--- title: Argonautica title_greek: Ἀργοναυτικά author: Apollonius of Rhodes eul_wid: jfq-aa eul_aid: jfq canonical: "https://eulogikon.org/grc/apollonius-of-rhodes/argonautica" canonical_json: "https://eulogikon.org/data/works/grc/apollonius-of-rhodes-argonautica-jfq-aa.json" sha256: "6a4746c978b42c462037e3083672a06e310f00709be0a1b6d06e5e40d5103fad" period: Hellenistic dialect: Epic (Homeric) domain: Epic format: Verse license: CC0-1.0 --- # Argonautica *Ἀργοναυτικά* **Author:** Apollonius of Rhodes **eul_wid:** `jfq-aa` · [HTML page](https://eulogikon.org/grc/apollonius-of-rhodes/argonautica) · [Canonical JSON](https://eulogikon.org/data/works/grc/apollonius-of-rhodes-argonautica-jfq-aa.json) ## Text ### book 1.1 Ἀρχόμενος σέο Φοῖβε παλαιγενέων κλέα φωτῶν ### book 1.2 μνήσομαι οἳ Πόντοιο κατὰ στόμα καὶ διὰ πέτρας ### book 1.3 Κυανέας βασιλῆος ἐφημοσύνῃ Πελίαο ### book 1.4 χρύσειον μετὰ κῶας ἐύζυγον ἤλασαν Ἀργώ. ### book 1.5.1 Τοίην γὰρ Πελίης φάτιν ἔκλυεν, ὥς μιν ὀπίσσω ### book 1.5.2 μοῖρα μένει στυγερή, τοῦδ’ ἀνέρος ὅντιν’ ἴδοιτο ### book 1.5.3 δημόθεν οἰοπέδιλον ὑπ’ ἐννεσίῃσι δαμῆναι· ### book 1.5.4 δηρὸν δ’ οὐ μετέπειτα τεὴν κατὰ βάξιν Ἰήσων, ### book 1.5.5 χειμερίοιο ῥέεθρα κιὼν διὰ ποσσὶν Ἀναύρου, ### book 1.10.1 ἄλλο μὲν ἐξεσάωσεν ὑπ’ ἰλύος ἄλλο δ’ ἔνερθεν ### book 1.10.2 κάλλιπεν αὖθι πέδιλον ἐνισχόμενον προχοῇσιν· ### book 1.10.3 ἵκετο δ’ ἐς Πελίην αὐτοσχεδόν, ἀντιβολήσων ### book 1.10.4 εἰλαπίνης ἣν πατρὶ Ποσειδάωνι καὶ ἄλλοις ### book 1.10.5 ῥέζε θεοῖς, Ἥρης δὲ Πελασγίδος οὐκ ἀλέγιζεν· ### book 1.15.1 αἶψα δὲ τόνγ’ ἐσιδὼν ἐφράσσατο, καί οἱ ἄεθλον ### book 1.15.2 ἔντυε ναυτιλίης πολυκηδέος, ὄφρ’ ἐνὶ πόντῳ ### book 1.15.3 ἠὲ καὶ ἀλλοδαποῖσι μετ’ ἀνδράσι νόστον ὀλέσσῃ. ### book 1.1 Νῆα μὲν οὖν οἱ πρόσθεν ἔτι κλείουσιν ἀοιδοί ### book 1.2 Ἄργον Ἀθηναίης καμέειν ὑποθημοσύνῃσι· ### book 1.20.1 νῦν δ’ ἂν ἐγὼ γενεήν τε καὶ οὔνομα μυθησαίμην ### book 1.20.2 ἡρώων, δολιχῆς τε πόρους ἁλός, ὅσσα τ’ ἔρεξαν ### book 1.20.3 πλαζόμενοι· Μοῦσαι δ’ ὑποφήτορες εἶεν ἀοιδῆς. ### book 1.20.4 Πρῶτά νυν Ὀρφῆος μνησώμεθα, τόν ῥά ποτ’ αὐτή ### book 1.20.5 Καλλιόπη Θρήικι φατίζεται εὐνηθεῖσα ### book 1.25.1 Οἰάγρῳ σκοπιῆς Πιμπληίδος ἄγχι τεκέσθαι. ### book 1.25.2 αὐτὰρ τόνγ’ ἐνέπουσιν ἀτειρέας οὔρεσι πέτρας ### book 1.25.3 θέλξαι ἀοιδάων ἐνοπῇ ποταμῶν τε ῥέεθρα· ### book 1.25.4 φηγοὶ δ’ ἀγριάδες κείνης ἔτι σήματα μολπῆς ### book 1.25.5 ἀκτῇ Θρηικίῃ Ζώνης ἔπι τηλεθόωσαι ### book 1.30.1 ἑξείης στιχόωσιν ἐπήτριμοι, ἃς ὅγ’ ἐπιπρό ### book 1.30.2 θελγομένας φόρμιγγι κατήγαγε Πιερίηθεν. ### book 1.30.3 Ὀρφέα μὲν δὴ τοῖον ἑῶν ἐπαρωγὸν ἀέθλων ### book 1.30.4 Αἰσονίδης Χείρωνος ἐφημοσύνῃσι πιθήσας ### book 1.30.5 δέξατο, Πιερίῃ Βιστωνίδι κοιρανέοντα· ### book 1.35.1 ἤλυθε δ’ Ἀστερίων αὐτοσχεδόν, ὅν ῥα Κομήτης ### book 1.35.2 γείνατο, δινήεντος ἐφ’ ὕδασιν Ἀπιδανοῖο ### book 1.35.3 Πειρεσιὰς ὄρεος Φυλληίου ἀγχόθι ναίων, ### book 1.35.4 ἔνθα μὲν Ἀπιδανός τε μέγας καὶ δῖος Ἐνιπεύς ### book 1.35.5 ἄμφω συμφορέονται, ἀπόπροθεν εἰς ἓν ἰόντες. ### book 1.40.1 Λάρισαν δ’ ἐπὶ τοῖσι λιπὼν Πολύφημος ἵκανεν ### book 1.40.2 Εἰλατίδης, ὃς πρὶν μὲν ἐρισθενέων Λαπιθάων, ### book 1.40.3 ὁππότε Κενταύροις Λαπίθαι ἐπὶ θωρήσσοντο, ### book 1.40.4 ὁπλότερος προμάχιζε· τότ’ αὖ βαρύθεσκέ οἱ ἤδη ### book 1.40.5 γυῖα, μένεν δ’ ἔτι θυμὸς ἀρήιος ὡς τὸ πάρος περ· ### book 1.45 οὐδὲ μὲν Ἴφικλος Φυλάκῃ ἔνι δηρὸν ἔλειπτο, ### book 1.1 μήτρως Αἰσονίδαο, κασιγνήτην γὰρ ὄπυιεν ### book 1.2 Αἴσων Ἀλκιμέδην Φυλακηίδα· τῆς μιν ἀνώγει ### book 1.3 πηοσύνη καὶ κῆδος ἐνικρινθῆναι ὁμίλῳ· ### book 1.4 οὐδὲ Φεραῖς Ἄδμητος ἐυρρήνεσσιν ἀνάσσων ### book 1.1 μίμνεν ὑπὸ σκοπιὴν ὄρεος Χαλκωδονίοιο· ### book 1.2 οὐδ’ Ἀλόπῃ μίμνον πολυλήιοι Ἑρμείαο ### book 1.3 υἱέες εὖ δεδαῶτε δόλους, Ἔρυτος καὶ Ἐχίων· ### book 1.4 τοῖσι δ’ ἐπὶ τρίτατος γνωτὸς κίε νισσομένοισιν ### book 1.5 Αἰθαλίδης· καὶ τὸν μὲν ἐπ’ Ἀμφρυσσοῖο ῥοῇσιν ### book 1.55.1 Μυρμιδόνος κούρη Φθιὰς τέκεν Εὐπολέμεια, ### book 1.55.2 τὼ δ’ αὖτ’ ἐκγεγάτην Μενετηίδος Ἀντιανείρης. ### book 1.55.3 Ἤλυθε δ’ ἀφνειὴν προλιπὼν Γυρτῶνα Κόρωνος ### book 1.55.4 Καινεΐδης, ἐσθλὸς μέν, ἑοῦ δ’ οὐ πατρὸς ἀμείνων. ### book 1.55.5 Καινέα γὰρ ζωόν †περ ἔτι κλείουσιν ἀοιδοί† ### book 1.60.1 Κενταύροισιν ὀλέσθαι, ὅτε σφέας οἶος ἀπ’ ἄλλων ### book 1.60.2 ἤλας’ ἀριστεύων, οἱ δ’ ἔμπαλιν ὁρμηθέντες ### book 1.60.3 οὔτε μιν ἀγκλῖναι προτέρω σθένον οὔτε δαΐξαι, ### book 1.60.4 ἀλλ’ ἄρρηκτος ἄκαμπτος ἐδύσετο νειόθι γαίης, ### book 1.60.5 θεινόμενος στιβαρῇσι καταΐγδην ἐλάτῃσιν. ### book 1.65.1 Ἤλυθε δ’ αὖ Μόψος Τιταρήσιος, ὃν περὶ πάντων ### book 1.65.2 Λητοΐδης ἐδίδαξε θεοπροπίας οἰωνῶν· ### book 1.65.3 βῆ δὲ καὶ Εὐρυδάμας Κτιμένου πάις, ἄγχι δὲ λίμνης ### book 1.65.4 Ξυνιάδος Κτιμένην Δολοπηίδα ναιετάασκεν· ### book 1.65.5 καὶ μὴν Ἄκτωρ υἷα Μενοίτιον ἐξ Ὀπόεντος ### book 1.70.1 ὦρσεν, ἀριστήεσσι σὺν ἀνδράσιν ὄφρα νέοιτο. ### book 1.70.2 Εἵπετο δ’ Εὐρυτίων τε καὶ ἀλκήεις Ἐριβώτης, ### book 1.70.3 υἷες ὁ μὲν Τελέοντος, ὁ δ’ Ἴρου Ἀκτορίδαο· ### book 1.70.4 ἤτοι ὁ μὲν Τελέοντος ἐυκλειὴς Ἐριβώτης, ### book 1.70.5 Ἴρου δ’ Εὐρυτίων. σὺν καὶ τρίτος ᾖεν Ὀιλεύς, ### book 1.75.1 ἔξοχος ἠνορέην καὶ ἐπαΐξαι μετόπισθεν ### book 1.75.2 εὖ δεδαὼς δῄοισιν, ὅτε κλίνειε φάλαγγας. ### book 1.75.3 Αὐτὰρ ἀπ’ Εὐβοίης Κάνθος κίε, τόν ῥα Κάνηθος ### book 1.75.4 πέμπεν Ἀβαντιάδης λελιημένον· οὐ μὲν ἔμελλε ### book 