--- title: Phenomena title_greek: Φαινόμενα author: Aratus of Soli eul_wid: hte-ab eul_aid: hte canonical: "https://eulogikon.org/grc/aratus-of-soli/phenomena" period: Hellenistic dialect: Epic (Homeric) domain: Science format: Verse license: "https://creativecommons.org/publicdomain/mark/1.0/" --- # Phenomena *Φαινόμενα* **Author:** Aratus of Soli **eul_wid:** `hte-ab` · [HTML page](https://eulogikon.org/grc/aratus-of-soli/phenomena) ## Text ### book 1.1 Ἐκ Διὸς ἀρχώμεσθα, τὸν οὐδέποτ’ ἄνδρες ἐῶμεν ### book 1.2 ἄρρητον· μεσταὶ δὲ Διὸς πᾶσαι μὲν ἀγυιαί, ### book 1.3 πᾶσαι δ’ ἀνθρώπων ἀγοραί, μεστὴ δὲ θάλασσα ### book 1.4 καὶ λιμένες· πάντη δὲ Διὸς κεχρήμεθα πάντες. ### book 1.5.1 Τοῦ γὰρ καὶ γένος εἰμέν. Ὁ δ’ ἤπιος ἀνθρώποισι ### book 1.5.2 δεξιὰ σημαίνει, λαοὺς δ’ ἐπὶ ἔργον ἐγείρει ### book 1.5.3 μιμνήσκων βιότοιο· λέγει δ’ ὅτε βῶλος ἀρίστη ### book 1.5.4 βουσί τε καὶ μακέλῃσι, λέγει δ’ ὅτε δεξιαὶ ὧραι ### book 1.5.5 καὶ φυτὰ γυρῶσαι καὶ σπέρματα πάντα βαλέσθαι. ### book 1.10.1 Αὐτὸς γὰρ τά γε σήματ’ ἐν οὐρανῷ ἐστήριξεν ### book 1.10.2 ἄστρα διακρίνας, ἐσκέψατο δ’ εἰς ἐνιαυτὸν ### book 1 ἀστέρας οἵ κε μάλιστα τετυγμένα σημαίνοιεν ### book 1.1 ἀνδράσιν ὡράων, ὄφρ’ ἔμπεδα πάντα φύωνται. ### book 1.2 Τῷ μιν ἀεὶ πρῶτόν τε καὶ ὕστατον ἱλάσκονται. ### book 1.15.1 Χαῖρε, πάτερ, μέγα θαῦμα, μέγ’ ἀνθρώποισιν ὄνειαρ, ### book 1.15.2 αὐτὸς καὶ προτέρη γενεή. Χαίροιτε δὲ Μοῦσαι ### book 1.1 μειλίχιαι μάλα πᾶσαι. Ἐμοί γε μὲν ἀστέρας εἰπεῖν ### book 1.2 ᾗ θέμις εὐχομένῳ τεκμήρατε πᾶσαν ἀοιδήν. ### book 1.3 Οἱ μὲν ὁμῶς πολέες τε καὶ ἄλλυδις ἄλλοι ἐόντες ### book 1.20.1 οὐρανῷ ἕλκονται πάντ’ ἤματα συνεχὲς αἰεί· ### book 1.20.2 αὐτὰρ ὅγ’ οὐδ’ ὀλίγον μετανίσσεται, ἀλλὰ μάλ’ αὕτως ### book 1 ἄξων αἰὲν ἄρηρεν, ἔχει δ’ ἀτάλαντον ἁπάντη ### book 1.1 μεσσηγὺς γαῖαν, περὶ δ’ οὐρανὸν αὐτὸς ἀγινεῖ. ### book 1.2 Καί μιν πειραίνουσι δύω πόλοι ἀμφοτέρωθεν· ### book 1.25.1 ἀλλ’ ὁ μὲν οὐκ ἐπίοπτος, ὁ δ’ ἀντίος ἐκ βορέαο ### book 1.25.2 ὑψόθεν ὠκεανοῖο. Δύω δέ μιν ἀμφὶς ἔχουσαι ### book 1.1 Ἄρκτοι ἅμα τροχόωσι· τὸ δὴ καλέονται Ἅμαξαι. ### book 1.2 Αἱ δ’ ἤτοι κεφαλὰς μὲν ἐπ’ ἰξύας αἰὲν ἔχουσιν ### book 1 ἀλλήλων, αἰεὶ δὲ κατωμάδιαι φορέονται, ### book 1.30.1 ἔμπαλιν εἰς ὤμους τετραμμέναι. Εἰ ἐτεὸν δή, ### book 1.30.2 Κρήτηθεν κεῖναί γε Διὸς μεγάλου ἰότητι ### book 1.30.3 οὐρανὸν εἰσανέβησαν, ὅ μιν τότε κουρίζοντα ### book 1.1 Δίκτῃ ἐν εὐώδει, ὄρεος σχεδὸν Ἰδαίοιο, ### book 1.2 ἄντρῳ ἐγκατέθεντο καὶ ἔτρεφον εἰς ἐνιαυτόν, ### book 1.35 Δικταῖοι Κούρητες ὅτε Κρόνον ἐψεύδοντο. ### book 1.1 Καὶ τὴν μὲν Κυνόσουραν ἐπίκλησιν καλέουσιν, ### book 1.2 τὴν δ’ ἑτέρην Ἑλίκην. Ἑλίκῃ γε μὲν ἄνδρες Ἀχαιοὶ ### book 1.3 εἰν ἁλὶ τεκμαίρονται ἵνα χρὴ νῆας ἀγινεῖν· ### book 1.4 τῇ δ’ ἄρα Φοίνικες πίσυνοι περόωσι θάλασσαν. ### book 1.40.1 Ἀλλ’ ἡ μὲν καθαρὴ καὶ ἐπιφράσσασθαι ἑτοίμη ### book 1.40.2 πολλὴ φαινομένη Ἑλίκη πρώτης ἀπὸ νυκτός· ### book 1.40.3 ἡ δ’ ἑτέρη ὀλίγη μέν, ἀτὰρ ναύτῃσιν ἀρείων· ### book 1.40.4 μειοτέρῃ γὰρ πᾶσα περιστρέφεται στροφάλιγγι· ### book 1 τῇ καὶ Σιδόνιοι ἰθύντατα ναυτίλλονται. ### book 1.45.1 Τὰς δὲ δι’ ἀμφοτέρας οἵη ποταμοῖο ἀπορρὼξ ### book 1.45.2 εἰλεῖται, μέγα θαῦμα, Δράκων, περί τ’ ἀμφί τ’ ἐαγὼς ### book 1.45.3 μυρίος· αἱ δ’ ἄρα οἱ σπείρης ἑκάτερθε φέρονται ### book 1.45.4 Ἄρκτοι, κυανέου πεφυλαγμέναι ὠκεανοῖο. ### book 1 Αὐτὰρ ὅγ’ ἄλλης μὲν νεάτῃ ἐπιτείνεται οὐρῇ, ### book 1.1 ἄλλην δὲ σπείρῃ περιτέμνεται· ἡ μέν οἱ ἄκρη ### book 1.2 οὐρὴ πὰρ κεφαλὴν Ἑλίκης ἀποπαύεται Ἄρκτου· ### book 1.3 σπείρῃ δ’ ἐν Κυνόσουρα κάρη ἔχει· ἡ δὲ κατ’ αὐτὴν ### book 1.4 εἰλεῖται κεφαλήν, καί οἱ ποδὸς ἔρχεται ἄχρις, ### book 1.5 ἐκ δ’ αὖτις παλίνορσος ἀνατρέχει. Οὐ μὲν ἐκείνῳ ### book 1.55.1 οἰόθεν, οὐδ’ οἶος κεφαλῇ ἐπιλάμπεται ἀστήρ, ### book 1.55.2 ἀλλὰ δύο κροτάφοις, δύο δ’ ὄμμασιν· εἷς δ’ ὑπένερθεν ### book 1.1 ἐσχατιὴν ἐπέχει γένυος δεινοῖο πελώρου. ### book 1.2 Λοξὸν δ’ ἐστὶ κάρη, νεύοντι δὲ πάμπαν ἔοικεν ### book 1.3 ἄκρην εἰς Ἑλίκης οὐρήν· μάλα δ’ ἐστὶ κατ’ ἰθὺ ### book 1.60.1 καὶ στόμα καὶ κροτάφοιο τὰ δεξιὰ νειάτῳ οὐρῇ. ### book 1.60.2 Κείνη που κεφαλὴ τῇ νίσσεται, ἧχί περ ἄκραι ### book 1.60.3 μίσγονται δύσιές τε καὶ ἀντολαὶ ἀλλήλῃσιν. ### book 1.1 Τῇ δ’ αὐτοῦ μογέοντι κυλίνδεται ἀνδρὶ ἐοικὸς ### book 1.2 εἴδωλον· τὸ μὲν οὔτις ἐπίσταται ἀμφαδὸν εἰπεῖν, ### book 1.65.1 οὐδ’ ὅτινι κρέμαται κεῖνος πόνῳ, ἀλλά μιν αὕτως ### book 1.65.2 Ἐνγόνασιν καλέουσι. Τὸ δ’ αὖτ’ ἐν γούνασι κάμνον ### book 1.65.3 ὀκλάζοντι ἔοικεν· ἀπ’ ἀμφοτέρων δέ οἱ ὤμων ### book 1.1 χεῖρες ἀείρονται· τάνυταί γε μὲν ἄλλυδις ἄλλη ### book 1.2 ὅσσον ἐπ’ ὄργυιαν· μέσσῳ δ’ ἐφύπερθε καρήνῳ ### book 1.70.1 δεξιτεροῦ ποδὸς ἄκρον ἔχει σκολιοῖο Δράκοντος. ### book 1.70.2 Αὐτοῦ κἀκεῖνος Στέφανος, τὸν ἀγαυὸν ἔθηκεν ### book 1.70.3 σῆμ’ ἔμεναι Διόνυσος ἀποιχομένης Ἀριάδνης, ### book 1.70.4 νώτῳ ὑποστρέφεται κεκμηότος εἰδώλοιο. ### book 1.70.5 Νώτῳ μὲν Στέφανος πελάει, κεφαλῇ γε μὲν ἄκρῃ ### book 1.75.1 σκέπτεο πὰρ κεφαλὴν Ὀφιούχεον, ἐκ δ’ ἄρ’ ἐκείνης ### book 1.75.2 αὐτὸν ἐπιφράσσαιο φαεινόμενον Ὀφιοῦχον· ### book 1.75.3 τοῖοί οἱ κεφαλῇ ὑποκείμενοι ἀγλαοὶ ὦμοι ### book 1.1 εἴδονται. Κεῖνοί γε καὶ ἂν διχόμηνι σελήνῃ ### book 1.2 εἰσωποὶ τελέθοιεν· ἀτὰρ χέρες οὐ μάλ’ ἐῖσαι· ### book 1.80.1 λεπτοτέρη γὰρ τῇ καὶ τῇ ἐπιδέδρομεν αἴγλη. ### book 1.80.2 ἀλλ’ ἔμπης κἀκεῖναι ἐπόψιαι· οὐ γὰρ ἐλαφραί. ### book 1.80.3 Ἀμφότεραι δ’ Ὄφιος πεπονείαται ὅς ῥά τε μέσσον ### book 1.80.4 δινεύει Ὀφιοῦχον· ὁ δ’ ἐμμενὲς εὖ ἐπαρηρὼς ### book 1.80.5 ποσσὶν ἐπιθλίβει μέγα θηρίον ἀμφοτέροισιν, ### book 1.85.1 Σκορπίον, ὀφθαλμοῖς τε καὶ ἐν θώρηκι βεβηκὼς ### book 1.85.2 ὀρθός. Ἀτάρ οἱ Ὄφις γε δύο στρέφεται μετὰ χερσίν, ### book 1.85.3 δεξιτερῇ ὀλίγος, σκαιῇ γε μὲν ὑψόθι πολλός. ### book 1.85.4 Καὶ δή οἱ Στεφάνῳ παρακέκλιται ἄκρα γένεια· ### book 1.85.5 νειόθι δὲ σπείρης μεγάλας ἐπιμαίεο Χηλάς· ### book 1.90.1 ἀλλ’ αἱ μὲν φαέων ἐπιμεμφέες οὐδὲν ἀγαυαί. ### book 1.90.2 Ἐξόπιθεν δ’ Ἑλίκης φέρεται ἐλάοντι ἐοικὼς ### book 1.90.3 Ἀρκτοφύλαξ, τόν ῥ’ ἄνδρες ἐπικλείουσι Βοώτην, ### book 1.90.4 οὕνεχ’ ἁμαξαίης ἐπαφώμενος εἴδεται Ἄρκτου, ### book 1.90.5 καὶ μάλα πᾶς ἀρίδηλος· ὑπὸ ζώνῃ δέ οἱ αὐτὸς ### book 1.95.1 ἐξ ἄλλων Ἀρκτοῦρος ἑλίσσεται ἀμφαδὸν ἀστήρ. ### book 1.95.2 Ἀμφοτέροισι δὲ ποσσὶν ὕπο σκέπτοιο Βοώτεω ### book 1.1 Παρθένον, ἥ ῥ’ ἐν χειρὶ φέρει Στάχυν αἰγλήεντα. ### book 1.2 Εἴτ’ οὖν Ἀστραίου κείνη γένος, ὅν ῥά τέ φασιν ### book 1.3 ἄστρων ἀρχαῖοι πατέρ’ ἔμμεναι, εἴτε τευ ἄλλου, ### book 1.1 εὔκηλος φορέοιτο. Λόγος γε μὲν ἐντρέχει ἄλλος ### book 1.2 ἀνθρώποις, ὡς δῆθεν ἐπιχθονίη πάρος ἦεν, ### book 1.3 ἤρχετο δ’ ἀνθρώπων κατεναντίη, οὐδέ ποτ’ ἀνδρῶν ### book 1.4 οὐδέ ποτ’ ἀρχαίων ἠνήνατο φῦλα γυναικῶν, ### book 1.5 ἀλλ’ ἀναμὶξ ἐκάθητο καὶ ἀθανάτη περ ἐοῦσα. ### book 1.105 Καί ἑ Δίκην καλέεσκον· ἀγειρομένη δὲ γέροντας ### book 1.1 ἠέ που εἰν ἀγορῇ ἢ εὐρυχόρῳ ἐν ἀγυιῇ, ### book 1.2 δημοτέρας ἤειδεν ἐπισπέρχουσα θέμιστας. ### book 1.3 Οὔπω λευγαλέου τότε νείκεος ἠπίσταντο, ### book 1.4 οὐδὲ διακρίσιος περιμεμφέος, οὐδὲ κυδοιμοῦ· ### book 1.110.1 αὕτως δ’ ἔζωον· χαλεπὴ δ’ ἀπέκειτο θάλασσα, ### book 1.110.2 καὶ βίον οὔπω νῆες ἀπόπροθεν ἠγίνεσκον, ### book 1.110.3 ἀλλὰ βόες καὶ ἄροτρα καὶ αὐτὴ πότνια λαῶν ### book 1.110.4 μυρία πάντα παρεῖχε Δίκη, δώτειρα δικαίων. ### book 1.110.5 Τόφρ’ ἦν ὄφρ’ ἔτι γαῖα γένος χρύσειον ἔφερβεν. ### book 1.115.1 Ἀργυρέῳ δ’ ὀλίγη τε καὶ οὐκέτι πάμπαν ἑτοίμη ### book 1.115.2 ὡμίλει, ποθέουσα παλαιῶν ἤθεα λαῶν. ### book 1.1 Ἀλλ’ ἔμπης ἔτι κεῖνο κατ’ ἀργύρεον γένος ἦεν· ### book 1.2 ἤρχετο δ’ ἐξ ὀρέων ὑποδείελος ἠχηέντων ### book 1.3 μουνάξ, οὐδέ τεῳ ἐπεμίσγετο μειλιχίοισιν· ### book 1.120.1 ἀλλ’ ὁπότ’ ἀνθρώπων μεγάλας πλήσαιτο κολώνας, ### book 1.120.2 ἠπείλει δὴ ἔπειτα καθαπτομένη κακότητος, ### book 1.120.3 οὐδ’ ἔτ’ ἔφη εἰσωπὸς ἐλεύσεσθαι καλέουσιν. ### book 1.120.4 «Οἵην χρύσειοι πατέρες γενεὴν ἐλίποντο ### book 1.120.5 χειροτέρην· ὑμεῖς δὲ κακώτερα τέκνα τεκεῖσθε. ### book 1.125 Καὶ δή που πόλεμοι, καὶ δὴ καὶ ἀνάρσιον αἷμα ### book 1.1 ἔσσεται ἀνθρώποισι, κακῷ δ’ ἐπικείσεται ἄλγος». ### book 1.2 Ὣς εἰποῦς’ ὀρέων ἐπεμαίετο, τοὺς δ’ ἄρα λαοὺς ### book 1.3 εἰς αὐτὴν ἔτι πάντας ἐλίμπανε παπταίνοντας. ### book 1.4 Ἀλλ’ ὅτε δὴ κἀκεῖνοι ἐτέθνασαν, οἳ δ’ ἐγένοντο, ### book 1.130.1 χαλκείη γενεὴ προτέρων ὀλοώτεροι ἄνδρες, ### book 1.130.2 οἳ πρῶτοι κακοεργὸν ἐχαλκεύσαντο μάχαιραν ### book 1.130.3 εἰνοδίην, πρῶτοι δὲ βοῶν ἐπάσαντ’ ἀροτήρων. ### book 1.130.4 Καὶ τότε μισήσασα Δίκη κείνων γένος ἀνδρῶν ### book 1.130.5 ἔπταθ’ ὑπουρανίη, ταύτην δ’ ἄρα νάσσατο χώρην, ### book 1.135 ἧχί περ ἐννυχίη ἔτι φαίνεται ἀνθρώποισι ### book 1.1 Παρθένος ἐγγὺς ἐοῦσα πολυσκέπτοιο Βοώτεω. ### book 1.2 Τῆς ὑπὲρ ἀμφοτέρων ὤμων εἱλίσσεται ἀστὴρ ### book 1.3 [δεξιτερῇ πτέρυγι· Προτρυγητὴρ δ’ αὖτε καλεῖται· ### book 1 τόσσος μὲν μεγέθει, τοίῃ δ’ ἐγκείμενος