---
title: Epigrams
title_greek: Ἐπιγράμματα
author: Asclepiades of Samos
eul_wid: jce-aa
eul_aid: jce
canonical: "https://eulogikon.org/grc/asclepiades-of-samos/epigrams"
canonical_json: "https://eulogikon.org/data/works/grc/asclepiades-of-samos-epigrams-jce-aa.json"
sha256: f65672b5f1a4e9e43331d41149d516e920f7c3b2ff41102b9d13ec89851a5cb2
period: Hellenistic
dialect: Koine
domain: Poetry
format: Verse
license: CC0-1.0
---

# Epigrams

*Ἐπιγράμματα*

**Author:** Asclepiades of Samos

**eul_wid:** `jce-aa` · [HTML page](https://eulogikon.org/grc/asclepiades-of-samos/epigrams) · [Canonical JSON](https://eulogikon.org/data/works/grc/asclepiades-of-samos-epigrams-jce-aa.json)

## Text

### book 7.1.1

Λύχνε, σὲ γὰρ παρεοῦσα τρὶς ὤμοσεν Ἡράκλεια

### book 7.1.2

ἥξειν κοὐχ ἥκει· λύχνε, σὺ δ’, εἰ θεὸς εἶ,

### book 7.1.3

τὴν δολίην ἀπάμυνον· ὅταν φίλον ἔνδον ἔχουσα

### book 7.1.4

παίζῃ, ἀποσβεσθεὶς μηκέτι φῶς πάρεχε.

### book 64.1.1

Νεῖφε, χαλαζοβόλει, ποίει σκότος, αἶθε, κεραύνου,

### book 64.1.2

πάντα τὰ πορφύροντ’ ἐν χθονὶ σεῖε νέφη·

### book 64.1.3

ἢν γάρ με κτείνῃς, τότε παύσομαι· ἢν δέ μ’ ἀφῇς ζῆν,

### book 64.1.4

καὶ διαθεὶς τούτων χείρονα, κωμάσομαι.

### book 64.5.1

ἕλκει γάρ μ’ ὁ κρατῶν καὶ σοῦ θεός, ᾧ ποτε πεισθείς,

### book 64.5.2

Ζεῦ, διὰ χαλκείων χρυσὸς ἔδυς θαλάμων.

### book 85.1.1

Φείδῃ παρθενίης. καὶ τί πλέον; οὐ γὰρ ἐς Ἅιδην

### book 85.1.2

ἐλθοῦς’ εὑρήσεις τὸν φιλέοντα, κόρη.

### book 85.1.3

ἐν ζωοῖσι τὰ τερπνὰ τὰ Κύπριδος· ἐν δ’ Ἀχέροντι

### book 85.1.4

ὀστέα καὶ σποδιή, παρθένε, κεισόμεθα.

### book 145.1.1

Αὐτοῦ μοι, στέφανοι, παρὰ δικλίσι ταῖσδε κρεμαστοὶ

### book 145.1.2

μίμνετε, μὴ προπετῶς φύλλα τινασσόμενοι,

### book 145.1.3

οὓς δακρύοις κατέβρεξα· κάτομβρα γὰρ ὄμματ’ ἐρώντων.

### book 145.1.4

ἀλλ’ ὅταν οἰγομένης αὐτὸν ἴδητε θύρης,

### book 145.5.1

στάξαθ’ ὑπὲρ κεφαλῆς ἐμὸν ὑετόν, ὡς ἂν ἄμεινον

### book 145.5.2

ἡ ξανθή γε κόμη τἀμὰ πίῃ δάκρυα.

### book 150.1.1

Ὡμολόγης’ ἥξειν εἰς νύκτα μοι ἡ ’πιβόητος

### book 150.1.2

Νικὼ καὶ σεμνὴν ὤμοσε Θεσμοφόρον·

### book 150.1.3

κοὐχ ἥκει· φυλακὴ δὲ παροίχεται. ἆρ’ ἐπιορκεῖν

### book 150.1.4

ἤθελε; τὸν λύχνον, παῖδες, ἀποσβέσατε.