1.75.5 νοστήσειν Κήρινθον ὑπότροπος, αἶσα γὰρ ἦεν ### book 1.80.1 αὐτὸν ὁμῶς Μόψον τε δαήμονα μαντοσυνάων ### book 1.80.2 πλαγχθέντας Λιβύης ἐπὶ πείρασι δῃωθῆναι. ### book 1.80.3 ὣς οὐκ ἀνθρώποισι κακὸν μὴ πιστὸν ἐπαυρεῖν, ### book 1.80.4 ὁππότε καὶ κείνους Λιβύῃ ἔνι ταρχύσαντο, ### book 1.80.5 τόσσον ἑκὰς Κόλχων ὅσσον τέ περ ἠελίοιο ### book 1.85.1 μεσσηγὺς δύσιές τε καὶ ἀντολαὶ εἰσορόωνται. ### book 1.85.2 Τῷ δ’ ἄρ’ ἐπὶ Κλυτίος τε καὶ Ἴφιτος ἠγερέθοντο, ### book 1.85.3 Οἰχαλίης ἐπίουροι, ἀπηνέος Εὐρύτου υἷες, ### book 1.85.4 Εὐρύτου ᾧ πόρε τόξον Ἑκηβόλος, οὐδ’ ἀπόνητο ### book 1 δωτίνης· αὐτῷ γὰρ ἑκὼν ἐρίδηνε δοτῆρι. ### book 1.90.1 Τοῖσι δ’ ἐπ’ Αἰακίδαι μετεκίαθον, οὐ μὲν ἅμ’ ἄμφω ### book 1.90.2 οὐδ’ ὁμόθεν, νόσφιν γὰρ ἀλευάμενοι κατένασθεν ### book 1.90.3 Αἰγίνης, ὅτε Φῶκον ἀδελφεὸν ἐξενάριξαν ### book 1.90.4 ἀφραδίῃ· Τελαμὼν μὲν ἐν Ἀτθίδι νάσσατο νήσῳ, ### book 1.90.5 Πηλεὺς δ’ ἐν Φθίῃ ἐριβώλακι ναῖε λιασθείς. ### book 1.95.1 Τοῖς δ’ ἐπὶ Κεκροπίηθεν ἀρήιος ἤλυθε Βούτης, ### book 1.95.2 παῖς ἀγαθοῦ Τελέοντος, ἐυμμελίης τε Φάληρος· ### book 1.95.3 Ἄλκων μιν προέηκε πατὴρ ἑός· οὐ μὲν ἔτ’ ἄλλους ### book 1.95.4 γήραος υἷας ἔχεν βιότοιό τε κηδεμονῆας, ### book 1.95.5 ἀλλά ἑ τηλύγετόν περ ὁμῶς καὶ μοῦνον ἐόντα ### book 1.1 πέμπεν, ἵνα θρασέεσσι μεταπρέποι ἡρώεσσι. ### book 1.2 Θησέα δ’, ὃς περὶ πάντας Ἐρεχθεΐδας ἐκέκαστο, ### book 1.3 Ταιναρίην ἀίδηλος ὑπὸ χθόνα δεσμὸς ἔρυκε, ### book 1.4 Πειρίθῳ ἑσπόμενον κοινὴν ὁδόν· ἦ τέ κεν ἄμφω ### book 1.5 ῥηίτερον καμάτοιο τέλος πάντεσσιν ἔθεντο. ### book 1.105.1 Τῖφυς δ’ Ἁγνιάδης Σιφαιέα κάλλιπε δῆμον ### book 1.105.2 Θεσπιέων, ἐσθλὸς μὲν ὀρινόμενον προδαῆναι ### book 1.105.3 κῦμ’ ἁλὸς εὐρείης, ἐσθλὸς δ’ ἀνέμοιο θυέλλας, ### book 1.105.4 καὶ πλόον ἠελίῳ τε καὶ ἀστέρι τεκμήρασθαι. ### book 1.105.5 αὐτή μιν Τριτωνὶς ἀριστήων ἐς ὅμιλον ### book 1.110.1 ὦρσεν Ἀθηναίη, μέγα δ’ ἤλυθεν ἐλδομένοισιν· ### book 1.110.2 αὐτὴ γὰρ καὶ νῆα θοὴν κάμε, σὺν δέ οἱ Ἄργος ### book 1.110.3 τεῦξεν Ἀρεστορίδης κείνης ὑποθημοσύνῃσι· ### book 1.1 τῶ καὶ πασάων προφερεστάτη ἔπλετο νηῶν ### book 1.2 ὅσσαι ὑπ’ εἰρεσίῃσιν ἐπειρήσαντο θαλάσσης. ### book 1.115.1 Φλείας δ’ αὖτ’ ἐπὶ τοῖσιν Ἀραιθυρέηθεν ἵκανεν, ### book 1.115.2 ἔνθ’ ἀφνειὸς ἔναιε, Διωνύσοιο ἕκητι ### book 1.115.3 πατρὸς ἑοῦ, πηγῇσιν ἐφέστιος Ἀσωποῖο. ### book 1.115.4 Ἀργόθεν αὖ Ταλαὸς καὶ Ἀρήιος, υἷε Βίαντος, ### book 1.115.5 ἤλυθον ἴφθιμός τε Λεώδοκος, οὓς τέκε Πηρώ ### book 1.120.1 Νηληίς, τῆς ἀμφὶ δύην ἐμόγησε βαρεῖαν ### book 1.120.2 Αἰολίδης σταθμοῖσιν ἐν Ἰφίκλοιο Μελάμπους. ### book 1.120.3 Οὐδὲ μὲν οὐδὲ βίην κρατερόφρονος Ἡρακλῆος ### book 1.120.4 πευθόμεθ’ Αἰσονίδαο λιλαιομένου ἀθερίξαι· ### book 1.120.5 ἀλλ’ ἐπεὶ ἄιε βάξιν ἀγειρομένων ἡρώων ### book 1.125.1 νεῖον ἀπ’ Ἀρκαδίης Λυρκήιον Ἄργος ἀμείψας, ### book 1.125.2 τὴν ὁδὸν ᾗ ζωὸν φέρε κάπριον ὅς ῥ’ ἐνὶ βήσσῃς ### book 1.125.3 φέρβετο Λαμπείης Ἐρυμάνθιον ἂμ μέγα τῖφος, ### book 1.125.4 τὸν μὲν ἐνὶ πρώτοισι Μυκηνάων †ἀγορῇσι ### book 1.125.5 δεσμοῖς ἰλλόμενον μεγάλων ἀπεσείσατο νώτων, ### book 1.130.1 αὐτὸς δ’ ᾗ ἰότητι παρὲκ νόον Εὐρυσθῆος ### book 1.130.2 ὡρμήθη· σὺν καί οἱ Ὕλας κίεν, ἐσθλὸς ὀπάων ### book 1.130.3 πρωθήβης, ἰῶν τε φορεὺς φύλακός τε βιοῖο. ### book 1.130.4 Τῷ δ’ ἐπὶ δὴ θείοιο κίεν Δαναοῖο γενέθλη, ### book 1.130.5 Ναύπλιος· ἦ γὰρ ἔην Κλυτονήου Ναυβολίδαο, ### book 1.135 Ναύβολος αὖ Λέρνου, Λέρνον γε μὲν ἴδμεν ἐόντα ### book 1.1 Προίτου Ναυπλιάδαο, Ποσειδάωνι δὲ κούρη ### book 1.2 πρίν ποτ’ Ἀμυμώνη Δαναῒς τέκεν εὐνηθεῖσα ### book 1.3 Ναύπλιον, ὃς περὶ πάντας ἐκαίνυτο ναυτιλίῃσιν. ### book 1.4 Ἴδμων δ’ ὑστάτιος μετεκίαθεν ὅσσοι ἔναιον ### book 1.140.1 Ἄργος, ἐπεὶ δεδαὼς τὸν ἑὸν μόρον οἰωνοῖσιν ### book 1.140.2 ἤιε, μή οἱ δῆμος ἐυκλείης ἀγάσαιτο· ### book 1.140.3 οὐ μὲν ὅγ’ ἦεν Ἄβαντος ἐτήτυμον, ἀλλά μιν αὐτός ### book 1.140.4 γείνατο κυδαλίμοις ἐναρίθμιον Αἰολίδῃσιν ### book 1.140.5 Λητοΐδης, αὐτὸς δὲ θεοπροπίας ἐδίδαξεν ### book 1.145.1 οἰωνούς τ’ ἀλέγειν ἠδ’ ἔμπυρα σήματ’ ἰδέσθαι. ### book 1.145.2 Καὶ μὴν Αἰτωλὶς κρατερὸν Πολυδεύκεα Λήδη ### book 1.145.3 Κάστορά τ’ ὠκυπόδων ὦρσεν δεδαημένον ἵππων ### book 1.145.4 Σπάρτηθεν, τοὺς ἥγε δόμοις ἔνι Τυνδαρέοιο ### book 1.145.5 τηλυγέτους ὠδῖνι μιῇ τέκεν· οὐδ’ ἀπίθησεν ### book 1.1 λισσομένοις, Ζηνὸς γὰρ ἐπάξια μήδετο λέκτρων. ### book 1.2 Οἱ δ’ Ἀφαρητιάδαι Λυγκεὺς καὶ ὑπέρβιος Ἴδας ### book 1.3 Ἀρήνηθεν ἔβαν, μεγάλῃ περιθαρσέες ἀλκῇ ### book 1.4 ἀμφότεροι· Λυγκεὺς δὲ καὶ ὀξυτάτοις ἐκέκαστο ### book 1.5 ὄμμασιν, εἰ ἐτεόν γε πέλει κλέος ἀνέρα κεῖνον ### book 1.155.1 ῥηιδίως καὶ νέρθεν ὑπὸ χθονὸς αὐγάζεσθαι. ### book 1.155.2 Σὺν δὲ Περικλύμενος Νηλήιος ὦρτο νέεσθαι, ### book 1.155.3 πρεσβύτατος παίδων ὅσσοι Πύλῳ ἐξεγένοντο ### book 1.155.4 Νηλῆος θείοιο· Ποσειδάων δέ οἱ ἀλκήν ### book 1 δῶκεν ἀπειρεσίην, ἠδ’ ὅττι κεν ἀρήσαιτο ### book 1.160.1 μαρνάμενος, τὸ πέλεσθαι ἐνὶ ξυνοχῇ πολέμοιο. ### book 1.160.2 Καὶ μὴν Ἀμφιδάμας Κηφεύς τ’ ἴσαν Ἀρκαδίηθεν, ### book 1.160.3 οἳ Τεγέην καὶ κλῆρον Ἀφειδάντειον ἔναιον, ### book 1.160.4 υἷε δύω Ἀλεοῦ· τρίτατός γε μὲν ἕσπετ’ ἰοῦσιν ### book 1.160.5 Ἀγκαῖος· τὸν μέν ῥα πατὴρ Λυκόοργος ἔπεμπε, ### book 1.165.1 τῶν ἄμφω γνωτὸς προγενέστερος, ἀλλ’ ὁ μὲν ἤδη ### book 1.165.2 γηράσκοντ’ Ἀλεὸν λίπετ’ ἂμ πόλιν ὄφρα κομίζοι, ### book 1.165.3 παῖδα δ’ ἑὸν σφετέροισι κασιγνήτοισιν ὄπασσε· ### book 1.165.4 βῆ δ’ ὅγε Μαιναλίης ἄρκτου