αἴγλῃ, ### book 1.140 οἷος καὶ μεγάλης οὐρὴν ὑποφαίνεται Ἄρκτου· ### book 1.1 δεινὴ γὰρ κείνη, δεινοὶ δέ οἱ ἐγγύθεν εἰσὶν ### book 1.2 ἀστέρες· οὐκ ἂν τούς γε ἰδὼν ἐπιτεκμήραιο, ### book 1.3 οἷός οἱ πρὸ ποδῶν φέρεται καλός τε μέγας τε ### book 1.4 εἷς μὲν ὑπωμαίων, εἷς δ’ ἰξυόθεν κατιόντων, ### book 1.145.1 ἄλλος δ’ οὐραίοις ὑπὸ γούνασιν. Ἀλλ’ ἄρα πάντες ### book 1.145.2 ἁπλόοι ἄλλοθεν ἄλλος ἀνωνυμίῃ φορέονται. ### book 1.145.3 Κρατὶ δέ οἱ Δίδυμοι, μέσσῃ δ’ ὕπο Καρκίνος ἐστίν· ### book 1.1 ποσσὶ δ’ ὀπισθοτέροισι Λέων ὕπο καλὰ φαείνει. ### book 1.2 Ἔνθα μὲν ἠελίοιο θερείταταί εἰσι κέλευθοι· ### book 1.1 αἱ δέ που ἀσταχύων κενεαὶ φαίνονται ἄρουραι ### book 1.2 ἠελίου τὰ πρῶτα συνερχομένοιο Λέοντι. ### book 1.3 Τῆμος καὶ κελάδοντες ἐτησίαι εὐρέϊ πόντῳ ### book 1.1 ἀθρόοι ἐμπίπτουσιν, ὁ δὲ πλόος οὐκέτι κώπαις ### book 1.2 ὥριος· εὐρεῖαί μοι ἀρέσκοιεν τότε νῆες, ### book 1.155.1 εἰς ἄνεμον δέ τε πηδὰ κυβερνητῆρες ἔχοιεν. ### book 1.155.2 Εἰ δέ τοι Ἡνίοχόν τε καὶ ἀστέρας Ἡνιόχοιο ### book 1.155.3 σκέπτεσθαι δοκέοι, καί τοι φάτις ἤλυθεν Αἰγὸς ### book 1.155.4 αὐτῆς ἢ Ἐρίφων, οἵτ’ εἰν ἁλὶ πορφυρούσῃ ### book 1.155.5 πολλάκις ἐσκέψαντο κεδαιομένους ἀνθρώπους, ### book 1.160.1 αὐτὸν μέν μιν ἅπαντα μέγαν Διδύμων ἐπὶ λαιὰ ### book 1.160.2 κεκλιμένον δήεις, Ἑλίκης δέ οἱ ἄκρα κάρηνα ### book 1.160.3 ἀντία δινεύει, σκαιῷ δ’ ἐπελήλαται ὤμῳ ### book 1.160.4 Αἲξ ἱερή, τὴν μέν τε λόγος Διὶ μαζὸν ἐπισχεῖν· ### book 1 Ὠλενίην δέ μιν Αἶγα Διὸς καλέους’ ὑποφῆται. ### book 1.165.1 Ἀλλ’ ἡ μὲν πολλή τε καὶ ἀγλαή· οἱ δέ οἱ αὐτοῦ ### book 1.165.2 λεπτὰ φαείνονται Ἔριφοι καρπὸν κάτα χειρός. ### book 1.165.3 Πὰρ ποσὶ δ’ Ἡνιόχου κεραὸν πεπτηότα Ταῦρον ### book 1.165.4 μαίεσθαι· τὰ δέ οἱ μάλ’ ἐοικότα σήματα κεῖται· ### book 1.165.5 τοίη οἱ κεφαλὴ διακέκριται· οὐδέ τις ἄλλῳ ### book 1.170.1 σήματι τεκμήραιτο κάρη βοός, οἷά μιν αὐτοὶ ### book 1.170.2 ἀστέρες ἀμφοτέρωθεν ἑλισσόμενοι τυπόωσιν. ### book 1.170.3 Καὶ λίην κείνων ὄνομ’ εἴρεται, οὐδέ τοι αὕτως ### book 1.1 νήκουστοι Ὑάδες· ταὶ μέν ῥ’ ἐπὶ παντὶ μετώπῳ ### book 1.2 Ταύρου βεβλέαται. Λαιοῦ δὲ κεράατος ἄκρον ### book 1.175.1 καὶ πόδα δεξιτερὸν παρακειμένου Ἡνιόχοιο ### book 1.175.2 εἷς ἀστὴρ ἐπέχει, συνεληλάμενοι δὲ φέρονται· ### book 1.175.3 ἀλλ’ αἰεὶ Ταῦρος προφερέστερος Ἡνιόχοιο ### book 1.175.4 εἰς ἑτέρην καταβῆναι, ὁμηλυσίῃ περ ἀνελθών. ### book 1.175.5 Οὐδ’ ἄρα Κηφῆος μογερὸν γένος Ἰασίδαο ### book 1.180.1 αὕτως ἄρρητον κατακείσεται· ἀλλ’ ἄρα καὶ τῶν ### book 1.180.2 οὐρανὸν εἰς ὄνομ’ ἦλθεν, ἐπεὶ Διὸς ἐγγύθεν ἦσαν. ### book 1.180.3 Αὐτὸς μὲν κατόπισθεν ἐὼν Κυνοσουρίδος Ἄρκτου ### book 1.180.4 Κηφεὺς ἀμφοτέρας χεῖρας τανύοντι ἔοικεν· ### book 1 ἴση οἱ στάθμη νεάτης ἀποτείνεται οὐρῆς ### book 1.185.1 ἐς πόδας ἀμφοτέρους, ὅσση ποδὸς ἐς πόδα τείνει. ### book 1.185.2 Αὐτὰρ ἀπὸ ζώνης ὀλίγον κε μεταβλέψειας ### book 1.185.3 πρώτης ἱέμενος καμπῆς σκολιοῖο Δράκοντος. ### book 1.185.4 Τοῦ δ’ ἄρα δαιμονίη προκυλίνδεται οὐ μάλα πολλὴ ### book 1.185.5 νυκτὶ φαεινομένη παμμήνιδι Κασσιέπεια· ### book 1.190.1 οὐ γάρ μιν πολλοὶ καὶ ἐπημοιβοὶ γανόωσιν ### book 1.190.2 ἀστέρες, οἵ μιν πᾶσαν ἐπιρρήδην στιχόωσιν. ### book 1.190.3 Οἵῃ δὲ κληῖδι θύρην ἔντοσθ’ ἀραρυῖαν ### book 1.1 δικλίδ’ ἐπιπλήσσοντες ἀνακρούουσιν ὀχῆας, ### book 1.2 τοῖοί οἱ μουνὰξ ὑποκείμενοι ἰνδάλλονται ### book 1.195.1 ἀστέρες. Ἡ δ’ αὕτως ὀλίγων ἀποτείνεται ὤμων ### book 1.195.2 ὄργυιαν· φαίης κεν ἀνιάζειν ἐπὶ παιδί. ### book 1.195.3 Αὐτοῦ γὰρ κἀκεῖνο κυλίνδεται αἰνὸν ἄγαλμα ### book 1.195.4 Ἀνδρομέδης ὑπὸ μητρὶ κεκασμένον· οὔ σε μάλ’ οἴω ### book 1 νύκτα περισκέψεσθαι, ἵν’ αὐτίκα μᾶλλον ἴδηαι· ### book 1.1 τοίη οἱ κεφαλή, τοῖοι δέ οἱ ἀμφοτέρωθεν ### book 1.2 ὦμοι καὶ πόδες ἀκρότατοι καὶ ζώματα πάντα. ### book 1.3 Ἀλλ’ ἔμπης κἀκεῖθι διωλενίη τετάνυσται, ### book 1.4 δεσμὰ δέ οἱ κεῖται καὶ ἐν οὐρανῷ· αἱ δ’ ἀνέχονται ### book 1.5 αὐτοῦ πεπταμέναι πάντ’ ἤματα χεῖρες ἐκείνῃ. ### book 1.205.1 Ἀλλ’ ἄρα οἱ καὶ κρατὶ πέλωρ ἐπελήλαται Ἵππος ### book 1.205.2 γαστέρι νειαίρῃ· ξυνὸς δ’ ἐπιλάμπεται ἀστὴρ ### book 1.205.3 τοῦ μὲν ἐπ’ ὀμφαλίῳ, τῆς δ’ ἐσχατόωντι καρήνῳ. ### book 1.205.4 Οἱ δ’ ἄρ’ ἔτι τρεῖς ἄλλοι ἐπὶ πλευράς τε καὶ ὤμους ### book 1.205.5 Ἵππου δεικανόωσι διασταδὸν ἶσα πέλεθρα, ### book 1.210.1 καλοὶ καὶ μεγάλοι· κεφαλὴ δέ οἱ οὐδὲν ὁμοίη, ### book 1.210.2 οὐδ’ αὐχὴν δολιχός περ ἐών· ἀτὰρ ἔσχατος ἀστὴρ ### book 1.210.3 αἰθομένης γένυος καί κεν προτέροις ἐρίσειεν ### book 1.210.4 τέτρασιν, οἵ μιν ἔχουσι περίσκεπτοι μάλ’ ἐόντες. ### book 1.210.5 Οὐδ’ ὅγε τετράπος ἐστίν· ἀπ’ ὀμφαλίοιο γὰρ ἄκρου ### book 1.215.1 μεσσόθεν ἡμιτελὴς περιτέλλεται ἱερὸς Ἵππος. ### book 1.215.2 Κεῖνον δὴ καί φασι καθ’ ὑψηλοῦ Ἑλικῶνος ### book 1.215.3 καλὸν ὕδωρ ἀγαγεῖν εὐαλδέος Ἱππουκρήνης. ### book 1.215.4 Οὐ γάρ πω Ἑλικὼν ἄκρος κατελείβετο πηγαῖς· ### book 1.215.5 ἀλλ’ Ἵππος μιν ἔτυψε· τὸ δ’ ἀθρόον αὐτόθεν ὕδωρ ### book 1.220.1 ἐξέχυτο πληγῇ προτέρου ποδός· οἱ δὲ νομῆες ### book 1.220.2 πρῶτοι κεῖνο ποτὸν διεφήμισαν Ἱππουκρήνην. ### book 1.220.3 Ἀλλὰ τὸ μὲν πέτρης ἀπολείβεται, οὐδέ τοι αὐτὸ ### book 1.220.4 Θεσπιέων ἀνδρῶν ἑκὰς ὄψεαι· αὐτὰρ ὅγ’ Ἵππος ### book 1.220.5 ἐν Διὸς εἱλεῖται, καί τοι πάρα θηήσασθαι. ### book 1.225.1 Αὐτοῦ καὶ Κριοῖο θοώταταί εἰσι κέλευθοι, ### book 1.225.2 ὅς ῥά τε καὶ μήκιστα διωκόμενος περὶ κύκλα ### book 1.225.3 οὐδὲν ἀφαυρότερον τροχάει Κυνοσουρίδος Ἄρκτου. ### book 1.225.4 Αὐτὸς μὲν νωθὴς καὶ ἀνάστερος οἷα σελήνῃ ### book 1.225.5 σκέψασθαι, ζώνῃ δ’ ἂν ὅμως ἐπιτεκμήραιο ### book 1.230.1 Ἀνδρομέδης· ὀλίγον γὰρ ὑπ’ αὐτὴν ἐστήρικται, ### book 1.230.2 μεσσόθι δὲ τρίβει μέγαν οὐρανόν, ἧχί περ ἄκραι ### book 1.230.3 Χηλαὶ καὶ ζώνη περιτέλλεται Ὠρίωνος. ### book 1.230.4 Ἔστι δέ τοι καὶ ἔτ’ ἄλλο τετυγμένον ἐγγύθι σῆμα ### book 1 νειόθεν Ἀνδρομέδης, τὸ δ’ ἐπὶ τρισὶν ἐστάθμηται ### book 1.235.1 Δελτωτὸν πλευρῇσιν, ἰσαιομένῃσιν ἐοικὸς ### book 1.235.2 ἀμφοτέρῃς, ἡ δ’ οὔτι τόση, μάλα δ’ ἐστὶν ἑτοίμη ### book 1.235.3 εὑρέσθαι· περὶ γὰρ πολέων εὐάστερός ἐστιν. ### book 1.235.4 Τῶν ὀλίγον Κριοῦ νοτιώτεροι ἀστέρες εἰσίν. ### book 1.235.5 Οἱ δ’ ἄρ’ ἔτι προτέρω, ἔτι δ’ ἐν προμολῇσι νότοιο ### book 1.240 Ἰχθύες. Ἀλλ’ αἰεὶ ἕτερος προφερέστερος ἄλλου, ### book 1.1 καὶ μᾶλλον βορέαο νέον κατιόντος ἀκούει. ### book 1.2 Ἀμφοτέρων δέ σφεων ἀποτείνεται ἠΰτε δεσμὰ ### book 1.3 οὐραίων, ἑκάτερθεν ἐπισχερὼ εἰς ἓν ἰόντα. ### book 1.4 Καὶ τὰ μὲν εἷς ἀστὴρ ἐπέχει καλός τε μέγας τε, ### book 1.245.1 ὅν ῥά τε καὶ σύνδεσμον ὑπουράνιον καλέουσιν. ### book 1.245.2 Ἀνδρομέδης δέ τοι ὦμος ἀριστερὸς Ἰχθύος ἔστω ### book 1.245.3 σῆμα βορειοτέρου· μάλα γάρ νύ οἱ ἐγγύθεν ἐστίν. ### book 1.245.4 Ἀμφότεροι δὲ πόδες γαμβροῦ ἐπισημαίνοιεν ### book 1.245.5 Περσέος, οἵ ῥά οἱ αἰὲν ἐπωμάδιοι φορέονται. ### book 1.1 Αὐτὰρ ὅγ’ ἐν βορέω φέρεται περιμήκετος ἄλλων. ### book 1.2 Καί οἱ δεξιτερὴ μὲν ἐπὶ κλισμὸν τετάνυσται ### book 1.3 πενθερίου δίφροιο· τὰ δ’ ἐν ποσὶν οἷα διώκων ### book 1.4 ἴχνια μηκύνει κεκονιμένος ἐν Διὶ πατρί. ### book 1.5 Ἄγχι δέ οἱ σκαιῆς ἐπιγουνίδος ἤλιθα πᾶσαι. ### book 1.255.1 Πληιάδες φορέονται. Ὁ δ’ οὐ μάλα πολλὸς ἁπάσας ### book 1.255.2 χῶρος ἔχει, καὶ δ’ αὐταὶ ἐπισκέψασθαι ἀφαυραί. ### book 1.255.3 Ἑπτάποροι δὴ ταίγε μετ’ ἀνθρώπους ὑδέονται, ### book 1.1 ἓξ οἶαί περ ἐοῦσαι ἐπόψιαι ὀφθαλμοῖσιν. ### book 1.2 Οὐ μέν πως ἀπόλωλεν ἀπευθὴς ἐκ Διὸς ἀστήρ, ### book 1.260.1 ἐξ οὗ καὶ γενεῆθεν ἀκούομεν, ἀλλὰ μάλ’ αὕτως ### book 1.260.2 εἴρεται· ἑπτὰ δ’ ἐκεῖναι ἐπιρρήδην καλέονται ### book 1.260.3 Ἀλκυόνη Μερόπη τε Κελαινώ τ’ Ἠλέκτρη τε ### book 1.260.4 καὶ Στερόπη καὶ Τηϋγέτη καὶ πότνια Μαῖα. ### book 1.260.5 Αἱ μὲν ὁμῶς ὀλίγαι καὶ ἀφεγγέες, ἀλλ’ ὀνομασταὶ ### book 1.265.1 ἦρι καὶ ἑσπέριαι, Ζεὺς δ’ αἴτιος, εἱλίσσονται, ### book 1.265.2 ὅ σφισι καὶ θέρεος καὶ χείματος ἀρχομένοιο ### book 1.265.3 σημαίνειν ἐπένευσεν ἐπερχομένου τ’ ἀρότοιο. ### book 1.265.4 Καὶ Χέλυς ἥδ’ ὀλίγη. Τὴν ἆρ’ ἔτι καὶ παρὰ λίκνῳ ### book 1.265.5 Ἑρμείης ἐτόρησε, Λύρην δέ μιν εἶπε λέγεσθαι, ### book 1.270.1 κὰδ δ’ ἔθετο προπάροιθεν ἀπευθέος εἰδώλοιο ### book 1.270.2 οὐρανὸν εἰσαγαγών. Τὸ δ’ ἐπὶ σκελέεσσι πέτηλον ### book 1.270.3 γούνατί οἱ σκαιῷ πελάει· κεφαλή γε μὲν ἄκρη ### book 1.270.4 ἀντιπέρην Ὄρνιθος ἑλίσσεται· ἡ δὲ μεσηγὺ ### book 1.270.5 ὀρνιθέης κεφαλῆς καὶ γούνατος ἐστήρικται. ### book 1.275 Ἤτοι γὰρ καὶ Ζηνὶ παρατρέχει αἰόλος Ὄρνις, ### book 1.1 ἄλλα μὲν ἠερόεις, τὰ δέ οἱ ἐπὶ τετρήχυνται ### book 1.2 ἀστράσιν οὔτι λίην μεγάλοις, ἀτὰρ οὐ μὲν ἀφαυροῖς. ### book 1.3 Αὐτὰρ ὅγ’ εὐδιόωντι ποτὴν ὄρνιθι ἐοικὼς ### book 1.4 οὔριος εἰς ἑτέρην φέρεται, κατὰ δεξιὰ χειρὸς ### book 1.280 Κηφείης ταρσοῖο τὰ δεξιὰ πείρατα τείνων. ### book 1.1 Λαιῇ δὲ πτέρυγι σκαρθμὸς παρακέκλιται Ἵππου. ### book 1.2 Τὸν δὲ μετὰ σκαίροντα δύ’ Ἰχθύες ἀμφινέμονται ### book 1.3 Ἵππον· πὰρ δ’ ἄρα οἱ κεφαλῇ χεὶρ Ὑδροχόοιο ### book 1.4 δεξιτερὴ τάνυται. Ὁ δ’ ὀπίστερος