--- title: "Anthology, Volume V" title_greek: Ἀνθολογία author: "Greek Anthology " eul_wid: ajg-aa eul_aid: ajg canonical: "https://eulogikon.org/grc/greek-anthology/volume-5" canonical_json: "https://eulogikon.org/data/works/grc/greek-anthology-volume-5-ajg-aa.json" sha256: af2bfcc6082b7ee082a8530c98603429607bc6f910721072924603d3ce4b9fa9 period: Archaic dialect: Mixed Dialects domain: Poetry format: Verse license: CC0-1.0 --- # Anthology, Volume V *Ἀνθολογία* **Author:** Greek Anthology **eul_wid:** `ajg-aa` · [HTML page](https://eulogikon.org/grc/greek-anthology/volume-5) · [Canonical JSON](https://eulogikon.org/data/works/grc/greek-anthology-volume-5-ajg-aa.json) ## Text ### book 1.1.1 Ἃς οἱ πλάνοι καθεῖλον ἐνθάδ’ εἰκόνας, ### book 1.1.2 ἄνακτες ἐστήλωσαν εὐσεβεῖς πάλιν. ### book 2.1.1 Θεῖος Ἰουστῖνος, Σοφίης πόσις, ᾧ πόρε Χριστὸς ### book 2.1.2 πάντα διορθοῦσθαι καὶ κλέος ἐν πολέμοις, ### book 2.1.3 μητρὸς ἀπειρογάμοιο δόμον σκάζοντα νοήσας, ### book 2.1.4 σαθρὸν ἀποσκεδάσας τεῦξέ μιν ἀσφαλέως. ### book 3.1.1 Ὁ πρὶν Ἰουστῖνος περικαλλέα δείματο νηὸν ### book 3.1.2 τοῦτον μητρὶ Θεοῦ κάλλεϊ λαμπόμενον· ### book 3.1.3 ὁπλότερος δὲ μετ’ αὐτὸν Ἰουστῖνος βασιλεύων ### book 3.1.4 κρείσσονα τῆς προτέρης ὤπασεν ἀγλαΐην. ### book 4.1.1 Τοῦτον Ἰωάννῃ, Χριστοῦ μεγάλῳ θεράποντι, ### book 4.1.2 Στούδιος ἀγλαὸν οἶκον ἐδείματο· καρπαλίμως δὲ ### book 4 τῶν κάμεν εὕρετο μισθόν, ἑλὼν ὑπατηίδα ῥάβδον. ### book 5.1.1 Τόνδε Θεῷ κάμες οἶκον, Ἀμάντιε, μεσσόθι πόντου, ### book 5.1.2 τοῖς πολυδινήτοις κύμασι μαρνάμενος. ### book 5.1.3 οὐ νότος, οὐ βορέης ἱερὸν σέο δῶμα τινάξει, ### book 5.1.4 νηῷ θεσπεσίῳ τῷδε φυλασσόμενον. ### book 5.5.1 ζώοις ἤματα πολλά· σὺ γὰρ νεοθηλέα Ῥώμην ### book 5.5.2 πόντῳ ἐπαΐξας θήκαο φαιδροτέρην. ### book 6.1 Σφωράκιος ποίησε φυγὼν φλόγα μάρτυρι νηόν. ### book 7.1.1 Σφωράκιε, ζώοντι φίλα θρεπτήρια τίνων ### book 7.1.2 γήθεεν Ἀντόλιος, σὸς ἀνεψιός· οἰχομένῳ δὲ ### book 7.1.3 αἰεί σοι γεραρὴν τελέει χάριν, ὥστε καὶ ἄλλην ### book 7.1.4 εὗρε καὶ ἐν νηῷ ς’ ἀνεθήκατο, τὸν κάμες αὐτός. ### book 8.1.1 Χριστὸν παμβασιλῆα φίλοις καμάτοισι γεραίρων, ### book 8.1.2 τοῦτον Ἰουστινιανὸς ἀγακλέα δείματο νηὸν ### book 8.1.3 Πέτρῳ καὶ Παύλῳ· θεράπουσι γὰρ εὖχος ὀπάζων ### book 8.1.4 αὐτῷ δή τις ἄνακτι φέρει πολυκυδέα τιμήν. ### book 8.5.1 ἐνθάδε καὶ ψυχῇ καὶ ὄμμασι κέρδος ἑτοῖμον· ### book 8.5.2 εὐχαῖσιν μὲν ἕκαστος, ὅ τι χρέος ἐστίν, ἑλέσθω, ### book 8 τερπέσθω δὲ ὁρῶν κάλλος καὶ δώματος αἴγλην. ### book 9.1.1 Καὶ τόδε σῶν καμάτων παναοίδιμον ἔργον ἐτύχθη, ### book 9.1.2 Γεννάδιε κλυτόμητι· σὺ γὰρ περικαλλέα νηὸν ### book 9.1.3 ἀγγελικῆς στρατιῆς σημάντορος αὖτις ἔδειξας. ### book 10.1.1 Εὐδοκίη μὲν ἄνασσα, Θεὸν σπεύδουσα γεραίρειν, ### book 10.1.2 πρώτη νηὸν ἔτευξε θεοφραδέος Πολυεύκτου· ### book 10.1.3 ἀλλ’ οὐ τοῖον ἔτευξε καὶ οὐ τόσον· οὔ τινι φειδοῖ, ### book 10.1.4 οὐ κτεάτων χατέουσα (τίνος βασίλεια χατίζει;) ### book 10.5.1 ἀλλ’ ὡς θυμὸν ἔχουσα θεοπρόπον, ὅττι γενέθλην ### book 10.5.2 καλλείψει δεδαυῖαν ἀμείνονα κόσμον ὀπάζειν. ### book 10.5.3 ἔνθεν Ἰουλιανή, ζαθέων ἀμάρυγμα τοκήων, ### book 10.5.4 τέτρατον ἐκ κείνων βασιλήιον αἷμα λαχοῦσα, ### book 10.5.5 ἐλπίδας οὐκ ἔψευσεν ἀριστώδινος ἀνάσσης, ### book 10.10.1 ἀλλά μιν ἐκ βαιοῖο μέγαν καὶ τοῖον ἐγείρει, ### book 10.10.2 κῦδος ἀεξήσασα πολυσκήπτρων γενετήρων· ### book 10.10.3 πάντα γάρ, ὅσσα τέλεσσεν, ὑπέρτερα τεῦξε τοκήων, ### book 10.10.4 ὀρθὴν πίστιν ἔχουσα φιλοχρίστοιο μενοινῆς. ### book 10.10.5 τίς γὰρ Ἰουλιανὴν οὐκ ἔκλυεν, ὅττι καὶ αὐτοὺς ### book 10.15.1 εὐκαμάτοις ἔργοισιν ἑοὺς φαίδρυνε τοκῆας, ### book 10.15.2 εὐσεβίης ἀλέγουσα; μόνη δ’ ἱδρῶτι δικαίῳ ### book 10.15.3 ἄξιον οἶκον ἔτευξεν ἀειζώῳ Πολυεύκτῳ. ### book 10.15.4 καὶ γὰρ ἀεὶ δεδάηκεν ἀμεμφέα δῶρα κομίζειν ### book 10.15.5 πᾶσιν ἀεθλητῆρσιν ἐπουρανίου βασιλῆος. ### book 10.20.1 πᾶσα χθὼν βοάᾳ, πᾶσα πτόλις, ὅττι τοκῆας ### book 10.20.2 φαιδροτέρους ποίησεν ἀρειοτέροισιν ἐπ’ ἔργοις. ### book 10.20.3 ποῦ γὰρ Ἰουλιανὴν ἁγίοις οὐκ ἔστιν ἰδέσθαι ### book 10.20.4 νηὸν ἀναστήσασαν ἀγακλέα; ποῦ σέο μούνης ### book 10.20.5 εὐσεβέων οὐκ ἔστιν ἰδεῖν σημήια χειρῶν; ### book 10.25.1 ποῖος δ’ ἔπλετο χῶρος, ὃς οὐ μάθε σεῖο μενοινὴν ### book 10.25.2 εὐσεβίης πλήθουσαν; ὅλης χθονὸς ἐνναετῆρες ### book 10.1 σοὺς καμάτους μέλπουσιν ἀειμνήστους γεγαῶτας. ### book 10.2 ἔργα γὰρ εὐσεβίης οὐ κρύπτεται· οὐ γὰρ ἀέθλους ### book 10.3 λήθη ἀποσβέννυσιν ἀριστοπόνων ἀρετάων. ### book 10.30.1 ὅσσα δὲ σὴ παλάμη θεοπειθέα δώματα τεύχει ### book 10.30.2 οὐδ’ αὐτὴ δεδάηκας· ἀμετρήτους γάρ, ὀίω, ### book 10.30.3 μούνη σὺ ξύμπασαν ἀνὰ χθόνα δείμαο νηούς, ### book 10.30.4 οὐρανίου θεράποντας ἀεὶ τρομέουσα Θεοῖο. ### book 10.30.5 Ἴχνεσι δ’ εὐκαμάτοισιν ἐφεσπομένη γενετήρων ### book 10.35.1 πᾶσιν ἀεὶ ζώουσαν ἑὴν τεκτήνατο φύτλην, ### book 10.35.2 εὐσεβίης ξύμπασαν ἀεὶ πατέουσα πορείην. ### book 10.35.3 τοὔνεκά μιν θεράποντες ἐπουρανίου βασιλῆος, ### book 10.35.4 ὅσσοις δῶρα δίδωσιν, ὅσοις δωμήσατο νηούς, ### book 10.35.5 προφρονέως ἐρύεσθε σὺν υἱέι τοῖό τε κούραις· ### book 10.40.1 μίμνοι δ’ ἄσπετον εὖχος ἀριστοπόνοιο γενέθλης, ### book 10.40.2 εἰσόκεν ἠέλιος πυριλαμπέα δίφρον ἐλαύνει. ### book 10.42.1 Ποῖος Ἰουλιανῆς χορὸς ἄρκιός ἐστιν ἀέθλοις, ### book 10.42.2 ἣ μετὰ Κωνσταντῖνον, ἑῆς κοσμήτορα Ῥώμης, ### book 10.42.3 καὶ μετὰ Θευδοσίου παγχρύσεον ἱερὸν ὄμμα ### book 10.45.1 καὶ μετὰ τοσσατίων προγόνων βασιληίδα ῥίζαν, ### book 10.45.2 ἄξιον ἧς γενεῆς καὶ ὑπέρτερον ἤνυσεν ἔργον ### book 10.45.3 εἰν ὀλίγοις ἐτέεσσι, χρόνον δ’ ἐβιήσατο μούνη, ### book 10.45.4 καὶ σοφίην παρέλασσεν ἀειδομένου Σολομῶνος, ### book 10.45.5 νηὸν ἀναστήσασα θεηδόχον, οὗ μέγας αἰὼν ### book 10.1 οὐ δύναται μέλψαι χαρίτων πολυδαίδαλον αἴγλην; ### book 10.2 οἷος μὲν προβέβηκε βαθυρρίζοισι θεμέθλοις, ### book 10.3 νέρθεν ἀναθρώσκων καὶ αἰθέρος ἄστρα διώκων. ### book 10.4 οἷος δ’ ἀντολίης μηκύνεται ἐς δύσιν ἕρπων, ### book 10.5 ἀρρήτοις Φαέθοντος ὑπαστράπτων ἀμαρυγαῖς ### book 10.55.1 τῇ καὶ τῇ πλευρῇσι· μέσης δ’ ἑκάτερθε πορείης ### book 10.55.2 κίονες ἀρρήκτοις ἐπὶ κίοσιν ἑστηῶτες ### book 10.55.3 χρυσορόφου ἀκτῖνας ἀερτάζουσι καλύπτρης· ### book 10.55.4 κόλποι δ’ ἀμφοτέρωθεν ἐπ’ ἀψίδεσσι χυθέντες ### book 10.55.5 φέγγος ἀειδίνητον ἐμαιώσαντο σελήνης· ### book 10.60.1 τοῖχοι δ’ ἀντιπέρηθεν ἀμετρήτοισι κελεύθοις ### book 10.60.2 θεσπεσίους λειμῶνας ἀνεζώσαντο μετάλλων, ### book 10.1 οὓς φύσις ἀνθήσασα μέσοις ἐνὶ βένθεσι πέτρης ### book 10.2 ἀγλαΐην ἔκλεπτε, Θεοῦ δ’ ἐφύλασσε μελάθροις ### book 10.3 δῶρον Ἰουλιανῆς, ἵνα θέσκελα ἔργα τελέσσῃ, ### book 10.65.1 ἀχράντοις κραδίης ὑπὸ νεύμασι ταῦτα καμοῦσα. ### book 10.65.2 τίς δὲ φέρων θοὸν ἴχνος ἐπὶ ζεφυρηίδας αὔρας ### book 10.65.3 ὑμνοπόλος σοφίης, ἑκατὸν βλεφάροισι πεποιθώς, ### book 10.65.4 τοξεύσει ἑκάτερθε πολύτροπα δήνεα τέχνης, ### book 10.65.5 οἶκον ἰδὼν λάμποντα, περίδρομον, ἄλλον ἐπ’ ἄλλῳ, ### book 10.70.1 ἔνθ’ ἵνα καὶ γραφίδων ἱερῶν ὑπὲρ ἄντυγος αὐλῆς ### book 10.70.2 ἔστιν ἰδεῖν μέγα θαῦμα, πολύφρονα Κωνσταντῖνον, ### book 10.70.3 πῶς προφυγὼν εἴδωλα θεημάχον ἔσβεσε λύσσαν ### book 10.70.4 καὶ Τριάδος φάος εὗρ〈εν〉 ἐν ὕδασι γυῖα καθήρας; ### book 10.70.5 Τοῖον Ἰουλιανή, μετὰ μυρίον ἑσμὸν ἀέθλων, ### book 10.75.1 ἤνυσε τοῦτον ἄεθλον ὑπὲρ ψυχῆς γενετήρων ### book 10.75.2 καὶ σφετέρου βιότοιο καὶ ἐσσομένων καὶ ἐόντων. ### book 11.1.1 Τοῖς σοῖς θεράπουσιν ἡ θεράπαινα προσφέρω ### book 11.1.2 Σοφία τὸ δῶρον. Χριστέ, προσδέχου τὰ σὰ ### book 11.1.3 καὶ τῷ βασιλεῖ μου μισθὸν Ἰουστίνῳ δίδου ### book 11.1.4 νίκας ἐπὶ νίκαις κατὰ νόσων καὶ βαρβάρων. ### book 12.1.1 Εἰμὶ δόμος Τριάδος, τρισσὴ δέ με τεῦξε γενέθλη. ### book 12.1.2 πρώτη μὲν πολέμους καὶ βάρβαρα φῦλα φυγοῦσα ### book 12.1.3 τεύξατο καί μ’ ἀνέθηκε Θεῷ ζωάγρια μόχθων ### book 12.1.4 Θευδοσίου θυγάτηρ Εὐδοξία· ἐκ δέ με κείνης ### book 12.5.1 Πλακιδίη κόσμησε σὺν ὀλβίστῳ παρακοίτῃ· ### book 12.5.2 εἰ δέ που ἀγλαΐης ἐπεδεύετο κάλλος ἐμεῖο, ### book 12.5.3 τήνδε μοι ὀλβιόδωρος ὑπὲρ μνήμης γενετήρων ### book 12.5.4 δῶκεν Ἰουλιανὴ καὶ ὑπέρτατον ὤπασε κῦδος ### book 12.5.5 μητέρι καὶ γενέτῃ καὶ ἀγακλέι μητρὶ τεκούσης, ### book 12.10 κόσμον ἀεξήσασα παλαίτερον εἰς ἐμὸν ἔργον. ### book 13.1.1 Κάλλος ἔχον καὶ πρόσθεν ἐπήρατον, ἀλλ’ ἐπὶ μορφῇ ### book 13.1.2 τῇ πρὶν ἀρειοτέρην νῦν λάχον ἀγλαΐην. ### book 14.1.1 Οὕτω γῆρας ἐμὸν μετὰ μητέρα καὶ μετὰ τηθὴν ### book 14.1.2 ξῦσεν Ἰουλιανή, καὶ νέον ἄνθος ἔχω. ### book 15.1.1 Ἦν ἄρα καὶ κάλλους ἔτι κάλλιον· εὖτ’ ἐμὸν ἔργον, ### book 15.1.2 καὶ πρὶν ἐὸν περίπυστον, ἀοίδιμον ἐς χθόνα πᾶσαν, ### book 15.1.3 ἀγλαΐης προτέρης ἐς ὑπέρτερον ἤγαγε κάλλος ### book 15.1.4 τόσσον Ἰουλιανή, ὅσον ἄστρασιν ἀντιφερίζειν. ### book 16.1.1 Αὐτὴν ἐργοπόνοισιν ἐπιπνείουσαν ἀρωγὴν ### book 16.1.2 εἶχεν Ἰουλιανὴ μάρτυρα νηοπόλον· ### book 16.1.3 οὔποτε γὰρ τοῖόν τε τόσον τ’ εὐδαίδαλον ἔργον ### book 16 ἤνυσεν, οὐρανίης ἔμπλεον ἀγλαΐης. ### book 17.1.1 Οὐκέτι θαυμάζεις προτέρων κλέος· οὐ διὰ τέχνης ### book 17.1.2 εὖχος ἐν ὀψιγόνοις λίπον ἄσπετον, ὁσσάτιόν περ ### book 17.1.3 κῦδος Ἰουλιανῆς πινυτόφρονος, ἣ χάριν ἔργων ### book 17.1.4 ἀρχεγόνων νίκησε νοήματα πάνσοφα φωτῶν. ### book 18.1.1 Τῆς ἀγαθῆς ἀγαθὸς μὲν ἐγὼ κύκλος Ἀγαθονίκης ### book 18.1.2 ..................................... ### book 18.1.3 ἄνθετο δ’ ἀχράντῳ μάρτυρί με Τροφίμῳ. ### book 19.1.1 Ὦ πυρὸς ἀενάοιο σοφὴν ὠδῖνα φυλάσσων, ### book 19.1.2 ἐμβεβαὼς κόσμοιο παλινδίνητον ἀνάγκην, ### book 19.1.3 Χριστέ, θεορρήτοιο βίου φυσίζοε πηγή, ### book 19.1.4 πατρὸς ἀσημάντοιο Θεοῦ πρωτόσπορε φωνή, ### book 19.5.1 ὃς μετὰ μητρῴων τοκετῶν ἐγκύμονα φόρτον ### book 19.5.2 καὶ γόνον αὐτοτέλεστον ἀνυμφεύτων ὑμεναίων ### book 19.5.3 στήσας Ἀσσυρίης γενεῆς ἑτερόφρονα λύσσαν, ### book 19.5.4 ὄργια δ’ εἰδώλων κενεῶν ψευδώνυμα λύσας, ### book 19.5.5 αἰθέρος ἀμφιβέβηκας ἐφ’ ἑπτάζωνον ὀχῆα, ### book 19.10.1 ἀγγελικαῖς πτερύγεσσιν ἐν ἀρρήτοισι θαάσσων, ### book 19.10.2 ἵλαθι, παγγενέταο Θεοῦ πρεσβήιον ὄμμα, ### book 19 φρουρὲ βίου, σῶτερ μερόπων, αἰῶνος ἀνάσσων. ### book 20.1.1 Ἀρτιφανές, πολοοῦχε, παλαιγενές, υἱὲ νεογνέ, ### book 20.1.2 αἰὲν ἐὼν προεών τε, ὑπέρτατε, ὕστατε, Χριστέ, ### book 20.1.3 ἀθανάτοιο πατρός τε ὁμόχρονε, πάμπαν ὁμοῖε. ### book 21.1 Παῖ, γέρον, αἰώνων προγενέστερε, πατρὸς ὁμῆλιξ. ### book 22.1.1 Πατρὸς ἐπουρανίου λόγε πάνσοφε, κοίρανε κόσμου, ### book 22.1.2 ὁ βροτέην γενεὴν τιμήσας εἰκόνι σεῖο, ### book 22.1.3 σὴν χάριν ἄμμιν ὄπαζε καὶ ὀλβιόδωρον ἀρωγήν· ### book 22.1.4 εἰς σὲ γὰρ εἰσορόωσιν ἐν ἐλπίσιν ὄμματα πάντων. ### book 23.1.1 Ἀθανάτου πατρὸς υἱὲ συνάχρονε, κοίρανε πάντων, ### book 23.1.2 αἰθερίων μεδέων, εἰναλίων, χθονίων, ### book 23.1.3 δμωὶ τεῷ, τῷ τήνδε βίβλον γράψαντι Μαρίνῳ, ### book 23.1.4 δὸς χάριν εὐεπίης καὶ λογικῆς σοφίης. ### book 24.1.1 Σύνθρονε καὶ συνάναρχε τεῷ πατρὶ πνεύματί τ’ ἐσθλῷ, ### book 24.1.2 οἰχομένων ὄντων τε καὶ ἐσσομένων βασιλεύων, ### book 24.1.3 τῷ ταῦτα γράψαντι τεὴν χάριν αὐτὸς ὀπάζοις, ### book 24 ὄφρα κε σῇς ἐφετμῇσι καλῶς βίου οἶμον ὁδεύοι. ### book 25.1.1 Χριστέ, Θεοῦ σοφίη, κόσμου μεδέων καὶ ἀνάσσων, ### book 25.1.2 ἡμετέρην τὸ πάροιθε πλάσας μεροπηίδα φύτλην, ### book 25.1.3 δός με θέειν βίου οἶμον ἐν ὑμετέραις ἐφετμῇσι. ### book 26.1.1 Ὑψιμέδων Θεοῦ υἱέ, φαεσφόρον ἀίδιον φῶς, ### book 26.1.2 σήν μοι ὄπαζε χάριν καὶ νῦν καὶ ἔπειτα καὶ αἰεί, ### book 26.1.3 ὡς προθέλυμνον ἐοῦσαν ὅτῳ καὶ ὅπῃ κατανεύσεις. ### book 27.1.1 Πανσθενὲς υἱὲ Θεοῦ, Χριστέ, προάναρχε ἁπάντων, ### book 27.1.2 πᾶσιν ἐπιχθονίοις σωτήρια νάματα βλύζων, ### book 27.1.3 μητρὸς ἀπειρογάμοιο τεῆς λιτέων ἐπακούων, ### book 27.1.4 σὴν χάριν ἄμμιν ὄπαζε καὶ ἐν μύθοις καὶ ἐν ἔργοις. ### book 28.1.1 Χριστέ, Θεοῦ σοφίη, ὄπασον χάριν εὐεπιάων ### book 28.1.2 καὶ λογικῆς σοφίης ἐμπέραμον τέλεσον, ### book 28.1.3 ὃς τόδε τεῦχος ἔγραψεν ἑαῖς χείρεσσι Μαρῖνος, ### book 28 φάρμακον ἀφραδίης, πρόξενον εὐφραδίης. ### book 29.1 Χριστέ, τεὴν προΐαλλε χάριν καμάτοισιν ἐμεῖο. ### book 29.2 Ὁ Χριστὸς καὶ ἐμοῖς ἐπιτάρροθος ἔσσεται ἔργοις. ### book 29.3 Χριστὸς ἐμοῖς καμάτοισιν ἀρηγόνα χεῖρα τιταίνοι. ### book 29.4 Χριστέ, σύ μοι προΐαλλε τεὴν πολύολβον ἀρωγήν. ### book 29.5 Χριστέ, τεὴν καμάτοισιν ἐμοῖς χάριν αὐτὸς ὀπάζοις. ### book 30.1.1 Χριστὲ μάκαρ, μερόπων φάος ἄφθιτον, ἐλπὶς ἁπάντων, ### book 30.1.2 ἐσθλὰ δίδου χατέουσι, τὰ δ’ οὐ καλὰ νόσφιν ἐρύκοις. ### book 31.1.1 Παμμεδέοντα, ἄνασσα, Θεοῖο γόνον, τεὸν υἱόν, ### book 31.1.2 ἄγγελοι ὃν τρομέουσι, τεῇς παλάμῃσι κρατοῦσα, ### book 31.1.3 πρευμενέα πραπίδεσσιν ὑπὲρ μερόπων τελέθουσα, ### book 31.1.4 ῥύεο συντηροῦσα ἀπήμονα κόσμον ἅπαντα. ### book 32.1.1 Ὧδε ταλαιπαθέων χραισμήια θέσκελα κεῖται, ### book 32.1.2 ἢ δέμας ἢ κραδίην τειρομένων μερόπων· ### book 32.1.3 καὶ γὰρ ἀνιάζουσα πόνων φύσις αὐτίκα φεύγει ### book 32 οὔνομα σόν, Μιχαήλ, ἢ τύπον ἢ θαλάμους. ### book 33.1.1 Ὡς θρασὺ μορφῶσαι τὸν ἀσώματον. ἀλλὰ καὶ εἰκὼν ### book 33.1.2 ἐς νοερὴν ἀνάγει μνῆστιν ἐπουρανίων. ### book 34.1.1 Ἄσκοπον ἀγγελίαρχον, ἀσώματον εἴδεϊ μορφῆς, ### book 34.1.2 ἆ μέγα τολμήεις, κηρὸς ἀπεπλάσατο. ### book 34.1.3 ἔμπης οὐκ ἀχάριστον, ἐπεὶ βροτὸς εἰκόνα λεύσσων ### book 34.1.4 θυμὸν ἀπιθύνει κρέσσονι φαντασίῃ· ### book 34.5.1 οὐκέτι δ’ ἀλλοπρόσαλλον ἔχει σέβας, ἀλλ’ ἐν ἑαυτῷ ### book 34.5.2 τὸν τύπον ἐγγράψας ὡς παρεόντα τρέμει· ### book 34.5.3 ὄμματα δ’ ὀτρύνουσι βαθὺν νόον· οἶδε δὲ τέχνη ### book 34.5.4 χρώμασι πορθμεῦσαι τὴν φρενὸς εἰκασίην. ### book 35.1.1 Καρικὸς Αἰμιλιανὸς Ἰωάννης τε σὺν αὐτῷ, ### book 35.1.2 Ῥουφῖνος Φαρίης, Ἀγαθίης Ἀσίης, ### book 35.1.3 τέτρατον, ἀγγελίαρχε, νόμων λυκάβαντα λαχόντες, ### book 35.1.4 ἄνθεσαν εἰς σέ, μάκαρ, τὴν σφετέρην γραφίδα, ### book 35.5 αἰτοῦντες τὸν ἔπειτα καλὸν χρόνον. ἀλλὰ φανείης ### book 35 ἐλπίδας ἰθύνων ἐσσομένου βιότου. ### book 36.1.1 Ἵλαθι μορφωθείς, ἀρχάγγελε· σὴ γὰρ ὀπωπὴ ### book 36.1.2 ἄσκοπος, ἀλλὰ βροτῶν δῶρα πέλουσι τάδε. ### book 36.1.3 ἐκ σέο γὰρ Θεόδωρος ἔχει ζωστῆρα μαγίστρου ### book 36.1.4 καὶ δὶς ἀεθλεύει πρὸς θρόνον ἀνθυπάτων, ### book 36.5.1 τῆς δ’ εὐγνωμοσύνης μάρτυς γραφίς· ὑμετέρην γὰρ ### book 36.5.2 χρώμασι μιμηλὴν ἀντετύπωσε χάριν. ### book 37.1.1 Σάλπιγγες, στεροπαί, γαῖα τρέμει· ἀλλ’ ἐπὶ μήτρην ### book 37.1.2 παρθενικὴν κατέβης ἄψοφον ἴχνος ἔχων. ### book 38.1.1 Οὐρανὸς ἡ φάτνη, καὶ οὐρανοῦ ἔπλετο μείζων· ### book 38.1.2 οὐρανὸς ἐργασίη τοῦδε πέλει βρέφεος. ### book 39.1.1 Εἷς χορός, ἓν μέλος ἀνθρώποισι καὶ ἀγγελιώταις, ### book 39.1.2 οὕνεκεν ἄνθρωπος καὶ θεὸς ἓν γέγονεν. ### book 40.1 Οὐρανὸς ἡ φάτνη, καὶ οὐρανοῦ ἔπλετο μείζων, ### book 40 οὕνεκεν ὅνπερ ἔδεκτο ἄναξ πέλεν οὐρανιώνων. ### book 41.1.1 Οὐκέτι δῶρ’ ἀνάγουσι μάγοι πυρὶ ἠελίῳ τε· ### book 41.1.2 ἠέλιον γὰρ ἔτευξε τόδε βρέφος, ὡς πυρὸς αὐγάς. ### book 42.1.1 Δέχνυσο, Βηθλεέμ, ὃν προέειπε προφήτης ἐσθλὸς ### book 42.1.2 ἵξεσθαι λαῶν ἡγούμενον ἐκ σοῦ ἁπάντων. ### book 43.1.1 Τίπτε, Ῥαχήλ, γοόωσα πικρὸν κατὰ δάκρυον εἴβεις; — ### book 43.1.2 „Ὀλλυμένην ὁρόωσα γονὴν κατὰ δάκρυον εἴβω.“ ### book 44.1.1 Χαῖρε, κόρη χαρίεσσα, μακαρτάτη, ἄφθορε νύμφη· ### book 44.1.2 υἷα Θεοῦ λαγόνεσσιν ἄτερ πατρὸς ἔμβρυον ἕξεις. ### book 45.1.1 Ἔνδοθι γαστρὸς ἐὼν σκιρτήμασιν εἶπε προφήτης ### book 45.1.2 σὸν γόνον ὡς θεός ἐστι, καὶ ᾔνεσε πότνια μήτηρ. ### book 46.1 Πρεσβύτα, παῖδα δέχοιο, Ἀδὰμ προγενέστερον ὄντα, ### book 46 ὅς σε βίου λύσει τε καὶ ἐς βίον ἄφθιτον ἄξει. ### book 47.1.1 Πατρὸς ἀπ’ ἀθανάτοιο μέγα σθένος ἤλυθε πνεῦμα, ### book 47.1.2 υἱὸς ἐπεὶ βαπτίζετ’ Ἰορδάνου ἀμφὶ ῥέεθρα. ### book 48.1 Ἀδὰμ ἦν ζο... ### book 49.1.1 Χριστὸς ἔφη· „Πρόμολ’ ὧδε“, καὶ ἔλλιπε Λάζαρος ᾅδην, ### book 49.1.2 αὐαλέῳ μυκτῆρι παλίνσοον ἆσθμα κομίζων. ### book 50.1.1 Ψυχὴν αὐτὸς ἔτευξε, δέμας μόρφωσεν ὁ αὐτός· ### book 50.1.2 Λάζαρον ἐκ νεκύων ἐς φάος αὐτὸς ἄγει. ### book 51.1 Τέτρατον ἦμαρ ἔην, καὶ Λάζαρος ἔγρετο τύμβου. ### book 52.1.1 Χαῖρε, Σιὼν θύγατερ, καὶ δέρκεο Χριστὸν ἄνακτα ### book 52.1.2 πώλῳ ἐφεζόμενον καὶ ἐς πάθος αἶψα κιόντα. ### book 53.1.1 Ἀμνὸν ἔπαυσε νόμου καὶ ἄμβροτον ὤπασε θῦμα ### book 53.1.2 Χριστός, ἐὼν ἱερεύς, αὐτὸς ἐὼν θυσίη. ### book 54.1.1 Ὦ πάθος, ὦ σταυρός, παθέων ἐλατήριον αἷμα, ### book 54.1.2 πλῦνον ἐμῆς ψυχῆς πᾶσαν ἀτασθαλίην. ### book 55.1.1 Παρθένου υἱὸν ἔφη τὸν παρθένον, ἄλλον ἑαυτόν. ### book 55.1.2 ἵλαθι, τῆς καθαρῆς δέσποτα παρθενίης. ### book 56.1.1 Χριστὸς ἐὼν Θεὸς εἷλε νέκυς ἐξ ᾅδου πάντας· ### book 56.1.2 μοῦνον δὲ βροτολοιγὸν ἀκήριον ἔλλιπεν Ἅιδην. ### book 57.1 Ψυχῆς ἐν φλιῇσιν ἐμῆς σωτήριον αἷμα ### book 57 ἀμνοῦ· ὀλοθρεύων, φεῦγε, μὴ ἐγγὺς ἴθι. ### book 58.1.1 Εἷς πόκος ὄμβρον ἔχει, λεκάνῃ δρόσον ὤπασεν αὐτός· ### book 58.1.2 ἄβροχος αὐτὸς ὅδε· κρύπτε νόῳ κρύφια. ### book 59.1.1 Αἰγυπτίη κρύφιόν τε βρέφος καὶ ἐγγύθεν ὕδωρ· ### book 59.1.2 ἃ προτυποῖ μούνοις εὐσεβέεσσι λόγον. ### book 60.1.1 Σταυροφανῶς τανύεις παλάμας τίνος εἵνεκα, Μωσῆ; — ### book 60.1.2 „Τῷδε τύπῳ Ἀμαλὴκ ὄλλυται ἀμφότερος.“ ### book 61.1.1 Ῥύεο σὴν ἐθνικὴν νύμφην παρὰ ὕδασι, Μωσῆ, ### book 61.1.2 νυμφίου ἀψευδοῦς οὕνεκέν ἐσσι τύπος. ### book 62.1.1 Λάρνακι χρυσείῃ ῥόος εἴκαθεν· ἵλαθι, Χριστέ, ### book 62.1.2 σὸς τύπος ἡ λάρναξ τῇδε λοεσσομένου. ### book 63 Ἐξ ἐθνῶν καὶ Ἄγαρ. τί δὲ ἄγγελος; ἢ τί τὸ ὕδωρ; ### book 63 ἐξ ἐθνῶν καὶ ἐγώ· τοὔνεκεν οἶδα τάδε. ### book 64.1.1 Ἑπτάκι τοὺς δέκα φοίνικας, δυοκαίδεκα πηγὰς ### book 64.1.2 Χριστοῦ τοσσατίων ἴσθι τύπους ἑτάρων. ### book 65.1.1 Ἀβραὰμ υἱὸν ἄγει θυσίην Θεῷ· ἵλαθι, ποίην ### book 65.1.2 νοῦς ὁράᾳ θυσίην, ἧς τόδε γράμμα τύπος. ### book 66.1.1 Μελχισεδὲκ βασιλεῦ, ἱερεῦ, ἄρτους τε καὶ οἶνον ### book 66.1.2 ὡς τίς ἐὼν παρέχεις; —„Ὡς τύπος ἀτρεκίης.“ ### book 67.1.1 Μορφὴν ἐνθάδε μοῦνον ἔχει Θεός· ὕστερον αὖτε ### book 67.1.2 ἐς φύσιν ἀτρεκέως ἤλυθεν ἀνδρομέην. ### book 68.1.1 Πνοιὴν μὲν διὰ πνεῦμα, δέρας δὲ λάχον διὰ γράμμα· ### book 68.1.2 εὐφραίνει πατέρα νοῦς Θεὸν εἰσορόων. ### book 69.1 Νυμφίε μουνογενές, νύμφη ἐθνική σε φιλοῦσα ### book 69 κάτθορεν ἐξ ὕψους, σώματος οὐ καθαροῦ. ### book 70.1.1 Τηλόθεν οὐχ ὑδάτων μνηστεύετο πότνα Ῥεβέκκα, ### book 70.1.2 νύμφης ἐξ ἐθνῶν οὕνεκέν ἐστι τύπος. ### book 71.1.1 Εὐχὴ Ἐλισσαίου, Σωμανίτι, δὶς πόρεν υἱόν, ### book 71.1.2 πρῶτα μὲν ἐκ γαστρός, δεύτερα δ’ ἐκ νεκύων. ### book 72.1.1 Τοῦτο δέρας προλέγει ἀμνὸν Θεοῦ εἵνεκα πάντων ### book 72.1.2 ἀνθρώπων ζωῆς τῇδε λοεσσόμενον. ### book 73.1.1 Ἐν νῷ ἔχων πέφρικα, πατὴρ τίνος ἔκλυε Δαβὶδ ### book 73.1.2 οὗτος, ὃν εἰσοράᾳς ἐνθάδε χριόμενον. ### book 74.1.1 Οὔνομα τῇ πηγῇ Ἐσταλμένος· ἀλλὰ τίς ἐκ τοῦ ### book 74.1.2 ἔσταλται, νοέεις, ὄφρα τέλεια βλέποις; ### book 75.1 Οὐ τύπος, ἀλλὰ Θεὸς καὶ νυμφίος ἐνθάδε νύμφην ### book 75 σῴζει, τὴν ἐθνικήν, ὕδατος ἐγγὺς ἰδών. ### book 76.1.1 Τεῦξε μὲν ἀτρεκέως οἶνον Θεός· ὅσσα δὲ κρυπτὰ ### book 76.1.2 θαύματος, εἰ Χριστοῦ πνεῦμά ς’ ἔχει, νοέεις. ### book 77.1.1 Βλύζει ἐλαιηρὴ κάλπις καὶ κίστη ἀλεύρου, ### book 77.1.2 ἔμπεδον ἡ χήρη οὕνεκα πίστιν ἔχει. ### book 78.1.1 Πάντων ἀρχιερεὺς Πέτρος Θεοῦ ἀρχιερήων, ### book 78.1.2 ὃς Θεοῦ ἐκ φωνῆς ἔλλαχε τοῦτο γέρας. ### book 79.1.1 Παῦλος ἐπεὶ θεῖον σέλας οὐρανοῦ ἔδρακεν ἄντην, ### book 79.1.2 φωτὸς ἀπειρεσίου γαῖαν ἔπλησεν ὅλην. ### book 80.1.1 Ἀρχιερεὺς Ἐφέσοιο θεηγόρος ἐκ Θεοῦ εἶπεν ### book 80.1.2 πρῶτος Ἰωάννης, ὡς Θεὸς ἦν ὁ λόγος. ### book 81.1 Καὶ λαλέοντος ἄκουσε λόγου καὶ πέφραδεν αὐτὸς ### book 81 πρῶτος Ἰωάννης, ὡς Θεὸς ἦν ὁ λόγος. ### book 82.1.1 Οὐρανίης σοφίης θεοτερπὲς δῶμα κιχήσας ### book 82.1.2 εἶπεν Ἰωάννης, ὡς Θεὸς ἦν ὁ λόγος. ### book 83.1.1 Γράψε Θεοῦ σαρκώσιος ἔξοχα θαύματα πάντα ### book 83.1.2 Ματθαῖος σελίδεσσιν, ἐπεὶ λίπε δῶμα τελώνου. ### book 84.1.1 Ἀθανάτου βιότοιο τελεσφόρα ἔργματα Χριστοῦ ### book 84.1.2 πυκτίου ἐν λαγόνεσσι σαφῶς ἐνέπασσέ γε Λουκᾶς. ### book 85.1.1 Οὐ κατ’ ἐπωνυμίην Αἰγύπτιον ἔλλαχε λαὸν ### book 85.1.2 ὄρφνη, ἐπεὶ φωνῆς Μάρκου ἔδεκτο φάος. ### book 86.1.1 Παρθενίην Βασίλειος Ἰωάννου σοφίην τε ### book 86.1.2 ἔλλαχεν, ἶσα λαχὼν καὶ τάδε Γρηγορίῳ. ### book 87.1 Οἰκτίρμων Πολύκαρπος, ὃ καὶ θρόνον ἀρχιερῆος ### book 87 ἔσχε καὶ ἀτρεκέως μαρτυρίης στεφάνους. ### book 88.1.1 Οὐρανίων θιάσων ἱεραρχικὰ τάγματα μέλψας, ### book 88.1.2 μορφοφανῶν τε τύπων κρύφιον νόον εἰς φάος ἕλκων, ### book 88.1.3 ζωοσόφων λογίων θεοτερπέα πυρσὸν ἀνάπτεις. ### book 89.1.1 Νικόλεων Πολύκαρπος ἔχει σχεδόν, οὕνεκεν ἄμφω ### book 89.1.2 εἰς ἔλεον παλάμας ἔσχον ἑτοιμοτάτας. ### book 90.1.1 Κύρῳ, ἀκεστορίης πανυπέρτατα μέτρα λαχόντι, ### book 90.1.2 καὐτῷ Ἰωάννῃ, μάρτυσι θεσπεσίοις, ### book 90.1.3 Σωφρόνιος, βλεφάρων ψυχαλγέα νοῦσον ἀλύξας, ### book 90.1.4 βαιὸν ἀμειβόμενος τήνδ’ ἀνέθηκε βίβλον. ### book 91.1.1 Ἰουστινιανὸν καὶ ἠγαθέην Θεοδώρην ### book 91.1.2 στέψεν Ἰωάννης Χριστοῦ ἐφημοσύναις. ### book 92.1.1 Ἦν ὅτε Χριστὸς ἴαυεν ἐφ’ ὁλκάδος ἔμφυτον ὕπνον, ### book 92.1.2 τετρήχει δὲ θάλασσα κυδοιμοτόκοισιν ἀήταις, ### book 92.1.3 δείματί τε πλωτῆρες ἀνίαχον· „Ἔγρεο, σῶτερ· ### book 92 ὀλλυμένοις ἐπάμυνον.“ ἄναξ δὲ κέλευεν ἀναστὰς ### book 92.5.1 ἀτρεμέειν ἀνέμους καὶ κύματα, καὶ πέλεν οὕτως· ### book 92.5.2 θαύματι δὲ φράζοντο Θεοῦ φύσιν οἱ παρεόντες. ### book 93.1.1 Ζωογόνων ἀρετῶν τετρακτύος εἰκόνα λεύσσων ### book 93.1.2 σεῦε νόον πρὸς μόχθον ἑκούσιον· εὐσεβίης γὰρ ### book 93.1.3 ἱδρῶτες δεδάασιν ἀγήραον ἐς βίον ἕλκειν. ### book 94.1.1 Νεύμασι θεσπεσίοιο μετάρσιοι ἤλυθον ἄρδην ### book 94.1.2 ἐς δόμον ἀχράντοιο ἀμωμήτοιο γυναικὸς ### book 94.1.3 κεκλόμενοι μαθηταὶ ἀλλήλοισιν αἰγλήεντες, ### book 94.1.4 οἱ μὲν ἀπ’ ἀντολίης, οἱ δ’ ἑσπερίοιο γαίης, ### book 94.5.1 ἄλλοι μεσημβρίης, ἕτεροι βαῖνον δ’ ἀπ’ ἀρκτῴων, ### book 94.5.2 διζήμενοι κηδεῦσαι σῶμα τὸ σωσικόσμοιο. ### book 95.1 Σοί, μάκαρ, ἐκ σέο δῶκα, τάπερ πόρες ἄμμιν ἄρηι. ### book 96.1 Τοῦτο γέρας λάχεν ἐσθλὸς Ἀμάντιος, ὡς βασιλῆι ### book 96 πιστὸς ἐών, Χριστὸν δὲ θεουδείῃσιν ἰαίνων. ### book 97.1.1 Νηὸς ἐγὼ κύδιστος Ἰουστίνοιο ἄνακτος, ### book 97.1.2 καί μ’ ὕπατος Θεόδωρος, ὁ καρτερός, ὁ τρὶς ὕπαρχος, ### book 97.1.3 ἄνθετο καὶ βασιλῆι καὶ υἱέι παμβασιλῆος, ### book 97.1.4 Ἰουστινιανῷ, στρατιῆς ἡγήτορι πάσης. ### book 98.1.1 Ἔργον ὁρᾷς περίπυστον Ἰουστίνου βασιλῆος ### book 98.1.2 Ἰουστινιανοῦ τε, μεγασθενέος στρατιάρχου, ### book 98.1.3 λαμπόμενον στεροπῇσιν ἀμετρήτοιο μετάλλου· ### book 98.1.4 τοῦτο κάμεν Θεόδωρος ἀοίδιμος, ὃς πόλιν ἱρὴν ### book 98.5 τὸ τρίτον ἀμφιβέβηκεν ἔχων ὑπατηίδα τιμήν. ### book 99.1.1 Μεσσηγὺς γαίης τε καὶ οὐρανοῦ ἵσταται ἀνήρ, ### book 99.1.2 πάντοθεν ὀρνυμένους οὐ τρομέων ἀνέμους. ### book 99.1.3 τοὔνομα μὲν Δανιήλ, μεγάλῳ Συμεῶνι δ’ ἐρίζει, ### book 99.1.4 ἴχνια ῥιζώσας κίονι διχθαδίῳ· ### book 99.5.1 λιμῷ δ’ ἀμβροσίᾳ τρέφεται καὶ ἀναίμονι δίψῃ, ### book 99.5.2 υἱέα κηρύσσων μητρὸς ἀπειρογάμου. ### book 100.1 Νείλου μὲν ποταμοῖο ῥόος χθόνα οἶδε ποτίζειν, ### book 100 Νείλου δ’ αὖ μοναχοῖο λόγος φρένας οἶδεν ἰαίνειν. ### book 101.1.1 Ἦν πάρος ἐν Πέρσῃσιν ἐγὼ μάγος Ἰσβοζήτης, ### book 101.1.2 εἰς ὀλοὴν ἀπάτην ἐλπίδας ἐκκρεμάσας. ### book 101.1.3 εὖτε δὲ πυρσὸς ἔδαπτεν ἐμὴν πόλιν, ἦλθον ἀρῆξαι· ### book 101.1.4 ἦλθε δὲ καὶ Χριστοῦ πανσθενέος θεράπων· ### book 101.5.1 κείνῳ δ’ ἐσβέσθη δύναμις πυρός, ἀλλὰ καὶ ἔμπης ### book 101.5.2 νικηθεὶς νίκην ἤνυσα θειοτέρην. ### book 102.1.1 Ὦ πάντων ἐπέκεινα (τί γὰρ πλέον ἄλλο σε μέλψω;) ### book 102.1.2 πῶς σὲ τὸν ἐν πάντεσσιν ὑπείροχον ἐξονομήνω; ### book 102.1.3 πῶς δὲ λόγῳ μέλψω σὲ τὸν οὐδὲ νόῳ περιληπτόν; ### book 103.1.1 Μῶμε μιαιφόνε, σός σε κατέκτανε πικρὸς ὀιστός· ### book 103.1.2 ῥύσατο γὰρ μανίης με τεῆς Θεὸς ὄλβιον οἶκον. ### book 104.1 Μάρτυρος Ἀκακίοιο Ἀλεξάνδρου θ’ ἱερῆος ### book 104 ἐνθάδε σώματα κεῖται, τάπερ χρόνος ὄλβιος ηὗρε. ### book 105.1.1 Ἡ μὲν σοφὴ δέσποινα τῆς οἰκουμένης, ### book 105.1.2 ὑπ’ εὐσεβοῦς ἔρωτος ἠρεθισμένη, ### book 105.1.3 πάρεστι δούλη, προσκυνεῖ δ’ ἑνὸς τάφον ### book 105.1.4 ἡ πᾶσιν ἀνθρώποισι προσκυνουμένη. ### book 105.5.1 ὁ γὰρ δεδωκὼς τὸν θρόνον καὶ τὸν γάμον ### book 105.5.2 τέθνηκεν ὡς ἄνθρωπος, ἀλλὰ ζῇ θεός. ### book 105.5.3 κάτω μὲν ἠνθρώπιζεν· ἦν δ’, ὡς ἦν ἄνω. ### book 106.1.1 Ἔλαμψεν ἀκτὶς τῆς ἀληθείας πάλιν ### book 106.1.2 καὶ τὰς κόρας ἤμβλυνε τῶν ψευδηγόρων· ### book 106.1.3 ηὔξησεν εὐσέβεια, πέπτωκε πλάνη, ### book 106.1.4 καὶ πίστις ἀνθεῖ, καὶ πλατύνεται χάρις. ### book 106.5.1 ἰδοὺ γὰρ αὖθις Χριστὸς εἰκονισμένος ### book 106.5.2 λάμπει πρὸς ὕψος τῆς καθέδρας τοῦ κράτους ### book 106.5.3 καὶ τὰς σκοτεινὰς αἱρέσεις ἀνατρέπει. ### book 106.5.4 τῆς εἰσόδου δ’ ὕπερθεν ὡς θεία πύλη ### book 106.5.5 στηλογραφεῖται καὶ φύλαξ ἡ παρθένος. ### book 106.10.1 ἄναξ δὲ καὶ πρόεδρος ὡς πλανοτρόποι ### book 106.10.2 σὺν τοῖς συνεργοῖς ἱστοροῦνται πλησίον. ### book 106.10.3 κύκλῳ δὲ παντὸς οἷα φρουροὶ τοῦ δόμου ### book 106.10.4 νόες, μαθηταί, μάρτυρες, θυηπόλοι. ### book 106.10.5 ὅθεν καλοῦμεν χριστοτρίκλινον νέον ### book 106.15.1 τὸν πρὶν λαχόντα κλήσεως χρυσωνύμου, ### book 106.15.2 ὡς τὸν θρόνον ἔχοντα Χριστοῦ κυρίου ### book 106.15.3 Χριστοῦ τε μητρός, χριστοκηρύκων τύπους ### book 106 καὶ τοῦ σοφουργοῦ Μιχαὴλ τὴν εἰκόνα. ### book 107.1.1 Ὡς τὴν φαεινὴν ἀξίαν τῆς εἰκόνος ### book 107.1.2 τῆς πρὶν φυλάττων, Μιχαὴλ αὐτοκράτωρ, ### book 107.1.3 κρατῶν τε πάντων σαρκικῶν μολυσμάτων, ### book 107.1.4 ἐξεικονίζεις καὶ γραφῇ τὸν δεσπότην, ### book 107.5 ἔργῳ κρατύνων τοὺς λόγους τῶν δογμάτων. ### book 108.1.1 Οὐ σοφίης ἀπάνευθεν Ἀδὰμ τὸ πρὶν ἐκαλεῖτο, ### book 108.1.2 τέσσαρα γράμματ’ ἔχων εἰς τέσσαρα κλίματα κόσμου· ### book 108.1.3 ἄλφα γὰρ ἀντολίης ἔλαχεν, δύσεως δὲ τὸ δέλτα, ### book 108.1.4 ἄλφα πάλιν δ’ ἄρκτοιο, μεσημβρίης δὲ τὸ λοιπόν. ### book 109.1.1 Πτωθέντα κοσμεῖ τὸν ναὸν τῆς παρθένου ### book 109.1.2 Βασίλειός τε σὺν Κωνσταντίνῳ, Λέων. ### book 110.1.1 Ἐκ γῆς ἀνελθὼν πατρικόν σου πρὸς θρόνον, ### book 110.1.2 τὸν μητρικόν σου, σῶτερ, οἶκον δεικνύεις ### book 110 πηγὴν νοητὴν κρειττόνων χαρισμάτων. ### book 111.1.1 Ὁ νεκρὸς Ἅιδης ἐξεμεῖ τεθνηκότας, ### book 111.1.2 κάθαρσιν εὑρὼν σάρκα τὴν τοῦ δεσπότου. ### book 112.1.1 Λάμψας ὁ Χριστὸς ἐν Θαβὼρ φωτὸς πλέον ### book 112.1.2 σκιὰν πέπαυκε τοῦ παλαιτάτου νόμου. ### book 113.1.1 Ὁρώμενος νῦν χερσὶ πρεσβύτου βρέφος ### book 113.1.2 παλαιός ἐστι δημιουργὸς τῶν χρόνων. ### book 114.1.1 Προοιμιάζει κοσμικὴν σωτηρίαν ### book 114.1.2 εἰπὼν τὸ „Χαῖρε“ ταῖς γυναιξὶ δεσπότης. ### book 115.1 Παρθένος υἱέα τίκτε· μεθ’ υἱέα παρθένος ἦεν. ### book 116.1.1 [Χριστὲ μάκαρ, μερόπων φάος ἄφθιτον, υἱὲ Θεοῖο, ### book 116.1.2 δῶρ’ ἀπὸ κρυστάλλων, δῶρ’ ἀπὸ σαρδονύχων.] ### book 116.1.3 Δέχνυσο, παρθενικῆς τέκος ἄφθιτον, υἱὲ Θεοῖο, ### book 116 δῶρ’ ἀπὸ κρυστάλλων, δῶρ’ ἀπὸ σαρδονύχων. ### book 117.1.1 Ἔβλεψε τυφλὸς ἐκ τόκου μεμυσμένος· ### book 117.1.2 Χριστὸς γὰρ ἦλθεν, ἡ πανόμματος χάρις. ### book 118.1.1 Ἤγειρεν ἡμῖν τῶν παθῶν τρικυμίαν ### book 118.1.2 ἐχθρὸς κάκιστος πνευματώσας τὸν σάλον, ### book 118.1.3 ὅθεν ταράσσει καὶ βυθίζει καὶ βρέχει ### book 118.1.4 τὸν φόρτον ἡμῶν ψυχικῆς τῆς ὁλκάδος. ### book 118.5.1 ἀλλ’, ὦ γαλήνη καὶ στορεστὰ τῆς ζάλης, ### book 118.5.2 σύ, Χριστέ, δείξαις ἀβρόχους ἁμαρτίας ### book 118.5.3 τῷ σῷ πρὸς ὅρμῳ προσφόρως προσορμίσας, ### book 118.5.4 ἐχθρὸν δὲ τοῦτον συμφόρως βεβρεγμένον. ### book 119.1.1 Βίβλος Πατρικίοιο θεουδέος ἀρητῆρος, ### book 119.1.2 ὃς μέγα ἔργον ἔρεξεν, Ὁμηρείης ἀπὸ βίβλου ### book 119.1.3 κυδαλίμων ἐπέων τεύξας ἐρίτιμον ἀοιδήν, ### book 119.1.4 πρήξιας ἀγγέλλουσαν ἀνικήτοιο Θεοῖο· ### book 119.5.1 ὡς μόλεν ἀνθρώπων ἐς ὁμήγυριν, ὡς λάβε μορφὴν ### book 119.5.2 ἀνδρομέην, καὶ γαστρὸς ἀμεμφέος ἔνδοθι κούρης ### book 119.5.3 κρύπτετο τυτθὸς ἐών, ὃν ἀπείριτος οὐ χάδε κύκλος· ### book 119.5.4 ἠδ’ ὡς παρθενικῆς θεοκύμονος ἔσπασε μαζὸν ### book 119.5.5 παρθενίοιο γάλακτος ἀναβλύζοντα ῥέεθρον· ### book 119.10.1 ὡς κτάνεν Ἡρώδης ἀταλάφρονας εἰσέτι παῖδας, ### book 119.10.2 νήπιος, ἀθανάτοιο Θεοῦ διζήμενος οἶτον· ### book 119.10.3 ὥς μιν Ἰωάννης λοῦσεν ποταμοῖο ῥεέθροις· ### book 119.10.4 ὥς τε δυώδεκα φῶτας ἀμύμονας ἔλλαβ’ ἑταίρους· ### book 119.10.5 ὅσσων τ’ ἄρτια πάντα Θεὸς τεκτήνατο γυῖα, ### book 119.15.1 νούσους τ’ ἐξελάσας στυγερὰς βλεφάρων τ’ ἀλαωτύν· ### book 119.15.2 ἠδ’ ὅππως ῥείοντας ἀπέσβεσεν αἵματος ὁλκοὺς ### book 119.1 ἁψαμένης ἑανοῖο πολυκλαύτοιο γυναικός· ### book 119.2 ἠδ’ ὅσσους μοίρῃσιν ὑπ’ ἀργαλέῃσι δαμέντας ### book 119.3 ἤγαγεν ἐς φάος αὖθις ἀπὸ χθονίοιο βερέθρου· ### book 119.20.1 ὥς τε πάθους ἁγίου μνημήια κάλλιπεν ἄμμιν· ### book 119.20.2 ὥς τε βροτῶν ὑπὸ χερσὶ τάθη κρυεροῖς ἐνὶ δεσμοῖς, ### book 119.20.3 αὐτὸς ἑκών· οὐ γάρ τις ἐπιχθονίων πολεμίζοι ### book 119.20.4 ὑψιμέδοντι Θεῷ, ὅτε μὴ αὐτός γε κελεύοι· ### book 119.20.5 ὡς θάνεν· ὡς Ἀίδαο σιδήρεα ῥῆξε θύρετρα, ### book 119.25.1 κεῖθεν δὲ ψυχὰς θεοπειθέας οὐρανὸν εἴσω ### book 119.25.2 ἤγαγεν ἀχράντοισιν ὑπ’ ἐννεσίῃσι τοκῆος, ### book 119.25.3 ἀνστὰς ἐν τριτάτῃ φαεσιμβρότῳ ἠριγενείῃ ### book 119.25.4 ἀρχέγονον βλάστημα Θεοῦ γενετῆρος ἀνάρχου. ### book 120.1.1 Εἰ φρικτὸν ἐν γῇ τοῦ Θεοῦ ζητεῖς θρόνον, ### book 120.1.2 ἰδὼν τὸν οἶκον θαύμασον τῆς παρθένου· ### book 120.1.3 ἡ γὰρ φέρουσα τὸν Θεὸν ταῖς ἀγκάλαις ### book 120.1.4 φέρει τὸν αὐτὸν εἰς τὸ τοῦ τόπου σέβας. ### book 120.5.1 ἐνταῦθα τῆς γῆς οἱ κρατεῖν τεταγμένοι ### book 120.5.2 τὰ σκῆπτρα πιστεύουσι τῆς νίκης ἔχειν· ### book 120.5.3 ἐνταῦθα πολλὰς κοσμικὰς περιστάσεις ### book 120.5.4 ὁ πατριάρχης ἀγρυπνῶν ἀνατρέπει. ### book 120.5.5 οἱ βάρβαροι δὲ προσβαλόντες τῇ πόλει, ### book 120.10 αὐτὴν στρατηγήσασαν ὡς εἶδον μόνην, ### book 120 ἔκαμψαν εὐθὺς τοὺς ἀκαμπεῖς αὐχένας. ### book 121.1.1 Ἔδει γενέσθαι δευτέραν Θεοῦ πύλην ### book 121.1.2 τῆς παρθένου τὸν οἶκον ὡς καὶ τὸν τόκον· ### book 121.1.3 κιβωτὸς ὤφθη τῆς πρὶν ἐνθεεστέρα, ### book 121.1.4 οὐ τὰς πλάκας φέρουσα τὰς θεογράφους, ### book 121.5.1 ἀλλ’ αὐτὸν ἔνδον τὸν Θεὸν δεδεγμένη. ### book 121.5.2 ἐνταῦθα κρουνοὶ σαρκικῶν καθαρσίων ### book 121.5.3 καὶ ψυχικῶν λύτρωσις ἀγνοημάτων· ### book 121.5.4 ὅσαι γάρ εἰσι τῶν παθῶν περιστάσεις, ### book 121.5.5 βλύζει τοσαύτας δωρεὰς τῶν θαυμάτων. ### book 121.10.1 ἐνταῦθα νικήσασα τοὺς ἐναντίους ### book 121.10.2 ἀνεῖλεν αὐτοὺς ἀντὶ λόγχης εἷς’ ὕδωρ· ### book 121.10.3 τροπῆς γὰρ ἀλλοίωσιν οὐκ ἔχει μόνην, ### book 121.10.4 Χριστὸν τεκοῦσα καὶ κλονοῦσα βαρβάρους. ### book 122.1.1 Αὕτη τεκοῦσα παρθένος πάλιν μένει· ### book 122.1.2 καὶ μὴ θροηθῇς· ἔστι γὰρ τὸ παιδίον ### book 122.1.3 Θεὸς θελήσας προσλαβέσθαι σαρκίον. ### book 123.1.1 Πέτρα τρισμακάριστε θεόσσυτον αἷμα λαχοῦσα, ### book 123.1.2 οὐρανίη γενεή σε πυρίπνοος ἀμφιπολεύει, ### book 123 καὶ χθονὸς ἐνναετῆρες ἀνάκτορες ὑμνοπολοῦσι. ### book 1.1.1 Δηΐφοβος μὲν πρῶτος ἐυγλύπτῳ ἐπὶ βωμῷ ### book 1.1.2 ἵστατο, τολμήεις, κεκορυθμένος, ὄβριμος ἥρως, ### book 1.1.3 τοῖος ἐών, οἷός περ ἐπορνυμένῳ Μενελάῳ ### book 1.1.4 περθομένων ἤντησεν ἑῶν προπάροιθε μελάθρων. ### book 1.5.1 ἵστατο δὲ προβιβῶντι πανείκελος· εὖ δ’ ἐπὶ κόσμῳ ### book 1.5.2 δόχμιος ἦν, μανίῃ δὲ κεκυφότα νῶτα συνέλκων ### book 1.5.3 δριμὺ μένος ξυνάγειρεν· ἕλισσε δὲ φέγγος ὀπωπῆς, ### book 1.5.4 οἷά τε δυσμενέων μερόπων πεφυλαγμένος ὁρμήν. ### book 1.5.5 λαιῇ μὲν σάκος εὐρὺ προΐσχετο, δεξιτερῇ δὲ ### book 1.10.1 φάσγανον ὑψός’ ἄειρεν· ἔμελλε δὲ μαινομένη χεὶρ ### book 1.10.2 ἀνέρος ἀντιβίοιο κατὰ χροὸς ἆορ ἐλάσσαι· ### book 1.10.3 ἀλλ’ οὐ χαλκὸν ἔθηκε φύσις πειθήμονα λύσσῃ. ### book 1.10.4 Κεκροπίδης δ’ ἤστραπτε, νοήμονος ἄνθεμα Πειθοῦς, ### book 1.10.5 Αἰσχίνης, λασίης δὲ συνείρυε κύκλα παρειῆς, ### book 1.15.1 οἷα πολυτροχάλοισιν ἀεθλεύων ἀγορῇσιν· ### book 1.15.2 στείνετο γὰρ πυκινῇσι μεληδόσιν. —Ἄγχι δ’ ἐκείνου ### book 1.15.3 ἦεν Ἀριστοτέλης, σοφίης πρόμος· ἱστάμενος δὲ ### book 1.15.4 χεῖρε περιπλέγδην συνεέργαθεν· οὐδ’ ἐνὶ χαλκῷ ### book 1.15.5 ἀφθόγγῳ φρένας εἶχεν ἀεργέας, ἀλλ’ ἔτι βουλὴν ### book 1.20.1 σκεπτομένῳ μὲν ἔικτο, συνιστάμεναι δὲ παρειαὶ ### book 1.20.2 ἀνέρος ἀμφιέλισσαν ἐμαντεύοντο μενοινὴν ### book 1.20.3 καὶ τροχαλαὶ σήμαινον ἀολλέα μῆτιν ὀπωπαί. ### book 1.20.4 Καὶ Παιανιέων δημηγόρος ἔπρεπε σάλπιγξ, ### book 1.20.5 ῥήτρης εὐκελάδοιο πατὴρ σοφός, ὁ πρὶν Ἀθήναις ### book 1.25.1 Πειθοῦς θελξινόοιο νοήμονα πυρσὸν ἀνάψας. ### book 1.25.2 ἀλλ’ οὐκ ἠρεμέων διεφαίνετο, πυκνὰ δὲ βουλὴν ### book 1.25.3 ἐστρώφα, πυκινὴν γὰρ ἐείδετο μῆτιν ἑλίσσειν, ### book 1.25.4 οἷα κατ’ εὐόπλων τεθοωμένος Ἠμαθιήων. ### book 1.25.5 ἦ τάχα κεν κοτέων τροχαλὴν ἐφθέγγετο φωνήν, ### book 1.30.1 ἄπνοον αὐδήεντα τιθεὶς τύπον· ἀλλά ἑ τέχνη ### book 1.30.2 χαλκείης ἐπέδησεν ὑπὸ σφρηγῖδα σιωπῆς. ### book 1.30.3 Ἵστατο δ’ Εὐρίποιο φερώνυμος· ὡς δὲ δοκεύω, ### book 1.30.4 λάθρῃ ὑπὸ κραδίην τραγικαῖς ὡμίλεε Μούσαις, ### book 1.30.5 ἔργα σαοφροσύνης διανεύμενος· ἦν γὰρ ἰδέσθαι ### book 1.35.1 οἷά τέ που θυμέλῃσιν ἐν Ἀτθίσι θύρσα τινάσσων. ### book 1.35.2 Δάφνῃ μὲν πλοκαμῖδα Παλαίφατος ἔπρεπε μάντις ### book 1.35.3 στεψάμενος, δόκεεν δὲ χέειν μαντώδεα φωνήν. ### book 1.35.4 Ἡσίοδος δ’ Ἀσκραῖος ὀρειάσιν εἴδετο Μούσαις ### book 1.35.5 φθεγγόμενος, χαλκὸν δὲ βιάζετο θυιάδι λύσσῃ, ### book 1.40.1 ἔνθεον ἱμείρων ἀνάγειν μέλος. —Ἐγγύθι δ’ αὐτοῦ ### book 1.40.2 μαντιπόλος πάλιν ἄλλος ἔην Φοιβηίδι δάφνῃ ### book 1.40.3 κοσμηθεὶς Πολύιδος· ἀπὸ στομάτων δὲ τινάξαι ### book 1.40.4 ἤθελε μὲν κελάδημα. θεοπρόπον, ἀλλά ἑ τέχνη ### book 1.40.5 δεσμῷ ἀφωνήτῳ κατερήτυεν. —Οὐδὲ σὺ μολπῆς ### book 1.45.1 εὔνασας ἁβρὸν ἔρωτα, Σιμωνίδη, ἀλλ’ ἔτι χορδῆς ### book 1.45.2 ἱμείρεις, ἱερὴν δὲ λύρην οὐ χερσὶν ἀράσσεις. ### book 1.45.3 ὤφελεν ὁ πλάσσας σε, Σιμωνίδη, ὤφελε χαλκῷ ### book 1.45.4 συγκεράσαι μέλος ἡδύ· σὲ δ’ ἂν καὶ χαλκὸς ἀναιδὴς ### book 1.45.5 αἰδόμενος ῥυθμοῖσι λύρης ἀντήχεε μολπήν. ### book 1.1 Ἦν μὲν Ἀναξιμένης νοερὸς σοφός, ἐν δὲ μενοινῇ ### book 1.2 δαιμονίης ἐλέλιζε νοήματα ποικίλα βουλῆς. ### book 1.3 Θεστορίδης δ’ ἄρα μάντις ἐύσκοπος ἵστατο Κάλχας ### book 1.4 οἷά τε θεσπίζων· ἐδόκει δ’ ἔτι θέσφατα κεύθειν ### book 1.5 ἢ στρατὸν οἰκτείρων Ἑλλήνιον, ἢ ἐνὶ θυμῷ ### book 1.55.1 δειμαίνων βασιλῆα πολυχρύσοιο Μυκήνης. ### book 1.55.2 Δέρκεό μοι σκύμνον πτολιπόρθιον Αἰακιδάων, ### book 1.55.3 Πύρρον Ἀχιλλείδην, ὅσον ἤθελε χερσὶν ἑλίσσειν ### book 1.1 τεύχεα χαλκήεντα, τὰ μή νύ οἱ ὤπασε τέχνη· ### book 1.2 γυμνὸν γάρ μιν ἔτευξεν· ὁ δ’ ὑψόσε φαίνετο λεύσσων ### book 1.60.1 οἷά περ ἠνεμόεσσαν ἐς Ἴλιον ὄμμα τιταίνων. ### book 1.60.2 Ἧστο δ’ Ἀμυμώνη ῥοδοδάκτυλος· εἰς ὀπίσω μὲν ### book 1.60.3 βόστρυχον ἀκρήδεμνον ἑῆς συνέεργεν ἐθείρης, ### book 1.60.4 γυμνὸν δ’ εἶχε μέτωπον· ἀναστέλλουσα δ’ ὀπωπὰς ### book 1.60.5 εἰνάλιον σκοπίαζε μελαγχαίτην παρακοίτην. ### book 1.65.1 Ἐγγύθι δ’ εὐρύστερνος ἐφαίνετο Κυανοχαίτης ### book 1.65.2 γυμνὸς ἐών, πλόκαμον δὲ καθειμένον εἶχεν ἐθείρης, ### book 1.65.3 καὶ διερὸν δελφῖνα προΐσχετο χειρὶ κομίζων ### book 1.65.4 δῶρα πολυζήλοιο γάμων μνηστήρια κούρης. ### book 1.65.5 Πιερικὴ δὲ μέλισσα, λιγύθροος ἕζετο Σαπφὼ ### book 1.70.1 Λεσβιὰς ἠρεμέουσα, μέλος δ’ εὔυμνον ὑφαίνειν ### book 1.70.2 σιγαλέαις δοκέεσκεν ἀναψαμένη φρένα Μούσαις. ### book 1.70.3 Φοῖβος δ’ εἱστήκει τριποδηλάλος· ἦν δ’ ἄρα χαίτης ### book 1.70.4 εἰς ὀπίσω σφίγξας ἄδετον πλόκον· ἀλλ’ ἐνὶ χαλκῷ ### book 1.70.5 γυμνὸς ἔην, ὅτι πᾶσιν ἀνειρομένοισιν Ἀπόλλων ### book 1.75.1 γυμνῶσαι δεδάηκεν ἀληθέα δήνεα Μοίρης ### book 1.75.2 ἢ ὅτι πᾶσιν ὁμῶς ἀναφαίνεται· ἠέλιος γὰρ ### book 1.75.3 Φοῖβος ἄναξ, καθαρὴν δὲ φέρει τηλέσκοπον αἴγλην. ### book 1.75.4 Ἄγχι δὲ Κύπρις ἔλαμπεν, ἔλειβε δὲ νώροπι χαλκῷ ### book 1.75.5 ἀγλαΐης ῥαθάμιγγας· ἀπὸ στέρνοιο δὲ γυμνὴ ### book 1.80.1 φαίνετο μέν, φᾶρος δὲ συνήγαγεν ἄντυγι μηρῶν, ### book 1.80.2 χρυσείῃ πλοκαμῖδας ὑποσφίγξασα καλύπτρῃ. ### book 1.80.3 Κλεινιάδην δὲ τέθηπα περιστίλβοντα νοήσας ### book 1.80.4 ἀγλαΐῃ· χαλκῷ γὰρ ἀνέπλεκε κάλλεος αὐγὴν ### book 1.80.5 τοῖος ἐὼν οἷός περ ἐν Ἀτθίδι, μητέρι μύθων, ### book 1.85.1 ἀνδράσι Κεκροπίδῃσι πολύφρονα μῆτιν ἀγείρων. ### book 1.85.2 Χρύσης δ’ αὖθ’ ἱερεὺς πέλας ἵστατο, δεξιτερῇ μὲν ### book 1.85.3 σκῆπτρον ἀνασχόμενος Φοιβήιον, ἐν δὲ καρήνῳ ### book 1.85.4 στέμμα φέρων· μεγέθει δὲ κεκασμένος ἔπρεπε μορφῆς, ### book 1.85.5 οἷά περ ἡρώων ἱερὸν γένος· ὡς δοκέω δέ, ### book 1.90 Ἀτρείδην ἱκέτευε· βαθὺς δέ οἱ ἤνθεε πώγων, ### book 1.1 καὶ ταναῆς ἄπλεκτος ἐσύρετο βότρυς ἐθείρης. ### book 1.2 Καῖσαρ δ’ ἐγγὺς ἔλαμπεν Ἰούλιος, ὅς ποτε Ῥώμην ### book 1.3 ἀντιβίων ἔστεψεν ἀμετρήτοισι βοείαις. ### book 1.4 αἰγίδα μὲν βλοσυρῶπιν ἐπωμαδὸν ἦεν ἀείρων, ### book 1.95.1 δεξιτερῇ δὲ κεραυνὸν ἀγάλλετο χειρὶ κομίζων ### book 1.95.2 οἷα Ζεὺς νέος ἄλλος ἐν Αὐσονίοισιν ἀκούων. ### book 1.95.3 Εἱστήκει δὲ Πλάτων θεοείκελος, ὁ πρὶν Ἀθήναις ### book 1.95.4 δείξας κρυπτὰ κέλευθα θεοκράντων ἀρετάων. ### book 1.95.5 Ἄλλην δ’ εὐπατέρειαν ἴδον χρυσῆν Ἀφροδίτην, ### book 1.1 γυμνὴν παμφανόωσαν· ἐπὶ στέρνων δὲ θεαίνης ### book 1.2 αὐχένος ἐξ ὑπάτοιο χυθεὶς ἐλελίζετο κεστός. ### book 1.3 Ἵστατο δ’ Ἑρμαφρόδιτος ἐπήρατος, οὔθ’ ὅλος ἀνὴρ ### book 1.4 οὐδὲ γυνή· μικτὸν γὰρ ἔην βρέτας. ἦ τάχα κοῦρον ### book 1.5 Κύπριδος εὐκόλποιο καὶ Ἑρμάωνος ἐνίψεις· ### book 1.105.1 μαζοὺς μὲν σφριγόωντας ἐδείκνυεν οἷά τε κούρη· ### book 1.105.2 σχῆμα δὲ πᾶσιν ἔφαινε φυτοσπόρον ἄρσενος αἰδοῦς, ### book 1.105.3 ξυνῆς ἀγλαΐης κεκερασμένα σήματα φαίνων. ### book 1.105.4 Παρθενικὴ δ’ Ἤριννα λιγύθροος ἕζετο κούρη, ### book 1.105.5 οὐ μίτον ἀμφαφόωσα πολύπλοκον, ἀλλ’ ἐνὶ σιγῇ ### book 1.110.1 Πιερικῆς ῥαθάμιγγας ἀποσταλάουσα μελίσσης. ### book 1.110.2 Μήτε λίπῃς Τέρπανδρον ἐύθροον, οὗ τάχα φαίης ### book 1.110.3 ἔμπνοον, οὐκ ἄφθογγον, ἰδεῖν βρέτας· ὡς γὰρ ὀίω, ### book 1.110.4 κινυμέναις πραπίδεσσιν ἀνέπλεκε μύστιδα μολπήν, ### book 1.110.5 ὥς ποτε δινήεντος ἐπ’ Εὐρώταο ῥοάων ### book 1.115.1 μυστιπόλῳ φόρμιγγι κατεπρήυνεν ἀείδων ### book 1.115.2 ἀγχεμάχων κακότητας Ἀμυκλαίων ναετήρων. ### book 1.115.3 Ἠγασάμην δ’ ὁρόων σε, Περίκλεες, ὅττι καὶ αὐτῷ ### book 1.115.4 χαλκῷ ἀναυδήτῳ δημηγόρον ἦθος ἀνάπτεις, ### book 1.115.5 ὡς ἔτι Κεκροπίδῃσι θεμιστεύων πολιήταις ### book 1.120.1 ἢ μόθον ἐντύνων Πελοπήιον. —Ἱστάμενος δὲ ### book 1.120.2 ἔπρεπε Πυθαγόρης, Σάμιος σοφός, ἀλλ’ ἐν Ὀλύμπῳ ### book 1.120.3 ἐνδιάειν ἐδόκευε, φύσιν δ’ ἐβιάζετο χαλκοῦ ### book 1.120.4 πλημύρων νοερῇσι μεληδόσιν· ὡς γὰρ ὀίω, ### book 1 οὐρανὸν ἀχράντοισιν ἐμέτρεε μοῦνον ὀπωπαῖς. ### book 1.125.1 Στησίχορον δ’ ἐνόησα λιγύθροον, ὅν ποτε γαῖα ### book 1.125.2 Σικελίη μὲν ἔφερβε, λύρης δ’ ἐδίδαξεν Ἀπόλλων ### book 1.125.3 ἁρμονίην, ἔτι μητρὸς ἐνὶ σπλάγχνοισιν ἐόντα. ### book 1.125.4 τοῦ γὰρ τικτομένοιο καὶ ἐς φάος ἄρτι μολόντος ### book 1.125.5 ἔκποθεν ἠερόφοιτος ἐπὶ στομάτεσσιν ἀηδὼν ### book 1.130.1 λάθρῃ ἐφεζομένη λιγυρὴν ἀνεβάλλετο μολπήν. ### book 1.130.2 Χαῖρέ μοι Ἀβδήρων, Δημόκριτε, κῦδος ἀρούρης, ### book 1.130.3 ὅττι σὺ καλλιτόκοιο φυῆς ἐφράσσαο θεσμούς, ### book 1.130.4 λεπτὰ διακρίνων πολυΐδμονος ὄργια Μούσης, ### book 1.130.5 αἰεὶ δὲ σφαλερὰς ἐγέλας βιότοιο κελεύθους ### book 1.135.1 εὖ εἰδώς, ὅτι πάντα γέρων παραμείβεται Αἰών. ### book 1.135.2 Ἡρακλέης δ’ ἀνίουλον ἐδείκνυε κύκλον ὑπήνης, ### book 1.135.3 μῆλα λεοντοφόνῳ παλάμῃ χρύσεια κομίζων, ### book 1.135.4 γαίης ὄλβια δῶρα Λιβυστίδος. —Ἐγγύθι δ’ αὐτοῦ ### book 1.135.5 Παλλάδος ἀρήτειρα παρίστατο, παρθένος Αὔγη, ### book 1.140.1 φᾶρος ἐπιστείλασα κατωμαδόν· οὐ γὰρ ἐθείρας ### book 1.140.2 κρηδέμνῳ συνέεργεν· ἑὰς δ’ ἀνετείνετο χεῖρας ### book 1.140.3 οἷά τε κικλήσκουσα Διὸς γλαυκώπιδα κούρην ### book 1.140.4 Ἀρκαδικῆς Τεγέης ὑπὸ δειράδος. —Ἵλαθι, γαίης ### book 1.140.5 Τρωιάδος βλάστημα σακεσπάλον, ἵλαθι, λάμπων ### book 1.145.1 Αἰνεία Τρώων βουληφόρε· σαῖς γὰρ ὀπωπαῖς ### book 1.145.2 ἀγλαΐης πνείουσα σοφὴ περιλείβεται αἰδώς, ### book 1.145.3 θέσκελον ἀγγέλλουσα γένος χρυσῆς Ἀφροδίτης. ### book 1.145.4 Ἠγασάμην δὲ Κρέουσαν ἰδὼν πενθήμονι κόσμῳ, ### book 1.145.5 σύγγαμον Αἰνείαο, κατάσκιον· ἀμφὶ γὰρ αὐταῖς ### book 1.1 ἀμφοτέραις κρήδεμνον ἐφελκύσσασα παρειαῖς, ### book 1.2 πάντα πέριξ ἐκάλυψε ποδηνεκέι χρόα πέπλῳ, ### book 1.3 οἷά τε μυρομένη· τὰ δὲ χάλκεα δάκρυα νύμφης ### book 1.4 Ἄρεϊ δουρίκτητον ἐμαντεύοντο τιθήνην, ### book 1.5 Ἴλιον Ἀργείοισιν ἐελμένον ἀσπιδιώταις. ### book 1.155.1 Οὔθ’ Ἕλενος κοτέων ἀπεπαύετο· πατρίδι νηλὴς ### book 1.155.2 φαίνετο δινεύων ἔτι που χόλον. ἦν μὲν ἀείρων ### book 1.155.3 δεξιτερῇ φιάλην ἐπιλοίβιον· ὡς δοκέω δέ, ### book 1.1 ἐσθλὰ μὲν Ἀργείοις μαντεύετο, κὰδ δὲ τιθήνης ### book 1.2 ἀθανάτοις ἠρᾶτο πανύστατα σήματα φαίνειν. ### book 1.160.1 Ἀνδρομάχη δ’ ἕστηκε, ῥοδόσφυρος Ἠετιώνη, ### book 1.160.2 οὔτι γόον σταλάουσα πολύστονον· ὡς γὰρ ὀίω, ### book 1.160.3 οὔπω ἐνὶ πτολέμῳ κορυθαίολος ἤριπεν Ἕκτωρ, ### book 1.160.4 οὐδὲ φερεσσακέων ὑπερήνορες υἷες Ἀχαιῶν ### book 1.160.5 Δαρδανίην ξύμπασαν ἐληίσσαντο τιθήνην. ### book 1.165.1 Ἦν δ’ ἐσιδεῖν Μενέλαον ἀρήιον, ἀλλ’ ἐπὶ νίκῃ ### book 1.165.2 γηθόσυνον· σχεδόθεν γὰρ ἐθάλπετο χάρματι πολλῷ ### book 1.165.3 δερκόμενος ῥοδόπηχυν ὁμόφρονα Τυνδαρεώνην. ### book 1.165.4 Ἠγασάμην δ’ Ἑλένης ἐρατὸν τύπον, ὅττι καὶ αὐτῷ ### book 1.165.5 χαλκῷ κόσμον ἔδωκε πανίμερον· ἀγλαΐη γὰρ ### book 1.170.1 ἔπνεε θερμὸν ἔρωτα καὶ ἀψύχῳ ἐνὶ τέχνῃ. ### book 1.170.2 Πυκναῖς δὲ πραπίδεσσιν ἀγάλλετο δῖος Ὀδυσσεύς· ### book 1.170.3 οὐ γὰρ ἔην ἀπάνευθε πολυστρέπτοιο μενοινῆς, ### book 1.170.4 ἀλλ’ ἔτι κόσμον ἔφαινε σοφῆς φρενός· ἦν δ’ ἐνὶ θυμῷ ### book 1.170.5 καγχαλόων· Τροίην γὰρ ἐγήθεε πᾶσαν ὀλέσσας ### book 1.175.1 ᾗσι δολοφροσύνῃσι. —Σὺ δ’ Ἕκτορος, ἔννεπε, μῆτερ, ### book 1.175.2 τίς σε, πολυτλήμων Ἑκάβη, τίς δάκρυα λείβειν ### book 1.175.3 ἀθανάτων ἐδίδαξεν ἀφωνήτῳ ἐνὶ κόσμῳ; ### book 1.175.4 οὐδέ σε χαλκὸς ἔπαυσεν ὀιζύος, οὐδέ σε τέχνη ### book 1.175.5 ἄπνοος οἰκτείρασα δυσαλθέος ἔσχεθε λύσσης, ### book 1.180.1 ἀλλ’ ἔτι δάκρυ χέουσα παρίστασαι. ὡς δὲ δοκεύω, ### book 1.180.2 οὐκέτι δυστήνου μόρον Ἕκτορος οὐδὲ ταλαίνης ### book 1.180.3 Ἀνδρομάχης βαρὺ πένθος ὀδύρεαι, ἀλλὰ πεσοῦσαν ### book 1.180.4 πατρίδα σήν· φᾶρος γὰρ ἐπικρεμὲς ἀμφὶ προσώπῳ ### book 1.180.5 πήματα μὲν δείκνυσιν, ἀπαγγέλλουσι δὲ πέπλοι ### book 1.185.1 πένθος ὑποβρύχιον κεχαλασμένοι ἄχρι πεδίλων· ### book 1.185.2 ἄλγεϊ γὰρ πυμάτῳ δέδεσαι φρένα, κὰδ δὲ παρειῆς ### book 1.185.3 δάκρυα μὲν σταλάεις· τὸ δὲ δάκρυον ἔσβεσε τέχνη ### book 1.185.4 ἄπλετον ἀγγέλλουσα δυσαλθέος αὐχμὸν ἀνίης. ### book 1.185.5 Κασάνδρην δ’ ἐνόησα θεοπρόπον, ἀλλ’ ἐνὶ σιγῇ ### book 1.190.1 μεμφομένη γενετῆρα σοφῆς ἀνεπίμπλατο λύσσης ### book 1.190.2 οἷά τε θεσπίζουσα πανύστατα πήματα πάτρης. ### book 1.1 Πύρρος δ’ ἄλλος ἔην πτολιπόρθιος, οὐκ ἐπὶ χαίτης ### book 1.2 ἱππόκομον τρυφάλειαν ἔχων, οὐκ ἔγχος ἑλίσσων· ### book 1.3 ἀλλ’ ἄρα γυμνὸς ἔλαμπε καὶ ἄχνοον εἶχεν ὑπήνην· ### book 1.195.1 δεξιτερὴν δ’ ἀνέτεινεν ἑὴν ἐπιμάρτυρα νίκης, ### book 1.195.2 λοξὰ Πολυξείνην βαρυδάκρυον ὄμμασι λεύσσων. ### book 1.195.3 Εἰπέ, Πολυξείνη δυσπάρθενε, τίς τοι ἀνάγκη ### book 1.195.4 χαλκῷ ἐν ἀφθόγγῳ κεκρυμμένα δάκρυα λείβειν; ### book 1.195.5 πῶς δὲ τεῷ κρήδεμνον ἐπειρύσσασα προσώπῳ ### book 1.1 ἵστασαι, αἰδομένῃ μὲν ἀλίγκιος, ἀλλ’ ἐνὶ θυμῷ ### book 1.2 πένθος ἔχεις; μὴ δή σε, τεὸν πτολίεθρον ὀλέσσας, ### book 1.3 ληίδα Πύρρος ἔχει Φθιώτιος, οὐδέ σε μορφὴ ### book 1.4 ῥύσατο τοξεύσασα Νεοπτολέμοιο μενοινήν, ### book 1.5 ἥ ποτε θηρεύσασα τεοῦ γενετῆρα φονῆος ### book 1.205.1 εἰς λίνον αὐτοκέλευστον ἀελπέος ἦγεν ὀλέθρου; ### book 1.205.2 ναὶ μὰ τὸν ἐν χαλκῷ νοερὸν τύπον, εἴ νύ σε τοίην ### book 1.205.3 ἔδρακε Πύρρος ἄναξ, τάχα κεν ξυνήονα λέκτρων ### book 1.205.4 ἤγετο, πατρῴης προλιπὼν μνημήια μοίρης. ### book 1.205.5 Ἠγασάμην δ’ Αἴαντα, τὸν ὀβριμόθυμος Ὀιλεὺς ### book 1.210.1 Λοκρίδος ἐσπέρμηνε πελώριον ἕρκος ἀρούρης. ### book 1.210.2 φαίνετο μὲν νεότητι κεκασμένος· οὐδὲ γὰρ ἦεν ### book 1.210.3 ἄνθεϊ λαχνήεντι γενειάδος ἄκρα χαράξας· ### book 1.210.4 γυμνὸν δ’ εἶχεν ἅπαν στιβαρὸν δέμας· ἠνορέῃ δὲ ### book 1.210.5 βεβριθὼς ἐλέλιζε μαχήμονος οἶστρον Ἐνυοῦς. ### book 1.215.1 Οἰνώνη δὲ χόλῳ φρένας ἔζεεν, ἔζεε πικρῷ ### book 1.215.2 ζήλῳ θυμὸν ἔδουσα, Πάριν δ’ ἐδόκευε λαθοῦσα ### book 1.215.3 ὄμματι μαινομένῳ· κρυφίην δ’ ἤγγειλεν ἀπειλήν, ### book 1.215.4 δεξιτερῇ βαρύποτμον ἀναινομένη παρακοίτην. ### book 1.215.5 Αἰδομένῳ μὲν ἔοικεν ὁ βουκόλος, εἶχε δ’ ὀπωπὴν ### book 1.220.1 πλαζομένην ἑτέρωσε δυσίμερος· αἴδετο γάρ που ### book 1.220.2 Οἰνώνην βαρύδακρυν ἰδεῖν, Κεβρηνίδα νύμφην. ### book 1.220.3 Αὐαλέῳ δὲ Δάρης ἐζώννυτο χεῖρας ἱμάντι, ### book 1.220.4 πυγμαχίης κήρυκα φέρων χόλον· ἠνορέης δὲ ### book 1 ἔπνεε θερμὸν ἄημα πολυστρέπτοισιν ὀπωπαῖς. ### book 1.225.1 Ἔντελλος δὲ Δάρητος ἐναντίον ὄμμα τιταίνων ### book 1.225.2 γυιοτόρους μύρμηκας ἐμαίνετο χερσὶν ἑλίσσων· ### book 1.225.3 πυγμαχίης δ’ ὤδινε φόνου διψῶσαν ἀπειλήν. ### book 1.225.4 Ἦν δὲ παλαισμοσύνην δεδαημένος ὄβριμος ἀνήρ· ### book 1.225.5 εἰ δὲ Φίλων ἤκουε πελώριος, εἴτε Φιλάμμων, ### book 1.230.1 εἴτε Μίλων, Σικελῆς ἔρυμα χθονός, οἶδεν Ἀπόλλων· ### book 1.230.2 οὐ γὰρ ἐγὼ δεδάηκα διακρῖναι καὶ ἀεῖσαι ### book 1.230.3 οὔνομα θαρσαλέου κλυτὸν ἀνέρος· ἀλλὰ καὶ ἔμπης ### book 1.230.4 ἔπνεεν ἠνορέης· λάσιος δέ οἱ εἵλκετο πώγων ### book 1.230.5 καὶ φόβον ἠκόντιζον ἀεθλητῆρα παρειαὶ ### book 1.235.1 καὶ κεφαλῆς ἔφρισσον ἐθειράδες· ἀμφὶ δὲ πυκνοῖς ### book 1.235.2 μυῶνες μελέεσσιν ἀνοιδαίνοντο ταθέντες ### book 1.235.3 τρηχαλέοι· δοιοὶ δέ, συνισταμένων παλαμάων, ### book 1.235.4 εὐρέες ἐσφήκωντο βραχίονες, ἠύτε πέτραι, ### book 1.235.5 καὶ παχὺς ἀλκήεντι τένων ἐπανίστατο νώτῳ, ### book 1.240.1 αὐχένος εὐγνάμπτοιο περὶ πλατὺν αὐλὸν ἀνέρπων. ### book 1.240.2 Δέρκεό μοι Χαρίδημον, ὃς Ἀτθίδος ἡγεμονεύων ### book 1.240.3 Κεκροπίδην στρατὸν εἶχεν ἑῇς πειθήμονα βουλῇς. ### book 1.240.4 Ἦ κεν ἰδὼν ἀγάσαιο Μελάμποδα· μαντιπόλου μὲν ### book 1.240.5 ἱερὸν εἶδος ἔφαινεν· ἔοικε δὲ θέσπιδος ὀμφῆς ### book 1.245.1 σιγηλοῖς στομάτεσσι θεοπρόπον ἄσθμα τιταίνειν. ### book 1.245.2 Πάνθοος ἦν Τρώων βουληφόρος, ἀλλ’ ἔτι δεινὴν ### book 1.245.3 οὔπω μῆτιν ἔπαυσε κατ’ Ἀργείων στρατιάων. ### book 1.245.4 Δημογέρων δὲ νόημα πολύπλοκον εἶχε Θυμοίτης, ### book 1.245.5 ἀμφασίης πελάγεσσιν ἐελμένος· ἦ γὰρ ἐῴκει ### book 1.1 σκεπτομένῳ τινὰ μῆτιν ἔτι Τρώεσσιν ὑφαίνειν. ### book 1.2 Λάμπων δ’ ἀχνυμένῳ ἐναλίγκιος ἦεν ἰδέσθαι· ### book 1.3 οὐ γὰρ ἔτι φρεσὶν εἶχε κυλινδομένοιο κυδοιμοῦ ### book 1.4 τειρομένοις Τρώεσσι τεκεῖν παιήονα βουλήν. ### book 1.5 Εἱστήκει Κλυτίος μὲν ἀμήχανος· εἶχε δὲ δοιὰς ### book 1.255.1 χεῖρας ὁμοπλεκέας, κρυφίης κήρυκας ἀνίης. ### book 1.255.2 Χαῖρε, φάος ῥήτρης, Ἰσόκρατες, ὅττι σὺ χαλκῷ ### book 1.1 κόσμον ἄγεις· δοκέεις γὰρ ἐπίφρονα μήδεα φαίνειν, ### book 1.2 εἰ καὶ ἀφωνήτῳ σε πόνῳ χαλκεύσατο τέχνη. ### book 1.3 Ἔστενε δ’ Ἀμφιάρηος ἔχων περιλαμπέα χαίτην ### book 1.260.1 στέμματι δαφναίῳ· κρυφίην δ’ ἐλέλιζεν ἀνίην ### book 1.260.2 θεσπίζων, ὅτι πᾶσι βοόκτιτος ἐν δρυσὶ Θήβη ### book 1.260.3 ἀνδράσιν Ἀργείοισιν ὑπότροπον ἦμαρ ὀλέσσει. ### book 1.260.4 Ἀγλαὸς εἱστήκει χρησμηγόρος, ὅντινά φασιν ### book 1.260.5 μαντιπόλου γενετῆρα θεοφραδέος Πολυΐδου· ### book 1.265.1 εὐπετάλῳ δὲ κόμας ἐστεμμένος ἔπρεπε δάφνῃ. ### book 1.265.2 Εἶδον ἀκερσεκόμην ἕκατον θεόν, εἶδον ἀοιδῆς ### book 1.265.3 κοίρανον, ἀδμήτοισι κεκασμένον ἄνθεσι χαίτην· ### book 1.265.4 εἶχε γὰρ ἀμφοτέροισι κόμης μεμερισμένον ὤμοις ### book 1.265.5 βόστρυχον αὐτοέλικτον. ἕλισσε δὲ μάντιν ὀπωπήν, ### book 1.270.1 οἷά τε μαντοσύνῃ μεροπήια πήματα λύων. ### book 1.270.2 Γυμνὸς δ’ ὀβριμόθυμος ἔην Τελαμώνιος Αἴας, ### book 1.270.3 μήπω πρῶτον ἴουλον ἔχων· ἐκέκαστο δὲ μορφῆς ### book 1.270.4 ἄνθεσι πατρῴης· πλοκάμους δ’ ἐσφίγγετο μίτρῃ. ### book 1.270.5 οὐ γὰρ ἔην τρυφάλειαν ἔχων, οὐκ ἔγχος ἑλίσσων, ### book 1.275.1 οὐ σάκος ἑπταβόειον ἐπωμαδόν, ἀλλὰ τοκῆος ### book 1.275.2 θαρσαλέην ἀνέφαινεν ἀγηνορίην Τελαμῶνος. ### book 1.275.3 Ἵστατο Σαρπηδών, Λυκίων πρόμος· ἠνορέῃ μὲν ### book 1.275.4 φρικτὸς ἔην, ἁπαλοῖς δὲ νεοτρεφέεσσιν ἰούλοις ### book 1.275.5 οἴνοπος ἄκρα χάρασσε γενειάδος· ἀμφὶ δὲ χαίταις ### book 1.280.1 εἶχε κόρυν. γυμνὸς μὲν ἔην δέμας, ἀλλ’ ἐνὶ μορφῇ ### book 1.280.2 σπέρμα Διὸς σήμαινεν· ἀπ’ ἀμφοτέρης γὰρ ὀπωπῆς ### book 1.280.3 μαρμαρυγὴν ἀπέπεμπεν ἐλευθερίου γενετῆρος. ### book 1.280.4 Καὶ τρίτος εὐχαίτης τριποδηλάλος ἦεν Ἀπόλλων, ### book 1.280.5 καλὸς ἰδεῖν· πλόκαμος γὰρ ἕλιξ ἐπιδέδρομεν ὤμοις ### book 1.285.1 ἀμφοτέροις· ἐρατὴ δὲ θεοῦ διεφαίνετο μορφή, ### book 1.285.2 χαλκῷ κόσμον ἄγουσα. θεὸς δ’ ἐτίταινεν ὀπωπὴν ### book 1.285.3 οἷά τε μαντιπόλοισιν ἐπὶ τριπόδεσσι δοκεύων. ### book 1.285.4 Καὶ τριτάτην θάμβησα πάλιν χρυσῆν Ἀφροδίτην, ### book 1.285.5 φάρεϊ κόλπον ἔχουσαν ἐπίσκιον· ἀμφὶ δὲ μαζοῖς ### book 1.290.1 κεστὸς ἕλιξ κεχάλαστο, χάρις δ’ ἐνενήχετο κεστῷ. ### book 1.290.2 Αἰχμητὴς δ’ ἀνίουλος ἐλάμπετο δῖος Ἀχιλλεύς, ### book 1.290.3 γυμνὸς ἐὼν σαγέων· ἐδόκευε μὲν ἔγχος ἑλίσσειν ### book 1.290.4 δεξιτερῇ, σκαιῇ δὲ σάκος χάλκειον ἀείρειν, ### book 1.290.5 σχήματι τεχνήεντι. μόθου δ’ ἀπέπεμπεν ἀπειλὴν ### book 1.295.1 θάρσεϊ τολμήεντι τεθηγμένος· αἱ γὰρ ὀπωπαὶ ### book 1.295.2 γνήσιον ἦθος ἔφαινον ἀρήιον Αἰακιδάων. ### book 1.295.3 Ἦν δὲ καὶ Ἑρμείας χρυσόρραπις· ἱστάμενος δὲ ### book 1.295.4 δεξιτερῇ πτερόεντος ἀνείρυε δεσμὰ πεδίλου, ### book 1.295.5 εἰς ὁδὸν ἀίξαι λελιημένος· εἶχε γὰρ ἤδη ### book 1.1 δεξιὸν ὀκλάζοντα θοὸν πόδα, τῷ ἔπι λαιὴν ### book 1.2 χεῖρα ταθεὶς ἀνέπεμπεν ἐς αἰθέρα κύκλον ὀπωπῆς ### book 1.3 οἷά τε πατρὸς ἄνακτος ἐπιτρωπῶντος ἀκούων. ### book 1.4 Καὶ νοερῆς ἄφθεγκτα Λατινίδος ὄργια Μούσης ### book 1.5 ἅζετο παπταίνων Ἀπολήιος, ὅντινα μύστην ### book 1.305.1 Αὐσονὶς ἀρρήτου σοφίης ἐθρέψατο Σειρήν. ### book 1.305.2 Φοίβου δ’ οὐρεσίφοιτος ὁμόγνιος ἵστατο κούρη ### book 1.305.3 Ἄρτεμις, ἀλλ’ οὐ τόξον ἑκηβόλον οὐδὲ φαρέτρην ### book 1.305.4 ἰοδόκην ἀνέχουσα κατωμαδόν· ἦν δ’ ἐπὶ γούνων ### book 1.305.5 παρθένιον λεγνωτὸν ἀναζωσθεῖσα χιτῶνα ### book 1.310.1 καὶ τριχὸς ἀκρήδεμνον ἀνιεμένη πλόκον αὔραις. ### book 1.310.2 Ἔμφρονα χαλκὸν Ὅμηρος ἐδείκνυεν, οὔτε μενοινῆς ### book 1.310.3 ἄμμορον οὔτε νόου κεχρημένον, ἀλλ’ ἄρα μούνης ### book 1.310.4 φωνῆς ἀμβροσίης, ἀνέφαινε δὲ θυιάδα τέχνην. ### book 1.310.5 ἦ καὶ χαλκὸν ἔχευεν ὁμῆ θεὸς εἴδεϊ μορφῆς· ### book 1.315.1 οὐ γὰρ ἐγὼ κατὰ θυμὸν ὀίομαι, ὅττι μιν ἀνὴρ ### book 1.315.2 ἐργοπόνος χάλκευσε παρ’ ἐσχαρεῶνι θαάσσων· ### book 1.315.3 ἀλλ’ αὐτὴ πολύμητις ἀνέπλασε χερσὶν Ἀθήνη ### book 1.315.4 εἶδος ἐπισταμένη, τόπερ ᾤκεεν· ἐν γὰρ Ὁμήρῳ ### book 1.315.5 αὐτὴ ναιετάουσα σοφὴν ἐφθέγγετο μολπήν. ### book 1.320.1 σύννομος Ἀπόλλωνι, πατὴρ ἐμός, ἰσόθεος φώς, ### book 1.320.2 ἵστατο θεῖος Ὅμηρος. ἔικτο μὲν ἀνδρὶ νοῆσαι ### book 1.320.3 γηραλέῳ, τὸ δὲ γῆρας ἔην γλυκύ· τοῦτο γὰρ αὐτῷ ### book 1.1 πλειοτέρην ἔσταζε χάριν· κεκέραστο δὲ κόσμῳ ### book 1.2 αἰδοίῳ τε φίλῳ τε· σέβας δ’ ἀπελάμπετο μορφῆς. ### book 1.325.1 αὐχένι μὲν κύπτοντι γέρων ἐπεσύρετο βότρυς ### book 1.325.2 χαίτης, εἰς ὀπίσω πεφορημένος, ἀμφὶ δ’ ἀκουὰς ### book 1.325.3 πλαζόμενος κεχάλαστο· κάτω δ’ εὐρύνετο πώγων ### book 1.325.4 ἀμφιταθείς, μαλακὸς δὲ καὶ εὔτροχος· οὐδὲ γὰρ ἦεν ### book 1.325.5 ὀξυτενής, ἀλλ’ εὐρὺς ἐπέπτατο, κάλλος ὑφαίνων ### book 1.330.1 στήθεϊ γυμνωθέντι καὶ ἱμερόεντι προσώπῳ. ### book 1.330.2 γυμνὸν δ’ εἶχε μέτωπον· ἐπ’ ἀπλοκάμῳ δὲ μετώπῳ ### book 1.330.3 ἧστο σαοφροσύνη κουροτρόφος· ἀμφὶ δ’ ἄρ’ ὀφρῦς ### book 1.330.4 ἀμφοτέρας προβλῆτας ἐύσκοπος ἔπλασε τέχνη, ### book 1.330.5 οὔτι μάτην· φαέων γὰρ ἐρημάδες ἦσαν ὀπωπαί. ### book 1.335.1 ἀλλ’ οὐκ ἦν ἀλαῷ ἐναλίγκιος ἀνδρὶ νοῆσαι· ### book 1.335.2 ἕζετο γὰρ κενεοῖς χάρις ὄμμασιν· ὡς δὲ δοκεύω, ### book 1.335.3 τέχνη τοῦτο τέλεσσεν, ὅπως πάντεσσι φανείη ### book 1.335.4 φέγγος ὑπὸ κραδίην σοφίης ἄσβεστον ἀείρων. ### book 1.335.5 δοιαὶ μὲν ποτὶ βαιὸν ἐκοιλαίνοντο παρειαὶ ### book 1.340.1 γήραϊ ῥικνήεντι κατάσχετοι· ἀλλ’ ἐνὶ κείναις ### book 1.340.2 αὐτογενής, Χαρίτεσσι συνέστιος, ἵζανεν Αἰδώς. ### book 1.340.3 Πιερικὴ δὲ μέλισσα περὶ στόμα θεῖον ἀλᾶτο, ### book 1.340.4 κηρίον ὠδίνουσα μελισταγές. ἀμφοτέρας δὲ ### book 1.340.5 χεῖρας ἐπ’ ἀλλήλῃσι τιθεὶς ἐπερείδετο ῥάβδῳ ### book 1.345.1 οἷά περ ἐν ζωοῖσιν· ἑὴν δ’ ἔκλινεν ἀκουὴν ### book 1.345.2 δεξιτερήν, δόκεεν δὲ καὶ Ἀπόλλωνος ἀκούειν ### book 1.345.3 ἢ καὶ Πιερίδων τινὸς ἐγγύθεν. ἐν δ’ ἄρα θυμῷ ### book 1.345.4 σκεπτομένῳ μὲν ἔικτο· νόος δέ οἱ ἔνθα καὶ ἔνθα ### book 1.345.5 ἐξ ἀδύτων πεφόρητο πολυστρέπτοιο μενοινῆς, ### book 1.1 Πιερικῆς Σειρῆνος ἀρήιον ἔργον ὑφαίνων. ### book 1.2 Καὶ Σύριος σελάγιζε σαοφροσύνῃ Φερεκύδης ### book 1.3 ἱστάμενος· σοφίης δὲ θεουδέα κέντρα νομεύων ### book 1.4 οὐρανὸν ἐσκοπίαζε, μετάρσιον ὄμμα τιταίνων. ### book 1.5 Καὶ σοφὸς Ἡράκλειτος ἔην, θεοείκελος ἀνήρ, ### book 1.355 ἔνθεον ἀρχαίης Ἐφέσου κλέος, ὅς ποτε μοῦνος ### book 1.1 ἀνδρομέης ἔκλαιεν ἀνάλκιδος ἔργα γενέθλης. ### book 1.2 Καὶ τύπος ἁβρὸς ἔλαμπεν ἀριστονόοιο Κρατίνου, ### book 1.3 ὅς ποτε δημοβόροισι πολισσούχοισιν Ἰώνων ### book 1.4 θυμοδακεῖς ἐθόωσεν ἀκοντιστῆρας ἰάμβους, ### book 1.360.1 κῶμον ἀεξήσας, φιλοπαίγμονος ἔργον ἀοιδῆς. ### book 1.360.2 Εἱστήκει δὲ Μένανδρος, ὃς εὐπύργοισιν Ἀθήναις ### book 1.360.3 ὁπλοτέρου κώμοιο σελασφόρος ἔπρεπεν ἀστήρ. ### book 1.360.4 πολλάων γὰρ ἔρωτας ἀνέπλασε παρθενικάων ### book 1.365 ἅρπαγας οἰστρήεντας ἀεδνώτοιο κορείης ### book 1.364 καὶ Χαρίτων θεράποντας ἐγείνατο παῖδας ἰάμβους, ### book 1.366.1 μίξας σεμνὸν ἔρωτι μελίφρονος ἄνθος ἀοιδῆς. ### book 1.366.2 Ἀμφιτρύων δ’ ἤστραπτεν ἀπειρογάμῳ τρίχα δάφνῃ ### book 1.366.3 στεψάμενος· πᾶσιν μὲν ἐύσκοπος εἴδετο μάντις· ### book 1.366.4 ἀλλ’ οὐ μάντις ἔην, Ταφίης δ’ ἐπὶ σήματι νίκης ### book 1.370.1 στέμμα πολυστρέπτοισιν ἐφάρμενον εἶχεν ἐθείραις ### book 1.370.2 Ἀλκμήνης μενέχαρμος ἀριστοτόκου παρακοίτης. ### book 1.370.3 Θουκυδίδης δ’ ἐλέλιζεν ἑὸν νόον· ἦν δὲ νοῆσαι ### book 1.370.4 οἷά περ ἱστορίης δημηγόρον ἦθος ὑφαίνων· ### book 1.370.5 δεξιτερὴν γὰρ ἀνέσχε μετάρσιον, ὡς πρὶν ἀείδων ### book 1.375.1 Σπάρτης πικρὸν Ἄρηα καὶ αὐτῶν Κεκροπιδάων ### book 1.375.2 Ἑλλάδος ἀμητῆρα πολυθρέπτοιο τιθήνης. ### book 1.375.3 Οὐδ’ Ἁλικαρνησοῦ με παρέδραμε θέσπις ἀηδών, ### book 1.375.4 Ἡρόδοτος πολύιδρις, ὃς ὠγυγίων κλέα φωτῶν, ### book 1.375.5 ὅσσα περ ἠπείρων δυὰς ἤγαγεν, ὅσσα περ αἰὼν ### book 1.380.1 ἔδρακεν ἑρπύζων, ἐνάταις ἀνεθήκατο Μούσαις, ### book 1.380.2 μίξας εὐεπίῃσιν Ἰωνίδος ἄνθεα φωνῆς. ### book 1.380.3 Θήβης δ’ ὠγυγίης Ἑλικώνιος ἵστατο κύκνος, ### book 1.380.4 Πίνδαρος ἱμερόφωνος, ὃν ἀργυρότοξος Ἀπόλλων ### book 1.380.5 ἔτρεφε Βοιωτοῖο παρὰ σκοπιὴν Ἑλικῶνος ### book 1.385.1 καὶ μέλος ἁρμονίης ἐδιδάξατο· τικτομένου γὰρ ### book 1.385.2 ἑζόμεναι λιγυροῖσιν ἐπὶ στομάτεσσι μέλισσαι ### book 1.385.3 κηρὸν ἀνεπλάσσαντο, σοφῆς ἐπιμάρτυρα μολπῆς. ### book 1.385.4 Ξεινοφόων δ’ ἤστραπτε, φεράσπιδος ἀστὸς Ἀθήνης, ### book 1 ὃς πρὶν Ἀχαιμενίδαο μένος Κύροιο λιγαίνων ### book 1.390.1 εἵπετο φωνήεντι Πλατωνίδος ἤθεϊ Μούσης, ### book 1.390.2 ἱστορίης φιλάεθλον ἀριστώδινος ὀπώρην ### book 1.390.3 συγκεράσας ῥαθάμιγξι φιλαγρύπνοιο μελίσσης. ### book 1.390.4 Ἵστατο δ’ Ἀλκμάων κεκλημένος οὔνομα μάντις· ### book 1.390.5 ἀλλ’ οὐ μάντις ἔην ὁ βοώμενος οὐδ’ ἐπὶ χαίτης ### book 1.395.1 δάφνης εἶχε κόρυμβον· ἐγὼ δ’ Ἀλκμᾶνα δοκεύω, ### book 1.395.2 ὃς πρὶν ἐυφθόγγοιο λύρης ἠσκήσατο τέχνην, ### book 1.395.3 Δώριον εὐκελάδοισι μέλος χορδῇσιν ὑφαίνων. ### book 1.395.4 Καὶ πρόμος εὐκαμάτων Πομπήιος Αὐσονιήων, ### book 1.395.5 φαιδρὸν ἰσαυροφόνων κειμήλιον ἠνορεάων, ### book 1.1 στειβομένας ὑπὸ ποσσὶν Ἰσαυρίδας εἶχε μαχαίρας ### book 1.2 σημαίνων, ὅτι δοῦλον ὑπὸ ζυγὸν αὐχένα Ταύρου ### book 1.3 εἴρυσεν ἀρρήκτῳ πεπεδημένον ἅμματι Νίκης· ### book 1.4 κεῖνος ἀνήρ, ὃς πᾶσιν ἔην φάος, ὃς βασιλῆος ### book 1.5 ἠγαθέην ἐφύτευσεν Ἀναστασίοιο γενέθλην. ### book 1.405.1 τοῦτο δὲ πᾶσιν ἔδειξεν ἐμὸς σκηπτοῦχος ἀμύμων ### book 1.405.2 δῃώσας σακέεσσιν Ἰσαυρίδος ἔθνεα γαίης. ### book 1.405.3 Ἵστατο δ’ ἄλλος Ὅμηρος, ὃν οὐ πρόμον εὐεπιάων ### book 1.405.4 θέσκελον υἷα Μέλητος ἐυρρείοντος ὀίω, ### book 1.405.5 ἀλλ’ ὃν Θρηικίῃσι παρ’ ᾐόσι γείνατο μήτηρ ### book 1.410.1 Μοιρὼ κυδαλίμη Βυζαντιάς, ἣν ἔτι παιδνὴν ### book 1.410.2 ἔτρεφον εὐεπίης ἡρωίδος ἴδμονα Μοῦσαι· ### book 1.410.3 κεῖνος γὰρ τραγικῆς πινυτὴν ἠσκήσατο τέχνην, ### book 1.410.4 κοσμήσας ἐπέεσσιν ἑὴν Βυζαντίδα πάτρην. ### book 1.410.5 Καὶ φίλος Αὐσονίοισι λιγύθροος ἔπρεπε κύκνος, ### book 1.415 πνείων εὐεπίης Βεργίλλιος, ὅν ποτε Ῥώμης ### book 1 Θυβριὰς ἄλλον Ὅμηρον ἀνέτρεφε πάτριος ἠχώ. ### book 1.1.1 Τάνδε Διὸς δμαθεῖσαν ἐν ὠδίνεσσι κεραυνῷ, ### book 1.1.2 καλλίκομον Κάδμου παῖδα καὶ Ἁρμονίης, ### book 1.1.3 ματέρα θυρσοχαρὴς ἀνάγει γόνος ἐξ Ἀχέροντος, ### book 1.1.4 τὰν ἄθεον Πενθεῦς ὕβριν ἀμειβόμενος. ### book 2.1.1 Τὸν βαθὺν Ἀρκαδίης προλιπὼν πάτον εἵνεκα ματρὸς ### book 2.1.2 Αὔγης τᾶσδ’ ἐπέβην γᾶς Τεϋθραντιάδος, ### book 2.1.3 Τήλεφος, Ἡρακλέους φίλος γόνος αὐτὸς ὑπάρχων, ### book 2.1.4 ὄφρα μιν ἂψ ἀγάγω ἐς πέδον Ἀρκαδίης. ### book 3.1.1 Ἀλκιμέδη ξύνευνον Ἀμύντορα παιδὸς ἐρύκει, ### book 3.1.2 Φοίνικος δ’ ἐθέλει παῦσαι χόλον γενέτου, ### book 3.1.3 ὅττι περ ἤχθετο πατρὶ σαόφρονος εἵνεκα ματρός, ### book 3.1.4 παλλακίδος δούλης λέκτρα προσιεμένῳ· ### book 3.5 κεῖνος δ’ αὖ δολίοις ψιθυρίσμασιν ἤχθετο κούρῳ, ### book 3 ἦγε δ’ ἐς ὀφθαλμοὺς λαμπάδα παιδολέτιν. ### book 4.1.1 Μητρυιὰν Κλυτίος καὶ Κλυτόνοος Πολυμήδης ### book 4.1.2 κτείνουσι Φρυγίην ματρὸς ὑπὲρ σφετέρας. ### book 4.1.3 Κλειοπάτρη δ’ ἐπὶ τοῖσιν ἀγάλλεται, ἣ πρὶν ἐπεῖδεν ### book 4.1.4 τὰν Φινέως γαμετὰν δαμναμένην ὁσίως. ### book 5.1.1 Κρεσφόντου γενέτην πέφνες τὸ πάρος, Πολυφόντα, ### book 5.1.2 κουριδίης ἀλόχου λέκτρα θέλων μιάναι· ### book 5.1.3 ὀψὲ δέ οἱ πάις ἧκε φόνῳ γενέτῃ προσαμύνων ### book 5.1.4 καί σε κατακτείνει ματρὸς ὑπὲρ Μερόπας. ### book 5.5.1 τοὔνεκα καὶ δόρυ πῆξε μεταφρένῳ, ἁ δ’ ἐπαρήγει, ### book 5.5.2 βριθὺ κατὰ κροτάφων βάκτρον ἐρειδομένα. ### book 6.1.1 Γηγενέα Πυθῶνα, μεμιγμένον ἑρπετὸν ὁλκοῖς, ### book 6.1.2 ἐκνεύει Λατὼ πάγχυ μυσαττομένη· ### book 6.1.3 σκυλᾶν γὰρ πινυτὰν ἐθέλει θεόν· ἀλλά γε τόξῳ ### book 6.1.4 θῆρα καθαιμάσσει Φοῖβος ἀπὸ σκοπιῆς. ### book 6.5 Δελφὸν δ’ οὖν θήσει τρίπον ἔνθεον· ἐκ δὲ δρακόντων ### book 6 πικρότατος πνεύσει ῥοῖζον ὀδυρόμενος. ### book 7.1.1 Ἀμφίων καὶ Ζῆθε, Διὸς σκυλακεύματα, Δίρκην ### book 7.1.2 κτείνατε τάνδ’ ὀλέτιν ματέρος Ἀντιόπας, ### book 7.1.3 δέσμιον ἣν πάρος εἶχε διὰ ζηλήμονα μῆνιν· ### book 7.1.4 νῦν δ’ ἱκέτις αὐτὴ λίσσετ’ ὀδυρομένη· ### book 7.5.1 ᾇ γε καὶ ἐκ ταύροιο καθάπτετε δίπλακα σειρήν, ### book 7.5.2 ὄφρα δέμας σύρῃ τῆσδε κατὰ ξυλόχου. ### book 8.1.1 Μᾶτερ Ὀδυσσῆος πινυτόφρονος, Ἀντίκλεια, ### book 8.1.2 ζῶσα μὲν εἰς Ἰθάκην οὐχ ὑπέδεξο πάιν· ### book 8.1.3 ἀλλά σε νῦν Ἀχέροντος ἐπὶ ῥηγμῖσι γεγῶσαν ### book 8.1.4 θαμβεῖ, ἀνὰ γλυκερὰν ματέρα δερκόμενος. ### book 9.1.1 Μὴ Τυρὼ τρύχοι σὸν ἔτι σπείρημα, Σιδηροῖ, ### book 9.1.2 Σαλμωνεῖ γενέτᾳ τῷδ’ ὑποτασσομέναν· ### book 9.1.3 οὐκέτι γὰρ δουλώσει ἐν ἕρκεσιν, ἐγγύθι λεύσσων ### book 9 Νηλέα καὶ Πελίαν τούσδε καθεζομένους. ### book 10.1.1 Φαῖνε, Θόαν, Βάκχοιο φυτὸν τόδε· ματέρα γάρ σου ### book 10.1.2 ῥύσῃ τοῦ θανάτου, οἰκέτιν Ὑψιπύλαν· ### book 10.1.3 ἃ τὸν ἀπ’ Εὐρυδίκας ἔτλη χόλον, ἦμος ἀφαυρὸν ### book 10.1.4 ὕδρος ὁ γᾶς γενέτας ὤλεσεν Ἀρχέμορον. ### book 10.5.1 στεῖχε δὲ καὶ σὺ λιπὼν Ἀσωπίδος ἀφνεὸν οὖθαρ, ### book 10.5.2 γειναμένην ἄξων Λῆμνον ἐς ἠγαθέην. ### book 11.1.1 Ἔτλης καὶ σὺ λέχη Δανάης, Πολύδεκτα, μιαίνειν, ### book 11.1.2 δυσφήμοις εὐναῖς τῷ Διὶ μεμψάμενος· ### book 11.1.3 ἀνθ’ ὧν ὄμματ’ ἔλυσε τὰ Γοργόνος ἐνθάδε Περσεύς, ### book 11.1.4 γυῖα λιθουργήσας ματρὶ χαριζόμενος. ### book 12.1 Φόρβαν καὶ Πολύμηλον ὅδ’ Ἰξίων βάλε γαίῃ, ### book 12 ποινὰν τᾶς ἰδίας ματρὸς ἀμυνόμενος. ### book 13.1.1 Ἀλκίδας ὁ θρασὺς Ῥαδαμάνθυϊ ματέρα τάνδε ### book 13.1.2 Ἀλκμήναν ὅσιον πρὸς λέχος ἐξέδοτο. ### book 14.1.1 Μάργε καὶ ἀφροσύνῃ μεμεθυσμένε, τίπτε βιαίως ### book 14.1.2 εἰς εὐνὰς ἐτράπης τᾶς Διὸς εὐνέτιδος; ### book 14.1.3 ὅς σε δὴ αἵματι φῦρσε κατάξια, θηρσὶ δὲ βορρὰν ### book 14.1.4 καὶ πτανοῖς ἐπὶ γᾷ εἴασε νῦν ὁσίως. ### book 15.1.1 Οὔ κέ τι Προίτου ὑπαὶ φόνον ἔσχεθε Βελλεροφόντης ### book 15.1.2 οὐδ’ ἐκ τοῦ παιδὸς τειρόμενος θάνατον, ### book 15.1.3 Γλαῦκ’, ἄκραντον, ἀγεννοῦς Ἰοβάτου δ’ ὑπαλύξει· ### book 15.1.4 οὕτως γὰρ Μοιρῶν 〈τῷδ’〉 ἐπέκλωσε λίνα. ### book 15.5 καὶ σὺ πατρὸς φόνον αὐτὸς ἀπήλασας ἐγγύθεν ἐλθών, ### book 15 καὶ μύθων ἐσθλῶν μάρτυς ἐπεφράσαο. ### book 16.1.1 Αἴολε καὶ Βοιωτέ, σοφὸν φιλομήτορα μῦθον ### book 16.1.2 πρήξατε, μητέρ’ ἑὴν λυόμενοι θανάτου· ### book 16.1.3 τοὔνεκα γὰρ καὶ 〈σφῶι〉 πεφήνατε ἄλκιμοι ἄνδρες, ### book 16.1.4 ὃς μὲν ἀπ’ Αἰολίης, ὃς δ’ ἀπὸ Βοιωτίης. ### book 17.1 Πυρὸς καὶ γαίης ... ### book 18.1.1 Οὐ ψευδὴς ὅδε μῦθος, ἀληθείῃ δὲ κέκασται ### book 18.1.2 Κυδίππης παίδων εὐσεβίης θυσίη. ### book 18.1.3 ἡδυχαρὴς γὰρ ἔην σκοπὸς ἀνδράσιν ὥριος οἶμος, ### book 18.1.4 μητρὸς ἐπ’ εὐσεβίῃ κλεινὸν ἔθεντο πόνον. ### book 18.5 χαίροιτ’ οὖν ἱεροῖσιν ἐπ’ εὐσεβίῃ, κλυτοὶ ἄνδρες, ### book 18 καὶ τὸν ἀπ’ αἰώνων μῦθον ἔχοιτε μόνοι. ### book 19.1.1 Τόνδε σὺ μὲν παίδων κρύφιον γόνον Ἄρεϊ τίκτεις ### book 19.1.2 Ῥῆμόν τε ξυνῇ καὶ Ῥωμύλον λεχέων, ### book 19.1.3 θὴρ δὲ λύκαιν’ ἄνδρωσεν ὑπὸ σπήλυγγι τιθηνός, ### book 19 οἵ σε δυσηκέστων ἥρπασαν ἐκ καμάτων. ### book 1.1.1 Μοῦσα φίλα, τίνι τάνδε φέρεις πάγκαρπον ἀοιδὰν ### book 1.1.2 ἢ τίς ὁ καὶ τεύξας ὑμνοθετᾶν στέφανον; ### book 1.1.3 ἄνυσε μὲν Μελέαγρος· ἀριζάλῳ δὲ Διοκλεῖ ### book 1.1.4 μναμόσυνον ταύταν ἐξεπόνησε χάριν· ### book 1.5.1 πολλὰ μὲν ἐμπλέξας Ἀνύτης κρίνα, πολλὰ δὲ Μοιροῦς ### book 1.5.2 λείρια, καὶ Σαπφοῦς βαιὰ μέν, ἀλλὰ ῥόδα, ### book 1.5.3 ναρκίσσων τε χορὸν Μελανιππίδου ἔγκυον ὕμνων, ### book 1.5.4 καὶ νέον οἰνάνθης κλῆμα Σιμωνίδεω· ### book 1.5.5 σὺν δ’ ἀναμὶξ πλέξας μυρόπνουν εὐάνθεμον ἶριν ### book 1.10.1 Νοσσίδος, ἧς δέλτοις κηρὸν ἔτηξεν Ἔρως· ### book 1.10.2 τῇ δ’ ἅμα καὶ σάμψυχον ἀφ’ ἡδυπνόοιο Ῥιανοῦ, ### book 1.10.3 καὶ γλυκὺν Ἠρίννης παρθενόχρωτα κρόκον, ### book 1.10.4 Ἀλκαίου τε λάληθρον ἐν ὑμνοπόλοις ὑάκινθον, ### book 1.10.5 καὶ Σαμίου δάφνης κλῶνα μελαμπέταλον· ### book 1.15.1 ἐν δὲ Λεωνίδεω θαλεροὺς κισσοῖο κορύμβους, ### book 1.15.2 Μνασάλκου τε κόμας ὀξυτόρου πίτυος· ### book 1.15.3 βλαισήν τε πλατάνιστον ἀπέθρισε Παμφίλου οἴμης, ### book 1.15.4 σύμπλεκτον καρύης ἔρνεσι Παγκράτεος, ### book 1.15.5 Τύμνεώ τ’ εὐπέταλον λεύκην, χλοερόν τε σίσυμβρον ### book 1.20.1 Νικίου, Εὐφήμου τ’ ἀμμότροφον πάραλον· ### book 1.20.2 ἐν δ’ ἄρα Δαμάγητον, ἴον μέλαν, ἡδύ τε μύρτον ### book 1.20.3 Καλλιμάχου, στυφελοῦ μεστὸν ἀεὶ μέλιτος, ### book 1.20.4 λυχνίδα τ’ Εὐφορίωνος ἰδ’ ἐν Μούσῃσιν ἄμωμον, ### book 1.20.5 ὃς Διὸς ἐκ κούρων ἔσχεν ἐπωνυμίην. ### book 1.25.1 τῇσι δ’ ἅμ’ Ἡγήσιππον ἐνέπλεκε, μαινάδα βότρυν, ### book 1.25.2 Πέρσου τ’ εὐώδη σχοῖνον ἀμησάμενος, ### book 1.25.3 σὺν δ’ ἅμα καὶ γλυκύμηλον ἀπ’ ἀκρεμόνων Διοτίμου, ### book 1.25.4 καὶ ῥοιῆς ἄνθη πρῶτα Μενεκράτεος, ### book 1.25.5 σμυρναίους τε κλάδους Νικαινέτου, ἠδὲ Φαέννου ### book 1.30.1 τέρμινθον, βλωθρήν τ’ ἀχράδα Σιμίεω· ### book 1.30.2 ἐν δὲ καὶ ἐκ λειμῶνος ἀμωμήτοιο σέλινα, ### book 1.30.3 βαιὰ διακνίζων ἄνθεα, Παρθενίδος, ### book 1.30.4 λείψανά τ’ εὐκαρπεῦντα μελιστάκτων ἀπὸ Μουσέων, ### book 1.30.5 ξανθοὺς ἐκ καλάμης Βακχυλίδεω στάχυας· ### book 1.35.1 ἐν δ’ ἄρ’ Ἀνακρείοντα, τὸ μὲν γλυκὺ κεῖνο μέλισμα ### book 1.35.2 νέκταρος, ἐν δ’ ἐλέγους ἄσπορον ἀνθέμιον· ### book 1.35.3 ἐν δὲ καὶ ἐκ φορβῆς σκολιότριχος ἄνθος ἀκάνθης ### book 1.35.4 Ἀρχιλόχου, μικρὰς στράγγας ἀπ’ ὠκεανοῦ· ### book 1.35.5 τοῖς δ’ ἅμ’ Ἀλεξάνδροιο νέους ὄρπηκας ἐλαίης ### book 1.40.1 ἠδὲ Πολυκλείτου πορφύρεον κύαμον. ### book 1.40.2 ἐν δ’ ἄρ’ ἀμάρακον ἧκε Πολύστρατον, ἄνθος ἀοιδῶν, ### book 1.40.3 φοίνισσάν τε νέην κύπρον ἀπ’ Ἀντιπάτρου· ### book 1.40.4 ναὶ μὴν καὶ Συρίαν σταχυότριχα θήκατο νάρδον ### book 1.40.5 ὑμνοθέταν Ἑρμοῦ δῶρον ἀειδόμενον. ### book 1.45.1 ἐν δὲ Ποσείδιππόν τε καὶ Ἡδύλον, ἄγρι’ ἀρούρης, ### book 1.45.2 Σικελίδεώ τ’ ἀνέμοις ἄνθεα φυόμενα· ### book 1.45.3 ναὶ μὴν καὶ χρύσειον ἀεὶ θείοιο Πλάτωνος ### book 1.45.4 κλῶνα, τὸν ἐξ ἀρετῆς πάντοθι λαμπόμενον. ### book 1.45.5 ἄστρων τ’ ἴδριν Ἄρατον ὁμοῦ βάλεν, οὐρανομάκευς ### book 1.1 φοίνικος κείρας πρωτογόνους ἕλικας, ### book 1.2 λωτόν τ’ εὐχαίτην Χαιρήμονος, ἐν φλογὶ μίξας ### book 1.3 Φαιδίμου, Ἀνταγόρου τ’ εὔστροφον ὄμμα βοός, ### book 1.4 τάν τε φιλάκρητον Θεοδωρίδεω νεοθαλῆ ### book 1.5 ἕρπυλλον, κυάνων τ’ ἄνθεα Φανίεω, ### book 1.55.1 ἄλλων τ’ ἔρνεα πολλὰ νεόγραφα· τοῖς δ’ ἅμα Μούσης ### book 1.55.2 καὶ σφετέρης ἔτι που πρώιμα λευκόια. — ### book 1.55.3 ἀλλὰ φίλοις μὲν ἐμοῖσι φέρω χάριν· ἔστι δὲ μύσταις ### book 1.55.4 κοινὸς ὁ τῶν Μουσέων ἡδυεπὴς στέφανος. ### book 2.1.1 Ἄνθεά σοι δρέψας Ἑλικώνια καὶ κλυτοδένδρου ### book 2.1.2 Πιερίης κείρας πρωτοφύτους κάλυκας ### book 2.1.3 καὶ σελίδος νεαρῆς θερίσας στάχυν ἀντανέπλεξα ### book 2 τοῖς Μελεαγρείοις ὡς ἴκελον στεφάνοις. ### book 2.5.1 ἀλλὰ παλαιοτέρων εἰδὼς κλέος, ἐσθλὲ Κάμιλλε, ### book 2.5.2 γνῶθι καὶ ὁπλοτέρων τὴν ὀλιγοστιχίην. ### book 2.5.3 Ἀντίπατρος πρέψει στεφάνῳ στάχυς· ὡς δὲ κόρυμβος ### book 2.5.4 Κριναγόρας, λάμψει δ’ ὡς βότρυς Ἀντίφιλος, ### book 2.5.5 Τύλλιος ὡς μελίλωτον, ἀμάρακον ὣς Φιλόδημος· ### book 2.10.1 μύρτα δ’ ὁ Παρμενίων, ὡς ῥόδον Ἀντιφάνης· ### book 2.10.2 κισσὸς δ’ Αὐτομέδων, Ζωνᾶς κρίνα, δρῦς δὲ Βιάνωρ, ### book 2.10.3 Ἀντίγονος δ’ ἐλάη καὶ Διόδωρος ἴον· ### book 2.10.4 Εὐήνῳ δάφνην συνεπίπλεκε· τοὺς δὲ περισσοὺς ### book 2.10.5 εἴκασον οἷς ἐθέλεις ἄνθεσιν ἀρτιφύτοις. ### book 3.1.1 Οἶμαι μὲν ὑμᾶς, ἄνδρες, ἐμπεπλησμένους ### book 3.1.2 ἐκ τῆς τοσαύτης τῶν λόγων πανδαισίας, ### book 3.1.3 ἔτι που τὰ σιτία προσκόρως ἐρυγγάνειν· ### book 3.1.4 καὶ δὴ κάθησθε τῇ τρυφῇ σεσαγμένοι. ### book 3.5.1 λόγων γὰρ ἡμῖν πολυτελῶν καὶ ποικίλων ### book 3.5.2 πολλοὶ προθέντες παμμιγεῖς εὐωχίας, ### book 3.5.3 περιφρονεῖν πείθουσι τῶν εἰθισμένων. ### book 3.5.4 τί δὲ νῦν ποιήσομεν; τὰ προὐξειργασμένα ### book 3.5.5 οὕτως ἐάσω συντετῆχθαι κείμενα, ### book 3.10.1 ἢ καὶ προθῶμαι τῆς ἀγορᾶς ἐν τῷ μέσῳ ### book 3.10.2 παλιγκαπήλοις εὐτελῶς ἀπεμπολῶν; ### book 3.10.3 καὶ τίς μετασχεῖν τῶν ἐμῶν ἀνέξεται; ### book 3.10.4 τίς δ’ ἂν πρίαιτο τοὺς λόγους τριωβόλου, ### book 3.10.5 εἰ μὴ φέροι πως ὦτα μὴ τετρημένα; ### book 3.15.1 Ἀλλ’ ἐστὶν ἐλπὶς εὐμενῶς τῶν δρωμένων ### book 3.15.2 ὑμᾶς μεταλαβεῖν, κοὐ κατεβλακευμένως. ### book 3.1 ἔθος γὰρ ἡμῖν τῇ προθυμίᾳ μόνῃ ### book 3.2 τῇ τῶν καλούντων ἐμμετρεῖν τὰ σιτία. ### book 3.3 καὶ πρός γε τοῦτο δεῖπνον ἠρανισμένον ### book 3.20.1 ἥκω προθήσων ἐκ νέων ἡδυσμάτων. ### book 3.20.2 ἐπεὶ γὰρ οὐκ ἔνεστιν ἐξ ἐμοῦ μόνου ### book 3.20.3 ὑμᾶς μεταλαβεῖν, ἄνδρες, ἀξίας τροφῆς, ### book 3.20.4 πολλοὺς ἔπεισα συλλαβεῖν μοι τοῦ πόνου ### book 3.20.5 καὶ συγκαταβαλεῖν καὶ συνεστιᾶν πλέον. ### book 3.25.1 καὶ δὴ παρέσχον ἀφθόνως οἱ πλούσιοι, ### book 3.25.2 ἐξ ὧν τρυφῶσι, καὶ παραλαβὼν γνησίως ### book 3.25.3 ἐν τοῖς ἐκείνων πέμμασι φρυάττομαι. ### book 3.25.4 τοῦτο δέ τις αὐτῶν προσφόρως, δεικνὺς ἐμέ, ### book 3.25.5 ἴσως ἐρεῖ πρὸς ἄλλον· „Ἀρτίως ἐμοῦ ### book 3.30.1 μάζαν μεμαχότος μουσικήν τε καὶ νέαν, ### book 3.30.2 οὗτος παρέθηκεν τὴν ὑπ’ ἐμοῦ μεμαγμένην.“ ### book 3.30.3 ταυτὶ μὲν οὖν ἐρεῖ τις, οἶδα, τῶν σοφῶν ### book 3.30.4 τῶν ὀψοποιῶν, ὧν χάριν δοκῶ μόνος ### book 3.30.5 εἶναι τοσαύτης ἡγεμὼν πανδαισίας. ### book 3.35.1 θαρρῶν γὰρ αὐτοῖς λιτὸν οἴκοθεν μέρος ### book 3.35.2 καὐτὸς παρέμιξα, τοῦ δοκεῖν μὴ παντελῶς ### book 3.35.3 ξένος τις εἶναι τῶν ὑπ’ ἐμοῦ συνηγμένων. ### book 3.35.4 ἀλλ’ ἐξ ἑκάστου σμικρὸν ἐξάγω μέρος, ### book 3.35.5 ὅσον ἀπογεῦσαι· τῶν δὲ λοιπῶν εἰ θέλοι ### book 3.40.1 τυχεῖν τις ἁπάντων καὶ μετασχεῖν εἰς κόρον, ### book 3.40.2 ἴστω γε ταῦτα κατ’ ἀγορὰν ζητητέα. ### book 3.40.3 Κόσμον δὲ προσθεὶς τοῖς ἐμοῖς πονήμασι, ### book 3.40.4 ἐκ τοῦ Βασιλέως τοὺς προλόγους ποιήσομαι· ### book 3.40.5 ἅπαντα γάρ μοι δεξιῶς προβήσεται. ### book 3.45.1 καί μοι μεγίστων πραγμάτων ὑμνουμένων ### book 3.45.2 εὑρεῖν γένοιτο καὶ λόγους ἐπηρμένους. ### book 3.47.1 Μή τις ἐπαυχενίοιο λιπὼν ζωστῆρα λεπάδνου ### book 3.47.2 βάρβαρος ἐς Βασιλῆα βιημάχον ὄμμα τανύσσῃ· ### book 3 μηδ’ ἔτι Περσὶς ἄναλκις ἀναστείλασα καλύπτρην ### book 3.1 ὄρθιον ἀθρήσειεν· ἐποκλάζουσα δὲ γαίῃ ### book 3.2 καὶ λόφον αὐχήεντα καταγνάμπτουσα τενόντων ### book 3.3 Αὐσονίοις ἄκλητος ὑποκλίνοιτο ταλάντοις. ### book 3.4 Ἑσπερίη θεράπαινα, σὺ δ’ ἐς κρηπῖδα Γαδείρων ### book 3.5 καὶ παρὰ πορθμὸν Ἴβηρα καὶ Ὠκεανίτιδα Θούλην ### book 3.55.1 ἤπιον ἀμπνεύσειας, ἀμοιβαίων δὲ τυράννων ### book 3.55.2 κράατα μετρήσασα τεῇ κρυφθέντα κονίῃ, ### book 3.55.3 θαρσαλέαις παλάμῃσι φίλην ἀγκάζεο Ῥώμην. ### book 3.55.4 Καυκασίῳ δὲ τένοντι καὶ ἐν ῥηγμῖνι Κυταίῃ, ### book 3.55.5 ὁππόθι ταυρείοιο ποδὸς δουπήτορι χαλκῷ ### book 3.60.1 σκληρὰ σιδηρείης ἐλακίζετο νῶτα κονίης, ### book 3.60.2 σύννομον Ἀδρυάδεσσιν ἀναπλέξασα χορείην ### book 3.60.3 Φασιὰς εἱλίσσοιτο φίλῳ σκιρτήματι νύμφη, ### book 3.60.4 καὶ καμάτους μέλψειε πολυσκήπτρου Βασιλῆος, ### book 3.60.5 μόχθον ἀπορρίψασα γιγαντείου τοκετοῖο. ### book 3.65.1 μηδὲ γὰρ αὐχήσειεν Ἰωλκίδος ἔμβολον Ἀργοῦς, ### book 3.65.2 ὅττι πόνους ἥρωος ἀγασσαμένη Παγασαίου ### book 3.65.3 οὐκέτι Κολχὶς ἄρουρα, γονῇ πλησθεῖσα Γιγάντων, ### book 3.65.4 εὐπτολέμοις σταχύεσσι μαχήμονα βῶλον ἀνοίγει. ### book 3.65.5 κεῖνα γὰρ ἢ μῦθός τις ἀνέπλασεν ἢ διὰ τέχνης ### book 3.70.1 οὐχ ὁσίης τετέλεστο, πόθων ὅτε λύσσαν ἑλοῦσα ### book 3.70.2 παρθενικὴ δολόεσσα μάγον κίνησεν ἀνάγκην· ### book 3.70.3 ἀλλὰ δόλων ἔκτοσθε καὶ ὀρφναίου κυκεῶνος ### book 3.70.4 Βάκτριος ἡμετέροισι Γίγας δούπησε βελέμνοις. ### book 3.70.5 οὐκέτι μοι χῶρός τις ἀνέμβατος, ἀλλ’ ἐνὶ πόντῳ ### book 3.75.1 Ὑρκανίου κόλποιο καὶ ἐς βυθὸν Αἰθιοπῆα ### book 3.75.2 Ἰταλικαῖς νήεσσιν ἐρέσσεται ἥμερον ὕδωρ. ### book 3.75.3 Ἀλλ’ ἴθι νῦν ἀφύλακτος ὅλην ἤπειρον ὁδεύων, ### book 3.75.4 Αὐσόνιε, σκίρτησον, ὁδοιπόρε· Μασσαγέτην δὲ ### book 3.75.5 ἀμφιθέων ἀγκῶνα καὶ ἄξενα τέμπεα Σούσων ### book 3.80.1 Ἰνδῴης ἐπίβηθι κατ’ ὀργάδος· ἐν δὲ κελεύθοις ### book 3.80.2 εἴ ποτε διψήσειας, ἀρύεο δοῦλον Ὑδάσπην. ### book 3.80.3 ναὶ μὴν καὶ κυανωπὸν ὑπὲρ δύσιν ἄτρομος ἕρπων ### book 3.1 κύρβιας Ἀλκείδαο μετέρχεο, θαρσαλέως δὲ ### book 3.2 ἴχνιον ἀμπαύσειας ἐπὶ ψαμάθοισιν Ἰβήρων, ### book 3.85.1 ὁππόθι, καλλιρέεθρον ὑπὲρ βαλβῖδα θαλάσσης, ### book 3.85.2 δίζυγος ἠπείροιο συναντήσασα κεραίη ### book 3.85.3 ἐλπίδας ἀνθρώποισι βατῆς εὔνησε πορείης. ### book 3.85.4 ἐσχατιὴν δὲ Λίβυσσαν ἐπιστείβων Νασαμώνων ### book 3.85.5 ἔρχεο καὶ παρὰ Σύρτιν, ὅπῃ νοτίῃσι θυέλλαις ### book 3.90.1 ἐς κλίσιν ἀντίπρωρον ἀνακλασθεῖσα Βορῆος ### book 3.90.2 καὶ ψαφαρὴν ἄμπωτιν ὕπερ ῥηγμῖνι ἁλίπλῳ ### book 3.90.3 ἀνδράσι δῖα θάλασσα πόρον χερσαῖον ἀνοίγει. ### book 3.90.4 οὐδὲ γὰρ ὀθνείης σε δεδέξεται ἤθεα γαίης, ### book 3.90.5 ἀλλὰ σοφοῦ κτεάνοισιν ὁμιλήσεις Βασιλῆος, ### book 3.95.1 ἔνθα κεν ἀίξειας, ἐπεὶ κυκλώσατο κόσμον ### book 3.95.2 κοιρανίῃ· Τάναϊς δὲ μάτην ἤπειρον ὁρίζων ### book 3.95.3 ἐς Σκυθίην πλάζοιτο καὶ ἐς Μαιώτιδα λίμνην. ### book 3.95.4 Τοὔνεκεν, ὁππότε πάντα φίλης πέπληθε γαλήνης, ### book 3.95.5 ὁππότε καὶ ξείνοιο καὶ ἐνδαπίοιο κυδοιμοῦ ### book 3.1 ἐλπίδες ἐθραύσθησαν ὑφ’ ἡμετέρῳ Βασιλῆι, ### book 3.2 δεῦρο, μάκαρ Θεόδωρε, σοφὸν στήσαντες ἀγῶνα ### book 3.3 παίγνια κινήσωμεν ἀοιδοπόλοιο χορείης. ### book 3.4 σοὶ γὰρ ἐγὼ τὸν ἄεθλον ἐμόχθεον· εἰς σὲ δὲ μύθων ### book 3.5 ἐργασίην ἤσκησα, μιῇ δ’ ὑπὸ σύζυγι βίβλῳ ### book 3.105.1 ἐμπορίην ἤθροισα πολυξείνοιο μελίσσης· ### book 3.105.2 καὶ τόσον ἐξ ἐλέγοιο πολυσπερὲς ἄνθος ἀγείρας, ### book 3.105.3 στέμμα σοι εὐμύθοιο καθήρμοσα Καλλιοπείης, ### book 3.105.4 ὡς φηγὸν Κρονίωνι καὶ ὁλκάδας Ἐννοσιγαίῳ, ### book 3.105.5 ὡς Ἄρεϊ ζωστῆρα καὶ Ἀπόλλωνι φαρέτρην, ### book 3.110.1 ὡς χέλυν Ἑρμάωνι καὶ ἡμερίδας Διονύσῳ. ### book 3.110.2 οἶδα γάρ, ὡς ἄλληκτον ἐμῆς ἱδρῶτι μερίμνης ### book 3.110.3 εὖχος ἐπιστάξειεν ἐπωνυμίη Θεοδώρου. ### book 3.110.4 Πρῶτα δέ σοι λέξαιμι, παλαιγενέεσσιν ἐρίζων, ### book 3.110.5 ὅσσαπερ ἐγράψαντο νέης γενετῆρες ἀοιδῆς ### book 3.115.1 ὡς προτέροις μακάρεσσιν ἀνειμένα· καὶ γὰρ ἐῴκει ### book 3.115.2 γράμματος ἀρχαίοιο σοφὸν μίμημα φυλάξαι. ### book 3.1 ἀλλὰ πάλιν μετ’ ἐκεῖνα παλαίτερον εὖχος ἀείρει, ### book 3.2 ὅσσαπερ ἢ γραφίδεσσι χαράξαμεν ἤ τινι χώρῳ, ### book 3.3 εἴτε καὶ εὐποίητον ἐπὶ βρέτας, εἴτε καὶ ἄλλης ### book 3.120.1 τέχνης ἐργοπόνοιο πολυσπερέεσσιν ἀέθλοις. ### book 3.120.2 καὶ τριτάτην βαλβῖδα νεήνιδος ἔλλαχε βίβλου, ### book 3.120.3 ὅσσα θέμις τύμβοισι· τάπερ Θεὸς ἐν μὲν ἀοιδῇ ### book 3.120.4 ἐκτελέειν νεύσειεν, ἐν ἀτρεκίῃ δὲ διώκειν. ### book 3.120.5 ὅσσα δὲ καὶ βιότοιο πολυσπερέεσσι κελεύθοις ### book 3.125.1 γράψαμεν ἀσταθέος τε τύχης σφαλεροῖσι ταλάντοις, ### book 3.125.2 δέρκεό μοι βίβλοιο παρὰ κρηπῖδα τετάρτην. ### book 3.125.3 ναὶ τάχα καὶ πέμπτοιο χάρις θέλξειεν ἀέθλου, ### book 3.125.4 ὁππόθι κερτομέοντες ἐπεσβόλον ἦχον ἀοιδῆς ### book 3.125.5 γράψαμεν. ἑκταῖον δὲ μέλος κλέπτουσα Κυθήρη ### book 3.130.1 εἰς ὀάρους ἐλέγοιο παρατρέψειε πορείην ### book 3.130.2 καὶ γλυκεροὺς ἐς ἔρωτας. ἐν ἑβδομάτῃ δὲ μελίσσῃ ### book 3.130.3 εὐφροσύνας Βάκχοιο φιλακρήτους τε χορείας ### book 3.130.4 καὶ μέθυ καὶ κρητῆρα καὶ ὄλβια δεῖπνα νοήσεις. ### book 3.134 Στῆλαι καὶ γραφίδες καὶ κύρβιες εὐφροσύνης μὲν ### book 3.135.1 αἴτια τοῖς ταῦτα κτησαμένοις μεγάλης, ### book 3.135.2 ἀλλ’ ἐς ὅσον ζώουσι· τὰ γὰρ κενὰ κύδεα φωτῶν ### book 3.135.3 ψυχαῖς οἰχομένων οὐ μάλα συμφέρεται. ### book 3.135.4 ἡ δ’ ἀρετὴ σοφίης τε χάρις καὶ κεῖθι συνέρπει, ### book 3.135.5 κἀνθάδε μιμνάζει μνῆστιν ἐφελκομένη. ### book 3.140.1 οὕτως οὔτε Πλάτων βρενθύεται οὔτ’ ἄρ’ Ὅμηρος ### book 3.140.2 χρώμασιν ἢ στήλαις, ἀλλὰ μόνῃ σοφίῃ. ### book 3.140.3 ὄλβιοι, ὧν μνήμη πινυτῶν ἐνὶ τεύχεσι βίβλων, ### book 3 ἀλλ’ οὐκ ἐς κενεὰς εἰκόνας ἐνδιάει. ### book 1.1 Νέοις ἀνάπτων καρδίας σοφὴν ζέσιν ### book 1.2 ἀρχὴν Ἔρωτα τῶν λόγων ποιήσομαι· ### book 1.3 πυρσὸν γὰρ οὗτος ἐξανάπτει τοῖς λόγοις. ### book 2.1 Τὴν καταφλεξίπολιν Σθενελαΐδα τὴν βαρύμισθον, ### book 2.2 τὴν τοῖς βουλομένοις χρυσὸν ἀμεργομένην, ### book 2.3 γυμνήν μοι διὰ νυκτὸς ὅλης παρέκλινεν ὄνειρος ### book 2.4 ἄχρι φίλης ἠοῦς προῖκα χαριζομένην. ### book 2.5.1 οὐκέτι γουνάσομαι τὴν βάρβαρον οὐδ’ ἐπ’ ἐμαυτῷ ### book 2.5.2 κλαύσομαι ὕπνον ἔχων κεῖνα χαριζόμενον. ### book 3.1.1 Ὄρθρος ἔβη, Χρύσιλλα, πάλαι δ’ ἠῷος ἀλέκτωρ ### book 3.1.2 κηρύσσων φθονερὴν Ἠριγένειαν ἄγει. ### book 3.1.3 ὀρνίθων ἔρροις φθονερώτατος, ὅς με διώκεις ### book 3.1.4 οἴκοθεν εἰς πολλοὺς ἠιθέων ὀάρους. ### book 3.5 γηράσκεις, Τιθωνέ. τί γὰρ σὴν εὐνέτιν Ἠῶ ### book 3 οὕτως ὀρθριδίην ἤλασας ἐκ λεχέων; ### book 4.1.1 Τὸν σιγῶντα, Φιλαινί, συνίστορα τῶν ἀλαλήτων ### book 4.1.2 λύχνον ἐλαιηρῆς ἐκμεθύσασα δρόσου, ### book 4.1.3 ἔξιθι· μαρτυρίην γὰρ Ἔρως μόνος οὐκ ἐφίλησεν ### book 4.1.4 ἔμπνουν· καὶ τυκτὴν κλεῖε, Φιλαινί, θύρην. ### book 4.5.1 καὶ σὺ φίλει, Ξανθώ, με· σὺ δ’, ὦ φιλεράστρια κοίτη, ### book 4.5.2 ἤδη τῆς Παφίης ἴσθι τὰ λειπόμενα. ### book 5.1.1 Ἀργύρεον νυχίων με συνίστορα πιστὸν ἐρώτων ### book 5.1.2 οὐ πιστῇ λύχνον Φλάκκος ἔδωκε Νάπῃ, ### book 5.1.3 ἧς παρὰ νῦν λεχέεσσι μαραίνομ’ ὁ τῆς ἐπιόρκου ### book 5.1.4 παντοπαθῆ κούρης αἴσχεα δερκόμενος, ### book 5.5.1 Φλάκκε, σὲ δ’ ἄγρυπνον χαλεπαὶ τείρουσι μέριμναι· ### book 5.5.2 ἄμφω δ’ ἀλλήλων ἄνδιχα καιόμεθα. ### book 6.1.1 Ὤμοσε Καλλίγνωτος Ἰωνίδι μήποτ’ ἐκείνης ### book 6.1.2 ἕξειν μήτε φίλον κρέσσονα μήτε φίλην. ### book 6.1.3 ὤμοσεν· ἀλλὰ λέγουσιν ἀληθέα, τοὺς ἐν ἔρωτι ### book 6.1.4 ὅρκους μὴ δύνειν οὔατ’ ἐς ἀθανάτων. ### book 6.5 νῦν δ’ ὁ μὲν ἀρσενικῷ θέρεται πυρί, τῆς δὲ ταλαίνης ### book 6 νύμφης ὡς Μεγαρέων οὐ λόγος οὐδ’ ἀριθμός. ### book 7.1.1 Λύχνε, σὲ γὰρ παρεοῦσα τρὶς ὤμοσεν Ἡράκλεια ### book 7.1.2 ἥξειν κοὐχ ἥκει· λύχνε, σὺ δ’, εἰ θεὸς εἶ, ### book 7.1.3 τὴν δολίην ἀπάμυνον· ὅταν φίλον ἔνδον ἔχουσα ### book 7.1.4 παίζῃ, ἀποσβεσθεὶς μηκέτι φῶς πάρεχε. ### book 8.1.1 Νὺξ ἱερὴ καὶ λύχνε, συνίστορας οὔτινας ἄλλους ### book 8.1.2 ὅρκοις, ἀλλ’ ὑμέας, εἱλόμεθ’ ἀμφότεροι· ### book 8.1.3 χὠ μὲν ἐμὲ στέρξειν, κεῖνον δ’ ἐγὼ οὔποτε λείψειν ### book 8.1.4 ὠμόσαμεν· κοινὴν δ’ εἴχετε μαρτυρίην. ### book 8.5.1 νῦν δ’ ὁ μὲν ὅρκιά φησιν ἐν ὕδατι κεῖνα φέρεσθαι, ### book 8.5.2 λύχνε, σὺ δ’ ἐν κόλποις αὐτὸν ὁρᾷς ἑτέρων. ### book 9.1.1 Ῥουφῖνος τῇ ’μῇ γλυκερωτάτῃ Ἐλπίδι πολλὰ ### book 9.1.2 χαίρειν, εἰ χαίρειν χωρὶς ἐμοῦ δύναται. ### book 9.1.3 οὐκέτι βαστάζω, μὰ τὰ ς’ ὄμματα, τὴν φιλέρημον ### book 9.1.4 καὶ τὴν μουνολεχῆ σεῖο διαζυγίην· ### book 9.5.1 ἀλλ’ αἰεὶ δακρύοισι πεφυρμένος ἢ ’πὶ Κορησσὸν ### book 9.5.2 ἔρχομαι ἢ μεγάλης νηὸν ἐς Ἀρτέμιδος. ### book 9.5.3 αὔριον ἀλλὰ πάτρη με δεδέξεται, ἐς δὲ σὸν ὄμμα ### book 9.5.4 πτήσομαι, ἐρρῶσθαι μυρία ς’ εὐχόμενος. ### book 10.1.1 Ἐχθαίρω τὸν Ἔρωτα. τί γὰρ βαρὺς οὐκ ἐπὶ θῆρας ### book 10.1.2 ὄρνυται, ἀλλ’ ἐπ’ ἐμὴν ἰοβολεῖ κραδίην; ### book 10.1.3 τί πλέον, εἰ θεὸς ἄνδρα καταφλέγει; ἢ τί τὸ σεμνὸν ### book 10 δῃώσας ἀπ’ ἐμῆς ἆθλον ἔχει κεφαλῆς; ### book 11.1.1 Εἰ τοὺς ἐν πελάγει σῴζεις, Κύπρι, κἀμὲ τὸν ἐν γᾷ ### book 11.1.2 ναυαγόν, φιλίη, σῶσον ἀπολλύμενον. ### book 12.1.1 Λουσάμενοι, Προδίκη, πυκασώμεθα καὶ τὸν ἄκρατον ### book 12.1.2 ἕλκωμεν κύλικας μείζονας αἰρόμενοι. ### book 12.1.3 βαιὸς ὁ χαιρόντων ἐστὶν βίος· εἶτα τὰ λοιπὰ ### book 12.1.4 γῆρας κωλύσει, καὶ τὸ τέλος θάνατος. ### book 13.1.1 Ἑξήκοντα τελεῖ Χαριτὼ λυκαβαντίδας ὥρας, ### book 13.1.2 ἀλλ’ ἔτι κυανέων σύρμα μένει πλοκάμων, ### book 13.1.3 κἀν στέρνοις ἔτι κεῖνα τὰ λύγδινα κώνια μαστῶν ### book 13.1.4 ἕστηκεν, μίτρης γυμνὰ περιδρομάδος, ### book 13.5.1 καὶ χρὼς ἀρρυτίδωτος ἔτ’ ἀμβροσίην, ἔτι πειθὼ ### book 13.5.2 πᾶσαν, ἔτι στάζει μυριάδας χαρίτων. ### book 13.5.3 ἀλλὰ πόθους ὀργῶντας ὅσοι μὴ φεύγετ’, ἐρασταί, ### book 13.5.4 δεῦρ’ ἴτε, τῆς ἐτέων ληθόμενοι δεκάδος. ### book 14.1.1 Εὐρώπης τὸ φίλημα, καὶ ἢν ἄχρι χείλεος ἔλθῃ, ### book 14.1.2 ἡδύ γε, κἂν ψαύσῃ μοῦνον ἄκρου στόματος· ### book 14.1.3 ψαύει δ’ οὐκ ἄκροις τοῖς χείλεσιν, ἀλλ’ ἐρίσασα ### book 14 τὸ στόμα τὴν ψυχὴν ἐξ ὀνύχων ἀνάγει. ### book 15.1.1 Ποῦ νῦν Πραξιτέλης; ποῦ δ’ αἱ χέρες αἱ Πολυκλείτου, ### book 15.1.2 αὐταῖς πρόσθε τέχναις πνεῦμα χαριζόμεναι; ### book 15.1.3 τίς πλοκάμους Μελίτης εὐώδεας ἢ πυρόεντα ### book 15.1.4 ὄμματα καὶ δειρῆς φέγγος ἀποπλάσεται; ### book 15.5.1 ποῦ πλάσται, ποῦ δ’ εἰσὶ λιθοξόοι; ἔπρεπε τῇδε ### book 15.5.2 μορφῇ νηὸν ἔχειν ὡς μακάρων ξοάνῳ. ### book 16.1.1 Μήνη χρυσόκερως, δέρκῃ τάδε, καὶ πυριλαμπεῖς ### book 16.1.2 ἀστέρες, οὓς κόλποις Ὠκεανὸς δέχεται, ### book 16.1.3 ὥς με μόνον προλιποῦσα μυρόπνοος ᾤχετ’ Ἀρίστη, ### book 16.1.4 ἑκταίην δ’ εὑρεῖν τὴν μάγον οὐ δύναμαι. ### book 16.5.1 ἀλλ’ ἔμπης αὐτὴν ζητήσομεν· ἦ ῥ’ ἐπιπέμψω ### book 16.5.2 Κύπριδος ἰχνευτὰς ἀργυρέους σκύλακας. ### book 17.1.1 Ἀγχιάλου ῥηγμῖνος ἐπίσκοπε, σοὶ τάδε πέμπω ### book 17.1.2 ψαιστία καὶ λιτῆς δῶρα θυηπολίης· ### book 17.1.3 αὔριον Ἰονίου γὰρ ἐπὶ πλατὺ κῦμα περήσω, ### book 17.1.4 σπεύδων ἡμετέρης κόλπον ἐς Εἰδοθέης. ### book 17.5 οὔριος ἀλλ’ ἐπίλαμψον ἐμῷ καὶ ἔρωτι καὶ ἱστῷ, ### book 17 δεσπότι καὶ θαλάμων, Κύπρι, καὶ ἠιόνων. ### book 18.1.1 Μᾶλλον τῶν σοβαρῶν τὰς δουλίδας ἐκλεγόμεσθα, ### book 18.1.2 οἱ μὴ τοῖς σπαταλοῖς κλέμμασι τερπόμενοι. ### book 18.1.3 ταῖς μὲν χρὼς ἀπόδωδε μύρου σοβαρόν τε φρύαγμα ### book 18.1.4 καὶ μέχρι κινδύνου πεσσομένη σύνοδος· ### book 18.5.1 ταῖς δὲ χάρις καὶ χρὼς ἴδιος καὶ λέκτρον ἑτοῖμον, ### book 18.5.2 δώροι’ ἐκ σπατάλης οὐκ ἀλεγιζόμενον. ### book 18.5.3 μιμοῦμαι Πύρρον τὸν Ἀχιλλέος, ὃς προέκρινεν ### book 18.5.4 Ἑρμιόνης ἀλόχου τὴν λάτριν Ἀνδρομάχην. ### book 19.1.1 Οὐκέτι παιδομανὴς ὡς πρίν ποτε, νῦν δὲ καλοῦμαι ### book 19.1.2 θηλυμανής, καὶ νῦν δίσκος ἐμοὶ κρόταλον, ### book 19.1.3 ἀντὶ δέ μοι παίδων ἀδόλου χροὸς ἤρεσε γύψου ### book 19.1.4 χρώματα καὶ φύκους ἄνθος ἐπεισόδιον· ### book 19.5.1 βοσκήσει δελφῖνας ὁ δενδροκόμης Ἐρύμανθος ### book 19.5.2 καὶ πολιὸν πόντου κῦμα θοὰς ἐλάφους. ### book 20.1.1 Οὔτε με παρθενικῆς τέρπει γάμος οὔτε γεραιῆς· ### book 20.1.2 τὴν μὲν ἐποικτείρω, τὴν δὲ καταιδέομαι. ### book 20.1.3 εἴη μήτ’ ὄμφαξ μήτ’ ἀσταφίς, ἡ δὲ πέπειρος ### book 20 ἐς Κύπριδος θαλάμους ὥρια καλλοσύνη. ### book 21.1.1 Οὐκ ἔλεγον, Προδίκη· „Γηράσκομεν“; οὐ προεφώνουν· ### book 21.1.2 „Ἥξουσιν ταχέως αἱ διαλυσίφιλοι“; ### book 21.1.3 νῦν ῥυτίδες καὶ θρὶξ πολιὴ καὶ σῶμα ῥακῶδες, ### book 21.1.4 καὶ στόμα τὰς προτέρας οὐκέτ’ ἔχον χάριτας. ### book 21.5.1 μήτις σοι, μετέωρε, προσέρχεται ἢ κολακεύων ### book 21.5.2 λίσσεται; ὡς δὲ τάφον νῦν σε παρερχόμεθα. ### book 22.1.1 Σοί με λάτριν γλυκύδωρος Ἔρως παρέδωκε, Βοῶπι, ### book 22.1.2 ταῦρον ὑποζεύξας εἰς πόθον αὐτόμολον, ### book 22.1.3 αὐτοθελῆ, πάνδουλον, ἑκούσιον, αὐτοκέλευστον, ### book 22.1.4 αἰτήσοντα πικρὴν μήποτ’ ἐλευθερίην, ### book 22.5.1 ἄχρι φίλης πολιῆς καὶ γήραος· ὄμμα βάλοι δὲ ### book 22.5.2 μήποτ’ ἐφ’ ἡμετέραις ἐλπίσι βασκανίη. ### book 23.1.1 Οὕτως ὑπνώσαις, Κωνώπιον, ὡς ἐμὲ ποιεῖς ### book 23.1.2 κοιμᾶσθαι ψυχροῖς τοῖσδε παρὰ προθύροις· ### book 23.1.3 οὕτως ὑπνώσαις, ἀδικωτάτη, ὡς τὸν ἐραστὴν ### book 23.1.4 κοιμίζεις, ἐλέου δ’ οὐδ’ ὄναρ ἠντίασας. ### book 23.5.1 γείτονες οἰκτείρουσι, σὺ δ’ οὐδ’ ὄναρ· ἡ πολιὴ δὲ ### book 23.5.2 αὐτίκ’ ἀναμνήσει ταῦτά σε πάντα κόμη. ### book 24.1.1 Ψυχή μοι προλέγει φεύγειν πόθον Ἡλιοδώρας, ### book 24.1.2 δάκρυα καὶ ζήλους τοὺς πρὶν ἐπισταμένη. ### book 24.1.3 φησὶ μέν, ἀλλὰ φυγεῖν οὔ μοι σθένος· ἡ γὰρ ἀναιδὴς ### book 24 αὐτὴ καὶ προλέγει καὶ προλέγουσα φιλεῖ. ### book 25.1.1 Ὁσσάκι Κυδίλλης ὑποκόλπιος, εἴτε κατ’ ἦμαρ ### book 25.1.2 εἴτ’ ἀποτολμήσας ἤλυθον ἑσπέριος, ### book 25.1.3 οἶδ’, ὅτι πὰρ κρημνὸν τέμνω πόρον, οἶδ’, ὅτι ῥιπτῶ ### book 25.1.4 πάντα κύβον κεφαλῆς αἰὲν ὕπερθεν ἐμῆς. ### book 25.5.1 ἀλλὰ τί μοι πλέον ἔστ’; ἦ γὰρ θρασὺς ἠδ’, ὅταν ἕλκῃ, ### book 25.5.2 πάντοτ’ Ἔρως ἀρχὴν οὐδ’ ὄναρ οἶδε φόβου. ### book 26.1.1 Εἴτε σε κυανέῃσιν ἀποστίλβουσαν ἐθείραις, ### book 26.1.2 εἴτε πάλιν ξανθαῖς εἶδον, ἄνασσα, κόμαις, ### book 26.1.3 ἴση ἀπ’ ἀμφοτέρων λάμπει χάρις. ἦ ῥά γε ταύταις ### book 26.1.4 θριξὶ συνοικήσει καὶ πολιῇσιν Ἔρως. ### book 27.1.1 Ποῦ σοι κεῖνα, Μέλισσα, τὰ χρύσεα καὶ περίοπτα ### book 27.1.2 τῆς πολυθρυλήτου κάλλεα φαντασίης; ### book 27.1.3 ποῦ δ’ ὀφρύες καὶ γαῦρα φρονήματα καὶ μέγας αὐχὴν ### book 27.1.4 καὶ σοβαρῶν ταρσῶν χρυσοφόρος σπατάλη; ### book 27.5.1 νῦν πενιχρὴ ψαφαρή τε κόμη, παρὰ ποσσὶ τραχεῖα· ### book 27.5.2 ταῦτα τὰ τῶν σπαταλῶν τέρματα παλλακίδων. ### book 28.1.1 Νῦν μοι „Χαῖρε“ λέγεις, ὅτε σου τὸ πρόσωπον ἀπῆλθεν ### book 28.1.2 κεῖνο τὸ τῆς λύγδου, βάσκανε, λειότερον· ### book 28.1.3 νῦν μοι προσπαίζεις, ὅτε τὰς τρίχας ἠφάνικάς σου ### book 28.1.4 τὰς ἐπὶ τοῖς σοβαροῖς αὐχέσι πλαζομένας. ### book 28.5 μηκέτι μοι, μετέωρε, προσέρχεο μηδὲ συνάντα· ### book 28 ἀντὶ ῥόδου γὰρ ἐγὼ τὴν βάτον οὐ δέχομαι. ### book 29.1.1 Ἁδὺ τὸ βινεῖν ἐστι. τίς οὐ λέγει; ἀλλ’ ὅταν αἰτῇ ### book 29.1.2 χαλκόν, πικρότερον γίνεται ἐλλεβόρου. ### book 30.1.1 Πάντα καλῶς, τό γε μήν, χρυσῆν ὅτι τὴν Ἀφροδίτην, ### book 30.1.2 ἔξοχα καὶ πάντων εἶπεν ὁ Μαιονίδης. ### book 30.1.3 ἢν μὲν γὰρ τὸ χάραγμα φέρῃς, φίλος· οὔτε θυρωρὸς ### book 30.1.4 ἐν ποσὶν οὔτε κύων· ἐν προθύροις δέδεται. ### book 30.5.1 ἢν δ’ ἑτέρως ἔλθῃς, καὶ ὁ Κέρβερος. ὦ πλεονέκται ### book 30.5.2 οἱ πλούτου, πενίην ὡς ἀδικεῖτε μόνοι. ### book 31.1.1 Χρύσεος ἦν γενεὴ καὶ χάλκεος ἀργυρέη τε ### book 31.1.2 πρόσθεν· παντοίη δ’ ἡ Κυθέρεια τὰ νῦν· ### book 31.1.3 καὶ χρυσοῦν τίει καὶ χάλκεον ἄνδρ’ ἐφίλησεν ### book 31.1.4 καὶ τοὺς ἀργυρέους οὔ ποτ’ ἀποστρέφεται. ### book 31.5.1 Νέστωρ ἡ Παφίη. δοκέω δ’, ὅτι καὶ Δανάῃ Ζεὺς ### book 31.5.2 οὐ χρυσός, χρυσοῦς δ’ ἦλθε φέρων ἑκατόν. ### book 32.1.1 Ποιεῖς πάντα, Μέλισσα, φιλανθέος ἔργα μελίσσης· ### book 32.1.2 οἶδα καὶ ἐς κραδίην τοῦτο, γύναι, τίθεμαι· ### book 32.1.3 καὶ μέλι μὲν στάζεις ὑπὸ χείλεσιν ἡδὺ φιλεῦσα, ### book 32 ἢν δ’ αἰτῇς, κέντρῳ τύμμα φέρεις ἄδικον. ### book 33.1.1 Ἐς Δανάην ἔρρευσας, Ὀλύμπιε, χρυσός, ἵν’ ἡ παῖς ### book 33.1.2 ὡς δώρῳ πεισθῇ, μὴ τρέσῃ ὡς Κρονίδην. ### book 34.1.1 Ὁ Ζεὺς τὴν Δανάην χρυσοῦ, κἀγὼ δὲ σὲ χρυσοῦ· ### book 34.1.2 πλείονα γὰρ δοῦναι τοῦ Διὸς οὐ δύναμαι. ### book 35.1.1 Πυγὰς αὐτὸς ἔκρινα τριῶν· εἵλοντο γὰρ αὐταὶ ### book 35.1.2 δείξασαι γυμνὴν ἀστεροπὴν μελέων. ### book 35.1.3 καί ῥ’ ἡ μὲν τροχαλοῖς σφραγιζομένη γελασίνοις ### book 35.1.4 λευκῇ ἀπὸ γλουτῶν ἤνθεεν εὐαφίῃ· ### book 35.5.1 τῆς δὲ διαιρομένης φοινίσσετο χιονέη σὰρξ ### book 35.5.2 πορφυρέοιο ῥόδου μᾶλλον ἐρυθροτέρη· ### book 35.5.3 ἡ δὲ γαληνιόωσα χαράσσετο κύματι κωφῷ, ### book 35.5.4 αὐτομάτη τρυφερῷ χρωτὶ σαλευομένη. ### book 35.5.5 εἰ ταύτας ὁ κριτὴς ὁ θεῶν ἐθεήσατο πυγάς, ### book 35.10 οὐκέτ’ ἂν οὐδ’ ἐσιδεῖν ἤθελε τὰς προτέρας. ### book 36.1.1 Ἤρισαν ἀλλήλαις Ῥοδόπη, Μελίτη, Ῥοδόκλεια, ### book 36.1.2 τῶν τρισσῶν τίς ἔχει κρείσσονα μηριόνην, ### book 36.1.3 καί με κριτὴν εἵλοντο· καὶ ὡς θεαὶ αἱ περίβλεπτοι ### book 36 ἔστησαν γυμναί, νέκταρι λειβόμεναι. ### book 36.5.1 καὶ Ῥοδόπης μὲν ἔλαμπε μέσος μηρῶν πολύτιμος ### book 36.5.2 οἷα ῥοδὼν πολλῷ σχιζόμενος ζεφύρῳ ... ### book 36.5.3 τῆς δὲ Ῥοδοκλείης ὑάλῳ ἴσος ὑγρομέτωπος ### book 36.5.4 οἷα καὶ ἐν νηῷ πρωτογλυφὲς ξόανον. ### book 36.11.1 ἀλλὰ σαφῶς, ἃ πέπονθε Πάρις διὰ τὴν κρίσιν, εἰδὼς ### book 36.11.2 τὰς τρεῖς ἀθανάτας εὐθὺ συνεστεφάνουν. ### book 37.1.1 Μήτ’ ἰσχνὴν λίην περιλάμβανε μήτε παχεῖαν, ### book 37.1.2 τούτων δ’ ἀμφοτέρων τὴν μεσότητα θέλε. ### book 37.1.3 τῇ μὲν γὰρ λείπει σαρκῶν χύσις, ἡ δὲ περισσὴν ### book 37.1.4 κέκτηται· λεῖπον μὴ θέλε μηδὲ πλέον. ### book 38.1.1 Εὐμεγέθης πείθει με καλὴ γυνή, ἄν τε καὶ ἀκμῆς ### book 38.1.2 ἅπτητ’, ἄν τε καὶ ᾖ, Σιμύλε, πρεσβυτέρη. ### book 38.1.3 ἡ μὲν γάρ με νέα περιλήψεται· ἢν δὲ παλαιή, ### book 38.1.4 γραῖά με καὶ ῥυσή, Σιμύλε, λειχάσεται. ### book 39.1.1 Οὐκ ἀποθνῄσκειν δεῖ με; τί μοι μέλει, ἤν τε ποδαγρὸς ### book 39.1.2 ἤν τε δρομεὺς γεγονὼς εἰς Ἀίδην ὑπάγω; ### book 39.1.3 πολλοὶ γάρ μ’ ἀροῦσιν· ἔα χωλόν με γενέσθαι. ### book 39 τῶνδ’ ἕνεκεν, Χάρι, σοὺς οὔποτ’ ἐῶ θιάσους. ### book 40.1.1 Τῆς μητρὸς μὴ ἄκουε, Φιλουμένη· ἢν γὰρ ἀπέλθω ### book 40.1.2 καὶ θῶ ἅπαξ ἔξω τὸν πόδα τῆς πόλεως, ### book 40.1.3 τῶν καταπαιζόντων μὴ σχῇς λόγον, ἀλλ’ ἐς ἐκείνους ### book 40.1.4 ἐμπαίξας’ ἄρξαι πλεῖον ἐμοῦ τι ποεῖν. ### book 40.5.1 πάντα λίθον κίνει· σαυτὴν τρέφε καὶ γράφε πρός με, ### book 40.5.2 εἰς ποίην ἀκτὴν εὐφρόσυνον γέγονας. ### book 40.5.3 εὐτακτεῖν πειρῶ· τὸ δ’ ἐνοίκιον, ἤν τι περισσὸν ### book 40.5.4 γίνηται, καὶ ἐμοὶ φρόντισον ἠμάτιον. ### book 40.5.5 ἢν ἐν γαστρὶ λάβῃς, τέκε, ναὶ τέκε· μὴ θορυβηθῇς· ### book 40.10 εὑρήσει, πόθεν ἔστ’, ἐλθὸν ἐς ἡλικίην. ### book 41.1.1 Τίς γυμνὴν οὕτω σε καὶ ἐξέβαλεν καὶ ἔδειρεν; ### book 41.1.2 τίς ψυχὴν λιθίνην εἶχε καὶ οὐκ ἔβλεπεν; ### book 41.1.3 μοιχὸν ἴσως ηὕρηκεν ἀκαίρως κεῖνος ἐσελθών; ### book 41.1.4 γινόμενον· πᾶσαι τοῦτο ποοῦσι, τέκνον. ### book 41.5.1 πλὴν ἀπὸ νῦν, ὅταν ἐστὶν ἔσω, κεῖνος δ’ ὅταν ἔξω, ### book 41.5.2 τὸ πρόθυρον σφήνου, μὴ πάλι ταὐτὸ πάθῃς. ### book 42.1.1 Μισῶ τὴν ἀφελῆ, μισῶ τὴν σώφρονα λίαν· ### book 42.1.2 ἡ μὲν γὰρ βραδέως, ἡ δὲ θέλει ταχέως. ### book 43.1 Ἐκβάλλει γυμνήν τις, ἐπὴν εὕρῃ ποτὲ μοιχόν, ### book 43.1 ὡς μὴ μοιχεύσας, ὡς ἀπὸ Πυθαγόρου; ### book 43.2 εἶτα, τέκνον, κλαίουσα καταδρύψεις τὸ πρόσωπον ### book 43.3 καὶ παραριγώσεις μαινομένου προθύροις; ### book 43.5.1 ἔκμαξαι, μὴ κλαῖε, τέκνον· χεὐρήσομεν ἄλλον, ### book 43.5.2 τὸν μὴ καὶ τὸ βλέπειν εἰδότα καὶ τὸ δέρειν. ### book 44.1.1 Λέμβιον, ἡ δ’ ἑτέρα Κερκούριον, αἱ δύ’ ἑταῖραι ### book 44.1.2 αἰὲν ἐφορμοῦσιν τῷ Σαμίων λιμένι. ### book 44.1.3 ἀλλά, νέοι, πανδημὶ τὰ λῃστρικὰ τῆς Ἀφροδίτης ### book 44.1.4 φεύγεθ’· ὁ συμμίξας καὶ καταδὺς πίεται. ### book 45.1.1 Παρθενικὰ κούρα τὰ ἃ κέρματα πλείονα ποιεῖ, ### book 45.1.2 οὐκ ἀπὸ τᾶς τέχνας, ἀλλ’ ἀπὸ τᾶς φύσιος. ### book 46.1.1 Χαῖρε σύ. —„Καὶ σύ γε χαῖρε.“ —Τί δεῖ σε καλεῖν; —„Σὲ δέ;“ —Μήπω ### book 46.1.2 τοῦτο· φιλόσπουδος. —„Μηδὲ σύ.“ —Μή τιν’ ἔχεις; — ### book 46.1.3 „Αἰεὶ τὸν φιλέοντα.“ —Θέλεις ἅμα σήμερον ἡμῖν ### book 46.1.4 δειπνεῖν; —„Εἰ σὺ θέλεις.“ —Εὖγε· πόσου παρέσῃ; — ### book 46.5.1 „Μηδέν μοι προδίδου ...“ —Τοῦτο ξένον. —„ἀλλ’ ὅσον ἄν σοι ### book 46.5.2 κοιμηθέντι δοκῇ, τοῦτο δός.“ —Οὐκ ἀδικεῖς. ### book 46.5.3 ποῦ γίνῃ; πέμψω ... —„Καταμάνθανε.“ —Πηνίκα δ’ ἥξεις; — ### book 46 „Ἣν σὺ θέλεις ὥρην.“ —Εὐθὺ θέλω. —„Πρόαγε.“ ### book 47.1.1 Πολλάκις ἠρασάμην σε λαβὼν ἐν νυκτί, Θάλεια, ### book 47.1.2 πληρῶσαι θαλερῇ θυμὸν ἐρωμανίῃ· ### book 47.1.3 νῦν δ’, ὅτε μοι γυμνὴ γλυκεροῖς μελέεσσι πέπλησαι, ### book 47.1.4 ἔκλυτος ὑπναλέῳ γυῖα κέκμηκα κόπῳ. ### book 47.5.1 θυμὲ τάλας, τί πέπονθας; ἀνέγρεο μηδ’ ἀπόκαμνε, ### book 47.5.2 ζητήσεις ταύτην τὴν ὑπερευτυχίην. ### book 48.1.1 Ὄμματα μὲν χρύσεια καὶ ὑαλόεσσα παρειὴ ### book 48.1.2 καὶ στόμα πορφυρέης τερπνότερον κάλυκος, ### book 48.1.3 δειρὴ λυγδινέη καὶ στήθεα μαρμαίροντα ### book 48.1.4 καὶ πόδες ἀργυρέης λευκότεροι Θέτιδος· ### book 48.5.1 εἰ δέ τι καὶ πλοκαμῖσι διαστίλβουσιν ἄκανθαι, ### book 48.5.2 τῆς λευκῆς καλάμης οὐδὲν ἐπιστρέφομαι. ### book 49.1.1 Ἡ τρισὶ λειτουργοῦσα πρὸς ἓν τάχος ἀνδράσι Λύδη, ### book 49.1.2 τῷ μὲν ὑπὲρ νηδύν, τῷ δ’ ὑπό, τῷ δ’ ὄπιθεν, ### book 49.1.3 εἰσδέχομαι φιλόπαιδα, γυναικομανῆ, φιλυβριστήν. ### book 49.1.4 εἰ σπεύδεις ἐλθὼν σὺν δυσί, μὴ κατέχου. ### book 50.1 Καὶ πενίη καὶ ἔρως δύο μοι κακά· καὶ τὸ μὲν οἴσω ### book 50 κούφως, πῦρ δὲ φέρειν Κύπριδος οὐ δύναμαι. ### book 51.1.1 Ἠράσθην, ἐφίλουν, ἔτυχον, κατέπραξ’, ἀγαπῶμαι. ### book 51.1.2 τίς δὲ καὶ ἧς καὶ πῶς, ἡ θεὸς οἶδε μόνη. ### book 52.1.1 Ὅρκον κοινὸν Ἔρωτ’ ἀνεθήκαμεν· ὅρκος ὁ πιστὴν ### book 52.1.2 Ἀρσινόης θέμενος Σωσιπάτρῳ φιλίην. ### book 52.1.3 ἀλλ’ ἡ μὲν ψευδής, κενὰ δ’ ὅρκια· τῷ δ’ ἐφυλάχθη ### book 52.1.4 ἵμερος· ἡ δὲ θεῶν οὐ φανερὴ δύναμις. ### book 52.5.1 θρήνους, ὦ Ὑμέναιε, παρὰ κληῖσιν ἀκούσαις ### book 52.5.2 Ἀρσινόης, παστῷ μεμψάμενος προδότῃ. ### book 53.1.1 Ἡ πιθανή μ’ ἔτρωσεν Ἀριστονόη, φίλ’ Ἄδωνι, ### book 53.1.2 κοψαμένη τῇ σῇ στήθεα πὰρ καλύβῃ. ### book 53.1.3 εἰ δώσει ταύτην καὶ ἐμοὶ χάριν, ἢν ἀποπνεύσω, ### book 53.1.4 μὴ προφάσεις, σύμπλουν σύμ με λαβὼν ἀπάγου. ### book 54.1.1 Μήποτε γαστροβαρῆ πρὸς σὸν λέχος ἀντιπρόσωπον ### book 54.1.2 παιδογόνῳ κλίνῃς Κύπριδι τερπόμενος. ### book 54.1.3 μεσσόθι γὰρ μέγα κῦμα καὶ οὐκ ὀλίγος πόνος ἔσται ### book 54.1.4 τῆς μὲν ἐρεσσομένης, σοῦ δὲ σαλευομένου. ### book 54.5 ἀλλὰ πάλιν στρέψας ῥοδοειδέι τέρπεο πυγῇ, ### book 54 τὴν ἄλοχον νομίσας ἀρσενόπαιδα Κύπριν. ### book 55.1.1 Δωρίδα τὴν ῥοδόπυγον ὑπὲρ λεχέων διατείνας ### book 55.1.2 ἄνθεσιν ἐν χλοεροῖς ἀθάνατος γέγονα. ### book 55.1.3 ἡ γὰρ ὑπερφυέεσσι μέσον διαβᾶσά με ποσσὶν ### book 55.1.4 ἤνυεν ἀκλινέως τὸν Κύπριδος δόλιχον, ### book 55.5.1 ὄμμασι νωθρὰ βλέπουσα· τὰ δ’, ἠύτε πνεύματι φύλλα, ### book 55.5.2 ἀμφισαλευομένης ἔτρεμε πορφύρεα, ### book 55.5.3 μέχρις ἀπεσπείσθη λευκὸν μένος ἀμφοτέροισιν, ### book 55.5.4 καὶ Δωρὶς παρέτοις ἐξεχύθη μέλεσι. ### book 56.1.1 Ἐκμαίνει χείλη με ῥοδόχροα, ποικιλόμυθα, ### book 56.1.2 ψυχοτακῆ, στόματος νεκταρέου πρόθυρα, ### book 56.1.3 καὶ γλῆναι λασίαισιν ὑπ’ ὀφρύσιν ἀστράπτουσαι, ### book 56.1.4 σπλάγχνων ἡμετέρων δίκτυα καὶ παγίδες, ### book 56.5.1 καὶ μαζοὶ γλαγόεντες, ἐύζυγες, ἱμερόεντες, ### book 56.5.2 εὐφυέες, πάσης τερπνότεροι κάλυκος. ### book 56.5.3 ἀλλὰ τί μηνύω κυσὶν ὀστέα; μάρτυρές εἰσι ### book 56.5.4 τῆς ἀθυροστομίης οἱ Μίδεω κάλαμοι. ### book 57.1.1 Τὴν πυρὶ νηχομένην ψυχὴν ἂν πολλάκι καίῃς, ### book 57.1.2 φεύξετ’, Ἔρως· καὐτή, σχέτλι’, ἔχει πτέρυγας. ### book 58.1.1 Νήπι’ Ἔρως, πορθεῖς με, τὸ κρήγυον· εἴς με κένωσον ### book 58.1.2 πᾶν σὺ βέλος, λοιπὴν μηκέτ’ ἀφεὶς γλυφίδα, ### book 58.1.3 ὡς ἂν μοῦνον ἕλοις ἰοῖς ἐμὲ καί τινα χρῄζων ### book 58 ἄλλον ὀιστεῦσαι μηκέτ’ ἔχοις ἀκίδα. ### book 59.1.1 „Φεύγειν δεῖ τὸν Ἔρωτα·“ κενὸς πόνος· οὐ γὰρ ἀλύξω ### book 59.1.2 πεζὸς ὑπὸ πτηνοῦ πυκνὰ διωκόμενος. ### book 60.1.1 Παρθένος ἀργυρόπεζος ἐλούετο, χρύσεα μαζῶν ### book 60.1.2 χρωτὶ γαλακτοπαγεῖ μῆλα διαινομένη· ### book 60.1.3 πυγαὶ δ’ ἀλλήλαις περιηγέες εἱλίσσοντο, ### book 60.1.4 ὕδατος ὑγροτέρῳ χρωτὶ σαλευόμεναι· ### book 60.5.1 τὸν δ’ ὑπεροιδαίνοντα κατέσκεπε πεπταμένη χεὶρ ### book 60.5.2 οὐχ ὅλον Εὐρώταν, ἀλλ’ ὅσον ἠδύνατο. ### book 61.1.1 Τῇ κυανοβλεφάρῳ παίζων κόνδακα Φιλίππῃ ### book 61.1.2 ἐξ αὐτῆς κραδίης ἡδὺ γελᾶν ἐπόουν· ### book 61.1.3 „Δώδεκά σοι βέβληκα καὶ αὔριον ἄλλα βαλῶ σοι ### book 61.1.4 ἢ πλέον ἠὲ πάλιν δώδεκ’ ἐπιστάμενος.“ ### book 61.5.1 εἶτα κελευομένη ἦλθεν· γελάσας δὲ πρὸς αὐτήν· ### book 61.5.2 „Εἴθε σε καὶ νύκτωρ ἐρχομένην ἐκάλουν.“ ### book 62.1.1 Οὔπω σου τὸ καλὸν χρόνος ἔσβεσεν, ἀλλ’ ἔτι πολλὰ ### book 62.1.2 λείψανα τῆς προτέρης σῴζεται ἡλικίης, ### book 62.1.3 καὶ χάριτες μίμνουσιν ἀγήραοι, οὐδὲ τὸ καλὸν ### book 62.1.4 τῶν ἱλαρῶν μήλων ἢ ῥόδον ἐξέφυγεν. ### book 62.5 ὢ πόσσους κατέφλεξε τὸ πρὶν θεοείκελον ἄνθος, ### book 62 [ἡνίκα πρωτοβόλων λάμπεν ἀπὸ βλεφάρων]. ### book 63.1.1 Ἀντιγόνη, Σικελὴ πάρος ἦσθά μοι· ὡς δ’ ἐγενήθης ### book 63.1.2 Αἰτωλή, κἀγὼ Μῆδος ἰδοὺ γέγονα. ### book 64.1.1 Νεῖφε, χαλαζοβόλει, ποίει σκότος, αἶθε, κεραύνου, ### book 64.1.2 πάντα τὰ πορφύροντ’ ἐν χθονὶ σεῖε νέφη· ### book 64.1.3 ἢν γάρ με κτείνῃς, τότε παύσομαι· ἢν δέ μ’ ἀφῇς ζῆν, ### book 64.1.4 καὶ διαθεὶς τούτων χείρονα, κωμάσομαι. ### book 64.5.1 ἕλκει γάρ μ’ ὁ κρατῶν καὶ σοῦ θεός, ᾧ ποτε πεισθείς, ### book 64.5.2 Ζεῦ, διὰ χαλκείων χρυσὸς ἔδυς θαλάμων. ### book 65.1.1 Αἰετὸς ὁ Ζεὺς ἦλθεν ἐπ’ ἀντίθεον Γανυμήδην, ### book 65.1.2 κύκνος ἐπὶ ξανθὴν μητέρα τὴν Ἑλένης. ### book 65.1.3 οὕτως ἀμφότερ’ ἐστὶν ἀσύγκριτα· τῶν δύο δ’ αὐτῶν ### book 65.1.4 ἄλλοις ἄλλο δοκεῖ κρεῖσσον, ἐμοὶ τὰ δύο. ### book 66.1.1 Εὐκαίρως μονάσασαν ἰδὼν Προδίκην ἱκέτευον, ### book 66.1.2 καὶ τῶν ἀμβροσίων ἁψάμενος γονάτων· ### book 66.1.3 „Σῶσον“, ἔφην, „ἄνθρωπον ἀπολλύμενον παρὰ μικρόν, ### book 66.1.4 καὶ φεῦγον ζωῆς πνεῦμα σύ μοι χάρισαι.“ ### book 66.5 ταῦτα λέγοντος ἔκλαυσεν· ἀποψήσασα δὲ δάκρυ, ### book 66 ταῖς τρυφεραῖς ἡμᾶς χερσὶν ὑπεξέβαλεν. ### book 67.1.1 Κάλλος ἄνευ χαρίτων τέρπει μόνον, οὐ κατέχει δέ, ### book 67.1.2 ὡς ἄτερ ἀγκίστρου νηχόμενον δέλεαρ. ### book 68.1.1 Ἢ τὸ φιλεῖν περίγραψον, Ἔρως, ὅλον ἢ τὸ φιλεῖσθαι ### book 68.1.2 πρόσθες, ἵν’ ἢ λύσῃς τὸν πόθον ἢ κεράσῃς. ### book 69.1.1 Παλλὰς ἐσαθρήσασα καὶ Ἥρη χρυσοπέδιλος ### book 69.1.2 Μαιονίδ’ ἐκ κραδίης ἴαχον ἀμφότεραι· ### book 69.1.3 „Οὐκέτι γυμνούμεσθα· κρίσις μία ποιμένος ἀρκεῖ· ### book 69.1.4 οὐ καλὸν ἡττᾶσθαι δὶς περὶ καλλοσύνης.“ ### book 70.1.1 Κάλλος ἔχεις Κύπριδος, Πειθοῦς στόμα, σῶμα καὶ ἀκμὴν ### book 70.1.2 εἰαρινῶν Ὡρῶν, φθέγμα δὲ Καλλιόπης, ### book 70.1.3 νοῦν καὶ σωφροσύνην Θέμιδος καὶ χεῖρας Ἀθήνης· ### book 70.1.4 σὺν σοὶ δ’ αἱ Χάριτες τέσσαρές εἰσι, Φίλη. ### book 71.1.1 Πρωτομάχου πατρὸς καὶ Νικομάχης γεγαμηκὼς ### book 71.1.2 θυγατέρα, Ζήνων, ἔνδον ἔχεις πόλεμον. ### book 71.1.3 ζήτει Λυσίμαχον μοιχὸν φίλον, ὅς ς’ ἐλεήσας ### book 71 ἐκ τῆς Πρωτομάχου λύσεται Ἀνδρομάχης. ### book 72.1.1 Τοῦτο βίος, τοῦτ’ αὐτό· τρυφὴ βίος· ἔρρετ’, ἀνῖαι. ### book 72.1.2 ζωῆς ἀνθρώποις ὀλίγος χρόνος. ἄρτι Λυαῖος, ### book 72.1.3 ἄρτι χοροὶ στέφανοί τε φιλανθέες, ἄρτι γυναῖκες. ### book 72.1.4 σήμερον ἐσθλὰ πάθω, τὸ γὰρ αὔριον οὐδενὶ δῆλον. ### book 73.1.1 Δαίμονες, οὐκ ᾔδειν, ὅτι λούεται ἡ Κυθέρεια, ### book 73.1.2 χερσὶ καταυχενίους λυσαμένη πλοκάμους. ### book 73.1.3 ἱλήκοις, δέσποινα, καὶ ὄμμασιν ἡμετέροισι ### book 73.1.4 μήποτε μηνίσῃς θεῖον ἰδοῦσι τύπον. ### book 73.5.1 νῦν ἔγνων· Ῥοδόκλεια καὶ οὐ Κύπρις. εἶτα τὸ κάλλος ### book 73.5.2 τοῦτο πόθεν; σύ, δοκῶ, τὴν θεὸν ἐκδέδυκας. ### book 74.1.1 Πέμπω σοι, Ῥοδόκλεια, τόδε στέφος, ἄνθεσι καλοῖς ### book 74.1.2 αὐτὸς ὑφ’ ἡμετέραις πλεξάμενος παλάμαις. ### book 74.1.3 ἔστι κρίνον ῥοδέη τε κάλυξ νοτερή τ’ ἀνεμώνη ### book 74.1.4 καὶ νάρκισσος ὑγρὸς καὶ κυαναυγὲς ἴον. ### book 74.5.1 ταῦτα στεψαμένη, λῆξον μεγάλαυχος ἐοῦσα· ### book 74.5.2 ἀνθεῖς καὶ λήγεις καὶ σὺ καὶ ὁ στέφανος. ### book 75.1.1 Γείτονα παρθένον εἶχον Ἀμυμώνην Ἀφροδίτην, ### book 75.1.2 ἥ μου τὴν ψυχὴν ἔφλεγεν οὐκ ὀλίγον. ### book 75.1.3 αὕτη μοι προσέπαιζε καί, εἴ ποτε καιρός, ἐτόλμων. ### book 75.1.4 ἠρυθρία. τί πλέον; τὸν πόνον ᾐσθάνετο. ### book 75.5 ἤνυσα πολλὰ καμών. παρακήκοα νῦν, ὅτι τίκτει. ### book 75 ὥστε τί ποιοῦμεν; φεύγομεν ἢ μένομεν; ### book 76.1.1 Αὕτη πρόσθεν ἔην ἐρατόχροος, εἰαρόμασθος, ### book 76.1.2 εὔσφυρος, εὐμήκης, εὔοφρυς, εὐπλόκαμος. ### book 76.1.3 ἠλλάχθη δὲ χρόνῳ καὶ γήραϊ καὶ πολιαῖσι, ### book 76.1.4 καὶ νῦν τῶν προτέρων οὐδ’ ὄναρ οὐδὲν ἔχει· ### book 76.5.1 ἀλλοτρίας δὲ τρίχας καὶ ῥυσῶδες 〈τὸ〉 πρόσωπον, ### book 76.5.2 οἷον γηράσας οὐδὲ πίθηκος ἔχει. ### book 77.1.1 Εἰ τοίην χάριν εἶχε γυνὴ μετὰ Κύπριδος εὐνήν, ### book 77.1.2 οὐκ ἄν τοι χρονέεσκεν ἀνὴρ ἀλόχῳ συνομιλῶν. ### book 77.1.3 πᾶσαι γὰρ μετὰ κύπριν ἀτερπέες εἰσὶ γυναῖκες. ### book 78.1.1 Τὴν ψυχὴν Ἀγάθωνα φιλῶν ἐπὶ χείλεσιν ἔσχον· ### book 78.1.2 ἦλθε γὰρ ἡ τλήμων ὡς διαβησομένη. ### book 79.1.1 Τῷ μήλῳ βάλλω σε· σὺ δ’ εἰ μὲν ἑκοῦσα φιλεῖς με, ### book 79.1.2 δεξαμένη τῆς σῆς παρθενίης μετάδος. ### book 79.1.3 εἰ δ’ ἄρ’, ὃ μὴ γίγνοιτο, νοεῖς, τοῦτ’ αὐτὸ λαβοῦσα ### book 79 σκέψαι τὴν ὥρην ὡς ὀλιγοχρόνιος. ### book 80.1.1 Μῆλον ἐγώ· βάλλει με φιλῶν σέ τις. ἀλλ’ ἐπίνευσον, ### book 80.1.2 Ξανθίππη· κἀγὼ καὶ σὺ μαραινόμεθα. ### book 81.1.1 Ἡ τὰ ῥόδα, ῥοδόεσσαν ἔχεις χάριν. ἀλλὰ τί πωλεῖς; ### book 81.1.2 σαυτὴν ἢ τὰ ῥόδα ἠὲ συναμφότερα; ### book 82.1.1 Ὦ σοβαρὴ βαλάνισσα, τί μ’ οὕτως ἔκπυρα λούεις; ### book 82.1.2 πρίν μ’ ἀποδύσασθαι, τοῦ πυρὸς αἰσθάνομαι. ### book 83.1.1 Εἴθ’ ἄνεμος γενόμην, σὺ δὲ δὴ στείχουσα παρ’ αὐγὰς ### book 83.1.2 στήθεα γυμνώσαις καί με πνέοντα λάβοις. ### book 84.1 Εἴθε ῥόδον γενόμην ὑποπόρφυρον, ὄφρα με χερσὶν ### book 84 ἀρσαμένη χαρίσῃ στήθεσι χιονέοις. ### book 85.1.1 Φείδῃ παρθενίης. καὶ τί πλέον; οὐ γὰρ ἐς Ἅιδην ### book 85.1.2 ἐλθοῦς’ εὑρήσεις τὸν φιλέοντα, κόρη. ### book 85.1.3 ἐν ζωοῖσι τὰ τερπνὰ τὰ Κύπριδος· ἐν δ’ Ἀχέροντι ### book 85.1.4 ὀστέα καὶ σποδιή, παρθένε, κεισόμεθα. ### book 86.1.1 Ἵλαθί μοι, φίλε Φοῖβε· σὺ γὰρ θοὰ τόξα τιταίνων ### book 86.1.2 ἐβλήθης ὑπ’ Ἔρωτος ὑπωκυτέροισιν ὀιστοῖς. ### book 87.1.1 Ἀρνεῖται τὸν ἔρωτα Μελισσιάς, ἀλλὰ τὸ σῶμα ### book 87.1.2 κέκραγεν ὡς βελέων δεξάμενον φαρέτρην, ### book 87.1.3 καὶ φάσις ἀστατέουσα καὶ ἄστατος ἄσθματος ὁρμὴ ### book 87.1.4 καὶ κοῖλαι βλεφάρων ἰοτυπεῖς βάσιες. ### book 87.5.1 ἀλλά, Πόθοι, πρὸς μητρὸς ἐυστεφάνου Κυθερείης, ### book 87.5.2 φλέξατε τὴν ἀπιθῆ, μέχρις ἐρεῖ· „Φλέγομαι.“ ### book 88.1 Εἰ δυσὶν οὐκ ἴσχυσας ἴσην φλόγα, πυρφόρε, καῦσαι, ### book 88 τὴν ἑνὶ καιομένην ἢ σβέσον ἢ μετάθες. ### book 89.1.1 Οὐκ ἔσθ’ οὗτος ἔρως, εἴ τις καλὸν εἶδος ἔχουσαν ### book 89.1.2 βούλετ’ ἔχειν, φρονίμοις ὄμμασι πειθόμενος· ### book 89.1.3 ἀλλ’ ὅστις κακόμορφον ἰδών, πεφορημένος ἰοῖς, ### book 89.1.4 στέργει, μαινομένης ἐκ φρενὸς αἰθόμενος, ### book 89.5.1 οὗτος ἔρως, πῦρ τοῦτο. τὰ γὰρ καλὰ πάντας ὁμοίως ### book 89.5.2 τέρπει τοὺς κρίνειν εἶδος ἐπισταμένους. ### book 90.1.1 Πέμπω σοι μύρον ἡδύ, μύρῳ τὸ μύρον θεραπεύων, ### book 90.1.2 ὡς Βρομίῳ σπένδων νᾶμα τὸ τοῦ Βρομίου. ### book 91.1.1 Πέμπω σοι μύρον ἡδύ, μύρῳ παρέχων χάριν, οὐ σοί. ### book 91.1.2 αὐτὴ γὰρ μυρίσαι καὶ τὸ μύρον δύνασαι. ### book 92.1.1 Ὑψοῦται Ῥοδόπη τῷ κάλλεϊ· κἤν ποτε „Χαῖρε“ ### book 92.1.2 εἴπω, ταῖς σοβαραῖς ὀφρύσιν ἠσπάσατο· ### book 92.1.3 ἤν ποτε καὶ στεφάνους προθύρων ὕπερ ἐκκρεμάσωμαι, ### book 92.1.4 ὀργισθεῖσα πατεῖ τοῖς σοβαροῖς ἴχνεσι. ### book 92.5 ὦ ῥυτίδες καὶ γῆρας ἀνηλεές, ἔλθετε θᾶσσον· ### book 92 σπεύσατε, κἂν ὑμεῖς πείσατε τὴν Ῥοδόπην. ### book 93.1.1 Ὥπλισμαι πρὸς Ἔρωτα περὶ στέρνοισι λογισμόν, ### book 93.1.2 οὐδέ με νικήσει, μοῦνος ἐὼν πρὸς ἕνα, ### book 93.1.3 θνατὸς δ’ ἀθανάτῳ συστήσομαι. ἢν δὲ βοηθὸν ### book 93.1.4 Βάκχον ἔχῃ, τί μόνος πρὸς δύ’ ἐγὼ δύναμαι; ### book 94.1.1 Ὄμματ’ ἔχεις Ἥρης, Μελίτη, τὰς χεῖρας Ἀθήνης, ### book 94.1.2 τοὺς μαζοὺς Παφίης, τὰ σφυρὰ τῆς Θέτιδος. ### book 94.1.3 εὐδαίμων ὁ βλέπων σε, τρισόλβιος ὅστις ἀκούει, ### book 94.1.4 ἡμίθεος δ’ ὁ φιλῶν, ἀθάνατος δ’ ὁ γαμῶν. ### book 95.1.1 Τέσσαρες αἱ Χάριτες, Παφίαι δύο καὶ δέκα Μοῦσαι· ### book 95.1.2 Δερκυλὶς ἐν πάσαις· Μοῦσα, Χάρις, Παφίη. ### book 96.1.1 Ἰξὸν ἔχεις τὸ φίλημα, τὰ δ’ ὄμματα, Τιμάριον, πῦρ· ### book 96.1.2 ἢν ἐσίδῃς, καίεις· ἢν δὲ θίγῃς, δέδεκας. ### book 97.1 Εἰ μὲν ἐπ’ ἀμφοτέροισιν, Ἔρως, ἴσα τόξα τιταίνεις, ### book 97 εἶ θεός· εἰ δὲ ῥέπεις πρὸς μέρος, οὐ θεὸς εἶ. ### book 98.1.1 Ὠμίζευ, Κύπρι, τόξα καὶ εἰς σκοπὸν ἥσυχος ἐλθὲ ### book 98.1.2 ἄλλον· ἐγὼ γὰρ ἔχω τραύματος οὐδὲ τόπον. ### book 99.1.1 Ἤθελον, ὦ κιθαρῳδέ, παραστάς, ὡς κιθαρίζεις, ### book 99.1.2 τὴν ὑπάτην κροῦσαι τήν τε μέσην χαλάσαι. ### book 100.1.1 Εἴ μοί τις μέμψαιτο δαείς, ὅτι λάτρις Ἔρωτος ### book 100.1.2 φοιτῶ θηρευτὴν ὄμμασιν ἰξὸν ἔχων, ### book 100.1.3 εἰδείη καὶ Ζῆνα καὶ Ἄϊδα τόν τε θαλάσσης ### book 100.1.4 σκηπτοῦχον μαλερῶν δοῦλον ἐόντα Πόθων. ### book 100.5.1 εἰ δὲ θεοὶ τοιοίδε, θεοῖς δ’ ἐνέπουσιν ἕπεσθαι ### book 100.5.2 ἀνθρώπους, τί θεῶν ἔργα μαθὼν ἀδικῶ; ### book 101.1.1 Χαῖρε, κόρη. —„Καὶ δὴ σύ.“ —Τίς ἡ προϊοῦσα; —„Τί πρὸς σέ;“ — ### book 101.1.2 Οὐκ ἀλόγως ζητῶ. —„Δεσπότις ἡμετέρη.“ — ### book 101.1.3 Ἐλπίζειν ἔστιν; —„Ζητεῖς δὲ τί;“ —Νύκτα. —„Φέρεις τι;“ — ### book 101 Χρυσίον. —„Εὐθύμει.“ —Καὶ τόσον. —„Οὐ δύνασαι.“ ### book 102.1.1 Τὴν ἰσχνὴν Διόκλειαν ἀσαρκοτέρην Ἀφροδίτην, ### book 102.1.2 ὄψεαι, ἀλλὰ καλοῖς ἤθεσι τερπομένην. ### book 102.1.3 οὐ πολύ μοι τὸ μεταξὺ γενήσεται, ἀλλ’ ἐπὶ λεπτὰ ### book 102.1.4 στέρνα πεσὼν ψυχῆς κείσομαι ἐγγυτάτω. ### book 103.1.1 Μέχρι τίνος, Προδίκη, παρακλαύσομαι; ἄχρι τίνος σε ### book 103.1.2 γουνάσομαι, στερεή, μηδὲν ἀκουόμενος; ### book 103.1.3 ἤδη καὶ λευκαί σοι ἐπισκιρτῶσιν ἔθειραι, ### book 103.1.4 καὶ τάχα μοι δώσεις ὡς Ἑκάβη Πριάμῳ. ### book 104.1.1 Αἶρε τὰ δίκτυα ταῦτα, κακόσχολε, μηδ’ ἐπίτηδες ### book 104.1.2 ἰσχίον ἐρχομένη σύστρεφε, Λυσιδίκη. ### book 104.1.3 οὔ σε περισφίγγει λεπτὸς στολιδώμασι πέπλος, ### book 104.1.4 πάντα δέ σου βλέπεται γυμνὰ καὶ οὐ βλέπεται. ### book 104.5.1 εἰ τόδε σοι χαρίεν καταφαίνεται, αὐτὸς ὁμοίως ### book 104.5.2 ὀρθὸν ἔχων βύσσῳ τοῦτο περισκεπάσω. ### book 105.1.1 Ἄλλος ὁ Μηνοφίλας λέγεται παρὰ μαχλάσι κόσμος, ### book 105.1.2 ἄλλος, ἐπεὶ πάσης γεύεται ἀκρασίης. ### book 105.1.3 ἀλλ’ ἴτε, Χαλδαῖοι, κείνης πέλας· ἦ γὰρ ὁ ταύτης ### book 105 οὐρανὸς ἐντὸς ἔχει καὶ κύνα καὶ διδύμους. ### book 106.1.1 Γραῖα, φίλη θρέπτειρα, τί μου προσιόντος ὑλακτεῖς ### book 106.1.2 καὶ χαλεπὰς βάλλεις δὶς τόσον εἰς ὀδύνας; ### book 106.1.3 παρθενικὴν γὰρ ἄγεις περικαλλέα, τῆς ἐπιβαίνων ### book 106.1.4 ἴχνεσι, τὴν ἰδικὴν οἶμον ἴδ’ ὡς φέρομαι, ### book 106.5.1 εἶδος ἐσαυγάζων μοῦνον γλυκύ. τίς φθόνος ὄσσων, ### book 106.5.2 δύσμορε; καὶ μορφὰς ἀθανάτων βλέπομεν. ### book 107.1.1 „Γινώσκω, χαρίεσσα, φιλεῖν πάνυ τὸν φιλέοντα, ### book 107.1.2 καὶ πάλι γινώσκω τόν με δακόντα δακεῖν· ### book 107.1.3 μὴ λύπει με λίην στέργοντά σε μηδ’ ἐρεθίζειν ### book 107.1.4 τὰς βαρυοργήτους σοι θέλε Πιερίδας.“ ### book 107.5.1 τοῦτ’ ἐβόων αἰεὶ καὶ προὔλεγον· ἀλλ’ ἴσα πόντῳ ### book 107.5.2 Ἰονίῳ μύθων ἔκλυες ἡμετέρων. ### book 107.5.3 τοιγὰρ νῦν σὺ μὲν ὧδε μέγα κλαίουσα βαΰζοις· ### book 107.5.4 ἡμεῖς δ’ ἐν κόλποις ἥμεθα Ναϊάδος. ### book 108.1.1 Δειλαίη, τί σε πρῶτον ἔπος, τί δὲ δεύτατον εἴπω; ### book 108.1.2 δειλαίη· τοῦτ’ ἐν παντὶ κακῷ ἔτυμον. ### book 108.1.3 οἴχεαι, ὦ χαρίεσσα γύναι, καὶ ἐς εἴδεος ὥρην ### book 108.1.4 ἄκρα καὶ εἰς ψυχῆς ἦθος ἐνεγκαμένη. ### book 108.5 Πρώτη σοι ὄνομ’ ἔσκεν ἐτήτυμον· ἦν γὰρ ἅπαντα ### book 108 δεύτερ’ ἀμιμήτων τῶν ἐπὶ σοὶ χαρίτων. ### book 109.1.1 Δραχμῆς Εὐρώπην τὴν Ἀτθίδα μήτε φοβηθεὶς ### book 109.1.2 μηδένα μήτ’ ἄλλως ἀντιλέγουσαν ἔχε, ### book 109.1.3 καὶ στρωμνὴν παρέχουσαν ἀμεμφέα, χὠπότε χειμών, ### book 109.1.4 ἄνθρακας. ἦ ῥα μάτην, Ζεῦ φίλε, βοῦς ἐγένου. ### book 110.1.1 Ἔγχει Λυσιδίκης κυάθους δέκα, τῆς δὲ ποθεινῆς ### book 110.1.2 Εὐφράντης ἕνα μοι, λάτρι, δίδου κύαθον. ### book 110.1.3 φήσεις Λυσιδίκην με φιλεῖν πλέον· οὐ μὰ τὸν ἡδὺν ### book 110.1.4 Βάκχον, ὃν ἐν ταύτῃ λαβροποτῶ κύλικι, ### book 110.5.1 ἀλλά μοι Εὐφράντη μία πρὸς δέκα· καὶ γὰρ ἀπείρους ### book 110.5.2 ἀστέρας ἓν μήνης φέγγος ὑπερτίθεται. ### book 111.1.1 Εἶπον ἐγὼ καὶ πρόσθεν, ὅτ’ ἦν ἔτι φίλτρα Τερείνης ### book 111.1.2 νήπια· „Συμφλέξει πάντας ἀεξομένη.“ ### book 111.1.3 οἱ δ’ ἐγέλων τὸν μάντιν. ἴδ’, ὁ χρόνος, ὅν ποτ’ ἐφώνουν, ### book 111.1.4 οὗτος· ἐγὼ δὲ πάλαι τραύματος ᾐσθανόμην. ### book 111.5.1 καὶ τί πάθω; λεύσσειν μέν, ὅλαι φλόγες· ἢν δ’ ἀπονεύσω, ### book 111.5.2 φροντίδες· ἢν δ’ αἰτῶ, παρθένος. οἰχόμεθα. ### book 112.1.1 Ἠράσθην· τίς δ’ οὐχί; κεκώμακα· τίς δ’ ἀμύητος ### book 112.1.2 κώμων; ἀλλ’ ἐμάνην· ἐκ τίνος; οὐχὶ θεοῦ; ### book 112.1.3 ἐρρίφθω· πολιὴ γὰρ ἐπείγεται ἀντὶ μελαίνης ### book 112 θρὶξ ἤδη, συνετῆς ἄγγελος ἡλικίης. ### book 112.5.1 καὶ παίζειν ὅτε καιρός, ἐπαίξαμεν· ἡνίκα καιρὸς ### book 112.5.2 οὐκέτι, λωιτέρης φροντίδος ἁψόμεθα. ### book 113.1.1 Ἠράσθης πλουτῶν, Σωσίκρατες, ἀλλὰ πένης ὢν ### book 113.1.2 οὐκέτ’ ἐρᾷς· λιμὸς φάρμακον οἷον ἔχει. ### book 113.1.3 ἡ δὲ πάρος σε καλεῦσα μύρον καὶ τερπνὸν Ἄδωνιν ### book 113.1.4 Μηνοφίλα νῦν σου τοὔνομα πυνθάνεται· ### book 113.5.1 „Τίς πόθεν εἶς ἀνδρῶν; πόθι τοι πτόλις;“ ἦ μόλις ἔγνως ### book 113.5.2 τοῦτ’ ἔπος, ὡς οὐδεὶς οὐδὲν ἔχοντι φίλος. ### book 114.1.1 Ἡ χαλεπὴ κατὰ πάντα Φιλίστιον, ἡ τὸν ἐραστὴν ### book 114.1.2 μηδέποτ’ ἀργυρίου χωρὶς ἀνασχομένη, ### book 114.1.3 φαίνετ’ ἀνεκτοτέρη νῦν ἢ πάρος. οὐ μέγα θαῦμα ### book 114.1.4 φαίνεσθ’· ἠλλάχθαι τὴν φύσιν οὐ δοκέω. ### book 114.5.1 καὶ γὰρ πρηϋτέρη ποτὲ γίνεται ἀσπὶς ἀναιδής, ### book 114.5.2 δάκνει δ’ οὐκ ἄλλως ἢ θανατηφορίην. ### book 115.1.1 Ἠράσθην Δημοῦς Παφίης γένος· οὐ μέγα θαῦμα· ### book 115.1.2 καὶ Σαμίης Δημοῦς δεύτερον· οὐχὶ μέγα· ### book 115.1.3 καὶ πάλιν Ὑσιακῆς Δημοῦς τρίτον· οὐκέτι ταῦτα ### book 115.1.4 παίγνια· καὶ Δημοῦς τέτρατον Ἀργολίδος. ### book 115.5 αὐταί που Μοῖραί με κατωνόμασαν Φιλόδημον, ### book 115 ὡς αἰεὶ Δημοῦς θερμὸς ἔχοι με πόθος. ### book 116.1.1 Θῆλυς ἔρως κάλλιστος ἐνὶ θνητοῖσι τέτυκται, ### book 116.1.2 ὅσσοις ἐς φιλίην σεμνὸς ἔνεστι νόος. ### book 116.1.3 εἰ δὲ καὶ ἀρσενικὸν στέργεις πόθον, οἶδα διδάξαι ### book 116.1.4 φάρμακον, ᾧ παύσεις τὴν δυσέρωτα νόσον. ### book 116.5.1 στρέψας Μηνοφίλαν εὐίσχιον ἐν φρεσὶν ἔλπου ### book 116.5.2 αὐτὸν ἔχειν κόλποις ἄρσενα Μηνόφιλον. ### book 117.1.1 Θερμαίνει μ’ ὁ καλὸς Κορνήλιος· ἀλλὰ φοβοῦμαι ### book 117.1.2 τοῦτο τὸ φῶς, ἤδη πῦρ μέγα γινόμενον. ### book 118.1.1 Ἰσιὰς ἡδύπνευστε, καὶ εἰ δεκάκις μύρον ὄσδεις, ### book 118.1.2 ἔγρεο καὶ δέξαι χερσὶ φίλαις στέφανον, ### book 118.1.3 ὃν νῦν μὲν θάλλοντα, μαραινόμενον δὲ πρὸς ἠῶ ### book 118.1.4 ὄψεαι, ὑμετέρης σύμβολον ἡλικίης. ### book 119.1.1 Κἢν ῥίψῃς ἐπὶ λαιὰ καὶ ἢν ἐπὶ δεξιὰ ῥίψῃς, ### book 119.1.2 Κριναγόρη, κενεοῦ σαυτὸν ὕπερθε λέχους, ### book 119.1.3 εἰ μή σοι χαρίεσσα παρακλίνοιτο Γέμελλα, ### book 119 γνώσῃ κοιμηθεὶς οὐχ ὕπνον, ἀλλὰ κόπον. ### book 120.1.1 Καὶ νυκτὸς μεσάτης τὸν ἐμὸν κλέψασα σύνευνον ### book 120.1.2 ἦλθον καὶ πυκινῇ τεγγομένη ψακάδι. ### book 120.1.3 τοὔνεκ’ ἐν ἀπρήκτοισι καθήμεθα κοὐχὶ λαλεῦντες ### book 120.1.4 εὕδομεν, ὡς εὕδειν τοῖς φιλέουσι θέμις; ### book 121.1.1 Μικκὴ καὶ μελανεῦσα Φιλαίνιον, ἀλλὰ σελίνων ### book 121.1.2 οὐλοτέρη καὶ μνοῦ χρῶτα τερεινοτέρη ### book 121.1.3 καὶ κεστοῦ φωνεῦσα μαγώτερα καὶ παρέχουσα ### book 121.1.4 πάντα καὶ αἰτῆσαι πολλάκι φειδομένη. ### book 121.5.1 τοιαύτην στέργοιμι Φιλαίνιον, ἄχρις ἂν εὕρω ### book 121.5.2 ἄλλην, ὦ χρυσέη Κύπρι, τελειοτέρην. ### book 122.1.1 Μὴ σύ γε, μηδ’ εἴ τοι πολὺ φέρτερος εἴδεται ὄσσων ### book 122.1.2 ἀμφοτέρων Κλεῖνος, κοῦρε, Μεγιστοκλέους, ### book 122.1.3 κἢν στίλβῃ Χαρίτεσσι λελουμένος, ἀμφιδονοίης ### book 122.1.4 τὸν καλόν· οὐ γὰρ ὁ παῖς ἤπιος οὐδ’ ἄκακος, ### book 122.5.1 ἀλλὰ μέλων πολλοῖσι καὶ οὐκ ἀδίδακτος ἐρώτων. ### book 122.5.2 τὴν φλόγα ῥιπίζειν δείδιθι, δαιμόνιε. ### book 123.1.1 Νυκτερινή, δίκερως, φιλοπάννυχε, φαῖνε, Σελήνη, ### book 123.1.2 φαῖνε δι’ εὐτρήτων βαλλομένη θυρίδων· ### book 123.1.3 αὔγαζε χρυσέην Καλλίστιον· ἐς τὰ φιλεύντων ### book 123.1.4 ἔργα κατοπτεύειν οὐ φθόνος ἀθανάτῃ. ### book 123.5 ὀλβίζεις καὶ τήνδε καὶ ἡμέας, οἶδα, Σελήνη· ### book 123 καὶ γὰρ σὴν ψυχὴν ἔφλεγεν Ἐνδυμίων. ### book 124.1.1 Οὔπω σοι καλύκων γυμνὸν θέρος, οὐδὲ μελαίνει ### book 124.1.2 βότρυς ὁ παρθενίους πρωτοβολῶν χάριτας. ### book 124.1.3 ἀλλ’ ἤδη θοὰ τόξα νέοι θήγουσιν Ἔρωτες, ### book 124.1.4 Λυσιδίκη, καὶ πῦρ τύφεται ἐγκρύφιον. ### book 124.5.1 φεύγωμεν, δυσέρωτες, ἕως βέλος οὐκ ἐπὶ νευρῇ· ### book 124.5.2 μάντις ἐγὼ μεγάλης αὐτίκα πυρκαϊῆς. ### book 125.1.1 Οὐ μέλλω ῥεύσειν χρυσός ποτε· βοῦς δὲ γένοιτο ### book 125.1.2 ἄλλος χὠ μελίθρους κύκνος ἐπῃόνιος. ### book 125.1.3 Ζηνὶ φυλασσέσθω τάδε παίγνια· τῇ δὲ Κορίννῃ ### book 125.1.4 τοὺς ὀβολοὺς δώσω τοὺς δύο κοὐ πέτομαι. ### book 126.1.1 Πέντε δίδωσιν ἑνὸς τῇ δεῖνα ὁ δεῖνα τάλαντα, ### book 126.1.2 καὶ βινεῖ φρίσσων καί, μὰ τόν, οὐδὲ καλήν· ### book 126.1.3 πέντε δ’ ἐγὼ δραχμὰς τῶν δώδεκα Λυσιανάσσῃ, ### book 126.1.4 καὶ βινῶ πρὸς τῷ κρείσσονα καὶ φανερῶς. ### book 126.5.1 πάντως ἤτοι ἐγὼ φρένας οὐκ ἔχω, ἢ τό γε λοιπὸν ### book 126.5.2 τοὺς κείνου πελέκει δεῖ διδύμους ἀφελεῖν. ### book 127.1.1 Παρθένον Ἀλκίππην ἐφίλουν μέγα, καί ποτε πείσας ### book 127.1.2 αὐτὴν λαθριδίως εἶχον ἐπὶ κλισίῃ. ### book 127.1.3 ἀμφοτέρων δὲ στέρνον ἐπάλλετο, μή τις ἐπέλθῃ, ### book 127.1.4 μή τις ἴδῃ τὰ πόθων κρυπτὰ περισσότερον. ### book 127.5 μητέρα δ’ οὐκ ἔλαθεν κείνης λάλον· ἀλλ’ ἐσιδοῦσα ### book 127 ἐξαπίνης· „Ἑρμῆς κοινός,“ ἔφη, „θύγατερ.“ ### book 128.1.1 Στέρνα περὶ στέρνοις, μαστῷ δ’ ἔπι μαστὸν ἐρείσας ### book 128.1.2 χείλεά τε γλυκεροῖς χείλεσι συμπιέσας ### book 128.1.3 Ἀντιγόνης καὶ χρῶτα λαβὼν πρὸς χρῶτα, τὰ λοιπὰ ### book 128.1.4 σιγῶ, μάρτυς ἐφ’ οἷς λύχνος ἐπεγράφετο. ### book 129.1.1 Τὴν ἀπὸ τῆς Ἀσίης ὀρχηστρίδα, τὴν κακοτέχνοις ### book 129.1.2 σχήμασιν ἐξ ἁπαλῶν κινυμένην ὀνύχων, ### book 129.1.3 αἰνέω, οὐχ ὅτι πάντα παθαίνεται οὐδ’ ὅτι βάλλει ### book 129.1.4 τὰς ἁπαλὰς ἁπαλῶς ὧδε καὶ ὧδε χέρας, ### book 129.5.1 ἀλλ’ ὅτι καὶ τρίβακον περὶ πάσσαλον ὀρχήσασθαι ### book 129.5.2 οἶδε καὶ οὐ φεύγει γηραλέας ῥυτίδας. ### book 129.5.3 γλωττίζει, κνίζει, περιλαμβάνει· ἢν δ’ ἐπιρίψῃ ### book 129.5.4 τὸ σκέλος, ἐξ ᾅδου τὴν κορύνην ἀνάγει. ### book 130.1.1 Τί στυγνή; τί δὲ ταῦτα κόμης εἰκαῖα, Φιλαινί, ### book 130.1.2 σκύλματα καὶ νοτερῶν σύγχυσις ὀμματίων; ### book 130.1.3 μὴ τὸν ἐραστὴν εἶδες ἔχονθ’ ὑποκόλπιον ἄλλην; ### book 130.1.4 εἶπον ἐμοί· λύπης φάρμακ’ ἐπιστάμεθα. ### book 130.5.1 δακρύεις; οὐ φὴς δέ; μάτην ἀρνεῖσθ’ ἐπιβάλλῃ· ### book 130.5.2 ὀφθαλμοὶ γλώσσης ἀξιοπιστότεροι. ### book 131.1.1 Ψαλμὸς καὶ λαλιὴ καὶ κωτίλον ὄμμα καὶ ᾠδὴ ### book 131.1.2 Ξανθίππης καὶ πῦρ ἄρτι καταρχόμενον, ### book 131.1.3 ὦ ψυχή, φλέξει σε· τὸ δ’ ἐκ τίνος ἢ πότε καὶ πῶς ### book 131 οὐκ οἶδα· γνώσῃ, δύσμορε, τυφομένη. ### book 132.1.1 Ὢ ποδός, ὢ κνήμης, ὢ τῶν (ἀπόλωλα δικαίως) ### book 132.1.2 μηρῶν, ὢ γλουτῶν, ὢ κτενός, ὢ λαγόνων, ### book 132.1.3 ὤμοιν, ὢ μαστῶν, ὢ τοῦ ῥαδινοῖο τραχήλου, ### book 132.1.4 ὢ χειρῶν, ὢ τῶν (μαίνομαι) ὀμματίων, ### book 132.5.1 ὢ κατατεχνοτάτου κινήματος, ὢ περιάλλων ### book 132.5.2 γλωττισμῶν, ὢ τῶν (θῦ’ ἐμὲ) φωναρίων. ### book 132.5.3 εἰ δ’ Ὀπικὴ καὶ Φλῶρα καὶ οὐκ ᾄδουσα τὰ Σαπφοῦς, ### book 132.5.4 καὶ Περσεὺς Ἰνδῆς ἠράσατ’ Ἀνδρομέδης. ### book 133.1.1 Ὤμος’ ἐγὼ δύο νύκτας ἀφ’ Ἡδυλίου, Κυθέρεια, ### book 133.1.2 σὸν κράτος ἡσυχάσειν. ὡς δοκέω δ’, ἐγέλας, ### book 133.1.3 τοὐμὸν ἐπισταμένη τάλανος κακόν· οὐ γὰρ ὑποίσω ### book 133.1.4 τὴν ἑτέρην, ὅρκους δ’ εἰς ἀνέμους τίθεμαι. ### book 133.5.1 αἱροῦμαι δ’ ἀσεβεῖν κείνης χάριν ἢ τὰ σὰ τηρῶν ### book 133.5.2 ὅρκι’ ἀποθνῄσκειν, πότνι’, ὑπ’ εὐσεβίης. ### book 134.1.1 Κεκροπί, ῥαῖνε, λάγυνε, πολύδροσον ἰκμάδα Βάκχου, ### book 134.1.2 ῥαῖνε, δροσιζέσθω συμβολικὴ πρόποσις. ### book 134.1.3 σιγάσθω Ζήνων ὁ σοφὸς κύκνος ἅ τε Κλεάνθους ### book 134 μοῦσα· μέλοι δ’ ἡμῖν ὁ γλυκύπικρος Ἔρως. ### book 135.1.1 Στρογγύλη, εὐτόρνευτε, μονούατε, μακροτράχηλε, ### book 135.1.2 ὑψαύχην στεινῷ φθεγγομένη στόματι, ### book 135.1.3 Βάκχου καὶ Μουσέων ἱλαρὴ λάτρι καὶ Κυθερείης, ### book 135.1.4 ἡδύγελως, τερπνὴ συμβολικῶν ταμίη, ### book 135.5.1 τίφθ’, ὁπόταν νήφω, μεθύεις σύ μοι, ἢν δὲ μεθυσθῶ, ### book 135.5.2 ἐκνήφεις; ἀδικεῖς συμποτικὴν φιλίην. ### book 136.1.1 Ἔγχει καὶ πάλιν εἰπέ, πάλιν, πάλιν „Ἡλιοδώρασ“· ### book 136.1.2 εἰπέ, σὺ δ’ ἀκρήτῳ τὸ γλυκὺ μίσγ’ ὄνομα· ### book 136.1.3 καί μοι τὸν βρεχθέντα μύροις, καὶ χθιζὸν ἐόντα, ### book 136.1.4 μναμόσυνον κείνας ἀμφιτίθει στέφανον. ### book 136.5.1 δακρύει φιλέραστον, ἰδού, ῥόδον, οὕνεκα κείναν ### book 136.5.2 ἄλλοθι κοὐ κόλποις ἁμετέροις ἐσορᾷ. ### book 137.1.1 Ἔγχει τᾶς Πειθοῦς καὶ Κύπριδος Ἡλιοδώρας ### book 137.1.2 καὶ πάλι τᾶς αὐτᾶς ἁδυλόγου Χάριτος. ### book 137.1.3 αὐτὰ γὰρ μί’ ἐμοὶ γράφεται θεός, ἇς τὸ ποθεινὸν ### book 137.1.4 οὔνομ’ ἐν ἀκρήτῳ συγκεράσας πίομαι. ### book 138.1.1 Ἵππον Ἀθήνιον ᾖσεν ἐμοὶ κακόν· ἐν πυρὶ πᾶσα ### book 138.1.2 Ἴλιος ἦν, κἀγὼ κείνῃ ἅμ’ ἐφλεγόμαν, ### book 138.1.3 οὐ δείσας Δαναῶν δεκέτη πόνον· ἐν δ’ ἑνὶ φέγγει ### book 138 τῷ τότε καὶ Τρῶες κἀγὼ ἀπωλόμεθα. ### book 139.1.1 Ἁδὺ μέλος, ναὶ Πᾶνα τὸν Ἀρκάδα, πηκτίδι μέλπεις, ### book 139.1.2 Ζηνοφίλα, ναὶ Πᾶν’, ἁδὺ κρέκεις τι μέλος. ### book 139.1.3 ποῖ σε φύγω; πάντῃ με περιστείχουσιν Ἔρωτες, ### book 139.1.4 οὐδ’ ὅσον ἀμπνεῦσαι βαιὸν ἐῶσι χρόνον. ### book 139.5.1 ἢ γάρ μοι μορφὰ βάλλει πόθον ἢ πάλι μοῦσα ### book 139.5.2 ἢ χάρις ἢ—τί λέγω; πάντα· πυρὶ φλέγομαι. ### book 140.1.1 Ἡδυμελεῖς Μοῦσαι σὺν πηκτίδι καὶ Λόγος ἔμφρων ### book 140.1.2 σὺν Πειθοῖ καὶ Ἔρως Κάλλος ὑφηνιοχῶν, ### book 140.1.3 Ζηνοφίλα, σοὶ σκῆπτρα Πόθων ἀπένειμαν, ἐπεί σοι ### book 140.1.4 αἱ τρισσαὶ Χάριτες τρεῖς ἔδοσαν χάριτας. ### book 141.1.1 Ναὶ τὸν Ἔρωτα, θέλω τὸ παρ’ οὔασιν Ἡλιοδώρας ### book 141.1.2 φθέγμα κλύειν ἢ τᾶς Λατοΐδεω κιθάρας. ### book 142.1.1 Τίς, ῥόδον ὁ στέφανος Διονυσίου ἢ ῥόδον αὐτὸς ### book 142.1.2 τοῦ στεφάνου; δοκέω, λείπεται ὁ στέφανος. ### book 143.1 Ὁ στέφανος περὶ κρατὶ μαραίνεται Ἡλιοδώρας· ### book 143 αὐτὴ δ’ ἐκλάμπει τοῦ στεφάνου στέφανος. ### book 144.1.1 Ἤδη λευκόιον θάλλει, θάλλει δὲ φίλομβρος ### book 144.1.2 νάρκισσος, θάλλει δ’ οὐρεσίφοιτα κρίνα. ### book 144.1.3 ἤδη δ’ ἁ φιλέραστος, ἐν ἄνθεσιν ὥριμον ἄνθος, ### book 144.1.4 Ζηνοφίλα Πειθοῦς ἁδὺ τέθηλε ῥόδον. ### book 144.5.1 λειμῶνες, τί μάταια κόμαις ἔπι φαιδρὰ γελᾶτε; ### book 144.5.2 ἁ γὰρ παῖς κρέσσων ἁδυπνόων στεφάνων. ### book 145.1.1 Αὐτοῦ μοι, στέφανοι, παρὰ δικλίσι ταῖσδε κρεμαστοὶ ### book 145.1.2 μίμνετε, μὴ προπετῶς φύλλα τινασσόμενοι, ### book 145.1.3 οὓς δακρύοις κατέβρεξα· κάτομβρα γὰρ ὄμματ’ ἐρώντων. ### book 145.1.4 ἀλλ’ ὅταν οἰγομένης αὐτὸν ἴδητε θύρης, ### book 145.5.1 στάξαθ’ ὑπὲρ κεφαλῆς ἐμὸν ὑετόν, ὡς ἂν ἄμεινον ### book 145.5.2 ἡ ξανθή γε κόμη τἀμὰ πίῃ δάκρυα. ### book 146.1.1 Τέσσαρες αἱ Χάριτες· ποτὶ γὰρ μία ταῖς τρισὶ κείναις ### book 146.1.2 ἄρτι ποτεπλάσθη κἦτι μύροισι νοτεῖ. ### book 146.1.3 εὐαίων ἐν πᾶσιν ἀρίζαλος Βερενίκα, ### book 146.1.4 ἇς ἄτερ οὐδ’ αὐταὶ ταὶ Χάριτες Χάριτες. ### book 147.1.1 Πλέξω λευκόιον, πλέξω δ’ ἁπαλὴν ἅμα μύρτοις ### book 147.1.2 νάρκισσον, πλέξω καὶ τὰ γελῶντα κρίνα, ### book 147.1.3 πλέξω καὶ κρόκον ἡδύν· ἐπιπλέξω δ’ ὑάκινθον ### book 147.1.4 πορφυρέην, πλέξω καὶ φιλέραστα ῥόδα, ### book 147.5 ὡς ἂν ἐπὶ κροτάφοις μυροβοστρύχου Ἡλιοδώρας ### book 147 εὐπλόκαμον χαίτην ἀνθοβολῇ στέφανος. ### book 148.1.1 Φαμί ποτ’ ἐν μύθοις τὰν εὔλαλον Ἡλιοδώραν ### book 148.1.2 νικάσειν αὐτὰς τὰς Χάριτας χάρισιν. ### book 149.1.1 Τίς μοι Ζηνοφίλαν λαλιὰν παρέδειξεν ἑταίραν; ### book 149.1.2 τίς μίαν ἐκ τρισσῶν ἤγαγέ μοι Χάριτα; ### book 149.1.3 ἆρ’ ἐτύμως ἁνὴρ κεχαρισμένον ἄνυσεν ἔργον ### book 149.1.4 δῶρα διδοὺς καὐτὰν τὰν Χάριν ἐν χάριτι. ### book 150.1.1 Ὡμολόγης’ ἥξειν εἰς νύκτα μοι ἡ ’πιβόητος ### book 150.1.2 Νικὼ καὶ σεμνὴν ὤμοσε Θεσμοφόρον· ### book 150.1.3 κοὐχ ἥκει· φυλακὴ δὲ παροίχεται. ἆρ’ ἐπιορκεῖν ### book 150.1.4 ἤθελε; τὸν λύχνον, παῖδες, ἀποσβέσατε. ### book 151.1.1 Ὀξυβόαι κώνωπες, ἀναιδέες αἵματος ἀνδρῶν ### book 151.1.2 σίφωνες, νυκτὸς κνώδαλα διπτέρυγα, ### book 151.1.3 βαιὸν Ζηνοφίλαν, λίτομαι, πάρεθ’ ἥσυχον ὕπνῳ ### book 151.1.4 εὕδειν, τἀμὰ δ’, ἰδού, σαρκοφαγεῖτε μέλη. ### book 151.5.1 καίτοι πρὸς τί μάτην αὐδῶ; καὶ θῆρες ἄτεγκτοι ### book 151.5.2 τέρπονται τρυφερῷ χρωτὶ χλιαινόμενοι. ### book 151.5.3 ἀλλ’ ἔτι νῦν προλέγω, κακὰ θρέμματα, λήγετε τόλμης, ### book 151 ἢ γνώσεσθε χερῶν ζηλοτύπων δύναμιν. ### book 152.1.1 Πταίης μοι, κώνωψ, ταχὺς ἄγγελος, οὔασι δ’ ἄκροις ### book 152.1.2 Ζηνοφίλας ψαύσας προσψιθύριζε τάδε· ### book 152.1.3 „Ἄγρυπνος μίμνει σε· σὺ δ’, ὦ λήθαργε φιλούντων, ### book 152.1.4 εὕδεις.“ εἶα, πέτευ· ναί, φιλόμουσε, πέτευ· ### book 152.5.1 ἥσυχα δὲ φθέγξαι, μὴ καὶ σύγκοιτον ἐγείρας ### book 152.5.2 κινήσῃς ἐπ’ ἐμοὶ ζηλοτύπους ὀδύνας. ### book 152.5.3 ἢν δ’ ἀγάγῃς τὴν παῖδα, δορᾷ στέψω σε λέοντος, ### book 152.5.4 κώνωψ, καὶ δώσω χειρὶ φέρειν ῥόπαλον. ### book 153.1.1 Νικαρέτης τὸ πόθοισι βεβλημένον ἡδὺ πρόσωπον, ### book 153.1.2 πυκνὰ δι’ ὑψιλόφων φαινόμενον θυρίδων, ### book 153.1.3 αἱ χαροπαὶ Κλεοφῶντος ἐπὶ προθύροισι μάραναν, ### book 153.1.4 Κύπρι φίλη, γλυκεροῦ βλέμματος ἀστεροπαί. ### book 154.1.1 Ναὶ τὰν νηξαμέναν χαροποῖς ἐνὶ κύμασι Κύπριν, ### book 154.1.2 ἔστι καὶ ἐκ μορφᾶς ἁ Τρυφέρα τρυφερά. ### book 155.1 Ἐντὸς ἐμῆς κραδίης τὴν εὔλαλον Ἡλιοδώραν ### book 155 ψυχὴν τῆς ψυχῆς ἔπλασεν αὐτὸς Ἔρως. ### book 156.1.1 Ἁ φίλερως χαροποῖς Ἀσκληπιὰς οἷα γαλήνης ### book 156.1.2 ὄμμασι συμπείθει πάντας ἐρωτοπλοεῖν. ### book 157.1.1 Τρηχὺς ὄνυξ ὑπ’ Ἔρωτος ἀνέτραφες Ἡλιοδώρας· ### book 157.1.2 ταύτης γὰρ δύνει κνίσμα καὶ ἐς κραδίην. ### book 158.1.1 Ἑρμιόνῃ πιθανῇ ποτ’ ἐγὼ συνέπαιζον ἐχούσῃ ### book 158.1.2 ζωνίον ἐξ ἀνθέων ποικίλον, ὦ Παφίη, ### book 158.1.3 χρύσεα γράμματ’ ἔχον· „Διόλου,“ δ’ ἐγέγραπτο, „φίλει με ### book 158.1.4 καὶ μὴ λυπηθῇς, ἤν τις ἔχῃ μ’ ἕτερος.“ ### book 159.1.1 Βοίδιον ηὑλητρὶς καὶ Πυθιάς, αἵ ποτ’ ἐρασταί, ### book 159.1.2 σοί, Κύπρι, τὰς ζώνας τάς τε γραφὰς ἔθεσαν. ### book 159.1.3 ἔμπορε καὶ φορτηγέ, τὸ σὸν βαλλάντιον οἶδεν, ### book 159.1.4 καὶ πόθεν αἱ ζῶναι καὶ πόθεν οἱ πίνακες. ### book 160.1.1 Δημὼ λευκοπάρειε, σὲ μέν τις ἔχων ὑπόχρωτα ### book 160.1.2 τέρπεται, ἁ δ’ ἐν ἐμοὶ νῦν στενάχει κραδία. ### book 160.1.3 εἰ δέ σε σαββατικὸς κατέχει πόθος, οὐ μέγα θαῦμα· ### book 160 ἔστι καὶ ἐν ψυχροῖς σάββασι θερμὸς ἔρως. ### book 161.1.1 Εὐφρὼ καὶ Θαῒς καὶ Βοίδιον, αἱ Διομήδους, ### book 161.1.2 Γραῖαι, ναυκλήρων ὁλκάδες εἰκόσοροι, ### book 161.1.3 Ἆγιν καὶ Κλεοφῶντα καὶ Ἀνταγόρην, ἕν’ ἑκάστη, ### book 161.1.4 γυμνούς, ναυηγῶν ἥσσονας, ἐξέβαλον. ### book 161.5.1 ἀλλὰ σὺν αὐταῖς νηυσὶ τὰ λῃστρικὰ τῆς Ἀφροδίτης ### book 161.5.2 φεύγετε· Σειρήνων αἵδε γὰρ ἐχθρότεραι. ### book 162.1.1 Ἡ λαμυρή μ’ ἔτρωσε Φιλαίνιον· εἰ δὲ τὸ τραῦμα ### book 162.1.2 μὴ σαφές, ἀλλ’ ὁ πόνος δύεται εἰς ὄνυχα. ### book 162.1.3 οἴχομ’, Ἔρωτες, ὄλωλα, διοίχομαι· εἰς γὰρ ἑταίραν ### book 162.1.4 νυστάζων ἐπέβην ἠδ’ ἔθιγον γ’ Ἀίδα. ### book 163.1.1 Ἀνθοδίαιτε μέλισσα, τί μοι χροὸς Ἡλιοδώρας ### book 163.1.2 ψαύεις, ἐκπρολιποῦς’ εἰαρινὰς κάλυκας; ### book 163.1.3 ἦ σύ γε μηνύεις, ὅτι καὶ γλυκὺ καὶ δυσόιστον ### book 163.1.4 πικρὸν ἀεὶ κραδίᾳ κέντρον Ἔρωτος ἔχει; ### book 163.5.1 ναὶ δοκέω, τοῦτ’ εἶπας. ἰώ, φιλέραστε, παλίμπους ### book 163.5.2 στεῖχε· πάλαι τὴν σὴν οἴδαμεν ἀγγελίην. ### book 164.1.1 Νύξ, σὲ γάρ, οὐκ ἄλλην μαρτύρομαι, οἷά μ’ ὑβρίζει ### book 164.1.2 Πυθιὰς ἡ Νικοῦς, οὖσα φιλεξαπάτης. ### book 164.1.3 κληθείς, οὐκ ἄκλητος, ἐλήλυθα· ταὐτὰ παθοῦσα ### book 164 σοὶ μέμψαιτ’ ἐπ’ ἐμοὶ στᾶσα παρὰ προθύροις. ### book 165.1.1 Ἓν τόδε, παμμήτειρα θεῶν, λίτομαί σε, φίλη Νύξ, ### book 165.1.2 ναὶ λίτομαι, κώμων σύμπλανε, πότνια Νύξ· ### book 165.1.3 εἴ τις ὑπὸ χλαίνῃ βεβλημένος Ἡλιοδώρας ### book 165.1.4 θάλπεται, ὑπναπάτῃ χρωτὶ χλιαινόμενος, ### book 165.5.1 κοιμάσθω μὲν λύχνος, ὁ δ’ ἐν κόλποισιν ἐκείνης ### book 165.5.2 ῥιπτασθεὶς κείσθω δεύτερος Ἐνδυμίων. ### book 166.1.1 Ὦ Νύξ, ὦ φιλάγρυπνος ἐμοὶ πόθος Ἡλιοδώρας, ### book 166.1.2 καὶ σκολιῶν ὄρθρων κνίσματα δακρυχαρῆ, ### book 166.1.3 ἆρα μένει στοργῆς ἐμὰ λείψανα, καί τι φίλημα ### book 166.1.4 μνημόσυνον ψυχρᾷ θάλπετ’ ἐν εἰκασίᾳ; ### book 166.5.1 ἆρά γ’ ἔχει σύγκοιτα τὰ δάκρυα κἀμὸν ὄνειρον ### book 166.5.2 ψυχαπάτην στέρνοις ἀμφιβαλοῦσα φιλεῖ; ### book 166.5.3 ἢ νέος ἄλλος ἔρως, νέα παίγνια; μήποτε, λύχνε, ### book 166.5.4 ταῦτ’ ἐσίδῃς, εἴης δ’ ἧς παρέδωκα φύλαξ. ### book 167.1.1 Ὑετὸς ἦν καὶ νὺξ καί, τὸ τρίτον ἄλγος ἔρωτι, ### book 167.1.2 οἶνος· καὶ Βορέης ψυχρός, ἐγὼ δὲ μόνος. ### book 167.1.3 „Ἀλλ’ ὁ καλὸς Μόσχος πλέον ἴσχυε.“ Καὶ σὺ γὰρ οὕτως ### book 167.1.4 ἤλυθες οὐδὲ θύρην πρὸς μίαν ἡσύχασας, ### book 167.5 τῇδε τοσοῦτ’ ἐβόησα βεβρεγμένος. ἄχρι τίνος, Ζεῦ; ### book 167 Ζεῦ φίλε, σίγησον, καὐτὸς ἐρᾶν ἔμαθες. ### book 168.1.1 Καὶ πυρὶ καὶ νιφετῷ με καί, εἰ βούλοιο, κεραυνῷ ### book 168.1.2 βάλλε καὶ εἰς κρημνοὺς ἕλκε καὶ εἰς πελάγη. ### book 168.1.3 τὸν γὰρ ἀπαυδήσαντα πόθοις καὶ Ἔρωτι δαμέντα ### book 168.1.4 οὐδὲ Διὸς τρύχει πῦρ ἐπιβαλλόμενον. ### book 169.1.1 Ἡδὺ θέρους διψῶντι χιὼν ποτόν, ἡδὺ δὲ ναύταις ### book 169.1.2 ἐκ χειμῶνος ἰδεῖν εἰαρινὸν Στέφανον· ### book 169.1.3 ἥδιον δ’, ὁπόταν κρύψῃ μία τοὺς φιλέοντας ### book 169.1.4 χλαῖνα καὶ αἰνῆται Κύπρις ὑπ’ ἀμφοτέρων. ### book 170.1.1 Ἅδιον οὐδὲν ἔρωτος· ἃ δ’ ὄλβια, δεύτερα πάντα ### book 170.1.2 ἐστίν· ἀπὸ στόματος δ’ ἔπτυσα καὶ τὸ μέλι. ### book 170.1.3 τοῦτο λέγει Νοσσίς· τίνα δ’ ἁ Κύπρις οὐκ ἐφίλησεν, ### book 170.1.4 οὐκ οἶδεν τήνα γ’, ἄνθεα ποῖα ῥόδα. ### book 171.1.1 Τὸ σκύφος ἁδὺ γέγηθε· λέγει δ’, ὅτι τᾶς φιλέρωτος ### book 171.1.2 Ζηνοφίλας ψαύει τοῦ λαλιοῦ στόματος. ### book 171.1.3 ὄλβιον· εἴθ’ ὑπ’ ἐμοῖς νῦν χείλεσι χείλεα θεῖσα ### book 171 ἀπνευστὶ ψυχὰν τὰν ἐν ἐμοὶ προπίοι. ### book 172.1.1 Ὄρθρε, τί μοι, δυσέραστε, ταχὺς περὶ κοῖτον ἐπέστης, ### book 172.1.2 ἄρτι φίλας Δημοῦς χρωτὶ χλιαινομένῳ; ### book 172.1.3 εἴθε πάλιν στρέψας ταχινὸν δρόμον Ἕσπερος εἴης, ### book 172.1.4 ὦ γλυκὺ φῶς βάλλων εἰς ἐμὲ πικρότατον. ### book 172.5.1 ἤδη γὰρ καὶ πρόσθεν ἐπ’ Ἀλκμήνην Διὸς ἦλθες ### book 172.5.2 ἀντίος· οὐκ ἀδαής ἐσσι παλινδρομίης. ### book 173.1.1 Ὄρθρε, τί νῦν, δυσέραστε, βραδὺς περὶ κόσμον ἑλίσσῃ, ### book 173.1.2 ἄλλος ἐπεὶ Δημοῦς θάλπεθ’ ὑπὸ χλανίδι; ### book 173.1.3 ἀλλ’ ὅτε τὰν ῥαδινὰν κόλποις ἔχον, ὠκὺς ἐπέστης, ### book 173.1.4 ὡς βάλλων ἐπ’ ἐμοὶ φῶς ἐπιχαιρέκακον. ### book 174.1.1 Εὕδεις, Ζηνοφίλα, τρυφερὸν θάλος· εἴθ’ ἐπὶ σοὶ νῦν ### book 174.1.2 ἄπτερος εἰσῄειν Ὕπνος ἐπὶ βλεφάροις, ### book 174.1.3 ὡς ἐπὶ σοὶ μηδ’ οὗτος, ὁ καὶ Διὸς ὄμματα θέλγων, ### book 174.1.4 φοιτήσαι, κάτεχον δ’ αὐτὸς ἐγώ σε μόνος. ### book 175.1.1 Οἶδα. τί μοι κενὸς ὅρκος, ἐπεὶ σέ γε τὴν φιλάσωτον ### book 175.1.2 μηνύει μυρόπνους ἀρτιβρεχὴς πλόκαμος, ### book 175.1.3 μηνύει δ’ ἄγρυπνον, ἰδού, βεβαρημένον ὄμμα ### book 175.1.4 καὶ σφιγκτὸς στεφάνων ἀμφὶ κόμαισι μίτος; ### book 175.5 ἔσκυλται δ’ ἀκόλαστα πεφυρμένος ἄρτι κίκιννος, ### book 175.1 πάντα δ’ ὑπ’ ἀκρήτου γυῖα σαλευτὰ φορεῖς. ### book 175.2 ἔρρε, γύναι πάγκοινε· καλεῖ σε γὰρ ἡ φιλόκωμος ### book 175.3 πηκτὶς καὶ κροτάλων χειροτυπὴς πάταγος. ### book 176.1.1 Δεινὸς Ἔρως, δεινός. τί δὲ τὸ πλέον, ἢν πάλιν εἴπω ### book 176.1.2 καὶ πάλιν οἰμώζων πολλάκι· „Δεινὸς Ἔρωσ“; ### book 176.1.3 ἦ γὰρ ὁ παῖς τούτοισι γελᾷ καὶ πυκνὰ κακισθεὶς ### book 176.1.4 ἥδεται· ἢν δ’ εἴπω λοίδορα, καὶ τρέφεται. ### book 176.5.1 θαῦμα δέ μοι, πῶς ἆρα διὰ γλαυκοῖο φανεῖσα ### book 176.5.2 κύματος ἐξ ὑγροῦ, Κύπρι, σὺ πῦρ τέτοκας. ### book 177.1.1 Κηρύσσω τὸν Ἔρωτα, τὸν ἄγριον· ἄρτι γάρ, ἄρτι ### book 177.1.2 ὀρθρινὸς ἐκ κοίτας ᾤχετ’ ἀποπτάμενος. ### book 177.1.3 ἔστι δ’ ὁ παῖς γλυκύδακρυς, ἀείλαλος, ὠκύς, ἀθαμβής, ### book 177.1.4 σιμὰ γελῶν πτερόεις νῶτα, φαρετροφόρος. ### book 177.5.1 πατρὸς δ’ οὐκέτ’ ἔχω φράζειν τίνος· οὔτε γὰρ Αἰθήρ, ### book 177.5.2 οὐ Χθών φησι τεκεῖν τὸν θρασύν, οὐ Πέλαγος. ### book 177.5.3 πάντῃ γὰρ καὶ πᾶσιν ἀπέχθεται. ἀλλ’ ἐσορᾶτε ### book 177.5.4 μή που νῦν ψυχαῖς ἄλλα τίθησι λίνα. ### book 177.5.5 καίτοι κεῖνος, ἰδού, περὶ φωλεόν. οὔ με λέληθας, ### book 177.10 τοξότα, Ζηνοφίλας ὄμμασι κρυπτόμενος. ### book 178.1.1 Πωλείσθω, καὶ ματρὸς ἔτ’ ἐν κόλποισι καθεύδων· ### book 178.1.2 πωλείσθω. τί δέ μοι τὸ θρασὺ τοῦτο τρέφειν; ### book 178.1.3 καὶ γὰρ σιμὸν ἔφυ καὶ ὑπόπτερον· ἄκρα δ’ ὄνυξιν ### book 178.1.4 κνίζει· καὶ κλαῖον πολλὰ μεταξὺ γελᾷ· ### book 178.5 πρὸς δ’ ἔτι λοιπὸν ἄτρεπτον, ἀείλαλον, ὀξὺ δεδορκός, ### book 178.1 ἄγριον, οὐδ’ αὐτᾷ ματρὶ φίλᾳ τιθασόν· ### book 178.2 πάντα τέρας. τοιγὰρ πεπράσεται. εἴ τις ἀπόπλους ### book 178.3 ἔμπορος ὠνεῖσθαι παῖδα θέλει, προσίτω. ### book 178.4 καίτοι λίσσετ’, ἰδού, δεδακρυμένος. οὔ ς’ ἔτι πωλῶ· ### book 178.10 θάρσει· Ζηνοφίλᾳ σύντροφος ὧδε μένε. ### book 179.1.1 Ναὶ τὰν Κύπριν, Ἔρως, φλέξω τὰ σὰ πάντα πυρώσας, ### book 179.1.2 τόξα τε καὶ Σκυθικὴν ἰοδόκον φαρέτρην. ### book 179.1.3 φλέξω, ναί. τί μάταια γελᾷς καὶ σιμὰ σεσηρὼς ### book 179.1.4 μυχθίζεις; τάχα που σαρδάνιον γελάσεις. ### book 179.5.1 ἦ γάρ σευ τὰ ποδηγὰ Πόθων ὠκύπτερα κόψας ### book 179.5.2 χαλκόδετον σφίγξω σοῖς περὶ ποσσὶ πέδην. ### book 179.5.3 καίτοι Καδμεῖον κράτος οἴσομεν, εἴ σε πάροικον ### book 179.5.4 ψυχῇ συζεύξω, λύγκα παρ’ αἰπολίοις. ### book 179.5.5 ἀλλ’ ἴθι, δυσνίκητε, λαβὼν δ’ ἔπι κοῦφα πέδιλα ### book 179.10 ἐκπέτασον ταχινὰς εἰς ἑτέρους πτέρυγας. ### book 180.1.1 Τί ξένον, εἰ βροτολοιγὸς Ἔρως τὰ πυρίπνοα τόξα ### book 180.1.2 βάλλει καὶ λαμυροῖς ὄμμασι πικρὰ γελᾷ; ### book 180.1.3 οὐ μάτηρ στέργει μὲν Ἄρη, γαμέτις δὲ τέτυκται ### book 180.1.4 Ἁφαίστου, κοινὰ καὶ πυρὶ καὶ ξίφεσι; ### book 180.5.1 ματρὸς δ’ οὐ μάτηρ ἀνέμων μάστιξι Θάλασσα ### book 180.5.2 τραχὺ βοᾷ; γενέτας δ’ οὔτε τις οὔτε τινός. ### book 180.5.3 τοὔνεκεν Ἁφαίστου μὲν ἔχει φλόγα, κύμασι δ’ ὀργὰν ### book 180 στέρξεν ἴσαν, Ἄρεως δ’ αἱματόφυρτα βέλη. ### book 181.1.1 Τῶν καρύων ἡμῖν λάβε † κώλακας (ἀλλά ποθ’ ἥξει;) ### book 181.1.2 καὶ πέντε στεφάνους τῶν ῥοδίνων. —„Τί, τὸ ...“ —Πάξ. ### book 181.1.3 οὐ φὴς κέρματ’ ἔχειν; διολώλαμεν. οὐ τροχιεῖ τις ### book 181.1.4 τὸν Λαπίθην; λῃστήν, οὐ θεράποντ’ ἔχομεν. ### book 181.5.1 οὐκ ἀδικεῖς; —„Οὐδέν.“ —Φέρε τὸν λόγον· ἐλθὲ λαβοῦσα, ### book 181.5.2 Φρύνη, τὰς ψήφους. ὢ μεγάλου κινάδους· ### book 181.5.3 πέντ’ οἶνος δραχμῶν, ἀλλᾶς δύο ... ### book 181.5.4 ὦτα, λαγώς, σκόμβροι, σησαμίδες, σχάδονες. ### book 181.5.5 αὔριον αὐτὰ καλῶς λογιούμεθα. νῦν δὲ πρὸς Αἴσχραν ### book 181.10.1 τὴν μυρόπωλιν ἰὼν πέντε λάβ’ ἀργυρέας· ### book 181.10.2 εἰπὲ δὲ σημεῖον, Βάκχων ὅτι πέντ’ ἐφίλησεν ### book 181.10.3 ἑξῆς, ὧν κλίνη μάρτυς ἐπεγράφετο. ### book 182.1.1 Ἄγγειλον τάδε, Δορκάς· ἰδού, πάλι δεύτερον αὐτῇ ### book 182.1.2 καὶ τρίτον ἄγγειλον, Δορκάς, ἅπαντα· τρέχε· ### book 182.1.3 μηκέτι μέλλε, πέτου ... βραχύ μοι, βραχύ, Δορκάς, ἐπίσχες· ### book 182.1.4 Δορκάς, ποῖ σπεύδεις, πρίν σε τὰ πάντα μαθεῖν; ### book 182.5.1 πρόσθες δ’, οἷς εἴρηκα πάλαι ... μᾶλλον δὲ ... τί ληρῶ; ### book 182.5.2 μηδὲν ὅλως εἴπῃς, ἀλλ’ ὅτι ... πάντα λέγε· ### book 182.5.3 μὴ φείδου σὺ τὰ πάντα λέγειν. καίτοι τί σε, Δορκάς, ### book 182.5.4 ἐκπέμπω, σὺν σοὶ καὐτός, ἰδού, προάγων; ### book 183.1 Τέσσαρες οἱ πίνοντες, ἐρωμένη ἔρχεθ’ ἑκάστῳ· ### book 183.1 ὀκτὼ γινομένοις ἓν Χίον οὐχ ἱκανόν. ### book 183.2 παιδάριον, βαδίσας πρὸς Ἀρίστιον εἰπὲ τὸ πρῶτον ### book 183.3 ἡμιδεὲς πέμψαι· χοῦς γὰρ ἔνεισι δύο ### book 183.5.1 ἀσφαλέως, οἶμαι δ’, ὅτι καὶ πλέον. ἀλλὰ τρόχαζε· ### book 183.5.2 ὥρας γὰρ πέμπτης πάντες ἀθροιζόμεθα. ### book 184.1.1 Ἔγνων, οὔ μ’ ἔλαθες. τί θεούς; οὐ γάρ με λέληθας· ### book 184.1.2 ἔγνων· μηκέτι νῦν ὄμνυε· πάντ’ ἔμαθον. ### book 184.1.3 ταῦτ’ ἦν, ταῦτ’, ἐπίορκε; μόνη σὺ πάλιν, μόνη ὑπνοῖς; ### book 184.1.4 ὢ τόλμης, καὶ νῦν, νῦν, ἔτι φησὶ „μόνη“. ### book 184.5.1 οὐχ ὁ περίβλεπτός σε Κλέων ...; κἂν μὴ ... τί δ’ ἀπειλῶ; ### book 184.5.2 ἔρρε, κακὸν κοίτης θηρίον, ἔρρε τάχος. ### book 184.5.3 καίτοι σοι δώσω τερπνὴν χάριν· οἶδ’, ὅτι βούλει ### book 184.5.4 κεῖνον ὁρᾶν· αὐτοῦ δέσμιος ὧδε μένε. ### book 185.1.1 Εἰς ἀγορὰν βαδίσας, Δημήτριε, τρεῖς παρ’ Ἀμύντου ### book 185.1.2 γλαυκίσκους αἴτει καὶ δέκα φυκίδια ### book 185.1.3 καὶ κυφὰς καρῖδας (ἀριθμήσει δέ σοι αὐτός) ### book 185.1.4 εἴκοσι καὶ τέτορας δεῦρο λαβὼν ἄπιθι. ### book 185.5.1 καὶ παρὰ Θαυβορίου ῥοδίνους ἓξ πρόσλαβε 〈πλοχμοὺσ〉 ### book 185.5.2 καὶ Τρυφέραν ταχέως ἐν παρόδῳ κάλεσον. ### book 186.1.1 Μή με δόκει πιθανῶς ἀπατᾶν δακρύοισι, Φιλαινί. ### book 186.1.2 οἶδα· φιλεῖς γὰρ ὅλως οὐδένα μεῖζον ἐμοῦ, ### book 186.1.3 τοῦτον ὅσον παρ’ ἐμοὶ κέκλισαι χρόνον· εἰ δ’ ἕτερός σε ### book 186 εἶχε, φιλεῖν ἂν ἔφης μεῖζον ἐκεῖνον ἐμοῦ. ### book 187.1.1 Εἰπὲ Λυκαινίδι, Δορκάς· „Ἴδ’, ὡς ἐπίτηκτα φιλοῦσα ### book 187.1.2 ἥλως· οὐ κρύπτει πλαστὸν ἔρωτα χρόνος.“ ### book 188.1.1 Οὐκ ἀδικέω τὸν Ἔρωτα, γλυκύς· μαρτύρομαι αὐτὴν ### book 188.1.2 Κύπριν· βέβλημαι δ’ ἐκ δολίου κέραος ### book 188.1.3 καὶ πᾶς τεφροῦμαι· θερμὸν δ’ ἐπὶ θερμῷ ἰάλλει ### book 188.1.4 ἄτρακτον, λωφᾷ δ’ οὐδ’ ὅσον ἰοβολῶν. ### book 188.5.1 χὠ θνητὸς τὸν ἀλιτρὸν ἐγώ, κεἰ πτηνὸς ὁ δαίμων, ### book 188.5.2 τίσομαι· ἐγκλήμων δ’ ἔσσομ’ ἀλεξόμενος; ### book 189.1.1 Νὺξ μακρὴ καὶ χεῖμα, μέσην δ’ ἐπὶ Πλειάδα δύνει, ### book 189.1.2 κἀγὼ πὰρ προθύροις νίσσομαι ὑόμενος, ### book 189.1.3 τρωθεὶς τῆς δολίης κείνης πόθῳ· οὐ γὰρ ἔρωτα ### book 189.1.4 Κύπρις, ἀνιηρὸν δ’ ἐκ πυρὸς ἧκε βέλος. ### book 190.1.1 Κῦμα τὸ πικρὸν Ἔρωτος ἀκοίμητοί τε πνέοντες ### book 190.1.2 ζῆλοι καὶ κώμων χειμέριον πέλαγος, ### book 190.1.3 ποῖ φέρομαι; πάντῃ δὲ φρενῶν οἴακες ἀφεῖνται. ### book 190 ἦ πάλι τὴν τρυφερὴν Σκύλλαν ἀποψόμεθα; ### book 191.1.1 Ἄστρα καὶ ἡ φιλέρωσι καλὸν φαίνουσα Σελήνη ### book 191.1.2 καὶ Νὺξ καὶ κώμων σύμπλανον ὀργάνιον, ### book 191.1.3 ἆρά γε τὴν φιλάσωτον ἔτ’ ἐν κοίταισιν ἀθρήσω ### book 191.1.4 ἄγρυπνον λύχνῳ πόλλ’ ἀποδυρομένην; ### book 191.5.1 ἤ τιν’ ἔχει σύγκοιτον; ἐπὶ προθύροισι μαράνας ### book 191.5.2 δάκρυσιν ἐκδήσω τοὺς ἱκέτας στεφάνους, ### book 191.5.3 ἓν τόδ’ ἐπιγράψας· „Κύπρι, σοὶ Μελέαγρος, ὁ μύστης ### book 191.5.4 σῶν κώμων, στοργῆς σκῦλα τάδ’ ἐκρέμασε.“ ### book 192.1.1 Γυμνὴν ἢν ἐσίδῃς Καλλίστιον, ὦ ξένε, φήσεις· ### book 192.1.2 „Ἤλλακται διπλοῦν γράμμα Συρηκοσίων.“ ### book 193.1.1 Ἡ τρυφερή μ’ ἤγρευσε Κλεὼ τὰ γαλάκτιν’, Ἄδωνι, ### book 193.1.2 τῇ σῇ κοψαμένη στήθεα παννυχίδι. ### book 193.1.3 εἰ δώσει κἀμοὶ ταύτην χάριν, ἢν ἀποπνεύσω, ### book 193.1.4 μὴ προφάσεις, σύμπλουν σύν με λαβὼν ἀγέτω. ### book 194.1.1 Αὐτοὶ τὴν ἁπαλὴν Εἰρήνιον εἶδον Ἔρωτες, ### book 194.1.2 Κύπριδος ἐκ χρυσέων ἐρχόμενοι θαλάμων, ### book 194.1.3 ἐκ τριχὸς ἄχρι ποδῶν ἱερὸν θάλος, οἷά τε λύγδου ### book 194.1.4 γλυπτήν, παρθενίων βριθομένην χαρίτων, ### book 194.5 καὶ πολλοὺς τότε χερσὶν ἐπ’ ἠιθέοισιν ὀιστοὺς ### book 194 τόξου πορφυρέης ἧκαν ἀφ’ ἁρπεδόνης. ### book 195.1.1 Αἱ τρισσαὶ Χάριτες, τρισσὸν στεφάνωμα συνευνᾷ ### book 195.1.2 Ζηνοφίλᾳ, τρισσᾶς σύμβολα καλλοσύνας, ### book 195.1.3 ἁ μὲν ἐπὶ χρωτὸς θεμένα πόθον, ἁ δ’ ἐπὶ μορφᾶς ### book 195.1.4 ἵμερον, ἁ δὲ λόγοις τὸ γλυκύμυθον ἔπος. ### book 195b.1 Τρισσάκις εὐδαίμων, ἇς καὶ Κύπρις ὥπλισεν εὐνὰν ### book 195b.2 καὶ Πειθὼ μύθους καὶ γλυκὺ κάλλος Ἔρως. ### book 196.1.1 Ζηνοφίλᾳ κάλλος μὲν Ἔρως, σύγκοιτα δὲ φίλτρα ### book 196.1.2 Κύπρις ἔδωκεν ἔχειν, αἱ Χάριτες δὲ χάριν. ### book 197.1.1 Ναὶ μὰ τὸν εὐπλοκάμου Τιμοῦς φιλέρωτα κίκιννον, ### book 197.1.2 ναὶ μυρόπνουν Δημοῦς χρῶτα τὸν ὑπναπάτην, ### book 197.1.3 ναὶ πάλιν Ἰλιάδος φίλα παίγνια, ναὶ φιλάγρυπνον ### book 197.1.4 λύχνον ἐμῶν κώμων πόλλ’ ἐπιδόντα τέλη, ### book 197.5 βαιὸν ἔχω τό γε λειφθέν, Ἔρως, ἐπὶ χείλεσι πνεῦμα· ### book 197 εἰ δ’ ἐθέλεις καὶ τοῦτ’, εἰπέ, καὶ ἐκπτύσομαι. ### book 198.1.1 Οὐ πλόκαμον Τιμοῦς, οὐ σάνδαλον Ἡλιοδώρας, ### book 198.1.2 οὐ τὸ μυρόρραντον Δημαρίου πρόθυρον, ### book 198.1.3 οὐ τρυφερὸν μείδημα βοώπιδος Ἀντικλείας, ### book 198.1.4 οὐ τοὺς ἀρτιθαλεῖς Δωροθέας στεφάνους, ### book 198.5.1 οὐκέτι σοὶ φαρέτρη 〈γλαφυρὴ〉 πτερόεντας ὀιστοὺς ### book 198.5.2 κρύπτει, Ἔρως· ἐν ἐμοὶ πάντα γάρ ἐστι βέλη. ### book 199.1.1 Οἶνος καὶ προπόσεις κατεκοίμισαν Ἀγλαονίκην ### book 199.1.2 αἱ δόλιαι καὶ ἔρως ἡδὺς ὁ Νικαγόρεω, ### book 199.1.3 ἧς πάρα Κύπριδι ταῦτα μύροις ἔτι πάντα μυδῶντα ### book 199.1.4 κεῖνται παρθενίων ὑγρὰ λάφυρα πόθων, ### book 199.5.1 σάνδαλα καὶ μαλακαί, μαστῶν ἐνδύματα, μίτραι, ### book 199.5.2 ὕπνου καὶ σκυλμῶν τῶν τότε μαρτύρια. ### book 200.1.1 Ὁ κρόκος οἵ τε μύροισιν ἔτι πνείοντες Ἀλεξοῦς ### book 200.1.2 σὺν μίτραις κισσοῦ κυάνεοι στέφανοι ### book 200.1.3 τῷ γλυκερῷ καὶ θῆλυ κατιλλώπτοντι Πριήπῳ ### book 200.1.4 κεῖνται τῆς ἱερῆς ξείνια παννυχίδος. ### book 201.1.1 Ἠγρύπνησε Λεοντὶς ἕως πρὸς καλὸν Ἑῷον ### book 201.1.2 ἀστέρα τῷ χρυσέῳ τερπομένη Σθενίῳ, ### book 201.1.3 ἧς πάρα Κύπριδι τοῦτο τὸ σὺν Μούσαισι μεληθὲν ### book 201 βάρβιτον ἐκ κείνης κεῖτ’ ἔτι παννυχίδος. ### book 202.1.1 Πορφυρέην μάστιγα καὶ ἡνία σιγαλόεντα ### book 202.1.2 Πλαγγὼν εὐίππων θῆκεν ἐπὶ προθύρων, ### book 202.1.3 νικήσασα κέλητι Φιλαινίδα τὴν πολύχαρμον ### book 202.1.4 ἑσπερινῶν πώλων ἄρτι φρυασσομένων. ### book 202.5.1 Κύπρι φίλη, σὺ δὲ τῇδε πόροις νημερτέα νίκης ### book 202.5.2 δόξαν, ἀείμνηστον τήνδε τιθεῖσα χάριν. ### book 203.1.1 Λυσιδίκη σοί, Κύπρι, τὸν ἱππαστῆρα μύωπα, ### book 203.1.2 χρύσεον εὐκνήμου κέντρον ἔθηκε ποδός, ### book 203.1.3 ᾧ πολὺν ὕπτιον ἵππον ἐγύμνασεν· οὐδέ ποτ’ αὐτῆς ### book 203.1.4 μηρὸς ἐφοινίχθη κοῦφα τινασσομένης· ### book 203.5.1 ἦν γὰρ ἀκέντητος τελεοδρόμος· οὕνεκεν ὅπλον ### book 203.5.2 σοὶ κατὰ μεσσοπύλης χρύσεον ἐκρέμασεν. ### book 204.1.1 Οὐκέτι Τιμαρίου, τὸ πρὶν γλαφυροῖο κέλητος, ### book 204.1.2 πῆγμα φέρει πλωτὸν Κύπριδος εἰρεσίη, ### book 204.1.3 ἀλλ’ ἐπὶ μὲν νώτοισι μετάφρενον, ὡς κέρας ἱστῷ, ### book 204.1.4 κυρτοῦται, πολιὸς δ’ ἐκλέλυται πρότονος, ### book 204.5.1 ἱστία δ’ αἰωρητὰ χαλᾷ σπαδονίσματα μαστῶν· ### book 204.5.2 ἐκ δὲ σάλου στρεπτὰς γαστρὸς ἔχει ῥυτίδας. ### book 204.5.3 νέρθε δὲ πάνθ’ ὑπέραντλα νεώς, κοίλῃ δὲ θάλασσα ### book 204.5.4 πλημύρει, γόνασιν δ’ ἔντρομός ἐστι σάλος. ### book 204.5.5 δύστανός γ’, ὃς ζωὸς ἔτ’ ὢν Ἀχερουσίδα λίμνην ### book 204.10 πλεύσετ’ ἄνωθ’ ἐπιβὰς γραὸς ἐπ’ εἰκοσόρου. ### book 205.1.1 Ἴυγξ ἡ Νικοῦς, ἡ καὶ διαπόντιον ἕλκειν ### book 205.1.2 ἄνδρα καὶ ἐκ θαλάμων παῖδας ἐπισταμένη, ### book 205.1.3 χρυσῷ ποικιλθεῖσα, διαυγέος ἐξ ἀμεθύστου ### book 205.1.4 γλυπτή, σοὶ κεῖται, Κύπρι, φίλον κτέανον, ### book 205.5.1 πορφυρέης ἀμνοῦ μαλακῇ τριχὶ μέσσα δεθεῖσα, ### book 205.5.2 τῆς Λαρισσαίης ξείνια φαρμακίδος. ### book 206.1.1 Μηλὼ καὶ Σατύρη τανυήλικες, Ἀντιγενείδεω ### book 206.1.2 παῖδες, ταὶ Μουσέων εὔκολοι ἐργάτιδες, ### book 206.1.3 Μηλὼ μὲν Μούσαις Πιμπληίσι τοὺς ταχυχειλεῖς ### book 206.1.4 αὐλοὺς καὶ ταύτην πύξινον αὐλοδόκην, ### book 206.5.1 ἡ φίλερως Σατύρη δὲ τὸν ἕσπερον οἰνοποτήρων ### book 206.5.2 σύγκωμον κηρῷ τευξαμένη δόνακα, ### book 206.5.3 ἡδὺν συριστῆρα, σὺν ᾧ πανεπόρφνιος ἠῶ ### book 206.5.4 ηὔγασεν αὐλείοις οὐ κοτέουσα θύραις. ### book 207.1.1 Αἱ Σάμιαι Βιττὼ καὶ Νάννιον εἰς Ἀφροδίτης ### book 207.1.2 φοιτᾶν τοῖς αὐτῆς οὐκ ἐθέλουσι νόμοις, ### book 207.1.3 εἰς δ’ ἕτερ’ αὐτομολοῦσιν, ἃ μὴ καλά. δεσπότι Κύπρι, ### book 207 μίσει τὰς κοίτης τῆς παρὰ σοὶ φυγάδας. ### book 208.1.1 Οὔ μοι παιδομανὴς κραδία. τί δὲ τερπνόν, Ἔρωτες, ### book 208.1.2 ἀνδροβατεῖν, εἰ μὴ δούς τι λαβεῖν ἐθέλοι; ### book 208.1.3 ἁ χεὶρ γὰρ τὰν χεῖρα· καλά με μένοι παράκοιτις. ### book 208.1.4 ἔρροι πᾶς ἄρσην ἀρσενικαῖς λαβίσιν. ### book 209.1.1 Σήν, Παφίη Κυθέρεια, παρ’ ἠιόν’ εἶδε Κλέανδρος ### book 209.1.2 Νικοῦν ἐν χαροποῖς κύμασι νηχομένην· ### book 209.1.3 καιόμενος δ’ ὑπ’ Ἔρωτος ἐνὶ φρεσὶν ἄνθρακας ὡνὴρ ### book 209.1.4 ξηροὺς ἐκ νοτερῆς παιδὸς ἐπεσπάσατο. ### book 209.5.1 χὠ μὲν ἐναυάγει γαίης ἔπι, τὴν δὲ θαλάσσης ### book 209.5.2 ψαύουσαν πρηεῖς εἴχοσαν αἰγιαλοί. ### book 209.5.3 νῦν δ’ ἴσος ἀμφοτέροις φιλίης πόθος· οὐκ ἀτελεῖς γὰρ ### book 209.5.4 εὐχαὶ τὰς κείνης εὔξατ’ ἐπ’ ἠιόνος. ### book 210.1.1 Τῷ θαλλῷ Διδύμη με συνήρπασεν· ὤμοι, ἐγὼ δὲ ### book 210.1.2 τήκομαι ὡς κηρὸς πὰρ πυρί, κάλλος ὁρῶν. ### book 210.1.3 εἰ δὲ μέλαινα, τί τοῦτο; καὶ ἄνθρακες· ἀλλ’ ὅτε κείνους ### book 210 θάλψωμεν, λάμπους’ ὡς ῥόδεαι κάλυκες. ### book 211.1.1 Δάκρυα καὶ κῶμοι, τί μ’ ἐγείρετε, πρὶν πόδας ἄρω ### book 211.1.2 ἐκ πυρός, εἰς ἑτέρην Κύπριδος ἀνθρακιήν; ### book 211.1.3 λήγω δ’ οὔποτ’ ἔρωτος, ἀεὶ δέ μοι ἐξ Ἀφροδίτης ### book 211.1.4 ἄλγος ὁ μὴ κρίνων καινὸν ἄγει τι Πόθος. ### book 212.1.1 Αἰεί μοι δύνει μὲν ἐν οὔασιν ἦχος Ἔρωτος, ### book 212.1.2 ὄμμα δὲ σῖγα Πόθοις τὸ γλυκὺ δάκρυ φέρει· ### book 212.1.3 οὐδ’ ἡ νύξ, οὐ φέγγος ἐκοίμισεν, ἀλλ’ ὑπὸ φίλτρων ### book 212.1.4 ἤδη που κραδίᾳ γνωστὸς ἔνεστι τύπος. ### book 212.5.1 ὦ πτανοί, μὴ καί ποτ’ ἐφίπτασθαι μέν, Ἔρωτες, ### book 212.5.2 οἴδατ’, ἀποπτῆναι δ’ οὐδ’ ὅσον ἰσχύετε; ### book 213.1.1 Πυθιὰς εἰ μὲν ἔχει τιν’, ἀπέρχομαι· εἰ δὲ καθεύδει ### book 213.1.2 ὧδε μόνη, μικρόν, πρὸς Διός, ἐκκάλεσαι. ### book 213.1.3 εἰπὲ δὲ σημεῖον, μεθύων ὅτι καὶ διὰ κλωπῶν ### book 213.1.4 ἦλθεν Ἔρωτι θρασεῖ χρώμενος ἡγεμόνι. ### book 214.1.1 Σφαιριστὰν τὸν Ἔρωτα τρέφω· σοὶ δ’, Ἡλιοδώρα, ### book 214.1.2 βάλλει τὰν ἐν ἐμοὶ παλλομέναν κραδίαν. ### book 214.1.3 ἀλλ’ ἄγε συμπαίκταν δέξαι Πόθον· εἰ δ’ ἀπὸ σεῦ με ### book 214 ῥίψαις, οὐκ οἴσω τὰν ἀπάλαιστρον ὕβριν. ### book 215.1.1 Λίσσομ’, Ἔρως, τὸν ἄγρυπνον ἐμοὶ πόθον Ἡλιοδώρας ### book 215.1.2 κοίμισον αἰδεσθεὶς Μοῦσαν ἐμὰν ἱκέτιν. ### book 215.1.3 ναὶ γὰρ δὴ τὰ σὰ τόξα, τὰ μὴ δεδιδαγμένα βάλλειν ### book 215.1.4 ἄλλον, ἀεὶ δ’ ἐπ’ ἐμοὶ πτανὰ χέοντα βέλη, ### book 215.5.1 εἰ καὶ ἐμὲ κτείναις, λείψω φωνὴν προϊέντα ### book 215.5.2 γράμματ’· „Ἔρωτος ὅρα, ξεῖνε, μιαιφονίαν.“ ### book 216.1.1 Εἰ φιλέεις, μὴ πάμπαν ὑποκλασθέντα χαλάσσῃς ### book 216.1.2 θυμὸν ὀλισθηρῆς ἔμπλεον ἱκεσίης· ### book 216.1.3 ἀλλά τι καὶ φρονέοις στεγανώτερον, ὅσσον ἐρύσσαι ### book 216.1.4 ὀφρύας, ὅσσον ἰδεῖν βλέμματι φειδομένῳ. ### book 216.5.1 ἔργον γάρ τι γυναιξὶν ὑπερφιάλους ἀθερίζειν ### book 216.5.2 καὶ κατακαγχάζειν τῶν ἄγαν οἰκτροτάτων. ### book 216.5.3 κεῖνος δ’ ἐστὶν ἄριστος ἐρωτικός, ὃς τάδε μίξει ### book 216.5.4 οἶκτον ἔχων ὀλίγῃ ξυνὸν ἀγηνορίῃ. ### book 217.1.1 Χρύσεος ἀψαύστοιο διέτμαγεν ἅμμα κορείας ### book 217.1.2 Ζεὺς διαδὺς Δανάας χαλκελάτους θαλάμους. ### book 217.1.3 φαμὶ λέγειν τὸν μῦθον ἐγὼ τάδε· „Χάλκεα νικᾷ ### book 217.1.4 τείχεα καὶ δεσμοὺς χρυσὸς ὁ πανδαμάτωρ.“ ### book 217.5.1 χρυσὸς ὅλους ῥυτῆρας, ὅλας κληῖδας ἐλέγχει, ### book 217.5.2 χρυσὸς ἐπιγνάμπτει τὰς σοβαροβλεφάρους· ### book 217.5.3 καὶ Δανάας ἐλύγωσεν ὅδε φρένα. μή τις ἐραστὰς ### book 217 λισσέσθω Παφίαν, ἀργύριον παρέχων. ### book 218.1.1 Τὸν σοβαρὸν Πολέμωνα, τὸν ἐν θυμέλῃσι Μενάνδρου ### book 218.1.2 κείραντα Γλυκέρας τῆς ἀλόχου πλοκάμους, ### book 218.1.3 ὁπλότερος Πολέμων μιμήσατο, καὶ τὰ Ῥοδάνθης ### book 218.1.4 βόστρυχα παντόλμοις χερσὶν ἐληίσατο, ### book 218.5.1 καὶ τραγικοῖς ἀχέεσσι τὸ κωμικὸν ἔργον ἀμείψας, ### book 218.5.2 μάστιξεν ῥαδινῆς ἅψεα θηλυτέρης. ### book 218.5.3 ζηλομανὲς τὸ κόλασμα. τί γὰρ τόσον ἤλιτε κούρη, ### book 218.5.4 εἴ με κατοικτείρειν ἤθελε τειρόμενον; ### book 218.5.5 σχέτλιος· ἀμφοτέρους δὲ διέτμαγε, μέχρι καὶ αὐτοῦ ### book 218.10.1 βλέμματος ἐνστήσας αἴθοπα βασκανίην. ### book 218.10.2 ἀλλ’ ἔμπης τελέθει „Μισούμενοσ“· αὐτὰρ ἔγωγε ### book 218.10.3 „Δύσκολοσ“, οὐχ ὁρόων τὴν „Περικειρομένην“. ### book 219.1.1 Κλέψωμεν, Ῥοδόπη, τὰ φιλήματα τήν τ’ ἐρατεινὴν ### book 219.1.2 καὶ περιδηριτὴν Κύπριδος ἐργασίην. ### book 219.1.3 ἡδὺ λαθεῖν φυλάκων τε παναγρέα κανθὸν ἀλύξαι· ### book 219.1.4 φώρια δ’ ἀμφαδίων λέκτρα μελιχρότερα. ### book 220.1.1 Εἰ καὶ νῦν πολιή σε κατεύνασε καὶ τὸ θαλυκρὸν ### book 220.1.2 κεῖνο κατημβλύνθη κέντρον ἐρωμανίης, ### book 220.1.3 ὤφελες, ὦ Κλεόβουλε, πόθους νεότητος ἐπιγνοὺς ### book 220.1.4 νῦν καὶ ἐποικτείρειν ὁπλοτέρων ὀδύνας, ### book 220.5.1 μηδ’ ἐπὶ τοῖς ξυνοῖς κοτέειν μέγα μηδὲ κομάων ### book 220.5.2 τὴν ῥαδινὴν κούρην πάμπαν ἀπαγλαΐσαι. ### book 220.5.3 „Ἀντίπατροσ“ τῇ παιδὶ πάρος μεμέλησο ταλαίνῃ, ### book 220 καὶ νῦν ἐξαπίνης „Ἀντίπαλοσ“ γέγονας. ### book 221.1.1 Μέχρι τίνος φλογόεσσαν ὑποκλέπτοντες ὀπωπὴν ### book 221.1.2 φώριον ἀλλήλων βλέμμα τιτυσκόμεθα; ### book 221.1.3 λεκτέον ἀμφαδίην μελεδήματα, κἤν τις ἐρύξῃ ### book 221.1.4 μαλθακὰ λυσιπόνου πλέγματα συζυγίης, ### book 221.5.1 φάρμακον ἀμφοτέροις ξίφος ἔσσεται· ἥδιον ἡμῖν ### book 221.5.2 ξυνὸν ἀεὶ μεθέπειν ἢ βίον ἢ θάνατον. ### book 222.1.1 Εἴ ποτε μὲν κιθάρης ἐπαφήσατο πλῆκτρον ἑλοῦσα ### book 222.1.2 κούρη, Τερψιχόρης ἀντεμέλιζε μίτοις· ### book 222.1.3 εἴ ποτε δὲ τραγικῷ ῥοιζήματι ῥήξατο φωνήν, ### book 222.1.4 αὐτῆς Μελπομένης βόμβον ἀπεπλάσατο. ### book 222.5.1 εἰ δὲ καὶ ἀγλαΐης κρίσις ἵστατο, μᾶλλον ἂν αὐτὴ ### book 222.5.2 Κύπρις ἐνικήθη κἀνεδίκαζε Πάρις. ### book 222.5.3 σιγῇ ἐφ’ ἡμείων, ἵνα μὴ Διόνυσος ἀκούσας ### book 222.5.4 τῶν Ἀριαδνείων ζῆλον ἔχοι λεχέων. ### book 223.1.1 Φωσφόρε, μὴ τὸν Ἔρωτα βιάζεο μηδὲ διδάσκου, ### book 223.1.2 Ἄρεϊ γειτονέων, νηλεὲς ἦτορ ἔχειν. ### book 223.1.3 ὡς δὲ πάρος Κλυμένης ὁρόων Φαέθοντα μελάθρῳ ### book 223.1.4 οὐ δρόμον ὠκυπόδην εἶχες ἀπ’ ἀντολίης, ### book 223.5 οὕτω μοι περὶ νύκτα μόγις ποθέοντι φανεῖσαν ### book 223 ἔρχεο δηθύνων ὡς παρὰ Κιμμερίοις. ### book 224.1.1 Λῆξον, Ἔρως, κραδίης τε καὶ ἥπατος· εἰ δ’ ἐπιθυμεῖς ### book 224.1.2 βάλλειν, ἄλλο τί μου τῶν μελέων μετάβα. ### book 225.1.1 Ἕλκος ἔχω τὸν ἔρωτα· ῥέει δέ μοι ἕλκεος ἰχὼρ ### book 225.1.2 δάκρυον, ὠτειλῆς οὔποτε τερσομένης. ### book 225.1.3 εἰμὶ καὶ ἐκ κακότητος ἀμήχανος, οὐδὲ Μαχάων ### book 225.1.4 ἤπιά μοι πάσσει φάρμακα δευομένῳ. ### book 225.5.1 Τήλεφός εἰμι, κόρη, σὺ δὲ γίνεο πιστὸς Ἀχιλλεύς· ### book 225.5.2 κάλλεϊ σῷ παῦσον τὸν πόθον, ὡς ἔβαλες. ### book 226.1.1 Ὀφθαλμοί, τέο μέχρις ἀφύσσετε νέκταρ Ἐρώτων, ### book 226.1.2 κάλλεος ἀκρήτου ζωροπόται θρασέες; ### book 226.1.3 τῆλε διαθρέξωμεν, ὅπῃ σθένος· ἐν δὲ γαλήνῃ ### book 226.1.4 νηφάλια σπείσω Κύπριδι Μειλιχίῃ. ### book 226.5.1 εἰ δ’ ἄρα που καὶ κεῖθι κατάσχετος ἔσσομαι οἴστρῳ ### book 226.5.2 γίνεσθε κρυεροῖς δάκρυσι μυδαλέοι, ### book 226.5.3 ἔνδικον ὀτλήσοντες ἀεὶ πόνον· ἐξ ὑμέων γάρ, ### book 226.5.4 φεῦ, πυρὸς ἐς τόσσην ἤλθομεν ἐργασίην. ### book 227.1.1 Ἡμερίδας τρυγόωσιν ἐτήσιον, οὐδέ τις αὐτῶν ### book 227.1.2 τοὺς ἕλικας, κόπτων βότρυν, ἐπιστρέφεται. ### book 227.1.3 ἀλλὰ σέ, τὴν ῥοδόπηχυν, ἐμῆς ἀνάθημα μερίμνης, ### book 227 ὑγρὸν ἐνιπλέξας ἅμματι δεσμὸν ἔχω ### book 227.5.1 καὶ τρυγόω τὸν ἔρωτα· καὶ οὐ θέρος, οὐκ ἔαρ ἄλλο ### book 227.5.2 οἶδα μένειν, ὅτι μοι πᾶσα γέμεις χαρίτων. ### book 227.5.3 ὧδε καὶ ἡβήσειας, ὅλον χρόνον· εἰ δέ τις ἔλθῃ ### book 227.5.4 λοξὸς ἕλιξ ῥυτίδων, τλήσομαι ὡς φιλέων. ### book 228.1.1 Εἰπέ, τίνι πλέξεις ἔτι βόστρυχον ἢ τίνι χεῖρας ### book 228.1.2 φαιδρυνέεις ὀνύχων ἀμφιτεμὼν ἀκίδα; ### book 228.1.3 ἐς τί δὲ κοσμήσεις ἁλιανθέι φάρεα κόχλῳ, ### book 228.1.4 μηκέτι τῆς καλῆς ἐγγὺς ἰὼν Ῥοδόπης; ### book 228.5.1 ὄμμασιν, οἷς Ῥοδόπην οὐ δέρκομαι, οὐδὲ φαεινῆς ### book 228.5.2 φέγγος ἰδεῖν ἐθέλω χρύσεον Ἠριπόλης. ### book 229.1.1 Τὴν Νιόβην κλαίουσαν ἰδών ποτε βουκόλος ἀνὴρ ### book 229.1.2 θάμβεεν, εἰ λείβειν δάκρυον οἶδε λίθος. ### book 229.1.3 αὐτὰρ ἐμὲ στενάχοντα τόσης κατὰ νυκτὸς ὁμίχλην ### book 229.1.4 ἔμπνοος Εὐίππης οὐκ ἐλέαιρε λίθος. ### book 229.5.1 αἴτιος ἀμφοτέροισιν ἔρως, ὀχετηγὸς ἀνίης ### book 229.5.2 τῇ Νιόβῃ τεκέων, αὐτὰρ ἐμοὶ παθέων. ### book 230.1.1 Χρυσείης ἐρύσασα μίαν τρίχα Δωρὶς ἐθείρης, ### book 230.1.2 οἷα δορικτήτους δῆσεν ἐμεῦ παλάμας. ### book 230.1.3 αὐτὰρ ἐγὼ τὸ πρὶν μὲν ἐκάγχασα, δεσμὰ τινάξαι ### book 230 Δωρίδος ἱμερτῆς εὐμαρὲς οἰόμενος· ### book 230.5.1 ὡς δὲ διαρρῆξαι σθένος οὐκ ἔχον, ἔστενον ἤδη ### book 230.5.2 οἷά τε χαλκείῃ σφιγκτὸς ἀλυκτοπέδῃ· ### book 230.5.3 καὶ νῦν ὁ τρισάποτμος ἀπὸ τριχὸς ἠέρτημαι, ### book 230.5.4 δεσπότις ἔνθ’ ἐρύσῃ, πυκνὰ μεθελκόμενος. ### book 231.1.1 Τὸ στόμα ταῖς χαρίτεσσι, προσώπατα δ’ ἄνθεσι βάλλει, ### book 231.1.2 ὄμματα τῇ παφίῃ, τὼ χέρε τῇ κιθάρῃ. ### book 231.1.3 συλεύεις βλεφάρων φάος ὄμμασιν, οὖας ἀοιδῇ· ### book 231.1.4 πάντοθεν ἀγρεύεις τλήμονας ἠιθέους. ### book 232.1.1 Ἱππομένην φιλέουσα νόον προσέρεισα Λεάνδρῳ· ### book 232.1.2 ἐν δὲ Λεανδρείοις χείλεσι πηγνυμένη ### book 232.1.3 εἰκόνα τὴν Ξάνθοιο φέρω φρεσί· πλεξαμένη δὲ ### book 232.1.4 Ξάνθον ἐς Ἱππομένην νόστιμον ἦτορ ἄγω. ### book 232.5.1 πάντα τὸν ἐν παλάμῃσιν ἀναίνομαι· ἄλλοτε δ’ ἄλλον ### book 232.5.2 αἰὲν ἀμοιβαίοις πήχεσι δεχνυμένη ### book 232.5.3 ἀφνειὴν Κυθέρειαν ὑπέρχομαι. εἰ δέ τις ἡμῖν ### book 232.5.4 μέμφεται, ἐν πενίῃ μιμνέτω οἰογάμῳ. ### book 233.1.1 „Αὔριον ἀθρήσω σε.“ Τὸ δ’ οὔ ποτε γίνεται ἡμῖν, ### book 233.1.2 ἠθάδος ἀμβολίης αἰὲν ἀεξομένης. ### book 233.1.3 ταῦτά μοι ἱμείροντι χαρίζεαι· ἄλλα δ’ ἐς ἄλλους ### book 233.1.4 δῶρα φέρεις, ἐμέθεν πίστιν ἀπειπαμένη. ### book 233.5 „Ὄψομαι ἑσπερίη σε.“ τί δ’ ἕσπερός ἐστι γυναικῶν; ### book 233 γῆρας ἀμετρήτῳ πληθόμενον ῥυτίδι. ### book 234.1.1 Ὁ πρὶν ἀμαλθάκτοισιν ὑπὸ φρεσὶν ἡδὺν ἐν ἥβῃ ### book 234.1.2 οἰστροφόρου Παφίης θεσμὸν ἀπειπάμενος, ### book 234.1.3 γυιοβόροις βελέεσσιν ἀνέμβατος ὁ πρὶν Ἐρώτων ### book 234.1.4 αὐχένα σοι κλίνω, Κύπρι, μεσαιπόλιος. ### book 234.5.1 δέξο με καγχαλόωσα, σοφὴν ὅτι Παλλάδα νικᾷς ### book 234.5.2 νῦν πλέον ἢ τὸ πάρος μήλῳ ἐφ’ Ἑσπερίδων. ### book 235.1.1 Ἦλθες ἐμοὶ ποθέοντι παρ’ ἐλπίδα· τὴν δ’ ἐνὶ θυμῷ ### book 235.1.2 ἐξεσάλαξας ὅλην θάμβεϊ φαντασίην ### book 235.1.3 καὶ τρομέω· κραδίη τε βυθῷ πελεμίζεται οἴστρου, ### book 235.1.4 ψυχῆς πνιγομένης κύματι Κυπριδίῳ. ### book 235.5.1 ἀλλ’ ἐμὲ τὸν ναυηγὸν ἐπ’ ἠπείροιο φανέντα ### book 235.5.2 σῶε τεῶν λιμένων ἔνδοθι δεξαμένη. ### book 236.1.1 Ναὶ τάχα Τανταλέης Ἀχερόντια πήματα ποινῆς ### book 236.1.2 ἡμετέρων ἀχέων ἐστὶν ἐλαφρότερα. ### book 236.1.3 οὐ γάρ, ἰδὼν σέο κάλλος, ἀπείργετο χείλεα μῖξαι ### book 236.1.4 χείλεϊ σῷ ῥοδέων ἁβροτέρῳ καλύκων, ### book 236.5.1 Τάνταλος ἀκριτόδακρυς· ὑπερτέλλοντα δὲ πέτρον ### book 236.5.2 δείδιεν, ἀλλὰ θανεῖν δεύτερον οὐ δύναται. ### book 236.5.3 αὐτὰρ ἐγὼ ζωὸς μὲν ἐὼν κατατήκομαι οἴστρῳ, ### book 236 ἐκ δ’ ὀλιγοδρανίης καὶ μόρον ἐγγὺς ἔχω. ### book 237.1.1 Πᾶσαν ἐγὼ τὴν νύκτα κινύρομαι· εὖτε δ’ ἐπέλθῃ ### book 237.1.2 ὄρθρος ἐλινῦσαι μικρὰ χαριζόμενος, ### book 237.1.3 ἀμφιπεριτρύζουσι χελιδόνες, ἐς δέ με δάκρυ ### book 237.1.4 βάλλουσιν, γλυκερὸν κῶμα παρωσάμεναι. ### book 237.5.1 ὄμματα δ’ οὐ λάοντα φυλάσσεται· ἡ δὲ Ῥοδάνθης ### book 237.5.2 αὖθις ἐμοῖς στέρνοις φροντὶς ἀναστρέφεται. ### book 237.5.3 ὦ φθονεραὶ παύσασθε λαλητρίδες· οὐ γὰρ ἔγωγε ### book 237.5.4 τὴν Φιλομηλείην γλῶσσαν ἀπεθρισάμην· ### book 237.5.5 ἀλλ’ Ἴτυλον κλαίοιτε κατ’ οὔρεα καὶ γοάοιτε ### book 237.10.1 εἰς ἔποπος κραναὴν αὖλιν ἐφεζόμεναι, ### book 237.10.2 βαιὸν ἵνα κνώσσοιμεν· ἴσως δέ τις ἥξει ὄνειρος, ### book 237.10.3 ὅς με Ῥοδανθείοις πήχεσιν ἀμφιβάλοι. ### book 238.1.1 Τὸ ξίφος ἐκ κολεοῖο τί σύρεται; οὐ μὰ σέ, κούρη, ### book 238.1.2 οὐχ ἵνα τι πρήξω Κύπριδος ἀλλότριον, ### book 238.1.3 ἀλλ’ ἵνα σοι τὸν Ἄρηα, καὶ ἀζαλέον περ ἐόντα, ### book 238.1.4 δείξω τῇ μαλακῇ Κύπριδι πειθόμενον. ### book 238.5.1 οὗτος ἐμοὶ ποθέοντι συνέμπορος, οὐδὲ κατόπτρου ### book 238.5.2 δεύομαι, ἐν δ’ αὐτῷ δέρκομαι αὑτὸν ἐγώ, ### book 238.5.3 καὶ καλὸς ὡς ἐν ἔρωτι· σὺ δ’ ἢν ἀπ’ ἐμεῖο λάθηαι, ### book 238.5.4 τὸ ξίφος ἡμετέρην δύσεται ἐς λαγόνα. ### book 239.1 Ἐσβέσθη φλογεροῖο πυρὸς μένος· οὐκέτι κάμνω, ### book 239.1 ἀλλὰ καταθνῄσκω ψυχόμενος Παφίῃ. ### book 239.2 ἤδη γὰρ μετὰ σάρκα δι’ ὀστέα καὶ φρένας ἕρπει ### book 239.3 παμφάγον ἀσθμαίνων οὗτος ὁ πικρὸς Ἔρως. ### book 239.5.1 καὶ φλὸξ ἐν τελεταῖς, ὅτε θύματα πάντα λαφύξῃ ### book 239.5.2 φορβῆς ἠπανίῃ ψύχεται αὐτομάτως. ### book 240.1.1 Τῷ χρυσῷ τὸν ἔρωτα μετέρχομαι· οὐ γὰρ ἀρότρῳ ### book 240.1.2 ἔργα μελισσάων γίνεται ἢ σκαπάνῃ, ### book 240.1.3 ἀλλ’ ἔαρι δροσερῷ· μέλιτός γε μὲν Ἀφρογενείης ### book 240.1.4 ὁ χρυσὸς τελέθει ποικίλος ἐργατίνης. ### book 241.1.1 „Σῴζεό“ σοι μέλλων ἐνέπειν, παλίνορσον ἰωὴν ### book 241.1.2 ἂψ ἀνασειράζω καὶ πάλιν ἄγχι μένω· ### book 241.1.3 σὴν γὰρ ἐγὼ δασπλῆτα διάστασιν οἷά τε πικρὴν ### book 241.1.4 νύκτα καταπτήσσω τὴν Ἀχεροντιάδα. ### book 241.5.1 ἤματι γὰρ σέο φέγγος ὁμοίιον· ἀλλὰ τὸ μέν που ### book 241.5.2 ἄφθογγον· σὺ δέ μοι καὶ τὸ λάλημα φέρεις ### book 241.5.3 κεῖνο τὸ Σειρήνων γλυκερώτερον, ᾧ ἔπι πᾶσαι ### book 241.5.4 εἰσὶν ἐμῆς ψυχῆς ἐλπίδες ἐκκρεμέες. ### book 242.1.1 Ὡς εἶδον Μελίτην, ὦχρός μ’ ἕλε· καὶ γὰρ ἀκοίτῃ ### book 242.1.2 κείνη ἐφωμάρτει· τοῖα δ’ ἔλεξα τρέμων· ### book 242.1.3 „Τοῦ σοῦ ἀνακροῦσαι δύναμαι πυλεῶνος ὀχῆας, ### book 242 δικλίδος ἡμετέρης τὴν βάλανον χαλάσας, ### book 242.5.1 καὶ δισσῶν προθύρων πλαδαρὴν κρηπῖδα περῆσαι, ### book 242.5.2 ἄκρον ἐπιβλῆτος μεσσόθι πηξάμενος;“ ### book 242.5.3 ἡ δὲ λέγει γελάσασα καὶ ἀνέρα λοξὸν ἰδοῦσα· ### book 242.5.4 „Τῶν προθύρων ἀπέχου, μή σε κύων ὀλέσῃ.“ ### book 243.1.1 Τὴν φιλοπουλυγέλωτα κόρην ἐπὶ νυκτὸς ὀνείρου ### book 243.1.2 εἶχον ἐπισφίγξας πήχεσιν ἡμετέροις. ### book 243.1.3 πείθετό μοι ξύμπαντα καὶ οὐκ ἀλέγιζεν ἐμεῖο ### book 243.1.4 κύπριδι παντοίῃ σώματος ἁπτομένου. ### book 243.5.1 ἀλλὰ βαρύζηλός τις Ἔρως· καὶ νύκτα λοχήσας ### book 243.5.2 ἐξέχεεν φιλίην, ὕπνον ἀποσκεδάσας. ### book 243.5.3 ὧδέ μοι οὐδ’ αὐτοῖσιν ἐν ὑπναλέοισιν ὀνείροις ### book 243.5.4 ἄφθονός ἐστιν Ἔρως κέρδεος ἡδυγάμου. ### book 244.1.1 Μακρὰ φιλεῖ Γαλάτεια καὶ ἔμψοφα, μαλθακὰ Δημώ, ### book 244.1.2 Δωρὶς ὀδακτίζει. τίς πλέον ἐξερέθει; ### book 244.1.3 οὔατα μὴ κρίνωσι φιλήματα· γευσάμενοι δὲ ### book 244.1.4 τρηχαλέων στομάτων ψῆφον ἐποισόμεθα. ### book 244.5.1 ἐπλάγχθης, κραδίη· τὰ φιλήματα μαλθακὰ Δημοῦς ### book 244.5.2 ἔγνως καὶ δροσερῶν ἡδὺ μέλι στομάτων· ### book 244.5.3 μίμν’ ἐπὶ τοῖς· ἀδέκαστον ἔχει στέφος. εἰ δέ τις ἄλλῃ ### book 244 τέρπεται, ἐκ Δημοῦς ἡμέας οὐκ ἐρύσει. ### book 245.1.1 Κιχλίζεις, χρεμέτισμα γάμου προκέλευθον ἱεῖσα, ### book 245.1.2 ἥσυχά μοι νεύεις· πάντα μάτην ἐρέθεις. ### book 245.1.3 ὤμοσα τὴν δυσέρωτα κόρην, τρισὶν ὤμοσα πέτραις, ### book 245.1.4 μήποτε μειλιχίοις ὄμμασιν εἰσιδέειν. ### book 245.5.1 παῖζε μόνη τὸ φίλημα· μάτην πόππυζε σεαυτῇ ### book 245.5.2 χείλεσι γυμνοτάτοις, οὔ τινι μισγομένοις. ### book 245.5.3 αὐτὰρ ἐγὼν ἑτέρην ὁδὸν ἔρχομαι· εἰσὶ γὰρ ἄλλαι ### book 245.5.4 κρέσσονες εὐλέκτρου Κύπριδος ἐργάτιδες. ### book 246.1.1 Μαλθακὰ μὲν Σαπφοῦς τὰ φιλήματα, μαλθακὰ γυίων ### book 246.1.2 πλέγματα χιονέων, μαλθακὰ πάντα μέλη, ### book 246.1.3 ψυχὴ δ’ ἐξ ἀδάμαντος ἀπειθέος· ἄχρι γὰρ οἴων ### book 246.1.4 ἔστιν ἔρως στομάτων, τἆλλα δὲ παρθενίης. ### book 246.5.1 καὶ τίς ὑποτλαίη; τάχα τις, τάχα τοῦτο ταλάσσας ### book 246.5.2 δίψαν Τανταλέην τλήσεται εὐμαρέως. ### book 247.1.1 Παρμενὶς οὐκ ἔργῳ· τὸ μὲν οὔνομα καλὸν ἀκούσας ### book 247.1.2 ὠισάμην, σὺ δέ μοι πικροτέρη θανάτου. ### book 247.1.3 καὶ φεύγεις φιλέοντα, καὶ οὐ φιλέοντα διώκεις, ### book 247.1.4 ὄφρα πάλιν κεῖνον καὶ φιλέοντα φύγῃς. ### book 247.5 κεντρομανὲς δ’ ἄγκιστρον ἔφυ στόμα καί με δακόντα ### book 247 εὐθὺς ἔχει ῥοδέου χείλεος ἐκκρεμέα. ### book 248.1.1 Ὦ παλάμη πάντολμε, σὺ τὸν παγχρύσεον ἔτλης ### book 248.1.2 ἀπρὶξ δραξαμένη βόστρυχον αὐερύσαι; ### book 248.1.3 ἔτλης; οὐκ ἐμάλαξε τεὸν θράσος αἴλινος αὐδή, ### book 248.1.4 σκύλμα κόμης, αὐχὴν μαλθακὰ κεκλιμένος; ### book 248.5.1 νῦν θαμινοῖς πατάγοισι μάτην τὸ μέτωπον ἀράσσεις· ### book 248.5.2 οὐκέτι γὰρ μαζοῖς σὸν θέναρ ἐμπελάσει. ### book 248.5.3 μή, λίτομαι, δέσποινα, τόσην μὴ λάμβανε ποινήν· ### book 248.5.4 μᾶλλον ἐγὼ τλαίην φάσγανον ἀσπασίως. ### book 249.1.1 Ὦ σοβαρὴ Ῥοδόπη, Παφίης εἴξασα βελέμνοις ### book 249.1.2 καὶ τὸν ὑπερφίαλον κόμπον ἀπωσαμένη, ### book 249.1.3 ἀγκὰς ἑλοῦσά μ’ ἔχεις παρὰ σὸν λέχος· ἐν δ’ ἄρα δεσμοῖς ### book 249.1.4 κεῖμαι ἐλευθερίης οὐκ ἐπιδευόμενος. ### book 249.5.1 οὕτω γὰρ ψυχή τε καὶ ἔκχυτα σώματα φωτῶν ### book 249.5.2 συμφέρεται φιλίης ῥεύμασι μιγνύμενα. ### book 250.1.1 Ἡδύ, φίλοι, μείδημα τὸ Λαΐδος· ἡδὺ καὶ αὐτῶν ### book 250.1.2 ἠπιοδινήτων δάκρυ χέει βλεφάρων. ### book 250.1.3 χθιζά μοι ἀπροφάσιστον ἐπέστενεν, ἐγκλιδὸν ὤμῳ ### book 250.1.4 ἡμετέρῳ κεφαλὴν δηρὸν ἐρεισαμένη. ### book 250.5.1 μυρομένην δὲ φίλησα· τὰ δ’ ὡς δροσερῆς ἀπὸ πηγῆς ### book 250.5.2 δάκρυα μιγνυμένων πῖπτε κατὰ στομάτων. ### book 250.5.3 εἶπε δ’ ἀνειρομένῳ· „Τίνος εἵνεκα δάκρυα λείβεις;“ — ### book 250 „Δείδια, μή με λίπῃς· ἐστὲ γὰρ ὁρκαπάται.“ ### book 251.1.1 Ὄμματα δινεύεις κρυφίων ἰνδάλματα πυρσῶν, ### book 251.1.2 χείλεα δ’ ἀκροβαφῆ λοξὰ παρεκτανύεις, ### book 251.1.3 καὶ πολὺ κιχλίζουσα σοβεῖς εὐβόστρυχον αἴγλην, ### book 251.1.4 ἐκχυμένας δ’ ὁρόω τὰς σοβαρὰς παλάμας. ### book 251.5.1 ἀλλ’ οὐ σῆς κραδίης ὑψαύχενος ὤκλασεν ὄγκος· ### book 251.5.2 οὔπω ἐθηλύνθης, οὐδὲ μαραινομένη. ### book 252.1.1 Ῥίψωμεν, χαρίεσσα, τὰ φάρεα, γυμνὰ δὲ γυμνοῖς ### book 252.1.2 ἐμπελάσῃ γυίοις γυῖα περιπλοκάδην· ### book 252.1.3 μηδὲν ἔοι τὸ μεταξύ· Σεμιράμιδος γὰρ ἐκεῖνο ### book 252.1.4 τεῖχος ἐμοὶ δοκέει λεπτὸν ὕφασμα σέθεν· ### book 252.5.1 στήθεα δ’ ἐζεύχθω τά τε χείλεα· τἆλλα δὲ σιγῇ ### book 252.5.2 κρυπτέον· ἐχθαίρω τὴν ἀθυροστομίην. ### book 253.1.1 Τίπτε πέδον, Χρύσιλλα, κάτω νεύουσα δοκεύεις ### book 253.1.2 καὶ ζώνην παλάμαις οἷά περ ἀκρολυτεῖς; ### book 253.1.3 αἰδὼς νόσφι πέλει τῆς Κύπριδος· εἰ δ’ ἄρα σιγᾷς, ### book 253.1.4 νεύματι τὴν Παφίην δεῖξον ὑπερχομένη. ### book 254.1.1 Ὤμοσα μιμνάζειν σέο τηλόθεν, ἀργέτι κούρη, ### book 254.1.2 ἄχρι δυωδεκάτης, ὦ πόποι, ἠριπόλης· ### book 254.1.3 οὐ δ’ ἔτλην ὁ τάλας· τὸ γὰρ αὔριον ἄμμι φαάνθη ### book 254.1.4 τηλοτέρω μήνης, ναὶ μὰ σέ, δωδεκάτης. ### book 254.5 ἀλλὰ θεοὺς ἱκέτευε, φίλη, μὴ ταῦτα χαράξαι ### book 254.1 ὅρκια ποιναίης νῶτον ὑπὲρ σελίδος· ### book 254.2 θέλγε δὲ σαῖς χαρίτεσσιν ἐμὴν φρένα· μηδέ με μάστιξ, ### book 254.3 πότνα, κατασμύξῃ καὶ σέο καὶ μακάρων. ### book 255.1.1 Εἶδον ἐγὼ ποθέοντας· ὑπ’ ἀτλήτοιο δὲ λύσσης ### book 255.1.2 δηρὸν ἐν ἀλλήλοις χείλεα πηξάμενοι, ### book 255.1.3 οὐ κόρον εἶχον ἔρωτος ἀφειδέος· ἱέμενοι δέ, ### book 255.1.4 εἰ θέμις, ἀλλήλων δύμεναι ἐς κραδίην, ### book 255.5.1 ἀμφασίης ὅσον ὅσσον ὑπεπρήυνον ἀνάγκην ### book 255.5.2 ἀλλήλων μαλακοῖς φάρεσιν ἑσσάμενοι. ### book 255.5.3 καί ῥ’ ὁ μὲν ἦν Ἀχιλῆι πανείκελος, οἷος ἐκεῖνος ### book 255.5.4 τῶν Λυκομηδείων ἔνδον ἔην θαλάμων· ### book 255.5.5 κούρη δ’ ἀργυφέης ἐπιγουνίδος ἄχρι χιτῶνα ### book 255.10.1 ζωσαμένη Φοίβης εἶδος ἀπεπλάσατο. ### book 255.10.2 καὶ πάλιν ἠρήρειστο τὰ χείλεα· γυιοβόρον γὰρ ### book 255.10.3 εἶχον ἀλωφήτου λιμὸν ἐρωμανίης. ### book 255.10.4 ῥεῖά τις ἡμερίδος στελέχη δύο σύμπλοκα λύσει, ### book 255.10.5 στρεπτά, πολυχρονίῳ πλέγματι συμφυέα, ### book 255.15.1 ἢ κείνους φιλέοντας, ὑπ’ ἀντιπόροισί τ’ ἀγοστοῖς ### book 255.15.2 ὑγρὰ περιπλέγδην ἅψεα δησαμένους. ### book 255.15.3 τρὶς μάκαρ, ὃς τοίοισι, φίλη, δεσμοῖσιν ἑλίχθη, ### book 255.15.4 τρὶς μάκαρ· ἀλλ’ ἡμεῖς ἄνδιχα καιόμεθα. ### book 256.1.1 Δικλίδας ἀμφετίναξεν ἐμοῖς Γαλάτεια προσώποις ### book 256.1.2 ἕσπερος, ὑβριστὴν μῦθον ἐπευξαμένη· ### book 256.1.3 „Ὕβρις ἔρωτας ἔλυσε.“ μάτην ὅδε μῦθος ἀλᾶται· ### book 256.1.4 ὕβρις ἐμὴν ἐρέθει μᾶλλον ἐρωμανίην. ### book 256.5 ὤμοσα γὰρ λυκάβαντα μένειν ἀπάνευθεν ἐκείνης, ### book 256 ὦ πόποι, ἀλλ’ ἱκέτης πρώιος εὐθὺς ἔβην. ### book 257.1.1 Νῦν καταγιγνώσκω καὶ τοῦ Διὸς ὡς ἀνεράστου, ### book 257.1.2 μὴ μεταβαλλομένου τῆς σοβαρᾶς ἕνεκα· ### book 257.1.3 οὔτε γὰρ Εὐρώπης, οὐ τῆς Δανάης περὶ κάλλος ### book 257.1.4 οὔθ’ ἁπαλῆς Λήδης ἐστ’ ἀπολειπομένη· ### book 257.5.1 εἰ μὴ τὰς πόρνας παραπέμπεται· οἶδα γὰρ αὐτὸν ### book 257.5.2 τῶν βασιλευουσῶν παρθενικῶν φθορέα. ### book 258.1.1 Πρόκριτός ἐστι, Φίλιννα, τεὴ ῥυτὶς ἢ ὀπὸς ἥβης ### book 258.1.2 πάσης· ἱμείρω δ’ ἀμφὶς ἔχειν παλάμαις ### book 258.1.3 μᾶλλον ἐγὼ σέο μῆλα καρηβαρέοντα κορύμβοις ### book 258.1.4 ἢ μαζὸν νεαρῆς ὄρθιον ἡλικίης. ### book 258.5.1 σὸν γὰρ ἔτι φθινόπωρον ὑπέρτερον εἴαρος ἄλλης ### book 258.5.2 χεῖμα σὸν ἀλλοτρίου θερμότερον θέρεος. ### book 259.1.1 Ὄμματά σευ βαρύθουσι, πόθου πνείοντα, Χαρικλοῖ, ### book 259.1.2 οἷά περ ἐκ λέκτρων ἄρτι διεγρομένης· ### book 259.1.3 ἔσκυλται δὲ κόμη, ῥοδέης δ’ ἀμάρυγμα παρειῆς ### book 259.1.4 ὦχρος ἔχει λευκός, καὶ δέμας ἐκλέλυται. ### book 259.5.1 κεἰ μὲν παννυχίῃσιν ὁμιλήσασα παλαίστραις ### book 259.5.2 ταῦτα φέρεις, ὄλβου παντὸς ὑπερπέταται, ### book 259.5.3 ὅς σε περιπλέγδην ἔχε πήχεσιν· εἰ δέ σε τήκει ### book 259 θερμὸς ἔρως, εἴης εἰς ἐμὲ τηκομένη. ### book 260.1.1 Κεκρύφαλοι σφίγγουσι τεὴν τρίχα; τήκομαι οἴστρῳ, ### book 260.1.2 Ῥείης πυργοφόρου δείκελον εἰσορόων. ### book 260.1.3 ἀσκεπές ἐστι κάρηνον; ἐγὼ ξανθίσμασι χαίτης ### book 260.1.4 ἔκχυτον ἐκ στέρνων ἐξεσόβησα νόον. ### book 260.5.1 ἀργενναῖς ὀθόνῃσι κατήορα βόστρυχα κεύθεις; ### book 260.5.2 οὐδὲν ἐλαφροτέρη φλὸξ κατέχει κραδίην. ### book 260.5.3 μορφὴν τριχθαδίην Χαρίτων τριὰς ἀμφιπολεύει· ### book 260.5.4 πᾶσα δέ μοι μορφὴ πῦρ ἴδιον προχέει. ### book 261.1.1 Εἰμὶ μὲν οὐ φιλόοινος· ὅταν δ’ ἐθέλῃς με μεθύσσαι, ### book 261.1.2 πρῶτα σὺ γευομένη πρόσφερε, καὶ δέχομαι. ### book 261.1.3 εἰ γὰρ ἐπιψαύσεις τοῖς χείλεσιν, οὐκέτι νήφειν ### book 261.1.4 εὐμαρὲς οὐδὲ φυγεῖν τὸν γλυκὺν οἰνοχόον· ### book 261.5.1 πορθμεύει γὰρ ἔμοιγε κύλιξ παρὰ σοῦ τὸ φίλημα ### book 261.5.2 καί μοι ἀπαγγέλλει τὴν χάριν, ἣν ἔλαβεν. ### book 262.1.1 Φεῦ φεῦ, καὶ τὸ λάλημα τὸ μείλιχον ὁ φθόνος εἴργει ### book 262.1.2 βλέμμα τε λαθριδίως φθεγγομένων βλεφάρων· ### book 262.1.3 ἱσταμένης δ’ ἄγχιστα τεθήπαμεν ὄμμα γεραιῆς ### book 262.1.4 οἷα πολύγληνον βουκόλον Ἰναχίης. ### book 262.5 ἵστασο καὶ σκοπίαζε, μάτην δὲ σὸν ἦτορ ἀμύσσου· ### book 262 οὐ γὰρ ἐπὶ ψυχῆς ὄμμα τεὸν τανύσεις. ### book 263.1.1 Μήποτε, λύχνε, μύκητα φέροις μηδ’ ὄμβρον ἐγείροις, ### book 263.1.2 μὴ τὸν ἐμὸν παύσῃς νυμφίον ἐρχόμενον. ### book 263.1.3 αἰεὶ σὺ φθονέεις τῇ Κύπριδι, καὶ γὰρ ὅθ’ Ἡρὼ ### book 263.1.4 ἥρμοσε Λειάνδρῳ ... θυμέ, τὸ λοιπὸν ἔα. ### book 263.5.1 Ἡφαίστου τελέθεις, καὶ πείθομαι, ὅττι χαλέπτων ### book 263.5.2 Κύπριδα θωπεύεις δεσποτικὴν ὀδύνην. ### book 264.1.1 Βόστρυχον ὠμογέροντα τί μέμφεαι ὄμματά θ’ ὑγρὰ ### book 264.1.2 δάκρυσιν; ὑμετέρων παίγνια ταῦτα πόθων, ### book 264.1.3 φροντίδες ἀπρήκτοιο πόθου τάδε, ταῦτα βελέμνων ### book 264.1.4 σύμβολα καὶ δολιχῆς ἔργα νυχεγρεσίης. ### book 264.5.1 καὶ γάρ που λαγόνεσσι ῥυτὶς παναώριος ἤδη, ### book 264.5.2 καὶ λαγαρὸν δειρῇ δέρμα περικρέμαται. ### book 264.5.3 ὁππόσον ἡβάσκει φλογὸς ἄνθεα, τόσσον ἐμεῖο ### book 264.5.4 ἅψεα γηράσκει φροντίδι γυιοβόρῳ. ### book 264.5.5 ἀλλὰ κατοικτείρασα δίδου χάριν· αὐτίκα γάρ μοι ### book 264.10 χρὼς ἀναθηλήσει κρατὶ μελαινομένῳ. ### book 265.1.1 Ὄμματα Φυλλὶς ἔπεμπε κατὰ πλόον· ὅρκος ἀλήτης ### book 265.1.2 πλάζετο, Δημοφόων δ’ ἦεν ἄπιστος ἀνήρ. ### book 265.1.3 νῦν δέ, φίλη, πιστὸς μὲν ἐγὼ παρὰ θῖνα θαλάσσης ### book 265 Δημοφόων· σὺ δὲ πῶς, Φυλλίς, ἄπιστος ἔφυς; ### book 266.1.1 Ἀνέρα λυσσητῆρι κυνὸς βεβολημένον ἰῷ ### book 266.1.2 ὕδασι θηρείην εἰκόνα φασὶ βλέπειν. ### book 266.1.3 λυσσώων τάχα πικρὸν Ἔρως ἐνέπηξεν ὀδόντα ### book 266.1.4 εἰς ἐμὲ καὶ μανίαις θυμὸν ἐληίσατο. ### book 266.5.1 σὴν γὰρ ἐμοὶ καὶ πόντος ἐπήρατον εἰκόνα φαίνει ### book 266.5.2 καὶ ποταμῶν δῖναι καὶ δέπας οἰνοχόον. ### book 267.1.1 Τί στενάχεις; —„Φιλέω.“ —Τίνα; —„Παρθένον.“ —Ἦ ῥά γε καλήν; — ### book 267.1.2 „Καλὴν ἡμετέροις ὄμμασι φαινομένην.“ — ### book 267.1.3 Ποῦ δέ μιν εἰσενόησας; —„Ἐκεῖ ποτὶ δεῖπνον ἐπελθὼν ### book 267.1.4 ξυνῇ κεκλιμένην ἔδρακον ἐν στιβάδι.“ — ### book 267.5.1 Ἐλπίζεις δὲ τυχεῖν; —„Ναὶ ναί, φίλος· ἀμφαδίην δὲ ### book 267.5.2 οὐ ζητῶ φιλίην, ἀλλ’ ὑποκλεπτομένην.“ — ### book 267.5.3 Τὸν νόμιμον μᾶλλον φεύγεις γάμον; —„Ἀτρεκὲς ἔγνων, ### book 267.5.4 ὅττι γε τῶν κτεάνων πουλὺ τὸ λειπόμενον.“ — ### book 267.5.5 Ἔγνως; οὐ φιλέεις, ἐψεύσαο. πῶς δύναται γὰρ ### book 267.10 ψυχὴ ἐρωμανέειν ὀρθὰ λογιζομένη; ### book 268.1.1 Μηκέτι τις πτήξειε πόθου βέλος· ἰοδόκην γὰρ ### book 268.1.2 εἰς ἐμὲ λάβρος Ἔρως ἐξεκένωσεν ὅλην. ### book 268.1.3 μὴ πτερύγων τρομέοι τις ἐπήλυσιν· ἐξότε γάρ μοι ### book 268.1.4 λὰξ ἐπιβὰς στέρνοις πικρὸν ἔπηξε πόδα, ### book 268.5 ἀστεμφής, ἀδόνητος ἐνέζεται οὐδὲ μετέστη, ### book 268 εἰς ἐμὲ συζυγίην κειράμενος πτερύγων. ### book 269.1.1 Δισσῶν θηλυτέρων μοῦνός ποτε μέσσος ἐκείμην, ### book 269.1.2 τῆς μὲν ἐφιμείρων, τῇ δὲ χαριζόμενος. ### book 269.1.3 εἷλκε δέ μ’ ἡ φιλέουσα· πάλιν δ’ ἐγώ, οἷά τέ τις φώρ, ### book 269.1.4 χείλεϊ φειδομένῳ τὴν ἑτέρην ἐφίλουν, ### book 269.5.1 ζῆλον ὑποκλέπτων τῆς γείτονος, ἧς τὸν ἔλεγχον ### book 269.5.2 καὶ τὰς λυσιπόθους ἔτρεμον ἀγγελίας. ### book 269.5.3 ὀχθήσας δ’ ἄρ’ ἔειπον· Ἐμοὶ τάχα καὶ τὸ φιλεῖσθαι ### book 269.5.4 ὡς τὸ φιλεῖν χαλεπόν, δισσὰ κολαζομένῳ. ### book 270.1.1 Οὔτε ῥόδον στεφάνων ἐπιδεύεται οὔτε σὺ πέπλων ### book 270.1.2 οὔτε λιθοβλήτων, πότνια, κεκρυφάλων. ### book 270.1.3 μάργαρα σῆς χροιῆς ἀπολείπεται, οὐδὲ κομίζει ### book 270.1.4 χρυσὸς ἀπεκτήτου σῆς τριχὸς ἀγλαΐην· ### book 270.5.1 Ἰνδῴη δ’ ὑάκινθος ἔχει χάριν αἴθοπος αἴγλης, ### book 270.5.2 ἀλλὰ τεῶν λογάδων πολλὸν ἀφαυροτέρην. ### book 270.5.3 χείλεα δὲ δροσόεντα καὶ ἡ μελίφυρτος ἐκείνη ### book 270.5.4 στήθεος ἁρμονίη κεστὸς ἔφυ Παφίης. ### book 270.5.5 τούτοις πᾶσιν ἐγὼ καταδάμναμαι· ὄμμασι μούνοις ### book 270.10 θέλγομαι, οἷς ἐλπὶς μείλιχος ἐνδιάει. ### book 271.1 Τήν ποτε βακχεύουσαν ἐν εἴδεϊ θηλυτεράων, ### book 271.1 τὴν χρυσέῳ κροτάλῳ σειομένην σπατάλην ### book 271.2 γῆρας ἔχει καὶ νοῦσος ἀμείλιχος· οἱ δὲ φιληταί, ### book 271.3 οἵ ποτε τριλλίστως ἀντίον ἐρχόμενοι, ### book 271.5.1 νῦν μέγα πεφρίκασι· τὸ δ’ αὐξοσέληνον ἐκεῖνο ### book 271.5.2 ἐξέλιπεν συνόδου μηκέτι γινομένης. ### book 272.1.1 Μαζοὺς χερσὶν ἔχω, στόματι στόμα, καὶ περὶ δειρὴν ### book 272.1.2 ἄσχετα λυσσώων βόσκομαι ἀργυφέην. ### book 272.1.3 οὔπω δ’ ἀφρογένειαν ὅλην ἕλον· ἀλλ’ ἔτι κάμνω ### book 272.1.4 παρθένον ἀμφιέπων λέκτρον ἀναινομένην. ### book 272.5.1 ἥμισυ γὰρ Παφίῃ, τὸ δ’ ἄρ’ ἥμισυ δῶκεν Ἀθήνῃ· ### book 272.5.2 αὐτὰρ ἐγὼ μέσσος τήκομαι ἀμφοτέρων. ### book 273.1.1 Ἡ πάρος ἀγλαΐῃσι μετάρσιος, ἡ πλοκαμῖδας ### book 273.1.2 σειομένη πλεκτὰς καὶ σοβαρευομένη, ### book 273.1.3 ἡ μεγαλαυχήσασα καθ’ ἡμετέρης μελεδώνης ### book 273.1.4 γήραϊ ῥικνώδης τὴν πρὶν ἀφῆκε χάριν. ### book 273.5.1 μαζὸς ὑπεκλίνθη, πέσον ὀφρύες, ὄμμα τέτηκται, ### book 273.5.2 χείλεα βαμβαίνει φθέγματι γηραλέῳ. ### book 273.5.3 τὴν πολιὴν καλέω Νέμεσιν πόθου, ὅττι δικάζει ### book 273 ἔννομα ταῖς σοβαραῖς θᾶσσον ἐπερχομένη. ### book 274.1.1 Τὴν πρὶν ἐνεσφρήγισσεν Ἔρως θρασὺς εἰκόνα μορφῆς ### book 274.1.2 ἡμετέρης θερμῷ βένθεϊ σῆς κραδίης, ### book 274.1.3 φεῦ φεῦ, νῦν ἀδόκητος ἀπέπτυσας· αὐτὰρ ἐγώ τοι ### book 274.1.4 γραπτὸν ἔχω ψυχῇ σῆς τύπον ἀγλαΐης. ### book 274.5.1 τοῦτον καὶ Φαέθοντι καὶ Ἄϊδι, βάρβαρε, δείξω, ### book 274.5.2 Κρῆσσαν ἐπισπέρχων εἰς σὲ δικασπολίην. ### book 275.1.1 Δειελινῷ χαρίεσσα Μενεκρατὶς ἔκχυτος ὕπνῳ ### book 275.1.2 κεῖτο περὶ κροτάφους πῆχυν ἑλιξαμένη. ### book 275.1.3 τολμήσας δ’ ἐπέβην λεχέων ὕπερ· ὡς δὲ κελεύθου ### book 275.1.4 ἥμισυ κυπριδίης ἤνυον ἀσπασίως, ### book 275.5.1 ἡ παῖς ἐξ ὕπνοιο διέγρετο, χερσὶ δὲ λευκαῖς ### book 275.5.2 κράατος ἡμετέρου πᾶσαν ἔτιλλε κόμην· ### book 275.5.3 μαρναμένης δὲ τὸ λοιπὸν ἀνύσσαμεν ἔργον ἔρωτος, ### book 275.5.4 ἡ δ’ ὑποπιμπλαμένη δάκρυσιν εἶπε τάδε· ### book 275.5.5 „Σχέτλιε, νῦν μὲν ἔρεξας, ὅ τοι φίλον, ᾧ ἔπι πουλὺν ### book 275.10.1 πολλάκι σῆς παλάμης χρυσὸν ἀπωμοσάμην· ### book 275.10.2 οἰχόμενος δ’ ἄλλην ὑποκόλπιον εὐθὺς ἑλίξεις· ### book 275.10.3 ἐστὲ γὰρ ἀπλήστου κύπριδος ἐργατίναι.“ ### book 276.1.1 Σοὶ τόδε τὸ κρήδεμνον, ἐμὴ μνήστειρα, κομίζω, ### book 276.1.2 χρυσεοπηνήτῳ λαμπόμενον γραφίδι· ### book 276.1.3 βάλλε δὲ σοῖς πλοκάμοισιν· ἐφεσσαμένη δ’ ὑπὲρ ὤμων ### book 276.1.4 στήθεϊ παλλεύκῳ τήνδε δὸς ἀμπεχόνην. ### book 276.5 ναὶ ναὶ στήθεϊ μᾶλλον, ὅπως ἐπιμάζιον εἴη ### book 276.1 ἀμφιπεριπλέγδην εἰς σὲ κεδαννύμενον. ### book 276.2 καὶ τόδε μὲν φορέοις ἅτε παρθένος· ἀλλὰ καὶ εὐνὴν ### book 276.3 λεύσσοις καὶ τεκέων εὔσταχυν ἀνθοσύνην, ### book 276.4 ὄφρα σοι ἐκτελέσαιμι καὶ ἀργυφέην ἀναδέσμην ### book 276.10 καὶ λιθοκολλήτων πλέγματα κεκρυφάλων. ### book 277.1.1 Ἄρσενας ἄλλος ἔχοι· φιλέειν δ’ ἐγὼ οἶδα γυναῖκας, ### book 277.1.2 ἐς χρονίην φιλίην οἷα φυλασσομένας. ### book 277.1.3 οὐ καλὸν ἡβητῆρες· ἀπεχθαίρω γὰρ ἐκείνην ### book 277.1.4 τὴν τρίχα τὴν φθονερήν, τὴν ταχὺ φυομένην. ### book 278.1.1 Αὐτή μοι Κυθέρεια καὶ ἱμερόεντες Ἔρωτες ### book 278.1.2 τήξουσιν κενεὴν ἐχθόμενοι κραδίην, ### book 278.1.3 ἄρσενας εἰ σπεύσω φιλέειν ποτέ. μήτε τυχήσω ### book 278.1.4 μήτ’ ἐπολισθήσω μείζοσιν ἀμπλακίαις. ### book 278.5.1 ἄρκια θηλυτέρων ἀλιτήματα· κεῖνα κομίσσω, ### book 278.5.2 καλλείψω δὲ νέους ἄφρονι Πιτταλάκῳ. ### book 279.1.1 Δηθύνει Κλεόφαντις· ὁ δὲ τρίτος ἄρχεται ἤδη ### book 279.1.2 λύχνος ὑποκλάζειν ἦκα μαραινόμενος. ### book 279.1.3 αἴθε δὲ καὶ κραδίης πυρσὸς συναπέσβετο λύχνῳ ### book 279.1.4 μηδέ μ’ ὑπ’ ἀγρύπνοις δηρὸν ἔκαιε πόθοις. ### book 279.5 ἆ πόσα τὴν Κυθέρειαν ἐπώμοσεν ἕσπερος ἥξειν· ### book 279 ἀλλ’ οὔτ’ ἀνθρώπων φείδεται οὔτε θεῶν. ### book 280.1.1 Ἦ ῥά γε καὶ σύ, Φίλιννα, φέρεις πόθον; ἦ ῥα καὶ αὐτὴ ### book 280.1.2 κάμνεις αὐαλέοις ὄμμασι τηκομένη; ### book 280.1.3 ἢ σὺ μὲν ὕπνον ἔχεις γλυκερώτατον, ἡμετέρης δὲ ### book 280.1.4 φροντίδος οὔτε λόγος γίνεται οὔτ’ ἀριθμός; ### book 280.5.1 εὑρήσεις τάχ’ ὅμοια, τεὴν δ’, ἀμέγαρτε, παρειὴν ### book 280.5.2 ἀθρήσω θαμινοῖς δάκρυσι τεγγομένην. ### book 280.5.3 Κύπρις γὰρ τὰ μὲν ἄλλα παλίγκοτος, ἓν δέ τι καλὸν ### book 280.5.4 ἔλλαχεν, ἐχθαίρειν τὰς σοβαρευομένας. ### book 281.1.1 Χθιζά μοι Ἑρμώνασσα φιλακρήτους μετὰ κώμους ### book 281.1.2 στέμμασιν αὐλείας ἀμφιπλέκοντι θύρας ### book 281.1.3 ἐκ κυλίκων ἐπέχευεν ὕδωρ· ἀμάθυνε δὲ χαίτην, ### book 281.1.4 ἣν μόλις ἐς τρισσὴν πλέξαμεν ἀμφιλύκην. ### book 281.5.1 ἐφλέχθην δ’ ἔτι μᾶλλον ὑφ’ ὕδατος· ἐκ γὰρ ἐκείνης ### book 281.5.2 λάθριον εἶχε κύλιξ πῦρ γλυκερῶν στομάτων. ### book 282.1.1 Ἡ ῥαδινὴ Μελίτη ταναοῦ ἐπὶ γήραος οὐδῷ ### book 282.1.2 τὴν ἀπὸ τῆς ἥβης οὐκ ἀπέθηκε χάριν, ### book 282.1.3 ἀλλ’ ἔτι μαρμαίρουσι παρηίδες, ὄμμα δὲ θέλγειν ### book 282.1.4 οὐ λάθε· τῶν δ’ ἐτέων ἡ δεκὰς οὐκ ὀλίγη. ### book 282.5 μίμνει καὶ τὸ φρύαγμα τὸ παιδικόν· ἐνθάδε δ’ ἔγνων, ### book 282 ὅττι φύσιν νικᾶν ὁ χρόνος οὐ δύναται. ### book 283.1.1 Δάκρυά μοι σπένδουσαν ἐπήρατον οἰκτρὰ Θεανὼ ### book 283.1.2 εἶχον ὑπὲρ λέκτρων πάννυχον ἡμετέρων· ### book 283.1.3 ἐξότε γὰρ πρὸς Ὄλυμπον ἀνέδραμεν ἕσπερος ἀστήρ, ### book 283.1.4 μέμφετο μελλούσης ἄγγελον ἠριπόλης. ### book 283.5.1 οὐδὲν ἐφημερίοις καταθύμιον· εἴ τις Ἐρώτων ### book 283.5.2 λάτρις, νύκτας ἔχειν ὤφελε Κιμμερίων. ### book 284.1.1 Πάντα σέθεν φιλέω· μοῦνον δὲ σὸν ἄκριτον ὄμμα ### book 284.1.2 ἐχθαίρω, στυγεροῖς ἀνδράσι τερπόμενον. ### book 285.1.1 Εἰργομένη φιλέειν με κατὰ στόμα δῖα Ῥοδάνθη ### book 285.1.2 ζώνην παρθενικὴν ἐξετάνυσσε μέσην ### book 285.1.3 καὶ κείνην φιλέεσκεν· ἐγὼ δέ τις ὡς ὀχετηγὸς ### book 285.1.4 ἀρχὴν εἰς ἑτέρην εἷλκον ἔρωτος ὕδωρ, ### book 285.5.1 αὐερύων τὸ φίλημα· περὶ ζωστῆρα δὲ κούρης ### book 285.5.2 μάστακι ποππύζων τηλόθεν ἀντεφίλουν. ### book 285.5.3 ἦν δὲ πόνου καὶ τοῦτο παραίφασις· ἡ γλυκερὴ γὰρ ### book 285.5.4 ζώνη πορθμὸς ἔην χείλεος ἀμφοτέρου. ### book 286.1.1 Φράζεό μοι, Κλεόφαντις, ὅση χάρις, ὁππότε δοιοὺς ### book 286.1.2 λάβρον ἐπαιγίζων ἶσος ἔρως κλονέει. ### book 286.1.3 ποῖος ἄρης ἢ τάρβος ἀπείριτον ἠὲ τίς αἰδὼς ### book 286 τούσδε διακρίνει πλέγματα βαλλομένους; ### book 286.5.1 εἴη μοι μελέεσσι τὰ Λήμνιος ἥρμοσεν ἄκμων ### book 286.5.2 δεσμὰ καὶ Ἡφαίστου πᾶσα δολορραφίη, ### book 286.5.3 μοῦνον ἐγώ, χαρίεσσα, τεὸν δέμας ἀγκὰς ἑλίξας ### book 286.5.4 θελγοίμην ἐπὶ σοῖς ἅψεσι βουλόμενος, ### book 286.5.5 δὴ τότε καὶ ξεῖνός με καὶ ἐνδάπιος καὶ ὁδίτης, ### book 286.10 πότνα, καὶ ἀρητὴρ χἠ παράκοιτις ἴδοι. ### book 287.1.1 Σπεύδων εἰ φιλέει με μαθεῖν εὐῶπις Ἐρευθώ, ### book 287.1.2 πείραζον κραδίην πλάσματι κερδαλέῳ· ### book 287.1.3 „Βήσομαι ἐς ξείνην τινά που χθόνα· μίμνε δέ, κούρη, ### book 287.1.4 ἀρτίπος, ἡμετέρου μνῆστιν ἔχουσα πόθου.“ ### book 287.5.1 ἡ δὲ μέγα στονάχησε καὶ ἥλατο καὶ τὸ πρόσωπον ### book 287.5.2 πλῆξε καὶ εὐπλέκτου βότρυν ἔρηξε κόμης, ### book 287.5.3 καί με μένειν ἱκέτευεν· ἐγὼ δέ τις ὡς βραδυπειθὴς ### book 287.5.4 ὄμματι θρυπτομένῳ συγκατένευσα μόνον. ### book 287.5.5 ὄλβιος ἐς πόθον εἰμί· τὸ γὰρ μενέαινον ἀνύσσαι ### book 287.10 πάντως, εἰς μεγάλην τοῦτο δέδωκα χάριν. ### book 288.1.1 Ἐξότε μοι πίνοντι συνεψιάουσα Χαρικλὼ ### book 288.1.2 λάθρῃ τοὺς ἰδίους ἀμφέβαλε στεφάνους, ### book 288.1.3 πῦρ ὀλοὸν δάπτει με· τὸ γὰρ στέφος, ὡς δοκέω, τι ### book 288 εἶχεν, ὃ καὶ Γλαύκην φλέξε Κρεοντιάδα. ### book 289.1.1 Ἡ γραῦς ἡ τρικόρωνος, ἡ ἡμετέρους διὰ μόχθους ### book 289.1.2 μοίρης ἀμβολίην πολλάκι δεξαμένη, ### book 289.1.3 ἄγριον ἦτορ ἔχει καὶ θέλγεται οὔτ’ ἐπὶ χρυσῷ ### book 289.1.4 οὔτε ζωροτέρῳ μείζονι κισσυβίῳ. ### book 289.5.1 τὴν κούρην δ’ αἰεὶ περιδέρκεται· εἰ δέ ποτ’ αὐτὴν ### book 289.5.2 ἀθρήσει κρυφίοις ὄμμασι ῥεμβομένην, ### book 289.5.3 ἆ μέγα τολμήεσσα, ῥαπίσμασιν ἀμφὶ πρόσωπα ### book 289.5.4 πλήσσει τὴν ἁπαλὴν οἰκτρὰ κινυρομένην. ### book 289.5.5 εἰ δ’ ἐτεὸν τὸν Ἄδωνιν ἐφίλαο, Περσεφόνεια, ### book 289.10.1 οἴκτειρον ξυνῆς ἄλγεα τηκεδόνος. ### book 289.10.2 ἔστω δ’ ἀμφοτέροισι χάρις μία, τῆς δὲ γεραιῆς ### book 289.10.3 ῥύεο τὴν κούρην, πρίν τι κακὸν παθέειν. ### book 290.1.1 Ὄμμα πολυπτοίητον ὑποκλέπτουσα τεκούσης ### book 290.1.2 συζυγίην μήλων δῶκεν ἐμοὶ ῥοδέων ### book 290.1.3 θηλυτέρη χαρίεσσα. μάγον τάχα πυρσὸν ἐρώτων ### book 290.1.4 λαθριδίως μήλοις μῖξεν ἐρευθομένοις· ### book 290.5.1 εἰμὶ γὰρ ὁ τλήμων φλογὶ σύμπλοκος· ἀντὶ δὲ μαζῶν, ### book 290.5.2 ὦ πόποι, ἀπρήκτοις μῆλα φέρω παλάμαις. ### book 291.1.1 Εἰ μὲν ἐμοί, χαρίεσσα, τεῶν τάδε σύμβολα μαζῶν ### book 291.1.2 ὤπασας, ὀλβίζω τὴν χάριν ὡς μεγάλην· ### book 291.1.3 εἰ δ’ ἐπὶ τοῖς μίμνεις, ἀδικεῖς, ὅτι λάβρον ἀνῆψας ### book 291.1.4 πυρσὸν ἀποσβέσσαι τοῦτον ἀναινομένη. ### book 291.5 Τήλεφον ὁ τρώσας καὶ ἀκέσσατο· μὴ σύ γε, κούρη, ### book 291 εἰς ἐμὲ δυσμενέων γίνεο πικροτέρη. ### book 292.1.1 Ἐνθάδε μὲν χλοάουσα τεθηλότι βῶλος ὀράμνῳ ### book 292.1.2 φυλλάδος εὐκάρπου πᾶσαν ἔδειξε χάριν· ### book 292.1.3 ἐνθάδε δὲ κλάζουσιν ὑπὸ σκιεραῖς κυπαρίσσοις ### book 292.1.4 ὄρνιθες δροσερῶν μητέρες ὀρταλίχων, ### book 292.5.1 καὶ λιγυρὸν βομβεῦσιν ἀκανθίδες· ἡ δ’ ὀλολυγὼν ### book 292.5.2 τρύζει, τρηχαλέαις ἐνδιάουσα βάτοις. ### book 292.5.3 ἀλλὰ τί μοι τῶν ἦδος, ἐπεὶ σέο μῦθον ἀκούειν ### book 292.5.4 ἤθελον ἢ κιθάρης κρούσματα Δηλιάδος; ### book 292.5.5 καί μοι δισσὸς ἔρως περικίδναται· εἰσοράαν γὰρ ### book 292.10.1 καὶ σέ, μάκαρ, ποθέω καὶ γλυκερὴν δάμαλιν, ### book 292.10.2 ἧς με περισμύχουσι μεληδόνες. ἀλλά με θεσμοὶ ### book 292.10.3 εἴργουσιν ῥαδινῆς τηλόθι δορκαλίδος. ### book 293.1.1 Θεσμὸν Ἔρως οὐκ οἶδε βιημάχος, οὐδέ τις ἄλλη ### book 293.1.2 ἀνέρα νοσφίζει πρῆξις ἐρωμανίης. ### book 293.1.3 εἰ δέ σε θεσμοπόλοιο μεληδόνος ἔργον ἐρύκει, ### book 293.1.4 οὐκ ἄρα σοῖς στέρνοις λάβρος ἔνεστιν ἔρως. ### book 293.5.1 ποῖος ἔρως, ὅτε βαιὸς ἁλὸς πόρος οἶδε μερίζειν ### book 293.5.2 σὸν χρόα παρθενικῆς τηλόθεν ὑμετέρης; ### book 293.5.3 νηχόμενος Λείανδρος, ὅσον κράτος ἐστὶν ἐρώτων, ### book 293.5.4 δείκνυεν, ἐννυχίου κύματος οὐκ ἀλέγων· ### book 293.5.5 σοὶ δέ, φίλος, παρέασι καὶ ὁλκάδες· ἀλλὰ θαμίζεις ### book 293.10.1 μᾶλλον Ἀθηναίῃ, Κύπριν ἀπωσάμενος. ### book 293.10.2 θεσμοὺς Παλλὰς ἔχει, Παφίη πόθον. εἰπέ, τίς ἀνὴρ ### book 293 εἰν ἑνὶ θητεύσει Παλλάδι καὶ Παφίῃ; ### book 294.1.1 Ἡ γραῦς ἡ φθονερὴ παρεκέκλιτο γείτονι κούρῃ, ### book 294.1.2 δόχμιον ἐν λέκτρῳ νῶτον ἐρεισαμένη ### book 294.1.3 προβλὴς ὥς τις ἔπαλξις ἀνέμβατος· οἷα δὲ πύργος ### book 294.1.4 ἔσκεπε τὴν κούρην ἁπλοῒς ἐκταδίη. ### book 294.5.1 καὶ σοβαρὴ θεράπαινα πύλας σφίγξασα μελάθρου ### book 294.5.2 κεῖτο χαλικρήτῳ νάματι βριθομένη. ### book 294.5.3 ἔμπης οὔ μ’ ἐφόβησαν· ἐπεὶ στρεπτῆρα θυρέτρου ### book 294.5.4 χερσὶν ἀδουπήτοις βαιὸν ἀειράμενος ### book 294.5.5 φρυκτοὺς αἰθαλόεντας ἐμῆς ῥιπίσμασι λώπης ### book 294.10.1 ἔσβεσα, καὶ διαδὺς λέχριος ἐν θαλάμῳ ### book 294.10.2 τὴν φύλακα κνώσσουσαν ὑπέκφυγον· ἦκα δὲ λέκτρου ### book 294.10.3 νέρθεν ὑπὸ σχοίνοις γαστέρι συρόμενος, ### book 294.10.4 ὠρθούμην κατὰ βαιόν, ὅπῃ βατὸν ἔπλετο τεῖχος· ### book 294.10.5 ἄγχι δὲ τῆς κούρης στέρνον ἐρεισάμενος ### book 294.15.1 μαζοὺς μὲν κρατέεσκον, ὑπεθρύφθην δὲ προσώπῳ ### book 294.15.2 μάστακα πιαίνων χείλεος εὐαφίῃ. ### book 294.15.3 ἦν δ’ ἄρα μοι τὰ λάφυρα καλὸν στόμα, καὶ τὸ φίλημα ### book 294.15.4 σύμβολον ἐννυχίης εἶχον ἀεθλοσύνης. ### book 294.15.5 οὔπω δ’ ἐξαλάπαξα φίλης πύργωμα κορείης, ### book 294.20.1 ἀλλ’ ἔτ’ ἀδηρίτῳ σφίγγεται ἀμβολίῃ. ### book 294.20.2 ἔμπης ἢν ἑτέροιο μόθου στήσωμεν ἀγῶνα, ### book 294.20.3 ναὶ τάχα πορθήσω τείχεα παρθενίης, ### book 294.20.4 οὐδ’ ἔτι με σχήσουσιν ἐπάλξιες· ἢν δὲ τυχήσω, ### book 294.20.5 στέμματα σοὶ πλέξω, Κύπρι τροπαιοφόρε. ### book 295.1 Ψαῦε μελισταγέων στομάτων, δέπας· εὗρες, ἄμελγε· ### book 295 οὐ φθονέω, τὴν σὴν δ’ ἤθελον αἶσαν ἔχειν. ### book 296.1.1 Ἐξότε τηλεφίλου πλαταγήματος ἠχέτα βόμβος ### book 296.1.2 γαστέρα μαντῴου μάξατο κισσυβίου, ### book 296.1.3 ἔγνων, ὡς φιλέεις με· τὸ δ’ ἀτρεκὲς αὐτίκα πείσεις ### book 296.1.4 εὐνῆς ἡμετέρης πάννυχος ἁπτομένη. ### book 296.5.1 τοῦτό σε γὰρ δείξει παναληθέα· τοὺς δὲ μεθυστὰς ### book 296.5.2 καλλείψω λατάγων πλήγμασι τερπομένους. ### book 297.1.1 Ἠϊθέοις οὐκ ἔστι τόσος πόνος, ὁππόσος ἡμῖν ### book 297.1.2 ταῖς ἀταλοψύχοις ἔχραε θηλυτέραις. ### book 297.1.3 τοῖς μὲν γὰρ παρέασιν ὁμήλικες, οἷς τὰ μερίμνης ### book 297.1.4 ἄλγεα μυθεῦνται φθέγματι θαρσαλέῳ, ### book 297.5.1 παίγνιά τ’ ἀμφιέπουσι παρήγορα καὶ κατ’ ἀγυιὰς ### book 297.5.2 πλάζονται γραφίδων χρώμασι ῥεμβόμενοι· ### book 297.5.3 ἡμῖν δ’ οὐδὲ φάος λεύσσειν θέμις, ἀλλὰ μελάθροις ### book 297.5.4 κρυπτόμεθα ζοφεραῖς φροντίσι τηκόμεναι. ### book 298.1.1 Ἱμερτὴ Μαρίη μεγαλίζεται· ἀλλὰ μετέλθοις ### book 298.1.2 κείνης, πότνα Δίκη, κόμπον ἀγηνορίης· ### book 298.1.3 μὴ θανάτῳ, βασίλεια· τὸ δ’ ἔμπαλιν, ἐς τρίχας ἥξοι ### book 298.1.4 γήραος, ἐς ῥυτίδας σκληρὸν ἵκοιτο ῥέθος· ### book 298.5 τίσειαν πολιαὶ τάδε δάκρυα· κάλλος ὑπόσχοι ### book 298 ψυχῆς ἀμπλακίην, αἴτιον ἀμπλακίης. ### book 299.1.1 „Μηδὲν ἄγαν“ σοφὸς εἶπεν· ἐγὼ δέ τις ὡς ἐπέραστος, ### book 299.1.2 ὡς καλός, ἠέρθην ταῖς μεγαλοφροσύναις, ### book 299.1.3 καὶ ψυχὴν δοκέεσκον ὅλην ἐπὶ χερσὶν ἐμεῖο ### book 299.1.4 κεῖσθαι τῆς κούρης, τῆς τάχα κερδαλέης· ### book 299.5.1 ἡ δ’ ὑπερηέρθη σοβαρήν θ’ ὑπερέσχεθεν ὀφρὺν ### book 299.5.2 ὥσπερ τοῖς προτέροις ἤθεσι μεμφομένη. ### book 299.5.3 καὶ νῦν ὁ βλοσυρωπός, ὁ χάλκεος, ὁ βραδυπειθής, ### book 299.5.4 ὁ πρὶν ἀερσιπότης, ἤριπον ἐξαπίνης· ### book 299.5.5 πάντα δ’ ἔναλλα γένοντο· πεσὼν δ’ ἐπὶ γούνασι κούρης ### book 299.10 ἴαχον· „Ἱλήκοις, ἤλιτεν ἡ νεότης.“ ### book 300.1.1 Ὁ θρασὺς ὑψαύχην τε καὶ ὀφρύας εἰς ἓν ἀγείρων ### book 300.1.2 κεῖται παρθενικῆς παίγνιον ἀδρανέος· ### book 300.1.3 ὁ πρὶν ὑπερβασίῃ δοκέων τὴν παῖδα χαλέπτειν, ### book 300.1.4 αὐτὸς ὑποδμηθεὶς ἐλπίδος ἐκτὸς ἔβη. ### book 300.5.1 καί ῥ’ ὁ μὲν ἱκεσίοισι πεσὼν θηλύνεται οἴκτοις· ### book 300.5.2 ἡ δὲ κατ’ ὀφθαλμῶν ἄρσενα μῆνιν ἔχει. ### book 300.5.3 παρθένε θυμολέαινα, καὶ εἰ χόλον ἔνδικον αἶθες, ### book 300.5.4 σβέσσον ἀγηνορίην, ἐγγὺς ἴδες Νέμεσιν. ### book 301.1.1 Εἰ καὶ τηλοτέρω Μερόης τεὸν ἴχνος ἐρείσεις, ### book 301.1.2 πτηνὸς Ἔρως πτηνῷ κεῖσε νόῳ με φέρει. ### book 301.1.3 εἰ καὶ ἐς ἀντολίην πρὸς ὁμόχροον ἵξεαι Ἠῶ, ### book 301 πεζὸς ἀμετρήτοις ἕψομαι ἐν σταδίοις. ### book 301.5.1 εἰ δέ τί σοι στέλλω βύθιον γέρας, ἵλαθι, κούρη· ### book 301.5.2 εἰς σὲ θαλασσαίη τοῦτο φέρει Παφίη, ### book 301.5.3 κάλλεϊ νικηθεῖσα τεοῦ χροὸς ἱμερόεντος, ### book 301.5.4 τὸ πρὶν ἐπ’ ἀγλαΐῃ θάρσος ἀπωσαμένη. ### book 302.1.1 Ποίην τις πρὸς ἔρωτας ἴοι τρίβον; ἐν μὲν ἀγυιαῖς ### book 302.1.2 μαχλάδος οἰμώξεις χρυσομανῆ σπατάλην. ### book 302.1.3 εἰ δ’ ἐπὶ παρθενικῆς πελάσοις λέχος, ἐς γάμον ἥξεις ### book 302.1.4 ἔννομον ἢ ποινὰς τὰς περὶ τῶν φθορέων. ### book 302.5.1 κουριδίαις δὲ γυναιξὶν ἀτερπέα κύπριν ἐγείρειν ### book 302.5.2 τίς κεν ὑποτλαίη, πρὸς χρέος ἑλκόμενος; ### book 302.5.3 μοίχια λέκτρα κάκιστα καὶ ἔκτοθέν εἰσιν ἐρώτων, ### book 302.5.4 ὧν μέτα παιδομανὴς κείσθω ἀλιτροσύνη. ### book 302.5.5 χήρη δ’ ἡ μὲν ἄκοσμος ἔχει πάνδημον ἐραστὴν ### book 302.10.1 καὶ πάντα φρονέει δήνεα μαχλοσύνης. ### book 302.10.2 ἡ δὲ σαοφρονέουσα μόλις φιλότητι μιγεῖσα ### book 302.10.3 δέχνυται ἀστόργου κέντρα παλιμβολίης ### book 302.10.4 καὶ στυγέει τὸ τελεσθέν· ἔχουσα δὲ λείψανον αἰδοῦς ### book 302.10.5 ἂψ ἐπὶ λυσιγάμους χάζεται ἀγγελίας. ### book 302.15.1 εἰ δὲ μιγῇς ἰδίῃ θεραπαινίδι, τλῆθι καὶ αὐτὸς ### book 302.15.2 δοῦλος ἐναλλάγδην δμωίδι γινόμενος. ### book 302.15.3 εἰ δὲ καὶ ὀθνείῃ, τότε σοι νόμος αἶσχος ἀνάψει, ### book 302.15.4 ὕβριν ἀνιχνεύων δώματος ἀλλοτρίου. ### book 302.15.5 πάντ’ ἄρα Διογένης ἔφυγεν τάδε, τὸν δ’ ὑμέναιον ### book 302.20 ἤειδεν παλάμῃ Λαΐδος οὐ χατέων. ### book 303.1.1 Κλαγγῆς πέμπεται ἦχος ἐς οὔατα, καὶ θόρυβος δὲ ### book 303.1.2 ἄσπετος ἐν τριόδοις· οὐδ’ ἀλέγεις, Παφίη; ### book 303.1.3 ἐνθάδε γὰρ σέο κοῦρον ὁδοιπορέοντα κατέσχον, ### book 303.1.4 ὅσσοι ἐνὶ κραδίῃ πυρσὸν ἔχουσι πόθου. ### book 304.1.1 Ὄμφαξ οὐκ ἐπένευσας· ὅτ’ ἦς σταφυλή, παρεπέμψω· ### book 304.1.2 μὴ φθονέσῃς δοῦναι κἂν βραχὺ τῆς σταφίδος. ### book 305.1.1 Κούρη τίς μ’ ἐφίλησεν ὑφέσπερα χείλεσιν ὑγροῖς. ### book 305.1.2 νέκταρ ἔην τὸ φίλημα, τὸ γὰρ στόμα νέκταρος ἔπνει· ### book 305.1.3 καὶ μεθύω τὸ φίλημα, πολὺν τὸν ἔρωτα πεπωκώς. ### book 306.1.1 Δακρύεις, ἐλεεινὰ λαλεῖς, περίεργα θεωρεῖς, ### book 306.1.2 ζηλοτυπεῖς, ἅπτῃ πολλάκι, πυκνὰ φιλεῖς. ### book 306.1.3 ταῦτα μέν ἐστιν ἐρῶντος· ὅταν δ’ εἴπω· „Παράκειμαι. ### book 306.1.4 καὶ σὺ μένεις;“ ἁπλῶς οὐδὲν ἐρῶντος ἔχεις. ### book 307.1.1 Χεῦμα μὲν Εὐρώταο Λακωνικόν, ἁ δ’ ἀκάλυπτος ### book 307.1.2 Λήδα χὠ κύκνῳ κρυπτόμενος Κρονίδας. ### book 307.1.3 οἱ δέ με τὸν δυσέρωτα καταίθετε. καὶ τί γένωμαι; ### book 307 ὄρνεον. εἰ γὰρ Ζεὺς κύκνος, ἐγὼ κόρυδος. ### book 308.1.1 Ἡ κομψή, μεῖνόν με. τί σοι καλὸν οὔνομα; ποῦ σε ### book 308.1.2 ἔστιν ἰδεῖν; ὃ θέλεις, δώσομεν. οὐδὲ λαλεῖς; ### book 308.1.3 ποῦ γίνῃ; πέμψω μετὰ σοῦ τινα. μή τις ἔχει σε; ### book 308.1.4 ὦ σοβαρή, ὑγίαιν’. οὐδ’ „Ὑγίαινε“ λέγεις; ### book 308.5.1 καὶ πάλι καὶ πάλι σοι προσελεύσομαι· οἶδα μαλάσσειν ### book 308.5.2 καὶ σοῦ σκληροτέρας. νῦν δ’ ὑγίαινε, γύναι. ### book 309.1.1 Ψιλιστὴς ὁ Ἔρως καλοῖτ’ ἂν ὄντως· ### book 309.1.2 ἀγρυπνεῖ, θρασύς ἐστιν, ἐκδιδύσκει. ### book 310 Εἷς λίθος ἀστράπτει τελετὴν πολύμορφον Ἰάκχου ### book 310 καὶ πτηνῶν τρυγόωντα χορὸν καθύπερθεν Ἐρώτων. ### book 1.1.1 Ἡ σοβαρὸν γελάσασα καθ’ Ἑλλάδος, ἡ τὸν ἐραστῶν ### book 1.1.2 ἑσμὸν ἐνὶ προθύροις Λαῒς ἔχουσα νέων, ### book 1.1.3 τῇ Παφίῃ τὸ κάτοπτρον, ἐπεὶ τοίη μὲν ὁρᾶσθαι ### book 1.1.4 οὐκ ἐθέλω, οἵη δ’ ἦν πάρος, οὐ δύναμαι. ### book 2.1.1 Τόξα τάδε πτολέμοιο πεπαυμένα δακρυόεντος ### book 2.1.2 νηῷ Ἀθηναίης κεῖται ὑπωρόφια, ### book 2.1.3 πολλάκι δὴ στονόεντα κατὰ κλόνον ἐν δαῒ φωτῶν ### book 2.1.4 Περσῶν ἱππομάχων αἵματι λουσάμενα. ### book 3.1.1 Ἡράκλεες, Τρηχῖνα πολύλλιθον ὅς τε καὶ Οἴτην ### book 3.1.2 καὶ βαθὺν εὐδένδρου πρῶνα πατεῖς Φολόης, ### book 3.1.3 τοῦτό σοι ἀγροτέρης Διονύσιος αὐτὸς ἐλαίης ### book 3 χλωρὸν ἀπὸ δρεπάνῳ θῆκε ταμὼν ῥόπαλον. ### book 4.1.1 Εὐκαπὲς ἄγκιστρον καὶ δούρατα δουλιχόεντα ### book 4.1.2 χὠρμειὴν καὶ τὰς ἰχθυδόκους σπυρίδας ### book 4.1.3 καὶ τοῦτον νηκτοῖσιν ἐπ’ ἰχθύσι τεχνασθέντα ### book 4.1.4 κύρτον, ἁλιπλάγκτων εὕρεμα δικτυβόλων, ### book 4.5.1 τρηχύν τε τριόδοντα, Ποσειδαώνιον ἔγχος, ### book 4.5.2 καὶ τοὺς ἐξ ἀκάτων διχθαδίους ἐρέτας ### book 4.5.3 ὁ γριπεὺς Διόφαντος ἀνάκτορι θήκατο τέχνας, ### book 4.5.4 ὡς θέμις, ἀρχαίας λείψανα τεχνοσύνας. ### book 5.1.1 Δούνακας ἀκροδέτους καὶ τὴν ἁλινηχέα κώπην ### book 5.1.2 γυρῶν τ’ ἀγκίστρων λαιμοδακεῖς ἀκίδας ### book 5.1.3 καὶ λίνον ἀκρομόλιβδον ἀπαγγελτῆρά τε κύρτου ### book 5.1.4 φελλὸν καὶ δισσὰς σχοινοτενεῖς σπυρίδας ### book 5.5.1 καὶ τὸν ἐγερσιφαῆ, πυρὸς ἔγκυον, ἔμφλογα πέτρον ### book 5.5.2 ἄγκυράν τε, νεῶν πλαζομένων παγίδα, ### book 5.5.3 Πείσων ὁ γριπεὺς Ἑρμῇ πόρεν, ἔντρομον ἤδη ### book 5.5.4 δεξιτερὴν πολλοῖς αἰσθόμενος καμάτοις. ### book 6 Ἀμφιτρύων μ’ ἀνέθηκε νέων ἀπὸ Τηλεβοάων. ### book 7 Σκαῖος πυγμαχέων με ἑκηβόλῳ Ἀπόλλωνι ### book 7 νικήσας ἀνέθηκε τεῒν περικαλλὲς ἄγαλμα. ### book 8.1 Λαοδάμας τρίποδ’ αὐτὸν ἐυσκόπῳ Ἀπόλλωνι ### book 8.2 μουναρχέων ἀνέθηκε τεῒν περικαλλὲς ἄγαλμα. ### book 9.1.1 Σοὶ μὲν καμπύλα τόξα καὶ ἰοχέαιρα φαρέτρα, ### book 9.1.2 δῶρα παρὰ Προμάχου, Φοῖβε, τάδε κρέμαται· ### book 9.1.3 ἰοὺς δὲ πτερόεντας ἀνὰ κλόνον ἄνδρες ἔχουσιν ### book 9.1.4 ἐν κραδίαις ὀλοὰ ξείνια δυσμενέων. ### book 10.1.1 Τριτογενές, Σώτειρα, Διὸς φυγοδέμνιε κούρα, ### book 10.1.2 Παλλάς, ἀπειροτόκου δεσπότι παρθενίης, ### book 10.1.3 βωμόν τοι κεραοῦχον ἐδείματο τόνδε Σέλευκος, ### book 10.1.4 Φοιβείαν ἰαχὰν φθεγγομένου στόματος. ### book 11.1.1 Θηρευτὴς δολιχὸν τόδε δίκτυον ἄνθετο Δᾶμις, ### book 11.1.2 Πίγρης δ’ ὀρνίθων λεπτόμιτον νεφέλην, ### book 11.1.3 τριγλοφόρους δὲ χιτῶνας ὁ νυκτερέτης θέτο Κλείτωρ ### book 11.1.4 τῷ Πανὶ τρισσῶν ἐργασίην καμάτων· ### book 11.5 ἵλαος εὐσεβέεσσιν ἀδελφειοῖς ἐπίνευσον ### book 11 πτηνὰ καὶ ἀγροτέρων κέρδεα καὶ νεπόδων. ### book 12.1.1 Γνωτῶν τρισσατίων ἐκ τρισσατίης λίνα θήρης ### book 12.1.2 δέχνυσο, Πάν· Πίγρης σοὶ γὰρ ἀπὸ πτερύγων ### book 12.1.3 ταῦτα φέρει, θηρῶν Δᾶμις, Κλείτωρ δὲ θαλάσσης· ### book 12.1.4 καί σφι δὸς εὐαγρεῖν ἠέρα, γαῖαν, ὕδωρ. ### book 13.1.1 Οἱ τρισσοί τοι ταῦτα τὰ δίκτυα θῆκαν ὅμαιμοι, ### book 13.1.2 ἀγρότα Πάν, ἄλλης ἄλλος ἀπ’ ἀγρεσίης· ### book 13.1.3 ὧν ἀπὸ μὲν πτανῶν Πίγρης τάδε, ταῦτα δὲ Δᾶμις ### book 13.1.4 τετραπόδων, Κλείτωρ δ’ ὁ τρίτος εἰναλίων. ### book 13.5.1 ἀνθ’ ὧν τῷ μὲν πέμπε δι’ ἠέρος εὔστοχον ἄγρην, ### book 13.5.2 τῷ δὲ διὰ δρυμῶν, τῷ δὲ δι’ ἠιόνων. ### book 14.1.1 Πανὶ τάδ’ αὔθαιμοι τρισσοὶ θέσαν ἄρμενα τέχνας· ### book 14.1.2 Δᾶμις μὲν θηρῶν ἄρκυν ὀρειονόμων, ### book 14.1.3 Κλείτωρ δὲ πλωτῶν τάδε δίκτυα, τὰν δὲ πετηνῶν ### book 14.1.4 ἄρρηκτον Πίγρης τάνδε δεραιοπέδαν. ### book 14.5.1 τὸν μὲν γὰρ ξυλόχων, τὸν δ’ ἠέρος, ὃν δ’ ἀπὸ λίμνας ### book 14.5.2 οὔ ποτε σὺν κενεοῖς οἶκος ἔδεκτο λίνοις. ### book 15.1.1 Εἰναλίων Κλείτωρ τάδε δίκτυα, τετραπόδων δὲ ### book 15.1.2 Δᾶμις καὶ Πίγρης θῆκεν ὑπηερίων ### book 15.1.3 Πανί, κασιγνήτων ἱερὴ τριάς· ἀλλὰ σὺ θήρην ### book 15 ἠέρι κἠν πόντῳ κἠν χθονὶ τοῖσδε νέμε. ### book 16.1.1 Σοὶ τάδε, Πὰν σκοπιῆτα, παναίολα δῶρα σύναιμοι ### book 16.1.2 τρίζυγες ἐκ τρισσῆς θέντο λινοστασίης· ### book 16.1.3 δίκτυα μὲν Δᾶμις θηρῶν, Πίγρης δὲ πετηνῶν ### book 16.1.4 λαιμοπέδας, Κλείτωρ δ’ εἰναλίφοιτα λίνα· ### book 16.5.1 ὧν τὸν μὲν καὶ ἐσαῦθις ἐν ἠέρι, τὸν δ’ ἔτι θείης ### book 16.5.2 εὔστοχον ἐν πόντῳ, τὸν δὲ κατὰ δρυόχους. ### book 17.1.1 Αἱ τρισσαί τοι ταῦτα τὰ παίγνια θῆκαν ἑταῖραι, ### book 17.1.2 Κύπρι μάκαιρ’, ἄλλης ἄλλη ἀπ’ ἐργασίης· ### book 17.1.3 ὧν ἀπὸ μὲν πυγῆς Εὐφρὼ τάδε, ταῦτα δὲ Κλειὼ ### book 17.1.4 ὡς θέμις, ἡ τριτάτη δ’ Ἀτθὶς ἀπ’ οὐρανίων. ### book 17.5.1 ἀνθ’ ὧν τῇ μὲν πέμπε τὰ παιδικά, δεσπότι, κέρδη, ### book 17.5.2 τῇ δὲ τὰ θηλείης, τῇ δὲ τὰ μηδετέρης. ### book 18.1.1 Λαῒς ἀμαλδυνθεῖσα χρόνῳ περικαλλέα μορφὴν ### book 18.1.2 γηραλέων στυγέει μαρτυρίην ῥυτίδων· ### book 18.1.3 ἔνθεν πικρὸν ἔλεγχον ἀπεχθήρασα κατόπτρου ### book 18.1.4 ἄνθετο δεσποίνῃ τῆς πάρος ἀγλαΐης. ### book 18.5 „Ἀλλὰ σύ μοι, Κυθέρεια, δέχου νεότητος ἑταῖρον ### book 18 δίσκον, ἐπεὶ μορφὴ σὴ χρόνον οὐ τρομέει.“ ### book 19.1.1 Κάλλος μέν, Κυθέρεια, χαρίζεαι, ἀλλὰ μαραίνει ### book 19.1.2 ὁ χρόνος ἑρπύζων σήν, βασίλεια, χάριν· ### book 19.1.3 δώρου δ’ ὑμετέροιο παραπταμένου με, Κυθήρη, ### book 19.1.4 δέχνυσο καὶ δώρου, πότνια, μαρτυρίην. ### book 20.1.1 Ἑλλάδα νικήσασαν ὑπέρβιον ἀσπίδα Μήδων ### book 20.1.2 Λαῒς θῆκεν ἑῷ κάλλεϊ ληιδίην· ### book 20.1.3 μούνῳ ἐνικήθη δ’ ὑπὸ γήραϊ, καὶ τὸν ἔλεγχον ### book 20.1.4 ἄνθετό σοι, Παφίη, τὸν νεότητι φίλον· ### book 20.5.1 ἧς γὰρ ἰδεῖν στυγέει πολιῆς παναληθέα μορφήν, ### book 20.5.2 τῆσδε συνεχθαίρει καὶ σκιόεντα τύπον. ### book 21.1 Σκάπτειραν κήποιο φιλυδρήλοιο δίκελλαν ### book 21.2 καὶ δρεπάνην καυλῶν ἄσκυλον ἐκτομίδα ### book 21.3 τήν τ’ ἐπινωτίδιον βροχετῶν ῥακόεσσαν ἀρωγὸν ### book 21.4 καὶ τὰς ἀρρήκτους ἐμβάδας ὠμοβοεῖς ### book 21.5.1 τόν τε δι’ εὐτρήτοιο πέδου δύνοντα κατ’ ἰθὺ ### book 21.5.2 ἀρτιφυοῦς κράμβης πάσσαλον ἐμβολέα ### book 21.5.3 καὶ σκάφος ἐξ ὀχετῶν πρασιὴν διψεῦσαν ἐγείρειν ### book 21.5.4 αὐχμηροῖο θέρευς οὔ ποτε παυσάμενον, ### book 21.5.5 σοὶ τῷ κηπουρῷ Ποτάμων ἀνέθηκε, Πρίηπε, ### book 21.10 κτησάμενος ταύτης ὄλβον ἀπ’ ἐργασίης. ### book 22.1.1 Ἀρτιχανῆ ῥοιάν τε καὶ ἀρτίχνουν τόδε μῆλον ### book 22.1.2 καὶ ῥυτιδόφλοιον σῦκον ἐπομφάλιον ### book 22.1.3 πορφύρεόν τε βότρυν μεθυπίδακα, πυκνόρρωγα, ### book 22.1.4 καὶ κάρυον χλωρῆς ἀντίδορον λεπίδος ### book 22.5.1 ἀγροιώτῃ τῷδε μονοστόρθυγγι Πριήπῳ ### book 22.5.2 θῆκεν ὁ καρποφύλαξ, δενδριακὴν θυσίην. ### book 23.1 Ἑρμείη, σήραγγος ἁλικτύπου ὃς τόδε ναίεις ### book 23.2 εὐστιβὲς αἰθυίαις ἰχθυβόλοισι λέπας, ### book 23.3 δέξο σαγηναίοιο λίνου τετριμμένον ἅλμῃ ### book 23.4 λείψανον, αὐχμηρόν, ξανθὲν ἐπ’ ἠιόνων, ### book 23.5.1 γρίπους τε πλωτῶν τε πάγην, περιδινέα κύρτον, ### book 23.5.2 καὶ φελλὸν κρυφίων σῆμα λαχόντα βόλων ### book 23.5.3 καὶ βαθὺν ἱππείης πεπεδημένον ἅμματι χαίτης, ### book 23.5.4 οὐκ ἄτερ ἀγκίστρων, λιμνοφυῆ δόνακα. ### book 24.1 Δαίμονι τῇ Συρίῃ τὸ μάτην τριβὲν Ἡλιόδωρος ### book 24.2 δίκτυον ἐν νηοῦ τοῦδ’ ἔθετο προπύλοις. ### book 24.3 ἁγνὸν ἀπ’ ἰχθυβόλου θήρας τόδε, πολλὰ δ’ ἐν αὐτῷ ### book 24 φυκί’ ἀπ’ εὐόρμων εἵλκυσεν αἰγιαλῶν. ### book 25.1.1 Κεκμηὼς χρονίῃς πεπονηκότα δίκτυα θήρῃς ### book 25.1.2 ἄνθετο ταῖς Νύμφαις ταῦτα γέρων Κινύρης· ### book 25.1.3 οὐ γὰρ ἔτι τρομερῇ παλάμῃ περιηγέα κόλπον ### book 25.1.4 εἶχεν ἀκοντίζειν οἰγομένοιο λίνου. ### book 25.5.1 εἰ δ’ ὀλίγου δώρου τελέθει δόσις, οὐ τόδε, Νύμφαι, ### book 25.5.2 μέμψις, ἐπεὶ Κινύρου ταῦθ’ ὅλος ἔσκε βίος. ### book 26.1.1 Ταῖς Νύμφαις Κινύρης τόδε δίκτυον· οὐ γὰρ ἀείρει ### book 26.1.2 γῆρας ἀκοντιστὴν μόχθον ἑκηβολίης. ### book 26.1.3 ἰχθύες, ἀλλὰ νέμοισθε γεγηθότες, ὅττι θαλάσσῃ ### book 26.1.4 δῶκεν ἔχειν Κινύρου γῆρας ἐλευθερίην. ### book 27.1.1 Ἰχθυβόλον πολυωπὲς ἀπ’ εὐθήρου λίνον ἄγρης ### book 27.1.2 τῶν τ’ ἀγκιστροδέτων συζυγίην δονάκων ### book 27.1.3 καὶ πιστὸν βυθίων παγίδων σημάντορα φελλὸν ### book 27.1.4 καὶ λίθον ἀντιτύπῳ κρούσματι πυρσοτόκον ### book 27.5.1 ἄγκυράν τ’ ἐπὶ τοῖς ἐχενηίδα, δεσμὸν ἀέλλης, ### book 27.5.2 στρεπτῶν τ’ ἀγκίστρων ἰχθυπαγῆ στόματα, ### book 27.5.3 δαίμοσιν ἀγροδότῃσι θαλασσοπόρος πόρε Βαίτων ### book 27.5.4 γήραϊ νουσοφόρῳ βριθομένης παλάμης. ### book 28.1.1 Καμπτομένους δόνακας κώπην θ’ ἅμα, νηὸς ἱμάσθλην, ### book 28.1.2 γυρῶν τ’ ἀγκίστρων καμπυλόεσσαν ἴτυν ### book 28.1.3 εὐκόλπου τε λίνοιο περίπλεα κύκλα μολίβδῳ ### book 28 καὶ φελλοὺς κύρτων μάρτυρας εἰναλίων ### book 28.5.1 ζεῦγός τ’ εὐπλεκέων σπυρίδων καὶ μητέρα πυρσῶν ### book 28.5.2 τήνδε λίθον νηῶν θ’ ἕδρανον ἀσταθέων ### book 28.5.3 ἄγκυραν, γριπεύς, Ἐριούνιε, σοὶ τάδε Βαίτων ### book 28.5.4 δῶρα φέρει, τρομεροῦ γήραος ἀντιάσας. ### book 29.1.1 Ἑρμείῃ Βαίτων ἁλινηχέος ὄργανα τέχνης ### book 29.1.2 ἄνθετο δειμαίνων γήραος ἀδρανίην· ### book 29.1.3 ἄγκυραν γυρόν τε λίθον σπυρίδας θ’ ἅμα φελλῷ, ### book 29.1.4 ἄγκιστρον, κώπην καὶ λίνα καὶ δόνακας. ### book 30.1.1 Δίκτυον ἀκρομόλυβδον Ἀμύντιχος ἀμφὶ τριαίνῃ ### book 30.1.2 δῆσε γέρων, ἁλίων παυσάμενος καμάτων, ### book 30.1.3 ἐς δὲ Ποσειδάωνα καὶ ἁλμυρὸν οἶδμα θαλάσσης ### book 30.1.4 εἶπεν ἀποσπένδων δάκρυον ἐκ βλεφάρων· ### book 30.5.1 „Οἶσθα, μάκαρ, κέκμηκα· κακοῦ δ’ ἐπὶ γήραος ἡμῖν ### book 30.5.2 ἄλλυτος ἡβάσκει γυιοτακὴς πενίη. ### book 30.5.3 θρέψον ἔτι σπαῖρον τὸ γερόντιον, ἀλλ’ ἀπὸ γαίης, ### book 30.5.4 ὡς ἐθέλεις, μεδέων καὶ χθονὶ καὶ πελάγει.“ ### book 31.1.1 Αἰγιβάτῃ τόδε Πανὶ καὶ εὐκάρπῳ Διονύσῳ ### book 31.1.2 καὶ Δηοῖ Χθονίῃ ξυνὸν ἔθηκα γέρας· ### book 31.1.3 αἰτέομαι δ’ αὐτοὺς καλὰ πώεα καὶ καλὸν οἶνον ### book 31 καὶ καλὸν ἀμῆσαι καρπὸν ἀπ’ ἀσταχύων. ### book 32.1.1 Δικραίρῳ δικέρωτα, δασυκνάμῳ δασυχαίταν, ### book 32.1.2 ἴξαλον εὐσκάρθμῳ, λόχμιον ὑλοβάτᾳ, ### book 32.1.3 Πανὶ φιλοσκοπέλῳ λάσιον παρὰ πρῶνα Χαρικλῆς ### book 32.1.4 κνακὸν ὑπηνήταν τόνδ’ ἀνέθηκε τράγον. ### book 33.1.1 Αἰγιαλῖτα Πρίηπε, σαγηνευτῆρες ἔθηκαν ### book 33.1.2 δῶρα παρακταίης σοὶ τάδ’ ἐπωφελίης, ### book 33.1.3 θύννων εὐκλώστοιο λίνου βυσσώμασι ῥόμβον ### book 33.1.4 φράξαντες γλαυκαῖς ἐν παρόδοις πελάγευς· ### book 33.5.1 φηγίνεον κρητῆρα καὶ αὐτούργητον ἐρείκης ### book 33.5.2 βάθρον ἰδ’ ὑαλέην οἰνοδόκον κύλικα, ### book 33.5.3 ὡς ἂν ὑπ’ ὀρχησμῶν λελυγισμένον ἔγκοπον ἴχνος ### book 33.5.4 ἀμπαύσῃς ξηρὴν δίψαν ἐλαυνόμενος. ### book 34.1.1 Τὸ ῥόπαλον τῷ Πανὶ καὶ ἰοβόλον Πολύαινος ### book 34.1.2 τόξον καὶ κάπρου τούσδε καθᾶψε πόδας ### book 34.1.3 καὶ ταύταν γωρυτὸν ἐπαυχένιόν τε κυνακτὰν ### book 34.1.4 θῆκεν ὀρειάρχᾳ δῶρα συαγρεσίης. ### book 34.5 ἀλλ’, ὦ Πὰν σκοπιῆτα, καὶ εἰς ὀπίσω Πολύαινον ### book 34 εὔαγρον πέμποις, υἱέα Σημύλεω. ### book 35.1.1 Τοῦτο χιμαιροβάτᾳ Τελέσων αἰγώνυχι Πανὶ ### book 35.1.2 τὸ σκύλος ἀγρείης τεῖνε κατὰ πλατάνου ### book 35.1.3 καὶ τὰν ῥαιβόκρανον ἐυστόρθυγγα κορύναν, ### book 35.1.4 ἃ πάρος αἱμωποὺς ἐστυφέλιξε λύκους, ### book 35.5.1 γαυλούς τε γλαγοπῆγας ἀγωγαῖόν τε κυνάγχαν ### book 35.5.2 καὶ τῶν εὐρίνων λαιμοπέδαν σκυλάκων. ### book 36.1.1 Δράγματά σοι χώρου μικραύλακος, ὦ φιλόπυρε ### book 36.1.2 Δηοῖ, Σωσικλέης θῆκεν ἀρουροπόνος, ### book 36.1.3 εὔσταχυν ἀμήσας τὸν νῦν σπόρον· ἀλλὰ καὶ αὖτις ### book 36.1.4 ἐκ καλαμητομίης ἀμβλὺ φέροι δρέπανον. ### book 37.1.1 Γήραϊ δὴ καὶ τόνδε κεκυφότα φήγινον ὄζον ### book 37.1.2 οὔρεσιν ἀγρῶσται βουκόλοι ἐξέταμον· ### book 37.1.3 Πανὶ δέ μιν ξέσσαντες ὁδῷ ἔπι καλὸν ἄθυρμα ### book 37.1.4 κάτθεσαν, ὡραίων ῥύτορι βουκολίων. ### book 38.1.1 Δίκτυά σοι μολίβῳ στεφανούμενα δυσιθάλασσα ### book 38.1.2 καὶ κώπην ἅλμης τὴν μεθύουσαν ἔτι ### book 38.1.3 κητοφόνον τε τρίαιναν, ἐν ὕδασι καρτερὸν ἔγχος, ### book 38 καὶ τὸν ἀεὶ φελλοῖς κύρτον ἐλεγχόμενον ### book 38.5.1 ἄγκυράν τε, νεῶν στιβαρὴν χέρα, καὶ φιλοναύτην ### book 38.5.2 σπέρμα πυρὸς σῴζειν πέτρον ἐπιστάμενον, ### book 38.5.3 ἀρχιθάλασσε Πόσειδον, Ἀμύντιχος ὕστατα δῶρα ### book 38.5.4 θήκατ’, ἐπεὶ μογερῆς παύσαθ’ ἁλιπλανίης. ### book 39.1.1 Αἱ τρισσαί, Σατύρη τε καὶ Ἡράκλεια καὶ Εὐφρώ, ### book 39.1.2 θυγατέρες Ξούθου καὶ Μελίτης, Σάμιαι· ### book 39.1.3 ἁ μὲν ἀραχναίοιο μίτου πολυδινέα λάτριν, ### book 39.1.4 ἄτρακτον, δολιχᾶς οὐκ ἄτερ ἀλακάτας, ### book 39.5.1 ἁ δὲ πολυσπαθέων μελεδήμονα κερκίδα πέπλων ### book 39.5.2 εὔθροον, ἁ τριτάτα δ’ εἰροχαρῆ τάλαρον, ### book 39.5.3 οἷς ἔσχον χερνῆτα βίον δηναιόν, Ἀθάνα ### book 39.5.4 πότνια, ταῦθ’ αἱ σαὶ σοὶ θέσαν ἐργάτιδες. ### book 40.1.1 Τὼ βόε μοι· σῖτον δὲ τετεύχατον, ἵλαθι, Δηοῖ, ### book 40.1.2 δέχνυσο δ’ ἐκ μάζης, οὐκ ἀπὸ βουκολίων· ### book 40.1.3 δὸς δὲ βόε ζώειν ἐτύμω καὶ πλῆσον ἀρούρας ### book 40.1.4 δράγματος, ὀλβίστην ἀντιδιδοῦσα χάριν. ### book 40.5.1 σῷ γὰρ ἀρουροπόνῳ Φιλαλήθεϊ τέτρατος ἤδη ### book 40.5.2 ὀκτάδος ἑνδεκάτης ἐστὶ φίλος λυκάβας, ### book 40.5.3 οὐδέποτ’ ἀμήσαντι Κορινθικόν, οὔ ποτε πικρᾶς ### book 40 τῆς ἀφιλοσταχύου γευσαμένῳ πενίης. ### book 41.1.1 Χαλκὸν ἀροτρητὴν κλασιβώλακα νειοτομῆα ### book 41.1.2 καὶ τὴν ταυροδέτιν βύρσαν ἐπαυχενίην ### book 41.1.3 καὶ βούπληκτρον ἄκαιναν ἐχετλήεντά τε γόμφον ### book 41.1.4 Δηοῖ Καλλιμένης ἄνθετο γειοπόνος, ### book 41.5.1 τμήξας εὐαρότου ῥάχιν ὀργάδος· εἰ δ’ ἐπινεύσεις ### book 41.5.2 τὸν στάχυν ἀμῆσαι, καὶ δρεπάνην κομίσω. ### book 42.1.1 Ἀλκιμένης ὁ πενιχρὸς ἐπὶ σμικρῷ τινι κήπῳ ### book 42.1.2 τοῦ φιλοκαρποφόρου γευσάμενος θέρεος ### book 42.1.3 ἰσχάδα καὶ μῆλον καὶ ὕδωρ γέρα Πανὶ κομίζων ### book 42.1.4 εἶπε· „Σύ μοι βιότου τῶν ἀγαθῶν ταμίας, ### book 42.5.1 ὧν τὰ μὲν ἐκ κήποιο, τὰ δ’ ὑμετέρης ἀπὸ πέτρης ### book 42.5.2 δέξο, καὶ ἀντιδιδοὺς δὸς πλέον, ὧν ἔλαβες.“ ### book 43.1.1 Τὸν Νυμφῶν θεράποντα, φιλόμβριον, ὑγρὸν ἀοιδόν, ### book 43.1.2 τὸν λιβάσιν κούφαις τερπόμενον βάτραχον ### book 43.1.3 χαλκῷ μορφώσας τις ὁδοιπόρος εὖχος ἔθηκε, ### book 43.1.4 καύματος ἐχθροτάτην δίψαν ἀκεσσάμενος. ### book 43.5.1 πλαζομένῳ γὰρ ἔδειξεν ὕδωρ, εὔκαιρον ἀείσας ### book 43.5.2 κοιλάδος ἐκ δροσερῆς ἀμφιβίῳ στόματι· ### book 43.5.3 φωνὴν δ’ ἡγήτειραν ὁδοιπόρος οὐκ ἀπολείπων ### book 43 εὗρε πόσιν γλυκερῶν, ὧν ἐπόθει, λιβάδων. ### book 44.1.1 Γλευκοπόταις Σατύροισι καὶ ἀμπελοφύτορι Βάκχῳ ### book 44.1.2 Ἡρῶναξ πρώτης δράγματα φυταλιῆς ### book 44.1.3 τρισσῶν οἰνοπέδων τρισσοὺς ἱερώσατο τούσδε ### book 44.1.4 ἐμπλήσας οἴνου πρωτοχύτοιο κάδους· ### book 44.5.1 ὧν ἡμεῖς σπείσαντες, ὅσον θέμις, οἴνοπι Βάκχῳ ### book 44.5.2 καὶ Σατύροις, Σατύρων πλείονα πιόμεθα. ### book 45.1 Ὀξέσι λαχνήεντα δέμας κέντροισιν ἐχῖνον, ### book 45.2 ῥαγολόγον γλυκερῶν σίντορα θειλοπέδων, ### book 45.3 σφαιρηδὸν σταφυλῇσιν ἐπιτροχάοντα δοκεύσας ### book 45.4 Κώμαυλος Βρομίῳ ζωὸν ἀνεκρέμασεν. ### book 46.1.1 Τὰν πρὶν Ἐνυαλίοιο καὶ Εἰράνας ὑποφᾶτιν, ### book 46.1.2 μέλπουσαν κλαγγὰν βάρβαρον ἐκ στομάτων, ### book 46.1.3 χαλκοπαγῆ σάλπιγγα γέρας Φερένικος Ἀθάνᾳ, ### book 46.1.4 λήξας καὶ πολέμου καὶ θυμέλας, ἔθετο. ### book 47.1.1 Κερκίδα τὴν φιλαοιδὸν Ἀθηναίῃ θέτο Βιττὼ ### book 47.1.2 ἄνθεμα, λιμηρῆς ἄρμενον ἐργασίης, ### book 47.1.3 εἶπε δέ· „Χαῖρε, θεά, καὶ τήνδ’ ἔχε· χήρη ἐγὼ γὰρ ### book 47.1.4 τέσσαρας εἰς ἐτέων ἐρχομένη δεκάδας ### book 47.5 ἀρνεῦμαι τὰ σὰ δῶρα, τὰ δ’ ἔμπαλι Κύπριδος ἔργων ### book 47 ἅπτομαι· ὥρης γὰρ κρεῖσσον ὁρῶ τὸ θέλειν.“ ### book 48.1.1 Κερκίδα τὴν φιλοεργὸν Ἀθηναίῃ θέτο Βιττὼ ### book 48.1.2 ἄνθεμα, λιμηρῆς ἄρμενον ἐργασίης, ### book 48.1.3 πάντας ἀποστύξασα γυνὴ τότε τοὺς ἐν ἐρίθοις ### book 48.1.4 μόχθους καὶ στυγερὰς φροντίδας ἱστοπόνων. ### book 48.5.1 εἶπε δ’ Ἀθηναίῃ· „Τῶν Κύπριδος ἅψομαι ἔργων, ### book 48.5.2 τὴν Πάριδος κατὰ σοῦ ψῆφον ἐνεγκαμένη.“ ### book 49.1 Χάλκεός εἰμι τρίπους, Πυθοῖ δ’ ἀνάκειμαι ἄγαλμα, ### book 49.2 καί μ’ ἐπὶ Πατρόκλῳ θῆκεν πόδας ὠκὺς Ἀχιλλεύς, ### book 49.3 Τυδείδης δ’ ἀνέθηκε βοὴν ἀγαθὸς Διομήδης, ### book 49.4 νικήσας ἵπποισιν ἐπὶ πλατὺν Ἑλλήσποντον. ### book 50.1.1 Τόνδε ποθ’ Ἕλληνες ῥώμῃ χερὸς ἔργῳ Ἄρηος, ### book 50.1.2 εὐτόλμῳ ψυχῆς λήματι πειθόμενοι, ### book 50.1.3 Πέρσας ἐξελάσαντες, ἐλεύθερον Ἑλλάδι κόσμον ### book 50.1.4 ἱδρύσαντο Διὸς βωμὸν Ἐλευθερίου. ### book 51.1 Μῆτερ ἐμή, Γαίη, Φρυγίων θρέπτειρα λεόντων, ### book 51.2 Δίνδυμον ἧς μύσταις οὐκ ἀπάτητον ὄρος, ### book 51.3 σοὶ τάδε θῆλυς Ἄλεξις ἑῆς οἰστρήματα λύσσης ### book 51 ἄνθετο, χαλκοτύπου παυσάμενος μανίης, ### book 51.5.1 κύμβαλά τ’ ὀξύφθογγα βαρυφθόγγων τ’ ἀλαλητὸν ### book 51.5.2 αὐλῶν, οὓς μόσχου λοξὸν ἔκαμψε κέρας, ### book 51.5.3 τύμπανά τ’ ἠχήεντα καὶ αἵματι φοινιχθέντα ### book 51.5.4 φάσγανα καὶ ξανθάς, τὰς πρὶν ἔσεισε, κόμας. ### book 51.5.5 ἵλαος, ὦ δέσποινα, τὸν ἐν νεότητι μανέντα, ### book 51.10 γηραλέον προτέρης παῦσον ἀγρειοσύνης. ### book 52.1.1 Οὕτω τοι, μελία ταναά, ποτὶ κίονα μακρὸν ### book 52.1.2 ἧσο, Πανομφαίῳ Ζηνὶ μένους’ ἱερά· ### book 52.1.3 ἤδη γὰρ χαλκός τε γέρων αὐτά τε τέτρυσαι ### book 52.1.4 πυκνὰ κραδαινομένα δαΐῳ ἐν πολέμῳ. ### book 53.1.1 Εὔδημος τὸν νηὸν ἐπ’ ἀγροῦ τόνδ’ ἀνέθηκε ### book 53.1.2 τῷ πάντων ἀνέμων πιοτάτῳ Ζεφύρῳ· ### book 53.1.3 εὐξαμένῳ γάρ οἱ ἦλθε βοαθόος, ὄφρα τάχιστα ### book 53.1.4 λικμήσῃ πεπόνων καρπὸν ἀπ’ ἀσταχύων. ### book 54.1.1 Τὸν χαλκοῦν τέττιγα Λυκωρέι Λοκρὸς ἀνάπτει ### book 54.1.2 Εὔνομος ἀθλοσύνας μνᾶμα φιλοστεφάνου. ### book 54.1.3 ἦν γὰρ ἀγὼν φόρμιγγος· ὁ δ’ ἀντίος ἵστατο Πάρθης. ### book 54 ἀλλ’ ὅκα δὴ πλάκτρῳ Λοκρὶς ἔκρεξε χέλυς, ### book 54.5.1 βραγχὸν τετριγυῖα λύρας ἀπεκόμπασε χορδά. ### book 54.5.2 πρὶν δὲ μέλος σκάζειν εὔποδος ἁρμονίας, ### book 54.5.3 ἁβρὸν ἐπιτρύζων κιθάρας ὕπερ ἕζετο τέττιξ ### book 54.5.4 καὶ τὸν ἀποιχομένου φθόγγον ὑπῆλθε μίτου· ### book 54.5.5 τὰν δὲ πάρος λαλαγεῦσαν ἐν ἄλσεσιν ἀγρότιν ἀχὼ ### book 54.10.1 πρὸς νόμον ἁμετέρας τρέψε λυροκτυπίας. ### book 54.10.2 τῷ σε, μάκαρ Λητῷε, τεῷ τέττιγι γεραίρει, ### book 54.10.3 χάλκεον ἱδρύσας ᾠδὸν ὑπὲρ κιθάρας. ### book 55.1.1 Πειθοῖ καὶ Παφίᾳ πακτὰν καὶ κηρία σίμβλων ### book 55.1.2 τᾶς καλυκοστεφάνου νυμφίος Εὐρυνόμας ### book 55.1.3 Ἑρμοφίλας ἀνέθηκεν ὁ βωκόλος· ἀλλὰ δέχεσθε ### book 55.1.4 ἀντ’ αὐτᾶς πακτάν, ἀντ’ ἐμέθεν τὸ μέλι. ### book 56.1.1 Κισσοκόμαν Βρομίῳ Σάτυρον σεσαλαγμένον οἴνῳ ### book 56.1.2 ἀμπελοεργὸς ἀνὴρ ἄνθετο Ληναγόρας. ### book 56.1.3 τῷ δὲ καρηβαρέοντι δορήν, τρίχα, κισσόν, ὀπώρην, ### book 56.1.4 πάντα λέγεις μεθύειν, πάντα συνεκλέλυται· ### book 56.5 καὶ φύσιν ἀφθόγγοισι τύποις μιμήσατο τέχνη, ### book 56 ὕλης ἀντιλέγειν μηδὲν ἀνασχομένης. ### book 57.1.1 Σοὶ τόδε πενταίχμοισι ποδῶν ὡπλισμένον ἀκμαῖς ### book 57.1.2 ἀκροχανὲς φοινῷ κρατὶ συνεξερύσας ### book 57.1.3 ἄνθετο δέρμα λέοντος ὑπὲρ πίτυν, αἰγιπόδη Πάν, ### book 57.1.4 Τεῦκρος Ἄραψ καὐτὰν ἀγρότιν αἰγανέαν. ### book 57.5.1 αἰχμῇ δ’ ἡμιβρῶτι τύποι μίμνουσιν ὀδόντων, ### book 57.5.2 ᾇ ἔπι βρυχητὰν θὴρ ἐκένωσε χόλον. ### book 57.5.3 Ὑδριάδες Νύμφαι δὲ σὺν ὑλονόμοισι χορείαν ### book 57.5.4 στᾶσαν, ἐπεὶ καὐτὰς πολλάκις ἐξεφόβει. ### book 58.1.1 Λέκτρα μάτην μίμνοντα καὶ ἀπρήκτου σκέπας εὐνῆς ### book 58.1.2 ἄνθετο σοί, Μήνη, σὸς φίλος Ἐνδυμίων, ### book 58.1.3 αἰδόμενος· πολιὴ γὰρ ὅλου κρατέουσα καρήνου ### book 58.1.4 οὐ σῴζει προτέρης ἴχνιον ἀγλαΐης. ### book 59.1.1 Τῇ Παφίῃ στεφάνους, τῇ Παλλάδι τὴν πλοκαμῖδα, ### book 59.1.2 Ἀρτέμιδι ζώνην ἄνθετο Καλλιρόη· ### book 59.1.3 εὕρετο γὰρ μνηστῆρα, τὸν ἤθελε, καὶ λάχεν ἥβην ### book 59.1.4 σώφρονα καὶ τεκέων ἄρσεν ἔτικτε γένος. ### book 60.1.1 Ἀντὶ βοὸς χρυσέου τ’ ἀναθήματος Ἴσιδι τούσδε ### book 60.1.2 θήκατο τοὺς λιπαροὺς Παμφίλιον πλοκάμους. ### book 60.1.3 ἡ δὲ θεὸς τούτοις γάνυται πλέον ἤπερ Ἀπόλλων ### book 60 χρυσῷ, ὃν ἐκ Λυδῶν Κροῖσος ἔπεμπε θεῷ. ### book 61.1.1 Ὦ ξυρὸν οὐράνιον, ξυρὸν ὄλβιον, ᾧ πλοκαμῖδας ### book 61.1.2 κειραμένη πλεκτὰς ἄνθετο Παμφίλιον, ### book 61.1.3 οὔ σέ τις ἀνθρώπων χαλκεύσατο, πὰρ δὲ καμίνῳ ### book 61.1.4 Ἡφαίστου χρυσέην σφῦραν ἀειραμένη ### book 61.5.1 ἡ λιπαροκρήδεμνος, ἵν’ εἴπωμεν καθ’ Ὅμηρον, ### book 61.5.2 χερσί σε ταῖς ἰδίαις ἐξεπόνησε Χάρις. ### book 62.1.1 Κυκλοτερῆ μόλιβον, σελίδων σημάντορα πλευρῆς, ### book 62.1.2 καὶ σμίλαν, δονάκων ἀκροβελῶν γλυφίδα, ### book 62.1.3 καὶ κανόν’ ἰθυβάτην καὶ τὴν παρὰ θῖνα κίσηριν, ### book 62.1.4 αὐχμηρὸν πόντου τρηματόεντα λίθον, ### book 62.5.1 Καλλιμένης Μούσαις ἀποπαυσάμενος καμάτοιο ### book 62.5.2 θῆκεν, ἐπεὶ γήρᾳ κανθὸς ἐπεσκέπετο. ### book 63.1.1 Γραμμοτόκῳ πλήθοντα μελάσματι κυκλομόλυβδον ### book 63.1.2 καὶ κανόνα, γραφίδων ἰθύτατον φύλακα, ### book 63.1.3 καὶ γραφικοῖο δοχεῖα κελαινοτάτοιο ῥεέθρου ### book 63.1.4 ἄκρα τε μεσσοτόμους εὐγλυφέας καλάμους ### book 63.5.1 τρηχαλέην τε λίθον, δονάκων εὐθηγέα κόσμον, ### book 63.5.2 ἔνθα περιτριβέων ὀξὺ χάραγμα πέλει, ### book 63.5.3 καὶ γλύφανον καλάμου, πλατέος γλωχῖνα σιδήρου, ### book 63.5.4 ὅπλα σοὶ ἐμπορίης ἄνθετο τῆς ἰδίης ### book 63.5.5 κεκμηὼς Μενέδημος ὑπ’ ἀχλύος ὄμμα παλαιόν, ### book 63.10 Ἑρμεία· σὺ δ’ ἀεὶ φέρβε σὸν ἐργατίνην. ### book 64.1.1 Γυρὸν κυανέης μόλιβον σημάντορα γραμμῆς ### book 64.1.2 καὶ σκληρῶν ἀκόνην τρηχαλέην καλάμων ### book 64.1.3 καὶ πλατὺν ὀξυντῆρα μεσοσχιδέων δονακήων ### book 64.1.4 καὶ κανόνα γραμμῆς ἰθυπόρου ταμίην ### book 64.5.1 καὶ χρόνιον γλυπτοῖσι μέλαν πεφυλαγμένον ἄντροις ### book 64.5.2 καὶ γλυφίδας καλάμων ἄκρα μελαινομένων ### book 64.5.3 Ἑρμείῃ Φιλόδημος, ἐπεὶ χρόνῳ ἐκκρεμὲς ἤδη ### book 64.5.4 ἦλθε κατ’ ὀφθαλμῶν ῥυσὸν ἐπισκύνιον. ### book 65.1.1 Τὸν τροχόεντα μόλυβδον, ὃς ἀτραπὸν οἶδε χαράσσειν ### book 65.1.2 ὀρθὰ παραξύων ἰθυτενῆ κανόνα, ### book 65.1.3 καὶ χάλυβα σκληρὸν καλαμηφάγον, ἀλλὰ καὶ αὐτὸν ### book 65.1.4 ἡγεμόνα γραμμῆς ἀπλανέος κανόνα ### book 65.5.1 καὶ λίθον ὀκριόεντα, δόναξ ὅθι δισσὸν ὀδόντα ### book 65.5.2 θήγεται ἀμβλυνθεὶς ἐκ δολιχογραφίης, ### book 65.5.3 καὶ βυθίην Τρίτωνος ἁλιπλάγκτοιο χαμεύνην, ### book 65.5.4 σπόγγον, ἀκεστορίην πλαζομένης γραφίδος, ### book 65.5.5 καὶ κίστην πολύωπα μελανδόκον, εἰν ἑνὶ πάντα ### book 65.10.1 εὐγραφέος τέχνης ὄργανα ῥυομένην, ### book 65.10.2 Ἑρμῇ Καλλιμένης, τρομερὴν ὑπὸ γήραος ὄκνῳ ### book 65.10.3 χεῖρα καθαρμόζων ἐκ δολιχῶν καμάτων. ### book 66.1.1 Ἄβροχον ἀπλανέος μόλιβον γραπτῆρα κελεύθου, ### book 66.1.2 ἧς ἔπι ῥιζοῦται γράμματος ἁρμονίη, ### book 66.1.3 καὶ κανόνα, τροχαλοῖο κυβερνητῆρα μολύβδου, ### book 66 καὶ λίθακα τρητήν, σπόγγῳ ἐειδομένην, ### book 66.5.1 καὶ μέλανος σταθεροῖο δοχήιον, ἀλλὰ καὶ αὐτῶν ### book 66.5.2 εὐγραφέων καλάμων ἀκροβαφεῖς ἀκίδας, ### book 66.5.3 σπόγγον, ἁλὸς βλάστημα, χυτῆς λειμῶνα θαλάσσης, ### book 66.5.4 καὶ χαλκὸν δονάκων τέκτονα λεπταλέων ### book 66.5.5 ἐνθάδε Καλλιμένης φιλομειδέσιν ἄνθετο Μούσαις, ### book 66.10 γήραϊ κεκμηὼς ὄμματα καὶ παλάμην. ### book 67.1.1 Ἀκλινέας γραφίδεσσιν ἀπιθύνοντα πορείας ### book 67.1.2 τόνδε μόλυβδον ἄγων καὶ μολίβου κανόνα ### book 67.1.3 σύνδρομον ἡνιοχῆα πολυτρήτου τ’ ἀπὸ πέτρης ### book 67.1.4 λᾶαν, ὃς ἀμβλεῖαν θῆγε γένυν καλάμου, ### book 67.5.1 σὺν δ’ αὐτοῖς καλάμοισι μέλαν, μυστήρια φωνῆς ### book 67.5.2 ἀνδρομέης, σμίλης τ’ ὀξυτόμον κοπίδα ### book 67.5.3 Ἑρμείῃ Φιλόδημος, ἐπεὶ χρόνος ὄμματος αὐγὴν ### book 67.5.4 ἀμβλύνας παλάμῃ δῶκεν ἐλευθερίην. ### book 68.1.1 Αὔλακας ἰθυπόρων γραφίδων κύκλοισι χαράσσων ### book 68.1.2 ἄνθεμά σοι τροχόεις οὗτος ἐμὸς μόλιβος ### book 68.1.3 καὶ μολίβῳ χρωστῆρι κανὼν τύπον ὀρθὸν ὀπάζων ### book 68.1.4 καὶ λίθος εὐσχιδέων θηγαλέη καλάμων ### book 68.5.1 σὺν καλάμοις ἄγγος τε μελανδόκον, οἷσι φυλάσσει ### book 68.5.2 αἰὼν ἐσσομένοις γῆρυν ἀποιχομένων· ### book 68.5.3 δέχνυσο καὶ γλυπτῆρα σιδήρεον, ᾧ θρασὺς Ἄρης ### book 68.5.4 σὺν Μούσαις ἰδίην δῶκε διακτορίην, ### book 68.5.5 Ἑρμείη· σὰ γὰρ ὅπλα· σὺ δ’ ἀδρανέος Φιλοδήμου ### book 68.10 ἴθυνε ζωὴν λειπομένοιο βίου. ### book 69.1.1 Νῆα Ποσειδάωνι πολύπλανος ἄνθετο Κράντας ### book 69.1.2 ἔμπεδον ἐς νηοῦ πέζαν ἐρεισάμενος, ### book 69.1.3 αὔρης οὐκ ἀλέγουσαν ἐπὶ χθονός, ἧς ἔπι Κράντας ### book 69.1.4 εὐρὺς ἀνακλινθεὶς ἄτρομον ὕπνον ἔχει. ### book 70.1.1 Νῆά σοι, ὦ πόντου βασιλεῦ καὶ κοίρανε γαίης, ### book 70.1.2 ἀντίθεμαι Κράντας, μηκέτι τεγγομένην, ### book 70.1.3 νῆα, πολυπλανέων ἀνέμων πτερόν, ἧς ἔπι δειλὸς ### book 70.1.4 πολλάκις ὠισάμην εἰσελάαν Ἀίδῃ· ### book 70.5.1 πάντα δ’ ἀπειπάμενος, φόβον, ἐλπίδα, πόντον, ἀέλλας, ### book 70.5.2 πιστὸν ὑπὲρ γαίης ἴχνιον ἡδρασάμην. ### book 71.1.1 Σοὶ τὰ λιποστεφάνων διατίλματα μυρία φύλλων, ### book 71.1.2 σοὶ τὰ νοοπλήκτου κλαστὰ κύπελλα μέθης, ### book 71.1.3 βόστρυχα σοὶ τὰ μύροισι δεδευμένα, τῇδε κονίῃ ### book 71.1.4 σκῦλα ποθοβλήτου κεῖται Ἀναξαγόρα, ### book 71.5.1 σοὶ τάδε, Λαΐς, ἅπαντα· παρὰ προθύροις γὰρ ὁ δειλὸς ### book 71.5.2 τοῖσδε, σὺν ἀκρήβαις πολλάκι παννυχίσας, ### book 71.5.3 οὐκ ἔπος, οὐ χαρίεσσαν ὑπόσχεσιν, οὐδὲ μελιχρῆς ### book 71.5.4 ἐλπίδος ὑβριστὴν μῦθον ἐπεσπάσατο, ### book 71.5.5 φεῦ φεῦ, γυιοτακὴς δὲ λιπὼν τάδε σύμβολα κώμων ### book 71.10 μέμφεται ἀστρέπτου κάλλεϊ θηλυτέρης. ### book 72.1.1 Εἶδον ἐγὼ τὸν πτῶκα καθήμενον ἐγγὺς ὀπώρης ### book 72.1.2 βακχιάδος, πουλὺν βότρυν ἀμεργόμενον. ### book 72.1.3 ἀγρονόμῳ δ’ ἀγόρευσα, καὶ ἔδρακεν· ἀπροϊδὴς δὲ ### book 72.1.4 ἐγκέφαλον πλήξας ἐξεκύλισε λίθῳ. ### book 72.5.1 εἶπε δὲ καγχαλόων ὁ γεωπόνος· „Ἆ τάχα Βάκχῳ ### book 72.5.2 λοιβῆς καὶ θυέων μικτὸν ἔδωκα γέρας.“ ### book 73.1.1 Δάφνις ὁ συρικτὰς τρομερῷ περὶ γήραϊ κάμνων, ### book 73.1.2 χειρὸς ἀεργηλᾶς τάνδε βαρυνομένας ### book 73.1.3 Πανὶ φιλαγραύλῳ νομίαν ἀνέθηκε κορύναν, ### book 73.1.4 γήραϊ ποιμενίων παυσάμενος καμάτων. ### book 73.5.1 εἰσέτι γὰρ σύριγγι μελίσδομαι, εἰσέτι φωνὰ ### book 73.5.2 ἄτρομος ἐν τρομερῷ σώματι ναιετάει, ### book 73.5.3 ἀλλὰ λύκοις σίντῃσιν ἀν’ οὔρεα μή τις ἐμεῖο ### book 73.5.4 αἰπόλος ἀγγείλῃ γήραος ἀδρανίην. ### book 74.1.1 Βασσαρὶς Εὐρυνόμη σκοπελοδρόμος, ἥ ποτε ταύρων ### book 74.1.2 πολλὰ τανυκραίρων στέρνα χαραξαμένη, ### book 74.1.3 ἡ μέγα καγχάζουσα λεοντοφόνοις ἐπὶ νίκαις, ### book 74.1.4 παίγνιον ἀτλήτου θηρὸς ἔχουσα κάρη, ### book 74.5.1 ἱλήκοις, Διόνυσε, τεῆς ἀμέλησα χορείης, ### book 74.5.2 Κύπριδι βακχεύειν μᾶλλον ἐπειγομένη. ### book 74.5.3 θῆκα δέ σοι τάδε ῥόπτρα, παραρρίψασα δὲ κισσὸν ### book 74 χεῖρα περισφίγξω χρυσοδέτῳ σπατάλῃ. ### book 75.1.1 Ἄνδροκλος, ὤπολλον, τόδε σοὶ κέρας, ᾧ ἐπὶ πουλὺν ### book 75.1.2 θῆρα βαλὼν ἄγρας εὔσκοπον εἶχε τύχην. ### book 75.1.3 οὔποτε γὰρ πλαγκτὸς γυρᾶς ἐξᾶλτο κεραίας ### book 75.1.4 ἰὸς ἐπ’ ἠλεμάτῳ χειρὸς ἑκηβολίᾳ. ### book 75.5.1 ὁσσάκι γὰρ τόξοιο παναγρέτις ἴαχε νευρά, ### book 75.5.2 τοσσάκις ἦν ἀγρεὺς ἠέρος ἢ ξυλόχου. ### book 75.5.3 ἀνθ’ ὧν σοὶ τόδε, Φοῖβε, τὸ Λύκτιον ὅπλον ἀγινεῖ ### book 75.5.4 χρυσείαις πλέξας μείλιον ἀμφιδέαις. ### book 76.1.1 Σὸς πόσις Ἀγχίσης, τοῦ εἵνεκα πολλάκι, Κύπρι, ### book 76.1.2 τὸ πρὶν ἐς Ἰδαίην ἔτρεχες ἠιόνα, ### book 76.1.3 νῦν μόλις εὗρε μέλαιναν ἀπὸ κροτάφων τρίχα κόψαι, ### book 76.1.4 θῆκε δὲ σοὶ προτέρης λείψανον ἡλικίης. ### book 76.5.1 ἀλλά, θεά, δύνασαι γάρ, ἢ ἡβητῆρά με τεῦξον ### book 76.5.2 ἢ καὶ τὴν πολιὴν ὡς νεότητα δέχου. ### book 77.1.1 Οἰνοπότας Ξενοφῶν κενεὸν πίθον ἄνθετο, Βάκχε· ### book 77.1.2 δέχνυσο δ’ εὐμενέως· ἄλλο γὰρ οὐδὲν ἔχει. ### book 78.1.1 Τὼς τρητὼς δόνακας, τὸ νάκος, τὰν σεῖο κορύναν ### book 78.1.2 ἄνθεσο Πανὶ φίλῳ, Δάφνι γυναικοφίλα. ### book 78.1.3 ὦ Πάν, δέχνυσο δῶρα τὰ Δάφνιδος· ἶσα γὰρ αὐτῷ ### book 78 καὶ μολπὰν φιλέεις καὶ δύσερως τελέθεις. ### book 79.1.1 Ἄσπορα, Πὰν λοφιῆτα, τάδε Στρατόνικος ἀροτρεὺς ### book 79.1.2 ἀντ’ εὐεργεσίης ἄνθετό σοι τεμένη. ### book 79.1.3 „Βόσκε“, δ’ ἔφη, „χαίρων τὰ σὰ ποίμνια καὶ σέο χώρην ### book 79.1.4 δέρκεο τὴν χαλκῷ μηκέτι τεμνομένην. ### book 79.5.1 αἴσιον εὑρήσεις τόδ’ ἐπαύλιον· ἐνθάδε γάρ σοι ### book 79.5.2 Ἠχὼ τερπομένη καὶ γάμον ἐκτελέσει.“ ### book 80.1.1 Δαφνιακῶν βίβλων Ἀγαθηιὰς ἐννεάς εἰμι· ### book 80.1.2 ἀλλά μ’ ὁ τεκτήνας ἄνθετο σοί, Παφίη. ### book 80.1.3 οὐ γὰρ Πιερίδεσσι τόσον μέλω ὅσσον Ἔρωτι, ### book 80.1.4 ὄργια τοσσατίων ἀμφιέπουσα πόθων. ### book 80.5.1 αἰτεῖ δ’ ἀντὶ πόνων, ἵνα οἱ διὰ σεῖο παρείη ### book 80.5.2 ἤ τινα μὴ φιλέειν ἢ ταχὺ πειθομένην. ### book 81.1.1 Ἀσπίδα ταυρείην, ἔρυμα χροός, ἀντιβίων τε ### book 81.1.2 πολλάκις ἐγχείην γευσαμένην χολάδων ### book 81.1.3 καὶ τὸν ἀλεξιβέλεμνον ἀπὸ στέρνοιο χιτῶνα ### book 81.1.4 καὶ κόρυν ἱππείαις θριξὶ δασυνομένην ### book 81.5.1 ἄνθετο Λυσίμαχος γέρας Ἄρεϊ, γηραλέον νῦν ### book 81.5.2 ἀντὶ πανοπλίης βάκτρον ἀμειψάμενος. ### book 82.1 Αὐλοὺς Πανὶ Μελίσκος· ὁ δ’ ἔννεπε μὴ γέρας αἴρειν ### book 82 τούτοις· „Ἐκ καλάμων οἶστρον ἐπεσπασάμην.“ ### book 83.1.1 Τὴν κιθάρην Εὔμολπος ἐπὶ τριπόδων ποτὲ Φοίβῳ ### book 83.1.2 ἄνθετο, γηραλέην χεῖρ’ ἐπιμεμφόμενος, ### book 83.1.3 εἶπε δέ· „Μὴ ψαύσαιμι λύρης ἔτι μηδ’ ἐθελήσω ### book 83.1.4 τῆς πάρος ἁρμονίης ἐμμελέτημα φέρειν. ### book 83.5.1 ἠιθέοις μελέτω κιθάρης μίτος· ἀντὶ δὲ πλήκτρου ### book 83.5.2 σκηπανίῳ τρομερὰς χεῖρας ἐρεισάμεθα.“ ### book 84.1.1 Ζηνὶ τόδ’ ὀμφάλιον σάκεος τρύφος, ᾧ ἔπι λαιὰν ### book 84.1.2 ἔσχεν ἀριστεύων, ἄνθετο Νικαγόρας· ### book 84.1.3 πᾶν δὲ τὸ λοιπὸν ἄκοντες ἰσάριθμός τε χαλάζῃ ### book 84.1.4 χερμὰς καὶ ξιφέων ἐξεκόλαψε γένυς. ### book 84.5.1 ἀλλὰ καὶ ἀμφίδρυπτον ἐὸν τόδε χειρὶ μεναίχμᾳ ### book 84.5.2 σῴζετο Νικαγόρα, σῷζε δὲ Νικαγόραν. ### book 84.5.3 θεσμὸν τὸν Σπάρτας μενεφύλοπιν ἀμφὶ βοείᾳ ### book 84.5.4 τῇδέ τις ἀθρήσει πάντα φυλασσόμενον. ### book 85.1.1 Τὸν θῶ καὶ τὰς κνῆ τάν τ’ ἀσπίδα καὶ δόρυ καὶ κρᾶ ### book 85.1.2 Γορδιοπριλάριος ἄνθετο Τιμοθέῳ. ### book 86.1 Κνημῖδας, θώρηκα, σάκος, κόρυν, ἔγχος Ἀθήνῃ ### book 86 Ῥοῦφος Μεμμιάδης Γέλλιος ἐκρέμασεν. ### book 87.1 Ἄνθετό σοι κορύνην καὶ νεβρίδας ὑμέτερος Πάν, ### book 87.2 Εὔιε, καλλείψας σὸν χορὸν ἐκ Παφίης. ### book 87.3 Ἠχὼ γὰρ φιλέει καὶ πλάζεται· ἀλλὰ σύ, Βάκχε, ### book 87.4 ἵλαθι τῷ ξυνὴν ἀμφιέποντι τύχην. ### book 88.1.1 Αὐτή σοι Κυθέρεια τὸν ἱμερόεντ’ ἀπὸ μαστῶν, ### book 88.1.2 Ἰνώ, λυσαμένη κεστὸν ἔδωκεν ἔχειν, ### book 88.1.3 ὡς ἂν θελξινόοισιν ἀεὶ φίλτροισι δαμάζῃς ### book 88.1.4 ἀνέρας· ἐχρήσω δ’ εἰς ἐμὲ πᾶσι μόνον. ### book 89.1.1 Ἀκταίης νησῖδος ἁλιξάντοισι, Πρίηπε, ### book 89.1.2 χοιράσι καὶ τρηχεῖ τερπόμενε σκοπέλῳ ### book 89.1.3 σοὶ Πάρις ὀστρακόδερμον ὑπ’ εὐθήροισι δαμέντα ### book 89.1.4 ὁ γριπεὺς καλάμοις κάραβον ἐκρέμασεν, ### book 89.5.1 σάρκα μὲν ἔμπυρον αὐτὸς ὑφ’ ἡμίβρωτον ὀδόντα ### book 89.5.2 θείς, μάκαρ, αὐτὸ δὲ σοὶ τοῦτο πόρε σκύβαλον. ### book 89.5.3 τῷ σὺ δίδου μὴ πολλά, δι’ εὐάγρου δὲ λίνοιο, ### book 89.5.4 δαῖμον, ὑλακτούσης νηδύος ἡσυχίην. ### book 90.1.1 Ἄγκυραν ἐμβρύοικον, ἐρυσινηίδα, ### book 90.1.2 κώπας τε δισσὰς τὰς ἀπωσικυμάτους ### book 90.1.3 καὶ δικτύοις μόλυβδον ἡψιδωμένον ### book 90 κύρτοις τε φελλοὺς τοὺς ἐπεσφραγισμένους ### book 90.5.1 καὶ πῖλον ἀμφίκρηνον ὕδασι στέγην ### book 90.5.2 λίθον τε ναύταις ἑσπέρης πυρσητόκον, ### book 90.5.3 ἁλὸς τύραννε, σοί, Πόσειδον, Ἀρχικλῆς ### book 90.5.4 ἔθηκε λήξας τῆς ἀπ’ ἠιόνων ἄλης. ### book 91.1.1 Ἀσπίδα μὲν Πρόμαχος, τὰ δὲ δούρατα θῆκεν Ἀκοντεύς, ### book 91.1.2 τὸ ξίφος Εὐμήδης, τόξα δὲ ταῦτα Κύδων, ### book 91.1.3 Ἱππομέδων τὰ χαλινά, κόρυν δ’ ἀνέθηκε Μελάντας, ### book 91.1.4 κνημῖδας Νίκων, κοντὸν Ἀριστόμαχος, ### book 91.5.1 τὸν θώρηκα Φιλῖνος· ἀεὶ δ’, Ἆρες βροτολοιγέ, ### book 91.5.2 σκῦλα φέρειν δῴης πᾶσιν ἀπ’ ἀντιπάλων. ### book 92.1.1 Αὐλὸν καμινευτῆρα τὸν φιλήνεμον ### book 92.1.2 ῥίνην τε κνησίχρυσον ὠκυδήκτορα ### book 92.1.3 καὶ τὸν δίχηλον καρκίνον πυραγρέτην ### book 92.1.4 πτωκὸς πόδας τε τούσδε λειψανηλόγους ### book 92.5.1 ὁ χρυσοτέκτων Δημοφῶν Κυλληνίῳ ### book 92.5.2 ἔθηκε, γήρᾳ κανθὸν ἐζοφωμένος. ### book 93.1.1 Ἁρπαλίων ὁ πρέσβυς, ὁ πᾶς ῥυτίς, οὑπιλινευτής, ### book 93.1.2 τόνδε παρ’ Ἡρακλεῖ θῆκέ με τὸν σιβύνην, ### book 93.1.3 ἐκ πολλοῦ πλειῶνος ἐπεὶ βάρος οὐκέτι χεῖρες ### book 93 ἔσθενον, ἐς κεφαλὴν δ’ ἤλυθε λευκοτέρην. ### book 94.1.1 Ἀραξίχειρα ταῦτά σοι τὰ τύμπανα ### book 94.1.2 καὶ κύμβαλ’ ὀξύδουπα κοιλοχείλεα ### book 94.1.3 διδύμους τε λωτοὺς κεροβόας, ἐφ’ οἷς ποτε ### book 94.1.4 ἐπωλόλυξεν αὐχένα στροβιλίσας, ### book 94.5.1 λυσιφλεβῆ τε σάγαριν ἀμφιθηγέα, ### book 94.5.2 λεοντόδιφρε, σοί, Ῥέη, Κλυτοσθένης ### book 94.5.3 ἔθηκε, λυσσητῆρα γηράσας πόδα. ### book 95.1.1 Βουστρόφον, ἀκροσίδαρον, ἀπειλητῆρα μύωπα ### book 95.1.2 καὶ πήραν μέτρου σιτοδόκον σπορίμου ### book 95.1.3 γαμψόν τε δρέπανον, σταχυητόμον ὅπλον ἀρούρης, ### book 95.1.4 καὶ παλιουροφόρον, χεῖρα θέρευς, τρίνακα ### book 95.5.1 καὶ τρητοὺς ποδεῶνας ὁ γατόμος ἄνθετο Δηοῖ ### book 95.5.2 Πάρμις, ἀνιηρῶν παυσάμενος καμάτων. ### book 96.1.1 Γλαύκων καὶ Κορύδων, οἱ ἐν οὔρεσι βουκολέοντες, ### book 96.1.2 Ἀρκάδες ἀμφότεροι, τὸν κεραὸν δαμάλην ### book 96.1.3 Πανὶ φιλωρείτᾳ Κυλληνίῳ αὐερύσαντες ### book 96.1.4 ἔρρεξαν καί οἱ δωδεκάδωρα κέρα ### book 96.5 ἅλῳ μακροτένοντι ποτὶ πλατάνιστον ἔπαξαν ### book 96 εὐρεῖαν, νομίῳ καλὸν ἄγαλμα θεῷ. ### book 97.1.1 Δοῦρας Ἀλεξάνδροιο· λέγει δέ σε γράμματ’ ἐκεῖνον ### book 97.1.2 ἐκ πολέμου θέσθαι σύμβολον Ἀρτέμιδι ### book 97.1.3 ὅπλον ἀνικήτοιο βραχίονος. ἆ καλὸν ἔγχος, ### book 97.1.4 ᾧ πόντος καὶ χθὼν εἶκε κραδαινομένῳ. ### book 97.5.1 ἵλαθι, δοῦρας ἀταρβές, ἀεὶ δέ σε πᾶς τις ἀθρήσας ### book 97.5.2 ταρβήσει, μεγάλης μνησάμενος παλάμης. ### book 98.1.1 Δηοῖ λικμαίῃ καὶ ἐναυλακοφοίτισιν Ὥραις ### book 98.1.2 Ἡρῶναξ πενιχρῆς ἐξ ὀλιγηροσίης ### book 98.1.3 μοῖραν ἀλωείταις στάχυας πάνσπερμά τε ταῦτα ### book 98.1.4 ὄσπρι’ ἐπὶ πλακίνου τοῦδ’ ἔθετο τρίποδος· ### book 98.5.1 ἐκ μικρῶν ὀλίγιστα· πέπατο γὰρ οὐ μέγα τοῦτο ### book 98.5.2 κληρίον ἐν λυπρῇ τῇδε γεωλοφίῃ. ### book 99.1.1 Κόψας ἐκ φηγοῦ σε τὸν αὐτόφλοιον ἔθηκε ### book 99.1.2 Πᾶνα Φιλοξενίδης, ὁ κλυτὸς αἰγελάτης, ### book 99.1.3 θύσας αἰγιβάτην πολιὸν τράγον ἔν τε γάλακτι ### book 99.1.4 πρωτογόνῳ βωμοὺς τοὺς ἱεροὺς μεθύσας. ### book 99.5 ἀνθ’ ὧν ἐν σηκοῖς διδυμητόκοι αἶγες ἔσονται ### book 99 γαστέρα φεύγουσαι τρηχὺν ὀδόντα λύκου. ### book 100.1.1 Λαμπάδα, τὴν κούροις ἱερὴν ἔριν, ὠκὺς ἐνέγκας, ### book 100.1.2 οἷα Προμηθείης μνῆμα πυρικλοπίης, ### book 100.1.3 νίκης κλεινὸν ἄεθλον ἔτ’ ἐκ χερὸς ἔμπυρον Ἑρμῇ ### book 100.1.4 θῆκ’ ἐν ὁμωνυμίῃ παῖς πατρὸς Ἀντιφάνης. ### book 101.1.1 Ξίφη τὰ πολλῶν κνωδάλων λαιμητόμα ### book 101.1.2 πυριτρόφους τε ῥιπίδας φυσηνέμους ### book 101.1.3 ἠθμόν τε πουλύτρητον ἠδὲ τετράπουν ### book 101.1.4 πυρὸς γέφυραν, ἐσχάρην κρεηδόκον, ### book 101.5.1 ζωμήρυσίν τε τὴν λίπους ἀφρηλόγον ### book 101.5.2 ὁμοῦ κρεάγρῃ τῇ σιδηροδακτύλῳ, ### book 101.5.3 βραδυσκελὴς Ἥφαιστε, σοὶ Τιμασίων ### book 101.5.4 ἔθηκεν, ἀκμῆς γυῖον ὠρφανωμένος. ### book 102.1.1 Ῥοιὴν ξανθοχίτωνα γεραιόφλοιά τε σῦκα ### book 102.1.2 καὶ ῥοδέας σταφυλῆς ὠμὸν ἀποσπάδιον ### book 102.1.3 μῆλόν θ’ ἡδύπνουν λεπτῇ πεποκωμένον ἄχνῃ ### book 102.1.4 καὶ κάρυον χλωρῶν ἐκφανὲς ἐκ λεπίδων ### book 102.5.1 καὶ σίκυον χλοάοντα, τὸν ἐν φύλλοις πεδοκοίτην, ### book 102.5.2 καὶ πέρκην ἤδη χρυσοχίτων’ ἐλάην ### book 102.5.3 σοί, φιλοδῖτα Πρίηπε, φυτοσκάφος ἄνθετο Λάμων, ### book 102 δένδρεσι καὶ γυίοις εὐξάμενος θαλέθειν. ### book 103.1.1 Στάθμην ἰθυτενῆ μολιβαχθέα δουριτυπῆ τε ### book 103.1.2 σφῦραν καὶ γυρὰς ἀμφιδέτους ἀρίδας ### book 103.1.3 καὶ στιβαρὸν πέλεκυν στελεχητόμον ἰθύδρομόν τε ### book 103.1.4 πρίονα, μιλτείῳ στάγματι πειθόμενον, ### book 103.5.1 τρύπανα θ’ ἑλκεσίχειρα τέρετρά τε μιλτοφυρῆ τε ### book 103.5.2 σχοῖνον, ὑπ’ ἀκρονύχῳ ψαλλομένην κανόνι, ### book 103.5.3 σοί, κούρη γλαυκῶπι, Λεόντιχος ὤπασε δῶρον, ### book 103.5.4 ἄνθος ἐπεὶ γυίων πᾶν ἀπέδυσε χρόνος. ### book 104.1.1 Σπερμοφόρον πήρην ὠμαχθέα κὠλεσίβωλον ### book 104.1.2 σφῦραν καὶ γαμψὰς πυρολόγους δρεπάνας ### book 104.1.3 καὶ τριβόλους ὀξεῖς ἀχυρότριβας ἱστοβόην τε ### book 104.1.4 σὺν γυροῖς ἀρότροις καὶ φιλόγαιον ὕνιν ### book 104.5.1 κέντρα τ’ ὀπισθονυγῆ καὶ βουστρόφα δεσμὰ τενόντων ### book 104.5.2 καὶ τρίνακας ξυλίνας, χεῖρας ἀρουροπόνων, ### book 104.5.3 γυῖα γε πηρωθεὶς Λυσίξενος αὔλακι πολλῇ ### book 104.5.4 ἐκρέμασεν Δηοῖ τῇ σταχυοστεφάνῳ. ### book 105.1.1 Τρῖγλαν ἀπ’ ἀνθρακιῆς καὶ φυκίδα σοί, λιμενῖτι ### book 105.1.2 Ἄρτεμι, δωρεῦμαι Μῆνις ὁ δικτυβόλος ### book 105.1.3 καὶ ζωρὸν κεράσας ἰσοχειλέα καὶ τρύφος ἄρτου ### book 105.1.4 αὖον ἐπιθραύσας, τὴν πενιχρὴν θυσίην· ### book 105.5 ἀνθ’ ἧς μοι πλησθέντα δίδου θηράμασιν αἰὲν ### book 105 δίκτυα· σοὶ δέδοται πάντα, μάκαιρα, λίνα. ### book 106.1.1 Τοῦτό τοι, ὑλειῶτα, κατ’ ἀγριάδος πλατάνοιο ### book 106.1.2 δέρμα λυκορραίστης ἐκρέμασεν Τελέσων ### book 106.1.3 καὶ τὰν ἐκ κοτίνοιο καλαύροπα, τάν ποκα τῆνος ### book 106.1.4 πολλάκι ῥομβητὰν ἐκ χερὸς ἠκροβόλει. ### book 106.5.1 ἀλλὰ τύ, Πὰν βουνῖτα, τὰ μὴ πολύολβά τε δέξαι ### book 106.5.2 δῶρα καὶ εὐαγρὲς τῷδε πέτασσον ὄρος. ### book 107.1.1 Ὑλησκόπῳ με Πανὶ θηρευτὴς Γέλων ### book 107.1.2 ἔθηκε λόγχην, ἧς ἀπέθρισε χρόνος ### book 107.1.3 ἀκμὴν ἐν ἔργῳ, καὶ λίνων πολυστρόφων ### book 107.1.4 γεραιὰ τρύχη καὶ πάγας δεραγχέας ### book 107.5.1 νευροπλεκεῖς τε κνωδάλων ἐπισφύρους ### book 107.5.2 ὠκεῖς ποδίστρας καὶ τραχηλοδεσμότας ### book 107.5.3 κλοιοὺς κυνούχους· γυῖα γὰρ δαμεὶς χρόνῳ ### book 107.5.4 ἀπεῖπεν ἤδη τὴν ὀρεινόμον πλάνην. ### book 108.1.1 Ὑψηλῶν ὀρέων ἔφοροι, κεραοὶ χοροπαῖκται, ### book 108.1.2 Πᾶνες, βουχίλου κράντορες Ἀρκαδίης, ### book 108.1.3 εὔαρνον θείητε καὶ εὐχίμαρον Διότιμον ### book 108 δεξάμενοι λαμπρῆς δῶρα θυηπολίης. ### book 109.1.1 Γηραλέον νεφέλας τρῦχος τόδε καὶ τριέλικτον ### book 109.1.2 ἰχνοπέδαν καὶ τὰς νευροτενεῖς παγίδας ### book 109.1.3 κλωβούς τ’ ἀμφιρρῶγας ἀνασπαστούς τε δεράγχας ### book 109.1.4 καὶ πυρὶ θηγαλέους ὀξυπαγεῖς στάλικας ### book 109.5.1 καὶ τὰν εὔκολλον δρυὸς ἰκμάδα τόν τε πετηνῶν ### book 109.5.2 ἀγρευτὰν ἰξῷ μυδαλέον δόνακα ### book 109.5.3 καὶ κρυφίου τρίκλωστον ἐπισπαστῆρα βόλοιο ### book 109.5.4 ἄρκυν τε κλαγερῶν λαιμοπέδαν γεράνων, ### book 109.5.5 σοί, Πὰν ὦ σκοπιῆτα, γέρας θέτο παῖς Νεολᾴδα ### book 109.10 Κραῦβις ὁ θηρευτάς, Ἀρκὰς ἀπ’ Ὀρχομενοῦ. ### book 110.1.1 Τὰν ἔλαφον Κλεόλαος ὑπὸ κναμοῖσι λοχήσας ### book 110.1.2 ἔκτανε Μαιάνδρου πὰρ τριέλικτον ὕδωρ ### book 110.1.3 θηκτῷ σαυρωτῆρι· τὰ δ’ ὀκτάρριζα μετώπων ### book 110.1.4 φράγμαθ’ ὑπὲρ κραναὰν ἇλος ἔπαξε πίτυν. ### book 111.1.1 Τὰν ἔλαφον Λάδωνα καὶ ἀμφ’ Ἐρυμάνθιον ὕδωρ ### book 111.1.2 νῶτά τε θηρονόμου φερβομέναν Φολόας ### book 111.1.3 παῖς ὁ Θεαρίδεω Λασιώνιος εἷλε Λυκόρμας ### book 111.1.4 πλήξας ῥομβωτῷ δούρατος οὐριάχῳ· ### book 111.5 δέρμα δὲ καὶ δικέραιον ἀπὸ στόρθυγγα μετώπων ### book 111 σπασσάμενος κούρᾳ θῆκε παρ’ ἀγρότιδι. ### book 112.1.1 Τρεῖς ἄφατοι κεράεσσιν ὑπ’ αἰθούσαις τοι, Ἄπολλον, ### book 112.1.2 ἄγκεινται κεφαλαὶ Μαιναλίων ἐλάφων, ### book 112.1.3 ἃς ἕλον ἐξ ἵππων † γυγερῷ χέρε Δαΐλοχός τε ### book 112.1.4 καὶ Προμένης, ἀγαθοῦ τέκνα Λεοντιάδου. ### book 113.1.1 Πρόσθε μὲν ἀγραύλοιο δασύτριχος ἰξάλου αἰγὸς ### book 113.1.2 δοιὸν ὅπλον χλωροῖς ἐστεφόμαν πετάλοις· ### book 113.1.3 νῦν δέ με Νικομάχῳ κεραοξόος ἥρμοσε τέκτων, ### book 113.1.4 ἐντανύσας ἕλικος καρτερὰ νεῦρα βοός. ### book 114.1.1 Δέρμα καὶ ὀργυιαῖα κέρα βοὸς ἐκ βασιλῆος ### book 114.1.2 Ἀμφιτρυωνιάδᾳ κείμεθ’ ἀνὰ πρόπυλον ### book 114.1.3 τεσσαρακαιδεκάδωρα, τὸν αὐχήεντα Φιλίππῳ ### book 114.1.4 ἀντόμενον κατὰ γᾶς ἤλασε δεινὸς ἄκων ### book 114.5.1 βούβοτον Ὀρβηλοῖο παρὰ σφυρόν. ἆ πολύολβος ### book 114.5.2 Ἠμαθία· τοίῳ κραίνεται ἁγεμόνι. ### book 115.1.1 Τὸν πάρος Ὀρβηλοῖο μεμυκότα δειράσι ταῦρον, ### book 115.1.2 τὸν πρὶν ἐρημωτὰν θῆρα Μακηδονίας, ### book 115.1.3 Δαρδανέων ὀλετὴρ ὁ κεραύνιος εἷλε Φίλιππος ### book 115 πλήξας αἰγανέᾳ βρέγμα κυναγέτιδι· ### book 115.5.1 καὶ τάδε σοὶ βριαρᾶς, Ἡράκλεες, οὐ δίχα βύρσας ### book 115.5.2 θῆκεν, ἀμαιμακέτου κρατὸς ἔρεισμα, κέρα. ### book 115.5.3 σᾶς τοι ὅδ’ ἐκ ῥίζας ἀναδέδρομεν· οὔ τοι ἀεικὲς ### book 115.5.4 πατρῴου ζαλοῦν ἔργα βοοκτασίας. ### book 116.1.1 Σοὶ γέρας, Ἀλκείδα Μινυαμάχε, τοῦτο Φίλιππος ### book 116.1.2 δέρμα ταναιμύκου λευρὸν ἔθηκε βοὸς ### book 116.1.3 αὐτοῖς σὺν κεράεσσι, τὸν ὕβρεϊ κυδιόωντα ### book 116.1.4 ἔσβεσεν Ὀρβηλοῦ τρηχὺν ὑπὸ πρόποδα. ### book 116.5.1 ὁ φθόνος αὐαίνοιτο, τεὸν δ’ ἔτι κῦδος ἀέξοι ### book 116.5.2 ῥίζα Βεροιαίου κράντορος Ἠμαθίας. ### book 117.1.1 Ἐκ πυρὸς ὁ ῥαιστὴρ καὶ ὁ καρκίνος ἥ τε πυράγρη ### book 117.1.2 ἄγκεινθ’ Ἡφαίστῳ δῶρα Πολυκράτεος, ### book 117.1.3 ᾧ πυκνὸν κροτέων ὑπὲρ ἄκμονος εὕρετο παισὶν ### book 117.1.4 ὄλβον, ὀιζυρὴν ὠσάμενος πενίην. ### book 118.1.1 Ἁ φόρμιγξ τά τε τόξα καὶ ἀγκύλα δίκτυα Φοίβῳ ### book 118.1.2 Σώσιδος ἔκ τε Φίλας ἔκ τε Πολυκράτεος, ### book 118.1.3 χὠ μὲν ὀιστευτὴρ κεραὸν βιόν, ἁ δὲ λυρῳδὸς ### book 118.1.4 τὰν χέλυν, ὡγρευτὴς ὤπασε πλεκτὰ λίνα. ### book 118.5 ἀλλ’ ὁ μὲν ὠκυβόλων ἰῶν κράτος, ἁ δὲ φέροιτο ### book 118 ἄκρα λύρας, ὁ δ’ ἔχοι πρῶτα κυναγεσίας. ### book 119.1.1 Κεῖσαι δὴ χρυσέαν ὑπὸ παστάδα τὰν Ἀφροδίτας, ### book 119.1.2 βότρυ, Διωνύσου πληθόμενος σταγόνι, ### book 119.1.3 οὐδ’ ἔτι τοι μάτηρ ἐρατὸν περὶ κλῆμα βαλοῦσα ### book 119.1.4 φύσει ὑπὲρ κρατὸς νεκτάρεον πέταλον. ### book 120.1.1 Οὐ μόνον ὑψηλοῖς ἐπὶ δένδρεσιν οἶδα καθίζων ### book 120.1.2 ἀείδειν, ζαθερεῖ καύματι θαλπόμενος, ### book 120.1.3 προίκιος ἀνθρώποισι κελευθήτῃσιν ἀοιδός, ### book 120.1.4 θηλείης ἕρσης ἰκμάδα γευόμενος, ### book 120.5.1 ἀλλὰ καὶ εὐπήληκος Ἀθηναίης ἐπὶ δουρὶ ### book 120.5.2 τὸν τέττιγ’ ὄψει μ’, ὦνερ, ἐφεζόμενον. ### book 120.5.3 ὅσσον γὰρ Μούσαις ἐστέργμεθα, τόσσον Ἀθήνη ### book 120.5.4 ἐξ ἡμέων· ἡ γὰρ παρθένος αὐλοθέτει. ### book 121.1.1 Κυνθιάδες, θαρσεῖτε· τὰ γὰρ τοῦ Κρητὸς Ἐχέμμα ### book 121.1.2 κεῖται ἐν Ὀρτυγίῃ τόξα παρ’ Ἀρτέμιδι, ### book 121.1.3 οἷς ὑμέων ἐκένωσεν ὄρος μέγα, νῦν δὲ πέπαυται, ### book 121.1.4 αἶγες, ἐπεὶ σπονδὰς ἡ θεὸς εἰργάσατο. ### book 122.1.1 Μαινὰς Ἐνυαλίου, πολεμαδόκε, θοῦρι κράνεια, ### book 122.1.2 τίς νύ σε θῆκε θεᾷ δῶρον ἐγερσιμάχᾳ; — ### book 122.1.3 „Μήνιος· ἦ γὰρ τοῦ παλάμας ἄπο ῥίμφα θοροῦσα ### book 122 ἐν προμάχοις Ὀδρύσας δήιον ἂμ πεδίον.“ ### book 123.1.1 Ἕσταθι τᾷδε, κράνεια βροτοκτόνε, μηδ’ ἔτι λυγρὸν ### book 123.1.2 χάλκεον ἀμφ’ ὄνυχα στάζε φόνον δαΐων· ### book 123.1.3 ἀλλ’ ἀνὰ μαρμάρεον δόμον ἡμένα αἰπὺν Ἀθάνας, ### book 123.1.4 ἄγγελλ’ ἀνορέαν Κρητὸς Ἐχεκρατίδα. ### book 124.1.1 Ἀσπὶς ἀπὸ βροτέων ὤμων Τιμάνορος ἧμαι ### book 124.1.2 ναῷ ὑπωροφία Παλλάδος ἀλκιμάχας, ### book 124.1.3 πολλὰ σιδαρείου κεκονιμένα ἐκ πολέμοιο, ### book 124.1.4 τόν με φέροντ’ αἰεὶ ῥυομένα θανάτου. ### book 125.1.1 Ἤδη τᾷδε μένω πολέμου δίχα, καλὸν ἄνακτος ### book 125.1.2 στέρνον ἐμῷ νώτῳ πολλάκι ῥυσαμένα. ### book 125.1.3 καίπερ τηλεβόλους ἰοὺς καὶ χερμάδι’ αἰνὰ ### book 125.1.4 μυρία καὶ δολιχὰς δεξαμένα κάμακας, ### book 125.5.1 οὐδέποτε Κλείτοιο λιπεῖν περιμάκεα πᾶχυν ### book 125.5.2 φαμὶ κατὰ βλοσυρὸν φλοῖσβον Ἐνυαλίου. ### book 126.1 Σᾶμα τόδ’ οὐχὶ μάταιον ἐπ’ ἀσπίδι παῖς ὁ Πολύττου ### book 126.1 Ὕλλος ἀπὸ Κρήτας θοῦρος ἀνὴρ ἔθετο, ### book 126.2 Γοργόνα τὰν λιθοεργὸν ὁμοῦ καὶ τριπλόα γοῦνα ### book 126.3 γραψάμενος· δῄοις τοῦτο δ’ ἔοικε λέγειν· ### book 126.5.1 „Ἀσπίδος ὦ κατ’ ἐμᾶς πάλλων δόρυ, μὴ κατίδῃς με, ### book 126.5.2 ἢ φεῦγε τρισσοῖς τὸν ταχὺν ἄνδρα ποσίν.“ ### book 127.1.1 Μέλλον ἄρα στυγερὰν κἀγώ ποτε δῆριν Ἄρηι ### book 127.1.2 ἐκπρολιποῦσα χορῶν παρθενίων ἀίειν ### book 127.1.3 Ἀρτέμιδος περὶ ναόν, Ἐπίξενος ἔνθα μ’ ἔθηκεν, ### book 127.1.4 λευκὸν ἐπεὶ κείνου γῆρας ἔτειρε μέλη. ### book 128.1.1 Ἧσο κατ’ ἠγάθεον τόδ’ ἀνάκτορον, ἀσπὶ φαεννά, ### book 128.1.2 ἄνθεμα Λατῴᾳ δήιον Ἀρτέμιδι· ### book 128.1.3 πολλάκι γὰρ κατὰ δῆριν Ἀλεξάνδρου μετὰ χερσὶν ### book 128.1.4 μαρναμένα χρυσέαν οὐκ ἐκόνισσας ἴτυν. ### book 129.1.1 Ὀκτώ τοι θυρεούς, ὀκτὼ κράνη, ὀκτὼ ὑφαντοὺς ### book 129.1.2 θώρηκας, τόσσας δ’ αἱμαλέας κοπίδας, ### book 129.1.3 ταῦτ’ ἀπὸ Λευκανῶν Κορυφασίᾳ ἔντε’ Ἀθάνᾳ ### book 129 Ἅγνων Εὐάνθευς θῆχ’ ὁ βιαιομάχος. ### book 130.1.1 Τοὺς θυρεοὺς ὁ Μολοσσὸς Ἰτωνίδι δῶρον Ἀθάνᾳ ### book 130.1.2 Πύρρος ἀπὸ θρασέων ἐκρέμασεν Γαλατᾶν, ### book 130.1.3 πάντα τὸν Ἀντιγόνου καθελὼν στρατόν· οὐ μέγα θαῦμα· ### book 130.1.4 αἰχμηταὶ καὶ νῦν καὶ πάρος Αἰακίδαι. ### book 131.1.1 Αἵδ’ ἀπὸ Λευκανῶν θυρεάσπιδες, οἵδε χαλινοὶ ### book 131.1.2 στοιχηδὸν ξεσταί τ’ ἀμφίβολοι κάμακες ### book 131.1.3 δέδμηνται, ποθέουσαι ὁμῶς ἵππους τε καὶ ἄνδρας, ### book 131.1.4 Παλλάδι· τοὺς δ’ ὁ μέλας ἀμφέχανεν θάνατος. ### book 132.1.1 Ἔντεα Βρέττιοι ἄνδρες ἀπ’ αἰνομόρων βάλον ὤμων ### book 132.1.2 θεινόμενοι Λοκρῶν χερσὶν ὕπ’ ὠκυμάχων, ### book 132.1.3 ὧν ἀρετὰν ὑμνεῦντα θεῶν ὑπ’ ἀνάκτορα κεῖνται, ### book 132.1.4 οὐδὲ ποθεῦντι κακῶν πάχεας, οὓς ἔλιπον. ### book 133.1 Ἀλκιβίη πλοκάμων ἱερὴν ἀνέθηκε καλύπτρην ### book 133 Ἥρῃ, κουριδίων εὖτ’ ἐκύρησε γάμων. ### book 134.1.1 Ἡ τὸν θύρσον ἔχους’ Ἑλικωνιὰς ἥ τε παρ’ αὐτὴν ### book 134.1.2 Ξανθίππη Γλαύκη τ’ εἰς χορὸν ἐρχόμεναι ### book 134.1.3 ἐξ ὄρεος χωρεῦσι, Διωνύσῳ δὲ φέρουσι ### book 134.1.4 κισσὸν καὶ σταφυλήν, πίονα καὶ χίμαρον. ### book 135.1.1 Οὗτος Φειδόλα ἵππος ἀπ’ εὐρυχόροιο Κορίνθου ### book 135.1.2 ἄγκειται Κρονίδᾳ μνᾶμα ποδῶν ἀρετᾶς. ### book 136.1.1 Πρηξιδίκη μὲν ἔρεξεν, ἐβούλευσεν δὲ Δύσηρις ### book 136.1.2 εἷμα τόδε· ξυνὴ δ’ ἀμφοτέρων σοφίη. ### book 137.1.1 Πρόφρων, Ἀργυρότοξε, δίδου χάριν Αἰσχύλου υἱῷ ### book 137.1.2 Ναυκράτει, εὐχωλὰς τάσδ’ ὑποδεξάμενος. ### book 138.1 Πρὶν μὲν Καλλιτέλης μ’ ἱδρύσατο· τόνδε δ’ ἐκείνου ### book 138 ἔκγονοι ἐστήσανθ’, οἷς χάριν ἀντιδίδου. ### book 139.1.1 Πραξαγόρας τάδε δῶρα θεοῖς ἀνέθηκε, Λυκαίου ### book 139.1.2 υἱός· ἐποίησεν δ’ ἔργον Ἀναξαγόρας. ### book 140.1.1 Παιδὶ φιλοστεφάνῳ Σεμέλας ἀνέθηκε Μέλανθος ### book 140.1.2 μνᾶμα χοροῦ νίκας, υἱὸς Ἀρηιφίλου. ### book 141.1.1 Ῥυσαμένα Πύθωνα δυσαχέος ἐκ πολέμοιο ### book 141.1.2 ἀσπὶς Ἀθηναίης ἐν τεμένει κρέμαται. ### book 142.1.1 Σάν τε χάριν, Διόνυσε, καὶ ἀγλαὸν ἄστεϊ κόσμον ### book 142.1.2 Θεσσαλίας μ’ ἀνέθηκ’ ἀρχὸς Ἐχεκρατίδας. ### book 143.1.1 Εὔχεο Τιμώνακτι θεῶν κήρυκα γενέσθαι ### book 143.1.2 ἤπιον, ὅς μ’ ἐρατοῖς ἀγλαΐην προθύροις ### book 143.1.3 Ἑρμῇ τε κρείοντι καθέσσατο· τὸν δ’ ἐθέλοντα ### book 143 ἀστῶν καὶ ξείνων γυμνασίῳ δέχομαι. ### book 144.1.1 Στροίβου παῖ, τόδ’ ἄγαλμα, Λεώκρατες, εὖτ’ ἀνέθηκας ### book 144.1.2 Ἑρμῇ, καλλικόμους οὐκ ἔλαθες Χάριτας ### book 144.1.3 οὐδ’ Ἀκαδήμειαν πολυγαθέα, τῆς ἐν ἀγοστῷ ### book 144.1.4 σὴν εὐεργεσίην τῷ προσιόντι λέγω. ### book 145.1.1 Βωμοὺς τούσδε θεοῖς Σοφοκλῆς ἱδρύσατο πρῶτος, ### book 145.1.2 ὃς πλεῖστον Μούσης εἷλε κλέος τραγικῆς. ### book 146.1.1 Καὶ πάλιν, Εἰλήθυια, Λυκαινίδος ἐλθὲ καλεύσης ### book 146.1.2 εὔλοχος ὠδίνων ὧδε σὺν εὐτοκίῃ· ### book 146.1.3 ὡς τόδε νῦν μέν, ἄνασσα, κόρης ὕπερ· ἀντὶ δὲ παιδὸς ### book 146.1.4 ὕστερον εὐώδης ἄλλο τι νηὸς ἔχοι. ### book 147.1.1 Τὸ χρέος ὡς ἀπέχεις, Ἀσκληπιέ, τὸ πρὸ γυναικὸς ### book 147.1.2 Δημοδίκης Ἀκέσων ὤφελεν εὐξάμενος, ### book 147.1.3 γινώσκειν· ἢν δ’ ἆρα λάθῃ καὶ 〈δίσ〉 μιν ἀπαιτῇς, ### book 147 φησὶ παρέξεσθαι μαρτυρίην ὁ πίναξ. ### book 148.1.1 Τῷ με Κανωπίτᾳ Καλλίστιον εἴκοσι μύξαις ### book 148.1.2 πλούσιον, ἁ Κριτίου, λύχνον ἔθηκε θεῷ, ### book 148.1.3 εὐξαμένα περὶ παιδὸς Ἀπελλίδος. ἐς δ’ ἐμὰ φέγγη ### book 148.1.4 ἀθρήσας φάσεις· „Ἕσπερε, πῶς ἔπεσες;“ ### book 149.1.1 Φησὶν ὅ με στήσας Εὐαίνετος (οὐ γὰρ ἔγωγε ### book 149.1.2 γινώσκω) νίκης ἀντί με τῆς ἰδίης ### book 149.1.3 ἀγκεῖσθαι χάλκειον ἀλέκτορα Τυνδαρίδῃσι· ### book 149.1.4 πιστεύω Φαίδρου παιδὶ Φιλοξενίδεω. ### book 150.1.1 Ἰναχίης ἕστηκεν ἐν Ἴσιδος ἡ Θάλεω παῖς ### book 150.1.2 Αἰσχυλὶς Εἰρήνης μητρὸς ὑποσχεσίῃ. ### book 151.1.1 Μίκκος ὁ Παλλαναῖος Ἐνυαλίου βαρὺν αὐλὸν ### book 151.1.2 τόνδ’ ἐς Ἀθαναίας ἐκρέμας’ Ἰλιάδος, ### book 151.1.3 Τυρσηνὸν μελέδαμα, δι’ οὗ ποκα πόλλ’ ἐβόασεν ### book 151.1.4 ὡνὴρ εἰράνας σύμβολα καὶ πολέμου. ### book 152.1.1 Καὶ στάλικας καὶ πτηνὰ λαγωβόλα σοὶ τάδε Μείδων, ### book 152.1.2 Φοῖβε, σὺν ἰξευταῖς ἐκρέμασεν καλάμοις, ### book 152.1.3 ἔργων ἐξ ὀλίγων ὀλίγην δόσιν· ἢν δέ τι μεῖζον ### book 152 δωρήσῃ, τίσει τῶνδε πολυπλάσια. ### book 153.1.1 Βουχανδὴς ὁ λέβης· ὁ δὲ θεὶς Ἐριασπίδα υἱός, ### book 153.1.2 Κλεύβοτος· ἁ πάτρα δ’ εὐρύχορος Τεγέα· ### book 153.1.3 τἀθάνᾳ δὲ τὸ δῶρον· Ἀριστοτέλης δ’ ἐπόησεν ### book 153.1.4 Κλειτόριος, γενέτᾳ ταὐτὸ λαχὼν ὄνομα. ### book 154.1.1 Ἀγρονόμῳ τάδε Πανὶ καὶ εὐαστῆρι Λυαίῳ ### book 154.1.2 πρέσβυς καὶ Νύμφαις Ἀρκὰς ἔθηκε Βίτων· ### book 154.1.3 Πανὶ μὲν ἀρτίτοκον χίμαρον συμπαίστορα ματρός, ### book 154.1.4 κισσοῦ δὲ Βρομίῳ κλῶνα πολυπλανέος, ### book 154.5.1 Νύμφαις δὲ σκιερῆς εὐποίκιλον ἄνθος ὀπώρης ### book 154.5.2 φύλλα τε πεπταμένων αἱματόεντα ῥόδων. ### book 154.5.3 ἀνθ’ ὧν εὔυδρον, Νύμφαι, τόδε δῶμα γέροντος ### book 154.5.4 αὔξετε· Πάν, γλαγερόν· Βάκχε, πολυστάφυλον. ### book 155.1.1 Ἅλικες αἵ τε κόμαι καὶ ὁ Κρωβύλος, ἃς ἀπὸ Φοίβῳ ### book 155.1.2 πέξατο μολπαστᾷ κῶρος ὁ τετραετής· ### book 155.1.3 αἰχμητὰν δ’ ἐπέθυσεν ἀλέκτορα καὶ πλακόεντα ### book 155.1.4 παῖς Ἡγησιδίκου πίονα τυροφόρον. ### book 155.5 Ὤπολλον, θείης τὸν Κρωβύλον εἰς τέλος ἄνδρα ### book 155 οἴκου καὶ κτεάνων χεῖρας ὕπερθεν ἔχειν. ### book 156.1.1 Καλλὼ σὺν τέττιγι Χαρισθένεος τρίχα τήνδε ### book 156.1.2 κουρόσυνον κούραις θῆκ’ Ἀμαρυνθιάσι ### book 156.1.3 σὺν βοῒ χερνιφθέντα· πάις δ’ ἴσον ἀστέρι λάμπει, ### book 156.1.4 πωλικὸν ὡς ἵππος χνοῦν ἀποσεισάμενος. ### book 157.1.1 Ἄρτεμις, ἡ Γόργοιο φύλαξ κτεάνων τε καὶ ἀγροῦ, ### book 157.1.2 τόξῳ μὲν κλῶπας βάλλε, σάου δὲ φίλους· ### book 157.1.3 καί σοι ἐπιρρέξει Γόργος χιμάροιο νομαίης ### book 157.1.4 αἷμα καὶ ὡραίους ἄρνας ἐπὶ προθύροις. ### book 158.1.1 Πανὶ Βίτων χίμαρον, Νύμφαις ῥόδα, θύρσα Λυαίῳ, ### book 158.1.2 τρισσὸν ὑπ’ εὐπετάλοις δῶρον ἔθηκε φόβαις. ### book 158.1.3 δαίμονες ἀλλὰ δέχοισθε κεχαρμένοι, αὔξετε δ’ αἰεὶ ### book 158.1.4 Πὰν ἀγέλην, Νύμφαι πίδακα, Βάκχε γάνος. ### book 159.1.1 Ἁ πάρος αἱματόεν πολέμου μέλος ἐν δαῒ σάλπιγξ ### book 159.1.2 καὶ γλυκὺν εἰράνας ἐκπροχέουσα νόμον ### book 159.1.3 ἄγκειμαι, Φερένικε, τεὸν Τριτωνίδι κούρᾳ ### book 159 δῶρον, ἐριβρύχων παυσαμένα κελάδων. ### book 160.1.1 Κερκίδα τὰν ὀρθρινὰ χελιδονίδων ἅμα φωνᾷ ### book 160.1.2 μελπομέναν, ἱστῶν Παλλάδος ἀλκυόνα, ### book 160.1.3 τόν τε καρηβαρέοντα πολυρροίβδητον ἄτρακτον, ### book 160.1.4 κλωστῆρα στρεπτᾶς εὔδρομον ἁρπεδόνας, ### book 160.5.1 καὶ πήνας καὶ τόνδε φιληλάκατον καλαθίσκον, ### book 160.5.2 στάμονος ἀσκητοῦ καὶ τολύπας φύλακα, ### book 160.5.3 παῖς ἀγαθοῦ Τελέσιλλα Διοκλέος ἁ φιλοεργὸς ### book 160.5.4 εἰροκόμων κούρᾳ θήκατο δεσπότιδι. ### book 161.1.1 Ἑσπερίου Μάρκελλος ἀνερχόμενος πολέμοιο ### book 161.1.2 σκυλοφόρος κραναῆς τέλσα παρ’ Ἰταλίης, ### book 161.1.3 ξανθὴν πρῶτον ἔκειρε γενειάδα· βούλετο πατρὶς ### book 161.1.4 οὕτως, καὶ πέμψαι παῖδα καὶ ἄνδρα λαβεῖν. ### book 162.1.1 Ἄνθεμά σοι Μελέαγρος ἑὸν συμπαίστορα λύχνον, ### book 162.1.2 Κύπρι φίλη, μύστην σῶν θέτο παννυχίδων. ### book 163.1.1 Τίς τάδε μοι θνητῶν τὰ περὶ θριγκοῖσιν ἀνῆψεν ### book 163.1.2 σκῦλα, παναισχίστην τέρψιν Ἐνυαλίου; ### book 163.1.3 οὔτε γὰρ αἰγανέαι περιαγέες οὔτε τι πήληξ ### book 163.1.4 ἄλλοφος οὔτε φόνῳ χρανθὲν ἄρηρε σάκος, ### book 163.5 ἀλλ’ αὔτως γανόωντα καὶ ἀστυφέλικτα σιδάρῳ, ### book 163.1 οἷά περ οὐκ ἐνοπᾶς, ἀλλὰ χορῶν ἔναρα. ### book 163.2 οἷς θάλαμον κοσμεῖτε γαμήλιον, ὅπλα δὲ λύθρῳ ### book 163.3 λειβόμενα βροτέῳ σηκὸς Ἄρηος ἔχοι. ### book 164.1.1 Γλαύκῳ καὶ Νηρῆι καὶ Ἰνοῖ καὶ Μελικέρτῃ ### book 164.1.2 καὶ βυθίῳ Κρονίδῃ καὶ Σαμόθρᾳξι θεοῖς ### book 164.1.3 σωθεὶς ἐκ πελάγους Λουκίλλιος ὧδε κέκαρμαι ### book 164.1.4 τὰς τρίχας ἐκ κεφαλῆς· ἄλλο γὰρ οὐδὲν ἔχω. ### book 165.1.1 Στρεπτὸν βασσαρικοῦ ῥόμβον θιάσοιο μύωπα ### book 165.1.2 καὶ σκύλος ἀμφιδόρου στικτὸν ἀχαιίνεω ### book 165.1.3 καὶ κορυβαντείων ἰαχήματα χάλκεα ῥόπτρων ### book 165.1.4 καὶ θύρσου χλοερὸν κωνοφόρου κάμακα ### book 165.5.1 καὶ κούφοιο βαρὺν τυπάνου βρόμον ἠδὲ φορηθὲν ### book 165.5.2 πολλάκι μιτροδέτου λῖκνον ὕπερθε κόμης ### book 165.5.3 Εὐάνθη Βάκχῳ, τὴν ἔντρομον ἁνίκα θύρσοις ### book 165.5.4 ἄτρομον εἰς προπόσεις χεῖρα μετημφίασεν. ### book 166.1.1 Εἰκόνα τῆς κήλης Διονύσιος ὧδ’ ἀνέθηκεν ### book 166.1.2 σωθεὶς ἐκ ναυτῶν τεσσαράκοντα μόνος· ### book 166.1.3 τοῖς μηροῖς αὐτὴν γὰρ ὑπερδήσας ἐκολύμβα. ### book 166 ἔστω καὶ κήλης ἔν τισιν εὐτυχίη. ### book 167.1.1 Σοί, μάκαρ αἰγίκναμε, παράκτιον ἐς περιωπὰν ### book 167.1.2 τὸν τράγον, ὦ δισσᾶς ἀγέτα θηροσύνας· ### book 167.1.3 σοὶ γὰρ καστορίδων ὑλακὰ καὶ τρίστομος αἰχμὴ ### book 167.1.4 εὔαδε καὶ ταχινῆς ἔργα λαγωσφαγίης ### book 167.5.1 δίκτυά τ’ ἐν ῥοθίοις ἁπλούμενα καὶ καλαμευτὰς ### book 167.5.2 κάμνων καὶ μογερῶν πεῖσμα σαγηνοβόλων. ### book 167.5.3 ἄνθετο δὲ Κλεόνικος, ἐπεὶ καὶ πόντιον ἄγραν ### book 167.5.4 ἄνυε καὶ πτῶκας πολλάκις ἐξεσόβει. ### book 168.1.1 Βοτρυΐων ἀκάμαντα φυτῶν λωβήτορα κάπρον, ### book 168.1.2 τὸν θρασὺν ὑψικόμων ἐνναέταν δονάκων, ### book 168.1.3 πολλάκις ἐξερύσαντα θοῶν ἀκμαῖσιν ὀδόντων ### book 168.1.4 δένδρεα καὶ νομίους τρεψάμενον σκύλακας, ### book 168.5.1 ἀντήσας ποταμοῖο πέλας, πεφρικότα χαίτας, ### book 168.5.2 ἄρτι καὶ ἐξ ὕλας πάγχυ λιπόντα βάθος, ### book 168.5.3 χαλκῷ Ξεινόφιλος κατενήρατο, καὶ παρὰ φηγῷ ### book 168.5.4 θηρὸς ἀθωπεύτου Πανὶ καθῆψε δέρας. ### book 169.1.1 Κώμαυλος τὸν ἐχῖνον ἰδὼν ἐπὶ νῶτα φέροντα ### book 169.1.2 ῥᾶγας ἀπέκτεινεν τῷδ’ ἐπὶ θειλοπέδῳ· ### book 169.1.3 αὐήνας δ’ ἀνέθηκε φιλακρήτῳ Διονύσῳ ### book 169 τὸν τὰ Διωνύσου δῶρα λεϊζόμενον. ### book 170.1.1 Αἱ πτελέαι τῷ Πανὶ καὶ αἱ τανυμήκεες αὗται ### book 170.1.2 ἰτέαι ἥ θ’ ἱερὰ κἀμφιλαφὴς πλάτανος ### book 170.1.3 καὶ λιβάδες καὶ ταῦτα βοτηρικὰ Πανὶ κύπελλα ### book 170.1.4 ἄγκειται, δίψης φάρμακ’ ἀλεξίκακα. ### book 171.1 Αὐτῷ σοὶ πρὸς Ὄλυμπον ἐμακύναντο κολοσσὸν ### book 171.2 τόνδε Ῥόδου ναέται Δωρίδος, Ἀέλιε, ### book 171.3 χάλκεον, ἁνίκα κῦμα κατευνάσαντες Ἐνυοῦς ### book 171.4 ἔστεψαν πάτραν δυσμενέων ἐνάροις. ### book 171.5.1 οὐ γὰρ ὑπὲρ πελάγους μόνον ἄνθεσαν, ἀλλὰ καὶ ἐν γᾷ ### book 171.5.2 ἁβρὸν ἀδουλώτου φέγγος ἐλευθερίας· ### book 171.5.3 τοῖς γὰρ ἀφ’ Ἡρακλῆος ἀεξηθεῖσι γενέθλας ### book 171.5.4 πάτριος ἐν πόντῳ κἠν χθονὶ κοιρανία. ### book 172.1 Πορφυρὶς ἡ Κνιδίη τὰ στέμματα καὶ τὸ δίθυρσον ### book 172.2 τοῦτο τὸ λογχωτὸν καὶ τὸ περισφύριον, ### book 172.3 οἷς ἀνέδην βάκχευεν, ὅτ’ ἐς Διόνυσον ἐφοίτα ### book 172.4 κισσωτὴν στέρνοις νεβρίδ’ ἀναπτομένη, ### book 172.5 αὐτῷ σοί, Διόνυσε, πρὸ παστάδος ᾐώρησε ### book 172 ταῦτα τὰ καὶ κάλλευς κόσμια καὶ μανίης. ### book 173.1.1 Ἀχρυλίς, ἡ Φρυγίη θαλαμηπόλος, ἡ περὶ πεύκας ### book 173.1.2 πολλάκι τοὺς ἱεροὺς χευαμένη πλοκάμους, ### book 173.1.3 γαλλαίῳ Κυβέλης ὀλολύγματι πολλάκι δοῦσα ### book 173.1.4 τὸν βαρὺν εἰς ἀκοὰς ἦχον ἀπὸ στομάτων, ### book 173.5.1 τάσδε θεῇ χαίτας περὶ δικλίδι θῆκεν ὀρείῃ, ### book 173.5.2 θερμὸν ἐπεὶ λύσσης ὧδ’ ἀνέπαυσε πόδα. ### book 174.1.1 Παλλάδι ταὶ τρισσαὶ θέσαν ἅλικες, ἶσον ἀράχνᾳ ### book 174.1.2 τεῦξαι λεπταλέον στάμον’ ἐπιστάμεναι· ### book 174.1.3 Δημὼ μὲν ταλαρίσκον ἐύπλοκον, Ἀρσινόα δὲ ### book 174.1.4 ἐργάτιν εὐκλώστου νήματος ἠλακάταν, ### book 174.5.1 κερκίδα δ’ εὐποίητον, ἀηδόνα τὰν ἐν ἐρίθοις, ### book 174.5.2 Βακχυλίς, εὐκρέκτους ᾇ διέκρινε μίτους· ### book 174.5.3 ζώειν γὰρ δίχα παντὸς ὀνείδεος εἵλεθ’ ἑκάστα, ### book 174.5.4 ξεῖνε, τὸν ἐκ χειρῶν ἀρνυμένα βίοτον. ### book 175.1.1 Τὸν κύνα, τὸν πάσης κρατερῆς ἐπιίδμονα θήρης, ### book 175.1.2 ἔξεσε μὲν Λεύκων, ἄνθετο δ’ Ἀλκιμένης. ### book 175.1.3 Ἀλκιμένης δ’ οὐχ εὗρε, τί μέμψεται· ὡς δ’ ἴδ’ ὁμοίην ### book 175.1.4 εἰκόνα παντοίῳ σχήματι φαινομένην, ### book 175.5 κλοιὸν ἔχων πέλας ἦλθε, λέγων Λεύκωνι κελεύειν ### book 175 τῷ κυνὶ καὶ βαίνειν· πεῖθε γὰρ ὡς ὑλάων. ### book 176.1.1 Τὸν κύνα τὰν πήραν τε καὶ ἀγκυλόδοντα σιγύναν ### book 176.1.2 Πανί τε καὶ Νύμφαις ἀντίθεμαι Δρυάσιν· ### book 176.1.3 τὸν κύνα δὲ ζώοντα πάλιν ποτὶ τωὔλιον ἄξω ### book 176.1.4 ξηρὰς εἰς ἀκόλους ξυνὸν ἔχειν ἕταρον. ### book 177.1 Δάφνις ὁ λευκόχρως, ὁ καλᾷ σύριγγι μελίσδων ### book 177.2 βουκολικοὺς ὕμνους, ἄνθετο Πανὶ τάδε· ### book 177.3 τοὺς τρητοὺς δόνακας, τὸ λαγωβόλον, ὀξὺν ἄκοντα, ### book 177.4 νεβρίδα, τὰν πήραν, ᾇ ποτ’ ἐμαλοφόρει. ### book 178.1.1 Δέξαι μ’, Ἡράκλεις, Ἀρχεστράτου ἱερὸν ὅπλον, ### book 178.1.2 ὄφρα ποτὶ ξεστὰν παστάδα κεκλιμένα ### book 178.1.3 γηραλέα τελέθοιμι χορῶν ἀίουσα καὶ ὕμνων· ### book 178.1.4 ἀρκείτω στυγερὰ δῆρις Ἐνυαλίου. ### book 179.1.1 Ἀγραύλῳ τάδε Πανὶ βιαρκέος ἄλλος ἀπ’ ἄλλης ### book 179.1.2 αὔθαιμοι τρισσοὶ δῶρα λινοστασίης, ### book 179.1.3 Πίγρης μὲν δειραχθὲς ἐύβροχον ἅμμα πετηνῶν, ### book 179.1.4 Δᾶμις δ’ ὑλονόμων δίκτυα τετραπόδων, ### book 179.5 ἄρκυν δ’ εἰναλίων Κλείτωρ πόρεν· οἷς σὺ δι’ αἴθρας ### book 179 καὶ πελάγευς καὶ γᾶς εὔστοχα πέμπε λίνα. ### book 180.1.1 Ταῦτά σοι ἔκ τ’ ὀρέων ἔκ τ’ αἰθέρος ἔκ τε θαλάσσας ### book 180.1.2 τρεῖς γνωτοὶ τέχνας σύμβολα, Πάν, ἔθεσαν· ### book 180.1.3 ταῦτα μὲν εἰναλίων Κλείτωρ λίνα, κεῖνα δὲ Πίγρης ### book 180.1.4 οἰωνῶν, Δᾶμις τὰ τρίτα τετραπόδων· ### book 180.5.1 οἷς ἅμα χερσαίαισιν, ἅμ’ ἠερίῃσιν ἐν ἄγραις, ### book 180.5.2 Ἀγρεῦ, ἅμ’ ἐν πλωταῖς, ὡς πρίν, ἀρωγὸς ἴθι. ### book 181.1.1 Τρίζυγες, οὐρεσίοικε, κασίγνητοι τάδε τέχνας ### book 181.1.2 ἄλλος ἀπ’ ἀλλοίας σοὶ λίνα, Πάν, ἔθεσαν, ### book 181.1.3 καὶ τὰ μὲν ὀρνίθων Πίγρης, τὰ δὲ δίκτυα θηρῶν ### book 181.1.4 Δᾶμις, ὁ δὲ Κλείτωρ εἰναλίων ἔπορεν· ### book 181.5.1 τῶν ὁ μὲν ἐν ξυλόχοισιν, ὁ δ’ ἠερίῃσιν ἐν ἄγραις ### book 181.5.2 αἰέν, ὁ δ’ ἐν πελάγει εὔστοχον ἄρκυν ἔχοι. ### book 182.1.1 Πίγρης ὀρνίθων ἄπο δίκτυα, Δᾶμις ὀρείων, ### book 182.1.2 Κλείτωρ δ’ ἐκ βυθίων σοὶ τάδε, Πάν, ἔθεσαν, ### book 182.1.3 ξυνὸν ἀδελφειοὶ θήρης γέρας, ἄλλος ἀπ’ ἄλλης, ### book 182.1.4 ἴδρι τὰ καὶ γαίης, ἴδρι τὰ καὶ πελάγευς. ### book 182.5 ἀνθ’ ὧν τῷ μὲν ἁλός, τῷ δ’ ἠέρος, ᾧ δ’ ἀπὸ δρυμῶν ### book 182 πέμπε κράτος ταύτῃ, δαῖμον, ἐπ’ εὐσεβίῃ. ### book 183.1.1 Σοὶ τάδε, Πάν, θηρευταὶ ἀνηρτήσαντο σύναιμοι ### book 183.1.2 δίκτυα, τριχθαδίης δῶρα κυναγεσίης· ### book 183.1.3 Πίγρης μὲν πτανῶν, Κλείτωρ ἁλός, ὃς δ’ ἀπὸ χέρσου, ### book 183.1.4 Δᾶμις, τετραπόδων ἀγκύλος ἰχνελάτης. ### book 183.5.1 ἀλλὰ σὺ κἠν δρυμοῖσι καὶ εἰν ἁλὶ καὶ διὰ μέσσης ### book 183.5.2 ἠέρος εὔαγρον τοῖσδε δίδου κάματον. ### book 184.1.1 Τρισσὰ τάδε τρισσοὶ θηραγρέται, ἄλλος ἀπ’ ἄλλης ### book 184.1.2 τέχνης, πρὸς νηῷ Πανὸς ἔθεντο λίνα, ### book 184.1.3 Πίγρης μὲν πτανοῖσιν ἐφεὶς βόλον, ἐν δ’ ἁλίοισι ### book 184.1.4 Κλείτωρ, ἐν θηρσὶν Δᾶμις ἐρημονόμοις. ### book 184.5.1 τοὔνεκα, Πάν, τὸν μὲν τὰ δι’ αἰθέρος, ὃν δ’ ἀπὸ λόχμης, ### book 184.5.2 τὸν δὲ δι’ αἰγιαλῶν θὲς πολυαγρότερον. ### book 185.1.1 Βριθὺ μὲν ἀγραύλων τόδε δίκτυον ἄνθετο θηρῶν ### book 185.1.2 Δᾶμις καὶ Πίγρης πτηνολέτιν νεφέλην, ### book 185.1.3 ἁπλωτὸν δ’ ἁλὶ τοῦτο μιτορραφὲς ἀμφίβληστρον ### book 185.1.4 Κλείτωρ, εὐθήρῳ Πανὶ προσευξάμενοι. ### book 185.5 τοὔνεκα, Πάν, κρατερῷ πόρε Δάμιδι ληΐδα θηρῶν, ### book 185 Πίγρῃ δ’ οἰωνῶν, Κλείτορι δ’ εἰναλίων. ### book 186.1.1 Δίκτυα σοὶ τάδε, Πάν, ἀνεθήκαμεν οἶκος ἀδελφῶν ### book 186.1.2 οἱ τρεῖς, ἐξ ὀρέων, ἠέρος, ἐκ πελάγευς. ### book 186.1.3 † δικτυβόλει τούτῳ δὲ παρ’ ἠιόνων κροκάλαισιν, ### book 186.1.4 δικτυβόλει τούτῳ δ’ ἄγκεσι θηροτόκοις, ### book 186.5.1 τὸ τρίτον ἐν πτηνοῖσιν ἐπίβλεπε· τῆς γὰρ ἁπάντων, ### book 186.5.2 δαῖμον, ἔχεις ἡμέων δῶρα λινοστασίης. ### book 187.1.1 Πανὶ κασιγνήτων ἱερὴ τριάς, ἄλλος ἀπ’ ἄλλης, ### book 187.1.2 ἄνθετ’ ἀπ’ οἰκείης σύμβολον ἐργασίης, ### book 187.1.3 Πίγρης ὀρνίθων, ἁλίων ἀπομοίρια Κλείτωρ, ### book 187.1.4 ἔμπαλιν ἰθυτόνων Δᾶμις ἀπὸ σταλίκων. ### book 187.5.1 ἀνθ’ ὧν εὐαγρίην τῷ μὲν χθονός, ᾧ δὲ διδοίης ### book 187.5.2 ἐξ ἁλός, ᾧ δὲ νέμοις ἠέρος ὠφελίην. ### book 188.1.1 Ὁ Κρὴς Θηρίμαχος τὰ λαγωβόλα Πανὶ Λυκαίῳ ### book 188.1.2 ταῦτα πρὸς Ἀρκαδικοῖς ἐκρέμασε σκοπέλοις. ### book 188.1.3 ἀλλὰ σὺ Θηριμάχῳ δώρων χάριν, ἀγρότα δαῖμον, ### book 188.1.4 χεῖρα κατιθύνοις τοξότιν ἐν πολέμῳ ### book 188.5 ἔν τε συναγκείαισι παρίστασο δεξιτερῆφι, ### book 188 πρῶτα διδοὺς ἄγρης δῶρα καὶ ἀντιπάλων. ### book 189.1.1 Νύμφαι Ἀνιγριάδες, ποταμοῦ κόραι, αἳ τάδε βένθη ### book 189.1.2 ἀμβρόσιαι ῥοδέοις στείβετε ποσσὶν ἀεί, ### book 189.1.3 χαίρετε καὶ σῴζοιτε Κλεώνυμον, ὃς τάδε καλὰ ### book 189.1.4 εἵσαθ’ ὑπαὶ πιτύων ὔμμι, θεαί, ξόανα. ### book 190.1.1 Λάζεο, τιμήεσσα Κυθηριάς, ὑμνοπόλοιο ### book 190.1.2 λιτὰ τάδ’ ἐκ λιτοῦ δῶρα Λεωνίδεω· ### book 190.1.3 πεντάδα τὴν σταφυλῆς εὐρώγεα καὶ μελιηδὲς ### book 190.1.4 πρώιον εὐφύλλων σῦκον ἀπ’ ἀκρεμόνων ### book 190.5.1 καὶ ταύτην ἀπέτηλον ἁλινήκτειραν ἐλαίην ### book 190.5.2 καὶ ψαιστῶν ὀλίγων δρᾶγμα πενιχραλέον ### book 190.5.3 καὶ σταγόνα σπονδῖτιν, ἀεὶ θυέεσσιν ὀπηδόν, ### book 190.5.4 τὴν κύλικος βαιῷ πυθμένι κευθομένην. ### book 190.5.5 εἰ δ’, ὥς μευ βαρύγυιον ἀπώσαο νοῦσον, ἐλάσσεις ### book 190.10 καὶ πενίην, δώσω πιαλέον χίμαρον. ### book 191.1.1 Ἐκ πενίης, ὡς οἶσθ’, ἀκραιφνέος, ἀλλὰ δικαίης, ### book 191.1.2 Κύπρις, ταῦτα δέχευ δῶρα Λεωνίδεω· ### book 191.1.3 πορφυρέην ταύτην ἐπιφυλλίδα τήν θ’ ἁλίπαστον ### book 191 δρύπεπα καὶ ψαιστῶν τὴν νομίμην θυσίην ### book 191.5.1 σπονδήν θ’, ἣν ἀσάλευτον ἀφύλισα, καὶ τὰ μελιχρὰ ### book 191.5.2 σῦκα. σὺ δ’, ὡς νούσου, ῥύεο καὶ πενίης, ### book 191.5.3 καὶ τότε βουθυτέοντά μ’ ἐσόψεαι· ἀλλὰ σύ, δαῖμον, ### book 191.5.4 σπεύδοις ἀντιλαβεῖν τὴν ἀπ’ ἐμεῦ χάριτα. ### book 192.1.1 Ταῦτα σαγηναίοιο λίνου δηναιὰ Πριήπῳ ### book 192.1.2 λείψανα καὶ κύρτους Φιντύλος ἐκρέμασεν ### book 192.1.3 καὶ γαμψὸν Χαίτῃσιν ἐφ’ ἱππείῃσι πεδηθὲν ### book 192.1.4 ἄγκιστρον, κρυφίην εἰναλίοισι πάγην, ### book 192.5.1 καὶ δόνακα τριτάνυστον ἀβάπτιστόν τε καθ’ ὕδωρ ### book 192.5.2 φελλὸν ἀεί, κρυφίων σῆμα λαχόντα βόλων· ### book 192.5.3 οὐ γὰρ ἔτι στείβει ποσὶ χοιράδας οὐδ’ ἐπιαύει ### book 192.5.4 ἠιόσιν, μογερῷ γήραϊ τειρόμενος. ### book 193.1.1 Πρίηπ’ αἰγιαλῖτα, φυκόγειτον, ### book 193.1.2 Δαμοίτας ἁλιεύς, ὁ βυσσομέτρης, ### book 193.1.3 τὸ πέτρης ἁλιπλῆγος ἐκμαγεῖον, ### book 193.1.4 ἡ βδέλλα σπιλάδων, ὁ ποντοθήρης, ### book 193.5.1 σοὶ τὰ δίκτυα τἀμφίβληστρα ταῦτα, ### book 193.5.2 δαῖμον, εἵσατο· τοῦ σὺ θάλπε γῆρας. ### book 194.1 Σῷζε, θεὰ Τριτοῖ, τὰ τεθέντα τε τόν τ’ ἀναθέντα. ### book 195.1.1 Τρῳάδι Παλλαναῖος ἀνηέρτησεν Ἀθάνᾳ ### book 195.1.2 αὐλὸν ἐριβρεμέταν Μίκκος Ἐνυαλίου, ### book 195.1.3 ᾧ ποτε καὶ θυμέλῃσι καὶ ἐν πολέμοισιν ἔμελψεν ### book 195.1.4 πρόσθε τὸ μὲν στοναχᾶς σῆμα, τὸ δ’ εὐνομίης. ### book 196.1.1 Ῥαιβοσκελῆ, δίχαλον, ἀμμοδυέταν, ### book 196.1.2 ὀπισθοβάμον’, ἀτράχηλον, ὀκτάπουν, ### book 196.1.3 νήκταν, τερεμνόνωτον, ὀστρακόχροον ### book 196.1.4 τῷ Πανὶ τὸν πάγουρον ὁρμιηβόλος, ### book 196.5 ἄγρας ἀπαρχάν, ἀντίθησι Κώπασος. ### book 197.1.1 Ἑλλάνων ἀρχαγὸς ἐπεὶ στρατὸν ὤλεσα Μήδων ### book 197.1.2 Παυσανίας, Φοίβῳ μνᾶμ’ ἀνέθηκα τόδε. ### book 198.1.1 Ὥριον ἀνθήσαντας ὑπὸ κροτάφοισιν ἰούλους ### book 198.1.2 κειράμενος, γενύων ἄρσενας ἀγγελίας, ### book 198.1.3 Φοίβῳ θῆκε Λύκων πρῶτον γέρας· εὔξατο δ’ οὕτως ### book 198.1.4 καὶ πολιὴν λευκῶν κεῖραι ἀπὸ κροτάφων. ### book 198.5 τοίην ἀλλ’ ἐπίνευε· τίθει δέ μιν, ὡς πρό γε τοῖον, ### book 198 ὣς αὖτις πολιῷ γήραϊ νιφόμενον. ### book 199.1.1 Εἰνοδίη, σοὶ τόνδε φίλης ἀνεθήκατο κόρσης ### book 199.1.2 πῖλον, ὁδοιπορίης σύμβολον, Ἀντίφιλος· ### book 199.1.3 ἦσθα γὰρ εὐχωλῇσι κατήκοος, ἦσθα κελεύθοις ### book 199.1.4 ἵλαος· οὐ πολλὴ δ’ ἡ χάρις, ἀλλ’ ὁσίη. ### book 199.5.1 μὴ δέ τις ἡμετέρου μάρψῃ χερὶ μάργος ὁδίτης ### book 199.5.2 ἀνθέματος· συλᾶν ἀσφαλὲς οὐδ’ ὀλίγα. ### book 200.1.1 Ἐκ τόκου, Εἰλήθυια, πικρὰν ὠδῖνα φυγοῦσα ### book 200.1.2 Ἀμβροσίη κλεινῶν θήκατό σοι πρὸ ποδῶν ### book 200.1.3 δεσμὰ κόμας καὶ πέπλον, ἐν ᾧ δεκάτῳ ἐπὶ μηνὶ ### book 200.1.4 δισσὸν ἀπὸ ζώνης κῦμ’ ἐλόχευσε τέκνων. ### book 201.1.1 Σάνδαλα καὶ μίτρην περικαλλέα τόν τε μυρόπνουν ### book 201.1.2 βόστρυχον ὡραίων οὖλον ἀπὸ πλοκάμων ### book 201.1.3 καὶ ζώνην καὶ λεπτὸν ὑπένδυμα τοῦτο Χιτῶνος ### book 201.1.4 καὶ τὰ περὶ στέρνοις ἀγλαὰ μαστόδετα, ### book 201.5.1 ἔμβρυον εὐώδινος ἐπεὶ φύγε νηδύος ὄγκον, ### book 201.5.2 Εὐφράντη νηῷ θῆκεν ὑπ’ Ἀρτέμιδος. ### book 202.1.1 Εὐθύσανον ζώνην τοι ὁμοῦ καὶ τόνδε κύπασσιν ### book 202.1.2 Ἀτθὶς παρθενίων θῆκεν ὕπερθε θυρῶν, ### book 202.1.3 ἐκ τόκου, ὦ Λητωί, βαρυνομένης ὅτι νηδὺν ### book 202 ζωὸν ἀπ’ ὠδίνων λύσαο τῆσδε βρέφος. ### book 203.1.1 Ἡ γρῆυς ἡ χερνῆτις, ἡ γυιὴ πόδας, ### book 203.1.2 πύστιν κατ’ ἐσθλὴν ὕδατος παιωνίου ### book 203.1.3 ἦλθέν ποθ’ ἑρπύζουσα σὺν δρυὸς ξύλῳ, ### book 203.1.4 τό μιν διεσκήριπτε τὴν τετρωμένην. ### book 203.5.1 οἶκτος δὲ Νύμφας εἷλεν, αἵτ’ ἐριβρόμου ### book 203.5.2 Αἴτνης παρωρείῃσι Συμαίθου πατρὸς ### book 203.5.3 ἔχουσι δινήεντος ὑγρὸν οἰκίον. ### book 203.5.4 καὶ τῆς μὲν ἀμφίχωλον ἀρτεμὲς σκέλος ### book 203.5.5 θερμὴ διεστήριζεν Αἰτναίη λιβάς· ### book 203.10.1 Νύμφαις δ’ ἔλειπε βάκτρον· αἱ δ’ ἐπῄνεσαν ### book 203.10.2 πέμπειν μιν ἀστήρικτον ἡσθεῖσαι δόσει. ### book 204.1.1 Θῆρις ὁ δαιδαλόχειρ τᾷ Παλλάδι πῆχυν ἀκαμπῆ ### book 204.1.2 καὶ τετανὸν νώτῳ καμπτόμενον πρίονα ### book 204.1.3 καὶ πέλεκυν ῥυκάναν τ’ εὐαγέα καὶ περιαγὲς ### book 204.1.4 τρύπανον ἐκ τέχνας ἄνθετο παυσάμενος. ### book 205.1.1 Τέκτονος ἄρμενα ταῦτα Λεοντίχου· αἵ τε Χαρακταὶ ### book 205.1.2 ῥῖναι καὶ κάλων οἱ ταχινοὶ βορέες, ### book 205.1.3 στάθμαι καὶ μιλτεῖα καὶ αἱ σχεδὸν ἀμφιπλῆγες ### book 205.1.4 σφῦραι καὶ μίλτῳ φυρόμενοι κανόνες ### book 205.5 αἵ τ’ ἀρίδες ξυστήρ τε καὶ ἐστελεωμένος οὗτος ### book 205.1 ἐμβριθής, τέχνας ὁ πρύτανις, πέλεκυς, ### book 205.2 τρύπανά τ’ εὐδίνητα καὶ ὠκήεντα τέρετρα ### book 205.3 καὶ γόμφων οὗτοι τοὶ πίσυρες τορέες ### book 205.4 ἀμφίξουν τε σκέπαρνον· ἃ δὴ χαριεργῷ Ἀθάνᾳ ### book 205.10 ἁνὴρ ἐκ τέχνας θήκατο παυόμενος. ### book 206.1.1 Σάνδαλα μὲν τὰ ποδῶν θαλπτήρια ταῦτα Βίτιννα, ### book 206.1.2 εὐτέχνων ἐρατὸν σκυτοτόμων κάματον· ### book 206.1.3 τὸν δὲ φιλοπλέκτοιο κόμας σφιγκτῆρα Φιλαινίς, ### book 206.1.4 βαπτὸν ἁλὸς πολιῆς ἄνθεσι κεκρύφαλον· ### book 206.5.1 ῥιπίδα δ’ Ἀντίκλεια· καλύπτειραν δὲ προσώπου, ### book 206.5.2 ἔργον ἀραχναίοις νήμασιν ἰσόμορον, ### book 206.5.3 ἁ καλὰ Ἡράκλεια· τὸν εὐσπειρῆ δὲ δράκοντα, ### book 206.5.4 χρύσειον ῥαδινῶν κόσμον ἐπισφυρίων, ### book 206.5.5 πατρὸς Ἀριστοτέλους συνομώνυμος· αἱ συνομήθεις ### book 206.10 ἅλικες Οὐρανίῃ δῶρα Κυθηριάδι. ### book 207.1.1 Σάνδαλα ταῦτα Βίτιννα· πολυπλέκτου δὲ Φιλαινὶς ### book 207.1.2 πορφύρεον χαίτας ῥύτορα κεκρύφαλον· ### book 207.1.3 ξανθὰ δ’ Ἀντίκλεια νόθον κεύθουσαν ἄημα ### book 207.1.4 ῥιπίδα, τὰν μαλερὸν θάλπος ἀμυνομέναν· ### book 207.5.1 λεπτὸν δ’ Ἡράκλεια τόδε προκάλυμμα προσώπου, ### book 207.5.2 τευχθὲν ἀραχναίῃς εἴκελον ἁρπεδόσιν· ### book 207.5.3 ἁ δὲ καλὸν σπείραμα περισφυρίοιο δράκοντος ### book 207.5.4 οὔνομ’ Ἀριστοτέλεω πατρὸς ἐνεγκαμένα· ### book 207.5.5 ἅλικες ἀγλαὰ δῶρα, γαμοστόλε, σοὶ τάδε, Κύπρι, ### book 207.10 ὤπασαν αἱ γυάλων Ναυκράτιδος ναέται. ### book 208.1.1 Ἡ τὰ πέδιλα φέρουσα, Μενεκράτις· ἡ δὲ τὸ φᾶρος, ### book 208.1.2 Φημονόη· Πρηξὼ δ’, ἣ τὸ κύπελλον ἔχει. ### book 208.1.3 τῆς Παφίης ὁ νεὼς καὶ τὸ βρέτας· ἄνθεμα δ’ αὐτῶν ### book 208.1.4 ξυνόν· Στρυμονίου δ’ ἔργον Ἀριστομάχου. ### book 208.5.1 πᾶσαι δ’ ἀσταὶ ἔσαν καὶ ἑταιρίδες, ἀλλὰ τυχοῦσαι ### book 208.5.2 Κύπριδος εὐκρήτου, νῦν ἑνός εἰσι μία. ### book 209.1.1 Βιθυνὶς Κυθέρη με τεῆς ἀνεθήκατο, Κύπρι, ### book 209.1.2 μορφᾶς εἴδωλον λύγδινον, εὐξαμένα. ### book 209.1.3 ἀλλὰ σὺ τῇ μικκῇ μεγάλην χάριν ἀντιμερίζου, ### book 209.1.4 ὡς ἔθος· ἀρκεῖται δ’ ἀνδρὸς ὁμοφροσύνᾳ. ### book 210.1.1 Πεντηκονταέτις καὶ ἐπὶ πλέον ἡ φιλέραστος ### book 210.1.2 Νικιὰς εἰς νηὸν Κύπριδος ἐκρέμασεν ### book 210.1.3 σάνδαλα καὶ χαίτης ἀνελίγματα, τὸν δὲ διαυγῆ ### book 210.1.4 χαλκόν, ἀκριβείης οὐκ ἀπολειπόμενον, ### book 210.5.1 καὶ ζώνην πολύτιμον, ἅ τ’ οὐ φωνητὰ πρὸς ἀνδρός, ### book 210.5.2 ἀλλ’ ἐσορῇς πάσης Κύπριδος ὀπτασίην. ### book 211.1.1 Τὸν ἀργυροῦν Ἔρωτα καὶ περίσφυρον ### book 211.1.2 πέζαν τὸ πορφυρεῦν τε Λεσβίδος κόμης ### book 211.1 ἕλιγμα καὶ μηλοῦχον ὑαλόχροα ### book 211.2 τὸ χάλκεόν τ’ ἔσοπτρον ἠδὲ τὸν πλατὺν ### book 211.5.1 τριχῶν σαγηνευτῆρα, πύξινον κτένα, ### book 211.5.2 ὧν ἤθελεν τυχοῦσα, γνησία Κύπρι, ### book 211.5.3 ἐν σαῖς τίθησι Καλλίκλεια παστάσιν. ### book 212.1.1 Εὔχεό τοι δώροισι, Κύτων, θεὸν ὧδε χαρῆναι ### book 212.1.2 Λητοΐδην ἀγορῆς καλλιχόρου πρύτανιν, ### book 212.1.3 ὥσπερ ὑπὸ ξείνων τε καὶ οἳ ναίουσι Κόρινθον ### book 212.1.4 αἶνον ἔχεις χαρίτων, δέσποτα, τοῖς στεφάνοις. ### book 213.1.1 Ἓξ ἐπὶ πεντήκοντα, Σιμωνίδη, ἤραο ταύρους ### book 213.1.2 καὶ τρίποδας, πρὶν τόνδ’ ἀνθέμεναι πίνακα. ### book 213.1.3 τοσσάκι δ’ ἱμερόεντα διδαξάμενος χορὸν ἀνδρῶν ### book 213.1.4 εὐδόξου Νίκας ἀγλαὸν ἅρμ’ ἐπέβης. ### book 214.1.1 Φημὶ Γέλων’, Ἱέρωνα, Πολύζηλον, Θρασύβουλον, ### book 214.1.2 παῖδας Δεινομένευς, τοὺς τρίποδας θέμεναι ### book 214.1.3 ἐξ ἑκατὸν λιτρῶν καὶ πεντήκοντα ταλάντων ### book 214 δαρεικοῦ χρυσοῦ, τᾶς δεκάτας δεκάταν. ### book 215.1.1 Ταῦτ’ ἀπὸ δυσμενέων Μήδων ναῦται Διοδώρου ### book 215.1.2 ὅπλ’ ἀνέθεν Λατοῖ μνάματα ναυμαχίας. ### book 216.1.1 Σῶσος καὶ Σωσώ, σῶτερ, σοὶ τόνδ’ ἀνέθηκαν· ### book 216.1.2 Σῶσος μὲν σωθείς, Σωσὼ δ’, ὅτι Σῶσος ἐσώθη. ### book 217.1.1 Χειμερίην νιφετοῖο κατήλυσιν ἡνίκ’ ἀλύξας ### book 217.1.2 Γάλλος ἐρημαίην ἤλυθ’ ὑπὸ σπιλάδα, ### book 217.1.3 ὑετὸν ἄρτι κόμης ἀπομόρξατο, τοῦ δὲ κατ’ ἴχνος ### book 217.1.4 βουφάγος εἰς κοίλην ἀτραπὸν ἷκτο λέων· ### book 217.5.1 αὐτὰρ ὁ πεπταμένῃ μέγα τύμπανον, ὃ σχέθε, χειρὶ ### book 217.5.2 ἤραξεν, καναχῇ δ’ ἴαχεν ἄντρον ἅπαν· ### book 217.5.3 οὐδ’ ἔτλη Κυβέλης ἱερὸν βρόμον ὑλονόμος θὴρ ### book 217.5.4 μεῖναι, ἀν’ ὑλῆεν δ’ ὠκὺς ἔθυνεν ὄρος, ### book 217.5.5 δείσας ἡμιγύναικα θεῆς λάτριν, ὃς τάδε Ῥείᾳ ### book 217.10 ἐνδυτὰ καὶ ξανθοὺς ἐκρέμασε πλοκάμους. ### book 218.1.1 Κειράμενος γονίμην τις ἄπο φλέβα Μητρὸς ἀγύρτης ### book 218.1.2 Ἴδης εὐδένδρου πρῶνας ἐβουνοβάτει· ### book 218.1.3 τῷ δὲ λέων ἤντησε πελώριος, ὡς ἐπὶ θοίναν ### book 218 χάσμα φέρων χαλεπὸν πειναλέου φάρυγος. ### book 218.5.1 δείσας δ’ ὠμηστέω θηρὸς μόρον ὡς ἀυδάξαι, ### book 218.5.2 τύμπανον ἐξ ἱερᾶς ἐπλατάγης’ ἐνοπῆς. ### book 218.5.3 χὠ μὲν ἐνέκλεισεν φονίαν γένυν, ἐκ δὲ τενόντων ### book 218.5.4 ἔνθους ῥομβητὴν ἐστροφάλιζε φόβην· ### book 218.5.5 κεῖνος δ’ ἐκπροφυγὼν ὀλοὸν μόρον εἵσατο Ῥείῃ ### book 218.10 θῆρα, τὸν ὀρχησμῶν αὐτομαθῆ Κυβέλης. ### book 219.1.1 Ἔκ ποτέ τις φρικτοῖο θεᾶς σεσοβημένος οἴστρῳ ### book 219.1.2 ῥομβητοὺς δονέων λυσσομανεῖς πλοκάμους, ### book 219.1.3 θηλυχίτων, ἀσκητὸς ἐυσπείροισι κορύμβοις ### book 219.1.4 ἁβρῷ τε στρεπτῶν ἅμματι κεκρυφάλων, ### book 219.5.1 ἴθρις ἀνὴρ κοιλῶπιν ὀρειάδα δύσατο πέτραν, ### book 219.5.2 Ζανὸς ἐλαστρηθεὶς γυιοπαγεῖ νιφάδι. ### book 219.5.3 τὸν δὲ μέτ’ ἀρρίγητος ἐπείσθορε ταυροφόνος θὴρ ### book 219.5.4 εἰς τὸν ἑὸν προμολὼν φωλεὸν ἑσπέριος· ### book 219.5.5 ἀθρήσας δ’ εἰς φῶτα καὶ εὐτρήτοισιν ἀυτμὰν ### book 219.10.1 μυκτῆρσιν βροτέας σαρκὸς ἐρυσσάμενος ### book 219.10.2 ἔστα μὲν βριαροῖσιν ἐπ’ ἴχνεσιν, ὄμμα δ’ ἑλίξας ### book 219.10.3 βρυχᾶτο σφεδανῶν ὄβριμον ἐκ γενύων. ### book 219.10.4 ἀμφὶ δέ οἱ σμαράγει μὲν ἐναυλιστήριον ἄντρον, ### book 219.10.5 ἄχει δ’ ὑλάεις ἀγχινεφὴς σκόπελος. ### book 219.15.1 αὐτὰρ ὃ θαμβήσας φθόγγον βαρύν, ἐκ μὲν ἅπαντα ### book 219.15.2 ἐν στέρνοις ἐάγη θυμὸν ὀρινόμενον, ### book 219.15.3 ἀλλ’ ἔμπας ἐρίμυκον ἀπὸ στομάτων ὀλολυγὰν ### book 219.15.4 ἧκεν, ἐδίνησεν δ’ εὐστροφάλιγγα κόμαν· ### book 219.15.5 χειρὶ δ’ ἀνασχόμενος μέγα τύμπανον ἐπλατάγησε, ### book 219.20.1 δινωτὸν Ῥείας ὅπλον Ὀλυμπιάδος· ### book 219.20.2 τὸ ζωᾶς ἐπαρωγόν· ἀήθεα γὰρ τότε βύρσης ### book 219.20.3 ταυρείου κενεὸν δοῦπον ἔδεισε λέων, ### book 219.20.4 ἐκ δὲ φυγὼν ὤρουσεν. ἴδ’, ὡς ἐδίδαξεν ἀνάγκα ### book 219.20.5 πάνσοφος ἐξευρεῖν ἔκλυσιν Ἀίδεω. ### book 220.1.1 Σάρδις Πεσσινόεντος ἀπὸ Φρυγὸς ἤθελ’ ἱκέσθαι, ### book 220.1.2 ἔκφρων μαινομένην δοὺς ἀνέμοισι τρίχα, ### book 220.1.3 ἁγνὸς Ἄτυς, Κυβέλης θαλαμηπόλος· ἄγρια δ’ αὐτοῦ ### book 220.1.4 ἐψύχθη χαλεπῆς πνεύματα θευφορίης ### book 220.5.1 ἑσπέριον στείχοντος ἀνὰ κνέφας· εἰς δὲ κάταντες ### book 220.5.2 ἄντρον ἔδυ νεύσας βαιὸν ἄπωθεν ὁδοῦ. ### book 220.5.3 τοῦ δὲ λέων ὤρουσε κατὰ στίβον, ἀνδράσι δεῖμα ### book 220.5.4 θαρσαλέοις, Γάλλῳ δ’ οὐδ’ ὀνομαστὸν ἄχος, ### book 220.5.5 ὃς τότ’ ἄναυδος ἔμεινε δέους ὕπο καί τινος αὔρῃ ### book 220.10.1 δαίμονος ἐς τονόεν τύμπανον ἧκε χέρας· ### book 220.10.2 οὗ βαρὺ μυκήσαντος ὁ θαρσαλεώτερος ἄλλων ### book 220.10.3 τετραπόδων ἐλάφων ἔδραμεν ὀξύτερον, ### book 220.10.4 τὸν βαρὺν οὐ μείνας ἀκοῆς ψόφον· ἐκ δ’ ἐβόησεν· ### book 220.10.5 „Μῆτερ, Σαγγαρίου χείλεσι πὰρ ποταμοῦ, ### book 220.15 ἱρὴν σοὶ θαλάμην ζωάγρια καὶ λαλάγημα ### book 220 τοῦτο τὸ θηρὶ φυγῆς αἴτιον ἀντίθεμαι.“ ### book 221.1.1 Χειμερίην διὰ νύκτα χαλαζήεντά τε συρμὸν ### book 221.1.2 καὶ νιφετὸν φεύγων καὶ κρυόεντα πάγον ### book 221.1.3 μουνολέων καὶ δὴ κεκακωμένος ἀθρόα γυῖα ### book 221.1.4 ἦλθε φιλοκρήμνων αὖλιν ἐς αἰγινόμων. ### book 221.5.1 οἱ δ’ οὐκ ἀμφ’ αἰγῶν μεμελημένοι, ἀλλὰ περὶ σφέων, ### book 221.5.2 εἵατο σωτῆρα Ζῆν’ ἐπικεκλόμενοι. ### book 221.5.3 χεῖμα δὲ δὴ μείνας θὴρ νύκτιος, οὔτε τιν’ ἀνδρῶν ### book 221.5.4 οὔτε βοτῶν βλάψας, οἴχετ’ ἐπ’ ἄλλο σίνος. ### book 221.5.5 οἱ δὲ πάθης ἔργον τόδ’ ἐυγραφὲς ἀκρολοφῖται ### book 221.10 Ζανὶ παρ’ εὐπρέμνῳ τᾷδ’ ἀνέθεντο δρυΐ. ### book 222.1.1 Μυριόπουν σκολόπενδραν ὑπ’ Ὠρίωνι κυκηθεὶς ### book 222.1.2 πόντος Ἰαπύγων ἔβρας’ ἐπὶ σκοπέλους· ### book 222.1.3 καὶ τόδ’ ἀπὸ βλοσυροῦ σελάχευς μέγα πλευρὸν ἀνῆψαν ### book 222.1.4 δαίμοσι βουφόρτων κοίρανοι εἰκοσόρων. ### book 223.1.1 Λείψανον ἀμφίκλαστον ἁλιπλανέος σκολοπένδρης ### book 223.1.2 τοῦτο κατ’ εὐψαμάθου κείμενον ἠιόνος, ### book 223.1.3 δισσάκι τετρόργυιον, ὑπαὶ πεφορυγμένον ἀφρῷ, ### book 223.1.4 πολλὰ θαλασσαίῃ ξανθὲν ὑπὸ σπιλάδι, ### book 223.5.1 Ἑρμῶναξ ἐκίχανεν, ὅτε γριπηίδι τέχνῃ ### book 223.5.2 εἷλκε τὸν ἐκ πελάγευς ἰχθυόεντα βόλον· ### book 223.5.3 εὑρὼν δ’ ἠέρτησε Παλαίμονι παιδὶ καὶ Ἰνοῖ, ### book 223 δαίμοσιν εἰναλίοις δοὺς τέρας εἰνάλιον. ### book 224.1.1 Εἰνάλι’ ὦ λαβύρινθε, τύ μοι λέγε, τίς ς’ ἀνέθηκεν ### book 224.1.2 ἀγρέμιον πολιᾶς ἐξ ἁλὸς εὑρόμενος. ### book 224.1.3 „Παίγνιον ἀντριάσιν Διονύσιος ἄνθετο Νύμφαις ### book 224.1.4 —δῶρον δ’ ἐξ ἱερᾶς εἰμι Πελωριάδος— ### book 224.5.1 υἱὸς Πρωτάρχου· σκολιὸς δ’ ἐξέπτυσε πορθμός, ### book 224.5.2 ὄφρ’ εἴην λιπαρῶν παίγνιον Ἀντριάδων.“ ### book 225.1.1 Ἡρῷσσαι, Λιβύων ὄρος ἄκριτον αἵτε νέμεσθε ### book 225.1.2 αἰγίδι καὶ στρεπτοῖς ζωσάμεναι θυσάνοις, ### book 225.1.3 τέκνα θεῶν, δέξασθε Φιλήτιδος ἱερὰ ταῦτα ### book 225.1.4 δράγματα καὶ χλωροὺς ἐκ καλάμης στεφάνους, ### book 225.5.1 ἅσς’ ἀπὸ λικμητοῦ δεκατεύεται· ἀλλὰ καὶ οὕτως, ### book 225.5.2 ἡρῷσσαι, Λιβύων χαίρετε δεσπότιδες. ### book 226.1.1 Τοῦτ’ ὀλίγον Κλείτωνος ἐπαύλιον ἥ τ’ ὀλιγαῦλαξ ### book 226.1.2 σπείρεσθαι λειτός θ’ ὁ σχεδὸν ἀμπελεὼν ### book 226.1.3 τοῦτό τε ῥωπεύειν ὀλιγόξυλον· ἀλλ’ ἐπὶ τούτοις ### book 226.1.4 Κλείτων ὀγδώκοντ’ ἐξεπέρης’ ἔτεα. ### book 227.1.1 Ἀργύρεόν σοι τόνδε γενέθλιον ἐς τεὸν ἦμαρ, ### book 227.1.2 Πρόκλε, νεόσμηκτον δουνακίην κάλαμον, ### book 227.1.3 εὖ μὲν ἐυσχίστοισι διάγλυπτον κεράεσσιν, ### book 227 εὖ δὲ ταχυνομένην εὔροον εἰς σελίδα, ### book 227.5.1 πέμπει Κριναγόρης, ὀλίγην δόσιν, ἀλλ’ ἀπὸ θυμοῦ ### book 227.5.2 πλείονος, ἀρτιδαεῖ σύμπνοον εὐμαθίῃ. ### book 228.1.1 Αὔλακι καὶ γήρᾳ τετρυμένον ἐργατίνην βοῦν ### book 228.1.2 Ἄλκων οὐ φονίην ἤγαγε πρὸς κοπίδα, ### book 228.1.3 αἰδεσθεὶς ἔργων· ὁ δέ που βαθέῃ ἐνὶ ποίῃ ### book 228.1.4 μυκηθμοῖς ἀρότρου τέρπετ’ ἐλευθερίῃ. ### book 229.1.1 Αἰετοῦ ἀγκυλοχείλου ἀκρόπτερον ὀξὺ σιδήρῳ ### book 229.1.2 γλυφθὲν καὶ βαπτῇ πορφύρεον κυάνῳ, ### book 229.1.3 ἤν τι λάθῃ μίμνον μεταδόρπιον ἐντὸς ὀδόντων, ### book 229.1.4 κινῆσαι πρηεῖ κέντρῳ ἐπιστάμενον, ### book 229.5.1 βαιὸν ἀπ’ οὐκ ὀλίγης πέμπει φρενὸς οἷα δὲ δαιτὸς ### book 229.5.2 δῶρον ὁ πᾶς ἐπὶ σοί, Λεύκιε, Κριναγόρης. ### book 230.1.1 Ἀκρείτᾳ Φοίβῳ, Βιθυνίδος ὃς τόδε χώρης ### book 230.1.2 κράσπεδον αἰγιαλοῖς γειτονέον συνέχεις, ### book 230.1.3 Δᾶμις ὁ κυρτευτής, ψάμμῳ κέρας αἰὲν ἐρείδων, ### book 230.1.4 φρουρητὸν κήρυκ’ αὐτοθυεῖ σκόλοπι ### book 230.5 θῆκε γέρας, λιτὸν μέν, ἐπ’ εὐσεβίῃ δ’, ὁ γεραιὸς ### book 230 εὐχόμενος νούσων ἐκτὸς ἰδεῖν Ἀίδην. ### book 231.1.1 Αἰγύπτου μεδέουσα μελαμβώλου, λινόπεπλε ### book 231.1.2 δαῖμον, ἐπ’ εὐιέρους βῆθι θυηπολίας· ### book 231.1.3 σοὶ γὰρ ὑπὲρ σχιδάκων λαγαρὸν ποπάνευμα πρόκειται ### book 231.1.4 καὶ πολιῶν χηνῶν ζεῦγος ἐνυδροβίων ### book 231.5.1 καὶ νάρδος ψαφαρὴ κεγχρίτισιν ἰσχάσιν ἀμφὶ ### book 231.5.2 καὶ σταφυλὴ γραίη χὠ μελίπνους λίβανος. ### book 231.5.3 εἰ δ’ ὡς ἐκ πελάγους ἐρρύσαο Δᾶμιν, ἄνασσα, ### book 231.5.4 κἠκ πενίης, θύσει χρυσόκερων κεμάδα. ### book 232.1.1 Βότρυες οἰνοπέπαντοι ἐυσχίστοιό τε ῥοιῆς ### book 232.1.2 θρύμματα καὶ ξανθοὶ μυελοὶ ἐκ στροβίλων ### book 232.1.3 καὶ δειλαὶ δάκνεσθαι ἀμυγδάλαι ἥ τε μελισσῶν ### book 232.1.4 ἀμβροσίη πυκναί τ’ ἰτρίνεαι ποπάδες ### book 232.5.1 καὶ πότιμοι γέλγιθες ἰδ’ ὑελοκικκάδες ὄγχναι, ### book 232.5.2 δαψιλῆ οἰνοπόταις γαστρὸς ἐπεισόδια· ### book 232.5.3 Πανὶ φιλοσκήπωνι καὶ εὐστόρθυγγι Πριάπῳ ### book 232.5.4 ἀντίθεται λιτὴν δαῖτα Φιλοξενίδης. ### book 233.1.1 Γομφιόδουπα χαλινὰ καὶ ἀμφίτρητον ὑπεικτὰν ### book 233.1.2 κημὸν καὶ γενύων σφίγκτορ’ ἐυρραφέα ### book 233.1.3 τάνδε τ’ ἐπιπλήκτειραν ἀπορρύτοιο διωγμοῦ ### book 233.1.4 μάστιγα, σκαιοῦ δῆγμά τ’ ἐπιψελίου, ### book 233.5 κέντρα τ’ ἐναιμήεντα διωξίπποιο μύωπος ### book 233.1 καὶ πριστὸν ψήκτρης κνῆσμα σιδηρόδετον, ### book 233.2 διπλοῖς ἀιόνων ὠρύγμασιν, Ἴσθμιε, τερφθείς, ### book 233.3 δῶρα, Πόσειδον, ἔχεις ταῦτα παρὰ Στρατίου. ### book 234.1.1 Γάλλος ὁ χαιτάεις, ὁ νεήτομος, ὡπὸ Τυμώλου ### book 234.1.2 Λύδιος ὀρχηστὰς μάκρ’ ὀλολυζόμενος, ### book 234.1.3 τᾷ παρὰ Σαγγαρίῳ τάδε Ματέρι τύμπαν’ ἀγαυᾷ ### book 234.1.4 θήκατο καὶ μάστιν τὰν πολυαστράγαλον ### book 234.5.1 ταῦτά τ’ ὀρειχάλκου λάλα κύμβαλα καὶ μυρόεντα ### book 234.5.2 βόστρυχον, ἐκ λύσσας ἄρτ’ ἀναπαυσάμενος. ### book 235.1.1 Ἑσπερίοις μέγα χάρμα καὶ ἠῴοις περάτεσσιν, ### book 235.1.2 Καῖσαρ, ἀνικάτων ἔκγονε Ῥωμυλιδῶν, ### book 235.1.3 αἰθερίην γένεσιν σέο μέλπομεν, ἀμφὶ δὲ βωμοῖς ### book 235.1.4 γηθοσύνους λοιβὰς σπένδομεν ἀθανάτοις. ### book 235.5.1 ἀλλὰ σὺ παππῴοις ἐπὶ βήμασιν ἴχνος ἐρείδων ### book 235.5.2 εὐχομένοις ἡμῖν πουλὺ μένοις ἐπ’ ἔτος. ### book 236.1.1 Ἔμβολα χαλκογένεια, φιλόπλοα τεύχεα νηῶν, ### book 236.1.2 Ἀκτιακοῦ πολέμου κείμεθα μαρτύρια· ### book 236.1.3 ἠνίδε σιμβλεύει κηρότροφα δῶρα μελισσῶν ### book 236.1.4 ἑσμῷ βομβητῇ κυκλόσε βριθόμενα. ### book 236.5 Καίσαρος εὐνομίης χρηστῆς χάρις· ὅπλα γὰρ ἐχθρῶν ### book 236 καρποὺς εἰρήνης ἀντεδίδαξε τρέφειν. ### book 237.1.1 Ἐνδυτὰ καὶ πλοκάμους τούτους θέτο Γάλλος ὀρείῃ ### book 237.1.2 Μητρὶ θεῶν τοίης εἵνεκα συντυχίης. ### book 237.1.3 μούνῳ οἱ στείχοντι λέων ἄντασε καθ’ ὕλαν ### book 237.1.4 ἀργαλέος, ζωᾶς δ’ ἆθλος ἐπεκρέματο. ### book 237.5.1 ἀλλὰ θεὴ Γάλλῳ μὲν ἐπὶ φρενὸς ἧκεν ἀράξαι ### book 237.5.2 τύμπανον, ὠμηστὰν δ’ ἔτραπε φυζαλέον ### book 237.5.3 φθόγγον ὑποδδείσαντα πελώριον. εἵνεκα τοῦδε ### book 237.5.4 πλοχμοὶ συρικτᾶν κεῖνται ἀπ’ ἀκρεμόνων. ### book 238.1.1 Εὔφρων οὐ πεδίου πολυαύλακός εἰμ’ ὁ γεραιὸς ### book 238.1.2 οὐδὲ πολυγλεύκου γειομόρος βότρυος, ### book 238.1.3 ἀλλ’ ἀρότρῳ βραχύβωλον ἐπικνίζοντι χαράσσω ### book 238.1.4 χέρσον καὶ βαιοῦ πίδακα ῥωγὸς ἔχω. ### book 238.5.1 εἰ μήδ’ ἐξ ὀλίγων, ὀλίγη χάρις· εἰ δὲ διδοίης ### book 238.5.2 πλείονα, καὶ πολλῶν, δαῖμον, ἀπαρξόμεθα. ### book 239.1.1 Σμήνεος ἔκ με ταμὼν γλυκερὸν θέρος ἀντὶ νομαίων ### book 239.1.2 γηραιὸς Κλείτων σπεῖσε μελισσοπόνος, ### book 239.1.3 ἀμβροσίων ἔαρος κηρῶν μέλι πολλὸν ἀμέλξας, ### book 239.1.4 δῶρον ἀποιμάντου τηλοπέτευς ἀγέλης. ### book 239.5 θείης δ’ ἑσμοτόκον χορὸν ἄπλετον, εὖ δὲ μελιχροῦ ### book 239 νέκταρος ἐμπλήσαις κηροπαγεῖς θαλάμας. ### book 240.1.1 Ζηνὸς καὶ Λητοῦς θηροσκόπε τοξότι κούρη, ### book 240.1.2 Ἄρτεμις, ἣ θαλάμους τοὺς ὀρέων ἔλαχες, ### book 240.1.3 νοῦσον τὴν στυγερὴν αὐθημερὸν ἐκ βασιλῆος ### book 240.1.4 ἐσθλοτάτου πέμψαις ἄχρις Ὑπερβορέων· ### book 240.5.1 σοὶ γὰρ ὑπὲρ βωμῶν ἀτμὸν λιβάνοιο Φίλιππος ### book 240.5.2 ῥέξει καλλιθυτῶν κάπρον ὀρειονόμον. ### book 241.1.1 Ἡ κόρυς ἀμφοτέρην ἔλαχον χάριν, εἰμὶ δ’ ὁρᾶσθαι ### book 241.1.2 καὶ τερπνὴ φιλίοις καὶ φόβος ἀντιπάλοις. ### book 241.1.3 ἐκ δὲ Πυλαιμένεος Πείσων μ’ ἔχει· ἔπρεπεν ἄλλαις ### book 241.1.4 οὔτε κόρυς χαίταις οὔτε κόμαι κόρυθι. ### book 242.1.1 Ἠοῖ ἐπ’ εὐκταίῃ τάδε ῥέζομεν ἱρὰ τελείῳ ### book 242.1.2 Ζηνὶ καὶ ὠδίνων μειλίχῳ Ἀρτέμιδι. ### book 242.1.3 τοῖσι γὰρ οὑμὸς ὅμαιμος ἔτ’ ἄχνοος εὔξατο θήσειν ### book 242.1.4 τὸ πρῶτον γενύων ἠιθέοισιν ἔαρ. ### book 242.5.1 δαίμονες ἀλλὰ δέχοισθε καὶ αὐτίκα τῶνδ’ ἀπ’ ἰούλων ### book 242.5.2 Εὐκλείδην πολιῆς ἄχρις ἄγοιτε τριχός. ### book 243.1.1 „Ἥ τε Σάμου μεδέουσα καὶ ἣ λάχες Ἴμβρασον Ἥρη, ### book 243.1.2 δέξο γενεθλιδίους, πότνα, θυηπολίας ### book 243.1.3 μόσχων ἱερὰ ταῦτα, τά σοι πολὺ φίλτατα πάντων ### book 243.1.4 ἴσμεν, ὅσοι μακάρων θεσμὸν ἐπιστάμεθα.“ ### book 243.5 εὔχετ’ ἐπισπένδων τάδε Μάξιμος· ἡ δ’ ἐπένευσεν ### book 243 ἔμπεδα· Μοιράων δ’ οὐκ ἐμέγηρε λίνα. ### book 244.1.1 Ἥρη, Ἐληθυιῶν μήτηρ, Ἥρη τε τελείη ### book 244.1.2 καὶ Ζεῦ, γινομένοις ξυνὸς ἅπασι πάτερ, ### book 244.1.3 ὠδῖνας νεύσαιτ’ Ἀντωνίῃ ἵλαοι ἐλθεῖν ### book 244.1.4 πρηείας μαλακαῖς χερσὶ σὺν Ἠπιόνης, ### book 244.5.1 ὄφρα κε γηθήσειε πόσις μήτηρ θ’ ἑκυρή τε· ### book 244.5.2 ἡ νηδὺς οἴκων αἷμα φέρει μεγάλων. ### book 245.1.1 Καρπαθίην ὅτε νυκτὸς ἅλα στέψαντος ἀήτου ### book 245.1.2 λαίλαπι Βορραίῃ κλασθὲν ἐσεῖδε κέρας, ### book 245.1.3 εὔξατο κῆρα φυγών, Βοιώτιε, σοί με, Κάβειρε ### book 245.1.4 δέσποτα, χειμερίης ἄνθεμα ναυτιλίης, ### book 245.5.1 ἀρτήσειν ἁγίοις τόδε λώπιον ἐν προπυλαίοις ### book 245.5.2 Διογένης· ἀλέκοις δ’ ἀνέρι καὶ πενίην. ### book 246.1.1 Κέντρα διωξικέλευθα φιλορρώθωνά τε κημὸν ### book 246.1.2 τόν τε περὶ στέρνοις κόσμον ὀδοντοφόρον ### book 246.5.1 καὶ ψήκτρην ἵππων ἐρυσίτριχα τήν τ’ ἐπὶ νώτων ### book 246.5.2 μάστιγα ῥοίζου μητέρα θαρσαλέην ### book 246.3.1 κοἰσυΐνην τὴν ῥάβδον ἐπὶ προθύροισι, Πόσειδον, ### book 246.3.2 ἄνθετό σοι νίκης Χάρμος ἀπ’ Ἰσθμιάδος. ### book 246.7 ἀλλὰ σύ, Κυανοχαῖτα, δέχευ τάδε, τὸν δὲ Λυκίνου ### book 246 υἷα καὶ εἰς μεγάλην στέψον Ὀλυμπιάδα. ### book 247.1.1 Κερκίδας ὀρθρολάλοισι χελιδόσιν εἰκελοφώνους, ### book 247.1.2 Παλλάδος ἱστοπόνου λειομίτους κάμακας ### book 247.1.3 καὶ κτένα κοσμοκόμην καὶ δακτυλότριπτον ἄτρακτον ### book 247.1.4 σφονδυλοδινήτῳ νήματι νηχόμενον ### book 247.5.1 καὶ τάλαρον σχοίνοις ὑφασμένον, ὅν ποτ’ ὀδόντι ### book 247.5.2 ἐπλήρου τολύπη πᾶσα καθαιρομένη, ### book 247.5.3 σοί, φιλέριθε κόρη Παλλαντιάς, ἡ βαθύγηρως ### book 247.5.4 Αἰσιόνη πενίης δῶρον ἀνεκρέμασεν. ### book 248.1.1 Κύπριδι κεῖσο, λάγυνε μεθυσφαλές, αὐτίκα δῶρον ### book 248.1.2 κεῖσο, κασιγνήτη νεκταρέης κύλικος· ### book 248.1.3 βακχιὰς ὑγρόφθογγε, συνέστιε δαιτὸς ἐίσης, ### book 248.1.4 στειναύχην ψήφου συμβολικῆς θύγατερ, ### book 248.5.1 θνητοῖς αὐτοδίδακτε διήκονε, μύστι φιλούντων ### book 248.5.2 ἡδίστη, δείπνων ὅπλον ἑτοιμότατον, ### book 248.5.3 εἴης ἐκ Μάρκου γέρας ἀγλαόν, ὅς σε, φίλοινε, ### book 248.5.4 ᾔνεσεν ἀρχαίην σύμπλανον ἀνθέμενος. ### book 249.1.1 Λαμπάδα, κηροχίτωνα, Κρόνου τυφήρεα λύχνον, ### book 249.1.2 σχοίνῳ καὶ λεπτῇ σφιγγομένην παπύρῳ, ### book 249.1.3 Ἀντίπατρος Πείσωνι φέρει γέρας· ἢν δέ μ’ ἀνάψας ### book 249 εὔξηται, λάμψω φέγγος ἀκουσίθεον. ### book 250.1.1 Λιτὸς ἐγὼ τὰ τύχης, ὦ δεσπότι, φημὶ δὲ πολλῶν ### book 250.1.2 ὄλβον ὑπερκύπτειν τὸν σὸν ἀπὸ κραδίης. ### book 250.1.3 ἀλλὰ δέχευ μνιαροῖο βαθυρρήνοιο τάπητος ### book 250.1.4 ἐνδυτὸν εὐανθεῖ πορφύρῃ εἰδόμενον ### book 250.5.1 εἴριά τε ῥοδόεντα καὶ ἐς κυανότριχα χαίτην ### book 250.5.2 νάρδον ὑπὸ γλαυκῆς κλειομένην ὑάλου, ### book 250.5.3 ὄφρα χιτὼν μὲν χρῶτα περισκέπῃ, ἔργα δ’ ἐλέγχῃ ### book 250.5.4 χεῖρας, ὁ δ’ εὐώδης ἀτμὸς ἔχῃ πλοκάμους. ### book 251.1.1 Λευκάδος αἰπὺν ἔχων ναύταις τηλέσκοπον ὄχθον, ### book 251.1.2 Φοῖβε, τὸν Ἰονίῳ λουόμενον πελάγει, ### book 251.1.3 δέξαι πλωτήρων μάζης χεριφυρέα δαῖτα ### book 251.1.4 καὶ σπονδὴν ὀλίγῃ κιρναμένην κύλικι ### book 251.5.1 καὶ βραχυφεγγίτου λύχνου σέλας ἐκ βιοφειδοῦς ### book 251.5.2 ὄλπης ἡμιμεθεῖ πινόμενον στόματι· ### book 251.5.3 ἀνθ’ ὧν ἱλήκοις, ἐπὶ δ’ ἱστία πέμψον ἀήτην ### book 251.5.4 οὔριον Ἀκτιακοὺς σύνδρομον εἰς λιμένας. ### book 252.1.1 Μῆλον ἐγὼ στρούθειον ἀπὸ προτέρης ἔτι ποίης ### book 252.1.2 ὥριον ἐν νεαρῷ χρωτὶ φυλασσόμενον, ### book 252.1.3 ἄσπιλον, ἀρρυτίδωτον, ἰσόχνοον ἀρτιγόνοισιν, ### book 252.1.4 ἀκμὴν εὐπετάλοις συμφυὲς ἀκρεμόσιν, ### book 252.5 ὥρης χειμερίης σπάνιον γέρας· εἰς σὲ δ’, ἄνασσα, ### book 252 τοίην χὠ νιφόεις κρυμὸς ὀπωροφορεῖ. ### book 253.1.1 Σπήλυγγες Νυμφῶν ἐυπίδακες, αἱ τόσον ὕδωρ ### book 253.1.2 εἴβουσαι σκολιοῦ τοῦδε κατὰ πρεόνος, ### book 253.1.3 Πανός τ’ ἠχήεσσα πιτυστέπτοιο καλιή, ### book 253.1.4 τὴν ὑπὸ Βασσαίης ποσσὶ λέλογχε πέτρης, ### book 253.5.1 ἱερά τ’ ἀγρευταῖσι γερανδρύου ἀρκεύθοιο ### book 253.5.2 πρέμνα λιθηλογέες θ’ Ἑρμέω ἱδρύσιες, ### book 253.5.3 αὐταί θ’ ἱλήκοιτε καὶ εὐθήροιο δέχοισθε ### book 253.5.4 Σωσάνδρου ταχινῆς σκῦλ’ ἐλαφοσσοΐης. ### book 254.1.1 Τὴν μαλακὴν Παφίης, Στατύλλιον ἀνδρόγυνον, δρῦν ### book 254.1.2 ἕλκειν εἰς Ἀίδην ἡνίκ’ ἔμελλε χρόνος, ### book 254.1.3 τἀκ κόκκου βαφθέντα καὶ ὑσγίνοιο θέριστρα ### book 254.1.4 καὶ τοὺς ἁδρολιπεῖς ἀλλοτρίους πλοκάμους ### book 254.5.1 φαικάδα τ’ εὐτάρσοισιν ἐπ’ ἀστραγάλοισι γελῶσαν ### book 254.5.2 καὶ τὴν γρυτοδόκην κοιτίδα παμβακίδων ### book 254.5.3 αὐλούς θ’ ἡδὺ πνέοντας ἑταιρείοις ἐνὶ κώμοις ### book 254.5.4 δῶρα Πριηπείων θῆκεν ἐπὶ προθύρων. ### book 255.1.1 Τοῦτο Σάων τὸ δίπαχυ κόλον κέρας Ὡμβρακιώτας ### book 255.1.2 βουμολγὸς ταύρου κλάσσεν ἀτιμαγέλου, ### book 255.1.3 ὁππότε μιν κνημούς τε κατὰ λασίους τε χαράδρας ### book 255 ἐξερέων ποταμοῦ φράσσατ’ ἐπ’ ἀιόνι ### book 255.5.1 ψυχόμενον χηλάς τε καὶ ἰξύας· αὐτὰρ ὃ βούτεω ### book 255.5.2 ἀντίος ἐκ πλαγίων ἵεθ’· ὁ δὲ ῥοπάλῳ ### book 255.5.3 γυρὸν ἀπεκράνιξε βοὸς κέρας, ἐκ δέ μιν αὐτᾶς ### book 255.5.4 ἀχράδος εὐμύκῳ πᾶξε παρὰ κλισίᾳ. ### book 256.1.1 Ταύρου βαθὺν τένοντα καὶ σιδαρέους ### book 256.1.2 Ἄτλαντος ὤμους καὶ κόμαν Ἡρακλέους ### book 256.1.3 σεμνάν θ’ ὑπήναν καὶ λέοντος ὄμματα ### book 256.1.4 Μιλησίου γίγαντος οὐδ’ Ὀλύμπιος ### book 256.5.1 Ζεὺς ἀτρόμητος εἶδεν, ἄνδρας ἡνίκα ### book 256.5.2 πυγμὰν ἐνίκα Νικοφῶν Ὀλύμπια. ### book 257.1.1 Τίς με, Διωνύσῳ πεπλασμένον ἀμφιφορῆα, ### book 257.1.2 τίς με, τὸν Ἀδριακοῦ νέκταρος οἰνοδόκον, ### book 257.1.3 Δηοῦς ἐπλήρωσε; τίς ἢ φθόνος εἰς ἐμὲ Βάκχου ### book 257.1.4 ἢ σπάνις οἰκείου τεύχεος ἀσταχύων ### book 257.5 ἀμφοτέρους ᾔσχυνε; σεσύληται μὲν ὁ Βάκχος, ### book 257 Δημήτηρ δὲ Μέθην σύντροφον οὐ δέχεται. ### book 258.1.1 Τὰν ὄιν, ὦ Δάματερ ἐπόγμιε, τάν τ’ ἀκέρωτον ### book 258.1.2 μόσχον καὶ τροχιὰν ἐν κανέῳ φθοΐδα ### book 258.1.3 σοὶ ταύτας ἐφ’ ἅλωος, ἐφ’ ᾇ πολὺν ἔβρασεν ἄντλον ### book 258.1.4 Κρήθων καὶ λιπαρὰν εἶδε γεωμορίαν, ### book 258.5.1 ἱρεύει, πολύσωρε· σὺ δὲ Κρήθωνος ἄρουραν ### book 258.5.2 πᾶν ἔτος εὔκριθον καὶ πολύπυρον ἄνοις. ### book 259.1.1 Τίς τὸν ἄχνουν Ἑρμῆν σε παρ’ ὑσπλήγεσσιν ἔθηκεν; — ### book 259.1.2 „Ἑρμογένης.“ —Τίνος ὤν; —„Δαϊμένευς.“ —Ποδαπός; — ### book 259.1.3 „Ἀντιοχεύς.“ —Τιμῶν σε χάριν τίνος; —„Ὡς συναρωγὸν ### book 259.1.4 ἐν σταδίοις.“ —Ποίοις; —„Ἰσθμόθι κἠν Νεμέᾳ.“ — ### book 259.5.1 Ἔτρεχε γάρ; —„Καὶ πρῶτος.“ —Ἑλὼν τίνας; —„Ἐννέα παῖδας· ### book 259.5.2 ἔπτη δ’ ὡς ἂν ἔχων τοὺς πόδας ἡμετέρους.“ ### book 260.1.1 Φρύνη τὸν πτερόεντα, τὸν εὐτέχνητον, Ἔρωτα ### book 260.1.2 μισθὸν ὑπὲρ τεχνῶν ἄνθετο Θεσπιέσιν. ### book 260.1.3 Κύπριδος ἡ τέχνη ζηλούμενον, οὐκ ἐπιμεμφὲς ### book 260.1.4 δῶρον· ἐς ἀμφοτέρους δ’ ἔπρεπε μισθὸς Ἔρως. ### book 260.5 δοιῆς ἐκ τέχνης αἰνέω βροτόν, ὅς γε καὶ ἄλλοις ### book 260 δοὺς θεὸν ἐν σπλάγχνοις εἶχε τελειότερον. ### book 261.1.1 Χάλκεον ἀργυρέῳ με πανείκελον, Ἰνδικὸν ἔργον, ### book 261.1.2 ὄλπην, ἡδίστου ξείνιον εἰς ἑτάρου, ### book 261.1.3 ἦμαρ ἐπεὶ τόδε σεῖο γενέθλιον, υἱὲ Σίμωνος, ### book 261.1.4 πέμπει γηθομένῃ σὺν φρενὶ Κριναγόρης. ### book 262.1.1 Τὸν νομίην καὶ ἔπαυλα βοῶν καὶ βώτορας ἄνδρας ### book 262.1.2 σινόμενον κλαγγάν τ’ οὐχὶ τρέσαντα κυνῶν ### book 262.1.3 Εὐάλκης ὁ Κρὴς ἐπινύκτια μῆλα νομεύων ### book 262.1.4 πέφνε καὶ ἐκ ταύτης ἐκρέμασεν πίτυος. ### book 263.1.1 Πυρσῶ τοῦτο λέοντος ἀποφλοιώσατο δέρμα ### book 263.1.2 Σῶσος ὁ βουπάμων, δουρὶ φονευσάμενος ### book 263.1.3 ἄρτι καταβρύκοντα τὸν εὐθηλήμονα μόσχον· ### book 263.1.4 οὐδ’ ἵκετ’ ἐκ μάνδρας αὖτις ἐπὶ ξύλοχον, ### book 263.5.1 μοσχείω δ’ ἀπέτισεν ὁ θὴρ ἀνθ’ αἵματος αἷμα ### book 263.5.2 βληθείς· ἀχθεινὰν δ’ εἶδε βοοκτασίαν. ### book 264.1.1 Ἀσπὶς Ἀλεξάνδρου τοῦ Φυλέος ἱερὸν ἅδε ### book 264.1.2 δῶρον Ἀπόλλωνι χρυσοκόμῳ δέδομαι, ### book 264.1.3 γηραλέα μὲν ἴτυν πολέμων ὕπο, γηραλέα δὲ ### book 264.1.4 ὀμφαλόν· ἀλλ’ ἀρετᾷ λάμπομαι, ἇς ἔκιχον ### book 264.5 ἀνδρὶ κορυσσαμένα σὺν ἀριστέι, ὅς μ’ ἀνέθηκε. ### book 264 ἐμμὶ δ’ ἀήσσατος πάμπαν, ἀφ’ οὗ γενόμαν. ### book 265.1.1 Ἥρα τιμήεσσα, Λακίνιον ἃ τὸ θυῶδες ### book 265.1.2 πολλάκις οὐρανόθεν νεισομένα καθορῇς, ### book 265.1.3 δέξαι βύσσινον εἷμα, τό τοι μετὰ παιδὸς ἀγαυὰ ### book 265.1.4 Νοσσίδος ὕφανεν Θευφιλὶς ἁ Κλεόχας. ### book 266.1.1 Τάνδε παρὰ τριόδοις τὰν Ἄρτεμιν Ἁγελόχεια, ### book 266.1.2 ἔτ’ ἐν πατρὸς μένουσα παρθένος δόμοις, ### book 266.1.3 ἕσσατο, Δαμαρέτου θυγάτηρ· ἐφάνη γάρ οἱ αὐτὰ ### book 266.1.4 ἱστοῦ παρὰ κρόκαισιν ὡς αὐγὰ πυρός. ### book 267.1.1 Φωσφόρος, ὦ σώτειρ’, ἐπὶ Πόλλιδος ἕσταθι κλήρων, ### book 267.1.2 Ἄρτεμι, καὶ χαρίεν φῶς ἑὸν ἀνδρὶ δίδου, ### book 267.1.3 αὐτῷ καὶ γενεῇ, τό περ εὐμαρές· οὐ γὰρ ἀφαυρῶς ### book 267.1.4 ἐκ Διὸς ἰθείης οἶδε τάλαντα δίκης. ### book 267.5.1 ἄλσος δ’, Ἄρτεμι, τοῦτο καὶ ἂν Χαρίτεσσι θεούσαις ### book 267.5.2 εἴη ἐπ’ ἀνθεμίδων σάμβαλα κοῦφα βαλεῖν. ### book 268.1.1 Τοῦτό τοι, Ἄρτεμι δῖα, Κλεώνυμος εἵσατ’ ἄγαλμα· ### book 268.1.2 τοῦτο σὺ δ’ εὐθήρου τοῦδ’ ὑπέρισχε ῥίου, ### book 268.1.3 ἥτε κατ’ εἰνοσίφυλλον ὄρος ποσί, πότνια, βαίνεις, ### book 268 δεινὸν μαιμώσαις ἐγκονέουσα κυσίν. ### book 269.1.1 Παῖδες, ἄφωνος ἐοῖσα τότ’ ἐννέπω, αἴ τις ἔρηται, ### book 269.1.2 φωνὰν ἀκαμάταν κατθεμένα πρὸ ποδῶν· ### book 269.1.3 „Αἰθοπίᾳ με κόρᾳ Λατοῦς ἀνέθηκεν Ἀρίστα ### book 269.1.4 Ἑρμοκλειδαία τῶ Σαϋναϊάδα, ### book 269.5.1 σὰ πρόπολος, δέσποινα γυναικῶν· ᾇ σὺ χαρεῖσα ### book 269.5.2 πρόφρων ἁμετέραν εὐκλέισον γενεάν.“ ### book 270.1.1 Ἀμφαρέτας κρήδεμνα καὶ ὑδατόεσσα καλύπτρα, ### book 270.1.2 Εἰλήθυια, τεᾶς κεῖται ὑπὲρ κεφαλᾶς, ### book 270.1.3 ὥς σε μετ’ εὐχωλαῖς ἐκαλέσσατο λευγαλέας οἱ ### book 270.1.4 κῆρας ἀπ’ ὠδίνων τῆλε βαλεῖν λοχίων. ### book 271.1.1 Ἄρτεμι, σοὶ τὰ πέδιλα Κιχησίου εἵσατο υἱὸς ### book 271.1.2 καὶ πέπλων ὀλίγον πτύγμα Θεμιστοδίκη, ### book 271.1.3 οὕνεκά οἱ πρηεῖα λεχοῖ δισσὰς ὑπερέσχες ### book 271.1.4 χεῖρας ἄτερ τόξου, πότνια, νισσομένη. ### book 271.5.1 Ἄρτεμι, νηπίαχον δὲ καὶ εἰσέτι παῖδα Λέοντος ### book 271.5.2 νεῦσον ἰδεῖν κοῦρον γυῖ’ ἐπαεξόμενον. ### book 272.1.1 Ζῶμά τοι, ὦ Λατωί, καὶ ἀνθεμόεντα κύπασσιν ### book 272.1.2 καὶ μίτραν μαστοῖς σφιγκτὰ περιπλομέναν ### book 272.1.3 θήκατο Τιμάεσσα, δυσωδίνοιο γενέθλας ### book 272 ἀργαλέον δεκάτῳ μηνὶ φυγοῦσα βάρος. ### book 273.1.1 Ἄρτεμι, Δᾶλον ἔχουσα καὶ Ὀρτυγίαν ἐρόεσσαν, ### book 273.1.2 τόξα μὲν εἰς κόλπους ἅγν’ ἀπόθου Χαρίτων, ### book 273.1.3 λοῦσαι δ’ Ἰνωπῷ καθαρὸν χρόα, βᾶθι δ’ ἐς οἴκους ### book 273.1.4 λύσους’ ὠδίνων Ἀλκέτιν ἐκ χαλεπῶν. ### book 274.1.1 Πότνια κουροσόος, ταύταν ἐπιπορπίδα νυμφᾶν ### book 274.1.2 καὶ στεφάναν λιπαρῶν ἐκ κεφαλᾶς πλοκάμων, ### book 274.1.3 ὀλβία Εἰλήθυια, πολυμνάστοιο φύλασσε ### book 274.1.4 Τισίδος ὠδίνων ῥύσια δεξαμένα. ### book 275.1.1 Χαίροισάν τοι ἔοικε κομᾶν ἄπο τὰν Ἀφροδίταν ### book 275.1.2 ἄνθεμα κεκρύφαλον τόνδε λαβεῖν Σαμύθας· ### book 275.1.3 δαιδάλεός τε γάρ ἐστι καὶ ἁδύ τι νέκταρος ὄσδει ### book 275.1.4 τοῦ, τῷ καὶ τήνα καλὸν Ἄδωνα χρίει. ### book 276.1.1 Ἡ πολύθριξ οὔλας ἀνεδήσατο παρθένος Ἵππη ### book 276.1.2 χαίτας, εὐώδη σμηχομένα κρόταφον· ### book 276.1.3 ἤδη γάρ οἱ ἐπῆλθε γάμου τέλος· αἱ δ’ ἐπὶ κουρῇ ### book 276.1.4 μίτραι παρθενίας αἰτέομεν χάριτας. ### book 276.5 Ἄρτεμι, σῇ δ’ ἰότητι γάμος θ’ ἅμα καὶ γένος εἴη ### book 276 τῇ Λυκομηδείδου παιδὶ φιλαστραγάλῃ. ### book 277.1.1 Ἄρτεμι, τόξα λαχοῦσα καὶ ἀλκήεντας ὀιστούς, ### book 277.1.2 σοὶ πλόκον οἰκείας τόνδε λέλοιπε κόμης ### book 277.1.3 Ἀρσινόη θυόεν παρ’ ἀνάκτορον, ἡ Πτολεμαίου ### book 277.1.4 παρθένος, ἱμερτοῦ κειραμένη πλοκάμου. ### book 278.1.1 Παῖς Ἀσκληπιάδεω καλῷ καλὸν εἵσατο Φοίβῳ ### book 278.1.2 Γόργος ἀφ’ ἱμερτᾶς τοῦτο γέρας κεφαλᾶς. ### book 278.1.3 Φοῖβε, σὺ δ’ ἵλαος, Δελφίνιε, κοῦρον ἀέξοις ### book 278.1.4 εὔμοιρον λευκὴν ἄχρις ἐφ’ ἡλικίην. ### book 279.1.1 Πρώτας ὁππότ’ ἔπεξε καλὰς Εὔδοξος ἐθείρας, ### book 279.1.2 Φοίβῳ παιδείην ὤπασεν ἀγλαΐην. ### book 279.1.3 ἀντὶ δέ οἱ πλοκαμῖδος, Ἑκηβόλε, κάλλος ἐπείη ### book 279.1.4 ὡχαρνῆθεν ἀεὶ κισσὸς ἀεξόμενος. ### book 280.1.1 Τιμαρέτα πρὸ γάμοιο τὰ τύμπανα τάν τ’ ἐρατεινὰν ### book 280.1.2 σφαῖραν τόν τε κόμας ῥύτορα κεκρύφαλον ### book 280.1.3 τάς τε κόρας Λιμνάτι, κόρᾳ κόρα, ὡς ἐπιεικές, ### book 280.1.4 ἄνθετο καὶ τὰ κορᾶν ἐνδύματ’ Ἀρτέμιδι. ### book 280.5 Λητῴα, τὺ δὲ παιδὸς ὑπὲρ χέρα Τιμαρετείας ### book 280 θηκαμένα σῴζοις τὰν ὁσίαν ὁσίως. ### book 281.1.1 Δίνδυμα καὶ Φρυγίης πυρικαιέος ἀμφιπολεῦσα ### book 281.1.2 πρῶνας τὴν μικρήν, Μῆτερ, Ἀριστοδίκην, ### book 281.1.3 κούρην Σειλήνης, παμπότνια, κεἰς ὑμέναιον ### book 281.1.4 κεἰς γάμον ἁδρύναις, πείρατα κουροσύνας· ### book 281.5.1 ἀνθ’ ὧν σοι κατὰ πολλὰ προνήια καὶ παρὰ βωμῷ ### book 281.5.2 παρθενικὴν ἐτίναξ’ ἔνθα καὶ ἔνθα κόμην. ### book 282.1.1 Σοὶ τὸν πιληθέντα δι’ εὐξάντου τριχὸς ἀμνοῦ, ### book 282.1.2 Ἑρμᾶ, Καλλιτέλης ἐκρέμασεν πέτασον ### book 282.1.3 καὶ δίβολον περόναν καὶ στλεγγίδα καὶ τὸ τανυσθὲν ### book 282.1.4 τόξον καὶ τριβάκην γλοιοπότιν χλαμύδα ### book 282.5.1 καὶ σχίζας καὶ σφαῖραν ἀείβολον· ἀλλὰ σὺ δέξαι ### book 282.5.2 δῶρα, φιλευτάκτου δῶτορ ἐφηβοσύνας. ### book 283.1.1 Ἡ τὸ πρὶν αὐχήσασα πολυχρύσοις ἐπ’ ἐρασταῖς, ### book 283.1.2 ἡ Νέμεσιν δεινὴν οὐχὶ κύσασα θεόν, ### book 283.1.3 μίσθια νῦν σπαθίοις πενιχροῖς πηνίσματα κρούει. ### book 283.1.4 ὀψέ γ’ Ἀθηναίη Κύπριν ἐληίσατο. ### book 284.1.1 Λάθρῃ κοιμηθεῖσα Φιλαίνιον εἰς Ἀγαμήδους ### book 284.1.2 κόλπους τὴν φαιὴν εἰργάσατο χλανίδα. ### book 284.1.3 αὐτὴ Κύπρις ἔριθος· ἐύκλωστον δὲ γυναικῶν ### book 284 νῆμα καὶ ἠλακάτην ἀργὸς ἔχοι τάλαρος. ### book 285.1.1 Ἡ πρὶν Ἀθηναίης ὑπὸ κερκίσι καὶ τὰ καθ’ ἱστῶν ### book 285.1.2 νήματα Νικαρέτη πολλὰ μιτωσαμένη ### book 285.1.3 Κύπριδι τὸν κάλαθον τά τε πηνία καὶ τὰ σὺν αὐτοῖς ### book 285.1.4 ἄρμεν’ ἐπὶ προδόμου πάντα πυρῆς ἔθετο, ### book 285.5.1 „Ἔρρετε,“ φωνήσασα, „κακῶν λιμηρὰ γυναικῶν ### book 285.5.2 ἔργα, νέον τήκειν ἄνθος ἐπιστάμενα.“ ### book 285.5.3 εἵλετο δὲ στεφάνους καὶ πηκτίδα καὶ μετὰ κώμων ### book 285.5.4 ἡ παῖς τερπνὸν ἔχειν ἐν θαλίαις βίοτον, ### book 285.5.5 εἶπε δέ· „Παντός σοι δεκάτην ἀπὸ λήμματος οἴσω, ### book 285.10 Κύπρι, σὺ δ’ ἐργασίην καὶ λάβε καὶ μετάδος.“ ### book 286.1.1 Τῆς πέζης τὰ μὲν ἄκρα τὰ δεξιὰ μέχρι παλαιστῆς ### book 286.1.2 καὶ σπιθαμῆς οὔλης Βίττιον εἰργάσατο· ### book 286.1.3 θάτερα δ’ Ἀντιάνειρα προσήρμοσε· τὸν δὲ μεταξὺ ### book 286.1.4 Μαίανδρον καὶ τὰς παρθενικὰς Βιτίη. ### book 286.5.1 κουρᾶν καλλίστη Διός, Ἄρτεμι, τοῦτο τὸ νῆμα ### book 286.5.2 πρὸς ψυχῆς θείης, τὴν τριπόνητον ἔριν. ### book 287.1.1 Ἄρτεμι, σοὶ ταύταν, ἐυπάρθενε, πότνα γυναικῶν, ### book 287.1.2 τὰν μίαν αἱ τρισσαὶ πέζαν ὑφηνάμεθα. ### book 287.1.3 καὶ Βιτίη μὲν τάσδε χοροιθαλέας κάμε κούρας ### book 287.1.4 λοξά τε Μαιάνδρου ῥεῖθρα πολυπλανέος· ### book 287.5.1 ξανθὰ δ’ Ἀντιάνειρα τὸν ἀγχόθι μήσατο κόσμον ### book 287.5.2 πρὸς λαιᾷ ποταμοῦ κεκλιμένον λαγόνι· ### book 287.5.3 τὸν δέ νυ δεξιτερῶν νασμῶν πέλας ἰσοπάλαιστον ### book 287 τοῦτον ἐπὶ σπιθαμὴν Βίττιον ἠνύσατο. ### book 288.1.1 Αἱ Λυκομήδευς παῖδες, Ἀθηνὼ καὶ Μελίτεια ### book 288.1.2 καὶ Φιντὼ Γληνίς θ’, αἱ φιλοεργόταται, ### book 288.1.3 ἔργων ἐκ δεκάτας ποτιθύμια τόν τε πρόσεργον ### book 288.1.4 ἄτρακτον καὶ τὰν ἄτρια κριναμέναν ### book 288.5.1 κερκίδα, τὰν ἱστῶν μολπάτιδα, καὶ τὰ τροχαῖα ### book 288.5.2 πανία κἠργασίας τούσδε ποτιρροπέας ### book 288.5.3 καὶ σπάθας εὐβριθεῖς, πολυάργυρα τῶσδε πενιχραῖς, ### book 288.5.4 ἐξ ὀλίγων ὀλίγαν μοῖραν ἀπαρχόμεθα. ### book 288.5.5 τῶν χέρας αἰέν, Ἀθάνα, ἐπιπλήσαις μὲν ὀπίσσω, ### book 288.10 θείης δ’ εὐσιπύους ἐξ ὀλιγησιπύων. ### book 289.1.1 Αὐτονόμα, Μελίτεια, Βοΐσκιον, αἱ Φιλολᾴδεω ### book 289.1.2 καὶ Νικοῦς Κρῆσσαι τρεῖς, ξένε, θυγατέρες, ### book 289.1.3 ἁ μὲν τὸν μιτόεργον ἀειδίνητον ἄτρακτον, ### book 289.1.4 ἁ δὲ τὸν ὀρφνίταν εἰροκόμον τάλαρον, ### book 289.5.1 ἁ δ’ ἅμα τὰν πέπλων εὐάτριον ἐργάτιν, ἱστῶν ### book 289.5.2 κερκίδα, τὰν λεχέων Πανελόπας φύλακα, ### book 289.5.3 δῶρον Ἀθαναίᾳ Πανίτιδι τῷδ’ ἐνὶ ναῷ ### book 289.5.4 θῆκαν, Ἀθαναίας παυσάμεναι καμάτων. ### book 290.1.1 Ῥιπίδα τὴν μαλακοῖσιν ἀεὶ πρηεῖαν ἀήταις ### book 290.1.2 Παρμενὶς ἡδίστῃ θῆκε παρ’ Οὐρανίῃ, ### book 290.1.3 ἐξ εὐνῆς δεκάτευμα· τὸ δ’ ἠελίου βαρὺ θάλπος ### book 290 ἡ ’ταίρη μαλακοῖς ἐκτρέπεται Ζεφύροις. ### book 291.1.1 Βακχυλίς, ἡ Βάκχου κυλίκων σποδός, ἔκ ποτε νούσω ### book 291.1.2 κεκλιμένα Δηοῖ τοῖον ἔλεξεν ἔπος· ### book 291.1.3 „Ἢν ὀλοοῦ διὰ κῦμα φύγω πυρός, εἰς ἑκατόν σοι ### book 291.1.4 ἠελίους δροσερᾶν πίομαι ἐκ λιβάδων, ### book 291.5.1 ἀβρόμιος καὶ ἄοινος.“ ἐπεὶ δ’ ὑπάλυξεν ἀνίην, ### book 291.5.2 αὐτῆμαρ τοῖον μῆχος ἐπεφράσατο· ### book 291.5.3 τρητὸν γὰρ θεμένα χερὶ κόσκινον εὖ διὰ πυκνῶν ### book 291.5.4 σχοίνων ἠελίους πλείονας ηὐγάσατο. ### book 292.1.1 Αἱ μίτραι τό θ’ ἁλουργὲς ὑπένδυμα τοί τε Λάκωνες ### book 292.1.2 πέπλοι καὶ ληρῶν οἱ χρύσεοι κάλαμοι, ### book 292.1.3 πάνθ’ ἅμα Νικονόῃ συνεπήιεν· ἦν γὰρ Ἐρώτων ### book 292.1.4 καὶ Χαρίτων ἡ παῖς ἀμβρόσιόν τι θάλος. ### book 292.5.1 τοιγὰρ τῷ κρίναντι τὰ καλλιστεῖα Πριάπῳ ### book 292.5.2 νεβρίδα καὶ χρυσέην τήνδ’ ἔθετο προχόην. ### book 293.1.1 Ὁ σκίπων καὶ ταῦτα τὰ βλαυτία, πότνια Κύπρι, ### book 293.1.2 ἄγκειται κυνικοῦ σκῦλ’ ἀπὸ Σωχάρεος ### book 293.1.3 ὄλπη τε ῥυπόεσσα πολυτρήτοιό τε πήρας ### book 293.1.4 λείψανον, ἀρχαίης πληθόμενον σοφίης· ### book 293.5 σοὶ δὲ Ῥόδων ὁ καλός, τὸν πάνσοφον ἡνίκα πρέσβυν ### book 293 ἤγρευσεν, στεπτοῖς θήκατ’ ἐπὶ προθύροις. ### book 294.1.1 Σκίπωνα προποδαγὸν ἱμάντα τε καὶ πυρικοίταν ### book 294.1.2 νάρθηκα, κροτάφων πλάκτορα νηπιάχων, ### book 294.1.3 κίρκον τ’ εὔολκον φιλοκαμπέα καὶ μονόπελμον ### book 294.1.4 συγχίδα καὶ στεγάναν κρατὸς ἐρημοκόμου ### book 294.5.1 Κάλλων Ἑρμείᾳ θέτ’ ἀνάκτορι, σύμβολ’ ἀγωγᾶς ### book 294.5.2 παιδείου, πολιῷ γυῖα δεθεὶς καμάτῳ. ### book 295.1.1 Σμῖλαν Ἀκεστώνδας δονακογλύφον ὅν τ’ ἐπὶ μισθῷ ### book 295.1.2 σπόγγον ἔχεν καλάμων ψαίστορ’ ἀπὸ Κνιδίων ### book 295.1.3 καὶ σελίδων κανόνισμα φιλόρθιον ἔργμα τε λείας ### book 295.1.4 σαμοθέτω καὶ τὰν εὐμέλανον βροχίδα ### book 295.5.1 κάρκινά τε σπειροῦχα λεάντειράν τε κίσηριν ### book 295.5.2 καὶ τὰν ἁδυφαῆ πλινθίδα καλλαΐναν, ### book 295.5.3 μάζας ἁνίκ’ ἔκυρσε τελωνιάδος φιλολίχνω, ### book 295.5.4 Πιερίσιν πενίας ἄρμεν’ ἀνεκρέμασεν. ### book 296.1.1 Ἀστεμφῆ ποδάγρην καὶ δούνακας ἀντυκτῆρας ### book 296.1.2 καὶ λίνα καὶ γυρὸν τοῦτο λαγωοβόλον, ### book 296.1.3 ἰοδόκην καὶ τοῦτον ἐπ’ ὄρτυγι τετρανθέντα ### book 296.1.4 αὐλὸν καὶ πλωτῶν εὐπλεκὲς ἀμφίβολον ### book 296.5 Ἑρμείῃ Σώσιππος, ἐπεὶ παρενήξατο τὸ πλεῦν ### book 296 ἥβης, ἐκ γήρως δ’ ἀδρανίῃ δέδεται. ### book 297.1.1 Ἄλκιμος ἀγρεῖφναν κενοδοντίδα καὶ φιλοδούπου ### book 297.1.2 φάρσος ἄμας στελεοῦ χῆρον ἐλαϊνέου, ### book 297.1.3 ἀρθροπέδαν φιμόν τε, καὶ ὠλεσίβωλον ἀρούρης ### book 297.1.4 σφῦραν καὶ δαπέδων μουνορυχὰν ὄρυγα ### book 297.5.1 καὶ κτένας ἑλκητῆρας ἀνὰ προπύλαιον Ἀθάνας ### book 297.5.2 θήκατο καὶ ῥαπτὰς γειοφόρους σκαφίδας, ### book 297.5.3 θησαυρῶν ὅτ’ ἔκυρσεν, ἐπεὶ τάχ’ ἂν ἁ πολυκαμπὴς ### book 297.5.4 ἰξὺς κεἰς Ἀίδαν ᾤχετο κυφαλέα. ### book 298.1.1 Πήρην κἀδέψητον ἀπεσκληρυμμένον αἰγὸς ### book 298.1.2 στέρφος καὶ βάκτρον τοῦτό γ’ ὁδοιπορικὸν ### book 298.1.3 κὤλπαν ἀστλέγγιστον ἀχάλκωτόν τε κυνοῦχον ### book 298.1.4 καὶ πῖλον κεφαλᾶς οὐχ ὁσίας σκέπανον· ### book 298.5.1 ταῦτα καταφθιμένοιο μυρικίνεον περὶ θάμνον ### book 298.5.2 σκῦλ’ ἀπὸ Σωχάρεος Λιμὸς ἀνεκρέμασεν. ### book 299.1.1 Φάρσος σοὶ γεραροῦ τόδε βότρυος, εἰνόδι’ Ἑρμᾶ, ### book 299.1.2 καὶ τρύφος ἰπνεύτα πιαλέου φθόιος ### book 299.1.3 πάρκειται σῦκόν τε μελαντραγὲς ἅ τε φιλουλὶς ### book 299.1.4 δρύππα καὶ τυρῶν δρύψια κυκλιάδων ### book 299.5.1 ἀκτά τε Κρηταιὶς ἐυτριβέος τε ῥ’ ὀπεία ### book 299.5.2 θωμὸς καὶ Βάκχου πῶμ’ ἐπιδορπίδιον· ### book 299.5.3 τοῖσιν ἅδοι καὶ Κύπρις, ἐμὰ θεός, ὔμμι δὲ ῥέξειν ### book 299 φημὶ παρὰ κροκάλαις ἀργιπόδαν χίμαρον. ### book 300.1.1 Λαθρίη, ἐκ πλάνιος ταύτην χάριν ἔκ τε πενέστεω ### book 300.1.2 κἠξ ὀλιγησιπύου δέξο Λεωνίδεω, ### book 300.1.3 ψαιστά τε πιήεντα καὶ εὐθήσαυρον ἐλαίην ### book 300.1.4 καὶ τοῦτο χλωρὸν σῦκον ἀποκράδιον ### book 300.5.1 κεὐοίνου σταφυλῆς ἔχ’ ἀποσπάδα πεντάρρωγον, ### book 300.5.2 πότνια, καὶ σπονδὴν τήνδ’ ὑποπυθμίδιον. ### book 300.5.3 ἢν δέ μ’ ἔθ’, ὡς ἐκ νούσου ἀνειρύσω, ὧδε καὶ ἐχθρῆς ### book 300.5.4 ἐκ πενίης ῥύσῃ, δέξο χιμαιροθύτην. ### book 301.1.1 Τὴν ἁλίην Εὔδημος, ἐφ’ ἧς ἅλα λιτὸν ἐπέσθων ### book 301.1.2 χειμῶνας μεγάλους ἐξέφυγεν δανέων, ### book 301.1.3 θῆκε θεοῖς Σαμόθρῃξι λέγων, ὅτι τήνδε κατ’ εὐχήν, ### book 301.1.4 ὦ ἅλιοι, σωθεὶς ἐξ ἁλὸς ὧδε θέτο. ### book 302.1.1 Φεύγεθ’ ὑπὲκ καλύβης, σκότιοι μύες· οὔτι πενιχρὴ ### book 302.1.2 μῦς σιπύη βόσκειν οἶδε Λεωνίδεω. ### book 302.1.3 αὐτάρκης ὁ πρέσβυς ἔχειν ἅλα καὶ δύο κρῖμνα· ### book 302.1.4 ἐκ πατέρων ταύτην ᾐνέσαμεν βιοτήν. ### book 302.5.1 τῷ τί μεταλλεύεις τοῦτον μυχόν, ὦ φιλόλιχνε, ### book 302.5.2 οὐδ’ ἀποδειπνιδίου γευόμενος σκυβάλου; ### book 302.5.3 σπεύδων εἰς ἄλλους οἴκους ἴθι (τἀμὰ δὲ λειτά), ### book 302 ὧν ἄπο πλειοτέρην οἴσεαι ἁρμαλιήν. ### book 303.1.1 Ὦ μύες, εἰ μὲν ἐπ’ ἄρτον ἐληλύθατ’, ἐς μυχὸν ἄλλον ### book 303.1.2 στείχετ’ (ἐπεὶ λειτὴν οἰκέομεν καλύβην), ### book 303.1.3 οὗ καὶ πίονα τυρὸν ἀποδρέψεσθε καὶ αὔην ### book 303.1.4 ἰσχάδα καὶ δεῖπνον συχνὸν ἀπὸ σκυβάλων· ### book 303.5.1 εἰ δ’ ἐν ἐμαῖς βύβλοισι πάλιν καταθήξετ’ ὀδόντα, ### book 303.5.2 κλαύσεσθ’ οὐκ ἀγαθὸν κῶμον ἐπερχόμενοι. ### book 304.1.1 Ἀκτῖτ’ ὦ καλαμευτά, ποτὶ ξερὸν ἔλθ’ ἀπὸ πέτρας ### book 304.1.2 καί με λάβ’ εὐάρχαν πρώιον ἐμπολέα· ### book 304.1.3 αἴτε σύ γ’ ἐν κύρτῳ μελανουρίδας αἴτε τιν’ ἀγρεῖς ### book 304.1.4 μορμύρον ἢ κίχλην ἢ σπάρον ἢ σμαρίδα, ### book 304.5.1 αἴσιον αὐδάσεις με τὸν οὐ κρέας, ἀλλὰ θάλασσαν ### book 304.5.2 τιμῶντα ψαφαροῦ κλάσματος εἰς ἀπάταν. ### book 304.5.3 χαλκίδας ἢν δὲ φέρῃς φιλακανθίδας ἤ τινα θρίσσαν, ### book 304.5.4 εὐάγρει· λιθίναν οὐ γὰρ ἔχω φάρυγα. ### book 305.1.1 Λαβροσύνᾳ τάδε δῶρα φιλευχύλῳ τε Λαφυγμῷ ### book 305.1.2 θήκατο δεισόζου Δωριέος κεφαλά, ### book 305.1.3 τὼς Λαρισαίως κυτογάστορας ἑψητῆρας ### book 305.1.4 καὶ χύτρως καὶ τὰν εὐρυχαδῆ κύλικα ### book 305.5.1 καὶ τὰν εὐχάλκωτον ἐύγναμπτόν τε κρεάγραν ### book 305.5.2 καὶ κνῆστιν καὶ τὰν ἐτνοδόνον τορύναν. ### book 305.5.3 Λαβροσύνα, σὺ δὲ ταῦτα κακοῦ κακὰ δωρητῆρος ### book 305 δεξαμένα νεύσαις μή ποκα σωφροσύναν. ### book 306.1.1 Χύτρον τοι ταύτην τε κρεαγρίδα καὶ βαθυκαμπῆ ### book 306.1.2 κλεῖδα συῶν καὶ τὰν ἐτνοδόνον τορύναν ### book 306.1.3 καὶ πτερίναν ῥιπῖδα ταναίχαλκόν τε λέβητα ### book 306.1.4 σὺν πελέκει καὶ τὰν λαιμοτόμον σφαγίδα ### book 306.5.1 ζωμοῦ τ’ ἀμφ’ ὀβελοῖσιν ἀρυστρίδα τόν τε μαγῆα ### book 306.5.2 σπόγγον ὑπὸ στιβαρᾷ κεκλιμένον κοπίδι ### book 306.5.3 καὶ τοῦτον δικάρανον ἁλοτρίβα, σὺν δὲ θυείαν ### book 306.5.4 εὔπετρον καὶ τὰν κρειοδόκον σκαφίδα, ### book 306.5.5 οὑψοπόνος Σπίνθηρ Ἑρμῇ τάδε σύμβολα τέχνας ### book 306.10 θήκατο δουλοσύνας ἄχθος ἀπωσάμενος. ### book 307.1.1 Εὐγάθης Λαπιθανὸς ἐσοπτρίδα καὶ φιλέθειρον ### book 307.1.2 σινδόνα καὶ πετάσου φάρσος ὑποξύριον ### book 307.1.3 καὶ ψήκτραν δονακῖτιν ἀπέπτυσε καὶ λιποκώπους ### book 307.1.4 φασγανίδας καὶ τοὺς συλόνυχας στόνυχας· ### book 307.5.1 ἔπτυσε δὲ ψαλίδας, ξυρὰ καὶ θρόνον, εἰς δ’ Ἐπικούρου, ### book 307.5.2 κουρεῖον προλιπών, ἅλατο κηπολόγος, ### book 307.5.3 ἔνθα λύρας ἤκουεν ὅπως ὄνος. ὤλετο δ’ ἄν που ### book 307.5.4 λιμώσσων, εἰ μὴ στέρξε παλινδρομίαν. ### book 308.1.1 Νικήσας τοὺς παῖδας, ἐπεὶ καλὰ γράμματ’ ἔγραψεν, ### book 308.1.2 Κόνναρος ὀγδώκοντ’ ἀστραγάλους ἔλαβεν· ### book 308.1.3 κἀμὲ χάριν Μούσαις τὸν κωμικὸν ὧδε Χάρητα, ### book 308 πρεσβύτην θορύβῳ θῆκέ με παιδαρίων. ### book 309.1.1 Εὔφιμόν τοι σφαῖραν ἐυκρόταλόν τε Φιλοκλῆς ### book 309.1.2 Ἑρμείῃ ταύτην πυξινέην πλατάγην ### book 309.1.3 ἀστραγάλας θ’, αἷς πόλλ’ ἐπεμήνατο, καὶ τὸν ἑλικτὸν ### book 309.1.4 ῥόμβον, κουροσύνης παίγνι’, ἀνεκρέμασεν. ### book 310.1.1 Εὐμαθίην ᾐτεῖτο διδοὺς ἐμὲ Σῖμος ὁ Μίκκου ### book 310.1.2 ταῖς Μούσαις· αἱ δέ, Γλαῦκος ὅκως, ἔδοσαν ### book 310.1.3 ἀντ’ ὀλίγου μέγα δῶρον. ἐγὼ δ’ ἀνὰ τῇδε κεχηνὼς ### book 310.1.4 κεῖμαι τοῦ Σαμίου διπλόον, ὁ τραγικὸς ### book 310.5.1 παιδαρίων Διόνυσος ἐπήκοος· οἱ δὲ λέγουσιν· ### book 310.5.2 „Ἱερὸς ὁ πλόκαμοσ“, τοὐμὸν ὄνειαρ ἐμοί. ### book 311.1.1 Τῆς Ἀγοράνακτός με λέγε, ξένε, κωμικὸν ὄντως ### book 311.1.2 ἀγκεῖσθαι νίκης μάρτυρα τοῦ Ῥοδίου ### book 311.1.3 Πάμφιλον, οὐ μὲν ἔρωτι δεδαγμένον, ἥμισυ δ’ ὀπτῇ ### book 311.1.4 ἰσχάδι καὶ λύχνοις Ἴσιδος εἰδόμενον. ### book 312.1.1 Ἡνία δή τοι παῖδες ἐνί, τράγε, φοινικόεντα ### book 312.1.2 θέντες καὶ λασίῳ φιμὰ περὶ στόματι ### book 312.1.3 ἵππια παιδεύουσι θεοῦ περὶ ναὸν ἄεθλα, ### book 312 ὄφρ’ αὐτοὺς φορέῃς ἤπια τερπομένους. ### book 313.1.1 Κούρα Πάλλαντος πολυώνυμε, πότνια Νίκα, ### book 313.1.2 πρόφρων Κρανναίων ἱμερόεντα χορὸν ### book 313.1.3 αἰὲν ἐποπτεύοις, πολέας δ’ ἐν ἀθύρμασι Μουσᾶν ### book 313.1.4 Κηίῳ ἀμφιτίθει Βακχυλίδῃ στεφάνους. ### book 314.1.1 Πηνελόπη, τόδε σοὶ φᾶρος καὶ χλαῖναν Ὀδυσσεὺς ### book 314.1.2 ἤνεγκεν δολιχὴν ἐξανύσας ἀτραπόν. ### book 315.1.1 Τὸν τραγόπουν ἐμὲ Πᾶνα, φίλον Βρομίοιο καὶ υἱὸν ### book 315.1.2 Ἀρκάδος, ἀντ’ ἀλκᾶς ἔγραφεν Ὠφελίων. ### book 316.1.1 Ἀερόπης δάκρυον διερῆς καὶ λείψανα δείπνων ### book 316.1.2 δύσνομα καὶ ποινὴν ἔγραφεν Ὠφελίων. ### book 317.1.1 Πραξιτέλης ἔπλασε Δαναὴν καὶ φάρεα Νυμφῶν ### book 317.1.2 λύγδινα καὶ πέτρης Πᾶν’ ἐμὲ Πεντελικῆς. ### book 318.1 Κύπριδι κουροτρόφῳ δάμαλιν ῥέξαντες ἔφηβοι ### book 318 χαίροντες νύμφας ἐκ θαλάμων ἄγομεν. ### book 319.1.1 Αἰθομέναις ὑπὸ δᾳσὶν ἐν εὐρυχόρῳ πατρὸς οἴκῳ ### book 319.1.2 παρθένον ἐκ χειρῶν ἠγαγόμην Κύπριδος. ### book 320.1.1 Ἀσκανίη μέγα χαῖρε καλὴ καὶ χρύσεα Βάκχου ### book 320.1.2 ὄργια καὶ μύσται πρόκριτοι Εὐίεω. ### book 321.1.1 Θύει σοι τόδε γράμμα γενεθλιακαῖσιν ἐν ὥραις, ### book 321.1.2 Καῖσαρ, Νειλαίη Μοῦσα Λεωνίδεω· ### book 321.1.3 Καλλιόπης γὰρ ἄκαπνον ἀεὶ θύος. εἰς δὲ νέωτα, ### book 321.1.4 ἢν ἐθέλῃς, θύσει τοῦδε περισσότερα. ### book 322.1.1 Τήνδε Λεωνίδεω θαλερὴν πάλι δέρκεο Μοῦσαν, ### book 322.1.2 δίστιχον εὐθίκτου παίγνιον εὐεπίης. ### book 322.1.3 ἔσται δ’ ἐν Κρονίοις Μάρκῳ περικαλλὲς ἄθυρμα ### book 322.1.4 τοῦτο, καὶ ἐν δείπνοις καὶ παρὰ μουσοπόλοις. ### book 323.1 Οἰδιπόδης κάσις ἦν τεκέων, καὶ μητέρι πόσσις ### book 323 γίνετο, καὶ παλάμης ἦν τυφλὸς ἐκ σφετέρης. ### book 324.1.1 Πέμματα τίς λιπόωντα, τίς Ἄρεϊ τῷ πτολιπόρθῳ ### book 324.1.2 βότρυς, τίς δὲ ῥόδων θῆκεν ἐμοὶ κάλυκας; ### book 324.1.3 Νύμφαις ταῦτα φέροι τις· ἀναιμάκτους δὲ θυηλὰς ### book 324.1.4 οὐ δέχομαι βωμοῖς ὁ θρασύμητις Ἄρης. ### book 325.1.1 Ἄλλος ἀπὸ σταλίκων, ὁ δ’ ἀπ’ ἠέρος, ὃς δ’ ἀπὸ πόντου, ### book 325.1.2 Εὔπολι, σοὶ πέμπει δῶρα γενεθλίδια. ### book 325.1.3 ἀλλ’ ἐμέθεν δέξαι Μουσῶν στίχον, ὅστις ἐς αἰεὶ ### book 325.1.4 μίμνει καὶ φιλίης σῆμα καὶ εὐμαθίης. ### book 326.1.1 Λύκτιον ἰοδόκην καὶ καμπύλον, Ἄρτεμι, τόξον ### book 326.1.2 Νῖκις ὁ Λυσιμάχου παῖς ἀνέθηκε Λίβυς. ### book 326.1.3 ἰοὺς γὰρ πλήθοντας ἀεὶ λαγόνεσσι φαρέτρης ### book 326.1.4 δορκάσι καὶ βαλίαις ἐξεκένως’ ἐλάφοις. ### book 327.1.1 Εἷς πρὸς ἕνα ψήφοισιν ἰσάζεται, οὐ δύο δοιοῖς· ### book 327.1.2 οὐ γὰρ ἔτι στέργω τὴν δολιχογραφίην. ### book 328.1.1 Τὴν τριτάτην Χαρίτων ἀπ’ ἐμεῦ πάλι λάμβανε βύβλον, ### book 328.1.2 Καῖσαρ, ἰσηρίθμου σύμβολον εὐεπίης, ### book 328.1.3 Νεῖλος ὅπως καὶ τήνδε δι’ Ἑλλάδος ἰθύνουσαν ### book 328 τῇ χθονίῃ πέμψει δῶρον ἀοιδότατον. ### book 329.1.1 Ἄλλος μὲν κρύσταλλον, ὁ δ’ ἄργυρον, οἱ δὲ τοπάζους ### book 329.1.2 πέμψουσιν, πλούτου δῶρα, γενεθλίδια. ### book 329.1.3 ἀλλ’ ἴδ’ Ἀγριππείνῃ δύο δίστιχα μοῦνον ἰσώσας ### book 329.1.4 ἀρκοῦμαι δώροις, ἃ φθόνος οὐ δαμάσει. ### book 330.1.1 Θνητῶν μὲν τέχναις ἀπορούμενος, εἰς δὲ τὸ θεῖον ### book 330.1.2 ἐλπίδα πᾶσαν ἔχων, προλιπὼν εὔπαιδας Ἀθήνας, ### book 330.1.3 ἰάθην ἐλθών, Ἀσκληπιέ, πρὸς τὸ σὸν ἄλσος, ### book 330.1.4 ἕλκος ἔχων κεφαλῆς ἐνιαύσιον, ἐν τρισὶ μησίν. ### book 331.1.1 Παῖδα πατὴρ Ἄλκων ὀλοῷ σφιγχθέντα δράκοντι ### book 331.1.2 ἀθρήσας δειλῇ τόξον ἔκαμψε χερί· ### book 331.1.3 θηρὸς δ’ οὐκ ἀφάμαρτε· διὰ στόματος γὰρ ὀιστὸς ### book 331.1.4 ἤιξεν, τυτθοῦ βαιὸν ὕπερθε βρέφους. ### book 331.5.1 παυσάμενος δὲ φόνοιο παρὰ δρυῒ τῇδε φαρέτρην ### book 331.5.2 σῆμα καὶ εὐτυχίης θῆκε καὶ εὐστοχίης. ### book 332.1.1 Ζηνὶ τόδ’ Αἰνεάδης Κασίῳ Τραϊανὸς ἄγαλμα, ### book 332.1.2 κοίρανος ἀνθρώπων κοιράνῳ ἀθανάτων, ### book 332.1.3 ἄνθετο, δοιὰ δέπα πολυδαίδαλα καὶ βοὸς οὔρου ### book 332.1.4 ἀσκητὸν χρυσῷ παμφανόωντι κέρας, ### book 332.5.1 ἔξαιτα προτέρης ἀπὸ ληίδος, ἦμος ἀτειρὴς ### book 332.5.2 πέρσεν ὑπερθύμους ᾧ ὑπὸ δουρὶ Γέτας. ### book 332.5.3 ἀλλὰ σύ οἱ καὶ τήνδε, Κελαινεφές, ἐγγυάλιξον ### book 332.1 κρῆναι ἐυκλειῶς δῆριν Ἀχαιμενίην, ### book 332.2 ὄφρα τοι εἰσορόωντι διάνδιχα θυμὸν ἰαίνῃ ### book 332.10 δοιά, τὰ μὲν Γετέων σκῦλα, τὰ δ’ Ἀρσακιδέων. ### book 333.1.1 Ἤδη, φίλτατε λύχνε, τρὶς ἔπταρες. ἦ τάχα τερπνὴν ### book 333.1.2 ἐς θαλάμους ἥξειν Ἀντιγόνην προλέγεις; ### book 333.1.3 εἰ γάρ, ἄναξ, εἴη τόδ’ ἐτήτυμον, οἷος Ἀπόλλων ### book 333.1.4 θνητοῖς μάντις ἔσῃ καὶ σὺ παρὰ τρίποδι. ### book 334.1.1 Αὔλια καὶ Νυμφέων ἱερὸς πάγος αἵ θ’ ὑπὸ πέτρῃ ### book 334.1.2 πίδακες ἥ θ’ ὕδασιν γειτονέουσα πίτυς ### book 334.1.3 καὶ σὺ τετραγλώχιν, μηλοσσόε, Μαιάδος Ἑρμᾶ, ### book 334.1.4 ὅς τε τὸν αἰγιβότην, Πάν, κατέχεις σκόπελον, ### book 334.5.1 ἵλαοι τὰ ψαιστὰ τό τε σκύφος ἔμπλεον οἴνης ### book 334.5.2 δέξασθ’, Αἰακίδεω δῶρα Νεοπτολέμου. ### book 335.1.1 Καυσίη, ἡ τὸ πάροιθε Μακηδόσιν εὔκολον ὅπλον, ### book 335.1.2 καὶ σκέπας ἐν νιφετῷ καὶ κόρυς ἐν πολέμῳ, ### book 335.1.3 ἱδρῶ διψήσασα πιεῖν τεόν, ἄλκιμε Πείσων, ### book 335.1.4 Ἡμαθὶς Αὐσονίους ἦλθον ἐπὶ κροτάφους. ### book 335.5 ἀλλὰ φίλος δέξαι με· τάχα κρόκες αἵ ποτε Πέρσας ### book 335 τρεψάμεναι καὶ σοὶ Θρῇκας ὑπαξόμεθα. ### book 336.1.1 Τὰ ῥόδα τὰ δροσόεντα καὶ ἁ κατάπυκνος ἐκείνα ### book 336.1.2 ἕρπυλλος κεῖται ταῖς Ἑλικωνιάσιν, ### book 336.1.3 ταὶ δὲ μελάμφυλλοι δάφναι τίν, Πύθιε Παιάν, ### book 336.1.4 Δελφὶς ἐπεὶ πέτρα τοῦτό τοι ἀγλάισε· ### book 336.5.1 βωμὸν δ’ αἱμάξει κεραὸς τράγος, οὗτος ὁ μᾶλος, ### book 336.5.2 τερμίνθου τρώγων ἔσχατον ἀκρεμόνα. ### book 337.1.1 Ἦλθε καὶ ἐς Μίλατον ὁ τῶ Παιήονος υἱὸς ### book 337.1.2 ἰητῆρι νόσων ἀνδρὶ συνοισόμενος ### book 337.1.3 Νικίᾳ, ὅς μιν ἐπ’ ἆμαρ ἀεὶ θυέεσσιν ἱκνεῖται ### book 337.1.4 καὶ τόδ’ ἀπ’ εὐώδους γλύψατ’ ἄγαλμα κέδρου, ### book 337.5.1 Ἠετίωνι χάριν γλαφυρᾶς χερὸς ἄκρον ὑποστὰς ### book 337.5.2 μισθόν· ὁ δ’ εἰς ἔργον πᾶσαν ἀφῆκε τέχναν. ### book 338.1.1 Ὑμῖν τοῦτο, θεαί, κεχαρισμένον ἄνθετο πάσαις ### book 338.1.2 τὤγαλμα Ξενοκλῆς, τοῦτο τὸ μαρμάρινον, ### book 338.1.3 μουσικός· οὐχ ἑτέρως τις ἐρεῖ. σοφίᾳ δ’ ἐπὶ τᾷδε ### book 338.1.4 αἶνον ἔχων Μουσέων οὐκ ἐπιλανθάνεται. ### book 339.1.1 Δαμομένης ὁ χοραγός, ὁ τὸν τρίποδ’, ὦ Διόνυσε, ### book 339.1.2 καὶ σὲ τὸν ἅδιστον θεῶν μακάρων ἀναθείς, ### book 339.1.3 μέτριος ἦν ἐν πᾶσι· χορῷ δ’ ἐκτάσατο νίκαν ### book 339 ἀνδρῶν, καὶ τὸ καλὸν καὶ τὸ προσῆκον ὁρῶν. ### book 340.1.1 Ἁ Κύπρις οὐ πάνδαμος· ἱλάσκεο τὰν θεὸν εἰπὼν ### book 340.1.2 Οὐρανίαν, ἁγνᾶς ἄνθεμα Χρυσογόνας ### book 340.1.3 οἴκῳ ἐν Ἀμφικλέους, ᾧ καὶ τέκνα καὶ βίον ἔσχε ### book 340.1.4 ξυνόν· ἀεὶ δέ σφιν λώιον εἰς ἔτος ἦν ### book 340.5.1 ἐκ σέθεν ἀρχομένοις, ὦ πότνια· κηδόμενοι γὰρ ### book 340.5.2 ἀθανάτων αὐτοὶ πλεῖον ἔχουσι βροτοί. ### book 341.1 Βόσπορον ἰχθυόεντα γεφυρώσας ἀνέθηκε ### book 341.2 Μανδροκλέης Ἥρῃ μνημόσυνον σχεδίης, ### book 341.3 αὑτῷ μὲν στέφανον περιθείς, Σαμίοισι δὲ κῦδος, ### book 341.4 Δαρείου βασιλέος ἐκτελέσας κατὰ νοῦν. ### book 342.1 Ἄθρησον Χαρίτων ὑπὸ παστάδι τᾷδε τριήρους ### book 342.2 στυλίδα, τᾶς πρώτας τοῦθ’ ὑπόδειγμα τέχνας· ### book 342.3 ταύταν γὰρ πρώταν ποτ’ ἐμήσατο Παλλὰς Ἀθάνα, ### book 342.4 τάνδε πόλει καλὰν ἀντιδιδοῦσα χάριν, ### book 342.5.1 οὕνεκεν ὑψίστᾳ Τριτωνίδι ναὸν ἔτευξεν ### book 342.5.2 Κύζικος ἅδ’ ἱρᾷ πρῶτον ἐν Ἀσιάδι. ### book 342.5.3 δεῖγμα δὲ καὶ πλίνθων χρυσήλατον ἤγαγεν ἄχθος ### book 342 Δελφίδα γᾶν, Φοίβῳ τάνδ’ ἐνέπουσα χάριν. ### book 343.1.1 Ἔθνεα Βοιωτῶν καὶ Χαλκιδέων δαμάσαντες ### book 343.1.2 παῖδες Ἀθηναίων ἔργμασιν ἐν πολέμου, ### book 343.1.3 δεσμῷ ἐν ἀχνυόεντι σιδηρέῳ ἔσβεσαν ὕβριν· ### book 343.1.4 τῶν ἵππους δεκάτην Παλλάδι τάσδ’ ἔθεσαν. ### book 344.1 Θεσπιαὶ εὐρύχοροι πέμψαν ποτὲ τούσδε συνόπλους ### book 344.2 τιμωροὺς προγόνων βάρβαρον εἰς Ἀσίην, ### book 344.3 οἳ μετ’ Ἀλεξάνδρου Περσῶν ἄστη καθελόντες ### book 344.4 στῆσαν Ἐριβρεμέτῃ δαιδάλεον τρίποδα. ### book 345.1.1 Εἴαρος ἤνθει μὲν τὸ πρὶν ῥόδα, νῦν δ’ ἐνὶ μέσσῳ ### book 345.1.2 χείματι πορφυρέας ἐσχάσαμεν κάλυκας ### book 345.1.3 σῇ ἐπιμειδήσαντα γενεθλίῃ ἄσμενα τῇδε ### book 345.1.4 ἠοῖ, νυμφιδίων ἀσσοτάτῃ λεχέων. ### book 345.5.1 Καλλίστης στεφθῆναι ἐπὶ κροτάφοισι γυναικὸς ### book 345.5.2 λώιον ἢ μίμνειν ἠρινὸν ἠέλιον. ### book 346.1.1 Τελλίᾳ ἱμερόεντα βίον πόρε, Μαιάδος υἱέ, ### book 346.1.2 ἀντ’ ἐρατῶν δώρων τῶνδε χάριν θέμενος. ### book 346.1.3 δὸς δέ μιν εὐθυδίκων Εὐωνυμέων ἐνὶ δήμῳ ### book 346 ναίειν αἰῶνος μοῖραν ἔχοντ’ ἀγαθήν. ### book 347.1.1 Ἄρτεμι, τὶν τόδ’ ἄγαλμα Φιληρατὶς εἵσατο τῇδε· ### book 347.1.2 ἀλλὰ σὺ μὲν δέξαι, πότνια, τὴν δὲ σάω. ### book 348.1.1 Αἴλινον ὠκυμόρῳ με λεχωίδι τοῦτο κεκόφθαι ### book 348.1.2 τῆς Διοδωρείου γράμμα λέγει σοφίης, ### book 348.1.3 κοῦρον ἐπεὶ τίκτουσα κατέφθιτο· παῖδα δὲ Μήλας ### book 348.1.4 δεξάμενος θαλερὴν κλαῖεν Ἀθηναΐδα, ### book 348.5.1 Λεσβιάδεσσιν ἄχος καὶ Ἰήσονι πατρὶ λιποῦσαν. ### book 348.5.2 Ἄρτεμι, σοὶ δὲ κυνῶν θηροφόνων ἔμελεν. ### book 349.1.1 Ἰνοῦς ὦ Μελικέρτα σύ τε γλαυκὴ μεδέουσα ### book 349.1.2 Λευκοθέη πόντου, δαῖμον ἀλεξίκακε, ### book 349.1.3 Νηρῄδων τε χοροὶ καὶ κύματα καὶ σύ, Πόσειδον, ### book 349.1.4 καὶ Θρήιξ, ἀνέμων πρηΰτατε, Ζέφυρε, ### book 349.5.1 ἵλαοί με φέροιτε, διὰ πλατὺ κῦμα φυγόντα, ### book 349.5.2 σῷον ἐπὶ γλυκερὴν ᾐόνα Πειραέως. ### book 350.1.1 Τυρσηνῆς κελάδημα διαπρύσιον σάλπιγγος ### book 350.1.2 πολλάκι Πισαίων στρηνὲς ὑπὲρ πεδίων ### book 350.1.3 φθεγξαμένης ὁ πρὶν μὲν ἔχει χρόνος ἐν δυσὶ νίκαις· ### book 350.1.4 εἰ δὲ σὺ καὶ τρισσοὺς ἤγαγες εἰς στεφάνους ### book 350.5 ἀστοὺς Μιλήτου, Δημόσθενες, οὔ ποτε κώδων ### book 350 χάλκεος ἤχησεν πλειοτέρῳ στόματι. ### book 351.1.1 Τίν με, λεοντάγχ’ ὦνα συοκτόνε, φήγινον ὄζον ### book 351.1.2 θῆκε—„Τίς;“ —Ἀρχῖνος. —„Ποῖος;“ —Ὁ Κρής. —„Δέχομαι.“ ### book 352.1.1 Ἐξ ἀταλᾶν χειρῶν τάδε γράμματα· λῷστε Προμαθεῦ, ### book 352.1.2 ἔντι καὶ ἄνθρωποι τὶν ὁμαλοὶ σοφίαν· ### book 352.1.3 ταύταν γοῦν ἐτύμως τὰν παρθένον ὅστις ἔγραψεν, ### book 352.1.4 αἰ καὐδὰν ποτέθηκ’, ἦς κ’ Ἀγαθαρχὶς ὅλα. ### book 353.1.1 Αὐτομέλιννα τέτυκται· ἴδ’, ὡς ἀγανὸν τὸ πρόσωπον ### book 353.1.2 ἁμὲ ποτοπτάζειν μειλιχίως δοκέει· ### book 353.1.3 ὡς ἐτύμως θυγάτηρ τᾷ ματέρι πάντα ποτῴκει. ### book 353.1.4 ἦ καλόν, ὅκκα πέλῃ τέκνα γονεῦσιν ἴσα. ### book 354.1.1 Γνωτὰ καὶ τηνῶθε Σαβαιθίδος εἴδεται ἔμμεν ### book 354.1.2 ἅδ’ εἰκὼν μορφᾷ καὶ μεγαλοφροσύνᾳ. ### book 354.1.3 θάεο· τὰν πινυτὰν τό τε μείλιχον αὐτόθι τήνας ### book 354 ἔλπομ’ ὁρῆν· χαίροις πολλά, μάκαιρα γύναι. ### book 355.1.1 Ἁ μάτηρ ζῷον τὸν Μίκυθον, οἷα πενιχρά, ### book 355.1.2 Βάκχῳ δωρεῖται ῥωπικὰ γραψαμένα. ### book 355.1.3 Βάκχε, σὺ δ’ ὑψῴης τὸν Μίκυθον· αἰ δὲ τὸ δῶρον ### book 355.1.4 ῥωπικόν, ἁ λειτὰ ταῦτα φέρει πενία. ### book 356.1.1 Κλειοῦς αἱ δύο παῖδες, Ἀριστοδίκη καὶ Ἀμεινώ, ### book 356.1.2 Κρῆσσαι, πότνια σῆς Ἄρτεμι νειοκόρου ### book 356.1.3 τετραετεῖς ἀπὸ μητρός· ἴδοις, ὤνασσα, τὰ τῆσδε ### book 356.1.4 εὔτεκνα κἀντὶ μιῆς θὲς δύο νειοκόρους. ### book 357.1.1 Ὄλβια τέκνα γένοισθε. τίνος γένος ἐστέ; τί δ’ ὑμῖν ### book 357.1.2 ὧδε καλοῖς χαρίεν κείμενόν ἐστ’ ὄνομα; — ### book 357.1.3 ‚Νικάνωρ ἐγώ εἰμι, πατὴρ δέ μοι Αἰπιόρητος, ### book 357.1.4 μήτηρ δ’ Ἡγησώ, κεἰμὶ γένος Μακεδών.‛ — ### book 357.5.1 „Καὶ μὲν ἐγὼ Φίλα εἰμί, καὶ ἐστί μοι οὗτος ἀδελφός· ### book 357.5.2 ἐκ δ’ εὐχῆς τοκέων ἕσταμες ἀμφότεροι.“ ### book 358.1.1 Χαῖρέ μοι, ἁβρὲ κύπασσι, τὸν Ὀμφάλη ἥ ποτε Λυδὴ ### book 358.1.2 λυσαμένη φιλότητ’ ἦλθεν ἐς Ἡρακλέους· ### book 358.1.3 ὄλβιος ἦσθα, κύπασσι, καὶ ὡς τότε καὶ πάλιν ὡς νῦν ### book 358 χρύσεον Ἀρτέμιδος τοῦτ’ ἐπέβης μέλαθρον. ### book 1.1.1 Ἡρώων τὸν ἀοιδὸν Ἴῳ ἔνι παῖδες Ὅμηρον ### book 1.1.2 ἤκαχον ἐκ Μουσέων γρῖφον ὑφηνάμενοι· ### book 1.1.3 νέκταρι δ’ εἰνάλιαι Νηρηίδες ἐχρίσαντο ### book 1.1.4 καὶ νέκυν ἀκταίῃ θῆκαν ὑπὸ σπιλάδι, ### book 1.5.1 ὅττι Θέτιν κύδηνε καὶ υἱέα καὶ μόθον ἄλλων ### book 1.5.2 ἡρώων Ἰθακοῦ τ’ ἔργματα Λαρτιάδεω. ### book 1.5.3 ὀλβίστη νήσων πόντῳ Ἴος, ὅττι κέκευθε ### book 1.5.4 βαιὴ Μουσάων ἀστέρα καὶ Χαρίτων. ### book 2.1.1 Τὰν μερόπων Πειθώ, τὸ μέγα στόμα, τὰν ἴσα Μούσαις ### book 2.1.2 φθεγξαμέναν κεφαλάν, ὦ ξένε, Μαιονίδεω ### book 2.1.3 ἅδ’ ἔλαχον νασῖτις Ἴου σπιλάς· οὐ γὰρ ἐν ἄλλᾳ ### book 2.1.4 ἱερόν, ἀλλ’ ἐν ἐμοὶ πνεῦμα θανὼν ἔλιπεν, ### book 2.5.1 ᾧ νεῦμα Κρονίδαο τὸ παγκρατές, ᾧ καὶ Ὄλυμπον ### book 2.5.2 καὶ τὰν Αἴαντος ναύμαχον εἶπε βίαν ### book 2.5.3 καὶ τὸν Ἀχιλλείοις Φαρσαλίσιν Ἕκτορα πώλοις ### book 2.5.4 ὀστέα Δαρδανικῷ δρυπτόμενον πεδίῳ. ### book 2.5.5 εἰ δ’ ὀλίγα κρύπτω τὸν ταλίκον, ἴσθ’, ὅτι κεύθει ### book 2.10 καὶ Θέτιδος γαμέταν ἁ βραχύβωλος Ἴκος. ### book 2b.1 Εἰ καὶ βαιὸς ὁ τύμβος, ὁδοιπόρε, μή με παρέλθῃς, ### book 2b.2 ἀλλὰ καταστέψας ἶσα θεοῖσι σέβου· ### book 2b.3 τὸν γὰρ Πιερίσιν τιμώμενον ἔξοχα Μούσαις ### book 2b.4 ποιητὴν ἐπέων θεῖον Ὅμηρον ἔχω. ### book 3.1 Ἐνθάδε τὴν ἱερὴν κεφαλὴν κατὰ γαῖα καλύπτει ### book 3.2 ἀνδρῶν ἡρώων κοσμήτορα, θεῖον Ὅμηρον. ### book 4.1.1 Ἐνθάδε Πιερίδων τὸ σοφὸν στόμα, θεῖον Ὅμηρον, ### book 4.1.2 κλεινὸς ἐπ’ ἀγχιάλῳ τύμβος ἔχει σκοπέλῳ. ### book 4.1.3 εἰ δ’ ὀλίγη γεγαυῖα τόσον χάδεν ἀνέρα νῆσος, ### book 4.1.4 μὴ τόδε θαμβήσῃς, ὦ ξένε, δερκόμενος· ### book 4.5.1 καὶ γὰρ ἀλητεύουσα κασιγνήτη ποτὲ Δῆλος ### book 4.5.2 μητρὸς ἀπ’ ὠδίνων δέξατο Λητοΐδην. ### book 5.1.1 Οὐδ’ εἴ με χρύσειον ἀπὸ ῥαιστῆρος Ὅμηρον ### book 5.1.2 στήσητε φλογέαις ἐν Διὸς ἀστεροπαῖς, ### book 5.1.3 οὐκ εἴμ’ οὐδ’ ἔσομαι Σαλαμίνιος οὐδ’ ὁ Μέλητος ### book 5.1.4 Δημαγόρου· μὴ ταῦτ’ ὄμμασιν Ἑλλὰς ἴδοι. ### book 5.5 ἄλλον ποιητὴν βασανίζετε· τἀμὰ δέ, Μοῦσαι ### book 5 καὶ Χίος, Ἑλλήνων παισὶν ἀείσετ’ ἔπη. ### book 6.1.1 Ἡρώων κάρυκ’ ἀρετᾶς, μακάρων δὲ προφήταν, ### book 6.1.2 Ἑλλάνων βιοτᾷ δεύτερον ἀέλιον, ### book 6.1.3 Μουσῶν φέγγος Ὅμηρον, ἀγήραντον στόμα κόσμου ### book 6.1.4 παντός, ἁλιρροθία, ξεῖνε, κέκευθε κόνις. ### book 7.1 Ἐνθάδε θεῖος Ὅμηρος, ὃς Ἑλλάδα πᾶσαν ἄεισε, ### book 7.2 Θήβης ἐκγεγαὼς τῆς ἑκατονταπύλου. ### book 8.1.1 Οὐκέτι θελγομένας, Ὀρφεῦ, δρύας, οὐκέτι πέτρας ### book 8.1.2 ἄξεις, οὐ θηρῶν αὐτονόμους ἀγέλας· ### book 8.1.3 οὐκέτι κοιμάσεις ἀνέμων βρόμον, οὐχὶ χάλαζαν, ### book 8.1.4 οὐ νιφετῶν συρμούς, οὐ παταγεῦσαν ἅλα. ### book 8.5.1 ὤλεο γάρ· σὲ δὲ πολλὰ κατωδύραντο θύγατρες ### book 8.5.2 Μναμοσύνας, μάτηρ δ’ ἔξοχα Καλλιόπα. ### book 8.5.3 τί φθιμένοις στοναχεῦμεν ἐφ’ υἱάσιν, ἁνίκ’ ἀλαλκεῖν ### book 8.5.4 τῶν παίδων Ἀίδαν οὐδὲ θεοῖς δύναμις. ### book 9.1.1 Ὀρφέα Θρηικίῃσι παρὰ προμολῇσιν Ὀλύμπου ### book 9.1.2 τύμβος ἔχει, Μούσης υἱέα Καλλιόπης, ### book 9.1.3 ᾧ δρύες οὐκ ἀπίθησαν, ὅτῳ συνάμ’ ἕσπετο πέτρη ### book 9.1.4 ἄψυχος θηρῶν θ’ ὑλονόμων ἀγέλα, ### book 9.5 ὅς ποτε καὶ τελετὰς μυστηρίδας εὕρετο Βάκχου ### book 9.1 καὶ στίχον ἡρῴῳ ζευκτὸν ἔτευξε ποδί, ### book 9.2 ὃς καὶ ἀμειλίκτοιο βαρὺ Κλυμένοιο νόημα ### book 9.3 καὶ τὸν ἀκήλητον θυμὸν ἔθελξε λύρᾳ. ### book 10.1 Καλλιόπης Ὀρφῆα καὶ Οἰάγροιο θανόντα ### book 10.2 ἔκλαυσαν ξανθαὶ μυρία Βιστονίδες, ### book 10.3 στικτοὺς δ’ ᾑμάξαντο βραχίονας, ἀμφὶ μελαίνῃ ### book 10.4 δευόμεναι σποδιῇ Θρηίκιον πλόκαμον· ### book 10.5.1 καὶ δ’ αὐταὶ στοναχεῦντι σὺν εὐφόρμιγγι Λυκείῳ ### book 10.5.2 ἔρρηξαν Μοῦσαι δάκρυα Πιερίδες ### book 10.5.3 μυρόμεναι τὸν ἀοιδόν· ἐπωδύραντο δὲ πέτραι ### book 10.5.4 καὶ δρύες, ἃς ἐρατῇ τὸ πρὶν ἔθελγε λύρῃ. ### book 11.1.1 Ὁ γλυκὺς Ἠρίννης οὗτος πόνος, οὐχὶ πολὺς μέν, ### book 11.1.2 ὡς ἂν παρθενικᾶς ἐννεακαιδεκέτευς, ### book 11.1.3 ἀλλ’ ἑτέρων πολλῶν δυνατώτερος· εἰ δ’ Ἀίδας μοι ### book 11.1.4 μὴ ταχὺς ἦλθε, τίς ἂν ταλίκον ἔσχ’ ὄνομα; ### book 12.1.1 Ἄρτι λοχευομένην σε μελισσοτόκων ἔαρ ὕμνων, ### book 12.1.2 ἄρτι δὲ κυκνείῳ φθεγγομένην στόματι ### book 12.1.3 ἤλασεν εἰς Ἀχέροντα διὰ πλατὺ κῦμα καμόντων ### book 12.1.4 Μοῖρα, λινοκλώστου δεσπότις ἠλακάτης· ### book 12.5 σὸς δ’ ἐπέων, Ἤριννα, καλὸς πόνος οὔ σε γεγωνεῖ ### book 12 φθίσθαι, ἔχειν δὲ χοροὺς ἄμμιγα Πιερίσιν. ### book 13.1.1 Παρθενικὰν νεαοιδὸν ἐν ὑμνοπόλοισι μέλισσαν ### book 13.1.2 Ἤρινναν Μουσῶν ἄνθεα δρεπτομέναν ### book 13.1.3 Ἅιδας εἰς ὑμέναιον ἀνάρπασεν. ἦ ῥα τόδ’ ἔμφρων ### book 13.1.4 εἶπ’ ἐτύμως ἁ παῖς· „Βάσκανός ἐσς’, Ἀίδα.“ ### book 14.1.1 Σαπφώ τοι κεύθεις, χθὼν Αἰολί, τὰν μετὰ Μούσαις ### book 14.1.2 ἀθανάταις θνατὰν Μοῦσαν ἀειδομέναν, ### book 14.1.3 ἃν Κύπρις καὶ Ἔρως συνάμ’ ἔτραφον, ἇς μέτα Πειθὼ ### book 14.1.4 ἔπλεκ’ ἀείζωον Πιερίδων στέφανον, ### book 14.5.1 Ἑλλάδι μὲν τέρψιν, σοὶ δὲ κλέος. ὦ τριέλικτον ### book 14.5.2 Μοῖραι δινεῦσαι νῆμα κατ’ ἠλακάτας, ### book 14.5.3 πῶς οὐκ ἐκλώσασθε πανάφθιτον ἦμαρ ἀοιδῷ ### book 14.5.4 ἄφθιτα μησαμένᾳ δῶρ’ Ἑλικωνιάδων; ### book 15.1.1 Οὔνομά μευ Σαπφώ· τόσσον δ’ ὑπερέσχον ἀοιδὰν ### book 15.1.2 θηλειᾶν, ἀνδρῶν ὅσσον ὁ Μαιονίδας. ### book 16.1 Ὀστέα μὲν καὶ κωφὸν ἔχει τάφος οὔνομα Σαπφοῦς· ### book 16 αἱ δὲ σοφαὶ κείνης ῥήσιες ἀθάνατοι. ### book 17.1.1 Αἰολικὸν παρὰ τύμβον ἰών, ξένε, μή με θανοῦσαν ### book 17.1.2 τὰν Μιτυληναίαν ἔννεπ’ ἀοιδοπόλον· ### book 17.1.3 τόνδε γὰρ ἀνθρώπων ἔκαμον χέρες, ἔργα δὲ φωτῶν ### book 17.1.4 ἐς ταχινὴν ἔρρει τοιάδε ληθεδόνα. ### book 17.5.1 ἢν δέ με Μουσάων ἐτάσῃς χάριν, ὧν ἀφ’ ἑκάστης ### book 17.5.2 δαίμονος ἄνθος ἐμῇ θῆκα παρ’ ἐννεάδι, ### book 17.5.3 γνώσεαι, ὡς Ἀίδεω σκότον ἔκφυγον οὐδέ τις ἔσται ### book 17.5.4 τῆς λυρικῆς Σαπφοῦς νώνυμος ἠέλιος. ### book 18.1.1 Ἀνέρα μὴ πέτρῃ τεκμαίρεο· λιτὸς ὁ τύμβος ### book 18.1.2 ὀφθῆναι, μεγάλου δ’ ὀστέα φωτὸς ἔχει. ### book 18.1.3 εἰδήσεις Ἀλκμᾶνα, λύρης ἐλατῆρα Λακαίνης ### book 18.1.4 ἔξοχον, ὃν Μουσέων ἐννέ’ ἀριθμὸς ἔχει. ### book 18.5.1 κεῖται δ’ ἠπείροις διδύμαις ἔρις, εἴθ’ ὅ γε Λυδὸς ### book 18.5.2 εἴτε Λάκων. πολλαὶ μητέρες ὑμνοπόλων. ### book 19.1.1 Τὸν χαρίεντ’ Ἀλκμᾶνα, τὸν ὑμνητῆρ’ ὑμεναίων ### book 19.1.2 κύκνον, τὸν Μουσῶν ἄξια μελψάμενον, ### book 19.1.3 τύμβος ἔχει, Σπάρτας μεγάλαν χάριν, ἔνθ’ ὅ γε Λυδὸς ### book 19 ἄχθος ἀπορρίψας οἴχεται εἰς Ἀίδαν. ### book 20.1.1 Ἐσβέσθης, γηραιὲ Σοφόκλεες, ἄνθος ἀοιδῶν, ### book 20.1.2 οἰνωπὸν Βάκχου βότρυν ἐρεπτόμενος. ### book 21.1.1 Τόν σε χοροῖς μέλψαντα Σοφοκλέα, παῖδα Σοφίλλου, ### book 21.1.2 τὸν τραγικῆς Μούσης ἀστέρα Κεκρόπιον, ### book 21.1.3 πολλάκις ὃν θυμέλῃσι καὶ ἐν σκηνῇσι τεθηλὼς ### book 21.1.4 βλαισὸς Ἀχαρνίτης κισσὸς ἔρεψε κόμην, ### book 21.5.1 τύμβος ἔχει καὶ γῆς ὀλίγον μέρος, ἀλλ’ ὁ περισσὸς ### book 21.5.2 αἰὼν ἀθανάτοις δέρκεται ἐν σελίσιν. ### book 22.1.1 Ἠρέμ’ ὑπὲρ τύμβοιο Σοφοκλέος, ἠρέμα, κισσέ, ### book 22.1.2 ἑρπύζοις χλοεροὺς ἐκπροχέων πλοκάμους, ### book 22.1.3 καὶ πέταλον πάντῃ θάλλοι ῥόδου ἥ τε φιλορρὼξ ### book 22.1.4 ἄμπελος ὑγρὰ πέριξ κλήματα χευαμένη, ### book 22.5.1 εἵνεκεν εὐμαθίης πινυτόφρονος, ἣν ὁ μελιχρὸς ### book 22.5.2 ἤσκησεν Μουσῶν ἄμμιγα καὶ Χαρίτων. ### book 23.1.1 Θάλλοι τετρακόρυμβος, Ἀνάκρεον, ἀμφὶ σὲ κισσὸς ### book 23.1.2 ἁβρά τε λειμώνων πορφυρέων πέταλα, ### book 23.1.3 πηγαὶ δ’ ἀργινόεντος ἀναθλίβοιντο γάλακτος, ### book 23.1.4 εὐῶδες δ’ ἀπὸ γῆς ἡδὺ χέοιτο μέθυ, ### book 23.5 ὄφρα κέ τοι σποδιή τε καὶ ὀστέα τέρψιν ἄρηται, ### book 23 εἰ δή τις φθιμένοις χρίμπτεται εὐφροσύνα. ### book 23b.1 Ὦ τὸ φίλον στέρξας, φίλε, βάρβιτον, ὦ σὺν ἀοιδᾷ ### book 23b.2 πάντα διαπλώσας καὶ σὺν ἔρωτι βίον ... ### book 24.1.1 Ἡμερὶ πανθέλκτειρα, μεθυτρόφε μῆτερ ὀπώρας, ### book 24.1.2 οὔλης ἣ σκολιὸν πλέγμα φύεις ἕλικος, ### book 24.1.3 Τηίου ἡβήσειας Ἀνακρείοντος ἐπ’ ἄκρῃ ### book 24.1.4 στήλῃ καὶ λεπτῷ χώματι τοῦδε τάφου, ### book 24.5.1 ὡς ὁ φιλάκρητός τε καὶ οἰνοβαρὴς φιλόκωμος ### book 24.5.2 παννύχιος κρούων τὴν φιλόπαιδα χέλυν ### book 24.5.3 κἠν χθονὶ πεπτηὼς κεφαλῆς ἐφύπερθε φέροιτο ### book 24.5.4 ἀγλαὸν ὡραίων βότρυν ἀπ’ ἀκρεμόνων ### book 24.5.5 καί μιν ἀεὶ τέγγοι νοτερὴ δρόσος, ἧς ὁ γεραιὸς ### book 24.10 λαρότερον μαλακῶν ἔπνεεν ἐκ στομάτων. ### book 25.1.1 Οὗτος Ἀνακρείοντα, τὸν ἄφθιτον εἵνεκα Μουσέων ### book 25.1.2 ὑμνοπόλον, πάτρης τύμβος ἔδεκτο Τέω, ### book 25.1.3 ὃς Χαρίτων πνείοντα μέλη, πνείοντα δ’ Ἐρώτων ### book 25.1.4 τὸν γλυκὺν ἐς παίδων ἵμερον ἡρμόσατο. ### book 25.5.1 μοῦνον δ’ εἰν Ἀχέροντι βαρύνεται, οὐχ ὅτι λείπων ### book 25.5.2 ἠέλιον Λήθης ἐνθάδ’ ἔκυρσε δόμων, ### book 25.5.3 ἀλλ’ ὅτι τὸν χαρίεντα μετ’ ἠιθέοισι Μεγιστέα ### book 25.5.4 καὶ τὸν Σμερδίεω Θρῇκα λέλοιπε πόθον. ### book 25.5.5 μολπῆς δ’ οὐ λήγει μελιτερπέος, ἀλλ’ ἔτ’ ἐκεῖνον ### book 25.10 βάρβιτον οὐδὲ θανὼν εὔνασεν εἰν Ἀίδῃ. ### book 26.1.1 Ξεῖνε, τάφον παρὰ λιτὸν Ἀνακρείοντος ἀμείβων, ### book 26.1.2 εἴ τί τοι ἐκ βίβλων ἦλθεν ἐμῶν ὄφελος, ### book 26.1.3 σπεῖσον ἐμῇ σποδιῇ, σπεῖσον γάνος, ὄφρα κεν οἴνῳ ### book 26.1.4 ὀστέα γηθήσῃ τἀμὰ νοτιζόμενα, ### book 26.5.1 ὡς ὁ Διωνύσου μεμελημένος εὐάσι κώμοις, ### book 26.5.2 ὡς ὁ φιλακρήτου σύντροφος ἁρμονίης ### book 26.5.3 μηδὲ καταφθίμενος Βάκχου δίχα τοῦτον ὑποίσω ### book 26.5.4 τὸν γενεῇ μερόπων χῶρον ὀφειλόμενον. ### book 27.1.1 Εἴης ἐν μακάρεσσιν, Ἀνάκρεον, εὖχος Ἰώνων, ### book 27.1.2 μήτ’ ἐρατῶν κώμων ἄνδιχα μήτε λύρης· ### book 27.1.3 ὑγρὰ δὲ δερκομένοισιν ἐν ὄμμασιν οὖλον ἀείδοις ### book 27.1.4 αἰθύσσων λιπαρῆς ἄνθος ὕπερθε κόμης, ### book 27.5.1 ἠὲ πρὸς Εὐρυπύλην τετραμμένος ἠὲ Μεγιστῆ ### book 27.5.2 ἢ Κίκονα Θρῃκὸς Σμερδίεω πλόκαμον, ### book 27.5.3 ἡδὺ μέθυ βλύζων, ἀμφίβροχος εἵματα Βάκχῳ, ### book 27.5.4 ἄκρητον θλίβων νέκταρ ἀπὸ στολίδων. ### book 27.5.5 τρισσοῖς γάρ, Μούσαισι, Διωνύσῳ καὶ Ἔρωτι, ### book 27.10 πρέσβυ, κατεσπείσθη πᾶς ὁ τεὸς βίοτος. ### book 28.1 Ὦ ξένε, τόνδε τάφον τὸν Ἀνακρείοντος ἀμείβων ### book 28 σπεῖσόν μοι παριών· εἰμὶ γὰρ οἰνοπότης. ### book 29.1.1 Εὕδεις ἐν φθιμένοισιν, Ἀνάκρεον, ἐσθλὰ πονήσας, ### book 29.1.2 εὕδει δ’ ἡ γλυκερὴ νυκτιλάλος κιθάρη, ### book 29.1.3 εὕδει καὶ Σμέρδις, τὸ Πόθων ἔαρ, ᾧ σὺ μελίσδων ### book 29.1.4 βάρβιτ’ ἀνεκρούου νέκταρ ἐναρμόνιον. ### book 29.5.1 ἠιθέων γὰρ Ἔρωτος ἔφυς σκοπός, εἰς δὲ σὲ μοῦνον ### book 29.5.2 τόξα τε καὶ σκολιὰς εἶχεν ἑκηβολίας. ### book 30.1.1 Τύμβος Ἀνακρείοντος. ὁ Τήιος ἐνθάδε κύκνος ### book 30.1.2 εὕδει χἠ παίδων ζωροτάτη μανίη. ### book 30.1.3 ἀκμήν οἱ λυρόεν τι μελίζεται ἀμφὶ Βαθύλλῳ ### book 30.1.4 ἵμερα, καὶ κισσοῦ λευκὸς ὄδωδε λίθος. ### book 30.5.1 οὐδ’ Ἀίδης σοι ἔρωτας ἀπέσβεσεν, ἐν δ’ Ἀχέροντος ### book 30.5.2 ὢν ὅλος ὠδίνεις κύπριδι θερμοτέρῃ. ### book 31.1.1 Σμερδίῃ ὦ ἐπὶ Θρῃκὶ τακεὶς καὶ ἐπ’ ἔσχατον ὀστεῦν, ### book 31.1.2 κώμου καὶ πάσης κοίρανε παννυχίδος, ### book 31.1.3 τερπνότατε Μούσῃσιν Ἀνάκρεον, ὦ ’πὶ Βαθύλλῳ ### book 31.1.4 χλωρὸν ὑπὲρ κυλίκων πολλάκι δάκρυ χέας, ### book 31.5.1 αὐτόματαί τοι κρῆναι ἀναβλύζοιεν ἄκρητον ### book 31.5.2 κἠκ μακάρων προχοαὶ νέκταρος ἀμβροσίου, ### book 31.5.3 αὐτόματοι δὲ φέροιεν ἴον, τὸ φιλέσπερον ἄνθος, ### book 31.5.4 κῆποι καὶ μαλακῇ μύρτα τρέφοιτο δρόσῳ, ### book 31.5.5 ὄφρα καὶ ἐν Δηοῦς οἰνωμένος ἁβρὰ χορεύσῃς ### book 31.10 βεβληκὼς χρυσέην χεῖρας ἐπ’ Εὐρυπύλην. ### book 32.1.1 Πολλάκι μὲν τόδ’ ἄεισα καὶ ἐκ τύμβου δὲ βοήσω· ### book 32.1.2 „Πίνετε, πρὶν ταύτην ἀμφιβάλησθε κόνιν.“ ### book 33.1.1 Πολλὰ πιὼν τέθνηκας, Ἀνάκρεον. —„Ἀλλὰ τρυφήσας· ### book 33.1.2 καὶ σὺ δὲ μὴ πίνων ἵξεαι εἰς Ἀίδην.“ ### book 34.1.1 Πιερικὰν σάλπιγγα, τὸν εὐαγέων βαρὺν ὕμνων ### book 34.1.2 χαλκευτάν, κατέχει Πίνδαρον ἅδε κόνις, ### book 34.1.3 οὗ μέλος εἰσαΐων φθέγξαιό κεν, ὡς ἀπὸ Μουσῶν ### book 34.1.4 ἐν Κάδμου θαλάμοις σμῆνος ἀπεπλάσατο. ### book 35.1.1 Ἄρμενος ἦν ξείνοισιν ἀνὴρ ὅδε καὶ φίλος ἀστοῖς, ### book 35.1.2 Πίνδαρος, εὐφώνων Πιερίδων πρόπολος. ### book 36.1.1 Αἰεί τοι λιπαρῷ ἐπὶ σήματι, δῖε Σοφόκλεις, ### book 36.1.2 σκηνίτης μαλακοὺς κισσὸς ἄροιτο πόδας, ### book 36.1.3 αἰεί τοι βούπαισι περιστάζοιτο μελίσσαις ### book 36.1.4 τύμβος Ὑμηττείῳ λειβόμενος μέλιτι, ### book 36.5 ὡς ἄν τοι ῥείῃ μὲν ἀεὶ γάνος Ἀτθίδι δέλτῳ ### book 36 κηρός, ὑπὸ στεφάνοις δ’ αἰὲν ἔχῃς πλοκάμους. ### book 37.1.1 Τύμβος ὅδ’ ἔστ’, ὤνθρωπε, Σοφοκλέος, ὃν παρὰ Μουσῶν ### book 37.1.2 ἱρὴν παρθεσίην ἱερὸς ὢν ἔλαχον· ### book 37.1.3 ὅς με τὸν ἐκ Φλιοῦντος, ἔτι τρίβολον πατέοντα, ### book 37.1.4 πρίνινον ἐς χρύσεον σχῆμα μεθηρμόσατο ### book 37.5.1 καὶ λεπτὴν ἐνέδυσεν ἁλουργίδα· τοῦ δὲ θανόντος ### book 37.5.2 εὔθετον ὀρχηστὴν τῇδ’ ἀνέπαυσα πόδα. — ### book 37.5.3 „Ὄλβιος, ὡς ἀγαθὴν ἔλαχες στάσιν· ἡ δ’ ἐνὶ χερσὶ ### book 37.5.4 κούριμος ἐκ ποίης ἥδε διδασκαλίης;“ — ### book 37.5.5 Εἴτε σοὶ Ἀντιγόνην εἰπεῖν φίλον, οὐκ ἂν ἁμάρτοις, ### book 37.10 εἴτε καὶ Ἠλέκτραν· ἀμφότεραι γὰρ ἄκρον. ### book 38.1.1 Θεῖος Ἀριστοφάνευς ὑπ’ ἐμοὶ νέκυς, εἴ τινα πεύθῃ, ### book 38.1.2 κωμικὸν ἀρχαίης μνᾶμα χοροστασίης. ### book 39.1.1 Ὁ τραγικὸν φώνημα καὶ ὀφρυόεσσαν ἀοιδὴν ### book 39.1.2 πυργώσας στιβαρῇ πρῶτος ἐν εὐεπίῃ, ### book 39.1.3 Αἰσχύλος Εὐφορίωνος, Ἐλευσινίης ἑκὰς αἴης ### book 39.1.4 κεῖται κυδαίνων σήματι Τρινακρίην. ### book 40.1.1 Αἰσχύλον ἥδε λέγει ταφίη λίθος ἐνθάδε κεῖσθαι ### book 40.1.2 τὸν μέγαν, οἰκείης τῆλ’ ἀπὸ Κεκροπίης, ### book 40.1.3 λευκὰ Γέλα Σικελοῖο παρ’ ὕδατα. τίς φθόνος, αἰαῖ, ### book 40 Θησείδας ἀγαθῶν ἔγκοτος αἰὲν ἔχει; ### book 41.1 Ἆ μάκαρ, ἀμβροσίῃσι συνέστιε φίλτατε Μούσαις, ### book 41.2 χαῖρε καὶ εἰν Ἀίδεω δώμασι, Καλλίμαχε. ### book 42.1 Ἆ μέγα Βαττιάδαο σοφοῦ περίπυστον ὄνειαρ, ### book 42.2 ἦ ῥ’ ἐτεὸν κεράων οὐδ’ ἐλέφαντος ἔης. ### book 42.3 τοῖα γὰρ ἄμμιν ἔφηνας, ἅτ’ οὐ πάρος ἀνέρες ἴδμεν ### book 42.4 ἀμφί τε ἀθανάτους ἀμφί τε ἡμιθέους, ### book 42.5.1 εὖτέ μιν ἐκ Λιβύης ἀναείρας εἰς Ἑλικῶνα ### book 42.5.2 ἤγαγες ἐν μέσσαις Πιερίδεσσι φέρων· ### book 42.5.3 αἱ δέ οἱ εἰρομένῳ ἀμφ’ ὠγυγίων ἡρώων ### book 42.5.4 Αἴτια καὶ μακάρων εἶρον ἀμειβόμεναι. ### book 43.1.1 Χαῖρε μελαμπετάλοις, Εὐριπίδη, ἐν γυάλοισι ### book 43.1.2 Πιερίας τὸν ἀεὶ νυκτὸς ἔχων θάλαμον· ### book 43.1.3 ἴσθι δ’ ὑπὸ χθονὸς ὤν, ὅτι σοι κλέος ἄφθιτον ἔσται ### book 43.1.4 ἶσον Ὁμηρείαις ἀενάοις χάρισιν. ### book 44.1 Εἰ καὶ δακρυόεις, Εὐριπίδη, εἷλέ σε πότμος, ### book 44.2 καί σε λυκορραῖσται δεῖπνον ἔθεντο κύνες, ### book 44.3 τὸν σκηνῇ μελίγηρυν ἀηδόνα, κόσμον Ἀθηνῶν, ### book 44.4 τὸν σοφίῃ Μουσέων μιξάμενον χάριτα, ### book 44.5 ἀλλ’ ἔμολες Πελλαῖον ὑπ’ ἠρίον, ὡς ἂν ὁ λάτρις ### book 44 Πιερίδων ναίῃς ἀγχόθι Πιερίδων. ### book 45.1.1 Μνᾶμα μὲν Ἑλλὰς ἅπας’ Εὐριπίδου, ὀστέα δ’ ἴσχει ### book 45.1.2 γῆ Μακεδών, ᾗπερ δέξατο τέρμα βίου. ### book 45.1.3 πατρὶς δ’ Ἑλλάδος Ἑλλάς, Ἀθῆναι· πλεῖστα δὲ Μούσαις ### book 45.1.4 τέρψας ἐκ πολλῶν καὶ τὸν ἔπαινον ἔχει. ### book 46.1 Οὐ σὸν μνῆμα τόδ’ ἔστ’, Εὐριπίδη, ἀλλὰ σὺ τοῦδε· ### book 46.2 τῇ σῇ γὰρ δόξῃ μνῆμα τόδ’ ἀμπέχεται. ### book 47.1 Ἅπας’ Ἀχαιὶς μνῆμα σόν γ’, Εὐριπίδη· ### book 47.2 οὔκουν ἄφωνος, ἀλλὰ καὶ λαλητέος. ### book 48.1 Αἰθαλέοιο πυρὸς σάρκες ῥιπῇσι τρυφηλαὶ ### book 48.2 ληφθεῖσαι νοτίην ὦσαν ἀπαιθόμεναι· ### book 48.3 μοῦνα δ’ ἔνεστι τάφῳ πολυδακρύῳ ὀστέα κωφὰ ### book 48 καὶ πόνος εἰνοδίοις τῇδε παρερχομένοις. ### book 49.1.1 Ἁ Μακέτις σε κέκευθε τάφου κόνις· ἀλλὰ πυρωθεὶς ### book 49.1.2 Ζανὶ κεραυνείῳ γαῖαν ἀπηχθίασας. ### book 49.1.3 τρὶς γὰρ ἐπαστράψας, Εὐριπίδη, ἐκ Διὸς αἰθὴρ ### book 49.1.4 ἥγνισε τὰν θνατὰν σήματος ἱστορίαν. ### book 50.1.1 Τὴν Εὐριπίδεω μήτ’ ἔρχεο μήτ’ ἐπιβάλλου ### book 50.1.2 δύσβατον ἀνθρώποις οἶμον, ἀοιδοθέτα· ### book 50.1.3 λείη μὲν γὰρ ἰδεῖν καὶ ἐπίκροτος· ἢν δέ τις αὐτὴν ### book 50.1.4 εἰσβαίνῃ, χαλεποῦ τρηχυτέρη σκόλοπος· ### book 50.5.1 ἢν δὲ τὰ Μηδείης Αἰητίδος ἄκρα χαράξῃς, ### book 50.5.2 ἀμνήμων κείσῃ νέρθεν. ἔα στεφάνους. ### book 51.1.1 Οὔ σε κυνῶν γένος εἷλ’, Εὐριπίδη, οὐδὲ γυναικὸς ### book 51.1.2 οἶστρος, τὸν σκοτίης Κύπριδος ἀλλότριον, ### book 51.1.3 ἀλλ’ Ἀίδης καὶ γῆρας· ὑπαὶ Μακέτῃ δ’ Ἀρεθούσῃ ### book 51.1.4 κεῖσαι ἑταιρείῃ τίμιος Ἀρχέλεω. ### book 51.5.1 σὸν δ’ οὐ τοῦτον ἐγὼ τίθεμαι τάφον, ἀλλὰ τὰ Βάκχου ### book 51.5.2 βήματα καὶ σκηνὰς ἐμβάδι πειθομένας. ### book 52.1 Ἑλλάδος εὐρυχόρου στέφανον καὶ κόσμον ἀοιδῆς, ### book 52 Ἀσκραῖον γενεὴν Ἡσίοδον κατέχω. ### book 53.1 Ἡσίοδος Μούσαις Ἑλικωνίσι τόνδ’ ἀνέθηκα ### book 53.2 ὕμνῳ νικήσας ἐν Χαλκίδι θεῖον Ὅμηρον. ### book 54.1.1 Ἄσκρη μὲν πατρὶς πολυλήιος, ἀλλὰ θανόντος ### book 54.1.2 ὀστέα πληξίππων γῆ Μινυῶν κατέχει ### book 54.1.3 Ἡσιόδου, τοῦ πλεῖστον ἐν ἀνθρώποις κλέος ἐστὶν ### book 54.1.4 ἀνδρῶν κρινομένων ἐν βασάνῳ σοφίης. ### book 55.1.1 Λοκρίδος ἐν νέμεϊ σκιερῷ νέκυν Ἡσιόδοιο ### book 55.1.2 Νύμφαι κρηνίδων λοῦσαν ἀπὸ σφετέρων ### book 55.1.3 καὶ τάφον ὑψώσαντο· γάλακτι δὲ ποιμένες αἰγῶν ### book 55.1.4 ἔρραναν ξανθῷ μιξάμενοι μέλιτι· ### book 55.5.1 τοίην γὰρ καὶ γῆρυν ἀπέπνεεν ἐννέα Μουσέων ### book 55.5.2 ὁ πρέσβυς καθαρῶν γευσάμενος λιβάδων. ### book 56.1 Ἦν ἄρα Δημοκρίτοιο γέλως τόδε, καὶ τάχα λέξει· ### book 56.2 „Οὐκ ἔλεγον γελόων· ‚Πάντα πέλουσι γέλωσ‛; ### book 56.3 καὶ γὰρ ἐγὼ σοφίην μετ’ ἀπείρονα καὶ στίχα βίβλων ### book 56 τοσσατίων κεῖμαι νέρθε τάφοιο γέλως.