--- title: Fishing title_greek: Ἁλιευτικά author: Oppian of Anazarbus eul_wid: qta-aa eul_aid: qta canonical: "https://eulogikon.org/grc/oppian-of-anazarbus/halieutica" canonical_json: "https://eulogikon.org/data/works/grc/oppian-of-anazarbus-halieutica-qta-aa.json" sha256: e4f3d24d25c9dd27ff8a768d568cc008c037056b048ad98e61a4c5174bd90d45 period: Roman dialect: Epic (Homeric) domain: Epic format: Verse license: CC0-1.0 --- # Fishing *Ἁλιευτικά* **Author:** Oppian of Anazarbus **eul_wid:** `qta-aa` · [HTML page](https://eulogikon.org/grc/oppian-of-anazarbus/halieutica) · [Canonical JSON](https://eulogikon.org/data/works/grc/oppian-of-anazarbus-halieutica-qta-aa.json) ## Text ### book 1.1 Ἔθνεά τοι πόντοιο πολυσπερέας τε φάλαγγας ### book 1.2 παντοίων νεπόδων, πλωτὸν γένος Ἀμφιτρίτης, ### book 1.3 ἐξερέω, γαίης ὕπατον κράτος, Ἀντωνῖνε· ### book 1.4 ὅσσα τε κυματόεσσαν ἔχει χύσιν, ᾗχί θ’ ἕκαστα ### book 1.5.1 ἐννέμεται, διερούς τε γάμους διεράς τε γενέθλας ### book 1.5.2 καὶ βίον ἰχθυόεντα καὶ ἔχθεα καὶ φιλότητας ### book 1.5.3 καὶ βουλάς, ἁλίης τε πολύτροπα δήνεα τέχνης ### book 1.5.4 κερδαλέης, ὅσα φῶτες ἐπ’ ἰχθύσι μητίσαντο ### book 1.5.5 ἀφράστοις· ἀΐδηλον ἐπιπλώουσι θάλασσαν ### book 1.10.1 τολμηρῇ κραδίῃ, κατὰ δ’ ἔδρακον οὐκ ἐπίοπτα ### book 1.10.2 βένθεα καὶ τέχνῃσιν ἁλὸς διὰ μέτρα δάσαντο ### book 1.10.3 δαιμόνιοι. χλούνην μὲν ὀρίτροφον ἠδὲ καὶ ἄρκτον ### book 1.10.4 θηρητὴρ ὁράᾳ τε καὶ ἀντιόωντα δοκεύει ### book 1.10.5 ἀμφαδίην, ἕκαθέν τε βαλεῖν σχεδόθεν τε δαμάσσαι· ### book 1.15.1 ἄμφω δ’ ἀσφαλέως γαίης ἔπι θήρ τε καὶ ἀνὴρ ### book 1.15.2 μάρνανται, σκύλακες δὲ συνέμποροι ἡγεμονῆες ### book 1.15.3 κνώδαλα σημαίνουσι καὶ ἰθύνουσιν ἄνακτας ### book 1.15.4 εὐνὴν εἰς αὐτὴν καὶ ἀρηγόνες ἐγγὺς ἕπονται. ### book 1.15.5 οὐδ’ ἄρα τοῖς οὐ χεῖμα τόσον δέος, οὐ μὲν ὀπώρη ### book 1.20.1 φλέγμα φέρει· πολλαὶ γὰρ ἐπακτήρων ἀλεωραὶ ### book 1.20.2 λόχμαι τε σκιεραὶ καὶ δειράδες ἄντρα τε πέτρης ### book 1.20.3 αὐτορόφου· πολλοὶ δὲ τιταινόμενοι κατ’ ὄρεσφιν ### book 1.1 ἀργύρεοι ποταμοί, δίψης ἄκος ἠδὲ λοετρῶν ### book 1.2 ἀέναοι ταμίαι· παρὰ δὲ χλοάουσι ῥέεθροις ### book 1.25.1 ποῖαί τε χθαμαλαί, μαλακὴ κλίσις ὕπνον ἑλέσθαι ### book 1.25.2 εὔδιον ἐκ καμάτοιο, καὶ ὥρια δόρπα πάσασθαι ### book 1.25.3 ὕλης ἀγρονόμοιο, τά τ’ οὔρεσι πολλὰ φύονται. ### book 1.25.4 τερπωλὴ δ’ ἕπεται θήρῃ πλέον ἠέ περ ἱδρώς. ### book 1.25.5 ὅσσοι δ’ οἰωνοῖσιν ἐφοπλίζονται ὄλεθρον, ### book 1.30.1 ῥηϊδίη καὶ τοῖσι πέλει καὶ ὑπόψιος ἄγρη· ### book 1.30.2 τοὺς μὲν γὰρ κνώσσοντας ἐληΐσσαντο καλιῆς ### book 1.30.3 κρύβδην· τοὺς δὲ δόναξιν ὑπέσπασαν ἰξοφόροισιν· ### book 1.30.4 οἱ δὲ τανυπλέκτοισιν ἐν ἕρκεσιν ἤριπον αὐτοὶ ### book 1.30.5 εὐνῆς χρηΐζοντες, ἀτερπέα δ’ αὖλιν ἔκυρσαν. ### book 1.35.1 τλησιπόνοις δ’ ἁλιεῦσιν ἀτέκμαρτοι μὲν ἄεθλοι, ### book 1.35.2 ἐλπὶς δ’ οὐ σταθερὴ σαίνει φρένας ἠΰτ’ ὄνειρος· ### book 1.35.3 οὐ γὰρ ἀκινήτου γαίης ὕπερ ἀθλεύουσιν, ### book 1.35.4 ἀλλ’ αἰεὶ κρυερῷ τε καὶ ἄσχετα μαργαίνοντι ### book 1.35.5 ὕδατι συμφορέονται, ὃ καὶ γαίηθεν ἰδέσθαι ### book 1.40.1 δεῖμα φέρει καὶ μοῦνον ἐν ὄμμασι πειρήσασθαι· ### book 1.40.2 δούρασι δ’ ἐν βαιοῖσιν ἀελλάων θεράποντες ### book 1.40.3 πλαζόμενοι, καὶ θυμὸν ἐν οἴδμασιν αἰὲν ἔχοντες, ### book 1.40.4 αἰεὶ μὲν νεφέλην ἰοειδέα παπταίνουσιν, ### book 1.40.5 αἰεὶ δὲ τρομέουσι μελαινόμενον πόρον ἅλμης· ### book 1.45.1 οὐδέ τι φοιταλέων ἀνέμων σκέπας, οὐδέ τιν’ ὄμβρων ### book 1.45.2 ἀλκήν, οὐ πυρὸς ἄλκαρ ὀπωρινοῖο φέρονται. ### book 1.45.3 πρὸς δ’ ἔτι καὶ βλοσυρῆς δυσδερκέα δείματα λίμνης ### book 1.45.4 κήτεα πεφρίκασι, τά τε σφίσιν ἀντιόωσιν, ### book 1.45.5 εὖτ’ ἂν ὑποβρυχίης ἄδυτον περόωσι θαλάσσης· ### book 1.1 οὐ μέν τις σκυλάκων ἁλίην ὁδὸν ἡγεμονεύει ### book 1.2 ἰχθυβόλοις· ἴχνη γὰρ ἀείδελα νηχομένοισιν· ### book 1.3 οὐδ’ οἵ γ’ εἰσορόωσιν ὅπῃ σχεδὸν ἵξεται ἄγρης ### book 1.4 ἀντιάσας, οὐ γάρ τι μίην ὁδὸν ἔρχεται, ἰχθύς· ### book 1.5 θριξὶ δ’ ἐν ἠπεδανοῖσι παλιγνάμπτοιό τε χαλκοῦ ### book 1.55.1 χείλεσι καὶ δονάκεσσι λίνοισί τε κάρτος ἔχουσιν. ### book 1.55.2 Οὐ μὴν τερπωλῆς ἀπολείπεαι, αἴ κ’ ἐθέλῃσθα ### book 1.55.3 τέρπεσθαι, γλυκερὴ δὲ πέλει βασιλήϊος ἄγρη. ### book 1.55.4 νῆα μὲν εὐγόμφωτον, ἐΰζυγον, ἔξοχα κούφην, ### book 1.55.5 αἰζηοὶ κώπῃσιν ἐπειγομένῃς ἐλόωσι, ### book 1.60.1 νῶτον ἁλὸς θείνοντες· ὁ δ’ ἐν πρύμνῃσιν ἄριστος ### book 1.60.2 ἰθυντὴρ ἀλίαστον ἄγει καὶ ἀμεμφέα νῆα ### book 1.60.3 χῶρον ἐς εὐρύαλόν τε καὶ εὔδια πορφύροντα· ### book 1.60.4 ἔνθα δὲ δαιτυμόνων νεπόδων ἀπερείσια φῦλα ### book 1.60.5 φέρβεται, οὓς θεράποντες ἀεὶ κομέουσιν, ἐδωδῇ ### book 1.65.1 πολλῇ πιαίνοντες, ἑτοιμότατον χορὸν ἄγρης ### book 1.65.2 σοί τε, μάκαρ, καὶ παιδὶ μεγαυχέϊ, πώεα θήρης. ### book 1.65.3 αὐτίκα γὰρ χειρὸς μὲν ἐΰπλοκον εἰς ἅλα πέμπεις ### book 1.65.4 ὁρμιήν, ὁ δὲ ῥίμφα γένυν κατεδέξατο χαλκοῦ ### book 1.65.5 ἰχθὺς ἀντιάσας, τάχα δ’ ἕλκεται ἐκ βασιλῆος ### book 1.70.1 οὐκ ἀέκων, σέο δ’ ἦτορ ἰαίνεται, ὄρχαμε γαίης· ### book 1.70.2 πολλὴ γὰρ βλεφάροισι καὶ ἐν φρεσὶ τέρψις ἰδέσθαι ### book 1.70.3 παλλόμενον καὶ ἑλισσόμενον πεπεδημένον ἰχθύν. ### book 1.1 Ἀλλά μοι ἱλήκοις μὲν ἁλὸς πόρῳ ἐμβασιλεύων ### book 1.2 εὐρυμέδων Κρονίδης γαιηόχος, ἠδὲ Θάλασσα ### book 1.75.1 αὐτή, καὶ ναετῆρες ἐριγδούποιο θαλάσσης ### book 1.75.2 δαίμονες, ὑμετέρας τ’ ἀγέλας καὶ ἁλίτροφα φῦλα ### book 1.75.3 εἰπέμεν αἰνήσαιτε· σὺ δ’ ἰθύνειας ἕκαστα, ### book 1.75.4 πότνα Θεά, καὶ πατρὶ καὶ υἱέϊ παμβασιλῆος ### book 1.75.5 θυμήρη τάδε δῶρα τεῆς πόρσυνον ἀοιδῆς. ### book 1.80.1 Μυρία μὲν δὴ φῦλα καὶ ἄκριτα βένθεσι πόντου ### book 1.80.2 ἐμφέρεται πλώοντα· τὰ δ’ οὔ κέ τις ἐξονομήναι ### book 1.80.3 ἀτρεκέως· οὐ γάρ τις ἐφίκετο τέρμα θαλάσσης· ### book 1.80.4 ἀλλὰ τριηκοσίων ὀργυιῶν ἄχρι μάλιστα ### book 1.80.5 ἀνέρες ἴσασίν τε καὶ ἔδρακον Ἀμφιτρίτην. ### book 1.85.1 πολλὰ δ’ (ἀπειρεσίη γὰρ ἀμετροβαθής τε θάλασσα,) ### book 1.85.2 κέκρυπται, τά κεν οὔ τις ἀείδελα μυθήσαιτο ### book 1.85.3 θνητὸς ἐών· ὀλίγος δὲ νόος μερόπεσσι καὶ ἀλκή. ### book 1.85.4 οὐ μὲν γὰρ γαίης πολυμήτορος ἔλπομαι ἅλμην ### book 1.85.5 παυροτέρας ἀγέλας οὔτ’ ἔθνεα μείονα φέρβειν. ### book 1.90.1 ἀλλ’ εἴτ’ ἀμφήριστος ἐν ἀμφοτέρῃσι γενέθλη ### book 1.90.2 εἴθ’ ἑτέρη προβέβηκε, θεοὶ σάφα τεκμαίρονται, ### book 1.90.3 ἡμεῖς δ’ ἀνδρομέοισι νοήμασι μέτρα φέροιμεν. ### book 1.90.4 Ἰχθύσι μὲν γενεή τε καὶ ἤθεα καὶ πόρος ἅλμης ### book 1.90.5 κέκριται, οὐδέ τι πᾶσι νομαὶ νεπόδεσσιν ὁμοῖαι· ### book 1.95.1 οἱ μὲν γὰρ χθαμαλοῖσι παρ’ αἰγιαλοῖσι νέμονται, ### book 1.95.2 ψάμμον ἐρεπτόμενοι καὶ ὅς’ ἐν ψαμάθοισι φύονται, ### book 1.1 ἵπποι κόκκυγές τε θοοὶ ξανθοί τ’ ἐρυθῖνοι ### book 1.2 καὶ κίθαροι καὶ τρίγλα καὶ ἀδρανέες μελάνουροι ### book 1.3 τραχούρων τ’ ἀγέλαι βούγλωσσά τε καὶ πλατύουροι ### book 1.1 ταινίαι ἀβληχραὶ καὶ μορμύρος, αἰόλος ἰχθύς, ### book 1.2 σκόμβροι κυπρῖνοί τε καὶ οἳ φίλοι αἰγιαλοῖσιν. ### book 1.1 Ἄλλοι δ’ αὖ πηλοῖσι καὶ ἐν τενάγεσσι θαλάσσης ### book 1.2 φέρβονται, βατίδες τε βοῶν θ’ ὑπέροπλα γένεθλα ### book 1.3 τρυγών τ’ ἀργαλέη καὶ ἐτήτυμον οὔνομα νάρκη, ### book 1.105.1 ψῆτται καλλαρίαι καὶ τριγλίδες ἔργα τ’ ὀνίσκων ### book 1.105.2 σαῦροί τε σκέπανοί τε καὶ ὅσς’ ἐνιτέτροφε πηλοῖς. ### book 1.105.3 Θῖνα δ’ ἀνὰ πρασόεσσαν ὑπὸ χλοεραῖς βοτάνῃσι ### book 1.1 βόσκονται μαινῖδες ἰδὲ τράγοι ἠδ’ ἀθερῖναι ### book 1.2 καὶ σμαρίδες καὶ βλέννος ἰδὲ σπάροι ἀμφότεροί τε ### book 1.110.1 βῶκες ὅσοις τ’ ἄλλοισι φίλον πράσον ἀμφινέμεσθαι. ### book 1.110.2 Κεστρέες αὖ κέφαλοί τε, δικαιότατον γένος ἅλμης, ### book 1.110.3 λάβρακές τ’ ἀμίαι τε θρασύφρονες ἠδὲ χρέμητες ### book 1.110.4 πηλαμύδες γόγγροι τε καὶ ὃν καλέουσιν ὄλισθον ### book 1.110.5 γείτονα ναιετάουσιν ἀεὶ ποταμοῖσι θάλασσαν ### book 1.115.1 ἢ λίμναις, ὅθι λαρὸν ὕδωρ μεταπαύεται ἅλμης, ### book 1.115.2 πολλή τε πρόχυσις συμβάλλεται ἰλυόεσσα, ### book 1.115.3 ἑλκομένη δίνῃσιν ἀπὸ χθονός· ἔνθα νέμονται ### book 1.115.4 φορβὴν ἱμερτὴν γλυκερῇ θ’ ἁλὶ πιαίνονται. ### book 1 λάβραξ δ’ οὐδ’ αὐτῶν ποταμῶν ἀπολείπεται ἔξω, ### book 1.120.1 ἐκ δ’ ἁλὸς ἐς προχοὰς ἀνανήχεται· ἐγχέλυες δὲ ### book 1.120.2 ἐκ ποταμῶν πλαταμῶσιν ἐνιχρίμπτουσι θαλάσσης. ### book 1.120.3 Πέτραι δ’ ἀμφίαλοι πολυειδέες· αἱ μὲν ἔασι ### book 1.120.4 φύκεσι μυδαλέαι, περὶ δὲ μνία πολλὰ πέφυκε· ### book 1.120.5 τὰς ἦτοι πέρκαι καὶ ἰουλίδες ἀμφί τε χάννοι ### book 1.125.1 φέρβονται σάλπαι τε μετὰ σφίσιν αἰολόνωτοι ### book 1.125.2 καὶ κίχλαι ῥαδιναὶ καὶ φυκίδες οὕς θ’ ἁλιῆες ### book 1.125.3 ἀνδρὸς ἐπωνυμίην θηλύφρονος ηὐδάξαντο. ### book 1.125.4 Ἄλλαι δὲ χθαμαλαὶ ψαμαθώδεος ἄγχι θαλάσσης ### book 1.125.5 λεπράδες, ἃς κίρρις τε σύαινά τε καὶ βασιλίσκοι ### book 1.130 ἐν δὲ μύλοι τρίγλης τε ῥοδόχροα φῦλα νέμονται. ### book 1.1 Ἄλλαι δ’ αὖ ποιῇσιν ἐπίχλοοι ὑγρὰ μέτωπα ### book 1.2 πέτραι σαργὸν ἔχουσιν ἐφέστιον ἠδὲ σκίαιναν ### book 1.3 χαλκέα καὶ κορακῖνον ἐπώνυμον αἴθοπι χροιῇ, ### book 1.4 καὶ σκάρον, ὃς δὴ μοῦνος ἐν ἰχθύσι πᾶσιν ἀναύδοις ### book 1.135.1 φθέγγεται ἰκμαλέην λαλαγὴν καὶ μοῦνος ἐδητὺν ### book 1.135.2 ἄψορρον προΐησιν ἀνὰ στόμα, δεύτερον αὖτις ### book 1.135.3 δαινύμενος, μήλοισιν ἀναπτύσσων ἴσα φορβήν. ### book 1.135.4 Ὅσσαι δ’ αὖ χήμῃσι περίπλεοι ἢ λεπάδεσσιν, ### book 1.135.5 ἐν δέ σφιν θαλάμαι τε καὶ αὔλια δύμεναι ἰχθῦς, ### book 1.140 τῇσι δὲ καὶ φάγροι καὶ ἀναιδέες ἀγριόφαγροι ### book 1.1 κέρκουροί τε μένουσι καὶ ὀψοφάγοι καὶ ἀνιγραὶ ### book 1.2 μύραιναι σαῦροί τε καὶ ὀψιμόρων γένος ὀρφῶν, ### book 1.3 οἳ πάντων περίαλλα κατὰ χθόνα δηθύνουσι ### book 1.4 ζωοὶ καὶ τμηθέντες ἔτι σπαίρουσι σιδήρῳ. ### book 1.145.1 Ἄλλοι δ’ ἐν βένθεσσιν ὑπόβρυχα μιμνάζουσι ### book 1.145.2 φωλειοῖς, πρόβατόν τε καὶ ἥπατοι ἠδὲ πρέποντες, ### book 1.145.3 ἴφθιμοι μεγάλοι τε φυήν, νωθροὶ δὲ κέλευθα ### book 1.145.4 εἱλεῦνται· τὸ καὶ οὔποθ’ ἑὴν λείπουσι χαράδρην, ### book 1.145.5 ἀλλ’ αὐτοῦ λοχόωσι παραὶ μυχόν, ὅς κε πελάσσῃ, ### book 1.1 χειροτέροις ἀΐδηλον ἐπ’ ἰχθύσι πότμον ἄγοντες· ### book 1.2 ἐν καὶ ὄνος κείνοις ἐναρίθμιος, ὃς περὶ πάντων ### book 1.1 πτήσσει ὀπωρινοῖο κυνὸς δριμεῖαν ὁμοκλήν, ### book 1.2 μίμνει δ’ ἐγκαταδὺς σκότιον μυχόν, οὐδὲ πάροιθεν ### book 1.3 ἔρχεται, ὅσσον ἄησιν ἐπὶ χρόνον ἄγριος ἀστήρ. ### book 1.155.1 Ἔστι δέ τις πέτρῃσιν ἁλικλύστοισι μεμηλώς, ### book 1.155.2 ξανθὸς ἰδεῖν, κεστρεῦσι φυὴν ἐναλίγκιος ἰχθύς, ### book 1.155.3 τὸν μερόπων ἕτεροι μὲν ἐπικλείουσιν ἄδωνιν, ### book 1.155.4 ἄλλοι δ’ ἐξώκοιτον ἐφήμισαν, οὕνεκα κοίτας ### book 1.155.5 ἐκτὸς ἁλὸς τίθεται, μοῦνος δ’ ἐπὶ χέρσον ἀμείβει, ### book 1.160.1 ὅσσοι γε βράγχη, στόματος πτύχας, ἀμφὶς ἔχουσιν. ### book 1.160.2 εὖτε γὰρ εὐνήσῃ χαροπῆς ἁλὸς ἔργα γαλήνη, ### book 1.160.3 αὐτὰρ ὅ γ’ ἐσσυμένοισι συνορμηθεὶς ῥοθίοισι, ### book 1.160.4 πέτραις ἀμφιταθεὶς ἀμπαύεται εὔδιον ὕπνον. ### book 1.160.5 ὀρνίθων δ’ ἁλίων τρομέει γένος, οἵ οἱ ἔασι ### book 1.165.1 δυσμενέες· τῶν ἤν τιν’ ἐσαθρήσῃ πελάσαντα, ### book 1.165.2 πάλλεται ὀρχηστῆρι πανείκελος, ὄφρα ἑ πόντου ### book 1.165.3 προπροκυλινδόμενον σπιλάδων ἄπο χεῦμα σαώσῃ. ### book 1.1 Οἱ δὲ καὶ ἐν πέτρῃσι καὶ ἐν ψαμάθοισι νέμονται, ### book 1.2 ἀγλαΐῃ χρύσοφρυς ἐπώνυμος ἠδὲ δράκοντες ### book 1.170.1 σῖμοί τε γλαῦκοί τε καὶ ἀλκησταὶ συνόδοντες, ### book 1.170.2 σκορπίος ἀϊκτήρ, δίδυμον γένος, ἀμφότεραί τε ### book 1.170.3 σφύραιναι δολιχαὶ ῥαφίδες θ’ ἅμα τῇσιν ἀραιαί· ### book 1.170.4 ἐν δὲ χάραξ κοῦφοί τε κυβιστητῆρες ἔασι ### book 1.170.5 κωβιοί· ἐν δὲ μυῶν χαλεπὸν γένος, οἳ περὶ πάντων ### book 1.175.1 θαρσαλέοι νεπόδων καί τ’ ἀνδράσιν ἀντιφέρονται, ### book 1.175.2 οὔτι τόσοι περ ἐόντες· ἐπὶ στερεῇ δὲ μάλιστα ### book 1.175.3 ῥινῷ καὶ πυκινοῖσι πεποιθότες ἔνδον ὀδοῦσι, ### book 1.1 ἰχθύσι καὶ μερόπεσσιν ἀρειοτέροισι μάχονται. ### book 1.2 Οἱ δ’ ἐν ἀμετρήτοισιν ἄλην πελάγεσσιν ἔχουσι, ### book 1.180.1 τηλοῦ ἀπὸ τραφερῆς οὐδ’ ᾐόσιν εἰσὶν ἑταῖροι, ### book 1.180.2 θύννοι μὲν θύνοντες, ἐν ἰχθύσιν ἔξοχοι ὁρμήν, ### book 1.180.3 κραιπνότατοι, ξιφίαι τε φερώνυμοι ἠδ’ ὑπέροπλος ### book 1.180.4 ὀρκύνων γενεὴ καὶ πρημάδες ἠδὲ κυβεῖαι, ### book 1.180.5 καὶ κολίαι σκυτάλαι τε καὶ ἱππούροιο γένεθλα. ### book 1.185.1 ἐν τοῖς καὶ κάλλιχθυς ἐπώνυμος, ἱερὸς ἰχθύς· ### book 1.185.2 ἐν κείνοις νέμεται καὶ πομπίλος, ὃν πέρι ναῦται ### book 1.185.3 ἅζονται, πομπῇ δ’ ἐπεφήμισαν οὔνομα νηῶν· ### book 1.1 ἔξοχα γὰρ νήεσσι γεγηθότες ὑγρὰ θεούσαις ### book 1.2 ἕσπονται πομπῆες ὁμόστολοι, ἄλλοθεν ἄλλος ### book 1.190.1 ἀμφιπερισκαίροντες ἐΰζυγον ἅρμα θαλάσσης ### book 1.190.2 τοίχους τ’ ἀμφοτέρους περί τε πρυμναῖα χαλινὰ ### book 1.190.3 οἰήκων, ἄλλοι δὲ περὶ πρώρην ἀγέρονται· ### book 1.190.4 οὐδέ κεν αὐτόμολον κείνων πλόον, ἀλλ’ ὑπὸ δεσμῷ ### book 1.190.5 φαίης εὐγόμφοισιν ἐνισχομένους πινάκεσσιν ### book 1.195.1 ἑλκομένους ἀέκοντας ἀναγκαίῃσιν ἄγεσθαι. ### book 1.195.2 τόσσον ἔρως γλαφυρῇσιν ἐφ’ ὁλκάσιν ἑσμὸν ἀγείρει. ### book 1.195.3 οἷον δὴ βασιλῆα φερέπτολιν ἠέ τιν’ ἄνδρα ### book 1.195.4 ἀθλοφόρον, θαλλοῖσι νεοστέπτοισι κομῶντα, ### book 1.195.5 παῖδές τ’ ἠΐθεοί τε καὶ ἀνέρες ἀμφιέποντες ### book 1.1 ὃν δόμον εἰσανάγουσι καὶ ἀθρόοι αἰὲν ἕπονται, ### book 1.2 εἰσόκεν εὐερκῆ μεγάρων ὑπὲρ οὐδὸν ἀμείψῃ· ### book 1.3 ὣς οἵ γ’ ὠκυπόροισιν ἀεὶ νήεσσιν ἕπονται, ### book 1.4 ὄφρ’ οὔτις γαίης ἐλάει φόβος· ἀλλ’ ὅτε χέρσον ### book 1.5 φράσσωνται, τραφερὴν δὲ μέγ’ ἐχθαίρουσιν ἄρουραν, ### book 1.205.1 αὖτις ἀφορμηθέντες ἀολλέες ἠΰτε νύσσης ### book 1.205.2 πάντες ἀποθρώσκουσι καὶ οὐκέτι νηυσὶν ἕπονται. ### book 1.205.3 σῆμα τόδε πλωτῆρσιν ἐτήτυμον ἐγγύθι γαίης ### book 1.205.4 ἔμμεναι, εὖτε λιπόντας ὁμοπλωτῆρας ἴδωνται. ### book 1.205.5 πομπίλε, ναυτιλίῃσι τετιμένε, σοὶ δέ τις ἀνὴρ ### book 1.210.1 εὐκραεῖς ἀνέμων τεκμαίρεται ἐλθέμεν αὔρας· ### book 1.210.2 εὔδια γὰρ στέλλῃ τε καὶ εὔδια σήματα φαίνεις. ### book 1.210.3 Καὶ μὲν δὴ πελάγεσσιν ὁμῶς ἐχενηῒς ἑταίρη· ### book 1.1 ἡ δ’ ἦτοι ταναὴ μὲν ἰδεῖν, μῆκος δ’ ἰσόπηχυς, ### book 1.2 χροιὴ δ’ αἰθαλόεσσα, φυὴ δέ οἱ ἐγχελύεσσιν ### book 1.215.1 εἴδεται, ὀξὺ δέ οἱ κεφαλῆς στόμα νέρθε νένευκε ### book 1.215.2 καμπύλον, ἀγκίστρου περιηγέος εἴκελον αἰχμῇ. ### book 1.215.3 θαῦμα δ’ ὀλισθηρῆς ἐχενηΐδος ἐφράσσαντο ### book 1.215.4 ναυτίλοι· οὐ μὲν δή τις ἐνὶ φρεσὶ πιστώσαιτο ### book 1.215.5 εἰσαΐων· αἰεὶ γὰρ ἀπειρήτων νόος ἀνδρῶν ### book 1.220.1 δύσμαχος, οὐδ’ ἐθέλουσι καὶ ἀτρεκέεσσι πιθέσθαι· ### book 1.220.2 νῆα τιταινομένην ἀνέμου ζαχρηέος ὁρμῇ, ### book 1.220.3 λαίφεσι πεπταμένοισιν ἁλὸς διὰ μέτρα θέουσαν, ### book 1.220.4 ἰχθὺς ἀμφιχανὼν ὀλίγον στόμα νέρθεν ἐρύκει, ### book 1.220.5 πᾶσαν ὑποτρόπιος βεβιημένος· οὐδ’ ἔτι τέμνει ### book 1.225.1 κῦμα καὶ ἱεμένη, κατὰ δ’ ἔμπεδον ἐστήρικται, ### book 1.225.2 ἠΰτ’ ἐν ἀκλύστοισιν ἐεργομένη λιμένεσσι. ### book 1.225.3 καὶ τῆς μὲν λίνα πάντα περὶ προτόνοισι μέμυκε, ### book 1.225.4 ῥοχθεῦσιν δὲ κάλωες, ἐπημύει δὲ κεραίη, ### book 1.225.5 ῥιπῇ ἐπειγομένη, πρύμνῃ δ’ ἔπι πάντα χαλινὰ ### book 1.230.1 ἰθυντὴρ ἀνίησιν, ἐπισπέρχων ὁδὸν ἅλμης· ### book 1.230.2 ἡ δ’ οὔτ’ οἰήκων ἐμπάζεται οὔτ’ ἀνέμοισι ### book 1.230.3 πείθεται, οὐ ῥοθίοισιν ἐλαύνεται, ἀλλὰ παγεῖσα ### book 1.230.4 μίμνει τ’ οὐκ ἐθέλουσα καὶ ἐσσυμένη πεπέδηται, ### book 1.230.5 ἰχθύος οὐτιδανοῖο κατὰ στόμα ῥιζωθεῖσα· ### book 1.235.1 ναῦται δὲ τρομέουσιν, ἀείδελα δεσμὰ θαλάσσης ### book 1.235.2 δερκόμενοι καὶ θάμβος ἴσον λεύσσοντες ὀνείρῳ. ### book 1.235.3 ὡς δ’ ὅτ’ ἐνὶ ξυλόχοισιν ἀνὴρ λαιψηρὰ θέουσαν ### book 1.235.4 θηρητὴρ ἔλαφον δεδοκημένος ἄκρον ὀϊστῷ ### book 1.235.5 κῶλον ὑπὸ πτερόεντι βαλὼν ἐπέδησεν ἐρωῆς· ### book 1.240.1 ἡ δὲ καὶ ἐσσυμένη περ ἀναγκαίῃς ὀδύνῃσιν ### book 1.240.2 ἀμφιπαγεῖς’ ἀέκουσα μένει θρασὺν ἀγρευτῆρα· ### book 1.240.3 τοίην νηῒ πέδην περιβάλλεται αἰόλος ἰχθὺς ### book 1.1 ἀντιάσας· τοίων δὲ φερωνυμίην λάχεν ἔργων. ### book 1.2 Χαλκίδες αὖ θρίσσαι τε καὶ ἀβραμίδες φορέονται ### book 1.245.1 ἀθρόαι, ἄλλοτε δ’ ἄλλον ἁλὸς πόρον, ἢ περὶ πέτρας ### book 1.245.2 ἢ πελάγη, δολιχοῖσί τ’ ἐπέδραμον αἰγιαλοῖσιν, ### book 1.245.3 αἰὲν ἀμειβόμεναι ξείνην ὁδὸν ἠΰτ’ ἀλῆται. ### book 1.245.4 Ἀνθιέων δὲ μάλιστα νομαὶ πέτρῃσι βαθείαις ### book 1.245.5 ἔμφυλοι· ταῖς δ’ οὔτι παρέστιοι αἰὲν ἔασι, ### book 1.1 πάντῃ δὲ πλάζονται, ὅπῃ γένυς, ἔνθα κελεύει ### book 1.2 γαστὴρ καὶ λαίμαργος ἔρως ἀκόρητος ἐδωδῆς· ### book 1.3 ἔξοχα γὰρ παρὰ πάντας ἀδηφάγος οἶστρος ἐλαύνει ### book 1.4 κείνους καὶ νωδόν περ ὑπὸ στόμα χῶρον ἔχοντας. ### book 1.5 τέσσαρα δ’ ἀνθιέων μεγακήτεα φῦλα νέμονται, ### book 1.255.1 ξανθοί τ’ ἀργεννοί τε τὸ δὲ τρίτον αἷμα κελαινοί· ### book 1.255.2 ἄλλους δ’ εὐωπούς τε καὶ αὐλωποὺς καλέουσιν, ### book 1.255.3 οὕνεκα τοῖς καθύπερθεν ἑλισσομένη κατὰ κύκλον ### book 1.1 ὀφρὺς ἠερόεσσα περίδρομος ἐστεφάνωται. ### book 1.2 Δοιοὶ δὲ σκληροῖσιν ἀρηρότα γυῖα χιτῶσι ### book 1.260.1 φραξάμενοι κόλποισιν ἐνιπλώουσι θαλάσσης, ### book 1.260.2 κάραβος ὀξυπαγὴς ἠδ’ ἀστακός· οἱ δὲ καὶ ἄμφω ### book 1.260.3 πέτραις ἐνναίουσι καὶ ἐν πέτρῃσι νέμονται. ### book 1.260.4 ἄστακος αὖ πέρι δή τι καὶ οὐ φατὸν οἷον ἔρωτα ### book 1.260.5 οἰκείης θαλάμης κεύθει φρεσίν, οὐδέ ποτ’ αὐτῆς ### book 1.265.1 λείπεθ’ ἑκών, ἀλλ’ εἴ μιν ἀναγκαίῃ τις ἐρύσσας ### book 1.265.2 τῆλε φέρων ἑτέρωσε πάλιν πόντονδε μεθείη, ### book 1.265.3 αὐτὰρ ὅγ’ οὐ μετὰ δηρὸν ἑὴν νόστησε χαράδρην ### book 1.265.4 σπεύδων, οὐδ’ ἐθέλει ξεῖνον μυχὸν ἄλλον ἑλέσθαι, ### book 1.265.5 οὐδ’ ἑτέρης πέτρης ἐπιβάλλεται, ἀλλὰ διώκει ### book 1.270.1 καὶ δόμον ὃν κατέλειπε καὶ ἤθεα καὶ νομὸν ἅλμης ### book 1.270.2 κείνης ἥ μιν ἔφερβε καὶ οὐκ ἤχθηρε θάλασσαν, ### book 1.270.3 τῆς μιν ἀπεξείνωσαν ἁλίπλοοι ἀγρευτῆρες. ### book 1.270.4 ὣς ἄρα καὶ πλωτοῖσιν ἑὸς δόμος ἠδὲ θάλασσα ### book 1.270.5 πατρῴη καὶ χῶρος ἐφέστιος, ἔνθ’ ἐγένοντο, ### book 1.275.1 στάζει ἐνὶ κραδίῃ γλυκερὸν γάνος, οὐδ’ ἄρα μούνοις ### book 1.275.2 πατρὶς ἐφημερίοισι πέλει γλυκερώτατον ἄλλων· ### book 1.275.3 οὐδ’ ἀλεγεινότερον καὶ κύντερον, ὅς κεν ἀνάγκῃ ### book 1.275.4 φυξίπολιν πάτρης τελέσῃ βίον ἀλγινόεντα, ### book 1.275.5 ξεῖνος ἐν ἀλλοδαποῖσιν ἀτιμίης ζυγὸν ἕλκων. ### book 1.280.1 Ἐν κείνῃ γενεῇ καὶ καρκίνοι εἰσὶν ἀλῆται ### book 1.280.2 καρίδων τε νομαὶ καὶ ἀναιδέα φῦλα παγούρων, ### book 1.280.3 οἵτε καὶ ἀμφιβίοις ἐναρίθμιον αἶσαν ἔχουσι. ### book 1.280.4 Πάντες δ’ οἷσί τε κῶλον ὑπ’ ὀστράκῳ ἐστήρικται, ### book 1.280.5 ὄστρακον ἐκδύνουσι γεραίτερον, ἄλλο δ’ ἔνερθε ### book 1.285.1 σαρκὸς ὑπὲκ νεάτης ἀνατέλλεται· οἱ δὲ πάγουροι, ### book 1.285.2 ἡνίκα ῥηγνυμένοιο βίην φράσσωνται ἐλύτρου, ### book 1.285.3 πάντῃ μαιμώωσιν ἐδητύος ἰσχανόωντες, ### book 1.285.4 ῥηϊτέρη ῥινοῖο διάκρισις ὄφρα γένηται ### book 1.285.5 πλησαμένων· εὖτ’ ἂν δὲ διατμαγὲν ἕρκος ὀλίσθῃ, ### book 1.290.1 οἱ δ’ ἦτοι πρῶτον μὲν ἐπὶ ψαμάθοισι τέτανται ### book 1.290.2 αὔτως, οὔτε βορῆς μεμνημένοι οὔτε τευ ἄλλου, ### book 1.290.3 ἐλπόμενοι φθιμένοισι μετέμμεναι οὐδ’ ἔτι θερμὸν ### book 1.290.4 ἐμπνείειν, ῥινῷ δὲ περιτρομέουσιν ἀραιῇ ### book 1.290.5 ἀρτιφύτῳ· μετὰ δ’ αὖτις ἀγειρόμενοι νόον ἤδη ### book 1.295.1 βαιὸν θαρσήσαντες ἀπὸ ψαμάθοιο πάσαντο· ### book 1.295.2 τόφρα δὲ θυμὸν ἔχουσιν ἀμήχανον ἀδρανέοντες, ### book 1.295.3 ὄφρα περὶ μελέεσσι νέον σκέπας ἀμφιπαγείη. ### book 1.295.4 ὡς δέ τις ἰητὴρ νουσαχθέα φῶτα κομίζων ### book 1.295.5 ἤμασι μὲν πρώτοισι βορῆς ἀπόπαστον ἐρύκει, ### book 1.1 πήματος ἀμβλύνων μαλερὸν σθένος, αὐτὰρ ἔπειτα ### book 1.2 τυτθὰ βορῆς ὤρεξε νοσήλια, μέχρις ἅπασαν ### book 1.3 ἄτην γυιοβόρους τε δύας ὀδύνας τε καθήρῃ· ### book 1.4 ὣς οἵγ’ ἀρτιφύτοισιν ἀναΐσσουσιν ἐλύτροις ### book 1.5 δειδιότες νούσοιο κακὰς ὑπὸ κῆρας ἀλύξαι. ### book 1.305 Ἄλλοι δ’ ἑρπυστῆρες ἁλὸς ναίουσιν ἐναύλους, ### book 1.1 πουλύποδες σκολιοὶ καὶ κορδύλος ἠδ’ ἁλιεῦσιν ### book 1.2 ἐχθομένη σκολόπενδρα καὶ ὀσμύλος· οἱ δὲ καὶ αὐτοὶ ### book 1.3 ἀμφίβιοι· καί πού τις ἀνὴρ ἴδεν ἀγροιώτης ### book 1.4 γηπόνος, ἀγχιάλοισι φυτηκομίῃσι μεμηλώς, ### book 1.310.1 ὀσμύλον εὐκάρποις ἢ πούλυπον ἀμφὶ κράδῃσι ### book 1.310.2 πλεγνύμενον γλυκερόν τε φυτῶν ἀπὸ καρπὸν ἔδοντα. ### book 1.310.3 τοῖς δὲ μεθ’ ἑρπυστῆρσιν ἴσον λάχεν οἶμα δολόφρων ### book 1.310.4 σηπίη· ἄλλα δὲ φῦλα μετ’ οἴδμασιν ὀστρακόρινα, ### book 1.310.5 πολλὰ μὲν ἐν πέτρῃσι, τὰ δ’ ἐν ψαμάθοισι νέμονται, ### book 1.315.1 νηρῖται στρόμβων τε γένος καὶ πορφύραι αὐταὶ ### book 1.315.2 κήρυκές τε μύες τε καὶ ἀτρεκὲς οὔνομα σωλὴν ### book 1.315.3 ὄστρεά θ’ ἑρσήεντα καὶ ὀκριόεντες ἐχῖνοι· ### book 1.315.4 τοὺς εἴ τις καὶ τυτθὰ διατμήξας ἐνὶ πόντῳ ### book 1 ῥίψῃ, συμφυέες τε παλίνζωοί τε νέμονται. ### book 1.320 Καρκινάσιν δ’ αὐταῖς μὲν ἐπ’ ὄστρακον οὔτι ### book 1.320.1 πέφυκεν ### book 1.320.2 ἐκ γενετῆς, γυμναὶ δὲ καὶ ἀσκεπέες καὶ ἀφαυραὶ ### book 1.320.3 τίκτονται, κτητοὺς δὲ δόμους ἐπιμηχανόωνται, ### book 1.320.4 ἀβληχροῖς μελέεσσι νόθον σκέπας ἀμφιβαλοῦσαι· ### book 1.320.5 εὖτε γὰρ ἀθρήσωσι λελειμμένον ὀρφανὸν αὔτως ### book 1.325.1 ὄστρακον, οἰκητῆρος ἀνέστιον οἰχομένοιο, ### book 1.325.2 αἵδ’ εἴσω καταδῦσαι ὑπ’ ἀλλοτρίοισιν ἐλύτροις ### book 1.325.3 ἑζόμεναι ναίουσι καὶ ὃν κτήσαντο μέλαθρον· ### book 1.325.4 τῷ δὲ συνερπύζουσι καὶ ἔνδοθεν ἕρκος ἄγουσιν, ### book 1.325.5 εἴτε τι νηρίτης ἔλιπε σκέπας εἴτε τι κῆρυξ ### book 1.330.1 ἢ στρόμβος· στρόμβων δὲ δύσεις φιλέουσι μάλιστα, ### book 1.330.2 οὕνεκεν εὐρεῖαί τε μένειν κοῦφαί τε φέρεσθαι. ### book 1.330.3 ἀλλ’ ὅτ’ ἀεξομένη πλήσῃ μυχὸν ἔνδον ἐοῦσα ### book 1.330.4 καρκινάς, οὐκέτι κεῖνον ἔχει δόμον, ἀλλὰ λιποῦσα ### book 1.330.5 δίζεται εὐρύτερον κόχλου κύτος ἀμφιβαλέσθαι. ### book 1.335.1 πολλάκι δὲ γλαφυρῆς κύμβης πέρι καρκινάδεσσιν ### book 1.335.2 ἀλκὴ καὶ μέγα νεῖκος ἐγείρεται, ἐκ δ’ ἐλάσασα ### book 1.335.3 κρείττων χειροτέρην δόμον ἄρμενον ἀμφέθετ’ αὐτή. ### book 1.335.4 Ἔστι δέ τις γλαφυρῷ κεκαλυμμένος ὀστράκῳ ### book 1.338.1 ἰχθύς, ### book 1.338.2 μορφὴν πουλυπόδεσσιν ἀλίγκιος, ὃν καλέουσι ### book 1.340.1 ναυτίλον, οἰκείῃσιν ἐπικλέα ναυτιλίῃσι· ### book 1.340.2 ναίει μὲν ψαμάθοις, ἀνὰ δ’ ἔρχεται ἄκρον ἐς ὕδωρ ### book 1.1 πρηνής, ὄφρα κε μή μιν ἐνιπλήσειε θάλασσα· ### book 1.2 ἀλλ’ ὅτ’ ἀναπλώσῃ ῥοθίων ὕπερ Ἀμφιτρίτης, ### book 1.3 αἶψα μεταστρεφθεὶς ναυτίλλεται, ὥστ’ ἀκάτοιο ### book 1.345.1 ἴδρις ἀνήρ· δοιοὺς μὲν ἄνω πόδας ὥστε κάλωας ### book 1.345.2 ἀντανύει, μέσσος δὲ διαρρέει ἠΰτε λαῖφος ### book 1.345.3 λεπτὸς ὑμήν, ἀνέμῳ τε τιταίνεται· αὐτὰρ ἔνερθε ### book 1.345.4 δοιοὶ ἁλὸς ψαύοντες, ἐοικότες οἰήκεσσι, ### book 1.345.5 πομποί τ’ ἰθύνουσι δόμον καὶ νῆα καὶ ἰχθύν. ### book 1.1 ἀλλ’ ὅτε ταρβήσῃ σχεδόθεν κακόν, οὐκέτ’ ἀήταις ### book 1.2 φεύγει ἐπιτρέψας, σὺν δ’ ἔσπασε πάντα χαλινά, ### book 1.3 ἱστία τ’ οἴηκάς τε, τὸ δ’ ἀθρόον ἔνδον ἔδεκτο ### book 1.4 κῦμα βαρυνόμενός τε καθέλκεται ὕδατος ὁρμῇ. ### book 1.5 ὦ πόποι, ὃς πρώτιστος ὄχους ἁλὸς εὕρατο νῆας, ### book 1.355.1 εἴτ’ οὖν ἀθανάτων τις ἐπεφράσατ’ εἴτε τις ἀνὴρ ### book 1.355.2 τολμήεις πρώτιστος ἐπεύξατο κῦμα περῆσαι, ### book 1.355.3 ἦ που κεῖνον ἰδὼν πλόον ἰχθύος εἴκελον ἔργον ### book 1.355.4 δουροπαγὲς τόρνωσε, τὰ μὲν πνοιῇσι πετάσσας ### book 1.355.5 ἐκ προτόνων, τὰ δ’ ὄπισθε χαλινωτήρια νηῶν. ### book 1.360.1 Κήτεα δ’ ὀβριμόγυια, πελώρια, θαύματα πόντου, ### book 1.360.2 ἀλκῇ ἀμαιμακέτῳ βεβριθότα, δεῖμα μὲν ὅσσοις ### book 1.360.3 εἰσιδέειν, αἰεὶ δ’ ὀλοῇ κεκορυθμένα λύσσῃ, ### book 1.360.4 πολλὰ μὲν εὐρυπόροισιν ἐνιστρέφεται πελάγεσσιν, ### book 1.360.5 ἔνθα Ποσειδάωνος ἀτέκμαρτοι περιωπαί, ### book 1.365.1 παῦρα δὲ ῥηγμίνων σχεδὸν ἔρχεται, ὅσσα φέρουσιν ### book 1.365.2 ἠϊόνες βαρύθοντα καὶ οὐκ ἀπολείπεται ἅλμης· ### book 1.1 τῶν ἦτοι κρυερός τε λέων βλοσυρή τε ζύγαινα ### book 1.2 πορδάλιές τ’ ὀλοαὶ καὶ φύσαλοι αἰθυκτῆρες· ### book 1.3 ἐν δὲ μέλαν θύννων ζαμενὲς γένος, ἐν δὲ δαφοινὴ ### book 1.370.1 πρῆστις ἀταρτηρῆς τε δυσαντέα χάσματα λάμνης, ### book 1.370.2 μάλθη τ’ οὐ μαλακῇσιν ἐπώνυμος ἀδρανίῃσι, ### book 1.370.3 κριοί τ’ ἀργαλέοι καὶ ἀπαίσιον ἄχθος ὑαίνης ### book 1.370.4 καὶ κύνες ἁρπακτῆρες ἀναιδέες· ἐν δὲ κύνεσσι ### book 1.370.5 τριχθαδίη γενεή· τὸ μὲν ἄγριον ἐν πελάγεσσι ### book 1.375.1 κήτεσι λευγαλέοις ἐναρίθμιον· ἄλλα δὲ φῦλα ### book 1.375.2 διπλόα καρτίστοισι μετ’ ἰχθύσι δινεύονται ### book 1.375.3 πηλοῖς ἐν βαθέεσσι· τὸ μὲν κέντροισι κελαινοῖς ### book 1.375.4 κεντρίναι αὐδώωνται ἐπώνυμοι· ἄλλο δ’ ὁμαρτῇ ### book 1 κλείονται γαλεοί· γαλεῶν δ’ ἑτερότροπα φῦλα ### book 1.380.1 σκύμνοι καὶ λεῖοι καὶ ἀκανθίαι· ἐν δ’ ἄρα τοῖσι ### book 1.380.2 ῥῖναι ἀλωπεκίαι καὶ ποικίλοι· εἴκελα δ’ ἔργα ### book 1.380.3 πᾶσιν ὁμοῦ φορβή τε σὺν ἀλλήλοις τε νέμονται. ### book 1.380.4 Δελφῖνες δ’ ἀκταῖς τε πολυρραθάγοισι γάνυνται ### book 1.380.5 καὶ πελάγη ναίουσι, καὶ οὔποθι νόσφι θάλασσα ### book 1.385.1 δελφίνων· περὶ γάρ σφε Ποσειδάων ἀγαπάζει· ### book 1.385.2 οὕνεκά οἱ κούρην κυανώπιδα Νηρηΐνην ### book 1.385.3 μαιομένῳ φεύγουσαν ἑὸν λέχος Ἀμφιτρίτην ### book 1.385.4 φρασσάμενοι δελφῖνες ἐν Ὠκεανοῖο δόμοισι ### book 1.385.5 κευθομένην ἤγγειλαν· ὁ δ’ αὐτίκα κυανοχαίτης ### book 1.390.1 παρθένον ἐξήρπαξεν ἀναινομένην τε δάμασσε. ### book 1.390.2 καὶ τὴν μὲν παράκοιτιν, ἁλὸς βασίλειαν, ἔθηκε, ### book 1.390.3 ἀγγελίης δ’ ᾔνησεν ἐνηέας οὓς θεράποντας, ### book 1.390.4 κλήρῳ δ’ ἐν σφετέρῳ περιώσιον ὤπασε τιμήν. ### book 1.390.5 Ἔστι δ’ ἀμειλίκτοις ἐνὶ κήτεσιν ἅσσα καὶ ἅλμης ### book 1.395 ἐκτὸς ἐπὶ τραφερῆς φυσίζοον ἔρχεται οὖδας· ### book 1.1 δηρὸν δ’ ἠϊόνεσσι καὶ ἀγχιάλοισιν ἀρούραις ### book 1.2 μίσγοντ’ ἐγχέλυές τε καὶ ἀσπιδόεσσα χελώνη ### book 1.3 καστορίδες τ’ ὀλοαὶ δυσπενθέες, αἵ τ’ ἀλεγεινὴν ### book 1.4 ὄσσαν ἐπὶ κροκάλῃσιν ἀπαίσιον ὠρύονται ### book 1.1 ἀνδράσιν· ὃς δέ κε γῆρυν ἐν οὔασιν ἀλγινόεσσαν ### book 1.2 δέξηται στυγερῆς τ’ ἐνοπῆς κωκυτὸν ἀκούσῃ, ### book 1.3 οὐ τηλοῦ θανάτοιο τάχ’ ἔσσεται, ἀλλά οἱ ἄτην ### book 1.4 καὶ μόρον αἰνοτάτη κείνη μαντεύεται αὐδή. ### book 1.5 ναὶ μὴν καὶ φάλαιναν ἀναιδέα φασὶ θαλάσσης ### book 1.405.1 ἐκβαίνειν χέρσονδε καὶ ἠελίοιο θέρεσθαι. ### book 1.405.2 φῶκαι δ’ ἐννύχιαι μὲν ἀεὶ λείπουσι θάλασσαν, ### book 1.405.3 πολλάκι δ’ ἠμάτιαι πέτραις ἐνὶ καὶ ψαμάθοισιν ### book 1.405.4 εὔκηλοι μίμνουσι καὶ ἔξαλον ὕπνον ἔχουσι. ### book 1.405.5 Ζεῦ πάτερ, ἐς δὲ σὲ πάντα καὶ ἐκ σέθεν ἐρρίζωνται· ### book 1.410 εἴτ’ οὖν αἰθέρος οἶκον ὑπέρτατον εἴτ’ ἄρα πάντῃ ### book 1.1 ναιετάεις· θνητῷ γὰρ ἀμήχανον ἐξονομῆναι. ### book 1.2 οἵῃ σὺν φιλότητι διακρίνας ἐκέδασσας ### book 1.3 αἰθέρα τ’ αἰγλήεντα καὶ ἠέρα καὶ χυτὸν ὕδωρ ### book 1.4 καὶ χθόνα παμμήτειραν, ἀπ’ ἀλλήλων μὲν ἕκαστα, ### book 1.415.1 πάντα δ’ ἐν ἀλλήλοισιν ὁμοφροσύνης ὑπὸ δεσμῷ ### book 1.415.2 ἀρρήκτῳ συνέδησας, ἀναγκαίῃ δ’ ἐπέρεισας ### book 1.415.3 ἀστεμφῆ πάγκοινον ὑπὸ ζυγόν· οὔτε γὰρ αἰθὴρ ### book 1.415.4 ἠέρος οὔτ’ ἀὴρ ἄτερ ὕδατος, οὐδὲ μὲν ὕδωρ ### book 1.415.5 γαίης νόσφι τέτυκται, ἐν ἀλλήλοις δὲ φύονται, ### book 1.420.1 πάντα δ’ ὁδὸν μίαν εἶσι, μίαν δ’ ἀνελίσσετ’ ἀμοιβήν. ### book 1.420.2 τοὔνεκα καὶ ξυνῇσιν ὁμηρεύουσι γενέθλαις ### book 1.420.3 ἀμφιβίων· καὶ τοὶ μὲν ἀναστείχους’ ἐπὶ γαῖαν ### book 1.420.4 ποντόθεν, ἄλλοι δ’ αὖτε κατ’ ἠέρος Ἀμφιτρίτῃ ### book 1.420.5 μίσγονται, κοῦφοί τε λάροι στονόεντά τε φῦλα ### book 1.425.1 ἁλκυόνων κρατεροί θ’ ἁλιαίετοι ἁρπακτῆρες ### book 1.425.2 ἄλλα θ’ ὅς’ ἰχθυάᾳ διερῆς τ’ ἐπιβάλλεται ἄγρης. ### book 1.425.3 ἠέρα δ’ αὖ τέμνουσι καὶ εἰνάλιοί περ ἐόντες ### book 1.425.4 τευθίδες ἱρήκων τε γένος βυθίη τε χελιδών· ### book 1.425.5 οἱ δ’ ὅτε ταρβήσωσιν ὑπέρτερον ἐγγύθεν ἰχθύν, ### book 1.430.1 ἐξ ἁλὸς ἀνθρώσκουσι καὶ ἠέριοι ποτέονται. ### book 1.430.2 ἀλλ’ αἱ μὲν καὶ τῆλε καὶ ὑψόθι ταρσὸν ἱεῖσι ### book 1.430.3 τευθίδες· ἦτε κεν ὄρνιν ὀΐσσεαι οὐδὲ μὲν ἰχθὺν ### book 1.430.4 εἰσοράαν, ἀγεληδὸν ὅθ’ ὁρμήσωσι πέτεσθαι· ### book 1.430.5 αἱ δ’ ἄρα τῶν ὑπένερθε χελιδόνες οἶμον ἔχουσι· ### book 1.435.1 ἵρηκες δ’ αὐτῆς ἅλμης σχεδὸν ἠερέθονται, ### book 1.435.2 ἄκρον ἐπιψαύοντες ἁλὸς πόρον, ὅσσον ἰδέσθαι ### book 1.435.3 ἄμφω νηχομένοισι καὶ ἱπταμένοισιν ὁμοῖοι. ### book 1.435.4 Αἵδε μὲν ὥστε πόληες ἐν ἰχθύσιν, οἵδε θ’ ὅμιλοι ### book 1.435.5 κεκριμένοι γεγάασιν ἁλιπλάγκτοιο γενέθλης. ### book 1.440.1 τῶν δ’ οἱ μὲν πλάζονται ἀολλέες, αἰόλα φῦλα, ### book 1.440.2 πώεσιν ἢ στρατιῇσιν ἐοικότες, οἵ τ’ ἀγελαῖοι ### book 1.440.3 κέκληνται· τοὶ δ’ αὖτε κατὰ στίχας· οἱ δὲ λόχοισιν ### book 1.440.4 εἴκελοι ἢ δεκάδεσσιν· ὁ δ’ ἔρχεται οἶος ἀπ’ ἄλλων ### book 1.440.5 μουναδὸν ὁρμηθείς· περόωσι δὲ δίζυγες ἄλλοι· ### book 1.445.1 οἱ δ’ αὐτοῦ θαλάμῃσιν ἐν οἰκείῃσι μένουσι. ### book 1.445.2 Χείματι μὲν δὴ πάντες ἀελλάων στροφάλιγγας ### book 1.445.3 σμερδαλέας αὐτοῦ τε δυσηχέος οἴδματα πόντου ### book 1.445.4 ἔξοχα δειμαίνουσιν· ἐπεὶ περιώσιον ἄλλων ### book 1.445.5 ἰχθυόεντα γένεθλα φίλην πέφρικε θάλασσαν ### book 1.1 μαινομένην· τότε δ’ οἱ μὲν ἀμησάμενοι πτερύγεσσι ### book 1.2 ψάμμον ὑποπτήσσουσιν ἀνάλκιδες· οἱ δ’ ὑπὸ πέτραις ### book 1.3 εἰλόμενοι δύνουσιν ἀολλέες· οἱ δὲ βάθιστα ### book 1.4 ἐς πελάγη φεύγουσι κάτω μυχάτην ὑπὸ βύσσαν· ### book 1.5 κεῖνα γὰρ οὔτε λίην προκυλίνδεται οὔθ’ ὑπ’ ἀήταις ### book 1.455 πρυμνόθεν εἱλεῖται, διὰ δ’ ἔσσυται οὔτις ἄελλα ### book 1.1 ῥίζαν ἁλὸς νεάτην· μέγα δέ σφισι βένθος ἐρύκει ### book 1.2 ῥιγεδανὰς ὀδύνας καὶ ἀπηνέα χείματος ὁρμήν. ### book 1.3 ἀλλ’ ὁπότ’ ἀνθεμόεσσαι ἐπὶ χθονὸς εἴαρος ὧραι ### book 1.4 πορφύρεον γελάσωσιν, ἀναπνεύσῃ δὲ θάλασσα ### book 1.460.1 χείματος εὐδιόωσα γαληναίη τε γένηται ### book 1.460.2 ἤπια κυμαίνουσα, τότ’ ἰχθύες ἄλλοθεν ἄλλοι ### book 1.460.3 πανσυδίῃ φοιτῶσι γεγηθότες ἐγγύθι γαίης. ### book 1.460.4 ὡς δὲ πολυρραίσταο νέφος πολέμοιο φυγοῦσα ### book 1.460.5 ὀλβίη ἀθανάτοισι φίλη πόλις, ἥν ῥά τε δηρὸν ### book 1.465.1 δυσμενέων πάγχαλκος ἐπεπλήμμυρε θύελλα, ### book 1.465.2 ὀψὲ δ’ ἀπολλήξασα καὶ ἀμπνεύσασα μόθοιο ### book 1.465.3 ἀσπασίως γάνυταί τε καὶ εἰρήνης καμάτοισι ### book 1.465.4 τέρπεται ἁρπαλέοισι καὶ εὔδιος εἰλαπινάζει, ### book 1.465.5 ἀνδρῶν τε πλήθουσα χοροιτυπίης τε γυναικῶν· ### book 1.470.1 ὣς οἱ λευγαλέους τε πόνους καὶ φρῖκα θαλάσσης ### book 1.470.2 ἀσπασίως προφυγόντες, ὑπεὶρ ἅλα καγχαλόωντες, ### book 1.470.3 θρώσκοντες θύνουσι χοροιτυπέουσιν ὁμοῖοι. ### book 1.470.4 εἴαρι δὲ γλυκὺς οἶστρος ἀναγκαίης Ἀφροδίτης ### book 1.470.5 καὶ γάμοι ἡβώωσι καὶ ἀλλήλων φιλότητες ### book 1.475.1 πᾶσιν, ὅσοι γαῖάν τε φερέσβιον οἵ τ’ ἀνὰ κόλπους ### book 1.475.2 ἠέρος οἵ τ’ ἀνὰ πόντον ἐριβρύχην δονέονται. ### book 1.475.3 εἴαρι δὲ πλεῖστον νεπόδων γένος Εἰλείθυιαι ### book 1.475.4 ὠοφόρων παύουσι βαρυνομένων ὠδίνων. ### book 1.475.5 αἱ μὲν γὰρ γενεῆς κεχρημέναι ἠδὲ τόκοιο ### book 1.480.1 θήλεες ἐν ψαμάθοισιν ἀποθλίβουσιν ἀραιὰς ### book 1.480.2 γαστέρας· οὐ γὰρ ῥεῖα διΐσταται, ἀλλ’ ἐνέχονται ### book 1.480.3 ὠὰ μετ’ ἀλλήλοισιν ἀρηρότα νηδύος εἴσω, ### book 1.480.4 φύρδην συμπεφυῶτα· τὰ δ’ ἀθρόα πῶς κε τέκοιεν; ### book 1.480.5 στεινόμεναι δ’ ὀδύνῃσι μόγις κρίνουσι γενέθλην. ### book 1.485.1 ὡς οὐ ῥηϊδίην γενεὴν οὐδ’ ἰχθύσι Μοῖραι ### book 1.485.2 ὤπασαν, οὐδ’ ἄρα μοῦνον ἐπιχθονίῃσι γυναιξὶν ### book 1.485.3 ἄλγεα, πάντῃ δ’ εἰσὶν ἐπαχθέες Εἰλείθυιαι. ### book 1.1 ἄρσενες αὖτ’ ἄλλοι μὲν ἐπ’ ἰχθύσι κῆρας ἄγοντες ### book 1.2 δαιτυμόνες ῥηγμῖσιν ἐπειγόμενοι πελάουσιν· ### book 1.490.1 ἄλλοι δ’ αὖ μετόπισθε διωκόμενοι προθέουσι ### book 1.490.2 θηλυτέραις ἀγέλῃσιν, ἐπεὶ φιλότητος ἔρωτι ### book 1.490.3 ἑλκόμεναι σπεύδουσι μετ’ ἄρσενας ἀσχέτῳ ὁρμῇ. ### book 1.490.4 ἔνθ’ οἱ μὲν σφετέρας ἐπὶ γαστέρας ἀλλήλοισι ### book 1.490.5 τριβόμενοι θορὸν ὑγρὸν ἀπορραίνουσιν ὄπισθεν, ### book 1.495.1 αἱ δ’ οἴστρῳ μεμαυῖαι ἐπαΐγδην στομάτεσσι ### book 1.495.2 κάπτουσιν· τοίῳ δὲ γάμῳ πλήθουσι γόνοιο. ### book 1.495.3 πλεῖστος μὲν νόμος οὗτος ἐν ἰχθύσιν· οἱ δὲ καὶ ### book 1.497.1 εὐνὰς ### book 1.497.2 καὶ θαλάμους ἀλόχους τε διακριδὸν ἀμφὶς ἔχουσι ### book 1.497.3 ζευξάμενοι· πολλὴ γὰρ ἐν ἰχθύσιν ἔστ’ Ἀφροδίτη ### book 1.1 Οἶστρός τε Ζῆλός τε, βαρὺς θεός, ὅσσα τε τίκτει ### book 1.2 θερμὸς Ἔρως, ὅτε λάβρον ἐνὶ φρεσὶ κῶμον ὀρίνει. ### book 1.3 πολλοὶ δ’ ἀλλήλοισι διασταδὸν εἵνεκεν εὐνῆς ### book 1.4 μάρνανται, μνηστῆρσιν ἐοικότες, οἳ περὶ νύμφην ### book 1.5 πολλοὶ ἀγειρόμενοι καὶ ὁμοίϊοι ἀντιφέρονται ### book 1.505.1 ὄλβῳ τ’ ἀγλαΐῃ τε· τὰ δ’ ἰχθύσιν οὐ παρέασιν, ### book 1.505.2 ἀλλ’ ἀλκὴ γένυές τε καὶ ἔνδοθι κάρχαρον ἕρκος, ### book 1.505.3 τοῖσιν ἀεθλεύουσι καὶ ἐς γάμον ὁπλίζονται· ### book 1.505.4 τοῖσι δ’ ὅ κεν προβάληται, ὁμοῦ γάμον εὕρατο νίκῃ. ### book 1.505.5 καὶ τοὶ μὲν πλεόνεσσιν ὁμευναίαις ἀλόχοισι ### book 1.510.1 τέρπονται, σάργων τε γένος καὶ κόσσυφος αἴθων· ### book 1.510.2 τοὶ δὲ μίαν στέργουσι καὶ ἀμφιέπουσιν ἄκοιτιν, ### book 1.1 κάνθαροι αἰτναῖοί τε, καὶ οὐ πλεόνεσσι γάνυνται. ### book 1.2 Ἀλλ’ οὐκ ἐγχελύεσσιν ὁμοίϊον οὔτε χελώναις ### book 1.3 οὔτ’ οὖν πουλυπόδεσσι γάμου τέλος οὔτε κελαινῇ ### book 1.515.1 μυραίνῃ, λεχέων δὲ παράτροπον αἶσαν ἔχουσιν· ### book 1.515.2 αἱ μὲν γὰρ σπειρηδὸν ἐν ἀλλήλῃσι χυθεῖσαι ### book 1.515.3 ἐγχέλυες δέμας ὑγρὸν ἀναστρωφῶσι θαμειαὶ ### book 1.515.4 πλεγνύμεναι, τάων δὲ κατείβεται εἴκελος ἀφρῷ ### book 1.515.5 ἰχώρ, ἐν ψαμάθοις τε καλύπτεται· ἡ δέ μιν ἰλὺς ### book 1.520.1 δεξαμένη κυέει τε καὶ ἐγχελύων τέκεν ὁλκούς. ### book 1.520.2 τοίη καὶ γόγγροισιν ὀλισθηροῖσι γενέθλη. ### book 1.520.3 Αἱ δὲ μέγα τρομέουσι καὶ ἐχθαίρουσι χελῶναι ### book 1.520.4 ὃν γάμον· οὐ γὰρ τῇσιν ἐφίμερος οἷα καὶ ἄλλοις ### book 1.520.5 τερπωλὴ λεχέων, πολὺ δὲ πλέον ἄλγος ἔχουσι· ### book 1.525.1 σκληρὸν γὰρ μάλα κέντρον ἐν ἄρσεσιν εἰς Ἀφροδίτην, ### book 1.525.2 ὀστέον οὐκ ἐπιεικτόν, ἀτερπέϊ θήγεται εὐνῇ. ### book 1.525.3 τοὔνεκα μάρνανταί τε παλιγνάμπτοισί τ’ ὀδοῦσιν ### book 1.525.4 ἀλλήλους δάπτουσιν, ὅτε σχεδὸν ἀντιάσωσιν, ### book 1.525.5 αἱ μὲν ἀλευόμεναι τρηχὺν γάμον, οἱ δ’ ἀεκουσῶν ### book 1.530.1 εὐνῆς ἱμείροντες ἑκούσιοι, εἰσόκεν ἀλκῇ ### book 1.530.2 νικήσας ζεύξῃ μιν ἀναγκαίῃ φιλότητι, ### book 1.530.3 ἠΰτε ληϊδίην, πολέμου γέρας. εἴκελα δ’ εὐνῆς ### book 1.530.4 ἔργα κυσὶ χθονίοισι καὶ εἰναλίῃσι χελώναις· ### book 1.530.5 εἴκελα καὶ φώκῃσιν· ἐπεὶ μάλα δηρὸν ἕκαστοι ### book 1.535.1 ἐξόπιθεν συνέχονται, ἀρηρότες ἠΰτε δεσμῷ. ### book 1.535.2 Πουλύποδος δ’ ὀλοοί τε γάμοι καὶ πικρὸς ὄλεθρος ### book 1.1 συμφέρεται, ξυνὸν δὲ τέλος θανάτοιο καὶ εὐνῆς· ### book 1.2 οὐ γὰρ πρὶν φιλότητος ἀπίσχεται οὐδ’ ἀπολήγει, ### book 1.3 πρίν μιν ἀπὸ μελέων προλίπῃ σθένος ἀδρανέοντα, ### book 1.540.1 αὐτὸς δ’ ἐν ψαμάθοισι πεσὼν ἀμενηνὸς ὄληται· ### book 1.540.2 πάντες γάρ μιν ἔδουσιν, ὅσοι σχεδὸν ἀντιάσωσι, ### book 1.540.3 καρκινάδες δειλαὶ καὶ καρκίνοι ἠδὲ καὶ ἄλλοι ### book 1.540.4 ἰχθύες, οὓς πάρος αὐτὸς ἐδαίνυτο ῥεῖα μεθέρπων· ### book 1.540.5 τοῖς ὑπὸ καὶ ζωός περ ἐὼν ἔτι κείμενος αὔτως, ### book 1.545.1 οὐδὲν ἀμυνόμενος, δαιτρεύεται, ὄφρα θάνῃσι. ### book 1.545.2 τοίῳ δυστερπεῖ φιλοτησίῳ ὄλλυτ’ ὀλέθρῳ. ### book 1.545.3 ὣς δ’ αὔτως καὶ θῆλυς ὑπ’ ὠδίνων μογέουσα ### book 1.545.4 ὄλλυται· οὐ γὰρ τῇσιν ἀποκριδὸν οἷα καὶ ἄλλοις ### book 1.545.5 ὠὰ διαθρώσκουσιν, ἀρηρότα δ’ ἀλλήλοισι ### book 1.1 βοτρυδὸν στεινοῖο μόγις διανίσσεται αὐλοῦ. ### book 1.2 τοὔνεκα καὶ λυκάβαντος ὑπέρτερον οὔποτε μέτρον ### book 1.3 πουλύποδες ζώουσιν· ἀποφθινύθουσι γὰρ αἰεὶ ### book 1.4 αἰνοτάτοισι γάμοισι καὶ αἰνοτάτοισι τόκοισιν. ### book 1.5 Ἀμφὶ δὲ μυραίνης φάτις ἔρχεται οὐκ ἀΐδηλος, ### book 1.555.1 ὥς μιν ὄφις γαμέει τε καὶ ἐξ ἁλὸς ἔρχεται αὐτὴ ### book 1.555.2 πρόφρων, ἱμείρουσα παρ’ ἱμείροντα γάμοιο. ### book 1.555.3 ἤτοι ὁ μὲν φλογέῃ τεθοωμένος ἔνδοθι λύσσῃ ### book 1.555.4 μαίνεται εἰς φιλότητα καὶ ἐγγύθι σύρεται ἀκτῆς ### book 1.555.5 πικρὸς ἔχις· τάχα δὲ γλαφυρὴν ἐσκέψατο πέτρην, ### book 1.560.1 τῇ δ’ ἔνι λοίγιον ἰὸν ἀπήμεσε, πάντα δ’ ὀδόντων ### book 1.560.2 ἔπτυσε πευκεδανόν, ζαμενῆ χόλον, ὄλβον ὀλέθρου, ### book 1.560.3 ὄφρα γάμῳ πρηΰς τε καὶ εὔδιος ἀντιάσειε. ### book 1.560.4 στὰς δ’ ἄρ’ ἐπὶ ῥηγμῖνος ἑὸν νόμον ἐρροίζησε ### book 1.560.5 κικλήσκων φιλότητα· θοῶς δ’ ἐσάκουσε κελαινὴ ### book 1.565.1 ἰϋγὴν μύραινα καὶ ἔσσυτο θᾶσσον ὀϊστοῦ. ### book 1.565.2 ἡ μὲν ἄρ’ ἐκ πόντοιο τιταίνεται, αὐτὰρ ὁ πόντου ### book 1.565.3 ἐκ γαίης πολιοῖσιν ἐπεμβαίνει ῥοθίοισιν· ### book 1.565.4 ἄμφω δ’ ἀλλήλοισιν ὁμιλῆσαι μεμαῶτε ### book 1.565.5 συμπεσέτην, ἔχιος δὲ κάρη κατέδεκτο χανοῦσα ### book 1.570.1 νύμφη φυσιόωσα· γάμῳ δ’ ἐπιγηθήσαντες ### book 1.570.2 ἡ μὲν ἁλὸς πάλιν εἶσι μετ’ ἤθεα, τὸν δ’ ἐπὶ χέρσον ### book 1.570.3 ὁλκὸς ἄγει, κρυερὸν δὲ πάλιν μεταχεύεται ἰὸν ### book 1.570.4 λάπτων, ὃν πάρος ἧκε καὶ ἐξήφυσσεν ὀδόντων. ### book 1.570.5 ἢν δ’ ἄρα μή τι κίχῃ κεῖνον χόλον, ὅνπερ ὁδίτης, ### book 1.575.1 ἀτρεκέως ἐσιδών μιν, ἀπέκλυσεν ὕδατι λάβρῳ, ### book 1.575.2 αὐτὰρ ὅ γ’ ἀσχαλόων ῥίπτει δέμας, εἰσόκε μοῖραν ### book 1.575.3 λευγαλέοιο λάβῃσιν ἀνωΐστου θανάτοιο, ### book 1.575.4 αἰδόμενος, ὅτ’ ἄναλκις ὅπλων γένεθ’ οἷς ἐπεποίθει, ### book 1.575.5 ἔμμεν’ ὄφις, πέτρῃ δὲ συνώλεσε καὶ δέμας ἰῷ. ### book 1.580.1 Δελφῖνες δ’ ἄνδρεσσιν ὁμῶς γάμον ἐντύνονται ### book 1.580.2 μήδεά τ’ ἀνδρομέοισι πανείκελα καρτύνονται· ### book 1.580.3 οὐδ’ αἰεὶ προφανὴς πόρος ἄρσενος, ἀλλά οἱ εἴσω ### book 1.580.4 κέκρυπται, λεχέων δὲ κατὰ χρέος ἕλκεται ἔξω. ### book 1.580.5 Τοῖαι μὲν φιλότητες ἐν ἰχθύσιν ἠδὲ καὶ εὐναί. ### book 1.585.1 ἄλλος δ’ ἀλλοίῃ λεχέων ἱμείρεται ὥρῃ, ### book 1.585.2 καὶ γενεὴν προφέρει· τοῖς μὲν θέρος, οἷσι δὲ χεῖμα, ### book 1.585.3 τοῖς δ’ ἔαρ ἢ φθινύθουσα τόκον προὔφηνεν ὀπώρη. ### book 1.1 καὶ τοὶ μὲν λυκάβαντι μίαν μογέουσι γενέθλην ### book 1.2 οἱ πλεῖστοι, λάβραξ δὲ δὶς ἄχθεται Εἰλειθυίαις· ### book 1.590.1 τρίγλαι δὲ τριγόνοισιν ἐπώνυμοί εἰσι γονῇσι· ### book 1.590.2 σκορπίος αὖ τετόρεσσι φέρει βέλος ὠδίνεσσι· ### book 1.590.3 πέντε δὲ κυπρίνοισι γοναὶ μούνοισιν ἔασιν· ### book 1.590.4 οἴου δ’ οὔποτέ φασι γένος φράσσασθαι ὀνίσκου, ### book 1.590.5 ἀλλ’ ἔτι τοῦτ’ ἀΐδηλον ἐν ἀνθρώποισι τέτυκται. ### book 1.595.1 Εὖτ’ ἂν δ’ εἰαρινοῖο περιπλήθωσι γόνοιο ### book 1.595.2 ἰχθύες ὠοτόκοι, τοὶ μὲν κατὰ χῶρον ἕκαστοι ### book 1.595.3 εὔκηλοι μίμνουσιν ἐνὶ σφετέροισι δόμοισι· ### book 1.595.4 πολλοὶ δ’ ἀγρόμενοι ξυνὴν ὁδὸν ὁρμώωνται ### book 1.595.5 Εὔξεινον μετὰ πόντον, ἵν’ αὐτόθι τέκνα τέκωνται. ### book 1.1 κεῖνος γὰρ πάσης γλυκερώτερος Ἀμφιτρίτης ### book 1.2 κόλπος, ἀπειρεσίοισι καὶ εὐΰδροις ποταμοῖσιν ### book 1.3 ἀρδόμενος, μαλακαὶ δὲ πολυψάμαθοί τ’ ἐπιωγαί· ### book 1.4 ἐν δέ οἱ εὐφυέες τε νομαὶ καὶ ἀκύμονες ἀκταὶ ### book 1.5 πέτραι τε γλαφυραὶ καὶ χηραμοὶ ἰλυόεντες ### book 1.605.1 ἄκραι τε σκιεραὶ καὶ ὅς’ ἰχθύσι φίλτατ’ ἔασιν· ### book 1.605.2 ἐν δέ οἱ οὔτε τι κῆτος ἀνάρσιον οὔτε τι πῆμα ### book 1.605.3 ἐντρέφεται νεπόδεσσιν ὀλέθριον οὐδὲ μὲν ὅσσοι ### book 1.1 δυσμενέες γεγάασιν ἐπ’ ἰχθύσι βαιοτέροισιν ### book 1.2 ὁλκοὶ πουλυπόδων οὐδ’ ἀστακοὶ οὐδὲ πάγουροι· ### book 1.610.1 παῦροι μὲν δελφῖνες, ἀκιδνότεροι δὲ καὶ αὐτοὶ ### book 1.610.2 κητείης γενεῆς καὶ ἀκήδεες ἐννεμέθονται. ### book 1.610.3 τοὔνεκεν ἰχθύσι κεῖνο πέλει κεχαρισμένον ὕδωρ ### book 1.610.4 ἐκπάγλως καὶ πολλὸν ἐπισπεύδουσι νέεσθαι. ### book 1.610.5 στέλλονται δ’ ἅμα πάντες ὁμιλαδόν, ἄλλοθεν ἄλλος ### book 1.615.1 εἰς ἓν ἀγειρόμενοι, μία δέ σφισι πᾶσι κέλευθος ### book 1.615.2 πομπή τε ῥιπή τε καὶ αὖ παλινόστιμος ὁρμή. ### book 1.615.3 Θρηΐκιον δ’ ἀνύουσι Βοὸς Πόρον αἰολόφυλοι ### book 1.615.4 ἑσμοὶ Βεβρυκίην τε παρὲξ ἅλα καὶ στόμα Πόντου ### book 1.615.5 στεινὸν ἀμειβόμενοι δολιχὸν δρόμον Ἀμφιτρίτης. ### book 1.620.1 ὡς δ’ ὅτ’ ἀπ’ Αἰθιόπων τε καὶ Αἰγύπτοιο ῥοάων ### book 1.620.2 ὑψιπετὴς γεράνων χορὸς ἔρχεται ἠεροφώνων, ### book 1.1 Ἄτλαντος νιφόεντα πάγον καὶ χεῖμα φυγοῦσαι ### book 1.2 Πυγμαίων τ’ ὀλιγοδρανέων ἀμενηνὰ γένεθλα· ### book 1.3 τῇσι δ’ ἄρ’ ἱπταμένῃσι κατὰ στίχας εὐρέες ἑσμοὶ ### book 1.625.1 ἠέρα τε σκιάουσι καὶ ἄλλυτον ὄγμον ἔχουσιν· ### book 1.625.2 ὣς τότε μυριόφυλοι ἁλὸς τέμνουσι φάλαγγες ### book 1.625.3 Εὔξεινον μέγα κῦμα· περιπλήθει δὲ θάλασσα ### book 1.625.4 πυκνὸν ὑποφρίσσουσα λατυσσομένη πτερύγεσσιν, ### book 1.625.5 εἰσόκ’ ἐπειγόμενοι δολιχὸν στόλον ἀμπαύσωσι ### book 1.630.1 καὶ τόκον. ἀλλ’ ὅτε μέτρα παραστείχῃσιν ὀπώρης, ### book 1.630.2 νόστου μιμνήσκονται, ἐπεὶ κρυερώτερον ἄλλων ### book 1.630.3 χεῖμα κατασπέρχει κείνην ἅλα δινήεσσαν· ### book 1.630.4 οὐ γὰρ τηλεβαθής, ῥέα δὲ στυφελίζετ’ ἀήταις, ### book 1.630.5 οἵ μιν ἐπιρρήσσουσιν ὑπερφίαλοί τ’ ὀλοοί τε. ### book 1.635.1 τοὔνεκ’ ἀλυσκάζοντες Ἀμαζονίης ἀπὸ λίμνης ### book 1.635.2 αὖτις ὁμοῦ τεκέεσσιν ὑποτροπάδην φορέονται, ### book 1.635.3 κίδνανται δ’ ἀνὰ πόντον, ὅπῃ θρέψονται ἕκαστοι. ### book 1.1 Ἀλλ’ ὅσα μὲν μαλάκεια φατίζεται, οἷσί τ’ ἀναίμων ### book 1.2 ἐστὶ φυὴ μελέων καὶ ἀνόστεος, ὅσσα τε φῦλα ### book 1.640.1 ἢ λεπίσιν πυκινῇσι καλύπτεται, ἢ φολίδεσσι ### book 1.640.2 φρακτά, τὰ δ’ ὠοφόροισιν ὁμῶς ὠδῖσι μέλονται· ### book 1.640.3 ἐκ δὲ κυνὸς λάβροιο καὶ αἰετοῦ ὅσσα τε φῦλα ### book 1.640.4 κλῄζονται σελάχεια καὶ ἰχθυνόμων βασιλήων ### book 1.640.5 δελφίνων φώκης τε βοώπιδος αὐτίκα παῖδες ### book 1.645.1 ἐκ γενετῆς ἀνέχουσιν ἐοικότες οἷσι τοκεῦσιν. ### book 1.645.2 Οἱ δ’ ἦ τοι πάντες μέν, ὅσοι ναίουσι θάλασσαν ### book 1.645.3 ζωοτόκοι, φιλέουσι καὶ ἀμφιέπουσι γενέθλην, ### book 1.645.4 δελφίνων δ’ οὔπω τι θεώτερον ἄλλο τέτυκται· ### book 1 ὡς ἐτεὸν καὶ φῶτες ἔσαν πάρος ἠδὲ πόληας ### book 1.1 ναῖον ὁμοῦ μερόπεσσι, Διωνύσοιο δὲ βουλῇ ### book 1.2 πόντον ὑπημείψαντο καὶ ἰχθύας ἀμφεβάλοντο ### book 1.3 γυίοις· ἀλλ’ ἄρα θυμὸς ἐναίσιμος εἰσέτι φωτῶν ### book 1.4 ῥύεται ἀνδρομέην ἠμὲν φρόνιν ἠδὲ καὶ ἔργα. ### book 1.5 εὖτε γὰρ ὠδίνων δίδυμον γένος ἐς φάος ἔλθῃ, ### book 1.655.1 αὐτίχ’ ὁμοῦ τ’ ἐγένοντο περὶ σφετέρην τε τεκοῦσαν ### book 1.655.2 νηχόμενοι σκαίρουσι καὶ ἐνδύνουσιν ὀδόντων ### book 1.655.3 εἴσω καὶ μητρῷον ὑπὸ στόμα δηθύνουσιν· ### book 1.655.4 ἡ δὲ φιλοφροσύνῃσιν ἀνίσχεται ἀμφί τε παισὶ ### book 1.655.5 στρωφᾶται γανόωσα καὶ ἔξοχα καγχαλόωσα. ### book 1.660.1 μαζὸν δ’ ἀμφοτέροισι παρίσχεται, οἶον ἑκάστῳ, ### book 1.660.2 θήσασθαι γάλα λαρόν· ἐπεί ῥά οἱ ὤπασε δαίμων ### book 1.660.3 καὶ γάλα καὶ μαζῶν ἰκέλην φύσιν οἷα γυναικῶν. ### book 1.660.4 τόφρα μὲν οὖν τοίῃσι τιθηνείῃσι μέμηλεν· ### book 1.660.5 ἀλλ’ ὅτε κουρίζωσιν ἑὸν σθένος, αὐτίκα τοῖσι ### book 1.665.1 μήτηρ ἡγήτειρα κατέρχεται εἰς ὁδὸν ἄγρης ### book 1.665.2 ἱεμένοις θήρην τε διδάσκεται ἰχθυόεσσαν, ### book 1.665.3 οὐδὲ πάρος τεκέων ἑκὰς ἵσταται οὐδ’ ἀπολείπει, ### book 1.665.4 πρίν γ’ ὅταν ἡβήσωσι τελεσφόρα γυῖα καὶ ἀλκήν, ### book 1.665.5 ἀλλ’ αἰεὶ ῥυτῆρες ἐπίσκοποι ἐγγὺς ἕπονται. ### book 1.670.1 οἷον δὴ τότε θαῦμα μετὰ φρεσὶ θηήσαιο ### book 1.670.2 τερπωλήν τ’ ἐρόεσσαν, ὅτε πλώων ἐσίδηαι ### book 1.670.3 αὔρῃ ἐν εὐκραεῖ δεδοκημένος ἠὲ γαλήνῃ ### book 1.670.4 δελφίνων ἀγέλας εὐειδέας, ἵμερον ἅλμης· ### book 1 οἱ μὲν γὰρ προπάροιθεν ἀολλέες ἠΰτε κοῦροι ### book 1.675.1 ἠΐθεοι στείχουσι, νέον γένος, ὥστε χοροῖο ### book 1.675.2 κύκλον ἀμειβόμενοι πολυειδέα ποικιλοδίνην· ### book 1.675.3 τοὶ δ’ ὄπιθεν μεγάλοι τε καὶ ἔξοχοι οὐδ’ ἀπάτερθεν ### book 1.675.4 ἔρχονται τεκέων, φρουρὸς στρατός, ὥσθ’ ἁπαλοῖσι ### book 1.675.5 φερβομένοις ἕσπονται ἐν εἴαρι ποιμένες ἀμνοῖς. ### book 1.680.1 ὡς δ’ ὅτε μουσοπόλων ἔργων ἄπο παῖδες ἴωσιν ### book 1.680.2 ἀθρόοι, οἱ δ’ ἄρ’ ὄπισθεν ἐπίσκοποι ἐγγὺς ἕπονται ### book 1.680.3 αἰδοῦς τε πραπίδων τε νόου τ’ ἐπιτιμητῆρες ### book 1.680.4 πρεσβύτεροι· γῆρας γὰρ ἐναίσιμον ἄνδρα τίθησιν· ### book 1.680.5 ὣς ἄρα καὶ δελφῖνες ἑοῖς παίδεσσι τοκῆες ### book 1.685.1 ἕσπονται, μή τί σφιν ἀνάρσιον ἀντιβολήσῃ. ### book 1.685.2 Ναὶ μὴν καὶ φώκη κομέει γένος οὔτι χέρειον· ### book 1.685.3 καὶ γὰρ τῇ μαζοί τε καὶ ἐν μαζοῖσι γάλακτος ### book 1.685.4 εἰσὶ ῥοαί· τῇ δ’ οὔτι μετ’ οἴδμασιν ἀλλ’ ἐπὶ χέρσου ### book 1.685.5 λύετ’ ἀνερχομένῃ γαστρὸς μόγος, ὥριος ὠδίς· ### book 1.690.1 μίμνει δ’ ἤματα πάντα δυώδεκα σὺν τεκέεσσιν ### book 1.690.2 αὐτοῦ ἐνὶ τραφερῇ· τρισκαιδεκάτῃ δὲ σὺν ἠοῖ ### book 1.690.3 σκύμνους ἀγκὰς ἔχουσα νεαλδέας εἰς ἅλα δύνει, ### book 1.690.4 παισὶν ἀγαλλομένη, πάτρην ἅτε σημαίνουσα. ### book 1.690.5 ὡς δὲ γυνὴ ξείνης γαίης ἔπι παῖδα τεκοῦσα ### book 1.695.1 ἀσπασίως πάτρην τε καὶ ὃν δόμον εἰσαφικάνει, ### book 1.695.2 παῖδα δ’ ἐν ἀγκοίνῃσι πανηματίη φορέουσα, ### book 1.695.3 δώματα δεικνυμένη, μητρὸς νομόν, ἀμφαγαπάζει, ### book 1.695.4 τερπωλὴν ἀκόρεστον· ὁ δ’ οὐ φρονέων περ ἕκαστα ### book 1.695.5 παπταίνει, μέγαρόν τε καὶ ἤθεα πάντα τοκήων· ### book 1.1 ὣς ἄρα καὶ κείνη σφέτερον γένος εἰναλίη θὴρ ### book 1.2 ἐς πόντον προφέρει καὶ δείκνυται ἔργα θαλάσσης. ### book 1.3 Δαίμονες, οὐκ ἄρα μοῦνον ἐν ἀνδράσι τέκνα ### book 1.702.1 πέλονται ### book 1.702.2 φίλτατα, καὶ φάεος γλυκερώτερα καὶ βιότοιο, ### book 1.702.3 ἀλλὰ καὶ οἰωνοῖσιν ἀμειλίκτοισί τε θηρσὶν ### book 1.705.1 ἰχθύσι τ’ ὠμηστῇσιν ἀμήχανος αὐτοδίδακτος ### book 1.705.2 ἐντρέφεται τεκέων δριμὺς πόθος· ἀμφὶ δὲ παισὶ ### book 1.705.3 καὶ θανέειν καὶ πᾶσαν ὀϊζυρὴν κακότητα ### book 1.705.4 πρόφρονες, οὐκ ἀέκοντες, ἀναπλῆσαι μεμάασιν. ### book 1.705.5 ἤδη τις κατ’ ὄρεσφιν ἐριβρύχην ἐνόησε ### book 1.710.1 θηρητὴρ τεκέεσσιν ὑπερβεβαῶτα λέοντα, ### book 1.710.2 μαρνάμενον σφετέρης γενεῆς ὕπερ· οὐδ’ ὅ γε πυκνῆς ### book 1.710.3 χερμάδος ἱπταμένης οὐδ’ αἰγανέης ἀλεγίζει, ### book 1.710.4 ἀλλ’ αὔτως ἄτρεστον ἔχει θάρσος τε μένος τε, ### book 1.710.5 βαλλόμενος καὶ ἐρεικόμενος πάσῃσι βολῇσιν· ### book 1.715.1 οὐδ’ ὅ γε πρὶν θανέειν ἀναδύεται, ἀλλ’ ἐπὶ παισὶν ### book 1.715.2 ἡμιθανὴς προβέβηκε, μέλει δέ οἱ οὔτι μόροιο ### book 1.715.3 τόσσον, ὅσον μὴ παῖδας ὑπ’ ἀγρευτῆρσιν ἰδέσθαι ### book 1.715.4 ἑρχθέντας θήρειον ὑπ’ αὐτοκμῆτα καλιήν. ### book 1.715.5 ἤδη δ’ ἀρτιτόκοιο κυνὸς σκυλακοτρόφῳ εὐνῇ ### book 1.720.1 ποιμὴν ἐγχρίμψας, εἰ καὶ πάρος ἦεν ἑταῖρος, ### book 1.720.2 χάσσατο, ταρβήσας μητρὸς χόλον ὑλακόεντα, ### book 1.720.3 οἷον ὑπὲρ τεκέων προφυλάσσεται, οὐδέ τιν’ αἰδῶ ### book 1.720.4 γιγνώσκει, πᾶσιν δὲ πέλει κρυόεσσα πελάσσαι. ### book 1.720.5 οἷον δ’ ἑλκομένας περὶ πόρτιας ἀσχαλόωσαι ### book 1.725.1 μητέρες οὐκ ἀπάτερθε γυναικείων στενάχουσι ### book 1.725.2 κωκυτῶν, αὐτοὺς δὲ συναλγύνουσι νομῆας. ### book 1.725.3 καὶ μέν τις φήνης ἀδινὸν γόον ἔκλυεν ἀνὴρ ### book 1.1 ὄρθριον ἀμφὶ τέκεσς’, ἢ ἀηδόνος αἰολοφώνου, ### book 1.2 ἠὲ καὶ εἰαρινῇσι χελιδόσιν ἐγγὺς ἔκυρσε ### book 1.730.1 μυρομέναις ἑὰ τέκνα, τά τε σφίσι ληΐσσαντο ### book 1.730.2 ἐξ εὐνῆς ἢ φῶτες ἀπηνέες ἠὲ δράκοντες. ### book 1.730.3 ἰχθύσι δ’ αὖ δελφὶς μὲν ἀριστεύει φιλότητι ### book 1.730.4 παίδων, ὣς δὲ καὶ ἄλλοι ἑὸν γένος ἀμφιέπουσι. ### book 1.730.5 Θαῦμα δ’ ἁλιπλάγκτοιο κυνὸς τόδε· τῇ γὰρ ἕπονται ### book 1.735.1 τέκνα νεοβλαστῆ καί σφιν σάκος ἔπλετο μήτηρ· ### book 1.735.2 ἀλλ’ ὅτε ταρβήσωσι τά τ’ ἄσπετα δείματ’ ἔασιν ### book 1.735.3 ἐν πόντῳ, τότε παῖδας ἔσω λαγόνεσσιν ἔδεκτο ### book 1.735.4 αὐτὴν εἰσίθμην, αὐτὴν ὁδόν, ἔνθεν ὄλισθον ### book 1.735.5 γεινόμενοι· τοῖον δὲ πόνον μογέουσά περ ἔμπης ### book 1.740.1 ἀσπασίως τέτληκε, πάλιν δ’ ὑπεχεύατο παῖδας ### book 1.740.2 σπλάγχνοις, ἂψ δ’ ἀνέηκεν, ὅτ’ ἀμπνεύσωσι φόβοιο. ### book 1.740.3 Τοίην καὶ ῥίνη τεκέων πορσύνεται ἀλκήν, ### book 1.740.4 ἀλλ’ οὐκ εἰς νηδὺν κείνῃ δύσις, οἷα κύνεσσιν, ### book 1.740.5 ἀλλά οἱ ἐν πλευρῇσι διασφάγες ἀμφοτέρωθεν ### book 1.745.1 εἰσὶν ὑπὸ πτερύγων, οἵη γένυς ἰχθύσιν ἄλλοις, ### book 1.745.2 τῇσιν ἀτυζομένων τέκνων φόβον ἀμφικαλύπτει. ### book 1.745.3 Ἄλλοι δ’ αὖθ’ ἑὰ τέκνα διὰ στόμα ταρβήσαντα ### book 1.745.4 δεξάμενοι ῥύονται ἅτ’ ἐς δόμον ἠὲ καλιήν· ### book 1.745.5 οἷον δὴ καὶ γλαῦκος, ὃς ἔξοχα τέκν’ ἀγαπάζει ### book 1 πάντων, ὅσσοι ἔασιν ἐν ἰχθύσιν ὠοτοκῆες· ### book 1.1 κεῖνος γὰρ μίμνει τε παρήμενος, ὄφρα γένωνται ### book 1.2 παῖδες ὑπωάδιοι, καί σφιν παρανήχεται αἰεί· ### book 1.3 τοὺς δ’ ὅτε κεν τρομέοντας ἴδῃ κρατερώτερον ἰχθύν, ### book 1.4 ἀμφιχανὼν κατέδεκτο διὰ στόμα, μέσφα κε δεῖμα ### book 1.755.1 χάσσηται, τότε δ’ αὖτις ἀνέπτυσε λευκανίηθεν. ### book 1.755.2 Θύννης δ’ οὔτιν’ ἔγωγ’ ἀθεμίστερον ἔλπομαι ἰχθὺν ### book 1.755.3 οὐδὲ κακοφροσύνῃ προβεβηκότα ναιέμεν ἅλμην· ### book 1.755.4 ὠὰ γὰρ εὖτε τέκῃσι, φύγῃ δ’ ὠδῖνα βαρεῖαν, ### book 1.755.5 αὐτὴ γειναμένη καταδαίνυται ὅσσα κίχῃσι, ### book 1.760.1 νηλής, ἥ θ’ ἑὰ τέκνα φυγῆς ἔτι νηΐδ’ ἐόντα ### book 1.760.2 ἐσθίει, οὐδέ μιν οἶκτος ἐσέρχεται οἷο τόκοιο. ### book 1.760.3 Ἔστι δ’ ὅς’ οὔτε γάμοισι φυτεύεται οὔτε γονῇσι ### book 1.760.4 τίκτεται, αὐτοτέλεστα καὶ αὐτόρρεκτα γένεθλα, ### book 1.760.5 ὄστρεα δὴ σύμπαντα, τά γ’ ἰλύϊ τίκτεται αὐτῇ· ### book 1.765.1 κείνων δ’ οὔτε τι θῆλυ πέλει γένος, οὔτ’ ἐπ’ ἀμοιβῆς ### book 1.765.2 ἄρσενες, ἀλλ’ ὁμόφυλα καὶ εἴκελα πάντα τέτυκται. ### book 1.765.3 Ὣς δὲ καὶ ἠπεδανῆς ἀφύης ὀλιγηπελὲς ἔθνος ### book 1.765.4 οὔτινος ἐκγεγάασιν ἀφ’ αἵματος οὐδὲ τοκήων· ### book 1.765.5 εὖτε γὰρ ἐκ νεφέων Ζηνὸς νόος ὄμβρον ἀφύξῃ ### book 1.770.1 λάβρον ὑπὲρ πόντοιο καὶ ἄσχετον, αὐτίκα πᾶσα ### book 1.770.2 μισγομένη δίνῃσι παλιμπνοίῃσι θάλασσα ### book 1.1 σίζει τ’ ἀφριάᾳ τε καὶ ἵσταται οἰδαίνουσα, ### book 1.2 αἱ δ’ ἐν ἀτεκμάρτοισι καὶ ἀσκέπτοισι γάμοισιν ### book 1.3 ἀθρόαι ἔκ τ’ ἐγένοντο καὶ ἔτραφον ἔκ τ’ ἐφάνησαν ### book 1.775.1 μυρίαι, ἀβληχραί, πολιὸν γένος· ἐκ δὲ γενέθλης ### book 1.775.2 οὔνομ’ ἐπικλήδην ἀφρίτιδες αὐδώωνται. ### book 1.775.3 ἄλλαι δ’ ἰλυόεντος ὑπὲκ φλοίσβοιο φύονται· ### book 1.775.4 εὖτε γὰρ ἐν δίνῃσι παλιρροίῃς τε θαλάσσης ### book 1.775.5 βράσσηται πάμφυρτος ἀφυσγετὸς ἐξ ἀνέμοιο ### book 1.780.1 σπερχομένου, τότε πᾶσα συνίσταται εἰς ἓν ἰοῦσα ### book 1.780.2 ἰλὺς εὐρώεσσα, γαληναίης δὲ ταθείσης ### book 1.780.3 ἐξαυτῆς ψάμαθός τε καὶ ἄσπετα φύρματα πόντου ### book 1.780.4 πύθεται, ἐκ δὲ φύονται ἀθέσφατοι, εἴκελοι εὐλαῖς. ### book 1.780.5 οὐ μέν πού τι τέτυκται ἀκιδνότερον γένος ἄλλο ### book 1.785.1 δειλαίης ἀφύης· νεπόδεσσι δὲ πᾶσιν ἔασι ### book 1.785.2 δαῖς ἀγαθή· κεῖναι δὲ δέμας περιλιχμάζουσιν ### book 1.785.3 ἀλλήλων· τό γε δέ σφι βορὴ βίοτός τε τέτυκται· ### book 1.785.4 κεῖναι δ’ εὖτε θάλασσαν ἀολλήδην ἐφέπωσιν, ### book 1.785.5 ἠέ νύ που πέτρην ἀμφίσκιον ἠὲ θαλάσσης ### book 1.790.1 διζόμεναι κευθμῶνας ὑποβρυχίην τ’ ἀλεωρήν, ### book 1.790.2 πᾶσα τότε γλαυκὴ λευκαίνεται Ἀμφιτρίτη. ### book 1.790.3 ὡς δ’ ὁπότ’ εὐρύπεδον σκιάσῃ νιφάδεσσιν ἀλωὴν ### book 1.790.4 ἑσπερίου Ζεφύροιο θοὸν μένος, οὐδέ τι γαίης ### book 1.790.5 κυανέης ἰδέειν ὑποφαίνεται, ἀλλ’ ἄρα πᾶσα ### book 1.795.1 ἀργεννὴ χιόνεσσιν ἐπασσυτέραις κεκάλυπται· ### book 1.795.2 ὣς τότ’ ἀπειρεσίῃσι περιπληθὴς ἀγέλῃσι ### book 1 φαίνεται ἀργινόεσσα Ποσειδάωνος ἀλωή. ### book 2.1 Ὧδε μὲν ἰχθύβοτοί τε νομαὶ καὶ φῦλα θαλάσσης ### book 2.2 πλάζονται· τοιῷδε γάμῳ, τοιῇδε γενέθλῃ ### book 2.3 τέρπονται· τὰ δέ πού τις ἐπιχθονίοισιν ἅπαντα ### book 2.4 ἀθανάτων σήμηνε· τί γὰρ μερόπεσσιν ἀνυστὸν ### book 2.5.1 νόσφι θεῶν; οὐδ’ ὅσσον ὑπὲκ ποδὸς ἴχνος ἀεῖραι, ### book 2.5.2 οὐδ’ ὅσον ἀμπετάσαι βλεφάρων περιφαέα κύκλα· ### book 2.5.3 ἀλλ’ αὐτοὶ κρατέουσι καὶ ἰθύνουσιν ἕκαστα, ### book 2.5.4 τηλόθεν ἐγγὺς ἐόντες· ἀναγκαίη δ’ ἀτίνακτος ### book 2.5.5 πείθεσθαι· τὴν δ’ οὔτι πέλει σθένος οὐδέ τις ἀλκὴ ### book 2.10.1 τρηχείαις γενύεσσιν ὑπερφιάλως ἐρύσαντα ### book 2.10.2 ἐκφυγέειν, ἅτε πῶλον ἀποπτυστῆρα χαλινῶν· ### book 2.10.3 ἀλλ’ αἰεὶ μάκαρες πανυπέρτατοι ἡνία πάντη ### book 2.10.4 κλίνους’, ᾗ κ’ ἐθέλωσιν, ὁ δ’ ἕσπεται ὅστε σαόφρων, ### book 2.10.5 πρὶν χαλεπῇ μάστιγι καὶ οὐκ ἐθέλων ἐλάηται. ### book 2.15.1 κεῖνοι καὶ τέχνας πολυκερδέας ἀνθρώποισιν ### book 2.15.2 δῶκαν ἔχειν καὶ πᾶσαν ἐπιφροσύνην ἐνέηκαν. ### book 2.15.3 ἄλλος δ’ ἀλλοίοισιν ἐπώνυμος ἔπλετο δαίμων ### book 2.15.4 ἔργοις, οἷσιν ἕκαστος ἐπίσκοπον ἤρατο τιμήν. ### book 2 Δηὼ μὲν ζεύγλης τε βοῶν ἀρότοιό τε γαίης ### book 2.20.1 πυρῶν τ’ εὐκάρποιο φέρει γέρας ἀμητοῖο. ### book 2.20.2 δοῦρα δὲ τεκτήνασθαι ἀναστῆσαί τε μέλαθρα, ### book 2.20.3 φάρεά τ’ ἀσκῆσαι μήλων εὐανθέϊ καρπῷ ### book 2.20.4 Παλλὰς ἐπιχθονίους ἐδιδάξατο· δῶρα δ’ Ἄρηος ### book 2.20.5 φάσγανα χάλκειοί τε περὶ μελέεσσι χιτῶνες ### book 2.25.1 καὶ κόρυθες καὶ δοῦρα καὶ οἷς ἐπιτέρπετ’ Ἐνυώ. ### book 2.25.2 δῶρα δὲ Μουσάων τε καὶ Ἀπόλλωνος ἀοιδαί. ### book 2.25.3 Ἑρμείης δ’ ἀγορήν τε καὶ ἀλκήεντας ἀέθλους ### book 2.25.4 ὤπασεν. Ἡφαίστῳ δὲ μέλει ῥαιστήριος ἱδρώς. ### book 2.25.5 καὶ τάδε τις πόντοιο νοήματα καὶ τέλος ἄγρης ### book 2.30.1 πληθύν θ’ ὑγροπόρων θεὸς ὤπασε τεκμήρασθαι ### book 2.30.2 ἀνδράσιν, ὃς καὶ πρῶτα μεσορραγέας κενεῶνας ### book 2.30.3 γαίης ἀγρομένοισιν ἐνιπλήσας ποταμοῖσι ### book 2.30.4 πευκεδανὴν ἀνέχευε καὶ ἐξέστεψε θάλασσαν, ### book 2.30.5 ὀφρύσι καὶ ῥηγμῖσι περίδρομον ἀμφιπεδήσας, ### book 2.35.1 εἴτε μιν εὐρυμέδοντα Ποσειδάωνα καλέσσαι, ### book 2.35.2 εἴτ’ ἄρα καὶ Νηρῆα παλαίφατον, εἴτ’ ἄρα Φόρκυν ### book 2.35.3 βέλτερον, εἴτε τιν’ ἄλλον ἁλὸς θεὸν ἰθυντῆρα. ### book 2.35.4 ἀλλ’ οἱ μὲν μάλα πάντες, ὅσοι τ’ Οὔλυμπον ἔχουσι ### book 2.35.5 δαίμονες οἵ τε θάλασσαν ὅσοι τ’ ἐΰδωρον ἄρουραν ### book 2.40.1 ἠέρα τ’ ἐνναίουσι, πανίλαον ἦτορ ἔχοιεν ### book 2.40.2 σοί τε, μάκαρ σκηπτοῦχε, καὶ ἀγλαόπαιδι γενέθλῃ ### book 2.40.3 καὶ λαοῖς σύμπασι καὶ ἡμετέρῃσιν ἀοιδαῖς. ### book 2.40.4 Ἰχθύσι δ’ οὔτε δίκη μεταρίθμιος οὔτε τις αἰδώς, ### book 2.40.5 οὐ φιλότης· πάντες γὰρ ἀνάρσιοι ἀλλήλοισι ### book 2.45 δυσμενέες πλώουσιν· ὁ δὲ κρατερώτερος αἰεὶ ### book 2.1 δαίνυτ’ ἀφαυροτέρους, ἄλλῳ δ’ ἐπινήχεται ἄλλος ### book 2.2 πότμον ἄγων, ἕτερος δ’ ἑτέρῳ πόρσυνεν ἐδωδήν. ### book 2.3 οἱ μὲν γὰρ γενύεσσι καὶ ἠνορέῃ βιόωνται ### book 2.4 χειροτέρους· τοῖς δ’ ἰὸν ἔχει στόμα· τοῖσι δ’ ἄκανθαι ### book 2.1 τύμμασι λευγαλέοισιν ἀμυνέμεναι πεφύασι, ### book 2.2 πικραί τ’ ὀξεῖαί τε χόλου πυρόεντος ἀκωκαί. ### book 2.3 ὅσσοις δ’ οὔτε βίην θεὸς ὤπασεν οὔτε τι κέντρον ### book 2.4 θήγεται ἐκ μελέων, τοῖς δ’ ἐκ φρενὸς ὅπλον ἔφυσε ### book 2.5 βουλὴν κερδαλέην, πολυμήχανον, οἵ τε δόλοισι ### book 2.55.1 πολλάκι καὶ κρατερὸν καὶ ὑπέρτερον ὤλεσαν ἰχθύν. ### book 2.55.2 Οἷον καὶ νάρκῃ τερενόχροϊ φάρμακον ἀλκῆς ### book 2.55.3 ἕσπεται αὐτοδίδακτον ἐν οἰκείοισι μέλεσσιν. ### book 2.55.4 ἡ μὲν γὰρ μαλακή τε δέμας καὶ πᾶς’ ἀμενηνὴ ### book 2.55.5 νωθής τε βραδυτῆτι βαρύνεται, οὐδέ κε φαίης ### book 2.60.1 νηχομένην ὁράαν· μάλα γὰρ δύσφραστα κέλευθα ### book 2.60.2 εἱλεῖται πολιοῖο δι’ ὕδατος ἑρπύζουσα· ### book 2.60.3 ἀλλά οἱ ἐν λαγόνεσσιν ἀναλκείης δόλος ἀλκή· ### book 2.60.4 κερκίδες ἐμπεφύασι παρὰ πλευραῖς ἑκάτερθεν ### book 2.60.5 ἀμφίδυμοι· τῶν εἴ τις ἐπιψαύσειε πελάσσας, ### book 2.65.1 αὐτίκα οἱ μελέων σθένος ἔσβεσεν, ἐν δέ οἱ αἷμα ### book 2.65.2 πήγνυται, οὐδ’ ἔτι γυῖα φέρειν δύνατ’, ἀλλά οἱ ἀλκὴ ### book 2.65.3 ἦκα μαραινομένοιο παρίεται ἄφρονι νάρκῃ. ### book 2.65.4 ἡ δ’ εὖ γινώσκουσα θεοῦ γέρας οἷον ἔδεκτο, ### book 2.65.5 ὕπτιον ἀγκλίνασα μένει δέμας ἐν ψαμάθοισι· ### book 2.70.1 κεῖται δ’ ἀστεμφὴς οἵη νέκυς· ὃς δέ κεν ἰχθὺς ### book 2.70.2 ἐγχρίμψῃ λαγόνεσσιν, ὁ μὲν λύτο, κάππεσε δ’ αὕτως ### book 2.70.3 ἀδρανίης βαθὺν ὕπνον, ἀμηχανίῃσι πεδηθείς· ### book 2.70.4 ἡ δὲ θοῶς ἀνόρουσε καὶ οὐ κραιπνή περ ἐοῦσα, ### book 2.70.5 γηθοσύνη, ζωὸν δὲ κατεσθίει ἶσα θανόντι. ### book 2.75.1 πολλάκι καὶ κατὰ λαῖτμα μετ’ ἰχθύσιν ἀντιάσασα ### book 2.75.2 νηχομένοις κραιπνὴν μὲν ἐπειγομένων σβέσεν ὁρμὴν ### book 2.75.3 ἐγγὺς ἐπιψαύσασα καὶ ἐσσυμένους ἐπέδησεν· ### book 2.75.4 ἔσταν δ’ αὐαλέοι καὶ ἀμήχανοι, οὔτε κελεύθων ### book 2.75.5 δύσμοροι οὔτε φυγῆς μεμνημένοι· ἡ δὲ μένουσα ### book 2.80.1 οὐδὲν ἀμυνομένους καταδαίνυται οὐδ’ ἀΐοντας. ### book 2.80.2 οἷον δ’ ὀρφναίοισιν ἐν εἰδώλοισιν ὀνείρων ### book 2.80.3 ἀνδρὸς ἀτυζομένοιο καὶ ἱεμένοιο φέβεσθαι ### book 2.80.4 θρώσκει μὲν κραδίη, τὰ δὲ γούνατα παλλομένοιο ### book 2.80.5 ἀστεμφὴς ἅτε δεσμὸς ἐπειγομένοιο βαρύνει, ### book 2.85 τοίην γυιοπέδην τεχνάζεται ἰχθύσι νάρκη. ### book 2.1 Βάτραχος αὖ νωθὴς μὲν ὁμῶς καὶ μαλθακὸς ἰχθύς, ### book 2.2 αἴσχιστος δ’ ἰδέειν· στόμα δ’ οἴγεται εὐρὺ μάλιστα· ### book 2.3 ἀλλ’ ἄρα καὶ τῷ μῆτις ἀνεύρατο γαστέρι φορβήν. ### book 2.4 αὐτὸς μὲν πηλοῖο κατ’ εὐρώεντος ἐλυσθεὶς ### book 2.90.1 κέκλιται ἀτρεμέων, ὀλίγην δ’ ἀνὰ σάρκα τιταίνει, ### book 2.90.2 ἥ ῥά οἱ ἐκ γένυος νεάτης ὑπένερθε πέφυκε ### book 2.90.3 λεπτή τ’ ἀργεννή τε, κακὴ δέ οἱ ἐστὶν ἀϋτμή· ### book 2.90.4 τὴν θαμὰ δινεύει, δόλον ἰχθύσι βαιοτέροισιν· ### book 2.90.5 οἵ ῥά μιν εἰσορόωντες ἐφορμώωσι λαβέσθαι. ### book 2.95.1 αὐτὰρ ὁ τὴν ἂψ αὖτις ἐφέλκεται ἀτρέμας εἴσω, ### book 2.95.2 ἦκα μάλ’ ἀσπαίρουσαν ὑπὸ στόμα, τοὶ δ’ ἐφέπονται ### book 2.95.3 οὐδὲν ὀϊόμενοι κρυπτὸν δόλον, ὄφρα λάθωσι ### book 2.95.4 βατράχου εὐρείῃσιν ἔσω γενύεσσι μιγέντες. ### book 2.95.5 ὡς δ’ ὅτε τις κούφοισι πάγην ὄρνισι τιτύσκων, ### book 2.1 πυροὺς τοὺς μὲν ἔρηνε δόλου προπάροιθε πυλάων, ### book 2.2 ἄλλους δ’ ἔνδον ἔθηκεν, ὑπεστήριξε δὲ τέχνην· ### book 2.3 τοὺς δὲ λιλαιομένους ἕλκει πόθος ὀξὺς ἐδωδῆς, ### book 2.4 εἴσω δὲ προγένοντο, καὶ οὐκέτι νόστος ἑτοῖμος ### book 2.5 ἐκδῦναι, δαιτὸς δὲ κακὴν εὕραντο τελευτήν· ### book 2.105.1 ὣς κείνους ἀμενηνὸς ἐπέσπασεν ἠπεροπεύσας ### book 2.105.2 βάτραχος, οὐδ’ ἐνόησαν ἑὸν σπεύδοντες ὄλεθρον. ### book 2.105.3 τοῖα καὶ ἀγκυλόμητιν ἐπέκλυον ἐντύνασθαι ### book 2.105.4 κερδώ· ὅτ’ οἰωνῶν ἀγέλην πλήθουσαν ἴδηται, ### book 2.105.5 δοχμίη ἀγκλινθεῖσα, τανυσσαμένη θοὰ κῶλα, ### book 2.110.1 ὄμματ’ ἐπιμύει, σὺν δὲ στόμα πάμπαν ἐρείδει· ### book 2.110.2 φαίης κ’ εἰσορόων ἤ μιν βαθὺν ὕπνον ἰαύειν, ### book 2.110.3 ἠὲ καὶ ἀτρεκέως κεῖσθαι νέκυν· ὧδε γὰρ ἄπνους ### book 2.110.4 αἰόλα βουλεύουσα παραβλήδην τετάνυσται· ### book 2.110.5 οἱ δέ μιν εἰσορόωντες ἀολλέες ἰθὺς ἵενται ### book 2.115 ὄρνιθες, λάχνην δὲ διαψαίρουσι πόδεσσιν, ### book 2.1 ἠΰτε κερτομέοντες· ἐπὴν δέ οἱ ἐγγὺς ὀδόντων ### book 2.2 ἔλθωσιν, τότ’ ἔπειτα δόλου πετάσασα θύρετρα, ### book 2.3 ἐξαπίνης συνέμαρψε καὶ ἔσπασεν εὐρὺ χανοῦσα ### book 2.4 ἄγρην κερδαλέην, ὅσσην ἕλεν οἰμήσασα. ### book 2.120.1 Καὶ μὲν δὴ δολόμητις ἐπίκλοπον εὕρατο θήρην ### book 2.120.2 σηπίη· ἐκ γάρ οἱ κεφαλῆς πεφύασιν ἀραιοὶ ### book 2.120.3 ἀκρέμονες προτενεῖς, ὥστε πλόκοι, οἷσι καὶ αὐτὴ ### book 2.120.4 ὥστε περ ὁρμιῇσιν ἐφέλκεται ἰχθύας ἄγρῃ, ### book 2.120.5 πρηνὴς ἐν ψαμάθοισιν ὑπ’ ὀστράκῳ εἰλυθεῖσα. ### book 2.125.1 κείναις δὲ πλοκαμῖσι καὶ ἡνίκα κύματα θύει ### book 2.125.2 χείματι πετράων ἀντίσχεται, ἠΰτε τις νηῦς ### book 2.125.3 πείσματ’ ἐπ’ ἀκταίῃσιν ἀναψαμένη σπιλάδεσσι. ### book 2.125.4 Καρῖδες δ’ ὀλίγαι μὲν ἰδεῖν, ἴση δὲ καὶ ἀλκὴ ### book 2.125.5 γυίοις, ἀλλὰ δόλοισι καὶ ἄλκιμον ὤλεσαν ἰχθύν, ### book 2.130.1 λάβρακα, σφετέρῃσιν ἐπικλέα λαβροσύνῃσιν. ### book 2.130.2 οἱ μὲν γὰρ σπεύδουσι καὶ ἰθύουσι λαβέσθαι ### book 2.130.3 καρίδων, ταῖς δ’ οὔτε φυγεῖν σθένος οὔτε μάχεσθαι, ### book 2.130.4 ὀλλύμεναι δ’ ὀλέκουσι καὶ οὓς πέφνουσι φονῆας. ### book 2 εὖτε γὰρ ἀμφιχανόντες ἔσω μάρψωσιν ὀδόντων, ### book 2.135.1 αἵδε θαμὰ θρώσκουσι καὶ ἐς μεσάτην ὑπερῴην ### book 2.135.2 ὀξὺ κέρας χρίμπτουσι, τό τε σφίσι τέλλεται ἄκρης ### book 2.135.3 ἐκ κεφαλῆς· λάβραξ δὲ φίλης κεκορημένος ἄγρης ### book 2.135.4 νύγματος οὐκ ἀλέγει· τὸ δέ μιν νέμεταί τε καὶ ἕρπει, ### book 2.135.5 εἰσόκε τρυχόμενόν μιν ἕλῃ μόρος ἐξ ὀδυνάων· ### book 2.140.1 ὀψὲ δὲ γινώσκει νέκυος δεδαϊγμένος αἰχμῇ. ### book 2.140.2 Ἔστι δέ τις πηλοῖσιν ἐφέστιος ὠμοφάγος βοῦς, ### book 2.140.3 εὐρύτατος πάντεσσι μετ’ ἰχθύσιν· ἦ γάρ οἱ εὖρος ### book 2.140.4 πολλάκις ἑνδεκάπηχυ δυωδεκάπηχύ τ’ ἐτύχθη· ### book 2.140.5 οὐτιδανὸς δὲ βίην καί οἱ δέμας ἄμμορον ἀλκῆς, ### book 2.145.1 μαλθακόν· ἐν δέ οἱ εἰσὶν ἀείδελοι ἔνδον ὀδόντες ### book 2.145.2 βαιοί τ’ οὐ κρατεροί τε· βίῃ δέ κεν οὔτι δαμάσσαι, ### book 2.145.3 ἀλλὰ δόλῳ καὶ φῶτας ἐπίφρονας εἷλε πεδήσας· ### book 2.145.4 δαιτὶ γὰρ ἀνδρομέῃ ἐπιτέρπεται, ἔξοχα δ’ αὐτῷ ### book 2.145.5 ἀνθρώπων κρέα τερπνὰ καὶ εὐάντητος ἐδωδή. ### book 2.1 εὖτέ τιν’ ἀθρήσῃ νεάτην ὑπὸ βύσσαν ἰόντα ### book 2.2 ἀνθρώπων, ὅσσοισιν ὑποβρύχιος πόνος ἅλμης ### book 2.3 μέμβλεται, αὐτὰρ ὁ κοῦφος ὑπὲρ κεφαλῆφιν ἀερθεὶς ### book 2.4 νήχεται ἀστεμφής, μεγάρων ὀρόφοισιν ἐοικώς, ### book 2.5 ἄτροπος ἀμφιταθείς, σὺν δ’ ἔρχεται, ᾗ κεν ἴῃσι ### book 2.155.1 δειλὸς ἀνήρ, μίμνοντι δ’ ἐφίσταται ἠΰτε πῶμα. ### book 2.155.2 ὡς δὲ πάϊς δολόεντα μόρον λίχνοισι μύεσσιν ### book 2.1 ἔστησεν· τὸν δ’ οὔτι πάγης λόχον ὁρμαίνοντα ### book 2.2 γαστὴρ ἔνδον ἔλασσε, θοῶς δέ οἱ ἄγγος ὕπερθε ### book 2.3 κοῖλον ἐπεσμαράγησεν, ὁ δ’ οὐκέτι πολλὰ μενοινῶν ### book 2.160.1 ἐκφυγέειν δύναται στιβαρὸν σκέπας, ὄφρα ἑ κοῦρος ### book 2.160.2 μάρψῃ τε κτείνῃ τε, γέλων δ’ ἐπιθήσεται ἄγρῃ· ### book 2.160.3 ὣς ὅ γ’ ὑπὲρ κεφαλῆς βροτέης ὀλοφώϊος ἰχθὺς ### book 2.160.4 πέπτατ’ ἐρητύων ἀναδύμεναι, εἰσόκ’ ἀϋτμὴ ### book 2.160.5 φῶτα λίπῃ, ψυχὴν δὲ μετεκπνεύσῃ ῥοθίοισιν· ### book 2.165.1 ἔνθα ἑ τεθνηῶτα δυσώνυμος ἀμφιέπει βοῦς ### book 2.165.2 δαινύμενος, τέχνῃσιν ἑλὼν δυσμήχανον ἄγρην. ### book 2.165.3 Καὶ μέν τις μνιαροῖσιν ἐπὶ πλαταμῶσι νοήσας ### book 2.165.4 καρκίνον αἰνήσει καὶ ἀγάσσεται εἵνεκα τέχνης ### book 2.165.5 κερδαλέης· καὶ τῷ γὰρ ἐπιφροσύνην πόρε δαίμων ### book 2.170.1 ὄστρεα φέρβεσθαι, γλυκερὴν καὶ ἄμοχθον ἐδωδήν. ### book 2.170.2 ὄστρεα μὲν κληῗδας ἀναπτύξαντα θυρέτρων ### book 2.170.3 ἰλὺν λιχμάζουσι καὶ ὕδατος ἰσχανόωντα ### book 2.170.4 πέπταται, ἀγκοίνῃσιν ἐφήμενα πετραίῃσι· ### book 2.170.5 καρκίνος αὖ ψηφῖδα παρὰ ῥηγμῖνος ἀείρας ### book 2.175.1 λέχριος ὀξείῃσι φέρει χηλῇσι μεμαρπώς, ### book 2.175.2 λάθρη δ’ ἐμπελάει, μέσσῳ δ’ ἐνεθήκατο λᾶαν ### book 2.175.3 ὀστρέῳ· ἔνθεν ἔπειτα παρήμενος εἰλαπινάζει ### book 2.175.4 δαῖτα φίλην· τὸ δ’ ἄρ’ οὔτι καὶ ἱέμενόν περ ἐρεῖσαι ### book 2.175.5 ἀμφιδύμους πλάστιγγας ἔχει σθένος, ἀλλ’ ὑπ’ ### book 2.179 ἀνάγκης ### book 2.180 οἴγεται, ὄφρα θάνῃ τε καὶ ἀγρευτῆρα κορέσσῃ. ### book 2.1 Τῷ δ’ ἴσα τεχνάζουσι καὶ ἀστέρες ἑρπυστῆρες ### book 2.2 εἰνάλιοι· καὶ τοῖς γὰρ ἐπ’ ὄστρεα μῆτις ὀπηδεῖ· ### book 2.3 ἀλλ’ οὐ λᾶαν ἄγουσι συνέμπορον οὐδ’ ἐπίκουρον ### book 2.4 κεῖνοι, τρηχὺ δὲ κῶλον ἐνηρείσαντο μέσοισι ### book 2.185.1 πεπταμένοις· τὰ μὲν ὧδε πιέζεται, οἱ δὲ νέμονται. ### book 2.185.2 Ὄστρακον αὖ βυθίας μὲν ἔχει πλάκας, ἐν δέ οἱ ### book 2.186.1 ἰχθὺς ### book 2.186.2 πίννη ναιετάει κεκλημένος· ἡ μὲν ἄναλκις ### book 2.186.3 οὔτε τι μητίσασθαι ἐπίσταται οὔτε τι ῥέξαι, ### book 2.186.4 ἀλλ’ ἄρα οἱ ξυνόν τε δόμον ξυνήν τε καλύπτρην ### book 2.190.1 καρκίνος ἐνναίει, φέρβει δέ μιν ἠδὲ φυλάσσει· ### book 2.190.2 τῷ καὶ πιννοφύλαξ κικλήσκεται· ἀλλ’ ὅτε κόχλου ### book 2.190.3 ἰχθὺς ἔνδον ἵκηται, ὁ δ’ οὐ φρονέουσαν ἀμύξας ### book 2.190.4 δήγματι κερδαλέῳ πίννην ἕλεν· ἡ δ’ ὀδύνῃσιν ### book 2.190.5 ὄστρακα συμπλατάγησε καὶ ἔνδον ἐφράσσατο ἄγρην ### book 2.195.1 αὑτῇ τ’ ἠδ’ ἑτάρῳ, ξυνόν θ’ ἅμα δεῖπνον ἕλοντο. ### book 2.195.2 ὣς ἄρα καὶ πλωτῆρσιν ἐν ὑγροπόροισιν ἔασι ### book 2.195.3 τοὶ μὲν κερδαλέοι, τοὶ δ’ ἄφρονες, οἷα καὶ ἡμῖν ### book 2.195.4 ἀνδράσιν, οὐδέ τι πᾶσιν ἐναίσιμόν ἐστι νόημα. ### book 2.195.5 Φράζεο δ’ ἀφραδίῃ προφερέστατον ἡμεροκοίτην ### book 2.1 ἰχθύν, ὃν παρὰ πάντας ἀεργότατον τέκεν ἅλμη. ### book 2.2 τοῦ δ’ ἤτοι κεφαλῆς μὲν ἄνω τέτραπται ὕπερθεν ### book 2.3 ὄμματα, καὶ στόμα λάβρον ἐν ὀφθαλμοῖσι μέσοισιν· ### book 2.4 αἰεὶ δ’ ἐν ψαμάθοισι πανημέριος τετάνυσται ### book 2.5 εὕδων, νυκτὶ δὲ μοῦνον ἀνέγρεται ἠδ’ ἀλάληται· ### book 2.205.1 τοὔνεκα κέκληται καὶ νυκτερίς· ἀλλά μιν ἄτη ### book 2.205.2 γαστρὸς ἀτεκμάρτοιο κακὴ λάχεν· οὐ γὰρ ἐδωδῆς ### book 2.205.3 ἢ κόρον ἠέ τι μέτρον ἐπίσταται, ἀλλ’ ἀτέλεστον ### book 2.205.4 λυσσομανῆ βούβρωστιν ἀναιδέϊ γαστρὶ φυλάσσει· ### book 2.205.5 οὐδέ ποτ’ ἂν λήξειεν ἐδητύος ἐγγὺς ἐούσης, ### book 2.210.1 εἰσόκεν οἱ νηδύς τε μέση διὰ πᾶσα ῥαγείη, ### book 2.210.2 αὐτός τε προταθεὶς πέσῃ ὕπτιος, ἠέ τις ἄλλος ### book 2.210.3 πέφνῃ μιν νεπόδων πυμάτης ἔμφορτον ἐδωδῆς. ### book 2.1 σῆμα δέ τοι τόδε γαστρὸς ἀειμάργοιο πιφαύσκω· ### book 2.2 εἰ γάρ τίς μιν ἑλὼν θήρης ἀποπειρήσαιτο ### book 2.215.1 χειρὶ βορὴν ὀρέγων, ὁ δὲ δέξεται, εἰσόκεν αὐτοῦ ### book 2.215.2 λαβροτάτου στόματος νηήσεται ἄχρις ἐδωδή. ### book 2.215.3 κλῦτε, γοναὶ μερόπων, οἷον τέλος ἀφραδίῃσι ### book 2.215.4 λαιμάργοις, ὅσον ἄλγος ἀδηφαγίῃσιν ὀπηδεῖ· ### book 2.215.5 τῷ τις ἀεργίην δυστερπέα τῆλε διώκοι ### book 2.220.1 καὶ κραδίης καὶ χειρός, ἔχοι δέ τι μέτρον ἐδωδῆς· ### book 2.220.2 μηδ’ ἐπὶ πανθοίνοισι νόον τέρποιτο τραπέζαις· ### book 2.220.3 πολλοὶ γὰρ τοῖοι καὶ ἐν ἀνδράσιν, οἷσι λέλυνται ### book 2.220.4 ἡνία, γαστρὶ δὲ πάντας ἐπιτρωπῶσι κάλωας· ### book 2.220.5 ἀλλά τις εἰσορόων φεύγοι τέλος ἡμεροκοίτου. ### book 2.225.1 Ἔστι καὶ ὀξυκόμοισι νόος καὶ μῆτις ἐχίνοις, ### book 2.225.2 οἵ τ’ ἀνέμων ἴσασι βίας ζαμενεῖς τε θυέλλας ### book 2.225.3 ὀρνυμένας, νώτοισι δ’ ἀνοχλίζουσιν ἕκαστος ### book 2.225.4 λᾶαν, ὅσον βαρύθοντα περὶ σφετέρῃσιν ἀκάνθαις ### book 2.225.5 ῥηϊδίως φορέοιεν, ἵν’ ἀντία κύματος ὁρμῇ ### book 2.230.1 βριθόμενοι μίμνωσι· τὸ γὰρ τρομέουσι μάλιστα, ### book 2.230.2 μὴ σφὰς ἐπ’ ἠιόνεσσι κυκώμενον οἶδμα κυλίσῃ. ### book 2.1 Πουλυπόδων δ’ οὔπω τιν’ ὀΐομαι ἔμμεν’ ἄπυστον ### book 2.2 τέχνης, οἳ πέτρῃσιν ὁμοίϊοι ἰνδάλλονται, ### book 2.3 τήν κε ποτιπτύξωσι περὶ σπείρῃς τε βάλωνται. ### book 2.235.1 ἄνδρας δ’ ἀγρευτῆρας ὁμῶς καὶ κρέσσονας ἰχθῦς ### book 2.235.2 ῥηϊδίως ἀπάτῃσι παραπλάγξαντες ἄλυξαν. ### book 2.235.3 ἀλλ’ ὅτε χειρότερός τις ἐπισχεδὸν ἀντιβολήσῃ, ### book 2.235.4 αὐτίκα πουλύποδές τε καὶ ἰχθύες ἐξεφάνησαν, ### book 2.235.5 μορφῆς πετραίης ἐξάλμενοι, ἐκ δὲ δόλοιο ### book 2.240.1 φορβήν τ’ ἐφράσσαντο καὶ ἐξήλυξαν ὄλεθρον. ### book 2.240.2 χείματι δ’ οὔποτε φασὶν ἐπιστείχειν ἁλὸς ὕδωρ ### book 2.240.3 πουλύποδας· ζαμενεῖς γὰρ ὑποτρομέουσιν ἀέλλας· ### book 2.240.4 ἀλλ’ οἵ γε γλαφυρῇσιν ἐνιζόμενοι θαλάμῃσι ### book 2.240.5 πτήξαντες δαίνυνται ἑοὺς πόδας, ἠΰτε σάρκας ### book 2.245.1 ἀλλοτρίας· οἱ δ’ αὖτις ἑοὺς κορέσαντες ἄνακτας ### book 2.245.2 φύονται· τόδε πού σφι Ποσειδάων ἐπένευσε. ### book 2.245.3 τοῖον καὶ βλοσυρῇσιν ἀειμάργοισι νόημα ### book 2.245.4 ἄρκτοις· χειμερίην γὰρ ἀλυσκάζουσαι ὁμοκλήν, ### book 2.245.5 δῦσαι φωλειοῖο μυχὸν κατὰ πετρήεντα ### book 2.1 ὃν πόδα λιχμάζουσιν, ἐδητύος ἔργον ἄπαστον, ### book 2.2 μαιόμεναι δαίτην ἀνεμώλιον, οὐδ’ ἐθέλουσι ### book 2.3 προβλώσκειν, εὐκραὲς ἕως ἔαρ ἡβήσειεν. ### book 2.4 Ἔξοχα δ’ ἀλλήλοισιν ἀνάρσιον ἔχθος ἔχουσι ### book 2.5 κάραβος ἀϊκτὴρ μύραινά τε πουλύποδές τε, ### book 2.255.1 ἀλλήλους δ’ ὀλέκουσιν ἀμοιβαίοισι φόνοισιν. ### book 2.255.2 αἰεὶ δ’ ἰχθυόεσσα μετὰ σφίσιν ἵστατ’ ἐνυὼ ### book 2.255.3 καὶ μόθος, ἄλλου δ’ ἄλλος ἑὴν ἐνεπλήσατο νηδύν. ### book 2.255.4 ἡ μὲν ὑπὲκ πέτρης ἁλιμυρέος ὁρμηθεῖσα ### book 2.255.5 φοιταλέη μύραινα διέσσυται οἴδματα πόντου, ### book 2.260.1 φορβὴν μαιομένη, τάχα δ’ εἴσιδε πούλυπον ἀκτῆς ### book 2.260.2 ἄκρα διερπύζοντα καὶ ἀσπασίην ἐπὶ θήρην ### book 2.260.3 ἔσσυτο γηθομένη· τὸν δ’ οὐ λάθεν ἐγγὺς ἐοῦσα· ### book 2.260.4 ἀλλ’ ἤτοι πρῶτον μὲν ἀτυζόμενος δεδόνηται ### book 2.260.5 ἐς φόβον, οὐδ’ ἄρα μῆχος ἔχει μύραιναν ἀλύξαι ### book 2.265.1 ἕρπων νηχομένην τε καὶ ἄσχετα μαιμώωσαν. ### book 2.265.2 αἶψα δέ μιν κατέμαρψε γένυν τ’ ἐνέρεισε δαφοινήν· ### book 2.265.3 πούλυπος αὖτ’ ἀέκων ὀλοῆς ὑπὸ μάρνατ’ ἀνάγκης, ### book 2.265.4 ἀμφὶ δέ οἱ μελέεσσιν ἑλίσσεται, ἄλλοτε ἄλλας ### book 2.265.5 παντοίας στροφάλιγγας ὑπὸ σκολιοῖσιν ἱμᾶσι ### book 2.270.1 τεχνάζων, εἴ πώς μιν ἐρητύσειε βρόχοισιν ### book 2.270.2 ἀμφιβαλών· ἀλλ’ οὔτι κακῶν ἄκος οὔτ’ ἀλεωρή· ### book 2.270.3 ῥεῖα γὰρ ἀμφιπεσόντος ὀλισθηροῖς μελέεσσιν ### book 2.270.4 ὀτραλέη μύραινα διαρρέει οἷάπερ ὕδωρ· ### book 2.270.5 αὐτὰρ ὅ γ’ ἄλλοτε νῶτα παναίολα, ἄλλοτε δειρὴν ### book 2.275.1 οὐρήν τ’ ἀκροτάτην περιβάλλεται, ἄλλοτε δ’ αὖτε ### book 2.275.2 ἐμπίπτει στόματός τε πύλαις γενύων τε μυχοῖσιν. ### book 2.275.3 ὡς δὲ παλαισμοσύνης γυιαλκέος ἴδμονες ἄνδρες ### book 2.1 δηρὸν ἐπ’ ἀλλήλοισιν ἑὴν ἀναφαίνετον ἀλκήν, ### book 2.2 ἤδη δ’ ἐκ μελέων λιαρὸς καὶ ἀθέσφατος ἱδρὼς ### book 2.280.1 χεύεται ἀμφοτέροισι· τὰ δ’ αἰόλα κέρδεα τέχνης ### book 2.280.2 πλάζονται, χεῖρές τε περὶ χροῒ κυμαίνονται· ### book 2.280.3 ὣς καὶ πουλύποδος κοτυληδόνες οὐ κατὰ κόσμον ### book 2.280.4 πλαζόμεναι κενεῇσι παλαισμοσύναις μογέουσιν. ### book 2.280.5 ἡ δέ μιν ὀξυτόμοισιν ὑπὸ ῥιπῇσιν ὀδόντων ### book 2.285.1 δαρδάπτει· μελέων δὲ τὰ μὲν κατεδέξατο γαστήρ, ### book 2.285.2 ἄλλα δ’ ἔτ’ ἐν γενύεσσι θοοὶ τρίβουσιν ὀδόντες, ### book 2.285.3 ἄλλα δέ τ’ ἀσπαίρει καὶ ἑλίσσεται ἡμιδάϊκτα, ### book 2.285.4 εἰσέτι παιφάσσοντα καὶ ἐκφυγέειν ἐθέλοντα. ### book 2.285.5 ὡς δ’ ὅτ’ ἀνὰ ξυλόχους ὀφίων στίβον ἐξερεείνων ### book 2.290.1 βριθόκερως ἔλαφος ῥινήλατον ἴχνος ἀνεῦρε, ### book 2.290.2 χειὴν δ’ εἰσαφίκανε καὶ ἑρπετὸν εἴρυσεν ἔξω ### book 2.290.3 δάπτει τ’ ἐμμενέως· ὁ δ’ ἑλίσσεται ἀμφί τε γοῦνα, ### book 2.290.4 δειρήν τε στέρνον τε· τὰ δ’ ἡμίβρωτα κέχυνται ### book 2.290.5 ἅψεα, πολλὰ δ’ ὀδόντες ὑπὸ στόμα δαιτρεύουσιν· ### book 2.295.1 ὣς καὶ πουλύποδος δνοπαλίζεται αἰόλα γυῖα ### book 2.295.2 δυσμόρου· οὐδέ ἑ μῆτις ἐπιφροσύνης ἐσάωσε ### book 2.295.3 πετραίης· εἰ γάρ ποτ’ ἀλευόμενος περὶ πέτρην ### book 2.295.4 πλέξηται, χροιήν τε πανείκελον ἀμφιέσηται, ### book 2.295.5 ἀλλ’ οὐ μυραίνης ἔλαθεν κέαρ, ἀλλά ἑ μούνη ### book 2.1 φράζεται, ἄπρηκτον δὲ πέλει κείνοιο νόημα. ### book 2.2 ἔνθα μιν οἰκτείρειας ἀκοσμοτάτοιο μόροιο, ### book 2.3 ὡς ὁ μὲν ἐν πέτρῃσιν ὑφέζεται, ἡ δέ οἱ ἄγχι ### book 2.4 ἠΰτ’ ἐπεγγελόωσα παρίσταται· ὧδέ κε φαίης ### book 2.5 μυθεῖσθαι μύραιναν ἀπηνέα κερτομέουσαν· ### book 2.305.1 τί πτώσσεις δολομῆτα; τίν’ ἔλπεαι ἠπεροπεύειν; ### book 2.305.2 ἦ τάχα καὶ πέτρης πειρήσομαι, ἤν σε καὶ εἴσω ### book 2.305.3 δέξηται σπιλὰς ἥδε καὶ ἠμύσασα καλύψῃ. ### book 2.305.4 αὐτίκα δ’ ἀγκύλον ἕρκος ἐνιπλήξασα λαφύσσει, ### book 2.305.5 χοιράδος αὖ ἐρύουσα περίτρομον· αὐτὰρ ὅ γ’ οὔτι, ### book 2.310.1 οὐδὲ δαϊζόμενος, λείπει πάγον οὐδ’ ἀνίησιν, ### book 2.310.2 ἀλλ’ ἔχεται πέτρης εἱλιγμένος, εἰσόκεν αὐταὶ ### book 2.310.3 λείπωνται μοῦναι κοτυληδόνες ἐμπεφυυῖαι. ### book 2.310.4 ὡς δ’ ὅτε περθομένης δηΐων ὑπὸ χερσὶ πόληος, ### book 2.310.5 ἑλκομένων παίδων τε δορυκτήτων τε γυναικῶν, ### book 2.315.1 κοῦρον ἀνὴρ δειρῇ τε καὶ ἀγκάσιν ἐμπεφυῶτα ### book 2.315.2 γειναμένης ἐρύσῃ πολέμου νόμῳ, αὐτὰρ ὁ χεῖρας ### book 2.315.3 πλέγδην οὐκ ἀνίησιν ἀπ’ αὐχένος, οὐδέ ἑ μήτηρ ### book 2.315.4 κωκυτῷ προΐησιν, ὁμοῦ δέ οἱ ἕλκεται αὐτή· ### book 2.315.5 ὣς καὶ πουλύποδος δειλὸν δέμας ἑλκομένοιο ### book 2.320.1 λισσάδι μυδαλέῃ περιφύεται, οὐδ’ ἀνίησι. ### book 2.320.2 Κάραβος αὖ μύραιναν ἀπηνέα περ μάλ’ ἐοῦσαν ### book 2.320.3 ἐσθίει, αὐτοφόνοισιν ἀγηνορίῃσι δαμεῖσαν. ### book 2.320.4 ἦ γὰρ ὁ μὲν πέτρης σχεδὸν ἵσταται, ᾗ ἔνι ναίει ### book 2.320.5 ὀτραλέη μύραινα· δύω δ’ ἀνὰ κέντρα τιτήνας ### book 2.325.1 δήϊα φυσιόων προκαλίζεται ἐς μόθον ἐλθεῖν, ### book 2.325.2 ἶσος ἀριστῆϊ προμάχῳ στρατοῦ, ὅς ῥά τε χειρῶν ### book 2.325.3 ἠνορέῃ πολέμου τε δαημοσύνῃσι πεποιθὼς ### book 2.325.4 ἔντεσι καρτύνας βριαρὸν δέμας, ὀξέα πάλλων ### book 2.325.5 ἔγχεα, δυσμενέων προκαλίζεται ὅς κ’ ἐθέλῃσιν ### book 2.330.1 ἀντιάαν· τάχα δ’ ἄλλον ἀριστήων ὀροθύνει· ### book 2.330.2 ὣς ὅ γε μυραίνης θήγει φρένας, οὐδ’ ἐπὶ μῶλον ### book 2.330.3 δηθύνει, θαλάμης δὲ διαΐξασα κελαινή, ### book 2.330.4 αὐχένα γυρώσασα, χόλῳ μέγα παιφάσσουσα ### book 2.330.5 ἀντιάᾳ· τὸν δ’ οὔτι περισπέρχουσά περ αἰνῶς ### book 2.335.1 βλάπτει τρηχὺν ἐόντα, γένυν δ’ ἀνεμώλιον αὔτως ### book 2.335.2 ἐγχρίμπτει, στερεοῖσι δ’ ἐτώσια μαίνετ’ ὀδοῦσιν· ### book 2.1 οἱ δὲ πάλιν γενύεσσιν ἀπηνέος ὡς ἀπὸ πέτρης ### book 2.2 παλλόμενοι κάμνουσι καὶ ἀμβλύνονται ἐρωῆς. ### book 2.3 τῆς δὲ μέγα φλεγέθει καὶ ὀρίνεται ἄγριον ἦτορ, ### book 2.340.1 εἰσόκε μιν χηλῇσιν ἐπαΐξας δολιχῇσιν ### book 2.340.2 κάραβος αὐχενίοιο λάβῃ μέσσοιο τένοντος· ### book 2.340.3 ἴσχει δ’ ἐμπεφυὼς χαλκείῃ ὥστε πυράγρῃ, ### book 2.340.4 νωλεμές, οὐδ’ ἀνίησι καὶ ἐσσυμένην περ ἀλύξαι· ### book 2.340.5 ἡ δὲ βίῃ μογέουσα καὶ ἀσχαλόως’ ὀδύνῃσι, ### book 2.345.1 πάντῃ δινεύει σκολιὸν δέμας, αἶψα δὲ νῶτα ### book 2.345.2 καράβου ὀξυβελῆ περιβάλλεται ἀμφιχυθεῖσα, ### book 2.345.3 ἐν δ’ ἐπάγη σκώλοισι καὶ ὀξείῃσιν ἀκωκαῖς ### book 2.345.4 ὀστράκου, ὠτειλαῖς δὲ περιπλήθουσα θαμειαῖς ### book 2.345.5 ὄλλυται αὐτοδάϊκτος, ὑπ’ ἀφραδίῃσι θανοῦσα. ### book 2.1 ὡς δ’ ὅτε θηροφόνων τις ἀνὴρ δεδαημένος ἔργων, ### book 2.2 λαῶν ἀμφιδόμοισιν ἐναγρομένων ἀγορῇσι, ### book 2.3 πόρδαλιν οἰστρηθεῖσαν ἐνὶ ῥοίζοισιν ἱμάσθλης ### book 2.4 ἐγχείῃ δέχεται ταναήκεϊ δοχμὸς ὑποστάς· ### book 2.5 ἡ δὲ καὶ εἰσορόωσα γένυν θηκτοῖο σιδήρου ### book 2.355.1 ἄγρια κυμαίνουσα κορύσσεται, ἐν δ’ ἄρα λαιμῷ ### book 2.355.2 ἠΰτε δουροδόκῃ χαλκήλατον ἔσπασεν αἰχμήν· ### book 2.355.3 ὣς ἄρα καὶ μύραιναν ἕλεν χόλος ἀφραδίῃσι ### book 2.355.4 δύσμορον, αὐτοτύποισιν ὑπ’ ὠτειλῇσι δαμεῖσαν. ### book 2.355.5 τοίην που τραφερῆς γαίης ἔπι δῆριν ἔθεντο ### book 2.360.1 ἄμφω ἐνὶ ξυλόχοισιν ὄφις καὶ τρηχὺς ἐχῖνος ### book 2.360.2 ἀντόμενοι· καὶ τοῖς γὰρ ἀνάρσιος αἶσα μέμηλεν. ### book 2.360.3 ἤτοι ὁ μὲν προϊδὼν ὀλοφώϊον ἑρπυστῆρα, ### book 2.360.4 φραξάμενος πυκινῇσιν ὑπὸ προβλῆσιν ἀκάνθαις ### book 2.360.5 εἱλεῖται σφαιρηδόν, ὑφ’ ἕρκεϊ γυῖα φυλάσσων, ### book 2.365 ἔνδοθεν ἑρπύζων· ὁ δέ οἱ σχεδὸν αὐτίκα θύνων ### book 2.1 πρῶτα μὲν ἰοτόκοισιν ἐπισπέρχει γενύεσσιν, ### book 2.2 ἀλλ’ αὔτως μογέει κενεὸν πόνον· οὐ γὰρ ἱκάνει ### book 2.3 χρωτὸς ἔσω μαλεροῖσι καὶ ἱέμενός περ ὀδοῦσι· ### book 2.4 τοίη μιν λάχνη δυσπαίπαλος ἀμφιβέβηκεν· ### book 2.370.1 αὐτὰρ ὁ κυκλοτερὴς ὁλοότροχος αἰόλα γυῖα ### book 2.370.2 δινεύων, πυκινῇσι κυλινδόμενος στροφάλιγξιν, ### book 2.370.3 ἐμπίπτει σπείρῃσι καὶ οὐτάζει βελέεσσι ### book 2.370.4 χαίτης ὀξυτόμοισιν· ὁ δ’ ἄλλοθεν εἴβεται ἄλλος ### book 2.370.5 ἰχὼρ αἱματόεις, τὸν δ’ ἕλκεα πόλλ’ ἀνιάζει. ### book 2.375.1 ἔνθα μιν ἀμφιβαλὼν περιηγέϊ πάντοθεν ὁλκῷ ### book 2.375.2 ὑγρὸς ὄφις χαλεποῖσι περιπλέγδην ὑπὸ δεσμοῖς ### book 2.375.3 ἴσχει τ’ ἐμπρίει τε χόλῳ τ’ ἐνερείδεται ἀλκήν. ### book 2.375.4 τοῦ δ’ εἴσω τάχα πᾶσαι ὀλισθαίνουσιν ἄκανθαι ### book 2.375.5 ὀξέα πεφρικυῖαι· ὁ δ’ ἐν σκολόπεσσι πεπηγὼς ### book 2.380.1 οὔτε βίην ἀνίησι καὶ οὐκ ἐθέλων πεπέδηται, ### book 2.380.2 ἀλλὰ μένει γόμφοισιν ἅτε κρατεροῖσιν ἀρηρώς, ### book 2.380.3 ὄφρα θάνῃ, σὺν δ’ αὐτὸν ἀπέφθισε θῆρα πιέζων ### book 2.380.4 πολλάκις, ἀλλήλοις δὲ μόρος καὶ πῆμα γένοντο· ### book 2.380.5 πολλάκι δ’ ἐξήλυξε καὶ ἔκφυγε δεινὸς ἐχῖνος, ### book 2.385.1 ἐκδὺς ἑρπυστῆρος ἀλυκτοπέδης τε κελαινῆς, ### book 2.385.2 εἰσέτι τεθνηῶτος ἔχων περὶ σάρκας ἀκάνθαις. ### book 2.385.3 τοίη καὶ μύραινα κακόφρονι δάμναται ἄτῃ, ### book 2.385.4 καράβῳ ἁρπαλέη τε καὶ εὐάντητος ἐδωδή. ### book 2.385.5 Κάραβον αὖ καὶ τρηχὺν ὁμῶς καὶ κραιπνὸν ἐόντα ### book 2.390.1 δαίνυτ’ ἀφαυρότερός περ ἐὼν καὶ νωθρὸς ἐρωὴν ### book 2.390.2 πούλυπος· ἡνίκα γάρ μιν ὑπὸ σπιλάδεσσι νοήσῃ ### book 2.1 αὔτως ἀτρεμέοντα καὶ ἥμενον, αὐτὰρ ὁ λάθρη ### book 2.2 νῶτον ἐπαΐξας περιβάλλεται αἰόλα δεσμά, ### book 2.3 ἰφθίμων δολιχῇσι ποδῶν σειρῇσι πιέζων, ### book 2.395.1 σὺν δέ οἱ ἀκραίῃς κοτυληδόσι θερμὸν ἐρείδει ### book 2.395.2 αὐλὸν ἐπισφίγγων στόματος μέσον, οὐδ’ ἀνίησι ### book 2.395.3 πνοιὴν ἠερίην οὔτ’ ἔνδοθεν οὔθ’ ἑτέρωθεν· ### book 2.395.4 καὶ γὰρ καὶ νεπόδεσσι παλίρροος ἕλκεται ἀήρ· ### book 2.395.5 ἀλλ’ ἔχει ἀμφιπεσών· ὁ δὲ νήχεται, ἄλλοτε μίμνει, ### book 2.1 ἄλλοτε δ’ ἀσπαίρει, ποτὲ δὲ προβλῆσιν ὑπ’ ἄκραις ### book 2.2 ῥήγνυται· αὐτὰρ ὅ γ’ οὔτι βίης μεθίησιν ἄεθλον, ### book 2.3 ὄφρα ἑ τεθνηῶτα λίπῃ ψυχή τε καὶ ἀλκή. ### book 2.4 δὴ τότε μιν προπεσόντα παρήμενος ἐν ψαμάθοισι ### book 2.5 δαίνυται, ἠΰτε κοῦρος ὑπὲκ μαζοῖο τιθήνης ### book 2.405.1 χείλεσιν αὖ ἐρύει λαρὸν γλάγος· ὣς ὅ γε σάρκας ### book 2.405.2 λάπτων ὀξυπόροιο κατέσπασεν ἄγγεος ἔξω ### book 2.405.3 μυζήσας, γλυκερῆς δὲ βορῆς ἐνεπλήσατο νηδύν. ### book 2.405.4 ὡς δέ τις ἡμερόκοιτος ἀνὴρ ληΐστορι τέχνῃ ### book 2.405.5 ὁρμαίνων ἀΐδηλα, δίκης σέβας οὔποτ’ ἀέξων, ### book 2.410.1 ἑσπέριος στεινῇσι καταπτήξας ἐν ἀγυιαῖς, ### book 2.410.2 ἄνδρα παραστείχοντα μετ’ εἰλαπίνην ἐλόχησε· ### book 2.410.3 καί ῥ’ ὁ μὲν οἰνοβαρὴς ἕρπει πάρος, ὑγρὸν ἀείδων, ### book 2.1 οὐ μάλα νηφάλιον κλάζων μέλος· αὐτὰρ ὁ λάθρη ### book 2.2 ἐξόπιθε προὔτυψε καὶ αὐχένα χερσὶ δαφοιναῖς ### book 2.415.1 εἷλεν ἐπιβρίσας, κλῖνέν τέ μιν ἄγριον ὕπνον ### book 2.415.2 οὐ τηλοῦ θανάτοιο καὶ εἵματα πάντ’ ἐναρίξας ### book 2.415.3 ᾤχετο, δυσκερδῆ τε φέρων καὶ ἀνέστιον ἄγρην· ### book 2.415.4 τοιάδε καὶ πινυτοῖσι νοήματα πουλυπόδεσσιν. ### book 2.415.5 Οἵδε μὲν ἀντίβιοι καὶ ἀνάρσιοι ἔξοχ’ ἔασιν ### book 2.420.1 εἰναλίων· μοῦνοι δὲ μετ’ ἰχθύσιν αἰολοφύλοις ### book 2.420.2 ποινητῆρες ἔασι καὶ ἀλλήλων ὀλετῆρες. ### book 2.420.3 Ἄλλοι δ’ ἰοφόροι νεπόδων, στομάτεσσι δ’ ἀεικὴς ### book 2.420.4 ἰὸς ἐνιτρέφεται στυγερός τ’ ἐπὶ δήγμασιν ἕρπει. ### book 2.420.5 τοῖον καὶ σκολόπενδρα, δυσώνυμον ἑρπετὸν ἅλμης, ### book 2.425.1 ἶσον ἐπιχθονίῳ δέμας ἑρπετῷ· ἀλλὰ τό γ’ ἄτην ### book 2.425.2 κύντερον· εἰ γάρ οἱ τις ἐπιψαύσειε πελάσσας, ### book 2.425.3 αὐτίκα οἱ κνῆστις μὲν ἐπὶ χροῒ θερμὸν ἔρευθος ### book 2.425.4 φοινίσσει, σμώδιξ δὲ διατρέχει ἠΰτε ποίης, ### book 2.425.5 τὴν κνίδα κικλήσκουσιν, ἐπωνυμίην ὀδυνάων. ### book 2.430.1 ἐχθρὴ δὲ σκολόπενδρα πανέξοχον ἀσπαλιεῦσι ### book 2.430.2 ἐμπελάαν· εἰ γάρ ποτ’ ἐπιψαύσειε δελέτρου, ### book 2.430.3 οὐκ ἄν τις νεπόδων κείνου πέλας ἀγκίστροιο ### book 2.430.4 ἔλθοι· τοῖον γάρ οἱ ἀπεχθέα μίσγεται ἰόν. ### book 2 Τοίη καὶ βαλιῇσιν ἰουλίσι τέτροφεν ἄτη ### book 2.435.1 ἂν στόμα· τὰς δὲ μάλιστα βυθῶν διφήτορες ἄνδρες ### book 2.435.2 δύπται σπογγοτόμοι τε δυηπαθέες στυγέουσιν· ### book 2.435.3 εὖτε γὰρ ἀθρήσωσιν ἐρευνητῆρα θαλάσσης ### book 2.435.4 σπερχόμενον ποτὶ βυσσὸν ὑποβρυχίοισι πόνοισιν, ### book 2.435.5 αἳ δ’ ἀπὸ πετράων μάλα μυρίαι ὁρμηθεῖσαι ### book 2.440.1 ἄνδρα περιπροθέουσι καὶ ἀθρόαι ἀμφιχέονται ### book 2.440.2 καί μιν ὁδοῦ βλάπτουσι πονεύμενον, ἄλλοθεν ἄλλαι ### book 2.440.3 κνίζουσαι στομάτεσσιν ἀναιδέσιν· αὐτὰρ ὁ κάμνει ### book 2.440.4 ὕδατι καὶ στυγερῇσιν ἰουλίσιν ἀντιβολήσας, ### book 2.440.5 χερσὶ δ’, ὅσον σθένος ἐστίν, ἐπειγομένοις τε πόδεσσι ### book 2.445.1 σεύει ἀμυνόμενος διερὸν στρατόν· αἱ δ’ ἐφέπονται ### book 2.445.2 ἀστεμφεῖς, μυίαις ἐναλίγκιοι, αἵ ῥά τ’ ἐπ’ ἔργοις ### book 2.445.3 ἀνέρας ἀμητῆρας ὀπωρινὸν μογέοντας ### book 2.445.4 πάντος’ ἀνιηραὶ θέρεος στίχες ἀμφιπέτονται. ### book 2.445.5 οἱ δ’ ἅμα μὲν καμάτῳ τε καὶ ἀκρήτοισι βολῇσιν ### book 2.1 ἠέρος ἱδρώουσιν, ἀνιάζουσί τε μυίαις ### book 2.2 ἐκπάγλως· αἱ δ’ οὐδὲν ἀναιδείης χαλόωσι, ### book 2.3 πρὶν θανέειν ἢ ξουθὸν ἀπ’ ἀνέρος αἷμα πάσασθαι. ### book 2.4 τόσσος ἔρως καὶ τοῖσιν ἐν ἰχθύσιν αἵματος ἀνδρῶν. ### book 2 Οὐ μὴν θὴν ἀβληχρὸν ἔχει δάκος εὖτε χαράξῃ ### book 2.455.1 πούλυπος ἑρπυστὴρ ἢ σηπίη, ἀλλὰ καὶ αὐτοῖς ### book 2.455.2 ἐντρέφεται βαιὸς μὲν ἀτὰρ βλαπτήριος ἰχώρ. ### book 2.455.3 κέντρα δὲ πευκήεντα μετ’ ἰχθύσιν ὡπλίσσαντο ### book 2.455.4 κωβιός, ὃς ψαμάθοισι, καὶ ὃς πέτρῃσι γέγηθε ### book 2.455.5 σκορπίος, ὠκεῖαί τε χελιδόνες ἠδὲ δράκοντες ### book 2.460 καὶ κύνες οἳ κέντροισιν ἐπώνυμοι ἀργαλέοισι, ### book 2.1 πάντες ἀταρτηροῖς ὑπὸ νύγμασιν ἰὸν ἱέντες. ### book 2.2 Τρυγόνι δὲ ξιφίῃ τε θεὸς κρατερώτατα δῶρα ### book 2.3 γυίοις ἐγκατέθηκεν, ὑπέρβιον ὅπλον ἑκάστῳ ### book 2.4 καρτύνας· καὶ τῷ μὲν ὑπὲρ γένυν ἐστήριξεν ### book 2.465.1 ὄρθιον, αὐτόρριζον, ἀκάχμενον, οὔτι σιδήρου ### book 2.465.2 φάσγανον, ἀλλ’ ἀδάμαντος ἰσόσθενες ὄβριμον ἆορ. ### book 2.465.3 οὐ κείνου κρυόεσσαν ἐπιβρίσαντος ἀκωκὴν ### book 2.465.4 οὐδὲ μάλα στερεὴ τλαίη λίθος οὐτηθεῖσα· ### book 2.465.5 τοίη οἱ ζαμενής τε πέλει πυρόεσσά τ’ ἐρωή. ### book 2.470.1 Τρυγόνι δ’ ἐκ νεάτης ἀνατέλλεται ἄγριον οὐρῆς ### book 2.470.2 κέντρον ὁμοῦ χαλεπόν τε βίῃ καὶ ὀλέθριον ἰῷ. ### book 2.470.3 οὐδέ κεν οὐ ξιφίαι, οὐ τρυγόνες ἐν γενύεσσι ### book 2.470.4 φορβὴν πρόσθε πάσαιντο, πάρος βελέεσσι δαφοινοῖς ### book 2.470.5 οὐτῆσαι ζωόν τε καὶ ἄπνοον ὅττι παρείη. ### book 2.475.1 ἀλλ’ ἤτοι ξιφίην μὲν ἐπὴν προλίπῃσιν ἀϋτμή, ### book 2.475.2 αὐτίκα οἱ κἀκεῖνο συνέφθιτο καρτερὸν ἆορ, ### book 2.475.3 αὐτῷ δ’ ὅπλον ἄνακτι συνέσβετο, καδδὲ λέλειπται ### book 2.475.4 ὀστέον οὐδενόσωρον, ἀμήχανον ὅσσον ἰδέσθαι ### book 2.475.5 φάσγανον· οὐδέ κεν ἄν τι καὶ ἱέμενος τελέσειας. ### book 2.480.1 τρυγονίου δ’ οὔπω τι κακώτερον ἔπλετο πῆμα ### book 2.480.2 τρώματος, οὐδ’ ὅσα χεῖρες ἀρήϊα τεχνήσαντο ### book 2.480.3 χαλκήων, οὐδ’ ὅσσα φερεπτερύγων ἐπ’ ὀϊστῶν ### book 2.480.4 Πέρσαι φαρμακτῆρες ὀλέθρια μητίσαντο· ### book 2.480.5 τρυγόνι γὰρ ζωῇ τε βέλος ῥίγιστον ὀπηδεῖ ### book 2.485 ζαφλεγές, οἷόν πού τις ἀνὴρ πέφρικεν ἀκούων, ### book 2.1 ζώει τε φθιμένης καὶ ἀτειρέα ῥύεται ἀλκὴν ### book 2.2 ἄτροπον· οὐδ’ ἄρα μοῦνον ἐνὶ ζῴοις ἀΐδηλον ### book 2.3 ἄτην, ὅσσα βάλῃσιν, ἐρεύγεται, ἀλλὰ καὶ ἔρνος ### book 2.4 καὶ πέτρην ἐκάκωσε, καὶ εἴ ποθι κεῖνο πελάσσῃ. ### book 2.490.1 εἰ γάρ τίς κ’ ἐριθηλὲς ἀεξόμενον φυτὸν ὥραις, ### book 2.490.2 θαλλοῖς τ’ εὐφυέεσσι καὶ εὐκάρποισι γονῇσι, ### book 2.490.3 νέρθεν ὑπὸ ῥίζῃσιν ἀναιδέϊ τύμματι κείνῳ ### book 2.490.4 οὐτήσῃ, τόδ’ ἔπειτα κακῇ βεβολημένον ἄτῃ ### book 2.490.5 λήγει μὲν πετάλων, κατὰ δὲ ῥέει ἠΰτε νούσῳ· ### book 2.495.1 πρῶτον ἀπ’ ἀγλαΐης δὲ μαραίνεται, οὐδέ τι τηλοῦ ### book 2.495.2 αὖόν τ’ οὐτιδανόν τε καὶ ἄχλοον ὄψεαι ἔρνος. ### book 2.495.3 Κεῖνό ποτ’ αἰγανέῃ δολιχήρεϊ κωπηέσσῃ ### book 2.495.4 Κίρκη Τηλεγόνῳ πολυφάρμακος ὤπασε μήτηρ, ### book 2.495.5 αἰχμάζειν δηΐοις ἅλιον μόρον· αὐτὰρ ὁ νήσῳ ### book 2.1 αἰγιβότῳ προσέκελσε, καὶ οὐ μάθε πώεα πέρθων ### book 2.2 πατρὸς ἑοῦ, γεραρῷ δὲ βοηδρομέοντι τοκῆϊ ### book 2.3 αὐτῷ, τὸν μάστευε, κακὴν ἐνεμάξατο κῆρα. ### book 2.4 ἔνθα τὸν αἰολόμητιν Ὀδυσσέα, μυρία πόντου ### book 2.5 ἄλγεα μετρήσαντα πολυκμήτοισιν ἀέθλοις, ### book 2.505.1 τρυγὼν ἀλγινόεσσα μιῇ κατενήρατο ῥιπῇ. ### book 2.505.2 Θύννῳ δὲ ξιφίῃ τε συνέμπορον αἰὲν ὀπηδεῖ ### book 2.1 πῆμα· τὸ δ’ οὔποτ’ ἔχουσιν ἀπότροπον οὔτε μεθέσθαι ### book 2.2 οὔτε φυγεῖν, πτερύγεσσιν ἐνήμενον ἄγριον οἶστρον, ### book 2.3 ὅς σφισι, καυστηροῖο κυνὸς νέον ἱσταμένοιο, ### book 2.510.1 κέντρου πευκεδανοῖο θοὴν ἐνερείδεται ἀλκήν, ### book 2.510.2 