Αἰγοκερῆος ### book 1.285.1 τέλλεται· αὐτὰρ ὅγε πρότερος καὶ νειόθι μᾶλλον ### book 1.285.2 κέκλιται Αἰγόκερως, ἵνα ἲς τρέπετ’ ἠελίοιο. ### book 1.285.3 Μὴ κείνῳ ἐνὶ μηνὶ περικλύζοιο θαλάσσῃ ### book 1.285.4 πεπταμένῳ πελάγει κεχρημένος. Οὔτε κεν ἠοῖ ### book 1 πολλὴν πειρήνειας, ἐπεὶ ταχινώταταί εἰσιν, ### book 1.290.1 οὔτ’ ἄν τοι νυκτὸς πεφοβημένῳ ἐγγύθεν ἠὼς ### book 1.290.2 ἔλθοι καὶ μάλα πολλὰ βοωμένῳ. Οἱ δ’ ἀλεγεινοὶ ### book 1.290.3 τῆμος ἐπιρρήσσουσι νότοι, ὁπότ’ Αἰγοκερῆϊ ### book 1.290.4 συμφέρετ’ ἠέλιος· τότε δὲ κρύος ἐκ Διός ἐστιν ### book 1.290.5 ναύτῃ μαλκιόωντι κακώτερον. Ἀλλὰ καὶ ἔμπης ### book 1.295.1 ἤδη πάντ’ ἐνιαυτὸν ὑπὸ στείρῃσι θάλασσα ### book 1.295.2 πορφύρει· ἴκελοι δὲ κολυμβίσιν αἰθυίῃσιν ### book 1.1 πολλάκις ἐκ νηῶν πέλαγος περιπαπταίνοντες ### book 1.2 ἥμεθ’, ἐπ’ αἰγιαλοὺς τετραμμένοι· οἱ δ’ ἔτι πόρσω ### book 1.3 κλύζονται· ὀλίγον δὲ διὰ ξύλον ἄϊδ’ ἐρύκει. ### book 1.1 Καὶ δ’ ἂν ἔτι προτέρῳ γε θαλάσσῃ πολλὰ πεπονθώς, ### book 1.2 τόξον ὅτ’ ἠέλιος καίει καὶ ῥύτορα τόξου, ### book 1.3 ἑσπέριος κατάγοιο, πεποιθὼς οὐκέτι νυκτί. ### book 1.4 Σῆμα δέ τοι κείνης ὥρης καὶ μηνὸς ἐκείνου ### book 1.5 Σκορπίος ἀντέλλων εἴη πυμάτης ἐπὶ νυκτός. ### book 1.305.1 Ἤτοι γὰρ μέγα τόξον ἀνέλκεται ἐγγύθι κέντρου ### book 1.305.2 Τοξευτής· ὀλίγον δὲ παροίτερος ἵσταται αὐτοῦ ### book 1.305.3 Σκοπρίος ἀντέλλων, ὁ δ’ ἀνέρχεται αὐτίκα μᾶλλον. ### book 1.305.4 Τῆμος καὶ κεφαλὴ Κυνοσουρίδος ἀκρόθι νυκτὸς ### book 1.305.5 ὕψι μάλα τροχάει· ὁ δὲ δύεται ἠῶθι πρὸ ### book 1.310.1 ἀθρόος Ὠρίων, Κηφεὺς δ’ ἀπὸ χειρὸς ἐπ’ ἰξύν. ### book 1.310.2 Ἔστι δέ τοι προτέρω βεβλημένος ἄλλος Ὀϊστὸς ### book 1.310.3 αὐτὸς ἄτερ τόξου· ὁ δέ οἱ παραπέπταται Ὄρνις ### book 1.310.4 ἀσσότερος βορέω. Σχεδόθεν δέ οἱ ἄλλος ἄηται ### book 1.310.5 οὐ τόσσος μεγέθει, χαλεπός γε μὲν ἐξ ἁλὸς ἐλθών ### book 1.315.1 νυκτὸς ἀπερχομένης· καί μιν καλέουσιν Ἀητόν. ### book 1.315.2 Δελφὶς δ’ οὐ μάλα πολλὸς ἐπιτρέχει Αἰγοκερῆϊ ### book 1.315.3 μεσσόθεν ἠερόεις· τὰ δέ οἱ περὶ τέσσαρα κεῖται ### book 1.315.4 γλήνεα, παρβολάδην δύο πὰρ δύο πεπτηῶτα. ### book 1.315.5 Καὶ τὰ μὲν οὖν βορέω καὶ ἀλήσιος ἠελίοιο ### book 1.320.1 μεσσηγὺς κέχυται· τὰ δὲ νειόθι τέλλεται ἄλλα ### book 1.320.2 πολλὰ μεταξὺ νότοιο καὶ ἠελίοιο κελεύθου. ### book 1.320.3 Λοξὸς μὲν Ταύροιο τομῇ ὑποκέκλιται αὐτὸς ### book 1.320.4 Ὠρίων. Μὴ κεῖνον ὅτις καθαρῇ ἐνὶ νυκτὶ ### book 1 ὑψοῦ πεπτηῶτα παρέρχεται, ἄλλα πεποίθοι ### book 1.325.1 οὐρανὸν εἰσανιδὼν προφερέστερα θηήσεσθαι. ### book 1.325.2 Τοῖός οἱ καὶ φρουρὸς ἀειρομένῳ ὑπὸ νώτῳ ### book 1.325.3 φαίνεται ἀμφοτέροισι Κύων ἐπὶ ποσσὶ βεβηκώς, ### book 1.325.4 ποικίλος, ἀλλ’ οὐ πάντα πεφασμένος· ἀλλὰ κατ’ αὐτὴν ### book 1 γαστέρα κυάνεος περιτέλλεται, ἡ δέ οἱ ἄκρη ### book 1.330.1 ἀστέρι βέβληται δεινῷ γένυς, ὅς ῥα μάλιστα ### book 1.330.2 ὀξέα σειριάει· καί μιν καλέους’ ἄνθρωποι ### book 1.330.3 Σείριον. Οὐκέτι κεῖνον ἅμ’ ἠελίῳ ἀνιόντα ### book 1.330.4 φυταλιαὶ ψεύδονται ἀναλδέα φυλλιόωσαι· ### book 1.330.5 ῥεῖα γὰρ οὖν ἔκρινε διὰ στίχας ὀξὺς ἀΐξας, ### book 1.335.1 καὶ τὰ μὲν ἔρρωσεν, τῶν δὲ φλόον ὤλεσε πάντα. ### book 1.335.2 Κείνου καὶ κατιόντος ἀκούομεν· οἱ δὲ δὴ ἄλλοι ### book 1.335.3 σῆμ’ ἔμεναι μελέεσσιν ἐλαφρότεροι περίκεινται. ### book 1.335.4 Ποσσὶν δ’ Ὠρίωνος ὑπ’ ἀμφοτέροισι Λαγωὸς ### book 1.335.5 ἐμμενὲς ἤματα πάντα διώκεται· αὐτὰρ ὅγ’ αἰεὶ ### book 1.340.1 Σείριος ἐξόπιθεν φέρεται μετιόντι ἐοικώς, ### book 1.340.2 καὶ οἱ ἐπαντέλλει, καί μιν κατιόντα δοκεύει. ### book 1.340.3 Ἡ δὲ Κυνὸς μεγάλοιο κατ’ οὐρὴν ἕλκεται Ἀργὼ ### book 1.340.4 πρυμνόθεν· οὐ γὰρ τῇγε κατὰ χρέος εἰσὶ κέλευθοι, ### book 1 ἀλλ’ ὄπιθεν φέρεται τετραμμένη, οἷα καὶ αὐταὶ ### book 1.345.1 νῆες, ὅτ’ ἤδη ναῦται ἐπιστρέψωσι κορώνην ### book 1.345.2 ὅρμον ἐσερχόμενοι· τὴν δ’ αὐτίκα πᾶς ἀνακόπτει ### book 1.345.3 νῆα, παλιρροθίη δὲ καθάπτεται ἠπείροιο· ### book 1.345.4 ὣς ἥγε πρύμνηθεν Ἰησονὶς ἕλκεται Ἀργώ. ### book 1.345.5 Καὶ τὰ μὲν ἠερίη καὶ ἀνάστερος ἄχρι παρ’ αὐτὸν ### book 1.1 ἱστὸν ἀπὸ πρῴρης φέρεται, τὰ δὲ πᾶσα φαεινή. ### book 1.2 Καὶ οἱ πηδάλιον κεχαλασμένον ἐστήρικται ### book 1.3 ποσσὶν ὕπ’ οὐραίοισι Κυνὸς προπάροιθεν ἰόντος. ### book 1.4 Τὴν δὲ καὶ οὐκ ὀλίγον περ ἀπόπροθι πεπτηυῖαν ### book 1.5 Ἀνδρομέδην μέγα Κῆτος ἐπερχόμενον κατεπείγει. ### book 1.355.1 Ἡ μὲν γὰρ Θρήϊκος ὑπὸ πνοιῇ βορέαο ### book 1.355.2 κεκλιμένη φέρεται, τὸ δέ οἱ νότος ἐχθρὸν ἀγινεῖ ### book 1.355.3 Κῆτος, ὑπὸ Κριῷ τε καὶ Ἰχθύσιν ἀμφοτέροισιν, ### book 1.1 βαιὸν ὑπὲρ Ποταμοῦ βεβλημένον ἀστερόεντος. ### book 1.2 Οἶον γὰρ κἀκεῖνο θεῶν ὑπὸ ποσσὶ φορεῖται ### book 1.360.1 λείψανον Ἠριδανοῖο, πολυκλαύτου ποταμοῖο. ### book 1.360.2 Καὶ τὸ μὲν Ὠρίωνος ὑπὸ σκαιὸν πόδα τείνει· ### book 1.360.3 δεσμοὶ δ’ οὐραῖοι, τοῖς Ἰχθύες ἄκροι ἔχονται, ### book 1.360.4 ἄμφω συμφορέονται ἀπ’ οὐραίων κατιόντες, ### book 1.360.5 κητείης δ’ ὄπιθεν λοφίης ἐπιμὶξ φορέονται ### book 1.365.1 εἰς ἓν ἐλαυνόμενοι· ἑνὶ δ’ ἀστέρι πειραίνονται, ### book 1.365.2 Κήτεος ὃς κείνου πρώτῃ ἐπίκειται ἀκάνθῃ. ### book 1.365.3 Οἱ δ’ ὀλίγῳ μέτρῳ, ὀλίγῃ δ’ ἐγκείμενοι αἴγλῃ ### book 1.365.4 μεσσόθι πηδαλίου καὶ Κήτεος εἱλίσσονται, ### book 1.365.5 γλαυκοῦ πεπτηῶτες ὑπὸ πλευρῇσι Λαγωοῦ ### book 1.370.1 νώνυμοι· οὐ γὰρ τοίγε τετυγμένου εἰδώλοιο ### book 1.370.2 βεβλέαται μελέεσσιν ἐοικότες, οἷά τε πολλὰ ### book 1.370.3 ἑξείης στιχόωντα παρέρχεται αὐτὰ κέλευθα ### book 1.370.4 ἀνομένων ἐτέων, τά τις ἀνδρῶν οὐκέτ’ ἐόντων ### book 1 ἐφράσατ’ ἠδ’ ἐνόησεν ἅπαντ’ ὀνομαστὶ καλέσσαι ### book 1.375.1 ἤλιθα μορφώσας· οὐ γάρ κ’ ἐδυνήσατο πάντων ### book 1.375.2 οἰόθι κεκριμένων ὄνομ’ εἰπέμεν οὐδὲ δαῆναι· ### book 1.1 πολλοὶ γὰρ πάντη, πολέων δ’ ἐπὶ ἶσα πέλονται ### book 1.2 μέτρα τε καὶ χροιή, πάντες γε μὲν ἀμφιέλικτοι. ### book 1.3 Τῷ καὶ ὁμηγερέας οἱ ἐείσατο ποιήσασθαι ### book 1.380.1 ἀστέρας, ὄφρ’ ἐπιτὰξ ἄλλῳ παρακείμενος ἄλλος ### book 1.380.2 εἴδεα σημαίνοιεν. Ἄφαρ δ’ ὀνομαστὰ γένοντο ### book 1.380.3 ἄστρα, καὶ οὐκέτι νῦν ὑπὸ θαύματι τέλλεται ἀστήρ, ### book 1.1 ἀλλ’ οἱ μὲν καθαροῖς ἐναρηρότες εἰδώλοισιν ### book 1.2 φαίνονται, τὰ δ’ ἔνερθε διωκομένοιο Λαγωοῦ ### book 1.385.1 πάντα μάλ’ ἠερόεντα καὶ οὐκ ὀνομαστὰ φέρονται. ### book 1.385.2 Νειόθι δ’ Αἰγοκερῆος, ὑπὸ πνοιῇσι νότοιο, ### book 1.385.3 Ἰχθῦς ἐς Κῆτος τετραμμένος αἰωρεῖται ### book 1.385.4 οἶος ἀπὸ προτέρων, Νότιον δέ ἑ κικλήσκουσιν. ### book 1.385.5 Ἄλλοι δὲ σποράδην ὑποκείμενοι Ὑδροχοῆϊ ### book 1.390.1 Κήτεος αἰθερίοιο καὶ Ἰχθύος ἠερέθονται ### book 1.390.2 μέσσοι νωχελέες καὶ ἀνώνυμοι· ἐγγύθι δέ σφεων, ### book 1.390.3 δεξιτερῆς ἀπὸ χειρὸς ἀγαυοῦ Ὑδροχόοιο, ### book 1.390.4 οἵη τις τ’ ὀλίγη χύσις ὕδατος ἔνθα καὶ ἔνθα ### book 1.390.5 σκιδναμένου, χαροποὶ καὶ ἀναλδέες εἱλίσσονται. ### book 1.395.1 Ἐν δέ σφιν δύο μᾶλλον ἐειδόμενοι φορέονται ### book 1.395.2 ἀστέρες, οὔτε τι πολλὸν ἀπήοροι οὔτε μάλ’ ἐγγύς, ### book 1.395.3 εἷς μὲν ὑπ’ ἀμφοτέροισι ποσὶν καλός τε μέγας τε ### book 1.395.4 Ὑδροχόου, ὁ δὲ κυανέου ὑπὸ Κήτεος οὐρῇ· ### book 1.395.5 τοὺς πάντας καλέουσιν Ὕδωρ. Ὀλίγοι γε μὲν ἄλλοι ### book 1.1 νειόθι Τοξευτῆρος ὑπὸ προτέροισι πόδεσσιν ### book 1.2 ἄγνωτοι κύκλῳ περιηγέες εἱλίσσονται. ### book 1.3 Αὐτὰρ ὑπ’ αἰθομένῳ κέντρῳ τέραος μεγάλοιο ### book 1.4 Σκορπίου, ἄγχι νότοιο, Θυτήριον αἰωρεῖται. ### book 1.5 Τοῦ δ’ ἤτοι ὀλίγον μὲν ἐπὶ χρόνον ὑψόθ’ ἐόντος ### book 1.405.1 πεύσεαι· ἀντιπέρην γὰρ ἀείρεται Ἀρκτούροιο. ### book 1.405.2 Καὶ τοῦ μὲν μάλα πάγχυ μετήοροί εἰσι κέλευθοι ### book 1.405.3 Ἀρκτούρου, τὸ δὲ θᾶσσον ὑφ’ ἑσπερίην ἅλα νεῖται. ### book 1.405.4 Ἀλλ’ ἄρα καὶ περὶ κεῖνο Θυτήριον ἀρχαίη Νύξ, ### book 1.405.5 ἀνθρώπων κλαίουσα πόνον, χειμῶνος ἔθηκεν ### book 1.410.1 εἰναλίου μέγα σῆμα· κεδαιόμεναι γὰρ ἐκείνῃ ### book 1.410.2 νῆες ἀπὸ φρενός εἰσι· τὰ δ’ ἄλλοθεν ἄλλα πιφαύσκει ### book 1.410.3 σήματ’, ἐποικτείρουσα πολυρροθίους ἀνθρώπους. ### book 1.410.4 Τῷ μή μοι πελάγει νεφέων εἰλυμένῳ ἄλλῳ ### book 1.410.5 εὔχεο μεσσόθι κεῖνο φανήμεναι οὐρανῷ ἄστρον, ### book 1.415 αὐτὸ μὲν ἀνέφελόν τε καὶ ἀγλαόν, ὕψι δὲ μᾶλλον ### book 1.1 κυμαίνοντι νέφει πεπιεσμένον, οἷά τε πολλὰ ### book 1.2 θλίβετ’ ἀναστέλλοντος ὀπωρινοῦ ἀνέμοιο. ### book 1.3 Πολλάκι γὰρ καὶ τοῦτο νότῳ ἔπι σῆμα τιτύσκει ### book 1.4 νὺξ αὐτή, μογεροῖσι χαριζομένη ναύτῃσιν. ### book 1.420.1 Οἱ δ’ εἰ μέν κε πίθωνται ἐναίσιμα σημαινούσῃ, ### book 1.420.2 αἶψα δὲ κοῦφά τε πάντα καὶ ἄρτια ποιήσωνται, ### book 1.420.3 αὐτίκ’ ἐλαφρότερος πέλεται πόνος· εἰ δέ κε νηῒ ### book 1.420.4 ὑψόθεν ἐμπλήξῃ δεινὴ ἀνέμοιο θύελλα ### book 1.420.5 αὕτως ἀπρόφατος, τὰ δὲ λαίφεα πάντα ταράξῃ, ### book 1.425 ἄλλοτε μὲν καὶ πάμπαν ὑπόβρυχα ναυτίλλονται, ### book 1.1 ἄλλοτε δ’, αἴ κε Διὸς παρανισσομένοιο τύχωσιν ### book 1.2 εὐχόμενοι, βορέω δὲ πάρ’ ἀστράψῃ ἀνέμοιο, ### book 1.3 πολλὰ μάλ’ ὀτλήσαντες ὅμως πάλιν ἐσκέψαντο ### book 1 ἀλλήλους ἐπὶ νηΐ. Νότον δ’ ἐπὶ σήματι τούτῳ ### book 1.430.1 δείδιθι, μέχρι βορῆος ἀπαστράψαντος ἴδηαι. ### book 1.430.2 Εἰ δέ τοι ἑσπερίης μὲν ἁλὸς Κενταύρου ἀπείη ### book 1.1 ὦμος ὅσον προτέρης, ὀλίγη δέ μιν εἰλύοι ἀχλὺς ### book 1.2 αὐτόν, ἀτὰρ μετόπισθεν ἐοικότα σήματα φαίνοι ### book 1.3 νὺξ ἐπὶ παμφανόωντι Θυτηρίῳ, οὔ σε μάλα χρὴ ### book 1.435.1 ἐς νότον, ἀλλ’ εὔροιο περισκοπέειν ἀνέμοιο. ### book 1.435.2 Δήεις δ’ ἄστρον ἐκεῖνο δύω ὑποκείμενον ἄλλοις· ### book 1.435.3 τοῦ γάρ τοι τὰ μὲν ἀνδρὶ ἐοικότα νειόθι κεῖται ### book 1.435.4 Σκορπίου, ἱππούραια δ’ ὑπὸ σφίσι Χηλαὶ ἔχουσιν. ### book 1.435.5 Αὐτὰρ ὁ δεξιτερὴν αἰεὶ τανύοντι ἔοικεν ### book 1.440.1 ἀντία δινωτοῖο Θυτηρίου. Ἐν δέ οἱ ἀπρὶξ ### book 1.440.2 ἄλλο μάλ’ ἐσφήκωται, ἐληλάμενον διὰ χειρός, ### book 1.440.3 Θηρίον· ὣς γάρ μιν πρότεροι ἐπεφημίξαντο. ### book 1.440.4 Ἀλλ’ ἔτι γάρ τι καὶ ἄλλο περαιόθεν ἕλκεται ἄστρον· ### book 1.440.5 Ὕδρην μιν καλέουσι· τὸ δὲ ζώοντι ἐοικὸς ### book 1.445.1 ἠνεκὲς εἰλεῖται, καί οἱ κεφαλὴ ὑπὸ μέσσον ### book 1.445.2 Καρκίνον ἱκνεῖται, σπείρη δ’ ὑπὸ σῶμα Λέοντος· ### book 1.445.3 οὐρὴ δὲ κρέμαται ὑπὲρ αὐτοῦ Κενταύροιο. ### book 1.1 Μέσσῃ δὲ σπείρῃ Κρητήρ, πυμάτῃ δ’ ἐπίκειται ### book 1.2 εἴδωλον Κόρακος σπείρην κόπτοντι ἐοικός. ### book 1.1 Ναὶ μὴν καὶ Προκύων Διδύμοις ὕπο καλὰ φαείνει. ### book 1.2 Ταῦτά κε θηήσαιο παρερχομένων ἐνιαυτῶν ### book 1.3 ἑξείης παλίνωρα· τὰ γὰρ καὶ πάντα μάλ’ αὕτως ### book 1.4 οὐρανῷ εὖ ἐνάρηρεν ἀγάλματα νυκτὸς ἰούσης. ### book 1.5 Οἱ δ’ ἐπιμὶξ ἄλλοι πέντ’ ἀστέρες οὐδὲν ὁμοῖοι ### book 1.455.1 πάντοθεν εἰδώλων δυοκαίδεκα δινεύονται. ### book 1.455.2 Οὐκ ἂν ἔτ’ εἰς ἄλλους ὁρόων ἐπιτεκμήραιο ### book 1.1 κείνων ἧχι κέονται, ἐπεὶ πάντες μετανάσται. ### book 1.2 Μακροὶ δέ σφεών εἰσιν ἑλισσομένων ἐνιαυτοί, ### book 1.3 μακρὰ δὲ σήματα κεῖται ἀπόπροθεν εἰς ἓν ἰόντων, ### book 1.460.1 οὐδ’ ἔτι θαρσαλέος κείνων ἐγὼ ἄρκιος εἴην ### book 1.460.2 ἀπλανέων τά τε κύκλα τά τ’ αἰθέρι σήματ’ ἐνισπεῖν. ### book 1.460.3 Ἤτοι μὲν τάγε κεῖται ἀλίγκια δινωτοῖσιν, ### book 1.460.4 τέσσαρα, τῶν κε μάλιστα ποθὴ ὄφελός τε γένοιτο ### book 1.460.5 μέτρα περισκοπέοντι κατανομένων ἐνιαυτῶν. ### book 1.465 Σήματα δ’ εὖ μάλα πᾶσιν ἐπιρρήδην περίκειται ### book 1.1 πολλά τε καὶ σχεδόθεν πάντη συνεερμένα πάντα. ### book 1.2 Αὐτοὶ δ’ ἀπλατέες καὶ ἀρηρότες ἀλλήλοισιν ### book 1.3 πάντες· ἀτὰρ μέτρῳ γε δύω δυσὶν ἀντιφέρονται. ### book 1.4 Εἴ ποτέ τοι νυκτὸς καθαρῆς, ὅτε πάντας ἀγαυοὺς ### book 1.470.1 ἀστέρας ἀνθρώποις ἐπιδείκνυται οὐρανίη Νύξ, ### book 1.470.2 οὐδέ τις ἀδρανέων φέρεται διχόμηνι σελήνῃ, ### book 1.470.3 ἀλλὰ τάγε κνέφαος διαφαίνεται ὀξέα πάντα, ### book 1.470.4 εἴ ποτέ τοι τῆμόσδε περὶ φρένας ἵκετο θαῦμα ### book 1.470.5 σκεψαμένῳ πάντη κεκεασμένον εὐρέϊ κύκλῳ ### book 1.475.1 οὐρανόν, ἢ καί τίς τοι ἐπιστὰς ἄλλος ἔδειξεν ### book 1.475.2 κεῖνο περιγληνὲς τροχαλόν, Γάλα μιν καλέουσιν. ### book 1.475.3 Τῷ δή τοι χροιὴν μὲν ἀλίγκιος οὐκέτι κύκλος ### book 1.475.4 δινεῖται, τὰ δὲ μέτρα τόσοι πισύρων περ ἐόντων ### book 1 οἱ δύο, τοὶ δέ σφεων μέγα μείονες εἱλίσσονται. ### book 1.480.1 Τῶν ὁ μὲν ἐγγύθεν ἐστὶ κατερχομένου βορέαο. ### book 1.480.2 Ἐν δέ οἱ ἀμφότεραι κεφαλαὶ Διδύμων φορέονται, ### book 1.480.3 ἐν δέ τε γούνατα κεῖται ἀρηρότος Ἡνιόχοιο, ### book 1.480.4 λαιὴ δὲ κνήμη καὶ ἀριστερὸς ὦμος ἐπ’ αὐτῷ ### book 1.480.5 Περσέος, Ἀνδρομέδης δὲ μέσην ἀγκῶνος ὕπερθεν ### book 1.485.1 δεξιτερὴν ἐπέχει· τὸ μέν οἱ θέναρ ὑψόθι κεῖται ### book 1.485.2 ἀσσότερον βορέαο, νότῳ δ’ ἐπικέκλιται ἀγκών. ### book 1.485.3 Ὁπλαὶ δ’ Ἵππειοι, καὶ ὑπαύχενον Ὀρνίθειον ### book 1.485.4 ἄκρῃ σὺν κεφαλῇ, καλοί τ’ Ὀφιούχεοι ὦμοι ### book 1.485.5 αὐτὸν δινεύονται ἐληλάμενοι περὶ κύκλον. ### book 1.490.1 Ἡ δ’ ὀλίγον φέρεται νοτιωτέρη, οὐδ’ ἐπιβάλλει, ### book 1.490.2 Παρθένος, ἀλλὰ Λέων καὶ Καρκίνος. Οἱ μὲν ἅμ’ ἄμφω ### book 1.490.3 ἑξείης κέαται βεβλημένοι, αὐτὰρ ὁ κύκλος ### book 1.490.4 τὸν μὲν ὑπὸ στῆθος καὶ γαστέρα μέχρι παρ’ αἰδῶ ### book 1.490.5 τέμνει, τὸν δὲ διηνεκέως ὑπένερθε χελείου ### book 1.495.1 Καρκίνον, ἧχι μάλιστα διχαιόμενόν κε νοήσαις ### book 1.495.2 ὀρθόν, ἵν’ ὀφθαλμοὶ κύκλου ἑκάτερθεν ἴοιεν. ### book 1.495.3 Τοῦ μὲν, ὅσον τε μάλιστα, δι’ ὀκτὼ μετρηθέντος, ### book 1.1 πέντε μὲν ἔνδια στρέφεται καθ’ ὑπέρτερα γαίης, ### book 1.2 τὰ τρία δ’ ἐν περάτῃ· θέρεος δέ οἱ ἐν τροπαί εἰσιν. ### book 1.1 Ἀλλ’ ὁ μὲν ἐν βορέω περὶ Καρκίνον ἐστήρικται. ### book 1.2 Ἄλλος δ’ ἀντιόωντι νότῳ μέσον Αἰγοκερῆα ### book 1.3 τέμνει καὶ πόδας Ὑδροχόου καὶ Κήτεος οὐρήν· ### book 1.4 ἐν δέ οἵ ἐστι Λαγωός· ἀτὰρ Κυνὸς οὐ μάλα πολλὴν ### book 1.5 αἴνυται, ἀλλ’ ὁπόσην ἐπέχει ποσίν· ἐν δέ οἱ Ἀργὼ ### book 1.505 καὶ μέγα Κενταύροιο μετάφρενον, ἐν δέ τε κέντρον ### book 1.1 Σκορπίου· ἐν καὶ τόξον ἐλαφροῦ Τοξευτῆρος. ### book 1.2 Τὸν πύματον καθαροῖο παρερχόμενος βορέαο ### book 1.3 ἐς νότον ἠέλιος φέρεται, τρέπεταί γε μὲν αὐτοῦ ### book 1.4 χειμέριος. Καί οἱ τρία μὲν περιτέλλεται ὑψοῦ ### book 1.510.1 τῶν ὀκτώ, τὰ δὲ πέντε κατώρυχα δινεύονται. ### book 1.510.2 Μεσσόθι δ’ ἀμφοτέρων, ὅσσος πολιοῖο γάλακτος, ### book 1.1 γαῖαν ὑποστρέφεται κύκλος διχόωντι ἐοικώς· ### book 1.2 ἐν δέ οἱ ἤματα νυξὶν ἰσαίεται ἀμφοτέρῃσιν, ### book 1.3 φθίνοντος θέρεος, τοτὲ δ’ εἴαρος ἱσταμένοιο. ### book 1.515.1 Σῆμα δέ οἱ Κριὸς Ταύροιό τε γούνατα κεῖται, ### book 1.515.2 Κριὸς μὲν κατὰ μῆκος ἐληλάμενος διὰ κύκλου, ### book 1.515.3 Ταύρου δὲ σκελέων ὅσση περιφαίνεται ὀκλάς. ### book 1.515.4 Ἐν δέ τέ οἱ ζώνη εὐφεγγέος Ὠρίωνος ### book 1.515.5 καμπή τ’ αἰθομένης Ὕδρης· ἐνί οἱ καὶ ἐλαφρὸς ### book 1.520.1 Κρητήρ, ἐν δὲ Κόραξ, ἐνὶ δ’ ἀστέρες οὐ μάλα πολλοὶ ### book 1.520.2 Χηλάων· ἐν τῷ δ’ Ὀφιούχεα γοῦνα φορεῖται. ### book 1.1 Οὐ μὴν Αἰητοῦ ἀπαμείρεται, ἀλλά οἱ ἐγγὺς ### book 1.2 Ζηνὸς ἀητεῖται μέγας ἄγγελος. Ἡ δὲ κατ’ αὐτὸν ### book 1.3 Ἱππείη κεφαλὴ καὶ ὑπαύχενον εἱλίσσονται. ### book 1.525.1 Τοὺς μὲν παρβολάδην ὀρθοὺς περιβάλλεται ἄξων, ### book 1.525.2 μεσσόθι πάντας ἔχων· ὁ δὲ τέτρατος ἐσφήκωται ### book 1.525.3 λοξὸς ἐν ἀμφοτέροις, οἵ μίν ῥ’ ἑκάτερθεν ἔχουσιν ### book 1.525.4 ἀντιπέρην τροπικοί, μέσσος δέ ἑ μεσσόθι τέμνει. ### book 1 Οὔ κεν Ἀθηναίης χειρῶν δεδιδαγμένος ἀνὴρ ### book 1.530.1 ἄλλῃ κολλήσαιτο κυλινδόμενα τροχάλεια ### book 1.530.2 τοῖά τε καὶ τόσα, πάντα περὶ σφαιρηδὸν ἑλίσσων· ### book 1.530.3 ὣς τάγ’ ἐναιθέρια πλαγίῳ συναρηρότα κύκλῳ ### book 1.1 ἐξ ἠοῦς ἐπὶ νύκτα διώκεται ἤματα πάντα. ### book 1.2 Καὶ τὰ μὲν ἀντέλλει καὶ αὐτίκα νειόθι δύνει ### book 1.535.1 πάντα παραβλήδην· μία δέ σφεών ἐστιν ἑκάστου ### book 1.535.2 ἑξείης ἑκάτερθε κατηλυσίη τ’ ἄνοδός τε. ### book 1.535.3 Αὐτὰρ ὅγ’ ὠκεανοῖο τόσον παραμείβεται ὕδωρ, ### book 1.535.4 ὅσσον ἀπ’ Αἰγοκερῆος ἀνερχομένοιο μάλιστα ### book 1.535.5 Καρκίνον εἰς ἀνιόντα κυλίνδεται. Ὅσσον ἁπάντη ### book 1.540.1 ἀντέλλων ἐπέχει, τόσσον γε μὲν ἄλλοθι δύνων. ### book 1.540.2 Ὅσσον δ’ ὀφθαλμοῖο βολῆς ἀποτείνεται αὐγή, ### book 1.540.3 ἑξάκις ἂν τόσση μιν ὑποδράμοι· αὐτὰρ ἑκάστη ### book 1.540.4 ἴση μετρηθεῖσα δύω περιτέμνεται ἄστρα. ### book 1 Ζωϊδίων δέ ἑ κύκλον ἐπίκλησιν καλέουσιν. ### book 1.545.1 Τῷ ἔνι Καρκίνος ἐστί, Λέων ἐπὶ τῷ, μετὰ δ’ αὐτὸν ### book 1.545.2 Παρθένος· αἱ δ’ ἐπί οἱ Χηλαὶ καὶ Σκορπίος αὐτὸς ### book 1.545.3 Τοξευτής τε καὶ Αἰγόκερως, ἐπὶ δ’ Αἰγοκερῆϊ ### book 1.545.4 Ὑδροχόος· δύο δ’ αὐτῷ ἔπ’ Ἰχθύες ἀστερόεντες, ### book 1.545.5 τοὺς δὲ μέτα Κριός, Ταῦρος δ’ ἐπὶ τῷ Δίδυμοί τε. ### book 1.1 Ἐν τοῖς ἠέλιος φέρεται δυοκαίδεκα πᾶσιν ### book 1.2 πάντ’ ἐνιαυτὸν ἄγων, καί οἱ περὶ τοῦτον ἰόντι ### book 1.3 κύκλον ἀέξονται πᾶσαι ἐπικάρπιοι ὧραι. ### book 1.4 Τοῦ δ’ ὅσσον κοίλοιο κατ’ ὠκεανοῖο δύηται, ### book 1.5 τόσσον ὑπὲρ γαίης φέρεται· πάσῃ δ’ ἐπὶ νυκτὶ ### book 1.555.1 ἓξ αἰεὶ δύνουσι δυωδεκάδες κύκλοιο, ### book 1.555.2 τόσσαι δ’ ἀντέλλουσι. Τόσον δ’ ἐπὶ μῆκος ἑκάστη ### book 1.555.3 νὺξ αἰεὶ τετάνυσται, ὅσον τέ περ ἥμισυ κύκλου ### book 1.555.4 ἀρχομένης ἀπὸ νυκτὸς ἀείρεται ὑψόθι γαίης. ### book 1 Οὔ κεν ἀπόβλητον δεδοκημένῳ ἤματος εἴη ### book 1.560.1 μοιράων σκέπτεσθαι ὅτ’ ἀντέλλῃσιν ἑκάστη· ### book 1.560.2 αἰεὶ γὰρ τάων γε μιῇ συνανέρχεται αὐτὸς ### book 1.560.3 ἠέλιος. Τὰς δ’ ἄν κε περισκέψαιο μάλιστα ### book 1.560.4 εἰς αὐτὰς ὁρόων· ἀτὰρ εἰ νεφέεσσι μέλαιναι ### book 1.560.5 γίνοιντ’ ἢ ὄρεος κεκρυμμέναι ἀντέλλοιεν, ### book 1.565.1 σήματ’ ἐπερχομένῃσιν ἀρηρότα ποιήσασθαι. ### book 1.565.2 Αὐτὸς δ’ ἂν μάλα τοι κεράων ἑκάτερθε διδοίη ### book 1.565.3 ὠκεανὸς τά τε πολλὰ περιστέφεται ἑοῖ αὐτῷ ### book 1.1 νειόθεν ὁππῆμος κείνων φορέῃσιν ἑκάστην. ### book 1.2 Οὔ οἱ ἀφαυρότατοι, ὅτε Καρκίνος ἀντέλλῃσιν, ### book 1.570.1 ἀστέρες ἀμφοτέρωθεν ἑλισσόμενοι περίκεινται, ### book 1.570.2 τοὶ μὲν δύνοντες, τοὶ δ’ ἐξ ἑτέρης ἀνιόντες. ### book 1.570.3 Δύνει μὲν Στέφανος, δύνει δὲ κατὰ ῥάχιν Ἰχθῦς· ### book 1.570.4 ἥμισυ μέν κεν ἴδοιο μετήορον, ἥμισυ δ’ ἤδη ### book 1.570.5 