δέρος ### book 1.168.1 ἀμφίτομόν τε ### book 1.168.2 δεξιτερῇ πάλλων πέλεκυν μέγαν· ἔντεα γάρ οἱ ### book 1.170.1 πατροπάτωρ Ἀλεὸς μυχάτῃ ἐνέκρυψε καλιῇ, ### book 1.170.2 αἴ κέν πως ἔτι καὶ τὸν ἐρητύσειε νέεσθαι. ### book 1.170.3 Βῆ δὲ καὶ Αὐγείης, ὃν δὴ φάτις Ἠελίοιο ### book 1.170.4 ἔμμεναι, Ἠλείοισι δ’ ὅγ’ ἀνδράσιν ἐμβασίλευεν ### book 1.170.5 ὄλβῳ κυδιόων· μέγα δ’ ἵετο Κολχίδα γαῖαν ### book 1.175.1 αὐτόν τ’ Αἰήτην ἰδέειν σημάντορα Κόλχων. ### book 1.175.2 Ἀστέριος δὲ καὶ Ἀμφίων Ὑπερασίου υἷες ### book 1.175.3 Πελλήνης ἄφ’ ἵκανον Ἀχαιίδος, ἥν ποτε Πέλλης ### book 1.175.4 πατροπάτωρ ἐπόλισσεν ἐπ’ ὀφρύσιν Αἰγιαλοῖο. ### book 1.175.5 Ταίναρον αὖτ’ ἐπὶ τοῖσι λιπὼν Εὔφημος ἵκανε, ### book 1.180.1 τόν ῥα Ποσειδάωνι ποδωκηέστατον ἄλλων ### book 1.180.2 Εὐρώπη Τιτυοῖο μεγασθενέος τέκε κούρη· ### book 1.180.3 κεῖνος ἀνὴρ καὶ πόντου ἐπὶ γλαυκοῖο θέεσκεν ### book 1.180.4 οἴδματος, οὐδὲ θοοὺς βάπτεν πόδας, ἀλλ’ ὅσον ἄκροις ### book 1.180.5 ἴχνεσι τεγγόμενος διερῇ πεφόρητο κελεύθῳ· ### book 1.185.1 καὶ δ’ ἄλλω δύο παῖδε Ποσειδάωνος ἵκοντο, ### book 1.185.2 ἤτοι ὁ μὲν πτολίεθρον ἀγαυοῦ Μιλήτοιο ### book 1.185.3 νοσφισθεὶς Ἐργῖνος, ὁ δ’ Ἰμβρασίης ἕδος Ἥρης ### book 1.185.4 Παρθενίην Ἀγκαῖος ὑπέρβιος· ἴστορε δ’ ἄμφω ### book 1.185.5 ἠμὲν ναυτιλίης ἠδ’ ἄρεος εὐχετόωντο. ### book 1.190.1 Οἰνεΐδης δ’ ἐπὶ τοῖσιν ἀφορμηθεὶς Καλυδῶνος ### book 1.190.2 ἀλκήεις Μελέαγρος ἀνήλυθε, Λαοκόων τε— ### book 1.190.3 Λαοκόων Οἰνῆος ἀδελφεός, οὐ μὲν ἰῆς γε ### book 1.190.4 μητέρος, ἀλλά ἑ θῆσσα γυνὴ τέκε. τὸν μὲν ἄρ’ Οἰνεύς ### book 1.190.5 ἤδη γηραλέον κοσμήτορα παιδὸς ἴαλλεν, ### book 1.195.1 ὧδ’ ἔτι κουρίζων περιθαρσέα δῦνεν ὅμιλον ### book 1.195.2 ἡρώων· τοῦ δ’ οὔ τιν’ ὑπέρτερον ἄλλον ὀίω ### book 1.195.3 νόσφιν γ’ Ἡρακλῆος ἐπελθέμεν, εἴ κ’ ἔτι μοῦνον ### book 1.195.4 αὖθι μένων λυκάβαντα μετετράφη Αἰτωλοῖσιν· ### book 1.195.5 καὶ μήν οἱ μήτρως αὐτὴν ὁδόν, εὖ μὲν ἄκοντι ### book 1.1 εὖ δὲ καὶ ἐν σταδίῃ δεδαημένος ἀντιφέρεσθαι, ### book 1.2 Θεστιάδης Ἴφικλος ἐφωμάρτησε κιόντι, ### book 1.3 σὺν δὲ Παλαιμόνιος Λέρνου πάις Ὠλενίοιο— ### book 1.4 Λέρνου ἐπίκλησιν, γενεήν γε μὲν Ἡφαίστοιο· ### book 1.5 τούνεκ’ ἔην πόδε σιφλός, ἀτὰρ χέρας οὔ κέ τις ἔτλη ### book 1.205.1 ἠνορέην τ’ ὀνόσασθαι, ὃ καὶ μεταρίθμιος ᾖεν ### book 1.205.2 πᾶσιν ἀριστήεσσιν Ἰήσονι κῦδος ἀέξων. ### book 1.205.3 Ἐκ δ’ ἄρα Φωκήων κίεν Ἴφιτος, Ὀρνυτίδαο ### book 1.205.4 Ναυβόλου ἐκγεγαώς· ξεῖνος δέ οἱ ἔσκε πάροιθεν, ### book 1.205.5 ἦμος ἔβη Πυθώδε θεοπροπίας ἐρεείνων ### book 1.210.1 ναυτιλίης, τόθι γάρ μιν ἑοῖς ὑπέδεκτο δόμοισι. ### book 1.210.2 Ζήτης αὖ Κάλαΐς τε Βορήιοι υἷες ἱκέσθην, ### book 1.1 οὕς ποτ’ Ἐρεχθηὶς Βορέῃ τέκεν Ὠρείθυια ### book 1.2 ἐσχατιῇ Θρῄκης δυσχειμέρου· ἔνθ’ ἄρα τήνγε ### book 1.3 Θρηίκιος Βορέης ἀνερείψατο Κεκροπίηθεν, ### book 1.215.1 Ἰλισσοῦ προπάροιθε χορῷ ἔνι δινεύουσαν, ### book 1.215.2 καί μιν ἄγων ἕκαθεν, Σαρπηδονίην ὅθι πέτρην ### book 1.215.3 κλείουσιν ποταμοῖο παρὰ ῥόον Ἐργίνοιο, ### book 1.215.4 λυγαίοις ἐδάμασσε περὶ νεφέεσσι καλύψας. ### book 1.215.5 τὼ μὲν ἐπ’ ἀστραγάλοισι ποδῶν ἑκάτερθεν ἐρεμνάς ### book 1.220.1 σεῖον ἀειρομένω πτέρυγας, μέγα θάμβος ἰδέσθαι, ### book 1.220.2 χρυσείαις φολίδεσσι διαυγέας· ἀμφὶ δὲ νώτοις ### book 1.220.3 κράατος ἐξ ὑπάτοιο καὶ αὐχένος ἔνθα καὶ ἔνθα ### book 1.220.4 κυάνεαι δονέοντο μετὰ πνοιῇσιν ἔθειραι. ### book 1.220.5 Οὐδὲ μὲν οὐδ’ αὐτοῖο πάις μενέαινεν Ἄκαστος ### book 1.225.1 ἰφθίμου Πελίαο δόμοις ἔνι πατρὸς ἑῆος ### book 1.225.2 μιμνάζειν, Ἄργος τε θεᾶς ὑποεργὸς Ἀθήνης, ### book 1.225.3 ἀλλ’ ἄρα καὶ τὼ μέλλον ἐνικρινθῆναι ὁμίλῳ. ### book 1.225.4 Τόσσοι ἄρ’ Αἰσονίδῃ συμμήστορες ἠγερέθοντο. ### book 1.225.5 τοὺς μὲν ἀριστῆας Μινύας περιναιετάοντες ### book 1.230.1 κίκλησκον μάλα πάντας, ἐπεὶ Μινύαο θυγατρῶν ### book 1.230.2 οἱ πλεῖστοι καὶ ἄριστοι ἀφ’ αἵματος εὐχετόωντο ### book 1.230.3 ἔμμεναι, ὧς δὲ καὶ αὐτὸν Ἰήσονα γείνατο μήτηρ ### book 1.230.4 Ἀλκιμέδη Κλυμένης Μινυηίδος ἐκγεγαυῖα. ### book 1.230.5 Αὐτὰρ ἐπεὶ δμώεσσιν ἐπαρτέα πάντ’ ἐτέτυκτο ### book 1.235.1 ὅσσα περ ἐντύνονται †ἐπαρτέα ἔνδοθι νῆες, ### book 1.235.2 εὖτ’ ἂν ἄγῃ χρέος ἄνδρας ὑπεὶρ ἅλα ναυτίλλεσθαι, ### book 1.1 δὴ τότ’ ἴσαν μετὰ νῆα δι’ ἄστεος, ἔνθα περ ἀκταί ### book 1.2 κλείονται Παγασαὶ Μαγνήτιδες· ἀμφὶ δὲ λαῶν ### book 1.3 πληθὺς σπερχομένων ἄμυδις θέον, οἱ δὲ φαεινοί ### book 1.240.1 ἀστέρες ὣς νεφέεσσι μετέπρεπον. ὧδε δ’ ἕκαστος ### book 1.240.2 ἔννεπεν εἰσορόων σὺν τεύχεσιν ἀίσσοντας· ### book 1.240.3 “Ζεῦ ἄνα, τίς Πελίαο νόος; πόθι τόσσον ὅμιλον ### book 1.240.4 ἡρώων γαίης Παναχαιίδος ἔκτοθι βάλλει; ### book 1.240.5 αὐτῆμάρ κε δόμους ὀλοῷ πυρὶ δῃώσειαν ### book 1.245.1 Αἰήτεω, ὅτε μή σφιν ἑκὼν δέρος ἐγγυαλίξῃ· ### book 1.245.2 ἀλλ’ οὐ φυκτὰ κέλευθα, πόνος δ’ ἄπρηκτος ἰοῦσιν.” ### book 1.245.3 Ὧς φάσαν ἔνθα καὶ ἔνθα κατὰ πτόλιν· αἱ δὲ γυναῖκες ### book 1.245.4 πολλὰ μάλ’ ἀθανάτοισιν ἐς αἰθέρα χεῖρας ἄειρον, ### book 1.245.5 εὐχόμεναι νόστοιο τέλος θυμηδὲς ὀπάσσαι. ### book 1.1 ἄλλη δ’ εἰς ἑτέρην ὀλοφύρετο δακρυχέουσα· ### book 1.2 “Δειλὴ Ἀλκιμέδη, καὶ σοὶ κακὸν ὀψέ περ ἔμπης ### book 1.3 ἤλυθεν, οὐδ’ ἐτέλεσσας ἐπ’ ἀγλαΐῃ βιότοιο. ### book 1.4 Αἴσων αὖ μέγα δή τι δυσάμμορος· ἦ τέ οἱ ἦεν ### book 1.5 βέλτερον, εἰ τὸ πάροιθεν ἐνὶ κτερέεσσιν ἐλυσθείς ### book 1.255.1 νειόθι γαίης κεῖτο, κακῶν ἔτι νῆις ἀέθλων. ### book 1.255.2 ὣς ὄφελεν καὶ Φρίξον, ὅτ’ ὤλετο