---
title: Iphigenia at Aulis
title_greek: Ἰφιγένεια ἐν Αὐλίδι
author: Euripides
eul_wid: cbm-ad
eul_aid: cbm
canonical: "https://eulogikon.org/grc/euripides/iphigenia-aulis"
canonical_json: "https://eulogikon.org/data/works/grc/euripides-iphigenia-aulis-cbm-ad.json"
sha256: "373cc97383ed8e8787c3050c17c29c2575c6852749e2d76c5adb01a390a565f1"
period: Classical
dialect: Attic Drama
domain: Drama
format: Verse
license: CC0-1.0
---

# Iphigenia at Aulis

*Ἰφιγένεια ἐν Αὐλίδι*

**Author:** Euripides

**eul_wid:** `cbm-ad` · [HTML page](https://eulogikon.org/grc/euripides/iphigenia-aulis) · [Canonical JSON](https://eulogikon.org/data/works/grc/euripides-iphigenia-aulis-cbm-ad.json)

## Text

### 1

ΑΓΑΜΕΜΝΩΝ

### 1

Ὦ πρέσβυ, δόμων τῶνδε πάροιθεν

### 1.1

στεῖχε.

### 1.2

ΠΡΕΣΒΥΤΗΣ

### 2.1

στείχω. τί δὲ καινουργεῖς,

### 2.2

Ἀγάμεμνον ἄναξ; Αγ. σπεῦδε. Πρ. σπεύδω.

### 2.3

μάλα τοι γῆρας τοὐμὸν ἄυπνον

### 5.1

καὶ ἐπ’ ὀφθαλμοῖς ὀξὺ πάρεστιν.

### 5.2

Αγ. τίς ποτ’ ἄρ’ ἀστὴρ ὅδε πορθμεύει

### 5.3

σείριος ἐγγὺς τῆς ἑπταπόρου

### 5.4

Πλειάδος ἄισσων ἔτι μεσσήρης;

### 5.5

οὔκουν φθόγγος γ’ οὔτ’ ὀρνίθων

### 10.1

οὔτε θαλάσσης· σιγαὶ δ’ ἀνέμων

### 10.2

τόνδε κατ’ Εὔριπον ἔχουσιν.

### 10.3

Πρ. τί δὲ σὺ σκηνῆς ἐκτὸς ἀίσσεις,

### 10.4

Ἀγάμεμνον ἄναξ;

### 10.5

ἔτι δ’ ἡσυχία τήνδε κατ’ Αὖλιν

### 15.1

καὶ ἀκίνητοι φυλακαὶ τειχέων.

### 15.2

στείχωμεν ἔσω. Αγ. ζηλῶ σέ, γέρον,

### 15.3

ζηλῶ δ’ ἀνδρῶν ὃς ἀκίνδυνον

### 15.4

βίον ἐξεπέρας’ ἀγνὼς ἀκλεής· τοὺς δ’ ἐν τιμαῖς ἧσσον ζηλῶ.

### 20.1

Πρ. καὶ μὴν τὸ καλόν γ’ ἐνταῦθα βίου.

### 20.2

Αγ. τοῦτο δέ γ’ ἐστὶν τὸ καλὸν σφαλερόν,

### 20.3

καὶ τὸ πρότιμον

### 20.4

γλυκὺ μέν, λυπεῖ δὲ προσιστάμενον.

### 20.5

τοτὲ μὲν τὰ θεῶν οὐκ ὀρθωθέντ’

### 25.1

ἀνέτρεψε βίον, τοτὲ δ’ ἀνθρώπων

### 25.2

γνῶμαι πολλαὶ

### 25.3

καὶ δυσάρεστοι διέκναισαν.

### 25.4

Πρ. οὐκ ἄγαμαι ταῦτ’ ἀνδρὸς ἀριστέως.

### 25.5

οὐκ ἐπὶ πᾶσίν ς’ ἐφύτευς’ ἀγαθοῖς,

### 30.1

Ἀγάμεμνον, Ἀτρεύς. δεῖ δέ σε χαίρειν

### 30.2

καὶ λυπεῖσθαι· θνητὸς γὰρ ἔφυς.

### 30.3

κἂν μὴ σὺ θέληις, τὰ θεῶν οὕτω

### 34

βουλόμεν’ ἔσται. σὺ δὲ λαμπτῆρος

### 35.1

φάος ἀμπετάσας δέλτον τε γράφεις

### 35.2

τήνδ’ ἣν πρὸ χερῶν ἔτι βαστάζεις,

### 35.3

καὶ ταὐτὰ πάλιν γράμματα συγχεῖς

### 35.4

καὶ σφραγίζεις λύεις τ’ ὀπίσω

### 35.5

ῥίπτεις τε πέδωι πεύκην, θαλερὸν

### 40-41

κατὰ δάκρυ χέων, κἀκ τῶν ἀπόρων

### 42.1

οὐδενὸς ἐνδεῖς μὴ οὐ μαίνεσθαι.

### 42.2

τί πονεῖς; τί νέον παρὰ σοί, βασιλεῦ;

### 42.3

φέρε κοίνωσον μῦθον ἐς ἡμᾶς.

### 45.1

πρὸς 〈δ’〉 ἄνδρ’ ἀγαθὸν πιστόν τε φράσεις· σῆι γάρ μ’ ἀλόχωι ποτὲ Τυνδάρεως

### 45.2

πέμπει φερνὴν

### 45.3

συννυμφοκόμον τε δίκαιον.

### 45.4

Αγ. ἐγένοντο Λήδαι Θεστιάδι τρεῖς παρθένοι, Φοίβη Κλυταιμήστρα τ’, ἐμὴ ξυνάορος,

### 45.5

Ἑλένη τε· ταύτης οἱ τὰ πρῶτ’ ὠλβισμένοι

### 45.6

μνηστῆρες ἦλθον Ἑλλάδος νεανίαι.

### 45.7

δειναὶ δ’ ἀπειλαὶ καὶ κατ’ ἀλλήλων φθόνος

### 45.8

ξυνίσταθ’, ὅστις μὴ λάβοι τὴν παρθένον.

### 55.1

τὸ πρᾶγμα δ’ ἀπόρως εἶχε Τυνδάρεωι πατρί,

### 55.2

δοῦναί τε μὴ δοῦναί τε, τῆς τύχης ὅπως

### 55.3

ἅψαιτ’ ἄριστα. καί νιν εἰσῆλθεν τάδε·

### 55.4

ὅρκους συνάψαι δεξιάς τε συμβαλεῖν

### 55.5

μνηστῆρας ἀλλήλοισι καὶ δι’ ἐμπύρων

### 60.1

σπονδὰς καθεῖναι κἀπαράσασθαι τάδε·

### 60.2

ὅτου γυνὴ γένοιτο Τυνδαρὶς κόρη,

### 60.3

τούτωι συναμυνεῖν, εἴ τις ἐκ δόμων λαβὼν

### 60.4

οἴχοιτο τόν τ’ ἔχοντ’ ἀπωθοίη λέχους,

### 60.5

κἀπιστρατεύσειν καὶ κατασκάψειν πόλιν

### 65.1

Ἕλλην’ ὁμοίως βάρβαρόν θ’ ὅπλων μέτα.

### 65.2

ἐπεὶ δ’ ἐπιστώθησαν (εὖ δέ πως γέρων

### 65.3

ὑπῆλθεν αὐτοὺς Τυνδάρεως πυκνῆι φρενί),

### 65.4

δίδως’ ἑλέσθαι θυγατρὶ μνηστήρων ἕνα,

### 65.5

ὅποι πνοαὶ φέροιεν Ἀφροδίτης φίλαι.

### 70.1

ἡ δ’ εἵλεθ’, ὅς σφε μήποτ’ ὤφελεν λαβεῖν,

### 70.2

Μενέλαον. ἐλθὼν δ’ ἐκ Φρυγῶν ὁ τὰς θεὰς

### 70.3

κρίνας ὅδ’, ὡς ὁ μῦθος ἀνθρώπων ἔχει,

### 70.4

Λακεδαίμον’, ἀνθηρὸς μὲν εἱμάτων στολῆι

### 70.5

χρυσῶι τε λαμπρός, βαρβάρωι χλιδήματι,

### 75.1

ἐρῶν ἐρῶσαν ὤιχετ’ ἐξαναρπάσας

### 75.2

Ἑλένην πρὸς Ἴδης βούσταθμ’, ἔκδημον λαβὼν

### 75.3

Μενέλαον. ὁ δὲ καθ’ Ἑλλάδ’ οἰστρήσας δρόμωι

### 75.4

ὅρκους παλαιοὺς Τυνδάρεω μαρτύρεται,

### 75.5

ὡς χρὴ βοηθεῖν τοῖσιν ἠδικημένοις.

### 80.1

τοὐντεῦθεν οὖν Ἕλληνες ἄιξαντες δορί,

### 80.2

τεύχη λαβόντες στενόπορ’ Αὐλίδος βάθρα

### 80.3

ἥκουσι τῆσδε, ναυσὶν ἀσπίσιν θ’ ὁμοῦ

### 80.4

ἵπποις τε πολλοῖς ἅρμασίν τ’ ἠσκημένοι.

### 80.5

κἀμὲ στρατηγεῖν †κἆτα† Μενέλεω χάριν

### 85.1

εἵλοντο, σύγγονόν γε· τἀξίωμα δὲ

### 85.2

ἄλλος τις ὤφελ’ ἀντ’ ἐμοῦ λαβεῖν τόδε.

### 85.3

ἠθροισμένου δὲ καὶ ξυνεστῶτος στρατοῦ

### 85.4

ἥμεσθ’ ἀπλοίαι χρώμενοι κατ’ Αὐλίδα.

### 85.5

Κάλχας δ’ ὁ μάντις ἀπορίαι κεχρημένοις

### 90.1

ἀνεῖλεν Ἰφιγένειαν ἣν ἔσπειρ’ ἐγὼ

### 90.2

Ἀρτέμιδι θῦσαι τῆι τόδ’ οἰκούσηι πέδον,

### 90.3

καὶ πλοῦν τ’ ἔσεσθαι καὶ κατασκαφὰς Φρυγῶν

### 90.4

θύσασι, μὴ θύσασι δ’ οὐκ εἶναι τάδε.

### 90.5

κλυὼν δ’ ἐγὼ ταῦτ’, ὀρθίωι κηρύγματι

### 95.1

Ταλθύβιον εἶπον πάντ’ ἀφιέναι στρατόν,

### 95.2

ὡς οὔποτ’ ἂν τλὰς θυγατέρα κτανεῖν ἐμήν.

### 95.3

οὗ δή μ’ ἀδελφὸς πάντα προσφέρων λόγον

### 95.4

ἔπεισε τλῆναι δεινά. κἀν δέλτου πτυχαῖς

### 95.5

γράψας ἔπεμψα πρὸς δάμαρτα τὴν ἐμὴν πέμπειν Ἀχιλλεῖ θυγατέρ’ ὡς γαμουμένην,

### 95.6

τό τ’ ἀξίωμα τἀνδρὸς ἐκγαυρούμενος,

### 95.7

συμπλεῖν τ’ Ἀχαιοῖς οὕνεκ’ οὐ θέλοι λέγων,

### 95.8

εἰ μὴ παρ’ ἡμῶν εἶσιν ἐς Φθίαν λέχος· πειθὼ γὰρ εἶχον τήνδε πρὸς δάμαρτ’ ἐμήν,

### 105.1

ψευδῆ συνάψας †ἀντὶ παρθένου† γάμον.

### 105.2

μόνοι δ’ Ἀχαιῶν ἴσμεν ὡς ἔχει τάδε

### 105.3

Κάλχας Ὀδυσσεὺς Μενέλεώς θ’. ἃ δ’ οὐ καλῶς

### 105.4

ἔγνων τότ’, αὖθις μεταγράφω καλῶς πάλιν

### 105.5

ἐς τήνδε δέλτον, ἣν κατ’ εὐφρόνης 〈⏑–〉

### 110.1

λύοντα καὶ συνδοῦντά μ’ εἰσεῖδες, γέρον.

### 110.2

ἀλλ’ εἷα χώρει τάσδ’ ἐπιστολὰς λαβὼν

### 110.3

πρὸς Ἄργος. ἃ δὲ κέκευθε δέλτος ἐν πτυχαῖς,

### 110.4

λόγωι φράσω σοι πάντα τἀγγεγραμμένα·

### 110.5

πιστὸς γὰρ ἀλόχωι τοῖς τ’ ἐμοῖς δόμοισιν εἶ.

### 117.1

Πρ. λέγε καὶ σήμαιν’, ἵνα καὶ γλώσσηι

### 117.2

σύντονα τοῖς σοῖς γράμμασιν αὐδῶ.

### 115.1

Αγ. πέμπω σοι πρὸς ταῖς πρόσθεν

### 115.2

δέλτους, ὦ Λήδας ἔρνος,

### 119

μὴ στέλλειν τὰν σὰν ἶνιν πρὸς

### 120.1

τὰν κολπώδη πτέρυγ’ Εὐβοίας

### 120.2

Αὖλιν ἀκλύσταν.

### 120.3

εἰς ἄλλας ὥρας γὰρ δὴ

### 120.4

παιδὸς δαίσομεν ὑμεναίους.

### 120.5

Πρ. καὶ πῶς Ἀχιλεὺς λέκτρων ἀπλακὼν

### 125.1

οὐ μέγα φυσῶν θυμὸν ἐπαρεῖ

### 125.2

σοὶ σῆι τ’ ἀλόχωι; τόδε καὶ δεινόν.

### 125.3

σήμαιν’ ὅτι φήις.

### 125.4

Αγ. ὄνομ’, οὐκ ἔργον, παρέχων Ἀχιλεὺς οὐκ οἶδε γάμους, οὐδ’ ὅτι πράσσομεν,

### 130.1

οὐδ’ ὅτι κείνωι παῖδ’ ἐπεφήμισα

### 130.2

νυμφείους εἰς ἀγκώνων

### 130.3

εὐνὰς ἐκδώσειν λέκτροις.

### 130.4

Πρ. δεινά γ’ ἐτόλμας, Ἀγάμεμνον ἄναξ,

### 130.5

ὃς τῶι τῆς θεᾶς σὴν παῖδ’ ἄλοχον

### 135.1

φατίσας ἦγες σφάγιον Δαναοῖς.

### 135.2

Αγ. οἴμοι, γνώμας ἐξέσταν,

### 135.3

αἰαῖ, πίπτω δ’ εἰς ἄταν.

### 135.4

ἀλλ’ ἴθ’ ἐρέσσων σὸν πόδα, γήραι

### 140.1

μηδὲν ὑπείκων. Πρ. σπεύδω, βασιλεῦ.

### 140.2

Αγ. μή νυν μήτ’ ἀλσώδεις ἵζου

### 140.3

κρήνας μήθ’ ὕπνωι θελχθῆις.

### 140.4

Πρ. εὔφημα θρόει.

### 140.5

Αγ. πάντηι δὲ πόρον σχιστὸν ἀμείβων

### 145.1

λεῦσσε, φυλάσσων μή τίς σε λάθηι

### 145.2

τροχαλοῖσιν ὄχοις παραμειψαμένη

### 145.3

παῖδα κομίζους’ ἐνθάδ’ ἀπήνη

### 145.4

Δαναῶν πρὸς ναῦς.

### 145.5

Πρ. ἔσται. Αγ. κλήιθρων δ’ †ἐξόρμα ἤν νιν πομπαῖς ἀντήσηις,

### 145.6

πάλιν ἐξορμάσεις χαλινούς,†

### 145.7

ἐπὶ Κυκλώπων ἱεὶς θυμέλας.

### 145.8

Πρ. πιστὸς δὲ φράσας τάδε πῶς ἔσομαι,

### 145.9

λέγε, παιδὶ σέθεν τῆι σῆι τ’ ἀλόχωι;

### 155.1

Αγ. σφραγῖδα φύλασς’ ἣν ἐπὶ δέλτωι

### 155.2

τῆιδε κομίζεις. ἴθι· λευκαίνει

### 155.3

τόδε φῶς ἤδη λάμπους’ ἠὼς

### 159

πῦρ τε τεθρίππων τῶν Ἀελίου.

### 160-161

σύλλαβε μόχθων. θνητῶν δ’ ὄλβιος

### 162.1

ἐς τέλος οὐδεὶς οὐδ’ εὐδαίμων·

### 162.2

οὔπω γὰρ ἔφυ τις ἄλυπος.

### 162.3

ΧΟΡΟΣ

### 164

ἔμολον ἀμφὶ παρακτίαν

### 165.1

ψάμαθον Αὐλίδος ἐναλίας,

### 165.2

Εὐρίπου διὰ χευμάτων

### 165.3

κέλσασα στενοπόρθμων,

### 165.4

Χαλκίδα πόλιν ἐμὰν προλιποῦς’,

### 165.5

ἀγχιάλων ὑδάτων τροφὸν

### 170.1

τᾶς κλεινᾶς Ἀρεθούσας,

### 170.2

Ἀχαιῶν στρατιὰν ὡς ἐσιδοίμαν

### 170.3

Ἀχαιῶν τε πλάτας ναυσιπόρους ἡ‐

### 170.4

μιθέων, οὓς ἐπὶ Τροίαν

### 170.5

ἐλάταις χιλιόναυσιν

### 175.1

τὸν ξανθὸν Μενέλαόν 〈θ’〉

### 175.2

ἁμέτεροι πόσεις

### 175.3

ἐνέπους’ Ἀγαμέμνονά τ’ εὐπατρίδαν στέλλειν

### 175.4

ἐπὶ τὰν Ἑλέναν, ἀπ’ Εὐ‐

### 175.5

ρώτα δονακοτρόφου

### 180.1

Πάρις ὁ βουκόλος ἃν ἔλαβε

### 180.2

δῶρον τᾶς Ἀφροδίτας,

### 180.3

ὅτ’ ἐπὶ κρηναίαισι δρόσοις

### 180.4

Ἥραι Παλλάδι τ’ ἔριν ἔριν

### 180.5

μορφᾶς ἁ Κύπρις ἔσχεν.

### 185.1

πολύθυτον δὲ δι’ ἄλσος Ἀρ‐ τέμιδος ἤλυθον ὀρομένα,

### 185.2

φοινίσσουσα παρῆιδ’ ἐμὰν

### 185.3

αἰσχύναι νεοθαλεῖ,

### 185.4

ἀσπίδος ἔρυμα καὶ κλισίας

### 190.1

ὁπλοφόρους Δαναῶν θέλους’

### 190.2

ἵππων τ’ ὄχλον ἰδέσθαι.

### 190.3

κατεῖδον δὲ δύ’ Αἴαντε συνέδρω,

### 190.4

τὸν Οἰλέως Τελαμῶνός τε γόνον, τὸν

### 190.5

Σαλαμῖνος στέφανον, Πρω‐

### 195.1

τεσίλαόν τ’ ἐπὶ θάκοις

### 195.2

πεσσῶν ἡδομένους μορ‐

### 195.3

φαῖσι πολυπλόκοις

### 195.4

Παλαμήδεά θ’, ὃν τέκε παῖς ὁ Ποσειδᾶνος,

### 195.5

Διομήδεά θ’ ἡδοναῖς δίσκου κεχαρημένον,

### 195.6

παρὰ δὲ Μηριόνην, Ἄρεος

### 195.7

ὄζον, θαῦμα βροτοῖσιν,

### 195.8

τὸν ἀπὸ νησαίων τ’ ὀρέων

### 195.9

Λαέρτα τόκον, ἅμα δὲ Νι‐

### 205.1

ρέα, κάλλιστον Ἀχαιῶν.

### 205.2

τὸν ἰσάνεμόν τε ποδοῖν

### 205.3

λαιψηροδρόμον Ἀχιλλέα,

### 205.4

τὸν ἁ Θέτις τέκε καὶ

### 205.5

Χείρων ἐξεπόνησεν,

### 210-211

ἴδον αἰγιαλοῖς παρά τε κροκάλαις

### 212.1

δρόμον ἔχοντα σὺν ὅπλοις·

### 212.2

ἅμιλλαν δ’ ἐπόνει ποδοῖν

### 212.3

πρὸς ἅρμα τέτρωρον

### 215.1

ἑλίσσων περὶ νίκας·

### 215.2

ὁ δὲ διφρηλάτας ἐβοᾶτ’

### 215.3

Εὔμηλος Φερητιάδας,

### 215.4

οὗ καλλίστους ἰδόμαν

### 215.5

χρυσοδαιδάλτοις στομίοις

### 220.1

πώλους κέντρωι θεινομένους,

### 220.2

τοὺς μὲν μέσους ζυγίους

### 220.3

λευκοστίκτωι τριχὶ βαλιούς,

### 220.4

τοὺς δ’ ἔξω σειροφόρους

### 220.5

ἀντήρεις καμπαῖσι δρόμων

### 225-226

πυρσότριχας, μονόχαλα δ’ ὑπὸ σφυρὰ

### 227-228

ποικιλοδέρμονας· οἷς παρεπάλλετο

### 229

Πηλεΐδας σὺν ὅπλοισι παρ’ ἄντυγα

### 230.1

καὶ σύριγγας ἁρματείους.

### 230.2

ναῶν δ’ εἰς ἀριθμὸν ἤλυθον

### 230.3

καὶ θέαν ἀθέσφατον,

### 230.4

τὰν γυναικεῖον ὄψιν ὀμμάτων

### 230.5

ὡς πλήσαιμι †μείλινον† ἁδονάν.