ἐσχατιαὶ βάλλουσι κατερχομένου Στεφάνοιο. ### book 1.575.1 Αὐτὰρ ὅγ’ ἐξόπιθεν τετραμμένος ἄλλα μὲν οὔπω ### book 1.575.2 γαστέρι νειαίρῃ, τὰ δ’ ὑπέρτερα νυκτὶ φορεῖται. ### book 1.575.3 Τὸν δὲ καὶ εἰς ὤμους κατάγει μογερὸν Ὀφιοῦχον ### book 1.575.4 Καρκίνος ἐκ γονάτων, κατάγει δ’ Ὄφιν αὐχένος ἐγγύς. ### book 1.575.5 Οὐδ’ ἂν ἔτ’ Ἀρκτοφύλαξ εἴη πολὺς ἀμφοτέρωθεν, ### book 1.580.1 μείων ἠμάτιος, τὸ δ’ ἐπὶ πλέον ἔννυχος ἤδη. ### book 1.580.2 Τέτρασι γὰρ μοίραις ἄμυδις κατιόντα Βοώτην ### book 1.580.3 ὠκεανὸς δέχεται· ὁ δ’ ἐπὴν φάεος κορέσηται, ### book 1.580.4 βουλυτῷ ἐπέχει πλεῖον δίχα νυκτὸς ἰούσης, ### book 1.580.5 ἦμος ὅτ’ ἠελίοιο κατερχομένοιο δύηται. ### book 1.585.1 Κεῖναί οἱ καὶ νύκτες ἐπ’ ὀψὲ δύοντι λέγονται. ### book 1.585.2 Ὥς οἱ μὲν δύνουσιν, ὁ δ’ ἀντίος οὐδὲν ἀεικής, ### book 1.585.3 ἀλλ’ εὖ μὲν ζώνῃ εὖ δ’ ἀμφοτέροισι φαεινὸς ### book 1.585.4 ὤμοις Ὠρίων, ξίφεός γε μὲν ἶφι πεποιθώς, ### book 1 πάντα φέρων Ποταμόν, κέραος παρατείνεται ἄλλου. ### book 1.590.1 Ἐρχομένῳ δὲ Λέοντι τὰ μὲν κατὰ πάντα φέρονται ### book 1.590.2 Καρκίνῳ ὅσς’ ἐδύοντο, καὶ Αἰετός. Αὐτὰρ ὅγε γνὺξ ### book 1.590.3 ἥμενος ἄλλα μὲν ἤδη, ἀτὰρ γόνυ καὶ πόδα λαιὸν ### book 1.590.4 οὔπω κυμαίνοντος ὑποστρέφει ὠκεανοῖο. ### book 1.590.5 Ἀντέλλει δ’ Ὕδρης κεφαλὴ χαροπός τε Λαγωὸς ### book 1.595.1 καὶ Προκύων πρότεροί τε πόδες Κυνὸς αἰθομένοιο. ### book 1.595.2 Οὐ μέν θην ὀλίγους γαίης ὑπὸ νείατα βάλλει ### book 1.595.3 Παρθένος ἀντέλλουσα. Λύρη τότε Κυλληναίη ### book 1.595.4 καὶ Δελφὶς δύνουσι καὶ εὐποίητος Ὀϊστός. ### book 1.595.5 Σὺν τοῖς Ὄρνιθος πρῶτα πτερὰ μέσφα παρ’ αὐτὴν ### book 1.1 οὐρὴν καὶ Ποταμοῖο παρηορίαι σκιόωνται. ### book 1.2 Δύνει δ’ Ἱππείη κεφαλή, δύνει δὲ καὶ αὐχήν. ### book 1.3 Ἀντέλλει δ’ Ὕδρη μὲν ἐπὶ πλέον ἄχρι παρ’ αὐτὸν ### book 1.4 Κρητῆρα. Φθάμενος δὲ Κύων πόδας αἴνυται ἄλλους, ### book 1.5 ἕλκων ἐξόπιθεν πρύμναν πολυτειρέος Ἀργοῦς. ### book 1.605 Ἡ δὲ θέει γαίης ἱστὸν διχόωσα κατ’ αὐτόν, ### book 1.1 Παρθένος ἦμος ἅπασα περαιόθεν ἄρτι γένηται. ### book 1.2 Οὐδ’ ἂν ἐπερχόμεναι Χηλαὶ καὶ λεπτὰ φάουσαι ### book 1.3 ἄφραστοι παρίοιεν, ἐπεὶ μέγα σῆμα Βοώτης ### book 1.4 ἀθρόος ἀντέλλει βεβολημένος Ἀρκτούροιο. ### book 1.610.1 Ἀργὼ δ’ εὖ μάλα πᾶσα μετήορος ἵσταται ἤδη· ### book 1.610.2 ἀλλ’ Ὕδρη, κέχυται γὰρ ἐν οὐρανῷ ἤλιθα πολλή, ### book 1.610.3 οὐρῆς ἂν δεύοιτο. Μόνην δ’ ἐπὶ Χηλαὶ ἄγουσιν ### book 1.610.4 δεξιτερὴν κνήμην, αὐτῆς ἐπιγουνίδος ἄχρις, ### book 1.615.1 αἰεὶ γνύξ, αἰεὶ δὲ Λύρῃ παραπεπτηῶτος, ### book 1.615.2 ὅντινα τοῦτον ἄϊστον ὑπουρανίων εἰδώλων, ### book 1.615.3 ἀμφότερον δύνοντα καὶ ἐξ ἑτέρης ἀνιόντα ### book 1.615.4 πολλάκις αὐτονυχεὶ θηεύμεθα. Τοῦ μὲν ἄρ’ οἴη ### book 1.615.5 κνήμη σὺν Χηλῇσι φαείνεται ἀμφοτέρῃσιν· ### book 1.620.1 αὐτὸς δ’ ἐς κεφαλὴν ἔτι που τετραμμένος ἄλλῃ ### book 1.620.2 Σκορπίον ἀντέλλοντα μένει καὶ ῥύτορα Τόξου· ### book 1.620.3 οἱ γάρ μιν φορέουσιν, ὁ μὲν μέσον ἄλλα τε πάντα, ### book 1.620.4 χεῖρα δέ οἱ σκαιὴν κεφαλῇ ἅμα Τόξον ἀγινεῖ· ### book 1.620.5 ἀλλ’ ὁ μὲν ὣς τρίχα πάντα καταμελεϊστὶ φορεῖται· ### book 1.625.1 Ἥμισυ δὲ Στεφάνοιο καὶ αὐτὴν ἔσχατον οὐρὴν ### book 1.625.2 Κενταύρου φορέουσιν ἀνερχόμεναι ἔτι Χηλαί. ### book 1.625.3 Τῆμος ἀποιχομένην κεφαλὴν μέτα δύεται Ἵππος, ### book 1.625.4 καὶ προτέρου Ὄρνιθος ἐφέλκεται ἔσχατος οὐρή. ### book 1.625.5 Δύνει δ’ Ἀνδρομέδης κεφαλή· τὸ δέ οἱ μέγα δεῖμα ### book 1.630 Κήτεος ἠερόεις ἐπάγει νότος· ἀντία δ’ αὐτὸς ### book 1.1 Κηφεὺς ἐκ βορέω μεγάλῃ ἀνὰ χειρὶ κελεύει. ### book 1.2 Καὶ τὸ μὲν ἐς λοφιὴν τετραμμένον ἄχρι παρ’ αὐτὴν ### book 1.3 δύνει, ἀτὰρ Κηφεὺς κεφαλῇ καὶ χειρὶ καὶ ὤμοις. ### book 1.4 Καμπαὶ δ’ ἂν Ποταμοῖο καὶ αὐτίκ’ ἐπερχομένοιο ### book 1.635 Σκορπίου ἐμπίπτοιεν ἐϋρρόου ὠκεανοῖο· ### book 1.1 ὃς καὶ ἐπερχόμενος φοβέει μέγαν Ὠρίωνα. ### book 1.2 Ἄρτεμις ἱλήκοι· προτέρων λόγος, οἵ μιν ἔφαντο ### book 1.3 ἑλκῆσαι πέπλοιο, Χίῳ ὅτε θηρία πάντα ### book 1.4 καρτερὸς Ὠρίων στιβαρῇ ἐπέκοπτε κορύνῃ, ### book 1.640.1 θήρης ἀρνύμενος κείνῳ χάριν Οἰνοπίωνι. ### book 1.640.2 Ἡ δέ οἱ ἐξαυτῆς ἐπετείλατο θηρίον ἄλλο, ### book 1.640.3 νήσου ἀναρρήξασα μέσας ἑκάτερθε κολώνας, ### book 1.640.4 σκορπίον, ὅς ῥά μιν οὖτα καὶ ἔκτανε πολλὸν ἐόντα ### book 1.640.5 πλειότερος προφανείς, ἐπεὶ Ἄρτεμιν ἤκαχεν αὐτήν. ### book 1.645.1 Τοὔνεκα δὴ καί φασι περαιόθεν ἐρχομένοιο ### book 1.645.2 Σκορπίου Ὠρίωνα περὶ χθονὸς ἔσχατα φεύγειν. ### book 1.645.3 Οὐδὲ μὲν Ἀνδρομέδης καὶ Κήτεος ὅσς’ ἐλέλειπτο ### book 1.1 κείνου ἔτ’ ἀντέλλοντος ἀπευθέες, ἀλλ’ ἄρα καὶ τοὶ ### book 1.2 πανσυδίῃ φεύγουσιν· ὁ δὲ ζώνῃ τότε Κηφεὺς ### book 1.1 γαῖαν ἐπιξύει, τὰ μὲν ἐς κεφαλὴν μάλα πάντα ### book 1.2 βάπτων ὠκεανοῖο, τὰ δ’ οὐ θέμις, ἀλλὰ τάγ’ αὐταὶ ### book 1.3 Ἄρκτοι κωλύουσι, πόδας καὶ γοῦνα καὶ ἰξύν. ### book 1.4 Ἡ δὲ καὶ αὐτὴ παιδὸς ἐπείγεται εἰδώλοιο ### book 1.5 δειλὴ Κασσιέπεια· τὰ δ’ οὐκέτι οἱ κατὰ κόσμον ### book 1.655.1 φαίνεται ἐκ δίφροιο πόδες καὶ γούναθ’ ὕπερθεν, ### book 1.655.2 ἀλλ’ ἥγ’ ἐς κεφαλὴν ἴση δύετ’ ἀρνευτῆρι ### book 1.1 μειρομένη γονάτων, ἐπεὶ οὐκ ἂρ ἔμελλεν ἐκείνη ### book 1.2 Δωρίδι καὶ Πανόπῃ μεγάλων ἄτερ ἰσώσασθαι. ### book 1.3 Ἡ μὲν ἄρ’ εἰς ἑτέρην φέρεται· τὰ δὲ νειόθεν ἄλλα ### book 1.660.1 οὐρανὸς ἀντιφέρει, Στεφάνοιό τε δεύτερα κύκλα ### book 1.660.2 Ὕδρης τ’ ἐσχατιήν· φορέει τ’ ἐπὶ Κενταύροιο ### book 1.660.3 σῶμά τε καὶ κεφαλήν, καὶ Θηρίον ὅ ῥ’ ἐνὶ χειρὶ ### book 1.1 δεξιτερῇ Κένταυρος ἔχει. Τοὶ δ’ αὖθι μένουσιν ### book 1.2 Τόξον ἐπερχόμενον πρότεροι πόδες ἱππότα φηρός. ### book 1.665.1 Τόξῳ καὶ σπείρη Ὄφιος καὶ σῶμ’ Ὀφιούχου ### book 1.665.2 ἀντέλλει ἐπιόντι· καρήατα δ’ αὐτὸς ἀγινεῖ ### book 1.665.3 Σκορπίος ἀντέλλων, ἀνάγει δ’ αὐτὰς Ὀφιούχου ### book 1.665.4 χεῖρας καὶ προτέρην Ὄφιος πολυτειρέος ἀγήν. ### book 1.665.5 Τοῦ γε μὲν Ἐνγόνασιν (περὶ γὰρ τετραμμένος αἰεὶ ### book 1.670.1 ἀντέλλει) τότε μὲν περάτης ἐξέρχεται ἄλλα, ### book 1.670.2 γυῖά τε καὶ ζώνη καὶ στήθεα πάντα καὶ ὦμος ### book 1.670.3 δεξιτερῇ σὺν χειρί· κάρη δ’ ἑτέρης μετὰ χειρὸς ### book 1.670.4 τόξῳ ἀνέρχονται καὶ Τοξότῃ ἀντέλλοντι. ### book 1.670.5 Σὺν τοῖς Ἑρμαίη τε Λύρη καὶ στήθεος ἄχρις ### book 1.675 Κηφεὺς ἠῴου παρελαύνεται ὠκεανοῖο, ### book 1.1 ἦμος καὶ μεγάλοιο Κυνὸς πᾶσαι ἀμαρυγαὶ ### book 1.2 δύνουσιν, καὶ πάντα κατέρχεται Ὠρίωνος, ### book 1.3 πάντα γε μὴν ἀτέλεστα διωκομένοιο Λαγωοῦ. ### book 1.4 Ἀλλ’ οὐχ Ἡνιόχῳ Ἔριφοι οὐδ’ Ὠλενίη Αἲξ ### book 1.680.1 εὐθὺς ἀπέρχονται· τά τέ οἱ μεγάλην ἀνὰ χεῖρα ### book 1.680.2 λάμπονται, καί οἱ μελέων διακέκριται ἄλλων ### book 1.680.3 κινῆσαι χειμῶνας, ὅτ’ ἠελίῳ συνίωσιν. ### book 1.680.4 Ἀλλὰ τὰ μέν, κεφαλήν τε καὶ ἄλλην χεῖρα καὶ ἰξύν, ### book 1.680.5 Αἰγόκερως ἀνιὼν κατάγει· τὰ δὲ νείατα πάντα ### book 1.685.1 αὐτῷ Τοξευτῆρι κατέρχεται. Οὐδέ τι Περσεύς, ### book 1.685.2 οὐδέ τι ἄκρα κόρυμβα μένει πολυτειρέος Ἀργοῦς· ### book 1.685.3 ἀλλ’ ἤτοι Περσεὺς μὲν ἄτερ γουνός τε ποδός τε ### book 1.685.4 δεξιτεροῦ δύεται, πρύμνης δ’ ὅσον ἐς περιαγήν· ### book 1.685.5 αὐτὴ δ’ Αἰγοκερῆϊ κατέρχεται ἀντέλλοντι, ### book 1.690.1 ἦμος καὶ Προκύων δύεται, τὰ δ’ ἀνέρχεται ἄλλα, ### book 1.690.2 Ὄρνις τ’ Αἰητός τε, τά τε πτερόεντος Ὀϊστοῦ ### book 1.690.3 τείρεα, καὶ νοτίοιο Θυτηρίου ἱερὸς ἕδρη. ### book 1.1 Ἵππος δ’ Ὑδροχόοιο μέσον περιτελλομένοιο ### book 1.2 ποσσί τε καὶ κεφαλῇ ἀνελίσσεται· ἀντία δ’ Ἵππου ### book 1.695 ἐξ οὐρῆς Κένταυρον ἐφέλκεται ἀστερίη νύξ. ### book 1.1 Ἀλλ’ οὔ οἱ δύναται κεφαλὴν οὐδ’ εὐρέας ὤμους ### book 1.2 αὐτῷ σὺν θώρηκι χαδεῖν, ἀλλ’ αἴθοπος Ὕδρης ### book 1.3 αὐχενίην κατάγει σπείρην καὶ πάντα μέτωπα. ### book 1.4 Ἡ δὲ καὶ ἐξόπιθεν πολλὴ μένει· ἀλλ’ ἄρα καὶ τὴν ### book 1.1 αὐτῷ Κενταύρῳ, ὁπότ’ Ἰχθύες ἀντέλλωσιν, ### book 1.2 ἀθρόον ἐμφέρεται. Ὁ δ’ ἐπ’ Ἰχθύσιν ἔρχεται Ἰχθῦς ### book 1.3 αὐτῷ κυανέῳ ὑποκείμενος Αἰγοκερῆι· ### book 1.4 οὐ μὲν ἄδην, ὀλίγον δὲ δυωδεκάδ’ ἀμμένει ἄλλην. ### book 1.5 Οὕτω καὶ μογεραὶ χεῖρες καὶ γοῦνα καὶ ὦμοι ### book 1.705.1 Ἀνδρομέδης δίχα πάντα, τὰ μὲν πάρος, ἄλλα δ’ ὀπίσσω ### book 1.705.2 τείνεται, ὠκεανοῖο νέον ὁπότε προγένωνται ### book 1.705.3 Ἰχθύες ἀμφότεροι· τά γε μὲν κατὰ δεξιὰ χειρὸς ### book 1.705.4 αὐτοὶ ἐφέλκονται, τὰ δ’ ἀριστερὰ νειόθεν ἕλκει ### book 1 Κριὸς ἀνερχόμενος. Τοῦ καὶ περιτελλομένοιο ### book 1.710.1 ἑσπερόθεν κεν ἴδοιο Θυτήριον, αὐτὰρ ἐν ἄλλῃ ### book 1.710.2 Περσέος ἀντέλλοντος ὅσον κεφαλήν τε καὶ ὤμους· ### book 1.710.3 αὐτὴ δὲ ζώνη καί κ’ ἀμφήριστα πέλοιτο ### book 1.1 ἢ Κριῷ λήγοντι φαείνεται ἢ ἐπὶ Ταύρῳ· ### book 1.2 σὺν τῷ πανσυδίῃ ἀνελίσσεται. Οὐδ’ ὅγε Ταύρου ### book 1.715.1 λείπεται ἀντέλλοντος, ἐπεὶ μάλα οἱ συναρηρὼς ### book 1.715.2 Ἡνίοχος φέρεται· μοίρῃ γε μὲν οὐκ ἐπὶ ταύτῃ ### book 1.715.3 ἀθρόος ἀντέλλει, Δίδυμοι δέ μιν οὖλον ἄγουσιν. ### book 1.1 Ἀλλ’ Ἔριφοι λαιοῦ τε θέναρ ποδὸς Αἰγὶ σὺν αὐτῇ ### book 1.2 Ταύρῳ συμφορέονται, ὅτε λοφιή τε καὶ οὐρὴ ### book 1.720.1 