---
title: Epigrams
title_greek: Ὕμνοι
author: Callimachus of Cyrene the Poet and Scholar
eul_wid: iso-am
eul_aid: iso
canonical: "https://eulogikon.org/grc/callimachus-of-cyrene/epigrams-am"
period: Hellenistic
dialect: Literary Koine
domain: Philosophy
format: Verse
license: "https://creativecommons.org/publicdomain/mark/1.0/"
---

# Epigrams

*Ὕμνοι*

**Author:** Callimachus of Cyrene the Poet and Scholar

**eul_wid:** `iso-am` · [HTML page](https://eulogikon.org/grc/callimachus-of-cyrene/epigrams-am)

## Text

### book 6.1.1

Ὤμοσε Καλλίγνωτος Ἰωνίδι μήποτ’ ἐκείνης

### book 6.1.2

ἕξειν μήτε φίλον κρέσσονα μήτε φίλην.

### book 6.1.3

ὤμοσεν· ἀλλὰ λέγουσιν ἀληθέα, τοὺς ἐν ἔρωτι

### book 6.1.4

ὅρκους μὴ δύνειν οὔατ’ ἐς ἀθανάτων.

### book 6.5

νῦν δ’ ὁ μὲν ἀρσενικῷ θέρεται πυρί, τῆς δὲ ταλαίνης

### book 6

νύμφης ὡς Μεγαρέων οὐ λόγος οὐδ’ ἀριθμός.

### book 23.1.1

Οὕτως ὑπνώσαις, Κωνώπιον, ὡς ἐμὲ ποιεῖς

### book 23.1.2

κοιμᾶσθαι ψυχροῖς τοῖσδε παρὰ προθύροις·

### book 23.1.3

οὕτως ὑπνώσαις, ἀδικωτάτη, ὡς τὸν ἐραστὴν

### book 23.1.4

κοιμίζεις, ἐλέου δ’ οὐδ’ ὄναρ ἠντίασας.

### book 23.5.1

γείτονες οἰκτείρουσι, σὺ δ’ οὐδ’ ὄναρ· ἡ πολιὴ δὲ

### book 23.5.2

αὐτίκ’ ἀναμνήσει ταῦτά σε πάντα κόμη.

### book 146.1.1

Τέσσαρες αἱ Χάριτες· ποτὶ γὰρ μία ταῖς τρισὶ κείναις

### book 146.1.2

ἄρτι ποτεπλάσθη κἦτι μύροισι νοτεῖ.

### book 146.1.3

εὐαίων ἐν πᾶσιν ἀρίζαλος Βερενίκα,

### book 146.1.4

ἇς ἄτερ οὐδ’ αὐταὶ ταὶ Χάριτες Χάριτες.

### book 121.1.1

Κυνθιάδες, θαρσεῖτε· τὰ γὰρ τοῦ Κρητὸς Ἐχέμμα

### book 121.1.2

κεῖται ἐν Ὀρτυγίῃ τόξα παρ’ Ἀρτέμιδι,

### book 121.1.3

οἷς ὑμέων ἐκένωσεν ὄρος μέγα, νῦν δὲ πέπαυται,

### book 121.1.4

αἶγες, ἐπεὶ σπονδὰς ἡ θεὸς εἰργάσατο.

### book 146.1.1

Καὶ πάλιν, Εἰλήθυια, Λυκαινίδος ἐλθὲ καλεύσης

### book 146.1.2

εὔλοχος ὠδίνων ὧδε σὺν εὐτοκίῃ·

### book 146.1.3

ὡς τόδε νῦν μέν, ἄνασσα, κόρης ὕπερ· ἀντὶ δὲ παιδὸς

### book 146.1.4

ὕστερον εὐώδης ἄλλο τι νηὸς ἔχοι.

### book 147.1.1

Τὸ χρέος ὡς ἀπέχεις, Ἀσκληπιέ, τὸ πρὸ γυναικὸς

### book 147.1.2

Δημοδίκης Ἀκέσων ὤφελεν εὐξάμενος,

### book 147.1.3

γινώσκειν· ἢν δ’ ἆρα λάθῃ καὶ 〈δίσ〉 μιν ἀπαιτῇς,

### book 147

φησὶ παρέξεσθαι μαρτυρίην ὁ πίναξ.

### book 148.1.1

Τῷ με Κανωπίτᾳ Καλλίστιον εἴκοσι μύξαις

### book 148.1.2

πλούσιον, ἁ Κριτίου, λύχνον ἔθηκε θεῷ,

### book 148.1.3

εὐξαμένα περὶ παιδὸς Ἀπελλίδος. ἐς δ’ ἐμὰ φέγγη

### book 148.1.4

ἀθρήσας φάσεις· „Ἕσπερε, πῶς ἔπεσες;“

### book 149.1.1

Φησὶν ὅ με στήσας Εὐαίνετος (οὐ γὰρ ἔγωγε

### book 149.1.2

γινώσκω) νίκης ἀντί με τῆς ἰδίης

### book 149.1.3

ἀγκεῖσθαι χάλκειον ἀλέκτορα Τυνδαρίδῃσι·

### book 149.1.4

πιστεύω Φαίδρου παιδὶ Φιλοξενίδεω.

