### book 2.120.5 Καὶ τὰ μὲν ὣς ἀγόρευε καὶ ὡς ἴδεν ἔθνεα φωτῶν ### book 2.125.1 μυρία· τοῦ δ’ ἀίοντος ὑπὸ φρεσὶ τέρπετο θυμός, ### book 2.125.2 καί ἑ καθαπτόμενος γεραρῷ προσεφώνεε μύθῳ· ### book 2.125.3 «Ὦ Μέμνον, τὸ μὲν ἄρ με θεοὶ ποίησαν ἰδέσθαι ### book 2.125.4 σὸν στρατὸν ἠδὲ καὶ αὐτὸν ἐν ἡμετέροισι μελάθροις. ### book 2.125.5 Ὥς μοι ἔτι κρήνειαν, ἵν’ Ἀργείους ἐσίδωμαι ### book 2.130.1 ὀλλυμένους ἅμα πάντας ὑπ’ ἐγχείῃσι τεῇσι· ### book 2.130.2 καὶ γὰρ δὴ μακάρεσσιν ἀτειρέσι πάντα ἔοικας ### book 2.1 ἐκπάγλως, ὡς οὔ τις ἐπιχθονίων ἡρώων· ### book 2.2 τῶ ς’ ὀίω κείνοισι φόνον στονόεντα βαλέσθαι. ### book 2.3 Νῦν δ’ ἄγε τέρπεο θυμὸν ἐπ’ εἰλαπίνῃσιν ἐμῇσι ### book 2.135.1 σήμερον· αὐτὰρ ἔπειτα μαχήσεαι ὡς ἐπέοικεν.» ### book 2.135.2 Ὣς εἰπὼν παλάμῃσι δέπας πολυχανδὲς ἀείρας ### book 2.135.3 Μέμνονα προφρονέως στιβαρῷ δείδεκτο κυπέλλῳ ### book 2.135.4 χρυσείῳ, τό ῥα δῶκε περίφρων Ἀμφιγυήεις ### book 2.135.5 Ἥφαιστος κλυτὸν ἔργον, ὅτ’ ἤγετο Κυπρογένειαν, ### book 2.140.1 Ζηνὶ μεγασθενέι· ὃ δ’ ἄρ’ ὤπασεν υἱέι δῶρον ### book 2.140.2 Δαρδάνῳ ἀντιθέῳ· ὃ δ’ Ἐριχθονίῳ πόρε παιδί, ### book 2.140.3 Τρωὶ δ’ Ἐριχθόνιος μεγαλήτορι· αὐτὰρ ὃ Ἴλῳ ### book 2.140.4 κάλλιπε σὺν κτεάτεσσιν· ὃ δ’ ὤπασε Λαομέδοντι· ### book 2.140.5 αὐτὰρ ὁ Λαομέδων Πριάμῳ πόρεν, ὅς μιν ἔμελλεν ### book 2.145.1 υἱέι δωσέμεναι· τὸ δέ οἱ θεὸς οὐκ ἐτέλεσσε. ### book 2.145.2 Κεῖνο δέπας περικαλλὲς ἐθάμβεεν ἐν φρεσὶ Μέμνων ### book 2.145.3 ἀμφαφόων καὶ τοῖον ὑποβλήδην φάτο μῦθον· ### book 2.145.4 «Οὐ μὲν χρὴ παρὰ δαιτὶ πελώριον εὐχετάασθαι ### book 2.145.5 οὐδ’ ἄρ’ ὑποσχεσίην κατανευσέμεν, ἀλλὰ ἕκηλον ### book 2.1 δαίνυσθ’ ἐν μεγάροισι καὶ ἄρτια μηχανάασθαι· ### book 2.2 εἴ τε γὰρ ἐσθλός τ’ εἰμὶ καὶ ἄλκιμος εἴ τε καὶ οὐκί, ### book 2.3 γνώσῃ ἐνὶ πτολέμῳ, ὁπότ’ ἀνέρος εἴδεται ἀλκή. ### book 2.4 Νῦν δ’ ἄγε δὴ κοίτοιο μεδώμεθα μηδ’ ἀνὰ νύκτα ### book 2.5 πίνωμεν· χαλεπὸς γὰρ ἐπειγομένῳ μαχέ〈σα〉σθαι ### book 2.155.1 οἶνος ἀπειρέσιος καὶ ἀυπνοσύνη ἀλεγεινή.» ### book 2.155.2 Ὣς φάτο· τὸν δ’ ὁ γεραιὸς ἀγασσάμενος προσέειπεν· ### book 2.155.3 «Αὐτὸς ὅπως ἐθέλεις μεταδαίνυσο, πείθεο δ’ αὐτῷ· ### book 2.155.4 οὐ γὰρ ἐγώ ς’ ἀέκοντα βιήσομαι. Οὐ γὰρ ἔοικεν ### book 2.155.5 οὔτ’ ἀπιόντ’ ἀπὸ δαιτὸς ἐρυκέμεν οὔτε μένοντα ### book 2.160.1 σεύειν ἐκ μεγάροιο· θέμις νύ τοι ἀνδράσιν αὕτως.» ### book 2.160.2 Ὣς φάθ’· ὃ δ’ ἐκ δόρποιο μεθίστατο, βῆ δὲ πρὸς εὐνὴν ### book 2.160.3 ὑστατίην. Ἅμα δ’ ἄλλοι ἔβαν κοίτοιο μέδεσθαι ### book 2.160.4 δαιτυμόνες· † τοῖς δέ σφιν † ἐπήλυθε νήδυμος ὕπνος. ### book 2.160.5 Αὐτὰρ ἐνὶ μεγάροισι Διὸς στεροπηγερέταο ### book 2.165.1 ἀθάνατοι δαίνυντο· πατὴρ δ’ ἐν τοῖσι Κρονίων ### book 2.165.2 εὖ εἰδὼς ἀγόρευε δυσηχέος ἔργα μόθοιο· ### book 2.165.3 «Ἴστε θεοὶ περὶ πάντες ἐπεσσύμενον βαρὺ πῆμα ### book 2.165.4 αὔριον ἐν πολέμῳ· μάλα γὰρ πολέω〈ν〉 μένος ἵππων ### book 2.165.5 ὄψεσθ’ ἀμφ’ ὀχέεσσι δαϊζομένων ἑκάτερθεν ### book 2.170.1 ἄνδρας τ’ ὀλλυμένους. Τῶν καὶ περικηδόμενός τις ### book 2.170.2 μιμνέτω ὑμείων μηδ’ ἀμφ’ ἐμὰ γούναθ’ ἱκάνων ### book 2.170.3 λισσέσθω· Κῆρες γὰρ ἀμείλιχοί εἰσι καὶ ἡμῖν.» ### book 2.170.4 Ὣς ἔφατ’ ἐν μέσσοισιν ἐπισταμένοισι καὶ αὐτοῖς, ### book 2.170.5 ὄφρα καὶ ἀσχαλόων τις ἀπὸ πτολέμοιο τράπηται ### book 2.175.1 μηδέ ἑ λισσόμενος περὶ υἱέος ἠὲ φίλοιο ### book 2.175.2 μαψιδίως ἀφίκηται ἀτειρέος ἔνδον Ὀλύμπου. ### book 2.175.3 Καὶ τὰ μὲν ὡς ἐσάκουσαν ἐριγδούπου Κρονίδαο, ### book 2.175.4 τλῆσαν ἐνὶ στέρνοισι καὶ οὐ βασιλῆος ἔναντα ### book 2.175.5 μῦθον ἔφαν· μάλα γάρ μιν ἀπειρέσιον τρομέεσκον. ### book 2.180.1 Ἀχνύμενοι δ’ ἵκανον ὅπῃ δόμος ἦεν ἑκάστου ### book 2.180.2 καὶ λέχος· ἀμφὶ δὲ τοῖσι καὶ ἀθανάτοις περ ἐοῦσιν ### book 2.180.3 ὕπνου βληχρὸν ὄνειαρ ἐπὶ βλεφάροισι τανύσθη. ### book 2.180.4 Ἦμος δ’ ἠλιβάτων ὀρέων ὑπερέσσυται ἄκρας ### book 2.180.5 λαμπρὸς ἀν’ οὐρανὸν εὐρὺν Ἑωσφόρος, ὅς τ’ ἐπὶ ἔργον ### book 2.185 ἡδὺ μάλα κνώσσοντας ἀμαλλοδετῆρας ἐγείρει, ### book 2.1 τῆμος ἀρήιον υἷα φαεσφόρου Ἠριγενείης ### book 2.2 ὕστατος ὕπνος ἀνῆκεν· ὃ δ’ ἐν φρεσὶ κάρτος ἀέξων ### book 2.3 ἤδη δυσμενέεσσι λιλαίετο δηριάασθαι· ### book 2.4 Ἠὼς δ’ οὐρανὸν εὐρὺν ἀνήιεν οὐκ ἐθέλουσα. ### book 2.190.1 Καὶ τότε Τρῶες ἕσαντο περὶ χροῒ δήια τεύχη, ### book 2.190.2 τοῖσι δ’ ἅμ’ Αἰθίοπές τε καὶ ὁππόσα φῦλα πέλοντο ### book 2.190.3 ἀμφὶ βίην Πριάμοιο συναγρομένων ἐπικούρων, ### book 2.190.4 πανσυδίῃ· μάλα δ’ ὦκα πρὸ τείχεος ἐσσεύοντο ### book 2.190.5 κυανέοις νεφέεσσιν ἐοικότες, οἷα Κρονίων ### book 2.195.1 χείματος ὀρνυμένοιο κατ’ ἠέρα πουλὺν ἀγείρει. ### book 2.195.2 Αἶψα δ’ ἄρ’ ἐπλήσθη πεδίον πᾶν· τοὶ δ’ ἐπέχυντο ### book 2.195.3 ἀκρίσι π〈υ〉ροβόροισιν ἀλίγκιον, αἵ τε φέρονται ### book 2.195.4 ὡς νέφος ἢ πολὺς ὄμβρος ὑπὲρ χθονὸς εὐρυπέδοιο ### book 2.195.5 ἄπληστοι μερόπεσσιν ἀεικέα λιμὸν ἄγουσαι· ### book 2.1 ὣς οἳ ἴσαν πολλοί τε καὶ ὄβριμοι, ἀμφὶ δὲ γαῖα ### book 2.2 στείνετ’ ἐπεσσυμένων, ὑπὸ δ’ ἔγρετο ποσσὶ κονίη. ### book 2.3 Ἀργεῖοι δ’ ἀπάνευθεν ἐθάμβεον, εὖτ’ ἐσίδοντο ### book 2.4 ἐσσυμένους· εἶθαρ δὲ περὶ χροῒ χαλκὸν ἕσαντο ### book 2.5 κάρτεϊ Πηλείδαο πεποιθότες. Ὃς δ’ ἐνὶ μέσσοις ### book 2.205.1 ἤιε Τιτήνεσσι πολυσθενέεσσιν ἐοικώς, ### book 2.205.2 κυδιόων ἵπποισι καὶ ἅρμασι· τοῦ δ’ ἄρα τεύχη ### book 2.205.3 πάντῃ μαρμαίρεσκον ἀλίγκιον ἀστεροπῇσιν. ### book 2.205.4 Οἷος δ’ ἐκ περάτων γαιηόχου Ὠκεανοῖο ### book 2.205.5 ἔρχεται Ἠέλιος φαεσίμβροτος οὐρανὸν εἴσω ### book 2.210.1 παμφανόων, τραφερὴ δὲ γελᾷ περὶ γαῖα καὶ αἰθήρ· ### book 2.210.2 τοῖος ἐν Ἀργείοισι τότ’ ἔσσυτο Πηλέος υἱός. ### book 2.1 Ὣς δὲ καὶ ἐν Τρώεσσιν ἀρήιος ἤιε Μέμνων ### book 2.2 Ἄρεϊ μαιμώωντι πανείκελος, ἀμφὶ δὲ λαοὶ ### book 2.3 προφρονέως ἐφέποντο παρεσσύμενοι βασιλῆι. ### book 2.215.1 Αἶψα δ’ 〈ἄρ’〉 ἀμφοτέρων δολιχαὶ πονέοντο φάλαγγες ### book 2.215.2 Τρώων καὶ Δαναῶν, μετὰ δ’ ἔπρεπον Αἰθιοπῆες. ### book 2.215.3 Σὺν δ’ ἔπεσον καναχηδὸν ὁμῶς, ἅτε κύματα πόντου ### book 2.215.4 πάντοθεν ἀγρομένων ἀνέμων ὑπὸ χείματος ὥρῃ· ### book 2.215.5 ἀλλήλους δ’ ἐδάιζον ἐυξέστῃς μελίῃσι ### book 2.220.1 βάλλοντες, μετὰ δέ σφι γόος καναχή τε δεδήει. ### book 2.220.2 Ὡς δ’ ὅτ’ ἐρίγδουποι ποταμοὶ μεγάλα στενάχωσιν ### book 2.220.3 εἰς ἅλα χευόμενοι, ὅτε λαβρότατος πέλει ὄμβρος ### book 2.220.4 ἐκ Διός, εὖτ’ ἀλίαστον ἐπὶ νέφεα κτυπέωσι ### book 2.220.5 θηγόμεν’ ἀλλήλοισι, πυρὸς δ’ ἐξέσσυτ’ ἀυτμή· ### book 2.225.1 ὣς τῶν μαρναμένων μέγ’ ὑπαὶ ποσὶ γαῖα πελώρη ### book 2.225.2 ἔβραχε, θεσπεσίου δὲ δι’ ἠέρος ἔσσυτ’ ἀυτὴ ### book 2.225.3 σμερδαλέη· δεινὸν γὰρ ἀύτεον ἀμφοτέρωθεν. ### book 2.225.4 Ἔνθ’ ἕλε Πηλείδης Θάλιον καὶ ἀμύμονα Μέντην, ### book 2.225.5 ἄμφω ἀριγνώτω. Βάλε δ’ ἄλλων πολλὰ κάρηνα· ### book 2.230.1 εὖτ’ αἰγὶς μελάθροισιν ὑποχθονίη ἐπορούσῃ ### book 2.230.2 λάβρος, ἄφαρ δέ τε πάντα κατὰ χθονὸς ἀμφιχέηται ### book 2.230.3 ἐκ θεμέθλων, μάλα γάρ ῥα περιτρομέει βαθὺ γαῖα· ### book 2.230.4 ὣς οἵ γ’ ἐν κονίῃσι κατήριπον ὠκέι πότμῳ ### book 2.230.5 αἰχμῇ Πηλείωνος· ὃ γὰρ μέγα μαίνετο θυμῷ. ### book 2.235.1 Ὣς δ’ αὕτως ἑτέρωθεν ἐὺς πάις Ἠριγενείης ### book 2.235.2 Ἀργείους ἐδάιζε κακῇ ἐναλίγκιος Αἴσῃ, ### book 2.235.3 ἥ τε φέρει λαοῖσι κακὸν καὶ ἀεικέα λοιγόν. ### book 2.1 Πρῶτον δ’ εἷλε Φέρωνα διὰ στέρνοιο τυχήσας ### book 2.2 δούρατι λευγαλέῳ, ἐπὶ δ’ ἔκτανε δῖον Ἔρευθον, ### book 2.240.1 ἄμφω ἐελδομένω πόλεμον καὶ ἀεικέα χάρμην, ### book 2.240.2 οἳ Θρύον ἀμφενέμοντο παρ’ Ἀλφειοῖο ῥεέθροις ### book 2.240.3 καί ῥ’ ὑπὸ Νέστορι βῆσαν ἐς Ἰλίου ἱερὸν ἄστυ. ### book 2.240.4 Τοὺς δ’ ὁπότ’ ἐξενάριξεν, ἐπῴχετο Νηλέος υἷα ### book 2.240.5 κτεῖναί μιν μεμαώς· τοῦ δ’ Ἀντίλοχος θεοειδὴς ### book 2.245.1 πρόσθ’ ἐλθὼν ἴθυνε μακρὸν δόρυ· καί οἱ ἅμαρτε ### book 2.245.2 τυτθὸν ἀλευαμένοιο, φίλον δέ οἱ εἷλεν ἑταῖρον ### book 2.245.3 Αἴθοπα Πυρρασίδην. Ὃ δὲ χωσάμενος κταμένοιο ### book 2.245.4 Ἀντιλόχῳ ἐπιᾶλτο, λέων ὣς ὀβριμόθυμος ### book 2.245.5 καπρίῳ, ὅς ῥα καὶ αὐτὸς ἐναντίον οἶδε μάχεσθαι ### book 2.1 ἀνδράσι καὶ θήρεσσι, πέλει δέ οἱ ἄσχετος ὁρμή· ### book 2.2 ὣς ὃ θοῶς ἐπόρουσεν, ὃ δ’ εὐρέι μιν βάλε πέτρῳ ### book 2.3 Ἀντίλοχος. Τοῦ δ’ οὔ τι λύθη κέαρ, οὕνεκ’ ἄρ’ αὐτοῦ ### book 2.4 ἀλγινόεντ’ ἀπάλαλκε φόνον κρατερὴ τρυφάλεια· ### book 2.5 σμερδαλέον δέ οἱ ἦτορ ἐνὶ στήθεσσιν ὀρίνθη ### book 2.255.1 βλημένου· ἀμφὶ δέ οἱ κόρυς ἴαχε· καί ῥ’ ἔτι μᾶλλον ### book 2.255.2 μαίνετ’ ἐπ’ Ἀντιλόχῳ, κρατερὴ δέ οἱ ἔζεεν ἀλκή. ### book 2.255.3 Τοὔνεκα Νέστορος υἷα καὶ αἰχμητήν περ ἐόντα ### book 2.255.4 τύψεν ὑπὲρ μαζοῖο· διήλασε δ’ ὄβριμον ἔγχος ### book 2.255.5 ἐς κραδίην, θνητοῖσιν ὅπῃ πέλει ὠκὺς ὄλεθρος. ### book 2.260.1 Τοῦ δ’ ὑποδῃωθέντος ἄχος Δαναοῖσιν ἐτύχθη ### book 2.260.2 πᾶσι, μάλιστα δὲ πατρὶ περὶ φρένας ἤλυθε πένθος ### book 2.260.3 Νέστορι παιδὸς ἑοῖο παρ’ ὀφθαλμοῖσι δαμέντος· ### book 2.260.4 οὐ γὰρ δὴ μερόπεσσι κακώτερον ἄλγος ἔπεισιν ### book 2.260.5 ἢ ὅτε παῖδες ὄλωνται ἑοῦ πατρὸς εἰσορόωντος. ### book 2.265.1 Τοὔνεκα καὶ στερεῇσιν ἀρηρέμενος φρεσὶ θυμὸν ### book 2.265.2 ἄχνυτο παιδὸς ἑοῖο κακῇ περὶ Κηρὶ δαμέντος. ### book 2.265.3 Κέκλετο δ’ ἐσσυμένως Θρασυμήδεα νόσφιν ἐόντα· ### book 2.265.4 «Ὄρσό μοι, ὦ Θρασύμηδες ἀγακλεές, ὄφρα φονῆα ### book 2.265.5 σεῖο κασιγνήτοιο καὶ υἱέος ἡμετέροιο ### book 2.270.1 νεκροῦ ἑκὰς σεύωμεν ἀεικέος ἠὲ καὶ αὐτοὶ ### book 2.270.2 ἀμφ’ αὐτῷ στονόεσσαν ἀναπλήσωμεν ὀιζύν. ### book 2.270.3 Εἰ δὲ σοὶ ἐν στέρνοισι πέλει δέος, οὐ σύ γ’ ἐμεῖο ### book 2.270.4 υἱὸς ἔφυς οὐδ’ ἐσσὶ Περικλυμένοιο γενέθλης, ### book 2.270.5 ὅς τε καὶ Ἡρακλῆι καταντίον ἐλθέμεν ἔτλη. ### book 2.275.1 Ἀλλ’ ἄγε δὴ πονεώμεθ’, ἐπεὶ μέγα κάρτος ἀνάγκη ### book 2.275.2 πολλάκι μαρναμένοισι καὶ οὐτιδανοῖσιν ὀπάζει.» ### book 2.275.3 Ὣς φάτο· τοῦ δ’ ἀίοντος ὑπὸ φρεσὶ σύγχυτο θυμὸς ### book 2.275.4 πένθεσι λευγαλέοισιν. Ἄφαρ δέ οἱ ἤλυθεν ἄγχι ### book 2.275.5 Φηρεύς, ὅν ῥα καὶ αὐτὸν ἀποκταμένοιο ἄνακτος ### book 2.280.1 εἷλεν ἄχος· κρατεροῖο δ’ ἐναντία δηριάασθαι ### book 2.280.2 Μέμνονος ὡρμήθησαν ἀν’ αἱματόεντα κυδοιμόν. ### book 2.280.3 Ὡς δ’ ὅταν ἀγρευτῆρες ἀνὰ πτύχας ὑληέσσας ### book 2.280.4 οὔρεος ἠλιβάτοιο λιλαιόμενοι μέγα θήρης ### book 2.280.5 ἢ συὸς ἢ ἄρκτοιο καταντίον ἀίσσωσι ### book 2.285.1 κτεινέμεναι μεμαῶτες, ὃ δ’ ἀμφοτέροις ἐπορούσας ### book 2.285.2 θυμῷ μαιμώωντι βίην ἀπαμύνεται ἀνδρῶν· ### book 2.285.3 ὣς τότε 〈μὲν〉 Μέμνων φρόνεεν μέγα· τοὶ δέ οἱ ἄγχι ### book 2.285.4 ἤλυθον, ἀλλά μιν οὔ τι 〈κατα〉κτανέειν ἐδύναντο ### book 2.285.5 μακρῇσι〈ν〉 μελίῃσιν· ἀπέπλαγχθεν γάρ οἱ αἰχμαὶ ### book 2.290.1 τῆλε χροός, μάλα γάρ που ἀπέτραπεν Ἠριγένεια. ### book 2.290.2 Δούρατα δ’ οὐχ ἁλίως χαμάδις πέσεν· ἀλλ’ ὃ μὲν ὦκα ### book 2.290.3 ἐμμεμαὼς κατέπεφνε Πολύμνιον υἷα Μέγητος ### book 2.290.4 Φηρεὺς ὀβριμόθυμος, ὃ δ’ ἔκτανε Λαομέδοντα ### book 2.290.5 Νέστορος ὄβριμος υἱὸς ἀδελφειοῖο χολωθείς, ### book 2.295.1 ὃν Μέμνων ἐδάιξε κατὰ μόθον, ἀμφὶ δ’ ἄρ’ αὐτῷ ### book 2.295.2 χερσὶν ὑπ’ ἀκαμάτοισι λύεν παγχάλκεα τεύχη ### book 2.295.3 οὔτε βίην ἀλέγων Θρασυμήδεος οὔτε μὲν ἐσθλοῦ ### book 2.295.4 Φηρέος, οὕνεκα πολλὸν ὑπείροχος· οἳ δ’ ἅτε θῶε ### book 2.295.5 ἀμφ’ ἔλαφον βεβαῶτα μέγαν φοβέοντο λέοντα ### book 2.1 οὔ τι πρόσω μεμαῶτες ἔτ’ ἐλθέμεν. Αἰνὰ δὲ Νέστωρ ### book 2.2 ἐγγύθεν εἰσορόων ὀλοφύρετο, κέκλετο δ’ ἄλλους ### book 2.3 σφοὺς ἑτάρους δηίοισιν ἐπελθέμεν· ἂν δὲ καὶ αὐτὸς ### book 2.4 ὥρμαινε〈ν〉 πονέεσθαι ἀφ’ ἅρματος, οὕνεκ’ ἄρ’ αὐτὸν ### book 2.5 παιδὸς ἀποφθιμένοιο ποθὴ ποτὶ μῶλον ἄγεσκε ### book 2.305.1 πὰρ δύναμιν. Μέλλεν δὲ φίλῳ 〈περὶ〉 παιδὶ καὶ αὐτὸς ### book 2.305.2 κεῖσθαι ὁμῶς κταμένοις ἐναρίθμιος, εἰ μὴ ἄρ’ αὐτὸν ### book 2.305.3 Μέμνων ὀβριμόθυμος ἐπεσσύμενον προσέειπεν ### book 2.305.4 αἰδεσθεὶς ἀνὰ θυμὸν ὁμήλικα πατρὸς ἑοῖο· ### book 2.305.5 «Ὦ γέρον, οὔ μοι ἔοικε καταντία σεῖο μάχεσθαι ### book 2.310.1 πρεσβυτέροιο γεγῶτος, ἐπεί γε μὲν οἶδα νοῆσαι· ### book 2.310.2 ἦ γὰρ ἔγωγ’ ἐφάμην σε νέον καὶ ἀρήιον ἄνδρα ### book 2.310.3 ἀντιάαν δηίοισι, θρασὺς δέ μοι ἔλπετο θυμὸς ### book 2.310.4 χειρὸς ἐμῆς καὶ δουρὸς ἐπάξιον ἔμμεναι ἔργον. ### book 2.310.5 Ἀλλ’ ἀναχάζεο τῆλε μόθου στυγεροῦ τε φόνοιο, ### book 2.315.1 χάζεο, μή σε βάλοιμι καὶ οὐκ ἐθέλων περ ἀνάγκῃ ### book 2.315.2 μηδὲ τεῷ περὶ παιδὶ πέσῃς μέγ’ ἀμείνονι φωτὶ ### book 2.315.3 μαρνάμενος, μὴ δή σε καὶ ἄφρονα μυθήσονται ### book 2.315.4 ἀνέρες· οὐ γὰρ ἔοικεν ὑπερτέρῳ ἀντιάασθαι.» ### book 2.315.5 Ὣς φάτο· τὸν δ’ ἑτέρωθε γέρων ἠμείβετο μύθῳ· ### book 2.320.1 «Ὦ Μέμνον, τὰ μὲν ἄρ που ἐτώσια πάντ’ ἀγορεύεις· ### book 2.320.2 οὐ μὲν γὰρ δηίοισι πονεύμενον εἵνεκα παιδὸς ### book 2.320.3 ἀφραίνειν ἐρέει τις ἀνηλέα παιδοφονῆα ### book 2.320.4 νεκροῦ ἑκὰς σεύοντα κατὰ μόθον. Ὡς ὄφελόν μοι ### book 2.320.5 ἀλκὴ ἔτ’ ἔμπεδος ἦεν, ἵνα γνώῃς ἐμὸν ἔγχος. ### book 2.325.1 Νῦν δὲ σὺ μὲν μάλα πάγχυ μέγ’ εὔχεαι, οὕνεκα θυμὸς ### book 2.325.2 θαρσαλέος νέου ἀνδρὸς ἐλαφρότερόν τε νόημα· ### book 2.325.3 τῶ ῥα καὶ ὑψηλὰ φρονέων ἀποφώλια βάζεις. ### book 2.325.4 Εἰ δέ μοι ἡβώωντι καταντίον εἰληλούθεις, ### book 2.325.5 οὐκ ἄν τοι κεχάροντο φίλοι κρατερῷ περ ἐόντι· ### book 2.330.1 νῦν δ’ ὥς τίς τε λέων ὑπὸ γήραος ἄχθομαι αἰνοῦ, ### book 2.330.2 ὅν τε κύων σταθμοῖο πολυρρήνοιο δίηται ### book 2.330.3 θαρσαλέως, ὃ δ’ ἄρ’ οὔ τι λιλαιόμενός περ ἀμύνει ### book 2.330.4 οἷ αὐτῷ, οὐ γάρ οἱ ἔτ’ ἔμπεδοί εἰσιν ὀδόντες ### book 2.330.5 οὐδὲ βίη, κρατερὸν δὲ χρόνῳ ἀμαθύνεται ἦτορ· ### book 2.335.1 ὣς ἐμοὶ οὐκέτι κάρτος ἐνὶ στήθεσσιν ὄρωρεν ### book 2.335.2 οἷόν περ τὸ πάροιθεν· ὅμως δ’ ἔτι φέρτερός εἰμι ### book 2.335.3 πολλῶν ἀνθρώπων, παύροισι δὲ γῆρας ὑπείκει.» ### book 2.335.4 Ὣς εἰπὼν ἀπὸ βαιὸν ἐχάσσατο· λεῖπε δ’ ἄρ’ υἷα ### book 2.335.5 κείμενον ἐν κονίῃσιν, ἐπεί νύ οἱ οὐκέτι πάμπαν ### book 2.340 γναμπτοῖς ἐν μελέεσσι πέλε σθένος ὡς τὸ πάροιθε· ### book 2.1 γήραϊ γὰρ καθύπερθε πολυτλήτῳ βεβάρητο. ### book 2.2 Ὣς δ’ αὕτως ἀπόρουσεν ἐυμμελίης Θρασυμήδης ### book 2.3 Φηρεύς τ’ ὀβριμόθυμος ἰδ’ ἄλλοι πάντες ἑταῖροι ### book 2.4 δειδιότες· μάλα γάρ σφιν ἐπῴχετο λοίγιος ἀνήρ. ### book 2.345.1 Ὡς δ’ ὅτ’ ἀπὸ μεγάλων ὀρέων ποταμὸς βαθυδίνης ### book 2.345.2 καχλάζων φορέηται ἀπειρεσίῳ ὀρυμαγδῷ, ### book 2.345.3 ὁππότε συννεφὲς ἦμαρ ἐπ’ ἀνθρώποισι τανύσσῃ ### book 2.345.4 Ζεὺς κλονέων μέγα χεῖμα, περικτυπέουσι δὲ πάντῃ ### book 2.345.5 βρονταὶ ὁμῶς στεροπῇσιν ἄδην νεφέων συνιόντων ### book 2.1 θεσπεσίων, κοῖλαι δὲ περικλύζονται ἄρουραι ### book 2.2 ὄμβρου ἐπεσσυμένοιο δυσηχέος, ἀμφὶ δὲ μακραὶ ### book 2.3 σμερδαλέον βοόωσι κατ’ οὔρεα πάντα χαράδραι· ### book 2.4 ὣς Μέμνων σεύεσκεν ἐπ’ ᾐόνας Ἑλλησπόντου ### book 2.5 Ἀργείους, μετόπισθε δ’ ἐπισπόμενος κεράιζε. ### book 2.355.1 Πολλοὶ δ’ ἐν κονίῃσι καὶ αἵματι θυμὸν ἔλειπον ### book 2.355.2 Αἰθιόπων ὑπὸ χερσί, λύθρῳ δ’ ἐφορύνετο γαῖα ### book 2.355.3 ὀλλυμένων Δαναῶν· μέγα δ’ ἐν φρεσὶ γήθεε Μέμνων ### book 2.355.4 αἰὲν ἐπεσσύμενος δηίων στίχας, ἀμφὶ δὲ νεκρῶν ### book 2.355.5 στείνετο Τρώιον οὖδας. Ὃ δ’ οὐκ ἀπέληγε κυδοιμοῦ· ### book 2.360.1 ἔλπετο γὰρ Τρώεσσι φάος, Δαναοῖσι δὲ πῆμα ### book 2.360.2 ἔσσεσθ’· ἀλλά ἑ Μοῖρα πολύστονος ἠπερόπευεν ### book 2.360.3 ἐγγύθεν ἱσταμένη καὶ ἐπὶ κλόνον ὀτρύνουσα. ### book 2.360.4 Ἀμφὶ δέ οἱ θεράποντες ἐυσθενέες πονέοντο, ### book 2.360.5 Ἀλκυονεὺς Νύχιός τε καὶ Ἀσιάδης ἐρίθυμος ### book 2.365.1 αἰχμητής τε Μένεκλος Ἀλέξιππός τε Κλύδων τε ### book 2.365.2 ἄλλοι τ’ ἰωχμοῖο μεμαότες, οἵ ῥα καὶ αὐτοὶ ### book 2.365.3 καρτύναντ’ ἀνὰ δῆριν ἑῷ πίσυνοι βασιλῆι. ### book 2.365.4 Καὶ τότε δή ῥα Μένεκλον ἐπεσσύμενον Δαναοῖσι ### book 2 Νηλείδης κατέπεφνεν· ὃ δ’ ἀσχαλόων ἑτάροιο ### book 2.370.1 Μέμνων ὀβριμόθυμος ἐνήρατο πουλὺν ὅμιλον. ### book 2.370.2 Ὡς δ’ ὅτε τις κραιπνῇσιν ἐπιβρίσας ἐλάφοισι ### book 2.370.3 θηρητὴρ ἐν ὄρεσσι λίνων ἔντοσθεν ἐρεμνῶν ### book 2.370.4 ἰλαδὸν ἀγρομένῃσιν ἐς ὑστάτ〈ι〉ον δόλον ἄγρης ### book 2.370.5 αἰζηῶν ἰότητι, κύνες δ’ ἐπικαγχαλόωσι ### book 2.375.1 πυκνὸν ὑλακτιόωντες, ὃ δ’ ἐμμεμαὼς ὑπ’ ἄκοντι ### book 2.375.2 κεμμάσιν ὠκυτάτῃσι φόνον στονόεντα τίθησιν· ### book 2.375.3 ὣς Μέμνων ἐδάιζε πολὺν στρατόν, ἀμφὶ δ’ ἑταῖροι ### book 2.375.4 γήθεον. Ἀργεῖοι δὲ περικλυτὸν ἄνδρ’ ἐφέβοντο· ### book 2.375.5 ὡς δ’ ὁπότ’ ἐξεριπόντος ἀπ’ οὔρεος ἠλιβάτοιο ### book 2.380.1 πέτρου ἀπειρεσίοιο, τὸν ὑψόθεν ἀκάματος Ζεὺς ### book 2.380.2 ὤσῃ ἀπὸ κρημνοῖο βαλὼν στονόεντι κεραυνῷ, ### book 2.380.3 τοῦ δ’ ἄρ’ ἀνὰ δρυμὰ πυκνὰ καὶ ἄγκεα μακρὰ ῥαγέντος ### book 2.380.4 βῆσσαι ἐπικτυπέουσι, περιτρομέουσι δ’ ἀν’ ὕλην, ### book 2.380.5 εἴ που μῆλ’ ὑπένερθε κυλινδομένοιο νέμονται ### book 2.385.1 ἢ βόες ἠέ τι ἄλλο, καὶ ἐξαλέονται ἰόντος ### book 2.385.2 ῥιπὴν ἀργαλέην καὶ ἀμείλιχον· ὣς ἄρ’ Ἀχαιοὶ ### book 2.385.3 Μέμνονος ὄβριμον ἔγχος ἐπεσσυμένοιο φέβοντο. ### book 2.385.4 Καὶ τότε δὴ κρατεροῖο μόλε σχεδὸν Αἰακίδαο ### book 2.385.5 Νέστωρ, ἀμφὶ δὲ παιδὶ μέγ’ ἀχνύμενος φάτο μῦθον· ### book 2.390.1 «Ὦ Ἀχιλεῦ, μέγα ἕρκος ἐυσθενέων Ἀργείων, ### book 2.390.2 ὤλετό μοι φίλος υἱός, ἔχει δέ οἱ ἔντεα Μέμνων ### book 2.390.3 τεθναότος, δείδω δὲ κυνῶν μὴ κύρμα γένηται. ### book 2.390.4 Ἀλλὰ θοῶς ἐπάμυνον, ἐπεὶ φίλος ὅς τις ἑταίρου ### book 2.390.5 μέμνηται κταμένοιο καὶ ἄχνυται οὐκέτ’ ἐόντος.» ### book 2.395.1 Ὣς φάτο· τοῦ δ’ ἀίοντος ὑπὸ φρένας ἔμπεσε πένθος. ### book 2.395.2 Μέμνονα δ’ ὡς ἐνόησεν ἀνὰ στονόεντα κυδοιμὸν ### book 2.395.3 Ἀργείους ἰληδὸν ὑπ’ ἔγχεϊ δηιόωντα, ### book 2.395.4 αὐτίκα κάλλιπε Τρῶας ὅσους ὑπὸ χερσὶ δάιζεν ### book 2.395.5 ἀμφ’ ἄλλῃσι φάλαγξι, καὶ ἰσχανόων πολέμοιο ### book 2.1 ἤλυθέ οἱ κατέναντα χολούμενος Ἀντιλόχοιο ### book 2.2 ἠδ’ ἄλλων κταμένων. Ὃ δ’ ἄρ’ εἵλετο χείρεσι πέτρην, ### book 2.3 τήν ῥα βροτοὶ θέσαν οὖρον ἐυστάχυος πεδίοιο, ### book 2.4 καὶ βάλεν ἀκαμάτοιο κατ’ ἀσπίδα Πηλείωνος ### book 2.5 δῖος ἀνήρ. Ὃ δ’ ἄρ’ οὔ τι τρέσας περιμήκεα πέτρην ### book 2.405.1 αὐτίκα οἱ σχεδὸν ἦλθε μακρὸν δόρυ πρόσθε τιταίνων, ### book 2.405.2 πεζός, ἐπεί ῥά οἱ ἵπποι ἔσαν μετόπισθε κυδοιμοῦ, ### book 2.405.3 καί οἱ δεξιὸν ὦμον ὑπὲρ σάκεος στυφέλιξεν. ### book 2.405.4 Ὃς δὲ καὶ οὐτάμενός 〈περ〉 ἀταρβέι μάρνατο θυμῷ, ### book 2.405.5 τύψε δ’ ἄρ’ Αἰακίδαο βραχίονα δουρὶ κραταιῷ· ### book 2.410.1 τοῦ δ’ ἐχύθη φίλον αἷμα. Χάρη δ’ ἄρ’ ἐτώσιον ἥρως ### book 2.410.2 καί μιν ἄφαρ προσέειπεν ὑπερφιάλοις ἐπέεσσι· ### book 2.410.3 «Νῦν ς’ ὀίω μόρον αἰνὸν ἀναπλήσειν ὑπ’ ὀλέθρῳ ### book 2.410.4 χερσὶν ἐμῇσι δαμέντα καὶ οὐκέτι μῶλον ἀλύξαι. ### book 2.410.5 Σχέτλιε, τίπτε σὺ Τρῶας ἀνηλεγέως ὀλέεσκες, ### book 2.415.1 πάντων εὐχόμενος πολὺ φέρτατος ἔμμεναι ἀνδρῶν ### book 2.415.2 μητρός τ’ ἀθανάτης Νηρηίδος; Ἀλλὰ σοὶ ἤδη ### book 2.415.3 ἤλυθεν αἴσιμον ἦμαρ, ἐπεὶ θεόθεν γένος εἰμὶ ### book 2.415.4 Ἠοῦς ὄβριμος υἱός, ὃν ἔκτοθι λειριόεσσαι ### book 2.415.5 Ἑσπερίδες θρέψαντο παρὰ ῥόον Ὠκεανοῖο. ### book 2.420.1 Τοὔνεκά σευ καὶ δῆριν ἀμείλιχον οὐκ ἀλεείνω, ### book 2.420.2 εἰδὼς μητέρα δῖαν, ὅσον προφερεστέρη ἐστὶ ### book 2.420.3 Νηρεΐδος τῆς αὐτὸς ἐπεύχεαι ἔκγονος εἶναι. ### book 2.420.4 Ἣ μὲν γὰρ μακάρεσσι καὶ ἀνθρώποισι φαείνει, ### book 2.420.5 τῇ ἐπὶ πάντα τελεῖται ἀτειρέος ἔνδον Ὀλύμπου ### book 2.425.1 ἐσθλά τε καὶ κλυτὰ ἔργα τά τ’ ἀνδράσι γίνετ’ ὄνειαρ· ### book 2.425.2 ἣ δ’ ἐν ἁλὸς κευθμῶσι καθημένη ἀτρυγέτοισι ### book 2.425.3 ναίει ὁμῶς κήτεσσι μετ’ ἰχθύσι κυδιόωσα ### book 2.425.4 ἄπρηκτος καὶ ἄιστος. Ἐγὼ δέ μιν οὐκ ἀλεγίζω ### book 2.425.5 οὐδέ μιν ἀθανάτῃσιν ἐπουρανίῃσιν ἐίσκω.» ### book 2.430.1 Ὣς φάτο· τὸν δ’ ἐνένιπε θρασὺς πάις Αἰακίδαο· ### book 2.430.2 «Ὦ Μέμνον, πῇ νῦν σε κακαὶ φρένες ἐξορόθυναν ### book 2.430.3 ἐλθέμεν ἀντί’ ἐμεῖο καὶ ἐς μόθον ἰσοφαρίζειν; ### book 2.430.4 Ὃς σέο φέρτερός εἰμι βίῃ γενεῇ τε φυῇ τε, ### book 2.430.5 Ζηνὸς ὑπερθύμοιο λαχὼν ἀριδείκετον αἷμα ### book 2.435.1 καὶ σθεναροῦ Νηρῆος, ὃς εἰναλίας τέκε κούρας ### book 2.435.2 Νηρεΐδας, τὰς δή ῥα θεοὶ τίους’ ἐν Ὀλύμπῳ, ### book 2.435.3 πασάων δὲ μάλιστα Θέτιν κλυτὰ μητιόωσαν, ### book 2.435.4 οὕνεκά που Διόνυσον ἑοῖς ὑπέδεκτο μελάθροις, ### book 2.435.5 ὁππότε δειμαίνεσκε βίην ὀλοοῖο Λυκούργου, ### book 2.440.1 ἠδὲ καὶ ὡς Ἥφαιστον ἐύφρονα χαλκεοτέχνην ### book 2.440.2 δέξατο οἷσι δόμοισιν ἀπ’ Οὐλύμποιο πεσόντα, ### book 2.440.3 αὐτόν τ’ Ἀργικέραυνον ὅπως ὑπελύσατο δεσμῶν· ### book 2.440.4 τῶν μιμνησκόμενοι πανδερκέες Οὐρανίωνες ### book 2.440.5 μητέρ’ ἐμὴν τίουσι Θέτιν ζαθέῳ ἐν Ὀλύμπῳ. ### book 2.445 Γνώσῃ δ’ ὡς θεός ἐστιν, ἐπὴν δόρυ χάλκεον εἴσω ### book 2.1 ἐς τεὸν ἧπαρ ἵκηται ἐμῇ βεβλημένον ἀλκῇ· ### book 2.2 Ἕκτορα γὰρ Πατρόκλοιο, σὲ δ’ Ἀντιλόχοιο χολωθεὶς ### book 2.3 τίσομαι· οὐ γὰρ ὄλεσσας ἀνάλκιδος ἀνδρὸς ἑταῖρον. ### book 2.4 Ἀλλὰ τί νηπιάχοισιν ἐοικότες ἀφραδέεσσιν ### book 2.1 ἕσταμεν ἡμετέρων μυθεύμενοι ἔργα τοκήων ### book 2.2 ἠδ’ αὐτῶν; Ἐγγὺς γὰρ Ἄρης, ἐγγὺς 〈δὲ〉 καὶ ἀλκή.» ### book 2.3 Ὣς εἰπὼν παλάμῃσι λάβεν πολυμήκετον ἆορ, ### book 2.4 Μέμνων δ’ αὖθ’ ἑτέρωθε, καὶ ὀτραλέως συνόρουσαν. ### book 2.5 Τύπτον δ’ ἀλλήλων ἄμοτον φρεσὶ κυδιόωντες ### book 2.455.1 ἀσπίδας ἃς Ἥφαιστος ὑπ’ ἀμβροσίῃ κάμε τέχνῃ, ### book 2.455.2 πυκνὰ συναΐσσοντες· ἐπέψαυον δὲ λόφοισιν ### book 2.455.3 ἀλλήλαις ἑκάτερθεν ἐρειδόμεναι τρυφάλειαι. ### book 2.455.4 Ζεὺς δὲ μέγ’ ἀμφοτέροισι φίλα φρονέων βάλε κάρτος, ### book 2.455.5 τεῦξε δ’ ἄρ’ ἀκαμάτους καὶ μείζονας, οὐδὲν ὁμοίους ### book 2.460.1 ἀνδράσιν, ἀλλὰ θεοῖσιν· Ἔρις δ’ ἐπεγήθεεν ἄμφω. ### book 2.460.2 Οἳ δ’ αἰχμὴν μεμαῶτες ἄφαρ χροὸς ἐντὸς ἐλάσσαι ### book 2.460.3 μεσσηγὺς σάκεός τε καὶ ὑψιλόφου τρυφαλείης ### book 2.460.4 πολλάκις ἰθύνεσκον ἑὸν μένος, ἄλλοτε δ’ αὖτε ### book 2.460.5 βαιὸν ὑπὲρ κνημῖδος, ἔνερθε δὲ δαιδαλέοιο ### book 2.465.1 θώρηκος βριαροῖσιν ἀρηρότος ἀμφὶ μέλεσσιν, ### book 2.465.2 ἄμφω ἐπειγόμενοι· περὶ δέ σφισιν ἄμβροτα τεύχη ### book 2.465.3 ἀμφ’ ὤμοις ἀράβησε. Βοὴ δ’ ἵκετ’ αἰθέρα δῖον ### book 2.465.4 Τρώων Αἰθιόπων τε καὶ Ἀργείων ἐριθύμων ### book 2.465.5 μαρναμένων ἑκάτερθε· κόνις δ’ ὑπὸ ποσσὶν ὀρώρει ### book 2.470.1 ἄχρις ἐς οὐρανὸν εὐρύν, ἐπεὶ μέγα ἤνυτο ἔργον. ### book 2.470.2 Εὖτ’ ὀμίχλη κατ’ ὄρεσφιν ὀρινομένου ὑετοῖο, ### book 2.470.3 ὁππότε δὴ κελάδοντες ἐνιπλήθονται ἔναυλοι ### book 2.1 ὕδατος ἐσσυμένοιο, βρέμει δ’ ἄρα πᾶσα χαράδρη ### book 2.2 ἄσπετον, οἳ δ’ ἄρα πάντες ἐπιτρομέουσι νομῆες ### book 2.475.1 χειμάρρους ὀμίχλην τε φίλην ὀλοοῖσι λύκοισιν ### book 2.475.2 ἠδ’ ἄλλοις θήρεσσιν ὅσους τρέφει ἄσπετος ὕλη· ### book 2.475.3 ὣς τῶν ἀμφὶ πόδεσσι κόνις πεπότητ’ ἀλεγεινή, ### book 2.475.4 ἥ ῥά τε καὶ φάος ἠὺ κατέκρυφεν ἠελίοιο ### book 2.475.5 αἰθέρ’ ἐπισκιάουσα· κακὴ δ’ ὑπεδάμνατ’ ὀιζὺς ### book 2.480.1 λαοὺς ἐν κονίῃ τε καὶ αἰνομόρῳ ὑσμίνῃ. ### book 2.480.2 Καὶ τὴν μὲν μακάρων τις ἀπώσατο δηιοτῆτος ### book 2.480.3 ἐσσυμένως· ὀλοαὶ δὲ θοὰς ἑκάτερθε φάλαγγας ### book 2.480.4 Κῆρες ἐποτρύνεσκον ἀπειρέσιον πονέεσθαι ### book 2.480.5 δῆριν ἀνὰ στονόεσσαν· Ἄρης δ’ οὐ λῆγε φόνοιο ### book 2.485.1 λευγαλέου, πάντῃ δὲ πέριξ ἐφορύνετο γαῖα ### book 2.485.2 αἵματος ἐκχυμένοιο· μέλας δ’ ἐπετέρπετ’ Ὄλεθρος. ### book 2.485.3 Στείνετο δὲ κταμένων πεδίον μέγα ἱππόβοτόν τε, ### book 2.485.4 ὁππόσον ἀμφὶ ῥοῇς Σιμόεις καὶ Ξάνθος ἐέργει ### book 2.485.5 Ἴδηθεν κατιόντες ἐς ἱερὸν Ἑλλήσποντον. ### book 2.490.1 Ἀλλ’ ὅτε δὴ πολλὴ μὲν ἄδην μηκύνετο δῆρις ### book 2.490.2 μαρναμένων, ἶσον δὲ μένος τέτατ’ ἀμφοτέροισι, ### book 2.490.3 δὴ τότε τούς γ’ ἀπάνευθεν Ὀλύμπιοι εἰσορόωντες ### book 2.490.4 οἳ μὲν θυμὸν ἔτερπον ἀτειρέι Πηλείωνι, ### book 2.490.5 οἳ δ’ ἄρα Τιθωνοῖο καὶ Ἠοῦς υἱέι δίῳ. ### book 2.495.1 Ὑψόθε δ’ οὐρανὸς εὐρὺς ἐπέβραχεν, ἀμφὶ δὲ πόντος ### book 2.495.2 ἴαχε, κυανέη δὲ πέριξ ἐλελίζετο γαῖα ### book 2.495.3 ἀμφοτέρων ὑπὸ ποσσί. Περιτρομέοντο δὲ πᾶσαι ### book 2.495.4 ἀμφὶ Θέτιν Νηρῆος ὑπερθύμοιο θύγατρες ### book 2.495.5 ὀβρίμου ἀμφ’ Ἀχιλῆος ἰδ’ ἄσπετα δειμαίνοντο. ### book 2 Δείδιε δ’ Ἠριγένεια φίλῳ περὶ παιδὶ καὶ αὐτὴ ### book 2.1 ἵπποις ἐμβεβαυῖα δι’ αἰθέρος· αἳ δέ οἱ ἄγχι ### book 2.2 Ἠελίοιο θύγατρες ἐθάμβεον ἑστηυῖαι ### book 2.3 θεσπέσιον περὶ κύκλον, ὃν Ἠελίῳ ἀκάμαντι ### book 2.4 Ζεὺς πόρεν εἰς ἐνιαυτὸν ἐὺν δρόμον, ᾧ περὶ πάντα ### book 2.505.1 ζώει τε φθινύθει τε περιπλομένοιο κατ’ ἦμαρ ### book 2.505.2 νωλεμέως αἰῶνος ἑλισσομένων ἐνιαυτῶν. ### book 2.505.3 Καί νύ κε δὴ μακάρεσσιν ἀμείλιχος ἔμπεσε δῆρις, ### book 2.505.4 εἰ μὴ ὑπ’ ἐννεσίῃσι Διὸς μεγαλοβρεμέταο ### book 2.505.5 δοιαὶ ἄρ’ ἀμφοτέροισι θοῶς ἑκάτερθε παρέσταν ### book 2.510.1 Κῆρες· ἐρεμναίη μὲν ἔβη ποτὶ Μέμνονος ἦτορ, ### book 2.510.2 φαιδρὴ δ’ ἀμφ’ Ἀχιλῆα δαΐφρονα· τοὶ δ’ ἐσιδόντες ### book 2.510.3 ἀθάνατοι μέγ’ ἄυσαν, ἄφαρ δ’ ἕλε τοὺς μὲν ἀνίη ### book 2.510.4 λευγαλέη, τοὺς δ’ ἠὺ καὶ ἀγλαὸν ἔλλαβε χάρμα. ### book 2.510.5 Ἥρωες δ’ ἐμάχοντο καθ’ αἱματόεντα κυδοιμὸν ### book 2.515.1 ἔμπεδον, οὐδέ τι Κῆρας ἐποιχομένας ἐνόησαν ### book 2.515.2 θυμὸν καὶ μέγα κάρτος ἐπ’ ἀλλήλοισι φέροντες. ### book 2.515.3 Φαίης κε στονόεντα κατὰ μόθον ἤματι κείνῳ ### book 2.515.4 μάρνασθ’ ὥς τε Γίγαντας ἀτειρέας ἠὲ κραταιοὺς ### book 2.515.5 Τιτῆνας· σθεναρὴ γὰρ ἐπὶ σφίσι δῆρις ὀρώρει· ### book 2.520.1 ἠμὲν ὁτὲ ξιφέεσσι συνέδραμον, ἠδ’ ὁτὲ λᾶας ### book 2.520.2 βάλλον ἐπεσσύμενοι περιμήκεας. Οὐδέ τις αὐτῶν ### book 2.520.3 χάζετο βαλλομένων οὐδ’ ἔτρεσαν, ἀλλ’ ἅτε πρῶνες ### book 2.520.4 ἕστασαν ἀκμῆτες καταειμένοι ἄσπετον ἀλκήν· ### book 2.520.5 ἄμφω γὰρ μεγάλοιο Διὸς γένος εὐχετόωντο. ### book 2.525.1 Τοὔνεκ’ ἄρά σφισι δῆριν ἴσην ἐτάνυσσεν Ἐνυὼ ### book 2.525.2 πολλὸν ἐρειδομένοισιν ἐπὶ χρόνον ἐν δαῒ κείνῃ, ### book 2.525.3 αὐτοῖς ἠδ’ ἑτάροισιν ἀταρβέσιν οἳ μετ’ ἀνάκτων ### book 2.1 νωλεμέως πονέοντο μεμαότες, ἄχρι καμόντων ### book 2.2 αἰχμαὶ ἀνεγνάμφθησαν ἐν ἀσπίσιν· οὐδέ τις ἦεν ### book 2.530.1 θεινομένων ἑκάτερθεν ἀνούτατος, ἀλλ’ ἄρα πάντων ### book 2.530.2 ἐκ μελέων εἰς οὖδας ἀπέρρεεν αἷμα καὶ ἱδρὼς ### book 2.530.3 αἰὲν ἐρειδομένων. Κεκάλυπτο δὲ γαῖα νέκυσσιν, ### book 2.530.4 οὐρανὸς ὣς νεφέεσσιν ἐς Αἰγοκερῆα κιόντος ### book 2.530.5 ἠελίου, ὅτε πόντον ὑποτρομέει μέγα ναύτης. ### book 2.535.1 Τοὺς 〈δ’〉 ἵπποι χρεμέθοντες ἐπεσσυμένοις ἅμα λαοῖς ### book 2.535.2 τεθναότας στείβεσκον, ἅτ’ ἄσπετα φύλλα κατ’ ἄλσος ### book 2.535.3 χείματος ἀρχομένου μετὰ τηλεθόωσαν ὀπώρην. ### book 2.535.4 Οἳ δέ που ἐν νεκύεσσι καὶ αἵματι δηριόωντο ### book 2.535.5 υἱῆες μακάρων ἐρικυδέες οὐδ’ ἀπέληγον ### book 2.540.1 ἀλλήλοις κοτέοντες. Ἔρις δ’ ἴθυνε τάλαντα ### book 2.540.2 ὑσμίνης ἀλεγεινά. Τὰ δ’ οὐκέτι ἶσα πέλοντο· ### book 2.540.3 ἀλλ’ ἄρα Μέμνονα δῖον ὑπὸ στέρνοιο θέμεθλα ### book 2.540.4 Πηλείδης οὔτησε, τὸ δ’ ἀντικρὺ μέλαν ἆορ ### book 2.540.5 ἐξέθορε〈ν〉. Τοῦ δ’ αἶψα λύθη πολυήρατος αἰών· ### book 2.545.1 κάππεσε δ’ ἐς μέλαν αἷμα, βράχεν δέ οἱ ἄσπετα τεύχη, ### book 2.545.2 γαῖα δ’ ὑπεσμαράγησε καὶ ἀμφεφόβηθεν ἑταῖροι. ### book 2.545.3 Τὸν δ’ ἄρα Μυρμιδόνες μὲν ἐσύλεον· ἀμφὶ δὲ Τρῶες ### book 2.545.4 φεῦγον, ὃ δ’ αἶψα δίωκε μένος μέγα λαίλαπι ἶσος. ### book 2.545.5 Ἠὼς δὲ στονάχησε καλυψαμένη νεφέεσσιν, ### book 2.1 ἠχλύνθη δ’ ἄρα γαῖα. Θοοὶ δ’ ἅμα πάντες Ἀῆται ### book 2.2 μητρὸς ἐφημοσύνῃσι μιῇ φορέοντο κελεύθῳ ### book 2.3 ἐς πεδίον Πριάμοιο καὶ ἀμφεχέαντο θανόντι· ### book 2.1 οἳ καὶ ἀνηρείψαντο θοῶς Ἠώιον υἷα ### book 2.2 καί ἑ φέρον πολιοῖο δι’ ἠέρος· ἄχνυτο δέ σφι ### book 2.555.1 θυμὸς ἀδελφειοῖο δεδουπότος, ἀμφὶ δ’ ἄρ’ αἰθὴρ ### book 2.555.2 ἔστενε. Τοῦ δ’ ἐπὶ γαῖαν ὅσαι πέσον αἱματόεσσαι ### book 2.555.3 ἐκ μελέων ῥαθάμιγγες, ἐν ἀνθρώποισι τέτυκται ### book 2.555.4 σῆμα καὶ ἐσσομένοις· τὰς γὰρ θεοὶ ἄλλοθεν ἄλλην ### book 2.555.5 εἰς ἓν ἀγειράμενοι ποταμὸν θέσαν ἠχήεντα, ### book 2.560.1 τόν ῥά τε Παφλαγόνειον ἐπιχθόνιοι καλέουσι ### book 2.560.2 πάντες ὅσοι ναίουσι μακρῆς ὑπὸ πείρασιν Ἴδης· ### book 2.560.3 ὅς τε καὶ αἱματόεις τραφερὴν ἐπινίσεται αἶαν, ### book 2.560.4 ὁππότε Μέμνονος ἦμαρ ἔῃ λυγρὸν ᾧ ἔνι κεῖνος ### book 2.560.5 κάτθανε· λευγαλέη δὲ καὶ ἄσχετος ἔσσυται ὀδμὴ ### book 2.565.1 ἐξ ὕδατος· φαίης κεν ἔθ’ ἕλκεος οὐλομένοιο ### book 2.565.2 πυθομένους ἰχῶρας ἀποπνείειν ἀλεγεινόν. ### book 2.565.3 Ἀλλὰ τὸ μὲν βουλῇσι θεῶν γένεθ’· οἳ δ’ ἐπέτοντο ### book 2.565.4 Ἠοῦς ὄβριμον υἷα θοοὶ φορ〈έ〉οντες Ἀῆται ### book 2.565.5 τυτθὸν ὑπὲρ γαίης δνοφερῇ κεκαλυμμένον ὄρφνῃ. ### book 2.570.1 Οὐδὲ μὲν Αἰθιοπῆες ἀποκταμένοιο ἄνακτος ### book 2.570.2 νόσφιν ἀπεπλάγχθησαν, ἐπεὶ θεὸς αἶψα καὶ αὐτοὺς ### book 2.570.3 ἦγε λιλαιομένοισι βαλὼν τάχος, οἷον ἔμελλον ### book 2.570.4 οὐ μετὰ δηρὸν ἔχοντες ὑπηέριοι φορέεσθαι· ### book 2.570.5 τοὔνεχ’ ἕποντ’ Ἀνέμοισιν ὀδυρόμενοι βασιλῆα. ### book 2.575.1 Ὡς δ’ ὅτ〈αν〉 ἀγρευτῆρος ἐνὶ ξυλόχοισι δαμέντος ### book 2.575.2 ἢ συὸς ἠὲ λέοντος ὑπὸ βλοσυρῇσι γένυσσι ### book 2.575.3 σῶμ’ ἀναειράμενοι μογεροὶ φορέωσιν ἑταῖροι ### book 2.575.4 ἀχνύμενοι, μετὰ δέ σφι κύνες ποθέοντες ἄνακτα ### book 2.575.5 κνυζηθμῷ ἐφέπονται ἀνιηρῆς ἕνεκ’ ἄγρης· ### book 2.580.1 ὣς οἵ γε προλιπόντες ἀνηλέα δηιοτῆτα ### book 2.580.2 λαιψηροῖς ἐφέποντο μέγα στενάχοντες Ἀήταις ### book 2.580.3 ἀχλύι θεσπεσίῃ κεκαλυμμένοι. Ἀμφὶ δὲ Τρῶες ### book 2.580.4 καὶ Δαναοὶ θάμβησαν ἅμα σφετέρῳ βασιλῆι ### book 2.580.5 πάντας ἀιστωθέντας, ἀπειρεσίῃ δ’ ἀνὰ θυμὸν ### book 2.585.1 ἀμφασίῃ βεβόληντο. Νέκυν δ’ ἀκάμαντες Ἀῆται ### book 2.585.2 Μέμνονος ἀγχεμάχοιο θέσαν βαρέα στενάχοντες ### book 2.585.3 πὰρ ποταμοῖο ῥέεθρα βαθυρρόου Αἰσήποιο, ### book 2.585.4 ἧχί τε Νυμφάων καλλιπλοκάμων πέλει ἄλσος ### book 2.585.5 καλόν, ὃ δὴ μετόπισθε μακρὸν περὶ σῆμ’ ἐβάλοντο ### book 2.590.1 Αἰσήποιο θύγατρες ἄδην πεπυκασμένον ὕλῃ ### book 2.590.2 παντοίῃ· καὶ πολλὰ θεαὶ περικωκύσαντο ### book 2.590.3 υἱέα κυδαίνουσαι ἐυθρόνου Ἠριγενείης. ### book 2.590.4 Δύσετο δ’ ἠελίοιο φάος· κατὰ δ’ ἤλυθεν Ἠὼς ### book 2.590.5 οὐρανόθεν κλαίουσα φίλον τέκος, ἀμφὶ δ’ ἄρ’ αὐτῇ ### book 2.595.1 κοῦραι ἐυπλόκαμοι δυο〈καί〉δεκα, τῇσι μέμηλεν ### book 2.595.2 αἰὲν ἑλισσομένου Ὑπερίονος αἰπὰ κέλευθα ### book 2.595.3 νύξ τε καὶ ἠριγένεια καὶ ἐκ Διὸς ὁππόσα βουλῆς ### book 2.595.4 γίνεται, οὗ περὶ δῶμα καὶ ἀρρήκτους πυλεῶνας ### book 2.595.5 στρωφῶντ’ ἔνθα καὶ ἔνθα πέριξ λυκάβαντα φέρουσαι ### book 2.1 καρποῖσι βρίθοντα, κυλινδομένου περὶ κύκλον ### book 2.2 χειμῶνος κρυεροῖο καὶ εἴαρος ἀνθεμόεντος ### book 2.3 ἠδὲ θέρευς ἐρατοῖο πολυσταφύλοιό τ’ ὀπώρης. ### book 2.4 Αἳ δ’ ὅτε δὴ κατέβησαν ἀπ’ αἰθέρος ἠλιβάτοιο ### book 2.5 ἄσπετ’ ὀδυρόμεναι περὶ Μέμνονα, σὺν δ’ ἄρα τῇσι ### book 2.605.1 Πληιάδες μύροντο, περίαχε δ’ οὔρεα μακρὰ ### book 2.605.2 καὶ ῥόος Αἰσήποιο, γόος δ’ ἄλληκτος ὀρώρει. ### book 2.1 Ἣ δ’ ἄρ’ ἐνὶ μέσσῃσιν ἑῷ περὶ παιδὶ χυθεῖσα ### book 2.2 μακρὸν ἀνεστονάχησε πολύστονος Ἠριγένεια· ### book 2.3 «Ὤλεό μοι, φίλε τέκνον, ἑῇ δ’ ἄρα μητέρι πένθος ### book 2.610.1 ἀργαλέον περίθηκας. Ἐγὼ δ’ οὐ σεῖο δαμέντος ### book 2.610.2 τλήσομαι ἀθανάτοισιν ἐπουρανίοισι φαείνειν· ### book 2.610.3 ἀλλὰ καταχθονίων ἐσδύσομαι αἰνὰ βέρεθρα, ### book 2.610.4 ψυχὴ ὅπου σέο νόσφιν ἀποφθιμένου 〈πε〉πότηται, ### book 2.610.5 πάντ’ ἐπικιδναμένου χάεος καὶ ἀεικέος ὄρφνης, ### book 2.615.1 ὄφρά τι καὶ Κρονίδαο περὶ φρένας ἄλγος ἵκηται. ### book 2.615.2 Οὐ γὰρ ἀτιμοτέρη Νηρηίδος, ἐκ Διὸς αὐτοῦ ### book 2.615.3 πάντ’ ἐπιδερκομένη, πάντ’ ἐς τέλος ἄχρις ἄγουσα, ### book 2.615.4 μαψιδίως· ἦ γάρ κεν ἐμὸν φάος ὠπίσατο Ζεύς. ### book 2.615.5 Τοὔνεχ’ ὑπὸ ζόφον εἶμι· Θέτιν δ’ ἐς Ὄλυμπον ἀγέσθω ### book 2.620.1 ἐξ ἁλός, ὄφρα θεοῖσι καὶ ἀνθρώποισι φαείνῃ· ### book 2.620.2 αὐτὰρ ἐμοὶ στονόεσσα μετ’ οὐρανὸν εὔαδεν ὄρφνη, ### book 2.620.3 μὴ δὴ σεῖο φονῆι φάος περὶ σῶμα βάλοιμι.» ### book 2.620.4 Ὣς φαμένης ῥέε δάκρυ κατ’ ἀμβροσίοιο προσώπου ### book 2.620.5 ἀενάῳ ποταμῷ ἐναλίγκιον, ἀμφὶ δὲ νεκρῷ ### book 2.625.1 δεύετο γαῖα μέλαινα· συνάχνυτο δ’ ἀμβροσίη Νὺξ ### book 2.625.2 παιδὶ φίλῃ καὶ πάντα κατέκρυφεν Οὐρανὸς ἄστρα ### book 2.625.3 ἀχλύι καὶ νεφέεσσι φέρων χάριν Ἠριγενείῃ. ### book 2.625.4 Τρῶες δ’ ἄστεος ἔνδον ἔσαν περὶ Μέμνονι θυμὸν ### book 2.625.5 ἀχνύμενοι· πόθεον γὰρ ὁμῶς ἑτάροισιν ἄνακτα. ### book 2.630 Οὐδὲ μὲν Ἀργεῖοι μέγ’ ἐγήθεον, ἀλλὰ καὶ αὐτοὶ ### book 2.1 ἐν πεδίῳ κταμένοισι παρ’ ἀνδράσιν αὖλιν ἔχοντες ### book 2.2 ἄμφω ἐυμμελίην μὲν Ἀχιλλέα κυδαίνεσκον, ### book 2.3 Ἀντίλοχον δ’ ἄρα κλαῖον· ἔχον δ’ ἅμα χάρματι πένθος. ### book 2.4 Παννυχίη δ’ ἀλεγεινὸν ἀνεστενάχιζε γοῶσα ### book 2.635.1 Ἠώς, ἀμφὶ δέ οἱ κέχυτο ζόφος· οὐδέ τι θυμῷ ### book 2.635.2 ἀντολίης ἀλέγιζε, μέγαν δ’ ἤχθηρεν Ὄλυμπον. ### book 2.635.3 Ἄγχι δέ οἱ μάλα πολλὰ ποδώκεες ἔστενον ἵπποι, ### book 2.635.4 γαῖαν ἐπιστείβοντες ἀήθεα καὶ βασίλειαν ### book 2.635.5 ἀχνυμένην ὁρόωντες, ἐελδόμενοι μέγα νόστου. ### book 2.640.1 Ζεὺς δ’ ἄμοτον βρόντησε χολούμενος, ἀμφὶ δὲ γαῖα ### book 2.640.2 κινήθη περὶ πᾶσα· τρόμος δ’ ἕλεν ἄμβροτον Ἠῶ. ### book 2.640.3 Τὸν δ’ ἄρα καρπαλίμως μελανόχροες Αἰθιοπῆες ### book 2.640.4 θάψαν ὀδυρόμενοι· τοὺς δ’ Ἠριγένεια βοῶπις ### book 2.640.5 πόλλ’ ὀλοφυρομένους κρατεροῦ περὶ σήματι παιδὸς ### book 2.645.1 οἰωνοὺς ποίησε καὶ ἠέρι δῶκε φέρεσθαι. ### book 2.645.2 Τοὺς δὴ νῦν καλέουσι βροτῶν ἀπερείσια φῦλα ### book 2.645.3 μέμνονας, οἵ ῥ’ ἔτι τύμβον ἔπι σφετέρου βασιλῆος ### book 2.645.4 ἐσσύμενοι γοόωσι κόνιν καθύπερθε χέοντες ### book 2.645.5 σήματος, ἀλλήλοις δὲ περικλονέουσι κυδοιμὸν ### book 2.1 Μέμνονι ἦρα φέροντες· ὃ δ’ εἰν Ἀίδαο δόμοισιν ### book 2.2 ἠέ που ἐν μακάρεσσι κατ’ Ἠλύσιον πέδον αἴης ### book 2.3 καγχαλάᾳ, καὶ θυμὸν ἰαίνεται ἄμβροτος Ἠὼς ### book 2.4 δερκομένη· τοῖσι〈ν〉 δὲ πέλει πόνος, ἄχρι καμόντες ### book 2.5 εἷς ἕνα δῃώσωνται ἀνὰ κλόνον ἠὲ καὶ ἄμφω ### book 2.655.1 πότμον ἀναπλήσωσι πονεύμενοι ἀμφὶς ἄνακτι. ### book 2.655.2 Καὶ τὰ μὲν ἐννεσίῃσι φαεσφόρου Ἠριγενείης ### book 2.1 οἰωνοὶ τελέουσι θοοί. Τότε δ’ ἄμβροτος Ἠὼς ### book 2.2 οὐρανὸν εἰσανόρουσ〈εν〉 ὁμῶς πολυαλδέσιν Ὥραις, ### book 2.3 αἵ ῥά μιν οὐκ ἐθέλουσαν ἀνήγαγον ἐς Διὸς οὖδας, ### book 2.660.1 παρφάμεναι μύθοισιν ὅσοις βαρὺ πένθος ὑπείκει, ### book 2.660.2 καί περ ἔτ’ ἀχνυμένην. Ἣ δ’ οὐ λάθεθ’ οἷο δρόμοιο· ### book 2.660.3 δείδιε γὰρ 〈δὴ〉 Ζηνὸς ἄδην ἄλληκτον ἐνιπήν, ### book 2.660.4 ἐξ οὗ πάντα πέλονται ὅς’ Ὠκεανοῖο ῥέεθρα ### book 2.660.5 ἐντὸς ἔχει καὶ γαῖα καὶ αἰθομένων ἕδος ἄστρων. ### book 2.665 Τῆς 〈δ’ ἄ〉ρα Πληιάδες πρότεραι ἴσαν· ἣ δὲ καὶ αὐτὴ ### book 2 αἰθερίας ὤιξε πύλας, ἐκέδασσε δ’ ἄρ’ ἀχλύν. ### book 3.1.1 Αὐτὰρ ἐπεὶ φάος ἦλθεν ἐυθρόνου Ἠριγενείης, ### book 3.1.2 δὴ τότ’ ἄρ’ Ἀντιλόχοιο νέκυν ποτὶ νῆας ἔνεικαν ### book 3.1.3 αἰχμηταὶ Πύλιοι μεγά〈λα〉 στενάχοντες ἄνακτα ### book 3.1.4 καί μιν ταρχύσαντο παρ’ ᾐόσιν Ἑλλησπόντου ### book 3.5.1 πολλὰ μάλ’ ἀχνύμενοι. Περὶ δ’ ἔστενον ὄβριμοι υἷες ### book 3.5.2 Ἀργείων· πάντας γὰρ ἀμείλιχον ἄμπεχε πένθος ### book 3.5.3 Νέστορι ἦρα φέροντας. Ὃ δ’ οὐ μέγα δάμνατο θυμῷ· ### book 3.5.4 ἀνδρὸς γὰρ πινυτοῖο περὶ φρεσὶ τλήμεναι ἄλγος ### book 3.5.5 θαρσαλέως καὶ μή τι κατηφιόωντ’ ἀκάχησθαι. ### book 3.10.1 Πηλείδης δ’ ἑτάροιο χολούμενος Ἀντιλόχοιο ### book 3.10.2 σμερδνὸν ἐπὶ Τρώεσσι κορύσσετο· τοὶ δὲ καὶ αὐτοὶ ### book 3.10.3 καί περ ὑποτρομέοντες ἐυμμελίην Ἀχιλῆα ### book 3.10.4 τείχεος ἐξεχέοντο μεμαότες, οὕνεκ’ ἄρά σφι ### book 3.10.5 Κῆρες ἐνὶ στέρνοισι θράσος βάλον· ἦ γὰρ ἔμελλον ### book 3.15.1 πολλοὶ ἀνοστήτοιο κατελθέμεν Ἀιδονῆος ### book 3.15.2 χερσὶν ὑπ’ Αἰακίδαο δαΐφρονος, ὅς ῥα καὶ αὐτὸς ### book 3.15.3 φθεῖσθαι ὁμῶς ἤμελλε παρὰ Πριάμοιο πόληι. ### book 3.15.4 Αἶψα δ’ ἄρ’ ἀμφοτέρωθε συνήλυθον εἰς ἕνα χῶρον ### book 3 Τρώων ἔθνεα πολλὰ μενεπτολέμων τ’ Ἀργείων ### book 3.20.1 μαιμώωντ’ ἐς Ἄρηα διεγρομένου πολέμοιο. ### book 3.20.2 Πηλείδης δ’ ἐν τοῖσι πολὺν περιδάμνατο λαὸν ### book 3.20.3 δυσμενέων· πάντῃ δὲ φερέσβιος αἵματι γαῖα ### book 3.20.4 δεύετο καὶ νεκύεσσι περιστείνοντο ῥέεθρα ### book 3.20.5 Ξάνθου καὶ Σιμόεντος. Ὃ δ’ ἑσπόμενος κεράιζε ### book 3.25.1 μέχρι〈σ〉 ἐπὶ πτολίεθρον, ἐπεὶ φόβος ἄμπεχε λαούς. ### book 3.25.2 Καί νύ κε πάντας ὄλεσσε, πύλας δ’ εἰς οὖδας ἔρεισε ### book 3.25.3 θαιρῶν ἐξερύσας, ἢ καὶ συνέαξεν ὀχῆας ### book 3.25.4 δόχμιος ἐγχριμφθείς, Δαναοῖσι δ’ ἔθηκε κέλευθον ### book 3.25.5 ἐς Πριάμοιο πόληα, διέπραθε δ’ ὄλβιον ἄστυ, ### book 3.30.1 εἰ μή οἱ μέγα Φοῖβος ἀνηλέι χώσατο θυμῷ, ### book 3.30.2 ὡς ἴδεν ἄσπετα φῦλα δαϊκταμένων ἡρώων. ### book 3.30.3 Αἶψα δ’ ἀπ’ Οὐλύμποιο κατήλυθε θηρὶ ἐοικὼς ### book 3.30.4 ἰοδόκην ὤμοισιν ἔχων καὶ ἀναλθέας ἰούς· ### book 3.30.5 ἔστη δ’ Αἰακίδαο καταντίον· ἀμφὶ δ’ ἄρ’ αὐτῷ ### book 3.35.1 γωρυτὸς καὶ τόξα μέγ’ ἴαχεν, ἐκ δέ οἱ ὄσσων ### book 3.35.2 πῦρ ἄμοτον μάρμαιρε, ποσὶν δ’ ὑπὸ κίνυτο γαῖα. ### book 3.35.3 Σμερδαλέον δ’ ἤυσε μέγας θεός, ὄφρ’ Ἀχιλῆα ### book 3.35.4 τρέψῃ ἀπὸ πτολέμοιο θεοῦ ὄπα ταρβήσαντα ### book 3.35.5 θεσπεσίην καὶ Τρῶας ὑπ’ ἐκ θανάτοιο σαώσῃ· ### book 3.40.1 «Χάζεο, Πηλείδη, Τρώων ἑκάς, οὐ γὰρ ἔοικεν ### book 3.40.2 οὔ ς’ ἔτι δυσμενέεσσι κακὰς ἐπὶ Κῆρας ἰάλλειν, ### book 3.40.3 μή σε καὶ ἀθανάτων τις ἀπ’ Οὐλύμποιο χαλέψῃ.» ### book 3.40.4 Ὣς ἄρ’ ἔφη· ὃ δ’ ἄρ’ οὔ τι θεοῦ τρέσεν ἄμβροτον αὐδήν· ### book 3.40.5 ἤδη γάρ οἱ Κῆρες ἀμείλιχοι ἀμφεποτῶντο. ### book 3.45.1 Τοὔνεκ’ ἄρ’ οὐκ ἀλέγιζε θεοῦ, μέγα δ’ ἴαχεν ἄντην· ### book 3.45.2 «Φοῖβε, τί ἤ με θεοῖσι καὶ οὐ μεμαῶτα μάχεσθαι ### book 3.1 ὀτρύνεις Τρώεσσιν ὑπερφιάλοισιν ἀμύνων; ### book 3.2 Ἤδη γὰρ καὶ πρόσθε μ’ ἀποστρέψας ὀρυμαγδοῦ ### book 3.3 ἤπαφες, ὁππότε πρῶτον ὑπεξεσάωσας ὀλέθρου ### book 3.1 Ἕκτορα τῷ μέγα Τρῶες ἀνὰ πτόλιν εὐχετόωντο. ### book 3.2 Ἀλλ’ ἀναχάζεο τῆλε καὶ ἐς μακάρων ἕδος ἄλλων ### book 3.3 ἔρχεο, μή σε βάλοιμι καὶ ἀθάνατόν περ ἐόντα.» ### book 3.4 Ὣς εἰπὼν ἀπάτερθε θεὸν λίπε, βῆ δ’ ἐπὶ Τρῶας ### book 3.5 οἵ ῥ’ ἔτι που φεύγεσκον ἅμα προπάροιθε πόληος, ### book 3.55.1 καὶ τοὺς μὲν σεύεσκεν· ὃ δ’ ἀσχαλόων ἐνὶ θυμῷ ### book 3.55.2 Φοῖβος ἑὸν κατὰ θυμὸν ἔπος ποτὶ τοῖον ἔειπεν· ### book 3.55.3 «Ὢ πόποι, ὡς ὅ γε μαίνετ’ ἀνὰ φρένας· ἀλλά μιν οὔ τι ### book 3.55.4 οὐδ’ αὐτὸς Κρονίδης ἔτ’ ἀνέξεται οὔτέ τις ἄλλος ### book 3.55.5 οὕτω μαργαίνοντα καὶ ἀντιόωντα θεοῖσιν.» ### book 3.60.1 Ὣς ἄρ’ ἔφη καὶ ἄιστος ὁμοῦ νεφέεσσιν ἐτύχθη· ### book 3.60.2 ἠέρα δ’ ἑσσάμενος στυγερὸν προέηκε βέλεμνον ### book 3.60.3 καί ἑ θοῶς οὔτησε κατὰ σφυρόν. Αἶψα δ’ ἀνῖαι ### book 3.60.4 δῦσαν ὑπὸ κραδίην· ὃ δ’ ἀνετράπετ’ ἠύτε πύργος, ### book 3.60.5 ὅν τε βίη τυφῶνος ὑποχθονίῃ στροφάλιγγι ### book 3.65.1 ῥήξῃ ὑπὲρ δαπέδοιο κραδαινομένης βαθὺ γαίης· ### book 3.65.2 ὣς ἐκλίθη δέμας ἠὺ κατ’ οὔδεος Αἰακίδαο. ### book 3.65.3 Ἀμφὶ δὲ παπτήνας ὀλοὸν καὶ † ἄκρατον † ὁμόκλα· ### book 3.65.4 «Τίς νύ μοι αἰνὸν ὀιστὸν ἐπιπροέηκε κρυφηδόν; ### book 3.65.5 Τλήτω μευ κατέναντα καὶ εἰς ἀναφανδὸν ἱκέσθαι, ### book 3.70.1 ὄφρά κέ οἱ μέλαν αἷμα καὶ ἔγκατα πάντα χυθείη ### book 3.70.2 ἡμετέρῳ περὶ δουρὶ καὶ Ἄιδα λυγρὸν ἵκηται. ### book 3.1 Οἶδα γὰρ ὡς οὔ τίς με δυνήσεται ἐγγύθεν ἐλθὼν ### book 3.2 ἐγχείῃ δαμάσασθαι ἐπιχθονίων ἡρώων, ### book 3.3 οὐδ’ εἴ περ στέρνοισι μάλ’ ἄτρομον ἦτορ ἔχῃσιν, ### book 3.75.1 ἄτρομον ἦτορ ἔχῃσι λίην καὶ χάλκεος εἴη. ### book 3.75.2 Κρύβδα δ’ ἀνάλκιδες αἰὲν ἀγαυοτέρους λοχόωσι· ### book 3.75.3 τῶ μευ ἴτω κατέναντα, καὶ εἰ θεὸς εὔχεται εἶναι ### book 3.75.4 χωόμενος Δαναοῖς, ἐπεὶ ἦ νύ μοι ἦτορ ἔολπεν ### book 3.75.5 ἔμμεναι Ἀπόλλωνα λυγρῇ κεκαλυμμένον ὄρφνῃ. ### book 3.80.1 Ὣς γάρ μοι τὸ πάροιθε φίλη διεπέφραδε μήτηρ ### book 3.80.2 κείνου ὑπαὶ βελέεσσιν ὀιζυρῶς ἀπολέσθαι ### book 3.80.3 Σκαιῇς ἀμφὶ πύλῃσι· τὸ δ’ οὐκ ἀνεμώλιον ἦεν.» ### book 3.80.4 Ἦ καὶ λυγρὸν ὀιστὸν ἀμειλίκτοισι χέρεσσιν ### book 3.80.5 ἕλκεος ἐξείρυσσεν ἀναλθέος· ἐκ δέ οἱ αἷμα ### book 3.85.1 ἔσσυτο τειρομένοιο, πότμος δέ οἱ ἦτορ ἐδάμνα. ### book 3.85.2 Ἀσχαλόων δ’ ἔρριψε βέλος· τὸ δ’ ἄρ’ αἶψα κιοῦσαι ### book 3.85.3 Πνοιαὶ ἀνηρείψαντο, δόσαν δέ μιν Ἀπόλλωνι ### book 3.85.4 ἐς Διὸς οἰχομένῳ ζάθεον πέδον· οὐ γὰρ ἐῴκει ### book 3.85.5 ἄμβροτον ἰὸν ὀλέσθαι ἀπ’ ἀθανάτοιο μολόντα. ### book 3.90.1 Δεξάμενος δ’ ὅ γε κραιπνὸς ἀφίκετο μακρὸν Ὄλυμπον ### book 3.90.2 ἄλλων ἀθανάτων ἐς ὁμήγυριν, ἧχι μάλιστα ### book 3.90.3 πανσυδίῃ ἀγέροντο μάχην ἐσορώμενοι ἀνδρῶν· ### book 3.90.4 οἳ μὲν γὰρ Τρώεσσι μενοίνεον εὖχος ὀρέξαι, ### book 3.90.5 οἳ δ’ ἄρα καὶ Δαναοῖς, δι〈ὰ δ’〉 ἄνδιχα μητιόωντες ### book 3.95.1 δέρκοντο κτείνοντας ἀνὰ μόθον ὀλλυμένους τε. ### book 3.95.2 Τὸν δ’ ὁπότ’ εἰσενόησε Διὸς πινυτὴ παράκοιτις, ### book 3.95.3 αὐτίκα μιν νείκεσσεν ἀνιηροῖς ἐπέεσσι· ### book 3.95.4 «Φοῖβε, τί ἢ τόδ’ ἔρεξας ἀτάσθαλον ἤματι τῷδε, ### book 3 λησάμενος κείνοιο, τὸν ἀθάνατοι γάμον αὐτοὶ ### book 3.1 ἀντιθέῳ Πηλῆι συνήρσαμεν; Εὖ δ’ ἐνὶ μέσσοις ### book 3.2 δαινυμένοις ἤειδες, ὅπως Θέτιν ἀργυρόπεζαν ### book 3.3 Πηλεὺς ἤγετ’ ἄκοιτιν ἁλὸς μέγα λαῖτμα λιποῦσαν· ### book 3.4 καί σευ φορμίζοντος ἐπήιεν ἀθρόα φῦλα ### book 3.5 θῆρές τ’ οἰωνοί τε βαθυσκόπελοί τε κολῶναι ### book 3.105.1 καὶ ποταμοὶ καὶ πᾶσα βαθύσκιος ἤιεν ὕλη. ### book 3.105.2 Ἀλλὰ τά γ’ ἐξελάθου καὶ ἀμείλιχον ἔργον ἔρεξας ### book 3.105.3 κτείνας ἀνέρα δῖον ὃν ἀθανάτοισι σὺν ἄλλοις ### book 3.105.4 νέκταρ ἀποσπένδων ἠρήσαο παῖδα γενέσθαι ### book 3.105.5 ἐκ Θέτιδος Πηλῆι. Τεῆς δ’ ἐπελήσαο ἀρῆς ### book 3.110.1 ἦρα φέρων λαοῖσι κραταιοῦ Λαομέδοντος ### book 3.110.2 ᾧ πάρα βουκολέεσκε〈σ〉· ὃ δ’ ἀθάνατόν περ ἐόντα ### book 3.110.3 θνητὸς ἐὼν ἀκάχιζε· σὺ δ’ ἀφρονέων ἐνὶ θυμῷ ### book 3.110.4 ἦρα φέρεις Τρώεσσι λελασμένος ὅσς’ ἐμόγησας. ### book 3.110.5 Σχέτλιε, οὔ νύ τι οἶδας ἐνὶ φρεσὶ λευγαλέῃσιν ### book 3.115.1 οὔθ’ ὅ τις ἀργαλέος καὶ ἐπάξιος ἄλγεα πάσχειν, ### book 3.115.2 οὔθ’ ὅ τις ἀθανάτοισι τετιμένος· ἦ γὰρ Ἀχιλλεὺς ### book 3.115.3 ἤπιος ἄμμι τέτυκτο καὶ ἐξ ἡμέων γένος ἦεν. ### book 3.115.4 Ἀλλ’ οὐ μὰν Τρώεσσιν ἐλαφρότερον πόνον οἴω ### book 3.115.5 ἔσσεσθ’ Αἰακίδαο δεδουπότος, οὕνεκ’ ἄρ’ αὐτοῦ ### book 3.120.1 υἱὸς ἀπὸ Σκύροιο θοῶς ἐς ἀπηνέα δῆριν ### book 3.120.2 Ἀργείοις ἐπαρωγὸς ἐλεύσεται εἴκελος ἀλκὴν ### book 3.120.3 πατρὶ ἑῷ, πολέσιν δὲ κακὸν δηίοισι πελάσσει. ### book 3.120.4 Ἦ νυ σοὶ οὐ Τρώων ἐπιμέμβλεται, ἀλλ’ Ἀχιλῆι ### book 3.120.5 ἀμφ’ ἀρετῆς 〈ἐ〉μέγηρας, ἐπεὶ πέλε φέρτατος ἀνδρῶν. ### book 3.125 Νήπιε, πῶς ἔτι σοῖσιν ἐν ὄμμασι Νηρηίνην ### book 3.1 ὄψει ἐν ἀθανάτοισι Διὸς ποτὶ δώματ’ ἰοῦσαν, ### book 3.2 ἥ σε πάρος κύδαινε καὶ ὡς φίλον ἔδρακεν υἷα;» ### book 3.3 Ἦ μέγα νεικείουσα πολυσθενέος Διὸς υἷα ### book 3.4 Ἥρη ἀκηχεμένη. Ὃ δ’ ἄρ’ οὐκ ἀπαμείβετο μύθῳ· ### book 3.130.1 ἅζετο γὰρ παράκοιτιν ἑοῦ πατρὸς ἀκαμάτοιο, ### book 3.130.2 οὐδέ οἱ ὀφθαλμοῖσι καταντίον εἰσοράασθαι ### book 3.130.3 ἔσθενεν, ἀλλ’ ἀπάνευθε θεῶν ἄλληκτον ἐόντων ### book 3.130.4 ἧστο κατωπιόων. Ἄμοτον δέ οἱ ἐσκύζοντο ### book 3.130.5 ἀθάνατοι κατ’ Ὄλυμπον ὅσοι Δαναοῖσιν ἄμυνον· ### book 3.135.1 ὅσσοι δ’ αὖ Τρώεσσι μενοίνεον εὖχος ὀρέξαι, ### book 3.135.2 κεῖνοί μιν κύδαινον ἐνὶ φρεσὶ καγχαλόωντες ### book 3.135.3 κρύβδ’ Ἥρης· πάντες γὰρ ἐναντίον Οὐρανίωνες ### book 3.135.4 ἅζοντ’ ἀσχαλόωσαν. Ὃ δ’ οὔ πω λήθετο θυμοῦ ### book 3.135.5 Πηλείδης· ἔτι γάρ οἱ ἀμαιμακέτοις ἐνὶ γυίοις ### book 3.140.1 ἔζεεν αἷμα κελαινὸν ἐελδομένοιο μάχεσθαι. ### book 3.140.2 Οὐδ’ ἄρά οἱ Τρώων τις ἐτόλμα〈εν〉 ἐγγὺς ἱκέσθαι ### book 3.140.3 βλημένου, ἀλλ’ ἀπάνευθεν ἀφέστασαν, εὖτε λέοντος ### book 3.140.4 ἀγρόται ἐν ξυλόχοισι τεθηπότες, ὅν τε βάλῃσι ### book 3.140.5 θηρητήρ, ὃ δ’ ἄρ’ οὔ τι πεπαρμένος ἦτορ ἄκοντι ### book 3.145.1 λήθεται ἠνορέης, ἀλλὰ στρέφετ’ ἄγριον ὄμμα ### book 3.145.2 σμερδαλέον βλοσυρῇσιν ὑπαὶ γενύεσσι βεβρυχώς· ### book 3.145.3 ὣς ἄρα Πηλείδαο χόλος καὶ λοίγιον ἕλκος ### book 3.145.4 θυμὸν ἄδην ὀρόθυνε. Θεοῦ δέ μιν ἰὸς ἐδάμνα· ### book 3.145.5 ἀλλὰ καὶ ὧς ἀνόρουσε καὶ ἔνθορε δυσμενέεσσι ### book 3.1 πάλλων ὄβριμον ἔγχος. Ἕλεν δ’ Ὀρυθάονα δῖον, ### book 3.2 Ἕκτορος ἐσθλὸν ἑταῖρον, ὑπὸ κροτάφοιο τυχήσας· ### book 3.3 οὐ γάρ οἱ κόρυς ἔσχε μακρὸν δόρυ καὶ μεμαῶτος, ### book 3.1 ἀλλὰ δι’ αὐτῆς αἶψα καὶ ὀστέου ἔνδον ἵκανεν ### book 3.2 ἶνας 〈ἐσ〉 ἐγκεφάλοιο, κέ〈δ〉ασσε δέ οἱ θαλερὸν κῆρ. ### book 3.155.1 Ἱππόνοον δ’ ἐδάμασσεν ὑπ’ ὀφρύος ἔγχος ἐρείσας ### book 3.155.2 ἐς θέμεθλ’ ὀφθαλμοῖο· χαμαὶ δέ οἱ ἔκπεσε γλήνη ### book 3.155.3 ἐκ βλεφάρων, ψυχὴ δὲ κατ’ Ἄιδος ἐξεποτήθη. ### book 3.155.4 Ἀλκιθόου δ’ ἄρ’ ἔπειτα διὰ γναθμοῖο περήσας ### book 3.155.5 γλῶσσαν ὅλην ἀπέκερσεν· ὃ δ’ ἐς πέδον ἤριπε γαίης ### book 3.160.1 ἐκπνείων, αἰχμὴ δὲ δι’ οὔατος ἐξεφαάνθη. ### book 3.160.2 Καὶ τοὺς μὲν κατέπεφνε καταντίον ἀίσσοντας ### book 3.160.3 δῖος ἀνήρ, πολλῶν δὲ καὶ ἄλλων θυμὸν ἔλυσε ### book 3.160.4 φευγόντων· ἔτι γάρ οἱ ἐνὶ φρεσὶν ἔζεεν αἷμα. ### book 3.160.5 Ἀλλ’ ὅτε οἱ ψύχοντο μέλη καὶ ἀπήιε θυμός, ### book 3.165.1 ἔστη ἐρεισάμενος μελίῃ ἔπι· τοὶ δ’ ἐπέτοντο ### book 3.165.2 πανσυδίῃ τρομέοντες, ὃ δέ σφισι τοῖον ὁμόκλα· ### book 3.165.3 «Ἆ δειλοὶ Τρῶες καὶ Δάρδανοι, οὐδὲ θανόντος ### book 3.165.4 ἔγχος ἐμὸν φεύξεσθε ἀμείλιχον, ἀλλ’ ἅμα πάντες ### book 3.165.5 τίσετε αἰνὸν ὄλεθρον Ἐριννύσιν ἡμετέρῃσιν.» ### book 3.170.1 Ὣς φάτο· τοὶ δ’ ἀίοντες ὑπέτρεσαν, εὖτ’ ἐν ὄρεσσι ### book 3.170.2 φθόγγον ἐριβρύχμοιο νεβροὶ τρομέωσι λέοντος ### book 3.170.3 δείλαιοι μέγα θῆρα πεφυζότες· ὣς ἄρα λαοὶ ### book 3.170.4 Τρώων ἱπποπόλων ἠδ’ ἀλλοδαπῶν ἐπικούρων ### book 3.170.5 ὑστατίην Ἀχιλῆος ὑποτρομέεσκον ὁμοκλὴν ### book 3.175.1 ἐλπόμενοί μιν ἔτ’ ἔμμεν ἀνούτατον. Ὃς δ’ ὑπὸ πότμῳ ### book 3.175.2 θυμὸν τολμήεντα καὶ ὄβριμα γυῖα βαρυνθεὶς ### book 3.175.3 ἤριπεν ἀμφὶ νέκυσσιν ἀλίγκιος οὔρεϊ μακρῷ· ### book 3.175.4 γαῖα δ’ ὑπεπλατάγησε καὶ ἄσπετον ἔβραχε τεύχη ### book 3.175.5 Πηλείδαο πεσόντος ἀμύμονος. Οἳ δ’ ἔτι θυμῷ ### book 3.180.1 δήιον εἰσορόωντες ἀπειρέσιον τρομέεσκον· ### book 3.180.2 ὡς δ’ ὅτε θῆρα δαφοινὸν ὑπ’ αἰζηοῖσι δαμέντα ### book 3.180.3 μῆλα περιτρομέουσι παρὰ σταθμὸν ἀθρήσαντα ### book 3.180.4 βλήμενον, οὐδέ οἱ ἄγχι παρελθέμεναι μεμάασιν, ### book 3.180.5 ἀλλά ἑ ὡς ζώοντα νέκυν περιπεφρίκασιν· ### book 3.185.1 ὣς Τρῶες φοβέοντο καὶ οὐκέτ’ ἐόντ’ Ἀχιλῆα. ### book 3.185.2 Ἀλλὰ καὶ ὧς ἐπέεσσι Πάρις μέγα θαρσύνεσκε ### book 3.185.3 λαόν, ἐπεὶ φρεσὶν ᾗσιν ἐγήθεεν· ἦ γὰρ ἐώλπει ### book 3.185.4 Ἀργείους παύσασθαι ἀμαιμακέτοιο κυδοιμοῦ ### book 3.185.5 Πηλείδαο πεσόντος· ὃ γὰρ Δαναοῖς πέλεν ἀλκή· ### book 3.190.1 «Ὦ φίλοι, εἰ ἐτεόν μοι ἀρήγετε εὐμενέοντες, ### book 3.190.2 σήμερον ἠὲ θάνωμεν ὑπ’ Ἀργείοισι δαμέντες, ### book 3.190.3 ἠὲ σαωθέντες ποτὶ Ἴλιον εἰρύσσωμεν ### book 3.190.4 ἵπποις Ἑκτορέοισι δεδουπότα Πηλείωνα, ### book 3.190.5 οἵ μ’ ἐς δηιοτῆτα κασιγνήτοιο θανόντος ### book 3.195.1 ἀχνύμενοι φορέουσιν ἑὸν ποθέοντες ἄνακτα. ### book 3.195.2 Τοῖς εἴ πως ἐρύσαιμεν Ἀχιλλέα δῃωθέντα, ### book 3.195.3 ἵπποις μὲν μέγα κῦδος ὀρέξομεν ἠδὲ καὶ αὐτῷ ### book 3.195.4 Ἕκτορι, εἴ γέ τίς ἐστι κατ’ Ἄιδος ἀνθρώποισιν ### book 3.195.5 ἢ νόος ἠὲ θέμιστες· ὃ γὰρ κακὰ μήσατο Τρῶας. ### book 3.1 Καί μιν Τρωιάδες μεγάλα φρεσὶ καγχαλόωσαι ### book 3.2 ἀμφιπεριστήσονται ἀνὰ πτόλιν, ἠύτε λυγραὶ ### book 3.3 πορδάλιες τεκέων κεχολωμέναι ἠὲ λέαιναι ### book 3.4 ἀνδρὶ πολυκμήτῳ μογερῆς ἐπιίστορι θήρης· ### book 3.5 ὣς Τρῳαὶ περὶ νεκρὸν ἀποκταμένου Ἀχιλῆος ### book 3.205.1 ἀθρόαι ἀίξουσιν ἀπειρέσιον κοτέουσαι, ### book 3.205.2 αἳ μὲν ὑπὲρ τοκέων κεχολωμέναι, αἳ δὲ καὶ ἀνδρῶν, ### book 3.205.3 αἳ δ’ ἄρ’ ὑπὲρ παίδων, αἳ δὲ γνωτῶν ἐριτίμων. ### book 3.1 Γηθήσει δὲ μάλιστα πατὴρ ἐμὸς ἠδὲ γέροντες ### book 3.2 ὅσσους οὐκ ἐθέλοντας ἐν ἄστεϊ γῆρας ἐρύκει, ### book 3.210.1 τόνδ’ ἡμεῖς εἴ πέρ γε ποτὶ πτόλιν εἰρύσσαντες ### book 3.210.2 θήσομεν οἰωνοῖσιν ἀερσιπέτῃσιν ἐδωδήν.» ### book 3.210.3 Ὣς φάτο· τοὶ δὲ νέκυν κρατερόφρονος Αἰακίδαο ### book 3.210.4 ἀμφέβαν ἐσσυμένως, οἵ μιν φοβέοντο πάροιθε, ### book 3.210.5 Γλαῦκός τ’ Αἰνείας τε καὶ ὀβριμόθυμος Ἀγήνωρ ### book 3.215.1 ἄλλοι τ’ οὐλομένοιο δαήμονες ἰωχμοῖο, ### book 3.215.2 εἰρύσσαι μεμαῶτες ἐς Ἰλίου ἱερὸν ἄστυ. ### book 3.215.3 Ἀλλά οἱ οὐκ ἀμέλησε θεοῖς ἐναλίγκιος Αἴας, ### book 3.215.4 ἀλλὰ θοῶς περίβη· πάντας δ’ ὑπὸ δούρατι μακρῷ ### book 3.215.5 ὤθει ἀπὸ νέκυος. Τοὶ δ’ οὐκ ἀπέληγον ὁμοκλῆς, ### book 3.220.1 ἀλλά οἱ ἀμφεμάχοντο περισταδὸν ἀίσσοντες ### book 3.220.2 αἰὲν ἐπασσύτεροι, τανυχειλέες εὖτε μέλισσαι, ### book 3.220.3 αἵ 〈ῥά〉 θ’ ἑὸν περὶ σίμβλον ἀπειρέσιαι ποτέωνται ### book 3.220.4 ἄνδρ’ ἀπαμυνόμεναι, ὃ δ’ ἄρ’ οὐκ ἀλέγων ἐπιούσας ### book 3.220.5 κηροὺς ἐκτάμνῃσι μελίχροας, αἳ δ’ ἀκάχονται ### book 3.225.1 καπνοῦ ὑπὸ ῥιπῆς ἠδ’ ἀνέρος, ἀλλ’ ἄρα καὶ ὧς ### book 3.225.2 ἀντίαι ἀίσσουσιν, ὃ δ’ οὐκ ὄθετ’ οὐδ’ ἄρα βαιόν. ### book 3.225.3 Ὣς Αἴας τῶν οὔ τι μάλ’ ἐσσυμένων ἀλέγιζεν, ### book 3.225.4 ἀλλ’ ἄρα πρῶτον ἐνήραθ’ ὑπὲρ μαζοῖο τυχήσας ### book 3.225.5 Μαιονίδην Ἀγέλαον, ἔπειτα δὲ Θέστορα δῖον· ### book 3.230.1 εἷλε δ’ ἄρ’ Ὠκύθοον καὶ Ἀγέστρατον ἠδ’ Ἀγάνιππον ### book 3.230.2 Ζῶρόν τε Νίσσον τε περικλειτόν τ’ Ἐρύμαντα ### book 3.230.3 ὃς Λυκίηθεν ἵκανεν ὑπὸ μεγαλήτορι Γλαύκῳ· ### book 3.1 ναῖε δ’ ὅ γ’ αἰπεινὸν Μελανίππιον ἱρὸν Ἀθήνης ### book 3.2 ἀντία Μασσικύτοιο Χελιδονίης σχεδὸν ἄκρης, ### book 3.235.1 τὴν μέγ’ ὑποτρομέουσι τεθηπότες εἰν ἁλὶ ναῦται, ### book 3.235.2 εὖτε περιγνάμπτωσι μάλα στυφελὰς περὶ πέτρας. ### book 3.235.3 Τοῦ δ’ ἄρ’ ἀποφθιμένοιο κλυτὸς πάις Ἱππολόχοιο ### book 3.235.4 παχνώθη κατὰ θυμόν, ἐπεί ῥά οἱ ἔσκεν ἑταῖρος· ### book 3.235.5 καί ῥα θοῶς Αἴαντα κατ’ ἀσπίδα πουλυβόειον ### book 3.240.1 οὔτασεν, ἀλλά οἱ οὔ τι διήλασεν ἐς χρόα καλόν· ### book 3.240.2 ῥινοὶ γάρ μιν ἔρυντο βοῶν καὶ ὑπ’ ἀσπίδι θώρηξ ### book 3.240.3 ὅς ῥά οἱ ἀκαμάτοισι περὶ μελέεσσιν ἀρήρει. ### book 3.240.4 Γλαῦκος δ’ οὐκ ἀπέληγεν ἀταρτηροῖο κυδοιμοῦ ### book 3.240.5 Αἰακίδην Αἴαντα δαμασσέμεναι μενεαίνων, ### book 3.245.1 καί οἱ ἐπευχόμενος μέγ’ ἀπείλεεν ἄφρονι θυμῷ· ### book 3.245.2 «Αἶαν, ἐπεί νύ σέ φασι μέγ’ ἔξοχον ἔμμεναι ἄλλων ### book 3.245.3 Ἀργείων, σοὶ δ’ αἰὲν ἐπιφρονέουσι μάλιστα ### book 3.245.4 ἄσπετον, ὡς Ἀχιλῆι δαΐφρονι, τῷ σε θανόντι ### book 3.245.5 οἴω συνθανέεσθαι ἐπ’ ἤματι τῷδε καὶ αὐτόν.» ### book 3.1 Ὣς ἔφατ’ ἀκράαντον ἱεὶς ἔπος, οὐδέ τι ᾔδη ### book 3.2 ὅσσον ἀμείνονος ἀνδρὸς ἐναντίον ἔγχος ἐνώμα. ### book 3.3 Τὸν δ’ ὑποδερκόμενος προσέφη μενεδήιος Αἴας· ### book 3.4 «Ἆ δείλ’, οὔ 〈νύ〉 τι οἶδας ὅσον σέο φέρτερος Ἕκτωρ ### book 3.5 ἔπλετ’ ἐνὶ πτολέμοισι; Μένος δ’ ἀλέεινε καὶ ἔγχος ### book 3.255.1 ἡμέτερον· πινυτὸν γὰρ ὁμῶς ἔχε κάρτεϊ θυμόν. ### book 3.255.2 Σοὶ δ’ ἤτοι νόος ἐστὶ ποτὶ ζόφον, ὅς ῥά μοι ἔτλης ### book 3.255.3 ἐς μόθον ἐλθέμεναι μέγ’ ἀμείνονί περ γεγαῶτι· ### book 3.1 οὐ γάρ μευ ξεῖνος πατρώιος εὔχεαι εἶναι, ### book 3.2 οὐδέ με δωτίνῃσι παραιφάμενος πολέμοιο ### book 3.260.1 νόσφιν ἀποστρέψεις ὡς Τυδέος ὄβριμον υἷα· ### book 3.260.2 ἀλλὰ καὶ εἰ κείνοιο φύγες μένος, οὔ ς’ ἔτ’ ἔγωγε ### book 3.260.3 ζωὸν ἀπὸ πτολέμοιο μεθήσομαι ἀπονέεσθαι. ### book 3.260.4 Ἦ ἄλλοισι πέποιθας ἀνὰ κλόνον, οἳ μετὰ σεῖο ### book 3.260.5 μυίαις οὐτιδανῇσιν ἐοικότες ἀίσσουσιν ### book 3.265.1 ἀμφὶ νέκυν Ἀχιλῆος ἀμύμονος; Ἀλλ’ ἄρα καὶ τοῖς ### book 3.265.2 δώσω ἐπεσσυμένοις θάνατον καὶ Κῆρας ἐρεμνάς.» ### book 3.265.3 Ὣς εἰπὼν Τρώεσσιν ἐπεστρωφᾶτο, λέων ὣς ### book 3.265.4 ἐν κυσὶν ἀγρευτῇσι κατ’ ἄγκεα μακρὰ καὶ ὕλην. ### book 3.265.5 Πολλοὺς δ’ αἶψ’ ἐδάμασσε μεμαότας εὖχος ἀρέσθαι ### book 3.270.1 Τρῶας ὁμῶς Λυκίοισι. Περιτρομέοντο δὲ λαοί, ### book 3.270.2 ἰχθύες ὣς ἀνὰ πόντον ἐπερχομένου ἀλεγεινοῦ ### book 3.270.3 κήτεος ἢ δελφῖνος ἁλιτρεφέος μεγάλοιο· ### book 3.270.4 ὣς Τρῶες φοβέοντο βίην Τελαμωνιάδαο ### book 3.270.5 αἰὲν ἐπεσσυμένοιο κατὰ κλόνον. Ἀλλ’ ἄρα καὶ ὧς ### book 3.275.1 μάρναντ’, ἀμφὶ δὲ νεκρὸν Ἀχιλλέος ἄλλοθεν ἄλλοι ### book 3.275.2 μυρίοι ἐν κονίῃσιν, ὅπως σύες ἀμφὶ λέοντα, ### book 3.275.3 κτείνοντ’· οὐλομένη δὲ περὶ σφίσι δῆρις ὀρώρει. ### book 3.275.4 Ἔνθα καὶ Ἱππολόχοιο δαΐφρονα δάμνατο παῖδα ### book 3.275.5 Αἴας ὀβριμόθυμος. Ὃ δ’ ὕπτιος ἀμφ’ Ἀχιλῆα ### book 3.280.1 κάππεσεν, εὖτ’ ἐν ὄρεσσι περὶ στερεὴν δρύα θάμνος· ### book 3.280.2 ὣς ὅ γε δουρὶ δαμεὶς περικάππεσε Πηλείωνι ### book 3.280.3 βλήμενος. Ἀμφὶ δέ οἱ κρατερὸς πάις Ἀγχίσαο ### book 3.280.4 πολλὰ πονησάμενος σὺν ἀρηιφίλοις ἑτάροισιν ### book 3.280.5 εἴρυσεν ἐς Τρῶας καὶ ἐς Ἰλίου ἱερὸν ἄστυ ### book 3.285 δῶκε φέρειν ἑτάροισι μέγ’ ἀχνυμένοις περὶ θυμῷ. ### book 3.1 Αὐτὸς δ’ ἀμφ’ Ἀχιλῆι μαχέσκετο· τὸν δ’ ἄρα δουρὶ ### book 3.2 μυῶνος καθύπερθεν ἀρήιος οὔτασεν Αἴας ### book 3.3 χειρὸς δεξιτερῆς· ὃ δ’ ἄρ’ ἐσσυμένως ἀπόρουσεν ### book 3.4 ἐξ ὀλοοῦ πολέμοιο, κίεν δ’ ἄφαρ ἄστεος εἴσω· ### book 3.290.1 ἀμφὶ δέ οἱ πονέοντο περίφρονες ἰητῆρες, ### book 3.290.2 οἵ ῥά οἱ αἷμα κάθηραν ἀφ’ ἕλκεος ἄλλά τε πάντα ### book 3.290.3 τεῦχον ὅς’ οὐταμένων ὀλοὰς ἀκέονται ἀνίας. ### book 3.290.4 Αἴας δ’ αἰὲν ἐμάρνατ’ ἀλίγκιος ἀστεροπῇσι, ### book 3.290.5 κτείνων ἄλλοθεν ἄλλον, ἐπεὶ μέγα τείρετο θυμῷ ### book 3.295.1 ἀχνύμενος δηναιὸν ἀνεψιοῖο δαμέντος. ### book 3.295.2 Ἄγχι δὲ Λαέρταο δαΐφρονος υἱὸς ἀμύμων ### book 3.295.3 μάρνατο δυσμενέεσσι, φέβοντο δέ μιν μέγα λαοί. ### book 3.295.4 Κτεῖνε δὲ Πείσανδρόν τε θοὸν καὶ Ἀρήιον υἷα ### book 3.295.5 Μαινάλου, ὃς ναίεσκε περικλυτὸν οὖδας Ἀβύδου. ### book 3.1 Τῷ δ’ ἐπὶ δῖον ἔπεφνεν Ἀτύμνιον, ὅν ποτε Νύμφη ### book 3.2 Πηγασὶς ἠύκομος σθεναρῷ τέκεν Ἠμαθίωνι ### book 3.3 Γρηνίκου ποταμοῖο παρὰ ῥόον. Ἀμφὶ δ’ ἄρ’ αὐτῷ ### book 3.4 Πρωτέος υἷα δάιξεν Ὀρέσβιον, ὅς τε μακεδνῆς ### book 3.5 Ἴδης ναιετάεσκεν ὑπὸ πτύχας, οὐδέ ἑ μήτηρ ### book 3.305.1 δέξατο νοστήσαντα περικλειτὴ Πανάκεια, ### book 3.305.2 ἀλλ’ ἐδάμη παλάμῃσιν Ὀδυσσέος, ὅς τε καὶ ἄλλων ### book 3.305.3 πολλῶν θυμὸν ἔλυσεν ὑπ’ ἔγχεϊ μαιμώωντι ### book 3.305.4 κτείνων ὅν κε κίχῃσι περὶ νέκυν. Ἀλλά μιν Ἄλκων ### book 3.305.5 υἱὸς ἀρηιθόοιο Μεγακλέος ἔγχεϊ τύψε ### book 3.310 πὰρ γόνυ δεξιτερόν, περὶ δὲ κνημῖδα φαεινὴν ### book 3.1 ἔβλυσεν αἷμα κελαινόν. Ὃ δ’ ἕλκεος οὐκ ἀλέγιζεν, ### book 3.2 ἀλλ’ ἄφαρ οὐτήσαντι κακὸν γένεθ’, οὕνεκ’ ἄρ’ αὐτὸν ### book 3.3 ἱέμενον πολέμοιο δι’ ἀσπίδος οὔτασε δουρί, ### book 3.4 ὦσε δέ μιν μεγάλῃ τε βίῃ καὶ κάρτεϊ χειρὸς ### book 3.315.1 ὕπτιον ἐς γαῖαν. Κανάχησε δέ οἱ πέρι τεύχη ### book 3.315.2 βλημένου ἐν κονίῃσι, περὶ μελέεσσι δὲ θώρηξ ### book 3.315.3 δεύετο φοινήεντι λύθρῳ. Ὃ δὲ λοίγιον ἔγχος ### book 3.315.4 ἐκ χροὸς ἐξείρυσσε καὶ ἀσπίδος, ἕσπετο δ’ αἰχμῇ ### book 3.315.5 θυμὸς ἀπὸ μελέων, 〈ἔ〉λιπεν δέ μιν ἄμβροτος αἰών. ### book 3.320.1 Τοῦ δ’ ἑτάροις ἐπόρουσε καὶ οὐτάμενός περ Ὀδυσσεύς, ### book 3.320.2 οὐδ’ ἀπέληγε μόθοιο δυσηχέος. Ὣς δὲ καὶ ἄλλοι ### book 3.320.3 πάντες ὁμῶς ἐπιμὶξ Δαναοὶ μέγαν ἀμφ’ Ἀχιλῆα ### book 3.320.4 προφρονέως ἐμάχοντο, πολὺν δ’ ὑπὸ χείρεσι λαὸν ### book 3.320.5 ἐσσυμένως ἐδάιζον ἐυξέστῃς μελίῃσιν. ### book 3.325.1 Εὖτ’ ἄνεμοι θοὰ φύλλα κατὰ χθονὸς ἀμφιχέωνται ### book 3.325.2 λάβρον ἐπιβρίσαντες ἐπ’ ἄλσεα ὑλήεντα ### book 3.325.3 ἀρχομένου λυκάβαντος, ὅτε φθινύθουσιν ὀπῶραι· ### book 3.325.4 ὣς τοὺς ἐγχείῃσι βάλον Δαναοὶ μενεχάρμαι. ### book 3.325.5 Μέμβλετο γὰρ πάντεσσιν Ἀχιλλέος ἀμφὶ θανόντος, ### book 3.330.1 ἐκπάγλως δ’ Αἴαντι δαΐφρονι· τοὔνεκ’ ἄρ’ ἔμπης ### book 3.330.2 Τρῶας ἄδην ἐδάιζε κακῇ ἐναλίγκιος Αἴσῃ. ### book 3.330.3 Τῷ δ’ ἐπὶ τόξ’ ἐτίταινε Πάρις· τὸν δ’ αἶψα νοήσας ### book 3.330.4 κάββαλε χερμαδίῳ κατὰ κρά〈α〉τος· ἐν δ’ ἄρ’ ἔθλασσεν ### book 3.330.5 ἀμφίφαλον κυνέην ὀλοὸς λίθος, ἀμφὶ δέ μιν νὺξ ### book 3.335.1 μάρψεν. Ὃ δ’ ἐν κονίῃσι κατήριπεν, οὐδέ οἱ ἰοὶ ### book 3.335.2 ἤρκεσαν ἱεμένῳ· ἐκέχυντο γὰρ ἄλλυδις ἄλλοι ### book 3.1 ἐν κονίῃ, κενεὴ δὲ παρεκτετάνυστο φαρέτρη· ### book 3.2 τόξον δ’ ἔκφυγε χεῖρε. Φίλοι δέ μιν ἁρπάξαντες ### book 3.3 ἵπποις Ἑκτορέοισι φέρον ποτὶ Τρώιον ἄστυ ### book 3.340.1 βαιὸν ἔτ’ ἐμπνείοντα καὶ ἀργαλέον στενάχοντα· ### book 3.340.2 οὐδὲ μὲν ἔντε’ ἄνακτος ἑκὰς λίπον, ἀλλὰ καὶ αὐτὰ ### book 3.340.3 ἐκ πεδίοιο κόμισσαν ἑῷ βασιλῆι φέροντες. ### book 3.340.4 Τῷ δ’ Αἴας ἐπὶ μακρὸν ἀύτεεν ἀσχαλόων κῆρ· ### book 3.340.5 «Ὦ κύον, ὡς θανάτοιο βαρὺ σθένος ἐξυπάλυξας ### book 3.345.1 σήμερον· ἀλλὰ σοὶ εἶθαρ ἐλεύσεται ὕστατον ἦμαρ ### book 3.345.2 ἤ τινος Ἀργείων ὑπὸ χείρεσιν ἢ ἐμεῦ αὐτοῦ. ### book 3.345.3 Νῦν δ’ ἐμοὶ ἄλλα μέμηλε περὶ φρεσίν, ὡς Ἀχιλῆος ### book 3.345.4 ἐκ φόνου ἀργαλέοιο νέκυν Δαναοῖσι σαώσω.» ### book 3.345.5 Ὣς εἰπὼν δηίοισι κακὰς ἐπὶ Κῆρας ἴαλλεν, ### book 3.1 οἵ ῥ’ ἔτι δηριόωντο νέκυν πέρι Πηλείωνος. ### book 3.2 Οἳ δέ οἱ ὡς ἄθρησαν ὑπὸ σθεναρῇσι χέρεσσι ### book 3.3 πολλοὺς ἐκπνείοντας, ὑπέτρεσαν οὐδ’ ἔτ’ ἔμιμνον, ### book 3.4 οὐτιδανοῖς γύπεσσιν ἐοικότες, οὕς τε φοβήσῃ ### book 3.5 αἰετὸς οἰωνῶν προφερέστατος, εὖτ’ ἐν ὄρεσσι ### book 3.355.1 πώεα δαρδάπτουσι λύκοις ὑποδηῳθέντα· ### book 3.355.2 ὣς τοὺς ἄλλυδις ἄλλον ἀπεσκέδασε θρασὺς Αἴας ### book 3.355.3 χερμαδίοισι θοοῖσι καὶ ἄορι καὶ μένεϊ ᾧ. ### book 3.355.4 Οἳ δὲ μέγα τρομέοντες ἀπὸ πτολέμοιο φέβοντο ### book 3.355.5 πανσυδίῃ, ψήρεσσιν ἐοικότες, οὕς τε δαΐζων ### book 3.360.1 κίρκος ἐπισσεύει, τοὶ δ’ ἰλαδὸν ἄλλος ἐπ’ ἄλλῳ ### book 3.360.2 ταρφέες ἀίσσουσιν ἀλευόμενοι μέγα πῆμα· ### book 3.360.3 ὣς οἵ γ’ ἐκ πολέμοιο ποτὶ Πριάμοιο πόληα ### book 3.360.4 φεῦγον ὀιζυρῶς ἐπιειμένοι ἀκλέα φύζαν, ### book 3 Αἴαντος μεγάλοιο περιτρομέοντες ὁμοκλήν, ### book 3.365.1 ὅς ῥ’ ἕπετ’ ἀνδρομέῳ πεπαλαγμένος αἵματι χεῖρας. ### book 3.365.2 Καί νύ κε δὴ μάλα πάντας ἐπασσυτέρους ἀπόλεσσεν, ### book 3.365.3 εἰ μὴ πεπταμένῃσι πύλῃς ἐσέχυντο πόληα ### book 3.365.4 βαιὸν ἀναπνείοντες, ἐπεὶ φόβος ἦτορ ἵκανε. ### book 3.365.5 Τοὺς δ’ ἔλσας ἀνὰ ἄστυ, νομεὺς ὣς αἰόλα μῆλα, ### book 3.370.1 ἤιεν ἐς πεδίον, χθόνα δ’ οὐ ποσὶ μάρπτεν ἑοῖσιν ### book 3.370.2 ἐμβαίνων τεύχεσσι καὶ αἵματι καὶ κταμένοισι· ### book 3.370.3 κεῖτο γὰρ εὐρὺς ὅμιλος ἀπειρεσίῃ ἐπὶ γαίῃ ### book 3.370.4 ἄχρις ἐφ’ Ἑλλήσποντον ἀπ’ εὐρυχόροιο πόληος ### book 3.370.5 αἰζηῶν κταμένων ὁπόσους λάχε Δαίμονος Αἶσα. ### book 3.375.1 Ὡς δ’ ὅτε λήιον αὖον ὑπ’ ἀμητῆρσι πέσῃσι ### book 3.375.2 πυκνὸν ἐόν, τὰ δὲ πολλὰ κατ’ αὐτόθι δράγματα κεῖται ### book 3.375.3 βριθόμενα σταχύεσσι, γέγηθε δὲ θυμὸς ἐπ’ ἔργῳ ### book 3.375.4 ἀνέρος εἰσορόωντος, ὅ τις κλυτὸν οὖδας ἔχῃσιν· ### book 3.375.5 ὣς οἵ 〈γ’〉 ἀμφοτέρωθε κακῷ δμηθέντες ὀλέθρῳ ### book 3.380.1 κεῖντο πολυκλαύτοιο λελασμένοι ἰωχμοῖο ### book 3.380.2 πρηνέες. Οὐδέ τι Τρῶας Ἀχαιῶν φέρτατοι υἷες ### book 3.380.3 σύλεον ἐν κονίῃσι καὶ αἵματι δῃωθέντας, ### book 3.380.4 πρὶν Πηλήιον υἷα πυρῇ δόμεν, ὅ σφιν ὄνειαρ ### book 3.380.5 ἔπλετ’ ἐνὶ πτολέμοισιν ἑῷ μέγα κάρτεϊ θύων. ### book 3.385.1 Τοὔνεκά μιν βασιλῆες ἀπὸ πτολέμου ἐρύσαντες ### book 3.385.2 ἀμφὶ νέκυν φορέεσκον ἀπείριτον. Εὖτε φέροντες ### book 3.385.3 κάτθεσαν ἐν κλισίῃσι νεῶν προπάροιθε θοάων, ### book 3.385.4 ἀμφὶ δέ μιν μάλα πάντες ἀγειρόμενοι στενάχοντο ### book 3.385.5 ἀχνύμενοι κατὰ θυμόν, —ὃ γὰρ πέλε κάρτος Ἀχαιῶν—, ### book 3.390.1 δὴ τότ’ ἐνὶ κλισίῃσι λελασμένος ἐγχειάων ### book 3.390.2 κεῖτο βαρυγδούποιο παρ’ ᾐόσιν Ἑλλησπόντου· ### book 3.390.3 οἷος ὑπερφίαλος Τιτυὸς πέσεν, ὁππότε Λητὼ ### book 3.390.4 ἐρχομένην Πυθὼ δὲ βιάζετο, καί ἑ χολωθεὶς ### book 3.390.5 ἀκάματόν περ ἐόντα θοῶς ὑπεδάμνατ’ Ἀπόλλων ### book 3.395.1 λαιψηροῖς βελέεσσιν, ὃ δ’ ἀργαλέῳ ἐνὶ λύθρῳ ### book 3.395.2 πουλυπέλεθρος ἔκειτο κατὰ χθονὸς εὐρυπέδοιο ### book 3.395.3 μητρὸς ἑῆς, ἣ δ’ υἷα περιστονάχησε πεσόντα ### book 3.395.4 ἐχθόμενον μακάρεσσι, γέλασσε δὲ πότνια Λητώ· ### book 3.395.5 τοῖος ἄρ’ Αἰακίδης δηίων ἐπικάππεσε γαίῃ, ### book 3 χάρμα φέρων Τρώεσσι, γόον δ’ ἀλίαστον Ἀχαιοῖς. ### book 3.1 . . . . . . . . . . . . . . . . . . . . . . . . . . . . . . . . . . . . . . . ### book 3.2 λαῶν μυρομένων, περὶ δ’ ἔβρεμε βένθεα πόντου. ### book 3.3 Θυμὸς δ’ αὐτίκα πᾶσι κατεκλάσθη φίλος ἔνδον ### book 3.4 ἐλπομένων κατὰ δῆριν ὑπὸ Τρώεσσιν ὀλέσθαι. ### book 3.5 Μνησάμενοι δ’ ἄρα τοί γε φίλων παρὰ νηυσὶ τοκήων, ### book 3.405.1 τοὺς λίπον ἐν μεγάροισι, νεοδμήτων τε γυναικῶν, ### book 3.405.2 αἵ που ὀδυρόμεναι μίνυθον κενεοῖς λεχέεσσι ### book 3.405.3 νηπιάχοις σὺν παισὶ φίλους ποτιδέγμεναι ἄνδρας, ### book 3.405.4 μᾶλλον ἀνεστενάχοντο· γόου δ’ ἔρος ἔμπεσε θυμῷ ### book 3.405.5 κλαῖόν τ’ αὖτ’ ἀλίαστον ἐπὶ ψαμάθοισι βαθείαις, ### book 3.410.1 πρηνέες ἐκχύμενοι μεγάλῳ παρὰ Πηλείωνι, ### book 3.410.2 χαίτας ἐκ κεφαλῆς προθελύμνους δηιόωντες· ### book 3.410.3 χευάμενοι δ’ ᾔσχυναν ἄδην ψαμάθοισι κάρηνα. ### book 3.410.4 Οἵη δ’ ἐκ πολέμοιο βροτῶν ἐς τεῖχος ἀλέντων ### book 3.410.5 οἰμωγὴ πέλεται, ὅτε δήιοι ἐμμεμαῶτες ### book 3.415.1 καίωσιν μέγα ἄστυ, κατακτείνωσι δὲ λαοὺς ### book 3.415.2 πανσυδίῃ, πάντῃ δὲ διὰ κτῆσιν φορέωνται· ### book 3.415.3 τοίη καὶ παρὰ νηυσὶν Ἀχαιῶν ἔπλετ’ ἀυτή, ### book 3.415.4 οὕνεκ’ ἀοσσητὴρ Δαναῶν, πάις Αἰακίδαο, ### book 3.415.5 κεῖτο μέγας παρὰ νηυσὶ θεοκμήτοισι βελέμνοις, ### book 3.420.1 οἷος Ἄρης, ὅτε μιν δεινὴ θεὸς ὀβριμοπάτρη ### book 3.420.2 Τρώων ἐν πεδίῳ πολυαχθέι κάββαλε πέτρῃ. ### book 3.420.3 Μυρμιδόνες δ’ ἄλληκτον ἀνεστενάχοντ’ Ἀχιλῆα ### book 3.420.4 εἰλόμενοι περὶ νεκρὸν ἀμύμονος οἷο ἄνακτος, ### book 3.420.5 ἠπίου, ὃς πάντεσσιν ἴσος πάρος ἦεν ἑταῖρος· ### book 3.425.1 οὐ γὰρ ὑπερφίαλος πέλεν ἀνδράσιν οὐδ’ ὀλοόφρων, ### book 3.425.2 ἀλλὰ σαοφροσύνῃ καὶ κάρτεϊ πάντ’ ἐκέκαστο. ### book 3.425.3 Αἴας δ’ ἐν πρώτοισι μέγα στενάχων ἐγεγώνει, ### book 3.425.4 πατροκασιγνήτοιο φίλον ποθέων ἅμα παῖδα, ### book 3.425.5 βλήμενον ἐκ θεόφιν· θνητῶν γε μὲν οὔ τινι βλητὸς ### book 3.430.1 ἦεν, ὅσοι ναίουσιν ἐπὶ χθονὸς εὐρυπέδοιο. ### book 3.430.2 Τὸν τότε κῆρ ἀχέων ὀλοφύρετο φαίδιμος Αἴας, ### book 3.430.3 ἄλλοτε μὲν κλισίας Πηληιάδαο δαμέντος ### book 3.430.4 ἐσφοιτῶν, ὁτὲ δ’ αὖτε παρὰ ψαμάθοισι θαλάσσης ### book 3.430.5 ἐκχύμενος μάλα πουλύς, ἔπος δ’ ὀλοφύρατο τοῖον· ### book 3.435.1 «Ὦ Ἀχιλεῦ, μέγα ἕρκος ἐυσθενέων Ἀργείων, ### book 3.435.2 κάτθανες ἐν Τροίῃ Φθίης ἑκὰς εὐρυπέδοιο ### book 3.435.3 ἔκποθεν ἀπροφάτοιο λυγρῷ βεβλημένος ἰῷ, ### book 3.435.4 τόν ῥα ποτὶ κλόνον ἄνδρες ἀνάλκιδες ἰθύνουσιν· ### book 3.435.5 οὐ γάρ τις, πίσυνός γε σάκος μέγα νωμήσασθαι ### book 3.440.1 ἠδὲ περὶ κροτάφοισιν ἐπισταμένως ἐς Ἄρηα ### book 3.440.2 εὖ θέσθαι πήληκα καὶ ἐν παλάμῃ δόρυ πῆλαι ### book 3.1 καὶ χαλκὸν δηίοισι περὶ στέρνοισι δαΐξαι, ### book 3.2 ἰοῖσίν γ’ ἀπάνευθεν ἐπεσσύμενος πολεμίζει· ### book 3.3 εἰ γάρ σευ κατέναντα τότ’ ἤλυθεν ὅς ς’ ἔβαλέν περ, ### book 3.445.1 οὐκ ἂν ἀνουτητί γε τεοῦ φύγεν ἔγχεος ὁρμήν. ### book 3.445.2 Ἀλλὰ Ζεὺς τάχα που τάδε μήδετο πάντα τελέσσαι, ### book 3.445.3 ἡμέων δ’ ἐν καμάτοισιν ἐτώσια ἔργα τίθησιν· ### book 3.445.4 ἤδη γὰρ Τρώεσσι κατ’ Ἀργείων τάχα νίκην ### book 3.445.5 νεύσει, ἐπεὶ τόσσον