ὀξὺ μάλ’ ἐγχρίμπτων, χαλεπὴν δ’ ἐπὶ λύσσαν ὀρίνει, ### book 2.510.3 θωρήξας ὀδύνῃσιν· ἐπισπέρχει δ’ ἀέκοντας ### book 2.510.4 φοιταλέῃ μάστιγι χορευέμεν· οἱ δὲ κελαινῷ ### book 2.510.5 τύμματι παιφάσσουσι μεμηνότες, ἄλλοτε δ’ ἄλλῃ ### book 2.515.1 κῦμα καθιππεύουσιν, ἀνήνυτον ἄλγος ἔχοντες. ### book 2.515.2 πολλάκι καὶ νήεσσιν ἐϋκραίροις ἐνόρουσαν ### book 2.515.3 ῥιπῇ ἐλαυνόμενοι δυσκραέϊ· πολλάκι δ’ ἅλμης ### book 2.515.4 ἔκθορον ἐς γαῖάν τε κατέδραμον ἀσπαίροντες ### book 2.515.5 καὶ μόρον ἠμείψαντο πολυκμήτων ὀδυνάων· ### book 2.520.1 τοῖον γὰρ δάκος αἰνὸν ἐπιρρέπει οὐδ’ ἀνίησι. ### book 2.520.2 καὶ γάρ τοι καὶ βουσὶν ἀνάρσιος εὖτε πελάσσῃ ### book 2.520.3 οἶστρος, ἐνιχρίμψῃ δὲ βέλος λαγόνεσσιν ἀραιαῖς, ### book 2.520.4 οὔτε τι βουφόρβων μέλεται σέβας οὔτε νομοῖο, ### book 2.520.5 οὔτ’ ἀγέλης ποίην δὲ καὶ αὔλια πάντα λιπόντες ### book 2.525.1 σεύονται λύσσῃ τεθοωμένοι· οὐδέ τις αὐτοῖς ### book 2.525.2 οὐ ποταμῶν, οὐ πόντος ἀνέμβατος, οὐδὲ χαράδραι ### book 2.525.3 ῥωγάδες, οὐ πέτρη τις ἀφοίτητος κατερύκει ### book 2.525.4 ῥιπὴν ταυρείην, ὅτ’ ἐπιζέσῃ ὀξὺ κελεύων ### book 2.525.5 βουτύπος, ὀτρηρῇσιν ἐπισπέρχων ὀδύνῃσι· ### book 2.530.1 πάντῃ δὲ βρυχή, πάντῃ δέ οἱ ἅλματα χηλῆς ### book 2.530.2 εἱλεῖται· τοίη μιν ἄγει δριμεῖα θύελλα. ### book 2.530.3 καὶ τὸ μὲν ἰχθύσιν ἄλγος ὁμοίϊον ἠδὲ βόεσσι. ### book 2.1 Δελφῖνες δ’ ἀγέλῃσιν ἁλὸς μέγα κοιρανέουσιν, ### book 2.2 ἔξοχον ἠνορέῃ τε καὶ ἀγλαΐῃ κομόωντες ### book 2.535.1 ῥιπῇ τ’ ὠκυάλῳ· διὰ γὰρ βέλος ὥστε θάλασσαν ### book 2.535.2 ἵπτανται· φλογόεν δὲ σέλας πέμπουσιν ὀπωπαῖς ### book 2.535.3 ὀξύτατον· καί πού τιν’ ὑποπτήσσοντα χαράδραις ### book 2.535.4 καί τιν’ ὑπὸ ψαμάθοις εἰλυμένον ἔδρακον ἰχθύν. ### book 2.535.5 ὅσσον γὰρ κούφοισι μετ’ οἰωνοῖσιν ἄνακτες ### book 2.540.1 αἰετοὶ ἢ θήρεσσι μετ’ ὠμηστῇσι λέοντες, ### book 2.540.2 ὅσσον ἀριστεύουσιν ἐν ἑρπυστῆρσι δράκοντες, ### book 2.540.3 τόσσον καὶ δελφῖνες ἐν ἰχθύσιν ἡγεμονῆες. ### book 2.540.4 τοῖς δ’ οὔτ’ ἐρχομένοις πελάσαι σχεδὸν οὔτε τις ἄντην ### book 2.540.5 ὄσσε βαλεῖν τέτληκεν, ὑποπτώσσουσι δ’ ἄνακτος ### book 2.545.1 τηλόθεν ἅλματα δεινὰ καὶ ἄσθματα φυσιόωντος. ### book 2.545.2 οἱ δ’ ὁπότ’ ἰθύσωσι λιλαιόμενοι μετὰ φορβήν, ### book 2.545.3 πάντ’ ἄμυδις κλονέουσιν ἀθέσφατα πώεα λίμνης, ### book 2.545.4 παμφύγδην ἐλόωντες· ἐνέπλησαν δὲ φόβοιο ### book 2.545.5 πάντα πόρον· σκιεροὶ δὲ μυχοὶ χθαμαλαί τε χαράδραι ### book 2.1 στείνονται λιμένες τε καὶ ἠϊόνων ἐπιωγαὶ ### book 2.2 πάντοθεν εἰλομένων· ὁ δὲ δαίνυται ὅν κ’ ἐθέλῃσι, ### book 2.3 κρινάμενος τὸν ἄριστον ἀπειρεσίων παρεόντων. ### book 2.4 Ἀλλ’ ἔμπης καὶ τοῖσιν ἀνάρσιοι ἀντιφέρονται ### book 2.5 ἰχθύες, οὓς ἀμίας κικλήσκομεν· οὐδ’ ἀλέγουσι ### book 2.555 δελφίνων, μοῦναι δὲ κατ’ ἀντία δηριόωνται. ### book 2.1 ταῖς μὲν ἀφαυρότερον θύννων δέμας, ἀμφὶ δὲ σάρκες ### book 2.2 ἀβληχραί, θαμέες δὲ διὰ στόμα λάβρον ὀδόντες ### book 2.3 ὀξέα πεφρίκασι· τὸ καὶ μέγα θάρσος ἔχουσιν, ### book 2.4 οὐδὲ καταπτώσσουσιν ὑπέρβιον ἡγητῆρα. ### book 2.560.1 εὖτε γὰρ ἀθρήσωσιν ἀπόσσυτον οἶον ἀπ’ ἄλλων ### book 2.560.2 δελφίνων ἀγέλης, αἱ δ’ ἀθρόαι ἄλλοθεν ἄλλαι, ### book 2.560.3 ἠΰθ’ ὑπ’ ἀγγελίης στρατὸς ἄσπετος, εἰς ἕν’ ἰοῦσαι ### book 2.560.4 στέλλονται ποτὶ μῶλον ἀθαμβέες, ὥστ’ ἐπὶ πύργον ### book 2.560.5 δυσμενέων θύνοντες ἀρήϊοι ἀσπιστῆρες. ### book 2.565.1 δελφὶς δ’ ἠϋγένειος ὑπαντιόωντος ὁμίλου ### book 2.565.2 πρῶτα μὲν οὐκ ἀλέγει, μετὰ δ’ ἔσσυται, ἄλλοτε ἄλλην ### book 2.565.3 ἁρπάγδην ἐρύων, μενοεικέα δαῖτα κιχήσας. ### book 2.565.4 ἀλλ’ ὅτε μιν πολέμοιο περιστέψωσι φάλαγγες ### book 2.565.5 πάντοθεν, ἀμφὶ δέ μιν στῖφος μέγα κυκλώσωνται, ### book 2.570.1 δὴ τότε οἱ καὶ μόχθος ὑπὸ φρένα δύεται ἤδη· ### book 2.570.2 ἔγνω δ’ αἰπὺν ὄλεθρον ἀπειρεσίοις ἔνι μοῦνος ### book 2.570.3 ἑρχθεὶς δυσμενέεσσι· πόνος δ’ ἀναφαίνεται ἀλκῆς. ### book 2.570.4 αἱ μὲν γὰρ λυσσηδὸν ἀολλέες ἀμφιχυθεῖσαι ### book 2.570.5 δελφῖνος μελέεσσι βίην ἐνέρεισαν ὀδόντων· ### book 2.575.1 πάντῃ δὲ πρίουσι καὶ ἄτροποι ἐμπεφύασι, ### book 2.575.2 πολλαὶ μὲν κεφαλῆς δεδραγμέναι, αἱ δὲ γενείων ### book 2.575.3 γλαυκῶν, αἱ δ’ αὐτῇσιν ἐνὶ πτερύγεσσιν ἔχονται, ### book 2.575.4 πολλαὶ δ’ ἐν λαγόνεσσι γένυν πήξαντο δαφοινήν, ### book 2.575.5 ἄλλαι δ’ ἀκροτάτην οὐρὴν ἕλον, αἱ δ’ ὑπένερθε ### book 2.580.1 νηδύν, αἱ δ’ ἄρ’ ὕπερθεν ὑπὲρ νώτοιο νέμονται, ### book 2.580.2 ἄλλαι δ’ ἐκ λοφιῆς, αἱ δ’ αὐχένος ᾐώρηνται. ### book 2.580.3 αὐτὰρ ὁ παντοίοισι περιπληθὴς καμάτοισι ### book 2.580.4 πόντον ἐπαιγίζει, σφακέλῳ δέ οἱ ἔνδον ὀρεχθεῖ ### book 2.580.5 μαινομένη κραδίη, φλεγέθει δέ οἱ ἦτορ ἀνίῃ, ### book 2.585.1 πάντῃ δὲ θρώσκει καὶ ἑλίσσεται ἄκριτα θύων, ### book 2.585.2 παφλάζων ὀδύνῃσι· κυβιστητῆρι δ’ ἐοικὼς ### book 2.585.3 ἄλλοτε μὲν βαθὺ κῦμα διατρέχει ἠΰτε λαίλαψ, ### book 2.1 ἄλλοτε δ’ ἐς νεάτην φέρεται βρύχα, πολλάκι δ’ ἅλμης ### book 2.2 ἀφρὸν ὑπερθρώσκων ἀναπάλλεται, εἴ ἑ μεθείη ### book 2.590.1 ἐσμὸς ὑπερφιάλων νεπόδων θρασύς· αἱ δ’ ἀλίαστοι ### book 2.590.2 οὔτι βίης μεθιᾶσιν, ὁμῶς δέ οἱ ἐμπεφύασι, ### book 2.590.3 καί οἱ δυομένῳ τε μίαν δύνουσι κέλευθον, ### book 2.590.4 αὖτις δ’ ἀνθρώσκοντι σὺν ἔξαλοι ἀΐσσουσιν ### book 2.590.5 ἑλκόμεναι· φαίης κε νέον τέρας Ἐννοσιγαίῳ ### book 2.595.1 τίκτεσθαι δελφῖσι μεμιγμένον ἠδ’ ἀμίῃσιν· ### book 2.595.2 ὧδε γὰρ ἀργαλέῃ ξυνοχῇ πεπέδηται ὀδόντων. ### book 2.595.3 ὡς δ’ ὅταν ἰητὴρ πολυμήχανος, ἕλκος ἀφύσσων ### book 2.595.4 οἰδαλέον, τῷ πολλὸν ἀνάρσιον ἔνδοθεν αἷμα ### book 2.595.5 ἐντρέφεται, διεράς τε γονάς, κυανόχροα λίμνης ### book 2.1 ἑρπετά, τειρομένοιο κατὰ χροὸς ἐστήριξε, ### book 2.2 δαίνυσθαι μέλαν αἷμα· τὰ δ’ αὐτίκα γυρωθέντα ### book 2.3 κυρτοῦται καὶ λύθρον ἐφέλκεται οὐδ’ ἀνίησιν, ### book 2.4 εἰσόκεν αἱμοβαρῆ ζωρὸν πότον αὖ ἐρύσαντα ### book 2.5 ἐκ χροὸς αὐτοκύλιστα πέσῃ μεθύουσιν ὁμοῖα· ### book 2.605.1 ὣς ἀμίαις οὐ πρόσθε χαλᾷ μένος, εἰσόκε σάρκα ### book 2.605.2 κείνην, ἥν ποτ’ ἔμαρψαν, ὑπὸ στόμα δαιτρεύσωνται. ### book 2.605.3 ἀλλ’ ὅτε μιν προλίπωσιν, ἀναπνεύσῃ δὲ πόνοιο ### book 2.605.4 δελφίς, δὴ τότε λύσσαν ἐσόψεαι ἡγητῆρος ### book 2.605.5 χωομένου· κρυερὴ δ’ ἀμίαις ἀναφαίνεται ἄτη. ### book 2.610.1 αἱ μὲν γὰρ φεύγουσιν, ὁ δ’ ἐξόπιθεν κεραΐζων, ### book 2.610.2 εἰδόμενος πρηστῆρι δυσηχέϊ, πάντ’ ἀμαθύνει, ### book 2.610.3 δάπτων ἐμμενέως, κατὰ δ’ αἵματι πόντον ἐρεύθει ### book 2.1 αἰχμάζων γενύεσσι, παθὼν δ’ ἀπετίσατο λώβην. ### book 2.2 ὧδε καὶ ἐν ξυλόχοισιν ἔχει φάτις ἀγρευτήρων ### book 2.615.1 θῶας ὑπερφιάλους ἔλαφον πέρι ποιπνύεσθαι ### book 2.615.2 ἀγρομένους· οἱ μὲν γὰρ ἐπαΐγδην γενύεσσι ### book 2.615.3 σάρκας ἀφαρπάζουσι καὶ ἀρτιχύτοιο φόνοιο ### book 2.615.4 θερμὸν ἔαρ λάπτουσιν· ὁ δ’ αἱμάσσων ὀδύνῃσι, ### book 2.615.5 βεβρυχὼς ὀλοῇσι περίπλεος ὠτειλῇσιν, ### book 2.620.1 ἄλλοτ’ ἐπ’ ἀλλοίων ὀρέων διαπάλλεται ἄκρας· ### book 2.620.2 οἱ δέ μιν οὐ λείπουσιν, ἀεὶ δέ οἱ ἐγγὺς ἕπονται ### book 2.620.3 ὠμησταί, ζωὸν δὲ διαρταμέοντες ὀδοῦσι ### book 2.620.4 ῥινὸν ἀποσχίζουσι, πάρος θανάτοιο κυρῆσαι, ### book 2.620.5 δαῖτα κελαινοτάτην τε καὶ ἀλγίστην πονέοντες. ### book 2.625.1 ἀλλ’ ἤ τοι θῶες μὲν ἀναιδέες οὔτιν’ ἔτισαν ### book 2.625.2 ποινήν, ἐκ δ’ ἐγέλασσαν ἐπὶ φθιμένοις ἐλάφοισιν, ### book 2.625.3 θαρσαλέαι δ’ ἀμίαι τάχα κύντερα δηρίσαντο. ### book 2.625.4 Δελφίνων κἀκεῖνο πανέξοχον ἔργον ἀκούων ### book 2.625.5 ἠγασάμην· τοῖς εὖτ’ ἂν ὀλέθριος ἐγγὺς ἵκηται ### book 2.630.1 νοῦσος ἀταρτηρή, τοὺς δ’ οὐ λάθεν, ἀλλ’ ἐδάησαν ### book 2.630.2 τέρμα βίου· πέλαγος δὲ καὶ εὐρέα βένθεα λίμνης ### book 2.630.3 φεύγοντες κούφοισιν ἐπ’ αἰγιαλοῖσιν ἔκελσαν· ### book 2.630.4 ἔνθα δ’ ἀποπνείουσι καὶ ἐν χθονὶ μοῖραν ἕλοντο, ### book 2.630.5 ὄφρα τις ἢ μερόπων ἱερὸν τρόχιν Ἐννοσιγαίου ### book 2.635.1 κείμενον αἰδέσσαιτο χυτῇ τ’ ἐπὶ θινὶ καλύψαι, ### book 2.635.2 μνησάμενος φιλότητος ἐνηέος, ἠὲ καὶ αὐτὴ ### book 2.635.3 βρασσομένη ψαμάθοισι δέμας κρύψειε θάλασσα, ### book 2.635.4 μηδέ τις εἰναλίων ἐσίδοι νέκυν ἡγητῆρα, ### book 2.635.5 μηδέ τις οἰχομένῳ περ ἐνὶ χροῒ λωβήσαιτο ### book 2.640 δυσμενέων· ἀρετὴ δὲ καὶ ὀλλυμένοισιν ὀπηδεῖ ### book 2.1 καὶ κράτος, οὐδ’ ᾔσχυναν ἑὸν κλέος οὐδὲ θανόντες. ### book 2.2 Κεστρέα δ’ ἐν πάντεσσιν ἁλὸς νεπόδεσσιν ἀκούω ### book 2.3 φέρβειν πρηΰτατόν τε δικαιότατόν τε νόημα· ### book 2.4 μοῦνοι γὰρ κεστρῆες ἐνηέες οὔθ’ ὁμόφυλον ### book 2.645.1 οὔτέ τιν’ ἀλλοίης γενεῆς ἄπο πημαίνουσιν· ### book 2.645.2 οὐδέ ποτε ψαύουσιν ὑπὸ στόμα σαρκὸς ἐδωδῆς, ### book 2.645.3 οὐδὲ φόνου λάπτουσιν, ἀπημοσύνῃ δὲ νέμονται, ### book 2.645.4 αἵματος ἄχραντοι καὶ ἀκηδέες, ἁγνὰ γένεθλα· ### book 2.645.5 φέρβονται δ’ ἢ χλωρὸν ἁλὸς μνίον ἠὲ καὶ αὐτὴν ### book 2.1 ἰλύν, ἀλλήλων τε δέμας περιλιχμάζουσι. ### book 2.2 τοὔνεκα καί τιν’ ἔχουσι μετ’ ἰχθύσι τίμιον αἰδῶ· ### book 2.3 οὐ γάρ τις κείνων νεαρὸν τόκον οἷα καὶ ἄλλων ### book 2.4 σίνεται, ὠμοφάγων δὲ βίην ἀπέχουσιν ὀδόντων. ### book 2.5 ὣς αἰεὶ μετὰ πᾶσι Δίκης πρεσβήϊα κεῖται ### book 2.655.1 αἰδοίης, πάντῃ δὲ γεράσμιον ἤρατο τιμήν. ### book 2.655.2 οἱ δ’ ἄλλοι μάλα πάντες ὀλέθριοι ἀλλήλοισιν ### book 2.655.3 ἔρχονται· τὸ καὶ οὔποτ’ ἐσόψεαι ὑπνώοντας ### book 2.655.4 ἔλλοπας, ἀλλ’ ἄρα τοῖσι καὶ ὄμματα καὶ νόος αἰὲν ### book 2.655.5 ἐγρήσσει πανάϋπνος· ἐπεὶ τρομέουσι μὲν αἰεὶ ### book 2.660.1 φέρτερον ἀντιόωντα, χερειότερον δ’ ὀλέκουσι. ### book 2.660.2 μοῦνον δ’ οὔποτε φασὶν ἀνὰ κνέφας ἀσπαλιῆες ### book 2.660.3 εἰς ἄγρην πεσέειν ἁπαλὸν σκάρον, ἀλλά που ὕπνον ### book 2.660.4 ἐννύχιον κοίλοισιν ὑπὸ κευθμῶσιν ἰαύειν. ### book 2.660.5 Οὐ μέντοι τό γε θαῦμα Δίκην ἀπάτερθε θαλάσσης ### book 2.665.1 ναιετάειν· οὐ γάρ τι πάλαι πρέσβειρα θεάων ### book 2.665.2 οὐδὲ μετὰ θνητοῖσιν ἔχε θρόνον, ἀλλὰ κυδοιμοὶ ### book 2.665.3 δυσκέλαδοι καὶ θοῦρος Ἄρευς φθισήνορος ἄτη ### book 2.665.4 μαῖά τ’ ἐρικλαύστων πολέμων Ἔρις ἀλγεσίδωρος ### book 2.665.5 ἔφλεγον ἡμερίων δειλὸν γένος· οὐδέ τι θηρῶν ### book 2.670.1 κεκριμένοι πολέες μερόπων ἔσαν, ἀλλὰ λεόντων ### book 2.670.2 αἰνότεροι πύργους τ’ εὐτείχεας ἠδὲ μέλαθρα ### book 2.670.3 νηούς τ’ ἀθανάτων εὐώδεας αἵματι φωτῶν ### book 2.670.4 καπνῷ τ’ αἰθαλόεντι κατείνυον Ἡφαίστοιο, ### book 2.670.5 εἰσόκε ῥαιομένην γενεὴν ᾤκτειρε Κρονίων, ### book 2.675.1 ὑμῖν δ’ Αἰνεάδῃσιν ἐπέτραπε γαῖαν ἀνάψας. ### book 2.675.2 ἀλλ’ ἔτι καὶ προτέροισιν ἐν Αὐσονίων βασιλεῦσι ### book 2.675.3 θῦνεν Ἄρης, Κελτούς τε καὶ αὐχήεντας Ἴβηρας ### book 2.675.4 θωρήσσων Λιβύης τε πολὺν πόρον ἔργα τε Ῥήνου ### book 2.675.5 Ἴστρον τ’ Εὐφρήτην τε· τί μοι τάδε δούρατος ἔργα ### book 2.680.1 μεμνῆσθαι; νῦν γάρ σε, Δίκη θρέπτειρα πολήων, ### book 2.680.2 γινώσκω μερόπεσσι συνέστιον ἠδὲ σύνοικον, ### book 2.1 ἐξ οὗ μοι κραίνουσι μέγαν θρόνον ἐμβεβαῶτες ### book 2.2 ἄμφω θεσπέσιός τε πατὴρ καὶ φαίδιμος ὄρπηξ· ### book 2.3 ἐκ τῶν μοι γλυκὺς ὅρμος ἀνακτορίης πεπέτασται. ### book 2.685.1 τούς μοι καὶ ῥύοισθε καὶ ἔμπεδον ἰθύνοιτε ### book 2.685.2 πολλαῖς ἐν δεκάδεσσιν ἑλισσομένων ἐνιαυτῶν, ### book 2.685.3 Ζεῦ τε καὶ Οὐρανίδαι, Ζηνὸς χορός, εἴ τις ἀμοιβὴ ### book 2 εὐσεβίης· σκήπτρῳ δὲ τελεσφόρον ὄλβον ἄγοιτε. ### book 3.1 Νῦν δ’ ἄγε μοι, σκηπτοῦχε, παναίολα δήνεα τέχνης ### book 3.2 ἰχθυβόλου φράζοιο καὶ ἀγρευτῆρας ἀέθλους, ### book 3.3 θεσμόν τ’ εἰνάλιον ξυμβάλλεο, τέρπεο δ’ οἴμῃ ### book 3.4 ἡμετέρῃ· σοῖς μὲν γὰρ ὑπὸ σκήπτροισι θάλασσα ### book 3.5.1 εἰλεῖται καὶ φῦλα Ποσειδάωνος ἐναύλων, ### book 3.5.2 ἔργα δέ τοι ξύμπαντα μετ’ ἀνδράσι πορσύνονται, ### book 3.5.3 σοὶ δ’ ἐμὲ τερπωλήν τε καὶ ὑμνητῆρ’ ἀνέηκαν ### book 3.5.4 δαίμονες ἐν Κιλίκεσσιν ὑφ’ Ἑρμαίοις ἀδύτοισι. ### book 3.5.5 Ἑρμεία, σὺ δέ μοι πατρώϊε, φέρτατε παίδων ### book 3.10.1 Αἰγιόχου, κέρδιστον ἐν ἀθανάτοισι νόημα, ### book 3.10.2 φαῖνέ τε καὶ σήμαινε καὶ ἄρχεο, νύσσαν ἀοιδῆς ### book 3.10.3 ἰθύνων· βουλὰς δὲ περισσονόων ἁλιήων ### book 3.10.4 αὐτός, ἄναξ, πρώτιστος ἐμήσαο καὶ τέλος ἄγρης ### book 3.10.5 παντοίης ἀνέφηνας, ἐπ’ ἰχθύσι κῆρας ὑφαίνων. ### book 3.15 Πανὶ δὲ Κωρυκίῳ βυθίην παρακάτθεο τέχνην, ### book 3.1 παιδὶ τεῷ, τὸν φασὶ Διὸς ῥυτῆρα γενέσθαι, ### book 3.2 Ζηνὸς μὲν ῥυτῆρα, Τυφαόνιον δ’ ὀλετῆρα. ### book 3.3 κεῖνος γὰρ δείπνοισιν ἐπ’ ἰχθυβόλοισι δολώσας ### book 3.4 σμερδαλέον Τυφῶνα παρήπαφεν, ἔκ τε βερέθρου ### book 3.20.1 δύμεναι εὐρωποῖο καὶ εἰς ἁλὸς ἐλθέμεν ἀκτήν· ### book 3.20.2 ἔνθα μιν ὀξεῖαι στεροπαὶ ῥιπαί τε κεραυνῶν ### book 3.20.3 ζαφλεγέες πρήνιξαν· ὁ δ’ αἰθόμενος πυρὸς ὄμβροις ### book 3.20.4 κρᾶθ’ ἑκατὸν πέτρῃσι περιστυφελίζετο πάντῃ ### book 3.20.5 ξαινόμενος· ξανθαὶ δὲ παρ’ ἠϊόνεσσιν ἔτ’ ὄχθαι ### book 3.25.1 λύθρῳ ἐρευθιόωσι Τυφαονίων ἀλαλητῶν. ### book 3.25.2 Ἑρμεία κλυτόβουλε, σὲ δ’ ἔξοχον ἱλάσκονται ### book 3.25.3 ἰχθυβόλοι· τῷ καί σε σὺν ἀγροίοισιν ἀΰσας ### book 3.25.4 δαίμοσιν εὐθήροιο μετὰ κλέος ἔρχομαι οἴμης. ### book 3.25.5 Πρῶτα μὲν ἀσπαλιῆϊ δέμας καὶ γυῖα παρείη ### book 3.30.1 ἀμφότερον καὶ κραιπνὰ καὶ ἄλκιμα, μήτε τι λίην ### book 3.30.2 πίονα μήτε τι σαρκὶ λελειμμένα· δὴ γὰρ ἀνάγκη ### book 3.30.3 πολλάκι μιν κρατεροῖσιν ἀνελκομένοισι μάχεσθαι ### book 3.30.4 ἰχθύσιν, οἷς ὑπέροπλον ἔνι σθένος, εἰσόκεν ἅλμης ### book 3.30.5 μητρὸς ἐν ἀγκοίνῃσιν ἑλισσόμενοι δονέονται. ### book 3.35.1 χρειὼ δ’ ἐκ πέτρης τε θορεῖν πέτρην τ’ ἀνοροῦσαι ### book 3.35.2 ῥηϊδίως· χρειὼ δὲ πόνου βυθίοιο ταθέντος ### book 3.35.3 ῥίμφα διϊχνεῦσαι δολιχὸν πόρον ἔς τε βάθιστα ### book 3.35.4 δῦναι καὶ μίμνοντα μετ’ οἴδμασιν ὡς ἐπὶ γαίης ### book 3.35.5 δηθύνειν ἔργοισι πονεύμενον, οἷς ἐνὶ πόντῳ ### book 3.40.1 ἄνδρες ἀεθλεύουσι ταλάφρονα θυμὸν ἔχοντες. ### book 3.40.2 ψυχὴν δ’ ἀσπαλιεὺς πολυπαίπαλος ἠδὲ νοήμων ### book 3.40.3 εἴη· ἐπεὶ μάλα πολλὰ καὶ αἰόλα μηχανόωνται ### book 3.40.4 ἰχθύες ἐγκύρσαντες ἀνωΐστοισι δόλοισι. ### book 3.40.5 τολμήεις δὲ μάλιστα καὶ ἄτρομος ἠδὲ σαόφρων ### book 3.45.1 εἴη, μηδ’ ὕπνου φιλέοι κόρον· ὀξὺ δὲ λεύσσοι ### book 3.45.2 ἐγρήσσων κραδίῃ τε καὶ ὄμμασι πεπταμένοισιν. ### book 3.45.3 εὖ δὲ φέροι καὶ χεῖμα Διὸς καὶ δίψιον ὥρην ### book 3.45.4 Σειρίου· ἱμείροι δὲ πόνων, ἐράοι δὲ θαλάσσης· ### book 3.45.5 ὧδε γὰρ εὐάγρης τε καὶ Ἑρμείᾳ φίλος εἴη. ### book 3.1 Θήρη δ’ ἑσπερίη μὲν ὀπωρινῇσιν ἐν ὥραις ### book 3.2 καρτίστη τελέθει καὶ ἑωσφόρος εὖτ’ ἀνατέλλῃ· ### book 3.3 χείματι δ’ ἠελίοιο βολαῖς ἅμα κιδναμένῃσι ### book 3.4 στέλλεσθαι· πᾶν δ’ ἦμαρ ἐν εἴαρι τηλεθόωντι ### book 3.5 ἄγραις παντοίῃσιν ὀφέλλεται, ἦμος ἅπαντες ### book 3.55.1 ἔλλοπες ἠϊόνεσσιν ἐφέστιοι ἐγγύθι γαίης ### book 3.55.2 ἕλκονται τοκετῶν τε μόγῳ δίψῃ τ’ Ἀφροδίτης. ### book 3.55.3 αἰεὶ δ’ εἰς ἄνεμον παπταινέμεν, ὅς κεν ἄῃσιν ### book 3.55.4 ἤπιος, εὐδιόων, μαλακὴν ἅλα κοῦφα κυλίνδων· ### book 3.55.5 λάβρους γὰρ τρομέουσι καὶ ἐχθαίρουσιν ἀήτας ### book 3.60.1 ἰχθύες, οὐδ’ ἐθέλουσιν ὑπεὶρ ἅλα δινεύεσθαι· ### book 3.60.2 εὐκραεῖ δ’ ἀνέμῳ περιδέξιος ἵσταται ἄγρη. ### book 3.60.3 πάντες δὲ πνοιῇσιν ἐναντία καὶ ῥοθίοισι ### book 3.60.4 πλῶτες ἁλὸς θύνουσιν, ἐπεὶ σφίσιν ὧδε κέλευθος ### book 3.60.5 ῥηϊτέρη στείχουσιν ἐπ’ ᾐόνας, οὐδ’ ὑπ’ ἀνάγκης ### book 3.65.1 ἐξόπιθε ῥιπῇσιν ἐλαυνόμενοι μογέουσιν. ### book 3.65.2 ἀλλ’ ἁλιεὺς στέλλοιτο λίνον πνοιῇσι πετάσσας ### book 3.65.3 οὔριον, ἐς Βορέην μέν, ἐπὴν Νότος ὑγρὸς ἄῃσιν· ### book 3.65.4 ἐς Νοτίην δὲ θάλασσαν ἐπειγομένου Βορέαο· ### book 3.65.5 Εὔρου δ’ ἱσταμένοιο ποτὶ Ζεφύροιο κέλευθα· ### book 3.70.1 πρὸς δ’ Εὖρον Ζέφυρος φορέοι σκάφος· ὧδε γὰρ ἑσμοὶ ### book 3.70.2 ἄσπετοι ἀντήσουσι καὶ εὔβολος ἔσσεται ἄγρη. ### book 3.70.3 Τέτραχα δ’ εἰναλίης θήρης νόμον ἐφράσσαντο ### book 3.70.4 ἰχθυβόλοι· καὶ τοὶ μὲν ἐπ’ ἀγκίστροισι γάνυνται, ### book 3.70.5 τῶν δ’ οἱ μὲν δονάκεσσιν ἀναψάμενοι δολιχοῖσιν ### book 3.75.1 ὁρμιὴν ἵππειον ἐΰπλοκον ἀγρώσσουσιν· ### book 3.75.2 οἱ δ’ αὔτως θώμιγγα λινόστροφον ἐκ παλαμάων ### book 3.75.3 δησάμενοι πέμπουσιν· ὁ δ’ ἢ καθέτοισι γέγηθεν ### book 3.75.4 ἢ πολυαγκίστροισιν ἀγάλλεται ὁρμιῇσι. ### book 3.75.5 δίκτυα δ’ αὖτ’ ἄλλοισι μέλει πλέον ἐντύνεσθαι· ### book 3.80.1 τῶν τὰ μὲν ἀμφίβληστρα, τὰ δὲ γρῖφοι καλέονται, ### book 3.80.2 γάγγαμά τ’ ἠδ’ ὑποχαὶ περιηγέες ἠδὲ σαγῆναι· ### book 3.1 ἄλλα δὲ κικλήσκουσι καλύμματα, σὺν δὲ σαγήναις ### book 3.2 πέζας καὶ σφαιρῶνας ὁμοῦ σκολιόν τε πάναγρον· ### book 3.3 μυρία δ’ αἰόλα τοῖα δολορραφέων λίνα κόλπων. ### book 3.85.1 ἄλλοι δ’ αὖ κύρτοισιν ἐπὶ φρένα μᾶλλον ἔχουσι, ### book 3.85.2 κύρτοις, οἳ κνώσσοντας ἑοὺς ηὔφρηναν ἄνακτας ### book 3.85.3 εὐκήλους· βαιῷ δὲ πόνῳ μέγα κέρδος ὀπηδεῖ. ### book 3.85.4 ἄλλοι δ’ οὐτάζουσι τανυγλώχινι τριαίνῃ ### book 3.85.5 ἔλλοπας ἐκ χέρσου τε καὶ ἐκ νεός, ὡς ἐθέλουσι. ### book 3.90.1 τῶν πάντων καὶ μέτρον ὅσον καὶ κόσμον ἑκάστου ### book 3.90.2 ἀτρεκέως ἴσασιν, ὅσοι τάδε τεκταίνονται. ### book 3.90.3 Ἰχθύσι δ’ οὐκ ἄρα μοῦνον ἐπ’ ἀλλήλοισι νόημα ### book 3.90.4 πυκνὸν ἔην καὶ μῆτις ἐπίκλοπος, ἀλλὰ καὶ αὐτοὺς ### book 3.90.5 πολλάκις ἐξεπάφησαν ἐπίφρονας ἀγρευτῆρας ### book 3.95.1 καὶ φύγον ἀγκίστρων τε βίας λαγόνας τε πανάγρων, ### book 3.95.2 ἤδη ἐνισχόμενοι, παρὰ δὲ φρένας ἔδραμον ἀνδρῶν, ### book 3.95.3 βουλῇ νικήσαντες, ἄχος δ’ ἁλιεῦσι γένοντο. ### book 3.95.4 Κεστρεὺς μὲν πλεκτῇσιν ἐν ἀγκοίνῃσι λίνοιο ### book 3.95.5 ἑλκόμενος δόλον οὔτι περίδρομον ἠγνοίησεν, ### book 3.1 ὕψι δ’ ἀναθρώσκει, λελιημένος ὕδατος ἄκρου, ### book 3.2 ὀρθὸς ἄνω σπεύδων ὅσσον σθένος ἅλματι κούφῳ ### book 3.3 ὁρμῆσαι, βουλῆς δὲ σαόφρονος οὐκ ἐμάτησε· ### book 3.1 πολλάκι γὰρ ῥιπῇσι καὶ ὕστατα πείσματα φελλῶν ### book 3.2 ῥηϊδίως ὑπερᾶλτο καὶ ἐξήλυξε μόροιο. ### book 3.105.1 ἢν δ’ ὅ γ’ ἀνορμηθεὶς πρῶτον στόλον αὖτις ὀλίσθῃ ### book 3.105.2 ἐς βρόχον, οὐκέτ’ ἔπειτα βιάζεται οὐδ’ ἀνορούει ### book 3.105.3 ἀχνύμενος, πείρῃ δὲ μαθὼν ἀποπαύεται ὁρμῆς. ### book 3.105.4 ὡς δ’ ὅτε τις νούσῳ πολυκηδέϊ δηρὸν ἀλύων ### book 3.105.5 πρῶτα μὲν ἱμείρων τε καὶ ἱέμενος βιότοιο ### book 3.110.1 πάντα μάλ’ ἰητῆρσιν ἐφέσπεται, ὅσσα κέλονται ### book 3.110.2 ῥέζων· ἀλλ’ ὅτε κῆρες ἐπικρατέωσιν ἄφυκτοι ### book 3.110.3 Ἄϊδος, οὐκέτ’ ἔπειτα μέλει βίου, ἀλλὰ τανυσθεὶς ### book 3.110.4 κεῖται ἐπιτρέψας θανάτῳ κεκαφηότα γυῖα, ### book 3.110.5 ἤδη λοίσθιον ἦμαρ ὁρώμενος ἐγγύθι πότμου· ### book 3.115.1 ὣς ἄρα καὶ κεστρεὺς ἐδάη τέλος οἷον ἱκάνει, ### book 3.115.2 κεῖται δὲ προπεσών, μίμνων μόρον ἀγρευτῆρος. ### book 3.115.3 Μύραιναι δ’ ὅτε κέν ποτ’ ἐνιπλήξωσι λίνοισι, ### book 3.115.4 διζόμεναι βρόχον εὐρὺν ἐν ἕρκεϊ δινεύονται, ### book 3.115.5 τοῦ δὲ διαΐγδην ὀφίων νόμον ὁρμηθεῖσαι ### book 3.120.1 πᾶσαι ὀλισθηροῖσι διεξέπεσον μελέεσσι. ### book 3.120.2 Λάβραξ δὲ πτερύγεσσι διὰ ψαμάθοιο λαχήνας ### book 3.120.3 βόθρον ὅσον δέξασθαι ἑὸν δέμας ἠΰτ’ ἐς εὐνὴν ### book 3.120.4 ἐκλίνθη· καὶ τοὶ μὲν ἐπ’ ἠϊόνας κατάγουσι ### book 3.120.5 δίκτυον ἀσπαλιῆες, ὁ δ’ ἰλύϊ κείμενος αὔτως ### book 3.125.1 ἀσπασίως ἤλυξε καὶ ἔκφυγεν ἄρκυν ὀλέθρου. ### book 3.125.2 Τοῖα δὲ τεχνάζει καὶ μορμύρος· εὖτ’ ἂν ἐς ἄγρην ### book 3.125.3 φράσσηται προπεσών, ὁ δὲ δύεται ἐν ψαμάθοισι. ### book 3.125.4 Λάβραξ δ’ ἀγκίστροιο τυπεὶς εὐκαμπέος αἰχμῇ ### book 3.125.5 ὑψός’ ἀναθρώσκων κεφαλὴν ἀζηχὲς ἐρείδει ### book 3.130.1 αὐτῇ ἐν ὁρμιῇ βεβιημένος, ὄφρα οἱ ἕλκος ### book 3.130.2 εὐρύτερόν τε γένοιτο καὶ ἐκφυγέῃσιν ὄλεθρον. ### book 3.130.3 Τοῖα καὶ ὄρκυνοι μεγακήτεες ἐφράσσαντο· ### book 3.130.4 εὖτε γὰρ ἁρπάξωσι γένυν γναμπτοῖο δόλοιο, ### book 3.130.5 ῥίμφα τιταινόμενοι νεάτην ὑπὸ βύσσαν ἵενται, ### book 3.135.1 χεῖρα βιαζόμενοι θηρήτορος· ἢν δ’ ἀνύσωσιν ### book 3.135.2 ἐς πέδον, αὐτίκ’ ἔπειτα κάρη θείνοντες ἐς οὖδας ### book 3.135.3 ὠτειλὴν ἔρρηξαν, ἀποπτύουσι δ’ ἀκωκήν. ### book 3.135.4 Ἀλλ’ ὁπόταν καθέτοισι πελώριοι ἀμφιχάνωσιν ### book 3.135.5 ἰχθύες, οἷα βοῶν τε πέλει προβάτων τε γένεθλα ### book 3.140.1 ἢ βατὶς ἢ καὶ ὄνων νωθρὸν γένος, οὐκ ἐθέλουσιν ### book 3.140.2 ἕσπεσθαι, ψαμάθοισι δ’ ἐπὶ πλατὺ σῶμα βαλόντες ### book 3.140.3 ἀθρόοι ἐμβαρύθουσι, μόγον θ’ ἁλιεῦσιν ἔθηκαν. ### book 3.1 πολλάκι δ’ ἐξώλισθον ἀπ’ ἀγκίστροιο λυθέντες. ### book 3.2 Λαιψηραὶ δ’ ἀμίαι καὶ ἀλώπεκες εὖτ’ ἂν ἔχωνται, ### book 3.145.1 εὐθὺς ἄνω σπεύδουσιν ὑποφθαδόν, αἶψα δὲ μέσσην ### book 3.145.2 ὁρμιὴν ὑπ’ ὀδοῦσι διέτμαγον ἠὲ καὶ ἄκρας ### book 3.145.3 χαίτας· τοὔνεκα τῇσιν ἐχαλκεύσανθ’ ἁλιῆες ### book 3.145.4 καυλὸν ἐπ’ ἀγκίστρῳ δολιχώτερον, ἄρκος ὀδόντων. ### book 3.145.5 Ναὶ μὴν καὶ νάρκη σφέτερον νόον οὐκ ἀπολείπει ### book 3.1 πληγῇ ἀνιάζουσα· τιταινομένη δ’ ὀδύνῃσιν ### book 3.2 ὁρμιῇ λαγόνας προσπτύσσεται· αἶψα δὲ χαίτης ### book 3.3 ἱππείης δόνακός τε διέδραμεν ἔς θ’ ἁλιῆος ### book 3.4 δεξιτερὴν ἔσκηψε φερώνυμον ἰχθύος ἄλγος· ### book 3.5 πολλάκι δ’ ἐκ παλάμης κάλαμος φύγεν ὅπλα τε ### book 3.154 θήρης. ### book 3.155.1 τοῖος γὰρ κρύσταλλος ἐνίζεται αὐτίκα χειρί. ### book 3.155.2 Σηπίαι αὖ τοίῃσι δολοφροσύνῃσι μέλονται. ### book 3.155.3 ἔστι τις ἐν μήκωσι θολὸς κείνῃσι πεπηγὼς ### book 3.155.4 κυάνεος, πίσσης δνοφερώτερος, ἀχλύος ὑγρῆς ### book 3.155.5 φάρμακον ἀπροτίοπτον, ὅ τε σφίσιν ἄλκαρ ὀλέθρου ### book 3.160.1 ἐντρέφεται· τὰς δ’ εὖτ’ ἂν ἕλῃ φόβος, αὐτίκα κείνου ### book 3.160.2 ὀρφναίας ῥαθάμιγγας ἀνήμεσαν, ἀμφὶ δὲ πόντου ### book 3.160.3 πάντα πέριξ ἐμίηνε καὶ ἠμάλδυνε κέλευθα ### book 3.160.4 ἰχὼρ ἀχλυόεις, ἀνὰ δ’ ἔτραπε πᾶσαν ὀπωπήν· ### book 3.160.5 αἱ δὲ διὰ θολόεντος ἄφαρ φεύγουσι πόροιο ### book 3.165.1 ῥηϊδίως καὶ φῶτα καὶ εἴ ποθι φέρτερον ἰχθύν. ### book 3.165.2 Ταῖς δ’ ἴσα τεχνάζουσι καὶ ἠερόφοιτα γένεθλα ### book 3.165.3 τευθίδος· οὐ δ’ ἄρα τῇσι μέλας θολὸς ἀλλ’ ὑπερευθὴς ### book 3.165.4 ἐντρέφεται, μῆτιν δὲ πανείκελον ἐντύνονται. ### book 3.165.5 Τοίοις μὲν φρονέουσι νοήμασιν· ἀλλὰ καὶ ἔμπης ### book 3.170.1 ὄλλυνται πυκινῇσιν ἐπιφροσύναις ἁλιήων. ### book 3.170.2 τοὺς μὲν δὴ πελάγεσσιν ἐν ἠλιβάτοισι θέοντας ### book 3.170.3 ῥηϊδίως ἐρύουσιν· ἐπεὶ σφίσιν οὔτι νόημα ### book 3.170.4 ποικίλον· ἤδη γάρ τις ἐπέσπασε καὶ κρομύοισι ### book 3.170.5 γυμνοῖς τ’ ἀγκίστροισιν ἑλὼν πελαγοστρόφον ἰχθύν. ### book 3.175 ὅσσοι δ’ αὖ γαίης ἁλιερκέος ἄγχι νέμονται, ### book 3.1 τοῖσι μὲν ὀξύτερος πέλεται νόος, ἀλλὰ καὶ αὐτῶν ### book 3.2 βαιοὶ μὲν καρῖσιν ἀφαυροτέραις ἐρύονται, ### book 3.3 πουλυπόδων θυσάνοις ἢ καρκίνῳ ἀμφιχανόντες ### book 3.4 καρκινάσιν τ’ ὀλίγῃσι καὶ εἰ κρέας ἁλμυρὸν ἅπτοις ### book 3.180.1 πετραίαις θ’ ἑλμῖσι καὶ ὅττι τοι ἄγχι παρείη ### book 3.180.2 ἰχθυόεν· βαιοὺς δ’ ἐπὶ μείζοσιν ὁπλίζοιο· ### book 3.180.3 δείπνοις γὰρ γελόωντες ἐπισπεύδουσιν ὄλεθρον· ### book 3.180.4 ἦ γὰρ ἀεὶ πλωτῶν σιφλὸν γένος ὑγρὰ θεόντων. ### book 3.180.5 θύννον μὲν κορακῖνος ἄγει, λάβρακα δὲ καρὶς ### book 3.185.1 πιαλέη, χάννος δὲ φίλον φάγροισι δέλετρον ### book 3.185.2 καὶ βῶκες συνόδοντι καὶ ἱππούροισιν ἴουλοι· ### book 3.185.3 τρίγλη δ’ ὀρφὸν ἔπεφνε καὶ ἔσπασε κιρρίδα πέρκη, ### book 3.185.4 μαινίδι δὲ χρύσοφρυς ἀνέλκεται· αὐτὰρ ἀνιγραὶ ### book 3.185.5 μύραιναι μετὰ σάρκας ἐπειγόμεναι φορέονται ### book 3.190.1 πουλυπόδων· ὅσσοι δὲ δέμας περίμετρον ἔχουσι, ### book 3.190.2 θύννῳ μὲν κάλλιχθυς ἰαίνεται, αὐτὰρ ὀνίσκοις ### book 3.190.3 ὄρκυνος, λάβρακα δ’ ἐπ’ ἀνθίῃ ὁπλίζοιο, ### book 3.1 ἵππουρον ξιφίῃ, γλαύκῳ δ’ ἔπι κεστρέα πείροις· ### book 3.2 ἄλλῳ δ’ ἀλλοίην γενεὴν ἐπιτεχνάζοιο, ### book 3.195.1 κρέσσονι χειροτέρην· ἐπεὶ ἦ μάλα πάντες ἔασιν ### book 3.195.2 ἀλλήλοις φορβή τε φίλη καὶ λίχνος ὄλεθρος. ### book 3.195.3 ὣς οὐδὲν λιμοῖο κακώτερον οὐδὲ βαρείης ### book 3.195.4 γαστέρος, ἣ κρατέει μὲν ἐν ἀνθρώποισιν ἀπηνὴς ### book 3.195.5 καὶ χαλεπὴ δέσποινα συνέστιος, οὔποτε δασμῶν ### book 3.1 ληθομένη, πολλοὺς δὲ παρασφήλασα νόοιο ### book 3.2 εἰς ἄτην ἐνέηκε καὶ αἴσχεσιν ἐγκατέδησε· ### book 3.3 γαστὴρ δὲ θήρεσσι καὶ ἑρπυστῆρσιν ἀνάσσει ### book 3.4 ἠερίῃς τ’ ἀγέλῃσι, τὸ δὲ πλέον ἐν νεπόδεσσι ### book 3.5 κάρτος ἔχει· κείνοις γὰρ ἀεὶ μόρος ἔπλετο γαστήρ. ### book 3.205.1 Ἀνθιέων δὲ πρῶτα περίφρονα πεύθεο θήρην, ### book 3.205.2 οἵην ἡμετέρης ἐρικυδέος ἐντύνονται ### book 3.205.3 πάτρης ἐνναετῆρες ὑπὲρ Σαρπηδόνος ἀκτῆς ### book 3.205.4 ὅσσοι θ’ Ἑρμείαο πόλιν, ναυσίκλυτον ἄστυ ### book 3.205.5 Κωρύκιον, ναίουσι καὶ ἀμφιρύτην Ἐλεοῦσαν. ### book 3.210.1 πέτρας μὲν κείνας τεκμαίρεται ἐγγύθι γαίης ### book 3.210.2 ἴδρις ἀνήρ, οἵῃσιν ὑπ’ ἀνθίαι αὐλίζονται, ### book 3.210.3 ἀντροφυεῖς, κευθμῶσι διαρρῶγας θαμέεσσι· ### book 3.210.4 δουρὶ δ’ ἀναπλώσας πινάκων ἐριηχέα τεύχει ### book 3.210.5 δοῦπον ἐπικροτέων· πατάγῳ τ’ ἐπιτέρπεται ἦτορ ### book 3.215.1 ἀνθιέων· καί πού τις ἀνέδραμεν αὐτίκα λίμνης, ### book 3.215.2 παπταίνων ἄκατόν τε καὶ ἀνέρα· τῷ δ’ ἄρ’ ἑτοίμας ### book 3.1 πέρκας εὐθὺς ἵησιν ἐν οἴδμασιν ἢ κορακίνους ### book 3.2 ἀσπαλιεύς, πρώτης ὀρέγων ξεινήϊα φορβῆς. ### book 3.3 αὐτὰρ ὅ γ’ ἁρπάγδην κεχαρημένος εἰλαπινάζει ### book 3.220.1 δαῖτα φίλην σαίνει τε δολόφρονα θηρητῆρα. ### book 3.220.2 ὡς δὲ φιλοξείνοιο μετ’ ἀνέρος οἰκία κέλσῃ ### book 3.220.3 κλεινὸς ἀνὴρ ἢ χειρὸς ἐν ἔργμασιν ἠὲ νόοιο, ### book 3.220.4 ἀσπασίως δ’ ὅ μιν εἶδεν ἐφέστιον, εὖ δέ ἑ δώροις ### book 3.220.5 εὖ τέ μιν εἰλαπίναις τε φιλοφροσύναις τ’ ἀγαπάζει ### book 3.225.1 παντοίαις· ἄμφω δὲ γεγηθότες ἀμφὶ τραπέζῃ ### book 3.225.2 τέρπονται κρητῆρος ἀμοιβαίοις δεπάεσσιν· ### book 3.225.3 ὣς ὁ μὲν ἀσπαλιεὺς κεχαρημένος ἐλπωρῇσι ### book 3.225.4 μειδιάᾳ, δείπνοις δὲ νέοις ἐπιτέρπεται ἰχθύς. ### book 3.225.5 ἔνθεν ἔπειθ’ ὁ μὲν αἰὲν ἐπημάτιος ποτὶ πέτρην ### book 3.230.1 στέλλεται, οὐδ’ ἀνίησιν ἑὸν πόνον οὐδ’ ἀπολείπει ### book 3.230.2 δαῖτα φέρων· οἱ δ’ αὐτίκ’ ἀολλέες ἀμφαγέρονται ### book 3.230.3 δαιτυμόνες κατὰ χῶρον, ἅτε κλητῆρος ἄγοντος. ### book 3.230.4 αἰεὶ δὲ πλεόνεσσιν ἑτοιμοτέροις τε παρίσχει ### book 3.230.5 φορβὴν ἁρπαλέην· οὐδέ σφισιν ἄλλα κέλευθα ### book 3.235.1 οὐδ’ ἄλλοι κευθμῶνες ἐνὶ φρεσίν, ἀλλὰ μένοντες ### book 3.235.2 αὐτοῦ δηθύνουσιν, ἅτε σταθμοῖσι νομήων ### book 3.235.3 πώεα χειμερίοισιν ἐν ἤμασιν αὐλίζονται, ### book 3.235.4 οὐδ’ ὀλίγον σηκοῖο λιλαιόμενα προνέεσθαι. ### book 3.235.5 οἱ δ’ ὅτ’ ἐσαθρήσωσιν ἀειρομένην ἀπὸ χέρσου ### book 3.240.1 σπερχομένην τ’ ἐλάταις ἄκατον τρόφον, αὐτίκα πάντες ### book 3.240.2 ὀρθοὶ καγχαλόωντες ὑπεὶρ ἅλα δινεύοντες ### book 3.240.3 ἱμερόεν παίζουσι καὶ ἀντιόωσι τιθήνῃ. ### book 3.240.4 ὡς δ’ ὁπότ’ ἀπτήνεσσι φέρῃ βόσιν ὀρταλίχοισι ### book 3.240.5 μήτηρ, εἰαρινοῦ ζεφύρου πρωτάγγελος ὄρνις, ### book 3.245 οἱ δ’ ἁπαλὸν τρύζοντες ἐπιθρώσκουσι καλιῇ ### book 3.1 γηθόσυνοι περὶ μητρὶ καὶ ἱμείροντες ἐδωδῆς ### book 3.2 χεῖλος ἀναπτύσσουσιν, ἅπαν δ’ ἐπὶ δῶμα λέληκεν ### book 3.3 ἀνδρὸς ξεινοδόκοιο λίγα κλάζουσα νεοσσοῖς· ### book 3.4 ὣς οἵ γε θρεπτῆρος ἐναντίον ἐρχομένοιο ### book 3.1 γηθόσυνοι θρώσκουσι, χοροιτύπον ὥστ’ ἀνὰ κύκλον. ### book 3.2 τοὺς δ’ ἁλιεὺς βρώμῃσιν ἐπασσυτέρῃσι λιπαίνων ### book 3.3 χειρί τ’ ἐπιψαύων χειρός τ’ ἄπο δῶρα τιταίνων ### book 3.4 πρηΰνει φίλον ἦτορ· ἄφαρ δέ οἱ ἠΰτ’ ἄνακτι ### book 3.5 πείθονται, καὶ χειρὸς ὅπη νεύσειε μύωπι ### book 3.255.1 ῥίμφα διαΐσσουσιν· ὁ δ’ ἄλλοτε νηὸς ὄπισθεν ### book 3.255.2 ἄλλοτε δὲ πρόσσω, ποτὲ δὲ σχεδὸν ἠπείροιο ### book 3.255.3 πέμπει δεξιτερήν· τοὺς δ’ ὄψεαι ἠΰτε παῖδας ### book 3.255.4 ἀνδρὸς ἐπιφροσύνῃσι παλαισμοσύνης ἀνὰ χῶρον ### book 3.255.5 τῇ καὶ τῇ θύνοντας, ἐπίσκοπος ἔνθα κελεύει. ### book 3.260.1 ἀλλ’ ὅτε οἱ κομιδῆς μὲν ἅλις, θήρη δὲ μέληται, ### book 3.260.2 δή ῥα τόθ’ ὁρμιὴν μὲν ἀναψάμενος χερὶ λαιῇ ### book 3.260.3 ἕζεται, ἀγκίστρου δὲ βέλος κρατερόν τε θοόν τε ### book 3.260.4 ὁπλίζει, καὶ τοὺς μὲν ἀπέτραπε χειρὶ κελεύων ### book 3.260.5 πάντας ὁμῶς ἢ λᾶαν ἑλὼν ἔρριψε