“ ### book 57.1.1 Καὶ τίς ἔφυ σοφὸς ὧδε; τίς ἔργον ἔρεξε τοσοῦτον, ### book 57.1.2 ὅσσον ὁ παντοδαὴς μήνυσε Δημόκριτος; ### book 57.1.3 ὃς θάνατον παρεόντα τρί’ ἤματα δώμασιν ἔσχεν ### book 57.1.4 καὶ θερμοῖς ἄρτων ἄσθμασιν ἐξένισεν. ### book 58.1.1 Εἰ καὶ ἀμειδήτων νεκύων ὑπὸ γαῖαν ἀνάσσεις, ### book 58.1.2 Φερσεφόνη, ψυχὴν δέχνυσο Δημοκρίτου ### book 58.1.3 εὐμενέως γελόωσαν, ἐπεὶ καὶ σεῖο τεκοῦσαν ### book 58.1.4 ἀχνυμένην ἐπὶ σοὶ μοῦνος ἔκαμψε γέλως. ### book 59.1.1 Πλούτων, δέξο, μάκαρ, Δημόκριτον, ὥς κεν ἀνάσσων ### book 59.1.2 αἰὲν ἀμειδήτων καὶ γελόωντα λάχοις. ### book 60.1.1 Σωφροσύνῃ προφέρων θνητῶν ἤθει τε δικαίῳ ### book 60.1.2 ἐνθάδε κεῖται ἀνὴρ θεῖος Ἀριστοκλέης· ### book 60.1.3 εἰ δέ τις ἐκ πάντων σοφίης μέγαν ἔσχεν ἔπαινον, ### book 60 οὗτος ἔχει πλεῖστον καὶ φθόνον οὐ φέρεται. ### book 61.1 Γαῖα μὲν ἐν κόλποις κρύπτει τόδε σῶμα Πλάτωνος, ### book 61.2 ψυχὴ δ’ ἀθάνατον τάξιν ἔχει μακάρων ### book 61.3 υἱοῦ Ἀρίστωνος· τόν τις καὶ τηλόθι ναίων ### book 61.4 τιμᾷ ἀνὴρ ἀγαθὸς θεῖον ἰδόντα βίον. ### book 62.1 Αἰετέ, τίπτε βέβηκας ὑπὲρ τάφον ἢ τίνος, εἰπέ, ### book 62.2 ἀστερόεντα θεῶν οἶκον ἀποσκοπέεις; — ### book 62.3 „Ψυχῆς εἰμι Πλάτωνος ἀποπταμένης ἐς Ὄλυμπον ### book 62.4 εἰκών· σῶμα δὲ γῆ γηγενὲς Ἀτθὶς ἔχει.“ ### book 63.1.1 Τὸν κύνα Διογένη, νεκυοστόλε, δέξο με, πορθμεῦ, ### book 63.1.2 γυμνώσαντα βίου παντὸς ἐπισκύνιον. ### book 64.1.1 Εἰπέ, κύον, τίνος ἀνδρὸς ἐφεστὼς σῆμα φυλάσσεις; — ### book 64.1.2 „Τοῦ Κυνός.“ —Ἀλλὰ τίς ἦν οὗτος ἀνὴρ ὁ Κύων; — ### book 64.1.3 „Διογένης.“ —Γένος εἰπέ. —„Σινωπεύς.“ —Ὃς πίθον ᾤκει; — ### book 64 „Καὶ μάλα· νῦν δὲ θανὼν ἀστέρας οἶκον ἔχει.“ ### book 65.1.1 Διογένευς τόδε σῆμα, σοφοῦ κυνός, ὅς ποτε θυμῷ ### book 65.1.2 ἄρσενι γυμνήτην ἐξεπόνει βίοτον, ### book 65.1.3 ᾧ μία τις πήρα, μία διπλοΐς, εἷς ἅμ’ ἐφοίτα ### book 65.1.4 σκίπων, αὐτάρκους ὅπλα σαοφροσύνας. ### book 65.5.1 ἀλλὰ τάφου τοῦδ’ ἐκτὸς ἴτ’, ἄφρονες, ὡς ὁ Σινωπεὺς ### book 65.5.2 ἐχθαίρει φαῦλον πάντα καὶ εἰν Ἀίδῃ. ### book 66.1.1 Βάκτρον καὶ πήρη καὶ διπλόον εἷμα σοφοῖο ### book 66.1.2 Διογένευς βιότου φόρτος ὁ κουφότατος. ### book 66.1.3 πάντα φέρω πορθμῆι· λέλοιπα γὰρ οὐδὲν ὑπὲρ γῆς. ### book 66.1.4 ἀλλά, κύον, σαίνοις, Κέρβερε, τόν με κύνα. ### book 67.1.1 Ἀίδεω λυπηρὲ διήκονε, τοῦτ’ Ἀχέροντος ### book 67.1.2 ὕδωρ ὃς πλώεις πορθμίδι κυανέῃ, ### book 67.1.3 δέξαι μ’, εἰ καί σοι μέγα βρίθεται ὀκρυόεσσα ### book 67.1.4 βᾶρις ἀποφθιμένων, τὸν κύνα Διογένην. ### book 67.5.1 ὄλπη μοι καὶ πήρη ἐφόλκια καὶ τὸ παλαιὸν ### book 67.5.2 ἔσθος χὠ φθιμένους ναυστολέων ὀβολός. ### book 67.5.3 πάνθ’, ὅσα κἠν ζωοῖς ἐπεπάμεθα, ταῦτα παρ’ Ἅιδαν ### book 67 ἔρχομ’ ἔχων· λείπω δ’ οὐδὲν ὑπ’ ἠελίῳ. ### book 68.1.1 Ἄϊδος ὦ νεκυηγέ, κεχαρμένε δάκρυσι πάντων, ### book 68.1.2 ὃς βαθὺ πορθμεύεις τοῦτ’ Ἀχέροντος ὕδωρ, ### book 68.1.3 εἰ καί σοι βέβριθεν ὑπ’ εἰδώλοισι καμόντων ### book 68.1.4 ὁλκάς, μὴ προλίπῃς Διογένη με κύνα. ### book 68.5.1 ὄλπην καὶ σκίπωνα φέρω καὶ διπλόον εἷμα ### book 68.5.2 καὶ πήρην καὶ σοὶ ναυτιλίης ὀβολόν. ### book 68.5.3 καὶ ζωὸς τάδε μοῦνον, ἃ καὶ νέκυς ὧδε κομίζω, ### book 68.5.4 εἶχον· ὑπ’ ἠελίου δ’ οὔ τι λέλοιπα φάει. ### book 69.1.1 Κέρβερε, δειμαλέην ὑλακὴν νεκύεσσιν ἰάλλων, ### book 69.1.2 ἤδη φρικαλέον δείδιθι καὶ σὺ νέκυν· ### book 69.1.3 Ἀρχίλοχος τέθνηκε· φυλάσσεο θυμὸν ἰάμβων ### book 69.1.4 δριμὺν πικροχόλου τικτόμενον στόματος. ### book 69.5.1 οἶσθα βοῆς κείνοιο μέγα σθένος, εὖτε Λυκάμβεω ### book 69.5.2 νηῦς μία σοι δισσὰς ἤγαγε θυγατέρας. ### book 70.1.1 Νῦν πλέον ἢ τὸ πάροιθε πύλας κρατεροῖο βερέθρου ### book 70.1.2 ὄμμασιν ἀγρύπνοις, τρισσέ, φύλασσε, κύον. ### book 70.1.3 εἰ γὰρ φέγγος ἔλειπον ἀλυσκάζουσαι ἰάμβων ### book 70.1.4 ἄγριον Ἀρχιλόχου φλέγμα Λυκαμβιάδες, ### book 70.5 πῶς οὐκ ἂν προλίποι σκοτίων πυλεῶνας ἐναύλων ### book 70 νεκρὸς ἅπας φεύγων τάρβος ἐπεσβολίης; ### book 71.1.1 Σῆμα τόδ’ Ἀρχιλόχου παραπόντιον, ὅς ποτε πικρὴν ### book 71.1.2 μοῦσαν ἐχιδναίῳ πρῶτος ἔβαψε χόλῳ ### book 71.1.3 αἱμάξας Ἑλικῶνα τὸν ἥμερον. οἶδε Λυκάμβης ### book 71.1.4 μυρόμενος τρισσῶν ἅμματα θυγατέρων. ### book 71.5.1 ἠρέμα δὴ παράμειψον, ὁδοιπόρε, μή ποτε τοῦδε ### book 71.5.2 κινήσῃς τύμβῳ σφῆκας ἐφεζομένους. ### book 72.1.1 Χαῖρε, Νεοκλείδα, δίδυμον γένος, ὧν ὁ μὲν ὑμῶν ### book 72.1.2 πατρίδα δουλοσύνας ῥύσαθ’, ὁ δ’ ἀφροσύνας. ### book 73.1.1 Ἀντὶ τάφου λιτοῖο θὲς Ἑλλάδα, θὲς δ’ ἐπὶ ταύταν ### book 73.1.2 δούρατα βαρβαρικᾶς σύμβολα ναυφθορίας ### book 73.1.3 καὶ τύμβῳ κρηπῖδα περίγραφε Περσικὸν Ἄρη ### book 73.1.4 καὶ Ξέρξην· τούτοις θάπτε Θεμιστοκλέα. ### book 73.5.1 στάλα δ’ ἁ Σαλαμὶς ἐπικείσεται ἔργα λέγουσα ### book 73.5.2 τἀμά. τί με σμικροῖς τὸν μέγαν ἐντίθετε; ### book 74.1.1 Τοῦτο Θεμιστοκλεῖ ξένον ἠρίον εἵσατο Μάγνης ### book 74.1.2 λαός, ὅτ’ ἐκ Μήδων πατρίδα ῥυσάμενος ### book 74.1.3 ὀθνείην ὑπέδυ χθόνα καὶ λίθον. ἦ θέλεν οὕτως ### book 74 ὁ φθόνος· αἱ δ’ ἀρεταὶ μεῖον ἔχουσι γέρας. ### book 75.1.1 Στασίχορον, ζαπληθὲς ἀμέτρητον στόμα Μούσης, ### book 75.1.2 ἐκτέρισεν Κατάνας αἰθαλόεν δάπεδον, ### book 75.1.3 οὗ, κατὰ Πυθαγόρεω φυσικὰν φάτιν, ἁ πρὶν Ὁμήρου ### book 75.1.4 ψυχὰ ἐνὶ στέρνοις δεύτερον ᾠκίσατο. ### book 76.1.1 Ἐμπορίης λήξαντα Φιλόκριτον, ἄρτι δ’ ἀρότρου ### book 76.1.2 γευόμενον ξείνῳ Μέμφις ἔκρυψε τάφῳ· ### book 76.1.3 ἔνθα δραμὼν Νείλοιο πολὺς ῥόος ὕδατι λάβρῳ ### book 76.1.4 τἀνδρὸς τὴν ὀλίγην βῶλον ἀπημφίασε. ### book 76.5.1 καὶ ζωὸς μὲν ἔφευγε πικρὴν ἅλα, νῦν δὲ καλυφθεὶς ### book 76.5.2 κύμασι ναυηγὸν σχέτλιος ἔσχε τάφον. ### book 77.1.1 Οὗτος ὁ τοῦ Κείοιο Σιμωνίδου ἐστὶ σαωτήρ, ### book 77.1.2 ὃς καὶ τεθνηὼς ζῶντ’ ἀπέδωκε χάριν. ### book 78.1.1 Πρηΰτερον γῆράς σε καὶ οὐ κατὰ νοῦσος ἀμαυρὴ ### book 78.1.2 ἔσβεσεν· εὐνήθης δ’ ὕπνον ὀφειλόμενον ### book 78.1.3 ἄκρα μεριμνήσας, Ἐρατόσθενες· οὐδὲ Κυρήνη ### book 78.1.4 μαῖά σε πατρῴων ἐντὸς ἔδεκτο τάφων, ### book 78.5 Ἀγλαοῦ υἱέ, φίλος δὲ καὶ ἐν ξείνῃ κεκάλυψαι ### book 78 πὰρ τόδε Πρωτῆος κράσπεδον αἰγιαλοῦ. ### book 79.1.1 Ὤνθρωφ’, Ἡράκλειτος ἐγὼ σοφὰ μοῦνος ἀνευρὼν ### book 79.1.2 φαμί. —„Τὰ δ’ ἐς πάτραν κρέσσονα καὶ σοφίης.“ — ### book 79.1.3 Δὰξ γὰρ καὶ τοκεῶνας, ἰὼ ξένε, δύσφρονας ἄνδρας, ### book 79.1.4 ὑλάκτευν. —„Λαμπρὰ θρεψαμένοισι χάρις.“ — ### book 79.5.1 Οὐκ ἀπ’ ἐμεῦ; —„Μὴ τρηχύς.“ —Ἐπεὶ τάχα καὶ σύ τι πεύσῃ ### book 79.5.2 τρηχύτερον. —„Πάτρας χαῖρε σὺ δ’ ἐξ Ἐφέσου.“ ### book 80.1.1 Εἶπέ τις, Ἡράκλειτε, τεὸν μόρον, ἐς δέ με δάκρυ ### book 80.1.2 ἤγαγεν· ἐμνήσθην δ’, ὁσσάκις ἀμφότεροι ### book 80.1.3 ἥλιον ἐν λέσχῃ κατεδύσαμεν. ἀλλὰ σὺ μέν που, ### book 80.1.4 ξεῖν’ Ἁλικαρνησεῦ, τετράπαλαι σποδιή· ### book 80.5.1 αἱ δὲ τεαὶ ζώουσιν ἀηδόνες, ᾗσιν ὁ πάντων ### book 80.5.2 ἁρπακτὴς Ἀίδης οὐκ ἐπὶ χεῖρα βαλεῖ. ### book 81.1.1 Ἑπτὰ σοφῶν, Κλεόβουλε, σὲ μὲν τεκνώσατο Λίνδος· ### book 81.1.2 φατὶ δὲ Σισυφία χθὼν Περίανδρον ἔχειν· ### book 81.1.3 Πιττακὸν ἁ Μιτυλᾶνα· Βίαντα δὲ δῖα Πριήνη· ### book 81.1.4 Μίλητος δὲ Θαλῆν, ἄκρον ἔρεισμα Δίκας· ### book 81.5.1 ἁ Σπάρτα Χίλωνα· Σόλωνα δὲ Κεκροπὶς αἶα, ### book 81.5.2 πάντας ἀριζάλου σωφροσύνας φύλακας. ### book 82 Δωρίδος ἐκ Μούσης κεκορυθμένον ἀνέρα Βάκχῳ ### book 82 καὶ Σατύροις Σικελὸν τῇδ’ Ἐπίχαρμον ἔχω. ### book 83.1 Τόνδε Θαλῆν Μίλητος Ἰὰς θρέψας’ ἀνέδειξεν ### book 83.2 ἀστρολόγον πάντων πρεσβύτατον σοφίῃ. ### book 84.1 Ἦ ὀλίγον τόδε σῆμα, τὸ δὲ κλέος οὐρανόμηκες ### book 84.2 τοῦ πολυφροντίστου τοῦτο Θάλητος ὅρη. ### book 85.1.1 Γυμνικὸν αὖ ποτ’ ἀγῶνα θεώμενον, ἠέλιε Ζεῦ, ### book 85.1.2 τὸν σοφὸν ἄνδρα Θαλῆν ἥρπασας ἐκ σταδίου. ### book 85.1.3 αἰνέω, ὅττι μιν ἐγγὺς ἀπήγαγες· ἦ γὰρ ὁ πρέσβυς ### book 85.1.4 οὐκέθ’ ὁρᾶν ἀπὸ γῆς ἀστέρας ἠδύνατο. ### book 86.1 Τὴν ἄδικον παύσας’ ὕβριν ποτὲ ἥδε Σόλωνα ### book 86.2 τόνδ’ ἐπέχει Σαλαμὶς θεσμοθέτην ἱερόν. ### book 87.1.1 Σῶμα μὲν ἦρε Σόλωνος ἐν ἀλλοδαπῇ Κύπριον πῦρ, ### book 87.1.2 ὀστὰ δ’ ἔχει Σαλαμίς, ὧν κόνις ἀστάχυες· ### book 87.1.3 ψυχὴν δ’ ἄξονες εὐθὺς ἐς οὐρανὸν ἤγαγον· εὖ γὰρ ### book 87 θῆκε νόμους αὐτοῖς ἄχθεα κουφότατα. ### book 88.1.1 Φωσφόρε, σοί, Πολύδευκες, ἔχω χάριν, οὕνεκεν υἱὸς ### book 88.1.2 Χίλωνος πυγμῇ χλωρὸν ἕλεν κότινον. ### book 88.1.3 εἰ δ’ ὁ πατὴρ στεφανοῦχον ἰδὼν 〈τέκνον〉 ἤμυσεν ἡσθείς, ### book 88.1.4 οὐ νεμεσητόν· ἐμοὶ τοῖος ἴτω θάνατος. ### book 89.1.1 Ξεῖνος Ἀταρνείτης τις ἀνείρετο Πιττακὸν οὕτω ### book 89.1.2 τὸν Μιτυληναῖον, παῖδα τὸν Ὑρράδιον· ### book 89.1.3 „Ἄττα γέρον, δοιός με καλεῖ γάμος· ἡ μία μὲν δὴ ### book 89.1.4 νύμφη καὶ πλούτῳ καὶ γενεῇ κατ’ ἐμέ, ### book 89.5.1 ἡ δ’ ἑτέρη προβέβηκε. τί λώιον; εἰ δ’ ἄγε, σὺμ μοὶ ### book 89.5.2 βούλευσον, ποτέρην εἰς ὑμέναιον ἄγω.“ ### book 89.5.3 εἶπεν· ὁ δὲ σκίπωνα, γεροντικὸν ὅπλον, ἀείρας· ### book 89.5.4 „Ἠνίδε, κεῖνοί σοι πᾶν ἐρέουσιν ἔπος ### book 89.5.5 (οἱ δ’ ἄρ’ ὑπὸ πληγῇσι θοὰς βέμβικας ἔχοντες ### book 89.10.1 ἔστρεφον εὐρείῃ παῖδες ἐνὶ τριόδῳ), ### book 89.10.2 κείνων ἔρχεο“, φησί, „μετ’ ἴχνια.“ χὠ μὲν ἐπέστη ### book 89.10.3 πλησίον· οἱ δ’ ἔλεγον· „Τὴν κατὰ σαυτὸν ἔλα.“ ### book 89.10.4 ταῦτ’ ἀίων ὁ ξεῖνος ἐφείσατο μείζονος οἴκου ### book 89.10.5 δράξασθαι, παίδων κληδόνα συνθέμενος. ### book 89.15.1 τὴν δ’ ὀλίγην ὡς κεῖνος ἐς οἶκον ἐπήγετο νύμφην, ### book 89.15.2 οὕτω καὶ σύ γ’ ἰὼν τὴν κατὰ σαυτὸν ἔλα. ### book 90 Κλεινοῖς ἐν δαπέδοισι Πριήνης φύντα καλύπτει ### book 90 ἥδε Βίαντα πέτρη, κόσμον Ἴωσι μέγαν. ### book 91.1.1 Τῇδε Βίαντα κέκευθα, τὸν ἀτρέμας ἤγαγεν Ἑρμῆς ### book 91.1.2 εἰς Ἀίδην πολιῷ γήραϊ νιφόμενον· ### book 91.1.3 εἶπε γάρ, εἶπε δίκην ἑτάρου τινός· εἶτ’ ἀποκλινθεὶς ### book 91.1.4 παιδὸς ἐς ἀγκαλίδας μακρὸν ἔτεινεν ὕπνον. ### book 92.1.1 Ἐς Σκυθίην Ἀνάχαρσις ὅτ’ ἤλυθε πολλὰ μογήσας, ### book 92.1.2 πάντας ἔπειθε βιοῦν ἤθεσιν Ἑλλαδικοῖς· ### book 92.1.3 τὸν δ’ ἔτι μῦθον ἄκραντον ἐνὶ στομάτεσσιν ἔχοντα ### book 92.1.4 πτηνὸς ἐς ἀθανάτους ἥρπασεν ὦκα δόναξ. ### book 93.1 Τῆς σοφίης πάσης ἐν ἐμοὶ τέλος· ἢν δέ τι πλεῖον, ### book 93.2 Πυθαγόρῃ τῷ ’μῷ λέγε ταῦθ’, ὅτι πρῶτος ἁπάντων ### book 93.3 ἔστιν ἀν’ Ἑλλάδα γῆν. οὐ ψεύδομαι ὧδ’ ἀγορεύων. ### book 94.1 Ἐνθάδε πλεῖστον ἀληθείας ἐπὶ τέρμα περήσας ### book 94.2 οὐρανίου κόσμου κεῖται Ἀναξαγόρας. ### book 95.1.1 Ἠέλιον πυρόεντα μύδρον ποτὲ φάσκεν ὑπάρχειν ### book 95.1.2 καὶ διὰ τοῦτο θανεῖν μέλλεν Ἀναξαγόρας· ### book 95.1.3 ἀλλ’ ὁ φίλος Περικλῆς μὲν ἐρύσατο τοῦτον, ὁ δ’ αὑτὸν ### book 95 ἐξάγαγεν βιότου μαλθακίῃ σοφίης. ### book 96.1.1 Πῖνέ νυν ἐν Διὸς ὤν, ὦ Σώκρατες· ἦ σε γὰρ ὄντως ### book 96.1.2 καὶ σοφὸν εἶπε θεὸς καὶ θεὸν ἡ Σοφία. ### book 96.1.3 πρὸς γὰρ Ἀθηναίων κώνειον ἁπλῶς μὲν ἐδέξω, ### book 96.1.4 αὐτοὶ δ’ ἐξέπιον τοῦτο τεῷ στόματι. ### book 97.1.1 Οὐ μόνον ἐς Πέρσας ἀνέβη Ξενοφῶν διὰ Κῦρον, ### book 97.1.2 ἀλλ’ ἄνοδον ζητῶν, ἐς Διὸς ἥτις ἄγοι, ### book 97.1.3 παιδείης παρ’ ἑῆς, Ἑλληνικὰ πράγματα δείξας ### book 97.1.4 ὡς καλὸν ἡ σοφίη μνήσατο Σωκράτεος. ### book 98.1.1 Εἰ καὶ σέ, Ξενοφῶν, Κραναοῦ Κέκροπός τε πολῖται ### book 98.1.2 φεύγειν κατέγνων τοῦ φίλου χάριν Κύρου, ### book 98.1.3 ἀλλὰ Κόρινθος ἔδεκτο φιλόξενος, ᾗ σὺ φιληδῶν ### book 98.1.4 (οὕτως ἀρέσκῃ) κεῖθι καὶ μένειν ἔγνως. ### book 99.1.1 Δάκρυα μὲν Ἑκάβῃ τε καὶ Ἰλιάδεσσι γυναιξὶ ### book 99.1.2 Μοῖραι ἐπέκλωσαν δὴ τότε γεινομέναις· ### book 99.1.3 σοὶ δέ, Δίων, ῥέξαντι καλῶν ἐπινίκιον ἔργων ### book 99.1.4 δαίμονες εὐρείας ἐλπίδας ἐξέχεαν. ### book 99.5 κεῖσαι δ’ εὐρυχόρῳ ἐν πατρίδι τίμιος ἀστοῖς, ### book 99 ὦ ἐμὸν ἐκμήνας θυμὸν ἔρωτι Δίων. ### book 100.1.1 Νῦν, ὅτε μηδὲν Ἄλεξις ὅσον μόνον εἶφ’ ὅτι καλός, ### book 100.1.2 ὦπται καὶ πάντῃ πᾶσι περιβλέπεται. ### book 100.1.3 θυμέ, τί μηνύεις κυσὶν ὀστέον; εἶτ’ ἀνιήσεις ### book 100.1.4 ὕστερον. οὐχ οὕτω Φαῖδρον ἀπωλέσαμεν; ### book 101.1.1 Ἀλλ’ εἰ μὴ Σπεύσιππον ἐμάνθανον ὧδε θανεῖσθαι, ### book 101.1.2 οὐκ ἂν ἔπεισέ μέ τις τόδε λέξαι, ### book 101.1.3 ὡς ἦν οὐχὶ Πλάτωνι πρὸς αἵματος· οὐ γὰρ ἀθυμῶν ### book 101.1.4 κάτθανεν ἂν διά τι σφόδρα μικρόν. ### book 102.1.1 Χαλκῇ προσκόψας λεκάνῃ ποτὲ καὶ τὸ μέτωπον ### book 102.1.2 πλήξας ἴαχεν „Ὤ“ σύντονον, εἶτ’ ἔθανεν, ### book 102.1.3 ὁ πάντα παντὶ Ξενοκράτης ἀνὴρ γεγώς. ### book 103.1.1 〈Μνήματι τῷδε Κράτητα θεουδέα καὶ Πολέμωνα ### book 103.1.2 ἔννεπε κρύπτεσθαι, ξεῖνε, παρερχόμενος,〉 ### book 103.1.3 ἄνδρας ὁμοφροσύνῃ μεγαλήτορας, ὧν ἀπὸ μῦθος ### book 103.1.4 ἱερὸς ἤισσεν δαιμονίου στόματος· ### book 103.5 καὶ βίοτος καθαρὸς σοφίας ἐπὶ θεῖον ἐκόσμει ### book 103 αἰῶν’ ἀστρέπτοις δόγμασι πειθόμενος. ### book 104.1.1 Ἀρκεσίλαε, τί μοι, τί τοσοῦτον ἄκρητον ἀφειδῶς ### book 104.1.2 ἔσπασας, ὥστε φρενῶν ἐκτὸς ὄλισθες ἑῶν; ### book 104.1.3 οἰκτείρω δ’ οὐ τόσσον, ἐπεὶ θάνες, ἀλλ’ ὅτι Μούσας ### book 104.1.4 ὕβρισας οὐ μετρίῃ χρησάμενος κύλικι. ### book 105.1.1 Καὶ σέο, Λακύδη, φάτιν ἔκλυον, ὡς ἄρ’ ἄκαιρος ### book 105.1.2 Βάκχος ἑλὼν Ἀίδην ποσσὶν ἔσυρέ ς’ ἄκροις. ### book 105.1.3 ἦ σαφὲς ἦν· Διόνυσος ὅταν πολὺς ἐς δέμας ἔλθῃ, ### book 105.1.4 λῦσε μέλη· διὸ δὴ μήτι Λυαῖος ἔφυ; ### book 106.1.1 „Χαίρετε καὶ μέμνησθε τὰ δόγματα“ τοῦτ’ Ἐπίκουρος ### book 106.1.2 ὕστατον εἶπε φίλοις οἷσιν ἀποφθίμενος· ### book 106.1.3 θερμὴν ἐς πύελον γὰρ ἐσήλυθε καὶ τὸν ἄκρητον ### book 106.1.4 ἔσπασεν, εἶτ’ ἀίδην ψυχρὸν ἐπεσπάσατο. ### book 107.1.1 Εὐρυμέδων ποτ’ ἔμελλεν Ἀριστοτέλην ἀσεβείας ### book 107.1.2 γράψασθαι Δηοῦς μύστιδος ὢν πρόπολος· ### book 107.1.3 ἀλλὰ πιὼν ἀκόνιτον ὑπέκφυγε. τοῦτ’ ἀκονιτὶ ### book 107 ἦν ἄρα νικῆσαι συκοφάσεις ἀδίκους. ### book 108.1.1 Καὶ πῶς, εἰ μὴ Φοῖβος ἀν’ Ἑλλάδα φύσε Πλάτωνα, ### book 108.1.2 ψυχὰς ἀνθρώπων γράμμασιν ἠκέσατο; ### book 108.1.3 καὶ γὰρ ὁ τοῦδε γεγὼς Ἀσκληπιός ἐστιν ἰητὴρ ### book 108.1.4 σώματος ὡς ψυχῆς ἀθανάτοιο Πλάτων. ### book 109.1.1 Φοῖβος ἔφυσε βροτοῖς Ἀσκληπιὸν ἠδὲ Πλάτωνα, ### book 109.1.2 τὸν μέν, ἵνα ψυχήν, τὸν δ’, ἵνα σῶμα σάοι· ### book 109.1.3 δαισάμενος δὲ γάμον πόλιν ἤλυθεν, ἥν ποθ’ ἑαυτῷ ### book 109.1.4 ἔκτισε καὶ δαπέδῳ Ζηνὸς ἐνιδρύσατο. ### book 110.1.1 Οὐκ ἄρα τοῦτο μάταιον ἔπος μερόπων τινὶ λέχθη, ### book 110.1.2 ῥήγνυσθαι σοφίης τόξον ἀνιέμενον· ### book 110.1.3 δὴ γὰρ καὶ Θεόφραστος, ἕως ἐπόνει μέν, ἄπηρος ### book 110.1.4 ἦν δέμας, εἶτ’ ἀνεθεὶς κάτθανε πηρομελής. ### book 111.1.1 Λεπτὸς ἀνὴρ δέμας ἦν· εἰ μὴ προσέχῃς, ἀπόχρη μοι· ### book 111.1.2 Στράτωνα τοῦτον φημί γε, ### book 111.1.3 Λάμψακος ὅν ποτ’ ἔφυσεν· ἀεὶ δὲ νόσοισι παλαίων ### book 111 θνῄσκει λαθὼν οὐδ’ ᾔσθετο. ### book 112.1.1 Οὐ μὰ τόν, οὐδὲ Λύκωνα παρήσομεν, ὅττι ποδαλγὴς ### book 112.1.2 κάτθανε· θαυμάζω τοῦτο μάλιστα δ’ ἐγώ, ### book 112.1.3 τὴν οὕτως ἀίδαο μακρὴν ὁδὸν εἰ πρὶν ὁ ποσσὶν ### book 112.1.4 ἀλλοτρίοις βαδίσας ἔδραμε νυκτὶ μιῇ. ### book 113.1.1 Ἀνεῖλεν ἀσπὶς τὸν σοφὸν Δημήτριον ### book 113.1.2 ἰὸν ἔχουσα πολὺν ### book 113.1.3 ἄσμηκτον, οὐ στίλβουσα φῶς ἀπ’ ὀμμάτων, ### book 113.1.4 ἀλλ’ ἀίδην μέλανα. ### book 114.1.1 Ἤθελες ἀνθρώποισι λιπεῖν φάτιν, Ἡρακλείδη, ### book 114.1.2 ὥς ῥα θανὼν ἐγένου ζωὸς ἅπασι δράκων· ### book 114.1.3 ἀλλὰ διεψεύσθης, σεσοφισμένε· δὴ γὰρ ὁ μὲν θὴρ ### book 114.1.4 ἦε δράκων, σὺ δὲ θήρ, οὐ σοφὸς ὢν ἑάλως. ### book 115.1.1 Τὸν βίον ἦσθα κύων, Ἀντίσθενες. —„Ὧδε πεφυκώς, ### book 115.1.2 ὥστε δακεῖν κραδίην ῥήμασιν, οὐ στόμασιν.“ — ### book 115.1.3 Ἀλλ’ ἔθανες φθισικός, τάχ’ ἐρεῖ τις ἴσως. —„Τί δὲ τοῦτο; ### book 115 πάντως εἰς ἀίδην δεῖ τιν’ ὁδηγὸν ἔχειν.“ ### book 116.1.1 Διόγενες, ἄγε λέγε, τίς ἔλαβέ σε μόρος ### book 116.1.2 ἐς Ἄϊδος; —„Ἔλαβέ με κυνὸς ἄγριον ὀδάξ.“ ### book 117.1.1 Ἔκτισας αὐτάρκειαν, ἀφεὶς κενεαυχέα πλοῦτον, ### book 117.1.2 Ζήνων σὺν πολιῷ σεμνὸς ἐπισκυνίῳ· ### book 117.1.3 ἄρσενα γὰρ λόγον εὗρες, ἐνηθλήσω δὲ προνοίᾳ ### book 117.1.4 αἵρεσιν ἀτρέστου ματέρ’ ἐλευθερίας. ### book 117.5.1 εἰ δὲ πάτρα Φοίνισσα, τίς ὁ φθόνος; ἦν καὶ ὁ Κάδμος ### book 117.5.2 κεῖνος, ἀφ’ οὗ γραπτὰν Ἑλλὰς ἔχει σελίδα. ### book 118.1.1 Τὸν Κιτιέα Ζήνωνα θανεῖν λόγος, ὡς ὑπὸ γήρως ### book 118.1.2 πολλὰ καμὼν ἐλύθη μένων ἄσιτος· ### book 118.1.3 〈οἱ δ’, ὅτι προσκόψας ποτ’ ἔφη χερὶ γῆν ἀλοήσας· ### book 118.1.4 „Ἔρχομαι αὐτόματος. τί δὴ καλεῖς με;“〉 ### book 119 Ἡνίκα Πυθαγόρης τὸ περικλεὲς εὕρετο γράμμα ### book 119 κεῖν’, ἐφ’ ὅτῳ κλεινὴν ἤγαγε βουθυσίην ... ### book 120.1.1 Καί ποτέ μιν στυφελιζομένου σκύλακος παριόντα ### book 120.1.2 φασὶν ἐποικτεῖραι καὶ τόδε φάσθαι ἔπος· ### book 120.1.3 „Παῦσαι, μηδὲ ῥάπιζ’, ἐπεὶ ἦ φίλου ἀνέρος ἐστὶ ### book 120.1.4 ψυχή, τὴν ἔγνων φθεγξαμένης ἀίων.“ ### book 121.1.1 Οὐ μόνος ἐμψύχων ἄπεχες χέρας, ἀλλὰ καὶ ἡμεῖς. ### book 121.1.2 τίς γάρ, ὃς ἐμψύχων ἥψατο, Πυθαγόρη; ### book 121.1.3 ἀλλ’ ὅταν ἑψηθῇ τι καὶ ὀπτηθῇ καὶ ἁλισθῇ, ### book 121.1.4 δὴ τότε καὶ ψυχὴν μὴ ἔχον ἐσθίομεν. ### book 122.1.1 Αἰαῖ, Πυθαγόρης τί τόσον κυάμους ἐσεβάσθη ### book 122.1.2 καὶ θάνε φοιτηταῖς ἄμμιγα τοῖς ἰδίοις; ### book 122.1.3 χωρίον ἦν κυάμων· ἵνα μὴ τούτους δὲ πατήσῃ, ### book 122.1.4 ἐξ Ἀκραγαντίνων κάτθαν’ ἐνὶ τριόδῳ. ### book 123.1.1 Καὶ σύ ποτ’, Ἐμπεδόκλεις, διερῇ φλογὶ σῶμα καθήρας ### book 123.1.2 πῦρ ἀπὸ κρητήρων ἔκπιες ἀθάνατον· ### book 123.1.3 οὐκ ἐρέω δ’, ὅτι σαυτὸν ἑκὼν βάλες ἐς ῥόον Αἴτνης, ### book 123 ἀλλὰ λαθεῖν ἐθέλων ἔμπεσες οὐκ ἐθέλων. ### book 124.1.1 Ναὶ μὴν Ἐμπεδοκλῆα θανεῖν λόγος, ὥς ποτ’ ἀμάξης ### book 124.1.2 ἔκπεσε καὶ μηρὸν κλάσσατο δεξιτερόν. ### book 124.1.3 εἰ δὲ πυρὸς κρητῆρας ἐσήλατο καὶ πίε τὸ ζῆν, ### book 124.1.4 πῶς ἂν ἔτ’ ἐν Μεγάροις δείκνυτο τοῦδε τάφος; ### book 125.1 Εἴ τι παραλλάσσει φαέθων μέγας ἅλιος ἄστρων ### book 125.2 καὶ πόντος ποταμῶν μείζον’ ἔχει δύναμιν, ### book 125.3 φαμὶ τοσοῦτον ἐγὼ σοφίᾳ προέχειν Ἐπίχαρμον, ### book 125.4 ὃν πατρὶς ἐστεφάνως’ ἅδε Συρακοσίων. ### book 126.1.1 Τὴν ὑπόνοιαν πᾶσι μάλιστα λέγω θεραπεύειν· ### book 126.1.2 εἰ γὰρ καὶ μὴ δρᾷς, ἀλλὰ δοκεῖς, ἀτυχεῖς. ### book 126.1.3 οὕτω καὶ Φιλόλαον ἀνεῖλε Κρότων ποτὲ πάτρη, ### book 126.1.4 ὥς μιν ἔδοξε θέλειν δῶμα τύραννον ἔχειν. ### book 127.1.1 Πολλάκις Ἡράκλειτον ἐθαύμασα, πῶς ποτε τὸ ζῆν ### book 127.1.2 ὧδε διαντλήσας δύσμορος εἶτ’ ἔθανεν· ### book 127.1.3 σῶμα γὰρ ἀρδεύουσα κακὴ νόσος ὕδατι φέγγος ### book 127 ἔσβεσεν ἐκ βλεφάρων καὶ σκότον ἠγάγετο. ### book 128.1 Ἡράκλειτος ἐγώ. τί μ’ ἄνω κάτω ἕλκετ’, ἄμουσοι; ### book 128.2 οὐχ ὑμῖν ἐπόνουν, τοῖς δέ μ’ ἐπισταμένοις. ### book 128.3 εἷς ἐμοὶ ἄνθρωπος τρισμύριοι, οἱ δ’ ἀνάριθμοι ### book 128.4 οὐδείς. ταῦτ’ αὐδῶ καὶ παρὰ Φερσεφόνῃ. ### book 129.1.1 Ἤθελες, ὦ Ζήνων, (καλὸν ἤθελες) ἄνδρα τύραννον ### book 129.1.2 κτείνας ἐκλῦσαι δουλοσύνης Ἐλέαν. ### book 129.1.3 ἀλλ’ ἐδάμης· δὴ γάρ σε λαβὼν ὁ τύραννος ἐν ὅλμῳ ### book 129.1.4 κόψε. τί τοῦτο λέγω; σῶμα γάρ, οὐχὶ δὲ σέ. ### book 130.1.1 Καὶ σέο, Πρωταγόρη, φάτιν ἔκλυον, ὡς ἄρ’ Ἀθηνῶν ### book 130.1.2 ἔκ ποτ’ ἰὼν καθ’ ὁδὸν πρέσβυς ἐὼν ἔθανες· ### book 130.1.3 εἵλετο γάρ σε φυγεῖν Κέκροπος πόλις· ἀλλὰ σὺ μέν που ### book 130.1.4 Παλλάδος ἄστυ φύγες, Πλουτέα δ’ οὐκ ἔφυγες. ### book 131.1 Πρωταγόρην λόγος ὧδε θανεῖν φέρει· ἀλλὰ γὰρ αὐτοῦ ### book 131.2 ἥκατο σῶμα γέαν, ψυχὴ ἐνᾶλτο σοφοῖς. ### book 132 Καὶ σέο, Πρωταγόρη, σοφίης ἴδμεν βέλος ὀξύ, ### book 132 ἀλλ’ οὐ τιτρῶσκον, † ὢν δὲ γλυκὺ κνῆσμα. ### book 133.1.1 Πτίσσετε, Νικοκρέων, ἔτι καὶ μάλα, θύλακός ἐστι· ### book 133.1.2 πτίσσετ’, Ἀνάξαρχος δ’ ἐν Διός ἐστι πάλαι· ### book 133.1.3 καὶ σὲ διαστείλασα γνάφοις ὀλίγον τάδε λέξει ### book 133.1.4 ῥήματα Φερσεφόνη· „Ἔρρε, μυλωθρὲ κακέ.“ ### book 134.1 Ἐνθάδε Γοργίεω κεφαλὴ κυνικοῦ κατάκειμαι ### book 134.2 οὐκέτι χρεμπτομένη οὔτ’ ἀπομυσσομένη. ### book 135.1 Θεσσαλὸς Ἱπποκράτης, Κῷος γένος, ἐνθάδε κεῖται, ### book 135.2 Φοίβου ἀπὸ ῥίζης ἀθανάτου γεγαώς, ### book 135.3 πλεῖστα τρόπαια νόσων στήσας ὅπλοις Ὑγιείης, ### book 135.4 δόξαν ἑλὼν πολλὴν οὐ τύχᾳ, ἀλλὰ τέχνᾳ. ### book 136.1 Ἥρωος Πριάμου βαιὸς τάφος, οὐχ ὅτι τοίου ### book 136 ἄξιος, ἀλλ’ ἐχθρῶν χερσὶν ἐχωννύμεθα. ### book 137.1.1 Μή με τάφῳ σύγκρινε τὸν Ἕκτορα μηδ’ ἐπὶ τύμβῳ ### book 137.1.2 μέτρει τὸν πάσης Ἑλλάδος ἀντίπαλον. ### book 137.1.3 Ἰλιάς, αὐτὸς Ὅμηρος ἐμοὶ τάφος, Ἑλλάς, Ἀχαιοὶ ### book 137.1.4 φεύγοντες· τούτοις πᾶσιν ἐχωννύμεθα· ### book 137.5.1 εἰ δ’ ὀλίγην ἀθρεῖς ἐπ’ ἐμοὶ κόνιν, οὐκ ἐμοὶ αἶσχος· ### book 137.5.2 Ἑλλήνων ἐχθραῖς χερσὶν ἐχωννύμεθα. ### book 138.1.1 Ἕκτορ Ὁμηρείῃσιν ἀεὶ βεβοημένε βίβλοις, ### book 138.1.2 θειοδόμου τείχευς ἕρκος ἐρυμνότερον, ### book 138.1.3 ἐν σοὶ Μαιονίδης ἀνεπαύσατο· σοῦ δὲ θανόντος, ### book 138.1.4 Ἕκτορ, ἐσιγήθη καὶ σελὶς Ἰλιάδος. ### book 139.1 Ἕκτορι μὲν Τροία συγκάτθανεν οὐδ’ ἔτι χεῖρας ### book 139.2 ἀντῆρεν Δαναῶν παισὶν ἐπερχομένοις· ### book 139.3 Πέλλα δ’ Ἀλεξάνδρῳ συναπώλετο. πατρίδες ἆρα ### book 139.4 ἀνδράσιν, οὐ πάτραις ἄνδρες ἀγαλλόμεθα. ### book 140.1.1 Καὶ γενέταν τοῦ νέρθε καὶ οὔνομα καὶ χθόνα φώνει, ### book 140.1.2 στάλα, καὶ ποίᾳ κηρὶ δαμεὶς ἔθανε. — ### book 140.1.3 „Γεννήτωρ Πρίαμος, γᾶ δ’ Ἴλιον, οὔνομα δ’ Ἕκτωρ, ### book 140 ὦνερ, ὑπὲρ πάτρας δ’ ὤλετο μαρνάμενος.“ ### book 141.1.1 Θεσσαλὲ Πρωτεσίλαε, σὲ μὲν πολὺς ᾄσεται αἰὼν ### book 141.1.2 Τροίᾳ ὀφειλομένου πτώματος ἀρξάμενον· ### book 141.1.3 σᾶμα δέ τοι πτελέῃσι συνηρεφὲς ἀμφικομεῦσι ### book 141.1.4 Νύμφαι ἀπεχθομένης Ἰλίου ἀντιπέρας. ### book 141.5.1 δένδρεα δυσμήνιτα καί, ἤν ποτε τεῖχος ἴδωσι ### book 141.5.2 Τρώιον, αὐαλέαν φυλλοχοεῦντι κόμην. ### book 141.5.3 ὅσσος ἐν ἡρώεσσι τότ’ ἦν χόλος, οὗ μέρος ἀκμὴν ### book 141.5.4 ἐχθρὸν ἐν ἀψύχοις σῴζεται ἀκρεμόσιν. ### book 142.1 Τύμβος Ἀχιλλῆος ῥηξήνορος, ὅν ποτ’ Ἀχαιοὶ ### book 142.2 δώμησαν Τρώων δεῖμα καὶ ἐσσομένων· ### book 142.3 αἰγιαλῷ δὲ νένευκεν, ἵνα στοναχῇσι θαλάσσης ### book 142.4 κυδαίνοιτο πάις τῆς ἁλίας Θέτιδος. ### book 143.1 Ἄνδρε δύω φιλότητι καὶ ἐν τεύχεσσιν ἀρίστω, ### book 143.2 χαίρετον, Αἰακίδη καὶ σὺ Μενοιτιάδη. ### book 144.1 Ἡδυεπὴς Νέστωρ Πύλιος Νηλήιος ἥρως ### book 144 ἐν Πύλῳ ἠγαθέῃ τύμβον ἔχει τριγέρων. ### book 145.1.1 Ἅδ’ ἐγὼ ἁ τλάμων Ἀρετὰ παρὰ τῷδε κάθημαι ### book 145.1.2 Αἴαντος τύμβῳ κειρομένα πλοκάμους, ### book 145.1.3 θυμὸν ἄχει μεγάλῳ βεβολημένα, εἰ παρ’ Ἀχαιοῖς ### book 145.1.4 ἁ δολόφρων Ἀπάτα κρέσσον ἐμεῦ δύναται. ### book 146.1.1 Σῆμα παρ’ Αἰάντειον ἐπὶ Ῥοιτηίσιν ἀκταῖς ### book 146.1.2 θυμοβαρὴς Ἀρετὰ μύρομαι ἑζομένα, ### book 146.1.3 ἀπλόκαμος, πινόεσσα, διὰ κρίσιν ὅττι Πελασγῶν ### book 146.1.4 οὐκ ἀρετὰ νικᾶν ἔλλαχεν, ἀλλὰ δόλος. ### book 146.5.1 τεύχεα δ’ ἂν λέξειεν Ἀχιλλέος· „Ἄρσενος ἀκμᾶς, ### book 146.5.2 οὐ σκολιῶν μύθων ἄμμες ἐφιέμεθα.“ ### book 147.1.1 Μοῦνος ἐναιρομένοισιν ὑπέρμαχος ἀσπίδα τείνας ### book 147.1.2 νηυσὶ βαρὺν Τρώων, Αἶαν, ἔμεινας ἄρη· ### book 147.1.3 οὐδέ σε χερμαδίων ὦσεν κτύπος, οὐ νέφος ἰῶν, ### book 147.1.4 οὐ πῦρ, οὐ δοράτων, οὐ ξιφέων πάταγος· ### book 147.5.1 ἀλλ’ αὔτως προβλής τε καὶ ἔμπεδος ὥς τις ἐρίπνα ### book 147.5.2 ἱδρυθεὶς ἔτλης λαίλαπα δυσμενέων. ### book 147.5.3 εἰ δέ σε μὴ τεύχεσσιν Ἀχιλλέος ὥπλισεν Ἑλλὰς ### book 147.5.4 ἄξιον ἀντ’ ἀρετᾶς ὅπλα ποροῦσα γέρας, ### book 147.5.5 Μοιράων βουλῇσι τάδ’ ἄμπλακεν, ὡς ἂν ὑπ’ ἐχθρῶν ### book 147.10 μή τινος, ἀλλὰ σὺ σῇ πότμον ἕλῃς παλάμῃ. ### book 148.1.1 Σῆμα τόδ’ Αἴαντος Τελαμωνίου, ὃν κτάνε Μοῖρα, ### book 148.1.2 αὐτοῦ χρησαμένα καὶ χερὶ καὶ ξίφεϊ. ### book 148.1.3 οὐδὲ γὰρ ἐν θνητοῖσι δυνήσατο καὶ μεμαυῖα ### book 148.1.4 εὑρέμεναι Κλωθὼ τῷδ’ ἕτερον φονέα. ### book 149.1.1 Κεῖται ἐνὶ Τροίῃ Τελαμώνιος, οὔ τινι δ’ ἔμπης ### book 149.1.2 ἀντιβίων ὀπάσας εὖχος ἑοῦ θανάτου· ### book 149.1.3 τόσσης γὰρ Χρόνος ἄλλον ἐπάξιον ἀνέρα τόλμης ### book 149.1.4 οὐχ εὑρὼν παλάμῃ θῆκεν ὑπ’ αὐτοφόνῳ. ### book 150.1.1 Αἴας ἐν Τροίῃ μετὰ μυρίον εὖχος ἀέθλων ### book 150.1.2 μέμφεται οὐκ ἐχθροῖς κείμενος, ἀλλὰ φίλοις. ### book 151 Ἕκτωρ Αἴαντι ξίφος ὤπασεν, Ἕκτορι δ’ Αἴας ### book 151 ζωστῆρ’· ἀμφοτέρων ἡ χάρις εἷς θάνατος. ### book 152.1 Πικρὴν ἀλλήλοις Ἕκτωρ χάριν ἠδὲ φέρασπις ### book 152.2 Αἴας ἐκ πολέμου μνῆμ’ ἔπορον φιλίης· ### book 152.3 Ἕκτωρ γὰρ ζωστῆρα λαβὼν ξίφος ἔμπαλι δῶκε· ### book 152.4 τὴν δὲ χάριν δώρων πείρασαν ἐν θανάτῳ· ### book 152.5.1 τὸ ξίφος εἷλ’ Αἴαντα μεμηνότα, καὶ πάλι ζωστὴρ ### book 152.5.2 εἵλκυσε Πριαμίδην δίφρια συρόμενον. ### book 152.5.3 οὕτως ἐξ ἐχθρῶν αὐτοκτόνα πέμπετο δῶρα, ### book 152.5.4 ἐν χάριτος προφάσει μοῖραν ἔχοντα μόρου. ### book 153.1.1 Χαλκῆ παρθένος εἰμί, Μίδα δ’ ἐπὶ σήματι κεῖμαι. ### book 153.1.2 ἔστ’ ἂν ὕδωρ τε νάῃ καὶ δένδρεα μακρὰ τεθήλῃ, ### book 153.1.3 αὐτοῦ τῇδε μένουσα πολυκλαύτῳ ἐπὶ τύμβῳ ### book 153.1.4 ἀγγελέω παριοῦσι, Μίδας ὅτι τῇδε τέθαπται. ### book 154.1 Κοινὸν ἐγὼ Μεγαρεῦσι καὶ Ἰναχίδαισιν ἄθυρμα ### book 154.2 ἵδρυμαι, Ψαμάθης ἔκδικον οὐλομένης· ### book 154.3 εἰμὶ δὲ Κὴρ τυμβοῦχος, ὁ δὲ κτείνας με Κόροιβος, ### book 154.4 κεῖται δ’ ὧδ’ ὑπ’ ἐμοῖς ποσσὶ διὰ τρίποδα· ### book 154.5 Δελφὶς γὰρ φάμα τόδ’ ἐθέσπισεν, ὄφρα γενοίμαν ### book 154 τᾶς κείνου νύμφας σῆμα καὶ ἱστορίης. ### book 155.1 Ὁ τὸν πολυστένακτον ἀνθρώπων βίον ### book 155.2 γέλωτι κεράσας Νικαεὺς Φιλιστίων ### book 155.3 ἐνταῦθα κεῖμαι, λείψανον παντὸς βίου, ### book 155.4 πολλάκις ἀποθανών, ὧδε δ’ οὐδεπώποτε. ### book 156.1.1 Ἰξῷ καὶ καλάμοισιν ἀπ’ ἠέρος αὑτὸν ἔφερβεν ### book 156.1.2 Εὔμηλος λιτῶς, ἀλλ’ ἐν ἐλευθερίῃ· ### book 156.1.3 οὔποτε δ’ ὀθνείην ἔκυσεν χέρα γαστρὸς ἕκητι· ### book 156.1.4 τοῦτο τρυφὴν κείνῳ, τοῦτ’ ἔφερ’ εὐφροσύνην. ### book 156.5.1 τρὶς δὲ τριηκοστὸν ζήσας ἔτος ἐνθάδ’ ἰαύει, ### book 156.5.2 παισὶ λιπὼν ἰξὸν καὶ πτερὰ καὶ καλάμους. ### book 157.1 Τρεῖς ἐτέων δεκάδας, τριάδας δύο, μέτρον ἔθηκαν ### book 157.2 ἡμετέρης βιοτῆς μάντιες αἰθέριοι. ### book 157.3 ἀρκοῦμαι τούτοισιν· ὁ γὰρ χρόνος ἄνθος ἄριστον ### book 157.4 ἡλικίης· ἔθανεν χὠ τριγέρων Πύλιος. ### book 158.1 Μαρκέλλου τόδε σῆμα περικλυτοῦ ἰητῆρος, ### book 158.2 φωτὸς κυδίστοιο τετιμένου ἀθανάτοισιν, ### book 158.3 οὗ βίβλους ἀνέθηκεν ἐυκτιμένῃ ἐνὶ Ῥώμῃ ### book 158.4 Ἀδριανός, προτέρων προφερέστερος ἡγεμονήων, ### book 158.5.1 καὶ πάις Ἀδριανοῖο, μέγ’ ἔξοχος Ἀντωνῖνος, ### book 158.5.2 ὄφρα καὶ ἐσσομένοισι μετ’ ἀνδράσι κῦδος ἄροιτο ### book 158.5.3 εἵνεκεν εὐεπίης, τήν οἱ πόρε Φοῖβος Ἀπόλλων, ### book 158.5.4 ἡρῴῳ μέλψαντι μέτρῳ θεραπήια νούσων ### book 158.5.5 βίβλοις ἐν πινυταῖς Χειρωνίσι τεσσαράκοντα. ### book 159.1.1 Ὀρφεὺς μὲν κιθάρᾳ πλεῖστον γέρας εἵλετο θνητῶν, ### book 159.1.2 Νέστωρ δὲ γλώσσης ἡδυλόγου σοφίῃ, ### book 159.1.3 τεκτοσύνῃ δ’ ἐπέων πολυίστωρ θεῖος Ὅμηρος, ### book 159.1.4 Τηλεφάνης δ’ αὐλοῖς, οὗ τάφος ἐστὶν ὅδε. ### book 160.1.1 Καρτερὸς ἐν πολέμοις Τιμόκριτος, οὗ τόδε σᾶμα· ### book 160.1.2 Ἄρης δ’ οὐκ ἀγαθῶν φείδεται, ἀλλὰ κακῶν. ### book 161.1.1 Ὄρνι, Διὸς Κρονίδαο διάκτορε, τεῦ χάριν ἔστας ### book 161.1.2 γοργὸς ὑπὲρ μεγάλου τύμβον Ἀριστομένους; — ### book 161.1.3 „Ἀγγέλλω μερόπεσσιν, ὁθούνεκεν, ὅσσον ἄριστος ### book 161.1.4 οἰωνῶν γενόμαν, τόσσον ὅδ’ ἠιθέων. ### book 161.5 δειλαί τοι δειλοῖσιν ἐφεδρήσσουσι πέλειαι, ### book 161 ἄμμες δ’ ἀτρέστοις ἀνδράσι τερπόμεθα.“ ### book 162.1.1 Εὐφράτην μὴ καῖε, Φιλώνυμε, μηδὲ μιήνῃς ### book 162.1.2 πῦρ ἐπ’ ἐμοί· Πέρσης εἰμὶ καὶ ἐκ πατέρων, ### book 162.1.3 Πέρσης αὐθιγενής, ναὶ δέσποτα· πῦρ δὲ μιῆναι ### book 162.1.4 ἡμῖν τοῦ χαλεποῦ πικρότερον θανάτου. ### book 162.5.1 ἀλλὰ περιστείλας με δίδου χθονί, μηδ’ ἐπὶ νεκρῷ ### book 162.5.2 λουτρὰ χέῃς· σέβομαι, δέσποτα, καὶ ποταμούς. ### book 163.1.1 Τίς τίνος εὖσα, γύναι, Παρίην ὑπὸ κίονα κεῖσαι; — ### book 163.1.2 „Πρηξὼ Καλλιτέλευς.“ —Καὶ ποδαπή; —„Σαμίη.“ — ### book 163.1.3 Τίς δέ σε καὶ κτερέιξε; —„Θεόκριτος, ᾧ με γονῆες ### book 163.1.4 ἐξέδοσαν.“ —Θνῄσκεις δ’ ἐκ τίνος; —„Ἐκ τοκετοῦ.“ — ### book 163.5.1 Εὖσα πόσων ἐτέων; —„Δύο κεἴκοσιν.“ —Ἦ ῥά γ’ ἄτεκνος; — ### book 163.5.2 „Οὔκ, ἀλλὰ τριετῆ Καλλιτέλην ἔλιπον.“ — ### book 163.5.3 Ζώοι σοι κεῖνός γε καὶ ἐς βαθὺ γῆρας ἵκοιτο. — ### book 163.5.4 „Καὶ σοί, ξεῖνε, πόροι πάντα Τύχη τὰ καλά.“ ### book 164.1.1 Φράζε, γύναι, γενεήν, ὄνομα, χθόνα. —„Καλλιτέλης μὲν ### book 164.1.2 ὁ σπείρας, Πρηξὼ δ’ οὔνομα, γῆ δὲ Σάμος.“ — ### book 164.1.3 Σᾶμα δὲ τίς τόδ’ ἔχωσε; —„Θεόκριτος, ὁ πρὶν ἄθικτα ### book 164.1.4 ἁμετέρας λύσας ἅμματα παρθενίης.“ — ### book 164.5.1 Πῶς δὲ θάνες; —„Λοχίοισιν ἐν ἄλγεσιν.“ —Εἰπὲ δέ, ποίην ### book 164.5.2 ἦλθες ἐς ἡλικίην. —„Δισσάκις ἑνδεκέτις.“ — ### book 164.5.3 Ἦ καὶ ἄπαις; —„Οὔ, ξεῖνε· λέλοιπα γὰρ ἐν νεότητι ### book 164.5.4 Καλλιτέλη, τριετῆ παῖδ’ ἔτι νηπίαχον.“ — ### book 164.5.5 Ἔλθοι ἐς ὀλβίστην πολιὴν τρίχα. —„Καὶ σόν, ὁδῖτα, ### book 164.10 οὔριον ἰθύνοι πάντα Τύχη βίοτον.“ ### book 165.1.1 Εἰπέ, γύναι, τίς ἔφυς. —„Πρηξώ.“ —Τίνος ἔπλεο πατρός; — ### book 165.1.2 „Καλλιτέλευς.“ —Πάτρας δ’ ἐκ τίνος ἐσσί; —„Σάμου.“ — ### book 165.1.3 Μνᾶμα δέ σου τίς ἔτευξε; —„Θεόκριτος, ὅς με σύνευνον ### book 165.1.4 ἤγετο.“ —Πῶς δ’ ἐδάμης; —„Ἄλγεσιν ἐν λοχίοις.“ — ### book 165.5.1 Εἰν ἔτεσιν τίσιν εὖσα; —„Δὶς ἕνδεκα.“ —Παῖδα δὲ λείπεις; — ### book 165.5.2 „Νηπίαχον τρισσῶν Καλλιτέλην ἐτέων.“ — ### book 165.5.3 Ζωῆς τέρμαθ’ ἵκοιτο μετ’ ἀνδράσι. —„Καὶ σέο δοίη ### book 165.5.4 παντὶ Τύχη βιότῳ τερπνόν, ὁδῖτα, τέλος.“ ### book 166.1.1 Τὴν γοεραῖς πνεύσασαν ἐν ὠδίνεσσι Λαμίσκην ### book 166.1.2 ὕστατα, Νικαρέτης παῖδα καὶ Εὐπόλιδος, ### book 166.1.3 σὺν βρέφεσιν διδύμοις, Σαμίην γένος, αἱ παρὰ Νείλῳ ### book 166.1.4 κρύπτουσιν Λιβύης ᾐόνες εἰκοσέτιν. ### book 166.5.1 ἀλλά, κόραι, τῇ παιδὶ λεχώια δῶρα φέρουσαι ### book 166.5.2 θερμὰ κατὰ ψυχροῦ δάκρυα χεῖτε τάφου. ### book 167.1.1 Ἀρχέλεώ με δάμαρτα Πολυξείνην, Θεοδέκτου ### book 167.1.2 παῖδα καὶ αἰνοπαθοῦς ἔννεπε Δημαρέτης, ### book 167.1.3 ὅσσον ἐπ’ ὠδῖσιν καὶ μητέρα· παῖδα δὲ δαίμων ### book 167.1.4 ἔφθασεν οὐδ’ αὐτῶν εἴκοσιν ἠελίων. ### book 167.5 ὀκτωκαιδεκέτις δ’ αὐτὴ θάνον, ἄρτι τεκοῦσα, ### book 167 ἄρτι δὲ καὶ νύμφη, πάντ’ ὀλιγοχρόνιος. ### book 168.1.1 „Εὐχέσθω τις ἔπειτα γυνὴ τόκον,“ εἶπε Πολυξὼ ### book 168.1.2 γαστέρ’ ὑπὸ τρισσῶν ῥηγνυμένη τεκέων· ### book 168.1.3 μαίης δ’ ἐν παλάμῃσι χύθη νέκυς, οἱ δ’ ἐπὶ γαῖαν ### book 168.1.4 ὤλισθον κοίλων ἄρσενες ἐκ λαγόνων, ### book 168.5.1 μητέρος ἐκ νεκρῆς ζωὸς γόνος. εἷς ἄρα δαίμων ### book 168.5.2 τῆς μὲν ἀπὸ ζωὴν εἵλετο, τοῖς δ’ ἔπορεν. ### book 169.1 Ἰναχίης οὐκ εἰμὶ βοὸς τύπος, οὐδ’ ἀπ’ ἐμεῖο ### book 169.2 κλῄζεται ἀντωπὸν Βοσπόριον πέλαγος. ### book 169.3 κείνην γὰρ τὸ πάροιθε βαρὺς χόλος ἤλασεν Ἥρης ### book 169.4 ἐς Φάρον, ἥδε δ’ ἐγὼ Κεκροπίς εἰμι νέκυς. ### book 169.5.1 εὐνέτις ἦν δὲ Χάρητος· ἔπλων δ’, ὅτ’ ἔπλωεν ἐκεῖνος ### book 169.5.2 τῇδε Φιλιππείων ἀντίπαλος σκαφέων. ### book 169.5.3 Βοιίδιον δὲ καλεῦμαι ἔθ’ ὡς τότε· νῦν δὲ Χάρητος ### book 169.5.4 εὐνέτις ἠπείροις τέρπομαι ἀμφοτέραις. ### book 170.1.1 Τὸν τριετῆ παίζοντα περὶ φρέαρ Ἀρχιάνακτα ### book 170.1.2 εἴδωλον μορφᾶς κωφὸν ἐπεσπάσατο· ### book 170.1.3 ἐκ δ’ ὕδατος τὸν παῖδα διάβροχον ἅρπασε μάτηρ ### book 170.1.4 σκεπτομένα, ζωᾶς εἴ τινα μοῖραν ἔχει. ### book 170.5 Νύμφας δ’ οὐκ ἐμίηνεν ὁ νήπιος, ἀλλ’ ἐπὶ γούνοις ### book 170 ματρὸς κοιμαθεὶς τὸν βαθὺν ὕπνον ἔχει. ### book 171.1.1 Ἀμπαύσει καὶ τῇδε θοὸν πτερὸν ἱερὸς ὄρνις ### book 171.1.2 τᾶσδ’ ὑπὲρ ἁδείας ἑζόμενος πλατάνου. ### book 171.1.3 ὤλετο γὰρ Ποίμανδρος ὁ Μάλιος οὐδ’ ἔτι νεῖται ### book 171.1.4 ἰξὸν ἐπ’ ἀγρευταῖς χευάμενος καλάμοις. ### book 172.1.1 Ὁ πρὶν ἐγὼ καὶ ψῆρα καὶ ἁρπάκτειραν ἐρύκων ### book 172.1.2 σπέρματος, ὑψιπετῆ Βιστονίαν γέρανον, ### book 172.1.3 ῥινοῦ χερμαστῆρος ἐύστροφα κῶλα τιταίνων ### book 172.1.4 Ἀλκιμένης πτανῶν εἶργον ἄπωθε νέφος· ### book 172.5.1 καί μέ τις οὐτήτειρα παρὰ σφυρὰ διψὰς ἔχιδνα ### book 172.5.2 σαρκὶ τὸν ἐκ γενύων πικρὸν ἐνεῖσα χόλον ### book 172.5.3 ἠελίου χήρωσεν· ἴδ’, ὡς τὰ κατ’ αἰθέρα λεύσσων ### book 172.5.4 τοὐμ ποσὶν οὐκ ἐδάην πῆμα κυλινδόμενον. ### book 173.1.1 Αὐτόμαται δείλῃ ποτὶ ταὐλίον αἱ βόες ἦλθον ### book 173.1.2 ἐξ ὄρεος πολλῇ νιφόμεναι χιόνι, ### book 173.1.3 αἰαῖ, Θηρίμαχος δὲ παρὰ δρυῒ τὸν μακρὸν εὕδει ### book 173 ὕπνον, ἐκοιμήθη δ’ ἐκ πυρὸς οὐρανίου. ### book 174.1.1 Οὐκέτι συρίγγων νόμιον μέλος ἀγχόθι ταύτας ### book 174.1.2 ἁρμόζῃ βλωθρᾶς, Θηρίμαχε, πλατάνου· ### book 174.1.3 οὐδέ σευ ἐκ καλάμων κερααὶ βόες ἁδὺ μέλισμα ### book 174.1.4 δέξονται σκιερᾷ πὰρ δρυῒ κεκλιμένου. ### book 174.5.1 ὤλεσε γὰρ πρηστήρ σε κεραύνιος· αἱ δ’ ἐπὶ μάνδραν ### book 174.5.2 ὀψὲ βόες νιφετῷ σπερχόμεναι κατέβαν. ### book 175.1.1 Οὕτω πᾶς’ ἀπόλωλε, γεωπόνε, βῶλος ἀρότροις, ### book 175.1.2 ἤδη καὶ τύμβους νωτοβατοῦσι βόες, ### book 175.1.3 ἡ δ’ ὕνις ἐν νεκύεσσι. τί τοι πλέον; ἢ πόσος οὗτος ### book 175.1.4 πυρός, ὃν ἐκ τέφρης κοὐ χθονὸς ἁρπάσετε; ### book 175.5.1 οὐκ αἰεὶ ζήσεσθε, καὶ ὑμέας ἄλλος ἀρώσει ### book 175.5.2 τοίης ἀρξαμένους πᾶσι κακοσπορίης. ### book 176.1.1 Οὐχ ὅτι με φθίμενον κῆδος λίπεν, ἐνθάδε κεῖμαι ### book 176.1.2 γυμνὸς ὑπὲρ γαίης πυροφόροιο νέκυς· ### book 176.1.3 ταρχύθην γὰρ ἐγὼ τὸ πρίν ποτε, νῦν δ’ ἀροτῆρος ### book 176.1.4 χερσὶ σιδηρείη μ’ ἐξεκύλισεν ὕνις. ### book 176.5.1 ἦ ῥα κακῶν θάνατόν τις ἔφη λύσιν, ὁππότ’ ἐμεῖο, ### book 176.5.2 ξεῖνε, πέλει παθέων ὕστατον οὐδὲ τάφος; ### book 177.1 Σᾶμα τόδε Σπίνθηρι πατὴρ ἐπέθηκε θανόντι. ### book 178.1.1 Λυδὸς ἐγώ, ναὶ Λυδός, ἐλευθερίῳ δέ με τύμβῳ, ### book 178.1.2 δέσποτα, Τιμάνθη τὸν σὸν ἔθευ τροφέα. ### book 178.1.3 εὐαίων ἀσινῆ τείνοις βίον· ἢν δ’ ὑπὸ γήρως ### book 178.1.4 πρός με μόλῃς, σὸς ἐγώ, δέσποτα, κἠν Ἀίδῃ. ### book 179.1.1 Σοὶ καὶ νῦν ὑπὸ γῆν, ναὶ δέσποτα, πιστὸς ὑπάρχω ### book 179.1.2 ὡς πάρος, εὐνοίης οὐκ ἐπιληθόμενος, ### book 179.1.3 ὥς με τότ’ ἐκ νούσου τρὶς ἐπ’ ἀσφαλὲς ἤγαγες ἴχνος ### book 179.1.4 καὶ νῦν ἀρκούσῃ τῇδ’ ὑπέθου καλύβῃ, ### book 179.5.1 Μάνην ἀγγείλας, Πέρσην γένος. εὖ δέ με ῥέξας ### book 179.5.2 ἕξεις ἐν χρείῃ δμῶας ἑτοιμοτέρους. ### book 180.1.1 Ἠλλάχθη θανάτοιο τεὸς μόρος, ἀντὶ δὲ σεῖο, ### book 180.1.2 δέσποτα, δοῦλος ἐγὼ στυγνὸν ἔπλησα τάφον, ### book 180.1.3 ἡνίκα σεῦ δακρυτὰ κατὰ χθονὸς ἠρία τεῦχον, ### book 180.1.4 ὡς ἂν ἀποφθιμένου κεῖθι δέμας κτερίσω· ### book 180.5.1 ἀμφὶ δ’ ἔμ’ ὤλισθεν γυρὴ κόνις. οὐ βαρὺς ἡμῖν ### book 180.5.2 ἔστ’ Ἀίδης· ζήσω τὸν σὸν ὑπ’ ἠέλιον. ### book 181.1.1 Οἰκτρὰ δὴ δνοφερὸν δόμον ἤλυθες εἰς Ἀχέροντος, ### book 181.1.2 Δαμοκράτεια φίλα, ματρὶ λιποῦσα γόους. ### book 181.1.3 ἁ δὲ σέθεν φθιμένας πολιοὺς νεοθῆγι σιδάρῳ ### book 181 κείρατο γηραλέας ἐκ κεφαλᾶς πλοκάμους. ### book 182.1.1 Οὐ γάμον, ἀλλ’ Ἀίδαν ἐπινυμφίδιον Κλεαρίστα ### book 182.1.2 δέξατο παρθενίας ἅμματα λυομένα. ### book 182.1.3 ἄρτι γὰρ ἑσπέριοι νύμφας ἐπὶ δικλίσιν ἄχευν ### book 182.1.4 λωτοί, καὶ θαλάμων ἐπλαταγεῦντο θύραι· ### book 182.5.1 ἠῷοι δ’ ὀλολυγμὸν ἀνέκραγον, ἐς δ’ ὑμέναιος ### book 182.5.2 σιγαθεὶς γοερὸν φθέγμα μεθαρμόσατο. ### book 182.5.3 αἱ δ’ αὐταὶ καὶ φέγγος ἐδᾳδούχουν περὶ παστῷ ### book 182.5.4 πεῦκαι καὶ φθιμένᾳ νέρθεν ἔφαινον ὁδόν. ### book 183.1.1 [Παρθενικῆς τάφος εἴμ’ Ἑλένης, πένθει δ’ ἐπ’ ἀδελφῷ] ### book 183.1.2 Ἅιδης τὴν Κροκάλης ἔφθασε παρθενίην· ### book 183.1.3 εἰς δὲ γόους ὑμέναιος ἐπαύσατο· τὰς δὲ γαμούντων ### book 183.1.4 ἐλπίδας οὐ θάλαμος κοίμισεν, ἀλλὰ τάφος. ### book 184.1.1 Παρθενικῆς τάφος εἴμ’ Ἑλένης, πένθει δ’ ἐπ’ ἀδελφοῦ ### book 184.1.2 προφθιμένου διπλᾶ μητρὸς ἔχω δάκρυα. ### book 184.1.3 μνηστῆρσιν δ’ ἔλιπεν κοίν’ ἄλγεα· τὴν γὰρ ἔτ’ οὔπω ### book 184 οὐδενὸς ἡ πάντων ἐλπὶς ἔκλαυσεν ἴσως. ### book 185.1.1 Αὐσονίη με Λίβυσσαν ἔχει κόνις, ἄγχι δὲ Ῥώμης ### book 185.1.2 κεῖμαι παρθενικὴ τῇδε παρὰ ψαμάθῳ· ### book 185.1.3 ἡ δέ με θρεψαμένη Πομπηίη ἀντὶ θυγατρὸς ### book 185.1.4 κλαυσαμένη τύμβῳ θῆκεν ἐλευθερίῳ, ### book 185.5.1 πῦρ ἕτερον σπεύδουσα· τὸ δ’ ἔφθασεν οὐδὲ κατ’ εὐχὴν ### book 185.5.2 ἡμετέρην ἧψεν λαμπάδα Φερσεφόνῃ. ### book 186.1.1 Ἄρτι μὲν ἐν θαλάμοις Νικιππίδος ἡδὺς ἐπήχει ### book 186.1.2 λωτός, καὶ γαμικοῖς ὕμνος ἔχαιρε κρότοις. ### book 186.1.3 θρῆνος δ’ εἰς ὑμέναιον ἐκώμασεν· ἡ δὲ τάλαινα, ### book 186.1.4 οὔπω πάντα γυνή, καὶ νέκυς ἐβλέπετο. ### book 186.5.1 δακρυόεις Ἀίδη, τί πόσιν νύμφης διέλυσας, ### book 186.5.2 αὐτὸς ἐφ’ ἁρπαγίμοις τερπόμενος λέχεσιν; ### book 187.1.1 Ἡ γρῆυς Νικὼ Μελίτης τάφον ἐστεφάνωσε ### book 187.1.2 παρθενικῆς. Ἀίδη, τοῦθ’ ὁσίως κέκρικας; ### book 188.1.1 Δύσδαιμον Κλεάνασσα, σὺ μὲν γάμῳ ἔπλεο, κούρη, ### book 188.1.2 ὥριος, ἀκμαίης οἷά τ’ ἐφ’ ἡλικίης· ### book 188.1.3 ἀλλὰ τεοῖς θαλάμοισι γαμοστόλος οὐχ Ὑμέναιος ### book 188 οὐδ’ Ἥρης ζυγίης λαμπάδες ἠντίασαν, ### book 188.5.1 πένθιμος ἀλλ’ Ἀίδης ἐπεκώμασεν, ἀμφὶ δ’ Ἐρινὺς ### book 188.5.2 φοίνιος ἐκ στομάτων μόρσιμον ἧκεν ὄπα· ### book 188.5.3 ἤματι δ’ ᾧ νυμφεῖος ἀνήπτετο λαμπάδι παστάς, ### book 188.5.4 τούτῳ πυρκαϊῆς, οὐ θαλάμων ἔτυχες. ### book 189.1.1 Οὐκέτι δή σε, λίγεια, κατ’ ἀφνεὸν Ἀλκίδος οἶκον, ### book 189.1.2 ἀκρί, μελιζομέναν ὄψεται Ἀέλιος· ### book 189.1.3 ἤδη γὰρ λειμῶνας ἐπὶ Κλυμένου πεπότησαι ### book 189.1.4 καὶ δροσερὰ χρυσέας ἄνθεα Περσεφόνας. ### book 190.1.1 Ἀκρίδι, τᾷ κατ’ ἄρουραν ἀηδόνι, καὶ δρυοκοίτᾳ ### book 190.1.2 τέττιγι ξυνὸν τύμβον ἔτευξε Μυρώ, ### book 190.1.3 παρθένιον στάξασα κόρα δάκρυ· δισσὰ γὰρ αὐτᾶς ### book 190.1.4 παίγνι’ ὁ δυσπειθὴς ᾤχετ’ ἔχων Ἀίδας. ### book 191.1.1 Ἁ πάρος ἀντίφθογγον ἀποκλάγξασα νομεῦσι ### book 191.1.2 πολλάκι καὶ δρυτόμοις κίσσα καὶ ἰχθυβόλοις, ### book 191.1.3 πολλάκι δὲ κρέξασα πολύθροον οἷά τις ἀχὼ ### book 191.1.4 κέρτομον ἀντῳδοῖς χείλεσιν ἁρμονίαν, ### book 191.5 νῦν εἰς γᾶν ἄγλωσσος ἀναύδητός τε πεσοῦσα ### book 191 κεῖμαι, μιμητὰν ζᾶλον ἀνηναμένα. ### book 192.1.1 Οὐκέτι δὴ πτερύγεσσι λιγυφθόγγοισιν ἀείσεις, ### book 192.1.2 ἀκρί, κατ’ εὐκάρπους αὔλακας ἑζομένα, ### book 192.1.3 οὐδέ με κεκλιμένον σκιερὰν ὑπὸ φυλλάδα τέρψεις, ### book 192.1.4 ξουθᾶν ἐκ πτερύγων ἁδὺ κρέκουσα μέλος. ### book 193.1.1 Τάνδε κατ’ εὔδενδρον στείβων δρίος εἴρυσα χειρὶ ### book 193.1.2 πτώσσουσαν βρομίας οἰνάδος ἐν πετάλοις, ### book 193.1.3 ὄφρα μοι εὐερκεῖ καναχὰν δόμῳ ἔνδοθι θείη, ### book 193.1.4 τερπνὰ δι’ ἀγλώσσου φθεγγομένα στόματος. ### book 194.1.1 Ἀκρίδα Δαμοκρίτου μελεσίπτερον ἅδε θανοῦσαν ### book 194.1.2 ἄργιλος δολιχὰν ἀμφὶ κέλευθον ἔχει, ### book 194.1.3 ἇς καί, ὅτ’ ἰθύσειε πανέσπερον ὕμνον ἀείδειν, ### book 194.1.4 πᾶν μέλαθρον μολπᾶς ἴαχ’ ὑπ’ εὐκελάδου. ### book 195.1.1 Ἀκρίς, ἐμῶν ἀπάτημα πόθων, παραμύθιον ὕπνου, ### book 195.1.2 ἀκρίς, ἀρουραίη Μοῦσα λιγυπτέρυγε, ### book 195.1.3 αὐτοφυὲς μίμημα λύρας, κρέκε μοί τι ποθεινὸν ### book 195.1.4 ἐγκρούουσα φίλοις ποσσὶ λάλους πτέρυγας, ### book 195.5.1 ὥς με πόνων ῥύσαιο παναγρύπνοιο μερίμνης, ### book 195.5.2 ἀκρί, μιτωσαμένη φθόγγον ἐρωτοπλάνον. ### book 195.5.3 δῶρα δέ σοι γήτειον ἀειθαλὲς ὀρθρινὰ δώσω ### book 195 καὶ δροσερὰς στόματι σχιζομένας ψακάδας. ### book 196.1.1 Ἀχήεις τέττιξ, δροσεραῖς σταγόνεσσι μεθυσθεὶς ### book 196.1.2 ἀγρονόμαν μέλπεις μοῦσαν ἐρημολάλον· ### book 196.1.3 ἄκρα δ’ ἐφεζόμενος πετάλοις πριονώδεσι κώλοις ### book 196.1.4 αἰθίοπι κλάζεις χρωτὶ μέλισμα λύρας. ### book 196.5.1 ἀλλά, φίλος, φθέγγου τι νέον δενδρώδεσι Νύμφαις ### book 196.5.2 παίγνιον, ἀντῳδὸν Πανὶ κρέκων κέλαδον, ### book 196.5.3 ὄφρα φυγὼν τὸν Ἔρωτα μεσημβρινὸν ὕπνον ἀγρεύσω ### book 196.5.4 ἐνθάδ’ ὑπὸ σκιερῇ κεκλιμένος πλατάνῳ. ### book 197.1.1 Δαμοκρίτῳ μὲν ἐγώ, λιγυρὰν ὅκα μοῦσαν ἐνείην ### book 197.1.2 ἀκρὶς ἀπὸ πτερύγων, τὸν βαθὺν ἆγον ὕπνον· ### book 197.1.3 Δαμόκριτος δ’ ἐπ’ ἐμοὶ τὸν ἐοικότα τύμβον, ὁδῖτα, ### book 197.1.4 ἐγγύθεν Ὠρωποῦ χεῦεν ἀποφθιμένᾳ. ### book 198.1.1 Εἰ καὶ μικρὸς ἰδεῖν καὶ ἐπ’ οὔδεος, ὦ παροδῖτα, ### book 198.1.2 λᾶας ὁ τυμβίτης ἄμμιν ἐπικρέμαται, ### book 198.1.3 αἰνοίης, ὤνθρωπε, Φιλαινίδα· τὴν γὰρ ἀοιδὸν ### book 198.1.4 ἀκρίδα, τὴν εὖσαν τὸ πρὶν ἀκανθοβάτιν, ### book 198.5.1 διπλοῦς ἐς λυκάβαντας ἐφίλατο, τὴν καλαμῖτιν, ### book 198.5.2 καὶ θρέψ’ ὑμνιδίῳ χηραμένην πατάγῳ· ### book 198.5.3 καί μ’ οὐδὲ φθιμένην ἀπανήνατο, τοῦτο δ’ ἐφ’ ἡμῖν ### book 198 τὠλίγον ὤρθωσεν σᾶμα πολυστροφίης. ### book 199.1.1 Ὄρνεον ὦ Χάρισιν μεμελημένον, ὦ παρόμοιον ### book 199.1.2 ἀλκυόσιν τὸν σὸν φθόγγον ἰσωσάμενον, ### book 199.1.3 ἡρπάσθης, φίλε λαιέ· σὰ δ’ ἤθεα καὶ τὸ σὸν ἡδὺ ### book 199.1.4 πνεῦμα σιωπηραὶ νυκτὸς ἔχουσιν ὁδοί. ### book 200.1.1 Οὐκέτι δὴ τανύφυλλον ὑπὸ πλάκα κλωνὸς ἑλιχθεὶς ### book 200.1.2 τέρψομ’ ἀπὸ ῥαδινῶν φθόγγον ἱεὶς πτερύγων· ### book 200.1.3 χεῖρα γὰρ εἰς ἀρεὰν παιδὸς πέσον, ὅς με λαθραίως ### book 200.1.4 μάρψεν ἐπὶ χλωρῶν ἑζόμενον πετάλων. ### book 201.1.1 Οὐκέτι δὴ χλωροῖσιν ἐφεζόμενος πετάλοισιν ### book 201.1.2 ἁδεῖαν μέλπων ἐκπροχέεις ἰαχάν, ### book 201.1.3 ἀλλά σε γαρύοντα κατήναρεν, ἠχέτα τέττιξ, ### book 201.1.4 παιδὸς † ἀπηιθέου χεὶρ ἀναπεπταμένα. ### book 202.1.1 Οὐκέτι μ’ ὡς τὸ πάρος πυκιναῖς πτερύγεσσιν ἐρέσσων ### book 202.1.2 ὄρσεις ἐξ εὐνῆς ὄρθριος ἐγρόμενος· ### book 202.1.3 ἦ γάρ ς’ ὑπνώοντα σίνις λαθρηδὸν ἐπελθὼν ### book 202 ἔκτεινεν λαιμῷ ῥίμφα καθεὶς ὄνυχα. ### book 203.1.1 Οὐκέτ’ ἀν’ ὑλῆεν δρίος εὔσκιον, ἀγρότα πέρδιξ, ### book 203.1.2 ἠχήεσσαν ἱεῖς γῆρυν ἀπὸ στομάτων, ### book 203.1.3 θηρεύων βαλιοὺς συνομήλικας ἐν νομῷ ὕλης· ### book 203.1.4 ᾤχεο γὰρ πυμάταν εἰς Ἀχέροντος ὁδόν. ### book 204.1.1 Οὐκέτι που, τλῆμον σκοπέλων μετανάστρια πέρδιξ, ### book 204.1.2 πλεκτὸς λεπταλέοις οἶκος ἔχει σε λύγοις, ### book 204.1.3 οὐδ’ ὑπὸ μαρμαρυγῇ θαλερώπιδος Ἠριγενείης ### book 204.1.4 ἄκρα παραιθύσσεις θαλπομένων πτερύγων. ### book 204.5.1 σὴν κεφαλὴν αἴλουρος ἀπέθρισε· τἆλλα δὲ πάντα ### book 204.5.2 ἥρπασα, καὶ φθονερὴν οὐκ ἐκόρεσσε γένυν. ### book 204.5.3 νῦν δέ σε μὴ κούφη κρύπτοι κόνις, ἀλλὰ βαρεῖα, ### book 204.5.4 μὴ τὸ τεὸν κείνη λείψανον ἐξερύσῃ. ### book 205.1.1 Οἰκογενὴς αἴλουρος ἐμὴν πέρδικα φαγοῦσα ### book 205.1.2 ζώειν ἡμετέροις ἔλπεται ἐν μεγάροις; ### book 205.1.3 οὔ σε, φίλη πέρδιξ, φθιμένην ἀγέραστον ἐάσω, ### book 205.1.4 ἀλλ’ ἐπὶ σοὶ κτείνω τὴν σέθεν ἀντιβίην. ### book 205.5 ψυχὴ γὰρ σέο μᾶλλον ὀρίνεται, εἰσόκε ῥέξω, ### book 205 ὅσς’ ἐπ’ Ἀχιλλῆος Πύρρος ἔτευξε τάφῳ. ### book 206.1.1 Ἀνδροβόρων ὁμότεχνε κυνῶν, αἴλουρε κακίστη, ### book 206.1.2 τῶν Ἀκταιονίδων ἐσσὶ μία σκυλάκων. ### book 206.1.3 κτήτορος Ἀγαθίαο τεοῦ πέρδικα φαγοῦσα ### book 206.1.4 λυπεῖς, ὡς αὐτὸν κτήτορα δασσαμένη. ### book 206.5.1 καὶ σὺ μὲν ἐν πέρδιξιν ἔχεις νόον, οἱ δὲ μύες νῦν ### book 206.5.2 ὀρχοῦνται τῆς σῆς δραξάμενοι σπατάλης. ### book 207.1.1 Τὸν ταχύπουν, ἔτι παῖδα συναρπασθέντα τεκούσης ### book 207.1.2 ἄρτι μ’ ἀπὸ στέρνων, οὐατόεντα λαγὼν ### book 207.1.3 ἐν κόλποις στέργουσα διέτρεφεν ἁ γλυκερόχρως ### book 207.1.4 Φανίον, εἰαρινοῖς ἄνθεσι βοσκόμενον. ### book 207.5.1 οὐδέ με μητρὸς ἔτ’ εἶχε πόθος, θνῄσκω δ’ ὑπὸ θοίνης ### book 207.5.2 ἀπλήστου πολλῇ δαιτὶ παχυνόμενος. ### book 207.5.3 καί μου πρὸς κλισίαις κρύψεν νέκυν, ὡς ἐν ὀνείροις ### book 207.5.4 αἰὲν ὁρᾶν κοίτης γειτονέοντα τάφον. ### book 208.1.1 Μνᾶμα τόδε φθιμένου μενεδαΐου εἵσατο Δᾶμις ### book 208.1.2 ἵππου, ἐπεὶ στέρνον τοῦδε δαφοινὸς Ἄρης ### book 208.1.3 τύψε· μέλαν δέ οἱ αἷμα ταλαυρίνου διὰ χρωτὸς ### book 208 ζέσς’, ἐπὶ δ’ ἀργαλέᾳ βῶλον ἔδευσε φονᾷ. ### book 209.1.1 Αὐτοῦ σοὶ παρ’ ἅλωνι, δυηπαθὲς ἐργάτα μύρμηξ, ### book 209.1.2 ἠρίον ἐκ βώλου διψάδος ἐκτισάμαν, ### book 209.1.3 ὄφρα σε καὶ φθίμενον Δηοῦς σταχυητρόφος αὖλαξ ### book 209.1.4 θέλγῃ ἀροτραίῃ κείμενον ἐν θαλάμῃ. ### book 210.1.1 Ἄρτι νεηγενέων σε, χελιδονί, μητέρα τέκνων, ### book 210.1.2 ἄρτι σε θάλπουσαν παῖδας ὑπὸ πτέρυγι, ### book 210.1.3 ἀίξας ἔντοσθε νεοσσοκόμοιο καλιῆς ### book 210.1.4 νόσφισεν ὠδίνων τετραέλικτος ὄφις· ### book 210.5.1 καὶ σὲ κινυρομέναν ὁπότ’ ἀθρόος ἦλθε δαΐζων, ### book 210.5.2 ἤριπεν ἐσχαρίου λάβρον ἐπ’ ἄσθμα πυρός. ### book 210.5.3 ὣς θάνεν ἠλιτοεργός· ἴδ’, ὡς Ἥφαιστος ἀμύντωρ ### book 210.5.4 τὰν ἀπ’ Ἐριχθονίου παιδὸς ἔσωσε γονάν. ### book 211.1.1 Τῇδε τὸν ἐκ Μελίτης ἀργὸν κύνα φησὶν ὁ πέτρος ### book 211.1.2 ἴσχειν, Εὐμήλου πιστότατον φύλακα. ### book 211.1.3 Ταῦρόν μιν καλέεσκον, ὅτ’ ἦν ἔτι· νῦν δὲ τὸ κείνου ### book 211.1.4 φθέγμα σιωπηραὶ νυκτὸς ἔχουσιν ὁδοί. ### book 212.1.1 Αἰθυίας, ξένε, τόνδε ποδηνέμου ἔννεπε τύμβον, ### book 212.1.2 τᾶς ποτ’ ἐλαφρότατον χέρσος ἔθρεψε γόνυ· ### book 212.1.3 πολλαῖς γὰρ νάεσσιν ἰσόδρομον ἄνυσε μᾶκος, ### book 212 ὄρνις ὅπως δολιχὰν ἐκπονέουσα τρίβον. ### book 213.1.1 Πρὶν μὲν ἐπὶ χλωροῖς ἐριθηλέος ἔρνεσι πεύκας ### book 213.1.2 ἥμενος ἢ σκιερᾶς ἀκροκόμου πίτυος ### book 213.1.3 ἔκρεκες εὐτάρσοιο δι’ ἰξύος, ἀχέτα, μολπάν, ### book 213.1.4 τέττιξ, οἰονόμοις τερπνότερον χέλυος. ### book 213.5.1 νῦν δέ σε μυρμάκεσσιν ὑπ’ εἰνοδίοισι δαμέντα ### book 213.5.2 Ἄϊδος ἀπροϊδὴς ἀμφεκάλυψε μυχός. ### book 213.5.3 εἰ δ’ ἑάλως, συγγνωστόν, ἐπεὶ καὶ κοίρανος ὕμνων ### book 213.5.4 Μαιονίδας γρίφοις ἰχθυβόλων ἔθανεν. ### book 214.1.1 Οὐκέτι παφλάζοντα διαΐσσων βυθὸν ἅλμης, ### book 214.1.2 δελφίς, πτοιήσεις εἰναλίων ἀγέλας, ### book 214.1.3 οὐδὲ πολυτρήτοιο μέλος καλάμοιο χορεύων ### book 214.1.4 ὑγρὸν ἀναρρίψεις ἅλμα παρὰ σκαφίσιν· ### book 214.5.1 οὐδὲ σύ γ’, ἀφρηστά, Νηρηίδας ὡς πρὶν ἀείρων ### book 214.5.2 νώτοις πορθμεύσεις Τηθύος εἰς πέρατα. ### book 214.5.3 ἦ γὰρ ἴσον πρηῶνι Μαλείης ὡς ἐκυκήθη ### book 214.5.4 κῦμα, πολυψήφους ὦσέ ς’ ἐπὶ ψαμάθους. ### book 215.1.1 Οὐκέτι δὴ πλωτοῖσιν ἀγαλλόμενος πελάγεσσιν ### book 215.1.2 αὐχέν’ ἀναρρίψω βυσσόθεν ὀρνύμενος, ### book 215.1.3 οὐδὲ παρ’ εὐσκάλμοιο νεὼς περικαλλέα χείλη ### book 215.1.4 ποιφυξῶ τἀμᾷ τερπόμενος προτομᾷ· ### book 215.5 ἀλλά με πορφυρέα πόντου νοτὶς ὦς’ ἐπὶ χέρσον, ### book 215 κεῖμαι δὲ † ῥαδινὰν τάνδε παρ’ ἠιόνα. ### book 216.1.1 Κύματα καὶ τρηχύς με κλύδων ἐπὶ χέρσον ἔσυρεν ### book 216.1.2 δελφῖνα, ξείνοις καινὸν ὅραμα τύχης. ### book 216.1.3 ἀλλ’ ἐπὶ μὲν γαίης ἐλέῳ τόπος· οἱ γὰρ ἰδόντες ### book 216.1.4 εὐθύ με πρὸς τύμβους ἔστεφον εὐσεβέες· ### book 216.5.1 νῦν δὲ τεκοῦσα θάλασσα διώλεσε. τίς παρὰ πόντῳ ### book 216.5.2 πίστις, ὃς οὐδ’ ἰδίης φείσατο συντροφίης; ### book 217.1.1 Ἀρχεάνασσαν ἔχω, τὰν ἐκ Κολοφῶνος ἑταίραν, ### book 217.1.2 ἇς καὶ ἐπὶ ῥυτίδων ὁ γλυκὺς ἕζετ’ Ἔρως. ### book 217.1.3 ἆ νέον ἥβης ἄνθος ἀποδρέψαντες ἐρασταὶ ### book 217.1.4 πρωτοβόλου, δι’ ὅσης ἤλθετε πυρκαϊῆς. ### book 218.1.1 Τὴν καὶ ἅμα χρυσῷ καὶ ἁλουργίδι καὶ σὺν Ἔρωτι ### book 218.1.2 θρυπτομένην, ἁπαλῆς Κύπριδος ἁβροτέραν ### book 218.1.3 Λαΐδ’ ἔχω, πολιῆτιν ἁλιζώνοιο Κορίνθου, ### book 218.1.4 Πειρήνης λευκῶν φαιδροτέρην λιβάδων, ### book 218.5.1 τὴν θνητὴν Κυθέρειαν, ἐφ’ ᾗ μνηστῆρες ἀγαυοὶ ### book 218.5.2 πλείονες ἢ νύμφης εἵνεκα Τυνδαρίδος, ### book 218.5.3 δρεπτόμενοι χάριτάς τε καὶ ὠνητὴν ἀφροδίτην· ### book 218.1 ἧς καὶ ὑπ’ εὐώδει τύμβος ὄδωδε κρόκῳ, ### book 218.2 ἧς ἔτι κηώεντι μύρῳ τὸ διάβροχον ὀστεῦν ### book 218.10.1 καὶ λιπαραὶ θυόεν ἄσθμα πνέουσι κόμαι· ### book 218.10.2 ἧς ἔπι καλὸν ἄμυξε κάτα ῥέθος Ἀφρογένεια ### book 218.10.3 καὶ γοερὸν λύζων ἐστονάχησεν Ἔρως. ### book 218.10.4 εἰ δ’ οὐ πάγκοινον δούλην θέτο κέρδεος εὐνήν, ### book 218.10.5 Ἑλλὰς ἂν ὡς Ἑλένης τῆσδ’ ὕπερ ἔσχε πόνον. ### book 219.1.1 Ἡ τὸ καλὸν καὶ πᾶσιν ἐράσμιον ἀνθήσασα, ### book 219.1.2 ἡ μούνη Χαρίτων λείρια δρεψαμένη ### book 219.1.3 οὐκέτι χρυσοχάλινον ὁρᾷ δρόμον Ἠελίοιο ### book 219.1.4 Λαΐς, ἐκοιμήθη δ’ ὕπνον ὀφειλόμενον, ### book 219.5.1 κώμους καὶ τὰ νέων ζηλώματα καὶ τὰ ποθεύντων ### book 219.5.2 κνίσματα καὶ μύστην λύχνον ἀπειπαμένη. ### book 220.1.1 Ἕρπων εἰς Ἐφύρην τάφον ἔδρακον ἀγχικέλευθον ### book 220.1.2 Λαΐδος ἀρχαίης, ὡς τὸ χάραγμα λέγει. ### book 220.1.3 δάκρυ δ’ ἐπισπείσας· „Χαίροις, γύναι· ἐκ γὰρ ἀκουῆς ### book 220.1.4 οἰκτείρω σε,“ ἔφην, „ἣν πάρος οὐκ ἰδόμην. ### book 220.5 ἆ πόσον ἠιθέων νόον ἤκαχες· ἀλλ’ ἴδε, Λήθην ### book 220 ναίεις, ἀγλαΐην ἐν χθονὶ κατθεμένη.“ ### book 221.1.1 Ἀκμαίη πρὸς ἔρωτα καὶ ἡδέα Κύπριδος ἔργα, ### book 221.1.2 Πατροφίλα, κανθοὺς τοὺς γλυκεροὺς ἔμυσας· ### book 221.1.3 ἐσβέσθη δὲ τὰ φίλτρα τὰ κωτίλα χὠ μετ’ ἀοιδῆς ### book 221.1.4 ψαλμὸς καὶ κυλίκων αἱ λαμυραὶ προπόσεις. ### book 221.5.1 Ἅιδη δυσκίνητε, τί τὴν ἐπέραστον ἑταίρην ### book 221.5.2 ἥρπασας; ἢ καὶ σὴν Κύπρις ἔμηνε φρένα; ### book 222.1.1 Ἐνθάδε τῆς τρυφερῆς μαλακὸν ῥέθος, ἐνθάδε κεῖται ### book 222.1.2 Τρυγόνιον, σαβακῶν ἄνθεμα Σαλμακίδων, ### book 222.1.3 ᾗ καλύβη καὶ δοῦμος ἐνέπρεπεν, ᾗ φιλοπαίγμων ### book 222.1.4 στωμυλίη, Μήτηρ ἣν ἐφίλησε θεῶν, ### book 222.5.1 ἡ μούνη στέρξασα τὰ Κύπριδος ἀμφὶ γυναικῶν ### book 222.5.2 ὄργια καὶ φίλτρων Λαΐδος ἁψαμένη. ### book 222.5.3 φῦε κατὰ στήλης, ἱερὴ κόνι, τῇ φιλοβάκχῳ ### book 222.5.4 μὴ βάτον, ἀλλ’ ἁπαλὰς λευκοΐων κάλυκας. ### book 223.1.1 Ἡ κροτάλοις ὀρχηστρὶς Ἀρίστιον, ἡ περὶ πεύκαις ### book 223.1.2 καὶ Κυβέλῃ πλοκάμους ῥῖψαι ἐπισταμένη, ### book 223.1.3 ἡ λωτῷ κερόεντι φορουμένη, ἡ τρὶς ἐφεξῆς ### book 223.1.4 εἰδυῖ’ ἀκρήτου χειλοποτεῖν κύλικας ### book 223.5.1 ἐνθάδ’ ὑπὸ πτελέαις ἀναπαύεται, οὐκέτ’ ἔρωτι, ### book 223.5.2 οὐκέτι παννυχίδων τερπομένη καμάτοις. ### book 223.5.3 κῶμοι καὶ μανίαι, μέγα χαίρετε· κεῖθ’ 〈ὑπὸ τύμβῳ〉 ### book 223 ἡ τὸ πρὶν στεφάνων ἄνθεσι κρυπτομένη. ### book 224.1 Εἴκοσι Καλλικράτεια καὶ ἐννέα τέκνα τεκοῦσα ### book 224.2 οὐδ’ ἑνὸς οὐδὲ μιῆς ἐδρακόμην θάνατον· ### book 224.3 ἀλλ’ ἑκατὸν καὶ πέντε διηνυσάμην ἐνιαυτοὺς ### book 224.4 σκίπωνι τρομερὰν οὐκ ἐπιθεῖσα χέρα. ### book 225.1 Ψήχει καὶ πέτρην ὁ πολὺς χρόνος οὐδὲ σιδήρου ### book 225.2 φείδεται, ἀλλὰ μιῇ πάντ’ ὀλέκει δρεπάνῃ· ### book 225.3 ὣς καὶ Λαέρταο τόδ’ ἠρίον, ὃ σχεδὸν ἀκτᾶς ### book 225.4 βαιὸν ἄπο, ψυχρῶν λείβεται ἐξ ὑετῶν. ### book 225.5.1 οὔνομα μὴν ἥρωος ἀεὶ νέον· οὐ γὰρ ἀοιδὰς ### book 225.5.2 ἀμβλύνειν αἰών, κἢν ἐθέλῃ, δύναται. ### book 226.1.1 Ἀβδήρων προθανόντα τὸν αἰνοβίην Ἀγάθωνα ### book 226.1.2 πᾶς’ ἐπὶ πυρκαϊῆς ἥδ’ ἐβόησε πόλις. ### book 226.1.3 οὔ τινα γὰρ τοιόνδε νέων ὁ φιλαίματος Ἄρης ### book 226.1.4 ἠνάρισεν στυγερῆς ἐν στροφάλιγγι μάχης. ### book 227.1.1 Οὐδὲ λέων ὣς δεινὸς ἐν οὔρεσιν ὡς ὁ Μίκωνος ### book 227.1.2 υἱὸς Κριναγόρης ἐν σακέων πατάγῳ. ### book 227.1.3 εἰ δὲ κάλυμμ’ ὀλίγον, μὴ μέμφεο· μικρὸς ὁ χῶρος, ### book 227 ἀλλ’ ἄνδρας πολέμου τλήμονας οἶδε φέρειν. ### book 228.1 Αὑτῷ καὶ τεκέεσσι γυναικί τε τύμβον ἔδειμεν ### book 228.2 Ἀνδροτίων· οὔπω δ’ οὐδενός εἰμι τάφος. ### book 228.3 οὕτω καὶ μείναιμι πολὺν χρόνον· εἰ δ’ ἄρα καὶ δεῖ, ### book 228.4 δεξαίμην ἐν ἐμοὶ τοὺς προτέρους προτέρους. ### book 229.1.1 Τᾷ Πιτάνᾳ Θρασύβουλος ἐπ’ ἀσπίδος ἤλυθεν ἄπνους, ### book 229.1.2 ἑπτὰ πρὸς Ἀργείων τραύματα δεξάμενος, ### book 229.1.3 δεικνὺς ἀντία πάντα· τὸν αἱματόεντα δ’ ὁ πρέσβυς ### book 229.1.4 παῖδ’ ἐπὶ πυρκαϊὴν Τύννιχος εἶπε τιθείς· ### book 229.5.1 „Δειλοὶ κλαιέσθωσαν· ἐγὼ δὲ σέ, τέκνον, ἄδακρυς ### book 229.5.2 θάψω, τὸν καὶ ἐμὸν καὶ Λακεδαιμόνιον.“ ### book 230.1.1 Ἁνίκ’ ἀπὸ πτολέμου τρέσσαντά σε δέξατο μάτηρ, ### book 230.1.2 πάντα τὸν ὁπλιστὰν κόσμον ὀλωλεκότα, ### book 230.1.3 αὐτά τοι φονίαν, Δαμάτριε, αὐτίκα λόγχαν ### book 230.1.4 εἶπε διὰ πλατέων ὠσαμένα λαγόνων· ### book 230.5 „Κάτθανε, μηδ’ ἐχέτω Σπάρτα ψόγον· οὐ γὰρ ἐκείνα ### book 230 ἤμπλακεν, εἰ δειλοὺς τοὐμὸν ἔθρεψε γάλα.“ ### book 231.1.1 Ὧδ’ ὑπὲρ Ἀμβρακίας ὁ βοαδρόμος ἀσπίδ’ ἀείρας ### book 231.1.2 τεθνάμεν ἢ φεύγειν εἵλετ’ Ἀρισταγόρας, ### book 231.1.3 υἱὸς ὁ Θευπόμπου. μὴ θαῦμ’ ἔχε· Δωρικὸς ἀνὴρ ### book 231.1.4 πατρίδος, οὐχ ἥβας ὀλλυμένας ἀλέγει. ### book 232.1.1 Λύδιον οὖδας ἔχει τόδ’ Ἀμύντορα, παῖδα Φιλίππου, ### book 232.1.2 πολλὰ σιδηρείης χερσὶ θιγόντα μάχης· ### book 232.1.3 οὐδέ μιν ἀλγινόεσσα νόσος δόμον ἄγαγε Νυκτός, ### book 232.1.4 ἀλλ’ ὄλετ’ ἀμφ’ ἑτάρῳ σχὼν κυκλόεσσαν ἴτυν· ### book 233.1.1 Αἴλιος, Αὐσονίης στρατιῆς πρόμος, ὁ χρυσέοισι ### book 233.1.2 στέμμασι σωρεύσας αὐχένας ὁπλοφόρους, ### book 233.1.3 νοῦσον ὅτ’ εἰς ὑπάτην ὠλίσθανε τέρμα τ’ ἄφυκτον ### book 233.1.4 εἶδεν, ἀριστείην ἐμφανίσας ἰδίην ### book 233.5 πήξαθ’ ὑπὸ σπλάγχνοισιν ἑὸν ξίφος εἶπέ τε θνῄσκων· ### book 233 „Αὐτὸς ἑκὼν ἐδάμην, μὴ νόσος εὖχος ἔχῃ.“ ### book 234.1.1 Αἴλιος, ὁ θρασύχειρ Ἄργους πρόμος, ὁ ψελιώσας ### book 234.1.2 αὐχένα χρυσοδέτοις ἐκ πολέμου στεφάνοις, ### book 234.1.3 τηξιμελεῖ νούσῳ κεκολουμένος ἔδρακε θυμῷ ### book 234.1.4 ἐς προτέρην ἔργων ἄρσενα μαρτυρίην, ### book 234.5.1 ὦσε δ’ ὑπὸ σπλάγχνοις πλατὺ φάσγανον ἓν μόνον εἰπών· ### book 234.5.2 „Ἄνδρας Ἄρης κτείνει, δειλοτέρους δὲ νόσος.“ ### book 235.1.1 Μὴ μέτρει Μάγνητι τὸ πηλίκον οὔνομα τύμβῳ ### book 235.1.2 μηδὲ Θεμιστοκλέους ἔργα σε λανθανέτω· ### book 235.1.3 τεκμαίρου Σαλαμῖνι καὶ ὁλκάσι τὸν φιλόπατριν, ### book 235.1.4 γνώσῃ δ’ ἐκ τούτων μείζονα Κεκροπίης. ### book 236.1.1 Οὐχὶ Θεμιστοκλέους Μάγνης τάφος, ἀλλὰ κέχωσμαι ### book 236.1.2 Ἑλλήνων φθονερῆς σῆμα κακοκρισίης. ### book 237.1.1 Οὔρεά μευ καὶ πόντον ὑπὲρ τύμβοιο χάρασσε ### book 237.1.2 καὶ μέσον ἀμφοτέρων μάρτυρα Λητοΐδην ### book 237.1.3 ἀενάων τε βαθὺν ποταμῶν ῥόον, οἵ ποτε ῥείθροις ### book 237.1.4 Ξέρξου μυριόναυν οὐχ ὑπέμειναν Ἄρην· ### book 237.5 ἔγγραφε καὶ Σαλαμῖνα, Θεμιστοκλέους ἵνα σῆμα ### book 237 κηρύσσει Μάγνης δῆμος ἀποφθιμένου. ### book 238.1.1 Ἠμαθίην ὃς πρῶτος ἐς Ἄρεα βῆσα Φίλιππος, ### book 238.1.2 Αἰγαίην κεῖμαι βῶλον ἐφεσσάμενος, ### book 238.1.3 ῥέξας οἷ’ οὔπω βασιλεὺς τὸ πρίν· εἰ δέ τις αὐχεῖ ### book 238.1.4 μεῖζον ἐμεῦ, καὶ τοῦθ’ αἵματος ἡμετέρου. ### book 239.1.1 Φθίσθαι Ἀλέξανδρον ψευδὴς φάτις, εἴπερ ἀληθὴς ### book 239.1.2 Φοῖβος· ἀνικήτων ἅπτεται οὐδ’ Ἀίδης. ### book 240.1.1 Τύμβον Ἀλεξάνδροιο Μακηδόνος ἤν τις ἀείδῃ, ### book 240.1.2 ἠπείρους κείνου σῆμα λέγ’ ἀμφοτέρας. ### book 241.1.1 Μυρία τοι, Πτολεμαῖε, πατήρ, ἔπι, μυρία μάτηρ ### book 241.1.2 τειρομένα θαλεροὺς ᾐκίσατο πλοκάμους· ### book 241.1.3 πολλὰ τιθηνητὴρ ὀλοφύρατο, χερσὶν ἀμήσας ### book 241.1.4 ἀνδρομάχοις δνοφερὰν κρατὸς ὕπερθε κόνιν· ### book 241.5.1 ἁ μεγάλα δ’ Αἴγυπτος ἑὰν ὠλόψατο χαίταν, ### book 241.5.2 καὶ πλατὺς Εὐρώπας ἐστονάχησε δόμος· ### book 241.5.3 καὶ δ’ αὐτὰ διὰ πένθος ἀμαυρωθεῖσα Σελάνα ### book 241.5.4 ἄστρα καὶ οὐρανίας ἀτραπιτοὺς ἔλιπεν. ### book 241.5.5 ὤλεο γὰρ διὰ λοιμόν, ὅλας θοινήτορα χέρσου, ### book 241.10.1 πρὶν πατέρων νεαρᾷ σκᾶπτρον ἑλεῖν παλάμᾳ· ### book 241.10.2 οὐδέ σε νὺξ ἐκ νυκτὸς ἐδέξατο· δὴ γὰρ ἄνακτας ### book 241 τοίους οὐκ Ἀίδας, Ζεὺς δ’ ἐς Ὄλυμπον ἄγει. ### book 242.1.1 Οἵδε πάτραν πολύδακρυν ἐπ’ αὐχένι δεσμὸν ἔχουσαν ### book 242.1.2 ῥυόμενοι δνοφερὰν ἀμφεβάλοντο κόνιν· ### book 242.1.3 ἄρνυνται δ’ ἀρετᾶς αἶνον μέγαν. ἀλλά τις ἀστῶν ### book 242.1.4 τούσδ’ ἐσιδὼν θνᾴσκειν τλάτω ὑπὲρ πατρίδος· ### book 243.1.1 Φωκίδι πὰρ πέτρῃ δέρκευ τάφον· εἰμὶ δ’ ἐκείνων ### book 243.1.2 τῶν ποτε μηδοφόνων μνᾶμα τριηκοσίων, ### book 243.1.3 οἳ Σπάρτας ἀπὸ γᾶς τηλοῦ πέσον ἀμβλύναντες ### book 243.1.4 Ἄρεα καὶ Μῆδον καὶ Λακεδαιμόνιον. ### book 243.5.1 ἣν δ’ ἐσορῇς ἐπ’ ἐμεῖ’ εὐβόστρυχον εἰκόνα θηρός, ### book 243.5.2 ἔννεπε τοῦ ταγοῦ μνᾶμα Λεωνίδεω. ### book 244.1.1 Δισσὰ τριηκοσίων τάδε φάσγανα θούριος Ἄρης ### book 244.1.2 ἔσπασεν Ἀργείων καὶ Λακεδαιμονίων, ### book 244.1.3 ἔνθα μάχην ἔτλημεν ἀνάγγελον, ἄλλος ἐπ’ ἄλλον ### book 244.1.4 πίπτοντες· Θυρέα δ’ ἦσαν ἄεθλα δορός. ### book 245.1.1 Ὦ Χρόνε, παντοίων θνητοῖς πανεπίσκοπε δαῖμον, ### book 245.1.2 ἄγγελος ἡμετέρων πᾶσι γενοῦ παθέων· ### book 245.1.3 ὡς ἱερὰν σῴζειν πειρώμενοι Ἑλλάδα χώραν ### book 245 Βοιωτῶν κλεινοῖς θνῄσκομεν ἐν δαπέδοις. ### book 246.1.1 Ἰσσοῦ ἐπὶ προμολῇσιν ἁλὸς παρὰ κῦμα Κιλίσσης ### book 246.1.2 ἄγριον αἱ Περσῶν κείμεθα μυριάδες, ### book 246.1.3 ἔργον Ἀλεξάνδροιο Μακηδόνος, οἵ ποτ’ ἄνακτι ### book 246.1.4 Δαρείῳ πυμάτην οἶμον ἐφεσπόμεθα. ### book 247.1.1 Ἄκλαυστοι καὶ ἄθαπτοι, ὁδοιπόρε, τῷδ’ ἐπὶ τύμβῳ ### book 247.1.2 Θεσσαλίας τρισσαὶ κείμεθα μυριάδες, ### book 247.1.3 Ἠμαθίῃ μέγα πῆμα· τὸ δὲ θρασὺ κεῖνο Φιλίππου ### book 247.1.4 πνεῦμα θοῶν ἐλάφων ᾤχετ’ ἐλαφρότερον. ### book 248.1.1 Μυριάσιν ποτὲ τῇδε τριηκοσίαις ἐμάχοντο ### book 248.1.2 ἐκ Πελοποννάσου χιλιάδες τέτορες. ### book 249.1 Ὦ ξεῖν’, ἀγγέλλειν Λακεδαιμονίοις, ὅτι τῇδε ### book 249 κείμεθα τοῖς κείνων ῥήμασι πειθόμενοι. ### book 250.1.1 Ἀκμᾶς ἑστακυῖαν ἐπὶ ξυροῦ Ἑλλάδα πᾶσαν ### book 250.1.2 ταῖς αὑτῶν ψυχαῖς κείμεθα ῥυσάμενοι ### book 250.1.3 [δουλοσύνης· Πέρσαις δὲ περὶ φρεσὶ πήματα πάντα ### book 250.1.4 ἥψαμεν ἀργαλέης μνήματα ναυμαχίης. ### book 250.5.1 ὀστέα δ’ ἧμιν ἔχει Σαλαμίς· πατρὶς δὲ Κόρινθος ### book 250.5.2 ἀντ’ εὐεργεσίης μνῆμ’ ἐπέθηκε τόδε]. ### book 251.1.1 Ἄσβεστον κλέος οἵδε φίλῃ περὶ πατρίδι θέντες ### book 251.1.2 κυάνεον θανάτου ἀμφεβάλοντο νέφος· ### book 251.1.3 οὐδὲ τεθνᾶσι θανόντες, ἐπεί σφ’ ἀρετὴ καθύπερθε ### book 251.1.4 κυδαίνους’ ἀνάγει δώματος ἐξ Ἀίδεω. ### book 252.1.1 Οἵδ’ Ἀίδαν στέρξαντες ἐνώπιον οὐχ, ἅπερ ἄλλος, ### book 252.1.2 στάλαν, ἀλλ’ Ἀρετὰν ἀντ’ ἀρετᾶς ἔλαχον. ### book 253.1.1 Εἰ τὸ καλῶς θνῄσκειν ἀρετῆς μέρος ἐστὶ μέγιστον, ### book 253.1.2 ἡμῖν ἐκ πάντων τοῦτ’ ἀπένειμε τύχη· ### book 253.1.3 Ἑλλάδι γὰρ σπεύδοντες ἐλευθερίην περιθεῖναι ### book 253 κείμεθ’ ἀγηράτῳ χρώμενοι εὐλογίῃ. ### book 254.1.1 Χαίρετ’, ἀριστῆες πολέμου μέγα κῦδος ἔχοντες, ### book 254.1.2 κοῦροι Ἀθηναίων ἔξοχοι ἱπποσύνᾳ, ### book 254.1.3 οἵ ποτε καλλιχόρου περὶ πατρίδος ὠλέσαθ’ ἥβην ### book 254.1.4 πλείστοις Ἑλλάνων ἀντία μαρνάμενοι. ### book 254b.1.1 Κρὴς γενεὰν Βρόταχος Γορτύνιος ἐνθάδε κεῖμαι ### book 254b.1.2 οὐ κατὰ τοῦτ’ ἐλθών, ἀλλὰ κατ’ ἐμπορίαν. ### book 255.1.1 Κυανέη καὶ τούσδε μενεγχέας ὤλεσεν ἄνδρας ### book 255.1.2 Μοῖρα πολύρρηνον πατρίδα ῥυομένους. ### book 255.1.3 ζωὸν δὲ φθιμένων πέλεται κλέος, οἵ ποτε γυίοις ### book 255.1.4 τλήμονες Ὀσσαίαν ἀμφιέσαντο κόνιν. ### book 256.1.1 Οἵδε ποτ’ Αἰγαίοιο βαρύβρομον οἶδμα λιπόντες ### book 256.1.2 Ἐκβατάνων πεδίῳ κείμεθ’ ἐνὶ μεσάτῳ. ### book 256.1.3 χαῖρε, κλυτή ποτε πατρὶς Ἐρέτρια· χαίρετ’, Ἀθῆναι, ### book 256.1.4 γείτονες Εὐβοίης· χαῖρε, θάλασσα φίλη. ### book 257.1 Παῖδες Ἀθηναίων Περσῶν στρατὸν ἐξολέσαντες ### book 257 ἤρκεσαν ἀργαλέην πατρίδι δουλοσύνην. ### book 258.1.1 Οἵδε παρ’ Εὐρυμέδοντά ποτ’ ἀγλαὸν ὤλεσαν ἥβην ### book 258.1.2 μαρνάμενοι Μήδων τοξοφόρων προμάχοις ### book 258.1.3 αἰχμηταί, πεζοί τε καὶ ὠκυπόρων ἐπὶ νηῶν· ### book 258.1.4 κάλλιστον δ’ ἀρετῆς μνῆμ’ ἔλιπον φθίμενοι. ### book 259.1.1 Εὐβοίης γένος ἐσμὲν Ἐρετρικόν, ἄγχι δὲ Σούσων ### book 259.1.2 κείμεθα· θεῦ, γαίης ὅσσον ἀφ’ ἡμετέρης. ### book 260.1.1 Μὴ μέμψῃ παριὼν τὰ μνήματά μου, παροδῖτα· ### book 260.1.2 οὐδὲν ἔχω θρήνων ἄξιον οὐδὲ θανών. ### book 260.1.3 τέκνων τέκνα λέλοιπα· μιῆς ἀπέλαυσα γυναικὸς ### book 260.1.4 συγγήρου· τρισσοῖς παισὶν ἔδωκα γάμους, ### book 260.5.1 ἐξ ὧν πολλάκι παῖδας ἐμοῖς ἐνεκοίμισα κόλποις, ### book 260.5.2 οὐδενὸς οἰμώξας οὐ νόσον, οὐ θάνατον· ### book 260.5.3 οἵ με κατασπείσαντες ἀπήμονα τὸν γλυκὺν ὕπνον ### book 260.5.4 κοιμᾶσθαι χώρην πέμψαν ἐπ’ εὐσεβέων. ### book 261.1.1 Τί πλέον εἰς ὠδῖνα πονεῖν, τί δὲ τέκνα τεκέσθαι, ### book 261.1.2 ἣ τέκοι εἰ μέλλει παιδὸς ὁρᾶν θάνατον; ### book 261.1.3 ἠιθέῳ γὰρ σῆμα Βιάνορι χεύατο μήτηρ· ### book 261 ἔπρεπε δ’ ἐκ παιδὸς μητέρα τοῦδε τυχεῖν. ### book 262.1.1 Αὐδήσει τὸ γράμμα, τί σᾶμά τε καὶ τίς ὑπ’ αὐτῷ· ### book 262.1.2 „Γλαύκης εἰμὶ τάφος τῆς ὀνομαζομένης.“ ### book 263.1.1 Καὶ σέ, Κλεηνορίδη, πόθος ὤλεσε πατρίδος αἴης ### book 263.1.2 θαρσήσαντα Νότου λαίλαπι χειμερίῃ. ### book 263.1.3 ὥρη γάρ σε πέδησεν ἀνέγγυος, ὑγρὰ δὲ τὴν σὴν ### book 263.1.4 κύματ’ ἀφ’ ἱμερτὴν ἔκλυσεν ἡλικίην. ### book 264.1.1 Εἴη ποντοπόρῳ πλόος οὔριος· ἢν δ’ ἄρ’ ἀήτης, ### book 264.1.2 ὡς ἐμέ, τοῖς Ἀίδεω προσπελάσῃ λιμέσι, ### book 264.1.3 μεμφέσθω μὴ λαῖτμα κακόξενον, ἀλλ’ ἕο τόλμαν, ### book 264.1.4 ὅστις ἀφ’ ἡμετέρου πείσματ’ ἔλυσε τάφου. ### book 265.1.1 Ναυηγοῦ τάφος εἰμί, ὁ δ’ ἀντίον ἐστὶ γεωργοῦ· ### book 265.1.2 ὡς ἁλὶ καὶ γαίῃ ξυνὸς ὕπεστ’ Ἀίδης. ### book 266.1 Ναυηγοῦ τάφος εἰμὶ Διοκλέος· οἱ δ’ ἀνάγονται, ### book 266 φεῦ τόλμης, ἀπ’ ἐμεῦ πείσματα λυσάμενοι. ### book 267.1.1 Ναυτίλοι, ἐγγὺς ἁλὸς τί με θάπτετε; πολλὸν ἄνευθε ### book 267.1.2 χῶσαι ναυηγοῦ τλήμονα τύμβον ἔδει. ### book 267.1.3 φρίσσω κύματος ἦχον, ἐμὸν μόρον. ἀλλὰ καὶ οὕτως ### book 267.1.4 χαίρετε, Νικήτην οἵτινες οἰκτίσατε. ### book 268.1.1 Ναυηγόν με δέδορκας· ὃν ἡ κτείνασα θάλασσα ### book 268.1.2 γυμνῶσαι πυμάτου φάρεος ᾐδέσατο, ### book 268.1.3 ἄνθρωπος παλάμῃσιν ἀταρβήτοις μ’ ἀπέδυσε, ### book 268.1.4 τόσσον ἄγος τόσσου κέρδεος ἀράμενος. ### book 268.5.1 κεῖνο καὶ ἐνδύσαιτο καὶ εἰς Ἀίδαο φέροιτο, ### book 268.5.2 καί μιν ἴδοι Μίνως τοὐμὸν ἔχοντα ῥάκος. ### book 269.1.1 Πλωτῆρες, σῴζοισθε καὶ εἰν ἁλὶ καὶ κατὰ γαῖαν· ### book 269.1.2 ἴστε δὲ ναυηγοῦ σῆμα παρερχόμενοι. ### book 270.1 Τούσδε ποτ’ ἐκ Σπάρτας ἀκροθίνια Φοίβῳ ἄγοντας ### book 270 ἓν πέλαγος, μία νύξ, ἓν σκάφος ἐκτέρισεν. ### book 271.1.1 Ὤφελε μηδ’ ἐγένοντο θοαὶ νέες· οὐ γὰρ ἂν ἡμεῖς ### book 271.1.2 παῖδα Διοκλείδου Σώπολιν ἐστένομεν· ### book 271.1.3 νῦν δ’ ὁ μὲν εἰν ἁλί που φέρεται νέκυς, ἀντὶ δ’ ἐκείνου ### book 271.1.4 οὔνομα καὶ κενεὸν σῆμα παρερχόμεθα. ### book 272.1.1 Νάξιος οὐκ ἐπὶ γῆς ἔθανεν Λύκος, ἀλλ’ ἐνὶ πόντῳ ### book 272.1.2 ναῦν ἅμα καὶ ψυχὴν εἶδεν ἀπολλυμένην, ### book 272.1.3 ἔμπορος Αἰγίνηθεν ὅτ’ ἔπλεε. χὠ μὲν ἐν ὑγρῇ ### book 272.1.4 νεκρός, ἐγὼ δ’ ἄλλως οὔνομα τύμβος ἔχων ### book 272.5.1 κηρύσσω πανάληθες ἔπος τόδε· „Φεῦγε θαλάσσῃ ### book 272.5.2 συμμίσγειν Ἐρίφων, ναυτίλε, δυομένων.“ ### book 273.1.1 Εὔρου με τρηχεῖα καὶ αἰπήεσσα καταιγὶς ### book 273.1.2 καὶ νὺξ καὶ δνοφερῆς κύματα πανδυσίης ### book 273.1.3 ἔβλαψ’ Ὠρίωνος· ἀπώλισθον δὲ βίοιο ### book 273.1.4 Κάλλαισχρος, Λιβυκοῦ μέσσα θέων πελάγευς. ### book 273.5.1 κἀγὼ μὲν πόντῳ δινεύμενος ἰχθύσι κύρμα ### book 273.5.2 οἴχημαι· ψεύστης δ’ οὗτος ἔπεστι λίθος. ### book 274.1.1 Οὔνομα κηρύσσω Τιμοκλέος εἰς ἅλα πικρὴν ### book 274.1.2 πάντῃ σκεπτομένη, ποῦ ποτ’ ἄρ’ ἐστὶ νέκυς. ### book 274.1.3 αἰαῖ, τὸν δ’ ἤδη φάγον ἰχθύες, ἡ δὲ περισσὴ ### book 274 πέτρος ἐγὼ τὸ μάτην γράμμα τυπωθὲν ἔχω. ### book 275.1.1 Ἁ Πέλοπος νᾶσος καὶ δύσπλοος ὤλεσε Κρήτα ### book 275.1.2 καὶ Μαλέου τυφλαὶ καμπτομένου σπιλάδες ### book 275.1.3 Δάμιδος Ἀστυδάμαντα Κυδώνιον. ἀλλ’ ὁ μὲν ἤδη ### book 275.1.4 ἔπλησεν θηρῶν νηδύας εἰναλίων, ### book 275.5.1 τὸν ψεύσταν δέ με τύμβον ἐπὶ χθονὶ θέντο. τί θαῦμα, ### book 275.5.2 Κρῆτες ὅπου ψεῦσται καὶ Διὸς ἔστι τάφος; ### book 276.1.1 Ἐξ ἁλὸς ἡμίβρωτον ἀνηνέγκαντο σαγηνεῖς ### book 276.1.2 ἄνδρα, πολύκλαυτον ναυτιλίης σκύβαλον· ### book 276.1.3 κέρδεα δ’ οὐκ ἐδίωξαν, ἃ μὴ θέμις, ἀλλὰ σὺν αὐτοῖς ### book 276.1.4 ἰχθύσι τῇδ’ ὀλίγῃ θῆκαν ὑπὸ ψαμάθῳ. ### book 276.5.1 ὦ χθών, τὸν ναυηγὸν ἔχεις ὅλον· ἀντὶ δὲ λοιπῆς ### book 276.5.2 σαρκὸς τοὺς σαρκῶν γευσαμένους ἐπέχεις. ### book 277.1.1 Τίς, ξένος ὦ ναυηγέ; Λεόντιχος ἐνθάδε νεκρὸν ### book 277.1.2 εὗρεν ἐπ’ αἰγιαλοῦ, χῶσε δὲ τῷδε τάφῳ ### book 277.1.3 δακρύσας ἐπίκηρον ἑὸν βίον· οὐδὲ γὰρ αὐτὸς ### book 277 ἥσυχος, αἰθυίῃ δ’ ἶσα θαλασσοπορεῖ. ### book 278.1.1 Οὐδὲ νέκυς, ναυηγὸς ἐπὶ χθόνα Θῆρις ἐλασθεὶς ### book 278.1.2 κύμασιν ἀγρύπνων λήσομαι ἠιόνων. ### book 278.1.3 ἦ γὰρ ἁλιρρήκτοις ὑπὸ δειράσιν, ἀγχόθι πόντου ### book 278.1.4 δυσμενέος, ξείνου χερσὶν ἔκυρσα τάφου· ### book 278.5.1 αἰεὶ δὲ βρομέοντα, καὶ ἐν νεκύεσσι, θαλάσσης ### book 278.5.2 ὁ τλήμων ἀίω δοῦπον ἀπεχθόμενον. ### book 278.5.3 μόχθων οὐδ’ Ἀίδης με κατεύνασεν, ἡνίκα μοῦνος ### book 278.5.4 οὐδὲ θανὼν λείῃ κέκλιμαι ἡσυχίῃ. ### book 279.1.1 Παῦσαι νηὸς ἐρετμὰ καὶ ἔμβολα τῷδ’ ἐπὶ τύμβῳ ### book 279.1.2 αἰὲν ἔτι ψυχρῇ ζωγραφέων σποδιῇ. ### book 279.1.3 ναυηγοῦ τὸ μνῆμα. τί τῆς ἐν κύμασι λώβης ### book 279.1.4 αὖθις ἀναμνῆσαι τὸν κατὰ γῆς ἐθέλεις; ### book 280.1.1 Τὸ χῶμα τύμβος ἐστίν. ἀλλὰ τὼ βόε ### book 280.1.2 ἐπίσχες, οὗτος, τὰν ὕνιν τ’ ἀνάσπασον· ### book 280.1.3 κινεῖς σποδὸν γάρ· ἐς δὲ τοιαύταν κόνιν ### book 280.1.4 μὴ σπέρμα πυρῶν, ἀλλὰ χεῦε δάκρυα. ### book 281.1.1 Ἄπισχ’, ἄπισχε χεῖρας, ὦ γεωπόνε, ### book 281.1.2 μηδ’ ἀμφίταμνε τὰν ἐν ἠρίῳ κόνιν. ### book 281.1.3 αὐτὰ κέκλαυται βῶλος· ἐκ κεκλαυσμένας δ’ ### book 281 οὔτοι κοματὸς ἀναθαλήσεται στάχυς. ### book 282.1.1 Ναυηγοῦ τάφος εἰμί· σὺ δὲ πλέε· καὶ γὰρ ὅθ’ ἡμεῖς ### book 282.1.2 ὠλλύμεθ’, αἱ λοιπαὶ νῆες ἐποντοπόρουν. ### book 283.1.1 Τετρηχυῖα θάλασσα, τί μ’ οὐκ οἰζυρὰ παθόντα ### book 283.1.2 τηλός’ ἀπὸ ψιλῆς ἔπτυσας ἠιόνος, ### book 283.1.3 ὡς σεῦ μηδ’ Ἀίδαο κακὴν ἐπιειμένος ἀχλὺν ### book 283.1.4 Φυλεὺς Ἀμφιμένευς ἆσσον ἐγειτόνεον; ### book 284.1.1 Ὀκτώ μευ πήχεις ἄπεχε, τρηχεῖα θάλασσα, ### book 284.1.2 καὶ κύμαινε βόα θ’, ἡλίκα σοι δύναμις· ### book 284.1.3 ἢν δὲ τὸν Εὐμάρεω καθέλῃς τάφον, ἄλλο μὲν οὐδὲν ### book 284.1.4 κρήγυον, εὑρήσεις δ’ ὀστέα καὶ σποδιήν. ### book 285.1.1 Οὐ κόνις οὐδ’ ὀλίγον πέτρης βάρος, ἀλλ’ Ἐρασίππου, ### book 285.1.2 ἣν ἐσορᾷς, αὕτη πᾶσα θάλασσα τάφος· ### book 285.1.3 ὤλετο γὰρ σὺν νηί· τὰ δ’ ὀστέα ποῦ ποτ’ ἐκείνου ### book 285 πύθεται, αἰθυίαις γνωστὰ μόναις ἐνέπειν. ### book 286.1.1 Δύσμορε Νικάνωρ, πολιῷ μεμαραμμένε πόντῳ, ### book 286.1.2 κεῖσαι δὴ ξείνῃ γυμνὸς ἐπ’ ἠιόνι ### book 286.1.3 ἢ σύ γε πρὸς πέτρῃσι· τὰ δ’ ὄλβια κεῖνα μέλαθρα ### book 286.1.4 φροῦδ’, ἀπὸ καὶ πάτρης ἐλπὶς ὄλωλε Τύρου. ### book 286.5.1 οὐδὲ τί σε κτεάνων ἐρρύσατο· φεῦ, ἐλεεινέ, ### book 286.5.2 ὤλεο μοχθήσας ἰχθύσι καὶ πελάγει. ### book 287.1.1 Καὶ νέκυν ἀπρήυντος ἀνιήσει με θάλασσα, ### book 287.1.2 Λῦσιν ἐρημαίῃ κρυπτὸν ὑπὸ σπιλάδι, ### book 287.1.3 στρηνὲς ἀεὶ φωνεῦσα παρ’ οὔατι καὶ παρὰ κωφὸν ### book 287.1.4 σῆμα. τί μ’, ὤνθρωποι, τῇδε παρῳκίσατε, ### book 287.5.1 ἣ πνοιῆς χήρωσε τὸν οὐκ ἐπὶ φορτίδι νηὶ ### book 287.5.2 ἔμπορον, ἀλλ’ ὀλίγης ναυτίλον εἰρεσίης ### book 287.5.3 θηκαμένη ναυηγόν; ὁ δ’ ἐκ πόντοιο ματεύων ### book 287.5.4 ζωὴν ἐκ πόντου καὶ μόρον εἱλκυσάμην. ### book 288.1.1 Οὐδετέρης ὅλος εἰμὶ θανὼν νέκυς, ἀλλὰ θάλασσα ### book 288.1.2 καὶ χθὼν τὴν ἀπ’ ἐμεῦ μοῖραν ἔχουσιν ἴσην. ### book 288.1.3 σάρκα γὰρ ἐν πόντῳ φάγον ἰχθύες, ὀστέα δ’ αὖτε ### book 288 βέβρασται ψυχρῇ τῇδε παρ’ ἠιόνι. ### book 289.1.1 Ἀνθέα τὸν ναυηγὸν ἐπὶ στόμα Πηνειοῖο ### book 289.1.2 νυκτὸς ὑπὲρ βαιῆς νηξάμενον σανίδος ### book 289.1.3 μούνιος ἐκ θάμνοιο θορὼν λύκος, ἄσκοπον ἄνδρα, ### book 289.1.4 ἔκτανεν. ὦ γαίης κύματα πιστότερα. ### book 290.1.1 Λαίλαπα καὶ μανίην ὀλοῆς προφυγόντα θαλάσσης ### book 290.1.2 ναυηγὸν Λιβυκαῖς κείμενον ἐν ψαμάθοις ### book 290.1.3 οὐχ ἑκὰς ἠιόνων, πυμάτῳ βεβαρημένον ὕπνῳ, ### book 290.1.4 γυμνόν, ἀπὸ στυγερῆς ὡς κάμε ναυφθορίης, ### book 290.5.1 ἔκτανε λυγρὸς ἔχις. τί μάτην πρὸς κύματ’ ἐμόχθει, ### book 290.5.2 τὴν ἐπὶ γῆς σπεύδων μοῖραν ὀφειλομένην; ### book 291.1.1 Χαῖταί σου στάζουσιν ἔθ’ ἁλμυρά, δύσμορε κούρη ### book 291.1.2 ναυηγέ, φθιμένης εἰν ἁλί, Λυσιδίκη. ### book 291.1.3 ἦ γὰρ ὀρινομένου πόντου δείσασα θαλάσσης ### book 291.1.4 ὕβριν ὑπὲρ κοίλου δούρατος ἐξέπεσες. ### book 291.5.1 καὶ σὸν μὲν φωνεῖ τάφος οὔνομα καὶ χθόνα Κύμην, ### book 291.5.2 ὀστέα δὲ ψυχρῷ κλύζετ’ ἐπ’ αἰγιαλῷ, ### book 291.5.3 πικρὸν Ἀριστομάχῳ γενέτῃ κακόν, ὅς σε κομίζων ### book 291 ἐς γάμον οὔτε κόρην ἤγαγεν οὔτε νέκυν. ### book 292.1.1 Ἀλκυόσιν, Ληναῖε, μέλεις τάχα· κωφὰ δὲ μήτηρ ### book 292.1.2 μύρεθ’ ὑπὲρ κρυεροῦ δυρομένη σε τάφου. ### book 293.1.1 Οὐ χεῖμα Νικόφημον, οὐκ ἄστρων δύσις, ### book 293.1.2 ἁλὸς Λιβύσσης κύματ’ οὐ κατέκλυσεν, ### book 293.1.3 ἀλλ’ ἐν γαλήνῃ, φεῦ τάλας, ἀνηνέμῳ ### book 293.1.4 πλόῳ πεδηθεὶς ἐφρύγη δίψευς ὕπο. ### book 293.5.1 καὶ τοῦτ’ ἀητέων ἔργον· ἆ πόσον κακὸν ### book 293.5.2 ναύταισιν ἢ πνέοντες ἢ μεμυκότες. ### book 294.1.1 Γρυνέα τὸν πρέσβυν, τὸν ἁλιτρύτου ἀπὸ κύμβης ### book 294.1.2 ζῶντα, τὸν ἀγκίστροις καὶ μογέοντα λίνοις, ### book 294.1.3 ἐκ δεινοῦ τρηχεῖα Νότου κατέδυσε θάλασσα, ### book 294.1.4 ἔβρασε δ’ ἐς κροκάλην πρώιον ἠιόνος, ### book 294.5.1 χεῖρας ἀποβρωθέντα. τίς οὐ νόον ἰχθύσιν εἴποι ### book 294.5.2 ἔμμεναι, οἳ μούνας, αἷς ὀλέκοντο, φάγον; ### book 295.1.1 Θῆριν τὸν τριγέροντα, τὸν εὐάγρων ἀπὸ κύρτων ### book 295.1.2 ζῶντα, τὸν αἰθυίης πλείονα νηξάμενον, ### book 295.1.3 ἰχθυοληιστῆρα, σαγηνέα, χηραμοδύτην, ### book 295.1.4 οὐχὶ πολυσκάλμου πλώτορα ναυτιλίης, ### book 295.5 ἔμπης οὔτ’ Ἀρκτοῦρος ἀπώλεσεν, οὔτε καταιγὶς ### book 295.1 ἤλασε τὰς πολλὰς τῶν ἐτέων δεκάδας· ### book 295.2 ἀλλ’ ἔθαν’ ἐν καλύβῃ σχοινίτιδι, λύχνος ὁποῖα, ### book 295.3 τῷ μακρῷ σβεσθεὶς ἐν χρόνῳ αὐτόματος. ### book 295.4 σῆμα δὲ τοῦτ’ οὐ παῖδες ἐφήρμοσαν οὐδ’ ὁμόλεκτρος, ### book 295.10 ἀλλὰ συνεργατίνης ἰχθυβόλων θίασος. ### book 296.1.1 Ἐξ οὗ γ’ Εὐρώπην Ἀσίας δίχα πόντος ἔνειμε ### book 296.1.2 καὶ πόλεμον λαῶν θοῦρος Ἄρης ἐφέπει, ### book 296.1.3 οὐδαμά πω κάλλιον ἐπιχθονίων γένετ’ ἀνδρῶν ### book 296.1.4 ἔργον ἐν ἠπείρῳ καὶ κατὰ πόντον ἅμα. ### book 296.5.1 οἵδε γὰρ ἐν Κύπρῳ Μήδων πολλοὺς ὀλέσαντες ### book 296.5.2 Φοινίκων ἑκατὸν ναῦς ἕλον ἐν πελάγει ### book 296.5.3 ἀνδρῶν πληθούσας· μέγα δ’ ἔστεν〈εν Ἀσὶς ὑπ’ αὐτῶν〉 ### book 296.5.4 πληγεῖς’ ἀμφοτέραις χερσὶ κράτει πολέμου. ### book 297.1.1 Τὸν μέγαν Ἀκροκόρινθον, Ἀχαιικὸν Ἑλλάδος ἄστρον ### book 297.1.2 καὶ διπλῆν Ἰσθμοῦ σύνδρομον ἠιόνα, ### book 297.1.3 Λεύκιος ἐστυφέλιξε· δοριπτοίητα δὲ νεκρῶν ### book 297.1.4 ὀστέα σωρευθεὶς εἷς ἐπέχει σκόπελος. ### book 297.5 τοὺς δὲ δόμον Πριάμοιο πυρὶ πρήσαντας Ἀχαιοὺς ### book 297 ἀκλαύστους κτερέων νόσφισαν Αἰνεάδαι. ### book 298.1.1 Αἰαῖ, τοῦτο κάκιστον, ὅταν κλαίωσι θανόντα ### book 298.1.2 νυμφίον ἢ νύμφην· ἡνίκα δ’ ἀμφοτέρους, ### book 298.1.3 Εὔπολιν ὡς ἀγαθήν τε Λυκαίνιον, ὧν ὑμέναιον ### book 298.1.4 ἔσβεσεν ἐν πρώτῃ νυκτὶ πεσὼν θάλαμος, ### book 298.5.1 οὐκ ἄλλῳ τόδε κῆδος ἰσόρροπον· ὡς σὺ μὲν υἱόν, ### book 298.5.2 Νῖκι, σὺ δ’ ἔκλαυσας, Εὔδικε, θυγατέρα. ### book 299.1.1 Ἅδ’ ἔσθ’, ἅδε Πλάταια (τί τοι λέγω;), ἅν ποτε σεισμὸς ### book 299.1.2 ἐλθὼν ἐξαπίνας κάββαλε πανσυδίῃ· ### book 299.1.3 λείφθη δ’ αὖ μοῦνον τυτθὸν γένος· οἱ δὲ θανόντες ### book 299.1.4 σᾶμ’ ἐρατὰν πάτραν κείμεθ’ ἐφεσσάμενοι. ### book 300.1.1 Ἐνθάδε Πυθώνακτα κασίγνητόν τε κέκευθε ### book 300.1.2 γαῖ’, ἐρατῆς ἥβης πρὶν τέλος ἄκρον ἰδεῖν. ### book 300.1.3 μνῆμα δ’ ἀποφθιμένοισι πατὴρ Μεγάριστος ἔθηκεν ### book 300.1.4 ἀθάνατον θνητοῖς παισὶ χαριζόμενος. ### book 301.1.1 Εὐκλέας αἶα κέκευθε, Λεωνίδα, οἳ μετὰ σεῖο ### book 301.1.2 τῇδ’ ἔθανον, Σπάρτης εὐρυχόρου βασιλεῦ, ### book 301.1.3 πλείστων δὴ τόξων τε καὶ ὠκυπόδων σθένος ἵππων ### book 301 Μηδείων τ’ ἀνδρῶν δεξάμενοι πολέμῳ. ### book 302.1.1 Τῶν αὐτοῦ τις ἕκαστος ἀπολλυμένων ἀνιᾶται· ### book 302.1.2 Νικόδικον δὲ φίλοι καὶ πόλις ἥδε ποθεῖ. ### book 303.1.1 Τὸν μικρὸν Κλεόδημον ἔτι ζώοντα γάλακτι, ### book 303.1.2 ἴχνος ὑπὲρ τοίχων νηὸς ἐρεισάμενον, ### book 303.1.3 ὁ Θρήιξ ἐτύμως Βορέης βάλεν εἰς ἁλὸς οἶδμα, ### book 303.1.4 κῦμα δ’ ἀπὸ ψυχὴν ἔσβεσε νηπιάχου. ### book 303.5.1 Ἰνοῖ, ἀνοικτίρμων τις ἔφυς θεός, ἣ Μελικέρτεω ### book 303.5.2 ἥλικος οὐκ Ἀίδην πικρὸν ἀπηλάσαο. ### book 304.1.1 Ἀνδρὶ μὲν Ἱππαίμων ὄνομ’ ἦν, ἵππῳ δὲ Πόδαργος ### book 304.1.2 καὶ κυνὶ Λήθαργος καὶ θεράποντι Βάβης· ### book 304.1.3 Θεσσαλός, ἐκ Κρήτης, Μάγνης γένος, Αἵμονος υἱός· ### book 304.1.4 ὤλετο δ’ ἐν προμάχοις ὀξὺν Ἄρη συνάγων. ### book 305.1.1 Ὁ γριπεὺς Διότιμος, ὁ κύμασιν ὁλκάδα πιστὴν ### book 305.1.2 κἠν χθονὶ τὴν αὐτὴν οἶκον ἔχων πενίης, ### book 305.1.3 νήγρετον ὑπνώσας τὸν ἀμείλιχον ἷκτο πρὸς Ἅιδην ### book 305.1.4 αὐτερέτης ἰδίῃ νηὶ κομιζόμενος. ### book 305.5 ἣν γὰρ ἔχε ζωῆς παραμύθιον, ἔσχεν ὁ πρέσβυς ### book 305 καὶ φθίμενος πύματον πυρκαϊῆς ὄφελος. ### book 306.1.1 Ἀβρότονον Θρήισσα γυνὴ πέλον, ἀλλὰ τεκέσθαι ### book 306.1.2 τὸν μέγαν Ἕλλησίν φημι Θεμιστοκλέα. ### book 307.1.1 Οὔνομά μοι ... —„Τί δὲ τοῦτο;“ —Πατρὶς δέ μοι ... —„Ἐς τί δὲ τοῦτο;“ — ### book 307.1.2 Κλεινοῦ δ’ εἰμὶ γένους. —„Εἰ γὰρ ἀφαυροτάτου;“ — ### book 307.1.3 Ζήσας δ’ ἐνδόξως ἔλιπον βίον. —„Εἰ γὰρ ἀδόξως;“ — ### book 307.1.4 Κεῖμαι δ’ ἐνθάδε νῦν. —„Τίς τίνι ταῦτα λέγεις;“ ### book 308.1.1 Παῖδά με πενταέτηρον, ἀκηδέα θυμὸν ἔχοντα, ### book 308.1.2 νηλειὴς Ἀίδης ἥρπασε Καλλίμαχον. ### book 308.1.3 ἀλλά με μὴ κλαίοις· καὶ γὰρ βιότοιο μετέσχον ### book 308.1.4 παύρου καὶ παύρων τῶν βιότοιο κακῶν. ### book 309.1.1 Ἑξηκοντούτης Διονύσιος ἐνθάδε κεῖμαι, ### book 309.1.2 Ταρσεύς, μὴ γήμας. αἴθε δὲ μηδ’ ὁ πατήρ. ### book 310 Θάψεν ὅ με κτείνας κρυπτὸν φόνον· εἰ δέ με τύμβῳ ### book 310 δωρεῖται, τοίης ἀντιτύχοι χάριτος. ### book 311.1.1 Ὁ τύμβος οὗτος ἔνδον οὐκ ἔχει νεκρόν· ### book 311.1.2 ὁ νεκρὸς οὗτος ἐκτὸς οὐκ ἔχει τάφον, ### book 311.1.3 ἀλλ’ αὐτὸς αὑτοῦ νεκρός ἐστι καὶ τάφος. ### book 312.1.1 Οἱ πρὸς Ῥωμαίους δεινὸν στήσαντες Ἄρηα ### book 312.1.2 κεῖνται ἀριστείης σύμβολα δεικνύμενοι· ### book 312.1.3 οὐ γάρ τις μετὰ νῶτα τυπεὶς θάνεν, ἀλλ’ ἅμα πάντες ### book 312.1.4 ὤλοντο κρυφίῳ καὶ δολερῷ θανάτῳ. ### book 313.1 Ἐνθάδ’ ἀπορρήξας ψυχὴν βαρυδαίμονα κεῖμαι· ### book 313.2 οὔνομα δ’ οὐ πεύσεσθε, κακοὶ δὲ κακῶς ἀπόλοισθε. ### book 314.1 Μὴ πόθεν εἰμὶ μάθῃς μηδ’ οὔνομα· πλὴν ὅτι θνῄσκειν ### book 314 τοὺς παρ’ ἐμὴν στήλην ἐρχομένους ἐθέλω. ### book 315.1.1 Τρηχείην κατ’ ἐμεῦ, ψαφαρὴ κόνι, ῥάμνον ἑλίσσοις ### book 315.1.2 πάντοθεν ἢ σκολιῆς ἄγρια κῶλα βάτου, ### book 315.1.3 ὡς ἐπ’ ἐμοὶ μηδ’ ὄρνις ἐν εἴαρι κοῦφον ἐρείδοι ### book 315.1.4 ἴχνος, ἐρημάζω δ’ ἥσυχα κεκλιμένος. ### book 315.5.1 ἦ γὰρ ὁ μισάνθρωπος, ὁ μηδ’ ἀστοῖσι φιληθεὶς ### book 315.5.2 Τίμων οὐδ’ Ἀίδῃ γνήσιός εἰμι νέκυς. ### book 316.1.1 Τὴν ἐπ’ ἐμεῦ στήλην παραμείβεο μήτε με χαίρειν ### book 316.1.2 εἰπὼν μήθ’ ὅστις, μὴ τίνος ἐξετάσας· ### book 316.1.3 ἢ μή, τὴν ἀνύεις, τελέσαις ὁδόν. ἢν δὲ παρέλθῃς ### book 316.1.4 σιγῇ, μηδ’ οὕτως, ἣν ἀνύεις, τελέσαις. ### book 317.1.1 Τίμων (οὐ γὰρ ἔτ’ ἐσσί), τί τοι, σκότος ἢ φάος, ἐχθρόν; — ### book 317.1.2 „Τὸ σκότος· ὑμέων γὰρ πλείονες εἰν Ἀίδῃ.“ ### book 318.1.1 Μὴ χαίρειν εἴπῃς με, κακὸν κέαρ, ἀλλὰ πάρελθε· ### book 318.1.2 ἶσον ἐμοὶ χαίρειν ἐστὶ τὸ μὴ σὲ πελᾶν. ### book 319 Καὶ νέκυς ὢν Τίμων ἄγριος· σὺ δέ γ’, ὦ πυλαωρὲ ### book 319 Πλούτωνος, τάρβει, Κέρβερε, μή σε δάκῃ. ### book 320.1.1 Ὀξεῖαι πάντῃ περὶ τὸν τάφον εἰσὶν ἄκανθαι ### book 320.1.2 καὶ σκόλοπες· βλάψεις τοὺς πόδας, ἢν προσίῃς· ### book 320.1.3 Τίμων μισάνθρωπος ἐνοικέω. ἀλλὰ πάρελθε ### book 320.1.4 οἰμώζειν εἴπας πολλά, πάρελθε μόνον. ### book 321.1.1 Γαῖα φίλη, τὸν πρέσβυν Ἀμύντιχον ἔνθεο κόλποις, ### book 321.1.2 πολλῶν μνησαμένη τῶν ἐπὶ σοὶ καμάτων. ### book 321.1.3 καὶ γὰρ ἀεὶ πρέμνον σοι ἀνεστήριξεν ἐλαίης, ### book 321.1.4 πολλάκι καὶ Βρομίου κλήμασί ς’ ἠγλάισεν ### book 321.5.1 καὶ Δηοῦς ἔπλησε, καὶ ὕδατος αὔλακας ἕλκων ### book 321.5.2 θῆκε μὲν εὐλάχανον, θῆκε δ’ ὀπωροφόρον. ### book 321.5.3 ἀνθ’ ὧν σὺ πρηεῖα κατὰ κροτάφου πολιοῖο ### book 321.5.4 κεῖσο καὶ εἰαρινὰς ἀνθοκόμει βοτάνας. ### book 322.1.1 Κνωσίου Ἰδομενῆος ὅρα τάφον· αὐτὰρ ἐγώ τοι ### book 322.1.2 πλησίον ἵδρυμαι Μηριόνης ὁ Μόλου. ### book 323.1 Εἷς δύ’ ἀδελφειοὺς ἐπέχει τάφος· ἓν γὰρ ἐπέσχον ### book 323 ἦμαρ καὶ γενεῆς οἱ δύο καὶ θανάτου. ### book 324.1 Ἅδ’ ἐγὼ ἁ περίβωτος ὑπὸ πλακὶ τῇδε τέθαμμαι, ### book 324.2 μούνῳ ἑνὶ ζώναν ἀνέρι λυσαμένα. ### book 325.1 Τόσς’ ἔχω, ὅσς’ ἔφαγον τε καὶ ἔκπιον καὶ μετ’ ἐρώτων ### book 325.2 τέρπν’ ἐδάην· τὰ δὲ πολλὰ καὶ ὄλβια πάντα λέλειπται. ### book 326.1.1 Ταῦτ’ ἔχω, ὅσς’ ἔμαθον καὶ ἐφρόντισα καὶ μετὰ Μουσῶν ### book 326.1.2 σέμν’ ἐδάην· τὰ δὲ πολλὰ καὶ ὄλβια τῦφος ἔμαρψεν. ### book 327.1 Μὴ σύ γε θνητὸς ἐὼν ὡς ἀθάνατός τι λογίζου· ### book 327.2 οὐδὲν γὰρ βιότου πιστὸν ἐφημερίοις, ### book 327.3 εἰ καὶ τόνδε Κάσανδρον ἔχει σορὸς ἥδε θανόντα, ### book 327 ἄνθρωπον φύσεως ἄξιον ἀθανάτου. ### book 328.1 Τίς λίθος οὐκ ἐδάκρυσε σέθεν φθιμένοιο, Κάσανδρε; ### book 328.2 τίς πέτρος, ὃς τῆς σῆς λήσεται ἀγλαΐης; ### book 328.3 ἀλλά σε νηλειὴς καὶ βάσκανος ὤλεσε δαίμων ### book 328.4 ἡλικίην ὀλίγην εἴκοσιν ἓξ ἐτέων, ### book 328.5.1 ὃς χήρην ἄλοχον θῆκεν μογερούς τε τοκῆας ### book 328.5.2 γηραλέους στυγερῷ πένθεϊ τειρομένους. ### book 329.1.1 Μυρτάδα τὴν ἱεραῖς με Διωνύσου παρὰ ληνοῖς ### book 329.1.2 ἄφθονον ἀκρήτου σπασσαμένην κύλικα ### book 329.1.3 οὐ κεύθει φθιμένην βαιὴ κόνις· ἀλλὰ πίθος μοι, ### book 329.1.4 σύμβολον εὐφροσύνης, τερπνὸς ἔπεστι τάφος. ### book 330.1 Τὴν σορόν, ἣν ἐσορᾷς, ζῶν Μάξιμος αὐτὸς ἑαυτῷ ### book 330.2 θῆκεν, ὅπως ναίῃ παυσάμενος βιότου· ### book 330.3 σύν τε γυναικὶ Καληποδίῃ τεῦξεν τόδε σῆμα, ### book 330.4 ὡς ἵνα τὴν στοργὴν κἠν φθιμένοισιν ἔχοι. ### book 331.1 Τύμβον ἐμοὶ τοῦτον γαμέτης δωρήσατο Φροῦρις, ### book 331.2 ἄξιον ἡμετέρης εὐσεβίης στέφανον. ### book 331.3 λείπω δ’ ἐν θαλάμοις γαμέτου χορὸν εὐκλέα παίδων, ### book 331.4 πιστὸν ἐμοῦ βιότου μάρτυρα σωφροσύνης. ### book 331.5 μουνόγαμος θνῄσκω, δέκα δ’ ἐν ζωοῖσιν ἔτι ζῶ ### book 331 Νυμφικὴ εὐτεκνίης καρπὸν ἀειραμένη. ### book 332.1 Αἰνόμορον βάκχη με κατέκτανε θηροτρόφον πρὶν ### book 332.2 οὐ κρίσει ἐν σταδίοις, γυμνασίαις δὲ κλυταῖς. ### book 333.1 Μηδὲ καταχθονίοις μετὰ δαίμοσιν ἄμμορος εἴης ### book 333.2 ἡμετέρων δώρων, ὧν ς’ ἐπέοικε τυχεῖν, ### book 333.3 Ἀμμία, οὕνεκα Νικόμαχος θυγάτηρ τε Διώνη ### book 333.4 τύμβον καὶ στήλην σὴν ἐθέμεσθα χάριν. ### book 334.1 Νηλεὲς ὦ δαῖμον, τί δέ μοι καὶ φέγγος ἔδειξας ### book 334.2 εἰς ὀλίγων ἐτέων μέτρα μινυνθάδια; ### book 334.3 ἢ ἵνα λυπήσῃς δι’ ἐμὴν βιότοιο τελευτὴν ### book 334.4 μητέρα δειλαίην δάκρυσι καὶ στοναχαῖς, ### book 334.5.1 ἥ μ’ ἔτεχ’, ἥ μ’ ἀτίτηλε καὶ ἣ πολὺ μείζονα πατρὸς ### book 334.5.2 φροντίδα παιδείης ἤνυσεν ἡμετέρης; ### book 334.5.3 ὃς μὲν γὰρ τυτθόν τε καὶ ὀρφανὸν ἐν μεγάροισι ### book 334.5.4 κάλλιπεν, ἡ δ’ ἐπ’ ἐμοὶ πάντας ἔτλη καμάτους. ### book 334.5.5 ἦ μὲν ἐμοὶ φίλον ἦεν ἐφ’ ἁγνῶν ἡγεμονήων ### book 334.10.1 ἐμπρεπέμεν μύθοις ἀμφὶ δικασπολίαις· ### book 334.10.2 ἀλλά μοι οὐ γενύων ὑπεδέξατο κούριμον ἄνθος ### book 334.10.3 ἡλικίης ἐρατῆς, οὐ γάμον, οὐ δαΐδας· ### book 334.10.4 οὐχ ὑμέναιον ἄεισε περικλυτόν, οὐ τέκος εἶδε ### book 334 δυσπότμου, ἐκ γενεῆς λείψανον ἡμετέρης ### book 334.15.1 τῆς πολυθρηνήτου· λυπεῖ δέ με καὶ τεθνεῶτα ### book 334.15.2 μητρὸς Πωλίττης πένθος ἀεξόμενον ### book 334.15.3 Φρόντωνος γοεραῖς ἐπὶ φροντίσιν, ἣ τέκε παῖδα ### book 334.15.4 ὠκύμορον, κενεὸν χάρμα φίλης πατρίδος. ### book 335.1 Πώλιττα, τλῆθι πένθος, εὔνασον δάκρυ· ### book 335.2 πολλαὶ θανόντας εἶδον υἱεῖς μητέρες. — ### book 335.3 „Ἀλλ’ οὐ τοιούτους τὸν τρόπον καὶ τὸν βίον, ### book 335.4 οὐ μητέρων σέβοντας ἡδίστην θέαν.“ — ### book 335.5.1 Τί περισσὰ θρηνεῖς; τί δὲ μάτην ὀδύρεαι; ### book 335.5.2 εἰς κοινὸν Ἅιδην πάντες ἥξουσι βροτοί. ### book 336.1 Γήραϊ καὶ πενίῃ τετρυμένος, οὐδ’ ὀρέγοντος ### book 336.2 οὐδενὸς ἀνθρώπου δυστυχίης ἔρανον, ### book 336.3 τοῖς τρομεροῖς κώλοισιν ὑπήλυθον ἠρέμα τύμβον. ### book 336.4 εὗρον οἰζυροῦ τέρμα μόλις βιότου, ### book 336.5 ἠλλάχθη δ’ ἐπ’ ἐμοὶ νεκύων νόμος· οὐ γὰρ ἔθνῃσκον ### book 336 πρῶτον, ἔπειτ’ ἐτάφην, ἀλλὰ ταφεὶς ἔθανον. ### book 337.1 Μή με θοῶς, κύδιστε, παρέρχεο τύμβον, ὁδῖτα, ### book 337.2 σοῖσιν ἀκοιμήτοις ποσσί, κελευθοπόρε· ### book 337.3 δερκόμενος δ’ ἐρέεινε, τίς ἢ πόθεν; Ἁρμονίαν γὰρ ### book 337.4 γνώσεαι, ἧς γενεὴ λάμπεται ἐν Μεγάροις· ### book 337.5.1 πάντα γάρ, ὅσσα βροτοῖσι φέρει κλέος, ἦεν ἰδέσθαι, ### book 337.5.2 εὐγενίην, ἀρετήν, ἤθεα, σωφροσύνην. ### book 337.5.3 τοίης τύμβον ἄθρησον· ἐς οὐρανίας γὰρ ἀταρποὺς ### book 337.5.4 ψυχὴ παπταίνει σῶμ’ ἀποδυσαμένη. ### book 338.1.1 Ἅδε τοι, Ἀρχίου υἱὲ Περίκλεες, ἁ λιθίνα ’γὼ ### book 338.1.2 ἕστακα στάλα μνᾶμα κυναγεσίας, ### book 338.1.3 πάντα δέ τοι περίσαμα τετεύχαται, ἵπποι, ἄκοντες, ### book 338.1.4 αἱ κύνες, αἱ στάλικες, δίκτυ’ ὑπὲρ σταλίκων, ### book 338.5.1 αἰαῖ, λάινα πάντα· περιτροχάουσι δὲ θῆρες· ### book 338.5.2 αὐτὸς δ’ εἰκοσέτας νήγρετον ὕπνον ἔχεις. ### book 339.1 Οὐδὲν ἁμαρτήσας γενόμην παρὰ τῶν με τεκόντων, ### book 339.2 γεννηθεὶς δ’ ὁ τάλας ἔρχομαι εἰς Ἀίδην. ### book 339.3 ὦ μίξις γονέων θανατηφόρος· ὤ μοι ἀνάγκης, ### book 339.4 ἥ με προσπελάσει τῷ στυγερῷ θανάτῳ. ### book 339.5.1 οὐδὲν ἐὼν γενόμην· πάλιν ἔσσομαι, ὡς πάρος, οὐδέν· ### book 339.5.2 οὐδὲν καὶ μηδὲν τῶν μερόπων τὸ γένος· ### book 339.5.3 λοιπόν μοι τὸ κύπελλον ἀποστίλβωσον, ἑταῖρε, ### book 339 καὶ λύπης λήθην τὸν Βρόμιον πάρεχε. ### book 340.1 Νικόπολιν Μαράθωνις ἐθήκατο τῇδ’ ἐνὶ πέτρῃ, ### book 340.2 ὀμβρήσας δακρύοις λάρνακα μαρμαρέην. ### book 340.3 ἀλλ’ οὐδὲν πλέον ἔσχε. τί γὰρ πλέον ἀνέρι κήδευς ### book 340.4 μούνῳ ὑπὲρ γαίης οἰχομένης ἀλόχου; ### book 341.1.1 Πρόκλος ἐγὼ γενόμην Λύκιος γένος, ὃν Συριανὸς ### book 341.1.2 ἐνθάδ’ ἀμοιβὸν ἑῆς θρέψε διδασκαλίης. ### book 341.1.3 ξυνὸς δ’ ἀμφοτέρων ὅδε σώματα δέξατο τύμβος· ### book 341.1.4 αἴθε δὲ καὶ ψυχὰς χῶρος ἕεις λελάχοι. ### book 342.1 Κάτθανον, ἀλλὰ μένω σε· μενεῖς δέ τε καὶ σύ τιν’ ἄλλον· ### book 342.2 πάντας ὁμῶς θνητοὺς εἷς Ἀίδης δέχεται. ### book 343.1 Πατέριον λιγύμυθον, ἐπήρατον ἔλλαχε τύμβος, ### book 343.2 Μιλτιάδου φίλον υἷα καὶ Ἀττικίης βαρυτλήτου, ### book 343.3 Κεκροπίης βλάστημα, κλυτὸν γένος Αἰακιδάων, ### book 343.4 ἔμπλεον Αὐσονίων θεσμῶν σοφίης τ’ ἀναπάσης, ### book 343.5.1 τῶν πισύρων ἀρετῶν ἀμαρύγματα πάντα φέροντα, ### book 343.5.2 ἠίθεον χαρίεντα, τὸν ἥρπασε μόρσιμος αἶσα, ### book 343.5.3 οἷά τε ἀγλαόμορφον ἀπὸ χθονὸς ἔρνος ἀήτης, ### book 343.5.4 εἴκοσι καὶ τέτρατον βιότου λυκάβαντα περῶντα· ### book 343 λεῖψε φίλοις δὲ τοκεῦσι γόον καὶ πένθος ἄλαστον. ### book 344.1.1 Θηρῶν μὲν κάρτιστος ἐγώ, θνατῶν δ’ ὃν ἐγὼ νῦν ### book 344.1.2 φρουρῶ τῷδε τάφῳ λαΐνῳ ἐμβεβαώς. ### book 344b.1.1 Ἀλλ’ εἰ μὴ θυμόν γε Λέων ἐμὸν οὔνομά τ’ εἶχεν, ### book 344b.1.2 οὐκ ἂν ἐγὼ τύμβῳ τῷδ’ ἐπέθηκα πόδας. ### book 345.1.1 Ἐγὼ Φιλαινὶς ἡ ’πίβωτος ἀνθρώποις ### book 345.1.2 ἐνταῦθα γήρᾳ τῷ μακρῷ κεκοίμημαι. ### book 345.1.3 μή μ’, ὦ μάταιε ναῦτα, τὴν ἄκραν κάμπτων ### book 345.1.4 χλεύην τε ποιεῦ καὶ γέλωτα καὶ λάσθην. ### book 345.5.1 οὐ γάρ, μὰ τὸν Ζῆν’, οὐ μὰ τοὺς κάτω κούρους, ### book 345.5.2 οὐκ ἦν ἐς ἄνδρας μάχλος οὐδὲ δημώδης· ### book 345.5.3 Πολυκράτης δὲ τὴν γενὴν Ἀθηναῖος, ### book 345.5.4 λόγων τι παιπάλημα καὶ κακὴ γλῶσσα, ### book 345 ἔγραψεν, οἷ’ ἔγραψ’· ἐγὼ γὰρ οὐκ οἶδα. ### book 346.1 Τοῦτό τοι ἡμετέρης μνημήιον, ἐσθλὲ Σαβῖνε, ### book 346.2 ἡ λίθος ἡ μικρὴ τῆς μεγάλης φιλίης. ### book 346.3 αἰεὶ ζητήσω σε· σὺ δ’, εἰ θέμις, ἐν φθιμένοισι ### book 346.4 τοῦ Λήθης ἐπ’ ἐμοὶ μή τι πίῃς ὕδατος. ### book 347.1 Οὗτος Ἀδειμάντου κείνου τάφος, οὗ διὰ βουλὰς ### book 347.2 Ἑλλὰς ἐλευθερίης ἀμφέθετο στέφανον. ### book 348.1.1 Πολλὰ πιὼν καὶ πολλὰ φαγὼν καὶ πολλὰ κάκ’ εἰπὼν ### book 348.1.2 ἀνθρώπους κεῖμαι Τιμοκρέων Ῥόδιος. ### book 349.1.1 Βαιὰ φαγὼν καὶ βαιὰ πιὼν καὶ πολλὰ νοσήσας ### book 349.1.2 ὀψὲ μέν, ἀλλ’ ἔθανον. ἔρρετε πάντες ὁμοῦ. ### book 350 Ναυτίλε, μὴ πεύθου, τίνος ἐνθάδε τύμβος ὅδ’ εἰμί, ### book 350 ἀλλ’ αὐτὸς πόντου τύγχανε χρηστοτέρου. ### book 351.1.1 Οὐ μὰ τόδε φθιμένων σέβας ὅρκιον, αἵδε Λυκάμβεω, ### book 351.1.2 αἳ λάχομεν στυγερὴν κλῃδόνα, θυγατέρες, ### book 351.1.3 οὔτε τι παρθενίην ᾐσχύναμεν οὔτε τοκῆας ### book 351.1.4 οὔτε Πάρον, νήσων αἰπυτάτην ἱερῶν· ### book 351.5.1 ἀλλὰ καθ’ ἡμετέρης γενεῆς ῥιγηλὸν ὄνειδος ### book 351.5.2 φήμην τε στυγερὴν ἔφλυσεν Ἀρχίλοχος. ### book 351.5.3 Ἀρχίλοχον, μὰ θεοὺς καὶ δαίμονας, οὔτ’ ἐν ἀγυιαῖς ### book 351.5.4 εἴδομεν οὔθ’ Ἥρης ἐν μεγάλῳ τεμένει. ### book 351.5.5 εἰ δ’ ἦμεν μάχλοι καὶ ἀτάσθαλοι, οὐκ ἂν ἐκεῖνος ### book 351.10 ἤθελεν ἐξ ἡμέων γνήσια τέκνα τεκεῖν. ### book 352.1.1 Δεξιτερὴν Ἀίδαο θεοῦ χέρα καὶ τὰ κελαινὰ ### book 352.1.2 ὄμνυμεν ἀρρήτου δέμνια Περσεφόνης, ### book 352.1.3 παρθένοι ὡς ἔτυμον καὶ ὑπὸ χθονί· πολλὰ δ’ ὁ πικρὸς ### book 352.1.4 αἰσχρὰ καθ’ ἡμετέρης ἔβλυσε παρθενίης ### book 352.5.1 Ἀρχίλοχος· ἐπέων δὲ καλὴν φάτιν οὐκ ἐπὶ καλὰ ### book 352.5.2 ἔργα, γυναικεῖον δ’ ἔτραπεν ἐς πόλεμον. ### book 352.5.3 Πιερίδες, τί κόρῃσιν ἐφ’ ὑβριστῆρας ἰάμβους ### book 352.5.4 ἐτράπετ’, οὐχ ὁσίῳ φωτὶ χαριζόμεναι; ### book 353.1.1 Τῆς πολιῆς τόδε σῆμα Μαρωνίδος, ἧς ἐπὶ τύμβῳ ### book 353.1.2 γλυπτὴν ἐκ πέτρης αὐτὸς ὁρῇς κύλικα. ### book 353.1.3 ἡ δὲ φιλάκρητος καὶ ἀείλαλος οὐκ ἐπὶ τέκνοις ### book 353.1.4 μύρεται, οὐ τεκέων ἀκτεάνῳ πατέρι· ### book 353.5 ἓν δὲ τόδ’ αἰάζει καὶ ὑπ’ ἠρίον, ὅττι τὸ Βάκχου ### book 353 ἄρμενον οὐ Βάκχου πλῆρες ἔπεστι τάφῳ. ### book 354.1.1 Παίδων Μηδείης οὗτος τάφος, οὓς ὁ πυρίπνους ### book 354.1.2 ζᾶλος τῶν Γλαύκης θῦμ’ ἐποίησε γάμων, ### book 354.1.3 οἷς αἰεὶ πέμπει μειλίγματα Σισυφὶς αἶα, ### book 354.1.4 μητρὸς ἀμείλικτον θυμὸν ἱλασκομένα. ### book 355.1.1 Τὴν ἱλαρὰν φωνὴν καὶ τίμιον, ὦ παριόντες, ### book 355.1.2 τῷ χρηστῷ „χαίρειν“ εἴπατε Πραξιτέλει· ### book 355.1.3 ἦν δ’ ὡνὴρ Μουσῶν ἱκανὴ μερὶς ἠδὲ παρ’ οἴνῳ ### book 355.1.4 κρήγυος. —„Ὦ χαίροις, Ἄνδριε Πραξίτελες.“ ### book 356.1 Ζωὴν συλήσας δωρῇ τάφον· ἀλλά με κρύπτεις, ### book 356.2 οὐ θάπτεις. τοίου καὐτὸς ὄναιο τάφου. ### book 357.1 Κἄν με κατακρύπτῃς ὡς οὐδενὸς ἀνδρὸς ὁρῶντος, ### book 357.2 ὄμμα Δίκης καθορᾷ πάντα τὰ γινόμενα. ### book 358 Ἔκτανες, εἶτά μ’ ἔθαπτες, ἀτάσθαλε, χερσὶν ἐκείναις, ### book 358 αἷς με διεχρήσω· μή σε λάθοι Νέμεσις. ### book 359.1 Εἴ με νέκυν κατέθαπτες ἰδὼν οἰκτίρμονι θυμῷ, ### book 359.2 εἶχες ἂν ἐκ μακάρων μισθὸν ἐπ’ εὐσεβίῃ· ### book 359.3 νῦν δ’ ὅτε δὴ τύμβῳ με κατακρύπτεις ὁ φονεύσας, ### book 359.4 τῶν αὐτῶν μετέχοις, ὧνπερ ἐμοὶ παρέχεις. ### book 360.1 Χερσὶ κατακτείνας τάφον ἔκτισας, οὐχ ἵνα θάψῃς, ### book 360.2 ἀλλ’ ἵνα με κρύψῃς· ταὐτὸ δὲ καὶ σὺ πάθοις. ### book 361.1.1 Υἷι πατὴρ τόδε σῆμα· τὸ δ’ ἔμπαλιν ἦν τὸ δίκαιον· ### book 361.1.2 ἦν δὲ δικαιοσύνης ὁ φθόνος ὀξύτερος. ### book 362.1.1 Ἐνθάδε τὴν ἱερὴν κεφαλὴν σορὸς ἥδε κέκευθεν ### book 362.1.2 Ἀετίου χρηστοῦ, ῥήτορος εὐπρεπέος. ### book 362.1.3 ἦλθεν δ’ εἰς Ἀίδαο δέμας, ψυχὴ δ’ ἐς Ὄλυμπον· ### book 362.1.4 [τέρπεθ’ ἅμα Ζηνὶ καὶ ἄλλοισιν μακάρεσσιν.] ### book 362.5 . . . . . . . . . . . . . . . . . . . ἀθάνατον δὲ ### book 362 οὔτε λόγος ποιεῖν οὔτε θεὸς δύναται. ### book 363.1.1 † Τετμενάνης ὅδε τύμβος ἐυγλύπτοιο μετάλλου ### book 363.1.2 ἥρωος μεγάλου νέκυος κατὰ σῶμα καλύπτει, ### book 363.1.3 Ζηνοδότου· ψυχὴ δὲ κατ’ οὐρανόν, ᾗχί περ Ὀρφεύς, ### book 363.1.4 ᾗχι Πλάτων, ἱερὸν θεοδέγμονα θῶκον ἐφεῦρεν. ### book 363.5.1 ἱππεὺς μὲν γὰρ ἔην βασιλήιος ἄλκιμος οὗτος, ### book 363.5.2 κύδιμος, ἀρτιεπής, θεοείκελος· ἐν δ’ ἄρα μύθοις ### book 363.5.3 Σωκράτεος μίμημα παρ’ Αὐσονίοισιν ἐτύχθη. ### book 363.5.4 παισὶ δὲ καλλείψας πατρώιον αἴσιον ὄλβον, ### book 363.5.5 ὠμογέρων τέθνηκε, λιπὼν ἀπερείσιον ἄλγος ### book 363.10 εὐγενέεσσι φίλοισι καὶ ἄστεϊ καὶ πολιήταις. ### book 364.1.1 Ἀκρίδι καὶ τέττιγι Μυρὼ τόδε θήκατο σῆμα, ### book 364.1.2 λιτὴν ἀμφοτέροις χερσὶ βαλοῦσα κόνιν, ### book 364.1.3 ἵμερα δακρύσασα πυρῆς ἔπι· τὸν γὰρ ἀοιδὸν ### book 364.1.4 Ἅιδης, τὴν δ’ ἑτέρην ἥρπασε Περσεφόνη. ### book 365.1.1 Ἀίδῃ ὃς ταύτης καλαμώδεος ὕδατι λίμνης ### book 365.1.2 κωπεύεις νεκύων βᾶριν ἐλαυνόδυνον, ### book 365.1.3 τῷ Κινύρου τὴν χεῖρα βατηρίδος ἐκβαίνοντι ### book 365.1.4 κλίμακος ἐκτείνας δέξο, κελαινὲ Χάρον· ### book 365.5 πλάζει γὰρ τὸν παῖδα τὰ σάνδαλα, γυμνὰ δὲ θεῖναι ### book 365 ἴχνια δειμαίνει ψάμμον ἐπ’ ᾐονίην. ### book 366.1.1 Ἀώου προχοαὶ σέ, Μενέστρατε, καὶ σέ, Μένανδρε, ### book 366.1.2 λαῖλαψ Καρπαθίη καὶ σὲ πόρος Σικελὸς ### book 366.1.3 ὤλεσεν ἐν πόντῳ, Διονύσιε, —φεῦ πόσον ἄλγος ### book 366.1.4 Ἑλλάδι—τοὺς πάντων κρέσσονας ἀθλοφόρων. ### book 367.1.1 Αὔσονος Ἠγερίου μ’ ἐλέει νέκυν, ᾧ μετιόντι ### book 367.1.2 νύμφην ὀφθαλμοὺς ἀμβλὺ κατέσχε νέφος· ### book 367.1.3 ὄμμασι δὲ πνοιὴν συναπέσβεσε μοῦνον ἰδόντος ### book 367.1.4 κούρην· φεῦ καινῆς, Ἥλιε, θευμορίης. ### book 367.5.1 ἔρροι δὴ κεῖνο φθονερὸν σέλας εἴθ’ Ὑμέναιος ### book 367.5.2 ἧψέ μιν οὐκ ἐθέλων, εἴτ’ Ἀίδης ἐθέλων· ### book 368.1.1 Ἀτθὶς ἐγώ· κείνη γὰρ ἐμὴ πόλις, ἐκ δέ μ’ Ἀθηνῶν ### book 368.1.2 λοιγὸς Ἄρης Ἰταλῶν πρίν ποτ’ ἐληίσατο ### book 368.1.3 καὶ θέτο Ῥωμαίων πολιήτιδα· νῦν δὲ θανούσης ### book 368.1.4 ὀστέα νησαίη Κύζικος ἠμφίασε. ### book 368.5 χαίροις ἡ θρέψασα καὶ ἡ μετέπειτα λαχοῦσα ### book 368 χθών με καὶ ἡ κόλποις ὕστατα δεξαμένη. ### book 369.1.1 Ἀντιπάτρου ῥητῆρος ἐγὼ τάφος· ἡλίκα δ’ ἔπνει ### book 369.1.2 ἔργα, Πανελλήνων πεύθεο μαρτυρίης. ### book 369.1.3 κεῖται δ’ ἀμφήριστος, Ἀθηνόθεν εἴτ’ ἀπὸ Νείλου ### book 369.1.4 ἦν γένος· ἠπείρων δ’ ἄξιος ἀμφοτέρων. ### book 369.5.1 ἄστεα καὶ δἄλλως ἑνὸς αἵματος, ὡς λόγος Ἕλλην· ### book 369.5.2 κλήρῳ δ’ ἡ μὲν ἀεὶ Παλλάδος, ἡ δὲ Διός. ### book 370.1.1 Βάκχῳ καὶ Μούσῃσι μεμηλότα, τὸν Διοπείθους ### book 370.1.2 Κεκροπίδην ὑπ’ ἐμοί, ξεῖνε, Μένανδρον ἔχω, ### book 370.1.3 ἐν πυρὶ τὴν ὀλίγην ὃς ἔχει κόνιν· εἰ δὲ Μένανδρον ### book 370.1.4 δίζηαι, δήεις ἐν Διὸς ἢ μακάρων. ### book 371.1.1 Γῆ μευ καὶ μήτηρ κικλήσκετο, γῆ με καλύπτει ### book 371.1.2 καὶ νέκυν· οὐ κείνης ἥδε χερειοτέρη. ### book 371.1.3 ἔσσομαι ἐν ταύτῃ δηρὸν χρόνον· ἐκ δέ με μητρὸς ### book 371.1.4 ἥρπασεν ἠελίου καῦμα τὸ θερμότατον. ### book 371.5.1 κεῖμαι δ’ ἐν ξείνῃ ὑπὸ χερμάδι, μακρὰ γοηθεὶς ### book 371.5.2 Ἴναχος, εὐπειθὴς Κριναγόρου θεράπων. ### book 372.1.1 Γαῖα Ταραντίνων, ἔχε μείλιχος ἀνέρος ἐσθλοῦ ### book 372.1.2 τόνδε νέκυν. ψεῦσται δαίμονες ἁμερίων· ### book 372.1.3 ἦ γὰρ ἰὼν Θήβηθεν Ἀτύμνιος οὐκέτι πρόσσω ### book 372.1.4 ἤνυσεν, ἀλλὰ τεὴν βῶλον ὑπῳκίσατο· ### book 372.5 ὀρφανικῷ δ’ ἐπὶ παιδὶ λιπὼν βίον εὖνιν ἔθηκεν ### book 372 ὀφθαλμῶν. κείνῳ μὴ βαρὺς ἔσσο τάφος. ### book 373.1.1 Δισσὰ φάη, Μίλητε, τεῆς βλαστήματα γαίης, ### book 373.1.2 Ἰταλὶς ὠκυμόρους ἀμφεκάλυψε κόνις, ### book 373.1.3 πένθεα δὲ στεφάνων ἠλλάξαο· λείψανα δ’, αἰαῖ, ### book 373.1.4 ἔδρακες ἐν βαιῇ κάλπιδι κευθόμενα. ### book 373.5.1 φεῦ, πάτρα τριτάλαινα. πόθεν πάλιν ἢ πότε τοίους ### book 373.5.2 ἀστέρας αὐχήσεις Ἑλλάδι λαμπομένους; ### book 374.1.1 Δύσμορος ἐκρύφθην πόντῳ νέκυς, ὃν παρὰ κῦμα ### book 374.1.2 ἔκλαυσεν μήτηρ μυρία Λυσιδίκη, ### book 374.1.3 ψεύστην αὐγάζουσα κενὸν τάφον· ἀλλά με δαίμων ### book 374.1.4 ἄπνουν αἰθυίαις θῆκεν ὁμορρόθιον ### book 374.5.1 Πνυταγόρην. ἔσχον δὲ κατ’ Αἰγαίην ἅλα πότμον, ### book 374.5.2 πρυμνούχους στέλλων ἐκ Βορέαο κάλους· ### book 374.5.3 ἀλλ’ οὐδ’ ὣς ναύτην ἔλιπον δρόμον, ἀλλ’ ἀπὸ νηὸς ### book 374.5.4 ἄλλην πὰρ φθιμένοις εἰσανέβην ἄκατον. ### book 375.1.1 Δώματά μοι σεισθέντα κατήριπεν, ἀλλ’ ἐμὸς ἀπτὼς ### book 375.1.2 ἦν θάλαμος τοίχων ὀρθὰ τιναξαμένων, ### book 375.1.3 οἷς ὑποφωλεύουσαν ὑπήλυθον αἱ κακόμοιροι ### book 375.1.4 ὠδῖνες, σεισμῷ δ’ ἄλλον ἔμιξα φόβον. ### book 375.5 μαῖα δέ μοι λοχίων αὐτὴ φύσις· ἀμφότεροι δὲ ### book 375 κοινὸν ὑπὲρ γαίης εἴδομεν ἠέλιον. ### book 376.1.1 Δείλαιοι, τί κεναῖσιν ἀλώμεθα θαρσήσαντες ### book 376.1.2 ἐλπίσιν, ἀτηροῦ ληθόμενοι θανάτου; ### book 376.1.3 ἦν ὅδε καὶ μύθοισι καὶ ἤθεσι πάντα Σέλευκος ### book 376.1.4 ἄρτιος, ἀλλ’ ἥβης βαιὸν ἐπαυρόμενος ### book 376.5.1 ὑστατίοις ἐν Ἴβηρσι, τόσον δίχα τηλόθι Λέσβου ### book 376.5.2 κεῖται ἀμετρήτων ξεῖνος ἐπ’ αἰγιαλῶν. ### book 377.1.1 Εἰ καὶ ὑπὸ χθονὶ κεῖται, ὅμως ἔτι καὶ κατὰ πίσσαν ### book 377.1.2 τοῦ μιαρογλώσσου χεύατε Παρθενίου, ### book 377.1.3 οὕνεκα Πιερίδεσσιν ἐνήμεσε μυρία κεῖνα ### book 377.1.4 φλέγματα καὶ μυσαρῶν ἀπλυσίην ἐλέγων. ### book 377.5.1 ἤλασε καὶ μανίης ἐπὶ δὴ τόσον, ὥστ’ ἀγορεῦσαι ### book 377.5.2 πηλὸν Ὀδυσσείην καὶ πάτον Ἰλιάδα. ### book 377.5.3 τοιγὰρ ὑπὸ ζοφίαισιν Ἐρινύσιν ἀμμέσον ἧπται ### book 377.5.4 Κωκυτοῦ κλοιῷ λαιμὸν ἀπαγχόμενος. ### book 378.1.1 Ἔφθανεν Ἡλιόδωρος, ἐφέσπετο δ’, οὐδ’ ὅσον ὥρῃ ### book 378.1.2 ὕστερον, ἀνδρὶ φίλῳ Διογένεια δάμαρ. ### book 378.1.3 ἄμφω δ’, ὡς συνέναιον, ὑπὸ πλακὶ τυμβεύονται, ### book 378 ξυνὸν ἀγαλλόμενοι καὶ τάφον ὡς θάλαμον. ### book 379.1.1 Εἰπέ, Δικαιάρχεια, τί σοι τόσον εἰς ἅλα χῶμα ### book 379.1.2 βέβληται μέσσου γευόμενον πελάγους; ### book 379.1.3 Κυκλώπων τάδε χεῖρες ἐνιδρύσαντο θαλάσσῃ ### book 379.1.4 τείχεα· μέχρι πόσου, Γαῖα, βιαζόμεθα; — ### book 379.5.1 „Κόσμου νηίτην δέχομαι στόλον· εἴσιδε Ῥώμην ### book 379.5.2 ἐγγύθεν, εἰ ταύτης μέτρον ἔχω λιμένα.“ ### book 380.1.1 Εἰ καὶ τὸ σῆμα λυγδίνης ἀπὸ πλακὸς ### book 380.1.2 καὶ ξεστὸν ὀρθῇ λαοτέκτονος στάθμῃ, ### book 380.1.3 οὐκ ἀνδρὸς ἐσθλοῦ. μὴ λίθῳ τεκμαίρεο, ### book 380.1.4 ὦ λῷστε, τὸν θανόντα. κωφὸν ἡ λίθος, ### book 380.5.1 τῇ καὶ ζοφώδης ἀμφιέννυται νέκυς. ### book 380.5.2 κεῖται δὲ τῇδε τὠλιγηπελὲς ῥάκος ### book 380.5.3 Εὐνικίδαο, σήπεται δ’ ὑπὸ σποδῷ. ### book 381.1.1 Ἡ μία καὶ βιότοιο καὶ Ἄϊδος ἤγαγεν εἴσω ### book 381.1.2 ναῦς Ἱεροκλείδην, κοινὰ λαχοῦσα τέλη. ### book 381.1.3 ἔτρεφεν ἰχθυβολεῦντα, κατέφλεγε τεθνηῶτα, ### book 381.1.4 σύμπλοος εἰς ἄγρην, σύμπλοος εἰς Ἀίδην. ### book 381.5 ὄλβιος ὁ γριπεύς· ἰδίῃ καὶ πόντον ἐπέπλει ### book 381 νηὶ καὶ ἐξ ἰδίης ἔδραμεν εἰς Ἀίδην. ### book 382.1.1 Ἠπείρῳ μ’ ἀποδοῦσα νέκυν, τρηχεῖα θάλασσα, ### book 382.1.2 σύρεις καὶ τέφρης λοιπὸν ἔτι σκύβαλον. ### book 382.1.3 κἠν Ἀίδῃ ναυηγὸς ἐγὼ μόνος οὐδ’ ἐπὶ χέρσου ### book 382.1.4 εἰρήνην ἕξω φρικαλέης σπιλάδος. ### book 382.5.1 ἢ τύμβευέ μ’ ἑλοῦσα καθ’ ὕδατος ἢ παραδοῦσα ### book 382.5.2 γαίῃ τὸν κείνης μηκέτι κλέπτε νέκυν. ### book 383.1.1 Ἠιόνιον τόδε σῶμα βροτοῦ παντλήμονος ἄθρει ### book 383.1.2 σπαρτόν, ἁλιρραγέων ἐκχύμενον σκοπέλων· ### book 383.1.3 τῇ μὲν ἐρημοκόμης κεῖται καὶ χῆρος ὀδόντων ### book 383.1.4 κόρση, τῇ δὲ χερῶν πενταφυεῖς ὄνυχες ### book 383.5.1 πλευρά τε σαρκολιπῆ, ταρσοὶ δ’ ἑτέρωθεν ἄμοιροι ### book 383.5.2 νεύρων καὶ κώλων ἔκλυτος ἁρμονίη. ### book 383.5.3 οὗτος ὁ πουλυμερὴς εἷς ἦν ποτε. φεῦ μακαριστοί, ### book 383.5.4 ὅσσοι ἀπ’ ὠδίνων οὐκ ἴδον ἠέλιον. ### book 384.1.1 Ἡ Βρόμιον στέρξασα πολὺ πλέον ἢ τροφὸς Ἰνώ, ### book 384.1.2 ἡ λάλος ἀμπελίνη γρῆυς Ἀριστομάχη, ### book 384.1.3 ἡνίκα τὴν ἱερὴν ὑπέδυ χθόνα πᾶν τ’ ἐμαράνθη ### book 384.1.4 πνεῦμα πάρος κυλίκων πλεῖστον ἐπαυρομένῃ, ### book 384.5.1 εἶπε ταδί· „Μινοῖ, πῆλαι, φέρε, κάλπιν ἐλαφρήν· ### book 384.5.2 οἴσω κυάνεον τοὐξ Ἀχέροντος ὕδωρ· ### book 384.5.3 καὐτὴ παρθένιον γὰρ ἀπώλεσα.“ τοῦτο δ’ ἔλεξε ### book 384 ψευδές, ἵν’ αὐγάζῃ κἠν φθιμένοισι πίθον. ### book 385.1.1 Ἥρως Πρωτεσίλαε, σὺ γὰρ πρώτην ἐμύησας ### book 385.1.2 Ἴλιον Ἑλλαδικοῦ θυμὸν ἰδεῖν δόρατος, ### book 385.1.3 καὶ περὶ σοῖς τύμβοις ὅσα δένδρεα μακρὰ τέθηλε, ### book 385.1.4 πάντα τὸν εἰς Τροίην ἐγκεκύηκε χόλον· ### book 385.5.1 Ἴλιον ἢν ἐσίδῃ γὰρ ἀπ’ ἀκρεμόνων κορυφαίων, ### book 385.5.2 καρφοῦται πετάλων κόσμον ἀναινόμενα. ### book 385.5.3 θυμὸν ἐπὶ Τροίῃ πόσον ἔζεσας, ἡνίκα τὴν σὴν ### book 385.5.4 σῴζει καὶ στελέχη μῆνιν ἐπ’ ἀντιπάλους. ### book 386.1.1 Ἥδ’ ἐγὼ ἡ τοσάκις Νιόβη λίθος, ὁσσάκι μήτηρ· ### book 386.1.2 δύσμορος, ἣ μαστῶν 〈ὑγρὸν〉 ἔπηξα γάλα, ### book 386.1.3 Ἀίδεω πολὺς ὄλβος ἐμῆς ὠδῖνος ἀριθμός, ### book 386.1.4 ἣ τέκον, ὦ, μεγάλης λείψανα πυρκαϊῆς. ### book 387.1.1 Θειονόης ἔκλαιον ἐμῆς μόρον, ἀλλ’ ἐπὶ παιδὸς ### book 387.1.2 ἐλπίσι κουφοτέρας ἔστενον εἰς ὀδύνας. ### book 387.1.3 νῦν δέ με καὶ παιδὸς φθονερὴ κατενόσφισε Μοῖρα· ### book 387.1.4 φεῦ, βρέφος, ἐψεύσθην καὶ σὲ τὸ λειπόμενον. ### book 387.5 Περσεφόνη, τόδε πατρὸς ἐπὶ θρήνοισιν ἄκουσον· ### book 387 θὲς βρέφος ἐς κόλπους μητρὸς ἀποιχομένης. ### book 388.1.1 Ἰχθύσι καὶ ποταμῷ Κλειτώνυμον ἐχθρὸς ὅμιλος ### book 388.1.2 ὦσεν, ὅτ’ εἰς ἄκρην ἦλθε τυραννοφόνος. ### book 388.1.3 ἀλλὰ Δίκα μιν ἔθαψεν· ἀποσπασθεῖσα γὰρ ὄχθη ### book 388.1.4 πᾶν δέμας ἐς κορυφὴν ἐκ ποδὸς ἐκτέρισεν· ### book 388.5.1 κεῖται δ’ οὐχ ὑδάτεσσι διάβροχος· αἰδομένα δὲ ### book 388.5.2 Γᾶ κεύθει τὸν ἑᾶς ὅρμον ἐλευθερίης. ### book 389.1.1 Καὶ τίς, ὃς οὐκ ἔτλη κακὸν ἔσχατον υἱέα κλαύσας; ### book 389.1.2 ἀλλ’ ὁ Ποσειδίππου πάντας ἔθαψε δόμος ### book 389.1.3 τέσσαρας, οὓς Ἀίδαο συνήριθμον ἥρπασεν ἦμαρ, ### book 389.1.4 τὴν πολλὴν παίδων ἐλπίδα κειραμένου. ### book 389.5.1 πατρὸς δ’ ὄμματα λυγρὰ κατομβρηθέντα γόοισιν ### book 389.5.2 ὤλετο· κοινή που νὺξ μία πάντας ἔχει. ### book 390.1.1 Κυλλήνην ὄρος Ἀρκάδων ἀκούεις· ### book 390.1.2 αὕτη σῆμ’ ἐπίκειτ’ Ἀπολλοδώρῳ. ### book 390.1.3 Πίσηθέν μιν ἰόντα νυκτὸς ὥρῃ ### book 390.1.4 ἔκτεινεν Διόθεν πεσὼν κεραυνός. ### book 390.5 τηλοῦ δ’ Αἰγανέης τε καὶ Βεροίης ### book 390 νικηθεὶς Διὸς ὁ δρομεὺς καθεύδει. ### book 391.1.1 Κλειδοῦχοι νεκύων, πάσας Ἀίδαο κελεύθους ### book 391.1.2 φράγνυτε, καὶ στομίοις κλεῖθρα δέχοισθε, πύλαι. ### book 391.1.3 αὐτὸς ἐγὼν Ἀίδας ἐνέπω· Γερμανικὸς ἄστρων, ### book 391.1.4 οὐκ ἐμός· οὐ χωρεῖ νῆα τόσην Ἀχέρων. ### book 392.1.1 Λαῖλαψ καὶ πολὺ κῦμα καὶ ἀντολαὶ Ἀρκτούροιο ### book 392.1.2 καὶ σκότος Αἰγαίου τ’ οἶδμα κακὸν πελάγευς, ### book 392.1.3 ταῦθ’ ἅμα πάντ’ ἐκύκησεν ἐμὴν νέα· τριχθὰ δὲ κλασθεὶς ### book 392.1.4 ἱστὸς ὁμοῦ φόρτῳ κἀμὲ κάλυψε βυθῷ. ### book 392.5.1 ναυηγὸν κλαίοιτε παρ’ αἰγιαλοῖσι, γονῆες, ### book 392.5.2 Τλησιμένη κωφὴν στησάμενοι λίθακα. ### book 393.1.1 Μή με κόνι κρύψητε· τί γὰρ πάλι; μηδ’ ἐπὶ ταύτης ### book 393.1.2 ᾐόνος οὐκ ὀνοτὴν γαῖαν ἐμοὶ τίθετε. ### book 393.1.3 μαίνεται εἴς με θάλασσα καὶ ἐν χέρσοισί με δειλὸν ### book 393.1.4 εὑρίσκει ῥαχίαις, οἶδέ με κἠν Ἀίδῃ. ### book 393.5 χέρσον ἐπεκβαίνειν 〈εἰ〉 ἐμεῦ χάριν ὕδατι θυμός, ### book 393 ἀρκεῖ μοι σταθερῇ μιμνέμεν ὡς ἄταφος. ### book 394.1.1 Μυλεργάτας ἀνήρ με κἠν ζωᾶς χρόνοις ### book 394.1.2 βαρυβρομήταν εἶχε δινητὸν πέτρον, ### book 394.1.3 πυρηφάτον Δάματρος εὐκάρπου λάτριν, ### book 394.1.4 καὶ κατθανὼν στάλωσε τῷδ’ ἐπ’ ἠρίῳ, ### book 394.5.1 σύνθημα τέχνας· ὣς ἔχει μ’ αἰεὶ βαρύν, ### book 394.5.2 καὶ ζῶν ἐν ἔργοις καὶ θανὼν ἐπ’ ὀστέοις. ### book 395.1.1 Οὗτος ὁ Καλλαίσχρου κενεὸς τάφος, ὃν βαθὺ χεῦμα ### book 395.1.2 ἔσφηλεν Λιβυκῶν ἐνδρομέοντα πόρων, ### book 395.1.3 συρμὸς ὅτ’ Ὠρίωνος ἀνεστρώφησε θαλάσσης ### book 395.1.4 βένθος ὑπὸ στυγερῆς οἴδματα πανδυσίης. ### book 395.5.1 καὶ τὸν μὲν δαίσαντο κυκώμενον εἰν ἁλὶ θῆρες, ### book 395.5.2 κωφὸν δὲ στήλη γράμμα λέλογχε τόδε. ### book 396.1.1 Οἰδίποδος παίδων Θήβη τάφος· ἀλλ’ ὁ πανώλης ### book 396.1.2 τύμβος ἔτι ζώντων αἰσθάνεται πολέμων. ### book 396.1.3 κείνους οὐδ’ Ἀίδης ἐδαμάσσατο κἠν Ἀχέροντι ### book 396.1.4 μάρνανται· κείνων χὠ τάφος ἀντίπαλος, ### book 396.5 καὶ πυρὶ πῦρ ἤλεγξαν ἐναντίον. ὦ ἐλεεινοὶ ### book 396 παῖδες, ἀκοιμήτων ἁψάμενοι δοράτων. ### book 397.1.1 Οὐχ ὅδε δείλαιος Σατύρου τάφος, οὐδ’ ὑπὸ ταύτῃ, ### book 397.1.2 ὡς λόγος, εὔνηται πυρκαϊῇ Σάτυρος· ### book 397.1.3 ἀλλ’ εἴ πού τινα πόντον ἀκούετε, πικρὸν ἐκεῖνον, ### book 397.1.4 τὸν πέλας αἰγονόμου κλυζόμενον Μυκάλης, ### book 397.5.1 κείνῳ δινήεντι καὶ ἀτρυγέτῳ ἔτι κεῖμαι ### book 397.5.2 ὕδατι, μαινομένῳ μεμφόμενος Βορέῃ. ### book 398.1.1 Οὐκ οἶδ’, εἰ Διόνυσον ὀνόσσομαι ἢ Διὸς ὄμβρον ### book 398.1.2 μέμψομ’· ὀλισθηροὶ δ’ εἰς πόδας ἀμφότεροι. ### book 398.1.3 ἀγρόθε γὰρ κατιόντα Πολύξενον ἔκ ποτε δαιτὸς ### book 398.1.4 τύμβος ἔχει γλίσχρων ἐξεριπόντα λόφων· ### book 398.5.1 κεῖται δ’ Αἰολίδος Σμύρνης ἑκάς. ἀλλά τις ὄρφνης ### book 398.5.2 δειμαίνοι μεθύων ἀτραπὸν ὑετίην. ### book 399.1.1 Τηλοτάτω χεύασθαι ἔδει τάφον Οἰδιπόδαο ### book 399.1.2 παισὶν ἀπ’ ἀλλήλων, οἷς πέρας οὐδ’ Ἀίδας, ### book 399.1.3 ἀλλὰ καὶ εἰς Ἀχέροντος ἕνα πλόον ἠρνήσαντο ### book 399.1.4 χὠ στυγερὸς ζώει κἠν φθιμένοισιν Ἄρης. ### book 399.5 ἠνίδε πυρκαϊῆς ἄνισον φλόγα· δαιομένα γὰρ ### book 399 ἐξ ἑνὸς εἰς δισσὰν δῆριν ἀποστρέφεται. ### book 400.1.1 Τοῦτ’ ὀστεῦν φωτὸς πολυεργέος. ἦ ῥά τις ἦσθα ### book 400.1.2 ἔμπορος ἢ τυφλοῦ κύματος ἰχθυβόλος; — ### book 400.1.3 „Ἄγγειλον θνητοῖσιν, ὅτι σπεύδοντες ἐς ἄλλας ### book 400.1.4 ἐλπίδας εἰς τοίην ἐλπίδα λυόμεθα.“ ### book 401.1.1 Τήνδ’ ὑπὸ δύσβωλον θλίβει χθόνα φωτὸς ἀλιτροῦ ### book 401.1.2 ὀστέα μισητῆς τύμβος ὑπὲρ κεφαλῆς ### book 401.1.3 στέρνα τ’ ἐποκριόεντα καὶ οὐκ εὔοδμον ὀδόντων ### book 401.1.4 πρίονα καὶ κώλων δούλιον οἰοπέδην, ### book 401.5.1 ἄτριχα καὶ κόρσην, Εὐνικίδου ἡμιπύρωτα ### book 401.5.2 λείψαν’, ἔτι χλωρῆς ἔμπλεα τηκεδόνος. ### book 401.5.3 χθὼν ὦ δυσνύμφευτε, κακοσκήνευς ἐπὶ τέφρης ### book 401.5.4 ἀνδρὸς μὴ κούφη κέκλισο μηδ’ ὀλίγη. ### book 402.1.1 Χειμερίου νιφετοῖο περὶ θριγκοῖσι τακέντος ### book 402.1.2 δῶμα πεσὸν τὴν γραῦν ἔκτανε Λυσιδίκην· ### book 402.1.3 σῆμα δέ οἱ κωμῆται ὁμώλακες οὐκ ἀπ’ ὀρυκτῆς ### book 402 γαίης, ἀλλ’ αὐτὸν πύργον ἔθεντο τάφον. ### book 403.1.1 Ψύλλος, ὁ τὰς ποθινὰς ἐπιμισθίδας αἰὲν ἑταίρας ### book 403.1.2 πέμπων ἐς τὰ νέων ἡδέα συμπόσια, ### book 403.1.3 οὗτος ὁ θηρεύων ἁπαλόφρονας ἐνθάδε κεῖται, ### book 403.1.4 αἰσχρὸν ἀπ’ ἀνθρώπων μισθὸν ἐνεγκάμενος. ### book 403.5.1 ἀλλὰ λίθους ἐπὶ τύμβον, ὁδοιπόρε, μήτε σὺ βάλλε ### book 403.5.2 μήτ’ ἄλλον πείσῃς. σῆμα λέλογχε νέκυς. ### book 403.5.3 φεῖσαι δ’, οὐχ ὅτι κέρδος ἐπῄνεσεν, ἀλλ’ ὅτι κοινὰς ### book 403.5.4 θρέψας μοιχεύειν οὐκ ἐδίδαξε νέους. ### book 404.1.1 Ψυχράν σευ κεφαλᾶς ἐπαμήσομαι αἰγιαλῖτιν ### book 404.1.2 θῖνα κατὰ κρυεροῦ χευάμενος νέκυος· ### book 404.1.3 οὐ γάρ σευ μήτηρ ἐπιτύμβια κωκύουσα ### book 404.1.4 εἶδεν ἁλίξαντον σὸν μόρον εἰνάλιον, ### book 404.5.1 ἀλλά ς’ ἐρημαῖοί τε καὶ ἄξεινοι πλαταμῶνες ### book 404.5.2 δέξαντ’ Αἰγαίης γείτονες ἠιόνος. ### book 404.5.3 ὥστ’ ἔχε μὲν ψαμάθου μόριον βραχύ, πουλὺ δὲ δάκρυ, ### book 404.5.4 ξεῖν’, ἐπεὶ εἰς ὀλοὴν ἔδραμες ἐμπορίην. ### book 405.1.1 Ὦ ξεῖνε, φεῦγε τὸν χαλαζεπῆ τάφον ### book 405.1.2 τὸν φρικτὸν Ἱππώνακτος, οὗ τε χἀ τέφρα ### book 405.1.3 ἰαμβιάζει Βουπάλειον ἐς στύγος, ### book 405.1.4 μή πως ἐγείρῃς σφῆκα τὸν κοιμώμενον, ### book 405.5 ὃς οὐδ’ ἐν Ἅιδῃ νῦν κεκοίμικεν χόλον ### book 405 σκάζουσι μέτροις ὀρθὰ τοξεύσας ἔπη. ### book 406.1.1 Εὐφορίων, ὁ περισσὸν ἐπιστάμενός τι ποῆσαι, ### book 406.1.2 Πειραϊκοῖς κεῖται τοῖσδε παρὰ σκέλεσιν. ### book 406.1.3 ἀλλὰ σὺ τῷ μύστῃ ῥοιὴν ἢ μῆλον ἄπαρξαι ### book 406.1.4 ἢ μύρτον· καὶ γὰρ ζωὸς ἐὼν ἐφίλει. ### book 407.1.1 Ἥδιστον φιλέουσι νέοις προσανάκλιμ’ ἐρώτων, ### book 407.1.2 Σαπφώ, σὺν Μούσαις, ἦ ῥά σε Πιερίη ### book 407.1.3 ἢ Ἑλικὼν εὔκισσος ἴσα πνείουσαν ἐκείναις ### book 407.1.4 κοσμεῖ, τὴν Ἐρέσῳ Μοῦσαν ἐν Αἰολίδι· ### book 407.5.1 ἢ καὶ Ὑμὴν Ὑμέναιος ἔχων εὐφεγγέα πεύκην ### book 407.5.2 σὺν σοὶ νυμφιδίων ἵσταθ’ ὑπὲρ θαλάμων. ### book 407.5.3 ἢ Κινύρεω νέον ἔρνος ὀδυρομένῃ Ἀφροδίτῃ ### book 407.5.4 σύνθρηνος μακάρων ἱερὸν ἄλσος ὁρῇς. ### book 407.5.5 πάντῃ, πότνια, χαῖρε θεοῖς ἴσα· σὰς γὰρ ἀοιδὰς ### book 407.10 ἀθανάτας ἔχομεν νῦν ἔτι θυγατέρας. ### book 408.1.1 Ἀτρέμα τὸν τύμβον παραμείβετε, μὴ τὸν ἐν ὕπνῳ ### book 408.1.2 πικρὸν ἐγείρητε σφῆκ’ ἀναπαυόμενον. ### book 408.1.3 ἄρτι γὰρ Ἱππώνακτος ὁ καὶ τοκεῶνε βαΰξας ### book 408.1.4 ἄρτι κεκοίμηται θυμὸς ἐν ἡσυχίῃ. ### book 408.5 ἀλλὰ προμηθήσασθε· τὰ γὰρ πεπυρωμένα κείνου ### book 408 ῥήματα πημαίνειν οἶδε καὶ εἰν Ἀίδῃ. ### book 409.1.1 Ὄβριμον ἀκαμάτου στίχον αἴνεσον Ἀντιμάχοιο, ### book 409.1.2 ἄξιον ἀρχαίων ὀφρύος ἡμιθέων, ### book 409.1.3 Πιερίδων χαλκευτὸν ἐπ’ ἄκμοσιν, εἰ τορὸν οὖας ### book 409.1.4 ἔλλαχες, εἰ ζαλοῖς τὰν ἀγέλαστον ὄπα, ### book 409.5.1 εἰ τὰν ἄτριπτον καὶ ἀνέμβατον ἀτραπὸν ἄλλοις ### book 409.5.2 μαίεαι· εἰ δ’ ὕμνων σκᾶπτρον Ὅμηρος ἔχει, ### book 409.5.3 καὶ Ζεύς τοι κρέσσων Ἐνοσίχθονος, ἀλλ’ Ἐνοσίχθων ### book 409.5.4 τοῦ μὲν ἔφυ μείων, ἀθανάτων δ’ ὕπατος· ### book 409.5.5 καὶ ναετὴρ Κολοφῶνος ὑπέζευκται μὲν Ὁμήρῳ, ### book 409.10 ἁγεῖται δ’ ἄλλων πλάθεος ὑμνοπόλων. ### book 410.1.1 Θέσπις ὅδε, τραγικὴν ὃς ἀνέπλασα πρῶτος ἀοιδὴν ### book 410.1.2 κωμήταις νεαρὰς καινοτομῶν χάριτας, ### book 410.1.3 Βάκχος ὅτε βριθὺν κατάγοι χορόν, ᾧ τράγος ἄθλων ### book 410.1.4 χὠττικὸς ἦν σύκων ἄρριχος ἆθλον ἔτι. ### book 410.5.1 εἰ δὲ μεταπλάσσουσι νέοι τάδε, μυρίος αἰὼν ### book 410.5.2 πολλὰ προσευρήσει χἄτερα· τἀμὰ δ’ ἐμά. ### book 411.1.1 Θέσπιδος εὕρεμα τοῦτο· τὰ δ’ ἀγροιῶτιν ἀν’ ὕλαν ### book 411.1.2 παίγνια καὶ κώμους τούσδε τελειοτέρους ### book 411.1.3 Αἰσχύλος ἐξύψωσεν, ὁ μὴ σμιλευτὰ χαράξας ### book 411.1.4 γράμματα, χειμάρρῳ δ’ οἷα καταρδόμενα, ### book 411.5 καὶ τὰ κατὰ σκηνὴν μετεκαίνισεν. ὦ στόμα πάντων ### book 411 δεξιὸν ἀρχαίων ἦσθά τοι ἡμιθέων. ### book 412.1.1 Πᾶσά τοι οἰχομένῳ, Πυλάδη, κωκύεται Ἑλλὰς ### book 412.1.2 ἄπλεκτον χαίταν ἐν χροῒ κειραμένα· ### book 412.1.3 αὐτὸς δ’ ἀτμήτοιο κόμας ἀπεθήκατο δάφνας ### book 412.1.4 Φοῖβος, ἑὸν τιμῶν ᾗ θέμις ὑμνοπόλον· ### book 412.5.1 Μοῦσαι δ’ ἐκλαύσαντο, ῥόον δ’ ἔστησεν ἀκούων ### book 412.5.2 Ἀσωπὸς γοερῶν ἦχον ἀπὸ στομάτων· ### book 412.5.3 ἔλληξεν δὲ μέλαθρα Διωνύσοιο χορείης, ### book 412.5.4 εὖτε σιδηρείην οἶμον ἔβης Ἀίδεω. ### book 413.1.1 Οὐχὶ βαθυστόλμων Ἱππαρχία ἔργα γυναικῶν, ### book 413.1.2 τῶν δὲ Κυνῶν ἑλόμαν ῥωμαλέον βίοτον· ### book 413.1.3 οὐδέ μοι ἀμπεχόναι περονήτιδες, οὐ βαθύπελμος ### book 413.1.4 εὔμαρις, οὐ λιπόων εὔαδε κεκρύφαλος, ### book 413.5.1 οὐλὰς δὲ σκίπωνι συνέμπορος ἅ τε συνῳδὸς ### book 413.5.2 δίπλαξ καὶ κοίτας βλῆμα χαμαιλεχέος. ### book 413.5.3 ἀμὶ δὲ Μαιναλίας κάρρων εἴμειν Ἀταλάντας ### book 413.5.4 τόσσον, ὅσον σοφία κρέσσον ὀρειδρομίας. ### book 414.1.1 Καὶ καπυρὸν γελάσας παραμείβεο καὶ φίλον εἰπὼν ### book 414.1.2 ῥῆμ’ ἐπ’ ἐμοί. Ῥίνθων εἴμ’ ὁ Συρακόσιος, ### book 414.1.3 Μουσάων ὀλίγη τις ἀηδονίς· ἀλλὰ φλυάκων ### book 414 ἐκ τραγικῶν ἴδιον κισσὸν ἐδρεψάμεθα. ### book 415.1.1 Βαττιάδεω παρὰ σῆμα φέρεις πόδας εὖ μὲν ἀοιδὴν ### book 415.1.2 εἰδότος, εὖ δ’ οἴνῳ καίρια συγγελάσαι. ### book 416.1 Εὐκράτεω Μελέαγρον ἔχω, ξένε, τὸν σὺν Ἔρωτι ### book 416.2 καὶ Μούσαις κεράσανθ’ ἡδυλόγους Χάριτας. ### book 417.1.1 Νᾶσος ἐμὰ θρέπτειρα Τύρος· πάτρα δέ με τεκνοῖ ### book 417.1.2 Ἀτθὶς ἐν Ἀσσυρίοις ναιομένα Γαδάροις· ### book 417.1.3 Εὐκράτεω δ’ ἔβλαστον ὁ σὺν Μούσαις Μελέαγρος ### book 417.1.4 πρῶτα Μενιππείοις συντροχάσας Χάρισιν. ### book 417.5.1 εἰ δὲ Σύρος, τί τὸ θαῦμα; μίαν, ξένε, πατρίδα κόσμον ### book 417.5.2 ναίομεν, ἓν θνατοὺς πάντας ἔτικτε Χάος. ### book 417.5.3 πουλυετὴς δ’ ἐχάραξα τάδ’ ἐν δέλτοισι πρὸ τύμβου· ### book 417.5.4 γήρως γὰρ γείτων ἐγγύθεν Ἀίδεω. ### book 417.5.5 ἀλλά με τὸν λαλιὸν καὶ πρεσβύτην σὺ προσειπὼν ### book 417.10 χαίρειν εἰς γῆρας καὐτὸς ἵκοιο λάλον. ### book 418.1.1 Πρώτα μοι Γαδάρων κλεινὰ πόλις ἔπλετο πάτρα, ### book 418.1.2 ἤνδρωσεν δ’ ἱερὰ δεξαμένα με Τύρος· ### book 418.1.3 εἰς γῆρας δ’ ὅτ’ ἔβην, ἁ καὶ Δία θρεψαμένα Κῶς ### book 418.1.4 κἀμὲ θετὸν Μερόπων ἀστὸν ἐγηροτρόφει. ### book 418.5 Μοῦσαι δ’ εἰν ὀλίγοις με, τὸν Εὐκράτεω Μελέαγρον ### book 418 παῖδα, Μενιππείοις ἠγλάισαν Χάρισιν. ### book 419.1.1 Ἀτρέμας, ὦ ξένε, βαῖνε· παρ’ εὐσεβέσιν γὰρ ὁ πρέσβυς ### book 419.1.2 εὕδει κοιμηθεὶς ὕπνον ὀφειλόμενον, ### book 419.1.3 Εὐκράτεω Μελέαγρος, ὁ τὸν γλυκύδακρυν Ἔρωτα ### book 419.1.4 καὶ Μούσας ἱλαραῖς συστολίσας Χάρισιν· ### book 419.5.1 ὃν θεόπαις ἤνδρωσε Τύρος Γαδάρων θ’ ἱερὰ χθών· ### book 419.5.2 Κῶς δ’ ἐρατὴ Μερόπων πρέσβυν ἐγηροτρόφει. ### book 419.5.3 ἀλλ’ εἰ μὲν Σύρος ἐσσί, „Σαλάμ“, εἰ δ’ οὖν σύ γε Φοῖνιξ, ### book 419.5.4 „Αὐδονίσ“, εἰ δ’ Ἕλλην, „Χαῖρε“, τὸ δ’ αὐτὸ φράσον. ### book 420.1.1 Ἐλπίδες ἀνθρώπων, ἐλαφραὶ θεαί—οὐ γὰρ ἂν ὧδε ### book 420.1.2 Λέσβον’ ὁ λυσιμελὴς ἀμφεκάλυψ’ Ἀίδης, ### book 420.1.3 ὅς ποτε καὶ βασιλῆι συνέδραμε καὶ μετ’ Ἐρώτων—, ### book 420.1.4 χαίρετε, κουφόταται δαίμονες ἀθανάτων. ### book 420.5.1 αὐλοὶ δ’ ἄφθεγκτοι καὶ ἀπευθέες, οἷς ἐνέπνευσε, ### book 420.5.2 κεῖσθ’, ἐπεὶ οὐ θιάσους, οὐ χορὸν οἶδ’ Ἀχέρων. ### book 421.1.1 Πτανέ, τί σοι σιβύνας, τί δὲ καὶ συὸς εὔαδε δέρμα; ### book 421.1.2 καὶ τίς ἐὼν στάλας σύμβολον ἐσσὶ τίνος; ### book 421.1.3 οὐ γὰρ Ἔρωτ’ ἐνέπω σε—τί γὰρ νεκύεσσι πάροικος ### book 421.1.4 Ἵμερος; αἰάζειν ὁ θρασὺς οὐκ ἔμαθεν— ### book 421.5.1 οὐδὲ μὲν οὐδ’ αὐτὸν ταχύπουν Χρόνον· ἔμπαλι γὰρ δὴ ### book 421.5.2 κεῖνος μὲν τριγέρων, σοὶ δὲ τέθηλε μέλη. ### book 421.5.3 ἀλλ’ ἄρα, ναί, δοκέω γάρ, ὁ γᾶς ὑπένερθε σοφιστὰς ### book 421.1 ἐστί, σὺ δ’ ὁ πτερόεις τοὔνομα τοῦδε λόγος. ### book 421.2 Λατῴας δ’ ἄμφηκες ἔχεις γέρας ἔς τε γέλωτα ### book 421.10.1 καὶ σπουδὰν καί που μέτρον ἐρωτογράφον. ### book 421.10.2 ναὶ μὲν δὴ Μελέαγρον ὁμώνυμον Οἰνέος υἱῷ ### book 421.10.3 σύμβολα σημαίνει ταῦτα συοκτασίας. ### book 421.10.4 χαῖρε καὶ ἐν φθιμένοισιν, ἐπεὶ καὶ Μοῦσαν Ἔρωτι ### book 421.10.5 καὶ Χάριτας σοφίαν εἰς μίαν ἡρμόσαο. ### book 422.1.1 Τί στοχασώμεθά σου, Πεισίστρατε, χῖον ὁρῶντες ### book 422.1.2 γλυπτὸν ὑπὲρ τύμβου κείμενον ἀστράγαλον; ### book 422.1.3 ἦ ῥὰ γενὴν ὅτι Χῖος; ἔοικε γάρ. ἤ ῥ’ ὅτι παίκτας ### book 422.1.4 ἦσθά τις, οὐ λίην δ’, ὠγαθέ, πλειστοβόλος; ### book 422.5.1 ἢ τὰ μὲν οὐδὲ σύνεγγυς, ἐν ἀκρήτῳ δὲ κατέσβης ### book 422.5.2 Χίῳ; ναὶ δοκέω, τῷδε προσηγγίσαμεν. ### book 423.1.1 Τὰν μὲν ἀεὶ πολύμυθον, ἀεὶ λάλον, ὦ ξένε, κίσσα ### book 423.1.2 φάσει, τὰν δὲ μέθας σύντροφον ἅδε κύλιξ, ### book 423.1.3 τὰν Κρῆσσαν δὲ τὰ τόξα, τὰ δ’ εἴρια τὰν φιλοεργόν, ### book 423.1.4 ἄνδεμα δ’ αὖ μίτρας τὰν πολιοκρόταφον· ### book 423.5.1 τοιάνδε σταλοῦχος ὅδ’ ἔκρυφε Βιττίδα τύμβος ### book 423.5.2 Τιμέα ἄχραντον νυμφιδίαν ἄλοχον. ### book 423.5.3 ἀλλ’, ὦνερ, καὶ χαῖρε καὶ οἰχομένοισιν ἐς Ἅιδαν ### book 423 τὰν αὐτὰν μύθων αὖθις ὄπαζε χάριν. ### book 424.1.1 Μαστεύω, τί σευ Ἆγις ἐπὶ σταλίτιδι πέτρᾳ, ### book 424.1.2 Λυσιδίκα, γλυπτὸν τόνδ’ ἐχάραξε νόον· ### book 424.1.3 ἁνία γὰρ καὶ κημὸς ὅ τ’ εὐόρνιθι Τανάγρᾳ ### book 424.1.4 οἰωνὸς βλαστῶν, θοῦρος ἐγερσιμάχας, ### book 424.5.1 οὐχ ἅδεν οὐδ’ ἐπέοικεν ὑπωροφίαισι γυναιξίν, ### book 424.5.2 ἀλλὰ τά τ’ ἠλακάτας ἔργα τά θ’ ἱστοπόδων. — ### book 424.5.3 „Τὰν μὲν ἀνεγρομέναν μέ ποτ’ εἴρια νύκτερος ὄρνις, ### book 424.5.4 ἁνία δ’ αὐδάσει δώματος ἁνίοχον· ### book 424.5.5 ἱππαστὴρ δ’ ὅδε κημὸς ἀείσεται οὐ πολύμυθον, ### book 424.10 οὐ λάλον, ἀλλὰ καλᾶς ἔμπλεον ἁσυχίας.“ ### book 425.1.1 Μὴ θάμβει, μάστιγα Μυροῦς ἐπὶ σάματι λεύσσων, ### book 425.1.2 γλαῦκα, βιόν, χαροπὰν χᾶνα, θοὰν σκύλακα. ### book 425.1.3 τόξα μὲν αὐδάσει με πανεύτονον ἁγέτιν οἴκου, ### book 425.1.4 ἁ δὲ κύων τέκνων γνήσια καδομέναν· ### book 425.5.1 μάστιξ δ’ οὐκ ὀλοάν, ξένε, δεσπότιν, ἀλλ’ ἀγέρωχον ### book 425.5.2 δμωσί, κολάστειραν δ’ ἔνδικον ἀμπλακίας· ### book 425.5.3 χὰν δὲ δόμων φυλακὰν μελεδήμονα· τὰν δ’ ἅ〈μα κεδνὰν〉 ### book 425.5.4 γλαῦξ ἅδε γλαυκᾶς Παλλάδος ἀμφίπολον. ### book 425.5.5 τοιοῖσδ’ ἀμφ’ ἔργοισιν ἐγάθεον· ἔνθεν ὅμευνος ### book 425.10 τοιάδ’ ἐμᾷ στάλᾳ σύμβολα τεῦξε Βίτων. ### book 426.1.1 Εἰπέ, λέον, φθιμένοιο τίνος τάφον ἀμφιβέβηκας, ### book 426.1.2 βουφάγε; τίς τᾶς σᾶς ἄξιος ἦν ἀρετᾶς; — ### book 426.1.3 „Υἱὸς Θευδώροιο Τελευτίας, ὃς μέγα πάντων ### book 426 φέρτερος ἦν, θηρῶν ὅσσον ἐγὼ κέκριμαι. ### book 426.5.1 οὐχὶ μάταν ἕστακα, φέρω δέ τι σύμβολον ἀλκᾶς ### book 426.5.2 ἀνέρος· ἦν γὰρ δὴ δυσμενέεσσι λέων.“ ### book 427.1.1 Ἁ στάλα, φέρ’ ἴδω, τίν’ ἔχει νέκυν. ἀλλὰ δέδορκα ### book 427.1.2 γράμμα μὲν οὐδέν που τμαθὲν ὕπερθε λίθου, ### book 427.1.3 ἐννέα δ’ ἀστραγάλους πεπτηότας· ὧν πίσυρες μὲν ### book 427.1.4 πρᾶτοι Ἀλεξάνδρου μαρτυρέουσι βόλον, ### book 427.5.1 οἱ δὲ τὸ τᾶς νεότατος ἐφάλικος ἄνθος, ἔφηβον, ### book 427.5.2 εἷς δ’ ὅ γε μανύει Χῖος ἀφαυρότερον. ### book 427.5.3 ἦ ῥα τόδ’ ἀγγέλλοντι· „Καὶ ὁ σκάπτροισι μεγαυχὴς ### book 427.5.4 χὠ θάλλων ἥβᾳ τέρμα τὸ μηδὲν ἔχει“; ### book 427.5.5 ἢ τὸ μὲν οὔ; δοκέω δὲ ποτὶ σκοπὸν ἰθὺν ἐλάσσειν ### book 427.10.1 ἰόν, Κρηταιεὺς ὥς τις ὀιστοβόλος· ### book 427.10.2 ἦς ὁ θανὼν Χῖος μέν, Ἀλεξάνδρου δὲ λελογχὼς ### book 427.10.3 οὔνομ’, ἐφηβείῃ δ’ ὤλετ’ ἐν ἁλικίᾳ. ### book 427.10.4 ὡς εὖ τὸν φθίμενον νέον ἄκριτα καὶ τὸ κυβευθὲν ### book 427.10.5 πνεῦμα δι’ ἀφθέγκτων εἶπέ τις ἀστραγάλων. ### book 428.1.1 Ἁ στάλα, σύνθημα τί σοι γοργωπὸς ἀλέκτωρ ### book 428.1.2 ἔστα, καλλαΐνᾳ σκαπτοφόρος πτέρυγι, ### book 428.1.3 ποσσὶν ὑφαρπάζων νίκας κλάδον; ἄκρα δ’ ἐπ’ αὐτᾶς ### book 428.1.4 βαθμῖδος προπεσὼν κέκλιται ἀστράγαλος. ### book 428.5 ἦ ῥά γε νικάεντα μάχᾳ σκαπτοῦχον ἄνακτα ### book 428.1 κρύπτεις; ἀλλὰ τί σοι παίγνιον ἀστράγαλος; ### book 428.2 πρὸς δέ, τί λιτὸς ὁ τύμβος; ἐπιπρέπει ἀνδρὶ πενιχρῷ ### book 428.3 ὄρνιθος κλαγγαῖς νυκτὸς ἀνεγρομένῳ. ### book 428.4 οὐ δοκέω· σκᾶπτρον γὰρ ἀναίνεται. ἀλλὰ σὺ κεύθεις ### book 428.10.1 ἀθλοφόρον νίκαν ποσσὶν ἀειράμενον. ### book 428.10.2 οὐ ψαύω καὶ τᾷδε. τί γὰρ ταχὺς εἴκελος ἀνὴρ ### book 428.10.3 ἀστραγάλῳ; νῦν δὴ τὠτρεκὲς ἐφρασάμαν· ### book 428.10.4 φοῖνιξ μὲν νίκαν ἐνέπει πάτραν τε μεγαυχῆ ### book 428.10.5 ματέρα Φοινίκων, τὰν πολύπαιδα Τύρον· ### book 428.15.1 ὄρνις δ’, ὅττι γεγωνὸς ἀνὴρ καί που περὶ Κύπριν ### book 428.15.2 πρᾶτος κἠν Μούσαις ποικίλος ὑμνοθέτας· ### book 428.15.3 σκᾶπτρα δ’ ἔχει σύνθημα λόγου· θνᾴσκειν δὲ πεσόντα ### book 428.15.4 οἰνοβρεχῆ προπετὴς ἐννέπει ἀστράγαλος. ### book 428.15.5 καὶ δὴ σύμβολα ταῦτα, τὸ δ’ οὔνομα πέτρος ἀείδει, ### book 428.20 Ἀντίπατρον, προγόνων φύντ’ ἀπ’ ἐρισθενέων. ### book 429.1.1 Δίζημαι κατὰ θυμόν, ὅτου χάριν ἁ παροδῖτις ### book 429.1.2 δισσάκι φεῖ μοῦνον γράμμα λέλογχε πέτρος ### book 429.1.3 λαοτύποις σμίλαις κεκολαμμένον. ἆρα γυναικὶ ### book 429.1.4 τᾷ χθονὶ κευθομένᾳ Χιλιὰς ἦν ὄνομα; ### book 429.5.1 τοῦτο γὰρ ἀγγέλλει κορυφούμενος εἰς ἓν ἀριθμός. ### book 429.5.2 ἢ τὸ μὲν εἰς ὀρθὰν ἀτραπὸν οὐκ ἔμολεν, ### book 429.5.3 ἁ δ’ οἰκτρὸν ναίουσα τόδ’ ἠρίον ἔπλετο Φειδίς; ### book 429.5.4 νῦν Σφιγγὸς γρίφους Οἰδίπος ἐφρασάμαν. ### book 429.5.5 αἰνετὸς οὑκ δισσοῖο καμὼν αἴνιγμα τύποιο, ### book 429.10 φέγγος μὲν ξυνετοῖς, ἀξυνέτοις δ’ ἔρεβος. ### book 430.1.1 Τίς τὰ νεοσκύλευτα ποτὶ δρυῒ τᾷδε καθᾶψεν ### book 430.1.2 ἔντεα; τῶ πέλτα Δωρὶς ἀναγράφεται; ### book 430.1.3 πλάθει γὰρ Θυρεᾶτις ὑφ’ αἵματος ἅδε λοχιτᾶν, ### book 430.1.4 χἀμὲς ἀπ’ Ἀργείων τοὶ δύο λειπόμεθα. ### book 430.5.1 πάντα νέκυν μάστευε δεδουπότα, μή τις ἔτ’ ἔμπνους ### book 430.5.2 λειπόμενος Σπάρτᾳ κῦδος ἔλαμψε νόθον. ### book 430.5.3 ἴσχε βάσιν. νίκα γὰρ ἐπ’ ἀσπίδος ὧδε Λακώνων ### book 430.5.4 φωνεῖται θρόμβοις αἵματος Ὀθρυάδα, ### book 430.5.5 χὠ τόδε μοχθήσας σπαίρει πέλας. ἆ πρόπατορ Ζεῦ, ### book 430.10 στύξον ἀνικάτω σύμβολα φυλόπιδος. ### book 431.1.1 Οἵδε τριηκόσιοι, Σπάρτα πατρί, τοῖς συναρίθμοις ### book 431.1.2 Ἰναχίδαις Θυρέαν ἀμφὶ μαχεσσάμενοι, ### book 431.1.3 αὐχένας οὐ στρέψαντες, ὅπᾳ ποδὸς ἴχνια πρᾶτον ### book 431.1.4 ἁρμόσαμεν, ταύτᾳ καὶ λίπομεν βιοτάν. ### book 431.5.1 ἄρσενι δ’ Ὀθρυάδαο φόνῳ κεκαλυμμένον ὅπλον ### book 431.5.2 καρύσσει· „Θυρέα, Ζεῦ, Λακεδαιμονίων.“ ### book 431.5.3 αἰ δέ τις Ἀργείων ἔφυγεν μόρον, ἦς ἀπ’ Ἀδράστου· ### book 431.5.4 Σπάρτᾳ δ’ οὐ τὸ θανεῖν, ἀλλὰ φυγεῖν θάνατος. ### book 432.1.1 Ὦ Λακεδαιμόνιοι, τὸν ἀρήιον ὔμμιν ὁ τύμβος ### book 432.1.2 Γύλλιν ὑπὲρ Θυρέας οὗτος ἔχει φθίμενον, ### book 432.1.3 ἄνδρας ὃς Ἀργείων τρεῖς ἔκτανε καὶ τόδ’ ἐπεῖπεν· ### book 432 „Τεθναίην Σπάρτας ἄξια μησάμενος.“ ### book 433.1.1 Τὸν παραβάντα νόμους Δαμάτριον ἔκτανε μάτηρ ### book 433.1.2 ἁ Λακεδαιμονία τὸν Λακεδαιμόνιον. ### book 433.1.3 θηκτὸν δ’ ἐν προβολᾷ θεμένα ξίφος εἶπεν, ὀδόντα ### book 433.1.4 ὀξὺν ἐπιβρύκους’, οἷα Λάκαινα γυνά· ### book 433.5.1 „Ἔρρε, κακὸν σκυλάκευμα, κακὰ μερίς, ἔρρε ποθ’ Ἅιδαν, ### book 433.5.2 ἔρρε· τὸν οὐ Σπάρτας ἄξιον οὐδ’ ἔτεκον.“ ### book 434.1.1 Εἰς δῄων πέμψασα λόχους Δημαινέτη ὀκτὼ ### book 434.1.2 παῖδας ὑπὸ στήλῃ πάντας ἔθαπτε μιᾷ. ### book 434.1.3 δάκρυα δ’ οὐκ ἔρρηξ’ ἐπὶ πένθεσιν, ἀλλὰ τόδ’ εἶπεν ### book 434.1.4 μοῦνον· „Ἰὼ Σπάρτα, σοὶ τέκνα ταῦτ’ ἔτεκον.“ ### book 435.1.1 Εὐπυλίδας, Ἐράτων, Χαῖρις, Λύκος, Ἆγις, Ἀλέξων, ### book 435.1.2 ἓξ Ἰφικρατίδα παῖδες, ἀπωλόμεθα ### book 435.1.3 Μεσσάνας ὑπὸ τεῖχος· ὁ δ’ ἕβδομος ἄμμε Γύλιππος ### book 435.1.4 ἐν πυρὶ θεὶς μεγάλαν ἦλθε φέρων σποδιάν, ### book 435.5 Σπάρτᾳ μὲν μέγα κῦδος, Ἀλεξίππᾳ δὲ μέγ’ ἄχθος ### book 435 ματρί· τὸ δ’ ἓν πάντων καὶ καλὸν ἐντάφιον. ### book 436.1.1 Εἴποι τις παρὰ τύμβον ἰὼν ἀγέλαστος ὁδίτας ### book 436.1.2 τοῦτ’ ἔπος· „Ὀγδώκοντ’ ἐνθάδε μυριάδας ### book 436.1.3 Σπάρτας χίλιοι ἄνδρες ἐπέσχον λήματι Περσῶν ### book 436.1.4 καὶ θάνον ἀστρεπτεί· Δώριος ἁ μελέτα.“ ### book 437.1.1 Οὐκ ἔτλας, ὤριστε Λεωνίδα, αὖτις ἱκέσθαι ### book 437.1.2 Εὐρώταν χαλεπῷ σπερχόμενος πολέμῳ· ### book 437.1.3 ἀλλ’ ἐπὶ Θερμοπύλαισι τὸ Περσικὸν ἔθνος ἀμύνων ### book 437.1.4 ἐδμάθης, πατέρων ἁζόμενος νόμιμα. ### book 438.1.1 Ὤλεο δὴ Πατρέων περὶ ληίδα καὶ σύ, Μαχάτα, ### book 438.1.2 δριμὺν ἐπ’ Αἰτωλοῖς ἀντιφέρων πόλεμον, ### book 438.1.3 πρωθήβας· χαλεπὸν γὰρ Ἀχαιικὸν ἄνδρα νοῆσαι ### book 438.1.4 ἄλκιμον, εἰς πολιὰν ὅστις ἔμεινε τρίχα. ### book 439.1.1 Οὕτω δὴ Πύλιον τὸν Ἀγήνορος, ἄκριτε Μοῖρα, ### book 439.1.2 πρώιον ἐξ ἥβας ἔθρισας Αἰολέων, ### book 439.1.3 Κῆρας ἐπισσεύασα βίου κύνας. ὦ πόποι, ἀνὴρ ### book 439 οἷος ἀμειδήτῳ κεῖται ἕλωρ Ἀίδῃ. ### book 440.1.1 Ἠρίον, οἷον νυκτὶ καταφθιμένοιο καλύπτεις ### book 440.1.2 ὀστέον, οἵην, γαῖ’, ἀμφέχανες κεφαλήν, ### book 440.1.3 πολλὸν μὲν ξανθαῖσιν ἀρεσκομένου Χαρίτεσσι, ### book 440.1.4 πολλοῦ δ’ ἐν μνήμῃ πᾶσιν Ἀριστοκράτευς. ### book 440.5.1 ᾔδει Ἀριστοκράτης καὶ μείλιχα δημολογῆσαι, ### book 440.5.2 〈στρεβλὴν οὐκ ὀφρὺν ἐσθλὸς ἐφελκόμενος· ### book 440.5.3 ᾔδει καὶ Βάκχοιο παρὰ κρητῆρος ἄδηριν〉 ### book 440.5.4 ἰθῦναι κείνην εὐκύλικα λαλιήν· ### book 440.5.5 ᾔδει καὶ ξείνοισι καὶ ἐνδήμοισι προσηνέα ### book 440.10 ἔρδειν. γαῖ’ ἐρατή, τοῖον ἔχεις φθίμενον. ### book 441.1.1 Ὑψηλοὺς Μεγάτιμον Ἀριστοφόωντά τε Νάξου ### book 441.1.2 κίονας, ὦ μεγάλη γαῖ’, ὑπένερθεν ἔχεις. ### book 442.1.1 Εὐθυμάχων ἀνδρῶν μνησώμεθα, τῶν ὅδε τύμβος, ### book 442.1.2 οἳ θάνον εὔμηλον ῥυόμενοι Τεγέαν ### book 442.1.3 αἰχμηταὶ πρὸ πόληος, ἵνα σφίσι μὴ καθέληται ### book 442 Ἑλλὰς ἀποφθιμένου κρατὸς ἐλευθερίαν. ### book 443.1.1 Τῶνδέ ποτ’ ἐν στέρνοισι τανυγλώχινας ὀιστοὺς ### book 443.1.2 λοῦσεν φοινίσσᾳ θοῦρος Ἄρης ψακάδι. ### book 443.1.3 ἀντὶ δ’ ἀκοντοδόκων ἀνδρῶν μνημεῖα θανόντων ### book 443.1.4 ἄψυχ’ ἐμψύχων ἅδε κέκευθε κόνις. ### book 444.1.1 Χείματος οἰνωθέντα τὸν Ἀνταγόρεω μέγαν οἶκον ### book 444.1.2 ἐκ νυκτῶν ἔλαθεν πῦρ ὑπονειμάμενον· ### book 444.1.3 ὀγδώκοντα δ’ ἀριθμὸν ἐλεύθεροι ἄμμιγα δούλοις ### book 444.1.4 τῆς ἐχθρῆς ταύτης πυρκαϊῆς ἔτυχον. ### book 444.5.1 οὐκ εἶχον διελεῖν προσκηδέες ὀστέα χωρίς· ### book 444.5.2 ξυνὴ δ’ ἦν κάλπις, ξυνὰ δὲ τὰ κτέρεα· ### book 444.5.3 εἷς καὶ τύμβος ἀνέστη· ἀτὰρ τὸν ἕκαστον ἐκείνων ### book 444.5.4 οἶδε καὶ ἐν τέφρῃ ῥηιδίως Ἀίδης. ### book 445.1.1 Μαντιάδας, ὦ ξεῖνε, καὶ Εὔστρατος, υἷες Ἐχέλλου, ### book 445.1.2 Δυμαῖοι, κραναῇ κείμεθ’ ἐνὶ ξυλόχῳ, ### book 445.1.3 ἄγραυλοι γενεῆθεν ὀροιτύποι. οἱ δ’ ἐπὶ τύμβῳ ### book 445.1.4 μανυταὶ τέχνας δουροτόμοι πελέκεις. ### book 446.1.1 Ἑρμιονεὺς ὁ ξεῖνος, ἐν ἀλλοδαπῶν δὲ τέθαπται, ### book 446.1.2 Ζωίλος, Ἀργείαν γαῖαν ἐφεσσάμενος, ### book 446.1.3 ἃν ἐπί οἱ βαθύκολπος ἀμάσατο δάκρυσι νύμφα ### book 446 λειβομένα παῖδές τ’ εἰς χρόα κειράμενοι. ### book 447.1.1 Σύντομος ἦν ὁ ξεῖνος· ὃ καὶ στίχος οὐ μακρὰ λέξων ### book 447.1.2 „Θῆρις Ἀρισταίου Κρὴσ“ ἐπ’ ἐμοὶ δολιχός. ### book 448.1.1 Πραταλίδα τὸ μνᾶμα Λυκαστίω, ἄκρον ἐρώτων ### book 448.1.2 εἰδότος, ἄκρα μάχας, ἄκρα λινοστασίας, ### book 448.1.3 ἄκρα χοροιτυπίας. χθόνιοι ... ### book 448.1.4 τοῦτον Κρηταιεῖ Κρῆτα παρῳκίσατε; ### book 449.1 Πραταλίδᾳ παιδεῖον Ἔρως πόθον, Ἄρτεμις ἄγραν, ### book 449.2 Μοῦσα χορούς, Ἄρης ἐγγυάλιξε μάχαν. ### book 449.3 πῶς οὐκ εὐαίων ὁ Λυκάστιος, ὃς καὶ ἔρωτι ### book 449.4 ἆρχε καὶ ἐν μολπᾷ καὶ δορὶ καὶ στάλικι; ### book 450.1.1 Τῆς Σαμίης τὸ μνῆμα Φιλαινίδος· ἀλλὰ προσειπεῖν ### book 450.1.2 τλῆθί με καὶ στήλης πλησίον, ὦνερ, ἴθι. ### book 450.1.3 οὐκ εἴμ’ ἡ τὰ γυναιξὶν ἀναγράψασα προσάντη ### book 450.1.4 ἔργα καὶ Αἰσχύνην οὐ νομίσασα θεόν, ### book 450.5.1 ἀλλὰ φιλαιδήμων, ναὶ ἐμὸν τάφον. εἰ δέ τις ἡμέας ### book 450.5.2 αἰσχύνων λαμυρὴν ἔπλασεν ἱστορίην, ### book 450.5.3 τοῦ μὲν ἀναπτύξαι χρόνος οὔνομα, τἀμὰ δὲ λυγρὴν ### book 450 ὀστέα τερφθείη κληδόν’ ἀπωσαμένης. ### book 451.1.1 Τῇδε Σάων ὁ Δίκωνος Ἀκάνθιος ἱερὸν ὕπνον ### book 451.1.2 κοιμᾶται. θνῄσκειν μὴ λέγε τοὺς ἀγαθούς. ### book 452.1.1 Μνήμης Εὐβούλοιο σαόφρονος, ὦ παριόντες, ### book 452.1.2 πίνωμεν· κοινὸς πᾶσι λιμὴν Ἀίδης. ### book 453.1.1 Δωδεκέτη τὸν παῖδα πατὴρ ἀπέθηκε Φίλιππος ### book 453.1.2 ἐνθάδε, τὴν πολλὴν ἐλπίδα, Νικοτέλην. ### book 454.1.1 Τὸν βαθὺν οἰνοπότην Ἐρασίξενον ἡ δὶς ἐφεξῆς ### book 454.1.2 ἀκρήτου προποθεῖς’ ᾤχετ’ ἔχουσα κύλιξ. ### book 455.1.1 Μαρωνὶς ἡ φίλοινος, ἡ πίθων σποδός, ### book 455.1.2 ἐνταῦθα κεῖται γρηΰς, ἧς ὑπὲρ τάφου ### book 455.1.3 γνωστὸν πρόκειται πᾶσιν Ἀττικὴ κύλιξ. ### book 455.1.4 στένει δὲ καὶ γᾶς νέρθεν, οὐχ ὑπὲρ τέκνων ### book 455.5 οὐδ’ ἀνδρός, οὓς λέλοιπεν ἐνδεεῖς βίου, ### book 455 ἓν δ’ ἀντὶ πάντων, οὕνεχ’ ἡ κύλιξ κενή. ### book 456.1.1 Τὴν τίτθην Ἱέρων Σειληνίδα, τήν, ὅτε πίνοι ### book 456.1.2 ζωρόν, ὑπ’ οὐδεμιῆς θλιβομένην κύλικος, ### book 456.1.3 ἀγρῶν ἐντὸς ἔθηκεν, ἵν’ ἡ φιλάκρητος ἐκείνη ### book 456.1.4 καὶ φθιμένη ληνῶν γείτονα τύμβον ἔχοι. ### book 457.1.1 Ἀμπελὶς ἡ φιλάκρητος, ἐπὶ σκίπωνος ὁδηγοῦ ### book 457.1.2 ἤδη τὸ σφαλερὸν γῆρας ἐρειδομένη, ### book 457.1.3 λαθριδίη Βάκχοιο νεοθλιβὲς ἧκ’ ἀπὸ ληνοῦ ### book 457.1.4 πῶμα Κυκλωπείην πλησομένη κύλικα· ### book 457.5.1 πρὶν δ’ ἀρύσαι μογερὰν ἔκαμεν χέρα· γραῦς δὲ παλαιὴ ### book 457.5.2 νηῢς ὑποβρύχιος ζωρὸν ἔδυ πέλαγος. ### book 457.5.3 Εὐτέρπη δ’ ἐπὶ τύμβον ἀποφθιμένης θέτο σῆμα ### book 457.5.4 λάινον οἰνηρῶν γείτονα θειλοπέδων. ### book 458.1.1 Τὴν Φρυγίην Αἴσχρην, ἀγαθὸν γάλα, πᾶσιν ἐν ἐσθλοῖς ### book 458.1.2 Μίκκος καὶ ζωὴν οὖσαν ἐγηροκόμει ### book 458.1.3 καὶ φθιμένην ἀνέθηκεν, ἐπεσσομένοισιν ὁρᾶσθαι ### book 458.1.4 ἡ γρηῢς μαστῶν ὡς ἀπέχει χάριτας. ### book 459.1.1 Κρηθίδα τὴν πολύμυθον, ἐπισταμένην καλὰ παίζειν, ### book 459.1.2 δίζηνται Σαμίων πολλάκι θυγατέρες, ### book 459.1.3 ἡδίστην συνέριθον ἀείλαλον· ἡ δ’ ἀποβρίζει ### book 459 ἐνθάδε τὸν πάσαις ὕπνον ὀφειλόμενον. ### book 460.1.1 Εἶχον ἀπὸ σμικρῶν ὀλίγον βίον, οὔτε τι δεινὸν ### book 460.1.2 ῥέζων οὔτ’ ἀδικῶν οὐδένα. Γαῖα φίλη, ### book 460.1.3 Μικύλος εἴ τι πονηρὸν ἐπῄνεσα, μήτε σὺ κούφη ### book 460.1.4 γίνεο μήτ’ ἄλλοι δαίμονες, οἵ μ’ ἔχετε. ### book 461.1.1 Παμμῆτορ γῆ, χαῖρε· σὺ τὸν πάρος οὐ βαρὺν εἰς σὲ ### book 461.1.2 Αἰσιγένην καὐτὴ νῦν ἐπέχοις ἀβαρής. ### book 462.1.1 Ἀγχιτόκον Σατύραν Ἀίδας λάχε, Σιδονία δὲ ### book 462.1.2 κρύψε κόνις, πάτρα δ’ ἐστονάχησε Τύρος. ### book 463.1.1 Αὕτα Τιμόκλει’, αὕτα Φιλώ, αὕτα Ἀριστώ, ### book 463.1.2 αὕτα Τιμαιθώ, παῖδες Ἀριστοδίκου, ### book 463.1.3 πᾶσαι ὑπ’ ὠδῖνος πεφονευμέναι· αἷς ἔπι τοῦτο ### book 463 σᾶμα πατὴρ στάσας κάτθαν’ Ἀριστόδικος. ### book 464.1.1 Ἦ πού σε χθονίας, Ἀρετημιάς, ἐξ ἀκάτοιο ### book 464.1.2 Κωκυτοῦ θεμέναν ἴχνος ἐπ’ ἀιόνι, ### book 464.1.3 οἰχόμενον βρέφος ἄρτι νέῳ φορέουσαν ἀγοστῷ ### book 464.1.4 ᾤκτειραν θαλεραὶ Δωρίδες εἰν Ἀίδᾳ ### book 464.5.1 πευθόμεναι τέο κῆρα· σὺ δὲ ξαίνουσα παρειὰς ### book 464.5.2 δάκρυσιν ἄγγειλας κεῖν’ ἀνιαρὸν ἔπος· ### book 464.5.3 „Διπλόον ὠδίνασα, φίλαι, τέκος ἄλλο μὲν ἀνδρὶ ### book 464.5.4 Εὔφρονι καλλιπόμαν, ἄλλο δ’ ἄγω φθιμένοις.“ ### book 465.1.1 Ἁ κόνις ἀρτίσκαπτος, ἐπὶ στάλας δὲ μετώπων ### book 465.1.2 σείονται φύλλων ἡμιθαλεῖς στέφανοι· ### book 465.1.3 γράμμα διακρίναντες, ὁδοιπόρε, πέτρον ἴδωμεν, ### book 465.1.4 λυγρὰ περιστέλλειν ὀστέα φατὶ τίνος. ### book 465.5.1 „Ξεῖν’, Ἀρετημιάς εἰμι· πάτρα Κνίδος· Εὔφρονος ἦλθον ### book 465.5.2 εἰς λέχος· ὠδίνων οὐκ ἄμορος γενόμαν· ### book 465.5.3 δισσὰ δ’ ὁμοῦ τίκτουσα τὸ μὲν λίπον ἀνδρὶ ποδηγὸν ### book 465.5.4 γήρως, ἓν δ’ ἀπάγω μναμόσυνον πόσιος.“ ### book 466.1.1 Ἆ δείλ’ Ἀντίκλεις, δειλὴ δ’ ἐγὼ ἡ τὸν ἐν ἥβης ### book 466.1.2 ἀκμῇ καὶ μοῦνον παῖδα πυρωσαμένη, ### book 466.1.3 ὀκτωκαιδεκέτης ὃς ἀπώλεο, τέκνον· ἐγὼ δὲ ### book 466 ὀρφάνιον κλαίω γῆρας ὀδυρομένη. ### book 466.5.1 βαίην εἰς Ἄϊδος σκιερὸν δόμον· οὔτε μοι ἠὼς ### book 466.5.2 ἡδεῖ’ οὔτ’ ἀκτὶς ὠκέος ἠελίου. ### book 466.5.3 ἆ δείλ’ Ἀντίκλεις μεμορημένε, πένθεος εἴης ### book 466.5.4 ἰητὴρ ζωῆς ἔκ με κομισσάμενος. ### book 467.1.1 Τοῦτό τοι, Ἀρτεμίδωρε, τεῷ ἐπὶ σάματι μάτηρ ### book 467.1.2 ἴαχε δωδεκέτη σὸν γοόωσα μόρον· ### book 467.1.3 „Ὤλετ’ ἐμᾶς ὠδῖνος ὁ πᾶς πόνος εἰς σποδόν, εἰς πῦρ ### book 467.1.4 ὤλεθ’ ὁ παμμέλεος γειναμένου κάματος· ### book 467.5.1 ὤλετ’ ἀπευθεῖ μοι τέρψις σέθεν· ἐς γὰρ ἄκαμπτον, ### book 467.5.2 ἐς τὸν ἀνόστητον χῶρον ἔβης ἐνέρων, ### book 467.5.3 οὐδ’ ἐς ἐφηβείαν ἐλθών, τέκος· ἀντὶ δὲ σεῖο ### book 467.5.4 στάλα καὶ κωφὰ λείπεται ἄμμι κόνις.“ ### book 468.1.1 Οἰκτρότατον μάτηρ σε, Χαρίξενε, δῶρον ἐς Ἅιδαν ### book 468.1.2 ὀκτωκαιδεκέταν ἐστόλισεν χλαμύδι. ### book 468.1.3 ἦ γὰρ δὴ καὶ πέτρος ἀνέστενεν, ἁνίκ’ ἀπ’ οἴκων ### book 468.1.4 ἅλικες οἰμωγᾷ σὸν νέκυν ἠχθοφόρευν. ### book 468.5.1 πένθος δ’, οὐχ ὑμέναιον ἀνωρύοντο γονῆες· ### book 468.5.2 αἰαῖ τὰς μαστῶν ψευδομένας χάριτας ### book 468.5.3 καὶ κενεὰς ὠδῖνας. ἰὼ κακοπάρθενε Μοῖρα, ### book 468.5.4 στεῖρα γονᾶς στοργὰν ἔπτυσας εἰς ἀνέμους. ### book 468.5.5 τοῖς μὲν ὁμιλήσασι ποθεῖν πάρα, τοῖς δὲ τοκεῦσι ### book 468.10 πενθεῖν, οἷς δ’ ἀγνώς, πευθομένοις ἐλεεῖν. ### book 469.1.1 Εὔβουλόν μ’ ἐτέκνωσεν Ἀθηναγόρης περὶ πάντων ### book 469.1.2 ἥσσονα μὲν μοίρᾳ, κρέσσονα δ’ εὐλογίᾳ. ### book 470.1.1 Εἶπον ἀνειρομένῳ, τίς καὶ τίνος ἐσσί. —„Φίλαυλος ### book 470.1.2 Εὐκρατίδεω.“ —Ποδαπὸς δ’ εὔχε’ 〈ἔμεν; —„Θριασεύσ〉.“ — ### book 470.1.3 Ἔζησας δὲ τίνα στέργων βίον; —„Οὐ τὸν ἀρότρου, ### book 470.1.4 οὐδὲ τὸν ἐκ νηῶν, τὸν δὲ σοφοῖς ἕταρον.“ — ### book 470.5.1 Γήραϊ δ’ ἢ νούσῳ βίον ἔλλιπες; —„Ἤλυθον Ἅιδαν ### book 470.5.2 αὐτοθελεί, Κείων γευσάμενος κυλίκων.“ — ### book 470.5.3 Ἦ πρέσβυς; —„Καὶ κάρτα.“ —Λάβοι νύ σε βῶλος ἐλαφρὴ ### book 470.5.4 σύμφωνον πινυτῷ σχόντα λόγῳ βίοτον. ### book 471.1.1 Εἴπας „Ἥλιε, χαῖρε“ Κλεόμβροτος Ὡμβρακιώτης ### book 471.1.2 ἥλατ’ ἀφ’ ὑψηλοῦ τείχεος εἰς Ἀίδην, ### book 471.1.3 ἄξιον οὐδὲν ἰδὼν θανάτου κακόν, ἀλλὰ Πλάτωνος ### book 471 ἓν τὸ περὶ ψυχῆς γράμμ’ ἀναλεξάμενος. ### book 472.1.1 Μυρίος ἦν, ὤνθρωπε, χρόνος πρὸ τοῦ, ἄχρι πρὸς ἠῶ ### book 472.1.2 ἦλθες, χὠ λοιπὸς μυρίος εἰς Ἀίδην. ### book 472.1.3 τίς μοῖρα ζωῆς ὑπολείπεται, ἢ ὅσον ὅσσον ### book 472.1.4 στιγμὴ καὶ στιγμῆς εἴ τι χαμηλότερον; ### book 472.5.1 μικρή σευ ζωὴ τεθλιμμένη· οὐδὲ γὰρ αὐτὴ ### book 472.5.2 ἡδεῖ’, ἀλλ’ ἐχθροῦ στυγνοτέρη θανάτου. ### book 472.5.3 ἐκ τοίης ὥνθρωποι ἀπηκριβωμένοι ὀστῶν ### book 472.5.4 ἁρμονίης ὑψοῦντ’ ἠέρα καὶ νεφέλας· ### book 472.5.5 ὦνερ, ἴδ’, ὡς ἀχρεῖον, ἐπεὶ περὶ νήματος ἄκρον ### book 472.10.1 εὐλὴ ἀκέρκιστον λῶπος ἐφεζομένη· ### book 472.10.2 τοῖον τὸ ψαλάθρειον ἀπεψιλωμένον οἷον ### book 472.10.3 πολλῷ ἀραχναίου στυγνότερον σκελετοῦ. ### book 472.10.4 ἠοῦν ἐξ ἠοῦς ὅσσον σθένος, ὦνερ, ἐρευνῶν ### book 472.10.5 εἴης ἐν λειτῇ κεκλιμένος βιοτῇ· ### book 472.15.1 αἰὲν τοῦτο νόῳ μεμνημένος, ἄχρις ὁμιλῇς ### book 472.15.2 ζωοῖς, ἐξ οἵης ἡρμόνισαι καλάμης. ### book 472b.1.1 Χειμέριον ζωὴν ὑπαλεύεο, νεῖο δ’ ἐς ὅρμον, ### book 472b.1.2 ὡς κἠγὼ Φείδων ὁ Κρίτου, εἰς Ἀίδην. ### book 473.1.1 Δαμὼ καὶ Μάθυμνα τὸν ἐν τριετηρίσιν ὥραις ### book 473.1.2 Εὔφρονα λυσσατὰν ὡς ἐπύθοντο νέκυν, ### book 473.1.3 ζωὰν ἀρνήσαντο, τανυπλέκτων δ’ ἀπὸ μιτρᾶν ### book 473 χερσὶ δεραιούχους ἐκρεμάσαντο βρόχους. ### book 474.1.1 Εἷς ὅδε Νικάνδρου τέκνων τάφος· ἓν φάος ἀοῦς ### book 474.1.2 ἄνυσε τὰν ἱερὰν Λυσιδίκας γενεάν. ### book 475.1.1 Νυμφίον Εὐαγόρην πολὺ πενθεροῦ ἡ Πολυαίνου ### book 475.1.2 Σκυλλὶς ἀν’ εὐρείας ἦλθε βοῶσα πύλας, ### book 475.1.3 παῖδα τὸν Ἡγεμάχειον ἐφέστιον. οὐδ’ ἄρ’ ἐκείνη ### book 475.1.4 χήρη πατρῴους αὖθις ἐσῆλθε δόμους, ### book 475.5.1 δαιμονίη, τριτάτῳ δὲ κατέφθιτο μηνὶ δυσαίων ### book 475.5.2 οὐλομένῃ ψυχῆς δύσφρονι τηκεδόνι. ### book 475.5.3 τοῦτο δ’ ἐπ’ ἀμφοτέροισι πολύκλαυτον φιλότητος ### book 475.5.4 ἕστηκεν λείῃ μνῆμα παρὰ τριόδῳ. ### book 476.1.1 Δάκρυά σοι καὶ νέρθε διὰ χθονός, Ἡλιοδώρα, ### book 476.1.2 δωροῦμαι, στοργᾶς λείψανον, εἰς Ἀίδαν, ### book 476.1.3 δάκρυα δυσδάκρυτα· πολυκλαύτῳ δ’ ἐπὶ τύμβῳ ### book 476.1.4 σπένδω μνᾶμα πόθων, μνᾶμα φιλοφροσύνας. ### book 476.5.1 οἰκτρὰ γάρ, οἰκτρὰ φίλαν σε καὶ ἐν φθιμένοις Μελέαγρος ### book 476.5.2 αἰάζω, κενεὰν εἰς Ἀχέροντα χάριν. ### book 476.5.3 αἰαῖ, ποῦ τὸ ποθεινὸν ἐμοὶ θάλος; ἅρπασεν Ἅιδας, ### book 476.5.4 ἅρπασεν· ἀκμαῖον δ’ ἄνθος ἔφυρε κόνις. ### book 476.5.5 ἀλλά σε γουνοῦμαι, Γᾶ παντρόφε, τὰν πανόδυρτον ### book 476.10 ἠρέμα σοῖς κόλποις, μᾶτερ, ἐναγκάλισαι. ### book 477.1.1 Μή σοι τοῦτο, Φιλαινί, λίην ἐπικάρδιον ἔστω, ### book 477.1.2 εἰ μὴ πρὸς Νείλῳ γῆς μορίης ἔτυχες, ### book 477.1.3 ἀλλά ς’ Ἐλευθέρνης ὅδ’ ἔχει τάφος· ἔστι γὰρ ἴση ### book 477.1.4 πάντοθεν εἰς Ἀίδην ἐρχομένοισιν ὁδός. ### book 478.1.1 Τίς ποτ’ ἄρ’ εἶ; τίνος ἆρα παρὰ τρίβον ὀστέα ταῦτα ### book 478.1.2 τλήμον’ ἐν ἡμιφαεῖ λάρνακι γυμνὰ μένει; ### book 478.1.3 μνῆμα δὲ καὶ τάφος αἰὲν ἀμαξεύοντος ὁδίτεω ### book 478.1.4 ἄξονι καὶ τροχιῇ λειτὰ παραξέεται. ### book 478.5.1 ἤδη σευ καὶ πλευρὰ παρατρίψουσιν ἄμαξαι, ### book 478.5.2 σχέτλιε, σοὶ δ’ οὐδεὶς οὐδ’ ἐπὶ δάκρυ βαλεῖ. ### book 479.1.1 Πέτρος ἐγὼ τὸ πάλαι γυρὴ καὶ ἄτριπτος ἐπιβλὴς ### book 479.1.2 τὴν Ἡρακλείτου ἔνδον ἔχω κεφαλήν· ### book 479.1.3 αἰών μ’ ἔτριψεν κροκάλαις ἴσον· ἐν γὰρ ἀμάξῃ ### book 479.1.4 παμφόρῳ αἰζηῶν εἰνοδίη τέταμαι. ### book 479.5.1 ἀγγέλλω δὲ βροτοῖσι, καὶ ἄστηλός περ ἐοῦσα, ### book 479.5.2 θεῖον ὑλακτητὴν δήμου ἔχουσα κύνα. ### book 480.1.1 Ἤδη μευ τέτριπται ὑπεκκεκαλυμμένον ὀστεῦν ### book 480.1.2 ἁρμονίῃ τ’, ὦνερ, πλὰξ ἐπικεκλιμένη· ### book 480.1.3 ἤδη καὶ σκώληκες ὑπὲκ σοροῦ αὐγάζονται ### book 480 ἡμετέρης. τί πλέον γῆν ἐπιεννύμεθα; ### book 480.5.1 ἦ γὰρ τὴν οὔπω πρὶν ἰτὴν ὁδὸν ἐτμήξαντο ### book 480.5.2 ἄνθρωποι κατ’ ἐμῆς νισσόμενοι κεφαλῆς. ### book 480.5.3 ἀλλά, πρὸς ἐγγαίων Ἀϊδωνέος Ἑρμεία τε ### book 480.5.4 καὶ Νυκτός, ταύτης ἐκτὸς ἴτ’ ἀτραπιτοῦ. ### book 481.1.1 Ἁ στάλα βαρύθουσα λέγει τάδε· „Τὰν μινύωρον, ### book 481.1.2 τὰν μικκὰν Ἀίδας ἅρπασε Θειοδόταν.“ ### book 481.1.3 χἀ μικκὰ τάδε πατρὶ λέγει πάλιν· „Ἴσχεο λύπας, ### book 481.1.4 Θειόδοτε· θνατοὶ πολλάκι δυστυχέες.“ ### book 482.1.1 Οὔπω τοι πλόκαμοι τετμημένοι οὐδὲ σελάνας ### book 482.1.2 τοὶ τριετεῖς μηνῶν ἁνιοχεῦντο δρόμοι, ### book 482.1.3 Κλεύδικε, Νικασὶς ὅτε σὰν περὶ λάρνακα μάτηρ, ### book 482.1.4 τλῆμον, ἐπ’ αἰακτᾷ πόλλ’ ἐβόα στεφάνᾳ ### book 482.5.1 καὶ γενέτας Περί〈κλειτοσ〉· ἐπ’ ἀγνώτῳ δ’ Ἀχέροντι ### book 482.5.2 ἡβάσεις ἥβαν, Κλεύδικ’, ἀνοστοτάταν. ### book 483.1.1 Ἀίδη ἀλλιτάνευτε καὶ ἄτροπε, τίπτε τοι οὕτω ### book 483.1.2 Κάλλαισχρον ζωᾶς νήπιον ὠρφάνισας; ### book 483.1.3 ἔσται μὰν ὅ γε παῖς ἐν δώμασι Φερσεφονείοις ### book 483 παίγνιον, ἀλλ’ οἴκοι λυγρὰ λέλοιπε πάθη. ### book 484.1.1 Πέντε κόρας καὶ πέντε Βιὼ Διδύμωνι τεκοῦσα ### book 484.1.2 ἄρσενας οὐδὲ μιᾶς οὐδ’ ἑνὸς ὠνάσατο, ### book 484.1.3 ἣ μέγ’ ἀρίστη ἐοῦσα καὶ εὔτεκνος οὐχ ὑπὸ παίδων, ### book 484.1.4 ὀθνείαις δ’ ἐτάφη χερσὶ θανοῦσα Βιώ. ### book 485.1.1 Βάλλεθ’ ὑπὲρ τύμβου πολιὰ κρίνα καὶ τὰ συνήθη ### book 485.1.2 τύμπαν’ ἐπὶ στήλῃ ῥήσσετ’ Ἀλεξιμένευς ### book 485.1.3 καὶ περιδινήσασθε μακρῆς ἀνελίγματα χαίτης ### book 485.1.4 Στρυμονίην, ἄφετοι θυιάδες, ἀμφὶ πόλιν, ### book 485.5.1 ἣ γλυκερὰ πνεύσαντος ἐφ’ ὑμετέραισιν ἀυταῖς ### book 485.5.2 πολλάκι πρὸς μαλακοὺς τοῦδ’ ἐχόρευε νόμους. ### book 486.1.1 Πολλάκι τῷδ’ ὀλοφυδνὰ κόρας ἐπὶ σάματι Κλεινὼ ### book 486.1.2 μάτηρ ὠκύμορον παῖδ’ ἐβόασε φίλαν, ### book 486.1.3 ψυχὰν ἀγκαλέουσα Φιλαινίδος, ἃ πρὸ γάμοιο ### book 486.1.4 χλωρὸν ὑπὲρ ποταμοῦ χεῦμ’ Ἀχέροντος ἔβα. ### book 487.1.1 Ὤλεο δὴ πρὸ γάμοιο, Φιλαίνιον, οὐδέ σε μάτηρ ### book 487.1.2 Πυθιὰς ὡραίους ἤγαγεν εἰς θαλάμους ### book 487.1.3 νυμφίου· ἀλλ’ ἐλεεινὰ καταδρύψασα παρειὰς ### book 487 τεσσαρακαιδεκέτιν τῷδ’ ἐκάλυψε τάφῳ. ### book 488.1.1 Αἰαῖ, Ἀριστοκράτεια, σὺ μὲν βαθὺν εἰς Ἀχέροντα ### book 488.1.2 οἴχεαι ὡραίου κεκλιμένα πρὸ γάμου, ### book 488.1.3 ματρὶ δὲ δάκρυα σᾷ καταλείπεται, ἅ ς’ ἐπὶ τύμβῳ ### book 488.1.4 πολλάκι κεκλιμένας κωκύει ἐκ κεφαλᾶς. ### book 489.1.1 Τιμάδος ἅδε κόνις, τὰν δὴ πρὸ γάμοιο θανοῦσαν ### book 489.1.2 δέξατο Φερσεφόνας κυάνεος θάλαμος, ### book 489.1.3 ἇς καὶ ἀποφθιμένας πᾶσαι νεοθᾶγι σιδάρῳ ### book 489.1.4 ἅλικες ἱμερτὰν κρατὸς ἔθεντο κόμαν. ### book 490.1.1 Παρθένον Ἀντιβίαν κατοδύρομαι, ἇς ἐπὶ πολλοὶ ### book 490.1.2 νυμφίοι ἱέμενοι πατρὸς ἵκοντο δόμον, ### book 490.1.3 κάλλευς καὶ πινυτᾶτος ἀνὰ κλέος· ἀλλ’ ἐπιπάντων ### book 490.1.4 ἐλπίδας οὐλομένα Μοῖρ’ ἐκύλισε πρόσω. ### book 491.1.1 Αἰαῖ παρθενίας ὀλοόφρονος, ἇς ἄπο φαιδρὰν ### book 491.1.2 ἔκλασας ἁλικίαν, ἱμερόεσσα Κλεοῖ· ### book 491.1.3 κὰδ δέ ς’ ἀμυξάμεναι περὶ δάκρυσιν αἵδ’ ἐπὶ τύμβῳ ### book 491 λᾶες Σειρήνων ἕσταμες εἰδάλιμοι. ### book 492.1.1 Οἰχόμεθ’, ὦ Μίλητε, φίλη πατρί, τῶν ἀθεμίστων ### book 492.1.2 τὰν ἄνομον Γαλατᾶν ὕβριν ἀναινόμεναι, ### book 492.1.3 παρθενικαὶ τρισσαὶ πολιήτιδες, ἃς ὁ βιατὰς ### book 492.1.4 Κελτῶν εἰς ταύτην μοῖραν ἔτρεψεν Ἄρης. ### book 492.5.1 οὐ γὰρ ἐμείναμεν αἷμα τὸ δυσσεβὲς οὐδ’ Ὑμέναιον, ### book 492.5.2 νυμφίον ἀλλ’ Ἀίδην κηδεμόν’ εὑρόμεθα. ### book 493.1.1 Οὐ νούσῳ Ῥοδόπα τε καὶ ἁ γενέτειρα Βοΐσκα ### book 493.1.2 οὐδ’ ὑπὸ δυσμενέων δούρατι κεκλίμεθα, ### book 493.1.3 ἀλλ’ αὐταί, πάτρας ὁπότ’ ἔφλεγεν ἄστυ Κορίνθου ### book 493.1.4 γοργὸς Ἄρης, Ἀίδαν ἄλκιμον εἱλόμεθα. ### book 493.5.1 ἔκτανε γὰρ μάτηρ με διασφακτῆρι σιδάρῳ, ### book 493.5.2 οὐδ’ ἰδίου φειδὼ δύσμορος ἔσχε βίου, ### book 493.5.3 ἇψε δ’ ἐναυχένιον δειρᾷ βρόχον· ἦς γὰρ ἀμείνων ### book 493.5.4 δουλοσύνας ἁμῖν πότμος ἐλευθέριος. ### book 494.1.1 Ἐν πόντῳ Σώδαμος ὁ Κρὴς θάνεν, ᾧ φίλα, Νηρεῦ, ### book 494.1.2 δίκτυα καὶ τὸ σὸν ἦν κεῖνο σύνηθες ὕδωρ, ### book 494.1.3 ἰχθυβολεὺς ὁ περισσὸς ἐν ἀνδράσιν, ἀλλὰ θάλασσα ### book 494 οὔ τι διακρίνει χείματος οὐδ’ ἁλιεῖς. ### book 495.1.1 Στυγνὸς ἐπ’ Ἀρκτούρῳ ναύταις πλόος, ἐκ δὲ Βορείης ### book 495.1.2 λαίλαπος Ἀσπασίῳ πικρὸν ἔτευξε μόρον, ### book 495.1.3 οὗ στείχεις παρὰ τύμβον, ὁδοιπόρε· σῶμα δὲ πόντος ### book 495.1.4 ἔκρυψ’ Αἰγαίῳ ῥαινόμενον πελάγει. ### book 495.5.1 ἠιθέων δακρυτὸς ἅπας μόρος· ἐν δὲ θαλάσσῃ ### book 495.5.2 πλεῖστα πολυκλαύτου κήδεα ναυτιλίης. ### book 496.1.1 Ἠερίη Γεράνεια, κακὸν λέπας, ὤφελεν Ἴστρον ### book 496.1.2 τῆλε καὶ ἐκ Σκυθέων μακρὸν ὁρᾶν Τάναϊν ### book 496.1.3 μηδὲ πέλας ναίειν Σκειρωνικὸν οἶδμα θαλάσσης ### book 496.1.4 ἄγκεα νειφομένης ἀμφὶ Μεθουριάδος. ### book 496.5.1 νῦν δ’ ὁ μὲν ἐν πόντῳ κρυερὸς νέκυς, οἱ δὲ βαρεῖαν ### book 496.5.2 ναυτιλίην κενεοὶ τῇδε βοῶσι τάφοι. ### book 497.1.1 Καί ποτε Θυμώδης, τὰ παρ’ ἐλπίδα κήδεα κλαίων, ### book 497.1.2 παιδὶ Λύκῳ κενεὸν τοῦτον ἔχευε τάφον· ### book 497.1.3 οὐδὲ γὰρ ὀθνείην ἔλαχεν κόνιν, ἀλλά τις ἀκτὴ ### book 497.1.4 θινιὰς ἢ νήσων ποντιάδων τις ἔχει· ### book 497.5 ἔνθ’ ὅ γέ που πάντων κτερέων ἄτερ ὀστέα φαίνει ### book 497 γυμνὸς ἐπ’ ἀξείνου κείμενος αἰγιαλοῦ. ### book 498.1.1 Δᾶμις ὁ Νυσαεύς, ἐλαχὺ σκάφος ἔκ ποτε πόντου ### book 498.1.2 Ἰονίου ποτὶ γᾶν ναυστολέων Πέλοπος ### book 498.1.3 φορτίδα μὲν καὶ πάντα νεὼς ἐπιβήτορα λαὸν ### book 498.1.4 κύματι καὶ συρμῷ πλαζομένους ἀνέμων ### book 498.5.1 ἀσκηθεῖς ἐσάωσε· καθιεμένης δ’ ἐπὶ πέτραις ### book 498.5.2 ἀγκύρης ψυχρῶν κάτθανεν ἐκ νιφάδων ### book 498.5.3 ἠμύσας ὁ πρέσβυς. ἴδ’, ὡς λιμένα γλυκὺν ἄλλοις ### book 498.5.4 δούς, ξένε, τὸν Λήθης αὐτὸς ἔδυ λιμένα. ### book 499.1.1 Ναυτίλοι ὦ πλώοντες, ὁ Κυρηναῖος Ἀρίστων ### book 499.1.2 πάντας ὑπὲρ Ξενίου λίσσεται ὔμμε Διός, ### book 499.1.3 εἰπεῖν πατρὶ Μένωνι, παρ’ Ἰκαρίαις ὅτι πέτραις ### book 499.1.4 κεῖται ἐν Αἰγαίῳ θυμὸν ἀφεὶς πελάγει. ### book 500.1.1 Ὦ παρ’ ἐμὸν στείχων κενὸν ἠρίον, εἶπον, ὁδῖτα, ### book 500.1.2 εἰς Χίον εὖτ’ ἂν ἵκῃ, πατρὶ Μελησαγόρῃ, ### book 500.1.3 ὡς ἐμὲ μὲν καὶ νῆα καὶ ἐμπορίην κακὸς Εὖρος ### book 500.1.4 ὤλεσεν, Εὐίππου δ’ αὐτὸ λέλειπτ’ ὄνομα. ### book 501.1.1 Εὔρου χειμέριαί σε καταιγίδες ἐξεκύλισαν, ### book 501.1.2 Φίλλι, πολυκλύστῳ γυμνὸν ἐπ’ ἠιόνι, ### book 501.1.3 οἰνηρῆς Λέσβοιο παρὰ σφυρόν· αἰγίλιπος δὲ ### book 501 πέτρου ἁλιβρέκτῳ κεῖσαι ὑπὸ πρόποδι. ### book 502.1.1 Ἠρίον εἰμὶ Βίτωνος, ὁδοιπόρε· εἰ δὲ Τορώνην ### book 502.1.2 λείπων εἰς αὐτὴν ἔρχεαι Ἀμφίπολιν, ### book 502.1.3 εἰπεῖν Νικαγόρᾳ, παίδων ὅτι τὸν μόνον αὐτῷ ### book 502.1.4 Στρυμονίης Ἐρίφων ὤλεσε πανδυσίῃ. ### book 503.1.1 Ἀρχαίης ὦ θινὸς ἐπεστηλωμένον ἄχθος, ### book 503.1.2 εἴποις, ὅντιν’ ἔχεις ἢ τίνος ἢ ποδαπόν. — ### book 503.1.3 „Φίντων’ Ἑρμιονῆα Βαθυκλέος, ὃν πολὺ κῦμα ### book 503.1.4 ὤλεσεν, Ἀρκτούρου λαίλαπι χρησάμενον.“ ### book 504.1.1 Πάρμις ὁ Καλλιγνώτου ἐπακταῖος καλαμευτής, ### book 504.1.2 ἄκρος καὶ κίχλης καὶ σκάρου ἰχθυβολεὺς ### book 504.1.3 καὶ λάβρου πέρκης δελεάρπαγος ὅσσα τε κοίλας ### book 504.1.4 σήραγγας πέτρας τ’ ἐμβυθίους νέμεται, ### book 504.5.1 ἄγρης ἐκ πλωτῆς ποτ’ ἰουλίδα πετρήεσσαν ### book 504.5.2 δακνάζων ὀλοὴν ἐξ ἁλὸς ἀράμενος ### book 504.5.3 ἔφθιτ’· ὀλισθηρὴ γὰρ ὑπὲκ χερὸς ἀίξασα ### book 504.5.4 ᾤχετ’ ἐπὶ στεινὸν παλλομένη φάρυγα. ### book 504.5.5 χὠ μὲν μηρίνθων καὶ δούνακος ἀγκίστρων τε ### book 504.10.1 ἐγγὺς ἀπὸ πνοιὴν ἧκε κυλινδόμενος, ### book 504.10.2 νήματ’ ἀναπλήσας ἐπιμοίρια· τοῦ δὲ θανόντος ### book 504 Γρίπων ὁ γριπεὺς τοῦτον ἔχωσε τάφον. ### book 505.1.1 Τῷ γριπεῖ Πελάγωνι πατὴρ ἐπέθηκε Μενίσκος ### book 505.1.2 κύρτον καὶ κώπαν, μνᾶμα κακοζοΐας. ### book 506.1.1 Κἠν γῇ καὶ πόντῳ κεκρύμμεθα· τοῦτο περισσὸν ### book 506.1.2 ἐκ Μοιρέων Θάρσυς Χαρμίδου ἠνύσατο. ### book 506.1.3 ἦ γὰρ ἐπ’ ἀγκύρης ἔνοχον βάρος εἰς ἅλα δύνων ### book 506.1.4 Ἰόνιόν θ’ ὑγρὸν κῦμα κατερχόμενος ### book 506.5.1 τὴν μὲν ἔσως’, αὐτὸς δὲ μετάτροπος ἐκ βυθοῦ ἔρρων, ### book 506.5.2 ἤδη καὶ ναύταις χεῖρας ὀρεγνύμενος, ### book 506.5.3 ἐβρώθην· τοῖόν μοι ἐπ’ ἄγριον εὖ μέγα κῆτος ### book 506.5.4 ἦλθεν, ἀπέβροξεν δ’ ἄχρις ἐπ’ ὀμφαλίου. ### book 506.5.5 χἤμισυ μὲν ναῦται, ψυχρὸν βάρος, ἐξ ἁλὸς ἡμῶν ### book 506.10.1 ἤρανθ’, ἥμισυ δὲ πρίστις ἀπεκλάσατο· ### book 506.10.2 ᾐόνι δ’ ἐν ταύτῃ κακὰ λείψανα Θάρσυος, ὦνερ, ### book 506.10.3 ἔκρυψαν· πάτρην δ’ οὐ πάλιν ἱκόμεθα. ### book 507.1.1 Ἄνθρωπ’, οὐ Κροίσου λεύσσεις τάφον, ἀλλὰ γὰρ ἀνδρὸς ### book 507.1.2 χερνήτεω· μικρὸς τύμβος, ἐμοὶ δ’ ἱκανός. ### book 507b Οὐκ ἐπιδὼν νύμφεια λέχη κατέβην τὸν ἄφυκτον ### book 507b Γόργιππος ξανθῆς Φερσεφόνης θάλαμον. ### book 508.1.1 Παυσανίαν ἰητρὸν ἐπώνυμον, Ἀγχίτεω υἱόν, ### book 508.1.2 τόνδ’ Ἀσκληπιάδην πατρὶς ἔθαψε Γέλα, ### book 508.1.3 ὃς πλείστους κρυεραῖσι μαραινομένους ὑπὸ νούσοις ### book 508.1.4 φῶτας ἀπέστρεψεν Φερσεφόνης θαλάμων. ### book 509.1.1 Σῆμα Θεόγνιδός εἰμι Σινωπέος, ᾧ μ’ ἐπέθηκεν ### book 509.1.2 Γλαῦκος ἑταιρείης ἀντὶ πολυχρονίου. ### book 510.1.1 Σῶμα μὲν ἀλλοδαπὴ κεύθει κόνις, ἐν δέ σε πόντῳ, ### book 510.1.2 Κλείσθενες, Εὐξείνῳ μοῖρ’ ἔκιχεν θανάτου ### book 510.1.3 πλαζόμενον· γλυκεροῦ δὲ μελίφρονος οἴκαδε νόστου ### book 510.1.4 ἤμπλακες οὐδ’ ἵκευ Χῖον ἐπ’ ἀμφιρύτην. ### book 511.1.1 Σῆμα καταφθιμένοιο Μεγακλέος εὖτ’ ἂν ἴδωμαι, ### book 511.1.2 οἰκτείρω σε, τάλαν Καλλία, οἷ’ ἔπαθες. ### book 512.1.1 Τῶνδε δι’ ἀνθρώπων ἀρετὰν οὐχ ἵκετο καπνὸς ### book 512.1.2 αἰθέρα δαιομένας εὐρυχόρου Τεγέας, ### book 512.1.3 οἳ βούλοντο πόλιν μὲν ἐλευθερίᾳ τεθαλυῖαν ### book 512 παισὶ λιπεῖν, αὐτοὶ δ’ ἐν προμάχοισι θανεῖν. ### book 513.1.1 Φῆ ποτε Πρωτόμαχος, πατρὸς περὶ χεῖρας ἔχοντος, ### book 513.1.2 ἡνίκ’ ἀφ’ ἱμερτὴν ἔπνεεν ἡλικίην· ### book 513.1.3 „Ὦ Τιμηνορίδη, παιδὸς φίλου οὔποτε λήσῃ ### book 513.1.4 οὔτ’ ἀρετὴν ποθέων οὔτε σαοφροσύνην.“ ### book 514.1.1 Αἰδὼς καὶ Κλεόδημον ἐπὶ προχοῇσι Θεαίρου ### book 514.1.2 ἀενάου στονόεντ’ ἤγαγεν εἰς θάνατον ### book 514.1.3 Θρηικίῳ κύρσαντα λόχῳ· πατρὸς δὲ κλεεννὸν ### book 514.1.4 Διφίλου αἰχμητὴς υἱὸς ἔθηκ’ ὄνομα. ### book 515.1.1 Αἰαῖ, νοῦσε βαρεῖα, τί δὴ ψυχαῖσι μεγαίρεις ### book 515.1.2 ἀνθρώπων ἐρατῇ πὰρ νεότητι μένειν; ### book 515.1.3 ἣ καὶ Τίμαρχον γλυκερῆς αἰῶνος ἄμερσας ### book 515.1.4 ἠίθεον, πρὶν ἰδεῖν κουριδίην ἄλοχον. ### book 516.1.1 Οἱ μὲν ἐμὲ κτείναντες ὁμοίων ἀντιτύχοιεν, ### book 516.1.2 Ζεῦ Ξένι’· οἱ δ’ ὑπὸ γᾶν θέντες ὄναιντο βίου. ### book 517.1.1 Ἠῷοι Μελάνιππον ἐθάπτομεν, ἠελίου δὲ ### book 517.1.2 δυομένου Βασιλὼ κάτθανε παρθενικὴ ### book 517.1.3 αὐτοχερί· ζώειν γὰρ ἀδελφεὸν ἐν πυρὶ θεῖσα ### book 517.1.4 οὐκ ἔτλη. δίδυμον δ’ οἶκος ἐσεῖδε κακὸν ### book 517.5 πατρὸς Ἀριστίπποιο· κατήφησεν δὲ Κυρήνη ### book 517 πᾶσα τὸν εὔτεκνον χῆρον ἰδοῦσα δόμον. ### book 518.1.1 Ἀστακίδην τὸν Κρῆτα, τὸν αἰπόλον, ἥρπασε Νύμφη ### book 518.1.2 ἐξ ὄρεος, καὶ νῦν ἱερὸς Ἀστακίδης. ### book 518.1.3 οὐκέτι Δικταίῃσιν ὑπὸ δρυσίν, οὐκέτι Δάφνιν ### book 518.1.4 ποιμένες, Ἀστακίδην δ’ αἰὲν ἀεισόμεθα. ### book 519.1.1 Δαίμονα τίς δ’ εὖ οἶδε τὸν Αὔριον, ἁνίκα καὶ σέ, ### book 519.1.2 Χάρμι, τὸν ὀφθαλμοῖς χθιζὸν ἐν ἁμετέροις, ### book 519.1.3 τᾷ ἑτέρᾳ κλαύσαντες ἐθάπτομεν; οὐδὲν ἐκείνου ### book 519.1.4 εἶδε πατὴρ Διοφῶν χρῆμ’ ἀνιαρότερον. ### book 520.1.1 Ἢν δίζῃ Τίμαρχον ἐν Ἄϊδος, ὄφρα πύθηαι ### book 520.1.2 ἤ τι περὶ ψυχῆς ἢ πάλι, πῶς ἔσεαι, ### book 520.1.3 δίζεσθαι φυλῆς Πτολεμαΐδος υἱέα πατρὸς ### book 520.1.4 Παυσανίου· δήεις δ’ αὐτὸν ἐν εὐσεβέων. ### book 521.1.1 Κύζικον ἢν ἔλθῃς, ὀλίγος πόνος Ἱππακὸν εὑρεῖν ### book 521.1.2 καὶ Διδύμην· ἀφανὴς οὔτι γὰρ ἡ γενεή· ### book 521.1.3 καί σφιν ἀνιηρὸν μὲν ἐρεῖς ἔπος, ἔμπα δὲ λέξαι ### book 521 τοῦθ’, ὅτι τὸν κείνων ὧδ’ ἐπέχω Κριτίην. ### book 522.1.1 „Τιμονόη.“ τίς δ’ ἐσσί; μὰ δαίμονας, οὔ ς’ ἂν ἐπέγνων, ### book 522.1.2 εἰ μὴ Τιμοθέου πατρὸς ἐπῆν ὄνομα ### book 522.1.3 στήλῃ καὶ Μήθυμνα τεὴ πόλις. ἦ μέγα φημὶ ### book 522.1.4 χῆρον ἀνιᾶσθαι σὸν πόσιν Εὐθυμένη. ### book 523.1.1 Οἵτινες Ἀλείοιο παρέρπετε σῆμα Κίμωνος, ### book 523.1.2 ἴστε τὸν Ἱππαίου παῖδα παρερχόμενοι. ### book 524.1.1 Ἦ ῥ’ ὑπὸ σοὶ Χαρίδας ἀναπαύεται; —„Εἰ τὸν Ἀρίμμα ### book 524.1.2 τοῦ Κυρηναίου παῖδα λέγεις, ὑπ’ ἐμοί.“ — ### book 524.1.3 Ὦ Χαρίδα, τί τὰ νέρθε; —„Πολὺς σκότος.“ —Αἱ δ’ ἄνοδοι τί; — ### book 524.1.4 „Ψεῦδος.“ —Ὁ δὲ Πλούτων; —„Μῦθος.“ —Ἀπωλόμεθα. — ### book 524.5.1 „Οὗτος ἐμὸς λόγος ὔμμιν ἀληθινός· εἰ δὲ τὸν ἡδὺν ### book 524.5.2 βούλει, Πελλαίου βοῦς μέγας εἰν Ἀίδῃ.“ ### book 525.1.1 Ὅστις ἐμὸν παρὰ σῆμα φέρεις πόδα, Καλλιμάχου με ### book 525.1.2 ἴσθι Κυρηναίου παῖδά τε καὶ γενέτην. ### book 525.1.3 εἰδείης δ’ ἄμφω κεν· ὁ μέν κοτε πατρίδος ὅπλων ### book 525.1.4 ἦρξεν, ὁ δ’ ἤεισεν κρέσσονα βασκανίης. ### book 525.5 οὐ νέμεσις· Μοῦσαι γάρ, ὅσους ἴδον ὄμματι παῖδας ### book 525 μὴ λοξῷ, πολιοὺς οὐκ ἀπέθεντο φίλους. ### book 526.1.1 Ζεῦ πάτερ, Ὀθρυάδα τίνα φέρτερον ἔδρακες ἄλλον, ### book 526.1.2 ὃς μόνος ἐκ Θυρέας οὐκ ἐθέλησε μολεῖν ### book 526.1.3 πατρίδ’ ἐπὶ Σπάρταν, διὰ δὲ ξίφος ἤλασε πλευρᾶν ### book 526.1.4 δοῦλα καταγράψας σκῦλα κατ’ Ἰναχιδᾶν; ### book 527.1.1 Θεύδοτε, κηδεμόνων μέγα δάκρυον, οἵ σε θανόντα ### book 527.1.2 κώκυσαν μέλεον πυρσὸν ἀναψάμενοι, ### book 527.1.3 αἰνόλινε, τρισάωρε, σὺ δ’ ἀντὶ γάμου τε καὶ ἥβης ### book 527.1.4 κάλλιπες ἡδίστῃ ματρὶ γόους καὶ ἄχη. ### book 528.1.1 Εὐρύσορον περὶ σῆμα τὸ Φαιναρέτης ποτὲ κοῦραι ### book 528.1.2 κέρσαντο ξανθοὺς Θεσσαλίδες πλοκάμους ### book 528.1.3 πρωτοτόκον καὶ ἄποτμον ἀτυζόμεναι περὶ νύμφην· ### book 528.1.4 Λάρισσαν δὲ φίλην ἤκαχε καὶ τοκέας. ### book 529.1.1 Τόλμα καὶ εἰς Ἀίδαν καὶ ἐς οὐρανὸν ἄνδρα κομίζει, ### book 529.1.2 ἃ καὶ Σωσάνδρου παῖδ’ ἐπέβασε πυρᾶς ### book 529.1.3 Δωρόθεον· Φθίᾳ γὰρ ἐλεύθερον ἦμαρ ἰάλλων ### book 529 ἐρραίσθη Σηκῶν μεσσόθι καὶ Χιμέρας. ### book 530.1.1 Μούναν σὺν τέκνοις, νεκυοστόλε, δέξο με, πορθμεῦ, ### book 530.1.2 τὰν λάλον· ἀρκεῖ σοι φόρτος ὁ Τανταλίδης· ### book 530.1.3 πληρώσει γαστὴρ μία σὸν σκάφος· εἴσιδε κούρους ### book 530.1.4 καὶ κούρας, Φοίβου σκῦλα καὶ Ἀρτέμιδος. ### book 531.1.1 Αὐτά τοι τρέσσαντι παρὰ χρέος ὤπασεν ᾅδαν ### book 531.1.2 βαψαμένα κοίλων ἐντὸς ἄρη λαγόνων ### book 531.1.3 μάτηρ, ἅ ς’ ἔτεκεν, Δαμάτριε· φᾶ δὲ σίδαρον ### book 531.1.4 παιδὸς ἑοῦ φύρδαν μεστὸν ἔχουσα φόνου, ### book 531.5.1 ἀφριόεν κοναβηδὸν ἐπιπρίουσα γένειον, ### book 531.5.2 δερκομένα λοξαῖς οἷα Λάκαινα κόραις· ### book 531.5.3 „Λεῖπε τὸν Εὐρώταν, ἴθι Τάρταρον· ἁνίκα δειλὰν ### book 531.5.4 οἶσθα φυγάν, τελέθεις οὔτ’ ἐμὸς οὔτε Λάκων.“ ### book 532.1.1 Ἔκ με γεωμορίης Ἐτεοκλέα πόντιος ἐλπὶς ### book 532.1.2 εἵλκυσεν, ὀθνείης ἔμπορον ἐργασίης. ### book 532.1.3 νῶτα δὲ Τυρσηνῆς ἐπάτευν ἁλός· ἀλλ’ ἅμα νηὶ ### book 532.1.4 πρηνιχθεὶς κείνης ὕδασιν ἐγκατέδυν ### book 532.5.1 ἀθρόον ἐμβρίσαντος ἀήματος. οὐκ ἄρ’ ἀλωὰς ### book 532.5.2 αὑτὸς ἐπιπνείει κεἰς ὀθόνας ἄνεμος. ### book 533.1 Καὶ Διὶ καὶ Βρομίῳ με διάβροχον οὐ μέγ’ ὀλισθεῖν, ### book 533 καὶ μόνον ἐκ δοιῶν καὶ βροτὸν ἐκ μακάρων. ### book 534.1.1 Ἄνθρωπε, ζωῆς περιφείδεο μηδὲ παρ’ ὥρην ### book 534.1.2 ναυτίλος ἴσθι· καὶ ὣς οὐ πολὺς ἀνδρὶ βίος. ### book 534.1.3 δείλαιε Κλεόνικε, σὺ δ’ εἰς λιπαρὴν Θάσον ἐλθεῖν ### book 534.1.4 ἠπείγευ, Κοίλης ἔμπορος ἐκ Συρίης, ### book 534.5.1 ἔμπορος, ὦ Κλεόνικε· δύσιν δ’ ὑπὸ Πλειάδος αὐτὴν ### book 534.5.2 ποντοπορῶν αὐτῇ Πλειάδι συγκατέδυς. ### book 535.1.1 Οὐκέθ’ ὁμοῦ χιμάροισιν ἔχειν βίον, οὐκέτι ναίειν ### book 535.1.2 ὁ τραγόπους ὀρέων Πὰν ἐθέλω κορυφάς. ### book 535.1.3 τί γλυκύ μοι, τί ποθεινὸν ἐν οὔρεσιν; ὤλετο Δάφνις, ### book 535.1.4 Δάφνις, ὃς ἡμετέρῃ πῦρ ἔτεκε κραδίῃ. ### book 535.5.1 ἄστυ τόδ’ οἰκήσω, θηρῶν δέ τις ἄλλος ἐπ’ ἄγρην ### book 535.5.2 στελλέσθω· τὰ πάροιθ’ οὐκέτι Πανὶ φίλα. ### book 536.1.1 Οὐδὲ θανὼν ὁ πρέσβυς ἑῷ ἐπιτέτροφε τύμβῳ ### book 536.1.2 βότρυν ἀπ’ οἰνάνθης ἥμερον, ἀλλὰ βάτον ### book 536.1.3 καὶ πνιγόεσσαν ἄχερδον ἀποστύφουσαν ὁδιτῶν ### book 536.1.4 χείλεα καὶ δίψει καρφαλέον φάρυγα. ### book 536.5 ἀλλά τις Ἱππώνακτος ἐπὴν παρὰ σῆμα νέηται, ### book 536 εὐχέσθω κνώσσειν εὐμενέοντα νέκυν. ### book 537.1.1 Ἠρίον οὐκ ἐπὶ πατρί, πολυκλαύτου δ’ ἐπὶ παιδὸς ### book 537.1.2 Λῦσις ἄχει κενεὴν τήνδ’ ἀνέχωσε κόνιν, ### book 537.1.3 οὔνομα ταρχύσας, ἐπεὶ οὐχ ὑπὸ χεῖρα τοκήων ### book 537.1.4 ἤλυθε δυστήνου λείψανα Μαντιθέου. ### book 538.1.1 Μάνης οὗτος ἀνὴρ ἦν ζῶν ποτε· νῦν δὲ τεθνηκὼς ### book 538.1.2 ἶσον Δαρείῳ τῷ μεγάλῳ δύναται. ### book 539.1.1 Οὐ προϊδών, Θεότιμε, κακὴν δύσιν ὑετίοιο ### book 539.1.2 Ἀρκτούρου κρυερῆς ἥψαο ναυτιλίης, ### book 539.1.3 ἥ σε, δι’ Αἰγαίοιο πολυκλήιδι θέοντα ### book 539.1.4 νηί, σὺν οἷς ἑτάροις ἤγαγεν εἰς Ἀίδην. ### book 539.5.1 αἰαῖ, Ἀριστοδίκη δὲ καὶ Εὔπολις, οἵ ς’ ἐτέκοντο, ### book 539.5.2 μύρονται κενεὸν σῆμα περισχόμενοι. ### book 540.1.1 Πρός σε Διὸς Ξενίου γουνούμεθα, πατρὶ Χαρίνῳ ### book 540.1.2 ἄγγειλον Θήβην, ὦνερ, ἐπ’ Αἰολίδα ### book 540.1.3 Μῆνιν καὶ Πολύνικον ὀλωλότε, καὶ τόδε φαίης, ### book 540.1.4 ὡς οὐ τὸν δόλιον κλαίομεν ἄμμι μόρον, ### book 540.5 καίπερ ὑπὸ Θρῃκῶν φθίμενοι χερός, ἀλλὰ τὸ κείνου ### book 540 γῆρας ἐν ἀργαλέῃ κείμενον ὀρφανίῃ. ### book 541.1.1 Ἔστης ἐν προμάχοις, Χαιρωνίδη, ὧδ’ ἀγορεύσας· ### book 541.1.2 „Ἢ μόρον ἢ νίκαν, Ζεῦ, πολέμοιο δίδου“, ### book 541.1.3 ἡνίκα τοι περὶ Τάφρον Ἀχαιίδα τῇ τότε νυκτὶ ### book 541.1.4 δυσμενέες θρασέος δῆριν ἔθεντο πόνου. ### book 541.5.1 ναὶ μὴν ἀλλ’ ἐρατή σε διακριδὸν Ἆλις ἀείδει, ### book 541.5.2 θερμὸν ἀνὰ ξείνην αἷμα χέαντα κόνιν. ### book 542.1.1 Ἕβρου χειμερίοις ἀταλὸς κρυμοῖσι δεθέντος ### book 542.1.2 κοῦρος ὀλισθηροῖς ποσσὶν ἔθραυσε πάγον, ### book 542.1.3 τοῦ παρασυρομένοιο περιρραγὲς αὐχέν’ ἔκοψεν ### book 542.1.4 θηγαλέον ποταμοῦ Βιστονίοιο τρύφος. ### book 542.5.1 καὶ τὸ μὲν ἡρπάσθη δίναις μέρος, ἡ δὲ τεκοῦσα ### book 542.5.2 λειφθὲν ὕπερθε τάφῳ μοῦνον ἔθηκε κάρα· ### book 542.5.3 μυρομένη δὲ τάλαινα· „Τέκος, τέκος,“ εἶπε, „τὸ μέν σου ### book 542.5.4 πυρκαϊή, τὸ δέ σου πικρὸν ἔδαψεν ὕδωρ.“ ### book 543.1.1 Πάντα τις ἀρήσαιτο φυγεῖν πλόον, ὁππότε καὶ σύ, ### book 543.1.2 Θεύγενες, ἐν Λιβυκῷ τύμβον ἔθευ πελάγει, ### book 543.1.3 ἡνίκα σοι κεκμηὸς ἐπέπτατο φορτίδι νηὶ ### book 543 οὖλον ἀνηρίθμων κεῖνο νέφος γεράνων. ### book 544.1.1 Εἰπέ, ποτὶ Φθίαν εὐάμπελον ἤν ποθ’ ἵκηαι ### book 544.1.2 καὶ πόλιν ἀρχαίαν, ὦ ξένε, Θαυμακίαν, ### book 544.1.3 ὡς δρυμὸν Μαλεαῖον ἀναστείβων ποτ’ ἔρημον ### book 544.1.4 εἶδες Λάμπωνος τόνδ’ ἐπὶ παιδὶ τάφον ### book 544.5.1 Δερξίᾳ, ὅν ποτε μοῦνον ἕλον δόλῳ οὐδ’ ἀναφανδὸν ### book 544.5.2 κλῶπες ἐπὶ Σπάρταν δῖαν ἐπειγόμενον. ### book 545.1.1 Τὴν ἐπὶ πυρκαϊῆς ἐνδέξιά φασι κέλευθον ### book 545.1.2 Ἑρμῆν τοὺς ἀγαθοὺς εἰς Ῥαδάμανθυν ἄγειν· ### book 545.1.3 ᾗ καὶ Ἀριστόνοος, Χαιρεστράτου οὐκ ἀδάκρυτος ### book 545.1.4 παῖς, ἡγησίλεω δῶμ’ Ἄϊδος κατέβη. ### book 546.1.1 Εἶχε κορωνοβόλον πενίης λιμηρὸν Ἀρίστων ### book 546.1.2 ὄργανον, ᾧ πτηνὰς ἠκροβόλιζε χένας ### book 546.1.3 ἦκα παραστείχων δολίην ὁδόν, οἷος ἐκείνας ### book 546.1.4 ψεύσασθαι λοξοῖς ὄμμασι φερβομένας. ### book 546.5.1 νῦν δ’ ὁ μὲν εἰν Ἀίδῃ· τὸ δέ οἱ βέλος ὀρφανὸν ἤχου ### book 546.5.2 καὶ χερός· ἡ δ’ ἄγρη τύμβον ὑπερπέταται. ### book 547.1.1 Τὰν στάλαν ἐχάραξε Βιάνωρ οὐκ ἐπὶ ματρὶ ### book 547.1.2 οὐδ’ ἐπὶ τῷ γενέτᾳ, πότμον ὀφειλόμενον, ### book 547.1.3 παρθενικᾷ δ’ ἐπὶ παιδί· κατέστενε δ’ οὐχ Ὑμεναίῳ, ### book 547 ἀλλ’ Ἀίδᾳ νύμφαν δωδεκέτιν κατάγων. ### book 548.1.1 Τίς Δάμων Ἀργεῖος ἐπ’ ἠρίῳ; ἆρα σύναιμος ### book 548.1.2 ἐστὶ Δικαιοτέλους; —„Ἐστὶ Δικαιοτέλους.“ — ### book 548.1.3 Ἠχὼ τοῦτ’ ἐλάλησε πανύστατον, ἢ τόδ’ ἀληθές, ### book 548.1.4 κεῖνος ὅδ’ ἐστὶν ἀνήρ; —„Κεῖνος ὅδ’ ἐστὶν ἀνήρ.“ ### book 549.1.1 Πέτρος ἔτ’ ἐν Σιπύλῳ Νιόβη θρήνοισιν ἐάζει ### book 549.1.2 ἑπτὰ δὶς ὠδίνων μυρομένη θάνατον· ### book 549.1.3 λήξει δ’ οὐδ’ αἰῶνι γόον. τί δ’ ἀλαζόνα μῦθον ### book 549.1.4 φθέγξατο, τὸν ζωῆς ἅρπαγα καὶ τεκέων; ### book 550.1.1 Ναυηγὸς γλαυκοῖο φυγὼν Τρίτωνος ἀπειλὰς ### book 550.1.2 Ἀνθεὺς Φθειώτην οὐ φύγεν αἰνόλυκον· ### book 550.1.3 Πηνειοῦ παρὰ χεῦμα γὰρ ὤλετο. φεῦ τάλαν, ὅστις ### book 550.1.4 Νηρεΐδων Νύμφας ἔσχες ἀπιστοτέρας. ### book 551.1.1 Λητόιος καὶ Παῦλος ἀδελφεὼ ἄμφω ἐόντε ### book 551.1.2 ξυνὴν μὲν βιότου συζυγίην ἐχέτην, ### book 551.1.3 ξυνὰ δὲ καὶ Μοίρης λαχέτην λίνα καὶ παρὰ θῖνα ### book 551.1.4 Βοσπορίην ξυνὴν ἀμφεβάλοντο κόνιν. ### book 551.5.1 οὐδὲ γὰρ ἀλλήλοιν ζώειν ἀπάνευθε δυνάσθην, ### book 551.5.2 ἀλλὰ συνετρεχέτην καὶ παρὰ Φερσεφόνην. ### book 551.5.3 χαίρετον, ὦ γλυκερὼ καὶ ὁμόφρονε· σήματι δ’ ὑμέων ### book 551 ὤφελεν ἱδρῦσθαι βωμὸς Ὁμοφροσύνης. ### book 552.1.1 Ὦ ξένε, τί κλαίεις; —„Διὰ σὸν μόρον.“ —Οἶσθα, τίς εἰμι; — ### book 552.1.2 „Οὐ μὰ τόν, ἀλλ’ ἔμπης οἰκτρὸν ὁρῶ τὸ τέλος. ### book 552.1.3 ἐσσὶ δὲ τίς;“ —Περίκλεια. —„Γυνὴ τίνος;“ —Ἀνδρὸς ἀρίστου, ### book 552.1.4 ῥήτορος, ἐξ Ἀσίης, οὔνομα Μεμνονίου. — ### book 552.5.1 „Πῶς δέ σε Βοσπορίη κατέχει κόνις;“ —Εἴρεο Μοῖραν, ### book 552.5.2 ἥ μοι τῆλε πάτρης ξεῖνον ἔδωκε τάφον. — ### book 552.5.3 „Παῖδα λίπες;“ —Τριέτηρον, ὃς ἐν μεγάροισιν ἀλύων ### book 552.5.4 ἐκδέχεται μαζῶν ἡμετέρων σταγόνα. — ### book 552.5.5 „Αἴθε καλῶς ζώοι.“ —Ναί, ναί, φίλος, εὔχεο κείνῳ, ### book 552.10 ὄφρα μοι ἡβήσας δάκρυ φίλον σταλάοι. ### book 553.1.1 Ζωσίμη, ἡ πρὶν ἐοῦσα μόνῳ τῷ σώματι δούλη, ### book 553.1.2 καὶ τῷ σώματι νῦν ηὗρον ἐλευθερίην. ### book 554.1.1 Λατύπος Ἀρχιτέλης Ἀγαθάνορι παιδὶ θανόντι ### book 554.1.2 χερσὶν ὀιζυραῖς ἡρμολόγησε τάφον· ### book 554.1.3 αἰαῖ πέτρον ἐκεῖνον, ὃν οὐκ ἐκόλαψε σίδηρος, ### book 554.1.4 ἀλλ’ ἐτάκη πυκινοῖς δάκρυσι τεγγόμενος. ### book 554.5.1 φεῦ, στήλη, φθιμένῳ κούφη μένε, κεῖνος ἵν’ εἴπῃ· ### book 554.5.2 „Ὄντως πατρῴη χεὶρ ἐπέθηκε λίθον.“ ### book 555.1.1 Ἐς πόσιν ἀθρήσασα παρ’ ἐσχατίης λίνα μοίρης ### book 555.1.2 ᾔνεσα καὶ χθονίους, ᾔνεσα καὶ ζυγίους, ### book 555.1.3 τοὺς μέν, ὅτι ζωὸν λίπον ἀνέρα, τοὺς δ’, ὅτι τοῖον. ### book 555 ἀλλὰ πατὴρ μίμνοι παισὶν ἐφ’ ἡμετέροις. ### book 555b.1.1 Τοῦτο σαοφροσύνας ἀντάξιον εὕρεο, Νοστώ· ### book 555b.1.2 δάκρυά σοι γαμέτας σπεῖσε καταφθιμένᾳ. ### book 556.1.1 Νηλειὴς Ἀίδης· ἐπὶ σοὶ δ’ ἐγέλασσε θανόντι, ### book 556.1.2 Τίτυρε, καὶ νεκύων θῆκέ σε μιμολόγον. ### book 557.1.1 Τρεῖς ἐτέων δεκάδες Μαίης χρόνος, ἐς τρία δ’ ἄλλα ### book 557.1.2 ἔτρεχεν· ἀλλ’ Ἀίδης πικρὸν ἔπεμψε βέλος, ### book 557.1.3 θηλυτέρην δ’ ἥρπαξε ῥόδων καλύκεσσιν ὁμοίην, ### book 557.1.4 πάντ’ ἀπομαξαμένην ἔργα τὰ Πηνελόπης. ### book 558.1.1 Ἅιδης μὲν σύλησεν ἐμῆς νεότητος ὀπώρην, ### book 558.1.2 κρύψε δὲ παππῴῳ μνήματι τῷδε λίθος. ### book 558.1.3 οὔνομα Ῥουφῖνος γενόμην, παῖς Αἰθερίοιο, ### book 558.1.4 μητρὸς δ’ ἐξ Ἀγάθης, ἀλλὰ μάτην γενόμην. ### book 558.5.1 ἐς γὰρ ἄκρον μούσης τε καὶ ἥβης ἧκον ἐλάσσας, ### book 558.5.2 φεῦ, σοφὸς εἰς Ἀίδην καὶ νέος εἰς ἔρεβος. ### book 558.5.3 κώκυε καὶ σὺ βλέπων τάδε γράμματα μακρόν, ὁδῖτα· ### book 558 δὴ γὰρ ἔφυς ζῳῶν ἢ πάις ἠὲ πατήρ. ### book 559.1.1 Εἶδεν Ἀκεστορίη τρία πένθεα· κείρατο χαίτην ### book 559.1.2 πρῶτον ἐφ’ Ἱπποκράτει καὶ δεύτερον ἀμφὶ Γαληνῷ· ### book 559.1.3 καὶ νῦν Ἀβλαβίου γοερῷ περὶ σήματι κεῖται ### book 559.1.4 αἰδομένη μετὰ κεῖνον ἐν ἀνθρώποισι φανῆναι. ### book 560.1.1 Εἰ καὶ ἐπὶ ξείνης σε, Λεόντιε, γαῖα καλύπτει, ### book 560.1.2 εἰ καὶ ἐρικλαύτων τῆλε θάνες γονέων, ### book 560.1.3 πολλά σοι ἐκ βλεφάρων ἐχύθη περιτύμβια φωτῶν ### book 560.1.4 δάκρυα δυστλήτῳ πένθεϊ δαπτομένων. ### book 560.5.1 πᾶσι γὰρ ἦσθα λίην πεφιλημένος οἷά τε πάντων ### book 560.5.2 ξυνὸς ἐὼν κοῦρος, ξυνὸς ἐὼν ἕταρος. ### book 560.5.3 αἰαῖ, λευγαλέη καὶ ἀμείλιχος ἔπλετο Μοῖρα, ### book 560.5.4 μηδὲ τεῆς ἥβης, δύσμορε, φεισαμένη. ### book 561.1.1 Ἡ Φύσις ὠδίνασα πολὺν χρόνον ἀνέρα τίκτεν ### book 561.1.2 ἄξιον εἰς ἀρετὴν τῶν προτέρων ἐτέων, ### book 561.1.3 τὸν Κρατερὸν σοφίην τε καὶ οὔνομα, τὸν καὶ ἀνιγροῖς ### book 561.1.4 κινήσαντα γόῳ δάκρυον ἀντιπάλοις. ### book 561.5 εἰ δὲ νέος τέθνηκεν, ὑπέρτερα νήματα Μοίρης ### book 561 μέμφεο βουλομένης κόσμον ἄκοσμον ἔχειν. ### book 562.1.1 Ὦ φθέγμα Κρατεροῖο, τί σοι πλέον, εἴ γε καὶ αὐδῆς ### book 562.1.2 ἔπλεο καὶ σιγῆς αἴτιον ἀντιπάλοις; ### book 562.1.3 ζῶντος μὲν γὰρ ἅπαντες ἐφώνεον· ἐκ δὲ τελευτῆς ### book 562.1.4 ὑμετέρης ἰδίην αὖθις ἔδησαν ὄπα. ### book 562.5.1 οὔτις γὰρ μετὰ σεῖο μόρον τέτληκε τανύσσαι ### book 562.5.2 ὦτα λόγοις, Κρατερῷ δ’ ἓν τέλος ἠδὲ λόγοις. ### book 563.1.1 Σιγᾷς, Χρυσεόμαλλε, τὸ χάλκεον, οὐκέτι δ’ ἡμῖν ### book 563.1.2 εἰκόνας ἀρχεγόνων ἐκτελέεις μερόπων ### book 563.1.3 νεύμασιν ἀφθόγγοισι· τεὴ δ’, ὄλβιστε, σιωπὴ ### book 563.1.4 νῦν στυγερὴ τελέθει, τῇ πρὶν ἐθελγόμεθα. ### book 564.1.1 Τῇδέ ποτ’ ἀκτερέιστον ἐδέξατο γαῖα χανοῦσα ### book 564.1.2 Λαοδίκην δῄων ὕβριν ἀλευομένην. ### book 564.1.3 σῆμα δ’ ἀμαλδύναντος ἀνωίστοιο χρόνοιο ### book 564.1.4 Μάξιμος ἔκδηλον θῆκ’ Ἀσίης ὕπατος, ### book 564.5.1 καὶ κούρης χάλκειον ἐπεὶ τύπον ἐφράσατ’ ἄλλῃ ### book 564.5.2 κείμενον ἀκλειῶς, τῷδ’ ἐπέθηκε κύκλῳ. ### book 565.1 Αὐτὴν Θειοδότην ὁ ζωγράφος. αἴθε δὲ τέχνης ### book 565 ἤμβροτε καὶ λήθην δῶκεν ὀδυρομένοις. ### book 566.1.1 Γαῖα καὶ Εἰλήθυια, σὺ μὲν τέκες, ἡ δὲ καλύπτεις· ### book 566.1.2 χαίρετον· ἀμφοτέραις ἤνυσα τὸ στάδιον. ### book 566.1.3 εἶμι δὲ μὴ νοέων, πόθι νίσομαι· οὐδὲ γὰρ ὑμέας ### book 566.1.4 ἢ τίνος ἢ τίς ἐὼν οἶδα πόθεν μετέβην. ### book 567.1.1 Κανδαύλου τόδε σῆμα· Δίκη δ’ ἐμὸν οἶτον ἰδοῦσα ### book 567.1.2 οὐδὲν ἀλιτραίνειν τὴν παράκοιτιν ἔφη. ### book 567.1.3 ἤθελε γὰρ δισσοῖσιν ὑπ’ ἀνδράσι μηδὲ φανῆναι, ### book 567.1.4 ἀλλ’ ἢ τὸν πρὶν ἔχειν ἢ τὸν ἐπιστάμενον. ### book 567.5.1 ἦν ἄρα Κανδαύλην παθέειν κακόν· οὐ γὰρ ἂν ἔτλη ### book 567.5.2 δεῖξαι τὴν ἰδίην ὄμμασιν ἀλλοτρίοις. ### book 568.1.1 Ἑπτά με δὶς λυκάβαντας ἔχουσαν ἀφήρπασε δαίμων, ### book 568.1.2 ἣν μούνην Διδύμῳ πατρὶ Θάλεια τέκεν. ### book 568.1.3 ἆ Μοῖραι, τί τοσοῦτον ἀπηνέες οὐδ’ ἐπὶ παστοὺς ### book 568.1.4 ἠγάγετ’ οὐδ’ ἐρατῆς ἔργα τεκνοσπορίης; ### book 568.5.1 οἱ μὲν γὰρ γονέες με γαμήλιον εἰς Ὑμέναιον ### book 568.5.2 μέλλον ἄγειν, στυγεροῦ δ’ εἰς Ἀχέροντος ἔβην. ### book 568.5.3 ἀλλά, θεοί, λίτομαι, μητρός γε γόους πατέρος τε ### book 568 παύσατε τηκομένων εἵνεκ’ ἐμεῦ φθιμένης. ### book 569.1.1 Ναὶ λίτομαι, παροδῖτα, φίλῳ κατάλεξον ἀκοίτῃ, ### book 569.1.2 εὖτ’ ἂν ἐμὴν λεύσσῃς πατρίδα Θεσσαλίην· ### book 569.1.3 „Κάτθανε σὴ παράκοιτις, ἔχει δέ μιν ἐν χθονὶ τύμβος, ### book 569.1.4 αἰαῖ, Βοσπορίης ἐγγύθεν ἠιόνος· ### book 569.5.1 ἀλλά μοι αὐτόθι τεῦχε κενήριον ἐγγύθι σεῖο, ### book 569.5.2 ὄφρ’ ἀναμιμνῄσκῃ τῆς ποτε κουριδίης.