περ Ἀχαιῶν ἕρκος ἀπηύρα. ### book 3.1 Ὢ πόποι, ὡς ἄρα πάγχυ γέρων ἐν δώμασι Πηλεὺς ### book 3.2 ὀχθήσει μέγα πένθος ἀτερπέι γήραϊ κύρσας. ### book 3.3 Αὐτή κεν φήμη μιν ἀπορραίσει τάχα θυμόν· ### book 3.4 ὧδε δέ οἱ καὶ ἄμεινον ὀιζύος αἶψα λαθέσθαι. ### book 3.5 Εἰ δέ κεν οὐ φθίσει ἑ κακὴ περὶ υἱέος ὄσσα, ### book 3.455.1 ἆ δειλός, χαλεποῖς ἐνὶ πένθεσι γῆρας ἰάψει ### book 3.455.2 αἰὲν ἐπ’ ἐσχαρόφιν βίοτον κατέδων ὀδύνῃσι, ### book 3.455.3 Πηλεύς, ὃς μακάρεσσι φίλος περιώσιον ἦεν· ### book 3.455.4 ἀλλ’ οὐ πάντα τελοῦσι θεοὶ μογεροῖσι βροτοῖσιν.» ### book 3.455.5 Ὣς ὃ μὲν ἀσχαλόων ὀλοφύρετο Πηλείωνα. ### book 3.460.1 Φοῖνιξ δ’ αὖθ’ ὁ γεραιὸς 〈ἀ〉άσπετα κωκύεσκεν ### book 3.460.2 ἀμφιχυθεὶς δέμας ἠὺ θρασύφρονος Αἰακίδαο, ### book 3.460.3 καί ῥ’ ὀλοφυδνὸν ἄυσε μέγ’ ἀχνύμενος πινυτὸν κῆρ· ### book 3.460.4 «Ὤλεό μοι, φίλε τέκνον, ἐμοὶ δ’ ἄχος αἰὲν ἄφυκτον ### book 3.460.5 κάλλιπες. Ὡς ὄφελόν με χυτὴ κατὰ γαῖα κεκεύθει ### book 3.465 πρὶν σέο πότμον ἰδέσθαι ἀμείλιχον. Οὐ γὰρ ἔμοιγε ### book 3.1 ἄλλο χερειότερόν 〈πο〉τ’ ἐσήλυθεν ἐς φρένα πῆμα, ### book 3.2 οὐδ’ ὅτε πατρίδ’ ἐμὴν λιπόμην ἀγανούς τε τοκῆας ### book 3.3 φεύγων ἐς Πηλῆα δι’ Ἑλλάδος, ὅς μ’ ὑπέδεκτο ### book 3.4 καί μοι δῶρα πόρεν, Δολόπεσσι δ’ ἔθηκεν ἀνάσσειν, ### book 3.470.1 καὶ σέ γ’ ἐν ἀγκοίνῃσι φορεύμενος ἀμφὶ μέλαθρον ### book 3.470.2 κόλπῳ ἐμῷ κατέθηκε καὶ ἐνδυκέως ἐπέτελλε ### book 3.470.3 νηπίαχον κομέειν, ὡς εἰ φίλον υἷα γεγῶτα· ### book 3.470.4 τῷ πιθόμην· σὺ δ’ ἐμοῖ〈σι〉 περὶ στέρνοισι γεγηθὼς ### book 3.470.5 πολλάκι παππάζεσκες ἔτ’ ἄκριτα χείλεσι βάζων, ### book 3.475.1 καί μευ νηπιέῃσιν ὑπ’ ἐννεσίῃσι δίηνας ### book 3.475.2 στήθεά τ’ ἠδὲ χιτῶνας· ἔχον δέ σε χερσὶν ἐμῇσι ### book 3.475.3 πολλὸν καγχαλόων, ἐπεὶ ἦ νύ μοι ἦτορ ἐώλπει ### book 3.475.4 θρέψειν κηδεμονῆα βίου καὶ γήραος ἄλκαρ. ### book 3.475.5 Καὶ τὰ μὲν ἐλπομένῳ βαιὸν χρόνον ἔπλετο πάντα· ### book 3.480.1 νῦν 〈δὲ〉 δὴ οἴχῃ ἄιστος ὑπὸ ζόφον· ἀμφὶ δ’ ἐμὸν κῆρ ### book 3.480.2 ἄχνυτ’ ὀιζυρῶς, ἐπεὶ ἦ νύ με 〈πέν〉θος ἰάπτει ### book 3.480.3 λευγαλέον· τό 〈νύ〉 μ’ εἴθε καταφθίσειε γοῶντα ### book 3.480.4 πρὶν Πηλῆα πυθέσθαι ἀμύμονα, τόν περ ὀίω ### book 3.480.5 κωκύσειν ἀλίαστον, ὅτ’ ἀμφί ἑ φῆμις ἵκηται. ### book 3.485.1 Οἴκτιστον γὰρ νῶιν ὑπὲρ σέθεν ἔσσεται ἄλγος, ### book 3.485.2 πατρί τε σῷ καὶ ἐμοί, τοί περ μέγα σεῖο θανόντος ### book 3.485.3 ἀχνύμενοι τάχα γαῖαν ὑπὲρ Διὸς ἄσχετον Αἶσαν ### book 3.485.4 δυσόμεθ’ ἐσσυμένως· καί κεν πολὺ λώιον εἴη ### book 3.485.5 ἢ ζώειν ἀπάνευθεν ἀοσσητῆρος ἑοῖο.» ### book 3.490.1 Ἦ ῥ’ ὁ γέρων ἀλίαστον ἐνὶ φρεσὶ πένθος ἀέξων. ### book 3.490.2 Πὰρ δέ οἱ Ἀτρείδης ὀλοφύρετο δάκρυα χεύων· ### book 3.1 ᾤμωξεν δ’ ὀδύνῃσι μέγ’ αἰθόμενος κέαρ ἔνδον· ### book 3.2 «Ὤλεο, Πηλείδη, Δαναῶν μέγα φέρτατε πάντων, ### book 3.3 ὤλεο καὶ στρατὸν εὐρὺν ἀνερκέα θῆκας Ἀχαιῶν· ### book 3.495.1 ῥηίτεροι δ’ ἄρα σεῖο καταφθιμένου πελόμεσθα ### book 3.495.2 δυσμενέσιν. Σὺ δὲ χάρμα πεσὼν μέγα Τρωσὶν ἔθηκας, ### book 3.495.3 οἵ σε πάρος φοβέοντο, λέονθ’ ὣς αἰόλα μῆλα· ### book 3.495.4 νῦν δ’ ἐπὶ νηυσὶ θοῇσι λιλαιόμενοι μαχέονται. ### book 3.495.5 Ζεῦ πάτερ, ἦ ῥά τι καὶ σὺ βροτοὺς ψευδέσσι λόγοισι ### book 3.1 θέλγεις, ὃς κατένευσας ἐμοὶ Πριάμοιο ἄνακτος ### book 3.2 ἄστυ διαπραθέειν, νῦν δ’ οὐ τελέεις ὅς’ ὑπέστης, ### book 3.3 ἀλλὰ λίην ἀπάφησας ἐμὰς φρένας· οὐ γὰρ ὀίω ### book 3.4 εὑρέμεναι πολέμοιο τέκμωρ φθιμένου Ἀχιλῆος.» ### book 3.5 Ὣς ἔφατ’ ἀχνύμενος κέαρ ἔνδοθεν· ἀμφὶ δὲ λαοὶ ### book 3.505.1 κώκυον ἐκ θυμοῖο θρασὺν περὶ Πηλείωνα· ### book 3.505.2 τοῖς δ’ ἄρ’ ἐπεβρόμεον νῆες παρὰ μυρομένοισιν, ### book 3.505.3 ἠχὴ δ’ ἄσπετος ὦρτο δι’ αἰθέρος ἀκαμάτοιο. ### book 3.505.4 Ὡς δ’ ὅτε κύματα μακρὰ βίῃ μεγάλου ἀνέμοιο ### book 3.505.5 ὀρνύμεν’ ἐκ πόντοιο πρὸς ἠιόνας φορέονται ### book 3.510.1 σμερδαλέον, πάντῃ δὲ προσαγνυμένης ἁλὸς αἰεὶ ### book 3.510.2 ἀκταὶ ὁμῶς ῥηγμῖσιν ἀπειρέσιον βοόωσι· ### book 3.510.3 τοῖος ἄρ’ ἀμφὶ νέκυν Δαναῶν στόνος αἰνὸς ὀρώρει ### book 3.510.4 μυρομένων ἄλληκτον ἀταρβέα Πηλείωνα. ### book 3.510.5 Καί σφιν ὀδυρομένοισι τάχ’ ἤλυθε κυανέη νύξ, ### book 3.515.1 εἰ μὴ ἄρ’ Ἀτρείδην προσεφώνεε Νηλέος υἱὸς ### book 3.515.2 Νέστωρ, ὅς ῥά τ’ ἔχεσκεν ἐνὶ φρεσὶ μυρίον ἄλγος ### book 3.515.3 μνησάμενος σφοῦ παιδὸς ἐύφρονος Ἀντιλόχοιο· ### book 3.515.4 «Ἀργείων σκηπτοῦχε, μέγα κρατέων Ἀγάμεμνον, ### book 3.515.5 νῦν μὲν ἀποσχώμεσθα δυσηχέος αἶψα γόοιο ### book 3.520.1 σήμερον· οὐ γὰρ ἔτ’ αὖτις ἐρωήσει τις Ἀχαιοὺς ### book 3.520.2 κλαυθμοῦ ἄδην κορέσασθαι ἐπ’ ἤματα πολλὰ γοῶντας. ### book 3.520.3 Ἀλλ’ ἄγε δὴ βρότον αἰνὸν ἀταρβέος Αἰακίδαο ### book 3.520.4 λούσαντες λεχέεσς’ ἐνιθείομεν· οὐ γὰρ ἔοικεν ### book 3.520.5 αἰσχύνειν ἐπὶ δηρὸν ἀκηδείῃσι θανόντας.» ### book 3.525.1 Καὶ τὰ μὲν ὣς ἐπέτελλε περίφρων Νηλέος υἱός. ### book 3.525.2 Αὐτὰρ ὃ οἷς ἑτάροισιν ἐπισπέρχων ἐκέλευεν ### book 3.525.3 ὕδατος ἐν πυρὶ θέντας ἄφαρ κρυεροῖο λέβητας ### book 3.525.4 θερμῆναι λοῦσαί τε νέκυν περί θ’ εἵματα ἕσσαι ### book 3.525.5 καλά, τά οἱ πόρε παιδὶ φίλῳ ἁλιπόρφυρα μήτηρ ### book 3.530.1 ἐς Τροίην ἀνιόντι. Θοῶς δ’ ἐπίθησαν ἄνακτι· ### book 3.530.2 ἐνδυκέως δ’ ἄρα πάντα πονησάμενοι κατὰ κόσμον ### book 3.530.3 κάτθεσαν ἐν κλισίῃσι δεδουπότα Πηλείωνα. ### book 3.530.4 Τὸν δ’ ἐσιδοῦς’ ἐλέησε περίφρων Τριτογένεια· ### book 3.530.5 στάζε δ’ ἄρ’ ἀμβροσίην κατὰ κρ〈ά〉ατος, ἥν ῥά τέ φασι ### book 3.535.1 δηρὸν ἐρυκακέειν νεαρὸν χρόα κηρὶ δαμέντων· ### book 3.535.2 θῆκε δ’ ἄρ’ ἑρσήεντα καὶ εἴκελον ἀμπνείοντι· ### book 3.535.3 σμερδαλέον δ’ ἄρα τεῦξεν ἐπισκύνιον περὶ νεκρῷ, ### book 3.535.4 οἷόν τ’ ἀμφ’ ἑτάροιο δαϊκταμένου Πατρόκλοιο ### book 3.535.5 χωομένῳ ἐπέκειτο κατὰ βλοσυροῖο προσώπου· ### book 3.540.1 βριθύτερον δ’ ἄρα θῆκε δέμας καὶ ἄρειον ἰδέσθαι. ### book 3.540.2 Ἀργείους δ’ ἕλε θάμβος ὁμιλαδὸν ἀθρήσαντας ### book 3.540.3 Πηλείδην ζώοντι πανείκελον, ὅς ῥ’ ἐπὶ λέκτροις ### book 3.540.4 ἐκχύμενος μάλα πουλὺς ἄδην εὕδοντι ἐῴκει. ### book 3.540.5 Ἀμφὶ δέ μιν μογεραὶ ληίτιδες, ἅς ῥά ποτ’ αὐτὸς ### book 3.545 Λέσβον τε ζαθέην Κιλίκων τ’ αἰπὺ πτολίεθρον ### book 3.1 Θήβην Ἠετίωνος ἑλὼν ληίσσατο κούρας, ### book 3.2 ἱστάμεναι γοάασκον ἀμύσσουσαι χρόα καλόν, ### book 3.3 στήθεά τ’ ἀμφοτέρῃσι πεπληγυῖαι παλάμῃσιν ### book 3.4 ἐκ θυμοῦ στενάχεσκον ἐύφρονα Πηλείωνα· ### book 3.1 τὰς γὰρ δὴ τίεσκε καὶ ἐκ δηίων περ ἐούσας. ### book 3.2 Πασάων δ’ ἔκπαγλον ἀκηχεμένη κέαρ ἔνδον ### book 3.3 Βρισηὶς παράκοιτις ἐυπτολέμου Ἀχιλῆος ### book 3.4 ἀμφὶ νέκυν στρωφᾶτο καὶ ἀμφοτέρῃς παλάμῃσι ### book 3.5 δρυπτομένη χρόα καλὸν ἀύτεεν· ἐκ δ’ ἁπαλοῖο ### book 3.555.1 στήθεος αἱματόεσσαι ἀνὰ σμώδιγγες ἄερθεν ### book 3.555.2 θεινομένης· φαίης κεν ἐπὶ γλάγος αἷμα χέασθαι ### book 3.555.3 φοίνιον. Ἀγλαΐη δὲ καὶ ἀχνυμένης ἀλεγεινῶς ### book 3.555.4 ἱμερόεν μάρμαιρε, χάρις δέ οἱ ἄμπεχεν εἶδος. ### book 3.555.5 Τοῖον δ’ ἔκφατο μῦθον ὀιζυρὸν γοόωσα· ### book 3.560.1 «Ὤ μοι ἐγὼ πάντων περιώσιον αἰνὰ παθοῦσα· ### book 3.560.2 οὐ γάρ μοι τόσσον περ ἐπήλυθεν ἄλλό τι πῆμα, ### book 3.560.3 οὔτε κασιγνήτων οὔτ’ εὐρυχόρου περὶ πάτρης, ### book 3.560.4 ὅσσον σεῖο θανόντος· ἐπεὶ σύ μοι ἱερὸν ἦμαρ ### book 3.560.5 καὶ φάος ἠελίοιο πέλες καὶ μείλιχος αἰὼν ### book 3.565.1 ἐλπωρή τ’ ἀγαθοῖο καὶ ἄσπετον ἄλκαρ ἀνίης ### book 3.565.2 πάσης τ’ ἀγλαΐης πολὺ φέρτερος ἠδὲ τοκήων ### book 3.565.3 ἔπλεο· πάντα γὰρ οἶος ἔης δμωῇ περ ἐούσῃ, ### book 3.565.4 καί ῥά με θῆκας ἄκοιτιν ἑλὼν ἄπο δούλια ἔργα. ### book 3.565.5 Νῦν δέ τις ἐν νήεσσιν Ἀχαιῶν ἄξεται ἄλλος ### book 3.570 Σπάρτην εἰς ἐρίβωλον ἢ ἐς πολυδίψιον Ἄργος· ### book 3.1 καί νύ κεν ἀμφιπολεῦσα κακὰς ὑποτλήσομ’ ἀνίας ### book 3.2 σεῦ ἀπονοσφισθεῖσα δυσάμμορος. Ὡς ὄφελόν με ### book 3.3 γαῖα χυτὴ ἐκάλυψε πάρος σέο πότμον ἰδέσθαι.» ### book 3.4 Ὣς ἣ μὲν δμηθέντ’ ὀλοφύρετο Πηλείωνα ### book 3.575.1 δμωῇς σὺν μογερῇσι καὶ ἀχνυμένοισιν Ἀχαιοῖς ### book 3.575.2 μυρομένη καὶ ἄνακτα καὶ ἀνέρα· τῆς 〈δ’〉 ἀλεγεινὸν ### book 3.575.3 οὔ ποτε τέρσετο δάκρυ, κατείβετο δ’ ἄχρις ἐπ’ οὖδας ### book 3.575.4 ἐκ βλεφάρων, ὡς εἴ τε μέλαν κατὰ πίδακος ὕδωρ ### book 3.575.5 πετραίης, ἧς πουλὺς ὑπὲρ παγετός τε χιών τε ### book 3.580.1 ἐκκέχυται στυφελοῖο κατ’ οὔδεος, ἀμφὶ δὲ πάχνη ### book 3.580.2 τήκεθ’ ὁμῶς Εὔρῳ τε καὶ ἠελίοιο βολῇσι. ### book 3.580.3 Καὶ τότε δή ῥ’ ἐσάκουσαν ὀρινομένοιο γόοιο ### book 3.580.4 θυγατέρες Νηρῆος ὅσαι μέγα βένθος ἔχουσι· ### book 3.580.5 πάσῃσιν δ’ ἀλεγεινὸν ὑπὸ κραδίην πέσεν ἄλγος· ### book 3.585.1 οἰκτρὸν δὲ στονάχησαν, ἐπίαχε δ’ Ἑλλήσποντος. ### book 3.585.2 Ἀμφὶ δὲ κυανέοισι καλυψάμεναι χρόα πέπλοις ### book 3.585.3 ἐσσυμένως οἴμησαν, ὅπῃ στόλος ἐπλετ’ Ἀχαιῶν, ### book 3.585.4 πανσυδίῃ πολιοῖο δι’ οἴδματος, ἀμφὶ δ’ ἄρά σφι ### book 3.585.5 νισομένῃσι θάλασσα διίστατο· ταὶ δ’ ἐφέροντο ### book 3.590.1 κλαγγηδόν, κραιπνῇσιν ἐειδόμεναι γεράνοισιν ### book 3.590.2 ὀσσομένῃς μέγα χεῖμα· περιστενάχοντο δὲ λυγρὸν ### book 3.590.3 κήτεα μυρομένῃσιν. Ἔσαν δ’ ἄφαρ ἧχι νέοντο ### book 3.590.4 παῖδα κασιγνήτης κρατερόφρονα κωκύουσαι ### book 3.590.5 ἐκπάγλως. Μοῦσαι δὲ θοῶς Ἑλικῶνα λιποῦσαι ### book 3.595.1 ἤλυθον ἄλγος ἄλαστον ἐνὶ στέρνοισιν ἔχουσαι, ### book 3.595.2 ἀρνύμεναι τιμὴν ἑλικώπιδι Νηρηίνῃ. ### book 3.595.3 Ζεὺς δὲ μέγ’ Ἀργείοισι καὶ ἄτρομον ἔμβαλε θάρσος, ### book 3.1 ὄφρα μὴ ἐσθλὸν ὅμιλον ὑποδδείσωσι θεάων ### book 3.2 ἀμφαδὸν ἀθρήσαντες ἀνὰ στρατόν. Αἳ δ’ Ἀχιλῆος ### book 3.1 ἀμφὶ νέκυν στενάχοντο καὶ ἀθάνατοί περ ἐοῦσαι ### book 3.2 πᾶσαι ὁμῶς· ἀκταὶ δὲ περίαχον Ἑλλησπόντου, ### book 3.3 δεύετο δὲ χθὼν πᾶσα περὶ νέκυν Αἰακίδαο ### book 3.4 δάκρυσι· καὶ μέγα 〈λαοὶ〉 ἀνέστενον, ἀμφὶ δὲ λαῶν ### book 3.5 μυρομένων δακρύοισι φορύνετο τεύχεα πάντα ### book 3.605.1 καὶ κλισίαι καὶ νῆες, ἐπεὶ μέγα πένθος ὀρώρει. ### book 3.605.2 Μήτηρ δ’ ἀμφιχυθεῖσα κύσε στόμα Πηλείωνος ### book 3.605.3 παιδὸς ἑοῦ καὶ τοῖον ἔπος φάτο δάκρυ χέουσα· ### book 3.605.4 «Γηθείτω ῥοδόπεπλος ἀν’ οὐρανὸν Ἠριγένεια, ### book 3.605.5 γηθείτω φρεσὶν ᾗσι μεθεὶς χόλον Ἀστεροπαίου ### book 3.610.1 Ἀξιὸς εὐ〈ρυ〉ρέεθρος ἰδὲ Πριάμοιο γενέθλη. ### book 3.610.2 Αὐτὰρ ἐγὼ πρὸς Ὄλυμπον ἀφίξομαι, ἀμφὶ δὲ ποσσὶ ### book 3.610.3 κείσομαι ἀθανάτοιο Διὸς μεγάλα στενάχουσα, ### book 3.610.4 οὕνεκά μ’ οὐκ ἐθέλουσαν ὑπ’ ἀνέρι δῶκε δαμῆναι, ### book 3.610.5 ἀνέρι ὃν τάχα γῆρας ἀμείλιχον ἀμφιμέμαρφε ### book 3.615.1 Κῆρές τ’ ἐγγὺς ἔασι τέλος θανάτοιο φέρουσαι. ### book 3.615.2 Ἀλλά μοι οὐ κείνοιο μέλει τόσον ὡς Ἀχιλῆος, ### book 3.615.3 ὅν μοι Ζεὺς κατένευσεν ἐν Αἰακίδαο δόμοισιν ### book 3.615.4 ἴφθιμον θήσειν, ἐπεὶ οὔ τί μοι ἥνδανεν εὐνή, ### book 3.615.5 ἀλλ’ ὁτὲ μὲν ζαὴς ἄνεμος πέλον, ἄλλοτε δ’ ὕδωρ, ### book 3.620 ἄλλοτε δ’ οἰωνῷ ἐναλίγκιος ἢ πυρὸς ὁρμῇ· ### book 3.1 οὐδέ με θνητὸς ἀνὴρ δύνατο λεχέεσσι 〈δαμάσσαι〉 ### book 3.2 γινομένην ὅσα γαῖα καὶ οὐρανὸς ἐντὸς ἐέργει, ### book 3.3 μέσφ’ ὅτε μοι κατένευσεν Ὀλύμπιος υἱέα δῖον ### book 3.4 ἔκπαγλον θήσειν καὶ ἀρήιον. Ἀλλὰ τὸ μέν που ### book 3.625.1 ἀτρεκέως ἐτέλεσσεν· ὃ γὰρ πέλε φέρτατος ἀνδρῶν· ### book 3.625.2 ἀλλά μιν ὠκύμορον ποιήσατο καί μ’ ἀπάφησε. ### book 3.625.3 Τοὔνεκ’ ἐς οὐρανὸν εἶμι· Διὸς δ’ ἐς δώματ’ ἰοῦσα ### book 3.625.4 κωκύσω φίλον υἷα, καὶ ὁππόσα πρόσθ’ ἐμόγησα ### book 3.625.5 ἀμφ’ αὐτῷ καὶ παισὶν ἀεικέα τειρομένοισι, ### book 3.630.1 μνήσω ἀκηχεμένη, ἵνα οἱ σὺν θυμὸν ὀρίνω.» ### book 3.630.2 Ὣς ἔφατ’ αἰνὰ γοῶς’ ἁλίη Θέτις· ἣ δέ οἱ αὐτὴ ### book 3.630.3 Καλλιόπη φάτο μῦθον ἀρηρεμένη φρεσὶ θυμόν· ### book 3.630.4 «Ἴσχεο κωκυτοῖο, θεὰ Θέτι, μηδ’ ἀλύουσα ### book 3.630.5 εἵνεκα παιδὸς ἑοῖο θεῶν μεδέοντι καὶ ἀνδρῶν ### book 3.635.1 σκύζεο. Καὶ γὰρ Ζηνὸς ἐριβρεμέταο ἄνακτος ### book 3.635.2 υἷες ὁμῶς ἀπόλοντο κακῇ περὶ Κηρὶ δαμέντες. ### book 3.635.3 Κάτθανε δ’ υἱὸς ἐμεῖο καὶ αὐτῆς ἀθανάτοιο ### book 3.635.4 Ὀρφεύς, οὗ μολπῇσιν ἐφέσπετο πᾶσα μὲν ὕλη, ### book 3.635.5 πᾶσα δ’ ἄρ’ ὀκριόεσσα πέτρη ποταμῶν τε ῥέεθρα ### book 3.640.1 πνοιαί τε λιγέων ἀνέμων ἀμέγαρτον ἀέντων ### book 3.640.2 οἰωνοί τε θοῇσι διεσσύμενοι πτερύγεσσιν· ### book 3.640.3 ἀλλ’ ἔτλην μέγα πένθος, ἐπεὶ θεὸν οὔ τι ἔοικε ### book 3.640.4 πένθεσι λευγαλέοισι καὶ ἄλγεσι θυμὸν ἀχεύειν. ### book 3.640.5 Τῶ σε καὶ ἀχνυμένην μεθέτω γόος υἱέος ἐσθλοῦ· ### book 3.645.1 καὶ γάρ οἱ κλέος αἰὲν ἐπιχθονίοισιν ἀοιδοὶ ### book 3.645.2 καὶ μένος ἀείσουσιν ἐμῇ ἰότητι καὶ ἄλλων ### book 3.1 Πιερίδων. Σὺ δὲ μή τι κελαινῷ πένθεϊ θυμὸν ### book 3.2 δάμνασο θηλυτέρῃσιν ἴσον γοόωσα γυναιξίν. ### book 3.3 Ἦ οὐκ ἀίεις ὅτι πάντας ὅσοι χθονὶ ναιετάουσιν ### book 3.1 ἀνθρώπους ὀλοὴ περιπέπταται ἄσχετος Αἶσα ### book 3.2 οὐδὲ θεῶν ἀλέγουσα, τόσον σθένος ἔλλαχε μούνη; ### book 3.3 Ἣ καὶ νῦν Πριάμοιο πολυχρύσοιο πόληα ### book 3.4 ἐκπέρσει Τρώων τε καὶ Ἀργείων ὀλέσασα ### book 3.5 ἀνέρας, ὅν κ’ ἐθέλῃσι· θεῶν δ’ οὔ τίς μιν ἐρύξει.» ### book 3.655.1 Ὣς φάτο Καλλιόπη πινυτὰ φρεσὶ μητιόωσα. ### book 3.655.2 Ἠέλιος δ’ ἀπόρουσεν ἐς Ὠκεανοῖο ῥέεθρα, ### book 3.655.3 ὦρτο δὲ Νὺξ μεγάλοιο κατ’ ἠέρος ὀρφνήεσσα, ### book 3.655.4 ἥ τε καὶ ἀχνυμένοισι πέλει θνητοῖσιν ὄνειαρ. ### book 3.655.5 Αὐτοῦ δ’ ἐν ψαμάθοισιν Ἀχαιῶν ἔδραθον υἷες ### book 3.660.1 ἰλαδὸν ἀμφὶ νέκυν μεγάλῃ βεβαρηότες ἄτῃ. ### book 3.660.2 Ἀλλ’ οὐχ ὕπνος ἔμαρπτε θοὴν Θέτιν· ἄγχι δὲ παιδὸς ### book 3.660.3 ἧστο σὺν ἀθανάτῃς Νηρηίσιν· ἀμφὶ δὲ Μοῦσαι ### book 3.660.4 ἀχνυμένην ἀνὰ θυμὸν ἀμοιβαδὶς ἄλλοθεν ἄλλη ### book 3.660.5 πολλὰ παρηγορέεσκον, ὅπως λελάθοιτο γόοιο. ### book 3.665.1 Ἀλλ’ ὅτε καγχαλόωσα δι’ αἰθέρος ἤλυθεν Ἠὼς ### book 3.665.2 λαμπρότατον 〈τό〉τε πᾶσι φάος Τρώεσσι φέρουσα ### book 3.665.3 καὶ Πριάμῳ, Δαναοὶ δὲ μέγ’ ἀχνύμενοι Ἀχιλῆα ### book 3.665.4 κλαῖον ἐπ’ ἤματα πολλά· περιστενάχοντο δὲ μακραὶ ### book 3.665.5 ἠιόνες πόντοιο, μέγας δ’ ὀλοφύρετο Νηρεὺς ### book 3.670.1 ἦρα φέρων κούρῃ Νηρηίδι, σὺν δέ οἱ ἄλλοι ### book 3.670.2 εἰνάλιοι μύροντο θεοὶ φθιμένου Ἀχιλῆος. ### book 3.670.3 Καὶ τότε δὴ μεγάλοιο νέκυν Πηληιάδαο ### book 3.670.4 Ἀργεῖοι πυρὶ δῶκαν ἀάσπετα νηήσαντες ### book 3.670.5 δοῦρα τά οἱ φορέοντες ἀπ’ οὔρεος Ἰδαίοιο ### book 3.675.1 πάντες ὁμῶς ἐμόγησαν, ἐπεί σφεας ὀτρύνοντες ### book 3.675.2 Ἀτρεῖδαι προέηκαν ἀπείριτον οἰσέμεν ὕλην, ### book 3.675.3 ὄφρα θοῶς καίοιτο νέκυς κταμένου Ἀχιλῆος. ### book 3.675.4 Ἀμφὶ δὲ τεύχεα πολλὰ πυρῇ περινηήσαντο ### book 3.675.5 αἰζηῶν κταμένων, πολλοὺς δ’ ἐφύπερθε βάλοντο ### book 3.680.1 Τρώων δῃώσαντες ὁμῶς περικαλλέας υἷας ### book 3.680.2 ἵππους τε χρεμέθοντας ἐυσθενέας θ’ ἅμα ταύρους, ### book 3.680.3 σὺν δ’ ὄιάς τε σύας τ’ ἔβαλον βρίθοντας ἀλοιφῇ· ### book 3.680.4 φάρεα δ’ ἐκ χηλῶν φέρον ἄσπετα κωκύουσαι ### book 3.680.5 δμω〈ι〉άδες καὶ πάντα πυρῆς καθύπερθε βάλοντο, ### book 3.685.1 χρυσόν τ’ ἤλεκτρόν τ’ ἐπενήνεον. Ἀμφὶ δὲ χαίτας ### book 3.685.2 Μυρμιδόνες κείραντο, νέκυν δ’ ἐκάλυψαν ἄνακτος· ### book 3.685.3 καὶ δ’ αὐτὴ Βρισηὶς ἀκηχεμένη περὶ νεκρῷ ### book 3.685.4 κειραμένη πλοκάμους πύματον πόρε δῶρον ἄνακτι. ### book 3.685.5 Πολλοὺς δ’ ἀμφιφορῆας ἀλείφατος ἀμφεχέοντο, ### book 3.690.1 ἄλλους δ’ ἀμφὶ πυρῇ μέλιτος θέσαν ἠδὲ καὶ οἴνου ### book 3.690.2 ἡδέος οὗ μέθυ λαρὸν ὀδώδει νέκταρι ἶσον· ### book 3.690.3 ἄλλα δὲ πολλὰ βάλοντο θυώδεα θαῦμα βροτοῖσιν ### book 3.690.4 ὅσσα χθὼν φέρει ἐσθλὰ καὶ ὁππόσα δῖα θάλασσα. ### book 3.690.5 Ἀλλ’ ὅτε δὴ περὶ πάγχυ πυρὴν διεκοσμήσαντο, ### book 3.695.1 πεζοὶ ἅμ’ ἱππήεσσι σὺν ἔντεσιν ἐρρώσαντο ### book 3.695.2 ἀμφὶ πυρὴν πολύδακρυν. Ὃ δ’ ἔκποθεν Οὐλύμποιο ### book 3.695.3 Ζεὺς ψεκάδας κατέχευεν ὑπὲρ νέκυν Αἰακίδαο ### book 3.695.4 ἀμβροσίης, δίῃ τε φέρων Νηρηίδι τιμὴν ### book 3.695.5 Ἑρμείην προέηκεν ἐς Αἴολον, ὄφρα καλέσσῃ ### book 3 λαιψηρῶν Ἀνέμων ἱερὸν μένος· ἦ γὰρ ἔμελλε ### book 3.1 καίεσθ’ Αἰακίδαο νέκυς. Τοῦ δ’ αἶψα μολόντος ### book 3.2 Αἴολος οὐκ ἀπίθησε· καλεσσάμενος δ’ ἀλεγεινὸν ### book 3.3 καρπαλίμως Βορέην Ζεφύροιό τε λάβρον ἀήτην ### book 3.4 ἐς Τροίην προέηκε θοῇ θύοντας ἀέλλῃ. ### book 3.705.1 Οἳ δὲ θοῶς οἴμησαν ὑπὲρ πόντοιο φέρεσθαι ### book 3.705.2 ῥιπῇ ἀπειρεσίῃ· περὶ δ’ ἴαχεν ἐσσυμένοισι ### book 3.705.3 πόντος ὁμοῦ καὶ γαῖα, περικλονέοντο δ’ ὕπερθε ### book 3.705.4 πάντα νέφη μεγάλοιο δι’ ἠέρος ἀίσσοντα. ### book 3.705.5 Οἳ δὲ Διὸς βουλῇσι δαϊκταμένου Ἀχιλῆος ### book 3.710.1 αἶψα πυρῇ ἐνόρουσαν ἀολλέες· ὦρτο δ’ ἀυτμὴ ### book 3.710.2 Ἡφαίστου μαλεροῖο, γόος δ’ ἀλίαστος ὀρώρει ### book 3.710.3 Μυρμιδόνων. Ἄνεμοι δὲ καὶ ἐσσύμενοί περ ἀέλλῃ ### book 3.710.4 πᾶν ἦμαρ καὶ νύκτα νέκυν περιποιπνύοντες ### book 3.710.5 καῖον ἐυπνείοντες ὁμῶς· ἀνὰ δ’ ἔγρετο πουλὺς ### book 3.715.1 καπνὸς ἐς ἠέρα δῖαν, ἐπέστενε δ’ ἄσπετος ὕλη ### book 3.715.2 δαμναμένη πυρὶ πᾶσα, μέλαινα δὲ γίνετο τέφρη. ### book 3.715.3 Οἳ δὲ μέγ’ ἐκτελέσαντες ἀτειρέες ἔργον Ἀῆται ### book 3.715.4 εἰς ἑὸν ἄντρον ἕκαστος ὁμοῦ νεφέεσσι φέροντο. ### book 3.715.5 Μυρμιδόνες δ’, ὅτ’ ἄνακτα πελώριον ὕστατον ἄλλων ### book 3.720.1 ἤνυσε πῦρ ἀίδηλον ἀποκταμένων περὶ νεκρῷ ### book 3.720.2 ἵππων τ’ αἰζηῶν τε καὶ ἄλλ’ ὅσα δάκρυ χέοντες ### book 3.720.3 ὄβριμον ἀμφὶ νέκυν κειμήλια θῆκαν Ἀχαιοί, ### book 3.720.4 δὴ τότε πυρκαϊὴν οἴνῳ σβέσαν· ὀστέα δ’ αὐτοῦ ### book 3.720.5 φαίνετ’ ἀριφραδέως, ἐπεὶ οὐχ ἑτέροισιν ὁμοῖα ### book 3.725.1 ἦν, ἀλλ’ οἷα Γίγαντος ἀτειρέος, οὐδὲ μὲν ἄλλα ### book 3.725.2 σὺν κείνοις ἐμέμικτ’, ἐπεὶ ἦ βόες ἠδὲ καὶ ἵπποι ### book 3.725.3 καὶ παῖδες Τρώων μίγδα κταμένοισι καὶ ἄλλοις ### book 3.1 βαιὸν ἄπωθε κέοντο περὶ νέκυν, ὃς δ’ ἐνὶ μέσσοις ### book 3.2 ῥιπῇ ὑφ’ Ἡφαίστου δεδμημένος οἶος ἔκειτο. ### book 3.730.1 Τοῦ δὲ καὶ ὀστέα πάντα περιστενάχοντες ἑταῖροι ### book 3.730.2 ἄλλεγον ἐς χηλὸν πολυχανδέα τε βριαρήν τε, ### book 3.730.3 ἀργυρέην, χρυσῷ δὲ διαυγέι πᾶς’ ἐκέκαστο. ### book 3.730.4 Καὶ τὰ μὲν ἀμβροσίῃ καὶ ἀλείφασι πάγχυ δίηναν ### book 3.730.5 κοῦραι Νηρῆος μέγ’ Ἀχιλλέα κυδαίνουσαι, ### book 3.735.1 ἐς δὲ βοῶν δημὸν θέσαν ἀθρόα ταρχύσασθαι ### book 3.735.2 σὺν μέλιτι λιαρῷ· μήτηρ δέ οἱ ἀμφιφορῆα ### book 3.735.3 ὤπασε, τόν ῥα πάροιθε Διώνυσος πόρε δῶρον, ### book 3.735.4 Ἡφαίστου κλυτὸν ἔργον ἐύφρονος, ᾧ ἔνι θῆκαν ### book 3.735.5 ὀστέ’ Ἀχιλλῆος μεγαλήτορος. Ἀμφὶ δὲ τύμβον ### book 3.740.1 Ἀργεῖοι καὶ σῆμα πελώριον ἀμφεβάλοντο ### book 3.740.2 ἀκτῇ ἐπ’ ἀκροτάτῃ παρὰ βένθεσιν Ἑλλησπόντου ### book 3.740.3 Μυρμιδόνων βασιλῆα θρασὺν περικωκύοντες. ### book 3.740.4 Οὐδὲ μὲν ἄμβροτοι ἵπποι ἀταρβέος Αἰακίδαο ### book 3.740.5 μίμνον ἀδάκρυτοι παρὰ νήεσιν, ἀλλὰ καὶ αὐτοὶ ### book 3.745.1 μύροντο σφετέροιο δαϊκταμένου βασιλῆος· ### book 3.745.2 οὐδ’ ἔθελον μογεροῖσιν ἔτ’ ἀνδράσιν οὐδὲ μὲν ἵπποις ### book 3.745.3 μίσγεσθ’ Ἀργείων ὀλοὸν περὶ πένθος ἔχοντες, ### book 3.745.4 ἀλλ’ ὑπὲρ Ὠκεανοῖο ῥοὰς καὶ Τηθύος ἄντρα ### book 3.745.5 ἀνθρώπων ἀπάτερθεν ὀιζυρῶν φορέεσθαι, ### book 3.1 ἧχί σφεας τὸ πάροιθεν ἐγείνατο δῖα Ποδάργη ### book 3.2 ἄμφω ἀελλόποδας Ζεφύρῳ κελάδοντι μιγεῖσα. ### book 3.3 Καί νύ κεν αἶψ’ ἐτέλεσσαν ὅσά σφισι μήδετο θυμός, ### book 3.4 εἰ μή σφεας κατέρυξε θεῶν νόος, ὄφρ’ Ἀχιλῆος ### book 3.5 ἔλθοι ἀπὸ Σκύροιο θοὸς πάις, ὅν ῥα καὶ αὐτοὶ ### book 3.755.1 δεχνῦνθ’, ὁππόθ’ ἵκοιτο ποτὶ στρατόν, οὕνεκ’ ἄρά σφι ### book 3.755.2 θέσφατα γεινομένοισι Χάους ἱεροῖο θύγατρες ### book 3.755.3 Μοῖραι ἐπεκλώσαντο καὶ ἀθανάτοις περ ἐοῦσι ### book 3.755.4 πρῶτα Ποσειδάωνι δαμήμεναι, αὐτὰρ ἔπειτα ### book 3.755.5 θαρσαλέῳ Πηλῆι καὶ ἀκαμάτῳ Ἀχιλῆι, ### book 3.760.1 τέτρατον αὖτ’ ἐπὶ τοῖσι Νεοπτολέμῳ μεγαθύμῳ, ### book 3.760.2 τὸν καὶ ἐς Ἠλύσιον πεδίον μετόπισθεν ἔμελλον ### book 3.760.3 Ζηνὸς ὑπ’ ἐννεσίῃσι φέρειν μακάρων ἐπὶ γαῖαν. ### book 3.760.4 Τοὔνεκα καὶ στυγερῇ βεβολημένοι ἦτορ ἀνίῃ ### book 3.760.5 μίμνον πὰρ νήεσσιν ἑὸν κατὰ θυμὸν ἄνακτα ### book 3.765.1 τὸν μὲν ἀκηχέμενοι, τὸν δ’ αὖ ποθέοντες ἰδέσθαι. ### book 3.765.2 Καὶ τότ’ ἐριγδούποιο λιπὼν ἁλὸς ὄβριμον οἶδμα ### book 3.765.3 ἤλυθεν Ἐννοσίγαιος ἐπ’ ᾐόνας· οὐδέ μιν ἄνδρες ### book 3.765.4 ἔδρακον, ἀλλὰ θεῇσι παρίστατο Νηρηίνῃς· ### book 3.765.5 καί ῥα Θέτιν προσέειπεν ἔτ’ ἀχνυμένην Ἀχιλῆος· ### book 3.770.1 «Ἴσχεο νῦν περὶ παιδὸς ἀπειρέσιον γοόωσα. ### book 3.770.2 Οὐ γὰρ ὅ γε φθιμένοισι μετέσσεται, ἀλλὰ θεοῖσιν, ### book 3.770.3 ὡς ἠὺς Διόνυσος ἰδὲ σθένος Ἡρακλῆος· ### book 3.770.4 οὐ γάρ μιν μόρος αἰνὸς ὑπὸ ζόφον αἰὲν ἐρύξει ### book 3.770.5 οὐδ’ Ἀίδης, ἀλλ’ αἶψα καὶ ἐς Διὸς ἵξεται αὐγάς· ### book 3.775.1 καί οἱ δῶρον ἔγωγε θεουδέα νῆσον ὀπάσσω ### book 3.775.2 Εὔξεινον κατὰ πόντον, ὅπῃ θεὸς ἔσσεται αἰεὶ ### book 3.775.3 σὸς πάις· ἀμφὶ δὲ φῦλα περικτιόνων μέγα λαῶν ### book 3.775.4 κεῖνον κυδαίνοντα θυηπολίῃς ἐρατεινῇς ### book 3.775.5 ἶσον ἐμοὶ τίσουσι. Σὺ δ’ ἴσχεο κωκύουσα ### book 3.780.1 ἐσσυμένως καὶ μή τι χαλέπτεο πένθεϊ θυμόν.» ### book 3.780.2 Ὣς εἰπὼν ἐπὶ πόντον ἀπήιεν εἴκελος αὔρῃ ### book 3.780.3 παρφάμενος μύθοισι Θέτιν· τῆς δ’ ἐν φρεσὶ θυμὸς ### book 3.1 βαιὸν ἀνέπνευσε〈ν〉· τὰ 〈δέ〉 οἱ θεὸς ἐξετέλεσσεν. ### book 3.2 Ἀργεῖοι δὲ γοῶντες ἀπήιον, ἧχι ἑκάστῳ ### book 3.785.1 νῆες ἔσαν, τὰς ἦγον ἀφ’ Ἑλλάδος· αἳ δ’ Ἑλικῶνα ### book 3.785.2 Πιερίδες νίσοντο, καὶ εἰς ἅλα Νηρηῖναι ### book 3 δῦσαν ἀναστενάχουσαι ἐύφρονα Πηλείωνα. ### book 4.1.1 Οὐδὲ μὲν Ἱππολόχοιο δαΐφρονος ὄβριμον υἷα ### book 4.1.2 Τρῶες ἀδάκρυτον δειλοὶ λίπον, ἀλλὰ καὶ αὐτοὶ ### book 4.1.3 Δαρδανίης προπάροιθε πύλης ἐρικυδέα φῶτα ### book 4.1.4 πυρκαϊῆς καθύπερθε βάλον. Τὸν δ’ αὐτὸς Ἀπόλλων ### book 4.5.1 ἐκ πυρὸς αἰθομένοιο μάλ’ ἐσσυμένως ἀναείρας ### book 4.5.2 δῶκε θοοῖς Ἀνέμοισι φέρειν Λυκίης σχεδὸν αἴης· ### book 4.5.3 οἳ δέ μιν αἶψ’ ἀπένεικαν ὑπ’ ἄγκεα Τηλάνδροιο ### book 4.5.4 χῶρον ἐς ἱμερόεντα, πέτρην δ’ ἐφύπερθε βάλοντο ### book 4.5.5 ἄρρηκτον· Νύμφαι δὲ περίβλυσαν ἱερὸν ὕδωρ ### book 4.10.1 ἀενάου ποταμοῖο τὸν εἰσέτι φῦλ’ ἀνθρώπων ### book 4.10.2 Γλαῦκον ἐπικλείουσιν ἐύρροον· ἀλλὰ τὰ μέν που ### book 4.10.3 ἀθάνατοι τεύξαντο γέρας Λυκίων βασιλῆι. ### book 4.10.4 Ἀργεῖοι δ’ ἐρίθυμον ἀνεστενάχοντ’ Ἀχιλῆα ### book 4.10.5 νηυσὶ παρ’ ὠκυπόροισιν· ἔτειρε δὲ πάντας ἀνίη ### book 4.15.1 λευγαλέη καὶ πένθος, ἐπεί ῥά μιν ὡς ἑὸν υἷα ### book 4.15.2 δίζοντ’, οὐδέ τις ἦεν ἀνὰ στρατὸν εὐρὺν ἄδακρυς. ### book 4.15.3 Τρῶες δ’ αὖ〈τ’〉 ἀλίαστον ἐγήθεον εἰσορόωντες ### book 4.15.4 τοὺς μὲν ἀκηχεμένους, τὸν δ’ ἐν πυρὶ δῃωθέντα· ### book 4.15.5 καί τις ἐπευχόμενος τοῖον ποτὶ μῦθον ἔειπε· ### book 4.20 «Νῦν πάντεσσιν ἄελπτον ἀπ’ Οὐλύμποιο Κρονίων ### book 4.1 ἡμῖν ὤπασε χάρμα λιλαιομένοισιν ἰδέσθαι ### book 4.2 ἐν Τροίῃ Ἀχιλῆα δεδουπότα. Ἦ γὰρ ὀίω ### book 4.3 βλημένου ἀμπνεύσειν Τρώων ἐρικυδέα φῦλα ### book 4.4 αἵματος ἐξ ὀλοοῖο καὶ ἀνδροφόνου ὑσμίνης. ### book 4.25.1 Αἰεὶ γάρ οἱ χερσὶν ἐμαίνετο λοίγιον ἔγχος ### book 4.25.2 λύθρῳ ὑπ’ ἀργαλέῳ πεπαλαγμένον· οὐδέ τις ἡμέων ### book 4.25.3 κείνῳ ἐσάντα μολὼν ἔτ’ ἐσέδρακεν ἠριγένειαν. ### book 4.25.4 Νῦν δ’ ὀίω φεύξεσθαι Ἀχαιῶν ὄβριμα τέκνα ### book 4.25.5 νηυσὶν ἐυπρώροισι δαϊκταμένου Ἀχιλῆος. ### book 4.30.1 Ὡς ὄφελον μένος ἦεν ἔθ’ Ἕκτορος, ὄφρ’ ἅμα πάντας ### book 4.30.2 Ἀργείους σφετέρῃσιν ἐνὶ κλισίῃσιν ὄλεσσεν.» ### book 4.30.3 Ὣς ἄρ’ ἔφη Τρώων τις ἐνὶ φρεσὶ πάγχυ γεγηθώς· ### book 4.30.4 ἄλλος δ’ αὖθ’ ἑτέρωθε πύκα φρονέων φάτο μῦθον· ### book 4.30.5 «Φῆσθα σὺ μὲν Δαναῶν ὀλοὸν στρατὸν ἔνδοθι νηῶν ### book 4.35.1 πόντον ἐπ’ ἠερόεντα πεφυζότας αἶψα νέεσθαι· ### book 4.35.2 ἀλλ’ οὐ μὰν δείσουσι λιλαιόμενοι μέγα χάρμης. ### book 4.35.3 Εἰσὶ〈ν〉 γὰρ κρατεροί τε καὶ ὄβριμοι ἀνέρες ἄλλοι, ### book 4.35.4 Τυδείδης Αἴας τε καὶ Ἀτρέος ὄβριμοι υἷες, ### book 4.35.5 τοὺς ἔτ’ ἐγὼ δείδοικα κατακταμένου Ἀχιλῆος· ### book 4.40.1 τοὺς εἴθ’ ἀργυρότοξος ἀναιρήσειεν Ἀπόλλων, ### book 4.40.2 καί κεν ἀνάπνευσις πολέμου καὶ ἀεικέος οἴτου ### book 4.40.3 ἡμῖν εὐχομένοισιν ἐλεύσεται ἤματι κείνῳ.» ### book 4.40.4 Ὣς ἔφατ’. Ἀθάνατοι δὲ κατ’ οὐρανὸν ἐστενάχοντο ### book 4.40.5 ὅσσοι ἔσαν Δαναοῖσιν ἐυσθενέεσσιν ἀρωγοί, ### book 4.45 ἀμφὶ δὲ κρᾶτ’ ἐκάλυψαν ἀπειρεσίοις νεφέεσσι ### book 4.1 θυμὸν ἀκηχέμενοι· ἑτέρω〈θε〉 δὲ γήθεον ἄλλοι ### book 4.2 εὐχόμενοι Τρώεσσι πέρας θυμηδὲς ὀρέξαι. ### book 4.3 Καὶ τότε δὴ Κρονίωνα κλυτὴ προσεφώνεεν Ἥρη· ### book 4.4 «Ζεῦ πάτερ ἀργικέραυνε, τί ἢ Τρώεσσιν ἀρήγεις ### book 4.1 κούρης ἠυκόμοιο λελασμένος, ἥν ῥα πάροιθεν ### book 4.2 ἀντιθέῳ Πηλῆι πόρες θυμήρε’ ἄκοιτιν ### book 4.3 Πηλίου ἐν βήσσῃσι; Γάμον δέ οἱ αὐτὸς ἔτευξας ### book 4.4 ἄμβροτον, οἳ δέ νυ πάντες ἐδαινύμεθ’ ἤματι κείνῳ ### book 4.5 ἀθάνατοι καὶ πολλὰ δόμεν περικαλλέα δῶρα· ### book 4.55.1 ἀλλὰ τά γ’ ἐξελάθου, μέγα δ’ Ἑλλάδι μήσαο πένθος.» ### book 4.55.2 Ὣς ἄρ’ ἔφη· τὴν δ’ οὔ τι προσέννεπεν ἀκάματος Ζεύς. ### book 4.55.3 Ἧστο γὰρ ἀχνύμενος κραδίην καὶ πολλὰ μενοινῶν, ### book 4.55.4 οὕνεκεν ἤμελλον Πριάμου πόλιν ἐξαλαπάξειν ### book 4.55.5 Ἀργεῖοι, τοῖς αἰνὸν ἐμήδετο λοιγὸν ὀπάσσαι ### book 4.60.1 ἐν πολέμῳ στονόεντι καὶ ἐν βαρυηχέι πόντῳ· ### book 4.60.2 καὶ τὰ μὲν ὣς ὥρμαινε τὰ δὴ μετόπισθε τέλεσσεν. ### book 4.60.3 Ἠὼς δ’ Ὠκεανοῖο βαθὺν ῥόον εἰσαφίκανε, ### book 4.60.4 κυανέην δ’ ἄρα γαῖαν ἐπήιεν ἄσπετος ὄρφνη, ### book 4.60.5 ἦμος ἀναπνείουσι βροτοὶ βαιὸν καμάτοιο. ### book 4.65.1 Ἀργεῖοι δ’ ἐπὶ νηυσὶν ἐδόρπεον ἀχνύμενοί περ· ### book 4.65.2 οὐ γὰρ νηδύος ἔστιν ἀπωσέμεναι μεμαυίης ### book 4.65.3 λιμὸν ἀταρτηρήν, ὁπόταν στέρνοισιν ἵκηται· ### book 4.65.4 ἀλλ’ εἶθαρ θοὰ γυῖα βαρύνεται, οὐδέ τι μῆχος ### book 4.65.5 γίνεται, ἢν μή τις κορέσῃ θυμαλγέα νηδύν. ### book 4.70.1 Τοὔνεκα δαῖτ’ ἐπάσαντο καὶ ἀχνύμενοι Ἀχιλῆος· ### book 4.70.2 αἰνὴ γὰρ μάλα πάντας ἐποτρύνεσκεν ἀνάγκη. ### book 4.70.3 Τοῖσι δὲ πασσαμένοισιν ἐπήλυθε νήδυμος ὕπνος, ### book 4.1 λῦσε δ’ ἀπὸ μελέων ὀδύνας, ἐπὶ δὲ σθένος ὦρσεν. ### book 4.2 Ἀλλ’ ὅτε δὴ κεφαλὰς μὲν ἐπ’ ἀντολίην ἔχον ἄρκτοι ### book 4.75.1 δέγμεναι ἠελίοιο θοὸν φάος, ἔγρετο δ’ Ἠώς, ### book 4.75.2 δὴ τότ’ ἀνέγρετο λαὸς ἐυσθενέων Ἀργείων ### book 4.75.3 πορφύρων Τρώεσσι φόνον καὶ κῆρ’ ἀίδηλον. ### book 4.75.4 Κίνυτο δ’ ἠύτε πόντος ἀπείριτος Ἰκαρίοιο ### book 4.75.5 ἠὲ καὶ αὐαλέον βαθὺ λήιον, ὁππόθ’ ἵκηται ### book 4.80.1 ῥιπὴ ἀπειρεσίη νεφεληγερέος Ζεφύροιο· ### book 4.80.2 ὣς ἄρα κίνυτο λαὸς ἐπ’ ᾐόσιν Ἑλλησπόντου. ### book 4.80.3 Καὶ τότε Τυδέος υἱὸς ἐελδομένοισιν ἔειπεν· ### book 4.80.4 «Ὦ φίλοι, εἰ ἐτεόν γε μενεπτόλεμοι πελόμεσθα, ### book 4.80.5 νῦν μᾶλλον στυγεροῖσι μαχώμεθα δυσμενέεσσι, ### book 4.85 μή πως θαρσήσωσιν, Ἀχιλλέος οὐκέτ’ ἐόντος, ### book 4.99a καὶ Τελαμωνιάδαο μέγα σθένος ἔκτοθι μίμνειν. ### book 4.86.1 Ἀλλ’ ἄγε, σὺν τεύχεσσι καὶ ἅρμασιν ἠδὲ καὶ ἵπποις ### book 4.86.2 ἴομεν ἀμφὶ πόληα· πόνος δ’ ἄρα κῦδος ὀρέξει.» ### book 4.86.3 Ὣς ἔφατ’ ἐν Δαναοῖσιν· ἀμείβετο δ’ ὄβριμος Αἴας· ### book 4.86.4 «Τυδείδη, σὺ μὲν ἐσθλὰ καὶ οὐκ ἀνεμώλια βάζεις ### book 4.90.1 ὀτρύνων Τρώεσσιν ἐυπτολέμοισι μάχεσθαι ### book 4.90.2 ἀγχεμάχους Δαναούς, οἵ περ μεμάασι καὶ αὐτοί. ### book 4.90.3 Ἀλλὰ χρὴ ἐν νήεσσι μένειν, ἄχρις ἐξ ἁλὸς ἔλθῃ ### book 4.90.4 δῖα Θέτις· μάλα γάρ 〈οἱ〉 ἐνὶ φρεσὶ μήδεται ἦτορ ### book 4.90.5 υἱέος ἀμφὶ τάφῳ περικαλλέα θεῖναι ἄεθλα· ### book 4.95.1 ὣς χθιζή μοι ἔειπεν, ὅτ’ εἰς ἁλὸς ἤιε βένθος, ### book 4.95.2 νόσφ’ ἄλλων Δαναῶν· καί μιν σχεδὸν ἔλπομαι εἶναι ### book 4.1 ἐσσυμένην. Τρῶες δέ, καὶ εἰ θάνε Πηλέος υἱός, ### book 4.2 οὐ μάλα θαρσήσουσιν ἔτι ζώοντος ἐμεῖο ### book 4.3 καὶ σέθεν ἠδὲ καὶ αὐτοῦ ἀμύμονος Ἀτρείδαο.» ### book 4.1 Ὣς ἄρ’ ἔφη Τελαμῶνος ἐὺς πάις, οὐδέ τι ᾔδη ### book 4.2 ὅττι ῥά οἱ μετ’ ἄεθλα κακὸν μόρον ἔντυε δαίμων ### book 4.3 ἀργαλέον· τὸν δ’ αὖτις ἀμείβετο Τυδέος υἱός· ### book 4.4 «Ὦ φίλος, εἰ ἐτεὸν Θέτις ἔρχεται ἤματι τῷδε ### book 4.5 υἱέος ἀμφὶ τάφῳ περικαλλέα θεῖναι ἄεθλα, ### book 4.105.1 πὰρ νήεσσι μένωμεν ἐρυκανόωντε καὶ ἄλλους. ### book 4.105.2 Καὶ γὰρ δὴ μακάρεσσι θεοῖς πείθεσθαι ἔοικε· ### book 4.105.3 καὶ δ’ ἄλλως Ἀχιλῆι καὶ ἀθανάτων ἀέκητι ### book 4.105.4 αὐτοὶ φραζώμεσθα δόμεν θυμηδέα τιμήν.» ### book 4.105.5 Ὣς φάτο Τυδείδαο δαΐφρονος ὄβριμον ἦτορ. ### book 4.110.1 Καὶ τότ’ ἄρ’ ἐκ πόντοιο κίεν Πηλῆος ἄκοιτις ### book 4.110.2 αὔρῃ ὑπηώῃ ἐναλίγκιος· αἶψα δ’ ἵκανεν ### book 4.110.3 Ἀργείων ἐς ὅμιλον, ὅπῃ μεμαῶτες ἔμιμνον, ### book 4.110.4 οἳ μὲν ἀεθλεύσοντες ἀπειρεσίῳ ἐν ἀγῶνι, ### book 4.110.5 οἳ δὲ φρένας καὶ θυμὸν ἀεθλητῆρσιν ἰῆναι. ### book 4.115.1 Τοῖσι δ’ ἅμ’ ἀγρομένοισι Θέτις κυανοκρήδεμνος ### book 4.115.2 θῆκεν ἄεθλα φέρουσα καὶ ὀτρύνεσκεν Ἀχαιοὺς ### book 4.115.3 αὐτίκ’ ἀεθλεύειν· τοὶ δ’ ἀθανάτῃ πεπίθοντο. ### book 4.115.4 Πρῶτος δ’ ἐν μέσσοισιν ἀνίστατο Νηλέος υἱός, ### book 4.115.5 οὐ μὲν πυγμαχίῃσι λιλαιόμενος πονέεσθαι ### book 4.120.1 οὔτε παλαισμοσύνῃ πολυτειρέι· τοῦ γὰρ ὕπερθε ### book 4.120.2 γυῖα καὶ ἅψεα πάντα λυγρὸν κατεδάμνατο γῆρας. ### book 4.120.3 Ἀλλά οἱ ἐν στέρνοισιν ἔτ’ ἔμπεδος ἔπλετο θυμὸς ### book 4.1 καὶ νόος, οὐδέ τις ἄλλος ἐριδμαίνεσκεν Ἀχαιῶν ### book 4.2 κείνῳ, ὅτ’ εἰν ἀγορῇ ἐπέων πέρι δῆρις ἐτύχθη· ### book 4.125.1 τῷ καὶ Λαέρταο κλυτὸς πάις εἵνεκα μύθων ### book 4.125.2 εἰν ἀγορῇ ὑπόεικε, καὶ ὃς βασιλεύτατος ἦεν ### book 4.125.3 πάντων Ἀργείων, μέγ’ ἐυμμελίης Ἀγαμέμνων. ### book 4.125.4 Τοὔνεκ’ ἐν〈ὶ〉 μέσσοισιν ἐύφρονα Νηρηίνην ### book 4.125.5 ὕμνεεν, ὡς πάσῃσι μετέπρεπεν εἰναλίῃσιν ### book 4.130.1 εἵνεκ’ ἐυφροσύνης καὶ εἴδεος· ἣ δ’ ἀίουσα ### book 4.130.2 τέρπεθ’. Ὃ δ’ ἱμερόεντα γάμον Πηλῆος ἔνισπε, ### book 4.130.3 τόν ῥά οἱ ἀθάνατοι μάκαρες συνετεκτήναντο ### book 4.130.4 Πηλίου ἀμφὶ κάρηνα, καὶ ἄμβροτον ὡς ἐπάσαντο ### book 4.130.5 δαῖτα παρ’ εἰλαπίνῃσιν, ὅτ’ εἴδατα θεῖα φέρουσαι ### book 4.135.1 χερσὶν ὑπ’ ἀμβροσίῃσι θοαὶ παρενήνεον Ὧραι ### book 4.135.2 χρυσείοις κανέοισι, Θέμις δ’ ἄρα καγχαλόωσα ### book 4.135.3 ἀργυρέας ἐτίταινεν ἐπισπέρχουσα τραπέζας, ### book 4.135.4 πῦρ δ’ Ἥφαιστος ἔκαιεν ἀκήρατον, ἀμφὶ δὲ Νύμφαι ### book 4.135.5 ἀμβροσίην ἐκέραιον ἐνὶ χρυσέοισ〈ι〉 κυπέλλοις, ### book 4.140.1 αἳ δ’ ἄρ’ ἐς ὀρχηθμὸν Χάριτες τράπεν ἱμερόεντα, ### book 4.140.2 Μοῦσαι δ’ ἐς μολπήν, ἐπετέρπετο δ’ οὔρεα πάντα ### book 4.140.3 καὶ ποταμοὶ καὶ θῆρες, ἰαίνετο δ’ ἄφθιτος αἰθὴρ ### book 4.140.4 ἄντρά τε Χείρωνος περικαλλέα καὶ θεοὶ αὐτοί. ### book 4.140.5 Καὶ τὰ μὲν ἂρ Νηλῆος ἐὺς πάις Ἀργείοισι ### book 4.145.1 πάντα μάλ’ ἱεμένοις κατελέξατο· τοὶ δ’ ἀίοντες ### book 4.145.2 τέρπονθ’. Ὃς 〈δ’〉 Ἀχιλῆος ἀμύμονος ἄφθιτα ἔργα ### book 4.145.3 μέλπε μέσῳ ἐν ἀγῶνι, πολὺς δ’ ἀμφίαχε λαὸς ### book 4.145.4 ἀσπασίως· ὃ δ’ ἄρ’ ἔνθεν ἑλὼν ἐρικυδέα φῶτα ### book 4 ἐκπάγλως κύδαινεν ἀρηρεμένοις ἐπέεσσι, ### book 4.1 δώδεχ’ ὅπως διέπερσε κατὰ πλόον ἄστεα φωτῶν, ### book 4.2 ἕνδεκα δ’ αὖ κατὰ γαῖαν ἀπείριτον, ὡς 〈δ’〉 ἐδάιξε ### book 4.3 Τήλεφον ἠδὲ βίην ἐρικυδέος Ἠετίωνος ### book 4.4 Θήβης ἐν δαπέδοισι, καὶ ὡς Κύκνον ἔκτανε δουρὶ ### book 4.5 υἷα Ποσειδάωνος ἰδ’ ἀντίθεον Πολύδωρον ### book 4.155.1 καὶ Τρωίλον θηητὸν ἀμύμονά τ’ Ἀστεροπαῖον, ### book 4.155.2 αἵματι δ’ ὡς ἐρύθηνεν ἄδην ποταμοῖο ῥέεθρα ### book 4.155.3 Ξάνθου καὶ νεκύεσσιν ἀπειρεσίοισι κάλυψε ### book 4.155.4 πάντα ῥόον κελάδοντα, Λυκάονος ὁππότε θυμὸν ### book 4.155.5 νοσφίσατ’ ἐκ μελέων ποταμοῦ σχεδὸν ἠχήεντος, ### book 4.160.1 Ἕκτορά θ’ ὡς ἐδάμασσε, καὶ ὡς ἕλε Πενθεσίλειαν ### book 4.160.2 ἠδὲ καὶ υἱ〈έ〉α δῖον ἐυθρόνου Ἠριγενείης. ### book 4.160.3 Καὶ τὰ μὲν Ἀργείοισιν ἐπισταμένοισι καὶ αὐτοῖς ### book 4.160.4 μέλπε, καὶ ὡς ἐτέτυκτο πελώριος, ὥς τέ οἱ οὔ τις ### book 4.160.5 ἔσθενε δηριάασθαι ἐναντίον, οὔτ’ ἐν ἀέθλοις ### book 4.165.1 αἰζηῶν, ὅτε ποσσὶ νέοι περιδηριόωνται, ### book 4.165.2 οὐδὲ μὲν ἱππασίῃ οὐδὲ σταδίῃ ἐνὶ χάρμῃ, ### book 4.165.3 κάλλεΐ θ’ ὡς Δαναοὺς μέγ’ ὑπείρεχεν, ὥς τέ οἱ ἀλκὴ ### book 4.165.4 ἔπλετ’ ἀπειρεσίη, ὁπότ’ Ἄρεος ἔσσυτο δῆρις. ### book 4.165.5 Εὔχετο δ’ ἀθανάτοισι καὶ υἱέα τοῖον ἰδέσθαι ### book 4.170.1 κείνου ἀπὸ Σκύροιο πολυκλύστοιο μολόντα. ### book 4.170.2 Ἀργεῖοι δ’ ἄρα πᾶσιν ἐπευφήμησαν ἔπεσσιν ### book 4.170.3 αὐτή τ’ ἀργυρόπεζα Θέτις, καί οἱ πόρεν ἵππους ### book 4.170.4 ὠκύποδας, τοὺς πρόσθεν ἐυμμελίῃ Ἀχιλῆι ### book 4.170.5 Τήλεφος ὤπασε δῶρον ἐπὶ προχοῇσι Καΐκου, ### book 4.175.1 εὖτέ ἑ μοχθίζοντα κακῷ περὶ ἕλκεϊ θυμὸν ### book 4.175.2 ἠκέσατ’ ἐγχείῃ, τῇ μιν βάλε δηριόωντα ### book 4.1 αὐτὸς ἔσω μηροῖο, διήλασε δ’ ὄβριμον αἰχμήν. ### book 4.2 Καὶ τοὺς μὲν Νέστωρ Νηλήιος οἷς ἑτάροισιν ### book 4.3 ὤπασεν· οἳ δ’ ἐς νῆας ἄγον μέγα κυδαίνοντες ### book 4.180.1 ἀντίθεον βασιλῆα. Θέτις δ’ ἐς μέσσον ἀγῶνα ### book 4.180.2 θῆκεν ἄρ’ ἀμφὶ δρόμοιο βόας δέκα· τῇσι δὲ πάσῃς ### book 4.180.3 καλαὶ πόρτιες ἦσαν ὑπὸ μαζοῖσιν ἰοῦσαι· ### book 4.180.4 τάς ποτε Πηλείδαο θρασὺ σθένος ἀκαμάτοιο ### book 4.180.5 ἤλασεν ἐξ Ἴδης μεγάλῳ περὶ δουρὶ πεποιθώς. ### book 4.185.1 Τῶν πέρι δοιοὶ ἀνέσταν ἐελδόμενοι μέγα νίκης, ### book 4.185.2 Τεῦκρος μὲν πρῶτος Τελαμώνιος ἠδὲ καὶ Αἴας, ### book 4.185.3 Αἴας ὅς τε Λοκροῖσι μετέπρεπεν ἰοβόλοισιν. ### book 4.185.4 Ἀμφὶ δ’ ἄρα ζώσαντο θοῶς περὶ μήδεα χερσὶ ### book 4.185.5 φάρεα, πάντα δ’ ἔνερθεν ἅ περ θέμις ἐκρύψαντο ### book 4.190.1 αἰδόμενοι Πηλῆος ἐυσθενέος παράκοιτιν ### book 4.190.2 ἄλλάς τ’ εἰναλίας Νηρηίδας, ὅσσαι ἅμ’ αὐτῇ ### book 4.190.3 ἤλυθον Ἀργείων κρατεροὺς ἐσιδέσθαι ἀέθλους. ### book 4.190.4 Τοῖσι δὲ σημαίνεσκε δρόμου τέλος ὠκυτάτοιο ### book 4.190.5 Ἀτρείδης ὃς πᾶσι μετ’ Ἀργείοισιν ἄνασσε. ### book 4.195.1 Τοὺς δ’ Ἔρις ὀτρύνεσκεν ἐπήρατος· οἳ δ’ ἀπὸ νύσσης ### book 4.195.2 καρπαλίμως οἴμησαν ἐοικότες ἰρήκεσσι· ### book 4.195.3 τῶν δὲ καὶ ἀμφήριστος ἔην δρόμος· οἳ δ’ ἑκάτερθεν ### book 4.195.4 Ἀργεῖοι λεύσσοντες ἐπίαχον ἄλλυδις ἄλλος. ### book 4.195.5 Ἀλλ’ ὅτε τέρματ’ ἔμελλον ἱκανέμεναι μεμαῶτες, ### book 4.1 δὴ τότε που Τεύκροιο μένος καὶ γυῖα πέδησαν ### book 4.2 ἀθάνατοι· τὸν γάρ ῥα θεὸς βάλεν ἠέ τις ἄτη ### book 4.3 ὄζον ἐς ἀλγινόεντα βαθυρρίζοιο μυρίκης. ### book 4.1 Τῷ δ’ ἄρ’ ἐν〈ι〉χριμφθεὶς χαμάδις πέσε· τοῦ δ’ ἀλεγεινῶς ### book 4.2 ἄκρον ἀνεγνάμφθη λαιοῦ ποδός, αἳ δ’ ὑπανέσταν ### book 4.205.1 οἰδαλέαι ἑκάτερθε περὶ φλέβες. Οἳ δ’ ἰάχησαν ### book 4.205.2 Ἀργεῖοι κατ’ ἀγῶνα. Παρήιξε〈ν〉 δέ μιν Αἴας ### book 4.205.3 γηθόσυνος· λαοὶ δὲ συνέδραμον, οἵ οἱ ἕποντο, ### book 4.205.4 Λοκροί, αἶψα δὲ χάρμα περὶ φρένας ἤλυθε πάντων· ### book 4.205.5 ἐκ δ’ ἔλασαν μετὰ νῆας ἄγειν βόας, ὄφρα νέμωνται. ### book 4.210.1 Τεῦκρον δ’ ἐσσυμένως ἕταροι περιποιπνύοντες ### book 4.210.2 ἦγον ἐπισκάζοντα. Θοῶς δέ οἱ ἰητῆρες ### book 4.210.3 ἐκ ποδὸς αἷμ’ ἀφέλοντο· θέσαν δ’ ἐφύπερθε τομάων ### book 4.210.4 εἴρια συνδεύσαντες ἀλείφασιν, ἀμφὶ δὲ μίτρῃ ### book 4.210.5 δήσαντ’ ἐνδυκέως· ὀλοὰς δ’ ἐκέδασσαν ἀνίας. ### book 4.215.1 Ἄλλοι δ’ αὖθ’ ἑτέρωθε παλαισμοσύνης ὑπερόπλου ### book 4.215.2 καρπαλίμως μνώοντο δύω κρατερόφρονε φῶτε, ### book 4.215.3 Τυδέος ἱπποδάμοιο πάις καὶ ὑπέρβιος Αἴας, ### book 4.215.4 οἵ ῥ’ ἴσαν ἐς μέσσον. Θάμβος δ’ ἔχεν ἀθρήσαντας ### book 4.215.5 Ἀργείους· ἄμφω γὰρ ἔσαν μακάρεσσιν ὁμοῖοι. ### book 4.220.1 Σὺν δ’ ἔβαλον θήρεσσιν ἐοικότες, οἵ τ’ ἐν ὄρεσσιν ### book 4.220.2 ἀμφ’ ἐλάφοιο μάχονται ἐδητύος ἰσχανόωντες, ### book 4.220.3 ἶσον δ’ ἀμφοτέροισι πέλει σθένος, οὐδέ τις αὐτῶν ### book 4.220.4 λείπεται οὐδ’ ἠβαιὸν ἀταρτηρῶν μάλ’ ἐόντων· ### book 4.220.5 ὣς οἵ γ’ ἶσον ἔχον κρατερὸν μένος. Ὀψὲ δ’ ἄρ’ Αἴας ### book 4.225.1 Τυδείδην συνέμαρψεν ὑπὸ στιβαρῇσι χέρεσσιν ### book 4.225.2 ἆξαι ἐπειγόμενος· ὃ δ’ ἄρ’ ἰδρείῃ τε καὶ ἀλκῇ ### book 4.225.3 πλευρὸν ὑποκλίνας Τελαμώνιον ὄβριμον υἷα ### book 4.225.4 ἐσσυμένως ἀνάειρεν ὑπὸ μυῶνος ἐρείσας ### book 4 ὦμον, καὶ ποδὶ μηρὸν ὑποπλήξας ἑτέρωσε ### book 4.230.1 κάββαλεν ὄβριμον ἄνδρα κατὰ χθονός, ἀμφὶ δ’ ἄρ’ αὐτῷ ### book 4.230.2 ἕζετο· τοὶ δ’ ὁμάδησαν. Ὃ δ’ ἀσχαλόων ἐνὶ θυμῷ ### book 4.230.3 Αἴας ὀβριμόθυμος ἀνίστατο δεύτερον αὖτις ### book 4.230.4 ὁρμαίνων ἐς δῆριν ἀμείλιχον· αἶψα δὲ χερσὶ ### book 4.230.5 σμερδαλέῃσι κόνιν κατεχεύατο καὶ μέγα θύων ### book 4.235.1 Τυδείδην ἐς μέσσον ἀύτεεν. Ὃς δέ μιν οὔ τι ### book 4.235.2 ταρβήσας οἴμησε καταντίον· ἀμφὶ δὲ πολλὴ ### book 4.235.3 ποσσὶν ὑπ’ ἀμφοτέρων κόνις ὤρνυτο. Τοὶ δ’ ἑκάτερθε ### book 4.235.4 ταῦροι ὅπως συνόρουσαν ἀταρβέες, οἵ τ’ ἐν ὄρεσσι ### book 4.235.5 θαρσαλέου μένεος πειρώμενοι εἰς ἓν ἵκωνται ### book 4.240.1 ποσσὶ κονιόμενοι, περὶ δὲ βρομέουσι κολῶναι ### book 4.240.2 βρυχμῇ ὑπ’ ἀμφοτέρων, τοὶ δ’ ἄσχετα μαιμώωντες ### book 4.240.3 κράατα συμφορέουσιν ἀτειρέα καὶ μέγα κάρτος ### book 4.240.4 〈δηρ〉ὸν ἐπ’ ἀλλήλοισι πονεύμενοι, ἐκ δὲ μόγοιο ### book 4.240.5 λάβρον ἀνασθμαίνοντες ἀμείλιχα δη〈ρ〉ιόωνται, ### book 4.245.1 πουλὺς δ’ ἐκ στομάτων χαμάδις καταχεύεται ἀφρός· ### book 4.245.2 ὣς οἵ γε στιβαρῇσιν ἄδην πονέοντο χέρεσσιν· ### book 4.245.3 ἀμφοτέρων δ’ ἄρα νῶτα καὶ αὐχένες ἀλκήεντες ### book 4.245.4 χερσὶ περικτυπέοντο τετριγότες, εὖτ’ ἐν ὄρεσσι ### book 4.245.5 δένδρε’ ἐπ’ ἀλλήλοισι βαλόντ’ ἐριθηλέας ὄζους. ### book 4.1 Πολλάκι δ’ Αἴαντος μεγάλου στιβαροὺς ὑπὸ μηροὺς ### book 4.2 κάββαλε Τυδείδης κρατερὰς χέρας, ἀλλά μιν οὔ τι ### book 4.3 ἂψ ὦσαι δύνατο στιβαροῖς ποσὶν ἐμβεβαῶτα· ### book 4.1 τὸν δ’ Αἴας καθύπερθεν ἐπεσσύμενος ποτὶ γαῖαν ### book 4.2 ἐξ ὤμων ἐτίνασσε κατὰ χθονὸς οὖδας ἐρείδων· ### book 4.255.1 ἄλλοτε δ’ ἀλλοίως ὑπὸ χείρεσι δη〈ρ〉ιόωντο. ### book 4.255.2 Λαοὶ δ’ ἔνθα καὶ ἔνθα μέγ’ ἴαχον εἰσορόωντες, ### book 4.255.3 οἳ μὲν Τυδείδην ἐρικυδέα θαρσύνοντες, ### book 4.255.4 οἳ δὲ βίην Αἴαντος. Ὃ δ’ ἄλκιμον ἄνδρα τινάξας ### book 4.255.5 ἐξ ὤμων ἑκάτερθε, βαλὼν δ’ ὑπὸ νηδύα χεῖρας, ### book 4.260.1 ἐσσυμένως ἐφέηκε κατὰ χθονὸς ἠύτε πέτρην ### book 4.260.2 ἀλκῇ ὑπὸ σθεναρῇ· μέγα δ’ ἴαχε Τρώιον οὖδας ### book 4.260.3 Τυδείδαο πεσόντος, ἐπηΰτησε δὲ λαός. ### book 4.260.4 Ἀλλὰ καὶ ὧς ἀνόρουσεν ἐελδόμενος πονέεσθαι ### book 4.260.5 τὸ τρίτον ἀμφ’ Αἴαντα πελώριον· ἀλλ’ ἄρα Νέστωρ ### book 4.265.1 ἔστη ἐν〈ὶ〉 μέσσοισι καὶ ἀμφοτέροισι μετηύδα· ### book 4.265.2 «Ἴσχεσθ’, ἀγλαὰ τέκνα, παλαισμοσύνης ὑπερόπλου· ### book 4.265.3 ἴδμεν γὰρ δὴ πάντες ὅσον προφερέστατοί ἐστε ### book 4.265.4 Ἀργείων μεγάλοιο καταφθιμένου Ἀχιλῆος.» ### book 4.265.5 Ὣς φάτο· τοὶ δ’ ἔσχοντο πονεύμενοι. Ἐκ δὲ μετώπων ### book 4.270.1 χερσὶν ἄδην μόρξαντο κατεσσύμενόν περ ἱδρῶτα· ### book 4.270.2 κύσσαν δ’ ἀλλήλους, φιλότητι δὲ δῆριν ἔθεντο. ### book 4.270.3 Τοῖς δ’ ἄρα ληιάδας πίσυρας πόρε πότνα θεάων, ### book 4.270.4 δῖα Θέτις· τὰς δ’ αὐτοὶ ἐθηήσαντο ἰδόντες ### book 4.270.5 ἥρωες κρατεροὶ καὶ ἀταρβέες, οὕνεκα πασέων ### book 4.275.1 ληιάδων προφέρεσκον ἐυφροσύνῃ τε καὶ ἔργοις ### book 4.275.2 νόσφιν ἐυπλοκάμου Βρισηίδος, ἅς ποτ’ Ἀχιλλεὺς ### book 4.275.3 ληίσατ’ ἐκ Λέσβοιο, νόον δ’ 〈ἐπ〉ετέρπετο τῇσι· ### book 4.275.4 καί ῥ’ ἣ μὲν δόρποιο πέλεν ταμίη καὶ ἐδωδῆς, ### book 4 ἣ δ’ ἄρα δαινυμένοισι παροινοχόει μέθυ λαρόν, ### book 4.280.1 ἄλλη δ’ αὖ μετὰ δόρπον ὕδωρ ἐπέχευε χέρεσσιν, ### book 4.280.2 ἣ δ’ ἑτέρη ἀπὸ δαιτὸς ἀεὶ φορέεσκε τραπέζας. ### book 4.280.3 Τὰς δ’ ἄρα Τυδείδαο μένος καὶ ὑπέρβιος Αἴας ### book 4.280.4 δασσάμενοι προέηκαν ἐυπρώρους ἐπὶ νῆας. ### book 4.280.5 Ἀμφὶ δὲ πυγμαχίης ὦρτο σθένος Ἰδομενῆος, ### book 4.285.1 ὤρνυτ’, ἐπεί οἱ θυμὸς ἴδρις πέλε παντὸς ἀέθλου. ### book 4.285.2 Τῷ δ’ οὔ τις κατέναντα κίεν· μάλα γάρ μιν ἅπαντες ### book 4.285.3 αἰδόμενοι ὑπόειξαν, ἐπεί ῥα γεραίτερος ἦεν. ### book 4.285.4 Τῷ δ’ ἄρ’ ἐνὶ μέσσοισι Θέτις πόρεν ἅρμα καὶ ἵππους ### book 4.285.5 ὠκύποδας τοὺς πρόσθε βίη μεγάλου Πατρόκλοιο ### book 4.290.1 ἤλασεν ἐκ Τρώων Σαρπηδόνα δῖον ὀλέσσας. ### book 4.290.2 Καὶ τοὺς μὲν θεράποντι πόρεν ποτὶ νῆας ἄγεσθαι ### book 4.290.3 Ἰδομενεύς, αὐτὸς δὲ κλυτῷ ἐν ἀγῶνι μένεσκε. ### book 4.290.4 Φοῖνιξ δ’ Ἀργείοισιν ἐυσθενέεσσι μετηύδα· ### book 4.290.5 «Νῦν μὲν ἄρ’ Ἰδομενῆι θεοὶ δόσαν ἐσθλὸν ἄεθλον ### book 4.295.1 αὕτως, οὔ τι καμόντι βίῃ καὶ χερσὶ καὶ ὤμοις, ### book 4.295.2 ἀλλ’ ἄρ’ ἀναιμωτὶ προγενέστερον ἄνδρα τίοντες. ### book 4.295.3 Ἀλλ’, ἄλλοι νέοι ἄνδρες, ἐπεντύνεσθε ἄεθλον ### book 4.295.4 χεῖρας ἐπ’ ἀλλήλοισι δαήμονας ἰθύνοντες ### book 4.295.5 πυγμαχίης, καὶ θυμὸν ἰήνατε Πηλείωνος.» ### book 4.1 Ὣς φάτο· τοὶ δ’ ἀίοντες ἐσέδρακον ἀλλήλοισιν· ### book 4.2 ἦκα δὲ πάντες ἔμιμνον ἀναινόμενοι τὸν ἄεθλον, ### book 4.3 εἰ μή σφεας 〈ἐν〉ένιπεν ἀγαυοῦ Νηλέος υἱός· ### book 4.4 «Ὦ φίλοι, οὔ τι ἔοικε δαήμονας ἄνδρας ἀυτῆς ### book 4.5 πυγμαχίην ἀλέασθαι ἐπήρατον, ἥ τε νέοισι ### book 4.305.1 τερπωλὴ πέλεται, καμάτῳ δ’ ἐπὶ κῦδος ἀγινεῖ. ### book 4.305.2 Ὡς εἴθ’ ἐν γυίοισιν ἐμοῖς ἔτι κάρτος ἔκειτο ### book 4.305.3 οἷον ὅτ’ ἀντίθεον Πελίην κατεθάπτομεν ἡμεῖς, ### book 4.305.4 αὐτὸς ἐγὼ καὶ Ἄκαστος, ἀνεψιοὶ εἰς ἓν ἰόντες, ### book 4.305.5 ὁππότ’ ἄρ’ ἀμφήριστος ἐγὼ Πολυδεύκεϊ δίῳ ### book 4.310.1 πυγμαχίῃ γενόμην, ἔλαβον δέ οἱ ἶσον ἄεθλον· ### book 4.310.2 ἐν δὲ παλαισμοσύνῃ με καὶ ὁ κρατερώτατος ἄλλων ### book 4.310.3 Ἀγκαῖος θάμβησε καὶ ἔτρεσεν, οὐδέ μοι ἔτλη ### book 4.310.4 ἀντίον ἐλθέμεναι νίκης ὕπερ, οὕνεκ’ ἄρ’ αὐτὸν ### book 4.310.5 ἤδη που τὸ πάροιθε παρ’ ἀγχεμάχοισιν Ἐπειοῖς ### book 4.315.1 νίκης’ ἠὺν ἐόντα, πεσὼν δ’ ἐκονίσατο νῶτα ### book 4.315.2 σῆμα πάρα φθιμένου Ἀμαρυγκέος, ἀμφὶ δ’ ἄρ’ αὐτῷ ### book 4.315.3 πολλοὶ θηήσαντο βίην καὶ κάρτος ἐμεῖο· ### book 4.315.4 τῶ νύ μοι οὐκέτι κεῖνος ἐναντίον ἤρατο χεῖρας ### book 4.315.5 καὶ κρατερός περ ἐών, ἔλαβον δ’ ἀκόνιτος ἄεθλον. ### book 4.320.1 Νῦν δέ με γῆρας ἔπεισι καὶ ἄλγεα· τοὔνεκ’ ἄνωγα ### book 4.320.2 ὑμέας, οἷσιν ἔοικεν, ἀέθλια χερσὶν ἀρέσθαι· ### book 4.320.3 κῦδος γὰρ νέῳ ἀνδρὶ φέρειν ἀπ’ ἀγῶνος ἄεθλον.» ### book 4.320.4 Ὣς φαμένοιο γέροντος ἀνίστατο θαρσαλέος φώς. ### book 4.320.5 υἱὸς ὑπερθύμοιο καὶ ἀντιθέου Πανοπῆος, ### book 4.325.1 ὅς τε καὶ ἵππον ἔτευξε κακὸν Πριάμοιο πόληι ### book 4.325.2 ὕστερον· ἀλλ’ οὔ οἵ τις ἐτόλμαεν ἐγγὺς ἱκέσθαι ### book 4.325.3 εἵνεκα πυγμαχίης· πολέμου δ’ οὐ πάγχυ δαήμων ### book 4.325.4 ἔπλετο λευγαλέου, ὁπότ’ Ἄρεος ἔσσυτο δῆρις. ### book 4.325.5 Καί κεν ἀνιδρωτὶ περικαλλέα δῖος Ἐπειὸς ### book 4.330.1 ἤμελλεν τότ’ ἄεθλα φέρειν ποτὶ νῆας Ἀχαιῶν, ### book 4.330.2 εἰ μή οἱ σχεδὸν ἦλθεν ἀγαυοῦ Θησέος υἱός, ### book 4.1 αἰχμητὴς Ἀκάμας, μέγα δ’ ἐν φρεσὶ κάρτος ἄεξεν, ### book 4.2 ἀζαλέους ἱμάντας ἔχων περὶ χερσὶ θοῇσι, ### book 4.3 τούς οἱ ἐπισταμένως Εὐηνορίδης Ἀγέλαος ### book 4.335.1 ἀμφέβαλεν παλάμῃσ〈ιν〉 ἐποτρύνων βασιλῆα. ### book 4.335.2 Ὣς δ’ αὕτως ἕταροι Πανοπηιάδαο ἄνακτος ### book 4.335.3 θαρσύνεσκον Ἐπειόν· ὃ δ’ ἐν μέσσοισι λέων ὣς ### book 4.335.4 εἱστήκει περὶ χερσὶν ἔχων βοὸς ἶφι δαμέντος ### book 4.335.5 ῥινοὺς ἀζαλέας. Μέγα δ’ ἴαχον ἔνθα καὶ ἔνθα ### book 4.340.1 λαοὶ ἐποτρύνοντες ἐυσθενέων μένος ἀνδρῶν ### book 4.340.2 μῖξαι ἐν αἵματι χεῖρας ἀτειρέας. Οἳ δὲ καὶ αὐτοὶ ### book 4.340.3 ἔσταν μαιμώωντες ἐνὶ ξυνοχῇσιν ἀγῶνος, ### book 4.340.4 ἄμφω χεῖρας ἑὰς πειρώμενοι, εἴ περ ἔασιν ### book 4.340.5 ὡς πρὶν ἐυτρόχαλοι μηδ’ ἐκ πολέμου βαρύθοιεν. ### book 4.345.1 Αἶψα δ’ ἄρ’ ἀλλήλοισι καταντία χεῖρας ἄειραν ### book 4.345.2 ταρφέα παπταίνοντες, ἐπ’ ἀκροτάτοις δὲ πόδεσσι ### book 4.345.3 βαίνοντες κατὰ βαιὸν ἀεὶ γόνυ γουνὸς ἄμειβον ### book 4.345.4 ἀλλήλων ἐπὶ δηρὸν ἀλευόμενοι μέγα κάρτος. ### book 4.345.5 Σὺν δ’ ἔβαλον νεφέλῃσιν ἐοικότες αἰψηρῇσιν, ### book 4.1 αἵ τ’ ἀνέμων ῥιπῇσιν ἐπ’ ἀλλήλῃσι θοροῦσαι ### book 4.2 ἀστεροπὴν προϊᾶσι, μέγας δ’ ὀροθύνεται αἰθὴρ ### book 4.3 θηγομένων νεφέων, βαρὺ δὲ κτυπέουσιν ἄελλαι. ### book 4.4 Ὣς τῶν ἀζαλέῃσι περικτυπέοντο γένεια ### book 4.5 ῥινοῖς· αἷμα δὲ πουλὺ κατέρρεεν· ἐκ δὲ μετώπων ### book 4.355.1 ἱδρὼς αἱματόεις θαλερὰς ἐρύθαινε παρειάς. ### book 4.355.2 Οἳ δ’ ἄμοτον πονέοντο μεμαότες· οὐδ’ ἄρ’ Ἐπειὸς ### book 4.355.3 λῆγεν, ἐπέσσυτο δ’ αἰὲν ἑῷ περὶ κάρτεϊ θύων. ### book 4.355.4 Τὸν δ’ ἄρα Θησέος υἱὸς ἐυφρονέων ἐν ἀέθλῳ ### book 4 πολλάκις ἐς κενεὸν κρατερὰς χέρας ἰθύνασθαι ### book 4.360.1 θῆκε, καὶ ἰδρείῃσι διατμήξας ἑκάτερθε ### book 4.360.2 χεῖρας ἐς ὀφρύα τύψεν ἐπάλμενος, ἄχρις ἱκέσθαι ### book 4.360.3 ὀστέον· ἐκ δέ οἱ αἷμα κατέρρεεν ὀφθαλμοῖο. ### book 4.360.4 Ἀλλὰ καὶ ὧς Ἀκάμαντα βαρείῃ χειρὶ τυχήσας ### book 4.360.5 τύψε κατὰ κροτάφοιο, χαμαὶ δέ οἱ ἤλασε γυῖα. ### book 4.365.1 Αὐτὰρ ὅ γ’ αἶψ’ ἀνόρουσε καὶ ἔνθορε φωτὶ κραταιῷ, ### book 4.365.2 πλῆξε δέ οἱ κεφαλήν· ὃ δ’ ἄρ’ ἔμπαλιν ἀίσσοντος ### book 4.365.3 βαιὸν ὑποκλίνας σκαιῇ χερὶ τύψε μέτωπον, ### book 4.365.4 ἄλλῃ δ’ ἤλασε ῥῖνας ἐπάλμενος· ὃς δὲ καὶ αὐτὸς ### book 4.365.5 μήτι παντοίῃ χέρας ὤρεγε. Τοὺς δ’ ἄρ’ Ἀχαιοὶ ### book 4.370.1 ἀλλήλων ἀπέρυξαν ἐελδομένους πονέεσθαι ### book 4.370.2 νίκης ἀμφ’ ἐρατῆς· τῶν δ’ ἐσσυμένως θεράποντες ### book 4.370.3 ῥινοὺς αἱματόεντας ἄφαρ σθεναρῶν ἀπὸ χειρῶν ### book 4.370.4 λῦσαν· τοὶ δ’ ἄρα τυτθὸν ἀνέπνευσαν καμάτοιο ### book 4.370.5 μορξάμενοι σπόγγοισι πολυτρήτοισι μέτωπα. ### book 4.375.1 Τοὺς δ’ ἕταροί τε φίλοι τε παρηγορέοντες ἄγεσκον ### book 4.375.2 ἄντικρυς ἀλλήλων, ὥς κεν χόλου ἀλγινόεντος ### book 4.375.3 ἐσσυμένως λελάθωνται ἀρεσσάμενοι φιλότητι· ### book 4.375.4 ἀλλ’ οἳ μὲν πεπίθοντο παραιφασίῃσιν ἑταίρων ### book 4.375.5 (ἀνδράσι γὰρ πινυτοῖσι πέλει νόος ἤπιος αἰεί)· ### book 4.380.1 κύσσαν δ’ ἀλλήλους, ἔριδος δ’ ἐπελήθετο θυμὸς ### book 4.380.2 λευγαλέης. Τοῖς δ’ αἶψα Θέτις κυανοκρήδεμνος ### book 4.380.3 ἀργυρέους κρητῆρας ἐελδομένοισιν ὄπασσε ### book 4.380.4 δοιώ, τοὺς Εὔνηος Ἰήσονος ὄβριμος υἱὸς ### book 4.380.5 ὦνον ὑπὲρ κρατεροῖο Λυκάονος ἐγγυάλιξεν ### book 4.385.1 ἀντιθέῳ Ἀχιλῆι περικλύστῳ ἐνὶ Λήμνῳ· ### book 4.385.2 τοὺς Ἥφαιστος ἔτευξεν ἀριπρεπέι Διονύσῳ ### book 4.385.3 δῶρον, ὅτ’ εἰς Οὔλυμπον ἀνήγαγε δῖαν ἄκοιτιν ### book 4.1 Μίνωος κούρην ἐρικυδέα, τήν ποτε Θησεὺς ### book 4.2 κάλλιπεν οὐκ ἐθέλων 〈γε〉 περικλύστῳ ἐνὶ Δίῃ· ### book 4.390.1 τοὺς δ’ ἠὺς Διόνυσος ἑῷ πόρεν υἱέι δῶρον ### book 4.390.2 νέκταρος ἐμπλήσας, ὃ δ’ ἄρ’ ὤπασεν Ὑψιπυλείῃ ### book 4.390.3 πολλοῖς σὺν κτεάτεσσι Θόας, ἣ δ’ υἱέι δίῳ ### book 4.390.4 κάλλιπεν, ὃς δ’ Ἀχιλῆι Λυκάονος εἵνεκα δῶκε. ### book 4.390.5 Τῶν δ’ ἕτερον μὲν ἕλεσκεν ἀγαυοῦ Θησέος υἱός, ### book 4.395.1 ἄλλον δ’ ἠὺς Ἐπειὸς ἑὰς ἐπὶ νῆας ἴαλλε ### book 4.395.2 γηθόσυνος. Τῶν δ’ ἀμφὶ δεδρυμμένα τύμματα πάντα ### book 4.395.3 ἠκέσατ’ ἐνδυκέως Ποδαλείριος, οὕνεκ’ ἄρ’ αὐτὸς ### book 4.395.4 πρῶτα μὲν ἐκμύζησεν, ἔπειτα δὲ χερσὶν ἑῇσι ### book 4.395.5 ῥάψεν ἐπισταμένως, καθύπερθε δὲ φάρμακ’ ἔθηκε ### book 4.1 κεῖνα τά οἱ 〈τὸ〉 πάροιθε πατὴρ ἑὸς ἐγγυάλιξε, ### book 4.2 τοῖσί περ ἐσσυμένως καὶ ἀναλθέα τύμματα φωτῶν ### book 4.3 αὐτῆμαρ μογέοντος ὑπ’ ἐκ κακοῦ ἰαίνονται· ### book 4.4 τῶν δ’ ἄφαρ ἀμφὶ πρόσωπα καὶ εὐκομόωντα κάρηνα ### book 4.5 τύμματ’ ἀπαλθαίνοντο, κατηπιόωντο δ’ ἀνῖαι. ### book 4.405.1 Ἀμφὶ δὲ τοξοσύνης Τεῦκρος καὶ Ὀιλέος υἱὸς ### book 4.405.2 ἕστασαν, οἳ καὶ πρόσθε δρόμου πέρι πειρήσαντο. ### book 4.405.3 Τῶν δ’ ἄρα τηλόσε θῆκεν ἐυμμελίης Ἀγαμέμνων ### book 4.405.4 ἱππόκομον τρυφάλειαν, ἔφη δέ 〈τ〉ε· «Πολλὸν ἀμείνων ### book 4.405.5 ἔσσεται ὃς κέρσειεν ἄπο τρίχας ὀξέι χαλκῷ.» ### book 4.410.1 Αἴας δ’ αὐτίκα πρῶτος ἑὸν προέηκε βέλεμνον, ### book 4.410.2 πλῆξε δ’ ἄρα τρυφάλειαν, ἐπηΰτησε δὲ χαλκὸς ### book 4.410.3 ὀξύτατον. Τεῦκρος δὲ μέγ’ ἐγκονέων ἐνὶ θυμῷ ### book 4.1 δεύτερος ἧκεν ὀιστόν, ἄφαρ δ’ ἀπέκερσεν ἐθείρας ### book 4.2 ὀξὺ βέλος· λαοὶ δὲ μέγ’ ἴαχον ἀθρήσαντες ### book 4.415.1 καί μιν κυδαίνεσκον ἀπείριτον, οὕνεκ’ ἄρ’ αὐτὸν ### book 4.415.2 πληγὴ ἐπαλγύνεσκε θοοῦ ποδός, ἀλλά μιν οὔ τι ### book 4.415.3 βλάψεν ὑπαὶ παλάμῃσι θοὸν βέλος ἰθύνοντα. ### book 4.415.4 Καί οἱ τεύχεα καλὰ πόρε〈ν〉 Πηλῆος ἄκοιτις ### book 4.415.5 ἀντιθέου Τρωίλοιο, τὸν ἠιθέων ὄχ’ ἄριστον ### book 4.420.1 Τροίῃ ἐν ἠγαθέῃ Ἑκάβη τέκεν, οὐδ’ ἀπόνητο ### book 4.420.2 ἀγλαΐης· δὴ γάρ μιν ἀταρτηροῦ Ἀχιλῆος ### book 4.420.3 ἔγχος ὁμοῦ καὶ κάρτος ἀπήμερσαν βιότοιο. ### book 4.420.4 Ὡς δ’ ὁπόθ’ ἑρσήεντα καὶ εὐθαλέοντ’ ἀνὰ κῆπον ### book 4.420.5 ὑδρηλῆς καπέτοιο μάλ’ ἀγχόθι τηλεθάοντα ### book 4.425.1 ἢ στάχυν ἢ μήκωνα, πάρος καρποῖο τυχῆσαι, ### book 4.425.2 κέρσῃ τις δρεπάνῳ νεοθηγέι, μηδ’ ἄρ’ ἐάσῃ ### book 4.425.3 ἐς τέλος ἠὺ μολεῖν μηδ’ ἐς σπόρον ἄλλον ἱκέσθαι, ### book 4.425.4 ἀμήσας κενεόν τε καὶ ἄσπορον ἐσσομένοισι ### book 4.425.5 μέλλονθ’ ἑρσήεντος ὑπ’ εἴαρος ἀλδαίνεσθαι· ### book 4.430.1 ὣς υἱὸν Πριάμοιο θεοῖς ἐναλίγκιον εἶδος ### book 4.430.2 Πηλείδης κατέπεφνεν, ἔτ’ ἄχνοον, εἰσέτι νύμφης ### book 4.430.3 νήιδα, νηπιάχοισιν ὁμῶς ἔτι κουρίζοντα· ### book 4.430.4 ἀλλά μιν ἐς πόλεμον φθισίμβροτον ἤγαγε Μοῖρα ### book 4.430.5 ἥβης ἀρχόμενον πολυγηθέος, ὁππότε φῶτες ### book 4.435.1 θαρσαλέοι τελέθουσιν, ὅτ’ οὐκέτι δεύεται ἦτορ. ### book 4.435.2 Αὐτίκα δ’ αὖτε σόλον περιμήκεά τε βριαρόν τε ### book 4.1 πολλοὶ πειρήσαντο θοῆς ἀπὸ χειρὸς ἰῆλαι. ### book 4.2 Τὸν δ’ οὔ τις βαλέειν δύνατο στιβαρὸν μάλ’ ἐόντα ### book 4.3 Ἀργείων· οἶος δ’ ἔβαλε〈ν〉 μενεδήιος Αἴας ### book 4.440.1 χειρὸς ἀπὸ κρατερῆς, ὡς εἰ δρυὸς ἀγρονόμοιο ### book 4.440.2 ὄζον ἀπαυανθέντα θέρευς εὐθαλπέος ὥρῃ, ### book 4.440.3 ὁππότε λήια πάντα κατὰ χθονὸς αὐαίνηται. ### book 4.440.4 Θάμβησαν δ’ ἄρα πάντες, ὅσον χερὸς ἐξεποτήθη ### book 4.440.5 χαλκὸς ὃν ἀνέρε χερσὶ δύω μογέοντες ἄειραν· ### book 4.445.1 τόν ῥα μὲν Ἀνταίοιο βίη ῥίπτασκε πάροιθε ### book 4.445.2 ῥηιδίως ἀπὸ χειρὸς ἑῆς πειρώμενος ἀλκῆς, ### book 4.445.3 πρὶν κρατερῇσι χέρεσσι δαμήμεναι Ἡρακλῆος· ### book 4.445.4 Ἡρακλέης δέ μιν ἠὺς ἑλὼν σὺν ληίδι πολλῇ ### book 4.445.5 ἀκαμάτης ἔχε χειρὸς ἀέθλιον, ἀλλά μιν ἐσθλῷ ### book 4.1 ὕστερον Αἰακίδῃ δῶρον πόρεν, ὁππότ’ ἄρ’ αὐτῷ ### book 4.2 Ἰλίου εὐπύργοιο συνέπραθε κύδιμον ἄστυ, ### book 4.3 κεῖνος δ’ υἱέι δῶκεν, ὃ δ’ ὠκυπόροις ἐνὶ νηυσὶν ### book 4.4 ἐς Τροίην μιν ἔνεικεν, ἵνα σφετέροιο τοκῆος ### book 4.5 μνωόμενος Τρώεσσιν ἐυσθενέεσσι μάχοιτο ### book 4.455.1 προφρονέως, εἴη δὲ πόνος πειρωμένῳ ἀλκῆς· ### book 4.455.2 τόν ῥ’ Αἴας μάλα πολλὸν ἀπὸ στιβαρῆς βάλε χειρός. ### book 4.455.3 Καὶ τότε οἱ Νηρηὶς ἀγακλυτὰ τεύχεα δῶκε ### book 4.455.4 Μέμνονος ἀντιθέοιο, τὰ καὶ μέγα θηήσαντο ### book 4.455.5 Ἀργεῖοι· λίην γὰρ ἔσαν περιμήκεα πάντα. ### book 4.460.1 Καὶ τά γε καγχαλόων ὑπεδέξατο κύδιμος ἀνήρ· ### book 4.460.2 οἴῳ γὰρ κείνῳ γε περὶ βριαροῖς μελέεσσιν ### book 4.460.3 ἥρμοσεν ἀπλήτοιο κατὰ χροὸς ἀμφιτεθέντα. ### book 4.1 Αὐτὸν δ’ αὖτ’ ἀνάειρε μέγαν σόλον, ὄφρά οἱ εἴη ### book 4.2 τερπωλὴ μένος ἠὺ λιλαιομένῳ πονέεσθαι. ### book 4.465.1 Οἳ δ’ ἄρα δη〈ρ〉ιόωντες ἐφ’ ἅλματι πολλοὶ ἀνέσταν· ### book 4.465.2 τῶν δ’ ἄρ’ ὑπέρθορε πολλὸν ἐυμμελίης Ἀγαπήνωρ ### book 4.465.3 σήματα· τοὶ δ’ ὁμάδησαν ἐπ’ ἀνέρι μακρὰ θορόντι. ### book 4.465.4 Καί οἱ τεύχεα καλὰ πόρε〈ν〉 μεγάλοιο Κύκνοιο ### book 4.465.5 δῖα Θέτις· τὸν γάρ ῥα φόνῳ ἔπι Πρωτεσιλάου ### book 4.470.1 πολλῶν θυμὸν ἑλόντα κατέκτανε Πηλέος υἱὸς ### book 4.470.2 πρῶτον ἀριστήων, Τρῶας δ’ ἄχος ἀμφεκάλυψεν. ### book 4.470.3 Αἰγανέῃ δ’ ἄρα πολλὸν ὑπέρβαλε δηριόωντας ### book 4.470.4 Εὐρύαλος· λαοὶ δὲ μέγ’ ἴαχον· οὐ γὰρ ἔφαντο ### book 4.470.5 κεῖνον ὑπερβαλέειν οὐδὲ πτερόεντι βελέμνῳ. ### book 4.475.1 Τοὔνεκά οἱ φιάλην πολυχανδέα δῶκε φέρεσθαι ### book 4.475.2 μήτηρ Αἰακίδαο δαΐφρονος, ἥν ποτ’ Ἀχιλλεὺς ### book 4.475.3 ἀργυρέην κτεάτισσε βαλὼν ὑπὸ δουρὶ Μύνητα, ### book 4.475.4 ὁππότε Λυρνησσοῖο διέπραθεν ὄλβιον ἄστυ. ### book 4.475.5 Αἴας δ’ ὀβριμόθυμος ἐελδόμενος πονέεσθαι ### book 4.480.1 χερσὶν ὁμῶς καὶ ποσσὶν ἀνιστάμενος καλέεσκεν ### book 4.480.2 ἐς μέσον ἡρώων τὸν ὑπέρτατον. Οἳ δ’ ὁρόωντες ### book 4.480.3 θάμβεον ὄβριμον ἄνδρα καὶ ἄλκιμον, οὐδέ τις ἔτλη ### book 4.480.4 ἄντα μολεῖν· πάντων γὰρ ὑπέκλασε δεῖμ’ ἀλεγεινὸν ### book 4.480.5 ἠνορέην, φοβέοντο δ’ ἀνὰ φρένα μή τινα χερσὶ ### book 4.485.1 τύψας ἀκαμάτοισιν ὑπὸ πληγῇσι πρόσωπον ### book 4.485.2 συγχέῃ ἐσσυμένως, μέγα δ’ ἀνέρι πῆμα γένηται. ### book 4.485.3 Ὀψὲ δὲ πάντες ἔνευσαν ἐπ’ Εὐρυάλῳ μενεχάρμῃ, ### book 4.485.4 ἴδμονα πυγμαχίης εὖ εἰδότες· ὃς δ’ ἐνὶ μέσσοις ### book 4 τοῖον ἔπος προέηκεν ὑποτρομέων Θρασὺν ἄνδρα· ### book 4.490.1 «Ὦ φίλοι, ἄλλον μέν κεν Ἀχαιῶν, ὅν κ’ ἐθέλητε, ### book 4.490.2 τλήσομαι ἀντιόωντα, μέγαν δ’ Αἴαντα τέθηπα· ### book 4.490.3 πολλὸν γὰρ προβέβηκε· διαρραίσει δέ μοι ἦτορ, ### book 4.490.4 ἤν μιν ἐπιβρίσαντα λάβῃ χόλος· οὐ γὰρ ὀίω ### book 4.490.5 ἀνδρὸς ἀπ’ ἀκαμάτοιο σόος ποτὶ νῆας ἱκέσθαι.» ### book 4.495.1 Ὣς φαμένοιο γέλασσαν· ὃ δ’ ἐν φρεσὶ πάμπαν ἰάνθη ### book 4.495.2 Αἴας ὀβριμόθυμος. Ἄειρε δὲ δοιὰ τάλαντα ### book 4.495.3 ἀργύρου αἰγλήεντος ἅ οἱ Θέτις εἵνεκ’ ἀέθλου ### book 4.495.4 δῶκεν ἄτερ καμάτοιο· φίλου δ’ ἐμνήσατο παιδὸς ### book 4.495.5 Αἴαντ’ εἰσορόωσα, γόος δέ οἱ ἔμπεσε θυμῷ. ### book 4.1 Οἳ δ’ αὖθ’ ἱππασίῃ μεμελημένον ἦτορ ἔχοντες ### book 4.2 ἐσσυμένως ἀνόρουσαν ἐποτρύνοντος ἀέθλου, ### book 4.3 πρῶτος μὲν Μενέλαος ἰδ’ Εὐρύπυλος θρασυχάρμης ### book 4.4 Εὔμηλός τε Θόας τε καὶ ἰσόθεος Πολυποίτης. ### book 4.5 Ἵπποις δ’ ἀμφὶ λέπαδνα βάλον καὶ ὑφ’ ἅρματ’ ἔρυσσαν ### book 4.505.1 πάντες ἐπειγόμενοι πολυγηθέος εἵνεκα νίκης. ### book 4.505.2 Αἶψα δ’ ἄρ’ ἐς κλῆρον ξύνισαν βεβαῶτ’ ἐνὶ δίφροις ### book 4.505.3 χῶρον ἀν’ ἠμαθόεντ’· ἐπὶ νύσσῃ δ’ ἔσταν ἕκαστοι· ### book 4.505.4 καρπαλίμως δ’ εὔληρα λάβον κρατερῇς παλάμῃσιν. ### book 4.505.5 Ἵπποι δ’ ἐγχριμφθέντες ἐν ἅρμασι ποιπνύεσκον, ### book 4.510 ὅππως τις προάλοιτο, πόδας δ’ ὑπεκίνυον αὕτως, ### book 4.1 οὔατα δ’ ὠρθώσαντο καὶ † ἄμπυκα δεύεσαν ἀφρῷ. † ### book 4.2 Οἳ δ’ ἄφαρ ἐγκονέοντες ἐλαφροπόδων μένος ἵππων ### book 4.3 μάστιον· οἳ δὲ θοῇσιν ἐοικότες Ἁρπυίῃσι ### book 4.4 καρπαλίμως ζεύγλῃσι μέγ’ ἔνθορον ἀσχαλόωντες, ### book 4.515.1 ἅρματα δ’ ὦκα φέρεσκον ἀπὸ χθονὸς ἀίσσοντα· ### book 4.515.2 οὐδ’ ἁ〈ρ〉ματροχιὰς ἰδέειν 〈πέλεν〉 οὐδὲ ποδοῖιν ### book 4.515.3 ἐν χθονὶ σήματα, τόσσον ὑπεξέφερον δρόμον ἵπποι. ### book 4.515.4 Πουλὺς δ’ αἰθέρ’ ἵκανε κονίσαλος ἐκ πεδίοιο ### book 4.515.5 καπνῷ ἢ ὀμίχλῃ ἐναλίγκιος, ἥν τ’ ἐν ὄρεσσιν ### book 4.520.1 ἀμφιχέῃ πρώνεσσι Νότου μένος ἢ Ζεφύροιο ### book 4.520.2 χείματος ἐγρομένου, ὁπότ’ οὔρεα δεύεται ὄμβρῳ. ### book 4.520.3 Ἵπποι δ’ Εὐμήλοιο μέγ’ ἔκθορον· οἳ δ’ ἐφέποντο ### book 4.520.4 ἀντιθέοιο Θόαντος· ἐπ’ ἄλλῳ δ’ ἄλλος ἀύτει ### book 4.520.5 ἅρματι· τοὶ δ’ ἐφέροντο δι’ εὐρυχόρου πεδίοιο ... ### book 4.525.1 (desunt 48 versus) ### book 4.525.2 »... Ἤλιδος ἐκ δίης, ἐπεὶ ἦ μέγα ἔργον ἔρεξε ### book 4.525.3 παρφ〈θ〉άμενος θοὸν ἅρμα κακόφρονος Οἰνομάοιο, ### book 4.525.4 ὅς ῥα τότ’ ἠιθέοισιν ἀνηλέα τεῦχεν ὄλεθρον ### book 4.525.5 κούρης ἀμφὶ γάμοιο περίφρονος Ἱπποδαμείης. ### book 4.530.1 Ἀλλ’ οὐ μὰν κεῖνός γε καὶ ἱππασίῃσι μεμηλὼς ### book 4.530.2 ἵππους ὠκύποδας τοίους ἔχεν, ἀλλ’ ἄρα πολλὸν ### book 4.1 ποσσὶν ἀφαυροτέρους· οἳ γάρ τ’ εἴδοντ’ ἀνέμοισιν.» ### book 4.2 Ἦ μέγα κυδαίνων ἵππων μένος ἠδὲ καὶ αὐτὸν ### book 4.3 Ἀτρείδην· ὃ δ’ ἄρ’ ᾗσι περὶ φρεσὶ γήθεε θυμῷ. ### book 4.535.1 Τοὺς δὲ μέγ’ ἀσθμαίνοντας ἄφαρ θεράποντες ἔλυσαν ### book 4.535.2 ζεύγλης· οἳ δὲ καὶ αὐτοὶ ἀελλόποδας λύον ἵππους ### book 4.535.3 πάντες ὅσοις ἐν ἀγῶνι δρόμου πέρι δῆρις ἐτύχθη. ### book 4.535.4 Ἀντίθεον δὲ Θόαντα καὶ Εὐρύπυλον μενεχάρμην ### book 4.535.5 ἠκέσατ’ ἐσσυμένως Ποδαλείριος ἕλκεα πάντα ### book 4.540.1 ὅσσα περιδρύφθησαν ἀπ’ ἐκ δίφροιο πεσόντες. ### book 4.540.2 Ἀτρείδης δ’ ἀλίαστον ἐγήθεεν εἵνεκα νίκης· ### book 4.540.3 καί οἱ ἐυπλόκαμος Θέτις ὤπασε καλὸν ἄλεισον ### book 4.540.4 χρύσεον, ἀντιθέοιο μέγα κτέαρ Ἠετίωνος, ### book 4.540.5 πρὶν Θήβης κλυτὸν ἄστυ διαπραθέειν Ἀχιλῆα. ### book 4.545.1 Ἄλλοι δ’ αὖθ’ ἑτέρωθε μονάμπυκας ἔντυον ἵππους ### book 4.545.2 ἐς δρόμον ἰθύνοντες, ἕλοντο δὲ χερσὶ βοείας ### book 4.545.3 μάστιγας, καὶ πάντες ἀναΐξαντες ἐφ’ ἵππων ### book 4.545.4 ἕζονθ’· οἳ δὲ χαλινὰ γενειάσιν ἀφρίζοντες ### book 4.545.5 δάπτον καὶ ποσὶ γαῖαν ἐπέκτυπον ἐγκονέοντες ### book 4.1 ἐκθορέειν. Τοῖς δ’ αἶψα 〈τάθη〉 δρόμος· οἳ δ’ ἀπὸ νύσσης ### book 4.2 καρπαλίμως οἴμησαν ἐριδμαίνειν μεμαῶτες, ### book 4.3 εἴκελοι ἢ Βορέαο μέγα πνείοντος ἀέλλαις ### book 4.4 ἠὲ Νότου κελάδοντος, ὅτ’ εὐρέα πόντον ὀρίνει ### book 4.5 λαίλαπι καὶ ῥιπῇσι, Θυτήριον εὖτ’ ἀλεγεινὸν ### book 4.555.1 ἀντέλλῃ ναύτῃσι φέρον πολύδακρυν ὀιζύν· ### book 4.555.2 ὣς οἵ γ’ ἐσσεύοντο κόνιν ποσὶ καρπαλίμοισιν ### book 4.1 ἐν πεδίῳ κλονέοντες ἀπείριτον. Οἱ δ’ ἐλατῆρες ### book 4.2 ἵπποις οἷσιν ἕκαστος ἐκέκλετο, τῇ μὲν ἱμάσθλῃ ### book 4.3 ταρφέα πεπληγώς, ἑτέρῃ δ’ ἐν〈ὶ〉 χειρὶ τινάσσων ### book 4.560.1 νωλεμὲς ἀμφὶ γένυσσι μέγα κτυπέοντα χαλινόν. ### book 4.560.2 Ἵπποι δ’ ἐρρώοντο· βοὴ δ’ ἀνὰ λαὸν ὀρώρει ### book 4.560.3 ἄσπετος· οἳ δ’ ἐπέτοντο διὰ πλατέος πεδίοιο. ### book 4.560.4 Καί νύ κεν ἐσσυμένως ἐξ Ἄργεος αἰόλος ἵππος ### book 4.560.5 νίκησεν μάλα πολλὸν ἐφεζομένου Σθενέλοιο, ### book 4.565.1 εἰ μὴ ἄρ’ ἐξήρπαξε δρόμου, πεδίον δ’ ἀφίκανε ### book 4.565.2 πολλάκις· οὐδέ μιν ἐσθλὸς ἐὼν Καπανήιος υἱὸς ### book 4.565.3 κάμψαι ἐπέσθενε χερσίν, ἐπεί ῥ’ ἔτι νῆις ἀέθλων ### book 4.565.4 ἵππος ἔην· γενεῇ δὲ μάλ’ οὐ κακός, ἀλλὰ θοοῖο ### book 4.565.5 θεσπέσιον γένος ἔσκεν Ἀρίονος ὃν τέκεν ἵππων ### book 4.570.1 Ἅρπυια Ζεφύρῳ πολυηχέι φέρτατον ἄλλων ### book 4.570.2 πολλόν, ἐπεὶ ταχέεσσιν ἐριδμαίνεσκε πόδεσσι ### book 4.570.3 πατρὸς ἑοῖο θοῇσι καταιγίσι, καί μιν Ἄδρηστος ### book 4.570.4 ἐκ μακάρων ἔχε δῶρον· ὅθεν γένος ἔπλετο κείνου, ### book 4.570.5 καί μιν Τυδέος υἱὸς ἑῷ πόρε δῶρον ἑταίρῳ ### book 4.575.1 Τροίῃ ἐνὶ ζαθέῃ. Ὃ δέ οἱ μέγα ποσσὶ πεποιθὼς ### book 4.575.2 ὠκὺν ἐόντ’ ἐς ἀγῶνα καὶ εἰς ἔριν ἤγαγεν ἵππων ### book 4.575.3 αὐτὸς ἐνὶ πρώτοισιν ὀιόμενος μέγα κῦδος ### book 4.575.4 ἱππασίης ἀνελέσθαι. Ὃ δ’ οὔ τί οἱ ἦτορ ἴηνεν ### book 4.575.5 ἀμφ’ Ἀχιλῆος ἄεθλα πονεύμενος· ἦ γὰρ ἵκανε ### book 4.580.1 δεύτερος, Ἀτρείδης δὲ παρήλασεν ὠκὺν ἐόντα ### book 4.580.2 ἰδρείῃ. Λαοὶ δ’ Ἀγαμέμνονα κυδαίνεσκον ### book 4.1 ἵππον τε Σθενέλοιο θρασύφρονος ἠδὲ καὶ αὐτόν, ### book 4.2 οὕνεκα δεύτερος ἦλθε, καὶ εἰ μάλα πολλάκι νύσσης ### book 4.3 ἐξέθορεν, μεγάλῳ περὶ κάρτεϊ καὶ ποσὶ θύων. ### book 4.585.1 Καὶ τότ’ ἄρ’ Ἀτρείδῃ Θέτις ὤπασε καγχαλόωντι ### book 4.585.2 ἀργύρεον θώρηκα θεηγενέος Πολυδώρου· ### book 4.585.3 δῶκε δ’ ἄρα Σθενέλῳ βριαρὴν κόρυν Ἀστεροπαίου ### book 4.585.4 χαλκείην καὶ δοῦρε δύω καὶ ἀτειρέα μίτρην. ### book 4.585.5 Ἄλλοις δ’ ἱππήεσσι καὶ ὁππόσοι ἤματι κείνῳ ### book 4.590.1 ἦλθον ἀεθλεύσοντες Ἀχιλλῆος ποτὶ τύμβῳ ### book 4.590.2 δῶρα πόρεν πάντεσσιν. Ἐπὶ σφίσι δ’ ἄχνυτο θυμὸν ### book 4.590.3 υἱὸς Λαέρταο δαΐφρονος, οὕνεκ’ ἄρ’ αὐτὸν ### book 4.590.4 νίκης ἱέμενον κρατερῶν ἀπέρυξεν ἀέθλων ### book 4.590.5 ἕλκος ἀνιηρὸν τό μιν οὔτασεν ὄβριμος Ἄλκων ### book 4.595 ἀμφὶ νέκυν κρατεροῖο πονεύμενον Αἰακίδαο. ### book 5.1.1 Ἀλλ’ ὅτε δὴ πολλοὶ μὲν ἀπηνύσθησαν ἄεθλοι, ### book 5.1.2 δὴ τότ’ Ἀχιλλῆος μεγαλήτορος ἄμβροτα τεύχη ### book 5.1.3 θῆκεν ἐνὶ μέσσοισι θεὰ Θέτις. Ἀμφὶ δὲ πάντῃ ### book 5.1.4 δαίδαλα μαρμαίρεσκεν ὅσα σθένος Ἡφαίστοιο ### book 5.5.1 ἀμφὶ σάκος ποίησε θρασύφρονος Αἰακίδαο. ### book 5.5.2 Πρῶτα μὲν εὖ ἤσκητο θεοκμήτῳ ἐπὶ ἔργῳ ### book 5.5.3 οὐρανὸς ἠδ’ αἰθήρ· γαίῃ δ’ ἅμα κεῖτο θάλασσα. ### book 5.5.4 Ἐν δ’ ἄνεμοι νεφέλαι τε σελήνη τ’ ἠέλιός τε ### book 5.5.5 κεκριμέν’ ἄλλυδις ἄλλα· τέτυκτο δὲ τείρεα πάντα ### book 5.10.1 ὁππόσα δινήεντα κατ’ οὐρανὸν ἀμφιφέρονται. ### book 5.10.2 Τῶν δ’ ἄρ’ ὁμῶς ὑπένερθεν ἀπειρέσιος κέχυτ’ ἀήρ· ### book 5.10.3 ἐν τῷ δ’ ὄρνιθες τανυχειλέες ἀμφεποτῶντο· ### book 5.10.4 φαίης κε ζώοντας ἅμα πνοιῇσι φέρεσθαι. ### book 5.10.5 Τηθὺς δ’ ἀμφετέτυκτο καὶ Ὠκεανοῦ βαθὺ χεῦμα· ### book 5.15.1 τῶν δ’ ἄφαρ ἐξεχέοντο ῥοαὶ ποταμῶν ἀλεγεινῶν ### book 5.15.2 κυκλόθεν ἄλλυδις ἄλλῃ ἑλισσομένων διὰ γαίης. ### book 5.15.3 Ἀμφὶ δ’ ἄρ’ εὖ ἤσκηντο κατ’ οὔρεα μακρὰ λέοντες ### book 5.15.4 σμερδαλέοι καὶ θῶες ἀναιδέες· ἐν δ’ ἀλεγειναὶ ### book 5 ἄρκτοι πορδάλιές τε· σύες δ’ ἅμα τοῖσι πέλοντο ### book 5.20.1 ὄβριμοι ἀλγινόεντας ὑπὸ βλοσυρῇσι γένυσσι ### book 5.20.2 θήγοντες καναχηδὸν ἐυκτυπέοντας ὀδόντας. ### book 5.20.3 Ἐν δ’ ἀγρόται μετόπισθε κυνῶν μένος ἰθύνοντες, ### book 5.20.4 ἄλλοι δ’ αὖ λάεσσι καὶ αἰγανέῃσι θοῇσι ### book 5.20.5 βάλλοντες πονέοντο καταντίον, ὡς ἐτεόν περ. ### book 5.25.1 Ἐν δ’ ἄρα καὶ πόλεμοι φθισήνορες, ἐν δὲ κυδοιμοὶ ### book 5.25.2 ἀργαλέοι ἐνέκειντο. Περικτείνοντο δὲ λαοὶ ### book 5.25.3 μίγδα θοοῖς ἵπποισι· πέδον δ’ ἅπαν αἵματι πολλῷ ### book 5.25.4 δευομένῳ ἤικτο κατ’ ἀσπίδος ἀκαμάτοιο. ### book 5.25.5 Ἐν δὲ Φόβος καὶ Δεῖμος ἔσαν στονόεσσά τ’ Ἐνυώ, ### book 5.30.1 αἵματι λευγαλέῳ πεπαλαγμένοι ἅψεα πάντα· ### book 5.30.2 ἐν δ’ Ἔρις οὐλομένη καὶ Ἐριννύες ὀβριμόθυμοι, ### book 5.30.3 ἣ μὲν ἐποτρύνουσα ποτὶ κλόνον ἄσχετον ἄνδρας ### book 5.30.4 ἐλθέμεν, αἳ δ’ ὀλοοῖο πυρὸς πνείουσαι ἀυτμήν. ### book 5.30.5 Ἀμφὶ δὲ Κῆρες ἔθυνον ἀμείλιχοι, ἐν δ’ ἄρα τῇσι ### book 5.35.1 φοίτα λευγαλέου Θανάτου μένος· ἀμφὶ δ’ ἄρ’ αὐτῷ ### book 5.35.2 Ὑσμῖναι ἐνέκειντο δυσηχέες, ὧν περὶ πάντων ### book 5.35.3 ἐκ μελέων εἰς οὖδας ἀπέρρεεν αἷμα καὶ ἱδρώς. ### book 5.35.4 Ἐν δ’ ἄρα Γοργόνες ἔσκον ἀναιδέες· ἀμφὶ δ’ ἄρά σφι ### book 5.35.5 σμερδαλέοι πεπόνηντο περὶ πλοχμοῖσι δράκοντες ### book 5.40.1 αἰνὸν λιχμώωντες. Ἀπειρέσιον δ’ ἄρα θαῦμα ### book 5.40.2 δαίδαλα κεῖνα πέλοντο μέγ’ ἀνδράσι δεῖμα φέροντα, ### book 5.40.3 οὕνεκ’ ἔσαν ζωοῖσιν ἐοικότα κινυμένοισι. ### book 5.40.4 Καὶ τὰ μὲν ἂρ πολέμοιο τεράατα πάντα τέτυκτο· ### book 5.40.5 εἰρήνης δ’ ἀπάνευθεν ἔσαν περικαλλέα ἔργα. ### book 5.45 Ἀμφὶ δὲ μυρία φῦλα πολυτλήτων ἀνθρώπων ### book 5.1 ἄστεα καλὰ νέμοντο· Δίκη δ’ ἐπεδέρκετο πάντα· ### book 5.2 ἄλλοι δ’ ἄλλ’ ἐπὶ ἔργα χέρας φέρον· ἀμφὶ δ’ ἀλωαὶ ### book 5.3 καρποῖσι βρίθοντο· μέλαινα δὲ γαῖα τεθήλει. ### book 5.4 Αἰπύτατον δ’ ἐτέτυκτο θεοκμήτῳ ἐπὶ ἔργῳ ### book 5.1 καὶ τρηχὺ ζαθέης Ἀρετῆς ὄρος· ἐν δὲ καὶ αὐτὴ ### book 5.2 εἱστήκει φοίνικος ἐπεμβεβαυῖα κατ’ ἄκρης ### book 5.3 ὑψηλὴ ψαύουσα πρὸς οὐρανόν. Ἀμφὶ δὲ πάντῃ ### book 5.4 ἀτραπιτοὶ θαμέεσσι διειργόμεναι σκολόπεσσιν ### book 5.5 ἀνθρώπων ἀπέρυκον ἐὺν πάτον, οὕνεκα πολλοὶ ### book 5.55.1 εἰσοπίσω χάζοντο τεθηπότες αἰπὰ κέλευθα, ### book 5.55.2 παῦροι δ’ ἱερὸν οἶμον ἀνήιον ἱδρώοντες. ### book 5.55.3 Ἐν δ’ ἔσαν ἀμητῆρες ἀνὰ πλατὺν ὄγμον ἰόντες, ### book 5.55.4 σπεύδοντες δρεπάνῃσι νεήκεσι, τῶν δ’ ὑπὸ χερσὶν ### book 5.58a ἤνυτο λήιον αὖον· ἐφεσπόμενοι δ’ ἔσαν ἄλλοι ### book 5.59 πολλοὶ ἀμαλλοδετῆρες· ἀέξετο δ’ ἐς μέγα ἔργον. ### book 5.60.1 Ἐν δὲ βόες ζεύγλῃσιν ὑπ’ αὐχένας αἰὲν ἔχοντες, ### book 5.60.2 οἳ μὲν ἀπήνας εἷλκον ἐυσταχύεσσιν ἀμάλλαις ### book 5.60.3 βριθομένας, οἳ δ’ αὖτις ἀροτρεύεσκον ἀρούρας, ### book 5.60.4 τῶν δὲ πέδον μετόπισθε μελαίνετο· τοὶ δ’ ἐφέποντο ### book 5.60.5 αἰζηοὶ μετὰ τοῖσι βοοσσόα κέντρα φέροντες ### book 5.65.1 χερσὶν ἀμοιβαδίῃς· ἀνεφαίνετο