παρθένος Ἕλλη, ### book 1.255.3 κῦμα μέλαν κριῷ ἅμ’ ἐπικλύσαι· ἀλλὰ καὶ αὐδήν ### book 1.255.4 ἀνδρομέην προέηκε κακὸν τέρας, ὥς κεν ἀνίας ### book 1.255.5 Ἀλκιμέδῃ μετόπισθε καὶ ἄλγεα μυρία θείη.” ### book 1.260 Αἱ μὲν ἄρ’ ὧς ἀγόρευον ἐπὶ προμολῇσι κιόντων· ### book 1.1 ἔνδον δὲ δμῶές τε πολεῖς δμωαί τ’ ἀγέροντο ### book 1.2 μήτηρ τ’ ἀμφασίῃ βεβολημένη, ὀξὺ δ’ †ἑκάστην ### book 1.3 δῦνεν ἄχος· σὺν δέ σφι πατὴρ ὀλοῷ ὑπὸ γήραι ### book 1.4 ἐντυπὰς ἐν λεχέεσσι καλυψάμενος γοάασκεν. ### book 1.265.1 αὐτὰρ ὁ τῶν μὲν ἔπειτα κατεπρήυνεν ἀνίας, ### book 1.265.2 θαρσύνων· δμώεσσι δ’ ἀρήια τεύχε’ ἀείρειν ### book 1.265.3 πέφραδεν, οἱ δέ τε σῖγα κατηφέες ἠείροντο. ### book 1.265.4 μήτηρ δ’ ὡς τὰ πρῶτ’ ἐπεχεύατο πήχεε παιδί, ### book 1.265.5 ὧς ἔχετο κλαίους’ ἀδινώτερον, ἠύτε κούρη ### book 1.270.1 οἰόθεν ἀσπασίως πολιὴν τροφὸν ἀμφιπεσοῦσα ### book 1.270.2 μύρεται, ᾗ οὔκ εἰσιν ἔτ’ ἄλλοι κηδεμονῆες, ### book 1.270.3 ἀλλ’ ὑπὸ μητρυιῇ βίοτον βαρὺν ἡγηλάζει· ### book 1.270.4 καί ἑ νέον πολέεσσιν ὀνείδεσιν ἐστυφέλιξεν, ### book 1.270.5 τῇ δέ τ’ ὀδυρομένῃ δέδεται κέαρ ἔνδοθεν ἄτῃ, ### book 1.275.1 οὐδ’ ἔχει ἐκφλύξαι τόσσον γόον ὅσσον ὀρεχθεῖ— ### book 1.275.2 ὧς ἀδινὸν κλαίεσκεν ἑὸν πάιν ἀγκὰς ἔχουσα ### book 1.275.3 Ἀλκιμέδη· καὶ τοῖον ἔπος φάτο κηδοσύνῃσιν· ### book 1.275.4 “Αἴθ’ ὄφελον κεῖν’ ἦμαρ, ὅτ’ ἐξειπόντος ἄκουσα ### book 1.275.5 δειλὴ ἐγὼ Πελίαο κακὴν βασιλῆος ἐφετμήν, ### book 1.280.1 αὐτίκ’ †ἀπὸ ψυχὴν μεθέμεν κηδέων τε λαθέσθαι, ### book 1.280.2 ὄφρ’ αὐτός με τεῇσι φίλαις ταρχύσαο χερσίν, ### book 1.280.3 τέκνον ἐμόν· τὸ γὰρ οἶον ἔην ἔτι λοιπὸν ἐέλδωρ ### book 1.280.4 ἐκ σέθεν, ἄλλα δὲ πάντα πάλαι θρεπτήρια πέσσω. ### book 1.280.5 νῦν γε μὲν ἡ τὸ πάροιθεν Ἀχαιιάδεσσιν ἀγητή ### book 1.285.1 δμωὶς ὅπως κενεοῖσι λελείψομαι ἐν μεγάροισιν, ### book 1.285.2 σεῖο πόθῳ μινύθουσα δυσάμμορος, ᾧ ἔπι πολλήν ### book 1.285.3 ἀγλαΐην καὶ κῦδος ἔχον πάρος, ᾧ ἔπι μούνῳ ### book 1.285.4 μίτρην πρῶτον ἔλυσα καὶ ὕστατον, ἔξοχα γάρ μοι ### book 1.285.5 Εἰλείθυια θεὰ πολέος ἐμέγηρε τόκοιο. ### book 1.290.1 ὤ μοι ἐμῆς ἄτης· τὸ μὲν οὐδ’ ὅσον οὐδ’ ἐν ὀνείρῳ ### book 1.290.2 ὠισάμην, εἰ Φρίξος ἐμοὶ κακὸν ἔσσετ’ ἀλύξας.” ### book 1.290.3 Ὧς ἥγε στενάχουσα κινύρετο, ταὶ δὲ γυναῖκες ### book 1.290.4 ἀμφίπολοι γοάασκον ἐπισταδόν· αὐτὰρ ὁ τήνγε ### book 1.290.5 μειλιχίοις ἐπέεσσι παρηγορέων προσέειπεν· ### book 1.295.1 “Μή μοι λευγαλέας ἐνιβάλλεο μῆτερ ἀνίας ### book 1.295.2 ὧδε λίην, ἐπεὶ οὐ μὲν ἐρωήσεις κακότητος ### book 1.295.3 δάκρυσιν, ἀλλ’ ἔτι κεν καὶ ἐπ’ ἄλγεσιν ἄλγος ἄροιο. ### book 1.295.4 πήματα γάρ τ’ ἀίδηλα θεοὶ θνητοῖσι νέμουσιν· ### book 1.295.5 τῶν μοῖραν κατὰ θυμὸν ἀνιάζουσά περ ἔμπης ### book 1.1 τλῆθι φέρειν. θάρσει δὲ συνημοσύνῃσιν Ἀθήνης, ### book 1.2 ἠδὲ θεοπροπίῃσιν, ἐπεὶ μάλα δεξιὰ Φοῖβος ### book 1.3 ἔχρη, ἀτὰρ μετέπειτά γ’ ἀριστήων ἐπαρωγῇ. ### book 1.4 ἀλλὰ σὺ μὲν νῦν αὖθι μετ’ ἀμφιπόλοισιν ἕκηλος ### book 1.5 μίμνε δόμοις, μηδ’ ὄρνις ἀεικελίη πέλε νηί· ### book 1.305.1 κεῖσε δ’ ὁμαρτήσουσιν ἔται δμῶές τε κιόντι.” ### book 1.305.2 Ἦ, καὶ ὁ μὲν προτέρωσε δόμων ἒξ ὦρτο νέεσθαι. ### book 1.305.3 οἷος δ’ ἐκ νηοῖο θυώδεος εἶσιν Ἀπόλλων ### book 1.305.4 Δῆλον ἀν’ ἠγαθέην ἠὲ Κλάρον, ἢ ὅγε Πυθώ ### book 1.305.5 ἢ Λυκίην εὐρεῖαν ἐπὶ Ξάνθοιο ῥοῇσι— ### book 1.310 τοῖος ἀνὰ πληθὺν δήμου κίεν, ὦρτο δ’ ἀυτή ### book 1.1 κεκλομένων ἄμυδις. τῷ δὲ ξύμβλητο γεραιή ### book 1.2 Ἰφιὰς Ἀρτέμιδος πολιηόχου ἀρήτειρα, ### book 1.3 καί μιν δεξιτερῆς χειρὸς κύσεν· οὐδέ τι φάσθαι ### book 1.4 ἔμπης ἱεμένη δύνατο προθέοντος ὁμίλου, ### book 1.315.1 ἀλλ’ ἡ μὲν λίπετ’ αὖθι παρακλιδόν, οἷα γεραιή ### book 1.315.2 ὁπλοτέρων, ὁ δὲ πολλὸν ἀποπλαγχθεὶς ἐλιάσθη. ### book 1.315.3 Αὐτὰρ ἐπεί ῥα πόληος ἐυδμήτους λίπ’ ἀγυιάς, ### book 1.315.4 ἀκτήνδ’ ἵκανεν Παγασηίδα, τῇ μιν ἑταῖροι ### book 1.315.5 δειδέχατ’ Ἀργῴῃ ἄμυδις παρὰ νηὶ μένοντες. ### book 1.320.1 στῆ δ’ ἄρ’ ἐπιπρομολών, οἱ δ’ ἀντίοι ἠγερέθοντο· ### book 1.320.2 ἐς δ’ ἐνόησαν Ἄκαστον ὁμῶς Ἄργον τε πόληος ### book 1.320.3 νόσφι καταβλώσκοντας, ἐθάμβησαν δ’ ἐσιδόντες ### book 1.320.4 πασσυδίῃ Πελίαο παρὲκ νόον ἰθύοντας· ### book 1.320.5 δέρμα δ’ ὁ μὲν ταύροιο ποδηνεκὲς ἀμφέχετ’ ὤμους ### book 1.325.1 Ἄργος Ἀρεστορίδης λάχνῃ μέλαν, αὐτὰρ ὁ καλήν ### book 1.325.2 δίπλακα, τήν οἱ ὄπασσε κασιγνήτη Πελόπεια· ### book 1.325.3 ἀλλ’ ἔμπης τὼ μέν τε διεξερέεσθαι ἕκαστα ### book 1.325.4 ἔσχετο, τοὺς δ’ ἀγορήνδε συνεδριάασθαι ἄνωγεν. ### book 1.325.5 αὐτοῦ δ’ ἰλλομένοις ἐπὶ λαίφεσιν ἠδὲ καὶ ἱστῷ ### book 1.330.1 κεκλιμένῳ μάλα πάντες ἐπισχερὼ ἑδριόωντο. ### book 1.330.2 τοῖσιν δ’ Αἴσονος υἱὸς ἐυφρονέων μετέειπεν· ### book 1.330.3 “Ἄλλα μέν, ὅσσα τε νηὶ ἐφοπλίσσασθαι ἔοικεν, ### book 1.1 πάντα μάλ’ εὖ κατὰ κόσμον ἐπαρτέα κεῖται ἰοῦσιν, ### book 1.2 τῶ οὐκ ἂν δηναιὸν ἐχοίμεθα τοῖο ἕκητι ### book 1.335.1 ναυτιλίης, ὅτε μοῦνον ἐπιπνεύσουσιν ἀῆται· ### book 1.335.2 ἀλλὰ φίλοι, ξυνὸς γὰρ ἐς Ἑλλάδα νόστος ὀπίσσω, ### book 1.335.3 ξυναὶ δ’ ἄμμι πέλονται ἐς Αἰήταο κέλευθοι, ### book 1.335.4 τούνεκα νῦν τὸν ἄριστον ἀφειδήσαντες ἕλεσθε ### book 1.335.5 ὄρχαμον ἡμείων, ᾧ κεν τὰ ἕκαστα μέλοιτο, ### book 1.340.1 νείκεα συνθεσίας τε μετὰ ξείνοισι βαλέσθαι.” ### book 1.340.2 Ὧς φάτο. πάπτηναν δὲ νέοι θρασὺν Ἡρακλῆα ### book 1.340.3 ἥμενον ἐν μέσσοισι, μιῇ δέ ἑ πάντες ἀυτῇ ### book 1.340.4 σημαίνειν ἐπέτελλον· ὁ δ’ αὐτόθεν ἔνθα περ ἧστο ### book 1.340.5 δεξιτερὴν