“ ### book 570.1.1 Δουλκίτιον μὲν ἄνακτες ἄκρον βιότοιο πρὸς ὄλβον ### book 570.1.2 ἤγαγον ἐξ ἀρετῆς καὶ κλέος ἀνθυπάτων· ### book 570.1.3 ὡς δὲ Φύσις μιν ἔλυσεν ἀπὸ χθονός, ἀθάνατοι μὲν ### book 570.1.4 αὐτὸν ἔχουσι θεοί, σῶμα δὲ σηκὸς ὅδε. ### book 571.1.1 Ὀρφέος οἰχομένου τάχα τις τότε λείπετο Μοῦσα· ### book 571.1.2 σεῦ δέ, Πλάτων, φθιμένου παύσατο καὶ κιθάρη· ### book 571.1.3 ἦν γὰρ ἔτι προτέρων μελέων ὀλίγη τις ἀπορρὼξ ### book 571.1.4 ἐν σαῖς σῳζομένη καὶ φρεσὶ καὶ παλάμαις. ### book 572.1.1 Οὐχ ὁσίοις λεχέεσσιν ἐτέρπετο λάθριος ἀνὴρ ### book 572.1.2 λέκτρον ὑποκλέπτων ἀλλοτρίης ἀλόχου· ### book 572.1.3 ἐξαπίνης δὲ δόμων ὀροφὴ πέσε, τοὺς δὲ κακούργους ### book 572.1.4 ἔσκεπεν ἀλλήλοις εἰσέτι μισγομένους. ### book 572.5 ξυνὴ δ’ ἀμφοτέρους κατέχει παγίς, εἰν ἑνὶ δ’ ἄμφω ### book 572 κεῖνται συζυγίης οὐκέτι παυόμενοι. ### book 573.1.1 Χειρεδίου τόδε σῆμα, τὸν ἔτρεφεν Ἀτθὶς ἄρουρα ### book 573.1.2 εἰκόνα ῥητήρων τῆς προτέρης δεκάδος, ### book 573.1.3 ῥηιδίως πείθοντα δικασπόλον· ἀλλὰ δικάζων ### book 573.1.4 οὔποτε τῆς ὀρθῆς οὐδ’ ὅσον ἐτράπετο. ### book 574.1.1 Θεσμοὶ μὲν μεμέληντο συνήθεες Ἀγαθονίκῳ, ### book 574.1.2 Μοῖρα δὲ δειμαίνειν οὐ δεδάηκε νόμους· ### book 574.1.3 ἀλλά μιν ἁρπάξασα σοφῶν ἤμερσε θεμίστων ### book 574.1.4 οὔπω τῆς νομίμης ἔμπλεον ἡλικίης. ### book 574.5.1 οἰκτρὰ δ’ ὑπὲρ τύμβοιο κατεστονάχησαν ἑταῖροι ### book 574.5.2 κείμενον οὗ θιάσου κόσμον ὀδυρόμενοι· ### book 574.5.3 ἡ δὲ κόμην τίλλουσα γόῳ πληκτίζετο μήτηρ, ### book 574.5.4 αἰαῖ, τὸν λαγόνων μόχθον ἐπισταμένη. ### book 574.5.5 ἔμπης ὄλβιος οὗτος, ὃς ἐν νεότητι μαρανθεὶς ### book 574.10 ἔκφυγε τὴν βιότου θᾶσσον ἀλιτροσύνην. ### book 575.1.1 Σῆμα Ῥόδης· Τυρίη δὲ γυνὴ πέλεν, ἀντὶ δὲ πάτρης ### book 575.1.2 ἵκετο τήνδε πόλιν κηδομένη τεκέων. ### book 575.1.3 αὕτη ἀειμνήστοιο λέχος κόσμησε Γεμέλλου, ### book 575.1.4 ὃς πάρος εὐνομίης ἴδμονα θῆκε πόλιν. ### book 575.5 γρηῢς μὲν μόρον εὗρεν, ὄφελλε δὲ μυρία κύκλα ### book 575 ζώειν· τῶν ἀγαθῶν οὐ δεχόμεσθα κόρον. ### book 576.1.1 Κάτθανες, ὦ Πύρρων; —„Ἐπέχω.“ —Πυμάτην μετὰ μοῖραν ### book 576.1.2 φὴς ἐπέχειν; —„Ἐπέχω· σκέψιν ἔπαυσε τάφος.“ ### book 577.1.1 Ὅστις με τριόδοισι μέσαις τάρχυσε θανόντα, ### book 577.1.2 λυγρὰ παθὼν τύμβου μηδ’ ὀλίγοιο τύχοι, ### book 577.1.3 πάντες ἐπεὶ Τίμωνα νέκυν καλέουσιν ὁδῖται ### book 577.1.4 καὶ μόρος ἄμμι μόνοις ἄμμορος ἡσυχίης. ### book 578.1.1 Τὸν κρατερὸν Πανοπῆα τὸν ἀγρευτῆρα λεόντων, ### book 578.1.2 τὸν λασιοστέρνων κέντορα παρδαλίων, ### book 578.1.3 τύμβος ἔχει· γλαφυρῆς γὰρ ἀπὸ χθονὸς ἔκτανε δεινὸς ### book 578.1.4 σκορπίος οὐτήσας ταρσὸν ὀρεσσιβάτην. ### book 578.5.1 αἰγανέη δὲ τάλαινα σίγυνά τε πὰρ χθονὶ κεῖται, ### book 578.5.2 αἰαῖ, θαρσαλέων παίγνια δορκαλίδων. ### book 579.1.1 Πέτρου ὁρᾷς ῥητῆρος ἀεὶ γελόωσαν ὀπωπήν, ### book 579.1.2 ἐξόχου εἰν ἀγοραῖς, ἐξόχου ἐν φιλίῃ. ### book 579.1.3 ἐν δὲ Διωνύσου θηεύμενος ὤλετο μοῦνος, ### book 579.1.4 ὑψόθεν ἐκ τέγεος σὺν πλεόνεσσι πεσών, ### book 579.5 βαιὸν ἐπιζήσας, ὅσον ἤρκεσε. τοῦτον ἔγωγε ### book 579 ἄγριον οὐ καλέω, τὸν δὲ φύσει θάνατον. ### book 580.1.1 Οὔποτέ με κρύψεις ὑπὸ πυθμένα νείατον αἴης ### book 580.1.2 τόσσον, ὅσον κρύψαι πάνσκοπον ὄμμα Δίκης. ### book 581.1.1 Ἀντὶ φόνου τάφον ἄμμι χαρίζεαι· ἀλλὰ καὶ αὐτὸς ### book 581.1.2 ἴσων ἀντιτύχοις οὐρανόθεν χαρίτων. ### book 582.1.1 Χαῖρέ μοι, ὦ ναυηγέ, καὶ εἰς Ἀίδαο περήσας ### book 582.1.2 μέμφεο μὴ πόντου κύμασιν, ἀλλ’ ἀνέμοις. ### book 582.1.3 κεῖνοι μέν ς’ ἐδάμασσαν, ἁλὸς δέ σε μείλιχον ὕδωρ ### book 582.1.4 ἐς χθόνα καὶ πατέρων ἐξεκύλισε τάφους. ### book 583.1.1 Ἀβάλε μηδ’ ἐγένοντο γάμοι, μὴ νύμφια λέκτρα· ### book 583.1.2 οὐ γὰρ ἂν ὠδίνων ἐξεφάνη πρόφασις. ### book 583.1.3 νῦν δ’ ἡ μὲν τριτάλαινα γυνὴ τίκτουσα κάθηται, ### book 583.1.4 γαστρὶ δὲ δυσκόλπῳ νεκρὸν ἔνεστι τέκος· ### book 583.5.1 τρισσὴ δ’ ἀμφιλύκη δρόμον ἤνυσεν, ἐξότε μίμνει ### book 583.5.2 τὸ βρέφος ἀπρήκτοις ἐλπίσι τικτόμενον. ### book 583.5.3 κούφη σοὶ τελέθει γαστήρ, τέκος, ἀντὶ κονίης· ### book 583 αὕτη γάρ σε φέρει, καὶ χθονὸς οὐ χατέεις. ### book 584.1.1 Πλώεις ναυηγόν με λαβὼν καὶ σήματι χώσας; ### book 584.1.2 πλῶε Μαλειάων ἄκρα φυλασσόμενος, ### book 584.1.3 αἰεὶ δ’ εὐπλοΐην μεθέποις, φίλος· ἢν δέ τι ῥέξῃ ### book 584.1.4 ἄλλο Τύχη, τούτων ἀντιάσαις χαρίτων. ### book 585.1.1 Μύγδων τέρμα βίοιο λαχὼν αὐτόστολος ἦλθεν ### book 585.1.2 εἰς Ἀίδην, νεκύων πορθμίδος οὐ χατέων. ### book 585.1.3 ἣν γὰρ ἔχε ζώων βιοδώτορα, μάρτυρα μόχθων, ### book 585.1.4 ἄγραις εἰναλίαις πολλάκι βριθομένην, ### book 585.5.1 τήνδε καὶ ἐν θανάτῳ λάχε σύνδρομον, εὖτε τελευτὴν ### book 585.5.2 εὕρετο συλλήξας ὁλκάδι καιομένῃ. ### book 585.5.3 οὕτω πιστὸν ἄνακτι πέλεν σκάφος, οἶκον ἀέξον ### book 585.5.4 Μύγδονι καὶ σύμπλουν ἐς βίον, ἐς θάνατον. ### book 586.1.1 Οὔτι σε πόντος ὄλεσσε καὶ οὐ πνείοντες ἀῆται, ### book 586.1.2 ἀλλ’ ἀκόρητος ἔρως φοιτάδος ἐμπορίης. ### book 586.1.3 εἴη μοι γαίης ὀλίγος βίος· ἐκ δὲ θαλάσσης ### book 586.1.4 ἄλλοισιν μελέτω κέρδος ἀελλομάχον. ### book 587.1.1 Χθών σε τέκεν, πόντος δὲ διώλεσε, δέκτο δὲ θῶκος ### book 587.1.2 Πλουτῆος· κεῖθεν δ’ οὐρανὸν εἰσανέβης. ### book 587.1.3 οὐχ ὡς ναυηγὸς δὲ βυθῷ θάνες, ἀλλ’ ἵνα πάντων ### book 587 κλήροις ἀθανάτων, Πάμφιλε, κόσμον ἄγῃς. ### book 588.1.1 Δαμόχαρις Μοίρης πυμάτην ὑπεδύσατο σιγήν. ### book 588.1.2 φεῦ, τὸ καλὸν Μούσης βάρβιτον ἠρεμέει, ### book 588.1.3 ὤλετο γραμματικῆς ἱερὴ βάσις. ἀμφιρύτη Κῶς, ### book 588.1.4 καὶ πάλι πένθος ἔχεις οἷον ἐφ’ Ἱπποκράτει. ### book 589.1.1 Μηδὲν ἀπαγγείλειας ἐς Ἀντιόχειαν, ὁδῖτα, ### book 589.1.2 μὴ πάλιν οἰμώξῃ χεύματα Κασταλίης, ### book 589.1.3 οὕνεκεν ἐξαπίνης Εὐστόργιος ἔλλιπε μοῦσαν ### book 589.1.4 θεσμῶν τ’ Αὐσονίων ἐλπίδα μαψιδίην, ### book 589.5.1 ἑβδόματον δέκατόν τε λαχὼν ἔτος· ἐς δὲ κονίην ### book 589.5.2 ἠμείφθη κενεὴν εὔσταχυς ἡλικίη. ### book 589.5.3 καὶ τὸν μὲν κατέχει χθόνιος τάφος, ἀντὶ δ’ ἐκείνου ### book 589.5.4 οὔνομα καὶ γραφίδων χρώματα δερκόμεθα. ### book 590.1.1 Κλεινὸς Ἰωάννης. —„Θνητὸς λέγε.“ —Γαμβρὸς ἀνάσσης. ### book 590.1.2 „Θνητὸς ὅμως.“ —Γενεῆς ἄνθος Ἀναστασίου. — ### book 590.1.3 „Θνητοῦ κἀκείνου.“ —Βίον ἔνδικος. οὐκέτι τοῦτο ### book 590 θνητὸν ἔφης· ἀρεταὶ κρείσσονές εἰσι μόρου. ### book 591.1.1 Ὑπατίου τάφος εἰμί· νέκυν δ’ οὔ φημι καλύπτειν ### book 591.1.2 τόσσου τόσσος ἐὼν Αὐσονίων προμάχου· ### book 591.1.3 γαῖα γὰρ αἰδομένη λιτῷ μέγαν ἀνέρα χῶσαι ### book 591.1.4 σήματι τῷ πόντῳ μᾶλλον ἔδωκεν ἔχειν. ### book 592.1.1 Αὐτὸς ἄναξ νεμέσησε πολυφλοίσβοιο θαλάσσης ### book 592.1.2 κύμασιν Ὑπατίου σῶμα καλυψαμένοις· ### book 592.1.3 ἤθελε γάρ μιν ἔχειν γέρας ὕστατον οἷα θανόντα, ### book 592.1.4 καὶ μεγαλοφροσύνης κρύψε θάλασσα χάριν. ### book 592.5.1 ἔνθεν, πρηϋνόου κραδίης μέγα δεῖγμα, φαεινὸν ### book 592.5.2 τίμησεν κενεῷ σήματι τῷδε νέκυν. ### book 593.1.1 Τὰν πάρος ἀνθήσασαν ἐν ἀγλαΐᾳ καὶ ἀοιδᾷ, ### book 593.1.2 τὰν πολυκυδίστου μνάμονα θεσμοσύνας, ### book 593.1.3 Εὐγενίαν κρύπτει χθονία κόνις· αἱ δ’ ἐπὶ τύμβῳ ### book 593.1.4 κείραντο πλοκάμους Μοῦσα, Θέμις, Παφίη. ### book 594.1.1 Μνῆμα σόν, ὦ Θεόδωρε, πανατρεκὲς οὐκ ἐπὶ τύμβῳ, ### book 594.1.2 ἀλλ’ ἐνὶ βιβλιακῶν μυριάσιν σελίδων, ### book 594.1.3 αἷσιν ἀνεζώγρησας ἀπολλυμένων ἀπὸ λήθης ### book 594 ἁρπάξας νοερῶν μόχθον ἀοιδοπόλων. ### book 595.1.1 Κάτθανε μὲν Θεόδωρος· ἀοιδοπόλων δὲ παλαιῶν ### book 595.1.2 πληθὺς οἰχομένη νῦν θάνεν ἀτρεκέως. ### book 595.1.3 πᾶσα γὰρ ἀμπνείοντι συνέπνεε, πᾶσα δ’ ἀπέσβη ### book 595.1.4 σβεννυμένου· κρύφθη δ’ εἰν ἑνὶ πάντα τάφῳ. ### book 596.1.1 Ναὶ μὰ τὸν ἐν γαίῃ πύματον δρόμον, οὔτε μ’ ἄκοιτις ### book 596.1.2 ἔστυγεν οὔτ’ αὐτὸς Θεύδοτος Εὐγενίης ### book 596.1.3 ἐχθρὸς ἑκὼν γενόμην· ἀλλὰ φθόνος ἠέ τις ἄτη ### book 596.1.4 ἡμέας ἐς τόσσην ἤγαγεν ἀμπλακίην. ### book 596.5.1 νῦν δ’ ἐπὶ Μινῴην καθαρὴν κρηπῖδα μολόντες ### book 596.5.2 ἀμφότεροι λευκὴν ψῆφον ἐδεξάμεθα. ### book 597.1.1 Ἡ γλυκερὸν μέλψασα καὶ ἄλκιμον, ἡ θρόον αὐδῆς ### book 597.1.2 μούνη θηλυτέρης στήθεσι ῥηξαμένη ### book 597.1.3 κεῖται σιγαλέη· τόσον ἔσθενε νήματα Μοίρης, ### book 597.1.4 ὡς λιγυρὰ κλεῖσαι χείλεα Καλλιόπης. ### book 598.1.1 Οὔτι φύσις θήλεια καὶ οὐ πολιοῖο καρήνου ### book 598.1.2 ἀδρανίη φωνῆς σῆς κατέλυσε βίην· ### book 598.1.3 ἀλλὰ μόλις ξυνοῖσι νόμοις εἴξασα τελευτῆς, ### book 598 φεῦ φεῦ, Καλλιόπη, σὴν κατέλυσας ὄπα. ### book 599.1.1 Οὔνομα μὲν Κάλη, φρεσὶ δὲ πλέον ἠὲ προσώπῳ, ### book 599.1.2 κάτθανε· φεῦ, Χαρίτων ἐξαπόλωλεν ἔαρ. ### book 599.1.3 καὶ γὰρ ἔην Παφίῃ πανομοίιος, ἀλλὰ συνεύνῳ ### book 599.1.4 μούνῳ, τοῖς δ’ ἑτέροις Παλλὰς ἐρυμνοτάτη. ### book 599.5.1 τίς λίθος οὐκ ἐγόησεν, ὅτ’ ἐξήρπαξεν ἐκείνην ### book 599.5.2 εὐρυβίης Ἀίδης ἀνδρὸς ἀπ’ ἀγκαλίδων; ### book 600.1.1 Ὥριος εἷλέ σε παστάς, ἀώριος εἷλέ σε τύμβος, ### book 600.1.2 εὐθαλέων Χαρίτων ἄνθος, Ἀναστασίη. ### book 600.1.3 σοὶ γενέτης, σοὶ πικρὰ πόσις κατὰ δάκρυα λείβει, ### book 600.1.4 σοὶ τάχα καὶ πορθμεὺς δάκρυ χέει νεκύων· ### book 600.5.1 οὐ γὰρ ὅλον λυκάβαντα διήνυσας ἄγχι συνεύνου, ### book 600.5.2 ἀλλ’ ἑκκαιδεκέτιν, φεῦ, κατέχει σε τάφος. ### book 601.1.1 Φεῦ φεῦ, ἀμετρήτων χαρίτων ἔαρ ἡδὺ μαραίνει ### book 601.1.2 ἀμφὶ σοὶ ὠμοφάγων χεῖμα τὸ νερτερίων. ### book 601.1.3 καὶ σὲ μὲν ἥρπασε τύμβος ἀπ’ ἠελιώτιδος αἴγλης ### book 601.1.4 πέμπτον ἐφ’ ἑνδεκάτῳ πικρὸν ἄγουσαν ἔτος, ### book 601.5 σὸν δὲ πόσιν γενέτην τε κακαῖς ἀλάωσεν ἀνίαις, ### book 601 οἷς πλέον ἠελίου λάμπες, Ἀναστασίη. ### book 602.1.1 Εὐστάθιε, γλυκερὸν μὲν ἔχεις τύπον, ἀλλά σε κηρὸν ### book 602.1.2 δέρκομαι, οὐδ’ ἔτι σοι κεῖνο τὸ λαρὸν ἔπος ### book 602.1.3 ἕζεται ἐν στομάτεσσι· τεὴ δ’ εὐάνθεμος ἥβη, ### book 602.1.4 αἰαῖ, μαψιδίη νῦν χθονός ἐστι κόνις. ### book 602.5.1 πέμπτου καὶ δεκάτου γὰρ ἐπιψαύσας ἐνιαυτοῦ ### book 602.5.2 τετράκις ἓξ μούνους ἔδρακες ἠελίους· ### book 602.5.3 οὐδὲ τεοῦ πάππου θρόνος ἤρκεσεν, οὐ γενετῆρος ### book 602.5.4 ὄλβος. πᾶς δὲ τεὴν εἰκόνα δερκόμενος ### book 602.5.5 τὴν ἄδικον Μοῖραν καταμέμφεται, οὕνεκα τοίην, ### book 602.10 ἆ μέγα νηλειής, ἔσβεσεν ἀγλαΐην. ### book 603.1.1 Ἄγριός ἐστι Χάρων. —„Πλέον ἤπιος.“ —Ἥρπασεν ἤδη ### book 603.1.2 τὸν νέον. —„Ἀλλὰ νόῳ τοῖς πολιοῖσιν ἴσον.“ — ### book 603.1.3 Τερπωλῆς δ’ ἀπέπαυσεν. —„Ἀπεστυφέλιξε δὲ μόχθων.“ — ### book 603.1.4 Οὐκ ἐνόησε γάμους. —„Οὐδὲ γάμων ὀδύνας.“ ### book 604.1.1 Λέκτρα σοι ἀντὶ γάμων ἐπιτύμβια, παρθένε κούρη, ### book 604.1.2 ἐστόρεσαν παλάμαις πενθαλέαις γενέται. ### book 604.1.3 καὶ σὺ μὲν ἀμπλακίας βιότου καὶ μόχθον Ἐλευθοῦς ### book 604.1.4 ἔκφυγες, οἱ δὲ γόων πικρὸν ἔχουσι νέφος. ### book 604.5 δωδεκέτιν γὰρ μοῖρα, Μακηδονίη, σε καλύπτει, ### book 604 κάλλεσιν ὁπλοτέρην, ἤθεσι γηραλέην. ### book 605.1.1 Σοὶ σορὸν εὐλάιγγα, Ῥοδοῖ, καὶ τύμβον ἐγείρει ### book 605.1.2 ῥύσιά τε ψυχῆς δῶρα πένησι νέμει ### book 605.1.3 ἀντ’ εὐεργεσίης γλυκερὸς πόσις, ὅττι θανοῦσα ### book 605.1.4 ὠκύμορος κείνῳ δῶκας ἐλευθερίην. ### book 606.1.1 Πρηΰς, ἐλευθερίην ἐπιειμένος, ἡδὺς ἰδέσθαι, ### book 606.1.2 ἐν βιότῳ προλιπὼν υἱέα γηροκόμον, ### book 606.1.3 τύμβον ἔχει Θεόδωρος ἐπ’ ἐλπίδι κρέσσονι μοίρης, ### book 606.1.4 ὄλβιος ἐν καμάτοις, ὄλβιος ἐν θανάτῳ. ### book 607.1.1 Ψυλλὼ πρεσβυγενὴς τοῖς κληρονόμοις φθονέσασα ### book 607.1.2 αὐτὴ κληρονόμος τῶν ἰδίων γέγονεν· ### book 607.1.3 ἁλλομένη δὲ τάχος κατέβη δόμον εἰς Ἀίδαο, ### book 607.1.4 ταῖς δαπάναις τὸ ζῆν σύμμετρον εὑρομένη. ### book 607.5.1 πάντα φαγοῦσα βίον συναπώλετο ταῖς δαπάναισιν· ### book 607.5.2 ἥλατο δ’ εἰς Ἀίδην, ὡς ἀπεκερμάτισεν. ### book 608.1.1 Υἱέος ὠκυμόρου θάνατον πενθοῦσα Μενίππη ### book 608.1.2 κωκυτῷ μεγάλῳ πνεῦμα συνεξέχεεν· ### book 608.1.3 οὐδ’ ἔσχεν παλίνορσον ἀναπνεύσασα γοῆσαι, ### book 608 ἀλλ’ ἅμα καὶ θρήνου παύσατο καὶ βιότου. ### book 609.1.1 Ἀττικὸς ἐς ξυνήν με παναγρέος ἐλπίδα Μοίρης ### book 609.1.2 θυμῷ θαρσαλέῳ ζῶν ἐλάχηνε τάφον ### book 609.1.3 παίζων ἐξ ἀρετῆς θανάτου φόβον. ἀλλ’ ἐπὶ δηρὸν ### book 609.1.4 ἠέλιος σοφίης μιμνέτω ἠελίῳ. ### book 610.1.1 Ἥρπασέ τις νύμφην, καὶ τὸν γάμον ἥρπασε δαίμων ### book 610.1.2 ψυχῶν συλήσας τερπομένην ἀγέλην. ### book 610.1.3 εἷς γάμος εἰκοσιπέντε τάφους ἔπλησε θανόντων, ### book 610.1.4 πάνδημος δὲ νεκρὼν εἷς γέγονεν θάλαμος. ### book 610.5.1 νύμφη Πενθεσίλεια πολύστονε, νυμφίε Πενθεῦ, ### book 610.5.2 ἀμφοτέρων ὁ γάμος πλούσιος ἐν θανάτοις. ### book 611.1.1 Παρθενικὴν Ἑλένην μετ’ ἀδελφεὸν ἄρτι θανόντα ### book 611.1.2 δειλαίη μήτηρ κόψατο διπλασίως. ### book 611.1.3 μνηστῆρες δ’ ἐγόησαν ἴσον γόον· ἦν γὰρ ἑκάστῳ ### book 611.1.4 θρηνεῖν τὴν μήπω μηδενὸς ὡς ἰδίην. ### book 612.1.1 Φεῦ φεῦ, τὴν δεκάτην Ἑλικωνίδα, τὴν λυραοιδὸν ### book 612.1.2 Ῥώμης καὶ Φαρίης, ἥδε κέκευθε κόνις. ### book 612.1.3 ὤλετο φορμίγγων τερετίσματα, λῆξαν ἀοιδαί, ### book 612.1.4 ὥσπερ Ἰωάννῃ πάντα συνολλύμενα. ### book 612.5 καὶ τάχα θεσμὸν ἔθηκαν ἐπάξιον ἐννέα Μοῦσαι, ### book 612 τύμβον Ἰωάννης ἀνθ’ Ἑλικῶνος ἔχειν. ### book 613.1.1 Σοὶ τόδε, Διόγενες, θαλερῆς μνημήιον ἥβης ### book 613.1.2 Πόντῳ ἐν Εὐξείνῳ θήκατο Φρὺξ γενέτης, ### book 613.1.3 φεῦ, πάτρης ἑκὰς ὅσσον· ἄγεν δέ σε νεῦμα Θεοῖο ### book 613.1.4 πατρὸς ἀδελφειῷ πένθος ὀφειλόμενον, ### book 613.5.1 ὅς σε περιστείλας ἱερῇ παλάμῃ τε καὶ εὐχῇ ### book 613.5.2 γείτονα τῆς μακάρων θῆκε χοροστασίης. ### book 614.1.1 Ἑλλανὶς τριμάκαιρα καὶ ἁ χαρίεσσα Λάμαξις ### book 614.1.2 ἤστην μὲν πάτρας φέγγεα Λεσβιάδος· ### book 614.1.3 ὅκκα δ’ Ἀθηναίῃσι σὺν ὁλκάσιν ἐνθάδε κέλσας ### book 614.1.4 τὰν Μυτιληναίαν γᾶν ἀλάπαξε Πάχης, ### book 614.5.1 τᾶν κουρᾶν ἀδίκως ἠράσσατο, τὼς δὲ συνεύνως ### book 614.5.2 ἔκτανεν ὡς τήνας τῇδε βιησόμενος. ### book 614.5.3 ταὶ δὲ κατ’ Αἰγαίοιο ῥόου πλατὺ λαῖτμα φερέσθην ### book 614.5.4 καὶ ποτὶ τὰν κραναὰν Μοψοπίαν δραμέτην· ### book 614.5.5 δάμῳ δ’ ἀγγελέτην ἀλιτήμονος ἔργα Πάχητος, ### book 614.10.1 μέσφα μιν εἰς ὀλοὴν κῆρα συνηλασάτην. ### book 614.10.2 τοῖα μέν, ὦ κούρα, πεπονήκατον· ἂψ δ’ ἐπὶ πάτραν ### book 614.10.3 ἥκετον, ἐν δ’ αὐτᾷ κεῖσθον ἀποφθιμένα· ### book 614.10.4 εὖ δὲ πόνων ἀπόνασθον, ἐπεὶ ποτὶ σᾶμα συνεύνων ### book 614.10.5 εὕδετον ἐς κλεινᾶς μνᾶμα σαοφροσύνας· ### book 614.15.1 ὑμνεῦσιν δ’ ἔτι πάντες ὁμόφρονας ἡρωίνας, ### book 614.15.2 πάτρας καὶ ποσίων πήματα τισαμένας. ### book 615.1 Εὐμόλπου φίλον υἱὸν ἔχει τὸ Φαληρικὸν οὖδας ### book 615 Μουσαῖον, φθίμενον σῶμ’ ὑπὸ τῷδε τάφῳ. ### book 616.1 Ὧδε Λίνον Θηβαῖον ἐδέξατο γαῖα θανόντα, ### book 616.2 Μούσης Οὐρανίης υἱὸν ἐυστεφάνου. ### book 617.1 Θρήικα χρυσολύρην τῇδ’ Ὀρφέα Μοῦσαι ἔθαψαν, ### book 617.2 ὃν κτάνεν ὑψιμέδων Ζεὺς ψολόεντι βέλει. ### book 618.1 Ἄνδρα σοφὸν Κλεόβουλον ἀποφθίμενον καταπενθεῖ ### book 618.2 ἥδε πάτρα Λίνδος πόντῳ ἀγαλλομένη. ### book 619.1 Πλούτου καὶ σοφίας πρύτανιν πατρὶς ἥδε Κόρινθος ### book 619.2 κόλποις ἀγχίαλος γῆ Περίανδρον ἔχει. ### book 620.1.1 Μήποτε λυπήσῃ σε τὸ μή σε τυχεῖν τινος, ἀλλὰ ### book 620.1.2 τέρπεο πᾶσιν ὁμῶς, οἷσι δίδωσι θεός· ### book 620.1.3 καὶ γὰρ ἀθυμήσας ὁ σοφὸς Περίανδρος ἀπέσβη, ### book 620 οὕνεκεν οὐκ ἔτυχεν πρήξιος, ἧς ἔθελεν. ### book 621.1.1 Ἐνθάδ’ ἐγὼ Σοφοκλῆς στυγερὸν δόμον Ἄϊδος ἔσβην ### book 621.1.2 κάμμορος, εἴδατι Σαρδῴῳ σελίνοιο γελάσκων. ### book 621.1.3 ὣς μὲν ἐγών, ἕτεροι δ’ ἄλλως, πάντες δέ τε πάντως. ### book 622.1.1 Βόρχος ὁ βουποίμην ὅτ’ ἐπὶ γλυκὺ κηρίον εἷρπεν ### book 622.1.2 αἰγίλιπα σχοίνῳ πέτρον ἐπερχόμενος, ### book 622.1.3 εἵπετό οἱ σκυλάκων τις ὁ καὶ βοσίν, ὃς φάγε λεπτὴν ### book 622.1.4 σχοῖνον ἀνελκομένῳ χραινομένην μέλιτι· ### book 622.5.1 κάππεσε δ’ εἰς Ἀίδαο· τὸ δ’ ἀτρυγὲς ἀνδράσιν ἄλλοις ### book 622.5.2 κεῖνο μέλι ψυχῆς ὤνιον εἰρύσατο. ### book 623.1.1 Ἕλκε, τάλαν, παρὰ μητρὸς ὃν οὐκέτι μαστὸν ἀμέλξεις, ### book 623.1.2 ἕλκυσον ὑστάτιον νᾶμα καταφθιμένης· ### book 623.1.3 ἤδη γὰρ ξιφέεσσι λιπόπνοος· ἀλλὰ τὰ μητρὸς ### book 623.1.4 φίλτρα καὶ εἰν Ἀίδῃ παιδοκομεῖν ἔμαθεν. ### book 624.1.1 Ἔρροις, Ἰονίοιο πολυπτοίητε θάλασσα, ### book 624.1.2 νηλὴς Ἀίδεω πορθμὲ κελαινοτάτου, ### book 624.1.3 ἣ τόσσους κατέδεξο. τίς ἂν τεά, κάμμορε, λέξαι ### book 624.1.4 αἴσυλα δυστήνων αἶσαν ὀπιζόμενος; ### book 624.5 Αἰγέα καὶ Λαβέωνα σὺν ὠκυμόροισιν ἑταίροις ### book 624 νηί τε σὺν πάσῃ βρύξας ἁλὶ ῥοθίῃ. ### book 625.1.1 Εἰδότα κἠπ’ Ἄτλαντα τεμεῖν πόρον εἰδότα Κρήτης ### book 625.1.2 κύματα καὶ Πόντου ναυτιλίην Μέλανος, ### book 625.1.3 Καλλιγένευς Διόδωρον Ὀλύνθιον ἴσθι θανόντα ### book 625.1.4 ἐν λιμένι πρῴρης νύκτερον ἐκχύμενον, ### book 625.5.1 δαιτὸς ἐκεῖ τὸ περισσὸν ὅτ’ ἤμεεν. ἆ πόσον ὕδωρ ### book 625.5.2 ὤλεσε τὸν τόσσῳ κεκριμένον πελάγει. ### book 626.1.1 Ἐσχατιαὶ Λιβύων Νασαμωνίδες, οὐκέτι θηρῶν ### book 626.1.2 ἔθνεσιν ἠπείρου νῶτα βαρυνόμεναι ### book 626.1.3 ἦχος ἐρημαίαισιν ἔπι πτύρεσθε λεόντων ### book 626.1.4 ὠρυγαῖς ψαμάθους ἄχρις ὑπὲρ Νομάδων, ### book 626.5.1 φῦλον ἐπεὶ νήριθμον ἐν ἰχνοπέδαισιν ἀγρευθὲν ### book 626.5.2 ἐς μίαν αἰχμηταῖς Καῖσαρ ἔθηκεν ὁ παῖς· ### book 626.5.3 αἱ δὲ πρὶν ἀγραύλων ἐγκοιτάδες ἀκρώρειαι ### book 626.5.4 θηρῶν νῦν ἀνδρῶν εἰσὶ βοηλασίαι. ### book 627.1.1 Ἡμιτελῆ θάλαμόν τε καὶ ἐγγύθι νυμφικὰ λέκτρα, ### book 627.1.2 κοῦρε, λιπὼν ὀλοὴν οἶμον ἔβης Ἀίδου· ### book 627.1.3 Θύνιον Ἀστακίην δὲ μάλ’ ἤκαχες, ἥ σε μάλιστα ### book 627.1.4 οἰκτρὰ τὸν ἡβητὴν κώκυεν ἠίθεον ### book 627.5 Ἱππάρχου κλαίουσα κακὸν μόρον, εἴκοσι ποίας ### book 627 μοῦνον ἐπεὶ βιότου πλήσαο καὶ πίσυρας. ### book 628.1.1 Ἠρνήσαντο καὶ ἄλλαι ἑὸν πάρος οὔνομα νῆσοι ### book 628.1.2 ἀκλεές, ἐς δ’ ἀνδρῶν ἦλθον ὁμωνυμίην· ### book 628.1.3 κληθείητε καὶ ὔμμες Ἐρωτίδες· οὐ νέμεσίς τοι ### book 628.1.4 Ὀξείαις ταύτην κλῆσιν ἀμειψαμέναις. ### book 628.5.1 παιδὶ γάρ, ὃν τύμβῳ Δίης ὑπεθήκατο βώλου, ### book 628.5.2 οὔνομα καὶ μορφὴν αὐτὸς ἔδωκεν Ἔρως. ### book 628.5.3 ὦ χθὼν σηματόεσσα καὶ ἡ παρὰ θινὶ θάλασσα, ### book 628.5.4 παιδὶ σὺ μὲν κούφη κεῖσο, σὺ δ’ ἡσυχίη. ### book 629.1.1 Ἦ χθαμαλὴν ὑπέδυς ὁ τόσος κόνιν; εἰς σέ τις ἀθρῶν, ### book 629.1.2 Σώκρατες, Ἑλλήνων μέμψεται ἀκρισίην· ### book 629.1.3 νηλέες, οἳ τὸν ἄριστον ἀπώλεσαν, οὐδὲ ἓν αἰδοῖ ### book 629.1.4 δόντες. τοιοῦτοι πολλάκι Κεκροπίδαι. ### book 630.1.1 Ἤδη που πάτρης πελάσας σχεδὸν „Αὔριον“, εἶπον, ### book 630.1.2 „ἡ μακρὴ κατ’ ἐμοῦ δυσπλοΐη κοπάσει.“ ### book 630.1.3 οὔπω χεῖλος ἔμυσε, καὶ ἦν ἴσος Ἄϊδι πόντος, ### book 630.1.4 καί με κατέτρυχεν κεῖνο τὸ κοῦφον ἔπος. ### book 630.5 πάντα λόγον πεφύλαξο τὸν αὔριον· οὐδὲ τὰ μικρὰ ### book 630 λήθει τὴν γλώσσης ἀντίπαλον Νέμεσιν. ### book 631.1.1 Ἢν ἄρα Μιλήτου Φοιβήιον 〈ᾐόν’〉 ἵκησθε, ### book 631.1.2 λέξατε Διογένει πένθιμον ἀγγελίην, ### book 631.1.3 παῖς ὅτι οἱ ναυηγὸς ὑπὸ χθονὶ κεύθεται Ἄνδρου ### book 631.1.4 Δίφιλος Αἰγαίου κῦμα πιὼν πελάγευς. ### book 632.1.1 Κλίμακος ἐξ ὀλίγης ὀλίγον βρέφος ἐν Διοδώρου ### book 632.1.2 κάππεσεν, ἐκ δ’ ἐάγη καίριον ἀστράγαλον ### book 632.1.3 δινηθεὶς προκάρηνος· ἐπεὶ δ’ ἴδε θεῖον ἄνακτα ### book 632.1.4 ἀντόμενον, παιδνὰς αὐτίκ’ ἔτεινε χέρας. ### book 632.5.1 ἀλλὰ σὺ νηπιάχου δμωός, κόνι, μήποτε βρίθειν ### book 632.5.2 ὀστέα, τοῦ διετοῦς φειδομένη Κόρακος. ### book 633.1.1 Καὶ αὐτὴ ἤχλυσεν ἀκρέσπερος ἀντέλλουσα ### book 633.1.2 Μήνη πένθος ἑὸν νυκτὶ καλυψαμένη, ### book 633.1.3 οὕνεκα τὴν χαρίεσσαν ὁμώνυμον εἶδε Σελήνην ### book 633.1.4 ἄπνουν εἰς ζοφερὸν δυομένην Ἀίδην. ### book 633.5.1 κείνῃ γὰρ καὶ κάλλος ἑοῦ κοινώσατο φωτὸς ### book 633.5.2 καὶ θάνατον κείνης μίξεν ἑῷ κνέφεϊ. ### book 634.1.1 Νεκροδόκον κλιντῆρα Φίλων ὁ πρέσβυς ἀείρων ### book 634.1.2 ἐγκλιδόν, ὄφρα λάβοι μισθὸν ἐφημέριον, ### book 634.1.3 σφάλματος ἐξ ὀλίγοιο πεσὼν θάνεν· ἦν γὰρ ἕτοιμος ### book 634.1.4 εἰς Ἀίδην, ἐκάλει δ’ ἡ πολιὴ πρόφασιν· ### book 634.5 ὃν δ’ ἄλλοις ἐφόρει νεκυοστόλον, αὐτὸς ἐφ’ αὑτῷ ### book 634 ἀσκάντην ὁ γέρων ἀχθοφορῶν ἔλαθεν. ### book 635.1.1 Ναῦν Ἱεροκλείδης ἔσχεν σύγγηρον, ὁμόπλουν ### book 635.1.2 τὴν αὐτὴν ζωῆς καὶ θανάτου σύνοδον, ### book 635.1.3 πιστὴν ἰχθυβολεῦντι συνέμπορον· οὔτις ἐκείνης ### book 635.1.4 πώποτ’ ἐπέπλωσεν κῦμα δικαιοτέρη. ### book 635.5.1 γήραος ἄχρις ἔβοσκε πονευμένη, εἶτα θανόντα ### book 635.5.2 ἐκτέρισεν, συνέπλω δ’ ἄχρι καὶ Ἀίδεω. ### book 636.1.1 Ποιμὴν ὦ μάκαρ, εἴθε κατ’ οὔρεος ἐπροβάτευον ### book 636.1.2 κἠγὼ ποιηρὸν τοῦτ’ ἀνὰ λευκόλοφον, ### book 636.1.3 κριοῖς ἁγητῆρσι ποτ’ ἐβληχημένα βάζων, ### book 636.1.4 ἢ πικρῇ βάψαι νήοχα πηδάλια ### book 636.5.1 ἅλμῃ. τοιγὰρ ἔδυν ὑποβένθιος· ἀμφὶ δὲ ταύτην ### book 636.5.2 θῖνά με ῥοιβδήσας Εὖρος ἐφωρμίσατο. ### book 637.1.1 Πύρρος ὁ μουνερέτης ὀλίγῃ νεῒ λεπτὰ ματεύων ### book 637.1.2 φυκία καὶ τριχίνης μαινίδας ἐκ καθέτου, ### book 637.1.3 ἠιόνων ἀποτῆλε τυπεὶς κατέδουπε κεραυνῷ· ### book 637.1.4 νηῦς δὲ πρὸς αἰγιαλοὺς ἔδραμεν αὐτομάτη ### book 637.5 ἀγγελίην θείῳ καὶ λιγνύϊ μηνύουσα ### book 637 καὶ φράσαι Ἀργῴην οὐκ ἐπόθησε τρόπιν. ### book 638.1.1 Παίδων ἀλλαχθέντι μόρῳ ἔπι τοῦτ’ ἐλεεινὴ ### book 638.1.2 μήτηρ ἀμφοτέρους εἶπε περισχομένη· ### book 638.1.3 „Καὶ νέκυν οὐ σέο, τέκνον, ἐπ’ ἤματι τῷδε γοήσειν ### book 638.1.4 ἤλπισα καὶ ζωοῖς οὐ σὲ μετεσσόμενον ### book 638.5.1 ὄψεσθαι· νῦν δ’ οἱ μὲν ἐς ὑμέας ἠμείφθησαν ### book 638.5.2 δαίμονες, ἄψευστον δ’ ἵκετο πένθος ἐμοί.“ ### book 639.1.1 Πᾶσα θάλασσα θάλασσα. τί Κυκλάδας ἢ στενὸν Ἕλλης ### book 639.1.2 κῦμα καὶ Ὀξείας ἠλεὰ μεμφόμεθα; ### book 639.1.3 ἄλλως τοὔνομ’ ἔχουσιν. ἐπεὶ τί με, τὸν προφυγόντα ### book 639.1.4 κεῖνα, Σκαρφαιεὺς ἀμφεκάλυψε λιμήν; ### book 639.5.1 νόστιμον εὐπλοΐην ἀρῷτό τις· ὡς τά γε πόντου ### book 639.5.2 πόντος, ὁ τυμβευθεὶς οἶδεν Ἀρισταγόρης. ### book 640.1.1 Ῥιγηλὴ ναύταις Ἐρίφων δύσις, ἀλλὰ Πύρωνι ### book 640.1.2 πουλὺ γαληναίη χείματος ἐχθροτέρη· ### book 640.1.3 νῆα γὰρ ἀπλοΐῃ πεπεδημένου ἔφθασε ναύταις ### book 640.1.4 ληιστέων ταχινὴ δίκροτος ἐσσυμένη, ### book 640.5 χεῖμα δέ μιν προφυγόντα γαληναίῳ ὑπ’ ὀλέθρῳ ### book 640 ἔκτανον· ἆ λυγρῆς δειλὲ καχορμισίης. ### book 641.1.1 Σῆμα δυωδεκάμοιρον ἀφεγγέος ἠελίοιο, ### book 641.1.2 τοσσάκις ἀγλώσσῳ φθεγγόμενον στόματι, ### book 641.1.3 εὖτ’ ἂν θλιβομένοιο ποτὶ στενὸν ὕδατος ἀὴρ ### book 641.1.4 αὐλὸν ἀποστείλῃ πνεῦμα διωλύγιον, ### book 641.5.1 θῆκεν Ἀθήναιος δήμῳ χάριν, ὡς ἂν ἐναργὴς ### book 641.5.2 εἴη κἠν φθονεραῖς ἠέλιος νεφέλαις. ### book 642.1.1 Σύρου καὶ Δήλοιο κλύδων μέσος υἷα Μενοίτην ### book 642.1.2 σὺν φόρτῳ Σαμίου κρύψε Διαφανέος ### book 642.1.3 εἰς ὅσιον σπεύδοντα πλόου τάχος· ἀλλὰ θάλασσα ### book 642.1.4 ἐχθρὴ καὶ νούσῳ πατρὸς ἐπειγομένοις. ### book 643.1.1 Ὑμνίδα τὴν Εὐάνδρου ἐράσμιον αἰὲν ἄθυρμα ### book 643.1.2 οἰκογενὲς κούρην αἱμύλον εἰναέτιν, ### book 643.1.3 ἥρπασας, ὦ ἄλλιστ’ Ἀίδη, τί πρόωρον ἐφιεὶς ### book 643.1.4 μοῖραν τῇ πάντως σεῖό ποτ’ ἐσσομένῃ; ### book 644.1.1 Ὕστατον ἐθρήνησε τὸν ὠκύμορον Κλεαρίστη ### book 644.1.2 παῖδα καὶ ἀμφὶ τάφῳ πικρὸν ἔπαυσε βίον· ### book 644.1.3 κωκύσασα γὰρ ὅσσον ἐχάνδανε μητρὸς ἀνίη, ### book 644.1.4 οὐκέτ’ ἐπιστρέψαι πνεύματος ἔσχε τόνους. ### book 644.5 θηλύτεραι, τί τοσοῦτον ἐμετρήσασθε τάλαιναι ### book 644 θρῆνον, ἵνα κλαύσητ’ ἄχρι καὶ Ἀίδεω; ### book 645.1.1 Ὦ δύστην’ ὄλβοιο Φιλόστρατε, ποῦ σοι ἐκεῖνα ### book 645.1.2 σκῆπτρα καὶ αἱ βασιλέων ἄφθονοι εὐτυχίαι, ### book 645.1.3 αἷσιν ἐπῃώρησας ἀεὶ βίον ἢ ἐπὶ Νείλῳ ### book 645.1.4 〈ἢ ἐν Ἰου〉δαίοις ὢν περίοπτος ὅροις; ### book 645.5.1 ὀθνεῖοι καμάτους τοὺς σοὺς διεμοιρήσαντο, ### book 645.5.2 σὸς δὲ νέκυς ψαφαρῇ κείσετ’ ἐν Ὀστρακίνῃ. ### book 646.1.1 Λοίσθια δὴ τάδε πατρὶ φίλῳ περὶ χεῖρε βαλοῦσα ### book 646.1.2 εἶπ’ Ἐρατὼ χλωροῖς δάκρυσι λειβομένα· ### book 646.1.3 „Ὦ πάτερ, οὔ τοι ἔτ’ εἰμί, μέλας δ’ ἐμὸν ὄμμα καλύπτει ### book 646.1.4 ἤδη ἀποφθιμένης κυάνεον θάνατος.“ ### book 647.1.1 Ὕστατα δὴ τάδ’ ἔειπε φίλαν ποτὶ ματέρα Γοργὼ ### book 647.1.2 δακρυόεσσα δέρας χερσὶν ἐφαπτομένα· ### book 647.1.3 „Αὖθι μένοις παρὰ πατρί, τέκοις δ’ ἐπὶ λῴονι μοίρᾳ ### book 647.1.4 ἄλλαν σῷ πολιῷ γήραϊ καδεμόνα.“ ### book 648.1.1 Ἐσθλὸς Ἀριστοκράτης, ὅτ’ ἀπέπλεεν εἰς Ἀχέροντα, ### book 648.1.2 εἶπ’ ὀλιγοχρονίης ἁψάμενος κεφαλῆς· ### book 648.1.3 „Παίδων τις μνήσαιτο καὶ ἑδνώσαιτο γυναῖκα, ### book 648 εἰ καί μιν δάκνοι δυσβίοτος πενίη· ### book 648.5.1 ζωὴν στυλώσαιτο· κακὸς δ’ ἄστυλος ἰδέσθαι ### book 648.5.2 οἶκος. ὁ δ’ ἂν λῷστος τἀνέρος ἐσχαρεὼν ### book 648.5.3 εὐκίων φαίνοιτο καὶ ἐν πολυκαέι ὄγκῳ ### book 648.5.4 ἐνστῇ αὐγάζων δαλὸν ἐπεσχάριον.“ ### book 648.5.5 ᾔδει Ἀριστοκράτης τὸ κρήγυον· ἀλλὰ γυναικῶν, ### book 648.10 ὤνθρωπ’, ἤχθαιρεν τὴν ἀλιτοφροσύνην. ### book 649.1.1 Ἀντί τοι εὐλεχέος θαλάμου σεμνῶν θ’ ὑμεναίων ### book 649.1.2 μάτηρ στῆσε τάφῳ τῷδ’ ἐπὶ μαρμαρίνῳ ### book 649.1.3 παρθενικὰν μέτρον τε τεὸν καὶ κάλλος ἔχοισαν, ### book 649.1.4 Θερσί· ποτιφθεγκτὰ δ’ ἔπλεο καὶ φθιμένα. ### book 650.1.1 Φεῦγε θαλάσσια ἔργα, βοῶν δ’ ἐπιβάλλευ ἐχέτλῃ, ### book 650.1.2 εἴ τί τοι ἡδὺ μακρῆς πείρατ’ ἰδεῖν βιοτῆς· ### book 650.1.3 ἠπείρῳ γὰρ ἔνεστι μακρὸς βίος· εἰν ἁλὶ δ’ οὔ πως ### book 650.1.4 εὐμαρὲς εἰς πολιὴν ἀνδρὸς ἰδεῖν κεφαλήν. ### book 650b.1 Τούσδ’ ἀπὸ Τυρρηνῶν ἀκροθίνια Φοίβῳ ἄγοντας ### book 650b ἓν πέλαγος, μία ναῦς, εἷς τάφος ἐκτέρισεν. ### book 651.1.1 Οὐχ ὁ τρηχὺς ἔλαιος ἐπ’ ὀστέα κεῖνα καλύπτει ### book 651.1.2 οὐδ’ ἡ κυάνεον γράμμα λαβοῦσα πέτρη· ### book 651.1.3 ἀλλὰ τὰ μὲν Δολίχης τε καὶ αἰπεινῆς Δρακάνοιο ### book 651.1.4 Ἰκάριον ῥήσσει κῦμα περὶ κροκάλαις· ### book 651.5.1 ἀντὶ δ’ ἐγὼ ξενίης Πολυμήδεος ἡ κεινὴ χθὼν ### book 651.5.2 ὠγκώθην Δρυόπων διψάσιν ἐν βοτάναις. ### book 652.1.1 Ἠχήεσσα θάλασσα, τί τὸν Τιμάρεος οὕτως ### book 652.1.2 πλώοντ’ οὐ πολλῇ νηὶ Τελευταγόρην ### book 652.1.3 ἄγρια χειμήνασα καταπρηνώσαο πόντῳ ### book 652.1.4 σὺν φόρτῳ, λάβρον κῦμ’ ἐπιχευαμένη; ### book 652.5.1 χὠ μέν που καύηξιν ἢ ἰχθυβόροις λαρίδεσσιν ### book 652.5.2 τεθρήνητ’ ἄπνους εὐρεῖ ἐν αἰγιαλῷ· ### book 652.5.3 Τιμάρης δὲ κενὸν τέκνου κεκλαυμένον ἀθρῶν ### book 652.5.4 τύμβον δακρύει παῖδα Τελευταγόρην. ### book 653.1.1 Ὤλεσεν Αἰγαίου διὰ κύματος ἄγριος ἀρθεὶς ### book 653.1.2 Λὶψ Ἐπιηρείδην Ὑάσι δυομέναις ### book 653.1.3 αὐτὸν ἑῇ σὺν νηὶ καὶ ἀνδράσιν· ᾧ τόδε σῆμα ### book 653 δακρύσας κενεὸν παιδὶ πατὴρ ἔκαμεν. ### book 654.1.1 Αἰεὶ ληισταὶ καὶ ἁλιφθόροι οὐδὲ δίκαιοι ### book 654.1.2 Κρῆτες. τίς Κρητῶν οἶδε δικαιοσύνην; ### book 654.1.3 ὡς καὶ ἐμὲ πλώοντα σὺν οὐκ εὐπίονι φόρτῳ ### book 654.1.4 Κρηταιεῖς ὦσαν Τιμόλυτον καθ’ ἁλὸς ### book 654.5.1 δείλαιον. κἠγὼ μὲν ἁλιζώοις λαρίδεσσι ### book 654.5.2 κέκλαυμαι, τύμβῳ δ’ οὐχ ὕπο Τιμόλυτος. ### book 655.1.1 Ἀρκεῖ μοι γαίης μικρὴ κόνις· ἡ δὲ περισσὴ ### book 655.1.2 ἄλλον ἐπιθλίβοι πλούσια κεκλιμένον ### book 655.1.3 στήλη, τὸ σκληρὸν νεκρῶν βάρος. εἴ με θανόντα ### book 655.1.4 γνώσοντ’, Ἀλκάνδρῳ τοῦτο τί Καλλιτέλευς; ### book 656.1.1 Τὴν ὀλίγην βῶλον καὶ τοῦτ’ ὀλιγήριον, ὦνερ, ### book 656.1.2 σῆμα ποτίφθεγξαι τλάμονος Ἀλκιμένευς, ### book 656.1.3 εἰ καὶ πᾶν κέκρυπται ὑπ’ ὀξείης παλιούρου. ### book 656.1.4 καὶ βάτου ἦν ποτ’ ἐγὼ δήιος Ἀλκιμένης. ### book 657.1.1 Ποιμένες, οἳ ταύτην ὄρεος ῥάχιν οἰοπολεῖτε ### book 657.1.2 αἶγας κεὐείρους ἐμβοτέοντες ὄις, ### book 657.1.3 Κλειταγόρῃ, πρὸς Γῆς, ὀλίγην χάριν, ἀλλὰ προσηνῆ ### book 657.1.4 τίνοιτε χθονίης εἵνεκα Φερσεφόνης. ### book 657.5 βληχήσαιντ’ ὄιές μοι, ἐπ’ ἀξέστοιο δὲ ποιμὴν ### book 657.1 πέτρης συρίζοι πρηέα βοσκομέναις· ### book 657.2 εἴαρι δὲ πρώτῳ λειμώνιον ἄνθος ἀμέρξας ### book 657.3 χωρίτης στεφέτω τύμβον ἐμὸν στεφάνῳ, ### book 657.4 καί τις ἀπ’ εὐάρνοιο καταχραίνοιτο γάλακτι ### book 657.10.1 οἰός, ἀμολγαῖον μαστὸν ἀνασχόμενος, ### book 657.10.2 κρηπῖδ’ ὑγραίνων ἐπιτύμβιον. εἰσὶ θανόντων, ### book 657.10.3 εἰσὶν ἀμοιβαῖαι κἀν φθιμένοις χάριτες. ### book 658.1.1 Γνώσομαι, εἴ τι νέμεις ἀγαθοῖς πλέον ἢ καὶ ὁ δειλὸς ### book 658.1.2 ἐκ σέθεν ὡσαύτως ἶσον, ὁδοιπόρ’, ἔχει. ### book 658.1.3 „Χαιρέτω οὗτος ὁ τύμβοσ“, ἐρεῖς, „ἐπεὶ Εὐρυμέδοντος ### book 658.1.4 κεῖται τῆς ἱερῆς κοῦφος ὑπὲρ κεφαλῆς.“ ### book 659.1.1 Νήπιον υἱὸν ἔλειπες, ἐν ἡλικίῃ δὲ καὶ αὐτός, ### book 659.1.2 Εὐρύμεδον, τύμβου τοῦδε θανὼν ἔτυχες. ### book 659.1.3 σοὶ μὲν ἕδρη θείοισι παρ’ ἀνδράσι, τὸν δὲ πολῖται ### book 659.1.4 τιμησεῦντι πατρὸς μνώμενοι ὡς ἀγαθοῦ. ### book 660.1.1 Ξεῖνε, Συρακόσιός τοι ἀνὴρ τόδ’ ἐφίεται Ὄρθων· ### book 660.1.2 „Χειμερίας μεθύων μηδαμὰ νυκτὸς ἴοις· ### book 660.1.3 καὶ γὰρ ἐγὼ τοιοῦτον ἔχω μόρον, ἀντὶ δὲ πολλῆς ### book 660 πατρίδος ὀθνείαν κεῖμαι ἐφεσσάμενος.“ ### book 661.1.1 Εὐσθένεος τὸ μνῆμα· φυσιγνώμων ὁ σοφιστής, ### book 661.1.2 δεινὸς ἀπ’ ὀφθαλμοῦ καὶ τὸ νόημα μαθεῖν. ### book 661.1.3 εὖ μιν ἔθαψαν ἑταῖροι ἐπὶ ξείνης ξένον ὄντα, ### book 661.1.4 χὐμνοθέτης αὐτῷ δαιμονίως φίλος ἦν. ### book 661.5.1 πάντων, ὧν ἐπέοικεν, ἔχει τεθνεὼς ὁ σοφιστής· ### book 661.5.2 καίπερ ἄκικυς ἐὼν εἶχ’ ἄρα κηδεμόνας. ### book 662.1.1 Ἡ παῖς ᾤχετ’ ἄωρος ἐν ἑβδόμῳ ἥδ’ ἐνιαυτῷ ### book 662.1.2 εἰς Ἀίδην πολλῆς ἡλικίης προτέρη, ### book 662.1.3 δειλαίη, ποθέουσα τὸν εἰκοσάμηνον ἀδελφὸν ### book 662.1.4 νήπιον ἀστόργου γευσάμενον θανάτου. ### book 662.5.1 αἰαῖ, λυγρὰ παθοῦσα Περιστέρη, ὡς ἐν ἑτοίμῳ ### book 662.5.2 ἀνθρώποις δαίμων θῆκε τὰ δεινότατα. ### book 663.1.1 Ὁ μικκὸς τόδ’ ἔτευξε τᾷ Θραΐσσᾳ ### book 663.1.2 Μήδειος τὸ μνᾶμ’ ἐπὶ τᾷ ὁδῷ κἠπέγραψε „Κλείτασ“. ### book 663.1.3 ἑξεῖ τὰν χάριν ἁ γυνὰ ἀντ’ ἐκείνων ### book 663 ὧν τὸν κῶρον ἔθρεψε. τί μάν; ἔτι χρησίμα τελευτᾷ. ### book 664.1.1 Ἀρχίλοχον καὶ στᾶθι καὶ εἴσιδε τὸν πάλαι ποιητὰν ### book 664.1.2 τὸν τῶν ἰάμβων, οὗ τὸ μυρίον κλέος ### book 664.1.3 διῆλθε κἠπὶ νύκτα καὶ ποτ’ ἀῶ. ### book 664.1.4 ἦ ῥά νιν αἱ Μοῖσαι καὶ ὁ Δάλιος ἠγάπευν Ἀπόλλων, ### book 664.5.1 ὡς ἐμμελής τ’ ἐγένετο κἠπιδέξιος ### book 664.5.2 ἔπεά τε ποιεῖν πρὸς λύραν τ’ ἀείδειν. ### book 665.1.1 Μήτε μακρῇ θαρσέων ναυτίλλεο μήτε βαθείῃ ### book 665.1.2 νηί· κρατεῖ παντὸς δούρατος εἷς ἄνεμος. ### book 665.1.3 ὤλεσε καὶ Πρόμαχον πνοιὴ μία, κῦμα δὲ ναύτας ### book 665.1.4 ἀθρόον ἐς κοίλην ἐστυφέλιξεν ἅλα. ### book 665.5.1 οὐ μήν οἱ δαίμων πάντῃ κακός· ἀλλ’ ἐνὶ γαίῃ ### book 665.5.2 πατρίδι καὶ τύμβου καὶ κτερέων ἔλαχεν ### book 665.5.3 κηδεμόνων ἐν χερσίν, ἐπεὶ τρηχεῖα θάλασσα ### book 665.5.4 νεκρὸν πεπταμένους θῆκεν ἐπ’ αἰγιαλούς. ### book 666.1.1 Οὗτος ὁ Λειάνδροιο διάπλοος, οὗτος ὁ πόντου ### book 666.1.2 πορθμὸς ὁ μὴ μούνῳ τῷ φιλέοντι βαρύς· ### book 666.1.3 ταῦθ’ Ἡροῦς τὰ πάροιθεν ἐπαύλια, τοῦτο τὸ πύργου ### book 666.1.4 λείψανον· ὁ προδότης ὧδ’ ἐπέκειτο λύχνος. ### book 666.5 κοινὸς δ’ ἀμφοτέρους ὅδ’ ἔχει τάφος, εἰσέτι καὶ νῦν ### book 666 κείνῳ τῷ φθονερῷ μεμφομένους ἀνέμῳ. ### book 667.1.1 Τίπτε μάτην γοόωντες ἐμῷ παραμίμνετε τύμβῳ; ### book 667.1.2 οὐδὲν ἔχω θρήνων ἄξιον ἐν φθιμένοις. ### book 667.1.3 λῆγε γόων καὶ παῦε, πόσις, καί, παῖδες ἐμεῖο, ### book 667.1.4 χαίρετε καὶ μνήμην σῴζετ’ Ἀμαζονίης. ### book 668.1.1 Οὐδ’ εἴ μοι γελόωσα καταστορέσειε Γαλήνη ### book 668.1.2 κύματα καὶ μαλακὴν φρῖκα φέροι Ζέφυρος, ### book 668.1.3 νηοβάτην ὄψεσθε· δέδοικα γὰρ οὓς πάρος ἔτλην ### book 668.1.4 κινδύνους ἀνέμοις ἀντικορυσσόμενος. ### book 669.1.1 Ἀστέρας εἰσαθρεῖς, Ἀστὴρ ἐμός· εἴθε γενοίμην ### book 669.1.2 οὐρανός, ὡς πολλοῖς ὄμμασιν εἰς σὲ βλέπω. ### book 670.1.1 Ἀστὴρ πρὶν μὲν ἔλαμπες ἐνὶ ζωοῖσιν Ἑῷος· ### book 670.1.2 νῦν δὲ θανὼν λάμπεις Ἕσπερος ἐν φθιμένοις. ### book 671.1 Πάντα Χάρων ἄπληστε, τί τὸν νέον ἥρπασας αὔτως ### book 671 Ἄτταλον; οὐ σὸς ἔην, κἂν θάνε γηραλέος; ### book 672.1.1 Χθὼν μὲν ἔχει δέμας ἐσθλόν, ἔχει κλυτὸν οὐρανὸς ἦτορ ### book 672.1.2 Ἀνδρέω, ὃς Δαναοῖσι καὶ Ἰλλυριοῖσι δικάσσας ### book 672.1.3 οὐχ ὁσίων κτεάνων καθαρὰς ἐφυλάξατο χεῖρας. ### book 673.1.1 Εἰ γένος εὐσεβέων ζώει μετὰ τέρμα βίοιο ### book 673.1.2 ναιετάον κατὰ θεσμὸν ἀνὰ στόμα φωτὸς ἑκάστου, ### book 673.1.3 Ἀνδρέα, σὺ ζώεις, οὐ κάτθανες, ἀλλά σε χῶρος ### book 673.1.4 ἄμβροτος ἀθανάτων ἁγίων ὑπέδεκτο καμόντα. ### book 674.1.1 Ἀρχιλόχου τόδε σῆμα, τὸν ἐς λυσσῶντας ἰάμβους ### book 674.1.2 ἤγαγε Μαιονίδῃ Μοῦσα χαριζομένη. ### book 675.1.1 Ἄτρομος ἐκ τύμβου λύε πείσματα ναυηγοῖο· ### book 675.1.2 χἠμῶν ὀλλυμένων ἄλλος ἐνηοπόρει. ### book 676.1 Δοῦλος Ἐπίκτητος γενόμην καὶ σῶμ’ ἀνάπηρος ### book 676 καὶ πενίην Ἶρος καὶ φίλος ἀθανάτοις. ### book 677.1.1 Μνῆμα τόδε κλεινοῖο Μεγιστία, ὅν ποτε Μῆδοι ### book 677.1.2 Σπερχειὸν ποταμὸν κτεῖναν ἀμειψάμενοι, ### book 677.1.3 μάντιος, ὃς τότε κῆρας ἐπερχομένας σάφα εἰδὼς ### book 677.1.4 οὐκ ἔτλη Σπάρτης ἡγεμόνας προλιπεῖν. ### book 678.1.1 Πληρώσας στρατιὴν Σωτήριχος ἐνθάδε κεῖμαι, ### book 678.1.2 ὄλβον ἐμῶν καμάτων γλυκεροῖς τεκέεσσιν ἐάσας. ### book 678.1.3 ἦρξα δ’ ἐν ἱππήεσσι, Γερήνιος οἷά τε Νέστωρ, ### book 678.1.4 ἐξ ἀδίκων τε πόνων κειμήλιον οὐδὲν ἔτευξα. ### book 678.5 τοὔνεκα καὶ μετὰ πότμον ὁρῶ φάος Οὐλύμποιο. ### book 679.1.1 Τύμβε, τίς ἢ πόθεν, ἦν δ’ ἔτι παῖς τίνος; ἔργα καὶ ὄλβον ### book 679.1.2 νεκροῦ, ὃν ἔνδον ἔχεις, ἔννεπε, κευθόμενον. — ### book 679.1.3 „Οὗτος Ἰωάννης, Κύπριος γένος, υἱὸς ἐτύχθη ### book 679.1.4 εὐγενέος Στεφάνου· ἦν δὲ νομεὺς Φαρίης. ### book 679.5.1 κτήμασι μὲν πολύολβος ὅλων πλέον, ὧν τρέφε Κύπρος, ### book 679.5.2 ἐκ πατέρος πατέρων ἐξ ὁσίων τε πόνων· ### book 679.5.3 ἔργα δὲ θέσκελα πάντα λέγειν, ἅπερ ἐν χθονὶ τεῦξεν, ### book 679.5.4 οὐδ’ ἐμοῦ ἐστι νόου οὐδ’ ἑτέρων στομάτων· ### book 679.5.5 πάντα γὰρ ἄνδρα παρῆλθε φαεινοτάταις ἀρετῇσι ### book 679.10.1 δόξαντα κρατέειν ταῖς ἀρεταῖς ἑτέρων. ### book 679.10.2 τοῦ καὶ κάλλεα πάντα, τάπερ πτόλις ἔλλαχεν αὕτη, ### book 679 εἰσὶ φιλοφροσύνης κόσμος ἀρειοτάτης.“ ### book 680.1.1 Ἀρχὸς Ἰωάννης Φαρίης ἀρετῶν ἱερήων ### book 680.1.2 ἐνθάδε νῦν μετὰ τέρμα φίλῃ παρὰ πατρίδι κεῖται· ### book 680.1.3 θνητὸν γὰρ λάχε σῶμα, καὶ εἰ βίον ἄφθιτον ἕξει ### book 680.1.4 ἀθανάτους πρήξεις τε κατὰ χθόνα ῥέξεν ἀπείρους. ### book 681.1.1 Οὐκ ἀπεδήμησας τιμῆς χάριν, ἀλλὰ τελευτῆς, ### book 681.1.2 καὶ χωλός περ ἐὼν ἔδραμες εἰς Ἀίδην, ### book 681.1.3 Γέσσιε Μοιράων τροχαλώτερε· ἐκ προκοπῆς γάρ, ### book 681.1.4 ἧς εἶχες κατὰ νοῦν, ἐξεκόπης βιότου. ### book 682.1.1 Γέσσιος οὐ τέθνηκεν ἐπειγόμενος παρὰ Μοίρης· ### book 682.1.2 αὐτὸς τὴν Μοῖραν προὔλαβεν εἰς Ἀίδην. ### book 683.1.1 „Μηδὲν ἄγαν“ τῶν ἑπτὰ σοφῶν ὁ σοφώτατος εἶπεν· ### book 683.1.2 ἀλλὰ σὺ μὴ πεισθείς, Γέσσιε, ταῦτ’ ἔπαθες· ### book 683.1.3 καὶ λόγιός περ ἐὼν ἀλογώτατον ἔσχες ὄνειδος ### book 683.1.4 ὡς ἐπιθυμήσας οὐρανίης ἀνόδου. ### book 683.5.1 οὕτω Πήγασος ἵππος ἀπώλεσε Βελλεροφόντην ### book 683.5.2 βουληθέντα μαθεῖν ἀστροθέτους κανόνας· ### book 683.5.3 ἀλλ’ ὁ μὲν ἵππον ἔχων καὶ θαρσαλέον σθένος ἥβης, ### book 683 Γέσσιος οὐδὲ χεσεῖν εὔτονον ἦτορ ἔχων. ### book 684.1.1 Μηδεὶς ζητήσῃ μερόπων ποτὲ καὶ θεὸς εἶναι ### book 684.1.2 μηδ’ ἀρχὴν μεγάλην, κόμπον ὑπερφίαλον. ### book 684.1.3 Γέσσιος αὐτὸς ἔδειξε· κατηνέχθη γὰρ ἐπαρθεὶς ### book 684.1.4 θνητῆς εὐτυχίης μηκέτ’ ἀνασχόμενος. ### book 685.1.1 Ζητῶν ἐξεῦρες βιότου τέλος εὐτυχίης τε ### book 685.1.2 ἀρχὴν ζητήσας πρὸς τέλος ἐρχομένην. ### book 685.1.3 ἀλλ’ ἔτυχες τιμῆς, ὦ Γέσσιε, καὶ μετὰ μοῖραν ### book 685.1.4 σύμβολα τῆς ἀρχῆς ὕστατα δεξάμενος. ### book 686.1.1 Γέσσιον ὡς ἐνόησεν ὁ Βαύκαλος ἄρτι θανόντα ### book 686.1.2 χωλεύοντα πλέον, τοῖον ἔλεξεν ἔπος· ### book 686.1.3 „Γέσσιε, πῶς, τί παθὼν κατέβης δόμον Ἄϊδος εἴσω ### book 686.1.4 γυμνός, ἀκήδεστος, σχήματι καινοτάφῳ;“ ### book 686.5.1 τὸν δὲ μέγ’ ὀχθήσας προσέφη καὶ Γέσσιος εὐθύς· ### book 686.5.2 „Βαύκαλε, τὸ στρῆνος καὶ θάνατον παρέχει.“ ### book 687.1.1 Τὴν Ἀμμωνιακὴν ἀπάτην ὅτε Γέσσιος ἔγνω ### book 687.1.2 τοῦ ξενικοῦ θανάτου ἐγγύθεν ἐρχόμενος, ### book 687.1.3 τὴν ἰδίην γνώμην κατεμέμψατο καὶ τὸ μάθημα ### book 687 καὶ τοὺς πειθομένους ἀστρολόγοις ἀλόγοις. ### book 688.1.1 Οἱ δύο Κάλχαντες τὸν Γέσσιον ὤλεσαν ὅρκοις ### book 688.1.2 τῶν μεγάλων ὑπάτων θῶκον ὑποσχόμενοι. ### book 688.1.3 ὦ γένος ἀνθρώπων ἀνεμώλιον, αὐτοχόλωτον, ### book 688.1.4 ἄχρι τέλους βιότου μηδὲν ἐπιστάμενον. ### book 689.1.1 Ἐνθάδε σῶμα λέλοιπεν Ἀπελλιανὸς μέγ’ ἄριστος· ### book 689.1.2 ψυχὴν δ’ ἐν χείρεσσιν ἑὴν παρακάτθετο Χριστῷ. ### book 690.1.1 Οὐδὲ θανὼν κλέος ἐσθλὸν ἀπώλεσας ἐς χθόνα πᾶσαν, ### book 690.1.2 ἀλλ’ ἔτι σῆς ψυχῆς ἀγλαὰ πάντα μένει, ### book 690.1.3 ὅσς’ ἔλαχές τ’ ἔμαθές τε φύσει, μῆτιν πανάριστε· ### book 690.1.4 τῷ ῥα καὶ ἐς μακάρων νῆσον ἔβης, Πυθέα. ### book 691.1.1 Ἄλκηστις νέη εἰμί· θάνον δ’ ὑπὲρ ἀνέρος ἐσθλοῦ ### book 691.1.2 Ζήνωνος, τὸν μοῦνον ἐνὶ στέρνοισιν ἐδέγμην, ### book 691.1.3 ὃν φωτὸς γλυκερῶν τε τέκνων προὔκριν’ ἐμὸν ἦτορ, ### book 691 οὔνομα Καλλικράτεια, βροτοῖς πάντεσσιν ἀγαστή. ### book 692.1.1 Γλύκων, τὸ Περγαμηνὸν Ἀσίδι κλέος, ### book 692.1.2 ὁ παμμάχων κεραυνός, ὁ πλατὺς πόδας, ### book 692.1.3 ὁ καινὸς Ἄτλας αἵ τ’ ἀνίκατοι χέρες ### book 692.1.4 ἔρροντι· τὸν δὲ πρόσθεν οὔτ’ ἐν Ἰταλοῖς ### book 692.5.1 οὔθ’ Ἑλλάδι τροπωτὸν οὔτ’ ἐν Ἀσίδι ### book 692.5.2 ὁ πάντα νικῶν Ἀίδης ἀνέτραπεν. ### book 693.1.1 Γλῆνιν παρῃονῖτις ἀμφέχω χερμὰς ### book 693.1.2 πικρῇ κατασπασθέντα κύματος δίνῃ, ### book 693.1.3 ὅτ’ ἰχθυάζετ’ ἐξ ἄκρης ἀπορρῶγος· ### book 693.1.4 χῶσαν δέ μ’, ὅσσος λαὸς ἦν συνεργήτης· ### book 693.5.1 Πόσειδον, οὓς σὺ σῷζε καὶ γαληναίην ### book 693.5.2 αἰὲν διδοίης ὁρμιηβόλοις θῖνα. ### book 694.1.1 Ἢν παρίῃς ἥρωα—Φιλοπρήγμων δὲ καλεῖται— ### book 694.1.2 πρόσθε Ποτειδαίης κείμενον ἐν τριόδῳ, ### book 694.1.3 εἰπεῖν, οἷον ἐπ’ ἔργον ἄγεις πόδας· εὐθὺς ἐκεῖνος ### book 694.1.4 εὑρήσει σὺν σοὶ πρήξιος εὐκολίην. ### book 695.1.1 Ὁρᾷς πρόσωπον Κασσίας τῆς σώφρονος. ### book 695.1.2 εἰ καὶ τέθνηκε, ταῖς ἀρεταῖς γνωρίζεται ### book 695 ψυχῆς τὸ κάλλος μᾶλλον ἢ τοῦ σώματος. ### book 696.1.1 Αἰωρῇ θήρειον ἱμασσόμενος δέμας αὔραις, ### book 696.1.2 τλᾶμον, ἀορτηθεὶς ἐκ λασίας πίτυος, ### book 696.1.3 αἰωρῇ· Φοίβῳ γὰρ ἀνάρσιον εἰς ἔριν ἔστης ### book 696.1.4 πρῶνα Κελαινίτην ναιετάων, Σάτυρε. ### book 696.5.1 σεῦ δὲ βοὰν αὐλοῖο μελίβρομον οὐκέτι Νύμφαι, ### book 696.5.2 ὡς πάρος, ἐν Φρυγίοις οὔρεσι πευσόμεθα. ### book 697.1.1 Οὗτος Ἰωάννην κρύπτει τάφος, ὅς ῥ’ Ἐπιδάμνου ### book 697.1.2 ἄστρον ἔην, ἣν πρὶν παῖδες ἀριπρεπέες ### book 697.1.3 ἔκτισαν Ἡρακλῆος· ὅθεν καὶ μέρμερος ἥρως ### book 697.1.4 αἰεὶ τῶν ἀδίκων σκληρὸν ἔκοπτε μένος. ### book 697.5.1 εἶχε δ’ ἀπ’ εὐσεβέων προγόνων ἐρικυδέα πάτρην ### book 697.5.2 Λυχνιδόν, ἣν Φοῖνιξ Κάδμος ἔδειμε πόλιν· ### book 697.5.3 ἔνθεν λύχνος ἔην Ἑλικώνιος, οὕνεκα Κάδμος ### book 697.5.4 στοιχείων Δαναοῖς πρῶτος ἔδειξε τύπον. ### book 697.5.5 εἰς ὑπάτους δ’ ἀνέλαμψε καὶ Ἰλλυριοῖσι δικάζων ### book 697.10 Μούσας καὶ καθαρὴν ἐστεφάνωσε Δίκην. ### book 698.1.1 Αὐτὸς Ἰωάννης Ἐπιδάμνιος ἐνθάδε κεῖται, ### book 698.1.2 τηλεφανὴς ὑπάτων κόσμος ἀειφανέων, ### book 698.1.3 ὁ γλυκύ μοι Μουσέων πετάσας φάος, ὁ πλέον ἄλλων ### book 698.1.4 εὐρύνας ξενίου δαίμονος ἐργασίην ### book 698.5 παμφόρβην παλάμην κεκτημένος, ἥντινα μούνην ### book 698.1 οὐκ ἴδε δωτίνῃς μέτρον ὁριζόμενον. ### book 698.2 αἰπυτάτην δ’ ηὔξησε 〈νόμοις πα〉τρίοισιν ἀπήνην ### book 698.3 φαιδρύνας καθαρῆς ἔργα Δικαιοσύνης. ### book 698.4 ὦ πόποι, οὐκ ἔζησε πολὺν χρόνον, ἀλλ’ ἐνιαυτοὺς ### book 698.10.1 μοῦνον ἀναπλήσας τεσσαράκοντα δύο ### book 698.10.2 ᾤχετο μουσοπόλοισι ποθὴν πάντεσσιν ἐάσας, ### book 698.10.3 οὓς ἐπόθει πατέρων φέρτερα γειναμένων. ### book 699.1.1 Ἰκάρου ὦ νεόφοιτον ἐς ἠέρα πωτηθέντος ### book 699.1.2 Ἰκαρίη πικρῆς τύμβε κακοδρομίης, ### book 699.1.3 ἀβάλε μήτε σε κεῖνος ἰδεῖν μήτ’ αὐτὸς ἀνεῖναι ### book 699.1.4 Τρίτων Αἰγαίου νῶτον ὑπὲρ πελάγευς. ### book 699.5.1 οὐ γάρ σοι σκεπανή τις ὑφόρμισις οὔτε βόρειον ### book 699.5.2 ἐς κλίτος οὔτ’ ἀγὴν κύματος ἐς νοτίην. ### book 699.5.3 ἔρροις, ὦ δύσπλωτε, κακόξενε· σεῖο δὲ τηλοῦ ### book 699.5.4 πλώοιμι, στυγεροῦ ὅσσον ἀπ’ Ἀίδεω. ### book 700.1.1 Ἴστω νυκτὸς ἐμῆς, ἥ μ’ ἔκρυφεν, οἰκία ταῦτα ### book 700.1.2 λάινα Κωκυτοῦ τ’ ἀμφιγόητον ὕδωρ, ### book 700.1.3 οὔτι μ’ ἀνήρ, ὃ λέγουσι, κατέκτανεν ἐς γάμον ἄλλης ### book 700.1.4 παπταίνων. τί μάτην οὔνομα Ῥουφιανός; ### book 700.5 ἀλλά με Κῆρες ἄγουσι μεμορμέναι. οὐ μία δήπου ### book 700 Παῦλα Ταραντίνη κάτθανεν ὠκύμορος. ### book 701.1.1 Ἰφθίμῳ τόδ’ ἐπ’ ἀνδρὶ φίλη πόλις ἤνες’ Ἀχαιῷ ### book 701.1.2 γράμμα παρ’ εὐύδρου νάμασιν Ἀσκανίης· ### book 701.1.3 κλαῦσε δέ μιν Νίκαια· πατὴρ δ’ ἐπί οἱ Διομήδης ### book 701.1.4 λάινον ὑψιφαῆ τόνδ’ ἀνέτεινε τάφον, ### book 701.5.1 δύσμορος, αἰάζων ὀλοὸν κακόν. ἦ γὰρ ἐῴκει ### book 701.5.2 υἱέα οἱ τίνειν ταῦτα κατοιχομένῳ. ### book 702.1.1 Ἰχθυοθηρητῆρα Μενέστρατον ὤλεσεν ἄγρη ### book 702.1.2 δούνακος ἑξαμίτης ἐκ τριχὸς ἑλκομένη, ### book 702.1.3 εἶδαρ ὅτ’ ἀγκίστρου φόνιον πλάνον ἀμφιχανοῦσα ### book 702.1.4 ὀξείην ἐρυθρὴ φυκὶς ἔφριξε πάγην, ### book 702.5.1 ἀγνυμένη δ’ ὑπ’ ὀδόντι κατέκτανεν ἅλματι λάβρῳ ### book 702.5.2 ἐντὸς ὀλισθηρῶν δυσαμένη φαρύγων. ### book 703.1.1 Θύρσις ὁ κωμήτης, ὁ τὰ νυμφικὰ μῆλα νομεύων, ### book 703.1.2 Θύρσις ὁ συρίζων Πανὸς ἴσον δόνακι, ### book 703.1.3 ἔνδιος οἰνοπότης σκιερὰν ὑπὸ τὰν πίτυν εὕδει· ### book 703.1.4 φρουρεῖ δ’ αὐτὸς ἑλὼν ποίμνια βάκτρον Ἔρως. ### book 703.5 ἆ Νύμφαι, Νύμφαι, διεγείρατε τὸν λυκοθαρσῆ ### book 703 βοσκόν, μὴ θηρῶν κύρμα γένηται Ἔρως. ### book 704.1 Ἐμοῦ θανόντος γαῖα μιχθήτω πυρί. ### book 704.2 οὐδὲν μέλει μοι· τἀμὰ γὰρ καλῶς ἔχει. ### book 705.1.1 Στρυμόνι καὶ μεγάλῳ πεπολισμένον Ἑλλησπόντῳ ### book 705.1.2 ἠρίον Ἠδωνῆς Φυλλίδος, Ἀμφίπολι, ### book 705.1.3 λοιπά τοι Αἰθοπίης Βραυρωνίδος ἴχνια νηοῦ ### book 705.1.4 μίμνει καὶ ποταμοῦ τἀμφιμάχητον ὕδωρ· ### book 705.5.1 τὴν δέ ποτ’ Αἰγείδαις μεγάλην ἔριν ὡς ἁλιανθὲς ### book 705.5.2 τρῦχος ἐπ’ ἀμφοτέραις δερκόμεθ’ ἠιόσιν. ### book 706.1.1 Ἰλιγγίασε Βάκχον ἐκπιὼν χανδὸν ### book 706.1.2 Χρύσιππος, οὐδ’ ἐφείσατο ### book 706.1.3 οὐ τῆς στοᾶς, οὐχ ἧς πάτρας, οὐ τῆς ψυχῆς, ### book 706.1.4 ἀλλ’ ἦλθε δῶμ’ ἐς Ἀίδεω. ### book 707.1.1 Κἠγὼ Σωσιθέου κομέω νέκυν, ὅσσον ἐν ἄστει ### book 707.1.2 ἄλλος ἀπ’ αὐθαίμων ἡμετέρων Σοφοκλῆν, ### book 707.1.3 Σκίρτος ὁ πυρρογένειος. ἐκισσοφόρησε γὰρ ὡνὴρ ### book 707.1.4 ἄξια Φλιασίων, ναὶ μὰ χορούς, Σατύρων ### book 707.5 κἠμὲ τὸν ἐν καινοῖς τεθραμμένον ἤθεσιν ἤδη ### book 707.1 ἤγαγεν εἰς μνήμην πατρίδ’ ἀναρχαΐσας, ### book 707.2 καὶ πάλιν εἰσώρμησα τὸν ἄρσενα Δωρίδι Μούσῃ ### book 707.3 ῥυθμόν, πρός τ’ αὐδὴν ἑλκόμενος μεγάλην ### book 707.4 εὔαδέ μοι θύρσων τύπος αὖ χερὶ καινοτομηθεὶς ### book 707.10 τῇ φιλοκινδύνῳ φροντίδι Σωσιθέου. ### book 708.1.1 Τῷ κωμῳδογράφῳ, κούφη κόνι, τὸν φιλάγωνα ### book 708.1.2 κισσὸν ὑπὲρ τύμβου ζῶντα Μάχωνι φέροις· ### book 708.1.3 οὐ γὰρ ἔχεις κηφῆνα παλίμπλυτον, ἀλλά τι τέχνης ### book 708.1.4 ἄξιον ἀρχαίης λείψανον ἠμφίεσας. ### book 708.5.1 τοῦτο δ’ ὁ πρέσβυς ἐρεῖ· „Κέκροπος πόλι, καὶ παρὰ Νείλῳ ### book 708.5.2 ἔστιν ὅτ’ ἐν Μούσαις δριμὺ πέφυκε θύμον.“ ### book 709.1.1 Σάρδιες ἀρχαῖαι, πατέρων νομός, εἰ μὲν ἐν ὑμῖν ### book 709.1.2 ἐτρεφόμαν, κερνᾶς ἦν τις ἂν ἢ μακελᾶς ### book 709.1.3 χρυσοφόρος ῥήσσων καλὰ τύμπανα· νῦν δέ μοι Ἀλκμὰν ### book 709.1.4 οὔνομα καὶ Σπάρτας εἰμὶ πολυτρίποδος ### book 709.5 καὶ Μούσας ἐδάην Ἑλικωνίδας, αἵ με τυράννων ### book 709 θῆκαν Δασκύλεω μείζονα καὶ Γύγεω. ### book 710.1.1 Στᾶλαι καὶ Σειρῆνες ἐμαὶ καὶ πένθιμε κρωσσέ, ### book 710.1.2 ὅστις ἔχεις Ἀίδα τὰν ὀλίγαν σποδιάν, ### book 710.1.3 τοῖς ἐμὸν ἐρχομένοισι παρ’ ἠρίον εἴπατε χαίρειν, ### book 710.1.4 αἴτ’ ἀστοὶ τελέθωντ’ αἴθ’ ἑτεροπτόλιες· ### book 710.5.1 χὤτι με νύμφαν εὖσαν ἔχει τάφος, εἴπατε καὶ τό· ### book 710.5.2 χὤτι πατήρ μ’ ἐκάλει Βαυκίδα, χὤτι γένος ### book 710.5.3 Τηλία, ὡς εἰδῶντι· καὶ ὅττι μοι ἁ συνεταιρὶς ### book 710.5.4 Ἤρινν’ ἐν τύμβῳ γράμμ’ ἐχάραξε τόδε. ### book 711.1.1 Ἤδη μὲν κροκόεις Πιτανάτιδι πίτνατο νύμφᾳ ### book 711.1.2 Κλειναρέτᾳ χρυσέων παστὸς ἔσω θαλάμων, ### book 711.1.3 καδεμόνες δ’ ἤλποντο διωλένιον φλόγα πεύκας ### book 711.1.4 ἅψειν ἀμφοτέραις ἀνσχόμενοι παλάμαις, ### book 711.5.1 Δημὼ καὶ Νίκιππος· ἀφαρπάξασα δὲ νοῦσος ### book 711.5.2 παρθενικὰν Λάθας ἄγαγεν ἐς πέλαγος· ### book 711.5.3 ἀλγειναὶ δ’ ἐκάμοντο συνάλικες, οὐχὶ θυρέτρων ### book 711.5.4 ἀλλὰ τὸν Ἀίδεω στερνοτυπῆ πάταγον. ### book 712.1.1 Νύμφας Βαυκίδος εἰμί· πολυκλαύταν δὲ παρέρπων ### book 712.1.2 στάλαν τῷ κατὰ γᾶς τοῦτο λέγοις Ἀίδᾳ· ### book 712.1.3 „Βάσκανός ἐσς’, Ἀίδα.“ τὰ δέ τοι καλὰ σάμαθ’ ὁρῶντι ### book 712 ὠμοτάταν Βαυκοῦς ἀγγελέοντι τύχαν, ### book 712.5.1 ὡς τὰν παῖδ’, ὑμέναιος ἐφ’ αἷς ἀείδετο πεύκαις, ### book 712.5.2 ταῖσδ’ ἐπὶ καδεστὰς ἔφλεγε πυρκαϊᾷ· ### book 712.5.3 καὶ σὺ μέν, ὦ Ὑμέναιε, γάμων μολπαῖον ἀοιδὰν ### book 712.5.4 ἐς θρήνων γοερὸν φθέγμα μεθαρμόσαο. ### book 713.1.1 Παυροεπὴς Ἤριννα καὶ οὐ πολύμυθος ἀοιδαῖς, ### book 713.1.2 ἀλλ’ ἔλαχεν Μούσας τοῦτο τὸ βαιὸν ἔπος. ### book 713.1.3 τοιγάρτοι μνήμης οὐκ ἤμβροτεν οὐδὲ μελαίνης ### book 713.1.4 Νυκτὸς ὑπὸ σκιερῇ κωλύεται πτέρυγι, ### book 713.5.1 αἱ δ’ ἀναρίθμητοι νεαρῶν σωρηδὸν ἀοιδῶν ### book 713.5.2 μυριάδες λήθῃ, ξεῖνε, μαραινόμεθα. ### book 713.5.3 λωίτερος κύκνου μικρὸς θρόος ἠὲ κολοιῶν ### book 713.5.4 κρωγμὸς ἐν εἰαριναῖς κιδνάμενος νεφέλαις. ### book 714.1.1 Ῥήγιον, Ἰταλίης τεναγώδεος ἄκρον, ἀείδω ### book 714.1.2 αἰεὶ Θρινακίου γευομένην ὕδατος, ### book 714.1.3 οὕνεκα τὸν φιλέοντα λύρην, φιλέοντα δὲ παῖδας ### book 714.1.4 Ἴβυκον εὐφύλλῳ θῆκεν ὑπὸ πτελέῃ, ### book 714.5 ἡδέα πολλὰ παθόντα· πολὺν δ’ ἐπὶ σήματι κισσὸν ### book 714 χεύατο καὶ λευκοῦ φυταλιὴν καλάμου. ### book 715.1.1 Πολλὸν ἀπ’ Ἰταλίης κεῖμαι χθονὸς ἔκ τε Τάραντος ### book 715.1.2 πάτρης· τοῦτο δέ μοι πικρότερον θανάτου. ### book 715.1.3 τοιοῦτος πλανίων ἄβιος βίος· ἀλλά με Μοῦσαι ### book 715.1.4 ἔστερξαν, λυγρῶν δ’ ἀντὶ μελιχρὸν ἔχω. ### book 715.5.1 οὔνομα δ’ οὐκ ἤμυσε Λεωνίδου· αὐτά με δῶρα ### book 715.5.2 κηρύσσει Μουσέων πάντας ἐπ’ ἠελίους. ### book 716.1.1 Πρώιος, ἀλλὰ ποθεινός, ὅσοι πόλιν Ἰαλύσοιο ### book 716.1.2 ναίομεν, εἰς Λήθης πικρὸν ἔδυς πέλαγος ### book 716.1.3 δρεψάμενος σοφίην ὀλίγον χρόνον· ἀμφὶ δὲ τύμβῳ ### book 716.1.4 σεῖο καὶ ἄκλαυτοι γλαῦκες ἔθεντο γόον, ### book 716.5.1 Φαινόκριτ’· οὐδὲν ὅμοιον ἐπεσσομένοισιν ἀοιδὸς ### book 716.5.2 φθέγξεται, ἀνθρώπους ἄχρι φέρωσι πόδες. ### book 717.1.1 Νηιάδες καὶ ψυχρὰ βοαύλια, ταῦτα μελίσσαις ### book 717.1.2 οἶμον ἐπ’ εἰαρινὴν λέξατε νισσομέναις, ### book 717.1.3 ὡς ὁ γέρων Λεύκιππος ἐπ’ ἀρσιπόδεσσι λαγωοῖς ### book 717.1.4 ἔφθιτο χειμερίῃ νυκτὶ λοχησάμενος, ### book 717.5 σμήνεα δ’ οὐκέτι οἱ κομέειν φίλον· αἱ δὲ τὸν ἄκρης ### book 717 γείτονα ποιμένιαι πολλὰ ποθοῦσι νάπαι. ### book 718.1.1 Ὦ ξεῖν’, εἰ τύ γε πλεῖς ποτὶ καλλίχορον Μιτυλάναν ### book 718.1.2 τᾶν Σαπφοῦς χαρίτων ἄνθος ἐναυσόμενος, ### book 718.1.3 εἰπεῖν, ὡς Μούσαισι φίλαν τήνᾳ τε Λοκρὶς γᾶ ### book 718.1.4 τίκτε μ’ ἴσαν χὤς μοι τοὔνομα Νοσσίς, ἴθι. ### book 719.1.1 Τέλληνος ὅδε τύμβος· ἔχω δ’ ὑπὸ βώλακι πρέσβυν ### book 719.1.2 τῆνον τὸν πρᾶτον γνόντα γελοιομελεῖν. ### book 720.1.1 Κλεύας Οὑτυμοκλεῖος ὑπὲρ Θυρεᾶν δόρυ τείνας ### book 720.1.2 κάτθανες ἀμφίλογον γᾶν ἀποτεμνόμενος. ### book 721.1.1 Τοῖς Ἄργει Σπάρτῃ τ’ ἶσαι χέρες, ἶσα δὲ τεύχη ### book 721.1.2 συμβάλομεν· Θυρέαι δ’ ἦσαν ἄεθλα δορός. ### book 721.1.3 ἄμφω δ’ ἀπροφάσιστα τὸν οἴκαδε νόστον ἀφέντες ### book 721 οἰωνοῖς θανάτου λείπομεν ἀγγελίαν. ### book 722.1.1 Δηρίφατον κλαίω Τιμοσθένη, υἷα Μολοσσοῦ, ### book 722.1.2 ξεῖνον ἐπὶ ξείνῃ Κεκροπίᾳ φθίμενον. ### book 723.1.1 Ἁ πάρος ἄδμητος καὶ ἀνέμβατος, ὦ Λακεδαῖμον, ### book 723.1.2 καπνὸν ἐπ’ Εὐρώτᾳ δέρκεαι Ὠλένιον ### book 723.1.3 ἄσκιος· οἰωνοὶ δὲ κατὰ χθονὸς οἰκία θέντες ### book 723.1.4 μύρονται· μήλων δ’ οὐκ ἀίουσι λύκοι. ### book 724.1.1 Ἥβᾳ μέν σε, Πρόαρχ’, ἔνεσαν, πάι, δῶμά τε πατρὸς ### book 724.1.2 Φειδία ἐν δνοφερῷ πένθει ἔθου φθίμενος· ### book 724.1.3 ἀλλὰ καλόν τοι ὕπερθεν ἔπος τόδε πέτρος ἀείδει, ### book 724.1.4 ὡς ἔθανες πρὸ φίλας μαρνάμενος πατρίδος. ### book 725.1.1 Αἴνιε, καὶ σὺ γὰρ ὧδε, Μενέκρατες, οὐκέτι πουλὺς ### book 725.1.2 ἦσθα. τί σε, ξείνων λῷστε, κατειργάσατο; ### book 725.1.3 ἦ ῥα τὸ καὶ Κένταυρον; —„Ὅ μοι πεπρωμένος ὕπνος ### book 725 ἦλθεν, ὁ δὲ τλήμων οἶνος ἔχει πρόφασιν.“ ### book 726.1.1 Ἑσπέριον κἠῷον ἀπώσατο πολλάκις ὕπνον ### book 726.1.2 ἡ γρηῢς πενίην Πλατθὶς ἀμυνομένη· ### book 726.1.3 καί τι πρὸς ἠλακάτην καὶ τὸν συνέριθον ἄτρακτον ### book 726.1.4 ἤεισεν πολιοῦ γήραος ἀγχίθυρος ### book 726.5.1 καί τι παριστίδιος δινευμένη ἄχρις ἐπ’ ἠοῦς ### book 726.5.2 κεῖνον Ἀθηναίης σὺν Χάρισιν δόλιχον, ### book 726.5.3 ἢ ῥικνῇ ῥικνοῦ περὶ γούνατος ἄρκιον ἱστῷ ### book 726.5.4 χειρὶ στρογγύλλους’ ἱμερόεσσα κρόκην. ### book 726.5.5 ὀγδωκονταέτις δ’ Ἀχερούσιον ηὔγασεν ὕδωρ ### book 726.10 ἡ καλὴ καλῶς Πλατθὶς ὑφηναμένη. ### book 727.1.1 Τὰν γνώμαν ἐδόκει Φιλέας οὐ δεύτερος ἄλλου ### book 727.1.2 εἶμεν, ὁ δὲ φθονερὸς κλαιέτω, ἔστε θάνῃ. ### book 727.1.3 ἀλλ’ ἔμπας δόξας κενεὰ χάρις· εἰν Ἀίδᾳ γὰρ ### book 727.1.4 Μίνω Θερσίτας οὐδὲν ἀτιμότερος. ### book 728.1.1 Ἱερέη Δήμητρος ἐγώ ποτε καὶ πάλιν Καβείρων, ### book 728.1.2 ὦνερ, καὶ μετέπειτα Δινδυμήνης ### book 728.1.3 ἡ γρηῢς γενόμην, ἡ νῦν κόνις, ἡ νο... ### book 728.1.4 πολλῶν προστασίη νέων γυναικῶν. ### book 728.5 καί μοι τέκν’ ἐγένοντο δύ’ ἄρσενα, κἠπέμυσα κείνων ### book 728 εὐγήρως ἐνὶ χερσίν. ἕρπε χαίρων. ### book 729.1.1 Εὐήθη Τρύτωνος ἐπ’ οὐκ ἀγαθαῖς ἐλοχεύθη ### book 729.1.2 κλῃδόσιν· οὐ γὰρ ἂν ὧδ’ ὤλετο δαιμονίη ### book 729.1.3 ἀρτιτόκος· τὰ δὲ πολλὰ κατήγαγεν ἓν βρέφος Ἅιδην ### book 729.1.4 σὺν κείνῃ· δεκάτην δ’ οὐχ ὑπερῆρεν ἕω. ### book 730.1.1 Δειλαία Μνάσυλλα, τί τοι καὶ ἐπ’ ἠρίῳ οὗτος ### book 730.1.2 μυρομένᾳ κούραν γραπτὸς ἔπεστι τύπος ### book 730.1.3 Νευτίμας, ἇς δή ποκ’ ἀπὸ ψυχὰν ἐρύσαντο ### book 730.1.4 ὠδῖνες; κεῖται δ’ οἷα κατὰ βλεφάρων ### book 730.5.1 ἀχλύι πλημύρουσα φίλας ὑπὸ ματρὸς ἀγοστῷ, ### book 730.5.2 αἰαῖ, Ἀριστοτέλης δ’ οὐκ ἀπάνευθε πατὴρ ### book 730.5.3 δεξιτερᾷ κεφαλὰν ἐπεμάσσατο. κὦ μέγα δειλοί, ### book 730.5.4 οὐδὲ θανόντες ἑῶν ἐξελάθεσθ’ ἀχέων. ### book 731.1.1 „Ἄμπελος ὣς ἤδη κάμακι στηρίζομαι αὐτῷ ### book 731.1.2 σκηπανίῳ· καλέει μ’ εἰς Ἀίδην Θάνατος. ### book 731.1.3 δυσκώφει μή, Γόργε. τί τοι χαριέστερον ἢ τρεῖς ### book 731.1.4 ἢ πίσυρας ποίας θάλψαι ὑπ’ ἠελίῳ;“ ### book 731.5 ὧδ’ εἴπας οὐ κόμπῳ ἀπὸ ζωὴν ὁ παλαιὸς ### book 731 ὤσατο κἠς πλεόνων ἦλθε μετοικεσίην. ### book 732.1.1 Ὤιχευ ἔτ’ ἀσκίπων, Κινησία, Ἑρμόλα υἱέ, ### book 732.1.2 ἐκτίσων Ἀίδῃ χρεῖος ὀφειλόμενον ### book 732.1.3 γήρᾳ ἔτ’ ἄρτια πάντα φέρων· χρήστην δὲ δίκαιον ### book 732.1.4 εὑρών σε στέργει παντοβίης Ἀχέρων. ### book 733.1.1 Αἱ νόμιμοι δύο γρῆες ὁμήλικες ἦμεν, Ἀναξὼ ### book 733.1.2 καὶ Κληνώ, δίδυμοι παῖδες Ἐπικράτεος, ### book 733.1.3 Κληνὼ μὲν Χαρίτων ἱερή, Δήμητρι δ’ Ἀναξὼ ### book 733.1.4 ἐν ζωῇ προπολεῦς’· ἐννέα δ’ ἠελίων ### book 733.5.1 ὀγδωκονταέτεις ἐπιλείπομεν ἐς τόδ’ ἱκέσθαι ### book 733.5.2 τῆς μοίρης· ἐτέων δ’ οὐ φθόνος, οἷς ὁσίη. ### book 733.5.3 καὶ πόσιας καὶ τέκνα φιλήσαμεν· αἱ δὲ παλαιαὶ ### book 733.5.4 πρῶθ’ ἡμεῖς Ἀίδην πρηῢν ἀνυσσάμεθα. ### book 734.1.1 Ἆ ξέν’, ὅρα, τεῖδ’ ἐστί ... —„Τί γάρ;“ —Νέκυς, ᾧ ποτὶ παίδων ### book 734.1.2 τῶν ἀγαθῶν ... —„Τὺ τίς;“ —Ἦν Ἀρχιγέρων ὁ γέρων. — ### book 734.1.3 „Ἀλλά, φίλος γ’ ὦ πρέσβυ, γένοιτό τευ ὄλβια τέκνα ### book 734 ἐλθεῖν καὶ λευκᾶς ἐς δρόμον ἁλικίας.“ ### book 735.1.1 Ὑστάτιον, Φώκαια, κλυτὴ πόλι, τοῦτο Θεανὼ ### book 735.1.2 εἶπεν ἐς ἀτρύγετον νύκτα κατερχομένη· ### book 735.1.3 „Οἴμοι ἐγὼ δύστηνος· Ἀπέλλιχε, ποῖον, ὅμευνε, ### book 735.1.4 ποῖον ἐπ’ ὠκείῃ νηὶ περᾷς πέλαγος; ### book 735.5.1 αὐτὰρ ἐμεῦ σχεδόθεν μόρος ἵσταται. ὡς ὄφελόν γε ### book 735.5.2 χειρὶ φίλην τὴν σὴν χεῖρα λαβοῦσα θανεῖν.“ ### book 736.1.1 Μὴ φθείρευ, ὤνθρωπε, περιπλάνιον βίον ἕλκων, ### book 736.1.2 ἄλλην ἐξ ἄλλης εἰς χθόν’ ἀλινδόμενος, ### book 736.1.3 μὴ φθείρευ· κενεή σε περιστέψαιτο καλιή, ### book 736.1.4 ἣν θάλποι μικκὸν πῦρ ἀνακαιόμενον, ### book 736.5.1 εἰ καί σοι λειτή γε καὶ οὐκ εὐάλφιτος εἴη ### book 736.5.2 φυστὴ ἐνὶ γρώνῃ μασσομένη παλάμαις, ### book 736.5.3 ἢ καί σοι γλήχων ἢ καὶ θύμον ἢ καὶ ὁ πικρὸς ### book 736.5.4 ἁδυμιγὴς εἴη χόνδρος ἐποψίδιος. ### book 737.1.1 Ἐνθάδ’ ἐγὼ λῃστῆρος ὁ τρισδείλαιος ἄρηι ### book 737.1.2 ἐδμήθην· κεῖμαι δ’ οὐδενὶ κλαιόμενος. ### book 738.1.1 Κληῖδες πόντου σε καὶ ἐσχατιαὶ Σαλαμῖνος, ### book 738.1.2 Τίμαρχ’, ὑβριστής τ’ ὤλεσε Λὶψ ἄνεμος ### book 738.1.3 νηί τε σὺν φόρτῳ τε· κόνιν δέ σου ἀμφιμέλαιναν ### book 738 δέξαντ’ οἰζυροί, σχέτλιε, κηδεμόνες. ### book 739.1.1 Αἰάζω Πολύανθον, ὃν εὐνέτις, ὦ παραμείβων, ### book 739.1.2 νυμφίον ἐν τύμβῳ θῆκεν Ἀρισταγόρη ### book 739.1.3 δεξαμένη σποδιήν τε καὶ ὀστέα—τὸν δὲ δυσαὲς ### book 739.1.4 ὤλεσεν Αἰγαίου κῦμα περὶ Σκίαθον—, ### book 739.5.1 δύσμορον ὀρθρινοί μιν ἐπεὶ νέκυν ἰχθυβολῆες, ### book 739.5.2 ξεῖνε, Τορωναίων εἵλκυσαν ἐς λιμένα. ### book 740.1.1 Αὐτὰ ἐπὶ Κρήθωνος ἐγὼ λίθος, οὔνομα κείνου ### book 740.1.2 δηλοῦσα· Κρήθων δ’ ἐγχθόνιος σποδιά. ### book 740.1.3 ὁ πρὶν καὶ Γύγῃ παρισεύμενος ὄλβον, ὁ τὸ πρὶν ### book 740.1.4 βουπάμων, ὁ πρὶν πλούσιος αἰπολίοις, ### book 740.5.1 ὁ πρίν—τί πλείω μυθεῦμ’ ἔτι; πᾶσι μακαρτός, ### book 740.5.2 φεῦ, γαίης ὅσσης ὅσσον ἔχει μόριον. ### book 741.1.1 Ὀθρυάδην, Σπάρτης τὸ μέγα κλέος, ἢ Κυνέγειρον ### book 741.1.2 ναύμαχον ἢ πάντων ἔργα κάλει πολέμων· ### book 741.1.3 Ἄρεος αἰχμητὴς Ἰταλὸς παρὰ χεύμασι Ῥήνου ### book 741.1.4 κλινθεὶς ἐκ πολλῶν ἡμιθανὴς βελέων ### book 741.5.1 αἰετὸν ἁρπασθέντα φίλου στρατοῦ ὡς ἴδ’ ὑπ’ ἐχθροῖς, ### book 741.5.2 αὖτις ἀρηιφάτων ἄνθορεν ἐκ νεκύων· ### book 741.5.3 κτείνας δ’, ὅς σφ’ ἐκόμιζεν, ἑοῖς ἀνεσώσατο ταγοῖς, ### book 741 μοῦνος ἀήττητον δεξάμενος θάνατον. ### book 742.1.1 Οὐκέτι, Τιμόκλεια, τεῶν φάος ὤλεσας ὄσσων ### book 742.1.2 κούρους δοιοτόκῳ νηδύι γειναμένη· ### book 742.1.3 ὄμμασι δ’ ἐν πλεόνεσσιν ἀθρεῖς πυριθαλπὲς ὄχημα ### book 742.1.4 ἠελίου προτέρης οὖσα τελειοτέρη. ### book 743.1.1 Εἴκοσιν Ἑρμοκράτεια καὶ ἐννέα τέκνα τεκοῦσα ### book 743.1.2 οὔθ’ ἑνὸς οὔτε μιῆς αὐγασάμην θάνατον. ### book 743.1.3 οὐ γὰρ ἀπωίστευσεν ἐμοὺς υἱῆας Ἀπόλλων, ### book 743.1.4 οὐ βαρυπενθήτους Ἄρτεμις εἷλε κόρας· ### book 743.5.1 ἔμπαλι δ’ ἁ μὲν ἔλυσεν ἐμῶν ὠδῖνα μολοῦσα, ### book 743.5.2 Φοῖβος δ’ εἰς ἥβαν ἄρσενας ἀγάγετο ### book 743.5.3 ἀβλαβέας νούσοισιν. ἴδ’, ὡς νίκημι δικαίως ### book 743.5.4 παισί τε καὶ γλώσσῃ σώφρονι Τανταλίδα. ### book 744.1.1 Ἐν Μέμφει λόγος ἐστὶ προμαθεῖν τὴν ἰδίην ### book 744.1.2 Εὔδοξόν ποτε μοῖραν παρὰ τοῦ καλλίκερω ### book 744.1.3 ταύρου· κοὐδὲν ἔλεξεν. βοῒ γὰρ πόθεν λόγος; ### book 744.1.4 φύσις οὐκ ἔδωκε μόσχῳ λάλον Ἄπιδι στόμα. ### book 744.5.1 παρὰ δ’ αὐτὸν λέχριος στὰς ἐλιχμήσατο στολὴν ### book 744.5.2 προφανῶς τοῦτο διδάσκων· „Ἀποδύσῃ βιοτὴν ### book 744.5.3 ὅσον οὔπω.“ διὸ καί οἱ ταχέως ἦλθε μόρος ### book 744 δεκάκις πέντε τε καὶ τρεῖς ἐσιδόντι Πλειάδας. ### book 745.1.1 Ἴβυκε, ληισταί σε κατέκτανον ἔκ ποτε νήσου ### book 745.1.2 βάντ’ ἐς ἐρημαίην ἄστιβον ἠιόνα, ### book 745.1.3 ἀλλ’ ἐπιβωσάμενον γεράνων νέφος, αἵ τοι ἵκοντο ### book 745.1.4 μάρτυρες ἄλγιστον ὀλλυμένῳ θάνατον· ### book 745.5.1 οὐδὲ μάτην ἰάχησας, ἐπεὶ ποινῆτις Ἐρινὺς ### book 745.5.2 τῶνδε διὰ κλαγγὴν τίσατο σεῖο φόνον ### book 745.5.3 Σισυφίην κατὰ γαῖαν. ἰὼ φιλοκερδέα φῦλα ### book 745.5.4 ληιστέων, τί θεῶν οὐ πεφόβησθε χόλον; ### book 745.5.5 οὐδὲ γὰρ ὁ προπάροιθε κανὼν Αἴγισθος ἀοιδὸν ### book 745.10 ὄμμα μελαμπέπλων ἔκφυγεν Εὐμενίδων. ### book 746.1 Ὧδε μέγας κεῖται Ζάν, ὃν Δία κικλήσκουσιν. ### book 747.1.1 Ἰουλιανὸς μετὰ Τίγριν ἀγάρροον ἐνθάδε κεῖται, ### book 747.1.2 ἀμφότερον, βασιλεύς τ’ ἀγαθὸς κρατερός τ’ αἰχμητής. ### book 748.1.1 Τίς τόδε μουνόγληνος ἅπαν δωμήσατο Κύκλωψ ### book 748.1.2 λάινον Ἀσσυρίης χῶμα Σεμιράμιος; ### book 748.1.3 ἢ ποῖοι χθονὸς υἷες ἀνυψώσαντο Γίγαντες ### book 748.1.4 κείμενον ἑπταπόρων ἀγχόθι Πληιάδων ### book 748.5.1 ἀκλινές, ἀστυφέλικτον Ἀθωέος ἶσον ἐρίπνᾳ ### book 748.5.2 φυρηθὲν γαίης εὐρυπέδοιο βάρος; ### book 748.5.3 δᾶμος ἀεὶ μακαριστός, ὃς ἄνστασιν Ἡρακλείης ### book 748 οὐρανίων νεφέων τεῦξεν ἐπ’ εὐρυάλων. ### book 1.1 Ἐνθάδε τύμβος ἔχει θεοειδέας ἀνέρας ἐσθλούς, ### book 1.2 θεῖον Ἰωάννην, τὸν πάνυ Θευδόσιον, ### book 1.3 ὧν ἀρετὴ πολύολβος ἐς οὐρανοῦ ἄντυγας ἦλθε ### book 1.4 καὶ φωτὸς μετόχους δεῖξεν ἀκηρασίου. ### book 2.1 Σῶμα δίχα ψυχῆς ζώειν πάρος ἢ ἐμὲ σεῖο, ### book 2.2 Βασίλιε, Χριστοῦ λάτρι φίλ’, ὠιόμην· ### book 2.3 ἀλλ’ ἔτλην καὶ ἔμεινα. τί μέλλομεν; οὔ μ’ ἀναείρας ### book 2.4 θήσεις ἐς μακάρων σήν τε χοροστασίην; ### book 2.5.1 μή με λίπῃς, μή, τύμβον ἐπόμνυμι· οὔποτε σεῖο ### book 2.5.2 λήσομαι, οὐδ’ ἐθέλων. Γρηγορίοιο λόγος. ### book 3.1 Ἡνίκα Βασιλίοιο θεόφρονος ἥρπασε πνεῦμα ### book 3.2 ἡ Τριὰς ἀσπασίως ἔνθεν ἐπειγομένου, ### book 3.3 πᾶσα μὲν οὐρανίη στρατιὴ γήθησεν ἰόντι, ### book 3.4 πᾶσα δὲ Καππαδοκῶν ἐστονάχησε πόλις· ### book 3.5 οὐκ οἶον, κόσμος δὲ μέγ’ ἴαχεν· „Ὤλετο κῆρυξ, ### book 3 ὤλετο εἰρήνης δεσμὸς ἀριπρεπέος.“ ### book 4.1 Κόσμος ὅλος μύθοισιν ὑπ’ ἀντιπάλοισιν ἀεικῶς ### book 4.2 σείεται, ὁ Τριάδος κλῆρος ὁμοσθενέος· ### book 4.3 αἰαῖ, Βασιλίου δὲ μεμυκότα χείλεα σιγᾷ. ### book 4.4 ἔγρεο· καὶ στήτω σοῖσι λόγοισι σάλος ### book 4.5.1 σαῖς τε θυηπολίῃσι· σὺ γὰρ μόνος ἶσον ἔφηνας ### book 4.5.2 καὶ βίοτον μύθῳ καὶ βιότητι λόγον. ### book 5.1 Εἷς θεὸς ὑψιμέδων· ἕνα δ’ ἄξιον ἀρχιερῆα ### book 5.2 ἡμετέρη γενεὴ εἶδέ σε, Βασίλιε, ### book 5.3 ἄγγελον ἀτρεκίης ἐριηχέα, ὄμμα φαεινὸν ### book 5.4 Χριστιανοῖς, ψυχῆς κάλλεσι λαμπόμενον, ### book 5.5.1 Πόντου Καππαδοκῶν τε μέγα κλέος· εἰσέτι καὶ νῦν, ### book 5.5.2 λίσσομ’, ὑπὲρ κόσμου ἵστασο δῶρ’ ἀνάγων. ### book 6.1 Ἐνθάδε Βασιλίοιο Βασίλιον ἀρχιερῆα ### book 6.2 θέντο με Καισαρέες, Γρηγορίοιο φίλον, ### book 6.3 ὃν περὶ κῆρι φίλησα· Θεὸς δέ οἱ ὄλβια δοίη ### book 6.4 ἄλλα τε καὶ ζωῆς ὡς τάχος ἀντιάσαι ### book 6.5.1 ἡμετέρης. τί δ’ ὄνειαρ ἐπὶ χθονὶ δηθύνοντα ### book 6.5.2 τήκεσθ’ οὐρανίης μνωόμενον φιλίης; ### book 7.1 Τυτθὸν ἔτι πνείεσκες ἐπὶ χθονί, πάντα δὲ Χριστῷ ### book 7.2 δῶκας ἄγων, ψυχήν, σῶμα, λόγον, παλάμας, ### book 7.3 Βασίλιε, Χριστοῖο μέγα κλέος, ἕρμ’ ἱερήων, ### book 7 ἕρμα πολυσχίστου νῦν πλέον ἀτρεκίης. ### book 8.1 Ὦ μύθοι, ὦ ξυνὸς φιλίης δόμος, ὦ φίλ’ Ἀθῆναι, ### book 8.2 ὦ θείου βιότου τηλόθε συνθεσίαι, ### book 8.3 ἴστε τόδ’, ὡς Βασίλειος ἐς οὐρανόν, ὡς ποθέεσκεν, ### book 8.4 Γρηγόριος δ’ ἐπὶ γῆς χείλεσι δεσμὰ φέρων. ### book 9.1 Καισαρέων μέγ’ ἄεισμα, φαάντατε ὦ Βασίλειε, ### book 9.2 βροντὴ σεῖο λόγος, ἀστεροπὴ δὲ βίος· ### book 9.3 ἀλλὰ καὶ ὣς ἕδρην ἱερὴν λίπες· ἤθελεν οὕτω ### book 9.4 Χριστός, ὅπως μίξῃ ὡς τάχος οὐρανίοις. ### book 10.1 Βένθε’ ἅπαντ’ ἐδάης τὰ πνεύματος, ὅσσα τ’ ἔασιν ### book 10.2 τῆς χθονίης σοφίης· ἔμπνοον ἱρὸν ἔης. ### book 10.3 ὀκτάετες λαοῖο θεόφρονος ἡνία τείνας, ### book 10.4 τοῦτο πόνων τῶν σῶν, ὦ Βασίλει’, ὀλίγον. ### book 11.1 Χαίροις, ὦ Βασίλειε, καὶ εἰ λίπες ἡμέας, ἔμπης· ### book 11.2 Γρηγορίου τόδε σοι γράμμ’ ἐπιτυμβίδιον, ### book 11.3 μῦθος ὅδ’, ὃν φιλέεσκες· ἔχεις χρέος, ὦ Βασίλειε, ### book 11 τῆς φιλίης καίτοι δῶρον ἀπευκτότατον. ### book 11b.1 Γρηγόριος, Βασίλειε, τεῇ κόνι τήνδ’ ἀνέθηκα ### book 11b.2 τῶν ἐπιγραμματίων, θεῖε, δυωδεκάδα. ### book 12.1 Ἔνθ’ ἑκατονταέτης, ζωῆς βροτέης καθύπερθε, ### book 12.2 Πνεύματι καὶ θώκῳ τεσσαρακονταέτης, ### book 12.3 μείλιχος, ἡδυεπής, λαμπρὸς Τριάδος ὑποφήτης, ### book 12.4 νήδυμον ὕπνον ἔχω Γρηγορίοιο δέμας, ### book 12.5.1 ψυχὴ δὲ πτερόεσσα λάχεν Θεόν. ἀλλ’ ἱερῆες ### book 12.5.2 ἁζόμενοι κείνου καὶ τάφον ἀμφέπετε. ### book 13.1 Ἔκ με πικρῆς ἐκάλεσσε Θεὸς μέγας ἀγριελαίης· ### book 13.2 ποίμνης ἡγεμόνα θῆκε τὸν οὐδ’ ὀίων ### book 13.3 ἔσχατον, ἐκ πλευρῆς δὲ θεόφρονος ὄλβον ἔνειμεν. ### book 13.4 γῆρας δ’ ἐς λιπαρὸν ἱκόμεθ’ ἀμφότεροι· ### book 13.5.1 ἱρὸς ἐμῶν τεκέων ἀγανώτατος· εἰ δὲ τελευτὴν ### book 13.5.2 ἔτλην Γρηγόριος, οὐ μέγα· θνητὸς ἔην. ### book 14.1 Εἴ τις ὄρους καθύπερθεν ἁγνῆς ὀπὸς ἔπλετο μύστης ### book 14.2 Μωσῆς, καὶ μεγάλου Γρηγορίοιο νόος, ### book 14.3 ὅν ποτε τηλόθ’ ἐόντα χάρις μέγαν ἀρχιερῆα ### book 14 θήκατο· νῦν δ’ ἱερῆς ἐγγὺς ἔχει Τριάδος. ### book 15.1 Αὐτὸς νηὸν ἔρεψα Θεῷ καὶ δῶχ’ ἱερῆα ### book 15.2 Γρηγόριον καθαρῇ λαμπόμενον Τριάδι, ### book 15.3 ἄγγελον ἀτρεκίης ἐριηχέα, ποιμένα λαῶν, ### book 15.4 ἠίθεον σοφίης ἀμφοτέρης πρύτανιν. ### book 16.1 Τέκνον ἐμόν, τὰ μὲν ἄλλα πατρὸς καὶ φέρτερος εἴης, ### book 16.2 τὴν δ’ ἀγανοφροσύνην ἄξιος· οὔ τι πλέον ### book 16.3 εὔξασθαι θέμις ἐστί· καὶ ἐς βαθὺ γῆρας ἵκοιο, ### book 16.4 τοίου κηδεμόνος, ὦ μάκαρ, ἀντιάσας. ### book 17.1 Οὐκ ὄις, εἶτ’ ὀίων προφερέστατος, αὐτὰρ ἔπειτα ### book 17.2 ποιμήν, εἶτα πατὴρ καὶ νομέων νομέας, ### book 17.3 θνητοὺς ἀθάνατόν τε Θεὸν μέγαν εἰς ἓν ἀγείρων, ### book 17.4 κεῖμαι Γρηγόριος, Γρηγορίου γενέτης. ### book 17.5.1 ὄλβιος, εὐγήρως, εὔπαις θάνον, ἀρχιερῆος ### book 17.5.2 ἀρχιερεύς τε πατήρ, Γρηγόριος· τί πλέον; ### book 18.1 Οὔτι μὲν ἐς πολύκαρπον ἀλωὴν ὄρθριος ἦλθον, ### book 18.2 ἔμπα δὲ τῶν προτέρων πλείονα μισθὸν ἔχω ### book 18.3 Γρηγόριος, ποιμήν τε καλὸς καὶ πλείονα ποίμνην ### book 18 Χριστῷ ἀναθρέψας ἤθεσι μειλιχίοις. ### book 19.1 Οὐχ ὁσίης ῥίζης μὲν ἐγὼ θάλος, εὐαγέος δὲ ### book 19.2 συζυγίης κεφαλὴ καὶ τεκέων τριάδος ### book 19.3 ποίμνης ἡγεμόνευσα ὁμόφρονος· ἔνθεν ἀπῆλθον ### book 19.4 πλήρης καὶ χθονίων κοὐρανίων ἐτέων. ### book 20.1 Γρηγόριος, τὸ δὲ θαῦμα, χάριν καὶ πνεύματος αἴγλην ### book 20.2 ἔνθεν ἀειρόμενος ῥῖψ’ ἐπὶ παιδὶ φίλῳ. ### book 21.1 Τυτθὴ μάργαρός ἐστιν, ἀτὰρ λιθάκεσσιν ἀνάσσει· ### book 21.2 τυτθὴ καὶ Βηθλέμ, ἔμπα δὲ χριστοφόρος. ### book 21.3 ὣς δ’ ὀλίγην μὲν ἐγὼ ποίμνην λάχον, ἀλλὰ φερίστην ### book 21.4 Γρηγόριος, τὴν σύ, παῖ φίλε, λίσσομ’ ἄγοις. ### book 22.1 Ποιμενίην σύριγγα τεαῖς ἐν χερσὶν ἔθηκα ### book 22.2 Γρηγόριος· σὺ δέ μοι, τέκνον, ἐπισταμένως ### book 22.3 σημαίνειν· ζωῆς δὲ θύρας πετάσειας ἅπασιν, ### book 22.4 ἐς δὲ τάφον πατέρος ὥριος ἀντιάσαις. ### book 23.1 Στράψε μέν, οἷς τὸ πάροιθεν ἐν οὔρεϊ Χριστὸς ἀμείφθη, ### book 23.2 στράψε δὲ Γρηγορίου τοῦ καθαροῖο νόῳ, ### book 23.3 τῆμος ὅτ’ εἰδώλων ἔφυγε ζόφον· ὡς δ’ ἐκαθάρθη, ### book 23 ᾗσι θυηπολίαις λαὸν ὃν εἰσέτ’ ἄγει. ### book 24.1 Παντός σοι μύθοιο καὶ ἔργματος ἦεν ἄριστον ### book 24.2 ἦμαρ κυριακόν· πένθεϊ πένθος ἅπαν, ### book 24.3 μῆτερ ἐμή, τίουσα μόναις ὑπόεικες ἑορταῖς· ### book 24.4 εὐφροσύνης, ἀχέων ἵστορα νηὸν ἔχεις· ### book 24.5.1 χῶρος ἅπας δάκρυσι τεοῖς σφρηγίζετο, μῆτερ· ### book 24.5.2 μούνῳ δὲ σταυρῷ πήγνυτο καὶ δάκρυα. ### book 25.1 Οὔποτε σεῖο τράπεζα θυηδόχος ἔδρακε νῶτα, ### book 25.2 οὐδὲ διὰ στομάτων ἦλθε βέβηλον ἔπος, ### book 25.3 οὐδὲ γέλως μαλακῇσιν ἐφίζανε, μύστι, παρειαῖς. ### book 25.4 σιγήσω κρυφίους σεῖο, μάκαιρα, πόνους. ### book 25.5.1 καὶ τὰ μὲν ἔνδοθι τοῖα, τὰ δ’ ἔκτοθι πᾶσι πέφανται· ### book 25.5.2 τοὔνεκα καὶ θείῳ σῶμ’ ἀπέλειπες ἕδει. ### book 26.1 Πῶς ἐλύθη Νόννης καλὰ γούνατα, πῶς δὲ μέμυκεν ### book 26.2 χείλεα, πῶς ὄσσων οὐ προχέει λιβάδας; ### book 26.3 ἄλλοι δ’ αὖ βοόωσι παρ’ ἠρίον· ἡ δὲ τράπεζα ### book 26.4 οὐκέτ’ ἔχει καρποὺς τῆς μεγάλης παλάμης· ### book 26.5.1 χῶρος δ’ ἐστὶν ἔρημος ἁγνοῦ ποδός, οἱ δ’ ἱερῆες ### book 26.5.2 οὐκέτ’ ἐπὶ τρομερὴν κρατὶ βαλοῦσι χέρα. ### book 26.5.3 χῆραι δ’ ὀρφανικοί τε, τί ῥέξετε; παρθενίη δὲ ### book 26.5.4 καὶ γάμος εὐζυγέων, κέρσατ’ ἄπο πλοκάμους, ### book 26.5.5 τοῖσιν ἀγαλλομένη κρατὸς φέρε πάντα χαμᾶζε, ### book 26.10 τῆμος ὅτ’ ἐν νηῷ ῥικνὸν ἀφῆκε δέμας. ### book 27.1 Σάρρα σοφὴ τίουσα φίλον πόσιν· ἀλλὰ σύ, μῆτερ, ### book 27.2 πρῶτα Χριστιανόν, εἶθ’ ἱερῆα μέγαν ### book 27.3 σὸν πόσιν ἐσθλὸν ἔθηκας ἀπόπροθι φωτὸς ἐόντα. ### book 27.4 Ἄννα, σὺ δ’ υἷα φίλον καὶ τέκες εὐξαμένη ### book 27.5.1 καὶ νηῷ μιν ἔδωκας ἁγνὸν θεράποντα Σαμουήλ· ### book 27.5.2 ἡ δ’ ἑτέρη κόλποις Χριστὸν ἔδεκτο μέγαν· ### book 27.5.3 Νόννα δ’ ἀμφοτέρων ἔλαχε κλέος, ὑστάτιον δὲ ### book 27.5.4 νηῷ λισσομένη πάρθετο σῶμα φίλον. ### book 28.1 Ἐμπεδόκλεις, σὲ μὲν αὐτίκ’ ἐτώσια φυσιόωντα ### book 28.2 καὶ βροτὸν Αἰτναίοιο πυρὸς κρητῆρες ἔδειξαν· ### book 28.3 Νόννα δ’ οὐ κρητῆρας ἐσήλατο, πρὸς δὲ τραπέζῃ ### book 28.4 τῇδέ ποτ’ εὐχομένη καθαρὸν θύος ἔνθεν ἀέρθη, ### book 28.5.1 καὶ νῦν θηλυτέρῃσι μεταπρέπει εὐσεβέεσσι, ### book 28.5.2 Σουσάννῃ Μαριάμ τε καὶ Ἄνναις, ἕρμα γυναικῶν. ### book 29.1 Ἥρακλες, Ἐμπεδότιμε, Τροφώνιε, εἴξατε μύθων, ### book 29.2 καὶ σύ γ’, Ἀρισταίου κενεαυχέος ὀφρὺς ἄπιστε· ### book 29.3 ὑμεῖς μὲν θνητοὶ καὶ οὐ μάκαρες παθέεσσι· ### book 29.4 θυμῷ δ’ ἄρρενι Νόννα βίου τμήξασα κέλευθον, ### book 29.5.1 χριστοφόρος, σταυροῖο λάτρις, κόσμοιο περίφρων, ### book 29.5.2 ἥλατ’ ἐπουρανίην εἰς ἄντυγα, ὡς ποθέεσκεν, ### book 29 τρὶς μάκαρ ἐν νηῷ σῶμ’ ἀποδυσαμένη. ### book 30.1 Γρηγόριον βοόωσα παρ’ ἀνθοκόμοισιν ἀλωαῖς ### book 30.2 ἤντεο, μῆτερ ἐμή, ξείνης ἄπο νισσομένοισι, ### book 30.3 χεῖρας δ’ ἀμπετάσασα φίλας τεκέεσσι φίλοισι, ### book 30.4 Γρηγόριον βοόωσα· τὸ δ’ ἔζεεν αἷμα τεκούσης ### book 30.5.1 ἀμφοτέροις ἐπὶ παισί, μάλιστα δὲ θρέμματι θηλῆς· ### book 30.5.2 τοὔνεκα καὶ σὲ τόσοις ἐπιγράμμασι, μῆτερ, ἔτισα. ### book 31.1 Ἄλλη μὲν κλεινή τις ἐνοικιδίοισι πόνοισιν, ### book 31.2 ἄλλη δ’ ἐκ χαρίτων ἠδὲ σαοφροσύνης, ### book 31.3 ἄλλη δ’ εὐσεβίης ἔργοις καὶ σαρκὸς ἀνίαις, ### book 31.4 δάκρυσιν, εὐχωλαῖς, χερσὶ πενητοκόμοις· ### book 31.5.1 Νόννα δ’ ἐν πάντεσσιν ἀοίδιμος· εἰ δὲ τελευτὴν ### book 31.5.2 τοῦτο θέμις καλέειν, κάτθανεν εὐχομένη. ### book 32.1 Τέκνον ἐμῆς θηλῆς, ἱερὸν θάλος, ὥς σε ποθοῦσα, ### book 32.2 οἴχομαι εἰς ζωήν, Γρηγόρι’, οὐρανίην· ### book 32.3 καὶ γὰρ πόλλ’ ἐμόγησας ἐμὸν κομέων πατέρος τε ### book 32.4 γῆρας, ἃ καὶ Χριστοῦ βίβλος ἔχει μεγάλη. ### book 32.5 ἀλλά, φίλος, τοκέεσσιν ἐφέσπεο, καί σε τάχιστα ### book 32 δεξόμεθ’ ἡμετέροις φάεσι προφρονέως. ### book 33.1 Ψυχὴ μὲν πτερόεσσα πρὸς οὐρανὸν ἤλυθε Νόννης, ### book 33.2 σῶμα δ’ ἄρ’ ἐκ νηοῦ Μάρτυσι παρθέμεθα. ### book 33.3 Μάρτυρες, ἀλλ’ ὑπόδεχθε θύος μέγα, τὴν πολύμοχθον ### book 33.4 σάρκα καὶ ὑμετέροις αἵμασιν ἑσπομένην, ### book 33.5.1 αἵμασιν ὑμετέροισιν, ἐπεὶ ψυχῶν ὀλετῆρος ### book 33.5.2 δηναιοῖσι πόνοις κάρτος ἔπαυσε μέγα. ### book 34.1 Οὐ μόσχων θυσίην σκιοειδέα οὐδὲ χιμάρρων ### book 34.2 οὐδὲ πρωτοτόκων Νόνν’ ἀνέθηκε Θεῷ· ### book 34.3 ταῦτα νόμος προτέροισιν, ὅτ’ εἰκόνες· ἡ δ’ ἄρ’ ἑαυτὴν ### book 34.4 δῶκεν ὅλην· βιότῳ μάνθανε καὶ θανάτῳ. ### book 35.1 Εὐχομένη βοόωσα παρ’ ἁγνοτάτῃσι τραπέζαις ### book 35.2 Νόννα λύθη, φωνὴ δ’ ἐδέθη καὶ χείλεα καλὰ ### book 35.3 γηραλέης. τί τὸ θαῦμα; Θεὸς θέλεν ὑμνήτειραν ### book 35.4 γλῶσσαν ἐπ’ εὐφήμοισι λόγοις κληῖδα βαλέσθαι· ### book 35.5 καὶ νῦν οὐρανόθεν μέγ’ ἐπεύχεται ἡμερίοισιν. ### book 36.1 Εὐχωλαῖς καὶ πόντον ἐκοίμισε Νόννα θεουδὴς ### book 36.2 οἷς τεκέεσσι φίλοισι, καὶ ἐκ περάτων συνάγειρεν ### book 36.3 ἀντολίης δύσιός τε, μέγα κλέος, οὐ δοκέοντας ### book 36.4 μητρὸς ἔρως· νοῦσόν τε πικρὴν ἀποέργαθεν ἀνδρὸς ### book 36.5 λισσομένη, τὸ δὲ θαῦμα, λίπεν βίον ἔνδοθι νηοῦ. ### book 37.1 Πολλάκις ἔκ με νόσων τε καὶ ἀργαλέων ὀρυμαγδῶν ### book 37.2 σεισμῶν τε κρυερῶν καὶ ἄγρια κυμαίνοντος ### book 37.3 οἴδματος ἐξεσάωσας, ἐπεὶ Θεὸν ἵλαον εἶχες· ### book 37.4 ἀλλὰ σάω καὶ νῦν με, πάτερ, μεγάλῃσι λιτῇσι ### book 37.5 καὶ σύ, τεκοῦσα, μάκαιρα, ἐν εὐχωλῇσι θανοῦσα. ### book 38.1 Νόνναν, ἐπουρανίοισιν ἀγαλλομένην φαέεσσι ### book 38.2 καὶ ῥίζης ἱερῆς πτόρθον ἀειθαλέα, ### book 38.3 Γρηγορίου ἱερῆος ὁμόζυγα καὶ πραπίδεσσιν ### book 38.4 εὐαγέων τεκέων μητέρα, τύμβος ἔχω. ### book 39.1 Εὐχαί τε στοναχαί τε φίλαι καὶ νύκτες ἄυπνοι ### book 39.2 καὶ νηοῖο πέδον δάκρυσι δευόμενον ### book 39.3 σοί, Νόννα, ζαθέην τοίην βιότοιο τελευτὴν ### book 39.4 ὤπασαν, ἐν νηῷ ψῆφον ἑλεῖν θανάτου. ### book 40.1 Μούνη σοὶ φωνὴ περιλείπετο, Νόννα φαεινή, ### book 40.2 πάντ’ ἄμυδις ληνοῖς ἐνθεμένη μεγάλῃς, ### book 40.3 ἐκ καθαρῆς κραδίης ἁγνὸν θύος· ἀλλ’ ἄρα καὶ τὴν ### book 40 ὑστατίην νηῷ λεῖπες ἀειρομένη. ### book 41.1 Οὐδὲ θάνεν νηοῖο θυώδεος ἔκτοθι Νόννα, ### book 41.2 φωνὴν δὲ προτέρην ἥρπασε Χριστὸς ἄναξ ### book 41.3 λισσομένης· πόθεεν γὰρ ἐν εὐχωλῇσι τελέσσαι ### book 41.4 τόνδε βίον πάσης ἁγνότερον θυσίης. ### book 42.1 Νόνν’ ἱερή, σὺ δὲ πάντα Θεῷ βίον ἀντείνασα ### book 42.2 ὑστάτιον ψυχὴν δῶκας ἁγνὴν θυσίην· ### book 42.3 τῇδε γὰρ εὐχομένη ζωὴν λίπες· ἡ δὲ τράπεζα, ### book 42.4 μῆτερ ἐμή, τῷ σῷ δῶκε κλέος θανάτῳ. ### book 43.1 Τῆσδε πατὴρ μὲν ἐμὸς λάτρις μέγας ἦε τραπέζης, ### book 43.2 μήτηρ δ’ εὐχομένη πὰρ ποσὶ λῆξε βίου, ### book 43.3 Γρηγόριος Νόννα τε μεγακλέες. εὔχομ’ ἄνακτι ### book 43.4 τοῖαν ἐμοὶ ζωὴν καὶ τέλος ἀντιάσαι. ### book 44.1 „Πολλά, τράπεζα πίλη, Νόννης καὶ δάκρυ’ ἐδέξω· ### book 44.2 δέχνυσο καὶ ψυχήν, τὴν πυμάτην θυσίην,“ ### book 44.3 εἶπε, καὶ ἐκ μελέων κέαρ ἔπτατο· ἓν δ’ ἄρα μοῦνον, ### book 44.4 παῖδ’, ἐπόθει, τεκέων τὸν ἔτι λειπόμενον. ### book 45.1 Ἔνθα ποτ’ εὐχομένης τόσσον νόος ἔπτατο Νόννης, ### book 45.2 μέσφ’ ὅτε καὶ ψυχὴ ἕσπετ’ ἀειρομένῳ, ### book 45.3 εὐχομένης δὲ νέκυς ἱερῇ παρέκειτο τραπέζῃ, ### book 45 γράψατ’ ἐπερχομένοις θαῦμα τόδ’, εὐσεβέες. ### book 46.1 Τίς θάνεν, ὡς θάνε Νόννα, παρ’ εὐαγέεσσι τραπέζαις ### book 46.2 τῶν ἱερῶν σανίδων χερσὶν ἐφαπτομένη; ### book 46.3 τίς λύσεν εὐχομένης Νόννης τύπον; ὡς ἐπὶ δηρὸν ### book 46.4 ἤθελεν ἔνθα μένειν καὶ νέκυς εὐσεβέων. ### book 47.1 Ἔνθα ποτ’ εὐχομένῃ Νόννῃ Θεὸς εἶπεν ἄνωθεν· ### book 47.2 „Ἔρχεο.“ ἡ δ’ ἐλύθη σώματος ἀσπασίως, ### book 47.3 χειρῶν ἀμφοτέρων τῇ μὲν κατέχουσα τράπεζαν, ### book 47.4 τῇ δ’ ἔτι λισσομένη· „Ἵλαθι, Χριστὲ ἄναξ.“ ### book 48.1 Ῥίζης εὐσεβέος γενόμην καὶ σὰρξ ἱερῆος ### book 48.2 καὶ μήτηρ· Χριστῷ σῶμα, βίον, δάκρυα, ### book 48.3 πάντ’ ἐκένωσα φέρουσα· τὸ δ’ ἔσχατον, ἔνθεν ἀέρθην ### book 48.4 νηῷ γηραλέον Νόννα λιποῦσα δέμας. ### book 49.1 Πίστις Ἐνὼχ μετέθηκε καὶ Ἠλίαν, ἐν δὲ γυναιξὶ ### book 49.2 μητέρ’ ἐμὴν πρώτην· οἶδε τράπεζα τόδε, ### book 49.3 ἔνθεν ἀναιμάκτοισιν ὁμοῦ θυέεσσιν ἀέρθη ### book 49.4 εἰσέτι λισσομένη σώματι Νόννα φίλη. ### book 50.1 Οὐ νόσος οὐδέ σε γῆρας ὁμοίιον, οὔ σέ γ’ ἀνίη, ### book 50.2 καίπερ γηραλέην, μῆτερ ἐμή, δάμασεν· ### book 50.3 ἀλλ’ ἄτρωτος, ἄκαμπτος ἁγνοῖς ὑπὸ ποσσὶ τραπέζης ### book 50 εὐχομένη Χριστῷ, Νόνν’, ἀπέδωκας ὄπα. ### book 51.1 Δῶκε Θεῷ θυσίην Ἀβραὰμ πάιν, ὣς δὲ θύγατρα ### book 51.2 κλεινὸς Ἰεφθάε, ἀμφότεροι μεγάλην. ### book 51.3 μῆτερ ἐμή, σὺ δ’ ἔδωκας ἁγνὸν βίον, ὑστάτιον δὲ ### book 51.4 ψυχήν, εὐχωλῆς, Νόννα, φίλον σφάγιον. ### book 52.1 Σάρρα φίλη, πῶς τὸν σὸν Ἰσαὰκ λίπες, ἡ ποθέουσα ### book 52.2 τῶν Ἀβραὰμ κόλπων ὡς τάχος ἀντιάσαι, ### book 52.3 Νόννα Γρηγορίοιο θεόφρονος; ἦ μέγα θαῦμα ### book 52.4 μηδὲ θανεῖν νηῶν ἔκτοθι καὶ θυέων. ### book 52b.1 Μάρτυρες, ἱλήκοιτε· μόγοις γε μὲν οὔτι χερείων ### book 52b.2 Νόννα φίλη, κρυπτῷ κἀμφαδίῳ πολέμῳ. ### book 52b.3 τοὔνεκα καὶ τοίης κύρσεν βιότοιο τελευτῆς, ### book 52b.4 εὐχῆς καὶ ζωῆς ἓν τέλος εὑραμένη. ### book 53.1 Ἡ Τριάς, ἣν ποθέεσκες, ὁμὸν σέλας ἕν τε σέβασμα ### book 53.2 ἐκ νηοῦ μεγάλου σε πρὸς οὐρανὸν ἥρπασε, Νόννα, ### book 53.3 εὐχομένην· ζωῆς δὲ τέλος καθαρώτερον εὗρες. ### book 53.4 οὔποτε χείλεα μίξας ἀνάγνοις χείλεσιν ἁγνὰ ### book 53.5 οὐδ’ ἀθέῳ παλάμῃ καθαρὰν χέρα μέχρις ἐδωδῆς, ### book 53 μῆτερ ἐμή· μισθὸς δὲ λιπεῖν βίον ἐν θυέεσσιν. ### book 54.1 Ἄγγελος αἰγλήεις σὲ φαάντατος ἥρπασε, Νόννα, ### book 54.2 ἔνθα ποτ’ εὐχομένην, καθαρὴν μελέεσσι νόῳ τε· ### book 54.3 καὶ τὸ μὲν ἥρπασε σεῖο, τὸ δ’ ἐνθάδε κάλλιπε νηῷ. ### book 55.1 Νηὸς ὅδ’—οὐ γὰρ ὅλην Νόνναν θέμις ἦεν ἐρύξαι— ### book 55.2 ψυχῆς οἰχομένης μοῦνον ἐπέσχε δέμας, ### book 55.3 ὡς πάλιν ἐγρομένη καθαρώτερον ἔνθεν ἀερθῇ, ### book 55.4 σώματι τῷ μογερῷ δόξαν ἐφεσσομένη. ### book 56.1 Ἄλλοις μὲν Νόννης τις ἁγνῶν ἐσθλοῖσιν ἐρίζοι, ### book 56.2 εὐχωλῆς δὲ μέτροισιν ἐριζέμεν οὐ θέμις ἐστίν· ### book 56.3 τέκμαρ καὶ βιότοιο τέλος λιτῇσι λυθέντος. ### book 57.1 Ὢ στοναχῶν δακρύων τε καὶ ἐννυχίων μελεδώνων· ### book 57.2 ὢ Νόννης ζαθέης τετρυμένα γυῖα πόνοισι, ### book 57.3 〈ποῦ ποτ’ ἔην; νηὸς μόχθων λύσε γῆρας ἄκαμπτον〉. ### book 58.1 Νόννα Φιλτατίου. —„Καὶ ποῦ θάνε;“ —Τῷδ’ ἐνὶ νηῷ. — ### book 58.2 „Καὶ πῶς;“ —Εὐχομένη. —„Πηνίκα;“ —Γηραλέη. — ### book 58 „Ὢ καλοῦ βιότοιο καὶ εὐαγέος θανάτοιο.“ ### book 59.1 Ἅρματι μὲν πυρόεντι πρὸς οὐρανὸν Ἠλίας ἦλθεν· ### book 59.2 Νόνναν δ’ εὐχομένην Πνεῦμ’ ὑπέδεκτο μέγα. ### book 60.1 Ἐνθάδε Νόννα φίλη κοιμήσατο τὸν βαθὺν ὕπνον, ### book 60.2 ἵλαος ἑσπομένη ᾧ πόσι Γρηγορίῳ. ### book 61.1 Τάρβος ὁμοῦ καὶ χάρμα· πρὸς οὐρανὸν ἔνθεν ἀέρθη ### book 61.2 εὐχῆς ἐκ μεσάτης Νόννα λιποῦσα βίον. ### book 62.1 Εὐχῆς καὶ βιότου Νόννῃ τέλος· ἡ δὲ τράπεζα ### book 62.2 μάρτυς, ἀφ’ ἧς ἤρθη ἄπνοος ἐξαπίνης. ### book 63.1 Νόννης ἠρίον εἰμὶ σαόφρονος, ἥ ῥα πύλῃσιν ### book 63.2 ἔχριμψ’ οὐρανίαις, πρὶν βιότοιο λυθῇ. ### book 64 Δακρύετε θνητούς, θνητῶν γένος· εἰ δέ τις οὕτως ### book 64 ὡς Νόνν’ εὐχομένη κάτθανεν, οὐ δακρύω. ### book 65.1 Νόννης ἁζόμενος ἁγνὸν βίον, ἅζεο μᾶλλον ### book 65.2 καὶ τέλος· ἐν νηῷ κάτθανεν εὐχομένη. ### book 66.1 Ἔνθα ποτ’ εὐχομένη πρηνὴς θάνε Νόννα φαεινή ### book 66.2 νῦν δ’ ἄρ’ ἐν εὐσεβέων λίσσεται ἱσταμένη. ### book 67.1 Στήλη σοι θανάτου μελιηδέος ἥδε τράπεζα, ### book 67.2 Νόννα, παρ’ ᾗ λύθης εὐχομένη πύματα. ### book 67b.1 Μικρὸν ἔτι ψυχῆς ἦν τὸ πνέον· ἀλλ’ ἄρα καὶ τὸ ### book 67b.2 Νόνν’ ἀπέδωκε Θεῷ ἔνθα ποτ’ εὐχομένη. ### book 68.1 Πέμψατε ἐκ νηοῦ θεοειδέα Νόνναν ἅπαντες, ### book 68.2 πρέσβειραν μεγάλην πέμψατ’ ἀειρομένην. ### book 69 Ἔκ με Θεὸς καθαροῖο πρὸς οὐρανὸν ἥρπασε νηοῦ ### book 69 Νόνναν ἐπειγομένην οὐρανίοις πελάσαι. ### book 70.1 Νόνν’ ἀπανισταμένη νηοῦ μεγάλου τόδ’ ἔειπε· ### book 70.2 „Τῶν πολλῶν καμάτων μείζονα μισθὸν ἔχω.“ ### book 71.1 Νόννα φίλης εὐχῆς ἱερήιον ἐνθάδε κεῖται· ### book 71.2 Νόννα ποτ’ εὐχομένη τῇδ’ ἐλύθη βιότου. ### book 72.1 Ἔνθα ποτ’ εὐχομένης ψυχὴ δέμας ἔλλιπε Νόννης· ### book 72.2 ἔνθεν ἀνηέρθη Νόννα λιποῦσα δέμας. ### book 73.1 Ἐκ νηοῦ μεγάλοιο θύος μέγα Νόνν’ ἀπανέστη· ### book 73.2 νηῷ Νόνν’ ἐλύθη· χαίρετε, εὐσεβέες. ### book 74 Ἥδε τράπεζα Θεῷ θεοειδέα Νόνναν ἔπεμψεν. ### book 75.1 Εἴη σοι βίος ἐσθλὸς ἐπ’ εὐλογίῃσιν ἁπάσαις ### book 75.2 ὁσσάτιαι τοκέων υἱέσι γηροκόμοις ### book 75.3 καὶ κούφης βιότοιο τυχεῖν ὁσίης τε τελευτῆς, ### book 75.4 οἵην ἡμετέρῳ γήραϊ δῶκεν Ἄναξ, ### book 75.5 ἠιθέων λογίων τὸ μέγα κράτος ἠδ’ ἱερήων ### book 75 καὶ πολιῆς σκίπων, Γρηγόρι’, ἡμετέρης. ### book 76.1 Ἀσπάσιοι χθόνα τήνδε φίλαις ὑπὸ χείρεσι παιδὸς ### book 76.2 ἑσσάμεθ’ εὐσεβέος Γρηγορίου τοκέες, ### book 76.3 ὃς καὶ γῆρας ἔθηκεν ἑοῖς μόχθοισιν ἐλαφρὸν ### book 76.4 ἡμέτερον καὶ νῦν ἀμφιέπει θυσίαις. ### book 76.5.1 ἄμπνεε γηροκόμων καμάτων, μέγα φέρτατε παίδων ### book 76.5.2 Γρηγόρι’, εὐαγέας Μάρτυσι παρθέμενος ### book 76.5.3 σοὺς τοκέας· μισθὸς δὲ μέγαν Πατέρ’ ἵλαον εἶναι ### book 76.5.4 πνευματικῶν τε τυχεῖν εὐσεβέων τεκέων. ### book 77.1 Λᾶας ὁ μὲν γενέτην τε καὶ υἱέα κυδήεντας ### book 77.2 κεύθω Γρηγορίους, εἷς λίθος ἶσα φάη, ### book 77.3 ἀμφοτέρους ἱερῆας. —Ὁ δ’ εὐπατέρειαν ἐδέγμην ### book 77.4 Νόνναν σὺν μεγάλῳ υἱέι Καισαρίῳ. ### book 77.5.1 τὼς ἐδάσαντο τάφους τε καὶ υἱέας· ἡ δὲ πορείη, ### book 77.5.2 πάντες ἄνω· ζωῆς εἷς πόθος οὐρανίης. ### book 78.1 Πρῶτος Καισάριος ξυνὸν ἄχος· αὐτὰρ ἔπειτα ### book 78.2 Γοργόνιον· μετέπειτα πατὴρ φίλος· οὐ μετὰ δηρὸν ### book 78.3 μήτηρ. ὦ λυπρὴ παλάμη καὶ γράμματα πικρά. ### book 78 Γρηγορίου γράψω καὶ ἐμὸν μόρον ὑστατίου περ. ### book 79.1 Πρῶτα μὲν εὐξαμένῃ με Θεὸς πόρε μητρὶ φαεινῇ· ### book 79.2 δεύτερον, ἐκ μητρὸς δῶρον ἔδεκτο φίλον· ### book 79.3 τὸ τρίτον αὖ, θνῄσκοντά μ’ ἁγνὴ ἐσάωσε τράπεζα· ### book 79.4 τέτρατον, ἀμφήκη μῦθον ἔδωκε Λόγος· ### book 79.5.1 πέμπτον, παρθενίη με φίλοις προσπτύξατ’ ὀνείροις· ### book 79.5.2 ἕκτον, Βασιλίῳ σύμπνοα ἦρα φέρον· ### book 79.5.3 ἕβδομον, ἐκ βυθίων με Φερέσβιος ἥρπασε κόλπων· ### book 79.5.4 ὄγδοον αὖ, ὁσίοις ἐξεκάθηρα χέρας· ### book 79.5.5 εἴνατον, ὁπλοτέρῃ Τριάδ’ ἤγαγον, ὦ Ἄνα, Ῥώμῃ· ### book 79.10 βέβλημαι δέκατον λάεσιν ἠδὲ φίλοις. ### book 80.1 Ἑλλὰς ἐμὴ νεότης τε φίλη καὶ ὅσσα πεπάμην ### book 80.2 καὶ δέμας, ὡς Χριστῷ εἴξατε προφρονέως. ### book 80.3 εἰ δ’ ἱερῆα φίλον με Θεῷ θέτο μητέρος εὐχὴ ### book 80.4 καὶ πατρὸς παλάμη, τίς φθόνος; ἀλλά, μάκαρ, ### book 80.5.1 σοῖς με, Χριστέ, χοροῖσι δέχου καὶ κῦδος ὀπάζοις ### book 80.5.2 υἱέι Γρηγορίου, σῷ λάτρι Γρηγορίῳ. ### book 81.1 Γρηγορίου Νόννης τε φίλον τέκος ἐνθάδε κεῖται ### book 81.2 τῆς ἱερῆς Τριάδος Γρηγόριος θεράπων ### book 81.3 καὶ σοφίῃ Σοφίης δεδραγμένος ἠίθεός τε ### book 81 οἶον πλοῦτον ἔχων ἐλπίδ’ ἐπουρανίην. ### book 82.1 Τυτθὸν ἔτι ζώεσκες ἐπὶ χθονί, πάντα δὲ Χριστῷ ### book 82.2 δῶκας ἑκών, σὺν τοῖς καὶ πτερόεντα λόγον· ### book 82.3 νῦν δ’ ἱερῆα μέγαν σε καὶ οὐρανίοιο χορείης ### book 82.4 οὐρανὸς ἐντὸς ἔχει, κύδιμε Γρηγόριε. ### book 83.1 Ἔκ με βρέφους ἐκάλεσσε Θεὸς νυχίοισιν ὀνείροις· ### book 83.2 ἤλυθον ἐς σοφίης πείρατα· σάρκα Λόγῳ ### book 83.3 ἥγνισα καὶ κραδίην· κόσμου φλόγα γυμνὸς ἀλύξας ### book 83.4 ἔστην σὺν Ἀαρών, Γρηγορίῳ γενέτῃ. ### book 84.1 Πατρὸς ἐγὼ ζαθέοιο καὶ οὔνομα καὶ θρόνον ἔσχον ### book 84.2 καὶ τάφον· ἀλλά, φίλος, μνώεο Γρηγορίου, ### book 84.3 Γρηγορίου, τὸν μητρὶ θεόσδοτον ὤπασε Χριστὸς ### book 84.4 φάσμασιν ἐννυχίοις, δῶκε δ’ ἔρον σοφίης. ### book 85.1 Σχέτλιός ἐστιν ὁ τύμβος. ἔγωγε μὲν οὔποτ’ ἐώλπειν, ### book 85.2 ὥς ῥα κατακρύψει τοὺς πυμάτους προτέρους· ### book 85.3 αὐτὰρ ὃ Καισάριον, ἐρικυδέα υἷα, τοκήων ### book 85 τῶν προτέρων πρότερον δέξατο. ποῖα δίκη; ### book 85b.1 Οὐκ ἔσθ’ ὁ τύμβος αἴτιος· μὴ λοιδόρει. ### book 85b.2 Φθόνου τόδ’ ἐστὶν ἔργον. πῶς δ’ ἤνεγκεν ἂν ### book 85b.3 νέον γερόντων εἰσορῶν σοφώτερον; ### book 86.1 Γρηγόριε, θνητῶν μὲν ὑπείροχον ἔλλαχες υἷα ### book 86.2 κάλλεϊ καὶ σοφίῃ καὶ βασιλῆι φίλον, ### book 86.3 κρείσσονα δ’ οὐκέτι πάμπαν ἀπηλεγέος θανάτοιο. ### book 86.4 ἦ μὴν ὠιόμην. ἀλλὰ τί φησὶ τάφος; ### book 86.5.1 „Τέτλαθι· Καισάριος μὲν ἀπέφθιτο, ἀλλὰ μέγιστον ### book 86.5.2 υἱέος εὖχος ἔχεις υἱέος ἀντὶ φίλου.“ ### book 87.1 Ὥριοι εἰς τάφον ἦμεν, ὅτ’ ἐνθάδε τοῦτον ἔθηκαν ### book 87.2 λᾶαν ἐφ’ ἡμετέρῳ γήραϊ λαοτόμοι· ### book 87.3 ἀλλ’ ἡμῖν μὲν ἔθηκαν, ἔχει δέ μιν οὐ κατὰ κόσμον ### book 87.4 Καισάριος, τεκέων ἡμετέρων πύματος. ### book 87.5.1 ἔτλημεν πανάποτμα, τέκος, τέκος· ἀλλὰ τάχιστα ### book 87.5.2 δέξαι ἐς ἡμέτερον τύμβον ἐπειγομένους. ### book 88.1 Τόνδε λίθον τοκέες μὲν ἑὸν τάφον ἐστήσαντο ### book 88.2 ἐλπόμενοι ζωῆς μοῖραν ἔχειν ὀλίγην· ### book 88.3 Καισαρίῳ δ’ υἱῆι πικρὴν χάριν οὐκ ἐθέλοντες ### book 88 δῶκαν, ἐπεὶ πρότερος τοῦδε λύθη βιότου. ### book 89.1 Γῆρας ἐμὸν δήθυνεν ἐπὶ χθονί· ἀντὶ δὲ πατρὸς ### book 89.2 λᾶαν ἔχεις, τεκέων φίλτατε, Καισάριε. ### book 89.3 τίς νόμος; οἷα δίκη; θνητῶν ἄνα, πῶς τόδ’ ἔνευσας; ### book 89.4 ὢ μακροῦ βιότου, ὢ ταχέος θανάτου. ### book 90.1 Οὐκ ἄγαμ’, οὐκ ἄγαμαι δῶρον τόδε· τύμβον ἐδέξω ### book 90.2 μοῦνον ἀφ’ ἡμετέρων, Καισάριε, κτεάνων, ### book 90.3 γηραλέων τοκέων πικρὸν λίθον· ὁ Φθόνος οὕτως ### book 90.4 ἤθελεν. ὢ ζωῆς πήμασι μακροτέρης. ### book 91.1 Πᾶσαν ὅση σοφίη λεπτῆς φρενὸς ἐν μερόπεσσιν ### book 91.2 ἀμφὶ γεωμετρίην καὶ θέσιν οὐρανίων ### book 91.3 καὶ λογικῆς τέχνης τὰ παλαίσματα γραμματικήν τε ### book 91.4 ἠδ’ ἰητορίην ῥητορικῆς τε μένος ### book 91.5.1 Καισάριος πτερόεντι νόῳ μοῦνος καταμάρψας, ### book 91.5.2 αἰαῖ, πᾶσιν ὁμῶς νῦν κόνις ἐστ’ ὀλίγη. ### book 92.1 Πάντα κασιγνήτοισιν ἑοῖς λίπες, ἀντὶ δὲ πάντων ### book 92.2 τύμβον ἔχεις ὀλίγον, κύδιμε Καισάριε· ### book 92.3 ἡ δὲ γεωμετρίη τε καὶ ἀστέρες, ὧν θέσιν ἔγνως, ### book 92 ἥ τ’ ἰητορίη οὐδὲν ἄκος θανάτου. ### book 93.1 Κάλλιμον ἐκ πατρίης σέ, μεγακλέα τηλόθ’ ἐόντα, ### book 93.2 ἄκρα φέροντα πάσης, Καισάριε, σοφίης ### book 93.3 πέμψαντες βασιλῆι, τὸν ἔξοχον ἰητήρων, ### book 93.4 φεῦ, κόνιν ἐκ Βιθυνῶν δεξάμεθ’ αὖ σε πέδου. ### book 94.1 Σεισμῶν μὲν κρυερῶν ἔφυγες στονόεσσαν ἀπειλήν, ### book 94.2 ἡνίκα Νικαίης ἄστυ μίγη δαπέδῳ· ### book 94.3 νούσῳ δ’ ἀργαλέῃ ζωὴν λίπες. ὢ νεότητος ### book 94.4 σώφρονος, ὢ σοφίης, κάλλιμε Καισάριε. ### book 95.1 Γρηγορίου Νόννης τε θεουδέος υἷα φέριστον ### book 95.2 τύμβος ὅδ’ εὐγενέτην Καισάριον κατέχω ### book 95.3 ἔξοχον ἐν λογίοισιν, ὑπείροχον ἐν βασιλῄοις, ### book 95.4 ἀστεροπὴν γαίης πείρασι λαμπομένην. ### book 96.1 Καισαρίου φθιμένοιο κατήφησαν βασιλῆος ### book 96.2 αὐλαί, Καππαδόκαι δ’ ἤμυσαν ἐξαπίνης· ### book 96.3 καὶ καλὸν εἴ τι λέλειπτο μετ’ ἀνθρώποισιν, ὄλωλεν, ### book 96 οἱ δὲ λόγοι σιγῆς ἀμφεβάλοντο νέφος. ### book 97.1 Εἴ τινα δένδρον ἔθηκε γόος καὶ εἴ τινα πέτρην, ### book 97.2 εἴ τις καὶ πηγὴ ῥεῦσεν ὀδυρομένη, ### book 97.3 πέτραι καὶ ποταμοὶ καὶ δένδρεα λυπρὰ πέλοισθε, ### book 97.4 πάντες Καισαρίῳ γείτονες ἠδὲ φίλοι· ### book 97.5.1 Καισάριος πάντεσσι τετιμένος, εὖχος ἀνάκτων, ### book 97.5.2 αἰαῖ τῶν ἀχέων, ἤλυθεν εἰς Ἀίδην. ### book 98.1 Χεὶρ τάδε Γρηγορίοιο· κάσιν ποθέων τὸν ἄριστον ### book 98.2 κηρύσσω θνητοῖς τόνδε βίον στυγέειν. ### book 98.3 Καισαρίῳ τίς κάλλος ὁμοίιος; ἢ τίς ἁπάντων ### book 98.4 τόσσος ἐὼν τόσσης εἷλε κλέος σοφίης; ### book 98.5.1 οὔτις ἐπιχθονίων· ἀλλ’ ἔπτατο ἐκ βιότοιο ### book 98.5.2 ὡς ῥόδον ἐξ ἀκανθῶν, ὡς δρόσος ἐκ πετάλων. ### book 99.1 Γείτονες εὐμενέοιτε καὶ ἐν κόλποισι δέχοισθε, ### book 99.2 Μάρτυρες, ὑμετέροις αἷμα τὸ Γρηγορίου, ### book 99.3 Γρηγορίου Νόννης τε μεγακλέος εὐσεβίῃ τε ### book 99.4 καὶ τύμβοις ἱεροῖς εἰς ἓν ἀγειρομένους. ### book 100.1 Κλῦθι, Ἀλεξάνδρεια· Φιλάγριος ὤλεσε μορφὴν ### book 100.2 τῆς λογικῆς ψυχῆς οὔτι χερειοτέρην· ### book 100.3 Καισάριον δὲ νέον Φθόνος ἥρπασεν· οὔποτε τοῖα ### book 100 πέμψεις εὐίπποις ἄνθεα Καππαδόκαις. ### book 101.1 Γρηγορίου Νόννης τε φίλον τέκος ἐνθάδε κεῖμαι ### book 101.2 Γοργόνιον, ζωῆς μύστις ἐπουρανίης. ### book 102.1 Οὐδὲν Γοργόνιον γαίῃ λίπεν, ὀστέα μοῦνα· ### book 102.2 πάντα δ’ ἔθηκεν ἄνω, Μάρτυρες ἀθλοφόροι. ### book 103.1 Κτῆσιν ἑὴν σάρκας τε καὶ ὀστέα πάντ’ ἀναθεῖσα ### book 103.2 Γοργόνιον Χριστῷ μοῦνον ἀφῆκε πόσιν· ### book 103.3 οὐ μὰν οὐδὲ πόσιν δηρὸν χρόνον, ἀλλ’ ἄρα καὶ τὸν ### book 103.4 ἥρπασεν ἐξαπίνης κύδιμον Ἀλύπιον. ### book 103.5.1 ὄλβιε ὀλβίστης ἀλόχου πόσι· τοῖς ῥα λοετροῖς ### book 103.5.2 λύματ’ ἀπωσάμενοι ζῆτε παλιγγενέες. ### book 104.1 Εἴ τις Τάνταλός ἐστιν ἐν ὕδασιν αὖος ἀπίστοις, ### book 104.2 εἴ τις ὑπὲρ κεφαλῆς πέτρος ἀεὶ φοβέων ### book 104.3 δαπτόμενόν τ’ ὄρνισιν ἀγήραον ἧπαρ ἀλιτροῦ ### book 104.4 καὶ πυρόεις ποταμὸς καὶ ζόφος ἀθάνατος ### book 104.5.1 ταρτάρεοί τε μυχοὶ καὶ δαίμονες ἀγριόθυμοι ### book 104.5.2 ἄλλαι τε φθιμένων τίσιες εἰν ἀίδι, ### book 104.5.3 ὅστις Μαρτινιανὸν ἀγακλέα δηλήσαιτο ### book 104 τύμβον ἀνοχλίζων, δείματα πάντα φέροι. ### book 105.1 Οὔρεά σοι καὶ πόντος, ἀτάσθαλε, καὶ πεδίοισι ### book 105.2 τέρπῃ πυροφόροις τετραπόδων τ’ ἀγέλαις· ### book 105.3 καὶ χρυσοῖο τάλαντα καὶ ἄργυρος εὐγενέες τε ### book 105.4 λᾶες καὶ Σηρῶν νήματα λεπταλέα, ### book 105.5.1 πάντα βίος ζωοῖσι· λίθοι δ’ ὀλίγοι τε φίλοι τε ### book 105.5.2 τοῖς φθιμένοις. σὺ δέ μοι κἀνθάδε χεῖρα φέρεις, ### book 105.5.3 οὐδὲ σὸν αἰδόμενος, τλῆμον, τάφον, ὅν τις ὀλέσσει ### book 105.5.4 ἄλλος σοῖσι νόμοις χερσὶ δικαιοτέραις. ### book 106.1 Ἡνίκα Μαρτινιανὸς ἔδυ χθόνα, μητέρα πάντων, ### book 106.2 πᾶσα μὲν Αὐσονίων ἐστονάχησε πόλις· ### book 106.3 πᾶσα δὲ Σικανίη τε καὶ εὐρέα πείρατα γαίης ### book 106.4 κείρατ’ ἀπ’ ἀνθρώπων οἰχομένης Θέμιδος. ### book 106.5.1 ἡμεῖς δ’ ἀντί νυ σεῖο τάφον μέγαν ἀμφιέποντες ### book 106.5.2 αἰὲν ἐπερχομένοις δώσομεν ὥς τι σέβας. ### book 107.1 Οἱ Χριστὸν φορέοντες ἀκούσατε οἵ τε θέμιστας ### book 107.2 εἰδότες ἡμερίων καὶ φθιμένων ὁσίην· ### book 107.3 πάντα λιπών, βασιλῆα, πάτρην, γένος, εὖχος ὑπάρχων, ### book 107.4 αἰαῖ, πᾶσιν ὁμῶς νῦν κόνις εἴμ’ ὀλίγη ### book 107.5 Μαρτινιανὸς πᾶσι τετιμένος· ἀλλ’ ἐπὶ τύμβῳ ### book 107 βάλλειν ἡμετέρῳ δάκρυα, μὴ παλάμας. ### book 108.1 Μουσοπόλον, ῥητῆρα, δικασπόλον, ἄκρον ἅπαντα, ### book 108.2 τύμβος ὅδ’ εὐγενέτην Μαρτινιανὸν ἔχω, ### book 108.3 ναυμάχον ἐν πελάγεσσιν, ἀρήιον ἐν πεδίοισιν· ### book 108.4 ἀλλ’ ἀποτῆλε τάφου πρίν τι κακὸν παθέειν. ### book 109.1 Μὴ πόλεμον φθιμένοισιν· ἅλις ζώοντες, ἀλιτροί· ### book 109.2 μὴ πόλεμον φθιμένοις. Μαρτινιανὸς ἐγὼ ### book 109.3 ταῦτα πάσιν ζῴοις ἐπιτέλλομαι. οὐ θέμις ἐστὶν ### book 109.4 τῶν ὀλίγων φθονέειν τοῖς φθιμένοισι λίθων. ### book 110.1 Ὦ Θέμι, τῆς πολλοῖσιν ἐγὼ νώμησα τάλαντα· ### book 110.2 ὦ φοβεραὶ ψυχῶν μάστιγες οὐχ ὁσίων· ### book 110.3 οὗτος ἐμοῖσι λίθοισι φέρει στονόεντα σίδηρον· ### book 110.4 οὗτος ἐμοί. φεῦ φεῦ, ποῦ δὲ λίθος Σισύφου; ### book 111.1 Ὄλβιος, εὐγήρως, ἄνοσος θάνον ἐν βασιλῆος ### book 111.2 πρῶτα φέρων, ἱερῆς ἄκρον ἔχων σοφίης. ### book 111.3 εἴ τινα Μαρτινιανὸν ἀκούετε, ἀλλ’ ἀπὸ τύμβου, ### book 111 μηδὲ φέρειν ἐπ’ ἐμοὶ δυσμενέας παλάμας. ### book 112.1 Χάζεο, χάζεο τῆλε· κακὸν τὸν ἄεθλον ἐγείρεις ### book 112.2 λᾶας ἀνοχλίζων καὶ τάφον ἡμέτερον· ### book 112.3 χάζεο· Μαρτινιανὸς ἐγώ, καὶ ζῶσιν ὄνειαρ, ### book 112.4 καὶ νέκυς οὐκ ὀλίγον ἐνθάδε κάρτος ἔχω. ### book 113.1 Καππαδοκῶν μέγ’ ἄεισμα, φαάντατε Μαρτινιανέ, ### book 113.2 σεῖο, βροτῶν γενεή, καὶ τάφον αἰδόμεθα· ### book 113.3 ὅς ποτ’ ἔης βασιλῆος ἐν ἕρκεσι κάρτος ὑπάρχων, ### book 113.4 δουρὶ δὲ Σικανίην κτήσαο καὶ Λιβύην. ### book 114.1 Ὄμνυμεν ἀθανάτοιο Θεοῦ κράτος ὑψιμέδοντος ### book 114.2 καὶ ψυχὰς νεκύων, κύδιμε, σήν τε κόνιν ### book 114.3 μή ποτε, Μαρτινιανέ, τεοῖς ἐπὶ χεῖρας ἐνέγκαι ### book 114.4 στήλῃ καὶ τύμβῳ· οὐδὲ γὰρ οὐδ’ ἱεροῖς. ### book 115.1 Ῥώμη καὶ βασιλῆες ἐμοὶ καὶ πείρατα γαίης ### book 115.2 στῆλαι Μαρτινιανῷ, τὰς χρόνος οὐ δαμάσει· ### book 115.3 ἀλλ’ ἔμπης ὀλίγῳ περιδείδια, μή τι πάθῃσι, ### book 115 τῷδε τάφῳ· πολλῶν οὐχ ὁσίαι παλάμαι. ### book 116.1 Μαρτινιανοῦ σῆμα μεγακλέος, εἴ τιν’ ἀκούεις ### book 116.2 Καππαδοκῶν Ῥώμης πρόθρονον εὐγενέων, ### book 116.3 παντοίαις ἀρετῇσι κεκασμένον· ἀλλὰ κόνιν περ ### book 116.4 ἁζόμενοι στήλην καὶ τάφον ἀμφιέπειν. ### book 117.1 Οὔποτ’ ἐγὼ φθιμένοισιν ἐπέχραον οὐδ’ ἀπὸ τύμβων ### book 117.2 ἔργον ἔγειρα, Δίκην ὄμνυμι καὶ φθιμένους· ### book 117.3 τοὔνεκα μηδ’ ἐπ’ ἐμοῖσι φέρειν λάεσσι σίδηρον· ### book 117.4 εἰ δὲ φέροις, τὴν σὴν ἐς κεφαλὴν πεσέτω. ### book 117.5.1 Μαρτινιανὸς ἐγὼ τάδε λίσσομαι· εἴ τις ἐμεῖο ### book 117.5.2 κύδεός ἐστι χάρις, τύμβος ἀεὶ μενέτω. ### book 118.1 Εἷς δόμος, ἀλλ’ ὑπένερθε τάφος, καθύπερθε δὲ σηκός· ### book 118.2 τύμβος δειμαμένοις, σηκὸς ἀεθλοφόροις· ### book 118.3 καί ῥ’ οἱ μὲν γλυκερὴν ἤδη κόνιν ἀμφεβάλοντο ### book 118.4 ὡς σύ, μάκαιρα δάμαρ Ἀμφιλόχου Λιβίη, ### book 118.5.1 κάλλιμέ θ’ υἱήων, Εὐφήμιε· τοὺς δ’ ὑπόδεχθε, ### book 118.5.2 μάρτυρες ἀτρεκίης, τοὺς ἔτι λειπομένους. ### book 119.1 Ὤφελες, ὦ Λιβία, ζώειν τεκέεσσι φίλοισιν· ### book 119.2 ὤφελες ἄχρι πύλης γήραος ἐμπελάσαι. ### book 119.3 νῦν δέ σε μοῖρ’ ἐδάμασσεν ἀώριον, εἰσέτι καλήν, ### book 119.4 εἰσέτι κουριδίοις ἄνθεσι λαμπομένην. ### book 119.5 αἰαῖ, Ἀμφίλοχος δὲ τεὸς πόσις ἀντὶ δάμαρτος ### book 119 ἐσθλῆς καὶ πινυτῆς τλήμονα τύμβον ἔχει. ### book 120.1 Αἰαῖ, καὶ Λιβίαν κατέχει κόνις. οὔποτ’ ἔγωγε ### book 120.2 ὠισάμην θνητὴν ἔμμεναι εἰσορόων ### book 120.3 εἶδος μειλιχίην τε σαοφροσύνην τε γυναικός, ### book 120.4 τοῖς φῦλον πασέων καίνυτο θηλυτέρων. ### book 120.5.1 τοὔνεκα καὶ τοίῳ σε τάφῳ κύδηνε θανοῦσαν ### book 120.5.2 σῶν τε τριὰς τεκέων καὶ πόσις Ἀμφίλοχος. ### book 121.1 Ἦν δυὰς ἦν ἱερή, ψυχὴ μία, σώματα δισσά, ### book 121.2 πάντα κασιγνήτω, αἷμα, κλέος, σοφίην, ### book 121.3 υἱέες Ἀμφιλόχου, Εὐφήμιος Ἀμφίλοχός τε, ### book 121.4 πᾶσιν Καππαδόκαις ἀστέρες ἐκφανέες. ### book 121.5.1 δεινὸν δ’ ἀμφοτέρους Φθόνος ἔδρακε· τὸν μὲν ἄμερσε ### book 121.5.2 ζωῆς, τὸν δ’ ἔλιπεν ἥμισυν Ἀμφίλοχον. ### book 122.1 Ῥήτωρ ἐν ῥητῆρσιν, ἀοιδοπόλος δ’ ἐν ἀοιδοῖς, ### book 122.2 κῦδος ἑῆς πάτρης, κῦδος ἑῶν τοκέων, ### book 122.3 ἄρτι γενειάσκων Εὐφήμιος, ἄρτι δ’ ἔρωτας ### book 122.4 ἐς θαλάμους καλέων ὤλετο, φεῦ παθέων· ### book 122.5.1 ἀντὶ δὲ παρθενικῆς τύμβον λάχεν, ἠδ’ ὑμεναίων ### book 122.5.2 ἤματα νυμφιδίων ἦμαρ ἐπῆλθε γόων. ### book 123.1 Εἰκοσέτης πᾶσαν Εὐφήμιος, ὡς μίαν οὔτις, ### book 123.2 Ἑλλάδα καὐσονίην μοῦσαν ἐφιπτάμενος, ### book 123.3 στράπτων ἀγλαΐῃ τε καὶ ἤθεσιν ἦλθ’ ὑπὸ γαῖαν. ### book 123 αἰαῖ, τῶν ἀγαθῶν ὡς μόρος ὠκύτερος. ### book 124.1 Χρυσείης γενεῆς Εὐφήμιος ἦν ἔτι τυτθὸν ### book 124.2 λείψανον, εὐγενέτης ἤθεα καὶ πραπίδας, ### book 124.3 μείλιχος, ἡδυεπής, εἶδος Χαρίτεσσιν ὁμοῖος· ### book 124.4 τοὔνεκα καὶ θνητοῖς οὐκ ἐπὶ δὴν ἐμίγη. ### book 125.1 Στράψε μέγ’ ἀνθρώποις Εὐφήμιος, ἀλλ’ ἐπὶ τυτθόν· ### book 125.2 καὶ γὰρ καὶ στεροπῆς οὐ μακρόν ἐστι σέλας· ### book 125.3 στράψεν ὁμοῦ σοφίῃ τε καὶ εἴδεϊ καὶ πραπίδεσσιν· ### book 125.4 τὰ πρὶν Καππαδόκαις ἦν κλέα, νῦν δὲ γόος. ### book 126.1 Τίς τίνος; —„Ἀμφιλόχου Εὐφήμιος ἐνθάδε κεῖται, ### book 126.2 οὗτος ὁ Καππαδόκαις πᾶσι διὰ στόματος, ### book 126.3 οὗτος, ὃν αἱ Χάριτες Μούσαις δόσαν· οἱ δ’ ὑμέναιοι ### book 126.4 ἀμφὶ θύρας· ἦλθεν δ’ ὁ Φθόνος ὠκύτερος.“ ### book 127.1 Ἔρνος ἀμώμητον, Μουσῶν τέκος, εἶαρ ἑταίρων ### book 127.2 καὶ χρύσεον Χαρίτων πλέγμα ἰοστεφάνων, ### book 127.3 ᾤχετο ἐκ μερόπων Εὐφήμιος, οὐδέ τ’ ἀνέσχεν, ### book 127 αἰαῖ, σοῖς θαλάμοις πυρσός, ὃν ἧψεν Ἔρως. ### book 128.1 Αἱ Χάριτες Μούσαισι· „Τί ῥέξομεν; οὐκέτ’ ἄγαλμα ### book 128.2 χειρῶν ἡμετέρων Εὐφήμιος ἐν μερόπεσσιν.“ ### book 128.3 χαἰ Μοῦσαι Χαρίτεσσιν· „Ἐπεὶ Φθόνος ἐστὶν ἀλιτρός, ### book 128.4 τόσσον ἔχοι· ἡμῖν δὲ τόδ’ ὅρκιον ἔμπεδον ἔστω ### book 128.5 μηκέτ’ ἀναστῆσαι τοῖον μερόπεσσιν ἄγαλμα.“ ### book 129.1 Κρῆναι καὶ ποταμοὶ καὶ ἄλσεα καὶ λαλαγεῦντες ### book 129.2 ὄρνιθες λιγυροὶ καλὸν ἐπ’ ἀκρεμόνων ### book 129.3 αὖραί τε μαλακὸν συρίγμασι κῶμα φέρουσαι ### book 129.4 καὶ κῆποι Χαρίτων εἰς ἓν ἀγειρομένων, ### book 129.5.1 κλαύσατε· ὦ χαρίεσς’ Εὐφημιάς, ὥς σε θανών περ ### book 129.5.2 Εὐφήμιος κλεινὴν θήκατ’ ἐπωνυμίῃ. ### book 130.1 Κάλλιμος ἠιθέων Εὐφήμιος, εἴ ποτ’ ἔην γε· ### book 130.2 κάλλιμος ἐν χώροις χῶρος ὅδ’ ἠλύσιος· ### book 130.3 τοὔνεκεν εἰς ἓν ἄγερθεν· ἐπεὶ ζωὴν μὲν ἔλειψε, ### book 130.4 οὔνομα δ’ ἐν χώρῳ κάλλιπεν ἠγαθέῳ. ### book 131.1 Ἤλυθε κἀμφιλόχοιο φίλον δέμας ἐς μέγα σῆμα, ### book 131.2 ψυχὴ δ’ ἐς μακάρων ᾤχετ’ ἀποπταμένη. ### book 131.3 πηοῖς πάντα πέπασο, μακάρτατε· βίβλον ἔῳξας ### book 131.4 πᾶσαν, ὅση θνητῶν κεἴ τις ἐπουρανίη· ### book 131.5 γηραλέος φιλίην ὑπέδυς χθόνα· τέκνα λέλοιπας ### book 131 κρείσσονα καὶ τοκέων· τὸ πλέον οὐ μερόπων. ### book 132.1 Ἄσμενος ᾗ τε δάμαρτι καὶ υἱέι πάρθετο σῶμα ### book 132.2 Ἀμφίλοχος λιπαροῦ γήραος ἀντιάσας, ### book 132.3 ὄλβιος, εὐγενέτης, μύθων κράτος, ἄλκαρ ἁπάντων ### book 132.4 πηῶν, εὐσεβέων, εὐγενέων, λογίων ### book 132.5.1 καὶ μύθοιο δοτὴρ περιώσιος. ἠνίδ’ ἑταίρων ### book 132.5.2 σῶν ἑνός, ὦ φιλότης, γράμμ’ ἐπιτυμβίδιον. ### book 133.1 Ὦ μάκαρ, ὦ ξυνὸν πενίης ἄκος, ὦ πτερόεντες ### book 133.2 μῦθοι καὶ πηγὴ πᾶσιν ἀρυομένη, ### book 133.3 ἄσθματι πάντα λίπες πυμάτῳ· τὸ δ’ ἅμ’ ἕσπετο μοῦνον ### book 133.4 ἔνθεν ἀειρομένῳ κῦδος ἀεὶ θαλέθον. ### book 133.5.1 Γρηγόριος τάδ’ ἔγραψα, λόγῳ λόγον ὃν παρὰ σεῖο, ### book 133.5.2 Ἀμφίλοχ’, ἐξεδάην ἀντιχαριζόμενος. ### book 134.1 Ἀμφίλοχος τέθνηκεν· ἀπώλετο, εἴ τι λέλειπτο ### book 134.2 καλὸν ἐν ἀνθρώποις, ῥητορικῆς τε μένος ### book 134.3 καὶ Χάριτες Μούσαισι μεμιγμέναι· ἔξοχα δ’ αὖ σε ### book 134.4 ἡ Διοκαισαρέων μύρατο πάτρα φίλη. ### book 135.1 Τυτθὸν μὲν πτολίεθρον, ἀτὰρ πολὺν ἀνέρα δῶκα ### book 135.2 βήμασιν ἰθυδίκοις ἡ Διοκαισαρέων, ### book 135.3 Ἀμφίλοχον· φθιμένῳ δὲ συνέφθιτο καὶ πυρόεσσα ### book 135 ῥήτρη καὶ πάτρης εὖχος ἀριστοτόκου. ### book 136.1 Τὸν ῥήτρην πυρόεσσαν ἐπ’ ἀντιπάλοισι φέροντα, ### book 136.2 τὸν μέλιτος γλυκίω ἤθεα καὶ πραπίδας ### book 136.3 Ἀμφίλοχον κατέχω τυτθὴ κόνις ἔκτοθι πάτρης, ### book 136.4 υἱέα Φιλτατίου Γοργονίας τε μέγαν. ### book 137.1 Ῥητῆρες, φθέγγοισθε· μεμυκότα χείλεα σιγῇ ### book 137.2 Ἀμφιλόχου μεγάλου τύμβος ὅδ’ ἀμφὶς ἔχω. ### book 138.1 Ἠρίον Ἀμφιλόχοιο μελίφρονος, ὅς ποτε ῥήτρῃ ### book 138.2 πάντας Καππαδόκας καίνυτο καὶ πραπίσιν. ### book 139.1 Οἴχεαι, ὦ Νικόμηδες, ἐμὸν κλέος· ἡ δὲ συνωρὶς ### book 139.2 σῶν καθαρὴ τεκέων πῶς βίον ἐξανύσει; ### book 139.3 τίς δὲ τέλος νηῷ περικαλλέι χεὶρ ἐπιθήσει; ### book 139.4 τίς δὲ Θεῷ πέμψει φρὴν τελέην θυσίην ### book 139.5 σεῖο, μάκαρ, μιχθέντος ἐπουρανίοισι τάχιστα; ### book 139 ὦ γενεὴ τλήμων, οἷα πάθες, μερόπων. ### book 140.1 Δέρκεο καὶ τύμβον Νικομήδεος, εἴ τιν’ ἀκούεις, ### book 140.2 ὃς νηὸν Χριστῷ δειμάμενος μεγάλῳ ### book 140.3 αὑτὸν μὲν πρώτιστον, ἔπειτα δὲ τὴν περίβωτον ### book 140.4 δῶκεν ἁγνὴν θυσίην παρθενίην τεκέων, ### book 140.5.1 φέρτερον οὐδὲν ἔχων ἱερεὺς γενέτης τε φέριστος. ### book 140.5.2 τοὔνεκα καὶ μεγάλῃ ὦκα μίγη Τριάδι. ### book 141.1 Ὕστατος ἐς βίον ἦλθες ἀοίδιμον, ἀλλὰ τάχιστα ### book 141.2 ἔνθεν ἀνηέρθης. τίς τάδ’ ἔνευσε δίκη; ### book 141.3 Χριστὸς ἄναξ, Νικόμηδες, ὅπως σέο λαὸν ἄνωθεν ### book 141.4 ἰθύνῃς τεκέων σὺν ἱερῇ δυάδι. ### book 142.1 Πῇ με λιπὼν πολύμοχθον ἐπὶ χθονί, φίλταθ’ ἑταίρων, ### book 142.2 ἤλυθες ἁρπαλέως, κύδιμε Καρτέριε; ### book 142.3 πῇ ποτ’ ἔβης νεότητος ἐμῆς οἰήια νωμῶν, ### book 142.4 ἦμος ἐπ’ ἀλλοδαπῆς μῦθον ἐμετρεόμην, ### book 142.5.1 ὃς βιότῳ μ’ ἔζησας ἀσαρκέι; ἦ ῥ’ ἐτεόν σοι ### book 142.5.2 Χριστὸς ἄναξ πάντων φίλτερος, ὅν νυν ἔχεις. ### book 143.1 Ἀστεροπὴ Χριστοῖο μεγακλέος, ἕρκος ἄριστον ### book 143.2 ἠιθέων, ζωῆς ἡνίοχ’ ἡμετέρης, ### book 143.3 μνώεο Γρηγορίοιο, τὸν ἔπλασας ἤθεσι κεδνοῖς, ### book 143 ἦν ὅτε ἦν, ἀρετῆς κοίρανε Καρτέριε. ### book 144.1 Ὦ πηγαὶ δακρύων, ὦ γούνατα, ὦ θυέεσσιν ### book 144.2 ἁγνοτάτοις παλάμαι Χριστὸν ἀρεσσάμεναι ### book 144.3 Καρτερίου, πῶς λῆξεν ὁμῶς πάντεσσι βροτοῖσιν; ### book 144.4 ἤθελεν ὑμνοπόλον κεῖθι χοροστασίη. ### book 145.1 Ἥρπασας, ὦ Νικόμηδες, ἐμὸν κέαρ· ἥρπασας ὦκα ### book 145.2 Καρτέριον, τῆς σῆς σύζυγον εὐσεβίης. ### book 146.1 Ὦ Ξώλων ζαθέων ἱερὸν πέδον, οἷον ἔρεισμα ### book 146.2 σταυροφόρων κόλποις Καρτέριον κατέχεις. ### book 147.1 Βάσσε φίλος, Χριστῷ μεμελημένος ἔξοχον ἄλλων, ### book 147.2 τῆλε τεῆς πάτρης ληίστορι χειρὶ δαμάσθης, ### book 147.3 οὐδέ σε τύμβος ἔχει πατρώιος· ἀλλὰ καὶ ἔμπης ### book 147.4 πᾶσιν Καππαδόκεσσι μέγ’ οὔνομα σεῖο λέλειπται ### book 147.5 καὶ στῆλαι παγίων μέγ’ ἀμείνονες, αἷς ἐνιγράφθης, ### book 147 Γρηγορίου τόδε σοι μνημήιον, ὃν φιλέεσκες. ### book 148.1 Ὡς Ἀβραὰμ κόλποισι τεθεὶς ὑποδέχνυσο, Βάσσε, ### book 148.2 σὸν τέκος ἀτρεκέως πνεύματι Καρτέριον· ### book 148.3 αὐτὰρ ἐγών, εἰ καί με τάφος σὺν πατρὶ καλύπτοι, ### book 148.4 οὔποτ’ ἀφ’ ὑμετέρης στήσομ’ ὁμοζυγίης. ### book 149.1 Ἠίθεον μεγάλοιο μέγαν κοσμήτορα λαοῦ ### book 149.2 χθὼν ἱερὴ κεύθω Φιλτατίοιο δέμας. ### book 150.1 Εὐσέβιον, Βασίλισσα μεγακλέες ἐνθάδε κεῖνται, ### book 150.2 Ξώλων ἠγαθέων θρέμματα χριστοφόρων, ### book 150.3 καὶ Νόννης ζαθέης ἱερὸν δέμας. ὅστις ἀμείβεις ### book 150.4 τούσδε τάφους, ψυχῶν μνώεο τῶν μεγάλων. ### book 151.1 Αἰεί σοι νόος ἦεν ἐς οὐρανὸν οὐδ’ ἐπὶ γαίης ### book 151.2 ἤρειδες χθαμαλῆς ἴχνιον οὐδ’ ὀλίγον· ### book 151.3 τοὔνεκεν ὡς τάχος ἦλθες ἀπὸ χθονός· Εὐλάλιος δὲ ### book 151 σὴν κόνιν ἀμφιέπει σὸς κάσις, Ἑλλάδιε. ### book 152.1 Τὸν νεαρόν, Χριστῷ δὲ μέγαν πολιόν τε νόημα ### book 152.2 χῶρος ὅδ’ ἀθλοφόρων Ἑλλάδιον κατέχω· ### book 152.3 οὐ νέμεσις· κείνοις γὰρ ὁμοίιον ἄλγος ἀνέτλη ### book 152.4 σβεννὺς ἀντιπάλου τοῦ φθονεροῖο μόθον. ### book 153.1 Μικρὸν μὲν πνείεσκες ἐπὶ χθονὶ σαρκὸς ἀνάγκῃ, ### book 153.2 πλείονα δὲ ζωῆς ὑψόθι μοῖραν ἔχεις, ### book 153.3 Ἑλλάδιε, Χριστοῖο μέγα κλέος· εἰ δὲ τάχιστα ### book 153.4 δεσμῶν ἐξελύθης, τοῦτο γέρας καμάτων. ### book 154.1 Καὶ σύ, Γεωργίοιο φίλον δέμας, ἐνθάδε κεῖσαι, ### book 154.2 ὃς πολλὰς Χριστῷ πέμψας ἁγνὰς θυσίας· ### book 154.3 σὺν δὲ κασιγνήτη σῶμα, φρένας, ἡ Βασίλισσα, ### book 154.4 ξυνὸν ἔχει μεγάλη καὶ τάφον ὡς βίοτον. ### book 155.1 Χώρης τῆσδ’ ἱερῆς Εὐπράξιον ἀρχιερῆα ### book 155.2 ἥδ’ Ἀριανζαίη χθὼν μεγάλη κατέχω, ### book 155.3 Γρηγορίοιο φίλον καὶ ἥλικα καὶ συνοδίτην· ### book 155 τοὔνεκα καὶ τύμβου γείτονος ἠντίασεν. ### book 156.1 Ἰχθυβόλον ποτ’ ἔλυε λίνον βυθίης ἀπὸ πέτρης ### book 156.2 Ναυκράτιος δίναις ἐν ποταμοῦ βρυχίαις· ### book 156.3 καὶ τὸ μὲν οὐκ ἀνέλυσεν, ὁ δ’ ἔσχετο. πῶς ἁλιῆα ### book 156.4 εἴρυσεν ἀνθ’ ἁλίης δίκτυον; εἰπέ, Λόγε, ### book 156.5.1 Ναυκράτιον, καθαροῖο βίου νόμον, ὥσπερ ἐίσκω, ### book 156.5.2 καὶ χάριν ἐλθέμεναι καὶ μόρον ἐξ ὑδάτων. ### book 157.1 Ναυκράτιος στροφάλιγγι θάνε φθονεροῦ ποταμοῖο, ### book 157.2 δεσμοῖσιν βυθίης ἄρκυος ἐνσχόμενος, ### book 157.3 ὥς κε μάθῃς σύ, θνητέ, τὰ παίγνια τοῦδε βίοιο, ### book 157.4 ἔνθεν ἀνηέρθη πῶλος ὅδ’ ἄκρα θέων. ### book 158.1 Ναυκράτιος πλεκτοῖο λίνου δεσμοῖσιν ἐλυσθεὶς ### book 158.2 δεσμῶν τοῦδε βίου ἐξ ἁλίης ἐλύθη. ### book 159.1 Αἵματος εὐγενέος γενόμην, βασιλῆος ἐν αὐλαῖς ### book 159.2 ἔστην, ὀφρὺν ἄειρα κενόφρονα. πάντα κεδάσσας, ### book 159.3 Χριστὸς ἐπεί με κάλεσσε, βίου πολλαῖσιν ἀταρποῖς ### book 159.4 ἴχνος ἔρεισα πόθοιο τινάγμασιν, ἄχρις ἀνεῦρον ### book 159.5 τὴν σταθερὴν Χριστῷ τήξας δέμας ἄλγεσι πολλοῖς· ### book 159 καὶ νῦν κοῦφος ἄνω Μαξέντιος ἔνθεν ἀνέπτην. ### book 160.1 Πάλλετ’ ἐμοὶ κραδίη, Μαξέντιε, σεῖο γράφουσα ### book 160.2 οὔνομα, 〈ὃς στυφελὴν ἦλθες ὁδὸν βιότου,〉 ### book 160.3 ἄμβροτον, 〈αἰπήεσσαν, ἀτερπέα· σεῖο, φέριστε,〉 ### book 160.4 ἄτρομος οὐδὲ τάφῳ χριστιανὸς πελάει. ### book 161.1 Ἐμμέλιον τέθνηκε. τίς ἔφρασεν; ἥ γε τοσούτων ### book 161.2 καὶ τοίων τεκέων δῶκε φάος βιότῳ, ### book 161.3 υἱέας ἠδὲ θύγατρας ὁμόζυγας ἀζυγέας τε, ### book 161.4 εὔπαις καὶ πολύπαις ἥδε μόνη μερόπων. ### book 161.5.1 τρεῖς μὲν τῆσδ’ ἱερῆες ἀγακλέες, ἡ δ’ ἱερῆος ### book 161.5.2 σύζυγος, οἱ δὲ πέλας ὡς στρατὸς εὐαγέων. ### book 162.1 Θάμβος ἔχεν μ’ ὁρόωντα τόσον γόνον Ἐμμελίοιο ### book 162.2 καὶ τοῖον, μεγάλης νηδύος ὄλβον ὅλον· ### book 162.3 ὡς δ’ αὐτὴν φρασάμην Χριστοῦ κτέαρ, εὐσεβὲς αἷμα, ### book 162.4 Ἐμμέλιον, τόδ’ ἔφην· „Οὐ μέγα· ῥίζα τόση. ### book 162.5.1 τοῦτό σοι εὐσεβίης ἱερὸν γέρας, ὦ παναρίστη, ### book 162.5.2 τιμὴ σῶν τεκέων, οἷς πόθον εἶχες ἕνα.“ ### book 163.1 Παρθένον αἰγλήεσσαν ἔχω κόνις, εἴ τιν’ ἀκούεις ### book 163.2 Μακρίναν, Ἐμμελίου πρωτότοκον μεγάλης· ### book 163.3 ἣ πάντων ἀνδρῶν λάθεν ὄμματα, νῦν δ’ ἐνὶ πάντων ### book 163 γλώσσῃ καὶ πάντων φέρτερον εὖχος ἔχει. ### book 164.1 Καὶ σύ, Θεοσσέβιον, κλεινῆς τέκος Ἐμμελίοιο, ### book 164.2 Γρηγορίου μεγάλου σύζυγε, ἀτρεκέως ### book 164.3 ἐνθάδε τὴν ἱερὴν ὑπέδυς χθόνα, ἕρμα γυναικῶν ### book 164.4 εὐσεβέων· βιότου δ’ ὥριος ἐξελύθης. ### book 165.1 Γρηγόριον μήτρως, ἱερεὺς μέγας, ἐνθάδ’ ἔθηκε ### book 165.2 Γρηγόριος καθαροῖς Μάρτυσι παρθέμενος, ### book 165.3 ἠίθεον θαλέθοντα νεόχνοον· αἱ δὲ πάροιθεν ### book 165.4 τῆς γηροτροφίης ἐλπίδες οὐδὲ κόνις. ### book 166.1 Εἰ φίλον ὀρχησταῖς ἀθλήματα, καὶ φίλον ἔστω ### book 166.2 θρύψις ἀεθλοφόροις· ταῦτα γὰρ ἀντίθετα. ### book 166.3 εἰ δ’ οὐκ ὀρχησταῖς ἀθλήματα οὐδὲ ἀθληταῖς ### book 166.4 ἡ θρύψις, πῶς σὺ Μάρτυσι δῶρα φέρεις ### book 166.5.1 ἄργυρον, οἶνον, βρῶσιν, ἐρεύγματα; ἦ ῥα δίκαιος, ### book 166.5.2 ὃς πληροῖ θυλάκους, κἂν ἀδικώτατος ᾖ; ### book 167.1 Μάρτυρες, εἴπατε ἡμὶν ἀληθῶς, εἰ φίλον ὑμῖν ### book 167.2 αἱ σύνοδοι. —„Τί μὲν οὖν ἥδιον;“ —Ἀντὶ τίνος; — ### book 167.3 „Τῆς ἀρετῆς· πολλοὶ γὰρ ἀμείνους ὧδε γένοιντ’ ἄν, ### book 167.4 εἰ τιμῷτ’ ἀρετή.“ —Τοῦτο μὲν εὖ λέγετε· ### book 167.5 ἡ δὲ μέθη τό τε γαστρὸς ὑπάρχειν τοὺς θεραπευτὰς ### book 167 ἄλλοις· ἀθλοφόρων δ’ ἔκλυσις ἀλλοτρία. ### book 168.1 Μὴ ψεύδεσθ’, ὅτι γαστρὸς ἐπαινέται εἰσὶν ἀθληταί· ### book 168.2 λαιμῶν οἵδε νόμοι, ὠγαθοί, ὑμετέρων· ### book 168.3 Μάρτυσι δ’ εἰς τιμὴν ἓν ἐπίσταμαι· ὕβριν ἐλαύνειν ### book 168.4 ψυχῆς καὶ δαπανᾶν δάκρυσι τὴν πιμελήν. ### book 169.1 Μαρτύρομ’, ἀθλοφόροι καὶ μάρτυρες· ὕβριν ἔθηκαν ### book 169.2 τιμὰς ὑμετέρας οἱ φιλογαστορίδαι. ### book 169.3 οὐ ζητεῖτε τράπεζαν ἐύπνοον οὐδὲ μαγείρους· ### book 169.4 οἱ δ’ ἐρυγὰς παρέχους’ ἀντ’ ἀρετῆς τὸ γέρας. ### book 170.1 Τρισθανέες, πρῶτον μὲν ἐμίξατε σώματ’ ἀνάγνων ### book 170.2 ἀθλοφόροις, τύμβοι δὲ θυηπόλον ἀμφὶς ἔχουσι· ### book 170.3 δεύτερον αὖτε τάφους τοὺς μὲν διεπέρσατ’ ἀθέσμως ### book 170.4 αὐτοὶ σήματ’ ἔχοντες ὁμοίια, τοὺς δ’ ἀπέδοσθε, ### book 170.5.1 πολλάκι καὶ τρὶς ἕκαστον· ὃ δὲ τρίτον, ἱεροσυλεῖς ### book 170.5.2 Μάρτυρας, οἷς φιλέεις. Σοδομίτιδες ἵξατε πηγαί. ### book 171.1 Παῖδες χριστιανῶν, τόδ’ ἀκούσατε. οὐδὲν ὁ τύμβος; ### book 171.2 πῶς οὖν ὑμετέρους χώννυτ’ ἀριπρεπέας; ### book 171.3 ἀλλ’ ἔστιν καὶ πᾶσι γέρας τόδε, μηδὲ τάφοισιν ### book 171.4 βάλλειν ἀλλοτρίοις δυσμενέας παλάμας. ### book 171.5 εἰ δ’, ὅτι μὴ νέκυς οἶδε τὰ ἐνθάδε, τοῦτ’ ἀδίκαστον, ### book 171 πείθομαι, ἢν σὺ φέρῃς πατρὸς ὕβριν φθιμένου. ### book 172.1 Τυμβολέται, γάστρωνες, ἐρευγόβιοι, πλατύνωτοι, ### book 172.2 μέχρι τίνος τύμβοις Μάρτυρας ἀλλοτρίοις ### book 172.3 τιμᾶτ’, εὐσεβέοντες ἃ μὴ θέμις; ἴσχετε λαιμούς, ### book 172.4 καὶ τότε πιστεύσω Μάρτυσιν ἦρα φέρειν. ### book 173.1 Τιμὴ Μάρτυσίν ἐστιν ἀεὶ θνῄσκειν βιότητι ### book 173.2 αἵματος οὐρανίου μνωομένους μεγάλου· ### book 173.3 τύμβοι δὲ φθιμένοις. ὃς βήματα δ’ ἡμὶν ἐγείρει ### book 173.4 ἀλλοτρίοισι λίθοις, μηδὲ τάφοιο τύχοι. ### book 174.1 Μάρτυρες, αἷμα Θεῷ μεγάλην ἐσπείσατε λοιβὴν ### book 174.2 καὶ μέντοι θεόθεν ἄξια δῶρ’ ἔχετε, ### book 174.3 βήμαθ’, ὕμνους, λαούς, ψυχῶν σέβας. ἀλλ’ ἀπὸ τύμβων ### book 174.4 φεύγετε, νεκροκόμοι, Μάρτυσι πειθόμενοι. ### book 175.1 Δαίμοσιν εἰλαπίναζον, ὅσοις τὸ πάροιθε μεμήλει ### book 175.2 δαίμοσιν ἦρα φέρειν, οὐ καθαρὰς θαλίας. ### book 175.3 τούτου χριστιανοὶ λύσιν εὕρομεν· ἀθλοφόροισι ### book 175.4 στησάμεθ’ ἡμετέροις πνευματικὰς συνόδους. ### book 175.5 νῦν δέ τι τάρβος ἔχει με· ἀκούσατε, οἱ φιλόκωμοι· ### book 175 πρὸς τοὺς δαιμονικοὺς αὐτομολεῖτε τύπους. ### book 176.1 Μηκέτι πηκτὸν ἄροτρον ἀνὴρ ἐπὶ γαῖαν ἐλαύνοι, ### book 176.2 μὴ πέλαγος πλώοι, μὴ δόρυ θοῦρον ἔχοι· ### book 176.3 ἀλλὰ φέρων σκαπάνην τε καὶ ἄγριον ἐν φρεσὶ θυμὸν ### book 176.4 ἐς τύμβους πατέρων χρυσὸν ἴοι ποθέων, ### book 176.5.1 ὁππότε καὶ τοῦτόν τις ἐμὸν περικαλλέα τύμβον ### book 176.5.2 σκάψεν ἀτασθαλέων εἵνεκα κερδοσύνης. ### book 177.1 Ἑπτὰ βίοιο πέλει τάδε θαύματα· τεῖχος, ἄγαλμα, ### book 177.2 κῆποι, πυραμίδες, νηός, ἄγαλμα, τάφος· ### book 177.3 ὄγδοον ἔσκον ἔγωγε πελώριος ἐνθάδε τύμβος, ### book 177.4 ὑψιπαγής, σκοπέλων τῶνδ’ ἀποτῆλε θέων, ### book 177.5.1 πρῶτος δ’ ἐν φθιμένοισιν ἀοίδιμος, ἔργον ἄπληστον ### book 177.5.2 τῆς σῆς, ἀνδροφόνε, μαινομένης παλάμης. ### book 178.1 Ἦν ὅτε ἦν ἀτίνακτος ἐγὼ τάφος, οὔρεος ἄκρην ### book 178.2 πουλὺς ὑπερτέλλων τηλεφανὴς σκόπελος· ### book 178.3 νῦν δέ με θὴρ ἐτίναξεν ἐφέστιος εἵνεκα χρυσοῦ· ### book 178.4 ὧδε δ’ ἐτινάχθην γείτονος ἐν παλάμαις. ### book 179.1 Τὸν τύμβοιο τόσου ληίστορα, ὃν πέρι πάντῃ ### book 179.2 λάων τετραπέδων ἀμφιθέει στέφανος, ### book 179.3 ἄξιον αὐτίκ’ ἔην αὐτῷ ἐνὶ σήματι θέντας ### book 179 αὖθις ἐπικλεῖσαι χάσματα δυσσεβέι. ### book 180.1 Ἔργον ἀλιτρὸν ὄπωπα, κεχηνότα τύμβον, ὁδεύων· ### book 180.2 χρυσοῦ ταῦτα πέλει ἔργματα τοῦ δολίου. ### book 180.3 εἰ μὲν χρυσὸν ἔχεις, εὗρες κακόν· εἰ δ’ ἄρα κεινὸς ### book 180.4 ἔνθεν ἔβης, κενεὴν μήσαο δυσσεβίην. ### book 181.1 Ὁσσάτιον παράμειψα βροτῶν βίον, οὐδ’ ἄρ’ ἔμελλον ### book 181.2 ἐκφυγέειν παλάμας γείτονος οὐλομένας, ### book 181.3 ὅς με καὶ αἰπὺν ἐόντα χαμαὶ βάλε νηλέι θυμῷ ### book 181.4 οὔτε Θεὸν δείσας οὐθ’ ὁσίην φθιμένων. ### book 182.1 Τὸν τύμβων κακοεργὸν ἀλάστορα φεύγετε πάντες· ### book 182.2 ἠνίδ’, ὅσην σκοπιὴν ῥήξατο ῥηιδίως. ### book 182.3 οὐ μὲν ῥηιδίως ἐρρήξατο. ἀλλ’ ἀποτῆλε ### book 182.4 χάζεσθε· φθιμένους ὧδ’ ἂν ἀρεσσάμεθα. ### book 183.1 Αἰαῖ, ὥς τι κακὸν προτιόσσομαι ἐγγύθεν ἤδη ### book 183.2 τοῖσί τε τυμβορύχοις τοῖς τε περικτιόσιν ### book 183.3 σήματος ὑψιθέοντος ὀλωλότος. ἀλλὰ τὸν ἐχθρὸν ### book 183 οἶδε δίκη· δακρύειν δ’ ἡμέτερον φθιμένους. ### book 184.1 Μαυσώλου τάφος ἐστὶ πελώριος, ἀλλὰ Κάρεσσι ### book 184.2 τίμιος· οὔτις ἐκεῖ τυμβολέτις παλάμη· ### book 184.3 Καππαδόκεσσιν ἔγωγε μέγ’ ἔξοχος, ἀλλὰ δέδορκας, ### book 184.4 οἷα πάθον. στήλῃ γράψατε νεκροφόνον. ### book 185.1 Τοῖχος ἐνὶ προπόδεσσι καὶ ὄρθιος· ἔνθεν ἔπειτα ### book 185.2 ὕπτιος ἐκ λαγόνων εἰς ἓν ἀγειρομένων ### book 185.3 τύμβος ἔην, καθύπερθε λόφου λόφος. ἀλλὰ τί ταῦτα; ### book 185.4 οὐδὲν χρυσοφίλαις, οἵ μ’ ἐτίναξαν ὅλον. ### book 186.1 Νεκρῶν νεκρὰ πέλοι καὶ μνήματα· ὃς δ’ ἀνεγείρει ### book 186.2 τύμβον ἀριπρεπέα τῇ κόνι, τοῖα πάθοι· ### book 186.3 οὐ γὰρ ἂν οὗτος ἀνὴρ τὸν ἐμὸν τάφον ἐξαλάπαξεν, ### book 186.4 εἰ μὴ χρυσὸν ἔχειν ἤλπετο ἐκ νεκύων. ### book 187.1 Τίς τίνος; οὐκ ἐρέει στήλη· πρὸ γὰρ ὤλετο τύμβου. ### book 187.2 τίς χρόνος; ἀρχαίης σῆμα τόδ’ ἐργασίης. ### book 187.3 τίς δέ ς’ ἐνήρατο; εἰπέ· φόνος τόδε. —„Χεῖρες ἀλιτραὶ ### book 187 γείτονος.“ —Ὡς τί λάβῃ; —„Χρυσόν.“ —Ἔχοι σκοτίην. ### book 188.1 Ὅστις ἐμὸν παρὰ σῆμα φέρεις πόδα, ἴσθι με ταῦτα ### book 188.2 τοῦ νεοκληρονόμου χερσὶ παθόντ’ ἀδίκως· ### book 188.3 οὐ γὰρ ἔχον χρυσόν τε καὶ ἄργυρον, ἀλλ’ ἐδοκήθην, ### book 188.4 κάλλεϊ μαρμαίρων τοσσατίῳ λαγόνων. ### book 189.1 Στῆθι πέλας καὶ κλαῦσον ἰδὼν τόδε σῆμα θανόντος, ### book 189.2 εἴ ποτ’ ἔην, νῦν αὖτε τάφον δηλήμονος ἀνδρός. ### book 189.3 σῆμα πέλω, μὴ τύμβον ἐγείρειε βροτὸς ἄλλος. ### book 189.4 τί πλέον, εἰ παλάμαισι φιλοχρύσοισιν ὀλεῖται; ### book 190.1 Αἰὼν καὶ κληῖδες ἀμειδήτου θανάτοιο ### book 190.2 καὶ λήθης σκοτίης βένθεα καὶ νέκυες, ### book 190.3 πῶς ἔτλη τύμβον τις ἐμὸν ἔπι χεῖρας ἐνεγκεῖν; ### book 190.4 πῶς ἔτλη; φθιμένων 〈κήδεται οὐδ’ ὁσίη〉. ### book 191.1 Τέτρωμαι πληγῇσιν ἀεικελίῃσιν ὁ τύμβος, ### book 191.2 τέτρωμ’, ὥς τις ἀνὴρ ἐν δαῒ λευγαλέῃ. ### book 191.3 ταῦτα φίλα θνητοῖσι, τὸ δ’ αἴτιον ὡς ἀθέμιστον. ### book 191 τὸν νέκυν οἶον ἔχων χρυσὸν ἀποξέομαι. ### book 192.1 Πρός σε Θεοῦ ξενίου λιτάζομαι, ὅστις ἀμείβεις ### book 192.2 τύμβον ἐμόν, φράζειν· „Τοῖα πάθοις, ὁ δράσας.“ — ### book 192.3 „Οὐκ οἶδ’, ὅντινα τύμβος ἔχει νέκυν· ἀλλ’ ἐρέω γε ### book 192.4 δάκρυ’ ἐπισπένδων· Τοῖα πάθοις, ὁ δράσας.“ ### book 193.1 Πάντα λιπών, γαίης τε μυχοὺς καὶ πείρατα πόντου, ### book 193.2 ἦλθες ἔχειν ποθέων χρυσὸν ἐμοῦ νέκυος. ### book 193.3 νεκρὸν ἔχω καὶ μῆνιν ὀλωλότος· ἤν τις ἐπέλθῃ, ### book 193.4 ταῦτ’, εἰ ληίζει, δώσομεν ἀσπασίως. ### book 194.1 Εἴ σοι χρυσὸν ἔδωκα μόνῳ μόνος, οὐκ ἐφύλασσες ### book 194.2 τοῦθ’, ὅπερ εἰλήφεις, ἢ κακὸς ἦσθ’ ἂν ἄγαν; ### book 194.3 εἰ δὲ τάφον σκάπτεις, τὴν αἰδέσιμον παραθήκην, ### book 194.4 καὶ τόδ’ ἐπὶ χρυσῷ, ἄξιος, εἰπέ, τίνος; ### book 195.1 Τοὺς ζῶντας κατόρυσσε. τί γὰρ νεκροὺς κατορύσσεις; ### book 195.2 Ἄξιοί εἰσι τάφων, οἵ σε ζῆν εἴασαν οὕτω ### book 195 τὸν τῶν οἰχομένων ὑβριστὴν καὶ φιλόχρυσον. ### book 196.1 Καὶ σύ, τάλαν, παλάμῃσι τεαῖς ἢ μύστιν ἐδωδὴν ### book 196.2 δέξῃ θαρσαλέως ἢ Θεὸν ἀγκαλέσεις, ### book 196.3 χείρεσιν αἷς διόρυξας ἐμὸν τάφον; ἦ ῥα δίκαιοι ### book 196.4 οὐδὲν ἔχουσι πλέον, εἰ σὺ τάλαντα φύγοις. ### book 197.1 Φησὶ Δίκη· „Τίς πίστις, ὅτ’ ὤλεσας, ὃν λαγόνεσσι ### book 197.2 σῇσιν ἔδωκα νέκυν, γαῖα φίλη, φθιμένῳ;“ — ### book 197.3 „Οὐ γαίη μ’ ἐτίναξεν· ἀτάσθαλος ὤλεσεν ἀνήρ, ### book 197.4 καὶ φιλοκερδείης εἵνεκα· τοῦτον ἔχω.“ ### book 198.1 Πρόσθε τάδ’ ἦεν ἄσυλα· Θεός, νέκυς. ἀλλὰ Θεὸς μὲν ### book 198.2 ἵλαος· εἰ δὲ νέκυς, ὄψεθ’ ὁ τυμβολέτης. ### book 199.1 Ἦ ῥά σε δινήσουσιν Ἐρινύες· αὐτὰρ ἔγωγε ### book 199.2 κλαύσομ’ ἀποφθιμένους, κλαύσομ’ ἄγος παλάμης. ### book 200.1 Λήξατε, τυμβοχόοι, ναὶ λήξατε βένθεσι γαίης ### book 200.2 κεύθειν τοὺς φθιμένους· εἴξατε τυμβολέταις. ### book 200.3 νεκρῶν καὶ τάδε γ’ ἐστὶ σοφίσματα, ὡς φιλόχρυσον ### book 200 εὕρωσιν παλάμην, σήματα τοῖα χέειν. ### book 201.1 Τίς ς’ ἀνέηκεν, ἄπληστε, τόσον κακὸν ἀντὶ τόσοιο ### book 201.2 κέρδεος ἀλλάξαι, μηδὲ παρεσταότος; ### book 202.1 Στῆλαι καὶ τύμβοι, μέγα χαίρετε, σήματα νεκρῶν· ### book 202.2 οὐκέτι κηρύξω μνήμασι τοὺς φθιμένους, ### book 202.3 ἡνίκα τὸν περίφαντον ἐμὸν τάφον ὤλεσε γείτων. ### book 202.4 γαῖα φίλη, σὺ δέ μοι δέχνυσο τοὺς φθιμένους. ### book 203.1 Στῆλαι καὶ πλακόεντες ἐν οὔρεσιν, ἔργα Γιγάντων, ### book 203.2 τύμβοι καὶ φθιμένων ἄφθιτε μνημοσύνη, ### book 203.3 σεισμὸς πάντα βράσειεν ἐμοῖς νεκύεσσιν ἀρήγων, ### book 203.4 οἷς ἔπι χεὶρ ὀλοὴ ἦλθε σιδηροφόρος. ### book 204.1 Ἡνίκα τὸν περίβωτον ἐπ’ οὔρεος, ἄγριε Τιτάν, ### book 204.2 τύμβον ἀνερρήξω, πῶς ἔσιδες νέκυας, ### book 204.3 ὡς δ’ εἶδες, πῶς χεῖρες ἐπ’ ὀστέα; ἦ τάχα κέν σε ### book 204 τῇ σχέθον, εἰ θέμις ἦν τοῖσδ’ ἕνα τύμβον ἔχειν. ### book 205.1 Σήματα καὶ σποδιὴ καὶ ὀστέα οἵ τε πάρεδροι ### book 205.2 δαίμονες, οἳ φθιμένου ναίετε τόνδε λόφον, ### book 205.3 τόνδ’ ἀλιτρὸν τίννυσθε, ὃς ὑμέας ἐξαλάπαξεν. ### book 205.4 τῶν δὲ περικτιόνων δάκρυον ὕμμιν ὅσον. ### book 206.1 Τύμβοι καὶ σκοπιαὶ καὶ οὔρεα καὶ παροδῖται, ### book 206.2 κλαύσατε τύμβον ἐμόν, κλαύσατε τυμβολέτην· ### book 206.3 ἠχὼ δ’ ἐκ σκοπέλων πυματηγόρος ἀντιαχείτω ### book 206.4 τῶνδε περικτιόνων· „Κλαύσατε τυμβολέτην.“ ### book 207.1 Κτείνετε, ληίζεσθε, κακοὶ κακοκερδέες ἄνδρες· ### book 207.2 οὔτις ἐπισχήσει τὴν φιλοχρημοσύνην, ### book 207.3 εἰ τάδ’ ἔτλης, κακοεργέ, κακόφρονος εἵνεκα χρυσοῦ ### book 207.4 σήμασι σὴν ἐπέχειν ἁρπαλέην παλάμην. ### book 208.1 Οὗτος ἔπερσεν ἐμὸν φίλιον τάφον ἐλπίδι κούφῃ, ### book 208.2 ὃν μοῦνον κτεάνων ἔνθεν ἀπῆλθον ἔχων· ### book 208.3 καὶ τοῦτόν τις ἀλιτρὸς ἑαῖς παλάμαις ὀλέσειεν, ### book 208 ἐκ δ’ ὀλέσας τύμβου τῆλε βάλοι πατέρων. ### book 209.1 Τίς τὸν ἐμὸν διέπερσε φίλον τάφον οὔρεος ἄκρης ### book 209.2 τῆσδ’ ἀναειρόμενον ἡλίκον ὁσσατίης; ### book 209.3 χρυσὸς ἔθηξε μάχαιραν ἐπ’ ἀνδράσι· χρυσὸς ἄπληστον ### book 209.4 κύμασι χειμερίοις ὤλεσε ναυσιβάτην· ### book 209.5.1 κἀμοὶ χρυσὸς ἔπερσε μέγαν περικαλλέα τύμβον ### book 209.5.2 ἐλπισθείς· χρυσοῦ δεύτερα πάντ’ ἀδίκοις. ### book 210.1 Πολλάκι ναυηγοῖο δέμας κατέχωσεν ὁδίτης ### book 210.2 κύμασι πλαζόμενον, πολλάκι θηρολέτου, ### book 210.3 ἤδη καί, πολέμῳ τις ὃν ὤλεσεν· ἀλλ’ ἐμὲ γείτων ### book 210.4 χωσθέντ’ ἀλλοτρίαις χερσὶν ἔπερσε τάφον. ### book 211.1 Ὢ χρυσοῦ δολίοιο, πόσον κακὸν ἔπλεο θνητοῖς. ### book 211.2 ζῶσιν καὶ φθιμένοις χεῖρα φέρεις ἀδικῶν· ### book 211.3 οἷς γὰρ ἐμὸν τύμβον τε καὶ ὀστέα δῶκα φυλάσσειν, ### book 211.4 τῶνδ’ ὑπὸ ταῖς μιαραῖς ἐξολόμην παλάμαις. ### book 212.1 Πάντ’ ἔθανεν νεκύεσσι. τί παίζομεν; οὔτις ἔτ’ αἰδὼς ### book 212.2 ἐκ ζώντων φθιμένοις. δέρκεο τόνδε τάφον, ### book 212.3 ὅν γ’ ἐλπὶς χρυσοῖο διώλεσε τόσσον ἐόντα ### book 212 θαῦμα παρερχομένοις, θαῦμα περικτίοσιν. ### book 213.1 Λίσσομαι· ἤν γε θάνω, ποταμῷ δέμας ἠὲ κύνεσσιν ### book 213.2 ῥίψατε ἠὲ πυρὶ δάψατε παντοφάγῳ· ### book 213.3 λώιον ἢ παλάμῃσι φιλοχρύσοισιν ὀλέσθαι. ### book 213.4 δείδια τόνδε τάφον τοῖα παθόνθ’ ὁρόων. ### book 214.1 Δή ποτε Κῦρος ἄναξ βασιλήιον ὡς ἀνέῳξεν ### book 214.2 τύμβον ἐπὶ χρυσῷ, γράμμα τόδ’ εὗρε μόνον· ### book 214.3 „Οἴγειν ἀπλήστοιο τάφους χερός.“ ὣς δὲ σὺ τόσσον ### book 214.4 σῆμα τόδ’ οὐχ ὁσίαις οἶξας, ἄνερ, παλάμαις. ### book 215.1 Ὃς κακὸς οὐ φθιμένοισι, τάχ’ ἂν φθιμένοισιν ἀρήγοι· ### book 215.2 ὃς δ’ οὐδὲ φθιμένοις, οὔποτ’ ἂν οὐ φθιμένοις. ### book 215.3 ὣς δὲ σύ, τοῖς φθιμένοισιν ἐπεὶ τάφον ἐξαλάπαξας, ### book 215.4 οὔποτ’ ἂν οὐ φθιμένοις χεῖρα φέροις ὁσίην. ### book 216.1 „Μαρτύρομ’, οὐδὲν ἔχω· πτωχὸς νέκυς ἐνθάδε κεῖμαι· ### book 216.2 μή με τεαῖς ἀτίσῃς τυμβοφόνοις παλάμαις.“ — ### book 216.3 Οὐδὲ γὰρ οὗτος ἔχεν χρυσὸν τάφος, ἀλλ’ ἐδαΐχθη. ### book 216 πάντα φιλοχρύσοις ἔμβατα· φεῦγε, Δίκη. ### book 217.1 Οἱ τύμβοι φθιμένοισιν „Ἀρήξατε“ εἶπον ἅπαντες, ### book 217.2 ἡνίχ’ ὁ λυσσήεις τόνδ’ ἐτίνασσε τάφον. ### book 217.3 οἱ νέκυες τύμβοισι· „Τί ῥέξομεν; αὖθις ἀέρθη ### book 217.4 ὡς ἐπὶ βουκτασίῃ γαῖαν ἀφεῖσα Δίκη.“ ### book 218.1 Ἤλυθεν εἰς Ἀίδην τις, ὁ δ’ ἔπτατο, ἄλλος ὄλεσσε ### book 218.2 θῆρας, ὁ δὲ πλεκτὸν υἱέϊ τεῦξε δόμον· ### book 218.3 τούτων οὗτος ἀνὴρ οὐ δεύτερον ἔργον ἔρεξεν, ### book 218.4 τόνδε τάφον ῥήξας χείρεσιν οὐχ ὁσίαις. ### book 219.1 Εἰ τόσον ἔργον ἔγειρας ὀλωλότι, οὐ μέγα θαῦμα· ### book 219.2 εἰ δὲ τόσον διέπερσας, ἀοίδιμος ἐσσομένοισιν, ### book 219.3 καί σέ τις ἐν μεγάλοισιν ἀριθμήσει κακοεργοῖς ### book 219.4 τύμβον ἀναρρήξανθ’, ὃν καὶ τρομέουσι φονῆες. ### book 220.1 Χρυσὸς μὲν Ῥοδίοισιν ἐπέκλυσε· σοὶ δ’ ἀπὸ τύμβων ### book 220.2 χρυσὸν φέρει σίδηρος, ὃς κακὸν φέρει· ### book 220.3 ὄρυσς’, ὄρυσσε πάντας· ἦ τάχ’ ἄν σέ τις ### book 220 τύμβος κ’ ἐξολέσειε πεσών, νεκύεσσι δ’ ἀρήγοι. ### book 221.1 Τύμβος ἔην· νῦν δ’ εἰμὶ λίθων χύσις, οὐκέτι τύμβος· ### book 221.2 ταῦτα φιλοχρύσοις εὔαδε. ποῖα δίκη; ### book 222.1 Αἰαῖ, καὶ τέφρη γενόμην καὶ χεῖρας ἀλιτρῶν ### book 222.2 οὐκ ἔφυγον. χρυσοῦ τίπτε χερειότερον; ### book 223.1 Ἅζομαι ἀνδρομέης γενεῆς ὕπερ, εἴ σέ τις ἔτλη, ### book 223.2 τύμβε, χαμαὶ βαλέειν οὐχ ὁσίαις παλάμαις. ### book 224.1 Τύμβος ἐγώ, σκοπιή τις ἀπ’ οὔρεος· ἀλλά με χεῖρες ### book 224.2 θῆκαν ἴσον δαπέδῳ. τίς τάδ’ ἄνωξε νόμος; ### book 225.1 Οὗτος ἐμὸς δόμος ἦεν ὀλωλότος· ἀλλὰ σίδηρος ### book 225.2 ἦλθ’ ἐπ’ ἐμῷ τύμβῳ· σὸν δόμον ἄλλος ἔχοι. ### book 226 Τὴν σκαπάνην ἐπ’ ἄρουραν, ἐμῷ δ’ ἐπὶ σήματι βάλλειν ### book 226 δάκρυα, μὴ παλάμας· ἥδε δίκη φθιμένων. ### book 227.1 Τὴν σκαπάνην ἐπ’ ἄρουραν· ἐμοῦ δ’ ἀποχάζεο τύμβου, ### book 227.2 χάζεο· οὐδὲν ἔχω πλὴν ζακότων νεκύων. ### book 228.1 Εἴ ς’, ἄπληστε, τάφων δηλήμονα τοῖον ἐώλπειν, ### book 228.2 πάσσαλος ἂν τῇδε καὶ τροχὸς ἐκρέματο. ### book 229.1 Τίπτε μ’ ἀνοχλίζεις κενεὸν τάφον; ὀστέα μοῦνα ### book 229.2 κεύθω καὶ σποδιὴν τοῖσιν ἐπερχομένοις. ### book 230.1 Τύμβος ἐγώ, τύμβων πανυπέρτατος· ἀλλ’ ἔμ’ ἔῳξεν ### book 230.2 ὥς τινα τῶν πολλῶν ἀνδροφόνος παλάμη. ### book 230b.1 Ἀνδροφόνος παλάμη με διώλεσε· λήξατε τύμβων, ### book 230b.2 θνητοί, καὶ κτερέων· δεῦτ’ ἐπὶ νεκρά, κύνες. ### book 230c Δεῦτ’ ἐπὶ νεκρά, κύνες· χρυσοῦ διφήτορες ἄνδρες ### book 230c ἤδη καὶ νεκύων χρυσολογοῦσι κόνιν. ### book 231.1 Ἄλλος τύμβον ἔγειρε, σὺ δ’ ὤλεσας· ἄλλος ἐγείροι ### book 231.2 σὸν τάφον, εἴ γε θέμις, ἄλλος ἔραζε βάλοι. ### book 232.1 Ἤδη καὶ νεκύεσσιν ἐπέχραον οἱ φιλόχρυσοι· ### book 232.2 φεύγετε ἐκ τύμβων, εἰ σθένος, οἱ φθίμενοι. ### book 233.1 Τίπτε μ’ ἀνοχλίζεις; νεκύων ἀμενηνὰ κάρηνα ### book 233.2 μοῦνα φέρω· τύμβων ὀστέα πλοῦτος ἅπας. ### book 234.1 Δαίμονας, οἵ με ἔχουσιν, ἀλεύεο· οὔτι γὰρ ἄλλο ### book 234.2 τύμβος ἔχω· τύμβων ὀστέα πλοῦτος ἅπας. ### book 235.1 Εἰ χρυσοῦ δόμος ἦεν ὅλος τάφος, ὦ φιλόχρυσε, ### book 235.2 οὔποτ’ ἔδει τοίην χεῖρα φέρειν φθιμένοις. ### book 236 Λήθη καὶ σιγὴ νεκύων γέρας· ὡς δ’ ἀλαπάξας ### book 236 οὗτος ἐμὸν πολλοῖς θῆκεν ἄεισμα τάφον. ### book 237.1 Πάντ’ ἔχετε, ζώοντες, ἐμοὶ δ’ ὀλίγοι τε φίλοι τε ### book 237.2 λᾶες τῷ φθιμένῳ· φείδεο σοῦ νέκυος. ### book 238.1 Οὐ χρυσοῦ δόμος εἰμί. τί τέμνομαι; αὐτὸς ἔγωγε ### book 238.2 τύμβος, ὃν ὀχλίζεις· πλοῦτος ἐμοῦ νέκυες. ### book 239.1 Τύμβος ἐγὼ κλέος ἦα περικτιόνων ἀνθρώπων· ### book 239.2 νῦν δ’ εἰμὶ στήλη χειρὸς ἀλιτροτάτης. ### book 240.1 Εἰ λίην φιλόχρυσον ἔχεις κέαρ, ἄλλον ὀρύσσειν ### book 240.2 χρυσόν· ἐμοὶ δ’ οὐδὲν πλὴν φθιμένων κτερέων. ### book 241.1 Μὴ δείξῃς μερόπεσσι γυμνὸν νέκυν, ἤ σε γυμνώσει ### book 241.2 ἄλλος· ὁ δὲ χρυσὸς πολλάκις ἐστὶν ὄναρ. ### book 242 Οὐχ ἅλις ἦε βροτοῖσι βροτοὺς ἐπὶ χεῖρας ἰάλλειν, ### book 242 ἀλλὰ καὶ ἐκ νεκύων σπεύδετε χρυσὸν ἔχειν. ### book 243.1 Ὑμετέροις τύμβοισιν ἀρήξατε, οἱ τόδ’ ὁρῶντες ### book 243.2 σῆμα δαϊχθὲν ὅσον. λεύσατε τυμβολέτην. ### book 244.1 Τίς με τὸν ἐξ αἰῶνος ἀκινήτοισι λίθοισι ### book 244.2 κευθόμενον θνητοῖς δεῖξε πένητα νέκυν; ### book 245.1 Τίπτε τάφον διέκερσας ἐμόν, τάλαν; ὣς διακέρσαι ### book 245.2 σοί γε Θεὸς βιοτήν, ὦ φιλόχρυσον ἄγος. ### book 246.1 Μῦθος Τάρταρος ἦεν, ἐπεὶ τάφον οὐκ ἂν ἔῳξεν ### book 246.2 οὗτος ἀνήρ. οἴμοι, ὡς βραδύπους σύ, Δίκη. ### book 247.1 Ὡς βραδύπους σύ, Δίκη, καὶ Τάρταρος οὐκέτι δεινός. ### book 247.2 οὐ γὰρ ἂν οὗτος ἀνὴρ τόνδ’ ἀνέῳξε τάφον. ### book 248 Ὤμοσα τοὺς φθιμένους καὶ ὤμοσα Τάρταρον αὐτὸν ### book 248 μήποτε τυμβολέταις εὐμενὲς ὄμμα φέρειν. ### book 249.1 Οὔρεα καὶ πρῶνες, τὸν ἐμὸν τάφον ὥς τιν’ ἑταῖρον ### book 249.2 κλαύσατε, πᾶς δὲ πέσοι τῷ σφε τεμόντι λίθος. ### book 250.1 Πλούσιός εἰμι πένης· τύμβῳ πολύς, ἔνδον ἄχρυσος· ### book 250.2 ἴσθι καθυβρίζων νεκρὸν ἀσυλότατον. ### book 251.1 Κἂν στῇς πυθμένος ἄχρις ἐμοὺς κευθμῶνας ὀρύσσων, ### book 251.2 μόχθος σοὶ τὸ πέρας ὀστέα μοῦνον ἔχει. ### book 252.1 Τέμνετε, τέμνετε ὧδε· πολύχρυσος γὰρ ὁ τύμβος ### book 252.2 τοῖς ποθέουσι λίθους· τἆλλα δὲ πάντα κόνις. ### book 253.1 Γαῖα φίλη, μὴ σοῖσι θανόνθ’ ὑποδέχνυσο κόλποις ### book 253.2 τὸν τυμβωρυχίης κέρδεσι τερπόμενον. ### book 254 Ὑβριστὴς ἐπ’ ἔμ’ ἦλθε τὸν οὐ ζώοντα σίδηρος ### book 254 καὶ χρυσὸν ποθέων εὗρε πένητα νέκυν. ### book 1.1.1 Δορκάδος ἀρτιτόκοιο τιθηνητήριον οὖθαρ ### book 1.1.2 ἔμπλεον οἰδούσης πικρὸς ἔτυψεν ἔχις· ### book 1.1.3 νεβρὸς δ’ ἰομιγῆ θηλὴν σπάσε καὶ τὸ δυσαλθὲς ### book 1.1.4 τραύματος ἐξ ὀλοοῦ πικρὸν ἔβροξε γάλα. ### book 1.5.1 ᾅδην δ’ ἠλλάξαντο, καὶ αὐτίκα νηλέι μοίρῃ, ### book 1.5.2 ἣν ἔπορεν γαστήρ, μαστὸς ἀφεῖλε χάριν. ### book 2.1.1 Κεμμάδος ἀρτιτόκου μαζοῖς βρίθουσι γάλακτος ### book 2.1.2 ἡ φονίη δακέτων ἰὸν ἐνῆκεν ἔχις· ### book 2.1.3 φαρμαχθὲν δ’ ἰῷ μητρὸς γάλα νεβρὸς ἀμέλξας ### book 2.1.4 χείλεσι τὸν κείνης ἐξέπιεν θάνατον. ### book 3.1.1 Εἰνοδίην καρύην με παρερχομένοις ἐφύτευσαν ### book 3.1.2 παισὶ λιθοβλήτου παίγνιον εὐστοχίης· ### book 3.1.3 πάντας δ’ ἀκρεμόνας τε καὶ εὐθαλέας ὀροδάμνους ### book 3.1.4 κέκλασμαι πυκιναῖς χερμάσι βαλλομένη· ### book 3.5 δένδρεσιν εὐκάρποις οὐδὲν πλέον· ἦ γὰρ ἔγωγε ### book 3 δυσδαίμων ἐς ἐμὴν ὕβριν ἐκαρποφόρουν. ### book 4.1.1 Ἡ πάρος ἐν δρυμοῖσι νόθης ζείδωρος ὀπώρης ### book 4.1.2 ἀχράς, θηροβότου πρέμνον ἐρημοσύνης, ### book 4.1.3 ὀθνείοις ὄζοισι μετέμφυτος ἥμερα θάλλω, ### book 4.1.4 οὐκ ἐμὸν ἡμετέροις κλωσὶ φέρουσα βάρος. ### book 4.5.1 πολλή σοι, φυτοεργέ, πόνου χάρις· εἵνεκα σεῖο ### book 4.5.2 ἀχρὰς ἐν εὐκάρποις δένδρεσιν ἐγγράφομαι. ### book 5.1.1 Ὄχνη, χειρὸς ἐμῆς γλυκερὸς πόνος, ᾗ μὲν ἐφ’ ὑγρῷ ### book 5.1.2 φλοιῷ φύλλον ἔδησα θέρει· πτόρθος δ’ ἐπὶ δένδρῳ ### book 5.1.3 ῥιζωθεὶς δένδροιο τομῇ καὶ καρπὸν ἀμείψας ### book 5.1.4 νέρθε μὲν ἀχρὰς ἔτ’ ἐστίν, ὕπερθε δ’ ἄρ’ εὔπνοος ὄχνη. ### book 6.1.1 Ἀχρὰς ἔην· θῆκας σέο χερσὶ μυρίπνοον ὄχνην, ### book 6.1.2 δένδρῳ πτόρθον ἐνείς· σὴν χάριν εἰς σὲ φέρω. ### book 7.1.1 Εἰ καί σευ πολύφωνος ἀεὶ πίμπλησιν ἀκουὰς ### book 7.1.2 ἢ φόβος εὐχομένων ἢ χάρις εὐξαμένων, ### book 7.1.3 Ζεῦ Σχερίης ἐφέπων ἱερὸν πέδον, ἀλλὰ καὶ ἡμέων ### book 7.1.4 κλῦθι καὶ ἀψευδεῖ νεῦσον ὑποσχεσίῃ, ### book 7.5 ἤδη μοι ξενίης εἶναι πέρας, ἐν δέ με πάτρῃ ### book 7 ζώειν τῶν δολιχῶν παυσάμενον καμάτων. ### book 8.1.1 Ἐλπὶς ἀεὶ βιότου κλέπτει χρόνον· ἡ πυμάτη δὲ ### book 8.1.2 ἠὼς τὰς πολλὰς ἔφθασεν ἀσχολίας. ### book 9.1.1 Πολλάκις εὐξαμένῳ μοι ἀεὶ θυμῆρες ἔδωκας ### book 9.1.2 τέκμαρ ἀκυμάντου, Ζεῦ πάτερ, εὐπλοΐης· ### book 9.1.3 δοίης μοι καὶ τοῦτον ἔτι πλόον, ἠδὲ σαώσαις ### book 9.1.4 ἤδη καὶ καμάτων ὅρμισον εἰς λιμένας. ### book 9b.1.1 Οἶκος καὶ πάτρη βιότου χάρις· αἱ δὲ περισσαὶ ### book 9b.1.2 φροντίδες ἀνθρώποις οὐ βίος, ἀλλὰ πόνος. ### book 10.1.1 Πούλυπος εἰναλίῃ ποτ’ ἐπὶ προβλῆτι τανυσθεὶς ### book 10.1.2 ἠελίῳ ψύχειν πολλὸν ἀνῆκε πόδα· ### book 10.1.3 οὔπω δ’ ἦν πέτρῃ ἴκελος χρόα, τοὔνεκα καί μιν ### book 10.1.4 αἰετὸς ἐκ νεφέων ὀξὺς ἔμαρψεν ἰδών· ### book 10.5 πλοχμοῖς δ’ εἰλιχθεὶς πέσεν εἰς ἅλα δύσμορος· ἦ ῥα ### book 10 ἄμφω καὶ θήρης ἤμβροτε καὶ βιότου. ### book 11.1.1 Πηρὸς ὁ μὲν γυίοις, ὁ δ’ ἄρ’ ὄμμασιν· ἀμφότεροι δὲ ### book 11.1.2 εἰς αὑτοὺς τὸ τύχης ἐνδεὲς ἠράνισαν. ### book 11.1.3 τυφλὸς γὰρ λιπογυίου ἐπωμάδιον βάρος αἴρων ### book 11.1.4 ταῖς κείνου φωναῖς ἀτραπὸν ὀρθοβάτει· ### book 11.5.1 πάντα δὲ ταῦτ’ ἐδίδαξε πικρὴ πάντολμος ἀνάγκη ### book 11.5.2 ἀλλήλοις μερίσαι τοὐλλιπὲς εἰς τέλεον. ### book 12.1.1 Τυφλὸς ἀλητεύων χωλὸν πόδας ἠέρταζεν ### book 12.1.2 ὄμμασιν ἀλλοτρίοις ἀντερανιζόμενος· ### book 12.1.3 ἄμφω δ’ ἡμιτελεῖς πρὸς ἑνὸς φύσιν ἡρμόσθησαν ### book 12.1.4 τοὐλλιπὲς ἀλλήλοις ἀντιπαρασχόμενοι. ### book 13.1.1 Ἀνέρα τις λιπόγυιον ὑπὲρ νώτοιο λιπαυγὴς ### book 13.1.2 ἦγε πόδας χρήσας, ὄμματα χρησάμενος. ### book 13b.1.1 Ἄμφω μὲν πηροὶ καὶ ἀλήμονες, ἀλλ’ ὁ μὲν ὄψεις, ### book 13b.1.2 ὃς δὲ βάσεις· ἄλλου δ’ ἄλλος ὑπηρεσίη· ### book 13b.1.3 τυφλὸς γὰρ χωλοῖο κατωμάδιον βάρος αἴρων ### book 13b.1.4 ἀτραπὸν ὀθνείοις ὄμμασιν ἀκροβάτει. ### book 13b.5 ἡ μία δ’ ἀμφοτέροις ἤρκει φύσις· ἐν γὰρ ἑκάστῳ ### book 13b τοὐλλιπὲς ἀλλήλοις εἰς ὅλον ἠράνισαν. ### book 14.1.1 Αἰγιαλοῦ τενάγεσσιν ὑποπλώοντα λαθραίῃ ### book 14.1.2 εἰρεσίῃ Φαίδων εἴσιδε πουλυπόδην· ### book 14.1.3 μάρψας δ’ ὠκὺς ἔριψεν ἐπὶ χθόνα, πρὶν περὶ χεῖρας ### book 14.1.4 πλέξασθαι βρύγδην ὀκτατόνους ἕλικας· ### book 14.5.1 δισκευθεὶς δ’ ἐπὶ θάμνον ἐς οἰκία δειλὰ λαγωοῦ ### book 14.5.2 εἰληδὸν ταχινοῦ πτωκὸς ἔδησε πόδας· ### book 14.5.3 εἷλε δ’ ἁλούς· σὺ δ’ ἄελπτον ἔχεις γέρας ἀμφοτέρωθεν ### book 14.5.4 ἄγρης χερσαίης, πρέσβυ, καὶ εἰναλίης. ### book 15.1.1 Οὗτος ὁ πῦρ καύσειν διζήμενος, οὗτος ὁ νύκτωρ ### book 15.1.2 τὸν καλὸν ἱμείρων λύχνον ἀναφλογίσαι, ### book 15.1.3 δεῦρ’ ἀπ’ ἐμῆς ψυχῆς ἅψον σέλας· ἔνδοθι γάρ μου ### book 15.1.4 καιόμενον πολλὴν ἐξανίησι φλόγα. ### book 16.1.1 Τρισσαὶ μὲν Χάριτες, τρεῖς δὲ γλυκυπάρθενοι Ὧραι· ### book 16.1.2 τρεῖς δ’ ἐμὲ θηλυμανεῖς οἰστροβολοῦσι Πόθοι. ### book 16.1.3 ἦ γάρ τοι τρία τόξα κατείρυσεν, ὡς ἄρα μέλλων ### book 16.1.4 οὐχὶ μίαν τρώσειν, τρεῖς δ’ ἐν ἐμοὶ κραδίας; ### book 17.1.1 Οὔρεος ἐξ ὑπάτοιο λαγὼς πέσεν ἔς ποτε βένθος, ### book 17.1.2 ἐκπροφυγεῖν μεμαὼς τρηχὺν ὀδόντα κυνός· ### book 17.1.3 ἀλλ’ οὐδ’ ὣς ἤλυξε κακὸν μόρον· αὐτίκα γάρ μιν ### book 17.1.4 εἰνάλιος μάρψας πνεύματος ὀρφάνισεν. — ### book 17.5 ἐκ πυρός, ὡς αἶνος, πέσες ἐς φλόγα· ἦ ῥά σε δαίμων ### book 17 κἠν ἁλὶ κἠν χέρσῳ θρέψε κύνεσσι βοράν. ### book 18.1.1 Ἐκ κυνὸς εἷλε κύων με. τί τὸ ξένον; εἰς ἐμὲ θῆρες ### book 18.1.2 ὑγροὶ καὶ πεζοὶ θυμὸν ἔχουσιν ἕνα. — ### book 18.1.3 „Αἰθέρα λοιπὸν ἔχοιτε, λαγοί, βατόν.“ —Ἀλλὰ φοβοῦμαι, ### book 18.1.4 Οὐρανέ· καὶ σὺ φέρεις ἀστερόεντα κύνα. ### book 19.1.1 Ὁ πρὶν ἀελλοπόδων λάμψας πλέον Αἰετὸς ἵππων, ### book 19.1.2 ὁ πρὶν ὑπαὶ μίτραις κῶλα καθαψάμενος, ### book 19.1.3 ὃν Φοίβου χρησμῳδὸς ἀέθλιον ἔστεφε Πυθώ, ### book 19.1.4 ὀρνύμενον πτανοῖς ὠκυπέταις ἴκελον, ### book 19.5.1 καὶ Νεμέη, βλοσυροῖο τιθηνήτειρα λέοντος, ### book 19.5.2 Πῖσά τε καὶ δοιὰς ᾐόνας Ἰσθμὸς ἔχων, ### book 19.5.3 νῦν κλοιῷ δειρὴν πεπεδημένος, οἷα χαλινῷ, ### book 19.5.4 καρπὸν ἀλεῖ Δηοῦς ὀκριόεντι λίθῳ, ### book 19.5.5 ἴσαν μοῖραν ἔχων Ἡρακλέι· καὶ γὰρ ἐκεῖνος ### book 19.10 τόσς’ ἀνύσας δούλαν ζεῦγλαν ἐφηρμόσατο. ### book 20.1 Ὁ πρὶν ἐπ’ Ἀλφειῷ στεφανηφόρος, ὦνερ, ὁ τὸ πρὶν ### book 20.2 δισσάκι κηρυχθεὶς Κασταλίης παρ’ ὕδωρ, ### book 20.3 ὁ πρὶν ἐγὼ Νεμέῃ βεβοημένος, ὁ πρὶν ἐπ’ Ἰσθμῷ ### book 20.4 πῶλος, ὁ πρὶν πτηνοῖς ἶσα δραμὼν ἀνέμοις, ### book 20.5 νῦν ὅτε γηραιός, γυροδρόμον, ἠνίδε, πέτρον ### book 20 δινεύω, στεφέων ὕβρις, ἐλαυνόμενος. ### book 21.1.1 Σοί, πατρὶ Θεσσαλίη πωλοτρόφε, μέμψιν ἀνάπτω ### book 21.1.2 Πήγασος, ὡς ἀδίκου τέρματος ἠντίασα, ### book 21.1.3 ὃς Πυθοῖ κἠν Ἰσθμῷ ἐκώμασα κἠπὶ Νέμειον ### book 21.1.4 Ζᾶνα καὶ Ἀρκαδικοὺς ἤλυθον ἀκρεμόνας· ### book 21.5.1 νῦν δὲ βάρος πέτρης Νισυρίτιδος ἔγκυκλον ἕλκω ### book 21.5.2 λεπτύνων Δηοῦς καρπὸν ἀπ’ ἀσταχύων. ### book 22.1.1 Νηδύι βριθομένην δάμαλιν Λητωίδι κούρῃ ### book 22.1.2 στῆσαν νηοκόροι θῦμα χαριζόμενοι, ### book 22.1.3 ἧς Ἀίδην μέλλοντα προέφθασεν εὔστοχος ὠδίς, ### book 22.1.4 πέμφθη δ’ εἰς ἀγέλην τεκνογονεῖν ἄφετος. ### book 22.5.1 ἡ θεὸς ὠδίνων γὰρ ἐπίσκοπος, οὐδ’ ἐδίκαζεν ### book 22.5.2 τικτούσας κτείνειν, ἃς ἐλεεῖν ἔμαθεν. ### book 23.1.1 Γειαρότης Ἄρχιππος, ὅτ’ ἐκ νούσοιο βαρείης ### book 23.1.2 ἄρτι λιποψυχέων ἔρρεεν εἰς Ἀίδην, ### book 23.1.3 εἶπε τάδ’ υἱήεσσιν· „Ἰὼ φίλα τέκνα, μάκελλαν ### book 23.1.4 καὶ τὸν ἀροτρίτην στέρξατέ μοι βίοτον· ### book 23.5.1 μὴ σφαλερῆς αἰνεῖτε πόνον στονόεντα θαλάσσης ### book 23.5.2 καὶ βαρὺν ἀτηρῆς ναυτιλίης κάματον. ### book 23.5.3 ὅσσον μητρυιῆς γλυκερωτέρη ἔπλετο μήτηρ, ### book 23 τόσσον ἁλὸς πολιῆς γαῖα ποθεινοτέρη.“ ### book 24.1.1 Ἄστρα μὲν ἠμαύρωσε καὶ ἱερὰ κύκλα σελήνης ### book 24.1.2 ἄξονα δινήσας ἔμπυρος ἠέλιος· ### book 24.1.3 ὑμνοπόλους δ’ ἀγεληδὸν ἀπημάλδυνεν Ὅμηρος ### book 24.1.4 λαμπρότατον Μουσῶν φέγγος ἀνασχόμενος. ### book 25.1.1 Γράμμα τόδ’ Ἀρήτοιο δαήμονος, ὅς ποτε λεπτῇ ### book 25.1.2 φροντίδι δηναιοὺς ἀστέρας ἐφράσατο, ### book 25.1.3 ἀπλανέας τ’ ἄμφω καὶ ἀλήμονας, οἷσιν ἐναργὴς ### book 25.1.4 ἰλλόμενος κύκλοις οὐρανὸς ἐνδέδεται. ### book 25.5.1 αἰνείσθω δὲ καμὼν ἔργον μέγα, καὶ Διὸς εἶναι ### book 25.5.2 δεύτερος, ὅστις ἔθηκ’ ἄστρα φαεινότερα. ### book 26.1.1 Τάσδε θεογλώσσους Ἑλικὼν ἔθρεψε γυναῖκας ### book 26.1.2 ὕμνοις καὶ Μακεδὼν Πιερίας σκόπελος, ### book 26.1.3 Πρήξιλλαν, Μοιρώ, Ἀνύτης στόμα, θῆλυν Ὅμηρον, ### book 26.1.4 Λεσβιάδων Σαπφὼ κόσμον ἐυπλοκάμων, ### book 26.5.1 Ἤρινναν, Τελέσιλλαν ἀγακλέα καὶ σέ, Κόριννα, ### book 26.5.2 θοῦριν Ἀθηναίης ἀσπίδα μελψαμέναν, ### book 26.5.3 Νοσσίδα θηλύγλωσσον ἰδὲ γλυκυαχέα Μύρτιν, ### book 26.5.4 πάσας ἀενάων ἐργάτιδας σελίδων. ### book 26.5.5 ἐννέα μὲν Μούσας μέγας Οὐρανός, ἐννέα δ’ αὐτὰς ### book 26.10 Γαῖα τέκεν θνατοῖς ἄφθιτον εὐφροσύναν. ### book 27.1.1 Εὔφημος γλώσσῃ παραμείβεο τὰν λάλον Ἠχὼ ### book 27.1.2 κοὐ λάλον, ἤν τι κλύω, τοῦτ’ ἀπαμειβομέναν. ### book 27.1.3 εἰς σὲ γάρ, ὃν σὺ λέγεις, στρέψω λόγον· ἢν δὲ σιωπᾷς, ### book 27.1.4 σιγήσω. τίς ἐμεῦ γλῶσσα δικαιοτέρη; ### book 28.1.1 Εἰ καὶ ἐρημαίη κέχυμαι κόνις ἔνθα Μυκήνη, ### book 28.1.2 εἰ καὶ ἀμαυροτέρη παντὸς ἰδεῖν σκοπέλου, ### book 28.1.3 Ἴλου τις καθορῶν κλεινὴν πόλιν, ἧς ἐπάτησα ### book 28.1.4 τείχεα καὶ Πριάμου πάντ’ ἐκένωσα δόμον, ### book 28.5.1 γνώσεται ἔνθεν, ὅσον πάρος ἔσθενον. εἰ δέ με γῆρας ### book 28.5.2 ὕβρισεν, ἀρκοῦμαι μάρτυρι Μαιονίδῃ. ### book 29.1.1 Τόλμα, νεῶν ἀρχηγέ (σὺ γὰρ δρόμον ηὕραο πόντου ### book 29.1.2 καὶ ψυχὰς ἀνδρῶν κέρδεσιν ἠρέθισας), ### book 29.1.3 οἷον ἐτεκτήνω δόλιον ξύλον, οἷον ἔνεικας ### book 29.1.4 ἀνθρώποις θανάτῳ κέρδος ἐλεγχόμενον. ### book 29.5.1 ἦν ὄντως μερόπων χρύσεον γένος, εἴ γ’ ἀπὸ χέρσου ### book 29.5.2 τηλόθεν ὡς Ἀίδης πόντος ἀπεβλέπετο. ### book 30.1 Ἐκλάσθην ἐπὶ γῆς ἀνέμῳ πίτυς· ἐς τί με πόντῳ ### book 30 στέλλετε ναυηγὸν κλῶνα πρὸ ναυτιλίης; ### book 31.1 Ἐς τί πίτυν πελάγει πιστεύετε, γομφωτῆρες, ### book 31.2 ἧς πολὺς ἐξ ὀρέων ῥίζαν ἔλυσε Νότος; ### book 31.3 αἴσιον οὐκ ἔσομαι πόντου σκάφος, ἐχθρὸν ἀήταις ### book 31.4 δένδρεον· ἐν χέρσῳ τὰς ἁλὸς οἶδα τύχας. ### book 32.1.1 Ἀρτιπαγῆ ῥοθίαισιν ἐπὶ κροκάλαισί με νῆα ### book 32.1.2 καὶ μήπω χαροποῦ κύματος ἁψαμέναν ### book 32.1.3 οὐδ’ ἀνέμεινε θάλασσα· τὸ δ’ ἄγριον ἐπλήμυρεν ### book 32.1.4 χεῦμα, καὶ ἐκ σταθερῶν ἥρπασεν ἠιόνων ### book 32.5.1 ὁλκάδα δειλαίαν τ’ ἀνάγει κλόνος, ᾗ γε τὰ πόντου ### book 32.5.2 χεύματα κἠν χέρσῳ λοίγια κἠν πελάγει. ### book 33.1.1 Οὔπω ναῦς, καὶ ὄλωλα. τί δ’ ἂν πλέον, εἰ βυθὸν ἔγνων, ### book 33.1.2 ἔτλην; φεῦ, πάσαις ὁλκάσι μοῖρα κλύδων. ### book 34.1.1 Μυρία με τρίψασαν ἀμετρήτοιο θαλάσσης ### book 34.1.2 κύματα καὶ χέρσῳ βαιὸν ἐρεισαμένην ### book 34.1.3 ὤλεσεν οὐχὶ θάλασσα, νεῶν φόβος, ἀλλ’ ἐπὶ γαίης ### book 34.1.4 Ἥφαιστος. τίς ἐρεῖ πόντον ἀπιστότερον; ### book 34.5 ἔνθεν ἔφυν, ἀπόλωλα· παρ’ ἠιόνεσσι δὲ κεῖμαι, ### book 34 χέρσῳ τὴν πελάγευς ἐλπίδα μεμφομένη. ### book 35.1.1 Ἄρτι με πηγνυμένην ἀκάτου τρόπιν ἔσπασε γείτων ### book 35.1.2 πόντος κἠν χέρσῳ εἰς ἐμὲ μηνάμενος. ### book 36.1.1 Ὁλκὰς ἀμετρήτου πελάγους ἀνύσασα κέλευθον ### book 36.1.2 καὶ τοσάκις χαροποῖς κύμασι νηξαμένη, ### book 36.1.3 ἣν ὁ μέλας οὔτ’ Εὖρος ἐπόντισεν οὔτ’ ἐπὶ χέρσον ### book 36.1.4 ἤλασε χειμερίων ἄγριον οἶδμα Νότων, ### book 36.5.1 ἐν πυρὶ νῦν ναυηγὸς ἐγὼ χθονὶ μέμφομ’ ἀπίστῳ, ### book 36.5.2 νῦν ἁλὸς ἡμετέρης ὕδατα διζομένη. ### book 37.1.1 Σιγήσας ἄρυσαι. —„Τίνος οὕνεκα;“ —Μηκέτ’ ἀρύου. — ### book 37.1.2 „Τεῦ χάριν;“ —Ἡσυχίης ἡδὺ λέλογχα ποτόν. — ### book 37.1.3 „Δύσκολος ἡ κρήνη.“ —Γεῦσαι, καὶ μᾶλλον ἐρεῖς με ### book 37.1.4 δύσκολον. —„Ὢ πικροῦ νάματος.“ —Ὢ λαλιῆς. ### book 38.1.1 Εἰ μὲν ἀνὴρ ἥκεις, ἄρυσαι, ξένε, τῆσδ’ ἀπὸ πηγῆς· ### book 38.1.2 εἰ δὲ φύσει μαλακός, μή με πίῃς πρόφασιν. ### book 38.1.3 ἄρρεν ἐγὼ ποτόν εἰμι καὶ ἀνδράσι μοῦνον ἀρέσκω, ### book 38 τοῖς δὲ φύσει μαλακοῖς ἡ φύσις ἐστὶν ὕδωρ. ### book 39.1.1 Ἁ Κύπρις Μούσαισι· „Κοράσια, τὰν Ἀφροδίταν ### book 39.1.2 τιμᾶτ’, ἢ τὸν Ἔρων ὔμμιν ἐφοπλίσομαι.“ ### book 39.1.3 χαἰ Μοῦσαι ποτὶ Κύπριν· „Ἄρει τὰ στωμύλα ταῦτα· ### book 39.1.4 ἡμῖν δ’ οὐ πέταται τοῦτο τὸ παιδάριον.“ ### book 40.1.1 Οὐ μόνον ὑσμίνῃσι καὶ ἐν στονόεντι κυδοιμῷ ### book 40.1.2 ῥύομ’ ἀρειτόλμου θυμὸν Ἀναξιμένους, ### book 40.1.3 ἀλλὰ καὶ ἐκ πόντου, ὁπότ’ ἔσχισε νῆα θάλασσα, ### book 40.1.4 ἀσπίς, ἐφ’ ἡμετέρης νηξάμενον σανίδος. ### book 40.5.1 εἰμὶ δὲ κἠν πελάγει καὶ ἐπὶ χθονὸς ἐλπὶς ἐκείνῳ ### book 40.5.2 τὸν θρασὺν ἐκ διπλῶν ῥυσαμένη θανάτων. ### book 41.1.1 Ἡ πάρος ἀντιπάλων ἐπιήρανος ἀσπὶς ἀκόντων, ### book 41.1.2 ἡ φόνιον στυγνοῦ κῦμα φέρουσα μόθου, ### book 41.1.3 ἄγριον οὐδ’ ὅτε πόντος ἐπὶ κλόνον ἤλασε φωτὶ ### book 41.1.4 καὶ πικρὴ ναυτέων ἔπλεθ’ ἁλιφθορίη, ### book 41.5.1 συζυγίης ἀμέλησα· καλὸν δέ σε φόρτον ἄγουσα, ### book 41.5.2 ναὶ φίλος, εὐκταίων ἄχρις ἔβην λιμένων. ### book 42.1.1 Εἰν ἑνὶ κινδύνους ἔφυγον δύο Μυρτίλος ὅπλῳ, ### book 42.1.2 τὸν μὲν ἀριστεύσας, τὸν δ’ ἐπινηξάμενος, ### book 42.1.3 Ἀργέστης ὅτ’ ἔδυσε νεὼς τρόπιν· ἀσπίδα δ’ ἔσχον ### book 42 σωθεὶς κεκριμένην κύματι καὶ πολέμῳ. ### book 43.1.1 Ἀρκεῖ μοι χλαίνης λιτὸν σκέπας, οὐδὲ τραπέζαις ### book 43.1.2 δουλεύσω Μουσέων ἄνθεα βοσκόμενος. ### book 43.1.3 μισῶ πλοῦτον ἄνουν, κολάκων τροφόν, οὐδὲ παρ’ ὀφρὺν ### book 43.1.4 στήσομαι· οἶδ’ ὀλίγης δαιτὸς ἐλευθερίην. ### book 44.1.1 Χρυσὸν ἀνὴρ εὑρὼν ἔλιπε βρόχον· αὐτὰρ ὁ χρυσόν, ### book 44.1.2 ὃν λίπεν, οὐχ εὑρὼν ἧψεν, ὃν εὗρε, βρόχον. ### book 45.1.1 Χρυσὸν ἀνὴρ ὁ μὲν εὗρεν, ὁ δ’ ὤλεσεν· ὧν ὁ μὲν εὑρὼν ### book 45.1.2 ῥῖψεν, ὁ δ’ οὐχ εὑρὼν λυγρὸν ἔδησε βρόχον. ### book 46.1.1 Πηρὸς ἄπαις ἢ φέγγος ἰδεῖν ἢ παῖδα τεκέσθαι ### book 46.1.2 εὐξαμένη δοιῆς ἔμμορεν εὐτυχίης· ### book 46.1.3 τίκτε γὰρ εὐθὺς ἄελπτα μετ’ οὐ πολύ, καὶ τριποθήτου ### book 46.1.4 αὐτῆμαρ γλυκερὸν φέγγος ἐσεῖδε φάους. ### book 46.5 Ἄρτεμις ἀμφοτέροισιν ὑπήκοος, ἥ τε λοχείης ### book 46 μαῖα καὶ ἀργεννῶν φωσφόρος ἡ σελάων. ### book 47.1.1 Τὸν λύκον ἐξ ἰδίων μαζῶν τρέφω οὐκ ἐθέλουσα, ### book 47.1.2 ἀλλά μ’ ἀναγκάζει ποιμένος ἀφροσύνη. ### book 47.1.3 αὐξηθεὶς δ’ ὑπ’ ἐμοῦ κατ’ ἐμοῦ πάλι θηρίον ἔσται· ### book 47.1.4 ἡ χάρις ἀλλάξαι τὴν φύσιν οὐ δύναται. ### book 48.1.1 Ζεὺς κύκνος, ταῦρος, σάτυρος, χρυσὸς δι’ ἔρωτα ### book 48.1.2 Λήδης, Εὐρώπης, Ἀντιόπης, Δανάης. ### book 49.1.1 Ἐλπὶς καὶ σύ, Τύχη, μέγα χαίρετε· τὸν λιμέν’ εὗρον· ### book 49.1.2 οὐδὲν ἐμοὶ χὐμῖν· παίζετε τοὺς μετ’ ἐμέ. ### book 50.1.1 Τὴν σαυτοῦ φρένα τέρπε· δυσηλεγέων δὲ πολιτῶν ### book 50.1.2 ἄλλος τίς σε κακῶς, ἄλλος ἄμεινον ἐρεῖ. ### book 51.1 Αἰὼν πάντα φέρει· δολιχὸς χρόνος οἶδεν ἀμείβειν ### book 51 οὔνομα καὶ μορφὴν καὶ φύσιν ἠδὲ τύχην. ### book 52.1.1 Ἰχθῦς ἀγκίστρῳ τις ἀπ’ ᾐόνος εὔτριχι βάλλων ### book 52.1.2 εἵλκυσε ναυαγοῦ κρᾶτα λιποτριχέα. ### book 52.1.3 οἰκτείρας δὲ νέκυν τὸν ἀσώματον, ἐξ ἀσιδήρου ### book 52.1.4 χειρὸς ἐπισκάπτων λιτὸν ἔχωσε τάφον· ### book 52.5.1 εὗρε δὲ κευθόμενον χρυσοῦ κτέαρ. ἦ ῥα δικαίοις ### book 52.5.2 ἀνδράσιν εὐσεβίης οὐκ ἀπόλωλε χάρις. ### book 53.1.1 Ἱπποκράτης φάος ἦν μερόπων καὶ σῴετο λαῶν ### book 53.1.2 ἔθνεα, καὶ νεκύων ἦν σπάνις εἰν Ἀίδῃ. ### book 54.1.1 Γῆρας ἐπὰν μὲν ἀπῇ, πᾶς εὔχεται· ἢν δέ ποτ’ ἔλθῃ, ### book 54.1.2 μέμφεται· ἔστι δ’ ἀεὶ κρεῖσσον ὀφειλόμενον. ### book 55.1 Εἴ τις γηράσας ζῆν εὔχεται, ἄξιός ἐστι ### book 55 γηράσκειν πολλὰς εἰς ἐτέων δεκάδας. ### book 56.1.1 Ἕβρου Θρηικίου κρυμῷ πεπεδημένον ὕδωρ ### book 56.1.2 νήπιος ἐμβαίνων οὐκ ἔφυγεν θάνατον· ### book 56.1.3 ἐς ποταμὸν δ’ ἤδη λαγαρούμενον ἴχνος ὀλισθὼν ### book 56.1.4 κρυμῷ τοὺς ἁπαλοὺς αὐχένας ἀμφεκάρη. ### book 56.5.1 καὶ τὸ μὲν ἐξεσύρη λοιπὸν δέμας, ἡ δὲ μένουσα ### book 56.5.2 ὄψις ἀναγκαίην εἶχε τάφου πρόφασιν. ### book 56.5.3 δύσμορος, ἧς ὠδῖνα διείλατο πῦρ τε καὶ ὕδωρ· ### book 56.5.4 ἀμφοτέρων δὲ δοκῶν οὐδενός ἐστιν ὅλως. ### book 57.1.1 Τίπτε παναμέριος, Πανδιονὶ κάμμορε κούρα, ### book 57.1.2 μυρομένα κελαδεῖς τραυλὰ διὰ στομάτων; ### book 57.1.3 ἤ τοι παρθενίας πόθος ἵκετο, τάν τοι ἀπηύρα ### book 57.1.4 Θρηίκιος Τηρεὺς αἰνὰ βιησάμενος; ### book 58.1.1 Καὶ κραναᾶς Βαβυλῶνος ἐπίδρομον ἅρμασι τεῖχος ### book 58.1.2 καὶ τὸν ἐπ’ Ἀλφειῷ Ζᾶνα κατηυγασάμην ### book 58.1.3 κάπων τ’ αἰώρημα καὶ Ἠελίοιο κολοσσὸν ### book 58.1.4 καὶ μέγαν αἰπεινᾶν πυραμίδων κάματον ### book 58.5.1 μνᾶμά τε Μαυσώλοιο πελώριον· ἀλλ’ ὅτ’ ἐσεῖδον ### book 58.5.2 Ἀρτέμιδος νεφέων ἄχρι θέοντα δόμον, ### book 58.5.3 κεῖνα μὲν ἠμαύρωτο, καὶ ἦν· „Ἴδε, νόσφιν Ὀλύμπου ### book 58 Ἅλιος οὐδέν πω τοῖον ἐπηυγάσατο.“ ### book 59.1.1 Τέσσαρες αἰωροῦσι τανυπτερύγων ἐπὶ νώτων ### book 59.1.2 Νῖκαι ἰσηρίθμους υἱέας ἀθανάτων· ### book 59.1.3 ἁ μὲν Ἀθαναίαν πολεμαδόκον, ἁ δ’ Ἀφροδίταν, ### book 59.1.4 ἁ δὲ τὸν Ἀλκείδαν, ἁ δ’ ἀφόβητον Ἄρη, ### book 59.5.1 σεῖο κατ’ εὐόροφον γραπτὸν τέγος· ἐς δὲ νέονται ### book 59.5.2 οὐρανόν, ὦ Ῥώμας Γαῖε πάτρας ἔρυμα. ### book 59.5.3 θείη ἀνίκατον μὲν ὁ βουφάγος· ἁ δέ σε Κύπρις ### book 59.5.4 εὔγαμον, εὔμητιν Παλλάς, ἄτρεστον Ἄρης. ### book 60.1.1 Πύργος ὅδ’ εἰναλίης ἐπὶ χοιράδος, οὔνομα νήσῳ ### book 60.1.2 ταὐτὸν ἔχων, ὅρμου σύμβολόν εἰμι Φάρος. ### book 61.1.1 Γυμνὸν ἰδοῦσα Λάκαινα παλίντροπον ἐκ πολέμοιο ### book 61.1.2 παῖδ’ ἑὸν ἐς πάτραν ὠκὺν ἱέντα πόδα, ### book 61.1.3 ἀντίη ἀίξασα δι’ ἥπατος ἤλασε λόγχαν, ### book 61.1.4 ἄρρενα ῥηξαμένα φθόγγον ἐπὶ κταμένῳ· ### book 61.5 „Ἀλλότριον Σπάρτας,“ εἶπεν, „γένος, ἔρρε πρὸς Ἅιδαν, ### book 61 ἔρρ’, ἐπεὶ ἐψεύσω πατρίδα καὶ γενέταν.“ ### book 62.1.1 Ξεῖνοι, τὴν περίβωτον ἐμὲ πτόλιν, Ἴλιον ἱρήν, ### book 62.1.2 τὴν πάρος εὐπύργοις τείχεσι κλῃζομένην, ### book 62.1.3 αἰῶνος τέφρη κατεδήδοκεν· ἀλλ’ ἐν Ὁμήρῳ ### book 62.1.4 κεῖμαι χαλκείων ἕρκος ἔχουσα πυλῶν. ### book 62.5.1 οὐκέτι με σκάψει Τρωοφθόρα δούρατ’ Ἀχαιῶν, ### book 62.5.2 πάντων δ’ Ἑλλήνων κείσομαι ἐν στόμασιν. ### book 63.1.1 Λύδη καὶ γένος εἰμὶ καὶ οὔνομα· τῶν δ’ ἀπὸ Κόδρου ### book 63.1.2 σεμνοτέρη πασῶν εἰμι δι’ Ἀντίμαχον. ### book 63.1.3 τίς γὰρ ἔμ’ οὐκ ἤεισε; τίς οὐκ ἀνελέξατο Λύδην, ### book 63.1.4 τὸ ξυνὸν Μουσῶν γράμμα καὶ Ἀντιμάχου; ### book 64.1.1 Αὐταὶ ποιμαίνοντα μεσαμβρινὰ μῆλά σε Μοῦσαι ### book 64.1.2 ἔδρακον ἐν κραναοῖς οὔρεσιν, Ἡσίοδε, ### book 64.1.3 καί σοι καλλιπέτηλον, ἐρυσσάμεναι περὶ πᾶσαι, ### book 64.1.4 ὤρεξαν δάφνας ἱερὸν ἀκρεμόνα, ### book 64.5.1 δῶκαν δὲ κράνας Ἑλικωνίδος ἔνθεον ὕδωρ, ### book 64.5.2 τὸ πτανοῦ πώλου πρόσθεν ἔκοψεν ὄνυξ· ### book 64.5.3 οὗ σὺ κορεσσάμενος μακάρων γένος ἔργα τε μολπαῖς ### book 64 καὶ γένος ἀρχαίων ἔγραφες ἡμιθέων. ### book 65.1.1 Γῇ μὲν ἔαρ κόσμος πολυδένδρεον, αἰθέρι δ’ ἄστρα, ### book 65.1.2 Ἑλλάδι δ’ ἥδε χθών, οἵδε δὲ τῇ πόλεϊ. ### book 66.1.1 Μναμοσύναν ἕλε θάμβος, ὅτ’ ἔκλυε τᾶς μελιφώνου ### book 66.1.2 Σαπφοῦς· „Μὴ δεκάταν Μοῦσαν ἔχουσι βροτοί.“ ### book 67.1.1 Στήλην μητρυιῆς, μικρὰν λίθον, ἔστεφε κοῦρος, ### book 67.1.2 ὡς βίον ἠλλάχθαι καὶ τρόπον οἰόμενος· ### book 67.1.3 ἡ δὲ τάφῳ κλινθεῖσα κατέκτανε παῖδα πεσοῦσα. ### book 67.1.4 φεύγετε μητρυιῆς καὶ τάφον οἱ πρόγονοι. ### book 68.1.1 Μητρυιαὶ προγόνοισιν ἀεὶ κακόν· οὐδὲ φιλοῦσαι ### book 68.1.2 σῴζουσιν· Φαίδρην γνῶθι καὶ Ἱππόλυτον. ### book 69.1 Μητρυιῆς δύσμηνις ἀεὶ χόλος, οὐδ’ ἐν ἔρωτι ### book 69 ἤπιος· οἶδα πάθη σώφρονος Ἱππολύτου. ### book 70.1.1 Τραυλὰ μινυρομένα Πανδιονὶ παρθένε φωνᾷ, ### book 70.1.2 Τηρέος οὐ θεμιτῶν ἁψαμένα λεχέων, ### book 70.1.3 τίπτε παναμέριος γοάεις ἀνὰ δῶμα, χελιδοῖ; ### book 70.1.4 παύε’, ἐπεί σε μένει καὶ κατόπιν δάκρυα. ### book 71.1.1 Κλῶνες ἀπηόριοι ταναῆς δρυός, εὔσκιον ὕψος ### book 71.1.2 ἀνδράσιν ἄκρητον καῦμα φυλασσομένοις, ### book 71.1.3 εὐπέταλοι, κεράμων στεγανώτεροι, οἰκία φαττῶν, ### book 71.1.4 οἰκία τεττίγων, ἔνδιοι ἀκρεμόνες, ### book 71.5.1 κἠμὲ τὸν ὑμετέραισιν ὑποκλινθέντα κόμαισιν ### book 71.5.2 ῥύσασθ’ ἀκτίνων ἠελίου φυγάδα. ### book 72.1.1 Εὔκολος Ἑρμείας, ὦ ποιμένες, ἐν δὲ γάλακτι ### book 72.1.2 χαίρων καὶ δρυΐνῳ σπενδόμενος μέλιτι· ### book 72.1.3 ἀλλ’ οὐχ Ἡρακλέης· ἕνα δὲ κτίλον ἢ παχὺν ἄρνα ### book 72.1.4 αἰτεῖ καὶ πάντως ἓν θύος ἐκλέγεται. — ### book 72.5 „Ἀλλὰ λύκους εἴργει.“ —Τί δὲ τὸ πλέον, εἰ τὸ φυλαχθὲν ### book 72 ὄλλυται εἴτε λύκοις εἴθ’ ὑπὸ τοῦ φύλακος; ### book 73.1.1 Εὐβοϊκοῦ κόλποιο παλινδίνητε θάλασσα, ### book 73.1.2 πλαγκτὸν ὕδωρ ἰδίοις ῥεύμασιν ἀντίπαλον, ### book 73.1.3 ἠελίῳ κἠν νυκτὶ τεταγμένον ἐς τρίς, ἄπιστον ### book 73.1.4 ναυσὶν ὅσον πέμπεις χεῦμα δανειζόμενον, ### book 73.5.1 θαῦμα βίου, θαμβῶ σε τὸ μυρίον, οὐδὲ ματεύω ### book 73.5.2 σὴν στάσιν· ἀρρήτῳ ταῦτα μέμηλε φύσει. ### book 74.1.1 Ἀγρὸς Ἀχαιμενίδου γενόμην ποτέ, νῦν δὲ Μενίππου, ### book 74.1.2 καὶ πάλιν ἐξ ἑτέρου βήσομαι εἰς ἕτερον. ### book 74.1.3 καὶ γὰρ ἐκεῖνος ἔχειν μέ ποτ’ ᾤετο, καὶ πάλιν οὗτος ### book 74.1.4 οἴεται· εἰμὶ δ’ ὅλως οὐδενός, ἀλλὰ Τύχης. ### book 75.1.1 Κἤν με φάγῃς ἐπὶ ῥίζαν, ὅμως ἔτι καρποφορήσω, ### book 75.1.2 ὅσσον ἐπισπεῖσαι σοί, τράγε, θυομένῳ. ### book 76.1.1 Δισσᾶν ἐκ βροχίδων ἁ μὲν μία πίονα κίχλαν, ### book 76.1.2 ἁ μία δ’ ἱππείᾳ κόσσυφον εἷλε πάγᾳ· ### book 76.1.3 ἀλλ’ ἁ μὲν κίχλας θαλερὸν δέμας ἐς φάος Ἠοῦς ### book 76.1.4 οὐκέτ’ ἀπὸ πλεκτᾶς ἧκε δεραιοπέδας, ### book 76.5 ἁ δ’ αὖθις μεθέηκε τὸν ἱερόν. ἦ γὰρ ἀοιδῶν ### book 76 φειδὼ κἠν κωφαῖς, ξεῖνε, λινοστασίαις. ### book 77.1.1 Πριομένα κάλλει Γανυμήδεος εἶπέ ποθ’ Ἥρα ### book 77.1.2 θυμοβόρον ζάλου κέντρον ἔχουσα νόῳ· ### book 77.1.3 „Ἄρσεν πῦρ ἔτεκεν Τροία Διί· τοιγὰρ ἐγὼ πῦρ ### book 77.1.4 πέμψω ἐπὶ Τροίᾳ, πῆμα φέροντα Πάριν· ### book 77.5.1 ἥξει δ’ Ἰλιάδαις οὐκ ἀετός, ἀλλ’ ἐπὶ θοίναν ### book 77.5.2 γῦπες, ὅταν Δαναοὶ σκῦλα φέρωσι πόνων.“ ### book 78.1.1 Μὴ μέμψῃ μ’ ἀπέπειρον ἀεὶ θάλπουσαν ὀπώρην ### book 78.1.2 ἀχράδα, τὴν καρποῖς πάντοτε βριθομένην. ### book 78.1.3 ὁππόσα γὰρ κλαδεῶσι πεπαίνομεν, ἄλλος ὑφέλκει· ### book 78.1.4 ὁππόσα δ’ ὠμὰ μένει, μητρὶ περικρέμαται. ### book 79.1.1 Αὐτοθελὴς καρποὺς ἀποτέμνομαι, ἀλλὰ πεπείρους· ### book 79.1.2 πάντοτε μὴ σκληροῖς τύπτε με χερμαδίοις. ### book 79.1.3 μηνίσει καὶ Βάκχος ἐνυβρίζοντι τὰ κείνου ### book 79.1.4 ἔργα· Λυκούργειος μὴ λαθέτω σε τύχη. ### book 80.1.1 Μάντιες ἀστερόεσσαν ὅσοι ζητεῖτε κέλευθον, ### book 80.1.2 ἔρροιτ’ εἰκαίης ψευδολόγοι σοφίης. ### book 80.1.3 ὑμέας Ἀφροσύνη μαιώσατο, Τόλμα δ’ ἔτικτεν, ### book 80 τλήμονας, οὐδ’ ἰδίην εἰδότας ἀκλεΐην. ### book 81.1.1 Μὴ εἴπῃς θάνατον βιοτῆς ὅρον· εἰσὶ καμοῦσιν, ### book 81.1.2 ὡς ζωοῖς, ἀρχαὶ συμφορέων ἕτεραι. ### book 81.1.3 ἄθρει Νικίεω Κῴου μόρον· ἤδη ἔκειτο ### book 81.1.4 εἰν Ἀίδῃ, νεκρὸς δ’ ἦλθεν ὑπ’ ἠέλιον· ### book 81.5.1 ἀστοὶ γὰρ τύμβοιο μετοχλίσσαντες ὀχῆας ### book 81.5.2 εἴρυσαν ἐς ποινὰς τλήμονα δυσθανέα. ### book 82.1.1 Μηδ’ ὅτ’ ἐπ’ ἀγκύρης, ὀλοῇ πίστευε θαλάσσῃ, ### book 82.1.2 ναυτίλε, μηδ’ εἴ τοι πείσματα χέρσος ἔχοι. ### book 82.1.3 καὶ γὰρ Ἴων ὅρμῳ ἔνι κάππεσεν· ἐς δὲ κόλυμβον ### book 82.1.4 ναύτου τὰς ταχινὰς οἶνος ἔδησε χέρας. ### book 82.5.1 φεῦγε χοροιτυπίην ἐπινήιον· ἐχθρὸς Ἰάκχῳ ### book 82.5.2 πόντος. Τυρσηνοὶ τοῦτον ἔθεντο νόμον. ### book 83.1.1 Νηὸς ἐπειγομένης ὠκὺν δρόμον ἀμφεχόρευον ### book 83.1.2 δελφῖνες, πελάγους ἰχθυφάγοι σκύλακες. ### book 83.1.3 καπροφόνος δὲ κύων θηρσὶν κείνους ἰκελώσας, ### book 83.1.4 δύσμορος, ὡς ἐπὶ γῆν εἰς βυθὸν ἐξέθορεν. ### book 83.5 ὤλετο δ’ ἀλλοτρίης θήρης χάριν· οὐ γὰρ ἐλαφρὸς ### book 83 πάντων ἐστὶ κυνῶν ὁ δρόμος ἐν πελάγει. ### book 84.1.1 Νηὸς ἁλιστρέπτου πλαγκτὸν κύτος εἶδεν ἐπ’ ἀκτῆς ### book 84.1.2 μηλοβότης βλοσυροῖς κύμασι συρόμενον, ### book 84.1.3 χεῖρα δ’ ἐπέρριψεν· τὸ δ’ ἐπεσπάσατ’ ἐς βυθὸν ἅλμης ### book 84.1.4 τὸν σῴζονθ’· οὕτως πᾶσιν ἀπηχθάνετο· ### book 84.5.1 ναυηγὸν δ’ ὁ νομεὺς ἔσχεν μόρον. ὢ δι’ ἐκείνην ### book 84.5.2 καὶ δρυμοὶ χῆροι πορθμίδα καὶ λιμένες. ### book 85.1.1 Νῆα μὲν ὤλεσε πόντος, ἐμοὶ δ’ ἔπορεν πάλι δαίμων ### book 85.1.2 πλαζομένῳ φύσεως νῆα ποθεινοτέρην· ### book 85.1.3 πατρὸς ἰδὼν γὰρ ἐγὼ δέμας εἰς ἐμὲ καίριον ἐλθὸν ### book 85.1.4 μουνερέτης ἐπέβην, φόρτος ὀφειλόμενος. ### book 85.5.1 ἤγαγεν εἰς λιμένας δὲ καὶ ἔσπειρεν δὶς ὁ πρέσβυς, ### book 85.5.2 νήπιον ἐν γαίῃ, δεύτερον ἐν πελάγει. ### book 86.1.1 Παμφάγος ἑρπηστὴς κατὰ δώματα λιχνοβόρος μῦς ### book 86.1.2 ὄστρεον ἀθρήσας χείλεσι πεπταμένον ### book 86.1.3 πώγωνος διεροῖο νόθην ὠδάξατο σάρκα· ### book 86.1.4 αὐτίκα δ’ ὀστρακόεις ἐπλατάγησε δόμος, ### book 86.5 ἁρμόσθη δ’ ὀδύναισιν· ὁ δ’ ἐν κλείθροισιν ἀφύκτοις ### book 86 ληφθεὶς αὐτοφόνον τύμβον ἐπεσπάσατο. ### book 87.1.1 Μηκέτι νῦν μινύριζε παρὰ δρυΐ, μηκέτι φώνει ### book 87.1.2 κλωνὸς ἐπ’ ἀκροτάτου, κόσσυφε, κεκλιμένος· ### book 87.1.3 ἐχθρόν σοι τόδε δένδρον· ἐπείγεο δ’, ἄμπελος ἔνθα ### book 87.1.4 ἀντέλλει γλαυκῶν σύσκιος ἐκ πετάλων· ### book 87.5.1 κείνης ταρσὸν ἔρεισον ἐπὶ κλάδον ἀμφί τ’ ἐκείνῃ ### book 87.5.2 μέλπε λιγὺν προχέων ἐκ στομάτων κέλαδον. ### book 87.5.3 δρῦς γὰρ ἐπ’ ὀρνίθεσσι φέρει τὸν ἀνάρσιον ἰξόν, ### book 87.5.4 ἁ δὲ βότρυν· στέργει δ’ ὑμνοπόλους Βρόμιος. ### book 88.1.1 Μεμφομένη Βορέην ἐπεπωτώμην ὑπὲρ ἅλμης· ### book 88.1.2 πνεῖ γὰρ ἐμοὶ Θρῄκης ἤπιος οὐδ’ ἄνεμος· ### book 88.1.3 ἀλλά με τὴν μελίγηρυν ἀηδόνα δέξατο νώτοις ### book 88.1.4 δελφὶν καὶ πτηνὴν πόντιος ἡνιόχει. ### book 88.5.1 πιστοτάτῳ δ’ ἐρέτῃ πορθμευομένη τὸν ἄκωπον ### book 88.5.2 ναύτην τῇ στομάτων θέλγον ἐγὼ κιθάρῃ. ### book 88.5.3 εἰρεσίην δελφῖνες ἀεὶ Μούσῃσιν ἄμισθον ### book 88.5.4 ἤνυσαν· οὐ ψεύστης μῦθος Ἀριόνιος. ### book 89.1.1 Λιμὸν ὀιζυρὴν ἀπαμυνομένη πολύγηρως ### book 89.1.2 Νικὼ σὺν κούραις ἠκρολόγει στάχυας· ### book 89.1.3 ὤλετο δ’ ἐκ θάλπους· τῇ δ’ ἐκ καλάμης συνέριθοι ### book 89.1.4 νῆσαν πυρκαϊὴν ἄξυλον ἐκ σταχύων. ### book 89.5 μὴ νεμέσα, Δήμητερ, ἀπὸ χθονὸς εἰ βροτὸν οὖσαν ### book 89 κοῦραι τοῖς γαίης σπέρμασιν ἠμφίεσαν. ### book 90.1.1 Νηῶν ὠκυπόρων ὃς ἔχεις κράτος, ἵππιε δαῖμον, ### book 90.1.2 καὶ μέγαν Εὐβοίης ἀμφικρεμῆ σκόπελον, ### book 90.1.3 οὔριον εὐχομένοισι δίδου πλόον Ἄρεος ἄχρις ### book 90.1.4 ἐς πόλιν ἐκ Συρίης πείσματα λυσαμένοις. ### book 91.1.1 Ἑρμῆ Κωρυκίων ναίων πόλιν, ὦ ἄνα, χαίροις, ### book 91.1.2 Ἑρμῆ, καὶ λιτῇ προσγελάσαις ὁσίῃ. ### book 92.1.1 Ἀρκεῖ τέττιγας μεθύσαι δρόσος· ἀλλὰ πιόντες ### book 92.1.2 ἀείδειν κύκνων εἰσὶ γεγωνότεροι. ### book 92.1.3 ὣς καὶ ἀοιδὸς ἀνὴρ ξενίων χάριν ἀνταποδοῦναι ### book 92.1.4 ὕμνους εὐέρκταις οἶδε παθὼν ὀλίγα. ### book 92.5.1 τοὔνεκά σοι πρώτως μὲν ἀμείβομεν· ἢν δ’ ἐθέλωσιν ### book 92.5.2 Μοῖραι, πολλάκι μοι κείσεαι ἐν σελίσιν. ### book 93.1.1 Ἀντίπατρος Πείσωνι γενέθλιον ὤπασε βίβλον ### book 93.1.2 μικρήν, ἐν δὲ μιῇ νυκτὶ πονησάμενος. ### book 93.1.3 ἵλαος ἀλλὰ δέχοιτο καὶ αἰνήσειεν ἀοιδόν, ### book 93 Ζεὺς μέγας ὡς ὀλίγῳ πειθόμενος λιβάνῳ. ### book 94.1.1 Πούλυπον ἀγρεύσας ποτὲ Τύννιχος, ἐξ ἁλὸς εἰς γῆν ### book 94.1.2 ἔρριψεν δείσας θηρὸς ἱμαντοπέδην· ### book 94.1.3 ἀλλ’ ὅ γ’ ἐφ’ ὑπνώοντα πεσὼν συνέδησε λαγωόν, ### book 94.1.4 φεῦ, τάχα θηρευτὰς ἄρτι φυγόντα κύνας, ### book 94.5.1 ἀγρευθεὶς ἤγρευσεν· ὁ δ’ εἰς ἅλα Τύννιχος ἰχθὺν ### book 94.5.2 ἧκε πάλιν ζωόν, λύτρα λαγωὸν ἔχων. ### book 95.1.1 Χειμερίοις νιφάδεσσι παλυνομένα τιθὰς ὄρνις ### book 95.1.2 τέκνοις εὐναίας ἀμφέχεε πτέρυγας, ### book 95.1.3 μέσφα μιν οὐράνιον κρύος ὤλεσεν· ἦ γὰρ ἔμεινεν ### book 95.1.4 αἴθριος οὐρανίων ἀντίπαλος νεφέων. ### book 95.5.1 Πρόκνη καὶ Μήδεια, κατ’ Ἄϊδος αἰδέσθητε ### book 95.5.2 μητέρες ὀρνίθων ἔργα διδασκόμεναι. ### book 96.1.1 Ἀντιγένης ὁ Γελῷος ἔπος ποτὲ τοῦτο θυγατρὶ ### book 96.1.2 εἶπεν, ὅτ’ ἦν ἤδη νεύμενος εἰς Ἀίδην· ### book 96.1.3 „Παρθένε καλλιπάρῃε, κόρη δ’ ἐμή, ἴσχε συνεργὸν ### book 96.1.4 ἠλακάτην, ἀρκεῦν κτῆμα πένητι βίῳ· ### book 96.5 ἢν δ’ ἵκῃ εἰς ὑμέναιον, Ἀχαιίδος ἤθεα μητρὸς ### book 96 χρηστὰ φύλασσε πόσει προῖκα βεβαιοτάτην.“ ### book 97.1.1 Ἀνδρομάχης ἔτι θρῆνον ἀκούομεν, εἰσέτι Τροίην ### book 97.1.2 δερκόμεθ’ ἐκ βάθρων πᾶσαν ἐρειπομένην ### book 97.1.3 καὶ μόθον Αἰάντειον ὑπὸ στεφάνῃ τε πόληος ### book 97.1.4 ἔκδετον ἐξ ἵππων Ἕκτορα συρόμενον, ### book 97.5.1 Μαιονίδεω διὰ μοῦσαν, ὃν οὐ μία πατρὶς ἀοιδὸν ### book 97.5.2 κοσμεῖται, γαίης δ’ ἀμφοτέρης κλίματα. ### book 98.1.1 Οἰδίποδες δισσοί σε καὶ Ἠλέκτρη βαρύμηνις ### book 98.1.2 καὶ δείπνοις ἐλαθεὶς Ἀτρέος Ἠέλιος ### book 98.1.3 ἄλλα τε πουλυπαθέσσι, Σοφόκλεες, ἀμφὶ τυράννοις ### book 98.1.4 ἄξια τῆς Βρομίου βύβλα χοροιτυπίης ### book 98.5.1 ταγὸν ἐπὶ τραγικοῖο κατῄνεσσαν θιάσοιο ### book 98.5.2 αὐτοῖς ἡρώων φθεγξάμενον στόμασι. ### book 99.1.1 Ἴξαλος εὐπώγων αἰγὸς πόσις ἔν ποθ’ ἁλωῇ ### book 99.1.2 οἴνης τοὺς ἁπαλοὺς πάντας ἔδαψε κλάδους. ### book 99.1.3 τῷ δ’ ἔπος ἐκ γαίης τόσον ἄπυε· „Κεῖρε, κάκιστε, ### book 99.1.4 γναθμοῖς ἡμέτερον κλῆμα τὸ καρποφόρον· ### book 99.5 ῥίζα γὰρ ἔμπεδος οὖσα πάλιν γλυκὺ νέκταρ ἀνήσει ### book 99 ὅσσον ἐπισπεῖσαι σοί, τράγε, θυομένῳ.“ ### book 100.1.1 Λητοῦς ὠδίνων ἱερὴ τροφέ, τὴν ἀσάλευτον ### book 100.1.2 Αἰγαίῳ Κρονίδης ὡρμίσατ’ ἐν πελάγει, ### book 100.1.3 οὔ νύ σε δειλαίην, μὰ τεούς, δέσποινα, βοήσω, ### book 100.1.4 δαίμονας, οὐδὲ λόγοις ἕψομαι Ἀντιπάτρου· ### book 100.5.1 ὀλβίζω δ’, ὅτι Φοῖβον ἐδέξαο καὶ μετ’ Ὄλυμπον ### book 100.5.2 Ἄρτεμις οὐκ ἄλλην ἢ σὲ λέγει πατρίδα. ### book 101.1.1 Ἡρώων ὀλίγαι μὲν ἐν ὄμμασιν, αἱ δ’ ἔτι λοιπαὶ ### book 101.1.2 πατρίδες οὐ πολλῷ γ’ αἰπύτεραι πεδίων· ### book 101.1.3 οἵην καὶ σέ, τάλαινα, παρερχόμενός γε Μυκήνην ### book 101.1.4 ἔγνων αἰγιαλοῦ παντὸς ἐρημοτέρην, ### book 101.5.1 αἰπολικὸν μήνυμα· γέρων δέ τις· „Ἡ πολύχρυσος,“ ### book 101.5.2 εἶπεν, „Κυκλώπων τῇδ’ ἐπέκειτο πόλις.“ ### book 102.1.1 Ἡ πρὶν ἐγὼ Περσῆος ἀκρόπτολις αἰθερίοιο, ### book 102.1.2 ἡ πικρὸν Ἰλιάδαις ἀστέρα θρεψαμένη, ### book 102.1.3 αἰπολίοισιν ἔναυλον ἐρημαίοισιν ἀνεῖμαι ### book 102 τίσασα Πριάμου δαίμοσιν ὀψὲ δίκας. ### book 103.1.1 Ἡ πολύχρυσος ἐγὼ τὸ πάλαι πόλις, ἡ τὸν Ἀτρειδῶν ### book 103.1.2 οἶκον ἀπ’ οὐρανίου δεξαμένη γενεῆς, ### book 103.1.3 ἡ Τροίην πέρσασα θεόκτιτον, ἡ βασίλειον ### book 103.1.4 ἀσφαλὲς Ἑλλήνων οὖσά ποθ’ ἡμιθέων, ### book 103.5.1 μηλόβοτος κεῖμαι καὶ βούνομος ἔνθα Μυκήνη, ### book 103.5.2 τῶν ἐπ’ ἐμοὶ μεγάλων οὔνομ’ ἔχουσα μόνον. ### book 103.5.3 Ἴλιον ἆ Νεμέσει μεμελημένον, εἴ γε Μυκήνης ### book 103.5.4 μηκέθ’ ὁρωομένης ἐσσὶ καὶ ἐσσὶ πόλις. ### book 104.1.1 Ἄργος, Ὁμηρικὲ μῦθε καὶ Ἑλλάδος ἱερὸν οὖδας, ### book 104.1.2 καὶ χρυσέη τὸ πάλαι Περσέος ἀκρόπολι, ### book 104.1.3 ἐσβέσαθ’ ἡρώων κείνων κλέος, οἵ ποτε Τροίης ### book 104.1.4 ἤρειψαν κατὰ γῆς θειόδομον στέφανον. ### book 104.5.1 ἀλλ’ ἡ μὲν κρείσσων ἐστὶν πόλις· αἱ δὲ πεσοῦσαι ### book 104.5.2 δείκνυσθ’ εὐμύκων αὔλια βουκολίων. ### book 105.1.1 Ἐκλάσθην ἀνέμοισι πίτυς. τί με τεύχετε νῆα, ### book 105.1.2 ναυηγῶν ἀνέμων χερσόθι γευσαμέναν; ### book 106.1.1 Ὁλκάδα πῦρ μ’ ἐνέφλεξε τόσηνδ’ ἅλα μετρήσασαν ### book 106.1.2 ἐν χθονὶ τῇ πεύκας εἰς ἐμὲ κειραμένῃ, ### book 106.1.3 ἣν πέλαγος διέσωσεν, ἐπ’ ᾐόνος· ἀλλὰ θαλάσσης ### book 106 τὴν ἐμὲ γειναμένην ηὗρον ἀπιστοτέρην. ### book 107.1.1 Τὴν μικρήν με λέγουσι καὶ οὐκ ἴσα ποντοπορεύσαις ### book 107.1.2 ναυσὶ διιθύνειν ἄτρομον εὐπλοΐην· ### book 107.1.3 οὐκ ἀπόφημι δ’ ἐγώ· βραχὺ μὲν σκάφος, ἀλλὰ θαλάσσῃ ### book 107.1.4 πᾶν ἴσον· οὐ μέτρων ἡ κρίσις, ἀλλὰ τύχης. ### book 107.5.1 ἔστω πηδαλίοις ἑτέρῃ πλέον· ἄλλο γὰρ ἄλλῃ ### book 107.5.2 θάρσος· ἐγὼ δ’ εἴην δαίμοσι σῳζομένη. ### book 108.1.1 Ὁ Ζεὺς πρὸς τὸν Ἔρωτα· „Βέλη τὰ σὰ πάντ’ ἀφελοῦμαι.“ ### book 108.1.2 χὠ πτανός· „Βρόντα, καὶ πάλι κύκνος ἔσῃ.“ ### book 109.1.1 Οὐκ οἶδ’, εἴτε σάκος λέξαιμί σε, τὴν ἐπὶ πολλοὺς ### book 109.1.2 ἀντιπάλους πιστὴν σύμμαχον ὡπλισάμην, ### book 109.1.3 εἴτε σε βαιὸν ἐμοὶ πόντου σκάφος, ἥ μ’ ἀπὸ νηὸς ### book 109.1.4 ὀλλυμένης κόμισας νηκτὸν ἐπ’ ἠιόνας. ### book 109.5.1 Ἄρεος ἐν πολέμοις ἔφυγον χόλον ἔν τε θαλάσσῃ ### book 109.5.2 Νηρῆος· σὺ δ’ ἄρ’ ἦς ὅπλον ἐν ἀμφοτέροις. ### book 110.1.1 Οὐ στέργω βαθυληίους ἀρούρας, ### book 110.1.2 οὐκ ὄλβον πολύχρυσον οἷα Γύγης· ### book 110.1.3 αὐτάρκους ἔραμαι βίου, Μακρῖνε· ### book 110 τὸ „Μηθὲν“ γὰρ „ἄγαν“ ἄγαν με τέρπει. ### book 111.1.1 Θρήικας αἰνείτω τις, ὅτι στοναχεῦσι μὲν υἷας ### book 111.1.2 μητέρος ἐκ κόλπων πρὸς φάος ἐρχομένους, ### book 111.1.3 ἔμπαλι δ’ ὀλβίζουσιν, ὅσους αἰῶνα λιπόντας ### book 111.1.4 ἀπροϊδὴς Κηρῶν λάτρις ἔμαρψε Μόρος. ### book 111.5.1 οἱ μὲν γὰρ ζώοντες ἀεὶ παντοῖα περῶσιν ### book 111.5.2 ἐς κακά, τοὶ δὲ κακῶν εὗρον ἄκος φθίμενοι. ### book 112.1.1 Τρὶς δέκα με πνεύσειν καὶ δὶς τρία μάντιες ἄστρων ### book 112.1.2 φασίν, ἐμοὶ δ’ ἀρκεῖ καὶ δεκὰς ἡ τριτάτη· ### book 112.1.3 τοῦτο γὰρ ἀνθρώποις βιοτῆς ὅρος· οἱ δ’ ἐπὶ τούτοις ### book 112.1.4 Νέστορι, καὶ Νέστωρ δ’ ἤλυθεν εἰς Ἀίδην. ### book 113.1.1 Οἱ κόρις ἄχρι κόρου κορέσαντό μου· ἀλλ’ ἐκορέσθην ### book 113.1.2 ἄχρι κόρου καὐτὸς τοὺς κόρις ἐκκορίσας. ### book 114.1.1 Παιδὸς ἀφ’ ὑψηλῶν κεράμων ὑπὲρ ἄκρα μέτωπα ### book 114.1.2 κύπτοντος—Μοῖρα νηπιάχοις ἄφοβον—, ### book 114.1.3 μήτηρ ἐξόπιθεν μαζῷ μετέτρεψε νόημα· ### book 114 δὶς δὲ τέκνῳ ζωὴν ἓν κεχάριστο γάλα. ### book 115.1.1 Ἀσπίδ’ Ἀχιλλῆος, τὴν Ἕκτορος αἷμα πιοῦσαν, ### book 115.1.2 Λαρτιάδης Δαναῶν ἦρε κακοκρισίῃ· ### book 115.1.3 ναυηγοῦ δὲ θάλασσα κατέσπασε καὶ παρὰ τύμβον ### book 115.1.4 Αἴαντος νηκτὴν ὥρμισεν, οὐκ Ἰθάκῃ. ### book 115b.1 Καλὰ Ποσειδάων δίκασεν πολὺ μᾶλλον Ἀθήνης ### book 115b.2 . . . . . . . . . . . . . . . . . . . . . . . . . . . . . . . . . ### book 115b.3 καὶ κρίσιν Ἑλλήνων στυγερὴν ἀπέδειξε θάλασσα, ### book 115b.4 καὶ Σαλαμὶς ἀπέχει κῦδος ὀφειλόμενον. ### book 116.1 Ἀσπὶς ἐν αἰγιαλοῖσι βοᾷ καὶ σῆμα τινάσσει ### book 116.2 αὐτόν ς’ ἐκκαλέουσα, τὸν ἄξιον ἀσπιδιώτην· ### book 116.3 „Ἔγρεο, παῖ Τελαμῶνος, ἔχεις σάκος Αἰακίδαο.“ ### book 117.1.1 Πένθιμον ἡνίκα πατρὶ Πολυξείνης ὑμέναιον ### book 117.1.2 ἤνυσεν ὀγκωτοῦ Πύρρος ὕπερθε τάφου, ### book 117.1.3 ὧδε πολυκλαύτοιο κόμας λακίσασα καρήνου ### book 117.1.4 Κισσηὶς τεκέων κλαῦσε φόνους Ἑκάβη· ### book 117.5.1 „Πρόσθε μὲν ἀξονίοις φθιτὸν εἴρυσας Ἕκτορα δεσμοῖς, ### book 117.5.2 νῦν δὲ Πολυξείνης αἷμα δέχῃ φθίμενος· ### book 117.5.3 Αἰακίδη, τί τοσοῦτον ἐμὴν ὠδύσσαο νηδύν; ### book 117 παισὶν ἔφυς γὰρ ἐμοῖς ἤπιος οὐδὲ νέκυς.