### book 150.1.1

Ἰναχίης ἕστηκεν ἐν Ἴσιδος ἡ Θάλεω παῖς

### book 150.1.2

Αἰσχυλὶς Εἰρήνης μητρὸς ὑποσχεσίῃ.

### book 301.1.1

Τὴν ἁλίην Εὔδημος, ἐφ’ ἧς ἅλα λιτὸν ἐπέσθων

### book 301.1.2

χειμῶνας μεγάλους ἐξέφυγεν δανέων,

### book 301.1.3

θῆκε θεοῖς Σαμόθρῃξι λέγων, ὅτι τήνδε κατ’ εὐχήν,

### book 301.1.4

ὦ ἅλιοι, σωθεὶς ἐξ ἁλὸς ὧδε θέτο.

### book 310.1.1

Εὐμαθίην ᾐτεῖτο διδοὺς ἐμὲ Σῖμος ὁ Μίκκου

### book 310.1.2

ταῖς Μούσαις· αἱ δέ, Γλαῦκος ὅκως, ἔδοσαν

### book 310.1.3

ἀντ’ ὀλίγου μέγα δῶρον. ἐγὼ δ’ ἀνὰ τῇδε κεχηνὼς

### book 310.1.4

κεῖμαι τοῦ Σαμίου διπλόον, ὁ τραγικὸς

### book 310.5.1

παιδαρίων Διόνυσος ἐπήκοος· οἱ δὲ λέγουσιν·

### book 310.5.2

„Ἱερὸς ὁ πλόκαμοσ“, τοὐμὸν ὄνειαρ ἐμοί.

### book 311.1.1

Τῆς Ἀγοράνακτός με λέγε, ξένε, κωμικὸν ὄντως

### book 311.1.2

ἀγκεῖσθαι νίκης μάρτυρα τοῦ Ῥοδίου

### book 311.1.3

Πάμφιλον, οὐ μὲν ἔρωτι δεδαγμένον, ἥμισυ δ’ ὀπτῇ

### book 311.1.4

ἰσχάδι καὶ λύχνοις Ἴσιδος εἰδόμενον.

### book 347.1.1

Ἄρτεμι, τὶν τόδ’ ἄγαλμα Φιληρατὶς εἵσατο τῇδε·

### book 347.1.2

ἀλλὰ σὺ μὲν δέξαι, πότνια, τὴν δὲ σάω.

### book 351.1.1

Τίν με, λεοντάγχ’ ὦνα συοκτόνε, φήγινον ὄζον

### book 351.1.2

θῆκε—„Τίς;“ —Ἀρχῖνος. —„Ποῖος;“ —Ὁ Κρής. —„Δέχομαι.“

### book 80.1.1

Εἶπέ τις, Ἡράκλειτε, τεὸν μόρον, ἐς δέ με δάκρυ

### book 80.1.2

ἤγαγεν· ἐμνήσθην δ’, ὁσσάκις ἀμφότεροι

### book 80.1.3

ἥλιον ἐν λέσχῃ κατεδύσαμεν. ἀλλὰ σὺ μέν που,

### book 80.1.4

ξεῖν’ Ἁλικαρνησεῦ, τετράπαλαι σποδιή·

### book 80.5.1

αἱ δὲ τεαὶ ζώουσιν ἀηδόνες, ᾗσιν ὁ πάντων

### book 80.5.2

ἁρπακτὴς Ἀίδης οὐκ ἐπὶ χεῖρα βαλεῖ.