### book 153.1.1

Νικαρέτης τὸ πόθοισι βεβλημένον ἡδὺ πρόσωπον,

### book 153.1.2

πυκνὰ δι’ ὑψιλόφων φαινόμενον θυρίδων,

### book 153.1.3

αἱ χαροπαὶ Κλεοφῶντος ἐπὶ προθύροισι μάραναν,

### book 153.1.4

Κύπρι φίλη, γλυκεροῦ βλέμματος ἀστεροπαί.

### book 158.1.1

Ἑρμιόνῃ πιθανῇ ποτ’ ἐγὼ συνέπαιζον ἐχούσῃ

### book 158.1.2

ζωνίον ἐξ ἀνθέων ποικίλον, ὦ Παφίη,

### book 158.1.3

χρύσεα γράμματ’ ἔχον· „Διόλου,“ δ’ ἐγέγραπτο, „φίλει με

### book 158.1.4

καὶ μὴ λυπηθῇς, ἤν τις ἔχῃ μ’ ἕτερος.“

### book 161.1.1

Εὐφρὼ καὶ Θαῒς καὶ Βοίδιον, αἱ Διομήδους,

### book 161.1.2

Γραῖαι, ναυκλήρων ὁλκάδες εἰκόσοροι,

### book 161.1.3

Ἆγιν καὶ Κλεοφῶντα καὶ Ἀνταγόρην, ἕν’ ἑκάστη,

### book 161.1.4

γυμνούς, ναυηγῶν ἥσσονας, ἐξέβαλον.

### book 161.5.1

ἀλλὰ σὺν αὐταῖς νηυσὶ τὰ λῃστρικὰ τῆς Ἀφροδίτης

### book 161.5.2

φεύγετε· Σειρήνων αἵδε γὰρ ἐχθρότεραι.

### book 162.1.1

Ἡ λαμυρή μ’ ἔτρωσε Φιλαίνιον· εἰ δὲ τὸ τραῦμα

### book 162.1.2

μὴ σαφές, ἀλλ’ ὁ πόνος δύεται εἰς ὄνυχα.

### book 162.1.3

οἴχομ’, Ἔρωτες, ὄλωλα, διοίχομαι· εἰς γὰρ ἑταίραν

### book 162.1.4

νυστάζων ἐπέβην ἠδ’ ἔθιγον γ’ Ἀίδα.

### book 164.1.1

Νύξ, σὲ γάρ, οὐκ ἄλλην μαρτύρομαι, οἷά μ’ ὑβρίζει

### book 164.1.2

Πυθιὰς ἡ Νικοῦς, οὖσα φιλεξαπάτης.

### book 164.1.3

κληθείς, οὐκ ἄκλητος, ἐλήλυθα· ταὐτὰ παθοῦσα

### book 164

σοὶ μέμψαιτ’ ἐπ’ ἐμοὶ στᾶσα παρὰ προθύροις.

### book 167.1.1

Ὑετὸς ἦν καὶ νὺξ καί, τὸ τρίτον ἄλγος ἔρωτι,

### book 167.1.2

οἶνος· καὶ Βορέης ψυχρός, ἐγὼ δὲ μόνος.

### book 167.1.3

„Ἀλλ’ ὁ καλὸς Μόσχος πλέον ἴσχυε.“ Καὶ σὺ γὰρ οὕτως

### book 167.1.4

ἤλυθες οὐδὲ θύρην πρὸς μίαν ἡσύχασας,

### book 167.5

τῇδε τοσοῦτ’ ἐβόησα βεβρεγμένος. ἄχρι τίνος, Ζεῦ;

### book 167

Ζεῦ φίλε, σίγησον, καὐτὸς ἐρᾶν ἔμαθες.

### book 169.1.1

Ἡδὺ θέρους διψῶντι χιὼν ποτόν, ἡδὺ δὲ ναύταις

### book 169.1.2

ἐκ χειμῶνος ἰδεῖν εἰαρινὸν Στέφανον·

### book 169.1.3

ἥδιον δ’, ὁπόταν κρύψῃ μία τοὺς φιλέοντας

### book 169.1.4

χλαῖνα καὶ αἰνῆται Κύπρις ὑπ’ ἀμφοτέρων.