“ ### book 118.1.1 Ὤ μοι ἐγὼν ἥβης καὶ γήραος οὐλομένοιο, ### book 118.1.2 τοῦ μὲν ἐπερχομένου, τῆς δ’ ἀπονισομένης. ### book 119.1.1 Εἴ τις ἀνὴρ ἄρχων ἐθέλει κολάκων ἀνέχεσθαι, ### book 119.1.2 πολλοὺς ἐκδώσει τοῖς μιαροῖς στόμασιν· ### book 119.1.3 ὥστε χρὴ τὸν ἄριστον ἀπεχθαίροντα δικαίως ### book 119.1.4 ὡς κόλακας μισεῖν τοὺς κολακευομένους. ### book 120.1.1 Φαῦλος ἀνὴρ πίθος ἐστὶ τετρημένος, εἰς ὃν ἁπάσας ### book 120.1.2 ἀντλῶν τὰς χάριτας εἰς κενὸν ἐξέχεας. ### book 121 Σπάρτης καὶ Σαλαμῖνος ἐγὼ φυτὸν ἀμφήριστον· ### book 121 κλαίω δ’ ἠιθέων ἔξοχον ἢ προμάχων. ### book 122.1.1 Ἀτθὶ κόρα, μελίθρεπτε, λάλος λάλον ἁρπάξασα ### book 122.1.2 τέττιγα πτανοῖς δαῖτα φέρεις τέκεσιν, ### book 122.1.3 τὸν λάλον ἁ λαλόεσσα, τὸν εὔπτερον ἁ πτερόεσσα, ### book 122.1.4 τὸν ξένον ἁ ξείνα, τὸν θερινὸν θερινά; ### book 122.5.1 κοὐχὶ τάχος ῥίψεις; οὐ γὰρ θέμις οὐδὲ δίκαιον ### book 122.5.2 ὄλλυσθ’ ὑμνοπόλους ὑμνοπόλοις στόμασιν. ### book 123.1.1 Ἐκ θοίνης φάος ἔσχεν ἐπ’ ἀχράδα μηκὰς ἰοῦσα, ### book 123.1.2 ἐκ δ’ ἐφάνη τυφλὴν μηκέτ’ ἔχουσα κόρην· ### book 123.1.3 δισσῶν τὴν ἑτέρην γὰρ ἐκέντρισεν ὀξὺς ἀκάνθης ### book 123.1.4 ὄζος. ἴδ’, ὡς τέχνης δένδρον ἐνεργότερον. ### book 124.1 Ποῖ Φοῖβος πεπόρευται; Ἄρης ἀναμίγνυται Δάφνῃ. ### book 125.1.1 Θαρσαλέοι Κελτοὶ ποταμῷ ζηλήμονι Ῥήνῳ ### book 125.1.2 τέκνα ταλαντεύουσι καὶ οὐ πάρος εἰσὶ τοκῆες, ### book 125.1.3 πρὶν πάιν ἀθρήσωσι λελουμένον ὕδατι σεμνῷ. ### book 125 αἶψα γὰρ ἡνίκα μητρὸς ὀλισθήσας διὰ κόλπων ### book 125.5.1 νηπίαχος πρῶτον προχέει δάκρυ, τὸν μὲν ἀείρας ### book 125.5.2 αὐτὸς ἐπ’ ἀσπίδι θῆκεν ἑὸν πάιν, οὐδ’ ἀλεγίζει· ### book 125.5.3 οὔπω γὰρ γενέταο φέρει νόον, πρίν γ’ ἐσαθρήσῃ ### book 125.5.4 κεκριμένον λουτροῖσιν ἐλεγξιγάμου ποταμοῖο· ### book 125.5.5 ἡ δὲ μετ’ εἰλήθυιαν ἐπ’ ἄλγεσιν ἄλγος ἔχουσα ### book 125.10.1 μήτηρ, εἰ καὶ παιδὸς ἀληθέα οἶδε τοκῆα, ### book 125.10.2 ἐκδέχεται τρομέουσα, τί μήσεται ἄστατον ὕδωρ. ### book 126.1.1 Πῇ ξίφος ἰθύνεις, κατὰ γαστέρος ἢ κατὰ μαζῶν; ### book 126.1.2 γαστὴρ ἥ ς’ ἐλόχευσεν, ἀνεθρέψαντο δὲ μαζοί. ### book 127.1.1 Ἂν περιλειφθῇ μικρὸν ἐν ἄγγεσιν ἡδέος οἴνου, ### book 127.1.2 εἰς ὀξὺ τρέπεται τοῦτο τὸ λειπόμενον· ### book 127.1.3 οὕτω ἀπαντλήσας τὸν ὅλον βίον, εἰς βαθὺ δ’ ἐλθὼν ### book 127.1.4 γῆρας ὁ πρεσβύτης γίνεται ὀξύχολος. ### book 128.1 Εἷρπε δράκων καὶ ἔπινεν ὕδωρ· σβέννυντο δὲ πηγαί, ### book 128 καὶ ποταμὸς κεκόνιστο, καὶ ἦν ἔτι διψαλέος θήρ. ### book 129.1.1 Εἷρπε τὸ μέν, τὸ δ’ ἔμελλε, τὸ δ’ ἦν ἔτι νωθρὸν ἐν εὐνῇ, ### book 129.1.2 αὐτὰρ ὁ διψήσας ποταμῷ ὑπέθηκε γένειον· ### book 129.1.3 πᾶς δ’ ἄρα Κηφισὸς εἴσω ῥέεν, ἀργαλέον δὲ ### book 129.1.4 ἀνθερεὼν κελάρυζε· κατερχομένου δὲ ῥεέθρου ### book 129.5 Κηφισὸν κώκυον ὀλωλότα πολλάκι Νύμφαι. ### book 130.1.1 Παλλάδος εἰμὶ φυτόν. Βρομίου τί με θλίβετε κλῶνες; ### book 130.1.2 ἄρατε τοὺς βότρυας· παρθένος οὐ μεθύω. ### book 131.1.1 Οὔρεσιν ἐν δολιχοῖς βλωθρὴν πίτυν ὑέτιός με ### book 131.1.2 πρόρριζον γαίης ἐξεκύλισε Νότος· ### book 131.1.3 ἔνθεν ναῦς γενόμην, ἀνέμοις πάλιν ὄφρα μάχωμαι. ### book 131.1.4 ἄνθρωποι τόλμης οὔ ποτε φειδόμενοι. ### book 132.1.1 Σωφροσύνη καὶ Ἔρως κατεναντίον ἀλλήλοισιν ### book 132.1.2 ἐλθόντες ψυχὰς ὤλεσαν ἀμφότεροι· ### book 132.1.3 Φαίδρην μὲν κτεῖνεν πυρόεις πόθος Ἱππολύτοιο, ### book 132 Ἱππόλυτον δ’ ἁγνὴ πέφνε σαοφροσύνη. ### book 133.1.1 Εἴ τις ἅπαξ γήμας πάλι δεύτερα λέκτρα διώκει, ### book 133.1.2 ναυηγὸς πλώει δὶς βυθὸν ἀργαλέον. ### book 134.1.1 Ἐλπὶς καὶ σύ, Τύχη, μέγα χαίρετε· τὴν ὁδὸν εὗρον· ### book 134.1.2 οὐκέτι γὰρ σφετέροις ἐπιτέρπομαι· ἔρρετε ἄμφω, ### book 134.1.3 οὕνεκεν ἐν μερόπεσσι πολυπλανέες μάλα ἐστέ. ### book 134.1.4 ὅσσα γὰρ ἀτρεκέως οὐκ ἔσσεται, ὔμμες ἐν ἡμῖν ### book 134.5.1 φάσματα ὡς ὕπνῳ ἐμβάλλετε οἷά τ’ ἐόντα. ### book 134.5.2 ἔρρε, κακὴ γλήνη, πολυώδυνε· ἔρρετε ἄμφω. ### book 134.5.3 παίζοιτ’, ἔστε θέλοιτε, ὅσους ἐμεῦ ὕστερον ὄντας ### book 134.5.4 εὕροιτ’ οὐ νοέοντας, ὅπερ θέμις ἐστὶ νοῆσαι. ### book 135.1 Ἀτρεκέως μάλα πᾶσι πλάνη Τύχη ἐστὶ βροτοῖσιν· ### book 135.2 ἔστι γὰρ ἀδρανέη, τὸ δ’ ἐπὶ πλέον οὐδὲ πέλουσα. ### book 135.3 γράψε τίς; οἶδε θεός. τίνος εἵνεκεν; οἶδε καὶ αὐτός. ### book 136.1.1 Αἴθε πατήρ μ’ ἐδίδαξε δασύτριχα μῆλα νομεύειν, ### book 136.1.2 ὥς κεν ὑπὸ πτελέῃσι καθήμενος ἢ ὑπὸ πέτρῃς ### book 136.1.3 συρίσδων καλάμοισιν ἐμὰς τέρπεσκον ἀνίας. ### book 136.1.4 Πιερίδες, φεύγωμεν ἐυκτιμένην πόλιν, ἄλλην ### book 136.5 πατρίδα μαστεύσωμεν· ἀπαγγελέω δ’ ἄρα πᾶσιν, ### book 136 ὡς ὀλοοὶ κηφῆνες ἐδηλήσαντο μελίσσας. ### book 137.1.1 Ἥμισύ μου τέθνηκε, τὸ δ’ ἥμισυ λιμὸς ἐλέγχει· ### book 137.1.2 σῶσόν μου, βασιλεῦ, μουσικὸν ἡμίτομον. ### book 137.3.1 Ἀμφοτέρους ἀδικεῖς, καὶ Πλουτέα καὶ Φαέθοντα, ### book 137.3.2 τὸν μὲν ἔτ’ εἰσορόων, τοῦ δ’ ἀπολειπόμενος. ### book 138.1.1 Ἦν νέος, ἀλλὰ πένης· νῦν γηρῶν πλούσιός εἰμι· ### book 138.1.2 ὢ μόνος ἐκ πάντων οἰκτρὸς ἐν ἀμφοτέροις, ### book 138.1.3 ὃς τότε μὲν χρῆσθαι δυνάμην, ὁπότ’ οὐδὲ ἓν εἶχον, ### book 138.1.4 νῦν δ’, ὁπότε χρῆσθαι μὴ δύναμαι, τότ’ ἔχω. ### book 139.1.1 Μαχλὰς ἐυκροτάλοισιν ἀνευάζουσα χορείαις, ### book 139.1.2 δίζυγα παλλομένοισι τινάγμασι χαλκὸν ἀράσσει· ### book 139.1.3 κτεὶς μὲν ὑποκλέπτων πολιὴν τρίχα, γείτονα μοίρης, ### book 139.1.4 ἠλεμάτοις ἀκτῖσι χαράσσεται ὄμματος αὐγή· ### book 139.5.1 ψευδόμενον δ’ ἐρύθημα κατέγραφεν ἄχροος αἰδώς, ### book 139.5.2 ἀγλαΐῃ στέψασα νόθῃ κεκαλυμμένα μῆλα. ### book 140.1.1 Ἕδρην χαλκεόπεζαν ἐπὶ προθύροις Ἑλικῶνος ### book 140.1.2 εἱστήκει θεράπων τις ὑπὲρ νώτοιο μεμαρπώς, ### book 140.1.3 οὐδ’ ἔθελεν μογέοντι πορεῖν ἐπίβαθρον ἀοιδῆς· ### book 140 τοὔνεκά μευ θώρηξε νόον πολύμητις ἀνάγκη ... ### book 141.1.1 Κοινῇ πὰρ κλισίῃ ληθαργικὸς ἠδὲ φρενοπλὴξ ### book 141.1.2 κείμενοι ἀλλήλων νοῦσον ἀπεσκέδασαν. ### book 141.1.3 ἐξέθορε κλίνης γὰρ ὁ τολμήεις ὑπὸ λύσσης ### book 141.1.4 καὶ τὸν ἀναίσθητον παντὸς ἔτυπτε μέλους. ### book 141.5.1 πληγαὶ δ’ ἀμφοτέροις ἐγένοντ’ ἄκος, αἷς ὁ μὲν αὐτῶν ### book 141.5.2 ἔγρετο, τὸν δ’ ὕπνῳ πουλὺς ἔριψε κόπος. ### book 142.1.1 Κρημνοβάταν, δίκερων, Νυμφῶν ἡγήτορα Πᾶνα ### book 142.1.2 ἁζόμεθ’, ὃς πετρίνου τοῦδε κέκηδε δόμου, ### book 142.1.3 ἵλαον ἔμμεναι ἄμμιν, ὅσοι λίβα τήνδε μολόντες ### book 142.1.4 ἀενάου πόματος δίψαν ἀπωσάμεθα. ### book 143.1.1 Λιτός τοι δόμος οὗτος, ἐπεὶ παρὰ κύματι πηγῷ ### book 143.1.2 ἵδρυμαι νοτερῆς δεσπότις ἠιόνος, ### book 143.1.3 ἀλλὰ φίλος· πόντῳ γὰρ ἐπὶ πλατὺ δειμαίνοντι ### book 143.1.4 χαίρω καὶ ναύταις εἰς ἐμὲ σῳζομένοις. ### book 143.5.1 ἱλάσκευ τὴν Κύπριν· ἐγὼ δέ σοι ἢ ἐν ἔρωτι ### book 143.5.2 οὔριος ἢ χαροπῷ πνεύσομαι ἐν πελάγει. ### book 144.1.1 Κύπριδος οὗτος ὁ χῶρος, ἐπεὶ φίλον ἔπλετο τήνᾳ ### book 144.1.2 αἰὲν ἀπ’ ἠπείρου λαμπρὸν ὁρῆν πέλαγος, ### book 144.1.3 ὄφρα φίλον ναύτῃσι τελῇ πλόον· ἀμφὶ δὲ πόντος ### book 144 δειμαίνει λιπαρὸν δερκόμενος ξόανον. ### book 145.1.1 Ἐλθὼν εἰς Ἀίδην, ὅτε δὴ σοφὸν ἤνυσε γῆρας, ### book 145.1.2 Διογένης ὁ κύων Κροῖσον ἰδὼν ἐγέλα· ### book 145.1.3 καὶ στρώσας ὁ γέρων τὸ τριβώνιον ἐγγὺς ἐκείνου ### book 145.1.4 τοῦ πολὺν ἐκ ποταμοῦ χρυσὸν ἀφυσσαμένου ### book 145.5.1 εἶπεν· „Ἐμοὶ καὶ νῦν πλείων τόπος· ὅσσα γὰρ εἶχον, ### book 145.5.2 πάντα φέρω σὺν ἐμοί, Κροῖσε, σὺ δ’ οὐδὲν ἔχεις.“ ### book 146.1.1 Ἐλπίδα καὶ Νέμεσιν Εὔνους παρὰ βωμὸν ἔτευξα, ### book 146.1.2 τὴν μέν, ἵν’ ἐλπίζῃς, τὴν δ’, ἵνα μηδὲν ἔχῃς. ### book 147.1.1 Ὦ ἴτε Δήμητρος πρὸς ἀνάκτορον, ὦ ἴτε, μύσται, ### book 147.1.2 μηδ’ ὕδατος προχοὰς δείδιτε χειμερίους· ### book 147.1.3 τοῖον γὰρ Ξενοκλῆς ὁ Ξείνιδος ἀσφαλὲς ὔμμιν ### book 147.1.4 ζεῦγμα διὰ πλατέος τοῦδ’ ἔβαλεν ποταμοῦ. ### book 148.1.1 Τὸν βίον, Ἡράκλειτε, πολὺ πλέον, ἤπερ ὅτ’ ἔζης, ### book 148.1.2 δάκρυε· νῦν ὁ βίος ἔστ’ ἐλεεινότερος. ### book 148.1.3 τὸν βίον ἄρτι γέλα, Δημόκριτε, τὸ πλέον ἢ πρίν· ### book 148.1.4 νῦν ὁ βίος πάντων ἐστὶ γελοιότερος. ### book 148.5 εἰς ὑμέας δὲ καὶ αὐτὸς ὁρῶν τὸ μεταξὺ μεριμνῶ, ### book 148 πῶς ἅμα σοὶ κλαύσω, πῶς ἅμα σοὶ γελάσω. ### book 149.1.1 Εἶχεν Ἀριστείδης ὁ Βοκέρριος οὐκ ἀπὸ πολλῶν ### book 149.1.2 πολλά, μιῆς δ’ ὄιος καὶ βοὸς εὐπορίην. ### book 149.1.3 ἀλλὰ γὰρ οὐδ’ ὁ πένης ἔφυγε φθόνον· ἤματι δ’ αὐτῷ ### book 149.1.4 θῆρες ὄιν, τὴν βοῦν δ’ ὤλεσε δυστοκίη. ### book 149.5.1 μισήσας δ’ ἀβληχὲς ἐπαύλιον, ἅμματι πήρης ### book 149.5.2 ἐκ ταύτης βιοτὴν ἀχράδος ἐκρέμασεν. ### book 150.1.1 Πλοῦτος Ἀριστείδῃ δάμαλις μία καὶ τριχόμαλλος ### book 150.1.2 ἦν ὄις· ἐκ τούτων λιμὸν ἔλαυνε θύρης. ### book 150.1.3 ἤμβροτε δ’ ἀμφοτέρων· ἀμνὴν λύκος, ἔκτανε δ’ ὠδὶς ### book 150.1.4 τὴν δάμαλιν· πενίης δ’ ὤλετο βουκόλιον. ### book 150.5.1 πηροδέτῳ δ’ ὅ γ’ ἱμάντι κατ’ αὐχένος ἅμμα λυγώσας ### book 150.5.2 οἰκτρὸς ἀμυκήτῳ κάτθανε πὰρ καλύβῃ. ### book 151.1.1 Ποῦ τὸ περίβλεπτον κάλλος σέο, Δωρὶ Κόρινθε; ### book 151.1.2 ποῦ στεφάναι πύργων, ποῦ τὰ πάλαι κτέανα; ### book 151.1.3 ποῦ νηοὶ μακάρων, ποῦ δώματα, ποῦ δὲ δάμαρτες ### book 151.1.4 Σισύφιαι λαῶν θ’ αἵ ποτε μυριάδες; ### book 151.5.1 οὐδὲ γὰρ οὐδ’ ἴχνος, πολυκάμμορε, σεῖο λέλειπται, ### book 151.5.2 πάντα δὲ συμμάρψας ἐξέφαγεν πόλεμος· ### book 151.5.3 μοῦναι ἀπόρθητοι Νηρηίδες Ὠκεανοῖο ### book 151 κοῦραι, σῶν ἀχέων μίμνομεν ἁλκυόνες. ### book 152.1.1 Ἅδε ποθ’ ἁ κλεινὰ Πριάμου πόλις, ἃν ἀλαπάξαι ### book 152.1.2 Ἑλλάνων δεκέτης οὐκ ἐτάλασσεν ἄρης ### book 152.1.3 ἀμφαδόν, ἀλλ’ ἵπποιο κακὸν ξύλον. αἴθε δ’ Ἐπειὸς ### book 152.1.4 κάτθανε πρὶν τεῦξαι δουρατέαν παγίδα· ### book 152.5.1 οὐ γὰρ ἂν Ἀτρειδᾶν ὀροφηφάγον ἁψαμένων πῦρ ### book 152.5.2 οὕτω ἐφ’ ἁμετέροις λάεσιν ἠριπόμαν. ### book 153.1.1 Ὦ πτόλι, πῇ σέο κεῖνα τὰ τείχεα, πῇ πολύολβοι ### book 153.1.2 νηοί; πῇ δὲ βοῶν κράατα τεμνομένων; ### book 153.1.3 πῇ Παφίης ἀλάβαστρα καὶ ἡ πάγχρυσος ἐφεστρίς; ### book 153.1.4 πῇ δὲ Τριτογενοῦς δείκελον ἐνδαπίης; ### book 153.5.1 πάντα μόθος χρονίη τε χύσις καὶ Μοῖρα κραταιὴ ### book 153.5.2 ἥρπασεν ἀλλοίην ἀμφιβαλοῦσα τύχην· ### book 153.5.3 καί σε τόσον νίκησε βαρὺς φθόνος. ἀλλ’ ἄρα μοῦνον ### book 153.5.4 οὔνομα σὸν κρύψαι καὶ κλέος οὐ δύναται. ### book 154.1.1 Ἱλήκοις, πολιοῦχε· σὲ μὲν χρυσαυγέι νηῷ, ### book 154.1.2 ὡς θέμις, ἁ τλάμων Ἴλιος ἠγασάμην· ### book 154.1.3 ἀλλὰ σύ με προλέλοιπας ἑλώριον, ἀντὶ δὲ μήλου ### book 154.1.4 πᾶσαν ἀπεδρέψω τείχεος ἀγλαΐην. ### book 154.5 ἄρκιον ἦν θνᾴσκειν τὸν βουκόλον· εἰ γὰρ ἄθεσμος ### book 154 ἔπλετο, τᾶς πάτρας οὐκ ἀλίτημα τόδε. ### book 155.1.1 Εἰ μὲν ἀπὸ Σπάρτης τις ἔφυς, ξένε, μή με γελάσσῃς· ### book 155.1.2 οὐ γὰρ ἐμοὶ μούνῃ ταῦτα τέλεσσε Τύχη· ### book 155.1.3 εἰ δέ τις ἐξ Ἀσίης, μὴ πένθεε· Δαρδανικοῖς γὰρ ### book 155.1.4 σκήπτροις Αἰνεαδῶν πᾶσα νένευκε πόλις· ### book 155.5.1 εἰ δὲ θεῶν τεμένη καὶ τείχεα καὶ ναετῆρας ### book 155.5.2 ζηλήμων δηίων ἐξεκένωσεν ἄρης, ### book 155.5.3 εἰμὶ πάλιν βασίλεια. σὺ δ’, ὦ τέκος, ἄτρομε Ῥώμη, ### book 155.5.4 βάλλε καθ’ Ἑλλήνων σῆς ζυγόδεσμα δίκης. ### book 156.1.1 Δέρκεο τὸν Τροίας δεκέτη λόχον, εἴσιδε πῶλον ### book 156.1.2 εὐόπλου Δαναῶν ἔγκυον ἡσυχίης. ### book 156.1.3 τεκταίνει μὲν Ἐπειός, Ἀθηναίη δὲ κελεύει ### book 156.1.4 ἔργον, ὑπὲκ νώτου δ’ Ἑλλὰς ὅλα δύεται. ### book 156.5.1 ἦ ῥα μάταν ἀπόλοντο τόσος στρατός, εἰ πρὸς Ἄρηα ### book 156.5.2 ἦν δόλος Ἀτρείδαις ἐσθλότερος πολέμου. ### book 157.1.1 Τίς θεὸν εἶπεν Ἔρωτα; θεοῦ κακὸν οὐδὲν ὁρῶμεν ### book 157.1.2 ἔργον, ὁ δ’ ἀνθρώπων αἵματι μειδιάει. ### book 157.1.3 οὐ θοὸν ἐν παλάμαις κατέχει ξίφος; ἠνίδ’ ἄπιστα ### book 157.1.4 τῆς θειοδμήτου σκῦλα μιαιφονίης. ### book 157.5.1 μήτηρ μὲν σὺν παιδὶ κατέφθιτο· αὐτὰρ ἐπ’ αὐτοῖς ### book 157.5.2 ποίνιμος ἔκτεινεν φῶτα λιθοκτονίη. ### book 157.5.3 καὶ ταῦτ’ οὔτ’ Ἄϊδος οὔτ’ Ἄρεος, ἔργα δ’ Ἔρωτος ### book 157 λεύσσομεν, οἷς παίζει κεῖνος ὁ νηπίαχος. ### book 158.1.1 Αἱ τρισσαί ποτε παῖδες ἐν ἀλλήλῃσιν ἔπαιζον ### book 158.1.2 κλήρῳ, τίς προτέρη βήσεται εἰς Ἀίδην· ### book 158.1.3 καὶ τρὶς μὲν χειρῶν ἔβαλον κύβον, ἦλθε δὲ πασῶν ### book 158.1.4 ἐς μίαν· ἡ δ’ ἐγέλα κλῆρον ὀφειλόμενον. ### book 158.5.1 ἐκ τέγεος γὰρ ἄελπτον ἀπωλίσθησε πέσημα, ### book 158.5.2 δύσμορος, ἐς δ’ Ἀίδην ἤλυθεν, ὡς ἔλαχεν. ### book 158.5.3 ἀψευδὴς ὁ κλῆρος, ὅτῳ κακόν· ἐς δὲ τὸ λῷον ### book 158.5.4 οὔτ’ εὐχαὶ θνητοῖς εὔστοχοι οὔτε χέρες. ### book 159.1.1 Κρανίον ἐν τριόδοισι κατοιχομένου τις ἐσαθρῶν ### book 159.1.2 εἰκόνα τὴν κοινὴν οὐκ ἐδάκρυσε βίου· ### book 159.1.3 δεξιτερὴν δ’ ἔρριψεν ἐπὶ χθόνα καὶ λίθον ἧκεν ### book 159.1.4 κωφὸν μὲν δοκέοντ’, ἀλλὰ πνέοντα δίκης. ### book 159.5.1 ὀστέον ὡς γὰρ ἔπληξεν, ἀφήλατο καὶ τὸν ἀφέντα ### book 159.5.2 πήρωσεν, γλυκεροῦ βλέμματος ὀρφανίσας. ### book 159.5.3 καὶ πάλιν εἰς ἀίδην ἐκολάζετο, τὴν ἰδίην δὲ ### book 159.5.4 ἔκλαυσεν χειρῶν εὔστοχον ἀφροσύνην. ### book 160.1 Ἡρόδοτος Μούσας ὑπεδέξατο· τῷ δ’ ἄρ’ ἑκάστη ### book 160 ἀντὶ φιλοξενίης βίβλον ἔδωκε μίαν. ### book 161.1.1 Ἡσιόδου ποτὲ βύβλον ἐμαῖς ὑπὸ χερσὶν ἑλίσσων ### book 161.1.2 Πύρρην ἐξαπίνης εἶδον ἐπερχομένην· ### book 161.1.3 βύβλον δὲ ῥίψας ἐπὶ γῆν χερί, τοῦτ’ ἐβόησα· ### book 161.1.4 „Ἔργα τί μοι παρέχεις, ὦ γέρον Ἡσίοδε;“ ### book 162.1.1 Ἤμην ἀχρεῖον κάλαμος φυτόν· ἐκ γὰρ ἐμεῖο ### book 162.1.2 οὐ σῦκ’, οὐ μῆλον φύεται, οὐ σταφυλή· ### book 162.1.3 ἀλλά μ’ ἀνὴρ ἐμύης’ Ἑλικωνίδα λεπτὰ τορήσας ### book 162.1.4 χείλεα καὶ στεινὸν ῥοῦν ὀχετευσάμενος. ### book 162.5.1 ἐκ δὲ τοῦ εὖτε πίοιμι μέλαν ποτόν, ἔνθεος οἷα ### book 162.5.2 πᾶν ἔπος ἀφθέγκτῳ τῷδε λαλῶ στόματι. ### book 163.1.1 Ἐκ πυρὸς Ἰλιακοῦ δοράτων μέσον ἥρπασεν ἥρως ### book 163.1.2 Αἰνείας, ὅσιον παιδὶ βάρος, πατέρα· ### book 163.1.3 ἔκλαγε δ’ Ἀργείοις· „Μὴ ψαύετε· μικρὸν ἐς ἄρη ### book 163.1.4 κέρδος ὁ γηραλέος, τῷ δὲ φέροντι μέγα.“ ### book 164.1 Τίς σέ, Δικαιοσύνη, βροτὸς ἤκαχεν; —„Οὗτος ὁ κλέπτης ### book 164 ἐνθάδε με στήσας, οὐδὲν ἔχων πρὸς ἐμέ.“ ### book 165.1.1 Ὀργὴ τοῦ Διός ἐστι γυνὴ πυρὸς ἀντιδοθεῖσα ### book 165.1.2 δῶρον, ἀνιηρὸν τοῦ πυρὸς ἀντίδοτον· ### book 165.1.3 ἄνδρα γὰρ ἐκκαίει ταῖς φροντίσιν ἠδὲ μαραίνει ### book 165.1.4 καὶ γῆρας προπετὲς τῇ νεότητι φέρει. ### book 165.5.1 οὐδ’ ὁ Ζεὺς ἀμέριμνος ἔχει χρυσόθρονον Ἥρην, ### book 165.5.2 πολλάκι γοῦν αὐτὴν ῥῖψεν ἀπ’ ἀθανάτων ### book 165.5.3 ἠέρι καὶ νεφέλῃσι μετήορον· οἶδεν Ὅμηρος, ### book 165.5.4 καὶ Δία συγγράψας τῇ γαμετῇ χόλιον. ### book 165.5.5 οὕτως οὐδέποτ’ ἐστὶ γυνὴ σύμφωνος ἀκοίτῃ, ### book 165.10 οὐδὲ καὶ ἐν χρυσέῳ μιγνυμένη δαπέδῳ. ### book 166.1.1 Πᾶσαν Ὅμηρος ἔδειξε κακὴν σφαλερήν τε γυναῖκα, ### book 166.1.2 σώφρονα καὶ πόρνην ἀμφοτέρας ὄλεθρον. ### book 166.1.3 ἐκ γὰρ τῆς Ἑλένης μοιχευσαμένης φόνος ἀνδρῶν ### book 166.1.4 καὶ διὰ σωφροσύνην Πηνελόπης θάνατοι. ### book 166.5.1 Ἰλιὰς οὖν τὸ πόνημα μιᾶς χάριν ἐστὶ γυναικός, ### book 166.5.2 αὐτὰρ Ὀδυσσείῃ Πηνελόπη πρόφασις. ### book 167.1.1 Ὁ Ζεὺς ἀντὶ πυρὸς πῦρ ὤπασεν ἄλλο, γυναῖκας· ### book 167.1.2 εἴθε δὲ μήτε γυνὴ μήτε τὸ πῦρ ἐφάνη. ### book 167.1.3 πῦρ μὲν δὴ ταχέως καὶ σβέννυται· ἡ δὲ γυνὴ πῦρ ### book 167 ἄσβεστον, φλογερόν, πάντοτ’ ἀναπτόμενον. ### book 168.1.1 „Μῆνιν οὐλομένην“ γαμετὴν ὁ τάλας γεγάμηκα ### book 168.1.2 καὶ παρὰ τῆς τέχνης μήνιδος ἀρξάμενος. ### book 168.1.3 ὤμοι ἐγὼ πολύμηνις, ἔχων τριχόλωτον ἀνάγκην, ### book 168.1.4 τέχνης γραμματικῆς καὶ γαμετῆς μαχίμης. ### book 169.1.1 Μῆνις Ἀχιλλῆος καὶ ἐμοὶ πρόφασις γεγένηται ### book 169.1.2 οὐλομένης πενίης γραμματικευσαμένῳ. ### book 169.1.3 εἴθε δὲ σὺν Δαναοῖς με κατέκτανε μῆνις ἐκείνη, ### book 169.1.4 πρὶν χαλεπὸς λιμὸς γραμματικῆς ὀλέσει. ### book 169.5.1 ἀλλ’ ἵν’ ἀφαρπάξῃ Βρισηίδα πρὶν Ἀγαμέμνων, ### book 169.5.2 τὴν Ἑλένην δ’ ὁ Πάρις, πτωχὸς ἐγὼ γενόμην. ### book 170.1.1 Νηδὺν ἀναίσχυντον στιβαροῖς ᾔσχυνα λογισμοῖς ### book 170.1.2 σωφροσύνῃ κολάσας ἔντερον ἀργαλέον· ### book 170.1.3 εἰ γὰρ ἔχω τὸν νοῦν ἐπικείμενον ὑψόθι γαστρός, ### book 170.1.4 πῶς μὴ νικήσω τὴν ὑποτασσομένην; ### book 171.1.1 Ὄργανα Μουσάων, τὰ πολύστονα βιβλία πωλῶ ### book 171.1.2 εἰς ἑτέρας τέχνης ἔργα μετερχόμενος. ### book 171.1.3 Πιερίδες, σῴζοισθε· λόγοι, συντάσσομαι ὑμῖν· ### book 171 σύνταξις γὰρ ἐμοὶ καὶ θάνατον παρέχει. ### book 172.1.1 Ἐλπίδος οὐδὲ Τύχης ἔτι μοι μέλει, οὐδ’ ἀλεγίζω ### book 172.1.2 λοιπὸν τῆς ἀπάτης· ἤλυθον εἰς λιμένα. ### book 172b.1.1 Εἰμὶ πένης ἄνθρωπος, ἐλευθερίῃ δὲ συνοικῶ· ### book 172b.1.2 ὑβριστὴν πενίης πλοῦτον ἀποστρέφομαι. ### book 173.1.1 Ἀρχὴ γραμματικῆς πεντάστιχός ἐστι κατάρα· ### book 173.1.2 πρῶτος „μῆνιν“ ἔχει, δεύτερος „οὐλομένην“, ### book 173.1.3 καὶ μετὰ δ’ „οὐλομένην“ Δαναῶν πάλιν „ἄλγεα“ πολλά· ### book 173.1.4 ὁ τρίτατος „ψυχὰς εἰς Ἀίδην“ κατάγει· ### book 173.5.1 τοῦ δὲ τεταρταίου τὰ „ἑλώρια“ καὶ „κύνεσ“ ἀργοί, ### book 173.5.2 πέμπτου δ’ „οἰωνοὶ“ καὶ „χόλοσ“ ἐστὶ „Διόσ“. ### book 173.5.3 πῶς οὖν γραμματικὸς δύναται μετὰ πέντε κατάρας ### book 173.5.4 καὶ πέντε πτώσεις μὴ μέγα πένθος ἔχειν; ### book 174.1.1 Ἐνθάδε παιδεύουσιν ὅσοις κεχόλωτο Σάραπις, ### book 174.1.2 τοῖσιν ἀπ’ „οὐλομένης μήνιδοσ“ ἀρχομένοις· ### book 174.1.3 ἔνθα τροφὸς κατὰ μῆνα φέρει μισθὸν μετ’ ἀνάγκης, ### book 174.1.4 βύβλῳ καὶ χάρτῃ δησαμένη πενίην· ### book 174.5.1 ὡς δὲ κάπνισμα τιθεῖ παρὰ τὸν θρόνον, ὡς παρὰ τύμβον, ### book 174.5.2 τὸν μικρὸν χάρτην τὸν παραριπτόμενον. ### book 174.5.3 κλέπτει δ’ ἐξ ὀλίγου μισθὸν καὶ χαλκὸν ἀμείβει ### book 174.5.4 καὶ μόλιβον μίσγει καὶ τὸ ἔθος δέχεται. ### book 174.5.5 ἢν δέ τις εἰς ἐνιαυτὸν ἄγῃ χρυσοῖο νόμισμα, ### book 174.10.1 ἑνδεκάτῳ μηνί, πρὶν προφέρειν, μετέβη, ### book 174.10.2 ἀγνώμων δὲ φανεὶς καὶ τὸν πρότερον διασύρας ### book 174 γραμματικὸν στερέσας μισθὸν ὅλου ἔτεος. ### book 175.1.1 Καλλίμαχον πωλῶ καὶ Πίνδαρον ἠδὲ καὶ αὐτὰς ### book 175.1.2 πτώσεις γραμματικῆς πτῶσιν ἔχων πενίης. ### book 175.1.3 Δωρόθεος γὰρ ἐμὴν τροφίμην σύνταξιν ἔλυσε ### book 175.1.4 πρεσβείην κατ’ ἐμοῦ τὴν ἀσεβῆ τελέσας. ### book 175.5.1 ἀλλὰ σύ μου πρόστηθι, Θέων φίλε, μηδέ μ’ ἐάσῃς ### book 175.5.2 συνδέσμῳ πενίης τὸν βίον ἐξανύσαι. ### book 176.1.1 Ἐκλήθην παρὰ σοῦ τοῦ ῥήτορος· εἰ δ’ ἀπελείφθην, ### book 176.1.2 τὴν τιμὴν ἀπέχω καὶ πλέον εἰμὶ φίλος. ### book 176.1.3 οὐδὲ γὰρ ἡ ψυχὴ τὸ φαγεῖν κρίνουσα γέγηθεν, ### book 176.1.4 ἀλλὰ μόνον τιμῆς αἰσθομένη τρέφεται. ### book 177.1.1 Αἴαντος παρὰ τύμβον ἀταρβήτοιο παραστὰς ### book 177.1.2 Φρὺξ ὑπεόντι κακῆς ἦρχεν ἐπεσβολίης· ### book 177.1.3 „Αἴας δ’ οὐκέτ’ ἔμιμνεν.“ ὁ δ’ ἀντεγέγωνεν ἔνερθε· ### book 177.1.4 „Μίμνεν.“ ὁ δ’ οὐκέτ’ ἔτλη ζωὸς ἀποφθίμενον. ### book 178.1.1 Ὡς πάρος Ἀελίου, νῦν Καίσαρος ἁ Ῥόδος εἰμὶ ### book 178.1.2 νᾶσος, ἴσον δ’ αὐχῶ φέγγος ἀπ’ ἀμφοτέρων· ### book 178.1.3 ἤδη σβεννυμέναν με νέα κατεφώτισεν ἀκτίς, ### book 178.1.4 Ἅλιε, καὶ παρὰ σὸν φέγγος ἔλαμψε Νέρων. ### book 178.5 πῶς εἴπω, τίνι μᾶλλον ὀφείλομαι; ὃς μὲν ἔδειξεν ### book 178 ἐξ ἁλός, ὃς δ’ ἤδη ῥύσατο δυομέναν. ### book 179.1.1 Τοξοβόλον τὸν Ἔρωτα τίς ἔξεσεν ἐκ λιβανωτοῦ, ### book 179.1.2 τόν ποτε μηδ’ αὐτοῦ Ζηνὸς ἀποσχόμενον; ### book 179.1.3 ὀψέ ποθ’ Ἡφαίστῳ κεῖται σκοπός, ὃν καθορᾶσθαι ### book 179.1.4 ἔπρεπεν οὐκ ἄλλως ἢ πυρὶ τυφόμενον. ### book 180.1.1 Τύχη καπηλεύουσα πάντα τὸν βίον, ### book 180.1.2 ἀσυγκέραστον τὴν φύσιν κεκτημένη, ### book 180.1.3 καὶ συγκυκῶσα καὶ μεταντλοῦς’ αὖ πάλιν ### book 180.1.4 καὐτὴ κάπηλός ἐστι νῦν τις, οὐ θεά, ### book 180.5 τέχνην λαχοῦσα τὴν τρόπων ἐπαξίαν. ### book 181.1.1 Ἀνεστράφησαν, ὡς ὁρῶ, τὰ πράγματα, ### book 181.1.2 καὶ τὴν Τύχην νῦν δυστυχοῦσαν εἴδομεν. ### book 182.1.1 Καὶ σύ, Τύχη δέσποινα, τύχην ἀτυχῆ πόθεν ἔσχες; ### book 182.1.2 ἡ παρέχουσα τύχας πῶς ἀτυχὴς γέγονας; ### book 182.1.3 μάνθανε καὶ σὺ φέρειν τὰ σὰ ῥεύματα, καὶ σὺ διδάσκου ### book 182 τὰς ἀτυχεῖς πτώσεις, ἃς παρέχεις ἑτέροις. ### book 183.1.1 Καὶ σύ, Τύχη, λοιπὸν μεταβαλλομένη καταπαίζου, ### book 183.1.2 μηδὲ τύχης τῆς σῆς ὕστατα φεισαμένη· ### book 183.1.3 ἣ πρὶν νηὸν ἔχουσα καπηλεύεις μετὰ γῆρας, ### book 183.1.4 θερμοδότις μερόπων νῦν ἀναφαινομένη. ### book 183.5.1 νῦν ὁσίως στένε καὶ σὺ τεὸν πάθος, ἄστατε δαῖμον, ### book 183.5.2 τὴν σὴν ὡς μερόπων νῦν μετάγουσα τύχην. ### book 184.1.1 Πίνδαρε, Μουσάων ἱερὸν στόμα, καὶ λάλε Σειρὴν ### book 184.1.2 Βακχυλίδη Σαπφοῦς τ’ Αἰολίδες χάριτες ### book 184.1.3 γράμμα τ’ Ἀνακρείοντος, Ὁμηρικὸν ὅς τ’ ἀπὸ ῥεῦμα ### book 184.1.4 ἔσπασας οἰκείοις, Στησίχορ’, ἐν καμάτοις, ### book 184.5.1 ἥ τε Σιμωνίδεω γλυκερὴ σελὶς ἡδύ τε Πειθοῦς ### book 184.5.2 Ἴβυκε καὶ παίδων ἄνθος ἀμησάμενε ### book 184.5.3 καὶ ξίφος Ἀλκαίοιο, τὸ πολλάκις αἷμα τυράννων ### book 184.5.4 ἔσπεισεν πάτρης θέσμια ῥυόμενον, ### book 184.5.5 θηλυμελεῖς τ’ Ἀλκμᾶνος ἀηδόνες, ἵλατε, πάσης ### book 184.10 ἀρχὴν οἳ λυρικῆς καὶ πέρας ἐστάσατε. ### book 185.1 Ἀρχιλόχου τάδε μέτρα καὶ ἠχήεντες ἴαμβοι ### book 185 θυμοῦ καὶ φοβερῆς ἰὸς ἐπεσβολίης. ### book 186.1.1 Βίβλοι Ἀριστοφάνευς, θεῖος πόνος, αἷσιν Ἀχαρνεὺς ### book 186.1.2 κισσὸς ἐπὶ χλοερὴν πουλὺς ἔσεισε κόμην· ### book 186.1.3 ἠνίδ’ ὅσον Διόνυσον ἔχει σελίς, οἷα δὲ μῦθοι ### book 186.1.4 ἠχεῦσιν φοβερῶν πληθόμενοι χαρίτων. ### book 186.5.1 ὦ καὶ θυμὸν ἄριστε καὶ Ἑλλάδος ἤθεσιν ἶσα, ### book 186.5.2 κωμικέ, καὶ στύξας ἄξια καὶ γελάσας. ### book 187.1.1 Αὐταί σοι στομάτεσσιν ἀνηρείψαντο μέλισσαι ### book 187.1.2 ποικίλα Μουσάων ἄνθεα δρεψάμεναι· ### book 187.1.3 αὐταὶ καὶ Χάριτές σοι ἐδωρήσαντο, Μένανδρε, ### book 187.1.4 στωμύλον εὐστοχίην δράμασιν ἐνθέμεναι. ### book 187.5.1 ζώεις εἰς αἰῶνα· τὸ δὲ κλέος ἐστὶν Ἀθήναις ### book 187.5.2 ἐκ σέθεν οὐρανίων ἁπτόμενον νεφέων. ### book 188.1.1 Ἀτθίδος εὐγλώσσου στόμα φέρτατον, οὐ σέο μεῖζον ### book 188.1.2 φθέγμα Πανελλήνων πᾶσα κέκευθε σελίς· ### book 188.1.3 πρῶτος δ’ εἴς τε θεὸν καὶ ἐς οὐρανὸν ὄμμα τανύσσας, ### book 188.1.4 θεῖε Πλάτων, ἤθη καὶ βίον ηὐγάσαο ### book 188.5 Σωκρατικῷ Σάμιον κεράσας μυκτῆρι φρόνημα, ### book 188 κάλλιστον σεμνῆς σῆμα διχοστασίης. ### book 189.1.1 Ἔλθετε πρὸς τέμενος ταυρώπιδος ἀγλαὸν Ἥρης, ### book 189.1.2 Λεσβίδες, ἁβρὰ ποδῶν βήμαθ’ ἑλισσόμεναι· ### book 189.1.3 ἔνθα καλὸν στήσασθε θεῇ χορόν· ὔμμι δ’ ἀπάρξει ### book 189.1.4 Σαπφὼ χρυσείην χερσὶν ἔχουσα λύρην. ### book 189.5.1 ὄλβιαι ὀρχηθμοῦ πολυγηθέος· ἦ γλυκὺν ὕμνον ### book 189.5.2 εἰσαΐειν αὐτῆς δόξετε Καλλιόπης. ### book 190.1.1 Λέσβιον Ἠρίννης τόδε κηρίον· εἰ δέ τι μικρόν, ### book 190.1.2 ἀλλ’ ὅλον ἐκ Μουσέων κιρνάμενον μέλιτι. ### book 190.1.3 οἱ δὲ τριηκόσιοι ταύτης στίχοι ἶσοι Ὁμήρῳ, ### book 190.1.4 τῆς καὶ παρθενικῆς ἐννεακαιδεκέτευς· ### book 190.5.1 ἣ καὶ ἐπ’ ἠλακάτῃ μητρὸς φόβῳ, ἣ καὶ ἐφ’ ἱστῷ ### book 190.5.2 ἑστήκει Μουσέων λάτρις ἐφαπτομένη. ### book 190.5.3 Σαπφὼ δ’ Ἠρίννης ὅσσον μελέεσσιν ἀμείνων, ### book 190.5.4 Ἤριννα Σαπφοῦς τόσσον ἐν ἑξαμέτροις. ### book 191.1.1 Οὐκ ἂν ἐν ἡμετέροισι πολυγνάμπτοις λαβυρίνθοις ### book 191.1.2 ῥηιδίως προμόλοις ἐς φάος, αἴ κε τύχῃς· ### book 191.1.3 τοίους γὰρ Πριαμὶς Κασάνδρη φοίβασε μύθους, ### book 191.1.4 ἄγγελος οὓς βασιλεῖ ἔφρασε λοξοτρόχις. ### book 191.5 εἰ δέ σε φίλατο Καλλιόπη, λάβε μ’ ἐς χέρας· εἰ δὲ ### book 191 νῆις ἔφυς Μουσέων, χερσὶ βάρος φορέεις. ### book 192.1.1 Αἱ βίβλοι, τίνες ἐστέ; τί κεύθετε; —„Θυγατέρες μὲν ### book 192.1.2 Μαιονίδου, μύθων δ’ ἵστορες Ἰλιακῶν· ### book 192.1.3 ἁ μία μὲν μηνιθμὸν Ἀχιλλέος ἔργα τε χειρὸς ### book 192.1.4 Ἑκτορέας δεκέτους τ’ ἆθλα λέγει πολέμου· ### book 192.5.1 ἁ δ’ ἑτέρα μόχθον τὸν Ὀδυσσέος ἀμφί τε λέκτροις ### book 192.5.2 χηρείοις ἀγαθᾶς δάκρυα Πηνελόπας.“ — ### book 192.5.3 Ἵλατε σὺν Μούσαισι· μεθ’ ὑμετέρας γὰρ ἀοιδὰς ### book 192.5.4 εἶπεν ἔχειν αἰὼν ἕνδεκα Πιερίδας. ### book 193.1.1 Ἱστορίην ἐτέλεσσα Θεοῦ χαρίτεσσι σοφῇσι ### book 193.1.2 πράγματ’ ἀληθείης ποικίλ’ ὑφηνάμενος. ### book 194.1 Γράμματα δώδεκ’ ἔχει Φιλοστόργιος, οὔνομα καλόν. ### book 194.2 τοὔνεκα δὴ κατὰ γράμμα λόγους ἀνεγράψατο τούτους ### book 194.3 ἀρξάμενος πρώτου ἀπὸ γράμματος, εἶτεν ἐφεξῆς ### book 194.4 καὶ διὰ τῆς αὐτῶν ἀρχῆς ἑὸν οὔνομα γράψας. ### book 195.1.1 Κωνσταντινιάδης Ἀσκληπιὸς ἄστυ γεραίρων ### book 195.1.2 γράψεν Ἀναζαρβοῦ πάτρια κυδαλίμης. ### book 196.1 Ἀθανάτοισι θεοῖς κεχαρισμένα πάντοτε ῥέζων ### book 196 καὶ τάδ’ ἐπ’ εὐσεβέοντι νόῳ συνέγραψε Μαρῖνος. ### book 197.1.1 Καὶ τόδε σῆς ζαθέης κεφαλῆς περιώσιον ἔργον, ### book 197.1.2 Πρόκλε μάκαρ, πάντων βρέτας ἔμπνοον ὅττι Μαρῖνον ### book 197.1.3 ἀθανάτων μερόπεσσι βοηθόον εὐσεβέεσσιν ### book 197.1.4 ἀντὶ τεῆς ἱερῆς κεφαλῆς ψυχοσσόον ἄλκαρ ### book 197.5.1 κάλλιπες, ὃς βιοτὴν θεοτερπέα σεῖο λιγαίνων ### book 197.5.2 γράψε τάδ’ ἐσσομένοις μνημήια σῶν ἀρετάων. ### book 198.1.1 Νόννος ἐγώ· Πανὸς μὲν ἐμὴ πόλις, ἐν Φαρίῃ δὲ ### book 198.1.2 ἔγχεϊ φωνήεντι γονὰς ἤμησα Γιγάντων. ### book 199.1 Δίου Ὀρειβασίοιο, τὸν ἀθανάτην διὰ τέχνην ### book 199.2 πολλάκι δειμαίνουσα μίτους ἀνεβάλλετο Μοίρη. ### book 200.1.1 Βίβλος μηχανική· Κύρινος δέ μιν ἐξεπόνησε ### book 200.1.2 Μαρκέλλου γνωτοῖο συνερχομένου κατὰ μόχθον. ### book 201.1 Θέσφατα μαντῴης Φοιβηίδος ὄργια τέχνης ### book 201 ἀστρολόγων Παῦλός μ’ ἐδιδάξατο κύδιμος ἀνήρ. ### book 202.1.1 Βίβλος Θέωνος καὶ Πρόκλου, τῶν πανσόφων· ### book 202.1.2 βίβλος πόλου τε καὶ χθονὸς φέρει μέτρα. ### book 202.1.3 Θέων πόλον μὲν καὶ Πρόκλος μετρεῖ χθόνα, ### book 202.1.4 Πρόκλος μὲν οὖν γῆν καὶ Θέων μετρεῖ πόλον. ### book 202.5.1 ἄμφω δ’ ἐπ’ ἴσης τῶν ἐπαίνων ἄξιοι, ### book 202.5.2 ἄμφω δ’ ἀμοιβὴν τῶν λόγων τετεύχατον. ### book 202.5.3 Θέων Πρόκλου γὰρ λαμβάνων σοφὰς θέσεις ### book 202.5.4 δείκνυσι ταύταις τοὺς δρόμους τῶν ἀστέρων, ### book 202.5.5 Πρόκλος δὲ δείξεις τοῦ Θέωνος λαμβάνων ### book 202.10.1 ταύταις ἀναλύει καὶ προβάλλει τὰς θέσεις. ### book 202.10.2 ἀλλ’, ὦ σοφὴ ξυνωρί, χαῖρέ μοι λίαν· ### book 202.10.3 χαίροις, Θέων ἄριστε, πάνσοφον κάρα, ### book 202.10.4 ὁ νῦν πυκάζων τὴν Ἀλεξάνδρου πόλιν· ### book 202.10.5 χαίροις δὲ καὶ σύ, Πρόκλε, τοῦ Σαρπηδόνος ### book 202.15 ἄριστον αἷμα τοῖς ὅλοις βοώμενον. ### book 203.1.1 Ἔρωτα πικρόν, ἀλλὰ σώφρονα βίον ### book 203.1.2 ὁ Κλειτοφῶντος ὥσπερ ἐμφαίνει λόγος· ### book 203.1.3 ὁ Λευκίππης δὲ σωφρονέστατος βίος ### book 203.1.4 ἅπαντας ἐξίστησι, πῶς τετυμμένη ### book 203.5.1 κεκαρμένη τε καὶ κατηχρειωμένη, ### book 203.5.2 τὸ δὴ μέγιστον, τρὶς θανοῦς’ ἐκαρτέρει. ### book 203.5.3 εἴπερ δὲ καὶ σὺ σωφρονεῖν θέλῃς, φίλος, ### book 203.5.4 μὴ τὴν πάρεργον τῆς γραφῆς σκόπει θέαν, ### book 203.5.5 τὴν τοῦ λόγου δὲ πρῶτα συνδρομὴν μάθε· ### book 203.10 νυμφοστολεῖ γὰρ τοὺς ποθοῦντας ἐμφρόνως. ### book 204.1.1 Μή με τὸν Αἰάντειον ἀνοχμάσσειας, ὁδῖτα, ### book 204.1.2 πέτρον ἀκοντιστὴν στήθεος Ἑκτορέου. ### book 204.1.3 εἰμὶ μέλας τρηχύς τε· σὺ δ’ εἴρεο θεῖον Ὅμηρον, ### book 204.1.4 πῶς τὸν Πριαμίδην ἐξεκύλισα πέδῳ. ### book 204.5.1 νῦν δὲ μόλις βαιόν με παροχλίζουσιν ἀρούρης ### book 204.5.2 ἄνθρωποι, γενεῆς αἴσχεα λευγαλέης. ### book 204.5.3 ἀλλά μέ τις κρύψειεν ὑπὸ χθονός· αἰδέομαι γὰρ ### book 204.5.4 παίγνιον οὐτιδανοῖς ἀνδράσι γινόμενος. ### book 205.1.1 Βουκολικαὶ Μοῖσαι σποράδες ποκά, νῦν δ’ ἅμα πᾶσαι ### book 205.1.2 ἐντὶ μιᾶς μάνδρας, ἐντὶ μιᾶς ἀγέλας. ### book 206.1.1 Ταυτολόγων κανόνων φεῦ πληθύος ἠδ’ ἀιδήλων ### book 206.1.2 ξυσμάων, λεπτὸς τὰς ἐχάραξε δόναξ. ### book 206.1.3 ὄμματά μευ κέκμηκε, τένων, ῥάχις, ἰνίον, ὦμοι· ### book 206.1.4 τῆς „Καθόλου“ δὲ φέρω τὴν ὀδύνην καθόλου. ### book 207.1.1 Μῆτιν Ἐπικτήτοιο τεῷ ἐνικάτθεο θυμῷ, ### book 207.1.2 ὄφρα κεν εἰσαφίκηαι ἐς οὐρανίους κενεῶνας ### book 207 ψυχὴν ὑψικέλευθον ἐλαφρίζων ἀπὸ γαίης. ### book 208.1 Ὅς κεν Ἐπικτήτοιο σοφὴν τελέσειε μενοινήν, ### book 208.2 μειδιάει βιότοιο γαληνιόων ἐνὶ πόντῳ ### book 208.3 καὶ μετὰ ναυτιλίην βιοτήσιον εἰσαφικάνει ### book 208.4 οὐρανίην ἁψῖδα καὶ ἀστερίην περιωπήν. ### book 209.1.1 Τίπτε μετοκλάζεις πεποτημένη ὄζον ἀπ’ ὄζου; ### book 209.1.2 τοῖα καὶ ἄλλη ἔρεξε καὶ οὐ φύγεν ἰξοφορῆας ### book 209.1.3 ἡμετέρους δόνακας, περὶ δὲ πτερὰ πυκνὰ βαλοῦσα ### book 209.1.4 ἤλυθε τεχνήεντα, καὶ οὐκ ἐθέλουσα, πρὸς ἄνδρα. ### book 210.1 Δέρκεό μοι κρατερῶν καμάτων ἐγκύμονα βίβλον, ### book 210.2 ἣν πάρος Ἀδριανὸς μὲν ἄναξ ἔχεν ἐν πολέμοισι, ### book 210.3 κρύψε δ’ ἀεργίη χρόνον ἄσπετον ἐγγύθι λήθης· ### book 210.4 ἀλλ’ ὑπὸ καρτερόχειρος Ἀναστασίου βασιλῆος ### book 210.5.1 ἤλυθον ἐς φάος αὖθις, ἵνα στρατιῇσιν ἀρήξω. ### book 210.5.2 οἶδα γὰρ ἀνδροφόνου καμάτους πολέμοιο διδάσκειν, ### book 210.5.3 οἶδα δέ, πῶς μετ’ ἐμεῖο καὶ ἑσπερίης ἁλὸς ἄνδρας ### book 210.5.4 καὶ Πέρσας ὀλέσεις καὶ αἰνομόρους Σαρακηνοὺς ### book 210.5.5 καὶ θοὸν ἱπποκέλευθον ἀρειμανέων γένος Οὔννων, ### book 210.10.1 πετράων τ’ ἐφύπερθεν ἀλυσκάζοντας Ἰσαύρους· ### book 210.10.2 πάντα δ’ ὑπὸ σκήπτροισιν Ἀναστασίοιο τελέσσω, ### book 210 ὃν καὶ Τραϊανοῖο φαάντερον ἤγαγεν αἰών. ### book 211.1.1 Παιήων, Χείρων, Ἀσκληπιὸς Ἱπποκράτης τε· ### book 211.1.2 τοῖς δ’ ἔπι Νίκανδρος προφερέστερον ἔλλαχεν εὖχος. ### book 212.1 Φάρμακα πολλὰ μὲν ἐσθλὰ μεμιγμένα, πολλὰ δὲ λυγρὰ ### book 212.2 Νίκανδρος κατέλεξεν ἐπιστάμενος περὶ πάντων ### book 212.3 ἀνθρώπων· ἦ γὰρ Παιήονός ἐστι γενέθλης. ### book 213.1 Καὶ Κολοφὼν ἀρίδηλος ἐνὶ πτολίεσσι τέτυκται ### book 213.2 δοιοὺς θρεψαμένη παῖδας ἀριστονόους, ### book 213.3 πρωτότοκον μὲν Ὅμηρον, ἀτὰρ Νίκανδρον ἔπειτα, ### book 213.4 ἀμφοτέρους Μούσαις οὐρανίῃσι φίλους. ### book 214.1.1 Τῇ τῶν λόγων σου κογχύλῃ, Πορφύριε, ### book 214.1.2 βάπτεις τὰ χείλη καὶ στολίζεις τὰς φρένας. ### book 215.1.1 Αἰεὶ θηλυτέρῃσιν ὕδωρ κακὸν Ἑλλήσποντος, ### book 215.1.2 ξεῖνε· Κλεονίκης πεύθεο Δυρραχίδος. ### book 215.1.3 πλῶε γὰρ ἐς Σηστὸν μετὰ νυμφίον· ἐν δὲ μελαίνῃ ### book 215.1.4 φορτίδι τὴν Ἕλλης μοῖραν ἀπεπλάσατο. ### book 215.5 Ἡροῖ δειλαίη, σὺ μὲν ἀνέρα, Δηίμαχος δὲ ### book 215 νύμφην ἐν παύροις ὠλέσατε σταδίοις. ### book 216.1.1 Ἁρμονίης ἱερὸν φήσεις γάμον· ἀλλ’ ἀθέμιστος ### book 216.1.2 Οἰδίποδος. λέξεις Ἀντιγόνην ὁσίην· ### book 216.1.3 ἀλλὰ κασίγνητοι μιαρώτατοι. ἄμβροτος Ἰνώ· ### book 216.1.4 ἀλλ’ Ἀθάμας τλήμων. τειχομελὴς κιθάρη· ### book 216.5.1 ἀλλ’ αὐλὸς δύσμουσος. ἴδ’, ὡς ἐκεράσσατο Θήβῃ ### book 216.5.2 δαίμων, ἐσθλὰ κακοῖς δ’ εἰς ἓν ἔμιξεν ἴσα. ### book 217.1.1 Αἱ χίμαροι, τί ποτ’ ἆρα τὰ μὲν θύμα καὶ τιθύμαλλα ### book 217.1.2 λείπετε καὶ χλοερὴν αἰγίνομον βοτάνην, ### book 217.1.3 γυρὰ δ’ ἐπ’ ἀλλήλαις σκιρτήματα γαῦρα τίθεσθε ### book 217.1.4 ἀμφὶ τὸν ὑλιβάτην ἁλλόμεναι Νόμιον; ### book 217.5.1 οὐκ ἀπὸ πυγμαχίης ἀποπαύσετε; μή ποτ’ ἀπεχθὴς ### book 217.5.2 ἀντήσῃ κορύνη χειρὸς ἀπ’ αἰπολικῆς. ### book 218.1.1 Ἀβάλε χειμερίου με κατέκλυσε κύματα πόντου ### book 218.1.2 δειλαίην, νεκύων φόρτον ἀμειψαμένην. ### book 218.1.3 αἰδέομαι σωθεῖσα. τί μοι πλέον ὅρμον ἱκέσθαι ### book 218.1.4 δευομένῃ φωτῶν πείσματα λυσομένων; ### book 218.5 Κωκυτοῦ με λέγοιτε βαρὺ σκάφος· ὤλεσα φῶτας, ### book 218 ὤλεσα· ναυηγοὶ δ’ εἰσὶν ἔσω λιμένος. ### book 219.1.1 Αἰγιβότου Σκύροιο λιπὼν πέδον Ἴλιον ἔπλω ### book 219.1.2 οἷος Ἀχιλλείδης πρόσθε μενεπτόλεμος, ### book 219.1.3 τοῖος ἐν Αἰνεάδῃσι Νέρων ἀγὸς ἄστυ Ῥέμοιο ### book 219.1.4 νεῖται ἐπ’ ὠκυρόην Θύβριν ἀμειψάμενος, ### book 219.5.1 κοῦρος ἔτ’ ἀρτιγένειον ἔχων χνόον. ἀλλ’ ὁ μὲν ἔγχει ### book 219.5.2 θῦεν, ὁ δ’ ἀμφοτέροις, καὶ δορὶ καὶ σοφίῃ. ### book 220.1.1 Ἁ χλοερὰ πλατάνιστος ἴδ’ ὡς ἔκρυψε φιλεύντων ### book 220.1.2 ὄργια τὰν ἱερὰν φυλλάδα τεινομένα· ### book 220.1.3 ἀμφὶ δ’ ἄρ’ ἀκρεμόνεσσιν ἑοῖς κεχαρισμένος ὥραις ### book 220.1.4 ἡμερίδος λαρῆς βότρυς ἀποκρέμαται. ### book 220.5.1 οὕτως, ὦ πλατάνιστε, φύοις· χλοερὰ δ’ ἀπὸ σεῖο ### book 220.5.2 φυλλὰς ἀεὶ κεύθοι τοὺς Παφίης ἑτάρους. ### book 221.1.1 Αὐγάζω τὸν ἄφυκτον ἐπὶ σφραγῖδος Ἔρωτα ### book 221.1.2 χερσὶ λεοντείαν ἁνιοχεῦντα βίαν, ### book 221.1.3 ὡς τᾷ μὲν μάστιγα κατ’ αὐχένος, ᾇ δὲ χαλινοὺς ### book 221.1.4 εὐθύνει· πολλὰ δ’ ἀμφιτέθηλε χάρις. ### book 221.5 φρίσσω τὸν βροτολοιγόν· ὁ γὰρ καὶ θῆρα δαμάζων ### book 221 ἄγριον οὐδ’ ὀλίγον φείσεται ἁμερίων. ### book 222.1.1 Ἀνέρα θήρ, χερσαῖον ὁ πόντιος, ἄπνοον ἔμπνους, ### book 222.1.2 ἀράμενος λοφιῆς ὑγρὸν ὕπερθε νέκυν ### book 222.1.3 εἰς ψαμάθους ἐκόμισσα· τὸ δὲ πλέον, ἐξ ἁλὸς εἰς γῆν ### book 222.1.4 νηξάμενος φόρτου μισθὸν ἔχω θάνατον· ### book 222.5.1 δαίμονα δ’ ἀλλήλων ἠμείψαμεν· ἡ μὲν ἐκείνου ### book 222.5.2 χθὼν ἐμέ, τὸν δ’ ἀπὸ γῆς ἔκτανε τοὐμὸν ὕδωρ. ### book 223.1.1 Ἀγγελίην πὰρ Ζηνὸς ἐπεὶ φέρεν ἠεροδίνης ### book 223.1.2 αἰετός, οἰωνῶν μοῦνος ἐνουράνιος, ### book 223.1.3 οὐκ ἔφθη τὸν Κρῆτα, θοὴν δ’ ἐπετείνατο νευρήν, ### book 223.1.4 πτηνὸν δ’ ὁ πτερόεις ἰὸς ἐληίσατο. ### book 223.5.1 Ζηνὸς δ’ οὔτι Δίκην ἔλαθεν μόνος· ἔμπεσε δ’ ὄρνις ### book 223.5.2 ἀνδρί, τὰ δ’ εὐστοχίης ἀνταπέτισε βέλη. ### book 223.5.3 αὐχένι δ’ ἰὸν ἔπηξεν, ὃν ἥπατι κοίμισεν αὐτός· ### book 223.5.4 ἓν δὲ βέλος δισσῶν αἷμ’ ἔπιεν θανάτων. ### book 224.1.1 Αἶγά με τὴν εὔθηλον, ὅσων ἐκένωσεν ἀμολγεὺς ### book 224.1.2 οὔθατα πασάων πουλυγαλακτοτάτην, ### book 224.1.3 γευσάμενος μελιηδὲς ἐπεί τ’ ἐφράσσατο πῖαρ ### book 224.1.4 Καῖσαρ, κἠν νηυσὶν σύμπλοον εἰργάσατο. ### book 224.5 ἥξω δ’ αὐτίκα που καὶ ἐς ἀστέρας· ᾧ γὰρ ἐπέσχον ### book 224 μαζὸν ἐμόν, μείων οὐδ’ ὅσον Αἰγιόχου. ### book 225.1.1 Ἀσωπὶς κρήνη καὶ Πηγασίς, ὕδατ’ ἀδελφά, ### book 225.1.2 ἵππου καὶ ποταμοῦ δῶρα ποδορραγέα· ### book 225.1.3 χὠ μὲν ἔκοψ’ Ἑλικῶνος, ὁ δὲ φλέβας Ἀκροκορίνθου ### book 225.1.4 ἔπληξ’. ὢ πτέρνης εἰς ἴσον εὐστοχίη. ### book 226.1.1 Αἰ δ’ ἄγετε ξουθαὶ σιμβληίδες ἄκρα μέλισσαι ### book 226.1.2 φέρβεσθ’ ἢ θυμέων ῥικνὰ περικνίδια ### book 226.1.3 ἢ πετάλας μάκωνος ἢ ἀσταφιδίτιδα ῥῶγα ### book 226.1.4 ἢ ἴον ἢ μάλων χνοῦν ἐπικαρπίδιον· ### book 226.5.1 πάντα περικνίξασθε καὶ ἄγγεα κηρώσασθε, ### book 226.5.2 ὄφρα μελισσοσόος Πὰν ἐπικυψέλιος ### book 226.5.3 γεύσηται τὸ μὲν αὐτός, ὁ δὲ βλιστηρίδι χειρὶ ### book 226.5.4 καπνώσας βαιὴν κὔμμι λίπῃ μερίδα. ### book 227.1.1 Ἀκταίην παρὰ θῖνα διαυγέος ἔνδοθεν ἅλμας ### book 227.1.2 ἰχθύα πουλυπόδην ἔδρακεν ἰχθυβόλος· ### book 227.1.3 νηχομένῳ δ’ ἐπόρουσε καὶ ἐξ ἁλὸς ἧκ’ ἐπὶ χέρσον ### book 227.1.4 ἁρπάγδην ἄγρης δεσμὸν ὑποφθάμενος. ### book 227.5.1 αὐτὰρ ὁ δισκηθεὶς κατακαίριος ἔμπεσε δειλῷ ### book 227.5.2 πτωκί· παχεῖ σχοίνῳ κεῖτο γὰρ ὑπναλέος· ### book 227.5.3 τὸν δὲ χυθεὶς περὶ πάντα πεδήσατο, φωτὶ δ’ ὑπ’ ἄγρην ### book 227 ἐμβυθίην ἄγρη χερσόθεν ἠντίασεν. ### book 228.1.1 Ἀγγελίης ἤκουσεν ἀνωίστου Μελίτεια, ### book 228.1.2 υἱέα σὺν φόρτῳ κύματι κρυπτόμενον· ### book 228.1.3 ἠιόσιν δ’ ἐπικέλσαν ἁλίκλυστον δέμας ἄλλου ### book 228.1.4 δύσμορος οἰκείης σύμβολον εἶδε τύχης, ### book 228.5.1 υἱέα δ’ ὣς ἔστειλε. Δίων δ’ ἐπὶ νηὸς ἀθραύστου ### book 228.5.2 ἤλυθεν εὐκταίης σῶος ἀπ’ ἐμπορίης. ### book 228.5.3 μητέρες ὡς ἀνίσου μοίρης λάχον· ἡ μὲν ἄελπτον ### book 228.5.4 ζωὸν ἔχει, κείνη δ’ ὄψεται οὐδὲ νέκυν. ### book 229.1.1 Ἀρχαίη σύνδειπνε, καπηλικὰ μέτρα φιλεῦσα, ### book 229.1.2 εὔλαλε, πρηΰγελως, εὔστομε, μακροφάρυξ, ### book 229.1.3 αἰὲν ἐμῆς πενίης βραχυσύμβολε μύστι, λάγυνε, ### book 229.1.4 ἦλθες ὅμως ὑπ’ ἐμὴν χεῖρά ποτε χρόνιος. ### book 229.5.1 αἴθ’ ὄφελες καὶ ἄμικτος ἀνύμφευτός τε παρείης, ### book 229.5.2 ἄφθορος ὡς κούρη πρὸς πόσιν ἐρχομένη. ### book 230.1.1 Ἀμβαίνων Ἑλικῶνα μέγαν κάμες, ἀλλ’ ἐκορέσθης ### book 230.1.2 Πηγασίδος κρήνης νεκταρέων λιβάδων· ### book 230.1.3 οὕτως καὶ σοφίης πόρος ὄρθιος· ἢν δ’ ἄρ’ ἐπ’ ἄκρον ### book 230 τέρμα μόλῃς, ἀρύσῃ Πιερίδων χάριτας. ### book 231.1.1 Αὔην με πλατάνιστον ἐφερπύζουσα καλύπτει ### book 231.1.2 ἄμπελος, ὀθνείῃ δ’ ἀμφιτέθηλα κόμῃ ### book 231.1.3 ἡ πρὶν ἐμοῖς θαλέθουσιν ἐνιθρέψας’ ὀροδάμνοις ### book 231.1.4 βότρυας, ἡ ταύτης οὐκ ἀπετηλοτέρη. ### book 231.5.1 τοίην μέντοι ἔπειτα τιθηνείσθω τις ἑταίρην, ### book 231.5.2 ἥτις ἀμείψασθαι καὶ νέκυν οἶδε μόνη. ### book 232.1.1 Ἀδριακοῖο κύτους λαιμὸς τὸ πάλαι μελίγηρυς, ### book 232.1.2 ἡνίκ’ ἐγαστροφόρουν Βακχιακὰς χάριτας, ### book 232.1.3 νῦν κλασθεὶς κεῖμαι νεοθηλέι καρτερὸν ἕρκος ### book 232.1.4 κλήματι πρὸς τρυφερὴν τεινομένῳ καλύβην. ### book 232.5.1 αἰεί τι Βρομίῳ λατρεύομεν· ἢ γεραὸν γὰρ ### book 232.5.2 φρουροῦμεν πιστῶς ἢ νέον ἐκτρέφομεν. ### book 233.1.1 Αὖά τοι ἐκτάμνοντι γεράνδρυα, κάμμορε Μίνδων, ### book 233.1.2 φωλὰς ἀραχναίη σκαιὸν ἔτυψε πόδα ### book 233.1.3 νειόθεν ἀντιάσασα· χύδην δ’ ἔβρυξε μελαίνῃ ### book 233.1.4 σηπεδόνι χλωρὴν σάρκα κατ’ ἀστραγάλους. ### book 233.5 ἐτμήθη δ’ ἀπὸ τῆς στιβαρὸν γόνυ, καί σε κομίζει ### book 233 μουνόποδα βλωθρῆς σκηπάνιον κοτίνου. ### book 234.1.1 Ἄχρι τεῦ, ἆ δείλαιε, κεναῖς ἔτ’ ἐπ’ ἐλπίσι, θυμέ, ### book 234.1.2 πωτηθεὶς ψυχρῶν ἀσσοτάτω νεφέων, ### book 234.1.3 ἄλλοις ἄλλ’ ἔπ’ ὄνειρα διαγράψεις ἀφένοιο; ### book 234.1.4 κτητὸν γὰρ θνητοῖς οὐδὲ ἓν αὐτόματον. ### book 234.5.1 Μουσέων ἀλλ’ ἐπὶ δῶρα μετέρχεο· ταῦτα δ’ ἀμυδρὰ ### book 234.5.2 εἴδωλα ψυχῆς ἠλεμάτοισι μέθες. ### book 235.1.1 Ἄγχουροι μεγάλαι κόσμου χθόνες, ἃς διὰ Νεῖλος ### book 235.1.2 πιμπλάμενος μελάνων τέμνει ἀπ’ Αἰθιόπων, ### book 235.1.3 ἀμφότεραι βασιλῆας ἐκοινώσασθε γάμοισιν ### book 235.1.4 ἓν γένος Αἰγύπτου καὶ Λιβύης θέμεναι. ### book 235.5.1 ἐκ πατέρων εἴη παισὶν πάλι τοῖσιν ἀνάκτων ### book 235.5.2 ἔμπεδον ἠπείροις σκῆπτρον ἐπ’ ἀμφοτέραις. ### book 236.1.1 Ἄρρηκτοι Μοιρῶν πυμάτην ἐσφράγισαν ὅρκοι ### book 236.1.2 τῷ Φρυγὶ πὰρ βωμῷ τὴν Πριάμου θυσίην· ### book 236.1.3 ἀλλὰ σοί, Αἰνεία, στόλος ἱερὸς Ἰταλὸν ἤδη ### book 236.1.4 ὅρμον ἔχεν, πάτρης φροίμιον οὐρανίης. ### book 236.5 ἐς καλὸν ὤλετο πύργος ὁ Τρώιος· ἦ γὰρ ἐν ὅπλοις ### book 236 ἠγέρθη κόσμου παντὸς ἄνασσα πόλις. ### book 237.1.1 Βουκόλε, πρὸς τῶ Πανός, ὁ φήγινος, εἰπέ, κολοσσὸς ### book 237.1.2 οὗτος, ὅτῳ σπένδεις τὸ γλάγος, ἔστι τίνος; — ### book 237.1.3 „Τῶ λειοντοπάλα Τιρυνθίω· οὐ δὲ τὰ τόξα, ### book 237.1.4 νήπιε, καὶ σκυτάλην ἀγριέλαιον ὁρῇς;“ — ### book 237.5.1 Χαίροις, Ἀλκείδα δαμαληφάγε, καὶ τάδε φρούρει ### book 237.5.2 αὔλια κἠξ ὀλίγων μυριόβοια τίθει. ### book 238.1.1 Βούπαις ὡπόλλων, τόδε χάλκεον ἔργον Ὀνατᾶ, ### book 238.1.2 ἀγλαΐης Λητοῖ καὶ Διὶ μαρτυρίη, ### book 238.1.3 οὔθ’ ὅτι τῆσδε μάτην Ζεὺς ἤρατο χὤτι κατ’ αἶνον ### book 238.1.4 ὄμματα καὶ κεφαλὴν ἀγλαὸς ὁ Κρονίδης. ### book 238.5.1 οὐδ’ Ἥρῃ νεμεσητὸν ἐχεύατο χαλκὸν Ὀνατᾶς, ### book 238.5.2 ὃν μετ’ Ἐληθυίης τοῖον ἀπεπλάσατο. ### book 239.1.1 Βύβλων ἡ γλυκερὴ λυρικῶν ἐν τεύχεϊ τῷδε ### book 239.1.2 πεντὰς ἀμιμήτων ἔργα φέρει Χαρίτων. ### book 239.1.3 Ἀνακρέοντος, πρέσβυς ἃς ὁ Τήιος ### book 239.1.4 ἔγραψεν ἢ παρ’ οἶνον ἢ σὺν Ἱμέροις· ### book 239.5 δῶρον δ’ εἰς ἱερὴν Ἀντωνίῃ ἥκομεν ἠῶ ### book 239 κάλλευς καὶ πραπίδων ἔξοχ’ ἐνεγκαμένῃ. ### book 240.1.1 Βαιὸν ἀποπλανίην λιπομήτορα παῖδα Καλύπτρης ### book 240.1.2 κριὸς ἑλιξόκερως θεῖνε θρασυνόμενος· ### book 240.1.3 κάπρος δ’ Ἡράκλειος ἀπορρήξας ἀπὸ δεσμῶν ### book 240.1.4 ἐς νηδὺν κριοῦ πᾶσαν ἔβαψε γένυν, ### book 240.5.1 ζωὴν νηπιάχῳ δ’ ἐχαρίσσατο. ἦ ῥ’ ἀπὸ Ἥρης ### book 240.5.2 Ἡρακλέης βρεφέων ᾤκτισεν ἡλικίην. ### book 241.1.1 Βουκόλος ἔπλεο, Φοῖβε, Ποσειδάων δὲ καβάλλης, ### book 241.1.2 κύκνος Ζεύς, Ἄμμων δ’ ὡμφιβόητος ὄφις ### book 241.1.3 (χοἰ μὲν ἐπ’ ἠιθέας, σὺ δὲ παιδικός), ὄφρα λάθοιτε· ### book 241.1.4 ἐστὲ γὰρ οὐ πειθοῦς εὐνέται, ἀλλὰ βίης. ### book 241.5.1 Εὐαγόρας δ’ ὢν χαλκὸς ἄτερ δόλου αὐτὸς ἐναργὴς ### book 241.5.2 πάντας καὶ πάσας, οὐ μεταβαλλόμενος. ### book 242.1.1 Γλαῦκος ὁ Νεσσαίοιο διαπλώουσιν ὁδηγὸς ### book 242.1.2 πορθμοῦ καὶ Θασίων ἔντροφος αἰγιαλῶν, ### book 242.1.3 πόντου ἀροτρευτὴρ ἐπιδέξιος, οὐδ’, ὅτ’ ἔκνωσσεν, ### book 242.1.4 πλαζομένῃ στρωφῶν πηδάλιον παλάμῃ, ### book 242.5.1 μυριέτης, ἁλίοιο βίου ῥάκος, οὐδ’, ὅτ’ ἔμελλεν ### book 242.5.2 θνῄσκειν, ἐκτὸς ἔβη γηραλέης σανίδος· ### book 242.5.3 τοὶ δὲ κέλυφος ἔκαυσαν ἐπ’ ἀνέρι, τόφρ’ ὁ γεραιὸς ### book 242 πλώσῃ ἐπ’ οἰκείης εἰς Ἀίδην ἀκάτου. ### book 243.1.1 Γήθησαν περὶ παιδὸς Ἀριστίπποιο τοκῆες ### book 243.1.2 καὶ κλαῦσαν· μοίρης δ’ ἦμαρ ἓν ἀμφοτέρης· ### book 243.1.3 εὖτε γὰρ αἰθόμενον δόμον ἔκφυγεν, ἰθὺ κεραυνοῦ ### book 243.1.4 Ζεὺς κατά οἱ κεφαλῆς ἄσπετον ἧκε σέλας. ### book 243.5.1 τοῦτο δ’ ἔπος τότ’ ἔλεξαν ὅσοι νέκυν ὠδύροντο· ### book 243.5.2 „Ὦ πυρὶ δαιμονίῳ τλῆμον ὀφειλόμενε.“ ### book 244.1.1 Δειματόεις ἐλάφων κεραὸς λόχος, εὖτε κρυώδεις ### book 244.1.2 πλῆσαν ὀρῶν κορυφὰς χιόνεαι νιφάδες, ### book 244.1.3 δείλαιαι ποταμοῖσιν ἐφώρμισαν ἐλπίδι φροῦδοι ### book 244.1.4 χλιῆναι νοτεροῖς ἄσθμασιν ὠκὺ γόνυ. ### book 244.5.1 τὰς δὲ περιφράξας ἐχθρὸς ῥόος ἀθρόον ἄφνω ### book 244.5.2 χειμερίῃ στυγεροῦ δῆσε πάγοιο πέδῃ· ### book 244.5.3 πληθὺς δ’ ἀγροτέρων ἀλίνου θοινήσατο θήρης, ### book 244.5.4 ἣ φύγεν ἁρπεδόνην πολλάκι καὶ στάλικα. ### book 245.1.1 Δυσμοίρων θαλάμων ἐπὶ παστάσιν οὐχ Ὑμέναιος, ### book 245.1.2 ἀλλ’ Ἀίδης ἔστη πικρογάμου Πετάλης. ### book 245.1.3 δείματι γὰρ μούνην πρωτόζυγα Κύπριν ἀν’ ὄρφνην ### book 245.1.4 φεύγουσαν, ξυνὸν παρθενικαῖσι φόβον, ### book 245.5 φρουροδόμοι νηλεῖς κύνες ἔκτανον· ἣν δὲ γυναῖκα ### book 245 ἐλπὶς ἰδεῖν, ἄφνως ἔσχομεν οὐδὲ νέκυν. ### book 246.1.1 Ἐθραύσθης ἡδεῖα παρ’ οἰνοπόταισι λάγυνε ### book 246.1.2 νηδύος ἐκ πάσης χευαμένη Βρόμιον. ### book 246.1.3 τηλόθε γὰρ λίθος εἰς σὲ βαρύστονος οἷα κεραυνός, ### book 246.1.4 οὐ Διὸς ἐκ χειρῶν, ἀλλὰ Δίωνος ἔβη. ### book 246.5.1 ἦν δὲ γέλως ἐπὶ σοὶ καὶ σκώμματα πυκνὰ τυπείσῃ ### book 246.5.2 καὶ πολὺς ἐξ ἑτάρων γινόμενος θόρυβος. ### book 246.5.3 οὐ θρηνῶ σε, λάγυνε, τὸν εὐαστῆρα τεκοῦσαν ### book 246.5.4 Βάκχον, ἐπεὶ Σεμέλη καὶ σὺ πεπόνθατ’ ἴσα. ### book 247.1.1 Εὐθηλῆ πλάτανόν με Νότου βαρυλαίλαπες αὖραι ### book 247.1.2 ῥίζης ἐξ αὐτῆς ἐστόρεσαν δαπέδοις· ### book 247.1.3 λουσαμένη Βρομίῳ δ’ ἔστην πάλιν ὄμβρον ἔχουσα ### book 247.1.4 χείματι καὶ θάλπει τοῦ Διὸς ἡδύτερον. ### book 247.5.1 ὀλλυμένη δ’ ἔζησα· μόνη δὲ πιοῦσα Λυαῖον ### book 247.5.2 ἄλλων κλινομένων ὀρθοτέρη βλέπομαι. ### book 248.1.1 Εἰ τοῖος Διόνυσος ἐς ἱερὸν ἦλθεν Ὄλυμπον ### book 248.1.2 κωμάζων Λήναις σύν ποτε καὶ Σατύροις, ### book 248.1.3 οἷον ὁ τεχνήεις Πυλάδης ὠρχήσατο κεῖνον ### book 248.1.4 ὀρθὰ κατὰ τραγικῶν τέθμια μουσοπόλων, ### book 248.5 παυσαμένη ζήλου Διὸς ἂν φάτο σύγγαμος Ἥρη· ### book 248 „Ἐψεύσω, Σεμέλη, Βάκχον· ἐγὼ δ’ ἔτεκον.“ ### book 249.1.1 Εὐπέταλον γλαυκὰν ἀναδενδράδα τάνδε παρ’ ἄκραις ### book 249.1.2 ἱδρυθεὶς λοφιαῖς Πὰν ὅδ’ ἐπισκοπέω. ### book 249.1.3 εἰ δέ σε πορφύροντος ἔχει πόθος, ὦ παροδῖτα, ### book 249.1.4 βότρυος, οὐ φθονέω γαστρὶ χαριζομένῳ· ### book 249.5.1 ἢν δὲ χερὶ ψαύσῃς κλοπίῃ μόνον, αὐτίκα δέξῃ ### book 249.5.2 ὀζαλέην βάκτρου τήνδε καρηβαρίην. ### book 250.1.1 Ἔστην ἐν φόρμιγγι, κατηρείφθην δὲ σὺν αὐλῷ ### book 250.1.2 Θήβη· φεῦ Μούσης ἔμπαλιν ἁρμονίης· ### book 250.1.3 κωφὰ δέ μοι κεῖται λυροθελγέα λείψανα πύργων, ### book 250.1.4 πέτροι μουσοδόμοις τείχεσιν αὐτόμολοι, ### book 250.5.1 σῆς χερός, Ἀμφίων, ἄπονος χάρις· ἑπτάπυλον γὰρ ### book 250.5.2 πάτρην ἑπταμίτῳ τείχισας ἐν κιθάρῃ. ### book 251.1.1 Ἐχθίστη Μούσαις σελιδηφάγε, λωβήτειρα ### book 251.1.2 φωλάς, ἀεὶ σοφίης κλέμματα φερβομένη, ### book 251.1.3 τίπτε, κελαινόχρως, ἱεραῖς ψήφοισι λοχάζῃ, ### book 251.1.4 σίλφη, τὴν φθονερὴν εἰκόνα πλαττομένη; ### book 251.5 φεῦγ’ ἀπὸ Μουσάων, ἴθι τηλόσε, μηδ’ ὅσον ὄψει ### book 251 βάσκανον ἐν ψήφῳ δόξαν ἐπεισαγάγῃ. ### book 252.1.1 Ἐς βαθὺν ἥλατο Νεῖλον ἀπ’ ὀφρύος ὀξὺς ὁδίτης, ### book 252.1.2 ἡνίκα λαιμάργων εἶδε λύκων ἀγέλην. ### book 252.1.3 ἀλλά μιν ἀγρεύσαντο δι’ ὕδατος, ἔβρυχε δ’ ἄλλος ### book 252.1.4 ἄλλον ἐπουραίῳ δήγματι δραξάμενος· ### book 252.5.1 μακρὰ γεφυρώθη δὲ λύκοις βυθός, ἔφθανε δ’ ἄνδρα ### book 252.5.2 νηχομένων θηρῶν αὐτοδίδακτος ἄρης. ### book 253.1.1 Ἐν Θήβαις Κάδμου κλεινὸς γάμος, ἀλλὰ μυσαχθὴς ### book 253.1.2 Οἰδίποδος· τελετὰς Εὔιος ἠσπάσατο, ### book 253.1.3 ἃς γελάσας Πενθεὺς ὠδύρατο· τείχεα χορδαῖς ### book 253.1.4 ἔστη καὶ λωτοῖς ἔστενε λυόμενα· ### book 253.5.1 Ἀντιόπης ὁσίη, χαλεπὴ δ’ ὠδὶς Ἰοκάστης· ### book 253.5.2 ἦν Ἰνὼ φιλόπαις, ἀλλ’ ἀσεβὴς Ἀθάμας. ### book 253.5.3 οἰκτρὸν ἀεὶ πτολίεθρον· ἴδ’, ὡς ἐσθλῶν περὶ Θήβας ### book 253.5.4 μύθων καὶ στυγνῶν ἤρκεσεν ἱστορίη. ### book 254.1.1 Ἡ πυρὶ πάντα τεκοῦσα Φιλαίνιον, ἡ βαρυπενθὴς ### book 254.1.2 μήτηρ, ἡ τέκνων τρισσὸν ἰδοῦσα τάφον, ### book 254.1.3 ἀλλοτρίαις ὠδῖσιν ἐφώρμισα· ἦ γὰρ ἐώλπειν ### book 254.1.4 πάντως μοι ζήσειν τοῦτον, ὃν οὐκ ἔτεκον· ### book 254.5.1 ἡ δ’ εὔπαις θετὸν υἱὸν ἀνήγαγον· ἀλλά με δαίμων ### book 254.5.2 ἤθελε μηδ’ ἄλλης μητρὸς ἔχειν χάριτα, ### book 254.5.3 κληθεὶς ἡμέτερος γὰρ ἀπέφθιτο· νῦν δὲ τεκούσαις ### book 254 ἤδη καὶ λοιπαῖς πένθος ἐγὼ γέγονα. ### book 255.1.1 Ἠρίθμει πολὺν ὄλβον Ἀριστείδης ὁ πενιχρός, ### book 255.1.2 τὴν ὄιν ὡς ποίμνην, τὴν βόα δ’ ὡς ἀγέλην· ### book 255.1.3 ἤμβροτε δ’ ἀμφοτέρων· ἀμνὴν λύκος, ἔκτανε δ’ ὠδὶς ### book 255.1.4 τὴν δάμαλιν, πενίης δ’ ὤλετο βουκόλιον. ### book 255.5.1 πηροδέτῳ δ’ ὅ γ’ ἱμάντι κατ’ αὐχένος ἅμμα πεδήσας ### book 255.5.2 οἰκτρὸς ἀμυκήτῳ κάτθανε πὰρ καλύβῃ. ### book 256.1.1 Ἥμισύ μευ ζώειν ἐδόκουν ἔτι, κεῖνο δ’ ἔφυσεν ### book 256.1.2 ἓν μόνον αἰπυτάτου μῆλον ἐπ’ ἀκρεμόνος· ### book 256.1.3 ἡ δὲ κύων δένδρων καρποφθόρος, ἡ πτιλόνωτος ### book 256.1.4 κάμπη καὶ τὸ μόνον βάσκανος ἐξέφαγεν. ### book 256.5.1 ὁ Φθόνος εἰς πολὺν ὄχλον ἀπέβλεπεν· ὃς δὲ τὰ μικρὰ ### book 256.5.2 πορθεῖ, καὶ τούτου χείρονα δεῖ με λέγειν. ### book 257.1.1 Ἡ Καθαρή—Νύμφαι γὰρ ἐπώνυμον ἔξοχον ἄλλων ### book 257.1.2 κρήνῃ πασάων δῶκαν ἐμοὶ λιβάδων—, ### book 257.1.3 ληιστὴς ὅτε μοι παρακλίντορας ἔκτανεν ἄνδρας ### book 257.1.4 καὶ φονίην ἱεροῖς ὕδασι λοῦσε χέρα, ### book 257.5 κεῖνον ἀναστρέψασα γλυκὺν ῥόον οὐκέθ’ ὁδίταις ### book 257 βλύζω. τίς γὰρ ἐρεῖ τὴν Καθαρὴν ἔτι με; ### book 258.1.1 Ἡ πάρος εὐύδροισι λιβαζομένη προχοαῖσι ### book 258.1.2 πτωχὴ νῦν νυμφῶν, μέχρι καὶ εἰς σταγόνα· ### book 258.1.3 λυθρώδεις γὰρ ἐμοῖσιν ἐνίψατο νάμασι χεῖρας ### book 258.1.4 ἀνδροφόνος κηλῖδ’ ὕδασιν ἐγκεράσας. ### book 258.5.1 ἐξ οὗ μοι κοῦραι φύγον ἥλιον· „Εἰς ἕνα Βάκχον,“ ### book 258.5.2 εἰποῦσαι, „Νύμφαι μισγόμεθ’, οὐκ ἐς Ἄρη.“ ### book 259.1.1 Ἤριπεν ἐξ ἄκρης δόμος ἀθρόος, ἀλλ’ ἐπὶ παιδὶ ### book 259.1.2 νηπιάχῳ Ζεφύρου πολλὸν ἐλαφρότερος· ### book 259.1.3 φείσατο κουροσύνης καὶ ἐρείπιον. ὦ μεγάλαυχοι ### book 259.1.4 μητέρες, ὠδίνων καὶ λίθος αἰσθάνεται. ### book 260.1.1 Ἡ τὸ πάλαι Λαῒς πάντων βέλος οὐκέτι Λαΐς, ### book 260.1.2 ἀλλ’ ἐτέων φανερὴ πᾶσιν ἐγὼ Νέμεσις. ### book 260.1.3 οὐ μὰ Κύπριν—τί δὲ Κύπρις ἐμοί γ’ ἔτι, πλὴν ὅσον ὅρκος; — ### book 260.1.4 γνώριμον οὐδ’ αὐτῇ Λαΐδι Λαῒς ἔτι. ### book 261.1.1 Ἡ πάρος εὐπετάλοισιν ἐν οἰνάνθαις νεάσασα ### book 261.1.2 καὶ τετανῶν βοτρύων ῥᾶγα κομισσαμένη ### book 261.1.3 νῦν οὕτω γραιοῦμαι. ἴδ’, ὁ χρόνος οἷα δαμάζει· ### book 261 καὶ σταφυλὴ γήρως αἰσθάνεται ῥυτίδων. ### book 262.1.1 Ἠρίθμουν ποτὲ πάντες Ἀριστοδίκην κλυτόπαιδα ### book 262.1.2 ἑξάκις ὠδίνων ἄχθος ἀπωσαμένην· ### book 262.1.3 ἤρισε δ’ εἰς αὐτὴν ὕδωρ χθονί· τρεῖς γὰρ ὄλοντο ### book 262.1.4 νούσῳ, λειπόμενοι δ’ ἤμυσαν ἐν πελάγει. ### book 262.5.1 αἰεὶ δ’ ἡ βαρύδακρυς ἐπὶ στήλαις μὲν ἀηδών, ### book 262.5.2 μεμφομένη δὲ βυθοῖς ἀλκυονὶς βλέπεται. ### book 263.1.1 Ἡ γραῦς Εὐβούλη, ὅτε οἱ καταθύμιον ἦν τι, ### book 263.1.2 Φοίβου τὸν πρὸ ποδῶν μάντιν ἄειρε λίθον ### book 263.1.3 χείρεσι πειράζουσα· καὶ ἦν βαρύς, ἡνίκα μή τι ### book 263.1.4 ἤθελεν· εἰ δ’ ἐθέλοι, κουφότερος πετάλων. ### book 263.5.1 αὐτὴ δὲ πρήσσουσα τό οἱ φίλον, ἤν ποθ’ ἁμάρτῃ, ### book 263.5.2 Φοίβῳ τὰς ἀνίσους χεῖρας ἐπεγράφετο. ### book 264.1.1 Θάμνου ποτ’ ἄκρους ἀμφὶ κλῶνας ἥμενος ### book 264.1.2 τέττιξ πτερῷ, φλέγοντος ἡλίου μέσου, ### book 264.1.3 νηδὺν ῥαπίζων, δαίδαλ’ αὐτουργῷ μέλει ### book 264.1.4 ἡδὺς κατωργάνιζε τῆς ἐρημίας. ### book 264.5.1 Κρίτων δ’, ὁ πάσης ἰξοεργὸς Πιαλεὺς ### book 264.5.2 θήρης, ἀσάρκου νῶτα δουνακεύσατο. ### book 264.5.3 τίσιν δ’ ἔτισεν· εἰς γὰρ ἠθάδας πάγας ### book 264 σφαλεὶς ἀλᾶται παντὸς ἱμείρων πτεροῦ. ### book 265.1.1 Ἰοτυπὴς Διὸς ὄρνις ἐτίσατο Κρῆτα φαρέτρης ### book 265.1.2 οὐρανόθεν τόξῳ τόξον ἀμυνόμενος· ### book 265.1.3 κεῖνον δ’ εὐθὺς ἄκοντι παλιν〈δρομέοντι κατέκτα〉 ### book 265.1.4 ἠερόθεν, πίπτων δ’ ἔκτανεν, ὡς ἔθανεν. ### book 265.5.1 μηκέτ’ ἐφ’ ὑμετέροις ἀψευδέσι Κρῆτες ὀιστοῖς ### book 265.5.2 αὐχεῖθ’, ὑμνείσθω καὶ Διὸς εὐστοχίη. ### book 266.1.1 Ἵμερον αὐλήσαντι πολυτρήτων διὰ λωτῶν ### book 266.1.2 εἶπε λιγυφθόγγῳ Φοῖβος ἐπὶ Γλαφύρῳ· ### book 266.1.3 „Μαρσύη, ἐψεύσω τεὸν εὕρεμα, τοὺς γὰρ Ἀθήνης ### book 266.1.4 αὐλοὺς ἐκ Φρυγίης οὗτος ἐληίσατο· ### book 266.5.1 εἰ δὲ σὺ τοιούτοις τότ’ ἐνέπνεες, οὐκ ἂν Ὕαγνις ### book 266.5.2 τὴν ἐπὶ Μαιάνδρῳ κλαῦσε δύσαυλον ἔριν.“ ### book 267.1.1 Ἰκαρίην πλώων 〈πρῴην〉 ἅλα, νηὸς ὀλισθὼν ### book 267.1.2 Δᾶμις ὁ Νικαρέτου κάππεσεν εἰς πέλαγος. ### book 267.1.3 πολλὰ πατὴρ δ’ ἠρᾶτο πρὸς ἀθανάτους καὶ ἐς ὕδωρ ### book 267.1.4 φθέγγεθ’ ὑπὲρ τέκνου κύματα λισσόμενος. ### book 267.5 ὤλετο δ’ οἰκτίστως βρυχθεὶς ἁλί· κεῖνο δὲ πατρὸς ### book 267 ἔκλυεν ἀράων οὐδὲ πάλαι πέλαγος. ### book 268.1.1 Κρῆσσα κύων ἐλάφοιο κατ’ ἴχνιον ἔδραμε Γοργὼ ### book 268.1.2 ἔγκυος ἀμφοτέρην Ἄρτεμιν εὐξαμένη, ### book 268.1.3 τίκτε δ’ ἀποκτείνουσα· θοὴ δ’ ἐπένευσεν Ἐλευθὼ ### book 268.1.4 ἄμφω, εὐαγρίης δῶρα καὶ εὐτοκίης, ### book 268.5.1 καὶ νῦν ἐννέα παισὶ διδοῖ γάλα. φεύγετε, Κρῆσσαι ### book 268.5.2 κεμμάδες, ἐκ τοκάδων τέκνα διδασκόμεναι. ### book 269.1.1 Κλασθείσης ποτὲ νηὸς ἐν ὕδατι δῆριν ἔθεντο ### book 269.1.2 δισσοὶ ὑπὲρ μούνης μαρνάμενοι σανίδος. ### book 269.1.3 τύψε μὲν Ἀνταγόρης Πεισίστρατον· οὐ νεμεσητόν, ### book 269.1.4 ἦν γὰρ ὑπὲρ ψυχῆς, ἀλλ’ ἐμέλησε Δίκῃ· ### book 269.5.1 νῆχε δ’ ὁ μέν, τὸν δ’ εἷλε κύων ἁλός. ἦ παναλάστωρ ### book 269.5.2 Κηρῶν οὐδ’ ὑγρῷ παύεται ἐν πελάγει. ### book 270.1.1 Κωμάζω χρύσειον ἐς ἑσπερίων χορὸν ἄστρων ### book 270.1.2 λεύσσων, οὐδ’ ἄλλων λὰξ ἐβάρυν’ ἀόρους· ### book 270.1.3 στέψας δ’ ἀνθόβολον κρατὸς τρίχα τὴν κελαδεινὴν ### book 270.1.4 πηκτίδα μουσοπόλοις χερσὶν ἐπηρέθισα. ### book 270.5 καὶ τάδε δρῶν εὔκοσμον ἔχω βίον· οὐδὲ γὰρ αὐτὸς ### book 270 κόσμος ἄνευθε λύρης ἔπλετο καὶ στεφάνου. ### book 271.1.1 Καὶ πότε δινήεις ἄφοβος πόρος, εἰπέ, θάλασσα, ### book 271.1.2 εἰ καὶ ἐν ἀλκυόνων ἤμασι κλαυσόμεθα, ### book 271.1.3 ἀλκυόνων, αἷς πόντος ἀεὶ στηρίξατο κῦμα ### book 271.1.4 νήνεμον, ὡς κρῖναι χέρσον ἀπιστοτέρην; ### book 271.5.1 ἀλλὰ καὶ ἡνίκα μαῖα καὶ ὠδίνεσσιν ἀπήμων ### book 271.5.2 αὐχεῖς, σὺν φόρτῳ δῦσας Ἀριστομένην. ### book 272.1.1 Καρφαλέος δίψει Φοίβου λάτρις εὖτε γυναικὸς ### book 272.1.2 εἶδεν ὑπὲρ τύμβου κρωσσίον ὀμβροδόκον, ### book 272.1.3 κλάγξεν ὑπὲρ χείλους, ἀλλ’ οὐ γένυς ἥπτετο βυσσοῦ. ### book 272.1.4 Φοῖβε, σὺ δ’ εἰς τέχνην ὄρνιν ἐκαιρομάνεις· ### book 272.5.1 χερμάδα δὲ ψάμμων σφαιρῶν ποτὸν ἅρπαγι χείλει ### book 272.5.2 ἔφθανε μαιμάσσων λαοτίνακτον ὕδωρ. ### book 273.1.1 Καύματος ἐν θάμνοισι λαλίστατος ἡνίκα τέττιξ ### book 273.1.2 φθέγξατο διγλώσσῳ μελπόμενος στόματι, ### book 273.1.3 δουνακόεντα Κρίτων συνθεὶς δόλον εἷλεν ἀοιδὸν ### book 273.1.4 ἠέρος, οὐκ ἰδίην ἰξοβολῶν μελέτην. ### book 273.5 ἄξια δ’ οὐχ ὁσίης θήρης πάθεν· οὐ γὰρ ἔτ’ ἄλλων ### book 273 πήξατ’ ἐπ’ ὀρνίθων εὔστοχον ὡς πρὶν ἄγρην. ### book 274.1.1 Καὶ τὸν ἀρουραῖον γυρητόμον αὔλακα τέμνει ### book 274.1.2 μηροτυπεῖ κέντρῳ πειθομένη δάμαλις ### book 274.1.3 καὶ μετ’ ἀροτροπόνους ζεύγλας πάλι τῷ νεοθηλεῖ ### book 274.1.4 πινομένη μόσχῳ δεύτερον ἄλγος ἔχει. ### book 274.5.1 μὴ θλίψῃς αὐτὴν ὁ γεωμόρος· οὗτος ὁ βαιὸς ### book 274.5.2 μόσχος, ἐὰν φείσῃ, σοὶ τρέφεται δάμαλις. ### book 275.1.1 Κάπρον μὲν χέρσῳ Κόδρος ἔκτανε· τὴν δὲ ταχεῖαν ### book 275.1.2 εἰν ἁλὶ καὶ χαροποῖς κύμασιν εἷλ’ ἔλαφον. ### book 275.1.3 εἰ δ’ ἦν καὶ πτηνὴ θηρῶν φύσις, οὐδ’ ἂν ἐν αἴθρῃ ### book 275.1.4 τὴν κείνου κενεὴν Ἄρτεμις εἶδε χέρα. ### book 276.1.1 Λῶπος ἀποκλύζουσα παρὰ κροκάλαισι θαλάσσης ### book 276.1.2 χερνῆτις διεροῦ τυτθὸν ὕπερθε πάγου, ### book 276.1.3 χέρσον ἐπεκβαίνοντι κατασπασθεῖσα κλύδωνι ### book 276.1.4 δειλαίη πικροῦ κῦμ’ ἔπιεν θανάτου· ### book 276.5.1 πνεῦμα δ’ ὁμοῦ πενίῃ ἀπελύσατο. τίς κ’ ἐνὶ νηὶ ### book 276.5.2 θαρσήσαι πεζοῖς τὴν ἀφύλακτον ἅλα; ### book 277.1.1 Λαβροπόδη χείμαρρε, τί δὴ τόσον ὧδε κορύσσῃ, ### book 277.1.2 πεζὸν ἀποκλείων ἴχνος ὁδοιπορίης; ### book 277.1.3 ἦ μεθύεις ὄμβροισι καὶ οὐ Νύμφαισι διαυγὲς ### book 277.1.4 νᾶμα φέρεις, θολεραῖς δ’ ἠράνισαι νεφέλαις. ### book 277.5 ὄψομαι ἠελίῳ σε κεκαυμένον, ὅστις ἐλέγχειν ### book 277 καὶ γόνιμον ποταμῶν καὶ νόθον οἶδεν ὕδωρ. ### book 278.1.1 Λάρνακα πατρῴων ἔτι λείψανα κοιμίζουσαν ### book 278.1.2 νεκρῶν χειμάρρῳ παῖς ἴδε συρομένην· ### book 278.1.3 καί μιν ἄχος τόλμης ἐπλήσατο, χεῦμα δ’ ἀναιδὲς ### book 278.1.4 εἰσέθορεν, πικρὴν δ’ ἦλθ’ ἐπὶ συμμαχίην. ### book 278.5.1 ὀστέα μὲν γὰρ ἔσωσεν ἀφ’ ὕδατος, ἀντὶ δὲ τούτων ### book 278.5.2 αὐτὸς ὑπὸ βλοσυροῦ χεύματος ἐφθάνετο. ### book 279.1.1 Ληθαίης ἀκάτοιο τριηκοσίους ὅτε ναύτας ### book 279.1.2 δεύτερον ἔσχ’ Ἀίδης, πάντας ἀρηιφάτους· ### book 279.1.3 „Σπάρτας ὁ στόλος,“ εἶπεν· „ἴδ’, ὡς πάλι πρόσθια πάντα ### book 279.1.4 τραύματα, καὶ στέρνοις δῆρις ἔνεστι μόνοις· ### book 279.5.1 νῦν γε μόθου κορέσασθε καὶ εἰς ἐμὸν ἀμπαύσασθε ### book 279.5.2 ὕπνον, ἀνικάτου δῆμος Ἐνυαλίου.“ ### book 280.1.1 Λαίλιος, Αὐσονίων ὕπατον κλέος, εἶπεν ἀθρήσας ### book 280.1.2 Εὐρώταν· „Σπάρτης χαῖρε φέριστον ὕδωρ.“ ### book 280.1.3 Μουσάων δ’ ἐπὶ χεῖρα βαλὼν πολυΐστορι βίβλῳ ### book 280.1.4 εἶδεν ὑπὲρ κορυφῆς σύμβολον εὐμαθίης· ### book 280.5.1 κίτται, μιμηλὸν βιότου πτερόν, ἐν σκιεροῖσιν ### book 280.5.2 ἄγκεσι παμφώνων μέλπον ἀπὸ στομάτων· ### book 280.5.3 ὡρμήθη δ’ ἐπὶ ταῖσι. τί δ’ οὐ ζηλωτὸς ὁ μόχθος, ### book 280 εἰ καὶ πτηνὰ ποθεῖ [γάρυος ἡμετέρης]; ### book 281.1.1 Ξυνὸν ὁπηνίκα θαῦμα κατείδομεν Ἀσὶς ἅπασα, ### book 281.1.2 πῶλον ἐπ’ ἀνδρομέαν σάρκα φριμασσόμενον, ### book 281.1.3 Θρηικίης φάτνης πολιὸς λόγος εἰς ἐμὸν ὄμμα ### book 281.1.4 ἤλυθε· δίζημαι δεύτερον Ἡρακλέα. ### book 282.1.1 Ξεῖνοι, παρθένος εἰμὶ τὸ δένδρεον· εἴπατε δάφνης ### book 282.1.2 φείσασθαι δμώων χερσὶν ἑτοιμοτόμοις· ### book 282.1.3 ἀντὶ δ’ ἐμεῦ κομάρου τις ὁδοιπόρος ἢ τερεβίνθου ### book 282.1.4 δρεπτέσθω χθαμαλὴν ἐς χύσιν· οὐ γὰρ ἑκάς, ### book 282.5.1 ἀλλ’ ἀπ’ ἐμεῦ ποταμὸς μὲν ὅσον τρία, τοῦ δ’ ἀπὸ πηγῶν ### book 282.5.2 ὕλη πανθηλὴς δοιὰ πέλεθρ’ ἀπέχει. ### book 283.1.1 Οὔρεα Πυρηναῖα καὶ αἱ βαθυάγκεες Ἄλπεις, ### book 283.1.2 αἳ Ῥήνου προχοὰς ἐγγὺς ἀποβλέπετε, ### book 283.1.3 μάρτυρες ἀκτίνων, Γερμανικὸς ἃς ἀνέτειλεν ### book 283.1.4 ἀστράπτων Κελτοῖς πουλὺν ἐνυάλιον· ### book 283.5 οἱ δ’ ἄρα δουπήθησαν ἀολλέες· εἶπε δ’ Ἐνυὼ ### book 283 Ἄρεϊ· „Τοιαύταις χερσὶν ὀφειλόμεθα.“ ### book 284.1.1 Οἵους ἀνθ’ οἵων οἰκήτορας, ὦ ἐλεεινή, ### book 284.1.2 εὕραο· φεῦ μεγάλης Ἑλλάδος ἀμμορίης· ### book 284.1.3 αὐτίκα καὶ γαίης χθαμαλωτέρη εἴθε, Κόρινθε, ### book 284.1.4 κεῖσθαι καὶ Λιβυκῆς ψάμμου ἐρημοτέρη, ### book 284.5.1 ἢ τοίοις διὰ πᾶσα παλιμπρήτοισι δοθεῖσα ### book 284.5.2 θλίβειν ἀρχαίων ὀστέα Βακχιαδῶν. ### book 285.1.1 Οὐκέτι πυργωθεὶς ὁ φαλαγγομάχας ἐπὶ δῆριν ### book 285.1.2 ἄσχετος ὁρμαίνει μυριόδους ἐλέφας, ### book 285.1.3 ἀλλὰ φόβῳ στείλας βαθὺν αὐχένα πρὸς ζυγοδέσμους ### book 285.1.4 ἄντυγα διφρουλκεῖ Καίσαρος οὐρανίου. ### book 285.5.1 ἔγνω δ’ εἰρήνης καὶ θὴρ χάριν· ὄργανα ῥίψας ### book 285.5.2 Ἄρεος εὐνομίης ἀντανάγει πατέρα. ### book 286.1.1 Ὄρνι, τί μοι φίλον ὕπνον ἀφήρπασας; ἡδὺ δὲ Πύρρης ### book 286.1.2 εἴδωλον κοίτης ᾤχετ’ ἀποπτάμενον. ### book 286.1.3 ἢ τάδε θρέπτρα τίνεις, ὅτι θῆκά σε, δύσμορε, πάσης ### book 286.1.4 ᾠοτόκου κραίνειν ἐν μεγάροις ἀγέλης; ### book 286.5 ναὶ βωμὸν καὶ σκῆπτρα Σαράπιδος, οὐκέτι νυκτὸς ### book 286 φθέγξεαι, ἀλλ’ ἕξεις βωμόν, ὃν ὠμόσαμεν. ### book 287.1.1 Ὁ πρὶν ἐγὼ Ῥοδίοισιν ἀνέμβατος ἱερὸς ὄρνις, ### book 287.1.2 ὁ πρὶν Κερκαφίδαις αἰετὸς ἱστορίη, ### book 287.1.3 ὑψιπετῆ τότε ταρσὸν ἀνὰ πλατὺν ἠέρ’ ἀερθεὶς ### book 287.1.4 ἤλυθον, Ἠελίου νῆσον ὅτ’ εἶχε Νέρων· ### book 287.5.1 κείνου δ’ αὐλίσθην ἐνὶ δώμασι χειρὶ συνήθης ### book 287.5.2 κράντορος, οὐ φεύγων Ζῆνα τὸν ἐσσόμενον. ### book 288.1.1 Οὗτος ὁ Κεκροπίδῃσι βαρὺς λίθος Ἄρεϊ κεῖμαι, ### book 288.1.2 ξεῖνε, Φιλιππείης σύμβολον ἠνορέης, ### book 288.1.3 ὑβρίζων Μαραθῶνα καὶ ἀγχιάλου Σαλαμῖνος ### book 288.1.4 ἔργα Μακηδονίης ἔγχεσι κεκλιμένα. ### book 288.5.1 ὄμνυε νῦν νέκυας, Δημόσθενες· αὐτὰρ ἔγωγε ### book 288.5.2 καὶ ζωοῖς ἔσομαι καὶ φθιμένοισι βαρύς. ### book 289.1.1 Οὐλόμεναι νήεσσι Καφηρίδες, αἵ ποτε νόστον ### book 289.1.2 ὠλέσαθ’ Ἑλλήνων καὶ στόλον Ἰλιόθεν, ### book 289.1.3 πυρσὸς ὅτε ψεύστης χθονίης δνοφερώτερα νυκτὸς ### book 289.1.4 ἧψε σέλα, τυφλὴ δ’ ἔδραμε πᾶσα τρόπις ### book 289.5.1 χοιράδας ἐς πέτρας, Δαναοῖς πάλιν Ἴλιος ἄλλη ### book 289.5.2 ἔπλετο καὶ δεκέτους ἐχθροτέρη πολέμου. ### book 289.5.3 καὶ τὴν μὲν τότ’ ἔπερσαν, ἀνίκητος δὲ Καφηρεύς, ### book 289 Ναύπλιε· σοὶ γὰρ πᾶν Ἑλλὰς ἔκλαυσε δάκρυ. ### book 290.1.1 Ὅτ’ ἐξ ἀήτου Λίβυος, ἐκ ζαοῦς Νότου ### book 290.1.2 συνεζοφώθη πόντος, ἐκ δὲ νειάτων ### book 290.1.3 μυχῶν βυθῖτις ψάμμος ἐξηρεύγετο, ### book 290.1.4 ἱστὸς δὲ πᾶς ὄλισθεν εἰς ἅλα πτύσας, ### book 290.5.1 φορτὶς δ’ ἐσύρετ’ ἐς Ἀίδαν, πλανώμενος ### book 290.5.2 ἀρωγοναύτας δαίμονας Λυσίστρατος ### book 290.5.3 ἐλιπάρησεν· οἱ δὲ τῷ νεωκόρῳ ### book 290.5.4 μούνῳ θάλασσαν ἀγρίαν ἐκοίμισαν. ### book 291.1.1 Οὐδ’ ἢν ὠκεανὸς πᾶσαν πλήμυραν ἐγείρῃ, ### book 291.1.2 οὐδ’ ἢν Γερμανίη Ῥῆνον ἅπαντα πίῃ, ### book 291.1.3 Ῥώμης δ’ οὐδ’ ὅσσον βλάψει σθένος, ἄχρι κε μίμνῃ ### book 291.1.4 δεξιὰ σημαίνειν Καίσαρι θαρσαλέη. ### book 291.5.1 οὕτως καὶ ἱεραὶ Ζηνὸς δρύες ἔμπεδα ῥίζαις ### book 291.5.2 ἑστᾶσιν, φύλλων δ’ αὖα χέους’ ἄνεμοι. ### book 292.1.1 Παίδων ὃν μὲν ἔκαιεν Ἀρίστιον, ὃν δ’ ἐσάκουσε ### book 292.1.2 ναυηγόν· δισσὸν δ’ ἄλγος ἔτηξε μίαν. ### book 292.1.3 αἰαῖ, μητέρα Μοῖρα διείλετο, τὴν ἴσα τέκνα ### book 292 καὶ πυρὶ καὶ πικρῷ νειμαμένην ὕδατι. ### book 293.1.1 Πουλὺ Λεωνίδεω κατιδὼν δέμας αὐτοδάικτον ### book 293.1.2 Ξέρξης ἐχλαίνου φάρεϊ πορφυρέῳ· ### book 293.1.3 κἠκ νεκύων δ’ ἤχησεν ὁ τᾶς Σπάρτας πολὺς ἥρως· ### book 293.1.4 „Οὐ δέχομαι προδόταις μισθὸν ὀφειλόμενον· ### book 293.5.1 ἀσπὶς ἐμοὶ τύμβου κόσμος μέγας· αἶρε τὰ Περσῶν, ### book 293.5.2 ἥξω κεἰς Ἀίδαν ὡς Λακεδαιμόνιος.“ ### book 294.1.1 Πορφυρέαν τοι τάνδε, Λεωνίδα, ὤπασε χλαῖναν ### book 294.1.2 Ξέρξης ταρβήσας ἔργα τεᾶς ἀρετᾶς. — ### book 294.1.3 „Οὐ δέχομαι· προδόταις αὕτα χάρις· ἀσπὶς ἔχοι με ### book 294.1.4 καὶ νέκυν· ὁ πλοῦτος δ’ οὐκ ἐμὸν ἐντάφιον.“ — ### book 294.5.1 Ἀλλ’ ἔθανες. τί τοσόνδε καὶ ἐν νεκύεσσιν ἀπεχθὴς ### book 294.5.2 Πέρσαις; —„Οὐ θνᾴσκει ζᾶλος ἐλευθερίας.“ ### book 295.1.1 Πῶλον, τὸν πεδίων ἀλλ’ οὐχ ἁλὸς ἱππευτῆρα, ### book 295.1.2 νηὶ διαπλώειν πόντον ἀναινόμενον ### book 295.1.3 μὴ θάμβει χρεμέθοντα καὶ ἐν ποσὶ λὰξ πατέοντα ### book 295.1.4 τοίχους καὶ θυμῷ δεσμὰ βιαζόμενον. ### book 295.5 ἄχθεται, εἰ φόρτου μέρος ἔρχεται· οὐ γὰρ ἐπ’ ἄλλοις ### book 295 κεῖσθαι τὸν πάντων ἔπρεπεν ὠκύτατον. ### book 296.1.1 Σκύλλος, ὅτε Ξέρξου δολιχὸς στόλος Ἑλλάδα πᾶσαν ### book 296.1.2 ἤλαυνεν, βυθίην εὕρετο ναυμαχίην ### book 296.1.3 Νηρῆος λαθρίοισιν ὑποπλεύσας τενάγεσσι ### book 296.1.4 καὶ τὸν ἀπ’ ἀγκύρης ὅρμον ἔκειρε νεῶν· ### book 296.5.1 αὔτανδρος δ’ ἐπὶ γῆν ὠλίσθανε Περσὶς ἄναυδος ### book 296.5.2 ὀλλυμένη, πρώτη πεῖρα Θεμιστοκλέους. ### book 297.1.1 Στέλλευ ἐπ’ Εὐφρήτην, Ζηνὸς τέκος· εἰς σὲ γὰρ ἤδη ### book 297.1.2 ἠῷοι Πάρθων αὐτομολοῦσι πόδες. ### book 297.1.3 στέλλευ, ἄναξ· δήεις δὲ φόβῳ κεχαλασμένα τόξα, ### book 297.1.4 Καῖσαρ· πατρῴων δ’ ἄρξαι ἀπ’ ἐντολέων· ### book 297.5.1 Ῥώμην δ’ ὠκεανῷ περιτέρμονα πάντοθεν αὐτὸς ### book 297.5.2 πρῶτος ἀνερχομένῳ σφράγισαι ἠελίῳ. ### book 298.1.1 Σκίπων με πρὸς νηὸν ἀνήγαγεν ὄντα βέβηλον ### book 298.1.2 οὐ μοῦνον τελετῆς, ἀλλὰ καὶ ἠελίου· ### book 298.1.3 μύστην δ’ ἀμφοτέρων με Θεαὶ θέσαν· οἶδα δ’ ἐκείνῃ ### book 298.1.4 νυκτὶ καὶ ὀφθαλμῶν νύκτα καθηράμενος· ### book 298.5 ἀσκίπων δ’ εἰς ἄστυ κατέστιχον ὄργια Δηοῦς ### book 298 κηρύσσων γλώσσης ὄμμασι τρανότερον. ### book 299.1.1 Ταῦροι πρηϋτένοντες, ἀροτρευτῆρες ἀρούρης, ### book 299.1.2 εἰν ἁλὶ τοὺς γαίης ἀντέχομεν καμάτους· ### book 299.1.3 αὔλακα τὴν ἀσίδαρον ἐν ὕδασιν ἕλκομεν ἄμφω ### book 299.1.4 μακροτόνων σχοίνων ἅμμα σαγηνόδετον· ### book 299.5.1 ἰχθύσι δ’ ἐκ σταχύων λατρεύομεν. ἆ ταλαεργοί, ### book 299.5.2 ἤδη κἠν πελάγει καρπὸν ἀροῦσι βόες. ### book 300.1.1 Ταύρῳ φρικαλέον νάπος ἐκβαίνοντι Δοβήρου ### book 300.1.2 Πευκέστης ἵππῳ καρτερὸς ἠντίασεν. ### book 300.1.3 ἀλλ’ ὁ μὲν ὡρμήθη πρηὼν ἅτε· τοῦ δ’ ἁπαλοῖο ### book 300.1.4 Παιονίδα λόγχην ἧκε διὰ κροτάφου· ### book 300.5.1 συλήσας κεφαλῆς δὲ διπλοῦν κέρας αἰὲν ἐκείνῳ ### book 300.5.2 ζωροποτῶν ἐχθροῦ κόμπον ἔχει θανάτου. ### book 301.1.1 Τίπτε τὸν ὀγκηστὴν βραδύπουν ὄνον ἄμμιγ’ ἐν ἵπποις ### book 301.1.2 γυρὸν ἀλωειναῖς ἐξελάατε δρόμον; ### book 301.1.3 οὐχ ἅλις, ὅττι μύλοιο περίδρομον ἄχθος ἀνάγκης ### book 301.1.4 σπειρηδὸν σκοτόεις κυκλοδίωκτος ἔχω; ### book 301.5 ἀλλ’ ἔτι καὶ πώλοισιν ἐρίζομεν. ἦ ῥ’ ἔτι λοιπὸν ### book 301 νῦν μοι τὴν σκολιὴν αὐχένι γαῖαν ἀροῦν. ### book 302.1.1 Τὸ βρέφος Ἑρμώνακτα διεχρήσασθε, μέλισσαι, ### book 302.1.2 φεῦ κύνες, ἑρπυστὴν κηρία μαιόμενον· ### book 302.1.3 πολλάκι δ’ ἐξ ὑμέων ἐψισμένον ὠλέσατ’, αἰαῖ, ### book 302.1.4 κέντροις. εἰ δ’ ὀφίων φωλεὰ μεμφόμεθα, ### book 302.5.1 πείθεο Λυσιδίκῃ καὶ Ἀμύντορι μηδὲ μελίσσας ### book 302.5.2 αἰνεῖν, κἀκείναις πικρὸν ἔνεστι μέλι. ### book 303.1.1 Τῇ βαιῇ Καλαθίνῃ ὑπὸ σκυλάκων μογεούσῃ ### book 303.1.2 Λητωὶς κούφην εὐτοκίην ἔπορεν. ### book 303.1.3 μούναις οὔ τι γυναιξὶν ἐπήκοος, ἀλλὰ καὶ αὐτὰς ### book 303.1.4 συνθήρους σῴζειν Ἄρτεμις οἶδε κύνας. ### book 304.1.1 Τὸν γαίης καὶ πόντου ἀμειφθείσαισι κελεύθοις ### book 304.1.2 ναύτην ἠπείρου, πεζοπόρον πελάγους ### book 304.1.3 ἐν τρισσαῖς δοράτων ἑκατοντάσιν ἔστεγεν Ἄρης ### book 304.1.4 Σπάρτης. αἰσχύνεσθ’, οὔρεα καὶ πελάγη. ### book 305.1.1 Ὕδατος ἀκρήτου κεκορημένῳ ἄγχι παραστὰς ### book 305.1.2 χθιζὸν ἐμοὶ λεχέων Βάκχος ἔλεξε τάδε· ### book 305.1.3 „Εὕδεις ἄξιον ὕπνον ἀπεχθομένων Ἀφροδίτῃ· ### book 305.1.4 εἰπέ μοι, ὦ νήφων, πεύθεαι Ἱππολύτου; ### book 305.5 τάρβει, μή τι πάθῃς ἐναλίγκιον.“ ὣς ὁ μὲν εἰπὼν ### book 305 ᾤχετ’, ἐμοὶ δ’ ἀπὸ τῆς οὐκέτι τερπνὸν ὕδωρ. ### book 306.1.1 Ὑλοτόμοι, παύσασθε νεῶν χάριν· οὐκέτι πεύκη ### book 306.1.2 κύματος, ἀλλ’ ἤδη ῥινὸς ἐπιτροχάει· ### book 306.1.3 γόμφος δ’ οὐκέτι χαλκὸς ἐν ὁλκάσιν οὐδὲ σίδηρος, ### book 306.1.4 ἀλλὰ λίνῳ τοίχων ἁρμονίη δέδεται· ### book 306.5.1 τὰς δ’ αὐτὰς ποτὲ πόντος ἔχει νέας, ἄλλοτε γαῖα ### book 306.5.2 πυκτὸν ἀμαξίτην φόρτον ἀειρομένας. ### book 306.5.3 Ἀργὼ μὲν προτέροισιν ἀοίδιμος· ἀλλὰ Σαβίνῳ ### book 306.5.4 καινοτέρην πῆξαι Παλλὰς ἔνευσε τρόπιν. ### book 307.1.1 Φοῖβον ἀνηναμένη Δάφνη ποτὲ νῦν ἀνέτειλεν ### book 307.1.2 Καίσαρος ἐκ βωμοῦ κλῶνα μελαμπέταλον, ### book 307.1.3 ἐκ δὲ θεοῦ θεὸν εὗρεν ἀμείνονα· Λητοΐδην γὰρ ### book 307.1.4 ἐχθήρασα θέλει Ζῆνα τὸν Αἰνεάδην. ### book 307.5.1 ῥίζαν δ’ οὐκ ἀπὸ γῆς μητρὸς βάλεν, ἀλλ’ ἀπὸ πέτρης. ### book 307.5.2 Καίσαρι μὴ τίκτειν οὐδὲ λίθος δύναται. ### book 308.1.1 Φῶρες ὅτ’ εἰνάλιοι Τυρσηνίδος ἀγχόθι δίνης ### book 308.1.2 φορμικτὰν ἀκάτου θῆκαν ὕπερ βύθιον, ### book 308.1.3 αὐτίκα μιν κιθάρῃ λιγυαχέι δέξατο δελφὶν ### book 308.1.4 σύνθροον, ἐκ δὲ βυθοῦ νήχεθ’ ἑλισσόμενος, ### book 308.5 μέχρις ἐπ’ Ἰσθμὸν ἔκελσε Κορίνθιον. ἦ ῥα θάλασσα ### book 308 ἰχθῦς ἀνθρώπων εἶχε δικαιοτέρους. ### book 309.1.1 Χειμέριον καίουσαν ἐφ’ ἑστίῃ ἄνθρακα Γοργὼ ### book 309.1.2 τὴν γρηῢν βροντῆς ἐξεπάταξε φόβος· ### book 309.1.3 πνεύμονα δὲ ψυχθεῖσα κατήμυσεν. ἦν ἄρα μέσσῃ ### book 309.1.4 γήρως καὶ θανάτου λειπομένη πρόφασις. ### book 310.1.1 Ψῆγμ’ ἄπυρον χρυσοῖο σιδηρείων ὑπ’ ὀδόντων ### book 310.1.2 ῥινηθέν, Λιβυκῆς κουφότερον ψαμάθου, ### book 310.1.3 μῦς ὀλίγος βαρὺ δεῖπνον ἐδαίσατο· πᾶσα δὲ νηδὺς ### book 310.1.4 συρομένη βραδύπουν θῆκε τὸν ὠκύτατον· ### book 310.5.1 ληφθεὶς δ’ ἐκ μεσάτης ἀνετέμνετο κλέμματα γαστρός· ### book 310.5.2 ἦς ἄρα κἠν ἀλόγοις, χρυσέ, κακοῦ πρόφασις. ### book 311.1.1 Ὠκείαις ἐλάφοισι κύων ἰσάμιλλα δραμοῦσα ### book 311.1.2 ἔγκυος ἡλκώθη παιδοπόρον γένεσιν, ### book 311.1.3 πᾶσα δὲ συγκατέμυσε κατουλωθεῖσα χρόνοισιν· ### book 311.1.4 ἤδη δ’ ἡ τοκετῶν ὥριος ἦν βάσανος· ### book 311.5.1 πολλὰ δ’ ἐπωρύουσαν ἀνὴρ ἐσιδηροτόμησεν, ### book 311.5.2 καὶ σκύλακες φίλιοι νηδύος ἐξέθορον. ### book 311.5.3 Ἀρτέμιδος λέλυται λοχίων χάρις, ἔμπαλι δ’ Ἄρης ### book 311 ἦρκται μαιοῦσθαι γαστέρας ἡμετέρας. ### book 312.1.1 Ὦνερ, τᾶν βαλάνων τὰν ματέρα φείδεο κόπτειν, ### book 312.1.2 φείδεο, γηραλέαν δ’ ἐκκεράιζε πίτυν ### book 312.1.3 ἢ πεύκαν ἢ τάνδε πολυστέλεχον παλίουρον ### book 312.1.4 ἢ πρῖνον ἢ τὰν αὐαλέαν κόμαρον· ### book 312.5.1 τηλόθι δ’ ἴσχε δρυὸς πέλεκυν· κοκύαι γὰρ ἔλεξαν, ### book 312.5.2 ἁμῖν ὡς πρότεραι ματέρες ἐντὶ δρύες. ### book 313.1.1 Ἵζευ τᾶσδ’ ὑπὸ καλὰ δάφνας εὐθαλέα φύλλα ### book 313.1.2 ὡραίου τ’ ἄρυσαι νάματος ἁδὺ πόμα, ### book 313.1.3 ὄφρα τοι ἀσθμαίνοντα πόνοις θέρεος φίλα γυῖα ### book 313.1.4 ἀμπαύσῃς πνοιᾷ τυπτόμενα Ζεφύρου. ### book 314.1.1 Ἑρμᾶς τᾷδ’ ἕστακα παρ’ ὄρχατον ἠνεμόεντα ### book 314.1.2 ἐν τριόδοις πολιᾶς ἐγγύθεν ἀιόνος, ### book 314.1.3 ἀνδράσι κεκμηῶσιν ἔχων ἄμπαυσιν ὁδοῖο· ### book 314.1.4 ψυχρὸν δ’ ἀχραὲς κράνα ὑποπροχέει. ### book 315.1.1 Ἵζευ ὑπ’ αἰγείροισιν, ἐπεὶ κάμες, ἐνθάδ’, ὁδῖτα, ### book 315.1.2 καὶ πῖθ’ ἆσσον ἰὼν πίδακος ἁμετέρας· ### book 315.1.3 μνᾶσαι δὲ κράναν καὶ ἀπόπροθι, ἃν ἐπὶ Γίλλῳ ### book 315 Σῖμος ἀποφθιμένῳ παιδὶ παριδρύεται. ### book 316.1.1 Ὦ τάνδε στείχοντες ἀταρπιτόν, αἴτε ποτ’ ἀγροὺς ### book 316.1.2 δαμόθεν αἴτ’ ἀπ’ ἀγρῶν νεῖσθε ποτ’ ἀκρόπολιν, ### book 316.1.3 ἄμμες ὅρων φύλακες δισσοὶ θεοί, ὧν ὁ μὲν Ἑρμᾶς, ### book 316.1.4 οἷον ὁρῇς μ’, οὗτος δ’ ἅτερος Ἡρακλέης· ### book 316.5.1 ἄμφω μὲν θνατοῖς εὐάκοοι, ἀλλά ποθ’ οὗτος, ### book 316.5.2 αἴτ’ ὠμὰς παραθῇς ἀχράδας, ἐγκέκαφεν· ### book 316.5.3 ναὶ μὰν ὡσαύτως τοὺς βότρυας, αἴτε πέλονται ### book 316.5.4 ὥριμοι αἴτε χύδαν ὄμφακες, εὐτρέπικεν. ### book 316.5.5 μισέω τὰν μετοχὰν οὐδ’ ἥδομαι· ἀλλ’ ὁ φέρων τι, ### book 316.10.1 ἀμφίς, μὴ κοινᾷ τοῖς δυσὶ παρτιθέτω ### book 316.10.2 καὶ λεγέτω· „Τὶν τοῦθ’, Ἡράκλεες,“ ἄλλοτε „Τοῦτο ### book 316.10.3 Ἑρμᾷ“ καὶ λύοι τὰν ἔριν ἀμφοτέρων. ### book 317.1.1 Χαίρω τὸν λακέρυζον ὁρῶν θεὸν εἰς τὸ φάλανθον ### book 317.1.2 βρέγμ’ ὑπὸ τᾶν ὀχνᾶν, αἰπόλε, τυπτόμενον. — ### book 317.1.3 „Αἰπόλε, τοῦτον ἐγὼ τρὶς ἐπύγισα· τοὶ δὲ τραγίσκοι ### book 317.1.4 εἰς ἐμὲ δερκόμενοι τὰς χιμάρας ἐβάτευν.“ — ### book 317.5.1 ‚Ὄντως ς’, Ἑρμαφρόδιτε, πεπύγικεν;‛ —Οὐ μὰ τὸν Ἑρμᾶν, ### book 317.5.2 αἰπόλε. —„Ναὶ τὸν Πᾶν’, αἰπόλε, κἀπιγελῶν.“ ### book 318.1.1 Εὐμάραθον πρηῶνα καὶ εὐσκάνδικα λελογχώς, ### book 318.1.2 Ἑρμῆ, καὶ ταύταν, ἆ φίλος, αἰγίβοσιν ### book 318.1.3 καὶ λαχανηλόγῳ ἔσσο καὶ αἰγινομῆι προσηνής· ### book 318 ἕξεις καὶ λαχάνων καὶ γλάγεος μερίδα. ### book 319.1.1 Τληπόλεμός μ’ ὁ Μυρεὺς Ἑρμᾶν ἀφετήριον ἕρμα ### book 319.1.2 ἱροδρόμοις θῆκεν παῖς ὁ Πολυκρίτεω, ### book 319.1.3 δὶς δέκ’ ἀπὸ σταδίων ἐναγώνιον· ἀλλὰ πονεῖτε ### book 319.1.4 μαλθακὸν ἐκ γονάτων ὄκνον ἀπωσάμενοι. ### book 320.1.1 Εἶπέ ποκ’ Εὐρώτας πὸτ τὰν Κύπριν· „Ἢ λάβε τεύχη ### book 320.1.2 ἢ ’ξιθι τᾶς Σπάρτας· ἁ πόλις ὁπλομανεῖ.“ ### book 320.1.3 ἁ δ’ ἁπαλὸν γελάσασα· „Καὶ ἔσσομαι αἰὲν ἀτευχής,“ ### book 320.1.4 εἶπε, „καὶ οἰκήσω τὰν Λακεδαιμονίαν.“ ### book 320.5.1 χἀ μὲν Κύπρις ἄνοπλος· ἀναιδέες οἵδε λέγουσιν ### book 320.5.2 ἵστορες, ὡς ἁμῖν χἀ θεὸς ὁπλοφορεῖ. ### book 321.1.1 Τίπτε, μόθων ἄτλητος, Ἐνυαλίοιο λέλογχας, ### book 321.1.2 Κύπρι; τίς ὁ ψεύστας στυγνὰ καθᾶψε μάτην ### book 321.1.3 ἔντεα; σοὶ γὰρ Ἔρωτες ἐφίμεροι ἅ τε κατ’ εὐνὰν ### book 321.1.4 τέρψις καὶ κροτάλων θηλυμανεῖς ὄτοβοι. ### book 321.5 δούρατα δ’ αἱματόεντα κάθες· Τριτωνίδι δίᾳ ### book 321 ταῦτα, σὺ δ’ εὐχαίταν εἰς Ὑμέναιον ἴθι. ### book 322.1.1 Οὐκ ἐμὰ ταῦτα λάφυρα. τίς ὁ θριγκοῖσιν ἀνάψας ### book 322.1.2 Ἄρηος ταύταν τὰν ἄχαριν χάριτα; ### book 322.1.3 ἄκλαστοι μὲν κῶνοι, ἀναίμακτοι δὲ γανῶσαι ### book 322.1.4 ἀσπίδες, ἄκλαστοι δ’ αἱ κλαδαραὶ κάμακες. ### book 322.5.1 αἰδοῖ πάντα πρόσωπ’ ἐρυθαίνομαι, ἐκ δὲ μετώπου ### book 322.5.2 ἱδρὼς πιδύων στῆθος ἐπισταλάει. ### book 322.5.3 παστάδα τις τοιοῖσδε καὶ ἀνδρειῶνα καὶ αὐλὰν ### book 322.5.4 κοσμείτω καὶ τὸν νυμφίδιον θάλαμον· ### book 322.5.5 Ἄρευς δ’ αἱματόεντα διωξίπποιο λάφυρα ### book 322.10 νηὸν κοσμοίη· τοῖς γὰρ ἀρεσκόμεθα. ### book 323.1.1 Τίς θέτο μαρμαίροντα βοάγρια, τίς δ’ ἀφόρυκτα ### book 323.1.2 δούρατα καὶ ταύτας ἀρραγέας κόρυθας ### book 323.1.3 ἀγκρεμάσας Ἄρηι μιάστορι κόσμον ἄκοσμον; ### book 323.1.4 οὐκ ἀπ’ ἐμῶν ῥίψει ταῦτά τις ὅπλα δόμων; ### book 323.5.1 ἀπτολέμων τάδ’ ἔοικεν ἐν οἰνοπλῆξι τεράμνοις ### book 323.5.2 πλάθειν, οὐ θριγκῶν ἐντὸς Ἐνυαλίου· ### book 323.5.3 σκῦλά μοι ἀμφίδρυπτα καὶ ὀλλυμένων ἅδε λύθρος ### book 323.5.4 ἀνδρῶν, εἴπερ ἔφυν ὁ βροτολοιγὸς Ἄρης. ### book 324.1.1 Ἁ σῦριγξ, τί τυ ὧδε παρ’ Ἀφρογένειαν ὄρουσας; ### book 324.1.2 τίπτ’ ἀπὸ ποιμενίου χείλεος ὧδε πάρει; ### book 324.1.3 οὔ τοι πρῶνες ἔθ’ ὧδ’ οὔτ’ ἄγκεα, πάντα δ’ Ἔρωτες ### book 324 καὶ Πόθος· ἁ δ’ ἀγρία Μοῦς’ ἐν ὄρει νέμεται. ### book 325.1 Πρὶν μὲν ἁλικλύστου πέτρας ἐν βένθεσιν ἥμμαν ### book 325.2 εὐαλδὲς πόντου φῦκος ἀπαινυμένα· ### book 325.3 νῦν δέ μοι ἱμερόεις κόλπων ἔντοσθεν ἰαύει ### book 325.4 λάτρις ἐυστεφάνου Κύπριδος ἁβρὸς Ἔρως. ### book 326.1.1 Πέτρης ἐκ δισσῆς ψυχρὸν καταπάλμενον ὕδωρ, ### book 326.1.2 χαίροις, καὶ Νυμφέων ποιμενικὰ ξόανα ### book 326.1.3 πέτραι τε κρηνέων καὶ ἐν ὕδασι κόσμια ταῦτα ### book 326.1.4 ὑμέων, ὦ κοῦραι, μυρία τεγγόμενα, ### book 326.5.1 χαίρετ’· Ἀριστοκλέης ὅδ’ ὁδοιπόρος, ᾧπερ ἀπῶσα ### book 326.5.2 δίψαν βαψάμενος, τοῦτο δίδωμι γέρας. ### book 327.1.1 Νύμφαι ἐφυδριάδες, ταῖς Ἑρμοκρέων τάδε δῶρα ### book 327.1.2 εἵσατο καλλινάου πίδακος ἀντιτυχών, ### book 327.1.3 χαίρετε καὶ στείβοιτ’ ἐρατοῖς ποσὶν ὑδατόεντα ### book 327.1.4 τόνδε δόμον καθαροῦ πιμπλάμεναι πόματος. ### book 328.1 Νύμφαι Νηιάδες, καλλίρροον αἳ τόδε νᾶμα ### book 328.2 χεῖτε κατ’ οὐρείου πρωνὸς ἀπειρέσιον, ### book 328.3 ὔμμιν ταῦτα πόρεν Δαμόστρατος, Ἀντίλα υἱός, ### book 328 ξέσματα καὶ δοιῶν ῥινὰ κάπρων λάσια. ### book 329.1.1 Νύμφαι ἐφυδριάδες, Δώρου γένος, ἀρδεύοιτε ### book 329.1.2 τοῦτον Τιμοκλέους κᾶπον ἐπεσσύμεναι· ### book 329.1.3 καὶ γὰρ Τιμοκλέης ὔμμιν, κόραι, αἰὲν ὁ καπεὺς ### book 329.1.4 κάπων ἐκ τούτων ὥρια δωροφορεῖ. ### book 330.1.1 Κράνας εὐύδρου παρὰ νάμασι καὶ παρὰ Νύμφαις ### book 330.1.2 ἔστασέν με Σίμων, Πᾶνα τὸν αἰγιπόδην. — ### book 330.1.3 „Τεῦ δὲ χάριν;“ —Λέξω τοι· ὅσον ποθέεις, ἀπὸ κράνας ### book 330.1.4 καὶ πίε καὶ κοίλαν κάλπιν ἑλὼν ἄρυσαι· ### book 330.5.1 ποσσὶ δὲ μὴ ποτὶ νίπτρα φέρειν κρυστάλλινα Νυμφᾶν ### book 330.5.2 δῶρα, τὸν ὑβριστὰν εἰς ἐμὲ δερκόμενος. — ### book 330.5.3 „Ὦ σέμν’ ...“ —Οὐ λέξεις ἕτερον λόγον, ἀλλὰ παρέξεις ### book 330.5.4 πυγίξαι· τούτοις χρῶμαι ὁ Πὰν νομίμοις. ### book 330.5.5 ἢν δὲ ποιῇς ἐπίτηδες ἔχων πάθος, ἔστι καὶ ἄλλα ### book 330.10 τέχνα· τῷ ῥοπάλῳ τὰν κεφαλὰν λέπομες. ### book 331.1.1 Αἱ Νύμφαι τὸν Βάκχον, ὅτ’ ἐκ πυρὸς ἥλατο κοῦρος, ### book 331.1.2 νίψαν ὑπὲρ τέφρης ἄρτι κυλιόμενον. ### book 331.1.3 τοὔνεκα σὺν Νύμφαις Βρόμιος φίλος· ἢν δέ νιν εἴργῃς ### book 331 μίσγεσθαι, δέξῃ πῦρ ἔτι καιόμενον. ### book 332.1.1 Ἐλθοῖσαι ποτὶ ναὸν ἰδώμεθα τᾶς Ἀφροδίτας ### book 332.1.2 τὸ βρέτας, ὡς χρυσῷ δαιδαλόεν τελέθει. ### book 332.1.3 εἵσατό μιν Πολυαρχὶς ἐπαυρομένα μάλα πολλὰν ### book 332.1.4 κτῆσιν ἀπ’ οἰκείου σώματος ἀγλαΐας. ### book 333.1.1 Στῶμεν ἁλιρράντοιο παρὰ χθαμαλὰν χθόνα πόντου ### book 333.1.2 δερκόμενοι τέμενος Κύπριδος Εἰναλίας ### book 333.1.3 κράναν τ’ αἰγείροιο κατάσκιον, ἇς ἄπο νᾶμα ### book 333.1.4 ξουθαὶ ἀφύσσονται χείλεσιν ἀλκυόνες. ### book 334.1.1 Κἀμὲ τὸν ἐν σμικροῖς ὀλίγον θεὸν ἢν ἐπιβώσῃς ### book 334.1.2 εὐκαίρως, τεύξῃ· μὴ μεγάλων δὲ γλίχου· ### book 334.1.3 ὡς ὅ τι δημοτέρων δύναται θεὸς ἀνδρὶ πενέστῃ ### book 334.1.4 δωρεῖσθαι, τούτων κύριός εἰμι Τύχων. ### book 335.1.1 Ὑλοφόρου τὤγαλμα, ὁδοιπόρε, Μικκαλίωνος, ### book 335.1.2 Ἑρμῆς· ἀλλ’ ἴδε τὸν κρήγυον ὑλοφόρον, ### book 335.1.3 ὡς ἐξ οἰζυρῆς ἠπίστατο δωροδοκῆσαι ### book 335 ἐργασίης· αἰὲν δ’ ὡγαθός ἐστ’ ἀγαθός. ### book 336.1.1 Ἥρως Ἠετίωνος ἐπίσταθμος Ἀμφιπολίτεω ### book 336.1.2 ἵδρυμαι μικρῷ μικρὸς ἐπὶ προθύρῳ ### book 336.1.3 λοξὸν ὄφιν καὶ μοῦνον ἔχων ξίφος· ἀνέρι δ’ ἱππεῖ ### book 336.1.4 θυμωθεὶς πεζὸν κἀμὲ παρῳκίσατο. ### book 337.1.1 Εὐάγρει, λαγόθηρα, καὶ εἰ πετεεινὰ διώκων ### book 337.1.2 ἰξευτὴς ἥκεις τοῦθ’ ὑπὸ δισσὸν ὄρος, ### book 337.1.3 κἀμὲ τὸν ὑληωρὸν ἀπὸ κρημνοῖο βόασον ### book 337.1.4 Πᾶνα· συναγρεύω καὶ κυσὶ καὶ καλάμοις. ### book 338.1.1 Εὕδεις φυλλοστρῶτι πέδῳ, Δάφνι, σῶμα κεκμακὸς ### book 338.1.2 ἀμπαύων· στάλικες δ’ ἀρτιπαγεῖς ἀν’ ὄρη. ### book 338.1.3 ἀγρεύει δέ τυ Πὰν καὶ ὁ τὸν κροκόεντα Πρίηπος ### book 338.1.4 κισσὸν ἐφ’ ἱμερτῷ κρατὶ καθαπτόμενος ### book 338.5.1 ἄντρον ἔσω στείχοντες ὁμόρροθοι. ἀλλὰ τὺ φεῦγε, ### book 338.5.2 φεῦγε, μεθεὶς ὕπνου κῶμα καταγρόμενον. ### book 339.1.1 Ἔν ποτε παμφαίνοντι μέλαν πτερὸν αἰθέρι νωμῶν ### book 339.1.2 σκορπίον ἐκ γαίης εἶδε θορόντα κόραξ, ### book 339.1.3 ὃν μάρψων ὤρουσεν· ὁ δ’ ἀίξαντος ἐπ’ οὖδας ### book 339.1.4 οὐ βραδὺς εὐκέντρῳ πέζαν ἔτυψε βέλει ### book 339.5 καὶ ζωῆς μιν ἄμερσεν. ἴδ’, ὡς, ὃν ἔτευχεν ἐπ’ ἄλλῳ, ### book 339 ἐκ κείνου τλήμων αὐτὸς ἔδεκτο μόρον. ### book 340.1.1 Αὐλοὶ τοῦ Φρυγὸς ἔργον Ὑάγνιδος, ἡνίκα Μήτηρ ### book 340.1.2 ἱερὰ τἀν Κυβέλοις πρῶτ’ ἀνέδειξε θεῶν ### book 340.1.3 καὶ πρὸς ἐμὸν φώνημα καλὴν ἀνελύσατο χαίτην ### book 340.1.4 ἔκφρων Ἰδαίης ἀμφίπολος θαλάμης· ### book 340.5.1 εἰ δὲ Κελαινίτης ποιμὴν πατρὸς οὗ παραείσας ### book 340.5.2 ἐγνώσθη, Φοίβου κλεινὸν ἔδειξεν ἔρις. ### book 341.1.1 Νύμφαι, πευθομένῳ φράσατ’ ἀτρεκές, εἰ παροδεύων ### book 341.1.2 Δάφνις τὰς λευκὰς ὧδ’ ἀνέπαυς’ ἐρίφους. — ### book 341.1.3 „Ναὶ ναί, Πὰν συρικτά, καὶ εἰς αἴγειρον ἐκείναν ### book 341.1.4 σοί τι κατὰ φλοιοῦ γράμμ’ ἐκόλαψε λέγειν· ### book 341.5.1 ‘Πάν, Πάν, πρὸς Μαλέαν, πρὸς ὄρος Ψωφίδιον ἔρχευ· ### book 341.5.2 ἱξοῦμαι.‘“ —Νύμφαι, χαίρετ’, ἐγὼ δ’ ὑπάγω. ### book 342.1.1 Φημὶ πολυστιχίην ἐπιγράμματος οὐ κατὰ Μούσας ### book 342.1.2 εἶναι· μὴ ζητεῖτ’ ἐν σταδίῳ δόλιχον· ### book 342.1.3 πόλλ’ ἀνακυκλοῦται δολιχὸς δρόμος, ἐν σταδίῳ δὲ ### book 342.1.4 ὀξὺς ἐλαυνομένοις πνεύματός ἐστι τόνος. ### book 343.1.1 Αὐταῖς σὺν κίχλαισιν ὑπὲρ φραγμοῖο διωχθεὶς ### book 343.1.2 κόσσυφος ἠερίης κόλπον ἔδυ νεφέλης· ### book 343.1.3 καὶ τὰς μὲν συνοχηδὸν ἀνέκδρομος ὤχμασε θώμιγξ, ### book 343.1.4 τὸν δὲ μόνον πλεκτῶν αὖθι μεθῆκε λίνων. ### book 343.5 ἱρὸν ἀοιδοπόλων ἔτυμον γένος· ἦ ἄρα πολλὴν ### book 343 καὶ κωφαὶ πτανῶν φροντίδ’ ἔχουσι πάγαι. ### book 344.1.1 Ἦν ὁπότε γραμμαῖσιν ἐμὴν φρένα μοῦνον ἔτερπον ### book 344.1.2 οὐδ’ ὄναρ εὐγενέταις γνώριμος Ἰταλίδαις, ### book 344.1.3 ἀλλὰ τὰ νῦν πάντεσσιν ἐράσμιος· ὀψὲ γὰρ ἔγνων, ### book 344.1.4 ὁππόσον Οὐρανίην Καλλιόπη προφέρει. ### book 345.1.1 Οὐδὲ τοσόνδ’ Ἀθάμας ἐπεμήνατο παιδὶ Λεάρχῳ, ### book 345.1.2 ὅσσον ὁ Μηδείης θυμὸς ἐτεκνοφόνα, ### book 345.1.3 ζῆλος ἐπεὶ μανίης μεῖζον κακόν· εἰ δὲ φονεύῃ ### book 345.1.4 μήτηρ, ἐν τίνι νῦν πίστις ἔτ’ ἐστὶ τέκνων; ### book 346.1.1 Αἶαν ὅλην νήσους τε διιπταμένη σύ, χελιδών, ### book 346.1.2 Μηδείης γραπτῇ πυκτίδι νοσσοτροφεῖς· ### book 346.1.3 ἔλπῃ δ’ ὀρταλίχων πίστιν σέο τήνδε φυλάξειν ### book 346.1.4 Κολχίδα μηδ’ ἰδίων φεισαμένην τεκέων; ### book 347.1.1 Οὐ μόνον εὐάροτον βόες οἴδαμεν αὔλακα τέμνειν, ### book 347.1.2 ἀλλ’ ἴδε κἠκ πόντου νῆας ἐφελκόμεθα· ### book 347.1.3 ἔργα γὰρ εἰρεσίης δεδιδάγμεθα· καὶ σύ, θάλασσα, ### book 347 δελφῖνας γαίῃ ζεῦξον ἀροτροφορεῖν. ### book 348.1.1 Ὁ σταφυλοκλοπίδας Ἑκατώνυμος εἰς Ἀίδαο ### book 348.1.2 ἔδραμε μαστιχθεὶς κλήματι φωριδίῳ. ### book 349.1.1 Ὕδατά σοι Κοτίλεια γενέθλιον ἦμαρ ὁρῶντι, ### book 349.1.2 Καῖσαρ, ἐπιβλύζοι σωρὸν ἀκεσφορίης, ### book 349.1.3 ὄφρα σε κόσμος ἅπας πάππον 〈τρισὶν〉 αὐγάζηται, ### book 349.1.4 ὡς πατέρα τρισσῆς εἴσιδεν εὐτοκίης. ### book 350.1.1 Ἤτριά μοι βύβλων χιονώδεα σὺν καλάμοισιν ### book 350.1.2 πέμπεις, Νειλορύτου δῶρον ἀπὸ προβολῆς, ### book 350.1.3 μουσοπόλῳ δ’ ἀτελῆ, Διονύσιε, μηκέτι πέμπε ### book 350.1.4 ὄργανα. τίς τούτων χρῆσις ἄτερ μέλανος; ### book 351.1.1 Λυσίππης ὁ νεογνὸς ἀπὸ κρημνοῦ πάις ἕρπων ### book 351.1.2 Ἀστυανακτείης ἤρχετο δυσμορίης· ### book 351.1.3 ἡ δὲ μεθωδήγησεν ἀπὸ στέρνων προφέρουσα ### book 351 μαζόν, τὸν λιμοῦ ῥύτορα καὶ θανάτου. ### book 352.1.1 Νεῖλος ἑορτάζει παρὰ Θύβριδος ἱερὸν ὕδωρ ### book 352.1.2 εὐξάμενος θύσειν Καίσαρι σῳζομένῳ· ### book 352.1.3 οἱ δ’ ἑκατὸν βουπλῆγες ἑκούσιον αὐχένα ταύρων ### book 352.1.4 ᾕμαξαν βωμοῖς Οὐρανίοιο Διός. ### book 353.1.1 Καὶ λόγον ἱστορίῃ κοσμούμενον ἠκρίβωσας ### book 353.1.2 καὶ βίον ἐν φιλίῃ, Πάππε, βεβαιότατον. ### book 353.1.3 τοῦτο δ’ ἑορτάζοντι γενέθλιον ἠριγένειαν ### book 353.1.4 δῶρον ὁ Νειλαιεὺς πέμπει ἀοιδοπόλος. ### book 354.1.1 Ὃν πόλεμος δεδιὼς οὐκ ὤλεσε, νῦν ὑπὸ νούσου ### book 354.1.2 θλίβομαι, ἐν δ’ ἰδίῳ τήκομ’ ὅλος πολέμῳ. ### book 354.1.3 ἀλλὰ διὰ στέρνων ἴθι, φάσγανον· ὡς γὰρ ἀριστεὺς ### book 354.1.4 θνῄξομ’ ἀπωσάμενος καὶ νόσον ὡς πόλεμον. ### book 355.1.1 Οὐράνιον μείμημα γενεθλιακαῖσιν ἐν ὥραις ### book 355.1.2 τοῦτ’ ἀπὸ Νειλογενοῦς δέξο Λεωνίδεω, ### book 355.1.3 Ποππαία, Διὸς εὖνι, Σεβαστιάς· εὔαδε γάρ σοι ### book 355 δῶρα τὰ καὶ λέκτρων ἄξια καὶ σοφίης. ### book 356.1.1 Οἴγνυμεν ἐξ ἑτέρης πόμα πίδακος, ὥστ’ ἀρύσασθαι ### book 356.1.2 ξεῖνον μουσοπόλου γράμμα Λεωνίδεω· ### book 356.1.3 δίστιχα γὰρ ψήφοισιν ἰσάζεται. ἀλλὰ σύ, Μῶμε, ### book 356.1.4 ἔξιθι κἠφ’ ἑτέρους ὀξὺν ὀδόντα βάλε. ### book 357.1.1 Τέσσαρές εἰσιν ἀγῶνες ἀν’ Ἑλλάδα, τέσσαρες ἱροί, ### book 357.1.2 οἱ δύο μὲν θνητῶν, οἱ δύο δ’ ἀθανάτων, ### book 357.1.3 Ζηνός, Λητοΐδαο, Παλαίμονος, Ἀρχεμόροιο· ### book 357.1.4 ἆθλα δὲ τῶν κότινος, μῆλα, σέλινα, πίτυς. ### book 358.1.1 Εἴ με Πλάτων οὐ γράψε, δύω ἐγένοντο Πλάτωνες. ### book 358.1.2 Σωκρατικῶν ὀάρων ἄνθεα πάντα φέρω· ### book 358.1.3 ἀλλὰ νόθον με τέλεσσε Παναίτιος· ὅς ῥ’ ἐτέλεσσε ### book 358.1.4 καὶ ψυχὴν θνητήν, κἀμὲ νόθον τελέσαι. ### book 359.1.1 Ποίην τις βιότοιο τάμοι τρίβον; εἰν ἀγορῇ μὲν ### book 359.1.2 νείκεα καὶ χαλεπαὶ πρήξιες, ἐν δὲ δόμοις ### book 359.1.3 φροντίδες· ἐν δ’ ἀγροῖς καμάτων ἅλις, ἐν δὲ θαλάσσῃ ### book 359 τάρβος· ἐπὶ ξείνης δ’, ἢν μὲν ἔχῃς τι, δέος· ### book 359.5.1 ἢν δ’ ἀπορῇς, ἀνιηρόν. ἔχεις γάμον; οὐκ ἀμέριμνος ### book 359.5.2 ἔσσεαι. οὐ γαμέεις; ζῇς ἔτ’ ἐρημότερος. ### book 359.5.3 τέκνα πόνοι, πήρωσις ἄπαις βίος. αἱ νεότητες ### book 359.5.4 ἄφρονες, αἱ πολιαὶ δ’ ἔμπαλιν ἀδρανέες. ### book 359.5.5 ἦν ἄρα τοῖν δοιοῖν ἑνὸς αἵρεσις, ἢ τὸ γενέσθαι ### book 359.10 μηδέποτ’ ἢ τὸ θανεῖν αὐτίκα τικτόμενον. ### book 360.1.1 Παντοίην βιότοιο τάμοις τρίβον. εἰν ἀγορῇ μὲν ### book 360.1.2 κύδεα καὶ πινυταὶ πρήξιες, ἐν δὲ δόμοις ### book 360.1.3 ἄμπαυμ’. ἐν δ’ ἀγροῖς φύσιος χάρις, ἐν δὲ θαλάσσῃ ### book 360.1.4 κέρδος· ἐπὶ ξείνης δ’, ἢν μὲν ἔχῃς τι, κλέος· ### book 360.5.1 ἢν δ’ ἀπορῇς, μόνος οἶδας. ἔχεις γάμον; οἶκος ἄριστος ### book 360.5.2 ἔσσεται. οὐ γαμέεις; ζῇς ἔτ’ ἐλαφρότερον. ### book 360.5.3 τέκνα πόθος, ἄφροντις ἄπαις βίος. αἱ νεότητες ### book 360.5.4 ῥωμαλέαι, πολιαὶ δ’ ἔμπαλιν εὐσεβέες. ### book 360.5.5 οὐκ ἄρα τῶν δισσῶν ἑνὸς αἵρεσις, ἢ τὸ γενέσθαι ### book 360.10 μηδέποτ’ ἢ τὸ θανεῖν· πάντα γὰρ ἐσθλὰ βίῳ. ### book 361.1.1 Μῆτερ ἐμὴ δύσμητερ, ἀπηνέα θυμὸν ἔχουσα, ### book 361.1.2 λίην ἄχθομαι ἕλκος, ὅ με βροτὸς οὔτασεν ἀνὴρ ### book 361.1.3 νύκτα δι’ ὀρφναίην, ὅτε θ’ εὕδουσι βροτοὶ ἄλλοι, ### book 361.1.4 γυμνὸς ἄτερ κόρυθός τε καὶ ἀσπίδος, οὐδ’ ἔχεν ἔγχος· ### book 361.5.1 πᾶν δ’ ὑπεθερμάνθη ξίφος αἵματι· αὐτὰρ ἔπειτα ### book 361.5.2 οὐρόν τε προέηκεν ἀπήμονά τε λιαρόν τε. ### book 362.1 Ἱμερόεις Ἀλφειέ, Διὸς στεφανηφόρον ὕδωρ, ### book 362.2 ὃς διὰ Πισαίων πεδίων κεκονιμένος ἕρπεις ### book 362.3 ἡσύχιος τὸ πρῶτον, ἐπὴν δ’ ἐς πόντον ἵκηαι, ### book 362.4 ὀξὺς ἀμετρήτοιο πεσὼν ὑπὸ κῦμα θαλάσσης ### book 362.5.1 νυμφίος αὐτοκέλευθος, ἑῶν ὀχετηγὸς ἐρώτων, ### book 362.5.2 ἐς Σικελὴν Ἀρέθουσαν ἐπείγεαι ὑγρὸς ἀκοίτης. ### book 362.5.3 ἡ δέ σε κεκμηῶτα καὶ ἀσθμαίνοντα λαβοῦσα, ### book 362.5.4 φῦκος ἀποσμήξασα καὶ ἄνθεα πικρὰ θαλάσσης ### book 362.5.5 χείλεα μὲν στομάτεσσι συνήρμοσεν· οἷα δὲ νύμφη ### book 362.10.1 νυμφίον ἀμφιχυθεῖσα περίπλοκον ἡδέι δεσμῷ ### book 362.10.2 κείμενον ἐν κόλποισιν Ὀλύμπιον εὔνασεν ὕδωρ ... ### book 362.10.3 καὶ φονίῃ ῥαθάμιγγι λιβὰς κατεκίρνατο πηγή, ### book 362.10.4 οὐδὲ Συρακοσίης ἔτι σοι μέλεν ἵμερος εὐνῆς· ### book 362.10.5 πορφυρέῃ δ’ ἀνέκοπτες ὕδωρ πεπιεσμένον αἰδοῖ ### book 362.15.1 φειδόμενος καὶ πόντον ὁμοῦ καὶ λέκτρα μιῆναι. ### book 362.15.2 πολλάκι δ’ εὐναίων ὀάρων βεβιημένος ὁρμῇ ### book 362.15.3 αὐτὴν ἐς φιλότητα χυτῆς ἀλόχοιο περήσας ### book 362.15.4 ἑστήκεις ἄχραντον ὁρῶν Ἀρεθούσιον ὕδωρ· ### book 362.15.5 ἡ δέ σε παπταίνουσα Πελωριάδος κατὰ πέτρης ### book 362.20.1 δάκρυσι κυμαίνοντα, κατοικτείρουσα καὶ αὐτὴ ### book 362.20.2 εὐειδὴς Ἀρέθουσα φίλους ἀνεκόπτετο μαζούς, ### book 362.20.3 καὶ δρόσος οἷα ῥόδοισιν ἐτήκετο· μυρομένῳ δὲ ### book 362.20.4 Πισαίῳ ποταμῷ Σικελὴ προσεμύρετο πηγή. ### book 362.20.5 οὐδὲ Δίκην ἔλαθεν πανδερκέα φοίνιος ἀνὴρ ### book 362.25.1 Ἑλλάδος ἀμώων ἄγαμον στάχυν, ᾧ ἔπι πολλαὶ ### book 362.25.2 ἡρώων ἄλοχοι, μινυώρια τέκνα τεκοῦσαι ### book 362.25.3 μαψιδίως, ὠδῖνας ἀνεκλαύσαντο γυναῖκες ... ### book 363.1.1 Χείματος ἠνεμόεντος ἀπ’ αἰθέρος οἰχομένοιο ### book 363.1.2 πορφυρέη μείδησε φερανθέος εἴαρος ὥρη. ### book 363.1.3 γαῖα δὲ κυανέη χλοερὴν ἐστέψατο ποίην ### book 363.1.4 καὶ φυτὰ θηλήσαντα νέοις ἐκόμησε πετήλοις. ### book 363.5.1 οἱ δ’ ἁπαλὴν πίνοντες ἀεξιφύτου δρόσον Ἠοῦς ### book 363.5.2 λειμῶνες γελόωσιν ἀνοιγομένοιο ῥόδοιο. ### book 363.5.3 χαίρει καὶ σύριγγι νομεὺς ἐν ὄρεσσι λιγαίνων, ### book 363.5.4 καὶ πολιοῖς ἐρίφοις ἐπιτέρπεται αἰπόλος αἰγῶν. ### book 363.5.5 ἤδη δὲ πλώουσιν ἐπ’ εὐρέα κύματα ναῦται ### book 363.10.1 πνοιῇ ἀπημάντῳ Ζεφύρου λίνα κολπώσαντες. ### book 363.10.2 ἤδη δ’ εὐάζουσι φερεσταφύλῳ Διονύσῳ ### book 363.10.3 ἄνθεϊ βοτρυόεντος ἐρεψάμενοι τρίχα κισσοῦ. ### book 363.10.4 ἔργα δὲ τεχνήεντα βοηγενέεσσι μελίσσαις ### book 363.10.5 καλὰ μέλει, καὶ σίμβλῳ ἐφήμεναι ἐργάζονται ### book 363.15.1 λευκὰ πολυτρήτοιο νεόρρυτα κάλλεα κηροῦ. ### book 363.15.2 πάντῃ δ’ ὀρνίθων γενεὴ λιγύφωνον ἀείδει, ### book 363.15.3 ἀλκυόνες περὶ κῦμα, χελιδόνες ἀμφὶ μέλαθρα, ### book 363.15.4 κύκνος ἐπ’ ὄχθαισιν ποταμοῦ καὶ ὑπ’ ἄλσος ἀηδών. ### book 363.15.5 εἰ δὲ φυτῶν χαίρουσι κόμαι καὶ γαῖα τέθηλεν, ### book 363.20.1 συρίζει δὲ νομεὺς καὶ τέρπεται εὔκομα μῆλα ### book 363.20.2 καὶ ναῦται πλώουσι, Διώνυσος δὲ χορεύει ### book 363.20.3 καὶ μέλπει πετεεινὰ καὶ ὠδίνουσι μέλισσαι, ### book 363 πῶς οὐ χρὴ καὶ ἀοιδὸν ἐν εἴαρι καλὸν ἀεῖσαι; ### book 364.1.1 Σπείσατέ μοι, Μοῦσαι, λιγυρὴν εὐτερπέα φωνήν, ### book 364.1.2 ἡδὺν ἀπὸ στομάτων Ἑλικωνίδος ὄμβρον ἀοιδῆς· ### book 364.1.3 ὅσσοι γὰρ ῥοφέουσιν ἀοιδοτόκου πόμα πηγῆς, ### book 364.1.4 ὑμετέρων ἐπέων λιγυρῇ τέρπονται ἀοιδῇ. ### book 365.1.1 Ἀλλοίην ὁρόω δονάκων φύσιν· ἦ που ἀπ’ ἄλλης, ### book 365.1.2 χαλκείης τάχα μᾶλλον ἀνεβλάστησαν ἀρούρης, ### book 365.1.3 ἄγριοι· οὐδ’ ἀνέμοισιν ὑφ’ ἡμετέροις δονέονται, ### book 365.1.4 ἀλλ’ ἀπὸ ταυρείης προθορὼν σπήλυγγος ἀήτης ### book 365.5.1 νέρθεν ἐυτρήτων καλάμων ὑπὸ ῥίζαν ὁδεύει· ### book 365.5.2 καί τις ἀνὴρ ἀγέρωχος ἔχων θοὰ δάκτυλα χειρῶν ### book 365.5.3 ἵσταται ἀμφαφόων κανόνας συμφράδμονας αὐλῶν, ### book 365.5.4 οἱ δ’ ἁπαλὸν σκιρτῶντες ἀποθλίβουσιν ἀοιδήν. ### book 366.1 Ἑπτὰ σοφῶν ἐρέω κατ’ ἔπος πόλιν, οὔνομα, φωνήν. ### book 366.2 „Μέτρον“ μὲν Κλεόβουλος ὁ Λίνδιος εἶπεν „ἄριστον“· ### book 366.3 Χίλων δ’ ἐν κοίλῃ Λακεδαίμονι· „Γνῶθι σεαυτόν·“ ### book 366.4 ὃς δὲ Κόρινθον ἔναιε „Χόλου κρατέειν“ Περίανδρος· ### book 366.5.1 Πιττακὸς „Οὐδὲν ἄγαν,“ ὃς ἔην γένος ἐκ Μυτιλήνης· ### book 366.5.2 „Τέρμα δ’ ὁρᾶν βιότοιο“ Σόλων ἱεραῖς ἐν Ἀθήναις. ### book 366.5.3 „Τοὺς πλέονας κακίουσ“ δὲ Βίας ἀπέφηνε Πριηνεύς. ### book 366 „Ἐγγύην φεύγειν“ δὲ Θαλῆς Μιλήσιος ηὔδα. ### book 367.1.1 Τὸν πατρικὸν πλοῦτον νέος ὢν Θήρων ὁ Μενίππου ### book 367.1.2 αἰσχρῶς εἰς ἀκρατεῖς ἐξέχεεν δαπάνας· ### book 367.1.3 ἀλλά μιν Εὐκτήμων, πατρικὸς φίλος, ὡς ἐνόησεν ### book 367.1.4 ἤδη καρφαλέῃ τειρόμενον πενίῃ, ### book 367.5.1 καί μιν δακρυχέων ἀνελάμβανε καὶ πόσιν αὐτὸν ### book 367.5.2 θῆκε θυγατρὸς ἑῆς πόλλ’ ἐπὶ μείλια δούς. ### book 367.5.3 αὐτὰρ ἐπεὶ Θήρωνα παρὰ φρένας ἤλυθε πλοῦτος, ### book 367.5.4 αὐτίκα ταῖς αὐταῖς ἐτρέφετ’ ἐν δαπάναις, ### book 367.5.5 γαστρὶ χαριζόμενος πᾶσαν χάριν οὐ κατὰ κόσμον ### book 367.10.1 τῇ θ’ ὑπὸ τὴν μιαρὰν γαστέρα μαργοσύνῃ. ### book 367.10.2 οὕτως μὲν Θήρωνα τὸ δεύτερον ἀμφεκάλυψεν ### book 367.10.3 οὐλομένης πενίης κῦμα παλιρρόθιον. ### book 367.10.4 Εὐκτήμων δ’ ἐδάκρυε τὸ δεύτερον, οὐκέτι κεῖνον, ### book 367.10.5 ἀλλὰ θυγατρὸς ἑῆς προῖκά τε καὶ θάλαμον. ### book 367.15.1 ἔγνω δ’, ὡς οὐκ ἔστι κακῶς κεχρημένον ἄνδρα ### book 367.15.2 τοῖς ἰδίοις εἶναι πιστὸν ἐν ἀλλοτρίοις. ### book 368.1.1 Τίς, πόθεν εἶς, Διόνυσε; μὰ γὰρ τὸν ἀληθέα Βάκχον, ### book 368.1.2 οὔ ς’ ἐπιγιγνώσκω, τὸν Διὸς οἶδα μόνον· ### book 368.1.3 κεῖνος νέκταρ ὄδωδε, σὺ δὲ τράγου. ἦ ῥά σε Κελτοὶ ### book 368.1.4 τῇ πενίῃ βοτρύων τεῦξαν ἀπ’ ἀσταχύων· ### book 368.5.1 τῷ σε χρὴ καλέειν Δημήτριον, οὐ Διόνυσον, ### book 368.5.2 πυρογενῆ μᾶλλον καὶ Βρόμον, οὐ Βρόμιον. ### book 369.1 Πάγκαλόν ἐστ’ ἐπίγραμμα τὸ δίστιχον· ἢν δὲ παρέλθῃς ### book 369 τοὺς τρεῖς, ῥαψῳδεῖς κοὐκ ἐπίγραμμα λέγεις. ### book 370.1.1 Οὐ κύνες, οὐ στάλικές με κατήνυσαν, οὐχὶ κυνηγοὶ ### book 370.1.2 δορκάδα, τὸν δ’ ἀπὸ γῆς εἰν ἁλὶ πλῆσα μόρον· ### book 370.1.3 ἐξ ὕλης πόντῳ γὰρ ἐνέδραμον, εἶτά με πλεκταὶ ### book 370.1.4 ἕλξαν ἐπ’ αἰγιαλοὺς δικτυβόλων παγίδες. ### book 370.5.1 ἤλιτον ἡ χέρσοιο μάτην φυγάς, οὐδ’ ἀδίκως με ### book 370.5.2 εἷλε σαγηνευτὴς τἀμὰ λιποῦσαν ὄρη. ### book 370.5.3 οὔποτ’ ἄγρης, ἁλιῆες, ἔτ’ ἄστοχον οἴσετε χεῖρα ### book 370.5.4 χέρσῳ καὶ πελάγει κοινὰ πλέκοντες ὕφη. ### book 371.1.1 Δίκτυον ἐκθρῴσκοντα πολύπλοκον ἄρτι λαγωὸν ### book 371.1.2 σεῦε κύων θερμοῖς ἴχνεσιν ὠκυπόδην· ### book 371.1.3 τρηχὺν ὁ δ’ ἐκνεύσας ταχινῶς πάγον ἐς βαθὺ πόντου ### book 371.1.4 ἥλατ’ ἀλυσκάζων κῦμα παρακτίδιον. ### book 371.5.1 εἰνάλιος τὸν δ’ αἶψα κύων βρυχηδὸν ὀδοῦσιν ### book 371.5.2 μάρψε· κυσὶν τλήμων ἦν ἄρ’ ὀφειλόμενος. ### book 372.1.1 Λεπτὸν ὑφηναμένα ῥαδινοῖς ὑπὸ ποσσὶν ἀράχνα ### book 372.1.2 τέττιγα σκολιαῖς ἔνδετον εἶχε πάγαις. ### book 372.1.3 ἀλλ’ οὐ μὰν λεπταῖσιν ἐπαιάζοντα ποδίστραις ### book 372.1.4 τὸν φιλάοιδον ἰδὼν παῖδα παρετρόχασα, ### book 372.5 λύσας δ’ ἐκ βροχίδων ἀπεκούφισα καὶ τόδ’ ἔλεξα· ### book 372 „Σῴζου μουσείῳ φθεγγόμενος κελάδῳ.“ ### book 373.1.1 Τίπτε με τὸν φιλέρημον ἀναιδέι, ποιμένες, ἄγρῃ ### book 373.1.2 τέττιγα δροσερῶν ἕλκετ’ ἀπ’ ἀκρεμόνων, ### book 373.1.3 τὴν Νυμφῶν παροδῖτιν ἀηδόνα κἤματι μέσσῳ ### book 373.1.4 οὔρεσι καὶ σκιεραῖς ξουθὰ λαλεῦντα νάπαις; ### book 373.5.1 ἠνίδε καὶ κίχλην καὶ κόσσυφον, ἠνίδε τόσσους ### book 373.5.2 ψᾶρας ἀρουραίης ἅρπαγας εὐπορίης· ### book 373.5.3 καρπῶν δηλητῆρας ἑλεῖν θέμις, ὄλλυτ’ ἐκείνους. ### book 373.5.4 φύλλων καὶ χλοερῆς τίς φθόνος ἐστὶ δρόσου; ### book 374.1.1 Ἀέναον Καθαρήν με παρερχομένοισιν ὁδίταις ### book 374.1.2 πηγὴν ἀμβλύζει γειτονέουσα νάπη· ### book 374.1.3 πάντῃ δ’ αὖ πλατάνοισι καὶ ἡμεροθαλλέσι δάφναις ### book 374.1.4 ἔστεμμαι σκιερὴν ψυχομένη κλισίην· ### book 374.5.1 τοὔνεκα μή με θέρευς παραμείβεο, δίψαν ἀλαλκὼν ### book 374.5.2 ἄμπαυσον παρ’ ἐμοὶ καὶ κόπον ἡσυχίῃ. ### book 375.1.1 Τίς ποτ’ ἀκηδέστως οἰνοτρόφον ὄμφακα Βάκχου ### book 375.1.2 ἀνὴρ ἀμπελίνου κλήματος ἐξέταμεν, ### book 375.1.3 χείλεα δὲ στυφθεὶς ἀπό μιν βάλεν, ὡς ἂν ὁδίταις ### book 375.1.4 εἴη νισομένοις ἡμιδαὲς σκύβαλον; ### book 375.5.1 εἴη οἱ Διόνυσος ἀνάρσιος, οἷα Λυκοῦργος ### book 375.5.2 ὅττι τιν’ αὐξομέναν ἔσβεσεν εὐφροσύναν· ### book 375.5.3 τοῦδε γὰρ ἂν τάχα τις διὰ πώματος ἢ πρὸς ἀοιδὰς ### book 375 ἤλυθεν ἢ γοεροῦ κάδεος ἔσχε λύσιν. ### book 376.1.1 Τίπτε με τὴν ἀνέμοισιν ἁλώσιμον, ἠλεὲ τέκτον, ### book 376.1.2 τήνδε πίτυν τεύχεις νῆα θαλασσοπόρον ### book 376.1.3 οὐδ’ οἰωνὸν ἔδεισας; ὅ τοι Βορέης μ’ ἐδίωξεν ### book 376.1.4 ἐν χθονί, πῶς ἀνέμους φεύξομαι ἐν πελάγει; ### book 377.1.1 Τάνταλος οὐδὲν ἔτρωγε· τινασσομένων γὰρ ὕπερθε ### book 377.1.2 καρπὸς ὑπὲρ κεφαλῆς αὐτὸν ἔφευγε φυτῶν, ### book 377.1.3 καὶ διὰ τοῦτο τροφῆς κεχρημένος ἧττον ἐδίψα· ### book 377.1.4 εἰ δὲ καὶ ἔτρωγεν σῦκα πεπαινόμενα ### book 377.5.1 καὶ βραβίλους καὶ μῆλα, τί τηλίκον ἀνδράσι νεκροῖς ### book 377.5.2 δίψος ἀπὸ χλωρῶν γίνεται ἀκροδρύων; ### book 377.5.3 ἡμεῖς δ’ ἐσθίομεν κεκλημένοι ἁλμυρὰ πάντα, ### book 377.5.4 χέννια καὶ τυρούς, χηνὸς ἁλιστὰ λίπη, ### book 377.5.5 ὄρνια καὶ μόσχεια· μίαν δ’ ἐπιπίνομεν αὐτοῖς· ### book 377.10 πάσχομεν οὐκοῦν σεῦ, Τάνταλε, πικρότερα. ### book 378.1.1 Ἀνδροφόνῳ σαθρὸν παρὰ τειχίον ὑπνώοντι ### book 378.1.2 νυκτὸς ἐπιστῆναι φασὶ Σάραπιν ὄναρ ### book 378.1.3 καὶ χρησμῳδῆσαι· „Κατακείμενος οὗτος ἀνίστω ### book 378.1.4 καὶ κοιμῶ μεταβάς, ὦ τάλας, ἀλλαχόθι.“ ### book 378.5.1 ὃς δὲ διυπνισθεὶς μετέβη. τὸ δὲ σαθρὸν ἐκεῖνο ### book 378.5.2 τειχίον ἐξαίφνης εὐθὺς ἔκειτο χαμαί· ### book 378.5.3 σῶστρα δ’ ἕωθεν ἔθυε θεοῖς χαίρων ὁ κακοῦργος ### book 378.5.4 ἥδεσθαι νομίσας τὸν θεὸν ἀνδροφόνοις. ### book 378.5.5 ἀλλ’ ὁ Σάραπις ἔχρησε πάλιν διὰ νυκτὸς ἐπιστάς· ### book 378.10.1 „Κήδεσθαί με δοκεῖς, ἄθλιε, τῶν ἀδίκων; ### book 378.10.2 εἰ μὴ νῦν σε μεθῆκα θανεῖν, θάνατον μὲν ἄλυπον ### book 378 νῦν ἔφυγες, σταυρῷ δ’ ἴσθι φυλαττόμενος.“ ### book 379.1.1 Φασὶ παροιμιακῶς· „Κἂν ὗς δάκοι ἄνδρα πονηρόν.“ ### book 379.1.2 ἀλλὰ τόδ’ οὐχ οὕτω, φημί, προσῆκε λέγειν, ### book 379.1.3 ἀλλά· „Δάκοι κἂν ὗς ἀγαθοὺς καὶ ἀπράγμονας ἄνδρας.“ ### book 379.1.4 τὸν δὲ κακὸν δεδιὼς δήξεται οὐδὲ δράκων. ### book 380.1.1 Εἰ κύκνῳ δύναται κόρυδος παραπλήσιον ᾄδειν, ### book 380.1.2 τολμῷεν δ’ ἐρίσαι σκῶπες ἀηδονίσιν, ### book 380.1.3 εἰ κόκκυξ τέττιγος ἐρεῖ λιγυρώτερος εἶναι, ### book 380.1.4 ἶσα ποεῖν καὶ ἐγὼ Παλλαδίῳ δύναμαι. ### book 381.1 Ἀκτῇ ἐπὶ προὐχούσῃ, ἐπὶ πλατεῖ Ἑλλησπόντῳ, ### book 381.2 παρθένος αἰδοίη ὑπερώιον εἰσαναβᾶσα ### book 381.3 πύργῳ ἐφεστήκει γοόωσά τε μυρομένη τε· ### book 381.4 χρύσεον λύχνον ἔχουσα φάος περικαλλὲς ἐποίει, ### book 381.5.1 κεῖνον ὀιομένη τὸν κάμμορον, εἴ ποθεν ἔλθοι ### book 381.5.2 νηχόμενος, καὶ λαῖτμα τάχισθ’ ἁλὸς ἐκπεράασκε ### book 381.5.3 νύκτα δι’ ἀμβροσίην, ὅτε θ’ εὕδουσι βροτοὶ ἄλλοι· ### book 381.5.4 ῥόχθει γὰρ μέγα κῦμα ποτὶ ξερὸν ἠπείροιο. ### book 381.5.5 ὅσσαι γὰρ νύκτες τε καὶ ἡμέραι ἐκγεγάασι, ### book 381.10.1 παρθένος ἠίθεός τ’ ὀαρίζετον ἀλλήλοισιν ### book 381.10.2 εἰς εὐνὴν φοιτῶντε φίλους λήθοντε τοκῆας, ### book 381 οἳ Σηστὸν καὶ Ἄβυδον ἔχον καὶ δῖαν Ἀρίσβην. ### book 382.1 Ὦ φίλοι, ἥρωες Δαναοί, θεράποντες Ἄρηος, ### book 382.2 ψεύσομαι ἢ ἔτυμον ἐρέω; κέλεται δέ με θυμός. ### book 382.3 ἀγροῦ ἐπ’ ἐσχατιῆς, ὅθι δένδρεα μακρὰ πεφύκει, ### book 382.4 ναίει ἐυπλόκαμος δεινὴ θεὸς αὐδήεσσα, ### book 382.5.1 ἢ θεὸς ἠὲ γυνή· τοὶ δὲ φθέγγοντο καλεῦντες. ### book 382.5.2 εἰ δὲ φθεγξαμένου τευ ἢ αὐδήσαντος ἀκούσῃ, ### book 382.5.3 αὖτις ἀριζήλως εἰρημένα μυθολογεύει. ### book 382.5.4 ἀλλὰ τίη τοι ταῦτα διεξέρχεσθαι ἕκαστα; ### book 382.5.5 τὴν δ’ οὔτ’ ἀθρῆσαι δύναμ’ ἀντίον οὔτε νοῆσαι· ### book 382.10 ὁπποῖόν κ’ εἴπῃσθα ἔπος, τοῖόν κ’ ἐπακούσαις. ### book 383.1 Πρῶτος Θὼθ ἐδάη δρεπάνην ἐπὶ βότρυν ἐγείρειν. ### book 383.2 ἰχθυβόλοισι Φαωφὶ φέρει πανδήμιον ἄγρην. ### book 383.3 Πληιάδων φαίνουσαν Ἀθὺρ τεκμαίρεται ὥρην. ### book 383.4 Χοιὰκ σπειρομένων σταχύων δείκνυσι γενέθλην. ### book 383.5.1 Τυβὶ δὲ πορφύρεον βουληφόρον εἷμα τιταίνει. ### book 383.5.2 〈σημαίνει πλωτῆρσι Μεχεὶρ πλόον ἀμφιπολεύειν.〉 ### book 383.5.3 Ἄρεος ὅπλα φέρειν Φαμενὼθ δείκνυσι μαχηταῖς. ### book 383.5.4 εἰαρινῶν Φαρμουθὶ ῥόδων πρωτάγγελός ἐστι, ### book 383.5.5 λήια δ’ αὐανθέντα Παχὼν δρεπάνῃσι φυλάσσει, ### book 383.10.1 εὐκάρπου δὲ Παϋνὶ προάγγελός ἐστιν ὀπώρης, ### book 383.10.2 καὶ σταφυλὴν κατέχων εὐάμπελός ἐστιν Ἐπηφί, ### book 383.10.3 καὶ Μεσορὶ Νείλοιο φέρει φυσίζοον ὕδωρ. ### book 384.1 Ἐξ ἐμέθεν λυκάβαντος ὑπηελίοιο θύρετρα, ### book 384.2 Αὐσονίης θ’ ὕψος δέρκεται Ἠέλιος. ### book 384.3 αὐτὰρ ἐγὼ θαμινῇσι γύην νιφάδεσσι διαίνω ### book 384 τεύχων εἰαρινῆς ἔγκυον ἀγλαΐης. ### book 384.5.1 ἄρχετ’ Ἄρης ἀπ’ ἐμεῖο καὶ ἄνθεα καὶ γλάγος ἡδύ· ### book 384.5.2 ἴση δ’ εἰκοστῷ ἤματι νὺξ τελέθει. ### book 384.5.3 ἐντύνοι τημόσδε φυτοσκάφος ἔρνεα τάμνων ### book 384.5.4 ῥίζῃ ἐπ’ ἀγροτέρῃ ἥμερον ἀκρεμόνα. ### book 384.5.5 οἴγεται ἄρτι θάλασσα, ἐφοπλίζοιτε δὲ νῆας· ### book 384.10.1 ὥριον ἀκλύστων ἐκτὸς ἄγειν λιμένων. ### book 384.10.2 μεσσάτιος ῥόδου εἰμὶ καὶ ἀργεννοῖο κρίνοιο, ### book 384.10.3 καὶ ξανθῆς κεράσου βρίθομαι ἀκρεμόσιν. ### book 384.10.4 Καρκίνον Ἠέλιος μετανίσσεται, ἀστάχυας δὲ ### book 384.10.5 καρφαλέους κείρει γειοπόνος δρεπάνῃ. ### book 384.15.1 κρίνω ἐγὼ Δηὼ καὶ ἀχυρμιάς· ἐν δὲ Λέοντι ### book 384.15.2 ἀτρεκέα τελέθει χεύματα Νηιάδων. ### book 384.15.3 βρίθω ἐγὼ σταφυλῇ, βρίθω δ’ ἐπὶ πάσῃ ὀπώρῃ· ### book 384.15.4 αὖθις δ’ ἰσοπαλὴς γίνεται ἤματι νύξ. ### book 384.15.5 τίς δέ κ’ ἐμεῖο πέλοι γλυκερώτερος, ὃς μέθυ χεύω, ### book 384.20.1 ληνῷ ἐπεὶ κατάγω Βάκχον ἀπ’ οἰνοπέδου; ### book 384.20.2 εἴ τοι Ἀθηναίης πέλει ἔρνεα, ὥριον ἤδη ### book 384.20.3 καρπὸν ἀποθλίβειν, μνῆστιν ἔχειν καμάτων. ### book 384.20.4 παύσασθαι νειοῦ κέλομαι· γλαγόωντι γὰρ ἤδη ### book 384.20.5 σπέρματι ῥιγεδανὴ πηγυλὶς ἀντιάσει. ### book 385.1.1 Ἄλφα λιτὰς Χρύσου, λοιμὸν στρατοῦ, ἔχθος ἀνάκτων, ### book 385.1.2 Βῆτα δ’ ὄνειρον ἔχει, ἀγορὴν καὶ νῆας ἀριθμεῖ. ### book 385.1.3 Γάμμα δ’ ἄρ’ ἀμφ’ Ἑλένης οἴοις μόθος ἐστὶν ἀκοίταις. ### book 385 Δέλτα θεῶν ἀγορή, ὅρκων χύσις, ἄρεος ἀρχή. ### book 385.5.1 Εἶ, βάλλει Κυθέρειαν Ἄρηά τε Τυδέος υἱός· ### book 385.5.2 Ζῆτα δ’ ἄρ’ Ἀνδρομάχης καὶ Ἕκτορός ἐστ’ ὀαριστύς. ### book 385.5.3 Ἦτ’, Αἴας πολέμιζε μόνῳ μόνος Ἕκτορι δίῳ. ### book 385.5.4 Θῆτα, θεῶν ἀγορή, Τρώων κράτος, Ἕκτορος εὖχος· ### book 385.5.5 ἐξεσίη δ’ Ἀχιλῆος ἀπειθέος ἐστὶν Ἰῶτα. ### book 385.10.1 Κάππα δ’ ἄρ’, ἀμφοτέρων σκοπιαζέμεν ἤλυθον ἄνδρες. ### book 385.10.2 Λάμβδα δ’, ἀριστῆας Δαναῶν βάλον Ἕκτορος ἄνδρες. ### book 385.10.3 Μῦ, Τρώων παλάμῃσι κατήριπε τεῖχος Ἀχαιῶν. ### book 385.10.4 Νῦ δέ, Ποσειδάων Δαναοῖς κράτος ὤπασε λάθρῃ. ### book 385.10.5 Ξῖ, Κρονίδην λεχέεσσι σὺν ὕπνῳ τ’ ἤπαφεν Ἥρη. ### book 385.15.1 Οὖ, Κρονίδης κεχόλωτο Ποσειδάωνι καὶ Ἥρῃ. ### book 385.15.2 Πῖ, Πάτροκλον ἔπεφνεν ἀρήιον Ἕκτορος αἰχμή. ### book 385.15.3 Ῥῶ, Δαναοὶ Τρῶές τε νέκυν πέρι χεῖρας ἔμισγον. ### book 385.15.4 Σῖγμα, Θέτις Ἀχιλῆι παρ’ Ἡφαίστου φέρεν ὅπλα· ### book 385.15.5 Ταῦ δ’, ἀπέληγε χόλοιο καὶ ἔκθορε δῖος Ἀχιλλεύς. ### book 385.20.1 ῏Υ, μακάρων ἔρις ὦρτο, φέρει δ’ ἐπὶ κάρτος Ἀχαιοῖς. ### book 385.20.2 Φῖ, κρατερῶς κατὰ χεύματ’ ἐδάμνατο Τρῶας Ἀχιλλεύς. ### book 385.20.3 Χῖ δ’ ἄρα, τρὶς περὶ τεῖχος ἄγων κτάνεν Ἕκτορ’ Ἀχιλλεύς. ### book 385.20.4 Ψῖ, Δαναοῖσιν ἀγῶνα διδοὺς ἐτέλεσσεν Ἀχιλλεύς. ### book 385.20.5 Ὦ, Πριάμῳ νέκυν υἷα λαβὼν γέρα δῶκεν Ἀχιλλεύς. ### book 386.1 Ἁ Κύπρις πρῴαν γυμνάν ς’ ἐβόασεν ἰδοῦσα· ### book 386.2 „Φεῦ, φεῦ, πῶς σταγόνων ἔκτοθεν Οὐρανίων, ### book 386.3 ζαλώσας ὠδῖνα Θαλάσσας, ὁ θρασὺς ἄλλαν ### book 386 Νεῖλος ἀπὸ γλυκερῶν Κύπριν ἀνῆκε βυθῶν;“ ### book 387.1.1 Ἕκτορ, Ἀρήιον αἷμα, κατὰ χθονὸς εἴ που ἀκούεις, ### book 387.1.2 χαῖρε καὶ ἄμπνευσον βαιὸν ὑπὲρ πατρίδος. ### book 387.1.3 Ἴλιον οἰκεῖται κλεινὴ πόλις ἄνδρας ἔχουσα ### book 387.1.4 σοῦ μὲν ἀφαυροτέρους, ἀλλ’ ἔτ’ ἀρηιφίλους· ### book 387.5.1 Μυρμιδόνες δ’ ἀπόλοντο. παρίστασο καὶ λέγ’ Ἀχιλλεῖ ### book 387.5.2 Θεσσαλίην κεῖσθαι πᾶσαν ὑπ’ Αἰνεάδαις. ### book 388,389.1 Θάρσυνοι· οὐ γὰρ ἐμῆς κόρυθος λεύσσουσι μέτωπον. ### book 388,389.2.1 Εἰμὶ μὲν εὐθώρηκος Ἐνυαλίου πολεμιστής· ### book 388,389.2.2 εἰμὶ δὲ καὶ θεράπων Ἑλικωνίου Ἀπόλλωνος ### book 388,389.2.3 αὐτοῖς ἐν πρώτοισι λελεγμένος ἀσπιδιώταις. ### book 390.1.1 Παισὶν ἐπὶ προτέροις ἤδη τρίτον ἐν πυρὶ μήτηρ ### book 390.1.2 θεῖσα καὶ ἀπλήστῳ δαίμονι μεμφομένη ### book 390.1.3 τέτρατον ἄλγος ἔτικτε καὶ οὐκ ἀνέμεινεν ἀδήλους ### book 390.1.4 ἐλπίδας, ἐν δὲ πυρὶ ζωὸν ἔθηκε βρέφος ### book 390.5 „Οὐ θρέψω“ λέξασα· „τί γὰρ πλέον; Ἄϊδι μαστοὶ ### book 390 κάμνετε· κερδήσω πένθος ἀμοχθότερον.“ ### book 391.1.1 Τὰν ἥβαν ἐς ἄεθλα πάλας ἤσκησε κραταιᾶς ### book 391.1.2 ἅδε Ποσειδῶνος καὶ Διὸς ἁ γενεά· ### book 391.1.3 κεῖται δέ σφιν ἀγὼν οὐ χάλκεος ἀμφὶ λέβητος, ### book 391.1.4 ἀλλ’ ὅστις ζωὰν οἴσεται ἢ θάνατον. ### book 391.5.1 Ἀνταίου τὸ πτῶμα, πρέπει δ’ Ἡρακλέα νικᾶν ### book 391.5.2 τὸν Διός. Ἀργείων ἁ πάλα, οὐ Λιβύων. ### book 392.1.1 Εἴ τις ἀπάγξασθαι μὲν ὀκνεῖ, θανάτου δ’ ἐπιθυμεῖ, ### book 392.1.2 ἐξ Ἱερᾶς Πόλεως ψυχρὸν ὕδωρ πιέτω. ### book 393.1.1 Οὐδεὶς καὶ καθαρὸς καὶ μείλιχος ἤλυθεν ἄρχων· ### book 393.1.2 ἓν γὰρ ἑνὸς δοκέει δόγματος ἀντίπαλον· ### book 393.1.3 τὸ γλυκὺ τοῦ κλέπτοντος, ὑπερφιάλου δὲ τὸ ἁγνόν. ### book 393.1.4 ὄργανα τῆς ἀρχῆς ταῦτα δύ’ ἐστὶ πάθη. ### book 394.1.1 Χρυσέ, πάτερ κολάκων, ὀδύνης καὶ φροντίδος υἱέ, ### book 394.1.2 καὶ τὸ ἔχειν σε φόβος, καὶ μὴ ἔχειν ς’ ὀδύνη. ### book 395.1.1 „Ὡς οὐδὲν γλύκιον ἧς πατρίδος,“ εἶπεν Ὀδυσσεύς· ### book 395.1.2 ἐν γὰρ τοῖς Κίρκης ἔκχυτον οὐκ ἔφαγεν, ### book 395.1.3 οὗ μόνον εἰ καὶ καπνὸν ἀποθρῴσκοντ’ ἐνόησεν, ### book 395 εἶπεν ἂν οἰμώζειν καὶ δέκα Πηνελόπαις. ### book 396.1.1 Ὄρθριος εὐπλέκτοιο λίνου νεφοειδέι κόλπῳ ### book 396.1.2 ἔμπεσε σὺν κίχλῃ κόσσυφος ἡδυβόας· ### book 396.1.3 καὶ τὰν μὲν πανάφυκτος ἕλε βρόχος, ὠκὺ δ’ ἀπέπτα ### book 396.1.4 ἐξ ὀρνιθοπέδας ᾠδὸς ἐρημοφίλας. ### book 396.5.1 ἦ τάχα που τριμάκαιρα φιλαγρέτις ὄρνιν ἀοιδὸν ### book 396.5.2 Ἄρτεμις εὐμόλπῳ λῦσεν ἄνακτι λύρης. ### book 397.1.1 Φεῦγε Λάκων ποτὲ δῆριν, ὑπαντιάσασα δὲ μήτηρ ### book 397.1.2 εἶπε κατὰ στέρνων ἆορ ἀνασχομένη· ### book 397.1.3 „Ζώων μὲν σέο μητρὶ διαμπερὲς αἶσχος ἀνάπτεις ### book 397.1.4 καὶ κρατερῆς Σπάρτης πάτρια θεσμὰ λύεις· ### book 397.5.1 ἢν δὲ θάνῃς παλάμῃσιν ἐμαῖς, μήτηρ μὲν ἀκούσω ### book 397.5.2 δύσμορος, ἀλλ’ ἐν ἐμῇ πατρίδι σῳζομένη.“ ### book 398.1.1 Ὁλκὰς ὕδωρ προφυγοῦσα πολυφλοίσβοιο θαλάσσης ### book 398.1.2 ἐν χθονὸς ἀγκοίναις ὤλετο μητριάσιν· ### book 398.1.3 ἱσταμένην γὰρ πυρσὸς ἐπέφλεγε· καιομένη δὲ ### book 398.1.4 δυσμενέων ὑδάτων συμμαχίην ἐκάλει. ### book 399.1 Ἠέλιον νίκησε τεὸς νόος ἡδὺ φαείνων, ### book 399.2 αἰὲν ἀπαστράπτων βροτοφεγγέα πάνσοφον αἴγλην, ### book 399 ἡδυφαῆ, χαρίεσσαν, ἀπαστράπτουσαν ἀλύπως. ### book 400.1.1 Ὅταν βλέπω σε, προσκυνῶ, καὶ τοὺς λόγους, ### book 400.1.2 τῆς παρθένου τὸν οἶκον ἀστρῷον βλέπων· ### book 400.1.3 εἰς οὐρανὸν γάρ ἐστί σου τὰ πράγματα, ### book 400.1.4 Ὑπατία σεμνή, τῶν λόγων εὐμορφία, ### book 400.5 ἄχραντον ἄστρον τῆς σοφῆς παιδεύσεως. ### book 401.1.1 Ἡ φύσις ἐξεῦρεν φιλίης θεσμοὺς ἀγαπῶσα ### book 401.1.2 τῶν ἀποδημούντων ὄργανα συντυχίης, ### book 401.1.3 τὸν κάλαμον, χάρτην, τὸ μέλαν, τὰ χαράγματα χειρός, ### book 401.1.4 σύμβολα τῆς ψυχῆς τηλόθεν ἀχνυμένης. ### book 402.1 Τῷ ναοῖς βρίθοντι πόση σπάνις ἔπλετο τύμβου. ### book 403.1.1 Αὐτὸς ἄναξ ἔμβαινε θοῷ πηδήματι ληνοῦ ### book 403.1.2 λακτιστής, ἔργου δ’ ἡγέο νυκτερίου, ### book 403.1.3 λεύκωσαι πόδα γαῦρον, ἐπίρρωσαι δὲ χορείην ### book 403.1.4 λάτριν, ὑπὲρ κούφων ζωσάμενος γονάτων· ### book 403.5 εὔγλωσσον δ’ ὀχέτευε κενούς, μάκαρ, ἐς πιθεῶνας ### book 403 οἶνον ἐπὶ ψαιστοῖς καὶ λασίῃ χιμάρῳ. ### book 404.1.1 Ἆ καλὸν αὐτοπόνητον ἐν αἰθέρι ῥεῦμα μελισσῶν, ### book 404.1.2 ἄπλαστοι χειρῶν αὐτοπαγεῖς θαλάμαι, ### book 404.1.3 προίκιος ἀνθρώπων βιότῳ χάρις, οὐχὶ μακέλλας, ### book 404.1.4 οὐ βοός, οὐ γαμψῶν δευομένα δρεπάνων, ### book 404.5.1 γαυλοῦ δὲ σμικροῖο, τόθι γλυκὺ νᾶμα μέλισσα ### book 404.5.2 πηγάζει σκήνευς δαψιλὲς ἐξ ὀλίγου. ### book 404.5.3 χαίροιτ’, εὐαγέες, καὶ ἐν ἄνθεσι ποιμαίνεσθε, ### book 404.5.4 αἰθερίου πτηναὶ νέκταρος ἐργάτιδες. ### book 405.1.1 Ἀδρήστειά σε δῖα καὶ ἰχναίη σε φυλάσσοι ### book 405.1.2 παρθένος, ἡ πολλοὺς ψευσαμένη, Νέμεσις· ### book 405.1.3 δείδια σόν τε φυῆς ἐρατὸν τύπον ἠδὲ σά, κοῦρε, ### book 405.1.4 δήνεα, θεσπεσίης καὶ μένος ἠνορέης ### book 405.5.1 καὶ σοφίην καὶ μῆτιν ἐπίφρονα. τοιάδε τέκνα, ### book 405.5.2 Δροῦσε, πέλειν μακάρων πευθόμεθ’ ἀθανάτων. ### book 406.1.1 Ἀργυρέη κρηνίς με, τὸν οὐκέτι μακρὰ βοῶντα ### book 406.1.2 βάτραχον, οἰνηραῖς ἔσχεν ὑπὸ σταγόσιν· ### book 406.1.3 κεῖμαι δ’ ἐν Νύμφαις, κείναις φίλος οὐδὲ Λυαίῳ ### book 406.1.4 ἐχθρός, ὑπ’ ἀμφοτέρων λουόμενος σταγόσιν. ### book 406.5 ὀψέ ποτ’ εἰς Διόνυσον ἐκώμασα. φεῦ, τίνες ὕδωρ ### book 406 πίνουσιν μανίην σώφρονα μαινόμενοι; ### book 407.1.1 Δμώιον Ἱπποκράτευς ἔθανε βρέφος ἐς πλατὺ πόντου ### book 407.1.2 χεῖλος γειτοσύνης ἑρπύσαν ἐκ καλύβης, ### book 407.1.3 πλεῖον ἐπεὶ μαζῶν ἔπιεν ποτόν. ἔρρε, θάλασσα, ### book 407.1.4 ἣ βρέφος ὡς μήτηρ ψεύσαο δεξαμένη. ### book 408.1.1 Εἴθε με παντοίοισιν ἔτι πλάζεσθαι ἀήταις ### book 408.1.2 ἢ Λητοῖ στῆναι μαῖαν ἀλωομένῃ, ### book 408.1.3 οὐκ ἂν χητοσύνην τόσον ἔστενον. οἲ ἐμὲ δειλήν, ### book 408.1.4 ὅσσαις Ἑλλήνων νηυσὶ παραπλέομαι ### book 408.5.1 Δῆλος ἐρημαίη, τὸ πάλαι σέβας· ὀψέ πῃ Ἥρη ### book 408.5.2 Λητοῦς, ἀλλ’ οἰκτρὴν τήνδ’ ἐπέθηκε δίκην. ### book 409.1.1 Εἴ τινα μὴ τέρπει λωτοῦ μέλος ἢ γλυκὺς ἦχος ### book 409.1.2 ψαλμῶν ἢ τριγέρων νεκτάρεος Βρόμιος ### book 409.1.3 ἢ πεῦκαι, κοῦροι, στέφανοι, μύρα, λειτὰ δὲ δειπνῶν ### book 409.1.4 λαθροπόδας τρώκταις χερσὶ τίθησι τόκους, ### book 409.5 οὗτος ἐμοὶ τέθνηκε· μεριμνητὴν δὲ παρέρπω ### book 409 νεκρὸν ἐς ἀλλοτρίους φειδόμενον φάρυγας. ### book 410.1.1 Σμίνθος, ὁ παντοίης δαιτὸς λίχνος, οὐδὲ μυάγρης ### book 410.1.2 δειλός, ὁ κἀκ θανάτου κέρδεα λῃζόμενος, ### book 410.1.3 νευρολάλον Φοίβου χορδὴν θρίσεν· ἡ δ’ ἐπὶ πῆχυν ### book 410.1.4 ἑλκομένη θηρὸς λαιμὸν ἀπεβρόχισεν. ### book 410.5.1 τόξων εὐστοχίην θαυμάζομεν, ὃς δὲ κατ’ ἐχθρῶν ### book 410.5.2 ἤδη καὶ κιθάρην εὔστοχον ὅπλον ἔχει. ### book 411.1.1 Ἤλλακτ’ ἐξαπίνης Κορνήλιος οὐδ’ ἔτι λιτῷ ### book 411.1.2 τέρπεται ἡμετέρῳ μουσοχαρεῖ βιότῳ· ### book 411.1.3 κούφης δ’ αἰωρεῖται ἀπ’ ἐλπίδος· οὐκέτι δ’ ἡμεῖς ### book 411.1.4 οἱ πάρος, ἀλλ’ ἑτέρης ἐλπίδος ἐκκρέμαται. ### book 411.5.1 εἴκωμεν, ψυχή, πεπαλαίσμεθα, μηδὲ βιάζου· ### book 411.5.2 εἰς ἔδαφος τέχνης κείμεθ’ ὑπ’ ἀργυρέης. ### book 412.1.1 Ἤδη καὶ ῥόδον ἐστὶ καὶ ἀκμάζων ἐρέβινθος ### book 412.1.2 καὶ καυλοὶ κράμβης, Σωσύλε, πρωτοτόμου ### book 412.1.3 καὶ μαίνη σαλαγεῦσα καὶ ἀρτιπαγὴς ἁλίτυρος ### book 412.1.4 καὶ θριδάκων οὔλων ἀφροφυῆ πέταλα. ### book 412.5.1 ἡμεῖς δ’ οὔτ’ ἀκτῆς ἐπιβαίνομεν οὔτ’ ἐν ἀπόψει ### book 412.5.2 γινόμεθ’ ὡς αἰεί, Σωσύλε, τὸ πρότερον· ### book 412.5.3 καὶ μὴν Ἀντιγένης καὶ Βάκχιος ἐχθὲς ἔπαιζον, ### book 412 νῦν δ’ αὐτοὺς θάψαι σήμερον ἐκφέρομεν. ### book 413.1.1 Ἡ τερεβινθώδης ὀλιγάμπελος οἷά τε βαιὴ ### book 413.1.2 νησίς, ἀλλ’ ὁμαλὴ πᾶσα καὶ ἀστύφελος· ### book 413.1.3 αἱ δ’ ἀγχοῦ μεγάλαι τε καὶ εὐρέες, ἀλλ’ ἐπὶ πουλὺ ### book 413.1.4 τρηχεῖαι, μεγέθει τοῦτο περισσότεραι. ### book 413.5.1 καρποῖς, οὐ σταδίοισιν ἐρίζομεν· οὐδὲ γὰρ αὖλαξ ### book 413.5.2 Αἰγύπτου Λιβύης ψάμμου ἐπιστρέφεται. ### book 414.1.1 Ἡ παλίουρος ἐγώ, τρηχὺ ξύλον, οὖρος ἐν ἕρκει. ### book 414.1.2 τίς μ’ ἄφορον λέξει, τὴν φορίμων φύλακα; ### book 415.1.1 Ἤμην καὶ προπάροιθε συνέμπορος ἀνέρι κέρδους, ### book 415.1.2 ἡνίκα δημοτέρην Κύπριν ἐναυτολόγει· ### book 415.1.3 κεῖθεν καὶ συνέπηξεν ἐμὴν τρόπιν, ὄφρα με λεύσσῃ ### book 415.1.4 Κύπρις τὴν ἀπὸ γῆς εἰν ἁλὶ ῥεμβομένην. ### book 415.5.1 ἔστιν ἑταίρειος μὲν ἐμοὶ στόλος, εἰσὶ δὲ λεπτὰ ### book 415.5.2 κάρπασα καὶ λεπτὸν φῦκος ὑπὲρ σανίδων· ### book 415.5.3 ναυτίλοι, ἀλλ’ ἄγε πάντες ἐμῆς ἐπιβαίνετε πρύμνης ### book 415 θαρραλέως, πολλοὺς οἶδα φέρειν ἐρέτας. ### book 416.1.1 Ἡ ναῦς ἀπ’ ἔργων Κύπριδος γομφουμένη ### book 416.1.2 πρὸς τὸν γενάρχην πόντον ἤλυθον θεοῦ· ### book 416.1.3 ἀνὴρ γὰρ ὥρης μ’ ἔμπορος τεκτήνατο ### book 416.1.4 καλέσας „Ἑταίρην“· εἰμὶ γὰρ πᾶσιν φίλη. ### book 416.5.1 ἔμβαινε θαρρῶν, μισθὸν οὐκ αἰτῶ βαρύν· ### book 416.5.2 ἐλθόντα δέχομαι πάντα· βαστάζω ξένον ### book 416.5.3 ἀστόν τ’· ἐπὶ γαίης κἠν βυθῷ μ’ ἐρέσσετε. ### book 417.1.1 Θηρευτὴν Λάμπωνα, Μίδου κύνα, δίψα κατέκτα ### book 417.1.2 καίπερ ὑπὲρ ψυχῆς πολλὰ πονησάμενον. ### book 417.1.3 ποσσὶ γὰρ ὤρυσσεν νοτερὸν πέδον, ἀλλὰ τὸ νωθὲς ### book 417.1.4 πίδακος ἐκ τυφλῆς οὐκ ἐτάχυνεν ὕδωρ· ### book 417.5.1 πῖπτε δ’ ἀπαυδήσας, ἡ δ’ ἔβλυσεν. ἦ ἄρα, Νύμφαι, ### book 417.5.2 Λάμπωνι κταμένων μῆνιν ἔθεσθ’ ἐλάφων. ### book 418.1.1 Ἴσχετε χεῖρα μυλαῖον, ἀλετρίδες, εὕδετε μακρά, ### book 418.1.2 κἢν ὄρθρον προλέγῃ γῆρυς ἀλεκτρυόνων· ### book 418.1.3 Δηὼ γὰρ Νύμφαισι χερῶν ἐπετείλατο μόχθους· ### book 418.1.4 αἱ δὲ κατ’ ἀκροτάτην ἁλλόμεναι τροχιὴν ### book 418.5.1 ἄξονα δινεύουσιν· ὁ δ’ ἀκτίνεσσιν ἑλικταῖς ### book 418.5.2 στρωφᾷ Νισυρίων κοῖλα βάρη μυλάκων. ### book 418.5.3 γευόμεθ’ ἀρχαίου βιότου πάλιν, εἰ δίχα μόχθου ### book 418 δαίνυσθαι Δηοῦς ἔργα διδασκόμεθα. ### book 419.1.1 Κἢν μυχὸν Ὀρκυναῖον ἢ ἐς πύματον Σολόεντα ### book 419.1.2 ἔλθῃ καὶ Λιβυκῶν κράσπεδον Ἑσπερίδων ### book 419.1.3 Καῖσαρ ὁ πουλυσέβαστος, ἅμα κλέος εἶσιν ἐκείνῳ ### book 419.1.4 πάντῃ· Πυρήνης ὕδατα μαρτύρια· ### book 419.5.1 οἷσι γὰρ οὐδὲ πέριξ δρυτόμοι ἀπεφαιδρύναντο ### book 419.5.2 λουτρὰ καὶ ἠπείρων ἔσσεται ἀμφοτέρων. ### book 420.1.1 Μὴ κλαίων τὸν Ἔρωτα δόκει, Τηλέμβροτε, πείσειν ### book 420.1.2 μηδ’ ὀλίγῳ παύσειν ὕδατι πῦρ ἀπνεές· ### book 420.1.3 χρυσὸς Ἔρωτος ἀεὶ παιώνιος, ἐσβέσθη δὲ ### book 420.1.4 οὐδὲ τότ’ ἐν πολλῷ τικτόμενος πελάγει. ### book 421.1.1 Νῆσοι ἐρημαῖαι, τρύφεα χθονός, ἃς κελαδεινὸς ### book 421.1.2 ζωστὴρ Αἰγαίου κύματος ἐντὸς ἔχει, ### book 421.1.3 Σίφνον ἐμιμήσασθε καὶ αὐχμηρὴν Φολέγανδρον, ### book 421.1.4 τλήμονες, ἀρχαίην δ’ ὠλέσατ’ ἀγλαΐην. ### book 421.5.1 ἦ ῥ’ ὑμᾶς ἐδίδαξεν ἕνα τρόπον ἡ τότε λευκὴ ### book 421.5.2 Δῆλος ἐρημαίου δαίμονος ἀρξαμένη. ### book 422.1.1 „Πρὸς παίδων“, εἶπεν, „γουνάζομαι, ἤν με θανοῦσαν ### book 422.1.2 στείλῃς, μὴ σπεῖσαι δεύτερα φίλτρα γάμου.“ ### book 422.1.3 εἶπεν· ὁ δ’ εἰς ἑτέρην ἐσπούδασεν. ἀλλὰ Φίλιννα ### book 422.1.4 Διογένην λήθης τίσατο καὶ φθιμένη· ### book 422.5 νυκτὶ γὰρ ἐν πρώτῃ θάλαμον σχάσε μῆνις ἄφυκτος, ### book 422 ὡς μὴ λέκτρον ἰδεῖν δεύτερον ἠέλιον. ### book 423.1.1 Σάρδιες αἱ τὸ πάλαι Γύγου πόλις αἵ τ’ Ἀλυάττου ### book 423.1.2 Σάρδιες, αἳ βασιλεῖ Περσὶς ἐν Ἀσιάδι, ### book 423.1.3 αἳ χρυσῷ τὸ παλαιὸν ἐπλινθώσασθε μέλαθρον ### book 423.1.4 ὄλβον Πακτωλοῦ ῥεύματι δεξάμεναι, ### book 423.5.1 νῦν δὴ ὅλαι δύστηνοι ἐς ἓν κακὸν ἁρπασθεῖσαι ### book 423.5.2 ἐς βυθὸν ἐξ ἀχανοῦς χάσματος ἠρίπετε. ### book 423.5.3 Βοῦρα καὶ ἶς’ Ἑλίκη κεκλυσμέναι· αἱ δ’ ἐνὶ χέρσῳ ### book 423.5.4 Σάρδιες ἐμβυθίαις εἰς ἓν ἔκεισθε τέλος. ### book 424.1.1 Ἠέριαι νεφέλαι, πόθεν ὕδατα πικρὰ πιοῦσαι ### book 424.1.2 νυκτὶ σὺν ἀστεμφεῖ πάντα κατεκλύσατε; ### book 424.1.3 οὐ Λιβύης, Ἐφέσου δὲ τὰ μυρία κεῖνα ταλαίνης ### book 424.1.4 αὔλια καὶ μακάρων ἐξ ἐτέων κτέανα. ### book 424.5.1 ποῦ δὲ σαωτῆρες τότε δαίμονες ἔτρεπον ὄμμα; ### book 424.5.2 αἰαῖ τὴν Ἰάδων πολλὸν ἀοιδοτάτην. ### book 424.5.3 κεῖνα δὲ κύμασι πάντα κυλινδομένοισιν ὁμοῖα ### book 424.5.4 εἰς ἅλα σὺν ποταμοῖς ἔδραμε πεπταμένοις. ### book 425.1.1 Ἅδ’ ἐγὼ ἁ τλάμων ἄπολις πόλις ἄμμιγα νεκροῖς ### book 425.1.2 ἐνναέταις κεῖμαι ἁ παναποτμοτάτα· ### book 425.1.3 Ἥφαιστός μ’ ἐδάμασσε μετὰ κλόνον Ἐννοσιγαίου, ### book 425.1.4 φεῦ, ἀπὸ τοσσατίου κάλλεός εἰμι κόνις. ### book 425.5 ἀλλὰ παραστείχοντες ἐμὰν στοναχήσατε μοῖραν, ### book 425 σπείσατε Βηρυτῷ δάκρυα καὶ φθιμένᾳ. ### book 426.1.1 Ποῦ τελέθει Κύπρις πολιήοχος, ὄφρα νοήσῃ ### book 426.1.2 ἔνδιον εἰδώλων τὴν πρὶν ἕδος Χαρίτων; ### book 426.1.3 τύμβος ἀταρχύτων μερόπων πόλις, ἧς ὑπὸ τέφρην ### book 426.1.4 αἱ Βερόης πολλαὶ κείμεθα χιλιάδες. ### book 426.5.1 γράψαθ’ ἑνὸς καθύπερθε λίθου, φίλα λείψανα φωτῶν· ### book 426.5.2 „Βηρυτὸς γοερὴ κεῖται ὑπὲρ δαπέδων.“ ### book 427.1.1 Ναυτίλε, μὴ στήσῃς δρόμον ὁλκάδος εἵνεκ’ ἐμεῖο, ### book 427.1.2 λαίφεα μὴ λύσῃς· χέρσον ὁρᾷς λιμένα, ### book 427.1.3 τύμβος ὅλη γενόμην· ἕτερον δ’ ἐς ἀπενθέα χῶρον ### book 427.1.4 δουπήσει κώπη νηὸς ἐπερχομένης· ### book 427.5.1 τοῦτο Ποσειδάωνι φίλον ξενίοις τε θεοῖσιν. ### book 427.5.2 χαίρεθ’ ἁλιπλανέες, χαίρεθ’ ὁδοιπλανέες. ### book 428.1.1 Σοί με, Θρηικίης σκυληφόρε, Θεσσαλονίκη ### book 428.1.2 μήτηρ ἡ πάσης πέμψε Μακηδονίης· ### book 428.1.3 ἀείδω δ’ ὑπὸ σοὶ δεδμημένον Ἄρεα Βεσσῶν, ### book 428.1.4 ὅσς’ ἐδάην πολέμου, πάντ’ ἀναλεξάμενος. ### book 428.5 ἀλλά μοι ὡς θεὸς ἔσσο κατήκοος, εὐχομένου δὲ ### book 428 κλῦθι. τίς ἐς Μούσας οὔατος ἀσχολίη; ### book 429.1.1 Τὸν σκοπὸν Εὐβοίης ἁλικύμονος ᾖσεν Ἀριστὼ ### book 429.1.2 Ναύπλιον· ἐκ μολπῆς δ’ ὁ θρασὺς ἐφλεγόμην, ### book 429.1.3 ὁ ψεύστης δ’ ὑπὸ νύκτα Καφηρείης ἀπὸ πέτρης ### book 429.1.4 πυρσὸς ἐμὴν μετέβη δυσμόρου ἐς κραδίην. ### book 430.1.1 Τῆς ὄιος γενεὴ μὲν Ἀγαρρική, ἔνθα τ’ Ἀράξεω ### book 430.1.2 ὕδωρ πιλοφόροις πίνεται Ἀρμενίοις· ### book 430.1.3 χαῖται δ’, οὐ μήλοις ἅτε που μαλακοῖς ἔπι μαλλοί, ### book 430.1.4 ψεδναὶ δ’ ἀγροτέρων τρηχύτεραι χιμάρων. ### book 430.5.1 νηδὺς δὲ τριτοκεῖ ἀνὰ πᾶν ἔτος, ἐκ δὲ γάλακτος ### book 430.5.2 θηλὴ ἀεὶ μαστοῦ πλήθεται οὐθατίου· ### book 430.5.3 βληχὴ δ’ ἀσσοτάτω τερένης μυκήματι μόσχου· ### book 430.5.4 ἄλλα γὰρ ἀλλοῖαι πάντα φέρουσι γέαι. ### book 431 Καὶ χρυσὸν φιλέω καὶ δήιον Ἄρεα φεύγω. ### book 432.1.1 Ἆ δείλαιε τὺ Θύρσι, τί τοι πλέον, εἰ καταταξεῖς ### book 432.1.2 δάκρυσι διγλήνως ὦπας ὀδυρόμενος; ### book 432.1.3 οἴχεται ἁ χίμαρος, τὸ καλὸν τέκος, οἴχετ’ ἐς Ἅιδαν· ### book 432.1.4 τραχὺς γὰρ χαλαῖς ἀμφεπίαξε λύκος, ### book 432.5 αἱ δὲ κύνες κλαγγεῦντι. τί τοι πλέον, ἁνίκα τήνας ### book 432 ὀστίον οὐδὲ τέφρα λείπετ’ ἀποιχομένας; ### book 433.1.1 Λῇς, ποτὶ τᾶν Νυμφᾶν, διδύμοις αὐλοῖσιν ἀεῖσαι ### book 433.1.2 ἁδύ τί μοι; κἠγὼ πακτίδ’ ἀειράμενος ### book 433.1.3 ἀρξεῦμαί τι κρέκειν· ὁ δὲ βουκόλος ἄμμιγα θέλξει ### book 433.1.4 Δάφνις κηροδέτῳ πνεύματι μελπόμενος· ### book 433.5.1 ἐγγὺς δὲ στάντες λασιαύχενος ἄντρου ὄπισθεν ### book 433.5.2 Πᾶνα τὸν αἰγιβάταν ὀρφανίσωμες ὕπνου. ### book 434.1.1 Ἄλλος ὁ Χῖος· ἐγὼ δὲ Θεόκριτος, ὃς τάδ’ ἔγραψα, ### book 434.1.2 εἷς ἀπὸ τῶν πολλῶν εἰμὶ Συρακοσίων, ### book 434.1.3 υἱὸς Πραξαγόραο περικλειτῆς τε Φιλίννης· ### book 434.1.4 Μοῦσαν δ’ ὀθνείαν οὔ τιν’ ἐφελκυσάμαν. ### book 435.1.1 Ἀστοῖς καὶ ξείνοισιν ἴσον νέμει ἅδε τράπεζα· ### book 435.1.2 θεὶς ἀνελεῦ ψήφου πρὸς λόγον ἐρχομένης. ### book 435.1.3 ἄλλος τις πρόφασιν λεγέτω, τὰ δ’ ὀθνεῖα Κάικος ### book 435 χρήματα καὶ νυκτὸς βουλομένοις ἀριθμεῖ. ### book 436.1 Ἀρχαῖα τὠπόλλωνι τἀναθήματα ### book 436.2 ὑπῆρχεν· ἡ βάσις δὲ τοῦ μὲν εἴκοσι, ### book 436.3 τοῦ δ’ ἑπτά, τοῦ δὲ πέντε, τοῦ δὲ δώδεκα, ### book 436.4 τοῦ δὲ διηκοσίοισι νεωτέρη ἥδ’ ἐνιαυτοῖς· ### book 436.5 τοσσόσδ’ ἀριθμὸς ἐξέβη μετρούμενος. ### book 437.1.1 Τήναν τὰν λαύραν, τόθι ταὶ δρύες, αἰπόλε, κάμψας ### book 437.1.2 σύκινον εὑρήσεις ἀρτιγλυφὲς ξόανον, ### book 437.1.3 τρισκελές, αὐτόφλοιον, ἀνούατον, ἀλλὰ φάλητι ### book 437.1.4 παιδογόνῳ δυνατὸν Κύπριδος ἔργα τελεῖν. ### book 437.5.1 ἕρκος δ’ εὐίερον περιδέδρομεν· ἀέναον δὲ ### book 437.5.2 ῥεῖθρον ἀπὸ σπιλάδων πάντοσε τηλεθάει ### book 437.5.3 δάφναις καὶ μύρτοισι καὶ εὐώδει κυπαρίσσῳ, ### book 437.5.4 ἔνθα πέριξ κέχυται βοτρυόπαις ἕλικι ### book 437.5.5 ἄμπελος· εἰαρινοὶ δὲ λιγυφθόγγοισιν ἀοιδαῖς ### book 437.10.1 κόσσυφοι ἀχεῦσιν ποικιλότραυλα μέλη· ### book 437.10.2 ξουθαὶ δ’ ἀδονίδες μινυρίσμασιν ἀνταχεῦσι ### book 437.10.3 μέλπουσαι στόμασιν τὰν μελίγαρυν ὄπα. ### book 437.10.4 ἕζεο δὴ τηνεὶ καὶ τῷ χαρίεντι Πριάπῳ ### book 437.10.5 εὔχου ἀποστέρξαι τοὺς Δάφνιδός με πόθους, ### book 437.15.1 κεὐθὺς ἀπορρέξειν χίμαρον καλόν· ἢν δ’ ἀνανεύσῃ, ### book 437.15.2 τοῦδε τυχὼν ἐθέλω τρισσὰ θύη τελέσαι· ### book 437.15.3 ῥέξω γὰρ δαμάλαν, λάσιον τράγον, ἄρνα τὸν ἴσχω ### book 437 σακίταν· νεύοι δ’ εὐμενέως ὁ θεός. ### book 438.1.1 Βωλοτόμοι μύρμηκες, ὁ γῆς στρατός, ἡνίκ’ ἔτενδε ### book 438.1.2 γειομόρου μελιχρὴν σμηνοδόκου χάριτα, ### book 438.1.3 μηνίσας ὁ πρέσβυς ἐς ὕδατα κρωσσὸν ἔβαψεν, ### book 438.1.4 ἐνθάδε τοὺς ἀπὸ γῆς οὐ δοκέων πελάσειν· ### book 438.5.1 οἱ δὲ νέας 〈κάρφασ〉 ἀχυρίτιδας ἀντιφέροντες ### book 438.5.2 αὐτοκυβερνῆται πρὸς κύτος ἐτρόχασαν. ### book 438.5.3 ἦ ῥα φίλη γαστὴρ καὶ βαιοτάτους ἀνέπεισεν ### book 438.5.4 ἐκ χθονὸς εἰς Νύμφας καινοτάτους ἐρέτας. ### book 439.1.1 Βρέγμα πάλαι λαχναῖον ἐρημαῖόν τε κέλυφος ### book 439.1.2 ὄμματος ἀγλώσσου θ’ ἁρμονίη στόματος, ### book 439.1.3 ψυχῆς ἀσθενὲς ἕρκος, ἀτυμβεύτου θανάτοιο ### book 439.1.4 λείψανον, εἰνόδιον δάκρυ παρερχομένων, ### book 439.5.1 κεῖσο πέλας πρέμνοιο παρ’ ἀτραπόν, ὄφρα 〈μάθῃ τισ〉 ### book 439.5.2 ἀθρήσας, τί πλέον φειδομένῳ βιότου. ### book 440.1.1 Ἁ Κύπρις τὸν Ἔρωτα τὸν υἱέα μακρὸν ἐβώστρει· ### book 440.1.2 „Εἴ τις ἐνὶ τριόδοισι πλανώμενον εἶδεν Ἔρωτα, ### book 440.1.3 δραπετίδας ἐμός ἐστιν· ὁ μανυτὰς γέρας ἑξεῖ, ### book 440.1.4 μισθόν τοι τὸ φίλαμα τὸ Κύπριδος· ἢν δ’ ἀγάγῃς νιν, ### book 440.5.1 οὐ γυμνὸν τὸ φίλαμα, τὺ δ’, ὦ ξένε, καὶ πλέον ἑξεῖς. ### book 440.5.2 ἔστι δ’ ὁ παῖς περίσαμος, ἐν εἴκοσι πᾶσι μάθοις νιν. ### book 440.5.3 χρῶτα μὲν οὐ λευκός, πυρὶ δ’ εἴκελος· ὄμματα δ’ αὐτοῦ ### book 440.5.4 δριμύλα καὶ φλογόεντα· κακαὶ φρένες, ἁδὺ λάλημα· ### book 440.5.5 οὐ γὰρ ἴσον νοέει καὶ φθέγγεται· ὡς μέλι φωνά· ### book 440.10.1 ἢν δὲ χολᾷ, νόος ἐστὶν ἀνάμερος· ἠπεροπευτάς, ### book 440.10.2 οὐδὲν ἀλαθεύων, δόλιον βρέφος, ἄγρια παίσδει. ### book 440.1 εὐπλόκαμον τὸ κάρανον, ἔχει δ’ ἰταμὸν τὸ πρόσωπον. ### book 440.2 μικκύλα μὲν τήνῳ τὰ χερύδρια, μακρὰ δὲ βάλλει· ### book 440.3 βάλλει δ’ εἰς Ἀχέροντα καὶ Ἀίδεω βασιλῆα. ### book 440.15.1 γυμνὸς μὲν τό γε σῶμα, νόος δέ οἱ ἐμπεπύκασται· ### book 440.15.2 καὶ πτερόεις ὅσον ὄρνις ἐφίπταται ἄλλον ἐπ’ ἄλλῳ, ### book 440.15.3 ἀνέρας ἠδὲ γυναῖκας, ἐπὶ σπλάγχνοις δὲ κάθηται· ### book 440.15.4 τόξον ἔχει μάλα βαιόν, ὑπὲρ τόξω δὲ βέλεμνον· ### book 440.15.5 τυτθὸν ἑοῖ τὸ βέλεμνον, ἐς αἰθέρα δ’ ἄχρι φορεῖται· ### book 440.20.1 καὶ χρύσεον περὶ νῶτα φαρέτριον· ἔνδοθι δ’ ἐντὶ ### book 440.20.2 τοὶ πικροὶ κάλαμοι, τοῖς πολλάκι κἀμὲ τιτρώσκει. ### book 440.20.3 πάντα μὲν ἄγρια, πάντα· πολὺ πλέον ἁ δαῒς αὐτῷ ### book 440.20.4 βαιὰ λαμπὰς ἐοῖσα, τὸν ἅλιον αὐτὸν ἀναίθει. ### book 440.20.5 ἢν τύ γ’ ἕλῃς τῆνον, δήσας ἄγε μηδ’ ἐλεήσῃς· ### book 440.25.1 κἢν ποτίδῃς κλαίοντα, φυλάσσεο, μή σε πλανήσῃ· ### book 440.25.2 κἢν γελάῃ, τύ νιν ἕλκε· καὶ ἢν ἐθέλῃ σε φιλᾶσαι, ### book 440.25.3 φεῦγε· κακὸν τὸ φίλαμα, τὰ χείλεα φάρμακον ἐντί. ### book 440.25.4 ἢν δὲ λέγῃ ‚Λάβε ταῦτα, χαρίζομαι ὅσσα μοι ὅπλα,‛ ### book 440.25.5 μὴ τὺ θίγῃς πλάνα δῶρα· τὰ γὰρ πυρὶ πάντα βέβαπται.“ ### book 441.1.1 Τὸν Διὸς ἐν τριόδοισιν ἐθαύμασα χάλκεον υἷα, ### book 441.1.2 τὸν πρὶν ἐν εὐχωλαῖς, νῦν παραριπτόμενον. ### book 441.1.3 ὀχθήσας δ’ ἄρ’ ἔειπον· „Ἀλεξίκακε τρισέληνε, ### book 441.1.4 μηδέποθ’ ἡττηθεὶς σήμερον ἐξετάθης;“ ### book 441.5 νυκτὶ δὲ μειδιόων με θεὸς προσέειπε παραστάς· ### book 441 „Καιρῷ δουλεύειν καὶ θεὸς ὢν ἔμαθον.“ ### book 442.1.1 Γριπεύς τις μογέεσκεν ἐπ’ ἰχθύσι· τὸν δ’ ἐσιδοῦσα ### book 442.1.2 εὐκτέανος κούρη θυμὸν ἔκαμνε πόθῳ ### book 442.1.3 καί μιν θῆκε σύνευνον· ὁ δ’ ἐκ βιότοιο πενιχροῦ ### book 442.1.4 δέξατο παντοίης ὄγκον ἀγηνορίης. ### book 442.5.1 ἡ δὲ Τύχη γελόωσα παρίστατο καὶ ποτὶ Κύπριν· ### book 442.5.2 „Οὐ τεὸς οὗτος ἀγών, ἀλλ’ ἐμός ἐστιν“ ἔφη. ### book 443.1.1 Μή ποτε κοιλήνῃς παφίῃ νόον· ἀντιτύπου γὰρ ### book 443.1.2 εὐθὺς ἀποθρῴσκει κοῦφος Ἔρως κραδίης. ### book 443.1.3 οἶστρος ὀλισθήεσσαν ἔχει φύσιν· ἤν τις ὀιστοῦ ### book 443.1.4 ἄκρον ἕλῃ φλογεροῦ, δύεται ἐντὸς ὅλος. ### book 443.5.1 ἐλπίδι μὴ θέλξῃς φρένα μαχλάδι· γυιοβόρον γὰρ ### book 443.5.2 πῦρ ὑποριπίζει θυμὸν ἐφελκομένη. ### book 444.1.1 Καλὰ τὰ παρθενίης κειμήλια· παρθενίη δὲ ### book 444.1.2 τὸν βίον ὤλεσς’ ἂν πᾶσι φυλασσομένη. ### book 444.1.3 τοὔνεκεν εὐθέσμως ἄλοχον λάβε καί τινα κόσμῳ ### book 444.1.4 δὸς βροτὸν ἀντὶ σέθεν· φεῦγε δὲ μαχλοσύνην. ### book 445.1.1 Ἤθελε μὲν βασιλεύς σε βοηθόον εἰσέτι πέμπειν ### book 445.1.2 ἄστεσι τειρομένοις δευομένων μερόπων, ### book 445.1.3 Τητιανὲ χρύσειε· σὺ δ’ ἐν βιότοιο γαλήνῃ ### book 445.1.4 πατρίδα καὶ κλῆρον σὸν προβέβουλας ἔχειν, ### book 445.5 αὔξων σῶν προγόνων κτέρας ἔνδικον· ἀρχομένων γὰρ ### book 445 πλοῦτον ὅτι στυγέεις, σύνθρονος οἶδε Δίκη. ### book 446.1.1 Ἡδέα πάντα κέλευθα λάχεν βίος· ἄστεϊ μέσσῳ ### book 446.1.2 εὖχος, ἑταιρεῖαι· κρυπτὰ δόμοισιν ἄχη· ### book 446.1.3 ἀγρὸς τέρψιν ἄγει, κέρδος πλόος, ἀλλοδαπὴ χθὼν ### book 446.1.4 γνώσιας· ἐκ δὲ γάμων οἶκος ὁμοφρονέει, ### book 446.5.1 τοῖς δ’ ἀγάμοις ἄφροντις ἀεὶ βίος· ἕρκος ἐτύχθη ### book 446.5.2 πατρὶ τέκος, φροῦδος τοῖς ἀγόνοισι φόβος· ### book 446.5.3 ἠνορέην νεότης, πολιὴ φρένας οἶδεν ὀπάσσαι. ### book 446.5.4 ἔνθεν θάρσος ἔχων ζῶε, φύτευε γένος. ### book 447.1.1 Μήτηρ υἷα λιπόντα μάχην μετὰ πότμον ἑταίρων ### book 447.1.2 ἔκτανεν ὠδίνων μνῆστιν ἀνηναμένη· ### book 447.1.3 καὶ γὰρ γνήσιον αἷμα διακρίνει Λακεδαίμων ### book 447.1.4 ἀλκῇ μαρναμένων, οὐ γενεῇ βρεφέων. ### book 448.1 Ἄνδρες ἀπ’ Ἀρκαδίης ἁλιήτορες, ἦ ῥ’ ἔχομέν τι; — ### book 448.2 „Ὅσς’ ἕλομεν, λιπόμεσθ’· ὅσς’ οὐχ ἕλομεν, φερόμεσθα.“ ### book 449.1 Τίς πυρὶ πῦρ ἐδάμασσε; τίς ἔσβεσε λαμπάδι πυρσόν; ### book 449.2 τίς κατ’ ἐμῆς νευρῆς ἑτέρην ἐτανύσσατο νευρήν; ### book 449 καινὸς Ἔρως κατ’ Ἔρωτος ἐμῷ μένει ἰσοφαρίζει. ### book 450.1.1 Εἰ ταῖς ἀληθείαισιν οἱ τεθνηκότες ### book 450.1.2 αἴσθησιν εἶχον, ἄνδρες, ὥς φασίν τινες, ### book 450.1.3 ἀπηγξάμην ἄν, ὥστ’ ἰδεῖν Εὐριπίδην. ### book 451.1 Σός με πόσις κακοεργὸς ἐνὶ σπήλυγγι βαθείῃ ### book 451.2 μουνώσας βαρύποτμον, ἐμὴν ἀπέκερσε κορείην· ### book 451.3 στυγνὰ δέ μοι πόρεν ἕδνα πολυτλήτοιο γάμοιο· ### book 451.4 γλῶσσαν ἐμὴν ἐθέρισσε καὶ ἔσβεσεν Ἑλλάδα φωνήν. ### book 452.1 Χαῖρε, Πρόκνη, παρὰ σεῖο κασιγνήτης Φιλομήλης, ### book 452.2 χαίρειν εἰ τόδε γ’ ἔστιν· ἐμοῦ δέ σοι ἄλγεα θυμοῦ ### book 452.3 πέπλος ἀπαγγείλειε, τά μοι λυγρὸς ὤπασε Τηρεύς, ### book 452.4 ὅς μ’ ἕρξας βαρύποτμον ἐν ἕρκεσι μηλονομήων, ### book 452.5 πρῶτον παρθενίης, μετέπειτα δ’ ἐνόσφισε φωνῆς. ### book 453.1 Αὐτὸς ὁ βοῦς ἱκέτης ἐπιβώμιος, αἰθέριε Ζεῦ, ### book 453.2 μυκᾶται ψυχὴν ῥυόμενος θανάτου. ### book 453.3 ἀλλὰ μέθες, Κρονίδη, τὸν ἀροτρέα· καὶ σὺ γὰρ αὐτὸς ### book 453 πορθμεὺς Εὐρώπης ταῦρος, ἄναξ, ἐγένου. ### book 454 Οὗτος ἐμὸς γενέτης γνήσιος, οὐ Κρονίδης. ### book 455 Ἤειδον μὲν ἐγών, ἐχάρασσε δὲ θεῖος Ὅμηρος. ### book 456.1 Εἰ ποθέειν μ’ ἐδίδαξας ἐν οὔρεσι ταῦρον ἀλήτην, ### book 456.2 μυκηθμόν με δίδαξον, ὅπως φίλον ἄνδρα καλέσσω. ### book 457.1 Ἔγνως νῦν, Ἀγάμεμνον, ἐμὸν φθισήνορα θυμόν; ### book 457.2 ἔγνως, ἐν σταδίῃσιν ὅσον σθένος Ἕκτορός ἐστι; ### book 457.3 νῦν γὰρ πάντες ὄλοντο τεῇ πολυπήμονι λώβῃ· ### book 457.4 σοὶ δ’ αὐτῷ μέγα πῆμα φάνη, θανάτοιο χέρειον· ### book 457.5.1 ἀφροσύνης κακὰ ἔργα καὶ ἄσχετα πένθεα πάσχεις, ### book 457.5.2 ὃς πᾶσιν Δαναοῖσιν ἀρήιον ἕρκος ἐτύχθης. ### book 458.1 Χαῖρ’, Ἰθάκη· μετ’ ἄεθλα, μετ’ ἄλγεα πικρὰ θαλάσσης ### book 458.2 ἀσπασίως τεὸν οὖδας ἱκάνομαι, ὄφρα νοήσω ### book 458.3 Λαέρτην ἄλοχόν τε καὶ ἀγλαὸν υἱέα μοῦνον· ### book 458.4 σὸς γὰρ ἔρως κατέθελξεν ἐμὸν νόον· οἶδα καὶ αὐτός, ### book 458.5 „ὡς οὐδὲν γλύκιον ἧς πατρίδος οὐδὲ τοκήων.“ ### book 459.1 Ἀτρεκέως πάντων πολυμήχανός ἐστιν Ὀδυσσεύς· ### book 459.2 ζωὸς ἐὼν ἐνόησεν, ἃ μὴ θέμις ἐστὶν ἰδέσθαι, ### book 459.3 νερτέριον κευθμῶνα καὶ ἄλγεα πικρὰ θανόντων. ### book 459.4 πῶς δ’ ἔτλη προλιπεῖν ἱερὸν φάος; ἢ τίς ἀνάγκη ### book 459.5.1 ἤγαγεν οὐκ ἐθέλοντα; δόλων ἀκόρητος ἐτύχθη ### book 459.5.2 ἐν χθονὶ καὶ πελάγεσσι καὶ ἐν νεκύεσσιν Ὀδυσσεύς. ### book 460.1 Μῆτερ, τεύχεα ταῦτα καὶ ἀγλαὰ δῶρα κομίζεις ### book 460.2 ἀγχεμάχῳ σέο παιδί, τὰ μὴ πάρος ἔδρακεν ἀνήρ· ### book 460.3 οἶδα δὲ νῦν, ὅτι Παλλὰς ἐφ’ Ἕκτορι χεῖρα κορύσσει ### book 460.4 ἡμετέρην καὶ Τρωσὶν ἀεικέα λοιγὸν ἐγείρει. ### book 461.1 Μόχθος ἐμοῦ γενετῆρος ἀμύμονος οὐ τέλος εὗρεν, ### book 461.2 αὐτὰρ ἐγὼ Τρώεσσι φόνον πάντεσσι κορύσσων ### book 461.3 ἤλυθον· ἠνορέῃ γὰρ ὑπέρτερον εὖχος ἀείρω, ### book 461.4 καὶ Πρίαμον βασιλῆα καί, οὓς προλέλοιπεν Ἀχιλλεύς, ### book 461.5.1 πάντας ὁμοῦ κατὰ μῶλον ἐμὸν μένος οἶδεν ὀλέσσαι, ### book 461.5.2 καὶ Τροίης πτολίεθρον ἀρήιον ἐξαλαπάξω, ### book 461 καὶ Δαναοῖς δεκέτηρον ἐμὸν δόρυ μόχθον ἀνύσσει. ### book 462.1 Πᾶσαν ἐμῆς κραδίης χαλεπὴν ἀπέπαυσας ἀνίην ### book 462.2 ὑμετέρου γενετῆρος Ἀχιλλέος εἵνεκα πότμου, ### book 462.3 ὃν Τροίη στονόεσσα κατέκτανεν· ἀλλὰ σὺ πᾶσαν ### book 462.4 Ἴλιον ἐξαλάπαξας· ἐελδομένοισι δ’ Ἀχαιοῖς ### book 462.5.1 ἄφθιτον ὤπασας εὖχος, ὃ μὴ δεκέτηρος Ἐνυοῦς ### book 462.5.2 πᾶσιν μαρναμένοις Δαναοῖς χρόνος εὗρεν ἀνύσσαι. ### book 463.1 Πηλείδην κοτέουσα πάλιν θώρηξεν Ἀθήνη ### book 463.2 ἔντεσιν ἀθανάτοις. ἦ ῥίγιον ἔσσεται ἄλγος ### book 463.3 αἰνομόροις Τρώεσσι καὶ Ἕκτορι καὶ γενετῆρι, ### book 463.4 ὁππόταν ἔντεα ταῦτα θεὸς πόρεν ἀνέρι τῷδε. ### book 464.1 Ἔρρετε, οἱ ξύμπαντες, ἐλεγχέες, Αἰγιαλῆες, ### book 464.2 ἄρτι θανὼν Μενέλαος ἐμὸν μέγα κῦδος ἀέξει. ### book 465.1 Τέκνον ἐμόν, γενεῆς ἐπιλήθεαι οὐδ’ ἀλεγίζῃ ### book 465.2 πατρίδος ὀλλυμένης, βριαρὴν δ’ ἀπόειπες ἀκωκὴν ### book 465 αἰσχύνων Καλυδῶνα καὶ Οἰνέα καὶ ναετῆρας. ### book 466.1 Ἠνορέης κλυτὰ ἔργα τεὴν ἔστεψαν ἀπήνην, ### book 466.2 καὶ νύμφην βοόωσιν ἀριστοπόνοις ὑμεναίοις. ### book 467.1 Πηλιάδες σκοπιαί, κουροτρόφοι, εἴπατε παιδί, ### book 467.2 ὃν Χείρων ἐδίδαξεν ἀριστεύειν ἐνὶ χάρμῃ, ### book 467.3 μῆνιν ἀπορρῖψαι καὶ λοίγιον ἔχθος Ἀχαιοῖς. ### book 468.1 Σῆς ἀρετῆς ἱδρῶτι καλὴν ἀπέδωκεν ἀμοιβὴν ### book 468.2 σὸς γενέτης, Ἥρακλες, ἐπεὶ πόνος ἄσπετον εὖχος ### book 468.3 ἀνδράσιν οἶδεν ἄγειν μετ’ ἀπείρονα κύκλον ἀέθλων. ### book 469.1.1 Σοὶ χάριν ἐξετέλεσσε πόνος καὶ ἀθέσφατος ἱδρώς, ### book 469.1.2 χῶρον ἔχειν πολύολβον, ὃν οὐ πάρος ἔλλαχεν ἀνήρ. ### book 470.1 Οὐ θέμις ἐν φθιμένοισιν ἔχειν κότον, ἄλγεα γαίης ### book 470.2 καλλείψας ἀγάπαζε τεὸν φίλον· οὐ γὰρ Ὀδυσσεὺς ### book 470.3 ἤλιτεν εἰς σὲ θέλων, βριαρὴ δέ ς’ ἔπεφνεν Ἀθήνη ### book 470.4 Ζεύς τε πατὴρ καὶ Μοῖρα καὶ ἠεροφοῖτις Ἐρινύς. ### book 470.5 αἴθε δὲ τεύχεα ῥῖψεν ἐς ἁλμυρὰ βένθεα πόντου ### book 470 δῖα Θέτις καὶ νεῖκος ἀπέσβεσε σεῖο μενοινῆς. ### book 471.1 Ἐσθλὸς ἀνὴρ φύγε πόντον ἀπηνέα καὶ μετὰ μόχθου ### book 471.2 ἐς πάτρην ἀφίκανεν, ἐμοῦ δέ κε φέρτερος εἴη ### book 471.3 εὖ δεδαὼς πτόλιάς τε καὶ ἔθνεα καὶ νόον ἀνδρῶν. ### book 472.1 Πολλὰ καμὼν νόστησεν ἀνὴρ τλήθυμος Ὀδυσσεύς, ### book 472.2 ἀλλ’ ἔμπης κλέος ἔσχεν ἀνὰ χθόνα καὶ κατὰ πόντον ### book 472.3 ἀνδράσιν ἐσσομένοισιν ἀεὶ πτολίπορθος Ὀδυσσεύς. ### book 473.1 Ἴλιος ὀφρυόεσσα κατήριπεν· ἄρτι δὲ πᾶσαν ### book 473.2 ληιδίην Δαναοῖσι θεὸς πόρεν, ὁππότ’ Ἀχιλλεὺς ### book 473.3 μῆνιν ἀπορρίψας φθισήνορα χεῖρα κορύσσει. ### book 474.1 Οἰκτίρω σὸν κάλλος, ἐπεὶ Διός ἐσσι γενέθλη· ### book 474.2 εἰσορόω γὰρ ἄγαλμα διοτρεφές· ἀτρεκέως δὲ ### book 474.3 Τρωσί τε καὶ Δαναοῖσι μάχη δεκέτηρος ἐτύχθης. ### book 474.4 ποῦ Διὸς αἰγιόχοιο, τεοῦ γενετῆρος, ἀρωγαί; ### book 474.5 ἔμπης δ’ ἔρχεο θᾶσσον, ἀπήμονα νόστον ἑλοῦσα ### book 474 Εἰδοθέης ἰότητι, κακῆς ἐπὶ νῶτα θαλάσσης. ### book 475.1 Εὐρώπης Ἀσίης τε δορισθενέες βασιλῆες, ### book 475.2 ὑμῖν ἀμφοτέροισιν ἐπὶ ξυροῦ ἵσταται ἀκμῆς, ### book 475.3 τίς κεν ἐμὲ τλήθυμος ἕλοι δύστηνον ἀκοίτης· ### book 475.4 Ζεὺς δὲ πατὴρ δικάσειεν, ἄνευθε δὲ Κυπρογενείης, ### book 475.5 μὴ πάλιν ἄλλος ἕλῃ με γαμοκλόπος, αἶσχος Ἀχαιοῖς. ### book 476.1 Ἐζημίωσας ἀσθενῶν τὸν Ἕκτορα· ### book 476.2 φέρεις γὰρ ἡμῖν ἐλλιπῆ σκυλεύματα. ### book 477.1 Ἄμπελε, τί πράξωμεν, ὅταν Δαφναῖος Ἀπόλλων ### book 477.2 πτόρθον ἐμὸν κλίνῃ δι’ Ἀλεξάνδροιο βελέμνων; ### book 478 Τὰ δῶρα λαμπρὰ προσφέρεις τῇ πατρίδι. ### book 479 Σεῖο νόον πέτρωσεν ἀμείλιχα δέσμια πέτρης, ### book 479 καὶ λίθον ἐκτελέσειε τεὸν δέμας ὄμμα Μεδούσης. ### book 480.1 Ἀπεστράφης νῦν ὡς λαβὼν ἐξουσίαν; — ### book 480.2 „Ταύτῃ γὰρ οὐ πέφυκε συντρέχειν Ἔρως· ### book 480.3 Ἔρως γὰρ ἄλλην ἀνταμείβεται τρίβον.“ ### book 481.1.1 Ἑσπέριός μ’ ἐδάμασσεν ὁμοῦ καὶ πρώιος ὕπνος, ### book 481.1.2 ὃς μὲν ἐπιβρίσας, ὃς δέ με μὴ καλέσας· ### book 481.1.3 ὧν ἐξ ἀμφοτέρων ὁ μὲν ἐρρέτω, ὃς δὲ παρείη ### book 481.1.4 ἵλαος ὡράων μέτρον ἐπιστάμενος. ### book 482.1.1 Οὐτιδανοὶ μερόπων εἰ καὶ μέγα ῥέξαμεν ἔργον, ### book 482.1.2 οὔτινος εἰς μνήμην δηρὸν ἐπερχόμεθα· ### book 482.1.3 οἱ δ’ ἀγαθοὶ κἢν μηδέν, ἀναπνεύσωσι δὲ μοῦνον, ### book 482.1.4 ὡς Λίβυς εἶπεν ἀνήρ, τοῦτ’ ἀδάμαντι μένει. ### book 482.5.1 δήποτε γὰρ Ζήνωνα πολισσοῦχον βασιλῆα ### book 482.5.2 παίγνιον ἀφράστων ἐκτελέοντα κύβων ### book 482.5.3 τοίη ποικιλότευκτος ἕλεν θέσις, εὖτ’ ἀπὸ λευκοῦ ### book 482.5.4 τοῦ καὶ ὀπισθιδίην εἰς ὁδὸν ἐρχομένου, ### book 482.5.5 ἑπτὰ μὲν ἕκτος ἔχεν, μίαν εἴνατος· αὐτὰρ ὁ σοῦμμος ### book 482.10.1 δισσὰς ἀμφιέπων ἶσος ἔην δεκάτῳ· ### book 482.10.2 ὅς τε πέλει μετὰ σοῦμμον, ἔχεν δύο· μουνάδα δ’ ἄλλην, ### book 482.10.3 ψῆφον τὴν πυμάτην, ἀμφιέπεσκε δίβος. ### book 482.10.4 ἀλλὰ μέλας δισσὰς μὲν ἐν ὀγδοάτῳ λίπε χώρῳ ### book 482.10.5 καὶ τόσσας ἑτέρας ἐς θέσιν ἑνδεκάτην· ### book 482.15 ἀμφὶ δυωδέκατον δὲ διέπρεπον εἴκελοι ἄλλαι, ### book 482.1 καὶ τρισκαιδεκάτῳ ψῆφος ἔκειτο μία· ### book 482.2 δίζυγες Ἀντίγονον διεκόσμεον· ἀλλὰ καὶ αὐτῷ ### book 482.3 ἶσος ἔμιμνε τύπος πεντεπικαιδεκάτῳ, ### book 482.4 ὀκτωκαιδεκάτῳ πανομοίιος· εἰσέτι δ’ ἄλλας ### book 482.20.1 εἶχεν διχθαδίας τέτρατος ἐκ πυμάτου. ### book 482.20.2 αὐτὰρ ἄναξ λευκοῖο λαχὼν σημήια πεσσοῦ ### book 482.20.3 καὶ τὴν ἐσσομένην οὐ νοέων παγίδα, ### book 482.20.4 τριχθαδίας ἀδόκητα βαλὼν ψηφῖδας ἀπ’ ἠθμοῦ ### book 482.20.5 πύργου δουρατέου κλίμακι κευθομένῃ, ### book 482.25.1 δοιὰ καὶ ἓξ καὶ πέντε κατήγαγεν· αὐτίκα δ’ ὀκτὼ ### book 482.25.2 ἄζυγας εἶχεν ὅλας πρόσθε μεριζομένας. ### book 482.25.3 τάβλην φεύγετε πάντες, ἐπεὶ καὶ κοίρανος αὐτὸς ### book 482.25.4 κείνης τὰς ἀλόγους οὐχ ὑπάλυξε τύχας. ### book 483.1 Ἐκ φονίων Περσῶν φόνιον φυτὸν ἤγαγε Περσεύς, ### book 483.2 παιδὶ Θεογνώστου τοῦ θανάτου πρόφασιν. ### book 484.1.1 Ἀσκὸν τῶν ἀνέμων ἔλαβέν ποτε δῶρον Ὀδυσσεὺς ### book 484.1.2 πόντον ἐπιπλείων· χρῆμα γὰρ ἦν τι μέγα. ### book 484.1.3 ἀλλ’ ἐμὸς Αἰόλος οὗτος ἔχων ἀνεμώλιον ἦτορ ### book 484.1.4 ὄρνεον ἐκπέμπει τῶν ἀνέμων γεμίσας. ### book 484.5 πνεύματά μοι πτερόεντα, φίλος, ναὶ πνεύματα πέμπεις· ### book 484 οὐ δύναμαι δὲ φαγεῖν θλιβομένους ἀνέμους. ### book 485.1.1 Τὰν Θέτιν ἀείδω, χρυσοέθειρα Θέτιν, ### book 485.1.2 Νηρέος ἀθανάταν εἰναλίοιο κόραν, ### book 485.1.3 τὰν Διὸς ἐννεσίῃ Πηλέι γημαμέναν, ### book 485.1.4 τὰν ἁλὸς ἀγλαΐαν, ἁμετέραν Παφίην· ### book 485.5.1 ἃ τὸν δουριμανῆ, τὸν δ’ Ἄρεα πτολέμων, ### book 485.5.2 Ἑλλάδος ἀστεροπάν, ἐξέτεκεν λαγόνων, ### book 485.5.3 δῖον Ἀχιλλῆα, τοῦ κλέος οὐράνιον· ### book 485.5.4 τῷ ὕπο Πύρρα τέκεν παῖδα Νεοπτόλεμον, ### book 485.5.5 περσέπολιν Τρώων, ῥυσίπολιν Δαναῶν. ### book 485.10.1 ἱλήκοις ἥρως ἄμμι, Νεοπτόλεμε, ### book 485.10.2 ὄλβιε, Πυθιάδι νῦν χθονὶ κευθόμενε· ### book 485.10.3 δέχνυσο δ’ εὐμενέων τάνδε θυηπολίην, ### book 485.10.4 πᾶν δ’ ἀπέρυκε δέος ἁμετέρας πόλιος. ### book 485.10.5 τὰν Θέτιν ἀείδω, χρυσοέθειρα Θέτιν. ### book 486.1.1 Τὴν λαπάραν, τὴν αὐτὸς ἀποσφίγξας ἀποπέμπεις, ### book 486.1.2 εὗρεν ὁ παῖς λύσας φῦσαν ὑπηνέμιον. ### book 487.1.1 Βρώματά μοι χοίρων συκιζομένων προέθηκας, ### book 487.1.2 ξηρῶν, διψαλέων, Κυπρόθεν ἐρχομένων. ### book 487.1.3 ἀλλ’ ἐμὲ συκωθέντα μαθὼν ἢ σφάξον ἑτοίμως ### book 487 ἢ σβέσον ἐκ δίψης νάματι τῷ Κυπρίῳ. ### book 488.1.1 Τέρπης εὐφόρμιγγα κρέκων σκιάδεσσιν ἀοιδὰν ### book 488.1.2 κάτθανε νοστήσας ἐν Λακεδαιμονίοις, ### book 488.1.3 οὐκ ἄορι πληγεὶς οὐδ’ ἐν βέλει, ἀλλ’ ἐνὶ σύκῳ ### book 488.1.4 χείλεα. φεῦ, προφάσεων οὐκ ἀπορεῖ θάνατος. ### book 489.1.1 Γραμματικοῦ θυγάτηρ ἔτεκεν φιλότητι μιγεῖσα ### book 489.1.2 παιδίον ἀρσενικόν, θηλυκόν, οὐδέτερον. ### book 490.1.1 Παντάρβην φορέουσα πυρὸς μὴ τάρβει ἐρωήν· ### book 490.1.2 ῥηιδίως Μοίραις καί τ’ ἀδόκητα πέλει. ### book 491.1 Ζεύς, Ἄρης, Παφίη, Μήνη, Κρόνος, Ἥλιος, Ἑρμῆς. ### book 492 Κεῖτο δ’ ὁμοῦ σάκος, ἔγχος, 〈ἄορ〉, θώρηξ, κόρυς, ἵππος. ### book 493.1 Ἀσπίς, τόξα, βέλεμνα, κόρυς, ξίφος, ἄλκιμον ἔγχος. ### book 494.1 Ἰός, τόξα, σάκος, κυνέη, δόρυ, φάσγανα, θώρηξ. ### book 495.1 Ἑλλάδος ἐνναετῆρες, ἀμεμφέες ἡγεμονῆες, ### book 495.2 μηκέτι πιστὰ φέροιτε δολοφρονέουσι γυναιξί· ### book 495.3 θηλυτέρη μ’ ἐδάμασσε, τὸν οὐ κτάνε δήιος Ἕκτωρ. ### book 496.1.1 Ὦ Στοϊκῶν μύθων εἰδήμονες, ὦ πανάριστα ### book 496.1.2 δόγματα ταῖς ἱεραῖς ἐνθέμενοι σελίσιν, ### book 496.1.3 τὰν ἀρετὰν ψυχᾶς ἀγαθὸν μόνον· ἅδε γὰρ ἀνδρῶν ### book 496.1.4 μούνα καὶ βίοτον ῥύσατο καὶ πόλιας. ### book 496.5.1 σαρκὸς δ’ ἁδυπάθημα φίλον τέλος ἀνδράσιν ἄλλοις ### book 496.5.2 ἁ μία τῶν Μνήμης ἤνυσε θυγατέρων. ### book 497.1.1 Ἔρωτα παύει λιμός· εἰ δὲ μή, χρόνος· ### book 497.1.2 ἐὰν δὲ μηδὲ ταῦτα τὴν φλόγα σβέσῃ, ### book 497 θεραπεία σοι τὸ λοιπὸν ἠρτήσθω βρόχος. ### book 498.1 Μὴ θάψῃς τὸν ἄθαπτον, ἔα κυσὶ κύρμα γενέσθαι· ### book 498.2 γῆ πάντων μήτηρ μητροφθόρον οὐ δέχετ’ ἄνδρα. ### book 499.1.1 Ἀργαλέως φέρεται πολιὸς χρόνος, ἀλλὰ παρέρπων ### book 499.1.2 καὶ φωνὰς κλέπτει φθεγγομένων μερόπων, ### book 499.1.3 καὶ μὴ φαινόμενος τοὺς φαινομένους ἀφανίζει ### book 499.1.4 καὶ μὴ φαινομένους εἰς φανερὸν προφέρει. ### book 499.5.1 ὦ ζωῆς ἀόριστος ἐν ἀνθρώποισι τελευτή, ### book 499.5.2 ἦμαρ ἐπ’ ἦμαρ ἀεὶ πρὸς ζόφον ἐρχομένων. ### book 500.1.1 Μηκέτι κληρονόμους ὀνομάζετε φέγγος ὁρῶντας, ### book 500.1.2 τοὺς δ’ ἀποθνῄσκοντας κληρονόμους λέγετε· ### book 500.1.3 οἱ νῦν κληρονόμοι νέκυες μέγα κέρδος ἔχουσι ### book 500.1.4 τὴν ἀναχώρησιν τοῦ μογεροῦ βιότου. ### book 501 Τὴν πόλιν οἱ νέκυες πρότερον ζῶσαν κατέλειψαν, ### book 501 ἡμεῖς δὲ ζῶντες τὴν πόλιν ἐκφέρομεν. ### book 502.1.1 Κονδίτου μοι δεῖ. τὸ δὲ κονδῖτον πόθεν ἔσχεν ### book 502.1.2 τοὔνομα; τῆς φωνῆς ἐστι γὰρ ἀλλότριον ### book 502.1.3 τῆς τῶν Ἑλλήνων· εἰ Ῥωμαϊκῶς δὲ καλεῖται, ### book 502.1.4 αὐτὸς ἂν εἰδείης Ῥωμαϊκώτατος ὤν. ### book 502.5.1 σκεύασον οὖν μοι τοῦτο· τὸ γὰρ κατέχον με νόσημα ### book 502.5.2 τοῦ στομάχου χρῄζει τοῦδε, λέγουσι, ποτοῦ. ### book 503.1.1 Οὐκ ἀλόγως ἐν † διζύφοις δύναμίν τινα θείαν ### book 503.1.2 εἶναι ἔφην. χθὲς γοῦν δίζυφον ἐν χρονίῳ ### book 503.1.3 ἠπιάλῳ κάμνοντι τεταρταίῳ περιῆψα, ### book 503.1.4 καὶ γέγονεν ταχέως οἷα κρότων ὑγιής. ### book 503b.1 Ἵπποι γὰρ σφηκῶν γένεσις, ταῦροι δὲ μελισσῶν. ### book 504.1.1 Καλλιόπη σοφίην ἡρωίδος εὗρεν ἀοιδῆς· ### book 504.1.2 Κλειὼ καλλιχόρου κιθάρης μελιηδέα μολπήν· ### book 504.1.3 Εὐτέρπη τραγικοῖο χοροῦ πολυηχέα φωνήν· ### book 504.1.4 Μελπομένη θνητοῖσι μελίφρονα βάρβιτον εὗρε· ### book 504.5.1 Τερψιχόρη χαρίεσσα πόρεν τεχνήμονας αὐλούς· ### book 504.5.2 ὕμνους ἀθανάτων Ἐρατὼ πολυτερπέας εὗρε· ### book 504.5.3 τέρψιας ὀρχηθμοῖο Πολύμνια πάνσοφος εὗρεν· ### book 504.5.4 [ἁρμονίην πάσῃσι Πολύμνια δῶκεν ἀοιδαῖς·] ### book 504.5.5 Οὐρανίη πόλον εὗρε καὶ οὐρανίων χορὸν ἄστρων· ### book 504.10 κωμικὸν εὗρε Θάλεια βίον καὶ ἤθεα κεδνά. ### book 505 Οὐκ ἴδε Τερψιχόρην ὁ ζωγράφος, ἀλλ’ ὑπὸ τέχνας ### book 505.a2 ψεύδεται ὀφθαλμοὺς δείκελον ἀτρεκίῃ. ### book 505.b3 Εἴ ποτε τερψινόοιο, φίλος, φόρμιγγος ἀκούσῃς, ### book 505.b4 τὴν Ἐρατὼ θαύμαζε τόσης εἰδήμονα τέχνης. ### book 505.c5 Εὐτέρπη δονάκεσσι πολυτρήτοισι λιγαίνει, ### book 505.c6 πνεῦμα σοφῆς ὀχετηγὸν ἐπισπείρουσα μελίσσης. ### book 505.d7 Κωμικὸν ἀμφιέπω Θάλεια μέλος, ἔργα δὲ φωτῶν ### book 505.d8 οὐχ ὁσίων θυμέλῃσι φιλοκροτάλοισιν ἀθύρω. ### book 505.e9 Εἰκόνα τῆς σοφίης ποτιδέρκεο· Καλλιόπης γὰρ ### book 505.e10 εἰκόνα σῇ κραδίῃ λάμβανε τὴν σοφίην. ### book 505.f11 Δαφνοκόμοις Φοίβοιο παρὰ τριπόδεσσι πολεύω ### book 505.f12 Κλειώ, μαντοσύνης Μοῦσα καὶ ἱστορίης. ### book 505.g13 Οὐρανίη ψήφοιο θεορρήτῳ τινὶ μέτρῳ ### book 505.g14 ἀστρῴην ἐδίδαξα παλινδίνητον ἀνάγκην. ### book 505.h15 Σκέπτεο χαλκεόφωνον ἐπισπέρχουσαν ἀοιδὴν ### book 505.h16 Μελπομένην, ἐρατῆς ἵστορα εὐεπίης. ### book 505.i17 Σιγῶ, φθεγγομένη παλάμης θελξίφρονα παλμόν, ### book 505.i18 νεύματι φωνήεσσαν ἀπαγγέλλουσα σιωπήν. ### book 506.1.1 Ἐννέα τὰς Μούσας φασίν τινες· ὡς ὀλιγώρως· ### book 506.1.2 ἠνίδε καὶ Σαπφὼ Λεσβόθεν ἡ δεκάτη. ### book 507.1.1 Ἡσιόδου τό τ’ ἄεισμα καὶ ὁ τρόπος· οὐ τὸν ἀοιδῶν ### book 507.1.2 ἔσχατον, ἀλλ’ ὀκνέω μὴ τὸ μελιχρότατον ### book 507.1.3 τῶν ἐπέων ὁ Σολεὺς ἀπεμάξατο. χαίρετε, λεπταὶ ### book 507.1.4 ῥήσιες, Ἀρήτου σύμβολον ἀγρυπνίης. ### book 508.1.1 Ὅταν θέλῃ τις ἡμέραν ἰδεῖν καλήν, ### book 508.1.2 συντυγχάνων σοι γίνεται καλήμερος· ### book 508.1.3 τοὐναντίον δὲ καί τις εἰ θέλει παθεῖν, ### book 508.1.4 μὴ συντυχών σοι γίνεται κακήμερος. ### book 509.1 Κωλιάδες δὲ γυναῖκες ἐρετμοῖσι φρύξουσιν. ### book 510.1 Γῆμε Κριτωνιανός με, Σόλων ἐτέκνωσεν, ἐκλήθην ### book 510 Μελτίνη, πλάσθην ἀνδρὸς ἐμοῦ παλάμαις. ### book 511.1.1 Χιονέην τρίχα Παιήων ἐκέλευέ με χρυσῷ ### book 511.1.2 δαιδάλλειν ἀγανοφροσύνῃ, ἐτέλεσσα δὲ χαίρων, ### book 511.1.3 οὕνεκεν ἐξ ἐμέθεν τόδε οἱ θυμῆρες ἔκρινεν. ### book 512.1.1 Εὐμενέως Πρώτοιο δεδεγμένος ὄργια βίβλου, ### book 512.1.2 Φιλοπόνου γραφίδεσσι δεδειγμένα βένθεα μύθων, ### book 512.1.3 κοιράνου Αὐσονίοισι διδάσκαλε, ἵλαος εἴης. ### book 513.1.1 Δράμασιν ἐν πολλοῖσι διέπρεπες, ὅσσα Μένανδρος ### book 513.1.2 ἔγραφεν ἢ Μουσέων σὺν μιῇ ἢ Χαρίτων. ### book 514.1.1 Ἐς γάμον ἔζευξεν με νεοζεύκτοιο Προκίλλης, ### book 514.1.2 τὸν νυμφῶν θαλάμοις αἰὲν ἀειδόμενον, ### book 514.1.3 εὐξάμενος τάδε Μῆνις ὁ κωμικός· „Ὦ Ὑμέναιε, ### book 514.1.4 ἔρχεο καὶ νύμφῃ καὶ γαμέοντι φίλος.“ ### book 515.1 Τρεῖς εἰσὶν Χάριτες· σὺ δὲ δὴ μία ταῖς τρισὶ ταύταις ### book 515 γεννήθης, ἵν’ ἔχως’ αἱ Χάριτες Χάριτα. ### book 516.1.1 Ἔρδοι τὴν ἔμαθέν τις, ὅπου καὶ ὑπ’ Ἄλπιας ἄκρας ### book 516.1.2 ληισταὶ λασίαις ἀμφίκομοι κεφαλαῖς, ### book 516.1.3 φωρῆς ἁπτόμενοι, φύλακας κύνας ὧδ’ ἀλέονται· ### book 516.1.4 χρίονται νεφροῖς πῖαρ ἔπεστιν ὅσον, ### book 516.5.1 ψευδόμενοι ῥινῶν ὀξὺν στίβον. ὦ κακὸν εὑρεῖν ### book 516.5.2 ῥηίτεραι Λιγύων μήτιες ἢ ἀγαθόν. ### book 517.1.1 Ὀρφεὺς θῆρας ἔπειθε, σὺ δ’ Ὀρφέα· Φοῖβος ἐνίκα ### book 517.1.2 τὸν Φρύγα, σοὶ δ’ εἴκει μελπομένῳ, Γλάφυρε— ### book 517.1.3 οὔνομα καὶ τέχνης καὶ σώματος. οὔ κεν Ἀθήνη ### book 517.1.4 ἔρριψεν λωτοὺς τοῖα μελιζομένη, ### book 517.5.1 οἷα σύ, ποικιλοτερπές· ἀφυπνώσαι κεν ἀκούων ### book 517.5.2 αὐτὸς Πασιθέης Ὕπνος ἐν ἀγκαλίσιν. ### book 518.1.1 Μακύνου τείχη, Ζεῦ Ὀλύμπιε· πάντα Φιλίππῳ ### book 518.1.2 ἀμβατά· χαλκείας κλεῖε πύλας μακάρων. ### book 518.1.3 χθὼν μὲν δὴ καὶ πόντος ὑπὸ σκήπτροισι Φιλίππου ### book 518 δέδμηται, λοιπὰ δ’ ἁ πρὸς Ὄλυμπον ὁδός. ### book 519.1.1 Πίομαι, ὦ Ληναῖε, πολὺ πλέον, ἢ πίε Κύκλωψ ### book 519.1.2 νηδὺν ἀνδρομέων πλησάμενος κρεάων· ### book 519.1.3 πίομαι. ὡς ὄφελόν γε καὶ ἔγκαρον ἐχθροῦ ἀράξας ### book 519.1.4 βρέγμα Φιλιππείης ἐξέπιον κεφαλῆς, ### book 519.5.1 ὅσπερ ἑταιρείοιο παρὰ κρητῆρι φόνοιο ### book 519.5.2 γεύσατ’ ἐν ἀκρήτῳ φάρμακα χευάμενος. ### book 520.1 Ἀλκαίου τάφος οὗτος, ὃν ἔκτανεν ἡ πλατύφυλλος ### book 520.2 τιμωρὸς μοιχῶν, γῆς θυγάτηρ, ῥάφανος. ### book 521.1 Οὐκ ἄρα σοί γε ὄλιζον ἐπὶ κλέος ὤπασε Μοῖρα ### book 521.2 ἤματι, τῷ πρώτῳ φῶς ἴδες ἀελίου, ### book 521.3 Σαπφοῖ· σοὶ γὰρ ῥῆσιν ἐνεύομεν ἄφθιτον εἶμεν, ### book 521.4 σὺν δὲ πατὴρ πάντων νεῦσεν ἐρισφάραγος· ### book 521.5.1 μέλψῃ δ’ ἐν πάντεσσιν ἀοίδιμος ἁμερίοισιν ### book 521.5.2 οὐδὲ κλυτᾶς φάμας ἔσσεαι ἠπεδανά. ### book 522.1 Ἰλιάς, ὦ μέγα ἔργον, Ὀδυσσείης τε τὸ σῶφρον ### book 522.2 γράμμα, τὸ καὶ Τροίῃ θῆκεν ἴσην Ἰθάκην, ### book 522.3 τόν με γέροντ’ αὔξοιτ’ ἐς ἀεὶ νέον· ἡ γὰρ Ὁμήρου ### book 522 σειρὴν ὑμετέρων ῥεῖται ἀπὸ στομάτων. ### book 523.1 Καλλιόπη πολύμυθε μελισσοβότου Ἑλικῶνος, ### book 523.2 τίκτε μοι ἄλλον Ὅμηρον, ἐπεὶ μόλεν ἄλλος Ἀχιλλεύς. ### book 524.1.1 Μέλπωμεν βασιλῆα φιλεύιον, εἰραφιώτην, ### book 524.1.2 ἁβροκόμην, ἀγροῖκον, ἀοίδιμον, ἀγλαόμορφον, ### book 524.1.3 Βοιωτόν, βρόμιον, βακχεύτορα, βοτρυοχαίτην, ### book 524.1.4 γηθόσυνον, γονόεντα, γιγαντολέτην, γελόωντα, ### book 524.5.1 Διογενῆ, δίγονον, διθυραμβογενῆ, Διόνυσον, ### book 524.5.2 Εὔιον, εὐχαίτην, εὐάμπελον, ἐγρεσίκωμον, ### book 524.5.3 ζηλαῖον, ζάχολον, ζηλήμονα, ζηλοδοτῆρα, ### book 524.5.4 ἤπιον, ἡδυπότην, ἡδύθροον, ἠπεροπῆα, ### book 524.5.5 θυρσοφόρον, Θρήικα, θιασώτην, θυμολέοντα, ### book 524.10.1 Ἰνδολέτην, ἱμερτόν, ἰοπλόκον, ἰραφιώτην, ### book 524.10.2 κωμαστήν, κεραόν, κισσοστέφανον, κελαδεινόν, ### book 524.10.3 Λυδόν, ληναῖον, λαθικηδέα, λυσιμέριμνον, ### book 524.10.4 μύστην, μαινόλιον, μεθυδώτην, μυριόμορφον, ### book 524.10.5 νυκτέλιον, νόμιον, νεβρώδεα, νεβριδόπεπλον, ### book 524.15.1 ξυστοβόλον, ξυνόν, ξενοδώτην, ξανθοκάρηνον, ### book 524.15.2 ὀργίλον, ὀβριμόθυμον, ὀρέσκιον, οὐρεσιφοίτην, ### book 524.15.3 πουλυπότην, πλαγκτῆρα, πολυστέφανον, πολύκωμον, ### book 524.15.4 ῥηξίνοον, ῥαδινόν, ῥικνώδεα, ῥηνοφορῆα, ### book 524.15.5 σκιρτητήν, Σάτυρον, Σεμεληγενέτην, Σεμελῆα, ### book 524.20.1 τερπνόν, ταυρωπόν, Τυρρηνολέτην, ταχύμηνιν, ### book 524.20.2 ὑπνοφόβην, ὑγρόν, ὑμενήιον, ὑλήεντα, ### book 524.20.3 φηρομανῆ, φρικτόν, φιλομειδέα, φοιταλιώτην, ### book 524.20.4 χρυσόκερων, χαρίεντα, χαλίφρονα, χρυσεομίτρην, ### book 524 ψυχοπλανῆ, ψεύστην, ψοφομηδέα, ψυχοδαϊκτήν, ### book 524.25.1 ὥριον, ὠμηστήν, ὠρείτροφον, ὠρεσίδουπον. ### book 524.25.2 μέλπωμεν βασιλῆα φιλεύιον, εἰραφιώτην. ### book 525.1.1 Ὑμνέωμεν Παιᾶνα, μέγαν θεὸν Ἀπόλλωνα, ### book 525.1.2 ἄμβροτον, ἀγλαόμορφον, ἀκερσεκόμην, ἁβροχαίτην, ### book 525.1.3 βριθύνοον, βασιλῆα, βελεσσιχαρῆ, βιοδώτην, ### book 525.1.4 γηθόσυνον, γελόωντα, γιγαντολέτην, γλυκύθυμον, ### book 525.5.1 Διογενῆ, Διόπαιδα, δρακοντολέτην, δαφνογηθῆ, ### book 525.5.2 εὔλαλον, εὐρυβίην, ἑκατηβόλον, ἐλπιδοδώτην, ### book 525.5.3 ζῳογόνον, ζάθεον, Ζηνόφρονα, Ζηνοδοτῆρα, ### book 525.5.4 ἤπιον, ἡδυεπῆ, ἡδύφρονα, ἠπιόχειρα, ### book 525.5.5 θηροφόνον, θαλερόν, θελξίφρονα, θελγεσίμυθον, ### book 525.10.1 ἰαφέτην, ἱμερτόν, ἰήιον, ἱπποκορυστήν, ### book 525.10.2 κοσμοπλόκον, Κλάριον, κρατερόφρονα, καρπογένεθλον, ### book 525.10.3 Λητογενῆ, λαρόν, λυρογηθέα, λαμπετόωντα, ### book 525.10.4 μυστιπόλον, μάντιν, μεγαλήτορα, μυριόμορφον, ### book 525.10.5 νεβροχαρῆ, νοερόν, νηπενθέα, νηφαλιῆα, ### book 525.15.1 ξυνοχαρῆ, ξυνόν, ξυνόφρονα, ξυνοδοτῆρα, ### book 525.15.2 ὄλβιον, ὀλβιοεργόν, Ὀλύμπιον, οὐρεσιφοίτην, ### book 525.15.3 πρηΰν, πανδερκῆ, παναπήμονα, πλουτοδοτῆρα, ### book 525.15.4 ῥυσίπονον, ῥοδόχρουν, ῥηξήνορα, ῥηξικέλευθον, ### book 525.15.5 σιγαλόεντα, σοφόν, σελαηγενέτην, σωτῆρα, ### book 525.20.1 τερψίχορον, Τιτᾶνα, τελέστορα, τιμήεντα, ### book 525.20.2 ὑμναγόρην, ὕπατον, ὑψαύχενα, ὑψήεντα, ### book 525.1 Φοῖβον, φοιβάζοντα, φιλοστέφανον, φρενογηθῆ, ### book 525.2 χρησμαγόρην, χρύσεον, χρυσόχροα, χρυσοβέλεμνον, ### book 525.3 ψαλμοχαρῆ, ψάλτην, ψευσίστυγα, ψυχοδοτῆρα, ### book 525.25.1 ὠκύπον, ὠκυεπῆ, ὠκύσκοπον, ὡρεσιδώτην. ### book 525.25.2 ὑμνέωμεν Παιᾶνα, μέγαν θεὸν Ἀπόλλωνα. ### book 526.1.1 Κλεῖε, θεός, μεγάλοιο πύλας ἀκμῆτας Ὀλύμπου· ### book 526.1.2 φρούρει, Ζεῦ, ζαθέαν αἰθέρος ἀκρόπολιν. ### book 526.1.3 ἤδη γὰρ καὶ πόντος ὑπέζευκται δορὶ Ῥώμης ### book 526.1.4 καὶ χθών· οὐρανίη δ’ οἶμος ἔτ’ ἔστ’ ἄβατος. ### book 527.1 Τλῆθι, λέων, ἄτλητα παθὼν τετληότι θυμῷ· ### book 527.2 οὐδεὶς ἀνθρώπων ἀδικῶν τίσιν οὐκ ἀποτίσει. ### book 528.1.1 Χριστιανοὶ γεγαῶτες Ὀλύμπια δώματ’ ἔχοντες ### book 528.1.2 ἐνθάδε ναιετάουσιν ἀπήμονες· οὐδὲ γὰρ αὐτοὺς ### book 528.1.3 χώνη φόλλιν ἄγουσα φερέσβιον ἐν πυρὶ θήσει. ### book 529 Λέκτρον ἑνὸς φεύγουσα λέκτρον πολλοῖσιν ἐτύχθη. ### book 530.1 Οὐκ ἐθέλουσα Τύχη σε προήγαγεν, ἀλλ’ ἵνα δείξῃ, ### book 530.2 ὡς ὅτι καὶ μέχρι σοῦ πάντα ποιεῖν δύναται. ### book 531 Αὔραις ἶσα θέουσιν, ὅθεν λάχον οὔνομα τοῦτο. ### book 532.1.1 Εἰπέ μοι, ὦ κολόκυντε, τίνος χάριν εἰσέτι καὶ νῦν ### book 532.1.2 οὐ σικύων ἐφάνη διερὸν γένος, οὐ κολοκύντων. ### book 532.3.1 Ζηνὸς ἐπομβρήσαντος ἐπεκλύσθησαν ἄρουραι, ### book 532.3.2 ἡμετέρην δ’ ἀέκουσαν ἔτι κρύπτουσι γενέθλην. ### book 533.1 Κοντὸν ἀνὴρ κατέπηξε, δέμας δ’ εἰς ἠέρα ῥίψας ### book 533.2 ἰδνώθη προκάρηνος, ἀνεγρομένοιο δ’ ὕπερθεν ### book 533.3 θηρὸς ὑπερκατέβαινεν ἐυστρέπτοισι πόδεσσιν· ### book 533.4 οὐδὲ λάβεν· λαοὶ δὲ μέγ’ ἴαχον, ἔκφυγε δ’ ἀνήρ. ### book 534.1 Ἄρτεμις ἱδρώουσα προάγγελός ἐστι κυδοιμοῦ. ### book 535.1 Κισσῷ μὲν Διόνυσος ἀγάλλεται, αἰγίδι δὲ Ζεύς, ### book 535.2 οἱ ναέται ξείνοις, ἡ δὲ πόλις ναέταις. ### book 536 Ἄβροχον ἐν πελάγεσσι δι’ ὕδατος ἔπλεεν ὕδωρ. ### book 537.1.1 Τίπτε με θρυλήσαντες ἐμὴν ἀπεπαύσατ’ ἀοιδήν; ### book 537.1.2 ἱππεὺς ἱππεύειν ἐδάη καὶ ἀοιδὸς ἀείδειν· ### book 537.1.3 ἢν δέ τις ἱππεύειν δεδαὼς ἐθέλῃσιν ἀείδειν, ### book 537.1.4 ἀμφοτέρων ἥμαρτε, καὶ ἱπποσύνης καὶ ἀοιδῆς. ### book 538 Ἁβροχίτων δ’ ὁ φύλαξ θηροζυγοκαμψιμέτωπος. ### book 539 Ἁβρὸς δ’ ἐν προχοαῖς Κύκλωψ φθογγάζετο μύρμηξ. ### book 540.1 Μὴ ταχὺς Ἡρακλείτου ἐπ’ ὀμφαλὸν εἴλεε βίβλον ### book 540.2 τοὐφεσίου· μάλα τοι δύσβατος ἀτραπιτός. ### book 540.3 ὄρφνη καὶ σκότος ἐστὶν ἀλάμπετον· ἢν δέ σε μύστης ### book 540.4 εἰσαγάγῃ, φανεροῦ λαμπρότερ’ ἠελίου. ### book 541.1.1 Θειογένης Πείσωνι τὰ τεχνήεντα κύπελλα ### book 541.1.2 πέμπει· χωροῦμεν δ’ οὐρανὸν ἀμφότερα· ### book 541.1.3 δοιὰ γὰρ ἐκ σφαίρης τετμήμεθα, καὶ τὸ μὲν ἡμῶν ### book 541.1.4 τοὺς νοτίους, τὸ δ’ ἔχει τείρεα τἀν Βορέῃ. ### book 541.5.1 ἀλλὰ σὺ μηκέτ’ Ἄρητον ἐπίβλεπε· δισσὰ γὰρ ἀμφοῖν ### book 541.5.2 μέτρα πιὼν ἄθρει πάντα τὰ φαινόμενα. ### book 542.1.1 Θάρσει καὶ τέτταρσι διαπλασθέντα προσώποις ### book 542.1.2 μῦθον, καὶ τούτων γράψαι ἔτι πλέοσιν· ### book 542.1.3 οὔτε σὲ γὰρ λείψουσι, Φιλωνίδη, οὔτε Βάθυλλον, ### book 542.1.4 τὸν μὲν ἀοιδάων, τὸν δὲ χερῶν χάριτες. ### book 543.1.1 Θεσσαλίης εὔιππος ὁ ταυρελάτης χορὸς ἀνδρῶν, ### book 543.1.2 χερσὶν ἀτευχήτοις θηρσὶν ὁπλιζόμενος, ### book 543.1.3 κεντροτυπεῖς πώλους ζεῦξεν σκιρτήματι ταύρων, ### book 543.1.4 ἀμφιβαλεῖν σπεύδων πλέγμα μετωπίδιον· ### book 543.5 ἀκρότατον δ’ ἐς γῆν κλίνας ἅμα κεὔροπον ἅμμα ### book 543 θηρὸς τὴν τόσσην ἐξεκύλισε βίην. ### book 544.1.1 Ἰνδὴν βήρυλλόν με Τρύφων ἀνέπεισε Γαλήνην ### book 544.1.2 εἶναι, καὶ μαλακαῖς χερσὶν ἀνῆκε κόμας· ### book 544.1.3 ἠνίδε καὶ χείλη νοτερὴν λειοῦντα θάλασσαν, ### book 544.1.4 καὶ μαστούς, τοῖσιν θέλγω ἀνηνεμίην. ### book 544.5.1 ἢν δέ μοι ἡ φθονερὴ νεύσῃ λίθος, ὡς ἐν ἑτοίμῳ ### book 544.5.2 ὥρμημαι, γνώσῃ καὶ τάχα νηχομένην. ### book 545.1.1 Καλλιμάχου τὸ τορευτὸν ἔπος τόδε· δὴ γὰρ ἐπ’ αὐτῷ ### book 545.1.2 ὡνὴρ τοὺς Μουσέων πάντας ἔσεισε κάλους. ### book 545.1.3 ἀείδει δ’ Ἑκάλης τε φιλοξείνοιο καλιὴν ### book 545.1.4 καί, Θησεῖ Μαραθὼν οὓς ἐπέθηκε πόνους· ### book 545.5.1 τοῦ σοὶ καὶ νεαρὸν χειρῶν σθένος εἴη ἀρέσθαι, ### book 545.5.2 Μάρκελλε, κλεινοῦ τ’ αἶνον ἴσον βιότου. ### book 546.1.1 Κἠν πρύμνῃ λαχέτω μέ ποτε στιβὰς αἵ θ’ ὑπὲρ αὐτὴν ### book 546.1.2 ἠχεῦσαι ψακάδων τύμματα διφθερίδες, ### book 546.1.3 καὶ πῦρ ἐκ μυλάκων βεβιημένον ἥ τ’ ἐπὶ τούτων ### book 546.1.4 χύτρη καὶ κενεὸς πομφολύγων θόρυβος· ### book 546.5.1 καί κε ῥυπῶντ’ ἐσίδοιμι διήκονον, ἡ δὲ τράπεζα ### book 546.5.2 ἔστω μοι πρώτη νηὸς ὕπερθε σανίς. ### book 546.5.3 „δός, λάβε“ καὶ ψιθύρισμα τὸ ναυτικόν. εἶχε τύχη τις ### book 546 πρῴην τοιαύτη τὸν φιλόκοινον ἐμέ. ### book 547 Τρηχὺν δ’ ὑπερβὰς φραγμὸν ἐξήνθιζε κλώψ. ### book 548.1.1 Κοῦρον ἀποπλανίην ἐπιμάζιον Ἑρμώνακτα, ### book 548.1.2 φεῦ, βρέφος ὡς ἀδίκως εἵλετε βουγενέες. ### book 548.1.3 ἠγνοίησεν ὁ δειλὸς ἐς ὑμέας οἷα μελίσσας ### book 548.1.4 ἐλθών· αἱ δ’ ἔχεων ἦτε χερειότεραι· ### book 548.5.1 ἀντὶ δέ οἱ θοίνης ἐνεμάξατε φοίνια κέντρα, ### book 548.5.2 ὦ πικραί, γλυκερῆς ἀντίπαλοι χάριτος. ### book 549.1.1 Κρηναῖαι λιβάδες, τί πεφεύγατε; ποῦ τόσον ὕδωρ; ### book 549.1.2 τίς φλὸξ ἀενάους ἔσβεσεν ἠελίου; — ### book 549.1.3 „Δάκρυσιν Ἀγρικόλαο τετρύμεθα· πᾶν δ’, ὅσον ἡμῖν ### book 549.1.4 ἦν ποτόν, ἡ κείνου διψὰς ἔχει σποδιή.“ ### book 550.1.1 Κλεινὴν οὐκ ἀπόφημι· σὲ γὰρ προπάροιθεν ἔθηκαν ### book 550.1.2 κλῄζεσθαι πτηνοί, Τῆνε, Βορηιάδαι. ### book 550.1.3 ἀλλὰ καὶ Ὀρτυγίην εἶχε κλέος, οὔνομα δ’ αὐτῆς ### book 550.1.4 ἤρχετο Ῥιπαίων ἄχρις Ὑπερβορέων. ### book 550.5 νῦν δὲ σὺ μὲν ζώεις, ἡ δ’ οὐκέτι. τίς κεν ἐώλπει ### book 550 ὄψεσθαι Τήνου Δῆλον ἐρημοτέρην; ### book 551.1.1 Καλχηδὼν δύστηνον ἐρωδιὸν ἐχθρὰ κολάζει. — ### book 551.1.2 „Τεῦ χάριν ὁ προδότης ὄρνις ἀεὶ λέγεται;“ — ### book 551.1.3 Φοῖβος ἐρεῖ· τεναγῖτιν ὅτ’ εἰς ἅλα κῶλον ἐλαφρὸν ### book 551.1.4 στήσας ψαμμίτην δόρπον ἐθημολόγει, ### book 551.5.1 δυσμενέες τότ’ ἔβησαν ἐπὶ πτόλιν ἀντιπέρηθεν, ### book 551.5.2 ὀψὲ διδασκόμενοι πεζοβατεῖν πέλαγος. — ### book 551.5.3 „Βάλλετε δὴ κακὸν ὄρνιν, ἐπεὶ βαρὺν ἤρατο μισθὸν ### book 551.5.4 ἐκ δηίων, κόχλους καὶ βρύον, ὁ προδότης.“ ### book 552.1.1 Καὶ Μακεδὼν ὁ σίδηρος ἐν ἄορι καὶ τὰ πρὸς ἀλκὴν ### book 552.1.2 τῆς ἀπ’ Ἀλεξάνδρου χειρὸς ἐπιστάμενος, ### book 552.1.3 Πείσων, σὴν ποθέων ἱκόμην χέρα· τοῦτο δὲ φωνῶ· ### book 552.1.4 „Χαίρων δεξιτερὴν εὗρον ὀφειλομένην.“ ### book 553.1 Λευκάδος ἀντί με Καῖσαρ ἰδ’ Ἀμβρακίης ἐριβώλου ### book 553.2 Θυρρείου τε πέλειν ἀντί τ’ Ἀνακτορίου ### book 553.3 Ἄργεος Ἀμφιλόχου τε καὶ ὁππόσα ῥαίσατο κύκλῳ ### book 553.4 ἄστε’ ἐπιθρῴσκων δουρομανὴς πόλεμος ### book 553.5.1 εἵσατο Νικόπολιν, θείην πόλιν· ἀντὶ δὲ νίκης ### book 553.5.2 Φοῖβος ἄναξ ταύτην δέχνυται Ἀκτιάδος. ### book 554.1.1 Λάθριος, Ἡράκλεια, καλῶν ὑπὸ χείλεσιν ἕλκεις ### book 554.1.2 κεῖνο, πάλαι κατὰ σοῦ τοῦτ’ ἐβόησε πόλις. ### book 554.1.3 πῶς ἔτλης αἶσχος ῥέξαι κακόν; ἦ σε βιαίως ### book 554.1.4 εἵλκυσέ τις θαλερῶν δραξάμενος πλοκάμων; ### book 554.5 ἤ σοι τοὔνομα τερπνὸν ἀφ’ Ἡρακλῆος ἐχούσῃ, ### book 554 μάχλε, φιλεῖν ἥβην κέκριται ἠιθέων; ### book 555.1.1 Νῆσον τήνδ’ εἰ καί με περιγράψαντες ἐροῦσιν ### book 555.1.2 μετρῆσαι βαιήν, ἑπτὰ μόνον σταδίους, ### book 555.1.3 ἔμπης καὶ τίκτουσαν ἐπ’ αὔλακα πῖαρ, ἀροτρεῦ, ### book 555.1.4 ὄψει καὶ παντὸς κάρπιμον ἀκροδρύου ### book 555.5.1 καὶ πολλοῖς εὔαγρον ὑπ’ ἰχθύσι καὶ ὑπὸ μαίρῃ ### book 555.5.2 εὐάνεμον λιμένων τ’ ἤπιον ἀτρεμίῃ, ### book 555.5.3 ἀγχόθι Κορκύρης Φαιηκίδος· ἀλλὰ γελᾶσθαι ### book 555.5.4 τῷ ἔπ’ ἐωρίσθην, τοῦτ’ ἐθέμην ὄνομα. ### book 556.1.1 Νύμφαι ἐποχθίδιαι Νηρηίδες, εἴδετε Δάφνιν ### book 556.1.2 χθιζόν, ἐπαχνιδίαν ὡς ἀπέλουσε κόνιν, ### book 556.1.3 ὑμετέραις λιβάδεσσιν ὅτ’ ἔνθορε σειριόκαυτος ### book 556.1.4 ἠρέμα φοινιχθεὶς μᾶλα παρηίδια. ### book 556.5.1 εἴπατέ μοι, καλὸς ἦν; ἢ ἐγὼ τράγος οὐκ ἄρα κνάμαν ### book 556.5.2 μοῦνον ἐγυιώθην, ἀλλ’ ἔτι καὶ κραδίαν; ### book 557.1.1 Ὁ σταδιεὺς Ἀρίης ὁ Μενεκλέος οὐ κατελέγχει ### book 557.1.2 Περσέα, σὸν κτίστην, Ταρσέ, Κίλισσα πόλι. ### book 557.1.3 τοῖοι γὰρ παιδὸς πτηνοὶ πόδες, οὐδ’ ἂν ἐκείνῳ ### book 557.1.4 οὐδ’ αὐτὸς Περσεὺς νῶτον ἔδειξε θέων· ### book 557.5 ἢ γὰρ ἐφ’ ὑσπλήγων ἢ τέρματος εἶδέ τις ἄκρου ### book 557 ἠίθεον, μέσσῳ δ’ οὔποτ’ ἐνὶ σταδίῳ. ### book 558.1.1 Ὁ τράγος ὁ Κλήσωνος ὅλαν διὰ πάννυχον ὄρφναν ### book 558.1.2 αἶγας ἀκοιμάτους θῆκε φριμασσόμενος— ### book 558.1.3 ὀδμὰ γάρ μιν ἔτυψε λύκου χιμαροσφακτῆρος ### book 558.1.4 τηλόθε πετραίαν αὖλιν ἀνερχομένου— ### book 558.5.1 μέσφα κύνες κοίτας ἀνεγέρμονες ἐπτοίασαν ### book 558.5.2 θῆρα μέγαν· τραγίνους δ’ ὕπνος ἔμυσε κόρας. ### book 559.1.1 Πλοῦς μοι ἐπ’ Ἰταλίην ἐντύνεται· ἐς γὰρ ἑταίρους ### book 559.1.2 στέλλομαι, ὧν ἤδη δηρὸν ἄπειμι χρόνον. ### book 559.1.3 διφέω δ’ ἡγητῆρα „περίπλοον“, ὅς μ’ ἐπὶ νήσους ### book 559.1.4 Κυκλάδας ἀρχαίην τ’ ἄξει ἐπὶ Σχερίην· ### book 559.5.1 σύν τί μοι ἀλλά, Μένιππε, λάβευ, φίλος, ἵστορα κύκλον ### book 559.5.2 γράψας, ὦ πάσης ἴδρι γεωγραφίης. ### book 560.1.1 Ῥιγηλὴ πασῶν ἔνοσι χθονός, εἴτε σε πόντου, ### book 560.1.2 εἴτ’ ἀνέμων αἴρει ῥεῦμα τινασσόμενον, ### book 560.1.3 οἰκία μοι ῥύευ νεοτευχέα· δεῖμα γὰρ οὔπω ### book 560 ἄλλο τόσον γαίης οἶδ’ ἐλελιζομένης. ### book 561.1.1 Τίς σε πάγος δυσέρημος ἀνήλιος ἐξέθρεψεν ### book 561.1.2 Βορραίου Σκυθίης ἄμπελον ἀγριάδα ### book 561.1.3 ἢ Κελτῶν νιφοβλῆτες ἀεὶ κρυμώδεες Ἄλπεις ### book 561.1.4 τῆς τε σιδηροτόκου βῶλος Ἰβηριάδος; ### book 561.5.1 ἣ τοὺς ὀμφακόραγας ἐγείναο, τοὺς ἀπεπάντους ### book 561.5.2 βότρυας, οἳ στυφελὴν ἐξέχεον σταγόνα. ### book 561.5.3 δίζημαι, Λυκόεργε, τεὰς χέρας, ὡς ἀπὸ ῥίζης ### book 561.5.4 κλήματος ὠμοτόκου βλαστὸν ὅλον θερίσῃς. ### book 562.1.1 Ψιττακὸς ὁ βροτόγηρυς ἀφεὶς λυγοτευχέα κύρτον ### book 562.1.2 ἤλυθεν ἐς δρυμοὺς ἀνθοφυεῖ πτέρυγι· ### book 562.1.3 αἰεὶ δ’ ἐκμελετῶν ἀσπάσμασι Καίσαρα κλεινὸν ### book 562.1.4 οὐδ’ ἀν’ ὄρη λήθην ἤγαγεν οὐνόματος· ### book 562.5.1 ἔδραμε δ’ ὠκυδίδακτος ἅπας οἰωνὸς ἐρίζων, ### book 562.5.2 τίς φθῆναι δύναται δαίμονι „χαῖρ’“ ἐνέπειν. ### book 562.5.3 Ὀρφεὺς θῆρας ἔπεισεν ἐν οὔρεσι· ναὶ δὲ σέ, Καῖσαρ, ### book 562.5.4 νῦν ἀκέλευστος ἅπας ὄρνις ἀνακρέκεται. ### book 563.1.1 Τὸν φιλοπωριστὴν Δημόκριτον ἤν που ἐφεύρῃς, ### book 563.1.2 ὤνθρωπ’, ἄγγειλον τοῦτο τὸ κοῦφον ἔπος, ### book 563.1.3 ὡς ἡ λευκοόπωρος ἐγὼ καὶ ἐφώριος ἤδη ### book 563.1.4 κείνῳ συκοφορῶ τὰς ἀπύρους ἀκόλους· ### book 563.5 σπευσάτω, οὐκ ὀχυρὴν γὰρ ἔχω στάσιν, εἴπερ ὀπώρην ### book 563 ἀβλήτου χρῄζει δρέψαι ἀπ’ ἀκρεμόνος. ### book 564.1.1 Αἰόλον ἱμεροθαλὲς ἔαρ φαίνουσα, μέλισσα ### book 564.1.2 ξουθά, ἐφ’ ὡραίοις ἄνθεσι μαινομένα, ### book 564.1.3 χῶρον ἐφ’ ἡδύπνοον πωτωμένα, ἔργα τίθευ σύ, ### book 564.1.4 ὄφρα τεὸς πλήθῃ κηροπαγὴς θάλαμος. ### book 565.1.1 Ἦλθε Θεαίτητος καθαρὴν ὁδόν· εἰ δ’ ἐπὶ κισσὸν ### book 565.1.2 τὸν τεὸν οὐχ αὕτη, Βάκχε, κέλευθος ἄγει, ### book 565.1.3 ἄλλων μὲν κήρυκες ἐπὶ βραχὺν οὔνομα καιρὸν ### book 565.1.4 φθέγξονται, κείνου δ’ Ἑλλὰς ἀεὶ σοφίην. ### book 566.1.1 Μικρή τις, Διόνυσε, καλὰ πρήσσοντι ποιητῇ ### book 566.1.2 ῥῆσις· ὁ μὲν „Νικῶ“ φησὶ τὸ μακρότατον· ### book 566.1.3 ᾧ δὲ σὺ μὴ πνεύσῃς ἐνδέξιος, ἤν τις ἔρηται ### book 566.1.4 „Πῶς ἔβαλες;“ φησί· „Σκληρὰ τὰ γιγνόμενα.“ ### book 566.5 τῷ μερμηρίξαντι τὰ μὴ ἔνδικα τοῦτο γένοιτο ### book 566 τοὖπος· ἐμοὶ δ’, ὦναξ, ἡ βραχυσυλλαβίη. ### book 567.1.1 Ἡ καὶ ἔτ’ ἐκ βρέφεος κοιμωμένη Ἀντιοδημὶς ### book 567.1.2 πορφυρέων, Παφίης νοσσίς, ἐπὶ κροκύδων, ### book 567.1.3 ἡ τακεραῖς λεύσσουσα κόραις μαλακώτερον ὕπνου, ### book 567.1.4 Λύσιδος ἀλκυονίς, τερπνὸν ἄθυρμα Μέθης, ### book 567.5.1 ὑδατίνους φορέουσα βραχίονας, ἣ μόνη ὀστοῦν ### book 567.5.2 οὐ λάχεν—ἦν γὰρ ὅλη τοὐν ταλάροισι γάλα—, ### book 567.5.3 Ἰταλίην ἤμειψεν, ἵνα πτολέμοιο καὶ αἰχμῆς ### book 567.5.4 ἀμπαύσῃ Ῥώμην μαλθακίνῃ χάριτι. ### book 568.1.1 Αὖλιν Ἀρισταγόρεω καὶ κτήματα μυρίος ἀρθείς, ### book 568.1.2 Νεῖλε, μετ’ εἰκαίης ἐξεφόρησας ὁδοῦ. ### book 568.1.3 αὐτὸς δ’ οἰκείης ὁ γέρων ἐπενήξατο βώλου ### book 568.1.4 ναυηγὸς πάσης ἐλπίδος ὀλλυμένης ### book 568.5.1 γείτονος ἡμίθραυστον ἐπ’ αὔλιον· „Ὦ πολύς,“ εἴπας, ### book 568.5.2 „μόχθος ἐμὸς πολιῆς τ’ ἔργα περισσὰ χερός, ### book 568.5.3 ὕδωρ πᾶν ἐγένεσθε· τὸ δὲ γλυκὺ τοῦτο γεωργοῖς ### book 568.5.4 κῦμ’ ἐπ’ Ἀρισταγόρην ἔδραμε πικρότατον.“ ### book 569.1.1 Ἤδη γάρ ποτ’ ἐγὼ γενόμην κοῦρός τε κόρη τε ### book 569.1.2 θάμνος τ’ οἰωνός τε καὶ ἐξ ἁλὸς ἔμπυρος ἰχθῦς ... ### book 569.1.3 Ὦ φίλοι, οἳ μέγα ἄστυ κατὰ ξανθοῦ Ἀκράγαντος ### book 569.1.4 ναίετ’ ἀν’ ἄκρα πόλιος, ἀγαθῶν μελεδήμονες ἔργων, ### book 569.5.1 χαίρετ’· ἐγὼ δ’ ὔμμιν θεὸς ἄμβροτος, οὐκέτι θνητὸς ### book 569.5.2 πωλεῦμαι μετὰ πᾶσι τετιμένος, ὥσπερ ἔοικεν, ### book 569 ταινίαις τε περίστεπτος στέφεσίν τε θαλείοις. ### book 570.1.1 Ξανθὼ κηρόπλαστε, μυρόχροε, μουσοπρόσωπε, ### book 570.1.2 εὔλαλε, διπτερύγων καλὸν ἄγαλμα Πόθων, ### book 570.1.3 ψῆλόν μοι χερσὶ δροσιναῖς μύρον· „Ἐν μονοκλίνῳ ### book 570.1.4 δεῖ με λιθοδμήτῳ δή ποτε πετριδίῳ ### book 570.5.1 εὕδειν ἀθανάτως πουλὺν χρόνον.“ ᾆδε πάλιν μοι, ### book 570.5.2 Ξανθάριον, ναὶ ναί, τὸ γλυκὺ τοῦτο μέλος. ### book 570.5.3 οὐκ ἀίεις, ὤνθρωφ’, ὁ τοκογλύφος; ἐν μονοκλίνῳ ### book 570.5.4 δεῖ σὲ βιοῦν αἰεί, δύσμορε, πετριδίῳ. ### book 571.1 Ἔκλαγεν ἐκ Θηβῶν μέγα Πίνδαρος· ἔπνεε τερπνὰ ### book 571.2 ἡδυμελεῖ φθόγγῳ μοῦσα Σιμωνίδεω· ### book 571.3 λάμπει Στησίχορός τε καὶ Ἴβυκος· ἦν γλυκὺς Ἀλκμάν· ### book 571.4 λαρὰ δ’ ἀπὸ στομάτων φθέγξατο Βακχυλίδης· ### book 571.5.1 Πειθὼ Ἀνακρείοντι συνέσπετο· ποικίλα δ’ αὐδᾷ ### book 571.5.2 Ἀλκαῖος, κύκνος Λέσβιος, Αἰολίδι. ### book 571.5.3 ἀνδρῶν δ’ οὐκ ἐνάτη Σαπφὼ πέλεν, ἀλλ’ ἐρατειναῖς ### book 571.5.4 ἐν Μούσαις δεκάτη Μοῦσα καταγράφεται. ### book 572.1.1 „Μουσάων Ἑλικωνιάδων ἀρχώμεθ’ ἀείδειν,“ ### book 572.1.2 ἔγραφε ποιμαίνων, ὡς λόγος, Ἡσίοδος. ### book 572.1.3 „Μῆνιν ἄειδε, θεά,“ καὶ „Ἄνδρα μοι ἔννεπε, Μοῦσα,“ ### book 572.1.4 εἶπεν Ὁμηρείῳ Καλλιόπη στόματι. ### book 572.5.1 κἀμὲ δὲ δεῖ γράψαι τι προοίμιον. ἀλλὰ τί γράψω ### book 572.5.2 δεύτερον ἐκδιδόναι βιβλίον ἀρχόμενος; ### book 572.5.3 „Μοῦσαι Ὀλυμπιάδες, κοῦραι Διός, οὐκ ἂν ἐσώθην, ### book 572 εἰ μή μοι Καῖσαρ χαλκὸν ἔδωκε Νέρων.“ ### book 573.1.1 Μὴ σύ γ’ ἐπ’ ἀλλοτρίης, ὤνθρωφ’, ἵζοιο τραπέζης ### book 573.1.2 ψωμὸν ὀνείδειον γαστρὶ χαριζόμενος, ### book 573.1.3 ἄλλοτε μὲν κλαίοντι καὶ ἐστυγνωμένῳ ὄμμα ### book 573.1.4 συγκλαίων καὖθις σὺν γελόωντι γελῶν, ### book 573.5.1 οὔτε σύ γε κλαυθμοῦ κεχρημένος οὔτε γέλωτος ### book 573.5.2 καὶ κλαιωμιλίη καὶ γελοωμιλίη. ### book 574.1 Ἡμάξευσα καὶ αὐτὸς ὁ τρισδύστηνος Ἄναξις ### book 574.2 τοῦτον δύσζῳον κοὐ βίοτον βίοτον. ### book 574.3 οὐ μὴν πολλὸν ἐπὶ χρόνον ἤλασα· λὰξ δὲ πατήσας ### book 574.4 λυσσώδη ζωὴν ἤλυθον εἰς Ἀίδεω. ### book 575.1.1 Οὐρανὸς ἄστρα τάχιον ἀποσβέσει ἢ τάχα νυκτὸς ### book 575.1.2 ἠέλιος φαιδρὴν ὄψιν ἀπεργάσεται ### book 575.1.3 καὶ γλυκὺ νᾶμα θάλασσα βροτοῖς ἀρυτήσιμον ἕξει ### book 575.1.4 καὶ νέκυς εἰς ζωῶν χῶρον ἀναδράμεται, ### book 575.5 ἤ ποτε Μαιονίδαο βαθυκλεὲς οὔνομ’ Ὁμήρου ### book 575 λήθη γηραλέων ἁρπάσεται σελίδων. ### book 576.1.1 Παρθένε Τριτογένεια, τί τὴν Κύπριν ἄρτι με λυπεῖς, ### book 576.1.2 ἁρπάξασα δ’ ἐμὸν δῶρον ἔχεις παλάμῃ; ### book 576.1.3 μέμνησαι, τὸ πάροιθεν ἐν Ἰδαίοις σκοπέλοισιν ### book 576.1.4 ὡς Πάρις οὐ σὲ καλήν, ἀλλ’ ἔμ’ ἐδογμάτισεν. ### book 576.5.1 σὸν δόρυ καὶ σάκος ἐστίν· ἐμὸν δὲ τὸ μῆλον ὑπάρχει· ### book 576.5.2 ἀρκεῖ τῷ μήλῳ κεῖνος ὁ πρὶν πόλεμος. ### book 577.1.1 Οἶδ’, ὅτι θνατὸς ἐγὼ καὶ ἐφάμερος· ἀλλ’ ὅταν ἄστρων ### book 577.1.2 μαστεύω πυκινὰς ἀμφιδρόμους ἕλικας, ### book 577.1.3 οὐκέτ’ ἐπιψαύω γαίης ποσίν, ἀλλὰ παρ’ αὐτῷ ### book 577.1.4 Ζανὶ θεοτρεφέος πίμπλαμαι ἀμβροσίης. ### book 578.1.1 Ὧν ἥδε βίβλος ἔνδον ὠδίνω, φίλε, ### book 578.1.2 βαθὺς χαρακτὴρ καὶ περισκελὴς ἄγαν· ### book 578.1.3 δεῖται κολυμβητοῦ δὲ πάντως Δηλίου. ### book 578.1.4 εἰ δ’ αὖ κυβιστήσει τις εἰς ἐμοὺς μυχοὺς ### book 578.5.1 καὶ πᾶν μεταλλεύσειεν ἀκριβῶς βάθος, ### book 578.5.2 γεωμετρῶν τὰ πρῶτα λήψεται γέρα, ### book 578.5.3 σοφὸς δ’ ἀναμφίλεκτος εἰσκριθήσεται. ### book 578 τούτων δὲ μάρτυς ἐγγυητής τε Πλάτων. ### book 579.1.1 Σχῆμα παλαιοτάτων ἀνδρῶν κηρύκιον ἄθρει, ### book 579.1.2 Θρινακίης οἰκιστὰ Κορίνθιε, ὅς ποτ’ ἔπινες ### book 579.1.3 ἀμφιβόητα ῥέεθρα Συρηκοσίης Ἀρεθούσης. ### book 580.1 Μὴν ὑπάτων πρῶτος. ὁ δὲ δεύτερος αὔλακα τέμνει. ### book 580.2 ὁ τρίτος Αὐσονίων γενεὴν ἐπὶ μῶλον ἐγείρει. ### book 580.3 τέτρατος ἀγγέλλει ῥοδοδάκτυλον εἴαρος ὥρην. ### book 580.4 εἰμὶ ῥόδων γενέτης. καὶ ἐγὼ κρίνα λευκὰ κομίζω. ### book 580.5.1 οὗτος ἀμαλλοδέτης. τὰ δ’ ἐμὰ πτερὰ Νεῖλον ἐγείρει. ### book 580.5.2 οὗτος ἐρισταφύλῳ πεφιλημένος ἔπλετο Βάκχῳ. ### book 580.5.3 τεύχω δ’ οἶνον ἐγὼ μελιηδέα, χάρμα βροτοῖσι. ### book 580.5.4 δαῖτα φέρω χαρίεσσαν ἐς οὔνομα φωτὸς ἑκάστου. ### book 580.5.5 φορμίζειν δεδάηκα καὶ ὑπνώοντας ἐγείρειν. ### book 581.1 Τοξότα, Πιερίδων μεδέων, ἑκατηβόλε Φοῖβε, ### book 581.2 εἰπὲ κασιγνήτῃ, κρατεροὺς ἵνα θῆρας ἐγείρῃ, ### book 581.3 ὅσσον ἐπιψαῦσαι μερόπων δέμας, ὅσσον ἀῦσαι ### book 581.4 λαῶν τερπομένων ἱερὸν στόμα, μηδὲ νοήσω ### book 581.5 Ζηνὸς Μειλιχίοιο λαχὼν θρόνον ἀνέρος οἶτον. ### book 582.1 Ἀρμενίων τάδε φῦλα καὶ ἄλκιμον ἔθνος Ἰβήρων ### book 582.2 Χριστοῦ ζῆλον ἔχοντες ἑκούσιον ἐς ζυγὸν ἦλθον ### book 582 θεσμῷ ὑποδρήσσοντες ἀνικήτων βασιλήων. ### book 583.1 Ὦ φίλος, εἰ σοφὸς εἶ, λάβε μ’ ἐς χέρας· εἰ δέ γε πάμπαν ### book 583.2 νῆις ἔφυς Μουσέων, ῥῖψον, ἃ μὴ νοέεις. ### book 583.3 εἰμὶ γὰρ οὐ πάντεσσι βατός, παῦροι δ’ ἀγάσαντο ### book 583.4 Θουκυδίδην Ὀλόρου, Κεκροπίδην τὸ γένος. ### book 584.1 Εὔνομον, ὤπολλον, σὺ μὲν οἶσθά με, πῶς ποτ’ ἐνίκων ### book 584.2 Σπάρτιν ὁ Λοκρὸς ἐγώ· πευθομένοις δ’ ἐνέπω. ### book 584.3 αἰόλον ἐν κιθάρᾳ νόμον ἔκρεκον· ἐν δὲ μεσεύσᾳ ### book 584.4 ᾠδᾷ μοι χορδὰν πλᾶκτρον ἀπεκρέμασεν. ### book 584.5.1 καί μοι φθόγγον ἑτοῖμον ὁπανίκα καιρὸς ἀπῄτει, ### book 584.5.2 εἰς ἀκοὰς ῥυθμῶν τὠτρεκὲς οὐκ ἔνεμεν· ### book 584.5.3 καί τις ἀπ’ αὐτομάτω κιθάρας ἐπὶ πῆχυν ἐπιπτὰς ### book 584.5.4 τέττιξ ἐπλήρου τοὐλλιπὲς ἁρμονίας. ### book 584.5.5 νεῦρα γὰρ ἓξ ἐτίνασσον· ὅθ’ ἑβδομάτας δὲ μελοίμαν ### book 584.10.1 χορδᾶς, τὰν τούτω γῆρυν ἐκιχράμεθα· ### book 584.10.2 πρὸς γὰρ ἐμὰν μελέταν ὁ μεσαμβρινὸς οὔρεσιν ᾠδὸς ### book 584.10.3 τῆνο τὸ ποιμενικὸν φθέγμα μεθηρμόσατο, ### book 584.10.4 καὶ μὲν ὅτε φθέγγοιτο, σὺν ἀψύχοις τόκα νευραῖς ### book 584.10.5 τῷ μεταβαλλομένῳ συμμετέπιπτε θρόῳ. ### book 584.15 τοὔνεκα συμφώνῳ μὲν ἔχω χάριν· ὃς δὲ τυπωθεὶς ### book 584 χάλκεος ἁμετέρας ἕζεθ’ ὑπὲρ κιθάρας. ### book 585.1 Τέσσαρές εἰσιν Ἔρωτες· ὁ μὲν στέφος ἀμφικαλύπτει ### book 585.2 μητρὸς ἑῆς· ὁ δὲ χεῖλος ἔχει ποτὶ πίδακι μαζοῦ· ### book 585.3 οἱ δὲ δύω παίζουσι παρ’ ἴχνεσιν· εἷμα δὲ κρύπτει ### book 585.4 μηρῷ γείτονα χῶρον ὅλης γυμνῆς Ἀφροδίτης. ### book 586.1.1 Εἰπέ, νομεῦ, τίνος εἰσὶ φυτῶν στίχες; —„Αἱ μὲν ἐλαῖαι ### book 586.1.2 Παλλάδος, αἱ δὲ πέριξ ἡμερίδες Βρομίου.“ — ### book 586.1.3 Καὶ τίνος οἱ στάχυες; —„Δημήτερος.“ —Ἄνθεα ποίων ### book 586.1.4 εἰσὶ θεῶν; —„Ἥρης καὶ ῥοδέης Παφίης.“ — ### book 586.5.1 Πὰν φίλε, πηκτίδα μίμνε τεοῖς ἐπὶ χείλεσι σύρων, ### book 586.5.2 Ἠχὼ γὰρ δήεις τοῖσδ’ ἐνὶ θειλοπέδοις. ### book 587.1.1 Βάκχῳ καὶ Νύμφαις μέσος ἵσταμαι· ἐν δὲ κυπέλλοις ### book 587.1.2 αἰεὶ τόνδε χέω τὸν παραλειπόμενον. ### book 588.1.1 Οἷον ὁρῇς, ὦ ξεῖνε, τὸ χάλκεον εἰκόνι λῆμα ### book 588.1.2 Κλειτομάχου, τοίαν Ἑλλὰς ἐσεῖδε βίαν· ### book 588.1.3 ἄρτι γὰρ αἱματόεντα χερῶν ἀπελύετο πυγμᾶς ### book 588.1.4 ἔντεα καὶ γοργῷ μάρνατο παγκρατίῳ· ### book 588.5.1 τὸ τρίτον οὐκ ἐκόνισεν ἐπωμίδας, ἀλλὰ παλαίσας ### book 588.5.2 ἀπτὼς τοὺς τρισσοὺς Ἰσθμόθεν εἷλε πόνους. ### book 588.5.3 μοῦνος δ’ Ἑλλάνων τόδ’ ἔχει γέρας· ἑπτάπυλοι δὲ ### book 588 Θῆβαι καὶ γενέτωρ ἐστέφεθ’ Ἑρμοκράτης. ### book 589.1 Αὐτὴν μητρυιὴν τεχνήσατο· τοὔνεκα μαζὸν ### book 589.2 εἰς νόθον ὁ πλάστης οὐ προσέθηκε γάλα. ### book 590.1 „Ἡ τέχνη συνάγειρεν, ἃ μὴ φύσις,“ εἶπεν ὁ πλάστης, ### book 590.2 „μῆτερ νόσφι τόκων, νυμφίε νόσφι γάμων.