δ’ ἄσπετον ἔργον. ### book 5.65.2 Ἐν δ’ αὐλοὶ κιθάραι τε παρ’ εἰλαπίνῃσι πέλοντο· ### book 5.1 ἐν δὲ χοροὶ ἵσταντο νέων παρὰ ποσσὶ γυναικῶν· ### book 5.2 αἳ δ’ ἄρ’ ἔσαν ζωῇσιν ἀλίγκια ποιπνύουσαι. ### book 5.3 Ἄγχι δ’ ἄρ’ ὀρχηθμοῦ τε καὶ εὐφροσύνης ἐρατεινῆς ### book 5.70.1 ἀφρὸν ἔτ’ ἀμφὶ κόμῃσιν ἔχους’ ἀνεδύετο πόντου ### book 5.70.2 Κύπρις ἐυστέφανος (τὴν δ’ Ἵμερος ἀμφεποτᾶτο), ### book 5.70.3 μειδιόως’ ἐρατεινὰ σὺν ἠυκόμοις Χαρίτεσσιν. ### book 5.70.4 Ἐν δ’ ἄρ’ ἔσαν Νηρῆος ὑπερθύμοιο θύγατρες ### book 5.70.5 ἐξ ἁλὸς εὐρυπόροιο κασιγνήτην ἀνάγουσαι ### book 5.75.1 ἐς γάμον Αἰακίδαο δαΐφρονος. Ἀμφὶ δὲ πάντες ### book 5.75.2 ἀθάνατοι δαίνυντο μακρὴν ἀνὰ Πηλίου ἄκρην· ### book 5.75.3 ἀμφὶ δ’ ἄρ’ ὑδρηλοί τε καὶ εὐθαλέες λειμῶνες ### book 5.75.4 ἔσκον, ἀπειρεσίοισι κεκασμένοι ἄνθεσι ποίης, ### book 5.75.5 ἄλσεά τε κρῆναί τε διειδέες ὕδατι καλῷ. ### book 5.80.1 Νῆες δὲ στονόεσσαι ὑπὲρ πόντοιο φέροντο, ### book 5.80.2 αἳ μὲν ἄρ’ ἐσσύμεναι ἐπικάρσιαι, αἳ δὲ κατ’ ἰθὺ ### book 5.80.3 νισόμεναι· περὶ δέ σφιν ἀέξετο κῦμ’ ἀλεγεινὸν ### book 5.80.4 ὀρνύμενον. Ναῦται δὲ τεθηπότες ἄλλοθεν ἄλλος ### book 5.80.5 ἐσσυμένας φοβέοντο καταιγίδας, ὡς ἐτεόν περ, ### book 5.85.1 λαίφεα λεύκ’ ἐρύοντες, ἵν’ ἐκ θανάτοιο φύγωσιν· ### book 5.85.2 οἳ δ’ ἕζοντ’ ἐπ’ ἐρετμὰ πονεύμενοι· ἀμφὶ δὲ νηυσὶ ### book 5.85.3 πυκνὸν ἐρεσσομένῃσι μέλας λευκαίνετο πόντος. ### book 5.85.4 Τοῖς δ’ ἐπὶ μειδιόων 〈ἐν〉 κήτεσιν εἰναλίοισιν ### book 5.85.5 ἤσκητ’ Ἐννοσίγαιος· ἀελλόποδες δέ μιν ἵπποι, ### book 5.90.1 ὡς ἐτεόν, σπεύδοντες ὑπὲρ πόντοιο φέρεσκον ### book 5.90.2 χρυσείῃ μάστιγι πεπληγότες· ἀμφὶ δὲ κῦμα ### book 5.1 στόρνυτ’ ἐπεσσυμένων, ὁμαλὴ δ’ ἄρα πρόσθε γαλήνη ### book 5.2 ἔπλετο. Τοὶ δ’ ἑκάτερθεν ἀολλέες ἀμφὶς ἄνακτα ### book 5.3 ἀγρόμενοι δελφῖνες ἀπειρέσιον κεχάροντο ### book 5.95.1 σαίνοντες βασιλῆα· κατ’ ἠερόεν δ’ ἁλὸς οἶδμα ### book 5.95.2 νηχομένοις εἴδοντο καὶ ἀργύρεοί περ ἐόντες. ### book 5.95.3 Ἄλλα δὲ μυρία κεῖτο κατ’ ἀσπίδα τεχνηέντως ### book 5.95.4 χερσὶν ὑπ’ ἀθανάτῃς πυκινόφρονος Ἡφαίστοιο. ### book 5.95.5 Πάντα δ’ ἄρ’ ἐστεφάνωτο βαθὺς ῥόος Ὠκεανοῖο, ### book 5.1 οὕνεκ’ ἔην ἔκτοσθε κατ’ ἄντυγος, ᾗ ἔνι πᾶσα ### book 5.2 ἀσπὶς ἐνεστήρικτο, δέδεντο δὲ δαίδαλα πάντα. ### book 5.3 Τῇ δ’ ἄρα παρκατέκειτο κόρυς μέγα βεβριθυῖα· ### book 5.4 Ζεὺς δέ οἱ ἀμφετέτυκτο μέγ’ ἀσχαλόωντι ἐοικώς, ### book 5.5 οὐρανῷ ἐμβεβαώς· περὶ δ’ ἀθάνατοι πονέοντο ### book 5.105.1 Τιτήνων ἐριδαινομένων Διὶ συμμογέοντες. ### book 5.105.2 Τοὺς δ’ ἤδη κρατερὸν πῦρ ἄμπεχεν· ἐκ δὲ κεραυνοὶ ### book 5.105.3 ἄλληκτοι νιφάδεσσιν ἐοικότες ἐξεχέοντο ### book 5.105.4 οὐρανόθεν· Ζηνὸς γὰρ 〈ἀ〉άσπετον ὤρνυτο κάρτος· ### book 5.105.5 οἳ δ’ ἄρ’ ἔτ’ αἰθομένοισιν ἐοικότες ἀμπνείεσκον. ### book 5.110.1 Ἀμφὶ δὲ θώρηκος γύαλον παρεκέκλιτο πολλὸν ### book 5.110.2 ἄρρηκτον βριαρόν τε, τὸ χάνδανε Πηλείωνα. ### book 5.110.3 Κνημῖδες δ’ ἤσκηντο πελώριαι· ἀμφὶ δ’ ἐλαφραὶ ### book 5.110.4 μούνῳ ἔσαν Ἀχιλῆι μάλα στιβαραί περ ἐοῦσαι. ### book 5.110.5 Ἀγχόθι δ’ ἄσχετον ἆορ ἄδην περιμαρμαίρεσκε ### book 5.115.1 χρυσείῳ τελαμῶνι κεκασμένον ἀργυρέῳ τε ### book 5.115.2 κουλεῷ, ᾧ ἔπι κώπη ἀρηρεμένη ἐλέφαντος ### book 5.115.3 θεσπεσίοις τεύχεσσι μετέπρεπε παμφανόωσα. ### book 5.1 Τοῖς δὲ παρεκ〈τε〉τάνυστο κατὰ χθονὸς ὄβριμον ἔγχος, ### book 5.2 Πηλιὰς ὑψικόμοισιν ἐειδομένη ἐλάτῃσι, ### book 5.120.1 λύθρου ἔτι πνείουσα καὶ αἵματος Ἑκτορέοιο. ### book 5.120.2 Καὶ τότ’ ἐν Ἀργείοισι Θέτις κυανοκρήδεμνος ### book 5.120.3 θεσπέσιον φάτο μῦθον ἀκηχεμένη Ἀχιλῆος· ### book 5.120.4 «Νῦν μὲν δὴ κατ’ ἀγῶνος ἀέθλια πάντα τελέσθη ### book 5.120.5 ὅσς’ ἐπὶ παιδὶ θανόντι μέγ’ ἀχνυμένη κατέθηκα. ### book 5.125.1 Ἀλλ’ ἴτω ὅς τ’ ἐσάωσε νέκυν καὶ ἄριστος Ἀχαιῶν, ### book 5.125.2 καί νύ κέ οἱ θηητὰ καὶ ἄμβροτα τεύχε’ ἕσασθαι ### book 5.125.3 δώσω, ἃ καὶ μακάρεσσι μέγ’ εὔαδεν ἀθανάτοισιν.» ### book 5.125.4 Ὣς φάτο· τοὶ δ’ ἀνόρουσαν ἐριδμαίνοντ’ ἐπέεσσιν ### book 5.125.5 υἱὸς Λαέρταο καὶ ἀντιθέου Τελαμῶνος ### book 5.130.1 Αἴας, ὃς μέγα πάντας ὑπείρεχεν ἐν Δαναοῖσιν, ### book 5.130.2 ἀστὴρ ὣς ἀρίδηλος ἀν’ οὐρανὸν αἰγλήεντα ### book 5.130.3 Ἕσπερος, ὃς μέγα πᾶσι μετ’ ἄστρασι παμφαίνῃσι· ### book 5.130.4 τῷ εἰκὼς τεύχεσσι παρίστατο Πηλείδαο. ### book 5.130.5 Ἤιτεε δ’ Ἰδομενῆα κλυτὸν καὶ Νηλέος υἷα ### book 5.135.1 ἠδ’ ἄρα μητιόωντ’ Ἀγαμέμνονα· τοὺς γὰρ ἐώλπει ### book 5.135.2 ἴδμεναι ἀτρεκέως ἐρικυδέος ἔργα μόθοιο· ### book 5.135.3 ὣς δ’ αὕτως Ὀδυσεὺς κείνοις ἐπὶ πάγχυ πεποίθει· ### book 5.135.4 οἳ γὰρ ἔσαν πινυτοὶ καὶ ἀμύμονες ἐν Δαναοῖσι. ### book 5.135.5 Νέστωρ δ’ Ἰδομενῆι καὶ Ἀτρέος υἱέι δίῳ ### book 5.140.1 ἄμφω ἐελδομένοισιν ἔπος φάτο νόσφιν ἀπ’ ἄλλων· ### book 5.140.2 «Ὦ φίλοι, ἦ μέγα πῆμα καὶ ἄσχετον ἤματι τῷδε ### book 5.140.3 ἡμῖν συμφορέουσιν ἀκηδέες Οὐρανίωνες, ### book 5.140.4 Αἴαντος μεγάλοιο περιφραδέος τ’ Ὀδυσῆος ### book 5 ἐσσυμένων ἐπὶ δῆριν ἀάσχετον ἀργαλέην τε. ### book 5.145.1 Τῶν γάρ θ’ ὁπποτέρῳ δώῃ θεὸς εὖχος ἀρέσθαι ### book 5.145.2 γηθήσει κατὰ θυμόν· ὃ δ’ αὖ μέγα πένθος ἀέξει ### book 5.145.3 πάντας ἀτεμβόμενος Δαναούς, περὶ δ’ ἔξοχα πάντων ### book 5.145.4 ἡμέας· οὐδ’ ἔτι κεῖνος ἐν ἡμῖν ὡς τὸ πάροιθε ### book 5.145.5 στήσεται ἐν πολέμῳ. Μέγα δ’ ἔσσεται ἄλγος Ἀχαιοῖς, ### book 5.1 κείνων ἤν τινα δεινὸς ἕλῃ χόλος, οὕνεκα πάντων ### book 5.2 ἡρώων προφέρουσιν, ὃ μὲν πολέμῳ, ὃ δὲ βουλῇ. ### book 5.3 Ἀλλ’ ἄγ’ ἐμεῖο πίθεσθε, ἐπεί ῥα γεραίτερός εἰμι ### book 5.4 λίην, οὐκ ὀλίγον περ· ἔχω δ’ ἐπὶ γήραϊ πολλῷ ### book 5.5 καὶ νόον, οὕνεκεν ἐσθλὰ καὶ ἄλγεα πολλὰ μόγησα. ### book 5.155.1 Αἰεὶ δ’ ἐν βουλῇσι γέρων πολύιδρις ἀμείνων ### book 5.155.2 ὁπλοτέρου πέλει ἀνδρός, ἐπεὶ μάλα μυρία οἶδε. ### book 5.155.3 Τοὔνεκα Τρωσὶν ἐφῶμεν ἐύφροσι τήνδε δικάσσαι ### book 5.155.4 ἀντιθέῳ τ’ Αἴαντι φιλοπτολέμῳ τ’ Ὀδυσῆι, ### book 5.158a ὅν τινα δήιοι ἄνδρες ὑποτρομέουσι μάλιστα ### book 5.159 ἠδ’ ὅ τις ἐξεσάωσε νέκυν Πηληιάδαο ### book 5.160.1 ἐξ ὀλοοῦ πολέμοιο· δορύκτητοι γὰρ ἐν ἡμῖν ### book 5.160.2 πολλοὶ Τρῶες ἔασι νεοδμήτῳ ὑπ’ ἀνάγκῃ, ### book 5.160.3 οἵ ῥα δίκην ἰθεῖαν ἐπὶ σφίσι ποιήσονται ### book 5.160.4 οὔ τινι ἦρα φέροντες, ἐπεὶ μάλα πάντας Ἀχαιοὺς ### book 5.160.5 ἶσον ἀπεχθαίρουσι κακῆς μεμνημένοι ἄτης.» ### book 5.165.1 Ὣς φάμενον προσέειπεν ἐυμμελίης Ἀγαμέμνων· ### book 5.165.2 «Ὦ γέρον, ὡς οὔ τις πινυτώτερος ἄλλος ἐν ἡμῖν ### book 5.165.3 σεῖο πέλει Δαναῶν, οὔτ’ ἂρ νέος οὔτε παλαιός, ### book 5.165.4 ὃς φῂς Ἀργείοισιν ἀνηλεγέως χαλεπῆναι ### book 5 ἀνέρα ὅν τινα τῶνδε θεοὶ μετόπισθε βάλωνται ### book 5.170.1 νίκης· οἱ γὰρ ἄριστοι ἐπὶ σφίσι δηριόωνται. ### book 5.170.2 Καὶ δ’ ἐμοὶ ἔνδοθεν ἦτορ ἐνὶ φρεσὶ ταῦτα μενοινᾷ, ### book 5.170.3 ὄφρα δορυκτήτοισι δικασπολίην ὀπάσωμεν· ### book 5.170.4 τοὺς καὶ ἀτεμβόμενός τις ὀλέθρια μήσεται ἔργα ### book 5.170.5 Τρωσὶν ἐυπτολέμοισι, χόλον δ’ οὐκ ἄμμιν ὀπάσσει.» ### book 5.175.1 Ὣς φάτο· τοὶ δ’ ἕνα θυμὸν ἐνὶ στέρνοισιν ἔχοντες ### book 5.175.2 ἀμφαδὸν ἠνήναντο δικασπολίην ἐρατεινήν. ### book 5.175.3 Τῶν δ’ ἄρ’ ἀναινομένων Τρώων ἐρικυδέες υἷες ### book 5.175.4 ἕζοντ’ ἐν μέσσοισι δορύκτητοί περ ἐόντες, ### book 5.175.5 ὄφρα θέμιν καὶ νεῖκος ἀρήιον ἰθύνωσιν. ### book 5.180.1 Αἴας δ’ ἐν μέσσοισι μέγ’ ἀσχαλόων φάτο μῦθον· ### book 5.180.2 «Ὦ Ὀδυσεῦ φρένας αἰνέ, τί τοι νόον ἤπαφε δαίμων ### book 5.180.3 ἶσον ἐμοὶ φρονέειν περὶ κάρτεος ἀκμήτοιο; ### book 5.180.4 Ἦ φῂς αἰνὸν ὅμιλον ἐρυκακέειν Ἀχιλῆος ### book 5.180.5 βλημένου ἐν κονίῃσιν, ὅτ’ ἀμφί ἑ Τρῶες ἔβησαν, ### book 5.185.1 ὁππότ’ ἐγὼ κείνοισι φόνον στονόεντ’ ἐφέηκα ### book 5.185.2 σεῖο καταπτώσσοντος; Ἐπεί νύ σε γείνατο μήτηρ ### book 5.185.3 δείλαιον καὶ ἄναλκιν, ἀφαυρότερόν περ ἐμεῖο, ### book 5.185.4 ὅσσον τίς τε κύων μεγαλοβρύχοιο λέοντος· ### book 5.185.5 οὐ γάρ τοι στέρνοισι πέλει μενεδήιον ἦτορ, ### book 5.190.1 ἀλλὰ σοὶ ἀμφιμέμηλε δόλος καὶ ἀτάσθαλα ἔργα. ### book 5.190.2 Ἠὲ τόδ’ ἐξελάθου, ὅτ’ ἐς Ἰλίου ἱερὸν ἄστυ ### book 5.190.3 ἐλθέμεναι ἀλέεινες ἅμ’ ἀγρομένοισιν Ἀχαιοῖς, ### book 5.190.4 καί σε καταπτώσσοντα καὶ οὐκ ἐθέλοντ’ ἐφέπεσθαι ### book 5 ἤγαγον Ἀτρεῖδαι; Ὡς μὴ ὤφελλες ἱκέσθαι· ### book 5.195.1 σῇς γὰρ ὑπ’ ἐννεσίῃσι κλυτὸν Ποιάντιον υἷα ### book 5.195.2 Λήμνῳ ἐν ἠγαθέῃ λίπομεν μεγάλα στενάχοντα· ### book 5.195.3 οὐκ οἴῳ δ’ ἄρα τῷ γε λυγρὴν ἐπεμήσαο λώβην, ### book 5.195.4 ἀλλὰ καὶ ἀντιθέῳ Παλαμήδεϊ θῆκας ὄλεθρον, ### book 5.195.5 ὃς σέο φέρτερος ἔσκε βίῃ καὶ ἐύφρονι βουλῇ. ### book 5.1 Νῦν δ’ ἤδη καὶ ἐμεῖο καταντίον ἐλθέμεν ἔτλης, ### book 5.2 οὔτ’ εὐεργεσίης μεμνημένος, οὔτέ τι θυμῷ ### book 5.3 ἁζόμενος σέο πολλὸν ὑπέρτερον, ὅς 〈σ’〉 ἐνὶ χάρμῃ ### book 5.4 ἐξεσάωσα πάροιθεν ὑποτρομέοντα κυδοιμὸν ### book 5.5 δυσμενέων, ὅτε ς’ ἄλλοι ἀνὰ μόθον οἰωθέντα ### book 5.205.1 κάλλιπον ἐν δηίων ὁμάδῳ φεύγοντα καὶ αὐτόν. ### book 5.205.2 Ὡς ὄφελον καὶ ἐμεῖο θρασὺ σθένος ἐν δαῒ κείνῃ ### book 5.205.3 αὐτὸς Ζεὺς ἐφόβησεν ἀπ’ αἰθέρος, ὄφρά σε Τρῶες ### book 5.205.4 ἀμφιτόμοις ξιφέεσσι διὰ μελεϊστὶ κέδασσαν ### book 5.205.5 δαῖτα κυσὶ σφετέροισι, καὶ οὐκ ἂν ἐμεῖο μενοίνας ### book 5.210.1 ἐλθέμεναι κατέναντα δολοφροσύνῃσι πεποιθώς. ### book 5.210.2 Σχέτλιε, τίπτε βίῃ πολὺ φέρτατος ἔμμεναι ἄλλων ### book 5.210.3 εὐχόμενος μέσσοισιν ἔχες νέας, οὐδέ τι θυμῷ ### book 5.210.4 ἔτλης ὥς περ ἔγωγε θοὰς ἔκτοσθεν ἐρύσσαι ### book 5.210.5 νῆας; Ἐπεί νύ σε τάρβος ἐπήιεν. Οὐδὲ μὲν αἰνὸν ### book 5.215.1 πῦρ νηῶν ἀπάλαλκες· ἐγὼ δ’ ὑπ’ ἀταρβέι θυμῷ ### book 5.215.2 ἔστην καὶ πυρὸς ἄντα καὶ Ἕκτορος, ὅς μ’ ὑπόεικε ### book 5.215.3 πάσῃ ἐν ὑσμίνῃ· σὺ δέ μιν 〈μέγα〉 δείδιες αἰεί. ### book 5.215.4 Ὡς ὄφελον τόδε νῶιν ἐνὶ πτολέμῳ τις ἄεθλον ### book 5.215.5 θῆκεν, ὅτ’ ἀμφ’ Ἀχιλῆι δεδουπότι δῆρις ὀρώρει, ### book 5.220 ὄφρ’ ἐκ δυσμενέων με καὶ ἀργαλέοιο κυδοιμοῦ ### book 5.1 ἔδρακες ἔντεα καλὰ ποτὶ κλισίας φορέοντα ### book 5.2 αὐτῷ ὁμῶς Ἀχιλῆι δαΐφρονι. Νῦν δ’ ἄρα μύθων ### book 5.3 ἰδρείῃ πίσυνος μεγάλων ἐπιμαίεαι ἔργων. ### book 5.4 Οὐ γάρ τοι σθένος ἐστὶν ἐν ἔντεσιν ἀκαμάτοισι ### book 5.225.1 δύμεναι Αἰακίδαο δαΐφρονος, οὐδὲ μὲν ἔγχος ### book 5.225.2 νωμῆσαι παλάμῃσιν· ἐμοὶ δ’ ἄρα πάντα τέτυκται ### book 5.225.3 ἄρτια, καί μοι ἔοικε φορήμεναι ἀγλαὰ τεύχη ### book 5.225.4 οὔ τι καταισχύνοντι θεοῦ περικαλλέα δῶρα. ### book 5.225.5 Ἀλλὰ τί ἢ μύθοισιν ἐριδμαίνοντε κακοῖσιν ### book 5.230.1 ἕσταμεν ἀμφ’ Ἀχιλῆος ἀμύμονος ἀγλαὰ τεύχη, ### book 5.230.2 ὅς τις φέρτερός ἐστιν ἐνὶ φθισήνορι χάρμῃ; ### book 5.230.3 Ἀλκῆς γὰρ τόδ’ ἄεθλον ἀρήιον, οὐκ ἀλεγεινῶν ### book 5.230.4 θῆκεν ἐνὶ μέσσοις ἐπέων Θέτις ἀργυρόπεζα. ### book 5.230.5 Μύθων δ’ εἰν ἀγορῇ χρειὼ πέλει ἀνθρώποισιν· ### book 5.235.1 οἶδα γὰρ ὡς σέο πολλὸν ἀγαυότερος καὶ ἀρείων ### book 5.235.2 εἰμί· γένος δέ μοί ἐστιν ὅθεν μεγάλῳ Ἀχιλῆι.» ### book 5.235.3 Ὣς φάτο· τὸν δ’ ἀλεγεινὰ παραβλήδην ἐνένιπεν ### book 5.235.4 υἱὸς Λαέρταο πολύτροπα μήδεα νωμῶν· ### book 5.235.5 «Αἶαν ἀμετροεπές, τί νύ μοι τόσα μὰψ ἀγορεύεις; ### book 5.240.1 Οὐτιδανὸν δέ μ’ ἔφησθα καὶ ἀργαλέον καὶ ἄναλκιν ### book 5.240.2 ἔμμεναι, ὃς σέο πολλὸν ὑπέρτερος εὔχομαι εἶναι ### book 5.240.3 μήδεσι καὶ μύθοισιν ἅ τ’ ἀνδράσι κάρτος ἀέξει. ### book 5.240.4 Καὶ γάρ τ’ ἠλίβατον πέτρην ἄρρηκτον ἐοῦσαν ### book 5.240.5 μήτι ὑποτμήγουσιν ἐν οὔρεσι λατόμοι ἄνδρες ### book 5.245.1 ῥηιδίως· μήτι δὲ μέγαν βαρυηχέα πόντον ### book 5.245.2 ναῦται ὑπεκπερόωσιν, ὅτ’ ἄσπετα κυμαίνηται· ### book 5.1 τέχνῃσι〈ν〉 δ’ ἀγρόται κρατεροὺς δαμόωσι λέοντας ### book 5.2 πορδάλιάς τε σύας τε καὶ ἄλλων ἔθνεα θηρῶν· ### book 5.3 ταῦροι δ’ ὀβριμόθυμοι ὑπὸ ζεύγλῃς δαμόωνται ### book 5.1 ἀνθρώπων ἰότητι. Νόῳ δέ τε πάντα τελεῖται· ### book 5.2 αἰεὶ δ’ ἀφραδέος πέλει ἀνέρος ἀμφὶ πόνοισι ### book 5.3 πᾶσι καὶ ἐν βουλῇσιν ἀνὴρ πολύιδρις ἀμείνων. ### book 5.4 Τοὔνεκ’ ἐυφρονέοντα θρασὺς πάις Οἰνείδαο ### book 5.5 λέξατό μ’ ἐκ πάντων ἐπιτάρροθον, ὄφρ’ ἀφίκωμαι ### book 5.255.1 ἐς φύλακας· μέγα δ’ ἔργον ὁμῶς ἐτελέσσαμεν ἄμφω. ### book 5.255.2 Καὶ δ’ αὐτὸν Πηλῆος ἐυσθενέος κλυτὸν υἷα ### book 5.255.3 ἤγαγον Ἀτρείδῃσιν ἐπίρροθον. Ἢν δὲ καὶ ἄλλου ### book 5.255.4 ἥρωος χρειώ τις ἐν Ἀργείοισι πέληται, ### book 5.255.5 οὐδ’ ὅ γε χερσὶ τεῇσιν ἐλεύσεται οὐδὲ μὲν ἄλλων ### book 5.260.1 Ἀργείων βουλῇσιν, ἐγὼ δέ ἑ μοῦνος Ἀχαιῶν ### book 5.260.2 ἄξω μειλιχίοισι παραυδήσας ἐπέεσσι ### book 5.260.3 δῆριν ἐς αἰζηῶν. Μέγα γὰρ κράτος ἀνδράσι μῦθος ### book 5.260.4 γίνετ’ ἐυφροσύνῃ μεμελημένος· ἠνορέη δὲ ### book 5.260.5 ἄπρηκτος τελέθει μέγεθός τ’ εἰς οὐδὲν ἀέξει ### book 5.265.1 ἀνέρος, εἰ μή οἱ πινυτὴ ἐπὶ μῆτις ἕπηται. ### book 5.265.2 Αὐτὰρ ἐμοὶ καὶ κάρτος ὁμῶς καὶ μῆτιν ὄπασσαν ### book 5.265.3 ἀθάνατοι, τεῦξαν δὲ μέγ’ Ἀργείοισιν ὄνειαρ. ### book 5.265.4 Οὐδὲ μὲν ὡς σύ μ’ ἔφησθα πάρος φεύγοντα σάωσας ### book 5.265.5 δηίου ἐξ ἐνοπῆς· οὐ γὰρ φύγον, ἀλλ’ ἅμα πάντας ### book 5.270.1 Τρῶας ἐπεσσυμένους μένον ἔμπεδον· οἳ δ’ ἐπέχυντο ### book 5.270.2 ἀλκῇ μαιμώωντες, ἐγὼ δ’ ὑπὸ κάρτεϊ χειρῶν ### book 5.270.3 πολλῶν θυμὸν ἔλυσα. Σὺ δ’ οὐκ ἄρ’ ἐτήτυμα βάζεις· ### book 5.1 οὐ γὰρ 〈ἔ〉μοιγ’ ἐπάμυνας ἀνὰ μόθον, ἀλλὰ σοὶ αὐτῷ ### book 5.2 ἔστης ἦρα φέρων, μή τίς νύ σε δουρὶ δαμάσσῃ ### book 5.275.1 φεύγοντ’ ἐκ πολέμοιο. Νέας δ’ ἐς μέσσον ἔρυσσα ### book 5.275.2 οὔ τι περιτρομέων δηίων μένος, ἀλλ’ ἵνα μῆχος ### book 5.275.3 αἰὲν ἅμ’ Ἀτρείδῃσιν ὑπὲρ πολέμοιο φέρωμαι. ### book 5.275.4 Καὶ σὺ μὲν ἔκτοσθε στῆσας νέας· αὐτὰρ ἔγωγε ### book 5.275.5 αὐτὸν ἀεικίσσας πληγῇς ὑπὸ λευγαλέῃσιν ### book 5.280.1 ἐς Τρώων πτολίεθρον ἐσήλυθον, ὄφρα πύθωμαι ### book 5.280.2 ὁππόσα μητιόωνται ὑπὲρ πολέμου ἀλεγεινοῦ. ### book 5.280.3 Οὐδὲ μὲν Ἕκτορος ἔγχος ἐδείδιον, ἀλλὰ καὶ αὐτὸς ### book 5.280.4 ἐν πρώτοις ἀνόρουσα μαχέσσασθαι μενεαίνων ### book 5.280.5 κείνῳ, ὅτ’ ἠνορέῃ πίσυνος προκαλέσσατο πάντας. ### book 5.285.1 Νῦν δέ σευ ἀμφ’ Ἀχιλῆι πολὺ πλέονας κτάνον ἄνδρας ### book 5.285.2 δυσμενέων, ἐσάωσα δ’ ὁμῶς τεύχεσσι θανόντα. ### book 5.285.3 Οὐδὲ μὲν ἐγχείη〈ν〉 τρομέω σέθεν, ἀλλά με λυγρὸν ### book 5.285.4 ἕλκος ἔτ’ ἀμφ’ ὀδύνῃς περινίσεται εἵνεκα τευχέων ### book 5.285.5 τῶνδ’ ὑπερουτηθέντα δαϊκταμένου 〈τ’〉 Ἀχιλῆος. ### book 5.290.1 Καὶ δ’ ἐμοὶ ὡς Ἀχιλῆι πέλει Διὸς ἔξοχον αἷμα.» ### book 5.290.2 Ὣς ἄρ’ ἔφη· τὸν δ’ αὖτις ἀμείβετο καρτερὸς Αἴας· ### book 5.290.3 «Ὦ Ὀδυσεῦ δολομῆτα καὶ ἀργαλεώτατε πάντων, ### book 5.290.4 οὔ νύ ς’ ἐκεῖς’ ἐνόησα πονεύμενον οὐδέ τις ἄλλος ### book 5.290.5 Ἀργείων, ὅτε Τρῶες Ἀχιλλέα δῃωθέντα ### book 5.295.1 ἑλκέμεναι μενέαινον. Ἐγὼ δ’ ὑπὸ δουρὶ καὶ ἀλκῇ ### book 5.295.2 τῶν μὲν γούνατ’ ἔλυσα κατὰ μόθον, οὓς δ’ ἐφόβησα ### book 5.1 αἰὲν ἐπεσσύμενος· τοὶ δ’ ἀργαλέως φοβέοντο ### book 5.2 χήνεσιν ἢ γεράνοισιν ἐοικότες, οἷς 〈τ’〉 ἐπορούσῃ ### book 5.3 αἰετὸς ἠιόεν πεδίον κάτα βοσκομένοισιν· ### book 5.1 ὣς Τρῶες πτώσσοντες ἐμὸν δόρυ καὶ θοὸν ἆορ ### book 5.2 Ἴλιον ἐς κατέδυσαν ἀλευάμενοι μέγα πῆμα. ### book 5.3 Σοὶ δὲ καὶ εἰ τότε κάρτος ἐπήλυθεν, οὔ τί μευ ἄγχι ### book 5.4 μάρναο δυσμενέεσσιν, ἑκὰς δέ που ἦσθα καὶ αὐτὸς ### book 5.5 ἀμφ’ ἄλλῃσι φάλαγξι πονεύμενος, οὐ περὶ νεκρῷ ### book 5.305.1 ἀντιθέου Ἀχιλῆος, ὅπου μάλα δῆρις ὀρώρει.» ### book 5.305.2 Ὣς φάτο· τὸν δ’ Ὀδυσῆος ἀμείβετο κερδαλέον κῆρ· ### book 5.305.3 «Αἶαν, ἐγὼν οὐ σεῖο κακώτερος ἔλπομαι εἶναι ### book 5.305.4 οὐ νόον οὐδὲ βίην, εἰ καὶ μάλα φαίδιμός ἐσσι· ### book 5.305.5 ἀλλὰ νόῳ μὲν ἔγωγε πολὺ προφερέστερός εἰμι ### book 5.310.1 σεῖο μετ’ Ἀργείοισι, βίῃ δέ κεν ἀμφήριστος ### book 5.310.2 ἢ καὶ ἀγαυότερος. Τὸ δέ που καὶ Τρῶες ἴσασιν, ### book 5.310.3 οἵ με μέγα τρομέουσι, καὶ ἢν ἀπάτερθεν ἴδωνται· ### book 5.310.4 καὶ δ’ αὐτὸς σάφα οἶδας ἐμὸν μένος, ἠδὲ καὶ ἄλλοι, ### book 5.310.5 ἀμφὶ παλαισμοσύνῃ πολυτειρέι πολλὰ μογήσας, ### book 5.315.1 ὁππότε δὴ περὶ σῆμα δαϊκταμένου Πατρόκλοιο ### book 5.315.2 Πηλείδης ἐρίθυμος ἀγακλυτὰ θῆκεν ἄεθλα.» ### book 5.315.3 Ὣς φάτο Λαέρταο κλυτὸς πάις ἀντιθέοιο. ### book 5.315.4 Καὶ τότε Τρώιοι υἷες ἔριν δικάσαντ’ ἀλεγεινὴν ### book 5.315.5 αἰζηῶν· νίκην δὲ καὶ ἄμβροτα τεύχεα δῶκαν ### book 5.320.1 πάντες ὁμοφρονέοντες ἐυπτολέμῳ Ὀδυσῆι· ### book 5.320.2 τοῦ δ’ ἄμοτον γήθησε νόος, στονάχησε δὲ λαός. ### book 5.320.3 Παχνώθη δ’ Αἴαντος ἐὺ σθένος· αἶψα δ’ ἄρ’ αὐτῷ ### book 5.320.4 ἄτη ἀνιηρὴ περικάππεσε· πᾶν δέ οἱ εἴσω ### book 5 ἔζεσε φοίνιον αἷμα, χολὴ δ’ ὑπερέβλυσεν αἰνή, ### book 5.325.1 ἥπατι δ’ ἐγκατέμικτο· περὶ κραδίη〈ν〉 δ’ ἀλεγεινὸν ### book 5.325.2 ἷξεν ἄχος, καὶ δριμὺ δι’ ἐγκεφάλοιο θεμέθλων ### book 5.325.3 ἐσσύμενον μήνιγγας ἄδην ἀμφήλυθεν ἄλγος, ### book 5.325.4 σὺν δ’ ἔχεεν νόον ἀνδρός. Ἐπὶ χθόνα δ’ ὄμματα πήξας ### book 5.325.5 ἔστη ἀκινήτῳ ἐναλίγκιος. Ἀμφὶ δ’ ἑταῖροι ### book 5.330.1 ἀχνύμενοί μιν ἄγεσκον ἐυπρῴρους ἐπὶ νῆας ### book 5.330.2 πολλὰ παρηγορέοντες· ὃ δ’ ὑστατίην ποσὶν οἶμον ### book 5.330.3 ἤιεν οὐκ ἐθέλων· σχεδόθεν δέ οἱ ἕσπετο Μοῖρα. ### book 5.330.4 Ἀλλ’ ὅτε δὴ μετὰ νῆας ἔβαν καὶ ἀπείρονα πόντον ### book 5.330.5 Ἀργεῖοι δόρποιο μεμαότες ἠδὲ καὶ ὕπνου, ### book 5.335.1 δὴ τότ’ ἔσω μεγάλοιο Θέτις κατεδύσετο πόντου· ### book 5.335.2 σὺν δέ οἱ ἄλλαι ἴσαν Νηρηίδες· ἀμφὶ δ’ ἄρά σφι ### book 5.335.3 νήχετο κήτεα πολλὰ τά τε τρέφει ἁλμυρὸν οἶδμα. ### book 5.335.4 Αἳ δὲ μέγα σκύζοντο Προμηθέι μητιόωντι ### book 5.335.5 μνώμεναι ὡς κείνοιο θεοπροπίῃσι Κρονίων ### book 5.340.1 δῶκε Θέτιν Πηλῆι καὶ οὐκ ἐθέλουσαν ἄγεσθαι. ### book 5.340.2 Κυμοθόη δ’ ἐν τῇσι μέγ’ ἀσχαλόως’ ἀγόρευεν· ### book 5.340.3 «Ὢ πόποι, ὡς ὅ γε λυγρὸς ἐπάξια πήμαθ’ ὑπέτλη ### book 5.340.4 δεσμῷ ἐν ἀρρήκτῳ, ὅτε οἱ μέγας αἰετὸς ἧπαρ ### book 5.340.5 κεῖρεν ἀεξόμενον κατὰ νηδύος ἔνδοθι δύνων.» ### book 5.345.1 Ὣς φάτο Κυμοθόη κυανοπλοκάμοις ἁλίῃσιν. ### book 5.345.2 Ἠέλιος δ’ ἀπόρουσεν, ἐπεσκιόωντο δ’ ἀλωαὶ ### book 5.345.3 νυκτὸς ἐπεσσυμένης, ἐπεκίδνατο δ’ οὐρανὸν ἄστρα. ### book 5.345.4 Ἀργεῖοι δ’ ἐπὶ νηυσὶ τανυπρῴροισιν ἴαυον ### book 5.345.5 ὕπνῳ ὑπ’ ἀμβροσίῳ δεδμημένοι ἠδὲ καὶ οἴνῳ ### book 5.1 ἡδέι τὸν Κρήτηθε παρ’ Ἰδομενῆος ἀγαυοῦ ### book 5.2 ναῦται ὑπὲρ πόντοιο πολυκλύστοιο φέρεσκον. ### book 5.3 Αἴας δ’ Ἀργείοισι χολούμενος οὔτ’ ἄρα δόρπου ### book 5.4 μνήσατ’ ἐνὶ κλισίῃ μελιηδέος, οὔτέ μιν ὕπνος ### book 5.5 ἄμπεχεν· ἀλλ’ ὅ γ’ ἑοῖσιν ἐν ἔντεσι δύσετο θύων, ### book 5.355.1 εἵλετο δὲ ξίφος ὀξὺ καὶ ἄσπετα πορφύρεσκεν, ### book 5.355.2 ἢ ὅ γε νῆας ἐνιπρήσῃ καὶ πάντας ὀλέσσῃ ### book 5.355.3 Ἀργείους, ἦ μοῦνον ὑπὸ ξίφεϊ στονόεντι ### book 5.355.4 δῃώσῃ μελεϊστὶ θοῶς δολόεντ’ Ὀδυσῆα. ### book 5.355.5 Καὶ τὰ μὲν ὣς ὥρμαινε, τὰ δὴ τάχα πάντ’ ἐτέλεσσεν, ### book 5.360.1 εἰ μή οἱ Τριτωνὶς ἀάσχετον ἔμβαλε Λύσσαν· ### book 5.360.2 κήδετο γὰρ φρεσὶν ᾗσι πολυτλήτου Ὀδυσῆος ### book 5.360.3 ἱρῶν μνωομένη τά οἱ ἔμπεδα κεῖνος ἔρεξε· ### book 5.360.4 τοὔνεκα δὴ μεγάλοιο μένος Τελαμωνιάδαο ### book 5.360.5 τρέψεν ἀπ’ Ἀργείων. Ὃ δ’ ἄρ’ ἤιε λαίλαπι ἶσος ### book 5.365.1 σμερδαλέῃ στυγερῇσι καταιγίσι βεβριθυίῃ, ### book 5.365.2 ἥ τε φέρει ναύτῃσι τέρας κρυεροῖο φόβοιο, ### book 5.365.3 Πληιὰς εὖτ’ ἀκάμαντος ἐς Ὠκεανοῖο ῥέεθρα ### book 5.365.4 δύεθ’ ὑποπτώσσουσα περικλυτὸν Ὠρίωνα ### book 5.365.5 ἠέρα συγκλονέουσα, μέμηνε δὲ χείματι πόντος· ### book 5.370.1 τῇ εἰκὼς οἴμησεν ὅπῃ † γε μὲν γυῖα † φέρεσκον. ### book 5.370.2 Πάντῃ δ’ ἀμφιθέεσκεν ἀναιδέι θηρὶ ἐοικώς, ### book 5.370.3 ὅς τε βαθυσκοπέλοιο διέσσυται ἄγκεα βήσσης ### book 5.370.4 ἀφριόων γενύεσσι καὶ ἄλγεα πολλὰ μενοινῶν ### book 5 ἢ κυσὶν ἢ ἀγρότῃς οἵ οἱ τέκνα δῃώσωνται ### book 5.375.1 ἄντρων ἐξερύσαντες, ὃ δ’ ἀμφὶ γένυσσι βεβρυχώς, ### book 5.375.2 εἴ που ἔτ’ ἐν ξυλόχοισιν ἴδοι θυμήρεα τέκνα, — ### book 5.375.3 τῷ δ’ εἴ τις κύρσειε μεμηνότα θυμὸν ἔχοντι, ### book 5.375.4 αὐτοῦ οἱ βιότοιο λυγρὸν περιτέλλεται ἦμαρ· ### book 5.375.5 ὣς ὅ γ’ ἀμείλιχα θῦνε. Μέλαν δέ οἱ ἔζεεν ἦτορ, ### book 5.380.1 εὖτε λέβης ἀλίαστον ἐπ’ ἐσχάρῃ Ἡφαίστοιο ### book 5.380.2 ῥοιβδηδὸν μαίνηται ὑπαὶ πυρὸς αἰθομένοιο, ### book 5.380.3 γάστρην ἀμφὶς ἅπασαν ὅτε ξύλα πολλὰ θέρηται, ### book 5.380.4 ἐννεσίῃς δρηστῆρος ἐπειγομένου ἐνὶ θυμῷ, ### book 5.380.5 εὐτρεφέος σιάλοιο περὶ τρίχας ὥς κεν ἀμέρσῃ· ### book 5.385.1 ὣς τοῦ ὑπὸ στέρνοισι πελώριος ἔζεε θυμός. ### book 5.385.2 Μαίνετο δ’ ἠύτε πόντος ἀπείριτος ἠὲ θύελλα ### book 5.385.3 ἢ πυρὸς ἀκαμάτοιο θοὸν μένος, εὖτ’ ἀλίαστον ### book 5.385.4 μαίνηται κατ’ ὄρεσφι βίη μεγάλου ἀνέμοιο, ### book 5.385.5 πίπτῃ δ’ αἰθομένη πυρὶ πάντοθεν ἄσπετος ὕλη· ### book 5.390.1 ὣς Αἴας ὀδύνῃσι πεπαρμένος ὄβριμον ἦτορ ### book 5.390.2 μαίνετο λευγαλέως. Ἄπλετος δέ οἱ ἔρρεεν ἀφρὸς ### book 5.390.3 ἐκ στόματος, βρυχὴ δὲ περὶ γναθμοῖσιν ὀρώρει, ### book 5.390.4 τεύχεα δ’ ἀμφ’ ὤμοισιν ἐπέβραχε. Τοὶ δ’ ὁρόωντες ### book 5.390.5 πάντες ὁμῶς ἑνὸς ἀνδρὸς ὑποτρομέεσκον ὁμοκλήν. ### book 5.395.1 Καὶ τότ’ ἀπ’ Ὠκεανοῖο κίεν χρυσήνιος Ἠώς. ### book 5.395.2 Ὕπνος δ’ οὐρανὸν εὐρὺν ἀνήιεν εἴκελος αὔρῃ, ### book 5.395.3 Ἥρῃ δὲ ξύμβλητο νέον πρὸς Ὄλυμπον ἰούσῃ ### book 5.395.4 Τηθύος ἐξ ἱερῆς, ὅθι που προτέρῃ μόλεν ἠοῖ· ### book 5 ἣ δέ ἑ κύσσεν ἑλοῦς’, ἐπεὶ ἦ πέλε γαμβρὸς ἀμύμων, ### book 5.1 ἐξ οὗ οἱ Κρονίωνα κατεύνασεν ἐν λεχέεσσιν ### book 5.2 Ἴδης ἀμφὶ κάρηνα χολούμενον Ἀργείοισιν· ### book 5.3 αἶψα δ’ ἄρ’ ἣ μὲν ἔβη Ζηνὸς δόμον, ὃς δ’ ἐπὶ λέκτρα ### book 5.4 Πασιθέης οἴμησεν· ἀνέγρετο δ’ ἔθνεα φωτῶν. ### book 5.5 Αἴας δ’ ἀκαμάτῳ ἐναλίγκιος Ὠρίωνι ### book 5.405.1 φοίτα ἐνὶ στέρνοισιν ἔχων ὀλοόφρονα Λύσσαν. ### book 5.405.2 Ἐν δ’ ἔθορεν μήλοισι, λέων ὣς ὀβριμόθυμος ### book 5.405.3 λιμῷ ὑπ’ ἀργαλέῃ δεδμημένος ἄγριον ἦτορ. ### book 5.405.4 Καὶ τὰ μὲν ἐν κονίῃσιν ἐπασσύτερ’ ἄλλοθεν ἄλλα ### book 5.405.5 κάββαλεν, ἠύτε φύλλα μένος κρατεροῦ Βορέαο ### book 5.410.1 χεύῃ, ὅτ’ ἀνυμένου θέρεος μετὰ χεῖμα τράπηται· ### book 5.410.2 ὣς Αἴας μήλοισι μέγ’ ἀσχαλόων ἐνόρουσεν ### book 5.410.3 ἐλπόμενος Δαναοῖσι κακὰς ἐπὶ Κῆρας ἰάλλειν. ### book 5.410.4 Καὶ τότε δὴ Μενέλαος ἀδελφεῷ ἄγχι παραστὰς ### book 5.410.5 κρύβδ’ ἄλλων Δαναῶν τοῖον ποτὶ μῦθον ἔειπε· ### book 5.415.1 «Σήμερον ἦ τάχα πᾶσιν ὀλέθριον ἔσσεται ἦμαρ ### book 5.415.2 Αἴαντος μεγάλοιο περὶ φρεσὶ μαινομένοιο, ### book 5.415.3 ὃς τάχα νῆας ἐνιπρήσει, κτανέει δὲ καὶ ἡμ〈έ〉ας ### book 5.415.4 πάντας ἐνὶ κλισίῃσι κοτεσσάμενος περὶ τευχέων. ### book 5.415.5 Ὡς ὄφελον μὴ τῶνδε Θέτις περὶ δῆριν ἔθηκε, ### book 5.420.1 μηδ’ ἄρα Λαέρταο πάις μέγ’ ἀμείνονι φωτὶ ### book 5.420.2 ἔτλη δηριάασθαι ἐναντίον ἄφρονι θυμῷ. ### book 5.420.3 Νῦν δὲ μέγ’ ἀασάμε〈σ〉θα, κακὸς δέ τις ἤπαφε δαίμων· ### book 5.420.4 ἕρκος γὰρ πολέμοιο δεδουπότος Αἰακίδαο ### book 5.420.5 μοῦνον ἔτ’ ἦν Αἴαντος ἐὺ σθένος. Ἀλλ’ ἄρα καὶ τὸν ### book 5.425 ἡμέων ἐξελόωσι θεοὶ κακὰ νῶιν ἄγοντες, ### book 5.1 ὥς κεν πάντες ἄιστοι ἀναπλήσωμεν ὄλεθρον.» ### book 5.2 Ὣς φάμενον προσέειπεν ἐυμμελίης Ἀγαμέμνων· ### book 5.3 «Μὴ νῦν, ὦ Μενέλαε, μέγ’ ἀχνύμενος περὶ θυμῷ ### book 5.4 σκύζεο μητιόωντι Κεφαλλήνων βασιλῆι, ### book 5.429a ἀλλὰ θεοῖς οἳ νῶιν ὀλέθρια μητιόωνται· ### book 5.430.1 οὐ γὰρ ὅ γ’ αἴτιός ἐστιν, ἐπεὶ μάλα πολλάκις ἡμῖν ### book 5.430.2 γίνεται ἐσθλὸν ὄνειαρ, ἄχος δ’ ἄρα δυσμενέεσσιν.» ### book 5.430.3 Ὣς οἳ μὲν Δαναῶν ἀκαχήμενοι ἠγορόωντο. ### book 5.430.4 Μηλονόμοι δ’ ἀπάνευθε παρὰ Ξάνθοιο ῥεέθροις ### book 5.430.5 πτῶσσον ὑπὸ μυρίκῃσιν ἀλευάμενοι βαρὺ πῆμα. ### book 5.435.1 Ὡς δ’ ὅταν αἰετὸν ὠκὺν ὑποπτώσσωσι λαγωοὶ ### book 5.435.2 θάμνοις ἐν λασίοισιν, ὅτ’ ἐγγύθεν ὀξὺ κεκληγὼς ### book 5.435.3 πωτᾶτ’ ἔνθα καὶ ἔνθα τανυσσάμενος πτερύγεσσιν· ### book 5.435.4 ὣς οἵ γ’ ἄλλοθεν ἄλλος ὑπέτρεσαν ὄβριμον ἄνδρα. ### book 5.435.5 Ὀψὲ δ’ ὅ γ’ ἀρνειοῖο κατακταμένου σχεδὸν ἔστη, ### book 5.440.1 καί ῥ’ ὀλοὸν γελάσας τοῖον ποτὶ μῦθον ἔειπε· ### book 5.440.2 «Κεῖσό νυν ἐν κονίῃσι, κυνῶν βόσις ἠδ’ οἰωνῶν· ### book 5.440.3 οὐ γάρ ς’ οὐδ’ Ἀχιλῆος ἐρύσατο κύδιμα τεύχη, ### book 5.440.4 ὧν ἕνεκ’ ἀφραδέως μέγ’ ἀμείνονι δηριάασκες. ### book 5.440.5 Κεῖσο, κύον· σὲ γὰρ οὔ τι γοήσεται ἀμφιπεσοῦσα ### book 5.445.1 κουριδίη μετὰ παιδὸς ἀάσχετον ἀσχαλόωσα, ### book 5.445.2 οὐ τοκέες, τοῖς οὔ τι μετέσσεαι ἐλδομένοισι ### book 5.445.3 γήραος ἐσθλὸν ὄνειαρ, ἐπεί νύ σε τῆλ’ ἀπὸ πάτρης ### book 5.445.4 οἰωνοί τε κύνες τε δεδουπότα δαρδάψουσιν.» ### book 5.445.5 Ὣς ἄρ’ ἔφη δολόεντα μετὰ κταμένοις Ὀδυσῆα ### book 5 κεῖσθαι ὀιόμενος μεμορυγμένον αἵματι πολλῷ. ### book 5.1 Καὶ τότε οἱ Τριτωνὶς ἀπὸ φρενὸς ἠδὲ καὶ ὄσσων ### book 5.2 ἐσκέδασε〈ν〉 Μανίην βλοσυρὴν πνείουσαν ὄλεθρον· ### book 5.3 ἣ δὲ θοῶς ἵκανε ποτὶ Στυγὸς αἰνὰ ῥέεθρα, ### book 5.4 ἧχι θοαὶ ναίουσιν Ἐριννύες αἵ τε βροτοῖσιν ### book 5.455.1 αἰὲν ὑπερφιάλοισι κακὰς ἐφιᾶσιν ἀνίας. ### book 5.455.2 Αἴας δ’, ὡς ἴδε μῆλα κατὰ χθονὸς ἀσπαίροντα, ### book 5.455.3 θάμβεεν ἐν φρεσὶ πάμπαν· ὀίσατο γὰρ δόλον εἶναι ### book 5.455.4 ἐκ μακάρων. Πάντεσσι δ’ ὑπεκλάσθη μελέεσσι ### book 5.455.5 βλήμενος ἄλγεσι θυμὸν ἀρήιον· οὐδ’ ἄρα πρόσσω ### book 5.460.1 ἔσθενεν ἀσχαλόων ἐπιβήμεναι οὔτ’ ἄρ’ ὀπίσσω, ### book 5.460.2 ἀλλ’ ἔστη σκοπιῇ ἐναλίγκιος, ἥ τ’ ἐν ὄρεσσι ### book 5.460.3 πασάων μάλα πολλὸν ὑπερτάτη ἐρρίζωται. ### book 5.460.4 Ἀλλ’ ὅτε οἱ πάλι θυμὸς ἐνὶ στήθεσσιν ἀγέρθη, ### book 5.460.5 λυγρὸν ἀνεστονάχησεν, ἔπος δ’ ὀλοφύρετο τοῖον· ### book 5.465.1 «Ὤ μοι ἐγώ, τί νυ τόσσον ἀπέχθομαι ἀθανάτοισιν; ### book 5.465.2 Οἵ με φρένας βλάψαντο, κακὴν δ’ ἐπὶ λύσσαν ἔθεντο, ### book 5.465.3 μῆλα κατακτεῖναι τά μοι οὐκ ἔσαν αἴτια θυμοῦ. ### book 5.465.4 Ὡς ὄφελον τίσασθαι Ὀδυσσέος ἀργαλέον κῆρ ### book 5.465.5 χερσὶν ἐμαῖς, ἐπεὶ ἦ με κακῇ περικάββαλεν ἄτῃ ### book 5.470.1 λυγρὸς ἐὼν μάλα πάγχυ. Πάθοι γε μὲν ἄλγεα θυμῷ ### book 5.470.2 ὁππόσα μητιόωνται Ἐριννύες ἀνθρώποισιν ### book 5.470.3 ἀργαλέοις· δοῖεν δὲ καὶ ἄλλοις Ἀργείοισιν ### book 5.470.4 ὑσμίνας ὀλοὰς καὶ πένθεα δακρυόεντα ### book 5.470.5 αὐτῷ τ’ Ἀτρείδῃ Ἀγαμέμνονι· μηδ’ ὅ γ’ ἀπήμων ### book 5.475.1 ἔλθοι ἑὸν ποτὶ δῶμα λιλαιόμενός περ ἱκέσθαι. ### book 5.475.2 Ἀλλὰ τί μοι στυγεροῖσι μετέμμεναι ἐσθλὸν ἐόντα; ### book 5.475.3 Ἐρρέτω Ἀργείων ὀλοὸς στρατός· ἐρρέτω αἰὼν ### book 5.475.4 ἄσχετος. Οὐ γὰρ ἔτ’ ἐσθλὸς ἔχει γέρας, ἀλλὰ χερείων ### book 5.475.5 τιμήεις τε πέλει καὶ φίλτερος· ἦ γὰρ Ὀδυσσεὺς ### book 5.480.1 τίετ’ ἐν Ἀργείοισιν, ἐμεῦ δ’ ἐπὶ πάγχυ λάθοντο ### book 5.480.2 ἔργων 〈θ’〉 ὁππός’ ἔρεξα καὶ ἔτλην εἵνεκα λαῶν.» ### book 5.480.3 Ὣς εἰπὼν πάις ἐσθλὸς ἐυσθενέος Τελαμῶνος ### book 5.480.4 Ἑκτόρεον ξίφος ὦσε δι’ αὐχένος· ἐκ δέ οἱ αἷμα ### book 5.480.5 ἐσσύμενον κελάρυζεν. Ὃ δ’ ἐν κονίῃσι τανύσθη, ### book 5.485.1 Τυφῶν ὣς τὸν Ζηνὸς ἐνεπρήσαντο κεραυνοί· ### book 5.485.2 ἀμφὶ δὲ γαῖα μέλαινα μέγα στονάχησε πεσόντος. ### book 5.485.3 Καὶ τότε δὴ Δαναοὶ κίον ἀθρόοι, ὡς ἐσίδοντο ### book 5.485.4 κείμενον ἐν κονίῃσι· πάρος δέ οἱ οὔ τις ἵκανεν ### book 5.485.5 ἐγγύς, ἐπεὶ μάλα πάντας ἔχεν δέος εἰσορόωντας. ### book 5.490.1 Αἶψα δ’ ἄρα κταμένῳ περικάππεσον· ἀμφὶ δὲ κρᾶτα ### book 5.490.2 πρηνέες ἐκχύμενοι 〈κόνιν〉 ἄσπετον ἀμφεχέοντο, ### book 5.490.3 καί σφιν ὀδυρομένων γόος αἰθέρα δῖον ἵκανεν. ### book 5.490.4 Ὡς δ’ ὅταν εἰροπόκων ὀίων ἄπο νήπια τέκνα ### book 5.490.5 ἀνέρες ἐξελάσωσιν, ἵνα σφίσι δαῖτα κάμωνται, ### book 5.495.1 αἳ δὲ μέγα σκαίρουσι διηνεκέως μεμακυῖαι ### book 5.495.2 μητέρες ἐκ τεκέων σηκοὺς πέρι χηρωθέντας· ### book 5.495.3 ὣς οἵ γ’ ἀμφ’ Αἴαντα μέγα στένον ἤματι κείνῳ ### book 5.495.4 πανσυδίῃ· μέγα δέ σφιν ἐπέβραχε δάσκιος Ἴδη ### book 5.495.5 καὶ πεδίον καὶ νῆες ἀπειρεσίη τε θάλασσα. ### book 5 Τεῦκρος δ’ ἀμφ’ αὐτῷ μάλα μήδετο Κῆρας ἐπισπεῖν ### book 5.1 ἀργαλέας· τὸν δ’ ἄλλοι ἀπὸ ξίφεος μεγάλοιο ### book 5.2 εἶργον. Ὃ δ’ ἀσχαλόων περικάππεσε τεθνειῶτι ### book 5.3 δάκρυα πολλὰ χέων ἀδινώτερα νηπιάχοιο, ### book 5.4 ὅς τε παρ’ ἐσχαρεῶνι τέφρην περιειμένος ὤμοις ### book 5.505.1 κὰκ κεφαλῆς μάλα πάμπαν ὀδύρεται ὀρφανὸν ἦμαρ ### book 5.505.2 μητρὸς ἀποφθιμένης ἥ μιν τρέφε νήιδα πατρός· ### book 5.505.3 ὣς ὅ γε κωκύεσκε κασιγνήτοιο δαμέντος ### book 5.505.4 ἑρπύζων περὶ νεκρόν, ἔπος δ’ ὀλοφύρετο τοῖον· ### book 5.505.5 «Αἶαν καρτερόθυμε, τί 〈δ〉ή νύ τοι ἔβλαβεν ἦτορ ### book 5.510.1 〈σ〉οὶ αὐτῷ στονόεντα φόνον καὶ πῆμα βαλέσθαι; ### book 5.510.2 Ἦ ἵνα Τρώιοι υἷες ὀιζύος ἀμπνεύσωσιν, ### book 5.510.3 Ἀργείους δ’ ὀλέσωσι σέθεν κταμένοιο κιόντες; ### book 5.510.4 Οὐ γὰρ τοῖσδ’ ἔτι θάρσος ὅσον πάρος ὀλλυμένοισιν ### book 5.510.5 ἔσσεται ἐν πολέμῳ· σὺ γὰρ ἔπλεο πήματος ἄλκαρ. ### book 5.515.1 Οὐδ’ ἔτ’ ἐμοὶ νόστοιο τέλος σέο δεῦρο θανόντος ### book 5.515.2 ἁνδάνει, ἀλλὰ καὶ αὐτὸς ὀίομαι ἐνθάδ’ ὀλέσθαι, ### book 5.515.3 ὄφρά με σὺν σοὶ γαῖα φερέσβιος ἀμφικαλύπτῃ· ### book 5.515.4 οὐ γάρ μοι τοκέων τόσσον μέλει, εἴ που ἔτ’ εἰσίν, ### book 5.515.5 εἴ που ἔτ’ ἀμφινέμονται ἔτι ζωοὶ Σαλαμῖνα, ### book 5.520.1 ὅσσον σεῖο θανόντος, ἐπεὶ σύ μοι ἔπλεο κῦδος.» ### book 5.520.2 Ἦ ῥα μέγα στενάχων. Ἐπὶ δ’ ἔστενε δῖα Τέκμησσα, ### book 5.520.3 Αἴαντος παράκοιτις ἀμύμονος, ἥν περ ἐοῦσαν ### book 5.520.4 ληιδ〈ί〉ην σφετέρην ἄλοχον θέτο, καί μιν ἁπάντων ### book 5 τεῦξεν ἄνασσαν ἔμεν 〈ὁπ〉όσων ἀνὰ δῶμα γυναῖκες ### book 5.525.1 ἑδνωταὶ μεδέουσι παρ’ ἀνδράσι κουριδίοισιν· ### book 5.525.2 ἣ δέ οἱ ἀκαμάτοισιν ὑπ’ ἀγκοίνῃσι δαμεῖσα ### book 5.525.3 Εὐρυσάκην τέκεθ’ υἱὸν ἐοικότα πάντα τοκῆι. ### book 5.525.4 Ἀλλ’ ὃ μὲν οὖν ἔτι τυτθὸς ἐνὶ λεχέεσσι λέλειπτο· ### book 5.525.5 ἣ δὲ μέγα στενάχουσα φίλῳ περικάππεσε νεκρῷ ### book 5.530.1 ἐντυπὰς 〈ἐν〉 κονίῃσι καλὸν δέμας αἰσχύνουσα, ### book 5.530.2 καί ῥ’ ὀλοφυδνὸν ἄυσε μέγ’ ἀχνυμένη κέαρ ἔνδον· ### book 5.530.3 «Ὤ μοι ἐγὼ δύστηνος, ἐπεὶ θάνες οὔ τι δαϊχθεὶς ### book 5.530.4 δυσμενέων παλάμῃσι κατὰ μόθον, ἀλλὰ 〈σ〉οὶ αὐτῷ. ### book 5.530.5 Τῶ μοι πένθος ἄλαστον ἐποίχεται· οὐ γὰρ ἐώλπειν ### book 5.535.1 σεῖο καταφθιμένοιο πολύστονον ἦμαρ ἰδέσθαι ### book 5.535.2 ἐν Τροίῃ· τὰ δὲ πάντα κακαὶ διὰ Κῆρες ἔχευαν. ### book 5.535.3 Ὥς μ’ ὄφελον τὸ πάροιθε περὶ τραφερὴ χάνε γαῖα, ### book 5.535.4 πρὶν σέο πότμον ἰδέσθαι ἀμείλιχον· οὐ γὰρ ἔμοιγε ### book 5.535.5 ἄλλο χερειότερόν ποτ’ ἐσήλυθεν ἐς φρένα πῆμα, ### book 5.540.1 οὐδ’ ὅτε με πρώτιστον ἐμῆς ἀπὸ τηλόθι πάτρης ### book 5.540.2 καὶ τοκέων εἴρυσσας ἅμ’ ἄλλαις ληιάδεσσι ### book 5.540.3 πόλλ’ ὀλοφυρομένην, ἐπεὶ ἦ νύ με τὸ πρὶν ἄνασσαν ### book 5.540.4 αἰδοίην περ ἐοῦσαν ἐπήιε δούλιον ἦμαρ. ### book 5.540.5 Ἀλλά μοι οὔτε πάτρης θυμηδέος οὔτε τοκήων ### book 5.545.1 μέμβλεται οἰχομένων, ὁπόσον σέο δῃωθέντος, ### book 5.545.2 οὕνεκά μοι δειλῇ θυμήρεα πάντα μενοίνας, ### book 5.545.3 καί ῥά με θῆκας ἄκοιτιν ὁμόφρονα, καί 〈ῥά μ’〉 ἔφησθα ### book 5.545.4 τεύξειν αὐτίκ’ ἄνασσαν ἐυκτιμένης Σαλαμῖνος ### book 5.545.5 νοστήσας Τροίηθε. Τὰ δ’ οὐ θεὸς ἄμμι τέλεσσεν· ### book 5.1 ἀλλὰ σὺ νῦν μὲν ἄιστος ἀποίχεαι, οὐδέ νυ σοί περ ### book 5.2 μέμβλετ’ ἐμεῦ καὶ παιδός, ὃς οὐ πατρὶ τέρψεται ἦτορ, ### book 5.3 οὐ σέο κοιρανίης ἐπιβήσεται, ἀλλά μιν ἄλλοι ### book 5.4 δμῶα λυγρὸν τεύξουσιν, ἐπεὶ πατρὸς οὐκέτ’ ἐόντος ### book 5.5 νηπίαχοι κομέονται ὑπ’ ἀνδράσιν εὖ μάλα πολλὸν ### book 5.555.1 χειροτέροις· ὀλοῇ γὰρ ἐπ’ ὀρφανίῃ βαρὺς αἰὼν ### book 5.555.2 παισὶ πέλει καὶ πήματ’ ἐπ’ ἄλλοθεν ἄλλα χέονται. ### book 5.555.3 Καὶ δ’ ἐμὲ δειλαίην τάχα δούλιον ἵξεται ἦμαρ ### book 5.555.4 οἰχομένου σέο πρόσθεν, ὅ μοι θεὸς ὣς ἐτέτυξο.» ### book 5.555.5 Ὣς φαμένην προσέειπε φίλα φρονέων Ἀγαμέμνων· ### book 5.560.1 «Ὦ γύναι, οὔ νύ σέ τις δμωὴν ἔτι θήσεται ἄλλος, ### book 5.560.2 Τεύκρου ἔτι ζώοντος ἀμύμονος ἠδ’ ἐμεῦ αὐτοῦ· ### book 5.560.3 ἀλλά σε τίσομεν αἰὲν ἀπειρεσίοις γεράεσσι, ### book 5.560.4 τίσομεν ὥς τε θεήν, καὶ σὸν τέκος, ὡς ἔτ’ ἐόντος ### book 5.560.5 ἀντιθέου Αἴαντος ὃς ἔπλετο κάρτος Ἀχαιῶν. ### book 5.565.1 Αἴθ’ ὄφελον μηδ’ ἄλγος Ἀχαιίδι θήκατο πάσῃ ### book 5.565.2 αὐτὸς ἑῇ ὑπὸ χειρὶ δαμείς· οὐ γάρ μιν ἀπείρων ### book 5.565.3 δυσμενέων σθένε λαὸς ὑπ’ Ἄρεϊ δῃώσασθαι.» ### book 5.565.4 Ὣς ἔφατ’ ἀχνύμενος κέαρ ἔνδοθεν. Ἀμφὶ δὲ λαοὶ ### book 5.565.5 οἰκτρὸν ἀνεστονάχησαν, ἐπίαχε δ’ Ἑλλήσποντος ### book 5.570.1 μυρομένων, ὀλοὴ δὲ περὶ σφίσι πέπτατ’ ἀνίη. ### book 5.570.2 Καὶ δ’ αὐτὸν λάβε πένθος Ὀδυσσέα μητιόωντα ### book 5.570.3 κείνου ἀποκταμένοιο, καὶ ἀχνύμενος κατὰ θυμὸν ### book 5.570.4 τοῖον ἔπος μετέειπεν ἀκηχεμένοισιν Ἀχαιοῖς· ### book 5.570.5 «Ὦ φίλοι, ὡς οὔ πώ τι κακώτερον ἄλλο χόλοιο ### book 5.575.1 γίνεται, ὅς τε βροτοῖσι κακὴν ἐπὶ δῆριν ἀέξει· ### book 5.575.2 ὃς καὶ νῦν Αἴαντα πελώριον ἐξορόθυνεν ### book 5.1 ἀμφ’ ἐμοὶ ἐν φρεσὶν ᾗσι χολούμενον. Ὡς ὄφελόν μοι ### book 5.2 μή ποτε Τρώιοι υἷες Ἀχιλλέος εἵνεκα τευχέων ### book 5.3 νίκην ἀμφεβάλοντ’ ἐρικυδέα, τῆς πέρι θυμὸν ### book 5.580.1 ἀχνύμενος πάις ἐσθλὸς ἐυσθενέος Τελαμῶνος ### book 5.580.2 ὤλετο χερσὶν 〈ἑ〉ῇσι. Χόλου δέ οἱ οὔ τι ἔγωγε ### book 5.580.3 αἴτιος, ἀλλά τις Αἶσα πολύστονος ἥ μιν ἐδάμνα. ### book 5.580.4 Εἰ γάρ μοι κέαρ ἔνδον ἐνὶ στέρνοισιν ἐώλπει ### book 5.580.5 κεῖνον ἀλαστήσειν καθ’ ἑὸν νόον, οὔτ’ ἂν ἔγωγε ### book 5.585.1 ἦλθον ἐριδμαίνων νίκης ὕπερ, οὔτέ τιν’ ἄλλον ### book 5.585.2 ἐν Δαναοῖσιν ἔασα μεμαότα δηριάασθαι· ### book 5.585.3 ἀλλά οἱ αὐτὸς ἔγωγε θεουδέα τεύχε’ ἀείρας ### book 5.585.4 προφρονέως ἂν ὄπασσα καὶ εἴ τί περ ἄλλο μενοίνα. ### book 5.585.5 Νῦν δέ μιν οὔ τι ἔγωγε μέγ’ ἀχνύμενον χαλεπῆναι ### book 5.590.1 ὠισάμην μετόπισθεν, ἐπεί ῥά οἱ οὔτε γυναικὸς ### book 5.590.2 οὔτε περὶ πτόλιος μαχόμην οὔτ’ εὐρέος ὄλβου, ### book 5.590.3 ἀλλά μοι ἀμφ’ ἀρετῆς νεῖκος πέλεν, ἧς πέρι δῆρις ### book 5.590.4 τερπνὴ γίνεται αἰὲν ἐύφροσιν ἀνθρώποισι. ### book 5.590.5 Κεῖνος δ’ ἐσθλὸς ἐὼν στυγερῇ ὑπὸ Δαίμονος Αἴσῃ ### book 5.595.1 ἤλιτεν. Οὐ γὰρ ἔοικε μέγ’ ἀσχαλάαν ἐνὶ θυμῷ· ### book 5.595.2 ἀνδρὸς γὰρ πινυτοῖο καὶ ἄλγεα πόλλ’ ἐπιόντα ### book 5.595.3 τλῆναι ὑπὸ κραδίῃ στερεῇ φρενὶ μηδ’ ἀκάχησθαι.» ### book 5.595.4 Ὣς φάτο Λαέρταο κλυτὸς πάις ἀντιθέοιο. ### book 5.595.5 Ἀλλ’ ὅτε δὴ κορέσαντο γόου καὶ πένθεος αἰνοῦ, ### book 5.1 δὴ τότε Νηλέος υἱὸς ἔτ’ ἀχνυμένοισιν ἔειπεν· ### book 5.2 «Ὦ φίλοι, ὡς ἄρα Κῆρες ἀνηλέα θυμὸν ἔχουσαι ### book 5.3 ἡμῖν αἶψ’ ἐβάλοντο λυγρῷ ἐπὶ πένθεϊ πένθος, ### book 5.1 Αἴαντος φθιμένοιο πολυσθενέος τ’ Ἀχιλῆος ### book 5.2 ἄλλων τ’ Ἀργείων ἠδ’ υἱέος ἡμετέροιο ### book 5.605.1 Ἀντιλόχου. Ἀλλ’ οὔ τι θέμις κταμένους ἐνὶ χάρμῃ ### book 5.605.2 κλαίειν ἤματα πάντα καὶ ἀσχαλάαν ἐνὶ θυμῷ. ### book 5.605.3 Ἀλλὰ γόου λήσασθε ἀεικέος, οὕνεκ’ ἄμεινον ### book 5.605.4 ἔρδειν ὅσσα βροτοῖσιν ἐπὶ φθιμένοισιν ἔοικε, ### book 5.605.5 πυρκαϊὴν καὶ σῆμα, καὶ ὀστέα ταρχύσασθαι. ### book 5.610.1 Νεκρὸς δ’ οὔ τι γόοισιν ἀνέγρεται, οὐδέ τι οἶδε ### book 5.610.2 φράσσασθ’, εὖτέ ἑ Κῆρες ἀμείλιχοι ἀμφιχάνωσιν.» ### book 5.610.3 Ἦ ῥα παρηγορέων· περὶ δ’ ἀντίθεοι βασιλῆες ### book 5.610.4 ἀθρόοι αἶψ’ ἀγέροντο μέγ’ ἀχνύμενοι κέαρ ἔνδον, ### book 5.610.5 καί ἑ μέγαν περ ἐόντα θοῶς ποτὶ νῆας ἔνεικαν ### book 5.615.1 πολλοὶ ἀείραντες. Κατὰ δὲ σπείροισι κάλυψαν ### book 5.615.2 αἷμ’ ἀποφαιδρύναντες ὅ οἱ βριαροῖς μελέεσσι ### book 5.615.3 τερσόμενον περίκειτο σὺν ἔντεσιν 〈ἐν〉 κονίῃσι. ### book 5.615.4 Καὶ τότ’ ἀπ’ Ἰδαίων ὀρέων φέρον ἄσπετον ὕλην ### book 5.615.5 αἰζηοί. Πάντῃ δὲ νέκυν πέρι δινήσαντο· ### book 5.620.1 πολλὰ δ’ ἄρ’ ἀμφ’ αὐτῷ θῆκαν ξύλα, πολλὰ δὲ μῆλα ### book 5.620.2 φάρεά τ’ εὐποίητα βοῶν τ’ ἐρικυδέα φῦλα ### book 5.620.3 ἠδέ οἱ ὠκυτάτοισιν ἀγαλλομένους ποσὶν ἵππους ### book 5.620.4 χρυσόν τ’ αἰγλήεντα καὶ ἄσπετα τεύχεα φωτῶν ### book 5.620.5 ὅσσα πάρος κταμένων ἀποαίνυτο φαίδιμος ἀνήρ· ### book 5.625 ἤλεκτρόν τ’ ἐπὶ τοῖσι διειδέα, τόν ῥά τέ φασιν ### book 5.1 ἔμμεναι Ἠελίοιο πανομφαίοιο θυγατρῶν ### book 5.2 δάκρυ, τὸ δὴ Φαέθοντος ὑπὲρ κταμένοιο χέαντο ### book 5.3 μυρόμεναι μεγάλοιο παρὰ ῥόον Ἠριδανοῖο, ### book 5.4 καὶ τὸ μὲν Ἠέλιος γέρας ἄφθιτον υἱέι τεύχων ### book 5.630.1 ἤλεκτρον ποίησε μέγα κτέαρ ἀνθρώποισι· ### book 5.630.2 τόν ῥα τότ’ εὐρυπέδοιο πυρῆς καθύπερθε βάλοντο ### book 5.630.3 Ἀργεῖοι κλυτὸν ἄνδρα δεδουπότα κυδαίνοντες ### book 5.630.4 Αἴαντ’· ἀμφὶ δέ οἱ μεγά〈λα〉 στενάχοντες ἔθεντο ### book 5.630.5 τιμήεντ’ ἐλέφαντα καὶ ἄργυρον ἠερόεντα ### book 5.635.1 ἠδὲ καὶ ἀμφιφορῆας ἀλείφατος ἄλλά τε πάντα ### book 5.635.2 ὁππόσα κυδήεντα καὶ ἀγλαὸν ὄλβον ὀφέλλει. ### book 5.635.3 Ἐν δ’ ἔβαλον κρατεροῖο πυρὸς μένος· ἦλθε δὲ πνοιὴ ### book 5.635.4 ἐξ ἁλός, ἣν προέηκε θεὰ Θέτις, ὄφρα θέροιτο ### book 5.635.5 Αἴαντος μεγάλοιο βίη· ὃ δὲ νύκτα καὶ ἠῶ ### book 5.640.1 καίετο πὰρ νήεσσιν ἐπειγομένου ἀνέμοιο. ### book 5.640.2 Οἷός που τὸ πάροιθε Διὸς στονόεντι κεραυνῷ ### book 5.640.3 Ἐγκέλαδος δέδμητο κατ’ ἀκαμάτοιο θαλάσσης ### book 5.640.4 Θρινακίης ὑπένερθεν, ὅλη δ’ ὑπετύφετο νῆσος· ### book 5.640.5 ἢ οἷος ζώοντα μέλη πυρὶ δῶκε θέρεσθαι ### book 5.645.1 Ἡρακλέης Νέσσοιο δολοφροσύνῃσι χαλεφθείς, ### book 5.645.2 ὁππότ’ ἔτλη μέγα ἔργον, ὅλη δ’ ἀμφέστενεν Οἴτη ### book 5.645.3 ζωοῦ καιομένοιο, μίγη δέ οἱ αἰθέρι θυμὸς ### book 5.645.4 ἄνδρα λιπὼν ἀρίδηλον, ἐνεκρίνθη δὲ θεοῖσιν ### book 5.645.5 αὐτός, ἐπεί οἱ σῶμα πολύκμητος χάδε γαῖα· ### book 5.1 τοῖος ἄρ’ ἐν πυρὶ κεῖτο λελασμένος ἰωχμοῖο ### book 5.2 Αἴας σὺν τεύχεσσι. Πολὺς δ’ ἐστείνετο λαὸς ### book 5.1 αἰγιαλοῖς· Τρῶες δὲ γάνυντ’, ἀκάχοντο δ’ Ἀχαιοί. ### book 5.2 Ἀλλ’ ὅτε δὴ δέμας ἠὺ κατήνυσε πῦρ ἀίδηλον, ### book 5.3 δὴ τότε πυρκαϊὴν οἴνῳ σβέσαν· ὀστέα δ’ αὐτοῦ ### book 5.655.1 χηλῷ ἐνὶ χρυσέῃ θῆκαν· περὶ δέ σφισι γαῖαν ### book 5.655.2 χεῦαν ἀπειρεσίην Ῥοιτηίδος οὐχ ἑκὰς ἀκτῆς. ### book 5.655.3 Αὐτίκα δ’ ἐσκίδναντο πολυσκάρθμους ἐπὶ νῆας ### book 5.655.4 θυμὸν ἀκηχέμενοι· τὸν γὰρ τίον ἶσον Ἀχιλλεῖ. ### book 5.655.5 Νὺξ δ’ ἐπόρουσε μέλαινα μετ’ ἀνέρας ὕπνον ἄγουσα· ### book 5.660.1 οἳ δ’ ἄρα δαῖτ’ ἐπάσαντο καὶ ἠριγένειαν ἔμιμνον, ### book 5.660.2 βαιὸν ἀποβρίξαντες ἀραιοῖσι〈ν〉 βλεφάροισιν· ### book 5.660.3 αἰνῶς γὰρ φοβέοντο κατὰ φρένα μή σφισι Τρῶες ### book 5 νυκτὸς ἐπέλθωσιν Τελαμωνιάδαο θανόντος. ### book 6.1.1 Ἠὼς δ’ Ὠκεανοῖο ῥόον καὶ λέκτρα λιποῦσα ### book 6.1.2 Τιθωνοῦ προσέβη μέγαν οὐρανόν, ἀμφὶ δὲ πάντῃ ### book 6.1.3 κίδνατο παμφανόωσα, γέλασσε δὲ γαῖα καὶ αἰθήρ· ### book 6.1.4 τοὶ δ’ εἰς ἔργα τράποντο βροτοὶ ῥεῖα φθινύθοντες, ### book 6.5.1 ἄλλοι δ’ ἀλλοίοισιν ἐπῴχοντ’. Αὐτὰρ Ἀχαιοὶ ### book 6.5.2 εἰς ἀγορὴν ἐχέοντο καλεσσαμένου Μενελάου· ### book 6.5.3 καί ῥ’ ὅτε δὴ μάλα πάντες ἀνὰ στρατὸν ἠγερέθοντο, ### book 6.5.4 δὴ τότ’ ἐν〈ὶ〉 μέσσοισιν ἀγειρομένοισι μετηύδα· ### book 6.5.5 «Κέκλυτε μῦθον ἐμεῖο, θεηγενέες βασιλῆες, ### book 6.10.1 ὡς ἐρέω· μέγα γάρ μοι ἐνὶ φρεσὶ τείρεται ἦτορ ### book 6.10.2 λαῶν ὀλλυμένων οἵ ῥ’ ἤλυθον εἵνεκ’ ἐμεῖο ### book 6.10.3 δῆριν ἐς ἀργαλέην, τοὺς οὐχ ὑποδέξεται οἶκος, ### book 6.10.4 οὐ τοκέες· πολέας γὰρ ὑπέκλασε Δαίμονος Αἶσα. ### book 6.10.5 Ὡς ὄφελον Θανάτοιο βαρὺ σθένος ἀτλήτοιο ### book 6.15.1 αὐτῷ μοι ἐπόρουσε πρὶν ἐνθάδε λαὸν ἀγεῖραι. ### book 6.15.2 Νῦν δέ μοι ἀλλήκτους ὀδύνας ἐπεθήκατο δαίμων, ### book 6.1 ὄφρ’ ὁρόω κακὰ πολλά· τίς ἂν φρεσὶ γηθήσειεν ### book 6.2 εἰσορόων ἐπὶ δηρὸν ἀμήχανα ἔργα μόθοιο; ### book 6.3 Ἀλλ’ ἄγεθ’, ὅσσοι ἔτ’ εἰμὲν ἐπ’ ὠκυπόροισι νέεσσι, ### book 6.20.1 καρπαλίμως φεύγωμεν ἑὴν ἐπὶ γαῖαν ἕκαστος, ### book 6.20.2 Αἴαντος φθιμένοιο πολυσθενέος τ’ Ἀχιλῆος· ### book 6.20.3 τῶν ἐγὼ οὐκ ὀίω κταμένων ὑπαλύξαι ὄλεθρον ### book 6.20.4 ἡμέας, ἀλλ’ ὑπὸ Τρωσὶ δαμήμεναι ἀργαλέοισιν ### book 6.20.5 εἵνεκ’ ἐμεῦ Ἑλένης τε κυνώπιδος, ἧς νύ μοι οὔ τι ### book 6.25.1 μέμβλεται ὡς ὑμέων, ὁπότε κταμένους ἐσίδωμαι ### book 6.25.2 ἐν πολέμῳ. Κείνη δ’ ἀλαπαδνοτάτῳ σὺν ἀκοίτῃ ### book 6.25.3 ἐρρέτω· ἐκ γάρ οἱ πινυτὰς φρένας εἵλετο δαίμων ### book 6.25.4 ἐκ κραδίης, ὅτ’ ἐμεῖο λίπεν δόμον ἠδὲ καὶ εὐνήν. ### book 6.25.5 Ἀλλὰ τὰ μὲν κείνης Πριάμῳ καὶ Τρωσὶ μελήσει· ### book 6.30.1 ἡμεῖς δ’ αἶψα νεώμεθ’, ἐπεὶ πολὺ λώιόν ἐστιν ### book 6.30.2 ἐκφυγέειν πολέμοιο δυσηχέος ἢ ἀπολέσθαι.» ### book 6.30.3 Ὣς ἔφατ’ Ἀργείων πειρώμενος· ἄλλα δέ οἱ κῆρ ### book 6.30.4 ἐν κραδίῃ πόρφυρε περὶ ζηλήμονι θυμῷ, ### book 6.30.5 Τρῶας ὅπως ὀλέσῃ καὶ τείχεα μακρὰ πόληος ### book 6.35.1 ῥήξῃ ὑπ’ ἐκ θεμέθλων, μάλα δ’ αἵματος ἄσαι Ἄρηα ### book 6.35.2 δίου Ἀλεξάνδροιο μετὰ φθιμένοισι πεσόντος· ### book 6.35.3 οὐ γάρ τι ζήλοιο πέλει στυγερώτερον ἄλλο. ### book 6.35.4 Καὶ τὰ μὲν ὣς ὥρμαινεν, ἑῇ δ’ ἐπιίζανεν ἕδρῃ. ### book 6.35.5 Καὶ τότε Τυδείδης ἐγχέσπαλος ὦρτ’ ἐνὶ μέσσοις, ### book 6.40.1 καί ῥα θοῶς νείκεσσεν ἀρηίφιλον Μενέλαον· ### book 6.40.2 «Ἆ δείλ’ Ἀτρέος υἱέ, τί ἤ νύ σε δεῖμα κιχάνει ### book 6.40.3 ἀργαλέον καὶ τοῖα μετ’ Ἀργείοις ἀγορεύεις, ### book 6.40.4 ὡς πάις ἠὲ γυνὴ τῶν περ σθένος ἔστ’ ἀλαπαδνόν; ### book 6.40.5 Ἀλλὰ σοὶ οὐ πείσονται Ἀχαιῶν φέρτατοι υἷες, ### book 6.45.1 πρὶν Τροίης κρήδεμνα ποτὶ χθόνα πάντα βαλέσθαι· ### book 6.45.2 θάρσος γὰρ μερόπεσσι κλέος μέγα, φύζα δ’ ὄνειδος. ### book 6.45.3 Εἰ δ’ ἄρα τις καὶ τῶνδ’ ἐπιπείσεται ὡς ἐπιτέλλεις, ### book 6.45.4 αὐτίκα οἱ κεφαλὴν τεμέω ἰόεντι σιδήρῳ, ### book 6.45.5 ῥίψω δ’ οἰωνοῖσιν ἀερσιπέτῃσιν ἐδωδήν. ### book 6.1 Ἀλλ’ ἄγεθ’, οἷσι μέμηλεν ὀρινέμεναι μένε’ ἀνδρῶν, ### book 6.2 λαοὺς αὐτίκα πάντας ὀτρυνάντων κατὰ νῆας ### book 6.3 δούρατα θηγέμεναι παρά τ’ ἀσπίδας ἄλλά τε πάντα ### book 6.4 εὖ θέσθαι, καὶ δεῖπνον ἐφοπλίσσασθαι ἅπαντας ### book 6.5 —ἀνέρας ἠδ’ ἵππους—, οἵ τ’ ἐς πόλεμον μεμάασιν· ### book 6.55.1 ἐν πεδίῳ δ’ ὤκιστα διακρινέει μένος Ἄρης.» ### book 6.55.2 Ὣς φάτο Τυδείδης· κατὰ δ’ ἕζετο ἧχι πάρος περ. ### book 6.55.3 Τοῖσι δὲ Θέστορος υἱὸς ἔπος ποτὶ τοῖον ἔειπεν, ### book 6.55.4 ἀνστὰς ἐν μέσσοισιν, ὅπῃ θέμις ἔστ’ ἀγορεύειν· ### book 6.55.5 «Κέκλυτέ μευ, φίλα τέκνα μενεπτολέμων Ἀργείων· ### book 6.60.1 ἴστε γὰρ ὡς σάφα οἶδα θεοπροπίας ἀγορεύειν. ### book 6.60.2 Ἤδη μὲν καὶ πρόσθ’ ἐφάμην δεκάτῳ λυκάβαντι ### book 6.60.3 πέρσειν Ἴλιον αἰπύ· τὸ δὴ νῦν ἐκτελέουσιν ### book 6.60.4 ἀθάνατοι, νίκη δὲ πέλει παρὰ ποσσὶν Ἀχαιῶν. ### book 6.60.5 Ἀλλ’ ἄγε, Τυδέος υἷα μενεπτόλεμόν τ’ Ὀδυσῆα ### book 6.65.1 πέμψωμεν Σκῦρον δὲ θοῶς ἐν νηὶ μελαίνῃ, ### book 6.65.2 οἵ ῥα παραιπεπιθόντες Ἀχιλλέος ὄβριμον υἷα ### book 6.65.3 ἄξουσιν· μέγα δ’ ἄμμι φάος πάντεσσι πελάσσει.» ### book 6.65.4 Ὣς φάτο Θέστορος υἱὸς ἐύφρονος· ἀμφὶ δὲ λαοὶ ### book 6.65.5 γηθόσυνοι κελάδησαν, ἐπεί σφισιν ἦτορ ἐώλπει ### book 6.70.1 Κάλχαντος φάτιν ἔμμεν ἐτήτυμον ὡς ἀγόρευε. ### book 6.70.2 Καὶ τότε Λαέρταο πάις μετέειπεν Ἀχαιοῖς· ### book 6.1 «Ὦ φίλοι, οὐκέτ’ ἔοικε μεθ’ ὑμῖν πόλλ’ ἀγορεύειν ### book 6.2 σήμερον· ἐν γὰρ δὴν κάματος πέλει ἐσσυμένοισιν· ### book 6.3 οἶδα γὰρ ὡς λαοῖσι κεκμηκόσιν οὔτ’ ἀγορητὴς ### book 6.75.1 ἁνδάνει οὔτ’ ἄρ’ ἀοιδὸς ὃν ἀθάνατοι φιλέουσι ### book 6.75.2 Πιερίδες· παύρων δ’ ἐπέων ἔρος ἀνθρώποισι. ### book 6.75.3 Νῦν δ’, ὅ περ εὔαδε πᾶσι κατὰ στρατὸν Ἀργείοισι, ### book 6.75.4 Τυδείδαο μάλιστα συνεσπομένου, τελέσαιμεν. ### book 6.75.5 Ἄμφω γάρ κεν ἰόντε φιλοπτολέμου Ἀχιλῆος ### book 6.80.1 ἄξομεν ὄβριμον υἷα παρακλίναντ’ ἐπέεσσιν, ### book 6.80.2 εἰ καί μιν μάλα πολλὰ κινυρομένη κατερύκῃ ### book 6.80.3 μήτηρ ἐν μεγάροισιν, ἀπὸ κρατεροῖο τοκῆος ### book 6.80.4 ἐλπομένη κατὰ θυμὸν ἀρήιον ἔμμεναι υἷα.» ### book 6.80.5 Ὣς φάμενον προσέειπε πύκα φρονέων Μενέλαος· ### book 6.85.1 «Ὦ Ὀδυσεῦ, μέγ’ ὄνειαρ ἐυσθενέων Ἀργείων, ### book 6.85.2 ἤν περ Ἀχιλλῆος μεγαλόφρονος ὄβριμος υἱὸς ### book 6.86a σῇσι παραιφασίῃσι λιλαιομένοισιν ἀρωγὸς ### book 6.87.1 ἔλθοι ἀπὸ Σκύροιο, πόροι δέ τις Οὐρανιώνων ### book 6.87.2 νίκην εὐχομένοισι καὶ Ἑλλάδα γαῖαν ἵκωμαι, ### book 6.87.3 δώσω οἱ παράκοιτιν ἐμὴν ἐρικυδέα κούρην ### book 6.90.1 Ἑρμιόνην καὶ πολλὰ καὶ ὄλβια δῶρα σὺν αὐτῇ ### book 6.90.2 προφρονέως· οὐ γάρ μιν ὀίομαι οὔτε γυναῖκα ### book 6.90.3 οὔτ’ ἄρα πενθερὸν ἐσθλὸν ὑπερφιάλως ὀνόσασθαι.» ### book 6.90.4 Ὣς ἄρ’ ἔφη· Δαναοὶ δὲ συνευφήμησαν ἔπεσσι. ### book 6.90.5 Καὶ τότε λῦτ’ ἀγορή· τοὶ δ’ ἐσκίδναντ’ ἐπὶ νῆας ### book 6.95.1 ἱέμενοι δείπνοιο τὸ δὴ πέλει ἀνδράσιν ἀλκή. ### book 6.95.2 Καί ῥ’ ὅτε δὴ παύσαντο κορεσσάμενοι μέγ’ ἐδωδῆς, ### book 6.95.3 δὴ τόθ’ ὁμῶς Ὀδυσῆι περίφρονι Τυδέος υἱὸς ### book 6.95.4 νῆα θοὴν εἴρυσσεν ἀπειρεσίης ἁλὸς εἴσω· ### book 6.95.5 καρπαλίμως δ’ ἤια καὶ ἄρμενα πάντα βαλόντες, ### book 6.1 ἐν δὲ καὶ αὐτοὶ ἔβαν, μετὰ δέ σφισιν εἴκοσι φῶτες ### book 6.2 ἴδμονες εἰρεσίης, ὁπότ’ ἀντιόωσιν ἄελλαι ### book 6.3 ἠδ’ ὁπότ’ εὐρέα πόντον ὑποστορέῃσι γαλήνη. ### book 6.4 Καί ῥ’ ὅτε δὴ κληῖσιν ἐπ’ εὐτύκτοισι κάθισσαν, ### book 6.5 τύπτον ἁλὸς μέγα κῦμα· πολὺς δ’ ἀμφέζεεν ἀφρός. ### book 6.105.1 Ὑγραὶ δ’ ἀμφ’ ἐλάτῃσι διεπρήσσοντο κέλευθοι ### book 6.105.2 νηὸς ἐπεσσυμένης· τοὶ δ’ ἱδρώοντες ἔρεσσον. ### book 6.105.3 Ὡς δ’ ὅθ’ ὑπὸ ζεύγλῃσι βόες μέγα κεκμηῶτες ### book 6.105.4 δουρατέην ἐρύσωσι πρόσω μεμαῶτες ἀπήνην ### book 6.105.5 ἄχθεϊ τετριγυῖαν ὑπ’ ἄξονι δινήεντι ### book 6.110.1 τειρόμενοι, πουλὺς δὲ κατ’ αὐχένος ἠδὲ καὶ ὤμων ### book 6.110.2 ἱδρὼς ἀμφοτέροισι κατέσσυται ἄχρις ἐπ’ οὖδας· ### book 6.110.3 ὣς τῆμος μογέεσκον ἐπὶ στιβαρῇς ἐλάτῃσιν ### book 6.110.4 αἰζηοί· μάλα δ’ ὦκα διήνυον εὐρέα πόντον. ### book 6.110.5 Τοὺς δ’ ἄλλοι μὲν Ἀχαιοὶ ἀπεσκοπίαζον ἰόντας· ### book 6.115.1 θῆγον δ’ αἰνὰ βέλεμνα καὶ ἔγχεα τοῖσι μάχοντο. ### book 6.115.2 Τρῶες δ’ ἄστεος ἐντὸς ἀταρβέες ἐντύνοντο ### book 6.115.3 ἐς πόλεμον μεμαῶτες ἰδ’ εὐχόμενοι μακάρεσσι ### book 6.115.4 λωφῆσαί τε φόνοιο καὶ ἀμπνεῦσαι καμάτοιο. ### book 6.115.5 Τοῖσι δ’ ἐελδομένοισι θεοὶ μέγα πήματος ἄλκαρ ### book 6.120.1 ἤγαγον Εὐρύπυλον κρατεροῦ γένος Ἡρακλῆος· ### book 6.120.2 καί οἱ λαοὶ ἕποντο δαήμονες ἰωχμοῖο ### book 6.120.3 πολλοί, ὅσοι δολιχοῖο παρὰ προχοῇσι Καΐκου ### book 6.120.4 ναίεσκον, κρατερῇσι πεποιθότες ἐγχείῃσιν. ### book 6.120.5 Ἀμφὶ δέ οἱ κεχάροντο μέγα φρεσὶ Τρώιοι υἷες· ### book 6.125.1 ὡς δ’ ὁπόθ’ ἕρκεος ἐντὸς ἐεργμένοι ἀθρήσωσιν ### book 6.125.2 ἥμεροι ἀνέρα χῆνες ὅ τίς σφισιν εἴδατα βάλλοι, ### book 6.126a ἀμφὶ δέ μιν στομάτεσσι περισταδὸν ἰύζοντες ### book 6.127.1 σαίνουσιν, τοῦ δ’ ἦτορ ἰαίνεται εἰσορόωντος· ### book 6.127.2 ὣς ἄρα Τρώιοι υἷες ἐγήθεον, εὖτ’ ἐσίδοντο ### book 6.127.3 ὄβριμον Εὐρύπυλον, τοῦ δ’ ἐν φρεσὶ θαρσαλέον κῆρ ### book 6.130.1 τέρπετ’ ἀγειρομένοισιν· ἀπὸ προθύρων δὲ γυναῖκες ### book 6.130.2 θάμβεον ἀνέρα δῖον· ὃ δ’ ἔξοχος ἕσπετο λαῶν, ### book 6.130.3 ἠύτε τις θώεσσι λέων ἐν ὄρεσσι μετελθών. ### book 6.130.4 Τὸν δὲ Πάρις δείδεκτο, τίεν δέ μιν Ἕκτορι ἶσον· ### book 6.130.5 τοῦ γὰρ ἀνεψιὸς ἔσκεν ἰῆς τ’ ἐτέτυκτο γενέθλης· ### book 6.135.1 τὸν γὰρ δὴ τέκε δῖα κασιγνήτη Πριάμοιο ### book 6.135.2 Ἀστυόχη κρατερῇσιν ὑπ’ ἀγκοίνῃσι μιγεῖσα ### book 6.135.3 Τηλέφου, ὅν ῥα καὶ αὐτὸν ἀταρβέι Ἡρακλῆι ### book 6.135.4 λάθρῃ ἑοῖο τοκῆος ἐυπλόκαμος τέκεν Αὔγη, ### book 6.135.5 καί μιν τυτθὸν ἐόντα καὶ ἰσχανόωντα γάλακτος ### book 6.140.1 θρέψε θοή ποτε κεμμάς, ἑῷ δ’ ἴσα φίλατο νεβρῷ ### book 6.140.2 μαζὸν ὑποσχομένη βουλῇ Διός· οὐ γὰρ ἐῴκει ### book 6.140.3 ἔκγονον Ἡρακλῆος ὀιζυρῶς ἀπολέσθαι. ### book 6.140.4 Τοῦ δ’ ἄρα κύδιμον υἷα Πάρις μάλα πρόφρονι θυμῷ ### book 6 ἦγεν ἑὸν ποτὶ δῶμα δι’ εὐρυχόροιο πόληος ### book 6.145.1 σῆμα παρ’ Ἀσσαράκοιο καὶ Ἕκτορος αἰπὰ μέλαθρα ### book 6.145.2 νηόν τε ζάθεον Τριτωνίδος, ἔνθά οἱ ἄγχι ### book 6.145.3 δώματ’ ἔσαν καὶ βωμὸς ἀκήρατος Ἑρκείοιο. ### book 6.145.4 Καί μιν ἀδελφειῶν πηῶν θ’ ὑπὲρ ἠδὲ τοκήων ### book 6.145.5 εἴρετο προφρονέως· ὃ δέ οἱ μάλα πάντ’ ἀγόρευεν· ### book 6.1 ἄμφω δ’ ὣς ὀάριζον ἅμ’ ἀλλήλοισι κιόντες. ### book 6.2 Ἦλθον 〈δ’〉 ἐς μέγα δῶμα καὶ ὄλβιον· ἔνθ〈α δ’〉 ἄρ’ ἧστο ### book 6.3 ἀντιθέη Ἑλένη Χαρίτων ἐπιειμένη εἶδος· ### book 6.4 καί ῥά μιν ἀμφίπολοι πίσυρες περιποιπνύεσκον, ### book 6.5 ἄλλαι δ’ αὖτ’ ἀπάνευθεν ἔσαν κλειτοῦ θαλάμοιο ### book 6.155.1 ἔργα τιτυσκόμεναι ὁπόσα δμωῇσιν ἔοικεν. ### book 6.155.2 Εὐρύπυλον δ’ Ἑλένη μέγ’ ἐθάμβεεν εἰσορόωσα, ### book 6.155.3 κεῖνος δ’ αὖθ’ Ἑλένην· μετὰ δ’ ἀλλήλους ἐπέεσσιν ### book 6.155.4 ἄμφω δεικανόωντο δόμῳ ἐνὶ κηώεντι. ### book 6.155.5 Δμῶες δ’ αὖτε θρόνους δοιὼ θέσαν ἐγγὺς ἀνάσσης· ### book 6.160.1 αἶψα δ’ Ἀλέξανδρος κατ’ ἄρ’ ἕζετο, πὰρ δ’ ἄρα τῷ γε ### book 6.160.2 Εὐρύπυλος. Λαοὶ δὲ πρὸ ἄστεος αὖλιν ἔθεντο, ### book 6.160.3 ἧχι φυλακτῆρες Τρώων ἔσαν ὀβριμόθυμοι· ### book 6.160.4 αἶψα δὲ τεύχεα θῆκαν ἐπὶ χθόνα, πὰρ δὲ καὶ ἵππους ### book 6.160.5 στῆσαν ἔτι πνείοντας ὀιζυροῖο μόγοιο· ### book 6.165.1 ἐν δὲ φάτνῃσι βάλοντο τά τ’ ὠκέες ἵπποι ἔδουσι. ### book 6.165.2 Καὶ τότε νὺξ ἐπόρουσε, μελαίνετο δ’ αἶα καὶ αἰθήρ. ### book 6.165.3 Οἳ δ’ ἄρα δαῖτ’ ἐπάσαντο πρὸ τείχεος αἰπεινοῖο ### book 6.1 Κήτειοι Τρῶές τε· πολὺς δ’ ἐνὶ μῦθος ὀρώρει ### book 6.2 δαινυμένων. Πάντῃ δὲ πυρὸς μένος αἰθαλόεντος ### book 6.170.1 δαίετο πὰρ κλισίῃσιν· ἐπίαχε δ’ ἠπύτα σῦριγξ ### book 6.170.2 αὐλοί τε λιγυροῖσιν ἀρηρέμενοι καλάμοισιν, ### book 6.170.3 ἀμφὶ δὲ φορμίγγων ἰαχὴ πέλεν ἱμερόεσσα. ### book 6.170.4 Ἀργεῖοι δ’ ἀπάνευθεν ἐθάμβεον εἰσορόωντες ### book 6.170.5 αὐλῶν φορμίγγων τ’ ἰαχὴν αὐτῶν τε καὶ ἵππων ### book 6.175.1 σύριγγός θ’ ἣ δαιτὶ μεταπρέπει ἠδὲ νομεῦσι. ### book 6.175.2 Τοὔνεκ’ ἄρ’ ᾗσιν ἕκαστος ἐνὶ κλισίῃσι κέλευσε ### book 6.175.3 νῆας ἀμοιβαίῃσι φυλασσέμεν ἄχρις ἐς ἠῶ, ### book 6.175.4 μή σφεας Τρῶες ἀγαυοὶ ἐνιπρήσωσι κιόντες, ### book 6.175.5 οἵ ῥα τότ’ αἰπεινοῖο πρὸ τείχεος εἰλαπίναζον. ### book 6.180.1 Ὣς δ’ αὕτως κατὰ δώματ’ Ἀλεξάνδροιο δαΐφρων ### book 6.180.2 δαίνυτο Τηλεφίδης μετ’ ἀ〈γα〉κλειτῶν βασιλήων. ### book 6.180.3 Πολλὰ δ’ ἄρα Πρίαμός τε καὶ ἄλλοι Τρώιοι υἷες ### book 6.180.4 ἑξείης εὔχοντο μιγήμεναι Ἀργείοισιν ### book 6.180.5 αἴσῃ ἐν ἀργαλέῃ· ὃ δ’ ὑπέσχετο πάντα τελέσσειν. ### book 6.185.1 Αὐτὰρ ἐπεὶ δόρπησαν, ἔβαν ποτὶ δώμαθ’ ἕκαστος· ### book 6.185.2 Εὐρύπυλος δ’ αὐτοῦ κατελέξατο βαιὸν ἄπωθεν ### book 6.185.3 ἐς τέγος εὐποίητον ὅπῃ πάρος αὐτὸς ἴαυεν ### book 6.185.4 ἠὺς Ἀλέξανδρος μετ’ ἀγακλειτῆς ἀλόχοιο· ### book 6.185.5 κεῖνο γὰρ ἔκπαγλόν τε καὶ ἔξοχον ἔπλετο πάντων· ### book 6.190.1 ἔνθ’ ὅ γε λέξατ’ ἰών· τοὶ δ’ ἄλλοσε κοῖτον ἕλοντο ### book 6.190.2 μέχρις ἐς Ἠριγένειαν ἐύθρονον. Αὐτὰρ ἅμ’ ἠοῖ ### book 6.190.3 Τηλεφίδης ἀνόρουσε καὶ ἐς στρατὸν εὐρὺν ἵκανε ### book 6.190.4 σύν τ’ ἄλλοις βασιλεῦσιν ὅσοι κατὰ Ἴλιον ἦσαν. ### book 6.190.5 Λαοὶ δ’ αὐτίκα δῦσαν ἐν ἔντεσι μαιμώωντες, ### book 6.195.1 πάντες ἐνὶ πρώτοισι λιλαιόμενοι πονέεσθαι. ### book 6.195.2 Ὣς δὲ καὶ Εὐρύπυλος μεγάλοις περικάτθετο γυίοις ### book 6.195.3 τεύχεα μαρμαρέῃσιν ἐειδόμενα στεροπῇσι· ### book 6.195.4 καί οἱ δαίδαλα πολλὰ κατ’ ἀσπίδα δῖαν ἔκειτο, ### book 6.195.5 ὁππόσα πρόσθεν ἔρεξε θρασὺ σθένος Ἡρακλῆος. ### book 6.1 Ἐν μὲν ἔσαν βλοσυρῇσι γενειάσι λιχμώωντες ### book 6.2 δοιὼ κινυμένοισιν ἐοικότες οἶμα δρακόντων ### book 6.3 σμερδαλέον μεμαῶτες· ὃ δέ σφεας ἄλλοθεν ἄλλον ### book 6.4 νηπίαχός περ ἐὼν ὑπεδάμνατο· καί οἱ ἀταρβὴς ### book 6.5 ἔσκε νόος καὶ θυμός, ἐπεὶ Διὶ κάρτος ἐῴκει ### book 6.205.1 ἐξ ἀρχῆς. Οὐ γάρ τι θεῶν γένος Οὐρανιώνων ### book 6.205.2 ἄπρηκτον τελέθει καὶ ἀμήχανον, ἀλλά οἱ ἀλκὴ ### book 6.205.3 ἕσπετ’ ἀπειρεσίη καὶ νηδύος ἔνδον ἐόντι. — ### book 6.205.4 Ἐν δὲ Νεμειαίοιο βίη 〈ἐ〉τέτυκτο λέοντος ### book 6.205.5 ὀβρίμου Ἡρακλῆος ὑπὸ στιβαρῇσι χέρεσσι ### book 6.210.1 τειρόμενος κρατερῶς· βλοσυρῇς δέ οἱ ἀμφὶ γένυσσιν ### book 6.210.2 αἱματόεις ἀφρὸς ἔσκεν· ἀποπνείοντι δ’ ἐῴκει. — ### book 6.210.3 Ἄγχι δέ οἱ πεπόνητο δέμας πολυδειράδος ὕδρης ### book 6.210.4 αἰνὸν λιχμώωσα· καρήατα δ’ ἀλγινόεντα ### book 6.210.5 ἄλλα μέν οἱ δέδμητο κατὰ χθονός, ἄλλα δ’ ἄεξεν ### book 6.215.1 ἐξ ὀλίγων μάλα πολλά. Πόνος δ’ ἔχεν Ἡρακλῆα ### book 6.215.2 θαρσαλέον τ’ Ἰόλαον, ἐπεὶ κρατερὰ φρονέοντε ### book 6.215.3 ἄμφω, ὃ μὲν τέμνεσκε καρήατα μαιμώωντα ### book 6.215.4 ἅρπῃ ὑπ’ ἀγκυλόδοντι θοῶς, ὃ δὲ καῖε σιδήρῳ ### book 6.215.5 αἰθομένῳ· κρατερὴ δὲ κατήνυτο θηρὸς ὁμοκλή. — ### book 6.220 Ἑξείης δ’ ἐτέτυκτο βίη συὸς ἀκαμάτοιο ### book 6.1 ἀφριόων γενύεσσι· φέρεν δέ μιν, ὡς ἐτεόν περ, ### book 6.2 ζωὸν ἐς Εὐρυσθῆα μέγα σθένος Ἀλκείδαο. — ### book 6.3 Κεμμὰς δ’ εὖ ἤσκητο θοὴ πόδας, ἥ τ’ ἀλεγεινῶν ### book 6.4 ἀμφιπερικτιόνων μέγ’ ἐσίνετο πᾶσαν ἀλωήν· ### book 6.225.1 καὶ τὴν μὲν χρυσ〈έ〉οιο κεράατος ὄβριμος ἥρως ### book 6.225.2 ἄμπεχεν οὐλομένοιο πυρὸς πνείουσαν ἀυτμήν. — ### book 6.225.3 Ἀμφὶ δ’ ἄρα στυγεραὶ Στυμφηλίδες, αἳ μὲν ὀιστοῖς ### book 6.225.4 βλήμεναι ἐν κονίῃσιν ἀπέπνεον, αἳ δ’ ἔτι φύζης ### book 6.225.5 μνωόμεναι πολιοῖο δι’ ἠέρος ἐσσεύοντο· ### book 6.230.1 τῇσι δ’ ἐφ’ Ἡρακλέης κεχολώμενος ἄλλον ἐπ’ ἄλλῳ ### book 6.230.2 ἰὸν ἐπιπροΐαλλε μάλα σπεύδοντι ἐοικώς. — ### book 6.230.3 Ἐν δὲ καὶ Αὐγείαο μέγας σταθμὸς ἀντιθέοιο ### book 6.230.4 τεχνήεις ἤσκητο κατ’ ἀκαμάτοιο βοείης· ### book 6.230.5 τῷ δ’ ἄρα θεσπεσίοιο βαθὺν ῥόον Ἀλφειοῖο ### book 6.235.1 ὄβριμος Ἡρακλέης ἐπαγίνεεν· ἀμφὶ δὲ Νύμφαι ### book 6.235.2 θάμβεον ἄσπετον ἔργον. —Ἀπόπροθι δ’ ἔπλετο ταῦρος ### book 6.235.3 πύρπνοος, ὅν ῥα καὶ αὐτὸν ἀμαιμάκετόν περ ἐόντα ### book 6.235.4 γνάμπτε βίῃ κρατεροῖο κεράατος· οἳ δέ οἱ ἄμφω ### book 6.235.5 ἀκάματοι μυῶνες ἐρειδομένοιο τέταντο· ### book 6.240.1 καί ῥ’ ὃ μὲν ὡς μυκηθμὸν ἱεὶς πέλεν. —Ἄγχι δ’ ἄρ’ αὐτοῦ ### book 6.240.2 ἀμφὶ σάκος πεπόνητο θεῶν ἐπιειμένη εἶδος ### book 6.240.3 Ἱππολύτη· καὶ τὴν μὲν ὑπὸ κρατερῇσι χέρεσσι ### book 6.240.4 δαιδαλέου ζωστῆρος ἀμερσέμεναι μενεαίνων ### book 6 εἷλκε κόμης ἵπποιο κατ’ ὠκέος· αἳ δ’ ἀπάτερθεν ### book 6.245.1 ἄλλαι ὑποτρομέεσκον Ἀμαζόνες. —Ἀμφὶ δὲ λυγραὶ ### book 6.245.2 Θρηικίην ἀνὰ γαῖαν ἔσαν Διομήδεος ἵπποι ### book 6.245.3 ἀνδροβόροι· καὶ τὰς μὲν ὑπὸ στυγερῇσι φάτνῃσιν ### book 6.245.4 αὐτῷ σὺν βασιλῆι κακὰ φρονέοντι δάιξεν. — ### book 6.245.5 Ἐν δὲ καὶ ἀκαμάτοιο δέμας πέλε Γηρυονῆος ### book 6.1 τεθναότος παρὰ βουσί· κάρη δέ οἱ ἐν κονίῃσιν ### book 6.2 αἱματόεντα κέχυντο βίῃ ῥοπάλοιο δαμέντα. ### book 6.3 Πρόσθε δέ οἱ δέδμητο κύων ὀλοώτατος ἄλλων ### book 6.4 Ὄρθρος, ἀνιηρῷ ἐναλίγκιος ὄβριμον ἀλκὴν ### book 6.5 Κερβέρῳ ὅς ῥά οἱ ἔσκεν ἀδελφεός· ἀμφὶ δ’ ἔκειτο ### book 6.255.1 βουκόλος Εὐρυτίων μεμορυγμένος αἵματι πολλῷ. — ### book 6.255.2 Ἀμφὶ δὲ χρύσεα μῆλα τετεύχατο μαρμαίροντα ### book 6.255.3 Ἑσπερίδων ἀνὰ πρέμνον ἀκήρατον· ἀμφὶ δ’ ἄρ’ αὐτῷ ### book 6.255.4 σμερδαλέος δέδμητο δράκων· ταὶ δ’ ἄλλοθεν ἄλλαι ### book 6.255.5 πτώσσουσαι θρασὺν υἷα Διὸς μεγάλοιο φέβοντο. — ### book 6.260.1 Ἐν δ’ ἄρ’ ἔην μέγα δεῖμα καὶ ἀθανάτοισιν ἰδέσθαι ### book 6.260.2 Κέρβερος ὅν ῥ’ ἀκάμαντι Τυφωέι γείνατ’ Ἔχιδνα ### book 6.260.3 ἄντρῳ ὑπ’ ὀκρυόεντι, μελαίνης ἀγχόθι Νυκτὸς ### book 6.262a ἀργαλέης. Ὃ δ’ ἄρ’ ἦεν ἀεικέλιόν τι πέλωρον, ### book 6.263.1 ἀμφ’ ὀλοῇσι πύλῃσι πολυκλαύτου Ἀίδαο ### book 6.263.2 εἴργων νεκρὸν ὅμιλον ὑπ’ ἠερόεντι βερέθρῳ· ### book 6.265.1 ῥεῖα δέ μιν Διὸς υἱὸς ὑπὸ πληγῇσι δαμάσσας ### book 6.265.2 ἦγε καρηβαρέοντα παρὰ Στυγὸς αἰπὰ ῥέεθρα, ### book 6.265.3 ἕλκων οὐκ ἐθέλοντα βίῃ πρὸς ἀήθεα χῶρον ### book 6.265.4 θαρσαλέως. —Ἐτέτυκτο δ’ ἀπόπροθεν ἄγκεα μακρὰ ### book 6 Καυκάσου· ἀμφὶ δὲ δεσμὰ Προμηθέος ἄλλυδις ἄλλα ### book 6.270.1 αὐτῇς σὺν πέτρῃσιν ἀναρρήξας ἀραρυίῃς ### book 6.270.2 λῦε μέγαν Τιτῆνα· λυγρὸς δέ οἱ ἀγχόθι κεῖτο ### book 6.270.3 αἰετὸς ἀλγινόεντι δέμας βεβλημένος ἰῷ. — ### book 6.270.4 Κενταύρων δ’ ἐτέτυκτο πολυσθενέων μέγα κάρτος ### book 6.270.5 ἀμφὶ Φόλοιο μέλαθρον· ἔρις δ’ ὀρόθυνε καὶ οἶνος ### book 6.275.1 ἀντίον Ἡρακλῆι τεράατα κεῖνα μάχεσθαι. ### book 6.275.2 Καί ῥ’ οἳ μὲν πεύκῃσι πέρι δμηθέντες ἔκειντο, ### book 6.275.3 τὰς ἔχον ἐν χείρεσσι μάχης ἄκος· οἳ δ’ ἔτι μακρῇς ### book 6.275.4 δηριόωντ’ ἐλάτῃσι μεμαότες, οὐδ’ ἀπέληγον ### book 6.275.5 ὑσμίνης. Πάντων δὲ καρήατα δεύετο λύθρῳ ### book 6.280.1 θεινομένων ἀνὰ δῆριν ἀμείλιχον, ὡς ἐτεόν περ· ### book 6.280.2 οἴνῳ δ’ αἷμα μέμικτο, συνηλοίηντο δὲ πάντα ### book 6.280.3 εἴδατα καὶ κρητῆρες ἐύξεστοί τε τράπεζαι. — ### book 6.280.4 Νέσσον δ’ αὖθ’ ἑτέρωθε παρὰ ῥόον Εὐηνοῖο ### book 6.280.5 κείνης ἐκπροφυγόντα μάχης ὑπεδάμνατ’ ὀιστῷ ### book 6.285.1 ἀμφ’ ἐρατῆς ἀλόχοιο χολούμενος. —Ἐν δ’ ἐτέτυκτο ### book 6.285.2 ὀβρίμου Ἀνταίοιο μέγα σθένος, ὅν ῥα καὶ αὐτὸν ### book 6.285.3 ἀμφὶ παλαισμοσύνης ἄμοτον περιδηριόωντα ### book 6.285.4 ὑψοῦ ἀ〈ει〉ράμενος κρατερῇς συνέαξε χέρεσσι. — ### book 6.285.5 Κεῖτο δ’ ἐπὶ προχοῇσιν ἐυρρόου Ἑλλησπόντου ### book 6.290.1 ἀργαλέον μέγα κῆτος ἀμειλίκτοισιν ὀιστοῖς ### book 6.290.2 βλήμενον· Ἡσιόνης δὲ κακοὺς ἀπελύετο δεσμούς. — ### book 6.290.3 Ἄλλα δ’ ἄρ’ Ἀλκείδαο θρασύφρονος ἄσπετα ἔργα ### book 6.290.4 ἄμπεχεν Εὐρυπύλοιο διοτρεφέος σάκος εὐρύ. ### book 6.290.5 Φαίνετο δ’ ἶσος Ἄρηι μετὰ στίχας ἀίσσοντι· ### book 6.295.1 Τρῶες δ’ ἀμφιέποντες ἐγήθεον, εὖτ’ ἐσίδοντο ### book 6.295.2 τεύχεά τ’ ἠδὲ καὶ ἄνδρα θεῶν ἐπιειμένον εἶδος. ### book 6.295.3 Τὸν δὲ Πάρις προσέειπεν ἐποτρύνων ποτὶ δῆριν· ### book 6.295.4 «Χαίρω σεῖο κιόντος, ἐπεί νύ μοι ἦτορ ἔολπεν ### book 6.295.5 Ἀργείους μάλα πάντας ὀιζυρῶς ἀπολέσθαι ### book 6.1 αὐταῖς σὺν νήεσσιν, ἐπεὶ βροτὸν οὔ ποτε τοῖον ### book 6.2 ἔδρακον ἐν Τρώεσσιν ἐυπτολέμοισί τ’ Ἀχαιοῖς. ### book 6.3 Ἀλλὰ σύ, πρὸς μεγάλοιο καὶ ὀβρίμου Ἡρακλῆος ### book 6.4 τῷ μέγεθός τε βίην τε καὶ ἀγλαὸν εἶδος ἔοικας, ### book 6.5 κείνου μνωόμενος φρονέων τ’ ἀντάξια ἔργα ### book 6.305.1 θαρσαλέως Τρώεσσι δαϊζομένοις ἐπάμυνον, ### book 6.305.2 ἤν πως ἀμπνεύσωμεν· ἐπεὶ σέ γε μοῦνον ὀίω ### book 6.305.3 ἄστεος ὀλλυμένοιο κακὰς ἀπὸ Κῆρας ἀλέξαι.» ### book 6.305.4 Ἦ μέγ’ ἐποτρύνων· ὃ δέ μιν προσεφώνεε μύθῳ· ### book 6.305.5 «Πριαμίδη μεγάθυμε, δέμας μακάρεσσιν ἐοικώς, ### book 6.310.1 ταῦτα μὲν ἀθανάτων ἐνὶ γούνασιν ἐστήρικται, ### book 6.310.2 ὅς κε θάνῃ κατὰ δῆριν ὑπέρβιον ἠὲ σαωθῇ. ### book 6.310.3 Ἡμεῖς δ’, ὥς περ ἔοικε καὶ ὡς σθένος ἐστὶ μάχεσθαι, ### book 6.310.4 στησόμεθα πρὸ πόληος· ἔπειτα δὲ καὶ τόδ’ ὀμοῦμαι ### book 6.310.5 μὴ πρὶν ὑποστρέψειν πρίν γ’ ἢ κτάμεν ἢ ἀπολέσθαι.» ### book 6.315.1 Ὣς φάτο θαρσαλέως· Τρῶες δ’ ἐπὶ μακρὰ χάροντο. ### book 6.315.2 Καὶ τότ’ Ἀλέξανδρόν τε καὶ Αἰνείαν ἐρίθυμον ### book 6.315.3 Πουλυδάμαντά τ’ ἐυμμελίην καὶ Πάμμονα δῖον ### book 6.315.4 Δηίφοβόν τ’ ἐπὶ τοῖσι καὶ Αἴθικον ὃς περὶ πάντων ### book 6.315.5 Παφλαγόνων ἐκέκαστο μάχῃ ἔνι τλῆναι ὅμιλον, ### book 6.320.1 τοὺς ἅμα λέξατο πάντας ἐπισταμένους πονέεσθαι, ### book 6.320.2 ὅππως δυσμενέεσσιν ἐνὶ πρώτοισι μάχωνται ### book 6.1 ἐν πολέμῳ. Μάλα δ’ ὦκα κίον προπάροιθεν ὁμίλου, ### book 6.2 προφρονέως δ’ οἴμησαν ἀπ’ ἄστεος. Ἀμφὶ δὲ λαοὶ ### book 6.3 πολλοὶ ἕπονθ’, ὡς εἴ τε μελισσάων κλυτὰ φῦλα ### book 6.325.1 ἡγεμόνεσσιν ἑοῖσι διηρεφέος σίμβλοιο ### book 6.325.2 ἐκχύμεναι καναχηδόν, ὅτ’ εἴαρος ἦμαρ ἵκηται· ### book 6.325.3 ὣς ἄρα τοῖσιν ἕποντο βροτοὶ ποτὶ δῆριν ἰοῦσι. ### book 6.325.4 Τῶν δ’ ἄρα νισομένων πολὺς αἰθέρα δοῦπος ὀρώρει ### book 6.325.5 αὐτῶν ἠδ’ ἵππων, περὶ δ’ ἔβρεμεν ἄσπετα τεύχη. ### book 6.330.1 Ὡς δ’ ὁπόταν μεγάλοιο βίη ἀνέμοιο θοροῦσα ### book 6.330.2 κινήσῃ προθέλυμνον ἁλὸς βυθὸν ἀτρυγέτοιο, ### book 6.330.3 κύματα δ’ ὦκα κελαινὰ πρὸς ἠ〈ι〉όνας βοόωντα ### book 6.330.4 φῦκος ἀποπτύωσιν ἐρευγομένοιο κλύδωνος, ### book 6.330.5 ἠχὴ δ’ ἀτρυγέτοισι παρ’ αἰγιαλοῖσιν ὄρωρεν· ### book 6.335.1 ὣς τῶν ἐσσυμένων μέγ’ ὑπέβραχε γαῖα πελώρη. ### book 6.335.2 Ἀργεῖοι δ’ ἀπάνευθε πρὸ τείχεος ἐξεχέοντο ### book 6.335.3 ἀμφ’ Ἀγαμέμνονα δῖον· ἀυτὴ δ’ ἔπλετο λαῶν ### book 6.335.4 ἀλλήλοις ἐπικεκλομένων ὀλοοῦ πολέμοιο ### book 6.335.5 ἀντιάαν καὶ μή τι καταπτώσσοντας ἐνιπὴν ### book 6.340.1 μίμνειν πὰρ νήεσσιν ἐπειγομένων μαχέεσθαι. ### book 6.340.2 Τρωσὶ δ’ ἄρ’ ἐσσυμένοισι συνήντεον, εὖτε βόεσσι ### book 6.340.3 πόρτιες ἐκ ξυλόχοιο ποτὶ σταθμὸν ἐρχομένῃσιν ### book 6.340.4 ἐκ νομοῦ εἰαρινοῖο κατ’ οὔρεος, ὁππότ’ ἄρουραι ### book 6.340.5 πυκνὸν τηλεθάουσι, βρύει δ’ ἅλις ἄνθεσι γαῖα, ### book 6.345.1 πλήθει δ’ αὖτε κύπελλα βοῶν γλάγος ἠδὲ καὶ οἰῶν, ### book 6.345.2 μυκηθμὸς δέ τε πουλὺς ὀρίνεται ἔνθα καὶ ἔνθα ### book 6.1 μισγομένων, γάνυται δὲ μετὰ σφίσι βουκόλος ἀνήρ· ### book 6.2 ὣς τῶν ἀλλήλοισι μετεσσυμένων ὀρυμαγδὸς ### book 6.3 ὠρώρει· δεινὸν γὰρ ἀύτεον ἀμφοτέρωθε. ### book 6.1 Σὺν δὲ μάχην ἐτάνυσσαν ἀπείριτον· ἐν δὲ Κυδοιμὸς ### book 6.2 στρωφᾶτ’ ἐν μέσσοισι μετ’ ἀργαλέοιο Φόνοιο. ### book 6.3 Σὺν δ’ ἔπεσον ῥινοί τε καὶ ἔγχεα καὶ τρυφάλειαι ### book 6.4 πλησίον· ἀμφὶ δὲ χαλκὸς ἴσον πυρὶ μαρμαίρεσκε. ### book 6.5 Φρῖξε δ’ ἄρ’ ἐγχείῃσι μάχη· περὶ δ’ αἵματι πάντῃ ### book 6.355.1 δεύετο γαῖα μέλαινα δαϊζομένων ἡρώων ### book 6.355.2 ἵππων τ’ ὠκυπόδων οἵ θ’ ἅρμασιν ἀμφεκέχυντο, ### book 6.355.3 οἳ μὲν ἔτ’ ἀσπαίροντες ὑπ’ ἔγχεσιν, οἳ δ’ ἐφύπερθε ### book 6.355.4 πίπτοντες· στυγερὴ δὲ δι’ ἠέρος ἔσσυτ’ ἀυτή. ### book 6.355.5 Ἐν γὰρ δὴ χάλκειος Ἔρις πέσεν ἀμφοτέροισι· ### book 6.360.1 καί ῥ’ οἳ μὲν λάεσσιν ἀταρτηρῶς ἐμάχοντο, ### book 6.360.2 οἳ δ’ αὖτ’ αἰγανέῃσι νεήκεσιν ἠδὲ βέλεσσιν, ### book 6.360.3 ἄλλοι δ’ ἀξίνῃσι καὶ ἀμφιτόμοις πελέκεσσι ### book 6.360.4 καὶ κρατεροῖς ξιφέεσσι καὶ ἀγχεμάχοις δοράτεσσιν· ### book 6.360.5 ἄλλος δ’ ἄλλο χέρεσσι μάχης ἀλκτήριον εἶχε. ### book 6.365.1 Πρῶτοι δ’ Ἀργεῖοι Τρώων ὤσαντο φάλαγγας ### book 6.365.2 βαιὸν ἀπὸ σφείων· τοὶ δ’ ἔμπαλιν ὁρμήσαντες ### book 6.365.3 αἵματι δεῦον Ἄρηα μετ’ Ἀργείοισι θορόντες. ### book 6.365.4 Εὐρύπυλος δ’ ἐν τοῖσι μελαίνῃ λαίλαπι ἶσος ### book 6.365.5 λαὸν ἐπῴχετο πάντα καὶ Ἀργείους ἐνάριζε ### book 6.370.1 θαρσαλέως· μάλα γάρ οἱ 〈ἀ〉άσπετον ὤπασε κάρτος ### book 6.370.2 Ζεὺς ἐπίηρα φέρων ἐρικυδέι Ἡρακλῆι. ### book 6.370.3 Ἔνθ’ ὅ γε καὶ Νιρῆα θεοῖς ἐναλίγκιον ἄνδρα ### book 6.370.4 μαρνάμενον Τρώεσσι βάλεν περιμήκεϊ δουρὶ ### book 6.370.5 βαιὸν ὑπὲρ πρότμησιν. Ὃ δ’ ἐς πέδον ἤριπε γαίης· ### book 6.375.1 ἐκ δέ οἱ αἷμ’ ἐχύθη, δεύοντο δέ οἱ κλυτὰ τεύχη, ### book 6.375.2 δεύετο δ’ ἀγλαὸν εἶδος ἅμ’ εὐθαλέεσσι κόμῃσι. ### book 6.375.3 Κεῖτο δ’ ἄρ’ ἐν κονίῃσι καὶ αἵματι καὶ κταμένοισιν, ### book 6.375.4 ἔρνος ὅπως ἐριθηλὲς ἐλαίης εὐκεάτοιο ### book 6.375.5 ἥν τε βίη ποταμοῖο κατὰ ῥόον ἠχήεντα ### book 6.380.1 σύν τ’ ὄχθῃς ἐλάσῃσι βόθρον διὰ πάντα κεδάσσας ### book 6.380.2 ῥιζόθεν, ἣ δ’ ἄρα κεῖται ὑπ’ ἄνθεσι βεβριθυῖα· ### book 6.380.3 ὣς τῆμος Νιρῆος ἐπὶ χθονὸς ἄσπετον οὖδας ### book 6.380.4 ἐξεχύθη δέμας ἠὺ καὶ ἀγλαΐη ἐρατεινή. ### book 6.380.5 Τῷ δ’ 〈ἄρ’〉 ἐπ’ Εὐρύπυλος μεγάλ’ εὔχετο δῃωθέντι· ### book 6.385.1 «Κεῖσό νυν ἐν κονίῃσιν, ἐπεί νύ τοι εἶδος ἀγητὸν ### book 6.385.2 οὔ τι λιλαιομένῳ περ ἐπήρκεσεν, ἀλλά ς’ ἔγωγε ### book 6.385.3 νοσφισάμην βιότοιο λιλαιόμενόν περ ἀλύξαι. ### book 6.385.4 Σχέτλιε, οὐδ’ ἐνόησας ἀμείνονος ἀντίον ἐλθών· ### book 6.385.5 οὐ γὰρ κάρτεϊ κάλλος ἀνὰ κλόνον ἰσοφαρίζει.» ### book 6.390.1 Ὣς εἰπὼν κταμένοιο περικλυτὰ τεύχε’ ἑλέσθαι ### book 6.390.2 μήδετ’ ἐπεσσύμενος. Τοῦ δ’ ἀντίον ἦλθε