### book 181.1.1

Τῶν καρύων ἡμῖν λάβε † κώλακας (ἀλλά ποθ’ ἥξει;)

### book 181.1.2

καὶ πέντε στεφάνους τῶν ῥοδίνων. —„Τί, τὸ ...“ —Πάξ.

### book 181.1.3

οὐ φὴς κέρματ’ ἔχειν; διολώλαμεν. οὐ τροχιεῖ τις

### book 181.1.4

τὸν Λαπίθην; λῃστήν, οὐ θεράποντ’ ἔχομεν.

### book 181.5.1

οὐκ ἀδικεῖς; —„Οὐδέν.“ —Φέρε τὸν λόγον· ἐλθὲ λαβοῦσα,

### book 181.5.2

Φρύνη, τὰς ψήφους. ὢ μεγάλου κινάδους·

### book 181.5.3

πέντ’ οἶνος δραχμῶν, ἀλλᾶς δύο ...

### book 181.5.4

ὦτα, λαγώς, σκόμβροι, σησαμίδες, σχάδονες.

### book 181.5.5

αὔριον αὐτὰ καλῶς λογιούμεθα. νῦν δὲ πρὸς Αἴσχραν

### book 181.10.1

τὴν μυρόπωλιν ἰὼν πέντε λάβ’ ἀργυρέας·

### book 181.10.2

εἰπὲ δὲ σημεῖον, Βάκχων ὅτι πέντ’ ἐφίλησεν

### book 181.10.3

ἑξῆς, ὧν κλίνη μάρτυς ἐπεγράφετο.

### book 185.1.1

Εἰς ἀγορὰν βαδίσας, Δημήτριε, τρεῖς παρ’ Ἀμύντου

### book 185.1.2

γλαυκίσκους αἴτει καὶ δέκα φυκίδια

### book 185.1.3

καὶ κυφὰς καρῖδας (ἀριθμήσει δέ σοι αὐτός)

### book 185.1.4

εἴκοσι καὶ τέτορας δεῦρο λαβὼν ἄπιθι.

### book 185.5.1

καὶ παρὰ Θαυβορίου ῥοδίνους ἓξ πρόσλαβε 〈πλοχμοὺσ〉

### book 185.5.2

καὶ Τρυφέραν ταχέως ἐν παρόδῳ κάλεσον.

### book 189.1.1

Νὺξ μακρὴ καὶ χεῖμα, μέσην δ’ ἐπὶ Πλειάδα δύνει,

### book 189.1.2

κἀγὼ πὰρ προθύροις νίσσομαι ὑόμενος,

### book 189.1.3

τρωθεὶς τῆς δολίης κείνης πόθῳ· οὐ γὰρ ἔρωτα

### book 189.1.4

Κύπρις, ἀνιηρὸν δ’ ἐκ πυρὸς ἧκε βέλος.

### book 194.1.1

Αὐτοὶ τὴν ἁπαλὴν Εἰρήνιον εἶδον Ἔρωτες,

### book 194.1.2

Κύπριδος ἐκ χρυσέων ἐρχόμενοι θαλάμων,

### book 194.1.3

ἐκ τριχὸς ἄχρι ποδῶν ἱερὸν θάλος, οἷά τε λύγδου

### book 194.1.4

γλυπτήν, παρθενίων βριθομένην χαρίτων,

### book 194.5

καὶ πολλοὺς τότε χερσὶν ἐπ’ ἠιθέοισιν ὀιστοὺς

### book 194

τόξου πορφυρέης ἧκαν ἀφ’ ἁρπεδόνης.

### book 202.1.1

Πορφυρέην μάστιγα καὶ ἡνία σιγαλόεντα

### book 202.1.2

Πλαγγὼν εὐίππων θῆκεν ἐπὶ προθύρων,

### book 202.1.3

νικήσασα κέλητι Φιλαινίδα τὴν πολύχαρμον

### book 202.1.4

ἑσπερινῶν πώλων ἄρτι φρυασσομένων.

### book 202.5.1

Κύπρι φίλη, σὺ δὲ τῇδε πόροις νημερτέα νίκης

### book 202.5.2

δόξαν, ἀείμνηστον τήνδε τιθεῖσα χάριν.