ἀνὰ χεῖρα τανύσσατο, φώνησέν τε· ### book 1.345.1 “Μή τις ἐμοὶ τόδε κῦδος ὀπαζέτω· οὐ γὰρ ἔγωγε ### book 1.345.2 πείσομαι, ὧς δὲ καὶ ἄλλον ἀναστήσεσθαι ἐρύξω. ### book 1.345.3 αὐτὸς ὅτις ξυνάγειρε καὶ ἀρχεύοι ὁμάδοιο.” ### book 1.345.4 Ἦ ῥα μέγα φρονέων· ἐπὶ δ’ ᾔνεον ὡς ἐκέλευεν ### book 1.345.5 Ἡρακλέης. ἀνὰ δ’ αὐτὸς ἀρήιος ὤρνυτ’ Ἰήσων ### book 1.1 γηθόσυνος, καὶ τοῖα λιλαιομένοις ἀγόρευεν· ### book 1.2 “Εἰ μὲν δή μοι κῦδος ἐπιτρωπᾶτε μέλεσθαι, ### book 1.3 μηκέτ’ ἔπειθ’, ὡς καὶ πρίν, ἐρητύοιτο κέλευθα. ### book 1.4 νῦν γε μὲν ἤδη Φοῖβον ἀρεσσάμενοι θυέεσσιν ### book 1.5 δαῖτ’ ἐντυνώμεσθα παρασχεδόν. ὄφρα δ’ ἴωσιν ### book 1.355.1 δμῶες ἐμοὶ σταθμῶν σημάντορες οἷσι μέμηλεν ### book 1.355.2 δεῦρο βόας ἀγέληθεν ἐὺ κρίναντας ἐλάσσαι, ### book 1.355.3 τόφρα κε νῆ’ ἐρύσαιμεν ἔσω ἁλός, ὅπλα δὲ πάντα ### book 1.355.4 ἐνθέμενοι πεπάλαχθε κατὰ κληῖδας ἐρετμά· ### book 1.355.5 τείως δ’ αὖ καὶ βωμὸν ἐπάκτιον Ἐμβασίοιο ### book 1.360.1 θείομεν Ἀπόλλωνος, ὅ μοι χρείων ὑπέδεκτο ### book 1.360.2 σημανέειν δείξειν τε πόρους ἁλός, εἴ κε θυηλαῖς ### book 1.1 οὗ ἕθεν ἐξάρχωμαι ἀεθλεύων βασιλῆι.” ### book 1.2 Ἦ ῥα, καὶ εἰς ἔργον πρῶτος τράπεθ’. οἱ δ’ ἐπανέσταν ### book 1.3 πειθόμενοι· ἀπὸ δ’ εἵματ’ ἐπήτριμα νηήσαντο ### book 1.365.1 λείῳ ἐπὶ πλαταμῶνι, τὸν οὐκ ἐπέβαλλε θάλασσα ### book 1.365.2 κύμασι, χειμερίη δὲ πάλαι ἀποέκλυσεν ἅλμη. ### book 1.365.3 νῆα δ’ ἐπικρατέως Ἄργου ὑποθημοσύνῃσιν ### book 1.365.4 ἔζωσαν πάμπρωτον ἐυστρεφεῖ ἔνδοθεν ὅπλῳ ### book 1.365.5 τεινάμενοι ἑκάτερθεν, ἵν’ εὖ ἀραροίατο γόμφοις ### book 1.370.1 δούρατα καὶ ῥοθίοιο βίην ἔχοι ἀντιόωσαν. ### book 1.370.2 σκάπτον δ’ αἶψα κατ’ εὖρος ὅσον †περιβάλλεται χῶρος†, ### book 1.370.3 †ἠδὲ κατὰ πρώειραν ἔσω ἁλὸς ὁσσάτιόν περ ### book 1.370.4 ἑλκομένη χείρεσσιν ἐπιδραμέεσθαι ἔμελλεν, ### book 1.370.5 αἰεὶ δὲ προτέρω χθαμαλώτερον ἐξελάχαινον ### book 1.375.1 στείρης· ἐν δ’ ὁλκῷ ξεστὰς στορέσαντο φάλαγγας· ### book 1.375.2 τὴν δὲ κατάντη κλῖναν ἐπὶ πρώτῃσι φάλαγξιν, ### book 1.375.3 ὥς κεν ὀλισθαίνουσα δι’ αὐτάων φορέοιτο. ### book 1.375.4 ὕψι δ’ ἄρ’ ἔνθα καὶ ἔνθα μεταστρέψαντες ἐρετμά ### book 1.375.5 πήχυιον προύχοντα περὶ σκαλμοῖσιν ἔδησαν, ### book 1.380.1 τῶν δ’ ἐπαμοιβαδὶς αὐτοὶ ἐνέσταθεν ἀμφοτέρωθεν ### book 1.380.2 στέρνα θ’ ὁμοῦ καὶ χεῖρας ἐπήλασαν. ἐν δ’ ἄρα Τῖφυς ### book 1.380.3 βήσαθ’, ἵν’ ὀτρύνειε νέους κατὰ καιρὸν ἐρύσσαι. ### book 1.380.4 κεκλόμενος δ’ ἤυσε μάλα μέγα, τοὶ δὲ παρᾶσσον ### book 1 ᾧ κράτεϊ βρίσαντες ἰῇ στυφέλιξαν ἐρωῇ ### book 1.385.1 νειόθεν ἐξ ἕδρης, ἐπὶ δ’ ἐρρώσαντο πόδεσσιν ### book 1.385.2 προπροβιαζόμενοι· ἡ δ’ ἕσπετο Πηλιὰς Ἀργώ ### book 1.385.3 ῥίμφα μάλ’, οἱ δ’ ἑκάτερθεν ἐπίαχον ἀίσσοντες· ### book 1.385.4 αἱ δ’ ἄρ’ ὑπὸ τρόπιδι στιβαραὶ στενάχοντο φάλαγγες ### book 1.385.5 τριβόμεναι, περὶ δέ σφιν ἀιδνὴ κήκιε λιγνύς ### book 1.390.1 βριθοσύνῃ· κατόλισθε δ’ ἔσω ἁλός. οἱ δέ μιν αὖθι ### book 1.390.2 ἂψ ἀνασειράζοντες ἔχον προτέρωσε κιοῦσαν· ### book 1.390.3 σκαλμοῖς δ’ ἀμφὶς ἐρετμὰ κατήρτυον, ἐν δέ οἱ ἱστόν ### book 1.390.4 λαίφεά τ’ εὐποίητα καὶ ἁρμαλιὴν ἐβάλοντο. ### book 1.390.5 Αὐτὰρ ἐπεὶ τὰ ἕκαστα περιφραδέως ἀλέγυναν, ### book 1.395.1 κληῖδας μὲν πρῶτα πάλῳ διεμοιρήσαντο, ### book 1.395.2 ἄνδρ’ ἐντυναμένω δοιὼ μίαν· ἐκ δ’ ἄρα μέσσην ### book 1.395.3 ᾕρεον Ἡρακλῆι καὶ ἡρώων ἄτερ ἄλλων ### book 1.395.4 Ἀγκαίῳ, Τεγέης ὅς ῥα πτολίεθρον ἔναιεν· ### book 1.395.5 τοῖς μέσσην οἴοισιν ἀπὸ κληῖδα λίποντο ### book 1.1 αὔτως, οὔτι πάλῳ· ἐπὶ δ’ ἔτρεπον αἰνήσαντες ### book 1.2 Τῖφυν ἐυστείρης οἰήια νηὸς ἔρυσθαι. ### book 1.3 Ἔνθεν δ’ αὖ λάιγγας ἁλὸς σχεδὸν ὀχλίζοντες, ### book 1.4 νήεον αὐτόθι βωμὸν ἐπάκτιον, Ἀπόλλωνος ### book 1.5 Ἀκτί̣ου Ἐμβασίοιό τ’ ἐπώνυμον· ὦκα δὲ τοίγε ### book 1.405.1 φιτροὺς ἀζαλέης στόρεσαν καθύπερθεν ἐλαίης. ### book 1.405.2 τείως δ’ αὖτ’ ἀγέληθεν ἐπιπροέηκαν ἄγοντες ### book 1.405.3 βουκόλοι Αἰσονίδαο δύω βόε· τοὺς δ’ ἐρύσαντο ### book 1.405.4 κουρότεροι ἑτάρων βωμοῦ σχεδόν, οἱ δ’ ἄρ’ ἔπειτα ### book 1.405.5 χέρνιβά τ’ οὐλοχύτας τε παρέσχεθον. αὐτὰρ Ἰήσων ### book 1.410 εὔχετο κεκλόμενος πατρώιον Ἀπόλλωνα· ### book 1.1 “Κλῦθι ἄναξ Παγασάς τε πόλιν τ’ Αἰσωνίδα ναίων ### book 1.2 ἡμετέροιο τοκῆος ἐπώνυμον, ὅς μοι ὑπέστης ### book 1.3 Πυθοῖ χρειομένῳ ἄνυσιν καὶ πείραθ’ ὁδοῖο ### book 1.4 σημανέειν, αὐτὸς γὰρ ἐπαίτιος ἔπλευ ἀέθλων· ### book 1.415.1 αὐτὸς νῦν ἄγε νῆα σὺν ἀρτεμέεσσιν ἑταίροις ### book 1.415.2 κεῖσέ τε καὶ παλίνορσον ἐς Ἑλλάδα. σοὶ δ’ ἂν ὀπίσσω ### book 1.415.3 τόσσων ὅσσοι κεν νοστήσομεν ἀγλαὰ ταύρων ### book 1.415.4 ἱρὰ πάλιν βωμῷ ἐπιθήσομεν, ἄλλα δὲ Πυθοῖ, ### book 1.415.5 ἄλλα δ’ ἐς Ὀρτυγίην ἀπερείσια δῶρα κομίσσω· ### book 1.420.1 νῦν δ’ ἴθι, καὶ τήνδ’ ἧμιν, Ἑκηβόλε, δέξο θυηλήν, ### book 1.420.2 ἥν τοι τῆσδ’ ἐπίβαθρα χάριν προτιθείμεθα νηός ### book 1.420.3 πρωτίστην· λύσαιμι δ’, ἄναξ, ἐπ’ ἀπήμονι μοίρῃ ### book 1.420.4 πείσματα σὴν διὰ μῆτιν· ἐπιπνεύσειε δ’ ἀήτης ### book 1.420.5 μείλιχος, ᾧ κ’ ἐπὶ πόντον ἐλευσόμεθ’ εὐδιόωντες.” ### book 1.425.1 Ἦ, καὶ ἅμ’ εὐχωλῇ προχύτας βάλε. τὼ δ’ ἐπὶ βουσίν ### book 1.425.2 ζωσάσθην, Ἀγκαῖος ὑπέρβιος Ἡρακλέης τε· ### book 1.425.3 ἤτοι ὁ μὲν ῥοπάλῳ μέσσον κάρη ἀμφὶ μέτωπα ### book 1.425.4 πλῆξεν, ὁ δ’ ἀθρόος αὖθι πεσὼν ἐνερείσατο γαίῃ· ### book 1.425.5 Ἀγκαῖος δ’ ἑτέροιο κατὰ πλατὺν αὐχένα κόψας ### book 1.430.1 χαλκείῳ πελέκει κρατεροὺς διέκερσε τένοντας, ### book 1.430.2 ἤριπε δ’ ἀμφοτέροισι