“ ### book 591.1 Ἄρεα καὶ Παφίην ὁ ζωγράφος εἰς μέσον οἴκου ### book 591.2 ἀμφιπεριπλέγδην γέγραφεν ἀμφοτέρους· ### book 591.3 ἐκ θυρίδος δὲ μολὼν Φαέθων πολυπάμφαος αἴγλῃ ### book 591.4 ἔστη ἀμηχανόων ἀμφοτέρους σκοπέων. ### book 591.5.1 Ἠέλιος βαρύμηνις ἕως τίνος; οὐδ’ ἐπὶ κηροῦ ### book 591.5.2 ἤθελεν ἀψύχου τὸν χόλον ἐξελάσαι. ### book 592.1 Ὢ πόσον εὐήθης ὁ ζωγράφος, ὅττι χαράσσει ### book 592.2 κοίρανον εἰρήνης ἀσπίδι τικτόμενον. ### book 593.1 Οἶκτον ὁμοῦ καὶ λύσσαν ἐτήτυμον ἔνθεος ἀνὴρ ### book 593.2 μαρμάρῳ ἐγκατέμιξε, βιαζομένην δ’ ὑπὸ τέχνης ### book 593 λαϊνέην Μήδειαν ὅλης ἔμνησεν ἀνίης. ### book 594.1 Ζωγράφε τὰν μορφὰν ἀπομάξας, αἴθ’ ἐνὶ κηρῷ ### book 594.2 καὶ ψυχὰν ἐδάης Σωκρατικὰν βαλέειν. ### book 595 ... αὐτὸς ἑαυτὸν ἐν εἰκόνι γράψεν Ἀπελλῆς. ### book 595b.1 Ἡ Μήδων ἄδικον παύσας’ ὕβριν ἥδε Σόλωνα ### book 595b.2 τόνδε τεκνοῖ Σαλαμὶς θεσμοθέτην ἱερόν. ### book 596.1 Τόνδε δοριστέφανος Σπάρτα Χείλωνα φύτευσεν, ### book 596.2 ὃς τῶν ἑπτὰ Σοφῶν πρῶτος ἔφυ σοφίᾳ. ### book 597.1.1 Νωθρὸς ἐγὼ τελέθεσκον ἀπ’ ἰξύος ἐς πόδας ἄκρους, ### book 597.1.2 τῆς πρὶν ἐνεργείης δηρὸν ἀτεμβόμενος, ### book 597.1.3 ζωῆς καὶ θανάτοιο μεταίχμιον, Ἄϊδι γείτων, ### book 597.1.4 μοῦνον ἀναπνείων, τἆλλα δὲ πάντα νέκυς. ### book 597.5.1 ἀλλὰ σοφός με Φίλιππος, ὃν ἐν γραφίδεσσι δοκεύεις, ### book 597.5.2 ζώγρησεν κρυερὴν νοῦσον ἀκεσσάμενος· ### book 597.5.3 αὖθις δ’ Ἀντωνῖνος, ἅπερ πάρος, ἐν χθονὶ βαίνω ### book 597 καὶ ποσὶ πεζεύω καὶ ὅλος αἰσθάνομαι. ### book 598.1.1 Τὸν τῶ Ζανὸς ὅδ’ ὗμιν υἱὸν ὡνήρ, ### book 598.1.2 τὸν λειοντομάχαν, τὸν ὀξύχειρα, ### book 598.1.3 πρᾶτος τῶν ἐπάνωθε μουσοποιῶν ### book 598.1.4 Πείσανδρος συνέγραψεν οὑκ Καμίρου, ### book 598.5.1 χὤσσους ἐξεπόνασεν, εἶπ’ ἀέθλους· ### book 598.5.2 τοῦτον δ’ αὐτὸν ὁ δᾶμος, ὡς σάφ’ εἰδῇς, ### book 598.5.3 ἔστας’ ἐνθάδε χάλκεον ποήσας ### book 598.5.4 πολλοῖς μησὶν ὄπισθε κἠνιαυτοῖς. ### book 599.1.1 Θᾶσαι τὸν ἀνδριάντα τοῦτον, ὦ ξένε, ### book 599.1.2 σπουδᾷ καὶ λέγ’, ἐπὰν ἐς οἶκον ἔνθῃς· ### book 599.1.3 „Ἀνακρέοντος εἰκόν’ εἶδον ἐν Τέῳ, ### book 599.1.4 τῶν πρόσθ’ εἴ τι περισσὸν ᾠδοποιοῦ.“ ### book 599.5.1 προσθεὶς δὲ χὤτι τοῖς νέοισιν ἅδετο, ### book 599.5.2 ἐρεῖς ἀτρεκέως ὅλον τὸν ἄνδρα. ### book 600.1.1 Ἅ τε φωνὰ Δώριος χὠνὴρ ὁ τὰν κωμῳδίαν ### book 600.1.2 εὑρών, Ἐπίχαρμος. ### book 600.1.3 ὦ Βάκχε, χάλκεόν νιν ἀντ’ ἀλαθινοῦ ### book 600.1.4 τὶν ὧδ’ ἀνέθηκαν, ### book 600.5.1 τοὶ Συρακούσσαις ἐνίδρυνται, πελωρίστᾳ πόλει, ### book 600.5.2 οἷ, ἀνδρὶ πολίτᾳ, ### book 600.5.3 —σωρὸν γὰρ εἶχε ῥημάτων—μεμναμένοι ### book 600.5.4 τελεῖν ἐπίχειρα· ### book 600.5.5 πολλὰ γὰρ ποττὰν ζόαν τοῖς πᾶσιν εἶπε χρήσιμα· ### book 600.10 μεγάλα χάρις αὐτῷ. ### book 601.1 Τὸ ξόανον τὸ περισσὸν Ἀεξιμένης Ἀφροδίτᾳ ### book 601.2 εἵσατο, τῆς πάσης ναυτιλίης φυλακᾷ. ### book 601.3 χαῖρ’, ὦ πότνια Κύπρι, διδοῦσα δὲ κέρδεα, πλοῦτον ### book 601.4 ἄρμενον, εἰδήσεις, ναῦς ὅτι κοινότατον. ### book 602.1.1 Ἅ ποτε παρθενικαῖσιν ἱλασκομένα παλάμῃσιν ### book 602.1.2 Κύπριδα, σὺν πεύκαις καὶ γάμον εὐξαμένα, ### book 602.1.3 κουριδίους ἤδη θαλάμων λύσασα χιτῶνας, ### book 602.1.4 ἀνδρὸς ἄφαρ μηρῶν ἐξελόχευσα τύπους· ### book 602.5.1 νυμφίος ἐκ νύμφης δὲ κικλήσκομαι, ἐκ δ’ 〈Ἀφροδίτασ〉 ### book 602.5.2 Ἄρεα καὶ βωμοὺς ἔστεφον Ἡρακλέους. ### book 602.5.3 Θῆβαι Τειρεσίην ἔλεγόν ποτε, νῦν δ’ ἐμὲ Χαλκὶς ### book 602.5.4 τὴν πάρος ἐν μίτραις ἠσπάσατ’ ἐν χλαμύδι. ### book 603.1.1 Πέντε Διωνύσοιο θεραπνίδες αἵδε Σαώτεω ### book 603.1.2 ἐντύνουσι θοᾶς ἔργα χοροστασίης· ### book 603.1.3 ἁ μὲν ἀερτάζουσα δέμας βλοσυροῖο λέοντος, ### book 603.1.4 ἁ δὲ Λυκαόνιον καλλίκερων ἔλαφον, ### book 603.5.1 ἁ τριτάτα δ’ οἰωνὸν ἐύπτερον, ἁ δὲ τετάρτα ### book 603.5.2 τύμπανον, ἁ πέμπτα χαλκοβαρὲς κρόταλον· ### book 603.5.3 πᾶσαι φοιταλέαι τε παρηόριόν τε νόημα ### book 603 ἐκπλαγέες λύσσᾳ δαίμονος εὐιάδι. ### book 604.1.1 Θαυμαρέτας μορφὰν ὁ πίναξ ἔχει· εὖ γε τὸ γαῦρον ### book 604.1.2 τεῦξε τό θ’ ὡραῖον τᾶς ἀγανοβλεφάρου. ### book 604.1.3 σαίνοι κέν ς’ ἐσιδοῖσα καὶ οἰκοφύλαξ σκυλάκαινα ### book 604.1.4 δέσποιναν μελάθρων οἰομένα ποθορῆν. ### book 605.1.1 Τὸν πίνακα ξανθᾶς Καλλὼ δόμον εἰς Ἀφροδίτας ### book 605.1.2 εἰκόνα γραψαμένα πάντ’ ἀνέθηκεν ἴσαν. ### book 605.1.3 ὡς ἀγανῶς ἕστακεν· ἴδ’, ἁ χάρις ἁλίκον ἀνθεῖ. ### book 605.1.4 χαιρέτω· οὔ τινα γὰρ μέμψιν ἔχει βιοτᾶς. ### book 606.1 Ἣν τὸ πάρος φιλέεσκεν Ἄρης, σκοπίαζε Κυθείρην ### book 606.2 ἐνθάδε λουομένην νάμασι φαιδροτάτοις· ### book 606.3 δέρκεο νηχομένην· μὴ δείδιθι· οὐ γὰρ Ἀθήνην ### book 606.4 παρθένον εἰσοράᾳς, οἷά τε Τειρεσίας. ### book 607.1 Αἱ Χάριτες λούσαντο· ἀμειψάμεναι δὲ λοετρὸν ### book 607.2 δῶκαν ἑῶν ῥεθέων ὕδασιν ἀγλαΐην. ### book 608 Ἢ τοῖον Κυθέρειαν ὕδωρ τέκεν, ἢ Κυθέρεια ### book 608 τοῖον τεῦξεν ὕδωρ, ὃν χρόα λουσαμένη. ### book 609.1 Τῶν Χαρίτων τόδε λουτρὸν ἀθύρματα· καὶ γὰρ ἐκείνας ### book 609.2 μοῦνας ἔσω παίσδειν τὰς Χάριτας δέχεται. ### book 609b.1 Ὄντως δὴ Χαρίτων λουτρὸν τόδε· οὐδὲ γὰρ ἄλλους ### book 609b.2 πλείους χωρῆσαι τοῦτο τριῶν δύναται. ### book 610.1 Μικρὰ μὲν ἔργα τάδ’ ἐστίν, ἔχει δ’ ἡδεῖαν ὀπωπὴν ### book 610.2 ὡς ῥόδον ἐν κήποις, ὡς ἴον ἐν ταλάροις. ### book 611.1 Ἐν μικρῷ μεγάλη λουτρῷ χάρις· ἐν δ’ ἐλαχίστῳ ### book 611.2 νάματι λουομένοις ἡδὺς ἔπεστιν Ἔρως. ### book 612.1 Ὡς κέδρου βραχὺ φύλλον, ἔχει δ’ ἡδεῖαν ὀδωδήν, ### book 612.2 οὕτως λουτρὰ τάδε μικρὰ μέν, ἀλλὰ φίλα. ### book 613 Τῆς Μαρίης τὸ λοετρὸν ἰδὼν ὑπεδάκρυε Μῶμος ### book 613 εἰπών· „Ὡς Μαρίην καὶ σὲ παρερχόμεθα.“ ### book 614.1.1 Μὴ νεμέσα, Ζεύξιππε, παραντέλλοντι λοετρῷ· ### book 614.1.2 καὶ μεγάλην παρ’ Ἅμαξαν Ἐρωτύλος ἡδὺ φαείνει. ### book 615.1 Χῶρος, τίς μερόπων σε λιπαυγέα τὸ πρὶν ἐόντα ### book 615.2 πλούσιον ἐν φέγγει θήκατο λουομένοις; ### book 615.3 τίς δὲ καὶ αἰθαλόεντι ῥύπῳ πεπαλαγμένον ἄρτι ### book 615.4 κεῖνον ἀιστώσας φαιδρὸν ἔδειξε δόμον; ### book 615.5.1 φρὴν σοφὴ ὡς πᾶσιν Θεοδωριάς, ὣς ἐτεὸν δὴ ### book 615.5.2 κἀν τούτῳ καθαρὴν δεικνυμένου κραδίην· ### book 615.5.3 ὃς γὰρ ἐὼν πόλιος κτεάνων ταμίης τε πατήρ τε ### book 615.5.4 κέρδεσιν ἐξ αὐτῶν οὐκ ἐμίηνε χέρας. ### book 615.5.5 ἀλλὰ θεὸς φιλόπατριν, ἐρισθενὲς ἄφθιτε Χριστέ, ### book 615.10 πήματος αὐτὸν ἄτερ σῷζε τεῇ παλάμῃ. ### book 616.1 Ἐνθάδε λουσαμένων Χαρίτων ποτὲ θέσκελα πέπλα ### book 616.2 βαιὸς Ἔρως ἔκλεψε καὶ ᾤχετο· τὰς δ’ ἔλιπ’ αὐτοῦ ### book 616.3 γυμνὰς αἰδομένας θυρέων ἔκτοσθε φανῆναι. ### book 617.1 Τὸν ποταμόν, βαλανεῦ, τίς ἐτείχισε; τίς βαλανεῖον ### book 617.2 τὴν κρήνην ψευδῶς τήνδε μετωνόμασεν; ### book 617.3 Αἰόλος Ἱπποτάδης φίλος ἀθανάτοισι θεοῖσιν ### book 617.4 ὧδε μετοικήσας ἤγαγε τοὺς ἀνέμους. ### book 617.5.1 πρὸς τί δὲ καὶ σανίδες δύο τοῖς ποσὶν αἵδ’ ὑπόκεινται; ### book 617.5.2 οὐ διὰ τὴν θέρμην, τῆς χιόνος δ’ ἕνεκα. ### book 617.5.3 Φρίξου καὶ Νάρκης οὗτος τόπος. ἀλλ’ ἐπίγραψον· ### book 617 „Τῷ Μεσορὶ λοῦσαι· πνεῖ γὰρ ἔσω Βορέας.“ ### book 618.1 Λωτὸν ἐρεπτομένους προτέρων οὐ ψεύσατο μῦθος· ### book 618.2 πίστιν ἀληθείης τοῦτο τὸ λουτρὸν ἔχει. ### book 618.3 εἰ γὰρ ἅπαξ καθαροῖσι λοέσσεται ὕδασιν ἀνήρ, ### book 618.4 οὐ ποθέει πάτρην, οὐκ ἐθέλει γενέτας. ### book 619.1.1 Νῦν ἔγνων, Κυθέρεια, πόθεν νίκησας ἀγῶνα ### book 619.1.2 τὴν πρὶν Ἀλεξάνδρου ψῆφον ὑφαρπαμένη. ### book 619.1.3 ἐνθάδε γὰρ τέγγουσα τεὸν δέμας εὗρες ἐλέγξαι ### book 619.1.4 Ἥρην Ἰναχίοις χεύμασι λουσαμένην. ### book 619.5.1 νίκησεν τὸ λοετρόν· ἔοικε δὲ τοῦτο βοώσῃ ### book 619.5.2 Παλλάς· „Ἐνικήθην ὕδασιν, οὐ Παφίῃ.“ ### book 620.1.1 Ἄγχι μὲν ἐλπὶς ἔρωτος, ἑλεῖν δ’ οὐκ ἔστι γυναῖκας· ### book 620.1.2 εἶρξε πυλὶς Παφίην τὴν μεγάλην ὀλίγη. ### book 620.1.3 ἀλλ’ ἔμπης γλυκὺ τοῦτο· ποθοβλήτοις γὰρ ἐπ’ ἔργοις ### book 620.1.4 ἐλπὶς ἀληθείης ἐστὶ μελιχροτέρη. ### book 621.1.1 Ὅσσαις θηλυτέραις ἐστὶν πόθος (ἔστι δὲ πάσαις), ### book 621.1.2 δεῦρ’ ἴτε φαιδροτέρης τευξόμεναι χάριτος. ### book 621.1.3 χἠ μὲν ἔχουσα πόσιν, τέρψει πόσιν· ἡ δ’ ἔτι κούρη ### book 621.1.4 ὀτρυνέει πλείστους ἕδνα πορεῖν λεχέων· ### book 621.5 ἡ δὲ φέρουσα πόρους ἀπὸ σώματος ἑσμὸν ἐραστῶν ### book 621 ἕξει ἐπὶ προθύροις ἐνθάδε λουσαμένη. ### book 622.1 Εἴτε σε κουριδίης ἀλόχου γλυκὺς ἵμερος ἴσχει, ### book 622.2 λούεο φαιδρότερος τῇδε φανησόμενος· ### book 622.3 εἴτε σε μισθοφόρους ἐπὶ μαχλάδας οἶστρος ὀρίνει, ### book 622.4 λήψῃ κοὐ δώσεις ἐνθάδε λουσάμενος. ### book 623.1.1 Κύπρις σὺν Χαρίτεσσι καὶ υἱέι χρυσοβελέμνῳ ### book 623.1.2 ἐνθάδε λουσαμένη μισθὸν ἔδωκε χάριν. ### book 624.1.1 Δείματό με ξυνοῖο παρὰ προθύροισι λοετροῦ ### book 624.1.2 ἀστὸς ἀνὴρ ἀρετῆς εἵνεκεν, οὐκ ἔριδος. ### book 624.1.3 κεῖνο μέλοι πλεόνεσσιν, ἐγὼ δ’ ὀλίγοις τε φίλοις τε ### book 624.1.4 ἐντύνω προχοὰς καὶ μύρα καὶ χάριτας. ### book 625.1.1 Πιστότατος μερόπων τις ἔοι πυλαωρὸς ἐμεῖο ### book 625.1.2 κρίνων λουομένων καιρὸν ἐσηλυσίης, ### book 625.1.3 μή τινα Νηιάδων τις ἐμοῖς ἐνὶ χεύμασι γυμνὴν ### book 625.1.4 ἢ μετὰ καλλικόμων Κύπριν ἴδοι Χαρίτων ### book 625.5 οὐκ ἐθέλων· „Χαλεποὶ δὲ θεοὶ φαίνεσθαι ἐναργεῖς.“ ### book 625 τίς γὰρ Ὁμηρείοις ἀντιφέροιτο λόγοις; ### book 626.1.1 Μητέρα Κύπριν ἔλουσεν Ἔρως ποτὲ τῷδε λοετρῷ ### book 626.1.2 αὐτὸς ὑποφλέξας λαμπάδι καλὸν ὕδωρ. ### book 626.1.3 ἱδρὼς δ’ ἀμβροσίοιο χυθεὶς χροὸς ἄμμιγα λευκοῖς ### book 626.1.4 ὕδασι, φεῦ, πνοιῆς ὅσσον ἀνῆψεν ἔαρ· ### book 626.5.1 ἔνθεν ἀεὶ ῥοδόεσσαν ἀναζείουσιν ἀυτμὴν ### book 626.5.2 ὡς ἔτι τῆς χρυσῆς λουομένης Παφίης. ### book 627.1.1 Τᾷδ’ ὑπὸ τὰς πλατάνους ἁπαλῷ τετρυμένος ὕπνῳ ### book 627.1.2 εὗδεν Ἔρως Νύμφαις λαμπάδα παρθέμενος. ### book 627.1.3 Νύμφαι δ’ ἀλλήλῃσι· „Τί μέλλομεν; αἴθε δὲ τούτῳ ### book 627.1.4 σβέσσομεν,“ εἶπον, „ὁμοῦ πῦρ κραδίης μερόπων.“ ### book 627.5.1 λαμπὰς δ’ ὡς ἔφλεξε καὶ ὕδατα, θερμὸν ἐκεῖθεν ### book 627.5.2 Νύμφαι Ἐρωτιάδες λουτροχοεῦσιν ὕδωρ. ### book 628.1.1 Ἵππον ἐυρρείτην χρονίῃ μάστιγι δαμέντα ### book 628.1.2 χρυσείῳ πολύολβος ἄναξ ἤγειρε χαλινῷ. ### book 629.1 Αἴθε σέ, Πίνδαρε, μᾶλλον ἐμοῖς ἐκάθηρα ῥεέθροις, ### book 629 καί κεν ἄριστον ὕδωρ τοὐμὸν ἔφησθα μόνον. ### book 630.1.1 Θερμὰ τάδ’ ἀτρεκέως βασιλήια· τήνδε γὰρ αὐτοῖς ### book 630.1.2 οἱ πρὶν ἀγασσάμενοι θῆκαν ἐπωνυμίην. ### book 630.1.3 οὐ γὰρ ὑπὸ βροτέῳ πυρὶ θάλπεται ἀγλαὸν ὕδωρ, ### book 630.1.4 αὐτομάτη δὲ λιβὰς τίκτεται αἰθομένη· ### book 630.5.1 οὐδὲ ῥόου ψυχροῦ ποτιδεύεαι ἀμφὶ λοετρά, ### book 630.5.2 ἀλλ’ οἷον ποθέεις, τοῖον ὑπεκφέρεται. ### book 631.1.1 Χῶρος ἐγὼ Δαναοῖς μεμελημένος, ἔνθα μολόντες ### book 631.1.2 τῆς Ποδαλειρείης ἐξελάθοντο τέχνης. ### book 631.1.3 ἕλκεα γὰρ μετὰ δῆριν ἐμοῖς ἀκέσαντο ῥεέθροις ### book 631.1.4 βαρβαρικῆς λόγχης ἰὸν ἀπωσάμενοι. ### book 631.5.1 ἔνθεν ἀεξήθην ὀροφηφόρος, ἀντὶ δὲ τιμῆς ### book 631.5.2 τὴν Ἀγαμεμνονέην εὗρον ἐπωνυμίην. ### book 632.1 Χθὼν μυχάτων γυάλων κοιλώμασιν ἀέναον πῦρ ### book 632.2 ἔστ’ ἂν ἔχῃ, φλοξὶν δὲ περιζείῃ κρυφίαισιν, ### book 632.3 ἀτμὸς ἄνω βαίνων εἰς αἰθέρα θερμὸς ἔνερθεν ### book 632.4 θλιβόμενος πυριθαλπὲς ἐρεύγεται ἰκμάσιν ὕδωρ. ### book 633.1.1 Ἥρῃ καὶ Παφίῃ καὶ Παλλάδι τοῦτο λοετρὸν ### book 633.1.2 ὥς ποτε τὸ χρυσοῦν ἤρεσε μῆλον ἔχειν· ### book 633.1.3 καὶ τάχα τῆς μορφῆς κρίσις ἔσσεται οὐ Πάρις αὐταῖς, ### book 633 εἰκὼν δ’ ἀργυφέοις νάμασι δεικνυμένη. ### book 634.1.1 Ὤμοσαν αἱ Χάριτες φερεαυγέα κοίρανον αἴγλης ### book 634.1.2 ἐνθάδε ναιετάειν ἢ παρὰ τῇ Παφίῃ. ### book 635.1 Δάφνης εὐπετάλοιο φερώνυμόν ἐστι λοετρόν. ### book 636.1.1 Τοῦτο ἰδὼν τὸ λοετρὸν ὁ πάνσοφος εἶπεν Ὅμηρος· ### book 636.1.2 „Νηπενθές τ’ ἄχολόν τε, κακῶν ἐπίληθον ἁπάντων.“ ### book 637.1.1 Ἐνθάδε λουσαμένη δέμας ἄμβροτον αὐτίκα Κύπρις ### book 637.1.2 δεῖξεν Ἀλεξάνδρῳ καὶ ἀέθλιον ἥρπασε μῆλον. ### book 638.1.1 Αἱ τρεῖς Ὀρχομενοῦ Χάριτες τὸ λοετρὸν ἔτευξαν· ### book 638.1.2 τοὔνεκα χωρῆσαι τέσσαρας οὐ δύναται. ### book 639.1.1 Κύπρις, Ἔρως, Χάριτες, Νύμφαι, Διόνυσος, Ἀπόλλων ### book 639.1.2 ὤμοσαν ἀλλήλοις ἐνθάδε ναιετάειν. ### book 640.1 Ἀθάνατοι λούονται ἀνοιγομένου βαλανείου, ### book 640 πέμπτῃ δ’ ἡμίθεοι, μετέπειτα δὲ πήματα πάντα. ### book 641.1.1 Καὶ σὺ μεθ’ Ἑσπερίην ὑψαύχενα καὶ μετὰ Μήδων ### book 641.1.2 ἔθνεα καὶ πᾶσαν βαρβαρικὴν ἀγέλην, ### book 641.1.3 Σαγγάριε, κρατερῇσι ῥοὰς ἀψῖσι πεδηθεὶς ### book 641.1.4 οὕτω ἐδουλώθης κοιρανικῇ παλάμῃ· ### book 641.5.1 ὁ πρὶν δὲ σκαφέεσσιν ἀνέμβατος, ὁ πρὶν ἀτειρὴς ### book 641.5.2 κεῖσαι λαϊνέῃ σφιγκτὸς ἀλυκτοπέδῃ. ### book 642.1.1 Πᾶν τὸ βροτῶν σπατάλημα καὶ ἡ πολύολβος ἐδωδὴ ### book 642.1.2 ἐνθάδε κρινομένη τὴν πρὶν ὄλεσσε χάριν. ### book 642.1.3 οἱ γὰρ φασιανοί τε καὶ ἰχθύες αἵ θ’ ὑπὲρ ἴγδιν ### book 642.1.4 τρίψιες ἥ τε τόση βρωματομιξαπάτη ### book 642.5.1 γίνεται ἐνθάδε κόπρος· ἀποσσεύει δ’ ἄρα γαστήρ, ### book 642.5.2 ὁππόσα πειναλέη δέξατο λαυκανίη. ### book 642.5.3 ὀψὲ δὲ γινώσκει τις, ὅτ’ ἄφρονα μῆτιν ἀείρων ### book 642.5.4 χρυσοῦ τοσσατίου τὴν κόνιν ἐπρίατο. ### book 643.1.1 Τί στενάχεις κεφαλὴν κεκακωμένος; ἐς τί δὲ πικρὰ ### book 643.1.2 οἰμώζεις μελέων πάγχυ βαρυνομένων; ### book 643.1.3 ἐς τί δὲ γαστέρα σεῖο ῥαπίσμασιν ἀμφιπατάσσεις, ### book 643.1.4 ἐκθλίψαι δοκέων μάστακος ἐργασίην; ### book 643.5.1 μόχθων τοσσατίων οὔ σοι χρέος, εἰ παρὰ δαιτὶ ### book 643.5.2 μὴ τοῦ ἀναγκαίου πουλὺ παρεξετάθης. ### book 643.5.3 ἀλλ’ ἐπὶ μὲν στιβάδος φρονέεις μέγα καὶ στόμα τέρπεις ### book 643.5.4 βρώμασιν εὐτυχίην κεῖνα λογιζόμενος· ### book 643.5.5 ἐνθάδε δ’ ἀσχάλλεις, μούνη δ’ ἀλιτήματα λαιμοῦ ### book 643.10 ἡ γαστὴρ τίνει πολλάκι τυπτομένη. ### book 644.1.1 Εὖγε, μάκαρ τλήθυμε γεωπόνε· σοὶ βίος αἰεί, ### book 644.1.2 μίμνειν καὶ σκαπάνης ἄλγεα καὶ πενίης· ### book 644.1.3 λιτὰ δέ σοι καὶ δεῖπνα, καὶ ἐν ξυλόχοισι καθεύδεις, ### book 644.1.4 ὕδατος ἐμπλήσας λαιμὸν ἀμετροπότην. ### book 644.5.1 ἔμπης ἀρτίπος ἐσσί, καὶ ἐνθάδε βαιὰ καθεσθεὶς ### book 644.5.2 αὐτίκα γαστέρα σὴν θῆκας ἐλαφροτάτην· ### book 644.5.3 οὐδὲ καταψήχεις ἱερὴν ῥάχιν, οὐδέ τι μηροὺς ### book 644.5.4 τύπτεις αὐτομάτως φόρτον ἀπωσάμενος. ### book 644.5.5 τλήμονες οἱ πλουτοῦντες ἰδ’ οἱ κείνοισι συνόντες, ### book 644.10 οἷς πλέον ἀρτεμίης εὔαδεν εἰλαπίνη. ### book 645.1.1 Τμώλῳ ὑπ’ ἀνθεμόεντι ῥοὴν πάρα Μαίονος Ἕρμου ### book 645.1.2 Σάρδιες ἡ Λυδῶν ἔξοχός εἰμι πόλις. ### book 645.1.3 μάρτυς ἐγὼ πρώτη γενόμην Διός, οὐ γὰρ ἐλέγχειν ### book 645.1.4 λάθριον υἷα Ῥέης ἤθελον ἡμετέρης. ### book 645.5.1 αὐτὴ καὶ Βρομίῳ γενόμην τροφός· ἐν δὲ κεραυνῷ ### book 645.5.2 ἔδρακον εὐρυτέρῳ φωτὶ φαεινόμενον· ### book 645.5.3 πρώταις δ’ ἡμετέρῃσιν ἐν ὀργάσιν οἰνὰς ὀπώρη ### book 645.5.4 οὔθατος ἐκ βοτρύων ξανθὸν ἄμελξε γάνος. ### book 645.5.5 πάντα με κοσμήσαντο, πολὺς δέ με πολλάκις αἰὼν ### book 645.10 ἄστεσιν ὀλβίστοις εὗρε μεγαιρομένην. ### book 646.1 Εἰ πόλιν Ἡρακλῆος ὁμώνυμον οἶσθα καὶ ἄλλην, ### book 646 ἴσθι με τὴν Πόντου μηδὲν ἀτιμοτέρην. ### book 647.1.1 Ῥώμη παμβασίλεια, τὸ σὸν κλέος οὔποτ’ ὀλεῖται· ### book 647.1.2 Νίκη γάρ σε φυγεῖν ἄπτερος οὐ δύναται. ### book 648.1.1 Ἀστὸς ἐμοὶ καὶ ξεῖνος ἀεὶ φίλος· οὐ γὰρ ἐρευνᾶν ### book 648.1.2 „Τίς, πόθεν ἠὲ τίνων“, ἐστὶ φιλοξενίης. ### book 649.1.1 Εὐσεβίη τὸ μέλαθρον ἀπὸ πρώτοιο θεμείλου ### book 649.1.2 ἄχρι καὶ ὑψηλοὺς ἤγαγεν εἰς ὀρόφους. ### book 649.1.3 οὐ γὰρ ἀπ’ ἀλλοτρίων κτεάνων ληίστορι χαλκῷ ### book 649.1.4 ὄλβον ἀολλίζων τεῦξε Μακηδόνιος· ### book 649.5.1 οὐδὲ λιπερνήτης κενεῷ καὶ ἀκερδέι μόχθῳ ### book 649.5.2 κλαῦσε δικαιοτάτου μισθοῦ ἀτεμβόμενος. ### book 649.5.3 ὡς δὲ πόνων ἄμπαυμα φυλάσσεται ἀνδρὶ δικαίῳ, ### book 649.5.4 ὧδε καὶ εὐσεβέων ἔργα μένοι μερόπων. ### book 650.1.1 Ἐν μὲν τῇ Ζεύξιππον ἔχω πέλας, ἡδὺ λοετρόν, ### book 650.1.2 ἐκ δ’ ἑτέρης ἵππων χῶρον ἀεθλοφόρων. ### book 650.1.3 τούς ῥα θεησάμενος καὶ τῷδ’ ἔνι χρῶτα λοέσσας ### book 650.1.4 δεῦρο καὶ ἄμπνευσον δαιτὶ παρ’ ἡμετέρῃ· ### book 650.5 καί κε πάλιν σταδίοις ποτὶ δείελον ὥριος ἔλθοις, ### book 650 ἐγγύθεν ἐγγὺς ἰὼν γείτονος ἐκ θαλάμου. ### book 651.1.1 Τρισσόθεν εἰσορόω πολυτερπέα νῶτα θαλάσσης, ### book 651.1.2 πάντοθεν ἠματίῳ φέγγεϊ βαλλόμενος· ### book 651.1.3 εἰς ἐμὲ γὰρ κροκόπεπλος ὅταν περικίδναται Ἠώς, ### book 651.1.4 τερπομένη στείχειν πρὸς δύσιν οὐκ ἐθέλει. ### book 652.1.1 Ὥρῃ ἀναψύχω θέρεος καὶ χείματι θάλπω ### book 652.1.2 τοὐλλιπὲς ὡράων ἐξ ἐμέθεν παρέχων. ### book 653.1.1 „Τῆς ἀρετῆς ἱδρῶτα θεοὶ προπάροιθεν ἔθηκαν,“ ### book 653.1.2 ἔννεπεν Ἀσκραῖος δῶμα τόδε προλέγων. ### book 653.1.3 κλίμακα γὰρ ταναὴν περόων κεκαφηότι ταρσῷ ### book 653.1.4 ἱδρῶτι πλαδαρὴν ἀμφεδίηνα κόμην· ### book 653.5.1 ὑψόθι δ’ εἰσενόησα θαλασσαίην περιωπήν· ### book 653.5.2 ναὶ τάχα τῆς ἀρετῆς πιστότατον θάλαμος. ### book 654.1.1 Κερδαλέους δίζεσθε δόμους, ληίστορες, ἄλλους· ### book 654.1.2 τοῖσδε γάρ ἐστι φύλαξ ἔμπεδος ἡ πενίη. ### book 655.1 Ὀτραλέως τολύπευσαν τόνδε δόμον βασιλῆες, ### book 655.2 αἰχμὴν ὀλβοδότειραν ἀπὸ σταυροῖο λαχόντες, ### book 655 αὐτὸς ἄναξ Ἡρακλῆς σὺν Κωνσταντίνῳ υἷι. ### book 656.1 Οἶκος Ἀναστασίοιο τυραννοφόνου βασιλῆος ### book 656.2 μοῦνος ὑπερτέλλω πανυπείροχος ἄστεσι γαίης, ### book 656.3 θαῦμα φέρων πάντεσσιν, ἐπεὶ κοσμήτορες ἔργων, ### book 656.4 ὕψος ὁμοῦ μῆκός τε καὶ ἄπλετον εὖρος ἰδόντες, ### book 656.5.1 ἀσκεπὲς ἐφράσσαντο πελώριον ἔργον ἐᾶσαι· ### book 656.5.2 ἀλλὰ πολυκμήτοιο λαχὼν πρεσβήια τέχνης ### book 656.5.3 Αἰθέριος πολύιδρις ἐμὴν τεχνήσατο μορφήν, ### book 656.5.4 ἀχράντῳ βασιλῆι φέρων πρωτάγρια μόχθων. ### book 656.5.5 ἔνθεν ἀπειρέσιον μέγεθος περὶ παντὶ τιταίνων ### book 656.10.1 Αὐσονίης νίκησα βοώμενα θαύματα γαίης. ### book 656.10.2 εἶξον ἀρειοτέροισι, χάρις Καπετωλίδος αὐλῆς, ### book 656.10.3 εἰ καὶ χαλκείων ὀρόφων ἀμαρύγματα πέμπεις· ### book 656.10.4 κρύψον ἀμετρήτων μεγάρων στεινούμενον αὐλαῖς, ### book 656.10.5 Πέργαμε, φαιδρὸν ἄγαλμα τεόν, Ῥουφίνιον ἄλσος· ### book 656.15.1 μηδὲ τανυπλεύροισιν ἀρηρότα, Κύζικε, πέτροις ### book 656.15.2 Ἀδριανοῦ βασιλῆος ἀμεμφέα νηὸν ἀείσεις. ### book 656.15.3 οὔ μοι Πυραμίδων ἰκέλη κρίσις οὐδὲ Κολοσσοῦ ### book 656.15.4 οὐδὲ Φάρου· μεγάλην μοῦνος δ’ ὑπερέδραμον αἴγλην. ### book 656.15.5 αὐτὸς ἐμὸς σκηπτοῦχος Ἰσαυροφόνον μετὰ νίκην ### book 656.20.1 χρυσοφαές με τέλεσσεν ἐδέθλιον Ἠριγενείης ### book 656.20.2 πάντῃ τετραπόρων ἀνέμων πεπετασμένον αὔραις. ### book 657.1.1 Ὁππόθι τεμνομένης χθονὸς ἄνδιχα πόντον ἀνοίγει ### book 657.1.2 πλαγκτὸς ἁλικλύστων πορθμὸς ἐπ’ ἠιόνων, ### book 657.1.3 χρύσεα συλλέκτρῳ τάδ’ ἀνάκτορα θῆκεν ἀνάσσῃ ### book 657.1.4 τῇ πολυκυδίστῃ θεῖος ἄναξ Σοφίῃ. ### book 657.5 ἄξιον, ὦ Ῥώμη μεγαλοκρατές, ἀντία σεῖο ### book 657 κάλλος ἀπ’ Εὐρώπης δέρκεαι εἰς Ἀσίην. ### book 658.1.1 Κόσμον Ἰουστῖνος βασιλεὺς ῥυπόωντα καθήρας ### book 658.1.2 καὶ τὰ μέγιστα Δίκης ἠγλάισεν τεμένη· ### book 658.1.3 σοῖς δὲ πόνοις, Δομνῖνε, κατηφέα νύκτα διώκει ### book 658.1.4 ἐκ Θέμιδος μεγάρων, ἐκ βιοτῆς μερόπων. ### book 659.1.1 Ὡς ἀγαθὸν καὶ παῖς ἐπὶ γήραϊ· φαιδροτέρους γὰρ ### book 659.1.2 Δομνῖνος θαλάμους μητρὸς ἔτευξε Δίκης. ### book 659.1.3 λάμπω ἐγὼ διὰ παιδός, ὁ παῖς δι’ ἐμεῖο φαείνει· ### book 659.1.4 κύδεα δ’ ἀλλήλοις ἀντιχαριζόμεθα. ### book 660.1.1 Χῶρος ἐγὼ θεσμοῖσιν ἀνειμένος· ἐνθάδε πηγὴ ### book 660.1.2 ἄφθονος Αὐσονίων ἐκκέχυται νομίμων, ### book 660.1.3 ἣ πᾶσιν τέταται μὲν ἀείναος, ἠιθέοις δὲ ### book 660.1.4 ἐνθάδ’ ἀγειρομένοις πάντα δίδωσι ῥόον. ### book 661.1.1 Δένδρον ἐγὼ μακαριστόν, ἐπεί ποτε μεσσόθεν ὕλης ### book 661.1.2 ἱστάμενον λιγυροῖς ἐτρεφόμην ἀνέμοις, ### book 661.1.3 ὀρνίθων ἐπίβαθρον ἐύθροον· ἀλλὰ σιδήρῳ ### book 661.1.4 ἐτμήγην κλήρῳ κρείσσονος εὐτυχίης· ### book 661.5 ἀντὶ γὰρ ὀρνίθων Κρατεροῦ κρατεροῖς ὑπὸ μύθοις ### book 661 ἄρδομαι εὐμούσοις χεύμασι τηλεθάον. ### book 662.1.1 Χῶρος ἐγὼ τὸ πρὶν μὲν ἔην στυγερωπὸς ἰδέσθαι ### book 662.1.2 πηλοδόμοις τοίχοις ἀμφιμεριζόμενος. ### book 662.1.3 ἐνθάδε δὲ ξείνων τε καὶ ἐνδαπίων καὶ ἀγροίκων ### book 662.1.4 νηδὺς ἐπεγδούπει λύματα χευομένη. ### book 662.5.1 ἀλλὰ πατήρ με πόληος ἐναλλάξας Ἀγαθίας ### book 662.5.2 θῆκεν ἀρίζηλον τὸν πρὶν ἀτιμότατον. ### book 663.1.1 Πόντος ὑποκλύζει χθονὸς ἕδρανα· πλωτὰ δὲ χέρσου ### book 663.1.2 νῶτα θαλασσαίοις ἄλσεσι τηλεθάει. ### book 663.1.3 ὡς σοφός, ὅστις ἔμιξε βυθὸν χθονί, φύκια κήποις, ### book 663.1.4 Νηιάδων προχοαῖς χεύματα Νηρεΐδων. ### book 664.1.1 Ἐνθάδ’ ἐριδμαίνουσι, τίνος πλέον ἔπλετο χῶρος, ### book 664.1.2 Νύμφαι Νηιάδες, Νηρεΐς, Ἀδρυάδες· ### book 664.1.3 ταῖς δὲ θεμιστεύει μεσάτη Χάρις οὐδὲ δικάζειν ### book 664.1.4 οἶδεν, ἐπεὶ ξυνὴν τέρψιν ὁ χῶρος ἔχει. ### book 665.1.1 Εἶξον ἐμοί, Δάφνης ἱερὸν κλέτας, ἔκτοθι πόντου ### book 665.1.2 κείμενον, ἀγραύλου κάλλος ἐρημοσύνης. ### book 665.1.3 ἐνθάδε γὰρ Νύμφαι δενδρίτιδες αἵ τ’ ἐνὶ πόντῳ ### book 665.1.4 Νηρεΐδες ξυνὴν θέντο συνηλυσίην· ### book 665.5 ἀμφ’ ἐμὲ γὰρ μάρναντο· δίκασσε δὲ Κυανοχαίτης ### book 665 καί με παρ’ ἀμφοτέραις μέσσον ἔθηκεν ὅρον. ### book 666.1 Οὐ μέγας οὐδ’ ὁ Ἔρως, ἀλλ’ εὔχαρις· ὡς καὶ ἐγώ τοι ### book 666.2 οὐ μέγας ἐν κήποις, ἀλλὰ γέμω χαρίτων. ### book 667.1.1 Ὕδασι καὶ κήποισι καὶ ἄλσεσι καὶ Διονύσῳ ### book 667.1.2 καὶ πόντου πλήθω γείτονος εὐφροσύνῃ. ### book 667.1.3 τερπνὰ δέ μοι γαίης τε καὶ ἐξ ἁλὸς ἄλλοθεν ἄλλος ### book 667.1.4 καὶ γριπεὺς ὀρέγει δῶρα καὶ ἀγρονόμος. ### book 667.5.1 τοὺς δ’ ἐν ἐμοὶ μίμνοντας ἢ ὀρνίθων τις ἀείδων ### book 667.5.2 ἢ γλυκὺ πορθμήων φθέγμα παρηγορέει. ### book 668.1.1 Ἦ καλὸν ἄλσος Ἔρωτος, ὅπου καλὰ δένδρεα ταῦτα ### book 668.1.2 πρηῢς ἐπιπνείων ἀμφιδονεῖ Ζέφυρος· ### book 668.1.3 ᾗχι καὶ ἑρσήεις ἀμαρύσσεται ἄνθεσι λειμὼν ### book 668.1.4 πουλὺν ἰοστεφάνων κόσμον ἀνεὶς καλύκων· ### book 668.5.1 καὶ γλυκερῆς τρίστοιχος ἐπεμβαδὸν ἄλλος ἐπ’ ἄλλῳ ### book 668.5.2 μαστὸς ἀναθλίβει χεύματα Ναϊάδος· ### book 668.5.3 ὁππόθι δενδρήεντα γέρων παρανήχεται Ἶρις ### book 668.5.4 χῶρον Ἁμαδρυάδων ἔνδιον ἁβροκόμων, ### book 668.5.5 καὶ λιπαρῆς εὔβοτρυν ἀν’ ὀργάδα καρπὸς ἐλαίης ### book 668.10.1 θάλλει ἐρισταφύλων πάντοσε θειλοπέδων· ### book 668.10.2 αἱ δὲ πέριξ λαλαγεῦσιν ἀηδόνες· ὃς δὲ μελίζει ### book 668.10.3 ἀντῳδὸν τέττιξ φθέγματος ἁρμονίαν. ### book 668.10.4 ἀλλὰ τὸν ἀκλήιστον ὅπως, ξένε, μή με παρέλθῃς ### book 668 τόνδε δόμον, λιτῆς δ’ ἀντίασον ξενίης. ### book 669.1.1 Δεῦρ’ ἴθι βαιόν, ὁδῖτα, πεσὼν ὑπὸ δάσκιον ἄλσος, ### book 669.1.2 ἄμπαυσον καμάτου γυῖα πολυπλανέος, ### book 669.1.3 χλωρὸν ὅπου πλατάνων αὐτόρρυτον ἐς μέσον ὕδωρ ### book 669.1.4 καλὰ πολυκρούνων ἐκπρορέει στομάτων· ### book 669.5.1 ὁππόθι πορφυρέης ὑπὲρ αὔλακος εἴαρι θάλλει ### book 669.5.2 ὑγρὸν ἴον ῥοδέῃ κιρνάμενον κάλυκι. ### book 669.5.3 ἠνίδε πῶς δροσεροῖο πέδον λειμῶνος ἐρέψας ### book 669.5.4 ἔκχυτον εὐχαίτης κισσὸς ἔπλεξε κόμην. ### book 669.5.5 ἐνθάδε καὶ ποταμὸς λασίην παραμείβεται ὄχθην ### book 669.10.1 πέζαν ὑποξύων αὐτοφύτοιο νάπης. ### book 669.10.2 οὗτος „Ἔρωσ“. τί γὰρ ἄλλο καὶ ἔπρεπεν οὔνομα χώρῳ ### book 669.10.3 πάντοθεν ἱμερτῶν πληθομένῳ Χαρίτων; ### book 670.1.1 Τίς βυθὸν ἠπείρωσε; τίς ἐν ῥοθίοισιν ἔτευξεν ### book 670.1.2 ἀκτὴν ἀμφιρύτην λάεσι μαρμαρέοις; ### book 670.1.3 τίς δ’ ἐνὶ κύμασι τεῦξε ποτὸν πλωτῆρας ἀφύσσειν ### book 670.1.4 αὐτῶν ἐκ νηῶν χερσὶν ἀρυομένους; ### book 670.5.1 οὗτος ὁ ποικιλόμητις ἀνὴρ Βενέτιος ἀμύμων ### book 670.5.2 κτίσμασι νικήσας Θησέα καὶ Πέλοπα. ### book 671 Τίς τόσον ἔργον ἔτευξε; τίς ἡ πόλις ἢ τὸ γέρας τί; — ### book 671 „Ἀμβρόσιος Μυλασεὺς τὸν φάρον ἀνθύπατος.“ ### book 672.1.1 Εἰ τραφερῆς πάσης ἁλιτέρμονα κύκλον ὁδεύσῃς, ### book 672.1.2 οὔ ποτέ μοί τινα χῶρον ἀρείονα τοῦδε νοήσεις, ### book 672.1.3 θέσκελον οἷον ἔτευξεν ἀγακλυτὸς Ἰωάννης ### book 672.1.4 κυδαίνων βασίλειαν ὅλης χθονός· ἐκ ῥοθίων γὰρ ### book 672.5 τερπωλὴν ἀκόρητον ἐν ἄστεϊ θῆκεν Ὁμήρου. ### book 673.1 Ἱππολύτῃ καὶ τοῦτ’ Ἀσκληπιὸς ὤπασεν ἔργον. ### book 674.1.1 Πύργος ἐγὼ ναύτῃσιν ἀλωομένοισιν ἀρήγων ### book 674.1.2 εἰμὶ Ποσειδάωνος ἀπενθέα πυρσὸν ἀνάπτων, ### book 674.1.3 καί με πεσεῖν μέλλοντα βαρυγδούποισιν ἀήταις ### book 674.1.4 στῆσεν ἑοῖς καμάτοις Ἀμμώνιος, ὃς βασιλῆος ### book 674.5.1 ἐστὶ πατήρ· κείνῳ δὲ μετ’ ἄγρια κύματα ναῦται ### book 674.5.2 χεῖρας ἀερτάζουσιν ἅτε κλυτῷ Ἐννοσιγαίῳ. ### book 675.1 Μηκέτι δειμαίνοντες ἀφεγγέα νυκτὸς ὁμίχλην ### book 675.2 εἰς ἐμὲ θαρσαλέως πλώετε, ποντοπόροι. ### book 675.3 πᾶσιν ἀλωομένοις τηλαυγέα δαλὸν ἀνάπτω, ### book 675 τῶν Ἀσκληπιαδῶν μνημοσύνην καμάτων. ### book 676.1.1 Ταῖς Προύσης Νύμφαις ὑποείκομεν, ἀλλὰ καὶ αὐταὶ ### book 676.1.2 κρέσσονες ἡμείων χαίρετε Πυθιάδες· ### book 676.1.3 αἱ δ’ ἄλλαι πᾶσαι μετὰ Πύθια καὶ μετὰ Προῦσαν ### book 676.1.4 ἡμετέραις Νύμφαις εἴξατε Νηιάδες. ### book 677.1.1 Τεῦξέ με πολλὰ καμὼν Μουσώνιος οἶκον ἀγητὸν ### book 677.1.2 τηλίκον ἀρκτῴοις ἄσθμασι βαλλόμενον. ### book 677.1.3 ἔμπης οὐκ ἀπέειπεν ἀφεγγέα δώματα Μοίρης, ### book 677.1.4 ἀλλά με καλλείψας ἐν χθονὶ ναιετάει. ### book 677.5.1 καί ῥ’ ὁ μὲν εἰς ὀλίγην κεῖται κόνιν, ἡ δὲ περισσὴ ### book 677.5.2 τέρψις ἐπὶ ξείνοις ἀνδράσιν ἐκκέχυμαι. ### book 678.1.1 Οἷον ἔτλης καὶ τοῦτον, Ἀγακλείδη, μέγαν ἆθλον ### book 678.1.2 θυμῷ τολμητῇ κῦδος ἄριστον ἑλών· ### book 678.1.3 Νύμφης ἀρχαίης Βάσσης πολυκαγκέα χώρην ### book 678.1.4 ὕδασι καὶ λουτροῖς θῆκας ἀφνειοτέρην. ### book 679.1.1 Πᾶσα μὲν Ἀξιόχῳ πόλις εὔχεται· ἄλλο γὰρ ἄλλης ### book 679.1.2 πῆμα παραστείχων ὡς θεὸς ἠκέσατο· ### book 679.1.3 ἔξοχα δὲ κραναῇ ῥόον ὕδατος ὤπασεν Ἄσσῳ ### book 679.1.4 πολλῶν πετράων σκληρὰ μέτωπα τεμών. ### book 679.5 μηκέτι φεύγετε πάντες ἀποπρὸ θέοντες, ὁδῖται· ### book 679 πλημύρω ψυχροῖς ὕδασιν Ἀξιόχου. ### book 680.1.1 Τὰς τρεῖς μοι Χάριτας λεύσσεις, ξένε· Ποντομέδων γὰρ ### book 680.1.2 γείτονος ἐκ πόντου τὴν μίαν εἰργάσατο· ### book 680.1.3 τὴν δ’ ἑτέρην ἐτέλεσσε φυτῶν εὔκαρπος ἀλωή· ### book 680.1.4 τὴν δ’ ὑπολειπομένην τοῦτο τὸ λουτρὸν ἔχει. ### book 681.1.1 Ἆ μέγα σοι, Διόνυσε, χαρίζομαι· εἰς ἐμὲ Κύπρις ### book 681.1.2 λούεται, ἐξ αὐτῆς σοὶ τὰ κύπελλα φέρω. ### book 682.1 Κίονα τετράπλευρον ἀεὶ χθονὶ κείμενον ἄχθος ### book 682.2 μοῦνος ἀναστῆσαι Θευδόσιος βασιλεὺς ### book 682.3 τολμήσας Πρόκλῳ ἐπεκέκλετο, καὶ τόσος ἔστη ### book 682.4 κίων ἠελίοις ἐν τριακονταδύο. ### book 683 Ἀλφεὸς ἄρρεν ὕδωρ, Ἀρεθούσιόν ἐστι τὸ θῆλυ· ### book 683 καὶ γάμον εὗρεν Ἔρως κιρναμένων ὑδάτων. ### book 684.1 Ὠκεανοῦ θυγάτηρ καὶ Τηθύος εἰμὶ Νύχεια ### book 684.2 κρήνη· Τηλεβόαι γάρ με τόδ’ ὠνόμασαν· ### book 684.3 Νύμφαις μὲν προχέω λουτρόν, θνητοῖσι δ’ ὑγείην· ### book 684.4 θῆκε δέ με Πτερέλας, υἱὸς Ἐνυαλίου. ### book 685.1 Μὴ κίνει Καμάριναν, ἀκίνητος γὰρ ἀμείνων, ### book 685.2 μή ποτε κινήσας τὴν μείονα μείζονα θείης. ### book 686.1 Ἠνορέης ὀλετῆρα ὑπερφιάλου Βαβυλῶνος ### book 686.2 καὶ σέλας ἀκτεάνοιο δίκης Βασίλειον ὕπαρχον, ### book 686.3 ξεῖνε, νόῳ σκίρτησον ἰδὼν ἐφύπερθε πυλάων. ### book 686.4 εὐνομίης ποτὶ χῶρον ἀριστογένεθλον ὁδεύεις, ### book 686.5.1 βάρβαρον οὐ τρομέεις, οὐκ ἄρρενας ἀρρενοκοίτας. ### book 686.5.2 ὅπλα Λάκων, σὺ δὲ τεῖχος ἔχεις βασίλειον ἄγαλμα. ### book 687.1 Μορφὰς ὁ γράψας ἤθελον καὶ τοὺς τρόπους· ### book 687.2 ἀνεσείρασε δέ μου τὴν ὄρεξιν ἡ τέχνη. — ### book 687 „Κάλει δέ μ’ Ἀλέξανδρον εὔλαλον, φίλος.“ ### book 688.1 Τήνδε πύλην λάεσσιν ἐυξέστοις ἀραρυῖαν, ### book 688.2 ἀμφότερον κόσμον τε πάτρῃ καὶ θάμβος ὁδίταις, ### book 688.3 τεῦξε Κλέης Κλεάδας ἀγανῆς πόσις εὐπατερείης, ### book 688.4 Λερναίων ἀδύτων περιώσιος ὀργιοφάντης, ### book 688.5 τερπόμενος δώροισιν ἀγασθενέων βασιλήων. ### book 689.1 Οὗτος Ἰουλιανὸς λαοσσόα τείχεα πήξας ### book 689.2 στῆσε τρόπαιον, ἑῆς σύμβολον ἀγρυπνίης, ### book 689.3 σφάζειν ἀντιβίους ἐχθροὺς ἀπάνευθε μενοινῶν ### book 689.4 ἢ πόλεως προπάροιθ’ ἐκκροτέειν πολέμους. ### book 690.1 Θευδόσιος τόδε τεῖχος ἄναξ καὶ ὕπαρχος Ἑῴας ### book 690.2 Κωνσταντῖνος ἔτευξαν ἐν ἤμασιν ἑξήκοντα. ### book 691.1 Ἤμασιν ἑξήκοντα φιλοσκήπτρῳ βασιλῆι ### book 691.2 Κωνσταντῖνος ὕπαρχος ἐδείματο τείχεϊ τεῖχος. ### book 692.1 Βιβιανοῦ τόδε ἔργον, ὃν ἀντολίαι δύσιές τε ### book 692 μέλπουσιν γεραρῶς εἵνεκεν εὐνομίης. ### book 693.1.1 Τόνδε Τύχης ἀνέγειρε δόμον Δημήτριος ἀρχὸς ### book 693.1.2 τὴν πόλιν οἰκτείρας ὡς πάις Ἱερίου· ### book 693.1.3 αὐτοῦ καὶ βουλῇ τάδ’ ἐδείματο οὔτε πόληος ### book 693.1.4 οὔτε τι δημοτέροις χρήμασιν, ἀλλ’ ἰδίοις. ### book 694 Μεσσαλινοῖο γόνος τόδε θέσκελον ἔκτισε τόξον. ### book 695.1 Ὁρᾷς, τὸ κάλλος ὅσσον ἐστὶ τῆς λίθου, ### book 695.2 ἐν ταῖς ἀτάκτοις τῶν φλεβῶν εὐταξίαις. ### book 696.1 Τετραπόροις ἁψῖσι πόλιν Θεόδωρος ἐγείρας ### book 696.2 ἄξιός ἐστι πόλιν καὶ τέτρατον ἡνιοχεῦσαι. ### book 697.1 Ἔπρεπε σοί, Θεόδωρε, Τύχης ἐυκίονα νηὸν ### book 697.2 ἔργου κοσμῆσαι θαύματι τοσσατίου ### book 697.3 δῶρά τε κυδήεντα πορεῖν χρυσάσπιδι Ῥώμῃ, ### book 697.4 ἥ ς’ ὕπατον τεῦξεν καὶ τρισέπαρχον ὁρᾷ. ### book 698 Μόψου τήνδ’ ἐσορᾷς κλεινὴν πόλιν, ἥν ποτε μάντις ### book 698 δείματο τῷ ποταμῷ κάλλος ὑπερκρεμάσας. ### book 699.1 Ἔνθεν Ἀλέξανδρος Μακεδὼν πίεν ἀγλαὸν ὕδωρ· ### book 699.2 μητρὸς δ’ εἶπε γάλακτι πανείκελα ῥεύματα πηγῆς, ### book 699.3 ᾗ καὶ Ὀλυμπιάδος πόρεν οὔνομα, σῆμα δὲ τοῦτο. ### book 700.1.1 Γράψε Πολύγνωτος Θάσιος γένος, Ἀγλαοφῶντος ### book 700.1.2 υἱός, περθομένην Ἰλίου ἀκρόπολιν. ### book 701.1 Αὐτοῦ Ζηνὸς ὅδ’ οἶκος ἐπάξιος, οὐδ’ ἂν Ὄλυμπος ### book 701.2 μέμψεται οὐρανόθεν Ζῆνα κατερχόμενον. ### book 702.1 Κεκροπίδαι Διὶ τόνδ’ ἔθεσαν δόμον, ὡς ἀπ’ Ὀλύμπου ### book 702.2 νισσόμενος ποτὶ γᾶν ἄλλον Ὄλυμπον ἔχοι. ### book 703.1 Τεάρου ποταμοῦ κεφαλαὶ ὕδωρ ἄριστόν τε καὶ κάλλι‐ ### book 703.2 στον παρέχονται πάντων ποταμῶν· καὶ ἐπ’ αὐτὰς ἀπίκετο ### book 703.3 ἐλαύνων ἐπὶ Σκύθας στρατὸν ἀνὴρ κάλλιστος καὶ ἄριστος ### book 703.4 πάντων ἀνθρώπων, Δαρεῖος ὁ Ὑστάσπεος, Περσέων τε καὶ ### book 703.5 πάσης τῆς ἠπείρου βασιλεύς. ### book 704.1.1 Τήκει καὶ πέτρην ὁ πολὺς χρόνος· ἀλλ’ ἀρετάων ### book 704.1.2 Ἀσκληπιοδότου τὸ κλέος ἀθάνατον, ### book 704.1.3 ὅσσα καὶ οἷα πόρεν γέρα πατρίδι· τοῖς ἐπὶ πᾶσι ### book 704.1.4 καὶ τόδε μετρείσθω κοινὸν ἔρεισμα θόλου. ### book 705.1.1 Δῶρον Τερμησσοῖο δικασπολίης χάριν ἁγνῆς· ### book 705.1.2 Εὐσέβιος θεράπων θῆκε θεῷ τὸ γέρας. ### book 706.1.1 Δένδρεον ἱερόν εἰμι· παρερχόμενός με φυλάσσευ ### book 706.1.2 πημαίνειν· ἀλγῶ, ξεῖνε, κολουομένη. ### book 706.1.3 μέμνεο, παρθένιός μοι ἔπι φλόος, οὐχ ἅπερ ὠμαῖς ### book 706.1.4 ἀχράσιν· αἰγείρων τίς γένος οὐκ ἐδάη; ### book 706.5.1 εἰ δὲ περιδρύψῃς με παρατραπίην περ ἐοῦσαν, ### book 706.5.2 δακρύσεις· μέλομαι καὶ ξύλον Ἠελίῳ. ### book 707.1.1 Εἰμὶ μὲν ἐν ποταμοῖς, πελάγει δ’ ἴσα μέτρα διώκω, ### book 707.1.2 Στρυμών, Ἠμαθίης τὸ γλυκερὸν πέλαγος· ### book 707.1.3 βένθος ὁμοῦ καὶ ἄρουρα δι’ ὕδατος· ἦ γὰρ ἐγείρω ### book 707.1.4 ὀμπνιακῶν χαρίτων ἡδύτερον τρίβολον. ### book 707.5 ἔστι καὶ Ἠμαθίης γόνιμος βυθός· ἄμμι δέ, Νεῖλε, ### book 707 κρείσσων ἔσθ’ ὁ φέρων τὸν στάχυν, οὐχ ὁ τρέφων. ### book 708.1.1 Ἔζευξ’ Ἑλλήσποντον ὁ βάρβαρος ἄφρονι τόλμῃ, ### book 708.1.2 τοὺς δὲ τόσους καμάτους πάντας ἔλυσε χρόνος· ### book 708.1.3 ἀλλὰ Δικαιάρχεια διηπείρωσε θάλασσαν ### book 708.1.4 καὶ βυθὸν εἰς χέρσου σχῆμα μετεπλάσατο· ### book 708.5.1 λᾶα, βαθὺ στήριγμα, κατερρίζωσε πέλωρον, ### book 708.5.2 χερσὶ Γιγαντείαις δ’ ἔστασε νέρθεν ὕδωρ. ### book 708.5.3 ἦν ἅλ’ ἀεὶ πλώειν· διοδευομένη δ’ ὑπὸ ναύταις ### book 708.5.4 ἄστατος εἰς πεζοὺς ὡμολόγησε μένειν. ### book 709.1.1 Εὐρώταν ὡς ἄρτι διάβροχον ἔν τε ῥεέθροις ### book 709.1.2 εἵλκυς’ ὁ τεχνίτης ἐν πυρὶ λουσάμενον· ### book 709.1.3 πᾶσι γὰρ ἐν κώλοις ὑδατούμενος ἀμφινένευκεν ### book 709.1.4 ἐκ κορυφῆς ἐς ἄκρους ὑγροβατῶν ὄνυχας. ### book 709.5.1 ἁ δὲ τέχνα ποταμῷ συνεπήρικεν. ἆ τίς ὁ πείσας ### book 709.5.2 χαλκὸν κωμάζειν ὕδατος ὑγρότερον; ### book 710.1 Ὄσσαν ἐπ’ Οὐλύμπῳ καὶ Πήλιον ὑψωθέντα ### book 710.2 ψευδὴς ἱστορίης ῥῆσις ἀνεπλάσατο· ### book 710.3 Πυραμίδες δ’ ἔτι νῦν Νειλωίδες ἄκρα μέτωπα ### book 710.4 κύρουσιν χρυσέοις ἀστράσι Πληιάδων. ### book 711.1 Αὐτὴν Γραμματικὴν ὁ ζωγράφος ἤθελε γράψαι· ### book 711 Βίκτορα δὲ γράψας „Τὸν σκοπόν,“ εἶπεν, „ἔχω.“ ### book 712.1.1 Αὐτὸν Ἰωάννην ὁ γέρων ὅτ’ ἐδέξατο θεσμός, ### book 712.1.2 εἶπεν ἀνηβήσας· „Αὖθις ἔχω σε, Σόλων.“ ### book 713.1 Βοίδιόν εἰμι Μύρωνος, ἐπὶ στήλης δ’ ἀνάκειμαι. ### book 713.2 βουκόλε, κεντήσας εἰς ἀγέλην μ’ ἄπαγε. ### book 714.1.1 Τίπτε, Μύρων, με τὸ βοίδιον ἐνταυθοῖ παρὰ βωμοῖς ### book 714.1.2 ἔστασας; οὐκ ἐθέλεις εἰσαγέμεν μέγαρον; ### book 715.1.1 Βουκόλε, τὰν ἀγέλαν πόρρω νέμε, μὴ τὸ Μύρωνος ### book 715.1.2 βοίδιον ὡς ἔμπνουν βουσὶ συνεξελάσῃς. ### book 716.1.1 Βοίδιον οὐ χοάνοις τετυπωμένον, ἀλλ’ ὑπὸ γήρως ### book 716.1.2 χαλκωθὲν σφετέρῃ ψεύσατο χειρὶ Μύρων. ### book 717.1 Ἢ τὸ δέρας χάλκειον ὅλον βοῒ τᾷδ’ ἐπίκειται ### book 717 ἔκτοθεν, ἢ ψυχὴν ἔνδον ὁ χαλκὸς ἔχει. ### book 718.1.1 Αὐτὸς ἐρεῖ τάχα τοῦτο Μύρων· „Οὐκ ἔπλασα ταύταν ### book 718.1.2 τὰν δάμαλιν, ταύτας δ’ εἰκόν’ ἀνεπλασάμην.“ ### book 719.1.1 Οὐκ ἔπλασέν με Μύρων, ἐψεύσατο· βοσκομέναν δὲ ### book 719.1.2 ἐξ ἀγέλας ἐλάσας δῆσε βάσει λιθίνῳ. ### book 720.1.1 Εἰ μή μου ποτὶ τᾷδε Μύρων πόδας ἥρμοσε πέτρᾳ, ### book 720.1.2 ἄλλαις ἂν νεμόμαν βουσὶν ὁμοῦ δάμαλις. ### book 721.1.1 Μόσχε, τί μοι λαγόνεσσι προσέρχεαι; ἐς τί δὲ μυκᾷ; ### book 721.1.2 ἁ τέχνα μαζοῖς οὐκ ἐνέθηκε γάλα. ### book 722.1.1 Τὰν δάμαλιν, βουφορβέ, παρέρχεο μηδ’ ἀπάνευθε ### book 722.1.2 συρίσδῃς· μαστῷ πόρτιν ὑπεκδέχεται. ### book 723.1 Ἁ μόλιβος κατέχει με καὶ ἁ λίθος· εἵνεκα δ’ ἂν σεῦ, ### book 723 πλάστα Μύρων, λωτὸν καὶ θρύον ἐδρεπόμαν. ### book 724.1.1 Ἁ δάμαλις, δοκέω, μυκήσεται· ἦ ῥ’ ὁ Προμηθεὺς ### book 724.1.2 οὐχὶ μόνος, πλάττεις ἔμπνοα καὶ σύ, Μύρων. ### book 725.1.1 Βοῦν ἰδίαν ποτὲ βουσὶ Μύρων μιχθεῖσαν ἐρεύνα· ### book 725.1.2 εὗρε μόλις δ’ αὐτὴν τὰς βόας ἐξελάσας. ### book 726.1 Ἁ βοῦς ἁ τίκτους’ ἀπὸ γαστέρος ἔπλασε τὰν βοῦν· ### book 726.2 ἁ δὲ Μύρωνος χεὶρ οὐ πλάσεν, ἀλλ’ ἔτεκεν. ### book 727.1 Καὶ χαλκῆ περ ἐοῦσα λάλησεν ἂν ἁ κεραὴ βοῦς, ### book 727.2 εἴ οἱ σπλάγχνα Μύρων ἔνδον ἐτεχνάσατο. ### book 728.1.1 Ἁ δάμαλις, δοκέω, μυκήσεται· ἢν δὲ βραδύνῃ, ### book 728.1.2 χαλκὸς ὁ μὴ νοέων αἴτιος, οὐχὶ Μύρων. ### book 729 Πηκτόν μοί τις ἄροτρον ἐπ’ αὐχένι καὶ ζυγὰ θέσθω, ### book 729 εἵνεκα γὰρ τέχνας σεῖο, Μύρων, ἀρόσω. ### book 730.1.1 Ἤν μ’ ἐσίδῃ μόσχος, μυκήσεται· ἢν δέ γε ταῦρος, ### book 730.1.2 βήσεται· ἢν δὲ νομεύς, εἰς ἀγέλαν ἐλάσει. ### book 731.1.1 Ὧδε Μύρων μ’ ἔστησε τὸ βοίδιον· οἱ δὲ νομῆες ### book 731.1.2 βάλλουσίν με λίθοις ὡς ἀπολειπόμενον. ### book 732.1.1 Βουκόλον ἢν ἐσίδῃς τὸν ἐμόν, ξένε, τοῦτ’ ἔπος αὐτῷ ### book 732.1.2 εἶπον, ὅθ’ ὁ πλάστης ὧδέ μ’ ἔδησε Μύρων. ### book 733.1.1 Τὰν βοῦν τάνδε Μύρων, ξεῖν’, ἔπλασεν, ἃν ὅδε μόσχος ### book 733.1.2 ὡς ζῶσαν σαίνει, ματέρα δερκόμενος. ### book 734.1.1 Ταῦρε, μάτην ἐπὶ μόσχον ἐπείγεαι· ἔστι γὰρ ἄπνους· ### book 734.1.2 ἀλλά ς’ ὁ βουπλάστας ἐξαπάτησε Μύρων. ### book 735.1 Σεῖο, Μύρων, δαμάλει παρακάτθανε μόσχος ἀλαθεὶς ### book 735 καὶ γάλα πιστεύων χαλκὸν ἔσωθεν ἔχειν. ### book 736.1 Φεῦ σύ, Μύρων, πλάσσας οὐκ ἔφθασας· ἀλλά σε χαλκός, ### book 736.2 πρὶν ψυχὴν βαλέειν, ἔφθασε πηγνύμενος. ### book 737.1 Χαλκείαν τύπτεις δάμαλιν· μέγα ς’ ἤπαφε τέχνα, ### book 737.2 βουκόλε· τὰν ψυχὰν οὐ προσέθηκε Μύρων. ### book 738.1.1 Ἐν βοῒ τᾷδ’ ἐμάχοντο Φύσις καὶ πότνια Τέχνα· ### book 738.1.2 ἀμφοτέραις δὲ Μύρων ἶσον ὄπασσε γέρας· ### book 738.1.3 δερκομένοις μὲν γὰρ Φύσιος κράτος ἥρπασε Τέχνα· ### book 738.1.4 αὐτὰρ ἐφαπτομένοις ἡ Φύσις ἐστὶ φύσις. ### book 739.1.1 Ἤπαφε καὶ σὲ μύωπα Μύρων, ὅτι κέντρον ἐρείδεις ### book 739.1.2 πλευραῖς χαλκοχύτοις ἀντιτύποιο βοός. ### book 739.1.3 οὐ νέμεσις δὲ μύωπι. τί γὰρ τόσον; εἴ γε καὶ αὐτοὺς ### book 739.1.4 ὀφθαλμοὺς νομέων ἠπερόπευσε Μύρων. ### book 740.1.1 Ἡ βάσις ἡ κατέχουσα τὸ βοίδιον, ᾗ πεπέδηται· ### book 740.1.2 ἢν δ’ ἀφεθῇ ταύτης, φεύξεται εἰς ἀγέλην. ### book 740.1.3 μυκᾶται γὰρ ὁ χαλκός· ἴδ’, ὡς ἔμπνουν ὁ τεχνίτας ### book 740 θήκατο· κἂν ζεύξῃς ἄλλον, ἴσως ἀρόσει. ### book 741.1.1 Χάλκεος ἦς, ἐπὶ σοὶ δὲ γεωτόμος εἷλκεν ἄροτρον ### book 741.1.2 καὶ ζυγόδεσμα φέρων, ψευδομένα δάμαλι. ### book 741.1.3 ἀλλὰ Μύρων τέχνᾳ πανυπείροχος, ὅς σε δι’ ἔργων ### book 741.1.4 ἔμπνουν ὥς τινα βοῦν ἐργάτιν εἰργάσατο. ### book 742.1.1 Ἄπαιρέ μου τένοντος, ὦ γεωπόνε, ### book 742.1.2 λέπαδνα καὶ σίδαρον αὐλακεργάταν· ### book 742.1.3 χαλκὸν γὰρ ἁμῶν οὐκ ἐσάρκωσεν Μύρων, ### book 742.1.4 τέχνα δ’ ἐζωπόνησεν ὄψιν ἔμπνοον, ### book 742.5.1 ὡς πολλάκις με κἀπομυκᾶσθαι θέλειν· ### book 742.5.2 εἰς ἔργα δ’ οὐκ εἴασε προσδήσας βάσει. ### book 743.1.1 Θεσσαλαὶ αἱ βόες αἵδε· παρὰ προθύροισι δ’ Ἀθάνας ### book 743.1.2 ἑστᾶσιν καλὸν δῶρον Ἰτωνιάδος, ### book 743.1.3 πᾶσαι χάλκειαι, δυοκαίδεκα, Φράδμονος ἔργον, ### book 743.1.4 καὶ πᾶσαι γυμνῶν σκῦλον ἀπ’ Ἰλλυριῶν. ### book 744.1.1 Ὡιγινόμοι Σώτων καὶ Σίμαλος, οἱ πολύαιγοι, ### book 744.1.2 οἷα βαθυσχίνων, ἆ ξένε, πὰρ λοφιᾶν ### book 744.1.3 Ἑρμᾷ τυρευτῆρι καὶ εὔγλαγι τὸν χιμάραρχον ### book 744 χάλκεον εὐπώγων’ ὧδ’ ἀνέθεντο τράγον. ### book 745.1.1 Θάεο τὸν Βρομίου κεραὸν τράγον, ὡς ἀγερώχως ### book 745.1.2 ὄμμα κατὰ λασιᾶν γαῦρον ἔχει γενύων ### book 745.1.3 κυδιόων, ὅτι οἱ θάμ’ ἐν οὔρεσιν ἀμφὶ παρῇδα ### book 745.1.4 βόστρυχον εἰς ῥοδέαν Ναῒς ἔδεκτο χέρα. ### book 746.1.1 Ἑπτὰ βοῶν σφραγῖδα βραχὺς λίθος εἶχεν ἴασπις ### book 746.1.2 εἰς μίαν, ὡς πάσας ἔμπνοα δερκομένας. ### book 746.1.3 καὶ τάχα κἂν ἀπέρεψε τὰ βοίδια· νῦν δὲ κέκλειται ### book 746.1.4 τῇ χρυσῇ μάνδρῃ τὸ βραχὺ βουκόλιον. ### book 747.1.1 Εἰκόνα πέντε βοῶν μικρὰ λίθος εἶχεν ἴασπις, ### book 747.1.2 ὡς ἤδη πάσας ἔμπνοα βοσκομένας. ### book 747.1.3 καὶ τάχα κἂν ἀπέφευγε τὰ βοίδια· νῦν δὲ κρατεῖται ### book 747.1.4 τῇ χρυσῇ μάνδρῃ τὸ βραχὺ βουκόλιον. ### book 748.1 Ἁ λίθος ἔστ’ ἀμέθυστος, ἐγὼ δ’ ὁ πότας Διόνυσος· ### book 748 ἢ νήφειν πείσει μ’ ἢ μαθέτω μεθύειν. ### book 749.1.1 Ἐν κυάθῳ τὸν Ἔρωτα τίνος χάριν; ἀρκετὸν οἴνῳ ### book 749.1.2 αἴθεσθαι κραδίην· μὴ πυρὶ πῦρ ἔπαγε. ### book 750.1.1 Τὰς βοῦς καὶ τὸν ἴασπιν ἰδὼν περὶ χειρὶ δοκήσεις ### book 750.1.2 τὰς μὲν ἀναπνείειν, τὸν δὲ χλοηκομέειν. ### book 751.1.1 Ἁ σφραγὶς ὑάκινθος· Ἀπόλλων δ’ ἐστὶν ἐν αὐτῇ ### book 751.1.2 καὶ Δάφνη. ποτέρου μᾶλλον ὁ Λητοΐδας; ### book 752.1.1 Εἰμὶ Μέθη τὸ γλύμμα σοφῆς χερός, ἐν δ’ ἀμεθύστῳ ### book 752.1.2 γέγλυμμαι· τέχνης δ’ ἡ λίθος ἀλλοτρίη. ### book 752.1.3 ἀλλὰ Κλεοπάτρης ἱερὸν κτέαρ· ἐν γὰρ ἀνάσσης ### book 752.1.4 χειρὶ θεὸν νήφειν καὶ μεθύουσαν ἔδει. ### book 753.1.1 Χιονέη κρύσταλλος ὑπ’ ἀνέρος ἀσκηθεῖσα ### book 753.1.2 δεῖξεν ἀκηρασίοιο παναίολον εἰκόνα κόσμου, ### book 753 οὐρανὸν ἀγκὰς ἔχοντα βαρύκτυπον ἔνδοθι πόντον. ### book 754.1.1 Εἴπ’ ἄγε μοι, κρύσταλλε, λίθῳ πεπυκασμένον ὕδωρ ### book 754.1.2 τίς πῆξεν; —„Βορέης.“ —Ἢ τίς ἔλυσε; —„Νότος.“ ### book 755.1 Εἰ μὴ χαλκὸς ἔλαμπεν, ἐμάνυε δ’ ἔργον ἄνακτος ### book 755.2 ἔμμεναι Ἡφαίστου δαιδαλέοιο τέχνας, ### book 755.3 αὐτὴν ἄν τις Σκύλλαν ὀίσσατο τηλόθι λεύσσων ### book 755.4 ἑστάμεν ἐκ πόντου γαῖαν ἀμειψαμέναν· ### book 755.5.1 τόσσον ἐπισσείει, τόσσον κότον ἀντία φαίνει, ### book 755.5.2 οἷον ἀπὸ πελάγευς συγκλονέουσα νέας. ### book 756.1.1 Τέχνας εἵνεκα σεῖο καὶ ἁ λίθος οἶδε βρυάζειν, ### book 756.1.2 Πραξίτελες· λῦσον, καὶ πάλι κωμάσομαι. ### book 756.1.3 νῦν δ’ ἡμῖν οὐ γῆρας ἔτ’ ἀδρανές, ἀλλ’ ὁ πεδητὰς ### book 756.1.4 Σειληνοῖς κώμων βάσκανός ἐστι λίθος. ### book 757.1 Ἰφίων τόδ’ ἔγραψε Κορίνθιος· οὐκ ἔνι μῶμος ### book 757 χερσίν, ἐπεὶ δόξας ἔργα πολὺ προφέρει. ### book 758.1.1 Κίμων ἔγραψε τὴν θύραν τὴν δεξιάν, ### book 758.1.2 τὴν δ’ ἐξιόντων δεξιὰν Διονύσιος. ### book 759.1 Εἷς λίθος ἅρμ’, ἐλατήρ, ἵπποι, ζυγόν, ἡνία, μάστιξ. ### book 760.1 Εἷς λίθος ἅρμ’, ἐλατήρ, πῶλοι, ζυγός, ἡνία, Νίκη. ### book 761.1 Μικροῦ κατέσχον τὸν βότρυν τοῖς δακτύλοις ### book 761.2 ὑπεραπατηθεὶς τῇ θέᾳ τῶν χρωμάτων. ### book 762.1.1 Ἥφαιστός μ’ ἐτέλεσσε καμὼν χρόνον· ἀλλὰ Κυθείρη ### book 762.1.2 ἀνδρὸς ἑοῦ θαλάμων εἵλετο λαθριδίως, ### book 762.1.3 Ἀγχίσῃ δ’ ἔπορεν κρυφίης μνημήιον εὐνῆς· ### book 762.1.4 καί μ’ Ἀσκληπιάδης εὗρε παρ’ Αἰνεάδαις. ### book 763.1 Ἢν μὲν ἀλιτραίνῃς, πέλεκυν βλεφάροισι δοκεύεις· ### book 763 ἢν δὲ σαοφρονέῃς, ἄργυρός εἰμι μόνον. ### book 764.1.1 Οὐ βριαρόν τινα θῆρα καὶ οὔ τινα πόντιον ἰχθύν, ### book 764.1.2 οὐ πτερὸν ἀγρεύω πλέγμασιν ἡμετέροις, ### book 764.1.3 ἀλλὰ βροτοὺς ἐθέλοντας· ἀλεξήτειρα δὲ τέχνη ### book 764.1.4 ἀνέρα μυιάων κέντρον ἀλευόμενον ### book 764.5.1 ἐκ θαλίης ἀβρῶτα μεσημβριάοντα φυλάσσει, ### book 764.5.2 οὐδὲν ἀφαυροτέρη τείχεος ἀστυόχου. ### book 764.5.3 ὕπνου δ’ ἀστυφέλικτον ἄγω χάριν· ἀλλὰ καὶ αὐτοὺς ### book 764.5.4 δμῶας μυιοσόβου ῥύομαι ἀτμενίης. ### book 765.1.1 Καλλιγάμοις λέκτροις περικίδναμαι· εἰμὶ δὲ κεδνῆς ### book 765.1.2 δίκτυον οὐ Φοίβης, ἀλλ’ ἁπαλῆς Παφίης. ### book 765.1.3 ἀνέρα δ’ ὑπνώοντα μίτῳ πολύωπι καλύπτω ### book 765.1.4 ζῳοφόρων ἀνέμων οὐδὲν ἀτεμβόμενον. ### book 766.1.1 Πλέγμασι μὲν σκοπός ἐστι περισφίγξαι πετεηνῶν ### book 766.1.2 ἔθνεα καὶ ταχινοὺς ἔνδοθεν ὀρταλίχους· ### book 766.1.3 αὐτὰρ ἐγὼ σεύειν ἐπιτέρπομαι οὐδὲ καλύπτω ### book 766.1.4 ἔνδοθεν, ἀλλ’ εἴργω μᾶλλον ἐπειγομένους. ### book 766.5.1 οὐδέ μέ τις λήσειε, καὶ εἰ βραχὺς ἔπλετο, κώνωψ ### book 766.5.2 ἡμετέρης διαδὺς πλέγμα λινοστασίης. ### book 766.5.3 ὄρνεά που σῴζω, μερόπεσσι δὲ λέκτρα φυλάσσω. ### book 766 ἦ ῥά τις ἡμείων ἐστὶ δικαιότερος; ### book 767.1.1 Ἑζόμενος μὲν τῇδε παρ’ εὐλάιγγι τραπέζῃ ### book 767.1.2 παίγνια κινήσεις τερπνὰ βολοκτυπίης. ### book 767.1.3 μήτε δὲ νικήσας μεγαλίζεο, μήτ’ ἀπολειφθεὶς ### book 767.1.4 ἄχνυσο τὴν ὀλίγην μεμφόμενος βολίδα. ### book 767.5.1 καὶ γὰρ ἐπὶ σμικροῖσι νόος διαφαίνεται ἀνδρός, ### book 767.5.2 καὶ κύβος ἀγγέλλει βένθος ἐχεφροσύνης. ### book 768.1.1 Παίγνια μὲν τάδε πάντα· Τύχης δ’ ἑτερότροπος ὁρμὴ ### book 768.1.2 ταῖς ἀλόγοις ταύταις ἐμφέρεται βολίσιν· ### book 768.1.3 καὶ βροτέου βιότου σφαλερὸν μίμημα νοήσεις, ### book 768.1.4 νῦν μὲν ὑπερβάλλων, νῦν δ’ ἀπολειπόμενος. ### book 768.5.1 αἰνέομεν δὴ κεῖνον, ὃς ἐν βιότῳ τε κύβῳ τε ### book 768.5.2 χάρματι καὶ λύπῃ μέτρον ἐφηρμόσατο. ### book 769.1.1 Τοῖς μὲν πρηϋνόοις τάδε παίγνια, τοῖς δ’ ἀκολάστοις ### book 769.1.2 λύσσα καὶ ἀμπλακίη καὶ πόνος αὐτόματος. ### book 769.1.3 ἀλλὰ σὺ μὴ λέξῃς τι θεημάχον ὕστατος ἕρπων, ### book 769.1.4 μηδ’ ἀναροιβδήσῃς ῥινοβόλῳ πατάγῳ. ### book 769.5.1 δεῖ γὰρ μήτε πονεῖν ἐν ἀθύρμασι μήτε τι παίζειν ### book 769.5.2 ἐν σπουδῇ, καιρῷ δ’ ἴσθι νέμειν τὸ πρέπον. ### book 770.1 Χεῖλος Ἀνικήτεια τὸ χρύσεον εἰς ἐμὲ τέγγει· ### book 770 ἀλλὰ παρασχοίμην καὶ πόμα νυμφίδιον. ### book 771.1.1 Ὄντως Βάκχον ἔδεκτο Θέτις· νῦν μῦθος Ὁμήρου, ### book 771.1.2 ὀψὲ μέν, ἀλλ’ εὗρεν πίστιν ἐτητυμίης. ### book 772.1.1 Οἰνοχόῳ φίλον εἰμὶ μόνῳ δέπας, οὕνεκεν αὐτῷ ### book 772.1.2 Βάκχον ἀολλίζω τὸν περιλειπόμενον. ### book 773.1.1 Χαλκοτύπος τὸν Ἔρωτα μεταλλάξας ἐπόησε ### book 773.1.2 τήγανον, οὐκ ἀλόγως, ὅττι καὶ αὐτὸ φλέγει. ### book 774.1.1 Ἁ βάκχα Παρία μέν, ἐνεψύχωσε δ’ ὁ γλύπτας ### book 774.1.2 τὸν λίθον· ἀνθρῴσκει δ’ ὡς βρομιαζομένα. ### book 774.1.3 ὦ Σκόπα, ἁ θεοποιὸς 〈ἄπιστον〉 ἐμήσατο τέχνα ### book 774.1.4 θαῦμα χιμαιροφόνον θυιάδα μαινομέναν. ### book 775.1 Ἡ βάκχη Κρονίδην Σάτυρον θέτο· εἰς δὲ χορείαν ### book 775 θρῴσκει μαινομένων ὡς βρομιαζόμενος. ### book 776.1.1 Ζεύξιδος ἡ χροιή τε καὶ ἡ χάρις· ἐν δέ με μικρῇ ### book 776.1.2 κρυστάλλῳ τὸ καλὸν δαίδαλον Ἀρσινόῃ ### book 776.1.3 γράψας τοῦτ’ ἔπορεν Σατυρήιος· εἰμὶ δ’ ἀνάσσης ### book 776.1.4 εἰκὼν καὶ μεγάλης λείπομαι οὐδ’ ὀλίγον. ### book 777.1.1 Ἴδ’, ὡς ὁ πῶλος χαλκοδαιδάλῳ τέχνᾳ ### book 777.1.2 κορωνιῶν ἕστηκε· δριμὺ γὰρ βλέπων ### book 777.1.3 ὑψαυχενίζει καὶ διηνεμωμένας ### book 777.1.4 κορυφῆς ἐθείρας οὐρίωκεν ἐς δρόμον. ### book 777.5.1 δοκέω, χαλινοὺς εἴ τις ἡνιοστρόφος ### book 777.5.2 ἐναρμόσῃ γένυσσι κἀπικεντρίσῃ, ### book 777.5.3 ὁ σὸς πόνος, Λύσιππε, καὶ παρ’ ἐλπίδας ### book 777.5.4 τάχ’ ἐκδραμεῖται· τᾷ τέχνᾳ γὰρ ἐμπνέει. ### book 778.1.1 Γαῖαν τὴν φερέκαρπον, ὅσην ἔζωκε περίχθων ### book 778.1.2 ὠκεανὸς μεγάλῳ Καίσαρι πειθομένην, ### book 778.1.3 καὶ γλαυκήν με θάλασσαν ἀπηκριβώσατο Κύπρος ### book 778.1.4 κερκίσιν ἱστοπόνοις πάντ’ ἀπομαξαμένη· ### book 778.5 Καίσαρι δὲ κλεινῷ χάρις ἤλθομεν· ἦν γὰρ ἀνάσσης ### book 778 δῶρα φέρειν τὰ θεοῖς καὶ πρὶν ὀφειλόμενα. ### book 779.1 Δῶρον Ἰουστίνοιο τυραννοφόνου βασιλῆος ### book 779.2 καὶ Σοφίης ἀλόχου, φέγγος ἐλευθερίης, ### book 779.3 ὡράων σκοπίαζε σοφὸν σημάντορα χαλκὸν ### book 779.4 αὐτῆς ἐκ μονάδος μέχρι δυωδεκάδος, ### book 779.5.1 ὅντινα συληθέντα Δίκης θρόνον ἡνιοχεύων ### book 779.5.2 εὗρεν Ἰουλιανὸς χερσὶν ἀδωροδόκοις. ### book 780.1.1 Ὠρανὸν ἁ χωροῖσα σοφὰ λίθος, ἁ διὰ τυτθοῦ ### book 780.1.2 γνώμονος ἀελίῳ παντὶ μερισδομένα. ### book 781.1 Ἢν κλείσῃς μ’, ἀνέῳγα· καὶ ἢν οἴξῃς, ἐμὲ κλείσεις· ### book 781.2 τοῖος ἐὼν τηρεῖν σὸν δόμον οὐ δύναμαι. ### book 782.1.1 Ἐνθάδε μιστύλλουσι δρόμον Φαεθοντίδος αἴγλης ### book 782.1.2 ἀνέρες ὡράων ἀμφὶ δυωδεκάδι· ### book 782.1.3 ὕδασι δ’ ἠελίοιο ταλαντεύουσι κελεύθους ### book 782 ἐς πόλον ἐκ γαίης μῆτιν ἐρεισάμενοι. ### book 783.1 Ἀνδράσιν Ἑρμῆς εἰμι, γυναιξὶ δὲ Κύπρις ὁρῶμαι· ### book 783.2 ἀμφοτέρων δὲ φέρω σύμβολά μοι τοκέων. ### book 783.3 τοὔνεκεν οὐκ ἀλόγως με τὸν Ἑρμαφρόδιτον ἔθεντο ### book 783.4 ἀνδρογύνοις λουτροῖς παῖδα τὸν ἀμφίβολον. ### book 784.1 Μὴ νεμέσα βαιοῖσι· χάρις βαιοῖσιν ὀπηδεῖ· ### book 784.2 βαιὸς καὶ Παφίης ἔπλετο κοῦρος Ἔρως. ### book 785.1 Μηνᾶς χρύσεον ἔργον ἐδείματο πᾶσιν ὁδίταις, ### book 785.2 κυδαίνων πτολίεθρον ἐριχρύσων βασιλήων. ### book 786.1.1 Τόνδε καθιδρύσαντο θεῷ περικαλλέα βωμὸν ### book 786.1.2 Λευκῆς καὶ Πτελεοῦ μέσσον ὅρον θέμενοι ### book 786.1.3 ἐνναέται, μοίρης σημήιον ἀμμορίης τε· ### book 786.1.4 αὐτὸς ἄναξ μακάρων ἐστὶ μέσος Κρονίδης. ### book 787.1.1 Ὁ πρὶν ἀλωόμενος καὶ ἀνέστιον ἴχνος ἐλαύνων, ### book 787.1.2 εἴτ’ ἀφ’ ὁδοιπορίης, εἴτ’ ἀπὸ ναυτιλίης, ### book 787.1.3 ἐνθάδε νῦν προσιὼν στῆσον, ξένε, σὸν πόδα 〈δεῦρο〉, ### book 787.1.4 ναιετάειν ἐθέλων, οἶκον ἕτοιμον ἔχων. ### book 787.5 εἰ δέ με καί, τίς ἔτευξεν, ἀνακρινέοις, πολιῆτα, ### book 787 Εὐλόγιος, Φαρίης ἀρχιερεὺς ἀγαθός. ### book 788.1.1 Ὄλβιον ἀνθρώποισιν ἔχει φάος ἄμβροτος αἰὼν ### book 788.1.2 σῇσιν ὑπ’ ἐννεσίῃς’, εὐγενέτειρα Τύχη. ### book 788.1.3 νεύματι γὰρ σῷ πάντα φέρει κλέος, ᾧ ποτε χειρὶ ### book 788.1.4 δεξιτερῇ παρέχῃς αὐχένα θεσπέσιον· ### book 788.5.1 τούτῳ καὶ βασιλῆες ἀμύμονες ἁρμόζονται ### book 788.5.2 καὶ λογίων ἀγέλης ἄμβροτοι ἡγεμόνες· ### book 788.5.3 καὶ νῆες λιμένεσσι σαώτερον ἀμπαύονται ### book 788.5.4 σὴν δι’ ἀρηγοσύνην σῳζόμεναι πελάγει· ### book 788.5.5 καὶ πόλιες χαίρουσιν ἀκύμονες ἠδέ τε λαοὶ ### book 788.10.1 καὶ θαλερῶν πεδίων λείμακες ἀμβρόσιοι. ### book 788.10.2 τοὔνεκα σὸν θεράποντα πρὸς ὄλβιον ἀθρήσασα ... ### book 789.1.1 Τέκτονά με σκοπίαζε σοφῶν κοσμήτορα μύθων ### book 789.1.2 ἰθύνοντα τέχνην εὐεπίης κανόνι. ### book 790.1.1 Τίς ποκ’ ἀπ’ Οὐλύμποιο μετάγαγε παρθενεῶνα ### book 790.1.2 τὸν πάρος οὐρανίοις ἐμβεβαῶτα δόμοις ### book 790.1.3 ἐς πόλιν Ἀνδρόκλοιο, θοῶν βασίλειαν Ἰώνων, ### book 790.1.4 τὰν δορὶ καὶ Μούσαις αἰπυτάταν Ἔφεσον; ### book 790.5 ἦ ῥα σὺ φιλαμένα, Τιτυοκτόνε, μέζον Ὀλύμπου ### book 790 τὰν τροφόν, ἐν ταύτᾳ τὸν σὸν ἔθευ θάλαμον. ### book 791.1.1 Μητρὶ περιστεφέος σηκοῦ, Κυθέρεια, θαλάσσῃ ### book 791.1.2 κρηπῖδας βυθίας οἴδματι πηξαμένη, ### book 791.1.3 χαίρει ἴδ’ ἀμφὶ σὲ πόντος ἐπὶ ζεφύροιο πνοῇσιν ### book 791.1.4 ἀφρὸν ὑπὲρ νώτου κυάνεον κεδάσας. ### book 791.5.1 εἵνεκα δ’ εὐσεβίης νηοῦ θ’ ὃν ἐγείρατο σεῖο ### book 791.5.2 Πόστουμος αὐχήσῃ μέζον, Ἀφροῖ, σὺ Πάφου. ### book 792.1.1 Νικίεω πόνος οὗτος· ἀειζώουσα Νεκυία ### book 792.1.2 ἤσκημαι, πάσης ἠρίον ἡλικίης· ### book 792.1.3 δώματα δ’ Αἰδωνῆος ἐρευνήσαντος Ὁμήρου ### book 792.1.4 γέγραμμαι κείνου πρῶτον ἀπ’ ἀρχετύπου. ### book 793.1.1 Πόρτιν τήνδε Μύρωνος ἰδὼν τάχα τοῦτο βοήσεις· ### book 793.1.2 „Ἢ φύσις ἄπνοός ἐστιν, ἢ ἔμπνοος ἔπλετο τέχνη.“ ### book 794.1.1 Βουκόλε, πῇ προθέειν με βιάζεαι; ἴσχεο νύσσων· ### book 794.1.2 οὐ γάρ μοι τέχνη καὶ τόδ’ ὄπασσεν ἔχειν. ### book 795.1 Ἢ χαλκὸν ζώωσε Μύρων σοφὸς ἢ τάχα πόρτιν ### book 795 χάλκωσε ζωὰν ἐξ ἀγέλας ἐρύσας. ### book 796.1.1 Πλάστα Μύρων, σέο πόρτιν ὁδοιπόρος ἦλθεν ἐλάσσων· ### book 796.1.2 χαλκοῦ δὲ ψαύσας φὼρ κενὸς ἐξεφάνη. ### book 797.1.1 Εἰσορόων με λέων χαίνει στόμα, χερσὶ δ’ ἀείρει ### book 797.1.2 γειοπόνος ζεύγλην, ἀγρονόμος κορύνην. ### book 798.1.1 Τλῆθι, Μύρων· τέχνη σε βιάζεται· ἄπνοον ἔργον. ### book 798.1.2 ἐκ φύσεως τέχνη, οὐ γὰρ φύσιν εὕρετο τέχνη. ### book 799.1 Εὔνους μὲν βασιλεῖ Μουσήλιος· ἔργα βοῶσιν ### book 799.2 δημόσια· σθεναρὴν πράγματα πίστιν ἔχει. ### book 799.3 Μουσεῖον Ῥώμῃ δ’ ἐχαρίσσατο καὶ βασιλῆος ### book 799.4 εἰκόνα θεσπεσίην ἐντὸς ἔγραψε δόμων· ### book 799.5.1 τιμὴν μουσοπόλοις, πόλεως χάριν, ἐλπίδα κούρων, ### book 799.5.2 ὅπλα δὲ τῆς ἀρετῆς, χρήματα τοῖς ἀγαθοῖς. ### book 800 Ταῦτα λόγοις ἀνέθηκεν ἑκὼν Μουσήλιος ἔργα ### book 800 πιστεύων καθαρῶς, ὡς Θεός ἐστι Λόγος. ### book 801.1 Μουσείου τὰ μὲν αὐτὸς ἐτεύξατο, πολλὰ δὲ σώσας ### book 801.2 ἑστῶτα σφαλερῶς ἵδρυσεν ἀσφαλέως. ### book 802.1 Μορφὴν τήνδ’ ὁράᾳς ζωῷ ἐναλίγκιον ἵππῳ, ### book 802.2 Μαρκιανὸν φορέοντι, βροτῶν βασιλῆα γενέθλης· ### book 802.3 δεξιτερὴν δ’ ἐτάνυσσε, θέοντα δὲ πῶλον ἐπείγει ### book 802.4 δυσμενέος καθύπερθεν, ὅτις κεφαλῇ μιν ἀείρει. ### book 803.1 Αὐσονίων δέσποιναν Ἰουλιανὸς πολιοῦχος ### book 803.2 ὡς σοφίης μεστὴν ἄνθετο τὴν Σοφίην. ### book 804.1 Ἰουστίνον κατὰ χρέος τὸν δεσπότην ### book 804.2 Ἰουλιανὸς ὕπαρχος ὡς εὐεργέτην. ### book 805 Εἰσόκε θούριος οὗτος ἐπὶ χθονὶ κέκλιται Ἄρης, ### book 805 οὔποτε Θρηικίης ἐπιβήσεται ἔθνεα Γότθων. ### book 806.1 Κῆπος ἔην ὅδε χῶρος· ἀπὸ σκιερῶν δὲ πετήλων ### book 806.2 νυκτοφανὴς τελέθων ἔσκεπεν ἠέλιον. ### book 806.3 νῦν δὲ παναιγλήεντα καὶ εὔδιον εὗρε τελέσσαι ### book 806.4 Σέργιος αὐτόπτης μυστιπόλος Τριάδος, ### book 806.5.1 ἔνθα λίθος στατὸς οὗτος ἀειδίνητον ἀνάγκην ### book 806.5.2 ἑπτάκις ἀγγέλλει ἄντυγος οὐρανίης. ### book 807.1.1 Μηχανικὴ Φαέθοντα βιάζεται ἁρμονικοῖσι ### book 807.1.2 γνώμοσιν ἀγρεύειν τὸν δρόμον ἠελίου· ### book 807.1.3 βαιὸς δ’ ἀμφιέπει λίθος ἄντυγας Ἠριγενείης ### book 807.1.4 ὡρονόμῳ σοφίῃ καὶ σκιόεντι τύπῳ. ### book 807.5.1 Σεργίου ἀρχιερῆος ἐπουρανίῃσιν ἐφετμαῖς ### book 807.5.2 τοῦτο συνειργάσθη ἔργον ἐπιχθονίων. ### book 808.1.1 Δείματο Μαξιμίνος νεοπηγέος ἔνδοθι Ῥώμης ### book 808.1.2 αὐταῖς ἠιόνεσσι θεμείλια καρτερὰ πήξας. ### book 808.1.3 ἀγλαΐη δέ μοι ἀμφὶς ἀπειρεσίη τετάνυσται ### book 808.1.4 τῇ καὶ τῇ καὶ ὄπισθεν ἔχω πτόλιν, ἀλλὰ καὶ ἄντην ### book 808.5.1 πάνθ’ ὁρόω γαίης Βιθυνηίδος ἀγλαὰ ἔργα· ### book 808.5.2 ἡμετέροις δ’ ὑπένερθεν ἐρισθενέεσσι θεμέθλοις ### book 808.5.3 πόντος ἁλὸς προχοῇσι κυλίνδεται εἰς ἅλα δῖαν ### book 808.5.4 τόσσον ἐπιψαύων, ὁπόσον χθονὸς ἄκρα διῆναι. ### book 808.5.5 πολλάκι δ’ ἐξ ἐμέθεν τις ἑὸν μέγα θυμὸν ἰάνθη ### book 808.10 βαιὸν ὑπερκύψας, ἐπεὶ εἴσιδεν ἄλλοθεν ἄλλα, ### book 808 δένδρεα, δώματα, νῆας, ἅλα, πτόλιν, ἠέρα, γαῖαν. ### book 809.1.1 Πίνδαρον ἱμερόεντα παρ’ ὕδασι Κῦρος ἐγείρει, ### book 809.1.2 οὕνεκα φορμίζων εἶπεν· „Ἄριστον ὕδωρ.“ ### book 810.1 Οὗτος Ἰουστῖνος Σοφίῃ σχεδόν· ἀμφότεροι δὲ ### book 810.2 χρύσεον ἔργον ἔτευξαν ἀπ’ Ἀσσυρίοιο θριάμβου. ### book 811.1 Φαιδρὸν Ἰουστινιανὸς ἄναξ ἐμὲ χῶρον ἐγείρει ### book 811.2 Ἠελίῳ παρέχων θάμβος ἀνερχομένῳ· ### book 811.3 οὔποτε γὰρ τοιοῦτον ἐπὶ χθονὸς ἔδρακε κάλλος ### book 811.4 ὑψόθεν οὐρανίην οἶμον ἐπερχόμενος. ### book 812.1 Θεῖον Ἰουστῖνον, καθαρὸν φρουρήτορα θεσμῶν, ### book 812.2 Δομνῖνος καθαρῆς ἐν προθύροισι Δίκης. ### book 813.1 Τῆς Σοφίης τόδ’ ἄγαλμα Δίκης προπάροιθε θυράων, ### book 813.2 οὐ γὰρ ἄνευθε δίκης ἔπρεπε τὴν σοφίην. ### book 814.1 „Νύμφαι Νηιάδες, μετανάστιοι, οὐχ ἅμα πάσας ### book 814.2 ἥξειν ὠιόμην χεύμασιν ἡμετέροις.“ ### book 814.3 Εἰ δὲ τόσην τὸ λοετρὸν ἔχει χάριν, οὐδὲν ὀνήσει ### book 814 ὁ φθόνος, εἰ Νύμφαι πᾶν ἀπέλειπον ὕδωρ. ### book 815.1 Ξεῖνε, τί νῦν σπεύδεις ὁρόων ἀκεσώδυνον ὕδωρ; ### book 815.2 εὐφροσύνης τὸ λοετρόν, ἀπορρύπτει μελεδῶνας, ### book 815.3 μόχθον ἐλαφρίζει· τόδε γὰρ ποίησε Μιχαήλ, ### book 815.4 ὃς κρατερῆς αὐλῆς βασιληίδος ἡγεμονεύει. ### book 816.1 Ἀντία Τηλεμάχοιο καὶ ἐγγύθι Πηνελοπείης ### book 816.2 τίπτε, πολυφράδμων, πολυταρβέα χεῖρα τιταίνεις; ### book 816.3 οὐκ ἐρέει μνηστῆρσι τεόν ποτε νεῦμα τιθήνη. ### book 817.1 Ἐν τῇ τραπέζῃ τῶν ἀχράντων θυμάτων ### book 817.2 παθῶν τυχόντας τῶν ὑπὲρ Χριστοῦ γράφω· ### book 817.3 οὕσπερ γὰρ αἰτῶ πρὸς σκέπην ἔχειν Πέτρος, ### book 817.4 φρικτοῦ τέθεικα τοῖς σκεπάσμασιν τόπου. ### book 818.1 Καὶ Πέτρος ἄλλος τὸν τάφον τοῦ Κυρίου ### book 818.2 τὸν ζωοποιὸν εἰσιδεῖν μὴ συμφθάσας ### book 818.3 ἔγλυψα δίσκον, μνήματος θείου τύπον, ### book 818.4 ἐν ᾧ τὸ Χριστοῦ σῶμα κύψας προσβλέπω. ### book 819 Κρατὴρ νοητὸς Πνεύματος θείου βλύσει ### book 819 κατανύξεως ῥοῦν ἐγχέω ταῖς καρδίαις. ### book 820.1 Τοῦτον Ἰουστινιανὸς ἀγακλέα δείματο χῶρον ### book 820.2 ὕδατι καὶ γαίῃ κάλλος ἐπικρεμάσας. ### book 821.1 Κοίρανοι, ὑμετέρην ἀρετὴν κάρτος τε καὶ ἔργα ### book 821.2 αὐδήσει χρόνος αἰέν, ἕως πόλος ἀστέρας ἕλκῃ. ### book 822.1 Ἀργύρεος πόλος οὗτος, ὅπῃ Φαέθοντα Σελήνη ### book 822.2 δέρκεται ἀντιτύπων πιμπλαμένη φαέων· ### book 822.3 ἀπλανέες δ’ ἑκάτερθε καὶ ἀντιθέοντες ἀλῆται ### book 822.4 ἀνδρομέης γενεῆς πᾶσαν ἄγουσι τύχην. ### book 823.1.1 Σιγάτω λάσιον Δρυάδων λέπας οἵ τ’ ἀπὸ πέτρας ### book 823.1.2 κρουνοὶ καὶ βληχὴ πουλυμιγὴς τοκάδων, ### book 823.1.3 αὐτὸς ἐπεὶ σύριγγι μελίσδεται εὐκελάδῳ Πάν, ### book 823.1.4 ὑγρὸν ἱεὶς ζευκτῶν χεῖλος ὑπὲρ καλάμων· ### book 823.5 αἱ δὲ πέριξ θαλεροῖσι χορὸν ποσὶν ἐστήσαντο ### book 823 Ὑδριάδες Νύμφαι, Νύμφαι Ἁμαδρυάδες. ### book 824.1.1 Εὔστοχα θηροβολεῖτε, κυναγέται, οἱ ποτὶ ταύταν ### book 824.1.2 Πανὸς ὀρειώτα νισσόμενοι σκοπιάν, ### book 824.1.3 αἴτε λίνοις βαίνοιτε πεποιθότες, αἴτε σιδάρῳ, ### book 824.1.4 αἴτε καὶ ἰξευταὶ λαθροβόλῳ δόνακι· ### book 824.5.1 κἀμέ τις ὑμείων ἐπιβωσάτω· οἶδά ποτ’ ἄγραν ### book 824.5.2 κοσμεῖν καὶ λόγχαν καὶ λίνα καὶ καλάμους. ### book 825 Πᾶνά με τὸν δυσέρωτα καὶ ἐξ ὑδάτων φύγεν Ἠχώ. ### book 826.1 Τὸν Βρομίου Σάτυρον τεχνήσατο δαιδαλέη χεὶρ ### book 826.2 μούνη θεσπεσίως πνεῦμα βαλοῦσα λίθῳ. ### book 826.3 εἰμὶ δὲ ταῖς Νύμφαισιν ὁμέψιος, ἀντὶ δὲ τοῦ πρὶν ### book 826.4 πορφυρέου μέθυος λαρὸν ὕδωρ προχέω. ### book 826.5.1 εὔκηλον δ’ ἴθυνε φέρων πόδα, μὴ τάχα κοῦρον ### book 826.5.2 κινήσῃς ἁπαλῷ κώματι θελγόμενον. ### book 827.1.1 Εἰμὶ μὲν εὐκεράοιο φίλος θεράπων Διονύσου, ### book 827.1.2 λείβω δ’ ἀργυρέων ὕδατα Ναϊάδων· ### book 827 θέλγω δ’ ἠρεμέοντα νέον περὶ κώματι παῖδα ... ### book 1.1.1 Ὁ πλόος ὡραῖος· καὶ γὰρ λαλαγεῦσα χελιδὼν ### book 1.1.2 ἤδη μέμβλωκεν χὠ χαρίεις ζέφυρος· ### book 1.1.3 λειμῶνες δ’ ἀνθεῦσι, σεσίγηκεν δὲ θάλασσα ### book 1.1.4 κύμασι καὶ τρηχεῖ πνεύματι βρασσομένη. ### book 1.5.1 ἀγκύρας ἀνέλοιο καὶ ἐκλύσαιο γύαια, ### book 1.5.2 ναυτίλε, καὶ πλώοις πᾶσαν ἐφεὶς ὀθόνην. ### book 1.5.3 ταῦθ’ ὁ Πρίηπος ἐγὼν ἐπιτέλλομαι, ὁ λιμενίτας, ### book 1.5.4 ὤνθρωφ’, ὡς πλώοις πᾶσαν ἐπ’ ἐμπορίην. ### book 2.1.1 Ἀκμαῖος ῥοθίῃ νηὶ δρόμος, οὐδὲ θάλασσα ### book 2.1.2 πορφύρει τρομερῇ φρικὶ χαρασσομένη· ### book 2.1.3 ἤδη δὲ πλάσσει μὲν ὑπώροφα γυρὰ χελιδὼν ### book 2.1.4 οἰκία, λειμώνων δ’ ἁβρὰ γελᾷ πέταλα. ### book 2.5.1 τοὔνεκα μηρύσασθε διάβροχα πείσματα, ναῦται, ### book 2.5.2 ἕλκετε δ’ ἀγκύρας φωλάδας ἐκ λιμένων· ### book 2.5.3 λαίφεα δ’ εὐυφέα προτονίζετε. ταῦθ’ ὁ Πρίηπος ### book 2.5.4 ὔμμιν ἐνορμίτας παῖς ἐνέπω Βρομίου. ### book 3.1.1 Εἰς Ἀίδην ἰθεῖα κατήλυσις, εἴτ’ ἀπ’ Ἀθηνῶν ### book 3.1.2 στείχοις, εἴτε νέκυς νίσεαι ἐκ Μερόης. ### book 3.1.3 μή σέ γ’ ἀνιάτω πάτρης ἀποτῆλε θανόντα· ### book 3 πάντοθεν εἷς ὁ φέρων εἰς Ἀίδην ἄνεμος. ### book 4.1.1 Λῦσον ἀπ’ εὐόρμων δολιχὰ πρυμνήσια νηῶν, ### book 4.1.2 εὔτροχα δ’ ἐκπετάσας λαίφεα ποντοπόρει, ### book 4.1.3 ἔμπορε· χειμῶνες γὰρ ἀπέδραμον, ἄρτι δὲ κῦμα ### book 4.1.4 γλαυκὸν θηλύνει πρηΰγελως Ζέφυρος· ### book 4.5.1 ἤδη καὶ φιλότεκνος ὑπὸ τραυλοῖσι χελιδὼν ### book 4.5.2 χείλεσι καρφίτην πηλοδομεῖ θάλαμον· ### book 4.5.3 ἄνθεα δ’ ἀντέλλουσι κατὰ χθόνα· τῷ σὺ Πριήπῳ ### book 4.5.4 πειθόμενος πάσης ἅπτεο ναυτιλίης. ### book 5.1.1 Ἤδη πηλοδομεῦσι χελιδόνες, ἤδη ἀν’ οἶδμα ### book 5.1.2 κολποῦται μαλακὰς εἰς ὀθόνας ζέφυρος· ### book 5.1.3 ἤδη καὶ λειμῶνες ὑπὲρ πετάλων ἐχέαντο ### book 5.1.4 ἄνθεα, καὶ τρηχὺς σῖγα μέμυκε πόρος. ### book 5.5.1 σχοίνους μηρύεσθε, ἐφ’ ὁλκάδα φορτίζεσθε ### book 5.5.2 ἀγκύρας, καὶ πᾶν λαῖφος ἔφεσθε κάλοις. ### book 5.5.3 ταῦτ’ ὔμμιν πλώουσιν ἐπ’ ἐμπορίην ὁ Πρίηπος ### book 5.5.4 ὁ λιμενορμίτης ναυτιλίην γράφομαι. ### book 6.1.1 Ἤδη μὲν ζεφύροιο ποητόκου ὑγρὸν ἄημα ### book 6.1.2 ἠρέμα λειμῶνας πίτνει ἐπ’ ἀνθοκόμους· ### book 6.1.3 Κεκροπίδες δ’ ἠχεῦσι· γαληναίη δὲ θάλασσα ### book 6.1.4 μειδιάει κρυερῶν ἄτρομος ἐξ ἀνέμων. ### book 6.5.1 ἀλλ’ ἴτε θαρσαλέοι, πρυμνήσια λύετε, ναῦται, ### book 6.5.2 πίτνατε δὲ πτερύγων λεπταλέας στολίδας. ### book 6.5.3 ὦ ἴτ’ ἐπ’ ἐμπορίην πίσυνοι χαρίεντι Πριήπῳ, ### book 6 ὦ ἴτε δὴ λιμένων δαίμονι πειθόμενοι. ### book 7.1.1 Τοῦδέ με κυμοπλῆγος ἐπὶ σκοπέλοιο Πρίηπον ### book 7.1.2 ναῦται Θρηικίου θέντο πόρου φύλακα, ### book 7.1.3 πολλάκις οἷς ἤιξα ταχὺς καλέουσιν ἀρωγός, ### book 7.1.4 ξεῖνε, κατὰ πρύμνης ἡδὺν ἄγων Ζέφυρον. ### book 7.5.1 τοὔνεκεν οὔτ’ ἄκνισον, ὅπερ θέμις, οὔτ’ ἐπιδευῆ ### book 7.5.2 εἴαρος ἀθρήσεις βωμὸν ἐμὸν στεφάνων, ### book 7.5.3 ἀλλ’ αἰεὶ θυόεντα καὶ ἔμπυρον· οὐδ’ ἑκατόμβη ### book 7.5.4 τόσσον ὅσον τιμὴ δαίμοσιν ἁνδάνεται. ### book 8.1.1 Βαιὸς ἰδεῖν ὁ Πρίηπος ἐπαιγιαλίτιδα ναίω ### book 8.1.2 χηλήν, αἰθυίαις οὔποτ’ ἐναντίβιος, ### book 8.1.3 φοξός, ἄπους, οἷόν κεν ἐρημαίῃσιν ἐπ’ ἀκταῖς ### book 8.1.4 ξέσσειαν μογερῶν υἱέες ἰχθυβόλων. ### book 8.5.1 ἀλλ’ ἤν τις γριπεύς με βοηθόον ἢ καλαμευτὴς ### book 8.5.2 φωνήσῃ, πνοιῆς ἵεμαι ὀξύτερος. ### book 8.5.3 λεύσσω καὶ τὰ θέοντα καθ’ ὕδατος· ἦ γὰρ ἀπ’ ἔργων ### book 8.5.4 δαίμονες, οὐ μορφᾶς γνωστὸν ἔχουσι τύπον. ### book 9.1 Τὸν βραχύν, ἰχθυβολῆες, ὑπὸ σχίνῳ με Πρίηπον ### book 9.2 στειλάμενοι κώπαις τὰν ὀλίγαν ἄκατον, ### book 9.3 —δίκτυ’ ἄγ’ ἁπλώσασθε—, πολὺν δ’ ἁλινηχέα βῶκα ### book 9.4 καὶ σκάρον, οὐ θρίσσης νόσφιν ἀρυσσάμενοι, ### book 9.5 γλαυκὸν ἐνιδρυνθέντα νάπῃ, σημάντορα θήρης ### book 9 τίετ’ ἀπ’ οὐκ ὀλίγων βαιὸν ἀπαρχόμενοι. ### book 10.1.1 Πᾶνά με τόνδ’ ἱερῆς ἐπὶ λισσάδος, αἰγιαλίτην ### book 10.1.2 Πᾶνα, τὸν εὐόρμων τῇδ’ ἔφορον λιμένων, ### book 10.1.3 οἱ γριπῆες ἔθεντο· μέλω δ’ ἐγὼ ἄλλοτε κύρτοις, ### book 10.1.4 ἄλλοτε δ’ αἰγιαλοῦ τοῦδε σαγηνοβόλοις. ### book 10.5.1 ἀλλὰ παράπλει, ξεῖνε· σέθεν δ’ ἐγὼ οὕνεκα ταύτης ### book 10.5.2 εὐποΐης πέμψω πρηῢν ὄπισθε νότον. ### book 11.1.1 Εἴτε σύ γ’ ὀρνεόφοιτον ὑπὲρ καλαμῖδα παλύνας ### book 11.1.2 ἰξῷ ὀρειβατέεις, εἴτε λαγοκτονέεις, ### book 11.1.3 Πᾶνα κάλει. κυνὶ Πὰν λασίου ποδὸς ἴχνια φαίνει· ### book 11.1.4 σύνθεσιν ἀκλινέων Πὰν ἀνάγει καλάμων. ### book 12.1.1 Τᾷδ’ ὑπὸ τὰν ἄρκευθον ἴτ’ ἀμπαύοντες, ὁδῖται, ### book 12.1.2 γυῖα παρ’ Ἑρμείᾳ σμικρόν, ὁδοῦ φύλακι, ### book 12.1.3 μὴ φύρδαν, ὅσσοι δὲ βαρεῖ γόνυ κάμνετε μόχθῳ ### book 12.1.4 καὶ δίψᾳ, δολιχὰν οἶμον ἀνυσσάμενοι. ### book 12.5.1 πνοιὴ γὰρ καὶ θῶκος ἐύσκιος, ἅ θ’ ὑπὸ πέτρᾳ ### book 12.5.2 πῖδαξ εὐνήσει γυιοβαρῆ κάματον· ### book 12.5.3 ἔνδιον δὲ φυγόντες, ὀπωρινοῦ κυνὸς ἄσθμα, ### book 12 ὡς θέμις, Ἑρμείην εἰνόδιον τίετε. ### book 13.1.1 Ἦ καλὸν αἱ δάφναι, καλὸν δ’ ὑπὸ πυθμέσιν ὕδωρ ### book 13.1.2 πιδύει, πυκινὸν δ’ ἄλσος ὑποσκιάει ### book 13.1.3 τηλεθάον, ζεφύροισιν ἐπίδρομον, ἄλκαρ ὁδίταις ### book 13.1.4 δίψης καὶ καμάτου καὶ φλογὸς ἠελίου. ### book 14.1.1 Εὔδια μὲν πόντος πορφύρεται· οὐ γὰρ ἀήτης ### book 14.1.2 κύματα λευκαίνει φρικὶ χαρασσόμενα· ### book 14.1.3 οὐκέτι δὲ σπιλάδεσσι περικλασθεῖσα θάλασσα ### book 14.1.4 ἔμπαλιν ἀντωπὸς πρὸς βάθος εἰσάγεται. ### book 14.5.1 οἱ ζέφυροι πνείουσιν, ἐπιτρύζει δὲ χελιδὼν ### book 14.5.2 κάρφεσι κολλητὸν πηξαμένη θάλαμον. ### book 14.5.3 θάρσει, ναυτιλίης ἐμπείραμε, κἂν παρὰ Σύρτιν, ### book 14.5.4 κἂν παρὰ Σικελικὴν ποντοπορῇς κροκάλην· ### book 14.5.5 μοῦνον ἐνορμίταο παραὶ βωμοῖσι Πριήπου ### book 14.10 ἢ σκάρον ἢ βῶκας φλέξον ἐρευθομένους. ### book 15.1.1 Ἤδη μὲν ζεφύροισι μεμυκότα κόλπον ἀνοίγει ### book 15.1.2 εἴαρος εὐλείμων θελξινόοιο χάρις· ### book 15.1.3 ἄρτι δὲ δουρατέοισιν ἐπωλίσθησε κυλίνδροις ### book 15.1.4 ὁλκὰς ἀπ’ ἠιόνων ἐς βυθὸν ἑλκομένη. ### book 15.5.1 λαίφεα κυρτώσαντες ἀταρβέες ἔξιτε, ναῦται, ### book 15.5.2 πρηῢν ἀμοιβαίης φόρτον ἐς ἐμπορίης. ### book 15.5.3 πιστὸς νηυσὶ Πρίηπος, ἐπεὶ Θέτιν εὔχομαι εἶναι ### book 15 ἡμετέρου πατρὸς ξεινοδόκον Βρομίου. ### book 16.1.1 Ἤδη καλλιπέτηλον ἐπ’ εὐκάρποισι λοχείαις ### book 16.1.2 λήιον ἐκ ῥοδέων ἀνθοφορεῖ καλύκων· ### book 16.1.3 ἤδη ἐπ’ ἀκρεμόνεσσιν ἰσοζυγέων κυπαρίσσων ### book 16.1.4 μουσομανὴς τέττιξ θέλγει ἀμαλλοδέτην· ### book 16.5.1 καὶ φιλόπαις ὑπὸ γεῖσα δόμους τεύξασα χελιδὼν ### book 16.5.2 ἔκγονα πηλοχύτοις ξεινοδοκεῖ θαλάμοις. ### book 16.5.3 ὑπνώει δὲ θάλασσα, φιλοζεφύροιο γαλήνης ### book 16.5.4 νηοφόροις νώτοις εὔδια πεπταμένης, ### book 16.5.5 οὐκ ἐπὶ πρυμναίοισι καταιγίζουσα κορύμβοις, ### book 16.10.1 οὐκ ἐπὶ ῥηγμίνων ἀφρὸν ἐρευγομένη. ### book 16.10.2 ναυτίλε, ποντομέδοντι καὶ ὁρμοδοτῆρι Πριήπῳ ### book 16.10.3 τευθίδος ἢ τρίγλης ἀνθεμόεσσαν ἴτυν, ### book 16.10.4 ἢ σκάρον αὐδήεντα παραὶ βωμοῖσι πυρώσας ### book 16.10.5 ἄτρομος Ἰονίου τέρμα θαλασσοπόρει. ### book 17.1.1 Ἀρχέλεω, λιμενῖτα, σὺ μέν, μάκαρ, ἠπίῳ αὔρῃ ### book 17.1.2 πέμπε κατὰ σταθερῆς οἰχομένην ὀθόνην ### book 17.1.3 ἄχρις ἐπὶ Τρίτωνα· σὺ δ’ ἠόνος ἄκρα λελογχὼς ### book 17.1.4 τὴν ἐπὶ Πυθείου ῥύεο ναυστολίην· ### book 17.5.1 κεῖθεν δ’, εἰ Φοίβῳ μεμελήμεθα πάντες ἀοιδοί, ### book 17.5.2 πλεύσομαι εὐαεῖ θαρσαλέως ζεφύρῳ. ### book 18.1.1 Γῶβρυ, Διώνυσός σε καὶ ἡ φιλεράστρια Κύπρις ### book 18.1.2 τέρποι καὶ γλυκεραὶ γράμμασι Πιερίδες· ### book 18.1.3 ὧν μὲν γὰρ σοφίην ἀποδρέπτεο· τῆς δ’ ἐς ἔρωτας ### book 18 ἔρχεο· τοῦ δὲ φίλας λαβροπότει κύλικας. ### book 19.1.1 Ἡδὺ παρειάων πρῶτον θέρος ἤματι τούτῳ ### book 19.1.2 κείρεο καὶ γενύων ἠιθέους ἕλικας, ### book 19.1.3 Γάιε· σὸν δὲ πατὴρ χερὶ δέξεται εὐκτὸν ἴουλον ### book 19.1.4 Λεύκιος αὐξομένου πουλὺν ἐς ἠέλιον. ### book 19.5.1 δωρεῦνται χρυσέοισιν, ἐγὼ δ’ ἱλαροῖς ἐλέγοισιν· ### book 19.5.2 οὐ γὰρ δὴ πλούτου Μοῦσα χερειοτέρη. ### book 20.1.1 Ἤν τινα καλὸν ἴδῃς, εὐθὺς τὸ πρῆγμα κροτείσθω· ### book 20.1.2 βάζ’, ἃ φρονεῖς· ὄρχεων δράσσεο χερσὶν ὅλαις· ### book 20.1.3 ἢν δ’ εἴπῃς· „Τίω σε καὶ ἔσσομαι οἷάτ’ ἀδελφός,“ ### book 20.1.4 αἰδώς σου κλείσει τὴν ἐπὶ τοὔργον ὁδόν. ### book 21.1.1 Κύπρι γαληναίη, φιλονύμφιε, Κύπρι δικαίων ### book 21.1.2 σύμμαχε, Κύπρι Πόθων μῆτερ ἀελλοπόδων, ### book 21.1.3 Κύπρι, τὸν ἡμίσπαστον ἀπὸ κροκέων ἐμὲ παστῶν, ### book 21.1.4 τὸν χιόσι ψυχὴν Κελτίσι νειφόμενον, ### book 21.5.1 Κύπρι, τὸν ἡσύχιόν με, τὸν οὐδενὶ κοῦφα λαλεῦντα, ### book 21.5.2 τὸν σέο πορφυρέῳ κλυζόμενον πελάγει, ### book 21.5.3 Κύπρι φιλορμίστειρα, φιλόργιε, σῷζέ με, Κύπρι, ### book 21 Ναϊακοὺς ἤδη, δεσπότι, πρὸς λιμένας. ### book 22.1.1 Μὴ πόδα γυμνὸν ἔρεσσε δι’ ὑλάεσσαν ἀταρπὸν ### book 22.1.2 Αἰγύπτου· χαροπῶν φεῦγε διὲξ ὀφίων, ### book 22.1.3 ἀγρεῦ δουνακόδιφα· τὸν ἐκ χέρσου δὲ φύλαξαι ### book 22.1.4 ἰόν, ὁ τοξεύειν ὄρνιν ἐπειγόμενος. ### book 23.1.1 Νικήτης, ὀλίγος μὲν ἐπὶ προτόνοισιν ἀήτης ### book 23.1.2 οἷάτε, πρηείης ἄρχεται ἐκ μελέτης· ### book 23.1.3 ἀλλ’ ὅταν ἐμπνεύσῃ, κατὰ δ’ ἱστία πάντα φέρηται, ### book 23.1.4 λαίφεα πακτώσας μέσσα θέει πελάγη, ### book 23.5.1 ναῦς ἅτε μυριόφορτος, ἕως ἐπὶ τέρματα μύθων ### book 23.5.2 ἔλθῃ ἀκυμάντους εὔπλοος εἰς λιμένας. ### book 24.1.1 Φρὴν ἱερὴ μεγάλη Ἐνοσίχθονος, ἔσσο καὶ ἄλλοις ### book 24.1.2 ἠπίη, Αἰγαίην οἳ διέπουσιν ἅλα· ### book 24.1.3 κἀμοὶ γὰρ Θρήικι διωκομένῳ ὑπ’ ἀήτῃ ### book 24.1.4 ὤρεξας πρηεῖ’ ἀσπασίῳ λιμένας. ### book 25.1.1 Φοῖβε, Κεφαλλήνων λιμενοσκόπε, θῖνα Πανόρμου ### book 25.1.2 ναίων τρηχείης ἀντιπέρην Ἰθάκης, ### book 25.1.3 δός με δι’ εὐπλώτοιο πρὸς Ἀσίδα κύματος ἐλθεῖν, ### book 25.1.4 Πείσωνος δολιχῇ νηὶ συνεσπόμενον· ### book 25.5 καὶ τὸν ἐμὸν βασιλῆα τὸν ἄλκιμον εὖ μὲν ἐκείνῳ ### book 25 ἵλαον, εὖ δ’ ὕμνοις ἄρτισον ἡμετέροις. ### book 26.1.1 Ὡς τεθνηξόμενος τῶν σῶν ἀγαθῶν ἀπόλαυε, ### book 26.1.2 ὡς δὲ βιωσόμενος φείδεο σῶν κτεάνων. ### book 26.1.3 ἔστι δ’ ἀνὴρ σοφὸς οὗτος, ὃς ἄμφω ταῦτα νοήσας ### book 26.1.4 φειδοῖ καὶ δαπάνῃ μέτρον ἐφηρμόσατο. ### book 27.1.1 Ἀνθρώπους μὲν ἴσως λήσεις ἄτοπόν τι ποιήσας, ### book 27.1.2 οὐ λήσεις δὲ θεοὺς οὐδὲ λογιζόμενος. ### book 28.1.1 Τοῖσι μὲν εὖ πράττουσιν ἅπας ὁ βίος βραχύς ἐστιν ### book 28.1.2 τοῖς δὲ κακῶς μία νὺξ ἄπλετός ἐστι χρόνος. ### book 29.1.1 Οὐχ ὁ Ἔρως ἀδικεῖ μερόπων γένος, ἀλλ’ ἀκολάστοις ### book 29.1.2 ψυχαῖς ἀνθρώπων ἔσθ’ ὁ Ἔρως πρόφασις. ### book 30.1 Ὠκεῖαι χάριτες γλυκερώτεραι· ἢν δὲ βραδύνῃ, ### book 30 πᾶσα χάρις κενεή, μηδὲ λέγοιτο χάρις. ### book 31.1.1 Θνητὰ τὰ τῶν θνητῶν, καὶ πάντα παρέρχεται ἡμᾶς· ### book 31.1.2 ἢν δὲ μή, ἀλλ’ ἡμεῖς αὐτὰ παρερχόμεθα. ### book 32.1 Πολλὰ μεταξὺ πέλει κύλικος καὶ χείλεος ἄκρου. ### book 33.1.1 Ἐσθλὰ λέγειν αἰεὶ πάντας, καλόν· αἰσχρὰ δέ, δεινόν, ### book 33.1.2 κἂν ὦσιν τούτων ἄξιοι, ὧν λέγομεν. ### book 34.1.1 Εἰ τὸ μέλειν δύναταί τι, μερίμνα καὶ μελέτω σοι· ### book 34.1.2 εἰ δὲ μέλει περὶ σοῦ δαίμονι, σοὶ τί μέλει; ### book 34.1.3 οὔτε μεριμνήσεις δίχα δαίμονος οὔτ’ ἀμελήσεις· ### book 34.1.4 ἀλλ’ ἵνα σοί τι μέλῃ, δαίμονι τοῦτο μέλει. ### book 35.1.1 Εὖ πράττων φίλος εἶ θνητοῖς, φίλος εἶ μακάρεσσι, ### book 35.1.2 καί σευ ῥηιδίως ἔκλυον εὐξαμένου· ### book 35.1.3 ἢν πταίσῃς, οὐδεὶς ἔτι σοι φίλος, ἀλλ’ ἅμα πάντα ### book 35 ἐχθρὰ Τύχης ῥιπαῖς συμμεταβαλλόμενα. ### book 36.1.1 Οὐδὲν ἐν ἀνθρώποισι Φύσις χαλεπώτερον εὗρεν ### book 36.1.2 ἀνθρώπου καθαρὰν ψευδομένου φιλίην· ### book 36.1.3 οὐ γὰρ ἔθ’ ὡς ἐχθρὸν προφυλασσόμεθ’, ἀλλ’ ἀγαπῶντες ### book 36.1.4 ὡς φίλον ἐν τούτῳ πλείονα βλαπτόμεθα. ### book 37.1.1 Ἡ βραδύπους βουλὴ μέγ’ ἀμείνων· ἡ δὲ ταχεῖα ### book 37.1.2 αἰὲν ἐφελκομένη τὴν μετάνοιαν ἔχει. ### book 38.1 Ὥρη ἐρᾶν, ὥρη δὲ γαμεῖν, ὥρη δὲ πεπαῦσθαι. ### book 39.1.1 Θησαυρὸς μέγας ἔστ’ ἀγαθὸς φίλος, Ἡλιόδωρε, ### book 39.1.2 τῷ καὶ τηρῆσαι τοῦτον ἐπισταμένῳ. ### book 40.1 Μήποτε τὸν παρεόντα παρεὶς φίλον ἄλλον ἐρεύνα ### book 40 δειλῶν ἀνθρώπων ῥήμασι πειθόμενος. ### book 41.1.1 Πλοῦτος ὁ τῆς ψυχῆς πλοῦτος μόνος ἐστὶν ἀληθής· ### book 41.1.2 τἆλλα δ’ ἔχει λύπην πλείονα τῶν κτεάνων. ### book 41.1.3 τόνδε πολυκτέανον καὶ πλούσιόν ἐστι δίκαιον ### book 41.1.4 κλῄζειν, ὃς χρῆσθαι τοῖς ἀγαθοῖς δύναται. ### book 41.5.1 εἰ δέ τις ἐν ψήφοις κατατήκεται, ἄλλον ἐπ’ ἄλλῳ ### book 41.5.2 σωρεύειν αἰεὶ πλοῦτον ἐπειγόμενος, ### book 41.5.3 οὗτος ὁποῖα μέλισσα πολυτρήτοις ἐνὶ σίμβλοις ### book 41.5.4 μοχθήσει ἑτέρων δρεπτομένων τὸ μέλι. ### book 42.1.1 Ἀρρήτων ἐπέων γλώσσῃ σφραγὶς ἐπικείσθω· ### book 42.1.2 κρείσσων γὰρ μύθων ἢ κτεάνων φυλακή. ### book 43.1.1 Ἓξ ὧραι μόχθοις ἱκανώταται· αἱ δὲ μετ’ αὐτὰς ### book 43.1.2 γράμμασι δεικνύμεναι „ζῆθι“ λέγουσι βροτοῖς. ### book 44.1.1 Ἢν ὁ φίλος τι λάβῃ, „δόμινε φράτερ“ εὐθὺς ἔγραψεν· ### book 44.1.2 ἢν δ’ αὖ μή τι λάβῃ, τὸ „φράτερ“ εἶπε μόνον· ### book 44.1.3 ὤνια γὰρ καὶ ταῦτα τὰ ῥήματα. αὐτὰρ ἔγωγε ### book 44 οὐκ ἐθέλω „δόμινε“, οὐ γὰρ ἔχω δόμεναι. ### book 45.1.1 Ἂν μνήμην, ἄνθρωπε, λάβῃς, ὁ πατήρ σε τί ποιῶν ### book 45.1.2 ἔσπειρεν, παύσῃ τῆς μεγαλοφροσύνης. ### book 45.1.3 ἀλλ’ ὁ Πλάτων σοὶ τῦφον ὀνειρώσσων ἐνέφυσεν ### book 45.1.4 ἀθάνατόν σε λέγων καὶ φυτὸν οὐράνιον. ### book 45.5.1 ἐκ πηλοῦ γέγονας. τί φρονεῖς μέγα; τοῦτο μὲν οὕτως ### book 45.5.2 εἶπ’ ἄν τις κοσμῶν πλάσματι σεμνοτέρῳ. ### book 45.5.3 εἰ δὲ λόγον ζητεῖς τὸν ἀληθινόν, ἐξ ἀκολάστου ### book 45.5.4 λαγνείας γέγονας καὶ μιαρᾶς ῥανίδος. ### book 46.1.1 Ἦ μεγάλη παίδευσις ἐν ἀνθρώποισι σιωπή· ### book 46.1.2 μάρτυρα Πυθαγόραν τὸν σοφὸν αὐτὸν ἔχω, ### book 46.1.3 ὃς λαλέειν εἰδὼς ἑτέρους ἐδίδασκε σιωπᾶν ### book 46.1.4 φάρμακον ἡσυχίης ἐγκρατὲς εὑρόμενος. ### book 47.1.1 Ἔσθιε, πῖνε, μύσας ἐπὶ πένθεσιν· οὐ γὰρ ἔοικεν ### book 47.1.2 γαστέρι πενθῆσαι νεκρόν, Ὅμηρος ἔφη· ### book 47.1.3 καὶ γὰρ ὁμοῦ θάψασαν ὀλωλότα δώδεκα τέκνα ### book 47 σίτου μνησαμένην τὴν Νιόβην παράγει. ### book 48.1.1 Μήποτε δουλεύσασα γυνὴ δέσποινα γένοιτο, ### book 48.1.2 ἐστὶ παροιμιακόν, τῷδε θ’ ὅμοιον ἐρῶ· ### book 48.1.3 μήτε δίκην δικάσειεν ἀνὴρ γεγονὼς δικολέκτης, ### book 48.1.4 μηδ’ ὅταν Ἰσοκράτους ῥητορικώτερος ᾖ. ### book 48.5.1 πῶς γὰρ ὁ μισθαρνεῖν εἰθισμένος οὐδὲν ἑταίρας ### book 48.5.2 σεμνότερον δικάσαι μὴ ῥυπαρῶς δύναται; ### book 49.1.1 Καὶ μύρμηκι χολὴν καὶ σέρφῳ φασὶν ἐνεῖναι· ### book 49.1.2 εἶτα χολὴν μὲν ἔχει ζῷα τὰ φαυλότατα, ### book 49.1.3 ἐκκεῖσθαι δ’ ἐμὲ πᾶσι χολὴν μὴ σχόντα κελεύεις, ### book 49.1.4 ὡς μηδὲ ψιλοῖς ῥήμασιν ἀνταδικεῖν ### book 49.5.1 τοὺς ἔργοις ἀδικοῦντας; ἀποφράξαντα δεήσει ### book 49.5.2 λοιπὸν ὁλοσχοίνῳ τὸ στόμα μηδὲ πνέειν. ### book 50.1.1 Τὴν Κίρκην οὔ φημι, καθὼς εἴρηκεν Ὅμηρος, ### book 50.1.2 ἀντ’ ἀνδρῶν ποιεῖν ἢ σύας ἠὲ λύκους ### book 50.1.3 τοὺς αὐτῇ προσιόντας· ἑταίρα δ’ οὖσα πανοῦργος ### book 50.1.4 τοὺς δελεασθέντας πτωχοτάτους ἐποίει· ### book 50.5.1 τῶν δ’ ἀνθρωπείων ἀποσυλήσασα λογισμῶν, ### book 50.5.2 εἶτ’ ἀπὸ τῶν ἰδίων μηδὲν ἔχοντας ἔτι ### book 50.5.3 ἔτρεφεν ἔνδον ἔχουσα δίκην ζῴων ἀλογίστων. ### book 50.5.4 ἔμφρων δ’ ὢν Ὀδυσεὺς τὴν νεότητα φυγών, ### book 50.5.5 οὐχ Ἑρμοῦ, φύσεως δ’ ἰδίας ἐμφύντα λογισμὸν ### book 50.10 εἶχε γοητείας φάρμακον ἀντίπαλον. ### book 51.1.1 Ὁ φθόνος οἰκτιρμοῦ κατὰ Πίνδαρόν ἐστιν ἀμείνων· ### book 51.1.2 οἱ βασκαινόμενοι λαμπρὸν ἔχουσι βίον· ### book 51.1.3 τοὺς δὲ λίαν ἀτυχεῖς οἰκτείρομεν. ἀλλά τις εἴην ### book 51.1.4 μήτ’ ἄγαν εὐδαίμων μήτ’ ἐλεεινὸς ἐγώ. ### book 51.5.1 ἡ μεσότης γὰρ ἄριστον, ἐπεὶ τὰ μὲν ἄκρα πέφυκεν ### book 51.5.2 κινδύνους ἐπάγειν, ἔσχατα δ’ ὕβριν ἔχει. ### book 52.1.1 Εὖγε λέγων τὸν Καιρὸν ἔφης θεόν, εὖγε, Μένανδρε, ### book 52.1.2 ὡς ἀνὴρ Μουσῶν καὶ Χαρίτων τρόφιμος· ### book 52.1.3 πολλάκι γὰρ τοῦ σφόδρα μεριμνηθέντος ἄμεινον ### book 52.1.4 προσπεσὸν εὐκαίρως εὗρέ τι ταὐτόματον. ### book 53.1.1 Εἰ τοὺς ἀνδροφόνους εὐδαίμονας ὄντας ὁρῶμεν, ### book 53.1.2 οὐ πάνυ θαυμάζω· τοῦ Διός ἐστι γέρας. ### book 53.1.3 τὸν γὰρ γεννήσαντα μεμισηκὼς καὶ ἐκεῖνος ### book 53.1.4 κτεῖνεν ἄν, εἰ ὁ Κρόνος θνητὸς ἐτύγχανεν ὤν· ### book 53.5.1 ἀντὶ δὲ τοῦ κτεῖναι σὺν τοῖς Τιτῆσι κολάζει, ### book 53.5.2 δέσμιον ὡς λῃστὴν εἰς τὸ βάραθρον ἐνείς. ### book 54.1.1 Οὐ ποιεῖ θάνατον μόνον ἡ φθίσις, ἀλλὰ τὸν αὐτὸν ### book 54.1.2 καὶ πολλὴ παχύτης πολλάκις εἰργάσατο. ### book 54.1.3 τοῦδ’ ὁ τυραννήσας Διονύσιος Ἡρακλείας ### book 54 τῆς ἐν τῷ Πόντῳ μάρτυς, ὁ τοῦτο παθών. ### book 55.1.1 Ἂν πάνυ κομπάζῃς προστάγμασι μὴ ὑπακούειν ### book 55.1.2 τῆς γαμετῆς, ληρεῖς. „Οὐ γὰρ ἀπὸ δρυὸς εἶ ### book 55.1.3 οὐδ’ ἀπὸ πέτρης,“ φησίν· ὅ θ’ οἱ πολλοὶ κατ’ ἀνάγκην ### book 55.1.4 πάσχομεν ἢ πάντες, καὶ σὺ γυναικοκρατῇ. ### book 55.5.1 εἰ δ’ „Οὐ σανδαλίῳ“ φὴς „τύπτομαι οὐδ’ ἀκολάστου ### book 55.5.2 οὔσης μοι γαμετῆς χρή με μύσαντα φέρειν,“ ### book 55.5.3 δουλεύειν σε λέγω μετριώτερον, εἴ γε πέπρασαι ### book 55.5.4 σώφρονι δεσποίνῃ μηδὲ λίαν χαλεπῇ. ### book 56.1.1 Οὐδὲν σωφροσύνης τεκμήριόν ἐστι πρόδηλον· ### book 56.1.2 τοῖς ἐμπαιζομένοις ἀνδράσι ταῦτα λέγω. ### book 56.1.3 οὔτε τὸ δύσμορφον πάντως ἀνύποπτον ὑπάρχει, ### book 56.1.4 οὔτ’ ἀκολασταίνειν πᾶσα πέφυκε καλή. ### book 56.5.1 καὶ γάρ τις διὰ τὴν ὥραν τοῖς πολλὰ διδοῦσιν ### book 56.5.2 οὐχ ἕπεται· πολλὰς δ’ ἔστι γυναῖκας ἰδεῖν ### book 56.5.3 οὐχὶ καλὰς τὴν ὄψιν, ὀπυιομένας ἀκορέστως, ### book 56.5.4 καὶ τοῖς χρησαμένοις πολλὰ χαριζομένας. ### book 56.5.5 οὐκ, εἴ τις συνάγει τὰς ὀφρύας οὐδὲ γελῶσα ### book 56.10.1 φαίνεται ὀφθῆναί τ’ ἀνδράσιν ἐκτρέπεται, ### book 56.10.2 σωφροσύνης τρόπος οὗτος ἐχέγγυος· ἀλλά τις εὕροι ### book 56.10.3 μαχλάδα μὲν κρύβδην τὴν πάνυ σεμνοτάτην, ### book 56.10.4 τὰς δ’ ἱλαρὰς καὶ πᾶσι φιλανθρώπως προσιούσας ### book 56.10.5 σώφρονας, εἰ σώφρων ἐστὶ γυνή τις ὅλως. ### book 56.15.1 ἡλικίᾳ τοίνυν τάδε κρίνεται; ἀλλ’ Ἀφροδίτης ### book 56.15.2 οἴστρων εἰρήνην οὐδὲ τὸ γῆρας ἄγει. ### book 56.15.3 ὅρκοις λοιπὸν ἄγει τε πεποίθαμεν· ἀλλὰ μεθ’ ὅρκον ### book 56 ζητεῖν ἔστι θεοὺς δώδεκα καινοτέρους. ### book 57.1.1 Γαστέρα μισήσειε θεὸς καὶ βρώματα γαστρός· ### book 57.1.2 εἵνεκα γὰρ τούτων σωφροσύνα λύεται. ### book 58.1.1 Γῆς ἐπέβην γυμνὸς γυμνός θ’ ὑπὸ γαῖαν ἄπειμι· ### book 58.1.2 καὶ τί μάτην μοχθῶ γυμνὸν ὁρῶν τὸ τέλος; ### book 59.1.1 Προσδοκίη θανάτου πολυώδυνός ἐστιν ἀνίη· ### book 59.1.2 τοῦτο δὲ κερδαίνει θνητὸς ἀπολλύμενος. ### book 59.1.3 μὴ τοίνυν κλαύσῃς τὸν ἀπερχόμενον βιότοιο· ### book 59.1.4 οὐδὲν γὰρ θανάτου δεύτερόν ἐστι πάθος. ### book 60.1.1 Πλουτεῖς. καὶ τί τὸ λοιπόν; ἀπερχόμενος μετὰ σαυτοῦ ### book 60.1.2 τὸν πλοῦτον σύρεις εἰς σορὸν ἑλκόμενος; ### book 60.1.3 τὸν πλοῦτον συνάγεις δαπανῶν χρόνον· οὐ δύνασαι δὲ ### book 60.1.4 ζωῆς σωρεῦσαι μέτρα περισσότερα. ### book 61.1 Φεύγετε τοὺς πλουτοῦντας, ἀναιδέας, οἰκοτυράννους, ### book 61 μισοῦντας πενίην, μητέρα σωφροσύνας. ### book 62.1.1 Οὐ λόγον, οὐ νόμον οἶδε Τύχη, μερόπων δὲ τυραννεῖ, ### book 62.1.2 τοῖς ἰδίοις ἀλόγως ῥεύμασι συρομένη. ### book 62.1.3 μᾶλλον τοῖς ἀδίκοισι ῥέπει, μισεῖ δὲ δικαίους, ### book 62.1.4 ὡς ἐπιδεικνυμένη τὴν ἄλογον δύναμιν. ### book 63.1.1 Μηδέποτε ζήσας ὁ πένης βροτὸς οὐδ’ ἀποθνῄσκει· ### book 63.1.2 καὶ γὰρ ζῆν δοκέων ὡς νέκυς ἦν ὁ τάλας. ### book 63.1.3 οἱ δὲ τύχας μεγάλας καὶ χρήματα πολλὰ λαχόντες, ### book 63.1.4 οὗτοι τὸν θάνατον πτῶσιν ἔχουσι βίου. ### book 64.1.1 Ἦ ῥά γε ποῦ τὸ φρύαγμα τὸ τηλίκον; οἱ δὲ περισσοὶ ### book 64.1.2 πῇ ἔβαν ἐξαίφνης ἀγχίποροι κόλακες; ### book 64.1.3 νῦν γὰρ ἑκὰς πτόλιος φυγὰς ᾤχεο· τοῖς πρότερον δὲ ### book 64.1.4 οἰκτροῖς τὴν κατὰ σοῦ ψῆφον ἔδωκε Τύχη. ### book 64.5.1 πολλὴ σοί, κλυτοεργὲ Τύχη, χάρις, οὕνεχ’ ὁμοίως ### book 64.5.2 πάντας ἀεὶ παίζεις κεἰσέτι τερπόμεθα. ### book 65.1.1 Πλοῦς σφαλερὸς τὸ ζῆν· χειμαζόμενοι γὰρ ἐν αὐτῷ ### book 65.1.2 πολλάκι ναυηγῶν πταίομεν οἰκτρότερα· ### book 65.1.3 τὴν δὲ Τύχην βιότοιο κυβερνήτειραν ἔχοντες ### book 65.1.4 ὡς ἐπὶ τοῦ πελάγους ἀμφίβολοι πλέομεν, ### book 65.5 οἱ μὲν ἐπ’ εὐπλοΐην, οἱ δ’ ἔμπαλιν· ἀλλ’ ἅμα πάντες ### book 65 εἰς ἕνα τὸν κατὰ γῆς ὅρμον ἀπερχόμεθα. ### book 66.1.1 Εὖτέ τις ἐκ πενίης πλούτου τύχῃ ἠδὲ καὶ ἀρχῆς, ### book 66.1.2 οὐκέτι γινώσκει, τίς πέλε τὸ πρότερον· ### book 66.1.3 τήν ποτε γὰρ φιλίην ἀπαναίνεται· ἀφρονέων δὲ ### book 66.1.4 τέρψιν ὀλισθηρῆς οὐ δεδάηκε Τύχης. ### book 66.5.1 ἦς ποτε γὰρ πτωχὸς ταλαπείριος· οὐκ ἐθέλεις δὲ ### book 66.5.2 αἰτίζων ἀκόλους νῦν ἑτέροις παρέχειν. ### book 66.5.3 πάντα, φίλος, μερόπεσσι παρέρχεται· εἰ δ’ ἀπιθήσῃς, ### book 66.5.4 ἔμπαλιν αἰτίζων μάρτυρα σαυτὸν ἔχοις. ### book 67.1.1 Μνήμη καὶ Λήθη, μέγα χαίρετον· ἡ μὲν ἐπ’ ἔργοις ### book 67.1.2 Μνήμη τοῖς ἀγαθοῖς, ἡ δ’ ἐπὶ λευγαλέοις. ### book 68.1.1 Καλὸν μὲν στυγόδεμνον ἔχειν νόον· εἰ δ’ ἄρ’ ἀνάγκη, ### book 68.1.2 ἀρσενικὴ φιλότης μή ποτέ σε κλονέοι. ### book 68.1.3 θηλυτέρας φιλέειν ὀλίγον κακόν, οὕνεκα κείναις ### book 68.1.4 Κυπριδίους ὀάρους πότνα δέδωκε φύσις. ### book 68.5.1 δέρκεο τῶν ἀλόγων ζῴων γένος· ἦ γὰρ ἐκείνων ### book 68.5.2 οὐδὲν ἀτιμάζει θέσμια συζυγίης· ### book 68.5.3 ἄρσενι γὰρ θήλεια συνάπτεται· οἱ δ’ ἀλεγεινοὶ ### book 68 ἄνδρες ἐς ἀλλήλους ξεῖνον ἄγουσι γάμον. ### book 69.1.1 Τὸν θάνατον τί φοβεῖσθε, τὸν ἡσυχίης γενετῆρα, ### book 69.1.2 τὸν παύοντα νόσους καὶ πενίης ὀδύνας; ### book 69.1.3 μοῦνον ἅπαξ θνητοῖς παραγίνεται, οὐδέ ποτ’ αὐτὸν ### book 69.1.4 εἶδέν τις θνητῶν δεύτερον ἐρχόμενον· ### book 69.5.1 αἱ δὲ νόσοι πολλαὶ καὶ ποικίλαι ἄλλοτ’ ἐπ’ ἄλλον ### book 69.5.2 ἐρχόμεναι θνητῶν καὶ μεταβαλλόμεναι. ### book 70.1.1 Εἰ βίον ἐν μερόπεσσι Τύχης παίζουσιν ἑταῖραι ### book 70.1.2 Ἐλπίδες ἀμβολάδην πάντα χαριζόμεναι, ### book 70.1.3 παίζομαι, εἰ βροτός εἰμι· βροτὸς δ’ εὖ οἶδα καὶ αὐτὸς ### book 70.1.4 θνητὸς ἐών. δολιχαῖς δ’ ἐλπίσι παιζόμενος ### book 70.5.1 αὐτὸς ἑκοντὶ γέγηθα πλανώμενος οὐδὲ γενοίμην ### book 70.5.2 ἐς κρίσιν ἡμετέρην πικρὸς Ἀριστοτέλης. ### book 70.5.3 τὴν γὰρ Ἀνακρείοντος ἐνὶ πραπίδεσσι φυλάσσω ### book 70.5.4 παρφασίην, ὅτι δεῖ φροντίδα μὴ κατέχειν. ### book 71.1.1 Πανδώρης ὁρόων γελόω πίθον οὐδὲ γυναῖκα ### book 71.1.2 μέμφομαι, ἀλλ’ αὐτῶν τὰ πτερὰ τῶν ἀγαθῶν. ### book 71.1.3 ὡς γὰρ ἐπ’ Οὐλύμποιο μετὰ χθονὸς ἤθεα πάσης ### book 71.1.4 πωτῶνται, πίπτειν καὶ κατὰ γῆν ὄφελον. ### book 71.5.1 ἡ δὲ γυνὴ μετὰ πῶμα κατωχρήσασα παρειὰς ### book 71.5.2 ὤλεσεν ἀγλαΐην, ὧν ἔφερεν, χαρίτων. ### book 71.5.3 ἀμφοτέρων δ’ ἥμαρτεν ὁ νῦν βίος, ὅττι καὶ αὐτὴν ### book 71 γηράσκουσαν ἔχει καὶ πίθος οὐδὲν ἔχει. ### book 72.1.1 Σκηνὴ πᾶς ὁ βίος καὶ παίγνιον· ἢ μάθε παίζειν ### book 72.1.2 τὴν σπουδὴν μεταθεὶς ἢ φέρε τὰς ὀδύνας. ### book 73.1.1 Εἰ τὸ φέρον σε φέρει, φέρε καὶ φέρου· εἰ δ’ ἀγανακτεῖς, ### book 73.1.2 καὶ σαυτὸν λυπεῖς καὶ τὸ φέρον σε φέρει. ### book 74.1.1 Μήτε βαθυκτεάνοιο τύχης κουφίζεο ῥοίζῳ, ### book 74.1.2 μήτε σέο γνάμψῃ φροντὶς ἐλευθερίην. ### book 74.1.3 πᾶς γὰρ ὑπ’ ἀσταθέεσσι βίος πελεμίζεται αὔραις ### book 74.1.4 τῇ καὶ τῇ θαμινῶς ἀντιμεθελκόμενος. ### book 74.5.1 ἡ δ’ ἀρετὴ σταθερόν τι καὶ ἄτροπον, ἧς ἔπι μούνης ### book 74.5.2 κύματα θαρσαλέως ποντοπόρει βιότου. ### book 75.1.1 Ἠέρα λεπταλέον μυκτηρόθεν ἀμπνείοντες ### book 75.1.2 ζώομεν ἠελίου λαμπάδα δερκόμενοι ### book 75.1.3 πάντες, ὅσοι ζῶμεν κατὰ τὸν βίον· ὄργανα δ’ ἐσμὲν ### book 75.1.4 αὔραις ζῳογόνοις πνεύματα δεχνύμενοι. ### book 75.5.1 εἰ δέ τις οὖν ὀλίγην παλάμῃ σφίγξειεν ἀυτμήν, ### book 75.5.2 ψυχὴν συλήσας εἰς Ἀίδην κατάγει. ### book 75.5.3 οὕτως οὐδὲν ἐόντες ἀγηνορίῃ τρεφόμεσθα, ### book 75 πνοιῆς ἐξ ὀλίγης ἠέρα βοσκόμενοι. ### book 76.1.1 Οὐ τὸ ζῆν χαρίεσσαν ἔχει φύσιν, ἀλλὰ τὸ ῥῖψαι ### book 76.1.2 φροντίδας ἐκ στέρνων τὰς πολιοκροτάφους. ### book 76.1.3 πλοῦτον ἔχειν ἐθέλω τὸν ἐπάρκιον· ἡ δὲ περισσὴ ### book 76.1.4 θυμὸν ἀεὶ κατέδει χρυσομανὴς μελέτη. ### book 76.5.1 ἔνθεν ἐν ἀνθρώποισιν ἀρείονα πολλάκι δήεις ### book 76.5.2 καὶ πενίην πλούτου καὶ βιότου θάνατον. ### book 76.5.3 ταῦτα σὺ γινώσκων κραδίης ἴθυνε κελεύθους ### book 76.5.4 εἰς μίαν εἰσορόων ἐλπίδα, τὴν σοφίην. ### book 77.1.1 Τίπτε μάτην, ἄνθρωπε, πονεῖς καὶ πάντα ταράσσεις ### book 77.1.2 κλήρῳ δουλεύων τῷ κατὰ τὴν γένεσιν; ### book 77.1.3 τούτῳ σαυτὸν ἄφες, τῷ δαίμονι μὴ φιλονείκει· ### book 77.1.4 σὴν δὲ τύχην στέργων ἡσυχίην ἀγάπα· ### book 77.5.1 μᾶλλον ἐπ’ εὐφροσύνην δὲ βιάζεο καὶ παρὰ μοίρην, ### book 77.5.2 εἰ δυνατόν, ψυχὴν τερπομένην μετάγειν. ### book 78.1.1 Ῥῖπτε γόους, μὴ κάμνε, πόσον χρόνον ἐνθάδε μίμνων, ### book 78.1.2 ὡς πρὸς ἐκεῖνον ὅλον τὸν μετὰ ταῦτα βίον. ### book 78.1.3 πρὶν τοίνυν σκώληκα λαβεῖν τύμβοις τε ῥιφῆναι, ### book 78 μὴ δαμάσῃς ψυχὴν ζῶν ἔτι κρινομένην. ### book 79.1.1 Νυκτὸς ἀπερχομένης γεννώμεθα ἦμαρ ἐπ’ ἦμαρ ### book 79.1.2 τοῦ προτέρου βιότου μηδὲν ἔχοντες ἔτι, ### book 79.1.3 ἀλλοτριωθέντες τῆς ἐχθεσινῆς διαγωγῆς, ### book 79.1.4 τοῦ λοιποῦ δὲ βίου σήμερον ἀρχόμενοι, ### book 79.5.1 μὴ τοίνυν λέγε σαυτὸν ἐτῶν, πρεσβῦτα, περισσῶν· ### book 79.5.2 τῶν γὰρ ἀπελθόντων σήμερον οὐ μετέχεις. ### book 80.1.1 Παίγνιόν ἐστι Τύχης μερόπων βίος, οἰκτρός, ἀλήτης, ### book 80.1.2 πλούτου καὶ πενίης μεσσόθι ῥεμβόμενος. ### book 80.1.3 καὶ τοὺς μὲν κατάγουσα πάλιν σφαιρηδὸν ἀείρει, ### book 80.1.4 τοὺς δ’ ἀπὸ τῶν νεφελῶν εἰς Ἀίδην κατάγει. ### book 81.1.1 Ὢ τῆς βραχείας ἡδονῆς τῆς τοῦ βίου· ### book 81.1.2 τὴν ὀξύτητα τοῦ χρόνου πενθήσατε. ### book 81.1.3 ἡμεῖς καθεζόμεσθα καὶ κοιμώμεθα ### book 81.1.4 μοχθοῦντες ἢ τρυφῶντες· ὁ δὲ χρόνος τρέχει, ### book 81.5.1 τρέχει καθ’ ἡμῶν τῶν ταλαιπώρων βροτῶν ### book 81.5.2 φέρων ἑκάστου τῷ βίῳ καταστροφήν. ### book 82.1.1 Ἄρα μὴ θανόντες τῷ δοκεῖν ζῶμεν μόνον, ### book 82.1.2 Ἕλληνες ἄνδρες, συμφορᾷ πεπτωκότες, ### book 82.1.3 ὄνειρον εἰκάζοντες εἶναι τὸν βίον; ### book 82 ἢ ζῶμεν ἡμεῖς τοῦ βίου τεθνηκότος; ### book 83.1.1 Καὶ τὸ φρονεῖν πλουτεῦντι περίστασις, ὄχλος, ἀνάγκη, ### book 83.1.2 † ζώνη ποικίλη καὶ κολάκων ἀνάγκη. ### book 84.1.1 Δακρυχέων γενόμην καὶ δακρύσας ἀποθνῄσκω· ### book 84.1.2 δάκρυσι δ’ ἐν πολλοῖς τὸν βίον εὗρον ὅλον. ### book 84.1.3 ὦ γένος ἀνθρώπων πολυδάκρυτον, ἀσθενές, οἰκτρόν, ### book 84.1.4 συρόμενον κατὰ γῆς καὶ διαλυόμενον. ### book 85.1.1 Πάντες τῷ θανάτῳ τηρούμεθα καὶ τρεφόμεσθα ### book 85.1.2 ὡς ἀγέλη χοίρων σφαζομένων ἀλόγως. ### book 86.1.1 Οὐ δαψιλῶς μέν, ἀλλ’ ὅμως κἀγὼ τρέφω ### book 86.1.2 παῖδας, γυναῖκα, δοῦλον, ὄρνιθας, κύνα· ### book 86.1.3 κόλαξ γὰρ οὐδεὶς τοὺς ἐμοὺς πατεῖ δόμους. ### book 87.1.1 Ἂν μὴ γελῶμεν τὸν βίον τὸν δραπέτην ### book 87.1.2 Τύχην τε πόρνης ῥεύμασιν κινουμένην, ### book 87.1.3 ὀδύνην ἑαυτοῖς προξενοῦμεν πάντοτε ### book 87 ἀναξίους ὁρῶντες εὐτυχεστέρους. ### book 88.1.1 Σῶμα πάθος ψυχῆς, ᾅδης, μοῖρ’, ἄχθος, ἀνάγκη ### book 88.1.2 καὶ δεσμὸς κρατερὸς καὶ κόλασις βασάνων. ### book 88.1.3 ἀλλ’ ὅταν ἐξέλθῃ τοῦ σώματος ὡς ἀπὸ δεσμῶν ### book 88.1.4 τοῦ θανάτου, φεύγει πρὸς θεὸν ἀθάνατον. ### book 89.1.1 Εἰ θεὸς ἡ Φήμη, κεχολωμένη ἐστὶ καὶ αὐτὴ ### book 89.1.2 Ἕλλησι, σφαλεροῖς ἐξαπατῶσα λόγοις. ### book 89.1.3 Φήμη δ’, ἄν τι πάθῃς, ἀναφαίνεται εὐθὺς ἀληθής· ### book 89.1.4 πολλάκι καὶ Φήμην ἔφθασεν ἡ ταχυτής. ### book 90.1.1 Ὢ τῆς μεγίστης τοῦ φθόνου πονηρίας· ### book 90.1.2 τὸν εὐτυχῆ μισεῖ τις, ὃν θεὸς φιλεῖ. ### book 90.1.3 οὕτως ἀνόητοι τῷ φθόνῳ πλανώμεθα, ### book 90.1.4 οὕτως ἑτοίμως μωρίᾳ δουλεύομεν. ### book 90.5.1 Ἕλληνές ἐσμεν ἄνδρες ἐσποδωμένοι ### book 90.5.2 νεκρῶν ἔχοντες ἐλπίδας τεθαμμένας· ### book 90.5.3 ἀνεστράφη γὰρ πάντα νῦν τὰ πράγματα. ### book 91.1.1 Ὅταν στυγῇ τις ἄνδρα, τὸν θεὸς φιλεῖ, ### book 91.1.2 οὗτος μεγίστην μωρίαν κατεισάγει· ### book 91.1.3 φανερῶς γὰρ αὐτῷ τῷ θεῷ κορύσσεται ### book 91.1.4 χόλον μέγιστον ἐκ φθόνου δεδεγμένος, ### book 91.5 δεῖ γὰρ φιλεῖν ἐκεῖνον, ὃν θεὸς φιλεῖ. ### book 92.1.1 Ἐπεὶ δικάζεις καὶ σοφιστεύεις λόγοις, ### book 92.1.2 κἀγὼ φέρω σοι τῆς ἐμῆς ἀηδόνος ### book 92.1.3 ἐπίγραμμα σεμνόν, ἄξιον παρρησίας· ### book 92.1.4 ὁ γὰρ σὲ μέλπων τῆς Δίκης ὕμνους χέει. ### book 93.1.1 Βέλτερόν ἐστι Τύχης καὶ θλιβομένοις ἀνέχεσθαι ### book 93.1.2 ἢ τῶν πλουτούντων τῆς ὑπερηφανίης. ### book 94.1.1 Εἶναι νομίζω φιλόσοφον καὶ τὸν θεὸν ### book 94.1.2 βλασφημίαις τὸν εὐθὺς οὐ θυμούμενον, ### book 94.1.3 χρόνῳ δ’ ἐπαυξάνοντα τὰς τιμωρίας ### book 94.1.4 τὰς τῶν πονηρῶν καὶ ταλαιπώρων βροτῶν. ### book 95.1 Μισῶ τὸν ἄνδρα τὸν διπλοῦν πεφυκότα, ### book 95 χρηστὸν λόγοισι, πολέμιον δὲ τοῖς τρόποις. ### book 96.1.1 Ὅταν λογισμοῖς καταμάθω τὰ πράγματα ### book 96.1.2 καὶ τὰς ἀκαίρους μεταβολὰς τὰς τοῦ βίου ### book 96.1.3 καὶ ῥεῦμ’ ἄπιστον τῆς ἀνωμάλου Τύχης, ### book 96.1.4 πῶς τοὺς πένητας πλουσίους ἐργάζεται ### book 96.5.1 καὶ τοὺς ἔχοντας χρημάτων ἀποστερεῖ, ### book 96.5.2 τότε κατ’ ἐμαυτὸν τῇ πλάνῃ σκοτούμενος ### book 96.5.3 μισῶ τὰ πάντα τῆς ἀδηλίας χάριν. ### book 96.5.4 ποίῳ τρόπῳ γὰρ περιγένωμαι τῆς Τύχης ### book 96.5.5 τῆς ἐξ ἀδήλου φαινομένης ἐν τῷ βίῳ, ### book 96.10 πόρνης γυναικὸς τοὺς τρόπους κεκτημένης; ### book 97.1.1 Λίτραν ἐτῶν ζήσας μετὰ γραμματικῆς βαρυμόχθου. ### book 97.1.2 βουλευτὴς νεκύων πέμπομαι εἰς Ἀίδην. ### book 98.1.1 Πᾶς τις ἀπαίδευτος φρονιμώτατός ἐστι σιωπῶν, ### book 98.1.2 τὸν λόγον ἐγκρύπτων ὡς πάθος αἰσχρότατον. ### book 99.1.1 Πολλάκι, Σέξστ’, ἔστησα τεὴν φιλότητα καὶ ὕβριν· ### book 99.1.2 καὶ πολὺ κουφοτέρην σὴν φιλότητα μαθών, ### book 99.1.3 λοιδορίην δὲ ῥέπουσαν, ἐχωρίσθην φιλότητος ### book 99 μηκέτι βαστάζων ὕβριν ἀτιμοτάτην. ### book 100.1.1 Ἀνθρώποις ὀλίγος μὲν ὁ πᾶς χρόνος, ὅν ποτε δειλοὶ ### book 100.1.2 ζῶμεν, κἢν πολιὸν γῆρας ἅπασι μένῃ· ### book 100.1.3 τῆς δ’ ἀκμῆς καὶ μᾶλλον. ὅτ’ οὖν χρόνος ὥριος ἡμῖν, ### book 100.1.4 πάντα χύδην ἔστω, ψαλμός, ἔρως, προπόσεις. ### book 100.5.1 χειμὼν τοὐντεῦθεν γήρως βαρύς· οὐδὲ δέκα μνῶν ### book 100.5.2 στύσεις· τοιαύτη ς’ ἐκδέχετ’ ὀρχιπέδη. ### book 101.1.1 Ἠνίδε καὶ χέρσου τὸ γεωτόμον ὅπλον ἐρέσσει ### book 101.1.2 καὶ τὸν ὑπουθατίαν μόσχον ἄγει δάμαλις, ### book 101.1.3 βούταν μὲν τρομέουσα διάκτορα, τὸν δὲ μένουσα ### book 101.1.4 νήπιον, ἀμφοτέρων εὔστοχα φειδομένη· ### book 101.5.1 ἴσχες, ἀροτροδίαυλε, πεδώρυχε, μηδὲ διώξῃς ### book 101.5.2 τὰν διπλοῖς ἔργοις διπλὰ βαρυνομέναν. ### book 102.1.1 Μήτε με χείματι πόντος ἄγοι θρασύς, οὐδὲ γαλήνης ### book 102.1.2 ἀργῆς ἠσπασάμην τὴν πάλι νηνεμίην. ### book 102.1.3 αἱ μεσότητες ἄρισται· ὅπῃ δέ γε πρήξιες ἀνδρῶν, ### book 102.1.4 καὶ πάλι μέτρον ἐγὼ τἄρκιον ἠσπασάμην. ### book 102.5 τοῦτ’ ἀγάπα, φίλε Λάμπι, κακὰς δ’ ἔχθαιρε θυέλλας· ### book 102 εἰσί τινες πρηεῖς καὶ βιότου ζέφυροι. ### book 103.1.1 Τὴν πρότερον θυμέλην μήτ’ ἔμβλεπε μήτε παρέλθῃς, ### book 103.1.2 ἀλλ’ ἄπαγε δραχμῆς εἰς κολοκορδόκολα. ### book 103.1.3 νῦν σῦκον δραχμῆς ἓν γίνεται· ἢν δ’ ἀναμείνῃς, ### book 103.1.4 χίλια. τοῖς πτωχοῖς ὁ χρόνος ἐστὶ θεός. ### book 104.1.1 Χαῖρε, θεὰ δέσποιν’, ἀνδρῶν ἀγαθῶν ἀγάπημα, ### book 104.1.2 Εὐτελίη, κλεινῆς ἔγγονε Σωφροσύνης· ### book 104.1.3 σὴν ἀρετὴν τιμῶσιν, ὅσοι τὰ δίκαι’ ἀσκοῦσιν ... ### book 105.1.1 Χαίρει τις, Θεόδωρος ἐπεὶ θάνον· ἄλλος ἐπ’ αὐτῷ ### book 105.1.2 χαιρήσει. θανάτῳ πάντες ὀφειλόμεθα. ### book 106 Πολλοί τοι ναρθηκοφόροι, παῦροι δέ τε βάκχοι. ### book 107.1 Θεοῦ μὲν οὐδεὶς ἐκτὸς εὐτυχεῖ βροτός. ### book 107b.1.1 Φεῦ τῶν βροτείων ὡς ἀνώμαλοι τύχαι· ### book 107b.1.2 οἱ μὲν γὰρ εὖ πράσσουσι, τοῖς δὲ συμφοραὶ ### book 107b.1.3 σκληραὶ πάρεισιν εὐσεβοῦσι πρὸς θεούς. ### book 108.1.1 Ζεῦ βασιλεῦ, τὰ μὲν ἐσθλὰ καὶ εὐχομένοις καὶ ἀνεύκτοις ### book 108.1.2 ἄμμι δίδου· τὰ δὲ λυγρὰ καὶ εὐχομένων ἀπερύκοις. ### book 109.1.1 Πᾶς λόγος ἐστὶ μάταιος ὁ μὴ τετελεσμένος ἔργῳ· ### book 109.1.2 καὶ πᾶσα πρᾶξις τὸν λόγον ἔργον ἔχει. ### book 110.1.1 Οὐ χρὴ λέοντος σκύμνον ἐν πόλει τρέφειν· ### book 110.1.2 μάλιστα μὲν λέοντα μὴ πόλει τρέφειν· ### book 110.1.3 ἢν δ’ ἐκτραφῇ τις, τοῖς τρόποις ὑπηρετεῖν. ### book 111 Ὁ φθόνος αὐτὸς ἑαυτὸν ἑοῖς βελέεσσι δαμάζει. ### book 112.1 Οἶνος καὶ τὰ λοετρὰ καὶ ἡ περὶ Κύπριν ἐρωὴ ### book 112 ὀξυτέρην πέμπει τὴν ὁδὸν εἰς Ἀίδην. ### book 113.1.1 Οὐκ ἐθέλω πλουτεῖν, οὐκ εὔχομαι· ἀλλά μοι εἴη ### book 113.1.2 ζῆν ἐκ τῶν ὀλίγων μηδὲν ἔχοντα κακόν. ### book 114.1 Ἦ κρίσις ἐστὶ κάτω καὶ Τάνταλος· οὐδὲν ἀπιστῶ ### book 114.2 τῇ πενίῃ μελετῶν τὴν ὑπὸ γῆν κόλασιν. ### book 115.1 Ζῆσον λογισμῷ, καὶ μένεις ἀνενδεής. ### book 116.1 „Οὐκ ἔστι γήμας, ὅστις οὐ χειμάζεται,“ ### book 116.2 λέγουσι πάντες καὶ γαμοῦσιν εἰδότες. ### book 117.1.1 Γνήσιός εἰμι φίλος καὶ τὸν φίλον ὡς φίλον οἶδα, ### book 117.1.2 τοὺς δὲ κακοὺς διόλου πάντας ἀποστρέφομαι· ### book 117.1.3 οὐδένα θωπεύω πρὸς ὑπόκρισιν· οὓς δ’ ἄρα τιμῶ, ### book 117.1.4 τούτους ἐξ ἀρχῆς μέχρι τέλους ἀγαπῶ. ### book 118.1.1 Πῶς γενόμην; πόθεν εἰμί; τίνος χάριν ἦλθον; ἀπελθεῖν; ### book 118.1.2 πῶς δύναμαί τι μαθεῖν μηδὲν ἐπιστάμενος; ### book 118.1.3 οὐδὲν ἐὼν γενόμην· πάλιν ἔσσομαι, ὡς πάρος ἦα· ### book 118 οὐδὲν καὶ μηδὲν τῶν μερόπων τὸ γένος. ### book 118.5.1 ἀλλ’ ἄγε μοι Βάκχοιο φιλήδονον ἔντυε νᾶμα· ### book 118.5.2 τοῦτο γάρ ἐστι κακῶν φάρμακον ἀντίδοτον. ### book 119.1.1 Σώματα πολλὰ τρέφειν καὶ δώματα πόλλ’ ἀνεγείρειν ### book 119.1.2 ἀτραπὸς εἰς πενίην ἐστὶν ἑτοιμοτάτη. ### book 120.1.1 Πᾶσα γυνὴ φιλέει πλέον ἀνέρος, αἰδομένη δὲ ### book 120.1.2 κεύθει κέντρον ἔρωτος ἐρωμανέουσα καὶ αὐτή. ### book 121.1.1 Οὐχ οὕτω βλάπτει μισεῖν ὁ λέγων ἀναφανδόν, ### book 121.1.2 ὥσπερ ὁ τὴν καθαρὰν ψευδόμενος φιλίαν. ### book 121.1.3 τὸν μὲν γὰρ μισοῦντα προειδότες ἐκτρεπόμεσθα, ### book 121.1.4 τὸν δὲ λέγοντα φιλεῖν οὐ προφυλασσόμεθα. ### book 121.5.1 ἐχθρὸν ἐγὼ κρίνω κεῖνον βαρύν, ὅς ποτε λάθρῃ ### book 121.5.2 τὴν ἀπὸ τῆς φιλίας πίστιν ἔχων ἀδικεῖ. ### book 122.1.1 Πολλὰ τὸ δαιμόνιον δύναται, κἂν ᾖ παράδοξα· ### book 122.1.2 τοὺς μικροὺς ἀνάγει, τοὺς μεγάλους κατάγει· ### book 122.1.3 καὶ σοῦ τὴν ὀφρὺν καὶ τὸν τῦφον καταπαύσει, ### book 122.1.4 κἂν ποταμὸς χρυσοῦ νάματά σοι παρέχῃ. ### book 122.5 οὐ θρύον, οὐ μαλάχην ἄνεμός ποτε, τὰς δὲ μεγίστας ### book 122 ἢ δρύας ἢ πλατάνους οἶδε χαμαὶ κατάγειν. ### book 123.1.1 Πῶς τις ἄνευ θανάτου σε φύγοι, βίε; μυρία γάρ σευ ### book 123.1.2 λυγρά, καὶ οὔτε φυγεῖν εὐμαρὲς οὔτε φέρειν. ### book 123.1.3 ἡδέα μὲν γάρ σευ τὰ φύσει καλά, γαῖα, θάλασσα, ### book 123.1.4 ἄστρα, σεληναίης κύκλα καὶ ἠελίου· ### book 123.5.1 τἆλλα δὲ πάντα φόβοι τε καὶ ἄλγεα· κἤν τι πάθῃ τις ### book 123.5.2 ἐσθλόν, ἀμοιβαίην ἐκδέχεται νέμεσιν. ### book 124.1.1 Πάντα γέλως καὶ πάντα κόνις καὶ πάντα τὸ μηδέν· ### book 124.1.2 πάντα γὰρ ἐξ ἀλόγων ἐστὶ τὰ γινόμενα. ### book 124b.1 Φροντίδες οἱ παῖδες· μέγα μὲν κακόν, εἴ τι πάθοιεν· ### book 124b.2 εἰσὶ δὲ καὶ ζῶντες φροντίδες οὐκ ὀλίγαι. ### book 124b.3 ἡ γαμετὴ χρηστὴ μὲν ἔχει τινὰ τέρψιν ἐν αὐτῇ, ### book 124b.4 ἡ δὲ κακὴ πικρὸν τὸν βίον ἀνδρὶ φέρει. ### book 125.1 Πρᾶγμα μέν ἐσθ’ ὁ φίλος πάνυ δύσκολον· εἰσὶ δὲ πολλοὶ ### book 125.2 καὶ σχεδὸν οἱ πάντες μέχρι προσηγορίας. ### book 126 Χρησαμένῳ θεράπων ὁ χρήσιμός ἐστ’ ἀγαθόν τι· ### book 126 αὐτάρκης δὲ κακῶν ἐστιν ἀπειρότερος. ### book 1.1.1 Ἑρμαίοις ἡμῖν Ἀφροδίσιος ἓξ χόας οἴνου ### book 1.1.2 αἴρων προσκόψας πένθος ἔθηκε μέγα. ### book 1.1.3 „οἶνος καὶ Κένταυρον ἀπώλεσεν.“ ὡς ὄφελεν δὲ ### book 1.1.4 χἠμᾶς· νῦν δ’ ἡμεῖς τοῦτον ἀπωλέσαμεν. ### book 2.1.1 Αἰσχυλίδα Θεόδωρε, τί μοι μεμάχηνται ἄριστοι; ### book 2.1.2 οὐ διακωλύσεις; πάντες ἔχουσι λίθους. ### book 3.1.1 Ἤθελον ἂν πλουτεῖν, ὡς πλούσιος ἦν ποτε Κροῖσος, ### book 3.1.2 καὶ βασιλεὺς εἶναι τῆς μεγάλης Ἀσίης· ### book 3.1.3 ἀλλ’ ὅταν ἐμβλέψω Νικάνορα τὸν σοροπηγὸν ### book 3.1.4 καὶ γνῶ, πρὸς τί ποιεῖ ταῦτα τὰ γλωσσόκομα, ### book 3.5.1 ἀκτήν που πάσσας καὶ ταῖς κοτύλαις ὑποβρέξας ### book 3.5.2 τὴν Ἀσίην πωλῶ πρὸς μύρα καὶ στεφάνους. ### book 4.1.1 Αὐτῷ τις γήμας πιθανὴν τῷ γείτονι ῥέγχει ### book 4.1.2 καὶ τρέφεται· τοῦτ’ ἦν εὔκολος ἐργασία, ### book 4.1.3 μὴ πλεῖν, μὴ σκάπτειν, ἀλλ’ εὐστομάχως ἀπορέγχειν, ### book 4 ἀλλοτρίᾳ δαπάνῃ πλούσια βοσκόμενον. ### book 5.1.1 Ὅστις ἔσω πυροὺς καταλαμβάνει οὐκ ἀγοράζων, ### book 5.1.2 κείνου Ἀμαλθείας ἁ γυνά ἐστι κέρας. ### book 6.1.1 Πτωχοῦ ἐστι γάμος κυνέα μάχα, εὐθὺ κυδοιμός, ### book 6.1.2 λοιδορίαι, πληγαί, ζημία, ἔργα, δίκαι. ### book 7.1.1 Οὐδεὶς τὴν ἰδίην συνεχῶς, Χαρίδημε, γυναῖκα ### book 7.1.2 κινεῖν ἐκ ψυχῆς τερπόμενος δύναται· ### book 7.1.3 οὕτως ἡ φύσις ἐστὶ φιλόκνισος, ἀλλοτριόχρως, ### book 7.1.4 καὶ ζητεῖ διόλου τὴν ξενοκυσθαπάτην. ### book 8.1.1 Μὴ μύρα, μὴ στεφάνους λιθίναις στήλαισι χαρίζου· ### book 8.1.2 μηδὲ τὸ πῦρ φλέξῃς· ἐς κενὸν ἡ δαπάνη. ### book 8.1.3 ζῶντί μοι, εἴ τι θέλεις, χάρισαι· τέφρην δὲ μεθύσκων ### book 8.1.4 πηλὸν ποιήσεις, κοὐχ ὁ θανὼν πίεται. ### book 9.1.1 Μὴ πάλι μοι μετὰ δόρπον, ὅτ’ οὐκέτι γαστέρα πείθω, ### book 9.1.2 οὔθατα καὶ χοίρων ἀρτὰ τίθει τεμάχη· ### book 9.1.3 οὐδὲ γὰρ ἐργοπόνοισι μετὰ στάχυν ὄμβρος ἄκαιρος ### book 9 χρήσιμος, οὐ ναύταις ἐν λιμένι ζέφυρος. ### book 10.1.1 Τὸν τοῦ δειπναρίου νόμον οἴδατε· σήμερον ὑμᾶς, ### book 10.1.2 Αὖλε, καλῶ καινοῖς δόγμασι συμποσίου. ### book 10.1.3 οὐ μελοποιὸς ἐρεῖ κατακείμενος, οὔτε παρέξεις ### book 10.1.4 οὔθ’ ἕξεις αὐτὸς πράγματα γραμματικά. ### book 11.1.1 Οὐκ ᾔδειν σε τραγῳδόν, Ἐπίκρατες, οὐδὲ χοραύλην, ### book 11.1.2 οὐδ’ ἄλλ’ οὐδὲν ὅλως, ὧν χορὸν ἔστιν ἔχειν· ### book 11.1.3 ἀλλ’ ἐκάλουν σε μόνον· σὺ δ’ ἔχων χορὸν οἴκοθεν ἥκεις ### book 11.1.4 ὀρχηστῶν, αὐτοῖς πάντα διδοὺς ὀπίσω. ### book 11.5.1 εἰ δ’ οὕτω τοῦτ’ ἐστί, σὺ τοὺς δούλους κατάκλινον, ### book 11.5.2 ἡμεῖς δ’ αὖ τούτοις πρὸς πόδας ἐρχόμεθα. ### book 12.1.1 Οἶνος καὶ Κένταυρον, Ἐπίκρατες, οὐχὶ σὲ μοῦνον ### book 12.1.2 ὤλεσεν ἠδ’ ἐρατὴν Καλλίου ἡλικίην. ### book 12.1.3 ὄντως οἰνοχάρων ὁ μονόμματος, ᾧ σὺ τάχιστα ### book 12.1.4 τὴν αὐτὴν πέμψαις ἐξ Ἀίδεω πρόποσιν. ### book 13.1.1 Ἠὼς ἐξ ἠοῦς παραπέμπεται, εἶτ’ ἀμελούντων ### book 13.1.2 ἡμῶν ἐξαίφνης ἥξει ὁ πορφύρεος ### book 13.1.3 καὶ τοὺς μὲν τήξας, τοὺς δ’ ὀπτήσας, ἐνίους δὲ ### book 13 φυσήσας ἄξει πάντας ἐς ἓν βάραθρον. ### book 14.1.1 Ἐχθὲς ἐπὶ ξενίαν κληθείς, ὅτε καιρὸς ὕπνου μοι, ### book 14.1.2 τύλῃ ἐπεκλίνθην Γοργόνος ἢ Νιόβης, ### book 14.1.3 ἣν οὐδεὶς ὕφηνεν, ἀπέπρισε δ’ ἢ πελεκήσας ### book 14.1.4 ἐκ τῶν λατομιῶν ἤγαγεν εἰς τὰ Πρόκλου. ### book 14.5.1 ἐξ ἧς, εἰ μὴ θᾶττον ἐπηγέρθην, Πρόκλος ἄν μοι ### book 14.5.2 τὴν τύλην στήλην ἢ σορὸν εἰργάσατο. ### book 15.1.1 Εἰ μὲν τοὺς ἀπὸ ἄλφα μόνους κέκρικας κατορύσσειν, ### book 15.1.2 Λούκιε, βουλευτάς, καὶ τὸν ἀδελφὸν ἔχεις· ### book 15.1.3 εἰ δ’, ὅπερ εὔλογόν ἐστι, κατὰ στοιχεῖον ὁδεύεις, ### book 15.1.4 ἤδη, σοὶ προλέγω, Ὠριγένης λέγομαι. ### book 16.1.1 Κύλλος καὶ Λεῦρος δύο Θεσσαλοὶ ἐγχεσίμωροι· ### book 16.1.2 Κύλλος δ’ ἐκ τούτων ἐγχεσιμωρότερος. ### book 17.1.1 Ἦν Στέφανος πτωχὸς κηπεύς θ’ ἅμα· νῦν δὲ προκόψας ### book 17.1.2 πλουτεῖ καὶ γεγένητ’ εὐθὺ Φιλοστέφανος, ### book 17.1.3 τέσσαρα τῷ πρώτῳ Στεφάνῳ καλὰ γράμματα προσθείς· ### book 17.1.4 ἔσται δ’ εἰς ὥρας Ἱπποκρατιππιάδης ### book 17.5 ἢ διὰ τὴν σπατάλην Διονυσιοπηγανόδωρος· ### book 17 ἐν δ’ ἀγορανομίῳ παντὶ μένει Στέφανος. ### book 18.1.1 Οὐκ ἐν γαστρὶ λαβοῦσα Φιλαίνιον Ἡλιοδώρῳ ### book 18.1.2 θήλειαν τίκτει παῖδ’ ἀπὸ ταὐτομάτου· ### book 18.1.3 τοῦ δ’ ἐπὶ θηλείῃ λυπουμένου ἓξ διαλείπει ### book 18.1.4 ἤματα καὶ τίκτειν ἄρσενα παῖδ’ ἔφατο. ### book 18.5.1 οὕτως Βούβαστις καταλύεται· εἰ γὰρ ἑκάστη ### book 18.5.2 τέξεται ὡς αὐτή, τίς θεοῦ ἐστι λόγος; ### book 19.1.1 Καὶ πίε νῦν καὶ ἔρα, Δαμόκρατες· οὐ γὰρ ἐς αἰεὶ ### book 19.1.2 πιόμεθ’ οὐδ’ αἰεὶ παισὶ συνεσσόμεθα. ### book 19.1.3 καὶ στεφάνοις κεφαλὰς πυκασώμεθα καὶ μυρίσωμεν ### book 19.1.4 αὑτούς, πρὶν τύμβοις ταῦτα φέρειν ἑτέρους. ### book 19.5.1 νῦν ἐν ἐμοὶ πιέτω μέθυ τὸ πλέον ὀστέα τἀμά· ### book 19.5.2 νεκρὰ δὲ Δευκαλίων αὐτὰ κατακλυσάτω. ### book 20.1.1 Φεύγεθ’, ὅσοι λόκκας ἢ λοφνίδας ἢ καμασῆνας ### book 20.1.2 ᾄδετε, ποιητῶν φῦλον ἀκανθολόγων, ### book 20.1.3 οἵ τ’ ἐπέων κόσμον λελυγισμένον ἀσκήσαντες ### book 20.1.4 κρήνης ἐξ ἱερῆς πίνετε λιτὸν ὕδωρ. ### book 20.5.1 σήμερον Ἀρχιλόχοιο καὶ ἄρσενος ἦμαρ Ὁμήρου ### book 20.5.2 σπένδομεν· ὁ κρητὴρ οὐ δέχεθ’ ὑδροπότας. ### book 21.1 Πρῴην τὴν σαύραν Ἀγάθων ῥοδοδάκτυλον εἶχεν· ### book 21 νῦν δ’ αὐτὴν ἤδη καὶ ῥοδόπηχυν ἔχει. ### book 22.1.1 Ἔστι Δράκων τις ἔφηβος ἄγαν καλός· ἀλλὰ δράκων ὢν ### book 22.1.2 πῶς εἰς τὴν τρώγλην ἄλλον ὄφιν δέχεται; ### book 23.1.1 Ὠκύμορόν με λέγουσι δαήμονες ἀνέρες ἄστρων· ### book 23.1.2 εἰμὶ μέν, ἀλλ’ οὔ μοι τοῦτο, Σέλευκε, μέλει. ### book 23.1.3 εἰς Ἀίδην μία πᾶσι καταίβασις· εἰ δὲ ταχίων ### book 23.1.4 ἡμετέρη, Μίνω θᾶσσον ἐποψόμεθα. ### book 23.5.1 πίνωμεν· καὶ δὴ γὰρ ἐτήτυμον εἰς ὁδὸν ἵππος ### book 23.5.2 οἶνος, ἐπεὶ πεζοῖς ἀτραπὸς εἰς Ἀίδην. ### book 24.1.1 Ὦ Ἑλικὼν Βοιωτέ, σὺ μέν ποτε πολλάκις ὕδωρ ### book 24.1.2 εὐεπὲς ἐκ πηγέων ἔβλυσας Ἡσιόδῳ· ### book 24.1.3 νῦν δ’ ἡμῖν ἔθ’ ὁ κοῦρος ὁμώνυμος Αὔσονα Βάκχον ### book 24.1.4 οἰνοχοεῖ κρήνης ἐξ ἀμεριμνοτέρης. ### book 24.5.1 βουλοίμην δ’ ἂν ἔγωγε πιεῖν παρὰ τοῦδε κύπελλον ### book 24.5.2 ἓν μόνον ἢ παρὰ σεῦ χίλια Πηγασίδος. ### book 25.1.1 Ὑπνώεις, ὠταῖρε· τὸ δὲ σκύφος αὐτὸ βοᾷ σε· ### book 25.1.2 „Ἔγρεο, μὴ τέρπου μοιριδίῃ μελέτῃ.“ ### book 25.1.3 μὴ φείσῃ, Διόδωρε· λάβρος δ’ εἰς Βάκχον ὀλισθὼν ### book 25.1.4 ἄχρις ἐπὶ σφαλεροῦ ζωροπότει γόνατος. ### book 25.5 ἔσσεθ’, ὅτ’ οὐ πιόμεσθα, πολὺς πολύς· ἀλλ’ ἄγ’ ἐπείγου· ### book 25 ἡ συνετὴ κροτάφων ἅπτεται ἡμετέρων. ### book 26.1.1 Σφάλλομαι ἀκρήτῳ μεμεθυσμένος· ἀλλὰ τίς ἆρα ### book 26.1.2 σώσει μ’ ἐκ Βρομίου γυῖα σαλευόμενον; ### book 26.1.3 ὡς ἄδικον θεὸν εὗρον, ὅθ’ εἵνεκεν αὐτὸς ἐγὼ σέ, ### book 26.1.4 Βάκχε, φέρων ὑπὸ σοῦ τἄμπαλι παρφέρομαι. ### book 27.1.1 Συρρέντου τρηχεῖα μυρίπνοε, χαῖρε, κονίη ### book 27.1.2 καὶ Πολλεντίνων γαῖα μελιχροτάτη ### book 27.1.3 Ἀστή θ’ ἡ τριπόθητος, ἀφ’ ἧς βρομιώδεα πηλὸν ### book 27.1.4 φύρησαν Βάκχῳ τριζυγέες Χάριτες, ### book 27.5.1 πλούτου καὶ πενίης κοινὸν κτέαρ, οἷς μὲν ἀνάγκης ### book 27.5.2 σκεῦος, τοῖς δὲ τρυφῆς χρῆσι περισσοτέρη. ### book 28.1.1 Πέντε θανὼν κείσῃ κατέχων πόδας, οὐδὲ τὰ τερπνὰ ### book 28.1.2 ζωῆς οὐδ’ αὐγὰς ὄψεαι ἠελίου· ### book 28.1.3 ὥστε λαβὼν Βάκχου ζωρὸν δέπας ἕλκε γεγηθώς, ### book 28.1.4 Κίγκιε, καλλίστην ἀγκὰς ἔχων ἄλοχον. ### book 28.5.1 εἰ δέ σοι ἀθανάτου σοφίης νόος, ἴσθι, Κλεάνθης ### book 28.5.2 καὶ Ζήνων Ἀίδην τὸν βαθὺν ὡς ἔμολον. ### book 29.1.1 Πέμπε, κάλει· πάντ’ ἐστὶν ἕτοιμά σοι. ἢν δέ τις ἔλθῃ, ### book 29.1.2 τί πρήξεις; σαυτῷ δὸς λόγον, Αὐτόμεδον. ### book 29.1.3 αὕτη γὰρ λαχάνου σαθρωτέρη ἡ πρὶν ἀκαμπὴς ### book 29.1.4 ζῶσα νεκρὰ μηρῶν πᾶσα δέδυκεν ἔσω. ### book 29.5 πόλλ’ ἐπὶ σοὶ γελάσουσιν, ἀνάρμενος ἂν παραβάλλῃ ### book 29 πλώειν τὴν κώπην μηκέτ’ ἔχων ἐρέτου. ### book 30.1.1 Ὁ πρὶν ἐγὼ καὶ πέντε καὶ ἐννέα, νῦν, Ἀφροδίτη, ### book 30.1.2 ἓν μόλις ἐκ πρώτης νυκτὸς ἐς ἠέλιον· ### book 30.1.3 οἴμοι μοι, καὶ τοῦτο κατὰ βραχύ—πολλάκι δ’ ἤδη ### book 30.1.4 ἡμιθανές—θνῄσκει· τοῦτο τὸ τερμέριον. ### book 30.5.1 ὦ γῆρας, γῆρας, τί ποθ’ ὕστερον, ἢν ἀφίκηαι, ### book 30.5.2 ποιήσεις, ὅτε νῦν ὧδε μαραινόμεθα; ### book 31.1.1 Οὔ μοι Πληιάδων φοβερὴ δύσις, οὐδὲ θαλάσσης ### book 31.1.2 ὠρῦον στυφελῷ κῦμα περὶ σκοπέλῳ, ### book 31.1.3 οὐδ’ ὅταν ἀστράπτῃ μέγας οὐρανός, ὡς κακὸν ἄνδρα ### book 31.1.4 ταρβέω καὶ μύθων μνήμονας ὑδροπότας. ### book 32.1.1 Μούσης νουθεσίην φιλοπαίγμονος εὕρετο Βάκχος, ### book 32.1.2 ὦ Σικυών, ἐν σοὶ κῶμον ἄγων Χαρίτων· ### book 32.1.3 δὴ γὰρ ἔλεγχον ἔχει γλυκερώτατον ἔν τε γέλωτι ### book 32.1.4 κέντρον· χὠ μεθύων ἀστὸν ἐσωφρόνισεν. ### book 33.1.1 Λάθριον ἑρπηστὴν σκολιὸν πόδα, κισσέ, χορεύσας ### book 33.1.2 ἄγχεις τὴν Βρομίου βοτρυόπαιδα χάριν· ### book 33.1.3 δεσμεῖς δ’ οὐχ ἡμᾶς, ὀλέκεις δὲ σέ. τίς γὰρ ἕλοιτο ### book 33 κισσὸν ἐπὶ κροτάφοις, μὴ κεράσας Βρόμιον; ### book 34.1.1 Λευκοΐνους πάλι δὴ καὶ ψάλματα καὶ πάλι Χίους ### book 34.1.2 οἴνους καὶ πάλι δὴ σμύρναν ἔχειν Συρίην ### book 34.1.3 καὶ πάλι κωμάζειν καὶ ἔχειν πάλι διψάδα πόρνην ### book 34.1.4 οὐκ ἐθέλω· μισῶ ταῦτα τὰ πρὸς μανίην. ### book 34.5.1 ἀλλά με ναρκίσσοις ἀναδήσατε καὶ πλαγιαύλων ### book 34.5.2 γεύσατε καὶ κροκίνοις χρίσατε γυῖα μύροις ### book 34.5.3 καὶ Μιτυληναίῳ τὸν πνεύμονα τέγξατε Βάκχῳ, ### book 34.5.4 καὶ συζεύξατέ μοι φωλάδα παρθενικήν. ### book 35.1.1 Κράμβην Ἀρτεμίδωρος, Ἀρίσταρχος δὲ τάριχον, ### book 35.1.2 βολβίσκους δ’ ἡμῖν δῶκεν Ἀθηναγόρας, ### book 35.1.3 ἡπάτιον Φιλόδημος, Ἀπολλοφάνης δὲ δύο μνᾶς ### book 35.1.4 χοιρείου, καὶ τρεῖς ἦσαν ἀπ’ ἐχθὲς ἔτι. ### book 35.5.1 ᾠὸν καὶ στεφάνους καὶ σάμβαλα καὶ μύρον ἡμῖν ### book 35.5.2 λάμβανε, παῖ· δεκάτης εὐθὺ θέλω παράγειν. ### book 36.1.1 Ἡνίκα μὲν καλὸς ἦς, Ἀρχέστρατε, κἀμφὶ παρειαῖς ### book 36.1.2 οἰνωπαῖς ψυχὰς ἔφλεγες ἠιθέων, ### book 36.1.3 ἡμετέρης φιλίης οὐδεὶς λόγος· ἀλλὰ μετ’ ἄλλων ### book 36.1.4 παίζων τὴν ἀκμὴν ὡς ῥόδον ἠφάνισας. ### book 36.5 ὡς δ’ ἐπιπερκάζεις μιαρῇ τριχί, νῦν φίλον ἕλκων ### book 36 τὴν καλάμην δωρῇ δοὺς ἑτέροις τὸ θέρος. ### book 37.1.1 Ἤδη τοι φθινόπωρον, Ἐπίκλεες, ἐκ δὲ Βοώτου ### book 37.1.2 ζώνης Ἀρκτούρου λαμπρὸν ὄρωρε σέλας· ### book 37.1.3 ἤδη καὶ σταφυλαὶ δρεπάνης ἐπιμιμνήσκονται, ### book 37.1.4 καί τις χειμερινὴν ἀμφερέφει καλύβην. ### book 37.5.1 σοὶ δ’ οὔτε χλαίνης θερμὴ κροκὺς οὔτε χιτῶνος ### book 37.5.2 ἔνδον· ἀποσκλήσῃ δ’ ἀστέρα μεμφόμενος. ### book 38.1.1 Ἡ πτωχῶν χαρίεσσα πανοπλίη, ἀρτολάγυνος ### book 38.1.2 αὕτη, καὶ δροσερῶν ἐκ πετάλων στέφανος, ### book 38.1.3 καὶ τοῦτο φθιμένοιο προάστιον ἱερὸν ὀστεῦν ### book 38.1.4 ἐγκεφάλου, ψυχῆς φρούριον ἀκρότατον. ### book 38.5.1 „Πῖνε,“ λέγει τὸ γλύμμα, „καὶ ἔσθιε καὶ περίκεισο ### book 38.5.2 ἄνθεα· τοιοῦτοι γινόμεθ’ ἐξαπίνης.“ ### book 39.1.1 Ἐχθές μοι συνέπινε γυνή, περὶ ἧς λόγος ἔρρει ### book 39.1.2 οὐχ ὑγιής. παῖδες, θραύσατε τὰς κύλικας. ### book 40.1.1 Εὐμένεος Κλεόδημος ἔτι βραχύς, ἀλλὰ χορεύει ### book 40.1.2 σὺν παισὶν βαιῷ μικρὸς ἔτ’ ἐν θιάσῳ· ### book 40.1.3 ἠνίδε, καὶ στικτοῖο δορὴν ἐζώσατο νεβροῦ ### book 40.1.4 καὶ σείει ξανθῆς κισσὸν ὑπὲρ κεφαλῆς. ### book 40.5 ὦνα σύ μιν Καδμεῖε τίθει μέγαν, ὡς ἂν ὁ μύστης ### book 40 ὁ βραχὺς ἡβήτας αὖθις ἄγοι θιάσους. ### book 41.1.1 Ἑπτὰ τριηκόντεσσιν ἐπέρχονται λυκάβαντες, ### book 41.1.2 ἤδη μοι βιότου σχιζόμεναι σελίδες· ### book 41.1.3 ἤδη καὶ λευκαί με κατασπείρουσιν ἔθειραι, ### book 41.1.4 Ξανθίππη, συνετῆς ἄγγελοι ἡλικίης. ### book 41.5.1 ἀλλ’ ἔτι μοι ψαλμός τε λάλος κῶμοί τε μέλονται, ### book 41.5.2 καὶ πῦρ ἀπλήστῳ τύφετ’ ἐνὶ κραδίῃ. ### book 41.5.3 αὐτὴν ἀλλὰ τάχιστα κορωνίδα γράψατε, Μοῦσαι, ### book 41.5.4 ταύτην ἡμετέρης, δεσπότιδες, μανίης. ### book 42.1.1 Εἰ καί σοι ἑδραῖος ἀεὶ βίος οὐδὲ θάλασσαν ### book 42.1.2 ἔπλως χερσαίας τ’ οὐκ ἐπάτησας ὁδούς, ### book 42.1.3 ἔμπης Κεκροπίης ἐπιβήμεναι, ὄφρ’ ἂν ἐκείνας ### book 42.1.4 Δήμητρος μεγάλης νύκτας ἴδῃς ἱερῶν, ### book 42.5.1 τῶν ἄπο κἀν ζωοῖσιν ἀκηδέα, κεὖτ’ ἂν ἵκηαι ### book 42.5.2 ἐς πλεόνων, ἕξεις θυμὸν ἐλαφρότερον. ### book 43.1.1 Δός μοι τοὐκ γαίης πεπονημένον ἁδὺ κύπελλον, ### book 43.1.2 ἇς γενόμην καὶ ὑφ’ ᾇ κείσομ’ ἀποφθίμενος. ### book 44.1.1 Αὔριον εἰς λιτήν σε καλιάδα, φίλτατε Πείσων, ### book 44.1.2 ἐξ ἐνάτης ἕλκει μουσοφιλὴς ἕταρος ### book 44.1.3 εἰκάδα δειπνίζων ἐνιαύσιον· εἰ δ’ ἀπολείψῃς ### book 44 οὔθατα καὶ Βρομίου χιογενῆ πρόποσιν, ### book 44.5.1 ἀλλ’ ἑτάρους ὄψει παναληθέας, ἀλλ’ ἐπακούσῃ ### book 44.5.2 Φαιήκων γαίης πουλὺ μελιχρότερα· ### book 44.5.3 ἢν δέ ποτε στρέψῃς καὶ ἐς ἡμέας ὄμματα, Πείσων, ### book 44.5.4 ἄξομεν ἐκ λιτῆς εἰκάδα πιοτέρην. ### book 45.1.1 Αὐτοθελὴς ἥδιστος ἀεὶ πότος· ὃς δέ κ’ ἀνάγκῃ, ### book 45.1.2 ὑβριστὴς οἴνῳ τ’ ἐστὶ καὶ οἰνοπότῃ· ### book 45.1.3 τὸν μὲν γὰρ γαίῃ προχέει κρύφα, τὸν δ’ ὑπὸ γαίῃ ### book 45.1.4 πολλάκι πρὸς Λήθης ἤγαγε πικρὸν ὕδωρ. ### book 45.5.1 πουλυμεθεῖς, χαίροιτε· τὸ δ’ ὁππόσον ἡδὺ ποθῆναι ### book 45.5.2 μέτρον ἐμοὶ πάσης ἄρκιον εὐφροσύνης. ### book 46.1.1 Ἄνθρωποι δείλης, ὅτε πίνομεν· ἢν δὲ γένηται ### book 46.1.2 ὄρθρος, ἐπ’ ἀλλήλους θῆρες ἐγειρόμεθα. ### book 47.1.1 Οὔ μοι μέλει τὰ Γύγεω, ### book 47.1.2 τοῦ Σαρδίων ἄνακτος, ### book 47.1.3 οὔθ’ αἱρέει με χρυσός, ### book 47.1.4 οὐ δὲ φθονῶ τυράννοις· ### book 47.5.1 ἐμοὶ μέλει μύροισι ### book 47.5.2 καταβρέχειν ὑπήνην· ### book 47.5.3 ἐμοὶ μέλει ῥόδοισι ### book 47.5.4 καταστέφειν κάρηνα. ### book 47.5.5 τὸ σήμερον μέλει μοι· ### book 47.10 τὸ δ’ αὔριον τίς οἶδεν; ### book 48.1.1 Τὸν ἄργυρον τορεύσας, ### book 48.1.2 Ἥφαιστέ, μοι ποίησον ### book 48.1.3 πανοπλίαν μὲν οὐχί, ### book 48.1.4 ποτήριον δὲ κοῖλον, ### book 48.5.1 ὅσον δύνῃ, βάθυνον. ### book 48.5.2 ποίει δέ μοι κατ’ αὐτοῦ ### book 48.5.3 μηδ’ ἄστρα μηδ’ ἁμάξας, ### book 48.5.4 μὴ στυγνὸν Ὠρίωνα, ### book 48.5.5 ἀλλ’ ἀμπέλους χλοώσας ### book 48.10.1 καὶ βότρυας γελῶντας ### book 48.10.2 σὺν τῷ καλῷ Λυαίῳ. ### book 49.1.1 Βάκχου μέτρον ἄριστον, ὃ μὴ πολὺ μηδ’ ἐλάχιστον· ### book 49.1.2 ἔστι γὰρ ἢ λύπης αἴτιος ἢ μανίης. ### book 49.1.3 χαίρει κιρνάμενος δὲ τρισὶν Νύμφαισι τέταρτος· ### book 49.1.4 τῆμος καὶ θαλάμοις ἐστὶν ἑτοιμότατος· ### book 49.5.1 εἰ δὲ πολὺς πνεύσειεν, ἀπέστραπται μὲν Ἔρωτας, ### book 49.5.2 βαπτίζει δ’ ὕπνῳ, γείτονι τοῦ θανάτου. ### book 50.1.1 Εὐδαίμων πρῶτον μὲν ὁ μηδενὶ μηδὲν ὀφείλων, ### book 50.1.2 εἶτα δ’ ὁ μὴ γήμας, τὸ τρίτον ὅστις ἄπαις. ### book 50.1.3 ἢν δὲ μανεὶς γήμῃ τις, ἔχει χάριν, ἢν κατορύξῃ ### book 50.1.4 εὐθὺς τὴν γαμετὴν προῖκα λαβὼν μεγάλην. ### book 50.5 ταῦτ’ εἰδὼς σοφὸς ἴσθι· μάτην δ’ Ἐπίκουρον ἔασον ### book 50 ποῦ τὸ κενὸν ζητεῖν καὶ τίνες αἱ μονάδες. ### book 51.1.1 Τῆς ὥρας ἀπόλαυε· παρακμάζει ταχὺ πάντα· ### book 51.1.2 ἓν θέρος ἐξ ἐρίφου τρηχὺν ἔθηκε τράγον. ### book 52.1.1 Παιδείῳ, Θρασύβουλε, σαγηνευθεὶς ὑπ’ ἔρωτι ### book 52.1.2 ἀσθμαίνεις, δελφὶς ὥς τις ἐπ’ αἰγιαλοῦ ### book 52.1.3 κύματος ἱμείρων· δρέπανον δέ σοι οὐδὲ τὸ Περσέως ### book 52.1.4 ἀρκεῖ ἀποτμῆξαι δίκτυον, ᾧ δέδεσαι. ### book 53.1.1 Τὸ ῥόδον ἀκμάζει βαιὸν χρόνον· ἢν δὲ παρέλθῃ, ### book 53.1.2 ζητῶν εὑρήσεις οὐ ῥόδον, ἀλλὰ βάτον. ### book 54.1.1 Γηραλέον με γυναῖκες ἀποσκώπτουσι, λέγουσαι ### book 54.1.2 εἰς τὸ κάτοπτρον ὁρᾶν λείψανον ἡλικίης. ### book 54.1.3 ἀλλ’ ἐγὼ εἰ λευκὰς φορέω τρίχας εἴτε μελαίνας, ### book 54.1.4 οὐκ ἀλέγω βιότου πρὸς τέλος ἐρχόμενος. ### book 54.5.1 εὐόδμοις δὲ μύροισι καὶ εὐπετάλοις στεφάνοισι ### book 54.5.2 καὶ Βρομίῳ παύω φροντίδας ἀργαλέας. ### book 55.1 Δὸς πιέειν, ἵνα Βάκχος ἀποσκεδάσειε μερίμνας ### book 55 ἂψ ἀναθερμαίνων ψυχομένην κραδίην. ### book 56.1.1 Πῖνε καὶ εὐφραίνου. τί γὰρ αὔριον ἢ τί τὸ μέλλον, ### book 56.1.2 οὐδεὶς γινώσκει. μὴ τρέχε, μὴ κοπία· ### book 56.1.3 ὡς δύνασαι, χάρισαι, μετάδος, φάγε, θνητὰ λογίζου· ### book 56.1.4 τὸ ζῆν τοῦ μὴ ζῆν οὐδὲν ὅλως ἀπέχει. ### book 56.5.1 πᾶς ὁ βίος τοιόσδε, ῥοπὴ μόνον· ἂν προλάβῃς, σοῦ, ### book 56.5.2 ἂν δὲ θάνῃς, ἑτέρου πάντα, σὺ δ’ οὐδὲν ἔχεις. ### book 57.1.1 Γαστέρα μὲν σεσάλακτο γέρων εὐώδεϊ Βάκχῳ ### book 57.1.2 Οἰνοπίων, ἔμπης δ’ οὐκ ἀπέθηκε δέπας· ### book 57.1.3 ἀλλ’ ἔτι διψώων ἰδίῃ κατεμέμφετο χειρὶ ### book 57.1.4 ὡς ἀπὸ κρητῆρος μηδὲν ἀφυσσαμένῃ· ### book 57.5.1 οἱ δὲ νέοι ῥέγχουσι, καὶ οὐ σθένος οὐδ’ ἀπ’ ἀριθμοῦ ### book 57.5.2 τὰς κύλικας γνῶναι τὰς ἔτι πινομένας. ### book 57.5.3 πῖνε, γέρον, καὶ ζῆθι· μάτην δ’ ἄρα θεῖος Ὅμηρος ### book 57.5.4 τείρεσθαι πολιὴν ἐκ νεότητος ἔφη. ### book 58.1.1 Ἤθελον οὐ χρυσόν τε καὶ ἄστεα μυρία γαίης ### book 58.1.2 οὐδ’, ὅσα τὰς Θήβας εἶπεν Ὅμηρος ἔχειν· ### book 58.1.3 ἀλλ’ ἵνα μοι τροχόεσσα κύλιξ βλύσσειε Λυαίῳ ### book 58.1.4 χείλεος ἀενάῳ νάματι λουομένου, ### book 58.5.1 καὶ γεραρῶν συνέπινε λάλος χορός, οἱ δὲ περισσοὶ ### book 58.5.2 ἀνέρες ἐργατίναι κάμνον ἐφ’ ἡμερίσιν. ### book 58.5.3 οὗτος ἐμοὶ πολὺς ὄλβος, ἀεὶ φίλος· οὐδ’ ἀλεγίζω ### book 58 τῶν χρυσέων ὑπάτων τὴν φιάλην κατέχων. ### book 59.1.1 Χανδοπόται, βασιλῆος ἀεθλητῆρες Ἰάκχου, ### book 59.1.2 ἔργα κυπελλομάχου στήσομεν εἰλαπίνης, ### book 59.1.3 Ἰκαρίου σπένδοντες ἀφειδέα δῶρα Λυαίου· ### book 59.1.4 ἄλλοισιν μελέτω Τριπτολέμοιο γέρα, ### book 59.5.1 ᾗχι βόες καὶ ἄροτρα καὶ ἱστοβοεὺς καὶ ἐχέτλη ### book 59.5.2 καὶ στάχυς, ἁρπαμένης ἴχνια Φερσεφόνης. ### book 59.5.3 εἴ ποτε δὲ στομάτεσσι βαλεῖν τινα βρῶσιν ἀνάγκη, ### book 59.5.4 ἀσταφὶς οἰνοπόταις ἄρκιος ἡ Βρομίου. ### book 60.1.1 Σπείσομεν οἰνοποτῆρες ἐγερσιγέλωτι Λυαίῳ, ### book 60.1.2 ὤσομεν ἀνδροφόνον φροντίδα ταῖς φιάλαις. ### book 60.1.3 σιτοδόκῳ δ’ ἄγραυλος ἀνὴρ βαρύμοχθος ἰάλλοι ### book 60.1.4 γαστρὶ μελαμπέπλου μητέρα Φερσεφόνης· ### book 60.5.1 ταυροφόνων δ’ ἀμέγαρτα καὶ αἱμαλέα κρέα δόρπων ### book 60.5.2 θηρσὶ καὶ οἰωνοῖς λείψομεν ὠμοβόροις· ### book 60.5.3 ὀστέα δ’ αὖ νεπόδων ταμεσίχροα χείλεσι φωτῶν ### book 60.5.4 εἰξάτω, οἷς Ἀίδης φίλτερος ἠελίου· ### book 60.5.5 ἡμῖν δ’ ὀλβιόδωρον ἀεὶ μέθυ καὶ βόσις ἔστω ### book 60.10 καὶ ποτόν· ἀμβροσίην δ’ ἄλλος ἔχειν ἐθέλοι. ### book 61.1.1 Χθιζὸν ἐμοὶ νοσέοντι παρίστατο δήιος ἀνὴρ ### book 61.1.2 ἰητρὸς δεπάων νέκταρ ἀπειπάμενος· ### book 61.1.3 εἶπε δ’ ὕδωρ πίνειν, ἀνεμώλιος, οὐδ’ ἐδιδάχθη, ### book 61 ὅττι μένος μερόπων οἶνον Ὅμηρος ἔφη. ### book 62.1.1 Πᾶσι θανεῖν μερόπεσσιν ὀφείλεται, οὐδέ τις ἐστίν, ### book 62.1.2 αὔριον εἰ ζήσει, θνητὸς ἐπιστάμενος. ### book 62.1.3 τοῦτο σαφῶς, ἄνθρωπε, μαθὼν εὔφραινε σεαυτόν, ### book 62.1.4 λήθην τοῦ θανάτου τὸν Βρόμιον κατέχων. ### book 62.5.1 τέρπεο καὶ Παφίῃ τὸν ἐφημέριον βίον ἕλκων· ### book 62.5.2 τἆλλα δὲ πάντα Τύχῃ πράγματα δὸς διέπειν. ### book 63.1.1 Ἀνέρες, οἷσι μέμηλεν ἀπήμονος ὄργια Βάκχου, ### book 63.1.2 ἐλπίσιν ἡμερίδων ῥίψατε τὴν πενίην. ### book 63.1.3 αὐτὰρ ἐμοὶ κρητὴρ μὲν ἔοι δέπας, ἄγχι δὲ ληνὸς ### book 63.1.4 ἀντὶ πίθου, λιπαρῆς ἔνδιον εὐφροσύνης. ### book 63.5.1 αὐτίκα δ’ ἡμετέροιο πιὼν κρητῆρα Λυαίου ### book 63.5.2 παισὶ Καναστραίοις μάρναμαι, ἢν ἐθέλῃς. ### book 63.5.3 οὐ τρομέω δὲ θάλασσαν ἀμείλιχον, οὐδὲ κεραυνούς, ### book 63.5.4 πιστὸν ἀταρβήτου θάρσος ἔχων Βρομίου. ### book 64.1.1 Ἡμεῖς μὲν πατέοντες ἀπείρονα καρπὸν Ἰάκχου ### book 64.1.2 ἄμμιγα βακχευτὴν ῥυθμὸν ἀνεπλέκομεν. ### book 64.1.3 ἤδη δ’ ἄσπετον οἶδμα κατέρρεεν· οἷα δὲ λέμβοι ### book 64.1.4 κισσύβια γλυκερῶν νήχεθ’ ὑπὲρ ῥοθίων, ### book 64.5.1 οἷσιν ἀρυσσάμενοι σχέδιον ποτὸν ἤνομεν ἤδη ### book 64.5.2 θερμῶν Νηιάδων οὐ μάλα δευόμενοι. ### book 64.5.3 ἡ δὲ καλὴ ποτὶ ληνὸν ὑπερκύπτουσα Ῥοδάνθη ### book 64.5.4 μαρμαρυγῇς κάλλους νᾶμα κατηγλάισεν. ### book 64.5.5 πάντων δ’ ἐκδεδόνηντο θοαὶ φρένες, οὐδέ τις ἡμέων ### book 64.10.1 ἦεν, ὃς οὐ Βάκχῳ δάμνατο καὶ Παφίῃ. ### book 64.10.2 τλήμονες, ἀλλ’ ὁ μὲν εἷρπε παραὶ ποσὶν ἄφθονος ἡμῖν, ### book 64 τῆς δ’ ἄρ’ ὑπ’ ἐλπωρῇ μοῦνον ἐπαιζόμεθα. ### book 65.1.1 Λιμοῦ καὶ γραίης χαλεπὴ κρίσις· ἀργαλέον μὲν ### book 65.1.2 πεινῆν, ἡ κοίτη δ’ ἔστ’ ὀδυνηροτέρα. ### book 65.1.3 πεινῶν εὔχετο γραῦν, κοιμώμενος εὔχετο λιμὸν ### book 65.1.4 Φίλλις· ἴδ’ ἀκλήρου παιδὸς ἀνωμαλίην. ### book 66.1.1 Κἢν τείνῃς ῥακόεντα πολυτμήτοιο παρειῆς ### book 66.1.2 χρῶτα καὶ ἀβλεφάρους ὦπας ἐπανθρακίσῃς, ### book 66.1.3 καὶ λευκὴν βάψῃς μέλανι τρίχα καὶ πυρίφλεκτα ### book 66.1.4 βοστρύχια κροτάφοις οὖλα περικρεμάσῃς, ### book 66.5 οὐδὲν ταῦτα, γελοῖα, καὶ ἢν ἔτι πλείονα ῥέξῃς ... ### book 67.1.1 ῏Υ τετρηκόσι’ ἐστίν· ἔχεις δὲ σὺ τοὺς ἐνιαυτοὺς ### book 67.1.2 δὶς τόσσους, τρυφερὴ Λαῒ κορωνεκάβη, ### book 67.1.3 Σισύφου ὦ μάμμη καὶ Δευκαλίωνος ἀδελφή. ### book 67.1.4 βάπτε δὲ τὰς λευκὰς καὶ λέγε πᾶσι „τατᾶ“. ### book 68.1.1 Τὰς τρίχας, ὦ Νίκυλλα, τινὲς βάπτειν σε λέγουσιν, ### book 68.1.2 ἃς σὺ μελαινοτάτας ἐξ ἀγορᾶς ἐπρίω. ### book 69.1 Τὰς πολιὰς βάψασα Θεμιστονόη τρικόρωνος ### book 69 γίνεται ἐξαπίνης οὐ νέα, ἀλλὰ Ῥέα. ### book 70.1.1 Γρῆυν ἔγημε Φιλῖνος, ὅτ’ ἦν νέος· ἡνίκα πρέσβυς, ### book 70.1.2 δωδεκέτιν· Παφίῃ δ’ ὥριος οὐδέποτε. ### book 70.1.3 τοιγὰρ ἄπαις διέμεινέ ποτε σπείρων ἐς ἄκαρπα, ### book 70.1.4 νῦν δ’ ἑτέροις γήμας ἀμφοτέρων στέρεται. ### book 71.1.1 Ἤκμασε Νικονόη· κἀγὼ λέγω· ἤκμασε δ’ αὐτή, ### book 71.1.2 ἡνίκα Δευκαλίων ἄπλετον εἶδεν ὕδωρ. ### book 71.1.3 ταῦτα μὲν οὖν ἡμεῖς οὐκ οἴδαμεν, ἀλλ’ ὅτι ταύτην ### book 71.1.4 οὐκ ἄνδρα ζητεῖν νῦν ἔδει, ἀλλὰ τάφον. ### book 72.1.1 Ἡ πολιὴ κροτάφοισι Κυτώταρις, ἡ πολύμυθος ### book 72.1.2 γραῖα, δι’ ἣν Νέστωρ οὐκέτι πρεσβύτατος, ### book 72.1.3 ἡ φάος ἀθρήσας’ ἐλάφου πλέον, ἡ χερὶ λαιῇ ### book 72.1.4 γῆρας ἀριθμεῖσθαι δεύτερον ἀρξαμένη, ### book 72.5.1 ζώει καὶ λεύσσουσα καὶ ἀρτίπος οἷά τε νύμφη, ### book 72.5.2 ὥστε με διστάζειν, μή τι πέπονθ’ Ἀίδης. ### book 73.1.1 Γραῖα καλή. τί γάρ; οἶσθας, ὅτ’ ἦν νέα· ἀλλὰ τότ’ ᾔτει, ### book 73.1.2 νῦν δ’ ἐθέλει δοῦναι μισθὸν ἐλαυνομένη. ### book 73.1.3 εὑρήσεις τεχνῖτιν· ὅταν δὲ πίῃ, τότε μᾶλλον, ### book 73.1.4 εἰς ὃ θέλεις, αὐτὴν εὐεπίτακτον ἔχεις. ### book 73.5.1 πίνει γὰρ καὶ τρεῖς καὶ τέσσαρας, ἢν ἐθελήσῃς, ### book 73.5.2 ξέστας, κἀκ τούτου γίνετ’ ἄνω τὰ κάτω· ### book 73.5.3 κολλᾶται, κνίζει, παθικεύεται· ἤν τι διδῷ τις, ### book 73 λαμβάνει· ἢν μὴ δῷ, μισθὸν ἔχει τὸ πάθος. ### book 74.1.1 Τὴν δύσκωφον γραῖαν, Ὀνήσιμε, πρὸς Διὸς ἔξω ### book 74.1.2 ἔκβαλε· πολλὰ λίην πράγματά μοι παρέχει. ### book 74.1.3 ἢν αὐτῇ τυροὺς ἁπαλοὺς εἴπωμεν ἐνέγκαι, ### book 74.1.4 οὐ τυρούς, πυροὺς δ’ ἔρχετ’ ἔχουσα νέους. ### book 74.5.1 πρῴην τὴν κεφαλὴν ἐπόνουν καὶ πήγανον αὐτὴν ### book 74.5.2 ᾔτουν· ἡ δ’ ἔφερεν τήγανον ὀστράκινον. ### book 74.5.3 ἂν ὀπὸν αἰτήσω, δοκὸν εἰσφέρει· ἂν „Λάχανόν μοι“ ### book 74.5.4 εἴπω „δὸσ“ πεινῶν, εὐθὺ φέρει λάσανον· ### book 74.5.5 ὄξος ἐὰν αἰτῶ, τόξον φέρει· ἂν δέ γε τόξον, ### book 74.10.1 ὄξος· ὅλως δ’ ὃ λέγω, οὔποτ’ ἐπαισθάνεται. ### book 74.10.2 αἰσχρὸν τῆς γραός με χάριν κήρυκα γενέσθαι ### book 74.10.3 καὶ μελετᾶν ἔξω νυκτὸς ἐγειρόμενον. ### book 75.1.1 Οὗτος ὁ νῦν τοιοῦτος Ὀλυμπικὸς εἶχε, Σεβαστέ, ### book 75.1.2 ῥῖνα, γένειον, ὀφρῦν, ὠτάρια, βλέφαρα· ### book 75.1.3 εἶτ’ ἀπογραψάμενος πύκτης ἀπολώλεκε πάντα, ### book 75.1.4 ὥστ’ ἐκ τῶν πατρικῶν μηδὲ λαβεῖν τὸ μέρος· ### book 75.5.1 εἰκόνιον γὰρ ἀδελφὸς ἔχων προενήνοχεν αὐτοῦ, ### book 75.5.2 καὶ κέκριτ’ ἀλλότριος μηδὲν ὅμοιον ἔχων. ### book 76.1.1 Ῥύγχος ἔχων τοιοῦτον, Ὀλυμπικέ, μήτ’ ἐπὶ κρήνην ### book 76.1.2 ἔλθῃς, μήτ’ ἐνόρα πρός τι διαυγὲς ὕδωρ. ### book 76.1.3 καὶ σὺ γὰρ ὡς Νάρκισσος ἰδὼν τὸ πρόσωπον ἐναργὲς ### book 76 τεθνήξῃ μισῶν σαυτὸν ἕως θανάτου. ### book 77.1.1 Εἰκοσέτους σωθέντος Ὀδυσσέος εἰς τὰ πατρῷα ### book 77.1.2 ἔγνω τὴν μορφὴν Ἄργος ἰδὼν ὁ κύων· ### book 77.1.3 ἀλλὰ σὺ πυκτεύσας, Στρατοφῶν, ἐπὶ τέσσαρας ὥρας ### book 77.1.4 οὐ κυσὶν ἄγνωστος, τῇ δὲ πόλει γέγονας. ### book 77.5.1 ἢν ἐθέλῃς τὸ πρόσωπον ἰδεῖν ἐς ἔσοπτρον ἑαυτοῦ, ### book 77.5.2 „Οὐκ εἰμὶ Στρατοφῶν,“ αὐτὸς ἐρεῖς ὀμόσας. ### book 78.1.1 Κόσκινον ἡ κεφαλή σου, Ἀπολλόφανες, γεγένηται ### book 78.1.2 ἢ τῶν σητοκόπων βυβλαρίων τὰ κάτω· ### book 78.1.3 ὄντως μυρμήκων τρυπήματα λοξὰ καὶ ὀρθά, ### book 78.1.4 γράμματα τῶν λυρικῶν Λύδια καὶ Φρύγια. ### book 78.5.1 πλὴν ἀφόβως πύκτευε· καὶ ἢν τρωθῇς γὰρ ἄνωθεν, ### book 78.5.2 ταῦθ’, ὅς’ ἔχεις, ἕξεις· πλείονα δ’ οὐ δύνασαι. ### book 79.1.1 Πύκτης ὢν κατέλυσε Κλεόμβροτος· εἶτα γαμήσας ### book 79.1.2 ἔνδον ἔχει πληγῶν Ἴσθμια καὶ Νέμεα, ### book 79.1.3 γραῦν μαχίμην τύπτουσαν Ὀλύμπια καὶ τὰ παρ’ αὐτῷ ### book 79.1.4 μᾶλλον ἰδεῖν φρίσσων ἤ ποτε τὸ στάδιον. ### book 79.5.1 ἂν γὰρ ἀναπνεύσῃ, δέρεται τὰς παντὸς ἀγῶνος ### book 79.5.2 πληγάς, ὡς ἀποδῷ· κἂν ἀποδῷ, δέρεται. ### book 80.1 Οἱ συναγωνισταὶ τὸν πυγμάχον ἐνθάδ’ ἔθηκαν ### book 80 Ἆπιν· οὐδένα γὰρ πώποτ’ ἐτραυμάτισεν. ### book 81.1.1 Πᾶσαν, ὅσαν Ἕλληνες ἀγωνοθετοῦσιν ἅμιλλαν ### book 81.1.2 πυγμῆς, Ἀνδρόλεως πᾶσαν ἀγωνισάμαν· ### book 81.1.3 ἔσχον δ’ ἐν Πίσῃ μὲν ἓν ὠτίον, ἐν δὲ Πλαταιαῖς ### book 81.1.4 ἓν βλέφαρον· Πυθοῖ δ’ ἄπνοος ἐκφέρομαι· ### book 81.5.1 Δαμοτέλης δ’ ὁ πατὴρ καρύσσετο σὺν πολιήταις ### book 81.5.2 ἆραί με σταδίων ἢ νεκρὸν ἢ κολοβόν. ### book 82.1.1 Πέντε μετ’ ἄλλων Χάρμος ἐν Ἀρκαδίᾳ δολιχεύων, ### book 82.1.2 θαῦμα μέν, ἀλλ’ ὄντως ἕβδομος ἐξέπεσεν. ### book 82.1.3 „Ἓξ ὄντων,“ τάχ’ ἐρεῖς, „πῶς ἕβδομος;“ εἷς φίλος αὐτοῦ ### book 82.1.4 „Θάρσει, Χάρμε,“ λέγων ἦλθεν ἐν ἱματίῳ. ### book 82.5.1 ἕβδομος οὖν οὕτω παραγίνεται· εἰ δ’ ἔτι πέντε ### book 82.5.2 εἶχε φίλους, ἦλθ’ ἄν, Ζωίλε, δωδέκατος. ### book 83.1.1 Τὸν σταδιῆ πρῴην Ἐρασίστρατον ἡ μεγάλη γῆ ### book 83.1.2 πάντων σειομένων οὐκ ἐσάλευσε μόνον. ### book 84.1.1 Οὔτε τάχιον ἐμοῦ τις ἐν ἀντιπάλοισιν ἔπιπτεν ### book 84.1.2 οὔτε βράδιον ὅλως ἔδραμε τὸ στάδιον· ### book 84.1.3 δίσκῳ μὲν γὰρ ὅλως οὐδ’ ἤγγισα, τοὺς δὲ πόδας μου ### book 84.1.4 ἐξᾶραι πηδῶν ἴσχυον οὐδέποτε· ### book 84.5 κυλλὸς δ’ ἠκόντιζεν ἀμείνονα· πέντε δ’ ἀπ’ ἄθλων ### book 84 πρῶτος ἐκηρύχθην πεντετριαζόμενος. ### book 85.1.1 Νύκτα μέσην ἐποίησε τρέχων ποτὲ Μάρκος ὁπλίτης, ### book 85.1.2 ὥστ’ ἀποκλεισθῆναι πάντοθε τὸ στάδιον. ### book 85.1.3 οἱ γὰρ δημόσιοι κεῖσθαί τινα πάντες ἔδοξαν ### book 85.1.4 ὁπλίτην τιμῆς εἵνεκα τῶν λιθίνων. ### book 85.5.1 καὶ τί γάρ; εἰς ὥρας ἠνοίγετο· καὶ τότε Μάρκος ### book 85.5.2 ἦλθε προσελλείπων τῷ σταδίῳ στάδιον. ### book 86.1.1 Τὸ στάδιον Περικλῆς εἴτ’ ἔδραμεν εἴτ’ ἐκάθητο, ### book 86.1.2 οὐδεὶς οἶδεν ὅλως· δαιμόνιος βραδυτής. ### book 86.1.3 ὁ ψόφος ἦν ὕσπληγος ἐν οὔασι, καὶ στεφανοῦτο ### book 86.1.4 ἄλλος, καὶ Περικλῆς δάκτυλον οὐ προέβη. ### book 87.1.1 Τιμόμαχον τὸν μακρὸν ὁ πεντόργυιος ἐχώρει ### book 87.1.2 οἶκος ὑπὲρ γαίης πάντοτε κεκλιμένον· ### book 87.1.3 στῆναι δ’ εἴ ποτ’ ἔχρῃζεν, ἔδει τοὺς παῖδας ἀπ’ ὄρθρου ### book 87.1.4 τὴν ὀροφὴν τρῆσαι πέντ’ ἐπὶ πέντε πόδας. ### book 88.1 Τὴν μικρὴν παίζουσαν Ἐρώτιον ἥρπασε κώνωψ· ### book 88 ἡ δὲ „Τί,“ φησί, „πάθω; Ζεῦ πάτερ, ἦ μ’ ἐθέλεις;“ ### book 89.1.1 Ὁ βραχὺς Ἑρμογένης, ὅταν ἐκβάλῃ εἰς τὸ χαμαί τι, ### book 89.1.2 ἕλκει πρὸς τὰ κάτω τοῦτο δορυδρεπάνῳ. ### book 90.1.1 Τῷ πατρὶ θυμωθείς, Διονύσιε, Μάρκος ὁ μικρὸς ### book 90.1.2 πυρῆνα στήσας αὑτὸν ἀπηγχόνισεν. ### book 91.1.1 Ἐν καλάμῳ πήξας ἀθέρα Στρατόνικος ὁ λεπτὸς ### book 91.1.2 καὶ τριχὸς ἐκδήσας αὑτὸν ἀπηγχόνισεν· ### book 91.1.3 καὶ τί γάρ; οὐχὶ κάτω βρῖσεν βαρύς· ἀλλ’ ὑπὲρ αὐτῶν ### book 91.1.4 νηνεμίας οὔσης νεκρὸς ἄνω πέταται. ### book 92.1.1 Γάιος ἐκπνεύσας τὸ πανύστατον ἐχθὲς ὁ λεπτὸς ### book 92.1.2 εἰς τὴν ἐκκομιδὴν οὐδὲν ἀφῆκεν ὅλως· ### book 92.1.3 καὶ πέρας εἰς Ἀίδην καταβὰς ὅλος, οἷος ὅτ’ ἔζη, ### book 92.1.4 τῶν ὑπὸ γῆν σκελετῶν λεπτότατος πέταται. ### book 92.5.1 τὴν δὲ κενὴν κλίνην οἱ φράτορες ἦραν ἐπ’ ὤμων ### book 92.5.2 ἐγγράψαντες ἄνω· „Γάιος ἐκφέρεται.“ ### book 93.1 Τῶν Ἐπικουρείων ἀτόμων ποτὲ Μάρκος ὁ λεπτὸς ### book 93 τῇ κεφαλῇ τρήσας εἰς τὸ μέσον διέβη. ### book 94.1.1 Σαλπίζων ἔπνευσεν ὅσον βραχὺ Μάρκος ὁ λεπτὸς ### book 94.1.2 καὶ κατὰ τῆς κεφαλῆς ὀρθὸς ἀπῆλθε κάτω. ### book 95.1.1 Τὸν μικρὸν Μάκρωνα θέρους κοιμώμενον εὑρὼν ### book 95.1.2 εἰς τρώγλην μικροῦ τοῦ ποδὸς εἵλκυσε μῦς· ### book 95.1.3 ὃς δ’ ἐν τῇ τρώγλῃ ψιλὸς τὸν μῦν ἀποπνίξας· ### book 95.1.4 „Ζεῦ πάτερ,“ εἶπεν, „ἔχεις δεύτερον Ἡρακλέα.“ ### book 96.1.1 Ἀρκάδας οὐχ οὕτω Στυμφαλίδες, ὡς ἐμὲ κίχλαι ### book 96.1.2 αἱ νέκυες ξηροῖς ἤκαχον ὀσταρίοις, ### book 96.1.3 Ἅρπυιαι, δραχμῆς ξηρὴ δεκάς. ὦ ἐλεειναὶ ### book 96.1.4 λειμώνων ἐτύμως, ἔρρετε, νυκτερίδες. ### book 97.1.1 Τῷ Στρατονικείῳ πόλιν ἄλλην οἰκοδομεῖτε, ### book 97.1.2 ἢ τούτοις ἄλλην οἰκοδομεῖτε πόλιν. ### book 98.1 Ἔστω μητρόπολις πρῶτον πόλις, εἶτα λεγέσθω ### book 98 μητρόπολις· μὴ νῦν, ἡνίκα μηδὲ πόλις. ### book 99.1.1 Τὸν λεπτὸν φυσῶντα τὸ πῦρ Πρόκλον ἦρεν ὁ καπνός, ### book 99.1.2 καὶ διὰ τῶν θυρίδων ἔνθεν ἀπῆλθεν ἔχων. ### book 99.1.3 ἀλλὰ μόλις νεφέλῃ προσενήξατο καὶ δι’ ἐκείνης ### book 99.1.4 προσκατέβη τρωθεὶς μυρία ταῖς ἀτόμοις. ### book 100.1.1 Οὕτω κουφότατος πέλε Γάιος, ὥστ’ ἐκολύμβα ### book 100.1.2 τοῦ ποδὸς ἐκκρεμάσας ἢ λίθον ἢ μόλιβον. ### book 101.1.1 Ῥιπίζων ἐν ὕπνοις Δημήτριος Ἀρτεμιδώραν ### book 101.1.2 τὴν λεπτὴν ἐκ τοῦ δώματος ἐξέβαλεν. ### book 102.1.1 Ἐξαίρων ποτ’ ἄκανθαν ὁ λεπτακινὸς Διόδωρος ### book 102.1.2 αὐτὸς ἐτρύπησεν τῷ ποδὶ τὴν βελόνην. ### book 103.1.1 Ἐξ ἀτόμων Ἐπίκουρος ὅλον τὸν κόσμον ἔγραψεν ### book 103.1.2 εἶναι τοῦτο δοκῶν, Ἄλκιμε, λεπτότατον. ### book 103.1.3 εἰ δὲ τότ’ ἦν Διόφαντος, ἔγραψεν ἂν ἐκ Διοφάντου ### book 103.1.4 τοῦ καὶ τῶν ἀτόμων πουλύ τι λεπτοτέρου ### book 103.5 ἢ τὰ μὲν ἄλλ’ ἔγραψε συνεστάναι ἐξ ἀτόμων ἄν, ### book 103 ἐκ τούτου δ’ αὐτάς, Ἄλκιμε, τὰς ἀτόμους. ### book 104.1.1 Ἱππεύων μύρμηκι Μενέστρατος ὡς ἐλέφαντι ### book 104.1.2 δύσμορος ἐξαπίνης ὕπτιος ἐξετάθη, ### book 104.1.3 λακτισθεὶς δ’, ὡς εἶχε τὸ καίριον· „Ὦ φθόνε,“ φησίν, ### book 104.1.4 „οὕτως ἱππεύων ὤλετο καὶ Φαέθων.“ ### book 105.1.1 Τὸν μέγαν ἐζήτουν Εὐμήκιον· ὃς δ’ ἐκάθευδεν ### book 105.1.2 μικρῷ ὑπ’ ὀξυβάφῳ τὰς χέρας ἐκτανύσας. ### book 106.1.1 Ἀρθεὶς ἐξ αὔρης λεπτῆς ἐποτᾶτο δι’ αἴθρης ### book 106.1.2 Χαιρήμων ἀχύρου πολλὸν ἐλαφρότερος· ### book 106.1.3 καὶ τάχ’ ἂν ἐρροίζητο δι’ αἰθέρος, εἰ μὴ ἀράχνῃ ### book 106.1.4 τοὺς πόδας ἐμπλεχθεὶς ὕπτιος ἐκρέματο. ### book 106.5.1 αὐτοῦ δὴ νύκτας τε καὶ ἤματα πέντε κρεμασθεὶς ### book 106.5.2 ἑκταῖος κατέβη νήματι τῆς ἀράχνης. ### book 107.1.1 Αἰγείρου φύλλῳ πεφορημένῳ ἐξ ἀνέμοιο ### book 107.1.2 πληγεὶς Χαιρήμων ὕπτιος ἐξετάθη. ### book 107.1.3 κεῖται δ’ ἢ Τιτυῷ ἐναλίγκιος ἢ πάλι κάμπῃ ### book 107 ἁπλώσας κατὰ γῆς σῶμα τὸ καννάβινον. ### book 108.1.1 Κόνων δίπηχυς, ἡ γυνὴ δὲ τεσσάρων· ### book 108.1.2 ἐν τῇ κλίνῃ δὲ τῶν ποδῶν ἰσουμένων ### book 108.1.3 σκόπει, Κόνωνος ποῦ τὸ χεῖλος ἔρχεται. ### book 109.1 Οὐδ’ ἐπικύψαι ἔχει Δημήτριος οὐδὲν ὁ μικρός· ### book 109.2 ἔρριπται δὲ χαμαὶ πάντοτ’ ἐπαιρόμενος. ### book 110.1.1 Τρεῖς λεπτοὶ πρῴην περὶ λεπτοσύνης ἐμάχοντο, ### book 110.1.2 τίς προκριθεὶς εἴη λεπτεπιλεπτότερος. ### book 110.1.3 ὧν ὁ μὲν εἷς, Ἕρμων, μεγάλην ἐνεδείξατο τέχνην ### book 110.1.4 καὶ διέδυ ῥαφίδος τρῆμα λίνον κατέχων· ### book 110.5.1 Δημᾶς δ’ ἐκ τρώγλης βαίνων ἐς ἀράχνιον ἔστη, ### book 110.5.2 ἡ δ’ ἀράχνη νήθους’ αὐτὸν ἀπεκρέμασεν. ### book 110.5.3 Σωσίπατρος δ’ ἐβόησεν· „Ἐμὲ στεφανώσατ’· ἐγὼ γὰρ ### book 110.5.4 εἰ βλέπομ’, ἥττημαι· πνεῦμα γάρ εἰμι μόνον.“ ### book 111.1 Βουλόμενός ποθ’ ὁ λεπτὸς ἀπάγξασθαι Διόφαντος, ### book 111 νῆμα λαβὼν ἀράχνης αὑτὸν ἀπηγχόνισεν. ### book 112.1.1 Πρίν ς’ ἐναλείψασθαι, Δημόστρατε, „Χαῖρ’, ἱερὸν φῶς,“ ### book 112.1.2 εἰπέ, τάλας· οὕτως εὔσκοπός ἐστι Δίων. ### book 112.1.3 οὐ μόνον ἐξετύφλωσεν Ὀλυμπικόν, ἀλλὰ δὴ αὐτοῦ ### book 112.1.4 εἰκόνος, ἧς εἶχεν, τὰ βλέφαρ’ ἐξέβαλεν. ### book 113.1.1 Τοῦ λιθίνου Διὸς ἐχθὲς ὁ κλινικὸς ἥψατο Μάρκος· ### book 113.1.2 καὶ λίθος ὢν καὶ Ζεύς, σήμερον ἐκφέρεται. ### book 114.1.1 Ἑρμογένην τὸν ἰατρὸν ὁ ἀστρολόγος Διόφαντος ### book 114.1.2 εἶπε μόνους ζωῆς ἐννέα μῆνας ἔχειν. ### book 114.1.3 κἀκεῖνος γελάσας „Τί μὲν ὁ Κρόνος ἐννέα μηνῶν“ ### book 114.1.4 φησὶ „λέγει, σὺ νόει· τἀμὰ δὲ σύντομά σοι.“ ### book 114.5.1 εἶπε καὶ ἐκτείνας μόνον ἥψατο, καὶ Διόφαντος, ### book 114.5.2 ἄλλον ἀπελπίζων αὐτὸς ἀπησκάρισεν. ### book 115.1.1 Ἤν τιν’ ἔχῃς ἐχθρόν, Διονύσιε μὴ καταράσῃ ### book 115.1.2 τὴν Ἶσιν τούτῳ μηδὲ τὸν Ἁρποκράτην, ### book 115.1.3 μηδ’ εἴ τις τυφλοὺς ποιεῖ θεός, ἀλλὰ Σίμωνα, ### book 115 καὶ γνώσῃ, τί θεὸς καὶ τί Σίμων δύναται. ### book 116.1.1 Εἰς Ἄϊδος κατέπεμψε πάλαι ποτέ, δέσποτα Καῖσαρ, ### book 116.1.2 ὡς λόγος, Εὐρυσθεὺς τὸν μέγαν Ἡρακλέα· ### book 116.1.3 νῦν δ’ ἐμὲ Μηνοφάνης ὁ κλινικός· ὥστε λεγέσθω ### book 116.1.4 κλινικὸς Εὐρυσθεύς, μηκέτι Μηνοφάνης. ### book 117.1.1 Ἰητρὸς Καπίτων Χρύσην ἐνέχρισεν ὁρῶντα ### book 117.1.2 ὀκτὼ μὲν μακρὸν πύργον ἀπὸ σταδίων, ### book 117.1.3 ἄνδρα δ’ ἀπὸ σταδίου, διὰ δώδεκα δ’ ὄρτυγα πηχῶν, ### book 117.1.4 φθεῖρα δ’ ἀπὸ σπιθαμῶν καὶ δύο δερκόμενον. ### book 117.5.1 νῦν δ’ ἀπὸ μὲν σταδίου πόλιν οὐ βλέπει, ἐκ δὲ διπλέθρου ### book 117.5.2 καιόμενον κατιδεῖν τὸν φάρον οὐ δύναται· ### book 117.5.3 ἵππον ἀπὸ σπιθαμῆς δὲ μόλις βλέπει, ἀντὶ δὲ τοῦ πρὶν ### book 117.5.4 ὄρτυγος οὐδὲ μέγαν στρουθὸν ἰδεῖν δύναται. ### book 117.5.5 ἂν δὲ προσεγχρίσας αὐτὸν φθάσῃ, οὐδ’ ἐλέφαντα ### book 117.10 οὐκέτι μήποτ’ ἴδῃ πλησίον ἑσταότα. ### book 118.1.1 Οὔτ’ ἔκλυσεν Φείδων μ’ οὔθ’ ἥψατο, ἀλλὰ πυρέξας ### book 118.1.2 ἐμνήσθην αὐτοῦ τοὔνομα κἀπέθανον. ### book 119.1.1 Ἰητρὸς τὴν γραῦν εἴτ’ ἔκλυσεν εἴτ’ ἀπέπνιξεν, ### book 119.1.2 οὐδεὶς γινώσκει· δαιμόνιον τὸ τάχος. ### book 119.1.3 ὁ ψόφος ἦν κλυστῆρος ἐν οὔασι, καὶ στεφανοῦτο ### book 119 ἡ σορός, οἱ δ’ ἄλλοι τὸν φακὸν ηὐτρέπισαν. ### book 120.1.1 Ὀρθῶσαι τὸν κυρτὸν ὑποσχόμενος Διόδωρον ### book 120.1.2 Σωκλῆς τετραπέδους τρεῖς ἐπέθηκε λίθους ### book 120.1.3 τοῦ κυρτοῦ στιβαροὺς ἐπὶ τὴν ῥάχιν· ἀλλὰ πιεσθεὶς ### book 120.1.4 τέθνηκεν, γέγονεν δ’ ὀρθότερος κανόνος. ### book 121.1.1 Χειρουργῶν ἔσφαξεν Ἀκεστορίδην Ἀγέλαος· ### book 121.1.2 „Ζῶν γὰρ χωλεύειν,“ φησίν, „ἔμελλε τάλας.“ ### book 122.1.1 Πέντ’ ἰητρὸς Ἄλεξις ἅμ’ ἔκλυσε, πέντ’ ἐκάθηρε, ### book 122.1.2 πέντ’ ἴδεν ἀρρώστους, πέντ’ ἐνέχρισε πάλιν· ### book 122.1.3 καὶ πᾶσιν μία νύξ, ἓν φάρμακον, εἷς σοροπηγός, ### book 122.1.4 εἷς τάφος, εἷς Ἀίδης, εἷς κοπετὸς γέγονεν. ### book 123.1.1 Ἆγις Ἀρισταγόρην οὔτ’ ἔκλυσεν οὔτ’ ἔθιγ’ αὐτοῦ· ### book 123.1.2 ἀλλ’ ὅσον εἰσῆλθεν, κᾤχετ’ Ἀρισταγόρης. ### book 123.1.3 ποῦ τοίην ἀκόνιτος ἔχει φύσιν; ὦ σοροπηγοί, ### book 123 Ἆγιν καὶ μίτραις βάλλετε καὶ στεφάνοις. ### book 124.1.1 Ξεῖνε, τί μὰν πεύθῃ; —„Τίνες ἐν χθονὶ τοῖσδ’ ὑπὸ τύμβοις;“ — ### book 124.1.2 Οὓς γλυκεροῦ φέγγους Ζώπυρος ἐστέρισεν, ### book 124.1.3 Δᾶμις, Ἀριστοτέλης, Δημήτριος, Ἀρκεσίλαος, ### book 124.1.4 Σώστρατος οἵ τ’ ὀπίσω μέχρι Παραιτονίου. ### book 124.5.1 κηρύκιον γὰρ ἔχων ξύλινον καὶ πλαστὰ πέδιλα ### book 124.5.2 ὡς Ἑρμῆς κατάγει τοὺς θεραπευομένους. ### book 125.1.1 Ἰητρὸς Κρατέας καὶ Δάμων ἐνταφιαστὴς ### book 125.1.2 κοινὴν ἀλλήλοις θέντο συνωμοσίην. ### book 125.1.3 καί ῥ’ ὁ μὲν οὓς κλέπτεσκεν ἀπ’ ἐνταφίων τελαμῶνας, ### book 125.1.4 εἰς ἐπιδεσμεύειν πέμπε φίλῳ Κρατέᾳ· ### book 125.5.1 τὸν δ’ ἀπαμειβόμενος Κρατέας εἰς ἐνταφιάζειν ### book 125.5.2 πέμπεν ὅλους αὐτῷ τοὺς θεραπευομένους. ### book 126.1.1 Οὐ μήλῃ, τριόδοντι δ’ ἐνήλειψέν με Χαρῖνος ### book 126.1.2 σπόγγον ἔχων κοινὸν τῶν γραφικῶν πινάκων· ### book 126.1.3 τὴν μήλην δ’ ἕλκων ἐξέσπασε τὸ βλέφαρόν μου ### book 126.1.4 ῥιζόθεν, ἡ μήλη δ’ ἔνδον ἔμεινεν ὅλη. ### book 126.5.1 ἂν δὲ δὶς ἐγχρίσῃ με, πονῶν πάλιν οὐκ ἐνοχλήσω ### book 126.5.2 ὀφθαλμοὺς αὐτῷ. πῶς γὰρ ὁ μηκέτ’ ἔχων; ### book 127.1.1 Εἰσὶ καὶ ἐν Μούσῃσιν Ἐρινύες, αἵ σε ποιοῦσιν ### book 127.1.2 ποιητήν, ἀνθ’ ὧν πολλὰ γράφεις ἀκρίτως. ### book 127.1.3 τοίνυν, σοῦ δέομαι, γράφε πλείονα· μείζονα γάρ σοι ### book 127 εὔξασθαι ταύτης οὐ δύναμαι μανίαν. ### book 128.1.1 Εἰ μὴ χαίρω, Φλῶρε, γενοίμην δάκτυλος ἢ ποὺς ### book 128.1.2 εἷς τῶν σῶν τούτων τῶν κατατεινομένων. ### book 128.1.3 χαίρω, νὴ τὸν κλῆρον, ὃν εὐκλήρησας ἐν ἄθλοις ### book 128.1.4 ὡς περὶ χοιρείας τοῦ στεφάνου μερίδος. ### book 128.5.1 τοιγὰρ θάρσει, Φλῶρε, καὶ εὔθυμος πάλι γίνου· ### book 128.5.2 οὕτω νικῆσαι καὶ δόλιχον δύνασαι. ### book 129.1.1 Ποιητὴς ἐλθὼν εἰς Ἴσθμια πρὸς τὸν ἀγῶνα, ### book 129.1.2 εὑρὼν ποιητὰς εἶπε παρίσθμι’ ἔχειν. ### book 129.1.3 μέλλει δ’ ἐξορμᾶν εἰς Πύθια· κἂν πάλιν εὕρῃ, ### book 129.1.4 εἰπεῖν οὐ δύναται· „Καὶ παραπύθι’ ἔχω.“ ### book 130.1.1 Τοὺς κυκλίους τούτους τοὺς „αὐτὰρ ἔπειτα“ λέγοντας ### book 130.1.2 μισῶ, λωποδύτας ἀλλοτρίων ἐπέων. ### book 130.1.3 καὶ διὰ τοῦτ’ ἐλέγοις προσέχω πλέον· οὐδὲν ἔχω γὰρ ### book 130.1.4 Παρθενίου κλέπτειν ἢ πάλι Καλλιμάχου. ### book 130.5.1 „θηρὶ μὲν οὐατόεντι“ γενοίμην, εἴ ποτε γράψω, ### book 130.5.2 εἴκελος, „ἐκ ποταμῶν χλωρὰ χελιδόνια.“ ### book 130.5.3 οἱ δ’ οὕτως τὸν Ὅμηρον ἀναιδῶς λωποδυτοῦσιν, ### book 130 ὥστε γράφειν ἤδη „μῆνιν ἄειδε, θεά.“ ### book 131.1.1 Οὔτ’ ἐπὶ Δευκαλίωνος ὕδωρ, ὅτε πάντ’ ἐγενήθη, ### book 131.1.2 οὔθ’ ὁ καταπρήσας τοὺς ἐπὶ γῆς Φαέθων ### book 131.1.3 ἀνθρώπους ἔκτεινεν, ὅσους Ποτάμων ὁ ποιητὴς ### book 131.1.4 καὶ χειρουργήσας ὤλεσεν Ἑρμογένης. ### book 131.5.1 ὥστ’ ἐξ αἰῶνος κακὰ τέσσαρα ταῦτ’ ἐγενήθη, ### book 131.5.2 Δευκαλίων, Φαέθων, Ἑρμογένης, Ποτάμων. ### book 132.1.1 Μισῶ, δέσποτα Καῖσαρ, ὅσοις νέος οὐδέποτ’ οὐδεὶς ### book 132.1.2 ἤρεσε, κἂν εἴπῃ, „μῆνιν ἄειδε, θεά,“ ### book 132.1.3 ἀλλ’ ἢν μὴ Πριάμου τις ἔχῃ χρόνον ἡμιφάλακρος ### book 132.1.4 ἢ καὶ κυρτὸς ἄγαν, οὐ δύνατ’ ἄλφα γράφειν. ### book 132.5.1 εἰ δ’ ὄντως οὕτως τοῦτ’ ἔστ’ ἔχον, ὦ ὕπατε Ζεῦ, ### book 132.5.2 εἰς τοὺς κηλήτας ἔρχεται ἡ σοφία. ### book 133.1.1 Τέθνηκ’ Εὐτυχίδης ὁ μελογράφος. οἱ κατὰ γαῖαν, ### book 133.1.2 φεύγετ’· ἔχων ᾠδὰς ἔρχεται Εὐτυχίδης· ### book 133.1.3 καὶ κιθάρας αὑτῷ διετάξατο συγκατακαῦσαι ### book 133.1.4 δώδεκα καὶ κίστας εἰκοσιπέντε νόμων. ### book 133.5.1 νῦν ὑμῖν ὁ Χάρων ἐπελήλυθε. ποῦ τις ἀπέλθῃ ### book 133.5.2 λοιπόν, ἐπεὶ χᾄδην Εὐτυχίδης κατέχει; ### book 134.1.1 Ἀρχόμεθ’, Ἡλιόδωρε; ποιήματα παίζομεν οὕτω ### book 134.1.2 ταῦτα πρὸς ἀλλήλους; Ἡλιόδωρε, θέλεις; ### book 134.1.3 „Ἆσσον ἴθ’, ὥς κεν θᾶσσον ὀλέθρου ...“ καὶ γὰρ ἔμ’ ὄψει ### book 134 μακροφλυαρητὴν Ἡλιοδωρότερον. ### book 135.1.1 Μηκέτι, μηκέτι, Μάρκε, τὸ παιδίον, ἀλλ’ ἐμὲ κόπτου ### book 135.1.2 τὸν πολὺ τοῦ παρὰ σοὶ νεκρότερον τεκνίου. ### book 135.1.3 εἰς ἐμὲ νῦν ἐλέγους ποίει πάλιν, εἰς ἐμὲ θρήνους, ### book 135.1.4 δήμιε, τὸν στιχίνῳ σφαζόμενον θανάτῳ. ### book 135.5.1 τοῦ σοῦ γὰρ πάσχω νεκροῦ χάριν, οἷα πάθοιεν ### book 135.5.2 οἱ καταδείξαντες βιβλία καὶ καλάμους. ### book 136.1.1 Οὐχ οὕτω κακοεργὸν ἐχαλκεύσαντο μάχαιραν ### book 136.1.2 ἄνθρωποι διὰ τὰς ἐξαπίνης ἐνέδρας, ### book 136.1.3 οἷον ἀκήρυκτον, Καλλίστρατε, καὶ σὺ προσελθὼν ### book 136.1.4 ποιεῖς μοι φονικῶν ἑξαμέτρων πόλεμον. ### book 136.5.1 σάλπιγξον ταχέως ἀνακλητικόν· εἰς ἀνοχὰς γὰρ ### book 136.5.2 καὶ Πρίαμος κλαύσας ἡμερίων ἔτυχεν. ### book 137.1.1 Ὠμοβοείου μοι παραθεὶς τόμον, Ἡλιόδωρε, ### book 137.1.2 καὶ τρία μοι κεράσας ὠμοβοειότερα ### book 137.1.3 εὐθὺ κατακλύζεις ἐπιγράμμασιν. εἰ δ’ ἀσεβήσας ### book 137.1.4 βεβρώκειν τινὰ βοῦν τῶν ἀπὸ Τρινακρίας, ### book 137.5.1 βούλομ’ ἅπαξ πρὸς κῦμα χανεῖν· εἰ δ’ ἐστὶ τὸ κῦμα ### book 137.5.2 ἔνθε μακράν, ἄρας εἰς τὸ φρέαρ με βάλε. ### book 138.1 Ἂν τοῦ γραμματικοῦ μνησθῶ μόνον Ἡλιοδώρου, ### book 138 εὐθὺ σολοικίζον τὸ στόμα μου δέδεται. ### book 139.1.1 Γραμματικὸν Ζηνωνὶς ἔχει πώγωνα Μένανδρον, ### book 139.1.2 τὸν δ’ υἱὸν τούτῳ φησὶ συνεστακέναι. ### book 139.1.3 τὰς νύκτας δ’ αὐτῇ μελετῶν οὐ παύεται οὗτος ### book 139.1.4 πτώσεις, συνδέσμους, σχήματα, συζυγίας. ### book 140.1.1 Τούτοις τοῖς παρὰ δεῖπνον ἀοιδομάχοις λογολέσχαις, ### book 140.1.2 τοῖς ἀπ’ Ἀριστάρχου γραμματολικριφίσιν, ### book 140.1.3 οἷς οὐ σκῶμμα λέγειν, οὐ πεῖν φίλον, ἀλλ’ ἀνάκεινται ### book 140.1.4 νηπυτιευόμενοι Νέστορι καὶ Πριάμῳ, ### book 140.5.1 μή με βάλῃς κατὰ λέξιν „ἕλωρ καὶ κύρμα γενέσθαι“· ### book 140.5.2 σήμερον οὐ δειπνῶ „μῆνιν ἄειδε, θεά.“ ### book 141.1.1 Χοιρίδιον καὶ βοῦν ἀπολώλεκα καὶ μίαν αἶγα, ### book 141.1.2 ὧν χάριν εἴληφας μισθάριον, Μενέκλεις· ### book 141.1.3 οὔτε δέ μοι κοινόν τι πρὸς Ὀθρυάδαν γεγένηται, ### book 141.1.4 οὔτ’ ἀπάγω κλέπτας τοὺς ἀπὸ Θερμοπυλῶν· ### book 141.5.1 ἀλλὰ πρὸς Εὐτυχίδην ἔχομεν κρίσιν· ὥστε τί ποιεῖ ### book 141.5.2 ἐνθάδε μοι Ξέρξης καὶ Λακεδαιμόνιοι; ### book 141.5.3 πλὴν κἀμοῦ μνήσθητι νόμου χάριν, ἢ μέγα κράξω· ### book 141 „Ἄλλα λέγει Μενεκλῆς, ἄλλα τὸ χοιρίδιον.“ ### book 142.1.1 „Πολλοῦ δεῖ“ καὶ „σφὶν“ καὶ τρὶς παρ’ ἕκαστα „δικασταὶ ### book 142.1.2 ἄνδρεσ“ καὶ „λέγε δὴ τὸν νόμον ἐνθάδε μοι“ ### book 142.1.3 καὶ „ταυτὶ“ καὶ „μῶν“ καὶ „τετταράκοντα“ καὶ „ἄττα“ ### book 142.1.4 σκεψάμενος καί τοι „νὴ Δία“ καὶ „μὰ Δία“ ### book 142.5.1 ῥήτωρ ἐστὶ Κρίτων καὶ παιδία πολλὰ διδάσκει· ### book 142.5.2 προσθήσει δ’ αὐτοῖς „γρῦ,“ „φαθὶ“ καὶ „μὶν“ ἔτι. ### book 143.1.1 Οὐ δέχεται Μάρκον τὸν ῥήτορα νεκρὸν ὁ Πλούτων ### book 143.1.2 εἰπών· „Ἀρκείτω Κέρβερος ὧδε κύων. ### book 143.1.3 εἰ δ’ ἐθέλεις πάντως, Ἰξίονι καὶ Μελίτωνι ### book 143.1.4 τῷ μελοποιητῇ, καὶ Τιτυῷ μελέτα. ### book 143.5.1 οὐδὲν γὰρ σοῦ χεῖρον ἔχω κακόν, ἄχρις ἂν ἐλθὼν ### book 143.5.2 ὧδε σολοικίζῃ Ῥοῦφος ὁ γραμματικός.“ ### book 144.1.1 Οὐ τὸ λέγειν παράσημα καὶ Ἀττικὰ ῥήματα πέντε ### book 144.1.2 εὐζήλως ἐστὶν καὶ φρονίμως μελετᾶν· ### book 144.1.3 οὐδὲ γὰρ εἰ „κάρκαιρε“ καὶ εἰ „κοναβεῖ“ τό τε „σίζει“ ### book 144.1.4 καὶ „κελάρυζε“ λέγεις, εὐθὺς Ὅμηρος ἔσῃ. ### book 144.5.1 νοῦν ὑποκεῖσθαι δεῖ τοῖς γράμμασι καὶ φράσιν αὐτῶν ### book 144.5.2 εἶναι κοινοτέραν, ὥστε νοεῖν, ἃ λέγεις. ### book 145.1 Εἰκὼν ἡ Σέξστου μελετᾷ, Σέξστος δὲ σιωπᾷ· ### book 145 εἰκὼν ἦν ῥήτωρ, ὁ δὲ ῥήτωρ εἰκόνος εἰκών. ### book 146.1.1 Ἑπτὰ σολοικισμοὺς Φλάκκῳ τῷ ῥήτορι δῶρον ### book 146.1.2 πέμψας ἀντέλαβον πεντάκι διακοσίους· ### book 146.1.3 καὶ „Νῦν μέν,“ φησίν, „τούτους ἀριθμῷ σοι ἔπεμψα, ### book 146.1.4 τοῦ λοιποῦ δὲ μέτρῳ πρὸς Κύπρον ἐρχόμενος.“ ### book 147.1.1 Ῥήτωρ ἐξαπίνης Ἀσιατικός· οὐδὲν ἄπιστον· ### book 147.1.2 καὶ τοῦτ’ ἐν Θήβαις νῦν γέγονεν τὸ τέρας. ### book 148.1.1 Μηδὲ λαλῶν πρῴην ἐσολοίκισε Φλάκκος ὁ ῥήτωρ ### book 148.1.2 καὶ μέλλων χαίνειν εὐθὺς ἐβαρβάρισεν ### book 148.1.3 καὶ τῇ χειρὶ τὰ λοιπὰ σολοικίζει διανεύων· ### book 148.1.4 κἀγὼ δ’ αὐτὸν ἰδὼν—τὸ στόμα μου δέδεται. ### book 149.1.1 Αὐτὸν ὁρῶ σέ, Μέδον, τὸν ῥήτορα. φεῦ, τί τὸ θαῦμα; ### book 149.1.2 στειλάμενος σιγᾶς· οὐδὲν ὁμοιότερον. ### book 150.1.1 „Ἀρκαδικὸν πῖλον κατ’ ἐνύπνιον Ἀρκάδι δῶρον ### book 150.1.2 Ἑρμείῃ ῥήτωρ θῆκεν Ἀθηναγόρας.“ ### book 150.1.3 εἰ μὲν καὶ ῥήτωρ κατ’ ἐνύπνιον, οἴσομεν Ἑρμῇ· ### book 150 εἰ δ’ ὕπαρ, ἀρκείτω· „Θῆκεν Ἀθηναγόρας.“ ### book 151.1.1 Ῥήτορος ἅδ’ εἰκών, ὁ δὲ ῥήτωρ εἰκόνος εἰκών. ### book 151.1.2 καὶ πῶς; οὐ λαλέει· οὐδὲν ὁμοιότερον. ### book 152.1.1 Εἰ βούλει τὸν παῖδα διδάξαι ῥήτορα, Παῦλε, ### book 152.1.2 ὡς οὗτοι πάντες, γράμματα μὴ μαθέτω. ### book 153.1.1 Εἶναι μὲν κυνικόν σε, Μενέστρατε, κἀνυπόδητον ### book 153.1.2 καὶ ῥιγοῦν οὐδεὶς ἀντιλέγει καθόλου· ### book 153.1.3 ἂν δὲ παραρπάξῃς ἄρτους καὶ κλάσματ’ ἀναιδῶς, ### book 153.1.4 κἀγὼ ῥάβδον ἔχω, καὶ σὲ λέγουσι κύνα. ### book 154.1.1 Πᾶς, ὃς ἂν ᾖ πτωχὸς καὶ ἀγράμματος, οὐκέτ’ ἀλήθει ### book 154.1.2 ὡς τὸ πρὶν οὐδ’ αἴρει φορτία μισθαρίου· ### book 154.1.3 ἀλλὰ τρέφει πώγωνα καὶ ἐκ τριόδου ξύλον ἄρας ### book 154.1.4 τῆς ἀρετῆς εἶναι φησὶν ὁ πρωτοκύων. ### book 154.5.1 Ἑρμοδότου τόδε δόγμα τὸ πάνσοφον· εἴ τις ἀχαλκεῖ, ### book 154.5.2 μηκέτι πεινάτω θεὶς τὸ χιτωνάριον. ### book 155.1.1 Οὗτος ὁ τῆς ἀρετῆς ἀδάμας βαρύς, οὗτος ὁ πάντῃ ### book 155.1.2 πᾶσιν ἐπιπλήσσων, οὗτος ὁ ῥιγομάχος ### book 155.1.3 καὶ πώγωνα τρέφων ἑάλω. τί γάρ; ἀπρεπὲς εἰπεῖν· ### book 155 ἀλλ’ ἑάλω ποιῶν ἔργα κακοστομάτων. ### book 156.1.1 Οἴει τὸν πώγωνα φρενῶν ποιητικὸν εἶναι ### book 156.1.2 καὶ διὰ τοῦτο τρέφεις, φίλτατε, μυιοσόβην. ### book 156.1.3 κεῖρον ἐμοὶ πεισθεὶς ταχέως· οὗτος γὰρ ὁ πώγων ### book 156.1.4 φθειρῶν ποιητής, οὐχὶ φρενῶν γέγονεν. ### book 157.1.1 „Ὠγαθὲ“ καὶ „μῶν οὖν“ καὶ „ποῖ δὴ καὶ πόθεν, ὦ τᾶν“ ### book 157.1.2 καὶ „θαμὰ“ καὶ „φέρε δὴ“ καὶ „κομιδῆ“ καὶ „ἴθι“ ### book 157.1.3 καὶ στόλιον, μάλιον, πωγώνιον, ὤμιον ἔξω· ### book 157.1.4 ἐκ τούτων ἡ νῦν εὐδοκιμεῖ σοφία. ### book 158.1.1 Αἰάζει πήρη τε καὶ Ἡράκλειον ἄριστον ### book 158.1.2 βριθὺ Σινωπίτου Διογένευς ῥόπαλον ### book 158.1.3 καὶ τὸ χύδην ῥυπόεντι πίνῳ πεπαλαγμένον ἔσθος ### book 158.1.4 διπλάδιον, κρυερῶν ἀντίπαλον νιφάδων, ### book 158.5.1 ὅττι τεοῖς ὤμοισι μιαίνεται· ἦ γὰρ ὁ μέν που ### book 158.5.2 οὐράνιος, σὺ δ’ ἔφυς οὑν σποδιῇσι κύων. ### book 158.5.3 ἀλλὰ μέθες, μέθες ὅπλα τὰ μὴ σέθεν· ἄλλο λεόντων, ### book 158.5.4 ἄλλο γενειητῶν ἔργον ὄρωρε τράγων. ### book 159.1.1 Τῷ πατρί μου τὸν ἀδελφὸν οἱ ἀστρολόγοι μακρόγηρων ### book 159.1.2 πάντες ἐμαντεύσανθ’ ὡς ἀφ’ ἑνὸς στόματος· ### book 159.1.3 ἀλλ’ Ἑρμοκλείδης αὐτὸν μόνος εἶπε πρόμοιρον, ### book 159 εἶπε δ’, ὅτ’ αὐτὸν ἔσω νεκρὸν ἐκοπτόμεθα. ### book 160.1.1 Πάντες, ὅσοι τὸν Ἄρην καὶ τὸν Κρόνον ὡροθετοῦσιν, ### book 160.1.2 ἄξιοί εἰσι τυχεῖν πάντες ἑνὸς τυπάνου. ### book 160.1.3 ὄψομαι οὐ μακρὰν αὐτοὺς τυχὸν εἰδότας ὄντως, ### book 160.1.4 καὶ τί ποεῖ ταῦρος καὶ τί λέων δύναται. ### book 161.1.1 Πρὸς τὸν μάντιν Ὄλυμπον Ὀνήσιμος ἦλθεν ὁ πύκτης, ### book 161.1.2 εἰ μέλλει γηρᾶν βουλόμενος προμαθεῖν. ### book 161.1.3 κἀκεῖνος· „Ναί,“ φησίν, „ἐὰν ἤδη καταλύσῃς· ### book 161.1.4 ἂν δέ γε πυκτεύῃς, ὡροθετεῖ σε Κρόνος.“ ### book 162.1.1 Εἰς Ῥόδον εἰ πλεύσει, τις Ὀλυμπικὸν ἦλθεν ἐρωτῶν ### book 162.1.2 τὸν μάντιν, καὶ πῶς πλεύσεται ἀσφαλέως. ### book 162.1.3 χὠ μάντις· „Πρῶτον μέν,“ ἔφη, „καινὴν ἔχε τὴν ναῦν, ### book 162.1.4 καὶ μὴ χειμῶνος, τοῦ δὲ θέρους ἀνάγου. ### book 162.5.1 τοῦτο γὰρ ἂν ποιῇς, ἥξεις κἀκεῖσε καὶ ὧδε, ### book 162.5.2 ἂν μὴ πειρατὴς ἐν πελάγει σε λάβῃ.“ ### book 163.1.1 Πρὸς τὸν μάντιν Ὄλυμπον Ὀνήσιμος ἦλθ’ ὁ παλαιστὴς ### book 163.1.2 καὶ πένταθλος Ὕλας καὶ σταδιεὺς Μενεκλῆς, ### book 163.1.3 τίς μέλλει νικᾶν αὐτῶν τὸν ἀγῶνα θέλοντες ### book 163.1.4 γνῶναι. κἀκεῖνος τοῖς ἱεροῖς ἐνιδών· ### book 163.5 „Πάντες,“ ἔφη, „νικᾶτε, μόνον μή τις σὲ παρέλθῃ ### book 163 καὶ σὲ καταστρέψῃ καὶ σὲ παρατροχάσῃ.“ ### book 164.1.1 Εἶπεν ἐληλυθέναι τὸ πεπρωμένον αὐτὸς ἑαυτοῦ ### book 164.1.2 τὴν γένεσιν διαθεὶς Αὖλος ὁ ἀστρολόγος ### book 164.1.3 καὶ ζήσειν ὥρας ἔτι τέσσαρας· ὡς δὲ παρῆλθεν ### book 164.1.4 εἰς πέμπτην καὶ ζῆν εἰδότα μηδὲν ἔδει, ### book 164.5.1 αἰσχυνθεὶς Πετόσιριν ἀπήγξατο· καὶ μετέωρος ### book 164.5.2 θνῄσκει μέν, θνῄσκει δ’ οὐδὲν ἐπιστάμενος. ### book 165.1.1 Οὐ γλήχωνι Κρίτων ὁ φιλάργυρος, ἀλλὰ διχάλκῳ ### book 165.1.2 αὑτὸν ἀποσφραίνει θλιβομένου στομάχου. ### book 166.1.1 Πλουτεῖν φασί σε πάντες, ἐγὼ δέ σέ φημι πένεσθαι· ### book 166.1.2 χρῆσις γὰρ πλούτου μάρτυς, Ἀπολλόφανες. ### book 166.1.3 ἂν μετέχῃς αὐτῶν σύ, σὰ γίνεται· ἂν δὲ φυλάττῃς ### book 166.1.4 κληρονόμοις, ἀπὸ νῦν γίνεται ἀλλότρια. ### book 167.1 Χαλκὸν ἔχων πῶς οὐδὲν ἔχεις, μάθε· πάντα δανείζεις· ### book 167 οὕτως οὐδὲν ἔχεις αὐτός, ἵν’ ἄλλος ἔχῃ. ### book 168.1.1 Ψηφίζεις, κακόδαιμον· ὁ δὲ χρόνος ὡς τόκον οὕτω ### book 168.1.2 καὶ πολιὸν τίκτει γῆρας ἐπερχόμενος· ### book 168.1.3 κοὔτε πιὼν οὔτ’ ἄνθος ἐπὶ κροτάφοις ἀναδήσας, ### book 168.1.4 οὐ μύρον, οὐ γλαφυρὸν γνούς ποτ’ ἐρωμένιον ### book 168.5.1 τεθνήξῃ πλουτοῦσαν ἀφεὶς μεγάλην διαθήκην, ### book 168.5.2 ἐκ πολλῶν ὀβολὸν μοῦνον ἐνεγκάμενος. ### book 169.1.1 Ἐχθὲς ἀπάγχεσθαι μέλλων Δείναρχος ὁ φείδων, ### book 169.1.2 Γλαῦκε, δι’ ἓξ χαλκοῦς δύσμορος οὐκ ἔθανεν· ### book 169.1.3 ἓξ χαλκῶν ἦν γὰρ τὸ σχοινίον· ἀλλ’ ἐδυσώνει ### book 169.1.4 εὔωνον ζητῶν ἄλλον ἴσως θάνατον. ### book 169.5.1 τοῦτο φιλαργυρίας δεινῆς ὅρος, ὅς γ’ ἀποθνῄσκων, ### book 169.5.2 Γλαῦκε, δι’ ἓξ χαλκοῦς δύσμορος οὐκ ἔθανεν. ### book 170.1.1 Δακρύει Φείδων ὁ φιλάργυρος, οὐχ ὅτι θνῄσκει, ### book 170.1.2 ἀλλ’ ὅτι πέντε μνῶν τὴν σορὸν ἐπρίατο. ### book 170.1.3 τοῦτ’ αὐτῷ χαρίσασθε καί, ὡς τόπος ἐστὶν ἐν αὐτῇ, ### book 170 τῶν πολλῶν τεκνίων ἕν τι προσεμβάλετε. ### book 171.1.1 Θνῄσκων Ἑρμοκράτης ὁ φιλάργυρος ἐν διαθήκαις ### book 171.1.2 αὑτὸν τῶν ἰδίων ἔγραφε κληρονόμον. ### book 171.1.3 ψηφίζων δ’ ἀνέκειτο, πόσον δώσει διεγερθεὶς ### book 171.1.4 ἰητροῖς μισθοῦ καὶ τί νοσῶν δαπανᾷ· ### book 171.5.1 ὡς δ’ εὗρε πλείω δραχμὴν μίαν, ἢν διασωθῇ· ### book 171.5.2 „Λυσιτελεῖ θνῄσκειν,“ εἶπε καὶ ἐξετάθη. ### book 171.5.3 κεῖται δ’ οὐδὲν ἔχων ὀβολοῦ πλέον· οἱ δὲ τὰ κείνου ### book 171.5.4 [χρήματα κληρονόμοι ἥρπασαν ἀσπασίως]. ### book 172.1.1 Γεννηθὲν τέκνον κατεπόντισεν Αὖλος ὁ κνιπὸς ### book 172.1.2 ψηφίζων αὐτοῦ σῳζομένου δαπάνας. ### book 173.1.1 Εἰ τὸ μὲν ἐκδεδάνεικας, ὃ δ’ ἄρτι δίδως, ὃ δὲ μέλλεις, ### book 173.1.2 οὐδέποτ’ εἶ τοῦ σοῦ κύριος ἀργυρίου. ### book 174.1.1 Τὰν ἀναδυομέναν ἀπὸ ματέρος ἄρτι θαλάσσας ### book 174.1.2 Κύπριν ὅλην χρυσῆν ἐχθὲς ἔκλεψε Δίων· ### book 174.1.3 καὶ χερὶ προσκατέσυρεν ὁλοσφύρητον Ἄδωνιν ### book 174.1.4 καὶ τὸ παρεστηκὸς μικρὸν Ἐρωτάριον. ### book 174.5 αὐτοὶ νῦν ἐρέουσιν, ὅσοι ποτὲ φῶρες ἄριστοι· ### book 174 „Οὐκέτι σοὶ χειρῶν εἰς ἔριν ἐρχόμεθα.“ ### book 175.1.1 Τὸν θεὸν αὐτὸν ἔκλεψεν, ὃν ὁρκίζεσθαι ἔμελλεν, ### book 175.1.2 Εὐτυχίδης εἰπών· „Οὐ δύναμαί ς’ ὀμόσαι.“ ### book 176.1.1 Τὸν πτανὸν Ἑρμᾶν, τὸν θεῶν ὑπηρέταν, ### book 176.1.2 τὸν Ἀρκάδων ἄνακτα, τὸν βοηλάταν, ### book 176.1.3 ἑστῶτα τῶνδε γυμνασίων ἐπίσκοπον, ### book 176.1.4 ὁ νυκτικλέπτας Αὖλος εἶπε βαστάσας· ### book 176.5 „Πολλοὶ μαθηταὶ κρείσσονες διδασκάλων.“ ### book 177.1.1 Τὸν τῶν κλεπτόντων μανύτορα Φοῖβον ἔκλεψεν ### book 177.1.2 Εὐτυχίδης εἰπών· „Μὴ πάνυ πολλὰ λάλει, ### book 177.1.3 σύγκρινον δὲ τέχνην τέχνῃ καὶ χείρεσι χρησμοὺς ### book 177.1.4 καὶ μάντιν κλέπτῃ καὶ θεὸν Εὐτυχίδῃ· ### book 177.5.1 τῶν δ’ ἀχαλινώτων στομάτων χάριν αὐτίκα πραθεὶς ### book 177.5.2 τοῖς ὠνησαμένοις πᾶν, ὃ θέλεις, με λέγε.“ ### book 178.1.1 Βουκόλε, τὰν ἀγέλαν πόρρω νέμε, μή σε Περικλῆς ### book 178.1.2 ὁ κλέπτης αὐταῖς βουσὶ συνεξελάσῃ. ### book 179.1 Εἰ πόδας εἶχε Δίων οἵας χέρας, οὐκέτ’ ἂν Ἑρμῆς ### book 179 πτηνὸς ἐν ἀνθρώποις, ἀλλὰ Δίων ἐκρίθη. ### book 180.1.1 Εἰδοὺς οὐ κρίνει Πολέμων, νώναις κατακρίνει· ### book 180.1.2 κἂν δῷς, κἂν μὴ δῷς, ἔστιν ἀεὶ Πολέμων. ### book 181.1.1 Ἤιδειμεν, Πολέμων, Ἀντώνιον ὄντα σε πάντες. ### book 181.1.2 ἐξαπίνης τρία σοι γράμματα πῶς ἔλιπεν; ### book 182.1.1 „Χοῖρι“ μέν, οὐκ „ἴδιον“ δέ με θύετε· καί με καλεῖτε ### book 182.1.2 „χοιρίδιον“ φανερῶς εἰδότες οὐκ „ἴδιον“. ### book 183.1.1 Τὴν γένεσιν λυποῦντα μαθὼν Κρόνον Ἡλιόδωρος ### book 183.1.2 νύκτωρ ἐκ ναοῦ χρύσεον ἦρε Κρόνον· ### book 183.1.3 „Τίς πρῶτος κακοποιὸς ἐλήλυθε, πείρασον,“ εἰπών, ### book 183.1.4 „δέσποτα, καὶ γνώσῃ, τίς τίνος ἐστὶ Κρόνος· ### book 183.5.1 ὃς δ’ ἄλλῳ κακὰ τεύχει, ἑῷ κακὸν ἥπατι τεύχει· ### book 183.5.2 εὑρών μοι τιμήν, πᾶν ἀνάτελλ’, ὃ θέλεις.“ ### book 184.1.1 Ἐκ τῶν Ἑσπερίδων τῶν τοῦ Διὸς ἦρε Μενίσκος ### book 184.1.2 ὡς τὸ πρὶν Ἡρακλέης χρύσεα μῆλα τρία. ### book 184.1.3 καὶ τί γάρ; ὡς ἑάλω, γέγονεν μέγα πᾶσι θέαμα ### book 184 ὡς τὸ πρὶν Ἡρακλέης ζῶν κατακαιόμενος. ### book 185.1.1 Ἑλλήνων ἀπέλυε πόλιν ποτέ, δέσποτα Καῖσαρ, ### book 185.1.2 εἰσελθὼν ᾆσαι Ναύπλιον Ἡγέλοχος. ### book 185.1.3 Ναύπλιος Ἑλλήνεσσιν ἀεὶ κακὸν ἢ μέγα κῦμα ### book 185.1.4 〈νηυσὶν ἐπεμβάλλων〉 ἢ κιθαρῳδὸν ἔχων. ### book 186.1.1 Νυκτικόραξ ᾄδει θανατηφόρον· ἀλλ’ ὅταν ᾄσῃ ### book 186.1.2 Δημόφιλος, θνῄσκει καὐτὸς ὁ νυκτικόραξ. ### book 187.1.1 Σιμύλος ὁ ψάλτης τοὺς γείτονας ἔκτανε πάντας ### book 187.1.2 νυκτὸς ὅλης ψάλλων πλὴν ἑνὸς Ὠριγένους· ### book 187.1.3 κωφὸν γὰρ φύσις αὐτὸν ἐθήκατο· τοὔνεκεν αὐτῷ ### book 187.1.4 ζωὴν ἀντ’ ἀκοῆς δῶκε περισσοτέρην. ### book 188.1 Νικήτης ᾄδων τῶν ᾠδῶν ἐστιν Ἀπόλλων· ### book 188 ἂν δ’ ἰατρεύῃ, τῶν θεραπευομένων. ### book 189.1.1 Πέντ’ ὀβολῶν πέπρακεν Ἀπολλοφάνης ὁ τραγῳδὸς ### book 189.1.2 πέντε θεῶν σκευήν, Ἡρακλέους ῥόπαλον, ### book 189.1.3 Τισιφόνης τὰ φόβητρα, Ποσειδῶνος τριόδοντα, ### book 189.1.4 ὅπλον Ἀθηναίης, Ἀρτέμιδος φαρέτρην. ### book 189.5.1 „Οἱ δὲ θεοὶ πὰρ Ζηνὶ καθήμενοι“ ἐξεδύθησαν ### book 189.5.2 εἰς βραχὺ σιταρίου κέρμα καὶ οἰναρίου. ### book 190.1.1 Τὸν δασὺν Ἑρμογένην ζητεῖ πόθεν ἄρξεθ’ ὁ κουρεὺς ### book 190.1.2 κείρειν τὴν κεφαλὴν ὄνθ’ ὅλον ὡς κεφαλήν. ### book 191.1.1 „Ἆρες, Ἄρες βροτολοιγέ, μιαιφόνε,“ παύεο, κουρεῦ, ### book 191.1.2 τέμνων· οὐ γὰρ ἔχεις οὐκέτι, ποῦ με τεμεῖς· ### book 191.1.3 ἀλλ’ ἤδη μεταβὰς ἐπὶ τοὺς μύας ἢ τὰ κάτωθεν ### book 191.1.4 τῶν γονάτων, οὕτω τέμνε με, καὶ παρέχω. ### book 191.5.1 νῦν μὲν γὰρ μυιῶν ὁ τόπος γέμει· ἢν δ’ ἐπιμείνῃς, ### book 191.5.2 ὄψει καὶ γυπῶν ἔθνεα καὶ κοράκων. ### book 192.1 Μακροτέρῳ σταυρῷ σταυρούμενον ἄλλον ἑαυτοῦ ### book 192 ὁ φθονερὸς Διοφῶν ἐγγὺς ἰδὼν ἐτάκη. ### book 193.1.1 Ὁ φθόνος ἐστὶ κάκιστος, ἔχει δέ τι καλὸν ἐν αὑτῷ· ### book 193.1.2 τήκει γὰρ φθονερῶν ὄμματα καὶ κραδίην. ### book 194.1.1 Πανὶ φιλοσπήλυγγι καὶ οὐρεοφοιτάσι Νύμφαις ### book 194.1.2 καὶ Σατύροις ἱεραῖς τ’ ἔνδον Ἁμαδρυάσιν ### book 194.1.3 σὺν κυσὶ καὶ λόγχαις συοφόντισι Μάρκος 〈ὁ ἀγρεὺσ〉 ### book 194.1.4 μηδὲν ἑλὼν αὐτὸς τοὺς κύνας ἐκρέμασεν. ### book 195.1.1 Γάλλον Ἀρισταγόρης ὠρχήσατο· τοὺς δὲ φιλόπλους ### book 195.1.2 Τημενίδας ὁ καμὼν πολλὰ διῆλθον ἐγώ. ### book 195.1.3 χὠ μὲν τιμηθεὶς ἀπεπέμπετο· τὴν δὲ τάλαιναν ### book 195.1.4 Ὑρνηθὼ κροτάλων εἷς ψόφος ἐξέβαλεν. ### book 195.5.1 εἰς πῦρ ἡρώων ἴτε πρήξιες· ἐν γὰρ ἀμούσοις ### book 195.5.2 καὶ κόρυδος κύκνου φθέγξετ’ ἀοιδότερον. ### book 196.1.1 Ῥύγχος ἔχουσα Βιτὼ τριπιθήκινον, οἷον ἰδοῦσαν ### book 196.1.2 τὴν Ἑκάτην αὑτὴν οἴομ’ ἀπαγχονίσαι· ### book 196.1.3 „Εἰμί,“ λέγει, „σώφρων, Λουκίλλιε, καὶ μονοκοιτῶ.“ ### book 196.1.4 αἰδεῖται γὰρ ἴσως „Παρθένος εἰμί“ λέγειν. ### book 196.5 εἰ δέ γέ τις μισεῖ με, κακὸν τοιοῦτο γαμήσας ### book 196 τῆς αὐτῆς σχοίη τέκνα σαοφροσύνης. ### book 197.1.1 Ἤθελε „δριμὺσ“ ἄγαν τὸ πρόσθ’ Ἱερώνυμος εἶναι· ### book 197.1.2 νῦν δὲ τὸ „δρῖ“ μὲν ἔχει, „λοσ“ δὲ τὸ „μὺσ“ γέγονεν. ### book 198.1.1 Ἑρμοκράτης τᾶς ῥινός· ἐπεὶ τὰν ῥῖνα λέγοντες ### book 198.1.2 Ἑρμοκράτους μικροῖς μακρὰ χαριζόμεθα. ### book 199.1.1 Ἰχθῦν ὁ γρυπὸς Σωσίπτολις οὐκ ἀγοράζει, ### book 199.1.2 προῖκα δ’ ἔχει πολλὴν ἐξ ἁλὸς εὐβοσίην· ### book 199.1.3 οὐ λίνον, οὐ κάλαμον προσάγων, τῇ ῥινὶ δὲ προσθεὶς ### book 199.1.4 ἄγκιστρον σύρει πάντα τὰ νηχόμενα. ### book 200.1.1 Ζηνογένους οἶκος κατεκαίετο, πολλὰ δ’ ἐμόχθει ### book 200.1.2 ἐκ θυρίδος ζητῶν αὑτὸν ὑπεκχαλάσαι· ### book 200.1.3 ἴκρια συμπήξας οὐκ ἔφθανεν· ὀψὲ δ’ ἐπιγνούς, ### book 200.1.4 τὴν ῥῖν’ Ἀντιμάχου κλίμακα θεὶς ἔφυγεν. ### book 201.1 Ἀντιπάτραν γυμνὴν εἴ τις Πάρθοισιν ἔδειξεν, ### book 201 ἔκτοθεν ἂν στηλῶν Ἡρακλέους ἔφυγον. ### book 202.1.1 Τὴν γραῦν ἐκκομίσας φρονίμως πάνυ Μόσχος ἔγημε ### book 202.1.2 παρθένον· ἡ φερνὴ δ’ ἔνδον ἔμεινεν ὅλη. ### book 202.1.3 ἄξιον αἰνῆσαι Μόσχου φρένας, ὃς μόνος οἶδε, ### book 202.1.4 καὶ τίνα δεῖ κινεῖν καὶ τίνα κληρονομεῖν. ### book 203.1 Ἡ ῥὶς Κάστορός ἐστιν, ὅταν σκάπτῃ τι, δίκελλα· ### book 203.2 σάλπιγξ δ’, ἂν ῥέγχῃ· τῇ δὲ τρύγῃ δρέπανον, ### book 203.3 ἐν πλοίοις ἄγκυρα, κατασπείροντι δ’ ἄροτρον, ### book 203.4 ἄγκιστρον ναύταις, ὀψοφάγοις κρεάγρα, ### book 203.5.1 ναυπηγοῖς σχένδυλα, γεωργοῖς δὲ πρασόκουρον, ### book 203.5.2 τέκτοσιν ἀξίνη, τοῖς δὲ πυλῶσι κόραξ. ### book 203.5.3 οὕτως εὐχρήστου σκεύους Κάστωρ τετύχηκε ### book 203.5.4 ῥῖνα φέρων πάσης ἄρμενον ἐργασίης. ### book 204.1.1 Ῥήτορα Μαῦρον ἰδὼν ἐτεθήπεα ῥυγχελέφαντα, ### book 204.1.2 χείλεσι λιτραίοις φθόγγον ἱέντα φόνον. ### book 205.1.1 Οὐδὲν ἀφῆκεν ὅλως, Διονύσιε, λείψανον Αὔλῳ ### book 205.1.2 Εὐτυχίδης δειπνῶν, ἦρε δὲ πάντ’ ὀπίσω· ### book 205.1.3 καὶ νῦν Εὐτυχίδης μὲν ἔχει μέγα δεῖπνον ἐν οἴκῳ, ### book 205 μὴ κληθεὶς δ’ Αὖλος ξηροφαγεῖ καθίσας. ### book 206.1.1 Οὕτω σοι πέψαι, Διονύσιε, ταῦτα γένοιτο ### book 206.1.2 πάντα· νόμου δὲ χάριν δός τι καὶ ὧδε φαγεῖν· ### book 206.1.3 κἀγὼ κέκλημαι, κἀμοὶ παρέθηκέ τι τούτων ### book 206.1.4 γεύσασθαι Πόπλιος, κἀμὸν ἔπεστι μέρος· ### book 206.5.1 εἰ μὴ λεπτὸν ἰδών με δοκεῖς κατακεῖσθαι ἄρωστον, ### book 206.5.2 εἶθ’ οὕτως τηρεῖς, μή σε λαθών τι φάγω. ### book 207.1.1 Καὶ τρώγεις, ὅσα πέντε λύκοι, Γάμε, καὶ τὰ περισσά, ### book 207.1.2 οὐ τὰ σά, τῶν δὲ πέριξ πάντα δίδως ὀπίσω. ### book 207.1.3 πλὴν μετὰ τοῦ κοφίνου τοῦ πρὸς πόδας αὔριον ἔρχου ### book 207.1.4 πρίσματα καὶ σπόγγον καὶ σάρον εὐθὺς ἔχων. ### book 208.1.1 Ἦν βραδὺς Εὐτυχίδας σταδιοδρόμος, ἀλλ’ ἐπὶ δεῖπνον ### book 208.1.2 ἔτρεχεν, ὥστε λέγειν· „Εὐτυχίδας πέταται.“ ### book 209.1.1 Κἂν μέχρις Ἡρακλέους στηλῶν ἔλθῃς παρορίζων, ### book 209.1.2 γῆς μέρος ἀνθρώποις πᾶσιν ἴσον σε μένει· ### book 209.1.3 κείσῃ δ’ Ἴρῳ ὅμοιος ἔχων ὀβολοῦ πλέον οὐδὲν ### book 209 εἰς τὴν οὐκέτι σὴν γῆν ἀναλυόμενος. ### book 210.1.1 Ἄνθρακα καὶ δάφνην παραβύεται ὁ στρατιώτης ### book 210.1.2 Αὖλος ἀποσφίγξας μήλινα λωμάτια· ### book 210.1.3 φρίσσει καὶ τὸ μάτην ἴδιον ξίφος· ἢν δέ ποτ’ εἴπῃς· ### book 210.1.4 „Ἔρχοντ’,“ ἐξαπίνης ὕπτιος ἐκτέταται. ### book 210.5.1 οὐδενὶ δ’ οὐ Πολέμωνι προσέρχεται, οὐ Στρατοκλείδῃ, ### book 210.5.2 ἀλλὰ φίλῳ χρῆται πάντοτε Λυσιμάχῳ. ### book 211.1.1 Γραπτὴν ἐν τοίχῳ Καλπούρνιος ὁ στρατιώτης, ### book 211.1.2 ὡς ἔθος ἐστίν, ἰδὼν τὴν ἐπὶ ναυσὶ μάχην, ### book 211.1.3 ἄσφυκτος καὶ χλωρὸς ὁ θούριος ἐξετανύσθη ### book 211.1.4 „Ζωγρεῖτε,“ κράξας, „Τρῶες ἀρηίφιλοι.“ ### book 211.5.1 καὶ μὴ τέτρωται, κατεμάνθανε καὶ μόλις ἔγνω ### book 211.5.2 ζῆν, ὅτε τοῖς τοίχοις ὡμολόγησε λύτρα. ### book 212.1.1 〈Τεκνίον εὔμορφον, Διόδωρε, γράφειν ς’ ἐκέλευσα·〉 ### book 212.1.2 ἀλλὰ σύ μοι προφέρεις τεκνίον ἀλλότριον, ### book 212.1.3 τὴν προτομὴν αὐτῷ περιθεὶς κυνός, ὥστε με κλάειν, ### book 212.1.4 πῶς μοι Ζωπυρίων ἐξ Ἑκάβης γέγονεν. ### book 212.5.1 καὶ πέρας ἓξ δραχμῶν Ἐρασίστρατος ὁ κρεοπώλης ### book 212.5.2 ἐκ τῶν Ἰσείων υἱὸν Ἄνουβιν ἔχω. ### book 213.1 Εἰκόνα Μηνοδότου γράψας Διόδωρος ἔθηκεν ### book 213 πλὴν τοῦ Μηνοδότου πᾶσιν ὁμοιοτάτην. ### book 214.1.1 Γράψας Δευκαλίωνα, Μενέστρατε, καὶ Φαέθοντα ### book 214.1.2 ζητεῖς, τίς τούτων ἄξιός ἐστι τίνος. ### book 214.1.3 τοῖς ἰδίοις αὐτοὺς τιμήσομεν· ἄξιος ὄντως ### book 214.1.4 ἐστὶ πυρὸς Φαέθων, Δευκαλίων δ’ ὕδατος. ### book 215.1.1 Εἴκοσι γεννήσας ὁ ζωγράφος Εὔτυχος υἱοὺς ### book 215.1.2 οὐδ’ ἀπὸ τῶν τέκνων οὐδὲν ὅμοιον ἔχει. ### book 216.1.1 Τὸν φιλόπαιδα Κράτιππον ἀκούσατε· θαῦμα γὰρ ὑμῖν ### book 216.1.2 καινὸν ἀπαγγέλλω· πλὴν μεγάλαι Νεμέσεις. ### book 216.1.3 τὸν φιλόπαιδα Κράτιππον ἀνεύρομεν ἄλλο γένος τι ### book 216.1.4 τῶν ἑτεροζήλων. ἤλπισα τοῦτ’ ἂν ἐγώ; ### book 216.5.1 ἤλπισα τοῦτο, Κράτιππε· μανήσομαι, εἰ, λύκος εἶναι ### book 216.5.2 πᾶσι λέγων, ἐφάνης ἐξαπίνης ἔριφος; ### book 217.1.1 Φεύγων τὴν ὑπόνοιαν Ἀπολλοφάνης ἐγάμησεν, ### book 217.1.2 καὶ διὰ τῆς ἀγορᾶς νυμφίος ἦλθε μέσης· ### book 217.1.3 „Αὔριον εὐθύ,“ λέγων, „ἕξω τέκνον.“ εἶτα προῆλθεν ### book 217 αὔριον ἀντὶ τέκνου τὴν ὑπόνοιαν ἔχων. ### book 218.1.1 Χοιρίλος Ἀντιμάχου πολὺ λείπεται· ἀλλ’ ἐπὶ πᾶσιν ### book 218.1.2 Χοιρίλον Εὐφορίων εἶχε διὰ στόματος ### book 218.1.3 καὶ κατάγλωσς’ ἐπόει τὰ ποήματα καὶ τὰ φίλητρα ### book 218.1.4 ἀτρεκέως ᾔδει· καὶ γὰρ Ὁμηρικὸς ἦν. ### book 219.1.1 Οὐ προσέχω, καίτοι πιστοί τινες· ἀλλὰ μεταξύ, ### book 219.1.2 πρὸς Διός, εἴ με φιλεῖς, Πάμφιλε, μή με φίλει. ### book 220.1.1 Ἀλφειοῦ στόμα φεῦγε· φιλεῖ κόλπους Ἀρεθούσης ### book 220.1.2 πρηνὴς ἐμπίπτων ἁλμυρὸν ἐς πέλαγος. ### book 221.1.1 Οὐχ, ὅτι τὸν κάλαμον λείχεις, διὰ τοῦτό σε μισῶ, ### book 221.1.2 ἀλλ’ ὅτι τοῦτο ποιεῖς καὶ δίχα τοῦ καλάμου. ### book 222.1.1 Χείλων καὶ Λείχων ἴσα γράμματα. ἐς τί δὲ τοῦτο; ### book 222.1.2 λείχει γὰρ Χείλων, κἂν ἴσα, κἂν ἄνισα. ### book 223.1 Εἰ βινεῖ Φαβορῖνος, ἀπιστεῖς· μηκέτ’ ἀπίστει· ### book 223 αὐτός μοι βινεῖν εἶπ’ ἰδίῳ στόματι. ### book 224.1.1 Ἑστηκὸς τὸ Κίμωνος ἰδὼν πέος εἶφ’ ὁ Πρίηπος· ### book 224.1.2 „Οἴμοι, ὑπὸ θνητοῦ λείπομαι ἀθάνατος.“ ### book 225.1.1 Ἡ κλίνη πάσχοντας ἔχει δύο καὶ δύο δρῶντας, ### book 225.1.2 οὓς σὺ δοκεῖς πάντας τέσσαρας· εἰσὶ δὲ τρεῖς. ### book 225.1.3 ἢν δὲ πύθῃ „Πῶς τοῦτο;“ τὸν ἐν μέσσῳ δὶς ἀρίθμει ### book 225.1.4 κοινὰ πρὸς ἀμφοτέρους ἔργα σαλευόμενον. ### book 226.1.1 Εἴη σοι κατὰ γῆς κούφη κόνις, οἰκτρὲ Νέαρχε, ### book 226.1.2 ὄφρα σε ῥηιδίως ἐξερύσωσι κύνες. ### book 227.1.1 Θᾶττον ποιήσει μέλι κάνθαρος ἢ γάλα κώνωψ, ### book 227.1.2 ἢ σύ τι ποιήσεις σκορπίος ὢν ἀγαθόν· ### book 227.1.3 οὔτε γὰρ αὐτὸς ἑκοντὶ ποιεῖς οὔτ’ ἄλλον ἀφίης ### book 227.1.4 ὡς ἀστὴρ Κρονικὸς πᾶσιν ἀπεχθόμενος. ### book 228.1 Μητέρα τις, πατέρ’ ἄλλος ἀπέκτανεν, ἄλλος ἀδελφόν, ### book 228 Πωλιανὸς τοὺς τρεῖς, πρῶτος ἀπ’ Οἰδίποδος. ### book 229.1.1 Ὀψέ ποθ’ ἡ ποδάγρα τὸν ἑαυτῆς ἄξιον εὗρεν, ### book 229.1.2 ὃν ποδαγρᾶν πρὸ ἐτῶν ἄξιον ἦν ἑκατόν. ### book 230.1.1 Μασταύρων ἀφελὼν δύο γράμματα, Μάρκε, τὰ πρῶτα ### book 230.1.2 ἄξιος εἶ πολλῶν τῶν ὑπολειπομένων. ### book 231.1.1 Θηρίον εἶ παρὰ γράμμα καὶ ἄνθρωπος διὰ γράμμα· ### book 231.1.2 ἄξιος εἶ πολλῶν, ὧν παρὰ γράμμα γράφῃ. ### book 232.1.1 Αἰεὶ χρυσίον ἦσθα, Πολύκριτε· νῦν δὲ πεπωκὼς ### book 232.1.2 ἐξαπίνης ἐγένου λυσσομανές τι κακόν· ### book 232.1.3 αἰεί μοι δοκέεις κακὸς ἔμμεναι. οἶνος ἐλέγχει ### book 232.1.4 τὸν τρόπον· οὐκ ἐγένου νῦν κακός, ἀλλ’ ἐφάνης. ### book 233.1.1 Φαῖδρος πραγματικὸς καὶ ζωγράφος ἤρισε Ῥοῦφος, ### book 233.1.2 τίς θᾶσσον γράψει καὶ τίς ὁμοιότερον. ### book 233.1.3 ἀλλ’ ἐν ὅσῳ Ῥοῦφος τρίβειν τὰ χρώματ’ ἔμελλεν, ### book 233 Φαῖδρος ἔγραψε λαβὼν εἰκονικὴν ἀποχήν. ### book 234.1.1 Τοὺς πόδας εἰ Κρατερὸς καὶ τὰς χέρας εἶχ’ ὁλοκλήρους, ### book 234.1.2 οὐκ αὖ τὴν κεφαλὴν εἶχε τοιαῦτα γράφων. ### book 235.1.1 Καὶ τόδε Δημοδόκου· Χῖοι κακοί, οὐχ ὁ μέν, ὃς δ’ οὔ, ### book 235.1.2 πάντες, πλὴν Προκλέους· καὶ Προκλέης δὲ Χίος. ### book 236.1.1 Πάντες μὲν Κίλικες κακοὶ ἀνέρες· ἐν δὲ Κίλιξιν ### book 236.1.2 εἷς ἀγαθὸς Κινύρης, καὶ Κινύρης δὲ Κίλιξ. ### book 237.1.1 Καππαδόκην ποτ’ ἔχιδνα κακὴ δάκεν, ἀλλὰ καὶ αὐτὴ ### book 237.1.2 κάτθανε γευσαμένη αἵματος ἰοβόλου. ### book 238.1.1 Καππαδόκαι φαῦλοι μὲν ἀεί, ζώνης δὲ τυχόντες ### book 238.1.2 φαυλότεροι, κέρδους δ’ εἵνεκα φαυλότατοι. ### book 238.1.3 ἢν δ’ ἄρα δὶς καὶ τρὶς μεγάλης δράξωνται ἀπήνης, ### book 238.1.4 δὴ τότε γίνονται φαυλεπιφαυλότατοι. ### book 238.5 μή, λίτομαι, βασιλεῦ, μὴ τετράκις, ὄφρα μὴ αὐτὸς ### book 238 κόσμος ὀλισθήσῃ καππαδοκιζόμενος. ### book 239.1.1 Οὔτε Χίμαιρα τοιοῦτον ἔπνει κακὸν ἡ καθ’ Ὅμηρον, ### book 239.1.2 οὐκ ἀγέλη ταύρων, ὡς ὁ λόγος, πυρίπνους, ### book 239.1.3 οὐ Λῆμνος σύμπασα καὶ Ἁρπυιῶν τὰ περισσά, ### book 239.1.4 οὐδ’ ὁ Φιλοκτήτου ποὺς ἀποσηπόμενος, ### book 239.5.1 ὥστε σε παμψηφεὶ νικᾶν, Τελέσιλλα, Χιμαίρας, ### book 239.5.2 σηπεδόνας, ταύρους, ὄρνεα, Λημνιάδας. ### book 240.1.1 Οὐ μόνον αὐτὴ πνεῖ Δημοστρατίς, ἀλλὰ δὴ αὐτῆς ### book 240.1.2 τοὺς ὀσμησαμένους πνεῖν πεποίηκε τράγου. ### book 241.1.1 Τὸ στόμα χὠ πρωκτὸς ταὐτόν, Θεόδωρε, σοῦ ὄζει, ### book 241.1.2 ὥστε διαγνῶναι τοῖς φυσικοῖς καλὸν ἦν. ### book 241.1.3 ἦ γράψαι σε ἔδει, ποῖον στόμα, ποῖον ὁ πρωκτός· ### book 241.1.4 νῦν δὲ λαλοῦντός σου 〈βδεῖν ς’ ἐνόμιζον ἐγώ〉. ### book 242.1 Οὐ δύναμαι γνῶναι, πότερον χαίνει Διόδωρος ### book 242 ἢ βδῆς’· ἓν γὰρ ἔχει πνεῦμα κάτω καὶ ἄνω. ### book 243.1.1 Λούσασθαι πεπόρευται Ὀνήσιμος εἰς βαλανεῖον ### book 243.1.2 δωδεκάτῃ Δύστρου μηνὸς ἐπ’ Ἀντιφίλου, ### book 243.1.3 παῖδα λιπὼν οἴκοις ἐπιτίτθιον, ὃν δύο τέκνων ### book 243.1.4 ἄλλων εὑρήσει λουσάμενος πατέρα ... ### book 243.5.1 ἥξειν δ’ εἰς ὥρας ἡμῖν γράφει· οἱ βαλανεῖς γὰρ ### book 243.5.2 εἰς τότε τάσσονται τὴν πυρίαν καθελεῖν. ### book 244.1 Ἠγόρασας χαλκοῦν μιλιάριον, Ἡλιόδωρε, ### book 244.2 τοῦ περὶ τὴν Θρᾴκην ψυχρότερον Βορέου. ### book 244.3 μὴ φύσα, μὴ κάμνε· μάτην τὸν καπνὸν ἐγείρεις· ### book 244.4 εἰς τὸ θέρος χαλκῆν βαύκαλιν ἠγόρασας. ### book 245.1.1 Οἱ τοῖχοι, Διόφαντε, τὰ κύματα πάντα δέχονται, ### book 245.1.2 καὶ διὰ τῶν θυρίδων Ὠκεανὸς φέρεται· ### book 245.1.3 δελφίνων δ’ ἀγέλαι καὶ Νηρέος ἀγλαὰ τέκνα ### book 245.1.4 ἐν τῷ πλοίῳ σου νηχόμενα βλέπεται. ### book 245.5 ἂν δ’ ἀναμείνωμεν, πλεύσει τάχα καί τις ἐν ἡμῖν· ### book 245 οὐ γὰρ ἔνεστιν ὕδωρ οὐκέτι τῷ πελάγει. ### book 246.1.1 Ἐκ ποίων ἔταμες, Διονύσιε, τὰ ξύλα ταῦτα ### book 246.1.2 λατομιῶν; ποίων τὸ σκάφος ἐστὶ μύλων; ### book 246.1.3 εἰ γὰρ ἐγώ τι νοῶ, μολίβου γένος, οὐ δρυός ἐστιν ### book 246.1.4 οὐδ’ ἐλάτης, μικροῦ ῥιζοβολεῖ τὰ κάτω· ### book 246.5.1 καὶ τυχὸν ἐξαπίνης ἔσομαι λίθος· εἶτα, τὸ χεῖρον, ### book 246.5.2 γράψει μ’ ὡς Νιόβην δρᾶμα σαπρὸν Μελίτων. ### book 247.1.1 Ἦ πέλαγος πλέομεν, Διονύσιε, καὶ γεγέμισται ### book 247.1.2 τὸ πλοῖον παντὸς πανταχόθεν πελάγους. ### book 247.1.3 ἀντλεῖται δ’ Ἀδρίας, Τυρρηνικός, Ἰσσικός, Αἴγων· ### book 247.1.4 οὐ πλοῖον, πηγὴ δ’ Ὠκεανοῦ ξυλίνη. ### book 247.5.1 ὁπλίζου, Καῖσαρ· Διονύσιος ἄρχεται ἤδη ### book 247.5.2 οὐκέτι ναυκληρεῖν, ἀλλὰ θαλασσοκρατεῖν. ### book 248.1.1 Τὸ σκάφος οὐ βυθὸς εἷλε (πόθεν βυθός; οὐ γὰρ ἔπλωσεν), ### book 248.1.2 οὐδὲ Νότος, πρὸ Νότου δ’ ὤλετο καὶ πελάγευς. ### book 248.1.3 ἤδη γάρ μιν ἅπασαν ἐπὶ ζυγὰ γομφωθεῖσαν ### book 248.1.4 ἤλειφον πεύκης τῇ λιπαρῇ νοτίδι· ### book 248.5 πίσσα δ’ ὑπερβρασθεῖσα πυρὸς φλογὶ τὴν ἁλὶ πιστὴν ### book 248 τευχομένην γαίῃ δεῖξεν ἀπιστοτέρην. ### book 249.1.1 Ἀγρὸν Μηνοφάνης ὠνήσατο καὶ διὰ λιμὸν ### book 249.1.2 ἐκ δρυὸς ἀλλοτρίας αὑτὸν ἀπηγχόνισεν. ### book 249.1.3 γῆν δ’ αὐτῷ τεθνεῶτι βαλεῖν οὐκ ἔσχον ἄνωθεν, ### book 249.1.4 ἀλλ’ ἐτάφη μισθοῦ πρός τινα τῶν ὁμόρων. ### book 249.5.1 εἰ δ’ ἔγνω τὸν ἀγρὸν τὸν Μηνοφάνους Ἐπίκουρος, ### book 249.5.2 πάντα γέμειν ἀγρῶν εἶπεν ἄν, οὐκ ἀτόμων. ### book 250.1.1 Τὸν παχὺν εὖ ἔγραψ’ ὁ ζωγράφος· ἀλλ’ ἀπόλοιτο, ### book 250.1.2 εἰ δύο μισητοὺς ἀνθ’ ἑνὸς ὀψόμεθα. ### book 251.1.1 Δυσκώφῳ δύσκωφος ἐκρίνετο, καὶ πολὺ μᾶλλον ### book 251.1.2 ἦν ὁ κριτὴς τούτων τῶν δύο κωφότερος. ### book 251.1.3 ὧν ὁ μὲν ἀντέλεγεν τὸ ἐνοίκιον αὐτὸν ὀφείλειν ### book 251.1.4 μηνῶν πένθ’, ὁ δ’ ἔφη νυκτὸς ἀληλεκέναι. ### book 251.5.1 ἐμβλέψας δ’ αὐτοῖς ὁ κριτὴς λέγει· „Ἐς τί μάχεσθε; ### book 251.5.2 μήτηρ ἔσθ’ ὑμῶν· ἀμφότεροι τρέφετε.“ ### book 252.1 Εἴ με φιλεῖς, μισεῖς με, καὶ εἰ μισεῖς σύ, φιλεῖς με· ### book 252 εἰ δέ με μὴ μισεῖς, φίλτατε, μή με φίλει. ### book 253.1.1 Ἐκ ποίων ὁ πατήρ σε δρυῶν τέτμηκεν, Ἀρίστων, ### book 253.1.2 ἢ ποίων σε μύλου κόψατο λατομιῶν; ### book 253.1.3 ἦ γὰρ ἀπὸ δρυὸς ἐσσὶ παλαιφάτου ἢ ἀπὸ πέτρης, ### book 253.1.4 ὀρχηστής, Νιόβης ἔμπνοον ἀρχέτυπον, ### book 253.5.1 ὥστε με θαυμάζοντα λέγειν, ὅτι „Καὶ σύ τι Λητοῖ ### book 253.5.2 ἤρισας· οὐ γὰρ ἂν ἦς αὐτομάτως λίθινος.