### 235.1

καὶ κέρας μὲν ἦν

### 235.2

δεξιὸν πλάτας ἔχων

### 235.3

Φθιωτίδας ὁ Μυρμιδὼν Ἄρης

### 235.4

πεντήκοντα ναυσὶ θουρίαις·

### 235.5

χρυσέαις δ’ εἰκόσιν κατ’ ἄκρα Νη‐

### 240.1

ρῆιδες ἕστασαν θεαί, πρύμναις σῆμ’ Ἀχιλλείου στρατοῦ.

### 240.2

Ἀργείων δὲ ταῖσδ’ ἰσήρετμοι

### 240.3

νᾶες ἕστασαν πέλας,

### 240.4

ὧν ὁ Μηκιστέως στρατηλάτας

### 245.1

παῖς ἦν, Ταλαὸς ὃν τρέφει πατήρ,

### 245.2

Καπανέως τε παῖς

### 245.3

Σθένελος. Ἀτθίδας δ’ ἄγων

### 245.4

ἑξήκοντα ναῦς ὁ Θησέως

### 245.5

παῖς ἑξῆς ἐναυλόχει, θεὰν Παλλάδ’ ἐν μωνύχοις ἔχων πτερω‐

### 245.6

τοῖσιν ἅρμασιν θετόν,

### 245.7

εὔσημόν γε φάσμα ναυβάταις.

### 245.8

Βοιωτῶν δ’ ὅπλισμα πόντιον

### 245.9

πεντήκοντα νῆας εἰδόμαν

### 255.1

σημείοισιν ἐστολισμένας·

### 255.2

τοῖς δὲ Κάδμος ἦν

### 255.3

χρύσεον δράκοντ’ ἔχων

### 255.4

ἀμφὶ ναῶν κόρυμβα·

### 255.5

Λήϊτος δ’ ὁ γηγενὴς

### 260.1

ἆρχε ναΐου στρατοῦ.

### 260.2

Φωκίδος δ’ ἀπὸ χθονὸς

### post 261

〈×–⏑–×–⏑–

### post 261

〉

### 262.1

Λοκρὰς δὲ ταῖσδ’ ἴσας ἄγων

### 262.2

ναῦς 〈ἦν〉 Οἰλέως τόκος κλυτὰν

### 262.3

Θρονιάδ’ ἐκλιπὼν πόλιν.

### 265.1

ἐκ Μυκήνας δὲ τᾶς Κυκλωπίας παῖς Ἀτρέως ἔπεμπε ναυβάτας

### 265.2

ναῶν ἑκατὸν ἠθροϊσμένους·

### 265.3

σὺν δ’ ἀδελφὸς ἦν

### 265.4

ταγός, ὡς φίλος φίλωι,

### 270.1

τᾶς φυγούσας μέλαθρα

### 270.2

βαρβάρων χάριν γάμων

### 270.3

πρᾶξιν Ἑλλὰς ὡς λάβοι.

### 270.4

ἐκ Πύλου δὲ Νέστορος

### 270.5

Γερηνίου κατειδόμαν

### post 274

〈

### post 274

×–⏑–×–⏑–〉

### 275.1

πρύμνας σῆμα ταυρόπουν ὁρᾶν,

### 275.2

τὸν πάροικον Ἀλφεόν.

### 275.3

Αἰνιάνων δὲ δωδεκάστολοι

### 275.4

νᾶες ἦσαν, ὧν ἄναξ

### 275.5

Γουνεὺς ἆρχε· τῶνδε δ’ αὖ πέλας

### 280.1

Ἤλιδος δυνάστορες,

### 280.2

οὓς Ἐπειοὺς ὠνόμαζε πᾶς λεώς·

### 280.3

Εὔρυτος δ’ ἄνασσε τῶνδε·

### 280.4

λευκήρετμον δ’ Ἄρη

### 280.5

Τάφιον †ἦγεν ὧν Μέγης ἄνασσε†,

### 285.1

Φυλέως λόχευμα,

### 285.2

τὰς Ἐχίνας λιπὼν

### 285.3

νήσους ναυβάταις ἀπροσφόρους.

### 285.4

Αἴας δ’ ὁ Σαλαμῖνος ἔντροφος †δεξιὸν κέρας

### 290.1

πρὸς τὸ λαιὸν ξύναγε

### 290.2

τῶν ἆσσον ὥρμει πλάταισιν†

### 290.3

ἐσχάταισι συμπλέκων

### 290.4

δώδεκ’ εὐστροφωτάταισι ναυσίν. ὡς

### 290.5

ἄιον καὶ ναυβάταν

### 295.1

εἰδόμαν λεών·

### 295.2

ὧι τις εἰ προσαρμόσει

### 295.3

βαρβάρους βάριδας,

### 295.4

νόστον οὐκ ἀποίσεται,

### 295.5

ἐνθάδ’ οἷον εἰδόμαν νάϊον πόρευμα,

### 295.6

τὰ δὲ κατ’ οἴκους κλύουσα συγκλήτου

### 295.7

μνήμην σώιζομαι στρατεύματος.

### 295.8

Πρ. Μενέλαε, τολμᾶις δείν’, ἅ ς’ οὐ τολμᾶν χρεών.

### 295.9

ΜΕΝΕΛΑΟΣ

### 304

ἄπελθε· λίαν δεσπόταισι πιστὸς εἶ.

### 305.1

Πρ. καλόν γέ μοι τοὔνειδος ἐξωνείδισας.

### 305.2

Με. κλαίοις ἄν, εἰ πράσσοις ἃ μὴ πράσσειν σε δεῖ.

### 305.3

Πρ. οὐ χρῆν σε λῦσαι δέλτον, ἣν ἐγὼ ’φερον.

### 305.4

Με. οὐδέ γε φέρειν σὲ πᾶσιν Ἕλλησιν κακά.

### 305.5

Πρ. ἄλλοις ἁμιλλῶ ταῦτ’· ἄφες δὲ τήνδ’ ἐμοί.

### 310.1

Με. οὐκ ἂν μεθείμην. Πρ. οὐδ’ ἔγωγ’ ἀφήσομαι.

### 310.2

Με. σκήπτρωι τάχ’ ἆρα σὸν καθαιμάξω κάρα.

### 310.3

Πρ. ἀλλ’ εὐκλεές τοι δεσποτῶν θνήισκειν ὕπερ.

### 310.4

Με. μέθες· μακροὺς δὲ δοῦλος ὢν λέγεις λόγους.

### 310.5

Πρ. ὦ δέσποτ’, ἀδικούμεσθα· σὰς δ’ ἐπιστολὰς

### 315.1

ἐξαρπάσας ὅδ’ ἐκ χερῶν ἐμῶν βίαι,

### 315.2

Ἀγάμεμνον, οὐδὲν τῆι δίκηι χρῆσθαι θέλει.

### 315.3

Αγ. ἔα·

### 317.1

τίς ποτ’ ἐν πύλαισι θόρυβος καὶ λόγων ἀκοσμία;

### 317.2

Με. οὑμὸς οὐχ ὁ τοῦδε μῦθος κυριώτερος λέγειν.

### 317.3

Αγ. σὺ δὲ τί τῶιδ’ ἐς ἔριν ἀφῖξαι, Μενέλεως, βίαι τ’ ἄγεις;

### 320.1

Με. βλέψον εἰς ἡμᾶς, ἵν’ ἀρχὰς τῶν λόγων ταύτας λάβω.

### 320.2

Αγ. μῶν τρέσας οὐκ ἀνακαλύψω βλέφαρον, Ἀτρέως γεγώς;

### 320.3

Με. τήνδ’ ὁρᾶις δέλτον, κακίστων γραμμάτων ὑπηρέτιν;

### 320.4

Αγ. εἰσορῶ· καὶ πρῶτα ταύτην σῶν ἀπάλλαξον χερῶν.

### 320.5

Με. οὔ, πρὶν ἂν δείξω γε Δαναοῖς πᾶσι τἀγγεγραμμένα.

### 325.1

Αγ. ἦ γὰρ οἶσθ’ ἃ μή σε καιρὸς εἰδέναι, σήμαντρ’ ἀνείς;

### 325.2

Με. ὥστε ς’ ἀλγῦναί γ’, ἀνοίξας ἃ σὺ κάκ’ ἠργάσω λάθραι.

### 325.3

Αγ. ποῦ δὲ κἄλαβές νιν; ὦ θεοί, σῆς ἀναισχύντου φρενός.

### 325.4

Με. προσδοκῶν σὴν παῖδ’ ἀπ’ Ἄργους εἰ στράτευμ’ ἀφίξεται.

### 325.5

Αγ. τί δέ σε τἀμὰ δεῖ φυλάσσειν; οὐκ ἀναισχύντου τόδε;

### 330.1

Με. ὅτι τὸ βούλεσθαί μ’ ἔκνιζε· σὸς δὲ δοῦλος οὐκ ἔφυν.

### 330.2

Αγ. οὐχὶ δεινά; τὸν ἐμὸν οἰκεῖν οἶκον οὐκ ἐάσομαι;

### 330.3

Με. πλάγια γὰρ φρονεῖς, τὰ μὲν νῦν, τὰ δὲ πάλαι, τὰ δ’ αὐτίκα.

### 330.4

Αγ. εὖ κεκόμψευσαι πονηρά· γλῶσς’ ἐπίφθονον σοφή.

### 330.5

Με. νοῦς δέ γ’ οὐ βέβαιος ἄδικον κτῆμα κοὐ σαφὲς φίλοις.

### 335.1

βούλομαι δέ ς’ ἐξελέγξαι, καὶ σὺ μήτ’ ὀργῆς ὕπο

### 335.2

ἀποτρέπου τἀληθὲς οὔτ’ αὖ κατατενῶ λίαν ἐγώ.

### 335.3

οἶσθ’, ὅτ’ ἐσπούδαζες ἄρχειν Δαναΐδαις πρὸς Ἴλιον,

### 335.4

τῶι δοκεῖν μὲν οὐχὶ χρήιζων, τῶι δὲ βούλεσθαι θέλων,

### 335.5

ὡς ταπεινὸς ἦσθα, πάσης δεξιᾶς προσθιγγάνων

### 340.1

καὶ θύρας ἔχων ἀκλήιστους τῶι θέλοντι δημοτῶν

### 340.2

καὶ διδοὺς πρόσρησιν ἑξῆς πᾶσι, κεἰ μή τις θέλοι,

### 340.3

τοῖς τρόποις ζητῶν πρίασθαι τὸ φιλότιμον ἐκ μέσου,

### 340.4

κἆιτ’, ἐπεὶ κατέσχες ἀρχάς, μεταβαλὼν ἄλλους τρόπους

### 340.5

τοῖς φίλοισιν οὐκέτ’ ἦσθα τοῖς πρὶν ὡς πρόσθεν φίλος,

### 345.1

δυσπρόσιτος ἔσω τε κλήιθρων σπάνιος; ἄνδρα δ’ οὐ χρεὼν

### 345.2

τὸν ἀγαθὸν πράσσοντα μεγάλα τοὺς τρόπους μεθιστάναι,

### 345.3

ἀλλὰ καὶ βέβαιον εἶναι τότε μάλιστα τοῖς φίλοις,

### 345.4

ἡνίκ’ ὠφελεῖν μάλιστα δυνατός ἐστιν εὐτυχῶν.

### 345.5

ταῦτα μέν σε πρῶτ’ ἐπῆλθον, ἵνα σε πρῶθ’ ηὗρον κακόν. ὡς δ’ ἐς Αὖλιν ἦλθες αὖθις χὠ Πανελλήνων στρατός,

### 345.6

οὐδὲν ἦσθ’, ἀλλ’ ἐξεπλήσσου τῆι τύχηι τῆι τῶν θεῶν,

### 345.7

οὐρίας πομπῆς σπανίζων· Δαναΐδαι δ’ ἀφιέναι

### 345.8

ναῦς διήγγελλον, μάτην δὲ μὴ πονεῖν ἐν Αὐλίδι.

### 345.9

ὡς 〈δ’〉 ἄνολβον εἶχες ὄμμα σύγχυσίν τ’, εἰ μὴ νεῶν

### 355.1

χιλίων ἄρχων τὸ Πριάμου πεδίον ἐμπλήσεις δορός.

### 355.2

κἀμὲ παρεκάλεις· Τί δράσω; τίνα 〈δὲ〉 πόρον εὕρω πόθεν;

### 355.3

ὥστε μὴ στερέντα ς’ ἀρχῆς ἀπολέσαι καλὸν κλέος.

### 355.4

κἆιτ’, ἐπεὶ Κάλχας ἐν ἱεροῖς εἶπε σὴν θῦσαι κόρην

### 355.5

Ἀρτέμιδι, καὶ πλοῦν ἔσεσθαι Δαναΐδαις, ἡσθεὶς φρένας

### 360.1

ἄσμενος θύσειν ὑπέστης παῖδα· καὶ πέμπεις ἑκών,

### 360.2

οὐ βίαι—μὴ τοῦτο λέξηις—σῆι δάμαρτι παῖδα σὴν

### 360.3

δεῦρ’ ἀποστέλλειν, Ἀχιλλεῖ πρόφασιν ὡς γαμουμένην.

### 360.4

κἆιθ’ ὑποστρέψας λέληψαι μεταβαλὼν ἄλλας γραφάς,

### 360.5

ὡς φονεὺς οὐκέτι θυγατρὸς σῆς ἔσηι; μάλιστά γε.

### 365.1

οὗτος αὑτός ἐστιν αἰθὴρ ὃς τάδ’ ἤκουσεν σέθεν. μυρίοι δέ τοι πεπόνθας’ αὐτό· πρὸς τὰ πράγματα

### 365.2

ἐκπονοῦς’ ἔχοντες, εἶτα δ’ ἐξεχώρησαν κακῶς,

### 365.3

τὰ μὲν ὑπὸ γνώμης πολιτῶν ἀσυνέτου, τὰ δ’ ἐνδίκως

### 365.4

ἀδύνατοι γεγῶτες αὐτοὶ διαφυλάξασθαι πόλιν.

### 370.1

Ἑλλάδος μάλιστ’ ἔγωγε τῆς ταλαιπώρου στένω,

### 370.2

ἥ, θέλουσα δρᾶν τι κεδνόν, βαρβάρους τοὺς οὐδένας

### 370.3

καταγελῶντας ἐξανήσει διὰ σὲ καὶ τὴν σὴν κόρην.

### 370.4

μηδέν’ ἀνδρείας ἕκατι προστάτην θείμην χθονὸς

### 370.5

μηδ’ ὅπλων ἄρχοντα· νοῦν χρὴ τὸν στρατηλάτην ἔχειν

### 375

πόλεος· ὡς ἀρκῶν ἀνὴρ πᾶς, ξύνεσιν ἢν ἔχων

### 375.1

τύχηι.

### 375.2

Χο. δεινὸν κασιγνήτοισι γίγνεσθαι ψόγους

### 375.3

μάχας θ’, ὅταν ποτ’ ἐμπέσωσιν εἰς ἔριν.

### 375.4

Αγ. βούλομαί ς’ εἰπεῖν κακῶς αὖ βραχέα, μὴ λίαν ἄνω

### 375.5

βλέφαρα πρὸς τἀναιδὲς ἀγαγών, ἀλλὰ σωφρονεστέρως,

### 380.1

ὡς ἀδελφὸν ὄντ’· ἀνὴρ γὰρ χρηστὸς αἰδεῖσθαι φιλεῖ.

### 380.2

εἰπέ μοι, τί δεινὰ φυσᾶις αἱματηρὸν ὄμμ’ ἔχων;

### 380.3

τίς ἀδικεῖ σε; τοῦ κέχρησαι; χρηστὰ λέκτρ’ ἐρᾶις λαβεῖν;

### 380.4

οὐκ ἔχοιμ’ ἄν σοι παρασχεῖν· ὧν γὰρ ἐκτήσω, κακῶς

### 380.5

ἦρχες. εἶτ’ ἐγὼ δίκην δῶ σῶν κακῶν, ὁ μὴ σφαλείς;

### 385.1

οὐ δάκνει σε τὸ φιλότιμον τοὐμόν, ἀλλ’ ἐν ἀγκάλαις

### 385.2

εὐπρεπῆ γυναῖκα χρήιζεις, τὸ λελογισμένον παρεὶς

### 385.3

καὶ τὸ καλόν, ἔχειν. πονηροῦ φωτὸς ἡδοναὶ κακαί.

### 385.4

εἰ δ’ ἐγώ, γνοὺς πρόσθεν οὐκ εὖ, μετεθέμην εὐβουλίαν,

### 385.5

μαίνομαι; σὺ μᾶλλον, ὅστις ἀπολέσας κακὸν λέχος

### 390.1

ἀναλαβεῖν θέλεις, θεοῦ σοι τὴν τύχην διδόντος εὖ.

### 390.2

ὤμοσαν τὸν Τυνδάρειον ὅρκον οἱ κακόφρονες

### 390.3

φιλόγαμοι μνηστῆρες—ἡ δέ γ’ ἐλπίς, οἶμαι μέν, θεός,

### 390.4

κἀξέπραξεν αὐτὸ μᾶλλον ἢ σὺ καὶ τὸ σὸν σθένος—

### 390.5

οὓς λαβὼν στράτευ’· ἕτοιμοι δ’ εἰσὶ μωρίαι φρενῶν.

### 394a

οὐ γὰρ ἀσύνετον τὸ θεῖον, ἀλλ’ ἔχει συνιέναι

### 395.1

τοὺς κακῶς παγέντας ὅρκους καὶ κατηναγκασμένους.

### 395.2

τἀμὰ δ’ οὐκ ἀποκτενῶ ’γὼ τέκνα· κοὐ τὸ σὸν μὲν εὖ

### 395.3

παρὰ δίκην ἔσται κακίστης εὔνιδος τιμωρίαι,

### 395.4

ἐμὲ δὲ συντήξουσι νύκτες ἡμέραι τε δακρύοις,

### 395.5

ἄνομα δρῶντα κοὐ δίκαια παῖδας οὓς ἐγεινάμην. ταῦτά σοι βραχέα λέλεκται καὶ σαφῆ καὶ ῥάιδια·

### 395.6

εἰ δὲ μὴ βούληι φρονεῖν εὖ, τἄμ’ ἐγὼ θήσω καλῶς.

### 395.7

Χο. οἵδ’ αὖ διάφοροι τῶν πάρος λελεγμένων

### 395.8

μύθων, καλῶς δ’ ἔχουσι, φείδεσθαι τέκνων.

### 395.9

Με. αἰαῖ, φίλους ἄρ’ οὐκ ἐκεκτήμην τάλας.

### 405.1

Αγ. εἰ τοὺς φίλους γε μὴ θέλεις ἀπολλύναι.

### 405.2

Με. δείξεις δὲ ποῦ μοι πατρὸς ἐκ ταὐτοῦ γεγώς;

### 405.3

Αγ. συσσωφρονεῖν σοι βούλομ’, ἀλλ’ οὐ συννοσεῖν.

### 405.4

Με. ἐς κοινὸν ἀλγεῖν τοῖς φίλοισι χρὴ φίλους.

### 405.5

Αγ. εὖ δρῶν παρακάλει μ’, ἀλλὰ μὴ λυπῶν ἐμέ.

### 410.1

Με. οὐκ ἄρα δοκεῖ σοι τάδε πονεῖν σὺν Ἑλλάδι;

### 410.2

Αγ. Ἑλλὰς δὲ σὺν σοὶ κατὰ θεὸν νοσεῖ τινα.

### 410.3

Με. σκήπτρωι νυν αὔχει, σὸν κασίγνητον προδούς.

### 410.4

ἐγὼ δ’ ἐπ’ ἄλλας εἶμι μηχανάς τινας

### 413.1

φίλους τ’ ἐπ’ ἄλλους.

### 413.2

ΑΓΓΕΛΟΣ

### 414

ὦ Πανελλήνων ἄναξ,

### 415.1

Ἀγάμεμνον, ἥκω παῖδά σοι τὴν σὴν ἄγων,

### 415.2

ἣν Ἰφιγένειαν ὠνόμαζες ἐν δόμοις.

### 415.3

μήτηρ δ’ ὁμαρτεῖ, σῆς Κλυταιμήστρας δέμας,

### 415.4

καὶ παῖς Ὀρέστης, ὥς σφε τερφθείης ἰδών,

### 415.5

χρόνον παλαιὸν δωμάτων ἔκδημος ὤν.

### 420.1

ἀλλ’ ὡς μακρὰν ἔτεινον, εὔρυτον παρὰ

### 420.2

κρήνην ἀναψύχουσι θηλύπουν βάσιν

### 420.3

αὐταί τε πῶλοί τ’· ἐς δὲ λειμώνων χλόην

### 420.4

καθεῖμεν αὐτάς, ὡς βορᾶς γευσαίατο.

### 420.5

ἐγὼ δὲ πρόδρομος σῆς παρασκευῆς χάριν

### 425.1

ἥκω· πέπυσται γὰρ στρατός—ταχεῖα γὰρ

### 425.2

διῆιξε φήμη—παῖδα σὴν ἀφιγμένην.

### 425.3

πᾶς δ’ ἐς θέαν ὅμιλος ἔρχεται δρόμωι,

### 425.4

σὴν παῖδ’ ὅπως ἴδωσιν· οἱ δ’ εὐδαίμονες

### 425.5

ἐν πᾶσι κλεινοὶ καὶ περίβλεπτοι βροτοῖς.

### 430.1

λέγουσι δ’· Ὑμέναιός τις ἢ τί πράσσεται;

### 430.2

ἢ πόθον ἔχων θυγατρὸς Ἀγαμέμνων ἄναξ

### 430.3

ἐκόμισε παῖδα; τῶν δ’ ἂν ἤκουσας τάδε·

### 430.4

Ἀρτέμιδι προτελίζουσι τὴν νεάνιδα,

### 430.5

Αὐλίδος ἀνάσσηι· τίς νιν ἄξεταί ποτε;

### 435.1

ἀλλ’ εἷα τἀπὶ τοισίδ’ ἐξάρχου κανᾶ,

### 435.2

στεφανοῦσθε κρᾶτα, καὶ σύ, Μενέλεως ἄναξ,

### 435.3

ὑμέναιον εὐτρέπιζε, καὶ κατὰ στέγας

### 435.4

λωτὸς βοάσθω καὶ ποδῶν ἔστω κτύπος·

### 435.5

φῶς γὰρ τόδ’ ἥκει μακάριον τῆι παρθένωι.

### 440.1

Αγ. ἐπήινες’, ἀλλὰ στεῖχε δωμάτων ἔσω·

### 440.2

τὰ δ’ ἄλλ’ ἰούσης τῆς τύχης ἔσται καλῶς. οἴμοι, τί φῶ δύστηνος; ἄρξωμαι πόθεν;

### 440.3

ἐς οἷ’ ἀνάγκης ζεύγματ’ ἐμπεπτώκαμεν.

### 440.4

ὑπῆλθε δαίμων, ὥστε τῶν σοφισμάτων

### 445.1

πολλῶι γενέσθαι τῶν ἐμῶν σοφώτερος.

### 445.2

ἡ δυσγένεια δ’ ὡς ἔχει τι χρήσιμον·

### 445.3

καὶ γὰρ δακρῦσαι ῥαιδίως αὐτοῖς ἔχει

### 445.4

ἅπαντά τ’ εἰπεῖν· τῶι δὲ γενναίωι φύσιν

### 445.5

ἄνολβα πάντα· προστάτην δὲ τοῦ βίου τὸν ὄγκον ἔχομεν τῶι τ’ ὄχλωι δουλεύομεν.

### 445.6

ἐγὼ γὰρ ἐκβαλεῖν μὲν αἰδοῦμαι δάκρυ,

### 445.7

τὸ μὴ δακρῦσαι δ’ αὖθις αἰδοῦμαι τάλας,

### 445.8

ἐς τὰς μεγίστας συμφορὰς ἀφιγμένος.

### 445.9

εἶἑν· τί φήσω πρὸς δάμαρτα τὴν ἐμήν;

### 455.1

πῶς δέξομαί νιν; ποῖον ὄμμα συμβαλῶ;

### 455.2

καὶ γάρ μ’ ἀπώλες’ ἐπὶ κακοῖς ἅ μοι πάρα

### 455.3

ἐλθοῦς’ ἄκλητος. εἰκότως δ’ ἅμ’ ἕσπετο

### 455.4

θυγατρὶ νυμφεύσουσα καὶ τὰ φίλτατα

### 455.5

δώσους’, ἵν’ ἡμᾶς ὄντας εὑρήσει κακούς.

### 460.1

τὴν δ’ αὖ τάλαιναν παρθένον—τί παρθένον;

### 460.2

Ἅιδης νιν, ὡς ἔοικε, νυμφεύσει τάχα—

### 460.3

ὡς ὤικτις’· οἶμαι γάρ νιν ἱκετεύσειν τάδε·

### 460.4

Ὦ πάτερ, ἀποκτενεῖς με; τοιούτους γάμους

### 460.5

γήμειας αὐτὸς χὤστις ἐστί σοι φίλος.

### 465.1

παρὼν δ’ Ὀρέστης ἐγγὺς ἀναβοήσεται

### 465.2

οὐ συνετὰ συνετῶς· ἔτι γάρ ἐστι νήπιος.

### 465.3

αἰαῖ, τὸν Ἑλένης ὥς μ’ ἀπώλεσεν γάμον

### 465.4

γήμας ὁ Πριάμου Πάρις, ὃς εἴργασται τάδε.

### 465.5

Χο. κἀγὼ κατώικτιρ’, ὡς γυναῖκα δεῖ ξένην

### 470.1

ὑπὲρ τυράννων συμφορᾶς καταστένειν. Με. ἀδελφέ, δός μοι δεξιᾶς τῆς σῆς θιγεῖν.

### 470.2

Αγ. δίδωμι· σὸν γὰρ τὸ κράτος, ἄθλιος δ’ ἐγώ.

### 470.3

Με. Πέλοπα κατόμνυμ’, ὃς πατὴρ τοὐμοῦ πατρὸς

### 470.4

τοῦ σοῦ τ’ ἐκλήθη, τὸν τεκόντα τ’ Ἀτρέα,

### 475.1

ἦ μὴν ἐρεῖν σοι τἀπὸ καρδίας σαφῶς

### 475.2

καὶ μὴ ’πίτηδες μηδέν, ἀλλ’ ὅσον φρονῶ.

### 475.3

ἐγώ ς’ ἀπ’ ὄσσων ἐκβαλόντ’ ἰδὼν δάκρυ

### 475.4

ὤικτιρα καὐτὸς ἀνταφῆκά σοι πάλιν

### 475.5

καὶ τῶν παλαιῶν ἐξαφίσταμαι λόγων,

### 480.1

οὐκ ἐς σὲ δεινός, εἰμὶ δ’ οὗπερ εἶ σὺ νῦν.

### 480.2

καί σοι παραινῶ μήτ’ ἀποκτείνειν τέκνον

### 480.3

μήτ’ ἀνθελέσθαι τοὐμόν· οὐ γὰρ ἔνδικον

### 480.4

σὲ μὲν στενάζειν, τἀμὰ δ’ ἡδέως ἔχειν,

### 480.5

θνήισκειν τε τοὺς σούς, τοὺς δ’ ἐμοὺς ὁρᾶν φάος.

### 485.1

τί βούλομαι γάρ; οὐ γάμους ἐξαιρέτους

### 485.2

ἄλλους λάβοιμ’ ἄν, εἰ γάμων ἱμείρομαι;

### 485.3

ἀλλ’ ἀπολέσας ἀδελφόν, ὅν μ’ ἥκιστ’ ἐχρῆν,

### 485.4

Ἑλένην ἕλωμαι, τὸ κακὸν ἀντὶ τἀγαθοῦ;

### 485.5

ἄφρων νέος τ’ ἦ, πρὶν τὰ πράγματ’ ἐγγύθεν

### 490.1

σκοπῶν ἐσεῖδον οἷον ἦν κτείνειν τέκνα.

### 490.2

ἄλλως τέ μ’ ἔλεος τῆς ταλαιπώρου κόρης

### 490.3

ἐσῆλθε, συγγένειαν ἐννοουμένωι,

### 490.4

ἣ τῶν ἐμῶν ἕκατι θύεσθαι γάμων

### 490.5

μέλλει. τί δ’ Ἑλένης παρθένωι τῆι σῆι μέτα;

### 495.1

ἴτω στρατεία διαλυθεῖς’ ἐξ Αὐλίδος,

### 495.2

σὺ δ’ ὄμμα παῦσαι δακρύοις τέγγων τὸ σόν,

### 495.3

ἀδελφέ, κἀμὲ παρακαλῶν ἐς δάκρυα.

### 495.4

εἰ δέ τι κόρης σῆς θεσφάτων μέτεστι σοί,

### 495.5

μὴ ’μοὶ μετέστω· σοὶ νέμω τοὐμὸν μέρος. ἀλλ’ ἐς μεταβολὰς ἦλθον ἀπὸ δεινῶν λόγων; εἰκὸς πέπονθα· τὸν ὁμόθεν πεφυκότα

### 495.6

στέργων μετέπεσον. ἀνδρὸς οὐ κακοῦ τρόποι

### 495.7

τοιοίδε, χρῆσθαι τοῖσι βελτίστοις ἀεί.

### 495.8

Χο. γενναῖ’ ἔλεξας Ταντάλωι τε τῶι Διὸς

### 505.1

πρέποντα· προγόνους οὐ καταισχύνεις σέθεν.

### 505.2

Αγ. αἰνῶ σε, Μενέλα’, ὅτι παρὰ γνώμην ἐμὴν

### 505.3

ὑπέθηκας ὀρθῶς τοὺς λόγους σοῦ τ’ ἀξίως.

### 505.4

ταραχὴ δ’ ἀδελφῶν διά τ’ ἔρωτα γίγνεται

### 505.5

πλεονεξίαν τε δωμάτων· ἀπέπτυσα

### 510.1

τοιάνδε συγγένειαν ἀλλήλοιν πικράν.

### 510.2

ἀλλ’ ἥκομεν γὰρ εἰς ἀναγκαίας τύχας,

### 510.3

θυγατρὸς αἱματηρὸν ἐκπρᾶξαι φόνον.

### 510.4

Με. πῶς; τίς δ’ ἀναγκάσει σε τήν γε σὴν κτανεῖν;

### 510.5

Αγ. ἅπας Ἀχαιῶν σύλλογος στρατεύματος.

### 515.1

Με. οὔκ, ἤν νιν εἰς Ἄργος 〈γ’〉 ἀποστείληις πάλιν.

### 515.2

Αγ. λάθοιμι τοῦτ’ ἄν, ἀλλ’ ἐκεῖν’ οὐ λήσομεν.

### 515.3

Με. τὸ ποῖον; οὔτοι χρὴ λίαν ταρβεῖν ὄχλον.

### 515.4

Αγ. Κάλχας ἐρεῖ μαντεύματ’ Ἀργείων στρατῶι.

### 515.5

Με. οὔκ, ἢν θάνηι γε πρόσθε· τοῦτο δ’ εὐμαρές.

### 520.1

Αγ. τὸ μαντικὸν πᾶν σπέρμα φιλότιμον κακόν.

### 520.2

Με. †κοὐδέν γ’ ἄχρηστον οὐδὲ χρήσιμον παρόν.†

### 520.3

Αγ. ἐκεῖνο δ’ οὐ δέδοικας οὕμ’ ἐσέρχεται;

### 520.4

Με. ὃν μὴ σὺ φράζεις πῶς ὑπολάβοιμ’ ἂν λόγον;

### 520.5

Αγ. τὸ Σισύφειον σπέρμα πάντ’ οἶδεν τάδε.

### 525.1

Με. οὐκ ἔστ’ Ὀδυσσεὺς ὅτι σὲ κἀμὲ πημανεῖ. Αγ. ποικίλος ἀεὶ πέφυκε τοῦ τ’ ὄχλου μέτα.

### 525.2

Με. φιλοτιμίαι μὲν ἐνέχεται, δεινῶι κακῶι.

### 525.3

Αγ. οὔκουν δοκεῖς νιν στάντ’ ἐν Ἀργείοις μέσοις

### 525.4

λέξειν ἃ Κάλχας θέσφατ’ ἐξηγήσατο,

### 530.1

κἄμ’ ὡς ὑπέστην θῦμα, κἆιτ’ ἐψευδόμην

### 530.2

Ἀρτέμιδι θύσειν; οὐ ξυναρπάσας στρατόν,

### 530.3

σὲ κἄμ’ ἀποκτείναντας Ἀργείους κόρην

### 530.4

σφάξαι κελεύσει; κἂν πρὸς Ἄργος ἐκφύγω,

### 530.5

ἐλθόντες αὐτοῖς τείχεσιν Κυκλωπίοις

### 535.1

ἀναρπάσουσι καὶ κατασκάψουσι γῆν.

### 535.2

τοιαῦτα τἀμὰ πήματ’· ὦ τάλας ἐγώ,

### 535.3

ὡς ἠπόρημαι πρὸς θεῶν τὰ νῦν τάδε.

### 535.4

ἕν μοι φύλαξον, Μενέλεως, ἀνὰ στρατὸν

### 535.5

ἐλθών, ὅπως ἂν μὴ Κλυταιμήστρα τάδε

### 540.1

μάθηι, πρὶν Ἅιδηι παῖδ’ ἐμὴν προσθῶ λαβών,

### 540.2

ὡς ἐπ’ ἐλαχίστοις δακρύοις πράσσω κακῶς.

### 540.3

ὑμεῖς δὲ σιγήν, ὦ ξέναι, φυλάσσετε.

### 540.4

Χο. μάκαρες οἳ μετρίας θεοῦ

### 540.5

μετά τε σωφροσύνας μετέ‐

### 545.1

σχον λέκτρων Ἀφροδίτας,

### 545.2

γαλανείαι χρησάμενοι

### 545.3

μαινομένων οἴστρων, ὅθι δὴ

### 545.4

δίδυμ’ ὁ χρυσοκόμας Ἔρως

### 545.5

τόξ’ ἐντείνεται χαρίτων, τὸ μὲν ἐπ’ εὐαίωνι πότμωι,

### 545.6

τὸ δ’ ἐπὶ συγχύσει βιοτᾶς.

### 545.7

ἀπενέπω νιν ἁμετέρων, ὦ Κύπρι καλλίστα, θαλάμων.

### 545.8

εἴη δέ μοι μετρία

### 555.1

μὲν χάρις, πόθοι δ’ ὅσιοι,

### 555.2

καὶ μετέχοιμι τᾶς Ἀφροδί‐

### 555.3

τας, πολλὰν δ’ ἀποθείμαν.

### 555.4

διάφοροι δὲ φύσεις βροτῶν,

### 555.5

διάφοροι δὲ τρόποι· τὸ δ’ ὀρ‐

### 560.1

θῶς ἐσθλὸν σαφὲς αἰεί·

### 560.2

τροφαί θ’ αἱ παιδευόμεναι

### 560.3

μέγα φέρους’ ἐς τὰν ἀρετάν·

### 560.4

τό τε γὰρ αἰδεῖσθαι σοφία,

### 560.5

†τάν τ’ ἐξαλλάσσουσαν ἔχει

### 565.1

χάριν ὑπὸ γνώμας ἐσορᾶν†

### 565.2

τὸ δέον, ἔνθα δόξα φέρει

### 565.3

κλέος ἀγήρατον βιοτᾶι.

### 565.4

μέγα τι θηρεύειν ἀρετάν,

### 565.5

γυναιξὶ μὲν κατὰ Κύ‐

### 570.1

πριν κρυπτάν, ἐν ἀνδράσι δ’ αὖ

### 570.2

†κόσμος ἔνδον ὁ μυριοπλη‐

### 570.3

θὴς† μείζω πόλιν αὔξει.

### 570.4

†ἔμολες, ὦ Πάρις, ἧιτε σύ γε†

### 570.5

βουκόλος ἀργενναῖς ἐτράφης

### 575.1

Ἰδαίαις παρὰ μόσχοις,

### 575.2

βάρβαρα συρίζων, Φρυγίων αὐλῶν Οὐλύμπου καλάμοις

### 575.3

μιμήματα †πνέων†.

### 575.4

εὔθηλοι δὲ τρέφοντο βόες,

### 580.1

†ὅτι σε κρίσις ἔμενε† θεᾶν,

### 580.2

ἅ ς’ ἐς Ἑλλάδα πέμπει·

### 580.3

ἐλεφαντοδέτων πάροι‐

### 580.4

θεν θρόνων ὃς στὰς Ἑλένας

### 580.5

ἐν ἀντωποῖς βλεφάροις

### 585.1

ἔρωτά τ’ ἔδωκας ἔρωτί τ’

### 585.2

αὐτὸς ἐπτοήθης.

### 585.3

ὅθεν ἔριν ἔριν

### 585.4

Ἑλλάδα σὺν δορὶ ναυσί τ’ ἄγεις

### 585.5

†ἐς Τροίας πέργαμα†.

### 590.1

ἰὼ ἰώ· μεγάλαι μεγάλων

### 590.2

εὐδαιμονίαι· τὴν τοῦ βασιλέως

### 590.3

ἴδετ’ Ἰφιγένειαν, ἄνασσαν ἐμήν,

### 590.4

τὴν Τυνδάρεω τε Κλυταιμήστραν,

### 590.5

ὡς ἐκ μεγάλων ἐβλαστήκας’

### 595.1

ἐπί τ’ εὐμήκεις ἥκουσι τύχας.

### 595.2

θεοί γ’ οἱ κρείσσους οἵ τ’ ὀλβοφόροι

### 595.3

τοῖς οὐκ εὐδαίμοσι θνητῶν.

### 595.4

στῶμεν, Χαλκίδος ἔκγονα θρέμματα,

### 595.5

τὴν βασίλειαν δεξώμεθ’ ὄχων ἄπο μὴ σφαλερῶς ἐπὶ γαῖαν,

### 595.6

ἀγανῶς δὲ χεροῖν, μαλακῆι γνώμηι,

### 595.7

μὴ ταρβήσηι νεωστί μοι μολὸν

### 595.8

κλεινὸν τέκνον Ἀγαμέμνονος,

### 595.9

μηδὲ θόρυβον μηδ’ ἔκπληξιν

### 605.1

ταῖς Ἀργείαις

### 605.2

ξεῖναι ξείναις παρέχωμεν.

### 605.3

ΚΛΥΤΑΙΜΗΣΤΡΑ

### 607.1

ὄρνιθα μὲν τόνδ’ αἴσιον ποιούμεθα,

### 607.2

τὸ σόν τε χρηστὸν καὶ λόγων εὐφημίαν·

### 607.3

ἐλπίδα δ’ ἔχω τιν’ ὡς ἐπ’ ἐσθλοῖσιν γάμοις

### 610.1

πάρειμι νυμφαγωγός. ἀλλ’ ὀχημάτων

### 610.2

ἔξω πορεύεθ’ ἃς φέρω φερνὰς κόρηι

### 610.3

καὶ πέμπετ’ ἐς μέλαθρον εὐλαβούμενοι.

### 610.4

σὺ δ’, ὦ τέκνον μοι, λεῖπε πωλικοὺς ὄχους,

### 610.5

ἁβρὸν τιθεῖσα κῶλον ἀσθενές θ’ ἅμα.

### 615.1

ὑμεῖς δὲ νεάνιδές νιν ἀγκάλαις ἔπι

### 615.2

δέξασθε καὶ πορεύσατ’ ἐξ ὀχημάτων.

### 615.3

κἀμοὶ χερός τις ἐνδότω στηρίγματα, θάκους ἀπήνης ὡς ἂν ἐκλίπω καλῶς.

### 615.4

αἱ δ’ ἐς τὸ πρόσθεν στῆτε πωλικῶν ζυγῶν·

### 620.1

φοβερὸν γὰρ ἀπαράμυθον ὄμμα πωλικόν.

### 620.2

καὶ παῖδα τόνδε, τὸν Ἀγαμέμνονος γόνον,

### 620.3

λάζυσθ’, Ὀρέστην· ἔτι γάρ ἐστι νήπιος.

### 620.4

τέκνον, καθεύδεις, πωλικῶι δαμεὶς ὄχωι;

### 620.5

ἔγειρ’ ἀδελφῆς ἐφ’ ὑμέναιον εὐτυχῶς·

### 625.1

ἀνδρὸς γὰρ ἀγαθοῦ κῆδος αὐτὸς ἐσθλὸς ὢν

### 625.2

λήψηι, κόρης Νηρῆιδος ἰσοθέου γένους.

### 625.3

ἑξῆς κάθησο δεῦρό μου ποδός, τέκνον·

### 625.4

πρὸς μητέρ’, Ἰφιγένεια, μακαρίαν δέ με

### 625.5

ξέναισι ταῖσδε πλησία σταθεῖσα δός,

### 630

καὶ δεῦρο δὴ πατέρα πρόσειπε σὸν φίλον.

### 633.1

ὦ σέβας ἐμοὶ μέγιστον, Ἀγαμέμνων ἄναξ,

### 633.2

ἥκομεν, ἐφετμαῖς οὐκ ἀπιστοῦσαι σέθεν.

### 631

ΙΦΙΓΕΝΕΙΑ

### 631.1

ὦ μῆτερ, ὑποδραμοῦσά σ’—ὀργισθῆις δὲ μή—

### 631.2

πρὸς στέρνα πατρὸς στέρνα τἀμὰ προσβαλῶ.

### 635.1

ἐγὼ δὲ βούλομαι τὰ σὰ στέρν’, ὦ πάτερ,

### 635.2

ὑποδραμοῦσα προσβαλεῖν διὰ χρόνου·

### 635.3

ποθῶ γὰρ ὄμμα 〈δὴ〉 σόν· ὀργισθῆις δὲ μή.

### 635.4

Κλ. ἀλλ’, ὦ τέκνον, χρή· φιλοπάτωρ δ’ ἀεί ποτ’ εἶ

### 635.5

μάλιστα παίδων τῶιδ’ ὅσους ἐγὼ ’τεκον.

### 640.1

Ιφ. ὦ πάτερ, ἐσεῖδόν ς’ ἀσμένη πολλῶι χρόνωι.

### 640.2

Αγ. καὶ γὰρ πατὴρ σέ· τόδ’ ἴσον ὑπὲρ ἀμφοῖν λέγεις.

### 640.3

Ιφ. χαῖρ’· εὖ δέ μ’ ἀγαγὼν πρὸς ς’ ἐποίησας, πάτερ.

### 640.4

Αγ. οὐκ οἶδ’ ὅπως φῶ τοῦτο καὶ μὴ φῶ, τέκνον.

### 640.5

Ιφ. ἔα·

### 644

ὡς οὐ βλέπεις εὔκηλον ἄσμενός μ’ ἰδών.

### 645.1

Αγ. πόλλ’ ἀνδρὶ βασιλεῖ καὶ στρατηλάτηι μέλει.