### book 203.1.1

Λυσιδίκη σοί, Κύπρι, τὸν ἱππαστῆρα μύωπα,

### book 203.1.2

χρύσεον εὐκνήμου κέντρον ἔθηκε ποδός,

### book 203.1.3

ᾧ πολὺν ὕπτιον ἵππον ἐγύμνασεν· οὐδέ ποτ’ αὐτῆς

### book 203.1.4

μηρὸς ἐφοινίχθη κοῦφα τινασσομένης·

### book 203.5.1

ἦν γὰρ ἀκέντητος τελεοδρόμος· οὕνεκεν ὅπλον

### book 203.5.2

σοὶ κατὰ μεσσοπύλης χρύσεον ἐκρέμασεν.

### book 207.1.1

Αἱ Σάμιαι Βιττὼ καὶ Νάννιον εἰς Ἀφροδίτης

### book 207.1.2

φοιτᾶν τοῖς αὐτῆς οὐκ ἐθέλουσι νόμοις,

### book 207.1.3

εἰς δ’ ἕτερ’ αὐτομολοῦσιν, ἃ μὴ καλά. δεσπότι Κύπρι,

### book 207

μίσει τὰς κοίτης τῆς παρὰ σοὶ φυγάδας.

### book 209.1.1

Σήν, Παφίη Κυθέρεια, παρ’ ἠιόν’ εἶδε Κλέανδρος

### book 209.1.2

Νικοῦν ἐν χαροποῖς κύμασι νηχομένην·

### book 209.1.3

καιόμενος δ’ ὑπ’ Ἔρωτος ἐνὶ φρεσὶν ἄνθρακας ὡνὴρ

### book 209.1.4

ξηροὺς ἐκ νοτερῆς παιδὸς ἐπεσπάσατο.

### book 209.5.1

χὠ μὲν ἐναυάγει γαίης ἔπι, τὴν δὲ θαλάσσης

### book 209.5.2

ψαύουσαν πρηεῖς εἴχοσαν αἰγιαλοί.

### book 209.5.3

νῦν δ’ ἴσος ἀμφοτέροις φιλίης πόθος· οὐκ ἀτελεῖς γὰρ

### book 209.5.4

εὐχαὶ τὰς κείνης εὔξατ’ ἐπ’ ἠιόνος.

### book 210.1.1

Τῷ θαλλῷ Διδύμη με συνήρπασεν· ὤμοι, ἐγὼ δὲ

### book 210.1.2

τήκομαι ὡς κηρὸς πὰρ πυρί, κάλλος ὁρῶν.

### book 210.1.3

εἰ δὲ μέλαινα, τί τοῦτο; καὶ ἄνθρακες· ἀλλ’ ὅτε κείνους

### book 210

θάλψωμεν, λάμπους’ ὡς ῥόδεαι κάλυκες.

### book 308.1.1

Νικήσας τοὺς παῖδας, ἐπεὶ καλὰ γράμματ’ ἔγραψεν,

### book 308.1.2

Κόνναρος ὀγδώκοντ’ ἀστραγάλους ἔλαβεν·

### book 308.1.3

κἀμὲ χάριν Μούσαις τὸν κωμικὸν ὧδε Χάρητα,

### book 308

πρεσβύτην θορύβῳ θῆκέ με παιδαρίων.

### book 11.1.1

Ὁ γλυκὺς Ἠρίννης οὗτος πόνος, οὐχὶ πολὺς μέν,

### book 11.1.2

ὡς ἂν παρθενικᾶς ἐννεακαιδεκέτευς,

### book 11.1.3

ἀλλ’ ἑτέρων πολλῶν δυνατώτερος· εἰ δ’ Ἀίδας μοι

### book 11.1.4

μὴ ταχὺς ἦλθε, τίς ἂν ταλίκον ἔσχ’ ὄνομα;

### book 145.1.1

Ἅδ’ ἐγὼ ἁ τλάμων Ἀρετὰ παρὰ τῷδε κάθημαι

### book 145.1.2

Αἴαντος τύμβῳ κειρομένα πλοκάμους,

### book 145.1.3

θυμὸν ἄχει μεγάλῳ βεβολημένα, εἰ παρ’ Ἀχαιοῖς

### book 145.1.4

ἁ δολόφρων Ἀπάτα κρέσσον ἐμεῦ δύναται.