### book 89.1.1

Ξεῖνος Ἀταρνείτης τις ἀνείρετο Πιττακὸν οὕτω

### book 89.1.2

τὸν Μιτυληναῖον, παῖδα τὸν Ὑρράδιον·

### book 89.1.3

„Ἄττα γέρον, δοιός με καλεῖ γάμος· ἡ μία μὲν δὴ

### book 89.1.4

νύμφη καὶ πλούτῳ καὶ γενεῇ κατ’ ἐμέ,

### book 89.5.1

ἡ δ’ ἑτέρη προβέβηκε. τί λώιον; εἰ δ’ ἄγε, σὺμ μοὶ

### book 89.5.2

βούλευσον, ποτέρην εἰς ὑμέναιον ἄγω.“

### book 89.5.3

εἶπεν· ὁ δὲ σκίπωνα, γεροντικὸν ὅπλον, ἀείρας·

### book 89.5.4

„Ἠνίδε, κεῖνοί σοι πᾶν ἐρέουσιν ἔπος

### book 89.5.5

(οἱ δ’ ἄρ’ ὑπὸ πληγῇσι θοὰς βέμβικας ἔχοντες

### book 89.10.1

ἔστρεφον εὐρείῃ παῖδες ἐνὶ τριόδῳ),

### book 89.10.2

κείνων ἔρχεο“, φησί, „μετ’ ἴχνια.“ χὠ μὲν ἐπέστη

### book 89.10.3

πλησίον· οἱ δ’ ἔλεγον· „Τὴν κατὰ σαυτὸν ἔλα.“

### book 89.10.4

ταῦτ’ ἀίων ὁ ξεῖνος ἐφείσατο μείζονος οἴκου

### book 89.10.5

δράξασθαι, παίδων κληδόνα συνθέμενος.

### book 89.15.1

τὴν δ’ ὀλίγην ὡς κεῖνος ἐς οἶκον ἐπήγετο νύμφην,

### book 89.15.2

οὕτω καὶ σύ γ’ ἰὼν τὴν κατὰ σαυτὸν ἔλα.

### book 170.1.1

Τὸν τριετῆ παίζοντα περὶ φρέαρ Ἀρχιάνακτα

### book 170.1.2

εἴδωλον μορφᾶς κωφὸν ἐπεσπάσατο·

### book 170.1.3

ἐκ δ’ ὕδατος τὸν παῖδα διάβροχον ἅρπασε μάτηρ

### book 170.1.4

σκεπτομένα, ζωᾶς εἴ τινα μοῖραν ἔχει.

### book 170.5

Νύμφας δ’ οὐκ ἐμίηνεν ὁ νήπιος, ἀλλ’ ἐπὶ γούνοις

### book 170

ματρὸς κοιμαθεὶς τὸν βαθὺν ὕπνον ἔχει.

### book 271.1.1

Ὤφελε μηδ’ ἐγένοντο θοαὶ νέες· οὐ γὰρ ἂν ἡμεῖς

### book 271.1.2

παῖδα Διοκλείδου Σώπολιν ἐστένομεν·

### book 271.1.3

νῦν δ’ ὁ μὲν εἰν ἁλί που φέρεται νέκυς, ἀντὶ δ’ ἐκείνου

### book 271.1.4

οὔνομα καὶ κενεὸν σῆμα παρερχόμεθα.

### book 272.1.1

Νάξιος οὐκ ἐπὶ γῆς ἔθανεν Λύκος, ἀλλ’ ἐνὶ πόντῳ

### book 272.1.2

ναῦν ἅμα καὶ ψυχὴν εἶδεν ἀπολλυμένην,

### book 272.1.3

ἔμπορος Αἰγίνηθεν ὅτ’ ἔπλεε. χὠ μὲν ἐν ὑγρῇ

### book 272.1.4

νεκρός, ἐγὼ δ’ ἄλλως οὔνομα τύμβος ἔχων

### book 272.5.1

κηρύσσω πανάληθες ἔπος τόδε· „Φεῦγε θαλάσσῃ

### book 272.5.2

συμμίσγειν Ἐρίφων, ναυτίλε, δυομένων.“

### book 277.1.1

Τίς, ξένος ὦ ναυηγέ; Λεόντιχος ἐνθάδε νεκρὸν

### book 277.1.2

εὗρεν ἐπ’ αἰγιαλοῦ, χῶσε δὲ τῷδε τάφῳ

### book 277.1.3

δακρύσας ἐπίκηρον ἑὸν βίον· οὐδὲ γὰρ αὐτὸς

### book 277

ἥσυχος, αἰθυίῃ δ’ ἶσα θαλασσοπορεῖ.

### book 317.1.1

Τίμων (οὐ γὰρ ἔτ’ ἐσσί), τί τοι, σκότος ἢ φάος, ἐχθρόν; —

### book 317.1.2

„Τὸ σκότος· ὑμέων γὰρ πλείονες εἰν Ἀίδῃ.“

### book 318.1.1

Μὴ χαίρειν εἴπῃς με, κακὸν κέαρ, ἀλλὰ πάρελθε·

### book 318.1.2

ἶσον ἐμοὶ χαίρειν ἐστὶ τὸ μὴ σὲ πελᾶν.

### book 344b.1.1

Ἀλλ’ εἰ μὴ θυμόν γε Λέων ἐμὸν οὔνομά τ’ εἶχεν,

### book 344b.1.2

οὐκ ἂν ἐγὼ τύμβῳ τῷδ’ ἐπέθηκα πόδας.

### book 415.1.1

Βαττιάδεω παρὰ σῆμα φέρεις πόδας εὖ μὲν ἀοιδὴν

### book 415.1.2

εἰδότος, εὖ δ’ οἴνῳ καίρια συγγελάσαι.