### 645.2

Ιφ. παρ’ ἐμοὶ γενοῦ νῦν, μὴ ’πὶ φροντίδας τρέπου.

### 645.3

Αγ. ἀλλ’ εἰμὶ παρὰ σοὶ νῦν ἅπας κοὐκ ἄλλοθι.

### 645.4

Ιφ. μέθες νυν ὀφρὺν ὄμμα τ’ ἔκτεινον φίλον.

### 645.5

Αγ. ἰδού, γέγηθά ς’ ὡς γέγηθ’ ὁρῶν, τέκνον. Ιφ. κἄπειτα λείβεις δάκρυ’ ἀπ’ ὀμμάτων σέθεν;

### 645.6

Αγ. μακρὰ γὰρ ἡμῖν ἡ ’πιοῦς’ ἀπουσία.

### 645.7

Ιφ. οὐκ οἶδ’ ὅτι φήις, οὐκ οἶδα, φίλτατ’ ἐμοὶ πάτερ.

### 662.1

ποῦ τοὺς Φρύγας λέγουσιν ὠικίσθαι, πάτερ;

### 662.2

Αγ. οὗ μήποτ’ οἰκεῖν ὤφελ’ ὁ Πριάμου Πάρις.

### 662.3

Ιφ. μακρὰν ἀπαίρεις, ὦ πάτερ, λιπὼν ἐμέ.

### 665

Αγ. ἐς ταὐτόν, ὦ θύγατερ, ἥξεις σῶι πατρί.

### 653.1

συνετὰ λέγουσα μᾶλλον εἰς οἶκτόν μ’ ἄγεις.

### 653.2

Ιφ. ἀσύνετά νυν ἐροῦμεν, εἰ σέ γ’ εὐφρανῶ.

### 655.1

Αγ. παπαῖ· τὸ σιγᾶν οὐ σθένω, σὲ δ’ ἤινεσα.

### 655.2

Ιφ. μέν’, ὦ πάτερ, κατ’ οἶκον ἐπὶ τέκνοις σέθεν.

### 655.3

Αγ. θέλω γε, τὸ †θέλειν† δ’ οὐκ ἔχων ἀλγύνομαι.

### 655.4

Ιφ. ὄλοιντο λόγχαι καὶ τὰ Μενέλεω κακά.

### 655.5

Αγ. ἄλλους ὀλεῖ πρόσθ’ ἁμὲ διολέσαντ’ ἔχει.

### 660.1

Ιφ. ὡς πολὺν ἀπῆσθα χρόνον ἐν Αὐλίδος μυχοῖς.

### 660.2

Αγ. καὶ νῦν γέ μ’ ἴσχει δή τι μὴ στέλλειν στρατόν.

### 666

Ιφ. φεῦ·

### 666.1

εἴθ’ ἦν καλόν †μοι σοί τ’ ἄγειν σύμπλουν ἐμέ†.

### 666.2

Αγ. ἔτ’ ἔστι καὶ σοὶ πλοῦς, ἵνα †μνήση† πατρός.

### 666.3

Ιφ. σὺν μητρὶ πλεύσας’ ἢ μόνη πορεύσομαι;

### 666.4

Αγ. μόνη, μονωθεῖς’ ἀπὸ πατρὸς καὶ μητέρος.

### 670.1

Ιφ. οὔ πού μ’ ἐς ἄλλα δώματ’ οἰκίζεις, πάτερ;

### 670.2

Αγ. ἐατέ’· οὐ χρὴ τοιάδ’ εἰδέναι κόρας.

### 670.3

Ιφ. σπεῦδ’ ἐκ Φρυγῶν μοι, θέμενος εὖ τἀκεῖ, πάτερ.

### 670.4

Αγ. θῦσαί με θυσίαν πρῶτα δεῖ τιν’ ἐνθάδε.

### 670.5

Ιφ. ἀλλὰ ξὺν ἱεροῖς χρὴ τό γ’ εὐσεβὲς σκοπεῖν.

### 675.1

Αγ. εἴσηι σύ· χερνίβων γὰρ ἑστήξεις πέλας.

### 675.2

Ιφ. στήσομεν ἄρ’ ἀμφὶ βωμόν, ὦ πάτερ, χορούς;

### 675.3

Αγ. ζηλῶ σὲ μᾶλλον ἢ ’μὲ τοῦ μηδὲν φρονεῖν.

### 675.4

χώρει δὲ μελάθρων ἐντός—ὀφθῆναι κόραις

### 675.5

πικρόν—φίλημα δοῦσα δεξιάν τέ μοι,

### 680.1

μέλλουσα δαρὸν πατρὸς ἀποικήσειν χρόνον.

### 680.2

ὦ στέρνα καὶ παρῆιδες, ὦ ξανθαὶ κόμαι,

### 680.3

ὡς ἄχθος ἡμῖν ἐγένεθ’ ἡ Φρυγῶν πόλις

### 680.4

Ἑλένη τε. παύω τοὺς λόγους· ταχεῖα γὰρ

### 680.5

νοτὶς διώκει μ’ ὀμμάτων ψαύσαντά σου.

### 685.1

ἴθ’ ἐς μέλαθρα. σὲ δὲ παραιτοῦμαι τάδε,

### 685.2

Λήδας γένεθλον, εἰ κατωικτίσθην ἄγαν,

### 685.3

μέλλων Ἀχιλλεῖ θυγατέρ’ ἐκδώσειν ἐμήν.

### 685.4

ἀποστολαὶ γὰρ μακάριαι μέν, ἀλλ’ ὅμως

### 685.5

δάκνουσι τοὺς τεκόντας, ὅταν ἄλλοις δόμοις

### 690.1

παῖδας παραδιδῶι πολλὰ μοχθήσας πατήρ.

### 690.2

Κλ. οὐχ ὧδ’ ἀσύνετός εἰμι, πείσεσθαι δέ με

### 690.3

καὐτὴν δόκει τάδ’, ὥστε μή σε νουθετεῖν,

### 690.4

ὅταν σὺν ὑμεναίοισιν ἐξάγω κόρην·

### 690.5

ἀλλ’ ὁ νόμος αὐτὰ τῶι χρόνωι συνισχνανεῖ.

### 695.1

τοὔνομα μὲν οὖν παῖδ’ οἶδ’ ὅτωι κατήινεσας,

### 695.2

γένους δὲ ποίου χὠπόθεν μαθεῖν θέλω.

### 695.3

Αγ. Αἴγινα θυγάτηρ ἐγένετ’ Ἀσωποῦ πατρός. Κλ. ταύτην δὲ θνητῶν ἢ θεῶν ἔζευξε τίς;

### 695.4

Αγ. Ζεύς· Αἰακὸν δ’ ἔφυσεν, Οἰνώνης πρόμον. Κλ. τοῦ δ’ Αἰακοῦ παῖς τίς κατέσχε δώματα;

### 695.5

Αγ. Πηλεύς· ὁ Πηλεὺς δ’ ἔσχε Νηρέως κόρην.

### 695.6

Κλ. θεοῦ διδόντος ἢ βίαι θεῶν λαβών;

### 695.7

Αγ. Ζεὺς ἠγγύησε καὶ δίδως’ δίδως ὁ κύριος.

### 695.8

Κλ. γαμεῖ δὲ ποῦ νιν; ἦ κατ’ οἶδμα πόντιον;

### 705.1

Αγ. Χείρων ἵν’ οἰκεῖ σεμνὰ Πηλίου βάθρα.

### 705.2

Κλ. οὗ φασι Κενταύρειον ὠικίσθαι γένος;

### 705.3

Αγ. ἐνταῦθ’ ἔδαισαν Πηλέως γάμους θεοί.

### 705.4

Κλ. Θέτις δ’ ἔθρεψεν ἢ πατὴρ Ἀχιλλέα;

### 705.5

Αγ. Χείρων, ἵν’ ἤθη μὴ μάθοι κακῶν βροτῶν.

### 710

Κλ. φεῦ·

### 710.1

σοφός γ’ ὁ θρέψας χὠ διδοὺς σοφωτέροις.

### 710.2

Αγ. τοιόσδε παιδὸς σῆς ἀνὴρ ἔσται πόσις.

### 710.3

Κλ. οὐ μεμπτός· οἰκεῖ δ’ ἄστυ ποῖον Ἑλλάδος;

### 710.4

Αγ. Ἀπιδανὸν ἀμφὶ ποταμὸν ἐν Φθίας ὅροις.

### 710.5

Κλ. ἐκεῖς’ ἀπάξει σὴν ἐμήν τε παρθένον;

### 715.1

Αγ. κείνωι μελήσει ταῦτα τῶι κεκτημένωι.

### 715.2

Κλ. ἀλλ’ εὐτυχοίτην. τίνι δ’ ἐν ἡμέραι γαμεῖ;

### 715.3

Αγ. ὅταν σελήνης ἐντελὴς ἔλθηι κύκλος.

### 715.4

Κλ. προτέλεια δ’ ἤδη παιδὸς ἔσφαξας θεᾶι;

### 715.5

Αγ. μέλλω· ’πὶ ταύτηι καὶ καθέσταμεν τύχηι.

### 720.1

Κλ. κἄπειτα δαίσεις τοὺς γάμους ἐς ὕστερον;

### 720.2

Αγ. θύσας γε θύμαθ’ ἁμὲ χρὴ θῦσαι θεοῖς.

### 720.3

Κλ. ἡμεῖς δὲ θοίνην ποῦ γυναιξὶ θήσομεν;

### 720.4

Αγ. ἐνθάδε παρ’ εὐπρύμνοισιν Ἀργείων πλάταις.

### 720.5

Κλ. καλῶς ἀναγκαίως τε· συνενέγκαι δ’ ὅμως.

### 725.1

Αγ. οἶσθ’ οὖν ὃ δρᾶσον, ὦ γύναι· πιθοῦ δέ μοι. Κλ. τί χρῆμα; πείθεσθαι γὰρ εἴθισμαι σέθεν.

### 725.2

Αγ. ἡμεῖς μὲν ἐνθάδ’, οὗπέρ ἐσθ’ ὁ νυμφίος ...

### 725.3

Κλ. μητρὸς τί χωρὶς δράσεθ’ ἁμὲ δρᾶν χρεών;

### 725.4

Αγ. ἐκδώσομεν σὴν παῖδα Δαναΐδων μέτα.

### 730.1

Κλ. ἡμᾶς δὲ ποῦ χρὴ τηνικαῦτα τυγχάνειν;

### 730.2

Αγ. χώρει πρὸς Ἄργος παρθένους τε τημέλει.

### 730.3

Κλ. λιποῦσα παῖδα; τίς δ’ ἀνασχήσει φλόγα;

### 730.4

Αγ. ἐγὼ παρέξω φῶς ὃ νυμφίοις πρέπει.

### 730.5

Κλ. οὐχ ὁ νόμος οὗτος οὐδὲ φαῦλ’ ἡγητέα.

### 735.1

Αγ. οὐ καλὸν ἐν ὄχλωι ς’ ἐξομιλεῖσθαι στρατοῦ.

### 735.2

Κλ. καλὸν τεκοῦσαν τἀμά μ’ ἐκδοῦναι τέκνα.

### 735.3

Αγ. καὶ τάς γ’ ἐν οἴκωι μὴ μόνας εἶναι κόρας.

### 735.4

Κλ. ὀχυροῖσι παρθενῶσι φρουροῦνται καλῶς.

### 735.5

Αγ. πιθοῦ. Κλ. μὰ τὴν ἄνασσαν Ἀργείαν θεάν.

### 740.1

ἐλθὼν δὲ τἄξω πρᾶσσε, τἀν δόμοις δ’ ἐγώ,

### 740.2

ἃ χρὴ παρεῖναι νυμφίοισι παρθένοις.

### 740.3

Αγ. οἴμοι· μάτην ἦιξ’, ἐλπίδος δ’ ἀπεσφάλην,

### 740.4

ἐξ ὀμμάτων δάμαρτ’ ἀποστεῖλαι θέλων.

### 740.5

σοφίζομαι δὲ κἀπὶ τοῖσι φιλτάτοις

### 745.1

τέχνας πορίζω, πανταχῆι νικώμενος.

### 745.2

ὅμως δὲ σὺν Κάλχαντι τῶι θυηπόλωι

### 745.3

κοινῆι τὸ τῆι θεῶι φίλον, ἐμοὶ δ’ οὐκ εὐτυχές,

### 745.4

ἐξευπορήσων εἶμι, μόχθον Ἑλλάδος.

### 745.5

χρὴ δ’ ἐν δόμοισιν ἄνδρα τὸν σοφὸν τρέφειν γυναῖκα χρηστὴν κἀγαθήν, ἢ μὴ τρέφειν.

### 745.6

Χο. ἥξει δὴ Σιμόεντα καὶ

### 745.7

δίνας ἀργυροειδεῖς ἄγυρις Ἑλλάνων στρατιᾶς

### 745.8

ἀνά τε ναυσὶν καὶ σὺν ὅπλοις

### 755.1

Ἴλιον ἐς τὸ Τροίας

### 755.2

Φοιβήιον δάπεδον,

### 755.3

τὰν Κασσάνδραν ἵν’ ἀκού‐

### 755.4

ω ῥίπτειν ξανθοὺς πλοκάμους

### 755.5

χλωροκόμωι στεφάνωι δάφνας

### 760.1

κοσμηθεῖσαν, ὅταν θεοῦ

### 760.2

μαντόσυνοι πνεύσως’ ἀνάγκαι.

### 760.3

στάσονται δ’ ἐπὶ περγάμων

### 760.4

Τροίας ἀμφί τε τείχη

### 760.5

Τρῶες, ὅταν χάλκασπις Ἄρης

### 765.1

πόντιος εὐπρώιροιο πλάτας

### 765.2

εἰρεσίαι πελάζηι

### 765.3

Σιμουντίοις ὀχετοῖς,

### 765.4

τὰν τῶν ἐν αἰθέρι δισ‐

### 765.5

σῶν Διοσκούρων Ἑλέναν

### 770.1

ἐκ Πριάμου κομίσαι θέλων

### 770.2

ἐς γᾶν Ἑλλάδα δοριπόνων

### 770.3

ἀσπίσι καὶ λόγχαις Ἀχαιῶν.

### 770.4

Πέργαμον δὲ Φρυγῶν πόλιν

### 770.5

λαΐνους περὶ πύργους

### 775.1

κυκλώσας Ἄρει φονίωι

### 775.2

λαιμοτόμους κεφαλὰς †σπάσας

### 775.3

πόλισμα Τροίας†

### 775.4

πέρσας κατ’ ἄκρας πόλιν,

### 775.5

θήσει κόρας πολυκλαύ‐

### 780.1

τους δάμαρτά τε Πριάμου.

### 780.2

ἁ δὲ Διὸς Ἑλένα κόρα

### 780.3

πολύκλαυτος ἐσεῖται

### 780.4

πόσιν προλιποῦσα.

### 784-785

μήτ’ ἐμοὶ μήτ’ ἐμοῖσι τέκνων τέκνοις

### 786.1

ἐλπὶς ἅδε ποτ’ ἔλθοι,

### 786.2

οἵαν αἱ πολύχρυσοι

### 786.3

Λυδαὶ καὶ Φρυγῶν ἄλοχοι

### 786.4

σχήσουσι, παρ’ ἱστοῖς

### 790.1

μυθεῦσαι τάδ’ ἐς ἀλλήλας·

### 790.2

Τίς ἄρα μ’ εὐπλοκάμους κόμας

### 790.3

†ἔρυμα δακρυόεν τανύσας†

### 790.4

πατρίδος ὀλομένας ἀπολωτιεῖ;

### 790.5

διὰ σέ, τὰν κύκνου δολιχαύχενος γόνον,

### 795.1

εἰ δὴ φάτις ἔτυμος ὡς

### 795.2

†ἔτυχε Λήδα† ὄρνιθι πταμένωι,

### 795.3

Διὸς ὅτ’ ἀλλάχθη δέμας, εἴτ’

### 795.4

ἐν δέλτοις Πιερίσιν

### 795.5

μῦθοι τάδ’ ἐς ἀνθρώπους ἤνεγκαν παρὰ καιρὸν ἄλλως.

### 795.6

ΑΧΙΛΛΕΥΣ

### 801.1

ποῦ τῶν Ἀχαιῶν ἐνθάδ’ ὁ στρατηλάτης;

### 801.2

τίς ἂν φράσειε προσπόλων τὸν Πηλέως ζητοῦντά νιν παῖδ’ ἐν πύλαις Ἀχιλλέα;

### 801.3

οὐκ ἐξ ἴσου γὰρ μένομεν Εὐρίπου πέλας·

### 805.1

οἱ μὲν γὰρ ἡμῶν, ὄντες ἄζυγες γάμων,

### 805.2

οἴκους ἐρήμους ἐκλιπόντες ἐνθάδε

### 805.3

θάσσους’ ἐπ’ ἀκταῖς, οἱ δ’ ἔχοντες εὔνιδας

### 805.4

καὶ παῖδας· οὕτω δεινὸς ἐμπέπτωκ’ ἔρως

### 805.5

τῆσδε στρατείας Ἑλλάδ’ οὐκ ἄνευ θεῶν.

### 810.1

τοὐμὸν μὲν οὖν δίκαιον ἐμὲ λέγειν χρέος,

### 810.2

ἄλλος δ’ ὁ χρήιζων αὐτὸς ὑπὲρ αὑτοῦ φράσει.

### 810.3

γῆν γὰρ λιπὼν Φάρσαλον ἠδὲ Πηλέα

### 810.4

μένω ’πὶ λεπταῖς ταισίδ’ Εὐρίπου ῥοαῖς,

### 810.5

Μυρμιδόνας ἴσχων· οἱ δ’ ἀεὶ προσκείμενοι

### 815.1

λέγους’· Ἀχιλλεῦ, τί μένομεν; πόσον χρόνον

### 815.2

ἔτ’ ἐκμετρῆσαι χρὴ πρὸς Ἰλίου στολόν;

### 815.3

δρᾶ 〈δ’〉, εἴ τι δράσεις, ἢ ἄπαγ’ οἴκαδε στρατόν,

### 815.4

τὰ τῶν Ἀτρειδῶν μὴ μένων μελλήματα.

### 815.5

Κλ. ὦ παῖ θεᾶς Νηρῆιδος, ἔνδοθεν λόγων

### 820.1

τῶν σῶν ἀκούσας’ ἐξέβην πρὸ δωμάτων.

### 820.2

Αχ. ὦ πότνι’ αἰδώς, τήνδε τίνα λεύσσω ποτὲ

### 820.3

γυναῖκα, μορφὴν εὐπρεπῆ κεκτημένην;

### 820.4

Κλ. οὐ θαῦμά ς’ ἡμᾶς ἀγνοεῖν, οἷς μὴ πάρος

### 820.5

προσῆκες· αἰνῶ δ’ ὅτι σέβεις τὸ σωφρονεῖν.

### 825.1

Αχ. τίς δ’ εἶ; τί δ’ ἦλθες Δαναΐδων ἐς σύλλογον,

### 825.2

γυνὴ πρὸς ἄνδρας ἀσπίσιν πεφαργμένους; Κλ. Λήδας μέν εἰμι παῖς, Κλυταιμήστρα δέ μοι

### 825.3

ὄνομα, πόσις δέ μοὐστὶν Ἀγαμέμνων ἄναξ.

### 825.4

Αχ. καλῶς ἔλεξας ἐν βραχεῖ τὰ καίρια·

### 830.1

αἰσχρὸν δέ μοι γυναιξὶ συμβάλλειν λόγους.

### 830.2

Κλ. μεῖνον—τί φεύγεις; —δεξιάν τ’ ἐμῆι χερὶ

### 830.3

σύναψον, ἀρχὴν μακαρίων νυμφευμάτων.

### 830.4

Αχ. τί φήις; ἐγώ σοι δεξιάν; αἰδοίμεθ’ ἂν

### 830.5

Ἀγαμέμνον’, εἰ ψαύοιμεν ὧν μή μοι θέμις.

### 835.1

Κλ. θέμις μάλιστα, τὴν ἐμὴν ἐπεὶ γαμεῖς

### 835.2

παῖδ’, ὦ θεᾶς παῖ ποντίας Νηρηίδος.

### 835.3

Αχ. ποίους γάμους φήις; ἀφασία μ’ ἔχει, γύναι,

### 835.4

εἰ μή τι παρανοοῦσα καινουργεῖς λόγον.

### 835.5

Κλ. πᾶσιν τόδ’ ἐμπέφυκεν, αἰδεῖσθαι φίλους

### 840.1

καινοὺς ὁρῶσι καὶ γάμων μεμνημένους.

### 840.2

Αχ. οὐπώποτ’ ἐμνήστευσα παῖδα σήν, γύναι,

### 840.3

οὐδ’ ἐξ Ἀτρειδῶν ἦλθέ μοι λόγος γάμων.

### 840.4

Κλ. τί δῆτ’ ἂν εἴη; σὺ πάλιν αὖ λόγοις ἐμοῖς

### 840.5

εἴκαζ’· ἐμοὶ γὰρ θαύματ’ ἐστὶ τὰ παρὰ σοῦ.

### 845.1

Αχ. θαύμαζε· κοινὸν 〈δ’〉 ἐστὶν εἰκάζειν τάδε·

### 845.2

ἄμφω γὰρ ἐψευδόμεθα τοῖς λόγοις ἴσως.