### book 217.1.1

Ἀρχεάνασσαν ἔχω, τὰν ἐκ Κολοφῶνος ἑταίραν,

### book 217.1.2

ἇς καὶ ἐπὶ ῥυτίδων ὁ γλυκὺς ἕζετ’ Ἔρως.

### book 217.1.3

ἆ νέον ἥβης ἄνθος ἀποδρέψαντες ἐρασταὶ

### book 217.1.4

πρωτοβόλου, δι’ ὅσης ἤλθετε πυρκαϊῆς.

### book 284.1.1

Ὀκτώ μευ πήχεις ἄπεχε, τρηχεῖα θάλασσα,

### book 284.1.2

καὶ κύμαινε βόα θ’, ἡλίκα σοι δύναμις·

### book 284.1.3

ἢν δὲ τὸν Εὐμάρεω καθέλῃς τάφον, ἄλλο μὲν οὐδὲν

### book 284.1.4

κρήγυον, εὑρήσεις δ’ ὀστέα καὶ σποδιήν.

### book 500.1.1

Ὦ παρ’ ἐμὸν στείχων κενὸν ἠρίον, εἶπον, ὁδῖτα,

### book 500.1.2

εἰς Χίον εὖτ’ ἂν ἵκῃ, πατρὶ Μελησαγόρῃ,

### book 500.1.3

ὡς ἐμὲ μὲν καὶ νῆα καὶ ἐμπορίην κακὸς Εὖρος

### book 500.1.4

ὤλεσεν, Εὐίππου δ’ αὐτὸ λέλειπτ’ ὄνομα.

### book 63.1.1

Λύδη καὶ γένος εἰμὶ καὶ οὔνομα· τῶν δ’ ἀπὸ Κόδρου

### book 63.1.2

σεμνοτέρη πασῶν εἰμι δι’ Ἀντίμαχον.

### book 63.1.3

τίς γὰρ ἔμ’ οὐκ ἤεισε; τίς οὐκ ἀνελέξατο Λύδην,

### book 63.1.4

τὸ ξυνὸν Μουσῶν γράμμα καὶ Ἀντιμάχου;

### book 64.1.1

Αὐταὶ ποιμαίνοντα μεσαμβρινὰ μῆλά σε Μοῦσαι

### book 64.1.2

ἔδρακον ἐν κραναοῖς οὔρεσιν, Ἡσίοδε,

### book 64.1.3

καί σοι καλλιπέτηλον, ἐρυσσάμεναι περὶ πᾶσαι,

### book 64.1.4

ὤρεξαν δάφνας ἱερὸν ἀκρεμόνα,

### book 64.5.1

δῶκαν δὲ κράνας Ἑλικωνίδος ἔνθεον ὕδωρ,

### book 64.5.2

τὸ πτανοῦ πώλου πρόσθεν ἔκοψεν ὄνυξ·

### book 64.5.3

οὗ σὺ κορεσσάμενος μακάρων γένος ἔργα τε μολπαῖς

### book 64

καὶ γένος ἀρχαίων ἔγραφες ἡμιθέων.

### book 752.1.1

Εἰμὶ Μέθη τὸ γλύμμα σοφῆς χερός, ἐν δ’ ἀμεθύστῳ

### book 752.1.2

γέγλυμμαι· τέχνης δ’ ἡ λίθος ἀλλοτρίη.

### book 752.1.3

ἀλλὰ Κλεοπάτρης ἱερὸν κτέαρ· ἐν γὰρ ἀνάσσης

### book 752.1.4

χειρὶ θεὸν νήφειν καὶ μεθύουσαν ἔδει.

### book 36.1.1

Νῦν αἰτεῖς, ὅτε λεπτὸς ὑπὸ κροτάφοισιν ἴουλος

### book 36.1.2

ἕρπει καὶ μηροῖς ὀξὺς ἔπεστι χνόος·

### book 36.1.3

εἶτα λέγεις· „Ἥδιον ἐμοὶ τόδε.“ καὶ τίς ἂν εἴποι

### book 36

κρείσσονας αὐχμηρὰς ἀσταχύων καλάμας;

### book 46.1.1

Οὐκ εἴμ’ οὐδ’ ἐτέων δύο κεἴκοσι καὶ κοπιῶ ζῶν.