καθ’ ὕδωρ· ### book 3.265.1 οἱ δ’ ἐπὶ τῷ δύνουσιν, ὀϊόμενοι βόσιν εἶναι· ### book 3.265.2 τῶν δ’ ἕνα μοῦνον ἔλειπεν ἀπόκριτον, ὅν κ’ ἐθέλῃσι, ### book 3.265.3 δύσμορον, ὑστατίοισι κεχαρμένον ἐν δείπνοισι· ### book 3.265.4 ἄγκιστρον μὲν ὄρεξεν ὑπεὶρ ἁλός· αὐτὰρ ὅ γ’ ἄτην ### book 3.265.5 καρπαλίμως ἥρπαξεν, ὁ δ’ ἔσπασεν ἀμφοτέρῃσι ### book 3.270.1 θερμὸς ἀνήρ, ὠκεῖαν ἑλὼν καὶ ἐπίκλοπον ἄγρην· ### book 3.270.2 λήθει δ’ ἀνθιέων ἄλλον χορόν· ἢν γὰρ ἴδωνται ### book 3.270.3 ἢ σμαραγὴν ἀΐωσι δυσαγρέος ἑλκομένοιο, ### book 3.270.4 οὐκέτι οἱ τόσα δεῖπνα παρέσσεται, ὥς κεν ἵκοιντο ### book 3.270.5 αὖτις ὑποτροπάδην, ἀπὸ δ’ ἔπτυσαν ἐχθήραντες ### book 3.275.1 καὶ κομιδὴν καὶ χῶρον ὀλέθριον· ἀλλά τις εἴη ### book 3.275.2 ἴφθιμος, κρατερῶς δὲ βιησάμενός μιν ἀνέλκοι, ### book 3.275.3 ἢ καὶ δεύτερος ἄλλος ἐφαπτέσθω καμάτοιο· ### book 3.275.4 ὧδε γὰρ οὐ φρονέοντες ἑὴν δολομήχανον ἄτην ### book 3.275.5 αὐτοὶ πιανθέντες ἐοικότα πιαίνουσιν· ### book 3.280.1 αἰεὶ δ’, εὖτ’ ἐθέλῃσθα, παρέσσεται εὔστοχος ἄγρη. ### book 3.280.2 Ἄλλοι δ’ ἰφθίμῳ τε βίῃ καὶ κάρτεϊ γυίων ### book 3.280.3 πειθόμενοι μέγαν ἆθλον ἐπ’ ἀνθίῃ ὁπλίζονται, ### book 3.280.4 οὐ φιλίην, οὐ σῖτα πονεύμενοι, ἀλλ’ ἐς ἀκωκὴν ### book 3.280.5 ἀγκίστρου σπεύδουσι καὶ ἠνορέῃ βιόωνται. ### book 3.285.1 χαλκοῦ μὲν σκληροῖο τετυγμένον ἠὲ σιδήρου ### book 3.285.2 ἄγκιστρον πέλεται, δίχα δὲ γλωχῖνες ἔχουσιν ### book 3.285.3 ἀμφίδυμοι μέγα πεῖσμα λινόστροφον· ἀμφὶ δ’ ἄρ’ ### book 3.287.1 αὐτῷ ### book 3.287.2 λάβρακα ζώοντα παρήλασαν, εἴ σφι παρείη· ### book 3.287.3 εἰ δὲ θάνοι, τάχα οἵ τις ὑπὸ στόμα θῆκε μόλιβδον, ### book 3.290.1 δελφῖν’ ὃν καλέουσιν· ὁ δὲ βρίθοντι μολίβδῳ ### book 3.290.2 κλίνει τ’ ἀγκλίνει τε κάρη ζώοντι ἐοικώς. ### book 3.290.3 θώμιξ δὲ κρατερή τε καὶ εὔπλοκος· ἀλλ’ ὅτε δοῦπον ### book 3.290.4 ἀνθίαι εἰσαΐοντες ἀναθρώξωσι θαλάσσης, ### book 3.290.5 ἄλλοις μὲν μέλεται κώπης πόνος, αὐτὰρ ὅ γ’ ἄκρης ### book 3.295.1 ἐκ πρύμνης ἁλιεὺς δόλον ἀγκύλον εἰς ἅλα πέμπει, ### book 3.295.2 ἦκ’ ἀναδινεύων· οἱ δ’ αὐτίκα πάντες ἕπονται ### book 3.295.3 νηΐ τε καὶ φεύγοντι δεδορκότες εἴκελον ἰχθὺν ### book 3.295.4 σπεύδοντες μετὰ δαῖτα παραφθαδὸν ἀΐσσουσιν ### book 3.295.5 ἀλλήλων· φαίης κεν ἐπ’ ἀνέρα δήϊον ἄνδρα ### book 3.1 γούνατ’ ἐλαφρίζειν πεφοβημένον· οἱ δ’ ἄρα νίκης ### book 3.2 ἐσθλῆς ἱμείρουσιν· ὁ δ’ ἔξοχον ὅν κεν ἴδηται ### book 3.3 ἀσπαλιεύς, τῷ δαῖτα παρέσχεθεν· αὐτὰρ ὁ λάβρως ### book 3.4 δῶρα χανὼν δύσδωρα μετέδραμεν· ἔνθεν ἔπειτα ### book 3.5 ἀλκὴν ἀμφοτέρων θηήσεαι, οἷος ἄεθλος ### book 3.305 μαρναμένων ἀνδρός τε καὶ ἰχθύος ἑλκομένοιο· ### book 3.1 τοῦ μὲν γὰρ σθεναροί τε βραχίονες ἠδὲ μέτωπα ### book 3.2 ὦμοί τ’ αὐχένιοί τε παρασφύριοί τε τένοντες ### book 3.3 ἀλκῇ κυμαίνουσι καὶ ἠνορέῃ τανύονται· ### book 3.4 αὐτὰρ ὅ γ’ ἀσχαλόων ὀδύνης ὕπο μάρναται ἰχθύς, ### book 3.310.1 ἕλκων αὖ ἐρύοντα, βιώμενος εἰς ἅλα δῦναι, ### book 3.310.2 ἄσχετα μαιμώων· ὁ δὲ κέκλεται ἄνδρας ἑταίρους ### book 3.310.3 ἐμπίπτειν ἐλάτῃσι· διωκομένης δ’ ἀκάτοιο ### book 3.310.4 ἔμπαλιν ἐκ πρύμνης ὅλος ἕλκεται ἰχθύος ὁρμῇ· ### book 3.310.5 κλάζει δ’ ὁρμιή, χειρὸς δ’ ἀπολείβεται αἷμα ### book 3.315.1 πριομένης· ὁ δ’ ἄρ’ οὔτι βαρὺν μεθίησιν ἀγῶνα. ### book 3.315.2 ὡς δὲ δύω μεμαῶτες ὑπέρβιοι ἀνέρες ἀλκὴν ### book 3.315.3 ἅμματ’ ἐπ’ ἀλλήλοισι τιταινόμενοι βιόωνται ### book 3.315.4 ἑλκῦσαι, ῥιπῇσιν ὀπισθοφόροις ἐρύοντες, ### book 3.315.5 δηρόν τ’ ἀμφότεροι καμάτων ἴσα μέτρα φέροντες ### book 3.320.1 ἐμμενέως ἕλκουσι καὶ ἐμμενέως ἐρύονται· ### book 3.320.2 ὣς τοῖς, ἰχθυβόλῳ τε καὶ ἰχθύϊ, νεῖκος ὄρωρε, ### book 3.320.3 τοῦ μὲν ἀπαΐξαι, τοῦ δ’ ἑλκέμεν ἱμείροντος. ### book 3.320.4 οὐ μέν μιν λείπουσιν ἐν ἄλγεσιν ἰχθύες ἄλλοι ### book 3.320.5 ἀνθίαι ἀλλ’ ἐθέλουσιν ἀμυνέμεν, ἐν δέ οἱ αὐτῷ ### book 3.325.1 νῶτα βίῃ χρίμπτουσι καὶ ἐμπίπτουσιν ἕκαστος, ### book 3.325.2 ἄφρονες, οὐδ’ ἐνόησαν ἑὸν τείροντες ἑταῖρον. ### book 3.325.3 πολλάκι καὶ θώμιγγα λιλαιόμενοι γενύεσσι ### book 3.325.4 ῥῆξαι ἀμηχανόωσιν, ἐπεὶ στόμα τοῖσιν ἄοπλον. ### book 3.325.5 ὀψὲ δέ μιν καμάτῳ τε καὶ ἄλγεσι μοχθίζοντα ### book 3.330.1 πυκναῖς τ’ εἰρεσίῃσι βιώμενος ἔσπασεν ἀνήρ· ### book 3.330.2 εἰ δ’ ἄρα οἱ καὶ τυτθὸν ὑπείξεται, οὔ μιν ἔπειτα ### book 3.330.3 ἑλκύσει· τοῖον γὰρ ὑπερφίαλον σθένος αὐτῷ. ### book 3.330.4 πολλάκι δ’ ὀξύπρωρον ὑπὲρ ῥάχιν ἔτμαγε δάψας ### book 3.330.5 ὁρμιήν, ἀπὸ δ’ ᾖξε λιπὼν κενὸν ἀγρευτῆρα. ### book 3.335.1 τοῖον καὶ κάλλιχθυς ἔχει σθένος ἠδὲ γενέθλη ### book 3.335.2 ὀρκύνων ὅσσοι τε δέμας κητώδεες ἄλλοι ### book 3.335.3 πλάζονται· τοίοις δὲ βραχίοσιν ἀγρώσσονται. ### book 3.335.4 Ἄλλους δ’ αὖ βρώμῃσι καὶ εἰλαπίνῃσι δολώσας ### book 3.335.5 ἀγρώσσει ἁλιεύς· ἀγαθὸς δέ οἱ ἔσσεται ἰχθὺς ### book 3.340.1 κάνθαρος, ὃς πέτρῃσιν ἀεὶ λεπρῇσι γέγηθε. ### book 3.340.2 κύρτον δὲ πλέξαιο περίδρομον ὅττι μέγιστον, ### book 3.340.3 τεύχων ἢ σπάρτοισιν Ἰβηρίσιν ἠὲ λύγοισι, ### book 3.340.4 ῥάβδους ἀμφιβαλών· λευρὴ δέ οἱ εἴσοδος ἔστω ### book 3.340.5 γαστήρ τ’ εὐρυχανής· δέλεαρ δέ οἱ ἔνδον ἐνείης ### book 3.345.1 πούλυπον ἑρπυστὴν ἢ κάραβον, ἐκ πυρὸς ἄμφω ### book 3.345.2 ὀπταλέους· κνίσση γὰρ ἐφέλκεται ἰχθύας εἴσω. ### book 3.345.3 ὧδε μὲν ἐντύνας πλεκτὸν δόλον ἐγγύθι πέτρης ### book 3.345.4 δόχμιον ἀγκλίνοις, ὕφαλον λόχον· αὐτίκα δ’ ὀδμὴ ### book 3.345.5 κάνθαρον ὀτρυνέει τε καὶ ἵξεται ἔνδοθι κύρτου, ### book 3.1 οὐ μάλα θαρσαλέος πρώτην ὁδόν, ἀλλὰ τάχιστα ### book 3.2 δαισάμενος παλίνορσος ἀπέδραμεν· ἔνθεν ἔπειτα ### book 3.3 κυρτεὺς μὲν κείνοισιν ἀεὶ νεοτερπέα φορβὴν ### book 3.4 ἐντίθεται· τοὺς δ’ αἶψα δυσώνυμος ἐντὸς ἀγείρει ### book 3.5 γαστήρ, ἄλλον δ’ ἄλλος ἄγει σύνδορπον ἑταῖρον. ### book 3.355 ἤδη δ’ ἀτρομέοντες ἀολλέες ἔνδοθι κύρτου ### book 3.1 ἀγρόμενοι πρόπαν ἦμαρ ἐνήμενοι, ὥστε μέλαθρον ### book 3.2 κτησάμενοι, μίμνουσι, κακὴν δ’ εὕροντο καλιήν. ### book 3.3 ὡς δ’ ὁπότ’ ὀρφανικοῖο μετ’ ἠιθέοιο μέλαθρον ### book 3.4 οὔτι σαοφροσύνῃσι μεμηλότες ἥλικες ἄλλοι ### book 3.360.1 κλητοί τ’ αὐτόμολοί τε πανήμεροι ἀγερέθωνται, ### book 3.360.2 κτῆσιν ἀεὶ κείροντες ἀσημάντοιο δόμοιο, ### book 3.360.3 οἷα νέους ἀνίησι χαλίφρονας ἄκριτος ἥβη, ### book 3.360.4 ἐν δὲ κακοφροσύνῃσι κακὴν εὕραντο τελευτήν· ### book 3.360.5 ὣς τοῖς ἀγρομένοισι παρασχεδὸν ἵσταται ἄτη. ### book 3.365.1 ἡνίκα γὰρ πολλοί τε καὶ εὐλιπέες τελέθωσι, ### book 3.365.2 δὴ τότ’ ἀνὴρ κύρτοιο περὶ στόμα πῶμα καλύπτει ### book 3.365.3 εὖ ἀραρός· τοὺς δ’ ἔνδον ἐν ἕρκεϊ πεπτηῶτας ### book 3.365.4 ὑστάτιον κνώσσοντας ἀνείρυσεν· ὀψὲ δ’ ὄλεθρον ### book 3.365.5 φρασσάμενοι σπαίρουσι καὶ ἐκδῦναι μεμάασι, ### book 3.370.1 νήπιοι, οὐδ’ ἔτι κύρτον ὁμῶς εὔοικον ἔχουσιν. ### book 3.370.2 Ἄδμωσιν δ’ ἐπὶ κύρτον ὀπωρινὸν ὁπλίζονται ### book 3.370.3 ὀΐσυνον, μέσσοισι δ’ ἐν οἴδμασιν ὁρμίζουσι, ### book 3.370.4 νέρθεν ἀναψάμενοι τρητὸν λίθον εὐναστῆρα· ### book 3.370.5 φελλοὶ δ’ ὀχμάζουσιν ἄνω δόλον· ἐν δέ οἱ αἰεὶ ### book 3.375.1 τέσσαρας ἀκταίους διεροὺς κάχληκας ἱεῖσι· ### book 3.375.2 τοῖς δὲ διαινομένοισι περιτρέφεται γλαγόεσσα ### book 3.375.3 μύξα θαλασσαίη, τῆς ἵμερος ἰχθύας ἕλκει ### book 3.375.4 βαιούς, οὐτιδανούς, λίχνον γένος· οἱ δ’ ἀγέρονται ### book 3.375.5 κύρτον ἐπιπροθέοντες ἐν ἀγκοίνῃς τε μένουσιν. ### book 3.380.1 ἄδμωες δ’ ὁρόωντες ἔσω κοίλοιο μυχοῖο ### book 3.380.2 ἀγρομένους τάχα πάντες ἐπί σφισιν ὡρμήθησαν, ### book 3.380.3 δαιτὸς ἐελδόμενοι· τοὺς δ’ οὐ κίχον, ἀλλ’ ὑπόλισθον ### book 3.380.4 ῥηϊδίως· οἱ δ’ οὔτι καὶ ἱέμενοί περ ἔχουσιν ### book 3 αὖτις ὑπεκδῦναι πλεκτὸν λόχον, ἀλλ’ ἑτέροισι ### book 3.385.1 πήματα πορσύνοντες ἐπί σφισιν εὗρον ὄλεθρον. ### book 3.385.2 ὡς δέ τις ἐν ξυλόχοισιν ὀρέστερος ἀγροιώτης ### book 3.385.3 θηρὶ πάγην ἤρτυνεν, ἀπηνέϊ δ’ ἔνδοθι θυμῷ ### book 3.385.4 δῆσε κυνὸς σφίγγων ἄπο μήδεα· τοῦ δ’ ὀδύνῃσιν ### book 3.385.5 ἠχήεις ὀρυμαγδὸς ἀπόπροθι τειρομένοιο ### book 3.390.1 ἔρχεται, ἀμφὶ δέ οἱ στένεται δρίος· ἡ δ’ ἀΐουσα ### book 3.390.2 πόρδαλις ἰάνθη τε καὶ ἔσσυται, ἴχνος ἀϋτῆς ### book 3.390.3 μαιομένη· τάχα δ’ ἷξε καὶ ἔνθορε· τὸν μὲν ἔπειτα ### book 3.390.4 ὑψός’ ἀναρπάζει κρυπτὸς δόλος, ἡ δ’ ἐνὶ βόθρῳ ### book 3.390.5 εἰλεῖται προπεσοῦσα, μέλει δέ οἱ οὐκέτι δαιτός, ### book 3.395.1 ἀλλὰ φόβου· τῇ δ’ οὔτις ὑπέκδυσίς ἐστιν ἑτοίμη· ### book 3.395.2 τοῖα καὶ ἄδμωες δειλοὶ πάθον, ἀντὶ δὲ φορβῆς ### book 3.395.3 πότμον ἐφωρμήσαντο καὶ Ἄϊδος ἕρκος ἄφυκτον. ### book 3.395.4 Καὶ μέν τις θρίσσῃσιν ὁμῶς καὶ χαλκίσιν ἄγρην ### book 3.395.5 φράσσατ’ ὀπωρινήν, καὶ λαρινὸν εἷλε καὶ ἔθνη ### book 3.1 τραχούρων, κύρτον μὲν ὑπὸ σπάρτοισιν ὑφήνας ### book 3.2 εὐπαγέως, φρυκτῶν δ’ ὀρόβων ἐνεθήκατο μάζαν, ### book 3.3 οἴνῳ μυδαλέην εὐώδεϊ, μίξε δὲ κούρης ### book 3.4 δάκρυον Ἀσσυρίης Θειαντίδος, ἥν ποτέ φασι ### book 3.5 πατρὸς ἐρασσαμένην δυσμήχανον ἔργον ἀνύσσαι ### book 3.405.1 ἐλθεῖν τ’ ἐς φιλότητα χολωσαμένης Ἀφροδίτης· ### book 3.405.2 ἀλλ’ ὅτε μιν καὶ δένδρον ἐπώνυμον ἐρρίζωσεν ### book 3.405.3 αἶσα θεῶν, γοάει τε καὶ ἣν ὀλοφύρεται ἄτην, ### book 3.405.4 δάκρυσι δευομένη λέκτρου χάριν· ἧς ἐνιμίσγων ### book 3.405.5 θεῖον ὀπὸν κύρτον μὲν ἐνορμίζει ῥοθίοισιν, ### book 3.410.1 ὀδμὴ δ’ αἶψα θάλασσαν ἐπέδραμε λειριόεσσα, ### book 3.410.2 κικλήσκους’ ἀγέλας πολυειδέας· οἱ δ’ ἐφέπονται ### book 3.410.3 πνοιῇ νηδυμίῃ δεδονημένοι, ὦκα δὲ κύρτος ### book 3.410.4 πίμπλαται, ἀγρευτῆρι φέρων εὔθηρον ἀμοιβήν. ### book 3.410.5 Σάλπαι δ’ ἰκμαλέοις μὲν ἀεὶ φύκεσσι μάλιστα ### book 3.415.1 τέρπονται, κείνῃ δὲ καὶ ἀγρώσσονται ἐδωδῇ. ### book 3.415.2 πλώει μὲν προτέροισιν ἐν ἤμασιν εἰς ἕνα χῶρον ### book 3.415.3 ἀσπαλιεύς, αἰεὶ δὲ μετ’ οἴδμασι λᾶας ἵησι ### book 3.415.4 χερμάδας, ἁψάμενος πέρι φύκια τηλεθόωντα. ### book 3.415.5 ἀλλ’ ὅτε δὴ πέμπτη μὲν ἴδῃ πόνον ἠριγένεια ### book 3.420.1 σάλπαι δ’ ἀγρόμεναι κεῖνον πόρον ἀμφινέμωνται, ### book 3.420.2 τῆμος ἐπεντύνει κύρτου δόλον· ἐν δέ οἱ εἴσω ### book 3.420.3 φύκεσιν εἰλομένους λᾶας βάλεν, ἀμφὶ δὲ ποίας ### book 3.420.4 εἰναλίας στομίοισιν ἐδήσατο, τῇσι γάνυνται ### book 3.420.5 σάλπαι τ’ ἠδ’ ὅσσοι βοτανηφάγοι ἰχθύες ἄλλοι· ### book 3.425.1 οἳ τότ’ ἀγειρόμενοι ποίας φάγον, αὐτὰρ ἔπειτα ### book 3.425.2 ἐς μυχὸν ἠΐχθησαν· ὁ δ’ αὐτίκα κύρτον ἀνέλκει ### book 3.425.3 ῥίμφα μεταπλώσας· σιγῇ δέ οἱ ἄνυται ἔργον, ### book 3.425.4 ἀνδράσι τ’ ἀφθόγγοισι καὶ ἀσμαράγοις ἐλάτῃσι· ### book 3 σιγὴ γὰρ πάσαις μὲν ὀφέλσιμος ἔπλετο θήραις, ### book 3.430.1 ἔξοχα δ’ ἐν σάλπῃσιν· ἐπεὶ μάλα τῇσι νόημα ### book 3.430.2 πτοιαλέον· πτοίη δὲ πόνον δύσθηρον ἔθηκε. ### book 3.430.3 Τρίγλης δ’ οὔτινα, φημί, χερειοτέρῃσιν ἐδωδαῖς ### book 3.430.4 τέρπεσθαι· πᾶσαν γὰρ ἄσιν ἁλός, ἥν κε κίχῃσι, ### book 3.430.5 φέρβεται· ἱμείρει δὲ δυσαέος ἔξοχα δαιτός· ### book 3.435.1 σώμασι δ’ ἐκπάγλως ἐπιτέρπεται ἀνδρομέοισι ### book 3.435.2 πυθομένοις, εὖτ’ ἄν τιν’ ἕλῃ στονόεσσα θάλασσα. ### book 3.435.3 τῷ καί μιν δελέασσιν ἀποπνείουσιν ἀϋτμὴν ### book 3.435.4 ῥηϊδίως ἕλκουσιν, ὅσα πνέει ἐχθρὸν ἄημα. ### book 3.435.5 εἴκελα δὲ τρίγλῃσιν ὕεσσί τε, φημί, τετύχθαι ### book 3.440.1 ἤθεα, φυρομένοισιν ἀεὶ περὶ γαστέρος ὁρμήν· ### book 3.440.2 ἄμφω δ’ αἱ μὲν ἔασι διάκριτοι ἐν νεπόδεσσιν, ### book 3.440.3 οἱ δ’ ἐνὶ χερσαίῃσιν ἀριστεύους’ ἀγέλῃσιν. ### book 3.440.4 Οὐ μὲν δὴ μελάνουρον ἀποίσεαι οὔτ’ ἐνὶ κύρτῳ ### book 3.440.5 ῥηϊδίως ἀπαφῶν οὔτ’ ἐν λινοεργέϊ κύκλῳ· ### book 3.445.1 ἔξοχα γὰρ μελάνουρος ἐν ἰχθύσιν ἠμὲν ἄναλκις ### book 3.445.2 ἠδὲ σαοφρονέων, λίχνη δέ οἱ οὔποτ’ ἐδωδὴ ### book 3.445.3 θυμήρης· αἰεὶ δὲ γαληναίης μὲν ἐούσης ### book 3.445.4 κέκλιται ἐν ψαμάθοισι καὶ οὐκ ἀναδύεται ἅλμης· ### book 3.445.5 ἀλλ’ ὅτε κυμαίνουσα περισπέρχῃσι θάλασσα ### book 3.1 λάβρων ἐξ ἀνέμων, τότε δὴ μοῦνοι μελάνουροι ### book 3.2 κῦμα διαΐσσουσιν ἀολλέες, οὔτε τιν’ ἀνδρῶν ### book 3.3 οὔτε τιν’ εἰναλίων πεφρικότες· οἱ μὲν ἅπαντες ### book 3.4 ἐς νεάτην κρηπῖδα φόβῳ δύνουσι θαλάσσης, ### book 3.5 οἱ δὲ τότ’ ἠϊόνας τε πολυφλοίσβους ἐφέπουσι ### book 3.455.1 πέτραις τ’ ἐμπελάουσιν ἀλήμονες, εἴ τιν’ ἐδητὺν ### book 3.455.2 κοπτομένη δείξειεν ὑπὸ ῥιπῇσι θάλασσα· ### book 3.455.3 νήπιοι, οὐδ’ ἐδάησαν ὅσον πινυτώτεροι ἄνδρες, ### book 3.1 οἳ κείνους καὶ πάμπαν ἀλευομένους ἕλον ἄγρῃ. ### book 3.2 χειμερίη πλημμυρὶς ὅταν ζέῃ Ἀμφιτρίτης, ### book 3.460.1 ἵστατ’ ἐπὶ προὔχουσαν ἀνὴρ ἁλιηγέα πέτρην, ### book 3.460.2 ὀξύτατον τόθι κῦμα περὶ σπιλάδεσσι μέμυκεν· ### book 3.460.3 εἴδατα δ’ ἀγνυμένοισιν ἐπισπείρει ῥοθίοισι, ### book 3.460.4 τυρὸν ὁμοῦ Δήμητρι μεμιγμένον· οἱ δ’ ἐπὶ φορβὴν ### book 3.460.5 ἀσπασίην θρώσκουσιν ἐπειγόμενοι μελάνουροι. ### book 3.465.1 ἀλλ’ ὅτε οἱ παρέασιν ἀολλέες ἐς βόλον ἄγρης, ### book 3.465.2 αὐτὸς μὲν τρέπεται λοξὸν δέμας, ὄφρα οἱ ὕδωρ ### book 3.465.3 μήτι κατασκιάοιτο καὶ ἰχθύσι τάρβος ἐνείη· ### book 3.465.4 ἔστι δέ οἱ λεπτός τε δόναξ μετὰ χερσὶν ἑτοῖμος ### book 3.465.5 λεπτή θ’ ὁρμιὴ κούφης τριχός, ἄπλοκος αὔτως· ### book 3.470.1 λεπτοῖς δ’ ἀγκίστροισιν ἀναπλέκεται θαμέεσσι· ### book 3.470.2 τοῖς ἐπέθηκε δέλετρον, ὃ καὶ πάρος ἧκε καθ’ ὕδωρ, ### book 3.470.3 πέμπει δ’ ἐς βαθὺ κῦμα κυκώμενον· οἱ δ’ ὁρόωντες ### book 3.470.4 αὐτίκ’ ἐπιθρώσκουσι καὶ ἁρπάζουσιν ὄλεθρον. ### book 3.470.5 οὐδ’ ἁλιεὺς εὔκηλον ἔχει χέρα, πυκνὰ δ’ ἀνέλκει ### book 3.475.1 ἐκ δίνης ἄγκιστρα, καὶ εἰ κενὰ πολλάκις εἴη· ### book 3.475.2 οὐ γὰρ βρασσομένης κεν ἐπιφράσσαιτο θαλάσσης ### book 3.475.3 ἀτρεκέως, εἴτ’ οὖν τις ἐνίσχεται εἴτε μιν αὔτως ### book 3.475.4 κύματ’ ἀνακλονέουσιν· ἐπὴν δέ τις ἀμφιχάνῃσι, ### book 3.475.5 ῥίμφα μιν ἐξείρυσσε πάρος δόλον ἐν φρεσὶ θέσθαι, ### book 3.480 πρὶν φόβον οὐτιδανοῖσιν ἐνιπλῆξαι μελανούροις. ### book 3.1 τοίην χειμερίην πανεπίκλοπον ἤνυσεν ἄγρην. ### book 3.2 Ναὶ μὴν καὶ κεστρῆα, καὶ οὐ λίχνον περ ἐόντα, ### book 3.3 ἤπαφον, ἀγκίστροισι περὶ στεινοῖσιν ἕσαντες ### book 3.4 εἶδαρ ὁμοῦ Δήμητρι μεμιγμένον ἠδὲ γάλακτος ### book 3.485.1 πηκτοῖσι δώροισιν· ἐφυρήσαντο δὲ ποίην ### book 3.485.2 τοῖσιν ὁμοῦ μίνθην εὐώδεα, τήν ποτε κούρην ### book 3.485.3 φασὶν ὑπουδαίην ἔμεναι, Κωκυτίδα Νύμφην· ### book 3.485.4 κλίνατο δ’ εἰς εὐνὴν Ἀϊδωνέος· ἀλλ’ ὅτε κούρην ### book 3.485.5 Περσεφόνην ἥρπαξεν ἀπ’ Αἰτναίοιο πάγοιο, ### book 3.490.1 δὴ τότε μιν κλάζουσαν ὑπερφιάλοις ἐπέεσσι, ### book 3.490.2 ζήλῳ μαργαίνουσαν ἀτάσθαλα, μηνίσασα ### book 3.490.3 Δημήτηρ ἀμάθυνεν ἐπεμβαίνουσα πεδίλοις· ### book 3.490.4 φῆ γὰρ ἀγαυοτέρη τε φυὴν καὶ κάλλος ἀμείνων ### book 3.490.5 Περσεφόνης ἔμεναι κυανώπιδος, ἐς δέ μιν αὐτὴν ### book 3.495.1 εὔξατο νοστήσειν Ἀϊδωνέα, τὴν δὲ μελάθρων ### book 3.495.2 ἐξελάσειν· τοίη οἱ ἐπὶ γλώσσης θόρεν ἄτη. ### book 3.495.3 ποίη δ’ οὐτιδανὴ καὶ ἐπώνυμος ἔκθορε γαίης, ### book 3.495.4 τὴν ἐνιφυρήσαντες ἐπ’ ἀγκίστροισι βάλοντο. ### book 3.495.5 κεστρεὺς δ’ οὐ μετὰ δηρόν, ἐπεί ῥά μιν ἷξεν ἀϋτμή, ### book 3 ἀντιάσας πρῶτον μὲν ἀποσταδὸν ἀγκίστροιο ### book 3.1 λοξὸν ὑπ’ ὀφθαλμοῖς ὁράᾳ δόλον, εἴκελος ἀνδρὶ ### book 3.2 ξείνῳ, ὃς ἐν τριόδοισι πολυτρίπτοισι κυρήσας ### book 3.3 ἔστη ἐφορμαίνων, κραδίη τέ οἱ ἄλλοτε λαιήν, ### book 3.4 ἄλλοτε δεξιτερὴν ἐπιβάλλεται ἀτραπὸν ἐλθεῖν· ### book 3.505.1 παπταίνει δ’ ἑκάτερθε, νόος δέ οἱ ἠΰτε κῦμα ### book 3.505.2 εἱλεῖται, μάλα δ’ ὀψὲ μιῆς ὠρέξατο βουλῆς· ### book 3.505.3 ὣς ἄρα καὶ κεστρῆϊ παναίολα μερμηρίζει ### book 3.505.4 θυμὸς ὀϊομένῳ τε δόλον καὶ ἀπήμονα φορβήν· ### book 3.505.5 ὀψὲ δέ μιν νόος ὦρσε καὶ ἤγαγεν ἐγγύθι πότμου· ### book 3.510.1 αὐτίκα δὲ τρέσσας ἀνεχάσσατο· πολλάκι δ’ ἤδη ### book 3.510.2 εἷλε φόβος ψαύοντα καὶ ἔμπαλιν ἔτραπεν ὁρμήν. ### book 3.510.3 ὡς δ’ ὅτε νηπίαχος κούρη πάϊς, ἐκτὸς ἐούσης ### book 3.510.4 μητέρος, ἢ βρώμης λελιημένη ἠέ τευ ἄλλου, ### book 3.510.5 ψαῦσαι μὲν τρομέει μητρὸς χόλον, οὐδ’ ἀναδῦναι ### book 3.515.1 ἐλδομένη τέτληκεν· ἐφερπύζουσα δὲ λάθρῃ ### book 3.515.2 αὖτις ὑποτρέπεται, κραδίῃ δέ οἱ ἄλλοτε θάρσος, ### book 3.515.3 ἄλλοτε δ’ ἐμπίπτει δεινὸς φόβος· ὄμματα δ’ αἰὲν ### book 3.515.4 ὀξέα παπταίνοντα ποτὶ προθύροισι τέτανται· ### book 3.515.5 ὣς τότ’ ἐπεμβαίνων ἀνελίσσεται ἤπιος ἰχθύς. ### book 3.520.1 ἀλλ’ ὅτε θαρσήσας πελάσῃ σχεδόν, οὐ μάλ’ ἑτοίμως ### book 3.520.2 ψαῦσε βορῆς, οὐρῇ δὲ πάρος μάστιξεν ἐγείρων ### book 3.520.3 ἄγκιστρον, μή πού τις ἐνὶ χροῒ θέρμετ’ ἀϋτμή· ### book 3.520.4 ζωοῦ γὰρ κεστρεῦσιν ἀπώμοτόν ἐστι πάσασθαι. ### book 3.520.5 ἔνθεν ἔπειτ’ ἄκροισι διακνίζει στομάτεσσι ### book 3.525.1 δαῖτα περιξύων· ἁλιεὺς δέ μιν αὐτίκα χαλκῷ ### book 3.525.2 πεῖρεν ἀνακρούων, ὥστε θρασὺν ἵππον ἐέργων ### book 3.525.3 ἡνίοχος σκληρῇσιν ἀναγκαίῃσι χαλινοῦ, ### book 3.1 ἂν δ’ ἔρυσε, σπαίροντα δ’ ἐπὶ χθονὶ κάββαλεν ἐχθρῇ. ### book 3.2 Καὶ ξιφίην ὀλοοῖσι παρήπαφον ἀγκίστροισιν. ### book 3.530.1 ἀλλ’ οὐ μὲν ξιφίῃ τοῖος μόρος, οὐδ’ ἴσος ἄλλοις· ### book 3.530.2 οὐ γὰρ ἐπ’ ἀγκίστροισι κατεντύνουσιν ἐδωδήν, ### book 3.530.3 ἀλλὰ τὸ μὲν γυμνόν τε καὶ ἄκλοπον ᾐώρηται, ### book 3.530.4 μηρίνθου διπλῇσιν ἀκαχμένου ἔμπαλιν αἰχμαῖς· ### book 3.530.5 τοῦ δ’ ὅσσον τριπάλαιστον ἀναψάμενοι καθύπερθε ### book 3.535.1 μαλθακὸν ἀργεννῶν νεπόδων ἕνα χείλεος ἄκρου ### book 3.535.2 δῆσαν ἐπισταμένως· ξιφίης δ’ ὅτε θοῦρος ἵκηται, ### book 3.535.3 αὐτίκα δαιτρεύει δέμας ἰχθύος ἄορι λάβρῳ· ### book 3.535.4 τοῦ δὲ δαϊζομένοιο καταρρέει ἅψεα δεσμοῦ, ### book 3.535.5 αὐταῖς δ’ ἀγκίστροιο περιστρέφεται γενύεσσιν· ### book 3.540.1 αὐτὰρ ὅ γ’ οὐκ ἐδάη γναμπτὸν δόλον, ἀλλὰ βαρεῖαν ### book 3.540.2 δαῖτα χανὼν ἀγρευτὸς ἀνέλκεται ἀνέρος ἀλκῇ. ### book 3.540.3 Πολλὰ δ’ ἐπὶ ξιφίῃ θηρήτορες ὁπλίζονται, ### book 3.540.4 ἔξοχα δ’ οἳ Τυρσηνὸν ἁλὸς πόρον ἀγρώσσουσιν ### book 3.540.5 ἀμφί τε Μασσαλίην, ἱερὴν πόλιν, ἀμφί τε Κελτούς· ### book 3.545.1 κεῖθι γὰρ ἔκπαγλοί τε καὶ ἰχθύσιν οὐδὲν ὁμοῖοι ### book 3.545.2 ἄπλατοι ξιφίαι μεγακήτεες ἐννεμέθονται. ### book 3.545.3 οἱ δ’ ἀκάτους αὐτοῖσιν ἐϊσκομένας ξιφίῃσι ### book 3.545.4 καὶ δέμας ἰχθυόεν καὶ φάσγανα τεκτήναντες ### book 3.545.5 ἀντίον ἰθύνουσι· ὁ δ’ οὐκ ἀναδύεται ἄγρην, ### book 3.1 ἐλπόμενος μὴ νῆας ἐϋσέλμους ὁράασθαι, ### book 3.2 ἀλλ’ ἑτέρους ξιφίας, ξυνὸν γένος, ὄφρα μιν ἄνδρες ### book 3.3 πάντῃ κυκλώσωνται· ὁ δ’ ἐφράσαθ’ ὕστερον ἄτην, ### book 3.4 αἰχμῇ τριγλώχινι πεπαρμένος, οὐδέ οἱ ἀλκὴ ### book 3.5 φεύγειν ἱεμένῳ περ, ἀναγκαίῃ δὲ δαμῆναι. ### book 3.555.1 πολλάκι μὲν καὶ νηὸς ἀμυνόμενος κενεῶνα ### book 3.555.2 φασγάνῳ ἀντετόρησε διαμπερὲς ἄλκιμος ἰχθύς, ### book 3.555.3 οἱ δὲ θοῶς βουπλῆγος ὑπ’ εὐχάλκοιο τυπῇσιν ### book 3.555.4 ἐκ γενύων ἤραξαν ἅπαν ξίφος· ἐν δ’ ἄρα νηὸς ### book 3.555.5 ἕλκεϊ γόμφος ἄρηρεν· ὁ δ’ ἕλκεται ὀρφανὸς ἀλκῆς. ### book 3.560.1 ὡς δ’ ὅτε δυσμενέεσσι δόλον τεύχοντες ἄρηος, ### book 3.560.2 ἱέμενοι πύργων τε καὶ ἄστεος ἔνδον ἱκέσθαι, ### book 3.560.3 ἔντεα συλήσαντες ἀρηϊφάτων ἀπὸ νεκρῶν ### book 3.560.4 αὐτοὶ θωρήξαντο καὶ ἔδραμον ἄγχι πυλάων· ### book 3.560.5 οἱ δ’ ὥστε σφετέροισιν ἐπειγομένοις πολιήταις ### book 3.565.1 ἀγκλίνουσι θύρετρα καὶ οὐ γήθησαν ἑταίροις· ### book 3.565.2 ὣς ἄρα καὶ ξιφίην ἴκελον δέμας ἤπαφε νηῶν. ### book 3.565.3 Καὶ μὲν δὴ σκολιῇσιν ἐν ἀγκοίνῃσι λίνοιο ### book 3.565.4 κυκλωθεὶς ξιφίης μέγα νήπιος ἀφροσύνῃσιν ### book 3.565.5 ὄλλυται, ὃς θρώσκει μὲν ὑπεκδῦναι μενεαίνων, ### book 3.570.1 ἐγγύθι δὲ τρομέων πλεκτὸν δόλον αὖτις ὀπίσσω ### book 3.570.2 χάζεται· οὐδέ οἱ ὅπλον ἐνὶ φρεσίν, οἷον ἄρηρεν ### book 3.570.3 ἐκ γενύων, δειλὸς δὲ μένει κεκαφηότι θυμῷ, ### book 3.570.4 ὄφρα μιν ἐξερύσωσιν ἐπ’ ᾐόνας· ἔνθα δὲ δούροις ### book 3.570.5 ἄνδρες ἐπασσυτέροισι καταΐγδην ἐλόωντες ### book 3.575 κρᾶτα συνηλοίησαν, ὁ δ’ ὄλλυται ἄφρονι πότμῳ. ### book 3.1 Ἀφροσύνη καὶ σκόμβρον ἕλεν καὶ πίονα θύννον ### book 3.2 καὶ ῥαφίδας καὶ φῦλα πολυσπερέων συνοδόντων. ### book 3.3 σκόμβροι μὲν λεύσσοντες ἐν ἕρκεϊ πεπτηῶτας ### book 3.4 ἄλλους ἠράσσαντο λίνου πολύωπον ὄλεθρον ### book 3.580.1 ἐσδῦναι· τοίη τις ἐσέρχεται εἰσορόωντας ### book 3.580.2 τερπωλή· παίδεσσιν ἀπειρήτοισιν ὁμοῖοι, ### book 3.580.3 οἵ τε πυρὸς λεύσσοντες ἀναιθομένοιο φαεινὴν ### book 3.580.4 μαρμαρυγὴν ἀκτῖσιν ἰαινόμενοι γελόωσι ### book 3.580.5 ψαῦσαί θ’ ἱμείρουσι καὶ ἐς φλόγα χεῖρ’ ὀρέγουσι ### book 3.585.1 νηπιέην· τάχα δέ σφιν ἀνάρσιον ἐξεφάνη πῦρ· ### book 3.585.2 ὣς οἵ γ’ ἱμείρουσιν ἀνοστήτοιο λόχοιο ### book 3.585.3 ἐσπεσέειν κευθμῶνα, κακοῦ δ’ ἤντησαν ἔρωτος. ### book 3.585.4 ἔνθ’ οἱ μὲν κέλσαντες ἐν εὐρυτέροισι βρόχοισι ### book 3.585.5 ἔκθορον, οἱ δ’ ἑρχθέντες ἐνὶ στεινοῖσι πόροισι ### book 3.590.1 πικρὸν ἀνέτλησαν σφιγκτὸν μόρον ἐξανύσαντες. ### book 3.590.2 πολλοὺς δ’ ἠϊόνεσσιν ἐφελκομένοιο λίνοιο ### book 3.590.3 ὄψεαι ἀμφοτέρωθεν ἀρηρότας ἠΰτε γόμφοις, ### book 3.590.4 τοὺς μὲν ἔτι φρονέοντας ἐσελθέμεν ἄρκυν ὀλέθρου, ### book 3.590.5 τοὺς δ’ ἤδη μεμαῶτας ὑπεκδῦναι κακότητος, ### book 3.595.1 ἔνδοθεν ἰκμαλέῃσιν ἐνισχομένους βροχίδεσσι. ### book 3.595.2 Θύννοι δ’ αὖ σκόμβροις μὲν ἴσον πόνον ἀθλεύουσιν ### book 3.595.3 ἀφροσύνῃ· καὶ τοῖς γὰρ ὁμοίιος ἵμερος ἄτης ### book 3.595.4 ἐμπίπτει δολίοιο λίνου λαγόνεσσι μιγῆναι· ### book 3.595.5 ἀλλ’ οὐ μὲν κείνοισιν ὑπόβρυχα γαστέρος εἴσω ### book 3.1 ἐσδύνειν, σκολιοῖσι δ’ ἐπαΐσσουσιν ὀδοῦσι, ### book 3.2 σώματι μηδόμενοι πόρον ἄρκιον· ἐν δ’ ἄρ’ ὀδοῦσιν ### book 3.3 ὑγρὸν ἐρειδομένοις τέταται λίνον· οὐδέ τι μῆχος ### book 3.4 ἐκφυγέειν, δεσμῷ δὲ περιστομίῳ μογέοντες ### book 3.5 ἕλκονται ποτὶ χέρσον ὑπ’ ἀφραδίῃσιν ἁλόντες. ### book 3.605 Καὶ μὲν δὴ ῥαφίδων τοῖος νόος· αἳ δ’ ὅτε κόλπον ### book 3.1 δικτύου ἐκπροφύγωσι, πόνου δ’ ἔκτοσθε γένωνται, ### book 3.2 αὖτις ἐπιστρωφῶσι, λίνῳ δ’ ἐπιμηνίουσαι ### book 3.3 δήγματ’ ἐνιπρίουσι· τὸ δέ σφισι δύεται εἴσω ### book 3.4 ἴσχει τ’ ἐμμενέως πυκινοὺς ἔντοσθεν ὀδόντας. ### book 3.610.1 Αὐτὰρ τοὶ συνόδοντες ἴσοι στείχουσι λόχοισι ### book 3.610.2 κεκριμένοι· τοῖς δ’ εὖτ’ ἂν ἀνὴρ ἄγκιστρον ἐφείη, ### book 3.610.3 οἱ μὲν ἀποτροπάδην λοξὸν φάος ἀλλήλοισι ### book 3.610.4 πάντες ἐπικλίνουσι καὶ οὐκ ἐθέλουσι πελάσσαι· ### book 3.610.5 ἀλλ’ ὅτε τις προθορὼν ἑτέρης στιχὸς αἶψα δέλετρον ### book 3.615.1 ἁρπάξῃ, τότε καί τις ἐνὶ φρεσὶ θάρσος ἔδεκτο ### book 3.615.2 ἀγκίστρῳ τ’ ἐπέλασσε καὶ ἕλκεται· οἱ δ’ ὁρόωντες ### book 3.615.3 ἀλλήλους, περὶ δαιτὶ γεγηθότες, ἰαίνονται ### book 3.615.4 ἑλκόμενοι, σπεύδουσι δ’ ὑποφθαδόν, ὅς κε θάνῃσι ### book 3.615.5 πρῶτος ἁλούς, ἅτε παῖδες ἀθύρμασι καγχαλόωντες. ### book 3.620.1 Θύννων δ’ αὖ γενεὴ μὲν ἀπ’ εὐρυπόροιο τέτυκται ### book 3.620.2 Ὠκεανοῦ· στείχουσι δ’ ἐς ἡμετέρης ἁλὸς ἔργα ### book 3.620.3 εἰαρινοῦ μετὰ λύσσαν ὅτ’ οἰστρήσωσι γάμοιο. ### book 3.1 τοὺς δ’ ἤτοι πρῶτον μὲν Ἰβηρίδος ἔνδοθεν ἅλμης ### book 3.2 ἀνέρες ἀγρώσσουσι βίῃ κομόωντες Ἴβηρες· ### book 3.625.1 δεύτερα δὲ Ῥοδανοῖο παρὰ στόμα θηρητῆρες ### book 3.625.2 Κελτοὶ Φωκαίης τε παλαίφατοι ἐνναετῆρες· ### book 3.625.3 τὸ τρίτον ἀγρώσσουσιν ὅσοι Τρινακρίδι νήσῳ ### book 3.625.4 ἐνναέται πόντου τε παρ’ οἴδμασι Τυρσηνοῖο. ### book 3.625.5 ἔνθεν ἀπειρεσίοις ἐνὶ βένθεσιν ἄλλοθεν ἄλλος ### book 3.630.1 κίδνανται καὶ πᾶσαν ἐπιπλώουσι θάλασσαν. ### book 3.630.2 πολλὴ δ’ ἔκπαγλός τε παρίσταται ἰχθυβόλοισιν ### book 3.630.3 ἄγρη, ὅτ’ εἰαρινὸς θύννων στρατὸς ὁρμήσωνται. ### book 3.630.4 χῶρον μὲν πάμπρωτον ἐπεφράσσαντο θαλάσσης ### book 3.630.5 οὔτε λίην στεινωπὸν ἐπηρεφέεσσιν ὑπ’ ὄχθαις ### book 3.635.1 οὔτε λίην ἀνέμοισιν ἐπίδρομον, ἀλλὰ καὶ αἴθρῃ ### book 3.635.2 καὶ σκεπανοῖς κευθμῶσιν ἐναίσιμα μέτρα φέροντα. ### book 3.635.3 ἔνθ’ ἤτοι πρῶτον μὲν ἐπ’ ὄρθιον ὕψι κολωνὸν ### book 3.635.4 ἴδρις ἐπαμβαίνει θυννοσκόπος, ὅστε κιούσας ### book 3 παντοίας ἀγέλας τεκμαίρεται, αἵ τε καὶ ὅσσαι, ### book 3.640.1 πιφαύσκει δ’ ἑτάροισι· τὰ δ’ αὐτίκα δίκτυα πάντα ### book 3.640.2 ὥστε πόλις προβέβηκεν ἐν οἴδμασιν· ἐν δὲ πυλωροὶ ### book 3.640.3 δικτύῳ, ἐν δὲ πύλαι, μύχατοί τ’ αὐλῶνες ἔασιν. ### book 3.640.4 οἱ δὲ θοῶς σεύονται ἐπὶ στίχας, ὥστε φάλαγγες ### book 3.640.5 ἀνδρῶν ἐρχομένων καταφυλαδόν· οἱ μὲν ἔασιν ### book 3.645.1 ὁπλότεροι, τοὶ δ’ εἰσὶ γεραίτεροι, οἱ δ’ ἐνὶ μέσσῃ ### book 3.645.2 ὥρῃ· ἀπειρέσιοι δὲ λίνων ἔντοσθε ῥέουσιν, ### book 3.645.3 εἰσόκεν ἱμείρωσι καὶ ἀγρομένους ἀνέληται ### book 3 δίκτυον· ἀφνειὴ δὲ καὶ ἔξοχος ἵσταται ἄγρη. ### book 4.1 Ἄλλους δ’ ἀγρευτῆρσιν ὑπήγαγε ληΐδα θήρης ### book 4.2 ὑγρὸς ἔρως· ὀλοῶν δὲ γάμων, ὀλοῆς τ’ Ἀφροδίτης ### book 4.3 ἠντίασαν, σπεύδοντες ἑὴν φιλοτήσιον ἄτην. ### book 4.4 ἀλλὰ σύ μοι, κάρτιστε πολισσούχων βασιλήων, ### book 4.5.1 αὐτός τ’, Ἀντωνῖνε, καὶ υἱέος ἠγάθεον κῆρ, ### book 4.5.2 πρόφρονες εἰσαΐοιτε καὶ εἰναλίῃσι γάνυσθε ### book 4.5.3 τερπωλαῖς, οἵῃσιν ἐμὸν νόον ἠπιόδωροι ### book 4.5.4 Μοῦσαι κοσμήσαντο καὶ ἐξέστεψαν ἀοιδῆς ### book 4.5.5 δώρῳ θεσπεσίῳ καί μοι πόρον ὑμετέροισι ### book 4.10.1 κίρνασθαι γλυκὺ νᾶμα καὶ οὔασι καὶ πραπίδεσσι. ### book 4.10.2 Σχέτλι’ Ἔρως, δολομῆτα, θεῶν κάλλιστε μὲν ὄσσοις ### book 4.10.3 εἰσιδέειν, ἄλγιστε δ’ ὅτε κραδίην ὀροθύνεις, ### book 4.10.4 ἐμπίπτων ἀδόκητος, ὑπὸ φρένα δ’ ὥστε θύελλα ### book 4.10.5 μίσγεαι, ἀσθμαίνεις δὲ πυρὸς δριμεῖαν ὁμοκλήν, ### book 4.15.1 παφλάζων ὀδύνῃσι καὶ ἀκρήτοισιν ἀνίαις· ### book 4.15.2 δάκρυ δέ σοι προβαλεῖν λαρὸν γάνος ἠδ’ ἐσακοῦσαι ### book 4.15.3 βυσσόθεν οἰμωγὴν σπλάχνοις θ’ ὑπὸ θερμὸν ἔρευθος ### book 4.15.4 φοινίξαι χρωτός τε παράτροπον ἄνθος ἀμέρσαι ### book 4.15.5 ὄσσε τε κοιλῆναι παρά τε φρένα πᾶσαν ἀεῖραι ### book 4.20.1 μαινομένην· πολλοὺς δὲ καὶ ἐς μόρον ἐξεκύλισας, ### book 4.20.2 ὅσσοις χειμέριός τε καὶ ἄγριος ἀντεβόλησας ### book 4.1 λύσσαν ἄγων· τοίαις γὰρ ἀγάλλεαι εἰλαπίνῃσιν. ### book 4.2 εἴτ’ οὖν ἐν μακάρεσσι παλαίτατος ἐσσὶ γενέθλῃ, ### book 4.3 ἐκ Χάεος δ’ ἀνέτειλας ἀμειδέος, ὀξέϊ πυρσῷ ### book 4.25.1 λαμπόμενος, πρῶτος δὲ γάμων ἐζεύξαο θεσμούς, ### book 4.25.2 πρῶτος δ’ εὐναίοις ἀρότοις ἐπεθήκαο τέκμωρ· ### book 4.25.3 εἴτε σε καὶ πτερύγεσσιν ἀειρόμενον θεὸν ὄρνιν ### book 4.25.4 τίκτε Πάφου μεδέουσα πολυφράδμων Ἀφροδίτη, ### book 4.25.5 εὐμενέοις, πρηΰς τε καὶ εὔδιος ἄμμιν ἱκάνοις ### book 4.30.1 μέτρον ἄγων· οὐ γάρ τις ἀναίνεται ἔργον ἔρωτος. ### book 4.30.2 πάντῃ μὲν κρατέεις, πάντῃ δέ σε καὶ ποθέουσι ### book 4.30.3 καὶ μέγα πεφρίκασιν· ὁ δ’ ὄλβιος, ὅστις ἔρωτα ### book 4.30.4 εὐκραῆ κομέει τε καὶ ἐν στέρνοισι φυλάσσει· ### book 4.30.5 σοὶ δ’ οὔτ’ οὐρανίης γενεῆς ἅλις οὔτε τι φύτλης ### book 4.35.1 ἀνδρομέης· οὐ θῆρας ἀναίνεαι οὐδ’ ὅσα βόσκει ### book 4.35.2 ἀὴρ ἀτρύγετος, νεάτης δ’ ὑπὸ κεύθεσι λίμνης ### book 4.35.3 δύνεις, ὁπλίζῃ δὲ καὶ ἐν νεπόδεσσι κελαινοὺς ### book 4.35.4 ἀτράκτους, ὡς μή τι τεῆς ἀδίδακτον ἀνάγκης ### book 4.35.5 λείπηται, μηδ’ ὅστις ὑπόβρυχα νήχεται ἰχθύς. ### book 4.40.1 Οἵην μὲν φιλότητα μετ’ ἀλλήλοισι ῥύονται ### book 4.40.2 καὶ πόθον ὀξυβελῆ στικτοὶ σκάροι, οὐδ’ ἐνὶ μόχθοις ### book 4.40.3 ἀλλήλους λείπουσιν, ἀλεξητῆρι δὲ θυμῷ ### book 4.1 πολλάκι μὲν πληγέντος ὑπ’ ἀγκίστροιο δαφοινοῦ ### book 4.2 ἄλλος ἐπαΐξας πρόμαχος σκάρος ἰχθὺς ὀδοῦσιν ### book 4.45.1 ὁρμιὴν ἀπέκερσε καὶ ἐξεσάωσεν ἑταῖρον ### book 4.45.2 καὶ δόλον ἠμάλδυνε καὶ ἀσπαλιῆ’ ἀκάχησεν. ### book 4.45.3 ἤδη δ’ ἐν κύρτοισι παλιμπλεκέεσσιν ἁλόντα ### book 4.45.4 ἄλλος ὑπεξέκλεψε καὶ ἐξείρυσσεν ὀλέθρου· ### book 4.45.5 εὖτε γὰρ ἐς κύρτοιο πέσῃ λόχον αἰόλος ἰχθύς, ### book 4.1 αὐτίκ’ ἐπεφράσθη τε καὶ ἐκδῦναι κακότητος ### book 4.2 πειρᾶται, τρέψας δὲ κάτω κεφαλήν τε καὶ ὄσσε ### book 4.3 ἔμπαλιν εἰς οὐρὴν ἀνανήχεται ἕρκος ἀμείβων· ### book 4.4 ταρβεῖ γὰρ σχοίνους ταναηκέας, αἳ πυλεῶνι ### book 4.5 ἀμφιπεριφρίσσουσι καὶ οὐτάζουσιν ὀπωπὰς ### book 4.55.1 ἀντίον ἐρχομένοιο, φυλακτήρεσσιν