Μαχάων ### book 6.390.3 χωόμενος Νιρῆος ὅ οἱ σχεδὸν αἶσαν ἀνέτλη· ### book 6.390.4 δουρὶ δέ μιν στονόεντι κατ’ εὐρέος ἤλασεν ὤμου ### book 6.390.5 δεξιτεροῦ, σύτο δ’ αἷμα πολυσθενέος περ ἐόντος. ### book 6.395.1 Ἀλλ’ οὐδ’ ὧς ἀπόρουσεν ἀταρτηροῖο κυδοιμοῦ· ### book 6.395.2 ἀλλ’, ὥς τίς τε λέων ἢ ἄγριος οὔρεσι κάπρος ### book 6.395.3 μαίνετ’ ἐνὶ μέσσοισιν, ἕως κ’ ἐπιόντα δαμάσσῃ ### book 6.1 ὅς ῥά μιν οὔτασε πρῶτος ὑποφθάμενος δι’ ὁμίλου, ### book 6.2 τὰ φρονέων ἐπόρουσε Μαχάονι, καί ῥά μιν ὦκα ### book 6.1 οὔτασεν ἐγχείῃ περιμήκεΐ τε στιβαρῇ τε ### book 6.2 δεξιτερὸν κατὰ γλουτόν. Ὃ δ’ οὐκ ἀνεχάζετ’ ὀπίσσω ### book 6.3 οὐδ’ ἐπιόντ’ ἀλέεινε, καὶ αἵματος ἐσσυμένοιο· ### book 6.4 ἀλλ’ ἄρα καρπαλίμως περιμήκεα λᾶαν ἀείρας ### book 6.5 κάββαλε κὰκ κεφαλῆς μεγαθύμου Τηλεφίδαο· ### book 6.405.1 τοῦ δὲ κόρυς στονόεντα φόνον καὶ πῆμ’ ἀπάλαλκεν ### book 6.405.2 ἐσσυμένως. Ὃ δ’ ἔπειτα κραταιῷ χώσατο φωτὶ ### book 6.405.3 ἥρως Εὐρύπυλος, μέγα δ’ ἀσχαλόων ἐνὶ θυμῷ ### book 6.405.4 ὠκὺ διὰ στέρνοιο Μαχάονος ἤλασεν ἔγχος· ### book 6.405.5 αἰχμὴ δ’ αἱματόεσσα μετάφρενον ἄχρις ἵκανεν. ### book 6.410.1 Ἤριπε δ’ ὡς ὅτε ταῦρος ὑπὸ γναθμοῖσι λέοντος· ### book 6.410.2 ἀμφὶ δέ οἱ μελέεσσι μέγ’ ἔβραχεν αἰόλα τεύχη. ### book 6.410.3 Εὐρύπυλος δέ οἱ αἶψα πολύστονον εἴρυσεν αἰχμὴν ### book 6.410.4 ἐκ χροὸς οὐταμένοιο καὶ εὐχόμενος μέγ’ ἀύτει· ### book 6.410.5 «Ἆ δείλ’, οὔ νύ τοι ἦτορ ἀρηρέμενον φρεσὶ πάμπαν ### book 6.415.1 ἔπλεθ’, ὃς οὐτιδανός περ ἐὼν μέγ’ ἀμείνονι φωτὶ ### book 6.415.2 ἄντα κίες· τῶ καὶ σὲ κακὴ λάχε Δαίμονος Αἶσα. ### book 6.415.3 Ἀλλὰ σοὶ ἔσσετ’ ὄνειαρ, ὅτ’ οἰωνοὶ δατέωνται ### book 6.415.4 σάρκα τεὴν κταμένοιο κατὰ μόθον· ἠέ τι ἔλπῃ ### book 6.415.5 νοστήσειν καὶ ἐμεῖο μένος καὶ χεῖρας ἀλύξειν; ### book 6.420.1 Ἐσσὶ μὲν ἰητήρ, μάλα δ’ ἤπια φάρμακα οἶδας, ### book 6.420.2 τοῖς πίσυνος τάχ’ ἔολπας ὑπεκφυγέειν κακὸν ἦμαρ· ### book 6.420.3 ἀλλ’ οὐ μὰν οὐδ’ αὐτὸς ἀπ’ ἠερόεντος Ὀλύμπου ### book 6.1 σεῖο πατὴρ τεὸν ἦτορ ἔτ’ ἐκ θανάτοιο σαώσει, ### book 6.2 οὐδ’ εἴ τοι νέκταρ τε καὶ ἀμβροσίην καταχεύῃ.» ### book 6.425.1 Ὣς φάτο· τὸν δ’ ὅ γε βαιὸν ἀναπνείων προσέειπεν· ### book 6.425.2 «Εὐρύπυλ’, οὐδ’ ἄρα σοί γε πολὺν χρόνον αἴσιμόν ἐστι ### book 6.425.3 ζώειν, ἀλλὰ σοὶ ἄγχι παρίσταται οὐλομένη Κὴρ ### book 6.425.4 Τρώιον ἂμ πεδίον, τό〈θι〉 περ νῦν αἴσυλα ῥέζεις.» ### book 6.425.5 Ὣς φάμενον λίπε θυμός, ἔβη δ’ ἄφαρ Ἄιδος εἴσω. ### book 6.430.1 Τὸν δὲ καὶ οὐκέτ’ ἐόντα προσηύδα κύδιμος ἀνήρ· ### book 6.430.2 «Νῦν μὲν δὴ σύ 〈γε〉 κεῖσο κατὰ χθονός· αὐτὰρ ἔγωγε ### book 6.430.3 ὕστερον οὐκ ἀλέγω, εἰ καὶ παρὰ ποσσὶν ὄλεθρος ### book 6.430.4 σήμερον ἡμετέροισι πέλει λυγρός. Οὔ τι γὰρ ἄνδρες ### book 6.430.5 ζώομεν ἤματα πάντα· πότμος δ’ ἐπὶ πᾶσι τέτυκται.» ### book 6.435.1 Ὣς εἰπὼν οὔταζε νέκυν. Μέγα δ’ ἴαχε Τεῦκρος, ### book 6.435.2 ὡς ἴδεν ἐν κονίῃσι Μαχάονα· τοῦ γὰρ ἄπωθεν ### book 6.435.3 εἱστήκει μάλα πάγχυ πονεύμενος· ἐν γὰρ ἔκειτο ### book 6.435.4 δῆρις ἐνὶ μέσσοισιν, ἐπ’ ἄλλῳ δ’ ἄλλος ὀρώρει. ### book 6.435.5 Ἀλλ’ οὐδ’ ὧς ἀμέλησε δεδουπότος ἀνδρὸς ἀγαυοῦ ### book 6.440.1 Νιρῆός 〈θ’〉 ὃς κεῖτο παρ’ αὐτόθι, τόν ῥ’ ἐνόησεν ### book 6.440.2 ὕστερον ἀντιθέοιο Μαχάονος ἐν κονίῃσιν. ### book 6.440.3 Αἶψα δ’ ὅ γ’ Ἀργείοισιν ἐκέκλετο μακρὰ βοήσας· ### book 6.440.4 «Ἔσσυσθ’, Ἀργεῖοι, μηδ’ εἴκετ〈ε〉 ἐσσυμένοισι ### book 6.440.5 δυσμενέσι〈ν〉· νῶιν γὰρ 〈ἀ〉άσπετον ἔσσετ’ ὄνειδος, ### book 6.445.1 αἴ κε Μαχάονα δῖον ἅμ’ ἀντιθέῳ Νιρῆι ### book 6.445.2 Τρῶες ἐρυσσάμενοι προτὶ Ἴλιον ἀπονέωνται. ### book 6.1 Ἀλλ’ ἄγε, δυσμενέεσσι μαχώμεθα πρόφρονι θυμῷ, ### book 6.2 ὄφρα δαϊκταμένους εἰρύσσομεν ἠὲ καὶ αὐτοὶ ### book 6.3 κείνοις ἀμφιθάνωμεν, ἐπεὶ θέμις ἀνδράσιν αὕτη, ### book 6.1 οἷσιν ἀμυνέμεναι μηδ’ ἄλλοις κύρμα γενέσθαι· ### book 6.2 οὐ γὰρ ἀνιδρωτί γε μέγ’ ἀνδράσι κῦδος ἀέξει.» ### book 6.3 Ὣς ἄρ’ ἔφη· Δαναοῖσι δ’ ἄχος γένετ’. Ἀμφὶ δ’ ἄρ’ αὐτοῖς ### book 6.4 πολλοὶ γαῖαν ἔρευθον ὑπ’ Ἄρεϊ δῃωθέντες ### book 6.5 μαρναμένων ἑκάτερθεν· ἴση δ’ ἐπὶ δῆρις ὀρώρει. ### book 6.455.1 Ὀψὲ δ’ ἀδελφειοῖο φόνον στονόεντα νόησε ### book 6.455.2 βλημένου ἐν κονίῃ Ποδαλείριος, οὕνεκα νηυσὶν ### book 6.455.3 ἧστο παρ’ ὠκυπόροισι τετυμμένα δούρασι φωτῶν ### book 6.455.4 ἕλκε’ ἀκειόμενος. Περὶ δ’ ἔντεα δύσετο πάντα ### book 6.455.5 θυμὸν ἀδελφειοῖο χολούμενος· ἐν δέ οἱ ἀλκὴ ### book 6.460.1 σμερδαλέη στέρνοισιν ἀέξετο μαιμώωντι ### book 6.460.2 ἐς πόλεμον στονόεντα, μέλαν δέ οἱ ἔζεεν αἷμα ### book 6.460.3 λάβρον ὑπὸ κραδίῃ. Τάχα δ’ ἔνθορε δυσμενέεσσι ### book 6.460.4 χερσὶ θοῇσιν ἄκοντα τανυγλώχινα τινάσσων. ### book 6.460.5 Εἷλε δ’ ἄρ’ ἐσσυμένως Ἀγαμήστορος υἱέα δῖον ### book 6.465.1 Κλεῖτον, ὃν ἠύκομος Νύμφη τέκεν ἀμφὶ ῥεέθροις ### book 6.465.2 Παρθενίου, ὅς τ’ εἶσι διὰ χθονὸς ἠύτ’ ἔλαιον ### book 6.465.3 πόντον ἐς Εὔξεινον προχέων καλλίρροον ὕδωρ. ### book 6.465.4 Ἄλλον δ’ ἀμφὶ κασιγνήτῳ κτάνε δήιον ἄνδρα ### book 6.465.5 Λάσσον, ὃν ἀντίθεον Προνόη τέκεν ἀμφὶ ῥεέθροις ### book 6.470 Νυμφαίου ποταμοῖο μάλα σχεδὸν εὐρέος ἄντρου, ### book 6.1 ἄντρου θηητοῖο, τὸ δὴ φάτις ἔμμεναι αὐτῶν ### book 6.2 ἱρὸν Νυμφάων ὁπόσαι περὶ μακρὰ νέμονται ### book 6.3 οὔρεα Παφλαγόνων καὶ ὅσαι περὶ βοτρυόεσσαν ### book 6.4 ναίους’ Ἡράκλειαν· ἔοικε δὲ κεῖνο θεοῖσιν ### book 6.475.1 ἄντρον, ἐπεί ῥα τέτυκται ἀπειρέσιον μὲν ἰδέσθαι, ### book 6.475.2 λαΐνεον, ψυχρὸν δὲ διὰ σπέος ἔρχεται ὕδωρ ### book 6.475.3 κρυστάλλῳ ἀτάλαντον, ἐνὶ μυχάτοισι δὲ πάντῃ ### book 6.475.4 λαΐνεοι κρητῆρες ἐπὶ στυφελῇσι πέτρῃσιν ### book 6.475.5 αἰζηῶν ὡς χερσὶ τετυγμένοι ἰνδάλλονται· ### book 6.480.1 ἀμφ’ αὐτοῖσι δὲ Πᾶνες ὁμῶς Νύμφαι τ’ ἐρατειναὶ ### book 6.480.2 ἱστοί τ’ ἠλακάται τε καὶ ἄλλ’ ὅσα τεχνήεντα ### book 6.480.3 ἔργα πέλει θνητοῖσι, τὰ καὶ περὶ θαῦμα βροτοῖσιν ### book 6.480.4 εἴδεται ἐρχομένοισιν ἔσω ἱεροῖο μυχοῖο· ### book 6.480.5 τῷ ἔνι δοιαὶ ἔνεισι καταιβασίαι ἄνοδοί τε, ### book 6.485.1 ἣ μὲν πρὸς Βορέαο τετραμμένη ἠχήεντος ### book 6.485.2 πνοιάς, ἣ δὲ Νότοιο καταντίον ὑγρὸν ἀέντος, ### book 6.485.3 τῇ θνητοὶ νίσονται ὑπὸ σπέος εὐρὺ θεάων· ### book 6.485.4 ἡ δ’ ἑτέρη μακάρων πέλεται ὁδός, οὐδέ μιν ἄνδρες ### book 6.485.5 ῥηιδίως πατέουσιν, ἐπεὶ χάος εὐρὺ τέτυκται ### book 6.490.1 μέχρις ἐπ’ Ἀιδονῆος ὑπερθύμοιο βέρεθρον· ### book 6.490.2 ἀλλὰ τὰ μὲν μακάρεσσι πέλει θέμις εἰσοράασθαι. ### book 6.490.3 Ἀμφὶ Μαχάονα δ’ αὐτὸν ἰδ’ Ἀγλαΐης κλυτὸν υἷα ### book 6.490.4 μαρναμένων ἑκάτερθεν ἀπέφθιτο πουλὺς ὅμιλος. ### book 6.490.5 Ὀψὲ δὲ δὴ Δαναοί σφεας εἴρυσαν ἀθλήσαντες ### book 6.495.1 πολλά περ· αἶψα δὲ νῆας ἐπὶ σφετέρας ἐκόμισσαν ### book 6.495.2 παῦροι, ἐπεὶ πλεόνεσσι κακὴ περιπέπτατ’ ὀιζὺς ### book 6.1 ἀργαλέου πολέμοιο· πόνῳ δ’ ἐνέμιμνον ἀνάγκῃ. ### book 6.2 Ἀλλ’ ὅτε δὴ μάλα πολλοὶ ἐνεπλήσαντο κελαινὰς ### book 6.3 Κῆρας ἀν’ αἱματόεντα καὶ ἀλγινόεντα κυδοιμόν, ### book 6.1 δὴ τότ’ 〈ἄρ’〉 Ἀργείων πολέες φύγον ἔνδοθι νηῶν, ### book 6.2 ὅσσους Εὐρύπυλος μέγ’ ἐπῴχετο πῆμα κυλίνδων. ### book 6.3 Παῦροι δ’ ἀμφ’ Αἴαντα καὶ Ἀτρέος υἷε κραταιὼ ### book 6.4 μίμνον ἐν ὑσμίνῃ. Καὶ δὴ τάχα πάντες ὄλοντο ### book 6.5 δυσμενέων παλάμῃσι περιστρεφθέντες ὁμίλῳ, ### book 6.505.1 εἰ μὴ Ὀιλέος υἱὸς ἐύφρονα Πουλυδάμαντα ### book 6.505.2 ἔγχεϊ τύψε παρ’ ὦμον ἀριστερὸν ἀγχόθι μαζοῦ, ### book 6.505.3 ἐκ δέ οἱ αἷμ’ ἐχύθη, ὃ δ’ ἐχάσσατο τυτθὸν ὀπίσσω· ### book 6.505.4 Δηίφοβον δ’ οὔτησε περικλειτὸς Μενέλαος ### book 6.505.5 δεξιτερὸν παρὰ μαζόν, ὃ δ’ ἔκφυγε ποσσὶ θοοῖσιν· ### book 6.510.1 ἂν δ’ Ἀγαμέμνων δῖος ἐνήρατο πουλὺν ὅμιλον ### book 6.510.2 πληθύος ἐξ ὀλοῆς, μετὰ δ’ Αἴθικον ᾤχετο δῖον ### book 6.510.3 θύων ἐγχείῃσιν, ὃ δ’ εἰς ἑτάρους ἀλέεινε. ### book 6.510.4 Τοὺς δ’ ὁπότ’ Εὐρύπυλος λαοσσόος εἰσενόησε ### book 6.510.5 χαζομένους ἅμα πάντας ἀπὸ στυγεροῖο κυδοιμοῦ, ### book 6.515.1 αὐτίκα κάλλιπε λαὸν ὅσον κατὰ νῆας ἔλασσε, ### book 6.515.2 καί ῥα θοῶς οἴμησεν ἐπ’ Ἀτρέος υἷε κραταιὼ ### book 6.515.3 παῖδά τε καρτερόθυμον Ὀιλέος, ὃς περὶ μὲν θεῖν ### book 6.515.4 ἔσκε θοός, περὶ δ’ αὖτε μάχῃ ἔνι φέρτατος ἦεν· ### book 6.515.5 τοῖς ἔπι κραιπνὸς ὄρουσεν ἔχων περιμήκετον ἔγχος. ### book 6.520.1 Σὺν δέ οἱ ἦλθε Πάρις τε καὶ Αἰνείας ἐρίθυμος, ### book 6.520.2 ὅς ῥα θοῶς Αἴαντα βάλεν περιμήκεϊ πέτρῃ ### book 6.520.3 κὰκ κόρυθα κρατερήν· ὃ δ’ ἄρ’ ἐν κονίῃσι τανυσθεὶς ### book 6.1 ψυχὴν οὔ τι κάπυσσεν, ἐπεί νύ οἱ αἴσιμον ἦμαρ ### book 6.2 ἐν νόστῳ ἐτέτυκτο Καφηρίσιν ἀμφὶ πέτρῃσι· ### book 6.525.1 καί ῥά μιν ἁρπάξαντες ἀρηίφιλοι θεράποντες ### book 6.525.2 βαιὸν ἔτ’ ἐμπνείοντα φέρον ποτὶ νῆας Ἀχαιῶν. ### book 6.525.3 Καὶ τότ’ ἄρ’ οἰώθησαν ἀγακλειτοὶ βασιλῆες ### book 6.525.4 Ἀτρεῖδαι· περὶ δέ σφιν ὀλέθριος ἵσταθ’ ὅμιλος ### book 6.525.5 βαλλόντων ἑκάτερθεν ὅ τι σθένε χερσὶν ἑλέσθαι· ### book 6.530.1 οἳ μὲν γὰρ στονόεντα βέλη χέον, οἳ δέ νυ λᾶας, ### book 6.530.2 ἄλλοι δ’ αἰγανέας. Τοὶ δ’ ἐν μέσσοισιν ἐόντες ### book 6.530.3 στρωφῶντ’, εὖτε σύες μέσῳ ἕρκεϊ ἠὲ λέοντες ### book 6.530.4 ἤματι τῷ ὅτ’ ἄνακτες ἀολλίσσως’ ἀνθρώπους, ### book 6.530.5 ἀργαλέως δ’ εἰλῶσι κακὸν τεύχοντες ὄλεθρον ### book 6.535.1 θηρσὶν ὑπὸ κρατεροῖς, οἳ δ’ ἕρκεος ἐντὸς ἐόντες ### book 6.535.2 δμῶας δαρδάπτουσιν, ὅ τίς σφισιν ἐγγὺς ἵκηται· ### book 6.535.3 ὣς οἵ γ’ ἐν μέσσοισιν ἐπεσσυμένους ἐδάιζον. ### book 6.535.4 Ἀλλ’ οὐδ’ ὧς μένος εἶχον ἐελδόμενοί περ ἀλύξαι, ### book 6.535.5 εἰ μὴ Τεῦκρος ἵκανε καὶ Ἰδομενεὺς ἐρίθυμος ### book 6.540.1 Μηριόνης τε Θόας τε καὶ ἰσόθεος Θρασυμήδης, ### book 6.540.2 οἵ ῥα πάρος φοβέοντο θρασὺ σθένος Εὐρυπύλοιο, ### book 6.540.3 καί κε φύγον κατὰ νῆας ἀλευάμενοι βαρὺ πῆμα, ### book 6.540.4 εἰ μὴ ἄρ’ Ἀτρείδῃσι περιδδείσαντες ἵκοντο ### book 6.540.5 ἄντην Εὐρυπύλοιο· μάχη δ’ ἀίδηλος ἐτύχθη. ### book 6.545.1 Ἔνθα τότ’ Αἰνείαο κατ’ ἀσπίδος ἔγχος ἔρεισε ### book 6.545.2 Τεῦκρος ἐυμμελίης· τοῦ δ’ οὐ χρόα καλὸν ἴαψεν· ### book 6.545.3 ἤρκεσε γάρ οἱ πῆμα σάκος μέγα τετραβόειον· ### book 6.545.4 ἀλλὰ καὶ ὧς δείσας ἀνεχάσσατο τυτθὸν ὀπίσσω. ### book 6.545.5 Μηριόνης δ’ ἐπόρουσεν ἀμύμονι Λαοφόωντι ### book 6 Παιονίδῃ τὸν ἐγείνατ’ ἐυπλόκαμος Κλεομήδη ### book 6.1 Ἀξιοῦ ἀμφὶ ῥέεθρα, κίεν δ’ ὅ γε Ἴλιον ἱρὴν ### book 6.2 Τρωσὶν ἀρηξέμεναι μετ’ ἀμύμονος Ἀστεροπαίου· ### book 6.3 τὸν δ’ ὅ γε Μηριόνης νύξ’ ἔγχεϊ ὀκριόεντι ### book 6.4 αἰδοίων ἐφύπερθε· θοῶς δέ οἱ εἴρυσεν αἰχμὴ ### book 6.555.1 ἔγκατα· τοῦ δ’ ὤκιστα ποτὶ ζόφον ἔσσυτο θυμός. ### book 6.555.2 Αἴαντος δ’ ἄρ’ ἑταῖρος Ὀιλιάδαο δαΐφρων ### book 6.555.3 Ἀλκιμέδ〈ων〉 ἐς ὅμιλον ἐυσθενέων βάλε Τρώων· ### book 6.555.4 ἧκε δ’ ἐπευξάμενος δηίων ἐς φύλοπιν αἰνὴν ### book 6.555.5 σφενδόνῃ ἀλγινόεντα λίθον· διὰ δ’ ἔτρεσαν ἄνδρες ### book 6.560.1 ῥοῖζον ὁμῶς καὶ λᾶα περιδδείσαντες ἰόντα. ### book 6.560.2 Τὸν δ’ ὀλοὴ φέρε Μοῖρα ποτὶ θρασὺν ἡνιοχῆα ### book 6.560.3 Πάμμονος Ἱππασίδην, τὸν ἄρ’ ἡνία χερσὶν ἔχοντα ### book 6.560.4 πλῆξε κατὰ κροτάφοιο, θοῶς δέ μιν ἔκβαλε δίφρου ### book 6.560.5 πρόσθεν ἑοῖο τροχοῖο· θοὸν δέ οἱ ἅρμα πεσόντος ### book 6.565.1 λυγρὸν ἐπισσώτροισι δέμας διελίσσετ’ ὀπίσσω ### book 6.565.2 ἵππων ἱεμένων· θάνατος δέ μιν αἰνὸς ἐδάμνα ### book 6.565.3 ἐσσυμένως μάστιγα καὶ ἡνία νόσφι λιπόντα. ### book 6.565.4 Πάμμονι δ’ ἔμπεσε πένθος· ἄφαρ δέ 〈ἑ〉 θῆκεν ἀνάγκη ### book 6.565.5 ἄμφω καὶ βασιλῆα καὶ ἡνιοχεῖν θοὸν ἅρμα· ### book 6.570.1 καί νύ κεν αὐτοῦ κῆρα καὶ ὕστατον ἦμαρ ἀνέτλη, ### book 6.570.2 εἰ μή οἱ Τρώων τις ἀνὰ κλόνον αἱματόεντα ### book 6.570.3 ἡνία δέξατο χερσὶ καὶ ἐξεσάωσεν ἄνακτα ### book 6.570.4 ἤδη τειρόμενον δηίων ὀλοῇσι χέρεσσιν. ### book 6.570.5 Ἀντίθεον δ’ Ἀκάμαντα καταντίον ἀίσσοντα ### book 6.575.1 Νέστορος ὄβριμος υἱὸς ὑπὲρ γόνυ δούρατι τύψεν, ### book 6.575.2 ἕλκεϊ δ’ οὐλομένῳ στυγερὰς ὑπεδύσετ’ ἀνίας· ### book 6.575.3 χάσσατο δ’ ἐκ πολέμοιο, λίπεν δ’ ἑτάροισι κυδοιμὸν ### book 6.1 δακρυόεντ’· οὐ γάρ οἱ ἔτι πτολέμοιο μεμήλει. ### book 6.2 Καὶ τότε δὴ θεράπων ἐρικυδέος Εὐρυπύλοιο ### book 6.580.1 τύψε Θόαντος ἑταῖρον ἐχέφρονα Δηιοπίτην ### book 6.580.2 ὤμου τυτθὸν ἔνερθε· περὶ κραδίην δέ οἱ ἔγχος ### book 6.580.3 ἷξεν ἀνιηρόν· σὺν δ’ αἵματι κήκιεν ἱδρὼς ### book 6.580.4 ψυχρὸς ἀπὸ μελέων. Καί μιν στρεφθέντα φέρεσθαι ### book 6.580.5 εἰσοπίσω κατέμαρψε μέγα σθένος Εὐρυπύλοιο, ### book 6.585.1 κόψε δέ οἱ θοὰ νεῦρα· πόδες δ’ ἀέκοντες ἔμιμνον ### book 6.585.2 αὐτοῦ, ὅπῃ μιν τύψε· λίπεν δέ μιν ἄμβροτος αἰών. ### book 6.585.3 Ἐσσυμένως δὲ Θόας νύξε〈ν〉 Πάριν ὀξέι δουρὶ ### book 6.585.4 δεξιτερὸν κατὰ μηρόν· ὃ δ’ ᾤχετο τυτθὸν ὀπίσσω ### book 6.585.5 οἰσόμενος θοὰ τόξα τά οἱ μετόπισθε λέλειπτο. ### book 6.590.1 Ἰδομενεὺς δ’ ἄρα λᾶαν, ὅσον σθένε, χερσὶν ἀείρας ### book 6.590.2 κάββαλεν Εὐρυπύλοιο βραχίονα· τοῦ δὲ χαμᾶζε ### book 6.590.3 κάππεσε λοίγιον ἔγχος· ἄφαρ δ’ ἀνεχάσσατ’ ὀπίσσω ### book 6.590.4 οἰσέμεν ἐγχείην· τὴν γάρ 〈τ’〉 ἔχεν ἔκβαλε χειρός. ### book 6.590.5 Ἀτρεῖδαι δ’ ἄρα τυτθὸν ἀνέπνευσαν πολέμοιο· ### book 6.595.1 τῷ δὲ θοῶς θεράποντες ἔβαν σχεδόν, οἵ οἱ ἔνεικαν ### book 6.595.2 ἀαγὲς δόρυ μακρὸν ὃ πολλῶν γούνατ’ ἔλυσε. ### book 6.595.3 Δεξάμενος δ’ ὅ γε λαὸν ἐπῴχετο κάρτεϊ θύων, ### book 6.595.4 κτείνων ὅν κε κίχῃσι, πολὺν δ’ ὑπεδάμναθ’ ὅμιλον. ### book 6.595.5 Ἔνθ’ οὔτ’ Ἀτρεῖδαι μένον ἔμπεδον οὔτέ τις ἄλλος ### book 6.1 ἀγχεμάχων Δαναῶν· μάλα γὰρ δέος ἔλλαβε πάντας ### book 6.2 ἀργαλέον· πᾶσι〈ν〉 γὰρ ἐπέσσυτο πῆμα κορύσσων ### book 6.1 Εὐρύπυλος, μετόπισθε δ’ ἐπισπόμενος κεράιζε· ### book 6.2 κέκλετο δ’ αὖ Τρώεσσι καὶ ἱπποδάμοις ἑτάροισιν· ### book 6.3 «Ὦ φίλοι, εἰ δ’ ἄγε θυμὸν ἕνα στέρνοισι βαλόντες ### book 6.605.1 τεύξωμεν Δαναοῖσι φόνον καὶ κῆρ’ ἀίδηλον, ### book 6.605.2 οἳ δὴ νῦν μήλοισιν ἐοικότες ἀπονέονται ### book 6.605.3 νῆας ἐπὶ σφετέρας· ἀλλὰ μνησώμεθα πάντες ### book 6.605.4 ὑσμίνης ὀλοῆς ἧς παιδόθεν ἴδμονές εἰμεν.» ### book 6.605.5 Ὣς φάτο· τοὶ δ’ ἐπόρουσαν ἀολλέες Ἀργείοισιν· ### book 6.610.1 οἳ δὲ μέγα τρομέοντες ἀπ’ ἀργαλέοιο κυδοιμοῦ ### book 6.610.2 φεῦγον· τοὶ δ’ ἐφέποντο κύνες ὣς ἀργιόδοντες ### book 6.610.3 κεμμάσιν ἀγροτέρῃσι κατ’ ἄγκεα μακρὰ καὶ ὕλην. ### book 6.610.4 Πολλοὺς δ’ ἐν κονίῃσι βάλον μάλα περ μεμαῶτας ### book 6.610.5 ἐκφυγέειν ὀλοοῖο φόνου στονόεσσαν ὁμοκλήν. ### book 6.615.1 Εὐρύπυλος μὲν ἔπεφνεν ἀμύμονα Βουκολίωνα ### book 6.615.2 Νῖσόν τε Χρομίον τε καὶ Ἄντιφον· οἳ δὲ Μυκήνην ### book 6.615.3 ᾤκεον εὐκτέανον, τοὶ δ’ ἐν Λακεδαίμονι ναῖον· ### book 6.615.4 τοὺς ἄρ’ ὅ γ’ ἐξενάριξεν ἀριγνώτους περ ἐόντας. ### book 6.615.5 Ἐκ δ’ ἄρα πληθύος εἷλεν 〈ἀ〉άσπετα φῦλ’ ἀνθρώπων ### book 6.620.1 ὅσσά μοι οὐ σθένος ἐστὶ λιλαιομένῳ περ ἀεῖσαι, ### book 6.620.2 οὐδ’ εἴ μοι στέρνοισι σιδήρεον ἦτορ ἐνείη. ### book 6.620.3 Αἰνείας δὲ Φέρητα καὶ Ἀντίμαχον κατέπεφνεν, ### book 6.620.4 ἀμφοτέρους Κρήτηθεν ἅμ’ Ἰδομενῆι κιόντας. ### book 6.620.5 Αὐτὰρ Ἀγήνωρ δῖος ἀμύμονα Μῶλον ἔπεφνεν, ### book 6.625.1 ὅς ῥ〈ά τ’〉 ἀπ’ Ἄργεος ἦλθεν ὑπὸ Σθενέλῳ βασιλῆι· ### book 6.625.2 τὸν βάλεν αἰγανέῃ νεοθηγέι πολλὸν ὀπίσσω ### book 6.625.3 φεύγοντ’ ἐκ πολέμοιο τυχὼν ὑπὸ νείατα κνήμης ### book 6.1 δεξιτερῆς· αἰχμὴ δὲ διὰ πλατὺ νεῦρον ἔκερσεν ### book 6.2 ἄντικρυ〈σ〉 ἱεμένη, παρὰ δ’ ἔθρισεν ὀστέα φωτὸς ### book 6.630.1 ἀργαλέως· ὀδύνῃ δ’ ἐμίγη μόρος, ἔφθιτο δ’ ἀνήρ. ### book 6.630.2 Ἂν δὲ Πάρις Μόσυνόν τ’ ἔβαλεν καὶ ἀγήνορα Φόρκυν, ### book 6.630.3 ἄμφω ἀδελφειούς, οἵ τ’ ἐκ Σαλαμῖνος ἵκοντο ### book 6.630.4 Αἴαντος νήεσσι καὶ οὐκέτι νόστον ἕλοντο. ### book 6.630.5 Τοῖσι δ’ ἐπὶ Κλεόλαον ἐὺν θεράποντα Μέγητος ### book 6.635.1 εἷλε βαλὼν κατὰ μαζὸν ἀριστερόν· ἀμφὶ δέ μιν νὺξ ### book 6.635.2 μάρψε κακὴ καὶ θυμὸς ἀπέπτατο· τοῦ δὲ δαμέντος ### book 6.635.3 ἔνδον ὑπὸ στέρνοισιν ἔτι κραδίη ἀλεγεινὴ ### book 6.635.4 ταρφέα παλλομένη πτερόεν πελέμιξε βέλεμνον. ### book 6.635.5 Ἄλλον δ’ ἰὸν ἀφῆκεν ἐπὶ θρασὺν Ἠετίωνα ### book 6.640.1 ἐσσυμένως· τοῦ δ’ αἶψα διὰ γναθμοῖο πέρησε ### book 6.640.2 χαλκός· ὃ δὲ στονάχησε· μίγη δέ οἱ αἵματι δάκρυ. ### book 6.640.3 Ἄλλος δ’ ἄλλον ἔπεφνε· πολὺς δ’ ἐστείνετο χῶρος ### book 6.640.4 Ἀργείων ἰληδὸν ἐπ’ ἀλλήλοισι πεσόντων. ### book 6.640.5 Καί νύ κε 〈δὴ〉 τότε Τρῶες ἐνέπρησαν πυρὶ νῆας, ### book 6.645.1 εἰ μὴ νὺξ ἐπόρουσε βαθείην ἠέρ’ ἄγουσα. ### book 6.645.2 Χάσσατο δ’ Εὐρύπυλος, σὺν δ’ ἄλλοι Τρώιοι υἷες ### book 6.645.3 νηῶν βαιὸν ἄπωθε ποτὶ προχοὰς Σιμόεντος, ### book 6.645.4 ἧχί περ αὖλιν ἔθεντο γεγηθότες. Οἳ δ’ ἐνὶ νηυσὶν ### book 6.645.5 Ἀργεῖοι γοάασκον ἐπὶ ψαμάθοισι πεσόντες, ### book 6 πολλὰ μάλ’ ἀχνύμενοι κταμένων ὕπερ, οὕνεκ’ ἄρ’ αὐτῶν ### book 6 πολλοὺς ἐν κονίῃσι μέλας ἐκιχήσατο πότμος. ### book 7.1.1 Ἦμος δ’ οὐρανὸς ἄστρα κατέκρυφεν, ἔγρετο δ’ Ἠὼς ### book 7.1.2 λαμπρὸν παμφανόωσα, κνέφας δ’ ἀνεχάσσατο νυκτός, ### book 7.1.3 δὴ τότ’ ἀρήιοι υἷες ἐυσθενέων Ἀργείων, ### book 7.1.4 οἳ μὲν ἔβαν προπάροιθε νεῶν κρατερὴν ἐπὶ δῆριν ### book 7.5.1 ἀντίον Εὐρυπύλοιο μεμαότες, οἳ δ’ ἀπάτερθεν ### book 7.5.2 αὐτοῦ πὰρ νήεσσι Μαχάονα ταρχύσαντο ### book 7.5.3 Νιρέα θ’ ὃς μακάρεσσιν ἀειγενέεσσιν ἐῴκει ### book 7.5.4 κάλλεΐ τ’ ἀγλαΐῃ τε, βίῃ δ’ οὐκ ἄλκιμος ἦεν· ### book 7.5.5 οὐ γὰρ ἅμ’ ἀνθρώποισι θεοὶ τελέουσιν ἅπαντα, ### book 7.10.1 ἀλλ’ ἐσθλῷ κακὸν ἄγχι παρίσταται ἔκ τινος αἴσης· ### book 7.10.2 ὣς Νιρῆι ἄνακτι παρ’ ἀγλαΐῃ ἐρατεινῇ ### book 7.10.3 κεῖτ’ ἀλαπαδνοσύνη. Δαναοὶ δέ οἱ οὐκ ἀμέλησαν, ### book 7.10.4 ἀλλά ἑ ταρχύσαντο καὶ ὠδύραντ’ ἐπὶ τύμβῳ, ### book 7.10.5 ὅσσα Μαχάονα δῖον ὃν ἀθανάτοις μακάρεσσιν ### book 7.15 ἶσον ἀεὶ τίεσκον, ἐπεὶ κλυτὰ μήδεα ᾔδη. ### book 7.1 Ἀλλ’ ὅτ’ ἄρ’ ἀμφοτέροις τυκτὸν περὶ σῆμ’ ἐβάλοντο, ### book 7.2 δὴ τότ’ ἄρ’ ἐν πεδίῳ ἔτι μαίνετο λοίγιος Ἄρης· ### book 7.3 ὦρτο δ’ ἄρ’ ἀμφοτέρωθε μέγας κόναβος καὶ ἀυτή, ### book 7.4 ῥηγνυμένων λάεσσι καὶ ἐγχείῃσι βοειῶν. ### book 7.20.1 Καί ῥ’ οἳ μὲν πονέοντο πολυκμήτῳ ὑπ’ Ἄρηι· ### book 7.20.2 νωλεμέως δ’ ἄρ’ ἄπαστος ἐδητύος ἐν κονίῃσι ### book 7.20.3 κεῖτο μέγα στενάχων Ποδαλείριος. Οὐδ’ ὅ γε σῆμα ### book 7.20.4 λεῖπε κασιγνήτοιο· νόος δέ οἱ ὁρμαίνεσκε ### book 7.20.5 χερσὶν ὑπὸ σφετέρῃσιν ἀνηλεγέως ἀπολέσθαι· ### book 7.25.1 καί ῥ’ ὁτὲ μὲν βάλε χεῖρας ἐπὶ ξίφος, ἄλλοτε δ’ αὖτε ### book 7.25.2 δίζετο φάρμακον αἰνόν. Ἑοὶ δέ μιν εἶργον ἑταῖροι ### book 7.25.3 πολλὰ παρηγορέοντες· ὃ δ’ οὐκ ἀπέληγεν ἀνίης, ### book 7.25.4 καί νύ κε θυμὸν ἑῇσιν ὑπαὶ παλάμῃσιν ὄλεσσεν ### book 7.25.5 ἐσθλοῦ ἀδελφειοῖο νεοκμήτῳ ἐπὶ τύμβῳ, ### book 7.30.1 εἰ μὴ Νηλέος υἱὸς ἐπέκλυεν. Οὐδ’ ἀμέλησεν ### book 7.30.2 αἰνῶς τειρομένοιο· κίχεν δέ μιν ἄλλοτε μέν που ### book 7.30.3 ἐκχύμενον περὶ σῆμα πολύστονον, ἄλλοτε δ’ αὖτε ### book 7.30.4 ἀμφὶ κάρη χεύοντα κόνιν καὶ στήθεα χερσὶ ### book 7.30.5 θεινόμενον κρατερῇσι καὶ οὔνομα κικλήσκοντα ### book 7.35.1 οἷο κασιγνήτοιο· περιστενάχοντο δ’ ἄνακτα ### book 7.35.2 δμῶες σύν 〈θ’〉 ἑτάροισι, κακὴ δ’ ἔχε πάντας ὀιζύς. ### book 7.35.3 Καί ῥ’ ὅ γε μειλιχίοισι μέγ’ ἀχνύμενον προσέειπεν· ### book 7.35.4 «Ἴσχεο λευγαλέοιο πόνου καὶ πένθεος αἰνοῦ, ### book 7.35.5 ὦ τέκος· οὐ γὰρ ἔοικε περίφρονα φῶτα γεγῶτα ### book 7.40.1 μύρεσθ’ οἷα γυναῖκα παρ’ οὐκέτ’ ἐόντι πεσόντα. ### book 7.40.2 Οὐ γὰρ ἀναστήσεις μιν ἔτ’ ἐς φάος, οὕνεκ’ ἄιστος ### book 7.1 ψυχή οἱ πεπότηται ἐς ἠέρα, σῶμα δ’ ἄνευθε ### book 7.2 πῦρ ὀλοὸν κατέδαψε καὶ ὀστέα δέξατο γαῖα· ### book 7.3 αὕτως δ’, ὡς ἀνέθηλε, καὶ ἔφθιτο. Τέτλαθι δ’ ἄλγος ### book 7.45.1 ἄσπετον, ὥς περ ἔγωγε Μαχάονος οὔ τι χερείω ### book 7.45.2 παῖδ’ ὀλέσας δηίοισιν ὑπ’ ἀνδράσιν, εὖ μὲν ἄκοντι, ### book 7.45.3 εὖ δὲ σαοφροσύνῃ〈σι〉 κεκασμένον· οὐδέ τις ἄλλος ### book 7.45.4 αἰζηῶν φιλέεσκεν ἑὸν πατέρ’ ὡς ἐμὲ κεῖνος, ### book 7.45.5 κάτθανε δ’ εἵνεκ’ ἐμεῖο σαωσέμεναι μενεαίνων ### book 7.1 ὃν πατέρ’. Ἀλλά οἱ εἶθαρ ἀποκταμένοιο πάσασθαι ### book 7.2 σῖτον ἔτλην καὶ ζωὸς ἔτ’ ἠριγένειαν ἰδέσθαι, ### book 7.3 εὖ εἰδὼς ὅτι πάντες ὁμὴν Ἀίδαο κέλευθον ### book 7.4 νισόμεθ’ ἄνθρωποι, πᾶσίν τ’ ἐπὶ τέρματα κεῖται ### book 7.5 λυγρὰ μόρου στονόεντος· ἔοικε δὲ θνητὸν ἐόντα ### book 7.55.1 πάντα φέρειν ὁπός’ ἐσθλὰ διδοῖ θεὸς ἠδ’ ἀλεγεινά.» ### book 7.55.2 Ὣς φάθ’. Ὃ δ’ ἀχνύμενός μιν ἀμείβετο· τοῦ δ’ ἀλεγεινὸν ### book 7.55.3 ἔρρεεν εἰσέτι δάκρυ καὶ ἀγλαὰ δεῦε γένεια· ### book 7.55.4 «Ὦ πάτερ, ἄσχετον ἄλγος ἐμὸν καταδάμναται ἦτορ ### book 7.55.5 ἀμφὶ κασιγνήτοιο περίφρονος, ὅς μ’ ἀτίταλλεν, ### book 7.60.1 οἰχομένοιο τοκῆος ἐς οὐρανόν, ὡς ἑὸν υἷα ### book 7.60.2 σφῇσιν ἐν ἀγκοίνῃσι καὶ ἰητήρια νούσων ### book 7.60.3 ἐκ θυμοῖο δίδαξε· μιῇ δ’ ἐνὶ δαιτὶ καὶ εὐνῇ ### book 7.60.4 τερπόμεθα ξυνοῖσιν ἰαινόμενοι κτεάτεσσι. ### book 7.60.5 Τῶ μοι πένθος ἄλαστον ἐποίχεται· οὐδ’ ἔτι κείνου ### book 7.65 τεθναότος φάος ἐσθλὸν ἐέλδομαι εἰσοράασθαι.» ### book 7.1 Ὣς φάτο· τὸν δ’ ὁ γεραιὸς ἀκηχέμενον προσέειπε· ### book 7.2 «Πᾶσι μὲν ἀνθρώποισιν ἴσον κακὸν ὤπασε δαίμων ### book 7.3 ὀρφανίη〈ν〉· πάντας δὲ καὶ ἡμέας αἶα καλύψει, ### book 7.4 οὐ μὲν ἄρ’ ἐκτελέσαντας ὁμὴν βιότοιο κέλευθον, ### book 7.70.1 οὐδ’ 〈οἵ〉ην τις ἕκαστος ἐέλδεται, οὕνεχ’ ὕπερθεν ### book 7.70.2 ἐσθλά τε καὶ τὰ χέρεια θεῶν ἐν γούνασι κεῖται, ### book 7.70.3 Μοίρῃς εἰς ἓν ἅπαντα μεμιγμένα. Καὶ τὰ μὲν οὔ τις ### book 7.70.4 δέρκεται ἀθανάτων, ἀλλ’ ἀπροτίοπτα τέτυκται ### book 7.70.5 ἀχλύι θεσπεσίῃ κεκαλυμμένα· τοῖς 〈δ’〉 ἐπὶ χεῖρας ### book 7.75.1 οἴη Μοῖρα τίθησι καὶ οὐχ ὁρόως’ ἀπ’ Ὀλύμπου ### book 7.75.2 ἐς γαῖαν προΐησι· τὰ δ’ ἄλλυδις ἄλλα φέρονται ### book 7.75.3 πνοιῇ〈σ〉 ὣς ἀνέμοιο· καὶ ἀνέρι πολλάκις ἐσθλῷ ### book 7.75.4 ἀμφεχύθη μέγα πῆμα, λυγρῷ δ’ ἐπικάππεσεν ὄλβος ### book 7.75.5 οὔ τι ἑκών. Ἀλαὸς δὲ πέλει βίος ἀνθρώποισι· ### book 7.80.1 τοὔνεκ’ ἄρ’ ἀσφαλέως οὐ νίσεται, ἀλλὰ πόδεσσι ### book 7.80.2 πυκνὰ ποτιπταίει· τρέπεται δέ οἱ αἰόλον εἶδος ### book 7.80.3 ἄλλοτε μὲν ποτὶ πῆμα πολύστονον, ἄλλοτε δ’ αὖτε ### book 7.80.4 εἰς ἀγαθόν. Μερόπων δὲ πανόλβιος οὔ τις ἐτύχθη ### book 7.80.5 ἐς τέλος ἐξ ἀρχῆς· ἑτέρῳ δ’ ἕτερ’ ἀντιόωσι. ### book 7.85.1 Παῦρον δὲ ζώοντας ἐν ἄλγεσιν οὔ τι ἔοικε ### book 7.85.2 ζωέμεν· ἔλπεο δ’ αἰὲν ἀρείονα μηδ’ ἐπὶ λυγρῷ ### book 7.85.3 θυμὸν ἔχειν. Καὶ γάρ ῥα πέλει φάτις ἀνθρώποισιν ### book 7.85.4 ἐσθλῶν μὲν νίσεσθαι ἐς οὐρανὸν ἄφθιτον αἰεὶ ### book 7.85.5 ψυχάς, ἀργαλέων δὲ ποτὶ ζόφον. Ἔπλετο δ’ ἄμφω ### book 7.90.1 σεῖο κασιγνήτῳ, καὶ μείλιχος ἔσκε βροτοῖσι ### book 7.90.2 καὶ πάις ἀθανάτοιο· θεῶν δ’ ἐς φῦλον ὀίω ### book 7.90.3 κεῖνον ἀνελθέμεναι σφετέρου πατρὸς ἐννεσίῃσιν.» ### book 7.90.4 Ὣς εἰπών μιν ἔγειρεν ἀπὸ χθονὸς οὐκ ἐθέλοντα ### book 7.90.5 παρφάμενος μύθοισιν· ἄγεν δ’ ἀπὸ σήματος αἰνοῦ ### book 7.95.1 ἐντροπαλιζόμενον καὶ ἔτ’ ἀργαλέα στενάχοντα. ### book 7.95.2 Ἐς δ’ ἄρα νῆας ἵκοντο· πόνον δ’ ἔχον ἄλλοι Ἀχαιοὶ ### book 7.95.3 ἀργαλέον καὶ Τρῶες ὀρινομένου πολέμοιο. ### book 7.95.4 Εὐρύπυλος δ’ ἀτάλαντος ἀτειρέα θυμὸν Ἄρηι ### book 7.95.5 χερσὶν ὑπ’ ἀκαμάτοισι καὶ ἔγχεϊ μαιμώωντι ### book 7.1 δάμνατο δήια φῦλα. Νεκρῶν δ’ ἐστείνετο γαῖα ### book 7.2 κτεινομένων ἑκάτερθεν· ὃ δ’ ἐν νεκύεσσι βεβηκὼς ### book 7.3 μάρνατο θαρσαλέως πεπαλαγμένος αἵματι χεῖρας ### book 7.4 καὶ πόδας. Οὐδ’ ἀπέληγεν ἀταρτηροῖο κυδοιμοῦ· ### book 7.5 ἀλλ’ ὅ γε Πηνέλεων κρατερόφρονα δουρὶ δάμασσεν ### book 7.105.1 ἀντιόωντ’ ἀνὰ δῆριν ἀμείλιχον, ἀμφὶ δὲ πολλοὺς ### book 7.105.2 ἔκτανεν· οὐδ’ ὅ γε χεῖρας ἀπέτρεπε δηιοτῆτος, ### book 7.105.3 ἀλλ’ ἕπετ’ Ἀργείοισι χολούμενος, εὖτε πάροιθεν ### book 7.105.4 ὄβριμος Ἡρακλέης Φολόης ἀνὰ μακρὰ κάρηνα ### book 7.105.5 Κενταύροις ἐπόρουσεν ἑῷ μέγα κάρτεϊ θύων, ### book 7.110.1 τοὺς ἅμα πάντας ἔπεφνε καὶ ὠκυτάτους περ ἐόντας ### book 7.110.2 καὶ κρατεροὺ〈σ〉 ὀλοοῦ τε δαήμονας ἰωχμοῖο· ### book 7.110.3 ὣς ὅ γ’ ἐπασσύτερον Δαναῶν στρατὸν αἰχμητάων ### book 7.110.4 δάμνατ’ ἐπεσσύμενος· τοὶ δ’ ἰλαδὸν ἄλλοθεν ἄλλος ### book 7.110.5 ἀθρόοι ἐν κονίῃσι δεδουπότες ἐξεχέοντο. ### book 7.115.1 Ὡς δ’ ὅτ’ ἐπιβρίσαντος ἀπειρεσίου ποταμοῖο ### book 7.115.2 ὄχθαι ἀποτμήγονται ἐπὶ ψαμαθώδεϊ χώρῳ ### book 7.115.3 μυρίαι ἀμφοτέρωθεν, ὃ δ’ εἰς ἁλὸς ἔσσυται οἶδμα ### book 7.1 παφλάζων ἀλεγεινὸν ἀνὰ ῥόον, ἀμφὶ δὲ πάντῃ ### book 7.2 κρημνοὶ ἐπικτυπέουσι, βρέμει δ’ ἄρα μακρὰ ῥέεθρα ### book 7.120.1 αἰὲν ἐρειπομένων, εἴκει δέ οἱ ἕρκεα πάντα· ### book 7.120.2 ὣς ἄρα κύδιμοι υἷες ἐυπτολέμων Ἀργείων ### book 7.120.3 πολλοὶ ὑπ’ Εὐρυπύλοιο κατήριπον ἐν κονίῃσι, ### book 7.120.4 τοὺς κίχεν αἱματόεντα κατὰ μόθον· οἳ δ’ ὑπάλυξαν ### book 7.120.5 ὅσσους ἐξεσάωσε ποδῶν μένος. Ἀλλ’ ἄρα καὶ ὧς ### book 7.125.1 Πηνέλεων ἐρύσαντο δυσηχέος ἐξ ὁμάδοιο ### book 7.125.2 νῆας ἐπὶ σφετέρας, καί περ ποσὶ καρπαλίμοισι ### book 7.125.3 κῆρας ἀλευόμενοι στυγερὰς καὶ ἀνηλέα πότμον. ### book 7.125.4 Πανσυδίῃ δ’ ἔντοσθε νεῶν φύγον· οὐδέ τι θυμῷ ### book 7.125.5 ἔσθενον Εὐρυπύλοιο καταντία δηριάασθαι, ### book 7.130.1 οὕνεκ’ ἄρά σφισι φύζαν ὀιζυρὴν ἐφέηκεν ### book 7.130.2 Ἡρακλέης υἱωνὸν ἀτειρέα πάμπαν ἀέξων. ### book 7.130.3 Οἳ δ’ ἄρα τείχεος ἐντὸς ὑποπτώσσοντες ἔμιμνον, ### book 7.130.4 αἶγες ὅπως ὑπὸ πρῶνα φοβεύμεναι αἰνὸν ἀήτην ### book 7.130.5 ὅς τε φέρει νιφετόν τε πολὺν κρυερήν τε χάλαζαν ### book 7.135.1 ψυχρὸς ἐπαΐσσων, ταὶ δ’ ἐς νομὸν ἐσσύμεναί περ ### book 7.135.2 ῥιπῆς οὔ τι κατιθὺς ὑπερκύπτουσι κολώνας, ### book 7.135.3 ἀλλ’ ἄρα χεῖμα μένουσιν ὑπὸ σκέπας ἠδὲ φάραγγας ### book 7.135.4 ἀγρόμεναι, θάμνοισι δ’ ὑπὸ σκιεροῖσι νέμονται ### book 7.135.5 ἰλαδόν, ὄφρ’ ἀνέμοιο κακαὶ λήξωσιν ἄελλαι· ### book 7.140.1 ὣς Δαναοὶ πύργοισιν ὑπὸ σφετέροισιν ἔμιμνον ### book 7.140.2 Τηλέφου ὄβριμον υἷα μετεσσύμενον τρομέοντες. ### book 7.140.3 Αὐτὰρ ὃ νῆας ἔμελλε θοὰς καὶ λαὸν ὀλέσσειν ### book 7.142a χερσὶν ὑπὸ κρατερῇσιν ἐπὶ χθόνα τεῖχος ἐρύσσας, ### book 7.143 εἰ μὴ Τριτογένεια θράσος βάλεν Ἀργείοισιν ### book 7 ὀψέ περ. Οἳ δ’ ἄλληκτον ἀφ’ ἕρκεος αἰπεινοῖο ### book 7.145.1 δυσμενέας βάλλοντες ἀνιηροῖς βελέεσσι ### book 7.145.2 κτεῖνον ἐπασσυτέρους· δεύοντο δὲ τείχεα λύθρῳ ### book 7.145.3 λευγαλέῳ· στοναχὴ δὲ δαϊκταμένων πέλε φωτῶν. ### book 7.145.4 Αὕτως δ’ αὖ νύκτας τε καὶ ἤματα δηριόωντο ### book 7.145.5 Κήτειοι Τρῶές τε καὶ Ἀργεῖοι μενεχάρμαι, ### book 7.1 ἄλλοτε μὲν προπάροιθε νεῶν, ὁτὲ δ’ ἀμφὶ μακεδνὸν ### book 7.2 τεῖχος, ἐπεὶ πέλε μῶλος 〈ἀ〉άσχετος. Ἀλλ’ ἄρα καὶ ὧς ### book 7.3 ἤματα δοιὰ φόνοιο καὶ ἀργαλέης ὑσμίνης ### book 7.4 παύσανθ’, οὕνεχ’ ἵκανεν ἐς Εὐρύπυλον βασιλῆα ### book 7.5 ἀγγελίη Δαναῶν, ὥς κεν πολέμοιο μεθέντες ### book 7.155.1 πυρκαϊῇ δώωσι δαϊκταμένους ἐνὶ χάρμῃ. ### book 7.155.2 Αὐτὰρ ὅ γ’ αἶψ’ ἐπίθησε· καὶ ἀργαλέοιο κυδοιμοῦ ### book 7.155.3 παυσάμενοι ἑκάτερθε νεκροὺς περιταρχύσαντο ### book 7.155.4 ἐν κονίῃ ἐριπόντας. Ἀχαιοὶ δ’ ἔξοχα πάντων ### book 7.155.5 Πηνέλεων μύροντο, βάλον δ’ ἐπὶ σῆμα θανόντι ### book 7.160.1 εὐρὺ μάλ’ ὑψηλόν τε καὶ ἐσσομένοις ἀρίδηλον· ### book 7.160.2 πληθὺν δ’ αὖτ’ ἀπάνευθε δαϊκταμένων ἡρώων ### book 7.160.3 θάψαν ἀκηχέμενοι μεγάλῳ περὶ πένθεϊ θυμόν, ### book 7.160.4 πυρκαϊὴν ἅμα πᾶσι μίαν περινηήσαντες ### book 7.160.5 καὶ τάφον. Ὣς δὲ καὶ αὐτοὶ ἀπόπροθι Τρώιοι υἷες ### book 7.165.1 τάρχυσαν κταμένους. Ὀλοὴ δ’ Ἔρις οὐκ ἀπέληγεν, ### book 7.165.2 ἀλλ’ ἔτ’ ἐποτρύνεσκε θρασὺ σθένος Εὐρυπύλοιο ### book 7.165.3 ἀντιάαν δηίοισιν· ὃ δ’ οὔ πω χάζετο νηῶν, ### book 7.165.4 ἀλλ’ ἔμενεν Δαναοῖσι κακὴν ἐπὶ δῆριν ἀέξων. ### book 7.165.5 Τοὶ δ’ ἐς 〈Σ〉κῦρον ἵκοντο μελαίνῃ νηὶ θέοντες. ### book 7.170 Εὗρον δ’ υἷ’ Ἀχιλῆος ἑοῦ προπάροιθε δόμοιο, ### book 7.1 ἄλλοτε μὲν βελέεσσι καὶ ἐγχείῃσιν ἱέντα, ### book 7.2 ἄλλοτε δ’ αὖθ’ ἵπποισι πονεύμενον ὠκυπόδεσσι. ### book 7.3 Γήθησαν 〈δ’〉 ἐσιδόντες ἀταρτηροῦ πολέμοιο ### book 7.4 ἔργα μετοιχόμενον, καί περ μέγα τειρόμενον κῆρ ### book 7.175.1 ἀμφὶ πατρὸς κταμένοιο· τὸ γὰρ προπάροιθε πέπυστο. ### book 7.175.2 Αἶψα δέ οἱ κίον ἄντα τεθηπότες, οὕνεχ’ ὁρῶντο ### book 7.175.3 θαρσαλέῳ Ἀχιλῆι δέμας περικαλλὲς ὁμοῖον. ### book 7.175.4 Τοὺς δ’ ἄρ’ ὑποφθάμενος τοῖον ποτὶ μῦθον ἔειπεν· ### book 7.175.5 «Ὦ ξεῖνοι, μέγα χαίρετ’ ἐμὸν ποτὶ δῶμα κιόντες· ### book 7.180.1 εἴπατε δ’ ὁππόθεν ἐστὲ καὶ οἵ τινες ἠδ’ ὅ τι χρειὼ ### book 7.180.2 ἤλθετ’ ἔχοντες ἐμεῖο δι’ οἴδματος ἀτρυγέτοιο.» ### book 7.180.3 Ὣς ἔφατ’ εἰρόμενος· ὃ δ’ ἀμείβετο δῖος Ὀδυσσεύς· ### book 7.180.4 «Ἡμεῖς τοι φίλοι εἰμὲν ἐυπτολέμου Ἀχιλῆος, ### book 7.180.5 τῷ νύ σέ φασι τεκέσθαι ἐύφρονα Δηιδάμειαν· ### book 7.185.1 καὶ δ’ αὐτοὶ τεὸν εἶδος ἐίσκομεν ἀνέρι κείνῳ ### book 7.185.2 πάμπαν ὃς ἀθανάτοισι πολυσθενέεσσιν ἐῴκει. ### book 7.185.3 Εἰμὶ δ’ ἐγὼν Ἰθάκηθεν, ὃ δ’ Ἄργεος ἱπποβότοιο, ### book 7.185.4 εἴ ποτε Τυδείδαο δαΐφρονος οὔνομ’ ἄκουσας ### book 7.185.5 ἢ καὶ Ὀδυσσῆος πυκιμήδεος, ὅς νύ τοι ἄγχι ### book 7.190.1 αὐτὸς ἐγὼν ἕστηκα θεοπροπίης ἕνεκ’ ἐλθών. ### book 7.190.2 Ἀλλ’ ἐλέαιρε τάχιστα καὶ Ἀργείοις ἐπάμυνον ### book 7.190.3 ἐλθὼν ἐς Τροίην· ὣς γὰρ τέλος ἔσσετ’ Ἄρηι, ### book 7.190.4 καί τοι δῶρ’ ὀπάσουσιν ἀάσπετα δῖοι Ἀχαιοί. ### book 7.190.5 Τεύχεα δ’ αὐτὸς ἔγω〈γε〉 τεοῦ πατρὸς ἀντιθέοιο ### book 7.195.1 δώσω, ἅ περ φορέων μέγα τέρψεαι. Οὐ γὰρ ἔοικε ### book 7.195.2 θνητῶν τεύχεσι κεῖνα, θεοῦ δέ που Ἄρεος ὅπλοις ### book 7.195.3 ἶσα πέλει· πουλὺς δὲ περὶ σφίσι πάμπαν ἄρηρε ### book 7.1 χρυσὸς δαιδαλέοισι κεκασμένος, οἷσι καὶ αὐτὸς ### book 7.2 Ἥφαιστος μέγα θυμὸν ἐν ἀθανάτοισιν ἰάνθη ### book 7.1 τεύχων ἄμβροτα κεῖνα, τὰ σοὶ μέγα θαῦμ〈α〉 ἰδόντι ### book 7.2 ἔσσεται, οὕνεκα γαῖα καὶ οὐρανὸς ἠδὲ θάλασσα ### book 7.3 ἀμφὶ σάκος πεπόνηται ἀπειρεσίῳ τ’ ἐνὶ κύκλῳ ### book 7.4 ζῷα πέριξ ἤσκηται ἐοικότα κινυμένοισι, ### book 7.5 θαῦμα καὶ ἀθανάτοισι· βροτῶν δ’ οὔ πώ ποτε τοῖα ### book 7.205.1 οὔτέ τις ἔδρακε πρόσθεν ἐν ἀνδράσιν οὔτ’ ἐφόρησεν, ### book 7.205.2 εἰ μὴ σός γε πατὴρ τὸν ἴσον Διὶ τῖον Ἀχαιοὶ ### book 7.205.3 πάντες, ἐγὼ δὲ μάλιστα φίλα φρονέων ἀγάπαζον· ### book 7.205.4 καί οἱ ἀποκταμένοιο νέκυν ποτὶ νῆας ἔνεικα ### book 7.205.5 πολλοῖς δυσμενέεσσιν ἀνηλέα πότμον ὀπάσσας· ### book 7.210.1 τοὔνεκά μοι κείνοιο περικλυτὰ τεύχεα δῶκε ### book 7.210.2 δῖα Θέτις· τὰ δ’ ἄρ’ αὖτις ἐελδόμενός περ ἔγωγε ### book 7.210.3 δώσω προφρονέως, ὁπότ’ Ἴλιον εἰσαφίκηαι. ### book 7.210.4 Καί νύ σε καὶ Μενέλαος, ἐπὴν Πριάμοιο πόληα ### book 7.210.5 πέρσαντες νήεσσιν ἐς Ἑλλάδα νοστήσωμεν, ### book 7.215.1 αὐτίκα γαμβρὸν ἑὸν ποιήσεται, ἤν κ’ ἐθέλῃσθα, ### book 7.215.2 ἀμφ’ εὐεργεσίης· δώσει δέ τοι ἄσπετ’ ἄγεσθαι ### book 7.215.3 κτήματά τε χρυσόν τε μετ’ ἠυκόμοιο θυγατρός, ### book 7.215.4 ὅσς’ ἐπέοικεν ἕπεσθαι ἐυκτεάνῳ βασιλείῃ.» ### book 7.215.5 Ὣς φάμενον προσέειπεν Ἀχιλλέος ὄβριμος υἱός· ### book 7.220.1 «Εἰ μὲν δὴ καλέουσι θεοπροπίῃσιν Ἀχαιοί, ### book 7.220.2 αὔριον αἶψα νεώμεθ’ ἐπ’ εὐρέα βένθεα πόντου, ### book 7.220.3 ἤν τι φάος Δαναοῖσι λιλαιομένοισι γένωμαι. ### book 7.1 Νῦν δ’ ἴομεν ποτὶ δώματ’ ἐύξεινόν τε τράπεζαν, ### book 7.2 οἵην περ ξείνοισι θέμις παρατεκτήνασθαι. ### book 7.225.1 Ἀμφὶ δ’ ἐμοῖο γάμοιο θεοῖς μετόπισθε μελήσει.» ### book 7.225.2 Ὣς εἰπὼν ἡγεῖθ’· οἳ δ’ ἑσπόμενοι μέγ’ ἔχαιρον. ### book 7.225.3 Καί ῥ’ ὅτε δὴ μέγα δῶμα κίον 〈καὶ〉 κάλλιμον αὐλήν, ### book 7.225.4 εὗρον Δηιδάμειαν ἀκηχεμένην ἐνὶ θυμῷ ### book 7.225.5 τηκομένην θ’, ὡς εἴ τε χιὼν κατατήκετ’ ὄρεσφιν ### book 7.230.1 Εὔρου ὑπὸ λιγέος καὶ ἀτειρέος ἠελίοιο· ### book 7.230.2 ὣς ἥ γε φθινύθεσκε δεδουπότος ἀνδρὸς ἀγαυοῦ. ### book 7.230.3 Καί μιν ἔτ’ ἀχνυμένην 〈περ〉 ἀγακλειτοὶ βασιλῆες ### book 7.230.4 ἠσπάζοντ’ ἐπέεσσι· πάις δέ οἱ ἐγγύθεν ἐλθὼν ### book 7.230.5 μυθεῖτ’ ἀτρεκέως γενεὴν καὶ οὔνομ’ ἑκάστου, ### book 7.235.1 χρειὼ δ’ ἥν τιν’ ἵκανον ἀπέκρυφε μέχρις ἐς ἠῶ, ### book 7.235.2 ὄφρα μὴ ἀχνυμένην μιν ἕλῃ πολύδακρυς ἀνίη ### book 7.235.3 καί μιν ἀπεσσύμενον μάλα λισσομένη κατερύκῃ. ### book 7.235.4 Αἶψα δὲ δαῖτ’ ἐπάσαντο καὶ ὕπνῳ θυμὸν ἴηναν ### book 7.235.5 πάντες ὅσοι Σκύροιο πέδον περιναιετάεσκον ### book 7.240.1 εἰναλίης, τὴν μακρὰ περιβρομέουσι θαλάσσης ### book 7.240.2 κύματα ῥηγνυμένοιο πρὸς ᾐόνας Αἰγαίοιο. ### book 7.240.3 Ἀλλ’ οὐ Δηιδάμειαν ἐπήρατος ὕπνος ἔμαρπτεν ### book 7.240.4 οὔνομα κερδαλέου μιμνησκομένην Ὀδυσῆος ### book 7.240.5 ἠδὲ καὶ ἀντιθέου Διομήδεος, οἵ ῥά μιν ἄμφω ### book 7.245 εὖνιν ποιήσαντο φιλοπτολέμου Ἀχιλῆος ### book 7.1 παρφάμενοι κείνοιο θρασὺν νόον, ὄφρ’ ἀφίκηται ### book 7.2 δήιον εἰς ἐνοπήν· τῷ δ’ ἄτροπος ἤντετο Μοῖρα ### book 7.3 ἥ οἱ ὑπέκλασε νόστον, ἀπειρέσιον δ’ ἄρα πένθος ### book 7.4 πατρὶ πόρεν Πηλῆι καὶ αὐτῇ Δηιδαμείῃ. ### book 7.1 Τοὔνεκά μιν κατὰ θυμὸν ἀάσπετον ἄμπεχε δεῖμα ### book 7.2 παιδὸς ἀπεσσυμένοιο ποτὶ πτολέμοιο κυδοιμόν, ### book 7.3 μή οἱ λευγαλέῳ ἐπὶ πένθεϊ πένθος ἵκηται. ### book 7.4 Ἠὼς δ’ εἰσανέβη μέγαν οὐρανόν. Οἳ δ’ ἀπὸ λέκτρων ### book 7.5 καρπαλίμως ὤρνυντο· νόησε δὲ Δηιδάμεια, ### book 7.255.1 αἶψα δέ οἱ στέρνοισι περὶ πλατέεσσι χυθεῖσα ### book 7.255.2 ἀργαλέως γοάασκεν ἐς αἰθέρα μακρὰ βοῶσα· ### book 7.255.3 ἠύτε βοῦς ἐν ὄρεσσιν ἀπειρέσιον μεμακυῖα ### book 7.255.4 πόρτιν ἑὴν δίζηται ἐν ἄγκεσιν, ἀμφὶ δὲ μακρὰ ### book 7.255.5 οὔρεος αἰπεινοῖο περιβρομέουσι κολῶναι· ### book 7.260.1 ὣς ἄρα μυρομένης ἀμφίαχεν αἰπὺ μέλαθρον ### book 7.260.2 πάντοθεν ἐκ μυχάτων, μέγα δ’ ἀσχαλόως’ ἀγόρευε· ### book 7.260.3 «Τέκνον, πῇ δὴ νῦν σοὶ ἐὺς νόος ἐκπεπότηται, ### book 7.260.4 Ἴλιον ἐς πολύδακρυ μετὰ ξείνοισιν ἕπεσθαι, ### book 7.260.5 ἧχι πολεῖς ὀλέκονται ὑπ’ ἀργαλέης ὑσμίνης, ### book 7.265.1 καί περ ἐπιστάμενοι πόλεμον καὶ ἀεικέα χάρμην; ### book 7.265.2 Νῦν δὲ σὺ μὲν νέος ἐσσὶ καὶ οὔ πω δήια ἔργα ### book 7.265.3 οἶδας ἅ τ’ ἀνθρώποισιν ἀλάλκουσιν κακὸν ἦμαρ. ### book 7.265.4 Ἀλλὰ σὺ μέν μευ ἄκουσον, ἑοῖς δ’ ἐνὶ μίμνε δόμοισι, ### book 7.265.5 μὴ δή μοι Τροίηθε κακὴ φάτις οὔαθ’ ἵκηται ### book 7.270.1 σεῖο καταφθιμένοιο κατὰ μόθον. Οὐ γὰρ ὀίω ### book 7.270.2 ἐλθέμεναί ς’ ἔτι δεῦρο μετάτροπον ἐξ ὁμάδοιο· ### book 7.270.3 οὐδὲ γὰρ οὐδὲ πατὴρ τεὸς ἔκφυγε κῆρ’ ἀίδηλον, ### book 7.1 ἀλλ’ ἐδάμη κατὰ δῆριν, ὅ περ καὶ σεῖο καὶ ἄλλων ### book 7.2 ἡρώων προφέρεσκε, θεὰ δέ οἱ ἔπλετο μήτηρ, ### book 7.275.1 τῶνδε δολοφροσύνῃ καὶ μήδεσιν, οἳ σὲ καὶ αὐτὸν ### book 7.275.2 δῆριν ἐπὶ στονόεσσαν ἐποτρύνουσι νέεσθαι. ### book 7.275.3 Τοὔνεκ’ ἐγὼ δείδοικα περὶ κραδίῃ τρομέουσα, ### book 7.275.4 μή μοι καὶ σέο, τέκνον, ἀποφθιμένοιο πέληται ### book 7.275.5 εὖνιν καλλειφθεῖσαν ἀεικέα πήματα πάσχειν· ### book 7.280.1 οὐ γάρ πώ τι γυναικὶ κακώτερον ἄλγος ἔπεισιν ### book 7.280.2 ἢ ὅτε παῖδες ὄλωνται ἀποφθιμένοιο καὶ ἀνδρός, ### book 7.280.3 χηρωθῇ δὲ μέλαθρον ὑπ’ ἀργαλέου θανάτοιο· ### book 7.280.4 αὐτίκα γὰρ περὶ φῶτες ἀποτμήγουσιν ἀρούρας, ### book 7.280.5 κείρουσιν δέ τε πάντα καὶ οὐκ ἀλέγουσι θέμιστας, ### book 7.285.1 οὕνεκεν οὔ τι τέτυκται ὀιζυρώτερον ἄλλο ### book 7.285.2 χήρης ἐν μεγάροισιν ἀκιδνότερόν τε γυναικός.» ### book 7.285.3 Φῆ μέγα κωκύουσα· πάις δέ μιν ἀντίον ηὔδα· ### book 7.285.4 «Θάρσει, μῆτερ ἐμεῖο, κακὴν δ’ ἀποπέμπεο φήμην· ### book 7.285.5 οὐ γὰρ ὑπὲρ Κῆράς τις ὑπ’ Ἄρεϊ δάμναται ἀνήρ· ### book 7.290.1 εἰ δέ μοι αἴσιμόν ἐστι δα〈μ〉ήμεναι εἵνεκ’ Ἀχαιῶν, ### book 7.290.2 τεθναίην ῥέξας τι καὶ ἄξιον Αἰακίδῃσιν.» ### book 7.290.3 Ὣς φάτο· τῷ δ’ ἄγχιστα κίεν γεραρὸς Λυκομήδης ### book 7.290.4 καί ῥά μιν ἰωχμοῖο λιλαιόμενον προσέειπεν· ### book 7.290.5 «Ὦ τέκος ὀβριμόθυμον ἑῷ πατρὶ κάρτος ἐοικώς, ### book 7.295.1 οἶδ’ ὅτι καρτερός ἐσσι καὶ ὄβριμος· ἀλλ’ ἄρα καὶ ὧς ### book 7.295.2 καὶ πόλεμον δείδοικα πικρὸν καὶ κῦμα θαλάσσης ### book 7.295.3 λευγαλέον· ναῦται γὰρ ἀεὶ σχεδόν εἰσιν ὀλέθρου. ### book 7.295.4 Ἀλλὰ σὺ δείδιε, τέκνον, ἐπὴν πλόον εἰσαφίκηαι ### book 7 ὕστερον ἢ Τροίηθεν ἢ ἄλλοθεν, οἷά τε πολλὰ ### book 7.299 . . . . . . . . . . . . . . . . . . . . . . . . . . . . . . . . . . . . . . . ### book 7.1 τῆμος, ὅτ’ Αἰγοκερῆι συνέρχεται ἠερόεντι ### book 7.2 Ἠέλιος μετόπισθε βαλὼν ῥυτῆρα βελέμνων ### book 7.3 Τοξευτήν, ὅτε χεῖμα λυγρὸν κλονέουσιν ἄελλαι, ### book 7.4 ἢ ὁπότ’ Ὠκεανοῖο κατὰ πλατὺ χεῦμα φέρονται ### book 7.5 ἄστρα κατερχομένοιο ποτὶ κνέφας Ὠρίωνος· ### book 7.305.1 δείδιε δ’ ἐν φρεσὶ σῇσιν ἰσημερίην ἀλεγεινὴν ### book 7.305.2 ᾗ ἔνι συμφορέονται ἀν’ εὐρέα βένθεα πόντου ### book 7.305.3 ἔκποθεν ἀίσσουσαι ὑπὲρ μέγα λαῖτμα θύελλαι, ### book 7.305.4 ἢ ὅτε Πληιάδων πέλεται δύσις, ἥν ῥα καὶ αὐτὴν ### book 7.305.5 δείδιθι μαιμώωσαν ἔσω ἁλὸς ἠδὲ καὶ ἄλλα ### book 7.310.1 ἄστρα τά που μογεροῖσι πέλει δέος ἀνθρώποισι ### book 7.310.2 δυόμεν’ ἢ ἀνιόντα κατὰ πλατὺ χεῦμα θαλάσσης.» ### book 7.310.3 Ὣς εἰπὼν κύσε παῖδα καὶ οὐκ ἀνέεργε κελεύθου ### book 7.310.4 ἱμείροντα μόθοιο δυσηχέος. Ὃς δ’ ἐρατεινὸν ### book 7.310.5 μειδιόων ἐπὶ νῆα θοῶς ὥρμαινε νέεσθαι· ### book 7.315.1 ἀλλά μιν εἰσέτι μητρὸς ἐνὶ μεγάροισιν ἔρυκε ### book 7.315.2 δακρυόεις ὀαρισμὸς ἐπισπεύδοντα πόδεσσιν. ### book 7.315.3 Ὡς δ’ ὅτε τις θοὸν ἵππον ἐπὶ δρόμον ἰσχανόωντα ### book 7.315.4 εἴργει ἐφεζόμενος, ὃ δ’ ἐρυκανόωντα χαλινὸν ### book 7.315.5 δάπτει ἐπιχρεμέθων, στέρνον δέ οἱ ἀφριόωντος ### book 7.320.1 δεύεται, οὐδ’ ἵστανται ἐελδόμενοι πόδες οἴμης, ### book 7.320.2 πουλὺς δ’ ἀμφ’ ἕνα χῶρον ἐλαφροτάτοις ὑπὸ ποσσὶ ### book 7.1 ταρφέα κινυμένοιο πέλει κτύπος, ἀμφὶ δὲ χαῖται ### book 7.2 ῥώοντ’ ἐσσυμένοιο, κάρη δ’ εἰς ὕψος ἀείρει ### book 7.3 φυσιόων μάλα πολλά, νόος δ’ ἐπιτέρπετ’ ἄνακτος· ### book 7.325.1 ὣς ἄρα κύδιμον υἷα μενεπτολέμου Ἀχιλῆος ### book 7.325.2 μήτηρ μὲν κατέρυκε, πόδες δέ οἱ ἐγκονέεσκον· ### book 7.325.3 ἣ δὲ καὶ ἀχνυμένη περ ἑῷ ἐπαγάλλετο παιδί. ### book 7.325.4 Ὃς δέ μιν ἀμφικύσας μάλα μυρία κάλλιπε μούνην ### book 7.325.5 μυρομένην ἀλεγεινὰ φίλου κατὰ δώματα πατρός. ### book 7.330.1 Οἵη δ’ ἀμφὶ μέλαθρα μέγ’ ἀσχαλόωσα χελιδὼν ### book 7.330.2 μύρεται αἰόλα τέκνα τά που μάλα τετριγῶτα ### book 7.330.3 αἰνὸς ὄφις κατέδαψε καὶ ἤκαχε μητέρα κεδνήν, ### book 7.330.4 ἣ δ’ ὁτὲ μὲν χήρη περιπέπταται ἀμφὶ καλιήν, ### book 7.330.5 ἄλλοτε δ’ εὐτύκτοισι περὶ προθύροισι ποτᾶται ### book 7.335.1 αἰνὰ κινυρομένη τεκέων ὕπερ· ὣς ἄρα κεδνὴ ### book 7.335.2 μύρετο Δηιδάμεια, καὶ υἱέος ἄλλοτε μέν που ### book 7.335.3 εὐνὴν ἀμφιχυθεῖσα μέγ’ ἴαχεν, ἄλλοτε δ’ αὖτε ### book 7.335.4 κλαῖεν ἐπὶ φλιῇσι. Φίλῳ δ’ ἐγκάτθετο κόλπῳ, ### book 7.335.5 εἴ τί οἱ ἐν μεγάροισι τετυγμένον ἦεν ἄθυρμα ### book 7.340.1 ᾧ ἔπι τυτθὸς ἐὼν ἀταλὰς φρένας ἰαίνεσκεν· ### book 7.340.2 ἀμφὶ δέ οἱ καὶ ἄκοντα λελειμμένον εἴ που ἴδοιτο, ### book 7.340.3 ταρφέα μιν φιλέεσκε, καὶ εἴ τί περ ἄλλο γοῶσα ### book 7.340.4 ἔδρακε παιδὸς ἑοῖο δαΐφρονος. Οὐδ’ ὅ γε μητρὸς ### book 7.340.5 ἄσπετ’ ὀδυρομένης ἔτ’ ἐπέκλυεν, ἀλλ’ ἀπάτερθε ### book 7.345.1 βαῖνε θοὴν ἐπὶ νῆα· φέρον δέ μιν ὠκέα γυῖα ### book 7.345.2 ἀστέρι παμφανόωντι πανείκελον. Ἀμφὶ δ’ ἄρ’ αὐτῷ ### book 7.345.3 ἕσπεθ’ ὁμῶς Ὀδυσῆι δαΐφρονι Τυδέος υἱός, ### book 7.1 ἄλλοι δ’ εἴκοσι φῶτες ἀρηρέμενοι φρεσὶ θυμόν, ### book 7.2 τοὺς ἔχε κεδνοτάτους ἐνὶ δώμασι Δηιδάμεια ### book 7.1 καί σφεας ᾧ πόρε παιδὶ θοοὺς ἔμεναι θεράποντας· ### book 7.2 οἳ τότ’ Ἀχιλλέος υἷα θρασὺν περιποιπνύεσκον ### book 7.3 ἐσσύμενον ποτὶ νῆα δι’ ἄστεος· ὃς δ’ ἐνὶ μέσσοις ### book 7.4 ἤιε καγχαλόων. Κεχάροντο δὲ Νηρηῖναι ### book 7.5 ἀμφὶ Θέτιν, καὶ δ’ αὐτὸς ἐγήθεε Κυανοχαίτης ### book 7.355.1 εἰσορόων Ἀχιλῆος ἀμύμονος ὄβριμον υἷα. ### book 7.355.2 Ὃς δ’ ἤδη πολέμοιο λιλαίετο δακρυόεντος, ### book 7.355.3 καί περ ἐὼν ἔτι παιδνός, ἔτ’ ἄχνοος· ἀλλά μιν ἀλκὴ ### book 7.355.4 καὶ μένος ὀτρύνεσκον. Ἑῆς δ’ ἐξέσσυτο πάτρης, ### book 7.355.5 οἷος Ἄρης, ὅτε μῶλον ἐσέρχεται αἱματόεντα ### book 7.360.1 χωόμενος δηίοισι, μέμηνε δέ οἱ μέγα θυμός, ### book 7.360.2 καί οἱ ἐπισκύνιον βλοσυρὸν πέλει, ἀμφὶ δ’ ἄρ’ αὐτῷ ### book 7.360.3 ὄμματα μαρμαίρουσιν ἴσον πυρί, τοῦ δὲ παρειαὶ ### book 7.360.4 κάλλος ὁμοῦ κρυόεντι φόβῳ καταειμέναι αἰεὶ ### book 7.360.5 φαίνοντ’ ἐσσυμένου, τρομέουσι δὲ καὶ θεοὶ αὐτοί· ### book 7.365.1 τοῖος ἔην Ἀχιλῆος ἐὺς πάις. Οἳ δ’ ἀνὰ ἄστυ ### book 7.365.2 εὔχοντ’ ἀθανάτοισι σαωσέμεν ἐσθλὸν ἄνακτα ### book 7.365.3 ἀργαλέου παλίνορσον ἀπ’ Ἄρεος· οἳ δ’ ἐσάκουσαν ### book 7.365.4 εὐχομένων. Ὃ δὲ πάντας ὑπείρεχεν οἵ οἱ ἕποντο. ### book 7.365.5 Ἐλθόντες δ’ ἐπὶ θῖνα βαρυγδούποιο θαλάσσης ### book 7.370.1 εὗρον ἔπειτ’ ἐλατῆρας ἐυξόου ἔνδοθι νηὸς ### book 7.370.2 ἱστία τ’ ἐντύνοντας ἐπειγομένους τ’ ἀνὰ νῆα. ### book 7.370.3 Αἶψα δ’ ἀν’ αὐτοὶ ἔβαν· 〈τ〉οὶ δ’ ἔκτοθι πείσματ’ ἔλυσαν ### book 7.1 εὐνάς θ’ αἳ νήεσσι μέγα σθένος αἰὲν ἕπονται. ### book 7.2 Τοῖσι δ’ ἄρ’ εὐπλοΐην πόσις ὤπασεν Ἀμφιτρίτης ### book 7.375.1 προφρονέως· μάλα γάρ οἱ ἐνὶ φρεσὶ μέμβλετ’ Ἀχαιῶν ### book 7.375.2 τειρομένων ὑπὸ Τρωσὶ καὶ Εὐρυπύλῳ μεγαθύμῳ. ### book 7.375.3 Οἳ δ’ Ἀχιλήιον υἷα παρεζόμενοι ἑκάτερθε ### book 7.375.4 τέρπεσκον μύθοισιν ἑοῦ πατρὸς ἔργ’ ἐνέποντες, ### book 7.375.5 ὅσσά τ’ ἀνὰ πλόον εὐρὺν ἐμήσατο καὶ ποτὶ γαίῃ ### book 7.380.1 Τηλέφου ἀγχεμάχοιο, καὶ ὁππόσα Τρῶας ἔρεξεν ### book 7.380.2 ἀμφὶ πόλιν Πριάμοιο φέρων κλέος Ἀτρείδῃσι· ### book 7.380.3 τοῦ δ’ ἰαίνετο θυμὸς ἐελδομένοιο καὶ αὐτοῦ ### book 7.380.4 πατρὸς ἀταρβήτοιο μένος καὶ κῦδος ἀρέσθαι. ### book 7.380.5 Ἣ δέ που ἐν θαλάμοισιν ἀκηχεμένη περὶ παιδὶ ### book 7.385.1 ἐσθλὴ Δηιδάμεια πολύστονα δάκρυα χεῦε, ### book 7.385.2 καί οἱ ἐνὶ φρεσὶ θυμὸς ὑπ’ ἀργαλέῃσιν ἀνίῃς ### book 7.385.3 τήκεθ’, ὅπως ἀλαπαδνὸς ἐπ’ ἀνθρακιῇσι μόλυβδος ### book 7.385.4 ἠὲ τρύφος κηροῖο· γόος δέ μιν οὔ ποτ’ ἔλειπε ### book 7.385.5 δερκομένην ἐπὶ πόντον ἀπείριτον, οὕνεκα μήτηρ ### book 7.390.1 ἄχνυθ’ ἑῷ περὶ παιδί, καὶ ἢν ἐπὶ δαῖτ’ ἀφίκηται. ### book 7.390.2 Καί ῥά οἱ ἱστία νηὸς ἀπόπροθι πολλὸν ἰούσης ### book 7.390.3 ἤδη ἀπεκρύπτοντο καὶ ἠέρι φαίνεθ’ ὁμοῖα· ### book 7.390.4 ἀλλ’ ἣ μὲν στενάχιζε πανημερίη γοόωσα. ### book 7.390.5 Νηῦς δ’ ἔθεεν κατὰ πόντον ἐπισπομένου ἀνέμοιο ### book 7.395.1 τυτθὸν ἐπιψαύουσα πολυρρο〈θί〉οιο θαλάσσης· ### book 7.395.2 πορφύρεον δ’ ἑκάτερθε περὶ τρόπιν ἔβραχε κῦμα· ### book 7.395.3 αἶψα δὲ δὴ μέγα λαῖτμα διήνυε ποντοποροῦσα. ### book 7.395.4 Ἀμφὶ δέ οἱ πέσε νυκτὸς ἐπὶ κνέφας· ἣ δ’ ὑπ’ ἀήτῃ ### book 7 πλῶε κυβερνήτῃ τε διαπρήσσουσα θαλάσσης ### book 7.1 βένθεα. Θεσπεσίη δὲ πρὸς οὐρανὸν ἤλυθεν Ἠώς· ### book 7.2 τοῖσι δ’ ἄρ’ Ἰδαίων ὀρέων φαίνοντο κολῶναι ### book 7.3 Χρῦσά τε καὶ Σμίνθειον ἕδος καὶ Σιγιὰς ἄκρη ### book 7.4 τύμβος τ’ Αἰακίδαο δαΐφρονος· ἀλλά μιν οὔ τι ### book 7.5 υἱὸς Λαέρταο πύκα φρονέων ἐνὶ θυμῷ ### book 7.405.1 δεῖξε Νεοπτολέμῳ, ἵνα οἱ μὴ πένθος ἀέξῃ ### book 7.405.2 θυμὸς ἐνὶ στήθεσσι. Παρημείβοντο δὲ νήσους ### book 7.405.3 αἶψα Καλυδναίας· Τένεδος δ’ ἀπελείπετ’ ὀπίσσω· ### book 7.405.4 φαίνετο δ’ αὖτ’ Ἐλεοῦντος ἕδος, τόθι Πρωτεσιλάου ### book 7.405.5 σῆμα πέλει πτελέῃσ〈ι〉 κατάσκιον αἰπεινῇσιν, ### book 7.410.1 αἵ ῥ’ ὁπότ’ ἀθρήσωσιν ἀνερχόμεναι δαπέδοιο ### book 7.410.2 Ἴλιον, αὐτίκα τῇσι θοῶς αὐα〈ί〉νεται ἄκρα. ### book 7.410.3 Νῆα δ’ ἐρεσσομένην ἄνεμος φέρεν ἀγχόθι Τροίης· ### book 7.410.4 ἵκετο δ’ ἧχι καὶ ἄλλαι ἔσαν παρὰ θίνεσι νῆες ### book 7.410.5 Ἀργείων, οἳ τῆμος ὀιζυρῶς πονέοντο ### book 7.415.1 μαρνάμενοι περὶ τεῖχος ὅ περ πάρος αὐτοὶ ἔδειμαν ### book 7.415.2 νηῶν ἔμμεναι ἕρκος ἐυσθενέων θ’ ἅμα λαῶν ### book 7.415.3 ἐν πολέμῳ. Τὸ δ’ ἄρ’ ἤδη ὑπ’ Εὐρυπύλοιο χέρεσσι ### book 7.415.4 μέλλεν ἀμαλδύνεσθαι ἐρειπόμενον ποτὶ γαίῃ, ### book 7.415.5 εἰ μὴ ἄρ’ αἶψ’ ἐνόησε κραταιοῦ Τυδέος υἱὸς ### book 7.420.1 βαλλόμεν’ ἕρκεα μακρά. Θοῆς δ’ ἄφαρ ἔκθορε νηὸς ### book 7.420.2 θαρσαλέως τ’ ἐβόησεν ὅσον χάδε οἱ κέαρ ἔνδον· ### book 7.420.3 «Ὦ φίλοι, ἦ μέγα πῆμα κυλίνδεται Ἀργείοισι ### book 7.420.4 σήμερον· ἀλλ’ ἄγε θᾶσσον ἐς αἰόλα τεύχεα δύντες ### book 7.420.5 ἴομεν ἐς πολέμοιο πολυκμήτοιο κυδοιμόν. ### book 7.425.1 Ἤδη γὰρ πύργοισιν ἐφ’ ἡμετέροισι μάχονται ### book 7.425.2 Τρῶες ἐυπτόλεμοι, τοὶ δὴ τάχα τείχεα μακρὰ ### book 7.425.3 ῥηξάμενοι πυρὶ νῆας ἐνιπρήσουσι μάλ’ αἰνῶς· ### book 7.425.4 νῶιν δ’ οὐκέτι νόστος ἐελδομένοις ἀνὰ θυμὸν ### book 7.425.5 ἔσσεται· ἀλλὰ καὶ αὐτοὶ ὑπὲρ μόρον αἶψα δαμέντες ### book 7.430.1 κεισόμεθ’ ἐν Τροίῃ τεκέων ἑκὰς ἠδὲ γυναικῶν.» ### book 7.430.2 Ὣς φάτο· τοὶ δ’ ὤκιστα θοῆς ἐκ νηὸς ὄρουσαν ### book 7.430.3 πανσυδίῃ· πάντας γὰρ ἕλε〈ν〉 τρόμος εἰσαΐοντας ### book 7.430.4 νόσφι Νεοπτολέμοιο θρασύφρονος, οὕνεκ’ ἐῴκει ### book 7.430.5 πατρὶ ἑῷ μέγα κάρτος· ἔρως δέ οἱ ἔμπεσε χάρμης. ### book 7.435.1 Καρπαλίμως δ’ ἵκοντο ποτὶ κλισίην Ὀδυσῆος ### book 7.435.2 (ἣ γὰρ ἔην ἄγχιστα νεὸς κυανοπρῴροιο)· ### book 7.435.3 πολλὰ γὰρ ἐξημοιβὰ παρ’ αὐτόθι τεύχεα κεῖτο ### book 7.435.4 ἠμὲν Ὀδυσσῆος πυκιμήδεος ἠδὲ καὶ ἄλλων ### book 7.435.5 ἀντιθέων ἑτάρων, ὁπόσα κταμένων ἀφέλοντο. ### book 7.440.1 Ἔνθ’ ἐσθλὸς μὲν ἔδυ καλὰ τεύχεα, τοὶ δὲ χέρεια ### book 7.440.2 δῦσαν ὅσοις ἀλαπαδνὸν ὑπὸ κραδίῃ πέλεν ἦτορ. ### book 7.440.3 Αὐτὰρ Ὀδυσσεὺς δύσεθ’ 〈ἅ〉 οἱ Ἰθάκηθεν ἕποντο· ### book 7.440.4 δῶκε δὲ Τυδείδῃ Διομήδεϊ κάλλιμα τεύχη ### book 7.440.5 κεῖνα τὰ δὴ Σώκοιο βίην εἴρυσσε πάροιθεν. ### book 7.445.1 Υἱὸς δ’ αὖτ’ Ἀχιλῆος ἐδύσετο τεύχεα πατρός, ### book 7.445.2 καί οἱ φαίνετο πάμπαν ἀλίγκιος· ἀμφὶ δ’ ἐλαφρὰ ### book 7.445.3 Ἡφαίστου παλάμῃσι περὶ μελέεσσιν ἀρήρει, ### book 7.445.4 καί περ ἐόνθ’ ἑτέροισι πελώρια· τῷ δ’ ἅμα πάντα ### book 7.445.5 φαίνετο τεύχεα κοῦφα· κάρη δέ οἱ οὔ τι βάρυνε ### book 7 πήληξ . . . . . . . . . . . . . . . . . . . . . . . . . . . . . . . . . ### book 7 . . . . . . . . . . . . . . . . . . . . . . . . . . . . . . . . . . . . . . . ### book 7.450a 〈Πηλιάσ〉, ἀλλά ἑ χερσὶ καὶ ἠλίβατόν περ ἐοῦσαν ### book 7.451.1 ῥηιδίως ἀνάειρεν ἔθ’ αἵματος ἰσχανόωσαν. ### book 7.451.2 Ἀργείων δέ μιν ὅσσοι ἐσέδρακον, οὔ τι δύναντο ### book 7.451.3 καί περ ἐελδόμενοι σχεδὸν ἐλθέμεν, οὕνεκ’ ἄρ’ αὐτοὺς ### book 7.451.4 πᾶν περὶ τεῖχος ἔτειρε βαρὺς πολέμοιο κυδοιμός. ### book 7.455.1 Ὡς δ’ ὅτ’ ἀν’ εὐρέα πόντον ἐρημαίῃ περὶ νήσῳ ### book 7.455.2 ἀνθρώπων ἀπάτερθεν ἐεργμένοι ἀσχαλόωσιν ### book 7.455.3 ἀνέρες οὕς τ’ ἀνέμοιο καταιγίδες ἀντιόωσαι ### book 7.455.4 εἴργουσι〈ν〉 μάλα πολλὸν ἐπὶ χρόνον, οἳ δ’ ἀλεγεινοὶ ### book 7.455.5 νηὶ περιτρωχῶσι, καταφθινύθει δ’ ἄρα πάντα ### book 7.460.1 ἤια, τειρομένοισι δ’ ἐπέπνευσεν λιγὺς οὖρος· ### book 7.460.2 ὣς ἄρ’ Ἀχαιῶν ἔθνος ἀκηχέμενον τὸ πάροιθεν ### book 7.460.3 ἀμφὶ Νεοπτολέμοιο βίῃ κεχάροντο μολόντι ### book 7.460.4 ἐλπόμενοι στονόεντος ἀναπνεύσειν καμάτοιο. ### book 7.460.5 Ὄσσε δέ οἱ μάρμαιρεν ἀναιδέος εὖτε λέοντος, ### book 7.465.1 ὅς τε κατ’ οὔρεα μακρὰ μέγ’ ἀσχαλόων ἐνὶ θυμῷ ### book 7.465.2 ἔσσυται ἀγρευτῇσιν ἐναντίον, οἵ τέ οἱ ἤδη ### book 7.465.3 ἄντρῳ ἐπεμβαίνωσιν ἐρύσσασθαι μεμαῶτες ### book 7.465.4 σκύμνους οἰωθέντας ἑῶν ἀπὸ τῆλε τοκήων ### book 7.465.5 βήσσῃ ἐνὶ σκιερῇ, ὃ δ’ ἄρ’ ὑψόθεν ἔκ τινος ἄκρης ### book 7.470.1 ἀθρήσας ὀλοοῖσιν ἐπέσσυται ἀγρευτῇσι ### book 7.470.2 σμερδαλέον βλοσυρῇσιν ὑπαὶ γενύεσσι βεβρυχώς· ### book 7.470.3 ὣς ἄρα φαίδιμος υἱὸς ἀταρβέος Αἰακίδαο ### book 7.470.4 θυμὸν ἐπὶ Τρώεσσιν ἐυπτολέμοισιν ὄρινεν. ### book 7.470.5 Οἴμησε〈ν〉 δ’ ἄρα πρῶτος ὅπῃ μάλα δῆρις ὀρώρει ### book 7.475.1 ἂμ πεδίον· τῇ † γάρ σφιν ἐπέπλετο † τεῖχος Ἀχαιῶν ### book 7.475.2 ῥηίτερον δηίοισι κατὰ κλόνον ἐσσυμένοισιν, ### book 7.475.3 οὕνεκ’ ἀκιδνοτέρῃσιν ἐπάλξεσιν ἠρήρειστο· ### book 7.475.4 σὺν δέ οἱ ἄλλοι ἔβαν μέγα μαιμώωντες Ἄρηι. ### book 7.475.5 Εὗρον δ’ Εὐρύπυλον κρατερόφρονα, τῷ δ’ ἅμ’ ἑταίρους ### book 7.480.1 πύργῳ ἐπεμβεβαῶτας, ὀιομένους περὶ θυμῷ ### book 7.480.2 ῥήξειν τείχεα μακρὰ καὶ Ἀργείους ἀπολέσσειν ### book 7.480.3 πανσυδίῃ. Τοῖς δ’ οὔ τι θεοὶ τελέεσκον ἐέλδωρ· ### book 7.480.4 ἀλλά σφεας Ὀδυσεύς τε καὶ ὁ σθεναρὸς Διομήδης ### book 7.480.5 ἰσόθεός τε Νεοπτόλεμος δῖός τε Λεοντεὺς ### book 7.485.1 αἶψ’ ἀπὸ τείχεος ὦσαν ἀπειρεσίοις βελέεσσιν. ### book 7.485.2 Ὡς δ’ ὅτ’ ἀπὸ σταθμοῖο κύνες μογεροί τε νομῆες ### book 7.485.3 κάρτεϊ καὶ φωνῇ κρατεροὺς σεύουσι λέοντας ### book 7.485.4 πάντοθεν ἐσσύμενοι, τοὶ δ’ ὄμμασι γλαυκιόωντες ### book 7.485.5 στρωφῶντ’ ἔνθα καὶ ἔνθα λιλαιόμενοι μέγα θυμῷ ### book 7.490.1 πόρτιας ἠδὲ βόας μετὰ γαμφηλῇσι λαφύξαι, ### book 7.490.2 ἀλλὰ καὶ ὧς εἴκουσι κυνῶν ὑπὸ καρτεροθύμων ### book 7.490.3 σευόμενοι, μάλα γάρ σφιν ἐπαΐσσουσι νομῆες· ### book 7.492.1 . . . . . . . . . . . . . . . . . . . . . . . . . . . . . . . . . . . . . . . ### book 7.492.2 βαιόν, ὅσον τις ἵησι χερὸς περιμήκεα λᾶαν. ### book 7.492.3 Οὐ γὰρ Τρῶας ἔα νηῶν ἀπὸ νόσφι φέβεσθαι ### book 7.495.1 Εὐρύπυλος, δηίων δὲ μάλα σχεδὸν ὀτρύνεσκε ### book 7.495.2 μίμνειν, εἰς ὅ κε νῆας ἕλῃ καὶ πάντας ὀλέσσῃ ### book 7.495.3 Ἀργείους· Ζεὺς γάρ οἱ ἀπειρέσιον βάλε κάρτος. ### book 7.495.4 Αὐτίκα δ’ ὀκριόεσσαν ἑλὼν καὶ ἀτειρέα πέτρην ### book 7 ἧκεν ἐπεσσύμενος κατὰ τείχεος ἠλιβάτοιο· ### book 7.1 σμερδαλέον δ’ ἄρα πάντα περιπλατάγησε θέμεθλα ### book 7.2 ἕρκεος αἰπεινοῖο· δέος δ’ ἕλε πάντας Ἀχαιούς, ### book 7.3 τείχεος ὡς ἤδη συνοχωκότος ἐν κονίῃσιν. ### book 7.4 Ἀλλ’ οὐδ’ ὧς ἀπόρουσαν ἀταρτηροῖο κυδοιμοῦ, ### book 7.5 ἀλλ’ ἔμενον θώεσσιν ἐοικότες ἠὲ λύκοισι, ### book 7.505.1 μήλων ληιστῆρσιν ἀναιδέσιν, οὕς τ’ ἐν ὄρεσσιν ### book 7.505.2 ἄντρων ἐξελάσωσιν ὁμῶς κυσὶν ἀγροιῶται ### book 7.505.3 ἱέμενοι σκύμνοισι φόνον στονόεντα βαλέσθαι ### book 7.505.4 ἐσσυμένως, τοὶ δ’ οὔ τι βιαζόμενοι βελέεσσι ### book 7.505.5 χάζοντ’, ἀλλὰ μένοντες ἀμύνουσι〈ν〉 τεκέεσσιν· ### book 7.510.1 ὣς οἳ ἀμυνόμενοι νηῶν ὕπερ ἠδὲ καὶ αὐτῶν ### book 7.510.2 μίμνον ἐν ὑσμίνῃ. Τοῖς δ’ Εὐρύπυλος θρασυχάρμης ### book 7.510.3 ἠπείλει μέγα πᾶσι νεῶν 〈προ〉πάροιθε θοάων· ### book 7.510.4 «Ἆ δειλοὶ καὶ ἄναλκιν ἐνὶ φρεσὶ θυμὸν ἔχοντες, ### book 7.510.5 οὐκ ἂν δὴ βελέεσσι νεῶν ἄπο ταρβήσαντα ### book 7.515.1 ἠλάσατ’, εἰ μὴ τεῖχος ἐμὴν ἀπέρυκεν ὁμοκλήν. ### book 7.515.2 Νῦν δέ μοι, εὖτε λέοντι κύνες πτώσσοντες ἐν ὕλῃ, ### book 7.515.3 μάρνασθ’ ἔνδον ἐόντες ἀλευόμενοι φόνον αἰπύν· ### book 7.515.4 ἢν δέ ποτ’ ἐκ νηῶν ἐς Τρώιον οὖδας ἵκησθε, ### book 7.515.5 ὡς τὸ πάρος μεμαῶτες ἐπὶ μόθον, οὔ νύ τις ὑμέας ### book 7.520.1 ῥύσεται ἐκ θανάτοιο δυσηχέος, ἀλλ’ ἅμα πάντες ### book 7.520.2 κείσεσθ’ ἐν κονίῃσιν ἐμεῦ ὕπο δῃωθέντες.» ### book 7.520.3 Ὣς ἔφατ’ ἀκράαντον ἱεὶς ἔπος· οὐδέ τι ᾔδη ### book 7.520.4 ὅττι ῥά οἱ μέγα πῆμα κυλίνδετο βαιὸν ἄπωθε ### book 7.520.5 χερσὶ Νεοπτολέμοιο θρασύφρονος ὅς μιν ἔμελλε ### book 7.525.1 δάμνασθ’ οὐ μετὰ δηρὸν ὑπ’ ἔγχεϊ μαιμώωντι. ### book 7.525.2 Οὐδὲ μὲν οὐδὲ τότ’ ἔσκεν ἄτερ κρατεροῖο πόνοιο, ### book 7.525.3 ἀλλ’ ἄ〈ρα〉 Τρῶας ἔναιρεν ἀφ’ ἕρκεος· οἳ δ’ ἐφέβοντο ### book 7.525.4 βαλλόμενοι καθύπερθε, περικλονέοντο δ’ ἀνάγκῃ ### book 7.525.5 Εὐρυπύλῳ· πάντας γὰρ ἀνιηρὸν δέος ᾕρει. ### book 7.530.1 Ὡς δ’ ὅτε νηπίαχοι περὶ γούνασι πατρὸς ἑοῖο ### book 7.530.2 πτώσσουσι〈ν〉 βροντὴν μεγάλου Διὸς ἀμφὶ νέφεσσι ### book 7.530.3 ῥηγνυμένην, ὅτε δεινὸν ἐπιστεναχίζεται ἀήρ· ### book 7.530.4 ὣς ἄρα Τρώιοι υἷες ἐν ἀνδράσι Κητείοισιν ### book 7.530.5 ἀμφὶ μέγαν βασιλῆα Νεοπτόλεμον φοβέοντο ### book 7.535.1 πᾶν ὅ τι χερσὶν ἕηκεν· ἐς ἰθὺ γὰρ ἔπτατο πῆμα, ### book 7.535.2 δυσμενέων κεφαλῇσι φέρον πολύδακρυν Ἄρηα. ### book 7.535.3 Οἳ δ’ ἄρ’ ἀμηχανίῃ βεβολημένοι ἔνδοθεν ἦτορ ### book 7.535.4 Τρῶες ἔφαντ’ Ἀχιλῆα πελώριον εἰσοράασθαι ### book 7.535.5 αὐτὸν ὁμῶς τεύχεσσι· καὶ ἀμφασίην ἀλεγεινὴν ### book 7.540.1 κεῦθον ὑπὸ κραδίῃ, ἵνα μὴ δέος αἰνὸν ἵκηται ### book 7.540.2 ἐς φρένα Κητείων μηδ’ Εὐρυπύλοιο ἄνακτος. ### book 7.540.3 Αὐτοῦ δ’ ἄλλοθεν ἄλλος ἀπειρέσιον τρομέοντες ### book 7.540.4 μεσσηγὺς κακότητος ἔσαν κρυεροῦ τε φόβοιο· ### book 7.540.5 αἰδὼς γὰρ κατέρυκεν ὁμῶς καὶ δεῖμ’ ἀλεγεινόν. ### book 7.545.1 Ὡς δ’ ὅτε παιπαλόεσσαν ὁδὸν κατὰ ποσσὶν ἰόντες ### book 7.545.2 ἀνέρες ἀθρήσωσιν ἀπ’ οὔρεος ἀίσσοντα ### book 7.545.3 χείμαρρον, καναχὴ δὲ περιβρομέει περὶ πέτρῃ, ### book 7.545.4 οὐδέ τι οἳ μεμάασιν ἀνὰ ῥόον ἠχήεντα ### book 7.545.5 βήμεναι ἐγκονέοντες, ἐπεὶ παρὰ ποσσὶν ὄλεθρον ### book 7.1 δερκόμενοι τρομέουσι, καὶ οὐκ ἀλέγουσι κελεύθου· ### book 7.2 ὣς ἄρα Τρῶες ἔμιμνον ἀλευόμενοί περ ἀυτὴν ### book 7.3 τεῖχος ὑπ’ Ἀργείων. Τοὺς δ’ Εὐρύπυλος θεοειδὴς ### book 7.4 αἰὲν ἐποτρύνεσκε ποτὶ κλόνον· ἦ γὰρ ἐώλπει ### book 7.5 πολλοὺς δηιόωντα πελώριον ἐν δαῒ φῶτα ### book 7.555.1 χεῖρα καμεῖν καὶ κάρτος· ὃ δ’ οὐκ ἀπέληγε μόθοιο. ### book 7.555.2 Τῶν δ’ ἄρ’ Ἀθηναίη κρατερὸν πόνον εἰσορόωσα ### book 7.555.3 κάλλιπεν Οὐλύμποιο θυώδεος αἰπὰ μέλαθρα· ### book 7.555.4 βῆ δ’ ἄρ’ ὑπὲρ κεφαλὰς ὀρέων οὐδ’ ἴχνεσι γαίης ### book 7.555.5 ψαῦε μέγ’ ἐγκονέουσα· φέρεν δέ μιν ἱερὸς ἀὴρ ### book 7.560.1 εἰδομένην νεφέεσσιν, ἐλαφροτέρην δ’ ἀνέμοιο. ### book 7.560.2 Τροίην δ’ αἶψ’ ἀφίκανε, πόδας δ’ ἐπέθηκε κολώνῃ ### book 7.560.3 Σιγέου ἠνεμόεντος· ἐδέρκετο δ’ ἔνθεν ἀυτὴν ### book 7.560.4 ἀγχεμάχων ἀνδρῶν· κύδαινε δὲ πολλὸν Ἀχαιούς. ### book 7.560.5 Υἱὸς δ’ αὖτ’ Ἀχιλῆος ἔχεν πολὺ φέρτατον ἄλλων ### book 7.565.1 θάρσος ὁμοῦ καὶ κάρτος ἅ τ’ ἀνδράσιν εἰς ἓν ἰόντα ### book 7.565.2 τεύχουσι〈ν〉 μέγα κῦδος· ὃ δ’ ἀμφοτέροισι κέκαστο, ### book 7.565.3 οὕνεκ’ ἔην Διὸς αἷμα, φίλῳ δ’ ἤικτο τοκῆι· ### book 7.565.4 τῶ καὶ ἄτρεστος ἐὼν πολέας κτάνεν ἀγχόθι πύργων. ### book 7.565.5 Ὡς δ’ ἁλιεὺς κατὰ πόντον ἀνὴρ λελιημένος ἄγρης ### book 7.570.1 τεύχων ἰχθύσι πῆμα φέρει μένος Ἡφαίστοιο ### book 7.570.2 νηὸς ἑῆς ἔντοσθε, διεγρομένῃ δ’ ὑπ’ ἀυτμῇ ### book 7.570.3 μαρμαίρει περὶ νῆα πυρὸς σέλας, οἳ δὲ κελαινῆς ### book 7.570.4 ἐξ ἁλὸς ἀίσσουσι μεμαότες ὕστατον αἴγλην ### book 7.570.5 εἰσιδέειν, τοὺς γάρ ῥα τανυγλώχινι τριαίνῃ ### book 7.575.1 κτείνει ἐπεσσυμένους, γάνυται δέ οἱ ἦτορ ἐπ’ ἄγρῃ· ### book 7.575.2 ὣς ἄρα κύδιμος υἱὸς ἐυπτολέμου Ἀχιλῆος ### book 7.575.3 λαΐνεον περὶ τεῖχος ἐδάμνατο δήια φῦλα ### book 7.575.4 ἀντί’ ἐπεσσυμένων. Πονέοντο δὲ πάντες Ἀχαιοὶ ### book 7.575.5 ἄλλοι ὁμῶς ἄλλῃσιν ἐπάλξεσιν· ἔβραχε δ’ εὐρὺς ### book 7.580.1 αἰγιαλὸς καὶ νῆες, ἐπεστενάχοντο δὲ μακρὰ ### book 7.580.2 τείχεα βαλλομένων. Κάματος δ’ ὑπεδάμνατο λαοὺς ### book 7.580.3 ἄσπετος ἀμφοτέρωθε (λύοντο δὲ γυῖα καὶ ἀλκὴ ### book 7.580.4 αἰζηῶν), ἀλλ’ οὔ τι μενεπτολέμου Ἀχιλῆος ### book 7.580.5 ἄμπεχεν υἱέα δῖον, ἐπεί ῥά οἱ ὄβριμον ἦτορ ### book 7.585.1 πάμπαν ἔην ἄτρυτον· ἀνιηρὸν δέ οἱ οὔ τι ### book 7.585.2 ἥψατο μαρναμένοιο 〈δέοσ〉 . . . . . . . . . . . . . . . . . ### book 7.586.1 . . . . . . . . . . . . . . . . μένος δ’ ἀκάμαντι ἐοικὼς ### book 7.586.2 ἀενάῳ ποταμῷ, τὸν ἀπειρεσίη πυρὸς ὁρμὴ ### book 7.586.3 οὔ ποτ’ ἰοῦσα φόβησε, καὶ εἰ μέγα μαίνετ’ ἀήτης ### book 7.586.4 Ἡφαίστου κλονέων ἱερὸν μένος (ἢν γὰρ ἵκηται ### book 7.590.1 ἐγγὺς ἐπὶ προχοῇσι, μαραίνεται οὐδέ οἱ ἀλκὴ ### book 7.590.2 ἅψασθ’ ἀργαλέη σθένει ὕδατος ἀκαμάτοιο)· ### book 7.590.3 ὣς ἄρα Πηλείδαο δαΐφρονος υἱέος ἐσθλοῦ ### book 7.590.4 οὔτε μόγος στονόεις οὔτ’ ἂρ δέος ἥψατο γούνων ### book 7.590.5 αἰὲν ἐρειδομένοιο καὶ ὀτρύνοντος ἑταίρους. ### book 7.595.1 Οὐ〈δὲ〉 μὲν οὐδὲ βέλος κείνου χρόα καλὸν ἵκανε ### book 7.595.2 πολλῶν βαλλομένων, ἀλλ’ ὡς νιφάδες περὶ πέτρῃ ### book 7.595.3 πολλάκις ἠίχθησαν ἐτώσια· πάντα γὰρ εὐρὺ ### book 7.595.4 εἶργε σάκος βριαρή τε κόρυς, κλυτὰ δῶρα θεοῖο· ### book 7 τοῖς ἐπικαγχαλόων κρατερὸς πάις Αἰακίδαο ### book 7.1 φοίτα μακρὰ βοῶν περὶ τείχεϊ, πολλὰ κελεύων ### book 7.2 ἐς μόθον Ἀργείοισιν ἀταρβέα [θύνε] . . . . . . ### book 7.601 . . . . . . . . . . . . . . . . . . . . . . . . . . . . . . . . . . . ### book 7.601.1 . . . . . . . . . . . . . . . . . . . . . . . , οὕνεκα πάντων ### book 7.601.2 πολλὸν ἔην ὄχ’ ἄριστος, ἔχεν δ’ ἔτι θυμὸν ὁμοκλῆς ### book 7.601.3 λευγαλέης ἀκόρητον, ἑοῦ δ’ ἄρα μήδετο πατρὸς ### book 7.601.4 τίσασθ’ ἀλγινόεντα φόνον. Κεχάροντο δ’ ἄνακτι ### book 7.605.1 Μυρμιδόνες· στυγερὴ δὲ πέλεν περὶ τεῖχος ἀυτή. ### book 7.605.2 Ἔνθα δύω κτάνε παῖδε πολυχρύσοιο Μέγητος ### book 7.605.3 ὃς γένος ἔσκε Δύμαντος, ἔχεν δ’ ἐρικυδέας υἷας ### book 7.605.4 εἰδότας εὖ μὲν ἄκοντα βαλεῖν, εὖ δ’ ἵππον ἐλάσσαι ### book 7.605.5 ἐν πολέμῳ καὶ μακρὸν ἐπισταμένως δόρυ πῆλαι, ### book 7.610.1 τοὺς τέκε οἱ Περίβοια μιῇ ὠδῖνι παρ’ ὄχθας ### book 7.610.2 Σαγγαρίου, Κελτόν τε καὶ Εὔβιον· οὐδ’ ἀπόναντο ### book 7.610.3 ὄλβου ἀπειρεσίοιο πολὺν χρόνον, οὕνεκα Μοῖραι ### book 7.610.4 παῦρον ἐπὶ σφίσι πάγχυ τέλος βιότοιο βάλοντο. ### book 7.610.5 Ἄμφω δ’ ὡς ἴδον ἦμαρ ὁμῶς, καὶ κάτθανον ἄμφω ### book 7.615.1 χερσὶ Νεοπτολέμοιο θρασύφρονος, ὃς μὲν ἄκοντι ### book 7.615.2 βλήμενος ἐς κραδίην, ὃ δὲ χερμαδίῳ ἀλεγεινῷ ### book 7.615.3 κὰκ κεφαλῆς· βριαρὴ δὲ περιθραυσθεῖσα καρήνῳ ### book 7.615.4 ἐθλάσθη τρυφάλεια καὶ ἐγκέφαλον συνέχευεν. ### book 7.615.5 Ἀμφὶ δ’ ἄρά σφισι φῦλα περικτείνοντο καὶ ἄλλων ### book 7.620 μυρία δυσμενέων. Μέγα δ’ Ἄρεος ἔργον ὀρώρει, ### book 7.1 μέσφ’ ὅτε δὴ βουλυτὸς ἐπήλυθεν, ἤνυτο δ’ ἠὼς ### book 7.2 ἀμβροσίη, καὶ λαὸς ἀταρβέος Εὐρυπύλοιο ### book 7.3 χάσσατο τυτθὸν ἄπωθε νεῶν. Οἳ δ’ ἀγχόθι πύργων ### book 7.4 βαιὸν ἀνέπνευσαν, καὶ δ’ αὐτοὶ Τρώιοι υἷες ### book 7.625.1 ἀμπαύοντο μόγοιο δυσαλγέος, οὕνεκ’ ἐτύχθη ### book 7.625.2 φύλοπις ἀργαλέη περὶ τείχεϊ καί νύ χ’ ἅπαντες ### book 7.625.3 Ἀργεῖοι τότε νηυσὶν ἐπὶ σφετέρῃσιν ὄλοντο, ### book 7.625.4 εἰ μὴ Ἀχιλλῆος κρατερὸς πάις ἤματι κείνῳ ### book 7.625.5 δυσμενέων ἀπάλαλκε πολὺν στρατὸν ἠδὲ καὶ αὐτὸν ### book 7.630.1 Εὐρύπυλον. Τῷ δ’ αἶψα γέρων σχεδὸν ἤλυθε Φοῖνιξ, ### book 7.630.2 καί μιν ἰδὼν θάμβησεν ἐοικότα Πηλείωνι· ### book 7.630.3 ἀμφὶ δέ οἱ μέγα χάρμα καὶ ἄσπετον ἄλγος ἵκανεν, ### book 7.630.4 ἄλγος μὲν μνησθέντι ποδώκεος ἀμφ’ Ἀχιλῆος, ### book 7.630.5 χάρμα δ’ ἄρ’, οὕνεκά οἱ κρατερὸν παῖδ’ εἰσενόησε. ### book 7.635.1 Κλαῖε δ’ ὅ γ’ ἀσπασίως, ἐπεὶ οὔ ποτε φῦλ’ ἀνθρώπων ### book 7.635.2 νόσφι γόου ζώουσι, καὶ εἴ ποτε χάρμα φέρωνται. ### book 7.635.3 Ἀμφεχύθη δέ οἱ, εὖτε πατὴρ περὶ παιδὶ χυθείη, ### book 7.635.4 ὅς τε θεῶν ἰότητι πολὺν χρόνον ἄλγε’ ἀνατλὰς ### book 7.635.5 ἔλθοι ἑὸν ποτὶ δῶμα φίλῳ μέγα χάρμα τοκῆι· ### book 7.640.1 ὣς ὃ Νεοπτολέμοιο κάρη καὶ στήθεα κύσσεν ### book 7.640.2 ἀμφιχυθείς, καὶ τοῖον ἀγασσάμενος φάτο μῦθον· ### book 7.640.3 «Χαῖρέ μοι, ὦ τέκος ἐσθλὸν Ἀχιλλέος ὅν ποτ’ ἔγωγε ### book 7.640.4 τυτθὸν ἐόντ’ ἀτίταλλον ἐν ἀγκοίνῃσιν ἐμῇσι ### book 7.640.5 προφρονέως. Ὃ δ’ ἄρ’ ὦκα θεῶν ἐρικυδέι βουλῇ ### book 7.645.1 ἔρνος ὅπως ἐριθηλὲς ἀέξετο, καί οἱ ἔγωγε ### book 7.645.2 γήθεον εἰσορόων ἠμὲν δέμας ἠδὲ καὶ αὐδήν. ### book 7.645.3 Ἔσκε δέ μοι μέγ’ ὄνειαρ· ἴσον δέ ἑ παιδὶ τίεσκον ### book 7.1 τηλυγέτῳ, ὃ δ’ ἄρ’ ἶσον ἑῷ πατρὶ τῖεν ἐμὸν κῆρ· ### book 7.2 κείνου μὲν γὰρ ἔγωγε πατήρ, ὃ δ’ ἄρ’ υἱὸς ἔμοιγε ### book 7.1 ἔσκεν, ὅπως φήσασκεν ἰδών· «Ἑνὸς αἵματός εἰμεν ### book 7.2 εἵνεχ’ ὁμοφροσύνης». Ἀρετῇ δ’ ὅ γε φέρτερος ἦεν ### book 7.3 πολλόν, ἐπεὶ μακάρεσσι δέμας καὶ κάρτος ἐῴκει· ### book 7.4 τῷ σύ γε πάμπαν ἔοικας, ἐγὼ δ’ ἄρ〈α〉 κεῖνον ὀίω ### book 7.5 ζωὸν ἔτ’ Ἀργείοισι μετέμμεναι· οὗ μ’ ἄχος ὀξὺ ### book 7.655.1 ἀμπέχει ἤματα πάντα, λυγρῷ δ’ ἐπὶ γήραϊ θυμὸν ### book 7.655.2 τείρομαι. Ὡς ὄφελόν με χυτὴ κατὰ γαῖα κεκεύθει ### book 7.655.3 κείνου ἔτι ζώοντος· ὃ καὶ πέλει ἀνέρι κῦδος ### book 7.655.4 κηδεμονῆος ἑοῦ ὑπὸ χείρεσι ταρχυθῆναι. ### book 7.655.5 Ἀλλά, τέκος, κείνου μὲν ἐγὼ〈ν〉 οὐ λήσομαι ἦτορ ### book 7.660.1 ἀχνύμενος, σὺ δὲ μή τι χαλέπτεο πένθεϊ θυμόν. ### book 7.660.2 Ἀλλ’ ἄγε, Μυρμιδόνεσσι καὶ ἱπποδάμοισιν Ἀχαιοῖς ### book 7.660.3 τειρομένοις ἐπάμυνε μέγ’ ἀμφ’ ἀγαθοῖο τοκῆος ### book 7.660.4 χωόμενος δηίοισι· κλέος δέ τοι ἔσσεται ἐσθλὸν ### book 7.660.5 Εὐρύπυλον δαμάσαντι μάχης ἀκόρητον ἐόντα· ### book 7.665.1 τοῦ γὰρ ὑπέρτερός ἐσσι καὶ ἔσσεαι, ὅσσον ἀρείων ### book 7.665.2 σεῖο πατὴρ κείνοιο πέλεν μογεροῖο τοκῆος.» ### book 7.665.3 Ὣς φάμενον προσέειπε πάις ξανθοῦ Ἀχιλῆος· ### book 7.665.4 «Ὦ γέρον, ἡμετέρην ἀρετὴν ἀνὰ δηιοτῆτα ### book 7.665.5 Αἶσα διακρινέει κρατερὴ καὶ ὑπέρβιος Ἄρης.» ### book 7.670.1 Ὣς εἰπὼν αὐτῆμαρ ἐέλδετο τείχεος ἐκτὸς ### book 7.670.2 σεύεσθ’ ἐν τεύχεσσιν ἑοῦ πατρός· ἀλλά μιν ἔσχε ### book 7.670.3 Νὺξ ἥ τ’ ἀνθρώποισι λύσιν καμάτοιο φέρουσα ### book 7.670.4 ἔσσυτ’ ἀπ’ Ὠκεανοῖο καλυψαμένη δέμας ὄρφνῃ. ### book 7.670.5 Ἀργείων δέ μιν υἷες ἴσον κρατερῷ Ἀχιλῆι ### book 7.675.1 κύδαινον παρὰ νηυσὶ γεγηθότες, οὕνεκ’ ἄρ’ αὐτοὺς ### book 7.675.2 θαρσαλέους κατέτευξεν ἐὼν ἐπὶ δῆριν ἑτοῖμος. ### book 7.675.3 Τοὔνεκά μιν τίεσκον ἀγακλειτοῖς γεράεσσιν ### book 7.675.4 ἄσπετα δῶρα διδόντες ἅ τ’ ἀνέρι πλοῦτον ὀφέλλει· ### book 7.675.5 οἳ μὲν γὰρ χρυσόν τε καὶ ἄργυρον, οἳ δὲ γυναῖκας ### book 7.680.1 δμωίδας, οἳ δ’ ἄρα χαλκὸν ἀάσπετον, οἳ δὲ σίδηρον, ### book 7.680.2 ἄλλοι δ’ οἶνον ἐρυθρὸν ἐν ἀμφιφορεῦσιν ὄπασσαν ### book 7.680.3 ἵππους τ’ ὠκύποδας καὶ ἀρήια τεύχεα φωτῶν ### book 7.680.4 φάρεά τ’ εὐποίητα γυναικῶν κάλλιμα ἔργα· ### book 7.680.5 τοῖς ἔπι θυμὸν ἴα〈ι〉νε Νεοπτολέμοιο φίλον κῆρ. ### book 7.685.1 Καί ῥ’ οἳ μὲν δόρποιο ποτὶ κλισίῃσι μέλοντο ### book 7.685.2 υἱὸν Ἀχιλλῆος θεοειδέα κυδαίνοντες ### book 7.685.3 ἶσον ἐπουρανίοισιν ἀτειρέσι· τῷ δ’ Ἀγαμέμνων ### book 7.685.4 πόλλ’ ἐπικαγχαλόων τοῖον ποτὶ μῦθον ἔειπεν· ### book 7.685.5 «Ἀτρεκέως πάις ἐσσὶ θρασύφρονος Αἰακίδαο, ### book 7.690.1 ὦ τέκος, οὕνεκά οἱ κρατερὸν μένος ἠδὲ καὶ εἶδος ### book 7.690.2 καὶ μέγεθος καὶ θάρσος ἰδὲ φρένας ἔνδον ἔοικας. ### book 7.690.3 Τῶ σοὶ ἐγὼ μέγα θυμὸν ἰαίνομαι· ἦ γὰρ ἔολπα ### book 7.690.4 σῇσιν ὑπαὶ παλάμῃσι καὶ ἔγχεϊ δήια φῦλα ### book 7.690.5 καὶ Πριάμοιο πόληα περικλειτὴν ἐναρίξαι, ### book 7.695.1 οὕνεκα πατρὶ ἔοικας. Ἐγὼ δ’ ἄρα κεῖνον ὀίω ### book 7.695.2 εἰσοράαν παρὰ νηυσίν, ὅτε Τρώεσσιν ὁμόκλα ### book 7.695.3 χωόμενος Πατρόκλοιο δεδουπότος· ἀλλ’ ὃ μὲν ἤδη ### book 7.695.4 ἐστὶ σὺν ἀθανάτοισι· σὲ δ’ ἐκ μακάρων προέηκε ### book 7.695.5 σήμερον Ἀργείοισιν ἀπολλυμένοις ἐπαμῦναι.» ### book 7.1 Ὣς φάμενον προσέειπεν Ἀχιλλέος ὄβριμος υἱός· ### book 7.2 «Εἴθέ 〈μιν〉, ὦ Ἀγάμεμνον, ἔτι ζώοντα κίχανον, ### book 7.1 ὄφρα καὶ αὐτὸς ἄθρησεν ἑὸν θυμήρεα παῖδα ### book 7.2 οὔ τι καταισχύνοντα βίην πατρός, ὥς περ ὀίω ### book 7.3 ἔσσεσθ’, ἤν με σόωσιν ἀκηδέες Οὐρανίωνες.» ### book 7.705.1 Ὣς ἄρ’ ἔφη πινυτῇσιν ἀρηρέμενος φρεσὶ θυμόν· ### book 7.705.2 λαοὶ δ’ ἀμφιέποντες ἐθάμβεον ἀνέρα δῖον. ### book 7.705.3 Ἀλλ’ ὅτε δὴ δόρποιο καὶ εἰλαπίνης κορέσαντο, ### book 7.705.4 δὴ τότ’ ἄρ’ Αἰακίδαο θρασύφρονος ὄβριμος υἱὸς ### book 7.705.5 ἀνστὰς ἐκ δόρποιο ποτὶ κλισίας ἀφίκανε ### book 7.710.1 πατρὸς ἑοῦ. Τὰ δὲ πολλὰ δαϊκταμένων ἡρώων ### book 7.710.2 ἔντεά οἱ παρέκεινθ’· αἳ δ’ ἀμφί μιν ἄλλοθεν ἄλλαι ### book 7.710.3 χῆραι ληιάδες κλισίην ἐπιπορσύνεσκον, ### book 7.710.4 ὡς ζώοντος ἄνακτος. Ὃ δ’ ὡς ἴδεν ἔντεα Τρώων ### book 7.710.5 καὶ δμωάς, στονάχησεν· ἔρος δέ μιν εἷλε τοκῆος. ### book 7.715.1 Ὡς δ’ ὅτ’ ἀνὰ δρυμὰ πυκνὰ καὶ ἄγκεα ῥωπήεντα ### book 7.715.2 σμερδαλέοιο λέοντος ὑπ’ ἀγρευτῇσι δαμέντος ### book 7.715.3 σκύμνος ἐς ἄντρον ἵκηται ἐύσκιον, ἀμφὶ δὲ πάντῃ ### book 