### book 447.1.1

Σύντομος ἦν ὁ ξεῖνος· ὃ καὶ στίχος οὐ μακρὰ λέξων

### book 447.1.2

„Θῆρις Ἀρισταίου Κρὴσ“ ἐπ’ ἐμοὶ δολιχός.

### book 451.1.1

Τῇδε Σάων ὁ Δίκωνος Ἀκάνθιος ἱερὸν ὕπνον

### book 451.1.2

κοιμᾶται. θνῄσκειν μὴ λέγε τοὺς ἀγαθούς.

### book 453.1.1

Δωδεκέτη τὸν παῖδα πατὴρ ἀπέθηκε Φίλιππος

### book 453.1.2

ἐνθάδε, τὴν πολλὴν ἐλπίδα, Νικοτέλην.

### book 454.1.1

Τὸν βαθὺν οἰνοπότην Ἐρασίξενον ἡ δὶς ἐφεξῆς

### book 454.1.2

ἀκρήτου προποθεῖς’ ᾤχετ’ ἔχουσα κύλιξ.

### book 458.1.1

Τὴν Φρυγίην Αἴσχρην, ἀγαθὸν γάλα, πᾶσιν ἐν ἐσθλοῖς

### book 458.1.2

Μίκκος καὶ ζωὴν οὖσαν ἐγηροκόμει

### book 458.1.3

καὶ φθιμένην ἀνέθηκεν, ἐπεσσομένοισιν ὁρᾶσθαι

### book 458.1.4

ἡ γρηῢς μαστῶν ὡς ἀπέχει χάριτας.

### book 459.1.1

Κρηθίδα τὴν πολύμυθον, ἐπισταμένην καλὰ παίζειν,

### book 459.1.2

δίζηνται Σαμίων πολλάκι θυγατέρες,

### book 459.1.3

ἡδίστην συνέριθον ἀείλαλον· ἡ δ’ ἀποβρίζει

### book 459

ἐνθάδε τὸν πάσαις ὕπνον ὀφειλόμενον.

### book 460.1.1

Εἶχον ἀπὸ σμικρῶν ὀλίγον βίον, οὔτε τι δεινὸν

### book 460.1.2

ῥέζων οὔτ’ ἀδικῶν οὐδένα. Γαῖα φίλη,

### book 460.1.3

Μικύλος εἴ τι πονηρὸν ἐπῄνεσα, μήτε σὺ κούφη

### book 460.1.4

γίνεο μήτ’ ἄλλοι δαίμονες, οἵ μ’ ἔχετε.

### book 471.1.1

Εἴπας „Ἥλιε, χαῖρε“ Κλεόμβροτος Ὡμβρακιώτης

### book 471.1.2

ἥλατ’ ἀφ’ ὑψηλοῦ τείχεος εἰς Ἀίδην,

### book 471.1.3

ἄξιον οὐδὲν ἰδὼν θανάτου κακόν, ἀλλὰ Πλάτωνος

### book 471

ἓν τὸ περὶ ψυχῆς γράμμ’ ἀναλεξάμενος.

### book 517.1.1

Ἠῷοι Μελάνιππον ἐθάπτομεν, ἠελίου δὲ

### book 517.1.2

δυομένου Βασιλὼ κάτθανε παρθενικὴ

### book 517.1.3

αὐτοχερί· ζώειν γὰρ ἀδελφεὸν ἐν πυρὶ θεῖσα

### book 517.1.4

οὐκ ἔτλη. δίδυμον δ’ οἶκος ἐσεῖδε κακὸν

### book 517.5

πατρὸς Ἀριστίπποιο· κατήφησεν δὲ Κυρήνη

### book 517

πᾶσα τὸν εὔτεκνον χῆρον ἰδοῦσα δόμον.

### book 518.1.1

Ἀστακίδην τὸν Κρῆτα, τὸν αἰπόλον, ἥρπασε Νύμφη

### book 518.1.2

ἐξ ὄρεος, καὶ νῦν ἱερὸς Ἀστακίδης.

### book 518.1.3

οὐκέτι Δικταίῃσιν ὑπὸ δρυσίν, οὐκέτι Δάφνιν

### book 518.1.4

ποιμένες, Ἀστακίδην δ’ αἰὲν ἀεισόμεθα.

### book 519.1.1

Δαίμονα τίς δ’ εὖ οἶδε τὸν Αὔριον, ἁνίκα καὶ σέ,

### book 519.1.2

Χάρμι, τὸν ὀφθαλμοῖς χθιζὸν ἐν ἁμετέροις,

### book 519.1.3

τᾷ ἑτέρᾳ κλαύσαντες ἐθάπτομεν; οὐδὲν ἐκείνου

### book 519.1.4

εἶδε πατὴρ Διοφῶν χρῆμ’ ἀνιαρότερον.