ὁμοῖαι. ### book 4.55.2 οἱ δέ μιν εἰσορόωντες ἀμήχανα δινεύοντα ### book 4.55.3 ἔκτοθεν ἀντιόωσιν ἀρηγόνες, οὐδ’ ἐλίποντο ### book 4.55.4 τειρόμενον· καί πού τις ἑὴν ὤρεξε διασχὼν ### book 4.55.5 οὐρὴν ἠΰτε χεῖρα λαβεῖν ἔντοσθεν ἑταίρῳ· ### book 4.60.1 αὐτὰρ ὀδὰξ μὲν ἔρεισεν, ὁ δ’ ἔσπασεν ἄϊδος ἔξω ### book 4.60.2 οὐρὴν ἡγήτειραν ὑπὸ στόμα δεσμὸν ἔχοντα. ### book 4.60.3 πολλάκι δὲ προβαλόντος ἑὴν ἔντοσθεν ἁλόντος ### book 4.60.4 οὐρὴν ἄλλος ἔμαρψε καὶ ἐξείρυσσε θύραζε ### book 4.60.5 ἑσπόμενον· τοιοῖσδε νοήμασι πότμον ἄλυξαν. ### book 4.65.1 ὡς δ’ ὅτε παιπαλόεσσαν ἀναστείχωσι κολώνην ### book 4.65.2 φῶτες ὑπὸ σκιερῆς νυκτὸς κνέφας, ἡνίκα μήνη ### book 4.1 κέκρυπται, νεφέων δὲ κελαινιόωσι καλύπτραι, ### book 4.2 οἱ δ’ ὄρφνῃ μογέουσι καὶ ἀτρίπτοισι κελεύθοις ### book 4.3 πλαζόμενοι, χεῖράς τε μετ’ ἀλλήλοισιν ἔχουσιν, ### book 4.70.1 ἑλκόμενοί θ’ ἕλκουσι, πόνων ἐπίκουρον ἀμοιβήν· ### book 4.70.2 ὣς οἵ γ’ ἀλλήλοισιν ἀμοιβαίῃ φιλότητι ### book 4.70.3 ἀλκτῆρες γεγάασι· τὸ δέ σφισι μήσατ’ ὄλεθρον ### book 4.70.4 δειλαίοις, ὀλοοῦ δὲ καὶ ἀλγινόεντος ἔρωτος ### book 4.70.5 ἠντίασαν, βλαφθέντες ἐπιφροσύναις ἁλιήων. ### book 4.75.1 τέσσαρες ἐμβεβάασι θοὸν σκάφος ἀγρευτῆρες, ### book 4.75.2 τῶν ἤτοι δοιοὶ μὲν ἐπηρέτμοισι πόνοισι ### book 4.75.3 μέμβλονται, τρίτατος δὲ δολόφρονα μῆτιν ὑφαίνει. ### book 4.75.4 θῆλυν ἀναψάμενος σύρει σκάρον ἀκροτάτοιο ### book 4.75.5 χείλεος ἐν δίνῃσι λινοζεύκτῳ ὑπὸ δεσμῷ· ### book 4.80.1 ζωὴν μὲν κέρδιστον ἀνελκέμεν· ἢν δὲ θάνῃσι, ### book 4.80.2 δελφῖνος μολίβοιο μετὰ στόμα δέξατο τέχνην. ### book 4.80.3 μηρίνθου δ’ ἑτέρωθεν ἐλήλαται ἄλλος ὄπισθεν ### book 4.80.4 δινωτὸς μολίβοιο βαρὺς κύβος ἅμματος ἄκρου· ### book 4.80.5 καί ῥ’ ἡ μὲν ζωῇ ἐναλίγκιος ἐν ῥοθίοισιν ### book 4.85.1 ἑλκομένη θήλεια τιταίνεται ἐξ ἁλιῆος. ### book 4.85.2 τέτρατος αὖ κύρτοιο βαθὺν δόλον ἀντίον ἕλκει ### book 4.85.3 ἐγγύθεν· οἱ δ’ ὁρόωντες ἀολλέες ἰθὺς ἵενται ### book 4.85.4 κραιπνὸν ἐπειγόμενοι βαλιοὶ σκάροι, ὄφρα ῥύωνται ### book 4.85.5 ἑλκομένην, ἀπάτην δὲ περιπροθέουσιν ἁπάντῃ, ### book 4.90.1 οἴστρῳ θηλυμανεῖ βεβιημένοι· οἱ δ’ ἐλάτῃσι ### book 4.90.2 νῆα κατασπέρχουσιν ὅσον σθένος· οἱ δ’ ἐφέπονται ### book 4.1 ἐσσυμένως· τάχα δέ σφι πανύστατος ἔπλετ’ ἀρωγή. ### book 4.2 εὖτε γὰρ ἀγρομένους τε καὶ ἄσχετα μαιμώοντας ### book 4.3 θηλείης ἐπὶ λύσσαν ἴδῃ νόος ἀσπαλιῆος, ### book 4.95.1 ἐν κύρτῳ κατέθηκεν ὁμοῦ λίνον ἠδὲ μόλιβδον, ### book 4.95.2 ὃς σκάρον ἐμβαρύθων εἴσω σπάσεν· οἱ δ’ ἄρ’ ὁμαρτῆ, ### book 4.95.3 ὡς ἴδον, ὡς ἐκέχυντο παραφθαδόν, Ἄϊδος ἕρκος ### book 4.95.4 πλεκτὸν ἐπισπεύδοντες, ἐπειγομένοις δὲ λόχοισι ### book 4.95.5 στείνονται προβολαί τε λύγων καὶ χάσμα πυλάων ### book 4.1 ἀργαλέον· τοῖοι γὰρ ἐπισπέρχουσι μύωπες. ### book 4.2 ὡς δὲ ποδωκείης μεμελημένοι ἄνδρες ἀέθλων, ### book 4.3 στάθμης ὁρμηθέντες ἀπόσσυτοι, ὠκέα γυῖα ### book 4.4 προπροτιταινόμενοι, δολιχὸν τέλος ἐγκονέουσιν ### book 4.5 ἐξανύσαι· πᾶσιν δὲ πόθος νύσσῃ τε πελάσσαι ### book 4.105.1 νίκης τε γλυκύδωρον ἑλεῖν κράτος ἔς τε θύρετρα ### book 4.105.2 ἀΐξαι καὶ κάρτος ἀέθλιον ἀμφιβαλέσθαι· ### book 4.105.3 τόσσος ἔρως καὶ τοῖσιν ἐς Ἄϊδος ἡγεμονεύει ### book 4.105.4 ἐσθορέειν κευθμῶνας ἀνοστήτοιο λόχοιο. ### book 4.105.5 κύντατα δ’ ἐς φιλότητα καὶ ὕστατον οἶστρον ἔχοντες ### book 4.110.1 αὐτόμολοι πιμπλᾶσιν ἐφίμερον ἀνδράσιν ἄγρην. ### book 4.110.2 Ἄλλοι δ’ αὖ θήλειαν ἔσω κύρτοιο κελαινοῦ ### book 4.110.3 ζωὴν ἐγκαθιέντες ὑπὸ σπιλάδεσσι τίθενται ### book 4.110.4 κείναις, ᾗσι μέλει γλαγόεις σκάρος· οἱ δ’ ὑπ’ ἔρωτος ### book 4.110.5 αὔρῃ θελγόμενοι φιλοτησίῃ ἀμφαγέρονται, ### book 4.115.1 ἀμφί τε λιχμάζουσι καὶ ἐξερέουσιν ἁπάντῃ ### book 4.115.2 μαιόμενοι κύρτοιο κατήλυσιν· αἶψα δ’ ἵκοντο ### book 4.115.3 εἰσίθμην εὐρεῖαν ἀνέκβατον ἕρκος ἔχουσαν, ### book 4.115.4 ἐς δ’ ἔπεσον ἅμα πάντες ὁμιλαδόν, οὐδέ τι μῆχος ### book 4.115.5 ἐκδῦναι, στυγερὴν δὲ πόθων εὕροντο τελευτήν. ### book 4.120.1 ὡς δέ τις οἰωνοῖσι μόρον δολόεντα φυτεύων ### book 4.120.2 θήλειαν θάμνοισι κατακρύπτει λασίοισιν ### book 4.120.3 ὄρνιν, ὁμογλώσσοιο συνέμπορον ἠθάδα θήρης· ### book 4.120.4 ἡ δὲ λίγα κλάζει ξουθὸν μέλος, οἱ δ’ ἀΐοντες ### book 4.120.5 πάντες ἐπισπέρχουσι, καὶ ἐς βρόχον αὐτοὶ ἵενται, ### book 4.125.1 θηλυτέρης ἐνοπῇσι παραπλαγχθέντες ἰωῆς· ### book 4.125.2 τοῖς κεῖνοι κύρτοιο πέσον λαγόνεσσιν ὁμοῖοι. ### book 4.125.3 Τοίην δ’ αὖ κεφάλοισιν ἔρως περιβάλλεται ἄτην· ### book 4.125.4 καὶ γὰρ τοὺς θήλεια παρήπαφεν ἐν ῥοθίοισιν ### book 4.125.5 ἑλκομένη· θαλερὴ δὲ πέλοι λιπόωσά τε γυῖα· ### book 4.130.1 ὧδε γὰρ εἰσορόωντες ἀπείρονες ἀμφαγέρονται· ### book 4.130.2 κάλλεϊ δ’ ἐκπάγλως βεβιημένοι οὐκ ἐθέλουσι ### book 4.130.3 λείπεσθαι, πάντῃ δὲ πόθων ἴϋγγες ἄγουσι ### book 4.130.4 θαλπομένους, εἰ καί σφιν ἀνάρσιον ἡγεμονεύοις ### book 4.130.5 χέρσον ὑπεξερύων θῆλυν δόλον· οἱ δ’ ἐφέπονται ### book 4.135.1 ἀθρόοι, οὔτε δόλων μεμνημένοι οὔθ’ ἁλιήων· ### book 4.135.2 ἀλλ’ ὥστ’ ἠΐθεοι περικαλλέος ὄμμα γυναικὸς ### book 4.135.3 φρασσάμενοι πρῶτον μὲν ἀποσταδὸν αὐγάζονται, ### book 4.1 εἶδος ἀγαιόμενοι πολυήρατον, ἄγχι δ’ ἔπειτα ### book 4.2 ἤλυθον, ἐκ δ’ ἐλάθοντο καὶ οὐκέτι κεῖνα κέλευθα ### book 4.140.1 ἔρχονται τὰ πάροιθεν, ἐφεσπόμενοι δὲ γάνυνται ### book 4.140.2 θελγόμενοι λιαρῇσιν ὑπὸ ῥιπῇς Ἀφροδίτης· ### book 4.140.3 ὣς κείνων οἰστρηδὸν ἐπόψεαι ὑγρὸν ὅμιλον ### book 4.140.4 εἰλομένων· τάχα δέ σφιν ἀπεχθέες ἦλθον ἔρωτες· ### book 4.140.5 αἶψα γὰρ ἀμφίβληστρον ἀνὴρ εὐεργὲς ἀείρας ### book 4.145.1 κόλπον ἐπιπροέηκε καὶ ἄσπετον ἔσπασε θήρην, ### book 4.145.2 ῥηϊδίως ἁψῖσι περίσχετον ἀμφικαλύψας. ### book 4.145.3 Σηπίαι αὖ δυσέρωτες ἐπὶ πλέον ἔδραμον ἄτης· ### book 4.145.4 οὐ γὰρ τοῖς οὐ κύρτον ὀλέθριον οὔτε λίνοιο ### book 4.145.5 ἀμφιβολὰς ἐφέηκαν ἁλίστονοι ἀγρευτῆρες, ### book 4.1 ἀλλ’ αὔτως ἐρύουσιν ἀναψάμενοι μίαν οἴην ### book 4.2 ἐν ῥοθίοις· αἱ δ’ εὖτ’ ἂν ἀπόπροθεν ἀθρήσωσιν, ### book 4.3 αἶψα μάλ’ ἀντιόωσι, περιπλέγδην δ’ ἐνέχονται ### book 4.4 ἐμφύμεναι σπείρῃσιν, ἅτε ξείνηθεν ἰδοῦσαι ### book 4.5 παρθενικαὶ δηναιὸν ἀδελφεὸν ἢ γενετῆρα ### book 4.155.1 ἤπιον ἐν μεγάροισιν ἀπήμονα νοστήσαντα· ### book 4.155.2 ἠὲ νέον ζεύγλῃσιν ὑπ’ εὐναίης Ἀφροδίτης ### book 4.155.3 κούρη ληϊσθεῖσα γάμων εὐαγρέϊ δεσμῷ ### book 4.155.4 νυμφίον ἀμφέπλεξεν, ἐπ’ αὐχένι πάννυχα δεσμὰ ### book 4.155.5 ἀργεννοῖς ἑκάτερθε βραχίοσι γυρώσασα· ### book 4.160.1 ὣς τότε κερδαλέαι περὶ σηπίαι εἱλίσσονται ### book 4.160.2 ἀλλήλαις· οὐδέ σφι μεθίεται ἔργον ἔρωτος, ### book 4.160.3 εἰσόκεν ἐξερύσωσιν ἐπὶ σκάφος ἀσπαλιῆες· ### book 4.160.4 αἱ δ’ ἔτι συμπεφύασι, πόθῳ δ’ ἅμα πότμον ἕλοντο. ### book 4 Τὰς μὲν καὶ κύρτοισι παρήπαφον εἴαρος ὥρῃ· ### book 4.165.1 κύρτους γὰρ σκιάσαντες ὑπὸ πτόρθοισι μυρίκης ### book 4.165.2 ἢ κομάρου πετάλοισι τεθηλόσιν ἠὲ καὶ ἄλλῃ ### book 4.165.3 λάχνῃ, ἐπ’ ἠϊόνεσσι πολυψαμάθοισιν ἔθηκαν· ### book 4.165.4 αἱ δ’ ἅμα μὲν γενεῆς κεχρημέναι ἠδὲ καὶ εὐνῆς ### book 4.165.5 κύρτον ἔσω σπεύδουσι καὶ ἥμεναι ἐν πετάλοισιν ### book 4.170.1 αὐτοῦ μὲν παύσαντο πόθου, παύσαντο δὲ δειλῆς ### book 4.170.2 ζωῆς, ἀγρευτῆρσιν ἀνελκόμεναι πινυτοῖσιν. ### book 4.170.3 Ἔξοχα δ’ ἐκ πάντων νεπόδων ἀλγεινὸν ἔρωτα ### book 4.170.4 κόσσυφος ἀθλεύει, κίχλῃς δ’ ἐπιδαίεται ἦτορ, ### book 4.170.5 οἴστρῳ τε ζήλῳ τε, βαρύφρονι δαίμονι, θύων. ### book 4.175.1 κοσσύφῳ οὔτ’ εὐνὴ μία σύννομος, οὐ δάμαρ οἴη, ### book 4.175.2 οὐ θάλαμος, πολλαὶ δ’ ἄλοχοι, πολλαὶ δὲ χαράδραι ### book 4.175.3 κεκριμέναι κεύθουσιν ἐφέστια λέκτρα γυναικῶν· ### book 4.175.4 τῇσιν ἀεὶ πᾶν ἦμαρ ὑπὸ γλαφυροῖσι μυχοῖσι ### book 4.175.5 κίχλαι ναιετάουσιν, ἀλίγκιαι ἀρτιγάμοισι ### book 4.180.1 νύμφαις, ἃς οὐκ ἄν τις ἴδοι θαλάμοιο πάροιθεν ### book 4.180.2 ἐρχομένας· ἐν δέ σφι γαμήλιος αἴθεται αἰδώς· ### book 4.180.3 ὣς αἵ γ’ ἐνδόμυχοι θαλάμων ἔντοσθεν ἑκάστη ### book 4.180.4 αἰεὶ δηθύνουσιν, ὅπῃ πόσις αὐτὸς ἀνώγει. ### book 4.180.5 κόσσυφος αὖ πέτρῃσι παρήμενος οὔποτε λείπει, ### book 4.185 αἰὲν ἔχων φυλακὴν λεχέων ὕπερ, οὐδέ ποτ’ ἄλλῃ ### book 4.1 τέτραπται, πᾶν δ’ ἦμαρ ἑλίσσεται, ἄλλοτε δ’ ἄλλους ### book 4.2 παπταίνει θαλάμους καί οἱ νόος οὔτ’ ἐπὶ φορβὴν ### book 4.3 στέλλεται οὔτε τιν’ ἄλλον ἔχει πόνον, ἀλλ’ ἐπὶ ### book 4.188.1 νύμφαις ### book 4.188.2 μοχθίζει δύσζηλος ἀειφρούροισι πόνοισι· ### book 4.190.1 νυκτὶ δέ οἱ βρώμης τε μέλει καὶ παύεται ἔργων ### book 4.190.2 τυτθὸν ὅσον φυλακῆς ἀζηχέος· ἀλλ’ ὅτε κίχλαι ### book 4.190.3 ὃν τόκον ὠδίνωσιν, ὃ δ’ ἄσχετα τῆμος ἀΐσσει ### book 4.190.4 ἀμφιπεριτρομέων, ἐπὶ δ’ ἔρχεται ἄλλοτε ἄλλην ### book 4.190.5 εἰς ἄλοχον, μέγα δή τι περιτρομέοντι ἐοικὼς ### book 4.195.1 ὠδίνων. οἷον δὲ μετὰ φρεσὶν ἄχθος ἀλύει ### book 4.195.2 μήτηρ, τηλυγέτοιο θοὴν ὠδῖνα θυγατρὸς ### book 4.195.3 πρωτολεχοῦς φρίσσουσα· τὸ γὰρ μέγα δεῖμα γυναι‐ ### book 4.197.1 κῶν· ### book 4.197.2 αὐτὴν δ’ οὔτι χέρειον ἱκάνεται Εἰλειθυίης ### book 4.197.3 κῦμα πόνων, πάντῃ δὲ διὲκ θαλάμων δεδόνηται ### book 4.1 εὐχομένη, στενάχουσα, μετήορον ἦτορ ἔχουσα, ### book 4.2 εἰσόκε λυσιπόνοιο βοῆς ἔντοσθεν ἀκούσῃ· ### book 4.3 ὣς ὁ περιτρομέων ἀλόχοις μέγα δαίεται ἦτορ. ### book 4.4 τοῖόν που λεχέων ἀΐω νόμον ἐντύνεσθαι ### book 4.5 Ἀσσυρίους, οἳ Τίγριν ὑπὲρ πόρον ἄστε’ ἔχουσι, ### book 4.205.1 Βάκτρων τ’ ἐνναετῆρας, ἑκηβόλον ἔθνος ὀϊστῶν· ### book 4.205.2 καὶ γὰρ τοῖς πλέονές τε γαμήλια λέκτρα γυναῖκες ### book 4.205.3 κεκριμέναι μεθέπουσι καὶ εὐνάζονται ἅπασαι ### book 4.205.4 νύκτας ἀμειβόμεναι· μετὰ δέ σφισι κέντρον ὀπηδεῖ ### book 4.205.5 ζήλου ἀνιαροῖο, περὶ ζήλῳ δ’ ὀλέκονται, ### book 4.210.1 αἰὲν ἐπ’ ἀλλήλοισι βαρὺν θήγοντες ἄρηα. ### book 4.210.2 ὣς οὐδὲν ζήλοιο κακώτερον ἀνδράσιν ἄλγος ### book 4.210.3 ἐντρέφεται, πολλοὺς δὲ γόους, πολλὰς δὲ τίθησιν ### book 4.210.4 οἰμωγάς· λύσσης γὰρ ἀναιδέος ἐστὶν ἑταῖρος· ### book 4.210.5 λύσσῃ δ’ ἀσπασίως ἐπιμίσγεται, ἐς δὲ βαρεῖαν ### book 4.215 ἄτην ἐξεχόρευσε, τέλος δέ οἱ ἔπλετ’ ὄλεθρος. ### book 4.1 ὃς καὶ τὸν δύστηνον ὑπήγαγε κόσσυφον ἄτῃ ### book 4.2 δμηθῆναι, χαλεπῆς δὲ γάμων ἤντησεν ἀμοιβῆς. ### book 4.3 εὖτε γὰρ ἀθρήσῃ σπιλάδων ἔπι δινεύοντα ### book 4.4 ἰχθὺν ἀσπαλιεύς, ἀλόχοις πέρι μόχθον ἔχοντα, ### book 4.220.1 ἀγκίστρῳ κρατερῷ περιβάλλεται ὅττι τάχιστα ### book 4.220.2 καρῖδα ζώουσαν, ἐπ’ ἀγκίστροιο δ’ ὕπερθε ### book 4.220.3 βριθὺς ἀνήρτηται μολίβου κύβος· αὐτὰρ ὁ λάθρῃ ### book 4.220.4 πρὸς πέτραις ἀφέηκε βαρὺν δόλον, ἐγγύθι δ’ αὐτῶν ### book 4.220.5 δινεύει θαλάμων· ὁ δ’ ἐσέδρακεν, αἶψα δ’ ὀρινθεὶς ### book 4.225.1 ὡρμήθη, καρῖδα δόμων ἔντοσθεν ἱκάνειν ### book 4.225.2 ἐλπόμενος λεχέεσσιν ἀνάρσιον ἠδ’ ἀλόχοισιν· ### book 4.225.3 αἶψα δ’ ἐπιθύσας ὁ μὲν ἔλπεται ἐν γενύεσσι ### book 4.225.4 τίνυσθαι καρῖδος ἐπήλυσιν, οὐδ’ ἐνόησεν ### book 4.225.5 ὃν μόρον ἀμφιχανών· ἁλιεὺς δέ μιν αἶψα δοκεύσας ### book 4.230.1 χαλκείαις ξυνέπειρεν ἀνακρούων γενύεσσιν ### book 4.230.2 εἴρυσέ τ’ ἀσχαλόωντα καὶ ὕστατον ἀσπαίροντα, ### book 4.230.3 καί πού μιν τοίοισιν ἐνίπαπε κερτομίοισι· ### book 4.230.4 νῦν δή, νῦν ἀλόχους τε περιφρούρευε φυλάσσων, ### book 4.230.5 ὦ τάλαν, ἐν θαλάμοις τε μένων ἐπιτέρπεο νύμφαις· ### book 4.235.1 οὐ γάρ τοι μία Κύπρις ἐφήνδανεν οὐδὲ μί’ εὐνή, ### book 4.235.2 ἀλλὰ μάλ’ ἐν τόσσῃσιν ἀγάλλεο μοῦνος ἀκοίτης ### book 4.235.3 εὐναῖς· ἀλλ’ ἴθι δεῦρο, γάμος δέ τοί ἐστιν ἑτοῖμος, ### book 4.235.4 νυμφίε, χερσαίοιο πυρὸς λευκάμπυκος αὐγή. ### book 4.235.5 τοιάδε που νείκεσσε καὶ οὐκ ἀΐοντι πιφαύσκων. ### book 4.240.1 κίχλαι δ’, εὖτε θάνῃ φρουρὸς πόσις, ἐκτὸς ἰοῦσαι ### book 4.240.2 πλάζονται θαλάμων, ξυνὸν δ’ ἕλον ἀνέρι πότμον. ### book 4.240.3 Καὶ μὴν δὴ φιλότητι καὶ ἀλλήλων ἐπαρωγῇ ### book 4.240.4 ὄλλυνται γαλεοί τε κύνες καὶ φῦλα κελαινῶν ### book 4.240.5 κεντροφόρων· λευκὸς μὲν ἐπ’ ἀγκίστρῳ πεπέδηται ### book 4.245 ἰχθύς, ἀσπαλιεὺς δὲ κιών, ὅθι πηλὸς ἀϊδνὴς ### book 4.1 ἐμβύθιος δολιχῇσιν ὑφίζεται ὀργυιῇσιν, ### book 4.2 ἄγκιστρον καθέηκε, θοῶς δέ τις ἔσπασεν ἄτην ### book 4.3 ἀντιάσας· ὁ μὲν αὐτίκ’ ἀνέλκεται, οἱ δέ μιν ἄλλοι ### book 4.4 φρασσάμενοι μάλα πάντες ἀολλέες ἐγγὺς ἕπονται, ### book 4.1 ὄφρ’ αὐτὴν ἐπὶ νῆα καὶ ἀγρευτῆρας ἵκωνται. ### book 4.2 δὴ τότε τοὺς μὲν ἕλοις ὑποχῆς περιηγέϊ κύκλῳ, ### book 4.3 τοὺς δὲ σιδηρείοισι καταΐγδην στυφελίζων ### book 4.4 αἰχμαῖς τριγλώχισι καὶ ἀλλοίοισι δόλοισιν· ### book 4.5 οὐ γὰρ πρὶν φεύγουσιν ἀπότροποι, εἰσόχ’ ἑταῖρον ### book 4.255.1 ἑλκόμενον λεύσσωσιν, ὁμοῦ δ’ ἐθέλουσιν ὀλέσθαι. ### book 4.255.2 οἷον δ’ ἀρτιφάτου παιδὸς νέκυν ἐκ μεγάροιο ### book 4.255.3 τύμβον ἐς ἀμφίκλαυτον ἑοὶ στέλλουσι τοκῆες ### book 4.255.4 τηλυγέτου, τῷ πολλὰ μάτην περιμοχθήσωσι· ### book 4.255.5 δρυπτόμενοι δ’ ὀδύνῃσι τέκος περικωκύοντες ### book 4.260.1 ἠρίῳ ἐμπεφύασι καὶ οὐκ ἐθέλουσι μέλαθρα ### book 4.260.2 νοστῆσαι, ξυνῇ δὲ θανεῖν δυσπενθέϊ νεκρῷ· ### book 4.260.3 ὣς οἵ γ’ οὐκ ἐθέλουσιν ἀνελκομένοιο λιπέσθαι, ### book 4.260.4 εἰσόκεν αὐτὸν ὄλεθρον ὑπ’ ἀγρευτῆρσιν ὄλωνται. ### book 4.260.5 Ἄλλους δὲ ξεῖνός τε καὶ οὐκ ἐνδήμιος ἅλμης ### book 4.265.1 εἷλεν ἔρως, χερσαῖον ἐπ’ ἰχθύσιν οἶστρον ἐγείρων ### book 4.265.2 ἔξαλον· ἀλλοδαπῆς φιλίης βέλος οἷον ἱκάνει ### book 4.265.3 πουλύποδας σαργῶν τε γένος πέτρῃσιν ἑταῖρον. ### book 4.265.4 ἤτοι πουλύποδες μὲν Ἀθηναίης φιλέουσιν ### book 4.265.5 ἔρνεα καὶ θαλλοῖσιν ἐπὶ γλαυκοῖσιν ἔρωτα ### book 4.270 ἔσπασαν· ἦ μέγα θαῦμα πόθῳ φρένα δενδρήεντι ### book 4.1 ἕλκεσθαι λιπαροῦ τε φυτοῦ πτόρθοισι γάνυσθαι. ### book 4.2 ἔνθα γὰρ ἀγλαόκαρπος ἁλὸς σχεδόν ἐστιν ἐλαίη, ### book 4.3 γείτοσιν ἐν γουνοῖσιν ἐπακταίη τεθαλυῖα, ### book 4.4 κεῖθι δὲ πουλύποδος νόος ἕλκεται, ἠΰτ’ ἐπ’ ἴχνος ### book 4.275.1 Κνωσίου εὐρίνοιο κυνὸς μένος, ὅστ’ ἐν ὄρεσσι ### book 4.275.2 θηρὸς ἀνιχνεύει σκολιὴν βάσιν ἐξερεείνων ### book 4.275.3 ῥινὸς ὑπ’ ἀγγελίῃ νημερτέϊ καί τέ μιν ὦκα ### book 4.275.4 μάρψε καὶ οὐκ ἐμάτησεν ἑὸν δ’ ἐπέλασσεν ἄνακτα· ### book 4.275.5 ὣς καὶ τηλεθόωσαν ἄφαρ μάθεν ἐγγὺς ἐλαίην ### book 4.280.1 πούλυπος, ἐκδύνει δὲ βυθῶν καὶ γαῖαν ἀνέρπει ### book 4.280.2 καγχαλόων, πρέμνοισι δ’ Ἀθηναίης ἐπέλασσεν· ### book 4.280.3 ἔνθ’ ἤτοι πρῶτον μὲν ἀγαλλόμενος περὶ ῥίζης ### book 4.280.4 πυθμένας εἰλεῖται στρωφώμενος, ἠΰτε κοῦρος, ### book 4.280.5 ὅστε νέον προμολοῦσαν ἑὴν τροφὸν ἀμφαγαπάζει, ### book 4.285.1 ἀμφὶ δέ οἱ πλέκεται, κόλποις δ’ ἐπὶ χεῖρας ἀείρει, ### book 4.285.2 ἱμείρων δειρήν τε καὶ αὐχένα πηχύνασθαι· ### book 4.285.3 ὣς ὁ περὶ πρέμνοισιν ἑλίσσεται ἔρνεϊ χαίρων. ### book 4.285.4 ἔνθεν ἔπειτ’ ἄκρῃσιν ἐρειδόμενος κοτύλῃσιν ### book 4.285.5 ὑψός’ ἀνερπύζει λελιημένος, ἀμφὶ δὲ χαίτας ### book 4.290.1 πτύσσεται, ἄλλοτε ἄλλον ἔχων κλάδον, οἷά τις ἀνὴρ ### book 4.290.2 νοστήσας ξείνηθεν ἑοὺς ἀσπάζεθ’ ἑταίρους ### book 4.290.3 ἀθρόον ἀντιόωντας ἑλισσόμενος περὶ δειρήν· ### book 4.290.4 ἢ ὥστε βλωθρῇσιν ἑλίσσεται ἀμφ’ ἐλάτῃσιν ### book 4.290.5 ὑγρὸς ἕλιξ κισσοῖο, τιταινόμενος δ’ ἀπὸ ῥίζης ### book 4.295.1 ἑρπύζει, πάντῃ δὲ περιρρέει ἀκρεμόνεσσιν· ### book 4.295.2 ὣς ὅ γε γηθόσυνος λιπαροὺς περιβάλλετ’ ἐλαίης ### book 4.295.3 ὄρπηκας, κυνέοντι πανείκελος· ἀλλ’ ὅτ’ ἔρωτος ### book 4.295.4 λωφήσῃ, πάλιν αὖτις ἁλὸς μετὰ κόλπον ἀφέρπει, ### book 4.295.5 πλησάμενος φιλότητος ἐλαιηροῦ τε πόθοιο. ### book 4 τοῦ δή μιν καὶ ἔρωτος ἕλεν δόλος, ὡς ἐδάησαν ### book 4.1 ἰχθυβόλοι· θαλλοὺς γὰρ ὁμοῦ δήσαντες ἐλαίης ### book 4.2 ὅττι μάλ’ εὐφυέας μόλιβον μέσον ἐγκατέθηκαν, ### book 4.3 ἐκ δ’ ἀκάτου σύρουσιν· ὁ δ’ οὐκ ἀμέλησε νοήσας ### book 4.4 πούλυπος ἀλλ’ ἤϊξε καὶ ἀμφέπλεξεν ἑταίρους ### book 4.305.1 πτόρθους· οὐδ’ ἔτ’ ἔπειτα καὶ ἑλκόμενός περ ἐς ἄγρην ### book 4.305.2 δεσμὰ πόθων ἀνίησιν, ἕως ἔντοσθε γένηται ### book 4.305.3 νηός· ὁ δ’ οὐκ ἤχθηρε καὶ ὀλλύμενός περ ἐλαίην. ### book 4.305.4 Σαργοὶ δ’ αἰγείοισι πόθοις ἐπὶ θυμὸν ἔχουσιν, ### book 4.305.5 αἰγῶν δ’ ἱμείρουσιν, ὀρειαύλοις δὲ βοτοῖσιν ### book 4.310.1 ἐκπάγλως χαίρουσι καὶ εἰνάλιοί περ ἐόντες. ### book 4.310.2 ἦ σέβας οὐκ ἐπίελπτον, ὁμόφρονα φῦλα τεκέσθαι ### book 4.310.3 ἀλλήλοις ὀρέων τε πάγους χαροπήν τε θάλασσαν. ### book 4.310.4 εὖτε γὰρ αἰγονομῆες ἐπὶ ῥηγμῖνος ἄγωσι ### book 4.310.5 μηκάδας, ἐν δίνῃσι λοεσσομένας ἁλίῃσιν ### book 4.315.1 ἐνδίους, ὅτε θερμὸς Ὀλύμπιος ἵσταται ἀστήρ, ### book 4.315.2 οἳ δὲ τότε βληχήν τε παρακταίην ἀΐοντες ### book 4.315.3 αὐδήν τ’ αἰπολίων βαρυηχέα πάντες ὁμαρτῇ ### book 4.315.4 καὶ νωθεῖς περ ἐόντες ἐπειγόμενοι φορέονται ### book 4.315.5 σαργοὶ καὶ θρώσκουσιν ἐπ’ ἀνδήροισι θαλάσσης, ### book 4.320.1 γηθόσυνοι, κεραὸν δὲ περισαίνουσιν ὅμιλον ### book 4.320.2 ἀμφί τε λιχμάζουσι καὶ ἀθρόοι ἀμφιχέονται, ### book 4.320.3 πυκνὰ κατασκαίροντες· ἔχει δ’ ἄρα θαῦμα νομῆας ### book 4.1 πρωτοδαεῖς· αἶγες δὲ φίλον χορὸν οὐκ ἀέκουσαι ### book 4.2 δέχνυνται· τοὺς δ’ οὔτις ἔχει κόρος εὐφροσυνάων. ### book 4.325.1 οὐ τόσον ἐν σταθμοῖσι κατηρεφέεσσι νομήων ### book 4.325.2 μητέρας ἐκ βοτάνης ἔριφοι περικαγχαλόωντες ### book 4.325.3 πολλῇ γηθοσύνῃ τε φιλοφροσύνῃ τε δέχονται, ### book 4.325.4 ἦμος ἅπας περὶ χῶρος ἀγαλλομένῃσιν ἰωῇς ### book 4.325.5 νηπιάχων κέκληγε, νόος δ’ ἐγέλασσε βοτήρων, ### book 4.330.1 ὣς κεῖνοι κεραῇσι περισπέρχους’ ἀγέλῃσιν. ### book 4.330.2 εὖτ’ ἂν δ’ εἰναλίων ἄδδην ἴσχωσι λοετρῶν, ### book 4.330.3 αἱ δὲ πάλιν στείχωσιν ἐς αὔλια, δὴ τότε σαργοὶ ### book 4.330.4 ἀχνύμενοι μάλα πάντες ἀολλέες ἐγγὺς ἕπονται, ### book 4.330.5 κύματος ἀκροτάτοιο γέλως ὅθι χέρσον ἀμείβει. ### book 4.335.1 ὡς δ’ ὅτε τηλύγετον μήτηρ γόνον ἢ καὶ ἀκοίτην ### book 4.335.2 εὐνέτις ἀλλοδαπὴν τηλέχθονα γαῖαν ἰόντα ### book 4.335.3 ἀχνυμένη στέλλῃσι, νόος δέ οἱ ἔνδον ἀλύει, ### book 4.335.4 ὅσση οἱ μεσσηγὺς ἁλὸς χύσις, ὅσσα τε κύκλα ### book 4.335.5 μηνῶν· ἀκροτάτοισι δ’ ἐπεμβαίνουσα θαλάσσης ### book 4.340.1 κύμασι δακρυόεσσαν ὑπὸ στόμα γῆρυν ἵησι, ### book 4.340.2 σπεύδειν λισσομένη καί μιν πόδες οὐκέτ’ ὀπίσσω ### book 4.340.3 ἱεμένην φορέουσιν, ἔχει δ’ ἐπὶ πόντον ὀπωπάς· ### book 4.340.4 ὣς κείνους καί κέν τις ὑπ’ ὄμμασι δάκρυα φαίη ### book 4.340.5 στάζειν οἰωθέντας ἐλαυνομένων πάλιν αἰγῶν. ### book 4.345.1 σαργὲ τάλαν· τάχα γάρ σε κακὸν πόθον αἰπολίοισι ### book 4.345.2 φημὶ συνοίσεσθαι· τοῖος νόος ἀσπαλιήων ### book 4.345.3 εἰς ἀπάτην καὶ κῆρα τεοὺς ἔτρεψεν ἔρωτας. ### book 4.345.4 πέτρας μὲν κείνας τεκμαίρεται ἐγγύθι γαίης ### book 4.345.5 πρῶτον ἀνὴρ διδύμοισιν ἀνισταμένας κροτάφοισιν ### book 4.1 ἐγγύθεν, αἳ στεινωπὸν ἁλὸς διὰ χῶρον ἔχουσιν, ### book 4.2 αἰθέρος ἀκτίνεσσι διαυγέας, αἷς ἔνι σαργοὶ ### book 4.3 πολλοὶ ναιετάουσιν, ὁμόκτιτον αὖλιν ἔχοντες· ### book 4.4 ἔξοχα γὰρ πυρσοῖσιν ἐπ’ ἠελίοιο γάνυνται. ### book 4.5 ἐνθάδ’ ἀνὴρ μελέεσσιν ἐφεσσάμενος δέρος αἰγός, ### book 4.355.1 δοιὰ κέρα κροτάφοισι περὶ σφετέροισιν ἀνάψας, ### book 4.355.2 στέλλεται ὁρμαίνων νόμιον δόλον, ἐς δ’ ἅλα βάλλει ### book 4.355.3 κρείασιν αἰγείοισιν ὁμοῦ κνίσσῃ τε λιπήνας ### book 4.355.4 ἄλφιτα· τοὺς δ’ ὀδμή τε φίλη δολόεσσά τ’ ἐσωπὴ ### book 4.355.5 φορβή τ’ εὐδώρητος ἐφέλκεται, οὐδέ τιν’ ἄτην ### book 4.360.1 ἐν φρεσὶν ὁρμαίνουσιν, ἀγαλλόμενοι δὲ μένουσιν ### book 4.360.2 αἰγὶ περισαίνοντες ἐοικότα δήϊον ἄνδρα· ### book 4.360.3 δύσμοροι, ὡς ὀλοοῖο τάχ’ ἀντιόωσιν ἑταίρου, ### book 4.360.4 οὐ φρεσὶν αἰγείῃσιν ἀρηρότος· αὐτίκα γάρ σφιν ### book 4.360.5 ῥάβδον τε κραναὴν ὁπλίζεται ἠδὲ λίνοιο ### book 4.365.1 ὁρμιὴν πολιοῖο, βάλεν δ’ ὑπὲρ ἀγκίστροιο ### book 4.365.2 χηλῆς αἰγείης κρέας ἔμφυτον· οἱ μὲν ἐδωδὴν ### book 4.365.3 ἐσσυμένως ἥρπαξαν, ὁ δ’ ἔσπασε χειρὶ παχείῃ ### book 4.365.4 αὖ ἐρύων· εἰ γάρ τις ὀΐσεται ἔργα δόλοιο, ### book 4.365.5 οὐκ ἂν ἔτ’ ἐμπελάσειε καὶ εἰ λασιότριχας αὐτὰς ### book 4.370.1 αἶγας ἄγοι, φεύγουσι δ’ ἀποστύξαντες ὁμαρτῇ ### book 4.370.2 καὶ μορφὴν καὶ δαῖτα καὶ αὐτῆς ἔνδια πέτρης· ### book 4.370.3 εἰ δὲ λάθοι καὶ κραιπνὸν ἔχοι πόνον, οὔ κέ τις ἄγρης ### book 4.370.4 λειφθείη, πάντας δὲ δαμάσσεται αἰγὸς ὀπωπή. ### book 4.370.5 Ἄλλος δ’ αὖ σαργοῖσι μέλει πόθος εἴαρος ὥρῃ ### book 4.375.1 ἀλλήλων, εὐνῆς δὲ γάμων πέρι δηριόωνται· ### book 4.375.2 πολλαῖς δ’ εἷς ἀλόχοις πέρι μάρναται· ὃς δέ κεν ἀλκῇ ### book 4.375.3 νικήσῃ, πάσῃσιν ἐπάρκιος ἔπλετ’ ἀκοίτης, ### book 4.375.4 πέτρας δ’ εἰσελάει θῆλυν στόλον· ἔνθ’ ἁλιῆες ### book 4 κύρτον ἐτεχνήσαντο βαθύν, περιηγέα πάντῃ· ### book 4.380.1 τὸν δὲ φυτῶν λάχνῃσι περὶ στόμα πάντα πύκασσαν, ### book 4.380.2 μύρτων ἢ δάφνης εὐώδεος ἠέ τευ ἄλλου ### book 4.380.3 πτόρθοισιν θαλεροῖσιν ἐπισταμένως σκιάσαντες. ### book 4.380.4 τοὺς δ’ οἶστρος ποτὶ μῶλον ἐπώρορεν εὐνητῆρας ### book 4.380.5 μάρνασθαι, πολλὴ δὲ γαμήλιος ἵστατ’ Ἐνυώ. ### book 4.385.1 ἀλλ’ ὅτ’ ἀριστεύσας τις ἕλῃ κράτος, αὐτίκα πέτρην ### book 4.385.2 παπταίνει γλαφυρήν, ἀλόχοις δόμον, ἐς δ’ ἴδε κύρτον ### book 4.385.3 κείμενον, εὐφύλλοισιν ἐπηρεφὲ ἀκρεμόνεσσιν, ### book 4.385.4 ἔνθ’ ἐλάει νυμφεῖον ἑὸν χορόν· αἱ μὲν ἔπειτα ### book 4.385.5 κύρτον ἔσω δύνουσιν, ὁ δ’ ἔκτοθι πάντας ἐρύκει ### book 4.390.1 ἄρσενας, οὐδέ τιν’ ἄλλον ἐᾷ νύμφῃσι πελάσσαι. ### book 4.390.2 ἀλλ’ ὅταν ἐμπλήσῃ πλεκτὸν δόλον, ὕστατος αὐτὸς ### book 4.390.3 ἐς θάλαμον προὔτυψεν, ἀνέκβατον Ἄϊδος εὐνήν. ### book 4.390.4 ὡς δ’ ὅτε μηλονόμος τις ἀνὴρ βοτάνηθεν ἐλαύνων ### book 4.390.5 εἰροπόκους ἀγέλας ἀνάγει πάλιν, ἐν δὲ θυρέτροις ### book 4.395.1 ἱστάμενος σταθμοῖο νόῳ πεμπάζεται οἰῶν ### book 4.395.2 πληθὺν εὖ διέπων, εἴ οἱ σόα πάντα πέλονται, ### book 4.395.3 πώεσι δ’ εἰλομένοισι περιπλήθουσα μὲν αὐλὴ ### book 4.395.4 στείνεται, ὑστάτιος δὲ μετά σφισιν ἔσσυτο ποιμήν· ### book 4.395.5 ὣς αἱ μὲν προπάροιθεν ἔσω κοίλοιο μυχοῖο ### book 4.1 θηλύτεραι κατέδυσαν, ὁ δ’ ὕστερος ἔνθορ’ ἀκοίτης, ### book 4.2 δειλαίῃς ἅμα δειλὸς ἐπισπεύδων ἀλόχοισι. ### book 4.3 τοῖα μὲν ἐν νεπόδεσσιν ἔρως ἐστήσατ’ ἄεθλα, ### book 4.4 τοίαις δ’ ἐξαπάτῃσιν ἐρωμανέεσσιν ὄλοντο. ### book 4.5 Ἵππουροι δ’ ὅτε κέν τι μετ’ οἴδμασιν ἀθρήσωσι ### book 4.405.1 πλαζόμενον, τῷ πάντες ἀολλέες ἐγγὺς ἕπονται· ### book 4.405.2 ἔξοχα δ’, ὁππότε νῆα διαραισθεῖσαν ἀέλλαις, ### book 4.405.3 αἰνὰ Ποσειδάωνος ἀμειλίκτοιο τυχοῦσαν, ### book 4.1 δασσάμενον μέγα κῦμα διακριδὸν ἄλλοθεν ἄλλα ### book 4.2 δοῦρα φέρῃ λώβῃσι πολυσχιδέεσσι λυθέντα. ### book 4.410.1 τῆμος δ’ ἱππούρων ἀγέλαι πινάκεσσι θεούσαις ### book 4.410.2 ἑσπόμεναι μεθέπουσιν· ὁ δ’ ἐγκύρσας ἁλιήων ### book 4.410.3 πολλὴν ῥηϊδίως ἄγρην ἕλεν ἠδ’ ἀμέγαρτον. ### book 4.410.4 ἀλλὰ τὸ μὲν ναύτῃσιν ἀλεξήσειε Κρονίων ### book 4.410.5 ἐμβύθιος, νῆες δὲ διὰ πλατὺ κῦμα θέοιεν ### book 4.415.1 αὔραις εὐκήλοισιν ἀπήμονες ἠδ’ ἀτίνακτοι, ### book 4.415.2 φόρτον ἀμοιβαίοισι μετερχόμεναι καμάτοισιν, ### book 4.415.3 ἱππούροις δ’ ἀλλοῖα νοήματα τεχνήσασθαι ### book 4.415.4 ἐστίν, ἀπημοσύνῃ δὲ νεῶν μεταβαινέμεν ἄγρην. ### book 4.415.5 Συμφερτοὺς δονάκων φακέλους ἅμα γυρώσαντες ### book 4.420.1 δίναις ἐγκατέθηκαν, ἔνερθε δὲ λᾶαν ἔδησαν ### book 4.420.2 βριθὺν ὑφορμιστῆρα· τὰ μὲν μάλα πάντα καθ’ ὕδωρ ### book 4.420.3 ἀτρέμα δινεύουσι· φιλόσκια δ’ αὐτίκα φῦλα ### book 4.420.4 ἱππούρων ἀγεληδὸν ἀγείρεται, ἀμφὶ δὲ νῶτα ### book 4.420.5 τερπόμενοι δονάκεσσιν ἀνατρίβουσι μένοντες· ### book 4.425.1 τοῖς δὲ τότ’ ἀσπαλιῆες ἐπιπλώουσιν ἑτοίμην ### book 4.425.2 εἰς ἄγρην, ἄγκιστρα δ’ ὑπ’ εἴδασιν ὁπλίσσαντες ### book 4.425.3 πέμπους’, οἱ δ’ ἐρύουσιν ἅμα σπεύδοντες ὄλεθρον. ### book 4.425.4 ὡς δὲ κύνας βρώμῃσιν ἀνὴρ ἐπὶ μῶλον ὀρίνει ### book 4.425.5 δινεύων μέσσοισιν ἑλώρια, τοὶ δ’ ἐπὶ γαστρὶ ### book 4.430.1 ἔξοχα μαργαίνοντες ὑποφθαδὸν ἅρπαγι λύσσῃ ### book 4.430.2 ἀλλήλους προθέουσι καὶ ἐς χέρα παπταίνουσιν ### book 4.430.3 ἀνδρός, ὅπῃ ῥίψειεν, ἔρις δ’ ἀναφαίνετ’ ὀδόντων· ### book 4.430.4 ὣς οἵ γ’ ἀγκίστροισιν ἐπαΐσσουσιν ἑτοίμως. ### book 4.430.5 ῥηϊδίως δ’ ἀγρευτὸν ἐρύσσεαι ἄλλον ἐπ’ ἄλλῳ ### book 4.435.1 κραιπνὸς ἐών· αὐτοὶ γὰρ ἐπισπεύδους’ ἁλιήων ### book 4.435.2 μᾶλλον, ὑπ’ ἀφραδίῃσιν ἑὸν μόρον ἐγκονέοντες. ### book 4.435.3 Τοίῃ ἐπιφροσύνῃ καὶ πομπίλον ἀγρώσσονται· ### book 4.435.4 καὶ γὰρ τοῖς ἴσον ἦτορ ἐπὶ σκιεροῖσι πόθοισι. ### book 4 Τευθίσι δ’ ἄτρακτόν τις ἀνὴρ ἐπιμηχανόῳτο, ### book 4.440.1 ἐντύνων κλωστῆρι πανείκελον· ἀμφὶ δ’ ἄρ’ αὐτῷ ### book 4.440.2 πυκνὰ καταζεύξειεν ἀνακλίνων γενύεσσιν ### book 4.440.3 ἄγκιστρ’ ἀλλήλοισι παρασχεδόν, οἷς ἔπι σῶμα ### book 4.440.4 ποικίλον ἐμπείρειεν ἰουλίδος, ὕπτια χαλκοῦ ### book 4.440.5 δήγματ’ ἐπικρύπτων, γλαυκοῖς δ’ ἐνὶ βένθεσι λίμνης ### book 4.445.1 τοῖον ἀναψάμενος σύροι δόλον· ἡ δ’ ἐσιδοῦσα ### book 4.445.2 τευθὶς ἐφωρμήθη τε καὶ ἀμφιέπουσα πιέζει ### book 4.445.3 ἰκμαλέοις θυσάνοις, ἐπάγη δ’ ἐνὶ χείλεσι χαλκοῦ· ### book 4.445.4 οὐδ’ ἔτι καὶ μεμαυῖα λιπεῖν δύνατ’, ἀλλ’ ἀέκουσα ### book 4.445.5 ἕλκεται, αὐτόπλεκτον ἑὸν δέμας ἀμφιβαλοῦσα. ### book 4.1 Καὶ μέν τις λιμένεσσι παρ’ ἀκλύστοισι θαλάσσης ### book 4.2 ἄγρην ἐγχελύων τεχνήσατο κοῦρος ἀθύρων. ### book 4.3 ἔντερον οἰὸς ἑλὼν περιμήκετον ἧκε καθ’ ὕδωρ ### book 4.4 ἐκτάδιον, δολιχῇσιν ἀλίγκιον ὁρμιῇσιν· ### book 4.5 ἡ δ’ ἐσιδοῦς’ ἐπόρουσε καὶ ἔσπασε· τὴν δὲ χανοῦσαν ### book 4.455.1 ἔγνω καὶ μήλειον ἄφαρ κύρτωσεν ἀϋτμῇ ### book 4.455.2 ἔγκατον ἐμπνείων· τὸ δ’ ἀνίσταται ἄσθματι λάβρῳ ### book 4.455.3 οἰδαλέον, πλῆσεν δὲ τιταινόμενον στόμα δειλῆς ### book 4.455.4 ἐγχέλυος· πνοιῇ δὲ περιστένεται μογέουσα ### book 4.455.5 ἀνδρομέῃ, δέδεται δὲ καὶ ἱεμένη περ ἀλύξαι, ### book 4.460.1 εἰσόκεν οἰδαίνουσα καὶ ἄσχετον ἀσθμαίνουσα ### book 4.460.2 ὑψός’ ἀναπλώσῃ καὶ ὑπ’ ἀγρευτῆρι γένηται. ### book 4.460.3 ὡς δ’ ὅτε τις πλείου πειρώμενος ἀμφιφορῆος ### book 4.460.4 αὐλὸν ἔχων ἤρεισεν ὑπὸ στόμα φυσητῆρα, ### book 4.460.5 ἄσθματι δ’ αὖ ἐρύει μέθυος ποτὸν ἔμπαλιν ἕλκων ### book 4.465.1 χείλεσιν ἀκροτάτοις, τὸ δ’ ἀνατρέχει ἀνδρὸς ἀϋτμῇ· ### book 4.465.2 ὣς αἵ γ’ ἐγχέλυες πνοιῆς ὕπο κυμαίνουσαι ### book 4.465.3 ἕλκονται δολίοιο ποτὶ στόμα φυσητῆρος. ### book 4.465.4 Ἔστι δέ τις νεπόδων δειλὸς καὶ ἄκικυς ὅμιλος, ### book 4.465.5 ἀβληχρῆς ἀφύης ἀδινὸν γένος, αἳ καλέονται ### book 4.470.1 ἐγγραύλεις· ἀγαθὴ δὲ βόσις πάντεσσιν ἔασιν ### book 4.470.2 ἰχθύσιν· αἰεὶ δέ σφιν ἐνὶ φρεσὶ φῦζα δέδηε, ### book 4.470.3 πάντα δ’ ὑποτρομέουσι, σὺν ἀλλήλαις δὲ χυθεῖσαι ### book 4.470.4 σωρηδὸν μίμνουσι καὶ ἀθρόαι ἐμπεφύασιν, ### book 4.470.5 ἠΰτ’ ἀναγκαίοιο βίην δεσμοῖο φέρουσαι· ### book 4.475.1 οὐδέ κε μητίσαιο διάκρισιν εὐρέος ἐσμοῦ ### book 4.475.2 οὐδὲ λύσιν· τοῖον γὰρ ἐν ἀλλήλῃσιν ἔχονται. ### book 4.475.3 πολλάκι μὲν καὶ νῆες ἐν ἕρμασιν ἠΰτ’ ἔκελσαν ### book 4.475.4 κείναις, πολλάκι δέ σφιν ἐνιπλήσσουσιν ἐρετμοῖς ### book 4.475.5 κληΐδων ἐλατῆρες, ἐνέσχετο δ’ ἱεμένη περ ### book 4.480.1 κώπη, πετραίης ἅτε χοιράδος ἀντιτυχοῦσα· ### book 4.480.2 καί πού τις βουπλῆγα βαρύστομον ἰθὺς ἀείρας ### book 4.480.3 ἐγγραύλεις ἐτίναξε καὶ οὐ διέκερσε σιδήρῳ ### book 4.480.4 στῖφος ἅπαν, βαιὴν δ’ ἀγέλης ἀπεδάσσατο μοῖραν· ### book 4.480.5 καὶ τῆς μὲν κεφαλὴν πέλεκυς τάμε, τὴν δ’ ἐκόλουσεν ### book 4.485.1 οὐρῆς, τὴν δ’ ἤμησε μέσην, τὴν δ’ εἷλεν ἅπασαν. ### book 4.485.2 οἰκτρὸν ἰδεῖν μογεροῖσιν ἐοικότα σώματα νεκροῖς. ### book 4.485.3 αἱ δ’ οὐδ’ ὣς ἐλάθοντο καὶ οὐκ ἀνέηκαν ἔχουσαι ### book 4.1 δεσμὸν ἑόν· τοῖός τις ἐπί σφισι γόμφος ἄρηρε. ### book 4.2 καί κέν τις παλάμῃσιν ἅτε ψαμάθοιο βαθείης ### book 4.490.1 ἀντιάσας κείνῃσιν ἐπ’ ἰχθύσιν ἀμήσαιτο. ### book 4.490.2 τὰς δ’ ὁπότε φράσσωνται ἐπί σφισι πεπτηυίας ### book 4.490.3 ἰχθυβόλοι, κοίλῃσι περιπτύσσουσι σαγήναις ### book 4.490.4 ἀσπασίως, πολλὴν δὲ ποτὶ ῥηγμῖνας ἄγουσιν ### book 4.490.5 ἄγρην νόσφι πόνοιο καὶ ἄγγεα πάντ’ ἀφύῃσιν ### book 4.495.1 ἔν τ’ ἀκάτους