7.715.4 ταρφέα παπταίνει κενεὸν σπέος, ἀθρόα δ’ αὐτοῦ ### book 7.715.5 ὀστέα δερκόμενος κταμένων πάρος οὐκ ὀλίγων περ ### book 7.720.1 ἵππων ἠδὲ βοῶν μεγάλ’ ἄχνυται ἀμφὶ τοκῆος· ### book 7.720.2 ὣς ἄρα θαρσαλέοιο πάις τότε Πηλείδαο ### book 7.720.3 θυμὸν ἐπαχνώθη. Δμωαὶ δέ μιν ἀμφαγάσαντο· ### book 7.720.4 καὶ δ’ αὐτὴ Βρισηίς, ὅτ’ ἔδρακεν υἷ’ Ἀχιλῆος, ### book 7.720.5 ἄλλοτε μὲν θυμῷ μέγ’ ἐγήθεεν, ἄλλοτε δ’ αὖτε ### book 7.725.1 ἄχνυτ’ Ἀχιλλῆος μεμνημένη· ἐν δέ οἱ ἦτορ ### book 7.725.2 ἀμφασίῃ βεβόλητο κατὰ φρένας, ὡς ἐτεόν περ ### book 7.1 αὐτοῦ ἔτι ζώοντος ἀταρβέος Αἰακίδαο. ### book 7.2 Τρῶες δ’ αὖτ’ ἀπάνευθε γεγηθότες ὄβριμον ἄνδρα ### book 7.3 Εὐρύπυλον κύδαινον ἐνὶ κλισίῃσι καὶ αὐτοί, ### book 7.730.1 ὁππόσον Ἕκτορα δῖον, ὅτ’ Ἀργείους ἐδάιζε ### book 7.730.2 ῥυόμενος πτολίεθρον ἑὸν καὶ κτῆσιν ἅπασαν. ### book 7.730.3 Ἀλλ’ ὅτε δὴ μερόπεσσιν ἐπὶ γλυκὺς ἤλυθεν ὕπνος, ### book 7.730.4 δὴ τότε Τρώιοι υἷες ἰδ’ Ἀργεῖοι μενεχάρμαι ### book 7 νόσφι φυλακτήρων εὗδον βεβαρηότες ὕπνῳ. ### book 8.1.1 Ἦμος δ’ ἠελίοιο φάος περικίδναται αἶαν ### book 8.1.2 ἐκ περάτων ἀνιόντος, ὅθι σπέος Ἠριγενείης, ### book 8.1.3 δὴ τότε που Τρῶες καὶ Ἀχαιῶν ὄβριμοι υἷες ### book 8.1.4 θωρήσσονθ’ ἑκάτερθεν ἐπειγόμενοι ποτὶ δῆριν. ### book 8.5.1 Τοὺς μὲν 〈γὰρ〉 πάις ἐσθλὸς Ἀχιλλέος ὀτρύνεσκεν ### book 8.5.2 ἀντιάαν Τρώεσσιν ἀταρβέα θυμὸν ἔχοντας, ### book 8.5.3 τοὺς δ’ ἄρα Τηλεφίδαο μέγα σθένος· ἦ γὰρ ἐώλπει ### book 8.5.4 τεῖχος μὲν χαμάδις βαλέειν νῆάς τ’ ἀμαθύνειν ### book 8.5.5 ἐν πυρὶ λευγαλέῳ, λαοὺς δ’ ὑπὸ χερσὶ δαΐξαι· ### book 8.10.1 ἀλλά οἱ ἐλπωρὴ μὲν ἔην ἐναλίγκιος αὔρῃ ### book 8.10.2 μαψιδίῃ· Κῆρες δὲ μάλα σχεδὸν ἑστηυῖαι ### book 8.10.3 πολλὸν καγχαλάασκον ἐτώσια μητιόωντι. ### book 8.10.4 Καὶ τότε Μυρμιδόνεσσιν Ἀχιλλέος ἄτρομος υἱὸς ### book 8.10.5 θαρσαλέον φάτο μῦθον ἐποτρύνων πονέεσθαι· ### book 8.15.1 «Κέκλυτέ μευ, θεράποντες, ἀρήιον ἐν φρεσὶ θυμὸν ### book 8.15.2 θέντες, ἵν’ Ἀργείοισιν ἄκος πολέμου ἀλεγεινοῦ, ### book 8.15.3 δυσμενέεσσι δὲ πῆμα γενώμεθα· μηδέ τις ἡμέων ### book 8.15.4 ταρβείτω· κρατερὴ γὰρ ἄδην ἐκ θάρσεος ἀλκὴ ### book 8.15.5 γίνεται ἀνθρώποισι, δέος δὲ βίην ἀμαθύνει ### book 8.20.1 καὶ νόον. Ἀλλ’ ἄγε πάντες ἐς Ἄρεα καρτύνασθε, ### book 8.20.2 ὄφρα μὴ ἀμπνεύσῃ Τρώων στρατός, ἀλλ’ Ἀχιλῆα ### book 8.20.3 φαίη ἔτι ζώοντα μετέμμεναι Ἀργείοισιν.» ### book 8.20.4 Ὣς εἰπὼν ὤμοισι πατρώια δύσετο τεύχη ### book 8.20.5 πάντοθε μαρμαίροντα· Θέτις δ’ ἠγάλλετο θυμῷ ### book 8.25.1 ἐξ ἁλὸς εἰσορόωσα μέγα σθένος υἱωνοῖο. ### book 8.25.2 Καί ῥα θοῶς οἴμησε πρὸ τείχεος αἰπεινοῖο ### book 8.25.3 ἐμβεβαὼς ἵπποισιν ἑοῦ πατρὸς ἀθανάτοισιν. ### book 8.25.4 Οἷος δ’ ἐκ περάτων ἀν〈α〉φαίνεται Ὠκεανοῖο ### book 8.25.5 Ἠέλιος θηητὸν ἐπὶ χθόνα πῦρ ἀμαρύσσων, ### book 8.30.1 πῦρ, ὅτε οἱ πώλοισι καὶ ἅρμασι συμφέρετ’ ἀστὴρ ### book 8.30.2 Σείριος ὅς τε βροτοῖσι φέρει πολυκηδέα νοῦσον· ### book 8.30.3 τοῖος ἐπὶ Τρώων στρατὸν ἤιεν ὄβριμος ἥρως, ### book 8.30.4 υἱὸς Ἀχιλλῆος. Φόρεον δέ μιν ἄμβροτοι ἵπποι ### book 8.30.5 τούς οἱ ἐελδομένῳ νηῶν ἄπο λαὸν ἐλάσσαι ### book 8.35.1 ὤπασεν Αὐτομέδων· ὃς γάρ σφεας ἡνιόχευεν. ### book 8.35.2 Ἵπποι δ’ αὖτ’ ἐχάρησαν ἑὸν φορέοντες ἄνακτα ### book 8.35.3 εἴκελον Αἰακίδῃ· τῶ〈ν〉 δ’ ἄφθιτον ἦτορ ἐώλπει ### book 8.35.4 ἔμμεναι ἀνέρα κεῖνον Ἀχιλλέος οὔ τι χερείω. ### book 8.35.5 Ὣς δὲ καὶ Ἀργεῖοι μέγα καγχαλόωντες ἄγερθεν ### book 8.40.1 ἀμφὶ Νεοπτολέμοιο βίην ἄμοτον μεμαῶτες, ### book 8.40.2 λευγαλέοις σφήκεσσιν ἐοικότες, οὕς τε κλονήσῃ ### book 8.41.1 . . . . . . . . . . . . . . . . . . . . . . . . . . . . . . . . . . . . . . ### book 8.41.2 χηραμοῦ ἐκποτέονται ἐελδόμενοι χρόα θεῖναι ### book 8.41.3 ἀνδρόμεον, πάντες δὲ περὶ † σθένος † ὁρμαίνοντες ### book 8 τεύχουσι〈ν〉 μέγα πῆμα παρεσσυμένοισι βροτοῖσιν· ### book 8.45.1 ὣς οἵ γ’ ἐκ νηῶν καὶ τείχεος ἐξεχέοντο ### book 8.45.2 μαιμώωντες Ἄρηι. Πολὺς δ’ ἐστείνετο χῶρος· ### book 8.45.3 πᾶν πεδίον δ’ ἀπάνευθεν ἐλάμπετο τεύχεσι φωτῶν, ### book 8.45.4 ἠελίου καθύπερθεν ὑπ’ ἠέρι μαρμαίροντος. ### book 8.45.5 Οἷον δὲ νέφος εἶσι δι’ ἠέρος ἀπλήτοιο ### book 8.1 πνοιῇσι〈ν〉 μεγάλῃσιν ἐλαυνόμενον Βορέαο, ### book 8.2 ἦμος δὴ νιφετός τε πέλει καὶ χείματος ὥρη ### book 8.3 ἀργαλέη, πάντῃ δὲ περιστέφει οὐρανὸν ὄρφνη· ### book 8.4 ὣς τῶν πλήθετο γαῖα συνερχομένων ἑκάτερθε ### book 8.5 νηῶν βαιὸν ἄπωθε· κόνις δ’ εἰς οὐρανὸν εὐρὺν ### book 8.55.1 πέπτατ’ ἀειρομένη. Κανάχιζε δὲ τεύχεα φωτῶν, ### book 8.55.2 σὺν δὲ καὶ ἅρματα πολλά· διεσσύμενοι δ’ ἐπὶ μῶλον ### book 8.55.3 ἵπποι ὑπεχρεμέτιζον. Ἑὴ δ’ ἐκέλευεν ἕκαστον ### book 8.55.4 ἀλκὴ ἀνιηρὴν ἐς φύλοπιν ὀτρύνουσα. ### book 8.55.5 Ὡς δ’ ὅτε κύματα μακρὰ δύω κλονέουσιν ἀῆται ### book 8.60.1 σμερδαλέον βρομέοντες ἀνὰ πλατὺ χεῦμα θαλάσσης ### book 8.60.2 ἔκποθεν ἀλλήλοισι περιρρηγνύντες ἀέλλας, ### book 8.60.3 ὁππότε χεῖμ’ ἀλεγεινὸν ἀν’ εὐρέα βένθεα πόντου ### book 8.60.4 μαίνετ’, ἀμαιμακέτη δὲ περιστένει Ἀμφιτρίτη ### book 8.60.5 κύμασι λευγαλέοισι, τὰ δ’ ἄλλοθεν ἄλλα φέρονται ### book 8.65.1 οὔρεσιν ἠλιβάτοισιν ἐοικότα, τῶν δ’ ἀλεγεινὴ ### book 8.65.2 ὀρνυμένων ἑκάτερθε πέλει κατὰ πόντον ἰωή· ### book 8.1 ὣς οἵ γ’ ἀμφοτέρωθεν ἐς Ἄρεα συμφορέοντο ### book 8.2 σμερδαλέον μεμαῶτες· Ἔρις δ’ ὀρόθυνε καὶ αὐτή. ### book 8.3 Σὺν δ’ ἔβαλον βροντῇσιν ἐοικότες ἢ στεροπῇσιν ### book 8.70.1 αἵ τε μέγα κτυπέουσι δι’ ἠέρος, ὁππότ’ ἀῆται ### book 8.70.2 λάβροι ἐριδμαίνωσι, καὶ ὁππότε λάβρον ἀέντες ### book 8.70.3 σὺν νέφεα ῥήξωσι Διὸς μέγα χωομένοιο ### book 8.70.4 ἀνδράσιν οἵ τ’ ἐρίτιμον ὑπὲρ Θέμιν ἔργα κάμωνται· ### book 8.70.5 ὣς οἵ γ’ ἀλλήλοισιν ἐπέχραον· ἔγχεϊ δ’ ἔγχος ### book 8.75.1 συμφέρετ’, ἀσπίδι δ’ ἀσπίς, ἐπ’ ἀνέρα δ’ ἤιεν ἀνήρ. ### book 8.75.2 Πρῶτος δ’ ὄβριμος υἱὸς ἐυπτολέμου Ἀχιλῆος ### book 8.75.3 δάμνατ’ ἐὺν Μελανῆα καὶ ἀγλαὸν Ἀλκιδάμαντα, ### book 8.75.4 υἷας Ἀλεξινόμοιο δαΐφρονος ὅς τ’ ἐνὶ κοίλῃ ### book 8.75.5 Καύνῳ ναιετάεσκε διειδέος ἀγχόθι λίμνης ### book 8.80.1 Ἴμβρῳ ὑπὸ νιφόεντι παραὶ ποσὶ Ταρβήλοιο. ### book 8.80.2 Κτεῖνε δὲ Κασσάνδροιο θοὸν ποσὶ παῖδα Μύνητα ### book 8.80.3 ὃν τέκε δῖα Κρέουσα παρὰ προχοῇς ποταμοῖο ### book 8.80.4 Λίνδου ἐυρρείταο, μενεπτολέμων ὅθι Καρῶν ### book 8.80.5 πείρατα καὶ Λυκίης ἐρικυδέος ἄκρα πέλονται. ### book 8.85.1 Εἷλε δ’ ἄρ’ αἰχμητῆρα Μόρυν Φρυγίηθε μολόντα· ### book 8.85.2 τῷ δ’ ἄρ’ ὁμῶς Πόλυβόν τε καὶ Ἱππομέδοντα κατέκτα, ### book 8.85.3 τὸν μὲν ὑπὸ κραδίην, τὸν δ’ ἐ〈σ〉 κληῖδα τυχήσας. ### book 8.85.4 Δάμνατ〈ο δ’〉 ἄλλοθεν ἄλλον· ἐπέστενε δ’ αἶα νέκυσσι ### book 8 Τρώων. Οἳ δ’ ὑπόεικον ἐοικότες αὐαλέοισι ### book 8.90.1 θάμνοις οὕς 〈τ’〉 ὀλοοῖο πυρὸς καταδάμνατ’ ἀυτμὴ ### book 8.90.2 ῥηιδίως, ἐπιόντος ὀπωρινοῦ Βορέαο· ### book 8.90.3 ὣς τοῦ ἐπεσσυμένοιο κατηρείποντο φάλαγγες. ### book 8.90.4 Αἰνείας δ’ ἐδάμασσεν Ἀριστόλοχον μενεχάρμην ### book 8.90.5 πλήξας χερμαδίῳ κατὰ κρά〈α〉τος· ἐν δ’ ἄρ’ ἔθλασσεν ### book 8.95.1 ὀστέα σὺν πήληκι· λίπεν δ’ ἄφαρ ὀστέα θυμός. ### book 8.95.2 Τυδείδης δ’ Εὔμαιον ἕλε〈ν〉 θοὸν ὅς ποτ’ ἔναιε ### book 8.95.3 Δάρδανον αἰπήεσσαν, ἵν’ Ἀγχίσαο πέλονται ### book 8.95.4 εὐναί, ὅπου Κυθέρειαν ἐν ἀγκοίνῃσι δάμασσεν. ### book 8.95.5 Ἂν δ’ Ἀγαμέμνων κτεῖνεν Ἐύστρατον, οὐδ’ ὅ γε Θρῄκην ### book 8.1 ἵκετ’ ἀπὸ πτολέμοιο, φίλης δ’ ἑκὰς ἔφθιτο πάτρης. ### book 8.2 Μηριόνης δ’ ἐδάμασσε Χλέμον Πεισήνορος υἷα, ### book 8.3 ἀντιθέου Γλαύκοιο φίλον 〈καὶ〉 πιστὸν ἑταῖρον, ### book 8.4 ὅς ῥά τε ναιετάεσκε παρὰ προχοῇς Λιμύροιο ### book 8.5 καί ῥά μιν ὡς βασιλῆα περικτίονες τίον ἄνδρες, ### book 8.105.1 Γλαύκου ἀποκταμένοιο καὶ οὐκέτι κοιρανέοντος, ### book 8.105.2 πάντες ὅσοι Φοίνικος ἕδος περὶ πάγχυ νέμοντο ### book 8.105.3 αἰπύ τε Μασσικύτοιο ῥίον βωμόν τε Χιμαίρης. ### book 8.105.4 Ἄλλος δ’ ἄλλον ἔπεφνε κατὰ μόθον· ἐν δ’ ἄρα τοῖσιν ### book 8.105.5 Εὐρύπυλος πολέεσσι κακὰς ἐπὶ Κῆρας ἴαλλε ### book 8.110.1 δυσμενέσιν. Πρῶτον δὲ μενεπτόλεμον κατέπεφνεν ### book 8.110.2 Εὔρυτον, αὐτὰρ ἔπειτα Μενοίτιον αἰολομίτρην, ### book 8.110.3 ἀντιθέους ἑτάρους Ἐλεφήνορος· ἀμφὶ δ’ ἄρά σφιν ### book 8.110.4 Ἅρπαλον ὅς ῥ’ Ὀδυσῆος ἐύφρονος ἔσκεν ἑταῖρος. ### book 8 Ἀλλ’ ὃ μὲν οὖν ἀπάτερθεν ἔχεν πόνον οὐδ’ ἐπαμύνειν ### book 8.115.1 ἔσθενεν ᾧ θεράποντι δεδουπότι· τοῦ δ’ ἄρ’ ἑταῖρος ### book 8.115.2 Ἄντιφος ὀβριμόθυμος ἀποκταμένοιο χολώθη ### book 8.115.3 καὶ βάλεν Εὐρυπύλοιο καταντίον· ἀλλά μιν οὔ τι ### book 8.115.4 οὔτασεν, οὕνεκά οἱ κρατερὸν δόρυ τυτθὸν ἄπωθεν ### book 8.115.5 ἔμπεσε Με〈ι〉λανίωνι δαΐφρονι τόν ποτε μήτηρ ### book 8.120.1 γείνατο πὰρ προχοῇσιν ἐυρρείταο Καΐκου, ### book 8.120.2 Κλείτη καλλιπάρηος ὑποδμηθεῖς’ Ἐρυλάῳ. ### book 8.120.3 Εὐρύπυλος δ’ ἑτάροιο χολωσάμενος κταμένοιο ### book 8.120.4 Ἀντίφῳ αἶψ’ ἐπόρουσεν· ὃ δ’ ἔκφυγε ποσσὶ θοοῖσιν ### book 8.120.5 ἐς πληθὺν ἑτάρων· κρατερὸν δέ μιν οὔ τι δάμασσεν ### book 8.125.1 ἔγχος Τηλεφίδαο δαΐφρονος, οὕνεκ’ ἔμελλεν ### book 8.125.2 ἀργαλέως ὀλέ〈ε〉σθαι ὑπ’ ἀνδροφόνοιο Κύκλωπος ### book 8.125.3 ὕστερον· ὣς γάρ που στυγερῇ ἐπιήνδανε Μοίρῃ. ### book 8.125.4 Εὐρύπυλος δ’ ἑτέρωθεν ἐπῴχετο· τοῦ δ’ ὑπὸ δουρὶ ### book 8.125.5 αἰὲν ἐπεσσυμένοιο κατήριπε πουλὺς ὅμιλος. ### book 8.130.1 Ἠύτε δένδρεα μακρὰ βίῃ δμηθέντα σιδήρου ### book 8.130.2 οὔρεσιν ἐν λασίοισιν ἀναπλήσωσι φάραγγας ### book 8.130.3 κεκλιμέν’ ἄλλοθεν ἄλλα κατὰ χθονός· ὣς ἄρ’ Ἀχαιοὶ ### book 8.130.4 δάμναντ’ Εὐρυπύλοιο δαΐφρονος ἐγχείῃσι, ### book 8.130.5 μέσφ’ ὅτε οἱ κίεν ἄντα μέγα φρονέων ἐνὶ θυμῷ ### book 8.135.1 υἱὸς Ἀχιλλῆος· τὼ δ’ ἄμφω δούρατα μακρὰ ### book 8.135.2 ἐν παλάμῃσι τίνασσον ἐπὶ σφίσι μαιμώωντες. ### book 8.135.3 Εὐρύπυλος δέ 〈ἑ〉 πρῶτος ἀνειρόμενος προσέειπε· ### book 8.135.4 «Τίς πόθεν εἰλήλουθας ἐναντίον ἄμμι μάχεσθαι; ### book 8.135.5 Ἦ σε πρὸς Ἄιδα Κῆρες ἀμείλικτοι φορέουσιν· ### book 8.140.1 οὐ γάρ τίς μ’ ὑπάλυξεν ἐν ἀργαλέῃ ὑσμίνῃ, ### book 8.140.2 ἀλλά μοι ὅσσοι ἔναντα λιλαιόμενοι μαχέσασθαι ### book 8.140.3 δεῦρο κίον, πάντεσσι φόνον στονόεντ’ ἐφέηκα ### book 8.140.4 ἀργαλέως, πάντων δὲ παρὰ Ξάνθοιο ῥέεθρα ### book 8.140.5 ὀστέα τε σάρκας τε κύνες διὰ πάντ’ ἐδάσαντο. ### book 8.145.1 Ἀλλά μοι εἰπέ, τίς ἐσσι, τίνος δ’ ἐπαγάλλεαι ἵπποις;» ### book 8.145.2 Ὣς φάμενον προσέειπεν Ἀχιλλέος ὄβριμος υἱός· ### book 8.145.3 «Τίπτε μ’ ἐπισπεύδοντα ποτὶ κλόνον αἱματόεντα ### book 8.145.4 ἐχθρὸς ἐὼν ὡς εἴ τε φίλα φρονέων ἐρεείνεις ### book 8.145.5 εἰπέμεναι γενεήν, ἥν περ μάλα πολλοὶ ἴσασιν; ### book 8.1 Υἱὸς Ἀχιλλῆος κρατερόφρονος, ὅς τε τοκῆα ### book 8.2 σεῖο πάροιθ’ ἐφόβησε βαλὼν περιμήκεϊ δουρί· ### book 8.3 καί νύ κέ μιν θανάτοιο κακαὶ περὶ Κῆρες ἔμαρψαν, ### book 8.4 εἰ μή οἱ στονόεντα θοῶς ἰήσατ’ ὄλεθρον. ### book 8.5 Ἵπποι δ’ οἳ φορέουσιν ἐμοῦ πατρὸς ἀντιθέοιο, ### book 8.155.1 οὓς τέκεθ’ Ἅρπυια Ζεφύρῳ πάρος εὐνηθεῖσα, ### book 8.155.2 οἵ τε καὶ ἀτρύγετον πέλαγος διὰ ποσσὶ θέουσιν ### book 8.155.3 ἀκρονύχως ψαύοντες, ἴσον δ’ ἀνέμοισι φέρονται. ### book 8.155.4 Νῦν δ’ ἐπεὶ οὖν γενεὴν ἐδάης ἵππων τε καὶ αὐτοῦ, ### book 8.155.5 καὶ δόρατος πείρησαι ἀτειρέος ἡμετέροιο ### book 8.160.1 γνώμεναι ἀντιβίην· γενεὴ δέ οἱ ἐν κορυφῇσι ### book 8.160.2 Πηλίου αἰπεινοῖο, τομὴν ὅθι λεῖπε καὶ εὐνήν.» ### book 8.160.3 Ἦ ῥα καὶ ἐξ ἵππων χαμάδις θόρε κύδιμος ἀνὴρ ### book 8.160.4 πάλλων ἐγχείην περιμήκετον. Ὃς δ’ ἑτέρωθε ### book 8.160.5 χερσὶν ὑπὸ κρατερῇσιν ἀπειρεσίην λάβε πέτρην ### book 8.165.1 καί ῥα Νεοπτολέμοιο κατ’ ἀσπίδος ἧκε φέρεσθαι ### book 8.165.2 χρυσείης· τὸν δ’ οὔ τι προσεσσύμενον στυφέλιξεν· ### book 8.165.3 ἀλλ’ ἅτε πρὼν εἱστήκει ἀπείριτος οὔρεϊ μακρῷ, ### book 8.165.4 τόν ῥα διιπετέων ποταμῶν μένος οὐδ’ ἅμα πάντων ### book 8 ἂψ ὦσαι δύναται, ὃ γὰρ ἔμπεδον ἐρρίζωται· ### book 8.170.1 ὣς μένεν ἄτρομος αἰὲν Ἀχιλλέος ὄβριμος υἱός. ### book 8.170.2 Ἀλλ’ οὐδ’ ὧς τάρβησε θρασὺ σθένος Εὐρυπύλοιο ### book 8.170.3 ἄσχετον υἷ’ Ἀχιλῆος, ἐπεί ῥά μιν ὀτρύνεσκε ### book 8.170.4 θάρσος ἑὸν καὶ Κῆρες. Ὑπὸ κραδίῃσι δὲ θυμὸς ### book 8.170.5 ἔζεεν ἀμφοτέροισι· περὶ σφίσι δ’ αἰόλα τεύχη ### book 8.175.1 ἔβραχεν. Οἳ δ’ ἅτε θῆρες ἐπῄεσαν ἀλλήλοισι ### book 8.175.2 σμερδαλέοι, τοῖσίν τε κατ’ οὔρεα δῆρις ἀέξει, ### book 8.175.3 ὁππότε λευγαλέῃ λιμῷ βεβολημένοι ἦτορ ### book 8.175.4 ἢ βοὸς ἢ ἐλάφοιο περὶ κταμένου πονέωνται ### book 8.175.5 ἄμφω παιφάσσοντες, ἐπικτυπέουσι δὲ βῆσσαι ### book 8.180.1 μαρναμένων· ὣς οἵ γε συνῄεσαν ἀλλήλοισι ### book 8.180.2 δῆριν συμφορέοντες ἀμείλιχον. Ἀμφὶ δὲ μακραὶ ### book 8.180.3 λαῶν ἀμφοτέρωθεν ἄδην πονέοντο φάλαγγες ### book 8.180.4 ἐς μόθον, ἀργαλέη δὲ περὶ σφίσι δῆρις ὀρώρει. ### book 8.180.5 Οἳ δ’ ἀνέμων ῥιπῇσιν ἐοικότες αἰψηρῇσι ### book 8.185.1 σύν ῥ’ ἔβαλον μελίῃσι μεμαότες αἷμα κεδάσσαι ### book 8.185.2 ἀλλήλων. Τοὺς δ’ αἰὲν ἐποτρύνεσκεν Ἐνυὼ ### book 8.185.3 ἐγγύθεν ἱσταμένη· τοὶ δ’ οὐκ ἀπέληγον ὁμοκλῆς, ### book 8.185.4 ἀλλά σφεας ἐδάιζον ἐς ἀσπίδας, ἄλλοτε δ’ αὖτε ### book 8.185.5 οὔταζον κνημῖδας ἰδ’ ὑψιλόφους τρυφαλείας· ### book 8.190.1 καί τις καὶ χροὸς ἥψατ’, ἐπεὶ πόνος αἰνὸς ἔπειγε ### book 8.190.2 θαρσαλέους ἥρωας. Ἔρις δ’ ἐπετέρπετο θυμῷ ### book 8.190.3 κείνους εἰσορόωσα. Πολὺς δ’ ἐξέρρεεν ἱδρὼς ### book 8.190.4 ἀμφοτέρων· οἳ δ’ αἰὲν ἐκαρτύνοντο μένοντες· ### book 8.190.5 ἄμφω γὰρ μακάρων ἔσαν αἵματος. Οἳ δ’ ἀπ’ Ὀλύμπου ### book 8.194 . . . . . . . . . . . . . . . . . . . . . . . . . . . . . . . . . . . . . . . ### book 8.195 οἳ μὲν γὰρ κύδαινον Ἀχιλλέος ὄβριμον υἷα, ### book 8.1 οἳ δ’ αὖτ’ Εὐρύπυλον θεοειδέα. Τοὶ δ’ ἑκάτερθε ### book 8.2 μάρναντ’ ἀκμήτοισιν ἐειδόμενοι σκοπέλοισιν ### book 8.3 ἠλιβάτων ὀρέων· μέγα δ’ ἔβραχον ἀμφοτέρωθε ### book 8.4 θεινόμεναι μελίῃσι τότ’ ἀσπίδες. Ὀψὲ δὲ μακρὴ ### book 8.1 Πηλιὰς Εὐρυπύλοιο διήλυθεν ἀνθερεῶνος ### book 8.2 πολλὰ πονησαμένη· τοῦ δ’ ἔκχυτο φοίνιον αἷμα ### book 8.3 ἐσσυμένως· ψυχὴ δὲ δι’ ἕλκεος ἐξεποτήθη ### book 8.4 ἐκ μελέων, ὀλοὴ δὲ κατ’ ὀφθαλμῶν πέσεν ὄρφνη. ### book 8.5 Ἤριπε δ’ ἐν τεύχεσσι κατὰ χθονός, ἠύτε βλωθρὴ ### book 8.205.1 ἢ πίτυς ἢ ἐλάτη κρυεροῦ Βορέαο βίηφιν ### book 8.205.2 ἐκ ῥιζῶν ἐριποῦσα· τόσην ἐπικάππεσε γαῖαν ### book 8.205.3 Εὐρυπύλοιο δέμας, μέγα δ’ ἔβραχε Τρώιον οὖδας ### book 8.205.4 καὶ πεδίον· χλοερὴ δὲ θοῶς κατεχεύατο νεκρῷ ### book 8.205.5 ἀχροίη καὶ καλὸν ἀπημάλδυνεν ἔρευθος. ### book 8.210.1 Τῷ δ’ ἐπικαγχαλόων μεγάλ’ εὔχετο καρτερὸς ἥρως· ### book 8.210.2 «Εὐρύπυλ’, ἦ που ἔφης Δαναῶν νέας ἠδὲ καὶ αὐτοὺς ### book 8.210.3 δῃώσειν καὶ πάντας ὀιζυρῶς ἀπολέσσειν ### book 8.210.4 ἡμέας· ἀλλὰ σοὶ οὔ τι θεοὶ τελέεσκον ἐέλδωρ, ### book 8.210.5 ἀλλ’ ὑπ’ ἐμοί ς’ ἐδάμασσε καὶ ἀκάματόν περ ἐόντα ### book 8.215.1 πατρὸς ἐμοῖο μέγ’ ἔγχος, ὅ περ βροτὸς οὔ τις ἄλυξεν ### book 8.215.2 ἡμῖν ἄντα μολών, οὐδ’ εἰ παγχάλκεος ἦεν.» ### book 8.215.3 Ἦ ῥα καὶ ἐκ νέκυος περιμήκετον εἴρυσεν αἰχμὴν ### book 8.215.4 ἐσσυμένως· Τρῶες δὲ μέγ’ ἔτρεσαν εἰσορόωντες ### book 8.215.5 ἀνέρα καρτερόθυμον. Ὃ δ’ αὐτίκα τεύχε’ ἀπούρας ### book 8.220.1 δῶκε θοοῖς ἑτάροισι φέρειν ποτὶ νῆας Ἀχαιῶν· ### book 8.220.2 αὐτὸς δ’ ἐς θοὸν ἅρμα θορὼν καὶ ἀτειρέας ἵππους ### book 8.1 ἤιεν, οἷός τ’ εἶσι δι’ αἰθέρος ἀπλήτοιο ### book 8.2 ἐκ Διὸς ἀκαμάτοιο σὺν ἀστεροπῇσι κεραυνός, ### book 8.3 ὅν τε περιτρομέουσι καὶ ἀθάνατοι κατιόντα ### book 8.225.1 νόσφι Διὸς μεγάλοιο, ὃ δ’ ἐσσύμενος ποτὶ γαῖαν ### book 8.225.2 δένδρεά τε ῥήγνυσι καὶ οὔρεα παιπαλόεντα· ### book 8.225.3 ὣς ὃ θοῶς Τρώεσσιν ἐπέσσυτο πῆμα κορύσσων· ### book 8.225.4 δάμνατο δ’ ἄλλοθεν ἄλλον ὅσους κίχον ἄμβροτοι ἵπποι. ### book 8.225.5 Πλήθετο δὲ χθονὸς οὖδας, ἄδην δ’ ἐρυθαίνετο λύθρῳ· ### book 8.230.1 ὡς δ’ ὅτε μυρία φύλλα κατ’ οὔρεος ἐν βήσσῃσι ### book 8.230.2 ταρφέα πεπτηῶτα χύδην κατὰ γαῖαν ἐρέψῃ· ### book 8.230.3 ὣς Τρώων τότε λαὸς ἀάσπετος ἐν χθονὶ κεῖτο ### book 8.230.4 χερσὶ Νεοπτολέμοιο καὶ Ἀργείων ἐριθύμων· ### book 8.230.5 ὧν ἄπλετον μετὰ χερσὶν ὑπέρρεεν αἷμα κελαινὸν ### book 8.235.1 αὐτῶν ἠδ’ ἵππων· μάλα δ’ ἄντυγες ἀμφ’ ὀχέεσσι ### book 8.235.2 κινύμεναι δεύοντο περὶ στροφάλιγξιν ἑῇσι. ### book 8.235.3 Καί νύ κε Τρώιοι υἷες ἔσω πυλέων ἀφίκοντο, ### book 8.235.4 πόρτιες εὖτε λέοντα φοβεύμεναι ἢ σύες ὄμβρον, ### book 8.235.5 εἰ μὴ Ἄρης ἀλεγεινὸς ἀρηγέμεναι μενεαίνων ### book 8.240.1 Τρωσὶ φιλοπτολέμοισι κατήλυθεν Οὐλύμποιο ### book 8.240.2 κρύβδ’ ἄλλων μακάρων. Φόρεον δέ μιν ἐς μόθον ἵπποι ### book 8.240.3 Αἴθων καὶ Φλογίος, Κόναβος δ’ ἐπὶ τοῖσι Φόβος τε, ### book 8.240.4 τοὺς Βορέῃ κελάδοντι τέκε〈ν〉 βλοσυρῶπις Ἐριννὺς ### book 8.240.5 πῦρ ὀλοὸν πνείοντας· ὑπέστενε δ’ αἰόλος αἰθὴρ ### book 8.245.1 ἐσσυμένων ποτὶ δῆριν. Ὃ δ’ ὀτραλέως ἀφίκανεν ### book 8.245.2 ἐς Τροίην· ὑπὸ δ’ αἶα μέγ’ ἔκτυπε θεσπεσίοισιν ### book 8.245.3 ἵππων ἀμφὶ πόδεσσι· μολὼν δ’ ἄγχιστα κυδοιμοῦ ### book 8.245.4 πῆλε δόρυ βριαρόν, μέγα δ’ ἴαχε Τρωσὶ κελεύων ### book 8 ἀντιάαν δηίοισι κατὰ κλόνον. Οἳ δ’ ἀίοντες ### book 8.1 θεσπεσίην ὄπα πάντες ἐθάμβεον· οὐ γὰρ ἴδοντο ### book 8.2 ἄμβροτον ἀθανάτοιο θεοῦ δέμας οὐδὲ μὲν ἵππους· ### book 8.3 ἠέρι 〈γὰρ〉 κεκάλυπτο. Νόησε δὲ θέσκελον αὐδὴν ### book 8.4 ἔκποθεν ἀίσσουσαν ἄδην εἰς οὔατα Τρώων ### book 8.5 ἀντιθέου Ἑλένοιο κλυτὸς νόος· ἐν δ’ ἄρα θυμῷ ### book 8.255.1 γήθησε〈ν〉 καὶ λαὸν ἀπεσσύμενον μέγ’ ἀύτει· ### book 8.255.2 «Ἆ δειλοί, τί φέβεσθε φιλοπτολέμου Ἀχιλῆος ### book 8.255.3 υἱέα θαρσαλέον; Θνητός νύ τίς ἐστι καὶ αὐτός, ### book 8.255.4 οὐδέ οἱ ἶσον Ἄρηι πέλει σθένος ὃς μέγ’ ἀρήγει ### book 8.255.5 ἧμιν ἐελδομένοισι· βοᾷ δ’ ὅ γε μακρὰ κελεύων ### book 8.260.1 μάρνασθ’ Ἀργείοισι κατὰ κλόνον. Ἀλλ’ ἄγε θυμῷ ### book 8.260.2 τλῆτε, φίλοι, καὶ θάρσος ἐνὶ στήθεσσι βάλεσθε· ### book 8.260.3 οὐ γὰρ ἀμείνονα Τρωσὶν ὀίομαι ἄλλον ἱκέσθαι ### book 8.260.4 ἀλκτῆρα πτολέμοιο· τί γὰρ ποτὶ δῆριν Ἄρηος ### book 8.260.5 λώιον, εὖτε βροτοῖσι κορυσσομένοις ἐπαμύνῃ, ### book 8.265.1 ὡς νῦν ἧμιν ἵκανεν ἐπίρροθος; Ἀλλὰ καὶ αὐτοὶ ### book 8.265.2 μνήσασθε πτολέμοιο, δέος δ’ ἀπὸ νόσφι βάλεσθε.» ### book 8.265.3 Ὣς φάτο· τοὶ δ’ ἵσταντο καταντίον Ἀργείοισιν· ### book 8.265.4 ἠύτ’ ἐνὶ ξυλόχοισι κύνες κατέναντα λύκοιο ### book 8.265.5 φεύγοντες τὸ πάροιθε βίην στρέψωσι μάχεσθαι, ### book 8.270.1 ταρφέα μηλονόμοιο παροτρύνοντος ἔπεσσιν· ### book 8.270.2 ὣς ἄρα Τρώιοι υἷες ἀνὰ μόθον αἰνὸν Ἄρηος ### book 8.270.3 δείματος ἐκτὸς ἔσαν, κατὰ δ’ ἀντίον ἀνέρος ἀνὴρ ### book 8.270.4 μάρνατο θαρσαλέως· περὶ δ’ ἔκτυπεν ἔντεα φωτῶν ### book 8.270.5 θεινόμενα ξιφέεσσι καὶ ἔγχεσι καὶ βελέεσσιν· ### book 8.275.1 αἰχμαὶ δ’ ἐς χρόα δῦνον· ἐδεύετο δ’ αἵματι πολλῷ ### book 8.275.2 δεινὸς Ἄρης· ὀλέκοντο δ’ ἀνὰ μόθον ἄλλος ἐπ’ ἄλλῳ ### book 8.275.3 μαρναμένων ἑκάτερθε. Μάχη δ’ ἔχεν ἶσα τάλαντα· ### book 8.275.4 ὡς δ’ ὁπότ’ αἰζηοὶ μεγάλης ἀνὰ γουνὸν ἀλωῆς ### book 8.275.5 ὄρχατον ἀμπελόεντα διατμήξωσι σιδήρῳ ### book 8.280.1 σπερχόμενοι, τῶν δ’ ἶσον ἀέξεται εἰς ἔριν ἔργον, ### book 8.280.2 ὁππότ’ ἴσοι τελέθουσιν ὁμηλικίῃ τε βίῃ τε· ### book 8.280.3 ὣς τῶν ἀμφοτέρωθε μάχης ἀλεγεινὰ τάλαντα ### book 8.280.4 ἶσα πέλεν· Τρῶες γὰρ ὑπέρβιον ἐνθέμενοι κῆρ ### book 8.280.5 μίμνον ἀταρβήτοιο πεποιθότες Ἄρεος ἀλκῇ, ### book 8.285.1 Ἀργεῖοι δ’ ἄρα παιδὶ μενεπτολέμου Ἀχιλῆος. ### book 8.285.2 Κτεῖνον δ’ ἀλλήλους· ὀλοὴ δ’ ἀνὰ μέσσον Ἐνυὼ ### book 8.285.3 στρωφᾶτ’ ἀλγινόεντι λύθρῳ πεπαλαγμένη ὤμους ### book 8.285.4 καὶ χέρας, ἐκ δέ οἱ αἰνὸς ἀπὸ μελέων ῥέεν ἱδρώς· ### book 8.285.5 οὐδ’ ἑτέροισιν ἄμυνεν, ἴσῃ δ’ ἐπετέρπετο χάρμῃ ### book 8.290.1 ἁζομένη φρεσὶν ᾗσι Θέτιν καὶ δῖον Ἄρηα. ### book 8.290.2 Ἔνθα Νεοπτόλεμος τηλεκλειτὸν Περιμήδεα ### book 8.290.3 δάμναθ’, ὃς οἰκί’ ἔναιε παρὰ Σμινθήιον ἄλσος. ### book 8.290.4 Τῷ δ’ ἐπὶ Κέστρον ἔπεφνε μενεπτόλεμόν τε Φάληρον ### book 8.290.5 καὶ κρατερὸν Περίλαον ἐυμμελίην τε Μενάλκην ### book 8.295.1 ὃν τέκετ’ Ἰφιάνασσα παρὰ ζάθεον πόδα Κίλλης ### book 8.295.2 τεχνήεντι Μέδοντι δαήμονι τεκτοσυνάων· ### book 8.295.3 ἀλλ’ ὃ μὲν οἴκοι ἔμιμνε φίλῃ ἐν πατρίδι γαίῃ· ### book 8.295.4 παιδὸς δ’ οὐκ ἀπόνητο· δόμον δέ οἱ ἔργα τε πάντα ### book 8.295.5 χηρωσταὶ μετόπισθεν ἀποφθιμένοιο δάσαντο. ### book 8.1 Δηίφοβος δὲ Λύκωνα μενεπτόλεμον κατέπεφνε ### book 8.2 τυτθὸν ὑπὲρ βουβῶνα τυχών· περὶ δ’ ἔγχεϊ μακρῷ ### book 8.1 ἔγκατα πάντ’ ἐχύθησαν, ὅλη δ’ ἐξέσσυτο νηδύς. ### book 8.2 Αἰνείας δὲ Δύμαντα κατέκτανεν ὅς 〈ῥα〉 πάροιθεν ### book 8.3 Αὐλίδα ναιετάεσκε, συνέσπετο δ’ Ἀρκεσιλάῳ ### book 8.305.1 ἐς Τροίην· ἀλλ’ οὔ τι φίλην πάλιν ἔδρακε γαῖαν. ### book 8.305.2 Εὐρύαλος δ’ ἐδάμασσε, βαλὼν ἀλεγεινὸν ἄκοντα, ### book 8.305.3 Ἀστραῖον· τοῦ δ’ αἶψα διὰ στέρνοιο ποτήθη ### book 8.305.4 αἰχμὴ ἀνιηρή, στομάχου δ’ ἀπέκερσε κελεύθους ### book 8.305.5 ἀνέρι κῆρα φέρουσα· μίγη δέ οἱ εἴδατα λύθρῳ. ### book 8.310.1 Τοῦ δ’ ἄρα βαιὸν ἄπωθεν ἕλεν μεγάθυμος Ἀγήνωρ ### book 8.310.2 Ἱππομένην Τεύκροιο δαΐφρονος ἐσθλὸν ἑταῖρον ### book 8.310.3 τύψας ἐς κληῖδα θοῶς· σὺν δ’ αἵματι θυμὸς ### book 8.310.4 ἔκθορεν ἐκ μελέων, ὀλοὴ δέ οἱ ἀμφεχύθη νύξ. ### book 8.310.5 Τεύκρῳ δ’ ἔμπεσε πένθος ἀποκταμένου ἑτάροιο, ### book 8.315.1 καὶ βάλεν ὠκὺν ὀιστὸν Ἀγήνορος ἄντα τανύσσας· ### book 8.315.2 ἀλλά οἱ οὔ τι τύχησεν ἀλευαμένου μάλα τυτθόν. ### book 8.315.3 Ἔμπεσε δ’ ἐγγὺς ἐόντι δαΐφρονι Δηι〈ο〉φόντῃ ### book 8.315.4 λαιὸν 〈ἐσ〉 ὀφθαλμόν, διὰ δ’ οὔατος ἐξεπέρησε ### book 8.315.5 δεξιτεροῦ, γλήνην δὲ διέτμαγεν, οὕνεκα Μοῖραι ### book 8.320.1 ἀργαλέον βέλος ὦσαν ὅπῃ θέλον· ὃς δ’ ἔτι ποσσὶν ### book 8.320.2 ὀρθὸς ἀνασκαίρεσκε. Βαλὼν δ’ ὅ γε δεύτερον ἰὸν ### book 8.320.3 λαιμῷ ἐπερροίβδησε· διέθρισε δ’ αὐχένος ἶνας ### book 8.320.4 ἄντικρυς ἀίξας· τὸν δ’ ἀργαλέη κίχε Μοῖρα. ### book 8.320.5 Ἄλλος δ’ ἄλλῳ τεῦχε φόνον· κεχάροντο δὲ Κῆρες ### book 8.325 καὶ Μόρος, ἀλγινόεσσα δ’ Ἔρις μέγα μαιμώωσα ### book 8.1 ἤυσε〈ν〉 μάλα μακρόν, Ἄρης δέ οἱ ἀντεβόησε ### book 8.2 σμερδαλέον, Τρώεσσι δ’ ἐνέπνευσεν μέγα θάρσος, ### book 8.3 Ἀργείοισι δὲ φύζαν, ἄφαρ δ’ ἐλέλιξε φάλαγγας. ### book 8.4 Ἀλλ’ οὐχ υἷα φόβησεν Ἀχιλλέος· ἀλλ’ ὅ γε μίμνων ### book 8.330.1 μάρνατο θαρσαλέως, ἐπὶ δ’ ἔκτανεν ἄλλον ἐπ’ ἄλλῳ. ### book 8.330.2 Ὡς δ’ ὅτε τις μυίῃσι περὶ γλάγος ἐρχομένῃσι ### book 8.330.3 χεῖρα περιρρίψῃ κοῦρος νέος, αἳ δ’ ὑπὸ πληγῇ ### book 8.330.4 τυτθῇ δαμνάμεναι σχεδὸν ἄγγεος ἄλλοθεν ἄλλαι ### book 8.330.5 θυμὸν ἀποπνείουσι, πάις δ’ ἐπιτέρπεται ἔργῳ· ### book 8.335.1 ὣς ἄρα φαίδιμος υἱὸς ἀμειλίκτου Ἀχιλῆος ### book 8.335.2 γήθεεν ἀμφὶ νέκυσσι. Καὶ οὐκ ἀλέγιζεν Ἄρηος ### book 8.335.3 Τρωσὶν ἀμύνοντος, † ἐτίνυτο † δ’ ἄλλοθεν ἄλλον ### book 8.335.4 λαοῦ ἐπαΐσσοντος, ὅπως ἀνέμοιο θυέλλας ### book 8.335.5 μίμνει ἐπεσσυμένας ὄρεος μεγάλοιο κολώνη· ### book 8.340.1 ὣς ἄρα μίμνεν ἄτρεστος. Ἄρης δέ οἱ ἐμμεμαῶτι ### book 8.340.2 χώετο καί οἱ ἔμελλεν ἐναντία δηριάασθαι ### book 8.340.3 αὐτὸς ἀπορρίψας ἱερὸν νέφος, εἰ μὴ Ἀθήνη ### book 8.340.4 ἔκποθεν Οὐλύμποιο θόρεν ποτὶ δάσκιον Ἴδην. ### book 8.340.5 Ἔτρεμε δὲ χθὼν δῖα καὶ ἠχήεντα ῥέεθρα ### book 8.345.1 Ξάνθου, τόσσον ἔσεισε· δέος δ’ ἀμφέκλασε θυμὸν ### book 8.345.2 Νυμφάων, φοβέοντο δ’ ὑπὲρ Πριάμοιο πόληος. ### book 8.345.3 Τεύχεσι δ’ ἀμβροσίοισι πέρι στεροπαὶ ποτέοντο, ### book 8.345.4 σμερδαλέοι δὲ δράκοντες ἀπ’ ἀσπίδος ἀκαμάτοιο ### book 8.345.5 πῦρ ἄμοτον πνείεσκον· ἄνω δ’ ἔψαυε νέφεσσι ### book 8 θεσπεσίη τρυφάλεια. Θοῷ δ’ ἤμελλεν Ἄρηι ### book 8.1 μάρνασθ’ ἐσσυμένως, εἰ μὴ Διὸς ἠὺ νόημα ### book 8.2 ἀμφοτέρους ἐφόβησεν ἀπ’ αἰθέρος αἰπεινοῖο ### book 8.3 βροντήσας ἀλεγεινόν. Ἄρης δ’ ἀπεχάζετο χάρμης· ### book 8.4 δὴ γάρ οἱ μεγάλοιο Διὸς διεφαίνετο θυμός· ### book 8.355.1 ἵκετο δ’ ἐς Θρῄκην δυσχείμερον, οὐδ’ ἔτι Τρώων ### book 8.355.2 μέμβλετό οἱ κατὰ θυμὸν ὑπέρβιον· οὐδὲ μὲν ἐσθλὴ ### book 8.355.3 Παλλὰς 〈ἔτ’〉 ἐν 〈πεδίῳ〉 Τρώων μένεν, ἀλλὰ καὶ αὐτὴ ### book 8.355.4 ἷξεν Ἀθηνάων ἱερὸν πέδον. Οἳ δ’ ἔτι χάρμης ### book 8.355.5 μνώοντ’ οὐλομένης· δεύοντο δὲ Τρώιοι υἷες ### book 8.360.1 ἀλκῆς· Ἀργεῖοι δὲ μέγ’ ἱέμενοι πολέμοιο ### book 8.360.2 χαζομένοισιν ἕποντο κατ’ ἴχνιον, ἠύτ’ ἀῆται ### book 8.360.3 νήεσιν ἐσσυμένῃς ὑπὸ λαίφεσιν εἰς ἁλὸς οἶδμα ### book 8.360.4 ὄβριμον, ἢ θάμνοισι πυρὸς μένος, ἢ κεμάδεσσιν ### book 8.360.5 ὀτρηροὶ κατ’ ὄρεσφι κύνες λελιημένοι ἄγρης· ### book 8.365.1 ὣς Δαναοὶ δηίοισιν ἐπήιον, οὕνεκ’ ἄρ’ αὐτοὺς ### book 8.365.2 υἱὸς Ἀχιλλῆος μεγάλῳ δορὶ θαρσύνεσκε ### book 8.365.3 κτείνων ὅν κε κίχῃσι κατὰ κλόνον· οἳ δ’ ὑπὸ φύζῃ ### book 8.365.4 χασσάμενοι κατέδυσαν ἐς ὑψίπυλον πτολίεθρον. ### book 8.365.5 Ἀργεῖοι δ’ ἄρα τυτθὸν ἀνέπνευσαν πολέμοιο ### book 8.370.1 ἔλσαντες Πριάμοιο κατὰ πτόλιν ἔθνεα Τρώων, ### book 8.370.2 ἄρνας ὅπως σταθμοῖσιν ἐν οἰοπόλοισι νομῆες. ### book 8.370.3 Ὡς δ’ ὁπότ’ ἀμπνείωσι βόες μέγα κεκμηῶτες ### book 8.370.4 ἄχθος ἀνειρύσσαντες ἄνω ποτὶ δύσβατον ἄκρην ### book 8.370.5 πυκνὸν ἀνασθμαίνοντες ὑπὸ ζυγόν· ὣς ἄρ’ Ἀχαιοὶ ### book 8.375.1 ἄμπνεον ἐν τεύχεσσι κεκμηκότες. Ἀμφὶ δὲ πύργους ### book 8.375.2 μάρνασθαι μεμαῶτες ἐκυκλώσαντο πόληα. ### book 8.375.3 Οἳ δ’ 〈ἄφ〉αρ ᾗσι πύλῃσιν ἐπειρύσσαντες ὀχῆας ### book 8.375.4 ἐν τείχεσσιν ἔμιμνον ἐπεσσυμένων μένος ἀνδρῶν· ### book 8.375.5 ὡς δ’ ὅτε μηλοβοτῆρες ἐνὶ σταθμοῖσι μένωσι ### book 8.380.1 λαίλαπα κυανέην, ὅτε χείματος ἦμαρ ἵκηται ### book 8.380.2 λάβρον ὁμοῦ στεροπῇσι καὶ ὕδατι καὶ νεφέεσσι ### book 8.380.3 ταρφέσιν, οἳ δὲ μάλ’ οὔ τι λιλαιόμενοί περ ἱκέσθαι ### book 8.380.4 ἐς νομὸν ἀίσσουσιν, ἄχρις μέγα λωφήσειε ### book 8.380.5 χεῖμα καὶ εὐρύποροι ποταμοὶ μεγάλα βρομέοντες· ### book 8.385.1 ὣς οἵ γ’ ἐν τείχεσσι μένον τρομέοντες ὁμοκλὴν ### book 8.385.2 δυσμενέων. Λαοὶ δὲ θοῶς ἐπέχυντο πόληι· ### book 8.385.3 ὡς δ’ ὁπότε ψῆρες τανυ〈σί〉πτεροι ἠὲ κολοιοὶ ### book 8.385.4 καρπῷ ἐλαϊνέῳ θαμέες περὶ πάγχυ πέσωσι ### book 8.385.5 βρώμης ἱέμενοι θυμηδέος, οὐδ’ ἄρα τούς γε ### book 8.390.1 αἰζηοὶ βοόωντες ἀποτρωπῶσι φέβεσθαι ### book 8.390.2 πρὶν φαγέειν, λιμὸς γὰρ ἀναιδέα θυμὸν ἀέξει· ### book 8.390.3 ὣς Δαναοὶ Πριάμοιο τότ’ ἀμφεχέοντο πόληι ### book 8.390.4 ὄβριμοι· ἐν δὲ πύλῃσι πέσον μεμαῶτες ἐρύσσαι ### book 8.390.5 ἔργον ἀπειρέσιον κρατερόφρονος Ἐννοσιγαίου. ### book 8.395.1 Τρῶες δ’ οὐ λήθοντο μάχης μάλα περ δεδιῶτες, ### book 8.395.2 ἀλλὰ καὶ ὧς πύργοισιν ἐφεσταότες πονέοντο ### book 8.395.3 νωλεμέως· 〈ἰ〉οὶ δὲ πολυκμήτων ἀπὸ χειρῶν ### book 8.395.4 θρῷσκον ὁμῶς λάεσσι καὶ αἰγανέῃσι θοῇσι ### book 8.395.5 δυσμενέων ἐς ὅμιλον, ἐπεί σφισι τλήμονα Φοῖβος ### book 8.1 ἧκε βίην· 〈μάλα〉 γάρ οἱ ἀμύνειν ἤθελε θυμὸς ### book 8.2 Τρωσὶν ἐυπτολέμοισι καὶ Ἕκτορος οἰχομένοιο. ### book 8.3 Ἔνθ’ ἄρα Μηριόνης στυγερὸν προέηκε βέλεμνον ### book 8.4 καὶ βάλε Φυλοδάμαντα φίλον κρατεροῖο Πολίτου ### book 8.5 τυτθὸν ὑπὸ γναθμοῖο· πάγη δ’ ὑπὸ λαιμὸν ὀιστός· ### book 8.405.1 κάππεσε δ’ αἰγυπιῷ ἐναλίγκιος ὅν τ’ ἀπὸ πέτρης ### book 8.405.2 ἰῷ ἐυγλώχινι βαλὼν αἰζηὸς ὀλέσσῃ· ### book 8.405.3 ὣς ὃ θοῶς πύργοιο κατήριπεν αἰπεινοῖο, ### book 8.405.4 γυῖα δέ οἱ λίπε θυμός· ἐπέβραχε δ’ ἔντεα νεκρῷ. ### book 8.405.5 Τῷ δ’ ἐπικαγχαλόων υἱὸς κρατεροῖο Μόλοιο ### book 8.410.1 ἄλλον ἀφῆκεν ὀιστὸν ἐελδόμενος μέγα θυμῷ ### book 8.410.2 υἷα βαλεῖν Πριάμοιο πολυτλήτοιο Πολίτην· ### book 8.410.3 ἀλλ’ ὃ μὲν αἶψ’ ἀλέεινε παρακλίνας ἑτέρωσε ### book 8.410.4 ὃν δέμας οὐδέ οἱ ἰὸς ἐπὶ χρόα καλὸν ἴαψεν. ### book 8.410.5 Ὡς δ’ ὅθ’ ἁλὸς κατὰ πόντον ἐπειγομένης νεὸς οὔρῳ ### book 8.415.1 ναύτης παιπαλόεσσαν ἰδὼν ἐπὶ χεύματι πέτρην ### book 8.415.2 νῆα παρατρέψῃ λελιημένος ἐξυπαλύξαι ### book 8.415.3 χειρὶ παρακλίνας οἰήιον, ἧχί ἑ θυμὸς ### book 8.415.4 ὀτρύνει, τυτθὴ δὲ βίη μέγα πῆμ’ ἀπερύκει· ### book 8.415.5 ὣς ἄρ’ ὅ γε προϊδὼν ὀλοὸν βέλος ἔκφυγε πότμον. ### book 8.420.1 Οἳ δ’ αἰεὶ μάρναντο· λύθρῳ δ’ ἐρυθαίνετο τείχη ### book 8.420.2 πύργοι θ’ ὑψηλοὶ καὶ ἐπάλξιες, ἧχί τε Τρῶες ### book 8.420.3 ἰοῖσι κτείνοντο πολυσθενέων ὑπ’ Ἀχαιῶν. ### book 8.420.4 Οὐδὲ μὲν οἵ γ’ ἀπάνευθε πόνων ἔσαν, ἀλλ’ ἄρα καὶ τῶν ### book 8.420.5 πολλοὶ γαῖαν ἔρευθον. Ὀρώρει δ’ αἰπὺς ὄλεθρος ### book 8.425.1 βαλλομένων ἑκάτερθε· λυγρὴ δ’ ἐπετέρπετ’ Ἐνυὼ ### book 8.425.2 Δῆριν ἐπικλονέουσα κασιγνήτην Πολέμοιο. ### book 8.425.3 Καί νύ κε δὴ ῥήξαντο πύλας καὶ τείχεα Τροίης ### book 8.425.4 Ἀργεῖοι, μάλα γάρ σφιν 〈ἀ〉άσπετον ἔπλετο κάρτος, ### book 8.425.5 εἰ μὴ ἄρ’ αἶψα βόησεν ἀγακλειτὸς Γανυμήδης ### book 8.430.1 οὐρανοῦ ἐκ κατιδών· μάλα γὰρ περιδείδιε πάτρης· ### book 8.430.2 «Ζεῦ πάτερ, εἰ ἐτεόν γε τεῆς ἔξειμι γενέθλης, ### book 8.430.3 σῇσι δ’ ὑπ’ ἐννεσίῃσι λιπὼν ἐρικυδέα Τροίην ### book 8.430.4 εἰμὶ μετ’ ἀθανάτοισι, πέλει δέ μοι ἄμβροτος αἰών, ### book 8.430.5 τῶ μευ νῦν ἐσάκουσον ἀκηχεμένου μέγα θυμῷ· ### book 8.435.1 οὐ γὰρ τλήσομαι ἄστυ καταιθόμενον προσιδέσθαι ### book 8.435.2 οὐδ’ ἄρ’ ἀπολλυμένην γενεὴν ἐν δηιοτῆτι ### book 8.435.3 λευγαλέῃ, τῆς οὔ τι χερειότερον πέλει ἄλγος. ### book 8.435.4 Σοὶ δὲ καὶ εἰ μέμονε〈ν〉 κραδίη τάδε μηχανάασθαι, ### book 8.435.5 ἔρξον ἐμεῦ ἀπὸ νόσφι〈ν〉· ἐλαφρότερον δέ μοι ἄλγος ### book 8.440.1 ἔσσεται, ἢν μὴ ἔγωγε μετ’ ὄμμασιν οἷσιν ἴδωμαι· ### book 8.440.2 κεῖνο γὰρ οἴκτιστον καὶ κύντατον, ὁππότε πάτρην ### book 8.440.3 δυσμενέων παλάμῃσιν ἐρειπομένην τις ἴδηται.» ### book 8.440.4 Ἦ ῥα μέγα στενάχων Γανυμήδεος ἀγλαὸν ἦτορ. ### book 8.440.5 Καὶ τότ’ ἄρα Ζεὺς αὐτὸς ἀπειρεσίοις νεφέεσσι ### book 8.445.1 νωλεμέως ἐκάλυψε κλυτὴν Πριάμοιο πόληα. ### book 8.445.2 Ἠχλύνθη δὲ μάχη φθισίμβροτος οὐδέ τις αὐτῶν ### book 8.445.3 ἐξιδέειν ἐπὶ τεῖχος ἔτ’ ἔσθενεν, ἧχι τέτυκτο· ### book 8.445.4 ταρφέσι γὰρ νεφέεσσι διηνεκέως κεκάλυπτο. ### book 8.445.5 Ἀμφὶ δ’ ἄρα βρονταί τε καὶ ἀστεροπαὶ κτυπέοντο ### book 8 οὐρανόθεν· Δαναοὶ δὲ Διὸς κτύπον εἰσαΐοντες ### book 8.1 θάμβεον· ἐν δ’ ἄρα τοῖσι μέγ’ ἴαχε Νηλέος υἱός· ### book 8.2 «Ὦ νύ μοι Ἀργείων σημάντορες, οὐκέτι νῶιν ### book 8.3 ἔσσεται ἔμπεδα γυῖα Διὸς μέγα θαρσαλέοισι ### book 8.4 Τρωσὶν ἀμύνοντος· μάλα γὰρ μέγα πῆμα κυλίνδει ### book 8.455.1 ἡμῖν, Ἀλλ’ ἄγε θᾶσσον ἑὰς ἐπὶ νῆας ἰόντες ### book 8.455.2 παυσώμεσθα πόνοιο καὶ ἀργαλέοιο κυδοιμοῦ, ### book 8.455.3 μὴ δὴ πάντας ἐνιπρήσῃ μάλα περ μενεαίνων. ### book 8.455.4 Τοῖσι μὲν 〈ἂρ〉 τεράεσσι πιθώμεθα· τῷ γὰρ ἔοικε ### book 8.455.5 πάντας 〈ἀεὶ〉 πεπιθέσθαι, ἐπεὶ μάλα φέρτατός ἐστιν ### book 8.460.1 ἰφθίμων τε θεῶν ὀλιγοσθενέων τ’ ἀνθρώπων. ### book 8.460.2 Καὶ γὰρ Τιτήνεσσιν ὑπερφιάλοισι χολωθεὶς ### book 8.460.3 οὐρανόθεν κατέχευε πυρὸς μένος· ἣ δ’ ὑπένερθε ### book 8.460.4 καίετο πάντοθε γαῖα, καὶ Ὠκεανοῦ πλατὺ χεῦμα ### book 8.460.5 ἔζεεν ἐκ βυσσοῖο καὶ ἐς πέρατ’ ἄχρις ἱκέσθαι· ### book 8.465.1 καὶ ποταμῶν τέρσοντο ῥοαὶ μάλα μακρὰ ῥεόντων· ### book 8.465.2 δάμνατο δ’ ὁππόσα φῦλα φερέσβιος ἔτρεφε γαῖα ### book 8.465.3 ἠδ’ ὅσα πόντος ἔφερβεν ἀπείριτος ἠδ’ ὁπός’ ὕδωρ ### book 8.465.4 ἀενάων ποταμῶν· ἐπὶ δέ σφισιν ἄσπετος αἰθὴρ ### book 8.465.5 τέφρῃ ὑπεκρύφθη καὶ λιγνύι· τείρετο δὲ χθών. ### book 8.470.1 Τοὔνεκ’ ἐγὼ δείδοικα Διὸς μένος ἤματι τῷδε. ### book 8.470.2 Ἀλλ’ ἴομεν ποτὶ νῆας, ἐπεὶ Τρώεσσιν ἀρήγει ### book 8.470.3 σήμερον· αὐτὰρ ἔπειτα καὶ ἡμῖν κῦδος ὀρέξει· ### book 8.470.4 ἄλλοτε γάρ τε φίλη πέλει ἠώς, ἄλλοτε δ’ ἐχθρή. ### book 8.470.5 Καὶ δ’ οὐ 〈δή〉 πω μοῖρα διαπραθέειν κλυτὸν ἄστυ, ### book 8.475.1 εἰ ἐτεὸν Κάλχαντος ἐτήτυμος ἔπλετο μῦθος, ### book 8.475.2 τόν ῥα πάρος κατέλεξεν ὁμηγυρέεσσιν Ἀχαιοῖς ### book 8.1 δῃῶσαι Πριάμοιο πόλιν δεκάτῳ ἐνιαυτῷ.» ### book 8.2 Ὣς φάτο· τοὶ δ’ ἀπάνευθε περικλυτὸν ἄστυ λιπόντες ### book 8.3 χάσσαντ’ ἐκ πολέμοιο Διὸς τρομέοντες ὁμοκλήν· ### book 8.480.1 ἀνέρι γὰρ πεπίθοντο παλαιῶν ἵστορι μύθων. ### book 8.480.2 Ἀλλ’ οὐδ’ ὧς ἀμέλησαν ἀποκταμένων ἐνὶ χάρμῃ, ### book 8.480.3 ἀλλά σφεας τάρχυσαν ἀπὸ πτολέμου ἐρύσαντες· ### book 8.480.4 οὐ γὰρ δὴ κείνους νέφος ἄμπεχεν, ἀλλὰ πόληα ### book 8.480.5 ὑψηλὴν καὶ τεῖχος ἀνέμβατον ᾧ πέρι πολλοὶ ### book 8.485.1 Τρώων υἷες Ἄρηι καὶ Ἀργείων ἐδάμησαν. ### book 8.485.2 Ἐλθόντες δ’ ἐπὶ νῆας ἀρήια τεύχεα θέντο, ### book 8.485.3 καί ῥα κόνιν καὶ ἱδρῶ〈τα〉 λύθρον τ’ ἀπεφαιδρύναντο ### book 8.485.4 κύμασιν ἐμβεβαῶτες ἐυρρόου Ἑλλησπόντου. ### book 8.485.5 Ἠέλιος δ’ ἀκάμαντας ὑπὸ ζόφον ἤλασεν ἵππους, ### book 8.490.1 νὺξ δ’ ἐχύθη περὶ γαῖαν, ἀπέτραπε δ’ ἀνέρας ἔργων. ### book 8.490.2 Ἀργεῖοι δ’ Ἀχιλῆος ἐυπτολέμου θρασὺν υἷα ### book 8.490.3 ἶσα τοκῆι τίεσκον· ὃ δ’ ἐν κλισίῃσιν ἀνάκτων ### book 8.490.4 δαίνυτο καγχαλόων· κάματος δέ μιν οὔ τι βάρυνεν, ### book 8.490.5 οὕνεκά οἱ στονόεντα Θέτις μελεδήματα γυίων ### book 8.495.1 ἐξέλετ’, ἀκμήτῳ δ’ ἐναλίγκιον εἰσοράασθαι ### book 8.495.2 τεῦξεν. Ὃ δ’ ἐκ δόρποιο κορεσσάμενος κρατερὸν κῆρ ### book 8.495.3 ἐς κλισίην ἀφίκανεν ἑοῦ πατρός, ἔνθά οἱ ὕπνος ### book 8.495.4 ἀμφεχύθη. Δαναοὶ δὲ νεῶν προπάροιθεν ἴαυον ### book 8.495.5 αἰὲν ἀμειβόμενοι φυλακάς· φοβέοντο γὰρ αἰνῶς ### book 8.1 Τρώων μή ποτε λαὸς ἢ ἀγχεμάχων ἐπικούρων ### book 8.2 νῆας ἐνιπρήσῃ, νόστου δ’ ἀπὸ πάντας ἀμέρσῃ. ### book 8.3 Ὣς δ’ αὕτως Πριάμοιο κατὰ πτόλιν ἔθνεα Τρώων ### book 8.4 ἀμφὶ πύλας καὶ τεῖχος ἀμοιβαδὸν ὑπνώεσκον ### book 8 Ἀργείων στονόεσσαν ὑποτρομέοντες ὁμοκλήν. ### book 9.1.1 Ἦμος δ’ ἤνυτο νυκτὸς ἀπὸ κνέφας, ἔγρετο δ’ Ἠὼς ### book 9.1.2 ἐκ περάτων, μάρμαιρε δ’ ἀπείριτον ἄσπετος αἰθήρ, ### book 9.1.3 δὴ τότ’ ἀρήιοι υἷες ἐυσθενέων Ἀργείων ### book 9.1.4 ἂμ πεδίον πάπταινον, ἴδοντο δ〈ὲ〉 Ἰλίου ἄκρην ### book 9.5.1 ἀννέφελον, χθιζὸν δὲ τέρας μέγα θαυμάζεσκον. ### book 9.5.2 Τρῶες δ’ οὐκέτ’ ἔφαντο πρὸ τείχεος αἰπεινοῖο ### book 9.5.3 στήμεναι ἐν πολέμῳ· μάλα γὰρ δέος ἔλλαβε πάντας ### book 9.7a ζώειν ἐλπομένους ἐρικυδέα Πηλείωνα. ### book 9.8.1 Ἀντήνωρ δ’ ἐν τοῖσι θεῶν ἠρήσατ’ ἄνακτι· ### book 9.8.2 «Ζεῦ Ἴδης μεδέων ἠδ’ οὐρανοῦ αἰγλήεντος, ### book 9.10.1 κλῦθί μευ εὐχομένοιο, καὶ ὄβριμον ἄνδρα πόληος ### book 9.10.2 τρέψον ἀφ’ ἡμετέρης ὀλοὰ φρεσὶ μητιόωντα, ### book 9.10.3 εἴ θ’ ὅ γ’ Ἀχιλλεύς ἐστι καὶ οὐ κίε δῶμ’ Ἀίδαο, ### book 9.10.4 εἴ τέ τις ἄλλος Ἀχαιὸς ἀλίγκιος ἀνέρι κείνῳ· ### book 9.10.5 λαοὶ γὰρ κατὰ ἄστυ θεηγενέος Πριάμοιο ### book 9.15.1 πολλοὶ ἀποφθινύθουσι, κακοῦ δ’ οὐ γίνετ’ ἐρωή, ### book 9.15.2 ἀλλὰ φόνος τε καὶ οἶτος ἐπὶ πλέον αἰὲν ἀέξει. ### book 9.15.3 Ζεῦ πάτερ, οὐδέ νυ σοί τι δαϊζομένων ὑπ’ Ἀχαιοῖς ### book 9.15.4 μέμβλεται, ἀλλ’ ἄρα καὶ σὺ λελασμένος υἷος ἑοῖο ### book 9.15.5 Δαρδάνου ἀντιθέοιο μέγ’ Ἀργείοισιν ἀρήγεις. ### book 9.20.1 Ἀλλὰ σοὶ εἰ τόδε θυμὸς ἐνὶ κραδίῃ μενεαίνει, ### book 9.20.2 Τρῶας ὑπ’ Ἀργείοισιν ὀιζυρῶς ἀπολέσσαι, ### book 9.20.3 ἔρξον ἄφαρ, μηδ’ ἄμμι πολὺν χρόνον ἄλγεα τεῦχε.» ### book 9.20.4 Ἦ ῥα μέγ’ εὐχόμενος· τοῦ δ’ ἔκλυεν οὐρανόθι Ζεύς· ### book 9.20.5 καί ῥ’ ὃ μὲν αἶψ’ ἐτέλεσσεν, ὃ δ’ οὐκ ἤμελλε τελέσσειν. ### book 9.25.1 Δὴ γάρ οἱ κατένευσεν ὅπως ἀπὸ πολλοὶ ὄλωνται ### book 9.25.2 Τρῶες ὁμῶς τεκέεσσι, δαΐφρονα δ’ υἷ’ Ἀχιλῆος ### book 9.25.3 τρεψέμεν οὐ κατένευσεν ἀπ’ εὐρυχόροιο πόληος, ### book 9.25.4 ἀλλά ἑ μᾶλλον ἔγειρεν, ἐπεί νύ ἑ θυμὸς ἀνώγει ### book 9.25.5 ἦρα φέρειν καὶ κῦδος ἐύφρονι Νηρηίνῃ. ### book 9.30.1 Καὶ τὰ μὲν ὣς ὥρμαινε θεῶν μέγα φέρτατος ἄλλων. ### book 9.30.2 Μεσσηγὺς δὲ πόληος ἰδ’ εὐρέος Ἑλλησπόντου ### book 9.30.3 Ἀργεῖοι καὶ Τρῶες ἀποκταμένους ἐνὶ χάρμῃ ### book 9.30.4 καῖον ὁμῶς ἵπποισι· μάχη δ’ ἐπέπαυτο φόνοιο, ### book 9.30.5 οὕνεκα δὴ Πριάμοιο βίη κήρυκα Μενοίτην ### book 9.35.1 εἰς Ἀγαμέμνονα πέμψε καὶ ἄλλους πάντας Ἀχαιοὺς ### book 9.35.2 λισσόμενος νέκυας πυρὶ καιέμεν, οἳ δ’ ἐπίθοντο ### book 9.35.3 αἰδόμενοι κταμένους· οὐ γάρ σφισι μῆνις ὀπηδεῖ. ### book 9.35.4 Ἦμος δὲ φθιμένοισι πυρὰς ἐκάμοντο θαμειάς, ### book 9.35.5 δὴ τότ’ 〈ἄρ’〉 Ἀργεῖοι μὲν ἐπὶ κλισίας ἀφίκοντο, ### book 9.40.1 Τρῶες δ’ ἐς Πριάμοιο πολυχρύσοιο μέλαθρα, ### book 9.40.2 ἀχνύμενοι μάλα πολλὰ δεδουπότος Εὐρυπύλοιο. ### book 9.40.3 Τὸν γὰρ δὴ τίεσκον ἴσον Πριάμοιο τέκεσσι· ### book 9.40.4 τοὔνεκά μιν τάρχυσαν ἀποκταμένων ἑκὰς ἄλλων ### book 9 Δαρδανίης προπάροιθε πύλης, ὅθι μακρὰ ῥέεθρα ### book 9.44 . . . . . . . . . . . . . . . . . . . . . . . . . . . . . . . . . . . . . . . . ### book 9.45.1 δινήεις προΐησιν ἀεξόμενος Διὸς ὄμβρῳ. ### book 9.45.2 Υἱὸς δ’ αὖτ’ Ἀχιλῆος ἀταρβέος ἵκετο πατρὸς ### book 9.45.3 τύμβον ἐπ’ εὐρώεντα· κύσε〈ν〉 δ’ ὅ γε δάκρυα χεύων ### book 9.45.4 στήλην εὐποίητον ἀποφθιμένοιο τοκῆος, ### book 9.45.5 καί ῥα περιστενάχων τοῖον ποτὶ μῦθον ἔειπε· ### book 9.1 «Χαῖρε, πάτερ, καὶ ἔνερθε κατὰ χθονός· οὐ γὰρ ἔγωγε ### book 9.2 λήσομαι οἰχομένοιο σέθεν ποτὶ δῶμ’ Ἀίδαο. ### book 9.3 Ὡς εἴθε ζωόν σε μετ’ Ἀργείοισι κίχανον· ### book 9.4 τῶ κε τάχ’ ἀλλήλοισι φρένα〈σ〉 τερφθέντ’ ἐνὶ θυμῷ ### book 9.5 Ἰλίου ἐξ ἱερῆς ληισσάμεθ’ ἄσπετον ὄλβον. ### book 9.55.1 Νῦν δ’ οὔτ’ ἂρ σύ γ’ ἐσεῖδες ἑὸν τέκος, οὔτέ ς’ ἔγωγε ### book 9.55.2 εἶδον ζωὸν ἐόντα λιλαιόμενός περ ἰδέσθαι. ### book 9.55.3 Ἀλλὰ καὶ ὧς σέο νόσφι καὶ ἐν φθιμένοισιν ἐόντος ### book 9.55.4 σὸν δόρυ καὶ τεὸν υἷα μέγ’ ἐν δαῒ πεφρίκασι ### book 9.55.5 δυσμενέες, Δαναοὶ δὲ γεγηθότες εἰσορόωσι ### book 9.60.1 σοὶ δέμας ἠδὲ φυὴν ἐναλίγκιον ἠδὲ καὶ ἔργα.» ### book 9.60.2 Ὣς εἰπὼν ἀπὸ θερμὸν ὀμόρξατο δάκρυ παρειῶν· ### book 9.60.3 βῆ δὲ θοῶς ἐπὶ νῆας ὑπερθύμοιο τοκῆος, ### book 9.60.4 οὐκ οἶος· ἅμα γάρ οἱ ἴσαν δυοκαίδεκα φῶτες ### book 9.60.5 Μυρμιδόνων, Φοῖνιξ δ’ ὁ γέρων μετὰ τοῖσιν ὀπήδει ### book 9.65.1 λυγρὸν ἀναστενάχων ἐρικυδέος ἀμφ’ Ἀχιλῆος. ### book 9.65.2 Νὺξ δ’ ἐπὶ γαῖαν ἵκανεν, ἐπέσσυτο δ’ οὐρανὸν ἄστρα· ### book 9.65.3 οἳ δ’ ἄρα δορπήσαντες ἕλονθ’ ὕπνον. Ἔγρετο δ’ Ἠώς· ### book 9.65.4 Ἀργεῖοι δ’ ἄρα δῦσαν ἐν ἔντεσι· τῆλε δ’ ἀπ’ αὐτῶν ### book 9.65.5 αἴγλη μαρμαίρεσκεν ἐς αἰθέρα μέχρις ἰοῦσα. ### book 9.70.1 Καί ῥα θοῶς ἔκτοσθε πυλάων ἐσσεύοντο ### book 9.70.2 πανσυδίῃ νιφάδεσσιν ἐοικότες, αἵ τε φέρονται ### book 9.70.3 ταρφέες ἐκ νεφέων κρυερῇ ὑπὸ χείματος ὥρῃ· ### book 9.70.4 ὣς οἵ γ’ ἐξεχέοντο πρὸ τείχεος· ὦρτο δ’ ἀυτὴ ### book 9.70.5 σμερδαλέη, μέγα δ’ αἶα περιστεναχίζετ’ ἰόντων. ### book 9.75.1 Τρῶες δ’ εὖτ’ ἐπύθοντο βοὴν καὶ λαὸν ἴδοντο, ### book 9.75.2 θάμβησαν, πᾶσι〈ν〉 δὲ κατεκλάσθη κέαρ ἔνδον ### book 9.75.3 πότμον ὀιομένων· περὶ γὰρ νέφος ὣς ἐφαάνθη ### book 9.75.4 λαὸς δυσμενέων, κανάχιζε δὲ τεύχεα φωτῶν ### book 9.75.5 κινυμένων, ἄμοτον δὲ κονίσαλος ὦρτο ποδοῖιν. ### book 9.80.1 Καὶ τότ’ ἄρ’ ἠὲ θεῶν τις ὑπὸ φρένας ἔμβαλε θάρσος ### book 9.80.2 Δηιφόβῳ καὶ θῆκε μάλ’ ἄτρομον, ἠὲ καὶ αὐτὸν ### book 9.80.3 θυμὸς ἐποτρύνεσκε ποτὶ κλόνον, ὄφρ’ ἀπὸ πάτρης ### book 9.80.4 δυσμενέων ἀλεγεινὸν ὑπ’ ἔγχεϊ λαὸν ἐλάσσῃ· ### book 9.80.5 θαρσαλέον δ’ ἄρα μῦθον ἐνὶ Τρώεσσιν ἔειπεν· ### book 9.85.1 «Ὦ φίλοι, εἰ δ’ ἄγε θυμὸν ἀρήιον ἐν φρεσὶ θέσθε, ### book 9.85.2 μνησάμενοι στονόεντος ὅσα πτολέμοιο τελευτὴ ### book 9.85.3 ἄλγε’ ἐπ’ ἀνθρώποισι δορυκτήτοισι τίθησιν. ### book 9.85.4 Οὐ γὰρ Ἀλεξάνδροιο πέλει περὶ μοῦνον ἄεθλος ### book 9.85.5 οὐδ’ Ἑλένης, ἀλλ’ ἔστι περὶ πτόλιός τε καὶ αὐτῶν ### book 9.90.1 ἠδ’ ἀλόχων τεκέων τε φίλων γεραρῶν τε τοκήων ### book 9.90.2 πάσης τ’ ἀγλαΐης καὶ κτήσιος ἠδ’ ἐρατεινῆς ### book 9.90.3 γαίης, ἥ με δαμέντα κατὰ κλόνον ἀμφικαλύψαι ### book 9.90.4 μᾶλλον ἢ ἀθρήσαιμι φίλην ὑπὸ δούρασι πάτρην ### book 9.90.5 δυσμενέων· οὐ γάρ τι κακώτερον ἔλπομαι ἄλλο ### book 9.95.1 πῆμα μετ’ ἀνθρώποισιν ὀιζυροῖσι τετύχθαι. ### book 9.95.2 Τοὔνεκ’ ἀπωσάμενοι στυγερὸν δέος ἀμφ’ ἐμὲ πάντες ### book 9.95.3 καρτύνασθ’ ἐπὶ δῆριν ἀμείλιχον· οὐ γὰρ Ἀχιλλεὺς ### book 9.95.4 ζωὸς ἔθ’ ἡμῖν ἄντα μαχήσεται, οὕνεκ’ ἄρ’ αὐτὸν ### book 9.95.5 πῦρ ὀλοὸν κατέδαψε· πέλει δέ τις ἄλλος Ἀχαιῶν ### book 9.1 ὃς νῦν λαὸν ἄγειρεν. Ἔοικε δὲ μήτ’ Ἀχιλῆα ### book 9.2 μήτέ τιν’ ἄλλον Ἀχαιὸν ὑποτρομέειν περὶ πάτρης ### book 9.3 μαρναμένους. Τῶ μή τι φεβώμεθα μῶλον Ἄρηος, ### book 9.4 εἰ καὶ πολλὰ πάροιθεν ἀνέτλημεν μογέοντες· ### book 9.5 ἢ οὔ πω τόδε οἴδατ’ ἀνὰ φρένας ὡς ἀλεγεινοῖς ### book 9.105.1 ἀνδράσιν ἐκ καμάτοιο πέλει θαλίη τε καὶ ὄλβος, ### book 9.105.2 ἐκ δ’ ἄρα λευγαλέων ἀνέμων καὶ χείματος αἰνοῦ ### book 9.105.3 Ζεὺς ἐπάγει μερόπεσσι δι’ ἠέρος εὔδιον ἦμαρ, ### book 9.105.4 ἔκ τ’ ὀλοῆς νούσοιο πέλει σθένος, ἔκ τε μόθοιο ### book 9.105.5 εἰρήνη; Τὰ δὲ πάντα χρόνῳ μεταμείβεται ἔργα.» ### book 9.110.1 Ὣς φάτο· τοὶ δ’ ἐς Ἄρηα μεμαότες ἐντύναντο ### book 9.110.2 ἐσσυμένως· καναχὴ δὲ κατὰ πτόλιν ἔπλετο πάντῃ ### book 9.110.3 μῶλον ἐς ἀλγινόεντα κορυσσομένων αἰζηῶν. ### book 9.110.4 Ἔνθ’ ἄρα τῷ μὲν ἄκοιτις ὑποτρομέουσα κυδοιμὸν ### book 9.110.5 ἔντε’ ἐποιχομένη παρενήνεε δάκρυ χέουσα· ### book 9.115.1 τῷ δ’ ἄρα νήπιοι υἷες ἐπειγόμενοι περὶ πατρὶ ### book 9.115.2 τεύχεα πάντα φέρεσκον· ὃ δέ σφισιν ἄλλοτε μέν που ### book 9.115.3 ἄχνυτ’ ὀδυρομένοις, ὁτὲ δ’ ἔμπαλι μειδιάασκε ### book 9.115.4 παισὶν ἀγαλλόμενος· κραδίη δέ οἱ ἐν δαῒ μᾶλλον ### book 9.115.5 ὥρμαινεν πονέεσθαι ὑπὲρ τεκέων τε καὶ αὐτοῦ. ### book 9.120.1 Ἄλλῳ δ’ αὖτε γεραιὸς ἐπισταμένῃς παλάμῃσιν ### book 9.120.2 ἀμφετίθει μελέ〈ε〉σσι κακῆς ἀλκτήρια χάρμης ### book 9.120.3 πολλὰ παρηγορέων φίλον υἱ〈έ〉α μηδενὶ εἴκειν ### book 9.120.4 ἐν πολέμῳ, καὶ στέρνα τετυμμένα δείκνυε παιδὶ ### book 9.120.5 ταρφέα σήματ’ ἔχοντα παλαιῆς δηιοτῆτος. ### book 9.125.1 Ἀλλ’ ὅτε δὴ μάλα πάντες ἐν ἔντεσι θωρήχθησαν, ### book 9.125.2 ἄστεος ἐξεχέοντο μέγ’ ἱέμενοι πολέμοιο ### book 9.125.3 λευγαλέου. Ταχέεσσι δ’ ἐφ’ ἱππήεσσιν ὄρουσαν ### book 9.125.4 ἱππῆες, πεζοῖσι δ’ ἐπέχραον ἔθνεα πεζῶν, ### book 9.125.5 ἅρμασι δ’ ἅρμαθ’ ἵκοντο καταντίον· ἔβραχε δὲ χθὼν ### book 9.130.1 ἐς μόθον ἐσσυμένων, ἐπαΰτεε δ’ οἷσιν ἕκαστος ### book 9.130.2 κεκλόμενος. Τοὶ δ’ αἶψα συνήιον· ἀμφὶ δ’ ἄρά σφι ### book 9.130.3 τεύχε’ ἐπεσμαράγησε· μί〈γ〉η δ’ ἑκάτερθεν ἀυτὴ ### book 9.130.4 λευγαλέη. Τὰ δὲ πολλὰ θοῶς ποτέοντο βέλεμνα ### book 9.130.5 βαλλόμεν’ ἀμφοτέρωθεν· ὑπ’ ἔγχε〈σ〉ι δ’ ἀσπίδες ἀνδρῶν ### book 9.135.1 θεινόμεναι κτυπέεσκον 〈ἀ〉άσπετον, αἳ δ’ ὑπ’ ἀκόντων ### book 9.135.2 καὶ ξιφέων· πολέες δὲ καὶ ἀξίνῃσι θοῇσιν ### book 9.135.3 ἀνέρες οὐτάζοντο· φορύνετο δ’ ἔντεα φωτῶν ### book 9.135.4 αἵματι. Τρωιάδες δ’ ἀπὸ τείχεος ἐσκοπίαζον ### book 9.135.5 αἰζηῶν στονόεντα μόθον, πάσῃσι δὲ γυῖα ### book 9.140.1 ἔτρεμεν εὐχομένῃσιν ὑπὲρ τεκέων τε καὶ ἀνδρῶν ### book 9.140.2 ἠδὲ κασιγνήτων· πολιοὶ δ’ ἅμα τῇσι γέροντες ### book 9.140.3 ἕζοντ’ εἰσορόωντες, ἔχον δ’ ὑπὸ χείλεσι θυμὸν ### book 9.140.4 παίδων ἀμφὶ φίλων. Ἑλένη δ’ ἐνὶ δώμασι μίμνεν ### book 9.140.5 οἴη 〈ἅμ’〉 ἀμφιπόλοισιν· ἔρυκε γὰρ ἄσπετος αἰδώς. ### book 9.145.1 Οἳ δ’ ἄμοτον πονέοντο πρὸ τείχεος· ἀμφὶ δὲ Κῆρες ### book 9.145.2 γήθεον, οὐλομένη δ’ ἐπαΰτεεν ἀμφοτέροισι ### book 9.1 μακρὸν Ἔρις βοόωσα. Κόνις δ’ ἐρυθαίνετο λύθρῳ ### book 9.2 κτεινομένων· ὀλέκοντο δ’ ἀνὰ κλόνον ἄλλοθεν ἄλλος. ### book 9.3 Ἔνθ’ ἄρα Δηίφοβος κρατερὸν κτάνεν ἡνιοχῆα ### book 9.1 〈– ⏑ ⏑〉 Ἱππασίδην, ὃ δ’ ἀφ’ ἅρματος αἰψηροῖο ### book 9.2 ἤριπεν ἀμφὶ νέκυσσιν. Ἄχος δέ οἱ ἔσχεν ἄνακτα· ### book 9.3 δείδιε γὰρ μὴ δή μιν ἐφ’ ἡνία χεῖρας ἔχοντα ### book 9.4 υἱὸς ἐὺς Πριάμοιο κατακτείνῃσι καὶ αὐτόν· ### book 9.5 ἀλλά οἱ οὐκ ἀμέλησε Μελάνθιος· ἀλλ’ ἐπὶ δίφρον ### book 9.155.1 ἆλτο θοῶς, ἵπποισι δ’ ἐκέκλετο μακρὰ τινάσσων ### book 9.155.2 εὔληρ’, οὐδ’ ἔχε μάστιν, ἔλαυνε δὲ δούρατι θείνων. ### book 9.155.3 Καὶ τοὺς μὲν Πριάμοιο πάις λίπεν, ἵκετο δ’ ἄλλων ### book 9.155.4 ἐς πληθύν. Πολέεσσι δ’ ὀλέθριον ὤπασεν ἦμαρ ### book 9.155.5 ἐσσυμένως· ὀλοῇ γὰρ ἀλίγκιος αἰὲν ἀέλλῃ ### book 9.160.1 θαρσαλέως δηίοισιν ἐπῴχετο· τοῦ δ’ ὑπὸ χερσὶ ### book 9.160.2 μυρίοι ἐκτείνοντο, πέδον δ’ ἐστείνετο νεκρῶν. ### book 9.160.3 Ὡς δ’ ὅτ’ ἀν’ οὔρεα μακρὰ θορὼν εἰς ἄγκεα βήσσης ### book 9.160.4 δρυτόμος ἐγκονέων νεοθηλέα δάμναται ὕλην, ### book 9.160.5 ἄνθρακας ὄφρα κάμῃσι κατακρύψας ὑπὸ γαῖαν ### book 9.165.1 σὺν πυρὶ δούρατα πολλά, τὰ δ’ ἄλλοθεν ἄλλα πεσόντα ### book 9.165.2 πρῶνας ὕπερθε κάλυψαν, ἀνὴρ δ’ ἐπιτέρπεται ἔργῳ· ### book 9.165.3 ὣς ἄρα Δηιφόβοιο θοῇς ὑπὸ χερσὶν Ἀχαιοὶ ### book 9.165.4 ἰλαδὸν ὀλλύμενοι περικάππεσον ἀλλήλοισι. ### book 9.165.5 Καί ῥ’ οἳ μὲν Τρώεσσιν ὁμίλεον, οἳ δ’ ἐφέβοντο ### book 9.170.1 εὐρὺν ἐπὶ Ξάνθοιο ῥόον· τοὺς δ’ ὕδατος εἴσω ### book 9.170.2 Δηίφοβος συνέλασσε καὶ οὐκ ἀπέληγε φόνοιο. ### book 9.170.3 Ὡς δ’ ὁπότ’ ἰχθυόεντος ἐπ’ ᾐόσιν Ἑλλησπόντου ### book 9.1 δίκτυον ἐξερύωσι πολύκμητοι ἁλιῆες ### book 9.2 κολπωθὲν ποτὶ γαῖαν, ἔσω δ’ ἁλὸς εἰσέτ’ ἐόντος ### book 9.175.1 ἐνθόρῃ αἰζηὸς γναμπτὸν δόρυ χερσὶ μεμαρπὼς ### book 9.175.2 αἰνὸν ἐπὶ ξιφίῃσι φέρων μόρον, ἄλλοθε δ’ ἄλλον ### book 9.175.3 δάμναται ὅν κε κίχῃσι, φόνῳ δ’ ἐρυθαίνεται ὕδωρ· ### book 9.175.4 ὣς τοῦ ὑπαὶ παλάμῃσι περὶ Ξάνθοιο ῥέεθρα ### book 9.175.5 αἵματι φοινίχθησαν, ἐνεστείνοντο δὲ νεκροί. ### book 9.180.1 Οὐδὲ μὲν οὐδ’ ἄρα Τρῶες ἀναιμωτὶ πονέοντο, ### book 9.180.2 ἀλλά σφεας ἐδάιζεν Ἀχιλλέος ὄβριμος υἱὸς ### book 9.180.3 ἀμφ’ ἄλλῃσι φάλαγξι· Θέτις δέ που εἰσορόωσα ### book 9.180.4 τέρπετ’ ἐφ’ υἱωνῷ, ὅσον ἄχνυτο Πηλείωνι. ### book 9.180.5 Τοῦ γὰρ ὑπὸ μελίῃ πουλὺς στρατὸς ἐν κονίῃσι ### book 9.185.1 πῖπτεν ὁμῶς ἵπποισιν· ὃ δ’ ἑσπόμενος κεράιζεν. ### book 9.185.2 Ἔνθ’ Ἀμίδην ἐδάιξε περικλυτόν, ὅς ῥά οἱ ἵππῳ ### book 9.185.3 ἑζόμενος συνέκυρσε καὶ οὐκ ἀπόνητ’ ἐρατεινῆς ### book 9.185.4 ἱππασίης· δὴ γάρ μιν ὑπ’ ἔγχεϊ τύψε φαεινῷ ### book 9.185.5 ἐς νηδύν, αἰχμὴ δὲ ποτὶ ῥάχιν ἐξεπέρησεν· ### book 9.190.1 ἔγκατα δ’ ἐξεχύθησαν, ἕλεν δέ μιν οὐλομένη Κὴρ ### book 9.190.2 ἐσσυμένως ἵπποιο θοοῦ παρὰ ποσσὶ πεσόντα. ### book 9.190.3 Εἷλε δ’ ἄρ’ Ἀσκάνιόν τε καὶ Οἴνοπα, τὸν μὲν ἐλάσσας ### book 9.190.4 δουρὶ κατὰ στομάχοιο παρὰ στόμα, τὸν δ’ ὑπὸ λαιμόν, ### book 9.190.5 καίριος ἔνθα μάλιστα πέλει μόρος ἀνθρώποισιν. ### book 9.195.1 Ἄλλους δ’ ἔκτανε πάντας ὅσους κίχε· τίς κεν ἐκείνους ### book 9.195.2 ἀνδρῶν μυθήσαιτο, κατὰ κλόνον ὅσσοι ὄλοντο ### book 9.195.3 χερσὶ Νεοπτολέμοιο; Κάμεν δέ οἱ οὔ ποτε γυῖα. ### book 9.1 Ὡς δ’ ὁπότ’ αἰζηῶν τις ἀγρῷ ἐνὶ τηλεθάοντι ### book 9.2 πᾶν ἦμαρ κρατερῇσι πονησάμενος παλάμῃσιν ### book 9.1 ἐς γαῖαν κατέχευεν ἀπείρονα καρπὸν ἐλαίης ### book 9.2 ῥάβδῳ ἐπισπέρχων, ἐκάλυψε δὲ χῶρον ὕπερθεν· ### book 9.3 ὣς τοῦ ὑπαὶ παλάμῃσι κατήριπε πουλὺς ὅμιλος. ### book 9.4 Τυδείδης δ’ ἑτέρωθεν ἐυμμελίης τ’ Ἀγαμέμνων ### book 9.5 ἄλλοί τ’ ἐν Δαναοῖσιν ἀριστῆες πονέοντο ### book 9.205.1 προφρονέως ἀνὰ δῆριν ἀμείλιχον. Οὐδὲ μὲν ἐσθλοῖς ### book 9.205.2 Τρώων ἡγεμόνεσσι δέος πέλεν, ἀλλὰ καὶ αὐτοὶ ### book 9.205.3 ἐκ θυμοῖο μάχοντο καὶ ἀνέρας αἰὲν ἔρυκον ### book 9.205.4 χαζομένους· πολέες δὲ καὶ οὐκ ἀλέγοντες ἀνάκτων ### book 9.205.5 ἐκ πολέμοιο φέβοντο μένος τρομέοντες Ἀχαιῶν. ### book 9.210.1 Ὀψὲ δ’ ἄρ’ 〈εἰσ〉ενόησε περὶ προχοῇσι Σκαμάνδρου ### book 9.210.2 ὀλλυμένους Δαναοὺς κρατερὸς πάις Αἰακίδαο ### book 9.210.3 αἰὲν ἐπασσυτέρους· λίπε δ’ οὓς πάρος αὐτὸς ἔναιρε ### book 9.210.4 φεύγοντας ποτὶ ἄστυ, καὶ Αὐτομέδοντι κέλευε ### book 9.210.5 κεῖς’ ἐλάαν, ὅθι πουλὺς ἐδάμνατο λαὸς Ἀχαιῶν. ### book 9.215.1 Αὐτὰρ ὅ γ’ αἶψ’ ἐπίθησε καὶ ἀθανάτων μένος ἵππων ### book 9.215.2 σεύεσκεν μάστιγι ποτὶ κλόνον· οἳ δ’ ἐπέτοντο ### book 9.215.3 ῥίμφα διὰ κταμένων κρατερὸν φορέοντες ἄνακτα. ### book 9.215.4 Οἷος δ’ ἐς πόλεμον φθισίμβροτον ἔρχεται Ἄρης ### book 9.215.5 ἐμβεβαὼς ἵπποισι, περιτρομέει δ’ ἄρα γαῖα ### book 9.220.1 ἐσσυμένου, καὶ θεῖα περὶ στέρνοισι θεοῖο ### book 9.220.2 τεύχε’ ἐπιβρομέουσιν ἴσον πυρὶ μαρμαίροντα· ### book 9.220.3 τοῖος Ἀχιλλῆος κρατερὸς πάις ἤιεν ἄντην ### book 9.220.4 ἐσθλοῦ Δηιφόβοιο· κόνις δ’ ἐπαείρετο πολλὴ ### book 9.220.5 ἵππων ἀμφὶ πόδεσσιν. Ἰδὼν δέ μιν ἄλκιμος ἀνὴρ ### book 9.225.1 Αὐτομέδων ἐνόησεν ὅ τις πέλεν· αἶψα δ’ ἄνακτι ### book 9.225.2 τοῖον ἔπος κατέλεξε περικλυτὸν ἄνδρα πιφα〈ύ〉σκων· ### book 9.225.3 «Ὦ ἄνα, Δηιφόβοιο πέλει στρατὸς ἠδὲ καὶ αὐτός, ### book 9.227.1 . . . . . . . . . . . . . . . . . . . . . . . . . . . . . . . . . . . . . . . . ### book 9.227.2 σεῖο πάροιθε τοκῆος ὑπέτρεσε· νῦν δέ οἱ ἐσθλὸν ### book 9.227.3 ἢ θεὸς ἢ δαίμων τις ὑπὸ κραδίην βάλε θάρσος.» ### book 9.230.1 Ὣς ἄρ’ ἔφη· ὃ δ’ ἄρ’ οὔ τι προσέννεπεν, ἀλλ’ ἔτι μᾶλλον ### book 9.230.2 ἵππους ὀτρύνεσκεν ἐλαυνέμεν, ὄφρα τάχιστα ### book 9.230.3 ὀλλυμένοις Δαναοῖσιν ἀεικέα πότμον ἀλάλκοι. ### book 9.230.4 Ἀλλ’ ὅτε δή ῥ’ ἀφίκοντο μάλα σχεδὸν ἀλλήλοισι, ### book 9.230.5 δὴ τότε Δηίφοβος μάλα περ χατέων πολέμοιο ### book 9.235.1 ἔστη, ὅπως πῦρ αἰνόν, ὅθ’ ὕδατος ἐγγὺς ἵκηται· ### book 9.235.2 θάμβεε δ’ εἰσορόων κρατερόφρονος Αἰακίδαο ### book 9.235.3 ἵππους ἠδὲ καὶ υἷα πελώριον, οὔ τι τοκῆος ### book 9.235.4 μείονα· τοῦ δ’ ἄρα θυμὸς ὑπὸ φρεσὶν ὁρμαίνεσκεν ### book 9.235.5 ἄλλοτε μὲν φεύγειν, ὁτὲ δ’ ἀνέρος ἄντα μάχεσθαι. ### book 9.240.1 Ὡς δ’ ὅτε σῦς ἐν ὄρεσσι νεηγενέων ἀπὸ τέκνων ### book 9.240.2 θῶας ἀποσσεύῃσι, λέων δ’ ἑτέρωθε φανείη ### book 9.240.3 ἔκποθεν ἐσσύμενος, τοῦ δ’ ἵσταται ἄσπετος ὁρμὴ ### book 9.240.4 οὔτε πρόσω μεμαῶτος ἔτ’ ἐλθέμεν οὔτ’ ἄρ’ ὀπίσσω, ### book 9.240.5 θήγει δ’ ἀφριόωντας ὑπὸ γναθμοῖσιν ὀδόντας· ### book 9.245.1 ὣς υἱὸς Πριάμοιο σὺν ἅρμασι μίμνε καὶ ἵπποις ### book 9.245.2 πορφύρων φρεσὶ πολλὰ καὶ ἀμφαφόων δόρυ χερσί. ### book 9.245.3 Τὸν δ’ υἱὸς προσέειπεν ἀμειλίκτου Ἀχιλῆος· ### book 9.245.4 «Πριαμίδη, τί νυ τόσσον ἐπ’ Ἀργείοισι μέμηνας ### book 9.245.5 χειροτέροις, οἳ σεῖο περιτρομέοντες ὁμοκλὴν ### book 9 φεῦγον ἐπεσσυμένοιο, σὺ δ’ ἔλπεο πολλὸν ἄριστος ### book 9.1 ἔμμεναι; Ἀλλὰ σοὶ εἴ περ ὑπὸ κραδίῃ μένος ἐστίν, ### book 9.2 ἡμετέρης πείρησαι ἀνὰ κλόνον ἀσχέτου αἰχμῆς.» ### book 9.3 Ὣς εἰπὼν οἴμησε, λέων ὣς ἄντ’ ἐλάφοιο, ### book 9.4 ἐμβεβαὼς ἵπποισι καὶ ἅρμασι πατρὸς ἑοῖο. ### book 9.255.1 Καί νύ κέ μιν τάχα δουρὶ σὺν ἡνιόχῳ κατέπεφνεν, ### book 9.255.2 εἰ μή οἱ μέλαν αἶψα νέφος κατέχευεν Ἀπόλλων ### book 9.255.3 ἔκποθεν Οὐλύμποιο καὶ ἐξ ὀλοοῖο μόθοιο ### book 9.255.4 ἥρπασε καί μιν ἔθηκε 〈κατὰ〉 πτόλιν, ἧχι καὶ ἄλλοι ### book 9.255.5 Τρῶες ἴσαν φεύγοντες. Ὃ δ’ ἐς κενεὴν δόρυ τύψας ### book 9.260.1 ἠέρα Πηλείδαο πάις ποτὶ μῦθον ἔειπεν· ### book 9.260.2 «Ὦ κύον, ἐξήλυξας ἐμὸν μένος· οὐδὲ σοὶ ἀλκὴ ### book 9.260.3 ἱεμένῳ περ ἄλαλκε, θεῶν δέ τις ὅς ς’ ἐκάλυψε ### book 9.260.4 νύκτα βαλὼν καθύπερθε καὶ ἐκ κακότητος ἔρυσσεν.» ### book 9.260.5 Ὣς ἄρ’ ἔφη· δνοφερὸν δὲ νέφος καθύπερθε Κρονίων ### book 9.265.1 εὖτ’ ὀμίχλην διέχευε· λύθη δ’ εἰς ἠέρα μακρήν. ### book 9.265.2 Αὐτίκα δ’ ἐξεφάνη πεδίον καὶ πᾶσα περὶ χθών· ### book 9.265.3 Τρῶας δ’ εἰσενόησεν ἀπόπροθι πολλὸν ἐόντας ### book 9.265.4 Σκαιῇς ἀμφὶ πύλῃσιν· ἔβη δ’ ἄρα πατρὶ ἐοικὼς ### book 9.265.5 ἀντία δυσμενέων οἵ μιν φοβέοντο κιόντα. ### book 9.270.1 Ἠύτε κῦμ’ ἀλεγεινὸν ἐπεσσύμενον τρομέουσι ### book 9.270.2 ναῦται, ὅ τ’ ἐξ ἀνέμοιο διεγρόμενον φορέηται ### book 9.270.3 εὐρὺ μάλ’ ὑψηλόν τε, μέμηνε δὲ λαίλαπι πόντος· ### book 9.270.4 ὣς τοῦ ἐπερχομένοιο κακὸν δέος ἄμπεχε Τρῶας. ### book 9.270.5 Τοῖον δ’ ἔκφατο μῦθον ἐποτρύνων ἑτάροισι· ### book 9.275.1 «Κλῦτε, φίλοι, καὶ θάρσος ἐνὶ στήθεσσι βάλεσθε ### book 9.275.2 ἄτρομον, οἷον ἔοικε φορήμεναι ἀνέρας ἐσθλοὺς ### book 9.1 νίκην ἱεμένους ἐρικυδέα χερσὶν ἀρέσθαι ### book 9.2 καὶ κλέος ἐκ πολέμοιο δυσηχέος. Ἀλλ’ ἄγε θυμὸν ### book 9.3 παρθέμενοι πονεώμεθ’ ὑπὲρ μένος, εἰς ὅ κε Τροίης ### book 9.280.1 πέρσωμεν κλυτὸν ἄστυ καὶ ἐκτελέσωμεν ἐέλδωρ· ### book 9.280.2 αἰδὼς γὰρ μάλα πολλὸν ἐπὶ χρόνον ἔνθα μένοντας ### book 9.280.3 ἔμμεναι ἀπρήκτους καὶ ἀνάλκιδας, οἷα γυναῖκας· ### book 9.280.4 τεθναίην γὰρ μᾶλλον ἢ ἀπτόλεμος καλεοίμην.» ### book 9.280.5 Ὣς φάτο· τοὶ δ’ ἔτι μᾶλλον ἐς Ἄρεος ἔργον ὄρουσαν ### book 9.285.1 θαρσαλέως, Τρώεσσι δ’ ἐπέδραμον· οἳ δὲ καὶ αὐτοὶ ### book 9.285.2 προφρονέως μάρναντο περὶ πτόλιν, ἄλλοτε δ’ αὖτε ### book 9.285.3 ἔντοσθε〈ν〉 πυλέων ἀπὸ τείχεος· οὐδ’ ἀπέληγε ### book 9.285.4 δεινὸς Ἄρης, Τρώων μὲν ἐελδομένων ἀπερύξαι ### book 9.285.5 δυσμενέων στρατὸν αἰνόν, ἐυσθενέων δ’ Ἀργείων ### book 9.290.1 ἄστυ διαπραθέειν· ὀλοὴ δ’ ἔχε πάντας ὀιζύς. ### book 9.290.2 Καὶ τότε δὴ Τρώεσσιν ἀρηγέμεναι μενεαίνων ### book 9.290.3 ἔκθορεν Οὐλύμποιο καλυψάμενος νεφέεσσι ### book 9.290.4 Λητοΐδης· τὸν δ’ αἶψα θοαὶ φορέεσκον ἄελλαι ### book 9.290.5 τεύχεσι χρυσείοισι κεκασμένον· ἀμφὶ δὲ μακραὶ ### book 9.295.1 μάρμαιρον κατιόντος ἴσον στεροπῇσι κέλευθοι, ### book 9.295.2 ἀμφὶ δέ οἱ γωρυτὸς ἐπέκτυπεν. Ἔβραχε δ’ αἰθὴρ ### book 9.295.3 θεσπέσιον καὶ γαῖα μέγ’ ἴαχεν, εὖτ’ ἀκάμαντας ### book 9.295.4 θῆκε παρὰ Ξάνθοιο ῥόον πόδας. Ἐκ δ’ ἐβόησε ### book 9.295.5 σμερδαλέον, Τρωσὶν δὲ θράσος βάλε, δεῖμα δ’ Ἀχαιοῖς ### book 9.1 μίμνειν αἱματόεντα κατὰ κλόνον. Οὐδ’ Ἐνοσίχθων ### book 9.2 ὄβριμος ἠγνοίησε, μένος δ’ ἐνέπνευσεν Ἀχαιοῖς ### book 9.3 ἤδη τειρομένοισι. Μάχη δ’ ἀίδηλος ἐτύχθη ### book 9.4 ἀθανάτων βουλῇσιν· ὄλοντο δὲ μυρία φῦλα ### book 9.5 αἰζηῶν ἑκάτερθε. Κοτεσσάμενος δ’ ἄρ’ Ἀπόλλων ### book 9.305.1 Ἀργείοις ὥρμαινε βαλεῖν θρασὺν υἷ’ Ἀχιλῆος ### book 9.305.2 αὐτοῦ, ὅπου καὶ πρόσθεν Ἀχιλλέα· τοῦ δ’ ἄρα θυμὸν ### book 9.305.3 οἰωνοὶ κατέρυκον ἀριστερὰ κεκλήγοντες ### book 9.305.4 ἄλλά τε σήματα πολλά· χόλος δέ οἱ οὐκέτ’ ἔμελλε ### book 9.305.5 πείθεσθαι τεράεσσι. Τὸ δ’ οὐ λάθε Κυανοχαίτην ### book 9.310.1 ἠέρι θεσπεσίῃ κεκαλυμμένον, ἀμφὶ δὲ ποσσὶ ### book 9.310.2 νισομένοιο ἄνακτος ἐρεμνὴ κίνυτο γαῖα· ### book 9.310.3 τοῖον δ’ ἔκφατο μῦθον ἐελδόμενός μιν ἐρύξαι· ### book 9.310.4 «Ἴσχε, τέκος, καὶ μή τι πελώριον υἷ’ Ἀχιλῆος ### book 9.310.5 κτείνῃς· οὐδὲ γὰρ αὐτὸς Ὀλύμπιος ὀλλυμένοιο ### book 9.315.1 γηθήσει· μέγα δ’ ἄλγος ἐμοὶ καὶ πᾶσι θεοῖσιν ### book 9.315.2 ἔσσεται εἰναλίοισιν, ὅπως πάρος ἀμφ’ Ἀχιλῆος. ### book 9.315.3 Ἀλλ’ ἀναχάζεο δῖον ἐς αἰθέρα, μή με χολώσῃς, ### book 9.315.4 αἶψα δ’ ἀναρρήξας μεγάλης χθονὸς εὐρὺ βέρεθρον ### book 9.315.5 αὐτὴν Ἴλιον εἶθαρ ἑοῖς ἅμα τείχεσι πᾶσαν ### book 9.320.1 θήσω ὑπὸ ζόφον εὐρύν· ἄχος δέ τοι ἔσσεται αὐτῷ.» ### book 9.320.2 Ὣς φάθ’ ὃ δ’ ἁζόμενος μέγ’ ἀδελφεὸν οἷο τοκῆος ### book 9.320.3 δείσας τ’ ἀμφὶ πόληος ἐυσθενέων θ’ ἅμα λαῶν ### book 9.320.4 χάσσατ’ ἐς οὐρανὸν εὐρύν, ὃ δ’ εἰς ἅλα. Τοὶ δ’ ἐμάχοντο ### book 9.320.5 ἀλλήλους ὀλέκοντες, Ἔρις δ’ ἐπετέρπετο χάρμῃ, ### book 9.325.1 μέσφ’ ὅτε δὴ Κάλχαντος ὑπ’ ἐννεσίῃσιν Ἀχαιοὶ ### book 9.325.2 ἐς νῆας χάσσαντο καὶ ἐξελάθοντο μόθοιο· ### book 9.325.3 οὐ γὰρ δὴ πέπρωτο δαμήμεναι Ἰλίου ἄστυ, ### book 9.325.4 πρίν γε Φιλοκτήταο βίην ἐς ὅμιλον Ἀχαιῶν ### book 9.325.5 ἐλθέμεναι πολέμοιο δαήμονα δακρυόεντος· ### book 9.330 καὶ τὸ μὲν ἠγαθέοισιν ἐπεφράσατ’ οἰωνοῖσιν ### book 9.1 ἠὲ καὶ ἐν σπλάγχνοισιν ἐσέδρακεν· οὐ γὰρ ἄιδρις ### book 9.2 μαντοσύνης ἐτέτυκτο, θεὸς δ’ ὣς ᾔδεε πάντα. ### book 9.3 Τῷ πίσυνοι στονόεντος ἀποσχόμενοι πολέμοιο ### book 9.4 Ἀτρεῖδαι προέηκαν ἐυκτιμένην ποτὶ Λῆμνον ### book 9.335.1 Τυδέος ὄβριμον υἷα μενεπτόλεμόν τ’ Ὀδυσῆα ### book 9.335.2 νηὶ θοῇ. 