### book 520.1.1

Ἢν δίζῃ Τίμαρχον ἐν Ἄϊδος, ὄφρα πύθηαι

### book 520.1.2

ἤ τι περὶ ψυχῆς ἢ πάλι, πῶς ἔσεαι,

### book 520.1.3

δίζεσθαι φυλῆς Πτολεμαΐδος υἱέα πατρὸς

### book 520.1.4

Παυσανίου· δήεις δ’ αὐτὸν ἐν εὐσεβέων.

### book 521.1.1

Κύζικον ἢν ἔλθῃς, ὀλίγος πόνος Ἱππακὸν εὑρεῖν

### book 521.1.2

καὶ Διδύμην· ἀφανὴς οὔτι γὰρ ἡ γενεή·

### book 521.1.3

καί σφιν ἀνιηρὸν μὲν ἐρεῖς ἔπος, ἔμπα δὲ λέξαι

### book 521

τοῦθ’, ὅτι τὸν κείνων ὧδ’ ἐπέχω Κριτίην.

### book 522.1.1

„Τιμονόη.“ τίς δ’ ἐσσί; μὰ δαίμονας, οὔ ς’ ἂν ἐπέγνων,

### book 522.1.2

εἰ μὴ Τιμοθέου πατρὸς ἐπῆν ὄνομα

### book 522.1.3

στήλῃ καὶ Μήθυμνα τεὴ πόλις. ἦ μέγα φημὶ

### book 522.1.4

χῆρον ἀνιᾶσθαι σὸν πόσιν Εὐθυμένη.

### book 523.1.1

Οἵτινες Ἀλείοιο παρέρπετε σῆμα Κίμωνος,

### book 523.1.2

ἴστε τὸν Ἱππαίου παῖδα παρερχόμενοι.

### book 524.1.1

Ἦ ῥ’ ὑπὸ σοὶ Χαρίδας ἀναπαύεται; —„Εἰ τὸν Ἀρίμμα

### book 524.1.2

τοῦ Κυρηναίου παῖδα λέγεις, ὑπ’ ἐμοί.“ —

### book 524.1.3

Ὦ Χαρίδα, τί τὰ νέρθε; —„Πολὺς σκότος.“ —Αἱ δ’ ἄνοδοι τί; —

### book 524.1.4

„Ψεῦδος.“ —Ὁ δὲ Πλούτων; —„Μῦθος.“ —Ἀπωλόμεθα. —

### book 524.5.1

„Οὗτος ἐμὸς λόγος ὔμμιν ἀληθινός· εἰ δὲ τὸν ἡδὺν

### book 524.5.2

βούλει, Πελλαίου βοῦς μέγας εἰν Ἀίδῃ.“

### book 525.1.1

Ὅστις ἐμὸν παρὰ σῆμα φέρεις πόδα, Καλλιμάχου με

### book 525.1.2

ἴσθι Κυρηναίου παῖδά τε καὶ γενέτην.

### book 525.1.3

εἰδείης δ’ ἄμφω κεν· ὁ μέν κοτε πατρίδος ὅπλων

### book 525.1.4

ἦρξεν, ὁ δ’ ἤεισεν κρέσσονα βασκανίης.

### book 525.5

οὐ νέμεσις· Μοῦσαι γάρ, ὅσους ἴδον ὄμματι παῖδας

### book 525

μὴ λοξῷ, πολιοὺς οὐκ ἀπέθεντο φίλους.

### book 725.1.1

Αἴνιε, καὶ σὺ γὰρ ὧδε, Μενέκρατες, οὐκέτι πουλὺς

### book 725.1.2

ἦσθα. τί σε, ξείνων λῷστε, κατειργάσατο;

### book 725.1.3

ἦ ῥα τὸ καὶ Κένταυρον; —„Ὅ μοι πεπρωμένος ὕπνος

### book 725

ἦλθεν, ὁ δὲ τλήμων οἶνος ἔχει πρόφασιν.“

### book 728.1.1

Ἱερέη Δήμητρος ἐγώ ποτε καὶ πάλιν Καβείρων,

### book 728.1.2

ὦνερ, καὶ μετέπειτα Δινδυμήνης

### book 728.1.3

ἡ γρηῢς γενόμην, ἡ νῦν κόνις, ἡ νο...

### book 728.1.4

πολλῶν προστασίη νέων γυναικῶν.

### book 728.5

καί μοι τέκν’ ἐγένοντο δύ’ ἄρσενα, κἠπέμυσα κείνων

### book 728

εὐγήρως ἐνὶ χερσίν. ἕρπε χαίρων.