“ ### book 254.1.1 Πάντα καθ’ ἱστορίην ὀρχούμενος, ἓν τὸ μέγιστον ### book 254.1.2 τῶν ἔργων παριδὼν ἠνίασας μεγάλως. ### book 254.1.3 τὴν μὲν γὰρ Νιόβην ὀρχούμενος ὡς λίθος ἔστης, ### book 254.1.4 καὶ πάλιν ὢν Καπανεὺς ἐξαπίνης ἔπεσες· ### book 254.5.1 ἀλλ’ ἐπὶ τῆς Κανάκης ἀφυῶς, ὅτι καὶ ξίφος ἦν σοι ### book 254.5.2 καὶ ζῶν ἐξῆλθες· τοῦτο παρ’ ἱστορίην. ### book 255.1.1 Δάφνην καὶ Νιόβην ὠρχήσατο Μέμφις ὁ Σῖμος, ### book 255.1.2 ὡς ξύλινος Δάφνην, ὡς λίθινος Νιόβην. ### book 256.1.1 Λούεσθαί σε λέγουσι πολὺν χρόνον, Ἡλιοδώρα, ### book 256.1.2 γραῖαν ἐτῶν ἑκατὸν μὴ καταλυομένην. ### book 256.1.3 πλὴν ἔγνωκα, τίνος ποιεῖς χάριν· ὡς ὁ παλαιὸς ### book 256 ἐλπίζεις Πελίας ἑψομένη νεάσαι. ### book 257.1.1 Ἑρμογένην τὸν ἰατρὸν ἰδὼν Διόφαντος ἐν ὕπνοις ### book 257.1.2 οὐκέτ’ ἀνηγέρθη καὶ περίαμμα φέρων. ### book 258.1.1 Τῷ Πίσης μεδέοντι τὸ κρανίον Αὖλος ὁ πύκτης, ### book 258.1.2 ἓν καθ’ ἓν ἀθροίσας ὀστέον, ἀντίθεται. ### book 258.1.3 σωθεὶς δ’ ἐκ Νεμέας, Ζεῦ δέσποτα, σοὶ τάχα θήσει ### book 258.1.4 καὶ τοὺς ἀστραγάλους τοὺς ἔτι λειπομένους. ### book 259.1.1 Θεσσαλὸν ἵππον ἔχεις, Ἐρασίστρατε, ἀλλὰ σαλεῦσαι ### book 259.1.2 οὐ δύνατ’ αὐτὸν ὅλης φάρμακα Θεσσαλίης, ### book 259.1.3 ὄντως δούριον ἵππον, ὅν, εἰ Φρύγες εἷλκον ἅπαντες ### book 259.1.4 σὺν Δαναοῖς, Σκαιὰς οὐκ ἂν ἐσῆλθε πύλας· ### book 259.5.1 ὃν στήσας ἀνάθημα θεοῦ τινος, εἰ προσέχεις μοι, ### book 259.5.2 τὰς κριθὰς ποίει τοῖς τεκνίοις πτισάνην. ### book 260.1.1 Τοῦτο τὸ „βουλεύειν“ εἶχες πάλαι; ἀλλὰ τὸ βῆτα ### book 260.1.2 οὐκ ἐπιγινώσκω· δέλτα γὰρ ἐγράφετο. ### book 261.1 Υἱὸς Πατρικίου μάλα κόσμιος, ὃς διὰ Κύπριν ### book 261 οὐχ ὁσίην ἑτάρους πάντας ἀποστρέφεται. ### book 262.1.1 Αἰθερίην διὰ νύκτα νέοι κατάγουσι Σελήνην ### book 262.1.2 ἠίθεοι Φαρίης ἄνδιχα τεμνομένην. ### book 263.1.1 Παύλῳ κωμῳδῷ κατ’ ὄναρ στὰς εἶπε Μένανδρος· ### book 263.1.2 „Οὐδὲν ἐγὼ κατὰ σοῦ, καὶ σὺ κακῶς με λέγεις.“ ### book 264.1.1 Ποιήσας δαπάνην ἐν ὕπνοις ὁ φιλάργυρος Ἕρμων ### book 264.1.2 ἐκ περιωδυνίας αὑτὸν ἀπηγχόνισεν. ### book 265.1.1 Εἰ μὲν ἐπ’ ἀττελάβους ἄγεται στρατὸς ἢ κυνομυίας ### book 265.1.2 ἢ μύας ἢ ψυλλῶν ἱππικὸν ἢ βατράχων, ### book 265.1.3 Γάιε, καὶ σὺ φοβοῦ, μὴ καί σέ τις ἐγκαταλέξῃ ### book 265.1.4 ὡς ἂν τῆς τούτων ἄξιον ὄντα μάχης. ### book 265.5.1 εἰ δ’ ἀρετῆς ἀνδρῶν ἄγεται στρατός, ἄλλο τι παῖζε· ### book 265.5.2 Ῥωμαίοις δ’ οὐδεὶς πρὸς γεράνους πόλεμος. ### book 266.1 Ψευδὲς ἔσοπτρον ἔχει Δημοσθενίς· εἰ γὰρ ἀληθὲς ### book 266 ἔβλεπεν, οὐκ ἂν ὅλως ἤθελεν αὐτὸ βλέπειν. ### book 267.1.1 Κερκίδος οὐ χρῄζεις ὁ λογιστικός, οὐδὲ μέλει σοι· ### book 267.1.2 καὶ γὰρ ἀβασκάντως ῥῖνα τρίπηχυν ἔχεις. ### book 268.1 Οὐ δύναται τῇ χειρὶ Πρόκλος τὴν ῥῖν’ ἀπομύσσειν, ### book 268.2 τῆς ῥινὸς γὰρ ἔχει τὴν χέρα μικροτέρην· ### book 268.3 οὐδὲ λέγει „Ζεῦ, σῶσον,“ ἐὰν πταρῇ· οὐ γὰρ ἀκούει ### book 268.4 τῆς ῥινός, πολὺ γὰρ τῆς ἀκοῆς ἀπέχει. ### book 269.1 Ὁ τοῦ Διὸς παῖς καλλίνικος Ἡρακλῆς ### book 269.2 οὐκ εἰμὶ Λούκιος, ἀλλ’ ἀναγκάζουσί με. ### book 270.1 Εἰκόνα σοί, βασιλεῦ κοσμοφθόρε, τήνδε σιδήρου ### book 270.2 ἄνθεσαν ὡς χαλκοῦ πολλὸν ἀτιμοτέρην ### book 270.3 ἀντὶ φόνου πενίης τ’ ὀλοῆς λιμοῦ τε καὶ ὀργῆς, ### book 270 οἷς πάντα φθείρεις ἐκ φιλοχρημοσύνης. ### book 271.1 Ἐγγύθι τῆς Σκύλλης χαλεπὴν στήσαντο Χάρυβδιν, ### book 271.2 ἄγριον ὠμηστὴν τοῦτον Ἀναστάσιον. ### book 271.3 δείδιθι καὶ σύ, Σκύλλα, τεαῖς φρεσί, μὴ σὲ καὶ αὐτὴν ### book 271.4 βρώξῃ, χαλκείην δαίμονα κερματίσας. ### book 272.1 Ἀνέρας ἠρνήσαντο καὶ οὐκ ἐγένοντο γυναῖκες· ### book 272.2 οὔτ’ ἄνδρες γεγάασιν, ἐπεὶ πάθον ἔργα γυναικῶν, ### book 272.3 οὐδὲ γυναῖκες ἔασιν, ἐπεὶ φύσιν ἔλλαχον ἀνδρῶν. ### book 272.4 ἀνέρες εἰσὶ γυναιξὶ καὶ ἀνδράσιν εἰσὶ γυναῖκες. ### book 273.1 Χωλὸν ἔχεις τὸν νοῦν ὡς τὸν πόδα· καὶ γὰρ ἀληθῶς ### book 273.2 εἰκόνα τῶν ἐντὸς σὴ φύσις ἐκτὸς ἔχει. ### book 274.1.1 Εἰπέ μοι εἰρομένῳ, Κυλλήνιε, πῶς κατέβαινεν ### book 274.1.2 Λολλιανοῦ ψυχὴ δῶμα τὸ Φερσεφόνης; ### book 274.1.3 θαῦμα μέν, εἰ σιγῶσα· τυχὸν δέ τι καὶ σὲ διδάσκειν ### book 274.1.4 ἤθελε· φεῦ, κείνου καὶ νέκυν ἀντιάσαι. ### book 275.1 Καλλίμαχος τὸ κάθαρμα, τὸ παίγνιον, ὁ ξύλινος νοῦς· ### book 275 αἴτιος ὁ γράψας Αἴτια Καλλίμαχος. ### book 276.1.1 Εἰς φυλακὴν βληθείς ποτε Μάρκος ὁ ἀργός, ἑκοντὶ ### book 276.1.2 ὀκνῶν ἐξελθεῖν ὡμολόγησε φόνον. ### book 277.1.1 Τῆς νυκτὸς τροχάσας ἐν ὕπνοις ποτὲ Μάρκος ὁ ἀργὸς ### book 277.1.2 οὐκέτ’ ἐκοιμήθη, μὴ πάλι που τροχάσῃ. ### book 278.1.1 Ἔξω παιδεύεις Πάριδος κακὰ καὶ Μενελάου ### book 278.1.2 ἔνδον ἔχων πολλοὺς σῆς Ἑλένης Πάριδας. ### book 279.1.1 Οὐδεὶς γραμματικῶν δύναταί ποτε 〈ὄλβιοσ〉 εἶναι ### book 279.1.2 ὀργὴν καὶ μῆνιν καὶ χόλον εὐθὺς ἔχων. ### book 280.1.1 Βέλτερον Ἡγέμονος λῃστοκτόνου ἐς κρίσιν ἐλθεῖν ### book 280.1.2 ἢ τοῦ χειρουργοῦ Γενναδίου παλάμας. ### book 280.1.3 ὃς μὲν γὰρ φονέας ὁσίως στυγέων κατατέμνει, ### book 280 ὃς δὲ λαβὼν μισθοὺς εἰς Ἀίδην κατάγει. ### book 281.1.1 Μάγνος ὅτ’ εἰς Ἀίδην κατέβη, τρομέων Ἀϊδωνεὺς ### book 281.1.2 εἶπεν· „Ἀναστήσων ἤλυθε καὶ νέκυας.“ ### book 282.1 Τοὺς καταλείψαντας γλυκερὸν φάος οὐκέτι θρηνῶ, ### book 282.2 τοὺς δ’ ἐπὶ προσδοκίῃ ζῶντας ἀεὶ θανάτου. ### book 283.1.1 Πολλοὶ πολλὰ λέγουσιν, ὅμως δ’ οὐ πάντα δύνανται ### book 283.1.2 ῥήμασιν ἐξειπεῖν ῥεύματα σῶν παθέων· ### book 283.1.3 ἓν δ’ ἐπὶ σοῦ παράδοξον ἐθαυμάσαμεν καὶ ἄπιστον, ### book 283.1.4 δάκρυα πῶς κλέπτων εἶχες ἑτοιμότατα. ### book 283.5.1 Χαλκίδος ἐκ γαίης ἀπεχάλκισε τὴν πόλιν ἡμῶν ### book 283.5.2 κλέπτων, καὶ κλέπτων δάκρυσι κερδαλέοις. ### book 284.1.1 Ἐκ γῆς Λωτοφάγων μέγας ὄρχαμος ἦλθε Λυκάων ### book 284.1.2 Χαλκίδος ἐκ γαίης ἀντιοχευόμενος. ### book 285.1.1 Θηλυφανὲς παράδοξον ἐθαυμάσαμεν πάθος ἄλλο· ### book 285.1.2 ἔκλαιεν κλέπτων, κλεπτομένους ἐλεῶν, ### book 285.1.3 ὃς κλέπτων ἥγνευε καὶ ἁγνεύων ἀπεσύλα ### book 285 μηδὲν ἔχων καθαρόν, μηδὲ τὸ σῶμα ῥύπου. ### book 286.1.1 Οὐδὲν γυναικὸς χεῖρον, οὐδὲ τῆς καλῆς· ### book 286.1.2 δούλου δὲ χεῖρον οὐδέν, οὐδὲ τοῦ καλοῦ· ### book 286.1.3 χρῄζεις ὅμως οὖν τῶν ἀναγκαίων κακῶν· ### book 286.1.4 εὔνουν νομίζεις δοῦλον εἶναι δεσπότῃ; ### book 286.5 καλὸς δ’ ἂν εἴη δοῦλος ὁ τὰ σκέλη κλάσας. ### book 287.1.1 Ὁ τὴν γυναῖκα τὴν ἄμορφον δυστυχῶν ### book 287.1.2 λύχνους ἀνάψας ἑσπέρας σκότος βλέπει. ### book 288.1.1 Κουρεὺς καὶ ῥαφιδεὺς κατεναντίον ἦλθον ἀγῶνος, ### book 288.1.2 καὶ τάχα νικῶσιν τὸ ξυρὸν αἱ ῥαφίδες. ### book 289.1.1 Ὢ τῆς ταχίστης ἁρπαγῆς τῆς τοῦ βίου· ### book 289.1.2 ἀνὴρ δανειστὴς τῶν χρόνων γλύφων τόκους ### book 289.1.3 τέθνηκεν εὐθὺς ἐν ῥοπῆς καιρῷ βραχεῖ, ### book 289.1.4 ἐν δακτύλοισι τοὺς τόκους σφίγγων ἔτι. ### book 290.1.1 Δακτυλικὴν ψῆφόν τις ἔχων πέρι δάκτυλα χειρῶν ### book 290.1.2 ψήφῳ τοῦ θανάτου προὔλαβεν εἰς Ἀίδην. ### book 290.1.3 ζῇ δ’ ἡ ψῆφος νῦν τοῦ ψηφίζοντος ἐρήμη ### book 290 ψυχῆς ἁρπαγίμης ἔνθεν ἐλαυνομένης. ### book 291.1.1 Τί ὠφέλησας τὴν πόλιν στίχους γράφων, ### book 291.1.2 χρυσὸν τοσοῦτον λαμβάνων βλασφημίας, ### book 291.1.3 πωλῶν ἰάμβους ὡς ἔλαιον ἔμπορος; ### book 292.1.1 Ἄντυγος οὐρανίης ὑπερήμενος ἐς πόθον ἦλθες ### book 292.1.2 ἄντυγος ἀργυρέης· αἶσχος ἀπειρέσιον· ### book 292.1.3 ἦσθά ποτε κρείσσων, αὖθις δ’ ἐγένου πολὺ χείρων. ### book 292.1.4 δεῦρ’ ἀνάβηθι κάτω, νῦν γὰρ ἄνω κατέβης. ### book 293.1.1 Ἵππον ὑποσχόμενός μοι Ὀλύμπιος ἤγαγεν οὐράν, ### book 293.1.2 ἧς ὀλιγοδρανέων ἵππος ἀπεκρέματο. ### book 294.1.1 Πλοῦτον μὲν πλουτοῦντος ἔχεις, ψυχὴν δὲ πένητος, ### book 294.1.2 ὦ τοῖς κληρονόμοις πλούσιε, σοὶ δὲ πένης. ### book 295.1 Εἴ τιν’ ἔχεις Διόνυσον ἐνὶ μεγάροισι τεοῖσι, ### book 295 τὸν κισσὸν ἀφελὼν θριδάκων φύλλοις στεφάνωσον. ### book 296.1.1 Τίς δ’ οὗτος κτίλος ὣς ἐπιπωλεῖται στίχας ἀνδρῶν; ### book 296.1.2 μωλύτης, ἐπέων λίθος Ἄσσιος, ὅλμος ἄτολμος. ### book 297.1 Πῶς φιλέεις, ὦ μῆτερ, ἐμοῦ πλέον υἱέος οἶνον; ### book 297.2 δὸς πιέειν οἴνοιο, ἐπεὶ γάλα τὸ πρὶν ἔδωκας. — ### book 297.3 „Ὦ παῖ, σὴν μὲν δίψαν ἐμὸν γάλα τὸ πρὶν ἔπαυσε· ### book 297.4 νῦν ἴθι, πῖνε ὕδωρ καὶ παύεο δίψαν ἑοῖο.“ ### book 298.1 Δέρκεο, πῶς διψῶν υἱὸς χέρα μητέρι τείνει· ### book 298.2 ἡ δὲ γυνή, ἅτε πᾶσα γυνή, κεκρατημένη οἴνῳ, ### book 298.3 ἐν λαγύνῳ πίνουσα τόδ’ ἔννεπε λοξὸν ἰδοῦσα· ### book 298.4 „Ἐκ βρόχθου ὀλίγοιο τί σοι δῶ, τέκνον ἐμεῖο; ### book 298.5 ξέστας γὰρ τριάκοντα μόνους λάγυνός γ’ ὅδε χωρεῖ.“ ### book 298.5.1 — — — ### book 298.5.2 „Μῆτερ ἐμὴ δύσμητερ, ἀπηνέα θυμὸν ἔχουσα, ### book 298.5.3 ἀμπέλου ἡδυτάτης τάδε δάκρυα δός μοι ἀφύσσειν.“ ### book 298.7.1 — — — ### book 298.7.2 „Μῆτερ ἐμή, δύσμητερ ἀπηνέα θυμὸν ἔχουσα, ### book 298.7.3 εἰ φιλέεις με τὸν υἷα, δίδου μέ τι τυτθὸν ἀφύσσειν.“ ### book 299.1 Ὑβρίζεις. τί τὸ θαῦμα; τί δυσχερές; ἀλλὰ φέρω σε· ### book 299 τῶν γὰρ ὑβριζόντων ἡ θρασύτης κόλασις. ### book 300.1.1 Πολλὰ λαλεῖς, ἄνθρωπε, χαμαὶ δὲ τίθῃ μετὰ μικρόν. ### book 300.1.2 σίγα καὶ μελέτα ζῶν ἔτι τὸν θάνατον. ### book 301.1.1 Ἥλιος ἀνθρώποις αὐγῆς θεός· εἰ δὲ καὶ αὐτὸς ### book 301.1.2 ὕβριζεν φαίνων, οὐδὲ τὸ φῶς ἐπόθουν. ### book 302.1.1 Οὐκ ἐμέ, τὴν πενίην δὲ καθύβρισας· εἰ δὲ καὶ ὁ Ζεὺς ### book 302.1.2 ἦν ἐπὶ γῆς πτωχός, καὐτὸς ἔπασχεν ὕβριν. ### book 303.1.1 Εἰ πένομαι, τί πάθω; τί με μισεῖς οὐκ ἀδικοῦντα; ### book 303.1.2 πταῖσμα τόδ’ ἐστὶ Τύχης, οὐκ ἀδίκημα τρόπων. ### book 304.1.1 Πάντες μὲν δειλοὶ καὶ ἀλαζόνες εἰσὶ καί, εἴ τι ### book 304.1.2 ἐν τοῖς ἀνθρώποις ἄλλο πέφυκε πάθος· ### book 304.1.3 ἀλλ’ ὁ λογισμὸν ἔχων τῷ πλησίον οὐκ ἀναφαίνει ### book 304.1.4 ἔνδον ἀποκρύπτων τῇ συνέσει τὸ πάθος. ### book 304.5 σῆς δὲ θύρα ψυχῆς ἀναπέπταται· οὐδένα λήθεις ### book 304 οὔτε καταπτήσσων οὔτε θρασυνόμενος. ### book 305.1.1 Τέκνον Ἀναιδείης, ἀμαθέστατε, θρέμμα Μορίης, ### book 305.1.2 εἰπέ, τί βρενθύῃ μηδὲν ἐπιστάμενος; ### book 305.1.3 ἐν μὲν γραμματικοῖς ὁ Πλατωνικός· ἂν δὲ Πλάτωνος ### book 305.1.4 δόγματά τις ζητῇ, γραμματικὸς σὺ πάλιν. ### book 305.5.1 ἐξ ἑτέρου φεύγεις ἐπὶ θάτερον· οὔτε δὲ τέχνην ### book 305.5.2 οἶσθα γραμματικὴν οὔτε Πλατωνικὸς εἶ. ### book 306.1.1 Ἂν μετ’ Ἀλεξάνδρειαν ἐς Ἀντιόχειαν ἀπέλθῃς ### book 306.1.2 καὶ μετὰ τὴν Συρίην Ἰταλίας ἐπιβῇς, ### book 306.1.3 τῶν δυνατῶν οὐδείς σε γαμήσει· τοῦτο γὰρ αἰεὶ ### book 306.1.4 οἰομένη πηδᾷς εἰς πόλιν ἐκ πόλεως. ### book 307.1.1 Υἱὸν ἔχεις τὸν Ἔρωτα, γυναῖκα δὲ τὴν Ἀφροδίτην· ### book 307.1.2 οὐκ ἀδίκως, χαλκεῦ, τὸν πόδα χωλὸν ἔχεις. ### book 308.1 Τὸν πόδα τῇ βελόνῃ τρυπῶν Κλεόνικος ὁ λεπτὸς ### book 308 αὐτὸς ἐτρύπησεν τῷ ποδὶ τὴν βελόνην. ### book 309.1.1 Θαρσύμαχε, πλοῦτον πολὺν ὤλεσας ἐξ ἐπιβουλῆς, ### book 309.1.2 εἰς οὐδὲν δ’ ἥκεις ἄθλιος ἐξαπίνης ### book 309.1.3 φεισάμενος, δανίσας, τοκίσας τόκον, ὑδροποτήσας, ### book 309.1.4 πολλάκι μηδὲ φαγών, ὥστε τι πλεῖον ἔχειν. ### book 309.5.1 ἀλλ’ εἴ μοι λογίσαιο τὸ πεινῆν καὶ τότε καὶ νῦν, ### book 309.5.2 οὐδὲν ἔλαττον ἔχεις, ὧν τότ’ ἔδοξας ἔχειν. ### book 310.1.1 Ἠγόρασας πλοκάμους, φῦκος, μέλι, κηρόν, ὀδόντας· ### book 310.1.2 τῆς αὐτῆς δαπάνης ὄψιν ἂν ἠγόρασας. ### book 311.1.1 Οὕτως ἔστ’ ἀργὸς Πανταίνετος, ὥστε πυρέξας ### book 311.1.2 μηκέτ’ ἀναστῆναι παντὸς ἐδεῖτο θεοῦ. ### book 311.1.3 καὶ νῦν οὐκ ἐθέλων μὲν ἐγείρεται. ἐν δέ οἱ αὐτῷ ### book 311.1.4 κωφὰ θεῶν ἀδίκων οὔατα μεμφόμενος. ### book 312.1.1 Οὐδενὸς ἐνθάδε νῦν τεθνηκότος, ὦ παροδῖτα, ### book 312.1.2 Μάρκος ὁ ποιητὴς ᾠκοδόμηκε τάφον ### book 312.1.3 καὶ γράψας ἐπίγραμμα μονόστιχον ὧδ’ ἐχάραξε· ### book 312.1.4 „Κλαύσατε δωδεκέτη Μάξιμον ἐξ Ἐφέσου.“ ### book 312.5 οὐδὲ γὰρ εἶδον ἐγώ τινα Μάξιμον· εἰς δ’ ἐπίδειξιν ### book 312 ποιητοῦ κλαίειν τοῖς παριοῦσι λέγω. ### book 313.1.1 Ἀργυρέῃ λιμῷ τις ἐς εἰλαπίνην με καλέσσας, ### book 313.1.2 ἔκτανε πειναλέους τοὺς πίνακας προφέρων. ### book 313.1.3 ὀχθήσας δ’ ἄρ’ ἔειπον ἐν ἀργυροφεγγέι λιμῷ· ### book 313.1.4 „Ποῦ μοι χορτασίη ὀστρακίνων πινάκων;“ ### book 314.1.1 Ἐζήτουν, πινάκων πόθεν οὔνομα τοῦτο καλέσσω, ### book 314.1.2 καὶ παρὰ σοὶ κληθεὶς εὗρον, ὅθεν λέγεται. ### book 314.1.3 πείνης γὰρ μεγάλης μεγάλους πίνακας παρέθηκας, ### book 314.1.4 ὄργανα τοῦ λιμοῦ, πειναλέους πίνακας. ### book 315.1.1 Εἴσιδεν Ἀντίοχος τὴν Λυσιμάχου ποτὲ τύλην, ### book 315.1.2 κοὐκέτι τὴν τύλην εἴσιδε Λυσίμαχος. ### book 316.1 Εἰς ἱερόν ποτ’ ἀγῶνα Μίλων μόνος ἦλθ’ ὁ παλαιστής· ### book 316.2 τὸν δ’ εὐθὺς στεφανοῦν ἀθλοθέτης ἐκάλει. ### book 316.3 προσβαίνων δ’ ὤλισθεν ἐπ’ ἰσχίον· οἱ δ’ ἐβόησαν ### book 316.4 τοῦτον μὴ στεφανοῦν, εἰ μόνος ὢν ἔπεσεν. ### book 316.5 ἀνστὰς δ’ ἐν μέσσοις ἀντέκραγεν· „Οὐχὶ τρί’ ἐστίν, ### book 316 ἓν κεῖμαι· λοιπὸν τἆλλα μέ τις βαλέτω.“ ### book 317.1.1 Ἀντίσπαστον ἐμοί τις ὄνον μακρόθυμον ἔδωκεν, ### book 317.1.2 τῶν βασταζομένων ὅρμον ὁδοιπορίης, ### book 317.1.3 υἱὸν τῆς βραδυτῆτος, ὄνον, πόνον, ὄκνον, ὄνειρον, ### book 317.1.4 τῶν ἀνακαμπτόντων ὑστάτιον πρότερον. ### book 318.1.1 Ἀντικράτης ᾔδει τὰ σφαιρικὰ μᾶλλον Ἀράτου ### book 318.1.2 πολλῷ, τὴν ἰδίην δ’ οὐκ ἐνόει γένεσιν· ### book 318.1.3 διστάζειν γὰρ ἔφη, πότερ’ ἐν κριῷ γεγένηται ### book 318.1.4 ἢ διδύμοις ἢ τοῖς ἰχθύσιν ἀμφοτέροις. ### book 318.5.1 εὕρηται δὲ σαφῶς ἐν τοῖς τρισί· καὶ γὰρ ὀχευτὴς ### book 318.5.2 καὶ μωρὸς μαλακός τ’ ἐστὶ καὶ ὀψοφάγος. ### book 319.1.1 Ἀνθρακίων δέκα μέτρα φέρων ἔσο καὶ σὺ πολίτης· ### book 319.1.2 ἢν δὲ καὶ ὗν ἀγάγῃς, αὐτὸς ὁ Τριπτόλεμος. ### book 319.1.3 δεῖ δὲ καὶ Ἡρακλείδῃ ὑφηγητῆρι δοθῆναι ### book 319.1.4 ἢ καυλοὺς κράμβης ἢ φακὸν ἢ κοχλίας. ### book 319.5 ταῦτ’ ἔχε καὶ λέγε σαυτὸν Ἐρεχθέα, Κέκροπα, Κόδρον, ### book 319 ὅν κ’ ἐθέλῃς· οὐδεὶς οὐδὲν ἐπιστρέφεται. ### book 320.1.1 Ἀντιγόνην ἔστεργε Φιλόστρατος· ἦν δὲ παλαισταῖς ### book 320.1.2 ὁ τλήμων Ἴρου πέντε πενιχρότερος. ### book 320.1.3 εὗρε δ’ ὑπὸ κρυμοῦ γλυκὺ φάρμακον· ἀντία γὰρ σχὼν ### book 320.1.4 γούνατ’ ἐκοιμήθη, ξεῖνε, μετ’ Ἀντιγόνης. ### book 321.1.1 Γραμματικοὶ Μώμου στυγίου τέκνα, σῆτες ἀκανθῶν, ### book 321.1.2 τελχῖνες βίβλων, Ζηνοδότου σκύλακες, ### book 321.1.3 Καλλιμάχου στρατιῶται, ὃν ὡς ὅπλον ἐκτανύσαντες, ### book 321.1.4 οὐδ’ αὐτοῦ κείνου γλῶσσαν ἀποστρέφετε, ### book 321.5.1 συνδέσμων λυγρῶν θηρήτορες, οἷς τὸ „μὶν“ ἢ „σφὶν“ ### book 321.5.2 εὔαδε καὶ ζητεῖν, εἰ κύνας εἶχε Κύκλωψ, ### book 321.5.3 τρίβοισθ’ εἰς αἰῶνα κατατρύζοντες ἀλιτροὶ ### book 321.5.4 ἄλλων· ἐς δ’ ἡμᾶς ἰὸν ἀποσβέσατε. ### book 322.1.1 Γραμματικῶν περίεργα γένη, ῥιζωρύχα μούσης ### book 322.1.2 ἀλλοτρίης, ἀτυχεῖς σῆτες ἀκανθοβάται, ### book 322.1.3 τῶν μεγάλων κηλῖδες, ἐπ’ Ἠρίννῃ δὲ κομῶντες, ### book 322.1.4 πικροὶ καὶ ξηροὶ Καλλιμάχου πρόκυνες, ### book 322.5 ποιητῶν λῶβαι, παισὶ σκότος ἀρχομένοισιν, ### book 322 ἔρροιτ’, εὐφώνων λαθροδάκναι κόριες. ### book 323.1.1 Ῥῶ καὶ λάμβδα μόνον κόρακας κολάκων διορίζει· ### book 323.1.2 λοιπὸν ταὐτὸ κόραξ βωμολόχος τε κόλαξ. ### book 323.1.3 τοὔνεκά μοι, βέλτιστε, τόδε ζῷον πεφύλαξο ### book 323.1.4 εἰδὼς καὶ ζώντων τοὺς κόλακας κόρακας. ### book 324.1.1 Δέξαι, Φοῖβε, τὸ δεῖπνον, ὅ σοι φέρω. —„Ἤν τις ἐάσῃ, ### book 324.1.2 δέξομαι.“ —Εἶτα φοβῇ καὶ σύ τι, Λητοΐδη; — ### book 324.1.3 „Οὐδένα τῶν ἄλλων πλὴν Ἄρριον· οὗτος ἔχει γὰρ ### book 324.1.4 ἅρπαγος ἰκτίνου χεῖρα κραταιοτέρην, ### book 324.5.1 ἀκνίσου βωμοῖο νεωκόρος· ἢν τελέσῃ δὲ ### book 324.5.2 τὴν πομπήν, ἄρας ᾤχεθ’ ἅπαντα πάλιν. ### book 324.5.3 ἐν Διὸς ἀμβροσίῃ πολλὴ χάρις· εἷς γὰρ ἂν ὑμέων ### book 324.5.4 ἤμην, εἰ λιμοῦ καὶ θεὸς ᾐσθάνετο.“ ### book 325.1.1 Ἐχθὲς δειπνήσας τράγεον πόδα καὶ δεκαταῖον ### book 325.1.2 κανναβίνης κράμβης μήλινον ἀσπάραγον ### book 325.1.3 εἰπεῖν τὸν καλέσαντα φυλάσσομαι· ἔστι γὰρ ὀξύς, ### book 325.1.4 καὶ φόβος οὐχ ὁ τυχών, μή με πάλιν καλέσῃ. ### book 326.1.1 Πώγων καὶ λάσιαι μηρῶν τρίχες, ὡς ταχὺ πάντα ### book 326.1.2 ὁ χρόνος ἀλλάσσει· Κόννιχε, τοῦτ’ ἐγένου. ### book 326.1.3 οὐκ ἔλεγον· „Μὴ πάντα βαρὺς θέλε μηδὲ βάναυσος ### book 326.1.4 εἶναι· καὶ κάλλους εἰσί τινες Νεμέσεισ“; ### book 326.5 ἦλθες ἔσω μάνδρης, ὑπερήφανε· νῦν ὅτι βούλει, ### book 326 οἴδαμεν, ἀλλ’ ἐξῆν καὶ τότ’ ἔχειν σε φρένας. ### book 327.1.1 Τὴν ξηρὴν ἐπὶ νῶτα Λυκαινίδα, τὴν Ἀφροδίτης ### book 327.1.2 λώβην, τὴν ἐλάφου παντὸς ἀπυγοτέρην, ### book 327.1.3 αἰπόλος ᾗ μεθύων οὐκ ἄν ποτε, φασί, συνῴκει. ### book 327.1.4 γοῖ, γοῖ, τοιαῦται Σιθονίων ἄλοχοι. ### book 328.1.1 Τὴν μίαν Ἑρμογένης κἀγώ ποτε καὶ Κλεόβουλος ### book 328.1.2 ἤγομεν εἰς κοινὴν Κύπριν Ἀριστοδίκην· ### book 328.1.3 ἧς ἔλαχον μὲν ἐγὼ πολιὴν ἅλα ναιέμεν αὐτός· ### book 328.1.4 εἷς γὰρ ἕν, οὐ πάντες πάντα, διειλόμεθα. ### book 328.5.1 Ἑρμογένης δ’ ἔλαχε στυγερὸν δόμον εὐρώεντα, ### book 328.5.2 ὕστατον, εἰς ἀφανῆ χῶρον ὑπερχόμενος, ### book 328.5.3 ἔνθ’ ἀκταὶ νεκύων καὶ ἐρινεοὶ ἠνεμόεντες ### book 328.5.4 δινεῦνται πνοιῇ δυσκελάδων ἀνέμων. ### book 328.5.5 Ζῆνα δὲ θὲς Κλεόβουλον, ὃς οὐρανὸν εἰσαναβαίνειν, ### book 328.10.1 τὸ ψολόεν κατέχων ἐν χερὶ πῦρ, ἔλαχεν. ### book 328.10.2 γῆ δ’ ἔμενε ξυνὴ πάντων· ψίαθον γὰρ ἐν αὐτῇ ### book 328.10.3 στρώσαντες τὴν γραῦν ὧδε διειλόμεθα. ### book 329.1.1 Δημῶναξ, μὴ πάντα κάτω βλέπε, μηδὲ χαρίζου ### book 329.1.2 τῇ γλώσσῃ· δεινὴν χοῖρος ἄκανθαν ἔχει. ### book 329.1.3 καὶ σὺ ζῇς ἡμῖν, ἐν Φοινίκῃ δὲ καθεύδεις ### book 329 κοὐκ ὢν ἐκ Σεμέλης μηροτραφὴς γέγονας. ### book 330.1.1 Ἐκλήθην ἐχθές, Δημήτριε· σήμερον ἦλθον ### book 330.1.2 δειπνεῖν. μὴ μέμψῃ, κλίμακ’ ἔχεις μεγάλην· ### book 330.1.3 ἐν ταύτῃ πεποίηκα πολὺν χρόνον· οὐδ’ ἂν ἐσώθην ### book 330.1.4 σήμερον, ἀλλ’ ἀνέβην κέρκον ὄνου κατέχων. ### book 330.5.1 ἧψαι τῶν ἄστρων· Ζεὺς ἡνίκα τὸν Γανυμήδην ### book 330.5.2 ἥρπασε, τῇδ’ αὐτόν, φαίνετ’, ἔχων ἀνέβη. ### book 330.5.3 ἔνθεν δ’ εἰς Ἀίδην ποτ’ ἀφίξεαι; οὐκ ἀφυὴς εἶ· ### book 330.5.4 εὕρηκας τέχνην, πῶς ἔσῃ ἀθάνατος. ### book 331.1.1 Εἶχε Φίλων λέμβον Σωτήριχον· ἀλλ’ ἐν ἐκείνῳ ### book 331.1.2 σωθῆν’ οὐδὲ Ζεὺς αὐτὸς ἴσως δύναται. ### book 331.1.3 οὔνομα γὰρ μόνον ἦν Σωτήριχος, οἱ δ’ ἐπιβάντες ### book 331.1.4 ἔπλεον ἢ παρὰ γῆν ἢ παρὰ Φερσεφόνην. ### book 332.1.1 Οὐ πλεῖν, ἀλλ’ ἀντλεῖν ἡμᾶς Εἴκανδρος ὁ πρωρεὺς ### book 332.1.2 εἰς τὴν εἰκόσορον φαίνεται ἐμβιβάσας· ### book 332.1.3 οὐκ ὀλίγον γὰρ ἔνεστιν ὕδωρ ἔσω, ἀλλ’ ὁ Ποσειδῶν ### book 332.1.4 ἐν ταύτῃ διαπλεῖν φαίνεται εἰς τὸ πέραν· ### book 332.5.1 νῦν πρῶτον ναῦς ὦπται ὑδρωπική, ἀλλά γε 〈δείδω〉, ### book 332.5.2 μὴ σορὸν οὖσαν ἴδῃς τὴν πάλαι εἰκόσορον. ### book 333.1 Φαρμακίοισι Ῥόδων λέπραν καὶ χοιράδας αἴρει, ### book 333 τἆλλα δὲ πάντ’ αἴρει καὶ δίχα φαρμακίων. ### book 334.1.1 Δαμαγόραν καὶ λοιμὸν ἰσόψηφόν τις ἀκούσας ### book 334.1.2 ἔστης’ ἀμφοτέρων τὸν τρόπον ἐκ κανόνος· ### book 334.1.3 εἰς τὸ μέρος δὲ καθείλκετ’ ἀνελκυσθὲν τὸ τάλαντον ### book 334.1.4 Δαμαγόρου, λοιμὸν δ’ εὗρεν ἐλαφρότερον. ### book 335.1.1 Ὦ τλῆμον Κυνέγειρε, καὶ ἐν ζωοῖς καὶ ἀπελθὼν ### book 335.1.2 ὡς αἰεὶ κόπτῃ ῥήμασι καὶ κοπίσιν. ### book 335.1.3 πρόσθε μὲν ἐν πολέμοισι τεὴ πέσε μαρναμένη χείρ, ### book 335.1.4 νῦν δέ ς’ ὁ γραμματικὸς καὶ ποδὸς ἐστέρισεν. ### book 336.1.1 Τῆς Ἀσίης τὰ λάφυρα λαβὼν ἔπλευσε Καρῖνος ### book 336.1.2 ἤματι χειμερίῳ δυομένων Ἐρίφων· ### book 336.1.3 εἶδε καὶ Ἀδράστεια τὸ φορτίον· ὃς δ’ ἐφορώσης ### book 336.1.4 ᾤχετο καὶ πελάγους δαίμοσιν ἐγγελάσας. ### book 337.1.1 Βουλεύεις, Ἀγαθῖνε· τὸ βῆτα δὲ τοῦτ’ ἐπρίω νῦν, ### book 337.1.2 εἰπέ, πόσης τιμῆς; δέλτα γὰρ ἦν πρότερον. ### book 338.1 Τὴν φωνὴν ἐνοπήν σε λέγειν ἐδίδαξεν Ὅμηρος· ### book 338 τὴν γλῶσσαν δ’ ἐνοπὴν τίς ς’ ἐδίδαξεν ἔχειν; ### book 339.1.1 Τὴν κεφαλὴν σείεις καὶ τὴν πυγὴν ἀνασείεις· ### book 339.1.2 ἓν μὲν μαινομένου, ἓν δὲ περαινομένου. ### book 340.1.1 Ὤμοσα μυριάκις ἐπιγράμματα μηκέτι ποιεῖν, ### book 340.1.2 πολλῶν γὰρ μωρῶν ἔχθραν ἐπεσπασάμην· ### book 340.1.3 ἀλλ’ ὁπόταν κατίδω τοῦ Παφλαγόνος τὸ πρόσωπον ### book 340.1.4 Πανταγάθου, στέξαι τὴν νόσον οὐ δύναμαι. ### book 341.1.1 Αἰνίζειν μὲν ἄριστον, ὁ δὲ ψόγος ἔχθεος ἀρχή, ### book 341.1.2 ἀλλὰ κακῶς εἰπεῖν Ἀττικόν ἐστι μέλι. ### book 342.1.1 Κήλην κηλήτου μὴ φαινομένου προτέθηκας. ### book 342.1.2 μή μοι τὴν κήλην· αὐτὸν ἰδεῖν δέομαι. ### book 343.1 Σιλβανὸς δύο παῖδας ἔχων, Οἶνόν τε καὶ Ὕπνον, ### book 343.2 οὐκέτι τὰς Μούσας οὐδὲ φίλους φιλέει· ### book 343.3 ἀλλ’ ὁ μὲν ἐκ λεχέων νιν ἐύρροος ἐς φρένα θέλγει, ### book 343 ἄλλος δ’ ἐς θαλάμους ῥεγχόμενον κατέχει. ### book 344.1 Μητρόδοτος στυγέων πρασίνων αἰώνιον ἄχθος ### book 344.2 μνημοσύνην μίσους τήνδε τράπεζαν ἔχει. ### book 345.1 Μητρόφανες, κύκνοψι, δασύθριξ, δῖε πελαργέ, ### book 345.2 τῇ καὶ τῇ κραδάων κεφαλὴν γεράνοισιν ὁμοίην ### book 345.3 μηκεδανὸν καράκαλλον ὑπὲκ δαπέδοιο κομίζεις. ### book 346.1.1 Μέχρι τίνος, Πολύκαρπε, κενῆς παράσιτε τραπέζης, ### book 346.1.2 λήσῃ κερματίοις χρώμενος ἀλλοτρίοις; ### book 346.1.3 οὐ γὰρ ἔτ’ εἰν ἀγορῇ σε βλέπω πολύν, ἀλλ’ ὑποκάμπτεις ### book 346.1.4 ἤδη καὶ ζητεῖς, ποῖ σε φέρωσι πόδες. ### book 346.5.1 πᾶσιν ἐπαγγέλλῃ· „Κόμισαι τὸ σὸν αὔριον· ἔρχου ### book 346.5.2 καὶ λάβε.“ κοὐδ’ ὀμόσας οὐκέτι πίστιν ἔχεις. ### book 346.5.3 Κυζικόθεν σε φέρων ἄνεμος Σαμόθρᾳξι πέλασσεν· ### book 346.5.4 τοῦτό σε τοῦ λοιποῦ τέρμα μένει βιότου. ### book 347.1.1 Χαίροιθ’, οἱ περὶ κόσμον ἀεὶ πεπλανηκότες ὄμμα ### book 347.1.2 οἵ τ’ ἀπ’ Ἀριστάρχου σῆτες ἀκανθολόγοι. ### book 347.1.3 ποῖ γὰρ ἐμοὶ ζητεῖν, τίνας ἔδραμεν Ἥλιος οἴμους ### book 347.1.4 καὶ τίνος ἦν Πρωτεὺς καὶ τίς ὁ Πυγμαλίων; ### book 347.5 γινώσκοιμ’, ὅσα λευκὸν ἔχει στίχον· ἡ δὲ μέλαινα ### book 347 ἱστορίη τήκοι τοὺς Περικαλλιμάχους. ### book 348.1.1 Ὦ θηρῶν βροτὲ μᾶλλον ἀνήμερε, πάντα σε μισεῖ, ### book 348.1.2 πατρολέτωρ· πάντῃ δ’ ἐκδέχεταί σε μόρος. ### book 348.1.3 ἢν ἐπὶ γῆς φεύγῃς, ἀγχοῦ λύκος· ἢν δὲ πρὸς ὕψος ### book 348.1.4 δενδροβατῇς, ἀσπὶς δεῖμ’ ὑπὲρ ἀκρεμόνων. ### book 348.5.1 πειράζεις καὶ Νεῖλον; ὁ δ’ ἐν δίναις κροκόδειλον ### book 348.5.2 ἔτρεφεν, εἰς ἀσεβεῖς θῆρα δικαιότατον. ### book 349.1.1 Εἰπέ, πόθεν σὺ μετρεῖς κόσμον καὶ πείρατα γαίης ### book 349.1.2 ἐξ ὀλίγης γαίης σῶμα φέρων ὀλίγον. ### book 349.1.3 σαυτὸν ἀρίθμησον πρότερον καὶ γνῶθι σεαυτόν, ### book 349.1.4 καὶ τότ’ ἀριθμήσεις γαῖαν ἀπειρεσίην. ### book 349.5.1 εἰ δ’ ὀλίγον πηλὸν τοῦ σώματος οὐ καταριθμεῖς, ### book 349.5.2 πῶς δύνασαι γνῶναι τῶν ἀμέτρων τὰ μέτρα; ### book 350.1.1 Νήπιε, πῶς σε λέληθε Δίκης ζυγόν, οὐ νοέεις δὲ ### book 350.1.2 ἀνδράσιν οὐχ ὁσίοις ψῆφον ὀφειλομένην; ### book 350.1.3 ῥήτρῃ πιστεύεις πυκινόφρονι σῇ τε μενοινῇ ### book 350.1.4 ποικίλον αὐδῆσαι μῦθον ἐπισταμένῃ. ### book 350.5 ἐλπίζειν ἔξεστι· Θέμιν δ’ οὐκ οἶδεν ἀμεῖψαι ### book 350 τῆς σῆς ἠλεμάτου παίγνια φαντασίης. ### book 351.1.1 Τῷ πτισάνην πωλοῦντι τὸ κελλίον ἐχθὲς ἔδωκα ### book 351.1.2 καὶ φοβερὸν πύκτην σήμερον εὗρον ἔσω. ### book 351.1.3 ὡς δ’ ἔλεγον „Σὺ τίς εἶ; πόθεν ἤλυθες ἡμέτερον δῶ;“ ### book 351.1.4 πυγμαχίης κατ’ ἐμοῦ χεῖρας ἀνέσχεν ἄνω. ### book 351.5.1 ψύττα δ’ ἐγὼ κατέτεινα φοβεύμενος ἄγριον ἄνδρα, ### book 351.5.2 τὸν πτισανᾶν πύκτην ἐξαπίνης ὁρόων. ### book 351.5.3 ἀλλά σε πρὸς πύκτου Πολυδεύκεος ἠδὲ καὶ αὐτοῦ ### book 351.5.4 Κάστορος ἱκνοῦμαι καὶ Διὸς ἱκεσίου, ### book 351.5.5 τὸν πύκτην ἀπόκρουσον, ἐμὸν χόλον· οὐ δύναμαι γὰρ ### book 351.10 πυκτεύειν καθάπαξ μηνὸς ἐπερχομένου. ### book 352.1.1 Τὸν σοφὸν ἐν κιθάρῃ, τὸν μουσικὸν Ἀνδροτίωνα ### book 352.1.2 εἴρετό τις τοίην κρουματικὴν σοφίην· ### book 352.1.3 „Δεξιτερὴν ὑπάτην ὁπότε πλήκτροισι δόνησας, ### book 352.1.4 ἡ λαιὴ νήτη πάλλεται αὐτομάτως ### book 352.5.1 λεπτὸν ὑποτρύζουσα καὶ ἀντίτυπον τερέτισμα ### book 352.5.2 πάσχει τῆς ἰδίης πλησσομένης ὑπάτης, ### book 352.5.3 ὥστε με θαυμάζειν, πῶς ἄπνοα νεῦρα ταθέντα ### book 352.5.4 ἡ φύσις ἀλλήλοις θήκατο συμπαθέα.“ ### book 352.5.5 ὃς δὲ τὸν ἐν πλήκτροισιν Ἀριστόξεινον ἀγητὸν ### book 352.10.1 ὤμοσε μὴ γνῶναι τήνδε θεημοσύνην· ### book 352.10.2 „Ἔστι,“ δ’ ἔφη, „λύσις ἥδε· τὰ νευρία πάντα τέτυκται ### book 352.10.3 ἐξ ὄιος χολάδων ἄμμιγα τερσομένων· ### book 352.10.4 τοὔνεκέν εἰσιν ἀδελφὰ καὶ ὡς ξύμφυλα συνηχεῖ ### book 352.10.5 ξυγγενὲς ἀλλήλων φθέγμα μεριζόμενα. ### book 352.15.1 γνήσια γὰρ τάδε πάντα, μιῆς ἅτε γαστρὸς ἐόντα, ### book 352.15.2 καὶ τῶν ἀντιτύπων κληρονομεῖ πατάγων. ### book 352.15.3 καὶ γὰρ δεξιὸν ὄμμα κακούμενον ὄμματι λαιῷ ### book 352 πολλάκι τοὺς ἰδίους ἀντιδίδωσι πόνους.“ ### book 353.1.1 Ἑρμολύκου θυγάτηρ μεγάλῳ παρέλεκτο πιθήκῳ· ### book 353.1.2 ἡ δ’ ἔτεκεν πολλοὺς Ἑρμοπιθηκιάδας. ### book 353.1.3 εἰ δ’ Ἑλένην ὁ Ζεὺς καὶ Κάστορα καὶ Πολυδεύκην ### book 353.1.4 ἐκ Λήδης ἔτεκεν κύκνον ἀμειψάμενος, ### book 353.5.1 Ἑρμιόνῃ γε Κόραξ παρελέξατο· ἡ δὲ τάλαινα ### book 353.5.2 φρικτῶν δαιμονίων ἑρμαγέλην ἔτεκεν. ### book 354.1.1 Ἄλλον Ἀριστοτέλην, Νικόστρατον, ἰσοπλάτωνα, ### book 354.1.2 σκινδαλαμοφράστην αἰπυτάτης σοφίης, ### book 354.1.3 τοῖα περὶ ψυχῆς τις ἀνείρετο· „Πῶς θέμις εἰπεῖν ### book 354.1.4 τὴν ψυχήν; θνητὴν ἢ πάλιν ἀθάνατον; ### book 354.5.1 σῶμα δὲ δεῖ καλέειν ἢ ἀσώματον; ἐν δὲ νοητοῖς ### book 354.5.2 τακτέον ἢ ληπτοῖς ἢ τὸ συναμφότερον;“ ### book 354.5.3 αὐτὰρ ὃ τὰς βίβλους ἀνελέξατο τῶν μετεώρων ### book 354.5.4 καὶ τὸ περὶ ψυχῆς ἔργον Ἀριστοτέλους, ### book 354.5.5 καὶ παρὰ τῷ Φαίδωνι Πλατωνικὸν ὕψος ἐπιγνοὺς ### book 354.10.1 πᾶσαν ἐνησκήθη πάντοθεν ἀτρεκίην. ### book 354.10.2 εἶτα περιστέλλων τὸ τριβώνιον, εἶτα γενείου ### book 354.10.3 ἄκρα καταψήχων τὴν λύσιν ἐξέφερεν· ### book 354.10.4 „Εἴπερ ὅλως ἔστι ψυχῆς φύσις—οὐδὲ γὰρ οἶδα—, ### book 354.10.5 ἢ θνητὴ πάντως ἐστὶν ἢ ἀθάνατος, ### book 354.15.1 στεγνοφυὴς ἢ ἄυλος· ὅταν δ’ Ἀχέροντα περήσῃς, ### book 354.15.2 κεῖθι τὸ νημερτὲς γνώσεαι ὡς ὁ Πλάτων. ### book 354.15.3 εἰ δ’ ἐθέλεις, τὸν παῖδα Κλεόμβροτον Ἀμβρακιώτην ### book 354.15.4 μιμοῦ καὶ τεγέων σὸν δέμας ἐκχάλασον· ### book 354.15.5 καί κεν ἐπιγνοίης δίχα σώματος αὐτίκα σαυτὸν ### book 354.20 μοῦνον, ὅπερ ζητεῖς, τοῦθ’ ὑπολειπόμενος.“ ### book 355.1.1 „Πάντα μὲν οἶδα,“ λέγεις, ἀτελὴς δ’ ἐν πᾶσιν ὑπάρχεις· ### book 355.1.2 γευόμενος πάντων οὐδὲν ἔχεις ἴδιον. ### book 356.1.1 Εἰς σὲ καὶ ἀψευδὴς ἐψεύσατο βίβλος Ὁμήρου, ### book 356.1.2 ὁπλοτέρων ἐνέπουσα μετήορα δήνεα φωτῶν. ### book 357.1.1 Υἱὸς καὶ γενετὴρ δῆριν φιλόνεικον ἔθεντο, ### book 357.1.2 τίς πλέον ἐκδαπανῶν κλῆρον ἅπαντα φάγῃ. ### book 357.1.3 καὶ μετὰ τὴν βρῶσιν τὴν χρηματικὴν μάλα πᾶσαν ### book 357.1.4 ὕστατον ἀλλήλους λοιπὸν ἔχουσι φαγεῖν. ### book 358.1 Ῥουφινιανός, Ῥοῦφος ὢν δισύλλαβος, ### book 358.2 συνεξέτεινε τοῖς κακοῖς τὰς συλλαβάς· ### book 358.3 οὐ λανθάνει δὲ τὴν δισύλλαβον Δίκην. ### book 358.4 κληθήσεται γὰρ καὶ δισύλλαβος πάλιν ### book 358.5 Ῥοῦφος κακοῦργος καὶ γόης, ὡς ἦν ποτέ. ### book 359.1 Ὦ τῆς ἁπάσης δυνάμεως ὑπέρτατε, ### book 359.2 σῶσόν με τὸν δύστηνον ἐκ παντὸς φθόνου· ### book 359.3 θέλεις ἀκοῦσαι, βούλομαι κἀγὼ λέγειν· ### book 359.4 τὸ γὰρ θέλημα τὴν χάριν τίκτει διπλῆν, ### book 359.5.1 διπλοῦν τε κάλλος τῷ λόγῳ χαρίζεται ### book 359.5.2 λέγοντι κόσμος καὶ κλύοντι σεμνότης· ### book 359.5.3 φωστὴρ γὰρ εἶ σὺ καὶ λόγων καὶ τῶν νόμων ### book 359.5.4 νόμοις δικάζων καὶ λόγοισιν ἐκπρέπων. ### book 359.5.5 Αἴλουρον εἶδον χρυσίου τὸν πρίγκιπα ### book 359.10 ἢ βδέλλαν ὠμήν, χρυσοκόλλητον χόλον. ### book 360.1 Νῦν ὁ στρατηγὸς Ἑρμανούβης ἐγένετο ### book 360.2 κύων ἀδελφοὺς συλλαβὼν Ἑρμᾶς δύο ### book 360.3 ἀσημοκλέπτας συνδεθέντας σχοινίῳ, ### book 360.4 ψυχροὺς ἀώρους Ταρταρίους τε δαίμονας. ### book 360.5.1 οὐκ οἶδα χῶρον τοῦ τρόπου κατήγορον· ### book 360.5.2 τρόπον δὲ χώρου τὸν κατήγορον λέγω. ### book 361.1.1 Ἡμίονοι σύγγηροι ἐμὴν κομέουσιν ἀπήνην ### book 361.1.2 ταῖσιν Ὁμηρείοις πάντα Λιταῖς ἴκελαι, ### book 361.1.3 χωλαί τε ῥυσαί τε παραβλῶπές τ’ ὀφθαλμώ, ### book 361.1.4 Ἡφαίστου πομπή, σκύτινα δαιμόνια, ### book 361.5.1 οὔ ποτε γευσάμεναι, μὰ τὸν Ἥλιον, οὐδ’ ἐν ὀνείρῳ, ### book 361.5.2 οὐ θέρεος κριθήν, οὐκ ἔαρος βοτάνην. ### book 361.5.3 τοὔνεκ’ ἐμεῦ μὲν ἕκητι βίον ζώοιτε κορώνης ### book 361 〈ἢ ἐλάφου κε〉νεὴν ἠέρα βοσκόμεναι. ### book 362.1.1 Εὐδαίμων, ὅτι τἆλλα μανεὶς ὡρχαῖος Ὀρέστας, ### book 362.1.2 Λεύκαρε, τὰν λίαν οὐκ ἐμάνη μανίαν ### book 362.1.3 οὐδ’ ἔλαβ’ ἐξέτασιν τῶ Φωκέος, ἅτις ἐλέγχει ### book 362.1.4 τὸν φίλον· ἀλλ’ αἰ χἢν δρᾶμ’ ἐδίδαξε μόνον, ### book 362.5.1 ἦ τάχα κα τὸν ἑταῖρον ἀπώλεσε· τοῦτο ποήσας ### book 362.5.2 κἠγὼ τὼς πολλὼς οὐκέτ’ ἔχω Πυλάδας. ### book 363.1.1 Οὐκέτ’ Ἀλεξανδρεῦσι τὰ τίμια, χὠ Πτολεμαίου ### book 363.1.2 Μόσχος ἐν ἠιθέοις λαμπάδι κῦδος ἔχει, ### book 363.1.3 ὁ Πτολεμαίου Μόσχος. ἰὼ πόλι. ποῦ δὲ τὰ μητρὸς ### book 363.1.4 αἴσχεα πάνδημοί τ’ ἐργασίαι τέγεος; ### book 363.5.1 ποῦ δὲ 〈κασαύρια; ποῦ δὲ〉 συφόρβια; τίκτετε, πόρναι, ### book 363.5.2 τίκτετε τῷ Μόσχου πειθόμεναι στεφάνῳ. ### book 364.1.1 Οὗτος ὁ μηδέν, ὁ λιτός, ὁ καὶ λάτρις, οὗτος, ὁρᾶτε, ### book 364.1.2 ἐστί τινος ψυχῆς κύριος ἀλλοτρίης. ### book 365.1.1 Καλλιγένης ἀγροῖκος, ὅτε σπόρον ἔμβαλε γαίῃ, ### book 365.1.2 οἶκον Ἀριστοφάνους ἦλθεν ἐς ἀστρολόγου· ### book 365.1.3 ᾔτεε δ’ ἐξερέειν, εἴπερ θέρος αἴσιον αὐτῷ ### book 365.1.4 ἔσται καὶ σταχύων ἄφθονος εὐπορίη. ### book 365.5 ὃς δὲ λαβὼν ψηφῖδας, ὑπὲρ πίνακός τε πυκάζων ### book 365.1 δάκτυλά τε γνάμπτων φθέγξατο Καλλιγένει· ### book 365.2 „Εἴπερ ἐπομβρηθῇ τὸ ἀρούριον, ὅσσον ἀπόχρη, ### book 365.3 μηδέ τιν’ ὑλαίην τέξεται ἀνθοσύνην, ### book 365.4 μηδὲ πάγος ῥήξῃ τὴν αὔλακα, μηδὲ χαλάζῃ ### book 365.10.1 ἄκρον ἀποδρυφθῇ δράγματος ὀρνυμένου, ### book 365.10.2 μηδὲ κεμὰς κείρῃσι τὰ λήια, μηδέ τιν’ ἄλλην ### book 365.10.3 ἠέρος ἢ γαίης ὄψεται ἀμπλακίην, ### book 365.10.4 ἐσθλόν σοι τὸ θέρος μαντεύομαι, εὖ δ’ ἀποκόψεις ### book 365.10.5 τοὺς στάχυας· μούνας δείδιθι τὰς ἀκρίδας.“ ### book 366.1.1 Φειδωλός τις ἀνὴρ ἁφόων θησαυρὸν ὀνείρῳ ### book 366.1.2 ἤθελ’ ἀποθνῄσκειν πλούσιον ὕπνον ἔχων· ### book 366.1.3 ὡς δ’ ἴδε τὴν προτέρην σκιόεν μετὰ κέρδος ὀνείρου ### book 366.1.4 ἐξ ὕπνου πενίην, ἀντικάθευδε πάλιν. ### book 367.1.1 Ὄψιν ἔχεις στρουθῷ πανομοίιον. ἦ ῥά σε Κίρκη ### book 367.1.2 ἐς πτηνὴν μετέθηκε φύσιν κυκεῶνα πιόντα. ### book 368.1.1 Ἀμητὸς πολύς ἐστι τεὴν κατὰ δάσκιον ὄψιν· ### book 368.1.2 τῷ σε χρὴ δρεπάνοισι καὶ οὐ ψαλίδεσσι καρῆναι. ### book 369.1 Ἀσφαλέως οἴκησον ἐν ἄστεϊ, μή σε κολάψῃ ### book 369 αἵματι Πυγμαίων ἡδομένη γέρανος. ### book 370.1.1 Οὐ λαλέει τὸ κάτοπτρον· ἐγὼ δέ σε πᾶσιν ἐλέγξω ### book 370.1.2 τὴν νοθοκαλλοσύνην φύκεϊ χριομένην. ### book 370.1.3 τοῦτο καὶ ἡδυλύρης ποτὲ Πίνδαρος ... ἐλέγχων ### book 370.1.4 εἶπεν „Ἄριστον ὕδωρ,“ φύκεος ἐχθρότατον. ### book 371.1.1 Μή με κάλει δίσκων ἐπιίστορα λιμοφορήων ### book 371.1.2 βρωτύν μοι φορέων τὴν κολοκυνθιάδα. ### book 371.1.3 ἀργυρέην ὕλην οὐ τρώγομεν, ἣν παραβάλλεις ### book 371.1.4 λιμῷ κρητίζων τοὺς μελέους πίνακας. ### book 371.5.1 ζήτει νηστεύοντας ἐς ἀργυρέην ἐπίδειξιν, ### book 371.5.2 καὶ τότε θαυμάζῃ κοῦφον ἄσημον ἔχων. ### book 372.1.1 Σῶμα φέρων σκιοειδές, ἀδερκέι σύμπνοον αὔρῃ, ### book 372.1.2 μή ποτε θαρσήσῃς ἄγχι τινὸς πελάσαι, ### book 372.1.3 μή τις ἔσω μυκτῆρος ἀναπνείων σε κομίσσῃ ### book 372.1.4 ἄσθματος ἠερίου πολλὸν ἀφαυρότερον. ### book 372.5.1 οὐ σὺ μόρον τρομέεις· τότε γὰρ πάλιν οὐδὲν ἀμείψας ### book 372.5.2 ἔσσεαι ὡσαύτως φάσμα, τόπερ τελέθεις. ### book 373.1 Πάντων μουσοπόλων ἡ Καλλιόπη θεός ἐστιν· ### book 373 ἡ σὴ Καλλιόπη Ταβλιόπη λέγεται. ### book 374.1.1 Τῷ ψιμύθῳ μὲν ἀεὶ λιποσαρκέα τεῖνε παρειήν, ### book 374.1.2 Λαοδίκη, λαοῖς ἔνδικα τινυμένη· ### book 374.1.3 μή ποτε δ’ εὐρύνῃς σέο χείλεα. τίς γὰρ ὀδόντων ### book 374.1.4 ὄρχατον ἐμπήξει φαρμακόεντι δόλῳ; ### book 374.5.1 τὴν χάριν ἐξέρρευσας, ὅσην ἔχες· οὐκ ἀπὸ πηγῆς ### book 374.5.2 ἀγλαΐη μελέων ἕλκεται ἀενάου. ### book 374.5.3 ὡς δὲ ῥόδον θαλέθεσκες ἐν εἴαρι· νῦν δ’ ἐμαράνθης ### book 374.5.4 γήραος αὐχμηρῷ καρφομένη θέρεϊ. ### book 375.1.1 Ἔπταρον ἄγχι τάφοιο καὶ ἤθελον αὐτόθ’ ἀκοῦσαι, ### book 375.1.2 οἷά περ ὠισάμην μοῖραν ἐμῆς ἀλόχου. ### book 375.1.3 ἔπταρον εἰς ἀνέμους· ἄλοχον δέ μοι οὔ τι κιχάνει ### book 375.1.4 λύτρον ἐν ἀνθρώποις, οὐ νόσος, οὐ θάνατος. ### book 376.1.1 Ῥήτορα πρὸς Διόδωρον ἀνὴρ δείλαιος ἀπελθὼν ### book 376.1.2 εἴρετό μιν τοίης ἀμφὶ δικασπολίης· ### book 376.1.3 „Ἡμετέρη θεράπαινα φύγεν ποτέ· τὴν δέ τις εὑρὼν ### book 376.1.4 ἀλλοτρίην τ’ εἶναι λάτριν ἐπιστάμενος ### book 376.5.1 ζεῦξεν ἑῷ θεράποντι· τέκεν δ’ ὑπὸ παῖδας ἐκείνῳ. ### book 376.5.2 καὶ τίνι δουλεύειν εἰσὶ δικαιότεροι;“ ### book 376.5.3 ὃς δ’ ὅτε μερμήριξε καὶ ἔδρακε βίβλον ἑκάστην, ### book 376.5.4 εἶπεν ἐπιστρέψας γυρὸν ἐπισκύνιον· ### book 376.5.5 „Ἢ σοὶ ἢ τῷ ἑλόντι τεὴν θεράπαιναν ἀνάγκη ### book 376.10.1 δουλεύειν κείνους, ὧν χάριν ἐξερέεις· ### book 376.10.2 δίζεο δ’ εὐμενέοντα δικασπόλον, αἶψα δ’ ἀποίσῃ ### book 376 ψῆφον ἀρειοτέρην, εἴ γε δίκαια λέγεις.“ ### book 377.1.1 Ὄρνεον ἠσθίομεν κεκλημένοι ἄθλιον ἄνδρες ### book 377.1.2 ἄλλων ὀρνίθων βρώματα γινόμενοι· ### book 377.1.3 καὶ τὸν μὲν Τιτυὸν κατὰ γῆς δύο γῦπες ἔδουσιν, ### book 377.1.4 ἡμᾶς δὲ ζῶντας τέσσαρες αἰγυπιοί. ### book 378.1.1 Οὐ δύναμαι γαμετῆς καὶ γραμματικῆς ἀνέχεσθαι, ### book 378.1.2 γραμματικῆς ἀπόρου καὶ γαμετῆς ἀδίκου. ### book 378.1.3 ἀμφοτέρων τὰ πάθη θάνατος καὶ μοῖρα τέτυκται. ### book 378.1.4 τὴν οὖν γραμματικὴν νῦν μόλις ἐξέφυγον, ### book 378.5.1 οὐ δύναμαι δ’ ἀλόχου τῆς ἀνδρομάχης ἀναχωρεῖν· ### book 378.5.2 εἴργει γὰρ χάρτης καὶ νόμος Αὐσόνιος. ### book 379.1.1 Οὔ τις ἀλοιητῆρας ἰδεῖν τέτληκεν ὀδόντας ### book 379.1.2 ὑμετέρους, ἵνα σοῖς ἐν μεγάροις πελάσῃ· ### book 379.1.3 εἰ γὰρ ἀεὶ βούβρωστιν ἔχεις Ἐρυσίχθονος αὐτοῦ, ### book 379.1.4 ναὶ τάχα δαρδάψεις καὶ φίλον, ὃν καλέεις. ### book 379.5.1 ἀλλ’ οὐ σεῖο μέλαθρά με δέξεται· οὐ γὰρ ἔγωγε ### book 379.5.2 βήσομαι ὑμετέρῃ γαστρὶ φυλαξόμενος. ### book 379.5.3 εἰ δέ ποτ’ ἐς τεὸν οἶκον ἐλεύσομαι, οὐ μέγ’ ἄνυσσεν ### book 379.5.4 Λαρτιάδης Σκύλλης χάσμασιν ἀντιάσας· ### book 379.5.5 ἀλλ’ ἔσομαι πολύτλας τις ἐγὼ πλέον, εἴ σε περήσω ### book 379.10 Κύκλωπος κρυεροῦ μηδὲν ἐλαφρότερον. ### book 380.1.1 Παρθένος εὐπατέρεια Δίκη, πρέσβειρα πολήων, ### book 380.1.2 οὐ τὸν ἐν εὐσεβίῃ χρυσὸν ἀποστρέφεται· ### book 380.1.3 ἀλλὰ καὶ αὐτὰ τάλαντα Διὸς πάγχρυσα τελέσθη, ### book 380.1.4 οἷσι ταλαντεύει πάντα νόμον βιότου· ### book 380.5.1 „καὶ τότε δὴ χρύσεια πατὴρ ἐτίταινε τάλαντα,“ ### book 380.5.2 εἰ μὴ Ὁμηρείων ἐξελάθου χαρίτων. ### book 381.1.1 Πᾶσα γυνὴ χόλος ἐστίν· ἔχει δ’ ἀγαθὰς δύο ὥρας, ### book 381.1.2 τὴν μίαν ἐν θαλάμῳ, τὴν μίαν ἐν θανάτῳ. ### book 382.1.1 Κεῖτο μὲν Ἀλκιμένης κεκακωμένος ἐκ πυρετοῖο ### book 382.1.2 καὶ περὶ λαυκανίην βραγχὰ λαρυγγιόων ### book 382.1.3 νυσσόμενός τε τὸ πλευρὸν ἅτε ξιφέεσσιν ἀμυχθὲν ### book 382.1.4 καὶ θαμὰ δυσκελάδοις ἄσθμασι πνευστιόων· ### book 382.5.1 ἦλθε δὲ Καλλίγνωτος ὁ Κώιος, ὁ πλατυλέσχης, ### book 382.5.2 τῆς παιωνιάδος πληθόμενος σοφίης, ### book 382.5.3 πᾶσαν ἔχων πρόγνωσιν ἐν ἄλγεσιν, οὔ τι περιττὸν ### book 382.5.4 ἄλλο προαγγέλλων ἢ τὸ γενησόμενον. ### book 382.5.5 Ἀλκιμένους δ’ ἐδόκευεν ἀνάκλισιν ἔκ τε προσώπου ### book 382.10.1 φράζετο καὶ παλάμης ψαῦεν ἐπισταμένως ### book 382.10.2 καὶ τὸ περὶ κρισίμων φαέων ἐλογίζετο γράμμα ### book 382.10.3 πάντ’ ἀναπεμπάζων οὐχ ἑκὰς Ἱπποκράτους. ### book 382.10.4 καὶ τότε τὴν πρόγνωσιν ἐς Ἀλκιμένην ἀνεφώνει ### book 382.10.5 σεμνοπροσωπήσας καὶ σοβαρευόμενος· ### book 382.15 „Εἴ γε φάρυγξ βομβεῦσα καὶ ἄγρια τύμματα πλευροῦ ### book 382.1 καὶ πυρετῷ λήξῃ πνεῦμα δασυνόμενον, ### book 382.2 οὐκέτι τεθνήξει πλευρίτιδι· τοῦτο γὰρ ἡμῖν ### book 382.3 σύμβολον ἐσσομένης ἐστὶν ἀπημοσύνης. ### book 382.4 θάρσει· τὸν νομικὸν δὲ κάλει καὶ χρήματα σαυτοῦ ### book 382.20.1 εὖ διαθεὶς βιότου λῆγε μεριμνοτόκου, ### book 382.20.2 καί με τὸν ἰητρὸν προρρήσιος εἵνεκεν ἐσθλῆς ### book 382.20.3 ἐν τριτάτῃ μοίρῃ κάλλιπε κληρονόμον.“ ### book 383.1.1 Ἦν ἄρα καὶ κάνθωσι Τύχη χαλεπή τε καὶ ἐσθλή, ### book 383.1.2 καὶ Κρόνος ὡρονομεῖ τετραπόδων γένεσιν. ### book 383.1.3 ἐξότε γὰρ καὶ τοῦτον ὄνον χαλεπὸς χρόνος ἔσχεν, ### book 383.1.4 ἐξ ἀλαβαρχείης γραμματικοῦ γέγονεν. ### book 383.5.1 τλῆθι φέρειν λοιπόν, κανθήλιε· γραμματικοῖς γὰρ ### book 383.5.2 οὐδὲ τέλος κριθῇ, κρῖ δὲ μόνον λέγεται. ### book 384.1.1 Εἰ μοναχοί, τί τοσοίδε; τοσοίδε δέ, πῶς πάλι μοῦνοι; ### book 384.1.2 ὦ πληθὺς μοναχῶν ψευσαμένη μονάδα. ### book 385.1 Πλαστὸν ἔχεις τὸν ἔρωτα, φόβῳ δὲ φιλεῖς καὶ ἀνάγκῃ· ### book 385 τοῦ δὲ φιλεῖν οὕτως οὐδὲν ἀπιστότερον. ### book 386.1.1 Στυγνὴν τὴν Νίκην τις ἰδὼν κατὰ τὴν πόλιν ἐχθὲς ### book 386.1.2 εἶπε· „Θεὰ Νίκη, τίπτε πέπονθας ἄρα;“ ### book 386.1.3 ἡ δ’ ἀποδυρομένη καὶ μεμφομένη κρίσιν εἶπεν· ### book 386.1.4 „Οὐκ ἔγνως σὺ μόνος; Πατρικίῳ δέδομαι.“ ### book 386.5.1 ἦν ἄρα καὶ Νίκη πολυώδυνος, ἣν παρὰ θεσμὸν ### book 386.5.2 Πατρίκιος ναύτης ἥρπασεν ὡς ἄνεμον. ### book 387.1.1 Πάντες ἅπαξ τρώγουσιν· ὅταν δὲ τρέφῃ Σαλαμῖνος, ### book 387.1.2 οἴκαδ’ ἀριστῶμεν δεύτερον ἐρχόμενοι. ### book 388.1.1 Ἄχρις ἂν ᾖς ἄγαμος, Νουμήνιε, πάντα δοκεῖ σοι ### book 388.1.2 ἐν τῷ ζῆν εἶναι τῶν ἀγαθῶν ἀγαθά· ### book 388.1.3 εἶθ’ ὅταν εἰσέλθῃ γαμετή, πάλιν εὐθὺ δοκεῖ σοι ### book 388.1.4 ἐν τῷ ζῆν εἶναι πάντα κακῶν τὰ κακά. — ### book 388.5.1 „Ἀλλὰ χάριν τεκνίων.“ —Ἕξεις, Νουμήνιε, τέκνα ### book 388.5.2 χαλκὸν ἔχων· πτωχὸς δ’ οὐδὲ τὰ τέκνα φιλεῖ. ### book 389.1.1 Εἰ μὲν ζῇς ἐλάφου ταναὸν χρόνον ἠὲ κορώνης, ### book 389.1.2 συγγνώμη πλεῖστον πλοῦτον ἀγειρομένῳ· ### book 389.1.3 εἰ δέ τίς ἐσσι βροτῶν, οὓς αὐτίκα γῆρας ἰάπτει, ### book 389.1.4 μή σέ γ’ ἀπειρεσίων οἶστρος ἕλῃ κτεάνων· ### book 389.5 μὴ σὺ μὲν ἀτλήτοισιν ἐν ἄλγεσι θυμὸν ὀλέσσῃς, ### book 389 χρήσωνται δ’ ἄλλοι σοῖς ἀγαθοῖς ἀπόνως. ### book 390.1.1 Εἴ με φιλεῖς, ἔργῳ με φίλει καὶ μή μ’ ἀδικήσῃς ### book 390.1.2 ἀρχὴν τοῦ βλάπτειν τὴν φιλίαν θέμενος. ### book 390.1.3 πᾶσι γὰρ ἀνθρώποισιν ἐγὼ πολὺ κρέσσονά φημι ### book 390.1.4 τὴν φανερὰν ἔχθραν τῆς δολερῆς φιλίας. ### book 390.5.1 φασὶ δὲ καὶ νήεσσιν ἁλιπλανέεσσι χερείους ### book 390.5.2 τὰς ὑφάλους πέτρας τῶν φανερῶν σπιλάδων. ### book 391.1.1 Μῦν Ἀσκληπιάδης ὁ φιλάργυρος εἶδεν ἐν οἴκῳ ### book 391.1.2 καὶ „Τί ποιεῖς,“ φησίν, „φίλτατε μῦ, παρ’ ἐμοί;“ ### book 391.1.3 ἡδὺ δ’ ὁ μῦς γελάσας „Μηδέν, φίλε,“ φησί, „φοβηθῇς· ### book 391.1.4 οὐχὶ τροφῆς παρὰ σοὶ χρῄζομεν, ἀλλὰ μονῆς.“ ### book 392.1.1 Μύρμηκος πτερόεντος ὑπὲρ νώτοιο καθεσθεὶς ### book 392.1.2 Ἄδραστος ῥήτωρ τοῖον ἔλεξεν ἔπος· ### book 392.1.3 „Ἵπτασο· τὸν σὸν ἔχεις, ὦ Πήγασε, Βελλεροφόντην,“ ### book 392.1.4 φέρτατον ἡρώων, ἡμιθανῆ σκελετόν. ### book 393.1.1 Οὐκ ἔστιν θυγατρὸς μεῖζον βάρος· εἰ δὲ δοκεῖ σοι, ### book 393.1.2 Εὐκτήμων, εἶναι κοῦφον, ἄκουσον ἐμοῦ. ### book 393.1.3 ἔστιν σοὶ κήλη κἀμοὶ θυγάτηρ· λάβε ταύτην ### book 393 καὶ δός μοι κήλας ἀντὶ μιᾶς ἑκατόν. ### book 394.1 Ποιητὴς πανάριστος ἀληθῶς ἐστιν ἐκεῖνος, ### book 394.2 ὅστις δειπνίζει τοὺς ἀκροασαμένους. ### book 394.3 ἢν δ’ ἀναγινώσκῃ καὶ νήστιας οἴκαδε πέμπῃ, ### book 394.4 εἰς αὑτὸν τρεπέτω τὴν ἰδίαν μανίην. ### book 395.1.1 Πορδὴ ἀποκτέννει πολλοὺς ἀδιέξοδος οὖσα, ### book 395.1.2 πορδὴ καὶ σῴζει τραυλὸν ἱεῖσα μέλος. ### book 395.1.3 οὐκοῦν εἰ σῴζει καὶ ἀποκτέννει πάλι πορδή, ### book 395.1.4 τοῖς βασιλεῦσιν ἴσην πορδὴ ἔχει δύναμιν. ### book 396.1.1 Πολλάκις οἶνον ἔπεμψας ἐμοί, καὶ πολλάκις ἔγνων ### book 396.1.2 σοὶ χάριν ἡδυπότῳ νέκταρι τερπόμενος. ### book 396.1.3 νῦν δ’, εἴπερ με φιλεῖς, μὴ πέμψῃς· οὐ δέομαι γὰρ ### book 396.1.4 οἴνου τοιούτου μηκέτ’ ἔχων θρίδακας. ### book 397.1.1 Πολλὰς μυριάδας ψηφίζων Ἀρτεμίδωρος ### book 397.1.2 καὶ μηδὲν δαπανῶν ζῇ βίον ἡμιόνων, ### book 397.1.3 πολλάκις αἳ χρυσοῦ τιμαλφέα φόρτον ἔχουσαι ### book 397 πολλὸν ὑπὲρ νώτου, χόρτον ἔδουσι μόνον. ### book 398.1.1 Τὴν κεφαλὴν βάπτων τις ἀπώλεσε τὰς τρίχας αὐτὰς ### book 398.1.2 καὶ δασὺς ὢν λίαν ᾠὸν ἅπας γέγονεν. ### book 398.1.3 τοῦτο βαφεὺς ἐπόησε τὸ μηκέτι κουρέα τέμνειν ### book 398.1.4 μήτε κόμην λευκὴν μήτε μελαινομένην. ### book 399.1.1 Γραμματικός ποτ’ ὄνῳ ἐποχούμενος ἐξεκυλίσθη ### book 399.1.2 καὶ τῆς γραμματικῆς, ὡς λόγος, ἐξέπεσεν· ### book 399.1.3 εἶθ’ ἑξῆς ἐβίου κοινὸν βίον ὡς ἰδιώτης, ### book 399.1.4 ὧν ἐδίδασκεν ἀεί, μηδὲν ἐπιστάμενος. ### book 399.5.1 ἀλλὰ Γλύκων ἔπαθεν τοὐναντίον· ὢν γὰρ ἄπειρος ### book 399.5.2 καὶ κοινῆς γλώττης, οὐχ ὅτι γραμματικῆς, ### book 399.5.3 νῦν Λιβυκοὺς κάνθωνας ὀχούμενος, εἶτ’ ἀποπίπτων ### book 399.5.4 πολλάκις ἐξαίφνης γραμματικὸς γέγονεν. ### book 400.1.1 Ἵλαθι, Γραμματικὴ φυσίζοε, ἵλαθι, λιμοῦ ### book 400.1.2 φάρμακον εὑρομένη „Μῆνιν ἄειδε, θεά.“ ### book 400.1.3 νηὸν ἐχρῆν καὶ σοὶ περικαλλέα δωμήσασθαι ### book 400.1.4 καὶ βωμὸν θυέων μή ποτε δευόμενον. ### book 400.5 καὶ γὰρ σοῦ μεσταὶ μὲν ὁδοί, μεστὴ δὲ θάλασσα ### book 400 καὶ λιμένες, πάντων δέκτρια Γραμματική. ### book 401.1.1 Ἰητήρ τις ἐμοὶ τὸν ἑὸν φίλον υἱὸν ἔπεμψεν, ### book 401.1.2 ὥστε μαθεῖν παρ’ ἐμοὶ ταῦτα τὰ γραμματικά. ### book 401.1.3 ὡς δὲ τὸ „μῆνιν ἄειδε“ καὶ „ἄλγεα μυρί’ ἔθηκεν“ ### book 401.1.4 ἔγνω καὶ τὸ τρίτον τοῖσδ’ ἀκόλουθον ἔπος ### book 401.5.1 „πολλὰς δ’ ἰφθίμους ψυχὰς Ἄϊδι προΐαψεν,“ ### book 401.5.2 οὐκέτι μιν πέμπει πρός με μαθησόμενον. ### book 401.5.3 ἀλλά μ’ ἰδὼν ὁ πατήρ· „Σοὶ μὲν χάρις,“ εἶπεν, „ἑταῖρε· ### book 401.5.4 αὐτὰρ ὁ παῖς παρ’ ἐμοὶ ταῦτα μαθεῖν δύναται· ### book 401.5.5 καὶ γὰρ ἐγὼ πολλὰς ψυχὰς Ἄϊδι προϊάπτω ### book 401.10 καὶ πρὸς τοῦτ’ οὐδὲν γραμματικοῦ δέομαι.“ ### book 402.1.1 Μηδείς μοι ταύτην, Ἐρασίστρατε, τὴν σπατάλην σου ### book 402.1.2 ποιήσειε θεῶν, ᾗ σὺ κατασπαταλᾷς ### book 402.1.3 ἔσθων ἐκτραπέλως στομάχων κακὰ χείρονα λιμοῦ, ### book 402.1.4 οἷα φάγοιεν ἐμῶν ἀντιδίκων τεκνία. ### book 402.5.1 πεινάσαιμι γὰρ αὖθις ἔτι πλέον ἢ πρὶν ἐπείνων, ### book 402.5.2 ἢ χορτασθείην τῆς παρὰ σοὶ σπατάλης. ### book 403.1.1 Μισόπτωχε θεά, μούνη πλούτου δαμάτειρα, ### book 403.1.2 ἡ τὸ καλῶς ζῆσαι πάντοτ’ ἐπισταμένη, ### book 403.1.3 εἰ δὲ καὶ ἀλλοτρίοις ἐπιιζομένη ποσὶ χαίρεις ### book 403.1.4 πιλοφορεῖν τ’ οἶδας καὶ μύρα σοι μέλεται, ### book 403.5.1 τέρπει καὶ στέφανός σε καὶ Αὐσονίου πόμα Βάκχου· ### book 403.5.2 ταῦτα παρὰ πτωχοῖς γίνεται οὐδέποτε. ### book 403.5.3 τοὔνεκά νυν φεύγεις πενίης τὸν ἀχάλκεον οὐδόν, ### book 403 τέρπῃ δ’ αὖ πλούτου πρὸς πόδας ἐρχομένη. ### book 404.1.1 Οὐδέποτ’ εἰς πορθμεῖον ὁ κηλήτης Διόφαντος ### book 404.1.2 ἐμβαίνει μέλλων εἰς τὸ πέραν ἀπίναι· ### book 404.1.3 τῆς κήλης δ’ ἐπάνωθε τὰ φορτία πάντα τεθεικὼς ### book 404.1.4 καὶ τὸν ὄνον, διαπλεῖ σινδόν’ ἐπαράμενος. ### book 404.5.1 ὥστε μάτην Τρίτωνες ἐν ὕδασι δόξαν ἔχουσιν, ### book 404.5.2 εἰ καὶ κηλήτης ταὐτὸ ποιεῖν δύναται. ### book 405.1.1 Ὁ γρυπὸς Νίκων ὀσφραίνεται οἴνου ἄριστα, ### book 405.1.2 οὐ δύναται δ’ εἰπεῖν, οἷος ἂν ᾖ, ταχέως. ### book 405.1.3 ἐν τρισὶν ὥραις γὰρ θεριναῖς μόλις αἰσθάνετ’ αὐτὸς ### book 405.1.4 ὡς ἂν ἔχων πηχῶν ῥῖνα διακοσίων. ### book 405.5.1 ὢ μεγάλου μυκτῆρος· ὅταν ποταμὸν διαβαίνῃ, ### book 405.5.2 θηρεύει τούτῳ πολλάκις ἰχθύδια. ### book 406.1.1 Τοῦ γρυποῦ Νίκωνος ὁρῶ τὴν ῥῖνα, Μένιππε· ### book 406.1.2 αὐτὸς δ’ οὐ μακρὰν φαίνεται εἶναι ἔτι. ### book 406.1.3 πλὴν ἥξει, μείνωμεν ὅμως· εἰ γὰρ πολύ, πέντε ### book 406.1.4 τῆς ῥινὸς σταδίους, οἴομαι, οὐκ ἀπέχει. ### book 406.5 ἀλλ’ αὐτὴ μέν, ὁρᾷς, προπορεύεται· ἢν δ’ ἐπὶ βουνὸν ### book 406 ὑψηλὸν στῶμεν, καὐτὸν ἐσοψόμεθα. ### book 407.1.1 Τὸν λεπτὸν θακεῦντα Μενέστρατον εἴαρος ὥρῃ ### book 407.1.2 μύρμηξ ἐξελθὼν εἵλκυσεν εἰς ῥαγάδα· ### book 407.1.3 μυῖα δ’ ἐπιπτᾶς’ αὐτὸν ἀνήρπασεν, ὡς Γανυμήδην ### book 407.1.4 αἰετὸς εἰς θαλάμους οὐρανίους Κρονίδεω· ### book 407.5.1 πίπτεν δ’ ἐκ χειρῶν μυίης, κοὐδ’ ὣς θίγε γαίης, ### book 407.5.2 ἐκ δ’ ἀράχνης ἱστοῦ τῶν βλεφάρων κρέμαται. ### book 408.1.1 Τὴν κεφαλὴν βάπτεις, τὸ δὲ γῆρας οὔποτε βάψεις, ### book 408.1.2 οὐδὲ παρειάων ἐκτανύσεις ῥυτίδας. ### book 408.1.3 μὴ τοίνυν τὸ πρόσωπον ἅπαν ψιμύθῳ κατάπλαττε, ### book 408.1.4 ὥστε προσωπεῖον κοὐχὶ πρόσωπον ἔχειν. ### book 408.5.1 οὐδὲν γὰρ πλέον ἐστί. τί μαίνεαι; οὔποτε φῦκος ### book 408.5.2 καὶ ψίμυθος τεύξει τὴν Ἑκάβην Ἑλένην. ### book 409.1.1 Τετράκις ἀμφορέως περὶ χείλεσι χείλεα θεῖσα ### book 409.1.2 Σειληνὶς πάσας ἐξερόφησε τρύγας. ### book 409.1.3 εὐχαίτα Διόνυσε, σὲ δ’ ὕδασιν οὐκ ἐμίηνεν· ### book 409.1.4 ἀλλ’ οἷος πρώτης ἦλθες ἀπ’ οἰνοπέδης, ### book 409.5 τοῖόν σε προὔπινεν ἀφειδεές, ἄγγος ἔχουσα, ### book 409 εἰσότε καὶ νεκύων ἦλθεν ἐπὶ ψάμαθον. ### book 410.1.1 Τοῦ πωγωνοφόρου κυνικοῦ, τοῦ βακτροπροσαίτου, ### book 410.1.2 εἴδομεν ἐν δείπνῳ τὴν μεγάλην σοφίαν. ### book 410.1.3 θέρμων μὲν γὰρ πρῶτον ἀπέσχετο καὶ ῥαφανίδων, ### book 410.1.4 μὴ δεῖν δουλεύειν γαστρὶ λέγων ἀρετήν. ### book 410.5.1 εὖτε δ’ ἐν ὀφθαλμοῖσιν ἴδεν χιονώδεα βόλβαν ### book 410.5.2 στρυφνήν, ἣ πινυτὸν ἤδη ἔκλεπτε νόον, ### book 410.5.3 ᾔτησεν παρὰ προσδοκίαν καὶ ἔτρωγεν ἀληθῶς ### book 410.5.4 κοὐδὲν ἔφη βόλβαν τὴν ἀρετὴν ἀδικεῖν. ### book 411.1 Τοῦτο πυρὰν μᾶλλον κλῄζειν δεῖ κοὐ βαλανεῖον, ### book 411.2 ἥν ποθ’ ὁ Πηλείδης ἧψε Μενοιτιάδῃ, ### book 411.3 ἢ τὸν Μηδείης στέφανον, τὸν ἀνεῖρεν Ἐρινὺς ### book 411.4 ἐν θαλάμοις Γλαύκης εἵνεκεν Αἰσονίδου. ### book 411.5.1 φεῖσαί μου, βαλανεῦ, πρὸς τοῦ Διός· εἰμὶ γὰρ ἀνὴρ ### book 411.5.2 πάντα γράφων τὰ βροτῶν ἔργα καὶ ἀθανάτων. ### book 411.5.3 εἰ δὲ πρόκειταί σοι πολλοὺς ζῶντας κατακαίειν, ### book 411.5.4 ἅπτε πυρὰν ξυλίνην, δήμιε, μὴ λιθίνην. ### book 412.1.1 Ψυχὴν μὲν γράψαι χαλεπόν, μορφὴν δὲ χαράξαι ### book 412.1.2 ῥᾴδιον· ἀλλ’ ἐπὶ σοὶ τοὔμπαλιν ἀμφότερον. ### book 412.1.3 τῆς μὲν γὰρ ψυχῆς τὸ διάστροφον ἔξω ἄγουσα ### book 412.1.4 ἐν τοῖς φαινομένοις ἡ Φύσις εἰργάσατο. ### book 412.5 τὸν δ’ ἐπὶ τῆς μορφῆς θόρυβον καὶ σώματος ὕβριν ### book 412 πῶς ἄν τις γράψαι, μηδ’ ἐσιδεῖν ἐθέλων; ### book 413.1.1 Ὡς κῆπον τεθυκὼς δεῖπνον παρέθηκεν Ἀπελλῆς ### book 413.1.2 οἰόμενος βόσκειν ἀντὶ φίλων πρόβατα. ### book 413.1.3 ἦν ῥαφανίς, σέρις ἦν, τῆλις, θρίδακες, πράσα, βολβοί, ### book 413.1.4 ὤκιμον, ἡδύοσμον, πήγανον, ἀσπάραγος· ### book 413.5.1 δείσας δ’ ἐκ τούτων, μὴ καὶ χόρτον παραθῇ μοι, ### book 413.5.2 δειπνήσας θέρμους ἡμιβρεχεῖς ἔφυγον. ### book 414.1.1 Λυσιμελοῦς Βάκχου καὶ λυσιμελοῦς Ἀφροδίτης ### book 414.1.2 γεννᾶται θυγάτηρ λυσιμελὴς ποδάγρα. ### book 415.1.1 Τίς σοῦ, Μεντορίδη, προφανῶς οὕτως μετέθηκεν ### book 415.1.2 τὴν πυγήν, οὗπερ τὸ στόμ’ ἔκειτο πρὸ τοῦ; ### book 415.1.3 βδεῖς γὰρ κοὐκ ἀναπνεῖς, φθέγγῃ δ’ ἐκ τῶν καταγείων. ### book 415.1.4 θαῦμά μ’ ἔχει, τὰ κάτω πῶς σου ἄνω γέγονεν. ### book 416.1 Χρήματα καὶ πόρναις παραγίνεται· οὐκ ἀλεγίζω. ### book 416.2 μισείτω με τάλας χρυσὸς ὁ πορνοφίλας. ### book 417.1 Ἄλλην δρῦν βαλάνιζε, Μενέσθιον· οὐ γὰρ ἔγωγε ### book 417.2 ἔκκαιρον μήλων προσδέχομαι ῥυτίδα, ### book 417.3 ἀλλ’ αἰεὶ πεπόθηκα συνακμάζουσαν ὀπώρην. ### book 417 ὥστε τί πειράζεις λευκὸν ἰδεῖν κόρακα; ### book 418.1.1 Ἀντίον ἠελίου στήσας ῥίνα καὶ στόμα χάσκων ### book 418.1.2 δείξεις τὰς ὥρας πᾶσι παρερχομένοις. ### book 419.1.1 Αἱ πολιαὶ σὺν νῷ γεραρώτεραι· αἱ γὰρ ἄτερ νοῦ ### book 419.1.2 μᾶλλον τῶν πολλῶν εἰσὶν ὄνειδος ἐτῶν. ### book 420.1 Αἱ τρίχες, ἢν σιγᾷς, εἰσὶ φρένες· ἢν δὲ λαλήσῃς, ### book 420.2 ὡς αἱ τῆς ἥβης οὐ φρένες, ἀλλὰ τρίχες. ### book 421.1.1 Ἂν μὲν ἀπόντα λέγῃς με κακῶς, οὐδὲν ἀδικεῖς με, ### book 421.1.2 ἂν δὲ παρόντα καλῶς, ἴσθι κακῶς με λέγων. ### book 422.1.1 Βήσας, εἰ φρένας εἶχεν, ἀπήγχετο· νῦν δ’ ὑπ’ ἀνοίας ### book 422.1.2 καὶ ζῇ καὶ πλουτεῖ, καὶ μετὰ τὴν πάροδον. ### book 423.1 Βάπτων πάντα, βαφεῦ, καὶ χρωματίοις μεταβάλλων, ### book 423 καὶ πενίην βάψας πλούσιος ἐξεφάνης. ### book 424.1.1 Γαίης ἐκ Γαλατῶν μηδ’ ἄνθεα, ἧς ἀπὸ κόλπων ### book 424.1.2 ἀνθρώποις ὀλέτειραι Ἐρινύες ἐβλάστησαν. ### book 425.1 Γινώσκειν σε θέλω, Πλακιανέ, σαφῶς, ὅτι πᾶσα ### book 425.2 ἔγχαλκος γραῖα πλουσία ἐστὶ σορός. ### book 426.1 Γράμμα περισσὸν ἔχεις τὸ προκείμενον· ἢν ἀφέλῃ τις ### book 426.2 τοῦτό σοι, οἰκεῖον κτήσῃ ἁπλῶς ὄνομα. ### book 427.1.1 Δαίμονα πολλὰ λαλῶν ὀζόστομος ἐξορκιστὴς ### book 427.1.2 ἐξέβαλ’, οὐχ ὅρκων, ἀλλὰ κόπρων δυνάμει. ### book 428.1 Εἰς τί μάτην νίπτεις δέμας Ἰνδικόν; ἴσχεο τέχνης· ### book 428 οὐ δύνασαι δνοφερὴν νύκτα καθηλιάσαι. ### book 429.1.1 Ἐν πᾶσιν μεθύουσιν Ἀκίνδυνος ἤθελε νήφειν, ### book 429.1.2 τοὔνεκα καὶ μεθύειν αὐτὸς ἔδοξε μόνος. ### book 430.1.1 Εἰ τὸ τρέφειν πώγωνα δοκεῖς σοφίαν περιποιεῖν, ### book 430.1.2 καὶ τράγος εὐπώγων αἶψ’ ὅλος ἐστὶ Πλάτων. ### book 431.1.1 Εἰ ταχὺς εἰς τὸ φαγεῖν καὶ πρὸς δρόμον ἀμβλὺς ὑπάρχεις, ### book 431.1.2 τοῖς ποσί σου τρῶγε καὶ τρέχε τῷ στόματι. ### book 432.1.1 Ἔσβεσε τὸν λύχνον μῶρος ψυλλῶν ὑπὸ πολλῶν ### book 432.1.2 δακνόμενος, λέξας· „Οὐκέτι με βλέπετε.“ ### book 433.1 Ζωγράφε, τὰς μορφὰς κλέπτεις μόνον· οὐ δύνασαι δὲ ### book 433 φωνὴν συλῆσαι χρώματι πειθόμενος. ### book 434.1.1 Ἢν ἐσίδῃς κεφαλὴν μαδαρὰν καὶ στέρνα καὶ ὤμους, ### book 434.1.2 μηδὲν ἐρωτήσῃς· μῶρον ὁρᾷς φαλακρόν. ### book 435.1.1 Θαυμάζειν μοι ἔπεισιν, ὅπως Βύτος ἐστὶ σοφιστὴς ### book 435.1.2 οὔτε λόγον κοινὸν οὔτε λογισμὸν ἔχων. ### book 436.1.1 Θᾶττον ἔην λευκοὺς κόρακας πτηνάς τε χελώνας ### book 436.1.2 εὑρεῖν ἢ δόκιμον ῥήτορα Καππαδόκην. ### book 437.1.1 Αἰάζω Διότιμον, ὃς ἐν πέτραισι κάθηται ### book 437.1.2 Γαργαρέων παισὶν βῆτα καὶ ἄλφα λέγων. ### book 438.1 Κορινθίῳ † πίστευε καὶ μὴ χρῶ φίλῳ. ### book 439.1 Τὸ μὲν Ἄργος ἵππιον, οἱ δ’ ἐνοικοῦντες λύκοι. ### book 440.1 Μεγαρεῖς δὲ φεῦγε πάντας· εἰσὶ γὰρ πικροί. ### book 441.1 Ὁ Πειραιεὺς κάρυον μέγ’ ἐστὶ καὶ κενόν. ### book 442.1 Τρίς με τυραννήσαντα τοσαυτάκις ἐξεδίωξε ### book 442.2 δῆμος Ἐρεχθῆος καὶ τρὶς ἐπηγάγετο, ### book 442.3 τὸν μέγαν ἐν βουλῇ Πεισίστρατον, ὃς τὸν Ὅμηρον ### book 442.4 ἤθροισα σποράδην τὸ πρὶν ἀειδόμενον· ### book 442.5 ἡμέτερος γὰρ κεῖνος ὁ χρύσεος ἦν πολιήτης, ### book 442 εἴπερ Ἀθηναῖοι Σμύρναν ἀπῳκίσαμεν. ### book 1.1.1 Ἐκ Διὸς ἀρχώμεσθα, καθὼς εἴρηκεν Ἄρατος· ### book 1.1.2 ὑμῖν δ’, ὦ Μοῦσαι, σήμερον οὐκ ἐνοχλῶ. ### book 1.1.3 εἰ γὰρ ἐγὼ παῖδάς τε φιλῶ καὶ παισὶν ὁμιλῶ, ### book 1.1.4 τοῦτο τί πρὸς Μούσας τὰς Ἑλικωνιάδας; ### book 2.1.1 Μὴ ζήτει δέλτοισιν ἐμαῖς Πρίαμον παρὰ βωμοῖς, ### book 2.1.2 μηδὲ τὰ Μηδείης πένθεα καὶ Νιόβης, ### book 2.1.3 μηδ’ Ἴτυν ἐν θαλάμοις καὶ ἀηδόνας ἐν πετάλοισιν· ### book 2.1.4 ταῦτα γὰρ οἱ πρότεροι πάντα χύδην ἔγραφον· ### book 2.5.1 ἀλλ’ ἱλαραῖς Χαρίτεσσι μεμιγμένον ἡδὺν Ἔρωτα ### book 2.5.2 καὶ Βρόμιον· τούτοις δ’ ὀφρύες οὐκ ἔπρεπον. ### book 3.1.1 Τῶν παίδων, Διόδωρε, τὰ προσθέματ’ εἰς τρία πίπτει ### book 3.1.2 σχήματα, καὶ τούτων μάνθαν’ ἐπωνυμίας. ### book 3.1.3 τὴν ἔτι μὲν γὰρ ἄθικτον ἀκμὴν λάλου ὀνόμαζε, ### book 3.1.4 κοκκὼ τὴν φυσᾶν ἄρτι καταρχομένην· ### book 3.5 τὴν δ’ ἤδη πρὸς χεῖρα σαλευομένην λέγε σαύραν· ### book 3 τὴν δὲ τελειοτέρην οἶδας, ἃ χρή σε καλεῖν. ### book 4.1.1 Ἀκμῇ δωδεκέτους ἐπιτέρπομαι· ἔστι δὲ τούτου ### book 4.1.2 χὠ τρισκαιδεκέτης πουλὺ ποθεινότερος· ### book 4.1.3 χὠ τὰ δὶς ἑπτὰ νέμων γλυκερώτερον ἄνθος Ἐρώτων, ### book 4.1.4 τερπνότερος δ’ ὁ τρίτης πεντάδος ἀρχόμενος· ### book 4.5.1 ἑξεπικαιδέκατον δὲ θεῶν ἔτος· ἑβδόματον δὲ ### book 4.5.2 καὶ δέκατον ζητεῖν οὐκ ἐμόν, ἀλλὰ Διός. ### book 4.5.3 εἰ δ’ ἔτι πρεσβυτέρου τις ἔχει πόθον, οὐκέτι παίζει, ### book 4.5.4 ἀλλ’ ἤδη ζητεῖ „τὸν δ’ ἀπαμειβόμενοσ“. ### book 5.1.1 Τοὺς λευκοὺς ἀγαπῶ, φιλέω δ’ ἅμα τοὺς μελιχρώδεις ### book 5.1.2 καὶ ξανθούς, στέργω δ’ ἔμπαλι τοὺς μέλανας· ### book 5.1.3 οὐδὲ κόρας ξανθὰς παραπέμπομαι· ἀλλὰ περισσῶς ### book 5.1.4 τοὺς μελανοφθάλμους αἰγλοφανεῖς τε φιλῶ. ### book 6.1.1 Πρωκτὸς καὶ χρυσὸς τὴν αὐτὴν ψῆφον ἔχουσιν· ### book 6.1.2 ψηφίζων δ’ ἀφελῶς τοῦτό ποθ’ εὗρον ἐγώ. ### book 7.1.1 Σφιγκτὴρ οὐκ ἔστιν παρὰ παρθένῳ οὐδὲ φίλημα ### book 7.1.2 ἁπλοῦν, οὐ φυσικὴ χρωτὸς ἐυπνοΐη, ### book 7.1.3 οὐ λόγος ἡδὺς ἐκεῖνος ὁ πορνικὸς οὐδ’ ἀκέραιον ### book 7.1.4 βλέμμα, διδασκομένη δ’ ἐστὶ κακιοτέρα· ### book 7.5 ψυχροῦνται δ’ ὄπιθεν πᾶσαι· τὸ δὲ μεῖζον ἐκεῖνο, ### book 7 οὐκ ἔστιν, ποῦ θῇς τὴν χέρα πλαζομένην. ### book 8.1.1 Εἶδον ἐγώ τινα παῖδα ἐπανθοπλοκοῦντα κόρυμβον ### book 8.1.2 ἄρτι παρερχόμενος τὰ στεφανηπλόκια· ### book 8.1.3 οὐδ’ ἄτρωτα παρῆλθον· ἐπιστὰς δ’ ἥσυχος αὐτῷ ### book 8.1.4 φημί· „Πόσου πωλεῖς τὸν σὸν ἐμοὶ στέφανον;“ ### book 8.5.1 μᾶλλον τῶν καλύκων δ’ ἐρυθαίνετο καὶ κατακύψας ### book 8.5.2 φησί· „Μακρὰν χώρει, μή σε πατὴρ ἐσίδῃ.“ ### book 8.5.3 ὠνοῦμαι προφάσει στεφάνους καὶ οἴκαδ’ ἀπελθὼν ### book 8.5.4 ἐστεφάνωσα θεοὺς κεῖνον ἐπευξάμενος. ### book 9.1.1 Ἄρτι καλός, Διόδωρε, σὺ καὶ φιλέουσι πέπειρος· ### book 9.1.2 ἀλλὰ καὶ ἢν γήμῃς, οὐκ ἀπολειψόμεθα. ### book 10.1.1 Εἰ καί σοι τριχόφοιτος ἐπεσκίρτησεν ἴουλος ### book 10.1.2 καὶ τρυφεραὶ κροτάφων ξανθοφυεῖς ἕλικες, ### book 10.1.3 οὐδ’ οὕτω φεύγω τὸν ἐρώμενον· ἀλλὰ τὸ κάλλος ### book 10.1.4 τούτου, κἂν πώγων, κἂν τρίχες, ἡμέτερον. ### book 11.1.1 Ἐχθὲς ἔχων ἀνὰ νύκτα Φιλόστρατον οὐκ ἐδυνήθην ### book 11.1.2 κείνου—πῶς εἴπω; —πάντα παρασχομένου. ### book 11.1.3 ἀλλ’ ἐμὲ μηκέτ’ ἔχοιτε, φίλοι, φίλον, ἀλλ’ ἀπὸ πύργου ### book 11.1.4 ῥίψατ’, ἐπεὶ λίην Ἀστυάναξ γέγονα. ### book 12.1 Ἄρτι γενειάζων ὁ καλὸς καὶ στερρὸς ἐρασταῖς ### book 12 παιδὸς ἐρᾷ Λάδων. σύντομος ἡ Νέμεσις. ### book 13.1.1 Ἰητροὺς εὗρόν ποτ’ ἐγὼ λείους δυσέρωτας ### book 13.1.2 τρίβοντας φυσικῆς φάρμακον ἀντιδότου. ### book 13.1.3 οἱ δέ γε φωραθέντες „Ἔχ’ ἡσυχίην“ ἐδέοντο· ### book 13.1.4 κἀγὼ ἔφην· „Σιγῶ, καὶ θεραπεύσετ’ ἐμέ.“ ### book 14.1.1 Δημόφιλος τοιοῖσδε φιλήμασιν εἰ πρὸς ἐραστὰς ### book 14.1.2 χρήσεται ἀκμαίην, Κύπρι, καθ’ ἡλικίην, ### book 14.1.3 ὡς ἐμὲ νῦν ἐφίλησεν ὁ νήπιος, οὐκέτι νύκτωρ ### book 14.1.4 ἥσυχα τῇ κείνου μητρὶ μενεῖ πρόθυρα. ### book 15.1.1 Εἰ Γραφικοῦ πυγαῖα σανὶς δέδαχ’ ἐν βαλανείῳ, ### book 15.1.2 ἄνθρωπος τί πάθω; καὶ ξύλον αἰσθάνεται. ### book 16.1.1 Μὴ κρύπτῃς τὸν ἔρωτα, Φιλόκρατες· αὐτὸς ὁ δαίμων ### book 16.1.2 λακτίζειν κραδίην ἡμετέρην ἱκανός· ### book 16.1.3 ἀλλ’ ἱλαροῦ μετάδος τι φιλήματος. ἔσθ’ ὅτε καὶ σὺ ### book 16.1.4 αἰτήσεις τοιάνδ’ ἐξ ἑτέρων χάριτα. ### book 17.1.1 Οὔ μοι θῆλυς ἔρως ἐγκάρδιος, ἀλλά με πυρσοὶ ### book 17.1.2 ἄρσενος ἀσβέστῳ θῆκαν ἐπ’ ἀνθρακιῇ. ### book 17.1.3 πλειότερον τόδε θάλπος· ὅσῳ δυνατώτερος ἄρσην ### book 17 θηλυτέρης, τόσσῳ χὠ πόθος ὀξύτερος. ### book 18.1.1 Τλήμονες, οἷς ἀνέραστος ἔφυ βίος· οὔτε γὰρ ἔρξαι ### book 18.1.2 εὐμαρὲς οὔτ’ εἰπεῖν ἐστί τι νόσφι πόθων. ### book 18.1.3 καὶ γὰρ ἐγὼ νῦν εἰμι λίην βραδύς· εἰ δ’ ἐσίδοιμι ### book 18.1.4 Ξεινόφιλον, στεροπῆς πτήσομαι ὀξύτερος. ### book 18.5.1 τοὔνεκεν οὐ φεύγειν γλυκὺν Ἵμερον, ἀλλὰ διώκειν ### book 18.5.2 πᾶσι λέγω. ψυχῆς ἐστιν Ἔρως ἀκόνη. ### book 19.1.1 Οὐ δύναμαί σε θέλων θέσθαι φίλον· οὔτε γὰρ αἰτεῖς ### book 19.1.2 οὔτ’ αἰτοῦντι δίδως οὔθ’, ἃ δίδωμι, δέχῃ. ### book 20.1.1 Ὁ Ζεὺς Αἰθιόπων πάλι τέρπεται εἰλαπίναισιν ### book 20.1.2 ἢ χρυσὸς Δανάης εἵρπυσεν εἰς θαλάμους· ### book 20.1.3 θαῦμα γάρ, εἰ Περίανδρον ἰδὼν οὐχ ἥρπασε γαίης ### book 20.1.4 τὸν καλόν. ἢ φιλόπαις οὐκέτι νῦν ὁ θεός; ### book 21.1.1 Κλέψομεν ἄχρι τίνος τὰ φιλήματα καὶ τὰ λαθραῖα ### book 21.1.2 νεύσομεν ἀλλήλοις ὄμμασι φειδομένοις; ### book 21.1.3 μέχρι τίνος δ’ ἀτέλεστα λαλήσομεν, ἀμβολίαισι ### book 21.1.4 ζευγνύντες κενεὰς ἔμπαλιν ἀμβολίας; ### book 21.5 μέλλοντες τὸ καλὸν δαπανήσομεν· ἀλλὰ πρὶν ἐλθεῖν ### book 21 τὰς φθονεράς, Φείδων, θῶμεν ἐπ’ ἔργα λόγοις. ### book 22.1.1 Ἦλθέν μοι μέγα πῆμα, μέγας πόλεμος, μέγα μοι πῦρ, ### book 22.1.2 Ἰλισὸς πλήρης τῶν ἐς ἔρωτ’ ἐτέων, ### book 22.1.3 αὐτὰ τὰ καίρι’ ἔχων ἑκκαίδεκα καὶ μετὰ τούτων ### book 22.1.4 πάσας καὶ μικρὰς καὶ μεγάλας χάριτας ### book 22.5.1 καὶ πρὸς ἀναγνῶναι φωνὴν μέλι καὶ τὸ φιλῆσαι ### book 22.5.2 χείλεα καὶ τὸ λαβεῖν ἔνδον ἀμεμπτότατον. ### book 22.5.3 καὶ τί πάθω; φασὶν γὰρ ὁρᾶν μόνον· ἦ ῥ’ ἀγρυπνήσω ### book 22.5.4 πολλάκι τῇ κενεῇ Κύπριδι χειρομαχῶν. ### book 23.1.1 Ἠγρεύθην ὁ πρόσθεν ἐγώ ποτε τοῖς δυσέρωσι ### book 23.1.2 κώμοις ἠιθέων πολλάκις ἐγγελάσας· ### book 23.1.3 καί μ’ ἐπὶ σοῖς ὁ πτανὸς Ἔρως προθύροισι, Μυΐσκε, ### book 23.1.4 στῆσεν ἐπιγράψας· „Σκῦλ’ ἀπὸ Σωφροσύνης.“ ### book 24.1.1 Εἴ μοι χαρτὸς ἐμὸς Πολέμων καὶ σῶος ἀνέλθοι, ### book 24.1.2 οἷος ἄ〈ρ’ ἦν, Δήλου〉 κοίρανε, πεμπόμενος, ### book 24.1.3 ῥέξειν οὐκ ἀπόφημι τὸν ὀρθροβόην παρὰ βωμοῖς ### book 24.1.4 ὄρνιν, ὃν εὐχωλαῖς ὡμολόγησα τεαῖς· ### book 24.5.1 εἰ δέ τι τῶν ὄντων τότε οἱ πλέον ἢ καὶ ἔλασσον ### book 24.5.2 ἔλθοι ἔχων, λέλυται τοὐμὸν ὑποσχέσιον. ### book 24.5.3 ἦλθε δὲ σὺν πώγωνι· τόδ’ εἰ φίλον αὐτὸς ἑαυτῷ ### book 24 εὔξατο, τὴν θυσίην πρᾶσσε τὸν εὐξάμενον. ### book 25.1.1 Σῶόν μοι Πολέμωνα μολεῖν, ὅτ’ ἔπεμπον, Ἀπόλλω ### book 25.1.2 ᾐτούμην, θυσίην ὄρνιν ὑποσχόμενος. ### book 25.1.3 ἦλθε δέ μοι Πολέμων λάσιος γένυν. οὐ μὰ σέ, Φοῖβε, ### book 25.1.4 ἦλθεν ἐμοί, πικρῷ δ’ ἐξέφυγέν με τάχει. ### book 25.5.1 οὐκέτι σοι θύω τὸν ἀλέκτορα· μή με σοφίζου, ### book 25.5.2 κωφήν μοι σταχύων ἀντιδιδοὺς καλάμην. ### book 26.1.1 Εἴ μοι σῳζόμενος Πολέμων, ὃν ἔπεμπον, ἀνέλθοι, ### book 26.1.2 . . . . . . . . . . . . . . . . . . . . . . . . . . . . ### book 26.1.3 νῦν δ’ αὑτῷ Πολέμων ἀνασῴζεται—οὐκ ἀπαφήσεις, ### book 26.1.4 Φοῖβε—, δασὺς δ’ ἥκων οὐκέτι σῶος ἐμοί. ### book 26.5.1 αὐτὸς ἴσως σκιάσαι γένυν εὔξατο· θυέτω αὐτὸς ### book 26.5.2 ἀντία ταῖσιν ἐμαῖς ἐλπίσιν εὐξάμενος. ### book 27.1.1 Σαῖς ἴκελον προὔπεμπον ἐγὼ Πολέμωνα παρειαῖς, ### book 27.1.2 ἢν ἔλθῃ, θύσειν ὄρνιν ὑποσχόμενος· ### book 27.1.3 οὐ δέχομαι φθονεροῖς, Παιάν, φρίσσοντα γενείοις, ### book 27.1.4 τοιούτου τλήμων εἵνεκεν εὐξάμενος. ### book 27.5.1 οὐδὲ μάτην τίλλεσθαι ἀναίτιον ὄρνιν ἔοικεν, ### book 27.5.2 ἢ συντιλλέσθω, Δήλιε, καὶ Πολέμων. ### book 28.1 Κῦρος κύριός ἐστι. τί μοι μέλει, εἰ παρὰ γράμμα; ### book 28 οὐκ ἀναγινώσκω τὸν καλόν, ἀλλὰ βλέπω. ### book 29.1.1 Πρώταρχος καλός ἐστι καὶ οὐ θέλει, ἀλλὰ θελήσει ### book 29.1.2 ὕστερον· ἡ δ’ ὥρη λαμπάδ’ ἔχουσα τρέχει. ### book 30.1.1 Ἡ κνήμη, Νίκανδρε, δασύνεται· ἀλλὰ φύλαξαι, ### book 30.1.2 μή σε καὶ ἡ πυγὴ ταὐτὸ παθοῦσα λάθῃ· ### book 30.1.3 καὶ γνώσῃ, φιλέοντος ὅση σπάνις. ἀλλ’ ἔτι καὶ νῦν ### book 30.1.4 τῆς ἀμετακλήτου φρόντισον ἡλικίης. ### book 31.1.1 Ναὶ Θέμιν, ἀκρήτου καὶ τὸ σκύφος, ᾧ σεσάλευμαι, ### book 31.1.2 Πάμφιλε, βαιὸς ἔχει τὸν σὸν ἔρωτα χρόνος· ### book 31.1.3 ἤδη γὰρ καὶ μηρὸς ὑπὸ τρίχα, καὶ γένυς ἡβᾷ, ### book 31.1.4 καὶ Πόθος εἰς ἑτέρην λοιπὸν ἄγει μανίην. ### book 31.5.1 ἀλλ’ ὅτε 〈σοι〉 σπινθῆρος ἔτ’ ἴχνια βαιὰ λέλειπται, ### book 31.5.2 φειδωλὴν ἀπόθου· Καιρὸς ἔρωτι φίλος. ### book 32.1.1 Μέμνῃ που, μέμνῃ, ὅτε τοι ἔπος ἱερὸν εἶπον· ### book 32.1.2 Ὥρη κάλλιστον, χὤρη ἐλαφρότατον· ### book 32.1.3 ὥρην οὐδ’ ὁ τάχιστος ἐν αἰθέρι παρσύθη ὄρνις· ### book 32 νῦν, ἴδε, πάντ’ ἐπὶ γῆς ἄνθεα σεῦ κέχυται. ### book 33.1.1 Ἦν καλὸς Ἡράκλειτος, ὅτ’ ἦν ποτε· νῦν δὲ παρ’ ἥβην ### book 33.1.2 κηρύσσει πόλεμον δέρρις ὀπισθοβάταις· ### book 33.1.3 ἀλλά, Πολυξενίδη, τάδ’ ὁρῶν μὴ γαῦρα φρυάσσου· ### book 33.1.4 ἔστι καὶ ἐν γλουτοῖς φυομένη Νέμεσις. ### book 34.1.1 Πρὸς τὸν παιδοτρίβην Δημήτριον ἐχθὲς ἐδείπνουν, ### book 34.1.2 πάντων ἀνθρώπων τὸν μακαριστότατον. ### book 34.1.3 εἷς αὐτοῦ κατέκειθ’ ὑποκόλπιος, εἷς ὑπὲρ ὦμον, ### book 34.1.4 εἷς ἔφερεν τὸ φαγεῖν, εἷς δὲ πιεῖν ἐδίδου· ### book 34.5.1 ἦ τετρὰς ἡ περίβλεπτος. ἐγὼ παίζων δὲ πρὸς αὐτὸν ### book 34.5.2 φημί· „Σὺ καὶ νύκτωρ, φίλτατε, παιδοτριβεῖς;“ ### book 35.1.1 Χαῖρέ ποτ’ οὐκ εἰπόντα προσεῖπέ τις. ἀλλ’ ὁ περισσὸς ### book 35.1.2 κάλλεϊ νῦν Δάμων οὐδὲ τὸ χαῖρε λέγει; ### book 35.1.3 ἥξει τις τούτου χρόνος ἔκδικος· εἶτα δασυνθεὶς ### book 35.1.4 ἄρξει χαῖρε λέγειν οὐκ ἀποκρινομένοις. ### book 36.1.1 Νῦν αἰτεῖς, ὅτε λεπτὸς ὑπὸ κροτάφοισιν ἴουλος ### book 36.1.2 ἕρπει καὶ μηροῖς ὀξὺς ἔπεστι χνόος· ### book 36.1.3 εἶτα λέγεις· „Ἥδιον ἐμοὶ τόδε.“ καὶ τίς ἂν εἴποι ### book 36 κρείσσονας αὐχμηρὰς ἀσταχύων καλάμας; ### book 37.1.1 Πυγὴν Σωσάρχοιο διέπλασεν Ἀμφιπολίτεω ### book 37.1.2 μυελίνην παίζων ὁ βροτολοιγὸς Ἔρως, ### book 37.1.3 Ζῆνα θέλων ἐρεθίξαι, ὁθούνεκα τῶν Γανυμήδους ### book 37.1.4 μηρῶν οἱ τούτου πουλὺ μελιχρότεροι. ### book 38.1.1 Ὧραί σοι Χάριτές τε κατὰ γλυκὺ χεῦαν ἔλαιον, ### book 38.1.2 ὦ πυγά· κνώσσειν δ’ οὐδὲ γέροντας ἐᾷς. ### book 38.1.3 λέξον μοι, τίνος ἐσσὶ μάκαιρα τὺ καὶ τίνα παίδων ### book 38.1.4 κοσμεῖς; ἁ πυγὰ δ’ εἶπε· „Μενεκράτεος.“ ### book 39.1.1 Ἐσβέσθη Νίκανδρος, ἀπέπτατο πᾶν ἀπὸ χροιῆς ### book 39.1.2 ἄνθος, καὶ χαρίτων λοιπὸν ἔτ’ οὐδ’ ὄνομα, ### book 39.1.3 ὃν πρὶν ἐν ἀθανάτοις ἐνομίζομεν. ἀλλὰ φρονεῖτε ### book 39.1.4 μηδὲν ὑπὲρ θνητούς, ὦ νέοι· εἰσὶ τρίχες. ### book 40.1.1 Μὴ ’κδύσῃς, ἄνθρωπε, τὸ χλαινίον, ἀλλὰ θεώρει ### book 40.1.2 οὕτως ἀκρολίθου κἀμὲ τρόπον ξοάνου. ### book 40.1.3 γυμνὴν Ἀντιφίλου ζητῶν χάριν, ὡς ἐπ’ ἀκάνθαις ### book 40.1.4 εὑρήσεις ῥοδέαν φυομένην κάλυκα. ### book 41.1.1 Οὐκέτι μοι Θήρων γράφεται καλὸς οὐδ’ ὁ πυραυγὴς ### book 41.1.2 πρίν ποτε, νῦν δ’ ἤδη δαλὸς Ἀπολλόδοτος. ### book 41.1.3 στέργω θῆλυν ἔρωτα· δασυτρώγλων δὲ πίεσμα ### book 41 λασταύρων μελέτω ποιμέσιν αἰγοβάταις. ### book 42.1.1 Βλέψον ἐς Ἑρμογένην πλήρει χερί, καὶ τάχα πρήξεις, ### book 42.1.2 παιδοκόραξ ὧν σοι θυμὸς ὀνειροπολεῖ, ### book 42.1.3 καὶ στυγνὴν ὀφρύων λύσεις τάσιν· ἢν δ’ ἁλιεύῃ ### book 42.1.4 ὀρφανὸν ἀγκίστρου κύματι δοὺς κάλαμον, ### book 42.5.1 ἕλξεις ἐκ λιμένος πολλὴν δρόσον· οὐδὲ γὰρ αἰδὼς ### book 42.5.2 οὐδ’ ἔλεος δαπάνῳ κόλλοπι συντρέφεται. ### book 43.1.1 Ἐχθαίρω τὸ ποίημα τὸ κυκλικὸν οὐδὲ κελεύθῳ ### book 43.1.2 χαίρω, τίς πολλοὺς ὧδε καὶ ὧδε φέρει· ### book 43.1.3 μισῶ καὶ περίφοιτον ἐρώμενον οὐδ’ ἀπὸ κρήνης ### book 43.1.4 πίνω· σικχαίνω πάντα τὰ δημόσια. ### book 43.5.1 Λυσανίη, σὺ δὲ ναίχι καλὸς καλός· ἀλλὰ πρὶν εἰπεῖν ### book 43.5.2 τοῦτο σαφῶς, ἠχώ φησί τις· „Ἄλλος ἔχει.“ ### book 44.1.1 Ἦν ὅτε παῖδας ἔπειθε πάλαι ποτὲ δῶρα φιλεῦντας ### book 44.1.2 ὄρτυξ καὶ ῥαπτὴ σφαῖρα καὶ ἀστράγαλοι· ### book 44.1.3 νῦν δὲ λοπὰς καὶ κέρμα· τὰ παίγνια δ’ οὐδὲν ἐκεῖνα ### book 44.1.4 ἰσχύει. ζητεῖτ’ ἄλλο τι, παιδοφίλαι. ### book 45.1.1 Ναὶ ναὶ βάλλετ’, Ἔρωτες· ἐγὼ σκοπὸς εἷς ἅμα πολλοῖς ### book 45.1.2 κεῖμαι. μὴ φείσησθ’, ἄφρονες· ἢν γὰρ ἐμὲ ### book 45.1.3 νικήσητ’, ὀνομαστοὶ ἐν ἀθανάτοισιν ἔσεσθε ### book 45 τοξόται ὡς μεγάλης δεσπόται ἰοδόκης. ### book 46.1.1 Οὐκ εἴμ’ οὐδ’ ἐτέων δύο κεἴκοσι καὶ κοπιῶ ζῶν. ### book 46.1.2 Ὤρωτες, τί κακὸν τοῦτο; τί με φλέγετε; ### book 46.1.3 ἢν γὰρ ἐγώ τι πάθω, τί ποιήσετε; δῆλον, Ἔρωτες, ### book 46.1.4 ὡς τὸ πάρος παίξεσθ’ ἄφρονες ἀστραγάλοις. ### book 47.1.1 Ματρὸς ἔτ’ ἐν κόλποισιν ὁ νήπιος ὀρθρινὰ παίζων ### book 47.1.2 ἀστραγάλοις τοὐμὸν πνεῦμ’ ἐκύβευσεν Ἔρως. ### book 48.1.1 Κεῖμαι· λὰξ ἐπίβαινε κατ’ αὐχένος, ἄγριε δαῖμον. ### book 48.1.2 οἶδά σε, ναὶ μὰ θεούς, καὶ βαρὺν ὄντα φέρειν· ### book 48.1.3 οἶδα καὶ ἔμπυρα τόξα. βαλὼν δ’ ἐπ’ ἐμὴν φρένα πυρσούς, ### book 48.1.4 οὐ φλέξεις ἤδη· πᾶσα γάρ ἐστι τέφρη. ### book 49.1.1 Ζωροπότει, δύσερως, καὶ σεῦ φλόγα τὰν φιλόπαιδα ### book 49.1.2 κοιμάσει λάθας δωροδότας Βρόμιος· ### book 49.1.3 ζωροπότει καὶ πλῆρες ἀφυσσάμενος σκύφος οἴνας ### book 49 ἔκκρουσον στυγερὰν ἐκ κραδίας ὀδύναν. ### book 50.1.1 Πῖν’, Ἀσκληπιάδη. τί τὰ δάκρυα ταῦτα; τί πάσχεις; ### book 50.1.2 οὐ σὲ μόνον χαλεπὴ Κύπρις ἐληίσατο, ### book 50.1.3 οὐδ’ ἐπὶ σοὶ μούνῳ κατεθήξατο τόξα καὶ ἰοὺς ### book 50.1.4 πικρὸς Ἔρως. τί ζῶν ἐν σποδιῇ τίθεσαι; ### book 50.5.1 πίνωμεν Βάκχου ζωρὸν πόμα· δάκτυλος ἀώς. ### book 50.5.2 ἦ πάλι κοιμιστὰν λύχνον ἰδεῖν μένομεν; ### book 50.5.3 πίνομεν· οὐ γὰρ ἔρως· μετά τοι χρόνον οὐκέτι πουλύν, ### book 50.5.4 σχέτλιε, τὴν μακρὰν νύκτ’ ἀναπαυσόμεθα. ### book 51.1.1 Ἔγχει καὶ πάλιν εἰπέ· „Διοκλέοσ“. οὐδ’ Ἀχελῷος ### book 51.1.2 κείνου τῶν ἱερῶν αἰσθάνεται κυάθων. ### book 51.1.3 καλὸς ὁ παῖς, Ἀχελῷε, λίην καλός· εἰ δέ τις οὐχὶ ### book 51.1.4 φησίν—ἐπισταίμην μοῦνος ἐγὼ τὰ καλά. ### book 52.1.1 Οὔριος ἐμπνεύσας ναύταις Νότος, ὦ δυσέρωτες, ### book 52.1.2 ἥμισύ μευ ψυχᾶς ἅρπασεν Ἀνδράγαθον. ### book 52.1.3 τρὶς μάκαρες νᾶες, τρὶς δ’ ὄλβια κύματα πόντου, ### book 52.1.4 τετράκι δ’ εὐδαίμων παιδοφορῶν ἄνεμος. ### book 52.5 εἴθ’ εἴην δελφίς, ἵν’ ἐμοῖς βαστακτὸς ἐπ’ ὤμοις ### book 52 πορθμευθεὶς ἐσίδῃ τὰν γλυκόπαιδα Ῥόδον. ### book 53.1.1 Εὔφορτοι νᾶες πελαγίτιδες, αἳ πόρον Ἕλλης ### book 53.1.2 πλεῖτε, καλὸν κόλποις δεξάμεναι Βορέην, ### book 53.1.3 ἤν που ἐπ’ ἠιόνων Κῴαν κατὰ νᾶσον ἴδητε ### book 53.1.4 Φανίον εἰς χαροπὸν δερκομέναν πέλαγος, ### book 53.5.1 τοῦτ’ ἔπος ἀγγείλαιτε· „Καλὴ νυέ, σός με κομίζει ### book 53.5.2 ἵμερος οὐ ναύταν, ποσσὶ δὲ πεζοπόρον.“ ### book 53.5.3 εἰ γὰρ τοῦτ’ εἴποιτ’, εὐάγγελοι, αὐτίκα καὶ Ζεὺς ### book 53.5.4 οὔριος ὑμετέρας πνεύσεται εἰς ὀθόνας. ### book 54.1.1 Ἀρνεῖται τὸν Ἔρωτα τεκεῖν ἡ Κύπρις, ἰδοῦσα ### book 54.1.2 ἄλλον ἐν ἠιθέοις Ἵμερον Ἀντίοχον. ### book 54.1.3 ἀλλά, νέοι, στέργοιτε νέον Πόθον· ἦ γὰρ ὁ κοῦρος ### book 54.1.4 εἴρηται κρείσσων οὗτος Ἔρωτος Ἔρως. ### book 55.1.1 Λητοΐδη, σὺ μὲν ἔσχες ἁλίρρυτον αὐχένα Δήλου, ### book 55.1.2 κοῦρε Διὸς μεγάλου, θέσφατα πᾶσι λέγων· ### book 55.1.3 Κεκροπίαν δ’ Ἐχέδημος, ὁ δεύτερος Ἀτθίδι Φοῖβος, ### book 55.1.4 ᾧ καλὸν ἁβροκόμης ἄνθος ἔλαμψεν Ἔρως. ### book 55.5 ἡ δ’ ἀνὰ κῦμ’ ἄρξασα καὶ ἐν χθονὶ πατρὶς Ἀθήνη ### book 55 νῦν κάλλει δούλην Ἑλλάδ’ ὑπηγάγετο. ### book 56.1.1 Εἰκόνα μὲν Παρίην ζωογλύφος ἄνυς’ Ἔρωτος ### book 56.1.2 Πραξιτέλης, Κύπριδος παῖδα τυπωσάμενος· ### book 56.1.3 νῦν δ’ ὁ θεῶν κάλλιστος Ἔρως ἔμψυχον ἄγαλμα ### book 56.1.4 αὑτὸν ἀπεικονίσας ἔπλασε Πραξιτέλην, ### book 56.5.1 ὄφρ’ ὁ μὲν ἐν θνατοῖς, ὁ δ’ ἐν αἰθέρι φίλτρα βραβεύῃ ### book 56.5.2 γῆς θ’ ἅμα καὶ μακάρων σκηπτροφορῶσι Πόθοι. ### book 56.5.3 ὀλβίστη Μερόπων ἱερὰ πόλις, ἃ θεόπαιδα ### book 56.5.4 καινὸν Ἔρωτα νέων θρέψεν ὑφαγεμόνα. ### book 57.1.1 Πραξιτέλης, ὁ πάλαι ζωογλύφος, ἁβρὸν ἄγαλμα ### book 57.1.2 ἄψυχον, μορφᾶς κωφὸν ἔτευξε τύπον ### book 57.1.3 πέτρον ἐνειδοφορῶν· ὁ δὲ νῦν ἔμψυχα μαγεύων ### book 57.1.4 τὸν τριπανοῦργον Ἔρωτ’ ἔπλασεν ἐν κραδίᾳ. ### book 57.5.1 ἦ τάχα τοὔνομ’ ἔχει ταὐτὸν μόνον, ἔργα δὲ κρέσσω ### book 57.5.2 οὐ λίθον, ἀλλὰ φρενῶν πνεῦμα μεταρρυθμίσας. ### book 57.5.3 ἵλαος πλάσσοι τὸν ἐμὸν τρόπον, ὄφρα τυπώσας ### book 57.5.4 ἐντὸς ἐμὴν ψυχὴν ναὸν Ἔρωτος ἔχῃ. ### book 58.1.1 Ἦ Τροιζὴν ἀγαθὴ κουροτρόφος· οὐκ ἂν ἁμάρτοις ### book 58.1.2 αἰνήσας παίδων οὐδὲ τὸν ὑστάτιον. ### book 58.1.3 τόσσον δ’ Ἐμπεδοκλῆς φανερώτερος, ὅσσον ἐν ἄλλοις ### book 58 ἄνθεσιν εἰαρινοῖς καλὸν ἔλαμψε ῥόδον. ### book 59.1.1 Ἁβρούς, ναὶ τὸν Ἔρωτα, τρέφει Τύρος· ἀλλὰ Μυΐσκος ### book 59.1.2 ἔσβεσεν ἐκλάμψας ἀστέρας ἠέλιος. ### book 60.1.1 Ἢν ἐσίδω Θήρωνα, τὰ πάνθ’ ὁρῶ· ἢν δὲ τὰ πάντα ### book 60.1.2 βλέψω, τόνδε δὲ μή, τἄμπαλιν οὐδὲν ὁρῶ. ### book 61.1.1 Ἄθρει· μὴ διὰ παντὸς ὅλαν κατάτηκ’, Ἀρίβαζε, ### book 61.1.2 τὰν Κνίδον· ἁ πέτρα θρυπτομένα φέρεται. ### book 62.1 Ματέρες αἱ Περσῶν, καλὰ μὲν καλὰ τέκνα τέκεσθε, ### book 62.2 ἀλλ’ Ἀρίβαζος ἐμοὶ κάλλιον ἢ τὸ καλόν. ### book 63.1.1 Σιγῶν Ἡράκλειτος ἐν ὄμμασι τοῦτ’ ἔπος αὐδᾷ· ### book 63.1.2 „Καὶ Ζηνὸς φλέξω πῦρ τὸ κεραυνοβόλον.“ ### book 63.1.3 ναὶ μὴν καὶ Διόδωρος ἐνὶ στέρνοις τόδε φωνεῖ· ### book 63.1.4 „Καὶ πέτρον τήκω χρωτὶ χλιαινόμενον.“ ### book 63.5 δύστανος, παίδων ὃς ἐδέξατο τοῦ μὲν ἀπ’ ὄσσων ### book 63 λαμπάδα, τοῦ δὲ πόθοις τυφόμενον γλυκὺ πῦρ. ### book 64.1.1 Ζεύς, Πίσης μεδέων, Πειθήνορα, δεύτερον υἷα ### book 64.1.2 Κύπριδος, αἰπεινῷ στέψον ὑπὸ Κρονίῳ· ### book 64.1.3 μηδέ μοι οἰνοχόον κυλίκων σέθεν αἰετὸς ἀρθεὶς ### book 64.1.4 μάρψαις ἀντὶ καλοῦ, κοίρανε, Δαρδανίδου. ### book 64.5.1 εἰ δέ τι Μουσάων τοι ἐγὼ φίλον ὤπασα δῶρον, ### book 64.5.2 νεύσαις μοι θείου παιδὸς ὁμοφροσύνην. ### book 65.1.1 Εἰ Ζεὺς κεῖνος ἔτ’ ἐστὶν ὁ καὶ Γανυμήδεος ἀκμὴν ### book 65.1.2 ἁρπάξας, ἵν’ ἔχῃ νέκταρος οἰνοχόον, ### book 65.1.3 κἠμοὶ τὸν καλόν ἐστιν 〈ἐνὶ〉 σπλάγχνοισι Μυΐσκον ### book 65.1.4 κρύπτειν, μή με λάθῃ παιδὶ βαλὼν πτέρυγας. ### book 66.1.1 Κρίνατ’, Ἔρωτες, ὁ παῖς τίνος ἄξιος. εἰ μὲν ἀληθῶς ### book 66.1.2 ἀθανάτων, ἐχέτω· Ζανὶ γὰρ οὐ μάχομαι. ### book 66.1.3 εἰ δέ τι καὶ θνατοῖς ὑπολείπεται, εἴπατ’, Ἔρωτες, ### book 66.1.4 Δωρόθεος τίνος ἦν καὶ τίνι νῦν δέδοται. ### book 66.5.1 ἐν φανερῷ φωνεῦσιν, ἐμὴ χάρις. „ἀλλ’ ἀποχώρει, ### book 66.5.2 μηκέτι πρὸς τὸ καλὸν καὶ σὺ μάταια φέρῃ.“ ### book 67.1.1 Τὸν καλὸν οὐχ ὁρόω Διονύσιον. ἆρά γ’ ἀναρθείς, ### book 67.1.2 Ζεῦ πάτερ, 〈ἀθανάτοισ〉 δεύτερος οἰνοχοεῖ; ### book 67.1.3 αἰετέ, τὸν χαρίεντα ποτὶ πτερὰ πυκνὰ τινάξας ### book 67 πῶς ἔφερες; μή που κνίσματ’ ὄνυξιν ἔχει; ### book 68.1.1 Οὐκ ἐθέλω Χαρίδαμον· ὁ γὰρ καλὸς εἰς Δία λεύσσει, ### book 68.1.2 ὡς ἤδη νέκταρ τῷ θεῷ οἰνοχοῶν· ### book 68.1.3 οὐκ ἐθέλω. τί δέ μοι τὸν ἐπουρανίων βασιλῆα ### book 68.1.4 ἄνταθλον νίκης τῆς ἐν ἔρωτι λαβεῖν; ### book 68.5.1 ἀρκοῦμαι δ’, ἢν μοῦνον ὁ παῖς ἀνιὼν ἐς Ὄλυμπον ### book 68.5.2 ἐκ γῆς νίπτρα ποδῶν δάκρυα τἀμὰ λάβῃ, ### book 68.5.3 μναμόσυνον στοργῆς· γλυκὺ δ’ ὄμμασι νεῦμα δίυγρον ### book 68.5.4 δοίη, καί τι φίλημ’ ἁρπάσαι ἀκροθιγές. ### book 68.5.5 τἆλλα δὲ πάντ’ ἐχέτω Ζεύς, ὡς θέμις· εἰ δ’ ἐθελήσοι, ### book 68.10 ἦ τάχα που κἠγὼ γεύσομαι ἀμβροσίας. ### book 69.1.1 Ζεῦ, προτέρω τέρπευ Γανυμήδεϊ· τὸν δ’ ἐμόν, ὦναξ, ### book 69.1.2 Δέξανδρον δέρκευ τηλόθεν· οὐ φθονέω. ### book 69.1.3 εἰ δὲ βίῃ τὸν καλὸν ἀποίσεαι, οὐκέτ’ ἀνεκτῶς ### book 69.1.4 δεσπόζεις· ἀπίτω καὶ τὸ βιοῦν ἐπὶ σεῦ. ### book 70.1.1 Στήσομ’ ἐγὼ καὶ Ζηνὸς ἐναντίον, εἰ σέ, Μυΐσκε, ### book 70.1.2 ἁρπάζειν ἐθέλοι νέκταρος οἰνοχόον. ### book 70.1.3 καίτοι πολλάκις αὐτὸς ἐμοὶ τάδ’ ἔλεξε· „Τί ταρβεῖς; ### book 70.1.4 οὔ σε βαλῶ ζήλοις· οἶδα παθὼν ἐλεεῖν.“ ### book 70.5 χὠ μὲν δὴ τάδε φησίν· ἐγὼ δ’, ἢν μυῖα παραπτῇ, ### book 70 ταρβῶ, μὴ ψεύστης Ζεὺς ἐπ’ ἐμοὶ γέγονεν. ### book 71.1.1 Θεσσαλικὲ Κλεόνικε τάλαν, τάλαν· οὐ μὰ τὸν ὀξὺν ### book 71.1.2 ἥλιον, οὐκ ἔγνων. σχέτλιε, ποῦ γέγονας; ### book 71.1.3 ὀστέα σοι καὶ μοῦνον ἔτι τρίχες. ἦ ῥά σε δαίμων ### book 71.1.4 οὑμὸς ἔχει, χαλεπῇ δ’ ἤντεο θευμορίῃ; ### book 71.5.1 ἔγνων· Εὐξίθεός σε συνήρπασε· καὶ σὺ γὰρ ἐλθὼν ### book 71.5.2 τὸν καλόν, ὦ μόχθηρ’, ἔβλεπες ἀμφοτέροις. ### book 72.1.1 Ἤδη μὲν γλυκὺς ὄρθρος· ὁ δ’ ἐν προθύροισιν ἄυπνος ### book 72.1.2 Δᾶμις ἀποψύχει πνεῦμα τὸ λειφθὲν ἔτι, ### book 72.1.3 σχέτλιος, Ἡράκλειτον ἰδών· ἔστη γὰρ ὑπ’ αὐγὰς ### book 72.1.4 ὀφθαλμῶν βληθεὶς κηρὸς ἐς ἀνθρακιήν. ### book 72.5.1 ἀλλά μοι ἔγρεο, Δᾶμι δυσάμμορε· καὐτὸς Ἔρωτος ### book 72.5.2 ἕλκος ἔχων ἐπὶ σοῖς δάκρυσι δακρυχέω. ### book 73.1.1 Ἥμισύ μευ ψυχῆς ἔτι τὸ πνέον, ἥμισυ δ’ οὐκ οἶδ’ ### book 73.1.2 εἴτ’ Ἔρος εἴτ’ Ἀίδης ἥρπασε· πλὴν ἀφανές. ### book 73.1.3 ἦ ῥά τιν’ ἐς παίδων πάλιν ᾤχετο. καὶ μὲν ἀπεῖπον ### book 73.1.4 πολλάκι· „Τὴν δρῆστιν μὴ ὑποδέχεσθε, νέοι.“ ### book 73.5 οὗ Κῖσος, δίφησον· ἐκεῖσε γὰρ ἡ λιθόλευστος ### book 73 κείνη καὶ δύσερως οἶδ’ ὅτι που στρέφεται. ### book 74.1.1 Ἤν τι πάθω, Κλεόβουλε, —τὸ γὰρ πλέον ἐν πυρὶ παίδων ### book 74.1.2 βαλλόμενος κεῖμαι λείψανον ἐν σποδιῇ— ### book 74.1.3 λίσσομαι, ἀκρήτῳ μέθυσον, πρὶν ὑπὸ χθόνα θέσθαι, ### book 74.1.4 κάλπιν ἐπιγράψας· „Δῶρον Ἔρως Ἀίδῃ.“ ### book 75.1.1 Εἰ πτερά σοι προσέκειτο καὶ ἐν χερὶ τόξα καὶ ἰοί, ### book 75.1.2 οὐκ ἂν Ἔρως ἐγράφη Κύπριδος, ἀλλὰ σύ, παῖς. ### book 76.1.1 Εἰ μὴ τόξον Ἔρως μηδὲ πτερὰ μηδὲ φαρέτραν ### book 76.1.2 μηδὲ πυριβλήτους εἶχε πόθων ἀκίδας, ### book 76.1.3 οὐκ, αὐτὸν τὸν πτανὸν ἐπόμνυμαι, οὔποτ’ ἂν ἔγνως ### book 76.1.4 ἐκ μορφᾶς, τίς ἔφυ Ζωίλος ἢ τίς Ἔρως. ### book 77.1.1 Εἰ καθύπερθε λάβοις χρύσεα πτερὰ καί σευ ἀπ’ ὤμων ### book 77.1.2 τείνοιτ’ ἀργυρέων ἰοδόκος φαρέτρη ### book 77.1.3 καὶ σταίης παρ’ Ἔρωτα, φίλ’ Ἄγλαον, οὐ μὰ τὸν Ἑρμῆν, ### book 77 οὐδ’ αὐτὴ Κύπρις γνώσεται, ὃν τέτοκεν. ### book 78.1.1 Εἰ χλαμύδ’ εἶχεν Ἔρως καὶ μὴ πτερὰ μηδ’ ἐπὶ νώτων ### book 78.1.2 τόξα τε καὶ φαρέτραν, ἀλλ’ ἐφόρει πέτασον, ### book 78.1.3 ναίχι τὸν ἁβρὸν ἔφηβον ἐπόμνυμαι, Ἀντίοχος μὲν ### book 78.1.4 ἦν ἂν Ἔρως, ὁ δ’ Ἔρως τἄμπαλιν Ἀντίοχος. ### book 79.1.1 Ἀντίπατρός μ’ ἐφίλης’ ἤδη λήγοντος ἔρωτος, ### book 79.1.2 καὶ πάλιν ἐκ ψυχρῆς πῦρ ἀνέκαυσε τέφρης· ### book 79.1.3 δὶς δὲ μιῆς ἄκων ἔτυχον φλογός. ὦ δυσέρωτες, ### book 79.1.4 φεύγετε, μὴ πρήσω τοὺς πέλας ἁψάμενος. ### book 80.1.1 Ψυχὴ δυσδάκρυτε, τί σοι τὸ πεπανθὲν Ἔρωτος ### book 80.1.2 τραῦμα διὰ σπλάγχνων αὖθις ἀναφλέγεται; ### book 80.1.3 μή, μή, πρός σε Διός, μή, πρὸς Διός, ὦ φιλάβουλε, ### book 80.1.4 κινήσῃς τέφρῃ πῦρ ὑπολαμπόμενον. ### book 80.5.1 αὐτίκα γάρ, λήθαργε κακῶν, πάλιν εἴ σε φυγοῦσαν ### book 80.5.2 λήψετ’ Ἔρως, εὑρὼν δραπέτιν αἰκίσεται. ### book 81.1.1 Ψυχαπάται δυσέρωτες, ὅσοι φλόγα τὰν φιλόπαιδα ### book 81.1.2 οἴδατε τοῦ πικροῦ γευσάμενοι μέλιτος, ### book 81.1.3 ψυχρὸν ὕδωρ, λίτομαι, ψυχρόν, τάχος, ἄρτι τακείσης ### book 81.1.4 ἐκ χιόνος τῇ ’μῇ χεῖτε περὶ κραδίῃ· ### book 81.5 ἦ γὰρ ἰδεῖν ἔτλην Διονύσιον. ἀλλ’, ὁμόδουλοι, ### book 81 πρὶν ψαῦσαι σπλάγχνων, πῦρ ἀπ’ ἐμεῦ σβέσατε. ### book 82.1.1 Ἔσπευδον τὸν Ἔρωτα φυγεῖν· ὁ δὲ βαιὸν ἀνάψας ### book 82.1.2 φανίον ἐκ τέφρης εὗρέ με κρυπτόμενον· ### book 82.1.3 κυκλώσας δ’ οὐ τόξα, χερὸς δ’ ἀκρώνυχα δισσά, ### book 82.1.4 κνίσμα πυρὸς θραύσας, εἰς μὲ λαθὼν ἔβαλεν· ### book 82.5.1 ἐκ δὲ φλόγες πάντῃ μοι ἐπέδραμον. ὦ βραχὺ φέλλος ### book 82.5.2 λάμψαν ἐμοὶ μέγα πῦρ, Φανίον, ἐν κραδίᾳ. ### book 83.1.1 Οὔ μ’ ἔτρωσεν Ἔρως τόξοις, οὐ λαμπάδ’ ἀνάψας, ### book 83.1.2 ὡς πάρος, αἰθομέναν θῆκεν ὑπὸ κραδίᾳ· ### book 83.1.3 σύγκωμον δὲ Πόθοισι φέρων Κύπριδος μυροφεγγὲς ### book 83.1.4 φανίον, ἄκρον ἐμοῖς ὄμμασι πῦρ ἔβαλεν· ### book 83.5.1 ἐκ δέ με φέγγος ἔτηξε. τὸ δὲ βραχὺ φανίον ὤφθη ### book 83.5.2 πῦρ ψυχῆς τῇ ’μῇ καιόμενον κραδίᾳ. ### book 84.1.1 Ὤνθρωποι, βωθεῖτε· τὸν ἐκ πελάγευς ἐπὶ γαῖαν ### book 84.1.2 ἄρτι με πρωτόπλουν ἴχνος ἐρειδόμενον ### book 84.1.3 ἕλκει τῇδ’ ὁ βίαιος Ἔρως· φλόγα δ’ οἷα προφαίνων ### book 84.1.4 παιδὸς ἀπαστράπτει κάλλος ἐραστὸν ἰδεῖν. ### book 84.5.1 βαίνω δ’ ἴχνος ἐπ’ ἴχνος, ἐν ἀέρι δ’ ἡδὺ τυπωθὲν ### book 84.5.2 εἶδος ἀφαρπάζων χείλεσιν ἡδὺ φιλῶ. ### book 84.5.3 ἆρά γε τὴν πικρὰν προφυγὼν ἅλα πουλύ τι κείνης ### book 84 πικρότερον χέρσῳ κῦμα περῶ Κύπριδος; ### book 85.1.1 Οἰνοπόται, δέξασθε τὸν ἐκ πελάγευς ἅμα πόντον ### book 85.1.2 καὶ κλῶπας προφυγόντ’, ἐν χθονὶ δ’ ὀλλύμενον. ### book 85.1.3 ἄρτι γὰρ ἐκ νηός με μόνον πόδα θέντ’ ἐπὶ γαῖαν ### book 85.1.4 ἀγρεύσας ἕλκει τῇδ’ ὁ βίαιος Ἔρως, ### book 85.5.1 ἐνθάδ’ ὅπου τὸν παῖδα διαστείχοντ’ ἐνόησα· ### book 85.5.2 αὐτομάτοις δ’ ἄκων ποσσὶ ταχὺς φέρομαι. ### book 85.5.3 κωμάζω δ’ οὐκ οἶνον ὑπὸ φρένα, πῦρ δὲ γεμισθείς. ### book 85.5.4 ἀλλὰ φίλῳ, ξεῖνοι, βαιὸν ἐπαρκέσατε, ### book 85.5.5 ἀρκέσατ’, ὦ ξεῖνοι, κἀμὲ Ξενίου πρὸς Ἔρωτος ### book 85.10 δέξασθ’ ὀλλύμενον τὸν φιλίας ἱκέτην. ### book 86.1.1 Ἁ Κύπρις θήλεια γυναικομανῆ φλόγα βάλλει, ### book 86.1.2 ἄρσενα δ’ αὐτὸς Ἔρως ἵμερον ἁνιοχεῖ. ### book 86.1.3 ποῖ ῥέψω; ποτὶ παῖδ’ ἢ ματέρα; φαμὶ δὲ καὐτὰν ### book 86.1.4 Κύπριν ἐρεῖν· „Νικᾷ τὸ θρασὺ παιδάριον.“ ### book 87.1.1 Τλῆμον Ἔρως, οὐ θῆλυν ἐμοὶ πόθον, ἀλλά τιν’ αἰεὶ ### book 87.1.2 δινεύεις στεροπὴν καύματος ἀρσενικοῦ. ### book 87.1.3 ἄλλοτε γὰρ Δήμωνι πυρούμενος, ἄλλοτε λεύσσων ### book 87.1.4 Ἰσμηνόν, δολιχοὺς αἰὲν ἔχω καμάτους. ### book 87.5 οὐ μούνοις δ’ ἐπὶ τοῖσι δεδόρκαμεν, ἀλλ’ ἐπιπάντων ### book 87 ἄρκυσι πουλυμανῆ κανθὸν ἐφελκόμεθα. ### book 88.1.1 Δισσοί με τρύχουσι καταιγίζοντες ἔρωτες, ### book 88.1.2 Εὔμαχε, καὶ δισσαῖς ἐνδέδεμαι μανίαις· ### book 88.1.3 ᾗ μὲν ἐπ’ Ἀσάνδρου κλίνω δέμας, ᾗ δὲ πάλιν μοι ### book 88.1.4 ὀφθαλμὸς νεύει Τηλέφου ὀξύτερος. ### book 88.5.1 τμήξατ’, ἐμοὶ τοῦθ’ ἡδύ, καὶ εἰς πλάστιγγα δικαίην ### book 88.5.2 νειμάμενοι κλήρῳ τἀμὰ φέρεσθε μέλη. ### book 89.1.1 Κύπρι, τί μοι τρισσοὺς ἐφ’ ἕνα σκοπὸν ἤλασας ἰούς, ### book 89.1.2 ἐν δὲ μιῇ ψυχῇ τρισσὰ πέπηγε βέλη; ### book 89.1.3 καὶ τῇ μὲν φλέγομαι, τῇ δ’ ἕλκομαι· ᾗ δ’ ἀπονεύσω, ### book 89.1.4 διστάζω, λάβρῳ δ’ ἐν πυρὶ πᾶς φλέγομαι. ### book 90.1.1 Οὐκέτ’ ἐρῶ. πεπάλαικα πόθοις τρισίν· εἷς μὲν ἑταίρης, ### book 90.1.2 εἷς δέ με παρθενικῆς, εἷς δέ μ’ ἔκαυσε νέου· ### book 90.1.3 καὶ κατὰ πᾶν ἤλγηκα. γεγύμνασμαι μὲν ἑταίρης ### book 90.1.4 πείθων τὰς ἐχθρὰς οὐδὲν ἔχοντι θύρας· ### book 90.5.1 ἔστρωμαι δὲ κόρης ἐπὶ παστάδος αἰὲν ἄυπνος ### book 90.5.2 ἕν, τὸ ποθεινότατον, παιδὶ φίλημα διδούς. ### book 90.5.3 οἴμοι, πῶς εἴπω πῦρ τὸ τρίτον; ἐκ γὰρ ἐκείνου ### book 90 βλέμματα καὶ κενεὰς ἐλπίδας οἶδα μόνον. ### book 91.1.1 Δισσὸς Ἔρως αἴθει ψυχὴν μίαν. ὦ τὰ περισσὰ ### book 91.1.2 ὀφθαλμοὶ πάντῃ πάντα κατοσσόμενοι, ### book 91.1.3 εἴδετε τὸν χρυσέαισι περίσκεπτον Χαρίτεσσιν ### book 91.1.4 Ἀντίοχον, λιπαρῶν ἄνθεμον ἠιθέων. ### book 91.5.1 ἀρκείτω. τί τὸν ἡδὺν ἐπηυγάσσασθε καὶ ἁβρὸν ### book 91.5.2 Στασικράτη, Παφίης ἔρνος ἰοστεφάνου; ### book 91.5.3 καίεσθε, τρύχεσθε, καταφλέχθητέ ποτ’ ἤδη· ### book 91.5.4 οἱ δύο γὰρ ψυχὴν οὐκ ἂν ἕλοιτε μίαν; ### book 92.1.1 Ὦ προδόται ψυχῆς, παίδων κύνες, αἰὲν ἐν ἰξῷ ### book 92.1.2 Κύπριδος, ὀφθαλμοί, βλέμματα χριόμενοι, ### book 92.1.3 ἡρπάσατ’ ἄλλον Ἔρωτ’, ἄρνες λύκον, οἷα κορώνη ### book 92.1.4 σκορπίον, ὡς τέφρη πῦρ ὑποθαλπόμενον. ### book 92.5.1 δρᾶθ’, ὅ τι καὶ βούλεσθε. τί μοι νενοτισμένα χεῖτε ### book 92.5.2 δάκρυα, πρὸς δ’ Ἱκέτην αὐτομολεῖτε τάχος; ### book 92.5.3 ὀπτᾶσθ’ ἐν κάλλει, τύφεσθ’ ὑποκαόμενοι νῦν, ### book 92.5.4 ἄκρος ἐπεὶ ψυχῆς ἐστὶ μάγειρος Ἔρως. ### book 93.1.1 Οἱ παῖδες λαβύρινθος ἀνέξοδος· ᾗ γὰρ ἂν ὄμμα ### book 93.1.2 ῥίψῃς, ὡς ἰξῷ τοῦτο προσαμπέχεται. ### book 93.1.3 τῇ μὲν γὰρ Θεόδωρος ἄγει ποτὶ πίονα σαρκὸς ### book 93.1.4 ἀκμὴν καὶ γυίων ἄνθος ἀκηράσιον· ### book 93.5.1 τῇ δὲ Φιλοκλῆος χρύσεον ῥέθος, ὃς τὸ καθ’ ὕψος ### book 93.5.2 οὐ μέγας, οὐρανίη δ’ ἀμφιτέθηλε χάρις· ### book 93.5.3 ἢν δ’ ἐπὶ Λεπτίνεω στρέψῃς δέμας, οὐκέτι γυῖα ### book 93.1 κινήσεις, ἀλύτῳ δ’ ὡς ἀδάμαντι μένεις ### book 93.2 ἴχνια κολληθείς· τοῖον σέλας ὄμμασιν αἴθει ### book 93.10.1 κοῦρος καὶ νεάτους ἐκ κορυφῆς ὄνυχας. ### book 93.10.2 χαίρετε, καλοὶ παῖδες, ἐς ἀκμαίην δὲ μόλοιτε ### book 93.10.3 ἥβην καὶ λευκὴν ἀμφιέσαισθε κόμην. ### book 94.1.1 Τερπνὸς μὲν Διόδωρος, ἐν ὄμμασι δ’ Ἡράκλειτος, ### book 94.1.2 ἡδυεπὴς δὲ Δίων, ὀσφύι δ’ Οὐλιάδης. ### book 94.1.3 ἀλλὰ σὺ μὲν ψαύοις ἁπαλόχροος, ᾧ δέ, Φιλόκλεις, ### book 94.1.4 ἔμβλεπε, τῷ δὲ λάλει, τὸν δὲ ... τὸ λειπόμενον, ### book 94.5.1 ὡς γνῷς, οἷος ἐμὸς νόος ἄφθονος· ἢν δὲ Μυΐσκῳ ### book 94.5.2 λίχνος ἐπιβλέψῃς, μηκέτ’ ἴδοις τὸ καλόν. ### book 95.1.1 Εἴ σε Πόθοι στέργουσι, Φιλόκλεες, ἥ τε μυρόπνους ### book 95.1.2 Πειθὼ καὶ κάλλευς ἀνθολόγοι Χάριτες, ### book 95.1.3 ἀγκὰς ἔχοις Διόδωρον, ὁ δὲ γλυκὺς ἀντίος ᾄδοι ### book 95.1.4 Δωρόθεος, κείσθω δ’ εἰς γόνυ Καλλικράτης, ### book 95.5.1 ἰαίνοι δὲ Δίων τόδ’ ἐύστοχον ἐν χερὶ τείνων ### book 95.5.2 σὸν κέρας, Οὐλιάδης δ’ αὐτὸ περισκυθίσαι, ### book 95.5.3 δοίη δ’ ἡδὺ φίλημα Φίλων, Θήρων δὲ λαλήσαι, ### book 95.5.4 θλίβοις δ’ Εὐδήμου τιτθὸν ὑπὸ χλαμύδι. ### book 95.5.5 εἰ γάρ σοι τάδε τερπνὰ πόροι θεός, ὦ μάκαρ, οἵαν ### book 95.10 ἀρτύσεις παίδων Ῥωμαϊκὴν λοπάδα. ### book 96.1.1 Οὔτι μάταν θνατοῖσι φάτις τοιάδε βοᾶται, ### book 96.1.2 ὡς οὐ πάντα θεοὶ πᾶσιν ἔδωκαν ἔχειν. ### book 96.1.3 εἶδος μὲν γὰρ ἄμωμον, ἐπ’ ὄμμασι δ’ ἁ περίσαμος ### book 96.1.4 αἰδώς, καὶ στέρνοις ἀμφιτέθαλε χάρις, ### book 96.5.1 οἷσι καὶ ἠιθέους ἐπιδάμνασαι· ἀλλ’ ἐπὶ ποσσὶν ### book 96.5.2 οὐκέτι τὰν αὐτὰν δῶκαν ἔχειν σε χάριν. ### book 96.5.3 πλὴν κρηπὶς κρύψει ποδὸς ἴχνιον, ὠγαθὲ Πύρρε, ### book 96.5.4 κάλλεϊ δὲ σφετέρῳ τέρψει ἀγαλλόμενον. ### book 97.1.1 Εὐπάλαμος ξανθὸν μὲν ἐρεύθεται ἶσον Ἔρωτι, ### book 97.1.2 μέσφα ποτὶ Κρητῶν ποιμένα Μηριόνην· ### book 97.1.3 ἐκ δέ νυ Μηριόνεω Ποδαλείριος οὐκέτ’ ἐς Ἠὼ ### book 97.1.4 νεῖται· ἴδ’, ὡς φθονερὰ παγγενέτειρα Φύσις. ### book 97.5.1 εἰ γὰρ τῷ τά τ’ ἔνερθε τά θ’ ὑψόθεν ἶσα πέλοιτο, ### book 97.5.2 ἦν ἂν Ἀχιλλῆος φέρτερος Αἰακίδεω. ### book 98.1.1 Τὸν Μουσῶν τέττιγα Πόθος δήσας ἐπ’ ἀκάνθαις ### book 98.1.2 κοιμίζειν ἐθέλει πῦρ ὑπὸ πλευρὰ βαλών· ### book 98.1.3 ἡ δὲ πρὶν ἐν βύβλοις πεπονημένη ἄθλια τρίζει ### book 98 ψυχὴ ἀνιηρῷ δαίμονι μεμφομένη. ### book 99.1.1 Ἠγρεύθην ὑπ’ Ἔρωτος ὁ μηδ’ ὄναρ, οὐδ’ ἔμαθον πῦρ ### book 99.1.2 ἄρσεν ποιμαίνειν θερμὸν ὑπὸ κραδίας, ### book 99.1.3 ἠγρεύθην. ἀλλ’ οὔ με κακῶν πόθος, ἀλλ’ ἀκέραιον ### book 99.1.4 σύντροφον αἰσχύνῃ βλέμμα κατηνθράκισεν. ### book 99.5.1 τηκέσθω Μουσέων ὁ πολὺς πόνος· ἐν πυρὶ γὰρ νοῦς ### book 99.5.2 βέβληται γλυκερῆς ἄχθος ἔχων ὀδύνης. ### book 100.1.1 Εἰς οἵων με πόθων λιμένα ξένον, ὦ Κύπρι, θεῖσα ### book 100.1.2 οὐκ ἐλεεῖς καὐτὴ πεῖραν ἔχουσα πόνων; ### book 100.1.3 ἦ μ’ ἐθέλεις ἄτλητα παθεῖν καὶ τοῦτ’ ἔπος εἰπεῖν· ### book 100.1.4 „Τὸν σοφὸν ἐν Μούσαις Κύπρις ἔτρωσε μόνη“; ### book 101.1.1 Τόν με Πόθοις ἄτρωτον ὑπὸ στέρνοισι Μυΐσκος ### book 101.1.2 ὄμμασι τοξεύσας τοῦτ’ ἐβόησεν ἔπος· ### book 101.1.3 „Τὸν θρασὺν εἷλον ἐγώ· τὸ δ’ ἐπ’ ὀφρύσι κεῖνο φρύαγμα ### book 101.1.4 σκηπτροφόρου σοφίας ἠνίδε ποσσὶ πατῶ.“ ### book 101.5.1 τῷ δ’, ὅσον ἀμπνεύσας, τόδ’ ἔφην· „Φίλε κοῦρε, τί θαμβεῖς; ### book 101.5.2 καὐτὸν ἀπ’ Οὐλύμπου Ζῆνα καθεῖλεν Ἔρως.“ ### book 102.1.1 Ὡγρευτής, Ἐπίκυδες, ἐν οὔρεσι πάντα λαγωὸν ### book 102.1.2 διφᾷ καὶ πάσης ἴχνια δορκαλίδος, ### book 102.1.3 στίβῃ καὶ νιφετῷ κεχρημένος· ἢν δέ τις εἴπῃ· ### book 102.1.4 „Τῆ, τόδε βέβληται θηρίον,“ οὐκ ἔλαβεν. ### book 102.5 χοὐμὸς ἔρως τοιόσδε· τὰ μὲν φεύγοντα διώκειν ### book 102 οἶδε, τὰ δ’ ἐν μέσσῳ κείμενα παρπέταται. ### book 103.1.1 Οἶδα φιλεῖν φιλέοντας· ἐπίσταμαι, ἤν μ’ ἀδικῇ τις, ### book 103.1.2 μισεῖν· ἀμφοτέρων εἰμὶ γὰρ οὐκ ἀδαής. ### book 104.1.1 Οὑμὸς ἔρως παρ’ ἐμοὶ μενέτω μόνον· ἢν δὲ πρὸς ἄλλους ### book 104.1.2 φοιτήσῃ, μισῶ κοινὸν ἔρωτα, Κύπρι. ### book 105.1.1 Μικρὸς Ἔρως ἐκ μητρὸς ἔτ’ εὐθήρατος ἀποπτὰς ### book 105.1.2 ἐξ οἴκων ὑψοῦ Δάμιδος οὐ πέτομαι· ### book 105.1.3 ἀλλ’ αὐτοῦ, φιλέων τε καὶ ἀζήλωτα φιληθείς, ### book 105.1.4 οὐ πολλοῖς, εὐκρὰς δ’ εἷς ἑνὶ συμφέρομαι. ### book 106.1.1 Ἓν καλὸν οἶδα τὸ πᾶν, ἕν μοι μόνον οἶδε τὸ λίχνον ### book 106.1.2 ὄμμα, Μυΐσκον ὁρᾶν· τἆλλα δὲ τυφλὸς ἐγώ. ### book 106.1.3 πάντα δὲ κεῖνος ἐμοὶ φαντάζεται. ἆρ’ ἐσορῶσιν ### book 106.1.4 ὀφθαλμοὶ ψυχῇ πρὸς χάριν, οἱ κόλακες; ### book 107.1.1 Τὸν καλόν, ὦ Χάριτες, Διονύσιον, εἰ μὲν ἕλοιτο ### book 107.1.2 τἀμά, καὶ εἰς ὥρας αὖθις ἄγοιτε καλόν· ### book 107.1.3 εἰ δ’ ἕτερον στέρξειε παρεὶς ἐμέ, μύρτον ἕωλον ### book 107 ἐρρίφθω ξηροῖς φυρόμενον σκυβάλοις. ### book 108.1.1 Εἰ μὲν ἐμὲ στέρξεις, εἴης ἰσόμοιρος, Ἄκρατε, ### book 108.1.2 Χίῳ καὶ Χίου πουλὺ μελιχρότερος· ### book 108.1.3 εἰ δ’ ἕτερον κρίναις ἐμέθεν πλέον, ἀμφὶ σὲ βαίη ### book 108.1.4 κώνωψ ὀξηρῷ φυόμενος κεράμῳ. ### book 109.1.1 Ὁ τρυφερὸς Διόδωρος ἐς ἠιθέους φλόγα βάλλων ### book 109.1.2 ἤγρευται λαμυροῖς ὄμμασι Τιμαρίου, ### book 109.1.3 τὸ γλυκύπικρον Ἔρωτος ἔχων βέλος. ἦ τόδε καινὸν ### book 109.1.4 θάμβος ὁρῶ· φλέγεται πῦρ πυρὶ καιόμενον. ### book 110.1.1 Ἤστραψε γλυκὺ κάλλος· ἰδοὺ φλόγας ὄμμασι βάλλει. ### book 110.1.2 ἆρα κεραυνομάχαν παῖδ’ ἀνέδειξεν Ἔρως; ### book 110.1.3 χαῖρε Πόθων ἀκτῖνα φέρων θνατοῖσι, Μυΐσκε, ### book 110.1.4 καὶ λάμποις ἐπὶ γᾷ πυρσὸς ἐμοὶ φίλιος. ### book 111.1.1 Πτανὸς Ἔρως, σὺ δὲ ποσσὶ ταχύς· τὸ δὲ κάλλος ὁμοῖον ### book 111.1.2 ἀμφοτέρων· τόξοις, Εὔβιε, λειπόμεθα. ### book 112.1 Εὐφαμεῖτε, νέοι· τὸν Ἔρωτ’ ἄγει Ἀρκεσίλαος ### book 112 πορφυρέῃ δήσας Κύπριδος ἁρπεδόνῃ. ### book 113.1.1 Καὐτὸς Ἔρως ὁ πτανὸς ἐν αἰθέρι δέσμιος ἥλω, ### book 113.1.2 ἀγρευθεὶς τοῖς σοῖς ὄμμασι, Τιμάριον. ### book 114.1.1 Ἠοῦς ἄγγελε, χαῖρε, Φαεσφόρε, καὶ ταχὺς ἔλθοις ### book 114.1.2 Ἕσπερος, ἣν ἀπάγεις, λάθριος αὖθις ἄγων. ### book 115.1.1 Ἄκρητον μανίην ἔπιον· μεθύων μέγα μύθοις ### book 115.1.2 ὥπλισμαι πολλὴν εἰς ὁδὸν ἀφροσύναν. ### book 115.1.3 κωμάσομαι. τί δέ μοι βροντέων μέλει ἢ τί κεραυνῶν, ### book 115.1.4 ἢν βάλλῃ, τὸν ἔρωθ’ ὅπλον ἄτρωτον ἔχων; ### book 116.1.1 Κωμάσομαι· μεθύω γὰρ ὅλος μέγα. παῖ, λάβε τοῦτον ### book 116.1.2 τὸν στέφανον, τὸν ἐμοῖς δάκρυσι λουόμενον· ### book 116.1.3 μακρὴν δ’ οὐχὶ μάτην ὁδὸν ἵξομαι· ἔστι δ’ ἀωρὶ ### book 116.1.4 καὶ σκότος· ἀλλὰ μέγας φανὸς ἐμοὶ Θεμίσων. ### book 117.1.1 Βεβλήσθω κύβος· ἅπτε· πορεύσομαι. —„Ἠνίδε τόλμαν, ### book 117.1.2 οἰνοβαρές. τίν’ ἔχεις φροντίδα;“ —Κωμάσομαι. — ### book 117.1.3 „Κωμάσομαι; ποῖ, θυμέ, τρέπῃ;“ —Τί δ’ ἔρωτι λογισμός; ### book 117.1.4 ἅπτε τάχος. —„Ποῦ δ’ ἡ πρόσθε λόγων μελέτη;“ — ### book 117.5 Ἐρρίφθω σοφίας ὁ πολὺς πόνος· ἓν μόνον οἶδα ### book 117 τοῦθ’, ὅτι καὶ Ζηνὸς λῆμα καθεῖλεν Ἔρως. ### book 118.1.1 Εἰ μὲν ἑκών, Ἀρχῖν’, ἐπεκώμασα, μυρία μέμφου· ### book 118.1.2 εἰ δ’ ἄκων ἥκω, τὴν προπέτειαν ἔα. ### book 118.1.3 ἄκρητος καὶ Ἔρως μ’ ἠνάγκασαν· ὧν ὁ μὲν αὐτῶν ### book 118.1.4 εἷλκεν, ὁ δ’ οὐκ εἴα σώφρονα θυμὸν ἔχειν. ### book 118.5.1 ἐλθὼν δ’ οὐκ ἐβόησα, τίς ἢ τίνος, ἀλλ’ ἐφίλησα ### book 118.5.2 τὴν φλιήν· εἰ τοῦτ’ ἔστ’ ἀδίκημ’, ἀδικῶ. ### book 119.1.1 Οἴσω, ναὶ μὰ σέ, Βάκχε, τὸ σὸν θράσος· ἁγέο, κώμων ### book 119.1.2 ἄρχε· θεὸς θνατὰν ἁνιόχει κραδίαν· ### book 119.1.3 ἐν πυρὶ γενναθεὶς στέργεις φλόγα τὰν ἐν Ἔρωτι ### book 119.1.4 καί με πάλιν δήσας τὸν σὸν ἄγεις ἱκέτην. ### book 119.5.1 ἦ προδότας κἄπιστος ἔφυς, τεὰ δ’ ὄργια κρύπτειν ### book 119.5.2 αὐδῶν ἐκφαίνειν τἀμὰ σὺ νῦν ἐθέλεις. ### book 120.1.1 Εὐοπλῶ καὶ πρὸς σὲ μαχήσομαι, οὐδ’ ἀπεροῦμαι ### book 120.1.2 θνητὸς ἐών· σὺ δ’, Ἔρως, μηκέτι μοι πρόσαγε. ### book 120.1.3 ἤν με λάβῃς μεθύοντ’, ἄπαγ’ ἔκδοτον· ἄχρι δὲ νήφω, ### book 120 τὸν παραταξάμενον πρὸς σὲ λογισμὸν ἔχω. ### book 121.1.1 Ἦ ῥά νύ τοι, Κλεόνικε, δι’ ἀτραπιτοῖο κιόντι ### book 121.1.2 στεινῆς ἤντησαν ταὶ λιπαραὶ Χάριτες· ### book 121.1.3 καί σε ποτὶ ῥοδέῃσιν ἐπηχύναντο χέρεσσιν, ### book 121.1.4 κοῦρε, πεποίησαι δ’ ἡλίκος ἐσσὶ χάρις· ### book 121.5.1 τηλόθι μοι μάλα χαῖρε· πυρὸς δ’ οὐκ ἀσφαλὲς ἆσσον ### book 121.5.2 ἕρπειν αὐηρήν, ἆ φίλος, ἀνθέρικα. ### book 122.1.1 Ὦ Χάριτες, τὸν καλὸν Ἀρισταγόρην ἐσιδοῦσαι ### book 122.1.2 ἀντίον εἰς τρυφερὰς ἠγκαλίσασθε χέρας, ### book 122.1.3 οὕνεκα καὶ μορφᾷ βάλλει φλόγα καὶ γλυκυμυθεῖ ### book 122.1.4 καίρια καὶ σιγῶν ὄμμασι τερπνὰ λαλεῖ. ### book 122.5.1 τηλόθι μοι πλάζοιτο. τί δὲ πλέον; ὡς γὰρ Ὀλύμπου ### book 122.5.2 Ζεὺς νέον οἶδεν ὁ παῖς μακρὰ κεραυνοβολεῖν. ### book 123.1.1 Πυγμῇ νικήσαντα τὸν Ἀντικλέους Μενέχαρμον ### book 123.1.2 λημνίσκοις μαλακοῖς ἐστεφάνωσα δέκα ### book 123.1.3 καὶ τρισσῶς ἐφίλησα πεφυρμένον αἵματι πολλῷ· ### book 123.1.4 ἀλλ’ ἐμοὶ ἦν σμύρνης κεῖνο μελιχρότερον. ### book 124.1.1 Λάθρῃ παπταίνοντα παρὰ φλιὴν Ἐχέδημον ### book 124.1.2 λάθριος ἀκρήβην τὸν χαρίεντ’ ἔκυσα. ### book 124.1.3 δειμαίνω· καὶ γάρ μοι ἐνύπνιος ἦλθε φαρέτρην ### book 124.1.4 ἀνταίρων καὶ δοὺς ᾤχετ’ ἀλεκτρυόνα, ### book 124.5 ἄλλοτε μειδιόων, ὁτὲ δ’ οὐ φίλος. ἦ ῥα μελισσέων ### book 124 ἑσμοῦ καὶ κνίδης καὶ πυρὸς ἡψάμεθα. ### book 125.1.1 Ἡδύ τί μοι διὰ νυκτὸς ἐνύπνιον ἁβρὰ γελῶντος ### book 125.1.2 ὀκτωκαιδεκέτους παιδὸς ἔτ’ ἐν χλαμύδι ### book 125.1.3 ἤγαγ’ Ἔρως ὑπὸ χλαῖναν· ἐγὼ δ’ ἁπαλῷ περὶ χρωτὶ ### book 125.1.4 στέρνα βαλὼν κενεὰς ἐλπίδας ἐδρεπόμαν. ### book 125.5.1 καί μ’ ἔτι νῦν θάλπει μνήμης πόθος· ὄμμασι δ’ ὕπνον ### book 125.5.2 ἀγρευτὴν πτηνοῦ φάσματος αἰὲν ἔχω. ### book 125.5.3 ὦ δύσερως ψυχή, παῦσαί ποτε καὶ δι’ ὀνείρων ### book 125.5.4 εἰδώλοις κάλλευς κωφὰ χλιαινομένη. ### book 126.1.1 Ἦρκταί μευ κραδίας ψαύειν πόνος· ἦ γὰρ ἀλύων ### book 126.1.2 ἀκρονυχεὶ ταύταν ἔκνις’ ὁ θερμὸς Ἔρως· ### book 126.1.3 εἶπε δὲ μειδήσας· „Ἕξεις πάλι τὸ γλυκὺ τραῦμα, ### book 126.1.4 ὦ δύσερως, λάβρῳ καιόμενος μέλιτι.“ ### book 126.5.1 ἐξ οὗ δὴ νέον ἔρνος ἐν ἠιθέοις Διόφαντον ### book 126.5.2 λεύσσων οὔτε φυγεῖν οὔτε μένειν δύναμαι. ### book 127.1.1 Εἰνόδιον στείχοντα μεσαμβρινὸν εἶδον Ἄλεξιν, ### book 127.1.2 ἄρτι κόμαν καρπῶν κειρομένου θέρεος. ### book 127.1.3 διπλαῖ δ’ ἀκτῖνές με κατέφλεγον· αἱ μὲν Ἔρωτος ### book 127.1.4 παιδὸς ἀπ’ ὀφθαλμῶν, αἱ δὲ παρ’ ἠελίου. ### book 127.5.1 ἀλλ’ ἃς μὲν νὺξ αὖθις ἐκοίμισεν· ἃς δ’ ἐν ὀνείροις ### book 127.5.2 εἴδωλον μορφῆς μᾶλλον ἀνεφλόγισεν. ### book 127.5.3 λυσίπονος δ’ ἑτέροις ἐπ’ ἐμοὶ πόνον ὕπνος ἔτευξεν ### book 127 ἔμπνουν πῦρ ψυχῇ κάλλος ἀπεικονίσας. ### book 128.1.1 Αἰπολικαὶ σύριγγες, ἐν οὔρεσι μηκέτι Δάφνιν ### book 128.1.2 φωνεῖτ’ αἰγιβάτῃ Πανὶ χαριζόμεναι· ### book 128.1.3 μηδὲ σὺ τὸν στεφθέντα, λύρη, Φοίβοιο προφῆτι, ### book 128.1.4 δάφνῃ παρθενίῃ μέλφ’ Ὑάκινθον ἔτι. ### book 128.5.1 ἦν γάρ, ὅτ’ ἦν Δάφνις μὲν Ὀρειάσι, σοὶ δ’ Ὑάκινθος ### book 128.5.2 τερπνός· νῦν δὲ Πόθων σκῆπτρα Δίων ἐχέτω. ### book 129.1.1 Ἀργεῖος Φιλοκλῆς Ἄργει καλός, αἵ τε Κορίνθου ### book 129.1.2 στῆλαι καὶ Μεγαρέων ταὐτὸ βοῶσι τάφοι· ### book 129.1.3 γέγραπται καὶ μέχρι λοετρῶν Ἀμφιαράου ### book 129.1.4 ὡς καλός. ἀλλ’ ὀλίγον· γράμμασι λειπόμεθα. ### book 129.5.1 τῷδ’ οὐ γὰρ πέτραι ἐπιμάρτυρες, ἀλλὰ Ῥιηνὸς ### book 129.5.2 αὐτὸς ἰδών, ἑτέρου δ’ ἐστὶ περισσότερος. ### book 130.1.1 Εἶπα καὶ αὖ πάλιν εἶπα· „Καλός, καλός.“ ἀλλ’ ἔτι φήσω, ### book 130.1.2 ὡς καλός, ὡς χαρίεις ὄμμασι Δωσίθεος. ### book 130.1.3 οὐ δρυὸς οὐδ’ ἐλάτης ἐχαράξαμεν οὐδ’ ἐπὶ τοίχου ### book 130.1.4 τοῦτ’ ἔπος· ἀλλ’ ἐν ἐμῇ ἴσχετ’ Ἔρως κραδίᾳ. ### book 130.5.1 εἰ δέ τις οὐ φήσει, μὴ πείθεο. ναὶ μὰ σέ, δαῖμον, ### book 130.5.2 ψεύδετ’· ἐγὼ δ’ ὁ λέγων ἀτρεκὲς οἶδα μόνος. ### book 131.1.1 Ἃ Κύπρον ἅ τε Κύθηρα καὶ ἃ Μίλητον ἐποιχνεῖς ### book 131.1.2 καὶ καλὸν Συρίης ἱπποκρότου δάπεδον, ### book 131.1.3 ἔλθοις ἵλαος Καλλιστίῳ, ἣ τὸν ἐραστὴν ### book 131 οὐδέποτ’ οἰκείων ὦσεν ἀπὸ προθύρων. ### book 132.1.1 Οὔ σοι ταῦτ’ ἐβόων, ψυχή· „Ναὶ Κύπριν, ἁλώσει, ### book 132.1.2 ὦ δύσερως, ἰξῷ πυκνὰ προσιπταμένη“; ### book 132.1.3 οὐκ ἐβόων; εἷλέν σε πάγη. τί μάτην ἐνὶ δεσμοῖς ### book 132.1.4 σπαίρεις; αὐτὸς Ἔρως τὰ πτερά σου δέδεκεν ### book 132.5.1 καί ς’ ἐπὶ πῦρ ἔστησε, μύροις δ’ ἔρρανε λιπόπνουν, ### book 132.5.2 δῶκε δὲ διψώσῃ δάκρυα θερμὰ πιεῖν. ### book 132.5.3 ἆ ψυχὴ βαρύμοχθε, σὺ δ’ ἄρτι μὲν ἐκ πυρὸς αἴθῃ, ### book 132.5.4 ἄρτι δ’ ἀναψύχεις πνεῦμ’ ἀναλεξαμένη. ### book 132.5.5 τί κλαίεις; τὸν ἄτεγκτον ὅτ’ ἐν κόλποισιν Ἔρωτα ### book 132.10.1 ἔτρεφες, οὐκ ᾔδεις, ὡς ἐπὶ σοὶ τρέφετο; ### book 132.10.2 οὐκ ᾔδεις; νῦν γνῶθι καλῶν ἄλλαγμα τροφείων, ### book 132.10.3 πῦρ ἅμα καὶ ψυχρὰν δεξαμένη χιόνα. ### book 132.10.4 αὐτὴ ταῦθ’ εἵλου· φέρε τὸν πόνον. ἄξια πάσχεις, ### book 132.10.5 ὧν ἔδρας, ὀπτῷ καιομένη μέλιτι. ### book 133.1.1 Διψῶν ὡς ἐφίλησα θέρευς ἁπαλόχροα παῖδα, ### book 133.1.2 εἶπα τότ’ αὐχμηρὰν δίψαν ἀποπροφυγών· ### book 133.1.3 „Ζεῦ πάτερ, ἆρα φίλημα τὸ νεκτάρεον Γανυμήδευς ### book 133.1.4 πίνεις, καὶ τόδε σοι χείλεσιν οἰνοχοεῖ; ### book 133.5.1 καὶ γὰρ ἐγὼ τὸν καλὸν ἐν ἠιθέοισι φιλήσας ### book 133.5.2 Ἀντίοχον ψυχῆς ἡδὺ πέπωκα μέλι.“ ### book 134.1.1 Ἕλκος ἔχων ὁ ξεῖνος ἐλάνθανεν· ὡς ἀνιηρὸν ### book 134.1.2 πνεῦμα διὰ στηθέων—εἶδες; —ἀνηγάγετο, ### book 134.1.3 τὸ τρίτον ἡνίκ’ ἔπινε, τὰ δὲ ῥόδα φυλλοβολεῦντα ### book 134.1.4 τὠνδρὸς ἀπὸ στεφάνων πάντ’ ἐγένοντο χαμαί· ### book 134.5 ὤπτηται μέγα δή τι, μὰ δαίμονας· οὐκ ἀπὸ ῥυσμοῦ ### book 134 εἰκάζω, φωρὸς δ’ ἴχνια φὼρ ἔμαθον. ### book 135.1.1 Οἶνος ἔρωτος ἔλεγχος· ἐρᾶν ἀρνεύμενον ἡμῖν ### book 135.1.2 ἤτασαν αἱ πολλαὶ Νικαγόρην προπόσεις· ### book 135.1.3 καὶ γὰρ ἐδάκρυσεν καὶ ἐνύστασε καί τι κατηφὲς ### book 135.1.4 ἔβλεπε, χὠ σφιγχθεὶς οὐκ ἔμενε στέφανος. ### book 136.1.1 Ὄρνιθες ψίθυροι, τί κεκράγατε; μή μ’ ἀνιᾶτε ### book 136.1.2 τὸν τρυφερῇ παιδὸς σαρκὶ χλιαινόμενον, ### book 136.1.3 ἑζόμεναι πετάλοισιν ἀηδόνες· εἰ δὲ λάληθρον ### book 136.1.4 θῆλυ γένος, δέομαι, μείνατ’ ἐφ’ ἡσυχίης. ### book 137.1.1 Ὀρθροβόας, δυσέρωτι κακάγγελε, νῦν, τρισάλαστε, ### book 137.1.2 ἐννύχιος κράζεις πλευροτυπῆ κέλαδον ### book 137.1.3 γαῦρος ὑπὲρ κοίτας, ὅτι μοι βραχὺ τοῦτ’ ἔτι νυκτὸς ### book 137.1.4 παιδοφιλεῖν, ἐπ’ ἐμαῖς δ’ ἁδὺ γελᾷς ὀδύναις. ### book 137.5.1 ἅδε φίλα θρεπτῆρι χάρις; ναὶ τὸν βαθὺν ὄρθρον, ### book 137.5.2 ἔσχατα γηρύσῃ ταῦτα τὰ πικρὰ μέλη. ### book 138.1.1 Ἄμπελε, μήποτε φύλλα χαμαὶ σπεύδουσα βαλέσθαι ### book 138.1.2 δείδιας ἑσπέριον Πλειάδα δυομέναν; ### book 138.1.3 μεῖνον ἐπ’ Ἀντιλέοντι πεσεῖν ὑπὸ τὶν γλυκὺν ὕπνον, ### book 138 ἐς τότε, τοῖς καλοῖς πάντα χαριζομένα. ### book 139.1.1 Ἔστι τι, ναὶ τὸν Πᾶνα, κεκρυμμένον, ἔστι τι ταύτῃ, ### book 139.1.2 ναὶ μὰ Διώνυσον, πῦρ ὑπὸ τῇ σποδιῇ· ### book 139.1.3 οὐ θαρσέω. μὴ δή με περίπλεκε· πολλάκι λήθει ### book 139.1.4 τοῖχον ὑποτρώγων ἡσύχιος ποταμός. ### book 139.5.1 τῷ καὶ νῦν δείδοικα, Μενέξενε, μή με παρεισδὺς ### book 139.5.2 οὗτος ὁ σιγέρπης εἰς τὸν ἔρωτα βάλῃ. ### book 140.1.1 Τὸν καλὸν ὡς ἰδόμαν Ἀρχέστρατον, οὐ μὰ τὸν Ἑρμᾶν, ### book 140.1.2 οὐ καλὸν αὐτὸν ἔφαν, οὐ γὰρ ἄγαν ἐδόκει. ### book 140.1.3 εἶπα, καὶ ἁ Νέμεσίς με συνάρπασε, κεὐθὺς ἐκείμαν ### book 140.1.4 ἐν πυρί, παῖς δ’ ἐπ’ ἐμοὶ Ζεὺς ἐκεραυνοβόλει. ### book 140.5.1 τὸν παῖδ’ ἱλασόμεσθ’ ἢ τὰν θεόν; ἀλλὰ θεοῦ μοι ### book 140.5.2 ἔστιν ὁ παῖς κρέσσων· χαιρέτω ἁ Νέμεσις. ### book 141.1.1 Ἐφθέγξω, ναὶ Κύπριν, ἃ μὴ θεός, ὦ μέγα τολμᾶν ### book 141.1.2 θυμὲ μαθών· Θήρων σοὶ καλὸς οὐκ ἐφάνη· ### book 141.1.3 σοὶ καλὸς οὐκ ἐφάνη Θήρων· ἀλλ’ αὐτὸς ὑπέστης, ### book 141.1.4 οὐδὲ Διὸς πτήξας πῦρ τὸ κεραυνοβόλον. ### book 141.5 τοιγάρ, ἰδού, τὸν πρόσθε λάλον προὔθηκεν ἰδέσθαι ### book 141 δεῖγμα θρασυστομίης ἡ βαρύφρων Νέμεσις. ### book 142.1.1 Ἰξῷ Δεξιόνικος ὑπὸ χλωρῇ πλατανίστῳ ### book 142.1.2 κόσσυφον ἀγρεύσας εἷλε κατὰ πτερύγων· ### book 142.1.3 χὠ μὲν ἀναστενάχων ἀπεκώκυεν ἱερὸς ὄρνις. ### book 142.1.4 ἀλλ’ ἐγώ, ὦ φίλ’ Ἔρως καὶ θαλεραὶ Χάριτες, ### book 142.5.1 εἴην καὶ κίχλη καὶ κόσσυφος, ὡς ἂν ἐκείνου ### book 142.5.2 ἐν χερὶ καὶ φθογγὴν καὶ γλυκὺ δάκρυ βάλω. ### book 143.1.1 Ἑρμῆ, τοξευθεὶς ἐξέσπασα πικρὸν ἐφήβῳ. — ### book 143.1.2 „Κἠγὼ τὴν αὐτήν, ξεῖνε, λέλογχα τύχην.“ — ### book 143.1.3 Ἀλλά μ’ Ἀπολλοφάνους τρύχει πόθος. —„Ὦ φιλάεθλε, ### book 143.1.4 ἔφθασας· εἰς ἓν πῦρ οἱ δύ’ ἐνηλάμεθα.“ ### book 144.1.1 Τί κλαίεις, φρενολῃστά; τί δ’ ἄγρια τόξα καὶ ἰοὺς ### book 144.1.2 ἔρριψας διφυῆ ταρσὸν ἀνεὶς πτερύγων; ### book 144.1.3 ἦ ῥά γε καὶ σὲ Μυΐσκος ὁ δύσμαχος ὄμμασιν αἴθει; ### book 144.1.4 ὡς μόλις, οἷ’ ἔδρας πρόσθε, παθὼν ἔμαθες. ### book 145.1.1 Παύετε, παιδοφίλαι, κενεὸν πόνον· ἴσχετε μόχθων, ### book 145.1.2 δύσφρονες· ἀπρήκτοις ἐλπίσι μαινόμεθα. ### book 145.1.3 ἶσον ἐπὶ ψαφαρὴν ἀντλεῖν ἅλα κἀπὸ Λιβύσσης ### book 145.1.4 ψάμμου ἀριθμητὴν ἀρτιάσαι ψεκάδα, ### book 145.5.1 ἶσον καὶ παίδων στέργειν πόθον, ὧν τὸ κεναυχὲς ### book 145.5.2 κάλλος ἐνὶ χθονίοις ἡδύ τ’ ἐν ἀθανάτοις. ### book 145.5.3 δέρκεσθ’ εἰς ἐμὲ πάντες· ὁ γὰρ πάρος εἰς κενὸν ἡμῶν ### book 145 μόχθος ἐπὶ ξηροῖς ἐκκέχυτ’ αἰγιαλοῖς. ### book 146.1.1 Ἀγρεύσας τὸν νεβρὸν ἀπώλεσα, χὠ μὲν ἀνατλὰς ### book 146.1.2 μυρία καὶ στήσας δίκτυα καὶ στάλικας ### book 146.1.3 σὺν κενεαῖς χείρεσσιν ἀπέρχομαι· οἱ δ’ ἀμογητὶ ### book 146.1.4 τἀμὰ φέρουσιν, Ἔρως, οἷς σὺ γένοιο βαρύς. ### book 147.1.1 Ἅρπασται. τίς τόσσον ἐναιχμάσαι ἄγριος ἦεν; ### book 147.1.2 τίς τόσος ἀντᾶραι καὶ πρὸς Ἔρωτα μάχην; ### book 147.1.3 ἅπτε τάχος πεύκας· καίτοι κτύπος· Ἡλιοδώρας. ### book 147.1.4 βαῖνε πάλιν στέρνων ἐντὸς ἐμῶν, κραδίη. ### book 148.1.1 Οἶδ’, ὅτι μευ πλούτου κενεαὶ χέρες· ἀλλά, Μένιππε, ### book 148.1.2 μὴ λέγε, πρὸς Χαρίτων, τοὐμὸν ὄνειρον ἐμοί. ### book 148.1.3 ἀλγέω τὴν διὰ παντὸς ἔπος τόδε πικρὸν ἀκούων· ### book 148.1.4 ναί, φίλε, τῶν παρὰ σεῦ τοῦτ’ ἀνεραστότατον. ### book 149.1.1 „Ληφθήσει, περίφευγε, Μενέκρατες,“ εἶπα Πανήμου ### book 149.1.2 εἰκάδι, καὶ Λῴου τῇ—τίνι; τῇ δεκάτῃ ### book 149.1.3 ἦλθεν ὁ βοῦς ὑπ’ ἄροτρον ἑκούσιος. εὖ γ’, ἐμὸς Ἑρμῆς, ### book 149 εὖ γ’, ἐμός· οὐ παρὰ τὰς εἴκοσι μεμφόμεθα. ### book 150.1.1 Ὡς ἀγαθὰν Πολύφαμος ἀνεύρατο τὰν ἐπαοιδὰν ### book 150.1.2 τὠραμένῳ· ναὶ Γᾶν, οὐκ ἀμαθὴς ὁ Κύκλωψ. ### book 150.1.3 αἱ Μοῖσαι τὸν ἔρωτα κατισχναίνοντι, Φίλιππε· ### book 150.1.4 ἦ πανακὲς πάντων φάρμακον ἁ σοφία. ### book 150.5.1 τοῦτο, δοκέω, χἀ λιμὸς ἔχει μόνον ἐς τὰ πονηρὰ ### book 150.5.2 τὠγαθόν, ἐκκόπτει τὰν φιλόπαιδα νόσον. ### book 150.5.3 ἔσθ’ ἁμὶν χἀκάστοτ’ ἀφειδέα πρὸς τὸν Ἔρωτα ### book 150.5.4 τοῦτ’ εἶπαι· „Κείρευ τὰ πτερά, παιδάριον· ### book 150.5.5 οὐδ’ ὅσον ἀττάραγόν τυ δεδοίκαμες· αἱ γὰρ ἐπῳδαὶ ### book 150.10 οἴκοι τῶ χαλεπῶ τραύματος ἀμφότεραι.“ ### book 151.1.1 Εἴ τινά που παίδων ἐρατώτατον ἄνθος ἔχοντα ### book 151.1.2 εἶδες, ἀδιστάκτως εἶδες Ἀπολλόδοτον. ### book 151.1.3 εἰ δ’ ἐσιδών, ὦ ξεῖνε, πυριφλέκτοισι πόθοισιν ### book 151.1.4 οὐκ ἐδάμης, πάντως ἢ θεὸς ἢ λίθος εἶ. ### book 152.1 Μάγνης Ἡράκλειτος, ἐμοὶ πόθος, οὔτι σίδηρον ### book 152.2 πέτρῳ, πνεῦμα δ’ ἐμὸν κάλλει ἐφελκόμενος. ### book 153.1.1 Πρόσθε μοι Ἀρχεάδης ἐθλίβετο· νῦν δὲ τάλαιναν ### book 153.1.2 οὐδ’ ὅσσον παίζων εἰς ἔμ’ ἐπιστρέφεται. ### book 153.1.3 οὐδ’ ὁ μελιχρὸς Ἔρως ἀεὶ γλυκύς· ἀλλ’ ἀνιήσας ### book 153 πολλάκις ἡδίων γίνετ’ ἐρῶσι θεός. ### book 154.1.1 Ἡδὺς ὁ παῖς, καὶ τοὔνομ’ ἐμοὶ γλυκύς ἐστι Μυΐσκος ### book 154.1.2 καὶ χαρίεις. τίν’ ἔχω μὴ οὐχὶ φιλεῖν πρόφασιν; ### book 154.1.3 καλὸς γάρ, ναὶ Κύπριν, ὅλος καλός· εἰ δ’ ἀνιηρός, ### book 154.1.4 οἶδε τὸ πικρὸν Ἔρως συγκεράσαι μέλιτι. ### book 155.1.1 Μή μ’ εἴπῃς πάλιν ὧδε. —„Τί δ’ αἴτιος; αὐτὸς ἔπεμψε.“ — ### book 155.1.2 Δεύτερον οὖν φήσεις; —„Δεύτερον· εἶπεν· Ἴθι. ### book 155.1.3 ἀλλ’ ἔρχευ, μὴ μέλλε· μένουσί σε.“ —Πρῶτον ἐκεῖνον ### book 155.1.4 εὑρήσω χἤξω· τὸ τρίτον οἶδα πάλαι. ### book 156.1.1 Εἰαρινῷ χειμῶνι πανείκελος, ὦ Διόδωρε, ### book 156.1.2 οὑμὸς ἔρως ἀσαφεῖ κρινόμενος πελάγει· ### book 156.1.3 καί ποτε μὲν φαίνεις πολὺν ὑετόν, ἄλλοτε δ’ αὖτε ### book 156.1.4 εὔδιος, ἁβρὰ γελῶν δ’ ὄμμασιν ἐκκέχυσαι. ### book 156.5.1 τυφλὰ δ’, ὅπως ναυηγὸς ἐν οἴδματι, κύματα μετρῶν ### book 156.5.2 δινεῦμαι, μεγάλῳ χείματι πλαζόμενος. ### book 156.5.3 ἀλλά μοι ἢ φιλίης ἔκθες σκοπὸν ἢ πάλι μίσους, ### book 156.5.4 ὡς εἰδῶ, ποτέρῳ κύματι νηχόμεθα. ### book 157.1.1 Κύπρις ἐμοὶ ναύκληρος, Ἔρως δ’ οἴακα φυλάσσει ### book 157.1.2 ἄκρον ἔχων ψυχῆς ἐν χερὶ πηδάλιον· ### book 157.1.3 χειμαίνει δὲ βαρὺς πνεύσας Πόθος, οὕνεκα δὴ νῦν ### book 157 παμφύλῳ παίδων νήχομαι ἐν πελάγει. ### book 158.1.1 Σοί με Πόθων δέσποινα θεὴ πόρε, σοί με, Θεόκλεις, ### book 158.1.2 ἁβροπέδιλος Ἔρως γυμνὸν ὑπεστόρεσεν, ### book 158.1.3 ξεῖνον ἐπὶ ξείνης, δαμάσας ἀλύτοισι χαλινοῖς· ### book 158.1.4 ἱμείρω δὲ τυχεῖν ἀκλινέος φιλίας. ### book 158.5.1 ἀλλὰ σὺ τὸν στέργοντ’ ἀπαναίνεαι, οὐδέ σε θέλγει ### book 158.5.2 οὐ χρόνος, οὐ ξυνῆς σύμβολα σωφροσύνης. ### book 158.5.3 ἵλαθ’, ἄναξ, ἵληθι· σὲ γὰρ θεὸν ὥρισε Δαίμων· ### book 158.5.4 ἐν σοί μοι ζωῆς πείρατα καὶ θανάτου. ### book 159.1.1 Ἐν σοὶ τἀμά, Μυΐσκε, βίου πρυμνήσι’ ἀνῆπται· ### book 159.1.2 ἐν σοὶ καὶ ψυχῆς πνεῦμα τὸ λειφθὲν ἔτι. ### book 159.1.3 ναὶ γὰρ δὴ τὰ σά, κοῦρε, τὰ καὶ κωφοῖσι λαλεῦντα ### book 159.1.4 ὄμματα, ναὶ μὰ τὸ σὸν φαιδρὸν ἐπισκύνιον, ### book 159.5.1 ἤν μοι συννεφὲς ὄμμα βάλῃς ποτέ, χεῖμα δέδορκα· ### book 159.5.2 ἢν δ’ ἱλαρὸν βλέψῃς, ἠδὺ τέθηλεν ἔαρ. ### book 160.1.1 Θαρσαλέως τρηχεῖαν ὑπὸ σπλάγχνοισιν ἀνίην ### book 160.1.2 οἴσω, καὶ χαλεπῆς δεσμὸν ἀλυκτοπέδης· ### book 160.1.3 οὐ γάρ πω, Νίκανδρε, βολὰς ἐδάημεν Ἔρωτος ### book 160.1.4 νῦν μόνον, ἀλλὰ πόθων πολλάκις ἡψάμεθα. ### book 160.5 καὶ σὺ μέν, Ἀδρήστεια, κακῆς ἀντάξια βουλῆς ### book 160 τῖσαι, καὶ μακάρων πικροτάτη Νέμεσις. ### book 161.1.1 Δόρκιον ἡ φιλέφηβος ἐπίσταται ὡς ἁπαλὸς παῖς ### book 161.1.2 ἕσθαι πανδήμου Κύπριδος ὠκὺ βέλος ### book 161.1.3 ἵμερον ἀστράπτουσα κατ’ ὄμματος, † ἠδ’ ὑπὲρ ὤμων ### book 161.1.4 σὺν πετάσῳ, γυμνὸν μηρὸν ἔφαινε χλαμύς. ### book 162.1.1 Οὔπω τοξοφορῶν οὐδ’ ὥριος, ἀλλὰ νεογνὸς ### book 162.1.2 οὑμὸς Ἔρως παρὰ τὴν Κύπριν ὑποστρέφεται ### book 162.1.3 δέλτον ἔχων χρυσέην· τὰ Φιλοκράτεος δὲ Διύλλου ### book 162.1.4 τραυλίζει ψυχῇ φίλτρα κατ’ Ἀντιγένους. ### book 163.1.1 Εὗρεν Ἔρως τι καλῷ μῖξαι καλόν, οὐχὶ μάραγδον ### book 163.1.2 χρυσῷ, ὃ μήτ’ ἀνθεῖ μήτε γένοιτ’ ἐν ἴσῳ, ### book 163.1.3 οὐδ’ ἐλέφαντ’ ἐβένῳ, λευκῷ μέλαν, ἀλλὰ Κλέανδρον ### book 163.1.4 Εὐβιότῳ, πειθοῦς ἄνθεα καὶ φιλίης. ### book 164.1.1 Ἡδὺ μὲν ἀκρήτῳ κεράσαι γλυκὺ νᾶμα μελισσῶν, ### book 164.1.2 ἡδὺ δὲ παιδοφιλεῖν καὐτὸν ἐόντα καλόν, ### book 164.1.3 οἷα τὸν ἁβροκόμην στέργει Κλεόβουλον Ἄλεξις, ### book 164 ἀθάνατον τούτω Κύπριδος οἰνόμελι. ### book 165.1.1 Λευκανθὴς Κλεόβουλος, ὁ δ’ ἀντία τοῦδε μελίχρους ### book 165.1.2 Σώπολις, οἱ δισσοὶ Κύπριδος ἀνθοφόροι. ### book 165.1.3 τοὔνεκά μοι παίδων ἕπεται πόθος· οἱ γὰρ Ἔρωτες ### book 165.1.4 πλέξειν ἐκ λευκοῦ φασί με καὶ μέλανος. ### book 166.1.1 Τοῦθ’, ὅ τι μοι λοιπὸν ψυχῆς, ὅ τι δήποτ’, Ἔρωτες, ### book 166.1.2 τοῦτό γ’ ἔχειν πρὸς θεῶν ἡσυχίην ἄφετε· ### book 166.1.3 εἰ μή, ναὶ τόξοις μὴ βάλλετέ μ’, ἀλλὰ κεραυνοῖς, ### book 166.1.4 ναὶ πάντως τέφρην θέσθε με κἀνθρακιήν. ### book 166.5.1 ναὶ ναὶ βάλλετ’, Ἔρωτες· ἐνεσκληκὼς γὰρ ἀνίαις ### book 166.5.2 ὀξύτερον τούτων, εἴ γέ τι, βούλομ’ ἔχειν. ### book 167.1.1 Χειμέριον μὲν πνεῦμα· φέρει δ’ ἐπὶ σοί με, Μυΐσκε, ### book 167.1.2 ἁρπαστὸν κώμοις ὁ γλυκύδακρυς Ἔρως. ### book 167.1.3 χειμαίνει δὲ βαρὺς πνεύσας Πόθος, ἀλλά μ’ ἐς ὅρμον ### book 167.1.4 δέξαι, τὸν ναύτην Κύπριδος ἐν πελάγει. ### book 168.1.1 Ναννοῦς καὶ Λύδης ἐπίχει δύο καὶ φέρ’ ἑκάστου ### book 168.1.2 Μιμνέρμου καὶ τοῦ σώφρονος Ἀντιμάχου· ### book 168.1.3 συγκέρασον τὸν πέμπτον ἐμοῦ, τὸν δ’ ἕκτον „Ἑκάστου,“ ### book 168.1.4 Ἡλιόδωρ’, εἴπας, „ὅστις ἐρῶν ἔτυχεν.“ ### book 168.5.1 ἕβδομον Ἡσιόδου, τὸν δ’ ὄγδοον εἶπον Ὁμήρου, ### book 168.5.2 τὸν δ’ ἔνατον Μουσῶν, Μνημοσύνης δέκατον. ### book 168.5.3 μεστὸν ὑπὲρ χείλους πίομαι, Κύπρι· τἆλλα δ’ Ἔρωτες ### book 168 νήφοντ’, οἰνωθέντ’ οὐχὶ † λίην ἄχαριν. ### book 169.1.1 Ἐξέφυγον, Θεόδωρε, τὸ σὸν βάρος. ἀλλ’ ὅσον εἴπας ### book 169.1.2 „Ἐξέφυγον τὸν ἐμὸν δαίμονα πικρότατον,“ ### book 169.1.3 πικρότερός με κατέσχεν. Ἀριστοκράτει δὲ λατρεύων ### book 169.1.4 μυρία δεσπόσυνον καὶ τρίτον ἐκδέχομαι. ### book 170.1.1 Σπονδὴ καὶ λιβανωτὲ καὶ οἱ κρητῆρι μιγέντες ### book 170.1.2 δαίμονες, οἳ φιλίης τέρματ’ ἐμῆς ἔχετε, ### book 170.1.3 ὑμέας, ὦ σεμνοί, μαρτύρομαι, οὓς ὁ μελίχρως ### book 170.1.4 κοῦρος Ἀθήναιος πάντας ἐπωμόσατο. ### book 171.1.1 Τὸν καλόν, ὡς ἔλαβες, κομίσαις πάλι πρός με θεωρὸν ### book 171.1.2 Εὐαγόρην, ἀνέμων πρηΰτατε Ζέφυρε, ### book 171.1.3 εἰς ὀλίγων τείνας μηνῶν μέτρον, ὡς καὶ ὁ μικρὸς ### book 171.1.4 μυριέτης κέκριται τῷ φιλέοντι χρόνος. ### book 172.1 Εἰ μισεῖν πόνος ἐστί, φιλεῖν πόνος, ἐκ δύο λυγρῶν ### book 172 αἱροῦμαι χρηστῆς ἕλκος ἔχειν ὀδύνης. ### book 173.1.1 Δημώ με κτείνει καὶ Θέρμιον· ἡ μὲν ἑταίρη ### book 173.1.2 δήμῳ, ἡ δ’ οὔπω Κύπριν ἐπισταμένη· ### book 173.1.3 καὶ τῆς μὲν ψαύω, τῆς δ’ οὐ θέμις. οὐ μὰ σέ, Κύπρι, ### book 173.1.4 οὐκ οἶδ’, ἣν εἰπεῖν δεῖ με ποθεινοτέρην. ### book 173.5.1 Δημάριον λέξω τὴν παρθένον· οὐ γὰρ ἕτοιμα ### book 173.5.2 βούλομαι, ἀλλὰ ποθῶ πᾶν τὸ φυλασσόμενον. ### book 174.1.1 Μέχρι τίνος πολεμεῖς μ’, ὦ φίλτατε Κῦρε; τί ποιεῖς; ### book 174.1.2 τὸν σὸν Καμβύσην οὐκ ἐλεεῖς; λέγε μοι. ### book 174.1.3 μὴ γίνου Μῆδος· Σάκας γὰρ ἔσῃ μετὰ μικρόν, ### book 174.1.4 καί σε ποιήσουσιν αἱ τρίχες Ἀστυάγην. ### book 175.1.1 Ἢ μὴ ζηλοτύπει δούλοις ἐπὶ παισὶν ἑταίρους ### book 175.1.2 ἢ μὴ θηλυπρεπεῖς οἰνοχόους πάρεχε. ### book 175.1.3 τίς γὰρ ἀνὴρ ἐς ἔρωτ’ ἀδαμάντινος; ἢ τίς ἀτειρὴς ### book 175.1.4 οἴνῳ; τίς δὲ καλοὺς οὐ περίεργα βλέπει; ### book 175.5.1 ζώντων ἔργα τάδ’ ἐστίν· ὅπου δ’ οὐκ εἰσὶν ἔρωτες ### book 175.5.2 οὐδὲ μέθαι, Διοφῶν, ἢν ἐθέλῃς, ἄπιθι ### book 175.5.3 κἀκεῖ Τειρεσίην ἢ Τάνταλον ἐς πότον ἕλκε, ### book 175.5.4 τὸν μὲν ἐπ’ οὐδὲν ἰδεῖν, τὸν δ’ ἐπὶ μοῦνον ἰδεῖν. ### book 176.1.1 Στυγνὸς δὴ τί, Μένιππε, κατεσκέπασαι μέχρι πέζης ### book 176.1.2 ὁ πρὶν ἐπ’ ἰγνύης λῶπος ἀνελκόμενος; ### book 176.1.3 ἢ τί κάτω κύψας με παρέδραμες οὐδὲ προσειπών; ### book 176 οἶδα, τί με κρύπτεις· ἤλυθον, ἃς ἔλεγον. ### book 177.1.1 Ἑσπερίην Μοῖρίς με, καθ’ ἣν ὑγιαίνομεν ὥρην, ### book 177.1.2 —οὐκ οἶδ’, εἴτε σαφῶς εἴτ’ ὄναρ—ἠσπάσατο. ### book 177.1.3 ἤδη γὰρ τὰ μὲν ἄλλα μάλ’ ἀτρεκέως ἐνόησα, ### book 177.1.4 χὠκόσα μοι προσέφη, χὠκός’ ἐπυνθάνετο· ### book 177.5.1 εἰ δέ με καὶ πεφίληκε, τεκμαίρομαι· εἰ γὰρ ἀληθές, ### book 177.5.2 πῶς ἀποθειωθεὶς πλάζομ’ ἐπιχθόνιος; ### book 178.1.1 Ἐξεφλέγην, ὅτε Θεῦδις ἐλάμπετο παισὶν ἐν ἄλλοις ### book 178.1.2 οἷος ἐπαντέλλων ἀστράσιν ἠέλιος. ### book 178.1.3 τοὔνεκ’ ἔτι φλέγομαι καὶ νῦν, ὅτε νυκτὶ λαχνοῦται· ### book 178.1.4 δυόμενος γὰρ ὅμως ἥλιός ἐστιν ἔτι. ### book 179.1.1 Ὤμοσά σοι, Κρονίδη, μηπώποτε—μηδ’ ἐμοὶ αὐτῷ— ### book 179.1.2 ἐξειπεῖν, ὅ τι μοι Θεῦδις ἔειπε λαβεῖν. ### book 179.1.3 ψυχὴ δ’ ἡ δυσάπιστος ἀγαλλομένη πεπότηται ### book 179.1.4 ἠέρι καὶ στέξαι τἀγαθὸν οὐ δύναται· ### book 179.5.1 ἀλλ’ ἐρέω, σύγγνωθι σύ μοι· „Κεῖνος δὲ πέπεισται.“ ### book 179.5.2 Ζεῦ πάτερ, ἀγνώστου τίς χάρις εὐτυχίης; ### book 180.1.1 Καῦμά μ’ ἔχει μέγα δή τι· σὺ δ’, ὦ παῖ, παύεο λεπτὸν ### book 180.1.2 ἠέρι δινεύων ἐγγὺς ἐμεῖο λίνον. ### book 180.1.3 ἄλλο τι πῦρ ἐμοῦ ἔνδον ἔχω κυάθοισιν ἀναφθὲν ### book 180 καὶ περὶ σῇ ῥιπῇ μᾶλλον ἐγειρόμενον. ### book 181.1.1 Ψεύδεα μυθίζουσι, Θεόκλεες, ὡς ἀγαθαὶ μὲν ### book 181.1.2 αἱ Χάριτες, τρισσαὶ δ’ εἰσὶ κατ’ Ὀρχομενόν· ### book 181.1.3 πεντάκι γὰρ δέκα σεῖο περισκιρτῶσι πρόσωπα ### book 181.1.4 τοξοβόλοι, ψυχέων ἅρπαγες ἀλλοτρίων. ### book 182.1.1 Ταῦτά με νῦν τὰ περισσὰ φιλεῖς, ὅτ’ ἔρωτος ἀπέσβη ### book 182.1.2 πυρσός, ὅτ’ οὐδ’ ἄλλως ἡδὺν ἔχω σε φίλον. ### book 182.1.3 μέμνημαι γὰρ ἐκεῖνα τὰ δύσμαχα· πλὴν ἔτι, Δάφνι, ### book 182.1.4 ὀψὲ μέν, ἀλλ’ ἐχέτω καὶ μετάνοια τόπον. ### book 183.1.1 Τίς χάρις, Ἡλιόδωρε, φιλήμασιν, εἴ με λάβροισιν ### book 183.1.2 χείλεσι μὴ φιλέεις ἀντιβιαζόμενος, ### book 183.1.3 ἀλλ’ ἐπ’ ἄκροις ἀσάλευτα μεμυκόσιν, οἷα κατ’ οἴκους ### book 183.1.4 καὶ δίχα σοῦ με φιλεῖ πλάσμα τὸ κηρόχυτον; ### book 184.1.1 Μὴ σπεύσῃς Μενέδημον ἑλεῖν δόλῳ, ἀλλ’ ἐπίνευσον ### book 184.1.2 ὀφρύσι, καὶ φανερῶς αὐτὸς ἐρεῖ· „Πρόαγε.“ ### book 184.1.3 οὐ γὰρ ἀνάβλησις· φθάνει δέ τε καὶ τὸν ἄγοντα, ### book 184 οὐδ’ ἀμάρης, ποταμοῦ δ’ ἐστὶν ἑτοιμότερος. ### book 185.1.1 Τοὺς σοβαροὺς τούτους καὶ τοὺς περιπορφυροσήμους ### book 185.1.2 παῖδας, ὅσους ἡμεῖς οὐ προσεφιέμεθα, ### book 185.1.3 ὥσπερ σῦκα πέτραισιν ἐπ’ ἀκρολόφοισι πέπειρα ### book 185.1.4 ἔσθουσιν γῦπες, Δίφιλε, καὶ κόρακες. ### book 186.1.1 Ἄχρι τίνος ταύτην τὴν ὀφρύα τὴν ὑπέροπτον, ### book 186.1.2 Μέντορ, τηρήσεις μηδὲ τὸ „χαῖρε“ λέγων, ### book 186.1.3 ὡς μέλλων αἰῶνα μένειν νέος ἢ διὰ παντὸς ### book 186.1.4 ὀρχεῖσθαι πυρίχην; καὶ τὸ τέλος πρόβλεπε. ### book 186.5.1 ἥξει σοι πώγων, κακὸν ἔσχατον, ἀλλὰ μέγιστον· ### book 186.5.2 καὶ τότ’ ἐπιγνώσῃ, τί σπάνις ἐστὶ φίλων. ### book 187.1.1 Πῶς ἀναγινώσκειν, Διονύσιε, παῖδα διδάξεις, ### book 187.1.2 μηδὲ μετεκβῆναι φθόγγον ἐπιστάμενος; ### book 187.1.3 ἐκ νήτης μετέβης οὕτως ταχὺς εἰς βαρύχορδον ### book 187.1.4 φθόγγον, ἀπ’ ἰσχνοτάτης εἰς τάσιν ὀγκοτάτην. ### book 187.5.1 πλὴν οὐ βασκαίνω· μελέτα μόνον· ἀμφοτέρους δὲ ### book 187.5.2 κρούων τοῖς φθονεροῖς λάμβδα καὶ ἄλφα λέγε. ### book 188.1.1 Εἴ σε φιλῶν ἀδικῶ καὶ τοῦτο δοκεῖς ὕβριν εἶναι, ### book 188.1.2 τὴν αὐτὴν κόλασιν καὶ σὺ φίλει με λαβών. ### book 189.1 Τίς σε κατεστεφάνωσε ῥόδοις ὅλον; εἰ μὲν ἐραστής, ### book 189 ἆ μάκαρ· εἰ δ’ ὁ πατήρ, ὄμματα καὐτὸς ἔχει. ### book 190.1.1 Ὄλβιος ὁ γράψας σε, καὶ ὄλβιος οὗτος ὁ κάλλει ### book 190.1.2 τῷ σῷ νικᾶσθαι κηρὸς ἐπιστάμενος. ### book 190.1.3 θριπὸς ἐγὼ καὶ σύρμα τερηδόνος εἴθε γενοίμην, ### book 190.1.4 ὡς ἀναπηδήσας τὰ ξύλα ταῦτα φάγω. ### book 191.1.1 Οὐκ ἐχθὲς παῖς ἦσθα; καὶ οὐδ’ ὄναρ οὗτος ὁ πώγων ### book 191.1.2 ἤλυθε. πῶς ἀνέβη τοῦτο τὸ δαιμόνιον ### book 191.1.3 καὶ τριχὶ πάντ’ ἐκάλυψε τὰ πρὶν καλά; φεῦ, τί τὸ θαῦμα; ### book 191.1.4 ἐχθὲς Τρωίλος ὢν πῶς ἐγένου Πρίαμος; ### book 192.1.1 Οὐ τέρπουσι κόμαι με περισσότεροί τε κίκιννοι, ### book 192.1.2 τέχνης, οὐ φύσεως ἔργα διδασκόμενοι· ### book 192.1.3 ἀλλὰ παλαιστρίτου παιδὸς ῥύπος ὁ ψαφαρίτης ### book 192.1.4 καὶ χροιὴ μελέων σαρκὶ λιπαινομένη. ### book 192.5.1 ἡδὺς ἀκαλλώπιστος ἐμὸς πόθος· ἡ δὲ γοῆτις ### book 192.5.2 μορφὴ θηλυτέρης ἔργον ἔχει Παφίης. ### book 193.1.1 Οὐδέ, Σμυρναῖαι Νεμέσεις ὅ τι σοὶ ’πιλέγουσιν, ### book 193.1.2 Ἀρτεμίδωρε, νοεῖς· „Μηδὲν ὑπὲρ τὸ μέτρον.“ ### book 193.1.3 ἀλλ’ οὕτως ὑπέροπτα καὶ ἄγρια κοὐδὲ πρέποντα ### book 193.1.4 κωμῳδῷ φθέγγῃ πάνθ’ ὑποκρινόμενος. ### book 193.5 μνησθήσῃ τούτων, ὑπερήφανε, καὶ σὺ φιλήσεις ### book 193 καὶ κωμῳδήσεις τὴν „Ἀποκλειομένην.“ ### book 194.1.1 Εἰ Ζεὺς ἐκ γαίης θνητοὺς ἔτι παῖδας ἐς αἴθρην ### book 194.1.2 ἥρπαζεν, γλυκεροῦ νέκταρος οἰνοχόους, ### book 194.1.3 αἰετὸς ἂν πτερύγεσσιν Ἀγρίππαν τὸν καλὸν ἡμῶν ### book 194.1.4 ἤδη πρὸς μακάρων ἦγε διηκονίας. ### book 194.5.1 ναὶ μὰ σὲ γάρ, Κρονίδη, κόσμου πάτερ, ἢν ἐσαθρήσῃς, ### book 194.5.2 τὸν Φρύγιον ψέξεις αὐτίκα Δαρδανίδην. ### book 195.1.1 Ἄνθεσιν οὐ τόσσοισι φιλοζέφυροι χλοάουσι ### book 195.1.2 λειμῶνες, πυκιναῖς εἴαρος ἀγλαΐαις, ### book 195.1.3 ὅσσους εὐγενέτας, Διονύσιε, παῖδας ἀθρήσεις, ### book 195.1.4 χειρῶν Κυπρογενεῦς πλάσματα καὶ Χαρίτων. ### book 195.5.1 ἔξοχα δ’ ἐν τούτοις Μιλήσιος ἠνίδε θάλλει ### book 195.5.2 ὡς ῥόδον εὐόδμοις λαμπόμενον πετάλοις. ### book 195.5.3 ἀλλ’ οὐκ οἶδεν ἴσως, ἐκ καύματος ὡς καλὸν ἄνθος, ### book 195.5.4 οὕτω τὴν ὥρην ἐκ τριχὸς ὀλλυμένην. ### book 196.1.1 Ὀφθαλμοὺς σπινθῆρας ἔχεις, θεόμορφε Λυκῖνε, ### book 196.1.2 μᾶλλον δ’ ἀκτῖνας, δέσποτα, πυρσοβόλους. ### book 196.1.3 ἀντωπὸς βλέψαι βαιὸν χρόνον οὐ δύναμαί σοι, ### book 196.1.4 οὕτως ἀστράπτεις ὄμμασιν ἀμφοτέροις. ### book 197.1.1 „Καιρὸν γνῶθι“ σοφῶν τῶν ἑπτά τις εἶπε, Φίλιππε· ### book 197.1.2 πάντα γὰρ ἀκμάζοντ’ ἐστὶν ἐραστότερα· ### book 197.1.3 καὶ σίκυος πρῶτός που ἐπ’ ἀνδήροισιν ὁραθεὶς ### book 197 τίμιος, εἶτα συῶν βρῶμα πεπαινόμενος. ### book 198.1.1 Ἡλικίης φίλος εἰμὶ καὶ οὐδένα παῖδα προτάσσω ### book 198.1.2 πρὸς τὸ καλὸν κρίνων· ἄλλο γὰρ ἄλλος ἔχει. ### book 199.1.1 Ἄρκιον ἤδη μοι πόσιος μέτρον· εὐσταθίη γὰρ ### book 199.1.2 λύεται ἥ τε φρενῶν ἥ τε διὰ στόματος. ### book 199.1.3 χὠ λύχνος ἔσχισται διδύμην φλόγα, καὶ δὶς ἀριθμέω ### book 199.1.4 πολλάκι πειράζων τοὺς ἀνακεκλιμένους· ### book 199.5.1 ἤδη δ’ οὐκέτι μοῦνον ἐπ’ οἰνοχόον σεσόβημαι, ### book 199.5.2 ἀλλὰ πάρωρα βλέπω κἠπὶ τὸν ὑδροχόον. ### book 200.1.1 Μισῶ δυσπερίληπτα φιλήματα καὶ μαχιμώδεις ### book 200.1.2 φωνὰς καὶ σθεναρὴν ἐκ χερὸς ἀντίθεσιν· ### book 200.1.3 καὶ μὴν καὶ τόν, ὅτ’ ἐστὶν ἐν ἀγκάσιν, εὐθὺ θέλοντα ### book 200.1.4 καὶ παρέχοντα χύδην οὐ πάνυ δή τι θέλω, ### book 200.5.1 ἀλλὰ τὸν ἐκ τούτων ἀμφοῖν μέσον, οἷον ἐκεῖνον ### book 200.5.2 τὸν καὶ μὴ παρέχειν εἰδότα καὶ παρέχειν. ### book 201.1.1 Εἰ μὴ νῦν Κλεόνικος ἐλεύσεται, οὐκέτ’ ἐκεῖνον ### book 201.1.2 δέξομ’ ἐγὼ μελάθροις, οὐ μὰ τόν—οὐκ ὀμόσω. ### book 201.1.3 εἰ γὰρ ὄνειρον ἰδὼν οὐκ ἤλυθεν, εἶτα παρείη ### book 201 αὔριον, οὐ παρὰ τὴν σήμερον ὀλλύμεθα. ### book 202.1.1 Πτηνὸς Ἔρως ἄγαγέν με δι’ ἠέρος, ἡνίκα, Δᾶμι, ### book 202.1.2 γράμμα σὸν εἶδον, ὅ μοι δεῦρο μολεῖν ς’ ἔλεγεν· ### book 202.1.3 ῥίμφα δ’ ἀπὸ Σμύρνης ἐπὶ Σάρδιας· ἔδραμεν ἄν μου ### book 202.1.4 ὕστερον, εἰ Ζήτης ἔτρεχεν ἢ Κάλαϊς. ### book 203.1.1 Οὐκ ἐθέλοντα φιλεῖς με, φιλῶ δ’ ἐγὼ οὐκ ἐθέλοντα· ### book 203.1.2 εὔκολος, ἢν φεύγω· δύσκολος, ἢν ἐπάγω. ### book 204.1.1 „Χρύσεα χαλκείων“ νῦν εἴπατε· „δός, λάβε“ παίζει ### book 204.1.2 Σωσιάδας ὁ καλὸς καὶ Διοκλῆς ὁ δασύς. ### book 204.1.3 τίς κάλυκας συνέκρινε βάτῳ, τίς σῦκα μύκησιν; ### book 204.1.4 ἄρνα γαλακτοπαγῆ τίς συνέκρινε βοΐ; ### book 204.5.1 οἷα δίδως, ἀλόγιστε, καὶ ἔμπαλιν οἷα κομίζῃ; ### book 204.5.2 οὕτω Τυδείδης Γλαῦκον ἐδωροδόκει. ### book 205.1.1 Παῖς τις ὅλως ἁπαλὸς τοῦ γείτονος οὐκ ὀλίγως με ### book 205.1.2 κνίζει· πρὸς τὸ θέλειν δ’ οὐκ ἀμύητα γελᾷ· ### book 205.1.3 οὐ πλεῦν δ’ ἐστὶν ἐτῶν δυοκαίδεκα. νῦν ἀφύλακτοι ### book 205 ὄμφακες· ἢν δ’ ἀκμάσῃ, φρούρια καὶ σκόλοπες. ### book 206.1.1 Ἢν τούτῳ φωνῇς, τὸ μέσον λάβε καὶ κατακλίνας ### book 206.1.2 ζεύγνυε καὶ πρώσας πρόσπεσε καὶ κάτεχε. — ### book 206.1.3 „Οὐ φρονέεις, Διόφαντε· μόλις δύναμαι γὰρ ἔγωγε ### book 206.1.4 ταῦτα ποιεῖν· παίδων δ’ ἡ πάλη ἔσθ’ ἑτέρα.“ — ### book 206.5.1 Ὀχλοῦ καὶ μένε, Κῦρι, καὶ ἐμβάλλοντος ἀνάσχου· ### book 206.5.2 πρῶτον συμμελετᾶν ἢ μελετᾶν μαθέτω. ### book 207.1.1 Ἐχθὲς λουόμενος Διοκλῆς ἀνενήνοχε σαύραν ### book 207.1.2 ἐκ τῆς ἐμβάσεως τὴν Ἀναδυομένην. ### book 207.1.3 ταύτην εἴ τις ἔδειξεν Ἀλεξάνδρῳ τότ’ ἐν Ἴδῃ, ### book 207.1.4 τὰς τρεῖς ἂν ταύτης προκατέκρινε θεάς. ### book 208.1.1 Εὐτυχές, οὐ φθονέω, βιβλίδιον· ἦ ῥά ς’ ἀναγνοὺς ### book 208.1.2 παῖς τις ἀναθλίβει πρὸς τὰ γένεια τιθεὶς ### book 208.1.3 ἢ τρυφεροῖς σφίγξει περὶ χείλεσιν ἢ κατὰ μηρῶν ### book 208.1.4 εἰλήσει δροσερῶν, ὦ μακαριστότατον· ### book 208.5.1 πολλάκι φοιτήσεις ὑποκόλπιον ἢ παρὰ δίφρους ### book 208.5.2 βληθὲν τολμήσεις κεῖνα θιγεῖν ἀφόβως. ### book 208.5.3 πολλὰ δ’ ἐν ἠρεμίῃ προλαλήσεις· ἀλλ’ ὑπὲρ ἡμῶν, ### book 208.5.4 χαρτάριον, δέομαι, πυκνότερόν τι λάλει. ### book 209.1.1 Μήτε λίην στυγνὸς παρακέκλισο μήτε κατηφής, ### book 209.1.2 Δίφιλε, μηδ’ εἴης παιδίον ἐξ ἀγέλης. ### book 209.1.3 ἔστω που προὔνεικα θιγήματα καὶ τὰ πρὸ ἔργων ### book 209 παίγνια, πληκτισμοί, κνίσμα, φίλημα, λόγος. ### book 210.1.1 Τρεῖς ἀρίθμει τοὺς πάντας ὑπὲρ λέχος, ὧν δύο δρῶσιν ### book 210.1.2 καὶ δύο πάσχουσιν. θαῦμα δοκῶ τι λέγειν· ### book 210.1.3 καὶ μὴν οὐ ψεῦδος· δυσὶν εἷς μέσσος γὰρ ὑπουργεῖ ### book 210.1.4 τέρπων ἐξόπιθεν, πρόσθε δὲ τερπόμενος. ### book 211.1.1 Εἰ μὲν ἔφυς ἀμύητος ἀκμήν, ὑπὲρ οὗ ς’ ἐπιπείθω, ### book 211.1.2 ὀρθῶς ἂν δείσαις δεινὸν ἴσως δοκέων· ### book 211.1.3 εἰ δέ σε δεσποτικὴ κοίτη πεποίηκε τεχνίτην, ### book 211.1.4 τί φθονέεις δοῦναι ταὐτὸ λαβὼν ἑτέρῳ; ### book 211.5.1 ὃς μὲν γὰρ καλέσας ἐπὶ τὸ χρέος, εἶτ’ ἀπολύσας ### book 211.5.2 εὕδει κύριος ὤν, μηδὲ λόγου μεταδούς· ### book 211.5.3 ἄλλη δ’ ἔνθα τρυφή· παίξεις ἴσα, κοινὰ λαλήσεις, ### book 211.5.4 τἆλλα δ’ ἐρωτηθεὶς κοὐκ ἐπιτασσόμενος. ### book 212.1.1 Αἰαῖ μοι, τί πάλιν δεδακρυμένον ἢ τί κατηφές, ### book 212.1.2 παιδίον; εἶπον ἁπλῶς, μηδ’ ὀδύνα. τί θέλεις; ### book 212.1.3 τὴν χέρα μοι κοίλην προσενήνοχας· ὡς ἀπόλωλα· ### book 212.1.4 μισθὸν ἴσως αἰτεῖς. τοῦτ’ ἔμαθες δὲ πόθεν; ### book 212.5.1 οὐκέτι σοι κοπτῆς φίλιαι πλάκες οὐδὲ μελιχρὰ ### book 212.5.2 σήσαμα καὶ καρύων παίγνιος εὐστοχίη· ### book 212.5.3 ἀλλ’ ἤδη πρὸς κέρδος ἔχεις φρένας. ὡς ὁ διδάξας ### book 212.5.4 τεθνάτω· οἷόν μου παιδίον ἠφάνικεν. ### book 213.1 Τῷ τοίχῳ κέκλικας τὴν ὀσφύα τὴν περίβλεπτον, ### book 213 Κῦρι. τί πειράζεις τὸν λίθον; οὐ δύναται. ### book 214.1.1 Δός μοι καὶ λάβε χαλκόν. ἐρεῖς ὅτι „Πλούσιός εἰμι.“ ### book 214.1.2 δώρησαι τοίνυν τὴν χάριν ὡς βασιλεύς. ### book 215.1.1 Νῦν ἔαρ εἶ, μετέπειτα θέρος. κἄπειτα τί μέλλεις, ### book 215.1.2 Κῦρις; βούλευσαι, καὶ καλάμη γὰρ ἔσῃ. ### book 216.1.1 Νῦν ὀρθή, κατάρατε, καὶ εὔτονος, ἡνίκα μηδέν· ### book 216.1.2 ἡνίκα δ’ ἦν ἐχθές, οὐδὲν ὅλως ἀνέπνεις. ### book 217.1.1 Ἤδη ἐπὶ στρατιῆς ὁρμᾷς, ἔτι παῖς ἀδαὴς ὢν ### book 217.1.2 καὶ τρυφερός. τί ποιεῖς, οὗτος, ὅρα· μετάθου. ### book 217.1.3 οἴμοι, τίς ς’ ἀνέπεισε λαβεῖν δόρυ, τίς χερὶ πέλτην, ### book 217.1.4 τίς κρύψαι ταύτην τὴν κεφαλὴν κόρυθι; ### book 217.5.1 ὦ μακαριστὸς ἐκεῖνος, ὅτις ποτέ, καινὸς Ἀχιλλεὺς ### book 217.5.2 τοίῳ ἐνὶ κλισίῃ τερπόμενος Πατρόκλῳ. ### book 218.1.1 Μέχρι τίνος σε γελῶντα μόνον, μηδὲν δὲ λαλοῦντα ### book 218.1.2 οἴσομεν; εἶπον ἁπλῶς ταῦτα σύ, Πασίφιλε. ### book 218.1.3 αἰτῶ, καὶ σὺ γελᾷς· πάλιν αἰτῶ, κοὐκ ἀποκρίνῃ· ### book 218 δακρύω, σὺ γελᾷς. βάρβαρε, τοῦτο γέλως; ### book 219.1.1 Καὶ μισθοὺς αἰτεῖτε, διδάσκαλοι; ὡς ἀχάριστοι ### book 219.1.2 ἐστέ. τί γάρ; τὸ βλέπειν παιδία μικρὸν ἴσως; ### book 219.1.3 καὶ τούτοισι λαλεῖν ἀσπαζομένους τε φιλῆσαι; ### book 219.1.4 τοῦτο μόνον χρυσῶν ἄξιον οὐχ ἑκατόν; ### book 219.5.1 πεμπέτω, εἴ τις ἔχει καλὰ παιδία· κἀμὲ φιλείτω, ### book 219.5.2 μισθὸν καὶ παρ’ ἐμοῦ λαμβανέτω, τί θέλει. ### book 220.1.1 Οὐχὶ τὸ πῦρ κλέψας δέδεσαι, κακόβουλε Προμηθεῦ, ### book 220.1.2 ἀλλ’ ὅτι τὸν πηλὸν τοῦ Διὸς ἠφάνισας. ### book 220.1.3 πλάττων ἀνθρώπους ἔβαλες τρίχας· ἔνθεν ὁ δεινὸς ### book 220.1.4 πώγων καὶ κνήμη παισὶ δασυνομένη. ### book 220.5.1 εἶτά σε δαρδάπτει Διὸς αἰετός, ὃς Γανυμήδην ### book 220.5.2 ἥρπας’· ὁ γὰρ πώγων καὶ Διός ἐστ’ ὀδύνη. ### book 221.1.1 Στεῖχε πρὸς αἰθέρα δῖον, ἀνέρχεο παῖδα κομίζων, ### book 221.1.2 αἰετέ, τὰς διφυεῖς ἐκπετάσας πτέρυγας, ### book 221.1.3 στεῖχε τὸν ἁβρὸν ἔχων Γανυμήδεα, μηδὲ μεθείης ### book 221.1.4 τὸν Διὸς ἡδίστων οἰνοχόον κυλίκων· ### book 221.5.1 φείδεο δ’ αἱμάξαι κοῦρον γαμψώνυχι ταρσῷ, ### book 221.5.2 μὴ Ζεὺς ἀλγήσῃ τοῦτο βαρυνόμενος. ### book 222.1.1 Εὐκαίρως ποτὲ παιδοτρίβης λεῖον προδιδάσκων ### book 222.1.2 εἰς τὸ γόνυ γνάμψας μέσσον ἐπαιδοτρίβει ### book 222.1.3 τῇ χερὶ τοὺς κόκκους ἐπαφώμενος· ἀλλὰ τυχαίως ### book 222 τοῦ παιδὸς χρῄζων ἦλθεν ὁ δεσπόσυνος. ### book 222.5.1 ὃς δὲ τάχος τοῖς ποσσὶν ὑποζώσας ἀνέκλινεν ### book 222.5.2 ὕπτιον ἐμπλέξας τῇ χερὶ τὴν φάρυγα. ### book 222.5.3 ἀλλ’ οὐκ ὢν ἀπάλαιστος ὁ δεσπόσυνος προσέειπεν· ### book 222.5.4 „Παῦσαι· πνιγίζεις,“ φησί, „τὸ παιδάριον.“ ### book 223.1.1 Τερπνὸν ὅλως τὸ πρόσωπον ἐμοὶ προσιόντος ἀπαρκεῖ· ### book 223.1.2 οὐκέτι δ’ ἐξόπιθεν καὶ παριόντα βλέπω. ### book 223.1.3 οὕτω γὰρ καὶ ἄγαλμα θεοῦ καὶ νηὸν ὁρῶμεν ### book 223.1.4 ἀντίον, οὐ πάντως καὶ τὸν ὀπισθόδομον. ### book 224.1.1 Εἰς ἀγαθὴν συνέβημεν ἀταρπιτόν, ἣν ἀπὸ πρώτης ### book 224.1.2 φράζευ, ὅπως ἔσται, Δίφιλε, καὶ μονίμη. ### book 224.1.3 ἄμφω γὰρ πτηνόν τι λελόγχαμεν· ἔστι μὲν ἐν σοὶ ### book 224.1.4 κάλλος, ἔρως δ’ ἐν ἐμοί· καίρια δ’ ἀμφότερα. ### book 224.5.1 ἄρτι μὲν ἁρμοσθέντα μένει χρόνον· εἰ δ’ ἀφύλακτα ### book 224.5.2 μίμνετον ἀλλήλων, οἴχετ’ ἀποπτάμενα. ### book 225.1.1 Οὐδέποτ’ ἠελίου φάος ὄρθριον ἀντέλλοντος ### book 225.1.2 μίσγεσθαι ταύρῳ χρὴ φλογόεντα κύνα, ### book 225.1.3 μή ποτε καρπολόχου Δημήτερος ὑγρανθείσης ### book 225 βρέξῃς τὴν λασίην Ἡρακλέους ἄλοχον. ### book 226.1.1 Πάννυχα μυδαλόεντα πεφυρμένος ὄμματα κλαυθμῷ ### book 226.1.2 ἄγρυπνον ἀμπαύω θυμὸν ἀδημονίῃ, ### book 226.1.3 ἥ με κατ’ οὖν ἐδάμασσεν ἀποζευχθέντος ἑταίρου, ### book 226.1.4 μοῦνον ἐπεί με λιπὼν εἰς ἰδίην Ἔφεσον ### book 226.5.1 χθιζὸς ἔβη Θεόδωρος· ὃς εἰ πάλι μὴ ταχὺς ἔλθοι, ### book 226.5.2 οὐκέτι, μουνολεχεῖς κοῖται, ἀνεξόμεθα. ### book 227.1.1 Ἤν τινα καὶ παριδεῖν ἐθέλω καλὸν ἀντισυναντῶν, ### book 227.1.2 βαιὸν ὅσον παραβὰς εὐθὺ μεταστρέφομαι. ### book 228.1.1 Παῖδα μὲν ἠλιτόμηνον ἐς ἄφρονα καιρὸν ἁμαρτεῖν ### book 228.1.2 τῷ πείθοντι φέρει πλεῖον ὕβρισμα φίλῳ· ### book 228.1.3 ἤδη δ’ ἐν νεότητι παρήλικα παιδικὰ πάσχειν, ### book 228.1.4 τῷ παρέχοντι πάλιν τοῦτο δὶς αἰσχρότερον. ### book 228.5.1 ἔστι δ’ ὅτ’ ἀμφοτέροις τὸ μὲν οὐκέτι, Μοῖρι, τὸ δ’ οὔπω ### book 228.5.2 ἀπρεπές, οἷον ἐγὼ καὶ σὺ τὸ νῦν ἔχομεν. ### book 229.1.1 Ὡς ἀγαθὴ θεός ἐστι, δι’ ἣν ὑπὸ κόλπον, Ἄλεξι, ### book 229.1.2 πτύομεν ὑστερόπουν ἁζόμενοι Νέμεσιν. ### book 229.1.3 ἣν σὺ μετερχομένην οὐκ ἔβλεπες, ἀλλ’ ἐνόμιζες ### book 229.1.4 ἕξειν τὸ φθονερὸν κάλλος ἀειχρόνιον. ### book 229.5 νῦν δὲ τὸ μὲν διόλωλεν· ἐλήλυθε δ’ ἡ τριχάλεπτος ### book 229 δαίμων· χοἰ θέραπες νῦν σε παρερχόμεθα. ### book 230.1.1 Τὸν τὸ καλὸν μελανεῦντα Θεόκριτον, εἰ μὲν ἔμ’ ἔχθει, ### book 230.1.2 τετράκι μισοίης· εἰ δὲ φιλεῖ, φιλέοις· ### book 230.1.3 ναίχι πρὸς εὐχαίτεω Γανυμήδεος, Οὐράνιε Ζεῦ, ### book 230.1.4 καὶ σύ ποτ’ ἠράσθης. οὐκέτι μακρὰ λέγω. ### book 231.1.1 Εὐκλείδῃ φιλέοντι πατὴρ θάνεν. ἆ μάκαρ αἰεί, ### book 231.1.2 καὶ πρίν, ἐς ὅττι θέλοι, χρηστὸν ἔχων πατέρα ### book 231.1.3 καὶ νῦν εὔφρονα νεκρόν. ἐγὼ δ’ ἔτι λάθρια παίζω. ### book 231.1.4 φεῦ μοίρης τε κακῆς καὶ πατρὸς ἀθανάτου. ### book 232.1.1 Ὀρθὸν νῦν ἕστηκας, ἀνώνυμον, οὐδὲ μαραίνῃ, ### book 232.1.2 ἐντέτασαι δ’ ὡς ἂν μήποτε παυσόμενον· ### book 232.1.3 ἀλλ’ ὅτε μοι Νεμεσηνὸς ὅλον παρέκλινεν ἑαυτὸν ### book 232.1.4 πάντα διδούς, ἃ θέλω, νεκρὸν ἀπεκρέμασο. ### book 232.5.1 τείνεο καὶ ῥήσσου καὶ δάκρυε· πάντα ματαίως· ### book 232.5.2 οὐχ ἕξεις ἔλεον χειρὸς ἀφ’ ἡμετέρης. ### book 233.1.1 Τὴν ἀκμὴν „Θησαυρὸν“ ἔχειν, κωμῳδέ, νομίζεις ### book 233.1.2 οὐκ εἰδὼς αὐτὴν „Φάσματοσ“ ὀξυτέρην. ### book 233.1.3 ποιήσει ς’ ὁ χρόνος „Μισούμενον“, εἶτα „Γεωργόν“, ### book 233 καὶ τότε μαστεύσεις τὴν „Περικειρομένην“. ### book 234.1.1 Εἰ κάλλει καυχᾷ, γίνωσχ’, ὅτι καὶ ῥόδον ἀνθεῖ· ### book 234.1.2 ἀλλὰ μαρανθὲν ἄφνω σὺν κοπρίοις ἐρίφη. ### book 234.1.3 ἄνθος γὰρ καὶ κάλλος ἴσον χρόνον ἐστὶ λαχόντα· ### book 234.1.4 ταῦτα δ’ ὁμῇ φθονέων ἐξεμάρανε χρόνος. ### book 235.1.1 Εἰ μὲν γηράσκει τὸ καλόν, μετάδος, πρὶν ἀπέλθῃ· ### book 235.1.2 εἰ δὲ μένει, τί φοβῇ τοῦθ’, ὃ μένει, διδόναι; ### book 236.1.1 Εὐνοῦχός τις ἔχει καλὰ παιδία· πρὸς τίνα χρῆσιν; ### book 236.1.2 καὶ τούτοισι βλάβην οὐχ ὁσίην παρέχει. ### book 236.1.3 ὄντως ὡς ὁ κύων φάτνῃ ῥόδα, μωρὰ δ’ ὑλακτῶν ### book 236.1.4 οὔθ’ αὑτῷ παρέχει τἀγαθὸν οὔθ’ ἑτέρῳ. ### book 237.1.1 Χαῖρε σύ, μισοπόνηρε πεπλασμένε, χαῖρε, βάναυσε, ### book 237.1.2 ὁ πρῴην ὀμόσας μηκέτι μὴ διδόναι. ### book 237.1.3 μηκέτι νῦν ὀμόσῃς. ἔγνωκα γάρ, οὐδέ με λήθεις· ### book 237 οἶδα τὸ ποῦ καὶ πῶς καὶ τίνι καὶ τὸ πόσου. ### book 238.1.1 Ἀλλήλοις παρέχουσιν ἀμοιβαδίην ἀπόλαυσιν ### book 238.1.2 οἱ κύνεοι πῶλοι μειρακιευόμενοι· ### book 238.1.3 ἀμφαλλὰξ δὲ οἱ αὐτοὶ ἀπόστροφα νωτοβατοῦνται ### book 238.1.4 τὸ δρᾶν καὶ τὸ παθεῖν ἀντιπεραινόμενοι. ### book 238.5.1 οὐ πλεονεκτεῖται δ’ οὐδ’ ἅτερος· ἄλλοτε μὲν γὰρ ### book 238.5.2 ἵσταται ὁ προδιδοὺς ἄλλοτ’ ὄπισθε πάλιν. ### book 238.5.3 τοῦτ’ ἐστὶν πάντως τὸ παροίμιον· εἰς γὰρ ἀμοιβήν, ### book 238.5.4 ὡς λέγεται, κνήθειν οἶδεν ὄνος τὸν ὄνον. ### book 239.1.1 Πέντ’ αἰτεῖς; δέκα δώσω, ἐείκοσι δ’ ἀντία ἕξεις. ### book 239.1.2 ἀρκεῖ σοι χρυσοῦς; ἤρκεσε καὶ Δανάῃ. ### book 240.1.1 Ἤδη μοι πολιαὶ μὲν ἐπὶ κροτάφοισιν ἔθειραι, ### book 240.1.2 καὶ πέος ἐν μηροῖς ἀργὸν ἀποκρέμαται· ### book 240.1.3 ὄρχεις δ’ ἄπρηκτοι, χαλεπὸν δέ με γῆρας ἱκάνει. ### book 240.1.4 οἴμοι, πυγίζειν οἶδα καὶ οὐ δύναμαι. ### book 241.1.1 Ἄγκιστρον πεπόηκας, ἔχεις ἰχθὺν ἐμέ, τέκνον· ### book 241.1.2 ἕλκε μ’, ὅπου βούλει· μὴ τρέχε, μή σε φύγω. ### book 242.1 Πρῴην τὴν σαύραν ῥοδοδάκτυλον, Ἄλκιμ’, ἔδειξας· ### book 242 νῦν αὐτὴν ἤδη καὶ ῥοδόπηχυν ἔχεις. ### book 243.1.1 Εἴ με τὸ πυγίζειν ἀπολώλεκε καὶ διὰ τοῦτο ### book 243.1.2 ἐκτρέφομαι ποδαγρῶν, Ζεῦ, κρεάγραν με πόει. ### book 244.1.1 Ἢν ἐσίδω τινὰ λευκόν, ἀπόλλυμαι· ἢν δὲ μελίχρουν, ### book 244.1.2 καίομαι· ἢν ξανθὸν δ’, εὐθὺς ὅλος λέλυμαι. ### book 245.1.1 Πᾶν ἄλογον ζῷον βινεῖ μόνον· οἱ λογικοὶ δὲ ### book 245.1.2 τῶν ἄλλων ζῴων τοῦτ’ ἔχομεν τὸ πλέον ### book 245.1.3 πυγίζειν εὑρόντες. ὅσοι δὲ γυναιξὶ κρατοῦνται, ### book 245.1.4 τῶν ἀλόγων ζῴων οὐδὲν ἔχουσι πλέον. ### book 246.1.1 Ζεῦγος ἀδελφειῶν με φιλεῖ· οὐκ οἶδα, τίν’ αὐτῶν ### book 246.1.2 δεσπόσυνον κρίνω· τοὺς δύο γὰρ φιλέω. ### book 246.1.3 χὠ μὲν ἀποστείχει, ὁ δ’ ἐπέρχεται· ἔστι δὲ τοῦ μὲν ### book 246.1.4 κάλλιστον τὸ παρόν, τοῦ δὲ τὸ λειπόμενον. ### book 247.1.1 Οἷον ἐπὶ Τροίῃ ποτ’ ἀπὸ Κρήτης, Θεόδωρε, ### book 247.1.2 Ἰδομενεὺς θεράποντ’ ἤγαγε Μηριόνην, ### book 247.1.3 τοῖον ἔχω σε φίλον περιδέξιον. ἦ γὰρ ἐκεῖνος ### book 247.1.4 ἄλλα μὲν ἦν θεράπων, ἄλλα δ’ ἑταιρόσυνος· ### book 247.5 καὶ σὺ τὰ μὲν βιότοιο πανήμερος ἔργα τέλει μοι, ### book 247 νύκτα δὲ πειρῶμεν, ναὶ Δία, Μηριόνην. ### book 248.1.1 Τίς δύναται γνῶναι τὸν ἐρώμενον εἰ παρακμάζει, ### book 248.1.2 πάντα συνὼν αὐτῷ μηδ’ ἀπολειπόμενος; ### book 248.1.3 τίς δύνατ’ οὐκ ἀρέσαι τὴν σήμερον, ἐχθὲς ἀρέσκων; ### book 248.1.4 εἰ δ’ ἀρέσει, τί παθὼν αὔριον οὐκ ἀρέσει; ### book 249.1.1 Βουποίητε μέλισσα, πόθεν μέλι τοὐμὸν ἰδοῦσα ### book 249.1.2 παιδὸς ἐφ’ ὑαλέην ὄψιν ὑπερπέτασαι; ### book 249.1.3 οὐ παύσῃ βομβεῦσα καὶ ἀνθολόγοισι θέλουσα ### book 249.1.4 ποσσὶν ἐφάψασθαι χρωτὸς ἀκηροτάτου; ### book 249.5.1 ἔρρ’ ἐπὶ σοὺς μελίπαιδας ὅποι ποτέ, δραπέτι, σίμβλους, ### book 249.5.2 μή σε δάκω· κἠγὼ κέντρον ἔρωτος ἔχω. ### book 250.1.1 Νυκτερινὴν ἐπίκωμος ἰὼν μεταδόρπιον ὥρην ### book 250.1.2 ἄρνα λύκος θυρέτροις εὗρον ἐφεσταότα, ### book 250.1.3 υἱὸν Ἀριστοδίκου τοῦ γείτονος· ὃν περιπλεχθεὶς ### book 250.1.4 ἐξεφίλουν ὅρκοις πολλὰ χαριζόμενος. ### book 250.5.1 νῦν δ’ αὐτῷ τί φέρων δωρήσομαι; οὔτ’ ἀπάτης γὰρ ### book 250.5.2 ἄξιος, Ἑσπερίης οὔτ’ ἐπιορκοσύνης. ### book 251.1.1 Πρόσθε μὲν ἀντιπρόσωπα φιλήματα καὶ τὰ πρὸ πείρας ### book 251.1.2 εἴχομεν· ἦς γὰρ ἀκμήν, Δίφιλε, παιδάριον. ### book 251.1.3 νῦν δέ σε τῶν ὄπιθεν γουνάζομαι οὐ παρεόντων ### book 251 ὕστερον· ἔστω γὰρ πάντα καθ’ ἡλικίην. ### book 252.1.1 Ἐμπρήσω σέ, θύρη, τῇ λαμπάδι, καὶ τὸν ἔνοικον ### book 252.1.2 συμφλέξας μεθύων εὐθὺς ἄπειμι φυγάς, ### book 252.1.3 καὶ πλώσας Ἀδριανὸν ἐπ’ οἴνοπα πόντον ἀλήτης ### book 252.1.4 φωλήσω γε θύραις νυκτὸς ἀνοιγομέναις. ### book 253.1.1 Δεξιτερὴν ὀλίγον δὸς ἐπὶ χρόνον, οὐχ ἵνα παύσῃς ### book 253.1.2 —κεἴ μ’ ὁ καλὸς χλεύην ἔσχε—χοροιτυπίης. ### book 253.1.3 ἀλλ’, εἰ μὴ πλευρῇ παρεκέκλιτο πατρὸς ἀκαίρως, ### book 253.1.4 οὐκ ἂν δή με μάτην εἶδε μεθυσκόμενον. ### book 254.1.1 Ἐκ ποίου ναοῦ, πόθεν ὁ στόλος οὗτος Ἐρώτων ### book 254.1.2 πάντα καταστίλβων; ἄνδρες, ἀμαυρὰ βλέπω. ### book 254.1.3 τίς τούτων δοῦλος, τίς ἐλεύθερος, οὐ δύναμ’ εἰπεῖν. ### book 254.1.4 ἄνθρωπος τούτων κύριος; οὐ δύναται. ### book 254.5.1 εἰ δ’ ἐστίν, μείζων πολλῷ Διός, ὃς Γανυμήδην ### book 254.5.2 ἔσχε μόνως, θεὸς ὢν πηλίκος· ὃς δὲ πόσους. ### book 255.1.1 Οὐδ’ αὐτή ς’ ἡ λέξις, ἀκοινώνητε, διδάσκει ### book 255.1.2 ἐξ ἐτύμου φωνῆς ῥήμασιν ἑλκομένη; ### book 255.1.3 πᾶς φιλόπαις λέγεται, Διονύσιε, κοὐ φιλοβούπαις. ### book 255.1.4 πρὸς τοῦτ’ ἀντειπεῖν μή τι πάλιν δύνασαι; ### book 255.5 Πύθι’ ἀγωνοθετῶ, σὺ δ’ Ὀλύμπια· χοὒς ἀποβάλλων ### book 255 ἐκκρίνω, τούτους εἰς τὸν ἀγῶνα δέχῃ. ### book 256.1.1 Πάγκαρπόν σοι, Κύπρι, καθήρμοσε χειρὶ τρυγήσας ### book 256.1.2 παίδων ἄνθος Ἔρως ψυχαπάτην στέφανον. ### book 256.1.3 ἐν μὲν γὰρ κρίνον ἡδὺ κατέπλεξεν Διόδωρον, ### book 256.1.4 ἐν δ’ Ἀσκληπιάδην, τὸ γλυκὺ λευκόιον. ### book 256.5.1 ναὶ μὴν Ἡράκλειτον ἐπέπλεκεν, ὡς ἀπ’ ἀκάνθης ### book 256.5.2 εἳς ῥόδον, οἰνάνθη δ’ ὥς τις ἔθαλλε Δίων· ### book 256.5.3 χρυσανθῆ δὲ κόμαισι κρόκον, Θήρωνα, συνῆψεν, ### book 256.5.4 ἐν δ’ ἔβαλ’ ἑρπύλλου κλωνίον Οὐλιάδην· ### book 256.5.5 ἁβροκόμην δὲ Μυΐσκον, ἀειθαλὲς ἔρνος ἐλαίης, ### book 256.10.1 ἱμερτοὺς Ἀρέτου κλῶνας ἀπεδρέπετο. ### book 256.10.2 ὀλβίστη νήσων ἱερὰ Τύρος, ἣ τὸ μυρόπνουν ### book 256.10.3 ἄλσος ἔχει παίδων Κύπριδος ἀνθοφόρον. ### book 257.1.1 Ἁ πύματον καμπτῆρα καταγγέλλουσα κορωνίς, ### book 257.1.2 ἑρκοῦρος γραπταῖς πιστοτάτα σελίσιν, ### book 257.1.3 φαμὶ τὸν ἐκ πάντων ἠθροισμένον εἰς ἕνα μόχθον ### book 257.1.4 ὑμνοθετᾶν βύβλῳ τᾷδ’ ἐνελιξάμενον ### book 257.5.1 ἐκτελέσαι Μελέαγρον, ἀείμνηστον δὲ Διοκλεῖ ### book 257.5.2 ἄνθεσι συμπλέξαι μουσοπόλον στέφανον. ### book 257.5.3 οὖλα δ’ ἐγὼ καμφθεῖσα δρακοντείοις ἴσα νώτοις, ### book 257.5.4 σύνθρονος ἵδρυμαι τέρμασιν εὐμαθίας. ### book 258.1.1 Ἦ τάχα τις μετόπισθε κλύων ἐμὰ παίγνια ταῦτα ### book 258.1.2 πάντας ἐμοὺς δόξει τοὺς ἐν ἔρωτι πόνους· ### book 258.1.3 ἄλλα δ’ ἐγὼν ἄλλοισιν ἀεὶ φιλόπαισι χαράσσω ### book 258 γράμματ’, ἐπεί τις ἐμοὶ τοῦτ’ ἐνέδωκε θεός. ### book 1.1.1 Χαῖρε, θεὰ Παφίη· σὴν γὰρ ἀεὶ δύναμιν ### book 1.1.2 κάλλος τ’ ἀθάνατον καὶ σέβας ἱμερόεν ### book 1.1.3 πάντες τιμῶσιν θνατοὶ ἐφαμέριοι ### book 1.1.4 ἐν πᾶσιν μύθοις ἔργοισίν τε καλοῖς· ### book 1.5 πάντῃ γὰρ πᾶσιν σὴν δηλοῖς τιμήν. ### book 2.1.1 Καλλίστρατός σοι, Ζηνὸς ὦ διάκτορε, ### book 2.1.2 ἔθηκε μορφῆς ξυνὸν ἥλικος τύπον· ### book 2.1.3 Κηφισιεὺς ὁ κοῦρος· ᾧ χαρείς, ἄναξ, ### book 2.1.4 Ἀπολλοδώρου παῖδα καὶ πάτραν σάω. ### book 3.1.1 Ὁ μουσοποιὸς ἐνθάδ’ Ἱππῶναξ κεῖται. ### book 3.1.2 εἰ μὲν πονηρός, μὴ ποτέρχευ τῷ τύμβῳ· ### book 3.1.3 εἰ δ’ ἐσσὶ κρήγυός τε καὶ παρὰ χρηστῶν, ### book 3.1.4 θαρσέων καθίζευ, κἢν θέλῃς, ἀπόβριξον. ### book 4.1 Ἀλκίμων ς’, Ὠριστοκλείδη, πρῶτον οἰκτίρω φίλων· ### book 4 ὤλεσας δ’ ἥβην ἀμύνων πατρίδος δουληίην. ### book 5.1.1 Νικῶ δίαυλον. —„Ἀλλ’ ἐγὼ παλαίων.“ — ### book 5.1.2 Ἐγὼ δὲ πεντάεθλον. —„Ἀλλ’ ἐγὼ πύξ.“ — ### book 5.1.3 Καὶ τίς τύ; —„Τιμόδημος.“ —Ἀλλ’ ἐγὼ Κρής. — ### book 5.1.4 „Ἐγὼ δὲ Κρηθεύς.“ —Ἀλλ’ ἐγὼ Διοκλῆς. — ### book 5.5.1 „Καὶ τίς πατήρ τοι;“ —Κλεῖνος. —„Ὥσπερ ἄμμιν.“ — ### book 5.5.2 Ἔμπη δὲ νικῇς; —„Ἰσθμοῖ. ἦ τὺ δ’ ἔμπη;“ — ### book 5.5.3 Νέμειον ἂν λειμῶνα καὶ παρ’ Ἥρᾳ. ### book 6.1.1 Τοῦτ’ ἐγὼ τὸ περισσὸν εἰκόνισμα ### book 6.1.2 τοῦ κωμῳδογέλωτος εἰς θρίαμβον ### book 6.1.3 κισσῷ καὶ στεφάνοισιν ἀμπυκασθὲν ### book 6.1.4 ἕστακ’, ὄφρα Λύκωνι σᾶμ’ ἐπείη. ### book 6.5.1 ὅσσα γὰρ καθυπῆρχε λαμπρὸς ἁνήρ, ### book 6.5.2 μνᾶμα τοῦ χαρίεντος ἔν τε λέσχᾳ ### book 6.5.3 ἔν τ’ οἴνῳ τόδε κἄτι τοῖς ἔπειτα ### book 6.5.4 ἄγκειται παράδειγμα τᾶς ὀπωπᾶς. ### book 7.1.1 Ὁ Λύκτιος Μενίτας ### book 7.1.2 τὰ τόξα ταῦτ’ ἐπειπὼν ### book 7.1.3 ἔθηκε· „Τῆ, κέρας τοι ### book 7.1.4 δίδωμι καὶ φαρέτρην, ### book 7.5 Σάραπι· τοὺς δ’ ὀιστοὺς ### book 7 ἔχουσιν Ἑσπερῖται.“ ### book 8.1.1 Ἐκ δολίχου τἤρᾳ σφυρήλατον, ὃν τάχει κρατήσας, ### book 8.1.2 Πᾶις Ἀριστομάχειος ἀνείλετο χάλκεον λέβητα. ### book 9.1.1 Ἔρχεται πολὺς μὲν Αἰγαῖον διατμήξας ἀπ’ οἰνηρῆς Χίου ### book 9.1.2 ἀμφορεύς, πολὺς δὲ Λεσβίης ἄωτον νέκταρ οἰνάνθης ἄγων. ### book 10.1.1 Ἁ ναῦς, ἃ τὸ μόνον φέγγος ἐμὶν τὸ γλυκὺ τᾶς ζόας ### book 10.1.2 ἅρπαξας, ποτί τε Ζανὸς ἱκνεῦμαι λιμενοσκόπω ... ### book 11.1.1 Τίς εἰκόνα τάνδ’ ἀνέθηκεν; —„Δωριεὺς ὁ Θούριος.“ — ### book 11.1.2 Οὐ Ῥόδιος γένος ἦν; —„Ναί, πρὶν φυγεῖν γε πατρίδα, ### book 11 δεινᾷ γε χειρὶ πόλλ’ ἔρξας ἔργα καὶ βίαια.“ ### book 12.1.1 Ἐρρέτω ἦμαρ ἐκεῖνο καὶ οὐλομένη σκοτόμαινα ### book 12.1.2 βρόμος τε δεινὸς ἠνεμωμένης ἁλός, ### book 12.1.3 οἵ ποτε νῆ’ ἐκύλισαν, ἐφ’ ἧς ὁ τὰ πολλὰ μελίφρων ### book 12.1.4 Ἀβδηρίων ἄπρηκτα θεοῖσιν εὔχετο· ### book 12.5.1 ῥαίσθη γὰρ διὰ πάντα, προσηνέχθη δὲ κλύδωνι ### book 12.5.2 τρηχεῖαν εἰς Σέριφον, αἰδοίων ὅθι ### book 12.5.3 προξείνων ὑπὸ χερσὶ λαχὼν πυρὸς ἵκετο πάτρην ### book 12.5.4 Ἄβδηρα κρωσσῷ χαλκέῳ περισταλείς. ### book 13.1.1 Τόνδε Πύρης ἀνέθηκε Πολυμνήστου φίλος υἱὸς ### book 13.1.2 εὐξάμενος δεκάτην Παλλάδι Τριτογενεῖ. ### book 13.1.3 Κυδωνιήτας Κρησίλας εἰργάσσατο. ### book 14.1.1 Ἀργεῖος Δάνδης σταδιοδρόμος ἐνθάδε κεῖται ### book 14.1.2 νίκαις ἱππόβοτον πατρίδ’ ἐπευκλεΐσας ### book 14.1.3 Ὀλυμπίᾳ δίς, ἐν δὲ Πυθῶνι τρία, ### book 14.1.4 δύω δ’ ἐν Ἰσθμῷ, πεντεκαίδεκ’ ἐν Νεμέᾳ· ### book 14.5 τὰς δ’ ἄλλας νίκας οὐκ εὐμαρές ἐστ’ ἀριθμῆσαι. ### book 15.1.1 Εἰμὶ Δίκων υἱὸς Καλλιμβρότου, αὐτὰρ ἐνίκων ### book 15.1.2 τετράκις ἐν Νεμέᾳ, δὶς Ὀλύμπια, πεντάκι Πυθοῖ, ### book 15 τρὶς δ’ Ἰσθμῷ· στεφανῶ δ’ ἄστυ Συρακοσίων. ### book 16.1.1 Σπάρτας μὲν βασιλῆες ἐμοὶ πατέρες καὶ ἀδελφοί· ### book 16.1.2 ἅρματι δ’ ὠκυπόδων ἵππων νικῶσα Κυνίσκα ### book 16.1.3 εἰκόνα τάνδ’ ἔστασα. μόναν δ’ ἐμέ φαμι γυναικῶν ### book 16.1.4 Ἑλλάδος ἐκ πάσας τόνδε λαβεῖν στέφανον. ### book 17.1 Ἰφίων ἔγραψεν ἑᾷ χερί, τόν ποκα ὕδωρ ### book 17.2 θρέψε Πειρήνης ἄπο. ### book 18.1.1 Χάλκεα ἔργα, λέγοισθε θοῆς ἐπινίκια πώλου, ### book 18.1.2 ἥτις κεντροραγὴς βαλοῦσα παῖδα ### book 18.1.3 ψιλὴ λευρὸν ἔθυσε περὶ δρόμον. ἐκ δ’ ἄρ’ ἐκείνου ### book 18.1.4 Παρμένων χρυσέης κύρησε νίκης. ### book 18.5.1 Φώκριτε, σῷ δ’ ἄρα παιδὶ Ἀμυκλαΐδαι βασιλῆες ### book 18.5.2 πατρῴων ἔδοσαν λαχεῖν ἀέθλων. ### book 19.1.1 Ἄνθηκεν τόδ’ ἄγαλμα Κορίνθιος ὅσπερ ἐνίκα ### book 19.1.2 ἐν Δελφοῖς ποτε Νικολᾴδας ### book 19.1.3 καὶ Παναθηναίοις στεφάνους λάβε πέντ’ ἐπ’ ἀέθλοις ### book 19.1.4 ἑξῆς ἀμφιφορεῖς ἐλαίου· ### book 19.5.1 Ἰσθμῷ δ’ ἐν ζαθέᾳ τρὶς ἐπισχερὼ—οἶδεν ἑλόντα ### book 19.5.2 ἀκτὰ Ποντομέδοντος ἆθλα— ### book 19.5.3 καὶ Νεμέᾳ τρὶς ἐνίκησεν καὶ τετράκις ἄλλα ### book 19.1 Πελλάνᾳ, δύο δ’ ἐν Λυκαίῳ ### book 19.2 καὶ Τεγέᾳ καὶ ἐν Αἰγίνᾳ, κρατερᾷ τ’ Ἐπιδαύρῳ ### book 19.10.1 καὶ Θήβᾳ Μεγάρων τε δάμῳ, ### book 19.10.2 ἐν δὲ Φλειοῦντι σταδίῳ τά τε πέντε κρατήσας ### book 19.10.3 ηὔφρανεν μεγάλαν Κόρινθον. ### book 20.1.1 Πατρίδα κυδαίνων ἱερὴν πόλιν Ὦπις Ἀθήνης, ### book 20.1.2 τέκνον μελαίνης γῆς, χαρίεντας αὐλοὺς ### book 20.1.3 τούσδε σὺν Ἡφαίστῳ τελέσας ἀνέθηκ’ Ἀφροδίτῃ ### book 20.1.4 καλοῦ δαμασθεὶς ἱμέρῳ Βρύσωνος. ### book 21.1.1 Μνασάλκεος τὸ σᾶμα τῶ Πλαταιΐδα ### book 21.1.2 τῶ ’λεγῃοποιῶ· ### book 21.1.3 ἁ Μῶσα δ’ αὐτῶ τᾶς Σιμωνίδα πλάτας ### book 21.1.4 ἧς ἀποσπάραγμα ### book 21.5.1 κενά τε κλαγγὰν καὶ ’πιλακυθίστρια ### book 21.5.2 διθυραμβοχάνα· ### book 21.5.3 τέθνακε, μὴ βάλωμες· εἰ δέ κε ζόεν, ### book 21 τύμπανόν κ’ ἐφύση. ### book 22.1.1 Τόξον μέν, ᾧ Γίγαντος ὤλεσας σθένος, ### book 22.1.2 ἴσχε βίης, ἑκάεργ’ ἀνάσσων· ### book 22.1.3 οὔ σοι φαρέτρη λύεται λυκοκτόνος· ### book 22.1.4 τοῖσδε δ’ ἐπ’ ἠιθέοις ὀιστὸν ### book 22.5.1 στρέφειν Ἔρωτος, τόφρ’ ἀλέξωνται πάτρῃ ### book 22.5.2 θαρσαλέοι φιλότατι κούρων· ### book 22.5.3 πυρὸς γὰρ ἀλκή, καὶ θεῶν ὑπέρτατος ### book 22.5.4 αἰὲν ὅδε προμάχους ἀέξειν. ### book 22.5.5 Μελιστίωνος δ’, ὦ πατρώιον σέβας ### book 22.10 Σχοινιέων, ἐπίηρα δέχθαι. ### book 23.1.1 Ἰὼ παρέρπων, μικρόν, εἴ τι κἀγκονεῖς, ἄκουσον ### book 23.1.2 τὰ Βότρυος περισσὰ δῆτα κήδη, ### book 23.1.3 ὃς πρέσβυς ὀγδώκοντ’ ἐτῶν τὸν ἐκ νέων ἔθαψεν ### book 23.1.4 ἤδη τι τέχνᾳ καὶ σοφὸν λέγοντα. ### book 23.5.1 φεῦ τὸν τεκόντα, φεῦ δὲ καὶ σέ, Βότρυος φίλος παῖ, ### book 23.5.2 ὅσων ἄμοιρος ἡδονῶν ἀπώλευ. ### book 24.1.1 Τὰ δῶρα τἀφροδίτῃ ### book 24.1.2 Σῖμον ἡ περίφοιτος εἰκόν’ αὑτῆς ### book 24.1.3 ἔθηκε τήν τε μίτρην, ### book 24.1.4 ἣ μαστοὺς ἐφίλησε, τόν τε πανὸν ### book 24.5 καὶ τούς 〈ποτ’ ἀντίναξεν〉 ### book 24 ἀυτοῦς’ ἀν’ ὄρη τάλαινα θύρσους. ### book 25.1.1 Δήμητρι τῇ Πυλαίῃ, ### book 25.1.2 τῇ τοῦτον οὑκ Πελασγῶν ### book 25.1.3 Ἀκρίσιος τὸν νηὸν ἐδείματο, ταῦθ’ ὁ Ναυκρατίτης ### book 25.1.4 καὶ τῇ κάτω θυγατρὶ ### book 25.5.1 τὰ δῶρα Τιμόδημος ### book 25.5.2 εἵσατο, τῶν κερδέων δεκατεύματα· καὶ γὰρ εὔξαθ’ οὕτως. ### book 26.1.1 Μνήσομαι, οὐ γὰρ ἔοικεν ἀνώνυμον ἐνθάδ’ Ἀρχεναύτεω ### book 26.1.2 κεῖσθαι θανοῦσαν ἀγλαὰν ἄκοιτιν ### book 26.1.3 Ξανθίππην, Περιάνδρου ἀπέκγονον, ὅς ποθ’ ὑψιπύργου ### book 26.1.4 σήμαινε λαοῖς τέρμ’ ἔχων Κορίνθου. ### book 27.1.1 Φῶκος ἐπὶ ξείνῃ μὲν ἀπέφθιτο· κῦμα γὰρ μέλαινα ### book 27.1.2 νεῦς οὐχ ὑπεξήνεικεν οὐδ’ ἐδέξατο· ### book 27.1.3 ἀλλὰ κατ’ Αἰγαίοιο πολὺν βυθὸν ᾤχετο πόντου ### book 27.1.4 βίῃ Νότου πρήσαντος ἐσχάτην ἅλα. ### book 27.5.1 τύμβου δ’ ἐν πατέρων κενεοῦ λάχεν, ὃν πέρι Προμηθὶς ### book 27.5.2 μήτηρ, λυγρῇ ὄρνιθι πότμον εἰκέλη, ### book 27.5.3 αἰαῖ, κωκύει τὸν ἑὸν γόνον ἤματα πάντα, ### book 27 λέγουσα τὸν πρόωρον ὡς ἀπέφθιτο. ### book 28.1.1 Πολλάκι δὴ φυλῆς Ἀκαμαντίδος ἐν χοροῖσιν Ὧραι ### book 28.1.2 ἀνωλόλυξαν κισσοφόροις ἐπὶ διθυράμβοις ### book 28.1.3 αἱ Διονυσιάδες, μίτραισι δὲ καὶ ῥόδων ἀώτοις ### book 28.1.4 σοφῶν ἀοιδῶν ἐσκίασαν λιπαρὰν ἔθειραν, ### book 28.5.1 οἳ τόνδε τρίποδά σφισι μάρτυρα Βακχίων ἀέθλων ### book 28.5.2 ἔθηκαν· εὖ τούσδ’ Ἀντιγένης ἐδίδασκεν ἄνδρας, ### book 28.5.3 εὖ δ’ ἐτιθηνεῖτο γλυκερὰν ὄπα Δωρίοις Ἀρίστων ### book 28.5.4 Ἀγρεῖος ἡδὺ πνεῦμα χέων καθαροῖς ἐν αὐλοῖς, ### book 28.5.5 τῶν ἐχορήγησεν κύκλον μελίγηρυν Ἱππόνικος, ### book 28.10.1 Στρούθωνος υἱός, ἅρμασιν ἐν Χαρίτων φορηθείς, ### book 28.10.2 αἵ οἱ ἐπ’ ἀνθρώπους ὄνομα κλυτὸν ἀγλαάν τε νίκαν ### book 28.10.3 θεοῦ θ’ ἕκατι θῆκαν ἰοστεφάνων τε Μοισᾶν. ### book 29.1.1 „Οἶνός τοι χαρίεντι πέλει ταχὺς ἵππος ἀοιδῷ· ### book 29.1.2 ὕδωρ δὲ πίνων οὐδὲν ἂν τέκοις σοφόν.“ ### book 29.1.3 τοῦτ’ ἔλεγεν, Διόνυσε, καὶ ἔπνεεν οὐχ ἑνὸς ἀσκοῦ ### book 29.1.4 Κρατῖνος, ἀλλὰ παντὸς ὠδώδει πίθου. ### book 29.5 τοιγὰρ ὑπὸ στεφάνοις μέγας ἔβρυεν, εἶχε δὲ κισσῷ ### book 29 μέτωπον ὥσπερ καὶ σὺ κεκροκωμένον. ### book 30.1.1 Μοῦσά μοι Ἀλκμήνης καλλισφύρου υἱὸν ἄειδε. ### book 30.1.2 υἱὸν Ἀλκμήνης ἄειδε Μοῦσά μοι καλλισφύρου. ### book 31.1 Κηία με προσῆλθε φλυαρία οὐκ ἐθέλοντα. ### book 31 οὐκ ἐθέλοντά με προσῆλθε Κηία φλυαρία. ### book 1.1.1 Ὄλβιε Πυθαγόρη, Μουσέων Ἑλικώνιον ἔρνος, ### book 1.1.2 εἰπέ μοι εἰρομένῳ, ὁπόσοι σοφίης κατ’ ἀγῶνα ### book 1.1.3 σοῖσι δόμοισιν ἔασιν ἀεθλεύοντες ἄριστα. — ### book 1.1.4 „Τοιγὰρ ἐγὼν εἴποιμι, Πολύκρατες· ἡμίσεες μὲν ### book 1.5.1 ἀμφὶ καλὰ σπεύδουσι μαθήματα· τέτρατοι αὖτε ### book 1.5.2 ἀθανάτου φύσεως πεπονήαται· ἑβδομάτοις δὲ ### book 1.5.3 σιγὴ πᾶσα μέμηλε καὶ ἄφθιτοι ἔνδοθι μῦθοι· ### book 1.5.4 τρεῖς δὲ γυναῖκες ἔασι, Θεανὼ δ’ ἔξοχος ἄλλων. ### book 1.5.5 τόσσους Πιερίδων ὑποφήτορας αὐτὸς ἀγινῶ.“ ### book 2.1 Παλλὰς ἐγὼ χρυσῆ σφυρήλατος· αὐτὰρ ὁ χρυσὸς ### book 2.2 αἰζηῶν πέλεται δῶρον ἀοιδοπόλων. ### book 2.3 ἥμισυ μὲν χρυσοῖο Χαρίσιος, ὀγδοάτην δὲ ### book 2.4 Θέσπις καὶ δεκάτην μοῖραν ἔδωκε Σόλων, ### book 2.5.1 αὐτὰρ ἐεικοστὴν Θεμίσων· τὰ δὲ λοιπὰ τάλαντα ### book 2.5.2 ἐννέα καὶ τέχνη δῶρον Ἀριστοδίκου. ### book 3.1 Ἁ Κύπρις τὸν Ἔρωτα κατηφιόωντα προσηύδα· ### book 3.2 „Τίπτε τοι, ὦ τέκος, ἄλγος ἐπέχραεν;“ ὃς δ’ ἀπάμειπτο· ### book 3.3 „Πιερίδες μοι μῆλα διήρπασαν ἄλλυδις ἄλλη ### book 3 αἰνύμεναι κόλποιο, τὰ δὴ φέρον ἐξ Ἑλικῶνος. ### book 3.5.1 Κλειὼ μὲν μήλων πέμπτον λάβε, δωδέκατον δὲ ### book 3.5.2 Εὐτέρπη· ἀτὰρ ὀγδοάτην λάχε δῖα Θάλεια· ### book 3.5.3 Μελπομένη δ’ εἰκοστὸν ἀπαίνυτο, Τερψιχόρη δὲ ### book 3.5.4 τέτρατον· ἑβδομάτην δ’ Ἐρατὼ μετεκίαθε μοίρην· ### book 3.5.5 ἡ δὲ τριηκόντων με Πολύμνια νόσφισε μήλων, ### book 3.10.1 Οὐρανίη δ’ ἑκατόν τε καὶ εἴκοσι· Καλλιόπη δὲ ### book 3.10.2 βριθομένη μήλοισι τριηκοσίοισι βέβηκε. ### book 3.10.3 σοὶ δ’ ἄρα κουφοτέρῃσιν ἐγὼ σὺν χερσὶν ἱκάνω ### book 3.10.4 πεντήκοντα φέρων τάδε λείψανα μῆλα θεάων.“ ### book 4.1 Αὐγείην ἐρέεινε μέγα σθένος Ἀλκεΐδαο ### book 4.2 πληθὺν βουκολίων διζήμενος· ὃς δ’ ἀπάμειπτο· ### book 4.3 „Ἀμφὶ μὲν Ἀλφειοῖο ῥοάς, φίλος, ἥμισυ τῶνδε· ### book 4.4 μοίρη δ’ ὀγδοάτη ὄχθον Κρόνου ἀμφινέμονται· ### book 4.5.1 δωδεκάτη δ’ ἀπάνευθε Ταραξίπποιο παρ’ ἱρόν· ### book 4.5.2 ἀμφὶ δ’ ἄρ’ Ἤλιδα δῖαν ἐεικοστὴ νεμέθονται· ### book 4.5.3 αὐτὰρ ἐν Ἀρκαδίηφι τριηκοστὴν προλέλοιπα· ### book 4.5.4 λοιπὰς δ’ αὖ λεύσσεις ἀγέλας τόδε πεντήκοντα.“ ### book 5.1 Εἰμὶ πατρὸς λευκοῖο μέλαν τέκος, ἄπτερος ὄρνις ### book 5.2 ἄχρι καὶ οὐρανίων ἱπτάμενος νεφέων· ### book 5.3 κούραις δ’ ἀντομένῃσιν ἀπενθέα δάκρυα τίκτω· ### book 5.4 εὐθὺ δὲ γεννηθεὶς λύομαι εἰς ἀέρα. ### book 6.1 Ὡρονόμων ὄχ’ ἄριστε, πόσον παρελήλυθεν ἠοῦς; — ### book 6 „Ὅσσον ἀποιχομένοιο δύο τρίτα, δὶς τόσα λείπει.“ ### book 7.1 Χάλκεός εἰμι λέων· κρουνοὶ δέ μοι ὄμματα δοιὰ ### book 7.2 καὶ στόμα καὶ τὸ θέναρ δεξιτεροῖο ποδός. ### book 7.3 πλήθει δὲ κρητῆρα δύ’ ἤμασι δεξιὸν ὄμμα ### book 7.4 καὶ λαιὸν τρισσοῖς καὶ πισύροισι θέναρ· ### book 7.5.1 ἄρκιον ἓξ ὥραις πλῆσαι στόμα· σὺν δ’ ἅμα πάντα, ### book 7.5.2 καὶ στόμα καὶ γλῆναι καὶ θέναρ, εἰπὲ πόσον. ### book 8 Ἕξ, ἕν, πέντε, δύο, τρία, τέσσαρα κῦβος ἐλαύνει. ### book 9.1 Ἄνδρ’ ἐμὸν εἷλ’ ἑκυρός, ἑκυρὸν δ’ ἐμὸς ἔκτανεν ἀνὴρ ### book 9.2 καὶ δαὴρ ἑκυρὸν καὶ ἑκυρὸς γενέτην. ### book 10.1 Λέβητας ἔγνων μὴ σιωπᾶν εἰδότας, ### book 10.2 πλὴν ἄρτια τὸν χαλκὸν ἠχεῖν προτρέπειν ### book 10.3 ἀντικτυποῦντος τοῦ πρώτου τῷ δευτέρῳ ### book 10.4 καὶ μεταδιδόντος τῷ τετάρτῳ τοῦ τρίτου. ### book 10.5.1 ἐὰν δὲ τὸ κινοῦν ἠρεμῇ καὶ μὴ πνέῃ, ### book 10.5.2 ἄφωνος ὁ λέβης· τῇ φύσει γὰρ οὐ λάλος. ### book 10.5.3 τῶν σῶν δὲ λεβήτων ἡ φύσις μὲν εὔστομος, ### book 10.5.4 νοῖ δ’ ἐντυχοῦσα γίνετ’ εὐστομωτέρα ### book 10 σιγῶς’, ὅταν δεῖ, καὶ λαλοῦς’, ὅταν δέῃ. ### book 11.1 Τοὺς χιλίους στατῆρας, οὓς ἐκτησάμην, ### book 11.2 λαβεῖν κελεύω τοὺς ἐμοὺς παῖδας δύο· ### book 11.3 πλὴν γνησίου τὸ πέμπτον ηὐξήσθω δέκα ### book 11.4 μέτρου τετάρτου τῶν λαχόντων τῷ νόθῳ. ### book 12.1 Ἓξ μνῶν ἓξ φιάλας Κροῖσος βασιλεὺς ἀνέθηκεν ### book 12.2 δραχμῇ τὴν ἑτέρην μείζονα τῆς ἑτέρης. ### book 13.1 Ἄμφω μὲν ἡμεῖς εἴκοσι μνᾶς ἕλκομεν, ### book 13.2 Ζῆθός τε χὠ ξύναιμος· ἢν δέ μου λάβῃς ### book 13.3 τρίτον τὸ τέτρατον τε τοῦδ’ Ἀμφίονος, ### book 13.4 ἓξ πάντ’ ἀνευρὼν μητρὸς εὑρήσεις σταθμόν. ### book 14.1 Εἷς ἄνεμος, δύο νῆες, ἐρέττουσιν δέκα ναῦται· ### book 14.2 εἷς δὲ κυβερνήτης ἀμφοτέρας ἐλάει. ### book 15.1 Ἓξ πόδες ἐν χώραισι τόσαις μετροῦσιν ἴαμβον, ### book 15.2 σπονδεῖος, χόριος καὶ δάκτυλος ἠδ’ ἀνάπαιστος, ### book 15.3 πυρρίχιος καὶ ἴαμβος· ἔχει δέ τε οἶκον ἕκαστος. ### book 15.4 πυρριχίου τέλος ἔσθ’· ὃς μακρὰν οἶδεν ἐν ἀρχῇ, ### book 15.5.1 πρώτη καὶ τριτάτη, πέμπτη δέ τε τόνδε κατίσχει· ### book 15.5.2 οἱ δ’ ἄλλοι κατὰ πᾶσαν ὁμῶς βαίνουσιν ἀταρπόν· ### book 15 μοῦνον ἴαμβον ἄνακτα φέρει τόπος, ὅν κ’ ἐθελήσῃ. ### book 16 Νῆσος ὅλη, μύκημα βοὸς φωνή τε δανειστοῦ. ### book 17.1 Θήρη μὲν πολέμου μελέτη, θήρη δὲ διδάσκει ### book 17.2 κρυπτὸν ἑλεῖν, ἐπιόντα μένειν, φεύγοντα διώκειν. ### book 18.1 Ἕκτορα τὸν Πριάμου Διομήδης ἔκτανεν ἀνὴρ ### book 18.2 Αἴας πρὸ Τρώων ἔγχεϊ μαρνάμενον. ### book 19.1 Εἶδον ἐγώ ποτε θῆρα δι’ ὕλης τμητοσιδήρου ### book 19.2 ὕπτιον ὀρθὰ τρέχοντα, ποσὶν δ’ οὐχ ἥπτετο γαίης. ### book 20.1 Εἰ πυρὸς αἰθομένου μέσσην ἑκατοντάδα θείης, ### book 20.2 παρθένου εὑρήσεις υἱέα καὶ φονέα. ### book 21 Ἐς μέσον Ἡφαίστοιο βαλὼν ἑκατοντάδα μούνην ### book 21 παρθένου εὑρήσεις υἱέα καὶ φονέα. ### book 22.1 Μὴ λέγε, καὶ λέξεις ἐμὸν οὔνομα. δεῖ δέ σε λέξαι; ### book 22.2 ὧδε πάλιν (μέγα θαῦμα) λέγων ἐμὸν οὔνομα λέξεις. ### book 23.1 Νηρέος ὄντα με παῖδα φέρει γαιήιος υἱός, ### book 23.2 τὸν Στυγὸς ἱμερτοῖς νάμασι δυόμενον. ### book 24.1 〈Ἀνδρό〉μεον Διόνυσον ὁρᾷς ἐμέ· τίκτε με νηδὺς ### book 24.2 διχθαδίη, μνήμης δὲ πατὴρ ἐμὸς ἡγεμονεύει· ### book 24.3 θηροφόρον δέ με πρῶτον ἐγείνατο νηλεόθυμον· ### book 24.4 αὐτοκασιγνήτης δὲ προκὸς φίλον υἷα κατακτὰς ### book 24.5.1 οὐκέτι θῆρα φέρω, ἀλλ’ οὐρανὸν ἠδὲ θάλασσαν ### book 24.5.2 καὶ χθόνα καὶ μακάρων ἱερὸν χορὸν ἄφθιτον αἰεί. ### book 25.1 Ὀφθαλμοὺς Σκύλλης ποθέω, τοὺς ἔσβεσεν αὐτὸς ### book 25.2 ἠέλιος μήνη τε· πατὴρ δέ με δείδιε κούρην· ### book 25.3 λοῦμαι δ’ ἀενάοισι δύω ποταμοῖσι θανοῦσα, ### book 25.4 οὓς κορυφὴ προΐησιν ἐπ’ ὀφρυόεντι κολωνῷ. ### book 26.1 Ξανθὴ μέν τις ἐγὼν ἤμην πάρος, ἀλλὰ κοπεῖσα ### book 26.2 γίνομαι ἀργεννῆς λευκοτέρη χιόνος· ### book 26.3 χαίρω δὲ γλυκερῷ τε καὶ ἰχθυόεντι λοετρῷ ### book 26 πρώτη δαιτυμόνων ἐς χορὸν ἐρχομένη. ### book 27.1 Παρθένον ἐν πελάγει ζητῶν τὴν πρόσθε λέοντα ### book 27.2 τηθὴν εὑρήσεις παιδοφόνου Ἑκάβης. ### book 28.1 Ἐξ ἁλὸς ἰχθυόεν γένος ἔλλαχον· εἷς δέ μ’ ἄεθλος ### book 28.2 εἰς Διονυσιακοὺς οἶδεν ἀγῶνας ἄγειν· ### book 28.3 καὶ δέμας ἐν σταδίοισιν ἀλειψάμενος λίπ’ ἐλαίῳ, ### book 28.4 υἱέα μὲν Δηοῦς ὤλεσα χερσὶν ἐμαῖς· ### book 28.5.1 δεύτερον αὖτε Γίγαντας ἀολλέας ἄλλοθεν ἄλλους ### book 28.5.2 ἐκπέμπω πολλαῖς χείρεσιν ἑλκομένους. ### book 29.1 Μούνῳ μοι φίλον ἐστὶ γυναιξί περ ἐν φιλότητι ### book 29.2 μίγνυσθαι αὐτῶν λισσομένων ποσίων. ### book 30.1 Κριὸν ἔχω γενετῆρα, τέκεν δέ με τῷδε χελώνη· ### book 30.2 τικτομένη δ’ ἄμφω πέφνον ἐμοὺς γονέας. ### book 31.1 Οἴνου τὴν ἑτέρην γράφε μητέρα καὶ θὲς ἐπ’ ἄρθρῳ ### book 31.2 ἄρθρον, καὶ πάτρην πατρὸς ἄκοιτιν ὁρᾷς. ### book 32 Κτανθεὶς τὸν κτείναντα κατέκτανον· ἀλλ’ ὁ μὲν οὐδ’ ὣς ### book 32 ἤλυθεν εἰς Ἀίδην· αὐτὰρ ἔγωγ’ ἔθανον. ### book 33.1 Τόν με κατακτείναντα κατέκτανον, οὐ δέ μοι ἦδος· ### book 33.2 θῆκε γὰρ ἀθάνατον τὸν κτάμενον θάνατος. ### book 34.1 Νῆσός τις πόλις ἐστὶ φυτώνυμον αἷμα λαχοῦσα, ### book 34.2 ἰσθμὸν ὁμοῦ καὶ πορθμὸν ἐπ’ ἠπείροιο φέρουσα· ### book 34.3 ἔνθ’ ἀπ’ ἐμῆς ἔσθ’ αἷμα ὁμοῦ καὶ Κέκροπος αἷμα· ### book 34.4 ἔνθ’ Ἥφαιστος ἔχει χαίρων γλαυκῶπιν Ἀθήνην· ### book 34.5 κεῖθι θυηπολίην πέμπειν κελόμην Ἡρακλεῖ. ### book 35.1 Ἀνθρώπου μέλος εἰμί, ὃ καὶ τέμνει με σίδηρος· ### book 35.2 γράμματος αἰρομένου δύεται ἠέλιος. ### book 36.1 Πικρή μοι ζωή, θάνατος γλυκύς, ὕδατα δ’ ἄμφω, ### book 36.2 θνῄσκω ἀναιμάκτοις ἔγχεσι νυσσόμενος· ### book 36.3 ἢν δέ τις ἐν ζώοντι νέκυν τύμβῳ με καλύψῃ, ### book 36.4 αἵματι συγγενέων πρῶτον ἀποβρέχομαι. ### book 37.1 Παλλάδος εἰμὶ φίλη, τίκτω δ’ ἀπερείσια τέκνα, ### book 37.2 ἃ κατὰ πετράων ἄνδρες βάλον· ὀλλυμένων δὲ ### book 37 Πηλείδῃ φάος ἔσκε, βροτῶν ἄκος, ἕρκος ἀγώνων. ### book 38.1 Κτεῖνα κάσιν, κτάνε δ’ αὖ με κάσις, θάνομεν δ’ ὑπὸ πατρός· ### book 38.2 μητέρα δ’ ἀμφότεροι τεθναότες κτάνομεν. ### book 39.1 Νῆσόν τις καλέων μ’ οὐ ψεύσεται· ὡς ἐτεὸν γὰρ ### book 39.2 πολλοὺς ἐς κελάδους οὔνομ’ ἔθηκεν ἐμόν. ### book 40.1 Εἰσὶ κασίγνηται δύ’ ἀδελφεαί· ἡ μία τίκτει ### book 40.2 τὴν ἑτέρην, αὐτὴ δὲ τεκοῦς’ ἀπὸ τῆσδε τεκνοῦται, ### book 40.3 ὥστε κασιγνήτας οὔσας ἅμα καὶ συνομαίμους ### book 40.4 αὐτοκασιγνήτας κοινῇ καὶ μητέρας εἶναι. ### book 41.1 Μητέρ’ ἐμὴν τίκτω καὶ τίκτομαι· εἰμὶ δὲ ταύτης ### book 41.2 ἄλλοτε μὲν μείζων, ἄλλοτε μειοτέρη. ### book 42.1 Παρθένος εἰμὶ γυνή, καὶ παρθένου εἰμὶ γυναικός, ### book 42.2 καὶ κατ’ ἔτος τίκτω παρθένος οὖσα γυνή. ### book 43.1 Εἰμὶ πόλου μίμημα· δύω δέ με θῆρες ἄγουσι, ### book 43.2 πρόσθε μὲν Ἠριγόνης, Πασιφάης δ’ ὄπιθεν· ### book 43.3 Ἡρακλέους τηρεῖ με συνευνέτις, ἡ δέ με Φοίβου ### book 43 τείρει νύμφα φίλη πολλάκι δαιομένη. ### book 44.1 Νυκτὶ μιῇ καὶ Τρωσὶν ἐπήλυθα, καὶ τὰ Πελασγῶν ### book 44.2 φῦλα διατμήξας εἷλον ἄνευ δόρατος· ### book 44.3 οὐ μὲν ὁ Τυδείδης οὐδ’ ὁ πτολίπορθος Ὀδυσσεὺς ### book 44.4 τὸν θρασὺν ἐκ νηῶν ἔσθενον ἐξελάσαι· ### book 44.5.1 ἀλλὰ μένος καὶ θάρσος ἐνὶ στήθεσσιν ἀέξων ### book 44.5.2 Ἀργείων στρατιὴν ὤλεσα καὶ Φρυγίων. ### book 45.1 Εἰμὶ μέλας, λευκός, ξανθὸς ξηρός τε καὶ ὑγρός· ### book 45.2 εὖτε δὲ δουρατέων πεδίων ὕπερ ἐντανύσῃς με, ### book 45.3 Ἄρεϊ καὶ παλάμῃ φθέγγομαι οὐ λαλέων. ### book 46.1 Γράμματος ἀρνυμένου πληγὴν ποδὸς οὔνομα τεύχει ### book 46.2 ἡμέτερον· πταίειν δὲ βροτῶν πόδας οὔποτ’ ἐάσει. ### book 47.1 Εἵνεκα φωτὸς ἐγὼ φῶς ὤλεσα· φὼς δὲ παραστὰς ### book 47.2 φῶς μοι ὄπασσε φίλον ποσσὶ χαριζόμενος. ### book 48.1 Αἱ Χάριτες μήλων καλάθους φέρον, ἐν δὲ ἑκάστῃ ### book 48.2 ἶσον ἔην πλῆθος. Μοῦσαι σφίσιν ἀντεβόλησαν ### book 48.3 ἐννέα καὶ μήλων σφέας ᾔτεον· αἳ δ’ ἄρ’ ἔδωκαν ### book 48.4 ἶσον ἑκάστῃ πλῆθος, ἔχον δ’ ἴσα ἐννέα καὶ τρεῖς. ### book 48.5 εἰπέ, πόσον μὲν δῶκαν, ὅπως δ’ ἴσα πᾶσαι ἔχεσκον. ### book 49.1 Τεῦξόν μοι στέφανον, χρυσὸν χαλκόν τε κεράσσας ### book 49.2 κασσίτερόν θ’ ἅμα τοῖσι πολύκμητόν τε σίδηρον, ### book 49.3 μνῶν ἑξήκοντα· χρυσὸς δ’ ἐχέτω μετὰ χαλκοῦ ### book 49.4 δοιὰ μέρη τρισσῶν· χρυσὸς δ’ ἅμα κασσίτερός τε ### book 49.5.1 τρισσὰ μέρη τετόρων· χρυσὸς δ’ αὖτ’ ἠδὲ σίδηρος ### book 49.5.2 τόσσα μέρη τῶν πέντε. πόσον δ’ ἄρα δεῖ σε κεράσσαι ### book 49.5.3 λέξον τοῦ χρυσοῦ, χαλκοῦ πόσον, ἀλλ’ ἔτι λέξον, ### book 49.5.4 κασσιτέροιο πόσον, λοιποῦ πόσον εἰπὲ σιδήρου, ### book 49.5.5 ὥστε σε τὸν στέφανον τεῦξαι μνῶν ἑξήκοντα. ### book 50.1.1 Τὸ τρίτον, ἀργυροποιέ, προσέμβαλε καὶ τὸ τέταρτον ### book 50.1.2 τῆς φιάλης εἰς ἕν, καὶ τὸ δυωδέκατον· ### book 50.1.3 εἰς δὲ κάμινον ἔλαυνε βαλὼν καὶ πάντα κυκήσας ### book 50.1.4 ἔξελέ μοι βῶλον· μνᾶν δέ μοι ἑλκυσάτω. ### book 51.1.1 Ἔχω τὸν ἑξῆς καὶ τὸ τοῦ τρίτου τρίτον. — ### book 51.1.2 ‚Κἀγὼ τὸν ἑξῆς καὶ τὸ τοῦ πρώτου τρίτον.‛ — ### book 51.1.3 „Κἀγὼ δέκα μνᾶς καὶ τὸ τοῦ μέσου τρίτον.“ ### book 52.1 Ἦν ὅτε σὺν Λαπίθῃσι καὶ ἀλκίμῳ Ἡρακλῆι ### book 52.2 Κενταύρους διφυεῖς ὤλεσα μαρνάμενος· ### book 52.3 ἦν ὅτε μουνογένεια κόρη θάνεν ἐν τρισὶ πληγαῖς ### book 52.4 ἡμετέραις, Κρονίδην δ’ ἤκαχον εἰνάλιον· ### book 52.5 νῦν δέ με Μοῦσα τρίτη πυρίναις Νύμφαισι μιγέντα ### book 52 δέρκεται ὑελίνῳ κείμενον ἐν δαπέδῳ. ### book 53.1 Ἡφαίστῳ ποτὲ Παλλὰς ὑπ’ ἀγκοίνῃσι δαμεῖσα ### book 53.2 εἰς εὐνὴν ἐμίγη Πηλέος ἐν θαλάμοις· ### book 53.3 τοὶ δ’ ὡς οὖν λιπαρῇσι καλυφθήτην ὀθόνῃσιν, ### book 53.4 αὐτίκ’ ἐγεννήθη νυκτιπόλος Φαέθων. ### book 54.1 Κἀμὲ σοφὴ ποίησε τέχνη Παιήονος ἔμπνουν ### book 54.2 πῦρ ὑπὸ χαλκελάτοις χείλεσι κευθομένην· ### book 54.3 δειλῶν δ’ αἷμα κελαινὸν ἀπ’ ἀνθρώπων ἐρύουσα ### book 54.4 Ἥφαιστον κτείνω γαστρὶ περισχομένη. ### book 55.1 Μούνῳ μοι θέμις ἐστὶ γυναικῶν ἐν φιλότητι ### book 55.2 μίσγεσθαι φανερῶς λισσομένων ποσίων· ### book 55.3 μοῦνος δ’ ἠιθέοισι καὶ ἀνδράσιν ἠδὲ γέρουσιν ### book 55.4 παρθενικαῖς τ’ ἐπέβην ἀχνυμένων τοκέων. ### book 55.5.1 μαχλοσύνην ἤχθηρα· φιλεῖ δέ με παιονίη χεὶρ ### book 55.5.2 Ἀμφιτρυωνιάδην ἐκτελέοντα πόνον. ### book 55.5.3 ἀμφὶ δ’ ὀπυιομένοισι καὶ ἂν Πλουτῆι μαχοίμην ### book 55.5.4 αἰὲν ὑπὲρ ψυχῆς τῶν, ὁπόσοις ἐμίγην. ### book 55.5.5 εὔρινον δέ με παῖδα καὶ ἀργιόδοντα τίθησιν ### book 55.10 ἰδρείῃ μερόπων αἰγὶ μιγεὶς ἐλέφας. ### book 56.1 Ἄν μ’ ἐσίδῃς, καὶ ἐγὼ σέ. σὺ μὲν βλεφάροισι δέδορκας, ### book 56.2 ἀλλ’ ἐγὼ οὐ βλεφάροις· οὐ γὰρ ἔχω βλέφαρα. ### book 56.3 ἂν δ’ ἐθέλῃς, λαλέω φωνῆς δίχα· σοὶ γὰρ ὑπάρχει ### book 56 φωνή, ἐμοὶ δὲ μάτην χείλε’ ἀνοιγόμενα. ### book 57.1 Οὔνομα μητρὸς ἔχω, γλυκερώτερός εἰμι τεκούσης· ### book 57.2 ἀλλ’ ἡ μὲν δολιχή, τυτθὸς ἐγὼ δὲ πέλω· ### book 57.3 ἄβρωτος κείνη πλὴν κράατος· εἰμὶ δ’ ἔγωγε ### book 57.4 τρωκτὸς ἅπας, μοῦνον δ’ ἔντερ’ ἄβρωτα φέρω. ### book 58.1 Ἐγκέφαλον φορέω κεφαλῆς ἄτερ· εἰμὶ δὲ χλωρὴ ### book 58.2 αὐχένος ἐκ δολιχοῦ γῆθεν ἀειρομένη· ### book 58.3 σφαίρῃ δ’ ὡς ὑπὲρ αὐλὸν ἐείδομαι· ἢν δὲ ματεύσῃς ### book 58.4 ἔνδον ἐμῶν λαγόνων, μητρὸς ἔχω πατέρα. ### book 59.1 Υἷας πεντήκοντα μιῇ ἐνὶ γαστρὶ λαβοῦσα ### book 59.2 φηλητῶν πάντων ἔκτανον ἡγεμόνα. ### book 59.3 αὐτὰρ ὃ δὶς τέθνηκεν, ἐπεὶ δύο γαστέρες αὐτὸν ### book 59.4 τίκτον, χαλκείη καὶ πάρος ἀνδρομέη. ### book 60.1 Ὕλη μέν με τέκεν, καινούργησεν δὲ σίδηρος· ### book 60.2 εἰμὶ δὲ Μουσάων μυστικὸν ἐκδόχιον· ### book 60.3 κλειομένη σιγῶ· λαλέω δ’, ὅταν ἐκπετάσῃς με, ### book 60 κοινωνὸν τὸν Ἄρη μοῦνον ἔχουσα λόγων. ### book 61.1.1 Οὔρεσι μὲν γενόμην, δένδρον δέ μοι ἔπλετο μήτηρ, ### book 61.1.2 πῦρ δὲ πατήρ, βῶλος δ’ εἰμὶ μελαινομένη· ### book 61.1.3 ἢν δέ μ’ ἔσω κεράμοιο πατὴρ τήξῃσι, βαθείας ### book 61.1.4 ἅρματος ὠτειλὰς ῥύομαι εἰναλίου. ### book 62.1 Λίην ἔντριχός εἰμι· τὰ φύλλα δέ μου κατακρύπτει ### book 62.2 τὰς τρίχας, εἰ τρύπη φαίνεται οὐδαμόθεν· ### book 62.3 πολλοῖς παιδαρίοις ἐμπαίζομαι· εἰ δέ τίς ἐστιν ### book 62.4 εἰς τὸ βαλεῖν ἀφυής, ἵσταται ὥσπερ ὄνος. ### book 63.1.1 Ἕρπουσα, βεβῶσα, ποτωμένα, ### book 63.1.2 νόθον ἴχνος ἀειρομένα δρομάς, ### book 63.1.3 πτερόεσσα μὲν ἦν τὰ πρόσω γυνά, ### book 63.1.4 τὰ δὲ μέσσα βρέμουσα λέαινα θήρ, ### book 63.5.1 τὰ δ’ ὄπισθεν ἑλισσόμενος δράκων. ### book 63.5.2 οὔθ’ ὁλκὸς ἀπέτρεχεν, οὐ γυνά, ### book 63.5.3 οὔτ’ ὄρνις ὅλον δέμας οὔτε θήρ· ### book 63.5.4 κούρα γὰρ ἐφαίνετ’ ἄνευ ποδῶν, ### book 63.5.5 κεφαλὰν δ’ οὐκ ἔσχε βρέμουσα θήρ. ### book 63.10 φύσιν εἶχεν ἄτακτα κεκραμέναν· ### book 63 ἀτέλεστα τέλεια μεμιγμένα. ### book 64.1 Ἔστι δίπουν ἐπὶ γῆς καὶ τετράπον, οὗ μία φωνή, ### book 64.2 καὶ τρίπον· ἀλλάσσει δὲ φυὴν μόνον, ὅσς’ ἐπὶ γαῖαν ### book 64.3 ἑρπετὰ κινεῖται ἀνά τ’ αἰθέρα καὶ κατὰ πόντον. ### book 64.4 ἀλλ’ ὁπόταν πλείστοισιν ἐρειδόμενον ποσὶ βαίνῃ, ### book 64.5 ἔνθα τάχος γυίοισιν ἀφαυρότατον πέλει αὐτοῦ. ### book 65.1 Ἔστιν Ἴος νῆσος μητρὸς πατρίς, ἥ σε θανόντα ### book 65.2 δέξεται· ἀλλὰ νέων παίδων αἴνιγμα φύλαξαι. ### book 66.1 Ὄλβιε καὶ δύσδαιμον—ἔφυς γὰρ ἐπ’ ἀμφοτέροισι—, ### book 66.2 πατρίδα δίζηαι· μητρὸς δέ τοι, οὐ πατρός ἐστι ### book 66.3 μητρόπολις ἐν νήσῳ ἀπὸ Κρήτης εὐρείης, ### book 66.4 Μίνωος γαίης, οὔτε σχεδὸν οὔτ’ ἀποτηλοῦ· ### book 66.5.1 ἐν τῇ μοῖρ’ ἐστίν σε τελευτῆσαι βιότοιο, ### book 66.5.2 εὖτ’ ἂν ἀπὸ γλώσσης παίδων μὴ γνῷς ἐσακούσας ### book 66.5.3 δυσξύνετον σκολιοῖσι λόγοις εἰρημένον ὕμνον· ### book 66.5.4 δοιὰς γὰρ ζωῆς μοίρας λάχες· ἣν μὲν ἀμαυρὰν ### book 66.5.5 ἠελίων δισσῶν, τὴν δ’ ἀθανάτοις ἰσόμοιρον, ### book 66.10 ζῶντί τε καὶ φθιμένῳ· φθίμενος δ’ ἔτι πολλὸν ἀγήρως. ### book 67.1 Λάιε Λαβδακίδη, παίδων γένος ὄλβιον αἰτεῖς. ### book 67.2 δώσω τοι φίλον υἱόν· ἀτὰρ πεπρωμένον ἐστὶ ### book 67.3 σοῦ παιδὸς χερσὶν λείψειν φάος· ὣς γὰρ ἔνευσα. ### book 68.1 Χείρωνος φίλε τέκνον ἀγακλειτοῖο Κάρυστε, ### book 68.2 Πηλίον ἐκπρολιπὼν Εὐβοίας ἄκρον ἱκέσθαι· ### book 68.3 ἔνθ’ ἱερὰν χώραν κτίζειν σοι θέσφατόν ἐστιν. ### book 69.1 Ἥκεις, ὦ Λυκόοργε, ἐμὸν ποτὶ πίονα νηόν, ### book 69.2 Ζηνὶ φίλος καὶ πᾶσιν Ὀλύμπια δώματ’ ἔχουσι· ### book 69.3 δίζω, ἤ σε θεὸν μαντεύσομαι ἠέπερ ἄνδρα· ### book 69.4 ἀλλ’ ἔτι καὶ μᾶλλον θεὸν ἔλπομαι, ὦ Λυκόοργε. ### book 70 Μὴ μεμψιμοίρει· μὴ θεοὺς μηδέν, ξένε, ### book 70 ὥρην δὲ μέμφου, ᾗ πατὴρ ἔσπειρέ σε. ### book 71.1 Ἁγνῆς εἰς τέμενος καθαρός, ξένε, δαίμονος ἔρχου ### book 71.2 ψυχὴν νυμφαίου νάματος ἁψάμενος· ### book 71.3 ὡς ἀγαθοῖς ἀρκεῖ βαιὴ λιβάς· ἄνδρα δὲ φαῦλον ### book 71.4 οὐδ’ ἂν ὁ πᾶς νίψαι νάμασιν ὠκεανός. ### book 72.1 Εὖτ’ ἂν ὑπὲρ γαίης ἀνέχῃ δρόμον ὄρθρια Τιτὰν ### book 72.2 λύσας ἀκτῖσι ζοφερῆς δηλήματα νυκτός, ### book 72.3 λάμπῃ δ’ αἰγλήεσσα νέον φάος Ἠριγένεια, ### book 72.4 δὴ τότ’ ἄγων παρὰ θῖνας ἁλιρράντους τε παρ’ ἀκτὰς ### book 72.5.1 φῶτα στῆσον ἔναντα δεδορκότα πρὸς φάος αὐγῆς ### book 72.5.2 ἠελίου, καὶ τὸν μὲν ἔσω πόδα χεύματος ἐντὸς ### book 72.5.3 δεξιὸν ἐν δίναις ἐχέτω, λαιὸν δ’ ἐπὶ γαίης ### book 72.5.4 στηρισάτω· χείρεσσι δ’ ἐπιψαύων ἑκάτερθε, ### book 72.5.5 τῇ μὲν ἁλός, τραφερῆς δ’ ἑτέρῃ, πιστούμενος ὅρκον ### book 72.10.1 οὐρανὸν ὀμνυέτω χθόνα τ’ ἄσπετον ἠδ’ ἁλὸς ὅρμους ### book 72.10.2 αἰθερίου τε πυρὸς βιοδώτορα ἡγεμονῆα· ### book 72.10.3 τοῖον γὰρ θεοὶ ὅρκον ὑπὸ στομάτεσσιν ἀτίζειν ### book 72.10.4 οὐδ’ αὐτοὶ τολμῶσιν, ἀγήνορες Οὐρανίωνες. ### book 73.1 Γαίης μὲν πάσης τὸ Πελασγικὸν Ἄργος ἄμεινον, ### book 73.2 ἵπποι Θεσσαλικαὶ Λακεδαιμόνιαί τε γυναῖκες, ### book 73.3 ἄνδρες δ’, οἳ πίνουσιν ὕδωρ καλῆς Ἀρεθούσης· ### book 73 ἀλλ’ ἔτι καὶ τῶν εἰσιν ἀμείνονες, οἳ τὸ μεσηγὺ ### book 73.5.1 Τίρυνθος ναίουσι καὶ Ἀρκαδίης πολυμήλου, ### book 73.5.2 Ἀργεῖοι λινοθώρηκες, κέντρα πτολέμοιο· ### book 73.5.3 ὑμεῖς δ’, ὦ Μεγαρεῖς, οὐδὲ τρίτοι οὐδὲ τέταρτοι ### book 73.5.4 οὐδὲ δυωδέκατοι, οὔτ’ ἐν λόγῳ οὔτ’ ἐν ἀριθμῷ. ### book 74.1 Ἱρὰ θεῶν ἀγαθοῖς ἀναπέπταται, οὐδὲ καθαρμῶν ### book 74.2 χρειώ· τῆς ἀρετῆς ἥψατο οὐδὲν ἄγος. ### book 74.3 ὅστις δ’ οὐλοὸν ἦτορ, ἀπόστιχε· οὔποτε γὰρ σὴν ### book 74.4 ψυχὴν ἐκνίψει σῶμα διαινόμενον. ### book 75.1 Εἰπὲ Ποσειδάωνι· „Κασιγνήτοις πεπιθέσθαι ### book 75.2 πρεσβυτέροις ἐπέοικεν· ἐμῆς ἐρικυδέος αὐλῆς ### book 75.3 κίοσιν οὐ κατὰ κόσμον ἀγάλλεαι.“ εἰπὲ τινάξας ### book 75.4 τρὶς ἅλα μαρμαρέην, καὶ πείσεται· ἢν δ’ ἀπιθήσῃ, ### book 75.5 φραζέσθω, μὴ πᾶσαν ἐνιπρήσαιμι θάλασσαν· ### book 75 οὐδὲ γὰρ οὐδὲ θάλασσα Διὸς σβέννυσι κεραυνόν. ### book 76.1 Ἀρκαδίην μ’ αἰτεῖς; μέγα μ’ αἰτεῖς· οὔ τοι δώσω· ### book 76.2 πολλοὶ ἐν Ἀρκαδίῃ βαλανηφάγοι ἄνδρες ἔασιν, ### book 76.3 οἵ ς’ ἀποκωλύσουσιν. ἐγὼ δέ τοι οὔτι μεγαίρω· ### book 76.4 δώσω τοι Τεγέην ποσσίκροτον ὀρχήσασθαι ### book 76.5 καὶ καλὸν πεδίον σχοίνῳ διαμετρήσασθαι. ### book 77.1 Ὄλβιος οὗτος ἀνήρ, ὃς νῦν κατὰ λάινον οὐδὸν ### book 77.2 Φοίβου Ἀπόλλωνος χρηστήριον εἰσαναβαίνει, ### book 77.3 ἤλυθεν εὐνομίην διζήμενος· αὐτὰρ ἐγώ τοι ### book 77.4 δώσω, ἣν οὐκ ἄλλη ἐπιχθονίων πόλις ἕξει. ### book 78.1 Ἔστι τις Ἀρκαδίης Τεγέη λευρῷ ἐνὶ χώρῳ, ### book 78.2 ἔνθ’ ἄνεμοι πνείουσι δύω κρατερῆς ὑπ’ ἀνάγκης, ### book 78.3 καὶ τύπος ἀντίτυπος καὶ πῆμ’ ἐπὶ πήματι κεῖται· ### book 78.4 ἔνθ’ Ἀγαμεμνονίδην κατέχει φυσίζοος αἶα· ### book 78.5 τὸν σὺ κομισσάμενος Τεγέης ἐπιτάρροθος ἔσσῃ. ### book 79.1 Λυδὲ γένος, πολλῶν βασιλεῦ, μέγα νήπιε Κροῖσε, ### book 79.2 μὴ βούλου πολύευκτον ἰὴν ἀνὰ δώματ’ ἀκούειν ### book 79.3 παιδὸς φθεγγομένου· τὸ δέ σοι πολὺ λώιον ἀμφὶς ### book 79 ἔμμεναι· αὐδήσει γὰρ ἐν ἤματι πρῶτον ἀνόλβῳ. ### book 80 Τὴν πεπρωμένην μοίρην ἀδύνατά ἐστιν ἀποφυγέειν καὶ θεῷ. ### book 81.1 Ἰσθμὸν δὲ μὴ πυργοῦτε μηδ’ ὀρύσσετε· ### book 81.2 Ζεὺς γάρ κ’ ἔθηκε νῆσον, εἴ κ’ ἐβούλετο. ### book 82.1 Ἀλλ’ ὅταν ἐν Σίφνῳ πρυτανήια λευκὰ γένηται ### book 82.2 λεύκοφρύς τ’ ἀγορή, τότε δὴ δεῖ φράδμονος ἀνδρὸς ### book 82.3 φράσσασθαι ξύλινόν τε λόχον κήρυκά τ’ ἐρυθρόν. ### book 83.1 Βάττ’, ἐπὶ φωνὴν ἦλθες, ἄναξ δέ σε Φοῖβος Ἀπόλλων ### book 83.2 ἐς Λιβύην πέμπει μηλοτρόφον οἰκιστῆρα. ### book 84.1 Αἰ τὺ ἐμεῦ Λιβύην μηλοτρόφον οἶδας ἄμεινον ### book 84.2 μὴ ἐλθὼν ἐλθόντος, ἄγαν ἄγαμαι σοφίην σεῦ. ### book 85 Ὃς δέ κεν ἐς Λιβύην πολυήρατον ὕστερον ἔλθῃ ### book 85 γᾶς ἀναδαιομένας, μετά οἵ ποκά φημι μελήσειν. ### book 86.1 Ἠετίων, οὔ τίς σε τίει πολύτιτον ἐόντα. ### book 86.2 Λάβδα κύει, τέξει δὲ ὀλοίτροχον· ἐν δὲ πεσεῖται ### book 86.3 ἀνδράσι μουνάρχοισι, δικαιώσει δὲ Κόρινθον. ### book 87.1 Αἰετὸς ἐν πέτρῃσι κύει, τέξει δὲ λέοντα ### book 87.2 καρτερόν, ὠμηστήν· πολλῶν δ’ ὑπὸ γούνατα λύσει. ### book 88.1 Ὄλβιος οὗτος ἀνήρ, ὃς ἐμὸν δόμον ἐσκαταβαίνει, ### book 88.2 Κύψελος Ἠετίδης, βασιλεὺς κλειτοῖο Κορίνθου, ### book 88.3 αὐτὸς καὶ παῖδες, παίδων γε μὲν οὐκέτι παῖδες. ### book 89.1 Καὶ τότε δή, Μίλητε, κακῶν ἐπιμήχανε ἔργων, ### book 89.2 πολλοῖσιν δεῖπνόν τε καὶ ἀγλαὰ δῶρα γενήσῃ· ### book 89.3 σαὶ δ’ ἄλοχοι πολλοῖσι πόδας νίψουσι κομήταις, ### book 89.4 νηοῦ δ’ ἡμετέρου Διδύμοις ἄλλοισι μελήσει. ### book 90.1 Ἀλλ’ ὅταν ἡ θήλεια τὸν ἄρσενα νικήσασα ### book 90.2 ἐξελάσῃ καὶ κῦδος ἐν Ἀργείοισιν ἄρηται, ### book 90.3 πολλὰς Ἀργείων ἀμφιδρυφέας τότε θήσει. ### book 90.4 ὥς ποτέ τις ἐρέει καὶ ἐπεσσομένων ἀνθρώπων· ### book 90.5 „Δεινὸς ὄφις ἀέλικτος ἀπώλετο δουρὶ δαμασθείς.