〈Τ〉οὶ δ’ αἶψα ποτὶ πτόλιν Ἡφαίστοιο ### book 9.335.3 ἤλυθον Αἰγαίοιο διὰ πλατὺ χεῦμα θαλάσσης, ### book 9.335.4 Λῆμνον ἐς ἀμπελόεσσαν, ὅπῃ πάρος αἰνὸν ὄλεθρον ### book 9.335.5 ἀνδράσι κουριδίοισιν ἐμητίσαντο γυναῖκες ### book 9.340.1 ἔκπαγλον κοτέουσαι, ἐπεί σφεας οὔ τι τίεσκον, ### book 9.340.2 ἀλλὰ δμωιάδεσσι παρευνάζοντο γυναιξὶ ### book 9.340.3 Θρηικίῃς τὰς δουρὶ καὶ ἠνορέῃ κτεάτισσαν ### book 9.340.4 πέρθοντες τότε γαῖαν ἀρηιφίλων Θρηίκων· ### book 9.340.5 αἳ δὲ μέγα ζήλοιο περὶ κραδίῃσι πεσόντος ### book 9.345.1 θυμὸν ἀνοιδήσαντο, φίλους δ’ ἀνὰ δώματ’ ἀκοίτας ### book 9.345.2 κτεῖνον ἀνηλεγέως ὑπὸ χείρεσιν, οὐδ’ ἐλέησαν ### book 9.345.3 κουριδίους περ ἐόντας· ἐπεί ῥ’ ἀπαναίνεται ἦτορ ### book 9.345.4 ἀνέρος ἠδὲ γυναικός, ὅτε ζηλήμονι νούσῳ ### book 9.345.5 ἀμφιπέσῃ· κρατεραὶ γὰρ ἐποτρύνουσιν ἀνῖαι. ### book 9.1 Ἀλλ’ αἳ μὲν σφετέροισιν ἐπ’ ἀνδράσι πῆμ’ ἐβάλοντο ### book 9.2 νυκτὶ μιῇ καὶ πᾶσαν ἐχηρώσαντο πόληα ### book 9.3 παρθέμεναι φρεσὶ θυμὸν ἀταρβέα καὶ μέγα κάρτος. ### book 9.4 Οἳ δ’ ὅτε δὴ Λήμνοιο 〈πέδον〉 κίον ἠδὲ καὶ ἄντρον ### book 9 λαΐνεον τόθι κεῖτο πάις Ποίαντος ἀγαυοῦ, ### book 9.355.1 δὴ τότ’ ἄρά σφισι θάμβος ἐπήλυθεν, εὖτ’ ἐσίδοντο ### book 9.355.2 ἀνέρα λευγαλέῃσιν ἐπιστενάχοντ’ ὀδύνῃσι ### book 9.355.3 κεκλιμένον στυφελοῖο κατ’ οὔδεος. Ἀμφὶ δ’ ἄρ’ αὐτῷ ### book 9.355.4 οἰωνῶν πτερὰ πολλὰ περὶ λεχέεσσι κέχυντο· ### book 9.355.5 ἄλλα δέ οἱ συνέραπτο περὶ χροΐ, χείματος ἄλκαρ ### book 9.360.1 λευγαλέου· δὴ γάρ μιν † ἐπὴν ἕλε † λιμὸς ἀτερπής, ### book 9.360.2 βάλλων ἄσχετον ἰόν, ὅπῃ νόος ἰθύνεσκε, ### book 9.361.1 . . . . . . . . . . . . . . . . . . . . . . . . . . . . . . . . . . . . . . . ### book 9.361.2 καὶ τὰ μὲν ἂρ κατέδαπτε, τὰ δ’ ἕλκεος οὐλομένοιο ### book 9.361.3 ἀμφετίθει καθύπερθε μελαίνης ἄλκαρ ἀνίης. ### book 9.361.4 Αὐαλέαι δέ οἱ ἀμφὶ κόμαι περὶ κρατὶ κέχυντο ### book 9.365.1 θηρὸς ὅπως ὀλοοῖο τὸν ἀργαλέης δόλος ἄγρης ### book 9.365.2 μάρψῃ νυκτὸς ἰόντα θοοῦ ποδός, ὃς δ’ ὑπ’ ἀνάγκης ### book 9.365.3 τειρόμενος ποδὸς ἄκρον ἀταρτηροῖσιν ὀδοῦσι ### book 9.365.4 κόψας εἰς ἑὸν ἄντρον ἀποίχεται, ἀμφὶ δέ οἱ κῆρ ### book 9.365.5 τείρει ὁμοῦ λιμός τε καὶ ἀργαλέαι μελεδῶναι· ### book 9.370.1 ὣς τὸν ὑπὸ σπέος εὐρὺ κακὴ περιδάμνατ’ ἀνίη· ### book 9.370.2 καί οἱ πᾶν μεμάραντο δέμας, περὶ δ’ ὀστέα μοῦνον ### book 9.370.3 ῥινὸς ἔην, ὀλοὴ δὲ παρηίδας ἄμπεχ’ ἀυτμὴ ### book 9.370.4 λευγαλέη ῥυπόωντος· ἀνιηρὸν δέ μιν ἄλγος ### book 9.370.5 δάμνατο· κοῖλαι δ’ ἔσκον ὑπ’ ὀφρύσιν ἀνδρὸς ὀπωπαὶ ### book 9.375.1 αἰνῶς τειρομένοιο· γόος δέ μιν οὔ ποτ’ ἔλειπεν, ### book 9.375.2 οὕνεκά οἱ μέλαν ἕλκος ἐς ὀστέον ἄχρις ἱκέσθαι ### book 9.376.1 . . . . . . . . . . . . . . . . . . . . . . . . . . . . . . . . . . . . . . . ### book 9.376.2 πυθόμενον καθύπερθε, λυγραὶ δ’ ὑπέρεπτον ἀνῖαι. ### book 9.376.3 Ὡς δ’ ὅτ’ ἐπὶ προβολῇσι πολυκλύστοιο θαλάσσης ### book 9.376.4 πέτρην παιπαλόεσσαν ἀπειρεσίης ἁλὸς ἅλμη ### book 9.380.1 δάμναθ’ ὑποτμήγουσα μάλα στερεήν περ ἐοῦσαν, ### book 9.380.2 τῆς δ’ ἄρα θεινομένης ἀνέμῳ καὶ κύματι λάβρῳ ### book 9.380.3 χηραμὰ κοιλαίνονται ὑποβρωθέντα θαλάσσῃ· ### book 9.380.4 ὣς τοῦ ὑπίχνιον ἕλκος ἀέξετο πυθομένοιο ### book 9.380.5 ἰοῦ ἄπο, στυφελοῖσι τόν οἱ ἐνομόρξατ’ ὀδοῦσι ### book 9.385.1 λυγρὸς ὕδρος, τόν φασιν ἀναλθέα τε στυγερόν τε ### book 9.385.2 ἔμμεναι, ὁππότε μιν τέρσῃ περὶ χέρσον ἰόντα ### book 9.385.3 ἠελίοιο μένος· τῶ καὶ μέγα φέρτατον ἄνδρα ### book 9.385.4 τεῖρε δυσαλθήτοισιν ὑποδμηθέντ’ ὀδύνῃσιν. ### book 9.385.5 Ἐκ δέ οἱ ἕλκεος αἰὲν ἐπὶ χθόνα λειβομένοιο ### book 9.390.1 ἰχῶρος πεπάλακτο πέδον πολυχανδέος ἄντρου, ### book 9.390.2 θαῦμα μέγ’ ἀνθρώποισι καὶ ὕστερον ἐσσομένοισι. ### book 9.390.3 Καί οἱ πὰρ κλισίην φαρέτρη παρεκέκλιτο μακρὴ ### book 9.390.4 ἰῶν πεπληθυῖα· πέλοντο δ’ ἄρ’ οἳ μὲν ἐς ἄγρην, ### book 9.390.5 οἳ δ’ ἐς δυσμενέας, τοὺς ἄμπεχε λοίγιον ὕδρου ### book 9.395.1 φάρμακον αἰνομόροιο· πάροιθε δέ οἱ μέγα τόξον ### book 9.395.2 κεῖτο πέλας, γναμπτοῖσιν ἀρηρέμενον κεράεσσι ### book 9.395.3 χερσὶν ὑπ’ ἀκαμάτοισι τετυγμένον Ἡρακλῆος. ### book 9.1 Τοὺς δ’ ὁπότ’ εἰσενόησε ποτὶ σπέος εὐρὺ κιόντας, ### book 9.2 ἐσσυμένως ὥρμηνεν ἐπ’ ἀμφοτέροισι τανύσσαι ### book 9.1 ἀλγινόεντα βέλεμνα χόλου μεμνημένος αἰνοῦ, ### book 9.2 οὕνεκά μιν τὸ πάροιθε μέγα στενάχοντα λίποντο ### book 9.3 μοῦνον ἐρημαίοισιν ἐπ’ αἰγιαλοῖσι θαλάσσης. ### book 9.4 Καί νύ κεν αἶψ’ ἐτέλεσσεν ἅ οἱ θρασὺς ἤθελε θυμός, ### book 9.5 εἰ μή οἱ στονόεντα χόλον διέχευεν Ἀθήνη ### book 9.405.1 ἀνέρας εἰσορόωντος ὁμήθεας. Οἳ δέ οἱ ἄγχι ### book 9.405.2 ἤλυθον ἀχνυμένοισιν ἐοικότε, καί ῥά μιν ἄμφω ### book 9.405.3 ἄντρου ἔσω κοίλοιο παρεζόμενοι ἑκάτερθεν ### book 9.405.4 ἕλκεος ἀμφ’ ὀλοοῖο καὶ ἀργαλέων ὀδυνάων ### book 9.405.5 εἴροντ’· αὐτὰρ ὃ τοῖσιν ἑὰς διεπέφραδ’ ἀνίας. ### book 9.410.1 Οἳ δέ ἑ θαρσύνεσκον, ἔφαντο δέ οἱ λυγρὸν ἕλκος ### book 9.410.2 ἐξ ὀλοοῖο μόγοιο καὶ ἄλγεος ἰήσασθαι, ### book 9.410.3 ἢν στρατὸν εἰσαφίκηται Ἀχαι〈ι〉κόν, ὅν ῥα καὶ αὐτὸν ### book 9.410.4 φάντο μέγ’ ἀσχαλάαν παρὰ νήεσιν ἠδὲ καὶ αὐτοὺς ### book 9.410.5 Ἀτρείδας ἅμα τοῖσι· κακῶν δέ οἱ οὔ τιν’ Ἀχαιῶν ### book 9.415.1 αἴτιον ἔμμεν ἔφαντο κατὰ στρατόν, ἀλλ’ ἀλεγεινὰς ### book 9.415.2 Μοίρας, ὧν ἑκὰς οὔ τις ἀνὴρ ἐπινίσεται αἶαν, ### book 9.415.3 ἀλλ’ αἰεὶ μογεροῖσιν ἐπ’ ἀνδράσιν ἀπροτίοπτοι ### book 9.415.4 στρωφῶντ’ ἤματα πάντα, βροτῶν μένος ἄλλοτε μέν που ### book 9.415.5 βλάπτουσαι κατὰ θυμὸν ἀμείλιχον, ἄλλοτε δ’ αὖτε ### book 9.420.1 ἔκποθε κυδαίνουσαι, ἐπεὶ μάλα πάντα βροτοῖσι ### book 9.420.2 κεῖναι καὶ στονόεντα καὶ ἤπια μηχανόωνται, ### book 9.1 αὐταὶ ὅπως ἐθέλουσιν. Ὃ δ’ εἰσαΐων Ὀδυσῆος ### book 9.2 ἠδὲ καὶ ἀντιθέου Διομήδεος αὐτίκα θυμὸν ### book 9.3 ῥηιδίως κατέπαυσεν ἀνιηροῖο χόλοιο, ### book 9.425.1 ἔκπαγλον τὸ πάροιθε χολούμενος, ὅσς’ ἐπεπόνθει. ### book 9.425.2 Οἳ δέ μιν αἶψ’ ἐπὶ νῆα καὶ ἠιόνας βαρυδούπους ### book 9.425.3 καγχαλόωντες ἔνεικαν ὁμῶς σφετέροισι βελέμνοις. ### book 9.425.4 Καί ῥά οἱ ἀμφεμάσαντο δέμας καὶ ἀμείλιχον ἕλκος ### book 9.425.5 σπόγγῳ ἐυτρήτῳ, κατὰ δ’ ἔκλυσαν ὕδατι πολλῷ· ### book 9.430.1 ἀμπνύσθη δ’ ἄρα τυτθόν. Ἄφαρ δέ οἱ ἐγκονέοντες ### book 9.430.2 δόρπον ἐὺν τεύξαντο μεμαότι, σὺν δὲ καὶ αὐτοὶ ### book 9.430.3 δαίνυντ’ ἔνδοθι νηός· ἐπήλυθε δ’ ἀμβροσίη νύξ, ### book 9.430.4 τοῖσι δ’ ἐφ’ ὕπνος ὄρουσε. Μένον δ’ ἄχρις ἠριγενείης ### book 9.430.5 ἀμφιάλου Λήμνοιο παρ’ ᾐόσιν· αὐτὰρ ἅμ’ ἠοῖ ### book 9.435.1 πείσμαθ’ ὁ〈μ〉ῶς εὐνῇσιν ἐυγνάμπτοισιν ἄειραν ### book 9.435.2 ἔκτοθεν ἐγκονέοντες. Ἐπιπροέηκε δ’ Ἀθήνη ### book 9.435.3 ἐξόπιθεν πνείοντα τανυπρῴρου νεὸς οὖρον· ### book 9.435.4 ἱστία δ’ αἶψ’ ἐτάνυσσαν ὑπ’ ἀμφοτέροισι πόδεσσι, ### book 9.435.5 νῆα κατιθύνοντες ἐύζυγον. Ἣ δ’ ὑπ’ ἰωῇ ### book 9.440.1 ἔσσυτ’ ἐπὶ πλατὺ χεῦμα· μέλαν δ’ ἀμφέστενε κῦμα ### book 9.440.2 ῥηγνύμενον, πολιὸς δὲ περίζεε πάντοθεν ἀφρός· ### book 9.440.3 ἀμφὶ δέ οἱ δελφῖνες ἀολλέες ἐσσεύοντο ### book 9.440.4 ὦκα διαπρήσσοντες ἁλὸς πολιοῖο κέλευθα. ### book 9.440.5 Οἳ δ’ 〈ἄφ〉αρ Ἑλλήσποντον ἐπ’ ἰχθυόεντ’ ἀφίκοντο, ### book 9.445.1 ἧχι καὶ ἄλλαι νῆες ἔσαν. Κεχάροντο δ’ Ἀχαιοί, ### book 9.445.2 ὡς ἴδον οὓς ποθέεσκον ἀνὰ στρατόν. Οἳ δ’ ἄρα νηὸς ### book 9.1 ἀσπασίως ἀπέβησαν· ἔχεν δ’ ἄρα χεῖρας ἀραιὰς ### book 9.2 Ποίαντος θρασὺς υἱὸς ἐπ’ ἀνέρας, οἵ ῥά μιν ἄμφω ### book 9.3 λυγρὸν ἐπισκάζοντα ποτὶ χθόνα δῖαν ἄγεσκον ### book 9.1 ἀμφοτέρω〈ν〉 κρατερῇσιν ἐπικλι〈ν〉θέντα χέρεσσιν, ### book 9.2 ἠύτ’ ἐνὶ ξυλόχοισιν ἐς ἥμισυ μέχρι κοπεῖσαν ### book 9.3 φηγὸν ὑφ’ ὑλοτόμοιο βίης, ἢ πίονα πεύκην ### book 9.4 τυτθὸν ἔθ’ ἑστηυῖαν, ὅσον λίπε δρυτόμος ἀνὴρ ### book 9.5 πρέμνου ὑποτμήγων λιπαρὸν δάος, ὄφρα πέληται ### book 9.455.1 πίσσα πυρὶ δμηθεῖσα κατ’ οὔρεα, τὴν δ’ ἀλεγεινῶς ### book 9.455.2 ἀχθομένην ἄνεμός 〈τε〉 καὶ ἀδρανίη ποτικλίνει ### book 9.456a ἔρνεσιν εὐθαλέεσσι, φέρουσι δέ μιν βαρέουσαν· ### book 9.457.1 ὣς ἄρ’ ὑπ’ ἀτλήτῳ βεβαρημένον ἄλγεϊ φῶτα ### book 9.457.2 θαρσαλέοι ἥρωες ἐπικλι〈ν〉θέντα φέρεσκον ### book 9.457.3 Ἀργείων ἐς ὅμιλον ἀρήιον. Οἳ δ’ ἐσιδόντες ### book 9.460.1 ᾤκτειραν μάλα πάντες ἑκηβόλον ἀνέρα λυγρῷ ### book 9.460.2 ἕλκεϊ τειρόμενον. Τὸν δὲ στερεὸν καὶ ἄνουσον ### book 9.460.3 ὠκύτερον ποίησε νοήματος αἰψηροῖο ### book 9.460.4 ἶσος ἐπουρανίοις Ποδαλείριος, εὖ μὲν ὕπερθε ### book 9.460.5 πάσσων φάρμακα πολλὰ καθ’ ἕλκεος, εὖ δὲ κικλήσκων ### book 9.465.1 οὔνομα πατρὸς ἑοῖο· θοῶς δ’ ἰάχησαν Ἀχαιοὶ ### book 9.465.2 πάντες κυδαίνοντες ὁμῶς Ἀσκληπιοῦ υἷα. ### book 9.465.3 Καί μιν φαιδρύναντο καὶ ἀμφὶς ἔχρισαν ἐλαίῳ ### book 9.465.4 προφρονέως. Ὀλοὴ δὲ κατηφείη καὶ ὀιζὺς ### book 9 ἀθανάτων ἰότητι κατέφθιτο· 〈τ〉οὶ δ’ ἀνὰ θυμὸν ### book 9.470.1 τέρποντ’ εἰσορόωντες· ὃ δ’ ἄμπνυεν ἐκ κακότητος· ### book 9.470.2 ἀχροίῃ γὰρ ἔρευθος ἐπήλυθεν, ἀργαλέῃ δὲ ### book 9.470.3 ἀδρανίῃ μέγα κάρτος· ἀέξετο δ’ ἅψεα πάντα. ### book 9.470.4 Ὡς δ’ ὁπότ’ ἀλδαίνηται ἔπι σταχύεσσιν ἄρουρα, ### book 9.470.5 ἥν τε πάρος φθινύθουσαν ἐπέκλυσε χείματος αἰνοῦ ### book 9.475.1 ὄμβρος ἐπιβρίσας, ἣ δ’ ἀλθομένη ἀνέμοισι ### book 9.475.2 μειδιάᾳ τεθαλυῖα πολυκμήτῳ ἐν ἀλωῇ· ### book 9.475.3 ὣς ἄρα τειρομένοιο Φιλοκτήταο πάροιθε ### book 9.475.4 πᾶν δέμας αἶψ’ ἀνέθηλεν· † ἐυτρόχῳ δ’ ἐνὶ κοίλῃ † ### book 9.475.5 κάλλιπε κήδεα πάντα τά οἱ περιδάμνατο θυμόν. ### book 9.480.1 Ἀργεῖοι δ’ ὁρόωντες ἅτ’ ἐκ θανάτου ἀνιόντα ### book 9.480.2 ἀνέρα θαυμάζεσκον· ἔφαντο γὰρ ἔμμεναι ἔργον ### book 9.480.3 ἀθανάτων· τὸ δ’ ἄρ’ ἦεν ἐτήτυμον ὡς ἐνόησαν· ### book 9.480.4 καὶ γάρ οἱ μέγεθός τε καὶ ἀγλαΐην κατέχευεν ### book 9.480.5 ἐσθλὴ Τριτογένεια, φάνεν δέ ἑ οἷος ἔην περ ### book 9.485.1 τὸ πρὶν ἐν Ἀργείοισι πάρος κακότητι δαμῆναι. ### book 9.485.2 Καὶ τότ’ ἄρ’ ἐς κλισίην Ἀγαμέμνονος ἀφνειοῖο ### book 9.485.3 πάντες ὁμῶς οἱ ἄριστοι ἄγον Ποιάντιον υἷα, ### book 9.485.4 καί μιν κυδαίνοντες ἐπ’ εἰλαπίνῃσι γέραιρον. ### book 9.485.5 Ἀλλ’ ὅτε δὴ κορέσαντο ποτοῦ καὶ ἐδητύος ἐσθλῆς, ### book 9.490.1 δὴ τότε μιν προσέειπεν ἐυμμελίης Ἀγαμέμνων· ### book 9.490.2 «Ὦ φίλ’, ἐπειδή πέρ σε θεῶν ἰότητι πάροιθε ### book 9.490.3 Λήμνῳ ἐν ἀμφιάλῳ λίπομεν βλαφθέντε νόημα, ### book 9.1 μὴ δ’ ἡμῖν χόλον αἰνὸν ἐνὶ φρεσὶ σῇσι βαλέσθαι· ### book 9.2 οὐ γὰρ ἄνευ μακάρων τάδ’ ἐρέξαμεν, ἀλλά που αὐτοὶ ### book 9.495.1 ἤθελον ἀθάνατοι νῶιν κακὰ πολλὰ βαλέσθαι ### book 9.495.2 σεῦ ἀπὸ νόσφιν ἐόντος, ἐπεὶ περίοιδας ὀιστοῖς ### book 9.495.3 δυσμενέας δάμνασθαι, ὅτ’ ἀντία σεῖο μάχωνται. ### book 9.495.4 . . . . . . . . . . . . . . . . . . . . . . . . . . . . . . . . . . . . . . . ### book 9.495.5 πᾶσαν ἀν’ ἤπειρον πέλαγός τ’ ἀνὰ μακρὸν ἄιστοι ### book 9.1 Μοιράων ἰότητι πολυσχιδέες τε πέλονται ### book 9.2 πυκναί τε σκολιαί τε, τετραμμέναι ἄλλυδις ἄλλη· ### book 9.3 τῶν δὲ δι’ αἰζηοὶ φορέονθ’ ὑπὸ Δαίμονος Αἴσῃ ### book 9.4 εἰδόμενοι φύλλοισιν ὑπὸ πνοιῇς ἀνέμοιο ### book 9.5 σευομένοις· ἀγαθὸς δὲ κακῇ ἐνέκυρσε κελεύθῳ ### book 9.505.1 πολλάκις, οὐκ ἐσθλὸς δ’ ἀγαθῇ· τὰς δ’ οὔτ’ ἀλέασθαι ### book 9.505.2 οὔτ’ ἄρ’ ἑκών τις ἑλέσθαι ἐπιχθόνιος δύνατ’ ἀνήρ· ### book 9.505.3 χρὴ δὲ σαόφρονα φῶτα, καὶ ἢν φορέηθ’ ὑπ’ ἀέλλαις ### book 9.505.4 οἴμην ἀργαλέην, στερεῇ φρενὶ τλῆναι ὀιζύν. ### book 9.505.5 Ἀλλ’ ἐπεὶ ἀασάμεσθα καὶ ἠλίτομεν τόδε ἔργον, ### book 9.510.1 ἐξαῦτις δώροισιν ἀρεσσόμεθ’ ἀπλήτοισι, ### book 9.510.2 Τρώων ἤν ποθ’ ἕλωμεν ἐυκτίμενον πτολίεθρον. ### book 9.510.3 Νῦν δὲ 〈λάβ’〉 ἑπτὰ γυναῖκας ἐείκοσί τ’ ὠκέας ἵππους ### book 9.510.4 ἀθλοφόρους τρίποδάς τε δυώδεκα, τοῖς ἐπὶ θυμὸν ### book 9.510.5 τέρψεις ἤματα πάντα· καὶ ἐν κλισίῃσιν ἐμῇσιν ### book 9.515.1 αἰεί τοι παρὰ δαιτὶ γέρας βασιλήιον ἔσται.» ### book 9.515.2 Ὣς εἰπὼν ἥρωι πόρεν περικαλλέα δῶρα· ### book 9.1 τὸν δ’ ἄρα Ποίαντος προσέφη κρατερόφρονος υἱός· ### book 9.2 «Ὦ φίλος, οὐ σοὶ ἐγὼν ἔτι χώομαι, οὐδὲ μὲν ἄλλῳ ### book 9.3 Ἀργείων, εἰ 〈καί〉 τις ἔτ’ ἤλιτεν εἵνεκ’ ἐμεῖο· ### book 9.520.1 οἶδα γὰρ ὡς 〈σ〉τρεπτὸς νόος ἀνδράσι γίνεται ἐσθλοῖς, ### book 9.520.2 οὐδ’ αἰεὶ χαλεπὸν θέμις ἔμμεναι οὐδ’ ἀσύφηλον, ### book 9.520.3 ἀλλ’ ὁτὲ μὲν σμερδνὸν τελέθειν, ὁτὲ δ’ ἤπιον εἶναι. ### book 9.520.4 Νῦν δ’ ἴομεν ποτὶ κοῖτον, ἐπεὶ χατέοντι μάχεσθαι ### book 9.520.5 βέλτερον ὑπνώειν ἢ ἐπὶ πλέον εἰλαπινάζειν.» ### book 9.525.1 Ὣς εἰπὼν ἀπόρουσε καὶ ἐς κλισίην ἀφίκανε ### book 9.525.2 σφῶν ἑτάρων· οἳ δ’ αἶψα φιλοπτολέμῳ βασιλῆι ### book 9.525.3 εὐνὴν ἐντύνοντο μέγα φρεσὶ καγχαλόωντες· ### book 9.525.4 αὐτὰρ ὅ γ’ ἀσπασίως κατελέξατο μέχρις ἐς ἠῶ. ### book 9.525.5 Νὺξ δ’ ἀνεχάσσατο δῖα, φάος δ’ ἐρύθηνε κολώνας ### book 9.530.1 ἠελίου· καὶ πάντα βροτοὶ περιποίπνυον ἔργα. ### book 9.530.2 Ἀργεῖοι δ’ ὀλοοῖο μέγ’ ἱέμενοι πολέμοιο, ### book 9.530.3 οἳ μὲν δούρατα θῆγον ἐύξοα, τοὶ δὲ βέλεμνα, ### book 9.530.4 ἄλλοι δ’ αἰγανέας· ἅμα δ’ ἠοῖ δαῖτα πένοντο ### book 9.530.5 αὐτοῖς ἠδ’ ἵπποισι, πάσαντο δὲ πάντες ἐδωδήν. ### book 9.535.1 Τοῖσι 〈δὲ〉 δὴ Ποίαντος ἀμύμονος ὄβριμος υἱὸς ### book 9.535.2 τοῖον ἔπος μετέειπεν ἐποτρύνων πονέεσθαι· ### book 9.535.3 «Εἰ δ’ ἄγε 〈δὴ〉 πολέμοιο μεδώμεθα· μηδέ τις ἡμέων ### book 9.535.4 μιμνέτω ἐν νήεσσι, πάρος κλυτὰ τείχεα λῦσαι ### book 9.535.5 Τροίης εὐπύργοιο καταπρῆσαί τε πόληα.» ### book 9.540.1 Ὣς φάτο· τοῖσι δὲ θυμὸς ὑπὸ κραδίῃ μέγ’ ἰάνθη. ### book 9.540.2 Δῦσαν δ’ ἐν τεύχεσσι καὶ ἀσπίσιν· ἐκ δ’ ἄρα νηῶν ### book 9.1 πανσυδίῃ μελίῃσι κεκασμένοι ἐσσεύοντο ### book 9.2 καὶ βοέοις σακέεσσι καὶ ἀμφιφάλοις κορύθεσσιν. ### book 9.3 Ἄλλος δ’ ἄλλον ἔρειδε κατὰ στίχας, οὐδέ κε φαίης ### book 9.545 κείνων ἐσσυμένων ἑκὰς ἔμμεναι ἄλλον ἀπ’ ἄλλου· ### book 9 ὣς ἄρ’ ἴσαν θαμινοὶ καὶ ἀρηρότες ἀλλήλοισιν. ### book 10.1.1 Τρῶες δ’ αὖτ’ ἔκτοσθεν ἔσαν Πριάμοιο πόληος ### book 10.1.2 πάντες σὺν τεύχεσσι καὶ ἅρμασιν ἠδὲ καὶ ἵπποις ### book 10.1.3 ὠκυτάτοις· καῖον γὰρ ἀποκταμένους ἐνὶ χάρμῃ, ### book 10.1.4 δειδιότες μὴ λαὸς ἐπιβρίσειεν Ἀχαιῶν. ### book 10.5.1 Τοὺς δ’ ὡς οὖν ἐσίδοντο ποτὶ πτόλιν ἀίσσοντας, ### book 10.5.2 ἐσσυμένως κταμένοισι χυτὸν περὶ σῆμ’ ἐβάλοντο ### book 10.5.3 σπερχόμενοι· δεινὸν γὰρ ὑποτρομέεσκον ἰδόντες. ### book 10.5.4 Τοῖσ〈ι〉 δ’ ἄρ’ ἀχνυμένοισιν ὑπὸ φρεσὶ μῦθον ἔειπε ### book 10.5.5 Πουλυδάμας, ὃ γὰρ ἔσκε λίην πινυτὸς καὶ ἐχέφρων· ### book 10.10.1 «Ὦ φίλοι, οὐκέτ’ ἀνεκτὸς ἐφ’ ἡμῖν μαίνεται Ἄρης. ### book 10.10.2 Ἀλλ’ ἄγε δὴ φραζώμεθ’ ὅπως πολέμοιό τι μῆχος ### book 10.10.3 εὕρωμεν· Δαναοὶ γὰρ ἐπικρατέουσι μένοντες. ### book 10.10.4 Νῦν δ’ ἄγε δὴ πύργοισιν ἐυδμήτοις ἐπιβάντες ### book 10.10.5 μίμνωμεν νύκτας τε καὶ ἤματα δηριόωντες, ### book 10.15.1 εἰς ὅ κε δὴ Δαναοὶ Σπάρτην ἐρίβωλον ἵκωνται ### book 10.15.2 ἢ αὐτοῦ παρὰ τεῖχος ἀκηδήσωσι μένοντες ### book 10.15.3 ἀκλεὲς ἑζόμενοι· ἐπεὶ οὐ σθένος ἔσσεται αὐτοῖς ### book 10.15.4 ῥῆξαι τείχεα μακρά, καὶ εἰ μάλα πολλὰ κάμωσιν· ### book 10 οὐ γὰρ ἀβληχρὰ θεοῖσ〈ι〉 τετεύχαται ἄφθιτα ἔργα. ### book 10.20.1 Οὐδέ τί που βρώμης ἐπιδευόμεθ’ οὐδὲ ποτῆτος· ### book 10.20.2 πολλὰ γὰρ ἐν Πριάμοιο πολυχρύσοιο μελάθροις ### book 10.20.3 ἔμπεδον εἴδατα κεῖται, ἅ περ πολέεσσι καὶ ἄλλοις ### book 10.20.4 πολλὸν ἐπὶ χρόνον ἔσσετ’ ἀγειρομένοισιν ἐδωδὴ ### book 10.20.5 ἐς κόρον, εἰ καὶ ἔτ’ ἄλλος ἐελδομένοισιν ἵκηται ### book 10.25.1 τρὶς τόσος ἐνθάδε λαὸς ἀρηγέμεναι μενεαίνων.» ### book 10.25.2 Ὣς φάτο· τὸν δ’ ἐνένιπε θρασὺς πάις Ἀγχίσαο· ### book 10.25.3 «Πουλυδάμα, πῶς γάρ σε σαόφρονά φασι τετύχθαι, ### book 10.25.4 ὃς κέλεαι ποτὶ δηρὸν ἀνὰ πτόλιν ἄλγεα πάσχειν; ### book 10.25.5 Οὐ γὰρ ἀκηδήσουσι πολὺν χρόνον ἐνθάδ’ Ἀχαιοί, ### book 10.30.1 ἀλλ’ ἔτ’ ἐπιβρίσουσιν ἀλευομένους ἐσιδόντες· ### book 10.30.2 νῶιν δ’ ἔσσεται ἄλγος ἀποφθιμένων ἐνὶ πάτρῃ, ### book 10.30.3 ἤν πως ἐνθάδε πουλὺν ἔτι χρόνον ἀμφιμάχωνται. ### book 10.30.4 Οὐ γάρ τις Θήβηθε μελίφρονα σῖτον ὀπάσσει ### book 10.30.5 ἧμιν, ἐπὴν εἰρχθῶμεν ἀνὰ πτόλιν, οὐδέ τις οἴσει ### book 10.35.1 οἶνον Μαιονίηθεν· ἀνιηρῇ δ’ ὑπὸ λιμῷ ### book 10.35.2 φθισόμεθ’ ἀργαλέως, εἰ καὶ μάλα τεῖχος ἀμύνῃ. ### book 10.35.3 Ἀλλ’ εἰ μὲν θάνατόν τε κακὸν καὶ Κῆρας ἀλύξαι ### book 10.35.4 〈μ〉ηδ’ ἄρ’ ὀιζυρῶς θανέειν πολυαχ〈θ〉έι πότμῳ ### book 10.35.5 μέλλομεν, ἐν τ〈εύχ〉εσσι σὺν ἡμετέροις τεκέεσσι ### book 10.40 καὶ γεραροῖς πατέρεσσι μαχώμεθα· καί ῥά ποθι Ζεὺς ### book 10.1 χραισμήσει· κείνου γὰρ ἀφ’ αἵματός εἰμεν ἀγαυοῦ. ### book 10.2 Εἰ δέ οἱ † ἂρ κἀκείνῳ † ἀπεχθόμενοι θανέωμεν, ### book 10.3 εὐκλειῶς τάχ’ ὀλέσθαι ἀμυνομένους περὶ πάτρης ### book 10.4 βέλτερον ἠὲ μένοντας ὀιζυρῶς ἀπολέσθαι.» ### book 10.45.1 Ὣς φάτο· τοὶ δ’ ἄρα πάντες ἐπίαχον εἰσαΐοντες. ### book 10.45.2 Αἶψα δὲ δὴ κορύθεσσι καὶ ἀσπίσι καὶ δοράτεσσι ### book 10.45.3 φράχθεν ἐπ’ ἀλλήλοις. Ἐπὶ δ’ ἀκαμάτου Διὸς ὄσσε ### book 10.45.4 δέρκετ’ ἀπ’ Οὐλύμποιο κορυσσομένους ἐς Ἄρηα ### book 10.45.5 Τρῶας ἐπ’ Ἀργείοισιν· ἔγειρε δὲ θυμὸν ἑκάστου, ### book 10.1 ὄφρα μάχην ἀλίαστον ἐπ’ ἀμφοτέροισι τανύσσῃ ### book 10.2 λαοῖς· ἦ γὰρ ἔμελλεν Ἀλέξανδρος θανέεσθαι ### book 10.3 χερσὶ Φιλοκτήταο πονεύμενος ἀμφ’ ἀλόχοιο. ### book 10.4 Τοὺς δ’ ἄγεν εἰς ἕνα χῶρον Ἔρις μεδέουσα κυδοιμοῦ ### book 10.5 οὔ τινι φαινομένη· περὶ γὰρ νέφος ἄμπεχεν ὤμους ### book 10.55.1 αἱματόεν· φοίτα δὲ μέγαν κλονέουσα κυδοιμὸν ### book 10.55.2 ἄλλοτε μὲν Τρώων ἐς ὁμήγυριν, ἄλλοτ’ Ἀχαιῶν· ### book 10.55.3 τὴν δὲ Φόβος καὶ Δεῖμος ἀταρβέες ἀμφεπένοντο ### book 10.55.4 πατροκασιγνήτην κρατερόφρονα κυδαίνοντες. ### book 10.55.5 Ἣ δὲ μέγ’ ἐξ ὀλίγοιο κορύσσετο μαιμώωσα· ### book 10.60.1 τεύχεα δ’ ἐξ ἀδάμαντος ἔχε〈ν〉 πεπαλαγμένα λύθρῳ· ### book 10.60.2 πάλλε δὲ λοίγιον ἔγχος ἐς ἠέρα· τῆς δ’ ὑπὸ ποσσὶ ### book 10.60.3 κίνυτο γαῖα μέλαινα· πυρὸς δ’ ἄμπνυεν ἀυτ〈μ〉ὴν ### book 10.60.4 σμερδαλέου· μέγα δ’ αἰὲν ἀύτεεν ὀτρύνουσα ### book 10 αἰζηούς. Οἳ δ’ αἶψα συνήιον ἀρτύνοντες ### book 10.65.1 ὑσμίνην· δεινὴ γὰρ ἄγεν θεὸς ἐς μέγα ἔργον. ### book 10.65.2 Τῶν δ’ ὥς τ’ ἢ ἀνέμων ἰαχὴ πέλε λάβρον ἀέντων ### book 10.65.3 εἴαρος ἀρχομένου, ὅτε δένδρεα μακρὰ καὶ ὕλη ### book 10.65.4 φύλλα φύει, ἢ ὡς 〈ὅ〉τ’ ἐν ἀζαλέῃς ξυλόχοισι ### book 10.65.5 πῦρ βρέμει αἰθόμενον, ἢ ὡς μέγα πόντος ἀπείρων ### book 10.70.1 μαίνεται ἐξ ἀνέμοιο δυσηχέος, ἀμφὶ δὲ ῥοῖβδος ### book 10.70.2 γίνετ’ ἀπειρέσιος, τρομέει δ’ ὑπὸ γούνατα ναυτῶν· ### book 10.70.3 ὣς τῶν ἐσσυμένων μέγ’ ὑπέβραχε γαῖα πελώρη· ### book 10.70.4 ἐν δέ σφιν πέσε δῆρις, ἐπ’ ἄλλῳ δ’ ἄλλος ὄρουσε. ### book 10.70.5 Πρῶτος δ’ Αἰνείας Δαναῶν ἕλεν Ἁρπαλίωνα ### book 10.75.1 υἱὸν Ἀριζήλοιο, τὸν Ἀμφινόμη τέκε μήτηρ ### book 10.75.2 γῇ ἐν〈ὶ〉 Βοιωτῶν, ὃ δ’ ἅμα Προθοήνορι δίῳ ### book 10.75.3 ἐς Τροίην ἵκανεν ἀμυνέμεν Ἀργείοισι· ### book 10.75.4 τόν ῥα τότ’ Αἰνείας ἁπαλὴν ὑπὸ νηδύα τύψας ### book 10.75.5 νοσφίσατ’ ἐκ θυμοῖο καὶ ἡδέος ἐκ βιότοιο. ### book 10.80.1 Τῷ δ’ ἐπὶ Θερσάνδροιο δαΐφρονος υἷα δάμασσεν ### book 10.80.2 Ὕλλον ἐυγλώχινι βαλὼν κατὰ λαιμὸν ἄκοντι, ### book 10.80.3 ὃν τέκε δῖ’ Ἀρέθουσα παρ’ ὕδασι Ληθαίοιο ### book 10.80.4 Κρήτῃ ἐν ἀμφιάλῳ· μέγα δ’ ἤκαχεν Ἰδομενῆα. ### book 10.80.5 Αὐτὰρ Πηλείδαο πάις δυοκαίδεκα φῶτας ### book 10.85 Τρώων αὐτίκ’ ὄλεσσεν ὑπ’ ἔγχεϊ πατρὸς ἑοῖο· ### book 10.1 Κέβρον μὲν πρώτιστα καὶ Ἅρμονα Πασίθεόν τε ### book 10.2 Ἰσμηνόν τε καὶ Ἰμβράσιον Σχεδίον τε Φλέγυν τε ### book 10.3 Μνήσαιόν τ’ ἐπὶ τοῖσι καὶ Ἔννομον Ἀμφίνομόν τε ### book 10.4 καὶ Φάλιν ἠδὲ Γα〈λ〉ηνόν, ὃς οἰκία ναιετάεσκε ### book 10.90.1 Γαργάρῳ αἰπεινῇ, μετὰ δ’ ἔπρεπε μαρναμένοισι ### book 10.90.2 Τρωσὶν ἐρισθενέεσσι, κίεν δ’ ἅμ’ ἀπεί〈ρ〉ονι λαῷ ### book 10.90.3 ἐς Τροίην (μάλα γάρ οἱ ὑπέσχετο πολλὰ καὶ ἐσθλὰ ### book 10.90.4 Δαρδανίδης Πρίαμος δώσειν περικαλλέα δῶρα), ### book 10.90.5 νήπιος· οὐδ’ ἄρ’ ἐφράσσαθ’ ἑὸν μόρον· ἦ γὰρ ἔμελλεν ### book 10.95.1 ἐσσυμένως ὀλέεσθαι ὑπ’ ἀργαλέου πολέμοιο, ### book 10.95.2 πρὶν δόμου ἐκ Πριάμοιο περικλυτὰ δῶρα φέρεσθαι. ### book 10.95.3 Καὶ τότε Μοῖρ’ ἀίδηλος ἐπέχραεν Ἀργείοισιν ### book 10.95.4 Εὐρυμένην, ἕταρον κρατερόφρονος Αἰνείαο· ### book 10.95.5 ὦρσε δέ οἱ μέγα θάρσος ὑπὸ φρένας, ὄφρα δαμάσσας ### book 10.1 πολλοὺς αἴσιμον ἦμαρ ἀναπλήσῃ ὑπ’ ὀλέθρῳ. ### book 10.2 Δάμνατο δ’ ἄλλοθεν ἄλλον ἀνηλέι Κηρὶ ἐοικώς· ### book 10.3 οἳ δέ μιν αἶψ’ ὑπόεικον ἐφ’ ὑστατίῃ βιότοιο ### book 10.4 αἰνὸν μαιμώωντα καὶ οὐκ ἀλέγοντα μόροιο. ### book 10.5 Καί νύ κεν ἔργον ἔρεξεν ἀπείριτον ἐν δαῒ κεῖνος, ### book 10.105 εἰ μή οἱ χεῖρές τ’ ἔκαμον καὶ δούρατος αἰχμὴ ### book 10.1 πολλὸν ἀνεγνάμφθη· ξίφ〈ε〉ος δέ οἱ οὐκέτι κώπη ### book 10.2 ἔσθενεν· ἀλλά μιν Αἶσα διέκλασε· 〈τὸν δ’〉 ὑπ’ ἄκοντι ### book 10.3 τύψε κατὰ στομάχοιο Μέγης· ἀνὰ δ’ ἔβλυσεν αἷμα ### book 10.4 ἐκ στόματος· τῷ δ’ αἶψα σὺν ἄλγεϊ Μοῖρα παρέστη. ### book 10.110.1 Τοῦ δ’ ἄρ’ ἀποκταμένοιο δύω θεράποντες Ἐπειοῦ ### book 10.110.2 Δηιλέων τε καὶ Ἀμφίων ἀπὸ τεύχε’ ἑλέσθαι ### book 10.110.3 ὥρμαινον· 〈τοὺσ〉 δ’ αὖτε θρασὺ σθένος Αἰνείαο ### book 10.110.4 δάμνατο μαιμώωντας ὀιζυρῶς περὶ νεκρῷ. ### book 10.110.5 Ὡς δ’ ὅτ’ 〈ἐν〉 οἰνοπέδῳ τις ἐπαΐσσοντας ὀπώρῃ ### book 10.115.1 σφῆκας τερσομένῃσι παρὰ σταφυλῇσι δαμάσσῃ, ### book 10.115.2 οἳ δ’ ἄρ’ ἀποπνείουσι πάρος γεύσασθαι ὀπώρης· ### book 10.115.3 ὣς τοὺς αἶψ’ ἐδάμασσε πρὶν ἔντεα ληίσσασθαι. ### book 10.115.4 Τυδείδης δὲ Μένωνα καὶ Ἀμφίνοον κατέπεφνεν ### book 10.115.5 ἄμφω ἀμύμονε φῶτε. Πάρις δ’ ἕλε Δημολέοντα ### book 10.120.1 Ἱππασίδην, ὃς πρόσθε Λακωνίδα γαῖαν ἔναιε ### book 10.120.2 πὰρ προχοῇς ποταμοῖο βαθυρρόου Εὐρώταο, ### book 10.120.3 ἤλυθε δ’ ἐς Τροίην ὑπ’ ἀρηιθόῳ Μενελάῳ· ### book 10.120.4 καί ἑ Πάρις κατέπεφνε τυχὼν ὑπὸ μαζὸν ὀιστῷ ### book 10.120.5 δεξιόν, ἐκ δέ οἱ ἦτορ ἀπὸ μελέων ἐκέδασσε. ### book 10.125.1 Τεῦκρος δὲ Ζέλυν εἷλε περικλυτὸν υἷα Μέδοντος, ### book 10.125.2 ὅς ῥά τε ναιετάεσκεν ὑπὸ Φρυγίην πολύμηλον ### book 10.125.3 ἄντρον ὑπὸ ζάθεον καλλιπλοκάμων Νυμφάων, ### book 10.125.4 ἧχί ποτ’ Ἐνδυμίωνα παρυπνώοντα βόεσσιν ### book 10.125.5 ὑψόθεν ἀθρήσασα κατήλυθε δῖα Σελήνη ### book 10.130 οὐρανόθεν· δριμὺς γὰρ ἄγεν πόθος ἠιθέοιο ### book 10.1 ἀθανάτην περ ἐοῦσαν ἀκήρατον, ἧς ἔτι νῦν περ ### book 10.2 εὐνῆς σῆμα τέτυκται ὑπὸ δρυσίν. Ἀμφὶ δ’ ἄρ’ αὐτῇ ### book 10.3 ἐκκέχυτ’ ἐν ξυλόχοισι βοῶν γλάγος, οἱ δέ νυ φῶτες ### book 10.4 θηεῦντ’ εἰσέτι κεῖνο· τὸ γὰρ μάλα τηλόθε φαίης ### book 10.135.1 ἔμμεναι εἰσορόων πολιὸν γάλα, κεῖνο δ’ ἵησι ### book 10.135.2 λευκὸν ὕδωρ, καί, βαιὸν ἀπόπροθεν ὁππόθ’ ἵκηται, ### book 10.135.3 πήγνυται ἀμφὶ ῥέεθρα, πέλει δ’ ἄρα λάινον οὖδας. ### book 10.135.4 Ἀλκαίῳ δ’ ἐπόρουσε Μέγης Φυλήιος υἱός· ### book 10.135.5 καί 〈ῥά〉 μιν ἀσπαίρουσαν ὑπὸ κραδίην ἐπέρησεν ### book 10.140.1 ἐγχείῃ· τοῦ δ’ ὦκα λύθη πολυήρατος αἰών· ### book 10.140.2 οὐδέ μιν ἐκ πολέμοιο πολυκλαύτοιο μολόντα ### book 10.140.3 καί περ ἐελδόμενοι μογεροὶ δέξαντο τοκῆες, ### book 10.140.4 Φυλλὶς ἐύζωνος καὶ Μάργασος, οἵ ῥ’ ἐνέμοντο ### book 10.140.5 Ἁρπάσου ἀμφὶ ῥέεθρα διειδέος, ὅς τ’ ἀλεγεινῷ ### book 10.145.1 Μαιάνδρῳ κελάδοντα ῥόον καὶ ἀπείριτον οἶδμα ### book 10.145.2 συμφέρετ’ ἤματα πάντα λάβρῳ περὶ χεύματι θύων. ### book 10.145.3 Γλαύκου δ’ ἐσθλὸν ἑταῖρον ἐυμμελίην Σκυλακῆα ### book 10.145.4 υἱὸς Ὀιλῆος σχεδὸν οὔτασεν ἀντιόωντα ### book 10.145.5 βαιὸν ὑπὲρ σάκεος· διὰ δὲ πλατὺν ἤλασεν ὦμον ### book 10.1 αἰχμῇ ἀνιηρῇ, περὶ δ’ ἔβλυσεν αἷμα βοείῃ. ### book 10.2 Ἀλλά μιν οὔ τι δάμασσεν, ἐπεί ῥά ἑ μόρσιμον ἦμαρ ### book 10.3 δέχνυτο νοστήσαντα φίλης παρὰ τείχεσι πάτρης· ### book 10.4 εὖτε γὰρ Ἴλιον αἰπὺ θοοὶ διέπερσαν Ἀχαιοί, ### book 10.5 δὴ τότ’ ἄρ’ ἐκ πολέμοιο φυγὼν Λυκίην ἀφίκανεν ### book 10.155 οἶος ἄνευ〈θ’〉 ἑτάρων· τὸν 〈δ’〉 ἄστεος ἄγχι γυναῖκες ### book 10.1 ἀγρόμεναι τεκέων σφετέρων ὕπερ ἠδὲ καὶ ἀνδρῶν ### book 10.2 εἴρονθ’· ὃς δ’ ἄρα τῇσι μόρον κατέλεξεν ἁπάντων· ### book 10.3 αἳ δ’ ἄρα χερμαδίοισι περισταδὸν ἀνέρα κεῖνον ### book 10.4 δάμναντ’ οὐδ’ ἀπόνητο μολὼν ἐς πατρίδα νόστου, ### book 10.160.1 ἀλλά ἑ λᾶες ὕπερθε μέγα στενάχοντα κάλυψαν· ### book 10.160.2 καί ῥά οἱ ἐκ βελέων ὀλοὸς περὶ τύμβος ἐτύχθη ### book 10.160.3 πὰρ τέμενος καὶ σῆμα κραταιοῦ Βελλεροφόντου ### book 10.160.4 Τ〈λ〉ῷ ἐνὶ κυδαλίμῃ Τιτηνίδος ἀγχόθι πέτρης· ### book 10.160.5 ἀλλ’ ὃ μὲν αἴσιμον ἦμαρ ἀναπλήσας ὑπ’ ὀλέθρῳ ### book 10.165.1 ὕστερον ἐννεσίῃσιν ἀγαυοῦ Λητοΐδαο ### book 10.165.2 τίεται ὥς τε θεός, φθινύθει δέ οἱ οὔ ποτε τιμή. ### book 10.165.3 Ποίαντος δ’ ἐπὶ τοῖσι πάις κτάνε Δηιονῆα ### book 10.165.4 ἠδ’ Ἀντήνορος υἱὸν ἐυμμελίην Ἀκάμαντα. ### book 10.165.5 Ἄλλων δ’ αἰζηῶν ὑπεδάμνατο πουλὺν ὅμιλον· ### book 10.170.1 θῦνε γὰρ ἐν δηίοισιν ἀτειρέι ἶσος Ἄρηι ### book 10.170.2 ἢ ποταμῷ κελάδοντι, ὃς ἕρκεα μακρὰ δαΐζει ### book 10.170.3 πλημμύρων, ὅτε λάβρον ὀρινόμενος περὶ πέτραις ### book 10.170.4 ἐξ ὀρέων ἀλεγεινὰ μεμιγμένος ἔρχεται ὄμβρῳ, ### book 10.170.5 ἀέναός περ ἐὼν καὶ ἀγάρροος, οὐδέ νυ τόν γε ### book 10.175.1 εἴργουσι〈ν〉 προβλῆτες ἀάσπετα παφλάζοντα· ### book 10.175.2 ὣς οὔ τις Ποίαντος ἀγακλειτοῦ θρασὺν υἷα ### book 10.175.3 ἔσθενεν ὀφθαλμοῖσιν ἰδὼν καὶ ἄπωθε πελάσσαι· ### book 10.175.4 ἐν γάρ οἱ στέρνοισι μένος περιώσιον ἦεν, ### book 10.175.5 τεύχεσι δ’ ἀμφεκέκαστο δαΐφρονος Ἡρακλῆος ### book 10.180.1 δαιδαλέοις. Περὶ γάρ οἱ ἐν〈ὶ〉 ζωστῆρι φαεινῷ ### book 10.180.2 ἄρκτοι ἔσαν βλοσυραὶ καὶ ἀναιδέες· ἀμφὶ δὲ θῶες ### book 10.1 σμερδαλέοι καὶ λυγρὸν ὑπ’ ὀφρύσι μειδιόωσαι ### book 10.2 πορδάλιες· τῶν δ’ ἄγχι λύκοι ἔσαν ὀβριμόθυμοι ### book 10.3 καὶ σύες ἀργιόδοντες ἐυσθενέες τε λέοντες, ### book 10.185.1 ἐκπάγλως ζωοῖσιν ἐοικότες· ἀμφὶ δὲ πάντῃ ### book 10.185.2 ὑσμῖναι ἐνέκειντο μετ’ ἀργαλέοιο Φόνοιο· ### book 10.185.3 δαίδαλα μέν οἱ τόσσα περὶ ζωστῆρα τέτυκτο. ### book 10.185.4 Ἄλλα δέ οἱ γωρυτὸς ἀπείριτος ἀμφεκέκαστο· ### book 10.185.5 ἐν μὲν ἔην Διὸς υἱὸς ἀελλοπόδης Ἑρμείης ### book 10.190.1 Ἰνάχου ἀμφὶ ῥέεθρα κατακτείνων μέγαν Ἄργον, ### book 10.190.2 Ἄργον ὃς ὀφθαλμοῖσιν ἀμοιβαδὸν ὑπνώεσκεν· ### book 10.190.3 ἐν δὲ βίη Φαέθοντος ἀνὰ ῥόον Ἠριδανοῖο ### book 10.190.4 βλήμενος ἐκ δίφροιο· καταιθομένης δ’ ἄρα γαίης, ### book 10.190.5 ὡς ἐτεόν, πεπότητο μέλας ἐνὶ ἠέρι καπνός· ### book 10.195.1 Περσεὺς δ’ ἀντίθεος βλοσυρὴν ἐδάιζε Μέδουσαν, ### book 10.195.2 ἄστρων ἧχι λοετρὰ πέλει καὶ τέρματα γαίης ### book 10.195.3 πηγαί τ’ Ὠκεανοῖο βαθυρρόου, ἔνθ’ ἀκάμαντι ### book 10.195.4 Ἠελίῳ δύνοντι συνέρχεται ἑσπερίη Νύξ· ### book 10.195.5 ἐν δὲ καὶ ἀκαμάτοιο μέγας πάις Ἰαπετοῖο ### book 10.1 Καυκάσου ἠλιβάτοιο παρῃώρητο κολώνῃ ### book 10.2 δεσμῷ ἐν ἀρρήκτῳ· κεῖρε〈ν〉 δέ οἱ αἰετὸς ἧπαρ ### book 10.3 αἰὲν ἀεξόμενον· ὃ δ’ ἄρα στενάχοντι ἐῴκει. ### book 10.4 Καὶ τὰ μὲν ἂρ τεύξαντο κλυταὶ χέρες Ἡφαίστοιο ### book 10.5 ὀβρίμῳ Ἡρακλῆι· ὃ δ’ ὤπασε παιδὶ φορῆναι ### book 10.205.1 Ποίαντος, μάλα γάρ οἱ ὁμωρόφιος φίλος ἦεν. ### book 10.205.2 Αὐτὰρ ὃ κυδιόων ἐν τεύχεσι δάμνατο λαούς. ### book 10.205.3 Ὀψὲ δέ οἱ ἐπόρουσε Πάρις, στονόεντας ὀιστοὺς ### book 10.205.4 νωμῶν ἐν χείρεσσι μετὰ γναμπτοῖο βιοῖο ### book 10 θαρσαλέως· τῷ γάρ ῥα συνήιεν ὕστατον ἦμαρ. ### book 10.210.1 Ἧκε δ’ ἀπὸ νευρῆφι θοὸν βέλος· ἣ δ’ ἰάχησεν ### book 10.210.2 ἰοῦ ἀπεσσυμένοιο. Ὃ δ’ οὐχ ἅλιον φύγε χειρῶν· ### book 10.210.3 καί ῥ’ αὐτοῦ μὲν ἅμαρτεν ἀλευαμένου μάλα τυτθόν, ### book 10.210.4 ἀλλ’ ἔβαλε〈ν〉 Κλεόδωρον ἀγακλειτόν περ ἐόντα ### book 10.210.5 βαιὸν ὑπὲρ μαζοῖο, διήλασε δ’ ἄχρις ἐς ὦμον. ### book 10.215.1 Οὐ γὰρ ἔχεν σάκος εὐρύ, τό οἱ λυγρὸν ἔσχεν ὄλεθρον· ### book 10.215.2 ἀλλ’ ὅ γε γυμνὸς ἐὼν ἀνεχάζετο· τοῦ γὰρ ἀπ’ ὤμων ### book 10.215.3 Πουλυδάμας ἀπάραξε σάκος τελαμῶνα δαΐξας ### book 10.215.4 βουπλῆγι στιβαρῷ· ὃ δ’ ἐχάσσατο μαρνάμενός περ ### book 10.215.5 αἰχμῇ ἀνιηρῇ· στονόεις δέ οἱ ἔμπεσεν ἰὸς ### book 10.220.1 ἄλλοθεν ἀίξας· ὣς γάρ νύ που ἤθελε δαίμων ### book 10.220.2 θήσειν αἰνὸν ὄλεθρον ἐύφρονος υἱέι Λέρνου ### book 10.220.3 ὃν τέκετ’ Ἀμφιάλη Ῥοδίων ἐν πίονι γαίῃ. ### book 10.220.4 Τὸν δ’ ὡς οὖν ἐδάμασσε Πάρις στονόεντι βελέμνῳ, ### book 10.220.5 δὴ τότε δὴ Ποίαντος ἀμύμονος ὄβριμος υἱὸς ### book 10.225.1 ἐμμεμαὼς θοὰ τόξα τιταίνετο καὶ μέγ’ ἀύτει· ### book 10.225.2 «Ὦ κύον, ὡς σοὶ ἔγωγε φόνον καὶ κῆρ’ ἀίδηλον ### book 10.225.3 δώσω, ἐπεί νύ μοι ἄντα λιλαίεαι ἰσοφαρίζειν· ### book 10.225.4 καί κεν ἀναπνεύσουσιν ὅσοι σέθεν εἵνεκα λυγρῷ ### book 10.225.5 τείροντ’ ἐν πολέμῳ· τάχα γὰρ λύσις ἔσσετ’ ὀλέθρου ### book 10.230.1 ἐνθάδε σεῖο θανόντος, ἐπεί σφισι πῆμα τέτυξαι.» ### book 10.230.2 Ὣς εἰπὼν νευρὴν 〈μὲν〉 ἐύστροφον ἀγχόθι μαζοῦ ### book 10.230.3 εἴρυσε, κυκλώθη δὲ κέρας, καὶ ἀμείλιχος ἰὸς ### book 10.230.4 ἰθύνθη, τόξον δὲ 〈λυγρὴ〉 ὑπερέσχεν ἀκωκὴ ### book 10 τυτθὸν ὑπ’ αἰζηοῖο βίῃ· μέγα δ’ ἔβραχε νευρὴ ### book 10.235.1 ἰοῦ ἀπεσσυμένοιο δυσηχέος. Οὐδ’ ἀφάμαρτε ### book 10.235.2 δῖος ἀνήρ· τοῦ δ’ οὔ τι λύθη κέαρ, ἀλλ’ ἔτι θυμῷ ### book 10.235.3 ἔσθενεν· οὐ γάρ οἱ τότε καίριος ἔμπεσεν ἰός, ### book 10.235.4 ἀλλὰ παρέθρισε χειρὸς ἐπιγράβδην χρόα καλόν. ### book 10.235.5 Ἐξαῦτις δ’ ὅ γε τόξα τιτύσκετο· τὸν δὲ παραφθὰς ### book 10.240.1 ἰῷ ἐυγλώχινι βάλε〈ν〉 βουβῶνος ὕπερθε ### book 10.240.2 Ποίαντος φίλος υἱός. Ὃ δ’ οὐκ〈έτ’〉 ἔμιμνε μάχεσθαι, ### book 10.240.3 ἀλλὰ θοῶς ἀπόρουσε, κύων ὥς, εὖτε λέοντα ### book 10.240.4 ταρβήσας χάσσηται ἐπεσσύμενος τὸ πάροιθεν· ### book 10.240.5 ὣς ὅ γε λευγαλέῃσι πεπαρμένος ἦτορ ἀνίῃς ### book 10.245.1 χάζετ’ ἀπὸ πτολέμοιο. Συνεκλονέοντο δὲ λαοὶ ### book 10.245.2 ἀλλήλους ὀλέκοντες· ἐν αἵματι δ’ ἔπλετο δῆρις ### book 10.245.3 κτεινομένων ἑκάτερθε· νεκροὶ δ’ ἐπέκειντο νέκυσσι ### book 10.245.4 πανσυδίῃ ψεκάδεσσιν ἐοικότες ἠὲ χαλάζῃ ### book 10.245.5 ἢ χιόνος νιφάδεσσιν, ὅτ’ οὔρεα μακρὰ καὶ ὕλην ### book 10.1 Ζηνὸς ὑπ’ ἐννεσίῃ〈σ〉 Ζέφυρος καὶ χεῖμα παλύνῃ· ### book 10.2 ὣς οἵ 〈γ’〉 ἀμφοτέρωθεν ἀνηλέι Κηρὶ δαμέντες ### book 10.3 ἀθρόοι ἀλλήλοισι δεδουπότες ἀμφεχέοντο. ### book 10.4 Αἰνὰ δ’ ἀνεστενάχιζε Πάρις· περὶ δ’ ἕλκεϊ θυμὸν ### book 10.5 τείρετο· τὸν δ’ ἀλύοντα τάχ’ ἄμφεπον ἰητῆρες. ### book 10.255.1 Τρῶες δ’ εἰς ἑὸν ἄστυ κίον· Δαναοὶ δ’ ἐπὶ νῆας ### book 10.255.2 κυανέας ἀφίκοντο θοῶς· τοὺ〈σ〉 γάρ ῥα κυδοιμοῦ ### book 10.255.3 νὺξ ἀπέπαυσε μέλαινα, μόγον δ’ ἐξείλετο γυίων ### book 10.1 ὕπνον ἐπὶ βλεφάροισι πόνων ἀλκτῆρα χέασα. ### book 10.2 Ἀλλ’ οὐχ ὕπνος ἔμαρπτε θοὸν Πάριν ἄχρις ἐς ἠῶ· ### book 10.260.1 οὐ γάρ οἵ τις ἄλαλκε λιλαιομένων περ ἀμύνειν ### book 10.260.2 παντοίοις ἀκέεσσιν, ἐπεί ῥά οἱ αἴσιμον ἦεν ### book 10.260.3 Οἰνώνης ὑπὸ χερσὶ μόρον καὶ Κῆρας ἀλύξαι, ### book 10.260.4 ἢν ἐθέλῃ. Ὃ δ’ ἄρ’ αἶψα θεοπροπίῃσι πιθήσας ### book 10.260.5 ἤιεν οὐκ ἐθέλων· ὀλοὴ δέ μιν ἦγεν ἀνάγκη ### book 10.265.1 κουριδίης εἰς ὦπα. Λυγροὶ δέ οἱ ἀντιόωντες ### book 10.265.2 κὰκ κορυφῆς ὄρνιθες ἀύτεον, οἳ δ’ ἀνὰ χεῖρα ### book 10.265.3 σκαιὴν ἀίσσοντες· ὃ δέ σφεας ἄλλοτε μέν που ### book 10.265.4 δείδιεν εἰσορόων, ὁτὲ δ’ ἀκράαντα πέτεσθαι ### book 10.265.5 εἴδετο· τοὶ δέ οἱ αἰνὸν ὑπ’ ἄλγεσι φαῖνον ὄλεθρον. ### book 10.270.1 Ἷξε δ’ ἐς Οἰνώνην ἐρικυδέα· τὸν δ’ ἐσιδοῦσαι ### book 10.270.2 ἀμφίπολοι θάμβησαν ἀολλέες ἠδὲ καὶ αὐτὴ ### book 10.270.3 Οἰνώνη. Ὃ δ’ ἄρ’ αἶψα πέσε〈ν〉 παρὰ ποσσὶ γυναικὸς ### book 10.272.1 . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . ### book 10.272.2 ἀμφὶ μέλαιν’ ἐφύπερθε καὶ ἔνδοθι μέχρις ἱκέσθαι ### book 10.272.3 μυελὸν ἐς λιπόωντα δι’ ὀστέου, οὕνεκα νη〈δ〉ὺν ### book 10.275.1 φάρμακον αἰνὸν ἔπυθε κατ’ οὐτάμενον χρόα φωτός. ### book 10.275.2 Τείρετο δὲ στυγερῇ βεβ〈ο〉λημένος ἦτορ ἀνίῃ· ### book 10.275.3 ὡς δ’ ὅτε τις νούσῳ 〈τε〉 καὶ ἀργαλέῃ μέγα δίψῃ ### book 10.275.4 αἰθόμενος κραδίην ἀδινὸν κέαρ αὐαίνηται, ### book 10.275.5 ὅν τε περιζείουσα χολὴ φλέγει, ἀμφὶ δὲ νωθὴς ### book 10.280.1 ψυχή οἱ πεπότητ’ ἐπὶ χείλεσιν αὐαλέοισιν ### book 10.280.2 ἀμφότερον βιότου τε καὶ ὕδατος ἱμείρουσα· ### book 10.280.3 ὣς τοῦ ὑπὸ στέρνοισι καταίθετο θυμὸς ἀνίῃ· ### book 10.1 καί ῥ’ ὀλιγοδρανέων τοῖον ποτὶ μῦθον ἔειπεν· ### book 10.2 «Ὦ γύναι αἰδοίη, μὴ δή νύ με τειρόμενόν περ ### book 10.285.1 ἐχθήρῃς, ἐπεὶ ἄρ σε πάρος λίπον ἐν μεγάροισι ### book 10.285.2 χήρην οὐκ ἐθέλων περ· ἄγον δέ με Κῆρες ἄφυκτοι ### book 10.285.3 εἰς Ἑλένην, ἧς εἴθε πάρος λεχέεσσι μιγῆναι ### book 10.285.4 σῇσιν ἐν ἀγκοίνῃσι θανὼν ἀπὸ θυμὸν ὄλεσσα. ### book 10.285.5 Ἀλλ’ ἄγε, πρός τε θεῶν οἵ τ’ οὐρανὸν ἀμφινέμονται, ### book 10.290.1 πρός τε τεῶν λεχέων καὶ κουριδίης φιλότητος, ### book 10.290.2 ἤπιον ἔνθεο θυμόν, ἄχος δ’ ἀλεγεινὸν ἄλαλκε ### book 10.290.3 φάρμακ’ ἀλεξήσοντα καθ’ ἕλκεος οὐλομένοιο ### book 10.290.4 θεῖσα τά μοι μεμόρηται ἀπωσέμεν ἄλγεα θυμοῦ, ### book 10.290.5 ἢν ἐθέλῃς· σῇσι〈ν〉 γὰρ ἐπὶ φρεσίν, εἴ τε σαῶσαι ### book 10.295.1 μήδεαι ἐκ θανάτοιο δυσηχέος, εἴ τε καὶ οὐκί. ### book 10.295.2 Ἀλλ’ ἐλέαιρε τάχιστα καὶ ὠκυμόρων σθένος ἰῶν ### book 10.295.3 ἐξάκες’, 〈ἕ〉ως μοι ἔτ’ ἀμφὶ μένος καὶ γυῖα τέθηλε· ### book 10.295.4 μηδέ τί με ζήλοιο λυγροῦ μεμνημένη ἔμπης ### book 10.295.5 καλλείψῃς θανέεσθαι ἀμειλίκτῳ ὑπὸ πότμῳ ### book 10.1 πὰρ ποσὶ σοῖσι πεσόντα. Λιτῇς δ’ ἀποθύμια ῥέξεις ### book 10.2 αἵ ῥα καὶ αὐταὶ Ζηνὸς ἐριγδούποιο θύγατρες ### book 10.3 εἰσὶ καὶ ἀνθρώποισιν ὑπερφιάλοις κοτέουσαι ### book 10.4 ἐξόπιθε στονόεσσαν ἐπιθύνουσιν Ἐριννὺν ### book 10.5 καὶ χόλον. Ἀλλὰ σύ, πότνα, κακὰς ἀπὸ Κῆρας ἔρυκε ### book 10.305.1 ἐσσυμένως, εἰ καί τι παρήλιτον ἀφραδίῃσιν.» ### book 10.305.2 Ὣς ἄρ’ ἔφη· τῆς δ’ οὔ τι φρένας παρέπεισε κελαινάς, ### book 10.305.3 ἀλλά ἑ κερτομέουσα μέγ’ ἀχνύμενον προσέειπε· ### book 10.305.4 «Τίπτε μοι εἰλήλουθας ἐναντίον, ἥν ῥα πάροιθε ### book 10 κάλλιπες ἐν μεγάροισιν ἀάσπετα κωκύουσαν ### book 10.310.1 εἵνεκα Τυνδαρίδος πολυκηδέος, ᾗ παριαύων ### book 10.310.2 τέρπεο καγχαλόων, ἐπεὶ ἦ πολὺ φερτέρη ἐστὶ ### book 10.310.3 τῆς σέο κουριδίης (τὴν γὰρ φάτις ἔμμεν ἀγήρω); ### book 10.310.4 Κείνην ἐσσύμενος γουνάζεο, μηδέ νύ μοί περ ### book 10.310.5 δακρυόεις ἐλεεινὰ καὶ ἀλγινόεντα παραύδα. ### book 10.315.1 Αἲ γάρ μοι μέγα θηρὸς ὑπὸ κραδίῃ μένος εἴη ### book 10.315.2 δαρδάψαι σέο σάρκας, ἔπειτα δέ θ’ αἷμα λαφύξαι, ### book 10.315.3 οἷά με πήματ’ ἔοργας ἀτασθαλίῃσι πιθήσας. ### book 10.315.4 Σχέτλιε, ποῦ νύ τοί ἐστιν ἐυστέφανος Κυθέρεια; ### book 10.315.5 Πῇ δὲ πέλει γαμβροῖο λελασμένος ἀκάματος Ζεύς; ### book 10.320.1 Τοὺς ἔχ’ ἀοσσητῆρας· ἐμῶν δ’ ἀπὸ τῆλε μελάθρων ### book 10.320.2 χάζεο, καὶ μακάρεσσι καὶ ἀνδράσι πῆμ’ ἀλεγεινόν· ### book 10.320.3 σεῖο γὰρ εἵνεκ’, ἀλιτρέ, καὶ ἀθανάτους ἕλε πένθος, ### book 10.320.4 τοὺς μὲν ἐφ’ υἱωνοῖς, τοὺς δ’ υἱάσιν ὀλλυμένοισιν. ### book 10.320.5 Ἀλλά μοι ἔρρε δόμοιο καὶ εἰς Ἑλένην ἀφίκανε, ### book 10.325.1 ἧς σε χρεὼ νυκτός τε καὶ ἤματος ἀσχαλόωντα ### book 10.325.2 τρύζειν πὰρ λεχέεσσι πεπαρμένον ἄλγεϊ λυγρῷ, ### book 10.325.3 εἰς ὅ κέ ς’ ἰήνειεν ἀνιηρῶν ὀδυνάων.» ### book 10.325.4 Ὣς φαμένη γοόωντα φίλων ἀπέπεμπε μελάθρων, ### book 10.325.5 νηπίη· οὐδ’ ἄρ’ ἐφράσσαθ’ ἑὸν μόρον· ἦ γὰρ ἔμελλον ### book 10.330.1 κείνου ἀποφθιμένοιο καὶ αὐτῇ Κῆρες ἕπεσθαι ### book 10.330.2 ἐσσυμένως· ὣς γάρ οἱ ἐπέκλωσε〈ν〉 Διὸς Αἶσα. ### book 10.330.3 Τὸν δ’ ἄρ’ ἐπεσσύμενον λασίης ὑπὲρ ἄκριας Ἴδης ### book 10.332a οἶμον ἐς ἐσχατίην, ὅθι μιν μόρος αἰνὸς ἄγεσκε, ### book 10.333.1 λυγρὸν ἐπισκάζοντα καὶ ἀχνύμενον μέγα θυμῷ ### book 10.333.2 Ἥρη τ’ εἰσενόησε καὶ ἄμβροτον ἦτορ ἰάνθη, ### book 10.335 ἑζομένη κατ’ Ὄλυμπον, ὅπῃ Διὸς ἔπλετ’ ἀλωή· ### book 10.1 καί ῥά οἱ ἀμφίπολοι πίσυρες σχεδὸν ἑδριόωντο ### book 10.2 τάς ποτ’ ἄρ’ Ἠελίῳ χαροπὴ δμηθεῖσα Σελήνη ### book 10.3 γείνατ’ 〈ἀν’〉 οὐρανὸν εὐρὺν ἀτειρέας, οὐδὲν ὁμοίας ### book 10.4 ἀλλήλαις· μορφῇ δὲ διέκριθεν ἄλλη ἀπ’ ἄλλης. ### book 10.339 . . . . . . . . . . . . (desunt tres versus) . . . . . . . . . . . . ### book 10.340.1 ἡ δ’ ἑτέρη χειμῶνι καὶ Αἰγοκερῆι μέμηλε· ### book 10.340.2 τέτρασι γὰρ μοίρῃσι βροτῶν διαμείβεται αἰὼν ### book 10.340.3 ἃς κεῖναι ἐφέπουσιν ἀμοιβαδόν· ἀλλὰ τὰ μέν που ### book 10.340.4 αὐτῷ Ζηνὶ μέλοιτο κατ’ οὐρανόν. Αἳ δ’ ὀάριζον ### book 10.340.5 ὁππόσα λοίγιος Αἶσα περὶ φρεσὶν οὐλομένῃσι ### book 10.345.1 μήδετο, Τυνδαρίδος στυγερὸν γάμον ἐντύνουσα ### book 10.345.2 Δηιφόβῳ, καὶ μῆνιν ἀνιηρὴν Ἑλένοιο ### book 10.345.3 καὶ χόλον ἀμφὶ γυναικός, ὅπως τέ μιν υἷες Ἀχαιῶν ### book 10.345.4 ἤμελλον μάρψαντες ἐν ὑψηλοῖσιν ὄρεσσι ### book 10.345.5 χωόμενον Τρώεσσι θοὰς ἐπὶ νῆας ἄγεσθαι, ### book 10.1 ὥς τέ οἱ ἐννεσίῃσι κραταιοῦ Τυδέος υἱὸς ### book 10.2 ἑσπομένου Ὀδυσῆος ὑπὲρ μέγα τεῖχος ὀρούσας ### book 10.3 Ἀλκαθόῳ στονόεντα φέρειν ἤμελλεν ὄλεθρον ### book 10.4 ἁρπάξας ἐθέλουσαν ἐύφρονα Τριτογένειαν ### book 10.5 ἥ τ’ ἔρυμα πτόλιός τε καὶ αὐτῶν ἔπλετο Τρώων· ### book 10.355.1 οὐδὲ γὰρ οὐδὲ θεῶν τις ἀπειρέσιον χαλεπήνας ### book 10.355.2 ἔσθενεν ὄλβιον ἄστυ διαπραθέειν Πριάμοιο ### book 10.355.3 ἀθανάτης ἔμπροσθεν ἀκηδέος ἐμβεβαυίης· ### book 10.355.4 οὐδέ οἱ ἄμβροτον εἶδος ἐτεκτήναντο σιδήρῳ ### book 10.355.5 ἀνέρες, ἀλλά μιν αὐτὸς ἀπ’ Οὐλύμποιο Κρονίων ### book 10.360.1 κάββαλεν ἐς Πριάμοιο πολυχρύσοιο πόληα. ### book 10.360.2 Καὶ τὰ μὲν ὣς ὀάριζε Διὸς δάμαρ ἀμφιπόλοισιν ### book 10.360.3 ἄλλά τε πόλλ’ ἐπὶ τοῖσι· Πάριν δ’ ἄρα θυμὸς ἐν Ἴδῃ ### book 10.360.4 κάλλιπεν, οὐδ’ Ἑλένη μιν ἐσέδρακε νοστήσαντα. ### book 10.360.5 Ἀμφὶ δέ μιν Νύμφαι μέγ’ ἐκώκυον, οὕνεκ’ ἄρ’ αὐτοῦ ### book 10.365.1 εἰσέτι που μέμνηντο κατὰ φρένας ὅσσα πάροιθεν ### book 10.365.2 ἐξέτι νηπιάχοιο συναγρομένῃς ὀάριζε· ### book 10.365.3 σὺν δέ σφι〈ν〉 μύροντο βοῶν θοοὶ ἀγροιῶται ### book 10.365.4 ἀχνύμενοι κατὰ θυμόν· ἐπεστενάχοντο δὲ βῆσσαι. ### book 10.365.5 Καὶ τότε δὴ Πριάμοιο πολυτλήτοιο γυναικὶ ### book 10.370.1 δεινὸν Ἀλεξάνδροιο μόρον φάτο βουκόλος ἀνήρ. ### book 10.370.2 Τῆς δ’ ἄφαρ, ὡς ἐσάκουσε, τρόμῳ περιπάλλετο θυμός, ### book 10.370.3 γυῖα δ’ ὑπεκλάσθησαν· ἔπος δ’ ὀλοφύρατο τοῖον· ### book 10.370.4 «Ὤλεό μοι, φίλε τέκνον, ἐμοὶ δ’ ἐπὶ πένθε〈σ〉ι πένθος ### book 10.370.5 κάλλιπες αἰὲν ἄφυκτον, ἐπεὶ πολὺ φέρτατος ἄλλων ### book 10.375.1 παίδων ἔσκες ἐμεῖο μεθ’ Ἕκτορα. Τῶ νύ σε λυγρὴ ### book 10.375.2 κλαύσομαι, εἰς ὅ κέ μοι κραδίῃ 〈ἔνι〉 πάλλεται ἦτορ. ### book 10.375.3 Οὐ γὰρ ἄνευ μακάρων τάδε πάσχομεν, ἀλλά τις Αἶσα ### book 10.375.4 μήδετο λοίγια ἔργα· τὰ μὴ ὤφελλ’ ἐνόησα, ### book 10.375.5 ἀλλ’ ἔθανον προπάροιθεν ἐν εἰρήνῃ τε καὶ ὄλβῳ, ### book 10.380.1 ἐλπομένη καὶ ἔτ’ ἄλλα κακώτερα θηήσασθαι, ### book 10.380.2 παῖδας μὲν κταμένους, κεραϊζομένην δὲ πόληα ### book 10.380.3 καὶ πυρὶ δαιομένην Δαναῶν ὑπὸ καρτεροθύμων, ### book 10.380.4 σύν τε νυοὺς θύγατράς τε μετὰ Τρῳῇσι καὶ ἄλλαις ### book 10.380.5 ἑλκομένας ἅμα παισὶ δορυκτήτῳ ὑπ’ ἀνάγκῃ.» ### book 10.385 Ὣς φάτο κωκύουσα. Πόσις δέ οἱ οὔ τι πέπυστο· ### book 10 ἀλλ’ ὃ παρ’ Ἕκτορος ἧστο τάφῳ ἐπὶ δάκρυα χεύων· ### book 10.386a τὸν γὰρ δὴ τεκέων περὶ πάντων τῖε μάλιστα, ### book 10.387.1 οὕνεκ’ ἄριστος ἔην καὶ ἐρύετο δούρατι πάτρην· ### book 10.387.2 τοῦ πέρι πευκαλίμας ἀχέων φρένας οὔ τι πέπυστο. ### book 10.387.3 Ἀλλ’ Ἑλένη μάλα πολλὰ διηνεκέως γοόωσα, ### book 10.390.1 ἄλλα μὲν ἐν Τρώεσσιν ἀύτεεν, ἄλλα δέ οἱ κῆρ ### book 10.390.2 ἐν κραδίῃ μενέαινε· φίλον δ’ ἀνὰ θυμὸν ἔειπεν· ### book 10.390.3 «Ἆνερ, ἐμοὶ καὶ Τρωσὶ καὶ αὐτῷ 〈σ〉οὶ μέγα πῆμα, ### book 10.390.4 ὤλεο λευγαλέως· ἐμὲ δ’ ἐν στυγερῇ κακότητι ### book 10.390.5 κάλλιπες ἐλπομένην ὀλοώτερα πήματ’ ἰδέσθαι. ### book 10.395.1 Ὡς ὄφελόν μ’ Ἅρπυιαι ἀνηρείψαντο πάροιθεν, ### book 10.395.2 ὁππότε σοί 〈γ’〉 ἑπόμην ὀλοῇ ὑπὸ Δαίμονος Αἴσῃ. ### book 10.395.3 Νῦν δ’ ἄρα καὶ σοὶ πῆμα θεοὶ δόσαν ἠδ’ ἐμοὶ αὐτῇ ### book 10.395.4 αἰνομόρῳ· πάντες δέ μ’ ἀάσπετον ἐρρίγασι, ### book 10.395.5 πάντες δ’ ἐχθαίρουσιν ἐμὸν κέαρ, οὐδέ πῃ οἶδα ### book 10.1 ἐκφυγέειν· εἰ γάρ κε φύγω Δαναῶν ἐς ὅμιλον, ### book 10.2 αὐτίκ’ ἀεικίσσουσιν ἐμὸν δέμας· εἰ δέ κε μίμνω, ### book 10.3 Τρῳαὶ καὶ Τρῶές με περισταδὸν ἄλλοθεν ἄλλαι ### book 10.4 αἶψα διαρραίσουσι· νέκυν δ’ οὐ γαῖα καλύψει, ### book 10.5 ἀλλὰ κύνες δάψουσι καὶ οἰωνῶν θοὰ φῦλα. ### book 10.405 Ὡς ὄφελόν μ’ ἐδαμάσσαντο . . . . . . . . . . . . . . . . . ### book 10.405.1 . . . . . . . . . . . . . . . . . . , πάρος τάδε πήματ’ ἰδέσθαι.» ### book 10.405.2 Ὣς ἔφατ’ οὔ τι γοῶσα πόσιν τόσον ὁππόσον αἰνῆς ### book 10.405.3 μύρετ’ ἀλιτροσύνης μεμνημένη. Ἀμφὶ δὲ Τρῳαὶ ### book 10.1 ὡς κεῖνον στενάχοντο, μετὰ φρεσὶ δ’ ἄλλα μενοίνων, ### book 10.2 αἳ μὲν ὑπὲρ τοκέων μεμνημέναι, αἳ δὲ καὶ ἀνδρῶν, ### book 10.410.1 αἳ δ’ ἄρ’ ὑπὲρ παίδων, αἳ δὲ γνωτῶν ἐριτίμων. ### book 10.410.2 Οἴη δ’ ἐκ θυμοῖο δαΐζετο κυδαλίμοιο ### book 10.410.3 Οἰνώνη· ἀλλ’ οὔ τι μετὰ Τρῳῇσιν ἐοῦσα ### book 10.410.4 κώκυεν, ἀλλ’ ἀπάνευθεν ἐνὶ σφετέροισι μελάθροις ### book 10.410.5 κεῖτο βαρὺ στενάχουσα παλαιοῦ λέκτρον ἀκοίτεω. ### book 10.415.1 Οἵη δ’ ἐν ξυλόχοισι περιτρέφεται κρύσταλλος ### book 10.415.2 αἰπυτάτων ὀρέων, ἥ τ’ ἄγκεα πολλὰ παλύνει ### book 10.415.3 χευαμένη Ζεφύροιο καταιγίσιν, ἀμφὶ δὲ μακραὶ ### book 10.415.4 ἄκριες ὑδρηλῇσι κατειβόμεναι λιβάδεσσι ### book 10.415.5 δεύονθ’, ἣ δὲ νάπῃσιν ἀπειρεσίη περ ἐοῦσα ### book 10.420.1 πίδακος ἐσσυμένης κρυερὸν περιτήκεται ὕδωρ· ### book 10.420.2 ὣς ἥ γ’ ἀσχαλόωσα μέγα στυγερῇ ὑπ’ ἀνίῃ ### book 10.420.3 τήκετ’ ἀκηχεμένη πόσιος περὶ κουριδίοιο. ### book 10.420.4 Αἰνὰ δ’ ἀναστενάχουσα φίλον προσελέξατο θυμόν· ### book 10.420.5 «Ὤ μοι ἀτασθαλίης, ὤ μοι στυγεροῦ βιότοιο, ### book 10.425.1 ἣ πόσιν ἀμφαγάπησα δυσάμμορος ᾧ σὺν ἐώλπειν ### book 10.425.2 γήραϊ τειρομένη περ ἐπὶ κλυτὸν οὐδὸν ἱκέσθαι ### book 10.425.3 αἰὲν ὁμοφρονέουσα· θεοὶ δ’ ἑτέρως ἐβάλοντο. ### book 10.425.4 Ὥς μ’ ὄφελόν ποτε Κῆρες ἀνηρείψαντο μέλαιναι, ### book 10.425.5 ὁππότε νόσφιν ἔμελλον Ἀλεξάνδροιο πέλεσθαι. ### book 10.430.1 Ἀλλὰ καὶ εἰ ζωός μ’ ἔλιπεν, μέγα τλήσομαι ἔργον ### book 10.430.2 ἀμφ’ αὐτῷ θανέειν, ἐπεὶ οὔ τί μοι εὔαδεν ἠώς.» ### book 10.430.3 Ὣς φαμένης ἐλεεινὰ κατὰ βλεφάρων ἐχέοντο ### book 10.1 δάκρυα, κουριδίοιο 〈δ’〉 ἀναπλήσαντος ὄλεθρον ### book 10.2 μνωομένη, ἅτε κηρὸς ὑπαὶ πυρί, τήκετο λάθρῃ ### book 10.435.1 (ἅζετο γὰρ πατέρα σφὸν ἰδ’ ἀμφιπόλους εὐπέπλους), ### book 10.435.2 μέχρις ἐπὶ χθόνα δῖαν ἀπ’ εὐρέος Ὠκεανοῖο ### book 10.435.3 νὺξ ἐχύθη, μερόπεσσι λύσιν καμάτοιο φέρουσα. ### book 10.435.4 Καὶ τότ’ ἄρ’ ὑπνώοντος ἐνὶ μεγάροισι τοκῆος ### book 10.435.5 καὶ δμώων, πυλεῶνας ἀναρρήξασα μελάθρων ### book 10.440.1 ἔκθορεν ἠύτ’ ἄελλα· φέρον δέ μιν ὠκέα γυῖα. ### book 10.440.2 Ὡς δ’ ὅτ’ ἀν’ οὔρεα πόρτιν ἐρασσαμένην μέγα ταύρου ### book 10.440.3 θυμὸς ἐποτρύνει ποσὶ καρπαλίμοισι φέρεσθαι ### book 10.440.4 ἐσσυμένως, ἣ δ’ οὔ τι λιλαιομένη φιλότητος ### book 10.440.5 ταρβεῖ βουκόλον ἄνδρα, φέρει δέ μιν ἄσχετος ὁρμή, ### book 10.445.1 εἴ που ἐνὶ ξυλόχοισιν ὁμήθεα ταῦρον ἴδοιτο· ### book 10.445.2 ὣς ἣ ῥίμφα θέουσα διήνυε μακρὰ κέλευθα ### book 10.445.3 διζομένη τάχα ποσσὶ πυρῆς ἐπιβήμεναι αἰνῆς. ### book 10.445.4 Οὐδέ τί οἱ κάμε γούνατ’, ἐλαφρότεροι δ’ ἐφέροντο ### book 10.445.5 ἐσσυμένης πόδες αἰέν· ἔπειγε γὰρ οὐλομένη Κὴρ ### book 10.1 καὶ Κύπρις. Οὐδέ τι θῆρας ἐδείδιε λαχνήεντας ### book 10.2 ἀντομένη ὑπὸ νύκτα, πάρος μέγα πεφρικυῖα. ### book 10.3 Πᾶσα δέ οἱ λασίων ὀρέων ἐστείβετο πέτρη ### book 10.4 καὶ κρημνοί, πᾶσαι δὲ διεπρήσσοντο χαράδραι. ### book 10.5 Τὴν δέ που εἰσορόωσα τόθ’ ὑψόθε δῖα Σελήνη ### book 10.455.1 μνησαμένη κατὰ θυμὸν ἀμύμονος Ἐνδυμίωνος ### book 10.455.2 πολλὰ μάλ’ ἐσσυμένην ὀλοφύρετο καί οἱ ὕπερθε ### book 10.455.3 λαμπρὸν παμφανόωσα μακρὰς ἀνέφαινε κελεύθους. ### book 10.1 Ἵκετο δ’ ἐμμεμαυῖα δι’ οὔρεος, ἧχι καὶ ἄλλαι ### book 10.2 Νύμφαι Ἀλεξάνδροιο νέκυν περικωκύεσκον. ### book 10.460.1 Τὸν δ’ ἔτι που κρατερὸν πῦρ ἄμπεχεν, οὕνεκ’ ἄρ’ αὐτῷ ### book 10.460.2 μηλονόμοι ξυνιόντες ἀπ’ οὔρεος ἄλλοθεν ἄλλοι ### book 10.460.3 ὕλην θεσπεσίην παρενήνεον, ἦρα φέροντες ### book 10.460.4 ὑστατίην καὶ πένθος ὁμῶς ἑτάρῳ καὶ ἄνακτι, ### book 10.460.5 κλαίοντες μάλα πολλὰ περισταδόν. Ἣ δέ μιν οὔ τι, ### book 10.465.1 ἀμφαδὸν ὡς ἄθρησε, γοήσατο τειρομένη περ, ### book 10.465.2 ἀλλὰ καλυψαμένη πέρι φάρεϊ καλὰ πρόσωπα ### book 10.465.3 αἶψα πυρῇ ἐνέπαλτο. Γόον δ’ ἄρα πουλὺν ὄρινε· ### book 10.465.4 καίετο δ’ ἀμφὶ πόσει· Νύμφαι δέ μιν ἄλλοθεν ἄλλαι ### book 10.465.5 θάμβεον, εὖτ’ ἐσίδοντο μετ’ ἀνέρι πεπτηυῖαν· ### book 10.470.1 καί τις ἑὸν κατὰ θυμὸν ἔπος ποτὶ τοῖον ἔειπεν· ### book 10.470.2 «Ἀτρεκέως Πάρις ἦεν ἀτάσθαλος, ὃς μάλα κεδνὴν ### book 10.470.3 κάλλιπε κουριδίην καὶ ἀνήγαγε μάργον ἄκοιτιν, ### book 10.470.4 οἷ αὐτῷ καὶ Τρωσὶ καὶ ἄστεϊ λοίγιον ἄλγος, ### book 10.470.5 νήπιος· οὐδ’ ἀλόχοιο περίφρονος ἅζετο θυμὸν ### book 10.475.1 τειρομένης, ἥ πέρ μιν ὑπὲρ φάος ἠελίοιο ### book 10.475.2 καί περ ἀπεχθαίροντα καὶ οὐ φιλέοντα τίεσκεν.» ### book 10.475.3 Ὣς ἄρ’ ἔφη Νύμφη τις ἀνὰ φρένας· οἳ δ’ ἐνὶ μέσσῃ ### book 10.475.4 πυρκαϊῇ καίοντο λελασμένοι ἠριγενείης. ### book 10.475.5 Ἀμφὶ δὲ βουκόλοι ἄνδρες ἐθάμβεον, εὖτε πάροιθεν ### book 10.480.1 Ἀργεῖοι θάμβησαν ἀολλέες ἀθρήσαντες ### book 10.480.2 Εὐάδνην Καπανῆος ἐπεκχυμένην μελέεσσιν ### book 10.480.3 ἀμφὶ πόσιν δμηθέντα Διὸς στονόεντι κεραυνῷ. ### book 10.1 Ἀλλ’ ὅτε δ’ ἀμφοτέρους ὀλοὴ πυρὸς ἤνυσε ῥιπὴ ### book 10.2 Οἰνώνην τε Πάριν τε, μιῇ δ’ ὑποκάββαλε τέφρῃ, ### book 10.485.1 δὴ τότε πυρκαϊὴν οἴνῳ σβέσαν, ὀστέα δ’ αὐτῶν ### book 10.485.2 χρυσέῳ ἐν κρητῆρι θέσαν. Περὶ δέ σφισι σῆμα ### book 10.485.3 ἐσσυμένως τεύξαντο, θέσαν δ’ ἄρα δοιὼ ὕπερθε ### book 10.485.4 στήλας αἵ περ ἔασι τετραμμέναι ἄλλυδις ἄλλη, ### book 10 ζῆλον ἐπ’ ἀλλήλοισιν ἔτι στονόεντα φέρουσαι. ### book 11.1.1 Τρῳαὶ δὲ στενάχοντο κατὰ πτόλιν οὐδ’ ἐδύναντο ### book 11.1.2 ἐλθέμεναι ποτὶ τύμβον, ἐπεὶ μάλα τηλόθ’ ἔκειτο ### book 11.1.3 ἄστεος αἰπεινοῖο· νέοι δ’ ἔκτοσθε πόληος ### book 11.1.4 νωλεμέως πονέοντο, μάχη δ’ οὐ λῆγε φόνοιο, ### book 11.5.1 καί περ Ἀλεξάνδροιο δεδουπότος, οὕνεκ’ Ἀχαιοὶ ### book 11.5.2 Τρωσὶν ἐπεσσεύοντο ποτὶ πτόλιν, οἳ δὲ καὶ αὐτοὶ ### book 11.5.3 τείχεος ἤιον ἐκτός· ἐπεί σφεας ἦγεν ἀνάγκη. ### book 11.5.4 Ἐν γὰρ δὴ μέσσοισιν Ἔρις στονόεσσά τ’ Ἐνυὼ ### book 11.5.5 στρωφῶντ’, ἀργαλέῃσιν Ἐριννύσιν εἴκελαι ἄντην, ### book 11.10.1 ἄμφω ἀπὸ στομάτων ὀλοὸν πνείουσαι ὄλεθρον· ### book 11.10.2 ἀμφ’ αὐτοῖσι δὲ Κῆρες ἀναιδέα θυμὸν ἔχουσαι ### book 11.10.3 ἀργαλέως μαίνοντο. Φόβος δ’ ἑτέρωθε καὶ Ἄρης ### book 11.10.4 λαοὺς ὀτρύνεσκον· ἐφέσπετο δέ σφισι Δεῖμος ### book 11.10.5 φοινήεντι λύθρῳ πεπαλαγμένος, ὄφρά ἑ φῶτες ### book 11.15.1 οἳ μὲν καρτύνωνται ὁρώμενοι, οἳ δὲ φέβωνται. ### book 11.15.2 Πάντῃ δ’ αἰγανέαι τε καὶ ἔγχεα καὶ βέλε’ ἀνδρῶν ### book 11.15.3 ἄλλυδις ἄλλα χέοντο κακοῦ μεμαῶτα φόνοιο· ### book 11.15.4 ἀμφὶ δ’ ἄρά σφισι δοῦπος ἐρειδομένοισιν ὀρώρει, ### book 11.15.5 μαρναμένων ἑκάτερθε κατὰ φθισήνορα χάρμην. ### book 11.20.1 Ἔνθ’ ἄρα Λαοδάμαντα Νεοπτόλεμος κατέπεφνεν, ### book 11.20.2 ὃς τράφη ἐν Λυκίῃ Ξάνθου 〈παρὰ〉 καλὰ ῥέεθρα, ### book 11.20.3 ὅν ποτ’ ἐριγδούποιο Διὸς δάμαρ ἀνθρώποισι ### book 11.20.4 Λητὼ δῖ’ ἀνέφηνεν ἀναρρήξασα χέρεσσι ### book 11.20.5 τρηχὺ πέδον Λυκίης ἐρικυδέος, ὁππόθ’ ἑοῖο ### book 11.25.1 δάμναθ’ ὑπ’ ὠδίνεσσι πολυτλήτοισιν ἀνίη ### book 11.25.2 θεσπεσίου τοκετοῖο, ὅσην ὠδῖνες ἔγειρον. ### book 11.25.3 Τῷ δ’ ἐπὶ Νῖρον ὄλεσσε βαλὼν ἀνὰ δηιοτῆτα ### book 11.25.4 δουρὶ διὰ γναθμοῖο, πέρησε δ’ ἀνὰ στόμα χαλκὸς ### book 11.25.5 γλῶσσαν ἔτ’ αὐδήεσσαν· ὃ δ’ ἔγχεος ἄσχετον αἰχμὴν ### book 11.30.1 ἄμπεχε βεβρυχώς, περὶ δ’ ἔρρεεν αἷμα γένυσσι ### book 11.30.2 φθεγγομένου· καὶ τὸν μὲν ὑπὸ κρατερῆς χερὸς ἀλκῇ ### book 11.30.3 ἐγχείη στονόεσσα ποτὶ χθονὸς οὖδας ἔρεισε ### book 11.30.4 δευόμενον θυμοῖο. Βάλεν δ’ Εὐήνορα δῖον ### book 11.30.5 τυτθὸν ὑπὲρ λαπάρην, διὰ δ’ ἤλασεν ἐς μέσον ἧπαρ ### book 11.35.1 αἰχμήν· τῷ δ’ ἀλεγεινὸς ἄφαρ συνέκυρσεν ὄλεθρος. ### book 11.35.2 Εἷλε δ’ ἄρ’ Ἰφιτίωνα καὶ Ἱππομέδοντα δάμασσε ### book 11.35.3 Μαινάλου ὄβριμον υἷα τὸν Ὠκυρόη τέκε Νύμφη ### book 11.35.4 Σαγγαρίου ποταμοῖο παρὰ ῥόον· οὐδέ νυ τόν γε ### book 11.35.5 δέξατο νοστήσαντα· κακαὶ δέ 〈ἑ〉 Κῆρες ἄμερσαν ### book 11.40.1 παιδὸς ἀνιηραί, μέγα δ’ υἱέος ἔλλαβε πένθος. ### book 11.40.2 Αἰνείας δὲ Βρέμοντα καὶ Ἀνδρόμαχον κατέπεφνεν, ### book 11.40.3 ὃς τράφη ἐν Κνωσσῷ, ὃ δ’ ἄρα ζαθέῃ ἐνὶ Λύκτῳ· ### book 11.40.4 ἄμφω δ’ εἰς ἕνα χῶρον ἀπ’ ὠκυπόδων πέσον ἵππων· ### book 11 καί ῥ’ ὃ μὲν ἀσπαίρεσκε πεπαρμένος ἔγχεϊ μακρῷ ### book 11.45.1 λαιμόν, ὃ δ’ ἀλγινόεντος ἀνὰ κροτάφοιο θέμεθλα ### book 11.45.2 χερμαδίῳ στονόεντι μάλα κρατερῆς ἀπὸ χειρὸς ### book 11.45.3 βλήμενος ἐκπνείεσκε, μέλας δέ μιν ἄμπεχε πότμος. ### book 11.45.4 Ἵπποι δ’ ἐπτοίηντο καὶ ἡνιόχων ἀπάνευθε ### book 11.45.5 φεύγοντες πολλοῖσιν ἐνεπλάζοντο νέκυσσι· ### book 11.1 καὶ τοὺς μὲν θεράποντες ἀμύμονος Αἰνείαο ### book 11.2 μάρψαντες κεχάροντο φίλῃ περὶ ληίδι θυμόν. ### book 11.3 Ἂν δὲ Φιλοκτήτης ὀλοῷ βάλε Πύρασον ἰῷ ### book 11.4 φεύγοντ’ ἐκ πολέμοιο· διέθρισε δ’ ἀγκύλα νεῦρα ### book 11.5 γούνατος ἐξόπιθεν, κατὰ δ’ ἔκλασεν ἀνέρος ὁρμήν. ### book 11.55.1 Καὶ τὸν μὲν Δαναῶν τις ὅτ’ ἔδρακε γυιωθέντα, ### book 11.55.2 ἐσσυμένως 〈ἀπ〉άμερσε καρήατος ἄορι τύψας ### book 11.55.3 ἀλγινόεντα τένοντα· 〈κ〉όλον δ’ ὑπεδέξατο γαῖα ### book 11.55.4 σῶμα· κάρη δ’ ἀπάτερθε κυλινδομένη πεφόρητο ### book 11.55.5 ἱεμένου φωνῆς· ταχέως δ’ ἅμ’ ἀπέπτατο θυμός. ### book 11.60.1 Πουλυδάμας δὲ Κλέωνα καὶ Εὐρύμαχον βάλε δουρί, ### book 11.60.2 οἳ Σύμηθεν ἵκανον ὑπὸ Νιρῆι ἄνακτι, ### book 11.60.3 ἄμφω ἐπιστάμενοι δόλον ἰχθύσι μητίσασθαι ### book 11.60.4 αἰνὸν ὑπ’ ἀγκίστροιο, βαλεῖν δέ τε εἰς ἅλα δῖαν ### book 11.60.5 δίκτυα καὶ παλάμῃσι περιφραδέως ἀπὸ νηὸς ### book 11.65.1 ἰθὺ καὶ αἶψα τρίαιναν ἐπ’ ἰχθύσι νωμήσασθαι· ### book 11.65.2 ἀλλ’ οὔ σφιν τότε πῆμα θαλάσσια ἤρκεσαν ἔργα. ### book 11.1 Εὐρύπυλος δὲ μενεπτόλεμος βάλε φαίδιμον Ἕλλον ### book 11.2 τόν ῥα παρὰ λίμνῃ Γυγαίῃ γείνατο μήτηρ ### book 11.3 Κλειτὼ καλλιπάρηος· ὃ δ’ ἐν κονίῃσι τανύσθη ### book 11.70 πρηνής· τοῦ δ’ ἀπάτερθεν ὁμῶς δόρυ κάππεσε μακρόν. ### book 11.70.1 (desunt plures versus) ### book 11.70.2 ὤμου ἀπὸ βριαροῖο κεκομμένη ἄορι λυγρῷ ### book 11.70.3 χεὶρ ἔτι μαιμώωσα ποτὶ κλόνον ἔγχος ἀεῖραι ### book 11.70.4 μαψιδίως· οὐ γάρ μιν ἀνὴρ εἰς ἔργον ἐνώμα, ### book 11.70.5 ἀλλ’ αὕτως ἤσπαιρεν, ἅτε βλοσυροῖο δράκοντος ### book 11.75.1 οὐρὴ ἀποτμηθεῖς’ ἀναπάλλεται οὐδέ οἱ ἀλκὴ ### book 11.75.2 ἕσπεται ἐς πόνον αἰπύν, ἵνα χραύσαντα δαΐξῃ· ### book 11.75.3 ὣς ἄρα δεξιτερὴ κρατερόφρονος ἀνδρὸς ἐς αἰχμὴν ### book 11.75.4 ὥρμαινεν πονέεσθαι· ἀτὰρ μένος οὐκέτ’ ὀπήδει. ### book 11.75.5 Αὐτὰρ Ὀδυσσεὺς Αἶνον ἐνήρατο καὶ Πολύιδον ### book 11.80.1 ἄμφω Κητείους, τὸν μὲν δορί, τὸν δ’ ἀλεγεινῷ ### book 11.80.2 ἄορι δῃώσας. Σθένελος δ’ ἕλε δῖον Ἄβαντα ### book 11.80.3 αἰγανέην προϊείς· ἣ δ’ ἀσφαράγοιο διὰ πρὸ ### book 11.80.4 ἐσσυμένη ἀλεγεινὸν ἐς ἰνίον ἦλθε τένοντος· ### book 11.80.5 λῦσε δ’ ἄρ’ ἀνέρος ἦτορ, ὑπέκλασε δ’ ἅψεα πάντα. ### book 11.85.1 Τυδείδης δ’ ἕλε Λαόδοκον, Μέλιον δ’ Ἀγαμέμνων, ### book 11.85.2 Δηίφοβος δὲ Δρύαντα καὶ Ἄλκιμον. Αὐτὰρ Ἀγήνωρ ### book 11.85.3 Ἵππασον ἐξενάριξεν ἀγακλειτόν περ ἐόντα ### book 11.85.4 ὅς ῥ’ ἀπὸ Πηνειοῦ ποταμοῦ κίεν· οὐδ’ ἐρατεινὰ ### book 11 θρέπτα τοκεῦσιν ἔδωκεν, ἐπεί ῥά μιν ἔκλασε δαίμων. ### book 11.90.1 Ἂν δὲ Θόας ἐδάμασσε Λάμον καὶ ἀγήνορα Λύγκον, ### book 11.90.2 Μηριόνης δὲ Λύκωνα, καὶ Ἀρχέλοχον Μενέλαος, ### book 11.90.3 ὅς ῥά τε Κωρυκίην ὑπὸ δειράδα ναιετάεσκε ### book 11.90.4 πέτρην θ’ Ἡφαίστοιο περίφρονος ἥ τε βροτοῖσι ### book 11.90.5 θαῦμα πέλει· δὴ γάρ οἱ ἐναίθεται ἀκάματον πῦρ ### book 11.95.1 ἄσβεστον νυκτός τε καὶ ἤματος· ἀμφὶ δ’ ἄρ’ αὐτῷ ### book 11.95.2 φοίνικες θαλέουσι, φέρουσι δ’ ἀπείρονα καρπόν, ### book 11.95.3 ῥίζης καιομένης ἅμα λάεσιν· ἀλλὰ τὸ μέν που ### book 11.95.4 ἀθάνατοι τεύξαντο καὶ ἐσσομένοισιν ἰδέσθαι. ### book 11.95.5 Τεῦκρος δ’ Ἱππομέδοντος ἀμύμονος υἷα Μενοίτην ### book 11.1 ἐσσυμένως ὥρμαινε βαλεῖν ἐπιόντα βελέμνῳ· ### book 11.2 καί ῥα νόῳ καὶ χερσὶ καὶ ὄμμασιν ἰθύνεσκεν ### book 11.3 ἰὸν ἀπὸ γναμπτοῖο κεράατος. Ὃς 〈δ’〉 ἀλεγεινὸς ### book 11.4 ἆλτο θοῆς ἀπὸ χειρὸς ἐς ἀνέρα· τῷ δ’ ὑπὸ νευρὴ ### book 11.5 εἰσέτι που κανάχιζεν· ὃ δ’ ἀντίον ἀσπαίρεσκε ### book 11.105.1 βλήμενος, οὕνεκα Κῆρες ὁμῶς φορέοντο βελέμνῳ ### book 11.105.2 καίριον ἐς κραδίην, ὅθι περ νόος ἕζετ〈αι〉 ἀνδρῶν ### book 11.105.3 καὶ μένος, ὀτραλέαι δὲ ποτὶ μόρον εἰσὶ κέλευθοι. ### book 11.105.4 Εὐρύαλος δ’ ἄρα πολλὸν ἀπὸ στιβαρῆς βάλε χειρὸς ### book 11.105.5 λᾶα μέγαν, Τρώων δὲ θοὰς ἐλέλιξε φάλαγγας. ### book 11.110.1 Ὡς δ’ ὅτε τις γεράνοισι τανυφθόγγοισι χολωθεὶς ### book 11.110.2 οὖρος ἀνὴρ πεδίοιο μέγ’ ἀσχαλόων ἐπ’ ἀρούρῃ ### book 11.110.3 δινήσας περὶ κρατὶ θοῶς καλὰ νεῦρα βόεια ### book 11.110.4 λᾶα βάλῃ κατέναντα, διασκεδάσῃ δ’ ὑπὸ ῥοίζῳ ### book 11 ἠέρι πεπταμένας δολιχὰς στίχας, αἳ δὲ φέβονται, ### book 11.115.1 ἄλλη δ’ εἰς ἑτέρην εἰλεύμεναι ἀίσσουσι ### book 11.115.2 κλαγγηδόν, μάλα πάγχυ πάρος κατὰ κόσμον ἰοῦσαι· ### book 11.115.3 ὣς ἄρα δυσμενέες φοβερὸν βέλος ἀμφεφόβηθεν ### book 11.115.4 ὀβρίμου Εὐρυάλοιο· τὸ δ’ οὐχ ἅλιον φέρε δαίμων, ### book 11.115.5 ἀλλ’ ἄρα σὺν πήληκι κάρη κρατεροῖο Μέλητος ### book 11.120.1 θλάσσε περὶ πληγῇσι· μόρος δ’ ἐκίχανεν ἀρητός. ### book 11.120.2 Ἄλλος δ’ ἄλλον ἔπεφνε, περιστεναχίζετο δ’ αἶα. ### book 11.120.3 Ὡς δ’ ὅτ’ ἐπιβρίσαντος ἀπειρεσίου ἀνέμοιο ### book 11.120.4 λάβρον ὑπὸ ῥιπῆς βαρυηχέος ἄλλυδις ἄλλα ### book 11.120.5 δένδρεα μακρὰ πέσῃσιν ὑπ’ ἐκ ῥιζῶν ἐριπόντα ### book 11.125.1 ἄλσεος εὐρυπέδοιο, βρέμει δέ τε πᾶσα περὶ χθών· ### book 11.125.2 ὣς οἵ γ’ ἐν κονίῃσι πέσον, κανάχησε δὲ τεύχη ### book 11.125.3 ἄσπετον, ἀμφὶ δὲ γαῖα μέγ’ ἔβραχεν. Οἳ δὲ κυδοιμοῦ ### book 11.125.4 ἀργαλέου μνώοντο, μετὰ σφίσι πῆμα τιθέντες. ### book 11.125.5 Καὶ τότ’ ἄρ’ Αἰνείαο μόλε σχεδὸν ἠὺς Ἀπόλλων ### book 11.130.1 ἠδ’ Ἀντηνορίδαο δαΐφρονος Εὐρυμάχοιο· ### book 11.130.2 οἳ γὰρ δὴ μάρναντο πολυσθενέεσσιν Ἀχαιοῖς ### book 11.130.3 ἄγχι μάλ’ ἑσταότες κατὰ φύλοπιν, εὖθ’ ὑπ’ ἀπήνῃ ### book 11.130.4 δοιοὶ ὁμηλικίη κρατεροὶ βόες, οὐδ’ ἀπέληγον ### book 11.130.5 ὑσμίνης. Τοῖς δ’ αἶψα θεὸς ποτὶ μῦθον ἔειπε, ### book 11.135 μάντι ἐειδόμενος Πολυμήστορι τόν ποτε μήτηρ ### book 11.1 γείνατ’ ἐπὶ Ξάνθοιο ῥοῇς θεράπονθ’ Ἑκάτοιο· ### book 11.2 «Εὐρύμαχ’ Αἰνεία τε, θεῶν γένος, οὔ τι ἔοικεν ### book 11.3 ὑμέας Ἀργείοισιν ὑπεικέμεν· οὐδὲ γὰρ αὐτὸς ### book 11.4 ὔμμιν ὑπαντιάσας κεχαρήσεται ὄβριμος Ἄρης, ### book 11.140.1 ἢν ἐθέλητε μάχεσθαι ἀνὰ κλόνον, οὕνεκα Μοῖραι ### book 11.140.2 μακρὸν ἐπ’ ἀμφοτέροισι βίου τέλος ἐκλώσαντο.» ### book 11.140.3 Ὣς εἰπὼν ἀνέμοισι μίγη καὶ ἄιστος ἐτύχθη· ### book 11.140.4 οἳ δὲ νόῳ φράσσαντο θεοῦ μένος. Αἶψα δ’ ἄρ’ αὐτοῖς ### book 11.140.5 θάρσος ἀπειρέσιον κατεχεύατο, μαίνετο δέ σφι ### book 11.145.1 θυμὸς ἐνὶ στήθεσσι· καὶ ἔνθορον Ἀργείοισιν, ### book 11.145.2 ἀργαλέοις σφήκεσσιν ἐοικότες οἵ τ’ ἀλεγεινὸν ### book 11.145.3 ἐκ θυμοῦ κοτέοντες ἐπιβρίσωσι μελίσσαις, ### book 11.145.4 εὖτε περὶ σταφυλῇς αὐαινομένῃς ἐν ὀπώρῃ ### book 11.145.5 ἐρχομένας ἐσίδωσιν ἢ ἐκ σίμβλοιο θορούσας· ### book 11.1 ὣς ἄρα Τρώιοι υἷες ἐυπτολέμοισιν Ἀχαιοῖς ### book 11.2 ἔνθορον ἐσσυμένως. Κεχάροντο δὲ Κῆρες ἐρεμναὶ ### book 11.3 μαρναμένων, ἐγέλασσε δ’ Ἄρης, ἰάχησε δ’ Ἐνυὼ ### book 11.4 σμερδαλέον· μέγα δέ σφιν ἐπέβραχεν αἰόλα τεύχη. ### book 11.5 Οἳ δ’ ἄρα δυσμενέων ἀπερείσια φῦλα δάιζον ### book 11.155.1 χερσὶν ἀμαιμακέτῃσι· κατηρείποντο δὲ λαοὶ ### book 11.155.2 αὕτως, ἠύτ’ ἄμαλλα θέρευς δυσθαλπέος ὥρῃ, ### book 11.155.3 ἥν ῥά τ’ ἐπισπέρχωσι θοοὶ χέρας ἀμητῆρες ### book 11.155.4 δασσάμενοι κατ’ ἄρουραν ἀπείρονα μακρὰ πέλεθρα· ### book 11.155.5 ὣς ἄρα τῶν ὑπὸ χερσὶ κατηρείποντο φάλαγγες ### book 11.160 μυρίαι· ἀμφὶ δὲ γαῖα νεκρῶν περιπεπληθυῖα ### book 11.1 αἵματι πλημμύρεσκεν· Ἔρις δ’ ἄρ’ ἰαίνετο θυμῷ ### book 11.2 ὀλλυμένων. Οἳ δ’ οὔ τι κακοῦ παύοντο μόθοιο, ### book 11.3 ἀλλ’ ἅτε μῆλα λέοντες ἀπηνέες . . . . . . . . . . . . . . . . . . . ### book 11.163.1 . . . . . . . . . . . . . . . . . . . . . . . . . οἳ δ’ ἄρα φύζης ### book 11.163.2 λευγαλέης μνώοντο καὶ ἐξ ὀλοοῦ πολέμοιο ### book 11.165.1 φεῦγον, ὅσοις ἀδάικτον ἔτι σθένος ἐν ποσὶ κεῖτο. ### book 11.165.2 Υἱὸς δ’ Ἀγχίσαο δαΐφρονος αἰὲν ὀπήδει ### book 11.165.3 δυσμενέων μετόπισθεν ὑπ’ ἔγχεϊ νῶτα δαΐζων, ### book 11.165.4 Εὐρύμαχος δ’ ἑτέρωθεν· ἰαίνετο δ’ ἄμβροτον ἦτορ ### book 11.165.5 ὑψόθεν εἰσορόωντος Ἰηίου Ἀπόλλωνος. ### book 11.170.1 Ὡς δ’ ὅτε τις σιάλοισιν ἀνὴρ ἐς λήιον αὖον ### book 11.170.2 ἐρχομένοις, πρὶν ἄμαλλαν ὑπ’ ἀμητῆρσι δαμῆναι, ### book 11.170.3 ἀντί’ ἐπισσεύῃ κρατεροὺς κύνας, οἳ δ’ ὁρόωντες ### book 11.170.4 ἐσσυμένους τρομέουσι, καὶ οὐκέτι μέμβλεται αὐτοῖς ### book 11.170.5 εἴδατος, ἀλλὰ τρέπονται ἀνιηρὴν ἐπὶ φύζαν ### book 11.175.1 πανσυδίῃ, τοὺς δ’ αἶψα κύνες κατὰ ποσσὶ κιχόντες ### book 11.175.2 ἐξόπιθεν δάπτουσιν ἀμείλιχα, τοὶ δὲ φέβονται ### book 11.175.3 μακρὸν ἀνιύζοντες, ἄναξ δ’ ἐπιτέρπετ’ ἀρούρης· ### book 11.175.4 ὣς ἄρ’ ἰαίνετο Φοῖβος, ὅτ’ ἔδρακεν ἐκ πολέμοιο ### book 11.175.5 φεύγοντ’ Ἀργείων πουλὺν στρατόν. Οὐ γὰρ ἔτ’ αὐτοῖς ### book 11.180.1 ἔργ’ ἀνδρῶν μεμέληντο· πόδας δ’ εὔχοντο θεοῖσιν ### book 11.180.2 ὦκα φέρειν· μούνοις γὰρ ἔτ’ ἐν ποσὶν ἔπλετο νόστου ### book 11.180.3 ἐλπωρή· πάντας γὰρ ἐπήιεν ἔγχεϊ θύων ### book 11.180.4 Εὐρύμαχός τε καὶ Αἰνείας, σὺν δέ σφιν ἑταῖροι. ### book 11 Ἔνθά τις Ἀργείων, ἢ κάρτεϊ πάγχυ πεποιθώς, ### book 11.185.1 ἢ Μοίρης ἰότητι λιλαιομένης μιν ὀλέσσαι, ### book 11.185.2 φεύγοντ’ ἐκ πολέμοιο δυσηχέος ἵππον ἔρυκε ### book 11.185.3 γνάμψαι ἐπειγόμενος ποτὶ φύλοπιν, ὄφρα μάχηται ### book 11.185.4 ἀντία δυσμενέων. Τὸν δ’ ὀβριμόθυμος Ἀγήνωρ ### book 11.185.5 παρφθάμενος μυῶνα κατ’ ἀλγινόεντα δάιξεν ### book 11.190.1 ἀμφιτόμῳ βουπλῆγι· βίῃ δ’ ὑπόειξε σιδήρου ### book 11.190.2 ὀστέον οὐταμένοιο βραχίονος· ἀμφὶ δὲ νεῦρα ### book 11.190.3 ῥηιδίως ἤμησε· φλέβες δ’ ὑπερέβλυσαν αἷμα. ### book 11.190.4 Ἀμφεχύθη δ’ ἵπποιο κατ’ αὐχένος, αἶψα δ’ ἄρ’ αὐτὸς ### book 11.190.5 κάππεσεν ἀμφὶ νέκυσ〈σι〉· λίπε〈ν〉 δ’ ἄρα χεῖρα κραταιὴν ### book 11.195.1 στερρὸν ἔτ’ ἐμπεφυυῖαν ἐυγνάμπτοιο χαλινοῦ, ### book 11.195.2 οἷον ὅτε ζώοντος ἔην· μέγα δ’ ἔπλετο θαῦμα, ### book 11.195.3 οὕνεκα δὴ ῥυτῆρος ἀπεκρέμαθ’ αἱματόεσσα, ### book 11.195.4 Ἄρεος ἐννεσίῃσι φόβον δηίοισι φέρουσα· ### book 11.195.5 φαίης κεν χατέουσαν ἔθ’ ἱππασίης πονέεσθαι· ### book 11.1 σῆμα δέ μιν φέρεν ἵππος ἀποκταμένοιο ἄνακτος. ### book 11.2 Αἰνείας δ’ ἐδάμασσε βαλὼν ὑπὲρ ἰξύα δουρὶ ### book 11.3 Αἰθαλίδην· αἰχμὴ δὲ παρ’ ὀμφαλὸν ἐξεπέρησεν ### book 11.4 ἔγκατ’ ἐφελκομένη· ὃ δ’ ἄρ’ ἐν κονίῃσι τανύσθη ### book 11.5 συμμάρψας χείρεσσιν ὁμῶς χολάδεσσιν ἀκωκὴν ### book 11.205.1 δεινὰ μάλα στενάχων, γαίῃ δ’ ἐνέρεισεν ὀδόντας ### book 11.205.2 βεβρυχώς· ψυχὴ δὲ καὶ ἄλγεα κάλλιπον ἄνδρα. ### book 11.205.3 Ἀργεῖοι δὲ βόεσσιν ἐοικότες ἐπτοίηντο ### book 11.1 οὕς τ’ ἄμοτον μεμαῶτας ὑπὸ ζεύγλῃ καὶ ἀρότρῳ ### book 11.2 τύψῃ ὑπὸ λαπάρην ταναοῖς ὑπὸ χείλεσιν οἶστρος ### book 11.210.1 αἵματος ἱέμενος, τοὶ δ’ ἄσπετον ἀσχαλόωσιν ### book 11.210.2 ἔργου ἑκὰς φεύγοντες, ἐπὶ σφίσι δ’ ἄχνυται ἀνήρ, ### book 11.210.3 ἀμφότερον ποθέων τε πόνον τρομέων τ’ ἐπὶ βουσὶ ### book 11.210.4 μὴ δή που κατόπισθεν ἐπαΐσσοντος ἀρότρου ### book 11.210.5 κέρσῃ νεῦρα σίδηρος ἀμείλιχος ἐν ποσὶ κύρσας· ### book 11.215.1 ὣς Δαναοὶ φοβέοντο, περὶ σφίσι δ’ ἄχνυτο θυμὸν ### book 11.215.2 υἱὸς Ἀχιλλῆος· μέγα δ’ ἴαχε λαὸν ἐέργων· ### book 11.215.3 «Ἆ δειλοί, τί φέβεσθε, ἐοικότες οὐτιδανοῖσι ### book 11.215.4 ψήρεσιν οὕς τ’ ἐφόβησε μολὼν κατεναντία κίρκος; ### book 11.215.5 Ἀλλ’ ἄγε θέσθ’ ἕνα θυμόν, ἐπεὶ πολὺ λώιόν ἐστι ### book 11.220.1 τεθνάμεν ἐν πολέμῳ ἢ ἀνάλκιδα φύζαν ἑλέσθαι.» ### book 11.220.2 Ὣς φάτο· τοὶ δ’ ἐπίθοντο θρασὺν νόον ἐν φρεσὶ θέντες ### book 11.220.3 ἐσσυμένως. Ὃ δὲ Τρωσὶ μέγα φρονέων ἐνόρουσε ### book 11.220.4 πάλλων ἐν χείρεσσι θοὸν δόρυ· τῷ δ’ ἄρα λαοὶ ### book 11.220.5 Μυρμιδόνων ἐφέποντο βίην ἀτάλαντον ἀέλλῃ ### book 11.225.1 ἐν στέρνοισιν ἔχοντες· ἀνέπνευσαν δὲ κυδοιμοῦ ### book 11.225.2 Ἀργεῖοι. Ὃ δ’ ἄρ’ αἶψα φίλῳ πατρὶ θυμὸν ἐοικὼς ### book 11.225.3 ἄλλῳ ἐπ’ ἄλλον ἔπεφνε κατὰ μόθον· οἳ δ’ ἀπιόντες ### book 11.225.4 χάζοντ’, ἠύτε κύμα〈θ’ ἅ〉 τ’ ἐκ Βορέαο θυέλλης ### book 11.225.5 πόλλ’ ἐπιπαφλάζοντα κυλίνδεται αἰγιαλοῖσιν ### book 11.230.1 ὀρνύμεν’ ἐκ πόντοιο, τὰ δ’ ἔκποθεν ἄλλος ἀήτης ### book 11.230.2 ἀντίος ἀίξας μεγάλῃ περὶ λαίλαπι θύων ### book 11.1 ὦσεν ἀπ’ ἠιόνων Βορέου ἔτι βαιὸν ἀέντος· ### book 11.2 ὣς Τρῶας Δαναοῖσιν ἐποιχομένους τὸ πάροιθεν ### book 11.3 υἱὸς Ἀχιλλῆος θεοειδέος ὦσεν ὀπίσσω ### book 11.235.1 τυτθόν, ἐπεὶ μένος ἠὺ θρασύφρονος Αἰνείαο ### book 11.235.2 φευγέμεν οὐκ εἴασκε, μένειν δ’ ἀνὰ φύλοπιν αἰνὴν ### book 11.235.3 θαρσαλέως. Ἑκάτερθε δ’ ἴσην ἐτάνυσσεν Ἐνυὼ ### book 11.235.4 ὑσμίνην. Ἀλλ’ οὔ τι καταντίον Αἰνείαο ### book 11.235.5 υἱὸς Ἀχιλλῆος πῆλεν δόρυ πατρὸς ἑοῖο· ### book 11.240.1 ἀλλ’ ἄλλῃ τρέπε θυμόν, ἐπεὶ Θέτις ἀγλαόπεπλος ### book 11.240.2 ἁζομένη Κυθέρειαν ἀπέτραπεν υἱωνοῖο ### book 11.240.3 θυμὸν καὶ μέγα κάρτος ἐπ’ ἄλλων ἔθνεα λαῶν. ### book 11.242a Ἔνθ’ ὃ μὲν ἂρ Τρώων πολέας κτάνεν, ὃς δ’ ἄρ’ Ἀχαιῶν ### book 11.243.1 δάμνατο μυρία φῦλα. Δαϊκταμένων δ’ ἐνὶ χάρμῃ ### book 11.243.2 οἰωνοὶ κεχάροντο μεμαότες ἔγκατα φωτῶν ### book 11.245.1 δαρδάψαι καὶ σάρκας· ἐπεστενάχοντο δὲ Νύμφαι ### book 11.245.2 καλλιρόου Σιμόεντος ἰδὲ Ξάνθοιο θύγατρες. ### book 11.245.3 Καί ῥ’ οἳ μὲν πονέοντο· κόνιν δ’ ἀκάμαντες ἀῆται ### book 11.245.4 ὦρσαν ἀπειρεσίην· ἤχλυσε δὲ πᾶσαν ὕπερθεν ### book 11.245.5 ἠέρα θεσπεσίην, ὥς τ’ ἀπροτίοπτος ὀμίχλη, ### book 11.1 οὐδ’ ἄρα φαίνετο γαῖα, βροτῶν δ’ ἀμάθυνεν ὀπωπάς. ### book 11.2 Ἀλλὰ καὶ ὧς μάρναντο· καὶ ἐς χέρας ὅν τιν’ ἕλοντο ### book 11.3 κτεῖνον ἀνηλεγέως, εἰ καὶ μάλα φίλτατος ἦεν· ### book 11.4 οὐ γὰρ ἔην φράσσασθαι ἀνὰ κλόνον οὔτ’ ἐπιόντα ### book 11.5 δήιον οὔτ’ ἄρ’ ἑταῖρον· ἀμηχανίη δ’ ἔχε λαούς. ### book 11.255.1 Καί νύ κε μίγδ’ ἐγένοντο καὶ ἀργαλέως ἀπόλοντο ### book 11.255.2 πάντες ὁμῶς ὀλοοῖσι περὶ ξιφέεσσι πεσόντες ### book 11.255.3 ἀλλήλων, εἰ μή σφιν ἀπ’ Οὐλύμποιο Κρονίων ### book 11.255.4 ἤρκεσε τειρομένοισι, κόνιν δ’ ἀπάτερθεν ἔλασσεν ### book 11 ὑσμίνης, ὀλοὰς δὲ κατεπρήυνεν ἀέλλας. ### book 11.260.1 Οἳ δ’ ἔτι δηριόωντο· πόνος δ’ ἄρα τοῖσιν ἐτύχθη ### book 11.260.2 πολλὸν ἐλαφρότερος· δέρκοντο γὰρ εἴ τε δαΐξαι ### book 11.260.3 χρειὼ δήιον ἄνδρα κατὰ κλόνον, εἴ τ’ ἀλέασθαι. ### book 11.260.4 Καί ῥ’ ὁτὲ μὲν Δαναοὶ Τρώων ἀνέεργον ὅμιλον, ### book 11.260.5 ἄλλοτε δ’ αὖ Τρῶες Δαναῶν στίχας. Ἔπλετο δ’ αἰνὴ ### book 11.265.1 ὑσμίνη· νιφάδεσσι δ’ ἐοικότα πῖπτε βέλεμνα ### book 11.265.2 ἀμφοτέρωθεν ἰόντα. Δέος δ’ ἔχε μηλοβοτῆρας ### book 11.265.3 ἔκποθεν Ἰδαίων ὀρέων ὁρόωντας ἀυτήν· ### book 11.265.4 καί τις ἐς αἰθέρα χεῖρας ἐπουρανίοισιν ἀείρων ### book 11.265.5 εὔχετο δυσμενέας μὲν ὑπ’ Ἄρεϊ πάντας ὀλέσθαι, ### book 11.270.1 Τρῶας δὲ στονόεντος ἀναπνεῦσαι πολέμοιο ### book 11.270.2 ἦμάρ τ’ εἰσιδέειν ποτ’ ἐλεύθερον. Ἀλλά οἱ οὔ τι ### book 11.270.3 ἔκλυον· Αἶσα γὰρ ἄλλα πολύστονος ὁρμαίνεσκεν· ### book 11.270.4 ἅζετο δ’ οὔτε Ζῆνα πελώριον οὔτέ τιν’ ἄλλον ### book 11.270.5 ἀθανάτων· οὐ γάρ τι μετατρέπεται νόος αἰνὸς ### book 11.275.1 κείνης, ὅν τινα πότμον ἐπ’ ἀνδράσι γεινομένοισιν, ### book 11.275.2 ἀνδράσιν ἢ πολίεσσιν, ἐπικλώσηται ἀφύκτῳ ### book 11.275.3 νήματι· τῇ δ’ ὑπὸ πάντα τὰ μὲν φθινύθει, τὰ δ’ ἀέξει. ### book 11.275.4 Τῆς δ’ ἄρ’ ὑπ’ ἐννεσίῃσι πόνος καὶ δῆρις ὀρώρει ### book 11.275.5 ἱππομάχοις Τρώεσσι καὶ ἀγχεμάχοισιν Ἀχαιοῖς. ### book 11.280.1 Τεῦχον δ’ ἀλλήλοισι φόνον καὶ ἀνηλέα πότμον ### book 11.280.2 νωλεμέως· οὐ γάρ τιν’ ἔχεν δέος, ἀλλ’ ἐμάχοντο ### book 11.280.3 προφρονέως· θάρσος γὰρ ἐφέλκεται ἄνδρας ἐς αἰχμήν. ### book 11.1 Ἀλλ’ ὅτε δὴ πολλοὶ μὲν ἀπέφθιθον ἐν κονίῃσι, ### book 11.2 δὴ τότ’ 〈ἄρ’〉 Ἀργείοισιν ὑπέρτερον ὤρνυτο θάρσος ### book 11.285.1 Παλλάδος ἐννεσίῃσι δαΐφρονος ἥ ῥα μολοῦσα ### book 11.285.2 ὑσμίνης ἄγχιστα μέγ’ Ἀργείοισιν ἄμυνεν ### book 11.285.3 ἐκπέρσαι μεμαυῖα κλυτὴν Πριάμοιο πόληα. ### book 11.289 Καὶ τότ’ ἄρ’ Αἰνείαν ἐρικυδέα δῖ’ Ἀφροδίτη, ### book 11.288 ἥ ῥα μέγα στενάχιζεν Ἀλεξάνδροιο δαμέντος, ### book 11.290.1 αὐτὴ ἀπὸ πτολέμοιο καὶ οὐλομένης ὑσμίνης ### book 11.290.2 ἥρπασεν ἐσσυμένως, περὶ δ’ ἠέρα χεύατο πουλύν· ### book 11.290.3 οὐ γὰρ ἔτ’ αἴσιμον ἦεν ἀνὰ μόθον ἀνέρι κείνῳ ### book 11.290.4 μάρνασθ’ Ἀργείοισι πρὸ τείχεος αἰπεινοῖο. ### book 11.290.5 Τῶ καὶ ἄδην ἀλέεινε περίφρονα Τριτογένειαν ### book 11.295.1 ἐκ θυμοῦ Δαναοῖσιν ἀρηγέμεναι μεμαυῖαν, ### book 11.295.2 μὴ καὶ ὑπὲρ Κῆράς μιν ἕλῃ θεός· οὐδὲ γὰρ αὐτοῦ ### book 11.295.3 φείσατο πρόσθεν Ἄρηος ὅ περ πολὺ φέρτερος ἦεν. ### book 11.295.4 Τρῶες δ’ οὐκέτ’ ἔμιμνον ἀνὰ στόμα δηιοτῆτος, ### book 11.295.5 ἀλλ’ ὀπίσω χάζοντο τεθηπότα θυμὸν ἔχοντες· ### book 11.1 ἐν γάρ σφιν θήρεσσιν ἐοικότες ὠμοβόροισιν ### book 11.2 ἔνθορον Ἀργεῖοι μέγα μαιμώωντες Ἄρηι. ### book 11.3 Τῶν δ’ ἄρα δαμναμένων ποταμοὶ πλήθοντο νέκυσσι ### book 11.4 καὶ πεδίον· πολλοὶ γὰρ ἄδην πέσον ἐν κονίῃσιν ### book 11.5 ἀνέρες ἠδ’ ἵπποι· μάλα δ’ ἅρματα πολλὰ κέχυντο ### book 11.305.1 βαλλομένων. Πάντῃ δ’ ἀπερείσιον ἔρρεεν αἷμα ### book 11.305.2 ὑετὸς ὥς· ὀλοὴ γὰρ ἐπήιεν Αἶσα κυδοιμόν. ### book 11.305.3 Καί ῥ’ οἳ μὲν ξιφέεσσι πεπαρμένοι ἢ μελίῃσι ### book 11.305.4 κεῖντο, παρ’ αἰγιαλοῖσιν ἀλίγκιον ἐκχυμένοισι ### book 11.305.5 δούρασιν, εὖτ’ ἐπὶ θινὶ βαρυγδούποιο θαλάσσης ### book 11.310.1 ἀνέρες ἄσπετα δεσμὰ πολυκμήτων ἀπὸ γόμφων ### book 11.310.2 λυσάμενοι σκεδάσωσι διὰ ξύλα μακρὰ καὶ ὕλην ### book 11.310.3 ἠλιβάτου σχεδίης, πάντῃ δ’ ἀναπλήθεται εὐρὺς ### book 11.310.4 αἰγιαλός, τοῖσι〈ν〉 δὲ μέλαν ποτικλύζεται οἶδμα· ### book 11.310.5 ὣς οἵ γ’ ἐν κονίῃσι καὶ αἵματι δηῳθέντες ### book 11.315.1 κεῖντο πολυκλαύτοιο λελασμένοι ἰωχμοῖο. ### book 11.315.2 Παῦροι δὲ προφυγόντες ἀνηλέα δηιοτῆτα ### book 11.315.3 δῦσαν ἀνὰ πτολίεθρον ἀλευάμενοι βαρὺ πῆμα. ### book 11.315.4 Τῶν δ’ ἄλοχοι καὶ παῖδες ἀπὸ χροὸς αἱματόεντος ### book 11.315.5 τεύχεα πάντ’ ἐδέχοντο κακῷ πεφορυγμένα λύθρῳ· ### book 11.320.1 πᾶσι δὲ θερμὰ λοετρὰ τετεύχατο· πᾶν δ’ ἀνὰ ἄστυ ### book 11.320.2 ἔσσυντ’ ἰητῆρες 〈ἐσ〉 οὐταμένων αἰζηῶν ### book 11.320.3 οἰκία ποιπνύοντες, ἵν’ οὐταμένους ἀκέσωνται· ### book 11.320.4 τοὺς δ’ ἄλοχοι καὶ τέκνα περιστενάχοντο μολόντας ### book 11.320.5 ἐκ πολέμου· πολλοὺς δὲ καὶ οὐ παρεόντας ἀύτευν. ### book 11.325.1 Καί ῥ’ οἳ μὲν στυγερῇ βεβολημένοι ἦτορ ἀνίῃ ### book 11.325.2 κεῖντο βαρὺ στενάχοντες ἐπ’ ἄλγεσιν οὐδ’ ἐπὶ δόρπον ### book 11.325.3 ἐκ καμάτοιο τρέποντο· θοοὶ δ’ ἐπαΰτεον ἵπποι ### book 11.325.4 φορβῇ ἐπιχρεμέθοντες ἄδην. Ἑτέρωθε δ’ Ἀχαιοὶ ### book 11.325.5 πὰρ κλισίῃς νήεσσί θ’ ὁμοίια Τρωσὶ πένοντο. ### book 11.330.1 Ἦμος δ’ Ὠκεανοῖο ῥοὰς ὑπερήλασεν Ἠὼς ### book 11.330.2 ἵππους μαρμαίροντας, ἀνέγρετο δ’ ἔθνεα φωτῶν, ### book 11.330.3 δὴ τότ’ ἀρήιοι υἷες ἐυσθενέων Ἀργείων ### book 11.330.4 οἳ μὲν ἔβαν Πριάμοιο ποτὶ πτόλιν αἰπήεσσαν, ### book 11.330.5 οἳ δ’ ἄρ’ ἐνὶ κλισίῃσιν ἅμ’ ἀνδράσιν οὐταμένοισι ### book 11.335 μίμνον, μή ποτε λαὸς ἐπιβρίσας ἀλεγεινὸς ### book 11.1 νῆας ἕλῃ Τρώεσσι φέρων χάριν. Οἳ δ’ ἀπὸ πύργων ### book 11.2 μάρναντ’ Ἀργείοισι· μόθος δ’ ἀλεγεινὸς ὀρώρει. ### book 11.3 Σκαιῆς μὲν προπάροιθε πύλης Καπανήιος υἱὸς ### book 11.4 μάρναθ’ ἅμ’ ἀντιθέῳ Διομήδεϊ. Τοὺς δ’ ἄρ’ ὕπερθε ### book 11.340.1 Δηίφοβός τε μενεπτόλεμος κρατερός τε Πολίτης ### book 11.340.2 σύν 〈τ’〉 ἄλλοις ἑτάροισιν ἐρητύεσκον ὀιστοῖς ### book 11.340.3 ἠδ’ ἄρα χερμαδίοισι· περικτυπέοντο δὲ φωτῶν ### book 11.340.4 βαλλόμεναι κόρυθές τε καὶ ἀσπίδες αἵ τ’ ἀλεγεινὸν ### book 11.340.5 αἰζηῶν ῥύοντο μόρον καὶ ἀμείλιχον αἶσαν. ### book 11.345.1 Ἀμφὶ 〈δὲ〉 Δαρδανίῃσιν ἐριδμαίνεσκε πύλῃσιν ### book 11.345.2 υἱὸς Ἀχιλλῆος· πονέοντο δέ οἱ πέρι πάντες ### book 11.345.3 Μυρμιδόνες κρατεροῖο δαήμονες ἰωχμοῖο. ### book 11.345.4 Τοὺς δ’ ἀπὸ τείχεος εἶργον ἀπειρεσίοις βελέεσσι ### book 11.345.5 θαρσαλέως Ἕλενός τε καὶ ὀβριμόθυμος Ἀγήνωρ, ### book 11.1 Τρῶας ἐποτρύνοντες ἀνὰ μόθον· οἳ δὲ καὶ αὐτοὶ ### book 11.2 προφρονέως μάρναντο φίλης περὶ τείχεσι πάτρης. ### book 11.3 Ἐς πεδίον δὲ πύλῃσι καὶ ὠκυπόρους ἐπὶ νῆας ### book 11.4 νισομένῃς Ὀδυσεύς τε καὶ Εὐρύπυλος πονέοντο ### book 11.5 νωλεμέως· τοὺς δ’ ἠὺς ἀφ’ ἕρκεος ὑψηλοῖο ### book 11.355.1 Αἰνείας λάεσσι μέγα φρονέων ἀπέρυκε. ### book 11.355.2 Πρὸς δὲ ῥόον Σιμόεντος ἔχεν πόνον ἀλγινόεντα ### book 11.355.3 Τεῦκρος ἐυμμελίης. Ἄλλῃ δ’ ἔχεν ἄλλος ὀιζύν. ### book 11.355.4 Καὶ τότ’ ἄρ’ ἀμφ’ Ὀδυσῆα δαΐφρονα κύδιμοι ἄνδρες ### book 11.355.5 κείνου τεχνήεντι νόῳ ποτὶ μῶλον Ἄρηος ### book 11.360.1 ἀσπίδας ἐντύναντο, βάλον δ’ ἐφύπερθε καρήνων ### book 11.360.2 θέντες ἐπ’ ἀλλήλῃσι· μιῇ δ’ ἅπαν ἥρμοσαν ὁρμῇ. ### book 11.360.3 Φαίης κεν μεγάροιο κατηρεφὲς ἔμμεναι ἕρκος ### book 11.360.4 πυκνὸν ὃ οὔτ’ ἀνέμοιο διέρχεται ὑγρὸν ἀέντος ### book 11.360.5 ῥιπὴ ἀπειρεσίη οὔτ’ ἐκ Διὸς ἄσπετος ὄμβρος· ### book 11.365.1 τοῖαι 〈ἄρ’〉 Ἀργείων πεπυκασμέναι ἀμφὶ βοείαις ### book 11.365.2 καρτύναντο φάλαγγες· ἔχον δ’ ἕνα θυμὸν ἐς ἀλκὴν ### book 11.365.3 εἰς ἓν ἀρηρέμενοι. Καθύπερθε δὲ Τρώιοι υἷες ### book 11.365.4 βάλλον χερμαδίοισι· τὰ δ’ ὡς στυφελῆς ἀπὸ πέτρης ### book 11.365.5 γαῖαν ἐπὶ τραφερὴν ἐκυλίνδετο· πολλὰ δὲ δοῦρα ### book 11.370.1 καὶ βέλεα στονόεντα καὶ ἀλγινόεντες ἄκοντες ### book 11.370.2 πήγνυντ’ ἐν σακέεσσι, τὰ δ’ ἐν χθονί, πολλὰ δ’ ἄπωθε ### book 11.370.3 μαψιδίως φορέοντο παραγναμφθέντα βελέμνοις ### book 11.370.4 πάντοθε βαλλομένων. Οἳ δὲ κτύπον οὔ τι φέβοντο ### book 11.370.5 ἄσπετον οὐδ’ ὑπόεικον, ἅτε ψεκάδων ἀίοντες ### book 11.375.1 δοῦπον· ἔσω δ’ ὑπὸ τεῖχος ὁμῶς ἴσαν οὐδέ τις αὐτῶν ### book 11.375.2 νόσφιν ἀφειστήκει· συναρηρέμενοι δ’ ἐφέποντο, ### book 11.375.3 ὡς νέφος ἠερόεν τό ῥά που περὶ χείματι μέσσῳ ### book 11.375.4 αἰθέρος ἐξ ὑπάτοιο μακρὸν διέτεινε Κρονίων. ### book 11.375.5 Πουλὺς δ’ ἀμφὶ φάλαγγι βρόμος καναχή θ’ ὑπὸ ποσσὶ ### book 11.380.1 νισομένων ἐτέτυκτο· κόνιν δ’ ἀπάτερθεν ἀῆται ### book 11.380.2 ὀρνυμένην μάλα τυτθὸν ὑπὲρ δαπέδοιο φέρεσκον ### book 11.1 αἰζηῶν μετόπισθε· περίαχε δ’ ἄκριτος αὐδή, ### book 11.2 οἷον ὑπὸ σμήνεσσι περιβρομέουσι μέλισσαι· ### book 11.3 ἆσθμα δ’ ἀνήιε πουλὺ χύδην, περίχευε δ’ ἀυτμὴ〈ν〉 ### book 11.385.1 λαοῦ ἀποπνείοντος. Ἀπειρέσιον δ’ ἄρα θυμῷ ### book 11.385.2 Ἀτρεῖδαι κεχάροντο περὶ σφίσι κυδιόωντες, ### book 11.385.3 δερκόμενοι πολέμοιο δυσηχέος ἄτρομον ἕρκος. ### book 11.385.4 Ὥρμηναν δὲ πύλῃσι θεηγενέος Πριάμοιο ### book 11.385.5 ἀθρόοι ἐγχριμφθέντες ὑπ’ ἀμφιτόμοις πελέκεσσι ### book 11.390.1 ῥῆξαι τείχεα μακρά, πύλας δ’ εἰς οὖδας ἐρεῖσαι ### book 11.390.2 θαιρῶν ἐξερύσαντες. Ἔχεν