ἔπλησαν, ἐπ’ ἠϊόσι δὲ βαθείαις ### book 4.495.2 θημῶνας νήησαν, ἀπειρεσίην χύσιν ἄγρης. ### book 4.495.3 οἷον δ’ ἐργατίναι Δηοῦς πόνον ἐκτελέσαντες, ### book 4.495.4 πνοιῇς χερσαίοις τε διακρίναντες ἐρετμοῖς ### book 4.495.5 καρπόν, ἐϋτροχάλοιο μέσον κατὰ χῶρον ἀλωῆς ### book 4.1 πολλὸν ἐνηήσαντο, περιπλήθουσα δὲ πάντῃ ### book 4.2 πυροδόκος στεφάνη λευκαίνεται ἔνδον ἀλωῆς· ### book 4.3 ὣς τότ’ ἀπειρεσίῃσι περιπληθὴς ἀφύῃσιν ### book 4.4 ὀφρὺς ἀγχιάλου λευκαίνεται αἰγιαλοῖο. ### book 4.5 Φῦλα δὲ πηλαμύδων ἐκ μὲν γένος εἰσὶ θαλάσσης ### book 4.505.1 Εὐξείνου, θύννης δὲ βαρύφρονος εἰλείθυιαι· ### book 4.505.2 κεῖναι γάρ, Μαιῶτις ὅπῃ ξυμβάλλεται ἅλμῃ, ### book 4.505.3 ἀγρόμεναι λιμναῖον ὑπὸ στόμα καὶ δονακῆας ### book 4.505.4 ὑδρηλοὺς ὠδῖνος ἐπαλγέος ἐμνήσαντο· ### book 4.505.5 καὶ τὰ μὲν ὅσσα κίχωσι μεταδρομάδην κατέδουσιν ### book 4.510.1 ὠά, τὰ δ’ ἐν δονάκεσσι καὶ ἐν σχοίνοισι μένοντα ### book 4.510.2 πηλαμύδων ἀγέλας ὥρῃ τέκεν· αἱ δ’ ὅτε κῦμα ### book 4.510.3 πρῶτον ἐπιψαίρωσι πόροιο τε πειρήσωνται, ### book 4.1 ξεῖνον ἁλὸς σπεύδουσι μετὰ πλόον, οὐδ’ ἐθέλουσι ### book 4.2 μίμνειν ἔνθ’ ἐγένοντο καὶ ἠβαιαί περ ἐοῦσαι. ### book 4.515.1 Θρηΐκιος δέ τίς ἐστιν ἁλὸς πόρος, ὅντε βάθιστον ### book 4.515.2 φασὶ Ποσειδάωνος ἐνὶ κλήροισι τετύχθαι· ### book 4.515.3 ἐκ τοῦ καί τε Μέλας κικλήσκεται, οὐδέ ἑ λάβροι ### book 4.515.4 λίην οὐδ’ ὑπέροπλοι ἐπιθρώσκουσιν ἀῆται· ### book 4.515.5 ἐν δ’ ἄρα οἱ κευθμῶνες ὑποβρύχιοι πεφύασι ### book 4.520.1 κοῖλοι, πηλώεντες, ἀθέσφατοι, οἷς ἔνι πολλὰ ### book 4.520.2 τίκτεται, ἠβαιοῖσιν ὅς’ ἰχθύσι δαῖτας ὀφέλλει. ### book 4.520.3 ἔνθα καὶ ἀρτιγόνοισι πέλει πρώτιστα κέλευθα ### book 4.520.4 πηλαμύδων ἑσμοῖσιν, ἐπεὶ περιώσιον ἄλλων ### book 4.520.5 εἰναλίων φρίσσουσι δυσαέα χείματος ὁρμήν· ### book 4.525.1 χεῖμα δὲ πηλαμύδεσσιν ἀπαμβλύνει φάος ὄσσων. ### book 4.525.2 ἔνθα δ’ ἐν εὐρωποῖσιν ἁλὸς λαγόνεσσι πεσοῦσαι ### book 4.525.3 αὔτως δηθύνουσιν, ἀεξόμεναι δὲ μένουσι ### book 4.525.4 λαρὸν ἔαρ· τῇ δέ σφι καὶ ἵμερος ἄνεται εὐνῆς· ### book 4.525.5 πλησάμεναι δὲ τόκοιο παλίμποροι αὖτις ἵενται ### book 4.530.1 πατρῷον μετὰ κῦμα, μόγον δ’ ἀπὸ γαστρὸς ἔθεντο. ### book 4.530.2 Τὰς δ’ ἤτοι Μέλανος μὲν ὑπὲρ βαθὺ λαῖτμα πόροιο ### book 4.530.3 Θρήϊκες ἀγρώσσουσιν ἀπηνέϊ χείματος ὥρῃ, ### book 4.530.4 θήρην ἀργαλέην καὶ ἀτερπέα, δηϊοτῆτος ### book 4.530.5 θεσμὸν ὑφ’ αἱματόεντα καὶ ἄγριον αἶσαν ὀλέθρου. ### book 4.535.1 ἔστι τις οὐ δολιχὴ μὲν ἀτὰρ πάχος ὅττι μεγίστη, ### book 4.535.2 μῆκος ὅσον πῆχυς, στιβαρὴ δοκίς· ἐν δέ οἱ ἄκρῃ ### book 4.535.3 πολλὴ μὲν μολίβοιο χύσις, πολλαὶ δὲ σιδήρου ### book 4.535.4 αἰχμαὶ τριγλώχινες ἐπασσύτεραι πεφύασι· ### book 4 πεῖσμα δέ μιν περίμηκες ἐΰπλοκον ἀμφιβέβηκε. ### book 4.540.1 δουρὶ δ’ ἀναπλώσαντες, ἁλὸς πόρος ἔνθα βάθιστος, ### book 4.540.2 ἐς βυθὸν ἠερόεντα περικρατὲς ἧκαν ἔνερθε ### book 4.540.3 πυθμένος εἰλατίνου κρατερὸν σθένος· αἶψα δὲ ῥιπῇ ### book 4.540.4 σπερχόμενον, μολίβῳ τε καταρρεπὲς ἠδὲ σιδήρῳ, ### book 4.540.5 σεύεται ἐς νεάτας ῥίζας ἁλός, ἔνθ’ ἀμενηναῖς ### book 4.545.1 πηλαμύσι προὔτυψεν ἐν ἰλύσι πεπτηυίαις· ### book 4.545.2 σὺν δ’ ἕλε σύν τ’ ἐτόρησεν ὅσον κίχε δειλὸν ὅμιλον. ### book 4.545.3 οἱ δὲ θοῶς ἀνέρυσσαν ἐληλαμένας περὶ χαλκῷ ### book 4.545.4 παλλομένας ἐλεεινὰ σιδηρείῃς ὀδύνῃσι. ### book 4.545.5 τὰς δέ τις εἰσορόων καί κεν θρασυκάρδιος ἀνὴρ ### book 4.1 οἰκτείραι θήρης τε δυσαγρέος ἠδὲ μόροιο· ### book 4.2 τῆς μὲν γὰρ λαγόνεσσιν ἐλήλατο δουρὸς ἀκωκή, ### book 4.3 τῆς δὲ κάρη ξυνέπειρε θοὸν βέλος, ἡ δ’ ὑπὲρ οὐρὴν ### book 4.4 οὔτασται, νηδὺν δ’ ἑτέρης, ἄλλης δ’ ἕλε νῶτα ### book 4.5 δριμὺς ἄρης, ἄλλη δὲ μέσον κενεῶνα πέπαρται. ### book 4.555.1 ὡς δ’ ὁπότε, κρινθέντος ἐνυαλίοιο κυδοιμοῦ, ### book 4.555.2 δουριφάτους κονίης τε καὶ αἵματος ἐξανελόντες ### book 4.555.3 εὐνὴν ἐς πυρόεσσαν ἑοὶ στέλλωσιν ἑταῖροι ### book 4.555.4 μυρόμενοι· τὰ δὲ πολλὰ καὶ αἰόλα σώμασι νεκρῶν ### book 4.555.5 ἕλκεα παντοῖαί τε βολαὶ πλήθουσιν Ἄρηος· ### book 4.560.1 ὣς καὶ πηλαμύδεσσιν ἐπιπρέπει ἕλκεα πάντῃ, ### book 4.560.2 εἴδωλον πολέμοιο, φίλον γε μὲν ἀσπαλιεῦσιν. ### book 4.560.3 Ἄλλοι δ’ αὖ κούφοισι λίνοις ἕλον ἔθνε’ ἀφαυρῶν ### book 4.560.4 πηλαμύδων· αἰεὶ γὰρ ἀνὰ κνέφας, ὅττι κεν ἅλμῃ ### book 4.560.5 ἐμπίπτῃ, τρομέουσι, φόβον δ’ ὀρφναῖον ἔχουσιν· ### book 4.565.1 ὄρφνῃ δ’ ἀγρώσσονται, ἀτυζόμεναι κατὰ βένθος. ### book 4.565.2 δίκτυα γὰρ μάλα κοῦφα λίνων στήσαντες ἐλαφρῶν ### book 4.565.3 κυκλόσε δινεύουσι, βίῃ θείνοντες ἐρετμοῖς ### book 4.565.4 νῶτον ἁλός, κοντοῖς τε καταΐγδην κτυπέουσιν· ### book 4.565.5 αἱ δ’ ὑπὸ μαρμαρυγῆς ταχυήρεος ἠδ’ ὁμάδοιο ### book 4.570.1 φυζαλέαι θρώσκουσι, λίνου δ’ εἰς κόλπον ἵενται ### book 4.570.2 ἀτρέμας ἑστηῶτος, ὀιόμεναι σκέπας εἶναι, ### book 4.570.3 νήπιαι, αἳ δούποιο φόβῳ μόρον εἰσεπέρησαν. ### book 4.570.4 ἔνθ’ οἱ μὲν σχοίνοισιν ἐπισπέρχους’ ἑκάτερθε, ### book 4.570.5 δίκτυον ἐξερύοντες ἐπ’ ᾐόνας· αἱ δ’ ὁρόωσαι ### book 4.575.1 σχοίνους κινυμένας, ἀνεμώλια δείματ’ ἔχουσαι, ### book 4.575.2 εἰλόμεναι πτήσσουσι καὶ ἀθρόαι ἐσπείρηνται. ### book 4.575.3 πολλά κεν ἀγραίοισι τότ’ ἀρήσαιτο θεοῖσι ### book 4.575.4 δικτυβόλος, μήτ’ οὖν τι θορεῖν ἔκτοσθε λίνοιο, ### book 4.575.5 μήτε τι κινύμενον δεῖξαι πόρον· ἢν γὰρ ἴδωνται ### book 4.580.1 πηλαμύδες, τάχα πᾶσαι ὑπὲρ κούφοιο λίνοιο ### book 4.580.2 ἐς βυθὸν ἀΐσσουσι καὶ ἄπρηκτον λίπον ἄγρην. ### book 4.580.3 εἰ δ’ οὔ σφι μακάρων τις ἁλιπλάγκτων νεμεσήσει, ### book 4.580.4 πολλάκι καὶ τραφερῆς ὑπὲρ ᾐόνος ἑλκυσθεῖσαι ### book 4.580.5 ἔξαλοι οὐκ ἐθέλουσι λιπεῖν λίνον, ἀλλ’ ἐνέχονται, ### book 4.585.1 αὐτὴν μήρινθον πολυδινέα πεφρικυῖαι. ### book 4.585.2 ὧδε καὶ ἐν ξυλόχοισιν ὀρέστεροι ἀγρευτῆρες ### book 4.585.3 εἷλον ἀναλκείην ἐλάφων εὐαγρέϊ τέχνῃ, ### book 4.585.4 μηρίνθῳ στέψαντες ἅπαν δρίος· ἀμφὶ δὲ κούφων ### book 4.585.5 ὀρνίθων δήσαντο θοὰ πτερά· ταὶ δ’ ἐσορῶσαι ### book 4.590.1 ἠλέματα πτώσσουσι κενὸν φόβον, οὐδὲ πελάσσαι ### book 4.590.2 μαψιδίως πτερύγεσσιν ἀτυζόμεναι μεμάασιν, ### book 4.590.3 εἰσόκε θηρητῆρες ἐπαΐξαντες ἕλωσι. ### book 4.590.4 Καὶ μέν τις δύπτης ἁλίων εὐμήχανος ἔργων ### book 4.590.5 νόσφι δόλου παλάμῃσιν ἐπαΐξας ἕλεν αὐταῖς ### book 4.595.1 ἰχθῦς, ἠΰτε χέρσον ἀμειβόμενος πόρον ἅλμης, ### book 4.595.2 σαργόν τε τρέσσαντα φόβῳ δειλήν τε σκίαιναν. ### book 4.595.3 σαργοὶ μὲν δείσαντες ἀολλέες ἐς μυχὸν ἅλμης ### book 4.595.4 εἰλόμενοι πτήσσουσιν, ἐπ’ ἀλλήλαις δὲ κέχυνται, ### book 4 δόχμιαι ἀμφιπεσόντες, ἀναφρίσσουσι δ’ ἀκάνθαις ### book 4.1 νῶτα μετακλίνοντες, ἅτε σκολόπεσσιν ἁπάντῃ ### book 4.2 φραξάμενοι πυκινῇσι περίδρομον ἕρκος ἀλωῆς ### book 4.3 ἀγρονόμοι, σίντῃσι μέγαν πόνον· οὐδέ κεν ἄν τις ### book 4.4 ἐσβαίη· σκῶλοι γὰρ ἐρητύουσι κέλευθα· ### book 4.5 ὣς κείνοις οὐκ ἄν τις ἐνιχρίμψειεν ἑτοίμως, ### book 4.605.1 οὐδ’ ἐπὶ χεῖρα βάλοι· περὶ γὰρ φρίσσουσι κελαιναὶ ### book 4.605.2 πρόκροσσαι πυκινῇσιν ὑπὸ σταλίκεσσιν ἄκανθαι. ### book 4.605.3 ἀλλά τις ἰδμοσύνῃσιν ἀνὴρ ὑπὸ κεύθεα πόντου ### book 4.605.4 ἐσσυμένως δύοιτο, περιφράζοιτο δὲ πάντῃ ### book 4.605.5 σαργούς, ἔνθα κάρη τε καὶ οὐραίη κλίσις αὐτῶν· ### book 4.610.1 χεῖρα δ’ ὑπὲρ κεφαλῇσι βαλὼν καθύπερθεν ἀκάνθας ### book 4.610.2 ἦκα καταρρέξειεν ἐπικλίνοι τε πιέζων· ### book 4.610.3 οἱ δ’ αὔτως μίμνουσιν ἀρηρότες ἀλλήλοισιν ### book 4.610.4 ἀστεμφεῖς, προβολῇσι πεποιθότες ὀξείῃσιν· ### book 4.610.5 ἔνθα δύω παλάμῃσιν ἀνὴρ ἑκάτερθεν ἀείρας ### book 4.615.1 αὖτις ἀναπλώει τελέσας πανεπίκλοπον ἔργον. ### book 4.615.2 Πετραίην δὲ σκίαιναν ἐπὴν φόβος ἦτορ ἵκηται, ### book 4.615.3 ἐσσυμένως σπιλάδεσσιν ἐπέσσυτο καί τινα κοίλην ### book 4.615.4 χειὴν εἰσεπέρησε περίδρομον ἠὲ χαράδρην, ### book 4.615.5 ἢ ποίαις ἁλίῃσιν ὑπέδραμεν, ἠὲ καὶ ὑγροῖς ### book 4.620.1 φύκεσιν· οὐ γάρ οἵ τι μέλει σκέπας, οἷον ἅπασαν ### book 4.620.2 δεξάμενον ῥύσαιτο, κάρη δ’ ἄρα δίζεται οἶον ### book 4.620.3 φράξασθαι, κεφαλὴν δὲ κατακρύψασα καὶ ὄσσε ### book 4.620.4 ἔλπεται οὐχ ὁρόωσα λαθεῖν ὁρόωντος ἐφορμήν. ### book 4.620.5 ὡς δέ τις ὠμηστῆρος ἐπεσσυμένοιο λέοντος ### book 4.625.1 βουβαλὶς ἐν λόχμῃσι κάτω τρέψασα κάρηνον ### book 4.625.2 μαψιδίην φυλακὴν προτιβάλλεται, οὔθ’ ὁράασθαι ### book 4.625.3 ἔλπεται, εἰσόκε δή μιν ἐπαΐξας ὀλοὸς θὴρ ### book 4.1 δαρδάψῃ· τῆς δ’ ἦτορ ὁμοίϊον, οὐδὲ κάρηνον ### book 4.2 ἀγκλίνει, δοκέει δὲ καὶ ὀλλυμένη περ ἀλύξαι. ### book 4.630.1 τοῖα δὲ καὶ Λιβύης πτερόεν βοτὸν ἀγκυλόδειρον ### book 4.630.2 νήπια τεχνάζει· μελέη δέ οἱ ἔπλετο τέχνη· ### book 4.630.3 ὣς ἀταλὴ μελέῃσιν ὑπ’ ἐλπωρῇσι σκίαινα ### book 4.630.4 κέκρυπται· τάχα γάρ μιν ἐρυσσάμενος παλάμῃσιν ### book 4.630.5 ἀγρευτὴρ ἀνέδυ τε καὶ ἀφραίνουσαν ἔφηνε. ### book 4.635.1 Τόσσα μὲν ἰχθυβόλων ἐδάην ἁλιεργέα τέχνης ### book 4.635.2 δήνεα, καὶ τόσσοισιν ἐπ’ ἰχθύσι πικρὸν ὄλεθρον· ### book 4.635.3 τοὺς δ’ ἄλλους ξύμπαντας ὁμοίϊος αἶσα κιχάνει ### book 4.635.4 κύρτων τ’ ἀγκίστρων τε βαθυπλεκέος τε λίνοιο ### book 4.635.5 ῥιπῆς τε τριόδοντος, ὅς’ ἀνδράσιν ἔντεα τέχνης. ### book 4.640.1 τοὺς μὲν ὑπηματίους, τοὺς δ’ ἕσπερος εἷλε δαμέντας, ### book 4.640.2 εὖτ’ ἂν ὑπὸ πρῶτον νυκτὸς κνέφας ἀσπαλιῆες ### book 4.640.3 πυρσὸν ἀναψάμενοι, γλαφυρὸν σκάφος ἰθύνοντες, ### book 4.640.4 ἰχθύσιν ἀτρεμέουσιν ἀείδελον αἶσαν ἄγωσιν. ### book 4.640.5 ἔνθ’ οἱ μὲν πεύκης λιπαρῇ φλογὶ καγχαλόωντες ### book 4.645.1 ἀμφ’ ἀκάτῳ θύνουσι, κακὸν δ’ ἴδον ἑσπέριον πῦρ, ### book 4.645.2 ῥιπῆς τριγλώχινος ἀμειλίκτοιο τυχόντες. ### book 4.1 Ἔστι δέ τις θήρης ἕτερος νόμος ἰχθυβόλοισι ### book 4.2 φαρμάκταις, οἳ λυγρὸν ἐπ’ ἰχθύσι μητίσαντο ### book 4.3 φάρμακον, ὠκύμορον δὲ τέλος νεπόδεσσιν ἔθηκαν. ### book 4.1 οἱ δ’ ἤτοι πρῶτον μὲν ἐπασσυτέραις βολίδεσσι ### book 4.2 κοντῶν τε ῥιπῇσι καὶ αἰκίῃσιν ἐρετμῶν ### book 4.3 εἱλεῦσιν νεπόδων δειλὰς στίχας εἰς ἕνα χῶρον ### book 4.4 κοιλοφυῆ, κευθμῶσιν ὑπαγνύμενον θαμέεσσιν· ### book 4.5 ἔνθ’ οἱ μὲν δύνουσιν ὑπὸ γλαφυρῇς σπιλάδεσσι, ### book 4.655.1 τοὶ δὲ περιστήσαντο λίνων εὐερκέα πάντῃ ### book 4.655.2 δίκτυα κυκλώσαντες, ἅτ’ ἀνδράσι δυσμενέεσσι ### book 4.655.3 διπλὰ περιπροβαλόντες ἀνάρσια τείχεα πέτρης. ### book 4.655.4 καὶ τότ’ ἀνὴρ ἄργιλον ὁμοῦ πίειραν ἀείρας ### book 4.655.5 ῥίζαν θ’, ἣν κυκλάμινον ἐφήμισαν ἰητῆρες, ### book 4.660.1 μίξας ἐν παλάμῃσι δύω φυρήσατο μάζας· ### book 4.660.2 πόντῳ δ’ ἐγκατέπαλτο λίνων ὕπερ, ἀμφὶ δ’ ἄρ’ ### book 4.661 αὐταῖς ### book 4.1 κοιλάσι καὶ θαλάμῃσι δυσαέα φάρμακ’ ἄλειψε ### book 4.2 χρίσματος ἐχθοδοποῖο καὶ ἐξεμίηνε θάλασσαν. ### book 4.3 καὶ τὸν μὲν παλίνορσον ὀλέθρια φαρμάξαντα ### book 4.665.1 δέξατο ναῦς· τοὺς δ’ αἶψα κακὴ καὶ ἀνάρσιος ὀδμὴ ### book 4.665.2 πρῶτα μὲν ἐν θαλάμῃσιν ἱκάνεται· ἀχλύϊ δ’ ὄσσε ### book 4.665.3 καὶ κεφαλὴ καὶ γυῖα βαρύνεται, οὐδὲ δύνανται ### book 4.665.4 μίμνειν ἐν κευθμῶσιν, ἀτυζόμενοι δὲ χέονται ### book 4.665.5 ἐκτὸς ἀπὸ σπιλάδων· ἡ δέ σφισι πουλὺ θάλασσα ### book 4.670.1 πικροτέρη· τοῖον γὰρ ἐν οἴδμασι πῆμα πέφυρται. ### book 4.670.2 οἱ δ’ ὥστ’ οἰνοβαρεῖς, ὀλοῇ μεθύοντες ἀϋτμῇ, ### book 4.670.3 πάντῃ δινεύουσι καὶ οὔποθι χῶρον ἔχουσι ### book 4.670.4 λειπόμενον κακότητος, ἐπαΐγδην δὲ λίνοισι ### book 4.670.5 σπερχόμενοι πίπτουσι, διεκθορέειν μεμαῶτες· ### book 4.675.1 ἀλλ’ οὔ τις χαλεπῆς ἄτης λύσις οὐδ’ ἀλεωρή· ### book 4.675.2 πολλῇ δὲ ῥιπῇ τε καὶ ἅλματι κυμαίνονται ### book 4.675.3 τειρόμενοι· τὸ δὲ πολλὸν ἐπιτρέχει Ἀμφιτρίτῃ ### book 4.675.4 ὀλλυμένων φύσημα, τό τ’ ἰχθύσιν ἔπλετο δειλοῖς ### book 4.675.5 οἰμωγή· τοὶ δ’ ἐκτὸς ἐπ’ ἄλγεσιν ἀσπαλιῆες ### book 4.680.1 τερπόμενοι μίμνουσιν ἀκηδέες, εἰσόκε σιγὴ ### book 4.680.2 πόντον ἕλῃ, φλοίσβου τε καὶ ἀργαλέοιο κυδοιμοῦ ### book 4.680.3 παύσωνται, στονόεσσαν ἀποπνεύσαντες ἀϋτμήν. ### book 4.680.4 καὶ τότ’ ἀπειρέσιον νεκύων ἐρύουσιν ὅμιλον ### book 4.680.5 ξυνῷ τεθνηῶτας ὁμοῦ λωβήτορι πότμῳ. ### book 4.685.1 ὡς δ’ ὅτε δυσμενέεσσιν ἐπιστήσωνται Ἄρηα, ### book 4.685.2 φροῦδον ἐελδόμενοι ῥαῖσαι πόλιν, οὐδ’ ἀνιεῖσι ### book 4.685.3 πήματα βουλεύοντες ἐπί σφισιν, ἀλλὰ καὶ ὕδωρ ### book 4.1 κρηνάων φάρμαξαν ὀλέθριον· οἱ δ’ ἐπὶ πύργοις ### book 4.2 λιμῷ τ’ ἀργαλέῳ καὶ ὀϊζύϊ μοχθίζοντες ### book 4.690.1 ὕδατί τ’ ἐχθοδοπῷ στυγερὸν καὶ ἀεικέα πότμον ### book 4.690.2 ὄλλυνται, νεκύων δὲ πόλις πέπληθεν ἅπασα· ### book 4.690.3 ὣς οἱ λευγαλέῳ τε μόρῳ καὶ ἀδευκέϊ πότμῳ ### book 4 ἀνδράσι φαρμάκτῃσιν ὑποδμηθέντες ὄλοντο. ### book 5.1 Ἔνθεν ἔπειτ’ ἀΐων τεκμαίρεο, κοίρανε γαίης, ### book 5.2 ὡς οὐδὲν μερόπεσσιν ἀμήχανον, οὐκ ἐνὶ γαίῃ ### book 5.3 μητρὶ καμεῖν, οὐ κόλπον ἀν’ εὐρώεντα θαλάσσης· ### book 5.4 ἀλλά τις ἀτρεκέως ἰκέλην μακάρεσσι γενέθλην ### book 5.5.1 ἀνθρώπους ἀνέφυσε, χερείονα δ’ ὤπασεν ἀλκήν, ### book 5.5.2 εἴτ’ οὖν Ἰαπετοῖο γένος, πολυμῆτα Προμηθεύς, ### book 5.5.3 ἀντωπὸν μακάρεσσι κάμεν γένος, ὕδατι γαῖαν ### book 5.5.4 ξυνώσας, κραδίην δὲ θεῶν ἔχρισεν ἀλοιφῇ, ### book 5.5.5 εἴτ’ ἄρα καὶ λύθροιο θεορρύτου ἐκγενόμεσθα ### book 5.10.1 Τιτήνων· οὐ γάρ τι πέλει καθυπέρτερον ἀνδρῶν ### book 5.10.2 νόσφι θεῶν· μούνοισι δ’ ὑπείξομεν ἀθανάτοισιν. ### book 5.10.3 ὅσσους μὲν κατ’ ὄρεσφι βίην ἄτρεστον ἔχοντας ### book 5.10.4 θῆρας ὑπερφιάλους βροτὸς ἔσβεσεν· ὅσσα δὲ φῦλα ### book 5.10.5 οἰωνῶν νεφέλῃσι καὶ ἠέρι δινεύοντα ### book 5.15 εἷλε, χαμαίζηλόν περ ἔχων δέμας· οὐδὲ λέοντα ### book 5.1 ῥύσατ’ ἀγηνορίη δμηθήμεναι, οὐδ’ ἐσάωσεν ### book 5.2 αἰετὸν ἠνεμόεις πτερύγων ῥόθος, ἀλλὰ καὶ Ἰνδὸν ### book 5.3 θῆρα κελαινόρινον ὑπέρβιον ἄχθος ἀνάγκῃ ### book 5.4 κλῖναν ἐπιβρίσαντες, ὑπὸ ζεύγλῃσι δ’ ἔθηκαν ### book 5.20.1 οὐρήων ταλαεργὸν ἔχειν πόνον ἑλκυστῆρα. ### book 5.20.2 κήτεα δ’ ὅσσα πέλωρα Ποσειδάωνος ἐναύλοις ### book 5.20.3 ἐντρέφεται, τὰ μὲν οὔτι χερείονα φημὶ θάλασσαν ### book 5.20.4 τίκτειν ὠμοφάγων τεκέων χθονός, ἀλλὰ καὶ ἀλκὴν ### book 5.20.5 καὶ μέγεθος προβέβηκεν ἀναιδέα δείματα πόντου. ### book 5.25.1 ἔστιν ἐν ἠπείρῳ χελύων γένος, οὐδέ τιν’ ἀλκὴν ### book 5.25.2 οὐδ’ ἄτην ἴσασι· θαλασσαίῃ δὲ χελώνῃ ### book 5.25.3 οὐ μάλα θαρσαλέος τις ἐν οἴδμασιν ἀντιβολήσει. ### book 5.25.4 εἰσὶ δ’ ἐνὶ τραφερῇ λάβροι κύνες, ἀλλὰ κύνεσσιν ### book 5.25.5 εἰναλίοις οὐκ ἄν τις ἀναιδείην ἐρίσειε. ### book 5.30.1 πορδαλίων γαίης ὀλοὸν δάκος, ἀλλὰ θαλάσσης ### book 5.30.2 αἰνότερον. χέρσον μὲν ἐπιστείχουσιν ὕαιναι, ### book 5.30.3 πολλῷ δ’ ἐν ῥοθίοις κρυερώτεραι. οἱ μὲν ἔασι ### book 5.30.4 κριοὶ μηλονόμων τιθασὸν βοτόν, οὐ δὲ θαλάσσης ### book 5 κριοῖς μειλιχίοισι συνοίσεται, ὅς κε πελάσσῃ. ### book 5.35.1 τίς δὲ τόσον χλούνης φορέει σθένος, ὅσσον ἄαπτοι ### book 5.35.2 λάμναι; τίς δὲ λέοντος ἐνὶ φρεσὶν αἴθεται ἀλκή, ### book 5.35.3 ὅσση ῥιγεδανῇσιν ἀνισώσαιτο ζυγαίναις; ### book 5.35.4 φώκην δὲ βλοσυρὴν καὶ ἐπὶ χθονὶ χαιτήεσσαι ### book 5.35.5 ἄρκτοι πεφρίκασι καὶ ἐς μόθον ἀντιόωσαι ### book 5.40.1 δάμνανται· τοίοισι μέλει θήρεσσι θάλασσα. ### book 5.40.2 ἀλλ’ ἔμπης καὶ τοῖσιν ἐπεφράσσαντο βαρεῖαν ### book 5.40.3 ἄτην ἡμερίων ἄμαχον γένος, ἐκ δ’ ἁλιήων ### book 5.40.4 ὄλλυνται, κήτειον ὅτ’ ἐς μόθον ὁρμήσωνται. ### book 5.40.5 τῶν ἐρέω θήρης βριθὺν πόνον· ἀλλ’ ἀΐοιτε ### book 5.45.1 εὐμενέται βασιλῆες, Ὀλύμπια τείχεα γαίης. ### book 5.45.2 Κήτεα μεσσοπόροις μὲν ἐνιτρέφεται πελάγεσσι ### book 5.45.3 πλεῖστά τε καὶ περίμετρα· τὰ δ’ οὐκ ἀναδύεται ἅλμης ### book 5.45.4 δηθάκις, ἀλλ’ ὑπένερθεν ἔχει κρηπῖδα θαλάσσης ### book 5.45.5 βριθοσύνῃ, μαιμᾷ δὲ βορῆς ἀζηχέϊ λύσσῃ ### book 5.1 αἰεὶ πεινώοντα καὶ οὔποτε νηδύος αἰνῆς ### book 5.2 μαργοσύνην ἀνιέντα· τί γὰρ τόσον ἔσσεται εἶδαρ, ### book 5.3 ὅσσον ἐνιπλῆσαι γαστρὸς χάος, ὅσσον ἄαπτον ### book 5.4 ἐς κόρον ἀμπαῦσαι κείνων γένυν; οἱ δὲ καὶ αὐτοὶ ### book 5.5 ἀλλήλους ὀλέκουσι, χερείονα φέρτερος ἀλκῇ ### book 5.55.1 πέφνων, ἀλλήλοις δὲ βορὴ καὶ δαῖτες ἔασι. ### book 5.55.2 πολλάκι καὶ νήεσσιν ἄγει δέος ἀντιόωντα ### book 5.55.3 ἑσπέριον κατὰ πόντον Ἰβηρικόν, ἔνθα μάλιστα ### book 5.1 γείτονος Ὠκεανοῖο λελοιπότ’ ἀθέσφατον ὕδωρ ### book 5.2 εἰλεῖται, νήεσσιν ἐεικοσόροισιν ὁμοῖα. ### book 5.60.1 πολλάκι δὲ πλαγχθέντα καὶ ᾐόνος ἐγγὺς ἱκάνει ### book 5.60.2 ἀγχιβαθοῦς, ὅτε κέν τις ἐπί σφισιν ὁπλίζοιτο. ### book 5.60.3 Πᾶσι δ’ ὑπερφυέεσσι πέλει θήρεσσι θαλάσσης ### book 5.60.4 νόσφι κυνῶν βαρύγυια καὶ οὐκ εὔπρηκτα κέλευθα· ### book 5.60.5 οὔτε γὰρ εἰσορόωσιν ἀπόπροθεν οὔτε θάλασσαν ### book 5.65.1 πᾶσαν ἐπιστείχουσι βαρυνόμενοι μελέεσσιν ### book 5.65.2 ἠλιβάτοις, μάλα δ’ ὀψὲ κυλινδόμενοι φορέονται. ### book 5.65.3 τοὔνεκα καὶ πάντεσσιν ὁμόστολος ἔρχεται ἰχθὺς ### book 5.65.4 φαιὸς ἰδεῖν δολιχός τε δέμας, λεπτὴ δέ οἱ οὐρή, ### book 5.65.5 ἔξοχος ὃς προπάροιθεν ἁλὸς πόρον ἡγεμονεύει ### book 5.70.1 σημαίνων· τῷ καί μιν ἐφήμισαν Ἡγητῆρα. ### book 5.70.2 κήτει δ’ ἐκπάγλως κεχαρισμένος ἐστὶν ἑταῖρος ### book 5.70.3 πομπός τε φρουρός τε· φέρει δέ μιν ᾗ κ’ ἐθέλῃσι ### book 5.70.4 ῥηϊδίως· κείνῳ γὰρ ἐφέσπεται ἰχθύϊ μούνῳ ### book 5.70.5 πιστῷ πιστὸν ἔχων αἰεὶ νόον· ἐγγύθι δ’ αὐτοῦ ### book 5.75.1 στρωφᾶται, τανύει δὲ παρασχεδὸν ὀφθαλμοῖσιν ### book 5.75.2 οὐρήν, ἥ οἱ ἕκαστα πιφαύσκεται, εἴτε τιν’ ἄγρην ### book 5.1 ἐστὶν ἑλεῖν, εἴτ’ οὖν τι κορύσσεται ἐγγύθι πῆμα, ### book 5.2 εἴτ’ ὀλίγη πόντοιο πέλει χύσις, ἣν ἀλεείνειν ### book 5.3 βέλτερον· αὐδήεσσα δ’ ὅπως ἐνδείκνυται οὐρὴ ### book 5.80.1 πάντα μάλ’ ἀτρεκέως· τὸ δὲ πείθεται ὕδατος ἄχθος· ### book 5.80.2 κεῖνος γὰρ πρόμαχός τε καὶ οὔατα καὶ φάος ἰχθὺς ### book 5.80.3 θηρὶ πέλει· κείνῳ δ’ ἀΐει, κείνῳ δὲ δέδορκεν, ### book 5.80.4 ἡνί’ ἐπιτρέψας σφετέρου βιότοιο φυλάσσειν. ### book 5.80.5 ὡς δὲ πάϊς γενετῆρα παλαίτερον ἀμφαγαπάζει, ### book 5.85.1 φροντίσι γηροκόμοισιν ἀπὸ θρεπτήρια τίνων, ### book 5.85.2 τὸν δ’ ἤδη μελέεσσι καὶ ὄμμασιν ἀδρανέοντα ### book 5.85.3 ἐνδυκέως μεθέπων προσπτύσσεται, ἔν τε κελεύθοις ### book 5.85.4 χεῖρ’ ὀρέγων καὶ πᾶσιν ἐν ἔργμασιν αὐτὸς ἀμύνων· ### book 5.85.5 πατρὶ δὲ γηράσκοντι νέον σθένος υἷες ἔασιν· ### book 5.90.1 ὣς κεῖνος φιλότητι περιπτύσσει δάκος ἅλμης ### book 5.90.2 ἰχθύς, ἠΰτε νῆα νέμων οἴηκι χαλινῷ. ### book 5.90.3 ἦ πού οἱ γενεῆς πρώτης ἄπο σύμφυτον αἷμα ### book 5.90.4 ἔλλαχεν, ἠέ μιν αὐτὸς ἑλὼν ἑταρίσσατο θυμῷ. ### book 5.90.5 ὣς οὔτ’ ἠνορίης οὔτ’ εἴδεος ἔπλετ’ ὄνειαρ ### book 5.95.1 τόσσον, ὅσον πραπίδων· ἀλκὴ δ’ ἀνεμώλιος ἄφρων· ### book 5.95.2 καί τε μέγα βριάοντα κατέσβεσεν ἠδ’ ἐσάωσε ### book 5.95.3 βαιὸς ἀνὴρ εὔμητις· ἐπεὶ καὶ κῆτος ἄαπτον ### book 5.95.4 ἀπλάτων μελέων ὀλίγον προτιβάλλεται ἰχθύν. ### book 5 τοὔνεκά τις πάμπρωτον ἕλοι σκοπὸν Ἡγητῆρα ### book 5.1 κεῖνον, ὑπ’ ἀγκίστροιο βίῃ καὶ δαιτὶ δολώσας· ### book 5.2 οὐ γάρ κε ζώοντος ἐπιβρίσας δαμάσαιο ### book 5.3 κνώδαλον, οἰχομένου δὲ θοώτερος ἔσσετ’ ὄλεθρος. ### book 5.4 οὐ γὰρ ἔτ’ οὔθ’ ἅλμης ἰοειδέος οἶδε κέλευθα ### book 5.5 ἀτρεκέως, οὐ πῆμα παρασχεδὸν ἐξαλέασθαι, ### book 5.105.1 ἀλλ’ αὔτως, ἅτε φορτὶς ὀλωλότος ἰθυντῆρος, ### book 5.105.2 πλάζεται ἀπροφύλακτον, ἀμήχανον, ᾗ κεν ἄγῃσι ### book 5.105.3 γλαυκὸν ὕδωρ, σκοτίοις δὲ καὶ ἀφράστοισι πόροισιν ### book 5.105.4 ἐμφέρεται, χηρωθὲν ἀρηγόνος ἡνιόχοιο. ### book 5.105.5 πολλάκι καὶ πέτρῃσι καὶ ἠϊόνεσσιν ἔκελσε ### book 5.110.1 πλαζόμενον· τοίη οἱ ἐπ’ ὄμμασι πέπταται ἀχλύς. ### book 5.110.2 δή ῥα τότ’ ὀτρηροῖσι νοήμασιν ἐς πόνον ἄγρης ### book 5.110.3 ἰχθυβόλοι σπεύδουσιν, ἐπευξάμενοι μακάρεσσι ### book 5.110.4 κητοφόνοις ἀλεγεινὸν ἑλεῖν τέρας Ἀμφιτρίτης. ### book 5.110.5 ὡς δ’ ὅτε δυσμενέων βριαρὸς λόχος ἀντιβίοισι ### book 5.115.1 λάθριος ἐμπελάσῃ, μεσάτην ἐπὶ νύκτα δοκεύσας, ### book 5.115.2 εὕδοντας δ’ ἐκίχησε φυλακτῆρας πρὸ πυλάων, ### book 5.115.3 Ἄρεος εὐμενέοντος, ἐνιπλήξας δ’ ἐδάμασσεν· ### book 5.115.4 ἔνθεν ἔπειτ’ ἄκρην τε πόλιν καὶ τύρσιν ἐπ’ αὐτὴν ### book 5.115.5 θαρσαλέοι σπεύδουσι, πυρὸς βέλος, ἄστεος ἄτην, ### book 5.120.1 δαλὸν ἐϋδμήτων μεγάρων ῥαιστῆρα φέροντες· ### book 5.120.2 ὣς τότε θαρσαλέως ἁλιεὺς στρατὸς ἐγκονέουσιν ### book 5.120.3 ἄφρακτον μετὰ θῆρα, πεφασμένου ἰθυντῆρος. ### book 5.120.4 τοῦ δ’ ἤτοι πρῶτον μὲν ἐνὶ φρεσὶ τεκμαίρονται ### book 5.120.5 ἄχθος ὅσον μέγεθός τε· τὰ δ’ ἔπλετο σήματα γυίων· ### book 5.125.1 εἰ μὲν γὰρ πόντοιο κυλινδόμενον μετὰ δίναις ### book 5.125.2 βαιὸν ὑπερτέλλοιτο ῥάχιν λοφιήν τε φαεῖνον ### book 5.125.3 ἄκρην, ἦ μέγα κεῖνο καὶ ἔξοχον· οὐδὲ γὰρ αὐτὴ ### book 5.125.4 ῥηϊδίως φορέει μιν ἀνοχλίζουσα θάλασσα· ### book 5 εἰ δέ τι καὶ νώτοιο φαείνεται, οὐ τόσον ἄχθος ### book 5.130.1 ἀγγέλλει· κοῦφαι γὰρ ἀφαυροτέροισι κέλευθοι. ### book 5.130.2 τοῖσιν δ’ ὁρμιὴ μὲν ἐπασσυτέραις ἀραρυῖα ### book 5.130.3 θωμίγγων ξυνοχῇσι πολυστρεφέεσσι τέτυκται, ### book 5.130.4 ὅσσος τε πρότονος νηὸς πέλει οὔτε βαθείης ### book 5.130.5 οὔτ’ ὀλίγης· μῆκος δὲ τιταίνεται ἄρκιον ἄγρῃ· ### book 5.135.1 ἄγκιστρον δ’ εὐεργὲς ἐπημοιβαῖς κεχάρακται ### book 5.135.2 γλωχίνων προβολῇσιν ἀκαχμένον ἀμφοτέρωθεν, ### book 5.135.3 οἷον καὶ πέτρην ἑλέειν καὶ ῥωγάδα πεῖραι, ### book 5.135.4 τόσσον ἴτυν κρυερήν, ὅσσον περὶ χάσμα καλύψαι. ### book 5.135.5 δινωτὴ δ’ ἅλυσις περιβάλλεται ἄκρα κελαινοῦ ### book 5.140.1 ἀγκίστρου, στιβαρή, χαλκήλατος, ἥ κεν ὀδόντων ### book 5.140.2 λευγαλέην ἀνέχοιτο βίην καὶ χάσματος αἰχμάς· ### book 5.140.3 δεσμῷ δ’ ἐν μεσάτῳ τροχοειδέα κύκλα τέτυκται ### book 5.140.4 πυκνὰ παρ’ ἀλλήλοισιν, ἅ κεν στροφάλιγγας ἐρύκοι ### book 5.140.5 φοιταλέας, μηδ’ ἰθὺς ἀπορρήξειε σίδηρον ### book 5.145.1 αἱμάσσων, ὀλοῇσι περισπερχὴς ὀδύνῃσιν, ### book 5.145.2 ἀλλὰ περιστροφάδην πλαγκτὸν δρόμον εἱλίσσοιτο. ### book 5.145.3 δαῖτα δ’ ἐπ’ ἀγκίστρῳ δυστερπέα πορσύνουσι ### book 5.145.4 ταύρειον μέλαν ἧπαρ ἀπόκριτον ἠὲ καὶ ὦμον ### book 5.145.5 ταύρειον γενύεσσιν ἐοικότα δαινυμένοιο. ### book 5.1 πολλαὶ δ’ ἀγρευτῆρσιν ὁμόστολοι ὥστ’ ἐς Ἄρηα ### book 5.2 θήγονται κρατεραί τ’ ἀκίδες στιβαραί τε τρίαιναι, ### book 5.3 ἅρπαι, βουπλῆγές τε βαρύστομοι, ὅσσα τε τοῖα ### book 5.4 ἄκμοσι δυσκελάδοις ῥαιστήρια χαλκεύονται· ### book 5.5 ἐσσυμένως δ’ ἀκάτοισιν ἐϋσέλμοις ἐπιβάντες, ### book 5.155.1 σιγῇ νευστάζοντες ὅ τι χρέος ἀλλήλοισι, ### book 5.155.2 στέλλονται, κώπῃσι δ’ ὑπ’ εὐκήλοισι θάλασσαν ### book 5.155.3 ἀτρέμα λευκαίνουσι, φυλασσόμενοι μάλα δοῦπον, ### book 5.155.4 μή τι μάθοι μέγα κῆτος ἀλευόμενόν τε νέοιτο ### book 5.155.5 βυσσὸν ὑποβρυχίην, ἅλιον δέ κε μόχθον ἄροιντο. ### book 5.160 ἀλλ’ ὅτε οἱ πελάσωσιν ὁμαιχμήσωσί τ’ ἀέθλῳ, ### book 5.1 δὴ τότε θαρσαλέως πρώρης ἄπο θηρὶ πελώρῳ ### book 5.2 πῆμα δόλου προὔθηκαν· ὁ δ’ ὡς ἴδε δαῖτα βαρεῖαν, ### book 5.3 ἆλτο καὶ οὐκ ἀμέλησεν ἀναιδέϊ γαστρὶ πιθήσας· ### book 5.4 μάρψε δ’ ἐπιθύσας γναμπτὸν μόρον, αὐτίκα δ’ εἴσω ### book 5.165.1 ἄγκιστρον κατέδυ τεθοωμένον εὐρέϊ λαιμῷ, ### book 5.165.2 ἐν δ’ ἐπάγη γλωχῖσιν· ὁ δ’ ἕλκεϊ θυμὸν ὀρινθεὶς ### book 5.165.3 πρῶτα μὲν ἀσχαλόων ὀλοὴν γένυν ἀντία πάλλει, ### book 5.165.4 χαλκείην θώμιγγα διαρραῖσαι μενεαίνων· ### book 5.165.5 ἀλλ’ ἄρα οἱ κενεὸς τέταται πόνος· ἔνθεν ἔπειτα ### book 5.170.1 σπερχόμενος φλογέῃσιν ἐποχθίζων ὀδύνῃσι ### book 5.170.2 δύεται ἐν κόλποισιν ὑποβρυχίοισι θαλάσσης· ### book 5.170.3 τῷ δὲ τάχ’ ἀσπαλιῆες ἐπιτρωπῶσιν ἅπασαν ### book 5.170.4 ὁρμιήν· οὐ μὲν γὰρ ἔνι σθένος ἀνθρώποισιν ### book 5.170.5 ὅσσον τ’ αὖ ἐρύσαι καὶ ἀναινόμενον δαμάσασθαι ### book 5.175.1 βριθὺ πέλωρ· ῥέα γάρ σφε σὺν αὐτοῖς σέλμασι νηῶν ### book 5.175.2 ἑλκύσει ποτὶ βυσσόν, ὅθ’ ὁρμήσειε φέρεσθαι. ### book 5.175.3 οἱ δέ οἱ ὁρμιῇ προσαρηρότας εὐρέας ἀσκοὺς ### book 5.175.4 πνοιῆς ἀνδρομέης πεπληθότας εὐθὺς ἐς ὕδωρ ### book 5.175.5 δυομένῳ πέμπουσιν· ὁ δ’ ὀχθίζων ὀδύνῃσι ### book 5.180.1 ῥινῶν οὐκ ἀλέγει, κατὰ δ’ ἔσπασεν οὐκ ἐθέλοντας ### book 5.180.2 ῥηϊδίως ἄκροιο λιλαιομένους ἁλὸς ἀφροῦ. ### book 5.180.3 ἀλλ’ ὁπότ’ ἐς δάπεδον πελάσῃ μεμογηότι θυμῷ, ### book 5.180.4 στῆ ῥα μέγ’ ἀφριόων, τετιημένος· ὡς δέ τις ἵππος ### book 5.180.5 ἱδρῶτ’ ἐξανύσας καματώδεα τέρματος ἄκρου ### book 5.185 ἀφρῷ ὑφ’ αἱματόεντι γένυν σκολιοῖσι χαλινοῖς ### book 5.1 ἐμπρίει, θερμὸν δὲ διὰ στόμα κίδναται ἆσθμα, ### book 5.2 ὣς ὁ μέγ’ ἀσθμαίνων ἀμπαύεται, οὐδέ οἱ ἀσκοὶ ### book 5.3 μίμνειν ἱεμένῳ περ ἐπιτρωπῶσιν ἔνερθεν, ### book 5.4 αἶψα δ’ ἄνω σπεύδουσι καὶ ἔξαλοι ἀΐσσουσι ### book 5.190.1 πνοιῇ ἀειρόμενοι· τῷ δ’ ἵσταται ἄλλος ἄεθλος. ### book 5.190.2 ἔνθ’ ἤτοι πρῶτον μὲν ἐπαΐσσει γενύεσσι ### book 5.190.3 ῥιπὴν μαψιδίην, λελιημένος αὖ ἐρύοντα ### book 5.190.4 δέρματ’ ἀμύνεσθαι· τὰ δ’ ἀνίπταται οὐδέ ἑ μίμνει, ### book 5.190.5 φεύγει δὲ ζωοῖσιν ἀλευομένοισιν ὁμοῖα· ### book 5.195.1 αὐτὰρ ὅ γ’ ἀσχαλόων μυχάτην πάλιν ἵεται ἅλμην, ### book 5.195.2 πολλὰς δὲ στροφάλιγγας ἑλίσσεται, ἄλλοτ’ ἀνάγκῃ, ### book 5.195.3 ἄλλοθ’ ἑκών, ἕλκων τε καὶ ἑλκόμενος παλίνορσος. ### book 5.195.4 ὡς δ’ ὅτε δουροτόμοι ξυνὸν πόνον ἀθλεύωσι ### book 5.195.5 πρίονος ἐγκονέοντες, ὅτε τρόπιν ἠέ τιν’ ἄλλην ### book 5.1 χρειὼ πλωτήρεσσιν ἐπισπεύδουσι τελέσσαι, ### book 5.2 ἄμφω δὲ τρηχεῖαν ἐρειδομένοιο σιδήρου ### book 5.3 ἀλκὴν αὖ ἐρύουσι καὶ οὔποτε ταρσὸς ὀδόντων ### book 5.4 τέτραπται μίαν οἶμον, ἐπειγόμενος δ’ ἑκάτερθεν ### book 5.5 κλάζει τε πρίει τε καὶ ἔμπαλιν ἕλκεται αἰεί, ### book 5.205.1 τοῖον καὶ ῥινοῖσι πέλει καὶ θηρὶ δαφοινῷ ### book 5.205.2 νεῖκος ἀνελκομένῳ τε βιαζομένοις θ’ ἑτέρωθεν. ### book 5.205.3 πολλὴν δ’ αἱματόεσσαν ὑπεὶρ ἁλὸς ἔπτυσεν ἄχνην ### book 5.205.4 παφλάζων ὀδύνῃσιν, ὑποβρύχιον δὲ μέμυκε ### book 5.205.5 μαινομένου φύσημα, περιστένεται δέ οἱ ὕδωρ ### book 5.210.1 ἀμβολάδην· φαίης κεν ὑπ’ οἴδμασι πᾶσαν ἀϋτμὴν ### book 5.210.2 κευθομένην Βορέαο δυσαέος αὐλίζεσθαι. ### book 5.210.3 τόσσον ἀνασθμαίνει λάβρον μένος, ἀμφὶ δὲ πυκναὶ ### book 5.210.4 δίναις οἰδαλέῃσιν ἑλισσόμεναι στροφάλιγγες ### book 5 οἴδματα κοιλαίνουσι διϊσταμένοιο πόροιο. ### book 5.215.1 οἷον δ’ Ἰονίοιο παρὰ στόμα καὶ κελάδοντος ### book 5.215.2 Τυρσηνοῦ πόντοιο μέση πορθμοῖο διαρρὼξ ### book 5.215.3 εἰλεῖται, λάβροισιν ὑπ’ ἄσθμασι Τυφάωνος ### book 5.215.4 μαινομένη, δειναὶ δὲ τιταινόμεναι στροφάλιγγες ### book 5.215.5 κῦμα θοὸν κάμπτουσι, περιστρέφεται δὲ κελαινὴ ### book 5.220.1 ἑλκομένη δίνῃσι παλιρροίβδοισι Χάρυβδις, ### book 5.220.2 ὣς τότε κητείοισιν ὑπ’ ἄσθμασι χῶρος ἁπάντῃ ### book 5.220.3 ξαινόμενος βέμβικας ἑλίσσεται Ἀμφιτρίτης. ### book 5.220.4 ἔνθα τις ἰχθυβόλων γλαφυρὸν σκάφος ὠκὺς ἐρέσσων ### book 5.220.5 ἐς χέρσον κατάγοιτο καὶ ἀκταίης ἀπὸ πέτρης ### book 5.225.1 ὁρμιὴν ἅψαιτο καὶ αὐτίκα νοστήσειε, ### book 5.225.2 πρυμναίοις ἅτε νῆα κατοχμάσσας ὑπὸ δεσμοῖς. ### book 5.225.3 τὸν δ’ ὅτε παιφάσσοντα λάβῃ κόρος, ἐκ δ’ ὀδυνάων ### book 5.225.4 θὴρ ὀλοὸς μεθύῃ, καμάτῳ δέ οἱ ἄγριον ἦτορ ### book 5.225.5 κλίνηται, ῥέψῃ δὲ μόρου στυγεροῖο τάλαντα, ### book 5.230.1 ἀσκὸς μὲν πρώτιστος ἀνέδραμε πείρατα νίκης ### book 5.230.2 ἀγγέλλων, μέγα δ’ ἦτορ ἐν ἀγρευτῆρσιν ἄειρεν. ### book 5.230.3 οἷον δ’ ἀλγινόεντος ἀνερχόμενον πολέμοιο ### book 5.230.4 κήρυκ’ ἀργυφέοισιν ἐν εἵμασιν ἠδὲ προσώπῳ ### book 5.230.5 φαιδρῷ καγχαλόωντες ἑοὶ μεθέπουσιν ἑταῖροι, ### book 5.235.1 αἴσιον ἀγγελίην ποτιδεγμένοι αὐτίκ’ ἀκοῦσαι, ### book 5.235.2 ὣς οἱ καγχαλόωσιν ἐσαθρήσαντες ἔνερθε ### book 5.1 ῥινὸν ἀνερχομένην εὐάγγελον· αὐτίκα δ’ ἄλλοι ### book 5.2 ἀσκοὶ ἐπαντέλλουσι καὶ ἀνδύνουσι θαλάσσης, ### book 5.3 βριθὺ πέλωρ σύροντες· ὁ δ’ ἕλκεται οὐλόμενος θὴρ ### book 5.240.1 οὐκ ἐθέλων, μόχθῳ τε καὶ ἕλκεϊ θυμὸν ἀλύων. ### book 5.240.2 ἔνθα τότ’ ἰχθυβόλων θράσος ἔγρεται, ἄγχι δὲ νῆας ### book 5.240.3 εὐκώπους ἐλόωσιν ἐπειγομένοισιν ἐρετμοῖς· ### book 5.240.4 πολλὴ δὲ σμαραγή, πολλὴ δ’ ἀνὰ πόντον ἀϋτὴ ### book 5.240.5 σπερχομένων τέτρηχε καὶ ἀλλήλους ἐς