Κήτεος αἰθερίοιο περαιόθεν ἀντέλλωσιν. ### book 1.720.2 Δύνει δ’ Ἀρκτοφύλαξ ἤδη πρώτῃ τότε μοίρῃ ### book 1.720.3 τάων, αἳ πίσυρές μιν ἄτερ χειρὸς κατάγουσιν ### book 1.1 λαιῆς· ἡ δ’ αὐτῷ μεγάλης ὑποτείνεται Ἄρκτου. ### book 1.2 Ἀμφότεροι δὲ πόδες καταδυομένου Ὀφιούχου, ### book 1.725.1 μέσφ’ αὐτῶν γονάτων Διδύμοις ἔπι σῆμα τετύχθω ### book 1.725.2 ἐξ ἑτέρης ἀνιοῦσι. Τότ’ οὐκέτι Κήτεος οὐδὲν ### book 1.725.3 ἕλκεται ἀμφοτέρωθεν, ὅλον δέ μιν ὄψεαι ἤδη. ### book 1.725.4 Ἤδη καὶ Ποταμοῦ πρώτην ἁλὸς ἐξανιοῦσαν ### book 1.725.5 καμπὴν ἐν καθαρῷ πελάγει σκέψαιτό κε ναύτης, ### book 1.730.1 αὐτὸν ἐπ’ Ὠρίωνα μένων, εἴ οἵ ποθι σῆμα ### book 1.730.2 ἢ νυκτὸς μέτρων ἠὲ πλόου ἀγγείλειεν· ### book 1.730.3 πάντη γὰρ τάγε πολλὰ θεοὶ ἄνδρεσσι λέγουσιν. ### book 1.1 Οὐχ ὁράᾳς; ὀλίγη μὲν ὅταν κεράεσσι σελήνη ### book 1.2 ἑσπερόθεν φαίνηται, ἀεξομένοιο διδάσκει ### book 1.735.1 μηνός· ὅτε πρώτη ἀποκίδναται αὐτόθεν αὐγή, ### book 1.735.2 ὅσσον ἐπισκιάειν, ἐπὶ τέτρατον ἦμαρ ἰοῦσα· ### book 1.1 ὀκτὼ δ’ ἐν διχάσιν, διχόμηνα δὲ παντὶ προσώπῳ. ### book 1.2 Αἰεὶ δ’ ἄλλοθεν ἄλλα παρακλίνουσα μέτωπα ### book 1.3 εἴρει ὁποσταίη μηνὸς περιτέλλεται ἠώς. ### book 1.740.1 Ἄκρα γε μὲν νυκτῶν κεῖναι δυοκαίδεκα μοῖραι ### book 1.740.2 ἄρκιαι ἐξειπεῖν. Τὰ δέ που μέγαν εἰς ἐνιαυτόν, ### book 1.740.3 ὥρη μέν τ’ ἀρόσαι νειούς, ὥρη δὲ φυτεῦσαι, ### book 1.1 ἐκ Διὸς ἤδη πάντα πεφασμένα πάντοθι κεῖται. ### book 1.2 Καὶ μέν τις καὶ νηῒ πολυκλύστου χειμῶνος ### book 1.745.1 ἐφράσατ’ ἢ δεινοῦ μεμνημένος Ἀρκτούροιο ### book 1.745.2 ἠέ τεων ἄλλων, οἵ τ’ ὠκεανοῦ ἀρύονται ### book 1.745.3 ἀστέρες ἀμφιλύκης, οἵ τε πρώτης ἔτι νυκτός. ### book 1.745.4 Ἤτοι γὰρ τοὺς πάντας ἀμείβεται εἰς ἐνιαυτὸν ### book 1.745.5 ἠέλιος, μέγαν ὄγμον ἐλαύνων, ἄλλοτε δ’ ἄλλῳ ### book 1 ἐμπλήσσει, τοτὲ μέν τ’ ἀνιών, τοτὲ δ’ αὐτίκα δύνων· ### book 1.1 ἄλλος δ’ ἀλλοίην ἀστὴρ ἐπιδέρκεται ἠῶ. ### book 1.2 Γινώσκεις τάδε καὶ σύ. Τὰ γὰρ συναείδεται ἤδη ### book 1.1 ἐννεακαίδεκα κύκλα φαεινοῦ ἠελίοιο, ### book 1.2 ὅσσα τ’ ἀπὸ ζώνης εἰς ἔσχατον Ὠρίωνα ### book 1.755.1 νὺξ ἐπιδινεῖται, Κύνα τε θρασὺν Ὠρίωνος, ### book 1.755.2 οἵ τε Ποσειδάωνος ὁρώμενοι ἢ Διὸς αὐτοῦ ### book 1.755.3 ἀστέρες ἀνθρώποισι τετυγμένα σημαίνουσιν. ### book 1.755.4 Τῷ κείνων πεπόνησο. Μέλοι δέ τοι, εἴ ποτε νηῒ ### book 1.755.5 πιστεύεις, εὑρεῖν ὅσα που κεχρημένα κεῖται ### book 1.760.1 σήματα χειμερίοις ἀνέμοις ἢ λαίλαπι πόντου. ### book 1.760.2 Μόχθος μέν τ’ ὀλίγος, τὸ δὲ μυρίον αὐτίκ’ ὄνειαρ ### book 1.760.3 γίνετ’ ἐπιφροσύνης αἰεὶ πεφυλαγμένῳ ἀνδρί. ### book 1.760.4 Αὐτὸς μὲν τὰ πρῶτα σαώτερος, εὖ δὲ καὶ ἄλλον ### book 1.760.5 παρειπὼν ὤνησεν, ὅτ’ ἐγγύθεν ὤρορε χειμών. ### book 1.765 Πολλάκι γὰρ καί τίς κε γαληναίῃ ὑπὸ νυκτὶ ### book 1.1 νῆα περιστέλλοι πεφοβημένος ἦρι θαλάσσης· ### book 1.2 ἄλλοτε δὲ τρίτον ἦμαρ ἐπιτρέχει, ἄλλοτε πέμπτον, ### book 1.3 ἄλλοτε δ’ ἀπρόφατον κακὸν ἵκετο· πάντα γὰρ οὔπω ### book 1.4 ἐκ Διὸς ἄνθρωποι γινώσκομεν, ἀλλ’ ἔτι πολλὰ ### book 1.770.1 κέκρυπται, τῶν αἴ κε θέλῃ καὶ ἐσαυτίκα δώσει ### book 1.770.2 Ζεύς· ὁ γὰρ οὖν γενεὴν ἀνδρῶν ἀναφανδὸν ὀφέλλει ### book 1.770.3 πάντοθεν εἰδόμενος, πάντη δ’ ὅ γε σήματα φαίνων. ### book 1.770.4 Ἄλλα δέ τοι ἐρέει ἤ που διχόωσα σελήνη ### book 1.770.5 πληθύος ἀμφοτέρωθεν ἢ αὐτίκα πεπληθυῖα, ### book 1.775.1 ἄλλα δ’ ἀνερχόμενος, τοτὲ δ’ ἄκρῃ νυκτὶ κελεύει ### book 1.775.2 ἠέλιος. Τὰ δέ που καὶ ἀπ’ ἄλλων ἔσσεται ἄλλα ### book 1.775.3 σήματα καὶ περὶ νυκτὶ καὶ ἤματι ποιήσασθαι. ### book 1.1 Σκέπτεο δὲ πρῶτον κεράων ἑκάτερθε σελήνην. ### book 1.2 Ἄλλοτε γάρ τ’ ἄλλῃ μιν ἐπιγράφει ἕσπερος αἴγλῃ, ### book 1.780.1 ἄλλοτε δ’ ἀλλοῖαι μορφαὶ κερόωσι σελήνην ### book 1.780.2 εὐθὺς ἀεξομένην, αἱ μὲν τρίτῃ, αἱ δὲ τετάρτῃ· ### book 1.780.3 τάων καὶ περὶ μηνὸς ἐφεσταότος κε πύθοιο. ### book 1.780.4 Λεπτὴ μὲν καθαρή τε περὶ τρίτον ἦμαρ ἐοῦσα ### book 1 εὔδιός κ’ εἴη, λεπτὴ δὲ καὶ εὖ μάλ’ ἐρευθὴς ### book 1.785.1 πνευματίη· παχίων δὲ καὶ ἀμβλείῃσι κεραίαις ### book 1.785.2 τέτρατον ἐκ τριτάτοιο φόως ἀμενηνὸν ἔχουσα ### book 1.785.3 ἠὲ νότου ἀμβλύνετ’ ἢ ὕδατος ἐγγὺς ἐόντος. ### book 1.785.4 Εἰ δέ κ’ ἀπ’ ἀμφοτέρων κεράων τρίτον ἦμαρ ἄγουσα ### book 1.785.5 μήτ’ ἐπινευστάζῃ μήθ’ ὑπτιόωσα φαείνῃ, ### book 1.790.1 ἀλλ’ ὀρθαὶ ἑκάτερθε περιγνάμπτωσι κεραῖαι, ### book 1.790.2 ἑσπέριοί κ’ ἄνεμοι κείνην μετὰ νύκτα φέροιντο. ### book 1.790.3 Εἰ δ’ αὕτως ὀρθὴ καὶ τέτρατον ἦμαρ ἀγινοῖ, ### book 1.790.4 ἦ τ’ ἂν χειμῶνος συναγειρομένοιο διδάσκοι. ### book 1.790.5 Εἰ δέ κέ οἱ κεράων τὸ μετήορον εὖ ἐπινεύῃ, ### book 1.795.1 δειδέχθαι βορέω, ὅτε δ’ ὑπτιάῃσι, νότοιο. ### book 1.795.2 Αὐτὰρ ἐπὴν τριτόωσαν ὅλος περὶ κύκλος ἑλίσσῃ ### book 1.795.3 πάντη ἐρευθόμενος, μάλα κεν τότε χείμερος εἴη· ### book 1.795.4 μείζονι δ’ ἂν χειμῶνι πυρώτερα φοινίσσοιτο. ### book 1.795.5 Σκέπτεο δ’ ἐς πληθύν τε καὶ ἀμφότερον διχόωσαν ### book 1.1 ἠμὲν ἀεξομένην ἠδ’ ἐς κέρας αὖθις ἰοῦσαν· ### book 1.2 καί οἱ ἐπὶ χροιῇ τεκμαίρεο μηνὸς ἑκάστου. ### book 1.3 Πάντη γὰρ καθαρῇ κε μάλ’ εὔδια τεκμήραιο· ### book 1.4 πάντα δ’ ἐρευθομένῃ δοκέειν ἀνέμοιο κελεύθους· ### book 1 ἄλλοθι δ’ ἄλλο μελαινομένῃ δοκέειν ὑετοῖο. ### book 1.805.1 Σήματα δ’ οὐτἂρ πᾶσιν ἐπ’ ἤμασι πάντα τέτυκται· ### book 1.805.2 ἀλλ’ ὅσα μὲν τριτάτῃ τε τεταρταίῃ τε πέλονται ### book 1.805.3 μέσφα διχαιομένης, διχάδος γε μὲν ἄχρις ἐπ’ αὐτὴν ### book 1.805.4 σημαίνει διχόμηνον, ἀτὰρ πάλιν ἐκ διχομήνου ### book 1.805.5 ἐς διχάδα φθιμένην· ἔχεται δέ οἱ αὐτίκα τετρὰς ### book 1.810.1 μηνὸς ἀποιχομένου, τῇ δὲ τριτάτη ἐπιόντος. ### book 1.810.2 Εἰ δέ κέ μιν περὶ πᾶσαν ἀλωαὶ κυκλώσωνται ### book 1.1 ἢ τρεῖς ἠὲ δύω περικείμεναι ἠὲ μί’ οἴη, ### book 1.2 τῇ μὲν ἰῇ ἀνέμοιο γαληναίης τε δοκεύειν, ### book 1.3 ῥηγνυμένῃ ἀνέμοιο, μαραινομένῃ δὲ γαλήνης· ### book 1.815.1 ταὶ δύο δ’ ἂν χειμῶνι περιτροχάοιντο σελήνην· ### book 1.815.2 μείζονα δ’ ἂν χειμῶνα φέροι τριέλικτος ἀλωή, ### book 1.815.3 καὶ μᾶλλον μελανεῦσα, καὶ εἰ ῥηγνύατο μᾶλλον. ### book 1.815.4 Καὶ τὰ μὲν οὖν ἐπὶ μηνὶ σεληναίης κε πύθοιο. ### book 1 Ἠελίοιο δέ τοι μελέτω ἑκάτερθεν ἰόντος· ### book 1.820.1 ἠελίῳ καὶ μᾶλλον ἐοικότα σήματα κεῖται ### book 1.820.2 ἀμφότερον δύνοντι καὶ ἐκ περάτης ἀνιόντι. ### book 1.820.3 Μή οἱ ποικίλλοιτο νέον βάλλοντος ἀρούρας ### book 1.820.4 κύκλος, ὅτ’ εὐδίου κεχρημένος ἤματος εἴης, ### book 1.820.5 μηδέ τι σῆμα φέροι, φαίνοιτο δὲ λιτὸς ἁπάντη. ### book 1.825.1 Εἰ δ’ αὕτως καθαρόν μιν ἔχοι βουλύσιος ὥρη, ### book 1.825.2 δύνοι δ’ ἀνέφελος μαλακῇ ὑποδείελος αἴγλῃ, ### book 1.825.3 καί κεν ἐπερχομένης ἠοῦς ἔθ’ ὑπεύδιος εἴη. ### book 1.825.4 Ἀλλ’ οὐχ ὁππότε κοῖλος ἐειδόμενος περιτέλλῃ, ### book 1.825.5 οὐδ’ ὁπότ’ ἀκτίνων αἱ μὲν νότον αἱ δὲ βορῆα ### book 1.830.1 σχιζόμεναι βάλλωσι, τὰ δ’ αὖ περὶ μέσσα φαείνῃ· ### book 1.830.2 ἀλλά που ἢ ὑετοῖο διέρχεται ἢ ἀνέμοιο. ### book 1.830.3 Σκέπτεο δ’, εἴ κέ τοι αὐγαὶ ὑπείκως’ ἠελίοιο, ### book 1.830.4 αὐτὸν ἐς ἠέλιον, τοῦ γὰρ σκοπαί εἰσιν ἄρισται, ### book 1 εἴ τί που ἤ οἱ ἔρευθος ἐπιτρέχει, οἷά τε πολλὰ ### book 1.835.1 ἑλκομένων νεφέων ἐρυθαίνεται ἄλλοθεν ἄλλα, ### book 1.835.2 ἢ εἴ που μελανεῖ· καί τοι τὰ μὲν ὕδατος ἔστω ### book 1.835.3 σήματα μέλλοντος, τὰ δ’ ἐρεύθεα πάντ’ ἀνέμοιο. ### book 1.835.4 Εἴ γε μὲν ἀμφοτέροις ἄμυδις κεχρωσμένος εἴη, ### book 1.835.5 καί κεν ὕδωρ φορέοι καὶ ὑπηνέμιος τανύοιτο. ### book 1.840.1 Εἰ δέ οἱ ἢ ἀνιόντος ἢ αὐτίκα δυομένοιο ### book 1.840.2 ἀκτῖνες συνίωσι καὶ ἀμφ’ ἑνὶ πεπλήθωσιν, ### book 1.840.3 ἤ ποτε καὶ νεφέων πεπιεσμένος ἢ ὅ γ’ ἐς ἠῶ ### book 1.840.4 ἔρχηται παρὰ νυκτὸς ἢ ἐξ ἠοῦς ἐπὶ νύκτα, ### book 1.840.5 ὕδατί κεν κατιόντι παρατρέχοι ἤματα κεῖνα. ### book 1.845.1 Μηδ’ ὅτε οἱ ὀλίγη νεφέλη πάρος ἀντέλλῃσιν, ### book 1.845.2 τὴν δὲ μέτ’ ἀκτίνων κεχρημένος αὐτὸς ἀερθῇ, ### book 1.845.3 ἀμνηστεῖν ὑετοῖο. Πολὺς δ’ ὅτε οἱ πέρι κύκλος ### book 1.845.4 οἷον τηκομένῳ ἐναλίγκιος εὐρύνηται ### book 1.845.5 πρῶτον ἀνερχομένοιο καὶ ἂψ ἐπὶ μεῖον ἴῃσιν, ### book 1.1 εὔδιός κε φέροιτο, καὶ εἴ ποτε χείματος ὥρῃ ### book 1.2 ὠχρήσῃ κατιών. Ἀτὰρ ὕδατος ἡμερινοῖο ### book 1.3 γινομένου, κατόπισθε περὶ νέφεα σκοπέεσθαι ### book 1.1 κὰδ δὴ δυομένου τετραμμένος ἠελίοιο· ### book 1.2 ἢν μὲν ὑποσκιάῃσι μελαινομένῃ εἰκυῖα ### book 1.855.1 ἠέλιον νεφέλη, ταὶ δ’ ἀμφί μιν ἔνθα καὶ ἔνθα ### book 1.855.2 ἀκτῖνες μεσσηγὺς ἑλισσομένην διχόωνται, ### book 1.855.3 ἦ τ’ ἂν ἔτ’ εἰς ἠῶ σκέπαος κεχρημένος εἴης. ### book 1.1 Εἰ δ’ ὁ μὲν ἀνέφελος βάπτῃ ῥόου ἑσπερίοιο, ### book 1.2 ταὶ δὲ κατερχομένου νεφέλαι καὶ ἔτ’ οἰχομένοιο ### book 1.860.1 πλησίαι ἑστήκωσιν ἐρευθέες, οὔ σε μάλα χρὴ ### book 1.860.2 αὔριον οὐδ’ ἐπὶ νυκτὶ περιτρομέειν ὑετοῖο, ### book 1.860.3 ἀλλ’ ὁπότ’ ἠελίοιο μαραινομένῃσιν ὁμοῖαι ### book 1.860.4 ἐξαπίνης ἀκτῖνες ἀπ’ οὐρανόθεν τανύωνται, ### book 1.860.5 οἷον ἀμαλδύνονται, ὅτε σκιάῃσι κατ’ ἰθὺ ### book 1.865.1 ἱσταμένη γαίης τε καὶ ἠελίοιο