δ’ ἄρα μῆτις ἀγαυὴ ### book 11.390.3 ἐλπωρήν· ἀλλ’ οὔ σφιν ἐπήρκεσαν οὔτε βόειαι ### book 11.390.4 οὔτε θοοὶ βουπλῆγες, ἐπεὶ μένος Αἰνείαο ### book 11.390.5 ὄβριμον ἀμφοτέρῃσιν ἀρηρότα χείρεσι λᾶαν ### book 11.395.1 ἐμμεμαὼς ἐφέηκε, δάμασσε δὲ τλήμονι πότμῳ ### book 11.395.2 ἀνέρας οὓς κατέμαρψεν ὑπ’ ἀσπίσιν, εὖτ’ ἐν ὄρεσσι ### book 11.395.3 φερβομένας ὑπὸ πρῶνα βίη κρημνοῖο ῥαγέντος ### book 11.395.4 αἶγας, ὑποτρομέουσι δ’ ὅσαι σχεδὸν ἀμφινέμονται· ### book 11.395.5 ὣς Δαναοὶ θάμβησαν. Ὃ δ’ εἰσέτι λᾶας ὕπερθε ### book 11.1 βάλλεν ἐπασσυτέρους, κλονέοντο δὲ πάγχυ φάλαγγες. ### book 11.2 Ὡς δ’ ὅτ’ ἐν οὔρεσι πρῶνας Ὀλύμπιος οὐρανόθεν Ζεὺς ### book 11.3 ἀμφὶ μιῇ κορυφῇ συναρηρότας ἄλλυδις ἄλλον ### book 11.4 ῥήξῃ ὑπὸ βροντῇσι καὶ αἰθαλόεντι κεραυνῷ, ### book 11.5 ἀμφὶ δὲ μηλονόμοι τε καὶ ἄλλ’ ὅσα . . . . . . . . . ### book 11.404 . . . . . . . . . . . . . . . . πάντα φέβονται· ### book 11.405.1 ὣς ἄρ’ Ἀχαιῶν υἷες ὑπέτρεσαν, οὕνεκ’ ἄρ’ αὐτῶν ### book 11.405.2 Αἰνείας συνέχευε θοῶς ἔρυμα πτολέμοιο ### book 11.405.3 ἀσπίσιν ἀκαμάτοισι τετυγμένον, οὕνεκ’ ἄρ’ αὐτῷ ### book 11.405.4 θάρσος ἀπειρέσιον θεὸς ὤπασεν. Οὐδέ τις αὐτῶν ### book 11.405.5 ἔσθενέ οἱ κατὰ δῆριν ἐναντίον ὄσσε βαλέσθαι, ### book 11.410.1 οὕνεκά οἱ μάρμαιρε περὶ βριαροῖς μελέεσσι ### book 11.410.2 τεύχεα θεσπεσίῃσιν ἐειδόμενα στεροπῇσιν· ### book 11.410.3 εἱστήκει δέ οἱ ἄγχι δέμας κεκαλυμμένος ὄρφνῃ ### book 11.410.4 δεινὸς Ἄρης καὶ πάντα κατιθύνεσκε βέλεμνα ### book 11.410.5 καὶ μόρον καὶ δέος αἰνὸν ἐπ’ Ἀργείοισι φέροντα. ### book 11.415.1 Μάρνατο δ’ ὡς ὁπότ’ αὐτὸς Ὀλύμπιος οὐρανόθεν Ζεὺς ### book 11.415.2 ἀσχαλόων ἐδάιζεν ὑπέρβια φῦλα Γιγάντων ### book 11.415.3 σμερδαλέων, καὶ γαῖαν ἀπειρεσίην ἐτίνασσε ### book 11.415.4 Τηθύν τ’ Ὠκεανόν τε καὶ οὐρανόν, ἀμφὶ δὲ πάντῃ ### book 11.415.5 γυῖ’ ἐλελίζετ’ Ἄτλαντος ὑπ’ ἀκαμάτου Διὸς ὁρμῆς· ### book 11.420.1 ὣς ἄρ’ ὑπ’ Αἰνείαο κατηρείποντο φάλαγγες ### book 11.420.2 Ἀργείων ἀνὰ δῆριν· ὃ γὰρ περὶ τείχεα πάντα ### book 11.420.3 ἔσσυτο δυσμενέεσσι χολούμενος, ἐκ δ’ ἄρα χειρῶν ### book 11.420.4 πᾶν ὅ τί οἱ παρέκυρσεν ἐπειγομένῳ ποτὶ μῶλον ### book 11.420.5 βάλλεν, ἐπεὶ μάλα πολλὰ κακῆς ἀλκτήρια χάρμης ### book 11.425.1 κεῖτο μενεπτολέμων ἐπὶ τείχεσι Δαρδανιώνων· ### book 11.425.2 τοῖσί περ Αἰνείας μεγάλῳ περὶ κάρτεϊ θύων ### book 11.425.3 δυσμενέων ἀπέρυκε πολὺν στρατόν, ἀμφὶ δ’ ἄρ’ αὐτῷ ### book 11.1 Τρῶες ἐκαρτύναντο. Κακὴ δ’ ἔχε πάντας ὀιζὺς ### book 11.2 ἀμφὶ πόλιν· πολλοὶ δὲ κατέκταθεν ἠμὲν Ἀχαιῶν ### book 11.430.1 ἠδὲ καὶ ἐκ Τρώων· μέγα δ’ ἴαχον ἀμφοτέρωθεν, ### book 11.430.2 Αἰνείας μὲν Τρωσὶ φιλοπτολέμοισι κελεύων ### book 11.430.3 μάρνασθ’ ἀμφὶ πόληος ἑῆς ἀλόχων τε καὶ αὐτῶν ### book 11.430.4 προφρονέως· υἱὸς δὲ μενεπτολέμου Ἀχιλῆος ### book 11.430.5 Ἀργείους ἐκέλευε παρὰ κλυτὰ τείχεα Τροίης ### book 11.435.1 μίμνειν, ἄχρι πόληα πυρὶ πρήσαντες ἕλωσι. ### book 11.435.2 Τοὺς δ’ ἄμφω στονόεσσα καὶ ἄσπετος ἄμπεχ’ ἀυτὴ ### book 11.435.3 μαρναμένους πρόπαν ἦμαρ ἀνὰ κλόνον· οὐδέ τις ἦεν ### book 11.435.4 ἄμπνευσις πολέμοιο λιλαιομένων ἀνὰ θυμὸν ### book 11.435.5 τῶν μὲν ἑλεῖν πτολίεθρον ὑπ’ Ἄρεϊ, τῶν δὲ σαῶσαι. ### book 11.440.1 Αἴας δ’ αὖτ’ ἀπάτερθε θρασύφρονος Αἰνείαο ### book 11.440.2 μαρνάμενος Τρώεσσι κακὰς ἐπὶ Κῆρας ἴαλλε ### book 11.440.3 σφῇσιν ἑκηβολίῃσιν, ἐπεί ῥά οἱ ἄλλοτε μέν που ### book 11.440.4 ἰθὺ βέλος πεπότητο δι’ ἠέρος, ἄλλοτε δ’ αὖτε ### book 11.440.5 ἀλγινόεντες ἄκοντες. Ἐπ’ ἄλλῳ δ’ ἄλλον ἔπεφνεν· ### book 11.445.1 οἳ δὲ περιπτώσσοντες ἀμύμονος ἀνέρος ἀλκὴν ### book 11.445.2 ἐς μόθον οὐκέτ’ ἔμιμνον, ἔλειπε δὲ τείχεα λαός. ### book 11.445.3 Καὶ τότε οἱ θεράπων πολὺ φέρτατος ἐν δαῒ Λοκρῶν, ### book 11.445.4 Ἀλκιμέδων ἐρίθυμος, ἑῷ πίσυνος βασιλῆι ### book 11.445.5 κάρτεΐ τε σφετέρῳ καὶ θαρσαλέῃ νεότητι, ### book 11.1 ἐμμεμαὼς πολέμοιο θοοῖς ἐπεβήσετο ποσσὶ ### book 11.2 κλίμακος, ὄφρα κέλευθον ἐπὶ πτόλιν ἀνδράσι θείη ### book 11.3 λευγαλέην. Σφετέρου 〈δὲ〉 καρήατος ἔμμεναι ἄλκαρ ### book 11.1 ἀσπίδα θεὶς καθύπερθεν ἀνήιε λυγρὰ κέλευθα ### book 11.2 ἄτρομον ἐνθέμενος κραδίῃ νόον· ἐν δ’ ἄρα χειρὶ ### book 11.455.1 ἄλλοτε μὲν δόρυ πάλλεν ἀμείλιχον, ἄλλοτε δ’ αὖτε ### book 11.455.2 εἷρπεν ἄνω· τὸν δ’ αἶψα διηερίη φέρεν οἶμος. ### book 11.455.3 Καί νύ κε δὴ Τρώεσσιν ἄχος γένετ’, εἰ μὴ ἄρ’ αὐτῷ ### book 11.455.4 ἤδη ὑπερκύπτοντι καὶ εἰσορόωντι πόληα ### book 11.455.5 ὑστάτιον καὶ πρῶτον ἀφ’ ἕρκεος ὑψηλοῖο ### book 11.460.1 Αἰνείας ἐπόρουσεν, ἐπεί ῥά μιν οὐ λάθεν ὁρμὴ ### book 11.460.2 οὐδ’ ἀπάτερθεν ἐόντα. Βάλεν δέ μιν εὐρέι πέτρῳ ### book 11.460.3 κὰκ κεφαλῆς, μεγάλη δὲ βίη κρατερόφρονος ἀνδρὸς ### book 11.460.4 κλίμακά οἱ συνέαξεν. Ὃ δ’ ὑψόθεν ἠύτ’ ὀιστὸς ### book 11.460.5 ἔσσυτ’ ἀπὸ νευρῆς· ὀλοὸς δέ οἱ ἕσπετο πότμος ### book 11.465.1 ἀμφελελιξαμένῳ· στονόεις δέ οἱ ἠέρι θυμὸς ### book 11.465.2 αἶψα μίγη, πρὶν γαῖαν ἐπὶ στυφελὴν ἀφικέσθαι. ### book 11.465.3 Ἤριπε δ’ ἐν θώρηκι κατὰ χθονός, οὕνεκ’ ἄρ’ αὐτοῦ ### book 11.465.4 νόσφιν ἀπεπλάγχθη βριαρὸν δόρυ καὶ σάκος εὐρὺ ### book 11.465.5 καὶ κρατερὴ τρυφάλεια. Περιστονάχησε δὲ Λοκρῶν ### book 11.470.1 λαός, ὅτ’ ἔδρακον ἄνδρα κακῇ δεδμημένον ἄτῃ· ### book 11.470.2 δὴ γάρ οἱ λασίοιο καρήατος ἄλλυδις ἄλλῃ ### book 11.470.3 ἐγκέφαλος πεπάλακτο· συνηλοίηντο δὲ πάντα ### book 11.470.4 ὀστέα καὶ θοὰ γυῖα λυγρῷ πεπαλαγμένα λύθρῳ. ### book 11.470.5 Καὶ τότε δὴ Ποίαντος ἐὺς πάις ἀντιθέοιο, ### book 11.475.1 ὡς ἴδεν Αἰνείαν περὶ τείχεα μαιμώωντα ### book 11.475.2 θηρὶ βίην ἀτάλαντον, ἄφαρ προέηκεν ὀιστὸν ### book 11.475.3 ἰθύνων ἐς φῶτα περικλυτόν. Οὐδ’ ἀφάμαρτεν ### book 11.475.4 ἀνέρος, ἀλλά οἱ οὔ τι δι’ ἀσπίδος ἀκαμάτοιο ### book 11.475.5 ἐς χρόα καλὸν ἵκαν〈εν〉 (ἀπέτραπε γὰρ Κυθέρεια ### book 11.480.1 καὶ σάκος), ἀλλ’ ἄρα τυτθὸν ἐπέχραε δέρμα βοείης. ### book 11.480.2 Οὐδ’ ἄρα μαψιδίως χαμάδις πέσεν, ἀλλὰ Μίμαντα ### book 11.480.3 μεσσηγὺς σάκεός τε καὶ ἱπποκόμου τρυφαλείης ### book 11.480.4 τύψεν· ὃ δ’ ἐ〈κ〉 πύργοιο κατήριπεν, εὖτ’ ἀπὸ πέτρης ### book 11.480.5 ἄγριον αἶγα βάλῃσιν ἀνὴρ στονόεντι βελέμνῳ· ### book 11.485.1 ὣς ὃ πεσὼν τετάνυστο, λίπε〈ν〉 δέ μιν ἱερὸς αἰών. ### book 11.485.2 Αἰνείας δ’ ἑτάροιο χολωσάμενος βάλε πέτρην ### book 11.485.3 καί ῥα Φιλοκτήταο κατέκτανεν ἐσθλὸν ἑταῖρον ### book 11.485.4 Τοξαίχμην· θλάσσεν δὲ κάρη, συνέαξε δὲ πάντα ### book 11.485.5 ὀστέα σὺν πήληκι· λύθη δέ οἱ ἀγλαὸν ἦτορ. ### book 11.490.1 Τῷ δ’ ἐπὶ μακρὸν ἄυσε πάις Ποίαντος ἀγαυοῦ· ### book 11.490.2 «Αἰνεία, σύ γ’ ἔολπας ἐνὶ φρεσὶ σῇσιν ἄριστος ### book 11.490.3 ἔμμεναι ἐκ πύργοιο πονεύμενος, ἔνθα γυναῖκες ### book 11.490.4 δυσμενέσιν μάρνανται ἀνάλκιδες; Εἰ δέ τίς ἐσσι, ### book 11.490.5 ἔρχεο τείχεος ἐκτὸς ἐν ἔντεσιν, ὄφρα δαείης ### book 11.495.1 Ποίαντος θρασὺν υἷα καὶ ἔγχεσι καὶ βελέεσσιν.» ### book 11.495.2 Ὣς ἄρ’ ἔφη· τὸν δ’ οὔ τι θρασὺς πάις Ἀγχίσαο ### book 11.495.3 καί περ ἐελδόμενος προσεφώνεεν, οὕνεκ’ ὀρώρει ### book 11.495.4 δῆρις ὀιζυρὴ περὶ τείχεα μακρὰ καὶ ἄστυ ### book 11.495.5 νωλεμέως· οὐ γάρ τι κακοῦ παύοντο μόθοιο ### book 11 οὐδέ σφιν μάλα δηρὸν ὑπ’ Ἄρεϊ τειρομένοισιν ### book 11 ἔσκε λύσις καμάτοιο· πόνος δ’ ἄπρηκτος ὀρώρει. ### book 12.1.1 Ἀλλ’ ὅτε δὴ μάλα πολλὰ κάμον περὶ τείχεα Τροίης ### book 12.1.2 αἰχμηταὶ Δαναοί, πολέμου δ’ οὐ γίνετο τέκμωρ, ### book 12.1.3 δὴ τότ’ ἀριστήων ἄγυριν ποιήσατο Κάλχας, ### book 12.1.4 εὖ εἰδὼς ἀνὰ θυμὸν ὑπ’ ἐννεσίῃς Ἑκάτοιο ### book 12.5.1 πτήσιας οἰωνῶν ἠδ’ ἀστέρας ἄλλά τε πάντα ### book 12.5.2 σήμαθ’ ὅς’ ἀνθρώποισι θεῶν ἰότητι πέλονται· ### book 12.5.3 καί σφιν ἀγειρομένοισιν ἔπος ποτὶ τοῖον ἔειπε· ### book 12.5.4 «Μηκέτι πὰρ τείχεσσιν ἐφεζόμενοι πονέεσθε, ### book 12.5.5 ἀλλ’ ἄλλην τινὰ μῆτιν ἐνὶ φρεσὶ μητιάασθε ### book 12.10.1 ἢ δόλον ὃς νήεσσι καὶ ἡμῖν ἔσσετ’ ὄνειαρ. ### book 12.10.2 Ἦ γὰρ ἔγωγε χθιζὸν ἐσέδρακον ἐνθάδε σῆμα. ### book 12.10.3 Ἴρηξ σεῦε πέλειαν· ἐπειγομένη δ’ ἄρα κείνη ### book 12.10.4 χηραμὸν ἐς πέτρης κατεδύσετο· τῇ δὲ χολωθεὶς ### book 12.10.5 ἀργαλέως μάλα πολλὸν ἐπὶ χρόνον ἀγχόθι μίμνε ### book 12.15.1 χηραμοῦ· ἣ δ’ ἀλέεινεν· ὃ δ’ ἐνθέμενος δόλον αἰνὸν ### book 12.15.2 θάμνῳ ὑπεκρύφθη· ἣ δ’ ἔκθορεν ἀφραδίῃσιν ### book 12.1 ἔμμεναι ἐλπομένη μιν ἀπόπροθεν· ὃς δ’ ἐπα〈ε〉ρθεὶς ### book 12.2 δειλαίῃ τρήρωνι φόνον στονόεντ’ ἐφέηκε. ### book 12.3 Τῶ νῦν μή τι βίῃ πειρώμεθα Τρώιον ἄστυ ### book 12.20.1 περσέμεν, ἀλλ’ εἴ πού τι δόλος καὶ μῆτις ἀνύσσῃ.» ### book 12.20.2 Ὣς ἄρ’ ἔφη· τῶν δ’ οὔ τις ἔχε〈ν〉 φρεσὶ τεκμήρασθαι ### book 12.20.3 ἄλκαρ ὀιζυροῖο μόθου· δίζοντο δὲ μῆχος ### book 12.20.4 εὑρέμεναι· μοῦνος δὲ σαοφροσύνῃσι νόησεν ### book 12.20.5 υἱὸς Λαέρταο καὶ ἀντίον ἔκφατο μῦθον· ### book 12.25.1 «Ὦ φίλ’, ἐπουρανίοισι τετιμένε πάγχυ θεοῖσιν, ### book 12.25.2 εἰ ἐτεὸν πέπρωται ἐυπτολέμοισιν Ἀχαιοῖς ### book 12.25.3 ἐκπέρσαι Πριάμοιο δολοφροσύνῃσι πόληα, ### book 12.25.4 ἵππον τεκτήναντες ἀριστέες ἐς λόχον ἄνδρες ### book 12.25.5 βησόμεθ’ ἀσπασίως· λαοὶ δ’ ἀπὸ νόσφι νέεσθαι ### book 12.30.1 ἐς Τένεδον σὺν νηυσίν, ἐνιπρῆσαι δ’ ἄρα πάντες ### book 12.30.2 ἃς κλισίας, ἵνα Τρῶες ἀπ’ ἄστεος ἀθρήσαντες ### book 12.30.3 ἐς πεδίον προχέωνται ἀταρβέες. Ἀλλά τις ἀνὴρ ### book 12.30.4 θαρσαλέος, τόν τ’ οὔ τις ἐπίσταται ἐν Τρώεσσι, ### book 12.30.5 μιμνέτω ἔκτοθ〈εν〉 ἵππου ἀρήιον ἐνθέμενος κῆρ, ### book 12.35.1 ὅς τις ὑποκρίναιτο βίην ὑπέροπλον Ἀχαιῶν ### book 12.35.2 ῥέξαι ὑπὲρ νόστοιο λιλαιομένων ὑπαλύξαι, ### book 12.35.3 ἵππῳ ὑποπτήξας εὐεργέι τόν ῥ’ ἐκάμοντο ### book 12.35.4 Παλλάδι χωομένῃ Τρώων ὑπὲρ αἰχμητάων· ### book 12.35.5 καὶ τὰ μὲν ὣς ἐπὶ δηρὸν ἀνειρομένοισι πιφαύσκειν, ### book 12.40.1 εἰς ὅ κέ οἱ πεπίθωνται ἀταρτηροί περ ἐόντες, ### book 12.40.2 ἐς δὲ πόλιν μιν ἄγωσι θοῶς ἐλεεινὸν ἐόντα, ### book 12.40.3 ὄφρ’ ἡμῖν ἀλεγεινὸν ἐς Ἄρεα σῆμα πένηται, ### book 12.40.4 τοῖς μὲν ἄρ’ αἰθαλόεντα θοῶς ἀνὰ πυρσὸν ἀείρας, ### book 12.40.5 τοὺς δ’ ἄρ’ ἐποτρύνας ἐκβήμεναι εὐρέος ἵππου, ### book 12.45.1 ὁππότε Τρώιοι υἷες ἀκηδέες ὑπνώωσιν.» ### book 12.45.2 Ὣς φάτο· τὸν δ’ ἄρα πάντες ἐπῄνεον· ἔξοχα δ’ ἄλλων ### book 12.45.3 Κάλχας μιν θαύμαζεν, ὅπως ὑπεθήκατ’ Ἀχαιοῖς ### book 12.45.4 μῆτιν καὶ δόλον ἐσθλὸν ὃς Ἀργείοισιν ἔμελλε ### book 12.45.5 νίκης ἔμμεναι ἄλκαρ, ἀτὰρ μέγα Τρώεσι πῆμα· ### book 12.1 τοὔνεκ’ ἀριστήεσσιν ἐυπτολέμοισι μετηύδα· ### book 12.2 «Μηκέτι νῦν δόλον ἄλλον ἐνὶ φρεσὶ μητιάασθε, ### book 12.3 ὦ φίλοι, ἀλλὰ πίθεσθε ἐυπτολέμῳ Ὀδυσῆι. ### book 12.4 Οὐ γάρ οἱ ἔσσετ’ ἄπρηκτον ἐυφρονέοντι νόημα· ### book 12.5 ἤδη γὰρ Δαναοῖσι θεοὶ τελέουσιν ἐέλδωρ, ### book 12.55.1 σήματα δ’ οὐκ ἀτέλεστ’ ἀναφαίνεται ἄλλοθεν ἄλλα· ### book 12.55.2 Ζηνὸς μὲν γὰρ ὕπερ〈θε〉 μέγα κτυπέουσι δι’ αἴθρης ### book 12.55.3 βρονταὶ ὁμῶς στεροπῇσι, παραΐσσουσι δὲ λαοὺς ### book 12.55.4 δεξιοὶ ὄρνιθες ταναῇ ὀπὶ κεκλήγοντες. ### book 12.55.5 Ἀλλ’ ἄγε μηκέτι πολλὸν ἐπὶ χρόνον ἀμφὶ πόληα ### book 12.60.1 μίμνωμεν· Τρωσὶν γὰρ ἐνέπνευσεν μέγ’ ἀνάγκη ### book 12.60.2 θάρσος, ὅ περ πρὸς Ἄρηα καὶ οὐτιδανόν περ ἐγείρει· ### book 12.1 κάρτιστοι δὲ τότ’ ἄνδρες ἐπὶ μόθον, ὁππότε θυμὸν ### book 12.2 παρθέμενοι στονόεντος ἀφειδήσωσιν ὀλέθρου, ### book 12.3 ὡς νῦν Τρώιοι υἷες ἀταρβέες ἀμφιμάχονται ### book 12.65.1 ἄστυ περὶ σφέτερον, μέγα δέ σφι〈σι〉 μαίνεται ἦτορ.» ### book 12.65.2 Ὣς φάμενον προσέειπεν Ἀχιλλέος ὄβριμος υἱός· ### book 12.65.3 «Ὦ Κάλχαν, δηίοισι καταντίον ἄλκιμοι ἄνδρες ### book 12.65.4 μάρνανται· τοὶ δ’ ἐντὸς ἀλευάμενοι ἀπὸ πύργων ### book 12.65.5 οὐτιδανοὶ πονέονται, ὅσων φρένα δεῖμα χαλέπτει. ### book 12.70.1 Τῶ νῦν μήτε δόλον φραζώμεθα, μήτέ τι μῆχος ### book 12.70.2 ἄλλο· πόνῳ γὰρ ἔοικεν ἀριστέας ἔμμεναι ἄνδρας ### book 12.70.3 καὶ δορί· θαρσαλέοι γὰρ ἀμείνονες ἐν δαῒ φῶτες.» ### book 12.70.4 Ὣς φάμενον προσέειπε μένος Λαερτιάδαο· ### book 12.70.5 «Ὦ τέκος ὀβριμόθυμον ἀταρβέος Αἰακίδαο, ### book 12.75.1 ταῦτα μέν, ὡς ἐπέοικεν ἀμύμονι φωτὶ καὶ ἐσθλῇ, ### book 12.75.2 θαρσαλέως μάλα πάντα διίκεο χερσὶ πεποιθώς· ### book 12.75.3 ἀλλ’ οὔτ’ ἀκαμάτοιο τεοῦ πατρὸς ἄτρομος ἀλκὴ ### book 12.75.4 ἔσθενεν ὄλβιον ἄστυ διαπραθέειν Πριάμοιο ### book 12.75.5 οὔθ’ ἡμεῖς μάλα πολλὰ πονεύμενοι. Ἀλλ’ ἄγε θᾶσσον ### book 12.80.1 Κάλχαντος βουλῇσι θοὰς ἐπὶ νῆας ἰόντες ### book 12.80.2 ἵππον τεκταίνωμεν ὑπαὶ παλάμῃσιν Ἐπειοῦ ### book 12.80.3 ὅς ῥά τε πολλὸν ἄριστος ἐν Ἀργείοισι τέτυκται ### book 12.80.4 εἵνεκα τεκτοσύνης, δέδαεν δέ μιν ἔργον Ἀθήνη.» ### book 12.80.5 Ὣς φάτο· τῷ δ’ ἄρα πάντες ἀριστῆες πεπίθοντο ### book 12.85.1 νόσφι Νεοπτολέμοιο δαΐφρονος, οὐδὲ μὲν ἐσθλὸν ### book 12.85.2 πεῖθε Φιλοκτήταο νόον κρατερὰ φρονέοντος· ### book 12.85.3 ὑσμίνης γὰρ ἔτ’ ἔσκον ὀιζυρῆς ἀκόρητοι. ### book 12.1 Ὥρμαινον δὲ μάχεσθαι ἀνὰ κλόνον· ἀμφὶ δὲ λαοὺς ### book 12.2 σφωιτέρους ἐκέλευον ἀπειρέσιον περὶ τεῖχος ### book 12.90.1 πάντα φέρειν ὅσα δῆριν ἐνὶ πτολέμοισιν ὀφέλλει, ### book 12.90.2 ἐλπόμενοι πτολίεθρον ἐύκτιτον ἐξαλαπάξαι· ### book 12.90.3 ἄμφω γὰρ βουλῇσι θεῶν ἐς δῆριν ἵκοντο. ### book 12.90.4 Καί νύ κεν αἶψ’ ἐτέλεσσαν ὅσά σφισιν ἤθελε θυμός, ### book 12.90.5 εἰ μὴ Ζεὺς νεμέσησεν ἀπ’ αἰθέρος, ἀμφὶ δὲ γαῖαν ### book 12.95.1 Ἀργείων ἐλέλιξεν ὑπαὶ ποσί, σὺν δ’ ἐτίναξεν ### book 12.95.2 ἠέρα πᾶσαν ὕπερθε, βάλεν δ’ ἀκάμαντα κεραυνὸν ### book 12.95.3 ἡρώων προπάροιθεν· ὑπεσμαράγησε δὲ πᾶσα ### book 12.95.4 Δαρδανίη. Τῶν δ’ αἶψα μετετράπετ’ ἠὺ νόημα ### book 12.95.5 ἐς φόβον, ἐκ δ’ ἐλάθοντο βίης καὶ κάρτεος ἐσθλοῦ· ### book 12.1 καί ῥα κλυτῷ Κάλχαντι καὶ οὐκ ἐθέλοντε πίθοντο. ### book 12.2 Ἐς δ’ ἄρα νῆας ἵκοντο σὺν Ἀργείοισι καὶ ἄλλοις ### book 12.3 μάντιν ἀγασσάμενοι τὸν ἄρ’ ἐκ Διὸς ἔμμεν ἔφαντο, ### book 12.4 ἢ Διὸς ἢ Φοίβοιο· πίθοντο δέ οἱ μάλα πάντα. ### book 12.5 Ἦμος δ’ αἰγλήεντα περιστέφει οὐρανὸν ἄστρα ### book 12.105.1 πάντοθε μαρμαίροντα, πόνου δ’ ἐπιλήθεται ἀνήρ, ### book 12.105.2 δὴ τότ’ Ἀθηναίη μακάρων ἕδος αἰπὺ λιποῦσα ### book 12.105.3 ἤλυθε παρθενικῇ ἀταλάφρονι πάντ’ εἰκυῖα ### book 12.105.4 ἐς νῆας καὶ λαόν· ἀρηιφίλου δ’ ἄρ’ Ἐπειοῦ ### book 12.105.5 ἔστη ὑπὲρ κεφαλῆς ἐν ὀνείρα〈τ〉ι καί μιν ἀνώγει ### book 12.110 τεῦξαι δούριον ἵππον· ἔφη δέ οἱ ἐγκονέοντι ### book 12.1 αὐτὴ συγκαμέειν, αὐτὴ δ’ ἄφαρ ἔνδοθι βῆναι, ### book 12.2 ἔργον ἐς ὀτρύνουσα. Θεῆς δ’ ὅ γε μῦθον ἀκούσας ### book 12.3 καγχαλόων ἀνὰ θυμὸν ἀκηδέος ἔκθορεν ὕπνου· ### book 12.4 ἔγνω δ’ ἀθάνατον θεὸν ἄμβροτον· οὐδέ οἱ ἦτορ ### book 12.115.1 ἄλλο παρ’ ἐξ ὥρμαινε, νόον δ’ ἔχεν αἰὲν ἐπ’ ἔργῳ ### book 12.115.2 θεσπεσίῳ· πινυτὴ δὲ περὶ φρένας ἤιε τέχνη. ### book 12.115.3 Ἠὼς δ’ ὁππόθ’ ἵκανεν ἀπωσαμένη κνέφας ἠὺ ### book 12.115.4 εἰς Ἔρεβος, χαροπὴ δὲ δι’ ἠέρος ἤιεν αἴγλη, ### book 12.115.5 δὴ τότε θεῖον ὄνειρον ἐν Ἀργείοισιν Ἐπειός, ### book 12.120.1 ὡς ἴδεν, ὡς ἤκουσεν, ἐελδομένοισιν ἔειπεν· ### book 12.120.2 οἳ δέ οἱ εἰσαΐοντες ἀπειρέσιον κεχάροντο. ### book 12.120.3 Καὶ τότ’ ἄρ’ Ἀτρέος υἷες 〈ἐσ〉 ἄγκεα τηλεθάοντα ### book 12.120.4 Ἴδης ὑψικόμοιο θοοὺς προέηκαν ἱκέσθαι ### book 12.120.5 ἀνέρας. Οἳ δ’ ἐλάτῃσιν ἐπιβρίσαντες 〈ἀν’〉 ὕλην ### book 12.125.1 τάμνον δένδρεα μακρά· περικτυπέοντο δὲ βῆσσαι ### book 12.125.2 θεινομένων· δολιχαὶ δὲ κατ’ οὔρεα μακρὰ κολῶναι ### book 12.125.3 δεύοντ’ ἐκ ξυλόχοιο· νάπη δ’ ἀνεφαίνετο πᾶσα ### book 12.125.4 θήρεσιν οὐκέτι τόσσον ἐπήρατος ὡς τὸ πάροιθε· ### book 12.125.5 πρέμνα δ’ ἀπαυαίνοντο βίην ποθέοντ’ ἀνέμοιο. ### book 12.130.1 Καὶ τὰ μὲν ἂρ πελέκεσσι διατμήγοντες Ἀχαιοὶ ### book 12.130.2 ἐσσυμένως φορέεσκον ἐπ’ ᾐόνας Ἑλλησπόντου ### book 12.130.3 οὔρεος ἐκ λασίοιο· μόγησε 〈δὲ〉 θυμὸς ἐπ’ ἔργῳ ### book 12.130.4 αἰζηῶν τε καὶ ἡμιόνων. Πονέοντο δὲ λαοὶ ### book 12.130.5 〈– ⏑ ⏑〉 ἄλλοθεν ἄλλος ὑποδρήσσοντες Ἐπειῷ· ### book 12.135.1 οἳ μὲν γὰρ τέμνεσκον ὑπ’ ὀκριόεντι σιδήρῳ ### book 12.135.2 δούρατα καὶ σανίδας διεμέτρεον· οἳ δ’ ἄρ’ ἀπ’ ὄζους ### book 12.135.3 λείαινον πελέκεσσιν ἔτ’ ἀπρίστων ἀπὸ φιτρῶν· ### book 12.135.4 ἄλλος δ’ ἄλλό τι ῥέζε πονεύμενος. Αὐτὰρ Ἐπειὸς ### book 12.135.5 ἵππου δουρατέοιο πόδας κάμεν, αὐτὰρ ἔπειτα ### book 12.140.1 νηδύα, τῇ δ’ ἐφύπερθε συνήρμοσε νῶτα καὶ ἰξὺν ### book 12.140.2 ἐξόπιθεν, δειρὴν δὲ πάρος, καθύπερθε δὲ χαίτην ### book 12.140.3 αὐχένος ὑψηλοῖο καθήρμοσεν, ὡς ἐτεόν περ ### book 12.140.4 κινυμένην, λάσιον δὲ κάρη καὶ ἐύτριχον οὐρήν, ### book 12.140.5 οὔατα δ’ ὀφθαλμούς τε διειδέας ἄλλά τε πάντα ### book 12.145.1 οἷς ἐπικίνυται ἵππος. Ἀέξετο δ’ ἱερὸν ἔργον ### book 12.145.2 ὡς ἐτεὸν ζώοντος, ἐπεὶ θεὸς ἀνέρι τέχνην ### book 12.145.3 δῶκ’ ἐρατήν. Τετέλεστο δ’ ἐνὶ τρισὶν ἤμασι πάντα ### book 12.145.4 Παλλάδος ἐννεσίῃσι· πολὺς δ’ ἐπεγήθεε λαὸς ### book 12.145.5 Ἀργείων, θαύμαζε δ’ ὅπως ἐπὶ δούρατι θυμὸς ### book 12.1 καὶ τάχος ἐκπεπότητο ποδῶν, χρεμέθοντι δ’ ἐῴκει. ### book 12.2 Καὶ τότε δῖος Ἐπειὸς ὑπὲρ μεγακήτεος ἵππου ### book 12.3 εὔχετ’ ἐπ’ ἀκαμάτῳ Τριτωνίδι χεῖρας ὀρέξας· ### book 12.4 «Κλῦθι, θεὰ μεγάθυμε, σάου δ’ ἐμὲ καὶ τεὸν ἵππον.» ### book 12.5 Ὣς φάτο· τοῦ δ’ ἐσάκουσε θεὰ πολύμητις Ἀθήνη, ### book 12.155.1 καί ῥά οἱ ἔργον ἔτευξεν ἐπιχθονίοισιν ἀγητὸν ### book 12.155.2 πᾶσιν ὅσοι μιν ἴδοντο καὶ οἳ μετόπισθε πύθοντο. ### book 12.155.3 Ἀλλ’ ὅτε δὴ Δαναοὶ μὲν ἐγήθεον ἔργον Ἐπειοῦ ### book 12.155.4 δερκόμενοι, Τρῶες δὲ πεφυζότες ἔνδοθι πύργων ### book 12.155.5 μίμνον ἀλευάμενοι θάνατον καὶ ἀνηλέα κῆρα, ### book 12.160 δὴ τότ’ ἐπ’ Ὠκεανοῖο ῥοὰς καὶ Τηθύος ἄντρα ### book 12.1 Ζηνὸς ὑπερθύμοιο θεῶν ἀπάτερθε μολόντος ### book 12.2 ἔμπεσεν ἀθανάτοισιν ἔρις· δίχα δέ σφισι θυμὸς ### book 12.3 ἔπλετ’ ὀρινομένων. Ἀνέμων δ’ ἐπιβάντες ἀέλλαις ### book 12.4 οὐρανόθεν φορέοντο ποτὶ χθόνα· τοῖσι δ’ ὑπ’ αἰθὴρ ### book 12.165.1 ἔβραχεν. Οἳ δὲ μολόντες ἐπὶ Ξάνθοιο ῥέεθρα ### book 12.165.2 ἀλλήλων ἵσταντο καταντίον, οἳ μὲν Ἀχαιῶν, ### book 12.165.3 οἳ δ’ ἄρ’ ὑπὲρ Τρώων· πολέμου δ’ ἔρος ἔμπεσε θυμῷ. ### book 12.165.4 Τοῖσι δ’ ὁμῶς ἀγέροντο καὶ οἳ λάχον εὐρέα πόντον. ### book 12.165.5 Καί ῥ’ οἳ μὲν δολόεντα κοτεσσάμενοι μενέαινον ### book 12.170.1 ἵππον ἀμαλδῦναι σὺν νήεσιν, οἳ δ’ ἐρατεινὴν ### book 12.170.2 Ἴλιον· Αἶσα δ’ ἔρυκε πολύτροπος, ἐς δὲ κυδοιμὸν ### book 12.170.3 τρέψε νόον μακάρεσσιν. Ἄρης δ’ ἐξῆρχε μόθοιο, ### book 12.170.4 ἆλτο δ’ Ἀθηναίης κατεναντίον· ὣς δὲ καὶ ἄλλοι ### book 12.170.5 σύμπεσον ἀλλήλοισι. Περὶ σφίσι δ’ ἄμβροτα τεύχη ### book 12.175.1 χρύσεα κινυμένοισι μέγ’ ἴαχεν· ἀμφὶ δὲ πόντος ### book 12.175.2 εὐρὺς ὑπεσμαράγησε· κελαινὴ δ’ ἔτρεμε γαῖα ### book 12.175.3 ἀθανάτων ὑπὸ ποσσί. Μακρὸν δ’ ἅμα πάντες ἄυσαν· ### book 12.175.4 σμερδαλέη δ’ ἐνοπὴ μέχρις οὐρανὸν εὐρὺν ἵκανε, ### book 12.175.5 μέχρις ἐπ’ Ἀιδονῆος ὑπερθύμοιο βέρεθρον· ### book 12.180.1 Τιτῆνες δ’ ὑπένερθε μέγ’ ἔτρεσαν. Ἀμφὶ δὲ μακρὴ ### book 12.180.2 Ἴδη ὑπέστενε πᾶσα καὶ ἠχήεντα ῥέεθρα ### book 12.180.3 ἀενάων ποταμῶν, δολιχαὶ δ’ ἅμα τοῖσι χαράδραι ### book 12.180.4 νῆές τ’ Ἀργείων Πριάμοιό τε κύδιμον ἄστυ· ### book 12.180.5 ἀλλ’ οὐκ ἀνθρώποισι πέλεν δέος, οὐδ’ ἐνόησαν ### book 12.185.1 αὐτῶν ἐννεσίῃσι θεῶν ἔριν. Οἳ δὲ κολώνας ### book 12.185.2 χερσὶν ἀπορρήξαντες ἀπ’ οὔρεος Ἰδαίοιο ### book 12.1 βάλλον ἐπ’ ἀλλήλους· αἳ δὲ ψαμάθοισιν ὁμοῖαι ### book 12.2 ῥεῖα διεσκίδναντο θεῶν περὶ ἄσχετα γυῖα ### book 12.3 ῥηγνύμενα〈ι〉 διὰ τυτθά. Διὸς δ’ ἐπὶ πείρασι γαίης ### book 12.190.1 οὐ λάθον ἠὺ νόημα· λιπὼν δ’ ἄφαρ Ὠκεανοῖο ### book 12.190.2 χεύματ’ ἐς οὐρανὸν εὐρὺν ἀνήιε· τὸν δὲ φέρεσκον ### book 12.190.3 Εὖρος καὶ Βορέης, Ζέφυρος δ’ ἐπὶ τοῖσι Νότος τε, ### book 12.190.4 τοὺς ὑπὸ θεσπέσιον ζυγὸν αἰόλος ἤγαγεν Ἶρις ### book 12.190.5 ἅρματος αἰὲν ἐόντος ὅ οἱ κάμεν ἄμβροτος Αἰὼν ### book 12.195.1 χερσὶν ὑπ’ ἀκαμάτοισιν ἀτειρέος ἐξ ἀδάμαντος. ### book 12.195.2 Ἵκετο δ’ Οὐλύμποιο ῥίον μέγα· σὺν δ’ ἐτίναξεν ### book 12.195.3 ἠέρα πᾶσαν ὕπερθε χολούμενος· ἄλλοθε δ’ ἄλλαι ### book 12.195.4 βρονταὶ ὁμῶς στεροπῇσι μέγ’ ἔκτυπον· ἐκ δὲ κεραυνοὶ ### book 12.195.5 ταρφέες ἐξεχέοντο ποτὶ χθόνα· καίετο δ’ ἀὴρ ### book 12.1 ἄσπετον. Ἀθανάτοισι δ’ ὑπὸ φρένας ἔμπεσε δεῖμα· ### book 12.2 πάντων δ’ ἔτρεμε γυῖα καὶ ἀθανάτων περ ἐόντων. ### book 12.3 Τῶν δὲ περιδδείσασα κλυτὴ Θέμις εὖτε νόημα ### book 12.4 ἆλτο διὰ νεφέων, τάχα δέ σφεας εἰσαφίκανεν· ### book 12.5 οἴη γὰρ στονόεντος ἀπόπροθι μίμνε μόθοιο· ### book 12.205.1 τοῖον δ’ ἔκφατο μῦθον ἐρυκανόωσα μάχεσθαι· ### book 12.205.2 «Ἴσχεσθ’ ἰωχμοῖο δυσηχέος· οὐ γὰρ ἔοικε ### book 12.205.3 Ζηνὸς χωομένοιο μινυνθαδίων ἕνεκ’ ἀνδρῶν ### book 12.205.4 μάρνασθ’ αἰὲν ἐόντας, ἐπεὶ τάχα πάντες ἄιστοι ### book 12.205.5 ἔσσεσθ’· ἦ γὰρ ὕπερθεν ἐφ’ ὑμέας οὔρεα πάντα ### book 12.210 εἰς ἓν ἀναρρήξας οὔθ’ υἱῶν οὔτε θυγατρῶν ### book 12.1 φείσεται, ἀλλ’ ἄρα πάντας ὁμῶς 〈καθ〉ύπερθε καλύψει ### book 12.2 γαίῃ ἀπειρεσίῃ· οὐδ’ ἔσσεται ὔμμιν ἄλυξις ### book 12.3 ἐς φάος· ἀργαλέος δὲ περὶ ζόφος αἰὲν ἐρύξει.» ### book 12.4 Ὣς φάτο· τοὶ δ’ ἐπίθοντο Διὸς τρομέοντες ὁμοκλήν· ### book 12.215.1 ὑσμίνης δ’ ἔσχοντο, χόλον δ’ ἀπὸ νόσφι βάλοντο ### book 12.215.2 ἀργαλέον, φιλότητα δ’ ὁμήθεα ποιήσαντο. ### book 12.215.3 Καί ῥ’ οἳ μὲν νίσοντο πρὸς οὐρανόν, οἳ δ’ ἁλὸς εἴσω, ### book 12.215.4 οἳ δ’ ἀνὰ γαῖαν ἔμιμνον. Ἐυπτολέμοισι δ’ Ἀχαιοῖς ### book 12.215.5 υἱὸς Λαέρταο πύκα φρονέων φάτο μῦθον· ### book 12.220.1 «Ὦ νύ μοι Ἀργείων σημάντορες ὀβριμόθυμοι, ### book 12.220.2 νῦν μοι ἐελδομένῳ τεκμήρατε, οἵ τινές ἐστε ### book 12.220.3 ἐκπάγλως κρατεροὶ καὶ ἀμύμονες· ἦ γὰρ ἱκάνει ### book 12.220.4 ἔργον ἀναγκαίης. Ἀλλὰ μνησώμεθ’ Ἄρηος, ### book 12.220.5 ἐς δ’ ἵππον βαίνωμεν ἐύξοον, ὄφρά κε τέκμωρ ### book 12.225.1 εὕρωμεν πολέμοιο δυσηχέος· ὣς γὰρ ἄμεινον ### book 12.225.2 ἔσσεται, ἤν κε δόλῳ καὶ μήδεσιν ἀργαλέοισιν ### book 12.225.3 ἄστυ μέγ’ ἐκπέρσωμεν οὗ εἵνεκα δεῦρο μολόντες ### book 12.225.4 πάσχομεν ἄλγεα πολλὰ φίλης ἀπὸ τηλόθι γαίης. ### book 12.225.5 Ἀλλ’ ἄγε δὴ μένος ἠὺ καὶ ἄλκιμον ἐν φρεσὶ θέσθε· ### book 12.230.1 καὶ γάρ τις κατὰ δῆριν ἀνιηρῇ ὑπ’ ἀνάγκῃ ### book 12.230.2 θαρσήσας ἀνὰ θυμὸν ἀμείνονα φῶτα κατέκτα ### book 12.230.3 χειρότερος γεγαώς· μάλα γὰρ μέγα θυμὸν ἀέξει ### book 12.230.4 θάρσος, ὅ πέρ τε πέλει πολὺ λώιον ἀνθρώποισιν. ### book 12.230.5 Ἀλλ’ ἄγ’ ἀριστῆες μὲν ἐὺν λόχον ἐντύνασθε· ### book 12.235.1 οἱ δ’ ἄλλοι Τενέδοιο πρὸς ἱερὸν ἄστυ μολόντες ### book 12.235.2 μίμνετε, εἰς ὅ κεν ἄμμε ποτὶ πτόλιν εἰρύσσωσι ### book 12.235.3 δήιοι ἐλπόμενοι Τριτωνίδι δῶρον ἄγεσθαι. ### book 12.235.4 Αἰζηῶν δέ τις ἐσθλός, ὃν οὐ σάφα Τρῶες ἴσασι, ### book 12.235.5 μιμνέτω ἄγχ’ ἵπποιο σιδήρεον ἐνθέμενος κῆρ· ### book 12.240.1 καί οἱ πάντα μέλοιτο μάλ’ ἔμπεδον ὁππός’ ἔγωγε ### book 12.240.2 πρόσθ’ ἐφάμην· καὶ μή τι περὶ φρεσὶν ἄλλο νοήσῃ, ### book 12.240.3 ὄφρα μὴ ἀμφαδὰ Τρωσὶν Ἀχαιῶν ἔργα πέληται.» ### book 12.240.4 Ὣς φάτο· τὸν δὲ Σίνων ἀπαμείβετο κύδιμος ἀνὴρ ### book 12.240.5 ἄλλων δειδιότων· μάλα γὰρ μέγα ἔργον ἔμελλεν ### book 12.245.1 ἐκτελέειν· τῶ καί μιν ἐυφρονέοντ’ ἀνὰ θυμὸν ### book 12.245.2 εὐρὺς ἀγάσσατο λαός· ὃ δ’ ἐν μέσσοισιν ἔειπεν· ### book 12.245.3 «Ὦ Ὀδυσεῦ καὶ πάντες Ἀχαιῶν φέρτατοι υἷες, ### book 12.245.4 ἔργον μὲν τόδ’ ἔγωγε λιλαιομένοισι τελέσσω, ### book 12.245.5 εἴ τέ μ’ ἀεικίζωσι καὶ εἰ πυρὶ μητιόωνται ### book 12.1 βάλλειν ζωὸν ἐόντα· τὸ γάρ νύ μοι εὔαδε θυμῷ, ### book 12.2 ἢ θανέειν δηίοισιν ὑπ’ ἀνδράσιν ἢ ὑπαλύξαι ### book 12.3 Ἀργείοις μέγα κῦδος ἐελδομένοισι φέροντα.» ### book 12.4 Ὣς φάτο θαρσαλέως· μέγα δ’ Ἀργεῖοι κεχάροντο, ### book 12.5 καί τις ἔφη· «Ὡς τῷδε θεὸς μέγα θάρσος ἔδωκε ### book 12.255.1 σήμερον· οὐ γὰρ πρόσθεν ἔην θρασύς· ἀλλά ἑ δαίμων ### book 12.255.2 ὀτρύνει πάντεσσι κακὸν Τρώεσσι γενέσθαι ### book 12.255.3 ἢ νῶιν· νῦν γὰρ 〈καὶ〉 ὀίομαι ἐσσυμένως περ ### book 12.255.4 ἀργαλέου πολέμοιο τέκμωρ εὔδηλον ἔσεσθαι.» ### book 12.255.5 Ὣς ἄρ’ ἔφη κατὰ λαὸν ἀρηιφίλων τις Ἀχαιῶν. ### book 12.260 Νέστωρ δ’ αὖθ’ ἑτέρωθεν ἐποτρύνων μετέειπε· ### book 12.1 «Νῦν χρειώ, φίλα τέκνα, βίης καὶ θάρσεος ἐσθλοῦ· ### book 12.2 νῦν γὰρ τέρμα πόνοιο θεοὶ καὶ ἀμύμονα νίκην ### book 12.3 ἧμιν ἐελδομένοισι φίλας ἐς χεῖρας ἄγουσιν. ### book 12.4 Ἀλλ’ ἄγε θαρσαλέως πολυχανδέος ἔνδοθεν ἵππου ### book 12.265.1 βαίνετ’, ἐπεὶ μερόπεσσι κλέος μέγα θάρσος ὀπάζει. ### book 12.265.2 Ὡς ὄφελον μέγα κάρτος ἐμοῖς ἔτι γούνασι κεῖτο, ### book 12.265.3 οἷον ὅτ’ Αἴσονος υἱὸς ἔσω νεὸς ὠκυπόροιο ### book 12.265.4 Ἀργῴης καλέεσκεν ἀριστέας, ὁππότ’ ἔγωγε ### book 12.265.5 πρῶτος ἀριστήων καταβήμεναι ὁρμαίνεσκον, ### book 12.270.1 εἰ μὴ ἄρ’ ἀντίθεος Πελίης ἀέκοντά μ’ ἔρυκε. ### book 12.270.2 Νῦν δέ με γῆρας ἔπεισι πολύστονον· ἀλλ’ ἄρα καὶ ὧς, ### book 12.270.3 ὡς νέον ἡβώων, καταβήσομαι ἔνδοθεν ἵππου ### book 12.270.4 θαρσαλέως· κάρτος δὲ θεὸς καὶ κῦδος ὀπάσσει.» ### book 12.270.5 Ὣς φάμενον προσέειπε πάις ξανθοῦ Ἀχιλῆος· ### book 12.275.1 «Ὦ Νέστορ, σὺ μέν ἐσσι νόῳ προφερέστατος ἀνδρῶν ### book 12.275.2 πάντων· ἀλλά σε γῆρας ἀμείλιχον ἀμφιμέμαρφεν ### book 12.275.3 οὐδέ τοι ἔμπεδός ἐστι βίη χατέοντι πόνοιο. ### book 12.275.4 Τῶ σε χρὴ Τενέδοιο πρὸς ᾐόνας ἀπονέεσθαι· ### book 12.275.5 ἐς δὲ λόχον νέοι ἄνδρες ἔθ’ ὑσμίνης ἀκόρητοι ### book 12.280.1 βησόμεθ’, ὡς σύ, γεραιέ, λιλαιομένοις ἐπιτέλλεις.» ### book 12.280.2 Ὣς φάτο· τῷ δ’ ἄγχιστα κιὼν Νηλήιος υἱὸς ### book 12.280.3 ἀμφοτέρας οἱ ἔκυσσε χέρας κεφαλήν τ’ ἐφύπερθεν, ### book 12.280.4 οὕνεχ’ ὑπέσχετο πρῶτος ἐς εὐρέα δύμεναι ἵππον ### book 12.280.5 αὐτός, ὃ δ’ αὖτε κέλευε γεραίτερον ἔκτοθι μίμνειν ### book 12.285.1 ἄλλοις σὺν Δαναοῖσιν· ἐέλδετο γὰρ πονέεσθαι. ### book 12.285.2 Καί ῥά μιν ἰωχμοῖο λιλαιόμενον προσέειπεν· ### book 12.285.3 «Ἐσσὶ πατρὸς κείνοιο βίῃ καὶ ἐύφρονι μύθῳ ### book 12.285.4 ἀντιθέου Ἀχιλῆος· ἔολπα δὲ σῇσι χέρεσσιν ### book 12.285.5 Ἀργείους Πριάμοιο διαπραθέειν κλυτὸν ἄστυ. ### book 12.290.1 Ὀψὲ δ’ ἄρ’ ἐκ καμάτοιο μέγα κλέος ἔσσεται ἡμῖν ### book 12.290.2 πολλὰ πονησαμένοισι κατὰ κλόνον ἄλγεα λυγρά. ### book 12.290.3 Ἄλγεα μὲν παρὰ ποσσὶ θεοὶ θέσαν ἀνθρώποισιν, ### book 12.290.4 ἐσθλὰ δὲ πολλὸν ἄπωθε· πόνον δ’ ἐς μέσσον ἔλασσαν· ### book 12.290.5 τοὔνεκα ῥηιδίη μὲν ἐς ἀργαλέην κακότητα ### book 12.295.1 αἰζηοῖσι κέλευθος, ἀνιηρὴ δ’ ἐπὶ κῦδος, ### book 12.295.2 μέσφ’ ὅτε τις στονόεντα πόνον διὰ ποσσὶ περήσῃ.» ### book 12.295.3 Ὣς φάτο· τὸν δ’ Ἀχιλῆος ἀμείβετο κύδιμος υἱός· ### book 12.295.4 «Ὦ γέρον, ὡς σύ γ’ ἔολπας ἐνὶ φρεσί, τοῦτο πέλοιτο ### book 12.295.5 ἡμῖν εὐχομένοισιν, ἐπεὶ πολὺ λώιον οὕτω〈σ〉. ### book 12.1 Εἰ δ’ ἑτέρως ἐθέλουσι θεοί, καὶ τοῦτο τετύχθω· ### book 12.2 βουλοίμην δ’ ὑπ’ Ἄρηι ἐυκλειῶς ἀπολέσθαι ### book 12.3 ἠὲ φυγὼν Τροίηθεν ὀνείδεα πολλὰ φέρεσθαι.» ### book 12.4 Ὣς εἰπὼν ὤμοισι κατ’ ἄμβροτα θήκατο τεύχη ### book 12.5 πατρὸς ἑοῦ· τοὶ δ’ αἶψα καὶ αὐτοὶ θωρήχθησαν ### book 12.305.1 ἡρώων οἱ ἄριστοι ὅσοις θρασὺς ἔπλετο θυμός. ### book 12.305.2 Τούς μοι νῦν καθ’ ἕκαστον ἀνειρομένῳ σάφα, Μοῦσαι, ### book 12.305.3 ἔσπεθ’ ὅσοι κατέβησαν ἔσω πολυχανδέος ἵππου· ### book 12.305.4 ὑμεῖς γὰρ πᾶσάν μοι ἐνὶ φρεσὶ θήκατ’ ἀοιδήν, ### book 12.305.5 πρίν μοι 〈ἔτ’〉 ἀμφὶ παρειὰ κατασκίδνασθαι ἴουλον, ### book 12.310.1 Σμύρνης ἐν δαπέδοισι περικλυτὰ μῆλα νέμοντι ### book 12.310.2 τρὶς τόσον Ἕρμου ἄπωθεν ὅσον βοόωντος ἀκοῦσαι, ### book 12.1 Ἀρτέμιδος περὶ νηὸν Ἐλευθερίῳ ἐνὶ κήπῳ, ### book 12.2 οὔρεϊ οὔτε λίην χθαμαλῷ οὔθ’ ὑψόθι πολλῷ. ### book 12.3 Πρῶτος μὲν κατέβαινεν ἐς ἵππον κητώεντα ### book 12.315.1 υἱὸς Ἀχιλλῆος, σὺν δ’ ὁ κρατερὸς Μενέλαος ### book 12.315.2 ἠδ’ Ὀδυσεὺς Σθένελός τε καὶ ἀντίθεος Διομήδης· ### book 12.315.3 βῆ δὲ Φιλοκτήτης τε καὶ Ἄντικλος ἠδὲ Μενεσθεύς, ### book 12.315.4 σὺν δὲ Θόας ἐρίθυμος ἰδὲ ξανθὸς Πολυποίτης, ### book 12.315.5 Αἴας τ’ Εὐρύπυλός τε καὶ ἰσόθεος Θρασυμήδης, ### book 12.320.1 Μηριόνης τε καὶ Ἰδομενεὺς ἀριδεικέτω ἄμφω· ### book 12.320.2 σὺν δ’ ἄρ’ ἐυμμελίης Ποδαλείριος Εὐρύμαχός τε ### book 12.320.3 Τεῦκρός τ’ ἀντίθεος καὶ Ἰάλμενος ὀβριμόθυμος, ### book 12.320.4 Θάλπιος Ἀμφίμαχός τε μενεπτόλεμός τε Λεοντεύς· ### book 12.320.5 σὺν δ’ Εὔμηλος ἔβη θεοείκελος Εὐρύαλός τε ### book 12.325.1 Δημοφόων τε καὶ Ἀμφίλοχος κρατερός τ’ Ἀγαπήνωρ, ### book 12.325.2 σὺν δ’ Ἀκάμας τε Μέγης τε κραταιοῦ Φυλέος υἱός· ### book 12.325.3 ἄλλοι δ’ αὖ κατέβαινον ὅσοι ἔσαν ἔξοχ’ ἄριστοι, ### book 12.325.4 ὅσσους χάνδανεν ἵππος ἐύξοος ἐντὸς ἐέργειν. ### book 12.325.5 Ἐν δέ σφιν πύματος κατεβήσετο δῖος Ἐπειὸς ### book 12.330.1 ὅς ῥα καὶ ἵππον ἔτευξεν· ἐπίστατο δ’ ᾧ ἐνὶ θυμῷ ### book 12.330.2 ἠμὲν ἀνωΐξαι κείνου πτύχας ἠδ’ ἐπερεῖσαι· ### book 12.330.3 τοὔνεκα δὴ πάντων βῆ δεύτατος. Εἴρυσε δ’ εἴσω ### book 12.330.4 κλίμακας ᾗς ἀνέβησαν· ὃ δ’ αὖ μάλα πάντ’ ἐπερείσας ### book 12.330.5 αὐτοῦ πὰρ κληῖδι καθέζετο· τοὶ δὲ σιωπῇ ### book 12.335.1 πάντες ἔσαν μεσσηγὺς ὁμῶς νίκης καὶ ὀλέθρου. ### book 12.335.2 Οἳ δ’ ἄλλοι νήεσσιν ἐπέπλεον εὐρέα πόντον ### book 12.335.3 ἃς κλισίας πρήσαντες, ὅπῃ πάρος αὐτοὶ ἴαυον. ### book 12.335.4 Τοῖσι δὲ κοιρανέοντε δύω κρατερόφρονε φῶτε ### book 12.335.5 σήμαινον, Νέστωρ τε καὶ αἰχμητὴς Ἀγαμέμνων· ### book 12.340.1 τοὺς δὲ καὶ ἐλδομένους καταβήμεναι ἔνδοθεν ἵππου ### book 12.340.2 Ἀργεῖοι κατέρυξαν, ἵν’ ἐν νήεσσι μένοντες ### book 12.340.3 ἄλλοις σημαίνωσιν, ἐπεὶ πολὺ λώιον ἄνδρες ### book 12.340.4 ἔργῳ ἐποίχονται, ὁπότ’ εἰσορόωσιν ἄνακτες· ### book 12.340.5 τοὔνεκ’ ἄρ’ ἔκτοθι μίμνον ἀριστῆές περ ἐόντες. ### book 12.345.1 Οἳ δὲ θοῶς ἀφίκοντο πρὸς ἠιόνας Τενέδοιο· ### book 12.345.2 εὐνὰς δ’ ἔνθ’ ἔβαλον κατὰ βένθεος· ἐκ δ’ ἔβαν αὐτοὶ ### book 12.345.3 νηῶν ἐσσυμένως· ἀπὸ δ’ ἔκτοθι πείσματ’ ἔδησαν ### book 12.345.4 ἠιόνων· αὐτοὶ δὲ παρ’ αὐτόθι μίμνον ἕκηλοι ### book 12.345.5 δέγμενοι, ὁππότε πυρσὸς ἐελδομένοισι φανείη. ### book 12.1 Οἳ δ’ ἄρ’ ἐν ἵππῳ ἔσαν δηίων σχεδόν, ἄλλοτε μέν που ### book 12.2 φθεῖσθαι ὀιόμενοι, ὁτὲ δ’ ἱερὸν ἄστυ δαΐξαι· ### book 12.3 καὶ τὰ μὲν ἐλπομένοισιν ἐπήλυθεν Ἠριγένεια. ### book 12.4 Τρῶες δ’ εἰσενόησαν ἐπ’ ᾐόσιν Ἑλλησπόντου ### book 12.5 καπνὸν ἔτ’ ἀίσσοντα δι’ ἠέρος· οὐδ’ ἄρα νῆας ### book 12.355.1 δέρκονθ’ αἵ σφιν ἔνεικαν ἀφ’ Ἑλλάδος αἰνὸν ὄλεθρον. ### book 12.355.2 Γηθόσυνοι δ’ ἄρα πάντες ἐπέδραμον αἰγιαλοῖσι ### book 12.355.3 τεύχε’ ἐφεσσάμενοι· ἔτι γὰρ δέος ἄμπεχε θυμόν. ### book 12.355.4 Ἵππον δ’ εἰσενόησαν ἐύξοον, ἀμφὶ δ’ ἄρ’ αὐτῷ ### book 12.355.5 θάμβεον ἑσταότες· μάλα γὰρ μέγα ἔργον ἐτύχθη. ### book 12.360.1 Ἀγχόθι δ’ αὖτε Σίνωνα δυσάμμορον εἰσενόησαν, ### book 12.360.2 καί μιν ἀνειρόμενοι Δαναῶν ὕπερ ἄλλοθεν ἄλλος ### book 12.360.3 μέσσον ἐκυκλώσαντο περισταδόν· ἀμφὶ δὲ μύθοις ### book 12.360.4 μειλιχίοις εἴροντο πάρος, μετέπειτα δ’ ὁμοκλῇ ### book 12.360.5 σμερδαλέῃ, καὶ πολλὰ δολόφρονα φῶτα δάιζον ### book 12.365.1 πολλὸν ἐπὶ χρόνον αἰέν. Ὃ δ’ ἔμπεδον ἠύτε πέτρη ### book 12.365.2 μίμνεν ἀτειρέα γυῖ’ ἐπιειμένος. Ὀψὲ δ’ ἄρ’ αὐτοῦ ### book 12.365.3 οὔαθ’ ὁμῶς καὶ ῥῖνας ἀπὸ μελέων ἐτάμοντο ### book 12.365.4 πάμπαν ἀεικίζοντες, ὅπως νημερτέα εἴπῃ, ### book 12.365.5 ὅππῃ ἔβαν Δαναοί, σὺν νήεσιν ἠὲ καὶ ἵππος ### book 12.370.1 ἔνδον ἐρητύεσκεν. Ὃ δ’ ἐνθέμενος φρεσὶ κάρτος ### book 12.370.2 λώβης οὐκ ἀλέγιζεν ἀεικέος, ἀλλ’ ἐνὶ θυμῷ ### book 12.370.3 ἔτλη καὶ πληγῇσι καὶ ἐν πυρὶ τειρόμενός περ ### book 12.370.4 ἀργαλέως· Ἥρη γὰρ ἐνέπνευσε〈ν〉 μέγα κάρτος. ### book 12.370.5 Τοῖα δ’ ἄρ’ ἐν μέσσοισι δολοφρονέων ἀγόρευεν· ### book 12.375.1 «Ἀργεῖοι μὲν νηυσὶν ὑπὲρ πόντοιο φέβονται ### book 12.375.2 μακρῷ ἀκηδήσαντες ἐπὶ πτολέμῳ καὶ ἀνίῃ. ### book 12.375.3 Κάλχαντος δ’ ἰότητι δαΐφρονι Τριτογενείῃ ### book 12.375.4 ἵππον ἐτεκτήναντο, θεῆς χόλον ὄφρ’ ἀλέωνται ### book 12.375.5 πάγχυ κοτεσσαμένης Τρώων ὕπερ. Ἀμφὶ δὲ νόστου ### book 12.380.1 ἐννεσίῃ〈σ〉 Ὀδυσῆος ἐμοὶ μενέαινον ὄλεθρον, ### book 12.380.2 ὄφρά με δῃώσωσι δυσηχέος ἄγχι θαλάσσης ### book 12.380.3 δαίμοσιν εἰναλίοις. Ἐμὲ δ’ οὐ λάθον, ἀλλ’ ἀλεγεινὰς ### book 12.380.4 σπονδάς τ’ οὐλοχύτας τε μάλ’ ἐσσυμένως ὑπαλύξας ### book 12.380.5 ἀθανάτων βουλῇσι παραὶ ποσὶ κάππεσον ἵππου· ### book 12.385 οἳ δὲ καὶ οὐκ ἐθέλοντες ἀναγκαίῃ μ’ ἐλίποντο, ### book 12.1 ἁζόμενοι μεγάλοιο Διὸς κρατερόφρονα κούρην.» ### book 12.2 Ὣς φάτο κερδοσύνῃσι καὶ οὐ κάμεν ἄλγεσι θυμόν· ### book 12.3 ἀνδρὸς γὰρ κρατεροῖο κακὴν ὑποτλῆναι ἀνάγκην. ### book 12.4 Τῷ δ’ οἳ μὲν πεπίθοντο κατὰ στρατόν, οἳ δ’ ἄρ’ ἔφαντο ### book 12.390.1 ἔμμεναι ἠπεροπῆα πολύτροπον, οἷς ἄρα βουλὴ ### book 12.390.2 ἥνδανε Λαοκόωντος· ὃ γὰρ πεπνυμένα βάζων ### book 12.390.3 φῆ δόλον ἔμμεναι αἰνὸν ὑπ’ ἐννεσίῃσιν Ἀχαιῶν, ### book 12.390.4 πάντας δ’ ὀτρύνεσκε θοῶς ἐμπρησέμεν ἵππον, ### book 12.390.5 ἵππον δουράτεον καὶ γνώ〈με〉ναι εἴ τι κέκευθε. ### book 12.395.1 Καί νύ κέ οἱ πεπίθοντο καὶ ἐξήλυξαν ὄλεθρον, ### book 12.395.2 εἰ μὴ Τριτογένεια κοτεσσαμένη περὶ θυμῷ ### book 12.395.3 αὐτῷ καὶ Τρώεσσι καὶ ἄστεϊ γαῖαν ἔνερθε ### book 12.395.4 θεσπεσίην ἐλέλιξεν ὑπαὶ ποσὶ Λαοκόωντος. ### book 12.395.5 Τῷ δ’ ἄφαρ ἔμπεσε δεῖμα, τρόμος δ’ ἀμφέκλασε γυῖα ### book 12.1 ἀνδρὸς ὑπερθύμοιο· μέλαινα δέ οἱ περὶ κρατὶ ### book 12.2 νὺξ ἐχύθη· στυγερὸν δὲ κατὰ βλεφάρων πέσεν ἄλγος, ### book 12.3 σὺν δ’ ἔχεεν λασίῃσιν ὑπ’ ὀφρύσιν ὄμματα φωτός· ### book 12.4 γλῆναι δ’ ἀργαλέῃσι πεπαρμέναι ἀμφ’ ὀδύνῃσι ### book 12.5 ῥιζόθεν ἐκλονέοντο· περιστρωφῶντο δ’ ὀπωπαὶ ### book 12.405.1 τειρόμεναι ὑπένερθεν· ἄχος δ’ ἀλεγεινὸν ἵκανεν ### book 12.405.2 ἄχρι καὶ ἐς μήνιγγας ἰδ’ ἐγκεφάλοιο θέμεθλα. ### book 12.405.3 Τοῦ δ’ ὁτὲ μὲν φαίνοντο μεμιγμένοι αἵματι πολλῷ ### book 12.405.4 ὀφθαλμοί, ὁτὲ δ’ αὖτε δυσαλθέα γλαυκιόωντες· ### book 12.405.5 πολλάκι δ’ ἔρρεον, οἷον ὅτε στυφελῆς ἀπὸ πέτρης ### book 12.410.1 εἴβεται ἐξ ὀρέων νιφετῷ πεπαλαγμένον ὕδωρ. ### book 12.410.2 Μαινομένῳ δ’ ἤικτο καὶ ἔδρακε διπλόα πάντα ### book 12.410.3 αἰνὰ μάλα στενάχων. Καὶ ἔτι Τρώεσσι κέλευεν ### book 12.1 οὐδ’ ἀλέγιζε μόγοιο· φάος δέ οἱ ἐσθλὸν ἄμερσε ### book 12.2 δῖα θεή· λευκαὶ δ’ 〈ἄρ’〉 ὑπὸ βλέφαρ’ ἔσταν ὀπωπαὶ ### book 12.415.1 αἵματος ἐξ ὀλοοῖο. Περιστενάχιζε δὲ λαὸς ### book 12.415.2 οἰκτείρων φίλον ἄνδρα καὶ ἀθανάτην Ἀγελείην ### book 12.415.3 ἐρριγὼς μὴ δή τι παρήλιτον ἀφραδίῃσι. ### book 12.415.4 Καί σφιν ἐς αἰνὸν ὄλεθρον ἀνεγνάμφθη νόος ἔνδον, ### book 12.415.5 οὕνεκα λωβήσαντο δέμας μογεροῖο Σίνωνος, ### book 12.420.1 ἐλπόμενοι κατὰ θυμὸν ἐτήτυμα πάντ’ ἀγορεύ〈σ〉ειν· ### book 12.420.2 τοὔνεκα προφρονέως μιν ἄγον ποτὶ Τρώιον ἄστυ ### book 12.420.3 ὀψέ περ οἰκτείραντες. Ἀγειρόμενοι δ’ ἄρα πάντες ### book 12.420.4 σειρὴν ἀμφεβάλοντο θοῶς περιμήκεϊ ἵππῳ ### book 12.420.5 δησάμενοι καθύπερθεν, ἐπεί ῥά οἱ ἐσθλὸς Ἐπειὸς ### book 12.425.1 ποσσὶν ὑπὸ βριαροῖσιν ἐύτροχα δούρατ’ ἔθηκεν, ### book 12.425.2 ὄφρά κεν αἰζηοῖσιν ἐπὶ πτολίεθρον ἕπηται ### book 12.425.3 ἑλκόμενος Τρώων ὑπὸ χείρεσιν. Οἳ δ’ ἅμα πάντες ### book 12.425.4 εἷλκον ἐπιβρίσαντες ἀολλέες, ἠύτε νῆα ### book 12.425.5 ἕλκωσι〈ν〉 μογέοντες ἔσω ἁλὸς ἠχηέσσης ### book 12.430.1 αἰζηοί, στιβαραὶ δὲ περιστενάχουσι φάλαγγες ### book 12.430.2 τριβόμεναι, δεινὸν δὲ τρόπις περιτετριγυῖα ### book 12.430.3 ἀμφὶς ὀλισθαίνουσα κατέρχεται εἰς ἁλὸς οἶδμα· ### book 12.430.4 ὣς οἵ γε σφίσι πῆμα ποτὶ πτόλιν ἔργον Ἐπειοῦ ### book 12.430.5 πνασυδίῃ μογέοντες ἀνείρυον. Ἀμφὶ δ’ ἄρ’ αὐτῷ ### book 12.435.1 πολλὸν ἄδην στεφέων ἐριθηλέα κόσμον ἔθεντο· ### book 12.435.2 αὐτοὶ δ’ ἐστέψαντο κάρη· μέγα δ’ ἤπυε λαὸς ### book 12.1 ἀλλήλοις ἐπικεκλομένων. Ἐγέλασσε δ’ Ἐνυὼ ### book 12.2 δερκομένη πολέμοιο κακὸν τέλος· ὑψόθι δ’ Ἥρη ### book 12.3 τέρπετ’, Ἀθηναίη δ’ ἐπεγήθεεν. Οἳ δὲ μολόντες ### book 12.440.1 ἄστυ ποτὶ σφέτερον μεγάλης κρήδεμνα πόληος ### book 12.440.2 λυσάμενοι λυγρὸν ἵππον ἐσήγαγον· αἳ δ’ ὀλόλυξαν ### book 12.440.3 Τρωιάδες, πᾶσαι δὲ περισταδὸν εἰσορόωσαι ### book 12.440.4 θάμβεον ὄβριμον ἔργον ὃ δή σφισιν ἔκρυφε πῆμα. ### book 12.440.5 Λαοκόων δ’ ἔτ’ ἔμιμνεν ἐποτρύνων ἑτάροισιν ### book 12.445.1 ἵππον ἀμαλδῦναι μαλερῷ πυρί· τοὶ δέ οἱ οὔ τι ### book 12.445.2 πείθοντ’, ἀθανάτων γὰρ ὑποτρομέεσκον ὁμοκλήν. ### book 12.445.3 Τῷ δ’ ἐπὶ κύντερον ἄλλο θεὰ μεγάθυμος Ἀθήνη ### book 12.445.4 δυστήνοις τεκέεσσιν ἐμήδετο Λαοκόωντος. ### book 12.445.5 Δὴ γάρ που πέλεν ἄντρον ὑπὸ στυφελώδεϊ πέτρῃ ### book 12.1 ἠερόεν, θνητοῖσιν ἀνέμβατον, ᾧ ἔνι θῆρες ### book 12.2 σμερδαλέοι ναίεσκον ἔτ’ οὐλομένοιο γενέθλης ### book 12.3 Τυφῶνος, νήσοιο κατὰ πτύχας ἥν τε Καλύδνην ### book 12.4 λαοὶ ἐπικλείουσιν, ἔσω ἁλὸς ἀντία Τροίης. ### book 12.5 Ἔνθεν ἀναστήσασα βίην καλέεσκε δρακόντων ### book 12.455.1 ἐς Τροίην· οἳ δ’ αἶψα θεῆς ὕπο κινηθέντες ### book 12.455.2 νῆσον ὅλην ἐτίναξαν· ἐπεσμαράγησε δὲ πόντος ### book 12.455.3 νισομένων καὶ κῦμα διίστατο· τοὶ δ’ ἐφέροντο ### book 12.455.4 αἰνὸν λιχμώωντες· ἔφριξε δὲ κήτεα πόντου. ### book 12.455.5 Ἀμφὶ δ’ ἄρα στενάχοντο μέγα Ξάνθοιο θύγατρες ### book 12.460 Νύμφαι καὶ Σιμόεντος, ἀπ’ Οὐλύμποιο δὲ Κύπρις ### book 12.1 ἄχνυτο. Τοὶ δ’ ἄφαρ ἷξαν ὅπῃ θεὸς ὀτρύνεσκε, ### book 12.2 θήγοντες βλοσυρῇσι γενειάσι λοιγὸν ὀδόντων ### book 12.3 δυστήνοις ἐπὶ παισί. Κακὴ δ’ ἐπενίσετο φύζα ### book 12.4 Τρῶας, ὅτ’ εἰσενόησαν ἀνὰ πτόλιν αἰνὰ πέλωρα· ### book 12.465.1 οὐδέ τις αἰζηῶν, οὐδ’ εἰ μένος ἄτρομος ἦεν, ### book 12.465.2 μεῖναι ἔτλη· πάντας γὰρ ἀμείλιχον ἄμπεχε δεῖμα ### book 12.465.3 θῆρας ἀλευομένους, ὀδύνη δ’ ἔχεν. Ἔνθα γυναῖκες ### book 12.465.4 οἴμωζον καί πού τις ἑῶν ἐπελήσατο τέκνων ### book 12.465.5 αὐτὴ ἀλευομένη στυγερὸν μόρον. Ἀμφὶ δὲ Τροίη ### book 12.470.1 ἔστεν’ ἐπεσσυμένων. Πολλοὶ δ’ ἄφαρ εἰς ἓν ἰόντες ### book 12.470.2 γυῖα περιδρύφθησαν· ἐνεστείνοντο δ’ ἀγυιαῖς ### book 12.470.3 ἀμφιπεριπτώσσοντες. Ἔλειπτο δὲ μοῦνος ἄπωθε ### book 12.470.4 Λαοκόων ἅμα παισί· πέδησε γὰρ οὐλομένη Κὴρ ### book 12.470.5 καὶ θεός. Οἳ δέ οἱ υἷας ὑποτρομέοντας ὄλεθρον ### book 12.475.1 ἀμφοτέρους ὀλοῇσιν ἀνηρείψαντο γένυσσι ### book 12.475.2 πατρὶ φίλῳ ὀρέγοντας ἑὰς χέρας· οὐδ’ ὅ γ’ ἀμύνειν ### book 12.475.3 ἔσθενεν· ἀμφὶ δὲ Τρῶες ἀπόπροθεν εἰσορόωντες ### book 12.475.4 κλαῖον ὑπὸ κραδίῃσι τεθηπότες. Οἳ δ’ ἄρ’ Ἀθήνης ### book 12.475.5 προφρονέως τελέσαντες ἀπεχθέα Τρωσὶν ἐφετμὴν ### book 12.480.1 ἄμφω ἀιστώθησαν ὑπὸ χθόνα· τῶν δ’ ἔτι σῆμα ### book 12.480.2 φαίνεθ’, ὅπου κατέδυσαν ἐς ἱερὸν Ἀπόλλωνος ### book 12.480.3 Περγάμῳ ἐν ζαθέῃ. Προπάροιθε δὲ Τρώιοι υἷες ### book 12.480.4 παίδων Λαοκόωντος ἀμείλιχα δῃωθέντων ### book 12.480.5 τεῦξαν ἅμ’ ἀγρόμενοι κενεὸν τάφον ᾧ ἔπι δάκρυ ### book 12.485.1 χεῦε πατὴρ ἀλαοῖσιν ὑπ’ ὄμμασιν· ἀμφὶ δὲ μήτηρ ### book 12.485.2 πολλὰ κινυρομένη κενεῷ ἐπαΰτεε τύμβῳ ### book 12.1 ἐλπομένη τι καὶ ἄλλο κακώτερον· ἔστενε δ’ ἄτην ### book 12.2 ἀνέρος ἀφραδίῃ, μακάρων δ’ ὑπεδείδιε μῆνιν. ### book 12.3 Ὡς δ’ ὅτ’ ἐρημαίην περιμύρεται ἀμφὶ καλιὴν ### book 12.490.1 πολλὰ μάλ’ ἀχνυμένη κατὰ δάσκιον ἄγκος ἀηδών, ### book 12.490.2 ἧς ἔτι νήπια τέκνα, πάρος κελαδεινὸν ἀείδειν, ### book 12.490.3 δάμναθ’ ὑπὸ γναθμοῖσι μένος βλοσυροῖο δράκοντος, ### book 12.490.4 μητέρι δ’ ἄλγεα θῆκε, καὶ ἄσπετον ἀσχαλόωσα ### book 12.490.5 μύρεται ἀμφὶ δόμον κενεὸν μάλα κεκληγυῖα· ### book 12.495.1 ὣς ἥ γε στενάχιζε λυγρὸν τεκέων ἐπ’ ὀλέθρῳ ### book 12.495.2 μυρομένη κενεῷ περὶ σήματι· σὺν δέ οἱ ἄλλο ### book 12.495.3 πῆμα μάλ’ ἀργαλέον πόσιος πέλεν ἀμφ’ ἀλαοῖο. ### book 12.495.4 Καί ῥ’ ἣ μὲν φίλα τέκνα καὶ ἀνέρα κωκύεσκε, ### book 12.495.5 τοὺς μὲν ἀποφθιμένους, τὸν δ’ ἄμμορον ἠελίοιο· ### book 12.1 Τρῶες δ’ ἀθανάτοισιν ἐπεντύνοντο θυηλὰς ### book 12.2 λείβοντες μέθυ λαρόν, ἐπεί σφισιν ἦτορ ἐώλπει ### book 12.3 λευγαλέου πολέμοιο βαρὺ σθένος ἐξυπαλύξειν. ### book 12.4 Ἱερὰ δ’ οὐ καίοντο, πυρὸς δ’ ἐσβέννυτ’ ἀυτμή, ### book 12.5 ὄμβρου ὅπως καθύπερθε δυσηχέος ἐσσυμένοιο· ### book 12.505.1 καπνὸς δ’ αἱματόεις ἀνεκήκιε· μῆρα δὲ πάντα ### book 12.505.2 πῖπτε χαμαὶ τρομέοντα· κατηρείποντο δὲ βωμοί· ### book 12.505.3 σπονδαὶ δ’ αἷμα γένοντο· θεῶν δ’ ἐξέρρεε δάκρυ, ### book 12.505.4 καὶ νηοὶ δεύοντο λύθρῳ· στοναχαὶ δ’ ἐφέροντο ### book 12.505.5 ἔκποθεν ἀπροφάτοιο· περισσείοντο δὲ μακρὰ ### book 12.510 τείχεα καὶ πύργοι μεγάλ’ ἔκτυπον, † ὡς ἐτεόν περ †· ### book 12.1 αὐτόματοι δ’ ἄρ’ ὀχῆες ἀνωίγνυντο πυλάων ### book 12.2 αἰνὸν κεκλήγοντες, ἐπεστενάχοντο δὲ λυγρὸν ### book 12.3 ἐννύχιοι ὄρνιθες ἐρημαῖον βοόωντες· ### book 12.4 ἄστρα δὲ πάντ’ ἐφύπερθε θεοδμήτοιο πόληος ### book 12.515.1 ἀχλὺς ἀμφεκάλυψε καὶ ἀννεφέλου περ ἐόντος ### book 12.515.2 οὐρανοῦ αἰγλήεντος· ἀπαυαίνοντο δὲ δάφναι ### book 12.515.3 πὰρ νηῷ Φοίβοιο πάρος θαλεραί περ ἐοῦσαι· ### book 12.515.4 ἐν δὲ λύκοι καὶ θῶες ἀναιδέες ὠρύσαντο ### book 12.515.5 ἔντοσθεν πυλέων. Μάλα μυρία δ’ ἄλλ’ ἐφαάνθη ### book 12.520.1 σήματα Δαρδανίδῃσι καὶ ἄστεϊ πῆμα φέροντα· ### book 12.520.2 ἀλλ’ οὐ δεῖμ’ ἀλεγεινὸν ἐπὶ Τρώων φρένας ἷξε ### book 12.520.3 δερκομένων ἀλεγεινὰ τεράατα πάντα κατ’ ἄστυ· ### book 12.520.4 Κῆρες γὰρ πάντων νόον ἔκβαλον, ὄφρ’ ἐπὶ δαιτὶ ### book 12.520.5 πότμον ἀναπλήσωσιν ὑπ’ Ἀργείοισι δαμέντες. ### book 12.525.1 Οἴη δ’ ἔμπεδον ἦτορ ἔχεν πινυτόν τε νόημα ### book 12.525.2 Κασσάνδρη, τῆς οὔ ποτ’ ἔπος γένετ’ ἀκράαντον, ### book 12.525.3 ἀλλ’ ἄρ’ ἐτήτυμον ἔσκεν, ἀκούετο δ’ ἔκ τινος αἴσης ### book 12.525.4 ὡς ἀνεμώλιον αἰέν, ἵν’ ἄλγεα Τρωσὶ γένηται· ### book 12.525.5 ἥ ῥ’ ὅτε σήματα λυγρὰ κατὰ πτόλιν εἰσενόησεν ### book 12.530.1 εἰς ἓν ἅμ’ ἀίσσοντα, μέγ’ ἴαχεν, εὖτε λέαινα ### book 12.530.2 ἥν ῥά τ’ ἐνὶ ξυλόχοισιν ἀνὴρ λελιημένος ἄγρης ### book 12.530.3 οὐτάσῃ ἠὲ βάλῃ, τῆς δ’ ἐν φρεσὶ μαίνεται ἦτορ ### book 12.532.1 . . . . . . . . . . . . . . . . . . . . . . . . . . . . . . . . . . . . . . . . . . . . ### book 12.532.2 πάντῃ ἀν’ οὔρεα μακρά, πέλει δέ οἱ ἄσχετος ἀλκή· ### book 12.532.3 ὣς ἄρα μαιμώωσα θεοπρόπον ἔνδοθεν ἦτορ ### book 12.535.1 ἤλυθεν ἐκ μεγάροιο· κόμαι δέ οἱ ἀμφεκέχυντο ### book 12.535.2 ὤμοις ἀργυφέοισι μετάφρενον ἄχρις ἰοῦσαι· ### book 12.535.3 ὄσσε δέ οἱ μάρμαιρεν ἀναιδέα· τῆς δ’ ὑπὸ δειρή, ### book 12.535.4 ἐξ ἀνέμων ἅτε πρέμνον, ἄδην ἐλελίζετο πάντῃ. ### book 12.535.5 Καί ῥα μέγα στονάχησε καὶ ἴαχε παρθένος ἐσθλή· ### book 12.540.1 «Ἆ δειλοί, νῦν βῆμεν ὑπὸ ζόφον· ἀμφὶ γὰρ ἡμῖν ### book 12.540.2 ἔμπλειον πυρὸς ἄστυ καὶ αἵματος ἠδὲ καὶ οἴτου ### book 12.540.3 λευγαλέου· πάντῃ δὲ τεράατα δακρυόεντα ### book 12.540.4 ἀθάνατοι φαίνουσι, καὶ ἐν ποσὶ κείμεθ’ Ὀλέθρου. ### book 12.540.5 Σχέτλιοι, οὐδέ τι ἴστε κακὸν μόρον, ἀλλ’ ἄρα πάντες ### book 12.545.1 χαίρετε ἀφραδέοντες. Ὃ γὰρ μέγα πῆμα κέκευθεν· ### book 12.545.2 ἀλλά μοι οὐ πείσεσθ’, οὐδ’ εἰ μάλα πόλλ’ ἀγορεύσω, ### book 12.545.3 οὕνεκ’ Ἐριννύες ἄμμι γάμου κεχολωμέναι αἰνοῦ ### book 12.545.4 ἀμφ’ Ἑλένης καὶ Κῆρες ἀμείλιχοι ἀίσσουσι ### book 12.545.5 πάντῃ ἀνὰ πτολίεθρον· ἐπ’ εἰλαπίνῃ δ’ ἀλεγεινῇ ### book 12.1 δαίνυσθ’ ὕστατα δόρπα κακῷ πεφορυγμένα λύθρῳ ### book 12.2 ἤδη ἐπιψαύοντες ὁμὴν ὁδὸν εἰδώλοισι.» ### book 12.551.1 . . . . . . . . . . . . . . . . . . . . . . . . . . . . . . . . . . . . . . . . . . ### book 12.551.2 Καί τις κερτομέων ὀλοφώιον ἔκφατο μῦθον· ### book 12.551.3 «Ὦ κούρη Πριάμοιο, τί ἤ νύ σε μάργος ἀνώγει ### book 12.551.4 γλῶσσα κακοφραδίη τ’ ἀνεμώλια πάντ’ ἀγορεύειν; ### book 12.555.1 Οὐδέ σε παρθενικὴ καὶ ἀκήρατος ἀμπέχει αἰδώς, ### book 12.555.2 ἀλλά σε λύσς’ ὀλοὴ περιδέδρομε· τῶ νύ σε πάντες ### book 12.555.3 αἰὲν ἀτιμάζουσι βροτοὶ πολύμυθον ἐοῦσαν. ### book 12.555.4 Ἔρρε καὶ Ἀργείοισι κακὴν προτιόσσεο φήμην ### book 12.555.5 ἠδ’ αὐτῇ· τάχα γάρ σε καὶ ἀργαλεώτερον ἄλγος ### book 12.560.1 μίμνει Λαοκόωντος ἀναιδέος· οὐ γὰρ ἔοικεν ### book 12.560.2 ἀθανάτων φίλα δῶρα δαϊζέμεν ἀφραδέοντα.» ### book 12.560.3 Ὣς ἄρ’ ἔφη Τρώων τις ἀνὰ πτόλιν· ὣς δὲ καὶ ἄλλοι ### book 12.560.4 κούρην μωμήσαντο καὶ οὐ φάσαν ἄρτια βάζειν, ### book 12.560.5 οὕνεκ’ ἄ〈ρά〉 σφι〈σι〉 πῆμα καὶ ἀργαλέον μένος Αἴσης ### book 12.565.1 ἄγχι παρειστήκει. Τοὶ δ’ οὐ νοέοντες ὄλεθρον ### book 12.565.2 κείνην κερτομέοντες ἀπέτρεπον εὐρέος ἵππου. ### book 12.565.3 Ἦ γάρ οἱ μενέαινε διὰ ξύλα πάντα κεδάσσαι ### book 12.565.4 ἠὲ καταπρῆσαι μαλερῷ πυρί· τοὔνεκα πεύκης ### book 12.565.5 αἰθομένης ἔτι δαλὸν ἀπ’ ἐσχαρεῶνος ἑλοῦσα ### book 12.570.1 ἔσσυτο μαιμώως’, ἑτέρῃ δ’ ἐνὶ χειρὶ φέρεσκεν ### book 12.570.2 ἀμφίτυπον βουπλῆγα. Λυγροῦ δ’ ἐπεμαίετο ἵππου, ### book 12.570.3 ὄφρα λόχον στονόεντα καὶ ἀμφαδὸν ἀθρήσωσι ### book 12.570.4 Τρῶες· τοὶ δέ οἱ αἶψα χερῶν ἀπὸ νόσφι βαλόντες ### book 12.570.5 πῦρ ὀλοόν τε σίδηρον ἀκηδέες ἐντύνοντο ### book 12.575.1 δαῖτα λυγρήν· μάλα γὰρ τάχ’ ἐπήιεν ὑστατίη νύξ. ### book 12.575.2 Ἀργεῖοι δ’ ἔντοσθεν ἐγήθεον εἰσαΐοντες ### book 12.575.3 δαινυμένων ὅμαδον κατὰ Ἴλιον οὐδ’ ἀλεγόντων ### book 12.575.4 Κασσάνδρης, τήν ῥ’ αὐτοὶ ἐθάμβεον, ὡς ἐτέτυκτο ### book 12.575.5 ἀτρεκέως εἰδυῖα νόον καὶ μῆτιν Ἀχαιῶν. ### book 12.580.1 Ἣ δ’, ἅτε πόρδαλις ἔσσυτ’ ἐν οὔρεσιν ἀσχαλόωσα ### book 12.580.2 ἥν τ’ ἀπὸ μεσσαύλοιο κύνες μογεροί τε νομῆες ### book 12.580.3 σεύοντ’ ἐσσυμένως, ἣ δ’ ἄγριον ἦτορ ἔχουσα ### book 12.580.4 ἐντροπαλιζομένη ἀναχάζεται ἀχνυμένη κῆρ· ### book 12.580.5 ὣς ἥ γ’ εὐρέος ἵππου ἀπέσσυτο τειρομένη περ ### book 12.585 Τρώων ἀμφὶ φόνῳ· μάλα γὰρ μέγα δέχνυτο πῆμα. ### book 13.1.1 Οἳ δ’ ἄρ’ ἀνὰ πτολίεθρον ἐδόρπεον· ἐν δ’ ἄρα τοῖσιν ### book 13.1.2 αὐλοὶ ὁμῶς σύριγξι μέγ’ ἤπυον· ἀμφὶ δὲ πάντῃ ### book 13.1.3 μολπὴ ἐπ’ ὀρχηθμοῖσι καὶ ἄκριτος ἔσκεν ἀυτὴ ### book 13.1.4 δαινυμένων, οἵ〈η〉 τε πέλει παρὰ δαιτὶ καὶ οἴνῳ. ### book 13.5.1 Ὧδε δέ τις χείρεσσι λαβὼν ἔμπλειον ἄλεισον ### book 13.5.2 πῖνεν ἀκηδέστως· βαρύθοντο δέ οἱ φρένες ἔνδον, ### book 13.5.3 ἀμφὶ δ’ ἄρ’ ὀφθαλμοὶ στρεφεδίνεον· ἄλλο δ’ ἐπ’ ἄλλῳ ### book 13.5.4 ἐκ στόματος προΐεσκεν ἔπος κεκολουμένα βάζων· ### book 13.5.5 καί ῥά οἱ ἐν μεγάροις κειμήλια καὶ δόμος αὐτὸς ### book 13.10.1 φαίνετο κινυμένοισιν ἐοικότα· πάντα δ’ ἐώλπει ### book 13.10.2 ἀμφιπεριστρωφᾶσθαι ἀνὰ πτόλιν· ὄσσε δ’ 〈ἄρ’〉 ἀχλὺς ### book 13.10.3 ἄμπεχεν· ἀκρήτῳ γὰρ ἀμαλδύνονται ὀπωπαὶ ### book 13.10.4 καὶ νόος αἰζηῶν, ὁπότ’ ἐς φρένα χανδὸν ἵκηται· ### book 13.10.5 καί ῥα καρηβαρέων τοῖον ποτὶ μῦθον ἔειπεν· ### book 13.15 «Ἦ ῥ’ ἅλιον Δαναοὶ στρατὸν ἐνθάδε πουλὺν ἄγειραν, ### book 13.1 σχέτλιοι, οὐδ’ ἐτέλεσσαν ὅσα φρεσὶ μηχανόωντο, ### book 13.2 ἀλλ’ αὕτως ἀπόρουσαν ἀπ’ ἄστεος ἡμετέροιο ### book 13.3 νηπιάχοις παίδεσσιν ἐοικότες ἠὲ γυναιξίν.» ### book 13.4 Ὣς ἄρ’ ἔφη Τρώων τις ἐεργόμενος φρένα οἴνῳ, ### book 13.20.1 νήπιος· οὐδ’ ἄρ’ ἐφράσσατ’ ἐπὶ προθύροισιν Ὄλεθρον. ### book 13.20.2 Εὖτε γὰρ ὕπνος ἔρυκεν ἀνὰ πτόλιν ἄλλοθεν ἄλλον ### book 13.20.3 οἴνῳ ἐνιπλήθοντας ἀπειρεσίῳ καὶ ἐδωδῇ, ### book 13.20.4 δὴ τότ’ ἄρ’ αἰθαλόεντα Σίνων ἀνὰ πυρσὸν ἄειρε ### book 13.20.5 δεικνὺς Ἀργείοισι πυρὸς σέλας. Ἀμφὶ δέ οἱ κῆρ ### book 13.25.1 ἄσπετα πορφύρεσκε κατὰ φρένα, μή μιν ἴδωνται ### book 13.25.2 Τρῶες ἐυσθενέες, τάχα δ’ ἀμφαδὰ πάντα γένηται· ### book 13.25.3 ἀλλ’ οἳ μὲν λεχέεσσι πανύστατον ὕπνον ἴαυον ### book 13.25.4 πολλῷ ὑπ’ ἀκρήτῳ βεβαρηότες, οἳ δ’ ἐσιδόντες ### book 13.25.5 ἐκ Τενέδου νήεσσιν ἐπὶ πλόον ἐντύνοντο. ### book 13.30.1 Αὐτὸς δ’ ἄγχ’ ἵπποιο Σίνων κίεν· ἦκα δ’ ἄυσεν, ### book 13.30.2 ἦκα μάλ’, ὡς μή πού τις ἐνὶ Τρώεσσι πύθηται, ### book 13.30.3 ἀλλ’ οἶοι Δαναῶν ἡγήτορες ὧν ἀπὸ νόσφιν ### book 13.30.4 ὕπνος ἄδην πεπότητο λιλαιομένων πονέεσθαι· ### book 13.30.5 οἵ ῥά οἱ ἔνδον ἐόντες ἐπέκλυον, ἐς δ’ Ὀδυσῆα ### book 13.35.1 πάντες ἐπ’ οὔατ’ ἔνευσαν. Ὃ δέ σφεας ὀτρύνεσκεν ### book 13.35.2 ἦκα καὶ ἀτρεμέως ἐκβήμεναι· οἳ δ’ ἐπίθοντο ### book 13.35.3 ἐς μόθον ὀτρύνοντι καὶ ἐξ ἵπποιο χαμᾶζε ### book 13.35.4 ὥρμαινον πονέεσθαι. Ὃ δ’ ἰδρείῃσιν ἔρυκε ### book 13.35.5 πάντας ἐπεσσυμένους· αὐτὸς δ’ ἄρα χερσὶ θοῇσιν ### book 13.40 ἵππου δουρατέοιο 〈μάλ’〉 ἀτρέμας ἔνθα καὶ ἔνθα ### book 13.1 πλευρὰ διεξώιξεν ἐυμμελίω ὑπ’ Ἐπειοῦ· ### book 13.2 βαιὸν δ’ ἐξανέδυ σ〈αν〉ίδων ὕπερ, ἀμφὶ δὲ πάντῃ ### book 13.3 Τρῶας παπταίνεσκεν, ἐγρηγορότ’ εἴ που ἴδοιτο. ### book 13.4 Ὡς δ’ ὅταν ἀργαλέῃ λιμῷ βεβολημένος ἦτορ ### book 13.45.1 ἐξ ὀρέων ἔλθῃσι λύκος χατέων μάλ’ ἐδωδῆς ### book 13.45.2 ποίμνης πρὸς σταθμὸν εὐρύν, ἀλευόμενος δ’ ἄρα φῶτας ### book 13.45.3 καὶ κύνας, οἵ ῥά τε μῆλα φυλασσέμεναι μεμάασι, ### book 13.45.4 βαίνει ποσσὶν ἕκηλος ὑπὲρ ποιμνήιον ἕρκος· ### book 13.45.5 ὣς Ὀδυσεὺς ἵπποιο κατήιεν. Ἀμφὶ δ’ ἄρ’ αὐτῷ ### book 13.1 ὄβριμοι ἄλλοι ἕποντο Πανελλήνων βασιλῆες ### book 13.2 νισόμενοι κλίμαξι κατὰ στίχας, ἅς περ Ἐπειὸς ### book 13.3 τεῦξεν ἀριστήεσσιν ἐυσθενέεσσι κέλευθα ### book 13.4 ἵππον ἐς ἐρχομένοισι καὶ ἐξ ἵπποιο κιοῦσιν· ### book 13.5 οἵ ῥα τότ’ ἀμφ’ αὐτῇσι κατήιον ἄλλοθεν ἄλλοι, ### book 13.55.1 θαρσαλέοι〈σ〉 σφήκεσσιν ἐοικότες οὕς τε κλονήσῃ ### book 13.55.2 δρυτόμος, οἳ δ’ ἄρα πάντες ὀρινόμενοι περὶ θυμῷ ### book 13.55.3 ὄζου ὑπεκπροχέονται, ὅτε κτύπον εἰσαΐουσιν· ### book 13.55.4 ὣς οἵ γ’ ἐξ ἵπποιο μεμαότες ἐξεχέοντο ### book 13.55.5 ἐς Τρώων πτολίεθρον ἐύκτιτον· ἐν δ’ ἄρα τοῖσι ### book 13.60.1 πάλλετ’ ἐνὶ στέρνοισι κέαρ. Τάχα δ’ οἳ μὲν ἔναιρον ### book 13.60.2 δυσμενέας . . . . . . . . . . . . . . . . . . . . . . . . . . . . . . . . . ### book 13.61 (desunt plures versus) ### book 13.61.1 . . . . . Τοὶ δ’ 〈ἄρ’〉 ἔρεσσον ἔσω ἁλός· αἳ δ’ ἐφέροντο ### book 13.61.2 νῆες ὑπὲρ μέγα χεῦμα· Θέτις δ’ ἴθυνε κέλευθα ### book 13.1 οὖρον ἐπιπροϊεῖσα· νόος δ’ ἰαίνετ’ Ἀχαιῶν. ### book 13.2 Καρπαλίμως δ’ ἐλθόντες ἐπ’ ᾐόνας Ἑλλησπόντου, ### book 13.65.1 ἔνθ’ αὖτις στήσαντο νέας, σὺν δ’ ἄρμενα πάντα ### book 13.65.2 εἷλον ἐπισταμένως ὅσα νήεσιν αἰὲν ἕπονται. ### book 13.65.3 Αὐτοὶ δ’ αἶψ’ ἐκβάντες ἐς Ἴλιον ἐσσεύοντο ### book 13.65.4 ἄβρομοι, ἠύτε μῆλα ποτὶ σταθμὸν ἀίσσοντα ### book 13.65.5 ἐκ νομοῦ ὑλήεντος ὀπωρινὴν ὑπὸ νύκτα· ### book 13.70.1 ὣς οἵ γ’ αὐίαχοι Τρώων ποτὶ ἄστυ νέοντο ### book 13.70.2 πάντες ἀριστήεσσιν ἀρηγέμεναι μεμαῶτες. ### book 13.70.3 Οἳ δ’ ὥς τ’ ἀργαλέῃ λιμῷ . . . . . . . . . . . . . . . . . . . ### book 13.72.1 . . . . . . . . . . . . . . . . . . . . . . . . . . περιπαιφάσσοντες ### book 13.72.2 σταθμῷ ἐπιβρίσωσι κατ’ οὔρεα μακρὰ καὶ ὕλην, ### book 13.72.3 εὕδοντος μογεροῦ σημάντορος, ἄλλα δ’ ἐπ’ ἄλλοις ### book 13.75 δάμνανθ’ ἕρκεος ἐντὸς ὑπὸ κνέφας, ἀμφὶ δὲ πάντῃ ### book 13.75.1 (desunt plures versus) ### book 13.75.2 αἵματι καὶ νεκύεσσιν· ὀρώρει δ’ αἰνὸς ὄλεθρος ### book 13.75.3 καί περ ἔτι πλεόνων Δαναῶν ἔκτοσθεν ἐόντων. ### book 13.75.4 Ἀλλ’ ὅτε δὴ μάλα πάντες ἔβαν ποτὶ τείχεα Τροίης, ### book 13.75.5 δὴ τότε μαιμώωντες ἀνηλεγέως ἐσέχυντο ### book 13.80.1 ἐς Πριάμοιο πόληα μένος πνείοντες Ἄρηος. ### book 13.80.2 Πᾶν δ’ εὗρον πτολίεθρον ἐνίπλειον πολέμοιο ### book 13.80.3 καὶ νεκύων, πάντῃ δὲ πυρὶ στονόεντα μέλαθρα ### book 13.80.4 καιόμεν’ ἀργαλέως· μέγα δὲ φρεσὶν ἰαίνοντο. ### book 13.80.5 Ἐν δὲ καὶ αὐτοὶ Τρωσὶ κακὰ φρονέοντες ὄρουσαν· ### book 13.85.1 μαίνετο δ’ ἐν μέσσοισιν Ἄρης στονόεσσά τ’ Ἐνυώ. ### book 13.85.2 Πάντῃ δ’ αἷμα κελαινὸν ὑπέρρεε, δεύετο δὲ χθὼν ### book 13.85.3 Τρώων ὀλλυμένων ἠδ’ ἀλλοδαπῶν ἐπικούρων· ### book 13.85.4 τῶν οἳ μὲν θανάτῳ δεδμημένοι ὀκρυόεντι ### book 13.85.5 κεῖντο κατὰ πτολίεθρον ἐν αἵματι, 〈τ〉οὶ δ’ ἐφύπερθε ### book 13.90.1 πῖπτον ἀποπνείοντες ἑὸν μένος· οἳ δ’ ἄρα χερσὶ ### book 13.90.2 δράγδην ἔγκατ’ ἔχοντες ὀιζυρῶς ἀλάληντο ### book 13.90.3 ἀμφὶ δόμους, ἄλλοι δὲ ποδῶν ἑκάτερθε κοπέντων ### book 13.90.4 ἀμφὶ νεκροὺς εἵρπυζον ἀάσπετα κωκύοντες· ### book 13.90.5 πολλῶν δ’ ἐν κονίῃσι μαχέσσασθαι μεμαώτων ### book 13.95.1 χεῖρες ἀπηράχθησαν ὁμῶς κεφαλῇσι καὶ αὐταῖς, ### book 13.95.2 φευγόντων δ’ ἑτέρων μελίαι διὰ νῶτα πέρησαν ### book 13.95.3 ἄντικρυς ἐς μαζούς, 〈τ〉ῶν δ’ ἰξύας ἄχρις ἱκέσθαι ### book 13.95.4 αἰδοίων ἐφύπερθε διαμπερές, ἧχι μάλιστα ### book 13.95.5 Ἄρεος ἀκαμάτοιο πέλει πολυώδυνος αἰχμή. ### book 13.1 Πάντῃ δ’ ἀμφὶ πόληα κυνῶν ἀλεγεινὸς ὀρώρει ### book 13.2 ὠρυθμός, στοναχὴ δὲ δαϊκταμένων αἰζηῶν ### book 13.3 ἔπλετο λευγαλέη· περὶ δ’ ἴαχε πάντα μέλαθρα ### book 13.4 ἄσπετον. Οἰμωγὴ δὲ πέλε στονόεσσα γυναικῶν ### book 13.5 εἰδομένων γεράνοισιν, ὅτ’ αἰετὸν ἀθρήσωσιν ### book 13.105.1 ὑψόθεν ἀίσσοντα δι’ αἰθέρος, οὐδ’ ἄρα τῇσι ### book 13.105.2 θαρσαλέον στέρνοισι πέλει μένος, ἀλλ’ ἄ〈ρα〉 μοῦνον ### book 13.105.3 μακρὸν ἀνατρίζουσι φοβεύμεναι ἱερὸν ὄρνιν· ### book 13.105.4 ὣς ἄρα Τρωιάδες μέγ’ ἐκώκυον ἄλλοθεν ἄλλαι, ### book 13.105.5 αἳ μὲν ἀνεγρόμεναι λεχέων ἄπο, ταὶ δ’ ἐπὶ γαῖαν ### book 13.110.1 θρῴσκουσαι· τῇς 〈δ’〉 οὔ τι μίτρης ἔτι μέμβλετο λυγρῇς, ### book 13.110.2 ἀλλ’ αὕτως ἀλάληντο περὶ μελέεσσι χιτῶνα ### book 13.110.3 μοῦνον ἐφεσσάμεναι· ταὶ δ’ οὐ φθάσαν οὔτε καλύπτρην ### book 13.110.4 οὔτε βαθὺν μελέεσσιν ἑλεῖν πέπλον, ἀλλ’ ἐπιόντας ### book 13.110.5 δυσμενέας τρομέουσαι ἀμηχανίῃ πεπέδηντο ### book 13.115.1 παλλόμεναι κραδίην, μοῦνον δ’ ἄρα χερσὶ θοῇσιν ### book 13.115.2 αἰδῶ ἀπεκρύψαντο δυσάμμοροι· αἳ δ’ ἀλεγεινῶς ### book 13.115.3 ἐκ κεφαλῆς τίλλοντο κόμην καὶ στήθεα χερσὶ ### book 13.115.4 θεινόμεναι γοάασκον ἄδην· ἕτεραι δὲ κυδοιμὸν ### book 13.115.5 δυσμενέων ἔτλησαν ἐναντίον, ἐκ δ’ ἐλάθοντο ### book 13.120.1 δείματος ὀλλυμένοισιν ἀρηγέμεναι μεμαυῖαι ### book 13.120.2 ἀνδράσιν ἢ τεκέεσσιν, ἐπεὶ μέγα θάρσος ἀνάγκη ### book 13.120.3 ὤπασεν. Οἰμωγὴ δ’ ἀταλάφρονας ἔκβαλεν ὕπνου ### book 13.120.4 νηπιάχους τῶν οὔ πω ἐπίστατο κήδεα θυμός. ### book 13.120.5 Ἄλλοι δ’ ἀμφ’ ἄλλοισιν ἀπέπνεον· οἳ δ’ ἐκέχυντο ### book 13.125.1 πότμον ὁμῶς ὁρόωντες ὀνείρασιν· ἀμφὶ δὲ λυγραὶ ### book 13.125.2 Κῆρες ὀιζυρῶς ἐπεγήθεον ὀλλυμένοισιν. ### book 13.125.3 Οἳ δ’ ὥς τ’ ἀφνειοῖο σύες κατὰ δώματ’ ἄνακτος ### book 13.125.4 εἰλαπίνην λαοῖσιν ἀπείριτον ἐντύνοντος ### book 13.125.5 μυρίοι ἐκτείνοντο, λυγρῷ δ’ ἀνεμίσγετο λύθρῳ ### book 13.130.1 οἶνος ἔτ’ ἐν κρητῆρσι λελειμμένος. Οὐδέ τις ἦεν ### book 13.130.2 ὅς κεν ἄνευθε φόνοιο φέρε στονόεντα σίδηρον, ### book 13.130.3 οὐδ’ εἴ τις μάλ’ ἄναλκις ἔην. Ὀλέκοντο δὲ Τρῶες· ### book 13.130.4 ὡς δ’ ὑπὸ θώεσι μῆλα δαΐζεται ἠὲ λύκοισι, ### book 13.130.5 καύματος ἐσσυμένοιο δυσαέος ἤματι μέσσῳ ### book 13.135 ποιμένος οὐ παρεόντος, ὅτε σκιερῷ ἐνὶ χώρῳ ### book 13.1 ἰλαδὸν ἀλλήλοισιν ὁμῶς συναρηρότα πάντα ### book 13.2 μίμνωσι〈ν〉, κείνοιο γλάγος ποτὶ δῶμα φέροντος, ### book 13.137.1 . . . . . . . . . . . . . . . . . . . . . . . . . . . . . . . . . . . . . . . . . . . . . . . ### book 13.137.2 νηδύα πλησάμενοι πολυχανδέα, πάντ’ ἐπιόντες ### book 13.137.3 αἷμα μέλαν πίνουσιν, ἅπαν δ’ ὀλέκουσι μένοντες ### book 13.140.1 πῶυ, κακὴν δ’ ἄρα δαῖτα λυγρῷ τεύχουσι νομῆι· ### book 13.140.2 ὣς Δαναοὶ Πριάμοιο κατὰ πτόλιν ἄλλον ἐπ’ ἄλλῳ ### book 13.140.3 κτεῖνον ἐπεσσύμενοι πυμάτην ἀνὰ δηιοτῆτα· ### book 13.140.4 οὐδ’ ἄρ’ ἔην Τρώων τις ἀνούτατος, ἀλλ’ ἄρα πάντων ### book 13.140.5 γναμπτὰ μέλη πεπάλακτο μελαινόμεν’ αἵματι πολλῷ. ### book 13.145.1 Οὐδὲ μὲν Ἀργείοισιν ἀνούτητος πέλε δῆρις. ### book 13.145.2 Ἀλλ’ οἳ μὲν δεπάεσσι τετυμμένοι, οἳ δὲ τραπέζαις, ### book 13.145.3 οἳ δ’ ἔτι καιομένοισιν ὑπ’ ἐσχαρεῶσι τυπέντες ### book 13.145.4 δαλοῖς, οἳ δ’ ὀβελοῖσι πεπαρμένοι ἐκπνείεσκον ### book 13.145.5 οἷς ἔτι που καὶ σπλάγχνα συῶν περὶ θερμὰ λέλειπτο ### book 13.1 Ἡφαίστου μαλεροῖο περιζείοντος ἀυτμῇ. ### book 13.2 Ἄλλοι δ’ αὖ πελέκεσσι καὶ ἀξίνῃσι θοῇσιν ### book 13.3 ἤσπαιρον δμηθέντες ἐν αἵματι· τῶν δ’ ἀπὸ χειρῶν ### book 13.4 δάκτυλοι ἐτμήθησαν, ἐπὶ ξίφος εὖτ’ ἐβάλοντο ### book 13.5 χεῖρας ἐελδόμενοι στυγερὰς ἀπὸ Κῆρας ἀμύνειν. ### book 13.155.1 Καί πού τις βρεχμόν τε καὶ ἐγκέφαλον συνέχευε ### book 13.155.2 λᾶα βαλὼν ἑτέροιο κατὰ μόθον. Οἳ δ’ ἅτε θῆρες ### book 13.155.3 οὐτάμενοι σταθμοῖς ἔνι ποιμένος ἀγραύλοιο ### book 13.155.4 ἀργαλέως μαίνοντο διεγρομένοιο χόλοιο ### book 13 νύχθ’ ὑπὸ λευγαλέην· μέγα δ’ ἰσχανόωντες Ἄρηος ### book 13.160.1 ἀμφὶ δόμους Πριάμοιο κυδοίμεον ἄλλοθεν ἄλλον ### book 13.160.2 σεύοντες. Πολλοὶ δὲ καὶ ἐγχείῃσι δάμησαν ### book 13.160.3 Ἀργείων· Τρῶες γὰρ ὅσοι φθάσαν ἐν μεγάροι〈σ〉ιν ### book 13.160.4 ἢ ξίφος ἢ δόρυ μακρὸν ἑῇς ἀνὰ χερσὶν ἀεῖραι, ### book 13.160.5 δυσμενέας δάμναντο καὶ ὧς βεβαρηότες οἴνῳ. ### book 13.165.1 Αἴγλη δ’ ἄσπετος ὦρτο δι’ ἄστεος, οὕνεκ’ Ἀχαιῶν ### book 13.165.2 πολλοὶ ἔχον χείρεσσι πυρὸς σέλας, ὄφρ’ ἀνὰ δῆριν ### book 13.165.3 δυσμενέας τε φίλους τε μάλ’ ἀτρεκέως ὁρόωσι. ### book 13.165.4 Καὶ τότε Τυδέος υἱὸς ἀνὰ μόθον ἀντιόωντα ### book 13.165.5 αἰχμητῆρα Κόροιβον, 〈ἀγαυοῦ〉 Μυγδόνος υἷα, ### book 13.170.1 ἐγχείῃ κοίλοιο διὰ στομάχοιο πέρησεν, ### book 13.170.2 ἧχι θοαὶ πόσιός τε καὶ εἴδατός εἰσι κέλευθοι. ### book 13.170.3 Καὶ τὸν μὲν περὶ δουρὶ μέλας 〈ἐ〉κιχήσατο πότμος· ### book 13.170.4 κάππεσε δ’ ἐς μέλαν αἷμα καὶ ἄλλων ἔθνεα νεκρῶν, ### book 13.170.5 νήπιος· οὐδ’ ἀπόνητο γάμων ὧν εἵνεχ’ ἵκανε ### book 13.175 χθιζὸς ἐπὶ Πριάμοιο 〈πόλιν〉 . . . . . . . . . . . . . . . . . . . . . . . . . . . ### book 13.175.1 . . . . . . . . . . . . . . . . . . . . . . . . . καὶ ὑπέσχετ’ Ἀχαιοὺς ### book 13.175.2 Ἰλίου ἂψ ὦσαι· τῷ δ’ οὐ θεὸς ἐξετέλεσσεν ### book 13.175.3 ἐλπωρήν· Κῆρες γὰρ ἐπιπροέηκαν ὄλεθρον. ### book 13.175.4 Σὺν δέ οἱ Εὐρυδάμαντα κατέκτανεν ἀντιόωντα, ### book 13.175.5 γαμβρὸν ἐυμμελίην Ἀντήνορος ὅς ῥα μάλιστα ### book 13.180 θυμὸν ἐνὶ Τρώεσσι σαοφροσύνῃσι κέκαστο. ### book 13.1 Ἔνθα καὶ Ἰλιονῆι συνήντετο δημογέροντι, ### book 13.2 καί οἱ ἔπι ξίφος αἰνὸν ἐρύσσατο· τοῦ δ’ ἄρα πάγχυ ### book 13.3 γηραλέου κλάσθησαν ἄδην ὑπὸ σώματι γυῖα· ### book 13.4 καί ῥα περιτρομέων, ἅμα χείρεσιν ἀμφοτέρῃσι, ### book 13.185.1 τῇ μὲν ἄορ συνέδραξε θοόν, τῇ δ’ ἥψατο γούνων ### book 13.185.2 ἀνδροφόνου ἥρωος. Ὃ δ’ ἐς μόθον ἐσσύμενός περ, ### book 13.185.3 ἢ χόλου ἀμβολίῃ ἢ καὶ θεοῦ ὀτρύνοντος, ### book 13.185.4 βαιὸν ἀπέσχε γέροντος ἑὸν ξίφος, ὄφρά τι εἴπῃ ### book 13.185.5 λισσόμενος θοὸν ἄνδρα καὶ ὄβριμον. Ὃς δ’ ἀλεγεινὸν ### book 13.190.1 ἴαχεν ἐσσυμένως· στυγερὸν δέ μιν ἄμπεχε δεῖμα· ### book 13.190.2 «Γουνοῦμαί ς’, ὅ τίς ἐσσι πολυσθενέων Ἀργείων, ### book 13.190.3 αἴδεσαι ἀμφὶ γερόντος . . . . . . . . . . . . . . . . . . . . . . . . . . . . ### book 13.192.1 . . . . . . . . . . . . . . . . . . . . . . τεὰς χέρας ἀργαλέου τε ### book 13.192.2 λῆγε χόλου· καὶ γάρ ῥα μακρὸν πέλει ἀνέρι κῦδος ### book 13.192.3 ἄνδρα νέον κτείναντι καὶ ὄβριμον· ἢν δὲ γέροντα ### book 13.195.1 κτείνῃς, οὔ νύ τοι αἶνος ἐφέψεται εἵνεκεν ἀλκῆς. ### book 13.195.2 Τοὔνεκ’ ἐμεῦ ἀπὸ νόσφιν ἐς αἰζηοὺς τρέπε χεῖρας ### book 13.195.3 ἐλπόμενός ποτε γῆρας ὁμοίιον εἰσαφικέσθαι.» ### book 13.195.4 Ὣς φάμενον προσέειπε κραταιοῦ Τυδέος υἱός· ### book 13.195.5 «Ὦ γέρον, ἔλπομ’ ἔγωγ’ ἐσθλὸν ποτὶ γῆρας ἱκέσθαι· ### book 13.1 ἀλλά μοι 〈ἕ〉ως ἔτι κάρτος ἀέξεται, οὔ τιν’ ἐάσω ### book 13.2 ἐχθρὸν ἐμῆς κεφαλῆς, ἀλλ’ Ἄιδι πάντας ἰάψω, ### book 13.1 οὕνεκ’ ἄρ’ ἐσθλὸς ἀνὴρ καὶ δήιον ἄνδρ’ ἀπαμύνει.» ### book 13.2 Ὣς εἰπὼν λαιμοῖο διήλασε λοίγιον ἆορ ### book 13.3 δεινὸς ἀνήρ, ἴθυνε δ’ ὅπῃ θνητοῖς ἐπὶ πότμος ### book 13.205.1 ψυχῆς εἶσι τάχιστα καθ’ αἵματος αἰνὰ κέλευθα. ### book 13.205.2 Καὶ τὸν μὲν μόρος αἰνὸς ὑπέκλασε δῃωθέντα ### book 13.205.3 Τυδείδαο χέρεσσιν· ὃ δ’ εἰσ〈έτι〉 Τρῶας ἐναίρων ### book 13.205.4 ἔσσυτ’ ἀνὰ πτολίεθρον ἑῷ μέγα κάρτεϊ θύων. ### book 13.205.5 Δάμνατο δ’ ἠὺν Ἄβαντα· βάλεν δ’ ὑπὸ δούρατι μακρῷ ### book 13.210.1 υἷα Περιμνήστοιο περικλυτὸν Εὐρυκόωντα. ### book 13.210.2 Αἴας δ’ Ἀμφιμέδοντα, Δαμαστορίδην δ’ Ἀγαμέμνων, ### book 13.210.3 Ἰδομενεὺς δὲ Μίμαντα, Μέγης δ’ ἕλε Δηιοπίτην. ### book 13.210.4 Υἱὸς δ’ αὖτ’ Ἀχιλῆος ἀμαιμακέτῳ ὑπὸ δουρὶ ### book 13.210.5 Πάμμονα δῖον ὄλεσσε, βάλεν δ’ ἐπιόντα Πολίτην, ### book 13.215.1 Τισίφονόν τ’ ἐπὶ τοῖσι κατέκτανε, τοὺς ἅμα πάντας ### book 13.215.2 υἱῆας Πριάμοιο· καὶ ἀντιόωντ’ ἀνὰ δῆριν ### book 13.215.3 δάμνατ’ Ἀγήνορα δῖον. Ἐπ’ ἄλλῳ δ’ ἄλλον ἔπεφνεν ### book 13.215.4 ἡρώων· πάντῃ δὲ μέλας ἀνεφαίνετ’ Ὄλεθρος ### book 13.215.5 ὀλλυμένων· ὃ δὲ πατρὸς ἑοῦ καταειμένος ἀλκὴν ### book 13.220.1 μαιμώων ἐδάιζεν ὅσους κίχεν. Ἔνθα καὶ αὐτῷ ### book 13.220.2 δυσμενέων βασιλῆι κακὰ φρονέων ἐνέκυρσεν ### book 13.220.3 Ἑρκείου ποτὶ βωμόν· ὃ δ’ ὡς ἴδεν υἷ’ Ἀχιλῆος, ### book 13.220.4 ἔγνω ἄφαρ τὸν ἐόντα καὶ οὐ τρέσεν, οὕνεκ’ ἄρ’ αὐτοῦ ### book 13.220.5 θυμὸς ἐέλδετο παισὶν ἐπὶ σφετέροισιν ὀλέσθαι. ### book 13.225 Τοὔνεκά μιν προσέειπε λιλαιόμενος θανέεσθαι· ### book 13.1 «Ὦ τέκος ὀβριμόθυμον ἐυπτολέμου Ἀχιλῆος, ### book 13.2 κτεῖνον μηδ’ ἐλέαιρε δυσάμμορον· οὐ γὰρ ἔγωγε ### book 13.3 τοῖα παθὼν καὶ τόσσα λιλαίομαι εἰσοράασθαι ### book 13.4 ἠελίοιο φάος πανδερκέος, ἀλλά που ἤδη ### book 13.230.1 φθεῖσθαι ὁμῶς τεκέεσσι καὶ ἐκλελαθέσθαι ἀνίης ### book 13.230.2 λευγαλέης ὁμάδου τε δυσηχέος. Ὡς ὄφελόν με ### book 13.230.3 σεῖο πατὴρ κατέπεφνε, πρὶν αἰθομένην ἐσιδέσθαι ### book 13.230.4 Ἴλιον, ὁππότ’ ἄποινα περὶ κταμένοιο φέρεσκον ### book 13.230.5 Ἕκτορος, ὅν 〈περ〉 ἔπεφνε πατὴρ τεός. Ἀλλὰ τὸ μέν που ### book 13.235.1 Κῆρες ἐπεκλώσαντο· σὺ δ’ ἡμετέροιο φόνοιο ### book 13.235.2 ἄασον ὄβριμον ἆορ, ὅπως λελάθωμ’ ὀδυνάων.» ### book 13.235.3 Ὣς φάμενον προσέειπεν Ἀχιλλέος ὄβριμος υἱός· ### book 13.235.4 «Ὦ γέρον, ἐμμεμαῶτα καὶ ἐσσύμενόν περ ἀνώγεις· ### book 13.235.5 οὐ γάρ ς’ ἐχθρὸν ἐόντα μετὰ ζωοῖσιν ἐάσω· ### book 13.240.1 οὐ γάρ τι ψυχῆς πέλει ἀνδράσι φίλτερον ἄλλο.» ### book 13.240.2 Ὣς εἰπὼν ἀπέκοψε κάρη πολιοῖο γέροντος ### book 13.240.3 ῥηιδίως, ὡς εἴ τις ἀπὸ στάχυν ἀμήσηται ### book 13.240.4 ληίου ἀζαλέοιο θέρευς εὐθαλπέος ὥρῃ. ### book 13.240.5 Ἣ δὲ μέγα μύζουσα κυλίνδετο πολλὸν ἐπ’ αἶαν ### book 13.245.1 νόσφ’ ἄλλων μελέων ὁπόσοις ἐ〈πι〉κίνυτ〈αι〉 ἀνήρ. ### book 13.245.2 Κεῖτο δ’ ἄρ’ ἐς μέλαν αἷμα καὶ εἰς ἑτέρων φόνον ἀνδρῶν ### book 13.246.1 . . . . . . . . . . . . . . . . . . . . . . . . . . . . . . . . . . . . . . . . . . . . . ### book 13.246.2 ὄλβῳ καὶ γενεῇ καὶ ἀπειρεσίοις τεκέεσσιν. ### book 13.246.3 Οὐ γὰρ δὴν ἐπὶ κῦδος ἀέξεται ἀνθρώποισιν, ### book 13 ἀλλ’ ἄρα που καὶ ὄνειδος ἐπέσσυται ἀπροτίοπτον. ### book 13.1 Καὶ τὸν μὲν πότμος εἷλε· κακῶν δ’ ὅ γε λήσατο πολλῶν. ### book 13.2 Οἳ δ’ ἐπὶ Ἀστυάνακτα βάλον Δαναοὶ ταχύπωλοι ### book 13.3 πύργου ἀφ’ ὑψηλοῖο, φίλον δέ οἱ ἦτορ ὄλεσσαν ### book 13.4 μητρὸς ἀφαρπάξαντες ἐν ἀγκοίνῃσιν ἐόντα ### book 13.5 Ἕκτορι χωόμενοι, ἐπεὶ ἦ σφισι πῆμα κόρυσσε ### book 13.255.1 ζωὸς ἐών· τῶ καί οἱ ἀπηχθήραντο γενέθλην, ### book 13.255.2 καί οἱ παῖδ’ ἐβάλοντο καθ’ ἕρκεος αἰπεινοῖο, ### book 13.255.3 νήπιον, οὔ πω δῆριν ἐπιστάμενον πολέμοιο. ### book 13.255.4 Ἠύτε πόρτιν ὄρεσφι λύκοι χατέοντες ἐδωδῆς ### book 13.255.5 κρημνὸν ἐς ἠχήεντα κακοφραδίῃσι βάλωνται ### book 13.260.1 μητρὸς ἀποτμήξαντες ἐυγλαγέων ἀπὸ μαζῶν, ### book 13.260.2 ἣ δὲ θέῃ γοόωσα φίλον τέκος ἔνθα καὶ ἔνθα ### book 13.260.3 μακρὰ κινυρομένη, τῇ δ’ ἐξόπιθεν κακὸν ἄλλο ### book 13.260.4 ἔλθῃ, ἐπεί