### 845.3

Κλ. ἀλλ’ ἦ πέπονθα δεινά; μαστεύω γάμους

### 845.4

οὐκ ὄντας, ὡς εἴξασιν· αἰδοῦμαι τάδε.

### 845.5

Αχ. ἴσως ἐκερτόμησε κἀμὲ καὶ σέ τις· ἀλλ’ ἀμελίαι δὸς αὐτὰ καὶ φαύλως φέρε.

### 845.6

Κλ. χαῖρ’· οὐ γὰρ ὀρθοῖς ὄμμασίν 〈σ’〉 ἔτ’ εἰσορῶ,

### 845.7

ψευδὴς γενομένη καὶ παθοῦς’ ἀνάξια.

### 845.8

Αχ. καὶ σοὶ τόδ’ ἐστὶν ἐξ ἐμοῦ· πόσιν δὲ σὸν στείχω ματεύσων τῶνδε δωμάτων ἔσω.

### 855.1

Πρ. ὦ ξέν’, Αἰακοῦ γένεθλον, μεῖνον· ὦ, σέ τοι λέγω,

### 855.2

τὸν θεᾶς γεγῶτα παῖδα, καὶ σέ, τὴν Λήδας κόρην.

### 855.3

Αχ. τίς ὁ καλῶν, πύλας παροίξας; ὡς τεταρβηκὸς καλεῖ.

### 855.4

Πρ. δοῦλος, οὐχ ἁβρύνομαι τῶιδ’· ἡ τύχη γὰρ οὐκ ἐᾶι.

### 855.5

Αχ. τίνος; ἐμὸς μὲν οὐχί· χωρὶς τἀμὰ κἀγαμέμνονος.

### 860.1

Πρ. τῆσδε τῆς πάροιθεν οἴκων, Τυνδάρεω δόντος πατρός.

### 860.2

Αχ. ἕσταμεν· φράζ’, εἴ τι χρήιζεις, ὧν μ’ ἐπέσχες οὕνεκα.

### 860.3

Πρ. ἦ μόνω παρόντε δῆτα ταῖσδ’ ἐφέστατον πύλαις;

### 860.4

Αχ. ὡς μόνοιν λέγοις ἄν, ἔξω δ’ ἐλθὲ βασιλείων δόμων.

### 860.5

Πρ. ὦ Τύχη πρόνοιά θ’ ἡμή, σώσαθ’ οὓς ἐγὼ θέλω.

### 865

Αχ. ὁ λόγος ἐς μέλλοντ’ †ἂν ὤσηι† χρόνον· ἔχει δ’ ὄκνον

### 865.1

τινά.

### 865.2

Κλ. δεξιᾶς ἕκατι μὴ μέλλ’, εἴ τί μοι χρήιζεις λέγειν.

### 865.3

Πρ. οἶσθα δῆτά μ’, ὅστις ὤν σοι καὶ τέκνοις εὔνους ἔφυν;

### 865.4

Κλ. οἶδά ς’ ὄντ’ ἐγὼ παλαιὸν δωμάτων ἐμῶν λάτριν.

### 865.5

Πρ. χὤτι μ’ ἐν ταῖς σαῖσι φερναῖς ἔλαβεν Ἀγαμέμνων ἄναξ;

### 870.1

Κλ. ἦλθες εἰς Ἄργος μεθ’ ἡμῶν κἀμὸς ἦσθ’ ἀεί ποτε.

### 870.2

Πρ. ὧδ’ ἔχει· καὶ σοὶ μὲν εὔνους εἰμί, σῶι δ’ ἧσσον πόσει.

### 870.3

Κλ. ἐκκάλυπτε νῦν ποθ’ ἡμῖν οὕστινας στέγεις λόγους.

### 870.4

Πρ. παῖδα σὴν πατὴρ ὁ φύσας αὐτόχειρ μέλλει κτανεῖν.

### 870.5

Κλ. πῶς; ἀπέπτυς’, ὦ γεραιέ, μῦθον· οὐ γὰρ εὖ φρονεῖς.

### 875.1

Πρ. φασγάνωι λευκὴν φονεύων τῆς ταλαιπώρου δέρην.

### 875.2

Κλ. ὦ τάλαιν’ ἐγώ· μεμηνὼς ἆρα τυγχάνει πόσις;

### 875.3

Πρ. ἀρτίφρων, πλὴν ἐς σὲ καὶ σὴν παῖδα· τοῦτο δ’ οὐ φρονεῖ.

### 875.4

Κλ. ἐκ τίνος λόγου; τίς αὐτὸν οὑπάγων ἀλαστόρων;

### 875.5

Πρ. θέσφαθ’, ὥς γέ φησι Κάλχας, ἵνα πορεύηται στρατός.

### 880.1

Κλ. ποῖ; τάλαιν’ ἐγώ, τάλαινα δ’ ἣν πατὴρ μέλλει κτανεῖν.

### 880.2

Πρ. Δαρδάνου πρὸς δώμαθ’, Ἑλένην Μενέλεως ὅπως λάβηι.

### 880.3

Κλ. εἰς ἄρ’ Ἰφιγένειαν Ἑλένης νόστος ἦν πεπρωμένος;

### 880.4

Πρ. πάντ’ ἔχεις· Ἀρτέμιδι θύσειν παῖδα σὴν μέλλει πατήρ.

### 880.5

Κλ. ὁ δὲ γάμος τίν’ εἶχε πρόφασιν, ὧι μ’ ἐκόμισεν ἐκ δόμων;

### 885.1

Πρ. ἵν’ ἀγάγοις χαίρους’ Ἀχιλλεῖ παῖδα νυμφεύσουσα σήν.

### 885.2

Κλ. ὦ θύγατερ, ἥκεις ἐπ’ ὀλέθρωι καὶ σὺ καὶ μήτηρ σέθεν.

### 885.3

Πρ. οἰκτρὰ πάσχετον δύ’ οὖσαι· δεινὰ δ’ Ἀγαμέμνων ἔτλη.

### 885.4

Κλ. οἴχομαι τάλαινα· δακρύων νάματ’ οὐκέτι στέγω.

### 885.5

Πρ. εἴπερ ἀλγεινὸν τὸ τέκνων στερόμενον, δακρυρρόει.

### 890.1

Κλ. σὺ δὲ τάδ’, ὦ γέρον, πόθεν φὴις εἰδέναι πεπυσμένος;

### 890.2

Πρ. δέλτον ὠιχόμην φέρων σοι πρὸς τὰ πρὶν γεγραμμένα.

### 890.3

Κλ. οὐκ ἐῶν ἢ ξυγκελεύων παῖδ’ ἄγειν θανουμένην;

### 890.4

Πρ. μὴ μὲν οὖν ἄγειν· φρονῶν γὰρ ἔτυχε σὸς πόσις τότ’ εὖ.

### 890.5

Κλ. κἆιτα πῶς φέρων γε δέλτον οὐκ ἐμοὶ δίδως λαβεῖν;

### 895.1

Πρ. Μενέλεως ἀφείλεθ’ ἡμᾶς, ὃς κακῶν τῶνδ’ αἴτιος.

### 895.2

Κλ. ὦ τέκνον Νηρῆιδος, ὦ παῖ Πηλέως, κλύεις τάδε;

### 895.3

Αχ. ἔκλυον οὖσαν ἀθλίαν σε, τὸ δ’ ἐμὸν οὐ φαύλως φέρω.

### 895.4

Κλ. παῖδά μου κατακτενοῦσι σοῖς δολώσαντες γάμοις.

### 895.5

Αχ. μέμφομαι κἀγὼ πόσει σῶι, κοὐχ ἁπλῶς οὕτω

### 899.1

φέρω. Κλ. οὐκ ἐπαιδεσθήσομαι ’γὼ προσπεσεῖν τὸ σὸν γόνυ

### 899.2

θνητὸς ἐκ θεᾶς γεγῶτος· τί γὰρ ἐγὼ σεμνύνομαι;

### 899.3

ἦ τινος σπουδαστέον μοι μᾶλλον ἢ τέκνου πέρι;

### 899.4

ἀλλ’ ἄμυνον, ὦ θεᾶς παῖ, τῆι τ’ ἐμῆι δυσπραξίαι

### 899.5

τῆι τε λεχθείσηι δάμαρτι σῆι μάτην μέν, ἀλλ’ ὅμως.

### 905.1

σοὶ καταστέψας’ ἐγώ νιν ἦγον ὡς γαμουμένην, νῦν δ’ ἐπὶ σφαγὰς κομίζω· σοὶ δ’ ὄνειδος ἵξεται,

### 905.2

ὅστις οὐκ ἤμυνας· εἰ γὰρ μὴ γάμοισιν ἐζύγης,

### 905.3

ἀλλ’ ἐκλήθης γοῦν ταλαίνης παρθένου φίλος πόσις.

### 905.4

πρὸς γενειάδος 〈σε〉, πρός σε δεξιᾶς, πρὸς

### 909

μητέρος—

### 910.1

ὄνομα γὰρ τὸ σόν μ’ ἀπώλες’, ὧι ς’ ἀμυναθεῖν χρεών—

### 910.2

οὐκ ἔχω βωμὸν καταφυγεῖν ἄλλον ἢ τὸ σὸν γόνυ,

### 910.3

οὐδὲ φίλος οὐδεὶς πέλας μοι· τὰ δ’ Ἀγαμέμνονος κλύεις

### 910.4

ὠμὰ καὶ πάντολμ’· ἀφῖγμαι δ’, ὥσπερ εἰσορᾶις, γυνὴ

### 910.5

ναυτικὸν στράτευμ’ ἄναρχον κἀπὶ τοῖς κακοῖς

### 914

θρασύ,

### 915.1

χρήσιμον δ’, ὅταν θέλωσιν. ἢν δὲ τολμήσηις σύ μου

### 915.2

χεῖρ’ ὑπερτεῖναι, σεσώμεθ’· εἰ δὲ μή, οὐ σεσώμεθα.

### 915.3

Χο. δεινὸν τὸ τίκτειν καὶ φέρει φίλτρον μέγα,

### 915.4

πᾶσίν τε κοινόν ἐσθ’ ὑπερκάμνειν τέκνων.

### 915.5

Αχ. ὑψηλόφρων μοι θυμὸς αἴρεται πρόσω·

### 920.1

ἐπίσταμαι δὲ τοῖς κακοῖσί τ’ ἀσχαλᾶν

### 920.2

μετρίως τε χαίρειν τοῖσιν ἐξωγκωμένοις.

### 920.3

λελογισμένοι γὰρ οἱ τοιοίδ’ εἰσὶν βροτῶν

### 920.4

ὀρθῶς διαζῆν τὸν βίον γνώμης μέτα.

### 920.5

ἔστιν μὲν οὖν ἵν’ ἡδὺ μὴ λίαν φρονεῖν,

### 925.1

ἔστιν δὲ χὤπου χρήσιμον γνώμην ἔχειν.

### 925.2

ἐγὼ δ’, ἐν ἀνδρὸς εὐσεβεστάτου τραφεὶς

### 925.3

Χείρωνος, ἔμαθον τοὺς τρόπους ἁπλοῦς ἔχειν.

### 925.4

καὶ τοῖς Ἀτρείδαις, ἢν μὲν ἡγῶνται καλῶς,

### 925.5

πεισόμεθ’, ὅταν δὲ μὴ καλῶς, οὐ πείσομαι.

### 930.1

ἀλλ’ ἐνθάδ’ ἐν Τροίαι τ’ ἐλευθέραν φύσιν παρέχων, Ἄρη τὸ κατ’ ἐμὲ κοσμήσω δορί.

### 930.2

σὲ δ’, ὦ σχέτλια παθοῦσα πρὸς τῶν φιλτάτων,

### 930.3

ἃ δὴ κατ’ ἄνδρα γίγνεται νεανίαν,

### 930.4

τοσοῦτον οἶκτον περιβαλὼν καταστελῶ,

### 935.1

κοὔποτε κόρη σὴ πρὸς πατρὸς σφαγήσεται,

### 935.2

ἐμὴ φατισθεῖς’· οὐ γὰρ ἐμπλέκειν πλοκὰς

### 935.3

ἐγὼ παρέξω σῶι πόσει τοὐμὸν δέμας.

### 935.4

τοὔνομα γάρ, εἰ καὶ μὴ σίδηρον ἤρατο,

### 935.5

τοὐμὸν φονεύσει παῖδα σήν. τὸ δ’ αἴτιον

### 940.1

πόσις σός. ἁγνὸν δ’ οὐκέτ’ ἐστὶ σῶμ’ ἐμόν,

### 940.2

εἰ δι’ ἔμ’ ὀλεῖται διά τε τοὺς ἐμοὺς γάμους

### 940.3

ἡ δεινὰ τλᾶσα κοὐκ ἀνεκτὰ παρθένος,

### 940.4

θαυμαστὰ δ’ ὡς ἀνάξι’ ἠτιμασμένη.

### 940.5

ἐγὼ κάκιστος ἦν ἄρ’ Ἀργείων ἀνήρ,

### 945.1

ἐγὼ τὸ μηδέν, Μενέλεως δ’ ἐν ἀνδράσιν,

### 945.2

ὡς οὐχὶ Πηλέως ἀλλ’ ἀλάστορος γεγώς,

### 945.3

εἴπερ φονεύει τοὐμὸν ὄνομα σῶι πόσει.

### 945.4

μὰ τὸν δι’ ὑγρῶν κυμάτων τεθραμμένον

### 945.5

Νηρέα, φυτουργὸν Θέτιδος ἥ μ’ ἐγείνατο, οὐχ ἅψεται σῆς θυγατρὸς Ἀγαμέμνων ἄναξ,

### 945.6

οὐδ’ εἰς ἄκραν χεῖρ’, ὥστε προσβαλεῖν πέπλοις·

### 945.7

ἢ Σίπυλος ἔσται πολύς, ἔρεισμα βαρβάρων,

### 945.8

ὅθεν πεφύκας’ οἱ στρατηλάται γένος,

### 945.9

Φθίας δὲ τοὔνομ’ οὐδαμοῦ κεκλήσεται.

### 955.1

πικροὺς δὲ προχύτας χέρνιβάς τ’ ἐνάρξεται

### 955.2

Κάλχας ὁ μάντις. τίς δὲ μάντις ἔστ’ ἀνήρ,

### 955.3

ὃς ὀλίγ’ ἀληθῆ, πολλὰ δὲ ψευδῆ λέγει

### 955.4

τυχών, ὅταν δὲ μὴ τύχηι διοίχεται; οὐ τῶν γάμων ἕκατι—μυρίαι κόραι

### 960.1

θηρῶσι λέκτρον τοὐμόν—εἴρηται τόδε·

### 960.2

ἀλλ’ ὕβριν ἐς ἡμᾶς ὕβρις’ Ἀγαμέμνων ἄναξ.

### 960.3

χρῆν δ’ αὐτὸν αἰτεῖν τοὐμὸν ὄνομ’ ἐμοῦ πάρα,

### 960.4

θήραμα παιδός· ἡ Κλυταιμήστρα δ’ ἐμοὶ

### 960.5

μάλιστ’ ἐπείσθη θυγατέρ’ ἐκδοῦναι πόσει.

### 965.1

ἔδωκά τἂν Ἕλλησιν, εἰ πρὸς Ἴλιον

### 965.2

ἐν τῶιδ’ ἔκαμνε νόστος· οὐκ ἠρνούμεθ’ ἂν

### 965.3

τὸ κοινὸν αὔξειν ὧν μέτ’ ἐστρατευόμην.

### 965.4

νῦν δ’ οὐδέν εἰμι, παρὰ δὲ τοῖς στρατηλάταις

### 965.5

ἐν εὐμαρεῖ με δρᾶν τε καὶ μὴ δρᾶν κακῶς.

### 970.1

τάχ’ εἴσεται σίδηρος, ὃν πρὶν ἐς Φρύγας

### 970.2

ἐλθεῖν φόνου κηλῖσιν †αἵματι† χρανῶ,

### 970.3

εἴ τίς με τὴν σὴν θυγατέρ’ ἐξαιρήσεται.

### 970.4

ἀλλ’ ἡσύχαζε· θεὸς ἐγὼ πέφηνά σοι

### 970.5

μέγιστος, οὐκ ὤν· ἀλλ’ ὅμως γενήσομαι.

### 975.1

Χο. ἔλεξας, ὦ παῖ Πηλέως, σοῦ τ’ ἄξια

### 975.2

καὶ τῆς ἐναλίας δαίμονος, σεμνῆς θεοῦ.

### 975.3

Κλ. φεῦ·

### 977.1

πῶς ἄν ς’ ἐπαινέσαιμι μὴ λίαν λόγοις

### 977.2

μηδ’ ἐνδεὴς τοῦδ’ ἀπολέσαιμι τὴν χάριν;

### 977.3

αἰνούμενοι γὰρ ἁγαθοὶ τρόπον τινὰ

### 980.1

μισοῦσι τοὺς αἰνοῦντας, ἢν αἰνῶς’ ἄγαν.

### 980.2

αἰσχύνομαι δὲ παραφέρους’ οἰκτροὺς λόγους,

### 980.3

ἰδίαι νοσοῦσα· σὺ δ’ ἄνοσος κακῶν γ’ ἐμῶν. ἀλλ’ οὖν ἔχει τι σχῆμα, κἂν ἄπωθεν ἦι

### 980.4

ἀνὴρ ὁ χρηστός, δυστυχοῦντας ὠφελεῖν.

### 985.1

οἴκτιρε δ’ ἡμᾶς· οἰκτρὰ γὰρ πεπόνθαμεν.

### 985.2

ἣ πρῶτα μέν σε γαμβρὸν οἰηθεῖς’ ἔχειν

### 985.3

κενὴν κατέσχον ἐλπίδ’· εἶτά σοι τάχα

### 985.4

ὄρνις γένοιτ’ ἂν τοῖσι μέλλουσιν γάμοις

### 985.5

θανοῦς’ ἐμὴ παῖς, ὅ σε φυλάξασθαι χρεών.

### 990.1

ἀλλ’ εὖ μὲν ἀρχὰς εἶπας, εὖ δὲ καὶ τέλη·

### 990.2

σοῦ γὰρ θέλοντος παῖς ἐμὴ σωθήσεται.

### 990.3

βούληι νιν ἱκέτιν σὸν περιπτύξαι γόνυ;

### 990.4

ἀπαρθένευτα μὲν τάδ’· εἰ δέ σοι δοκεῖ,

### 990.5

ἔξεισιν, αἰδοῦς ὄμμ’ ἔχους’ ἐλεύθερον.

### 995.1

εἰ δ’ οὐ παρούσης ταὐτὰ τεύξομαι σέθεν,

### 995.2

μενέτω κατ’ οἴκους· σεμνὰ γὰρ σεμνύνεται.

### 995.3

ὅμως δ’ ὅσον γε δυνατὸν αἰτεῖσθαι χρεών.

### 995.4

Αχ. σὺ μήτε σὴν παῖδ’ ἔξαγ’ ὄψιν εἰς ἐμὴν

### 995.5

μήτ’ εἰς ὄνειδος ἀμαθὲς ἔλθωμεν, γύναι· στρατὸς γὰρ ἀθρόος, ἀργὸς ὢν τῶν οἴκοθεν,

### 995.6

λέσχας πονηρὰς καὶ κακοστόμους φιλεῖ.

### 995.7

πάντως δέ μ’ ἱκετεύοντέ θ’ ἥξετ’ εἰς ἴσον

### 995.8

ἐπ’ ἀνικετεύτοις θ’· εἷς ἐμοὶ γάρ ἐστ’ ἀγὼν

### 995.9

μέγιστος, ὑμᾶς ἐξαπαλλάξαι κακῶν.

### 1005.1

ὡς ἕν γ’ ἀκούσας’ ἴσθι, μὴ ψευδῶς μ’ ἐρεῖν·

### 1005.2

ψευδῆ λέγων δὲ καὶ μάτην ἐγκερτομῶν,

### 1005.3

θάνοιμι· μὴ θάνοιμι δ’, ἢν σώσω κόρην.

### 1005.4

Κλ. ὄναιο συνεχῶς δυστυχοῦντας ὠφελῶν.

### 1005.5

Αχ. ἄκουε δή νυν, ἵνα τὸ πρᾶγμ’ ἔχηι καλῶς.

### 1010.1

Κλ. τί τοῦτ’ ἔλεξας; ὡς ἀκουστέον γέ σου. Αχ. πείθωμεν αὖθις πατέρα βέλτιον φρονεῖν.

### 1010.2

Κλ. κακός τίς ἐστι καὶ λίαν ταρβεῖ στρατόν.

### 1010.3

Αχ. ἀλλ’ οἱ λόγοι γε καταπαλαίουσιν φόβους.

### 1010.4

Κλ. ψυχρὰ μὲν ἐλπίς· ὅτι δὲ χρή με δρᾶν φράσον.

### 1015.1

Αχ. ἱκέτευ’ ἐκεῖνον πρῶτα μὴ κτείνειν τέκνα·

### 1015.2

ἢν δ’ ἀντιβαίνηι, πρὸς ἐμέ σοι πορευτέον.

### 1015.3

†εἴη γὰρ τὸ χρῆζον ἐπίθετ’† οὐ τοὐμὸν χρεὼν

### 1015.4

χωρεῖν· ἔχει γὰρ τοῦτο τὴν σωτηρίαν.

### 1015.5

κἀγώ τ’ ἀμείνων πρὸς φίλον γενήσομαι

### 1020.1

στρατός τ’ ἂν οὐ μέμψαιτό μ’, εἰ τὰ πράγματα

### 1020.2

λελογισμένως πράσσοιμι μᾶλλον ἢ σθένει.