περιρρηδὴς κεράεσσιν. ### book 1.430.3 τοὺς δ’ ἕταροι σφάξαν τε θοῶς δεῖράν τε βοείας, ### book 1.430.4 κόπτον δαίτρευόν τε καὶ ἱερὰ μῆρ’ ἐτάμοντο, ### book 1.430.5 κὰδ δ’ ἄμυδις τάγε πάντα καλύψαντες πύκα δημῷ ### book 1.435.1 καῖον ἐπὶ σχίζῃσιν· ὁ δ’ ἀκρήτους χέε λοιβάς ### book 1.435.2 Αἰσονίδης. γήθει δὲ σέλας θηεύμενος Ἴδμων ### book 1.435.3 πάντοσε λαμπόμενον θυέων ἄπο, τοῖό τε λιγνύν ### book 1.435.4 πορφυρέαις ἑλίκεσσιν ἐναίσιμον ἀίσσουσαν· ### book 1 αἶψα δ’ ἀπηλεγέως νόον ἔκφατο Λητοΐδαο· ### book 1.440.1 “Ὑμῖν μὲν δὴ μοῖρα θεῶν χρειώ τε περῆσαι ### book 1.440.2 ἐνθάδε κῶας ἄγοντας, ἀπειρέσιοι δ’ ἐνὶ μέσσῳ ### book 1.440.3 κεῖσέ τε δεῦρό τ’ ἔασιν ἀνερχομένοισιν ἄεθλοι· ### book 1.440.4 αὐτὰρ ἐμοὶ θανέειν στυγερῇ ὑπὸ δαίμονος αἴσῃ ### book 1.440.5 τηλόθι που πέπρωται ἐπ’ Ἀσίδος ἠπείροιο. ### book 1.445.1 ὧδε κακοῖς δεδαὼς ἔτι καὶ πάρος οἰωνοῖσιν ### book 1.445.2 πότμον ἐμόν, πάτρης ἐξήιον, ὄφρ’ ἐπιβαίην ### book 1.445.3 νηός, ἐυκλείη δὲ δόμοις ἐπιβάντι λίπηται.” ### book 1.445.4 Ὧς ἄρ’ ἔφη· κοῦροι δὲ θεοπροπίης ἀίοντες ### book 1.445.5 νόστῳ μὲν γήθησαν, ἄχος δ’ ἕλεν Ἴδμονος αἴσῃ. ### book 1.1 ἦμος δ’ ἠέλιος σταθερὸν παραμείβεται ἦμαρ, ### book 1.2 αἱ δὲ νέον σκοπέλοισιν ὕπο σκιόωνται ἄρουραι, ### book 1.3 δειελινὸν κλίνοντος ὑπὸ ζόφον ἠελίοιο, ### book 1.4 τῆμος ἄρ’ ἤδη πάντες ἐπὶ ψαμάθοισι βαθεῖαν ### book 1.5 φυλλάδα χευάμενοι πολιοῦ πρόπαρ αἰγιαλοῖο ### book 1.455.1 κέκλινθ’ ἑξείης· παρὰ δέ σφισι μυρί’ ἔκειτο ### book 1.455.2 εἴδατα καὶ μέθυ λαρόν, ἀφυσσαμένων προχόοισιν ### book 1.455.3 οἰνοχόων. μετέπειτα δ’ ἀμοιβαδὶς ἀλλήλοισιν ### book 1.455.4 μυθεῦνθ’ οἷά τε πολλὰ νέοι παρὰ δαιτὶ καὶ οἴνῳ ### book 1.455.5 τερπνῶς ἑψιόωνται, ὅτ’ ἄατος ὕβρις ἀπείη. ### book 1.460.1 ἔνθ’ αὖτ’ Αἰσονίδης μὲν ἀμήχανος εἰν ἑοῖ αὐτῷ ### book 1.460.2 πορφύρεσκεν ἕκαστα, κατηφιόωντι ἐοικώς· ### book 1.460.3 τὸν δ’ ἄρ’ ὑποφρασθεὶς μεγάλῃ ὀπὶ νείκεσεν Ἴδας· ### book 1.460.4 “Αἰσονίδη, τίνα τήνδε μετὰ φρεσὶ μῆτιν ἑλίσσεις; ### book 1.460.5 αὔδα ἐνὶ μέσσοισι τεὸν νόον. ἦέ σε δαμνᾷ ### book 1.465 τάρβος ἐπιπλόμενον, τό τ’ ἀνάλκιδας ἄνδρας ἀτύζει; ### book 1.1 ἴστω νῦν δόρυ θοῦρον, ὅτῳ περιώσιον ἄλλων ### book 1.2 κῦδος ἐνὶ πτολέμοισιν ἀείρομαι, οὐδέ μ’ ὀφέλλει ### book 1.3 Ζεὺς τόσον ὁσσάτιόν περ ἐμὸν δόρυ, μή νύ τι πῆμα ### book 1.4 λοίγιον ἔσσεσθαι μηδ’ ἀκράαντον ἄεθλον ### book 1.470.1 Ἴδεω γ’ ἑσπομένοιο, καὶ εἰ θεὸς ἀντιόῳτο· ### book 1.470.2 τοῖόν μ’ Ἀρήνηθεν ἀοσσητῆρα κομίζεις.” ### book 1.470.3 Ἦ, καὶ ἐπισχόμενος πλεῖον δέπας ἀμφοτέρῃσι ### book 1.470.4 πῖνε χαλίκρητον λαρὸν μέθυ, δεύετο δ’ οἴνῳ ### book 1.470.5 χείλεα κυάνεαί τε γενειάδες. οἱ δ’ ὁμάδησαν ### book 1.475.1 πάντες ὁμῶς, Ἴδμων δὲ καὶ ἀμφαδίην ἀγόρευσεν· ### book 1.475.2 “Δαιμόνιε, φρονέεις ὀλοφώια καὶ πάρος αὐτῷ, ### book 1.475.3 ἦέ τοι εἰς ἄτην ζωρὸν μέθυ θαρσαλέον κῆρ ### book 1.475.4 οἰδάνει ἐν στήθεσσι, θεοὺς δ’ ἀνέηκεν ἀτίζειν; ### book 1.475.5 ἄλλοι μῦθοι ἔασι παρήγοροι οἷσί περ ἀνήρ ### book 1.480.1 θαρσύνοι ἕταρον· σὺ δ’ ἀτάσθαλα πάμπαν ἔειπας. ### book 1.480.2 τοῖα φάτις καὶ τοὺς πρὶν ἐπιφλύειν μακάρεσσιν ### book 1.480.3 υἷας Ἀλωιάδας, οἷς οὐδ’ ὅσον ἰσοφαρίζεις ### book 1.480.4 ἠνορέην, ἔμπης δὲ θοοῖς ἐδάμησαν ὀιστοῖς ### book 1.480.5 ἄμφω Λητοΐδαο, καὶ ἴφθιμοί περ ἐόντες.” ### book 1.485.1 Ὧς ἔφατ’· ἐκ δ’ ἐγέλασσεν ἄδην Ἀφαρήιος Ἴδας, ### book 1.485.2 καί μιν ἐπιλλίζων ἠμείβετο κερτομίοισιν· ### book 1.485.3 “Ἄγρει νυν τόδε σῇσι θεοπροπίῃσιν ἐνίσπες, ### book 1.485.4 εἰ καὶ ἐμοὶ τοιόνδε θεοὶ τελέουσιν ὄλεθρον ### book 1.485.5 οἷον Ἀλωιάδῃσι πατὴρ τεὸς ἐγγυάλιξε· ### book 1.490.1 φράζεο δ’ ὅππως χεῖρας ἐμὰς σόος ἐξαλέαιο, ### book 1.490.2 χρειὼ θεσπίζων μεταμώνιον εἴ κεν ἁλῴης.” ### book 1.490.3 Χώετ’ ἐνιπτάζων· προτέρω δέ κε νεῖκος ἐτύχθη, ### book 1.490.4 εἰ μὴ δηριόωντας ὁμοκλήσαντες ἑταῖροι ### book 1.490.5 αὐτός τ’ Αἰσονίδης κατερήτυεν· †ἂν δὲ καὶ† Ὀρφεύς, ### book 1.495.1 λαιῇ ἀνασχόμενος κίθαριν, πείραζεν ἀοιδῆς. ### book 1.495.2 Ἤειδεν δ’ ὡς γαῖα καὶ οὐρανὸς ἠδὲ θάλασσα, ### book 1.495.3 τὸ πρὶν ἔτ’ ἀλλήλοισι μιῇ συναρηρότα μορφῇ, ### book 1.495.4 νείκεος ἐξ ὀλοοῖο διέκριθεν ἀμφὶς ἕκαστα· ### book 1.495.5 ἠδ’ ὡς ἔμπεδον αἰὲν ἐν αἰθέρι τέκμαρ ἔχουσιν ### book 1.1 ἄστρα, σεληναίης τε καὶ ἠελίοιο κέλευθοι· ### book 1.2 οὔρεά θ’ ὡς ἀνέτειλε, καὶ ὡς ποταμοὶ κελάδοντες ### book 1.3 αὐτῇσιν νύμφῃσι καὶ ἑρπετὰ πάντ’ ἐγένοντο. ### book 1.4 ἤειδεν δ’ ὡς πρῶτον Ὀφίων Εὐρυνόμη τε ### book 1.5 Ὠκεανὶς νιφόεντος ἔχον κράτος Οὐλύμποιο· ### book 1.505.1 ὥς τε βίῃ καὶ χερσὶν ὁ μὲν Κρόνῳ εἴκαθε τιμῆς, ### book 1.505.2 ἡ δὲ Ῥέῃ, ἔπεσον δ’ ἐνὶ κύμασιν Ὠκεανοῖο· ### book 1.505.3 οἱ δὲ τέως μακάρεσσι θεοῖς Τιτῆσιν ἄνασσον, ### book 1.505.4 ὄφρα Ζεὺς ἔτι κοῦρος, ἔτι φρεσὶ νήπια εἰδώς, ### book 1.505.5 Δικταῖον ναίεσκεν ὑπὸ σπέος, οἱ δέ μιν οὔπω ### book 1.510.1 γηγενέες Κύκλωπες ἐκαρτύναντο κεραυνῷ, ### book 1.510.2 βροντῇ τε στεροπῇ τε· τὰ γὰρ Διὶ κῦδος ὀπάζει. ### book 1.510.3 Ἦ, καὶ ὁ μὲν φόρμιγγα σὺν ἀμβροσίῃ σχέθεν αὐδῇ· ### book 1.510.4 τοὶ δ’ ἄμοτον λήξαντος ἔτι προύχοντο κάρηνα, ### book 1 πάντες ὁμῶς ὀρθοῖσιν ἐπ’ οὔασιν ἠρεμέοντες ### book 1.515.1 κηληθμῷ· τοῖόν σφιν ἐνέλλιπε θέλκτρον ἀοιδῆς. ### book 1.515.2 οὐδ’ †ἐπὶ δὴν μετέπειτα κερασσάμενοι Διὶ λοιβάς, ### book 1.515.3 ᾗ θέμις, ἑστηῶτες ἐπὶ γλώσσῃσι χέοντο ### book 1.515.4 αἰθομέναις, ὕπνου δὲ διὰ κνέφας ἐμνώοντο. ### book 