σελήνη. ### book 1.865.2 Οὐδ’ ὅτε οἱ ἐπέχοντι φανήμεναι ἠῶθι πρὸ ### book 1.865.3 φαίνωνται νεφέλαι ὑπερευθέες ἄλλοθεν ἄλλαι, ### book 1.865.4 ἄρραντοι γίνονται ἐπ’ ἤματι κείνῳ ἄρουραι. ### book 1 Μηδ’ αὕτως, ἔτ’ ἐόντι πέρην ὁπότε προταθεῖσαι ### book 1.870.1 ἀκτῖνες φαίνωνται ἐπίσκιοι ἠῶθι πρό, ### book 1.870.2 ὕδατος ἢ ἀνέμοιο κατοισομένου λελαθέσθαι. ### book 1.870.3 Ἀλλ’ εἰ μὲν κεῖναι μᾶλλον κνέφαος φορέοιντο ### book 1.870.4 ἀκτῖνες, μᾶλλόν κεν ἐφ’ ὕδατι σημαίνοιεν· ### book 1.870.5 εἰ δ’ ὀλίγος τανύοιτο περὶ δνόφος ἀκτίνεσσιν, ### book 1.875.1 οἷόν που μαλακαὶ νεφέλαι φορέουσι μάλιστα, ### book 1.875.2 ἦ τ’ ἂν ἐπερχομένοιο περιδνοφέοιντ’ ἀνέμοιο. ### book 1.875.3 Οὐδὲ μὲν ἠελίου σχεδόθεν μελανεῦσαι ἀλωαὶ ### book 1.875.4 εὔδιοι· ἀσσότεραι δὲ καὶ ἀστεμφὲς μελανεῦσαι ### book 1.875.5 μᾶλλον χειμέριαι· δύο δ’ ἂν χαλεπώτεραι εἶεν. ### book 1.880.1 Σκέπτεο δ’ ἢ ἀνιόντος ἢ αὐτίκα δυομένοιο ### book 1.880.2 εἴ πού οἱ νεφέων τὰ παρήλια κικλήσκονται ### book 1.880.3 ἢ νότου ἠὲ βορῆος ἐρεύθεται ἢ ἑκάτερθεν· ### book 1.880.4 μηδ’ αὕτως σκοπιὴν ταύτην ἀμενηνὰ φυλάσσειν· ### book 1.880.5 οὐ γὰρ, ὅτ’ ἀμφοτέρωθεν ὁμοῦ περὶ μέσσον ἔχωσιν ### book 1.885 ἠέλιον κεῖναι νεφέλαι σχεδὸν ὠκεανοῖο, ### book 1.1 γίνεται ἀμβολίη Διόθεν χειμῶνος ἰόντος· ### book 1.2 εἴ γε μὲν ἐκ βορέαο μί’ οἴη φοινίσσοιτο, ### book 1.3 ἐκ βορέω πνοιάς κε φέροι, νοτίη δὲ νότοιο· ### book 1.4 ἢ καί που ῥαθάμιγγες ἐπιτροχόως’ ὑετοῖο. ### book 1.890 Ἑσπερίοις καὶ μᾶλλον ἐπίτρεπε σήμασι τούτοις· ### book 1.1 ἑσπερόθεν γὰρ ὁμῶς σημαίνεται ἐμμενὲς αἰεί. ### book 1.2 Σκέπτεο καὶ Φάτνην. Ἡ μέν τ’ ὀλίγῃ εἰκυῖα ### book 1.3 ἀχλύϊ βορραίη ὑπὸ Καρκίνῳ ἡγηλάζει· ### book 1 ἀμφὶ δέ μιν δύο λεπτὰ φαεινόμενοι φορέονται ### book 1.895.1 ἀστέρες, οὔτε τι πολλὸν ἀπήοροι οὔτε μάλ’ ἐγγύς, ### book 1.895.2 ἀλλ’ ὅσσον τε μάλιστα πυγούσιον ὠΐσασθαι, ### book 1.895.3 εἷς μὲν πὰρ βορέαο· νότῳ δ’ ἐπικέκλιται ἄλλος. ### book 1.895.4 Καὶ τοὶ μὲν καλέονται Ὄνοι, μέσση δέ τε Φάτνη, ### book 1 ἥτε κεἰ ἐξαπίνης πάντη Διὸς εὐδιόωντος ### book 1.1 γίνετ’ ἄφαντος ὅλη, τοὶ δ’ ἀμφοτέρωθεν ἰόντες ### book 1.2 ἀστέρες ἀλλήλων αὐτοσχεδὸν ἰνδάλλονται, ### book 1.3 οὐκ ὀλίγῳ χειμῶνι τότε κλύζονται ἄρουραι. ### book 1.4 Εἰ δὲ μελαίνηται, τοὶ δ’ αὐτίκ’ ἐοικότες ὦσιν ### book 1.5 ἀστέρες ἀμφότεροι, ἐπί χ’ ὕδατι σημαίνοιεν. ### book 1.905.1 Εἰ δ’ ὁ μὲν ἐκ βορέω Φάτνης ἀμενηνὰ φαείνοι ### book 1.905.2 λεπτὸν ἐπαχλύων, νότιος δ’ Ὄνος ἀγλαὸς εἴη, ### book 1.905.3 δειδέχθαι ἀνέμοιο νότου· βορέω δὲ μάλα χρὴ ### book 1.905.4 ἔμπαλιν ἀχλυόεντι φαεινομένῳ τε δοκεύειν. ### book 1.905.5 Σῆμα δέ τοι ἀνέμοιο καὶ οἰδαίνουσα θάλασσα ### book 1.910.1 γινέσθω, καὶ μακρὸν ἔπ’ αἰγιαλοὶ βοόωντες, ### book 1.910.2 ἀκταί τ’ εἰνάλιαι ὁπότ’ εὔδιοι ἠχήεσσαι ### book 1.910.3 γίνονται, κορυφαί τε βοώμεναι οὔρεος ἄκραι. ### book 1.910.4 Καὶ δ’ ἂν ἐπὶ ξηρὴν ὅτ’ ἐρωδιὸς οὐ κατὰ κόσμον ### book 1.910.5 ἐξ ἁλὸς ἔρχηται φωνῇ περιπολλὰ λεληκώς, ### book 1.915 κινυμένου κε θάλασσαν ὕπερ φορέοιτ’ ἀνέμοιο. ### book 1.1 Καί ποτε καὶ κέπφοι, ὁποτ’ εὔδιοι ποτέωνται, ### book 1.2 ἀντία μελλόντων ἀνέμων εἰληδὰ φέρονται. ### book 1.3 Πολλάκι δ’ ἀγριάδες νῆσσαι ἢ εἰναλιδῖναι ### book 1.4 αἴθυιαι χερσαῖα τινάσσονται πτερύγεσσιν· ### book 1.920.1 ἢ νεφέλη ὄρεος μηκύνεται ἐν κορυφῇσιν. ### book 1.920.2 Ἤδη καὶ πάπποι, λευκῆς γήρειον ἀκάνθης, ### book 1.920.3 σῆμ’ ἐγένοντ’ ἀνέμου, κωφῆς ἁλὸς ὁππότε πολλοὶ ### book 1.920.4 ἄκρον ἐπιπλώωσι, τὰ μὲν πάρος, ἄλλα δ’ ὀπίσσω. ### book 1 Καὶ θέρεος βρονταί τε καὶ ἀστραπαὶ ἔνθεν ἴωσιν, ### book 1.925.1 ἔνθεν ἐπερχομένοιο περισκοπέειν ἀνέμοιο. ### book 1.925.2 Καὶ διὰ νύκτα μέλαιναν ὅτ’ ἀστέρες ἀΐσσωσιν ### book 1.925.3 ταρφέα, τοῖς δ’ ὄπιθεν ῥυμοὶ ὑπολευκαίνωνται, ### book 1.925.4 δειδέχθαι κείνοις αὐτὴν ὁδὸν ἐρχομένοιο ### book 1.925.5 πνεύματος· ἢν δὲ καὶ ἄλλοι ἐναντίοι ἀΐσσωσιν, ### book 1.930 ἄλλοι δ’ ἐξ ἄλλων μερέων, τότε δὴ πεφύλαξο ### book 1.1 παντοίων ἀνέμων, οἵ τ’ ἄκριτοί εἰσι μάλιστα, ### book 1.2 ἄκριτα δὲ πνείουσιν ἐπ’ ἀνδράσι τεκμήρασθαι. ### book 1.3 Αὐτὰρ ὅτ’ ἐξ εὔροιο καὶ ἐκ νότου ἀστράπτῃσιν, ### book 1.4 ἄλλοτε δ’ ἐκ ζεφύροιο καὶ ἄλλοτε πὰρ βορέαο, ### book 1.935.1 δὴ τότε τις πελάγει ἔνι δείδιε ναυτίλος ἀνήρ, ### book 1.935.2 μή μιν τῇ μὲν ἔχῃ πέλαγος, τῇ δ’ ἐκ Διὸς ὕδωρ. ### book 1.935.3 Ὕδατι γὰρ τοσσαίδε πέρι στεροπαὶ φορέονται. ### book 1.935.4 Πολλάκι δ’ ἐρχομένων ὑετῶν νέφεα προπάροιθεν ### book 1.935.5 οἷα μάλιστα πόκοισιν ἐοικότα ἰνδάλλονται· ### book 1.940.1 ἢ διδύμη ἔζωσε διὰ μέγαν οὐρανὸν ἶρις· ### book 1.940.2 ἢ καί πού τις ἅλωα μελαινομένην ἔχει ἀστήρ. ### book 1.1 Πολλάκι λιμναῖαι ἢ εἰνάλιαι ὄρνιθες ### book 1.2 ἄπληστον κλύζονται ἐνιέμεναι ὑδάτεσσιν· ### book 1.3 Ἢ λίμνην πέρι δηθὰ χελιδόνες ἀΐσσονται ### book 1.945.1 γαστέρι τύπτουσαι αὔτως εἰλεύμενον ὕδωρ· ### book 1.945.2 ἢ μάλα δείλαιαι γενεαί, ὕδροισιν ὄνειαρ, ### book 1.945.3 αὐτόθεν ἐξ ὕδατος πατέρες βοόωσι γυρίνων· ### book 1.945.4 ἢ τρύζει ὀρθρινὸν ἐρημαίη ὀλολυγών· ### book 1 ἤ που καὶ λακέρυζα παρ’ ἠϊόνι προυχούσῃ ### book 1.1 χείματος ἐρχομένου χερσαῖ’ ὑπέτυψε κορώνη, ### book 1.2 ἤ που καὶ ποταμοῖο ἐβάψατο μέχρι παρ’ ἄκρους ### book 1.3 ὤμους ἐκ κεφαλῆς, ἢ καὶ μάλα πᾶσα κολυμβᾷ, ### book 1.4 ἢ πολλὴ στρέφεται παρ’ ὕδωρ παχέα κρώζουσα. ### book 1.5 Καὶ βόες ἤδη τοι πάρος ὕδατος ἐνδίοιο ### book 1.955.1 οὐρανὸν εἰσανιδόντες ἀπ’ αἰθέρος ὀσφρήσαντο· ### book 1.955.2 καὶ κοίλης μύρμηκες ὀχῆς ἒξ ὤεα πάντα ### book 1.955.3 θᾶσσον ἀνηνέγκαντο· καὶ ἀθρόοι ὦφθεν ἴουλοι ### book 1.955.4 τείχε’ ἀνέρποντες, καὶ πλαζόμενοι σκώληκες ### book 1 κεῖνοι τοὺς καλέουσι μελαίνης ἔντερα γαίης. ### book 1.960.1 Καὶ τιθαὶ ὄρνιθες, ταὶ ἀλέκτορος ἐξεγένοντο, ### book 1.960.2 εὖ ἐφθειρίσσαντο καὶ ἔκρωξαν μάλα φωνῇ, ### book 1.960.3 οἷόν τε σταλάον ψοφέει ἐπὶ ὕδατι ὕδωρ. ### book 1.960.4 Δή ποτε καὶ γενεαὶ κοράκων καὶ φῦλα κολοιῶν ### book 1.960.5 ὕδατος ἐρχομένοιο Διὸς πάρα σῆμ’ ἐγένοντο ### book 1.965.1 φαινόμενοι ἀγεληδὰ καὶ ἱρήκεσσιν ὁμοῖα ### book 1.965.2 φθεγξάμενοι. Καί που κόρακες δίους σταλαγμοὺς ### book 1.965.3 φωνῇ ἐμιμήσαντο σὺν ὕδατος ἐρχομένοιο, ### book 1.1 ἤ ποτε καὶ κρώξαντε βαρείῃ δισσάκι φωνῇ ### book 1.2 μακρὸν ἐπιρροιζεῦσι τιναξάμενοι πτερὰ πυκνά. ### book 1.970.1 Καὶ νῆσσαι οἰκουροὶ ὑπωρόφιοί τε κολοιοὶ ### book 1.970.2 ἐρχόμενοι κατὰ γεῖσα τινάσσονται πτερύγεσσιν· ### book 1.970.3 ἢ ἐπὶ κῦμα διώκει ἐρωδιὸς ὀξὺ λεληκώς. ### book 1.970.4 Τῶν τοι μηδὲν ἀπόβλητον πεφυλαγμένῳ ὕδωρ ### book 1.970.5 γινέσθω, μηδ’ εἴ κεν ἐπιπλέον ἠὲ πάροιθεν ### book 1.975 δάκνωσιν μυῖαι καὶ ἐφ’ αἵματος ἱμείρωνται, ### book 1.1 ἢ λύχνοιο μύκητες ἀγείρωνται περὶ μύξαν ### book 1.2 νύκτα κατὰ νοτίην· μηδ’ ἢν ὑπὸ χείματος ὥρην ### book 1.3 λύχνων ἄλλοτε μέν τε φάος κατὰ κόσμον ὀρώρῃ, ### book 1.4 ἄλλοτε δ’ ἀΐσσωσιν ἄπο φλόγες ἠΰτε κοῦφαι ### book 1.980.1 πομφόλυγες· μηδ’ εἴ κεν ἐπ’ αὐτόφι μαρμαίρωσιν ### book 1.980.2 ἀκτῖνες· μηδ’ ἢν θέρεος μέγα πεπταμένοιο ### book 1.980.3 νησαῖοι ὄρνιθες ἐπασσύτεροι φορέωνται. ### book 1.980.4 Μηδὲ σύ γ’ ἢ χύτρης ἠὲ τρίποδος πυριβήτεω ### book 1.980.5 σπινθῆρες ὅτ’ ἔωσι πέρι πλέονες, λελαθέσθαι, ### book 1.985.1 μηδὲ κατὰ σποδιὴν ὁπότ’ ἄνθρακος αἰθομένοιο ### book 1.985.2 λάμπηται πέρι σήματ’ ἐοικότα κεγχρείοισιν. ### book 1.1 Ἀλλ’ ἐπὶ καὶ τὰ δόκευε περισκοπέων ὑετοῖο. ### book 1.2 Εἴ γε μὲν ἠερόεσσα παρὲξ ὄρεος μεγάλοιο ### book 1.3 πυθμένα τείνηται νεφέλη, ἄκραι δὲ κολῶναι ### book 1.990.1 φαίνωνται καθαραί, μάλα κεν τόθ’ ὑπεύδιος εἴης. ### book 1.990.2 Εὔδιός κ’ εἴης καὶ ὅτε πλατέος παρὰ πόντου ### book 1.990.3 φαίνηται χθαμαλὴ νεφέλη, μηδ’ ὑψόθι κύρῃ, ### book 1.990.4 ἀλλ’ αὐτοῦ πλαταμῶνι παραθλίβηται ὁμοίη. ### book 1.990.5 Σκέπτεο δ’ εὔδιος μὲν ἐὼν ἐπὶ χείματι μᾶλλον, ### book 1.995 ἐς δὲ γαληναίην χειμωνόθεν. Εὖ δὲ μάλα χρὴ ### book 1.1 ἐς Φάτνην ὁράαν, τὴν Καρκίνος ἀμφιελίσσει, ### book 1.2 πρῶτα καθαιρομένην πάσης ὑπένερθεν ὁμίχλης· ### book 1.3 κείνη γὰρ φθίνοντι καθαίρεται ἐν χειμῶνι. ### book 1.4 Καὶ φλόγες ἡσύχιαι λύχνων καὶ νυκτερίη γλαὺξ ### book 1.1 ἥσυχον ἀείδουσα μαραινομένου χειμῶνος ### book 1.2 γινέσθω τοι σῆμα, καὶ ἥσυχα ποικίλλουσα ### book 1.3 ὥρῃ ὅθ’ ἑσπερίῃ κρώζῃ πολύφωνα κορώνη· ### book 1.1 καὶ κόρακες μοῦνοι μὲν ἐρημαῖον βοόωντες ### book 1.2 δισσάκις, αὐτὰρ ἔπειτα μέγ’ ἀθρόα κεκλήγοντες· ### book 1.1005.1 πλειότεροι δ’ ἀγεληδόν, ἐπὴν κοίτοιο μέδωνται, ### book 1.1005.2 φωνῆς ἔμπλειοι· χαίρειν κέ τις ὠΐσαιτο, ### book 1.1 οἷα τὰ μὲν βοόωσι λιγαινομένοισιν ὁμοῖα, ### book 1.2 πολλὰ δὲ δενδρείοιο περὶ φλόον, ἄλλοτ’ ἐπ’ αὐτοῦ ### book 1 ἧχί τε κείουσιν καὶ ὑπότροποι ἀπτερύονται. ### book 1.1010.1 Καὶ δ’ ἄν που γέρανοι μαλακῆς προπάροιθε γαλήνης ### book 1.1010.2 ἀσφαλέως τανύσαιεν ἕνα δρόμον ἤλιθα πᾶσαι, ### book 1.1010.3 οὐδὲ παλιρρόθιοί κεν ὑπεύδιοι φορέοιντο. ### book 1.1010.4 Ἦμος δ’ ἀστερόθεν καθαρὸν φάος