### 1020.3

†καλῶς δὲ κρανθέντων καὶ πρὸς ἡδονὴν φίλοις

### 1020.4

σοί τ’ ἂν γένοιτο κἂν ἐμοῦ χωρὶς τάδε.†

### 1020.5

Κλ. ὡς σώφρον’ εἶπας· δραστέον δ’ ἅ σοι δοκεῖ.

### 1025.1

ἢν δ’ αὖ τι μὴ πράσσωμεν ὧν ἐγὼ θέλω,

### 1025.2

ποῦ ς’ αὖθις ὀψόμεσθα; ποῦ χρή μ’ ἀθλίαν

### 1025.3

ἐλθοῦσαν εὑρεῖν σὴν χέρ’ ἐπίκουρον κακῶν;

### 1025.4

Αχ. ἡμεῖς σε, φύλακος οὗ χρέος, φυλάξομεν,

### 1025.5

μή τίς ς’ ἴδηι στείχουσαν ἐπτοημένην

### 1030.1

Δαναῶν δι’ ὄχλου. μηδὲ πατρῶιον δόμον

### 1030.2

αἴσχυν’· ὁ γάρ τοι Τυνδάρεως οὐκ ἄξιος

### 1030.3

κακῶς ἀκούειν· ἐν γὰρ Ἕλλησιν μέγας.

### 1030.4

Κλ. ἔσται τάδ’· ἄρχε· σοί με δουλεύειν χρεών.

### 1030.5

εἰ δ’ εἰσὶ 〈συνετοὶ〉 θεοί, δίκαιος ὢν ἀνὴρ

### 1035.1

ἐσθλῶν κυρήσεις· εἰ δὲ μή, τί δεῖ πονεῖν;

### 1035.2

Χο. τίν’ ἄρ’ Ὑμέναιος διὰ λωτοῦ Λίβυος

### 1035.3

μετά τε φιλοχόρου κιθάρας

### 1035.4

συρίγγων θ’ ὑπὸ καλαμοεσ‐

### 1035.5

σᾶν ἔστασεν ἰαχάν,

### 1040.1

ὅτ’ ἀνὰ Πήλιον αἱ καλλιπλόκαμοι

### 1040.2

Πιερίδες †ἐν δαιτὶ θεῶν†

### 1040.3

χρυσεοσάνδαλον ἴχνος

### 1040.4

ἐν γᾶι κρούουσαι

### 1040.5

Πηλέως ἐς γάμον ἦλθον,

### 1045-1046

μελωιδοῖς Θέτιν ἀχήμασι τόν τ’ Αἰακίδαν

### 1047.1

Κενταύρων ἐν ὄρεσι κλέουσαι

### 1047.2

Πηλιάδα καθ’ ὕλαν;

### 1047.3

ὁ δὲ Δαρδανίδας, Διὸς λέκτρων τρύφημα φίλον,

### 1047.4

χρυσέοισιν ἄφυσσε λοι‐

### 1047.5

βὰν ἐκ κρατήρων γυάλοις

### 1047.6

ὁ Φρύγιος Γανυμήδης.

### 1047.7

παρὰ δὲ λευκοφαῆ ψάμαθον

### 1055.1

εἱλισσόμεναι κύκλια

### 1055.2

πεντήκοντα κόραι Νηρέως

### 1055.3

γάμους ἐχόρευσαν.

### 1055.4

ἅμα δ’ ἐλάταισι στεφανώδει τε χλόαι

### 1055.5

θίασος ἔμολεν ἱπποβάτας

### 1060.1

Κενταύρων ἐπὶ δαῖτα τὰν

### 1060.2

θεῶν κρατῆρά τε Βάκχου. μέγα δ’ ἀνέκλαγον· Ὦ Νηρηὶ κόρα,

### 1060.3

παῖδά σε Θεσσαλίαι μέγα φῶς

### 1060.4

μάντις ὁ φοιβάδα μοῦσαν

### 1065.1

εἰδὼς γεννάσειν

### 1065.2

Χείρων ἐξονόμαζεν,

### 1067-1068

ὃς ἥξει χθόνα λογχήρεσι σὺν Μυρμιδόνων

### 1069

ἀσπισταῖς Πριάμοιο κλεινὰν

### 1070.1

γαῖαν ἐκπυρώσων,

### 1070.2

περὶ σώματι χρυσέων

### 1070.3

ὅπλων Ἡφαιστοπόνων

### 1070.4

κεκορυθμένος ἐνδύτ’, ἐκ

### 1070.5

θεᾶς ματρὸς δωρήματ’ ἔχων

### 1075.1

Θέτιδος, ἅ νιν ἔτικτεν.

### 1075.2

μακάριον τότε δαίμονες

### 1075.3

τᾶς εὐπάτριδος γάμον

### 1075.4

Νηρήιδων ἔθεσαν πρώτας

### 1075.5

Πηλέως θ’ ὑμεναίους.

### 1080.1

σὲ δ’ ἐπὶ κάραι στέψουσι καλλικόμαν

### 1080.2

πλόκαμον Ἀργεῖοι, βαλιὰν

### 1082a

ὥστε πετραίων

### 1082b

ἀπ’ ἄντρων ἐλθοῦσαν ὀρέων

### 1083.1

μόσχον ἀκήρατον, βρότειον

### 1083.2

αἱμάσσοντες λαιμόν·

### 1085.1

οὐ σύριγγι τραφεῖσαν οὐδ’

### 1085.2

ἐν ῥοιβδήσεσι βουκόλων,

### 1087-1088

παρὰ δὲ ματέρι νυμφοκόμον

### 1089

Ἰναχίδαις γάμον.

### 1090.1

ποῦ τὸ τᾶς Αἰδοῦς ἢ τὸ τᾶς Ἀρετᾶς

### 1090.2

σθένει τι πρόσωπον,

### 1090.3

ὁπότε τὸ μὲν ἄσεπτον ἔχει

### 1090.4

δύνασιν, ἁ δ’ Ἀρετὰ κατόπι‐

### 1090.5

σθεν θνατοῖς ἀμελεῖται,

### 1095.1

Ἀνομία δὲ νόμων κρατεῖ,

### 1095.2

καὶ 〈μὴ〉 κοινὸς ἀγὼν βροτοῖς

### 1095.3

μή τις θεῶν φθόνος ἔλθηι;

### 1095.4

Κλ. ἐξῆλθον οἴκων προσκοπουμένη πόσιν,

### 1095.5

χρόνιον ἀπόντα κἀκλελοιπότα στέγας. ἐν δακρύοισι δ’ ἡ τάλαινα παῖς ἐμή,

### 1095.6

πολλὰς ἱεῖσα μεταβολὰς ὀδυρμάτων,

### 1095.7

θάνατον ἀκούσας’ ὃν πατὴρ βουλεύεται.

### 1095.8

μνήμην δ’ ἄρ’ εἶχον πλησίον βεβηκότος

### 1095.9

Ἀγαμέμνονος τοῦδ’, ὃς ἐπὶ τοῖς αὑτοῦ τέκνοις

### 1105.1

ἀνόσια πράσσων αὐτίχ’ εὑρεθήσεται.

### 1105.2

Αγ. Λήδας γένεθλον, ἐν καλῶι ς’ ἔξω δόμων

### 1105.3

ηὕρηχ’, ἵν’ εἴπω παρθένου χωρὶς λόγους

### 1105.4

οὓς οὐκ ἀκούειν τὰς γαμουμένας πρέπει.

### 1105.5

Κλ. τί δ’ ἔστιν οὗ σοι καιρὸς ἀντιλάζυται;

### 1110.1

Αγ. ἔκπεμπε παῖδα δωμάτων πατρὸς μέτα·

### 1110.2

ὡς χέρνιβες πάρεισιν ηὐτρεπισμέναι προχύται τε, βάλλειν πῦρ καθάρσιον χεροῖν,

### 1110.3

μόσχοι τε, πρὸ γάμων ἃς θεᾶι πεσεῖν χρεὼν

### 1110.4

Ἀρτέμιδι μέλανος αἵματος φυσήματι.

### 1115.1

Κλ. τοῖς ὀνόμασιν μὲν εὖ λέγεις, τὰ δ’ ἔργα σου

### 1115.2

οὐκ οἶδ’ ὅπως χρή μ’ ὀνομάσασαν εὖ λέγειν.

### 1115.3

χώρει δέ, θύγατερ, ἐκτός—οἶσθα γὰρ πατρὸς

### 1115.4

πάντως ἃ μέλλει—χὐπὸ τοῖς πέπλοις ἄγε

### 1115.5

λαβοῦς’ Ὀρέστην, σὸν κασίγνητον, τέκνον.

### 1120.1

ἰδού, πάρεστιν ἥδε πειθαρχοῦσά σοι·

### 1120.2

τὰ δ’ ἄλλ’ ἐγὼ πρὸ τῆσδε κἀμαυτῆς φράσω.

### 1120.3

Αγ. τέκνον, τί κλαίεις οὐδ’ ἔθ’ ἡδέως 〈μ’〉 ὁρᾶις,

### 1120.4

ἐς γῆν δ’ ἐρείσας’ ὄμμα πρόσθ’ ἔχεις πέπλους;

### 1120.5

Κλ. φεῦ·

### 1124

τίν’ ἂν λάβοιμι τῶν ἐμῶν ἀρχὴν κακῶν;

### 1125.1

ἅπασι γὰρ πρώτοισι χρήσασθαι πάρα

### 1125.2

κἀν ὑστάτοισι κἀν μέσοισι πανταχοῦ.

### 1125.3

Αγ. τί δ’ ἔστιν; ὥς μοι πάντες εἰς ἓν ἥκετε,

### 1125.4

σύγχυσιν ἔχοντες καὶ ταραγμὸν ὀμμάτων.

### 1125.5

Κλ. εἴφ’ ἃν ἐρωτήσω σε γενναίως, πόσι.

### 1130.1

Αγ. οὐδὲν κελευσμοῦ δεῖ ς’· ἐρωτᾶσθαι θέλω.

### 1130.2

Κλ. τὴν παῖδα τὴν σὴν τήν τ’ ἐμὴν μέλλεις κτανεῖν;

### 1130.3

Αγ. ἔα·

### 1132.1

τλήμονά γ’ ἔλεξας ὑπονοεῖς θ’ ἃ μή σε χρή.

### 1132.2

Κλ. ἔχ’ ἥσυχος·

### 1133.1

κἀκεῖνό μοι τὸ πρῶτον ἀπόκριναι πάλιν.

### 1133.2

Αγ. σὺ δ’, ἤν γ’ ἐρωτᾶις εἰκότ’, εἰκότ’ ἂν κλύοις.

### 1135.1

Κλ. οὐκ ἄλλ’ ἐρωτῶ, καὶ σὺ μὴ λέγ’ ἄλλα μοι.

### 1135.2

Αγ. ὦ πότνια μοῖρα καὶ τύχη δαίμων τ’ ἐμός. Κλ. κἀμός γε καὶ τῆσδ’, εἷς τριῶν δυσδαιμόνων.

### 1135.3

Αγ. τί δ’ ἠδίκησαι; Κλ. τοῦτ’ ἐμοῦ πεύθηι πάρα;

### 1135.4

ὁ νοῦς ὅδ’ αὐτὸς νοῦν ἔχων οὐ τυγχάνει.

### 1140.1

Αγ. ἀπωλόμεσθα· προδέδοται τὰ κρυπτά μου.

### 1140.2

Κλ. πάντ’ οἶδα καὶ πεπύσμεθ’ ἃ σὺ μέλλεις με δρᾶν·

### 1140.3

αὐτὸ δὲ τὸ σιγᾶν ὁμολογοῦντός ἐστί σου

### 1140.4

καὶ τὸ στενάζειν· πολλὰ μὴ κάμηις λέγων.

### 1140.5

Αγ. ἰδού, σιωπῶ· τὸ γὰρ ἀναίσχυντον τί δεῖ

### 1145.1

ψευδῆ λέγοντα προσλαβεῖν τῆι συμφορᾶι;

### 1145.2

Κλ. ἄκουε δή νυν· ἀνακαλύψω γὰρ λόγους

### 1145.3

κοὐκέτι παρωιδοῖς χρησόμεσθ’ αἰνίγμασιν.

### 1145.4

πρῶτον μέν, ἵνα σοι πρῶτα τοῦτ’ ὀνειδίσω,

### 1145.5

ἔγημας ἄκουσάν με κἄλαβες βίαι, τὸν πρόσθεν ἄνδρα Τάνταλον κατακτανών·

### 1145.6

βρέφος τε τοὐμὸν †σῶι προσούρισας πάλωι†,

### 1145.7

μαστῶν βιαίως τῶν ἐμῶν ἀποσπάσας.

### 1145.8

καὶ τὼ Διός σε παῖδ’, ἐμὼ δὲ συγγόνω,

### 1145.9

ἵπποισι μαρμαίροντ’ ἐπεστρατευσάτην·

### 1155.1

πατὴρ δὲ πρέσβυς Τυνδάρεώς ς’ ἐρρύσατο

### 1155.2

ἱκέτην γενόμενον, τἀμὰ δ’ ἔσχες αὖ λέχη.

### 1155.3

οὗ σοι καταλλαχθεῖσα περὶ σὲ καὶ δόμους

### 1155.4

συμμαρτυρήσεις ὡς ἄμεμπτος ἦ γυνή,

### 1155.5

ἔς τ’ Ἀφροδίτην σωφρονοῦσα καὶ τὸ σὸν

### 1160.1

μέλαθρον αὔξους’, ὥστε ς’ εἰσιόντα τε

### 1160.2

χαίρειν θύραζέ τ’ ἐξιόντ’ εὐδαιμονεῖν.

### 1160.3

σπάνιον δὲ θήρευμ’ ἀνδρὶ τοιαύτην λαβεῖν δάμαρτα· φλαύραν δ’ οὐ σπάνις γυναῖκ’ ἔχειν.

### 1160.4

τίκτω δ’ ἐπὶ τρισὶ παρθένοισι παῖδά σοι

### 1165.1

τόνδ’· ὧν μιᾶς σὺ τλημόνως μ’ ἀποστερεῖς.

### 1165.2

κἄν τίς ς’ ἔρηται τίνος ἕκατί νιν κτενεῖς,

### 1165.3

λέξον, τί φήσεις; ἢ ’μὲ χρὴ λέγειν τὰ σά;

### 1165.4

Μενέλαος Ἑλένην ἵνα λάβηι. καλὸν †γένος†,

### 1165.5

κακῆς γυναικὸς μισθὸν ἀποτεῖσαι τέκνα.

### 1170.1

τἄχθιστα τοῖσι φιλτάτοις ὠνούμεθα.

### 1170.2

ἄγ’, εἰ στρατεύσηι καταλιπών μ’ ἐν δώμασιν

### 1170.3

κἀκεῖ γενήσηι διὰ μακρᾶς ἀπουσίας,

### 1170.4

τίν’ ἐν δόμοις με καρδίαν ἕξειν δοκεῖς;

### 1170.5

ὅταν θρόνους τῆσδ’ εἰσίδω πάντας κενούς,

### 1175.1

κενοὺς δὲ παρθενῶνας, ἐπὶ δὲ δακρύοις

### 1175.2

μόνη κάθωμαι, τήνδε θρηνωιδοῦς’ ἀεί·

### 1175.3

Ἀπώλεσέν ς’, ὦ τέκνον, ὁ φυτεύσας πατήρ,

### 1175.4

αὐτὸς κτανών, οὐκ ἄλλος οὐδ’ ἄλληι χερί,

### 1175.5

†τοιόνδε μισθὸν καταλιπὼν πρὸς τοὺς δόμους†.

### 1180.1

ἐπεὶ βραχείας προφάσεως ἐνδεῖ μόνον,

### 1180.2

ἐφ’ ἧι ς’ ἐγὼ καὶ παῖδες αἱ λελειμμέναι

### 1180.3

δεξόμεθα δέξιν ἥν σε δέξασθαι χρεών.

### 1180.4

μὴ δῆτα πρὸς θεῶν μήτ’ ἀναγκάσηις ἐμὲ

### 1180.5

κακὴν γενέσθαι περὶ σὲ μήτ’ αὐτὸς γένηι.

### 1185

εἶἑν·

### 1185.1

θύσεις †δὲ παῖδ’ ἔνθα† τίνας εὐχὰς ἐρεῖς;

### 1185.2

τί σοι κατεύξηι τἀγαθόν, σφάζων τέκνον;

### 1185.3

νόστον πονηρόν, οἴκοθέν γ’ αἰσχρῶς ἰών;

### 1185.4

ἀλλ’ ἐμὲ δίκαιον ἀγαθὸν εὔχεσθαί τί σοι;

### 1185.5

οὔ τἄρα συνετοὺς τοὺς θεοὺς ἡγοίμεθ’ ἄν,

### 1190.1

εἰ τοῖσιν αὐθένταισιν εὖ φρονήσομεν.

### 1190.2

ἥκων δ’ ἐς Ἄργος προσπεσῆι τέκνοισι σοῖς;

### 1190.3

ἀλλ’ οὐ θέμις σοι· τίς δὲ καὶ προσβλέψεται

### 1190.4

παίδων ς’, ἵν’ αὐτῶν προσέμενος κτάνηις τινά;

### 1190.5

ταῦτ’ ἦλθες ἤδη διὰ λόγων, ἢ σκῆπτρά σοι

### 1195.1

μόνον διαφέρειν καὶ στρατηλατεῖν μέλει;

### 1195.2

ὃν χρῆν δίκαιον λόγον ἐν Ἀργείοις λέγειν·

### 1195.3

Βούλεσθ’, Ἀχαιοί, πλεῖν Φρυγῶν ἐπὶ χθόνα;

### 1195.4

κλῆρον τίθεσθε παῖδ’ ὅτου θανεῖν χρεών.

### 1195.5

ἐν ἴσωι γὰρ ἦν τόδ’, ἀλλὰ μὴ ς’ ἐξαίρετον σφάγιον παρασχεῖν Δαναΐδαισι παῖδα σήν,

### 1195.6

ἢ Μενέλεων πρὸ μητρὸς Ἑρμιόνην κτανεῖν,

### 1195.7

οὗπερ τὸ πρᾶγμ’ ἦν. νῦν δ’ ἐγὼ μὲν ἡ τὸ σὸν

### 1195.8

σώιζουσα λέκτρον παιδὸς ἐστερήσομαι,

### 1195.9

ἡ δ’ ἐξαμαρτοῦς’, ὑπόροφον νεάνιδα

### 1205.1

Σπάρτηι κομίζους’, εὐτυχὴς γενήσεται.

### 1205.2

τούτων ἄμειψαί μ’ εἴ τι μὴ καλῶς λέγω· εἰ δ’ εὖ λέλεκται †νῶϊ μὴ δή γε† κτάνηις

### 1205.3

τὴν σήν τε κἀμὴν παῖδα, καὶ σώφρων ἔσηι.

### 1205.4

Χο. πιθοῦ· τὸ γάρ τοι τέκνα συσσώιζειν καλόν,

### 1210.1

Ἀγάμεμνον· οὐδεὶς πρὸς τάδ’ ἀντερεῖ βροτῶν.

### 1210.2

Ιφ. εἰ μὲν τὸν Ὀρφέως εἶχον, ὦ πάτερ, λόγον,

### 1210.3

πείθειν ἐπάιδους’, ὥσθ’ ὁμαρτεῖν μοι πέτρας

### 1210.4

κηλεῖν τε τοῖς λόγοισιν οὓς ἐβουλόμην,

### 1210.5

ἐνταῦθ’ ἂν ἦλθον· νῦν δέ, τἀπ’ ἐμοῦ σοφά,

### 1215.1

δάκρυα παρέξω· ταῦτα γὰρ δυναίμεθ’ ἄν.

### 1215.2

ἱκετηρίαν δὲ γόνασιν ἐξάπτω σέθεν

### 1215.3

τὸ σῶμα τοὐμόν, ὅπερ ἔτικτεν ἥδε σοι·

### 1215.4

μή μ’ ἀπολέσηις ἄωρον· ἡδὺ γὰρ τὸ φῶς

### 1215.5

βλέπειν· τὰ δ’ ὑπὸ γῆς μή μ’ ἰδεῖν ἀναγκάσηις.

### 1220.1

πρώτη ς’ ἐκάλεσα πατέρα καὶ σὺ παῖδ’ ἐμέ·

### 1220.2

πρώτη δὲ γόνασι σοῖσι σῶμα δοῦς’ ἐμὸν

### 1220.3

φίλας χάριτας ἔδωκα κἀντεδεξάμην.

### 1220.4

λόγος δ’ ὁ μὲν σὸς ἦν ὅδ’· Ἆρά ς’, ὦ τέκνον,

### 1220.5

εὐδαίμον’ ἀνδρὸς ἐν δόμοισιν ὄψομαι,

### 1225.1

ζῶσάν τε καὶ θάλλουσαν ἀξίως ἐμοῦ;

### 1225.2

οὑμὸς δ’ ὅδ’ ἦν αὖ περὶ σὸν ἐξαρτωμένης

### 1225.3

γένειον, οὗ νῦν ἀντιλάζυμαι χερί·

### 1225.4

Τί δ’ ἆρ’ ἐγὼ σέ; πρέσβυν ἆρ’ ἐσδέξομαι

### 1225.5

ἐμῶν φίλαισιν ὑποδοχαῖς δόμων, πάτερ,

### 1230.1

πόνων τιθηνοὺς ἀποδιδοῦσά σοι τροφάς;

### 1230.2

τούτων ἐγὼ μὲν τῶν λόγων μνήμην ἔχω,

### 1230.3

σὺ δ’ ἐπιλέλησαι, καί μ’ ἀποκτεῖναι θέλεις.

