---
title: Phoenician Matters
title_greek: Φοινικικά
author: Lollianus the Erotic Writer
eul_wid: qek-ac
eul_aid: qek
canonical: "https://eulogikon.org/grc/lollianus-the-erotic-writer/phoenician-matters-ac"
canonical_json: "https://eulogikon.org/data/works/grc/lollianus-the-erotic-writer-phoenician-matters-ac-qek-ac.json"
sha256: ad24c559dc2b870a02902b69952763c23cfd3b82fb2045d884c5cd7f8de0d042
period: Roman
dialect: Koine
domain: Fiction
format: Prose
license: CC0-1.0
---

# Phoenician Matters

*Φοινικικά*

**Author:** Lollianus the Erotic Writer

**eul_wid:** `qek-ac` · [HTML page](https://eulogikon.org/grc/lollianus-the-erotic-writer/phoenician-matters-ac) · [Canonical JSON](https://eulogikon.org/data/works/grc/lollianus-the-erotic-writer-phoenician-matters-ac-qek-ac.json)

## Text

### col 2

νι̣ ε̣ἰς τὴν αὐτὴν θαψα̣[ ... ] μικρὸν ἀπὸ τῆς ὁδοῦ ἐκ̣[τρα‐] πείς. κεῖμαι δὴ ὑπὸ τῇ π[λα‐] τανίστῳ ἐκείνῃ καὶ μ̣ε̣τ’ ἐμοῦ κόρη καλή, ἄμφω ἀνῃρημένοι.” ὁ δὲ Γλαυκέτης ἐκπλαγείς, ὥσπερ εἰκός, ἐφθέγξατο μὲν οὐδὲν πρὸς ταῦτ̣α̣, ἐπένευεν δὲ μόνον καὶ [ἅμ]α̣ ἤλαυνεν. ὁ δὲ νεάνι[σκος] ἠφανίσθη ἐπινεύσαν[τος, ὁ] δὲ Γλαυκέτης κατὰ κρά[τ]ος ἤλαυνεν καὶ ἅμα ἐπεστρέφετο, εἴ που αὖθις ἴδοι ἐκεῖνον, ἀλλ’ οὐκέτι ἔβλεπεν. ἀφικνεῖται οὖν νυκτὸς ἔτι ε[ἰ]ς τὴν κώμην καὶ ἦν παρ’ αὐτῇ ποταμός· τοῦτον διαβὰς ὁρᾷ τινα ἱππόστασιν ἀνεῳγμένην καὶ ἐν αὐτῇ στιβάδα εὐτελῆ καὶ φαύλην. καταδήσας οὖν πρὸς τῇ φάτνῃ τὸν ἵππον βαλὼν αὐτὸς ἐπὶ τῆς στιβάδ[ο]ς ἐπεχείρει καθεύδειν· κἀν τούτῳ κάτεισι γυνὴ διὰ κλίμακος ἣ ἦν ἐξ ὑπερῴ[ου ἄ]γουσα κάτω εἰς τὴν ἱπ[πόστασιν ... ] [Break in Text (point at which text breaks off for an unknown length)]

## License and provenance

This text is licensed CC0 1.0 Universal. The canonical record is the JSON at https://eulogikon.org/data/works/grc/lollianus-the-erotic-writer-phoenician-matters-ac-qek-ac.json (sha256:ad24c559dc2b870a02902b69952763c23cfd3b82fb2045d884c5cd7f8de0d042). Cite as `eul_wid: qek-ac`.