### book 46.1.2

Ὤρωτες, τί κακὸν τοῦτο; τί με φλέγετε;

### book 46.1.3

ἢν γὰρ ἐγώ τι πάθω, τί ποιήσετε; δῆλον, Ἔρωτες,

### book 46.1.4

ὡς τὸ πάρος παίξεσθ’ ἄφρονες ἀστραγάλοις.

### book 50.1.1

Πῖν’, Ἀσκληπιάδη. τί τὰ δάκρυα ταῦτα; τί πάσχεις;

### book 50.1.2

οὐ σὲ μόνον χαλεπὴ Κύπρις ἐληίσατο,

### book 50.1.3

οὐδ’ ἐπὶ σοὶ μούνῳ κατεθήξατο τόξα καὶ ἰοὺς

### book 50.1.4

πικρὸς Ἔρως. τί ζῶν ἐν σποδιῇ τίθεσαι;

### book 50.5.1

πίνωμεν Βάκχου ζωρὸν πόμα· δάκτυλος ἀώς.

### book 50.5.2

ἦ πάλι κοιμιστὰν λύχνον ἰδεῖν μένομεν;

### book 50.5.3

πίνομεν· οὐ γὰρ ἔρως· μετά τοι χρόνον οὐκέτι πουλύν,

### book 50.5.4

σχέτλιε, τὴν μακρὰν νύκτ’ ἀναπαυσόμεθα.

### book 75.1.1

Εἰ πτερά σοι προσέκειτο καὶ ἐν χερὶ τόξα καὶ ἰοί,

### book 75.1.2

οὐκ ἂν Ἔρως ἐγράφη Κύπριδος, ἀλλὰ σύ, παῖς.

### book 77.1.1

Εἰ καθύπερθε λάβοις χρύσεα πτερὰ καί σευ ἀπ’ ὤμων

### book 77.1.2

τείνοιτ’ ἀργυρέων ἰοδόκος φαρέτρη

### book 77.1.3

καὶ σταίης παρ’ Ἔρωτα, φίλ’ Ἄγλαον, οὐ μὰ τὸν Ἑρμῆν,

### book 77

οὐδ’ αὐτὴ Κύπρις γνώσεται, ὃν τέτοκεν.

### book 105.1.1

Μικρὸς Ἔρως ἐκ μητρὸς ἔτ’ εὐθήρατος ἀποπτὰς

### book 105.1.2

ἐξ οἴκων ὑψοῦ Δάμιδος οὐ πέτομαι·

### book 105.1.3

ἀλλ’ αὐτοῦ, φιλέων τε καὶ ἀζήλωτα φιληθείς,

### book 105.1.4

οὐ πολλοῖς, εὐκρὰς δ’ εἷς ἑνὶ συμφέρομαι.

### book 135.1.1

Οἶνος ἔρωτος ἔλεγχος· ἐρᾶν ἀρνεύμενον ἡμῖν

### book 135.1.2

ἤτασαν αἱ πολλαὶ Νικαγόρην προπόσεις·

### book 135.1.3

καὶ γὰρ ἐδάκρυσεν καὶ ἐνύστασε καί τι κατηφὲς

### book 135.1.4

ἔβλεπε, χὠ σφιγχθεὶς οὐκ ἔμενε στέφανος.

### book 153.1.1

Πρόσθε μοι Ἀρχεάδης ἐθλίβετο· νῦν δὲ τάλαιναν

### book 153.1.2

οὐδ’ ὅσσον παίζων εἰς ἔμ’ ἐπιστρέφεται.

### book 153.1.3

οὐδ’ ὁ μελιχρὸς Ἔρως ἀεὶ γλυκύς· ἀλλ’ ἀνιήσας

### book 153

πολλάκις ἡδίων γίνετ’ ἐρῶσι θεός.