### 1230.4

μή, πρός σε Πέλοπος καὶ πρὸς Ἀτρέως πατρὸς

### 1230.5

καὶ τῆσδε μητρός, ἣ πρὶν ὠδίνους’ ἐμὲ

### 1235.1

νῦν δευτέραν ὠδῖνα τήνδε λαμβάνει. τί μοι μέτεστι τῶν Ἀλεξάνδρου γάμων

### 1235.2

Ἑλένης τε; πόθεν ἦλθ’ ἐπ’ ὀλέθρωι τὠμῶι, πάτερ;

### 1235.3

βλέψον πρὸς ἡμᾶς, ὄμμα δὸς φίλημά τε,

### 1235.4

ἵν’ ἀλλὰ τοῦτο κατθανοῦς’ ἔχω σέθεν

### 1240.1

μνημεῖον, ἢν μὴ τοῖς ἐμοῖς πεισθῆις λόγοις.

### 1240.2

ἀδελφέ, μικρὸς μὲν σύ γ’ ἐπίκουρος φίλοις,

### 1240.3

ὅμως δὲ συνδάκρυσον, ἱκέτευσον πατρὸς

### 1240.4

τὴν σὴν ἀδελφὴν μὴ θανεῖν· αἴσθημά τοι

### 1240.5

κἀν νηπίοις γε τῶν κακῶν ἐγγίγνεται.

### 1245.1

ἰδού, σιωπῶν λίσσεταί ς’ ὅδ’, ὦ πάτερ.

### 1245.2

ἀλλ’ αἴδεσαί με καὶ κατοίκτιρον †βίον†.

### 1245.3

ναί, πρὸς γενείου ς’ ἀντόμεσθα δύο φίλω·

### 1245.4

ὁ μὲν νεοσσός ἐστιν, ἡ δ’ ηὐξημένη.

### 1245.5

ἓν συντεμοῦσα πάντα νικήσω λόγον· τὸ φῶς τόδ’ ἀνθρώποισιν ἥδιστον βλέπειν,

### 1245.6

τὰ νέρθε δ’ οὐδέν· μαίνεται δ’ ὃς εὔχεται

### 1245.7

θανεῖν· κακῶς ζῆν κρεῖσσον ἢ καλῶς θανεῖν.

### 1245.8

Χο. ὦ τλῆμον Ἑλένη, διὰ σὲ καὶ τοὺς σοὺς γάμους

### 1245.9

ἀγὼν Ἀτρείδαις καὶ τέκνοις ἥκει μέγας.

### 1255.1

Αγ. ἐγὼ τά τ’ οἰκτρὰ συνετός εἰμι καὶ τὰ μή,

### 1255.2

φιλῶ τ’ ἐμαυτοῦ τέκνα· μαινοίμην γὰρ ἄν.

### 1255.3

δεινῶς δ’ ἔχει μοι ταῦτα τολμῆσαι, γύναι,

### 1255.4

δεινῶς δὲ καὶ μή· ταὐτὰ γὰρ πρᾶξαί με δεῖ.

### 1255.5

ὁρᾶθ’ ὅσον στράτευμα ναύφαρκτον τόδε

### 1260.1

χαλκέων θ’ ὅπλων ἄνακτες Ἑλλήνων ὅσοι,

### 1260.2

οἷς νόστος οὐκ ἔστ’ Ἰλίου πύργους ἔπι

### 1263

οὐδ’ ἔστι Τροίας ἐξελεῖν κλεινὸν βάθρον,

### 1262

εἰ μή σε θύσω, μάντις ὡς Κάλχας λέγει.

### 1264

μέμηνε δ’ Ἀφροδίτη τις Ἑλλήνων στρατῶι

### 1265.1

πλεῖν ὡς τάχιστα βαρβάρων ἐπὶ χθόνα

### 1265.2

παῦσαί τε λέκτρων ἁρπαγὰς Ἑλληνικῶν·

### 1265.3

οἳ τὰς ἐν Ἄργει παρθένους κτενοῦσί μου

### 1265.4

ὑμᾶς τε κἀμέ, θέσφατ’ εἰ λύσω θεᾶς.

### 1265.5

οὐ Μενέλεώς με καταδεδούλωται, τέκνον,

### 1270.1

οὐδ’ ἐπὶ τὸ κείνου βουλόμενον ἐλήλυθα,

### 1270.2

ἀλλ’ Ἑλλάς, ἧι δεῖ, κἂν θέλω κἂν μὴ θέλω,

### 1270.3

θῦσαί σε· τούτου δ’ ἥσσονες καθέσταμεν.

### 1270.4

ἐλευθέραν γὰρ δεῖ νιν ὅσον ἐν σοί, τέκνον,

### 1270.5

κἀμοὶ γενέσθαι, μηδὲ βαρβάρων ὕπο

### 1275.1

Ἕλληνας ὄντας λέκτρα συλᾶσθαι βίαι.

### 1275.2

Κλ. ὦ τέκνον, ὦ ξέναι,

### 1275.3

οἲ ’γὼ θανάτου 〈τοῦ〉 σοῦ μελέα,

### 1275.4

φεύγει σε πατὴρ Ἅιδηι παραδούς.

### 1275.5

Ιφ. οἲ ’γώ, μῆτερ· ταὐτὸν †ταὐτὸν γὰρ†

### 1280.1

μέλος εἰς ἄμφω πέπτωκε τύχης,

### 1280.2

κοὐκέτι μοι φῶς

### 1280.3

οὐδ’ ἀελίου τόδε φέγγος.

### 1280.4

ἰὼ ἰώ·

### 1280.5

νιφόβολον Φρυγῶν νάπος

### 1285.1

Ἴδας τ’ ὄρεα, Πρίαμος

### 1285.2

ὅθι ποτὲ βρέφος ἁπαλὸν ἔβαλε

### 1285.3

ματρὸς ἀποπρὸ νοσφίσας ἐπὶ μόρωι θανατόεντι

### 1285.4

Πάριν, ὃς Ἰδαῖος Ἰ‐

### 1290.1

δαῖος ἐλέγετ’ ἐλέγετ’ ἐν Φρυγῶν πόλει,

### 1290.2

μήποτ’ ὤφελες τὸν ἀμφὶ

### 1290.3

βουσὶ βουκόλον τραφέντ’ Ἀ‐

### 1290.4

λέξανδρον οἰκίσαι

### 1290.5

ἀμφὶ τὸ λευκὸν ὕδωρ, ὅθι κρῆναι

### 1295.1

Νυμφᾶν κεῖνται

### 1295.2

λειμών τ’ ἔρνεσι θάλλων

### 1295.3

χλωροῖς καὶ ῥοδόεντ’

### 1298-1299

ἄνθε’ ὑακίνθινά τε θεαῖς δρέπειν· ἔνθα ποτὲ Παλλὰς ἔμολε καὶ δολιόφρων Κύπρις

### 1302.1

†Ἥρα θ’ Ἑρμᾶς ὁ Διὸς ἄγγελος†,

### 1302.2

ἁ μὲν ἐπὶ πόθωι τρυφῶσα

### 1302.3

Κύπρις, ἁ δὲ δορὶ Παλλάς,

### 1305.1

Ἥρα δὲ Διὸς ἄνακτος

### 1305.2

εὐναῖσι βασιλίσιν,

### 1305.3

κρίσιν ἐπὶ στυγνὰν ἔριν τε

### 1305.4

καλλονᾶς, ἐμοὶ δὲ θάνατον,

### 1305.5

ὄνομα μὲν φέροντα Δαναΐ‐

### 1310.1

σιν κόραις, πρόθυμα δ’ ἔλαβεν

### 1310.2

Ἄρτεμις πρὸς Ἴλιον.

### 1310.3

ὁ δὲ τεκών με τὰν τάλαιναν,

### 1310.4

ὦ μᾶτερ ὦ μᾶτερ,

### 1310.5

οἴχεται προδοὺς ἔρημον.

### 1315.1

δυστάλαιν’ ἐγώ, πικρὰν πικρὰν ἰδοῦσα δυσελέναν,

### 1315.2

φονεύομαι διόλλυμαι

### 1315.3

σφαγαῖσιν ἀνοσίοισιν ἀνοσίου πατρός.

### 1315.4

μή μοι ναῶν χαλκεμβολάδων

### 1320.1

πρύμνας ἅδ’ Αὐλὶς δέξασθαι

### 1320.2

τούσδ’ εἰς ὅρμους †εἰς Τροίαν

### 1320.3

ὤφελεν ἐλάταν πομπαίαν†,

### 1320.4

μηδ’ ἀνταίαν Εὐρίπωι

### 1320.5

πνεῦσαι πομπὰν Ζεύς, εἱλίσσων

### 1325.1

αὔραν ἄλλοις ἄλλαν θνατῶν,

### 1325.2

λαίφεσι χαίρειν,

### 1325.3

τοῖσι δὲ λύπαν, τοῖσι δ’ ἀνάγκαν,

### 1325.4

τοῖς δ’ ἐξορμᾶν, τοῖς δὲ στέλλειν,

### 1325.5

τοῖσι δὲ μέλλειν.

### 1330.1

ἦ πολύμοχθον ἄρ’ ἦν γένος, ἦ πολύμοχθον

### 1330.2

ἁμερίων, 〈τὸ〉 χρεὼν δέ τι δύσποτμον

### 1330.3

ἀνδράσιν ἀνευρεῖν.

### 1330.4

ἰώ,

### 1330.5

μεγάλα πάθεα, μεγάλα δ’ ἄχεα,

### 1335.1

Δαναΐδαις τιθεῖσα Τυνδαρὶς κόρα.

### 1335.2

Χο. ἐγὼ μὲν οἰκτίρω σε συμφορᾶς κακῆς

### 1335.3

τυχοῦσαν, οἵας μήποτ’ ὤφελες τυχεῖν.

### 1335.4

Ιφ. ὦ τεκοῦσα μῆτερ, ἀνδρῶν ὄχλον εἰσορῶ πέλας.

### 1335.5

Κλ. τόν τε τῆς θεᾶς Ἀχιλλέα, τέκνον, ὧι δεῦρ’ ἤλυθες.

### 1340.1

Ιφ. διαχαλᾶτέ μοι μέλαθρα, δμῶες, ὡς κρύψω δέμας.

### 1340.2

Κλ. τί δέ, τέκνον, φεύγεις; Ιφ. Ἀχιλλέα τόνδ’ ἰδεῖν

### 1341.1

αἰσχύνομαι.

### 1341.2

Κλ. ὡς τί δή; Ιφ. τὸ δυστυχές μοι τῶν γάμων αἰδῶ φέρει.

### 1341.3

Κλ. οὐκ ἐν ἁβρότητι κεῖσαι πρὸς τὰ νῦν πεπτωκότα·

### 1341.4

ἀλλὰ μίμν’· οὐ σεμνότητος ἔργον, ἢν ὀνώμεθα.

### 1345

Αχ. ὦ γύναι τάλαινα, Λήδας θύγατερ ... Κλ. οὐ ψευδῆ

### 1345.1

θροεῖς.

### 1345.2

Αχ. δείν’ ἐν Ἀργείοις βοᾶται ... Κλ. τίς βοή; σήμαινέ μοι.

### 1345.3

Αχ. ἀμφὶ σῆς παιδός ... Κλ. πονηρῶν εἶπας οἰωνὸν λόγον.

### 1345.4

Αχ. ὡς χρεὼν σφάξαι νιν. Κλ. †κοὐδεὶς ἐναντία λέγει;†

### 1345.5

Αχ. ἐς θόρυβον ἐγώ τιν’ αὐτὸς ἤλυθον ... Κλ. τίν’, ὦ ξένε; Αχ. σῶμα λευσθῆναι πέτροισι. Κλ. μῶν κόρην σώιζων ἐμήν;

### 1345.6

Αχ. αὐτὸ τοῦτο. Κλ. τίς δ’ ἂν ἔτλη σώματος τοῦ σοῦ θιγεῖν;

### 1345.7

Αχ. πάντες Ἕλληνες. Κλ. στρατὸς δὲ Μυρμιδὼν οὔ σοι

### 1352.1

παρῆν;

### 1352.2

Αχ. πρῶτος ἦν ἐκεῖνος ἐχθρός. Κλ. δι’ ἄρ’ ὀλώλαμεν, τέκνον.

### 1352.3

Αχ. οἵ με τὸν γάμων ἀπεκάλουν ἥσσον’. Κλ. ἀπεκρίνω δὲ τί;

### 1355

Αχ. τὴν ἐμὴν μέλλουσαν εὐνὴν μὴ κτανεῖν ... Κλ. δίκαια

### 1355.1

γάρ.

### 1355.2

Αχ. ἣν ἐφήμισεν πατήρ μοι. Κλ. κἀργόθεν γ’ ἐπέμψατο.

### 1355.3

Αχ. ἀλλ’ ἐνικώμην κεκραγμοῦ. Κλ. τὸ πολὺ γὰρ δεινὸν

### 1357.1

κακόν.

### 1357.2

Αχ. ἀλλ’ ὅμως ἀρήξομέν σοι. Κλ. καὶ μαχῆι πολλοῖσιν εἷς;

### 1357.3

Αχ. εἰσορᾶις τεύχη φέροντας τούσδ’; Κλ. ὄναιο τῶν φρενῶν.

### 1360.1

Αχ. ἀλλ’ ὀνησόμεσθα. Κλ. παῖς ἄρ’ οὐκέτι σφαγήσεται;

### 1360.2

Αχ. οὔκ, ἐμοῦ γ’ ἑκόντος. Κλ. ἥξει δ’ ὅστις ἅψεται κόρης;

### 1360.3

Αχ. μυρίοι γ’, ἄξει δ’ Ὀδυσσεύς. Κλ. ἆρ’ ὁ Σισύφου γόνος; Αχ. αὐτὸς οὖτος. Κλ. ἴδια πράσσων ἢ στρατοῦ ταχθεὶς ὕπο;

### 1360.4

Αχ. αἱρεθεὶς ἑκών. Κλ. πονηράν γ’ αἵρεσιν, μιαιφονεῖν.

### 1365

Αχ. ἀλλ’ ἐγὼ σχήσω νιν. Κλ. ἄξει δ’ οὐχ ἑκοῦσαν

### 1365.1

ἁρπάσας;

### 1365.2

Αχ. δηλαδὴ ξανθῆς ἐθείρας. Κλ. ἐμὲ δὲ δρᾶν τί χρὴ τότε;

### 1365.3

Αχ. ἀντέχου θυγατρός. Κλ. ὡς τοῦδ’ οὕνεκ’ οὐ σφαγήσεται.

### 1365.4

Αχ. ἀλλὰ μὴν ἐς τοῦτό γ’ ἥξει. Ιφ. μῆτερ, εἰσακουστέα

### 1365.5

τῶν ἐμῶν λόγων· μάτην γάρ 〈σ’〉 εἰσορῶ θυμουμένην

### 1370.1

σῶι πόσει· τὰ δ’ ἀδύναθ’ ἡμῖν καρτερεῖν οὐ ῥάιδιον.

### 1370.2

τὸν μὲν οὖν ξένον δίκαιον αἰνέσαι προθυμίας·

### 1370.3

ἀλλὰ καὶ σὲ τοῦθ’ ὁρᾶν χρή, μὴ διαβληθῆι στρατῶι,

### 1370.4

καὶ πλέον πράξωμεν οὐδέν, ὅδε δὲ συμφορᾶς τύχηι.

### 1370.5

οἷα δ’ εἰσῆλθέν μ’ ἄκουσον, μῆτερ, ἐννοουμένην·

### 1375.1

κατθανεῖν μέν μοι δέδοκται· τοῦτο δ’ αὐτὸ βούλομαι

### 1375.2

εὐκλεῶς πρᾶξαι, παρεῖσά γ’ ἐκποδὼν τὸ δυσγενές.

### 1375.3

δεῦρο δὴ σκέψαι μεθ’ ἡμῶν, μῆτερ, ὡς καλῶς λέγω·

### 1375.4

εἰς ἔμ’ Ἑλλὰς ἡ μεγίστη πᾶσα νῦν ἀποβλέπει,

### 1375.5

κἀν ἐμοὶ πορθμός τε ναῶν καὶ Φρυγῶν κατασκαφαὶ

### 1380.1

τάς τε μελλούσας γυναῖκας, ἤν τι δρῶσι βάρβαροι,

### 1380.2

μηκέθ’ ἁρπάζειν ἐᾶν †τὰς† ὀλβίας ἐξ Ἑλλάδος,

### 1380.3

τὸν Ἑλένης τείσαντας ὄλεθρον, ἣν ἀνήρπασεν Πάρις.

### 1380.4

ταῦτα πάντα κατθανοῦσα ῥύσομαι, καί μου κλέος,

### 1380.5

Ἑλλάδ’ ὡς ἠλευθέρωσα, μακάριον γενήσεται.

### 1385.1

καὶ γὰρ οὐδέ τοί 〈τι〉 λίαν ἐμὲ φιλοψυχεῖν χρεών·

### 1385.2

πᾶσι γάρ μ’ Ἕλλησι κοινὸν ἔτεκες, οὐχὶ σοὶ μόνηι. ἀλλὰ μυρίοι μὲν ἄνδρες ἀσπίσιν πεφαργμένοι,

### 1385.3

μυρίοι δ’ ἐρέτμ’ ἔχοντες, πατρίδος ἠδικημένης,

### 1385.4

δρᾶν τι τολμήσουσιν ἐχθροὺς χὐπὲρ Ἑλλάδος θανεῖν,

### 1390.1

ἡ δ’ ἐμὴ ψυχὴ μί’ οὖσα πάντα κωλύσει τάδε;

### 1390.2

†τί τὸ δίκαιον τοῦτ’ ἄρ’ ἔχοιμεν† ἀντειπεῖν ἔπος;

### 1390.3

κἀπ’ ἐκεῖν’ ἔλθωμεν· οὐ δεῖ τόνδε διὰ μάχης μολεῖν

### 1390.4

πᾶσιν Ἀργείοις γυναικὸς οὕνεκ’ οὐδὲ κατθανεῖν.

### 1390.5

εἷς γ’ ἀνὴρ κρείσσων γυναικῶν μυρίων ὁρᾶν φάος.

### 1395.1

εἰ †δ’ ἐβουλήθη† σῶμα τοὐμὸν Ἄρτεμις λαβεῖν,

### 1395.2

ἐμποδὼν γενήσομαι ’γὼ θνητὸς οὖσα τῆι θεῶι;

### 1395.3

ἀλλ’ ἀμήχανον· δίδωμι σῶμα τοὐμὸν Ἑλλάδι.

### 1395.4

θύετ’, ἐκπορθεῖτε Τροίαν· ταῦτα γὰρ μνημεῖά μου

### 1395.5

διὰ μακροῦ καὶ παῖδες οὗτοι καὶ γάμοι καὶ δόξ’ ἐμή. βαρβάρων δ’ Ἕλληνας ἄρχειν εἰκός, ἀλλ’ οὐ βαρβάρους

### 1395.6

μῆτερ, Ἑλλήνων· τὸ μὲν γὰρ δοῦλον, οἱ δ’ ἐλεύθεροι.

### 1395.7

Χο. τὸ μὲν σόν, ὦ νεᾶνι, γενναίως ἔχει·

### 1395.8

τὸ τῆς τύχης δὲ καὶ τὸ τῆς θεοῦ νοσεῖ.

### 1395.9

Αχ. Ἀγαμέμνονος παῖ, μακάριόν μέ τις θεῶν

### 1405.1

ἔμελλε θήσειν, εἰ τύχοιμι σῶν γάμων.

### 1405.2

ζηλῶ δὲ σοῦ μὲν Ἑλλάδ’, Ἑλλάδος δὲ σέ.

### 1405.3

εὖ γὰρ τόδ’ εἶπας ἀξίως τε πατρίδος·

### 1405.4

τὸ θεομαχεῖν γὰρ ἀπολιποῦς’, ὅ σου κρατεῖ,

### 1405.5

ἐξελογίσω τὰ χρηστὰ τἀναγκαῖά τε.

### 1410.1

μᾶλλον δὲ λέκτρων σῶν πόθος μ’ ἐσέρχεται

### 1410.2

ἐς τὴν φύσιν βλέψαντα· γενναία γὰρ εἶ.

### 1410.3

ὅρα δ’· ἐγὼ γὰρ βούλομαί ς’ εὐεργετεῖν

### 1410.4

λαβεῖν τ’ ἐς οἴκους· ἄχθομαι δ’, ἴστω Θέτις, εἰ μή σε σώσω Δαναΐδαισι διὰ μάχης

### 1415.1

ἐλθών. ἄθρησον· ὁ θάνατος δεινὸν κακόν.

### 1415.2

Ιφ. †λέγω τάδε 〈〉†

### 1415.3

ἡ Τυνδαρὶς παῖς διὰ τὸ σῶμ’ ἀρκεῖ μάχας

### 1415.4

ἀνδρῶν τιθεῖσα καὶ φόνους· σὺ δ’, ὦ ξένε,

### 1415.5

μὴ θνῆισκε δι’ ἐμὲ μηδ’ ἀποκτείνηις τινά,

### 1420.1

ἔα δὲ σῶσαί μ’ Ἑλλάδ’, ἢν δυνώμεθα.