κε λέοντες ἀναρπάζωσι καὶ αὐτήν· ### book 13.260.5 ὣς τὴν ἀσχαλόωσαν ἄδην περὶ παιδὸς ἑοῖο ### book 13.265.1 ἦγον δήιοι ἄνδρες ἅμ’ ἄλλαις ληιάδεσσι ### book 13.265.2 κούρην Ἠετίωνος ἀμύμονος αἰνὰ γοῶσαν. ### book 13.265.3 Ἣ δ’ ἄρα παιδὸς ἑοῖο καὶ ἀνέρος ἠδὲ τοκῆος ### book 13.265.4 μνησαμένη φόνον αἰνὸν ἐύσφυρος Ἠετιώνη ### book 13.265.5 ὥρμηνεν θανέεσθαι, ἐπεὶ βασιλεῦσιν ἄμεινον ### book 13.270.1 τεθνάμεν ἐν πολέμῳ ἢ χείροσιν ἀμφιπολεύειν· ### book 13.270.2 καί ῥ’ ὀλοφυδνὸν ἄυσε μέγ’ ἀχνυμένη κέαρ ἔνδον· ### book 13.1 «Εἰ δ’ ἄγε νῦν καὶ ἐμεῖο δέμας κατὰ τείχεος αἰνοῦ ### book 13.2 ἢ κατὰ πετράων ἢ καὶ πυρὶ αἶψα βάλεσθε, ### book 13.3 Ἀργεῖοι· μάλα γάρ μοι ἀάσπετα πήματ’ ἔασι. ### book 13.275.1 Καὶ γάρ μευ πατέρ’ ἐσθλὸν ἐνήρατο Πηλέος υἱὸς ### book 13.275.2 Θήβῃ ἐνὶ ζαθέῃ, Τροίῃ δ’ ἐνὶ φαίδιμον ἄνδρα, ### book 13.275.3 ὅς μοι ἔην μάλα πάντα τά τ’ ἔλδετο θυμὸς ἐμεῖο· ### book 13.275.4 καί μοι κάλλιπε τυτθὸν ἐνὶ μεγάροις ἔτι παῖδα, ### book 13.275.5 ᾧ ἔπι κυδιάασκον ἀπείριτον, ᾧ ἔπι πολλὰ ### book 13.280.1 ἐλπομένην ἀπάφησε κακὴ καὶ ἀτάσθαλος Αἶσα. ### book 13.280.2 Τῶ νύ μ’ ἀκηχεμένην πολυτειρέος ἐκ βιότοιο ### book 13.280.3 νοσφίσατ’ ἐσσυμένως μηδ’ εἰς ἑὰ δώματ’ ἄγεσθε ### book 13.280.4 μίγδα δορυκτήτοισιν, ἐπεί νύ μοι οὐκέτι θυμῷ ### book 13.280.5 εὔαδεν ἀνθρώποισι μετέμμεναι, οὕνεκα δαίμων ### book 13.285.1 κηδεμονῆας ὄλεσσεν, ἄχος δέ με δέχνυται αἰνὸν ### book 13.285.2 ἐκ Τρώων στυγεροῖσιν ἐπ’ ἄλγεσιν οἰωθεῖσαν.» ### book 13.285.3 Ἦ ῥα λιλαιομένη χθόνα δύμεναι· οὐ γὰρ ἔοικε ### book 13.285.4 ζωέμεναι κείνοισιν ὅσων μέγα κῦδος ὄνειδος ### book 13.285.5 ἀμφιχάνῃ· δεινὸν γὰρ ὑπόψιον ἔμμεναι ἄλλων. ### book 13.290.1 Οἳ δὲ βίῃ ἀέκουσαν ἄγον ποτὶ δούλιον ἦμαρ. ### book 13.290.2 Ἄλλοι δ’ ἀλλοίοις ἐνὶ δώμασι θυμὸν ἔλειπον ### book 13.290.3 ἀνέρες· ἐν δ’ ἄρα τοῖσι βοὴ πολύδακρυς ὀρώρει· ### book 13.290.4 ἀλλ’ οὐκ ἐν μεγάροις Ἀντήνορος, οὕνεκ’ ἄρ’ αὐτοῦ ### book 13.290.5 Ἀργεῖοι μνήσαντο φιλοξενίης ἐρατεινῆς, ### book 13.295.1 ὃς ξείνισσε πάροιθε κατὰ πτόλιν ἠδ’ ἐσάωσεν ### book 13.295.2 ἰσόθεον Μενέλαον ὁμῶς Ὀδυσῆι μολόντα. ### book 13.1 Τῷ δ’ ἐπίηρα φέροντες Ἀχαιῶν φέρτατοι υἷες ### book 13.2 αὐτὸν μὲν ζώοντα λίπον καὶ κτῆσιν ἅπασαν, ### book 13.3 καὶ Θέμιν ἁζόμενοι πανδερκέα καὶ φίλον ἄνδρα. ### book 13.1 Καὶ τότε δὴ πάις ἐσθλὸς ἀμύμονος Ἀγχίσαο ### book 13.2 πολλὰ καμὼν περὶ ἄστυ θεηγενέος Πριάμοιο ### book 13.3 δουρὶ καὶ ἠνορέῃ, πολλῶν δ’ ἀπὸ θυμὸν ὀλέσσας, ### book 13.4 ὡς ἴδε δυσμενέων ὑπὸ χείρεσι λευγαλέῃσιν ### book 13.5 αἰθόμενον πτολίεθρον ἀπολλυμένους θ’ ἅμα λαοὺς ### book 13.305.1 πανσυδίῃ καὶ κτῆσιν ἀπείριτον ἔκ τε μελάθρων ### book 13.305.2 ἑλκομένας ἀλόχους ἅμα παίδεσιν, οὐκέτ’ ἄρ’ αὐτοῦ ### book 13.305.3 ἐλπωρὴν ἔχε θυμὸς ἰδεῖν εὐτείχεα πάτρην, ### book 13.305.4 ἀλλά οἱ ὁρμαίνεσκε νόος μέγα πῆμ’ ὑπαλύξαι. ### book 13.305.5 Ὡς δ’ ὅθ’ ἁλὸς κατὰ βένθος ἀνὴρ οἰήια νωμῶν ### book 13.310.1 νηὸς ἐπισταμένως ἄνεμον καὶ κῦμ’ ἀλεείνων ### book 13.310.2 πάντοθεν ἐσσύμενον στυγερῇ ὑπὸ χείματος ὥρῃ ### book 13.310.3 χεῖρα κάμῃ καὶ θυμόν, ὑποβρυχίης δ’ ἄρα νηὸς ### book 13.310.4 ὀλλυμένης ἀπάνευθε λιπὼν οἰήια μοῦνος ### book 13.310.5 τυτθὸν ἐπὶ σκάφος εἶσι, μέλει δέ οἱ οὐκέτι νηὸς ### book 13.315.1 φορτίδος· ὣς πάις ἐσθλὸς ἐύφρονος Ἀγχίσαο ### book 13.315.2 ἄστυ λιπὼν δηίοισι καταιθόμενον πυρὶ πολλῷ ### book 13.315.3 υἱέα καὶ πατέρα σφὸν ἀναρπάξας φορέεσκε, ### book 13.315.4 τὸν μὲν ἐπὶ πλατὺν ὦμον ἐφεσσάμενος κρατερῇσι ### book 13.315.5 χερσὶ πολυτλήτῳ ὑπὸ γήραϊ μοχθίζοντα· ### book 13.320 τὸν δ’ ἁπαλῆς μάλα χειρὸς ἐπιψαύοντα πόδεσσι ### book 13.1 γαίης, οὐλομένου δὲ φοβεύμενον ἔργα μόθοιο ### book 13.2 ἐξῆγεν πολέμοιο δυσηχέος· ὃς δ’ ὑπ’ ἀνάγκης ### book 13.3 ἐκρέματ’ ἐμπεφυὼς ἀταλὸς πάις, ἀμφὶ δὲ δάκρυ ### book 13.4 χεύατό οἱ ἁπαλῇσι παρηίσιν· αὐτὰρ ὃ νεκρῶν ### book 13.325.1 σώμαθ’ ὑπέρθορε πολλὰ θοοῖς ποσί, πολλὰ δ’ ἐν ὄρφνῃ ### book 13.325.2 οὐκ ἐθέλων στείβεσκε. Κύπρις δ’ ὁδὸν ἡγεμόνευεν ### book 13.325.3 υἱωνὸν καὶ παῖδα καὶ ἀνέρα πήματος αἰνοῦ ### book 13.325.4 πρόφρων ῥυομένη· τοῦ δ’ ἐσσυμένου ὑπὸ ποσσὶ ### book 13.325.5 πάντῃ πῦρ ὑπόεικε, περισχίζοντο δ’ ἀυτμαὶ ### book 13.330.1 Ἡφαίστου μαλεροῖο, καὶ ἔγχεα καὶ βέλε’ ἀνδρῶν ### book 13.330.2 πῖπτον ἐτώσια πάντα κατὰ χθονὸς ὁππός’ Ἀχαιοὶ ### book 13.330.3 κείνῳ ἐπέρριψαν πολέμῳ ἐνὶ δακρυόεντι. ### book 13.330.4 Καὶ τότε δὴ Κάλχας μεγάλ’ ἴαχε λαὸν ἐέργων· ### book 13.330.5 «Ἴσχεσθ’ Αἰνείαο κατ’ ἰφθίμοιο καρήνου ### book 13.335.1 βάλλοντες στονόεντα βέλη καὶ λοίγια δοῦρα. ### book 13.335.2 Τὸν γὰρ θέσφατόν ἐστι θεῶν ἐρικυδέι βουλῇ ### book 13.335.3 Θύμβριν ἐπ’ εὐρυρέεθρον ἀπὸ Ξάνθοιο μολόντα ### book 13.335.4 τευξέμεν ἱερὸν ἄστυ καὶ ἐσσομένοισιν ἀγητὸν ### book 13.335.5 ἀνθρώποις, αὐτὸν δὲ πολυσπερέεσσι βροτοῖσι ### book 13.340.1 κοιρανέειν· ἐκ τοῦ δὲ γένος μετόπισθεν ἀνάξειν ### book 13.340.2 ἄχρις ἐπ’ Ἀντολίην τε καὶ ἀκάματον Δύσιν ἐλθεῖν. ### book 13.340.3 Καὶ γάρ οἱ θέμις ἐστὶ μετέμμεναι ἀθανάτοισιν, ### book 13.340.4 οὕνεκα δὴ πάις ἐστὶν ἐυπλοκάμου Ἀφροδίτης. ### book 13.340.5 Καὶ δ’ ἄλλως τοῦδ’ ἀνδρὸς ἑὰς ἀπεχώμεθα χεῖρας, ### book 13.345 οὕνεκά οἱ χρυσοῖο καὶ ἄλλοις ἐν κτεάτεσσιν ### book 13.345.1 . . . . . . . . . . . . . . . . . . . . . . . . . . . . . . . . . . . . . . . . . . . . . . . ### book 13.345.2 ἄνδρα σαοῖ φεύγοντα καὶ ἀλλοδαπὴν ἐπὶ γαῖαν, ### book 13.345.3 τῶν πάντων προβέβουλεν ἑὸν πατέρ’ ἠδὲ καὶ υἷα· ### book 13.345.4 νὺξ δὲ μί’ ἧμιν ἔφηνε καὶ υἱέα πατρὶ γέροντι ### book 13.345.5 ἤπιον ἐκπάγλως καὶ ἀμεμφέα παιδὶ τοκῆα.» ### book 13.1 Ὣς φάτο· τοὶ δ’ ἐπίθοντο καὶ ὡς θεὸν εἰσοράασκον ### book 13.2 πάντες. Ὃ δ’ ἐσσυμένως ἐξ ἄστεος οἷο βεβήκει, ### book 13.3 ἧχί ἑ ποιπνύοντα πόδες φέρον· οἳ δ’ ἔτι Τροίης ### book 13.4 Ἀργεῖοι πτολίεθρον ἐυκτίμενον διέπερθον. ### book 13.5 Καὶ τότε δὴ Μενέλαος ὑπὸ ξίφεϊ στονόεντι ### book 13.355.1 Δηίφοβον κατέπεφνε καρηβαρέοντα κιχήσας ### book 13.355.2 ἀμφ’ Ἑλένης λεχέεσσι δυσάμμορον· ἣ δ’ ὑπὸ φύζῃ ### book 13.355.3 κεύθετ’ ἐνὶ μεγάροισιν. Ὃ δ’ αἵματος ἐκχυμένοιο ### book 13.355.4 γήθεεν ἀμφὶ φόνῳ, τοῖον δ’ ἐπὶ μῦθον ἔειπεν· ### book 13.355.5 «Ὦ κύον, ὥς τοι ἔγωγε φόνον στονόεντ’ ἐφέηκα ### book 13.360.1 σήμερον· οὐδέ σε δῖα κιχήσεται Ἠριγένεια ### book 13.360.2 ζωὸν ἔτ’ ἐν Τρώεσσι, καὶ εἰ Διὸς εὔχεαι εἶναι ### book 13.360.3 γαμβρὸς ἐρισμαράγοιο· μέλας δέ ς’ ἐδέξατ’ ὄλεθρος ### book 13.360.4 ἡμετέρης ἀλόχοιο παρὰ λεχέεσσι δαμέντα ### book 13.360.5 ἀργαλέως. Ὡς εἴθε καὶ οὐλομένοιο πάροιθε ### book 13.365.1 θυμὸν Ἀλεξάνδροιο κατὰ μόθον ἀντιόωντος ### book 13.365.2 νοσφισάμην· καί κέν μοι ἐλαφρότερον πέλεν ἄλγος. ### book 13.365.3 Ἀλλ’ ὃ μὲν 〈αἶψ’ ἀφ〉ίκανεν ὑπὸ ζόφον ὀκρυόεντα ### book 13.365.4 τίσας αἴσιμα πάντα· σὲ δ’ οὐκ ἄρ’ ἔμελλεν ὀνήσειν ### book 13 ἡμετέρη παράκοιτις, ἐπεὶ Θέμιν οὔ ποτ’ ἀλιτροὶ ### book 13.370.1 ἀνέρες ἐξαλέονται ἀκήρατον, οὕνεκ’ ἄρ’ αὐτοὺς ### book 13.370.2 εἰσοράᾳ νυκτός τε καὶ ἤματος, ἀμφὶ δὲ πάντῃ ### book 13.370.3 ἀνθρώπων ἐπὶ φῦλα διηερίη πεπότηται ### book 13.370.4 τινυμένη σὺν Ζηνὶ κακῶν ἐπιίστορας ἔργων.» ### book 13.370.5 Ὣς εἰπὼν δηίοισιν ἀνηλέα τεῦχεν ὄλεθρον· ### book 13.375.1 μαίνετο γάρ οἱ θυμὸς ὑπὸ κραδίῃ μέγ’ ἀέξων ### book 13.375.2 ζηλήμων· καὶ πολλὰ περὶ φρεσὶ θαρσαλέῃσι ### book 13.375.3 Τρωσὶ κακὰ φρονέεσκε τὰ δὴ θεὸς ἐξετέλεσσε ### book 13.375.4 πρέσβα Δίκη. Κεῖνοι γὰρ ἀτάσθαλα πρῶτοι ἔρεξαν ### book 13.375.5 ἀμφ’ Ἑλένης, πρῶτοι δὲ καὶ ὅρκια πημήναντο, ### book 13.380.1 σχέτλιοι, οἵ ποτε † κεῖνο † παρ’ ἐκ μέλαν αἷμα καὶ ἱρὰ ### book 13.380.2 ἀθανάτων ἐλάθοντο παραιβασίῃσι νόοιο. ### book 13.380.3 Τῶ καί σφιν μετόπισθεν Ἐριννύες ἄλγεα τεῦχον· ### book 13.380.4 τοὔνεκ’ ἄρ’ οἳ μὲν ὄλοντο πρὸ τείχεος, οἳ δ’ ἀνὰ ἄστυ ### book 13.380.5 τερπόμενοι παρὰ δαιτὶ καὶ ἠυκόμοις ἀλόχοισιν. ### book 13.385.1 Ὀψὲ δὲ δὴ Μενέλαος ἐνὶ μυχάτοισι δόμοιο ### book 13.385.2 εὗρεν ἑὴν παράκοιτιν ὑποτρομέουσαν ὁμοκλὴν ### book 13.385.3 ἀνδρὸς κουριδίοιο θρασύφρονος, ὅς μιν ἀθρήσας ### book 13.385.4 ὥρμαινε κτανέειν ζηλημοσύνῃσι νόοιο, ### book 13.385.5 εἰ μή οἱ κατέρυξε βίην ἐρόεσς’ Ἀφροδίτη ### book 13.390.1 ἥ ῥά οἱ ἐκ χειρῶν ἔβαλε ξίφος, ἔσχε δ’ ἐρωήν· ### book 13.390.2 τοῦ γὰρ ζῆλον ἐρεμνὸν ἀπώσατο καί οἱ ἔνερθεν ### book 13.390.3 ἡδὺν ἐφ’ ἵμερον ὦρσε κατὰ φρενὸς ἠδὲ καὶ ὄσσων. ### book 13.1 Τῷ δ’ ἄρα θάμβος ἄελπτον ἐπήλυθεν, οὐδ’ ἄρ’ 〈ἔτ’〉 ἔτλη ### book 13.2 κάλλος ἰδὼν ἀρίδηλον ἐπὶ ξίφος αὐχένι κῦρσαι· ### book 13.395.1 ἀλλ’ ὥς τε ξύλον αὖον ἐν οὔρεϊ ὑλήεντι ### book 13.395.2 εἱστήκει, τό περ οὔτε θοαὶ Βορέαο θύελλαι ### book 13.395.3 ἐσσύμεναι κλονέουσι δι’ ἠέρος οὔτε Νότοιο· ### book 13.395.4 ὣς ὃ ταφὼν μένε δηρόν, ὑπεκλάσθη δέ οἱ ἀλκὴ ### book 13.395.5 δερκομένου παράκοιτιν. Ἄφαρ δ’ ὅ γε λήσατο πάντων ### book 13.1 ὅσσά οἱ ἐν λεχέεσσιν ἐνήλιτε κουριδίοισι· ### book 13.2 πάντα γὰρ ἠμάλδυνε θεὴ Κύπρις ἥ περ ἁπάντων ### book 13.3 ἀθανάτων δάμνησι νόον θνητῶν τ’ ἀνθρώπων. ### book 13.4 Ἀλλὰ καὶ ὧς θοὸν ἆορ ἀπὸ χθονὸς αὖτις ἀείρας ### book 13.5 κουριδίῃ ἐπόρουσε· νόος δέ οἱ ἄλλ’ ἐνὶ θυμῷ ### book 13.405.1 ὡρμᾶτ’ ἐσσυμένοιο, δόλῳ δ’ ἄρ’ ἔθελγεν Ἀχαιούς. ### book 13.405.2 Καὶ τότε μιν κατέρυξεν ἀδελφεὸς ἱέμενόν περ ### book 13.405.3 μειλιχίοις μάλα πολλὰ παραυδήσας ἐπέεσσι· ### book 13.405.4 δείδιε γὰρ μὴ δή σφιν ἐτώσια πάντα γένηται· ### book 13.405.5 «Ἴσχεο νῦν, Μενέλαε, χολούμενος· οὐ γὰρ ἔοικε ### book 13.410.1 κουριδίην παράκοιτιν ἐναιρέμεν ἧς πέρι πολλὰ ### book 13.410.2 ἄλγε’ ἀνέτλημεν Πριάμῳ κακὰ μητιόωντες. ### book 13.410.3 Οὐ γάρ τοι Ἑλένη πέλει αἰτίη, ὡς σύ γ’ ἔολπας, ### book 13.410.4 ἀλλὰ Πάρις ξενίοιο Διὸς καὶ σεῖο τραπέζης ### book 13.410.5 λησάμενος· τῶ καί μιν ἐν ἄλγεσι τίσατο δαίμων.» ### book 13.415 Ὣς φάθ’· ὃ δ’ αἶψ’ ἐπίθησε. Θεοὶ δ’ ἐρικυδέα Τροίην ### book 13.1 κυανέοις νεφέεσσι καλυψάμενοι γοάασκον, ### book 13.2 νόσφιν ἐυπλοκάμου Τριτωνίδος ἠδὲ καὶ Ἥρης ### book 13.3 αἳ μέγα κυδιάασκον ἀνὰ φρένας, εὖτ’ ἐσίδοντο ### book 13.4 περθόμενον κλυτὸν ἄστυ θεηγενέος Πριάμοιο. ### book 13.420.1 Ἀλλ’ οὐ μὰν οὐδ’ αὐτὴ ἐύφρων Τριτογένεια ### book 13.420.2 πάμπαν ἄδακρυς ἔην, ἐπεὶ ἦ νύ οἱ ἔνδοθι νηοῦ ### book 13.420.3 Κασσάνδρην ᾔσχυνεν Ὀιλέος ὄβριμος υἱός, ### book 13.420.4 θυμοῦ τ’ ἠδὲ νόοιο βεβλαμμένος. Ἣ δέ οἱ αἰνὸν ### book 13.420.5 εἰσοπίσω βάλε πῆμα καὶ ἀνέρα τίσατο λώβης. ### book 13.425.1 Οὐδέ οἱ ἔργον ἀεικὲς ἐσέδρακεν· ἀλλά οἱ αἰδὼς ### book 13.425.2 καὶ χόλος ἀμφεχύθη, βλοσυρὰς δ’ ἔ〈σ〉τρεψεν ὀπωπὰς ### book 13.425.3 νηὸν ἐς ὑψόροφον, περὶ δ’ ἔβραχε θεῖον ἄγαλμα ### book 13.425.4 καὶ δάπεδον νηοῖο μέγ’ ἔτρεμεν· οὐδ’ ὅ γε λυγρῆς ### book 13.425.5 λῆγεν ἀτασθαλίης, ἐπεὶ ἦ φρένας ἄασε Κύπρις. ### book 13.430.1 Πάντῃ δ’ ἄλλοθεν ἄλλα κατηρείποντο μέλαθρα ### book 13.430.2 ὑψόθεν· ἀζαλέη δὲ κόνις συνεμίσγετο καπνῷ· ### book 13.430.3 ὦρτο δ’ ἄρα κτύπος αἰνός· ὑπετρομέοντο δ’ ἀγυιαί. ### book 13.432a Καίετο δ’ Αἰνείαο δόμος, καίοντο δὲ πάντα ### book 13.433.1 Ἀντιμάχοιο μέλαθρα· καταίθετο δ’ ἄσπετον ἄκρη ### book 13.433.2 Πέργαμον ἀμφ’ ἐρατὴν περί θ’ ἱερὸν Ἀπόλλωνος ### book 13.435.1 νηόν τε ζάθεον Τριτωνίδος ἀμφί τε βωμὸν ### book 13.435.2 Ἑρκείου· θάλαμοι δὲ κατεπρήθοντ’ ἐρατεινοὶ ### book 13.435.3 υἱωνῶν Πριάμοιο· πόλις δ’ ἀμαθύνετο πᾶσα. ### book 13.435.4 Τρῶες δ’ οἳ μὲν παισὶν ὑπ’ Ἀργείων ὀλέκοντο, ### book 13.435.5 οἳ δ’ ὑπὸ λευγαλέοιο πυρὸς σφετέρων τε μελάθρων, ### book 13.440.1 ἔνθά σφιν καὶ μοῖρα κακὴ καὶ τύμβος ἐτύχθη· ### book 13.440.2 ἄλλοι δὲ ξιφέεσσιν ἑὸν διὰ λαιμὸν ἔλασσαν ### book 13.440.3 πῦρ ἅμα δυσμενέεσσιν ἐπὶ προθύροισιν ἰδόντες· ### book 13.440.4 οἳ δ’ ἄρ’ ὁμῶς τεκέεσσι κατακτείναντες ἀκοίτις ### book 13.440.5 κάππεσον ἄσχετον ἔργον ἀναπλήσαντες ἀνάγκῃ. ### book 13.445.1 Καί ῥά τις οἰόμενος δηίων ἑκὰς ἔμμεναι αὐτὸς ### book 13.445.2 ἔκποθεν Ἡφαίστοιο θοῶς ἀνὰ κάλπιν ἀείρας ### book 13.445.3 ὥρμηνεν πονέεσθαι ἐφ’ ὕδατι· τὸν δὲ παραφθὰς ### book 13.445.4 Ἀργείων τις ἔτυψεν ὑπ’ ἔγχεϊ καί οἱ ὄλεσσε ### book 13.445.5 θυμὸν ὑπ’ ἀκρήτῳ βεβαρημένον· ἤριπε δ’ εἴσω ### book 13.1 δώματος, ἀμφὶ δέ οἱ κενεὴ περικάππεσε κάλπις. ### book 13.2 Ἄλλῳ δ’ αὖ φεύγοντι δι’ ἐκ μεγάροιο μεσόδμη ### book 13.3 ἔμπεσε καιομένη, ἐπὶ δ’ ἤρτυεν αἰπὺν ὄλεθρον. ### book 13.4 Πολλαὶ δ’ αὖτε γυναῖκες ἀνιηρὴν ἐπὶ φύζαν ### book 13.5 ἐσσύμεναι μνήσαντο φίλων ὑπὸ δώμασι παίδων ### book 13.455.1 οὓς λίπον ἐν λεχέεσσιν· ἄφαρ δ’ ἀνὰ ποσσὶν ἰοῦσαι ### book 13.455.2 παισὶν ὁμῶς ἀπόλοντο δόμων ἐφύπερθε πεσόντων. ### book 13.455.3 Ἵπποι δ’ αὖτε κύνες τε δι’ ἄστεος ἐπτοίηντο ### book 13.455.4 φεύγοντες στυγεροῖο πυρὸς μένος· ἀμφὶ δὲ ποσσὶ ### book 13.455.5 στεῖβον ἀποκταμένους· ζωοῖσι δὲ πῆμα φέροντες ### book 13.460.1 αἰὲν ἐνερρήγνυντο. Βοῇ δ’ ἀμφίαχεν ἄστυ ### book 13.460.2 καί τινος αἰζηοῖο διὰ φλογὸς ἐσσυμένοιο ### book 13.460.3 φθεγγομένου· τοὺς δ’ ἔνδον ἀμείλιχος Αἶσα δάμασσεν. ### book 13.460.4 Ἄλλον δ’ ἄλλα κέλευθα φέρον στονόεντος ὀλέθρου. ### book 13 φλὸξ δ’ ἄρ’ ἐς ἠέρα δῖαν ἀνέγρετο, πέπτατο δ’ αἴγλη ### book 13.465.1 ἄσπετος· ἀμφὶ δὲ φῦλα περικτιόνων ὁρόωντο ### book 13.465.2 μέχρις ἐπ’ Ἰδαίων ὀρέων ὑψηλὰ κάρηνα ### book 13.465.3 Θρηικίης τε Σάμοιο καὶ ἀγχιάλου Τενέδοιο. ### book 13.465.4 Καί τις ἁλὸς κατὰ βένθος ἔσω νεὸς ἔκφατο μῦθον· ### book 13.465.5 «Ἤνυσαν Ἀργεῖοι κρατερόφρονες ἄσπετον ἔργον ### book 13.470.1 πολλὰ μάλ’ ἀμφ’ Ἑλένης ἑλικοβλεφάροιο καμόντες· ### book 13.470.2 πᾶσα δ’ ἄρ’ ἡ τὸ πάροιθε πανόλβιος ἐν πυρὶ Τροίη ### book 13.470.3 καίεται οὐδὲ θεῶν τις ἐελδομένοισιν ἄμυνε. ### book 13.470.4 Πάντα γὰρ ἄσχετος Αἶσα βροτῶν ἐπιδέρκεται ἔργα· ### book 13.470.5 καὶ τὰ μὲν ἀκλέα πολλὰ καὶ οὐκ ἀρίδηλα γεγῶτα ### book 13.475.1 κυδήεντα τίθησι, τὰ δ’ ὑψόθι μείονα θῆκε· ### book 13.475.2 πολλάκι δ’ ἐξ ἀγαθοῖο πέλει κακόν, ἐκ δὲ κακοῖο ### book 13.475.3 ἐσθλὸν ἀμειβομένοιο πολυτλήτου βιότοιο.» ### book 13.475.4 Ὣς ἄρ’ ἔφη μερόπων τις ἀπόπροθεν ἄσπετον αἴγλην ### book 13.475.5 εἰσορόων. Στονόεσσα δ’ ἔτ’ ἄμπεχε Τρῶας ὀιζύς· ### book 13.480.1 Ἀργεῖοι δ’ ἀνὰ ἄστυ κυδοίμεον, ἠύτ’ ἀῆται ### book 13.480.2 λάβροι ἀπείρονα πόντον ὀρινόμενοι κλονέουσιν, ### book 13.480.3 ὁππότ’ ἄρ’ ἀντιπέρηθε δυσαέος Ἀρκτούροιο ### book 13.480.4 βηλὸν ἐς ἀστερόεντα Θυτήριον ἀντέλλῃσιν ### book 13.480.5 ἐς Νότον ἠερόεντα τετραμμένον, ἀμφὶ δ’ ἄρ’ αὐτῷ ### book 13.485.1 πολλαὶ ὑπόβρυχα νῆες ἀμαλδύνοντ’ ἐνὶ πόντῳ ### book 13.485.2 ὀρνυμένων ἀνέμων· 〈τ〉οῖς εἴκελοι υἷες Ἀχαιῶν ### book 13.485.3 πόρθεον Ἴλιον αἰπύ. Τὸ δ’ ἐν πυρὶ καίετο πολλῷ, ### book 13.485.4 ἠύτ’ ὄρος λασίῃσιν ἄδην καταειμένον ὕλῃς ### book 13.485.5 ἐσσυμένως καίηται ὑπαὶ πυρὸς ὀρνυμένοιο ### book 13.490 ἐξ ἀνέμων, δολιχαὶ δὲ περιβρομέουσι κολῶναι, ### book 13.1 τῷ δ’ ἄρα λευγαλέως ἐνιτείρεται ἄγρια πάντα ### book 13.2 Ἡφαίστοιο βίηφι περιστρεφθέντα καθ’ ὕλην· ### book 13.3 ὣς Τρῶες κτείνοντο κατὰ πτόλιν· οὐδέ τις αὐτοὺς ### book 13.4 ῥύετ’ ἐπουρανίων· περὶ γὰρ λίνα πάντοθε Μοῖραι ### book 13.495.1 μακρὰ περιστήσαντο τά περ βροτὸς οὔ ποτ’ ἄλυξε. ### book 13.495.2 Καὶ τότε Δημοφόωντι μενεπτολέμῳ τ’ Ἀκάμαντι ### book 13.495.3 Θησῆος μεγάλοιο δι’ ἄστεος ἤντετο μήτηρ ### book 13.495.4 Αἴθρη ἐελδομένη· μακάρων δέ τις ἡγεμόνευεν ### book 13.495.5 ὅς μιν ἄγεν κείνοισι καταντίον. Ἣ δ’ ἀλάλυκτο ### book 13.1 φεύγους’ ἐκ πολέμοιο καὶ ἐκ πυρός· οἳ δ’ ἐσιδόντες ### book 13.2 αἴγλῃ ἐν Ἡφαίστοιο δέμας μέγεθός τε γυναικὸς ### book 13.3 αὐτὴν ἔμμεν ἔφαντο θεηγενέος Πριάμοιο ### book 13.4 ἀντιθέην παράκοιτιν. Ἄφαρ δέ οἱ ἐμμεμαῶτες ### book 13.5 χεῖρας ἐπερρίψαντο λιλαιόμενοί μιν ἄγεσθαι ### book 13.505.1 ἐς Δαναούς· ἣ δ’ αἰνὸν ἀναστενάχουσα μετηύδα· ### book 13.505.2 «Μή νύ με, κύδιμα τέκνα φιλοπτολέμων Ἀργείων, ### book 13.505.3 δήιον ὣς ἐρύοντες ἑὰς ἐπὶ νῆας ἄγεσθε. ### book 13.505.4 Οὐ γὰρ Τρωιάδων γένος εὔχομαι· ἀλλά μοι ἐσθλὸν ### book 13.505.5 αἷμα πέλει Δαναῶν μάλ’ ἐυκλεές, οὕνεκα Πιτθεὺς ### book 13.510.1 γείνατό μ’ ἐν Τροιζῆνι, γάμῳ δ’ ἑδνώσατο δῖος ### book 13.510.2 Αἰγεύς, ἐκ δ’ ἄρ’ ἐμεῖο κλυτὸς πάις ἔπλετο Θησεύς. ### book 13.510.3 Ἀλλ’ ἄγε, πρὸς μεγάλοιο Διὸς τερπνῶν τε τοκήων, ### book 13.510.4 εἰ ἐτεὸν Θησῆος ἀμύμονος ἐνθάδ’ ἵκοντο ### book 13 υἷες ἅμ’ Ἀτρείδῃσι, φίλοισί με παίδεσι κείνου ### book 13.515.1 δείξατ’ ἐελδομένοισι κατὰ στρατόν, οὕς περ ὀίω ### book 13.515.2 ὔμμιν ὁμήλικας ἔμμεν· ἀναπνεύσει δέ μευ ἦτορ, ### book 13.515.3 ἢν κείνους ζώοντας ἴδω καὶ ἀριστέας ἄμφω.» ### book 13.515.4 Ὣς φάτο· 〈τ〉οὶ δ’ ἀίοντες ἑοῦ μνήσαντο τοκῆος, ### book 13.515.5 ἀμφ’ Ἑλένης ὅς’ ἔρεξε καὶ ὡς διέπερσαν Ἀφίδνας ### book 13.520.1 κοῦροι ἐριγδούποιο Διὸς πάρος, ὁππότ’ ἄρ’ αὐτοὺς ### book 13.520.2 ὑσμίνης ἀπάνευθεν ἀπεκρύψαντο τιθῆναι ### book 13.520.3 νηπιάχους ἔτ’ ἐόντας· ἀνεμνήσαντο δ’ ἀγαυῆς ### book 13.520.4 Αἴθρης, ὅσς’ ἐμόγησε δορυκτήτῳ ὑπ’ ἀνάγκῃ, ### book 13.520.5 ἄμφω ὁμῶς ἑκυρή τε καὶ ἀμφίπολος γεγαυῖα ### book 13.525.1 ἀντιθέης Ἑλένης· σὺν δ’ ἀμφασίῃ κεχάροντο. ### book 13.525.2 Δημοφόων δέ μιν ἠὺς ἐελδομένην προσέειπε· ### book 13.525.3 «Σοὶ μὲν δὴ τελέουσι θεοὶ θυμηδὲς ἐέλδωρ ### book 13.525.4 αὐτίκ’, ἐπεί ῥα δέδορκας ἀμύμονος υἱέος υἷας ### book 13.525.5 ἡμέας, οἵ σε φίλῃσιν ἀειράμενοι παλάμῃσιν ### book 13.530.1 οἴσομεν ἐς νῆας καὶ ἐς Ἑλλάδος ἱερὸν οὖδας ### book 13.530.2 ἄξομεν ἀσπασίως, ὅθι περ πάρος ἐμβασίλευες.» ### book 13.530.3 Ὣς φάμενον μεγάλοιο πατρὸς προσπτύξατο μήτηρ ### book 13.530.4 χείρεσιν ἀμφιβαλοῦσα, κύσεν δέ οἱ εὐρέας ὤμους ### book 13.530.5 καὶ κεφαλὴν καὶ στέρνα γένειά τε λαχνήεντα· ### book 13.535.1 ὣς δ’ αὕτως Ἀκάμαντα κύσε〈ν〉. Περὶ δέ σφισι δάκρυ ### book 13.535.2 ἡδὺ κατὰ βλεφάροιιν ἐχεύατο μυρομένοι〈σ〉ιν. ### book 13.535.3 Ὡς δ’ ὁπότ’ αἰζηοῖο μετ’ ἀλλοδαποῖσιν ἐόντος ### book 13.535.4 λαοὶ φημίξωσι μόρον, τὸν δ’ ἔκποθεν υἷες ### book 13.535.5 ὕστερον ἀθρήσαντες ἐς οἰκία νοστήσαντα ### book 13.540.1 κλαίουσι〈ν〉 μάλα τερπνόν· ὃ δ’ ἔμπαλι παισὶ καὶ αὐτὸς ### book 13.540.2 μύρεται ἐν μεγάροισιν ἐνωπαδόν, ἀμφὶ δὲ δῶμα ### book 13.540.3 ἡδὺ κινυρομένω〈ν〉 γοερὴ περιπέπτατ’ ἰωή· ### book 13.540.4 ὣς τῶν μυρομένων λαρὸς γόος ἀμφιδεδήει. ### book 13.540.5 Καὶ τότε που Πριάμοιο πολυτλήτοιο θύγατρα ### book 13.545.1 Λαοδίκην ἐνέπουσιν ἐς αἰθέρα χεῖρας ὀρέξαι ### book 13.545.2 εὐχομένην μακάρεσσιν ἀτειρέσιν, ὄφρά ἑ γαῖα ### book 13.545.3 ἀμφιχάνῃ, πρὶν χεῖρα βαλεῖν ἐπὶ δούλια ἔργα. ### book 13.545.4 Τῆς δὲ θεῶν τις ἄκουσε καὶ αὐτίκα γαῖαν ἔνερθε ### book 13.545.5 ῥῆξεν ἀπειρεσίην· ἣ δ’ ἐννεσίῃσι θεοῖο ### book 13.1 κούρην δέξατο δῖαν ἔσω κοίλοιο βερέθρου ### book 13.2 Ἰλίου ὀλλυμένης· ἧς εἵνεκά φασι καὶ αὐτὴν ### book 13.3 Ἠλέκτρην βαθύπεπλον ἑὸν δέμας ἀμφικαλύψαι ### book 13.4 ἀχλύι καὶ νεφέεσσιν ἀνηναμένην χορὸν ἄλλων ### book 13.5 Πληιάδων αἳ δή οἱ ἀδελφειαὶ γεγάασιν· ### book 13.555.1 ἀλλ’ αἳ μὲν μογεροῖσιν ἐπόψιαι ἀνθρώποισιν ### book 13.555.2 ἰλαδὸν ἀντέλλουσιν ἐς οὐρανόν, ἣ δ’ ἄρα μούνη ### book 13.555.3 κεύθεται αἰὲν ἄιστος, ἐπεί ῥά οἱ υἱέος ἐσθλοῦ ### book 13.555.4 Δαρδάνου ἱερὸν ἄστυ κατήριπεν, οὐδέ οἱ αὐτὸς ### book 13.555.5 Ζεὺς ὕπατος χραίσμησεν ἀπ’ αἰθέρος, οὕνεκα Μοίραις ### book 13.560.1 εἴκει καὶ μεγάλοιο Διὸς μένος. Ἀλλὰ τὸ μέν που ### book 13.560.2 ἀθανάτων τάχ’ ἔρεξεν ἐὺς νόος ἠὲ καὶ οὐκί· ### book 13.560.3 Ἀργεῖοι δ’ ἔτι θυμὸν ἐπὶ Τρώεσσιν ὄρινον ### book 13 πάντῃ ἀνὰ πτολίεθρον· Ἔρις δ’ ἔχε πείρατα χάρμης. ### book 14.1.1 Καὶ τότ’ ἀπ’ Ὠκεανοῖο θεὰ χρυσόθρονος Ἠὼς ### book 14.1.2 οὐρανὸν εἰσανόρουσε, Χάος δ’ ὑπεδέξατο Νύκτα. ### book 14.1.3 Οἳ δὲ βίῃ Τροίην εὐερκέα δῃώσαντο ### book 14.1.4 Ἀργεῖοι καὶ κτῆσιν ἀπείρονα ληίσσαντο, ### book 14.5.1 χειμάρροις ποταμοῖσιν ἐοικότες, οἵ τε φέρονται ### book 14.5.2 ἐξ ὀρέων καναχηδὸν ὀρινομένου ὑετοῖο, ### book 14.5.3 πολλὰ δὲ δένδρεα μακρὰ καὶ ὁππόσα φύετ’ ὄρεσφιν ### book 14.5.4 αὐτοῖς σὺν πρώνεσσιν ἔσω φορέουσι θαλάσσης· ### book 14.5.5 ὣς Δαναοὶ πέρσαντες ὑπαὶ πυρὶ Τρώιον ἄστυ ### book 14.10.1 κτήματα πάντα φέρεσκον ἐυσκάρθμους ἐπὶ νῆας. ### book 14.10.2 Σὺν δ’ ἄρα Τρωιάδας καταγίνεον ἄλλοθεν ἄλλας, ### book 14.10.3 τὰς μὲν ἔτ’ ἀδμῆτας καὶ νήιδας οἷο γάμοιο, ### book 14.10.4 τὰς δ’ ἄρ’ ὑπ’ αἰζηοῖσι νέον φιλότητι δαμείσας, ### book 14.10.5 ἄλλας δ’ αὖ πολιοπλοκάμους, ἑτέρας δ’ ἄρα κείνων ### book 14.15.1 ὁπλοτέρας ὧν παῖδας ἀπειρύσσαντ’ ἀπὸ μαζῶν ### book 14.15.2 ὑστάτιον χείλεσσι γλάγος πέρι μαιμώωντας. ### book 14.15.3 Τοῖσι δὲ δὴ Μενέλαος ἐνὶ μέσσοισι καὶ αὐτὸς ### book 14.15.4 ἦγεν ἑὴν παράκοιτιν ἀπ’ ἄστεος αἰθομένοιο ### book 14 ἐξανύσας μέγα ἔργον· ἔχεν δέ ἑ χάρμα καὶ αἰδώς. ### book 14.20.1 Κασσάνδρην 〈δ’〉 ἄγε δῖαν ἐυμμελίης Ἀγαμέμνων, ### book 14.20.2 Ἀνδρομάχην δ’ Ἀχιλῆος ἐὺς πάις. Αὐτὰρ Ὀδυσσεὺς ### book 14.20.3 εἷλκε βίῃ Ἑκάβην. Τῆς δ’ ἀθρόα δάκρυ’ ἀπ’ ὄσσων ### book 14.20.4 πίδακος ὣς ἐχέοντο· περιτρομέεσκε δὲ γυῖα ### book 14.20.5 καὶ κραδίη ἀλάλυκτο φόβῳ· δεδάικτο δὲ χαίτας ### book 14.25.1 κράατος ἐκ πολιοῖο· τέφρη δ’ ἐπεπέπτατο πολλὴ ### book 14.25.2 τήν που ἀπ’ ἐσχαρεῶνος ἄδην κατεχεύατο χερσὶν ### book 14.25.3 ὀλλυμένου Πριάμοιο καὶ ἄστεος αἰθομένοιο· ### book 14.25.4 καί ῥα μέγα στενάχιζε〈ν, ὅ〉τ’ ἀμφί ἑ δούλιον ἦμαρ ### book 14.25.5 μά〈ρ〉ψ’ ἀεκαζομένην. Ἕτερος δ’ ἑτέρην γοόωσαν ### book 14.30.1 ἤγετο Τρωιάδων σφετέρας ἐπὶ νῆας ἀνάγκῃ· ### book 14.30.2 αἳ δ’ ἀδινὸν γοόωσαι ἀνίαχον ἄλλοθεν ἄλλαι ### book 14.30.3 νηπιάχοις ἅμα παισὶ κινυ〈ρό〉μεναι μάλα λυγρῶς. ### book 14.30.4 Ὡς δ’ ὁπότ’ ἀργιόδουσιν ὁμῶς συσὶ νήπια τέκνα ### book 14.30.5 σταθμοῦ ἀπὸ προτέροιο ποτὶ σταθμὸν ἄλλον ἄγωσιν ### book 14.35.1 ἀνέρες ἐγρομένῳ ὑπὸ χείματι, ταὶ δ’ ἀλεγεινὸν ### book 14.35.2 μίγδα περιτρίζουσι διηνεκὲς ἀλλήλῃσιν· ### book 14.35.3 ὣς Τρῳαὶ Δαναοῖσιν ἐπεστενάχοντο δαμεῖσαι· ### book 14.35.4 ἴσην δ’ αὖ καὶ ἄνασσα φέρεν καὶ δμωὶς ἀνάγκην. ### book 14.35.5 Ἀλλ’ οὐ μὰν Ἑλένην γόος ἄμπεχεν· ἀλλά οἱ αἰδὼς ### book 14.40.1 ὄμμασι κυανέοισιν ἐφίζανε καί οἱ ὕπερθε ### book 14.40.2 καλὰς ἀμφερύθηνε παρηίδας. Ἐν δέ οἱ ἦτορ ### book 14.40.3 ἄσπετα πορφύρεσκε κατὰ φρένα, μή ἑ κιοῦσαν ### book 14.1 κυανέας ἐπὶ νῆας ἀεικίσσωνται Ἀχαιοί· ### book 14.2 τοὔνεχ’ ὑποτρομέουσα φίλῳ περιπάλλετο θυμῷ. ### book 14.45.1 Καί ῥα καλυψαμένη κεφαλὴν ἐφύπερθε καλύπτρῃ ### book 14.45.2 ἕσπετο νισομένοιο κατ’ ἴχνιον ἀνδρὸς ἑοῖο ### book 14.45.3 αἰδοῖ πορφύρουσα παρήιον, ἠύτε Κύπρις, ### book 14.45.4 εὖτέ μιν Οὐρανίωνες ἐν ἀγκοίνῃσιν Ἄρηος ### book 14.45.5 ἀμφαδὸν εἰσενόησαν ἑὸν λέχος αἰσχύνουσαν ### book 14.1 δεσμοῖς ἐν θαμινοῖσι δαήμονος Ἡφαίστοιο, ### book 14.2 τοῖς ἔνι κεῖτ’ ἀχέουσα 〈περὶ〉 φρεσὶν αἰδομένη τε ### book 14.3 ἰλαδὸν ἀγρομένων μακάρων γένος ἠδὲ καὶ αὐτὸν ### book 14.4 Ἥφαιστον· δεινὸν γὰρ ἐν ὀφθαλμοῖσιν ἀκοίτεω ### book 14.5 ἀμφαδὸν εἰσοράασθαι ἐπ’ αἴσχεϊ θηλυτέρῃσι· ### book 14.55.1 τῇ Ἑλένη εἰκυῖα δέμας καὶ ἀκήρατον αἰδῶ ### book 14.55.2 ἤιε σὺν Τρῳῇσι δορυκτήτοισι καὶ αὐτὴ ### book 14.55.3 νῆας ἐπ’ Ἀργείων εὐήρεας. Ἀμφὶ δὲ λαοὶ ### book 14.55.4 θάμβεον ἀθρήσαντες ἀμωμήτοιο γυναικὸς ### book 14.55.5 ἀγλαΐην καὶ κάλλος ἐπήρατον· οὐδέ τις ἔτλη ### book 14.60.1 κείνην οὔτε κρυφηδὸν ἐπεσβολίῃσι χαλέψαι ### book 14.60.2 οὔτ’ οὖν ἀμφαδίην, ἀλλ’ ὡς θεὸν εἰσορόωντο ### book 14.60.3 ἀσπασίως· πᾶσι〈ν〉 γὰρ ἐελδομένοισι φαάνθη. ### book 14.60.4 Ὡς δ’ ὅτ’ ἀλω〈ο〉μένοισι δι’ ἀκαμάτοιο θαλάσσης ### book 14.60.5 πατρὶς ἑὴ μετὰ δηρὸν ἐπευχομένοισι φανείη, ### book 14.65.1 οἳ δὲ καὶ ἐκ πόντοιο καὶ ἐκ θανάτοιο φυγόντες ### book 14.65.2 πάτρῃ χεῖρ’ ὀρέγουσι γεγηθότες ἄσπετα θυμῷ· ### book 14.65.3 ὣς Δαναοὶ περὶ πάντες ἐγήθεον· οὐ γὰρ ἔτ’ αὐτοῖς ### book 14.65.4 μνῆστις ἔην καμάτοιο δυσαλγέος οὐδὲ κυδοιμοῦ· ### book 14 τοῖον γὰρ Κυθέρεια νόον ποιήσατο πάντων ### book 14.70.1 ἦρα φέρους’ Ἑλένῃ ἑλικώπιδι καὶ Διὶ πατρί. ### book 14.70.2 Καὶ τότ’ ἄρ’, ὡς ἐνόησε φίλον δεδαϊγμένον ἄστυ, ### book 14.70.3 Ξάνθος ἔθ’ αἱματόεντος ἀναπνείων ὀρυμαγδοῦ ### book 14.70.4 μύρετο σὺν Νύμφῃσιν, ἐπεὶ κακὸν ἔμπεσε Τροίῃ ### book 14.70.5 ἔκποθε καὶ Πριάμοιο κατημάλδυνε πόληα. ### book 14.75.1 Ὡς δ’ ὅτε λήιον αὖον ἐπιβρίσασα χάλαζα ### book 14.75.2 τυτθὰ διατμήξῃ, στάχυας δ’ ἀπὸ πάντας ἀμέρσῃ ### book 14.75.3 ῥιπῇ ὑπ’ ἀργαλέῃ, καλάμη δ’ ἄρα χεύατ’ ἔραζε ### book 14.75.4 μαψιδίη καρποῖο κατ’ οὔδεος ὀλλυμένοιο ### book 14.75.5 λευγαλέως, ὀλοὸν δὲ πέλει μέγα πένθος ἄνακτι· ### book 14.80.1 ὣς ἄρα καὶ Ξάνθοιο περὶ φρένας ἤλυθεν ἄλγος ### book 14.80.2 Ἰλίου οἰωθέντος· ἔχεν δέ μιν αἰὲν ὀιζὺς ### book 14.80.3 ἀθάνατόν περ ἐόντα. Μακρὴ δ’ ἀμφέστενεν Ἴδη ### book 14.80.4 καὶ Σιμόεις· μύροντο δ’ ἀπόπροθι πάντες ἔναυλοι ### book 14.80.5 Ἰδαῖοι Πριάμοιο πόλιν περικωκύοντες. ### book 14.85.1 Ἀργεῖοι δ’ ἐπὶ νῆας ἔβαν μέγα καγχαλόωντες, ### book 14.85.2 μέλποντες Νίκης ἐρικυδέος ὄβριμον ἀλκήν, ### book 14.85.3 ἄλλοτε δὲ ζάθεον μακάρων γένος ἠδὲ καὶ αὐτῶν ### book 14.85.4 θυμὸν τολμήεντα καὶ ἄφθιτον ἔργον Ἐπειοῦ. ### book 14.85.5 Μολπὴ δ’ οὐρανὸν ἷκε δι’ αἰθέρος, εὖτε κολοιῶν ### book 14.90.1 κλαγγὴ ἀπειρεσίη, ὁπότ’ εὔδιον ἦμαρ ἵκηται ### book 14.90.2 χείματος ἐξ ὀλοοῖο, πέλει δ’ ἄρα νήνεμος αἰθήρ· ### book 14.90.3 ὣς τῶν πὰρ νήεσσι μέγ’ ἔνδοθι γηθομένων κῆρ ### book 14.92.1 . . . . . . . . . . . . . . . . . . . . . . . . . . . . . . . . . . . . . . . . . . . . . ### book 14.92.2 ἀθάνατοι τέρποντο κατ’ οὐρανόν, ὅσσοι ἀρωγοὶ ### book 14.92.3 ἐκ θυμοῖο πέλοντο φιλοπτολέμων Ἀργείων. ### book 14.95.1 Ἄλλοι δ’ αὖ χαλέπαινον, ὅσοι Τρώεσσιν ἄμυνον, ### book 14.95.2 δερκόμενοι Πριάμοιο καταιθόμενον πτολίεθρον· ### book 14.95.3 ἀλλ’ οὐ μὰν ὑπὲρ Αἶσαν ἐελδόμενοί περ ἀμύνειν ### book 14.95.4 ἔσθενον· οὐδὲ γὰρ αὐτὸς ὑπὲρ μόρον οὐδὲ Κρονίων ### book 14.95.5 ῥηιδίως δύνατ’ Αἶσαν ἀπωσέμεν, ὃς περὶ πάντων ### book 14.1 ἀθανάτων μένος ἐστί, Διὸς δ’ ἐκ πάντα πέλονται. ### book 14.2 Ἀργεῖοι δ’ ἄρα πολλὰ βοῶν ἐπὶ μηρία θέντες ### book 14.3 καῖον ὁμῶς σχίζῃσι, καὶ ἐσσύμενοι περὶ βωμοὺς ### book 14.4 λείβεσκον μέθυ λαρὸν ἐπ’ αἰθομένῃσι θυηλῇς ### book 14.5 ἦρα θεοῖσι φέροντες, ἐπεὶ μέγα ἤνυσαν ἔργον. ### book 14.105.1 Πολλὰ δ’ ἐν εἰλαπίνῃ θυμηδέι κυδαίνεσκον ### book 14.105.2 πάντας ὅσους ὑπέδεκτο σὺν ἔντεσι δούριος ἵππος. ### book 14.105.3 Θαύμαζον 〈δὲ〉 Σίνωνα περικλυτόν, οὕνεχ’ ὑπέτλη ### book 14.105.4 λώβην δυσμενέων πολυκηδέα· καί ῥά ἑ πάντες ### book 14.105.5 μολπῇ καὶ γεράεσσιν ἀπειρεσίοισι τίεσκον ### book 14.110.1 αἰέν· ὃ δ’ ἐν φρεσὶν ᾗσιν ἐγήθεε τλήμονι θυμῷ ### book 14.110.2 νίκῃ ἐπ’ Ἀργείων, σφετέρῃ δ’ οὐκ ἄχνυτο λώβῃ· ### book 14.110.3 ἀνέρι γὰρ πινυτῷ καὶ ἐπίφρονι πολλὸν ἄμεινον ### book 14.110.4 κῦδος καὶ χρυσοῖο καὶ εἴδεος ἠδὲ καὶ ἄλλων ### book 14.110.5 ἐσθλῶν ὁππόσ〈α τ’〉 ἐστὶ καὶ ἔσσεται ἀνθρώποισιν. ### book 14.115.1 Οἳ δ’ ἄρα πὰρ νήεσσιν ἀταρβέα θυμὸν ἔχοντες ### book 14.115.2 δόρπεον ἀλλήλοισι διηνεκέως ἐνέποντες· ### book 14.115.3 «Ἠνύσαμεν πολέμοιο μακρὸν τέλος· ἠράμεθ’ εὐρὺ ### book 14.115.4 κῦδος ὁμῶς δηίοισι μέγα πτολίεθρον ἑλόντες· ### book 14.115.5 ἀλλά, Ζεῦ, καὶ νόστον ἐελδομένοις κατάνευσον.» ### book 14.120.1 Ὣς ἔφαν· ἀλλ’ οὐ πᾶσι πατὴρ ἐπὶ νόστον ἔνευσε. ### book 14.120.2 Τοῖς δέ τις ἐν μέσσοισιν ἐπιστάμενος . . . . . . . . . . . . ### book 14.120.3 . . . . . . . . . . . . . . . . . . . . . . . . . . . οὐ γὰρ ἔτ’ αὐτοῖς ### book 14.120.4 δεῖμα πέλεν πολέμοιο δυσηχέος, ἀλλ’ ἐπὶ ἔργα ### book 14.120.5 εὐνομίης ἐτρέποντο καὶ εὐφροσύνης ἐρατεινῆς. ### book 14.125.1 Ὃς δ’ ἤτοι πρῶτον μὲν ἐελδομένοισιν ἄειδε ### book 14.125.2 λαοὶ ὅπως συνάγερθεν ἐς Αὐλίδος ἱερὸν οὖδας ### book 14.125.3 ἠδ’ ὡς Πηλείδαο μέγα σθένος ἀκαμάτοιο ### book 14.125.4 δώδεκα μὲν κατὰ πόντον ἰὼν διέπερσε πόληας, ### book 14.125.5 ἕνδεκα δ’ αὖ κατὰ γαῖαν ἀπείριτον, ὅσσά τ’ ἔρεξε ### book 14.130.1 Τήλεφον ἀμφὶς ἄνακτα καὶ ὄβριμον Ἠετίωνα ### book 14.130.2 ὥς 〈τε〉 Κύκνον κατέπεφνεν ὑπέρβιον ἠδ’ ὅς’ Ἀχαιοὶ ### book 14.130.3 μαρνάμενοι μετὰ μῆνιν Ἀχιλλέος ἔργα κάμοντο ### book 14.130.4 Ἕκτορά θ’ ὡς εἴρυσσεν ἑῆς περὶ τείχεα πάτρης ### book 14.130.5 ὥς θ’ ἕλε Πενθεσίλειαν ἀνὰ μόθον ὥς τ’ ἐδάμασσεν ### book 14.135.1 υἱέα Τιθωνοῖο καὶ ὡς κτάνε καρτερὸς Αἴας ### book 14.135.2 Γλαῦκον ἐυμμελίην ἠδ’ ὡς ἐρικυδέα φῶτα ### book 14.135.3 Εὐρύπυλον κατέπεφνε θοοῦ πάις Αἰακίδαο ### book 14.135.4 ὥς τε Πάριν δαμάσαντο Φιλοκτήταο βέλεμνα ### book 14.135.5 ἠδ’ ὁπόσοι δολόεντος ἐσήλυθον ἔνδοθεν ἵππου ### book 14.140.1 ἀνέρες ὥς τε πόληα θεηγενέος Πριάμοιο ### book 14.140.2 πέρσαντες δαίνυντο κακῶν ἀπὸ νόσφι κυδοιμῶν. ### book 14.140.3 Ἄλλῃ δ’ ἄλλος ἄειδεν ὅ τι φρεσὶν ᾗσι μενοίνα. ### book 14.140.4 Ἀλλ’ ὅτε δαινυμένοισι μέσον περιτέλλετο νυκτός, ### book 14 δὴ τότε που δόρποιο καὶ ἀκρήτοιο ποτοῖο ### book 14.145.1 παυσάμενοι Δαναοὶ λαθικηδέα κοῖτον ἕλοντο. ### book 14.145.2 Χθιζὸν γὰρ καμάτοιο μένος κατεδάμνατο πάντας· ### book 14.145.3 τῶ καὶ παννύχιοι λελιημένοι εἰλαπινάζειν ### book 14.145.4 παύσανθ’, οὕνεκεν ὕπνος ἄδην ἀέκοντας ἔρυκεν. ### book 14.145.5 Ἄλλῃ δ’ ἄλλος ἴαυεν· ὃ δ’ ἐν κλισίῃσιν ἑῇσιν ### book 14.1 Ἀτρείδης ὀάριζε μετ’ ἠυκόμοιο γυναικός· ### book 14.2 οὐ γάρ πω κείνοισιν ἐπ’ ὄμμασιν ὕπνος ἔπιπτεν, ### book 14.3 ἀλλὰ Κύπρις πεπότητο περὶ φρένας, ὄφρα παλαιοῦ ### book 14.4 λέκτρου ἐπιμνήσωνται, ἄχος δ’ ἀπὸ νόσφι βάλωνται. ### book 14.5 Πρώτη δ’ αὖθ’ Ἑλένη τοῖον ποτὶ μῦθον ἔειπε· ### book 14.155.1 «Μή νύ μοι, ὦ Μενέλαε, χόλον ποτιβάλλεο θυμῷ· ### book 14.155.2 οὐ γὰρ ἐγὼν ἐθέλουσα λίπον σέο δῶμα καὶ εὐνήν, ### book 14.155.3 ἀλλά μ’ Ἀλεξάνδροιο βίη καὶ Τρώιοι υἷες ### book 14.155.4 σεῦ ἀπὸ νόσφιν ἐόντος ἀνηρείψαντο κιόντες. ### book 14.155.5 Καί μ’ 〈ἄμοτον〉 μεμαυῖαν ὀιζυρῶς ἀπολέσθαι ### book 14.160.1 ἢ βρόχῳ ἀργαλέῳ ἢ καὶ ξίφεϊ στονόεντι ### book 14.160.2 εἶργον ἐνὶ μεγάροισι παρηγορέοντες ἔπεσσι ### book 14.160.3 σεῦ ἕνεκ’ ἀχνυμένην καὶ τηλυγέτοιο θυγατρός· ### book 14.160.4 τῆς νύ σε πρός τε γάμου πολυγηθέος ἠδὲ σεῦ αὐτοῦ ### book 14.160.5 λίσσομαι ἀμφ’ ἐμέθεν στυγερῆς λελαθέσθαι ἀνίης.» ### book 14.165.1 Ὣς φαμένην προσέειπε πύκα φρονέων Μενέλαος· ### book 14.165.2 «Μηκέτι νῦν μέμνης’ ἅ τ’ ἐπάσχομεν ἄλγεα θυμῷ· ### book 14.165.3 ἀλλὰ τὰ μέν που πάντα μέλας δόμος ἐντὸς ἐέργοι ### book 14.165.4 Λήθης· οὐ γὰρ ἔοικε κακῶν μεμνῆσθαι ἔτ’ ἔργων.» ### book 14 Ὣς φάτο· τὴν δ’ ἕλε χάρμα, δέος δ’ ἐξέσσυτο θυμοῦ· ### book 14.170.1 ἔλπετο γὰρ παύσασθαι ἀνιηροῖο χόλοιο ### book 14.170.2 ὃν πόσιν. Ἀμφὶ δέ οἱ βάλε πήχεε, καί σφιν ἅμ’ ἄμφω ### book 14.170.3 δάκρυ κατὰ βλεφάροιιν ἐλείβετο ἡδὺ γοώντων. ### book 14.170.4 Ἀσπασίως δ’ ἄρα τώ γε παρ’ ἀλλήλοισι κλιθέντε ### book 14.170.5 σφωιτέρου κατὰ θυμὸν ἀνεμνήσαντο γάμοιο. ### book 14.175.1 Ὡς δ’ ὅτε που κισσός τε καὶ ἡμερὶς ἀμφιβάλωνται ### book 14.175.2 ἀλλήλοις περὶ πρέμνα, τὰ δ’ οὔ ποτε ἲς ἀνέμοιο ### book 14.175.3 σφῶν ἀπὸ νόσφι βαλέσθαι ἐπισθένει· ὣς ἄρα τώ γε ### book 14.175.4 ἀλλήλοις συνέχοντο λιλαιόμενοι φιλότητος. ### book 14.175.5 Ἀλλ’ ὅτε δὴ καὶ τοῖσιν ἐπήλυθεν ὕπνος ἀπήμων, ### book 14.180.1 δὴ τότ’ Ἀχιλλῆος κρατερὸν κῆρ ἰσοθέοιο ### book 14.180.2 ἔστη ὑπὲρ κεφαλῆς οὗ υἱέος, οἷος ἔην περ ### book 14.180.3 ζωὸς ἐών, ὅτε Τρωσὶν ἄχος πέλε, χάρμα δ’ Ἀχαιοῖς. ### book 14.180.4 Κύσσε δέ οἱ δειρὴν καὶ φάεα μαρμαίροντα ### book 14.180.5 ἀσπασίως καὶ τοῖα παρηγορέων προσέειπε· ### book 14.185.1 «Χαῖρε, τέκος, καὶ μή τι δαΐζεο πένθεϊ θυμὸν ### book 14.185.2 εἵνεκ’ ἐμεῖο θανόντος, ἐπεὶ μακάρεσσι θεοῖσιν ### book 14.185.3 ἤδη ὁμέστιός εἰμι· σὺ δ’ ἴσχεο τειρόμενος κῆρ ### book 14.185.4 ἀμφ’ ἐμέθεν, καὶ κάρτος ἄδην ἐμὸν ἔνθεο θυμῷ. ### book 14.185.5 Αἰεὶ δ’ Ἀργείων πρόμος ἵστασο μηδενὶ εἴκων ### book 14.190.1 ἠνορέῃ· ἀγορῇ δὲ παλαιοτέροισι βροτοῖσι ### book 14.190.2 πείθεο· καί νύ σε πάντες ἐύφρονα μυθήσονται. ### book 14.190.3 Τῖε δ’ ἀμύμονας ἄνδρας ὅσοις νόος ἔμπεδός ἐστιν· ### book 14.190.4 ἐσθλῷ γὰρ φίλος ἐσθλὸς ἀνήρ, χαλεπῷ δ’ ἀλεγεινός. ### book 14 Ἢν δ’ ἀγαθὰ φρονέῃς, ἀγαθῶν καὶ τεύξεαι ἔργων. ### book 14.195.1 Κεῖνος δ’ οὔ ποτ’ ἀνὴρ Ἀρετῆς ἐπὶ τέρμαθ’ ἵκανεν ### book 14.195.2 ᾧ τινι μὴ νόος ἐστὶν ἐναίσιμος· οὕνεκ’ ἄρ’ αὐτῆς ### book 14.195.3 πρέμνον δύσβατόν ἐστι, μακροὶ δέ οἱ ἄχρις ἐπ’ αἴθρῃ ### book 14.195.4 ὄζοι ἀνηέξη〈ν〉θ’· ὁπόσοισι δὲ κάρτος ὀπηδεῖ ### book 14.195.5 καὶ πόνος, ἐκ καμάτου πολυγηθέα καρπὸν ἀμῶνται ### book 14.1 εἰς Ἀρετῆς ἀναβάντες ἐυστεφάνου κλυτὸν ἔρνος. ### book 14.2 Ἀλλ’ ἄγε κύδιμος ἔσσο. Καὶ ἐν φρεσὶ πευκαλίμῃσι ### book 14.3 μήτ’ ἐπὶ πήματι πάγχυ δαΐζεο θυμὸν ἀνίῃ, ### book 14.4 μήτ’ ἐσθλῷ μέγα χαῖρε. Νόος δέ τοι ἤπιος ἔστω ### book 14.5 ἔς τε φίλους ἑτάρους ἔς θ’ υἱέας ἔς τε γυναῖκας ### book 14.205.1 μνωομένῳ κατὰ θυμὸν ὅτι σχεδὸν ἀνθρώποισιν ### book 14.205.2 οὐλομένοιο Μόροιο πύλαι καὶ δώματα νεκρῶν· ### book 14.205.3 ἀνδρῶν γὰρ γένος ἐστὶν ὁμοίιον ἄνθεσι ποίης, ### book 14.205.4 ἄνθεσιν εἰαρινοῖσι· τὰ μὲν φθινύθει, τὰ δ’ ἀέξει· ### book 14.205.5 τοὔνεκα μείλιχος ἔσσο. Καὶ Ἀργείοισιν ἔνισπε, ### book 14.210.1 Ἀτρείδῃ δὲ μάλιστ’ Ἀγαμέμνονι· εἴ γέ τι θυμῷ ### book 14.210.2 μέμνηνθ’ ὅσς’ ἐμόγησα περὶ Πριάμοιο πόληα ### book 14.210.3 ἠδ’ ὅσα ληισάμην πρὶν Τρώιον οὖδας ἱκέσθαι, ### book 14.210.4 τῶ μοι νῦν ποτὶ τύμβον ἐελδομένῳ περ ἀγόντων ### book 14.210.5 ληίδος ἐκ Πριάμοιο Πολυξείνην εὔπεπλον, ### book 14.215.1 ὄφρα θοῶς ῥέξωσιν, ἐπεί σφισι χώομαι ἔμπης ### book 14.215.2 μᾶλλον ἔτ’ ἢ τὸ πάρος Βρισηίδος· ἀμφὶ δ’ ἄρ’ οἶδμα ### book 14.215.3 κινήσω πόντοιο, βαλῶ δ’ ἐπὶ χείματι χεῖμα, ### book 14.1 ὄφρα καταφθινύθοντες ἀτασθαλίῃσιν ἑῇσι ### book 14.2 μίμνως’ ἐνθάδε πολλὸν ἐπὶ χρόνον, εἰς ὅ κ’ ἔμοιγε ### book 14.220.1 λοιβὰς ἀμφιχέωνται ἐελδόμενοι μέγα νόστου· ### book 14.220.2 αὐτὴν δ’, εἴ κ’ ἐθέλωσιν, ἐπὴν ἀπὸ θυμὸν ἕλωνται, ### book 14.220.3 κούρην ταρχύσασθαι ἀπόπροθεν οὔ τι μεγαίρω.» ### book 14.220.4 Ὣς εἰπὼν ἀπόρουσε θοῇ ἐναλίγκιος αὔρῃ· ### book 14.220.5 αἶψα δ’ ἐς Ἠλύσιον πεδίον 〈κίεν〉, ἧχι τέτυκται ### book 14.225.1 οὐρανοῦ ἐξ ὑπάτοιο καταιβασίη ἄνοδός τε ### book 14.225.2 ἀθανάτοις μακάρεσσιν. Ὃ δ’, ὁππότε μιν λίπεν ὕπνος, ### book 14.225.3 μνήσατο πατρὸς ἑοῖο, νόος δέ οἱ ἠὺς ἰάνθη. ### book 14.225.4 Ἀλλ’ ὅτ’ ἐς οὐρανὸν εὐρὺν ἀνήιεν Ἠριγένεια ### book 14.225.5 νύκτα διασκεδάσασα, φάνη δ’ ἄρα γαῖα καὶ αἰθήρ, ### book 14.230.1 δὴ τότ’ Ἀχαιῶν υἷες ἀπ’ ἐκ λεχέων ἀνόρουσαν ### book 14.230.2 ἱέμενοι νόστοιο. Νέας δ’ ἐς βένθεα πόντου ### book 14.230.3 εἷλκον καγχαλόωντες ἀνὰ φρένας, εἰ μὴ ἄρ’ αὐτοὺς ### book 14.230.4 ἐσσυμένους κατέρυκεν Ἀχιλλέος ὄβριμος υἱός, ### book 14.230.5 εἰς ἀγορήν τ’ ἐκάλεσσε καὶ ἔκφατο πατρὸς ἐφετμήν· ### book 14.235.1 «Κέκλυτέ μευ, φίλα τέκνα μενεπτολέμων Ἀργείων, ### book 14.235.2 πατρὸς ἐφημοσύνην ἐρικυδέος ἥν μοι ἔνισπε ### book 14.235.3 χθιζὸς ἐνὶ λεχέεσσι διὰ κνέφας ὑπνώοντι· ### book 14.235.4 φῆ γὰρ ἀειγενέεσσι μετέμμεναι ἀθανάτοισιν. ### book 14.235.5 Ἠνώγει δ’ ὑμέας τε καὶ Ἀτρείδην βασιλῆα, ### book 14.240.1 ὄφρά οἱ ἐκ πολέμοιο γέρας περικαλλὲς ἄροιτε ### book 14.240.2 τύμβον ἐπ’ εὐρώεντα Πολυξείνην εὔπεπλον· ### book 14.240.3 καί μιν ἔφη ῥέξαντας ἀπόπροθι ταρχύσασθαι. ### book 14.240.4 Εἰ δέ οἱ οὐκ ἀλέγοντες ἐπιπλώοιτε θάλασσαν, ### book 14 ἠπείλει κατὰ πόντον ἐναντία κύματ’ ἀείρας ### book 14.245.1 λαὸν ὁμῶς νήεσσι πολὺν χρόνον ἐνθάδ’ ἐρύξειν.» ### book 14.245.2 Ὣς φαμένοιο πίθοντο καὶ ὡς θεῷ εὐχετόωντο. ### book 14.245.3 Καὶ γὰρ δὴ κατὰ βένθος ἀέξετο κῦμα θυέλλῃ ### book 14.245.4 εὐρύτερον καὶ μᾶλλον ἐπήτριμον ἢ πάρος ἦεν, ### book 14.245.5 μαινομένον ἀνέμοιο· μέγα〈σ〉 δ’ ὀροθύνετο πόντος ### book 14.1 χερσὶ Ποσειδάωνος· ὃ γὰρ κρατερῷ Ἀχιλῆι ### book 14.2 ἦρα φέρεν· πᾶσαι δὲ θοῶς ἐνόρουσαν ἄελλαι ### book 14.3 ἐς πέλαγος. Δαναοὶ δὲ μέγ’ εὐχόμενοι Ἀχιλῆι ### book 14.4 πάντες ὁμῶς μάλα τοῖα πρὸς ἀλλήλους ὀάριζον· ### book 14.5 «Ἀτρεκέως γενεὴ μεγάλου Διὸς ἦεν Ἀχιλλεύς· ### book 14.255.1 τῶ καὶ νῦν θεός ἐστι, καὶ εἰ πάρος ἔσκε μεθ’ ἡμῖν. ### book 14.255.2 Οὐ γὰρ ἀμαλδύνει μακάρων γένος ἄμβροτος Αἰών.» ### book 14.255.3 Ὣς φάμενοι ποτὶ τύμβον Ἀχιλλέος ἀπονέοντο. ### book 14.255.4 Τὴν δ’ ἄγον, ἠύτε πόρτιν ἐς 〈ἀ〉θανάτοιο θυηλὰς ### book 14.255.5 μητρὸς ἀπειρύσσαντες ἐνὶ ξυλόχοισι βοτῆρες, ### book 14.260.1 ἣ δ’ ἄρα μακρὰ βοῶσα κινύρεται ἀχνυμένη κῆρ· ### book 14.260.2 ὣς τῆμος Πριάμοιο πάις περικωκύεσκε ### book 14.260.3 δυσμενέων ἐν χερσίν. Ἄδην δέ οἱ ἔκχυτο δάκρυ· ### book 14.260.4 ὡς δ’ ὁπότε βριαρῇ ὑπὸ χερμάδι καρπὸς ἐλαίης ### book 14.260.5 οὔ πω χειμερίῃσι μελαινόμενος ψεκάδεσσι ### book 14.265.1 χεύῃ πολλὸν ἄλειφα, περιτρίζωσι δὲ μακρὰ ### book 14.265.2 ἁρμοὶ ὑπὸ σπάρτοισι βιαζομένων αἰζηῶν· ### book 14.265.3 ὣς ἄρα καὶ Πριάμοιο πολυτλήτοιο θυγατρὸς ### book 14.1 ἑλκομένης ποτὶ τύμβον ἀμειλίκτου Ἀχιλῆος ### book 14.2 αἰνὸν ὁμῶς στοναχῇσι κατὰ βλεφάρων ῥέε δάκρυ· ### book 14.270.1 καί οἱ κόλπος ἔνερθεν ἐπλήθετο, δεύετο δὲ χρὼς ### book 14.270.2 ἀτρεκέως ἀτάλαντος ἐυκτεάνῳ ἐλέφαντι. ### book 14.270.3 Καὶ τότε λευγαλέοις ἐπὶ πένθεσι κύντερον ἄλγος ### book 14.270.4 τλήμονος ἐς κραδίην Ἑκάβης πέσεν· ἐν δέ οἱ ἦτορ ### book 14.270.5 μνήσατ’ ὀιζυροῖο καὶ ἀλγινόεντος ὀνείρου ### book 14.275.1 τόν ῥ’ ἴδεν ὑπνώουσα παροιχομένῃ ἐνὶ νυκτί· ### book 14.275.2 ἦ γὰρ ὀίετο τύμβον ἐπ’ ἀντιθέου Ἀχιλῆος ### book 14.275.3 ἑστάμεναι γοόωσα· κόμαι δέ οἱ ἄχρις ἐπ’ οὖδας ### book 14.275.4 ἐκ κεφαλῆς ἐκέχυντο, καὶ ἀμφοτέρων ἀπὸ μαζῶν ### book 14.275.5 ἔρρεε φοίνιον αἷμα ποτὶ χθόνα, δεῦε δὲ σῆμα. ### book 14.280.1 Τοῦ πέρι δειμαίνουσα καὶ ὀσσομένη μέγα πῆμα ### book 14.280.2 οἰκτρὸν ἀνοιμώζεσκε, γόῳ δ’ ἐπὶ μακρὸν ἀύτει. ### book 14.280.3 Εὖτε κύων προπάροιθε κινυρομένη μεγάροιο ### book 14.280.4 μακρὸν ὑλαγμὸν ἵησι, νέον σπαργεῦσα γάλακτι, ### book 14.280.5 τῆς ἄπο νήπια τέκνα πάρος φάος εἰσοράασθαι ### book 14.285.1 νόσφι βάλωσιν ἄνακτες ἕλωρ ἔμεν οἰωνοῖσιν, ### book 14.285.2 ἣ δ’ ὁτὲ μέν θ’ ὑλακῇσι κινύρεται, ἄλλοτε δ’ αὖτε ### book 14.285.3 ὠρυθμῷ, στυγερὴ δὲ δι’ ἠέρος ἔσσυτ’ ἀυτή· ### book 14.285.4 ὣς Ἑκάβη γοόωσα μέγ’ ἴαχεν ἀμφὶ θυγατρί· ### book 14.285.5 «Ὤ μοι ἐγώ, τί νυ πρῶτα, τί δ’ ὕστατον ἀχνυμένη κῆρ ### book 14.290 κωκύσω πολέεσσι περιπλήθουσα κακοῖσιν, ### book 14.1 υἱέας ἢ πόσιν αἰνὰ καὶ οὐκ ἐπίολπα παθόντας, ### book 14.2 ἢ πόλιν ἠὲ θύγατρας ἀδευκέας ἢ ἐμὸν αὐτῆς ### book 14.3 ἦμαρ ἀναγκαῖον ἢ δούλιον; Οὕνεκα Κῆρες ### book 14.4 σμερδαλέαι πολέεσσί μ’ ἐνειλήσαντο κακοῖσι. ### book 14.295.1 Τέκνον ἐμόν, σοὶ δ’ αἰνὰ καὶ οὐκ ἐπίολπα καὶ αὐτῇ ### book 14.295.2 ἄλγε’ ἐπεκλώσαντο· γάμου δ’ ἀπὸ νόσφι βάλοντο ### book 14.295.3 ἐγγὺς ἐόνθ’ Ὑμέναιον, ἐπεκρήναντο δ’ ὄλεθρον ### book 14.295.4 ἄσχετον ἀργαλέον τε καὶ οὐ φατόν· ἦ γὰρ Ἀχιλλεὺς ### book 14.295.5 καὶ νέκυς ἡμετέρῳ ἔτ’ ἰαίνεται αἵματι θυμόν. ### book 14.1 Ὥς μ’ ὄφελον μετὰ σεῖο, φίλον τέκος, ἤματι τῷδε ### book 14.2 γαῖα χανοῦσα κάλυψε πάρος σέο πότμον ἰδέσθαι.» ### book 14.3 Ὣς φαμένης ἄλληκτα κατὰ βλεφάρων ἐχέοντο ### book 14.4 δάκρυα· λευγαλέον γὰρ ἔχεν μετὰ πένθε〈σ〉ι πένθος. ### book 14.5 Οἳ δ’ ὅτ’ ἔβαν ποτὶ τύμβον Ἀχιλλῆος ζαθέοιο, ### book 14.305.1 δὴ τότε οἱ φίλος υἱὸς ἐρυσσάμενος θοὸν ἆορ ### book 14.305.2 σκαιῇ μὲν κούρην κατερήτυε, δεξιτερῇ δὲ ### book 14.305.3 τύμβῳ ἐπιψαύων τοῖον ποτὶ μῦθον ἔειπε· ### book 14.305.4 «Κλῦθι, πάτερ, σέο παιδὸς ἐπευχομένοιο καὶ ἄλλων ### book 14.305.5 Ἀργείων μηδ’ ἧμιν ἔτ’ ἀργαλέως χαλέπαινε· ### book 14.310.1 ἤδη γάρ τοι πάντα τελέσσομεν ὅσσα μενοινᾷς ### book 14.310.2 σῇσιν ἐνὶ πραπίδεσσι· σὺ δ’ ἵλαος ἄμμι γένοιο ### book 14.310.3 τεύξας εὐχομένοισι θοῶς θυμηδέα νόστον.» ### book 14.310.4 Ὣς εἰπὼν κούρης διὰ λοίγιον ἤλασεν ἆορ ### book 14 λαυκανίης· τὴν δ’ αἶψα λίπεν πολυήρατος αἰὼν ### book 14.315.1 οἰκτρὸν ἀνοιμώξασαν ἐφ’ ὑστατίῃ βιότοιο. ### book 14.315.2 Καί ῥ’ ἣ μὲν πρηνὴς χαμάδις πέσε· τῆς δ’ ὑπὸ δειρὴ ### book 14.315.3 φοινίχθη περὶ πάντα, χιὼν ὣς ἥ τ’ ἐν ὄρεσσιν ### book 14.315.4 ἢ συὸς ἢ ἄρκτοιο κατουταμένης ὑπ’ ἄκοντι ### book 14.315.5 αἵματι 〈πορ〉φύροντι θοῶς ἐρυθαίνεθ’ ὕπερθεν. ### book 14.320.1 Ἀργεῖοι δέ μιν αἶψα δόσαν ποτὶ ἄστυ φέρεσθαι ### book 14.320.2 ἐς δόμον ἀντιθέου Ἀντήνορος, οὕνεκ’ ἄρ’ αὐτὴν ### book 14.320.3 κεῖνος ἐνὶ Τρώεσσιν ἑῷ πάρος υἱέι δίῳ ### book 14.320.4 Εὐρυμάχῳ ἀτίταλλεν ἐνὶ μεγάροισιν ἄκοιτιν. ### book 14.320.5 Ὃς δ’ ἐπεὶ οὖν τάρχυσε κλυτὴν Πριάμοιο θύγατρα ### book 14.325.1 ἐγγὺς ἑοῖο δόμοιο, παραὶ Γανυμήδεος ἱρὰ ### book 14.325.2 δώματα καὶ νηοῖο καταντίον Ἀτρυτώνης, ### book 14.325.3 δὴ τότε παύσατο κῦμα, κατευνήθη δὲ θύελλα ### book 14.325.4 σμερδαλέη, καὶ χεῦμα κατεπρήυνε γαλήνη. ### book 14.325.5 Οἳ δὲ θοῶς ἐπὶ νῆας ἔβαν μέγα καγχαλόωντες, ### book 14.330.1 μέλποντες μακάρων ἱερὸν γένος ἠδ’ Ἀχιλῆα. ### book 14.330.2 Αἶψα δὲ δαῖτ’ ἐπάσαντο βοῶν ἀπὸ μῆρα ταμόντες ### book 14.330.3 ἀθανάτοις· ἐρατὴ δὲ θυηπολίη πέλε πάντῃ· ### book 14.330.4 οἳ δέ που ἀργυρέοισι καὶ ἐν χρυσέοισ〈ι〉 κυπέλλοις ### book 14.330.5 πῖνον ἀφυσσάμενοι λαρὸν μέθυ· γήθεε δέ σφι ### book 14.335.1 θυμὸς ἐελδομένων σφετέρην ἐπὶ γαῖαν ἱκέσθαι. ### book 14.335.2 Ἀλλ’ ὅτε δὴ δόρποιο καὶ εἰλαπίνης κορέσαντο, ### book 14.335.3 δὴ τότε Νηλέος υἱὸς ἐελδομένοισιν ἔειπε· ### book 14.335.4 «Κλῦτε, φίλοι, πολέμοιο μακρὴν 〈προ〉φυγόντες ὁμο‐ ### book 14.338.1 κλήν, ### book 14.338.2 ὄφρα λιλαιομένοισιν ἔπος θυμηδὲς ἐνίσπω· ### book 14.340.1 ἤδη γὰρ νόστοιο πέλει θυμηδέος ὥρη. ### book 14.340.2 Ἀλλ’ ἴομεν· δὴ γάρ που Ἀχιλλέος ὄβριμον ἦτορ ### book 14.340.3 παύσατ’ ὀιζυροῖο χόλου, κατέρυξε δὲ κῦμα ### book 14.340.4 ὄβριμον Ἐννοσίγαιος· ἐπιπνείουσι δ’ ἀῆται ### book 14.340.5 μείλιχοι οὐδ’ ἔτι κῦμα κορύσσεται. Ἀλλ’ ἄγε νῆας ### book 14.345.1 εἰς ἁλὸς οἶδμ’ ἐρύσαντες ἀναμνησώμεθα νόστου.» ### book 14.345.2 Ὣς φάτ’ ἐελδομένο〈ι〉ς, οἳ δ’ ἐς πλόον ἐντύνοντο. ### book 14.345.3 Ἔνθα τέρας θηητὸν ἐπιχθονίοισι φαάνθη, ### book 14.345.4 οὕνεκα δὴ Πριάμοιο δάμαρ πολυδακρύτοιο ### book 14.345.5 ἐκ βροτοῦ ἀλγινόεσσα κύων γένετ’· ἀμφὶ δὲ λαοὶ ### book 14.1 θάμβεον ἀγρόμενοι· τῆς δ’ ἅψεα λάινα πάντα ### book 14.2 θῆκε θεός, μέγα θαῦμα καὶ ἐσσομένοισι βροτοῖσι. ### book 14.3 Καὶ τὴν μὲν Κάλχαντος ὑπ’ ἐννεσίῃσιν Ἀχαιοὶ ### book 14.4 νηὸς ἐπ’ ὠκυπόροιο πέραν θέσαν Ἑλλησπόντου· ### book 14.5 καρπαλίμως δ’ ἄρα νῆας ἔσω ἁλὸς εἰρύσσαντες ### book 14.355.1 κτήματα πάντ’ ἐβάλονθ’ ὁπός’ Ἴλιον εἰσανιόντες ### book 14.355.2 ληίσσαντο πάροιθε περικτίονας δαμάσαντες ### book 14.355.3 ἠδ’ ὁπός’ ἐξ αὐτῆς ἄγον Ἰλίου, οἷσι μάλιστα ### book 14.355.4 γήθεον, οὕνεκ’ ἔσαν μάλα μυρία· τοῖς 〈δ’〉 ἅμα πολλαὶ ### book 14.355.5 ληι〈ά〉δες συνέποντο μάλ’ ἀχνύμεναι κατὰ θυμόν. ### book 14.360.1 Αὐτοὶ δ’ ἐντὸς ἵκοντο νεῶν· ἀλλ’ οὔ σφισι Κάλχας ### book 14.360.2 ἕσπετ’ ἐπειγομένοισιν ἔσω ἁλός, ἀλλὰ καὶ ἄλλους ### book 14.360.3 Ἀργείους κατέρυκε· Καφηρίσι γὰρ περὶ πέτραις ### book 14.360.4 δείδιεν αἰνὸν ὄλεθρον ἐπεσσύμενον Δαναοῖσιν. ### book 14 Οἳ δέ οἱ οὔ τι πίθοντο· παρήπαφε γὰρ νόον ἀνδρῶν ### book 14.365.1 Αἶσα κακή. Μοῦνος δὲ θεοπροπίας εὖ εἰδὼς ### book 14.365.2 Ἀμφίλοχος θοὸς υἱὸς ἀμύμονος Ἀμφιαράου ### book 14.365.3 μίμνεν ὁμῶς Κάλχαντι περίφρονι· τοῖσι γὰρ ἦεν ### book 14.365.4 αἴσιμον ἀμφοτέροισιν ἑῆς ἀπὸ τηλόθι γαίης ### book 14.365.5 Παμφύλων Κιλίκων 〈τε〉 ποτὶ πτολίεθρα νέεσθαι. ### book 14.370.1 Ἀλλὰ τὰ μὲν μετόπισθε θεοὶ θέσαν· αὐτὰρ Ἀχαιοὶ ### book 14.370.2 νηῶν πείσματ’ ἔλυσαν ἀπὸ χθονὸς ἠδὲ καὶ εὐνὰς ### book 14.370.3 ἐσσυμένως ἀνάειραν. Ἐπίαχε δ’ Ἑλλήσποντος ### book 14.370.4 σπερχομένων· νῆες δὲ περικλύζοντο θαλάσσῃ. ### book 14.370.5 Ἀμφὶ δ’ ἄρά σφισι πολλὰ περὶ πρῴρῃσιν ἔκειτο ### book 14.375.1 ἔντε’ ἀποκταμένων· καθύπερθε δὲ σήματα νίκης ### book 14.375.2 μυρί’ ἀπῃώρηντο· κατεστέψαντο δὲ νῆας ### book 14.375.3 καὶ κεφαλὰς καὶ δοῦρα καὶ ἀσπίδας ᾗσι μάχοντο ### book 14.375.4 ἀντία δυσμενέων. Ἀπὸ δὲ πρῴρηθεν ἄνακτες ### book 14.375.5 εἰς ἅλα κυανέην λεῖβον μέθυ πολλὰ θεοῖσιν ### book 14.380.1 εὐχόμενοι μακάρεσσιν ἀκηδέα νόστον ὀπάσσαι. ### book 14.380.2 Εὐχωλαὶ δ’ ἀνέμοισι μίγεν καὶ ἀπόπροθι νηῶν ### book 14.380.3 μαψιδίως νεφέεσσι καὶ ἠέρι συμφορέοντο. ### book 14.380.4 Αἳ δ’ ἄρα παπταίνεσκον ἐς Ἴλιον ἀχνύμεναι κῆρ ### book 14.380.5 ληιάδες καὶ πολλὰ κινυρόμεναι γοάασκον ### book 14.385.1 κρύβδην Ἀργείων μέγ’ ἐνὶ φρεσὶ πένθος ἔχουσαι. ### book 14.385.2 Καί ῥ’ αἳ μὲν περὶ γούνατ’ ἔχον χέρας, αἳ δὲ μέτωπα ### book 14.386a χερσὶν ἐπηρείδοντο δυσάμμοροι· αἳ δ’ ἄρα τέκνα ### book 14.387 ἄμπεχον ἀγκοίνῃσι· τὰ δ’ οὔ πω δούλιον ἦμαρ ### book 14.1 ἔστενον, οὐδὲ πάτρης ἐπὶ πήμασιν, ἀλλ’ ἐπὶ μαζῷ ### book 14.2 θυμὸν ἔχον· κηδέων γὰρ ἀπόπροθι νήπιον ἦτορ. ### book 14.390.1 Πάσῃσι〈ν〉 δ’ ἐλέλυντο κόμαι καὶ στήθεα λυγρὰ ### book 14.390.2 ἀμφ’ ὀνύχεσσι δέδρυπτο· παρειῇσι〈ν〉 δ’ ἔτι δάκρυ ### book 14.390.3 αὐαλέον περίκειτο, κατείβετο δ’ ἄλλ’ ἐφύπερθε ### book 14.390.4 πυκνὸν ἀπὸ βλεφάρων. Δέρκοντο δὲ τλήμονα πάτρην ### book 14.390.5 αἰθομένην ἔτι πάγχυ, πολὺν δ’ ἀνὰ καπνὸν ἰόντα. ### book 14.395.1 Ἀμφὶ δὲ Κασσάνδρην ἐρικυδέα παπταίνουσαι ### book 14.395.2 πᾶσαί μιν θηεῦντο θεοπροπίης ἀλεγεινῆς ### book 14.395.3 μνωόμεναι· ἣ δέ σφιν ἐπεγγελάασκε γοώσαις ### book 14.395.4 καί περ ἀκηχεμένη στυγεροῖς ἐπὶ πήμασι πάτρης. ### book 14.395.5 Τρώων δ’ ὅσσοι ἄλυξαν ἀνηλέος ἐκ πολέμοιο, ### book 14.1 ἀγρόμενοι κατὰ ἄστυ περὶ νέκυας πονέοντο ### book 14.2 θαπτέμεναι μεμαῶτες· ἄγεν δ’ ἀλεγεινὸν ἐς ἔργον ### book 14.3 Ἀντήνωρ· αὐτοὶ δὲ πυρὴν πολέεσσι τίθεντο. ### book 14.4 Ἀργεῖοι δ’ ἄλληκτον ἐνὶ φρεσὶ καγχαλόωντες ### book 14.5 ἄλλοτε μὲν κώπῃσι διέπρησσον μέλαν ὕδωρ, ### book 14.405.1 ἄλλοτε δ’ ἱστία νηυσὶ μεμαότες ἐντύνοντο ### book 14.405.2 ἐσσυμένως. Ὀπίσω δὲ θοῶς ἀπελείπετο πᾶσα ### book 14.405.3 Δαρδανίη καὶ τύμβος Ἀχιλλέος· οἳ δ’ ἀνὰ θυμὸν ### book 14.405.4 καί περ ἰαινόμενοι κταμένων μνησθέντες ἑταίρων ### book 14.405.5 ἀργαλέως ἀκάχοντο καὶ ἀλλοδαπῶν ἐπὶ γαῖαν ### book 14.410.1 ὄσσε βάλον〈θ’〉· ἣ δέ σφιν ἐφαίνετο τηλόθι νηῶν ### book 14.410.2 χαζομένη. Τοὶ δ’ αἶψα παρ’ ἀγχιάλοιο φέροντο ### book 14.410.3 ῥηγμῖνας Τενέδοιο, παρημείβοντο δὲ Χρῦσαν ### book 14.1 καὶ Φοίβου Σμινθῆος ἕδος ζαθέοιό τε Κίλλης· ### book 14.2 Λέσβος δ’ ἠνεμόεσς’ ἀνεφαίνετο· κάμπτετο δ’ ἄκρη ### book 14.415.1 ἐσσυμένως Λεκτοῖο, τόθι ῥίον ὕστατον Ἴδης. ### book 14.415.2 Λαίφεα δὲ πρησθέντα περίαχεν· ἀμφὶ δὲ πρῴραις ### book 14.415.3 ἔβραχεν οἶδμα κελαινόν· ἐπεσκιόωντο δὲ μακρὰ ### book 14.415.4 κύματα· λευκαίνοντο δ’ ὑπὲρ πόντοιο κέλευθοι. ### book 14.415.5 Καί νύ κεν Ἀργεῖοι κίον Ἑλλάδος ἱερὸν οὖδας ### book 14.420.1 πάντες ἁλὸς κατὰ βένθος ἀκηδέες, εἰ μὴ ἄρά σφι ### book 14.420.2 κούρη ἐριγδούποιο Διὸς νεμέσησεν Ἀθήνη. ### book 14.420.3 Καί ῥ’ ὁπότ’ Εὐβοίης σχεδὸν ἤλυθον ἠνεμοέσσης, ### book 14.420.4 δὴ τότε μητιόωσα βαρὺν καὶ ἀνηλέα πότμον ### book 14.420.5 ἀμφὶ Λοκρῶν βασιλῆι καὶ ἄσχετον ἀσχαλόωσα ### book 14.425.1 Ζηνὶ θεῶν μεδέοντι παρισταμένη φάτο μῦθον ### book 14.425.2 ἀθανάτων ἀπάνευθε· χόλον δέ οἱ οὐ χάδε θυμός· ### book 14.425.3 «Ζεῦ πάτερ, οὐκέτ’ ἀνεκτὰ θεοῖς ἐπιμηχανόωνται ### book 14.425.4 ἀνέρες, οὐκ ἀλέγοντες ἀνὰ φρένας οὔτε σεῦ αὐτοῦ ### book 14.425.5 οὔτ’ ἄλλων μακάρων, ἐπεὶ ἦ τίσις οὐκέτ’ ὀπηδεῖ ### book 14.430.1 ἀνδράσι λευγαλέοισι, κακοῦ δ’ ἄρα πολλάκις ἐσθλὸς ### book 14.430.2 συμφέρετ’ ἄλγεσι μᾶλλον, ἔχει δ’ ἄλληκτον ὀιζύν. ### book 14.430.3 Τοὔνεκ’ ἄρ’ οὔτε δίκην τις ἔθ’ ἅζεται, οὐδέ τις αἰδὼς ### book 14.430.4 ἔστι παρ’ ἀνθρώποισιν. Ἔγωγε μὲν οὔτ’ ἐν Ὀλύμπῳ ### book 14.430.5 ἔσσομαι οὔτ’ ἔτι σεῖο κεκλήσομαι, εἰ μὴ Ἀχαιῶν ### book 14.435.1 τίσομ’ ἀτασθαλίην, ἐπεὶ ἦ νύ μοι ἔνδοθι νηοῦ ### book 14.435.2 υἱὸς Ὀιλῆος μέγ’ ἐνήλιτεν, οὐδ’ ἐλέαιρε ### book 14.435.3 Κασσάνδρην ὀρέγουσαν ἀκηδέας εἰς ἐμὲ χεῖρας ### book 14.435.4 πολλάκις, οὐδ’ ἔδδεισεν ἐμὸν μένος, οὐδέ τι θυμῷ ### book 14 ᾐδέσατ’ ἀθανάτην, ἀλλ’ ἄσχετον ἔργον ἔρεξε. ### book 14.440.1 Τῶ νύ μοι ἀμβροσίῃσι περὶ φρεσὶ μή τι μεγήρῃς ### book 14.440.2 ῥέξαι ὅπως μοι θυμὸς ἐέλδεται, ὄφρα καὶ ἄλλοι ### book 14.440.3 αἰζηοὶ τρομέωσι θεῶν ἀρίδηλον ὁμοκλήν.» ### book 14.440.4 Ὣς φαμένην προσέειπε 〈πατὴρ〉 ἀγανοῖς ἐπέεσσιν· ### book 14.440.5 «Ὦ τέκος, οὔ τοι ἔγωγ’ ἀνθίσταμαι εἵνεκ’ Ἀχαιῶν, ### book 14.445.1 ἀλλὰ καὶ ἔντεα πάντα, τά μοι πάρος ἦρα φέροντες ### book 14.445.2 χερσὶν ὑπ’ ἀκαμάτοισιν ἐτεκτήναντο Κύκλωπες, ### book 14.445.3 δώσω ἐελδομένῃ· σὺ δὲ σῷ κρατερόφρονι θυμῷ ### book 14.445.4 αὐτὴ χεῖμ’ ἀλεγεινὸν ἐπ’ Ἀργείοισιν ὄρινον.» ### book 14.445.5 Ὣς εἰπὼν στεροπήν τε θοὴν ὀλοόν τε κεραυνὸν ### book 14.1 καὶ βροντὴν στονόεσσαν ἀταρβέος ἀγχόθι κούρης ### book 14.2 θήκατο· τῆς δ’ ἄρα θυμὸς ὑπὸ κραδίῃ μέγ’ ἰάνθη. ### book 14.3 Αὐτίκα δ’ αἰγίδα θοῦριν ἐδύσετο παμφανόωσαν, ### book 14.4 ἄρρηκτον βριαρήν τε καὶ ἀθανάτοισιν ἀγητήν· ### book 14.5 ἐν γάρ οἱ πεπόνητο κάρη βλοσυροῖο Μεδούσης ### book 14.455.1 σμερδαλέον· κρατεροὶ δὲ καὶ ἀκαμάτου πυρὸς ὁρμὴν ### book 14.455.2 λάβρον ἀποπνείοντες ἔσαν καθύπερθε δράκοντες. ### book 14.455.3 Ἔβραχε δ’ αἰγὶς ἅπασα περὶ στήθεσσιν ἀνάσσης, ### book 14.455.4 οἷον ὅτε στεροπῇσιν ἐπιβρέμει ἄσπετος αἰθήρ. ### book 14.455.5 Λάζετο δ’ ἔντεα πατρὸς ἅ περ θεὸς οὔ τις ἀείρει ### book 14.460.1 νόσφι Διὸς μεγάλοιο· τίναξε δὲ μακρὸν Ὄλυμπον, ### book 14.460.2 σὺν δ’ ἔχεεν νεφέλας τε καὶ ἠέρα πᾶσαν ὕπερθε· ### book 14.460.3 νὺξ 〈δ’〉 ἐχύθη περὶ γαῖαν, ἐπήχλυσεν δὲ θάλασσα· ### book 14.1 Ζεὺς δὲ μέγ’ εἰσορόων 〈ἐπ〉ετέρπετο. Κίνυτο δ’ εὐρὺς ### book 14.2 οὐρανὸς ἀμφὶ πόδεσσι θεῆς· περὶ δ’ ἔβραχεν αἰθήρ, ### book 14.465.1 ὡς Διὸς ἀκαμάτοιο ποτὶ κλόνον ἐμμεμαῶτος. ### book 14.465.2 Ἣ δ’ ἄφαρ ἠερόεντος ὑπὲρ πόντοιο φέρεσθαι ### book 14.465.3 οὐρανόθεν προέηκεν ἐς Αἴολον ἄμβροτον Ἶριν, ### book 14.465.4 ὄφρ’ Ἀνέμους ἅμα πάντας ἐπιβρίσαντας ἰάλλῃ ### book 14.465.5 ἐλθέμεναι κραναοῖο Καφηρέος ἔγγυθεν ἄκρων ### book 14.470.1 νωλεμέως χριμφθέντας ἀνοιδῆναί τε θάλασσαν ### book 14.470.2 λευγαλέῃς ῥιπῇσι μεμηνότας. Ἣ δ’ ἀίουσα ### book 14.470.3 ἐσσυμένως οἴμησε περιγναμφθεῖσα νέφεσσι· ### book 14.470.4 φαίης κεν πῦρ ἔμμεν ἅμ’ ἠέρι καὶ μέλαν ὕδωρ. ### book 14.470.5 Ἵκετο δ’ Αἰολίην, Ἀνέμων ὅθι λάβρον ἀέντων ### book 14.475.1 ἄντρα πέλει στυφελῇσιν ἀρηρέμεν’ ἀμφὶ πέτρῃσι ### book 14.475.2 κοῖλα καὶ ἠχήεντα· δόμοι δ’ ἄγχιστα πέλονται ### book 14.475.3 Αἰόλου Ἱπποτάδαο. Κίχεν δέ μιν ἔνδον ἐόντα ### book 14.475.4 σύν τ’ ἀλόχῳ καὶ παισὶ δυώδεκα· καί οἱ ἔειπεν ### book 14.475.5 ὁππός’ Ἀθηναίη Δαναῶν ἐπεμήδετο νόστῳ. ### book 14.480.1 Αὐτὰρ ὅ γ’ οὐκ ἀπίθησε, μολὼν δ’ ἔκτοσθε μελάθρων ### book 14.480.2 χερσὶν ὑπ’ ἀκαμάτοισιν ὄρος μέγα τύψε τριαίνῃ, ### book 14.480.3 ἔνθ’ Ἄνεμοι κελαδεινὰ δυσηχέες ηὐλίζοντο ### book 14.480.4 ἐν κενεῷ κευθμῶνι, περίαχε δ’ αἰὲν ἰωὴ ### book 14 βρυχομένων ἀλεγεινά. Βίῃ δ’ ἔρρηξε κολώνην· ### book 14.485.1 οἳ δ’ ἄφαρ ἐξεχέοντο· κέλευσε δὲ πάντας ἐρεμνὴν ### book 14.485.2 λαίλαπα συμφορέοντας ἀήμεναι, ὄφρ’ ἀλεγεινὸν ### book 14.485.3 ὀρνυμένης ἁλὸς οἶδμα Καφηρέος ἄκρα καλύψῃ. ### book 14.485.4 Οἳ δὲ θοῶς ὤρνυντο πάρος βασιλῆος ἀκοῦσαι ### book 14.485.5 πᾶν ἔπος· ἐσσυμένοισι δ’ ἐπεστενάχιζε θάλασσα ### book 14.490.1 ἄσπετον· ἠλιβάτοισι δ’ ἐοικότα κύματ’ ὄρεσσιν ### book 14.490.2 ἄλλοθεν ἄλλα φέροντο. Κατεκλάσθη δ’ ἄρ’ Ἀχαιῶν ### book 14.490.3 θυμὸς ἐνὶ στέρνοισιν, ἐπεὶ νέας ἄλλοτε μέν που ### book 14.490.4 ὑψηλὸν φέρε κῦμα δι’ ἠέρος, ἄλλοτε δ’ αὖτε ### book 14.490.5 οἷα κατὰ κρημνοῖο κυλινδομένας φορέεσκε ### book 14.495.1 βυσσὸν ἐς ἠερόεντα, βίη δέ οἱ ἄσχετος αἰεὶ ### book 14.495.2 ψάμμον ἀναζείεσκε διοιγομένοιο κλύδωνος. ### book 14.495.3 Οἳ δ’ ἄρ’ ἀμηχανίῃ βεβολημένοι οὔτ’ ἐπ’ ἐρετμῷ ### book 14.495.4 χεῖρα βαλεῖν ἐδύναντο τεθηπότες, οὔτ’ ἄρα λαίφη ### book 14.495.5 ἔσθενον ἀμφὶ κέρα λελιημένοι εἰρύσσασθαι ### book 14.1 ῥηγνύμεν’ ἐξ ἀνέμων οὐδ’ ἔμπαλιν ἰθύνασθαι ### book 14.2 ἐς πλόον· ἀργαλέαι γὰρ ἐπεκλονέοντο θύελλαι. ### book 14.3 Οὐδὲ κυβερνήτῃσι πέλεν μένος εἰσέτι νηῶν ### book 14.4 χερσὶν ἐπισταμένῃσι θοῶς οἰήια νωμᾶν· ### book 14.5 πάντα γὰρ ἄλλυδις ἄλλα κακαὶ διέχευον ἄελλαι. ### book 14.505.1 Οὐδέ τις ἐλπωρὴ βι〈ότ〉ου πέλεν, οὕνεκ’ ἐρεμνὴ ### book 14.505.2 νὺξ ἅμα καὶ μέγα χεῖμα καὶ ἀθανάτων χόλος αἰνὸς ### book 14.505.3 ὦρτο· Ποσειδάων γὰρ ἀνηλέα πόντον ὄρινεν ### book 14.505.4 ἦρα κασιγνήτοιο φέρων ἐρικυδέι κούρῃ, ### book 14.505.5 ἥ ῥα καὶ αὐτὴ ὕπερθεν ἀμείλιχα μαιμώωσα ### book 14.510.1 θῦνε μετ’ ἀστεροπῇσιν· ἐπέκτυπε δ’ οὐρανόθεν Ζεὺς ### book 14.510.2 κυδαίνων ἀνὰ θυμὸν ἑὸν τέκος. Ἀμφὶ δὲ πᾶσαι ### book 14.510.3 νῆσοί τ’ ἤπειροί τε κατεκλύζοντο θαλάσσῃ ### book 14.510.4 Εὐβοίης οὐ πολλὸν ἀπόπροθεν, ἧχι μάλιστα ### book 14.510.5 τεῦχεν ἀμειλίκτοισιν ἐπ’ ἄλγεσιν ἄλγεα δαίμων ### book 14.515.1 Ἀργείοις. Στοναχὴ δὲ καὶ οἰμωγὴ κατὰ νῆας ### book 14.515.2 ἔπλετ’ ἀπολλυμένων· κανάχιζε δὲ δούρατα νηῶν ### book 14.515.3 ἀγνυμένων· αἳ γάρ ῥα συνωχαδὸν ἀλλήλῃσιν ### book 14.515.4 αἰὲν 〈ἐν〉ερρήγνυντο. Πόνος δ’ ἄπρηκτος ὀρώρει· ### book 14.515.5 καί ῥ’ οἳ μὲν κώπῃσιν ἀπωσέμεναι μεμαῶτες ### book 14.520.1 νῆας ἐπεσσυμένας αὐτοῖς ἅμα δούρασι λυγροὶ ### book 14.520.2 κάππεσον ἐς μέγα βένθος, ἀμειλίκτῳ δ’ ὑπὸ πότμῳ ### book 14.520.3 κάτθανον, οὕνεκ’ ἄρά σφιν ἐπέχραον ἄλλοθεν ἄλλα ### book 14.520.4 νηῶν δούρατα μακρά, συνηλοίηντο δὲ πάντων ### book 14.520.5 σώματα λευγαλέως· οἳ δ’ ἐν νήεσσι πεσόντες ### book 14.525.1 κεῖντο καταφθιμένοισιν ἐοικότες· οἳ δ’ ὑπ’ ἀνάγκης ### book 14.525.2 νήχοντ’ ἀμφιπεσόντες ἐυξέστοισιν ἐρετμοῖς· ### book 14.525.3 ἄλλοι δ’ αὖ σανίδεσσιν ἐπέπλεον. Ἔβραχε δ’ ἅλμη ### book 14.525.4 βυσσόθεν, ὥς τε θάλασσαν ἰδ’ οὐρανὸν ἠδὲ καὶ αἶαν ### book 14.525.5 φαίνεσθ’ ἀλλήλοισιν ὁμῶς συναρηρότα πάντα. ### book 14.530.1 Ἣ δ’ ἄρ’ ἀπ’ Οὐλύμποιο βαρύκτυπος Ἀτρυτώνη ### book 14.530.2 οὔ τι καταισχύνεσκε βίην πατρός· ἀμφὶ δ’ ἄρ’ αἰθὴρ ### book 14.530.3 ἴαχεν. Ἣ δ’ Αἴαντι φόνον καὶ πῆμα φέρουσα ### book 14.530.4 ἔμβαλε νηὶ κεραυνόν, ἄφαρ δέ μιν ἄλλυδις ἄλλῃ ### book 14.530.5 ἐσκέδασε〈ν〉 διὰ τυτθά· περίαχε δ’ αἶα καὶ αἰθήρ, ### book 14.535.1 ἐκλύσθη δ’ ἄρα πᾶσα περίδρομος Ἀμφιτρίτη. ### book 14.535.2 Οἳ δ’ ἔκτοσθε νεὸς πέσον ἀθρόοι· ἀμφὶ δ’ ἄρ’ αὐτοὺς ### book 14.535.3 κύματα μακρὰ φέροντο· περὶ στεροπῇσι δ’ ἀνάσσης ### book 14.535.4 αἴγλη μαρμαίρεσκε διὰ κνέφας ἀίσσουσα. ### book 14.535.5 Οἳ δ’ ἄποτον λάπτοντες ἁλὸς πολυηχέος ἅλμην ### book 14.540.1 θυμὸν ἀποπνείοντες ὑπὲρ πόντοιο φέροντο. ### book 14.540.2 Ληιάσι〈ν〉 δ’ ἄρα χάρμα καὶ ὀλλυμένῃσι τέτυκτο· ### book 14.540.3 καί ῥ’ αἳ μὲν κατέδυσαν ἔσω ἁλὸς ἀμφιβαλοῦσαι ### book 14.540.4 χεῖρας ἑοῖς τεκέεσσι δυσάμμοροι· αἳ δ’ ἀλεγειναὶ ### book 14.540.5 δυσμενέων περὶ κρᾶτα βάλον χέρας, οἷς ἅμα λυγραὶ ### book 14.545.1 σπεῦδον ἀποφθίσασθαι ἑῆς ἀντάξια λώβης ### book 14.545.2 τινύμεναι Δαναούς. Ἣ δ’ ὑψόθεν εἰσορόωσα ### book 14.545.3 τέρπεθ’ ἑὸν κατὰ θυμὸν ἀγαυὴ Τριτογένεια. ### book 14.545.4 Αἴας δ’ ἄλλοτε μὲν περινήχετο δούρατι νηός, ### book 14.545.5 ἄλλοτε δ’ αὖ χείρεσσι διήνυεν ἁλμυρὰ βένθη, ### book 14.1 ἀκαμάτῳ Τιτῆνι βίην ὑπέροπλον ἐοικώς. ### book 14.2 Σχίζετο δ’ ἁλμυρὸν οἶδμα περὶ κρατερῇσι χέρεσσιν ### book 14.3 ἀνδρὸς ὑπερθύμοιο· θεοὶ δέ μιν εἰσορόωντες ### book 14.4 ἠνορέην καὶ κάρτος ἐθάμβεον. Ἀμφὶ δὲ κῦμα ### book 14.5 ἄλλοτε μὲν φορέεσκε πελώριον ἠύτ’ ἐπ’ ἄκρην ### book 14.555.1 οὔρεος ὑψηλοῖο δι’ ἠέρος, ἄλλοτε δ’ αὖτε ### book 14.555.2 ὑψόθεν οἷα φάραγξιν ἐνέκρυφεν· οὐδ’ ὅ γε χεῖρας ### book 14.555.3 κάμνε πολυτλήτους. Πολλοί γε μὲν ἔνθα καὶ ἔνθα ### book 14.555.4 σβεννύμενοι σμαράγιζον ἔσω πόντοιο κεραυνοί· ### book 14 οὔ πω γάρ οἱ θυμὸν ἐμήδετο Κηρὶ δαμάσσαι ### book 14.560.1 κούρη ἐριγδούποιο Διὸς μάλα περ κοτέουσα, ### book 14.560.2 πρὶν τλῆναι κακὰ πολλὰ καὶ ἄλγεσι πάγχυ μογῆσαι. ### book 14.560.3 Τοὔνεκά μιν κατὰ βένθος ἐδάμνατο δηρὸν ὀιζὺς ### book 14.560.4 πάντοθε τειρόμενον· περὶ γὰρ κακὰ μυρία Κῆρες ### book 14.560.5 ἀνδρὶ περιστήσαντο. Μένος δ’ ἐνέπνευσεν ἀνάγκη· ### book 14.565.1 φῆ δέ, καὶ εἰ μάλα πάντες Ὀλύμπιοι εἰς ἓν ἵκωνται ### book 14.565.2 χωόμενοι καὶ πᾶσαν ἀναστήσωσι θάλασσαν, ### book 14.565.3 ἐκφυγέειν. Ἀλλ’ οὔ τι θεῶν ὑπάλυξεν ὁμοκλήν· ### book 14.565.4 δὴ γάρ οἱ νεμέσησεν ὑπέρβιος Ἐννοσίγαιος, ### book 14.565.5 εὖτέ μιν εἰσενόησεν ἐφαπτόμενον χερὶ πέτρης ### book 14.570.1 Γυραίης, καί οἱ μέγ’ ἐχώσατο. Σὺν δ’ ἐτίναξε ### book 14.570.2 πόντον ὁμῶς καὶ γαῖαν ἀπείριτον· ἀμφὶ δὲ πάντῃ ### book 14.570.3 κρημνοὶ ὑπεκλονέοντο Καφηρέος· αἳ δ’ ἀλεγεινὸν ### book 14.570.4 θεινόμεναι ῥηγμῖνες ἐπέβραχον οἴδματι λάβρῳ ### book 14.570.5 χωομένοιο ἄνακτος. Ἀπέσχισε δ’ εἰς ἅλα πέτρον ### book 14.575.1 εὐρέα, τῇ περ ἐκεῖνος ἑαῖς ἐπεμαίετο χερσί· ### book 14.575.2 καί ῥά οἱ ἀμφὶ πάγοισιν ἑλισσομένου μάλα δηρὸν ### book 14.575.3 χεῖρες ἀπεδρύφθησαν, ὑπέδραμε δ’ αἷμ’ ὀνύχεσσι· ### book 14.575.4 μορμῦρον δέ οἱ αἰὲν ὀρινόμενος περὶ κῦμα ### book 14.575.5 ἀφρὸς ἄδην λεύκαινε κάρη λάσιόν τε γένειον. ### book 14.580.1 Καί νύ κεν ἐξήλυξε κακὸν μόρον, εἰ μὴ ὅ γ’ αὐτῷ ### book 14.580.2 ῥήξας 〈γ〉αῖαν ἔνερθεν ἐπιπροέηκε κολώνην. ### book 14.580.3 Εὖτε πάρος μεγάλοιο κατ’ Ἐγκελάδοιο δαΐφρων ### book 14.1 Παλλὰς ἀειραμένη 〈Σ〉ικελὴν ἐπικάββαλε νῆσον ### book 14.2 ἥ ῥ’ ἔτι καίετ〈αι〉 αἰὲν ὑπ’ ἀκαμάτοιο Γίγαντος ### book 14.585.1 αἰθαλόεν πνείοντος ἔσω χθονός· ὣς ἄρα Λοκρῶν ### book 14.585.2 ἀμφεκάλυψεν ἄνακτα δυσάμμορον οὔρεος ἄκρη ### book 14.585.3 ὑψόθεν ἐξεριποῦσα· βάρυνε δὲ καρτερὸν ἄνδρα. ### book 14.585.4 Ἀμφὶ δέ μιν θανάτοιο μέλας ἐκιχήσατ’ Ὄλεθρος ### book 14.585.5 γαίῃ ὁμῶς δμηθέντα καὶ ἀτρυγέτῳ ἐνὶ πόντῳ. ### book 14.590.1 Ὣς δὲ καὶ ἄλλοι Ἀχαιοὶ ὑπὲρ μέγα λαῖτμα φέροντο, ### book 14.590.2 οἳ μὲν ἄρ’ ἐν νήεσσι τεθηπότες, οἳ δὲ πεσόντες ### book 14.590.3 ἔκτοσθε〈ν〉 νηῶν· ὀλοὴ δ’ ἔχε πάντας ὀιζύς. ### book 14.590.4 Αἳ μὲν γὰρ φορέοντ’ ἐπικάρσιαι εἰν ἁλὶ νῆες, ### book 14.590.5 ἄλλαι δ’ ἀνστρέψασαι ἄνω τρόπιν· ὧν δέ που ἱστοὶ ### book 14.595.1 ἐκ περάτων ἐάγησαν ἐπισπέρχοντος ἀήτεω, ### book 14.595.2 τῶν δὲ διὰ ξύλα πάντα θοαὶ σκεδάσαντο θύελλαι· ### book 14.595.3 αἳ δὲ καὶ ἐς μέγα βένθος ὑποβρύχιαι κατέδυσαν ### book 14.595.4 ὄμβρου ἐπιβρίσαντος ἀπείρονος οὐδ’ ὑπέμειναν ### book 14.595.5 λάβρον ὁμῶς ἀνέμοισι θαλάσσης καὶ Διὸς ὕδωρ ### book 14.1 μισγόμενον· ποταμῷ γὰρ ἀλίγκιος ἔρρεεν αἰθὴρ ### book 14.2 συνεχές, ἣ δ’ ὑπένερθεν ἐμαίνετο δῖα θάλασσα. ### book 14.3 Καί τις ἔφη· «Τάχα τοῖον ἐπέχραεν ἀνδράσι χεῖμα, ### book 14.4 ὁππότε Δευκαλίωνος ἀθέσφατος ὑετὸς ἦλθε, ### book 14.5 ποντώθη δ’ ἄρα γαῖα, βυθὸς δ’ ἐπεχεύατο πάντῃ.» ### book 14.605.1 Ὣς ἄρ’ ἔφη Δαναῶν τις ἐνὶ φρεσὶ χεῖμα τεθηπὼς ### book 14.605.2 λευγαλέον. Πολλοὶ δὲ κατέφθιθον· ἀμφὶ δὲ νεκρῶν ### book 14.605.3 πλήθεθ’ ἁλὸς μέγα χεῦμα, περιστείνοντο δὲ πᾶσαι ### book 14.605.4 ἠιόνες· πολέας γὰρ ἀπέπτυσε κῦμ’ ἐπὶ χέρσον. ### book 14 Ἀμφὶ δὲ νήια δοῦρα βαρύβρομον Ἀμφιτρίτην ### book 14.610.1 πᾶσαν ἄδην ἐκάλυψε· μέσον δ’ 〈οὐ〉 φαίνετο κῦμα. ### book 14.610.2 Ἄλλοι δ’ ἄλλην κῆρα κακὴν λάχον· οἳ μὲν ἀν’ εὐρὺν ### book 14.610.3 πόντον ὀρινομένης ἁλὸς ἄσχετον, 〈οἳ〉 δ’ ἐνὶ πέτραις ### book 14.610.4 ἄξαντες πέρι νῆας ὀιζυρῶς ἀπόλοντο ### book 14.610.5 Ναυπλίου ἐννεσίῃσιν. Ὃ γὰρ κοτέων μάλα παιδὸς ### book 14.615.1 χείματος ὀρνυμένοιο καὶ ὀλλυμένων Ἀργείων ### book 14.615.2 καί περ ἀκηχέμενος μέγ’ ἐγήθεεν, οὕνεκ’ ἄρ’ αὐτῷ ### book 14.615.3 δῶκε τίσιν θεὸς αἶψα καὶ ἔδρακεν ἐχθρὸν ὅμιλον ### book 14.615.4 τειρόμενον κατὰ βένθος. Ἑῷ δ’ ἄρα πολλὰ τοκῆι ### book 14.615.5 εὔχεθ’ ὁμῶς νήεσσιν ὑπόβρυχα πάντας ὀλέσθαι. ### book 14.620 Τοῦ δὲ Ποσειδάων μὲν ἐπέκλυεν· † ἄλλα † δὲ πόντος ### book 14.620.1 . . . . . . . . . . . . . . . . . . . . . . . . . . . . . . . . . . . . . . . . . . . . ### book 14.620.2 ἂψ μέλαν οἶδμα φέρεσκεν· ὃ δ’ ἀκαμάτῃ χερὶ πεύκην ### book 14.620.3 αἰθομένην ἀνάειρε, δόλῳ δ’ ἀπάφησεν Ἀχαιοὺς ### book 14.620.4 ἐλπομένους εὔορμον ἕδος λιμένων ἀφικέσθαι· ### book 14.620.5 αἰνῶς γὰρ πέτρῃσι περὶ στυφελῇσι δάμησαν ### book 14.625.1 αὐταῖς σὺν νήεσσι· κακῷ δ’ ἐπὶ κύντερον ἄλγος ### book 14.625.2 τλῆσαν ἀνιηρῇσι προσαγνύμενοι περὶ πέτρῃς ### book 14.625.3 νυκτὶ θοῇ. Παῦροι δ’ ἔφυγον μόρον οὕς τ’ ἐσάωσεν ### book 14.1 ἢ θεὸς ἢ δαίμων τις ἐπίρροθος. Αὐτὰρ Ἀθήνη ### book 14.2 ἄλλοτε μὲν 〈θυμῷ〉 μέγ’ ἐγήθεεν, ἄλλοτε δ’ αὖτε ### book 14.630.1 ἄχνυτ’ Ὀδυσσῆος πινυτόφρονος, οὕνεκ’ ἔμελλε ### book 14.630.2 πάσχειν ἄλγεα πολλὰ Ποσειδάωνος ὁμοκλῇ· ### book 14.630.3 ὅς ῥα τότ’ ἀκαμάτοισι περὶ φρεσὶ πάγχυ μεγαίρων ### book 14.630.4 τείχεσι καὶ πύργοισιν ἐυσθενέων Ἀργείων, ### book 14.630.5 οὓς ἔκαμον Τρώων στυγερῆς 〈ἔρυμ’〉 ἔμμεν ἀυτῆς, ### book 14.635.1 ἐσσυμένως μάλα πᾶσαν ἀνεπλήμμυρε θάλασσαν ### book 14.635.2 ὅσση ἀπ’ Εὐξείνοιο κατέρχεται Ἑλλήσποντον, ### book 14.635.3 καί μιν ἐπ’ ἠιόνας Τροίης βάλεν. Ὗε δ’ ὕπερθε ### book 14.635.4 Ζεὺς ἐπίηρα φέρων ἐρικυδέι Ἐννοσιγαίῳ. ### book 14.635.5 Οὐδὲ μὲν οὐδ’ Ἑκάεργος ἄτερ καμάτοιο τέτυκτο· ### book 14.640.1 ἀλλ’ ἄρ’ ἀπ’ Ἰδαίων ὀρέων μάλα πάντα ῥέεθρα ### book 14.640.2 εἰς ἕνα χῶρον ἄγεσκε, κατέκλυσε δ’ ἔργον Ἀχαιῶν. ### book 14.640.3 † Καὶ τόσση † δὲ θάλασσα καὶ εἰσέτι . . . . . . . . . . . . . . . ### book 14.642.1 . . . . . . . . . . . . . . . . . . . . . . . . . . . . . . . . κελάδοντες ### book 14.642.2 χείμαρροί τ’ ἀλεγεινὸν ἀεξόμενοι Διὸς ὄμβρῳ, ### book 14.642.3 τοὺς μέλαν οἶδμ’ ἀνέεργε πολυστόνου Ἀμφιτρίτης ### book 14.645.1 πόντον ἐσελθέμεναι, πρὶν τείχεα πάντ’ ἀμαθῦναι ### book 14.645.2 ἀργαλέως Δαναῶν. Αὐτὸς δ’ ἄρα γαῖαν ἔνερθε ### book 14.645.3 ῥῆξε Ποσειδάων, ἀνὰ δ’ ἔβλυσεν ἄσπετον ὕδωρ ### book 14.645.4 ἰλύν τε ψάμαθόν τε· βίῃ δ’ ἐλέλιξε κραταιῇ ### book 14.645.5 Σίγεον, ἠιόνες δὲ μέγ’ ἔβραχον· ἐκ δὲ θεμέθλων ### book 14.649 . . . . . . . . . . . . . . . . . . . . . . . . . . . . . . . . . . . . . . . . . . . . . ### book 14.1 Δαρδανίη· καὶ ἄιστον ὑποβρύχιόν τ’ ἐκαλύφθη ### book 14.2 ἕρκος ἀπειρέσιον, κατεδύσετο δ’ ἔνδοθι γαίης ### book 14.3 μακρὰ διισταμένης. Ψάμαθος δ’ ἔτι φαίνετο μούνη, ### book 14.4 χασσαμένου πόντοιο, κατ’ ἀκτάων ἐριδούπων, ### book 14.5 νόσφι δ’ ἐπ’ αἰγιαλοῖσι κατεκτάθη. Ἀλλὰ τὰ μέν που ### book 14.655.1 ἀθανάτων ἐτέλεσσε κακὸς νόος· οἳ δ’ ἐνὶ νηυσὶν ### book 14.655.2 Ἀργεῖοι πλώεσκον ὅσους διὰ χεῖμα κέδασσεν· ### book 14.655.3 ἄλλῃ δ’ ἄλλος ἵκανεν, ὅπῃ θεὸς ἦγεν ἕκαστον, ### book 14 ὅσσοι ὑπὲρ πόντοιο λυγρὰς ὑπάλυξαν ἀέλλας. ## License and provenance This text is licensed CC0 1.0 Universal. The canonical record is the JSON at https://eulogikon.org/data/works/grc/quintus-of-smyrna-post-homeric-poem-ujg-aa.json (sha256:285a53b45184340859e55219bc651a4d8c8f1f2798fc19fb11dbef2f9e3d6e30). Cite as `eul_wid: ujg-aa`.