### book 161.1.1

Δόρκιον ἡ φιλέφηβος ἐπίσταται ὡς ἁπαλὸς παῖς

### book 161.1.2

ἕσθαι πανδήμου Κύπριδος ὠκὺ βέλος

### book 161.1.3

ἵμερον ἀστράπτουσα κατ’ ὄμματος, † ἠδ’ ὑπὲρ ὤμων

### book 161.1.4

σὺν πετάσῳ, γυμνὸν μηρὸν ἔφαινε χλαμύς.

### book 162.1.1

Οὔπω τοξοφορῶν οὐδ’ ὥριος, ἀλλὰ νεογνὸς

### book 162.1.2

οὑμὸς Ἔρως παρὰ τὴν Κύπριν ὑποστρέφεται

### book 162.1.3

δέλτον ἔχων χρυσέην· τὰ Φιλοκράτεος δὲ Διύλλου

### book 162.1.4

τραυλίζει ψυχῇ φίλτρα κατ’ Ἀντιγένους.

### book 163.1.1

Εὗρεν Ἔρως τι καλῷ μῖξαι καλόν, οὐχὶ μάραγδον

### book 163.1.2

χρυσῷ, ὃ μήτ’ ἀνθεῖ μήτε γένοιτ’ ἐν ἴσῳ,

### book 163.1.3

οὐδ’ ἐλέφαντ’ ἐβένῳ, λευκῷ μέλαν, ἀλλὰ Κλέανδρον

### book 163.1.4

Εὐβιότῳ, πειθοῦς ἄνθεα καὶ φιλίης.

### book 166.1.1

Τοῦθ’, ὅ τι μοι λοιπὸν ψυχῆς, ὅ τι δήποτ’, Ἔρωτες,

### book 166.1.2

τοῦτό γ’ ἔχειν πρὸς θεῶν ἡσυχίην ἄφετε·

### book 166.1.3

εἰ μή, ναὶ τόξοις μὴ βάλλετέ μ’, ἀλλὰ κεραυνοῖς,

### book 166.1.4

ναὶ πάντως τέφρην θέσθε με κἀνθρακιήν.

### book 166.5.1

ναὶ ναὶ βάλλετ’, Ἔρωτες· ἐνεσκληκὼς γὰρ ἀνίαις

### book 166.5.2

ὀξύτερον τούτων, εἴ γέ τι, βούλομ’ ἔχειν.

### book 23.1.1

Ἰὼ παρέρπων, μικρόν, εἴ τι κἀγκονεῖς, ἄκουσον

### book 23.1.2

τὰ Βότρυος περισσὰ δῆτα κήδη,

### book 23.1.3

ὃς πρέσβυς ὀγδώκοντ’ ἐτῶν τὸν ἐκ νέων ἔθαψεν

### book 23.1.4

ἤδη τι τέχνᾳ καὶ σοφὸν λέγοντα.

### book 23.5.1

φεῦ τὸν τεκόντα, φεῦ δὲ καὶ σέ, Βότρυος φίλος παῖ,

### book 23.5.2

ὅσων ἄμοιρος ἡδονῶν ἀπώλευ.

### book 68.1

Κύπριδος ἅδ’ εἰκών· φέρ’ ἰδώμεθα, μὴ Βερενίκας·

### book 68

διστάζω, ποτέρᾳ φῇ τις ὁμοιοτέραν.

### book 120.1.1

Τόλμαν Ἀλεξάνδρου καὶ ὅλαν ἀπεμάξατο μορφὰν

### book 120.1.2

Λύσιππος· τίν’ ὁδὶ χαλκὸς ἔχει δύναμιν.

### book 120.1.3

αὐδάσοντι δ’ ἔοικεν ὁ χάλκεος ἐς Δία λεύσσων·

### book 120

„Γᾶν ὑπ’ ἐμοὶ τίθεμαι, Ζεῦ, σὺ δ’ Ὄλυμπον ἔχε.“

## License and provenance

This text is licensed CC0 1.0 Universal. The canonical record is the JSON at https://eulogikon.org/data/works/grc/asclepiades-of-samos-epigrams-jce-aa.json (sha256:f65672b5f1a4e9e43331d41149d516e920f7c3b2ff41102b9d13ec89851a5cb2). Cite as `eul_wid: jce-aa`.