### 1420.2

Αχ. ὦ λῆμ’ ἄριστον, οὐκ ἔχω πρὸς τοῦτ’ ἔτι

### 1420.3

λέγειν, ἐπεί σοι τάδε δοκεῖ· γενναῖα γὰρ

### 1420.4

φρονεῖς· τί γὰρ τἀληθὲς οὐκ εἴποι τις ἄν;

### 1420.5

ὅμως δ’ ἴσως γε κἂν μεταγνοίης τάδε.

### 1425.1

ὡς οὖν ἂν εἰδῆις τἀπ’ ἐμοῦ λελεγμένα,

### 1425.2

ἐλθὼν τάδ’ ὅπλα θήσομαι βωμοῦ πέλας,

### 1425.3

ὡς οὐκ ἐάσων ς’ ἀλλὰ κωλύσων θανεῖν.

### 1425.4

χρήσηι δὲ καὶ σὺ τοῖς ἐμοῖς λόγοις τάχα,

### 1425.5

ὅταν πέλας σῆς φάσγανον δέρης ἴδηις.

### 1430.1

οὔκουν ἐάσω ς’ ἀφροσύνηι τῆι σῆι θανεῖν·

### 1430.2

ἐλθὼν δὲ σὺν ὅπλοις τοῖσδε πρὸς ναὸν θεᾶς

### 1430.3

καραδοκήσω σὴν ἐκεῖ παρουσίαν.

### 1430.4

Ιφ. μῆτερ, τί σιγῆι δακρύοις τέγγεις κόρας;

### 1430.5

Κλ. ἔχω τάλαινα πρόφασιν ὥστ’ ἀλγεῖν φρένα.

### 1435.1

Ιφ. παῦσαί με μὴ κάκιζε· τάδε δέ μοι πιθοῦ.

### 1435.2

Κλ. λέγ’· ὡς παρ’ ἡμῶν οὐδὲν ἀδικήσηι, τέκνον.

### 1435.3

Ιφ. μήτ’ οὖν γε τὸν σὸν πλόκαμον ἐκτέμηις τριχὸς

### 1435.4

μήτ’ ἀμφὶ σῶμα μέλανας ἀμπίσχηι πέπλους.

### 1435.5

Κλ. τί δὴ τόδ’ εἶπας, τέκνον; ἀπολέσασά σε;

### 1440.1

Ιφ. οὐ σύ γε· σέσωμαι, κατ’ ἐμὲ δ’ εὐκλεὴς ἔσηι.

### 1440.2

Κλ. πῶς εἶπας; οὐ πενθεῖν με σὴν ψυχὴν χρεών;

### 1440.3

Ιφ. ἥκιστ’, ἐπεί μοι τύμβος οὐ χωσθήσεται. Κλ. †τί δὲ τὸ θνήισκειν οὐ τάφος νομίζεται;†

### 1440.4

Ιφ. βωμὸς θεᾶς μοι μνῆμα τῆς Διὸς κόρης.

### 1445.1

Κλ. ἀλλ’ ὦ τέκνον σοι πείσομαι· λέγεις γὰρ εὖ.

### 1445.2

Ιφ. ὡς εὐτυχοῦσά γ’ Ἑλλάδος τ’ εὐεργέτις.

### 1445.3

Κλ. τί δὴ κασιγνήταισιν ἀγγείλω σέθεν;

### 1445.4

Ιφ. μηδ’ ἀμφὶ κείναις μέλανας ἐξάψηις πέπλους.

### 1445.5

Κλ. εἴπω δὲ παρὰ σοῦ φίλον ἔπος τι παρθένοις; Ιφ. χαίρειν γ’· Ὀρέστην δ’ ἔκτρεφ’ ἄνδρα τόνδε μοι.

### 1445.6

Κλ. προσέλκυσαί νιν ὕστατον θεωμένη.

### 1445.7

Ιφ. ὦ φίλτατ’, ἐπεκούρησας ὅσον εἶχες φίλοις.

### 1445.8

Κλ. ἔσθ’ ὅτι κατ’ Ἄργος δρῶσά σοι χάριν φέρω;

### 1445.9

Ιφ. πατέρα τὸν ἀμὸν μὴ στύγει, πόσιν γε σόν.

### 1455.1

Κλ. δεινοὺς ἀγῶνας διὰ σὲ δεῖ κεῖνον δραμεῖν.

### 1455.2

Ιφ. ἄκων μ’ ὑπὲρ γῆς Ἑλλάδος διώλεσεν.

### 1455.3

Κλ. δόλωι δ’, ἀγεννῶς Ἀτρέως τ’ οὐκ ἀξίως.

### 1455.4

Ιφ. τίς μ’ εἶσιν ἄξων πρὶν σπαράσσεσθαι κόμης;

### 1455.5

Κλ. ἐγώ, μετά γε σοῦ ... Ιφ. μὴ σύ γ’· οὐ καλῶς λέγεις.

### 1460.1

Κλ. πέπλων ἐχομένη σῶν. Ιφ. ἐμοί, μῆτερ, πιθοῦ·

### 1460.2

μέν’· ὡς ἐμοί τε σοί τε κάλλιον τόδε.

### 1460.3

πατρὸς δ’ ὀπαδῶν τῶνδέ τίς με πεμπέτω

### 1460.4

Ἀρτέμιδος ἐς λειμῶν’, ὅπου σφαγήσομαι.

### 1460.5

Κλ. ὦ τέκνον, οἴχηι; Ιφ. καὶ πάλιν γ’ οὐ μὴ μόλω.

### 1465.1

Κλ. λιποῦσα μητέρ’; Ιφ. ὡς ὁρᾶις γ’, οὐκ ἀξίως.

### 1465.2

Κλ. σχές, μή με προλίπηις. Ιφ. οὐκ ἐῶ στάζειν δάκρυ.

### 1465.3

ὑμεῖς δ’ ἐπευφημήσατ’, ὦ νεάνιδες,

### 1465.4

παιᾶνα τἠμῆι συμφορᾶι Διὸς κόρην

### 1465.5

Ἄρτεμιν· ἴτω δὲ Δαναΐδαις εὐφημία.

### 1470.1

κανᾶ δ’ ἐναρχέσθω τις, αἰθέσθω δὲ πῦρ προχύταις καθαρσίοισι, καὶ πατὴρ ἐμὸς

### 1470.2

ἐνδεξιούσθω βωμόν· ὡς σωτηρίαν

### 1470.3

Ἕλλησι δώσους’ ἔρχομαι νικηφόρον.

### 1475.1

ἄγετέ με τὰν Ἰλίου

### 1475.2

καὶ Φρυγῶν ἑλέπτολιν.

### 1475.3

στέφεα περίβολα δίδοτε φέρε‐

### 1475.4

τε—πλόκαμος ὅδε καταστέφειν—

### 1475.5

χερνίβων τε παγάς.

### 1480.1

ἑλίσσετ’ ἀμφὶ ναόν,

### 1480.2

ἀμφὶ βωμὸν Ἄρτεμιν,

### 1480.3

τὰν ἄνασσαν Ἄρτεμιν,

### 1480.4

τὰν μάκαιραν· ὡς ἐμοῖσιν, εἰ χρεών,

### 1485.1

αἵμασι θύμασί τε

### 1485.2

θέσφατ’ ἐξαλείψω.

### 1487-1488

ὦ πότνια πότνια μᾶτερ, οὐ δάκρυά γέ σοι

### 1489

δώσομεν ἁμέτερα·

### 1490.1

παρ’ ἱεροῖς γὰρ οὐ πρέπει.

### 1490.2

ἰὼ ἰὼ νεάνιδες,

### 1490.3

συνεπαείδετ’ Ἄρτεμιν

### 1490.4

Χαλκίδος ἀντίπορον,

### 1490.5

ἵνα τε δόρατα μέμονε νάϊ’

### 1495.1

ὄνομα δι’ ἐμὸν Αὐλίδος

### 1495.2

στενοπόροις ἐν ὅρμοις.

### 1497-1498

ἰὼ γᾶ μᾶτερ ὦ Πελασγία

### 1499.1

Μυκηναῖαί τ’ ἐμαὶ θεράπναι ... Χο. καλεῖς πόλισμα Περσέως, Κυκλωπιᾶν πόνον χερῶν;

### 1499.2

Ιφ. ἐθρέψαθ’ Ἑλλάδι με φάος·

### 1499.3

θανοῦσα δ’ οὐκ ἀναίνομαι.

### 1499.4

Χο. κλέος γὰρ οὔ σε μὴ λίπηι.

### 1505.1

Ιφ. ἰὼ ἰώ·

### 1505.2

λαμπαδοῦχος ἁμέρα

### 1505.3

Διός τε φέγγος, ἕτερον αἰ‐

### 1505.4

ῶνα καὶ μοῖραν οἰκήσομεν.

### 1505.5

χαῖρέ μοι, φίλον φάος.

### 1510

Χο. ἰὼ ἰώ·

### 1510.1

ἴδεσθε τὰν Ἰλίου

### 1510.2

καὶ Φρυγῶν ἑλέπτολιν

### 1510.3

στείχουσαν, ἐπὶ κάραι στέφη

### 1510.4

βαλουμέναν χερνίβων τε παγάς,

### 1510.5

βωμόν γε δαίμονος θεᾶς

### 1515.1

ῥανίσιν αἱματορρύτοις

### 1515.2

†θανοῦσαν εὐφυῆ τε σώματος δέρην

### 1515.3

σφαγεῖσαν. εὔδροσοι παγαὶ

### 1515.4

πατρῶιαι μένουσί σε χέρνιβές τε†

### 1515.5

στρατός τ’ Ἀχαιῶν θέλων

### 1520.1

Ἰλίου πόλιν μολεῖν.

### 1520.2

ἀλλὰ τὰν Διὸς κόραν

### 1520.3

κλήισωμεν Ἄρτεμιν,

### 1520.4

θεῶν ἄνασσαν, ὡς ἐπ’ εὐτυχεῖ πότμωι·

### 1520.5

ὦ πότνια 〈πότνια〉, θύμασιν βροτησίοις

### 1525.1

χαρεῖσα, πέμψον ἐς Φρυγῶν

### 1525.2

γαῖαν Ἑλλάνων στρατὸν †καὶ δολόεντα Τροίας ἕδη

### 1525.3

Ἀγαμέμνονά τε λόγχαις

### 1525.4

Ἑλλάδι κλεινότατον στέφανον

### 1530.1

δὸς ἀμφὶ κάρα ἑὸν†

### 1530.2

κλέος ἀείμνηστον ἀμφιθεῖναι.

### 1530.3

ΑΓΓΕΛΟΣ 〈Β〉

### 1532.1

ὦ Τυνδαρεία παῖ Κλυταιμήστρα, δόμων

### 1532.2

ἔξω πέρασον, ὡς κλύηις ἐμῶν λόγων.

### 1532.3

Κλ. φθογγῆς κλυοῦσα δεῦρο σῆς ἀφικόμην,

### 1535.1

ταρβοῦσα τλήμων κἀκπεπληγμένη φόβωι.

### 1535.2

μή μοί τιν’ ἄλλην ξυμφορὰν ἥκεις φέρων

### 1535.3

πρὸς τῆι παρούσηι; Αγ. σῆς μὲν οὖν παιδὸς πέρι

### 1535.4

θαυμαστά σοι καὶ δεινὰ σημῆναι θέλω.

### 1535.5

Κλ. μὴ μέλλε τοίνυν, ἀλλὰ φράζ’ ὅσον τάχος.

### 1540.1

Αγ. ἀλλ’, ὦ φίλη δέσποινα, πᾶν πεύσηι σαφῶς.

### 1540.2

λέξω δ’ ἀπ’ ἀρχῆς, ἤν τι μὴ σφαλεῖσά που

### 1540.3

γνώμη ταράξηι γλῶσσαν ἐν λόγοις ἐμήν.

### 1540.4

ἐπεὶ γὰρ ἱκόμεσθα τῆς Διὸς κόρης

### 1540.5

Ἀρτέμιδος ἄλσος λείμακάς τ’ ἀνθεσφόρους,

### 1545.1

ἵν’ ἦν Ἀχαιῶν σύλλογος στρατεύματος,

### 1545.2

σὴν παῖδ’ ἄγοντες, εὐθὺς Ἀργείων ὄχλος

### 1545.3

ἠθροίζεθ’. ὡς δ’ ἐσεῖδεν Ἀγαμέμνων ἄναξ

### 1545.4

ἐπὶ σφαγὰς στείχουσαν εἰς ἄλσος κόρην,

### 1545.5

ἀνεστέναξε κἄμπαλιν στρέψας κάρα δάκρυα προῆκεν, ὀμμάτων πέπλον προθείς.

### 1545.6

ἡ δὲ σταθεῖσα τῶι τεκόντι πλησίον

### 1545.7

ἔλεξε τοιάδ’· Ὦ πάτερ, πάρειμί σοι·

### 1545.8

τοὐμὸν δὲ σῶμα τῆς ἐμῆς ὑπὲρ πάτρας

### 1545.9

καὶ τῆς ἁπάσης Ἑλλάδος γαίας ὕπερ

### 1555.1

θῦσαι δίδωμ’ ἑκοῦσα πρὸς βωμὸν θεᾶς

### 1555.2

ἄγοντας, εἴπερ ἐστὶ θέσφατον τόδε. καὶ τοὐπ’ ἔμ’ εὐτυχοῖτε καὶ νικηφόρου

### 1555.3

δορὸς τύχοιτε πατρίδα τ’ ἐξίκοισθε γῆν.

### 1555.4

πρὸς ταῦτα μὴ ψαύσηι τις Ἀργείων ἐμοῦ·

### 1560.1

σιγῆι παρέξω γὰρ δέρην εὐκαρδίως.

### 1560.2

τοσαῦτ’ ἔλεξε· πᾶς δ’ ἐθάμβησεν κλυὼν

### 1560.3

εὐψυχίαν τε κἀρετὴν τῆς παρθένου.

### 1560.4

στὰς δ’ ἐν μέσωι Ταλθύβιος, ὧι τόδ’ ἦν μέλον,

### 1560.5

εὐφημίαν ἀνεῖπε καὶ σιγὴν στρατῶι·

### 1565.1

Κάλχας δ’ ὁ μάντις ἐς κανοῦν χρυσήλατον

### 1565.2

ἔθηκεν ὀξὺ χειρὶ φάσγανον σπάσας

### 1565.3

κολεῶν ἔσωθεν κρᾶτά τ’ ἔστεψεν κόρης.

### 1565.4

ὁ παῖς δ’ ὁ Πηλέως ἐν κύκλωι βωμοῦ θεᾶς

### 1565.5

λαβὼν κανοῦν ἔθρεξε χέρνιβάς θ’ ὁμοῦ,

### 1570.1

ἔλεξε δ’· Ὦ παῖ Ζηνός, ὦ θηροκτόνε,

### 1570.2

τὸ λαμπρὸν εἱλίσσους’ ἐν εὐφρόνηι φάος,

### 1570.3

δέξαι τὸ θῦμα τόδ’ ὅ γέ σοι δωρούμεθα

### 1570.4

στρατός τ’ Ἀχαιῶν Ἀγαμέμνων ἄναξ θ’ ὁμοῦ,

### 1570.5

ἄχραντον αἷμα καλλιπαρθένου δέρης,

### 1575.1

καὶ δὸς γενέσθαι πλοῦν νεῶν ἀπήμονα

### 1575.2

Τροίας τε πέργαμ’ ἐξελεῖν ἡμᾶς δορί.

### 1575.3

ἐς γῆν δ’ Ἀτρεῖδαι πᾶς στρατός τ’ ἔστη βλέπων.

### 1575.4

ἱερεὺς δὲ φάσγανον λαβὼν ἐπεύξατο

### 1575.5

λαιμόν τ’ ἐπεσκοπεῖθ’, ἵνα πλήξειεν ἄν.

### 1580.1

ἐμοὶ δέ τ’ ἄλγος οὐ μικρὸν εἰσήιει φρενὶ

### 1580.2

κἄστην νενευκώς· θαῦμα δ’ ἦν αἴφνης ὁρᾶν.

### 1580.3

πληγῆς κτύπον γὰρ πᾶς τις ἤισθετ’ ἂν σαφῶς,

### 1580.4

τὴν παρθένον δ’ οὐκ οἶδεν οὗ γῆς εἰσέδυ.

### 1580.5

βοᾶι δ’ ἱερεύς, ἅπας δ’ ἐπήχησε στρατός,

### 1585.1

ἄελπτον εἰσιδόντες ἐκ θεῶν τινος

### 1585.2

φάσμ’, οὗ γε μηδ’ ὁρωμένου πίστις παρῆν·

### 1585.3

ἔλαφος γὰρ ἀσπαίρους’ ἔκειτ’ ἐπὶ χθονὶ

### 1585.4

ἰδεῖν μεγίστη διαπρεπής τε τὴν θέαν,

### 1585.5

ἧς αἵματι βωμὸς ἐραίνετ’ ἄρδην τῆς θεοῦ.

### 1590.1

κἀν τῶιδε Κάλχας πῶς δοκεῖς χαίρων ἔφη·

### 1590.2

Ὦ τοῦδ’ Ἀχαιῶν κοίρανοι κοινοῦ στρατοῦ,

### 1590.3

ὁρᾶτε τήνδε θυσίαν, ἣν ἡ θεὸς

### 1590.4

προύθηκε βωμίαν, ἔλαφον ὀρειδρόμον;

### 1590.5

ταύτην μάλιστα τῆς κόρης ἀσπάζεται,

### 1595.1

ὡς μὴ μιαίνοι βωμὸν εὐγενεῖ φόνωι.

### 1595.2

ἡδέως τε τοῦτ’ ἐδέξατο καὶ πλοῦν οὔριον

### 1595.3

δίδωσιν ἡμῖν Ἰλίου τ’ ἐπιδρομάς.

### 1595.4

πρὸς ταῦτα πᾶς τις θάρσος αἶρε ναυβάτης

### 1595.5

χώρει τε πρὸς ναῦν· ὡς ἡμέραι τῆιδε δεῖ λιπόντας ἡμᾶς Αὐλίδος κοιλοὺς μυχοὺς

### 1595.6

Αἴγαιον οἶδμα διαπερᾶν. ἐπεὶ δ’ ἅπαν

### 1595.7

κατηνθρακώθη θῦμ’ ἐν Ἡφαίστου φλογί,

### 1595.8

τὰ πρόσφορ’ ηὔξαθ’, ὡς τύχοι νόστου στρατός.

### 1595.9

πέμπει δ’ Ἀγαμέμνων μ’ ὥστε σοι φράσαι τάδε

### 1605.1

λέγειν θ’ ὁποίας ἐκ θεῶν μοίρας κυρεῖ

### 1605.2

καὶ δόξαν ἔσχεν ἄφθιτον καθ’ Ἑλλάδα.

### 1605.3

ἐγὼ παρών τε καὶ τὸ πρᾶγμ’ ὁρῶν λέγω·

### 1605.4

ἡ παῖς σαφῶς σοι πρὸς θεοὺς ἀφίπτατο.

### 1605.5

λύπης δ’ ἀφαίρει καὶ πόσει πάρες χόλον·

### 1610.1

ἀπροσδόκητα δὲ βροτοῖς τὰ τῶν θεῶν,

### 1610.2

σώιζουσί θ’ οὓς φιλοῦσιν· ἦμαρ γὰρ τόδε

### 1610.3

θανοῦσαν εἶδε καὶ βλέπουσαν παῖδα σήν.

### 1610.4

Χο. ὡς ἥδομαί τοι ταῦτ’ ἀκούσας’ ἀγγέλου·

### 1610.5

ζῶν δ’ ἐν θεοῖσι σὸν μένειν φράζει τέκος.

### 1615.1

Κλ. ὦ παῖ, θεῶν τοῦ κλέμμα γέγονας;

### 1615.2

πῶς σε προσείπω; πῶς δ’ οὐ φῶ παραμυθεῖσθαι τούσδε μάτην

### 1618a

μύθους, ὥς σου

### 1618b

πένθους λυγροῦ παυσαίμην;

### 1619

Χο. καὶ μὴν Ἀγαμέμνων ἄναξ στείχει,

### 1620.1

τούσδ’ αὐτοὺς ἔχων σοι φράζειν μύθους.

### 1620.2

Αγ. γύναι, θυγατρὸς ἕνεκ’ ὄλβιοι γενοίμεθ’ ἄν·

### 1620.3

ἔχει γὰρ ὄντως ἐν θεοῖς ὁμιλίαν.

### 1620.4

χρὴ δέ σε λαβοῦσαν τόνδε μόσχον νεαγενῆ

### 1620.5

στείχειν πρὸς οἴκους· ὡς στρατὸς πρὸς πλοῦν ὁρᾶι.

### 1625.1

καὶ χαῖρε· χρόνιά γε τἀμά σοι προσφθέγματα

### 1625.2

Τροίηθεν ἔσται· καὶ γένοιτό σοι καλῶς.

### 1625.3

Χο. χαίρων, Ἀτρείδη, γῆν ἱκοῦ

### 1625.4

Φρυγίαν, χαίρων δ’ ἐπάνηκε, κάλλιστά μοι σκῦλ’ ἀπὸ Τροίας ἑλών.

## License and provenance

This text is licensed CC0 1.0 Universal. The canonical record is the JSON at https://eulogikon.org/data/works/grc/euripides-iphigenia-aulis-cbm-ad.json (sha256:373cc97383ed8e8787c3050c17c29c2575c6852749e2d76c5adb01a390a565f1). Cite as `eul_wid: cbm-ad`.