### book 336.1.1

Ἥρως Ἠετίωνος ἐπίσταθμος Ἀμφιπολίτεω

### book 336.1.2

ἵδρυμαι μικρῷ μικρὸς ἐπὶ προθύρῳ

### book 336.1.3

λοξὸν ὄφιν καὶ μοῦνον ἔχων ξίφος· ἀνέρι δ’ ἱππεῖ

### book 336.1.4

θυμωθεὶς πεζὸν κἀμὲ παρῳκίσατο.

### book 507.1.1

Ἡσιόδου τό τ’ ἄεισμα καὶ ὁ τρόπος· οὐ τὸν ἀοιδῶν

### book 507.1.2

ἔσχατον, ἀλλ’ ὀκνέω μὴ τὸ μελιχρότατον

### book 507.1.3

τῶν ἐπέων ὁ Σολεὺς ἀπεμάξατο. χαίρετε, λεπταὶ

### book 507.1.4

ῥήσιες, Ἀρήτου σύμβολον ἀγρυπνίης.

### book 565.1.1

Ἦλθε Θεαίτητος καθαρὴν ὁδόν· εἰ δ’ ἐπὶ κισσὸν

### book 565.1.2

τὸν τεὸν οὐχ αὕτη, Βάκχε, κέλευθος ἄγει,

### book 565.1.3

ἄλλων μὲν κήρυκες ἐπὶ βραχὺν οὔνομα καιρὸν

### book 565.1.4

φθέγξονται, κείνου δ’ Ἑλλὰς ἀεὶ σοφίην.

### book 566.1.1

Μικρή τις, Διόνυσε, καλὰ πρήσσοντι ποιητῇ

### book 566.1.2

ῥῆσις· ὁ μὲν „Νικῶ“ φησὶ τὸ μακρότατον·

### book 566.1.3

ᾧ δὲ σὺ μὴ πνεύσῃς ἐνδέξιος, ἤν τις ἔρηται

### book 566.1.4

„Πῶς ἔβαλες;“ φησί· „Σκληρὰ τὰ γιγνόμενα.“

### book 566.5

τῷ μερμηρίξαντι τὰ μὴ ἔνδικα τοῦτο γένοιτο

### book 566

τοὖπος· ἐμοὶ δ’, ὦναξ, ἡ βραχυσυλλαβίη.

### book 362.1.1

Εὐδαίμων, ὅτι τἆλλα μανεὶς ὡρχαῖος Ὀρέστας,

### book 362.1.2

Λεύκαρε, τὰν λίαν οὐκ ἐμάνη μανίαν

### book 362.1.3

οὐδ’ ἔλαβ’ ἐξέτασιν τῶ Φωκέος, ἅτις ἐλέγχει

### book 362.1.4

τὸν φίλον· ἀλλ’ αἰ χἢν δρᾶμ’ ἐδίδαξε μόνον,

### book 362.5.1

ἦ τάχα κα τὸν ἑταῖρον ἀπώλεσε· τοῦτο ποήσας

### book 362.5.2

κἠγὼ τὼς πολλὼς οὐκέτ’ ἔχω Πυλάδας.

### book 43.1.1

Ἐχθαίρω τὸ ποίημα τὸ κυκλικὸν οὐδὲ κελεύθῳ

### book 43.1.2

χαίρω, τίς πολλοὺς ὧδε καὶ ὧδε φέρει·

### book 43.1.3

μισῶ καὶ περίφοιτον ἐρώμενον οὐδ’ ἀπὸ κρήνης

### book 43.1.4

πίνω· σικχαίνω πάντα τὰ δημόσια.

### book 43.5.1

Λυσανίη, σὺ δὲ ναίχι καλὸς καλός· ἀλλὰ πρὶν εἰπεῖν

### book 43.5.2

τοῦτο σαφῶς, ἠχώ φησί τις· „Ἄλλος ἔχει.“

### book 51.1.1

Ἔγχει καὶ πάλιν εἰπέ· Διοκλέοσ“. οὐδ’ Ἀχελῷος

### book 51.1.2

κείνου τῶν ἱερῶν αἰσθάνεται κυάθων.

### book 51.1.3

καλὸς ὁ παῖς, Ἀχελῷε, λίην καλός· εἰ δέ τις οὐχὶ

### book 51.1.4

φησίν—ἐπισταίμην μοῦνος ἐγὼ τὰ καλά.

### book 71.1.1

Θεσσαλικὲ Κλεόνικε τάλαν, τάλαν· οὐ μὰ τὸν ὀξὺν

### book 71.1.2

ἥλιον, οὐκ ἔγνων. σχέτλιε, ποῦ γέγονας;

### book 71.1.3

ὀστέα σοι καὶ μοῦνον ἔτι τρίχες. ἦ ῥά σε δαίμων

### book 71.1.4

οὑμὸς ἔχει, χαλεπῇ δ’ ἤντεο θευμορίῃ;

### book 71.5.1

ἔγνων· Εὐξίθεός σε συνήρπασε· καὶ σὺ γὰρ ἐλθὼν

### book 71.5.2

τὸν καλόν, ὦ μόχθηρ’, ἔβλεπες ἀμφοτέροις.