1.515.5 Αὐτὰρ ὅτ’ αἰγλήεσσα φαεινοῖς ὄμμασιν Ἠώς ### book 1.520.1 Πηλίου αἰπεινὰς ἴδεν ἄκριας, ἐκ δ’ ἀνέμοιο ### book 1.520.2 εὔδιοι ἐκλύζοντο τινασσομένης ἁλὸς ἀκταί, ### book 1.520.3 δὴ τότ’ ἀνέγρετο Τῖφυς, ἄφαρ δ’ ὀρόθυνεν ἑταίρους ### book 1.520.4 βαινέμεναί τ’ ἐπὶ νῆα καὶ ἀρτύνασθαι ἐρετμά. ### book 1.520.5 σμερδαλέον δὲ λιμὴν Παγασήιος ἠδὲ καὶ αὐτή ### book 1.525.1 Πηλιὰς ἴαχεν Ἀργὼ ἐπισπέρχουσα νέεσθαι· ### book 1.525.2 ἐν γάρ οἱ δόρυ θεῖον ἐλήλατο, τό ῥ’ ἀνὰ μέσσην ### book 1.525.3 στεῖραν Ἀθηναίη Δωδωνίδος ἥρμοσε φηγοῦ. ### book 1.525.4 οἱ δ’ ἀνὰ σέλματα βάντες ἐπισχερὼ ἀλλήλοισιν, ### book 1.525.5 ὡς ἐδάσαντο πάροιθεν ἐρεσσέμεν, ᾧ ἐνὶ χώρῳ ### book 1.530.1 εὐκόσμως σφετέροισι παρ’ ἔντεσιν ἑδριόωντο· ### book 1.530.2 μέσσῳ δ’ Ἀγκαῖος μέγα τε σθένος Ἡρακλῆος ### book 1.1 ἵζανον, ἄγχι δέ οἱ ῥόπαλον θέτο· καί οἱ ἔνερθε ### book 1.2 ποσσὶν ὑπεκλύσθη νηὸς τρόπις. εἵλκετο δ’ ἤδη ### book 1.3 πείσματα καὶ μέθυ λεῖβον ὕπερθ’ ἁλός, αὐτὰρ Ἰήσων ### book 1.535.1 δακρυόεις γαίης ἀπὸ πατρίδος ὄμματ’ ἔνεικεν. ### book 1.535.2 οἱ δ’, ὥστ’ ἠίθεοι Φοίβῳ χορὸν ἢ ἐνὶ Πυθοῖ ### book 1.535.3 ἤ που ἐν Ὀρτυγίῃ ἢ ἐφ’ ὕδασιν Ἰσμηνοῖο ### book 1.535.4 στησάμενοι, φόρμιγγος ὑπαὶ περὶ βωμὸν ὁμαρτῇ ### book 1.535.5 ἐμμελέως κραιπνοῖσι πέδον ῥήσσωσι πόδεσσιν— ### book 1.540.1 ὧς οἱ ὑπ’ Ὀρφῆος κιθάρῃ πέπληγον ἐρετμοῖς ### book 1.540.2 πόντου λάβρον ὕδωρ, ἐπὶ δὲ ῥόθια κλύζοντο· ### book 1.540.3 ἀφρῷ δ’ ἔνθα καὶ ἔνθα κελαινὴ κήκιεν ἅλμη ### book 1.540.4 δεινὸν μορμύρουσα περισθενέων μένει ἀνδρῶν, ### book 1.540.5 στράπτε δ’ ὑπ’ ἠελίῳ φλογὶ εἴκελα νηὸς ἰούσης ### book 1.545.1 τεύχεα· μακραὶ δ’ αἰὲν ἐλευκαίνοντο κέλευθοι, ### book 1.545.2 ἀτραπὸς ὣς χλοεροῖο διειδομένη πεδίοιο. ### book 1.545.3 πάντες δ’ οὐρανόθεν λεῦσσον θεοὶ ἤματι κείνῳ ### book 1.545.4 νῆα καὶ ἡμιθέων ἀνδρῶν γένος, οἳ τότ’ ἄριστοι ### book 1.545.5 πόντον ἐπιπλώεσκον· ἐπ’ ἀκροτάτῃσι δὲ νύμφαι ### book 1.1 Πηλιάδες σκοπιῇσιν ἐθάμβεον, εἰσορόωσαι ### book 1.2 ἔργον Ἀθηναίης Ἰτωνίδος ἠδὲ καὶ αὐτούς ### book 1.3 ἥρωας χείρεσσιν ἐπικραδάοντας ἐρετμά· ### book 1.4 αὐτὰρ ὅγ’ ἐξ ὑπάτου ὄρεος κίεν ἄγχι θαλάσσης ### book 1.5 Χείρων Φιλλυρίδης, πολιῇ δ’ ἐπὶ κύματος ἀγῇ ### book 1.555.1 τέγγε πόδας, καὶ πολλὰ βαρείῃ χειρὶ κελεύων ### book 1.555.2 νόστον ἐπευφήμησεν ἀπηρέα νισσομένοισιν· ### book 1.555.3 σὺν καί οἱ παράκοιτις, ἐπωλένιον φορέουσα ### book 1.555.4 Πηλεΐδην Ἀχιλῆα, φίλῳ δειδίσκετο πατρί. ### book 1.555.5 Οἱ δ’ ὅτε δὴ λιμένος περιηγέα κάλλιπον ἀκτήν ### book 1.560.1 φραδμοσύνῃ μήτι τε δαΐφρονος Ἁγνιάδαο ### book 1.560.2 Τίφυος, ὅς ῥ’ ἐνὶ χερσὶν ἐύξοα τεχνηέντως ### book 1.560.3 πηδάλι’ ἀμφιέπεσκ’, ὄφρ’ ἔμπεδον ἐξιθύνοι, ### book 1.560.4 δή ῥα τότε μέγαν ἱστὸν ἐνεστήσαντο μεσόδμῃ, ### book 1.560.5 δῆσαν δὲ προτόνοισι, τανυσσάμενοι ἑκάτερθεν· ### book 1.565.1 κὰδ δ’ αὐτοῦ λίνα χεῦαν, ἐπ’ ἠλακάτην ἐρύσαντες, ### book 1.565.2 ἐν δὲ λιγὺς πέσεν οὖρος· ἐπ’ ἰκριόφιν δὲ κάλωας ### book 1.565.3 ξεστῇσιν περόνῃσι διακριδὸν ἀμφιβαλόντες ### book 1.565.4 Τισαίην εὔκηλοι ὑπὲρ δολιχὴν θέον ἄκρην. ### book 1.565.5 τοῖσι δὲ φορμίζων εὐθήμονι μέλπεν ἀοιδῇ ### book 1.570.1 Οἰάγροιο πάις Νηοσσόον εὐπατέρειαν ### book 1.570.2 Ἄρτεμιν, ἣ κείνας σκοπιὰς ἁλὸς ἀμφιέπεσκεν ### book 1.570.3 ῥυομένη καὶ γαῖαν Ἰωλκίδα. τοὶ δὲ βαθείης ### book 1.570.4 ἰχθύες ἀίσσοντες ὕπερθ’ ἁλός, ἄμμιγα παύροις ### book 1.570.5 ἄπλετοι, ὑγρὰ κέλευθα διασκαίροντες ἕποντο· ### book 1.575.1 ὡς δ’ ὁπότ’ ἀγραύλοιο μετ’ ἴχνια σημαντῆρος ### book 1.575.2 μυρία μῆλ’ ἐφέπονται ἄδην κεκορημένα ποίης ### book 1.575.3 εἰς αὖλιν, ὁ δέ τ’ εἶσι πάρος, σύριγγι λιγείῃ ### book 1.575.4 καλὰ μελιζόμενος νόμιον μέλος—ὧς ἄρα τοίγε ### book 1 ὡμάρτευν· τὴν δ’ αἰὲν ἐπασσύτερος φέρεν οὖρος. ### book 1.580.1 Αὐτίκα δ’ ἠερίη πολυλήιος αἶα Πελασγῶν ### book 1.580.2 δύετο, Πηλιάδας δὲ παρεξήμειβον ἐρίπνας, ### book 1.580.3 αἰὲν ἐπιπροθέοντες, ἔδυνε δὲ Σηπιὰς ἄκρη· ### book 1.580.4 φαίνετο δ’ εἰναλίη Σκίαθος, φαίνοντο δ’ ἄπωθεν ### book 1.580.5 Πειρεσιαὶ Μάγνησσά θ’ ὑπεύδιος ἠπείροιο ### book 1.585.1 ἀκτὴ καὶ τύμβος Δολοπήιος. ἔνθ’ ἄρα τοίγε ### book 1.585.2 ἑσπέριοι ἀνέμοιο παλιμπνοίῃσιν ἔκελσαν· ### book 1.585.3 καί μιν κυδαίνοντες ὑπὸ κνέφας ἔντομα μήλων ### book 1.585.4 κεῖαν ὀρινομένης ἁλὸς οἴδματι, διπλόα δ’ ἀκταῖς ### book 1.585.5 ἤματ’ ἐλινύεσκον. ἀτὰρ τριτάτῳ προέηκαν ### book 1.590.1 νῆα, τανυσσάμενοι περιώσιον ὑψόθι λαῖφος· ### book 1.590.2 τὴν δ’ ἀκτὴν Ἀφέτας Ἀργοῦς ἔτι κικλήσκουσιν. ### book 1.590.3 Ἔνθεν δὲ προτέρωσε παρεξέθεον Μελίβοιαν, ### book 1.590.4 ἀκτήν τ’ αἰγιαλόν τε δυσήνεμον †εἰσορόωντες· ### book 1.590.5 ἠῶθεν δ’ Ὁμόλην αὐτοσχεδὸν εἰσορόωντες ### book 1.595.1 πόντῳ κεκλιμένην παρεμέτρεον. οὐδ’ ἔτι δηρόν ### book 1.595.2 μέλλον ὑπὲκ ποταμοῖο βαλεῖν Ἀμύροιο ῥέεθρα· ### book 1.595.3 κεῖθεν δ’ Εὐρυμένας τε πολυκλύστους τε φάραγγας ### book 1.595.4 Ὄσσης Οὐλύμποιό τ’ ἐσέδρακον, αὐτὰρ ἔπειτα ### book 1.595.5 κλίτεα Παλλήναια, Καναστραίην ὑπὲρ ἄκρην, ### book 1.1 ἤνυσαν, ἐννύχιοι πνοιῇ ἀνέμοιο θέοντες. ### book 1.2 ἦρι δὲ νισσομένοισιν Ἄθω ἀνέτειλε κολώνη ### book 1.1 Θρηικίη, ἣ τόσσον ἀπόπροθι Λῆμνον ἐοῦσαν ### book 1.2 ὅσσον ἐς ἔνδιόν κεν ἐύστολος ὁλκὰς ἀνύσσαι, ### book 1.3 ἀκροτάτῃ κορυφῇ σκιάει καὶ ἐσάχρι Μυρίνης. ### book 1.605.1 τοῖσιν δ’ αὐτῆμαρ μὲν ἄεν καὶ ἐπὶ κνέφας οὖρος ### book 1.605.2 πάγχυ μάλ’ ἀκραής, τετάνυστο δὲ λαίφεα νηός· ### book 1.605.3 