“ ### book 91.1 Γλαῦκ’ Ἐπικυδείδη, τὸ μὲν αὐτίκα κέρδιον οὕτω, ### book 91.2 ὅρκῳ νικῆσαι καὶ χρήματα ληίσσασθαι. ### book 91.3 ὄμνυ’, ἐπεὶ θάνατός γε καὶ εὔορκον μένει ἄνδρα. ### book 91.4 ἀλλ’ Ὅρκου πάις ἐστὶν ἀνώνυμος, οὐδ’ ἔπι χεῖρες ### book 91.5.1 οὐδὲ πόδες· κραιπνὸς δὲ μετέρχεται, εἰσόκε πᾶσαν ### book 91.5.2 συμμάρψας ὀλέσῃ γενεὴν καὶ οἶκον ἅπαντα· ### book 91.5.3 ἀνδρὸς δ’ εὐόρκου γενεὴ μετόπισθεν ἀμείνων. ### book 92.1 Ὦ μέλεοι, τί κάθησθε; λιπὼν φεῦγ’ ἔσχατα γαίης ### book 92.2 δώματα καὶ πόλιος τροχοειδέος ἄκρα κάρηνα. ### book 92.3 οὔτε γὰρ ἡ κεφαλὴ μενεῖ ἔμπεδον οὔτε τὸ σῶμα ### book 92.4 οὔτε πόδες νέατοι οὔτ’ ὦν χέρες, οὔτε τι μέσσης ### book 92.5.1 λείπεται, ἀλλ’ ἄζηλα πέλει· κατὰ γάρ μιν ἐρείπει ### book 92.5.2 πῦρ τε καὶ ὀξὺς Ἄρης Συριηγενὲς ἅρμα διώκων· ### book 92.5.3 πολλὰ δὲ κἆλλ’ ἀπολεῖ πυργώματα κοὐ τὸ σὸν οἶον· ### book 92.5.4 πολλοὺς δ’ ἀθανάτων ναοὺς μαλερῷ πυρὶ δώσει, ### book 92.5.5 οἵ που νῦν ἱδρῶτι ῥεούμενοι ἑστήκασι ### book 92.10.1 δείματι παλλόμενοι· κατὰ δ’ ἀκροτάτοις ὀρόφοισιν ### book 92.10.2 αἷμα μέλαν κέχυται προϊδὸν κακότητος ἀνάγκην. ### book 92.10.3 ἀλλ’ ἴτον ἐξ ἀδύτοιο, κακοῖς δ’ ἐπικίδνατε θυμόν. ### book 93.1 Οὐ δύναται Παλλὰς Δί’ Ὀλύμπιον ἐξιλάσασθαι ### book 93.2 λισσομένη πολλοῖσι λόγοις καὶ μήτιδι πυκνῇ· ### book 93.3 σοὶ δὲ τόδ’ αὖτις ἔπος ἐρέω ἀδάμαντι πελάσσας· ### book 93.4 τῶν ἄλλων γὰρ ἁλισκομένων, ὅσα Κέκροπος οὖρος ### book 93.5 ἐντὸς ἔχει κευθμών τε Κιθαιρῶνος ζαθέοιο, ### book 93.1 τεῖχος Τριτογενεῖ ξύλινον διδοῖ εὐρύοπα Ζεὺς ### book 93.2 μοῦνον ἀπόρθητον τελέθειν, τὸ σὲ τέκνα τ’ ὀνήσει. ### book 93.3 μηδὲ σύ γ’ ἱπποσύνην τε μένειν καὶ πεζὸν ἰόντα ### book 93.4 πολλὸν ἀπ’ ἠπείρου στρατὸν ἥσυχος, ἀλλ’ ὑποχωρεῖν ### book 93.10.1 νῶτον ἐπιστρέψας· ἔτι τοί ποτε κἀντίος ἔσσῃ. ### book 93.10.2 ὦ θείη Σαλαμίς, ἀπολεῖς δὲ σὺ τέκνα γυναικῶν ### book 93.10.3 ἤ που σκιδναμένης Δημήτερος ἢ συνιούσης. ### book 94.1 Ἐχθρὲ περικτιόνεσσι, φίλ’ ἀθανάτοισι θεοῖσι, ### book 94.2 εἴσω τὸν προβόλαιον ἔχων πεφυλαγμένος ἧσο ### book 94.3 καὶ κεφαλὴν πεφύλαξο· κάρα δὲ τὸ σῶμα σαώσει. ### book 95.1 Ὦ νήπιοι, ἐπιμέμφεσθε, ὅσα ὑμῖν ἐκ τῶν Μενελάου τιμωρημάτων ### book 95.2 Μίνως ἔπεμψε μηνίων δακρύματα, ὅτι οἱ μὲν οὐ συνεξεπρήξαντο αὐτῷ ### book 95.3 τὸν ἐν Καμικῷ θάνατον γενόμενον, ὑμεῖς δὲ ἐκείνοισι τὴν ἐκ Σπάρτης ### book 95.4 ἁρπαχθεῖσαν ὑπ’ ἀνδρὸς βαρβάρου γυναῖκα. ### book 96.1 Ὑμῖν δ’, ὦ Σπάρτης οἰκήτορες εὐρυχόροιο, ### book 96.2 ἢ μέγα ἄστυ ἐρικυδὲς ὑπ’ ἀνδράσι Περσεΐδῃσι ### book 96.3 πέρθεται, ἢ τὸ μὲν οὐχί· ἀφ’ Ἡρακλέους δὲ γενέθλης ### book 96.4 πενθήσει βασιλῆ φθίμενον Λακεδαίμονος οὖρος. ### book 96.5.1 οὐ γὰρ τὸν ταύρων σχήσει μένος οὐδὲ λεόντων ### book 96.5.2 ἀντιβίην· Ζηνὸς γὰρ ἔχει μένος· οὐδέ ἕ φημι ### book 96 σχήσεσθαι, πρὶν τῶνδ’ ἕτερον διὰ πάντα δάσηται. ### book 97.1.1 Φράζεο, βαρβαρόφωνος ὅταν ζυγὸν εἰς ἅλα βάλλῃ ### book 97.1.2 βύβλινον, Εὐβοΐης ἀπέχειν πολυμηκάδας αἶγας. ### book 98.1.1 Ἀλλ’ ὅταν Ἀρτέμιδος χρυσαόρου ἱερὸν ἀκτὴν ### book 98.1.2 νηυσὶ γεφυρώσωσι καὶ εἰναλίην Κυνόσουραν ### book 98.1.3 ἐλπίδι μαινομένῃ λιπαρὰς πέρσαντες Ἀθήνας, ### book 98.1.4 δῖα Δίκη σβέσσει κρατερὸν Κόρον, Ὕβριος υἱόν, ### book 98.5.1 δεινὸν μαιμώωντα δοκεῦντ’ ἀνὰ πάντα πιθέσθαι. ### book 98.5.2 χαλκὸς γὰρ χαλκῷ συμμίξεται, αἵματι δ’ Ἄρης ### book 98.5.3 πόντον φοινίξει· τότ’ ἐλεύθερον Ἑλλάδος ἦμαρ ### book 98.5.4 εὐρύοπα Κρονίδης ἐπάγει καὶ πότνια Νίκη. ### book 99.1.1 Τήνδ’ ἐπὶ Θερμώδοντι καὶ Ἀσωπῷ λεχεποίῃ ### book 99.1.2 Ἑλλήνων σύνοδον καὶ βαρβαρόφωνον ἰυγήν, ### book 99.1.3 τῇ πολλοὶ πεσέονται ὑπὲρ λάχεσίν τε μόρον τε ### book 99.1.4 τοξοφόρων Μήδων, ὅταν αἴσιμον ἦμαρ ἐπέλθῃ. ### book 100.1 Τίπτε, δύω βασιλῆες, ὁ μὲν Τρώων, ὁ δ’ Ἀχαιῶν, ### book 100.2 οὐ ταὐτὰ φρονέοντες ἐμὸν δόμον εἰσανέβητε, ### book 100.3 ἤτοι ὁ μὲν πώλοιο γόνον διζήμενος εὑρεῖν, ### book 100 αὐτὰρ ὁ πῶλον ἄγειν; τί νυ μήσεαι, ὦ μεγάλε Ζεῦ; ### book 101.1.1 Εἷς ὁ πατήρ, παῖδες δυοκαίδεκα· τῶν δὲ ἑκάστῳ ### book 101.1.2 παῖδες 〈δὶσ〉 τριάκοντα διάνδιχα εἶδος ἔχουσαι· ### book 101.1.3 αἱ μὲν λευκαὶ ἔασιν ἰδεῖν, αἱ δ’ αὖτε μέλαιναι· ### book 101.1.4 ἀθάνατοι δέ τ’ ἐοῦσαι ἀποφθινύθουσιν ἅπασαι. ### book 102.1 Ἄγνωστόν μ’ ἐρέεις γενεῆς καὶ πατρίδος αἴης ### book 102.2 ἀμβροσίου Σειρῆνος· ἕδος δ’ Ἰθάκη τις Ὁμήρου· ### book 102.3 Τηλέμαχος δὲ πατὴρ καὶ Νεστορέη Πολυκάστη ### book 102.4 μήτηρ, ἥ μιν ἔτικτε, βροτῶν πολυπάνσοφον ἄλλων. ### book 103.1.1 Εἴ με νέην ἔλαβες, τάχα μου πίες ἐκχυθὲν αἷμα· ### book 103.1.2 νῦν δ’ ὅτε γηραλέην μ’ ἐξετέλεσσε χρόνος, ### book 103.1.3 ἔσθιε τὴν ῥυσαινομένην, ὑγρὸν οὐδὲν ἔχουσαν, ### book 103.1.4 ὀστέα συνθραύων σαρκὶ σὺν ἡμετέρῃ. ### book 104.1 Πήρην σὴν ὀπίσω, κάλαθον χερί, τὸν τράγον ὤμοις, ### book 104 αἰπόλε, σῶν ἀγρῶν σύμβολα πάντα φέρεις. ### book 105.1.1 Εἰμὶ χαμαίζηλον ζῴων μέλος· ἢν δ’ ἀφέλῃς μου ### book 105.1.2 γράμμα μόνον, κεφαλῆς γίνομαι ἄλλο μέρος· ### book 105.1.3 ἢν δ’ ἕτερον, ζῷον πάλιν ἔσσομαι· ἢν δὲ καὶ ἄλλο, ### book 105.1.4 οὐ μόνον εὑρήσεις, ἀλλὰ διηκόσια. ### book 106.1.1 Τέσσαρα γράμματ’ ἔχων ἀνύω τρίβον· ἢν δὲ τὸ πρῶτον ### book 106.1.2 γράμμ’ ἀφέλῃς, ἀίω· καὶ τὸ μετ’ αὐτὸ πάλιν, ### book 106.1.3 βορβόρῳ εὑρήσεις ἐμὲ φίλτατον· ἢν δὲ τὸ λοῖσθον ### book 106.1.4 αἴρῃς, εὑρήσεις εἰσέτι ῥῆμα τόπου. ### book 107.1.1 Λαμπάδα μὲν προέηκεν Ἔρως καὶ τόξα καὶ ἰούς, ### book 107.1.2 Αἰθιόπων δὲ κόνιν ἀντὶ βελῶν προχέει. ### book 108.1.1 Οὐδὲν ἔσωθεν ἔχω, καὶ πάντα μοι ἔνδοθέν ἐστι, ### book 108.1.2 προῖκα δ’ ἐμῆς ἀρετῆς πᾶσι δίδωμι χάριν. ### book 109.1.1 Ἐν πυρὶ κοιμηθεῖσα κόρη θάνεν· ὁ προδότης δὲ ### book 109.1.2 οἶνος· ὑφ’ οὗ δὲ θάνεν, Παλλάδος ἦν στέλεχος· ### book 109.1.3 ὁ κτείνας ναυηγός· ἐνὶ ζώοντι δὲ τύμβῳ ### book 109.1.4 κεῖται μεμφομένη τὰς Βρομίου χάριτας. ### book 109.5 Παλλὰς καὶ Βρόμιος καὶ ὁ κλυτὸς Ἀμφιγυήεις, ### book 109 οἱ τρεῖς τὴν μούνην παρθένον ἠφάνισαν. ### book 110.1.1 Οὐδεὶς βλέπων βλέπει με, μὴ βλέπων δ’ ὁρᾷ· ### book 110.1.2 ὁ μὴ λαλῶν λαλεῖ, ὁ μὴ τρέχων τρέχει· ### book 110.1.3 ψευδὴς δ’ ὑπάρχω, πάντα δ’ ἀληθῆ λέγω. ### book 111.1 Ἄγονος ἐξ ἀγόνων, βελεηφόρος, ἔμβρεφος, ἄρσης. ### book 112.1 Ἀλλ’ ὅταν ἡμίονος βασιλεὺς Μήδοισι γένηται, ### book 112.2 καὶ τότε, Λυδὲ ποδαβρέ, πολυψήφιδα παρ’ Ἕρμον ### book 112.3 φεύγειν μηδὲ μένειν μηδ’ αἰδεῖσθαι κακὸς εἶναι. ### book 113.1 Ἀθάνατός σοι παῖς καὶ ἀοίδιμος, ὦ Τελεσίκλεις, ### book 113.2 ἔσσετ’ ἐν ἀνθρώποισιν, ὃς ἂν πρῶτός σε προσείπῃ ### book 113.3 νηὸς σῆς ἀποβάντα φίλῃ ἐν πατρίδι γαίῃ. ### book 114.1 Πέρσαι λάτριν ἐμὸν σημάντορα χειρὶ βιαίῃ ### book 114.2 ἔκτανον, οἰκεία δὲ κόνις νέκυν ἀμφικαλύπτει· ### book 114.3 τοῦ δ’ ἤν τις Φαέθοντι θοῶς λεύκ’ ὀστέα δείξῃ, ### book 114.4 οὗτός τοι Περσῶν τὸ μέγα κράτος ἔνδοθι θραύσει· ### book 114.5.1 κεῖται δ’ Ἀσίδος ἐντὸς ὁριζομένῃ ἐνὶ νήσῳ ### book 114.5.2 δάφνῃ καὶ ῥείθροισι παραὶ Πελίοιο γέροντος· ### book 114.5.3 φράζεο δ’ ἀνέρα μάντιν ὑφηγητῆρα κελεύθου ### book 114 Φωκέα, ὃς ψαμάθοισιν Ἀπαρνίδος οἰκία ναίει. ### book 115.1 Οὐ θέμις ἐν Τροίης σε πάλαι τμηθέντι θεμείλῳ ### book 115.2 Ῥώμης ἱδρῦσαι νέον οὔνομα· βαῖνε δὲ χαίρων ### book 115.3 ἐς Μεγαρήιον ἄστυ Προποντίδος ἄγχι θαλάσσης, ### book 115.4 ἔνθ’ ἰχθῦς ἔλαφός τε νομὸν βόσκονται ἐς αὐτόν. ### book 116.1 Τίπτε με τῶν καρύων ἕνεκεν πληγῇσι πιέζεις, ### book 116.2 ὦ μῆτερ; τάδε πάντα καλαὶ διεμοιρήσαντο ### book 116.3 παρθένοι. ἦ γὰρ ἐμεῖο Μελίσσιον ἕβδομα δοιά, ### book 116.4 ἡ δὲ δυωδέκατον Τιτάνη λάβεν· ἕκτον ἔχουσιν ### book 116.5.1 καὶ τρίτον Ἀστυόχη φιλοπαίγμονες ἠδὲ Φίλιννα· ### book 116.5.2 εἴκοσι δ’ ἁρπάξασα Θέτις λάβε, δώδεκα Θίσβη· ### book 116.5.3 ἡ δ’, ὅρα, ἡδὺ γελᾷ Γλαύκη παλάμῃσιν ἔχουσα ### book 116.5.4 ἕνδεκα· τοῦτο δέ μοι καρύων περιλείπεται οἶον. ### book 117.1.1 Ποῦ σοι μῆλα βέβηκεν, ἐμὸν τέκος; —„Ἕκτα μὲν Ἰνὼ ### book 117.1.2 δοιὰ καὶ ὀγδοάτην μοῖραν ἔχει Σεμέλη· ### book 117.1.3 Αὐτονόη δὲ τέταρτον ἀφήρπασεν· αὐτὰρ Ἀγαυὴ ### book 117.1.4 πέμπτον ἐμῶν κόλπων ᾤχετ’ ἀπαινυμένη· ### book 117.5 σοὶ δ’ αὐτῇ δέκα μῆλα φυλάσσεται· αὐτὰρ ἔγωγε, ### book 117 ναὶ μὰ φίλην Κύπριν, ἓν τόδε μοῦνον ἔχω.“ ### book 118.1.1 Δρεψαμένη ποτὲ μῆλα φίλαις διεδάσσατο Μυρτώ. ### book 118.1.2 Χρυσίδι μὲν μήλων πέμπτον πόρε, τέτρατον Ἡροῖ, ### book 118.1.3 ἐννεακαιδέκατον Ψαμάθῃ, δέκατον Κλεοπάτρῃ· ### book 118.1.4 αὐτὰρ ἐεικοστὸν δωρήσατο Παρθενοπείῃ· ### book 118.5.1 δώδεκα δ’ Εὐάδνῃ μοῦνον πόρεν· αὐτὰρ ἐς αὐτὴν ### book 118.5.2 ἤλυθον ἐκ πάντων ἑκατὸν καὶ εἴκοσι μῆλα. ### book 119.1.1 Ἀντομέναις ποτὲ μῆλα φίλαις διεμοιρήσαντο ### book 119.1.2 Ἰνὼ καὶ Σεμέλη δώδεκα παρθενικαῖς. ### book 119.1.3 καὶ ταῖς μὲν Σεμέλη πόρεν ἄρτια· ταῖς δὲ περισσὰ ### book 119.1.4 δῶκε κασιγνήτη, μῆλα δ’ ἔχεν πλέονα. ### book 119.5.1 ἡ μὲν γὰρ τρισσῇσι τρί’ ἕβδομα δῶκεν ἑταίραις, ### book 119.5.2 ταῖς δὲ δύω πάντων πέμπτον ἔδωκε λάχος· ### book 119.5.3 ἕνδεκα δ’ Ἀστυνόμη μιν ἀφείλατο καί οἱ ἔλειπεν ### book 119.5.4 μοῦνα κασιγνήταις μῆλα δύω φερέμεν. ### book 119.5.5 ἡ δ’ ἑτέρη πισύρεσσι πόρεν δύο τέτρατα μήλων, ### book 119.10.1 πέμπτῃ δ’ ἑκταίην μοῖραν ἔδωκεν ἔχειν· ### book 119.10.2 τέσσαρα δ’ Εὐρυχόρῃ δῶρον πόρε· τέτρασι δ’ ἄλλοις ### book 119.10.3 μήλοισιν Σεμέλη μίμνεν ἀγαλλομένη. ### book 120.1 Ἡ καρύη πολλοῖσιν ἐβεβρίθει καρύοισιν· ### book 120.2 νῦν δέ τις ἐξαπίνης μιν ἀπέθρισεν. ἀλλὰ τί φησιν; ### book 120.3 „Ἐκ μὲν ἐμεῦ καρύων πέμπτον λάβε Παρθενόπεια· ### book 120.4 ὀγδόατον δὲ Φίλιννα φέρει λάχος, ἡ δ’ Ἀγανίππη ### book 120.5.1 τέτρατον· ἑβδομάτῳ δ’ ἐπιτέρπεται Ὠρείθυια· ### book 120.5.2 ἕκτην δ’ Εὐρυνόμη καρύων ἐδρέψατο μοίρην· ### book 120.5.3 τρισσαὶ δ’ ἓξ ἑκατὸν Χάριτες διεμοιρήσαντο· ### book 120.5.4 ἐννάκι δ’ ἐννέα Μοῦσαι ἐμεῦ λάβον· ἑπτὰ δὲ λοιπὰ ### book 120 δήεις ἀκρεμόνεσσιν ἐφήμενα τηλοτέροισιν.“ ### book 121.1.1 Ἑπτάλοφον ποτὶ ἄστυ Γαδειρόθεν, ἕκτον ὁδοῖο ### book 121.1.2 Βαίτιος εὐμύκους ἄχρις ἐς ἠιόνας· ### book 121.1.3 κεῖθεν δ’ αὖ πέμπτον Πυλάδου μετὰ Φώκιον οὖδας· ### book 121.1.4 Ταύρη χθὼν βοέης οὔνομ’ ἀπ’ εὐετίης· ### book 121.5.1 Πυρήνην δέ τοι ἔνθεν ἐπ’ ὀρθόκραιρον ἰόντι ### book 121.5.2 ὄγδοον ἠδὲ μιῆς δωδέκατον δεκάτης. ### book 121.5.3 Πυρήνης δὲ μεσηγὺ καὶ Ἄλπιος ὑψικαρήνου ### book 121.5.4 τέτρατον· Αὐσονίης αἶψα δυωδέκατον ### book 121.5.5 ἀρχομένης ἤλεκτρα φαείνεται Ἠριδανοῖο. ### book 121.10.1 ὦ μάκαρ, ὃς δισσὰς ἤνυσα χιλιάδας, ### book 121.10.2 πρὸς δ’ ἔτι πέντ’ ἐπὶ ταῖς ἑκατοντάδας ἔνθεν ἐλαύνων· ### book 121.10.3 ἡ γὰρ Ταρπείη μέμβλετ’ ἀνακτορίη. ### book 122.1 Εὐβλεφάροιο Δίκης ἱερὰ κρήδεμνα μιήνας, ### book 122.2 ὄφρα σε, πανδαμάτωρ χρυσέ, βλέποιμι τόσον, ### book 122.3 οὐδὲν ἔχω· πίσυρας γὰρ ἐπ’ οὐκ ἀγαθοῖσι ταλάντων ### book 122.4 οἰωνοῖσι μάτην δῶκα φίλοις δεκάδας· ### book 122.5.1 ἥμισυ δ’ αὖ τρίτατόν τε καὶ ὄγδοον, ὦ πολύμορφοι ### book 122.5.2 ἀνθρώπων κῆρες, ἐχθρὸν ἔχοντα βλέπω. ### book 123.1.1 Πέμπτον μοι κλήρου, παῖ, λάμβανε· δωδέκατον δὲ ### book 123.1.2 δέξο, δάμαρ· πίσυρες δ’ υἱέος οἰχομένου ### book 123.1.3 παῖδες ἀδελφειοί τε δύω καὶ ἀγάστονε μῆτερ, ### book 123.1.4 ἑνδεκάτην κλήρου μοῖραν ἕκαστος ἔχε. ### book 123.5 αὐτὰρ ἀνεψιαδοῖ δυοκαίδεκα δέχθε τάλαντα· ### book 123.1 Εὔβουλος δ’ ἐχέτω πέντε τάλαντα φίλος. ### book 123.2 πιστοτάτοις δμώεσσιν ἐλευθερίην καὶ ἄποινα, ### book 123.3 μισθὸν ὑπηρεσίης, τοῖσδε δίδωμι τάδε· ### book 123.4 ὧδε δὲ λαμβανέτωσαν· Ὀνήσιμος εἰκοσιπέντε ### book 123.10.1 μνᾶς ἐχέτω, Δᾶος δ’ εἴκοσι μνᾶς ἐχέτω, ### book 123.10.2 πεντήκοντα Σύρος, Συνετὴ δέκα, Τίβιος ὀκτώ· ### book 123.10.3 ἑπτὰ δὲ μνᾶς Συνετῷ παιδὶ δίδωμι Σύρου. ### book 123.10.4 ἐκ δὲ τριηκόντων κοσμήσατε σῆμα ταλάντων· ### book 123.10.5 ῥέζετε δ’ Οὐδαίῳ Ζανὶ θυηπολίην· ### book 123.15.1 δισσῶν ἐς δὲ πυρὴν καὶ ἄλφιτα καὶ τελαμῶνας· ### book 123.15.2 εἰκαίην δοιῶν σῶμα χάριν λαβέτω. ### book 124.1.1 Ἠέλιος μήνη τε καὶ ἀμφιθέοντες ἀλῆται ### book 124.1.2 ζῳοφόρον τοίην τοι ἐπεκλώσαντο γενέθλην· ### book 124.1.3 ἕκτην μὲν βιότοιο φίλῃ παρὰ μητέρι μεῖναι ### book 124.1.4 ὀρφανόν, ὀγδοάτην δὲ μετ’ ἀντιβίοισιν ἀνάγκῃ ### book 124.5.1 θητεύειν· νόστον δὲ γυναῖκά τε παῖδά τ’ ἐπ’ αὐτῇ ### book 124.5.2 τηλύγετον δώσουσι θεοὶ τριτάτῃ ἐπὶ μοίρῃ· ### book 124.5.3 δὴ τότε σοι Σκυθικοῖσιν ὑπ’ ἔγχεσι παῖς τε δάμαρ τε ### book 124.5.4 ὄλλυνται. σὺ δὲ τοῖσιν ἐπ’ ἄλγεσι δάκρυα χεύσας ### book 124.5.5 ἑπτὰ καὶ εἴκος’ ἔτεσσι βίου ποτὶ τέρμα περήσεις. ### book 125.1.1 Τύμβος ἐγώ· κεύθω δὲ πολύστονα τέκνα Φιλίννης ### book 125.1.2 τοῖον μαψιτόκων καρπὸν ἔχων λαγόνων· ### book 125.1.3 πέμπτον ἐν ἠιθέοις, τρίτατον δ’ ἐνὶ παρθενικῇσιν, ### book 125.1.4 τρεῖς δέ μοι ἀρτιγάμους δῶκε Φίλιννα κόρας· ### book 125.5 λοιποὶ δ’ ἠελίοιο πανάμμοροι ἠδὲ καὶ αὐδῆς ### book 125 τέσσαρες ἐκ λαγόνων εἰς Ἀχέροντα πέσον. ### book 126.1.1 Οὗτός τοι Διόφαντον ἔχει τάφος. ἆ μέγα θαῦμα· ### book 126.1.2 καὶ τάφος ἐκ τέχνης μέτρα βίοιο λέγει. ### book 126.1.3 ἕκτην κουρίζειν βιότου θεὸς ὤπασε μοίρην· ### book 126.1.4 δωδεκάτην δ’ ἐπιθεὶς μῆλα πόρεν χνοάειν· ### book 126.5.1 τῇ δ’ ἄρ’ ἐφ’ ἑβδομάτῃ τὸ γαμήλιον ἥψατο φέγγος, ### book 126.5.2 ἐκ δὲ γάμων πέμπτῳ παῖδ’ ἐπένευσεν ἔτει. ### book 126.5.3 αἰαῖ, τηλύγετον δειλὸν τέκος· ἥμισυ πατρὸς ### book 126.5.4 τοῦδ’ ἐκάη κρυερὸς μέτρον ἑλὼν βιότου· ### book 126.5.5 πένθος δ’ αὖ πισύρεσσι παρηγορέων ἐνιαυτοῖς ### book 126.10 τῇδε πόσου σοφίῃ τέρμ’ ἐπέρησε βίου. ### book 127.1.1 Παντός, ὅσου βεβίωκε, χρόνου παῖς μὲν τὸ τέταρτον ### book 127.1.2 Δημοχάρης βεβίωκε, νεηνίσκος δὲ τὸ πέμπτον, ### book 127.1.3 τὸ τρίτον εἰς ἄνδρας· πολιὸν δ’ ὅτ’ ἀφίκετο γῆρας, ### book 127.1.4 ἔζησεν λοιπὰ τρισκαίδεκα γήραος οὐδῷ. ### book 128.1.1 Οἷον ἀδελφειός μ’ ἐβιήσατο, πέντε τάλαντα ### book 128.1.2 οὐχ ὁσίῃ μοίρῃ πατρικὰ δασσάμενος. ### book 128.1.3 ἑπτὰ κασιγνήτοιο τόδ’ ἑνδεκάτων πολύδακρυς ### book 128 πέμπτον ἔχω μοίρης. Ζεῦ, βαθὺν ὕπνον ἔχεις. ### book 129.1.1 Εἶπε κυβερνητῆρι πλατὺν πόρον Ἀδριακοῖο ### book 129.1.2 τέμνων νηί· „Ἁλὸς πόσα λείπεται εἰσέτι μέτρα;“ ### book 129.1.3 τὸν δ’ ἀπαμείβετο· „Ναῦτα, μέσον Κριοῖο μετώπου ### book 129.1.4 Κρηταίου Σικελῆς τε Πελωρίδος ἑξάκι μέτρα ### book 129.5.1 χίλια· δοιῶν δ’ αὖτε παροιχομένοιο δρόμοιο ### book 129.5.2 πέμπτων διπλάσιον Σικελὴν ἐπὶ πορθμίδα λείπει.“ ### book 130.1 Τῶν πισύρων κρουνῶν ὁ μὲν ἤματι πλῆσεν ἅπασαν ### book 130.2 δεξαμενήν, δυσὶ δ’ οὗτος, ὃ δ’ ἐν τρισὶν ἤμασιν οὗτος, ### book 130.3 τέτρατος ἐν τετόρεσσι. πόσῳ πλήσουσιν ἅπαντες; ### book 131.1.1 Οἶγέ με, καὶ πισύρεσσιν ἐνιπλήσω παρεοῦσαν ### book 131.1.2 δεξαμενὴν ὥραις κρουνὸς ἅλις προρέων· ### book 131.1.3 δεξιτερὸς δ’ ἄρ’ ἐμεῖο τόσαις ἀπολείπεται ὥραις, ### book 131.1.4 ὄφρα μιν ἐμπλήσει· δὶς δὲ τόσαις ὁ τρίτος. ### book 131.5.1 εἰ δ’ ἄμφω σὺν ἐμοὶ προχέειν ῥόου ἑσμὸν ἀνώγοις, ### book 131.5.2 εἰν ὀλίγῃ μοίρῃ πλήσομεν ἠματίῃ. ### book 132.1.1 Κύκλωψ τοι Πολύφημος ὁ χάλκεος· οἷα δ’ ἐπ’ αὐτῷ ### book 132.1.2 τεῦξέ τις ὀφθαλμὸν καὶ στόμα καὶ παλάμην ### book 132.1.3 κρουνοῖς συζεύξας· στάζοντι δὲ πάμπαν ἔοικεν ### book 132.1.4 ἠδ’ ἔτι καὶ βλύζων φαίνετ’ ἀπὸ στόματος. ### book 132.5.1 κρουνῶν δ’ οὔτις ἄτακτος· ὁ μὲν παλάμης τρισὶ μούνοις ### book 132.5.2 ἤμασιν ἐμπλήσει δεξαμενὴν προρέων· ### book 132.5.3 ἠμάτιος γλήνης· στόμα δ’ ἤματος ἐν δύο πέμπτοις. ### book 132 τίς κ’ ἐνέποι τρισσοῖς ἶσα θέοντα χρόνον; ### book 133.1.1 Ὡς ἀγαθὸν κρητῆρι θοοὶ κερόωσι ῥέεθρον ### book 133.1.2 οἵδε δύω ποταμοὶ καὶ Βρομίοιο χάρις. ### book 133.1.3 ἶσος δ’ οὐ πάντεσσι ῥόου δρόμος· ἀλλά μιν οἶος ### book 133.1.4 Νεῖλος μὲν προρέων ἠμάτιος κορέσει, ### book 133.5.1 τόσσον ὕδωρ μαζῶν ἀπερεύγεται· ἐκ δ’ ἄρα Βάκχου ### book 133.5.2 θύρσος ἐνὶ τρισσοῖς ἤμασιν οἶνον ἱείς· ### book 133.5.3 σὸν δὲ κέρας, Ἀχελῷε, δύ’ ἤμασι. νῦν δ’ ἅμα πάντες ### book 133.5.4 ῥεῖτε καὶ εἰν ὥραις πλήσετέ μιν ὀλίγαις. ### book 134.1.1 Ὦ γύναι, ὡς πενίης ἐπελήσαο· ἣ δ’ ἐπίκειται ### book 134.1.2 αἰὲν ἀναγκαίῃ κέντρα φέρουσα πόνων. ### book 134.1.3 μνᾶν ἐρίων νήθεσκες ἐν ἤματι· πρεσβυτέρη δὲ ### book 134.1.4 θυγατέρων καὶ μνᾶν καὶ τρίτον εἷλκε κρόκης· ### book 134.5.1 ὁπλοτέρη δὲ μιῆς φέρεν ἥμισυ. νῦν δ’ ἅμα πάσαις ### book 134.5.2 δόρπον ἐφοπλίζεις μνᾶν ἐρύσασα μόνον. ### book 135.1 Οἵδε λοετροχόοι τρεῖς ἕσταμεν ἐνθάδ’ Ἔρωτες ### book 135.2 καλλιρόου πέμποντες ἐπ’ εὐρίποιο λοετρά. ### book 135.3 δεξιτερὸς μὲν ἔγωγε τανυπτερύγων ἀπὸ ταρσῶν ### book 135.4 ἤματος ἑκταίῃ μοίρῃ ἔνι τόνδε κορέσσω· ### book 135.5.1 λαιὸς δ’ αὖ πισύρεσσιν ἀπ’ ἀμφιφορῆος ἐν ὥραις· ### book 135.5.2 ἐκ δ’ ὁ μέσος τόξοιο κατ’ ἤματος αὐτὸ τὸ μέσσον. ### book 135.5.3 φράζεο δ’, ὡς ὀλίγῃ κεν ἐνιπλήσαιμεν ἐν ὥρῃ ### book 135 ἐκ πτερύγων τόξου τε καὶ ἀμφιφορῆος ἱέντες. ### book 136.1 Πλινθουργοί, μάλα τοῦτον ἐπείγομαι οἶκον ἐγεῖραι, ### book 136.2 ἦμαρ δ’ ἀννέφελον τόδε σήμερον, οὐδ’ ἔτι πολλῶν ### book 136.3 χρηίζω, πᾶσαν δὲ τριηκοσίῃσι δέουσαν ### book 136.4 πλίνθον ἔχω. σὺ δὲ μοῦνος ἐν ἤματι τόσσον ἔτευχες· ### book 136.5.1 παῖς δέ τοι ἐκ καμάτοιο διηκοσίαις ἀπέληγεν· ### book 136.5.2 γαμβρὸς δ’ αὖ τόσσῃσι καὶ εἰσέτι πεντήκοντα. ### book 136.5.3 τρισσαῖς συζυγίαις πόσσαις τόδε τεύχεται ὥραις; ### book 137.1.1 Δάκρυ παρὰ στάξαντες ἀμείβετε· οἵδε γὰρ ἡμεῖς, ### book 137.1.2 οὓς τόδε δῶμα πεσὸν ὤλεσεν Ἀντιόχου ### book 137.1.3 δαιτυμόνας, οἷσίν γε θεὸς δαιτός τε τάφου τε ### book 137.1.4 τόνδ’ ἔπορεν χῶρον, τέσσαρες ἐκ Τεγέης ### book 137.5.1 κείμεθα, Μεσσήνης δὲ δυώδεκα, ἐκ δέ τε πέντε ### book 137.5.2 Ἄργεος, ἐκ Σπάρτης δ’ ἥμισυ δαιτυμόνων, ### book 137.5.3 αὐτός τ’ Ἀντίοχος· πέμπτου δέ τε πέμπτον ὄλοντο ### book 137.5.4 Κεκροπίδαι· σὺ δ’ Ὕλαν κλαῖε, Κόρινθε, μόνον. ### book 138.1.1 Νικαρέτη παίζουσα σὺν ἡλικιώτισι πέντε, ### book 138.1.2 ὧν εἶχεν, καρύων Κλεῖτ’ ἔπορεν τὸ τρίτον ### book 138.1.3 καὶ Σαπφοῖ τὸ τέταρτον, Ἀριστοδίκῃ δὲ τὸ πέμπτον, ### book 138.1.4 εἰκοστὸν Θεανοῖ καὶ πάλι δωδέκατον, ### book 138.5 εἰκοστὸν τέτρατον δὲ Φιλιννίδι· καὶ περιῆν δὲ ### book 138 πεντήκοντ’ αὐτῇ Νικαρέτῃ κάρυα. ### book 139.1 Γνωμονικῶν Διόδωρε μέγα κλέος, εἰπέ μοι ὥρην, ### book 139.2 ἡνίκ’ ἀπ’ ἀντολίης πόλον ἥλατο χρύσεα κύκλα ### book 139.3 ἠελίου. —„Τοῦ δή τοι ὅσον τρία πέμπτα δρόμοιο, ### book 139.4 τετράκι τόσσον ἔπειτα μεθ’ Ἑσπερίην ἅλα λείπει.“ ### book 140.1.1 Ζεῦ μάκαρ, ἦ ῥά τοι ἔργα τάδ’ εὔαδεν, οἷα γυναῖκες ### book 140.1.2 Θεσσαλικαὶ παίζουσι; μαραίνεται ὄμμα Σελήνης ### book 140.1.3 ἐκ μερόπων· ἴδον αὐτός· ἔην δ’ ἔτι νυκτὸς ἐπ’ ἠῶ ### book 140.1.4 δὶς τόσον ὅσσα δύ’ ἕκτα καὶ ἕβδομον οἰχομένοιο. ### book 141.1.1 Ἀπλανέων ἄστρων παρόδους τ’ ἐπὶ τοῖσιν ἀλητῶν ### book 141.1.2 εἰπέ μοι, ἡνίκ’ ἐμὴ χθιζὸν ἔτικτε δάμαρ. — ### book 141.1.3 „Ἦμαρ ἔην, ὅσσον τε δὶς ἕβδομον ἀντολίηθεν, ### book 141.1.4 ἑξάκι τόσσον ἔην Ἑσπερίην ἐς ἅλα.“ ### book 142.1 Ἔγρεσθ’, Ἠριγένεια παρέδραμε· πέμπτον, ἔριθοι, ### book 142 λειπομένης τρισσῶν οἴχεται ὀγδοάτων. ### book 143.1.1 Σύρτιος ἐν τενάγεσσι πατὴρ θάνεν· ἐκ δ’ ἄρ’ ἐκείνης ### book 143.1.2 πέντε τάλαντα φέρων ἤλυθε ναυτιλίης ### book 143.1.3 οὗτος ἀδελφειῶν προφερέστατος. ἦ γὰρ ἔμοιγε ### book 143.1.4 δῶκεν ἑῆς μοίρης διπλάσιον τριτάτων ### book 143.5.1 δοιῶν, ἡμετέρης δὲ δύ’ ὄγδοα μητέρι μοίρης ### book 143.5.2 ὤπασεν, οὐδὲ δίκης ἤμβροτεν ἀθανάτων. ### book 144.1.1 Ἁ βάσις, ἃν πατέω, σὺν ἐμοὶ βάρος ἁλίκον ἕλκει. — ### book 144.1.2 „Χἀ κρηπὶς σὺν ἐμοὶ τόσσα τάλαντα φέρει.“ — ### book 144.1.3 Ἀλλ’ ἐγὼ οἶος ἅπαξ τὰν σὰν βάσιν ἐς δὶς ἀνέλκω. — ### book 144.1.4 „Κἠγὼ μοῦνος ἐὼν σὰν βάσιν ἐς τρὶς ἄγω.“ ### book 145.1.1 Δός μοι δέκα μνᾶς, καὶ τριπλοῦς σοῦ γίνομαι. — ### book 145.1.2 „Κἀγὼ λαβὼν σοῦ τὰς ἴσας σοῦ πενταπλοῦς.“ ### book 146.1.1 Δός μοι δύο μνᾶς, καὶ διπλοῦς σοῦ γίνομαι. — ### book 146.1.2 „Κἀγὼ λαβὼν σοῦ τὰς ἴσας σοῦ τετραπλοῦς.“ ### book 147.1.1 Ἕπτ’ ἔσσαν μαλεροῦ πυρὸς ἐσχάραι, ἐν δὲ ἑκάστῃ ### book 147.1.2 πεντήκοντ’ ὀβελοί, περὶ δὲ κρέα πεντήκοντα· ### book 147 τρὶς δὲ τριηκόσιοι περὶ ἓν κρέας ἦσαν Ἀχαιοί. ### book 148.1.1 Γηγενέων ποτὲ φῦλον ἐνήρατο μητίετα Ζεύς, ### book 148.1.2 ἔχθιστον μακάρεσσιν Ὀλύμπια δώματ’ ἔχουσιν. ### book 148.1.3 Ῥωμαίων βασιλεὺς Ἰουλιανὸς θεοειδὴς ### book 148.1.4 μαρνάμενος Περσῶν πόλιας καὶ τείχεα μακρὰ ### book 148.5.1 ἀγχεμάχων διέπερσε πυρὶ κρατερῷ τε σιδήρῳ, ### book 148.5.2 νωλεμέως δ’ ἐδάμασσε καὶ ἔθνεα πολλὰ καὶ ἄλλα· ### book 148.5.3 ὅς ῥα καὶ ἑσπερίων ἀνδρῶν Ἀλαμανικὸν οὖδας ### book 148.5.4 ὑσμίναις πυκναῖσιν ἑλὼν ἀλάπαξεν ἀρούρας. ### book 149.1 Μείζον’ ἀειράμενος κεφαλῆς ποιμνηίου εὐλὴν ### book 149.2 μηκάδος ἀγρονόμοιο δέμας περικάββαλε μήλου, ### book 149.3 ἑρπηστὰν πολύπλαγκτον ἐυρρήνου ἀπὸ κόρσης ... ### book 150 Ἀσκοῦ τὸν προὔχοντα ποδαιόνα, φίλτατε λαῶν, ### book 150 μὴ λῦσαι, πρὶν γουνὸν Ἀθηναίων ἀφικέσθαι. ### book 1.1 Ζωοτύπος τόλμησεν, ἃ μὴ θέμις, εἰκόνι γράψαι, ### book 1.2 εὐεπίη δ’ ἐτέλεσσε φύσιν ψευδήμονα κόσμου ### book 1.3 ἐγγὺς ἀληθείης γε· γραφὴ δ’ ἐψεύσατο πάντα. ### book 2.1 Καλλιχόρου τόδε τεῖχος ἀνηέξησε πόληος ### book 2.2 Μαρκιανὸς σκηπτοῦχος ὑπ’ ἐννεσίῃσιν ὑπάρχου ### book 2.3 Παλλαδίου θεσμοῖς τε περίφρονος Ἀρτεμεῶνος· ### book 2.4 ἡ δὲ πόλις παλίνορσον ἑὸν χρόνῳ εὕρατο μέτρον. ### book 3.1 Ἑπτά με καὶ δέκα παῖδ’ ἐτέων ἀκέραιον ἄχραντον ### book 3.2 Νίκανδρον πιστὸν μάρτυρα θῆκε θεός. ### book 4.1 Αὔχησον, Νίκαια, τὸν οὐρανομάκεα τύμβον ### book 4.2 καὶ τὰν ἀελίῳ γείτονα πυραμίδα, ### book 4.3 ἃ τὸν ἐνὶ ζῳοῖς βεβοαμένον ἱεροφάνταν ### book 4.4 κρύπτει ἀμετρήτῳ σάματι θαπτόμενον. ### book 4.5 ἔστι Σακέρδωτος τόσον ἠρίον, ἔστι Σεουήρας ### book 4 μνᾶμα τόδ’, ᾧ γείτων οὐρανός, οὐκ ἀίδας. ### book 5.1.1 Οὐράνιον τὸ μνᾶμα καὶ ἁ χρυσήλατος ἀκτὶς ### book 5.1.2 ἀνδρὸς ἴσον βιότῳ καὶ τάφον εὑραμένου ### book 5.1.3 ἄστροις γειτονέοντα· φέρει δ’ ὅσον οὔτινα τύμβος ### book 5.1.4 ἀνέρα, τὸν τελετᾶς οὐρανίδος ζάκορον, ### book 5.5.1 τὸν πάτραν ἐριποῦσαν ἀπὸ χθονὸς ὑψώσαντα, ### book 5.5.2 τὸν φρενὸς ἢ γλώσσας ἄκρα λαχόντα γέρα· ### book 5.5.3 ᾧ πέρι δηρίσαντο καὶ ἁ νέκυν ἐν πυρὶ θεῖσα ### book 5.5.4 Ἀτθὶς χἀ κόλποις ὀστέα δεξαμένα. ### book 6.1.1 Τοῦτο Σακέρδωτος μεγάλου μέγα σῆμα τέτυκται ### book 6.1.2 παμφαές, Ἀσκανίης ἄστρον ἐπιχθόνιον, ### book 6.1.3 ἀκτίνων ἀντωπόν· ὁ δ’ ἥσυχος ἔνδοθι δαίμων ### book 6.1.4 κεῖται ὁ καὶ πάτρῃ δεξιτερὴν τανύσας ### book 6.5.1 κεκλιμένῃ καὶ στέμμα περὶ κροτάφοισιν ἀνάψας ### book 6.5.2 ἱερὸν ἐκ πατρὸς παιδὶ νεαζόμενον, ### book 6.5.3 ὃν πάτρη μὲν ἔδεκτο φίλον νέκυν, ἥγνισε δ’ Ἀτθὶς ### book 6.5.4 πυρκαϊῇ, σέβεται δ’ Ἑλλὰς ἅπασα πόλις. ### book 7.1.1 Ἁ πάτρα Νίκαια, πατὴρ δέ μοι ὀργιοφάντας ### book 7.1.2 οὐρανοῦ, αὐτὰρ ἐγὼ κλαρονόμος τελετᾶς· ### book 7.1.3 οὗτος ὁ καὶ σεισθεῖσαν ἐμὰν πόλιν ἐξ ἀίδαο ### book 7.1.4 ῥυσάμενος δώροις Αὐσονίοιο Διός· ### book 7.5.1 θνᾴσκω δ’ Ἀσκανίας μὲν ἀπόπροθεν ἠδ’ ἐπὶ γαίας ### book 7.5.2 Ἀτθίδος ἀρχεγόνου πυρκαϊᾶς ἐπέβαν. ### book 7.5.3 μνᾶμα δέ μοι περίσαμον ὁμώνυμος εὕρατο πάππῳ ### book 7 παῖς ἐμός· ἁ δ’ Ἀρετὰ λεύσσει ἐς ἀμφοτέρους. ### book 8.1.1 Εἷς γάμος ἀμφοτέρων, ξυνὸς βίος, οὐδὲ θανόντων ### book 8.1.2 μνήμονες ἀλλήλων ἔσχον ἀποικεσίην· ### book 8.1.3 καὶ σεῦ μὲν τελεταί τε καὶ ἄρρενος ἔργα, Σακέρδως, ### book 8.1.4 κηρύξει βίοτον πάντας ἐς ἠελίους· ### book 8.5.1 αὐτὰρ ἐμὲ Σευουήραν ἀνήρ, τέκος, ἤθεα, κάλλος ### book 8.5.2 τῆς πρὶν Πηνελόπης θήσει ἀοιδοτέρην. ### book 9.1.1 Πάντα μὲν Αἰακίδαο φέρεις ἀριδείκετα ἔργα ### book 9.1.2 νόσφι χόλου καὶ ἔρωτος· ὀιστεύεις δ’ ἅτε Τεῦκρος, ### book 9.1.3 ἀλλ’ οὔ τοι νόθον ἦμαρ· ἔχεις δ’ ἐρικυδέα μορφὴν ### book 9.1.4 τὴν Ἀγαμεμνονέην, ἀλλ’ οὐ φρένας οἶνος ὀρίνει· ### book 9.5.1 ἐς πινυτὴν δ’ Ὀδυσῆι δαΐφρονι πᾶν σε ἐίσκω, ### book 9.5.2 ἀλλὰ κακῶν ἀπάνευθε δόλων· Πυλίου δὲ γέροντος ### book 9.5.3 ἶσον ἀποστάζεις, βασιλεῦ, μελιηδέα φωνήν, ### book 9.5.4 πρὶν χρόνον ἀθρήσεις τριτάτην ψαύοντα γενέθλην. ### book 10.1 Μάρτυρας ἐν πελάγει πόθεν εὕρομεν; εἴπατε, πέτραι, ### book 10.2 εἴπατε, κύματα μακρά, πόσαις ἐμάχοντο θυέλλαις. ### book 10 ναῦς ἐάγη, πέσεν ἱστός, ἔδυ τρόπις, ὤλετο φόρτος. ### book 11.1 Εὐρὺ μὲν ἀρχαίης Λίνδου κλέος Ἀτρυτώνην ### book 11.2 δεξαμένης ὄχθοις οὐρανίοισιν ἄκρης· ### book 11.3 μείζων δ’ αὖ κατὰ γαῖαν ἐπήρατος ἔπλετο φῆμις ### book 11.4 παρθενικῆς γλαυκῶν πλησαμένῃ χαρίτων· ### book 11.5.1 νῦν γὰρ Ἀθηναίης βοάᾳ θαλερὸς ἔμεν οἶκος ### book 11.5.2 χῶρος καρπογόνους δερκόμενος σκοπέλους· ### book 11.5.3 ἄνθεμα γὰρ τόδε λαρὸν Ἀθηναίῃ πόρεν ἱρεὺς ### book 11.5.4 Ἀγλώχαρτος ἑῶν νειμάμενος κτεάνων, ### book 11.5.5 κρέσσων καὶ Κελεοῖο καὶ Ἰκαρίοιο κατ’ αἶαν ### book 11.10 πάμπαν ἀεξῆσαι τὴν ἱερὴν ἐλέην. ### book 12.1.1 Εὖγε, Τύχη, με ποεῖς ἀπραγμοσύνῃ μ’ Ἐπικούρου ### book 12.1.2 ἡδίστῃ κομέουσα καὶ ἡσυχίῃ τέρπουσα. ### book 12.1.3 τίπτε δέ μοι χρέος ἀσχολίης πολυκηδέος ἀνδρῶν; ### book 12.1.4 οὐκ ἐθέλω πλοῦτον, τυφλὸν φίλον, ἀλλοπρόσαλλον, ### book 12.5.1 οὐ τιμάς· τιμαὶ δὲ βροτῶν ἀμενηνὸς ὄνειρος· ### book 12.5.2 ἔρρε μοι, ὦ Κίρκης δνοφερὸν σπέος· αἰδέομαι γὰρ ### book 12.5.3 οὐράνιος γεγαὼς βαλάνους ἅτε θηρίον ἔσθειν· ### book 12.5.4 μισῶ Λωτοφάγων γλυκερὴν λιπόπατριν ἐδωδήν, ### book 12.5.5 Σειρήνων τε μέλος καταγωγὸν ἀναίνομαι ἐχθρῶν· ### book 12.10.1 ἀλλὰ λαβεῖν θεόθεν ψυχοσσόον εὔχομαι ἄνθος, ### book 12.10.2 μῶλυ, κακῶν δοξῶν ἀλκτήριον· ὦτα δὲ κηρῷ ### book 12.10.3 ἀσφαλέως κλείσας προφυγεῖν γενετήσιον ὁρμήν. ### book 12 ταῦτα λέγων τε γράφων τε πέρας βιότοιο κιχείην. ### book 13.1.1 Εἰ μέν τις σοφός ἐσσι, ἐφέζεο· εἰ δέ γε Μούσης ### book 13.1.2 δακτύλῳ ἀκροτάτῳ ἀπεγεύσαο 〈Καλλιοπείησ〉, ### book 13.1.3 πόρρω στῆθ’ ἀπ’ ἐμεῖο καὶ ἄλλοθι δίζεο ἕδρην· ### book 13.1.4 κλισμὸς ἐγὼ φορέων σοφίης ἐπιίστορας ἄνδρας. ### book 14.1.1 Καὶ τί γε σῆμα φέρεις ἐξαίρετον, ὦ κενεαυχές, ### book 14.1.2 ὅττι σοφοὺς φιλέεις μέν, ἀμούσους δ’ ἀνταπερύκεις; ### book 14.1.3 οὐ χρυσὸν φορέεις, οὐκ ἄργυρον, οὐκ ἐλέφαντα, ### book 14.1.4 ἀλλά σε τεκτονίης ἡγήτορες ἄνδρες ἔτευξαν ### book 14.5.1 Καλλιόπης τ’ ἀίδρεις καὶ ἀπευθέες Ἡραίστοιο, ### book 14.5.2 πᾶσι σοφοῖς τ’ ἀσόφοις τε δορήιον ἔμμεναι ἕδρην. ### book 15.1.1 Κωνσταντῖνος Ἰωάννου ἠδ’ Εὐδοκίης με ### book 15.1.2 τέκνον ἔτευξεν ἀγακλυτόν, ὃν Λίνδος μεγάλαυχος ### book 15.1.3 ἤνεγκε προτέρης γενεῆς προφερέστερον ἄνδρα ### book 15.1.4 καὶ πιστὸν θεράποντα σκηπτούχοιο Λέοντος· ### book 15.5.1 οὗ Ἀλέξανδρος ἀδελφὸς ἰδ’ υἱὸς Κωνσταντῖνος ### book 15.5.2 [σκῆπτρα Βυζαντιάδος συμμεθέπουσι Ῥώμης] ### book 15 σκῆπτρα θεοστήρικτα συνεξαγέτην βασιλείης. ### book 16.1.1 Ἅπαν μὲν ἔργον οὐ πρὸς ἀξίαν πέλει ### book 16.1.2 τὴν σήν, ὑπερθαύμαστε κόσμου δεσπότι· ### book 16.1.3 ἔργων γὰρ ἔξω καὶ φθορᾶς τὸ σὸν κλέος· ### book 16.1.4 τὸ δ’ ἔργον, ὃ προσῆξέ σοι Κωνσταντίνος, ### book 16.5.1 ἐπάξιον πέφυκεν, εἰ δή, Παρθένε, ### book 16.5.2 τοῦ σοῦ τόκου τὸ σκῆπτρον εὖ διαγράφει ### book 16.5.3 καὶ σαρκὸς αὐτοῦ τὸ τρισόλβιον πάθος. ### book 17.1.1 Εἰ ζωγραφεῖν τις ἤθελέν σε, Παρθένε, ### book 17.1.2 ἄστρων ἐδεῖτο μᾶλλον ἀντὶ χρωμάτων, ### book 17.1.3 ἵν’ ἐγράφης φωστῆρσιν ὡς φωτὸς πύλη· ### book 17.1.4 ἀλλ’ οὐχ ὑπείκει ταῦτα τοῖς βροτῶν λόγοις· ### book 17.5.1 ἃ δ’ οὖν φύσις παρέσχε καὶ γραφῆς νόμος, ### book 17.5.2 τούτοις παρ’ ἡμῶν ἱστορῇ τε καὶ γράφῃ. ### book 18.1 Ὀστέα σου, Παλάμηδες, ἔδει πρισθέντα γενέσθαι ### book 18.2 ὄργανα τῆς τέχνης τῆς ἀπὸ τοῦ πολέμου· ### book 18.3 ἐν πολέμοις γὰρ ἐὼν ἕτερον πόλεμον κατέδειξας, ### book 18.4 ἐν ξυλίνῳ σταδίῳ τὸν φιλικὸν πόλεμον. ### book 19.1 Ἀσκληπιάδης ἰατρὸς ἥρπασεν κόρην· ### book 19.2 μετὰ τὴν φθορὰν δὲ τοῦ γάμου τῆς ἁρπαγῆς ### book 19.3 ἐκάλεσε πλῆθος εἰς τὸν αὐθέντην γάμον ### book 19.4 ἀνδρῶν χορευτῶν καὶ γυναικῶν ἀθλίων· ### book 19.5.1 τῆς οἰκίας δὲ συμπεσούσης ἑσπέρας ### book 19.5.2 πάντες κατηνέχθησαν εἰς Ἅιδου δόμους, ### book 19.5.3 νεκροὶ δ’ ἔκειντο περὶ νεκροῖς πεπτωκότες· ### book 19.5.4 νυμφὼν δὲ σεμνὸς ἐκ ῥόδων πεπλεγμένος ### book 19 ἐκ τῶν φόνων ἔσταξεν αἷμα φοίνιον. ### book 20.1.1 Σιγῶν παρέρχου τὸν ταλαίπωρον βίον ### book 20.1.2 αὐτὸν σιωπῇ τὸν χρόνον μιμούμενος· ### book 20.1.3 λαθὼν δὲ καὶ βίωσον, εἰ δὲ μή, θανών. ### book 21.1.1 Οὐδενὸς εὐνάτειρα, Μακροπτολέμοιο δὲ μάτηρ, ### book 21.1.2 μαίας ἀντιπέτροιο θοὸν τέκεν ἰθυντῆρα, ### book 21.1.3 οὐχὶ Κεράσταν, ὅν ποτε θρέψατο ταυροπάτωρ, ### book 21.1.4 ἀλλ’ οὗ πειλιπὲς αἶθε πάρος φρένα τέρμα σάκους ### book 21.5.1 οὔνομ’ Ὅλον, δίζων, ὃς τᾶς Μέροπος πόθον ### book 21.5.2 κούρας γηρυγόνας ἔχε τᾶς ἀνεμώδεος, ### book 21.5.3 ὃς Μοίσᾳ λιγὺ πᾶξεν ἰοστεφάνῳ ### book 21.5.4 ἕλκος, ἄγαλμα πόθοιο πυρισμαράγου, ### book 21.5.5 ὃς σβέσεν ἀνορέαν ἰσαυδέα ### book 21.10.1 παπποφόνου Τυρίας τ’ 〈ἐξήλασεν〉, ### book 21.10.2 ᾧ τόδε τυφλοφόρων ἐρατὸν ### book 21.10.3 πᾶμα Πάρις θέτο Σιμιχίδας. ### book 21.10.4 ψυχὰν ᾇ, βροτοβάμων, ### book 21.10.5 στήτας οἶστρε Σαέττας, ### book 21.15.1 κλωποπάτωρ, ἀπάτωρ, ### book 21.15.2 λαρνακόγυιε, χαρεὶς ### book 21.15.3 ἁδὺ μελίσδοις ### book 21.15.4 ἔλλοπι κούρᾳ ### book 21.15.5 Καλλιόπᾳ ### book 21.20 νηλεύστῳ. ### book 22.1.1 Ἀνδροθέᾳ δῶρον ὁ Φωκεὺς κρατερᾶς μηδοσύνας ἦρα τίνων Ἀθάνᾳ ### book 22.1.2 ὤπας’ Ἐπειὸς πέλεκυν, τῷ ποκα πύργων θεοτεύκτων κατέρειψεν αἶπος, ### book 22.1.3 τᾶμος ἐπεὶ τὰν ἱερὰν κηρὶ πυρίπνῳ πόλιν ᾐθάλωσεν ### book 22.1.4 Δαρδανιδᾶν χρυσοβαφεῖς τ’ ἐστυφέλιξ’ ἐκ θεμέθλων ἄνακτας, ### book 22.5.1 οὐκ ἐνάριθμος γεγαὼς ἐν προμάχοις Ἀχαιῶν, ### book 22.5.2 ἀλλ’ ἀπὸ κρανᾶν ἰθαρᾶν νᾶμα κόμιζε δυσκλής· ### book 22.5.3 νῦν δ’ ἐς Ὁμήρειον ἔβα κέλευθον ### book 22.5.4 σὰν χάριν, ἁγνὰ πολύβουλε Παλλάς· ### book 22.5.5 τρὶς μάκαρ, ὃν σὺ θυμῷ ### book 22.10.1 ἵλαος ἀμφιδερχθῇς· ### book 22.10.2 ὅδ’ ὄλβος ### book 22.10.3 ἀεὶ πνεῖ. ### book 23.1 Εἰ λύπης κρατέειν ἐθέλεις, ### book 23.2 τήνδε μάκαιραν ἀναπτύσσων ### book 23.3 βίβλον ἐπέρχεο ἐνδυκέως, ### book 23.4 ἧς ὕπο γνώμην ὀλβίστην ### book 23.5.1 ῥεῖά κεν ὄψεαι ἐσσομένων, ### book 23.5.2 ὄντων τ’ ἠδὲ παροιχομένων ### book 23.5.3 τερπωλήν τ’ ἀνίην τε 〈λέγων〉 ### book 23 καπνοῦ μηδὲν ἀρειοτέρην. ### book 24.1.1 Λεῦσσέ με τὸν Γᾶς τε βαθυστέρνου ἄνακτ’ Ἀκμονίδαν τ’ ἄλλυδις ἑδράσαντα· ### book 24.1.2 μηδὲ τρέσῃς, εἰ τόσος ὢν δάσκια βέβριθα λάχνᾳ γένεια. ### book 24.1.3 τᾶμος ἐγὼ γὰρ γενόμαν, ἁνίκ’ ἔκραιν’ Ἀνάγκα, ### book 24.1.4 πάντα δὲ Γᾶς εἶκε φραδαῖσι λυγραῖς ### book 24.5.1 ἑρπετά, πάνθ’, ὅς’ ἕρπει ### book 24.5.2 δι’ αἴθρας. ### book 24.5.3 Χάους δέ, ### book 24.5.4 οὔτι γε Κύπριδος παῖς ### book 24.5.5 ὠκυπέτας οὐδ’ Ἄρεος καλεῦμαι· ### book 24.10.1 οὔτι γὰρ ἔκρανα βίᾳ, πραϋνόῳ δὲ πειθοῖ· ### book 24.10.2 εἶκε δέ μοι Γαῖα Θαλάσσας τε μυχοὶ χάλκεος Οὐρανός τε· ### book 24 τῶν δ’ ἐγὼ ἐκνοσφισάμαν ὠγύγιον σκᾶπτρον, ἔκρινον δὲ θεοῖς θέμιστας. ### book 25.1.1 Ὀλὸς οὔ με λιβρὸς ἱρῶν ### book 25.1.2 Λιβάδεσσιν οἷα κάλχη ### book 25.1.3 Ὑποφοινίῃσι τέγγει· ### book 25.1.4 Μαύλιες δ’ ὕπερθε πέτρης Ναξίης θοούμεναι ### book 25.5.1 Παμάτων φείδοντο Πανός· οὐ στροβίλῳ λιγνύι ### book 25.5.2 Ἰξὸς εὐώδης μελαίνει τρεχνέων με Νυσίων. ### book 25.5.3 Ἐς γὰρ βωμὸν ὁρῇς με μήτε γλούρου ### book 25.5.4 Πλίνθοις μήτ’ Ἀλύβης παγέντα βώλοις, ### book 25.5.5 Οὐδ’ ὃν Κυνθογενὴς ἔτευξε φύτλη ### book 25.10.1 Λαβόντε μηκάδων κέρα, ### book 25.10.2 Λισσαῖσιν ἀμφὶ δειράσιν ### book 25.10.3 Ὅσσαι νέμονται Κυνθίαις, ### book 25.10.4 Ἰσόρροπος πέλοιτό μοι· ### book 25.10.5 Σὺν οὐρανοῦ γὰρ ἐκγόνοις ### book 25.15.1 Εἰνάς μ’ ἔτευξε γηγενής, ### book 25.15.2 Τάων ἀείζῳον τέχνην ### book 25.15.3 Ἔνευσε πάλμυς ἀφθίτων. ### book 25.15.4 Σὺ δ’, ὦ πιὼν κρήνηθεν, ἣν ### book 25.15.5 Ἶνις κόλαψε Γοργόνος, ### book 25.20.1 Θύοις τ’ ἐπισπένδοις τ’ ἐμοὶ ### book 25.20.2 Ὑμηττιάδων πολὺ λαροτέρην ### book 25.20.3 Σπονδὴν ἄδην. ἴθι δὴ θαρσέων ### book 25.20.4 Ἐς ἐμὴν τεῦξιν· καθαρὸς γὰρ ἐγὼ ### book 25.20.5 Ἰὸν ἱέντων τεράων, οἷα κέκευθ’ ἐκεῖνος, ### book 25.25 Ἀμφὶ Νέαις Θρηικίαις ὃν σχεδόθεν Μυρίνης ### book 25 Σοί, Τριπάτωρ, πορφυρέου φὼρ ἀνέθηκε κριοῦ. ### book 26.1.1 Εἱμάρσενός με στήτας ### book 26.1.2 πόσις, μέροψ δίσαβος, ### book 26.1.3 τεῦξ’, οὐ σποδεύνας ἶνις Ἐμπούσας, μόρος ### book 26.1.4 Τεύκροιο βούτα καὶ κυνὸς τεκνώματος, ### book 26.5.1 Χρύσας δ’ ἀίτας, ἆμος ἑψάνδρα ### book 26.5.2 τὸν γυιόχαλκον οὖρον ἔρραισεν, ### book 26.5.3 ὃν ἁπάτωρ δίσευνος ### book 26.5.4 μόγησε ματρόριπτος· ### book 26.5.5 ἐμὸν δὲ τεῦγμ’ ἀθρήσας ### book 26.10.1 Θεοκρίτοιο κτάντας ### book 26.10.2 τριεσπέροιο καύστας ### book 26.10.3 θώυξεν αἴν’ ἰύξας· ### book 26.10.4 χάλεψε γάρ νιν ἰῷ ### book 26.10.5 σύργαστρος ἐκδυγήρας· ### book 26.15.1 τὸν δ’ αἰλινεῦντ’ ἐν ἀμφικλύστῳ ### book 26.15.2 Πανός τε ματρὸς εὐνέτας, φὼρ ### book 26.15.3 δίζῳος, ἶνίς τ’ ἀνδροβρῶτος Ἰλιορραιστᾶν ### book 26 ἦρ’ ἀρδίων ἐς Τευκρίδ’ ἄγαγον τριπόρθητον. ### book 27.1.1 Κωτίλας ### book 27.1.2 ματέρος ### book 27.1.3 τῆ τόδ’ ἄτριον νέον ### book 27.1.4 Δωρίας ἀηδόνος· ### book 27.5.1 πρόφρων δὲ θυμῷ δέξο· δὴ γὰρ ἁγνᾶς ### book 27.5.2 λίγειά μιν κάμ’ ἶφι ματρὸς ὠδίς· ### book 27.5.3 τὸ μὲν θεῶν ἐριβόας Ἑρμᾶς ἔκειξε κᾶρυξ ### book 27.5.4 φῦλ’ ἐς βροτῶν ὑπὸ φίλας ἑλὼν πτεροῖσι ματρός, ### book 27.5.5 ἄνωγε δ’ ἐκ μέτρου μονοβάμονος μέγαν πάροιθ’ ἀέξειν ### book 27.10.1 ἀριθμὸν εἰς ἄκραν δεκάδ’ ἰχνίων, κόσμον νέμοντα ῥυθμῶν, ### book 27.10.2 θοῶς δ’ ὕπερθεν ὠκυλέχριον φέρων νεῦμα ποδῶν σποράδων πίφαυσκεν ### book 27.10.3 ἴχνει θενὼν 〈⏑–⏑〉ταν παναίολον Πιερίδων μονόδουπον αὐδάν, ### book 27.10.4 θοαῖς ἴς’ αἰόλαις νεβροῖς κῶλ’ ἀλλάσσων, ὀρσιπόδων ἐλάφων τέκεσσι· ### book 27.10.5 ταὶ δ’ ἀμβρότῳ πόθῳ φίλας ματρὸς ῥώοντ’ αἶψα μεθ’ ἱμερόεντα μαζόν, ### book 27.15.1 πᾶσαι κραιπνοῖς ὑπὲρ ἄκρων ἱέμεναι ποσὶ λόφων κατ’ ἀρθμίας ἴχνος τιθήνας· ### book 27.15.2 βλαχαὶ δ’ οἰῶν πολυβότων ἀν’ ὀρέων νομὸν ἔβαν τανυσφύρων τ’ ἐς ἄντρα Νυμφᾶν· ### book 27.15.3 καί τις ὠμόθυμος ἀμφίπαλτον αἶψ’ αὐδὰν θὴρ ἐν κόλπῳ δεξάμενος θαλαμᾶν μυχοιτάτῳ ### book 27.15.4 ῥίμφα πετρόκοιτον ἐκλιπὼν ὄρους’ εὐνὰν ματρὸς πλαγκτὸν μαιόμενος βαλιᾶς ἑλεῖν τέκος· ### book 27.15.5 κᾆτ’ ὦκα βοᾶς ἀκοὰν μεθέπων ὅ γ’ ἄφαρ λάσιον νιφοβόλων ἀν’ ὀρέων ἔσσυται ἄγκος· ### book 27.20 ταῖς δὴ δαίμων κλυτὸς ἶσα θοοῖσι ποσὶν δονέων ἅμα πολύπλοκα μεθίει μέτρα μολπᾶς. ### book 28.1.1 Χριστὸς ἐπὶ σταυροῖο πεπαρμένος ἦν ποτε γυμνὸς ### book 28.1.2 μεσσόθι ληιστῆρας ἔχων ἑκάτερθε παγέντας· ### book 28.1.3 καί μιν ἀκηχεμένη λιγέως ὀλοφύρετο μήτηρ ### book 28.1.4 λύγδην ἱσταμένη καὶ παρθένος ἄλλος ἑταῖρος· ### book 28.5.1 καί μιν καγχαλόωντες ἐνείκεον ἄνδρες ὁδῖται ### book 28.5.2 κάμμορον, οὐτιδανὸν καὶ ἀνάλκιδα φῶτα καλεῦντες· ### book 28.5.3 καί οἱ διψαλέῳ στυγερὴν ὤρεξε ποτῆτα ### book 28.5.4 λαὸς Ἰουδαίων ἀθεμίστιος, αἱματοχάρμης ### book 28.5.5 ὄξεϊ κιρνάμενος, πικρὸν δέπας, εἶδαρ ὀλέθρου. ### book 28.10.1 ἀλλ’ ἀκέων τετάνυστο καὶ οὐκ ἀπαμύνετο Χριστός, ### book 28.10.2 Χριστός, ὁ καὶ Μαρίης καὶ ἀθανάτου πατρὸς υἱός. ### book 28.10.3 ταῦτα τίς ἀνθρώπων ἀγέρωχος νήπιος ἔσται ### book 28.10.4 κῆρι λογιζόμενος καὶ ὁρώμενος ἐν πινάκεσσιν; ### book 28.10.5 ἀνδρὸς γὰρ θεός ἐστιν, ὁ δὲ βροτὸς οὐδὲν ἀρείων. ### book 29.1.1 Ἰγνάτιος πολλῇσιν ἐν ἀμπλακίῃσι βιώσας ### book 29.1.2 ἔλλιπον ἡδυφαοῦς ἠελίοιο σέλας· ### book 29.1.3 καὶ νῦν ἐς δνοφερὸν κατακεύθομαι ἐνθάδε τύμβον, ### book 29.1.4 οἴμοι, ψυχῇ μου μακρὰ κολαζόμενος· ### book 29.5.1 ἀλλά, κριτά (βροτός εἰμι, σὺ δ’ ἄφθιτος ἠδ’ ἐλεήμων), ### book 29.5.2 ἵλαθι, ἵλαθί μοι ὄμματι εὐμενέι. ### book 30.1.1 Σῶμα μέν, οὐκ ἀρετὴν ὅδε τύμβος νέρθε κέκευθε ### book 30.1.2 κεδνοῦ Παύλοιο· ὥστε γὰρ ἠελίου ### book 30.1.3 τοῦδέ γ’ ἀπαστράπτουσιν ἀριπρεπέες λόγοι αἴγλῃ, ### book 30.1.4 ἠδ’ ἀρετῆς κάματοι εὖχος ἔχουσι μέγα. ### book 30.5 εἴκοσιν ἐς λυκάβαντας ἰδὲ τρισὶν ἤρκεσε γαίῃ, ### book 30 ζήσας δ’ αὖ λογικῶς ἐσθλὸν ἔδεκτο τέλος. ### book 31.1.1 Ἱερὸς ἐν λαγόνεσσι Σαμουὴλ κεύθεται γαίης ### book 31.1.2 πάντα λιπὼν βιότου, ὅσσα περ εἶχε, θεῷ· ### book 31.1.3 καὶ νῦν εὐσεβέων εἰσέδραμε φαίδιμον αὐλὴν ### book 31.1.4 δόξαν ὑπὲρ μεγάλων ληψόμενος καμάτων. ### book 32.1.1 Εἰ καί μοι λύχνον αἰῶνος ταχὺς ἔσβεσεν οἶτος ### book 32.1.2 λαμπάδος ἡμετέρης φέγγος ἀμερσάμενος, ### book 32.1.3 ἀλλά γ’ ἄρ’ ἤρκεσε λύσσῃ ἑῆς κακότητος ὁ δαίμων ### book 32.1.4 πᾶσαν ἐμὴν τελέσαι στυγναλέην βιοτήν· ### book 32.5.1 θῆκέ με χήρην ἐγγὺς ἀειρομένου μοι μαζοῦ, ### book 32.5.2 οὐδ’ ἐπὶ τέκνον ἴδον καλὸν ἀθυρόμενον, ### book 32.5.3 ἡδὺ τοκεῦσιν ἄγαλμα παραγκάς· τῷ γέ με πένθος ### book 32.5.4 ἄτλητον μαλερῷ τηκεδόνος δάμασε ### book 32.5.5 πυρσῷ· τρεῖς πρὸς ἐείκος’ ἐποιχομένην ἐνιαυτοὺς ### book 32.10.1 ἔσχεν τύμβος ὅδε ξεινοδόκος γενέθλης ### book 32.10.2 ἡμετέρης· ἔνθ’ ὕφηνον γενετῆρες ἅπασι ### book 32.10.3 γηραλέοι θρῆνον τιλλόμενοι πολιὴν ### book 32.10.4 καὶ χορὸς εὐγενέων στενάχοντες ἀδελφῶν Ἄννης ### book 32.10.5 μνώμενοι ἀσπασίως εἴδεος ἀγλαΐης. ### book 33.1.1 Τὸ σεμνὸν ἦθος, τὴν φιλάνθρωπον χάριν, ### book 33.1.2 τὸ πρὸς τεκόντας τοῦ τρόπου πειθήνιον ### book 33.1.3 —αἰδὼς γὰρ ἦγεν ὡς διδάσκαλος μέγας ### book 33.1.4 παρών—, τὰ λαμπρὰ τοῦ γένους γνωρίσματα ### book 33.5 καὶ τὰς φιλάνδρους ἐνστάσεις πρὸς τὴν φύσιν ### book 33.1 κλονοῦσαν ἀστήρικτα χηρείας βίᾳ, ### book 33.2 ἀντεμπλοκῇ δὲ κρειττόνων ἡττωμένην ### book 33.3 —ἀφ’ ὧν τὰ φαιδρὰ στέμματα πρὸς ἀξίαν ### book 33.4 μόνανδρον ἐκλάμποντα—, τὴν παρρησίαν ### book 33.10.1 Ἄννης ἀμαυροῦν οὐ δυνήσεται τάφος· ### book 33.10.2 πάντων γὰρ αὐτῆς οὐδαμῶς λάθοι στόμα ### book 33.10.3 καλὸν φερούσης νουθέτημα τῷ βίῳ· ### book 33.10.4 εἰ δ’ οὖν, λαλήσει καὶ γραφὴ πάντων πλέον ### book 33.10.5 αὕτη παρ’ αὐτὸν τὸν τάφον τεθειμένη. ### book 34.1.1 Δρᾶσέ τί που καὶ νερτερίοις μετὰ πνεύμασιν ἀνδρῶν ### book 34.1.2 Φεβρωνία ἑῆς σύμβολα συμπαθίης, ### book 34.1.3 εἴ τις κἀνθάδε χρειὼ ἀφνειῶν ἦε πένησιν· ### book 34.1.4 οὐδὲ γὰρ οὐδ’ αὐτοῦ τῆς σφετέρης ἐς ἅπαν ### book 34.5.1 ψυχαὶ λήθονται μεγαθύμων εὐεργείης· ### book 34.5.2 ἔμπα γε μὴν αἰὼν ἡμετέρου βιότου ### book 34.5.3 ἄρκιος εἴη θεῖον ἐπὶ προέμεν θάλαμόν μιν ### book 34.5.4 Χριστοῦ, τόν ῥα νυὸν σεμνὸν ἕλ’ ἀφθορίης ### book 34.5.5 λαμπάδ’ ἐλαίῳ φαιδρύνουσα φιλοπτωχείης· ### book 34.10 ἧς τόδε σῆμ’ ὕπνου γνῶθι πολυχρονίου. ### book 35.1 Εἴθε κρίνον γενόμην ἀργένναον, ὄφρα με χερσὶν ### book 35 ἀρσαμένη μᾶλλον σῆς χροτιῆς κορέσῃς. ### book 36.1.1 Ἀμφοτέρας, πολύμυθε, Κομητᾶς σεῖο ἀθρήσας ### book 36.1.2 κύρβεις γηραλέας θῆκεν ἀειθαλέας. ### book 37.1.1 Σεῖο βίβλους μεγάθυμε Κομητὰς Ὅμηρε δύ’ ἄρδην ### book 37.1.2 εὑρὼν γηραλέας τεύξατο ὁπλοτέρας· ### book 37.1.3 γῆρας ἀποξύσας γὰρ ἀριπρεπέας γε βροτοῖσι ### book 37.1.4 πάμπαν ἔδειξε σοφοῖς, οἷσιν ἔνεστι νόος. ### book 38.1.1 Εὑρὼν Κομητᾶς τὰς Ὁμηρείους βίβλους ### book 38.1.2 ἐφθαρμένας τε κοὐδαμῶς ἐστιγμένας, ### book 38.1.3 στίξας διεσμίλευσα ταύτας ἐντέχνως ### book 38.1.4 τὴν σαπρίαν ῥύψας μὲν ὡς ἀχρηστίαν, ### book 38.5.1 γράψας δ’ ἐκαινούργησα τὴν εὐχρηστίαν. ### book 38.5.2 ἐντεῦθεν οἱ γράφοντες οὐκ ἐσφαλμένως ### book 38.5.3 μαθητιῶσιν, ὡς ἔοικε μανθάνειν. ### book 39.1.1 Ἰγνάτιος τάδε τεῦξε σοφῆς πολύιδρις ἀοιδῆς· ### book 39.1.2 Ἰγνάτιος τάδε τεῦξεν, ὃς ἐς φάος ἤγαγε τέχνην ### book 39 γραμματικὴν λήθης κευθομένην πελάγει. ### book 39b.1 Τὰ τοῦ Πλάτωνος ἐξερευνήσας βάθη ### book 39b.2 τὰ τῶν λογισμῶν ἐξερίζωσας πάθη. ### book 40.1.1 Ὁππότε Παμμεδέοντος ἐὺς πάις, ὄρχαμος ἀνδρῶν, ### book 40.1.2 ὃς πᾶσι θνητοῖσι καὶ ἀθανάτοισιν ἀνάσσει, ### book 40.1.3 ἀσπαλιεῦσιν ἔειπε μαθητῇσιν πινυτοῖσι· ### book 40.1.4 „Λάζαρος ἄμμι φίλος φάος ἔλλιπεν ἠελίοιο ### book 40.5.1 οὔποτε, τόφρα κέκευθε τεθρήμερον ἄπλετος αἶα.“ ### book 40.5.2 ἀλλ’ ἄνεω μὲν ἔκειτο μεμυκὼς χείλεα σιγῇ ### book 40.5.3 σῶμά τε πυθόμενος καὶ ὀστέα καὶ χρόα καλόν, ### book 40.5.4 ψυχὴ δ’ ἐκ ῥεθέων πταμένη ἄιδόσδε κατῆλθεν, ### book 40.5.5 ἄρρητον δὲ φίλοισι γόον καὶ πένθος ἔθηκεν, ### book 40.10.1 ἐκ πάντων δὲ μάλιστα Μάρθῃ Μαρίῃ τε ὁμαίμοις ### book 40.10.2 αὐτοκασιγνήταις· ### book 40.10.3 ψυχῆς γὰρ φιλέεσκον ἀδελφεόν, ὅστις ἔκειτο ### book 40.10.4 μεσσόθι ἐν νεκάδεσσιν ἀκήριος, ἄψυχος αὕτως. ### book 40.10.5 τοῦ πότμον γοόωσαι ὀδυρόμεναί τε ἐθρήνευν ### book 40.15.1 σήματος ἔκτοθι οὖσαι καὶ ἑζόμεναι περὶ τύμβῳ. ### book 40.15.2 ὄφρα μὲν ἠέλιος τρίτον ἤνυσεν ἦμαρ ἐς αἶαν, ### book 40.15.3 τόφρα δὲ κἀν νεκάδεσσιν ἐτήκετο Λάζαρος ἄπνους· ### book 40.15.4 ἀλλ’ ὅτε δὴ τετράτη ῥοδοειδὴς ἤλυθεν Ἠώς, ### book 40.15.5 καὶ τότε δὴ προσέειπε θεοῖο πάις μεγάλοιο ### book 40.20.1 εὐπατρίδῃσι φίλοις, οἳ πὰρ θεοῦ ἐκγεγάαντο, ### book 40.20.2 οἳ πέρι μὲν βουλῇ μερόπων, πέρι δ’ ἦον ἁπάντων, ### book 40.20.3 οὓς ἔκπαγλ’ ἐφίλης’ ὡσεὶ θεοῦ υἷας ἐόντας, ### book 40.20.4 ὧν καὶ ἀπὸ γλώσσης γλυκίων μέλιτος ῥέεν αὐδὴ ### book 40.20.5 καὶ ἔπεα νιφάδεσσιν ἐοικότα χειμερίῃσιν· ### book 40.25.1 „Ὦ φίλοι ἀγλαόθυμοι, ἐπεὶ θεὸς ἐστὶ σὺν ἄμμι, ### book 40.25.2 κέκλυτέ μευ πάντες τε ὅσοι θεὸν ἔνδον ἔχοιτε, ### book 40.25.3 ὄφρ’ εἴπω, τά με θυμὸς ἐνὶ στήθεσσι κελεύει· ### book 40.25.4 δεῦτ’ ἐς Βηθανίην, ὅθι Λάζαρον ἔλλιπε θυμός, ### book 40.25.5 σπεύσομεν ὅττι τάχιστ’, ὄφρα κλέος ἄφθιτον ἴσχω· ### book 40.30.1 ἀνστῆσαι γὰρ ἔπειμι καὶ ἐξ Ἐρέβευς φίλον ἁμόν.“ ### book 40.30.2 τὸν δ’ αὖτε προσέειπον εὐήνορες ἀγλαόθυμοι· ### book 40.30.3 „Ἴομεν, ὡς ἐκέλευσας, ἀλίγκιε πατρὸς ἑοῖο.“ ### book 40.30.4 εἶπον· ὃ δ’ αὐτὸς ἔβαινε καὶ ἡγεμόνευε μαθηταῖς. ### book 40.30.5 σπερχόμενοι δ’ εἵποντο μετ’ ἴχνια Παμμεδέοντος, ### book 40.35.1 ἠύτε ἔθνεα εἶσι μελισσάων ἀδινάων ### book 40.35.2 πέτρης ἐκ γλαφυρῆς αἰεὶ νέον ἐρχομενάων· ### book 40.35.3 ὣς εἵποντο ὄπισθε θεοῦ μεγάλοιο μαθηταί. ### book 40.35.4 ἀλλ’ ὅτε δή ῥ’ ἱκάνοντο πολυκλαύστῳ ἐπὶ τύμβῳ, ### book 40.35.5 καὶ τότε δὴ λίσσοντο κυλινδόμεναι παρὰ ποσσὶν ### book 40.40.1 Χριστὸν παμμεδέοντα κασίγνηταί τε ἔται τε· ### book 40.40.2 „Γουνούμεσθά ς’, ἄναξ, ὃς ὑπέρτατα δώματα ναίεις, ### book 40.40.3 Λάζαρον, ὃν φιλέεσκες· ἐν ἔγκασιν ἤλυθεν Ἅιδου· ### book 40.40.4 εἰ γὰρ τῇδε ἔησθα, ἄναξ νεκάδων Ἀϊδωνεὺς ### book 40.40.5 οὔποτ’ ἔτλη μεῖναι, ἐπεὶ ἦ πολὺ φέρτατος ἦσθα· ### book 40.45.1 ἀλλὰ καὶ ὣς ἐθέλων δύνασαι πάλιν αὐτὸν ἐγεῖραι.“ ### book 40.45.2 καὶ τότε δὴ ὕψιστος ἀμείβετο· „Ποῦ ποτε κεῖται;“ ### book 40.45.3 αἳ δ’ ἄρα ὀτραλέως ἀνὰ ἠρίον ἤλυθον ἄρδην· ### book 40.45.4 δὴ τότ’ ἐπεὶ δεῖξαν θεῷ αὐτὸν σῆμά τε λυγρόν, ### book 40.45.5 εἶπεν ἄρ’· „Ὁρμηθέντες ἀείρατε πῶμα τάφοιο.“ ### book 40.1 αὐτὰρ ἐπεὶ ἀνέῳκτο τάφος λυγρὸς φθιμένοιο, ### book 40.2 καὶ τότε δὴ μέγ’ ἄυσε θεὸς μέγας ἠδὲ καὶ ἀνήρ· ### book 40.3 „Λάζαρε, δεῦρ’ ἴθι, κλῦθι ἐμεῖο καὶ ἔρχεο ἔξω.“ ### book 40.4 ὡς οὖν νεκρὸς ἄκουσε θεοῖο Λόγου φήσαντος, ### book 40.5 λυσιμελὴς ἀνέδυ, πεπεδημένος, ἔμπνους, ὀδωδώς. ### book 40.55.1 τὸν καὶ ἰδόντες ὅμιλοι ἐθάμβεον ἐν κραδίῃσιν, ### book 40.55.2 αὐτίκα δ’ ὑψιμέδοντα ἐκύδαινον θεὸν ἐσθλόν, ### book 40 καὶ κλέος ἄφθιτον ἔσχε πατὴρ μέγας υἷος ἐῆος. ### book 41.1 Χάλκεος οὐκ ἔστης βιόων ἔτι, Κωνσταντῖνε· ### book 41.2 ἀντὶ γὰρ εὐκλείης ἤρκεσε βασκανίη. ### book 41.3 ὡς δὲ θάνες, τότε δή σε πόλις ξύμπασα γεραίρει, ### book 41.4 οἷς δύναται. τί δὲ σῆς ἄξιον ἱπποσύνης; ### book 42.1.1 Ἐξότε Κωνσταντῖνος ἔδυ δόμον Ἄϊδος εἴσω, ### book 42.1.2 ᾤχετο σὺν κείνῳ πᾶν κλέος ἡνιόχων. ### book 43.1.1 Χρύσεον ἀντ’ ἀρετῆς γέρας ἔπρεπε Κωνσταντίνῳ, ### book 43.1.2 οὐδένα τῆς τέχνης τοῖον ἐνεγκαμένης. ### book 43.1.3 κουρίζων νίκησεν ἀειδομένους ἐλατῆρας, ### book 43.1.4 γηραλέος δὲ νέους δεῖξεν ἀφαυροτέρους. ### book 43.5.1 ὅντινα καὶ μετὰ πότμον ἀειμνήστῳ τινὶ θεσμῷ ### book 43.5.2 δῆμος καὶ βασιλεὺς ἵδρυσαν ἁζόμενοι. ### book 44.1 Πορφύριον λήξαντα πόνων λύσαντά τε μίτρην ### book 44.2 καὶ πάρος ἀντ’ ἀρετῆς χάλκεον ἑσταότα ### book 44.3 τῇδε πάλιν χαλκοῦ τε καὶ ἀργύρου ἱδρύσαντο. ### book 44.4 πρέσβυ, σὺ δὲ ξείνων ἀντιάσας γεράων ### book 44.5 δήμου μὲν βοόωντος ἕλες παλίνορσον ἱμάσθλην, ### book 44 ὡς δὲ δὶς ἡβήσας μαίνεαι ἐν σταδίοις. ### book 45.1 Τοῦτον Ἰουλιανόν, Τυρίης βλάστημα τιθήνης, ### book 45.2 ἡνίοχον πολλοὺς δεξάμενον στεφάνους ### book 45.3 αὐτὸς ἄναξ καὶ δῆμος ἅπας καὶ πότνια βουλὴ ### book 45.4 ἔστησαν κοινὴν ψῆφον ἐνεγκάμενοι. ### book 45.5.1 γήραϊ γὰρ σταδίων ἀπεπαύσατο· πᾶσι δὲ φίλτρον ### book 45.5.2 κάλλιπεν, οἷσιν ἔρως ἤνθεεν ἀντιπάλων. ### book 46.1 Πορφύριος Λίβυς οὗτος· ἀεθλοφόρων δ’ ἐπὶ δίφρων ### book 46.2 μοῦνος παντοδαποὺς ἀμφέθετο στεφάνους. ### book 46.3 νίκη γὰρ βασίλεια μεριζομένη κατὰ δῆμον ### book 46.4 χρώμασι καὶ πέπλοις συμμετέβαλλε τύχας· ### book 46.5.1 ἥρμοσε δ’ αὐτὸν ἔχειν Βενέτοις πλέον, ἔνθεν ἀνέστη ### book 46.5.2 χρύσεος ἀντ’ ἀρετῆς, χάλκεος ἀντὶ πόνων. ### book 47.1 Τοῦτον Πορφύριον Λιβύη τέκε, θρέψε δὲ Ῥώμη, ### book 47.2 Νίκη δ’ ἐστεφάνωσεν ἀμοιβαδὸν ἄλλοτ’ ἀπ’ ἄλλου ### book 47.3 χρώματος ἄκρα φέροντα καρήατι σύμβολα νίκης. ### book 47.4 πολλάκι γὰρ δήμους ἠλλάξατο, πολλάκι πώλους· ### book 47.5 νῦν μὲν ἐὼν πρῶτος, τοτὲ δ’ ἔσχατος, ἄλλοτε μέσσος ### book 47 πάντας ὁμοῦ νίκησε καὶ ἀντιπάλους καὶ ἑταίρους. ### book 48.1 Ἶσον κυδαλίμοις Φαυστινιάδῃ τε καὶ αὐτῷ ### book 48.2 Φαυστίνῳ βασιλεὺς στῆσε παρ’ ἀμφοτέροις ### book 48.3 Οὐράνιον, τῷ δῆμος ἀμετρήτους διὰ νίκας ### book 48.4 ἠγαθέου Πέλοπος θῆκεν ἐπωνυμίην. ### book 48.5.1 „Ὡς αἰεὶ τὸν ὁμοῖον ἄγει θεὸς ὡς τὸν ὁμοῖον,“ ### book 48.5.2 τούσδε τις εἰσορόων φθέγξεται ἀτρεκέως. ### book 49.1 Σοὶ καὶ ἀεθλεύοντι μόνῳ λήξαντί τ’ ἀέθλων ### book 49.2 τοῦτο γέρας Νίκη δὶς πόρεν, Οὐράνιε, ### book 49.3 δήμου ἀπ’ ἀμφοτέροιο· σὺ γὰρ πάρος ἐν Βενέτοις μὲν ### book 49.4 εἴκοσι κυδίστων στέμμα φέρεις ἐτέων. ### book 49.5.1 παύσαο δ’ ἱπποσύνης· Πρασίνων δέ σε δίζετο δῆμος ### book 49.5.2 τοῖσδε σὺ μὲν νίκην, οἳ δ’ ἄρα σοὶ τὸ γέρας. ### book 50.1 Ὤφελες ὅπλα φέρειν, οὐ φάρεα ταῦτα κομίζειν ### book 50.2 ὡς ἐλατὴρ τελέθων καὶ πολέμων πρόμαχος. ### book 50.3 εὖτε γὰρ ἦλθεν ἄνακτος ὀλεσσιτύραννος ἀκωκή, ### book 50.4 καὶ σὺ συναιχμάζων ἥψαο ναυμαχίης· ### book 50.5 καὶ διπλῆς, πολύμητι, σοφῶς ἐδράξαο νίκης, ### book 50 τῆς μὲν πωλομάχου, τῆς δὲ τυραννοφόνου. ### book 51.1.1 Χάλκεος, ἀλλ’ ἄθρησον, ὅσον θράσος ἄνυσε κάπρου ### book 51.1.2 ὁ πλάστας ἔμπνουν θῆρα τυπωσάμενος ### book 51.1.3 χαίτας αὐχενίους πεφρικότα, θηκτὸν ὀδόντα ### book 51.1.4 βρύχοντα, γλήναις φρικτὸν ἱέντα σέλας, ### book 51.5 ἀφρῷ χείλεα πάντα δεδευμένον· οὐκέτι θάμβος, ### book 51 εἰ λογάδα στρατιὴν ὤλεσεν ἡμιθέων. ### book 1.1.1 Οὔτ’ ἀπὸ Μεσσάνας οὔτ’ Ἀργόθεν εἰμὶ παλαιστάς· ### book 1.1.2 Σπάρτα μοι Σπάρτα κυδιάνειρα πατρίς. ### book 1.1.3 κεῖνοι τεχνάεντες· ἐγώ γε μέν, ὡς ἐπέοικε ### book 1.1.4 τοῖς Λακεδαιμονίων παισί, βίᾳ κρατέω. ### book 2.1.1 Γνῶθι Θεόγνητον προσιδὼν τὸν Ὀλυμπιονίκαν ### book 2.1.2 παῖδα, παλαισμοσύνης δεξιὸν ἡνίοχον, ### book 2.1.3 κάλλιστον μὲν ἰδεῖν, ἀθλεῖν δ’ οὐ χείρονα μορφῆς, ### book 2.1.4 ὃς πατέρων ἀγαθῶν ἐστεφάνωσε πόλιν. ### book 3.1.1 Ἴσθμια καὶ Πυθοῖ Διοφῶν ὁ Φίλωνος ἐνίκα ### book 3.1.2 ἅλμα, ποδωκείην, δίσκον, ἄκοντα, πάλην. ### book 4 Βάλλετε νῦν μετὰ πότμον ἐμὸν δέμας, ὅττι καὶ αὐτοὶ ### book 4 νεκροῦ σῶμα λέοντος ἐφυβρίζουσι λαγωοί. ### book 5.1.1 Ἄγαγε καὶ Ξέρξης Πέρσαν στρατὸν Ἑλλάδος ἐς γᾶν, ### book 5.1.2 καὶ Τίτος εὐρείας ἄγαγ’ ἀπ’ Ἰταλίας· ### book 5.1.3 ἀλλ’ ὁ μὲν Εὐρώπᾳ δοῦλον ζυγὸν αὐχένι θήσων ### book 5.1.4 ἦλθεν, ὁ δ’ ἀμπαύσων Ἑλλάδα δουλοσύνας. ### book 6.1.1 Κοίρανος Εὐρώπας, ὁ καὶ εἰν ἁλὶ καὶ κατὰ χέρσον ### book 6.1.2 τόσσον ἄναξ θνατῶν, Ζεὺς ὅσον ἀθανάτων, ### book 6.1.3 Εἰνοδίᾳ τὰ λάφυρ’ Ἑκάτᾳ θρασέος Κιροάδα ### book 6.1.4 καὶ τέκνων καὶ ὅλας γᾶς ἔθετ’ Ὀδρυσίδος, ### book 6.5.1 υἱὸς ἐυμμελία Δαματρίου· ἁ δὲ Φιλίππου ### book 6.5.2 δόξα πάλιν θείων ἄγχι βέβακε θρόνων. ### book 7.1.1 Σύμφωνον μαλακοῖσι κερασσάμενος θρόον αὐλοῖς ### book 7.1.2 Δωρόθεος γοεροὺς ἔπνεε Δαρδανίδας ### book 7.1.3 καὶ Σεμέλας ὠδῖνα κεραύνιον, ἔπνεε δ’ ἵππου ### book 7.1.4 ἔργματ’ ἀειζώων ἁψάμενος Χαρίτων· ### book 7.5.1 μοῦνος δ’ εἰν ἱεροῖσι Διωνύσοιο προφήταις ### book 7.5.2 Μώμου λαιψηρὰς ἐξέφυγε πτέρυγας ### book 7.5.3 Θηβαῖος γενεὴν Σωσικλέος· ἐν δὲ Λυαίου ### book 7 νηῷ φορβειὰν θήκατο καὶ καλάμους. ### book 8.1.1 Οὐκέτ’ ἀνὰ Φρυγίην πιτυοτρόφον ὥς ποτε μέλψεις ### book 8.1.2 κροῦμα δι’ εὐτρήτων φθεγγόμενος δονάκων, ### book 8.1.3 οὐδ’ ἔτι σαῖς παλάμαις Τριτωνίδος ἔργον Ἀθάνας ### book 8.1.4 ὡς πρὶν ἐπανθήσει, νυμφογενὲς Σάτυρε. ### book 8.5.1 δὴ γὰρ ἀλυκτοπέδαις σφίγγῃ χέρας, οὕνεκα Φοίβῳ ### book 8.5.2 θνατὸς ἐὼν θείαν εἰς ἔριν ἠντίασας. ### book 8.5.3 λωτοὶ δ’ οἱ κλάζοντες ἴσον φόρμιγγι μελιχρὸν ### book 8.5.4 ὤπασαν ἐξ ἀέθλων οὐ στέφος, ἀλλ’ Ἀίδαν. ### book 9.1 Ὦ γαστὴρ κυνάμυια, δι’ ἣν κόλακες παράσιτοι ### book 9.2 ζωμοῦ πωλοῦσιν θεσμὸν ἐλευθερίης. ### book 11.1.1 Ἵζευ ὑπὸ σκιερὰν πλάτανον, ξένε, τάνδε παρέρπων, ### book 11.1.2 ἇς ἁπαλῷ Ζέφυρος πνεύματι φύλλα δονεῖ, ### book 11.1.3 ἔνθα με Νικαγόρας κλυτὸν εἵσατο Μαιάδος Ἑρμᾶν ### book 11.1.4 ἀγροῦ καρποτόκου ῥύτορα καὶ κτεάνων. ### book 12.1 Ἔρχευ καὶ κατ’ ἐμὰν ἵζευ πίτυν, ἃ τὸ μελιχρὸν ### book 12.2 πρὸς μαλακοὺς ἠχεῖ κεκλιμένα ζεφύρους. ### book 12.3 ἠνίδε καὶ κρούνισμα μελισταγές, ἔνθα μελίσδων ### book 12 ἡδὺν ἐρημαίοις ὕπνον ἄγω καλάμοις. ### book 13.1.1 Ὑψίκομον παρὰ τάνδε καθίζεο φωνήεσσαν ### book 13.1.2 φρίσσουσαν πυκινοῖς κῶνον ὑπὸ ζεφύροις, ### book 13.1.3 καί σοι καχλάζουσιν ἐμοῖς παρὰ νάμασι σῦριγξ ### book 13.1.4 θελγομένῳ στάξει κῶμα κατὰ βλεφάρων. ### book 14.1.1 Τίς γλύψας τὸν Ἔρωτα παρὰ κρήνῃσιν ἔθηκεν ### book 14.1.2 οἰόμενος παύσειν τοῦτο τὸ πῦρ ὕδατι; ### book 15.1 Ὁ πρὶν ἀεὶ Βρομίου μεμεθυσμένος οἰνάδι πηγῇ, ### book 15.2 σύντροφος εὐασταῖς αἰγοπόδης Σάτυρος ### book 15.3 διχθάδιον κατὰ κῶλον ἀλυκτοπέδῃσι λυγωθεὶς ### book 15.4 ἔντεα παιδὶ θεᾶς χαλκοτορεῖ Θέτιδος, ### book 15.5.1 οὐ σοφὸν ἐκ τέχνας ἀσκῶν πόνον, ἀλλὰ πενιχρὰν ### book 15.5.2 ἐργάτιν ἐκ μόχθων ῥυόμενος βιοτάν. ### book 15b.1 Ποῦ σοι κεῖνα κύπελλα, λαφύστιε; ποῦ καλὰ θύρσων ### book 15b.2 πλέγματα καὶ κῶμοι, σκιρτοπόδη Σάτυρε; ### book 15b.3 τίς σε παρὰ σμίλαισι ποδίκροτον ἅμμα καθάψας ### book 15b.4 θήκατο, τὸν Βρομίῳ σπάργαν’ ἑλιξάμενον; — ### book 15b.5 „Ἀσχήμων ἔνδεια καὶ ἁ πάντολμος ἀνάγκα, ### book 15b ἅ με παρ’ Ἡφαίστῳ θῆκε μαριλοπόταν.“ ### book 16.1 Πᾶν τὸ περιττὸν ἄκαιρον, ἐπεὶ λόγος ἐστὶ παλαιός, ### book 16.2 ὡς καὶ τοῦ μέλιτος τὸ πλέον ἐστὶ χολή. ### book 17.1 Ὦ Πάν, φερβομέναις ἱερὰν φάτιν ἄπυε ποίμναις ### book 17.2 κυρτὸν ὑπὲρ χρυσέων χεῖλος ἱεὶς δονάκων, ### book 17.3 ὄφρ’ αἱ μὲν λευκοῖο βεβριθότα δῶρα γάλακτος ### book 17.4 οὔθασιν ἐς Κλυμένου πυκνὰ φέρωσι δόμον, ### book 17.5.1 σοὶ δὲ καλῶς βωμοῖσι παριστάμενος πόσις αἰγῶν ### book 17.5.2 φοίνιον ἐκ λασίου στήθεος αἷμ’ ἐρύγῃ. ### book 18.1 Τέρπε δανειζόμενος τὴν σὴν φρένα· τοῖς δὲ δανεισταῖς ### book 18.2 κάλλιπε τὴν ψήφων δακτυλοκαμψοδύνην. ### book 19.1 „Εἰρήνη πάντεσσιν,“ ἐπίσκοπος εἶπεν ἐπελθών. ### book 19.2 πῶς δύναται πᾶσιν, ἣν μόνος ἔνδον ἔχει; ### book 20.1 Ῥήτορα Μαῦρον ἰδὼν ἀπεθαύμασα τὸν βαρύχειλον, ### book 20 τέχνης ῥητορικῆς δαίμονα λευκοφόρον. ### book 21.1 Ὃς βασιλεῖς ἐδάμασσε καὶ ἠνορέην κατέπαυσεν ### book 21.2 ἀντιπάλων πατέρων εἵνεκεν εὐνομίης, ### book 21.3 οὗτος ὑπὸ σμικρῷ κατάκειται σήματι τῷδε, ### book 21.4 ἀρχιερεὺς Χριστοῦ Νικόλεως γεγαώς. ### book 21.5.1 ἀλλ’ ἀρετὴ πολύολβος ἐπέπτατο πείρατα κόσμου, ### book 21.5.2 καὶ ψυχὴ μακάρων ἀμφιπολεῖ θαλάμους. ### book 21.5.3 τοίην γὰρ βιοτὴν ποθέεσκεν ἐὼν ἐπὶ γαίης ### book 21.5.4 σῶμα καλὸν πιέσας κυδαλίμοις καμάτοις. ### book 22.1 Στήλην εὐνομίης καὶ σωφροσύνης ἀνάθημα ### book 22.2 εἰκόνα Νικόλεω στήσατο Γρηγόριος. ### book 23.1.1 Εἶπον, τίς, τίνος ἐσσί, τίνος πατρίδος, τί δ’ ἐνίκης; — ### book 23.1.2 „Κασμύλος, Εὐαγόρου, Πύθια πύξ, Ῥόδιος.“ ### book 24.1 Μίλωνος τόδ’ ἄγαλμα καλοῦ καλόν, ὅς ποτε Πίσῃ ### book 24 ἑπτάκι νικήσας ἐς γόνατ’ οὐκ ἔπεσεν. ### book 25.1.1 Τὸν ἐκ Σινώπης εἰ κλύεις Δαμόστρατον ### book 25.1.2 πίτυν λαβόντα τὴν κατ’ Ἰσθμὸν ἑξάκις, ### book 25.1.3 τοῦτον δέδορκας· οὗ κατ’ εὔγυρον πάλην ### book 25.1.4 ψάμμον πεσόντος νῶτον οὐκ ἐσφράγισεν. ### book 25.5.1 ἴδ’ ἐς πρόσωπον θηρόθυμον, ὡς ἔτι ### book 25.5.2 σῴζει παλαιὰν τὰν ὑπὲρ νίκας ἔριν. ### book 25.5.3 λέγει δ’ ὁ χαλκός· „Ἁ βάσις με λυσάτω, ### book 25.5.4 χὠς ἔμπνοος νῦν ἕβδομον κονίσομαι.“ ### book 26.1.1 Δίρφυος ἐδμήθημεν ὑπὸ πτυχί· σῆμα δ’ ἐφ’ ἡμῖν ### book 26.1.2 ἐγγύθεν Εὐρίπου δημοσίᾳ κέχυται, ### book 26.1.3 [οὐκ ἀδίκως· ἐρατὴν γὰρ ἀπωλέσαμεν νεότητα ### book 26.1.4 τρηχεῖαν πολέμου δεξάμενοι νεφέλην.] ### book 27.1 Εὖ εἰδώς, ὅτι θνητὸς ἔφυς, τὸν θυμὸν ἄεξε ### book 27.2 τερπόμενος θαλίῃσι· θανόντι σοι οὔτις ὄνησις. ### book 27.3 καὶ γὰρ ἐγὼ σποδός εἰμι Νίνου μεγάλης βασιλεύσας. ### book 27.4 τόσς’ ἔχω, ὅσς’ ἔφαγον καὶ ἐφύβρισα καὶ μετ’ ἔρωτος ### book 27.5 τέρπν’ ἐδάην· τὰ δὲ πολλὰ καὶ ὄλβια κεῖνα λέλειπται. ### book 27 ἥδε σοφὴ βιότοιο παραίνεσις ἀνθρώποισιν. ### book 28.1.1 Ἑλλὰς μὲν Θήβας προτέρας προὔκρινεν ἐν αὐλοῖς· ### book 28.1.2 Θῆβαι δὲ Πρόνομον, παῖδα τὸν Οἰνιάδου. ### book 29.1 Εἴ τινα πώποτ’ ἄκουσας Ἐνυαλίου φίλον υἱὸν ### book 29.2 καὶ κρατερὸν δυνάμει καὶ θαρσαλέον πολεμίζειν, ### book 29.3 Ἕκτορα τὸν Πριάμοιο νόει μοῦνον γεγενῆσθαι, ### book 29.4 ὅν ποτε μαρνάμενον Διομήδης ἔκτανεν ἀνήρ, ### book 29.5.1 αἴας πρὸ Τρώων Δαναοῖσι μάχην προφέροντα· ### book 29.5.2 ὃν καὶ τῇδε θανόντα τάφος ὅδε ἀμφικαλύπτει. ### book 30.1.1 Χείρ με Πολυγνώτου Θασίου κάμεν, εἰμὶ δ’ ἐκεῖνος ### book 30.1.2 Σαλμωνεύς, βρονταῖς ὃς Διὸς ἀντεμάνην, ### book 30.1.3 ὅς με καὶ εἰν Ἀίδῃ πορθεῖ πάλι, καί με κεραυνοῖς ### book 30.1.4 βάλλει, μισῶν μου κοὐ λαλέοντα τύπον. ### book 30.5.1 ἴσχε, Ζεῦ, πρηστῆρα, μέθες χόλον· εἰμὶ γὰρ ἄπνους ### book 30.5.2 ὁ σκοπός· ἀψύχοις εἰκόσι μὴ πολέμει. ### book 31.1 Σῶμα μὲν ἐν κόλποις κατέχει τόδε γαῖα Πλάτωνος, ### book 31 ψυχὴ δ’ ἰσόθεος τάξιν ἔχει μακάρων. ### book 32.1.1 Καὶ Φαέθων γραφίδεσσιν ἔχει τύπον, ἀλλὰ χαράσσει ### book 32.1.2 ἠέλιον τέχνη κρυπτομένων φαέων. ### book 32.1.3 καὶ σέ, σοφὲ πτολίαρχε, γράφει, Γαβριήλιε, τέχνη ### book 32.1.4 ἐκτὸς σῶν ἀρετῶν, ἐκτὸς ὅλων καμάτων. ### book 32b.1.1 Τοῦτον Ἰουλιανόν, νομικῆς φάος, εἶπον ἰδοῦσαι ### book 32b.1.2 Ῥώμη καὶ Βερόη· „Πάντα φύσις δύναται.“ ### book 33.1.1 Κάλλεϊ μὲν νικᾷς κραδίης τόσον, ὅσσον ὀπωπῆς, ### book 33.1.2 τῆς γὰρ ἐπωνυμίης ἄξια πάντα φέρεις· ### book 33.1.3 αἰεὶ δ’ ἐν θαλάμοισι κατευνάζων βασιλῆα ### book 33.1.4 πᾶσαν ὑποσπείρεις οὔασι μειλιχίην. ### book 34.1.1 Ἐκ Φιλαδελφείης ξεινήια ταῦτα Φιλίππῳ. ### book 34.1.2 φράζεο, πῶς μνήμων ἡ πόλις εὐνομίης. ### book 35.1 Μνήμονες οἱ Κᾶρες πολέων εὐεργεσιάων ### book 35 Παλμᾶν ἰθυδίκην τόσσον ἀγασσάμενοι. ### book 36.1.1 Τὰς μὲν ὑπὲρ μύθων τε καὶ εὐτροχάλοιο μελίσσης ### book 36.1.2 εἰκόνας ἱλήκοις δηρὸν ὀφειλόμενος· ### book 36.1.3 νῦν δ’ ὑπὲρ ἱδρώτων τε καὶ ἀστυόχοιο μερίμνης ### book 36.1.4 τῇδέ σε τῇ γραφίδι στήσαμεν, Ἡρακλάμον. ### book 36.5.1 εἰ δ’ ὀλίγον τὸ γέρας, μὴ μέμφεο· τοῖσδε γὰρ ἡμεῖς ### book 36.5.2 αἰεὶ τοὺς ἀγαθοὺς ἄνδρας ἀμειβόμεθα. ### book 37.1.1 Πέτρον ὁρᾷς χρυσέοισιν ἐν εἵμασιν· αἱ δὲ παρ’ αὐτὸν ### book 37.1.2 ἀρχαὶ ἀμοιβαίων μάρτυρές εἰσι πόνων· ### book 37.1.3 ἀντολίης πρώτη καὶ διχθαδίη μετὰ τήνδε ### book 37.1.4 κόχλου πορφυρέης καὶ πάλιν ἀντολίης. ### book 38.1.1 Οὐχὶ παρ’ Εὐρώτᾳ μόνον ἀνέρες εἰσὶ μαχηταί, ### book 38.1.2 οὐδὲ παρ’ Ἰλισῷ μνάμονές εἰσι δίκας· ### book 38.1.3 ὡς ἀπὸ τᾶς Σπάρτας, ὡς αὐτᾶς ἀστὸν Ἀθάνας ### book 38.1.4 Συνέσιον Νίκα καὶ Θέμις ἠγάσατο. ### book 39.1.1 Νεῖλος, Περσίς, Ἴβηρ, Σόλυμοι, Δύσις, Ἀρμενίς, Ἰνδοὶ ### book 39.1.2 καὶ Κόλχοι σκοπέλων ἐγγύθι Καυκασίων ### book 39.1.3 καὶ πεδία ζείοντα πολυσπερέων Ἀγαρηνῶν ### book 39.1.4 Λογγίνου ταχινῶν μάρτυρές εἰσι πόνων· ### book 39.5 ὡς δὲ ταχὺς βασιλῆι διάκτορος ἦεν ὁδεύων, ### book 39 καὶ ταχὺς εἰρήνην ὤπασε κευθομένην. ### book 40.1.1 Γείτονες οὐ Τρισσαὶ μοῦνον Τύχαι ἔπρεπον εἶναι, ### book 40.1.2 Κρίσπε, βαθυπλούτου σῆς ἕνεκεν κραδίης, ### book 40.1.3 ἀλλὰ καὶ αἱ πάντων πᾶσαι. τί γὰρ ἀνδρὶ τοσῷδε ### book 40.1.4 ἀρκέσει εἰς ἑτάρων μυρίον εὐσοΐην; ### book 40.5.1 νῦν δέ σε καὶ τούτων κρέσσων ἐπὶ μείζον’ ἀέξοι ### book 40.5.2 Καῖσαρ. τίς κείνου χωρὶς ἄρηρε τύχη; ### book 41.1.1 Θωμᾶν, παμβασιλῆος ἀμεμφέα κηδεμονῆα, ### book 41.1.2 ἄνθεσαν οἱ τὸ νέον τάγμα μετερχόμενοι ### book 41.1.3 θεσπεσίης ἄγχιστα συνωρίδος, ὄφρα καὶ αὐτῇ ### book 41.1.4 εἰκόνι χῶρον ἔχῃ γείτονα κοιρανίης. ### book 41.5.1 αὐτὸς γὰρ ζαθέοιο θρόνους ὕψωσε μελάθρου ### book 41.5.2 πλοῦτον ἀεξήσας, ἀλλὰ μετ’ εὐσεβίης. ### book 41.5.3 εὔγνωμον τὸ πόνημα. τί γὰρ γραφὶς οἶδεν ὀπάσσαι, ### book 41.5.4 εἰ μὴ τοῖς ἀγαθοῖς μνῆστιν ὀφειλομένην; ### book 42.1 Τὸν μέγαν ἐν βουλαῖς Θεοδόσιον, Ἀσίδος ἀρχόν, ### book 42.2 εἰκόνι μαρμαρέῃ στήσαμεν ἀνθύπατον, ### book 42.3 οὕνεκα Σμύρναν ἔγειρε καὶ ἤγαγεν ἐς φάος αὖθις ### book 42 ἔργοις θαυμασίοις πολλὸν ἀειδομένην. ### book 43.1 Δαμόχαρι κλυτόμητι, δικασπόλε, σοὶ τόδε κῦδος, ### book 43.2 ὅττι γε τὴν Σμύρναν μετὰ λοίγια πήματα σεισμοῦ ### book 43.3 ἐσσυμένως πονέων αὖθις πόλιν ἐξετέλεσσας. ### book 44.1 Πᾶσα φύσις, βασίλεια, τεὸν κράτος αἰὲν ἀείδει, ### book 44.2 οὕνεκα δυσμενέων στίχας ὤλεσας, οὕνεκα φέγγος ### book 44.3 ἀνδράσι σωφρονέουσι κακὴν μετὰ δῆριν ἀνῆψας, ### book 44.4 ἱππολύτης δ’ ἐκέδασσας ὁμόγνια πήματα χάρμης. ### book 45.1 Ῥητῆρες Θεόδωρον ἐμέλλομεν εἰς ἓν ἰόντες ### book 45.2 χρυσείαις γραφίδεσσιν ἀειμνήστοισι γεραίρειν, ### book 45.3 εἰ μὴ χρυσὸν ἔφευγε καὶ ἐν γραφίδεσσιν ἐόντα. ### book 46.1 Νικήταν δορίτολμον ἄναξ, στρατός, ἄστεα, δῆμος ### book 46.2 στῆσαν ὑπὲρ μεγάλων Μηδοφόνων καμάτων. ### book 47 Τὸν μέγαν ἐν πολέμοισι, τὸν ἄτρομον ἡγεμονῆα, ### book 47 Νικήταν ἀρετῶν εἵνεκεν οἱ Πράσινοι. ### book 48.1 Πρόκλος ἐγὼ Παύλου Βυζάντιος, ὃν περὶ δῶμα ### book 48.2 τηλεθάοντα Δίκης βασιλήιος ἥρπασεν αὐλή, ### book 48.3 ὄφρ’ εἴην στόμα πιστὸν ἐρισθενέος βασιλῆος. ### book 48.4 ἀγγέλλει δ’ ὅδε χαλκός, ὅσον γέρας ἐστὶν ἀέθλων. ### book 48.5.1 καὶ τὰ μὲν εἴκελα πάντα καὶ υἱέι καὶ γενετῆρι, ### book 48.5.2 ἐν δ’ ὑπάτων ῥάβδοισι πάις νίκησε τοκῆα. ### book 49.1.1 Θαύμασε τὸν Κινύρην ὁ πάλαι χρόνος ἢ Φρύγας ἄμφω, ### book 49.1.2 σὸν δέ, Λέων, ἡμεῖς κάλλος ἀεισόμεθα, ### book 49.1.3 Κερκαφίδη περίβωτε· μακαρτάτη ἔστ’ ἄρα νήσων ### book 49.1.4 καὶ Ῥόδος, ἣ τοίῳ λάμπεται ἠελίῳ. ### book 50.1.1 Εἰ τοιόσδε Λέων λάχεν ἀντίος Ἡρακλῆι, ### book 50.1.2 οὐκ ἦν Ἀλκείδεω τοῦτο τὸ δωδέκατον. ### book 51.1.1 Τῷ ξοάνῳ τὸν παῖδα Θυώνιχον, οὐχ ἵνα λεύσσῃς, ### book 51.1.2 ὡς καλὸς ἐν τῇδε μνάματος ἀγλαΐᾳ, ### book 51.1.3 ἀλλ’ ἵνα σοὶ τὸν ἄεθλον, ὃν ἐξεπόνησε, μαθόντι, ### book 51.1.4 ὠγαθέ, τᾶς αὐτᾶς ζᾶλος ἔοι μανίας. ### book 51.5 οὗτος ὁ μὴ κλίνας καμάτῳ πόδα, πάντα δ’ ἀγῶνι ### book 51 ἅλικα νικήσας, ὁπλότερον, πρότερον. ### book 52.1.1 Ἴσως με λεύσσων, ξεῖνε, ταυρογάστορα ### book 52.1.2 καὶ στερρόγυιον ὡς Ἄτλαντα δεύτερον ### book 52.1.3 θαμβεῖς ἀπιστῶν, εἰ βρότειος ἡ φύσις· ### book 52.1.4 ἀλλ’ ἴσθι μ’ Ἡρᾶν Λαδικῆα πάμμαχον, ### book 52.5.1 ὃν Σμύρνα καὶ δρῦς Περγάμου κατέστεφεν, ### book 52.5.2 Δελφοί, Κόρινθος, Ἦλις, Ἄργος, Ἄκτιον· ### book 52.5.3 λοιπῶν δ’ ἀέθλων ἢν ἐρευνήσῃς κράτος, ### book 52.5.4 καὶ τὴν Λίβυσσαν ἐξαριθμήσεις κόνιν. ### book 53.1.1 Λᾴδας τὸ στάδιον εἴθ’ ἥλατο, εἴτε διέπτη, ### book 53.1.2 οὐδὲ φράσαι δυνατόν· δαιμόνιον τὸ τάχος. ### book 54.1 Οἷος ἔης φεύγων τὸν ὑπήνεμον, ἔμπνοε Λᾴδα, ### book 54.2 Θῦμον, ἐπ’ ἀκροτάτῳ νεύματι θεὶς ὄνυχα, ### book 54.3 τοῖον ἐχάλκευσέν σε Μύρων ἐπὶ παντὶ χαράξας ### book 54.4 σώματι Πισαίου προσδοκίην στεφάνου. ### book 54.5.1 πλήρης ἐλπίδος ἐστίν, ἄκροις δ’ ἐπὶ χείλεσιν ἄσθμα ### book 54.5.2 ἐμφαίνει κοίλων ἔνδοθεν ἐκ λαγόνων. ### book 54.5.3 πηδήσει τάχα χαλκὸς ἐπὶ στέφος, οὐδὲ καθέξει ### book 54 ἁ βάσις. ὢ τέχνη πνεύματος ὠκυτέρα. ### book 55.1.1 Εἰκών, τίς ς’ ἀνέθηκε, τίνος χάριν ἢ τίνι, λέξον. — ### book 55.1.2 „Ἀντὶ παλαισμοσύνης θῆκε Λύρωνι πόλις.“ ### book 56.1 Ταύτην Εὐσεβίῳ Βυζαντιὰς εἰκόνα Ῥώμη ### book 56.2 πρὸς δισσαῖς ἑτέραις εἵνεκεν ἱπποσύνης. ### book 56.3 οὐ γὰρ ὅ γ’ ἀμφήριστον ἑλὼν ἐστέψατο νίκην, ### book 56.4 ἀλλὰ πολὺ κρατέων ποσσὶ καὶ ἠνορέῃ. ### book 56.5.1 τοὔνεκεν ἀντιβίων ἔριν ἔσβεσεν, ἀλλὰ καὶ αὐτὴν ### book 56.5.2 δήμου τὴν προτέρην παῦσε διχοστασίην. ### book 57.1.1 Ἔκφρονα τὴν βάκχην οὐχ ἡ φύσις, ἀλλ’ ἡ τέχνη ### book 57.1.2 θήκατο καὶ μανίην ἐγκατέμιξε λίθῳ. ### book 58.1 Ἴσχετε τὴν βάκχην, μὴ λαϊνέη περ ἐοῦσα ### book 58.2 οὐδὸν ὑπερθεμένη νηὸν ὑπεκπροφύγῃ. ### book 59.1.1 Οὔπω ἐπισταμένην τάχα κύμβαλα χερσὶ τινάξαι ### book 59.1.2 βάκχην αἰδομένην στήσατο λαοτύπος. ### book 59.1.3 οὕτω γὰρ προνένευκεν· ἔοικε δὲ τοῦτο βοώσῃ· ### book 59 „Ἔξιτε, καὶ παταγῶ μηδενὸς ἱσταμένου.“ ### book 60.1.1 Τίς ἅδε; —„Βάκχα.“ —Τίς δέ νιν ξέσε; —„Σκόπας.“ — ### book 60.1.2 Τίς δ’ ἐξέμηνε, Βάκχος ἢ Σκόπας; —„Σκόπας.“ ### book 61.1.1 Ἀντολίαι, δύσιες κόσμου μέτρα· καὶ τὰ Νέρωνος ### book 61.1.2 ἔργα δι’ ἀμφοτέρων ἵκετο γῆς περάτων. ### book 61.1.3 Ἥλιος Ἀρμενίην ἀνιὼν ὑπὸ χερσὶ δαμεῖσαν ### book 61.1.4 κείνου, Γερμανίην δ’ εἶδε κατερχόμενος. ### book 61.5.1 δισσὸν ἀειδέσθω πολέμου κράτος· οἶδεν Ἀράξης ### book 61.5.2 καὶ Ῥῆνος δούλοις ἔθνεσι πινόμενοι. ### book 62.1 Ταῦτά σοι, ὦ βασιλεῦ Μηδοκτόνε, δῶρα κομίζει ### book 62.2 σῆς Ῥώμης γενέτης καὶ πάις Εὐστάθιος, ### book 62.3 πῶλον ὑπὲρ νίκης, Νίκην στεφανηφόρον ἄλλην, ### book 62.4 καὶ σὲ μετηνεμίῳ πώλῳ ἐφεζόμενον. ### book 62.5.1 ὑψός’, Ἰουστινιανέ, τεὸν κράτος· ἐν χθονὶ δ’ αἰεὶ ### book 62.5.2 δεσμὸς ἔχοι Μήδων καὶ Σκυθέων προμάχους. ### book 63.1 Πῶλον ὁμοῦ καὶ ἄνακτα καὶ ὀλλυμένην Βαβυλῶνα ### book 63.2 χαλκὸς ἀπὸ σκύλων ἔπλασεν Ἀσσυρίων. ### book 63.3 ἔστι δ’ Ἰουστινιανός, ὃν ἀντολίης ζυγὸν ἕλκων ### book 63 στῆσεν Ἰουλιανὸς μάρτυρα μηδοφόνον. ### book 64.1 Τοῦτο παρ’ αἰγιαλοῖσιν ἐγὼ Θεόδωρος ὕπαρχος ### book 64.2 στῆσα φαεινὸν ἄγαλμα Ἰουστίνῳ βασιλῆι, ### book 64.3 ὄφρα καὶ ἐν λιμένεσσιν ἑὴν πετάσειε γαλήνην. ### book 65.1 Ἔκθορες ἀντολίηθε, φαεσφόρος ἥλιος ἄλλος, ### book 65.2 Θευδόσιε, θνητοῖσι, πόλου μέσον, ἠπιόθυμε, ### book 65.3 Ὠκεανὸν παρὰ ποσσὶν ἔχων μετ’ ἀπείρονα γαῖαν, ### book 65.4 πάντοθεν αἰγλήεις, κεκορυθμένος, ἀγλαὸν ἵππον ### book 65.5 ῥηιδίως, μεγάθυμε, καὶ ἐσσύμενον κατερύκων. ### book 66.1 Τὸν κρατερὸν Βύζαντα καὶ ἱμερτὴν Φιδάλειαν ### book 66.2 εἰν ἑνὶ κοσμήσας ἄνθετο Καλλιάδης. ### book 67.1 Ἱμερτὴ Φιδάλεια δάμαρ Βύζαντος ἐτύχθην· ### book 67.2 εἰμὶ δὲ Βουπάλεως δῶρον ἀεθλοσύνης. ### book 68.1 Κύπριδος ἅδ’ εἰκών· φέρ’ ἰδώμεθα, μὴ Βερενίκας· ### book 68 διστάζω, ποτέρᾳ φῇ τις ὁμοιοτέραν. ### book 69.1 Ζήνωνα πτολίαρχος Ἰουλιανὸς βασιλῆα. ### book 69.2 Ζήνωνος παράκοιτιν Ἰουλιανὸς Ἀριάδνην. ### book 70.1 Οἶκον Ἄναξ Ἑλικῶνος ἀνηβήσαντα νοήσας ### book 70.2 κυδαλίμοις καμάτοισιν Ἰουλιανοῦ πολιάρχου, ### book 70.3 Πιερικῶν προπάροιθε δόμων παγχρύσεος ἔστη. ### book 71.1 Κῦδος Ἰουλιανοῦ παναοίδιμον, ὃς μετὰ κόσμον ### book 71.2 Πιερίδων χρυσέην στῆσεν Ἀναστασίου. ### book 72.1 Ἄλλον ὑπὲρ νίκας ἐναρηφόρον ἔνδοθι Σούσων ### book 72.2 ὁ θρασὺς ἀνστήσει Μῆδος ἄνακτι τύπον· ### book 72.3 ἄλλον ἀκειρεκόμας Ἀβάρων στρατὸς ἔκτοθεν Ἴστρου ### book 72.4 κείρας ἐκ κεφαλῆς βόστρυχον αὐσταλέης· ### book 72.5.1 τὸν δ’ ὑπὲρ εὐνομίας ἐριθηλέος ἐνθάδε τοῦτον ### book 72.5.2 ἐξ ὑπάτου μίτρης στῆσεν ἄνασσα πόλις. ### book 72.5.3 ἔμπεδος ἀλλὰ μένοις, Βυζαντιὰς ἔμμορε Ῥώμα, ### book 72 θεῖον Ἰουστίνου κάρτος ἀμειψαμένα. ### book 73.1 Οὗτος ὁ κοσμήσας ὑπάτων θρόνον, ὃν τρισέπαρχον ### book 73.2 καὶ πατέρα βασιλῆες ἑὸν καλέσαντο μέγιστοι, ### book 73.3 χρύσεος ἕστηκεν Αὐρηλιανός· τὸ δὲ ἔργον ### book 73.4 τῆς βουλῆς, ἧς αὐτὸς ἑκὼν κατέπαυσεν ἀνίας. ### book 74.1 Μῖξον μειλιχίῃ βαιὸν φόβον, ὅττι καὶ αὐτὴ ### book 74.2 βομβήεσσα μέλισσα κορύσσεται ὀξέι κέντρῳ. ### book 74.3 οὐ γὰρ ἄτερ μάστιγος ἰθύνεται ἵππος ἀγήνωρ· ### book 74.4 οὐδὲ συῶν ἀγέλη ἐπιπείθεται ἀνδρὶ νομῆι, ### book 74.5 πρὶν καὶ ἐριγδούποιο καλαύροπος ἦχον ἀκούσῃ. ### book 75.1.1 Ζηνὶ καὶ Ἀπόλλωνι καὶ Ἄρεϊ τέκνον ἀνάκτων ### book 75.1.2 εἴκελον, εὐκταίη μητέρος εὐτοκίη, ### book 75.1.3 πάντα τοι ἐκ Μοιρέων βασιλήια, πάντα τέλεια ### book 75.1.4 ἦλθεν· ἐποιήθης δ’ ἔργον ἀοιδοπόλων. ### book 75.5.1 Ζεὺς σκῆπτρον βασίλειον, Ἄρης δόρυ, καλλοσύνην δὲ ### book 75.5.2 Φοῖβος ἔχει· παρὰ σοὶ δ’ ἀθρόα πάντα, Κότυ. ### book 76.1 Οἱ τρεῖς Τυνδαρίδαι, Κάστωρ, Ἑλένη, Πολυδεύκης. ### book 77.1.1 Ὄμματα μὲν κούρης μόλις ἡ γραφίς, οὔτε δὲ χαίτην ### book 77.1.2 οὔτε σέλας χροιῆς ἄκρον ἀπεπλάσατο. ### book 77.1.3 εἴ τις μαρμαρυγὴν δύναται Φαεθοντίδα γράψαι, ### book 77.1.4 μαρμαρυγὴν γράψει καὶ Θεοδωριάδα. ### book 78.1 Βάσκανος ἡ γραφίς ἐσσι καὶ εἰσορόωσι μεγαίρεις ### book 78.2 χρύσεα κεκρυφάλοις βόστρυχα κρυψαμένη. ### book 78.3 εἰ δ’ ὑπάτης κεφαλῆς ὑπάτην χάριν εἰκόνι κεύθεις, ### book 78.4 οὐδ’ ἐπὶ τῷ λοιπῷ κάλλεϊ πίστιν ἔχεις. ### book 78.5.1 πᾶσα γραφὶς μορφῇσι χαρίζεται, ἀλλὰ σὺ μούνη ### book 78.5.2 τῆς Θεοδωριάδος κλέψας ἀπ’ ἀγλαΐας. ### book 79.1 Τῆς χρυσῆς εἰκὼν ἢ Κύπριδος ἢ Στρατονίκης. ### book 80.1.1 Μαχλὰς ἐγὼ γενόμην Βυζαντίδος ἔνδοθι Ῥώμης ### book 80.1.2 ὠνητὴν φιλίην πᾶσι χαριζομένη· ### book 80.1.3 εἰμὶ δὲ Καλλιρόη πολυδαίδαλος, ἣν ὑπ’ ἔρωτος ### book 80.1.4 οἰστρηθεὶς Θωμᾶς τῇδ’ ἔθετο γραφίδι ### book 80.5 δεικνύς, ὅσσον ἔχει πόθον ἐν φρεσίν· ἶσα γὰρ αὐτῷ ### book 80 κηρῷ τηκομένῳ τήκεται ἡ κραδίη. ### book 81.1.1 Ἢ θεὸς ἦλθ’ ἐπὶ γῆν ἐξ οὐρανοῦ εἰκόνα δείξων, ### book 81.1.2 Φειδία, ἢ σύ γ’ ἔβης τὸν θεὸν ὀψόμενος. ### book 82.1.1 Τὸν ἐν Ῥόδῳ κολοσσὸν ὀκτάκις δέκα ### book 82.1.2 Χάρης ἐποίει πήχεων ὁ Λίνδιος. ### book 83.1 Αἶαν, Τιμομάχου πλέον ἢ πατρός, ἥρπασε τέχνα ### book 83.2 τὴν φύσιν. ὁ γράψας εἶδέ σε μαινόμενον, ### book 83.3 καὶ συνελυσσήθη χεὶρ ἀνέρι, καὶ τὰ κεραστὰ ### book 83.4 δάκρυα τοὺς λύπης πάντας ἔμιξε πόνους. ### book 84.1 Οὐκ ἀδαὴς ἔγραψε Κίμων τάδε· παντὶ δ’ ἐπ’ ἔργῳ ### book 84.2 μῶμος, ὃν οὐδ’ ἥρως Δαίδαλος ἐξέφυγεν. ### book 85 Ἁ τέχνα τὸν ἔλεγχον ἀπώλεσεν· οὐδὲ γὰρ αὐτὰ ### book 85 μανῦσαι δύναται, τῷ πόρε τὰν κεφαλάν. ### book 86.1 Τοὐμπρασιῇ φύλακος μακρὰν ἀποτῆλε φύλαξαι. ### book 86.2 τοῖος, ὁκοῖον ὁρᾷς, ὦ παρ’ ἔμ’ ἐρχόμενε, ### book 86.3 σύκινος, οὐ ῥίνῃ πεπονημένος οὐδ’ ἀπὸ μίλτου, ### book 86.4 ἀλλ’ ἀπὸ ποιμενικῆς αὐτομαθοῦς ξοΐδος. ### book 86.5.1 ἀχρείως γέλασόν με, τὰ δ’ Εὐκλείους πεφύλαξο ### book 86.5.2 σίνεσθαι, μὴ καὶ σαρδάνιον γελάσῃς. ### book 87.1.1 Τέχνης πυρσὸν ὄπασσα φερέσβιον, ἐκ δ’ ἄρα τέχνης ### book 87.1.2 καὶ πυρὸς ἀλλήκτου πήματος ὄψιν ἔχω. ### book 87.1.3 ἦ μερόπων ἀχάριστον ἀεὶ γένος, εἴ γε Προμηθεὺς ### book 87.1.4 ἀντ’ εὐεργεσίης ταῦθ’ ὑπὸ χαλκοτύπων. ### book 88.1.1 Χαλκὸν μὲν καλέεσκεν ἀτειρέα βίβλος Ὁμήρου· ### book 88.1.2 ἀλλά μιν ὁ πλάστης δεῖξεν ἐλεγχομένην. ### book 88.1.3 δεῦρ’ ἴδε γὰρ στενάχοντα Προμηθέα, δεῦρ’ ἴδε χαλκοῦ ### book 88.1.4 τειρομένου σπλάγχνων ἐκ μυχάτων ὀδύνας. ### book 88.5 Ἥρακλες, νεμέσησον, ἐπεὶ μετὰ σεῖο φαρέτρην ### book 88 Ἰαπετιονίδης ἄλγος ἄπαυστον ἔχει. ### book 89.1.1 Οὗτος ὁ πρὶν μακάρεσσι συνέστιος, οὗτος ὁ νηδὺν ### book 89.1.2 πολλάκι νεκταρέου πλησάμενος πόματος, ### book 89.1.3 νῦν λιβάδος θνητῆς ἱμείρεται· ἡ φθονερὴ δὲ ### book 89.1.4 κρᾶσις ἀεὶ χείλευς ἐστὶ ταπεινοτέρη. ### book 89.5.1 „Πῖνε,“ λέγει τὸ τόρευμα, „καὶ ὄργια μάνθανε σιγῆς· ### book 89.5.2 οἱ γλώσσῃ προπετεῖς ταῦτα κολαζόμεθα.“ ### book 90.1 Θλῖβε δρακοντείους περιμήκεας, ὄβριμε, δειράς, ### book 90.2 Ἥρακλες, δακέτων ἄγχε βαθεῖς φάρυγας. ### book 90.3 ἐξέτι νηπιάχοιο χόλον ζηλήμονος Ἥρης ### book 90.4 ἄμπαυσον· μοχθεῖν γνῶθι καὶ ἐκ βρέφεος. ### book 90.5.1 οὐ γάρ σοι κρητὴρ χαλκήλατος οὐδὲ λέβητες, ### book 90.5.2 ἀλλ’ ὁδὸς εἰς αὐλὴν Ζηνὸς ἔπαθλον ἔφυ. ### book 91.1 Δέρκεο, μυριόμοχθε, τεούς, Ἥρακλες, ἀγῶνας, ### book 91.2 οὓς τλὰς ἀθανάτων οἶκον Ὄλυμπον ἔβης· ### book 91.3 Γηρυόνην, κλυτὰ μῆλα, μέγαν πόνον Αὐγείαο, ### book 91.4 πώλους, Ἱππολύτην, πουλυκάρηνον ὄφιν, ### book 91.5.1 κάπρον, θωυκτῆρα Χάους κύνα, θῆρα Νεμείης, ### book 91.5.2 οἰωνούς, ταῦρον, Μαιναλίην ἔλαφον. ### book 91.5.3 νῦν δὲ κατ’ ἄκρα πόληος ἀπορθήτοιο βεβηκὼς ### book 91 Περγαμίης μεγάλους ῥύεο Τηλεφίδας. ### book 92.1 Πρῶτα μὲν ἐν Νεμέῃ βριαρὸν κατέπεφνε λέοντα· ### book 92.2 δεύτερον ἐν Λέρνῃ πολυαύχενον ὤλεσεν ὕδρην· ### book 92.3 τὸ τρίτον αὖτ’ ἐπὶ τοῖς Ἐρυμάνθιον ἔκτανε κάπρον· ### book 92.4 χρυσόκερων ἔλαφον μετὰ ταῦτ’ ἤγρευσε τέταρτον· ### book 92.5.1 πέμπτον δ’ ὄρνιθας Στυμφηλίδας ἐξεδίωξεν· ### book 92.5.2 ἕκτον Ἀμαζονίδος κόμισε ζωστῆρα φαεινόν· ### book 92.5.3 ἕβδομον Αὐγείου πολλὴν κόπρον ἐξεκάθηρεν· ### book 92.5.4 ὄγδοον ἐκ Κρήτηθε πυρίπνοον ἤλασε ταῦρον· ### book 92.5.5 εἴνατον ἐκ Θρῄκης Διομήδεος ἤγαγεν ἵππους· ### book 92.10.1 Γηρυόνου δέκατον βόας ἤγαγεν ἐξ Ἐρυθείης· ### book 92.10.2 Κέρβερον ἑνδέκατον κύν’ ἀνήγαγεν ἐξ Ἀίδαο· ### book 92.10.3 δωδέκατον δ’ ἐκόμισσεν ἐς Ἑλλάδα χρύσεα μῆλα· ### book 92.10.4 τὸ τρισκαιδέκατον τοῖον λυγρὸν ἔσχεν ἄεθλον· ### book 92.10.5 μουνονυχὶ πεντήκοντα ξυνελέξατο κούραις. ### book 93.1.1 Ὤλεσα τὸν Νεμέας θῆρ’ ἄπλετον, ὤλεσα δ’ ὕδρην ### book 93.1.2 καὶ ταῦρον, κάπρου δ’ ἀμφετίναξα γένυν· ### book 93.1.3 ζωστῆρ’ ἑλκύσσας πώλους Διομήδεος εἷλον· ### book 93.1.4 χρύσεα μῆλα κλάσας Γηρυόνην ἔλαβον· ### book 93.5 Αὐγείας μ’ ἐδάη· κεμὰς οὐ φύγεν· ἔκτανον ὄρνις· ### book 93 Κέρβερον ἠγαγόμην· αὐτὸς Ὄλυμπον ἔχω. ### book 94.1.1 Μηκέτι ταυροβόροιο βαρὺ βρύχημα λέοντος ### book 94.1.2 πτήσσετε. ληινόμοι γειαρόται Νεμέης· ### book 94.1.3 ἦ γὰρ ὑφ’ Ἡρακλῆος ἀριστάθλοιο δέδουπεν ### book 94.1.4 αὐχένα θηροφόνοις ἀγχόμενος παλάμαις. ### book 94.5.1 ποίμνας ἐξελάσασθε· πάλιν μυκηθμὸν ἀκούοι ### book 94.5.2 Ἠχώ, ἐρημαίης ἐνναέτειρα νάπης. ### book 94.5.3 καὶ σύ, λεοντόχλαινε, πάλιν θωρήσσεο ῥινῷ ### book 94.5.4 Ἥρης πρηΰνων μισονόθοιο χόλον. ### book 95.1.1 Ἐκ Νεμέας ὁ λέων, ἀτὰρ ὁ ξένος Ἀργόθεν αἷμα, ### book 95.1.2 πολλὸν ὁ μὲν θηρῶν μεῖζον, ὁ δ’ ἡμιθέων. ### book 95.1.3 ἔρχονται δ’ ἐς ἀγῶνα καταντίον ὄμμα βαλόντες ### book 95.1.4 λοξὸν ὑπὲρ ζωᾶς καὶ βιοτᾶς σφετέρας. ### book 95.5.1 Ζεῦ πάτερ, ἀλλ’ εἴη τὸν ἀπ’ Ἄργεος ἀνέρα νικᾶν, ### book 95.5.2 ἐμβατὸς ὡς αὖ τοι καὶ Νεμέα τελέθοι. ### book 96.1 Τί πρῶτον, τί δ’ ἔπειτα φρεσίν, τί δὲ λοίσθιον ὄσσοις ### book 96.2 θαυμάσσω τέχνης ἀνέρος ἠδ’ ἐλάφου; ### book 96.3 ὧν ὁ μὲν ἰξύι θηρὸς ἐπεμβεβαὼς γόνυ βρίθει ### book 96.4 εὐπτόρθων παλάμαις δραξάμενος κεράων· ### book 96.5.1 ἡ δ’ ὑπὸ χάσματι πολλὰ καὶ ἄσθματι φυσιόωσα ### book 96.5.2 γλώσσῃ σημαίνει θλιβομένην κραδίην. ### book 96.5.3 Ἥρακλες, γήθησον, ὅλη κεμὰς ἥδε τέθηλεν ### book 96 οὐ κέρασιν μούνοις, ἀλλὰ τέχνῃ χρυσέη. ### book 97.1 Χαλκὸν ἀποιμώζοντα τίς ἔπλασε; τίς δ’ ὑπὸ τέχνας ### book 97.2 καὶ πόνον ἐν μορφᾷ καὶ θράσος εἰργάσατο; ### book 97.3 ἔμψυχον τὸ πλάσμα· καὶ οἰκτείρω μογέοντα ### book 97.4 καὶ φρίττω κρατερὸν τὸν θρασὺν Ἡρακλέην. ### book 97.5.1 Ἀνταῖον γὰρ ἔχει πεπονημένον ἐκ παλαμάων· ### book 97.5.2 ἰδνωθεὶς δὲ δοκεῖ καὶ στοναχὰν ἱέναι. ### book 98.1 Οὗτος ὁ νῦν ὕπνῳ βεβαρημένος ἠδὲ κυπέλλῳ ### book 98.2 Κενταύρους νήφων οἰνοβαρεῖς ὄλεσεν. ### book 99.1 Οὗτος ὁ πανδαμάτωρ, ὁ παρ’ ἀνδράσι δωδεκάεθλος ### book 99.2 μελπόμενος κρατερῆς εἵνεκεν ἠνορέης ### book 99.3 οἰνοβαρὴς μετὰ δαῖτα μεθυσφαλὲς ἴχνος ἑλίσσει ### book 99.4 νικηθεὶς ἁπαλῷ λυσιμελεῖ Βρομίῳ. ### book 100.1 Χαίτην καὶ ῥόπαλον καὶ ἐν ὀφθαλμοῖσιν ἀταρβῆ ### book 100.2 θυμὸν ὁρῶν βλοσυρόν τ’ ἀνδρὸς ἐπισκύνιον ### book 100.3 ζήτει δέρμα λέοντος ἐπ’ εἰκόνι· κἢν μὲν ἐφεύρῃς, ### book 100 Ἡρακλέης, εἰ δ’ οὔ, Λυσιμάχοιο πίναξ. ### book 101.1 Οἵῳ Θειοδάμας πρὶν ὑπήντεεν Ἡρακλῆι, ### book 101.2 τοῖον ὁ τεχνίτης τὸν Διὸς εἰργάσατο ### book 101.3 βοῦν ἀρότην ἕλκοντα καὶ ἀντανύοντα κορύνην· ### book 101.4 ἀλλ’ οὐ τὴν ὀλοὴν γράψε βοοσφαγίην. ### book 101.5.1 ναὶ τάχα Θειοδάμαντι γοήμονα χείλεσι φωνὴν ### book 101.5.2 ἥρμοσεν, ἧς ἀίων φείδεται Ἡρακλέης. ### book 102.1 Οἷον καὶ Κρονίδης ἔσπειρέ σε τῇ τρισελήνῳ ### book 102.2 νυκτὶ καὶ Εὐρυσθεὺς εἶδεν ἀεθλοφόρον ### book 102.3 κἠκ πυρὸς εἰς Οὔλυμπον ἐκώμασας, ὦ βαρύμοχθε ### book 102.4 Ἀλκείδη, τοίην εἰκόνα σου βλέπομεν. ### book 102.5.1 Ἀλκμήνης δ’ ὠδῖνας ἔχει λίθος· αἱ δὲ μεγαυχεῖς ### book 102.5.2 Θῆβαι νῦν μύθων εἰσὶν ἀπιστότεραι. ### book 103.1.1 Ἥρακλες, ποῦ σοι πτόρθος μέγας ἥ τε Νέμειος ### book 103.1.2 χλαῖνα καὶ ἡ τόξων ἔμπλεος ἰοδόκη; ### book 103.1.3 ποῦ σοβαρὸν βρίμημα; τί ς’ ἔπλασεν ὧδε κατηφῆ ### book 103.1.4 Λύσιππος χαλκῷ τ’ ἐγκατέμιξ’ ὀδύνην; ### book 103.5 ἄχθῃ γυμνωθεὶς ὅπλων σέο. τίς δέ ς’ ἔπερσεν; — ### book 103 „Ὁ πτερόεις, ὄντως εἷς βαρὺς ἆθλος, Ἔρως.“ ### book 104.1.1 Ἥρη τοῦτ’ ἄρα λοιπὸν ἐβούλετο πᾶσιν ἐπ’ ἄθλοις ### book 104.1.2 ὅπλων γυμνὸν ἰδεῖν τὸν θρασὺν Ἡρακλέα. ### book 104.1.3 ποῦ χλαίνωμα λέοντος ὅ τ’ εὐροίζητος ἐπ’ ὤμοις ### book 104.1.4 ἰὸς καὶ βαρύπους ὄζος ὁ θηρολέτης; ### book 104.5.1 πάντα ς’ Ἔρως ἀπέδυσε· καὶ οὐ ξένον, εἰ Δία κύκνον ### book 104.5.2 ποιήσας ὅπλων νοσφίσαθ’ Ἡρακλέα. ### book 105.1 Θαῦμα τέχνης ταύρου τε καὶ ἀνέρος, ὧν ὁ μὲν ἀλκᾷ ### book 105.2 θῆρα βίῃ βρίθει γυῖα τιταινόμενος· ### book 105.3 ἶνας δ’ αὐχενίους γνάμπτων παλάμῃσιν ἔμαρψε, ### book 105.4 λαιῇ μυκτῆρας, δεξιτερῇ δὲ κέρας, ### book 105.5.1 ἀστραγάλους δ’ ἐλέλιξε· καὶ αὐχένα θὴρ ὑπὸ χερσὶν ### book 105.5.2 δαμνάμενος κρατεραῖς ὤκλασεν εἰς ὀπίσω. ### book 105.5.3 ἔστι δ’ ὀίσασθαι τέχνης ὕπο τῷδ’ ἐνὶ χαλκῷ ### book 105.5.4 θῆρα μὲν ἐμπνείειν, ἄνδρα δ’ ἱδρῶτι ῥέειν. ### book 106.1 Εἰ τοῖος Θήβης Καπανεὺς ἐπεμήνατο πύργοις ### book 106.2 ἄμβασιν ἠερίην κλίμακι μησάμενος, ### book 106.3 εἷλεν ἂν ἄστυ βίῃ καὶ ὑπὲρ μόρον· αἴδετο γάρ ῥα ### book 106 καὶ σκηπτὸς Κρονίδου τοῖον ἑλεῖν πρόμαχον. ### book 107.1.1 Ἴκαρε, κηρὸς μέν σε διώλεσε· νῦν δέ σε κηρῷ ### book 107.1.2 ἤγαγεν εἰς μορφὴν αὖθις ὁ χαλκοτύπος. ### book 107.1.3 ἀλλά γε μὴ πτερὰ πάλλε κατ’ ἠέρα, μὴ τὸ λοετρὸν ### book 107.1.4 ἠερόθεν πίπτων Ἰκάριον τελέσῃς. ### book 108.1.1 Ἴκαρε, χαλκὸς ἐὼν μιμνῄσκεο· μηδέ σε τέχνη ### book 108.1.2 μηδ’ ἀπάφῃ πτερύγων ζεῦγος ἐπωμάδιον. ### book 108.1.3 εἰ γὰρ ζωὸς ἐὼν πέσες ἐν πελάγεσσι θαλάσσης, ### book 108.1.4 πῶς ἐθέλεις πτῆναι χάλκεον εἶδος ἔχων; ### book 109.1.1 Ἱππόλυτος τῆς γρηὸς ἐπ’ οὔατι νηλέα μῦθον ### book 109.1.2 φθέγγεται· ἀλλ’ ἡμεῖς οὐ δυνάμεσθα κλύειν· ### book 109.1.3 ὅσσον δ’ ἐκ βλεφάροιο μεμηνότος ἔστι νοῆσαι, ### book 109.1.4 ὅττι παρεγγυάᾳ μηκέτ’ ἄθεσμα λέγειν. ### book 110.1.1 Οὗτος ὁ Τευθρανίας πρόμος ἄσχετος, οὗτος ὁ τὸ πρὶν ### book 110.1.2 Τήλεφος αἱμάξας φρικτὸν Ἄρη Δαναῶν, ### book 110.1.3 Μυσὸν ὅτε πλήθοντα φόνῳ ἐκέρασσε Κάυκον· ### book 110.1.4 οὗτος ὁ Πηλιακοῦ δούρατος ἀντίπαλος, ### book 110.5.1 νῦν ὀλοὸν μηρῷ κεύθων βάρος οἷα λιπόπνους ### book 110.5.2 τήκεται ἐμψύχῳ σαρκὶ συνελκόμενος. ### book 110.5.3 οὗ καὶ τειρομένοιο περιπτώσσοντες Ἀχαιοὶ ### book 110 φύρδην Τευθρανίας νεῦνται ἀπ’ ἠιόνος. ### book 111.1.1 Καὶ τὸν ἀπὸ Τρηχῖνος ἰδὼν πολυώδυνον ἥρω ### book 111.1.2 τόνδε Φιλοκτήτην ἔγραφε Παρράσιος· ### book 111.1.3 ἔν τε γὰρ ὀφθαλμοῖς ἐσκληκόσι κωφὸν ὑποικεῖ ### book 111.1.4 δάκρυ, καὶ ὁ τρύχων ἐντὸς ἔνεστι πόνος. ### book 111.5.1 ζῳογράφων ὦ λῷστε, σὺ μὲν σοφός, ἀλλ’ ἀναπαῦσαι ### book 111.5.2 ἄνδρα πόνων ἤδη τὸν πολύμοχθον ἔδει. ### book 112.1 Ἐχθρὸς ὑπὲρ Δαναοὺς πλάστης ἐμός, ἄλλος Ὀδυσσεύς, ### book 112.2 ὅς μ’ ἔμνησε κακῆς οὐλομένης τε νόσου. ### book 112.3 οὐκ ἤρκει πέτρη, τρῦχος, λύθρον, ἕλκος, ἀνίη, ### book 112.4 ἀλλὰ καὶ ἐν χαλκῷ τὸν πόνον εἰργάσατο. ### book 113.1.1 Οἶδα Φιλοκτήτην ὁρόων, ὅτι πᾶσι φαείνει ### book 113.1.2 ἄλγος ἑὸν καὶ τοῖς τηλόθι δερκομένοις. ### book 113.1.3 ἄγρια μὲν κομόωσαν ἔχει τρίχα· δεῦρ’ ἴδε κόρσης ### book 113.1.4 χαίτην τρηχαλέοις χρώμασιν αὐαλέην· ### book 113.5.1 δέρμα κατεσκληκὸς δὲ φέρει καὶ ῥικνὸν ἰδέσθαι ### book 113.5.2 καὶ τάχα καρφαλέον χερσὶν ἐφαπτομέναις· ### book 113.5.3 δάκρυα δὲ ξηροῖσιν ὑπὸ βλεφάροισι παγέντα ### book 113.5.4 ἵσταται, ἀγρύπνου σῆμα δυηπαθίης. ### book 114.1 Πύρρος ἐγώ· σπεύδω δὲ πατρὸς χάριν· ἡ δὲ κυνῶπις ### book 114 Παλλάδα κικλήσκει γνωτὸν ἔχουσα Πάριν. ### book 115.1 Ἀνδρόθεν ἐκκέχυθ’ ἵππος· ἀνέδραμε δ’ ἱππόθεν ἀνήρ, ### book 115.2 ἀνὴρ νόσφι ποδῶν, κεφαλῆς δ’ ἄτερ αἰόλος ἵππος· ### book 115.3 ἵππος ἐρεύγεται ἄνδρα, ἀνὴρ δ’ ἀποπέρδεται ἵππον. ### book 116.1.1 Ἵππος ἔην ἀκάρηνος, ἀνὴρ δ’ ἀτέλεστος ἔκειτο, ### book 116.1.2 ὅν γε Φύσις παίζουσα θοῷ ἐνεκέντρισεν ἵππῳ. ### book 117.1.1 Οὐ σέ, μάκαρ Κυνέγειρ’, ὡς τὸν Κυνέγειρον ἔγραψε ### book 117.1.2 Φᾶσις, ἐπεὶ βριαραῖς ἄνθετο σὺν παλάμαις· ### book 117.1.3 ἀλλὰ σοφός τις ἔην ὁ ζωγράφος, οὐδέ σε χειρῶν ### book 117.1.4 νόσφισε, τὸν χειρῶν οὕνεκεν ἀθάνατον. ### book 118.1.1 Μηδοφόνους μὲν χεῖρας ὑπὲρ γαμψοῖο κορύμβου ### book 118.1.2 ναὸς ἀπορνυμένης ἐξέταμον κοπίδες, ### book 118.1.3 ἁνίκα που, Κυνέγειρε, φυγάς ποτε φορτὶς ἐκείνα ### book 118.1.4 ὥσπερ ἀπ’ εὐναίας εἴχετο σᾶς παλάμας. ### book 118.5.1 ἀλλὰ καὶ ὣς ἀπρὶξ δόρυ νήιον ἀμφιδακοῦσαι ### book 118.5.2 ἄπνοον ὡμάρτευν τάρβος Ἀχαιμενίοις· ### book 118.5.3 καὶ τὰς μέν τις ἀνὴρ ἕλε βάρβαρος· ἁ δέ γε χειρῶν ### book 118 νίκα Μοψοπίοις μίμνε παρ’ ἐνναέταις. ### book 119.1.1 Λύσιππε, πλάστα Σικυώνιε, θαρσαλέη χείρ, ### book 119.1.2 δάιε τεχνίτα, πῦρ τοι ὁ χαλκὸς ὁρῇ, ### book 119.1.3 ὃν κατ’ Ἀλεξάνδρου μορφᾶς χέες. οὐκέτι μεμπτοὶ ### book 119.1.4 Πέρσαι· συγγνώμη βουσὶ λέοντα φυγεῖν. ### book 120.1.1 Τόλμαν Ἀλεξάνδρου καὶ ὅλαν ἀπεμάξατο μορφὰν ### book 120.1.2 Λύσιππος· τίν’ ὁδὶ χαλκὸς ἔχει δύναμιν. ### book 120.1.3 αὐδάσοντι δ’ ἔοικεν ὁ χάλκεος ἐς Δία λεύσσων· ### book 120.1.4 „Γᾶν ὑπ’ ἐμοὶ τίθεμαι, Ζεῦ, σὺ δ’ Ὄλυμπον ἔχε.“ ### book 121.1.1 Αὐτὸν Ἀλέξανδρον τεκμαίρεο· ὧδε τὰ κείνου ### book 121.1.2 ὄμματα καὶ ζωὸν θάρσος ὁ χαλκὸς ἔχει, ### book 121.1.3 ὃς μόνος, ἣν ἐφορῶσιν ἀπ’ αἰθέρος αἱ Διὸς αὐγαί, ### book 121.1.4 πᾶσαν Πελλαίῳ γῆν ὑπέταξε θρόνῳ. ### book 122.1 Τοῦτον Ἀλέξανδρον, μεγαλήτορος υἷα Φιλίππου, ### book 122.2 δέρκεαι ἀρτιλόχευτον, Ὀλυμπιὰς ὅν ποτε μήτηρ ### book 122.3 καρτερόθυμον ἔτικτεν· ἀπ’ ὠδίνων δέ μιν Ἄρης ### book 122 ἔργα μόθων ἐδίδασκε, Τύχη δ’ ἐκέλευσεν ἀνάσσειν. ### book 123.1 Οὐ τὸν βουθοίναν Ἡρακλέα, παῖδες ἀγρῶται, ### book 123.2 οὐκέτι κερδαλέοις ἐμβατὰ ταῦτα λύκοις, ### book 123.3 φῶρές τε στείχειν κλοπίην ὁδὸν ἀρνήσονται, ### book 123.4 εἰ καὶ κωμήτας ἄκριτος ὕπνος ἔχει. ### book 123.5.1 ἦ γάρ μ’ ἵδρυται Διονύσιος οὐκ ἄτερ εὐχῆς ### book 123.5.2 χώρῳ τῷδ’ ἀγαθὸν σύμμαχον Ἡρακλέα. ### book 124.1 Μὴ τρέσσῃς, ὅτι τόξον, ὁδοιπόρε, καὶ νεοθηγεῖς ### book 124.2 ἰοὺς γυμνώσας πρόσθε ποδῶν ἐθέμην, ### book 124.3 μηδ’ ὅτι βαστάζω ῥόπαλον χερί, μηδ’ ὅτι δέρμα ### book 124.4 ἀμφ’ ὤμοις χαροποῦ τοῦτο λέοντος ἔχω· ### book 124.5.1 πημαίνειν οὐ πάντας ἐπίσταμαι, ἀλλὰ κακούργους· ### book 124.5.2 καὶ σῴζειν ἀγαθοὺς ἐξ ἀχέων δύναμαι. ### book 125.1 Αἰεὶ Λαρτιάδῃ πόντος βαρύς· εἰκόνα χεῦμα ### book 125.2 ἔκλυσε κἀκ δέλτων τὸν τύπον ἠφάνισεν. ### book 125.3 τί πλέον; εἰν ἐπέεσσιν Ὁμηρείοις γὰρ ἐκείνου ### book 125.4 εἰκὼν ἀφθάρτοις ἐγγράφεται σελίσιν. ### book 126.1 Ὁ παῖς ὁ ταῦρος ὁ κατὰ μηδὲν ἐντελής, ### book 126.2 ὁ τῆς τεκούσης τοῦ πάθους κατήγορος, ### book 126.3 ὁ μιξόθηρ ἄνθρωπος, ἡ διπλῆ φύσις· ### book 126.4 ὁ ταυρόκρανος, ἡ πλάνη τῶν σωμάτων, ### book 126.5 ὃς οὔτε βοῦς πέφυκεν οὔτ’ ἀνὴρ ὅλως. ### book 127.1 Τίς τὸν Θρήικα τόνδε μονοκρήπιδα Λυκοῦργον ### book 127.2 χάλκεον, Ἠδωνῶν ταγόν, ἀνεπλάσατο; ### book 127.3 Βακχιακὸν παρὰ πρέμνον ἴδ’ ὡς ἀγέρωχα μεμηνὼς ### book 127.4 βριθὺν ὑπὲρ κεφαλᾶς ἀντέτακεν χάλυβα. ### book 127.5.1 μανύει μορφὰ τὸ πάλαι θράσος· ἁ δ’ ἀγέρωχος ### book 127.5.2 λύσσα καὶ ἐν χαλκῷ κεῖνο τὸ πικρὸν ἔχει. ### book 128.1 Μαίνεται Ἰφιγένεια· πάλιν δέ μιν εἶδος Ὀρέστου ### book 128.2 ἐς γλυκερὴν ἀνάγει μνῆστιν ὁμαιμοσύνης· ### book 128.3 τῆς δὲ χολωομένης καὶ ἀδελφεὸν εἰσοροώσης ### book 128.4 οἴκτῳ καὶ μανίῃ βλέμμα συνεξάγεται. ### book 129.1 Ἐκ ζωῆς με θεοὶ τεῦξαν λίθον, ἐκ δὲ λίθοιο ### book 129.2 ζωὴν Πραξιτέλης ἔμπαλιν εἰργάσατο. ### book 130.1.1 Δυστήνου Νιόβης ὁράᾳς παναληθέα μορφὴν ### book 130.1.2 ὡς ἔτι μυρομένης πότμον ἑὼν τεκέων. ### book 130.1.3 εἰ δ’ ἄρα καὶ ψυχὴν οὐκ ἔλλαχε, μὴ τόδε τέχνῃ ### book 130 μέμφεο· θηλυτέρην εἴκασε λαϊνέην. ### book 131.1.1 Τανταλὶς ἅδε ποχ’ ἁ δίσς’ ἑπτάκι τέκνα τεκοῦσα ### book 131.1.2 γαστρὶ μιῇ Φοίβῳ θῦμα καὶ Ἀρτέμιδι· ### book 131.1.3 κούρα γὰρ προὔπεμψε κόραις φόνον, ἄρσεσι δ’ ἄρσην· ### book 131.1.4 δισσοὶ γὰρ δισσὰς ἔκτανον ἑβδομάδας. ### book 131.5.1 ἁ δὲ τόσας ἀγέλας μάτηρ πάρος, ἁ πάρος εὔπαις ### book 131.5.2 οὐδ’ ἐφ’ ἑνὶ τλάμων λείπετο γηροκόμῳ· ### book 131.5.3 μάτηρ δ’ οὐχ ὑπὸ παισίν, ὅπερ θέμις, ἀλλ’ ὑπὸ ματρὸς ### book 131.5.4 παῖδες ἐς ἀλγεινοὺς πάντες ἄγοντο τάφους. ### book 131.5.5 Τάνταλε, καὶ δὲ σὲ γλῶσσα διώλεσε καὶ σέο κούραν· ### book 131.10 χἀ μὲν ἐπετρώθη, σοὶ δ’ ἔπι δεῖμα λίθος. ### book 132.1.1 Στᾶθι πέλας, δάκρυσον ἰδών, ξένε, μυρία πένθη ### book 132.1.2 τᾶς ἀθυρογλώσσου Τανταλίδος Νιόβας, ### book 132.1.3 ἇς ἐπὶ γᾶς ἔστρωσε δυωδεκάπαιδα λοχείαν ### book 132.1.4 ἄρτι, τὰ μὲν Φοίβου τόξα, τὰ δ’ Ἀρτέμιδος. ### book 132.5.1 ἁ δὲ λίθῳ καὶ σαρκὶ μεμιγμένον εἶδος ἔχουσα ### book 132.5.2 πετροῦται· στενάχει δ’ ὑψιπαγὴς Σίπυλος. ### book 132.5.3 θνατοῖς ἐν γλώσσᾳ δολία νόσος, ἇς ἀχάλινος ### book 132.5.4 ἀφροσύνα τίκτει πολλάκι δυστυχίαν. ### book 133.1.1 Τίπτε, γύναι, πρὸς Ὄλυμπον ἀναιδέα χεῖρ’ ἀνένεικας ### book 133.1.2 ἔνθεον ἐξ ἀθέου κρατὸς ἀφεῖσα κόμαν; ### book 133.1.3 Λατοῦς παπταίνουσα πολὺν χόλον, ὦ πολύτεκνε, ### book 133.1.4 νῦν στένε τὰν πικρὰν καὶ φιλάβουλον ἔριν. ### book 133.5 ἁ μὲν γὰρ παίδων σπαίρει πέλας, ἁ δὲ λιπόπνους ### book 133.1 κέκλιται, ᾇ δὲ βαρὺς πότμος ἐπικρέμαται. ### book 133.2 καὶ μόχθων οὔπω τόδε σοι τέλος, ἀλλὰ καὶ ἄρσην ### book 133.3 ἔστρωται τέκνων ἑσμὸς ἀποφθιμένων. ### book 133.4 ὦ βαρὺ δακρύσασα γενέθλιον, ἄπνοος αὐτὰ ### book 133.10 πέτρος ἔσῃ, Νιόβα, κάδεϊ τειρομένα. ### book 134.1.1 Τανταλὶ παῖ, Νιόβα, κλύ’ ἐμὰν φάτιν, ἄγγελον ἄτας· ### book 134.1.2 δέξαι σῶν ἀχέων οἰκτροτάταν λαλιάν. ### book 134.1.3 λῦε κόμας ἀνάδεσμον, ἰώ, βαρυπενθέσι Φοίβου ### book 134.1.4 γειναμένα τόξοις ἀρσενόπαιδα γόνον. ### book 134.5.1 οὔ σοι παῖδες ἔτ’ εἰσίν. ἀτὰρ τί τόδ’ ἄλλο; τί λεύσσω; ### book 134.5.2 αἰαῖ, πλημύρει παρθενικαῖσι φόνος. ### book 134.5.3 ἁ μὲν γὰρ ματρὸς περὶ γούνασιν, ἁ δ’ ἐνὶ κόλποις ### book 134.5.4 κέκλιται, ἁ δ’ ἐπὶ γᾶς, ἁ δ’ ἐπιμαστίδιος· ### book 134.5.5 ἄλλα δ’ ἀντωπὸν θαμβεῖ βέλος, ἁ δ’ ὑπ’ ὀιστοῖς ### book 134.10.1 πτώσσει, τᾶς δ’ ἔμπνουν ὄμμ’ ἔτι φῶς ὁράᾳ. ### book 134.10.2 ἁ δὲ λάλον στέρξασα πάλαι στόμα, νῦν ὑπὸ θάμβευς ### book 134.10.3 μάτηρ σαρκοπαγὴς οἷα πέπηγε λίθος. ### book 135.1 Τέχνη Τιμομάχου στοργὴν καὶ ζῆλον ἔδειξε ### book 135.2 Μηδείης τέκνων εἰς μόρον ἑλκομένων. ### book 135.3 τῇ μὲν γὰρ συνένευσεν ἐπὶ ξίφος, ᾗ δ’ ἀνανεύει ### book 135 σῴζειν καὶ κτείνειν βουλομένη τέκεα. ### book 136.1.1 Τὰν ὀλοὰν Μήδειαν ὅτ’ ἔγραφε Τιμομάχου χεὶρ ### book 136.1.2 ζάλῳ καὶ τέκνοις ἀντιμεθελκομέναν, ### book 136.1.3 μυρίον ἄρατο μόχθον, ἵν’ ἤθεα δισσὰ χαράξῃ, ### book 136.1.4 ὧν τὸ μὲν εἰς ὀργὰν νεῦε, τὸ δ’ εἰς ἔλεον. ### book 136.5.1 ἄμφω δ’ ἐπλήρωσεν· ὅρα τύπον· ἐν γὰρ ἀπειλᾷ ### book 136.5.2 δάκρυον, ἐν δ’ ἐλέῳ θυμὸς ἀναστρέφεται. ### book 136.5.3 ἀρκεῖ δ’ ἁ μέλλησις, ἔφα σοφός· αἷμα δὲ τέκνων ### book 136.5.4 ἔπρεπε Μηδείῃ, κοὐ χερὶ Τιμομάχου. ### book 137.1.1 Τίς σοῦ, Κολχὶς ἄθεσμε, συνέγραφεν εἰκόνι θυμόν; ### book 137.1.2 τίς καὶ ἐν εἰδώλῳ βάρβαρον εἰργάσατο; ### book 137.1.3 αἰεὶ γὰρ διψᾷς βρεφέων φόνον. ἦ τις Ἰήσων ### book 137.1.4 δεύτερος ἢ Γλαύκη τις πάλι σοι πρόφασις; ### book 137.5.1 ἔρρε, καὶ ἐν κηρῷ παιδοκτόνε. σῶν γὰρ ἀμέτρων ### book 137.5.2 ζήλων ἲς ἃ θέλει, καὶ γραφὶς αἰσθάνεται. ### book 138.1.1 Δεῦρ’ ἴδε παιδολέτειραν ἐν εἰκόνι, δεῦρ’ ἴδ’ ἄγαλμα, ### book 138.1.2 Κολχίδα, Τιμομάχου χειρὶ τυπωσαμένου· ### book 138.1.3 φάσγανον ἐν παλάμᾳ, θυμὸς μέγας, ἄγριον ὄμμα, ### book 138.1.4 παισὶν ἐπ’ οἰκτίστοις δάκρυ κατερχόμενον· ### book 138.5 πάντα δ’ ὁμοῦ συνέχευεν ἄμικτά περ εἰς ἓν ἀγείρας, ### book 138 αἵματι μὴ χρῶσαι φεισάμενος παλάμαν. ### book 139.1.1 Τιμόμαχος Μήδειαν ὅτ’ ἔγραφεν, εἰκόνι μορφᾶς ### book 139.1.2 ἀψύχου ψυχὰς θήκατο διχθαδίας. ### book 139.1.3 ζᾶλον γὰρ λεχέων τεκέων θ’ ἅμα φίλτρα συνάψας ### book 139.1.4 δεῖξεν ἐν ὀφθαλμοῖς ἀντιμεθελκομέναν. ### book 140.1 Δεῦρ’ ἴδε καὶ θάμβησον ὑπ’ ὀφρύσι κείμενον οἶκτον ### book 140.2 καὶ θυμόν, βλεφάρων καὶ πυρόεσσαν ἴτυν ### book 140.3 καὶ μητρὸς παλάμην ἀλόχοιό τε πικρὰ παθούσης ### book 140.4 ὁρμῇ φειδομένῃ πρὸς φόνον ἑλκομένην. ### book 140.5.1 ζωγράφος εὖ δ’ ἔκρυψε φόνου τέλος οὐκ ἐθελήσας ### book 140.5.2 θάμβος ἀπαμβλῦναι πένθεϊ δερκομένων. ### book 141.1.1 Κολχίδα, τὴν ἐπὶ παισὶν ἀλάστορα, τραυλὲ χελιδών, ### book 141.1.2 πῶς ἔτλης τεκέων μαῖαν ἔχειν ἰδίων; ### book 141.1.3 ἧς ἔτι κανθὸς ὕφαιμος ἀπαστράπτει φόνιον πῦρ, ### book 141.1.4 καὶ πολιὸς γενύων ἀφρὸς ἄπο σταλάει· ### book 141.5.1 ἀρτιβρεχὴς δὲ σίδηρος ἐφ’ αἵματι. φεῦγε πανώλη ### book 141.5.2 μητέρα κἀν κηρῷ τεκνοφονοῦσαν ἔτι. ### book 142.1 Μαίνῃ καὶ λίθος οὖσα, καὶ ἐκ κραδίης σέο θυμὸς ### book 142.2 ὄμματα κοιλήνας ἐς χόλον ηὐτρέπισεν· ### book 142.3 ἔμπης οὐδὲ βάσις σε καθέξεται, ἀλλ’ ἄρα θυμῷ ### book 142.4 πηδήσεις τεκέων εἵνεκα μαινομένη. ### book 142.5 ὤ, τίς ὁ τεχνίτης τόδε γ’ ἔπλασεν ἢ τίς ὁ γλύπτης, ### book 142 ὃς λίθον εἰς μανίην ἤγαγεν εὐτεχνίῃ; ### book 143.1.1 Μηδείης τύπος οὗτος· ἴδ’, ὡς τὸ μὲν εἰς χόλον αἴρει ### book 143.1.2 ὄμμα, τὸ δ’ εἰς παίδων ἕλκυσε συμπαθίην. ### book 144.1.1 Ἕδνα γάμων ἔρριπτες ἢ ἀμβολίην ταχυτῆτος ### book 144.1.2 τοῦτο γέρας κούρῃ χρύσεον, Ἱππόμενες; ### book 144.1.3 ἄμφω μῆλον ἄνυσσεν, ἐπεὶ καὶ παρθένον ὁρμῆς ### book 144.1.4 εἶργεν καὶ ζυγίης σύμβολον ἦν Παφίης. ### book 145.1 Οὐ βροτὸς ὁ γλύπτας· οἵαν δέ σε Βάκχος ἐραστὰς ### book 145.2 εἶδεν ὑπὲρ πέτρας ἔξεσε κεκλιμέναν. ### book 146.1 Ξεῖνοι, λαϊνέας μὴ ψαύετε τᾶς Ἀριάδνας, ### book 146.2 μὴ καὶ ἀναθρῴσκῃ Θησέα διζομένη. ### book 147.1.1 Αἰθιόπων ἁ βῶλος· ὁ δὲ πτερόεις τὰ πέδιλα ### book 147.1.2 Περσεύς· ἁ δὲ λίθῳ πρόσδετος Ἀνδρομέδα· ### book 147.1.3 ἁ προτομὰ Γοργοῦς λιθοδερκέος· ἆθλον ἔρωτος ### book 147.1.4 κῆτος· Κασσιόπας ἁ λάλος εὐτεκνία. ### book 147.5 χἀ μὲν ἀπὸ σκοπέλοιο χαλᾷ πόδ’ ἀνηθάδι νάρκᾳ ### book 147 νωθρόν· ὁ δὲ μναστὴρ νυμφοκομεῖ τὸ γέρας. ### book 148.1.1 Κηφεὺς Ἀνδρομέδην ἢ ζωγράφος ἄνθετο πέτραις; ### book 148.1.2 καὶ γὰρ ἀπ’ ὀφθαλμῶν ἡ κρίσις ἀμφίβολος. ### book 148.1.3 κῆτος δὲ σπιλάδεσσιν ἔπι γναμπτῇσι χαράχθη ### book 148.1.4 ἢ ἀπὸ Νηρῆος γείτονος ἐξανέδυ; ### book 148.5.1 ἔγνων ταῦτα· σοφός τις ἀνὴρ κάμε· δεινὸς ἀληθῶς ### book 148.5.2 τεύξατο καὶ βλεφάρων καὶ πραπίδων ἀπάτην. ### book 149.1.1 Ἀργείης Ἑλένης ἐρόεις τύπος, ἥν ποτε βούτης ### book 149.1.2 ἥρπασε τὸν Ξένιον Ζῆνα παρωσάμενος. ### book 150.1.1 Ἅδε Πολυκλείτοιο Πολυξένα, οὐδέ τις ἄλλα ### book 150.1.2 χεὶρ ἔθιγεν τούτου δαιμονίου πίνακος. ### book 150.1.3 Ἥρας ἔργον ἀδελφόν. ἴδ’, ὡς πέπλοιο ῥαγέντος· ### book 150.1.4 τὰν αἰδῶ γυμνὰν σώφρονι κρύπτε χερί. ### book 150.5.1 λίσσεται ἁ τλάμων ψυχᾶς ὕπερ· ἐν βλεφάροις δὲ ### book 150.5.2 παρθενικᾶς ὁ Φρυγῶν κεῖται ὅλος πόλεμος. ### book 151.1.1 Ἀρχέτυπον Διδοῦς ἐρικυδέος, ὦ ξένε, λεύσσεις, ### book 151.1.2 εἰκόνα θεσπεσίῳ κάλλεϊ λαμπομένην. ### book 151.1.3 τοίη καὶ γενόμην, ἀλλ’ οὐ νόον, οἷον ἀκούεις, ### book 151 ἔσχον ἐπ’ εὐφήμοις δόξαν ἐνεγκαμένη. ### book 151.5.1 οὐδὲ γὰρ Αἰνείαν ποτ’ ἐσέδρακον, οὐδὲ χρόνοισι ### book 151.5.2 Τροίης περθομένης ἤλυθον ἐς Λιβύην· ### book 151.5.3 ἀλλὰ βίας φεύγουσα Ἰαρβαίων ὑμεναίων ### book 151.5.4 πῆξα κατὰ κραδίης φάσγανον ἀμφίτομον. ### book 151.5.5 Πιερίδες, τί μοι αἰνὸν ἐφωπλίσσασθε Μάρωνα; ### book 151.10 οἷα καθ’ ἡμετέρης ψεύσατο σωφροσύνης. ### book 152.1.1 Ἀχὼ φίλα, μοὶ συγκαταίνεσόν τι. —„Τί;“ — ### book 152.1.2 Ἐρῶ κορίσκας· ἁ δέ μ’ οὐ φιλεῖ. —„Φιλεῖ.“ — ### book 152.1.3 Πρᾶξαι δ’ ὁ καιρὸς καιρὸν οὐ φέρει. —„Φέρει.“ — ### book 152.1.4 Τὺ τοίνυν αὐτᾷ λέξον, ὡς ἐρῶ. —„Ἐρῶ.“ — ### book 152.5.1 Καὶ πίστιν αὐτᾷ κερμάτων τὺ δός. —„Τὺ δός.“ — ### book 152.5.2 Ἀχώ, τί λοιπὸν ἢ πόθου τυχεῖν; —„Τυχεῖν.“ ### book 153.1.1 Ποιμενίαν ἄγλωσσος ἀν’ ὀργάδα μέλπεται Ἀχὼ ### book 153.1.2 ἀντίθρουν πτανοῖς ὑστερόφωνον ὄπα. ### book 154.1.1 Ἠχὼ πετρήεσσαν ὁρᾷς, φίλε, Πανὸς ἑταίρην, ### book 154.1.2 ἀντίτυπον φθογγὴν ἔμπαλιν ᾀδομένην, ### book 154.1.3 παντοίων στομάτων λάλον εἰκόνα, ποιμέσιν ἡδὺ ### book 154 παίγνιον. ὅσσα λέγεις, ταῦτα κλύων ἄπιθι. ### book 155.1 Ἠχὼ μιμολόγον, φωνῆς τρύγα, ῥήματος οὐρήν. ### book 156.1 Ἀρκαδικὰ θεός εἰμι, παρὰ προθύροις δὲ Λυαίου ### book 156.2 ναίω φθεγγόμενον μῦθον ἀμειβομένα· ### book 156.3 οὐκέτι γὰρ στυγέω, Βακχεῦ φίλε, τὸν θιασώταν ### book 156.4 τὸν τεόν. ἔρχεο. Πάν· ξυνὰ λέγωμεν ἔπη. ### book 157.1.1 Τίπτε, Τριτογένεια, κορύσσεαι ἄστεϊ μέσσῳ; ### book 157.1.2 εἶξε Ποσειδάων· φείδεο Κεκροπίης. ### book 158.1.1 Ὡς πρέπει, Ἄρτεμίς εἰμ’· εὖ δ’ Ἄρτεμιν αὐτὸς ὁ χαλκὸς ### book 158.1.2 μανύει Ζηνὸς κοὐχ ἑτέρου θύγατρα. ### book 158.1.3 τεκμαίρου τὸ θράσος τᾶς παρθένου. ἦ ῥά κεν εἴποις· ### book 158.1.4 πᾶσα χθὼν ὀλίγον τᾷδε κυναγέσιον. ### book 159.1 Τίς λίθον ἐψύχωσε; τίς ἐν χθονὶ Κύπριν ἐσεῖδεν; ### book 159.2 ἵμερον ἐν πέτρῃ τίς τόσον εἰργάσατο; ### book 159.3 Πραξιτέλους χειρῶν ὅδε που πόνος, ἢ τάχ’ Ὄλυμπος ### book 159 χηρεύει Παφίης εἰς Κνίδον ἐρχομένης. ### book 160.1.1 Ἡ Παφίη Κυθέρεια δι’ οἴδματος ἐς Κνίδον ἦλθε ### book 160.1.2 βουλομένη κατιδεῖν εἰκόνα τὴν ἰδίην. ### book 160.1.3 πάντῃ δ’ ἀθρήσασα περισκέπτῳ ἐνὶ χώρῳ ### book 160.1.4 φθέγξατο· „Ποῦ γυμνὴν εἶδέ με Πραξιτέλης;“ ### book 160.5.1 Πραξιτέλης οὐκ εἶδεν, ἃ μὴ θέμις, ἀλλ’ ὁ σίδηρος ### book 160.5.2 ἔξεσεν, οἷά γ’ Ἄρης ἤθελε, τὴν Παφίην. ### book 161.1.1 Οὔτε σε Πραξιτέλης τεχνάσατο οὔθ’ ὁ σίδαρος· ### book 161.1.2 ἀλλ’ οὕτως ἔστης ὥς ποτε κρινομένη. ### book 162.1 Ἁ Κύπρις τὰν Κύπριν ἐνὶ Κνίδῳ εἶπεν ἰδοῦσα· ### book 162.2 „Φεῦ φεῦ, ποῦ γυμνὴν εἶδέ με Πραξιτέλης;“ ### book 163.1.1 Τὴν Παφίην γυμνὴν οὐδεὶς ἴδεν· εἰ δέ τις εἶδεν, ### book 163.1.2 οὗτος ὁ τὴν γυμνὴν στησάμενος Παφίην. ### book 164.1 Σοὶ μορφῆς ἀνέθηκα τεῆς περικαλλὲς ἄγαλμα, ### book 164 Κύπρι, τεῆς μορφῆς φέρτερον οὐδὲν ἔχων. ### book 165.1.1 Παλλὰς καὶ Κρονίδαο συνευνέτις εἶπον ἰδοῦσαι ### book 165.1.2 τὴν Κνιδίην· „Ἀδίκως τὸν Φρύγα μεμφόμεθα.“ ### book 166.1.1 Πρόσθε μὲν Ἰδαίοισιν ἐν οὔρεσιν αὐτὸς ὁ βούτας ### book 166.1.2 δέρξατο τὰν κάλλευς πρῶτ’ ἀπενεγκαμέναν. ### book 166.1.3 Πραξιτέλης Κνιδίοις δὲ πανωπήεσσαν ἔθηκεν ### book 166.1.4 μάρτυρα τῆς τέχνης ψῆφον ἔχων Πάριδος. ### book 167.1.1 Φάσεις τὰν μὲν Κύπριν ἀνὰ κραναὰν Κνίδον ἀθρῶν, ### book 167.1.2 ἅδε που ὡς φλέξει καὶ λίθος εὖσα λίθον· ### book 167.1.3 τὸν δ’ ἐνὶ Θεσπιάδαις γλυκὺν Ἵμερον, οὐχ ὅτι πέτρον, ### book 167.1.4 ἀλλ’ ὅτι κἠν ψυχρῷ πῦρ ἀδάμαντι βαλεῖ. ### book 167.5.1 τοίους Πραξιτέλης κάμε δαίμονας, ἄλλον ἐπ’ ἄλλας ### book 167.5.2 γᾶς, ἵνα μὴ δισσῷ πάντα θέροιτο πυρί. ### book 168.1 Γυμνὴν εἶδε Πάρις με καὶ Ἀγχίσης καὶ Ἄδωνις· ### book 168.2 τοὺς τρεῖς οἶδα μόνους. Πραξιτέλης δὲ πόθεν; ### book 169.1 Ἀφρογενοῦς Παφίης ζάθεον περιδέρκεο κάλλος, ### book 169.2 καὶ λέξεις· „Αἰνῶ τὸν Φρύγα τῆς κρίσεως.“ ### book 169.3 Ἀτθίδα δερκόμενος πάλι Παλλάδα τοῦτο βοήσεις· ### book 169 „Ὡς βούτης ὁ Πάρις τήνδε παρετρόχασεν.“ ### book 170.1.1 Τὰν Κνιδίαν Κυθέρειαν ἰδών, ξένε, τοῦτό κεν εἴποις· ### book 170.1.2 „Αὐτὰ καὶ θνατῶν ἄρχε καὶ ἀθανάτων.“ ### book 170.1.3 τὰν δ’ ἐνὶ Κεκροπίδαις δορυθαρσέα Παλλάδα λεύσσων ### book 170.1.4 αὐδάσεις· „Ὄντως βουκόλος ἦν ὁ Πάρις.“ ### book 171.1.1 Ἄρεος ἔντεα ταῦτα τίνος χάριν, ὦ Κυθέρεια, ### book 171.1.2 ἐνδέδυσαι κενεὸν τοῦτο φέρουσα βάρος; ### book 171.1.3 αὐτὸν Ἄρη γυμνὴ γὰρ ἀφώπλισας· εἰ δὲ λέλειπται ### book 171.1.4 καὶ θεός, ἀνθρώποις ὅπλα μάτην ἐπάγεις. ### book 172.1.1 Αὐτά που τὰν Κύπριν ἀπηκριβώσατο Παλλὰς ### book 172.1.2 τᾶς ἐπ’ Ἀλεξάνδρου λαθομένα κρίσιος. ### book 173.1.1 Αἰεὶ μὲν Κυθέρεια φέρειν δεδάηκε φαρέτρην ### book 173.1.2 τόξα τε καὶ δολιχῆς ἔργον ἑκηβολίης· ### book 173.1.3 αἰδομένη δ’ ἄρα θεσμὰ μενεπτολέμοιο Λυκούργου ### book 173.1.4 φίλτρα φέρει Σπάρτῃ τεύχεσιν ἀγχεμάχοις. ### book 173.5 ὑμεῖς δ’ ἐν θαλάμοισι, Λακωνίδες, ὅπλα Κυθήρης ### book 173 ἁζόμεναι παῖδας τίκτετε θαρσαλέους. ### book 174.1.1 Παλλὰς τὰν Κυθέρειαν ἔνοπλον ἔειπεν ἰδοῦσα· ### book 174.1.2 „Κύπρι, θέλεις, οὕτως ἐς κρίσιν ἐρχόμεθα;“ ### book 174.1.3 ἡ δ’ ἁπαλὸν γελάσασα· „Τί μοι σάκος ἀντίον αἴρειν; ### book 174.1.4 εἰ γυμνὴ νικῶ, πῶς, ὅταν ὅπλα λάβω;“ ### book 175.1 Ἢ λίθος ὡς Παφίη θωρήξατο, ἢ τάχα μᾶλλον ### book 175.2 εἶδε λίθον Παφίη καὶ ὤμοσεν· „Ἤθελον εἶναι.“ ### book 176.1.1 Καὶ Κύπρις Σπάρτας· οὐκ ἄστεσιν οἷά τ’ ἐν ἄλλοις ### book 176.1.2 ἵδρυται μαλακὰς ἑσσαμένα στολίδας· ### book 176.1.3 ἀλλὰ κατὰ κρατὸς μὲν ἔχει κόρυν ἀντὶ καλύπτρας, ### book 176.1.4 ἀντὶ δὲ χρυσείων ἀκρεμόνων κάμακα. ### book 176.5.1 οὐ γὰρ χρὴ τευχέων εἶναι δίχα τὰν παράκοιτιν ### book 176.5.2 Θρᾳκὸς Ἐνυαλίου καὶ Λακεδαιμονίαν. ### book 177.1.1 Κύπρι φιλομμειδής, θαλαμηπόλε, τίς σε μελιχρὴν ### book 177.1.2 δαίμονα τοῖς πολέμων ἐστεφάνωσεν ὅπλοις; ### book 177.1.3 σοὶ παιὰν φίλος ἦν καὶ ὁ χρυσοκόμης Ὑμέναιος ### book 177.1.4 καὶ λιγυρῶν αὐλῶν ἡδυμελεῖς χάριτες. ### book 177.5 ἐς τί δὲ ταῦτ’ ἐνέδυς ἀνδροκτόνα; μὴ θρασὺν Ἄρη ### book 177 συλήσας’ αὐχεῖς, Κύπρις ὅσον δύναται; ### book 178.1.1 Τὰν ἀναδυομέναν ἀπὸ ματέρος ἄρτι θαλάσσας ### book 178.1.2 Κύπριν, Ἀπελλείου μόχθον, ὅρα, γραφίδος, ### book 178.1.3 ὡς χερὶ συμμάρψασα διάβροχον ὕδατι χαίταν ### book 178.1.4 ἐκθλίβει νοτερῶν ἀφρὸν ἀπὸ πλοκάμων. ### book 178.5.1 αὐταὶ νῦν ἐρέουσιν Ἀθηναίη τε καὶ Ἥρη· ### book 178.5.2 „Οὐκέτι σοὶ μορφᾶς εἰς ἔριν ἐρχόμεθα.“ ### book 179.1.1 Αὐτὰν ἐκ πόντοιο τιθηνητῆρος Ἀπελλῆς ### book 179.1.2 τὰν Κύπριν γυμνὰν εἶδε λοχευομέναν ### book 179.1.3 καὶ τοίαν ἐτύπωσε διάβροχον ὕδατος ἀφρῷ ### book 179.1.4 θλίβουσαν θαλεραῖς χερσὶν ἔτι πλόκαμον. ### book 180.1.1 Κύπρις ὅτε σταλάουσα κόμας ἁλιμυρέος ἀφροῦ ### book 180.1.2 γυμνὴ πορφυρέου κύματος ἐξανέδυ, ### book 180.1.3 οὕτω που κατὰ λευκὰ παρήια χερσὶν ἑλοῦσα ### book 180.1.4 βόστρυχον Αἰγαίην ἐξεπίεζεν ἅλα ### book 180.5.1 στέρνα μόνον φαίνουσα, τὰ καὶ θέμις· εἰ δὲ τοιήδε ### book 180.5.2 κείνη, συγχείσθω θυμὸς Ἐνυαλίου. ### book 181.1.1 Ἄρτι θαλασσαίης Παφίη προὔκυψε λοχείης ### book 181.1.2 μαῖαν Ἀπελλείην εὑραμένη παλάμην, ### book 181.1.3 ἀλλὰ τάχος γραφίδων ἀποχάζεο, μή σε διήνῃ ### book 181.1.4 ἀφρὸς ἀποστάζων θλιβομένων πλοκάμων. ### book 181.5 εἰ τοίη ποτὲ Κύπρις ἐγυμνώθη διὰ μῆλον, ### book 181 τὴν Τροίην ἀδίκως Παλλὰς ἐληίσατο. ### book 182.1.1 Τὰν ἐκφυγοῦσαν ματρὸς ἐκ κόλπων ἔτι ### book 182.1.2 ἀφρῷ τε μορμύρουσαν εὐλεχῆ Κύπριν ### book 182.1.3 ἴδ’, ὡς Ἀπελλῆς κάλλος ἱμερώτατον ### book 182.1.4 οὐ γραπτόν, ἀλλ’ ἔμψυχον ἐξεμάξατο. ### book 182.5.1 εὖ μὲν γὰρ ἄκραις χερσὶν ἐκθλίβει κόμαν, ### book 182.5.2 εὖ δ’ ὀμμάτων γαληνὸς ἐκλάμπει πόθος, ### book 182.5.3 καὶ μαζός, ἀκμῆς ἄγγελος, κυδωνιᾷ· ### book 182.5.4 αὐτὰ δ’ Ἀθάνα καὶ Διὸς συνευνέτις ### book 182.5.5 φάσουσιν· „Ὦ Ζεῦ, λειπόμεσθα τῇ κρίσει.“ ### book 183.1 Εἰπέ, τί σοὶ ξυνὸν καὶ Παλλάδι; τῇ γὰρ ἄκοντες ### book 183.2 καὶ πόλεμοι, πέρι σοὶ δ’ εὔαδον εἰλαπίναι. — ### book 183.3 „Μὴ προπετῶς, ὦ ξεῖνε, θεῶν πέρι τοῖα μετάλλα· ### book 183.4 ἴσθι δ’ ὅσοις ἴκελος δαίμονι τῇδε πέλω. ### book 183.5.1 καὶ γὰρ ἐμοὶ πολέμων φίλιον κλέος· οἶδεν ἅπας μοι ### book 183.5.2 ἠῴου δμηθεὶς Ἰνδὸς ἀπ’ ὠκεανοῦ. ### book 183.5.3 καὶ μερόπων δὲ φυὴν ἐγερήραμεν, ἡ μὲν ἐλαίῃ, ### book 183.5.4 αὐτὰρ ἐγὼ γλυκεροῖς βότρυσιν ἡμερίδος. ### book 183.5.5 καὶ μὴν οὐδ’ ἐπ’ ἐμοὶ μήτηρ ὠδῖνας ὑπέτλη· ### book 183.10 λῦσα δ’ ἐγὼ μηρὸν πάτριον, ἡ δὲ κάρη.“ ### book 184.1.1 Αὐσονίῳ Πείσωνι συνασπιστὴς Διόνυσος ### book 184.1.2 ἵδρυμαι μεγάρων φρουρὸς ἐπ’ εὐτυχίῃ. — ### book 184.1.3 „Ἄξιον, ὦ Διόνυς’, ἐσέβης δόμον· ἔπρεπεν ἄμφω ### book 184 καὶ μέγαρον Βάκχῳ καὶ Βρόμιος μεγάρῳ.“ ### book 185.1 Ἀμφότεροι Θήβηθε καὶ ἀμφότεροι πολεμισταὶ ### book 185.2 κἠκ Διός· ὃς θύρσῳ δεινός, ὁ δὲ ῥοπάλῳ ### book 185.3 ἀμφοῖν δὲ στῆλαι συντέρμονες· εἴκελα δ’ ὅπλα, ### book 185.4 νεβρὶς λειοντῇ, κύμβαλα δὲ πλαταγῇ. ### book 185.5.1 Ἥρη δ’ ἀμφοτέροις χαλεπὴ θεός· οἱ δ’ ἀπὸ γαίης ### book 185.5.2 ἦλθον ἐς ἀθανάτους ἐκ πυρὸς ἀμφότεροι. ### book 186.1.1 Ἑρμῆς ὠκὺς ἐγὼ κικλήσκομαι· ἀλλὰ παλαίστρῃ ### book 186.1.2 μὴ κολοβὸν χειρῶν ἵστατε μηδ’ ἄποδα. ### book 186.1.3 ἢ πῶς ὠκὺς ἐγώ; πῶς δ’ ὄρθια χειρονομήσω ### book 186.1.4 ἐς βάσιν ἀμφοτέρων ὀρφανὸς ἱστάμενος; ### book 187.1 Ἑρμείῃ ξυλίνῳ τις ἐπηύχετο, καὶ ξύλον ἦεν. ### book 187.2 εἶτά μιν ἀείρας χαμάδις βάλε· τοῦ δ’ ἄπο χρυσὸς ### book 187.3 ἔρρευσεν καταγέντος. ὕβρις πόρε πολλάκι κέρδος. ### book 188.1.1 Εἰνοσίφυλλον ὄρος Κυλλήνιον αἰπὺ λελοιπὼς ### book 188.1.2 τῇδ’ ἕστηκ’ ἐρατοῦ γυμνασίου μεδέων ### book 188.1.3 Ἑρμῆς· ᾧ ἔπι παῖδες ἀμάρακον ἠδ’ ὑάκινθον ### book 188 πολλάκι καὶ θαλεροὺς θῆκαν ἴων στεφάνους. ### book 189.1 Φρουρὸς ἐπὶ σμήνεσσι Περιστράτου εἵνεκα μίμνω ### book 189.2 ἐνθάδε Μαιναλίαν κλιτὺν ἀποπρολιπών, ### book 189.3 κλῶπα μελισσάων δεδοκημένος. ἀλλ’ ἀλέασθε ### book 189.4 χεῖρα καὶ ἀγροτέρου κοῦφον ὄρεγμα ποδός. ### book 190.1.1 Τᾶν αἰγῶν ὁ νομεὺς Μόρυχος τὸν ἐπίσκοπον Ἑρμᾶν ### book 190.1.2 ἔστας’ αἰπολίων εὐδόκιμον φύλακα. ### book 190.1.3 ἀλλά μοι αἵ τ’ ἀν’ ὄρη χλωρᾶς κεκορεσμέναι ὕλας, ### book 190.1.4 τοῦ γ’ ἁρπακτῆρος μή τι μέλεσθε λύκου. ### book 191.1.1 Αὐτόθεν ὀστράκινόν με καὶ ἐν ποσὶ γήινον Ἑρμῆν ### book 191.1.2 ἔπλασεν ἁψῖδος κύκλος ἑλισσόμενος. ### book 191.1.3 πηλὸς ἐφυράθην, οὐ ψεύσομαι. ἀλλ’ ἐφίλησα, ### book 191.1.4 ὦ ξεῖν’, ὀστρακέων δύσμορον ἐργασίην. ### book 192.1 Ὦ λῷστε, μὴ νόμιζε τῶν πολλῶν ἕνα ### book 192 Ἑρμᾶν θεωρεῖν· εἰμὶ γὰρ τέχνα Σκόπα. ### book 193.1.1 Κράμβης ἅψωμαι, Κυλλήνιε; —„Μή, παροδῖτα.“ — ### book 193.1.2 Τίς φθόνος ἐκ λαχάνων; —„Οὐ φθόνος, ἀλλὰ νόμος ### book 193.1.3 ἀλλοτρίων ἀπέχειν κλοπίμους χέρας.“ —Ὢ παραδόξου· ### book 193.1.4 μὴ κλέπτειν Ἑρμῆς καινὸν ἔθηκε νόμον. ### book 194.1.1 Χάλκειόν τις Ἔρωτα μετήγαγεν ἐκ πυρὸς εἰς πῦρ ### book 194.1.2 τήγανον ἁρμόζων τῇ κολάσει κόλασιν. ### book 195.1.1 Τὸν πτερόεντα τίς ὧδε, τίς ἐν δεσμοῖσι θοὸν πῦρ ### book 195.1.2 ὤχμασεν; αἰθομένης ἥψατο τίς φαρέτρης ### book 195.1.3 καὶ τὰς ὠκυβόλους περιηγέας ἐσφήκωσε ### book 195.1.4 χεῖρας ὑπὸ στιβαρῷ κίονι δησάμενος; ### book 195.5.1 ψυχρὰ τάδ’ ἀνθρώποις παραμύθια. μή ποτ’ ἐκείνου ### book 195.5.2 οὗτος ὁ δεσμώτης αὐτὸς ἔδησε φρένα; ### book 196.1.1 Τίς σε τὸν οὐχ ὁσίως ἠγρευμένον ὧδε πεδήσας ### book 196.1.2 θήκατο; τίς πλέγδην σὰς ἐνέδησε χέρας ### book 196.1.3 καὶ πιναρὰν ὄψιν τεκτήνατο; ποῦ θοὰ τόξα, ### book 196.1.4 νήπιε, ποῦ πικρὴ πυρφόρος ἰοδόκη; ### book 196.5 ἦ ῥα μάτην ἐπόνησε λιθοξόος, ὅς σε, τὸν οἴστρῳ ### book 196 κυμήναντα θεούς, τῇδ’ ἐνέδησε πάγῃ. ### book 197.1.1 Τίς δὴ σὰς παλάμας πρὸς κίονα δῆσεν ἀφύκτοις ### book 197.1.2 ἅμμασι; τίς πυρὶ πῦρ καὶ δόλον εἷλε δόλῳ; ### book 197.1.3 νήπιε, μὴ δὴ δάκρυ κατὰ γλυκεροῖο προσώπου ### book 197.1.4 βάλλε· σὺ γὰρ τέρπῃ δάκρυσιν ἠιθέων. ### book 198.1.1 Κλαῖε δυσεκφύκτως σφιγχθεὶς χέρας, ἄκριτε δαῖμον, ### book 198.1.2 κλαῖε μάλα, στάζων ψυχοτακῆ δάκρυα, ### book 198.1.3 σωφροσύνας ὑβριστά, φρενοκλόπε, λῃστὰ λογισμοῦ, ### book 198.1.4 πτανὸν πῦρ, ψυχᾶς τραῦμ’ ἀόρατον, Ἔρως. ### book 198.5.1 θνατοῖς μὲν λύσις ἐστὶ γόων ὁ σός, ἄκριτε, δεσμός· ### book 198.5.2 ᾧ σφιγχθεὶς κωφοῖς πέμπε λιτὰς ἀνέμοις. ### book 198.5.3 ὃν δὲ βροτοῖς ἀφύλακτος ἐνέφλεγες ἐν φρεσὶ πυρσόν, ### book 198.5.4 ἄθρει νῦν ὑπὸ σῶν σβεννύμενον δακρύων. ### book 199.1.1 Καὶ κλαῖε καὶ στέναζε σὺ σφίγγων χεροῖν ### book 199.1.2 τένοντας, ὠπίβουλε· τοῖά τοι πρέπει. ### book 199.1.3 οὐκ ἔσθ’ ὁ λύσων· μὴ ’λεείν’ ὑπόβλεπε. ### book 199.1.4 αὐτὸς γὰρ ἄλλων ἐκ μὲν ὀμμάτων δάκρυ ### book 199.5.1 ἔθλιψας, ἐν δὲ πικρὰ καρδίᾳ βέλη ### book 199.5.2 πήξας ἀφύκτων ἰὸν ἔσταξας πόθων, ### book 199.5.3 Ἔρως· τὰ θνητῶν δ’ ἐστί σοι γέλως ἄχη. ### book 199 πέπονθας, οἷ’ ἔρεξας. ἐσθλὸν ἡ δίκη. ### book 200.1.1 Λαμπάδα θεὶς καὶ τόξα βοηλάτιν εἵλετο ῥάβδον ### book 200.1.2 οὖλος Ἔρως, πήρην δ’ εἶχε κατωμαδίην· ### book 200.1.3 καὶ ζεύξας ταλαεργὸν ὑπὸ ζυγὸν αὐχένα ταύρων ### book 200.1.4 ἔσπειρεν Δηοῦς αὔλακα πυροφόρον. ### book 200.5.1 εἶπε δ’ ἄνω βλέψας αὐτῷ Διί· „Πλῆσον ἀρούρας, ### book 200.5.2 μή σε, τὸν Εὐρώπης βοῦν, ὑπ’ ἄροτρα βάλω.“ ### book 201.1.1 Ποῦ σοι τόξον ἐκεῖνο παλίντονον οἵ τ’ ἀπὸ σεῖο ### book 201.1.2 πηγνύμενοι μεσάτην ἐς κραδίην δόνακες; ### book 201.1.3 ποῦ πτερά; ποῦ λαμπὰς πολυώδυνος; ἐς τί δὲ τρισσὰ ### book 201.1.4 στέμματα χερσὶν ἔχεις, κρατὶ δ’ ἐπ’ ἄλλο φέρεις; — ### book 201.5.1 „Οὐκ ἀπὸ πανδήμου, ξένε, Κύπριδος οὐδ’ ἀπὸ γαίης ### book 201.5.2 εἰμὶ καὶ ὑλαίης ἔκγονος εὐφροσύνης· ### book 201.5.3 ἀλλ’ ἐγὼ ἐς καθαρὴν μερόπων φρένα πυρσὸν ἀνάπτω ### book 201.5.4 εὐμαθίης, ψυχὴν δ’ οὐρανὸν εἰσανάγω. ### book 201.5.5 ἐκ δ’ ἀρετῶν στεφάνους πισύρων πλέκω· ὧν ἀφ’ ἑκάστης ### book 201.10 τούσδε φέρων πρώτῳ τῷ σοφίης στέφομαι.“ ### book 202.1 Μή με τὸν ἐκ Λιβάνοιο λέγε, ξένε, τὸν φιλοκώμων ### book 202.2 τερπόμενον νυχίοις ἠιθέων ὀάροις· ### book 202.3 βαιὸς ἐγὼ Νύμφης ἄπο γείτονος ἀγροϊώτης ### book 202.4 μοῦνον ἐποτρύνων ἔργα φυτοσκαφίης. ### book 202.5 ἔνθεν ἀπ’ εὐκάρπου με φίλης ἔστεψαν ἀλωῆς ### book 202 τέσσαρες Ὡράων ἐκ πισύρων στέφανοι. ### book 203.1.1 Κλίνας αὐχένα γαῦρον ὑφ’ ἡμετέροισι πεδίλοις ### book 203.1.2 χερσί με ληιδίαις ἔπλασε Πραξιτέλης· ### book 203.1.3 αὐτὸν γὰρ τὸν Ἔρωτα τὸν ἔνδοθι κευθόμενόν με ### book 203.1.4 χαλκεύσας Φρύνῃ δῶκε γέρας φιλίης· ### book 203.5.1 ἡ δέ μιν αὖτις Ἔρωτι προσήγαγε· καὶ γὰρ ἐρῶντας ### book 203.5.2 δῶρον Ἔρωτι φέρειν αὐτὸν Ἔρωτα θέμις. ### book 204.1.1 Πραξιτέλης, ὃν ἔπασχε, διηκρίβωσεν Ἔρωτα ### book 204.1.2 ἐξ ἰδίης ἕλκων ἀρχέτυπον κραδίης, ### book 204.1.3 Φρύνῃ μισθὸν ἐμεῖο διδοὺς ἐμέ. φίλτρα δὲ τίκτω ### book 204.1.4 οὐκέτι τοξεύων, ἀλλ’ ἀτενιζόμενος. ### book 205.1.1 Ἀντί μ’ ἔρωτος Ἔρωτα βροτῷ θεὸν ὤπασε Φρύνῃ ### book 205.1.2 Πραξιτέλης μισθὸν καὶ θεὸν εὑρόμενος. ### book 205.1.3 ἡ δ’ οὐκ ἠρνήθη τὸν τέκτονα· δεῖσε γάρ οἱ φρήν, ### book 205.1.4 μὴ θεὸς ἀντὶ τέχνης σύμμαχα τόξα λάβῃ. ### book 205.5.1 ταρβεῖ δ’ οὐκέτι που τὸν Κύπριδος, ἀλλὰ τὸν ἐκ σοῦ, ### book 205.5.2 Πραξίτελες, τέχνην μητέρ’ ἐπισταμένη. ### book 206.1.1 Θεσπιέες τὸν Ἔρωτα μόνον θεὸν ἐν Κυθερείης ### book 206.1.2 ἅζοντ’, οὐχ ἑτέρου γραπτὸν ἀπ’ ἀρχετύπου, ### book 206.1.3 ἀλλ’ ὃν Πραξιτέλης ἔγνω θεόν, ὃν περὶ Φρύνῃ ### book 206 δερκόμενος σφετέρων λύτρον ἔδωκε πόθων. ### book 207.1.1 Γυμνὸς Ἔρως· διὰ τοῦτο γελᾷ καὶ μείλιχός ἐστιν· ### book 207.1.2 οὐ γὰρ ἔχει τόξον καὶ πυρόεντα βέλη· ### book 207.1.3 οὐδὲ μάτην παλάμαις κατέχει δελφῖνα καὶ ἄνθος· ### book 207.1.4 τῇ μὲν γὰρ γαῖαν, τῇ δὲ θάλασσαν ἔχει. ### book 208.1.1 Οὐδὲ κατακνώσσων οὐδ’ ἄπνοος οὐδ’ ἐνὶ δαιτὶ ### book 208.1.2 νόσφι πυρισπάρτου δήγματός ἐστιν Ἔρως. ### book 209.1 Οὗτος ὁ τὸν δαλὸν φυσῶν, ἵνα λύχνον ἀνάψῃς, ### book 209.2 δεῦρ’ ἀπ’ ἐμᾶς ψυχᾶς ἅψον· ὅλος φλέγομαι. ### book 210.1.1 Ἄλσος δ’ ὡς ἱκόμεσθα βαθύσκιον, εὕρομεν ἔνδον ### book 210.1.2 πορφυρέοις μήλοισιν ἐοικότα παῖδα Κυθήρης. ### book 210.1.3 οὐ δ’ ἔχεν ἰοδόκον φαρέτρην, οὐ καμπύλα τόξα, ### book 210.1.4 ἀλλὰ τὰ μὲν δένδρεσσιν ὑπ’ εὐπετάλοισι κρέμαντο· ### book 210.5.1 αὐτὸς δ’ ἐν καλύκεσσι ῥόδων πεπεδημένος ὕπνῳ ### book 210.5.2 εὗδεν μειδιόων· ξουθαὶ δ’ ἐφύπερθε μέλισσαι, ### book 210 κηροχυτοῦσαι ’ντός, λαροῖς ἐπὶ χείλεσι βαῖνον. ### book 211.1.1 Εὕδεις ἀγρύπνους ἐπάγων θνητοῖσι μερίμνας, ### book 211.1.2 εὕδεις, ἀτηρῆς ἆ τέκος Ἀφρογενοῦς, ### book 211.1.3 οὐ πεύκην πυρόεσσαν ἐπηρμένος οὐδ’ ἀφύλακτον ### book 211.1.4 ἐκ κέραος ψάλλων ἀντιτόνοιο βέλος. ### book 211.5.1 ἄλλοι θαρσείτωσαν· ἐγὼ δ’, ἀγέρωχε, δέδοικα, ### book 211.5.2 μή μοι καὶ κνώσσων πικρὸν ὄνειρον ἴδῃς. ### book 212.1.1 Ἁρπάσομαι πυρόεσσαν, Ἔρως, χερὸς ἐκ σέο πεύκην, ### book 212.1.2 συλήσω δ’ ὤμων ἀμφικρεμῆ φαρέτρην, ### book 212.1.3 εἴ γ’ ἐτύμως εὕδεις, πυρὸς ἔγγονε, καὶ σέο φῶτες ### book 212.1.4 πρὸς βαιὸν τόξων εὐνομίην ἄγομεν. ### book 212.5.1 ἀλλὰ καὶ ὥς σε δέδοικα, δολοπλόκε, μή τινα κεύθῃς ### book 212.5.2 εἰς ἐμὲ κἠν ὕπνῳ πικρὸν ὄνειρον ἴδῃς. ### book 213.1.1 Εἰ καί σοι πτέρυγες ταχιναὶ περὶ νῶτα τέτανται ### book 213.1.2 καὶ Σκυθικῶν τόξων ἀκροβελεῖς ἀκίδες, ### book 213.1.3 φεύξομ’, Ἔρως, ὑπὸ γᾶν σε. τί δὲ πλέον; οὐδὲ γὰρ αὐτὸς ### book 213 σὰν ἔφυγεν ῥώμαν πανδαμάτωρ Ἀίδας. ### book 214.1.1 Σκυλοχαρεῖς ἴδ’ Ἔρωτας, ἴδ’, ὡς βριαροῖσιν ἐπ’ ὤμοις ### book 214.1.2 ὅπλα φέρουσι θεῶν νήπι’ ἀγαλλόμενοι, ### book 214.1.3 τύμπανα καὶ θύρσον Βρομίου, Ζηνὸς δὲ κεραυνόν, ### book 214.1.4 ἀσπίδ’ Ἐνυαλίου καὶ κόρυν ἠύκομον, ### book 214.5.1 Φοίβου δ’ εὔτοξον φαρέτρην, Ἁλίου δὲ τρίαιναν ### book 214.5.2 καὶ σθεναρῶν χειρῶν Ἡρακλέους ῥόπαλον. ### book 214.5.3 τί πλέον ἀνθρώποισιν, Ἔρως ὅτε καὶ πόλον εἷλε, ### book 214.5.4 τεύχεα δ’ ἀθανάτων Κύπρις ἐληίσατο; ### book 215.1.1 Συλήσαντες Ὄλυμπον ἴδ’ ὡς ὅπλοισιν Ἔρωτες ### book 215.1.2 κοσμοῦντ’ ἀθανάτων σκῦλα φρυασσόμενοι. ### book 215.1.3 Φοίβου τόξα φέρουσι, Διὸς δὲ κεραυνόν, Ἄρηος ### book 215.1.4 ὅπλον καὶ κυνέην, Ἡρακλέους ῥόπαλον ### book 215.5.1 εἰναλίου τε θεοῦ τριβελὲς δόρυ θύρσα τε Βάκχου, ### book 215.5.2 πτηνὰ πέδιλ’ Ἑρμοῦ, λαμπάδας Ἀρτέμιδος. ### book 215.5.3 οὐκ ἄχθος θνητοῖς εἴκειν βελέεσσιν Ἐρώτων, ### book 215.5.4 δαίμονες οἷς ὅπλων κόσμον ἔδωκαν ἔχειν. ### book 216.1.1 Ὡργεῖος Πολύκλειτος ὁ καὶ μόνος ὄμμασιν Ἥρην ### book 216.1.2 ἀθρήσας καί, ὅσην εἶδε, τυπωσάμενος ### book 216.1.3 θνητοῖς κάλλος ἔδειξεν, ὅσον θέμις· αἱ δ’ ὑπὸ κόλποις ### book 216 ἄγνωστοι μορφαὶ Ζηνὶ φυλασσόμεθα. ### book 217.1 Καλλιόπη μὲν ἐγώ· Κύρῳ δ’ ἐμὸν ὤπασα μαζόν, ### book 217.2 ὃς τρέφε θεῖον Ὅμηρον, ὅθεν πίε νήδυμος Ὀρφεύς. ### book 218.1.1 Ἤθελε Μελπομένην ὁ ζωγράφος εἰκόνι γράψαι, ### book 218.1.2 ἀλλ’ ἀπολειπομένης ἔγραφε Καλλιόπην. ### book 219.1.1 Σεῖο μὲν εἰκὼν ἥδε Πολύμνια, καὶ σὺ δὲ Μούσης· ### book 219.1.2 ἓν γὰρ ἐπ’ ἀμφοτέραις οὔνομα καὶ τύπος εἷς. ### book 220.1.1 Τρίζυγες αἱ Μοῦσαι τᾷδ’ ἕσταμεν· ἁ μία λωτούς, ### book 220.1.2 ἁ δὲ φέρει παλάμαις βάρβιτον, ἁ δὲ χέλυν. ### book 220.1.3 ἁ μὲν Ἀριστοκλῆος ἔχει χέλυν, ἁ δ’ Ἀγελάδα ### book 220.1.4 βάρβιτον, ἁ Καναχᾶ δ’ ὑμνοπόλους δόνακας. ### book 220.5 ἀλλ’ ἁ μὲν κράντειρα τόνου πέλει· ἁ δὲ μελῳδὸς ### book 220 χρώματος· ἁ δὲ σοφᾶς εὑρέτις ἁρμονίας. ### book 221.1.1 Χιονέην με λίθον παλιναυξέος ἐκ περιωπῆς ### book 221.1.2 λαοτύπος τμήξας πετροτόμοις ἀκίσι ### book 221.1.3 Μῆδος ἐποντοπόρευσεν, ὅπως ἀνδρείκελα τεύξῃ, ### book 221.1.4 τῆς κατ’ Ἀθηναίων σύμβολα καμμονίης. ### book 221.5.1 ὡς δὲ δαϊζομένοις Μαραθὼν ἀντέκτυπε Πέρσαις ### book 221.5.2 καὶ νέες ὑγροπόρουν χεύμασιν αἱμαλέοις, ### book 221.5.3 ἔξεσαν Ἀδρήστειαν ἀριστώδινες Ἀθῆναι, ### book 221.5.4 δαίμον’ ὑπερφιάλοις ἀντίπαλον μερόπων. ### book 221.5.5 ἀντιταλαντεύω τὰς ἐλπίδας· εἰμὶ δὲ καὶ νῦν ### book 221.10 Νίκη Ἐρεχθείδαις, Ἀσσυρίοις Νέμεσις. ### book 222.1.1 Μήδοις ἐλπισθεῖσα τροπαιοφόρος λίθος εἶναι ### book 222.1.2 ἠλλάχθην μορφὴν καίριον εἰς Νέμεσιν ### book 222.1.3 ἔνδικος ἱδρυνθεῖσα θεὰ Ῥαμνοῦντος ἐπ’ ὄχθαις, ### book 222.1.4 νίκης καὶ σοφίης Ἀτθίδι μαρτύριον. ### book 223.1 Ἡ Νέμεσις προλέγει τῷ πήχεϊ τῷ τε χαλινῷ ### book 223.2 μήτ’ ἄμετρόν τι ποιεῖν μήτ’ ἀχάλινα λέγειν. ### book 224 Ἡ Νέμεσις πῆχυν κατέχω. „Τίνος οὕνεκα;“ λέξεις. ### book 224 πᾶσι παραγγέλλω· Μηδὲν ὑπὲρ τὸ μέτρον. ### book 225.1.1 Ἦν τάχα συρίζοντος ἐναργέα Πανὸς ἀκούειν· ### book 225.1.2 πνεῦμα γὰρ ὁ πλάστης ἐγκατέμιξε τύπῳ· ### book 225.1.3 ἀλλ’ ὁρόων φεύγουσαν ἀμήχανος ἄστατον Ἠχὼ ### book 225.1.4 πηκτίδος ἠρνήθη φθόγγον ἀνωφελέα. ### book 226.1.1 Ἔμπνει Πὰν λαροῖσιν ὀρειβάτα χείλεσι μοῦσαν, ### book 226.1.2 ἔμπνει ποιμενίῳ τερπόμενος δόνακι, ### book 226.1.3 εὐκελάδῳ σύριγγι χέων μέλος, ἐκ δὲ συνῳδοῦ ### book 226.1.4 κλάζε κατιθύνων ῥήματος ἁρμονίην· ### book 226.5.1 ἀμφὶ δὲ σοὶ ῥυθμοῖο κατὰ κρότον ἔνθεον ἴχνος ### book 226.5.2 ῥησσέσθω Νύμφαις ταῖσδε μεθυδριάσιν. ### book 227.1 Τᾷδε κατὰ χλοεροῖο ῥιφεὶς λειμῶνος, ὁδῖτα, ### book 227.2 ἄμπαυσον μογεροῦ μαλθακὰ γυῖα κόπου, ### book 227.3 ᾗχί σε καὶ Ζεφύροιο τινασσομένη πίτυς αὔραις ### book 227.4 θέλξει τεττίγων εἰσαΐοντα μέλος ### book 227.5.1 χὠ ποιμὴν ἐν ὄρεσσι μεσαμβρινὸν ἀγχόθι παγᾶς ### book 227.5.2 συρίσδων λασίας θάμνῳ ὕπο πλατάνου· ### book 227.5.3 καῦμα δ’ ὀπωρινοῖο φυγὼν κυνὸς αἶπος ἀμείψεις ### book 227 ὥριον. Ἑρμείῃ τοῦτ’ ἐνέποντι πιθοῦ. ### book 228.1.1 Ξεῖν’, ὑπὸ τὰν πτελέαν τετρυμένα γυῖ’ ἀνάπαυσον· ### book 228.1.2 ἁδύ τοι ἐν χλωροῖς πνεῦμα θροεῖ πετάλοις· ### book 228.1.3 πίδακά τ’ ἐκ παγᾶς ψυχρὰν πίε· δὴ γὰρ ὁδίταις ### book 228.1.4 ἄμπαυμ’ ἐν θερινῷ καύματι τοῦτο φίλον. ### book 229.1 Ἐξ αὐτοῦ Διός ἐστιν ὁ φίλτατος ἔκχυτος οὗτος· ### book 229.2 μαρτυρίην δὲ φέρει τὴν ἐπάνω νεφέλην. ### book 229.3 Ἑρμείαν γὰρ ἄνακτα τέκεν νεφεληγερέτα Ζεύς, ### book 229.4 αὐτὰρ ὅ γ’ Ἑρμείας Πᾶνα τὸν αἰγελάτην. ### book 230.1.1 Μὴ σύ γε ποιονόμοιο περίπλεον ἰλύος ὧδε ### book 230.1.2 τοῦτο χαραδραίης θερμόν, ὁδῖτα, πίῃς· ### book 230.1.3 ἀλλὰ μολὼν μάλα τυτθὸν ὑπὲρ δαμαλήβοτον ἄκρην ### book 230.1.4 κεῖσέ γε πὰρ κείνᾳ ποιμενίᾳ πίτυϊ ### book 230.5.1 εὑρήσεις κελαρύζον ἐυκρήνου διὰ πέτρης ### book 230.5.2 νᾶμα Βορειαίης ψυχρότερον νιφάδος. ### book 231.1.1 Τίπτε κατ’ οἰόβατον, Πὰν ἀγρότα, δάσκιον ὕλαν ### book 231.1.2 ἥμενος ἁδυβόᾳ τῷδε κρέκεις δόνακι; — ### book 231.1.3 „Ὄφρα μοι ἑρσήεντα κατ’ οὔρεα ταῦτα νέμοιντο ### book 231 πόρτιες ἠυκόμων δρεπτόμεναι σταχύων.“ ### book 232.1.1 Τὸν τραγόπουν ἐμὲ Πᾶνα τὸν Ἀρκάδα, τὸν κατὰ Μήδων, ### book 232.1.2 τὸν μετ’ Ἀθηναίων στήσατο Μιλτιάδης. ### book 233.1.1 Ὑλοβάτας, φιλόδενδρος, ὀρεσσαύλου πόσις Ἀχοῦς, ### book 233.1.2 Πάν, σκοπός, εὐκεράου μαλοφύλαξ ἀγέλας, ### book 233.1.3 Πὰν ὁ δασυκνάμων, ὁ πολύσπορος, ὃς μετανάστας ### book 233.1.4 ἔδραμον αἰχματᾶν ἐς δάιν Ἀσσυρίων, ### book 233.5.1 Μιλτιάδου στήσαντος ὁμάσπιδα περσοδιώκτην ### book 233.5.2 ἵσταμαι ἀκλήτου ξείνια συμμαχίης. ### book 233.5.3 ἄλλοις ἀκροπόληες· ὁ μηδοφόνος δὲ δέδασται ### book 233.5.4 ξυνὸς ἐμὶν Μαραθὼν καὶ μαραθωνομάχοις. ### book 234.1.1 Τρισσοὺς ἀθανάτους χωρεῖ λίθος· ἁ κεφαλὰ γὰρ ### book 234.1.2 μανύει τρανῶς Πᾶνα τὸν αἰγόκερων, ### book 234.1.3 στέρνα δὲ καὶ νηδὺς Ἡρακλέα· λοιπὰ δὲ μηρῶν ### book 234.1.4 καὶ κνήμης Ἑρμῆς ὁ πτερόπους ἔλαχεν. ### book 234.5 θύειν ἀρνήσῃ, ξένε, μηκέτι· τοῦ γὰρ ἑνός σοι ### book 234 θύματος οἱ τρισσοὶ δαίμονες ἁπτόμεθα. ### book 235.1.1 Ἀγροτέρων θεός εἰμι. τί μοι χρυσέοις δεπάεσσι ### book 235.1.2 σπένδετε, τοῦ δ’ Ἰταλοῦ χεῖτε μέθυ Βρομίου ### book 235.1.3 καὶ γυροὺς ταύρων πέτρῃ προσδεῖτε τένοντας; ### book 235.1.4 φείσασθ’· οὐ τούτοις θύμασι τερπόμεθα. ### book 235.5.1 Πὰν ὁ παρωρείτης, αὐτόξυλος, ἀρνεοθοίνης ### book 235.5.2 εἰμὶ καὶ ἐγχθονίου γλευκοπότης κύλικος. ### book 236.1.1 Αὐτοῦ ἐφ’ αἱμασιαῖσι τὸν ἀγρυπνοῦντα Πρίηπον ### book 236.1.2 ἔστησεν λαχάνων Δεινομένης φύλακα. ### book 236.1.3 ἀλλ’ ὡς ἐντέταμαι, φώρ, ἔμβλεπε. „Τοῦτο,“ δ’ ἐρωτᾷς, ### book 236.1.4 „τῶν ὀλίγων λαχάνων εἵνεκα;“ τῶν ὀλίγων. ### book 237.1.1 Πάντα πριηπίζω, κἂν ᾖ Κρόνος· οὐ διακρίνω ### book 237.1.2 οὐδένα φῶρ’ οὕτω ταῖσδε παρὰ πρασιαῖς. ### book 237.1.3 „Ἔπρεπε μὴ λαχάνων ἕνεκεν τάδε καὶ κολοκυνθῶν,“ ### book 237.1.4 φήσει τις, „με λέγειν.“ ἔπρεπεν, ἀλλὰ λέγω. ### book 238.1.1 Εἰς τὸ κενόν με τέθεικε, νόμου χάριν, ὧδε Πρίηπον ### book 238.1.2 Εὐστοχίδης ξηρῶν κληματίδων φύλακα· ### book 238.1.3 καὶ περιβέβλημαι κρημνὸν βαθύν. ὃς δ’ ἂν ἐπέλθῃ, ### book 238 οὐδὲν ἔχει κλέψαι πλὴν ἐμὲ τὸν φύλακα. ### book 239.1.1 Ἄνθετ’ Ἀναξαγόρης με, τὸν οὐκ ἐπὶ ποσσὶ Πρίηπον, ### book 239.1.2 ἐν χθονὶ δ’ ἀμφοτέρῳ γούνατι κεκλιμένον. ### book 239.1.3 τεῦξε δὲ Φυλόμαχος. Χαριτὼ δέ μοι ἀγχόθι καλὴν ### book 239.1.4 ἀθρήσας δίζευ μηκέτι, πῶς ἔπεσον. ### book 240.1.1 Ὡραίας γ’ ἐσορῶ τὰς ἰσχάδας· εἴ γε λαβεῖν μοι ### book 240.1.2 συγχωρεῖς ὀλίγας; —„Θίγγανε μηδεμιᾶς.“ — ### book 240.1.3 Ὀργίλος ὡς ὁ Πρίηπος. —„Ἐρεῖς ἔτι, κεἰ κενὸς ἥξεις;“ — ### book 240.1.4 Ναὶ λίτομαι, δός μοι. —„Καὶ γὰρ ἐγὼ δέομαι.“ — ### book 240.5.1 Χρῄζεις γάρ, λέγε μοι, παρ’ ἐμοῦ τινος; —„Ἔστι νόμος που· ### book 240.5.2 δός, λάβε.“ —Καὶ θεὸς ὢν ἀργυρίου σὺ γλίχῃ; — ### book 240.5.3 „Ἄλλο τι χρῆμα φιλῶ.“ —Ποῖον τόδε; —„Τἀμὰ κατέσθων ### book 240.5.4 σῦκα δὸς εὐθύμως ἰσχάδα τὴν ὀπίσω.“ ### book 241.1.1 „Ὥριμος.“ —Οἶδα καὶ αὐτός, ὁδοιπόρε· μηκέτ’ ἐπαίνει ### book 241.1.2 ἰσχάδα μηδ’ ἐσόρα τὸν πέλας ἀκρεμόνα· ### book 241.1.3 καὶ λίην ὁ Πρίηπος ἐφίσταμαι ὀξὺ δεδορκὼς ### book 241.1.4 καὶ φυλακὴν σύκων, ἣν ἐπέοικεν, ἔχων. ### book 241.5 ἢν δὲ μόνον σὺ θίγῃς τῆς ἰσχάδος, ἰσχάδα δώσεις, ### book 241 ὡς ἰσότης πάντων ἐστὶ δικαιοτάτη. ### book 242.1.1 Ὡς βαρὺ τοῦτο, Πρίηπε, καὶ εὖ τετυλωμένον ὅπλον ### book 242.1.2 πᾶν ἀπὸ βουβώνων ἀθρόον ἐκκέχυκας ### book 242.1.3 εἰς γάμον οὐκ ἀνέτοιμον· ἔχει δέ σε δίψα γυναικῶν, ### book 242.1.4 ὠγαθέ, καὶ σπαργᾷς θυμὸν ἅπαντα πόθοις. ### book 242.5.1 ἀλλὰ καταπρήυνε τὸν ἐξῳδηκότα φαλλὸν ### book 242.5.2 τόνδε καὶ ἀνθηρῇ κρύψον ὑπὸ χλαμύδι· ### book 242.5.3 οὐ γὰρ ἐρημαῖον ναίεις ὄρος, ἀλλὰ παρ’ Ἕλλης ### book 242.5.4 ᾐόνα τὴν ἱερὴν Λάμψακον ἀμφιπολεῖς. ### book 243.1.1 Ἀγροφύλαξ ἕστηκα πολυκτεάνοις ἐν ἀρούραις ### book 243.1.2 Φρίκωνος καλύβην καὶ φυτὰ ῥυόμενος, ### book 243.1.3 τοῦτο λέγων πρὸς ἕκαστον· Ἐπὴν γελάσῃς ἐσιδών με ### book 243.1.4 τοῦ σκεύους, χώρει τὴν κατὰ σαυτὸν ὁδόν. ### book 243.5.1 ἢν δὲ παρεκβήῃς ἐς ἃ μὴ θέμις, οὔτι ς’ ὀνήσει ### book 243.5.2 ἡ λάχνη· τρυπᾶν πάντας ἐπιστάμεθα. ### book 244.1.1 Αὐτομάτως, Σατυρίσκε, δόναξ τεὸς ἦχον ἰάλλει, ### book 244.1.2 ἢ τί παρακλίνας οὖας ἄγεις καλάμῳ; ### book 244.1.3 ὃς δὲ γελῶν σίγησεν· ἴσως δ’ ἂν φθέγξατο μῦθον, ### book 244.1.4 ἀλλ’ ὑπὸ τερπωλῆς εἴχετο ληθεδόνι. ### book 244.5 οὐ γὰρ κηρὸς ἔρυκεν· ἑκὼν δ’ ἠσπάζετο σιγὴν ### book 244 θυμὸν ὅλον τρέψας πηκτίδος ἀσχολίῃ. ### book 245.1.1 Τὸν Σάτυρον Διόνυσος ἰδὼν τόσον ἄλγος ἔχοντα ### book 245.1.2 καί μιν ἐποικτείρας θήκατο λαΐνεον. ### book 245.1.3 ἀλλ’ οὐδ’ ὣς ἀπέληξε βαρυτλήτων ὀδυνάων· ### book 245.1.4 εἰσέτι γὰρ μογέει καὶ λίθος ὢν ὁ τάλας. ### book 246.1 Ἢ Σάτυρος τὸν χαλκὸν ὑπέδραμεν, ἢ διὰ τέχνης ### book 246.2 χαλκὸς ἀναγκασθεὶς ἀμφεχύθη Σατύρῳ. ### book 247.1.1 Πάντες μὲν Σάτυροι φιλοκέρτομοι· εἰπὲ δὲ καὶ σύ, ### book 247.1.2 τί πρὸς ἕκαστον ὁρῶν τόνδε γέλωτα χέεις; — ### book 247.1.3 „Θάμβος ἔχων γελόω, πῶς ἐκ λίθου ἄλλοθεν ἄλλης ### book 247.1.4 συμφερτὸς γενόμην ἐξαπίνης Σάτυρος.“ ### book 248.1.1 Τὸν Σάτυρον Διόδωρος ἐκοίμισεν, οὐκ ἐτόρευσεν· ### book 248.1.2 ἢν νύξῃς, ἐγερεῖς· ἄργυρος ὕπνον ἔχει. ### book 249.1 Δερκόμενος ξόανον καλὸν τόδε, τὰν Ἀφροδίταν, ### book 249.2 ὤνθρωφ’, ἱλάσκευ πλατίον ἑζόμενος· ### book 249.3 αἴνει δὲ Γλυκέραν Διονυσίου, ἅ μ’ ἀνέθηκε ### book 249 πορφυρέας ἁπαλὸν κῦμα παρ’ ἠιόνος. ### book 250.1 Ὁ πτανὸς τὸν πτανὸν ἴδ’ ὡς ἄγνυσι κεραυνὸν ### book 250.2 δεικνύς, ὡς κρεῖσσον πῦρ πυρός ἐστιν Ἔρως. ### book 251.1 Πτανῷ πτανὸν Ἔρωτα τὸν ἀντίον ἔπλας’ Ἔρωτι ### book 251.2 ἁ Νέμεσις τόξῳ τόξον ἀμυνομένα, ### book 251.3 ὥς κε πάθῃ, τά γ’ ἔρεξεν· ὁ δὲ θρασύς, ὁ πρὶν ἀταρβὴς ### book 251.4 δακρύει πικρῶν γευσάμενος βελέων· ### book 251.5.1 ἐς δὲ βαθὺν τρὶς κόλπον ἀπέπτυσεν. ἆ μέγα θαῦμα, ### book 251.5.2 φλέξει τις πυρὶ πῦρ, ἥψατ’ Ἔρωτος Ἔρως. ### book 252.1 Κἀγὼ Κύπριδος αἷμα· κασιγνήτῳ δέ με μήτηρ ### book 252.2 ᾔνεσε τόξα φέρειν ἀντία καὶ πτέρυγας. ### book 253.1 Ἄρτεμι, ποῦ σοι τόξα παραυχενίη τε φαρέτρη, ### book 253.2 ποῦ δὲ Λυκαστείων ἐνδρομὶς ἀρβυλίδων ### book 253.3 πόρπη τε χρυσοῖο τετυγμένη ἠδὲ πρὸς ἄκρην ### book 253.4 ἰγνύην φοῖνιξ πέπλος ἑλισσόμενος; — ### book 253.5 „Κεῖνα μὲν εἰς ἄγρην ὁπλίζομαι· ἐς δὲ θυηλὰς ### book 253 εἶμ’ αὕτως ἱρῶν ἀντομένη θυέων.“ ### book 254.1 Ἱερὸν Ἑρμείῃ με παραστείχοντες ἔχευαν ### book 254.2 ἄνθρωποι λίθινον σωρόν· ὁ δ’ ἀντ’ ὀλίγης ### book 254.3 οὐ μεγάλην αὐτοῖς ἔγνων χάριν, ἀλλ’ ὅτι λοιπὰ ### book 254.4 Αἰγὸς ἐπὶ κρήνην ἑπτὰ λέγω στάδια. ### book 255.1 Ὁδῖτα, μὴ πρόσερπε πρὸς τὰ κλήματα ### book 255.2 μηδ’ αὖ τὰ μῆλα μηδ’ ὅπῃ τὰ μέσπιλα· ### book 255.3 τηνεῖ δὲ πρὸς τὴν σχοῖνον ἐξαμείβεο, ### book 255.4 ὡς μή τι θράξῃς τῶνδε μηδ’ ἀποθρίσῃς, ### book 255.5.1 ἃ σὺν πόνῳ φυτουργὸς ἔκτηται Μέδων, ### book 255.5.2 ὃς κἀμὲ θῆκεν· ἢν δέ μευ παρακλύῃς, ### book 255.5.3 γνώσῃ τὸν Ἑρμῆν, ὡς κακοὺς ἀμείβομαι. ### book 256.1 Ὀχθηρὸν τὸν χῶρον ἔχω καὶ ἔρημον, ὁδῖτα· ### book 256.2 οὐκ ἐγώ, ὁ στάσας δ’ αἴτιος Ἀρχέλοχος. ### book 256.3 οὐ γὰρ ὀρειοχαρὴς ὡρμᾶς οὐδ’ ἀκρολοφίτας, ### book 256.4 τὸ πλεῦν δ’ ἀτραπιτοῖς, ὦνερ, ἀρεσκόμενος. ### book 256.5.1 Ἀρχέλοχος δ’ ὡς αὐτὸς ἐρημοφίλας καὶ ἀγείτων, ### book 256.5.2 ὦ παριών, τοῖον κἀμὲ παρῳκίσατο. ### book 257 Ἐκ πυρός, ὦ Διόνυσε, τὸ δεύτερον, ἡνίκα χαλκοῦς, ### book 257 ἐξεφάνης· γενεὴν εὗρε Μύρων ἑτέρην. ### book 258.1 Δικτύννης Τίμων με καθ’ ἱερὸν ἔμπυρον ὁ Κρὴς ### book 258.2 χάλκεον ἔστησεν Πᾶνα τὸν αἰγόνυχα. ### book 258.3 δέρμα δ’ ἔχω διπλοῦν τε λαγωβόλον· ἐκ δέ γε πέτρας ### book 258.4 σπήλυγγος τείνω βλέμμα διπλοῦν πρὸς ὄρος. ### book 259.1 Πέτρης ἐκ Παρίης με πόλιν κατὰ Παλλάδος ἄκρην ### book 259.2 στῆσαν Ἀθηναῖοι Πᾶνα τροπαιοφόρον. ### book 260.1 Ἢν λαχάνων ς’ ὁ Πρίηπος ἴδω σχεδὸν ἴχνια θέντα, ### book 260.2 αὐτῇ γυμνώσω, φώρ, σὲ ποτὶ πρασιῇ. ### book 260.3 αἰσχρὸν ἔχειν τοῦτ’ ἔργον ἐρεῖς θεόν· οἶδα καὶ αὐτὸς ### book 260.4 αἰσχρόν· ἀφιδρύνθην δ’ ἴσθ’ ὅτι τοῦδε χάριν. ### book 261.1.1 Ἀμφοτέραις παρ’ ὁδοῖσι φύλαξ ἕστηκα Πρίηπος ### book 261.1.2 ἰθυτενὲς μηρῶν ὀρθιάσας ῥόπαλον. ### book 261.1.3 εἵσατο γὰρ πιστόν με Θεόκριτος· ἀλλ’ ἀποτηλοῦ, ### book 261.1.4 φώρ, ἴθι, μὴ κλαύσῃς τὴν φλέβα δεξάμενος. ### book 262.1 Ὁ τραγόπους ὁ τὸν ἀσκὸν ἐπηρμένος αἵ τε γελῶσαι ### book 262.2 Νύμφαι Πραξιτέλους ἥ τε καλὴ Δανάη· ### book 262.3 λύγδινα πάντα, καὶ ἄκρα σοφαὶ χέρες. αὐτὸς ὁ Μῶμος ### book 262 φθέγξεται· „Ἄκρητος, Ζεῦ πάτερ, ἡ σοφίη.“ ### book 263.1 Πρίν με λίθον Πέρσαι δεῦρ’ ἤγαγον, ὄφρα τρόπαιον ### book 263.2 στήσονται νίκας· εἰμὶ δὲ νῦν Νέμεσις. ### book 263.3 ἀμφοτέροις δ’ ἕστηκα, καὶ Ἑλλήνεσσι τρόπαιον ### book 263.4 νίκας καὶ Πέρσαις τοῦ πολέμου νέμεσις. ### book 264.1 Ἴσιδι καρποτόκῳ, σταχυμήτορι, μυριομόρφῳ, ### book 264.2 λαϊνέῳ ταλάρῳ μογερῶν ἀπάνευθεν ἀρότρων ### book 264.3 αὐτόματοι στείχουσιν ἑὴν πρὸς μητέρα καρποί. ### book 264b.1 Ταῖς Νύμφαις τόδ’ ἄγαλμα· μέλοι δ’ αὐταῖσιν ὁ χῶρος, ### book 264b.2 ναὶ μέλοι, ὡς κρήναις ἄφθιτα ῥεῖθρα ῥέοι. ### book 265.1 Τίς τὸν ἐπ’ ἐσθλοῖσιν παμπενθέα καὶ τρισάλαστον ### book 265.2 Μῶμον ἀμωμήτοις χερσὶν ἀνεπλάσατο; ### book 265.3 ὡς ὁ γέρων ἐπὶ γᾶς βεβλημένος οἷά τις ἔμπνους ### book 265.4 ἀμπαύει λύπας γυῖα βαρυνόμενος, ### book 265.5.1 μανύει δίστοιχος ὀλέθριος ὄγμος ὀδόντων ### book 265.5.2 πριομένων ἐπὶ τὰς τῶν πέλας εὐτυχίας ### book 265.5.3 καὶ τὸ κατεσκληκὸς σκήνους βάρος· ᾇ μὲν ἐρείδει ### book 265.5.4 ψιλὸν γηραιᾷ χειρὶ βαλὼν κρόταφον, ### book 265.5.5 ᾇ δὲ σεσηρὼς βάκτρον ἀποστηρίζεται ἐς γᾶν ### book 265.10 κωφὰ πρὸς ἄψυχον πέτρον ἀπεχθόμενος. ### book 266.1 Τάκεο δυστάνων ὀνύχων ἄπο, παμφάγε Μῶμε, ### book 266.2 τάκεο σὺ πρίων ἰοβόλους γένυας. ### book 266.3 νεῦρά σε μανύει τετανυσμένα καὶ φλέβες ἄρθρων ### book 266.4 καὶ κενεὰ σαρκῶν ψυχολιπὴς δύναμις ### book 266.5.1 καὶ ῥικνοῖς φρίσσουσα περὶ κροτάφοισιν ἔθειρα ### book 266.5.2 . . . . . . . . . . . . . . . . . . . . . . . . . . . . . . . . . . . . . ### book 266.5.3 ὥστε τίς ἔμψυχόν ς’ ἀνδρὸς σίνιν ἄνυσε τέχνᾳ ### book 266.5.4 οὐδὲ τόπον δήκτᾳ σεῖο λιπὼν στόματι; ### book 267.1.1 Ὁππόθεν ὁ στήσας; —„Βυζάντιος.“ —Οὔνομα δὴ τίς; — ### book 267.1.2 „Εὐσέβιος.“ —Σὺ δὲ τίς; —„Κώιος Ἱπποκράτης.“ — ### book 267.1.3 Τοῦ δ’ ἕνεκεν γέγραφέν σε; —„Λόγων χάριν ἡ πόλις αὐτῷ ### book 267.1.4 τῶν ἐς ἐμὲ γραφίδων ἀντιδέδωκε γέρας.“ — ### book 267.5.1 Καὶ τί μὴ αὐτὸς ἑὸν τύπον ἔγραφεν; —„Ὅττι γεραίρων ### book 267.5.2 ἡμέας ἀνθ’ αὑτοῦ κρέσσονα δόξαν ἔχει.“ ### book 268.1 Ἠὲ τεὴν φωνήν, Ἱππόκρατες, ἔγραφε Παιάν, ### book 268.2 ἠὲ σὺ τῆς κείνου μάρτυς ἀκεστορίης. ### book 269 Οὗτος ἀκεστορίης κρυφίας ὤιξε κελεύθους, ### book 269 Παιήων μερόπων, Κώιος Ἱπποκράτης. ### book 270.1.1 Ἦν χρόνος, ἡνίκα γαῖα βροτοὺς διὰ σεῖο, Γαληνέ, ### book 270.1.2 δέχνυτο μὲν θνητούς, ἔτρεφε δ’ ἀθανάτους, ### book 270.1.3 χήρευεν δὲ μέλαθρα πολυκλαύτου Ἀχέροντος ### book 270.1.4 σῇ παιηονίῃ χειρὶ βιαζόμενα. ### book 271.1.1 Ἰητὴρ μερόπων, Ἱππόκρατες, ἀλλὰ καὶ ἵππων, ### book 271.1.2 Σώσανδρε, κρυφίης ἴστορ’ ἀκεστορίης, ### book 271.1.3 ἢ τέχνην μεταμείψατ’ ἢ οὔνομα· μηδὲ καλείσθω ### book 271.1.4 ἅτερος ἐκ τέχνης, ἧς ἕτερος κρατέει. ### book 272.1.1 Ὁ γλυκὺς ἐν πάντεσσιν Ἰάμβλιχος, ὃς ποτὶ γῆρας ### book 272.1.2 ἤλυθεν ἁγνὸς ἐὼν Κυπριδίων ὀάρων· ### book 272.1.3 ἔργα δ’ ἀκεστορίης ἐφέπων σοφίην τε διδάσκων ### book 272.1.4 κέρδεσιν οὐδ’ ὁσίοις χεῖρας ὑπεστόρεσεν. ### book 273.1.1 Αὐτός σοι Φοίβοιο πάις λαθικηδέα τέχνης ### book 273.1.2 ἰδμοσύνην, πανάκῃ χεῖρα λιπηνάμενος, ### book 273.1.3 Πρηξαγόρη, στέρνοις ἐνεμάξατο. τοιγὰρ ἀνῖαι ### book 273.1.4 ὄρνυνται δολιχῶν ὁππόσαι ἐκ πυρετῶν ### book 273.5.1 καὶ ὁπόσα τμηθέντος ἐπὶ χροὸς ἄρκια θεῖναι ### book 273.5.2 φάρμακα, πρηείης οἶσθα παρ’ Ἠπιόνης. ### book 273.5.3 θνητοῖσιν δ’ εἰ τοῖοι ἐπήρκεον ἰητῆρες, ### book 273 οὐκ ἂν ἐπορθμεύθη νεκροβαρὴς ἄκατος. ### book 274.1 Ἰητὴρ μέγας οὗτος Ἰουλιανοῦ βασιλῆος, ### book 274.2 ἄξιος εὐσεβίης δῖος Ὀρειβάσιος. ### book 274.3 εἶχε γὰρ οἷα μέλισσα σοφὸν νόον ἄλλοθεν ἄλλα ### book 274.4 ἰητρῶν προτέρων ἄνθεα δρεψάμενος. ### book 275.1.1 Τίς, πόθεν ὁ πλάστης; —„Σικυώνιος.“ —Οὔνομα δὴ τίς; — ### book 275.1.2 „Λύσιππος.“ —Σὺ δὲ τίς; —„Καιρὸς ὁ πανδαμάτωρ.“ — ### book 275.1.3 Τίπτε δ’ ἐπ’ ἄκρα βέβηκας; —„Ἀεὶ τροχάω.“ —Τί δὲ ταρσοὺς ### book 275.1.4 ποσσὶν ἔχεις διφυεῖς; —„Ἵπταμ’ ὑπηνέμιος.“ — ### book 275.5.1 Χειρὶ δὲ δεξιτερῇ τί φέρεις ξυρόν; —„Ἀνδράσι δεῖγμα, ### book 275.5.2 ὡς ἀκμῆς πάσης ὀξύτερος τελέθω.“ — ### book 275.5.3 Ἡ δὲ κόμη τί κατ’ ὄψιν; —„Ὑπαντιάσαντι λαβέσθαι, ### book 275.5.4 νὴ Δία.“ —Τἀξόπιθεν πρὸς τί φαλακρὰ πέλει; — ### book 275.5.5 „Τὸν γὰρ ἅπαξ πτηνοῖσι παραθρέξαντά με ποσσὶν ### book 275.10.1 οὔτις ἔθ’ ἱμείρων δράξεται ἐξόπιθεν.“ — ### book 275.10.2 Τοὔνεχ’ ὁ τεχνίτης σε διέπλασεν; —„Εἵνεκεν ὑμέων, ### book 275.10.3 ξεῖνε, καὶ ἐν προθύροις θῆκε διδασκαλίην.“ ### book 276.1.1 Ἔστησεν Περίανδρος Ἀρίονος εἰκόνα ταύτην ### book 276.1.2 καὶ τὸν ἀπολλυμένῳ σύνδρομα νηξάμενον ### book 276.1.3 εἰνάλιον δελφῖνα· λέγει δ’ ὁ ’π’ Ἀρίονι μῦθος· ### book 276 κτεινόμεθ’ ἀνθρώποις, ἰχθύσι σῳζόμεθα. ### book 277.1.1 Σὸν μὲν κάλλος ἔδειξε μόλις γραφίς· αἴθε δὲ τεύχειν ### book 277.1.2 ἔσθενε καὶ λιγυρῶν ἡδὺ μέλος στομάτων, ### book 277.1.3 ὥς κεν ἐπ’ ὀφθαλμοῖσι καὶ οὔασιν, ἔκ τε προσώπου ### book 277.1.4 ἔκ τε λυροκτυπίης, ἶσον ἐθελγόμεθα. ### book 278.1.1 Πλῆκτρον ἔχει φόρμιγγος, ἔχει καὶ πλῆκτρον ἔρωτος· ### book 278.1.2 κρούει δ’ ἀμφοτέροις καὶ φρένα καὶ κιθάρην. ### book 278.1.3 τλήμονες, οἷς ἄγναμπτον ἔχει νόον· ᾧ δ’ ἐπινεύσει, ### book 278.1.4 ἄλλος ὅδ’ Ἀγχίσης, ἄλλος Ἄδωνις ὅδε. ### book 278.5.1 εἰ δ’ ἐθέλεις, ὦ ξεῖνε, καὶ ἀμφιβόητον ἀκοῦσαι ### book 278.5.2 οὔνομα καὶ πάτρην, ἐκ Φαρίης Μαρίη. ### book 279.1 Τόν με λίθον μέμνησο τὸν ἠχήεντα παρέρπων ### book 279.2 Νισαίην· ὅτε γὰρ τύρσιν ἐτειχοδόμει ### book 279.3 Ἀλκάθοος, τότε Φοῖβος ἐπωμαδὸν ἦρε δομαῖον ### book 279.4 λᾶα Λυκωρείην ἐνθέμενος κιθάρην. ### book 279.5 ἔνθεν ἐγὼ λυραοιδός· ὑποκρούσας δέ με λεπτῇ ### book 279 χερμάδι τοῦ κόμπου μαρτυρίην κόμισαι. ### book 280.1 Χρήμασι τοῖς Ἀγάθωνος ἐδείματο τῇδε λοετρὸν ### book 280.2 δῆμος ὁ τῆς Τεγέης, θαῦμα καὶ ἐσσομένοις. ### book 281.1 Οὐ βαλανεῖον ἔην προπάροιθε τὸ νῦν βαλανεῖον, ### book 281.2 ἀλλὰ τόπος σκυβάλων, χῶρος ἀποκρίσιος· ### book 281.3 νῦν δὲ τὰ τερπνὰ τὰ πᾶσι βοώμενα καὶ χαρίεντα ### book 281.4 ἀγλαΐῃ προφέρει· καὶ γὰρ Ἀλέξανδρος, ### book 281.5.1 Νικαέων ἱερεύς, σοφίης ἐρικυδέος ἀστήρ, ### book 281.5.2 τεῦξέ μιν οἰκείοις χρήμασι καὶ δαπάναις. ### book 282.1.1 Νῖκαι πάρεσμεν, αἱ γελῶσαι παρθένοι, ### book 282.1.2 νίκας φέρουσαι τῇ φιλοχρίστῳ πόλει. ### book 282.1.3 ἔγραψαν ἡμᾶς οἱ φιλοῦντες τὴν πόλιν ### book 282.1.4 πρέποντα Νίκαις ἐντυποῦντες σχήματα. ### book 283.1.1 Μουσάων δεκάτη, Χαρίτων Ῥοδόκλεια τετάρτη, ### book 283.1.2 τερπωλὴ μερόπων, ἄστεος ἀγλαΐη. ### book 283.1.3 ὄμμα δέ οἱ καὶ ταρσὰ ποδήνεμα καὶ σοφὰ χειρῶν ### book 283 δάκτυλα καὶ Μουσῶν κρέσσονα καὶ Χαρίτων. ### book 284.1.1 Εἰμὶ μὲν Ἑλλαδίη Βυζαντιάς· ἐνθάδε δ’ ἔστην, ### book 284.1.2 ᾗχι χοροστασίην εἴαρι δῆμος ἄγει, ### book 284.1.3 ὁππόθι πορθμῷ γαῖα μερίζεται· ἀμφότεραι γὰρ ### book 284.1.4 ἄντυγες ὀρχηθμοὺς ᾔνεσαν ἡμετέρους. ### book 285.1.1 Οὔ τις ἐπ’ Ἀνθούσῃ χρυσὸν βάλεν, ἀλλὰ καὶ αὐτῇ ### book 285.1.2 ἀμφεχύθη Κρονίδης ὡς τὸ πάρος Δανάῃ· ### book 285.1.3 σώματι δ’ οὐκ ἐπέλασσεν, ἐπεὶ νόον ἔλλαβεν αἰδώς, ### book 285.1.4 μή τινι Μουσάων μίσγεται οὐκ ἐθέλων. ### book 286.1.1 Θῆλυς ἐν ὀρχηθμοῖς κρατέει φύσις· εἴξατε, κοῦροι. ### book 286.1.2 Μοῦσα καὶ Ἑλλαδίη τοῦτον ἔθεντο νόμον, ### book 286.1.3 ἡ μέν, ὅτι πρώτη κινήσιος εὕρετο ῥυθμούς, ### book 286.1.4 ἡ δ’, ὅτι τῆς τέχνης ἦλθεν ἐς ἀκρότατον. ### book 287.1.1 Ἕκτορα μέν τις ἄεισε, νέον μέλος· Ἑλλαδίη δὲ ### book 287.1.2 ἑσσαμένη χλαῖναν πρὸς μέλος ἠντίασεν. ### book 287.1.3 ἦν δὲ πόθος καὶ δεῖμα παρ’ ὀρχηθμοῖσιν Ἐνυοῦς, ### book 287 ἄρσενι γὰρ ῥώμῃ θῆλυν ἔμιξε χάριν. ### book 288.1.1 Οὔνομ’ ἔχεις Λιβάνου, Χαρίτων δέμας, ἤθεα Πειθοῦς, ### book 288.1.2 παρθένε, καὶ Παφίης κεστὸν ὑπὲκ λαγόνων. ### book 288.1.3 αὐτὰρ ἐν ὀρχηθμοῖσιν, Ἔρως ἅτε κοῦφος, ἀθύρεις, ### book 288.1.4 κάλλεϊ καὶ τέχνῃ πάντας ἐφελκομένη. ### book 289.1 Αὐτὸν ὁρᾶν Ἰόβακχον ἐδόξαμεν, ἡνίκα Λήναις ### book 289.2 ὁ πρέσβυς νεαρῆς ἦρχε χοροιμανίης, ### book 289.3 καὶ Κάδμου τὰ πάρηβα χορεύματα καὶ τὸν ἀφ’ ὕλης ### book 289.4 ἄγγελον, εὐιακῶν ἰχνελάτην θιάσων, ### book 289.5.1 καὶ τὴν εὐάζουσαν ἐν αἵματι παιδὸς Ἀγαυὴν ### book 289.5.2 λυσσάδα. φεῦ θείης ἀνδρὸς ὑποκρισίης. ### book 290.1.1 Αὐτὸν βακχευτὴν ἐνέδυ θεόν, ἡνίκα βάκχας ### book 290.1.2 ἐκ Θηβῶν Ἰταλὴν ἤγαγε πρὸς θυμέλην, ### book 290.1.3 ἀνθρώποις Πυλάδης τερπνὸν δέος, οἷα χορεύων ### book 290.1.4 δαίμονος ἀκρήτου πᾶσαν ἔπλησε πόλιν. ### book 290.5.1 Θῆβαι γιγνώσκουσι τὸν ἐκ πυρός· οὐράνιος δὲ ### book 290.5.2 οὗτος ὁ παμφώνοις χερσὶ λοχευόμενος. ### book 291.1.1 Φριξοκόμᾳ τόδε Πανὶ καὶ αὐλιάσιν θέτο Νύμφαις ### book 291.1.2 δῶρον ὑπὸ σκοπιᾶς Θεύδοτος οἰονόμος· ### book 291.1.3 οὕνεχ’ ὑπ’ ἀζαλέου θέρεος μέγα κεκμηῶτα ### book 291 παῦσαν ὀρέξασαι χερσὶ μελιχρὸν ὕδωρ. ### book 292.1 Υἱὲ Μέλητος, Ὅμηρε, σὺ γὰρ κλέος Ἑλλάδι πάσῃ ### book 292.2 καὶ Κολοφῶνι πάτρῃ θῆκας ἐς ἀΐδιον, ### book 292.3 καὶ τάσδ’ ἀντιθέῳ ψυχῇ γεννήσαο κούρας ### book 292.4 δισσὰς ἐκ στηθέων γραψάμενος σελίδας· ### book 292.5.1 ὑμνεῖ δ’ ἡ μὲν νόστον Ὀδυσσῆος πολύπλαγκτον, ### book 292.5.2 ἡ δὲ τὸν Ἰλιακὸν Δαρδανιδῶν πόλεμον. ### book 293.1 Τίς ποθ’ ὁ τὸν Τροίης πόλεμον σελίδεσσι χαράξας ### book 293.2 ἢ τίς ὁ τὴν δολιχὴν Λαρτιάδαο πλάνην; ### book 293.3 οὐκ ὄνομ’ εὑρίσκω σαφές, οὐ πόλιν. Οὐράνιε Ζεῦ, ### book 293.4 μήποτε σῶν ἐπέων δόξαν Ὅμηρος ἔχει; ### book 294.1 Ποίας ἀστὸν Ὅμηρον ἀναγραψώμεθα πάτρης ### book 294.2 κεῖνον, ἐφ’ ὃν πᾶσαι χεῖρ’ ὀρέγουσι πόλεις; ### book 294.3 ἦ τὸ μέν ἐστιν ἄγνωστον, ὁ δ’ ἀθανάτοις ἴσος ἥρως ### book 294 ταῖς Μούσαις ἔλιπεν πατρίδα καὶ γενεήν. ### book 295.1 Οὐχὶ πέδον Σμύρνης ἐλοχεύσατο θεῖον Ὅμηρον, ### book 295.2 οὐ Κολοφὼν τρυφερῆς ἄστρον Ἰηονίης, ### book 295.3 οὐ Χίος, οὐκ Αἴγυπτος ἐύσπορος, οὐ Κύπρος ἁγνή, ### book 295.4 οὐ νῆσος κραναὴ Λαρτιάδαο πάτρη, ### book 295.5.1 οὐκ Ἄργος Δαναοῖο κυκλωπείη τε Μυκήνη, ### book 295.5.2 οὐδὲ τὸ Κεκροπιδῶν ἄστυ παλαιογόνων. ### book 295.5.3 οὐ γὰρ ἔφυ χθονὸς ἔργον· ἀπ’ αἰθέρος ἀλλά ἑ Μοῦσαι ### book 295.5.4 πέμψαν, ἵν’ ἡμερίοις δῶρα ποθητὰ φέροι. ### book 296.1.1 Οἱ μὲν σεῦ Κολοφῶνα τιθηνήτειραν, Ὅμηρε, ### book 296.1.2 οἱ δὲ καλὰν Σμύρναν, οἱ δ’ ἐνέπουσι Χίον, ### book 296.1.3 οἱ δ’ Ἴον, οἱ δ’ ἐβόασαν ἐύκλαρον Σαλαμῖνα, ### book 296.1.4 οἱ δέ νυ τῶν Λαπιθέων ματέρα Θεσσαλίαν· ### book 296.5.1 ἄλλοι δ’ ἄλλην μαῖαν ἀνίαχον. εἰ δέ με Φοίβου ### book 296.5.2 χρὴ λέξαι πινυτὰς ἀμφαδὰ μαντοσύνας, ### book 296.5.3 πάτρα σοι τελέθει μέγας οὐρανός, ἐκ δὲ τεκούσης ### book 296.5.4 οὐ θνατᾶς, ματρὸς δ’ ἔπλεο Καλλιόπας. ### book 297 Ἑπτὰ ἐριδμαίνουσι πόλεις διὰ ῥίζαν Ὁμήρου, ### book 297 Κύμη, Σμύρνα, Χίος, Κολοφών, Πύλος, Ἄργος, Ἀθῆναι. ### book 298.1 Ἑπτὰ πόλεις μάρναντο σοφὴν διὰ ῥίζαν Ὁμήρου, ### book 298.2 Σμύρνα, Χίος, Κολοφών, Ἰθάκη, Πύλος, Ἄργος, Ἀθῆναι. ### book 299.1 Χῖος ἔφυς; —„Οὔ φημι.“ —Τί δαί, Σμυρναῖος; —„Ἀπαυδῶ.“ — ### book 299.2 Κύμη δ’ ἢ Κολοφὼν πατρίς, Ὅμηρε, σέθεν; — ### book 299.3 „Οὐδετέρη.“ —Σαλαμὶς δὲ τεὴ πόλις; —„Οὐδ’ ἀπὸ ταύτης ### book 299.4 ἐξέφυν.“ —Ἀλλ’ αὐτὸς λέξον, ὅπῃ γέγονας. — ### book 299.5.1 „Οὐκ ἐρέω.“ —Τίνος ἦρα; —„Πέπεισμ’, ὅτι τἀτρεκὲς εἰπὼν ### book 299.5.2 ἕξω τὰς ἄλλας ἄμμιν ἀπεχθομένας.“ ### book 300.1 Εἰς αἰῶνας, Ὅμηρε, καὶ ἐξ αἰῶνος ἀείδῃ ### book 300.2 οὐρανίης Μούσης δόξαν ἀειράμενος. ### book 300.3 μῆνιν μὲν γὰρ ἄεισας Ἀχιλλέος, αὐτὰρ Ἀχαιῶν ### book 300.4 στρομβηδὸν νηῶν σύγχυσιν ἐν πελάγει ### book 300.5.1 τειρόμενόν τε πλάνῃσιν Ὀδυσσέα ποικιλόβουλον ### book 300.5.2 τοῦ λέχος ἀσπασίως εἴσιδε Πηνελόπη. ### book 301 Εἰ θεός ἐστιν Ὅμηρος, ἐν ἀθανάτοισι σεβέσθω· ### book 301 εἰ δ’ αὖ μὴ θεός ἐστι, νομιζέσθω θεὸς εἶναι. ### book 302.1 Εὗρε Φύσις, μόλις εὗρε· τεκοῦσα δ’ ἐπαύσατο μόχθων ### book 302.2 εἰς ἕνα μοῦνον Ὅμηρον ὅλην τρέψασα μενοινήν. ### book 303.1 Τίς ποθ’ Ὁμηρείης μεγάλης ὀπός ἐστιν ἀπευθής; ### book 303.2 τίς χθών, τίς δὲ θάλασσα μάχην οὐκ οἶδεν Ἀχαιῶν; ### book 303.3 δῆμος ὁ Κιμμερίων, πανδερκέος ἄμμορος αἴγλης ### book 303.4 Ἠελίου, Τροίης ὄνομ’ ἔκλυεν, ἔκλυεν Ἄτλας ### book 303.5 οὐρανὸν εὐρύστερνον ἔχων ἐπικείμενον ὤμοις. ### book 304.1 Διεξιών, Ὅμηρε, τὴν κεκαυμένην ### book 304.2 φθονεῖν ἐφῆκας τὰς ἀπορθήτους πόλεις. ### book 305.1.1 Νεβρείων ὁπόσον σάλπιγξ ὑπερίαχεν αὐλῶν, ### book 305.1.2 τόσσον ὑπὲρ πάσας ἔκραγε σεῖο χέλυς· ### book 305.1.3 οὐδὲ μάτην ἁπαλοῖς περὶ χείλεσιν ἑσμὸς ἐκεῖνος ### book 305.1.4 ἔπλασε κηρόδετον, Πίνδαρε, σεῖο μέλι. ### book 305.5 μάρτυς ὁ Μαινάλιος κερόεις θεὸς ὕμνον ἀείσας ### book 305 τὸν σέο καὶ νομίων λησάμενος δονάκων. ### book 306.1.1 Πρέσβυν Ἀνακρείοντα χύδαν σεσαλαγμένον οἴνῳ ### book 306.1.2 θάεο δινωτοῦ στρεπτὸν ὕπερθε λίθου, ### book 306.1.3 ὡς ὁ γέρων λίχνοισιν ἐπ’ ὄμμασιν ὑγρὰ δεδορκὼς ### book 306.1.4 ἄχρι καὶ ἀστραγάλων ἕλκεται ἀμπεχόναν· ### book 306.5.1 δισσῶν δ’ ἀρβυλίδων τὰν μὲν μίαν οἷα μεθυπλὴξ ### book 306.5.2 ὤλεσεν, ἐν δ’ ἑτέρᾳ ῥικνὸν ἄραρε πόδα. ### book 306.5.3 μέλπει δ’ ἠὲ Βάθυλλον ἐφίμερον ἠὲ Μεγιστέα, ### book 306.5.4 αἰωρῶν παλάμᾳ τὰν δυσέρωτα χέλυν. ### book 306.5.5 ἀλλά, πάτερ Διόνυσε, φύλασσέ μιν· οὐ γὰρ ἔοικεν ### book 306.10 ἐκ Βάκχου πίπτειν Βακχιακὸν θέραπα. ### book 307.1.1 Ἴδ’, ὡς ὁ πρέσβυς ἐκ μέθας Ἀνακρέων ### book 307.1.2 ὑπεσκέλισται καὶ τὸ λῶπος ἕλκεται ### book 307.1.3 ἐσάχρι γυίων· τῶν δὲ βλαυτίων τὸ μὲν ### book 307.1.4 ὅμως φυλάσσει, θάτερον δ’ ἀπώλεσεν· ### book 307.5.1 μελίσδεται δὲ τὰν χέλυν διακρέκων ### book 307.5.2 ἤτοι Βάθυλλον ἢ καλὸν Μεγιστέα. ### book 307.5.3 φύλασσε, Βάκχε, τὸν γέροντα, μὴ πέσῃ. ### book 308.1.1 Τὸν τοῖς μελιχροῖς Ἱμέροισι σύντροφον, ### book 308.1.2 Λυαῖ’, Ἀνακρέοντα Τήιον κύκνον, ### book 308.1.3 ἔσφηλας ὑγρῇ νέκταρος μεληδόνι· ### book 308.1.4 λοξὸν γὰρ αὐτοῦ βλέμμα καὶ περὶ σφυροῖς ### book 308.5.1 ῥιφθεῖσα λώπευς πέζα καὶ μονοζυγὲς ### book 308.5.2 μέθην ἐλέγχει σάνδαλον· χέλυς δ’ ὅμως ### book 308.5.3 τὸν εἰς Ἔρωτας ὕμνον ἀθροΐζεται. ### book 308 ἀπτῶτα τήρει τὸν γεραιόν, Εὔιε. ### book 309.1 Τήιον ἀμφοτέρων με βλέπεις ἀκόρεστον ἐρώτων ### book 309.2 πρέσβυν, ἴσον κούροις, ἶσον ἁδόντα κόραις· ### book 309.3 ὄμμα δέ μευ Βρομίῳ βεβαρημένον ἠδ’ ἀπὸ κώμων ### book 309.4 τερπνὰ φιλαγρύπνων σήματα παννυχίδων. ### book 310.1.1 Αὐτή σοι πλάστειρα Φύσις παρέδωκε τυπῶσαι ### book 310.1.2 τὴν Μιτυληναίαν, ζωγράφε, Πιερίδα. ### book 310.1.3 πηγάζει τὸ διαυγὲς ἐν ὄμμασι· τοῦτο δ’ ἐναργῶς ### book 310.1.4 δηλοῖ φαντασίην ἔμπλεον εὐστοχίης. ### book 310.5.1 αὐτομάτως δ’ ὁμαλή τε καὶ οὐ περίεργα κομῶσα ### book 310.5.2 σὰρξ ὑποδεικνυμένην τὴν ἀφέλειαν ἔχει. ### book 310.5.3 ἄμμιγα δ’ ἐξ ἱλαροῖο καὶ ἐκ νοεροῖο προσώπου ### book 310.5.4 Μοῦσαν ἀπαγγέλλει Κύπριδι μιγνυμένην. ### book 311.1 Ὀππιανὸς σελίδεσσιν ἁλίπλοα φῦλα συνάψας ### book 311.2 θήκατο πᾶσι νέοις ὄψον ἀπειρέσιον. ### book 312 Καλλιόπη βασίλεια Γεώργιον εἶπεν ἰδοῦσα· ### book 312 „Οὗτος ἐμὸς γενέτης γνήσιος, οὐ Κρονίδης.“ ### book 313.1.1 Εἰκών, τίς ς’ ἀνέθηκε; —„Λόγοι.“ —Τίνος εἶ; —„Πτολεμαίου.“ — ### book 313.1.2 Ποίου; —„Τοῦ Κρητός.“ —Τεῦ χάριν; —„Ἀντ’ ἀρετῆς.“ — ### book 313.1.3 Τῆς ποδαπῆς; —„Πάσης.“ —Τῆς ἐς τίνας; —„Ἐς δικολέκτας.“ — ### book 313.1.4 Καὶ ξύλον ἀρκεῖ; —„Ναί· χρυσίον οὐ δέχεται.“ ### book 314.1.1 Εἰκόνα Λογγίνῳ χρυσέην πόλις εἶχεν ὀπάσσαι, ### book 314.1.2 εἰ μὴ πότνα Δίκη χρυσὸν ἀπεστρέφετο. ### book 315.1.1 Ῥητορικῆς φιλέω τρεῖς ἀστέρας, οὕνεκα μοῦνοι ### book 315.1.2 πάντων ῥητήρων εἰσὶν ἀρειότεροι· ### book 315.1.3 σεῖο πόνους φιλέω, Δημόσθενες· εἰμὶ δὲ λίην ### book 315.1.4 καὶ φιλαριστείδης καὶ φιλοθουκυδίδης. ### book 316.1.1 Ἡ πόλις Ἀγαθίαν τὸν ῥήτορα, τὸν στιχαοιδόν, ### book 316.1.2 δίζυγος εὐεπίης ῥυθμὸν ἀγασσαμένη, ### book 316.1.3 ὡς μήτηρ ἐτέλεσσεν ἐφ’ υἱέι, καὶ πόρε τήνδε ### book 316.1.4 εἰκόνα, καὶ στοργῆς μάρτυρα καὶ σοφίης· ### book 316.5 Μεμνόνιον δὲ τοκῆα κασίγνητόν τε σὺν αὐτῷ ### book 316 ἔστησεν, γενεῆς σύμβολα σεμνοτάτης. ### book 317.1.1 Κωφὸν ἄναυδον ὁρῶν τὸν Γέσσιον, εἰ λίθος ἐστί, ### book 317.1.2 Δήλιε, μαντεύου, τίς τίνος ἐστὶ λίθος. ### book 318.1 Τίς σὲ τὸν οὐ λαλέοντα τύπῳ ῥητῆρος ἔγραψε; ### book 318.2 σιγᾷς; οὐ λαλέεις; οὐδὲν ὁμοιότερον. ### book 319.1 Εἰκόνες ἀνθρώποισι φίλον γέρας, ἀλλὰ Μαρίνῳ ### book 319.2 ὕβρις ἐλεγχομένης εἴδεος ἀπρεπίης. ### book 320.1 Νεῖκος Ἀριστείδης Ἰάδων κατέπαυσε πολήων, ### book 320.2 τὸ πρὶν Ὁμηρείης εἶχον ὑπὲρ γενεῆς. ### book 320.3 φασὶν γὰρ πᾶσαι· „Σμύρνη τέκε θεῖον Ὅμηρον ### book 320.4 ἡ καὶ Ἀριστείδην ῥήτορα γειναμένη.“ ### book 321 Εἰκὼν Καλλίστου τοῦ ῥήτορος· οἱ δὲ παρ’ αὐτὴν ### book 321 ἐρχόμενοι Ἑρμῇ σπένδετε τῷ λογίῳ. ### book 322.1 Φίρμος με Φίρμον, πυρφόρος τὸν πυρφόρον, ### book 322.2 ὁ παῖς ὁ ῥήτωρ τὸν πατέρα τὸν ῥήτορα. ### book 323.1.1 Τὰν ὕελον ἐκόμιζε ### book 323.1.2 κόψας ἐργάτας ἀνήρ· ### book 323.1.3 ἐς δὲ πῦρ ἔθηκε βῶλον, ### book 323.1.4 ὡς σίδηρον εὐσθενῆ· ### book 323.5.1 ἁ δ’ ὕελος οἷα κηρὸς ### book 323.5.2 ἐξεχεῖτο παμφάγοισι ### book 323.5.3 φλοξὶν ἐκπυρουμένα· ### book 323.5.4 θαῦμα δ’ ἦν ἰδεῖν βροτοῖς ### book 323.5.5 ὁλκὸν ἐκ πυρὸς ῥέοντα ### book 323.10.1 καὶ τὸν ἐργάτην τρέμοντα, ### book 323.10.2 μὴ πεσὼν διαρραγῇ· ### book 323.10.3 ἐς δὲ διπτύχων ἀκμὰς ### book 323.10.4 χηλέων ἔθηκε βῶλον ... ### book 324.1 Ἡ γραφὶς ἀργυρέη μέν, ὅτ’ ἐκ πυρὸς ἦλθον, ἐτύχθην, ### book 324.2 σαῖσι δὲ καὶ χρυσέη γίνομαι ἐν παλάμαις· ### book 324.3 ὧδέ σοι, ὦ χαρίεσσα Λεόντιον, εὖ μὲν Ἀθήνη ### book 324 τέχνης, εὖ δ’ εἴδους ἄκρα δέδωκε Κύπρις. ### book 325.1.1 Οὐ τὸν ἀναπτύσσοντα φύσιν πολύμητιν ἀριθμῶν ### book 325.1.2 ἤθελεν ὁ πλάστης Πυθαγόρην τελέσαι, ### book 325.1.3 ἀλλὰ τὸν ἐν σιγῇ πινυτόφρονι· καὶ τάχα φωνὴν ### book 325.1.4 ἔνδον ἀποκρύπτει, καὶ τόδ’ ἔχων ὀπάσαι. ### book 326.1 Αὐτὸν Πυθαγόραν ὁ ζωγράφος, ὃν μετὰ φωνῆς ### book 326.2 εἶδες ἄν, εἴ γε λαλεῖν ἤθελε Πυθαγόρας. ### book 327.1.1 Ὡς σοφὸς ὁ γράψας· ζωὰν οὐκ ἔμβαλε κηρῷ ### book 327.1.2 Σωκράτεος ψυχᾷ τοῦτο χαριζόμενος. ### book 328.1 Τὸν νοῦν διδάσκων αἰθερεμβατεῖν Πλάτων ### book 328.2 τοὺς τῶν ὑπὲρ νοῦν ἐξερεύγεται λόγους. ### book 329 Οὗτος Ἀριστοτέλης μετρῶν χθόνα καὶ πόλον ἄστρων. ### book 330 Νοῦς καὶ Ἀριστοτέλους ψυχή, τύπος ἀμφοτέρων εἷς. ### book 331.1.1 Σεῖο πολυκλήεντα τύπον στήσαντο, Χερωνεῦ ### book 331.1.2 Πλούταρχε, κρατερῶν υἱέες Αὐσονίων, ### book 331.1.3 ὅττι παραλλήλοισι βίοις Ἕλληνας ἀρίστους ### book 331.1.4 Ῥώμης εὐπολέμοις ἥρμοσας ἐνναέταις. ### book 331.5.1 ἀλλὰ τεοῦ βιότοιο παράλληλον βίον ἄλλον ### book 331.5.2 οὐδὲ σύ γ’ ἂν γράψαις· οὐ γὰρ ὅμοιον ἔχεις. ### book 332.1.1 Εὖγε ποιῶν, Λύσιππε γέρων, Σικυώνιε πλάστα, ### book 332.1.2 δείκελον Αἰσώπου στήσαο τοῦ Σαμίου ### book 332.1.3 ἑπτὰ σοφῶν ἔμπροσθεν, ἐπεὶ κεῖνοι μὲν ἀνάγκην ### book 332.1.4 ἔμβαλον, οὐ πειθώ, φθέγμασι τοῖς σφετέροις· ### book 332.5.1 ὃς δὲ σοφοῖς μύθοις καὶ πλάσμασι καίρια λέξας, ### book 332.5.2 παίζων ἐν σπουδῇ, πείθει ἐχεφρονέειν. ### book 332.5.3 φευκτὸν δ’ ἡ τρηχεῖα παραίνεσις· ἡ Σαμίου δὲ ### book 332.5.4 τὸ γλυκὺ τοῦ μύθου καλὸν ἔχει δέλεαρ. ### book 333.1.1 Ἡ πήρη καὶ χλαῖνα καὶ ὕδατι πιληθεῖσα ### book 333.1.2 μάζα καὶ ἡ πρὸ ποδῶν ῥάβδος ἐρειδομένη ### book 333.1.3 καὶ δέπας ἐκ κεράμοιο σοφῷ κυνὶ μέτρα βίοιο ### book 333.1.4 ἄρκια· κἠν τούτοις ἦν τι περισσότερον· ### book 333.5 κοίλαις γὰρ πόμα χερσὶν ἰδὼν ἀρύοντα βοώτην ### book 333 εἶπε· „Τί καὶ σὲ μάτην, ὄστρακον, ἠχθοφόρουν;“ ### book 334.1.1 Γηράσκει καὶ χαλκὸς ὑπὸ χρόνου, ἀλλὰ σὸν οὔτι ### book 334.1.2 κῦδος ὁ πᾶς αἰών, Διόγενες, καθελεῖ, ### book 334.1.3 μοῦνος ἐπεὶ βιοτῆς αὐτάρκεα δόξαν ἔδειξας ### book 334.1.4 θνητοῖς καὶ ζωῆς οἶμον ἐλαφροτάτην. ### book 335.1 Πορφύριον Κάλχαντος ἄναξ καὶ δῆμος ἐγείρει ### book 335.2 πολλοῖς εὐκαμάτοις βριθόμενον στεφάνοις, ### book 335.3 πᾶσι μεθ’ ἡνιόχοισι νεώτατον ὅσσον ἄριστον, ### book 335.4 ἀλλὰ τόσον νίκης κάρτος ἐνεγκάμενον. ### book 335.5.1 ἔπρεπε μὴν χρυσέῳ ἐν ἀγάλματι, μὴ δ’ ἐνὶ χαλκῷ ### book 335.5.2 τοῦτον τοῖς ἄλλοις εἴκελον ἑστάμεναι. ### book 336.1 Τέτραχα μὲν τὸ πάροιθε διακριδὸν ἴαχε δῆμος, ### book 336.2 τὸν Καλχαντιάδην Πορφύριον ποθέων· ### book 336.3 αὐτὰρ ὃ δεξιτεροῖσιν ἀνακτορέοιο θοώκου ### book 336.4 ἡνία καὶ ζώνην ἱππότιν ἀνθέμενος, ### book 336.5.1 κεῖθεν ἐπισπέρχων ἐλάᾳ· μεσσηγὺ δ’ ἀέθλων ### book 336.5.2 χάλκεος ἱδρύνθη πρῶτον ἴουλον ἔχων. ### book 336.5.3 εἰ δ’ ἐτέων γέρας ἦλθε θοώτερον, ἀλλ’ ἐπὶ νίκαις ### book 336 ὄψιμον, ἀλλὰ μόλις πολλὰ μετὰ στέφεα. ### book 337.1 Ἀγχίσην Κυθέρεια καὶ Ἐνδυμίωνα Σελήνη ### book 337.2 φίλατο καὶ Νίκη νῦν τάχα Πορφύριον, ### book 337.3 ὃς καὶ ἑοὺς ἵππους καὶ ὁμόφρονος ἡνιοχῆος ### book 337.4 ἐξ ἑτέρων ἑτέρους αἰὲν ἀμειβόμενος ### book 337.5.1 πολλάκι κρᾶτα πύκασσε πανημερίοισιν ἀέθλοις ### book 337.5.2 οὐ μογέων, ἑτάρου μοῦνον ἐφεσπομένου. ### book 338.1 Τοῦτό σοι ἠιθέῳ Νίκη γέρας, ὃ χρόνος ἄλλοις ### book 338.2 ὀψὲ μόλις πολιοῖς ὤπασε, Πορφύριε· ### book 338.3 καὶ γὰρ ἀριθμήσασα πολυστεφέας σέο μόχθους ### book 338.4 εὕρετο γηραλέων κρέσσονας ἡνιόχων. ### book 338.5.1 τί πλέον, ὅττι καὶ αὐτὸς ἐπευφήμησεν ἀύσας ### book 338.5.2 σὸν κλέος ἀντιπάλων δῆμος ἀγασσάμενος; ### book 338.5.3 ὀλβίη ἡ Βενέτων πανελεύθερός ἐστι γενέθλη, ### book 338.5.4 ᾗ σε μέγας βασιλεὺς δῶρον ἔνευσεν ἔχειν. ### book 339.1 Ἄλκιμοι ἀλκήεντα, σοφοὶ σοφόν, υἱέα Νίκης ### book 339.2 οἱ Νίκης παῖδες Πορφύριον Βένετοι ### book 339.3 ἄνθεσαν· ἀμφοτέραις γὰρ ἀμειβομένοις ἐπὶ πώλοις ### book 339 κυδιάει νίκαις, οἷς πόρεν, οἷς ἔλαβεν. ### book 340.1 Ἄλλοις παυσαμένοισιν, ἀεθλεύοντι δὲ μούνῳ ### book 340.2 Πορφυρίῳ βασιλεὺς τοῦτο δέδωκε γέρας· ### book 340.3 πολλάκι νικήσας γὰρ ἑοὺς πόρεν ὠκέας ἵππους, ### book 340.4 λάζετο δ’ ἀντιπάλων καὶ πάλιν ἐστέφετο· ### book 340.5.1 ἔνθεν ἔην Πρασίνοις ἔρις ἄσπετος, ἔνθεν ἀυτή· ### book 340.5.2 „Ὡς Βενέτους, τέρψῃ, Κοίρανε, καὶ Πρασίνους.“ ### book 341.1 Αἱ πάντων ψῆφοί με καὶ εἰσέτι διφρεύοντα ### book 341.2 ἔστησαν Νίκης ἐγγύθι Πορφύριον· ### book 341.3 δῆμος μὲν γὰρ ἐμὸς γέρας ᾔτεεν, οἱ δ’ ἕτεροί με ### book 341.4 δίζοντ’ αὖθις ἔχειν νεῖκος ἀπειπάμενοι· ### book 341.5.1 μήτι δ’ ἡνιόχων περιγίγνομαι, οἷσι καὶ ἵππους ### book 341.5.2 κρείσσονας ἀντιπορὼν δεῖξα χερειοτέρους. ### book 342.1 Αὐτὸν Πορφύριον μὲν ἀπηκριβώσατο χαλκῷ ### book 342.2 ὁ πλάστης ἔμπνουν οἷα τυπωσάμενος. ### book 342.3 τίς δὲ χάριν, τίς ἄεθλα, τίς ἔνθεα δήνεα τέχνης ### book 342.4 τεύξει καὶ νίκην οὔποτ’ ἀμειβομένην; ### book 343.1 Εἰκόνι χαλκείῃ τὸν χάλκεον ἡνιοχῆα ### book 343.2 ἄνθετο νικητὴν κοίρανος Αὐσονίων ### book 343.3 ὡς σοφόν, ὡς Βενέτοις πεφιλημένον· ἀλλ’ ἐπὶ νίκαις ### book 343 Πορφυρίου πολλὰς εἰκόνας ὀψόμεθα. ### book 344.1 Τίς τελέθεις, φίλε κοῦρε, γενειάδος ἄκρα χαράσσων; — ### book 344.2 „Ὦ ξένε, Πορφύριος.“ —Τίς πατρίς; —„Ἡ Λιβύη.“ — ### book 344.3 Τίς δέ σε νῦν τίμησεν; —„Ἄναξ χάριν ἱπποσυνάων.“ — ### book 344.4 Τίς μάρτυς τελέθει; —„Δῆμος ὁ τῶν Βενέτων.“ — ### book 344.5.1 Ἔπρεπέ σοι Λύσιππον ἔχειν ἐπιμάρτυρα νίκης ### book 344.5.2 τοσσατίης πλάστην ἴδμονα, Πορφύριε. ### book 345.1 Ἐγγύθι τῆς Νίκης καὶ Ἀλεξάνδρου βασιλῆος ### book 345.2 ἔστης ἀμφοτέρων κύδεα δρεψάμενος. ### book 346.1 Πάντα Τύχης ὀφθαλμὸς ἐπέρχεται, ἀλλ’ ἐπὶ μούνοις ### book 346.2 Πορφυρίου καμάτοις ἕλκεται ὄμμα Τύχης. ### book 347.1 Σὴν τροχαλὴν μάστιγα καὶ ἀσπίδα δῆμος ἀγασθεὶς ### book 347.2 ἤθελέ σε στῆσαι διπλόον, ὥσπερ ἔδει, ### book 347.3 ἡνίοχον κρατερὸν καὶ ἀριστέα· διχθὰ δὲ χαλκὸς ### book 347.4 οὐκ ἐχύθη ψυχὴν σεῖο τυπωσάμενος. ### book 348.1 Πορφύριον σταδίοισι τίνος χάριν ἡνιοχῆα ### book 348.2 δῆμος ὁ πρῶτα φέρων ἄνθετο τῶν Πρασίνων; ### book 348.3 αὐτὸς ἄναξ κήρυξε. τί γὰρ πλέον, ὅττι γεραίρει ### book 348 εἵνεκεν εὐνοίης, εἵνεκεν ἱπποσύνης; ### book 349.1 Πορφυρίῳ μετ’ ἄεθλα γέρας πόρεν ἄξιον ἔργων ### book 349.2 κοίρανος ὁ Πρασίνοις τοῦτο χαριζόμενος· ### book 349.3 πολλάκι γὰρ δῆμος προφερέστερα ἔργα κομίζων ### book 349.4 ᾔνεσε Καλλιόπαν καὶ πάλι Πορφύριον· ### book 349.5.1 διπλόον οὔνομα τοῦτο, τόπερ λάχε χάλκεος ἥρως ### book 349.5.2 οὗτος ὁ τεθρίπποις κῦδος ἑλὼν ἀρετῆς. ### book 350.1 Οὐ μόνον ἐν σταδίοις σε κατέστεφε πότνια Νίκη, ### book 350.2 ἀλλὰ καὶ ἐν πολέμοις δεῖξεν ἀεθλοφόρον, ### book 350.3 εὖτ’ ἄρ’ ἄναξ πολέμιζεν ἔχων Πρασίνους ὑποεργοὺς ### book 350.4 ἄγρια μαινομένῳ ἐχθρῷ ἀνακτορέῳ ### book 350.5.1 καὶ πέσεν αἰνοτύραννος ἐπιφθιμένης τότε Ῥώμης, ### book 350.5.2 ἦμαρ δ’ Αὐσονίοις ἦλθεν ἐλευθερίης. ### book 350.5.3 τοὔνεκα τοῖς μὲν ἔδωκεν ἄναξ γέρας, ὡς πάρος εἶχον, ### book 350.5.4 σὸν δὲ τύπον τέχνη ἔξεσε, Πορφύριε. ### book 351.1 Ὑμετέρων κήρυκες ἀμεμφέες εἰσὶν ἀγώνων ### book 351.2 οἱ καὶ ἀπ’ ἀντιβίων, Πορφύριε, στέφανοι· ### book 351.3 πάντας γὰρ σταδίοισιν ἀμοιβαδὸν αἰὲν ἐλέγχεις ### book 351.4 ἀντιτέχνους, τῆς σῆς παίγνιον ἱπποσύνης. ### book 351.5 τοὔνεκα καὶ ξεῖνον πρεσβήιον εὕραο μοῦνος, ### book 351 εἰκόνα χαλκείην δήμῳ ἐν ἀμφοτέρῳ. ### book 352.1 Πλάστης χαλκὸν ἔτευξεν ὁμοίιον ἡνιοχῆι. ### book 352.2 εἴθε δὲ καὶ τέχνης ὄγκον ἀπειργάσατο, ### book 352.3 ὄγκον ὁμοῦ καὶ κάλλος. ὅπερ Φύσις ὀψὲ τεκοῦσα ### book 352.4 ὤμοσεν· „Ὠδίνειν δεύτερον οὐ δύναμαι.“ ### book 352.5.1 ὤμοσεν εὐόρκοις ὑπὸ χείλεσι· Πορφυρίῳ γὰρ ### book 352.5.2 πρώτῳ καὶ μούνῳ πᾶσαν ἔδωκε χάριν. ### book 353.1 Εἰ φθόνος ἠρεμέοι, κρίνειν δ’ ἐθέλοιεν ἀέθλους, ### book 353.2 πάντες Πορφυρίου μάρτυρές εἰσι πόνων. ### book 353.3 ναὶ τάχα καὶ φήσαιεν ἀριθμήσαντες ἀγῶνας· ### book 353.4 „Βαιὸν τοῦτο γέρας τοσσατίων καμάτων.“ ### book 353.5.1 ὅσσα γὰρ ἡνιοχῆας ἀεὶ μεμερισμένα κοσμεῖ, ### book 353.5.2 εἰς ἓν ἀολλίσσας τηλίκος ἐξεφάνη. ### book 354.1 Αἰδομένη χαλκῷ σε πόλις, τριπόθητε, γεραίρει, ### book 354.2 ἤθελε γὰρ χρυσῷ, ἀλλ’ ἴδεν ἐς Νέμεσιν. ### book 354.3 εἰ δὲ τεὴν μέλπων οὐ παύεται ἠθάδα νίκην ### book 354.4 εὐγνώμων δῆμος, Πορφύριε, Πρασίνων, ### book 354.5.1 ἔμπνοά σοι ξύμπαντες ἀγάλματα· πᾶς δὲ περισσὸς ### book 354.5.2 καὶ χρυσὸς τούτοις εἰς ἔριν ἐρχόμενος. ### book 355.1 Οὔπω σοι μογέοντι Τύχη πόρεν ἄξια νίκης· ### book 355.2 νῖκαι γὰρ τῆς σῆς μείζονες εὐτυχίης· ### book 355.3 ἀλλὰ μέρει πρώτῳ σταθερῷ καὶ ἀρείονι μίμνοις ### book 355.4 τὴν φθονερὴν τήκων δυσμενέων κραδίην, ### book 355.5 οἳ σέθεν εἰσορόωντες ἀεὶ νικῶσαν ἱμάσθλην ### book 355 μέμφονται σφετέρην αἰὲν ἀτασθαλίην. ### book 356.1 Ἄλλοις μὲν γεράων πρόφασις χρόνος· οἱ δ’ ἐπὶ νίκαις ### book 356.2 κρινόμενοι πολιῆς οὐ χατέουσι κόμης, ### book 356.3 ἀλλ’ ἀρετῆς, ὅθεν εὖχος ἀνάπτεται. εἷς ἀπὸ τοίων ### book 356.4 Πορφύριος δώρων δὶς λάχεν ἀγλαΐην, ### book 356.5.1 οὐκ ἐτέων δεκάδας, νίκης δ’ ἑκατοντάδας αὐχῶν ### book 356.5.2 πολλὰς καὶ πάσας συγγενέας Χαρίτων. ### book 357.1.1 Ἀγχίσην Κυθέρεια καὶ Ἐνδυμίωνα Σελήνη ### book 357.1.2 φίλατο· μυθεῦνται τοῖα παλαιγενέες. ### book 357.1.3 νῦν δὲ νέος τις μῦθος ἀείσεται, ὡς τάχα Νίκη ### book 357.1.4 ὄμματα καὶ δίφρους φίλατο Πορφυρίου. ### book 358.1 Πρεσβυτέρους κοῦρος μὲν ἐών, πρέσβυς δέ τε κούρους ### book 358.2 νικᾷς, τεθρίππων κέντορας ἀθλοφόρων. ### book 358.3 ἓξ δ’ ἐτέων ἀνύσας δεκάδας στήλην ἐπὶ νίκαις ### book 358.4 εἷλες, Καλλιόπα, νεύματι κοιρανίης, ### book 358.5.1 ὄφρα μένοι καὶ ἔπειτα τεὸν κλέος. αἴθε τοι εἴη ### book 358.5.2 ὡς κλέος ἀθάνατον καὶ δέμας ἀθάνατον. ### book 359.1 Σῆς τόδε διφρελάτειρα τὸ χάλκεον ἄνθετο Νίκα ### book 359.2 δείκηλον μορφᾶς, Καλλιόπα, ζαθέας, ### book 359.3 πρέσβυς ὅτι σφριγόωντας ἐν ἱπποδάμῳ πλέον ἀλκᾷ ### book 359.4 νίκησας, γεραροὺς δ’ ὢν νέος ἐν σοφίῃ. ### book 359.5 ἔνθεν ἐλευθερόπαις Βενέτων σέο πήξατο δῆμος ### book 359 δοιά, τὰ μὲν τέχνας ἆθλα, τὰ δὲ σθένεος. ### book 360.1 Σὸν γῆρας νεότητα τεὴν ὑπερέδραμε νίκαις, ### book 360.2 καὶ πάντων κρατέεις πάντοτε, Καλλιόπα. ### book 360.3 ἔνθεν ἄναξ καὶ δῆμος ἐλεύθερος αὖθις ἐγείρει ### book 360.4 τοῦτο γέρας, σοφίης μνῆμα καὶ ἠνορέης. ### book 361.1 Οὗτος, ἐγερσιθέατρε, τεὸς τύπος, ὅν τοι ἐγείρει ### book 361.2 ἑσμὸς ἀριζήλων, Καλλιόπα, στεφάνων· ### book 361.3 οὔτε γὰρ ἡνίοχός σε παρήπαφεν, οὔτε χαλινοῖς ### book 361.4 δύστομος ἱππείη σοῖς ἀπίθησε γένυς· ### book 361.5.1 μοῦνος δὴ νίκης γέρας ἄρνυσαι. ἦ παρὰ πᾶσι ### book 361.5.2 δόξαν ἔχεις ἐθέλων ἆθλα λιπεῖν ἑτέροις. ### book 362.1 Καλλιόπα κλυτόμοχθε, τί σοι πλέον, ὅττι γεραίρει ### book 362.2 εἰκόνι χαλκοτύπῳ σοὺς βασιλεὺς καμάτους, ### book 362.3 δῆμος ὁ μυριόφωνος, ὅλη πτόλις, εὖτε καὶ αὐτὴ ### book 362.4 δυσμενέων παλάμη σοῖς ἐπένευσε πόνοις; ### book 363.1 Μητέρες εὐάθλων γεράων φρένες, οὐ κράτος ἥβης, ### book 363.2 οὐ τάχος ἱπποσύνης, οὐ χρόνος εὐτυχίης. ### book 363.3 ἱλήκοι, Φαυστῖνε, τεὸς νόος, ᾧ τάδε πάντα ### book 363 ἕσπεται, ᾧ Νίκη σύντροφος ἀθάνατος. ### book 364.1 Πρίν σε νέον, Φαυστῖνε, νόος πεφόβητο γερόντων, ### book 364.2 νῦν δέ σε πρεσβυγενῆ κάρτος ἔφριξε νέων. ### book 364.3 δεύτερα δ’ εὕρετο πάντα τεὸς πόνος, ὅς σε γεραίρει ### book 364.4 πρέσβυν ἐν ἠιθέοις, ἐν δὲ γέρουσι νέον. ### book 365.1 Ἐξότε Κωνσταντῖνος ἔδυ δόμον Ἄϊδος εἴσω, ### book 365.2 πλῆτο κατηφείης ἱπποσύνης στάδιον· ### book 365.3 τερπωλὴ δ’ ἀπέλειπε θεήμονας, οὐδ’ ἐν ἀγυιαῖς ### book 365.4 κείνας τὰς φιλίας ἐστὶν ἰδεῖν ἔριδας. ### book 366.1 Εἰκόνα, Κωνσταντῖνε, τεὴν ἀνέθεντο πολῖται ### book 366.2 μυρόμενοι, ψυχῆς τέρψιν ἀποιχομένης· ### book 366.3 σοὶ κλέος ὁππότε δῆμος ἐπεσφρήγιζε θανόντι, ### book 366.4 μνήσατο σῶν καμάτων καὶ μετὰ πότμον ἄναξ, ### book 366.5.1 οὕνεκεν ἱπποσύνης φιλοκέρτομος ὤλετο τέχνη ### book 366.5.2 ἐν σοὶ παυσαμένη πᾶσα καὶ ἀρξαμένη. ### book 367.1 Εἰσέτι μὲν ζώοντι πόλις ποτὲ Κωνσταντίνῳ ### book 367.2 εἰκόνα χαλκείην βαιὸν ἔκρινε γέρας· ### book 367.3 ᾔδεε γὰρ πᾶς δῆμος, ὅσους ἐπὶ κύδεϊ νίκης ### book 367.4 αἰὲν ἀεθλεύων ἀμφέθετο στεφάνους. ### book 367.5 ὡς δ’ ἔθανεν, ποθέουσα φίλον τύπον ἄνθετο τοῦδε, ### book 367 ὄφρα καὶ ἐσσομένοις μνῆστιν ἔχοι καμάτων. ### book 368.1 Οἱ Βένετοι Πρασίνοισιν ἐναντίοι αἰὲν ἐόντες ### book 368.2 εἰς ἕν’ ὁμοφροσύνης ἐξεβόησαν ὅρον, ### book 368.3 ὥστε σε, Κωνσταντῖνε, λαβεῖν ἐπιτύμβιον εὖχος ### book 368.4 πᾶσιν ἀειδόμενον, πᾶσιν ἀρεσκόμενον. ### book 369.1 Ἀντολίης δύσιός τε μεσημβρίης τε καὶ ἄρκτου ### book 369.2 σὸς δρόμος ὑψιφαὴς ἀμφιβέβηκεν ὅρους, ### book 369.3 ἄφθιτε Κωνσταντῖνε. θανεῖν δέ σε μή τις ἐνίσπῃ· ### book 369.4 τῶν γὰρ ἀνικήτων ἅπτεται οὐδ’ Ἀίδης. ### book 370.1 Ἐγγύθι τῆς σφετέρης γενεῆς λάχεν εἰκόνα τήνδε· ### book 370.2 ἔπρεπε γὰρ τρισσοῖς εἰν ἑνὶ χῶρον ἔχειν, ### book 370.3 οἳ καὶ ἐνὶ σταδίοις ἀρετῆς κλέος εἴκελον εὗρον ### book 370.4 νηρίθμων στεφάνων ἑσμὸν ἑλόντες ἴσον. ### book 371.1 Τὸν Φαυστινιάδην πόλις ἄνθετο Κωνσταντῖνον, ### book 371.2 γείτονα μὲν γενεῆς, κρέσσονα δ’ ἡνιόχων. ### book 371.3 δὴν γὰρ ἀεθλεύσας οὐκ ἤμβροτεν, ἀλλ’ ἐπὶ νίκῃ ### book 371.4 παύσατο σὺν νίκῃ καὶ πάρος ἀρξάμενος, ### book 371.5 ὃν καὶ κοῦρον ἐόντα παλαίτεροι ἡνιοχῆες ### book 371 στεψάμενοι σταδίοις εἷσαν ἀγωνοθέτην. ### book 372.1 Σοὶ τόδε, Κωνσταντῖνε, τεὴ τροφὸς ὤπασε Νίκη ### book 372.2 παιδόθεν ἑσπομένη πᾶσαν ἐφ’ ἡλικίην. ### book 372.3 πέντε γὰρ ἐν σταδίοις δεκάδας τελέσας ἐνιαυτῶν ### book 372.4 οὐδ’ ἴσον οὐδ’ ὀλίγον εὕρεο λειπόμενον· ### book 372.5.1 ἀλλ’ ἔτι κουρίζων τε καὶ ἄχνοος ἄνδρας ἐνίκας, ### book 372.5.2 ἥλικας ἡβήσας, γηραλέος δὲ νέους. ### book 373.1 Ἤθελε Κωνσταντῖνον ἀεὶ πτόλις ἡνιοχεύειν, ### book 373.2 ἤθελεν, ἀλλὰ πόθῳ οὐκ ἐπένευσε Φύσις. ### book 373.3 ἔνθεν ἑῶν τόδ’ ἄγαλμα παραίφασιν εὗρεν ἐρώτων, ### book 373.4 ὄφρα ἑ μὴ λήθη καὶ χρόνος ἀμφιλάβοι, ### book 373.5.1 ἀλλὰ μένοι ποθέουσιν ἔρως, ζῆλος δ’ ἐλατῆρσι, ### book 373.5.2 κόσμος δὲ σταδίοις, ἐσσομένοις δὲ φάτις. ### book 373.5.3 καί τις ἰδὼν μετόπισθε χερείονας ἡνιοχῆας ### book 373.5.4 ὀλβίσσει προτέρην, ἥ μιν ἴδεν, γενεήν. ### book 374.1 Πέντε καὶ εἴκοσι μοῦνος ἀέθλια Κωνσταντῖνος ### book 374.2 εἰς μίαν ἠριγένειαν ἑλὼν ἤμειψε μὲν ἵππους ### book 374.3 ἀντιπάλοις· κείνους δὲ λαβών, οὓς πρόσθεν ἐνίκα, ### book 374.4 τοῖς αὐτοῖς πάλιν εἷλε μίαν τε καὶ εἴκοσι νίκας. ### book 374.5 πολλάκι δ’ ἀμφοτέρων μερέων ἔρις ἔμπεσε δήμῳ, ### book 374 τίς μιν ἔχοι· κείνῳ δὲ δόσαν κρίσιν ἐκ δύο πέπλων. ### book 375.1 Ἔγρεο, Κωνσταντῖνε. τί χάλκεον ὕπνον ἰαύεις; ### book 375.2 σεῖο δίφρους ποθέει δῆμος ἐνὶ σταδίοις, ### book 375.3 σῆς τε διδασκαλίης ἐπιδευέες ἡνιοχῆες ### book 375.4 εἵαται ὀρφανικοῖς παισὶν ὁμοιότατοι. ### book 376.1 Ἀμφοτέροις εἷς μοῦνος ἀριστεύσας παρὰ δήμοις ### book 376.2 κῦδος ἀπ’ ἀμφοτέρων ἔλλαχεν Οὐράνιος ### book 376.3 εἰσέτι διφρεύων· τὸ δέ οἱ γέρας ἤλυθε πρῶτον ### book 376.4 ἐκ Πρασίνων, οἷς δὴ γείτονα χῶρον ἔχει. ### book 376.5.1 αὐτοὶ καὶ σταδίοιο πεπαυμένον ἤγαγον αὖθις ### book 376.5.2 ἐς δίφρους νίκης μνωόμενοι προτέρης. ### book 377.1 Παυσάμενον σταδίων βασιλεὺς ἐπ’ ἀγακλέι νίκῃ ### book 377.2 αὖθις ὑπὲρ δίφρων βῆσεν ἀεθλοφόρων ### book 377.3 Οὐράνιον δήμοισι φέρων χάριν· οὐ ποθέει γὰρ ### book 377.4 ἡ πόλις Οὐρανίου νόσφιν ἀεθλοσύνας. ### book 377.5.1 τοὔνεκα διφρεύοντα τὸ δεύτερον ὑστατίης τε ### book 377.5.2 νίκης καὶ προτέρης στῆσεν ἀγασσαμένη. ### book 378.1 Οὐράνιος Νίκαιαν ἔχει πέλας ὁπλοτέρην τε ### book 378.2 Ῥώμην, τῆς μὲν ἐών, τῇ δ’ ἔνι κῦδος ἑλών. ### book 378.3 νικᾷ δ’ ἀμφοτέρωθεν, ἐπεὶ περιδέξιος ἦεν ### book 378.4 τῇ καὶ τῇ προθέειν ἠὲ παρεξελάαν. ### book 378.5 τοὔνεκα καὶ χρυσέῳ μιν ἀνεγράψαντο μετάλλῳ, ### book 378 κυδίστῳ κτεάνων κύδιμον ἡνίοχον. ### book 379.1.1 Τὸν θρασὺν ἡνιοχῆα λελασμένον ἅρματος ἄθλων ### book 379.1.2 ἐνθάδ’ Ἀναστάσιον κείμενον οὖδας ἔχει, ### book 379.1.3 ὃς τόσσους ἀνέδησε τὸ πρὶν στεφάνους, ὅσα ἄλλοι ### book 379.1.4 ἔδρακον ἡνιόχων ἤματα ἱππασίης. ### book 380.1 Ἐν γῇ κρατήσας παντὸς ἁρματηλάτου ### book 380.2 καλῶς ἐπήρθη καὶ πρὸς αἰθέρα τρέχειν ### book 380.3 Πορφύριος, τὸ θαῦμα δήμου Βενέτων· ### book 380.4 νικῶν γὰρ οὗτος πάντα γῆς διφρηλάτην ### book 380.5 ἄνεισιν, ὡς ἂν καὶ σὺν ἡλίῳ δράμῃ. ### book 381.1 Ἴουλον ἀνθῶν πρῶτον οὗτος ἡνίας ### book 381.2 Πορφύριος Κάλχαντος εἷλκε Βενέτου. ### book 381.3 ἐκπλήττομαι δέ, πῶς γράφει χεὶρ ἐμπνόους ### book 381.4 τούτου τις ἵππους. καὶ γὰρ ἂν πλήξῃ πάλιν, ### book 381.5 οἶμαι, δραμεῖται νῖκος εὑρεῖν καὶ πάλιν. ### book 382.1 Σκόπει τὸ δρᾶμα μηχανουργοῦ τοῦ δόμου· ### book 382.2 εἰ μὴ γὰρ ἐστέγαστο καρτερᾷ σκέπῃ, ### book 382.3 πρὸς οὐρανοὺς ἂν ὦρτο Φαυστῖνος τρέχων ### book 382.4 ὡς ζῶν σὺν ἵπποις, τὸ κλέος πρὶν Πρασίνων. ### book 382.5 ἆρον στέγος γάρ, καὶ φθάνει πρὸς αἰθέρα. ### book 383.1 Φαυστῖνος οὗτος, ὁ πρὶν ἁρματηλάτης, ### book 383.2 ὃν δῆμος εὑρὼν τοῦ μέρους τῶν Πρασίνων ### book 383.3 τὴν ἧτταν ἠγνόησε παντελῶς δρόμῳ. ### book 383.4 γέρων μὲν ἦν γάρ, ὡς βλέπεις· τὸ δὲ σθένος ### book 383.5 ἦν τις νεάζων οὐδ’ ὅλως ἡττημένος. ### book 384.1 Λευκοῦ μεθέλκων ἡνίας Κωνσταντίνος ### book 384.2 ἂν μὴ καθεῖρκτο στερρότητι τοῦ δόμου, ### book 384.3 τοὺς τρεῖς ἐνίκα πρῶτος αἰθέρα φθάνων, ### book 384.4 πνοῆς ἄνευθεν εἶδες αἰθεροδρόμον· ### book 384.5 τέχνη με πείθει τοῦτον ἔμπνοον βλέπειν. ### book 385.1 Κωνσταντίνος γ’ ἦν, ἀλλὰ τοῖς πάλαι χρόνοις ### book 385.2 λευκῆς χρόας τέθριππον ἕλκων εὐστρόφως. ### book 385.3 ἀφ’ οὗ δὲ τοῦτον ἥρπασεν Χάρων, ἔδυ ### book 385.4 τὸ φῶς ἁμίλλης ἱππικῶν δρομημάτων ### book 385.5 καὶ πᾶσα τέρψις τοῦ θεάτρου καὶ τέχνη. ### book 386.1 Χεὶρ οἶδε γεννᾶν τοὺς πάλαι τεθνηκότας. ### book 386.2 Ἰουλιανὸς καὶ γὰρ ὡς πάλαι σθένει ### book 386.3 ἕλκων μεθέλκων Ῥουσίου τὰς ἡνίας· ### book 386.4 καὶ νῦν γραφεὶς ἕστηκεν ὑψοῦ σὺν δίφρῳ· ### book 386.5 τὸ νεῦμα χεὶρ μένει δέ· τὴν νύσσαν δότε. ### book 387.1 Ἰουλιανὸς οὗτος ἅρμα Ῥουσίου ### book 387.2 ἔχων ἐνίκα τοὺς ἐναντίους δρόμῳ. ### book 387.3 ἀλλ’ εἰ γραφεὺς παρεῖχε καὶ πνοῆς χάριν, ### book 387.4 ἕτοιμός ἐστι καὶ πάλιν διφρηλάτης ### book 387.5 καὶ πρόσθεν ἐλθεῖν καὶ λαβεῖν καὶ τὸ στέφος. ### book 387b.1 Ἀθλήσας ἤδη πώλῳ πηδήσας ἦλθα. ### book 387b.2 Ἀμήσας ἄρδην ὀροφηφόρον ἥδρασα σῆμα. ### book 387b.3 Ἀλύξας ὥρην ἠνεμωμένην ἤρωσα ξύλα. ### book 387c.1 Ἤδη μοι Διὸς ἄρα πηγὴ παρὰ σοί, Διομήδη. ### book 387c.2 Νοσῶ· σύ, ὃς εἶ ἴαμα, Ἰησοῦ, σῶσον. ### book 387c.3 Νῷ ἐλατά, μὴ ὀνητὰ σοφὸς ἄτη νοήματα, Λέων. ### book 387c.4 Ἱερὰ σὰ παρὰ χείλη, Ἥλιε, χαρὰ πᾶσα ῥεῖ. ### book 387c.5.1 Νίψον ἀνομήματα, μὴ μόναν ὄψιν. ### book 387c.5.2 Νόμον, ὁ κοινός, ἔχε σὸν οἰκονόμον. ### book 387c.6.1 * ### book 387c.6.2 Σοφὸς ἔγωγε ἤδη ὢν ἄνω, χαρᾷ τῶν ἄνω γελῶ τὰ ### book 387c κάτω λέγων· Ἄνω ταραχῶν ἂν ὦ, ἤδη ἔγωγε σοφός. ### book 388.1.1 Στέφος πλέκων ποθ’ εὗρον ### book 388.1.2 ἐν τοῖς ῥόδοις Ἔρωτα· ### book 388.1.3 καὶ τῶν πτερῶν κατασχὼν ### book 388.1.4 ἐβάπτις’ εἰς τὸν οἶνον· ### book 388.5.1 λαβὼν δ’ ἔπινον αὐτόν. ### book 388.5.2 καὶ νῦν ἔσω μελῶν μου ### book 388 πτεροῖσι γαργαλίζει. ## License and provenance This text is licensed CC0 1.0 Universal. The canonical record is the JSON at https://eulogikon.org/data/works/grc/greek-anthology-volume-5-ajg-aa.json (sha256:af2bfcc6082b7ee082a8530c98603429607bc6f910721072924603d3ce4b9fa9). Cite as `eul_wid: ajg-aa`.