ἀμβλύνηται, ### book 1.1010.5 οὐδέ ποθεν νεφέλαι πεπιεσμέναι ἀντιόωσιν, ### book 1.1015.1 οὐδέ ποθεν ζόφος ἄλλος ὑποτρέχῃ οὐδὲ σελήνη, ### book 1.1015.2 ἀλλὰ τάγ’ ἐξαπίνης αὕτως ἀμενηνὰ φέρωνται, ### book 1.1015.3 μηκέτι τοι τόδε σῆμα γαληναίης ἐπικείσθω, ### book 1.1015.4 ἀλλ’ ἐπὶ χεῖμα δόκευε· καὶ ὁππότε ταί γε μένωσιν ### book 1.1015.5 αὐτῇ ἐνὶ χώρῃ νεφέλαι, ταὶ δ’ ἄλλαι ἐπ’ αὐταῖς, ### book 1.1020.1 ταὶ μὲν ἀμειβόμεναι, ταὶ δ’ ἐξόπιθεν, φορέωνται. ### book 1.1020.2 Καὶ χῆνες κλαγγηδὸν ἐπειγόμεναι βρωμοῖο ### book 1.1020.3 χειμῶνος μέγα σῆμα, καὶ ἐννεάγηρα κορώνη ### book 1.1020.4 νύκτερον ἀείδουσα, καὶ ὀψὲ βοῶντε κολοιοί, ### book 1 καὶ σπίνος ἠῷα σπίζων, καὶ ὄρνεα πάντα ### book 1.1025.1 ἐκ πελάγους φεύγοντα, καὶ ὀρχίλος ἢ καὶ ἐριθεὺς ### book 1.1025.2 δύνων ἐς κοίλας ὀχεάς, καὶ φῦλα κολοιῶν ### book 1.1025.3 ἐκ νομοῦ ἐρχόμενα τραφεροῦ ἐπὶ ὄψιον αὖλιν. ### book 1.1 Οὐδ’ ἂν ἔτι ξουθαὶ μεγάλου χειμῶνος ἰόντος ### book 1.2 πρόσσω ποιήσαιντο νομὸν κηροῖο μέλισσαι, ### book 1.1030.1 ἀλλ’ αὐτοῦ μέλιτός τε καὶ ἔργων εἱλίσσονται· ### book 1.1030.2 οὐδ’ ὑψοῦ γεράνων μακραὶ στίχες αὐτὰ κέλευθα ### book 1.1030.3 τείνονται, στροφάδες δὲ παλιμπετὲς ἀπονέονται. ### book 1.1030.4 Μηδ’, ὅτε νηνεμίῃ κεν ἀράχνια λεπτὰ φέρηται ### book 1.1030.5 καὶ φλόγες αἰθύσσωσι μελαινόμεναι λύχνοιο, ### book 1.1035 ἢ πῦρ αὔηται σπουδῇ καὶ ὑπεύδια λύχνα, ### book 1.1 πιστεύειν χειμῶνι. Τί τοι λέγω ὅσσα πέλονται ### book 1.2 σήματ’ ἐπ’ ἀνθρώπους; δὴ γὰρ καὶ ἀεικέϊ τέφρῃ ### book 1.3 αὐτοῦ πηγνυμένῃ νιφετοῦ ἐπιτεκμήραιο· ### book 1.4 καὶ λύχνῳ χιόνος, κέγχροις ὅτ’ ἐοικότα πάντη ### book 1.1040 κύκλῳ σήματ’ ἔχει πυριλαμπέος ἐγγύθι μύξης· ### book 1.1 ἄνθρακι δὲ ζώοντι χαλάζης, ὁππότε λαμπρὸς ### book 1.2 αὐτὸς ἐείδηται, μέσσῳ δέ οἱ ἠΰτε λεπτὴ ### book 1.3 φαίνηται νεφέλη πυρὸς ἔνδοθεν αἰθομένοιο. ### book 1.4 Πρῖνοι δ’ αὖ καρποῖο καταχθέες, οὐδὲ μέλαιναι ### book 1.1045.1 σχῖνοι ἀπείρητοι· πάντη δέ τε πολλὸς ἀλωεὺς ### book 1.1045.2 αἰεὶ παπταίνει, μή οἱ θέρος ἐκ χερὸς ἔρρῃ. ### book 1.1045.3 Πρῖνοι μὲν θαμινῆς ἀκύλου κατὰ μέτρον ἔχουσαι ### book 1.1045.4 χειμῶνός κε λέγοιεν ἐπὶ πλέον ἰσχύσοντος. ### book 1.1045.5 Μὴ μὲν ἄδην ἔκπαγλα περιβρίθοιεν ἁπάντη, ### book 1 τηλοτέρω δ’ αὐχμοῖο συνασταχύοιεν ἄρουραι. ### book 1.1 Τριπλόα δὲ σχῖνος κυέει, τρισσαὶ δέ οἱ αὖξαι ### book 1.2 γίνονται καρποῖο, φέρει δέ τε σήμαθ’ ἑκάστη ### book 1.3 ἑξείης ἀρότῳ. Καὶ γάρ τ’ ἀροτήσιον ὥρην ### book 1.4 τριπλόα μείρονται, μέσσην καὶ ἐπ’ ἀμφότερ’ ἄκρας· ### book 1.1055.1 πρῶτος μὲν πρώτην ἄροσιν, μέσσος δέ τε μέσσην ### book 1.1055.2 καρπὸς ἀπαγγέλλει, πυμάτην γε μὲν ἔσχατος ἄλλων. ### book 1.1055.3 Ὅντινα γὰρ κάλλιστα λοχαίη σχῖνος ἄρηται, ### book 1.1055.4 κείνῳ κ’ ἐξ ἄλλων ἄροσις πολυλήϊος εἴη, ### book 1.1055.5 τῷ δέ γ’ ἀφαυροτάτῳ ὀλίγη, μέσσῳ δέ τε μέσση. ### book 1.1060.1 Αὕτως δ’ ἀνθέρικος τριχθὰ σκίλλης ὑπερανθεῖ, ### book 1.1060.2 σήματ’ ἐπιφράσσασθαι ὁμοιίου ἀμήτοιο. ### book 1.1 Ὅσσα δ’ ἐνὶ σχίνου ἀροτὴρ ἐφράσσατο καρπῷ, ### book 1.2 τοσσάδε κεν σκίλλης τεκμαίροιτ’ ἄνθεϊ λευκῷ. ### book 1.3 Αὐτὰρ ὅτε σφῆκες μετοπωρινὸν ἤλιθα πολλοὶ ### book 1.1065.1 πάντη βεβρίθωσι, καὶ ἑσπερίων προπάροιθεν ### book 1.1065.2 Πληϊάδων εἴποι τις ἐπερχόμενον χειμῶνα, ### book 1 οἷος ἐπὶ σφήκεσσιν ἑλίσσεται αὐτίκα δῖνος. ### book 1.1 Θήλειαι δὲ σύες, θήλεια δὲ μῆλα καὶ αἶγες ### book 1.2 ὁππότ’ ἀναστρωφῶσιν ὀχῆς, ταὶ δ’ ἄρσεσι, πάντα ### book 1.1070.1 δεξάμεναι, πάλιν αὖτις ἀναβλήδην ὀχέωνται, ### book 1.1070.2 αὕτως κε σφήκεσσι μέγαν χειμῶνα λέγοιεν. ### book 1.1 Ὀψὲ δὲ μισγομένων αἰγῶν μήλων τε συῶν τε ### book 1.2 χαίρει ἄνολβος ἀνήρ, ὅ οἱ οὐ μάλα θαλπιόωντι ### book 1.3 εὔδιον φαίνουσι βιβαζόμεναι ἐνιαυτόν. ### book 1.1075.1 Χαίρει καὶ γεράνων ἀγέλαις ὡραῖος ἀροτρεὺς ### book 1.1075.2 ὥριον ἐρχομέναις, ὁ δ’ ἀώροις αὐτίκα μᾶλλον· ### book 1.1075.3 αὕτως γὰρ χειμῶνες ἐπέρχονται γεράνοισιν, ### book 1.1075.4 πρώϊα μὲν καὶ μᾶλλον ὁμιλαδὸν ἐρχομένῃσιν ### book 1.1075.5 πρώϊοι· αὐτὰρ ὅτ’ ὀψὲ καὶ οὐκ ἀγεληδὰ φανεῖσαι ### book 1.1080.1 πλειότερον φορέονται ἐπὶ χρόνον, οὐδ’ ἅμα πολλαί, ### book 1.1080.2 ἀμβολίῃ χειμῶνος ὀφέλλεται ὕστερα ἔργα. ### book 1.1080.3 Εἰ δὲ βόες καὶ μῆλα μετὰ βρίθουσαν ὀπώρην ### book 1.1080.4 γαῖαν ὀρύσσωσιν, κεφαλὰς δ’ ἀνέμοιο βορῆος ### book 1.1080.5 ἀντία τείνωσιν, μάλα κεν τότε χείμερον αὐταὶ ### book 1.1085.1 Πληϊάδες χειμῶνα κατερχόμεναι φορέοιεν. ### book 1.1085.2 Μὴ δὲ λίην ὀρύχοιεν, ἐπεὶ μέγας οὐ κατὰ κόσμον ### book 1.1085.3 γίνεται οὔτε φυτοῖς χειμὼν φίλος οὔτ’ ἀρότοισιν· ### book 1.1 ἀλλὰ χιὼν εἴη πολλὴ μεγάλαις ἐπ’ ἀρούραις ### book 1.2 μήπω κεκριμένῃ μηδὲ βλωθρῇ ἐπὶ ποίῃ, ### book 1.1090.1 ὄφρα τις εὐεστοῖ χαίρῃ ποτιδέγμενος ἀνήρ. ### book 1.1090.2 Οἱ δ’ εἶεν καθύπερθεν ἐοικότες ἀστέρες αἰεί, ### book 1.1090.3 μηδ’ εἷς μηδὲ δύω μηδὲ πλέονες κομόωντες· ### book 1.1090.4 πολλοὶ γὰρ κομόωσιν ἐπ’ αὐχμηρῷ ἐνιαυτῷ. ### book 1.1090.5 Οὐδὲ μὲν ὀρνίθων ἀγέλαις ἠπειρόθεν ἀνήρ, ### book 1.1095.1 ἐκ νήσων ὅτε πολλαὶ ἐπιπλήσσωσιν ἀρούραις ### book 1.1095.2 ἐρχομένου θέρεος, χαίρει· περιδείδιε δ’ αἰνῶς ### book 1.1095.3 ἀμητῷ, μή οἱ κενεὸς καὶ ἀχύρμιος ἔλθῃ ### book 1.1095.4 αὐχμῷ ἀνιηθείς. Χαίρει δέ που αἰπόλος ἀνὴρ ### book 1.1095.5 αὐταῖς ὀρνίθεσσιν, ἐπὴν κατὰ μέτρον ἴωσιν, ### book 1.1 ἐλπόμενος μετέπειτα πολυγλαγέος ἐνιαυτοῦ. ### book 1.2 Οὕτω γὰρ μογεροὶ καὶ ἀλήμονες ἄλλοθεν ἄλλοι ### book 1.1 ζώομεν ἄνθρωποι· τὰ δὲ πὰρ ποσὶ πάντες ἑτοῖμοι ### book 1.2 σήματ’ ἐπιγνῶναι καὶ ἐς αὐτίκα ποιήσασθαι. ### book 1.3 Ἀρνάσι μὲν χειμῶνας ἐτεκμήραντο νομῆες, ### book 1.1105.1 ἐς νομὸν ὁππότε μᾶλλον ἐπειγόμενοι τροχόωσιν, ### book 1.1105.2 ἄλλοι δ’ ἐξ ἀγέλης κριοί, ἄλλοι δὲ καὶ ἀμνοὶ ### book 1.1105.3 εἰνόδιοι παίζωσιν ἐρειδόμενοι κεράεσσιν· ### book 1.1105.4 ἢ ὁπότ’ ἄλλοθεν ἄλλοι ἀναπλίσσωσι πόδεσσιν ### book 1 τέτρασιν οἱ κοῦφοι, κεραοί γε μὲν ἀμφοτέροισιν· ### book 1.1110.1 ἢ καὶ ὅτ’ ἐξ ἀγέλης ἀεκούσια κινήσωσιν ### book 1.1110.2 δείελον εἰσελάοντες ὅμως, τὰ δὲ πάντοθι ποίης ### book 1.1110.3 δάκνωσιν πυκινῇσι κελευόμενα λιθάκεσσιν. ### book 1.1110.4 Ἐκ δὲ βοῶν ἐπύθοντ’ ἀρόται καὶ βουκόλοι ἄνδρες ### book 1.1110.5 κινυμένου χειμῶνος, ἐπεὶ βόες ὁππότε χηλὰς ### book 1.1115.1 γλώσσῃ ὑπωμαίοιο ποδὸς περιλιχμήσωνται ### book 1.1115.2 ἢ κοίτῳ πλευρὰς ἐπὶ δεξιτερὰς τανύσωνται, ### book 1.1115.3 ἀμβολίην ἀρότοιο γέρων ἐπιέλπετ’ ἀροτρεύς. ### book 1.1 Οὐδ’ ὅτε μυκηθμοῖο περίπλειοι ἀγέρωνται ### book 1.2 ἐρχόμεναι σταθμόνδε βόες βουλυσίῳ ὥρῃ, ### book 1.1120.1 σκυθραὶ λειμῶνος πόριες καὶ βουβοσίοιο ### book 1.1120.2 αὐτίκα τεκμαίρονται ἀχείμεροι ἐμπλήσεσθαι. ### book 1.1 Οὐδ’ αἶγες πρίνοιο περισπεύδουσαι ἀκάνθαις ### book 1.2 εὔδιοι, οὐδὲ σύες φορυτῷ ἔπι μαργαίνουσαι. ### book 1.3 Καὶ λύκος ὁππότε μακρὰ μονόλυκος ὠρύηται, ### book 1.1125.1 ἢ ὅτ’ ἀροτρήων ὀλίγον πεφυλαγμένος, ἀνδρῶν ### book 1.1125.2 ἔργα κατέρχηται, σκέπαος χατέοντι ἐοικώς, ### book 1.1125.3 ἐγγύθεν ἀνθρώπων, ἵνα οἱ λόχος αὐτόθεν εἴη, ### book 1.1125.4 τρὶς περιτελλομένης ἠοῦς χειμῶνα δοκεύειν. ### book 1.1125.5 Οὕτω καὶ προτέροις ἐπὶ σήμασι τεκμήραιο ### book 1.1130 ἐσσομένων ἀνέμων ἢ χείματος ἢ ὑετοῖο ### book 1.1 αὐτὴν ἢ μετὰ τὴν ἢ καὶ τριτάτην ἔτ’ ἐς ἠῶ. ### book 1.2 Ἀλλὰ γὰρ οὐδὲ μύες, τετριγότες εἴ ποτε μᾶλλον ### book 1.3 εὔδιοι ἐσκίρτησαν ἐοικότες ὀρχηθμοῖσιν, ### book 1.4 ἄσκεπτοι ἐγένοντο παλαιοτέροις ἀνθρώποις, ### book 1.1135.1 οὐδὲ κύνες· καὶ γάρ τε κύων ὠρύξατο ποσσὶν ### book 1.1135.2 ἀμφοτέροις χειμῶνος ἐπερχομένοιο δοκεύων, ### book 1.1135.3 κἀκεῖνοι χειμῶνα μύες τότε μαντεύονται. ### book 1.1135.4 [Καὶ μὴν ἐξ ὕδατος καὶ καρκίνος ᾤχετο χέρσον ### book 1.1135.5 χειμῶνος μέλλοντος, ἐπαΐσσεσθαι ὁδοῖο. ### book 1.1140.1 Καὶ μύες ἡμέριοι ποσσὶ στιβάδα στρωφῶντες ### book 1.1140.2 κοίτης ἱμείρονται, ὅτ’ ὄμβρου σήματα φαίνῃ.] ### book 1.1140.3 Τῶν μηδὲν κατόνοσσο· καλὸν δ’ ἐπὶ σήματι σῆμα ### book 1.1140.4 σκέπτεσθαι· μᾶλλον δὲ δυεῖν εἰς ταὐτὸν ἰόντων ### book 1.1140.5 ἐλπωρὴ τελέθοι· τριτάτῳ δέ κε θαρσήσειας. ### book 1.1145.1 Αἰεὶ δ’ ἂν παριόντος ἀριθμοίης ἐνιαυτοῦ ### book 1.1145.2 σήματα συμβάλλων εἴ που καὶ ἐπ’ ἀστέρι τοίη ### book 1.1145.3 ἠὼς ἀντέλλοντι φαείνεται ἢ κατιόντι, ### book 1.1145.4 ὁπποίην καὶ σῆμα λέγοι· μάλα δ’ ἄρκιον εἴη ### book 1.1145.5 φράζεσθαι φθίνοντος ἐφισταμένοιό τε μηνὸς ### book 1.1 τετράδας ἀμφοτέρας· αἱ γάρ τ’ ἄμυδις συνιόντων ### book 1.2 μηνῶν πείρατ’ ἔχουσιν, ὅτε σφαλερώτερος αἰθὴρ ### book 1.3 ὀκτὼ νυξὶ πέλει χήτει χαροποῖο σελήνης. ### book 1.4 Τῶν ἄμυδις πάντων ἐσκεμμένος εἰς ἐνιαυτὸν ### book 1 οὐδέποτε σχεδίως κεν ἐπ’ αἰθέρι τεκμήραιο. ## License and provenance Eulogikon publishes public-domain Greek texts in cleaned, structured, readable form and makes no copyright claim over that preparation (Public Domain Mark 1.0, https://creativecommons.org/publicdomain/mark/1.0/). Cite as `eul_wid: hte-ab`.