### book 73.1.1

Ἥμισύ μευ ψυχῆς ἔτι τὸ πνέον, ἥμισυ δ’ οὐκ οἶδ’

### book 73.1.2

εἴτ’ Ἔρος εἴτ’ Ἀίδης ἥρπασε· πλὴν ἀφανές.

### book 73.1.3

ἦ ῥά τιν’ ἐς παίδων πάλιν ᾤχετο. καὶ μὲν ἀπεῖπον

### book 73.1.4

πολλάκι· „Τὴν δρῆστιν μὴ ὑποδέχεσθε, νέοι.“

### book 73.5

οὗ Κῖσος, δίφησον· ἐκεῖσε γὰρ ἡ λιθόλευστος

### book 73

κείνη καὶ δύσερως οἶδ’ ὅτι που στρέφεται.

### book 102.1.1

Ὡγρευτής, Ἐπίκυδες, ἐν οὔρεσι πάντα λαγωὸν

### book 102.1.2

διφᾷ καὶ πάσης ἴχνια δορκαλίδος,

### book 102.1.3

στίβῃ καὶ νιφετῷ κεχρημένος· ἢν δέ τις εἴπῃ·

### book 102.1.4

„Τῆ, τόδε βέβληται θηρίον,“ οὐκ ἔλαβεν.

### book 102.5

χοὐμὸς ἔρως τοιόσδε· τὰ μὲν φεύγοντα διώκειν

### book 102

οἶδε, τὰ δ’ ἐν μέσσῳ κείμενα παρπέταται.

### book 118.1.1

Εἰ μὲν ἑκών, Ἀρχῖν’, ἐπεκώμασα, μυρία μέμφου·

### book 118.1.2

εἰ δ’ ἄκων ἥκω, τὴν προπέτειαν ἔα.

### book 118.1.3

ἄκρητος καὶ Ἔρως μ’ ἠνάγκασαν· ὧν ὁ μὲν αὐτῶν

### book 118.1.4

εἷλκεν, ὁ δ’ οὐκ εἴα σώφρονα θυμὸν ἔχειν.

### book 118.5.1

ἐλθὼν δ’ οὐκ ἐβόησα, τίς ἢ τίνος, ἀλλ’ ἐφίλησα

### book 118.5.2

τὴν φλιήν· εἰ τοῦτ’ ἔστ’ ἀδίκημ’, ἀδικῶ.

### book 134.1.1

Ἕλκος ἔχων ὁ ξεῖνος ἐλάνθανεν· ὡς ἀνιηρὸν

### book 134.1.2

πνεῦμα διὰ στηθέων—εἶδες; —ἀνηγάγετο,

### book 134.1.3

τὸ τρίτον ἡνίκ’ ἔπινε, τὰ δὲ ῥόδα φυλλοβολεῦντα

### book 134.1.4

τὠνδρὸς ἀπὸ στεφάνων πάντ’ ἐγένοντο χαμαί·

### book 134.5

ὤπτηται μέγα δή τι, μὰ δαίμονας· οὐκ ἀπὸ ῥυσμοῦ

### book 134

εἰκάζω, φωρὸς δ’ ἴχνια φὼρ ἔμαθον.

### book 139.1.1

Ἔστι τι, ναὶ τὸν Πᾶνα, κεκρυμμένον, ἔστι τι ταύτῃ,

### book 139.1.2

ναὶ μὰ Διώνυσον, πῦρ ὑπὸ τῇ σποδιῇ·

### book 139.1.3

οὐ θαρσέω. μὴ δή με περίπλεκε· πολλάκι λήθει

### book 139.1.4

τοῖχον ὑποτρώγων ἡσύχιος ποταμός.

### book 139.5.1

τῷ καὶ νῦν δείδοικα, Μενέξενε, μή με παρεισδὺς

### book 139.5.2

οὗτος ὁ σιγέρπης εἰς τὸν ἔρωτα βάλῃ.

### book 148.1.1

Οἶδ’, ὅτι μευ πλούτου κενεαὶ χέρες· ἀλλά, Μένιππε,

### book 148.1.2

μὴ λέγε, πρὸς Χαρίτων, τοὐμὸν ὄνειρον ἐμοί.

### book 148.1.3

ἀλγέω τὴν διὰ παντὸς ἔπος τόδε πικρὸν ἀκούων·

### book 148.1.4

ναί, φίλε, τῶν παρὰ σεῦ τοῦτ’ ἀνεραστότατον.