ἄεθλον ### book 5.245.1 κεκλομένων· φαίης κεν ἐνυάλιον πόνον ἀνδρῶν ### book 5.245.2 δέρκεσθαι· τοίη γὰρ ἐνὶ φρεσὶν ἵσταται ἀλκή, ### book 5.245.3 τόσσος δὲ φλοῖσβός τε καὶ ἵμερος ἰωχμοῖο. ### book 5.245.4 τῶν μέν τις καὶ τῆλε δυσηχέα δοῦπον ἀκούσας ### book 5.245.5 αἰπόλος ἢ βαθύμαλλον ἐν ἄγκεσι πῶϋ κομίζων, ### book 5.1 ἢ δρυτόμος πεύκης ὀλετὴρ ἢ θῆρας ἐναίρων ### book 5.2 θαμβήσας πόντου τε καὶ ᾐόνος ἐγγὺς ἱκάνει, ### book 5.3 στὰς δὲ κατὰ προβλῆτος ὑπερφίαλον πόνον ἀνδρῶν ### book 5.4 φυλόπιδος βυθίης θηήσατο καὶ τέλος ἄγρης ### book 5.5 εὐπάγλου· τοὺς δ’ ὑγρὸς Ἄρης ἄσβεστος ὀρίνει. ### book 5.255.1 ἔνθ’ ὁ μὲν ἐν παλάμῃσι τανυγλώχινα τρίαιναν ### book 5.255.2 πάλλει, ὁ δ’ ὀξείης ἀκίδος βέλος, οἱ δὲ φέρουσιν ### book 5.255.3 εὐκαμπῆ δρεπάνην, ὁ δέ τις βουπλῆγα τιταίνει ### book 5.255.4 ἀμφιτόμον· πᾶσιν δὲ πόνος, πᾶσιν δὲ σιδήρου ### book 5.255.5 χεῖρας ἐφοπλίζει βριαρὴ γένυς, ἄγχι δὲ θῆρα ### book 5.260.1 βάλλους’, οὐτάζουσι, καταΐγδην ἐλόωντες. ### book 5.260.2 αὐτὰρ ὅ γ’ ἠνορέης μὲν ὑπερφιάλοιο λέλησται, ### book 5.260.3 οὐδ’ ἔτ’ ἔχει γενύεσσι καὶ ἱέμενός περ ἐρύκειν ### book 5.260.4 νῆας ἐπεσσυμένας, πτερύγων δ’ ὑπεραχθέϊ ῥιπῇ ### book 5.260.5 ἄκρῃ τ’ ἀλκαίῃ βύθιον διὰ κῦμα λαχαίνων ### book 5.265.1 ἔμπαλιν ἐς πρύμνας ὠθεῖ νέας, ἔργα δ’ ἐρετμῶν ### book 5.265.2 ἀνδρῶν τ’ ἠνορέην γνάμπτει πάλιν, ἠΰτ’ ἀήτης ### book 5.265.3 ἀντίβιος πρώρῃσιν ἐναντία κῦμα κυλίνδων· ### book 5.265.4 τῶν δ’ ἐνοπὴ κέκληγεν ἐφιεμένων πονέεσθαι, ### book 5 κῦμα δ’ ἅπαν λύθροιο φορύσσεται ἐκχυμένοιο ### book 5.270.1 ὠτειλαῖς ὀλοῇσι· τὸ δὲ ζέει ἄπλετον ὕδωρ ### book 5.270.2 αἵματι κητείῳ, γλαυκὴ δ’ ἐρυθαίνεται ἅλμη. ### book 5.270.3 ὡς δ’ ὅτε χειμερίοιο κατερχομένου ποταμοῖο ### book 5.270.4 κόλπον ἐς οἰδματόεντα λόφων ἀπὸ μιλτοκαρήνων ### book 5.270.5 ἰλὺς αἱματόεσσα κυλίνδεται ὕδατος ὁρμῇ, ### book 5.275.1 κιρναμένη δίνῃσιν· ἑκὰς δ’ ἐρυθαίνεται ὕδωρ ### book 5.275.2 ξανθῆς ἐκ κονίης, λύθρος δ’ ἔχει ὥστε θάλασσαν, ### book 5.275.3 ὣς τότε κητείοιο πόρος λύθροιο πέφυρται ### book 5.275.4 φοίνιος ἐν προχοῇσι δαϊζομένου βελέεσσιν. ### book 5.275.5 ἐν δέ οἱ ὠτειλῇσιν ἀφυσσάμενοι ῥόον ἄντλου ### book 5.280.1 πευκεδανὸν στάζους’· ἡ δ’ ἕλκεσι μισγομένη ἃλς ### book 5.280.2 ἠΰτε πυρκαϊὴ ὀλοώτατον ἧψεν ὄλεθρον. ### book 5.280.3 ὡς δὲ Διὸς μάστιγι βαλεῖ τρόπιν αἰθέριον πῦρ ### book 5.280.4 πόντον ἀμειβομένην, νέμεται δέ μιν αἰθαλόεσσα ### book 5.280.5 ῥιπή, τὴν δ’ ἔτι μᾶλλον ἐποτρύνουσα κορύσσει ### book 5.285.1 μισγομένη δίοισιν ὁμοῦ πυρσοῖσι θάλασσα, ### book 5.285.2 ὣς κείνου χαλεπάς τε βολὰς ὀδύνας τε κορύσσει ### book 5.285.3 ἄντλου πυθομένοιο δυσαέος ἄγριον ὕδωρ. ### book 5.285.4 ἀλλ’ ὅτε μιν δμηθέντα πολυτμήτοις ὀδύνῃσιν ### book 5.285.5 ἤδη λευγαλέοιο παρὰ προθύροις θανάτοιο ### book 5.290.1 μοῖρα φέρῃ, τότε δή μιν ἀναψάμενοι ποτὶ χέρσον ### book 5.290.2 γηθόσυνοι σύρουσιν· ὁ δ’ ἕλκεται οὐκ ἐθέλων περ, ### book 5.290.3 πολλῇσι γλωχῖσι πεπαρμένος ἠΰτε γόμφοις, ### book 5.290.4 νευστάζων ὀλοοῖο μόρου τέλος οἰνοβαρείων· ### book 5.290.5 οἱ δὲ μέγαν νίκης παιήονα κυδαίνοντες, ### book 5.295.1 εἰρεσίῃ σπέρχοντες ἐπικλάζουσι θαλάσσῃ, ### book 5.295.2 ὀξὺν ἐπειγομέναις ἐλάταις νόμον ἀείδοντες. ### book 5.295.3 ὡς δ’ ὁπότ’ εἰναλίοιο διακρινθέντος Ἄρηος ### book 5.295.4 νῆας ἀναψάμενοι νηῶν ἐπιβήτορας ἄνδρας ### book 5 δυσμενέας ποτὶ χέρσον ἐπειγόμενοι κατάγωσι ### book 5.1 γηθόσυνοι, νίκης δὲ διαπρύσιον βοόωσι ### book 5.2 ναυμάχον εἰρεσίης παιήονα· τοὶ δ’ ἀέκοντες ### book 5.3 ἀχνύμενοι δηΐοισιν ἀναγκαίῃ ξυνέπονται, ### book 5.4 ὣς οἵ γ’ αἰνοπέλωρον ἀναψάμενοι δάκος ἅλμης ### book 5.5 γηθόσυνοι κατάγουσιν ἐπ’ ᾐόνας· ἀλλ’ ὅτε χέρσῳ ### book 5.305.1 ἐμπελάσῃ, τότε δή μιν ἐτήτυμος ὦρσεν ὄλεθρος ### book 5.305.2 λοίσθιος ἀσπαίρει τε διαξαίνει τε θάλασσαν ### book 5.305.3 σμερδαλέαις πτερύγεσσιν, ἅτ’ εὐτύκτῳ περὶ βωμῷ ### book 5.305.4 ὄρνις ἑλισσομένη θανάτου στροφάλιγγι κελαινῇ, ### book 5.305.5 δύσμορος· ἦ μάλα πολλὰ λιλαίεται οἴδμαθ’ ἱκέσθαι, ### book 5.310.1 ἀλλά οἱ ἠνορέης λέλυται σθένος, οὐδέ τι γυῖα ### book 5.310.2 πείθεται, ἐς χέρσον δὲ καθέλκεται αἰνὸν ἀΐσθων, ### book 5.310.3 φορτὶς ὅπως εὐρεῖα πολύζυγος, ἥν τε θαλάσσης ### book 5.310.4 ἀνέρες ἐξερύουσιν ἐπὶ τραφερὴν ἀνάγοντες ### book 5.310.5 χείματος ἱσταμένοιο μεταπνεῦσαι καμάτοιο ### book 5.315.1 ποντοπόρου· βριθὺς δὲ πόνος ναύτῃσι μέμηλεν· ### book 5.315.2 ὣς οἵ γ’ ὀβριμόγυιον ἐπὶ χθόνα κῆτος ἄγουσι· ### book 5.315.3 πλῆσεν δ’ ᾐόνα πᾶσαν ὑπ’ ἀπλάτοις μελέεσσι ### book 5.315.4 κεκλιμένοις, τέταται δὲ νέκυς ῥίγιστος ἰδέσθαι. ### book 5.315.5 τοῦ μέν τις φθιμένοιο καὶ ἐν χθονὶ πεπταμένοιο ### book 5.320.1 εἰσέτι δειμαίνει πελάσαι δυσδερκέϊ νεκρῷ ### book 5.320.2 ταρβεῖ τ’ οὐκέτ’ ἐόντα καὶ οἰχομένοιό περ ἔμπης ### book 5.320.3 πεφρικὼς αὐτοῖσιν ἐνὶ γναθμοῖσιν ὀδόντας. ### book 5.320.4 ὀψὲ δὲ θαρσήσαντες ἀολλέες ἀμφαγέρονται, ### book 5.320.5 θάμβεϊ παπταίνοντες ἐρείπιον ὠμηστῆρος. ### book 5.325 ἔνθ’ οἱ μὲν γενύων ὀλοὰς στίχας ἠγάσσαντο, ### book 5.1 δεινοὺς χαυλιόδοντας, ἀναιδέας, ἠΰτ’ ἄκοντας ### book 5.2 τριστοιχεὶ πεφυῶτας ἐπασσυτέρῃσιν ἀκωκαῖς· ### book 5.3 ἄλλοι δ’ ὠτειλὰς πολυδηρίτοιο πελώρου ### book 5.4 χαλκοτόρους ἀφόωσιν· ὁ δ’ ὀξύπρωρον ἄκανθαν ### book 5.330.1 θηεῖται σμερδνοῖσιν ἀνισταμένην σκολόπεσσιν· ### book 5.330.2 ἄλλοι δ’ ἀλκαίην, ἕτεροι πολυχανδέα νηδὺν ### book 5.330.3 καὶ κεφαλὴν ἀπέλεθρον ὁρώμενοι ἠγάσσαντο. ### book 5.330.4 καί τις ἀνὴρ ὁρόων βλοσυρὸν δάκος Ἀμφιτρίτης ### book 5.330.5 ἤθεσιν ἐν τραφεροῖσι πολὺ πλέον ἠὲ νέεσσι ### book 5.335.1 δηθύνων ἑτάροισι μετέννεπεν ἐγγὺς ἐοῦσι· ### book 5.335.2 Γαῖα, φίλη θρέπτειρα, σὺ μὲν τέκες ἠδ’ ἐκόμισσας ### book 5.335.3 φορβῇ χερσαίῃ· κόλποις δ’ ἐνὶ σεῖο θάνοιμι, ### book 5.335.4 ἦμαρ ὅτ’ ἀντήσειε τὸ μόρσιμον· ἔργα δὲ πόντου ### book 5.335.5 εὐμενέοι, χέρσῳ δὲ Ποσειδάωνα σέβοιμι· ### book 5.340.1 μηδέ μ’ ἐν ἀργαλέοις ὀλίγον δόρυ κύμασι πέμποι, ### book 5.340.2 μηδ’ ἀνέμους νεφέλας τε κατ’ ἠέρα παπταίνοιμι· ### book 5.340.3 οὐ γὰρ ἁλὸς ῥοθίων τόσσος φόβος οὐδ’ ἀλεγεινῆς ### book 5.340.4 ἀνδράσι ναυτιλίης καὶ ὀϊζύος ἣν μογέουσιν, ### book 5.340.5 αἰεὶ δυσκελάδοισι συνιππεύοντες ἀέλλαις, ### book 5.345.1 οὐδ’ ἅλις ὀλλυμένοις διερὸς μόρος, ἀλλ’ ἔτι τοίους ### book 5.345.2 δαιτυμόνας μίμνουσιν, ἀτυμβεύτου δὲ τάφοιο ### book 5.1 θηρείου λαιμοῖο μυχοὺς πλήσαντο τυχόντες· ### book 5.2 δειμαίνω τοίων ἀχέων τροφόν· ἀλλά, θάλασσα, ### book 5.3 χαῖρέ μοι ἐκ γαίης, ἕκαθεν δ’ ἐμοὶ ἤπιος εἴης. ### book 5.1 Κήτεα μὲν τοίοισιν ἐδῃώσαντο πόνοισιν ### book 5.2 ὅσσα δέμας προβέβηκεν ὑπερφυές, ἄχθεα πόντου. ### book 5.3 ὅσσα δὲ βαιοτέρων μελέων λάχε, τοῖσι καὶ ἄγρη ### book 5.4 βαιοτέρη, θήρεσσι δ’ ἐοικότα τεύχε’ ἔασι, ### book 5.5 μείονες ὁρμιαί, μείων γένυς ἀγκίστροιο, ### book 5.355.1 φορβὴ παυροτέρη, γενύων δόλος, ἀντὶ δὲ ῥινῶν ### book 5.355.2 αἰγοδόρων ἁψῖδες ἀναπτόμεναι κολοκύντης ### book 5.355.3 ἀζαλέης θήρειον ἄνω δέμας αὖ ἐρύουσι. ### book 5.355.4 Λάμνης δὲ σκύμνοισιν ὅτ’ ἀντήσως’ ἁλιῆες, ### book 5 πολλάκι καὶ τροπὸν αὐτόν, ἐπαρτέα δεσμὸν ἐρετμοῦ, ### book 5.360.1 λυσάμενοι προὔτειναν ἐν οἴδμασιν· ἡ δ’ ἐσιδοῦσα ### book 5.360.2 ἔσσυτο καὶ γενύων προΐει μένος, αἶψα δὲ σειρῇ ### book 5.360.3 ἐνσχόμενοι μίμνουσιν ἅτ’ ἐν δεσμοῖσιν ὀδόντες ### book 5.360.4 ἀγκύλοι· ἔνθεν ἔπειτα πόνος ῥήϊστος ὀλέσσαι ### book 5.360.5 λάμνην τριγλώχινος ὑπὸ ῥιπῇσι σιδήρου. ### book 5.365.1 Ἔξοχα δ’ ἐχθοδοποῖς ἐνὶ κήτεσι μαργαίνουσι ### book 5.365.2 λαιμῷ λαβροσύνῃ τε κυνῶν ὑπέροπλα γένεθλα· ### book 5.365.3 ἔξοχα δ’ ὑβρισταὶ καὶ ἀγήνορες, οὐδέ κεν ἄν τι ### book 5.365.4 ἀντόμενοι τρέσσειαν, ἀναιδείην ἀχάλινον ### book 5.365.5 αἰεὶ κυμαίνουσαν ἐπὶ φρεσὶ λύσσαν ἔχοντες· ### book 5.370.1 πολλάκι δ’ ἰχθυβόλοισι καὶ ἐς λίνον ἀΐξαντες ### book 5.370.2 κύρτοις τ’ ἐμπελάσαντες ἐδηλήσανθ’ ἁλιεῦσιν ### book 5.370.3 ἄγρην ἰχθυόεσσαν, ἑὴν φρένα πιαίνοντες. ### book 5.370.4 τοὺς δέ τις ἀσπαλιεὺς δεδοκημένος ἰχθύσιν αὐτοῖς, ### book 5.370.5 πείρας ἀγκίστρῳ, μενοεικέα ληΐδα θήρης, ### book 5.375.1 ῥηϊδίως ἐρύσει περὶ γαστέρα μαιμώοντας. ### book 5.375.2 Φώκῃ δ’ οὐκ ἄγκιστρα τετεύχαται οὔτε τις αἰχμὴ ### book 5.375.3 τρίγλυφος ἥ κεν ἕλοι κείνης δέμας· ἔξοχα γάρ μιν ### book 5.375.4 ῥινὸς ὑπὲρ μελέων στερεὴ λάχεν, ὄβριμον ἕρκος· ### book 5.375.5 ἀλλ’ ὅτ’ ἐϋπλεκέεσσι λίνοις περικυκλώσωνται ### book 5.380.1 φώκην ἀσπαλιῆες ἐν ἰχθύσιν οὐκ ἐθέλοντες, ### book 5.380.2 δὴ τότε τοῖς κραιπνοί τε πόνοι σπουδή τε καθέλκειν ### book 5.380.3 δίκτυον ἐς ῥηγμῖνας, ἐπεὶ φώκην μεμαυῖαν ### book 5.380.4 οὐκ ἂν ἐρητύσειε καὶ εἰ μάλα πολλὰ παρείη ### book 5.380.5 δίκτυα, ῥηϊδίως δὲ βίῃ τ’ ὀνύχων θ’ ὑπ’ ἀκωκαῖς ### book 5.385.1 ῥήξει τ’ ἀΐξει τε καὶ ἔσσεται ἰχθύσιν ἄλκαρ ### book 5.385.2 εἰλομένοις, μέγα δ’ ἄλγος ἐνὶ φρεσὶν ἀσπαλιήων. ### book 5.385.3 ἀλλ’ ἤν μιν καθέλωσιν ὑποφθαδὸν ἐγγύθι γαίης, ### book 5.385.4 ἔνθα δὲ καὶ τριόδοντι καὶ ἰφθίμοις ῥοπάλοισι ### book 5 δούρασί τε στιβαροῖσι καταΐγδην ἐλόωντες ### book 5.390.1 ἐς κροτάφους πέφνουσιν· ἐπεὶ φώκῃσιν ὄλεθρος ### book 5.390.2 ὀξύτατος κεφαλῆφιν ἱκάνεται οὐταμένῃσι. ### book 5.390.3 Ναὶ μὴν καὶ χέλυες μάλα πολλάκις ἀντιόωσαι ### book 5.390.4 θήρην λωβήσαντο καὶ ἀνδράσι πῆμα γένοντο. ### book 5.390.5 τάων δ’ ἔπλετο μόχθος ἑλεῖν ῥήϊστος ἁπάντων ### book 5.395.1 ἀνέρι θαρσαλέῳ καὶ ἀταρβέα θυμὸν ἔχοντι· ### book 5.395.2 εἰ γάρ τις καταδὺς κραναὴν χέλυν ἐν ῥοθίοισιν ### book 5.395.3 ὕπτιον ἀνστρέψειεν ἐπ’ ὄστρακον, οὐκέτι κείνη ### book 5.395.4 πολλὰ καὶ ἱεμένη δύναται μόρον ἐξαλεείνειν· ### book 5.395.5 ὕψι δ’ ἀναπλώει κοῦφον πλόον ἀσπαίρουσα ### book 5.1 ποσσίν, ἁλὸς μεμαυῖα· γέλως δ’ ἔχει ἀγρευτῆρας. ### book 5.2 τὴν δ’ ὁτὲ μὲν θείνουσι σιδηρείῃσι βολῇσιν, ### book 5.3 ἄλλοτε δ’ ἐν βροχίδεσσιν ἀναψάμενοι μεθέπουσιν. ### book 5.4 ὡς δ’ ὅτε νηπίαχα φρονέων πάϊς οὐρεσίφοιτον ### book 5.5 ἀνστρέψῃ τρηχεῖαν ἑλὼν χέλυν, ἡ δ’ ἐπὶ νῶτα ### book 5.405.1 κεκλιμένη μάλα πολλὰ λιλαίεται οὖδας ἱκέσθαι, ### book 5.405.2 ῥικνὰ ποδῶν σείουσα καὶ ἀγκύλα γούνατα, μόχθῳ ### book 5.405.3 πυκνὸν ἐπασπαίρουσα, γέλως δ’ ἔχει ὅς κεν ἴδηται, ### book 5.405.4 ὣς κείνης ὁμόφυλον ἁλὸς δάκος ὕπτιον ἅλμῃ ### book 5.405.5 ἐμφέρεται λωβητὸν ὑπ’ ἀνδράσιν ἰχθυβόλοισι. ### book 5.410.1 Πολλάκι δ’ ἐς τραφερὴν ἀνανίσσεται, ἐκ δὲ βολάων ### book 5.410.2 ἠελίου φολίδας περιδαίεται, αὖα δὲ γυῖα ### book 5.410.3 ἐς πόντον φορέει, τὴν δ’ οὐκέτι καὶ μεμαυῖαν ### book 5.410.4 κῦμα μέλαν δέχεται, φορέει δέ μιν ἠδὲ κυλίνδει ### book 5.410.5 ὕψι μάλ’ ἱεμένην νεάτης ἁλός· οἱ δ’ ἐσιδόντες ### book 5.415.1 ἰχθυβόλοι μάλα ῥεῖα καὶ ἀσπασίως ἐδάμασσαν. ### book 5.415.2 Δελφίνων δ’ ἄγρη μὲν ἀπότροπος, οὐδὲ θεοῖσι ### book 5.415.3 κεῖνος ἔτ’ ἐμπελάσειε θυτὴρ φίλος οὐδέ κε βωμῶν ### book 5.415.4 εὐαγέως ψαύσειεν, ὁμωροφίους δὲ μιαίνει, ### book 5.415.5 ὅς κεν ἑκὼν δελφῖσιν ἐπιφράσσηται ὄλεθρον. ### book 5.420.1 ἶσα γὰρ ἀνδρομέοισιν ἀπεχθαίρουσι φόνοισι ### book 5.420.2 δαίμονες εἰναλίων ὀλοὸν μόρον ἡγητήρων· ### book 5.420.3 ἶσα γὰρ ἀνθρώποισι νοήματα καὶ προπόλοισι ### book 5.420.4 Ζηνὸς ἁλιγδούποιο· τὸ καὶ φιλότητι γενέθλης ### book 5.420.5 κέχρηνται, μέγα δ’ εἰσὶ συνάρθμιοι ἀλλήλοισιν. ### book 5.425.1 ἤδη γὰρ δελφῖνες ἐνηέες ἀνδράσιν οἵην ### book 5.425.2 ἄγρην εὐθήρητον ἐπ’ ἰχθύσιν ὡπλίσσαντο ### book 5.425.3 νήσῳ ἐν Εὐβοίῃ μετὰ κύμασιν Αἰγαίοισιν· ### book 5.1 εὖτε γὰρ ἑσπερίης θήρης πόνον ἐγκονέωσιν ### book 5.2 ἰχθυβόλοι, νεπόδεσσι πυρὸς φορέοντες ὁμοκλήν, ### book 5.430.1 ἴπνου χαλκείοιο θοὸν σέλας, οἱ δ’ ἐφέπονται ### book 5.430.2 δελφῖνες, σύνθηρον ἐπισπεύδοντες ὄλεθρον. ### book 5.430.3 ἔνθ’ οἱ μὲν τρομέοντες ἀποτροπάδην ἀλέονται ### book 5.430.4 ἰχθύες, οἱ δ’ ἔκτοσθεν ἐπαΐσσοντες ὁμαρτῆ ### book 5.430.5 δελφῖνες φοβέουσι καὶ ἱεμένους ἐπὶ βύσσαν ### book 5.435.1 τρωπᾶσθαι ποτὶ χέρσον ἀνάρσιον ἐξελόωσι, ### book 5.435.2 πυκνὸν ἐπιθρώσκοντες, ἅτ’ ἀνδράσι θηρητῆρσι ### book 5.435.3 θῆρα κύνες σεύοντες ἀμοιβαίῃς ὑλακῇσι. ### book 5.435.4 τοὺς δ’ ἀγχοῦ ποτὶ χέρσον ἀτυζομένους ἁλιῆες ### book 5.435.5 ῥηϊδίως βάλλουσιν ἐϋγλώχινι τριαίνῃ. ### book 5.440.1 τοῖσι δ’ ἄφυκτα κέλευθα, διορχεῦνται δ’ ἐνὶ πόντῳ, ### book 5.440.2 καὶ πυρὶ καὶ δελφῖσιν ἐλαυνόμενοι βασιλεῦσιν. ### book 5.1 ἀλλ’ ὁπόταν θήρης εὐαγρέος ἔργον ἄνηται, ### book 5.2 δὴ τότ’ ἀπαιτίζουσι παρασχεδὸν ἐμπελάσαντες ### book 5.3 μισθὸν ὁμοφροσύνης, θήρης ἀποδάσμιον αἶσαν· ### book 5.445.1 οἱ δ’ οὐκ ἠνήναντο, πόρον δ’ εὐαγρέα μοῖραν ### book 5.445.2 ἀσπασίως· ἢν γάρ τις ὑπερφιάλως ἀλίτηται, ### book 5.445.3 οὐκέτι οἱ δελφῖνες ἀρηγόνες εἰσὶν ἐπ’ ἄγρην. ### book 5.445.4 Καὶ μέν τις Λέσβοιο παλαίφατον ἔργον ἀοιδοῦ ### book 5.445.5 ἔκλυεν, ὡς δελφῖνος ὀχησάμενος περὶ νώτῳ ### book 5.1 κῦμα μέλαν περάασκε καθήμενος, ἄτρομος ἦτορ, ### book 5.2 ἀείδων, καὶ πότμον ὑπέκφυγε ληϊστήρων ### book 5.3 Ταιναρίῃ τ’ ἐπέλασσεν ἐπὶ προβολῇσι Λακώνων. ### book 5.4 καί πού τις Λίβυος κούρου πόθον οἶδεν ἀκούων, ### book 5.5 τοῦ ποτε ποιμαίνοντος ἐράσσατο θερμὸν ἔρωτα ### book 5.455.1 δελφίς, σὺν δ’ ἤθυρε παρ’ ᾐόσι, καὶ κελαδεινῇ ### book 5.455.2 τερπόμενος σύριγγι λιλαίετο πώεσιν αὐτοῖς ### book 5.1 μίσγεσθαι πόντον τε λιπεῖν ξυλόχους τ’ ἀφικέσθαι. ### book 5.2 ἀλλ’ οὐδ’ ἠϊθέοιο πόθους ἐπὶ πᾶσα λέλησται ### book 5.3 Αἰολίς· οὔτι παλαιόν, ἐφ’ ἡμετέρῃ δὲ γενέθλῃ· ### book 5.460.1 δελφὶς ὥς ποτε παιδὸς ἐράσσατο νησαίοιο· ### book 5.460.2 νήσῳ δ’ ἐνναίεσκεν, ἀεὶ δ’ ἔχε ναύλοχον ὅρμον, ### book 5.460.3 ἀστὸς ὅπως, ἕταρον δὲ λιπεῖν ἠναίνετο θυμῷ, ### book 5.460.4 ἀλλ’ αὐτοῦ μίμναζε παρέστιος ἐξέτι τυτθοῦ, ### book 5.460.5 σκύμνος ἀεξηθείς, ὀλίγον βρέφος, ἤθεσι παιδὸς ### book 5.465.1 σύντροφος· ἀλλ’ ὅθ’ ἵκοντο τέλος γυιαλκέος ἥβης, ### book 5.465.2 καί ῥ’ ὁ μὲν ἠϊθέοισι μετέπρεπεν, αὐτὰρ ὁ πόντῳ ### book 5.465.3 ὠκύτατος δελφὶς ἑτέρων προφερέστατος ἦεν, ### book 5.465.4 δή ῥα τότ’ ἔκπαγλόν τε καὶ οὐ φατὸν οὐδ’ ἐπίελπτον ### book 5.465.5 θάμβος ἔην ξείνοισι καὶ ἐνναέτῃσιν ἰδέσθαι· ### book 5.470.1 πολλοὺς δ’ ὤρορε φῆμις ἰδεῖν σέβας ὁρμηθέντας, ### book 5.470.2 ἠΐθεον δελφῖνι συνηβώοντας ἑταίρους· ### book 5.470.3 πολλαὶ δ’ ἠϊόνων ἀγοραὶ πέλας ἦμαρ ἐπ’ ἦμαρ ### book 5.470.4 ἱεμένων ἵσταντο σέβας μέγα θηήσασθαι. ### book 5.470.5 ἔνθ’ ὁ μὲν ἐμβεβαὼς ἄκατον κοίλοιο πάροιθεν ### book 5.475.1 ὅρμου ἀναπλώεσκε, κάλει δέ μιν οὔνομ’ ἀΰσας ### book 5.475.2 κεῖνο, τό μιν φήμιξεν ἔτι πρώτης ἀπὸ φύτλης· ### book 5.475.3 δελφὶς δ’ ἠΰτ’ ὀϊστός, ἐπεὶ κλύε παιδὸς ἰωήν, ### book 5.475.4 κραιπνὰ θέων ἀκάτοιο φίλης ἄγχιστος ἵκανε, ### book 5.475.5 σαίνων τ’ οὐραίῃ κεφαλήν τ’ ἀνὰ γαῦρος ἀείρων, ### book 5.480.1 παιδὸς ἐπιψαῦσαι λελιημένος· αὐτὰρ ὁ χερσὶν ### book 5.480.2 ἦκα καταρρέζεσκε, φιλοφροσύνῃσιν ἑταῖρον ### book 5.1 ἀμφαγαπαζόμενος, τοῦ δ’ ἵετο θυμὸς ἱκέσθαι ### book 5.2 αὐτὴν εἰς ἄκατον παιδὸς πέλας· ἀλλ’ ὅτ’ ἐς ἅλμην ### book 5.3 κοῦφα κυβιστήσειεν, ὃ δ’ ἐγγύθι νήχετο κούρου, ### book 5.485.1 αὐτῇσι πλευρῇσιν ἀνὰ πλευρὰς παρενείρων, ### book 5.485.2 αὐτῇσι γενύεσσι πέλας γένυν, ἠδὲ καρήνῳ ### book 5.485.3 ἐγχρίμπτων κεφαλήν· φαίης κέ μιν ἱμείροντα ### book 5.485.4 κῦσσαι καὶ στέρνοισι περιπτύξαι μενεαίνειν ### book 5.485.5 ἠΐθεον· τοίῃ γὰρ ὀπάονι νήχετο ῥιπῇ. ### book 5.490.1 ἀλλ’ ὅτε καὶ πελάσειε παρ’ ᾐόσιν, αὐτίκα κοῦρος ### book 5.490.2 ἁψάμενος λοφιῆς διερῶν ἐπεβήσατο νώτων· ### book 5.490.3 αὐτὰρ ὅ γ’ ἀσπασίως παιδὸς δέμας ἔμφρονι θυμῷ ### book 5.490.4 δεξάμενος φοίτασκεν, ὅπῃ νόος ἠϊθέοιο ### book 5.490.5 ἤλαεν, εἴτ’ ἄρα πόντον ἐπ’ εὐρέα τῆλε κελεύοι ### book 5.495.1 στέλλεσθ’, εἴθ’ αὔτως λιμένος διὰ χῶρον ἀμείβειν, ### book 5.495.2 ἢ χέρσῳ πελάειν, ὁ δ’ ἐπείθετο πᾶσαν ἐφετμήν. ### book 5.495.3 οὔτε τις ἡνιόχῳ πῶλος τόσον ἐν γενύεσσι ### book 5.495.4 μαλθακὸς εὐγνάμπτοισιν ἐφέσπεται ὧδε χαλινοῖς, ### book 5.495.5 οὔτε τις ἀγρευτῆρι κύων ἐθὰς ὀτρύνοντι ### book 5.1 τόσσον ὑπεικαθέων ἐπιπείθεται, ᾗ κεν ἄγῃσιν, ### book 5.2 οὔτ’ ἔτι κεκλομένοιο τόσον θεράποντες ἄνακτος ### book 5.3 πειθόμενοι ῥέζουσιν ἑκούσιον ἔργον ἑκόντες, ### book 5.4 ὅσσον ὑπ’ ἠϊθέῳ δελφὶς φίλος ὀτρύνοντι ### book 5.5 πείθετ’ ἄνευ ζεύγλης τε βιαζομένων τε χαλινῶν. ### book 5.505.1 οὐ μέν μιν μοῦνον φορέειν θέλεν, ἀλλὰ καὶ ἄλλῳ ### book 5.505.2 πείθετο, τῷ μιν ἄνωγεν ἄναξ ἑός, ἂν δ’ ἐκόμιζε ### book 5.505.3 νώτοις, οὔτινα μόχθον ἀναινόμενος φιλότητι. ### book 5.505.4 τοίη μὲν ζωῷ φιλίη πέλεν· ἀλλ’ ὅτε παῖδα ### book 5.505.5 πότμος ἕλε, πρῶτον μὲν ὀδυρομένῳ ἀτάλαντος ### book 5.510.1 δελφὶς ἠϊόνεσσιν ἐπέδραμεν, ἥλικα κοῦρον ### book 5.510.2 μαστεύων· φαίης κεν ἐτήτυμον ὄσσαν ἀκούειν ### book 5.510.3 μυρομένου· τοῖόν μιν ἀμήχανον ἄμπεχε πένθος· ### book 5.510.4 οὐδ’ ἔτι κικλήσκουσιν ἐπείθετο πολλάκις ἀστοῖς ### book 5 νησαίοις, οὐ βρῶσιν ὀρεγνυμένην ἐθέλεσκε ### book 5.515.1 δέχνυσθαι, μάλα δ’ αἶψα καὶ ἐξ ἁλὸς ἔπλετ’ ἄϊστος ### book 5.515.2 κείνης, οὐδέ τις αὐτὸν ἐπεφράσατ’, οὐδ’ ἔτι χῶρον ### book 5.515.3 ἵκετο· τὸν μέν που παιδὸς πόθος οἰχομένοιο ### book 5.515.4 ἔσβεσε, σὺν δὲ θανόντι θανεῖν ἔσπευσεν ἑταίρῳ. ### book 5.515.5 Ἀλλ’ ἔμπης καὶ τόσσον ἐνηείῃ προφέροντας ### book 5.520.1 καὶ τόσον ἀνθρώποισιν ὁμόφρονα θυμὸν ἔχοντας ### book 5.520.2 Θρήϊκες ὑβρισταὶ καὶ ὅσοι Βύζαντος ἔχουσιν ### book 5.520.3 ἄστυ σιδηρείοισι νοήμασιν ἀγρώσσουσιν· ### book 5.520.4 ἦ μέγ’ ἀταρτηροὶ καὶ ἀτάσθαλοι· οὐδέ κε παίδων, ### book 5.520.5 οὐ πατέρων φείσαιντο, κασιγνήτους τ’ ὀλέκοιεν ### book 5.525.1 ῥηϊδίως· τοῖος δὲ νόμος δυστερπέος ἄγρης. ### book 5.525.2 μητρὶ μὲν αἰνοτόκῳ δίδυμον γένος ἐγγὺς ὀπηδεῖ ### book 5.525.3 δελφίνων, ἀταλοῖσιν ἀλίγκιον ἠϊθέοισι· ### book 5.525.4 Θρήϊκες αὖ ἐπὶ τοῖσιν ἀπηνέες ἐντύνονται, ### book 5.525.5 στειλάμενοι δόρυ κοῦφον ἀτάσθαλον ἐς πόνον ἄγρης. ### book 5.530.1 οἱ μὲν δὴ λεύσσοντες ἐπειγόμενον σκάφος ἄντην ### book 5.530.2 ἀτρεμέες μίμνουσι καὶ ἐς φόβον οὐχ ὁρόωσιν, ### book 5.530.3 οὔ τιν’ ὀϊόμενοι μερόπων δόλον, οὐδέ τιν’ ἄτην ### book 5.530.4 ἵξεσθαι, σαίνουσι δ’ ἐνηέας ἠΰθ’ ἑταίρους ### book 5.530.5 γηθόσυνοι, χρίμπτοντες ἑὸν χαίροντες ὄλεθρον. ### book 5.535.1 οἱ δὲ θοῶς ἐλάσαντες ἀκοντιστῆρι τριαίνῃ ### book 5.535.2 τήν τ’ ἀκίδα κλείουσι, βέλος κρυερώτατον ἄγρης, ### book 5.535.3 δελφίνων ἕνα κοῦρον ἀνωΐστῳ βάλον ἄτῃ· ### book 5.535.4 αὐτὰρ ὅ γ’ ἰδνωθείς, ὀδύνης ὕπο πικρὸν ἀχεύων, ### book 5.535.5 αὐτίχ’ ὑποβρυχίης εἴσω καταδύεται ἅλμης, ### book 5.540.1 ὀχθίζων σφακέλῳ τε καὶ ἀργαλέῃσιν ἀνίαις· ### book 5.540.2 οἱ δέ μιν οὐκ ἐρύουσι βιώμενοι· ἦ γὰρ ἂν ἄγρης ### book 5.1 μαψιδίως ἅλιον καὶ ἐτώσιον ἔργον ἄροιντο· ### book 5.2 ἀλλά οἱ ἱεμένῳ δολιχὴν ἐφιᾶσιν ἄγεσθαι ### book 5.3 μήρινθον καὶ νῆα κατασπέρχουσιν ἐρετμοῖς, ### book 5.545.1 ἑσπόμενοι δελφῖνος ἀτυζομένοιο κελεύθοις. ### book 5.545.2 ἀλλ’ ὅτε λευγαλέῃσι κακηπελέων ὀδύνῃσι ### book 5.545.3 κάμνῃ καὶ γλωχῖσι περισκαίρῃσι σιδήρου, ### book 5.545.4 δή ῥα τότ’ ἀδρανέων ἀναδύεται, ἄλκιμα γυῖα ### book 5.545.5 κεκμηκώς, κούφοισιν ἀειρόμενος ῥοθίοισιν, ### book 5.1 ὕστατα φυσιόων· μήτηρ δέ μιν οὔποτε λείπει, ### book 5.2 ἀλλ’ αἰεὶ μογέοντι συνέσπεται, ἔκ τ’ ἀνιόντι ### book 5.3 βυσσόθεν, ἀχνυμένῃ τε καὶ αἰνότατον στεναχούσῃ ### book 5.4 εἰδομένη· φαίης κεν ὀδυρομένην ὁράασθαι ### book 5.5 μητέρα περθομένης πόλιος περὶ δυσμενέεσσι ### book 5.555.1 παίδων θ’ ἑλκομένων ὑπὸ ληΐδα δουρὸς ἀνάγκῃ· ### book 5.555.2 ὣς ἥ γ’ αἴν’ ἀχέουσα δαϊζομένῳ περὶ παιδί, ### book 5.555.3 ὥστ’ αὐτὴ μογέουσα καὶ οὐτηθεῖσα σιδήρῳ, ### book 5.555.4 δινεύει· τὸν δ’ ἄλλον ἑῆς ἀπὸ παῖδα κελεύθου ### book 5.555.5 στέλλει ἐπεμπίπτουσα καὶ ὀτρύνουσα διώκει· ### book 5.560.1 φεῦγε, τέκος· μέροπες γὰρ ἀνάρσιοι, οὐκέθ’ ἑταῖροι ### book 5.560.2 ἡμῖν, ἀλλὰ σίδηρον ἐφοπλίζουσι καὶ ἄγρην· ### book 5.560.3 ἤδη καὶ δελφῖσιν ἐπεντύνουσιν Ἄρηα, ### book 5.560.4 σπονδάς τ’ ἀθανάτων καὶ ὁμοφροσύνην ἀλιτόντες ### book 5.560.5 ἡμετέρην, τὴν πρόσθεν ἐπ’ ἀλλήλοις ἐθέμεσθα. ### book 5.565.1 τοῖα καὶ ἄφθογγός περ ὅμως τεκέεσσιν ἑοῖσι ### book 5.565.2 μυθεῖται· καὶ τὸν μὲν ἀπέτρεπε τῆλε φέβεσθαι, ### book 5.565.3 τῷ δ’ ἑτέρῳ κρυερῶς μεμογηότι συμμογέουσα ### book 5.565.4 αὐτῆς ἄγχ’ ἀκάτοιο συνέσπεται, οὐδ’ ἀπολείπει· ### book 5.565.5 οὐδέ τις ἱέμενός περ ἀποτρέψειε τεκοῦσαν ### book 5.570.1 οὔτε βαλὼν οὔτ’ ἄλλο φέρων δέος· ἀλλ’ ἅμα παιδὶ ### book 5.570.2 ἑλκομένῳ δύστηνος ἀνέλκεται, ὄφρα πελάσσῃ ### book 5.570.3 δυσμενέων ὑπὸ χεῖρας· ἀνάρσιοι, ἦ μέγ’ ἀλιτροὶ ### book 5.570.4 οἵδ’, οὔτ’ οἰκτείρουσιν ἀτυζομένην ὁρόωντες ### book 5 οὔτε νόον γνάμπτουσι σιδήρεον, ἀλλὰ καὶ αὐτὴν ### book 5.575.1 χαλκείαις ἀκίδεσσι καταΐγδην ἐλάσαντες ### book 5.575.2 παῖδά τε καὶ γενέτειραν ὁμῇ συναπέφθισαν ἄτῃ· ### book 5.575.3 ἔφθισαν οὐκ ἀέκουσαν, ἐπεὶ περὶ παιδὶ θανόντι ### book 5.575.4 μήτηρ καὶ φρονέουσα καὶ ἱεμένη δεδάϊκται. ### book 5.575.5 ὡς δ’ ὁπότ’ ὀρταλίχοισι χελιδόσι νηπιάχοισι ### book 5.580.1 νέρθεν ὑπὲξ ὀρόφοιο τυχὼν ὄφις ἄγχι πελάσσῃ, ### book 5.580.2 καὶ τοὺς μὲν κατέπεφνε καὶ ἔσπασεν ἔνδον ὀδόντων, ### book 5.580.3 μήτηρ δὲ πρῶτον μὲν ἀτυζομένη δεδόνηται ### book 5.580.4 λοίγια τετριγυῖα φόνου γόον· ἀλλ’ ὅτε παῖδας ### book 5.580.5 ἀθρήσῃ φθιμένους, ἣ δ’ οὐκέτι φύξιν ὀλέθρου ### book 5.585.1 δίζεται, ἀλλ’ αὐτῇσιν ὑπαὶ γενύεσσι δράκοντος ### book 5.585.2 εἱλεῖται, μέσφ’ ὄρνιν ἕλῃ παιδοκτόνος ἄτη· ### book 5.585.3 ὣς ἄρα καὶ δελφῖνι νέῳ συναπέφθιτο μήτηρ, ### book 5.585.4 χεῖρας ἐς ἰχθυβόλων αὐτάγρετος ἀντήσασα. ### book 5.585.5 Ἔθνεα δ’ ὀστρακόρινα, τά θ’ ἑρπύζουσι θαλάσσῃ, ### book 5.590.1 πάντα φάτις μήνης μὲν ἀεξομένης κατὰ κύκλον ### book 5.590.2 σαρκὶ περιπλήθειν καὶ πίονα ναιέμεν οἶκον· ### book 5.590.3 φθινούσης δ’ ἐξαῦτις ἀφαυροτέροις μελέεσσι ### book 5.590.4 ῥικνοῦσθαι· τοίη τις ἐνί σφισιν ἐστὶν ἀνάγκη. ### book 5.590.5 τῶν δὲ τὰ μὲν δύνοντες ὑπόβρυχα χερσὶ λέγονται ### book 5.595.1 ἀνέρες ἐκ ψαμάθοιο, τὰ δ’ ἐκ σπιλάδων ἐρύουσι ### book 5.595.2 νωλεμὲς ἐμπεφυῶτα, τὰ δ’ ᾐόσιν ἔπτυσαν αὐταῖς ### book 5.595.3 κύματα καὶ βόθροισι λαχαινομένης ψαμάθοιο. ### book 5.595.4 Πορφύραι αὖ πέρι δή τι μετ’ ὀστρείοισιν ἔασι ### book 5.595.5 λίχναι· τοίη δέ σφιν ἐτήτυμος ἵσταται ἄγρη. ### book 5.1 κυρτίδες ἠβαιαὶ ταλάροις γεγάασιν ὁμοῖαι, ### book 5.2 πυκνῇσι σχοίνοισι τετυγμέναι· ἐν δ’ ἄρα τῇσι ### book 5.3 στρόμβους συγκέλσαντες ὁμοῦ χήμῃσι τίθενται· ### book 5.4 αἱ δ’ ὅταν ἐμπελάσωσι βορῆς μεθύουσαι ἔρωτι, ### book 5.5 γλῶσσαν ὑπὲκ θαλάμης δολιχὴν βάλον· ἡ δὲ τέτυκται ### book 5.605.1 λεπτή τ’ ὀξείη τε, διὰ σχοίνων δ’ ἐτάνυσσαν ### book 5.605.2 φορβῆς ἱέμεναι, χαλεπῆς δ’ ἤντησαν ἐδωδῆς· ### book 5.605.3 γλῶσσα γὰρ ἐν σχοίνοισιν ἐρειδομένη πυκινῇσιν ### book 5.605.4 οἰδάνεται, στείνει δὲ λύγων βρόχος, οὐδ’ ἔτ’ ὀπίσσω ### book 5.605.5 ἀνδύνει μεμαυῖα, μένει δ’ ὀδύνῃσι ταθεῖσα, ### book 5.610.1 εἰσόκεν αὖ ἐρύσωσι περὶ γλώσσῃ μεμαυίας, ### book 5.610.2 πορφυρέοις κάλλιστον ὑφάσμασιν ἄνθος ἄγοντες. ### book 5.610.3 Σπογγοτόμων δ’ οὔ φημι κακώτερον ἄλλον ἄεθλον ### book 5.610.4 ἔμμεναι, οὐδ’ ἄνδρεσσιν ὀϊζυρώτερον ἔργον. ### book 5.610.5 οἱ δ’ ἤτοι πρῶτον μέν, ὅτ’ ἐς πόνον ὁπλίζωνται, ### book 5.615.1 βρώμῃ τ’ ἠδὲ ποτοῖσιν ἀφαυροτέροισι μέλονται, ### book 5.615.2 ὕπνῳ τ’ οὐχ ἁλιεῦσιν ἐοικότι μαλθάσσονται. ### book 5.615.3 ὡς δ’ ὅτ’ ἀνὴρ εὔγηρυν ἐφοπλίζητ’ ἐς ἀγῶνα, ### book 5.615.4 μολπῆς εὐφόρμιγγος ἔχων Φοιβήϊον εὖχος, ### book 5.615.5 πᾶσα δέ οἱ μέλεται κομιδή, πάντῃ δὲ φυλάσσει, ### book 5.620.1 πιαίνων ἐς ἄεθλα λιγυφθόγγου μέλος αὐδῆς, ### book 5.620.2 ὣς οἵ γ’ ἐνδυκέως κομιδὴν εὔφρουρον ἔχουσι, ### book 5.620.3 ὄφρα σφι πνοιή τε μένῃ ποτὶ βυσσὸν ἰοῦσιν ### book 5.1 ἀσκηθής, προτέροιο δ’ ἀναψύξωσι πόνοιο. ### book 5.2 ἀλλ’ ὅτ’ ἀεθλεύωσι μέγαν πόνον ἐξανύοντες, ### book 5.625.1 εὐχόμενοι μακάρεσσιν ἁλὸς μεδέουσι βαθείης ### book 5.625.2 ἀρῶνται κήτειον ἀλεξῆσαί σφισι πῆμα, ### book 5.625.3 μήτε τιν’ ἀντιάσαι λώβην ἁλός· ἢν δ’ ἐσίδωνται ### book 5.625.4 κάλλιχθυν, τότε δή σφι νόον μέγα θάρσος ἱκάνει· ### book 5.625.5 οὐ γάρ πω κείνῃσι νομαῖς ἔνι κῆτος ἄαπτον, ### book 5.630.1 οὐ δάκος, οὐδέ τι πῆμα θαλάσσιον ἄλλο φαάνθη, ### book 5.630.2 ἀλλ’ αἰεὶ καθαροῖσιν ἀπημάντοις τε πόροισι ### book 5.630.3 τέρπονται· τῷ καί μιν ἐφήμισαν ἱερὸν ἰχθύν. ### book 5.630.4 τῷ δ’ ἐπιγηθήσαντες ἐπισπεύδουσι πόνοισι. ### book 5.630.5 πείσματι μηκεδανῷ μεσάτης ὑπὲρ ἰξύος ἀνὴρ ### book 5.635.1 ἔζωσται, παλάμῃσι δ’ ἐν ἀμφοτέρῃσιν ἀείρει ### book 5.635.2 τῇ μὲν ἐριβριθῆ μολίβου χύσιν ἀμφιμεμαρπώς, ### book 5.635.3 δεξιτερῇ δ’ ἅρπην εὐήκεα χειρὶ τιταίνει· ### book 5.635.4 φρουρεῖ δ’ ἐν γενύεσσιν ὑπὸ στόμα λευκὸν ἄλειφαρ· ### book 5.635.5 στὰς δ’ ἄρ’ ὑπὲρ πρώρης ἐσκέψατο πόντιον οἶδμα ### book 5.640.1 ὁρμαίνων βριθύν τε πόνον καὶ ἀθέσφατον ὕδωρ. ### book 5.640.2 οἱ δέ μιν ὀτρύνουσιν ἐπισπέρχουσί τε μύθοις ### book 5.640.3 θαρσαλέοις ἐπὶ μόχθον, ἅτ’ ἐν νύσσῃ βεβαῶτα ### book 5.640.4 ἄνδρα ποδωκείης δεδαημένον· ἀλλ’ ὅτε θυμῷ ### book 5.640.5 θαρσήσῃ, δίναις μὲν ἐνήλατο, τὸν δὲ καθέλκει ### book 5.645.1 ἱέμενον πολιοῦ μολίβου βεβριθότος ὁρμή. ### book 5.645.2 αὐτὰρ ὅ γ’ ἐς βυσσὸν προμολὼν ἐξέπτυς’ ἀλοιφήν· ### book 5.645.3 ἡ δὲ μέγα στίλβει τε καὶ ὕδατι μίσγεται αὐγή, ### book 5.645.4 ὄρφνης ἠΰτε πυρσὸς ἀνὰ κνέφας ὄμμα φαείνων· ### book 5 πέτραις δ’ ἐμπελάσας σπόγγους ἴδεν· οἱ δὲ φύονται ### book 5.1 ἐν νεάτοις πλαταμῶσιν, ἀρηρότες ἐν σπιλάδεσσι· ### book 5.2 καί σφισι καὶ πνοιὴν φάτις ἔμμεναι, οἷα καὶ ἄλλοις, ### book 5.3 ὅσσα πολυρραθάγοισιν ἐνὶ σπιλάδεσσι φύονται. ### book 5.4 αἶψα δ’ ἐπαΐξας δρεπάνῃ τάμε χειρὶ παχείῃ ### book 5.5 ὥστε τις ἀμητὴρ σπόγγων δέμας, οὐδέ τι μέλλει ### book 5.655.1 δηθύνων, σχοῖνον δὲ θοῶς κίνησεν, ἑταίροις ### book 5.655.2 σημαίνων κραιπνῶς μιν ἀνελκέμεν· αἷμα γὰρ ἐχθρὸν ### book 5.655.3 αὐτίκ’ ἀπὸ σπόγγων ῥαθαμίζεται, ἀμφὶ δ’ ἄρ’ ἀνδρὶ ### book 5.655.4 εἱλεῖται, πνοιῇ δὲ δυσαέϊ πολλάκι φῶτα ### book 5.655.5 ἔσβεσε μυκτήρεσσιν ἐνισχόμενος βαρὺς ἰχώρ. ### book 5.660.1 τοὔνεκα λαιψηρῶς ἀναδύεται ὥστε νόημα ### book 5.660.2 ἑλκόμενος· τὸν μέν τις ἰδὼν προφυγόντα θαλάσσης ### book 5.660.3 ἄμφω γηθήσειε καὶ οἰκτείρων ἀκάχοιτο· ### book 5.660.4 ὧδε γὰρ ἠπεδανοῖσι παριεμένου μελέεσσι ### book 5.660.5 δείματι καὶ καμάτῳ θυμαλγέϊ γυῖα λέλυνται. ### book 5.665.1 πολλάκι δ’ ἐχθίστης τε τυχὼν καὶ ἀπηνέος ἄγρης ### book 5.665.2 ἅλμενος ἐς πόντοιο βαθὺν πόρον οὐκέτ’ ἀνέσχε, ### book 5.665.3 δύσμορος, ἀντιάσας δυσδερκέϊ θηρὶ πελώρῳ· ### book 5.665.4 καί ῥ’ ὁ μὲν οἷς ἑτάροισιν ἐπισείων θαμὰ δεσμὸν ### book 5 κέκλεται αὖ ἐρύειν, τὸ δέ οἱ δέμας ἡμιδάϊκτον ### book 5.670.1 κητείη τε βίη καὶ ὁμόστολοι ἔσπασαν ἄνδρες, ### book 5.670.2 οἰκτρὸν ἰδεῖν, ἔτι νηὸς ἐφιέμενον καὶ ἑταίρων· ### book 5.670.3 οἱ δὲ θοῶς κεῖνόν τε πόρον καὶ λυγρὸν ἄεθλον ### book 5.670.4 ἀχνύμενοι λείπουσι καὶ ἐς χέρσον κατάγονται ### book 5.670.5 λείψανα δυστήνοιο περικλαίοντες ἑταίρου. ### book 5.675.1 Τόσς’ ἐδάην, σκηπτοῦχε διοτρεφές, ἔργα θαλάσσης. ### book 5.675.2 σοὶ δ’ αἰεὶ νῆες μὲν ἀπήμονες ἰθύνοιντο, ### book 5.675.3 πεμπόμεναι λιαροῖσι καὶ ἰθυπόροισιν ἀήταις, ### book 5.675.4 αἰεὶ δ’ ἰχθυόεσσα περιπλήθοιτο θάλασσα, ### book 5.675.5 γαίης δ’ ἀστυφέλικτα Ποσειδάων ἐρύοιτο ### book 5.680 Ἀσφάλιος ῥιζοῦχα θεμείλια νέρθε φυλάσσων. ## License and provenance This text is licensed CC0 1.0 Universal. The canonical record is the JSON at https://eulogikon.org/data/works/grc/oppian-of-anazarbus-halieutica-qta-aa.json (sha256:e4f3d24d25c9dd27ff8a768d568cc008c037056b048ad98e61a4c5174bd90d45). Cite as `eul_wid: qta-aa`.