### book 149.1.1

„Ληφθήσει, περίφευγε, Μενέκρατες,“ εἶπα Πανήμου

### book 149.1.2

εἰκάδι, καὶ Λῴου τῇ—τίνι; τῇ δεκάτῃ

### book 149.1.3

ἦλθεν ὁ βοῦς ὑπ’ ἄροτρον ἑκούσιος. εὖ γ’, ἐμὸς Ἑρμῆς,

### book 149

εὖ γ’, ἐμός· οὐ παρὰ τὰς εἴκοσι μεμφόμεθα.

### book 150.1.1

Ὡς ἀγαθὰν Πολύφαμος ἀνεύρατο τὰν ἐπαοιδὰν

### book 150.1.2

τὠραμένῳ· ναὶ Γᾶν, οὐκ ἀμαθὴς ὁ Κύκλωψ.

### book 150.1.3

αἱ Μοῖσαι τὸν ἔρωτα κατισχναίνοντι, Φίλιππε·

### book 150.1.4

ἦ πανακὲς πάντων φάρμακον ἁ σοφία.

### book 150.5.1

τοῦτο, δοκέω, χἀ λιμὸς ἔχει μόνον ἐς τὰ πονηρὰ

### book 150.5.2

τὠγαθόν, ἐκκόπτει τὰν φιλόπαιδα νόσον.

### book 150.5.3

ἔσθ’ ἁμὶν χἀκάστοτ’ ἀφειδέα πρὸς τὸν Ἔρωτα

### book 150.5.4

τοῦτ’ εἶπαι· „Κείρευ τὰ πτερά, παιδάριον·

### book 150.5.5

οὐδ’ ὅσον ἀττάραγόν τυ δεδοίκαμες· αἱ γὰρ ἐπῳδαὶ

### book 150.10

οἴκοι τῶ χαλεπῶ τραύματος ἀμφότεραι.“

### book 230.1.1

Τὸν τὸ καλὸν μελανεῦντα Θεόκριτον, εἰ μὲν ἔμ’ ἔχθει,

### book 230.1.2

τετράκι μισοίης· εἰ δὲ φιλεῖ, φιλέοις·

### book 230.1.3

ναίχι πρὸς εὐχαίτεω Γανυμήδεος, Οὐράνιε Ζεῦ,

### book 230.1.4

καὶ σύ ποτ’ ἠράσθης. οὐκέτι μακρὰ λέγω.

### book 7.1.1

Ὁ Λύκτιος Μενίτας

### book 7.1.2

τὰ τόξα ταῦτ’ ἐπειπὼν

### book 7.1.3

ἔθηκε· „Τῆ, κέρας τοι

### book 7.1.4

δίδωμι καὶ φαρέτρην,

### book 7.5

Σάραπι· τοὺς δ’ ὀιστοὺς

### book 7

ἔχουσιν Ἑσπερῖται.“

### book 9.1.1

Ἔρχεται πολὺς μὲν Αἰγαῖον διατμήξας ἀπ’ οἰνηρῆς Χίου

### book 9.1.2

ἀμφορεύς, πολὺς δὲ Λεσβίης ἄωτον νέκταρ οἰνάνθης ἄγων.

### book 10.1.1

Ἁ ναῦς, ἃ τὸ μόνον φέγγος ἐμὶν τὸ γλυκὺ τᾶς ζόας

### book 10.1.2

ἅρπαξας, ποτί τε Ζανὸς ἱκνεῦμαι λιμενοσκόπω ...

### book 24.1.1

Τὰ δῶρα τἀφροδίτῃ

### book 24.1.2

Σῖμον ἡ περίφοιτος εἰκόν’ αὑτῆς

### book 24.1.3

ἔθηκε τήν τε μίτρην,

### book 24.1.4

ἣ μαστοὺς ἐφίλησε, τόν τε πανὸν

### book 24.5

καὶ τούς 〈ποτ’ ἀντίναξεν〉

### book 24

ἀυτοῦς’ ἀν’ ὄρη τάλαινα θύρσους.

### book 25.1.1

Δήμητρι τῇ Πυλαίῃ,

### book 25.1.2

τῇ τοῦτον οὑκ Πελασγῶν

### book 25.1.3

Ἀκρίσιος τὸν νηὸν ἐδείματο, ταῦθ’ ὁ Ναυκρατίτης

### book 25.1.4

καὶ τῇ κάτω θυγατρὶ

### book 25.5

τὰ δῶρα Τιμόδημος

### book 25

εἵσατο, τῶν κερδέων δεκατεύματα· καὶ γὰρ εὔξαθ’ οὕτως.

## License and provenance

Eulogikon publishes public-domain Greek texts in cleaned, structured, readable form and makes no copyright claim over that preparation (Public Domain Mark 1.0, https://creativecommons.org/publicdomain/mark/1.0/). Cite as `eul_wid: iso-am`.