αὐτὰρ ἅμ’ ἠελίοιο βολαῖς ἀνέμοιο λιπόντος, ### book 1.605.4 εἰρεσίῃ κραναὴν Σιντηίδα νῆσον ἵκοντο. ### book 1.605.5 Ἔνθ’ ἄμυδις πᾶς δῆμος ὑπερβασίῃσι γυναικῶν ### book 1.610.1 νηλειῶς δέδμητο παροιχομένῳ λυκάβαντι. ### book 1.610.2 δὴ γὰρ κουριδίας μὲν ἀπηνήναντο γυναῖκας ### book 1.610.3 ἀνέρες ἐχθήραντες, ἔχον δ’ ἐπὶ ληιάδεσσι ### book 1.610.4 τρηχὺν ἔρον, ἃς αὐτοὶ ἀγίνεον ἀντιπέρηθεν ### book 1.610.5 Θρηικίην δῃοῦντες· ἐπεὶ χόλος αἰνὸς ὄπαζε ### book 1.615.1 Κύπριδος, οὕνεκά μιν γεράων ἐπὶ δηρὸν ἄτισσαν. ### book 1.615.2 ὦ μέλεαι ζήλοιό τ’ ἐπισμυγερῶς ἀκόρητοι· ### book 1.615.3 οὐκ οἶον σὺν τῇσιν ἑοὺς ἔρραισαν ἀκοίτας ### book 1.615.4 ἀμφ’ εὐνῇ, πᾶν δ’ ἄρσεν ὁμοῦ γένος, ὥς κεν ὀπίσσω ### book 1.615.5 μή τινα λευγαλέοιο φόνου τείσειαν ἀμοιβήν. ### book 1.620.1 οἴη δ’ ἐκ πασέων γεραροῦ περιφείσατο πατρός ### book 1.620.2 Ὑψιπύλεια Θόαντος, ὃ δὴ κατὰ δῆμον ἄνασσε, ### book 1.620.3 λάρνακι δ’ ἐν κοίλῃ μιν ὕπερθ’ ἁλὸς ἧκε φέρεσθαι, ### book 1.620.4 αἴ κε φύγῃ. καὶ τὸν μὲν ἐς Οἰνοίην ἐρύσαντο ### book 1.620.5 (πρόσθεν, ἀτὰρ Σίκινόν γε μεθύστερον αὐδηθεῖσαν) ### book 1.625.1 νῆσον ἐπακτῆρες (Σικίνου ἄπο, τόν ῥα Θόαντι ### book 1.625.2 νηιὰς Οἰνοίη νύμφη τέκεν εὐνηθεῖσα)· ### book 1.625.3 τῇσι δὲ βουκόλιαί τε βοῶν χάλκειά τε δύνειν ### book 1.1 τεύχεα πυροφόρους τε διατμήξασθαι ἀρούρας ### book 1.2 ῥηίτερον πάσῃσιν Ἀθηναίης πέλεν ἔργων, ### book 1.630.1 οἷς αἰεὶ τὸ πάροιθεν ὁμίλεον. ἀλλὰ γὰρ ἔμπης ### book 1.630.2 ἦ θαμὰ δὴ πάπταινον ἐπὶ πλατὺν ὄμμασι πόντον ### book 1.630.3 δείματι λευγαλέῳ ὁπότε Θρήικες ἴασι· ### book 1.630.4 τῶ καὶ ὅτ’ ἐγγύθι νήσου ἐρεσσομένην ἴδον Ἀργώ, ### book 1.630.5 αὐτίκα πασσυδίῃ πυλέων ἔκτοσθε Μυρίνης ### book 1.635.1 δήια τεύχεα δῦσαι ἐς αἰγιαλὸν προχέοντο, ### book 1.635.2 Θυιάσιν ὠμοβόροις ἴκελαι, φὰν γάρ που ἱκάνειν ### book 1.635.3 Θρήικας· ἡ δ’ ἅμα τῇσι Θοαντιὰς Ὑψιπύλεια ### book 1.635.4 δῦν’ ἐνὶ τεύχεσι πατρός. ἀμηχανίῃ δ’ ἔσχοντο ### book 1.635.5 ἄφθογγοι, τοῖόν σφιν ἐπὶ δέος ᾐωρεῖτο. ### book 1.640.1 Τείως δ’ αὖτ’ ἐκ νηὸς ἀριστῆες προέηκαν ### book 1.640.2 Αἰθαλίδην κήρυκα θοόν, τῷπέρ τε μέλεσθαι ### book 1.640.3 ἀγγελίας καὶ σκῆπτρον ἐπέτραπον Ἑρμείαο ### book 1.640.4 σφωιτέροιο τοκῆος, ὅ οἱ μνῆστιν πόρε πάντων ### book 1.640.5 ἄφθιτον· οὐδ’ ἔτι νῦν περ ἀποιχομένου Ἀχέροντος ### book 1.645.1 δίνας ἀπροφάτους ψυχὴν ἐπιδέδρομε λήθη· ### book 1.645.2 ἀλλ’ ἥγ’ ἔμπεδον αἰὲν ἀμειβομένη μεμόρηται, ### book 1.645.3 ἄλλοθ’ ὑποχθονίοις ἐναρίθμιος, ἄλλοτ’ ἐς αὐγάς ### book 1.645.4 ἠελίου ζωοῖσι μετ’ ἀνδράσιν—ἀλλὰ τί μύθους ### book 1.645.5 Αἰθαλίδεω χρειώ με διηνεκέως ἀγορεύειν; ### book 1.1 ὅς ῥα τόθ’ Ὑψιπύλην μειλίξατο δέχθαι ἰόντας ### book 1.2 ἤματος ἀνομένοιο διὰ κνέφας. οὐδὲ μὲν ἠοῖ ### book 1.1 πείσματα νηὸς ἔλυσαν ἐπὶ πνοιῇ βορέαο. ### book 1.2 Λημνιάδες δὲ γυναῖκες ἀνὰ πτόλιν ἷζον ἰοῦσαι ### book 1.3 εἰς ἀγορήν, αὐτὴ γὰρ ἐπέφραδεν Ὑψιπύλεια. ### book 1.655.1 καί ῥ’ ὅτε δὴ μάλα πᾶσαι ὁμιλαδὸν ἠγερέθοντο, ### book 1.655.2 αὐτίκ’ ἄρ’ ἥγ’ ἐνὶ τῇσιν ἐποτρύνους’ ἀγόρευεν· ### book 1.655.3 “Ὦ φίλαι, εἰ δ’ ἄγε δὴ μενοεικέα δῶρα πόρωμεν ### book 1.655.4 ἀνδράσιν, οἷά τ’ ἔοικεν ἄγειν ἐπὶ νηὸς ἔχοντας, ### book 1.655.5 ἤια καὶ μέθυ λαρόν, ἵν’ ἔμπεδον ἔκτοθι πύργων ### book 1.660.1 μίμνοιεν, μηδ’ ἄμμε κατὰ χρειὼ μεθέποντες ### book 1.660.2 ἀτρεκέως γνώωσι, κακὴ δ’ ἐπὶ πολλὸν ἵκηται ### book 1.660.3 βάξις, ἐπεὶ μέγα ἔργον ἐρέξαμεν· οὐδέ τι πάμπαν ### book 1.660.4 θυμηδὲς καὶ τοῖσι τόγ’ ἔσσεται εἴ κε δαεῖεν. ### book 1.660.5 ἡμετέρη μὲν νῦν τοίη παρενήνοθε μῆτις· ### book 1.665.1 ὑμέων δ’ εἴ τις ἄρειον ἔπος μητίσεται ἄλλη, ### book 1.665.2 εἰρέσθω· τοῦ γάρ τε καὶ εἵνεκα δεῦρο κάλεσσα.” ### book 1.665.3 Ὧς ἄρ’ ἔφη, καὶ θῶκον ἐφίζανε πατρὸς ἑοῖο ### book 1.665.4 λάινον. αὐτὰρ ἔπειτα φίλη τροφὸς ὦρτο Πολυξώ. ### book 1.665.5 γήραϊ δὴ ῥικνοῖσιν ἐπισκάζουσα πόδεσσιν, ### book 1.670.1 βάκτρῳ ἐρειδομένη, πέρι δὲ μενέαιν’ ἀγορεῦσαι· ### book 1.670.2 τῇ καὶ παρθενικαὶ πίσυρες σχεδὸν ἑδριόωντο ### book 1.670.3 ἀδμῆτες, λευκῇσιν ἐπιχνοάουσαι ἐθείραις. ### book 1.670.4 στῆ δ’ ἄρ’ ἐνὶ μέσσῃ ἀγορῇ, ἀνὰ δ’ ἔσχεθε δειρήν ### book 1.670.5 ἦκα μόλις κυφοῖο μεταφρένου, ὧδέ τ’ ἔειπεν· ### book 1.675.1 “Δῶρα μέν, ὡς αὐτῇ περ ἐφανδάνει Ὑψιπυλείῃ, ### book 1.675.2 πέμπωμεν ξείνοισιν, ἐπεὶ καὶ ἄρειον ὀπάσσαι· ### book 1.675.3 ὔμμι γε μὴν τίς μῆτις ἐπαυρέσθαι βιότοιο, ### book 1.675.4 αἴ κεν ἐπιβρίσῃ Θρήιξ στρατὸς ἠέ τις ἄλλος ### book 1 δυσμενέων, ἅ τε πολλὰ μετ’ ἀνθρώποισι πέλονται, ### book 1.680.1 ὡς καὶ νῦν ὅδ’ ὅμιλος ἀνωίστως ἐφικάνει; ### book 1.680.2 εἰ δὲ τὸ μὲν μακάρων τις ἀποτρέποι, ἄλλα δ’ ὀπίσσω ### book 1.680.3 μυρία δηιοτῆτος ὑπέρτερα πήματα μίμνει. ### book 1.680.4 εὖτ’ ἂν δὴ γεραραὶ μὲν ἀποφθινύθωσι γυναῖκες, ### book 1.680.5 κουρότεραι δ’ ἄγονοι στυγερὸν ποτὶ γῆρας ἵκησθε, ### book 1.685.1 πῶς τῆμος βώσεσθε, δυσάμμοροι; ἦε βαθείαις ### book 1.685.2 αὐτόματοι βόες ὔμμιν ἐνιζευχθέντες ἀρούραις ### book 1.685.3 γειοτόμον νειοῖο διειρύσσουσιν ἄροτρον, ### book 1.685.4 καὶ πρόκα τελλομένου ἔτεος στάχυν ἀμήσονται; ### book 1.685.5 ἦ μὲν ἐγών, εἰ καί με τὰ νῦν ἔτι πεφρίκασιν ### book 1.690.1 Κῆρες, ἐπερχόμενόν που ὀίομαι εἰς ἔτος ἤδη ### book 1.690.2 γαῖαν ἐφέσσεσθαι, κτερέων ἀπὸ μοῖραν ἑλοῦσα ### book 1.690.3 αὔτως ᾗ θέμις ἐστί, πάρος κακότητι πελάσσαι· ### book 1.690.4 ὁπλοτέρῃσι δὲ πάγχυ τάδε φράζεσθαι ἄνωγα. ### book 1.690.5 νῦν γὰρ δὴ παρὰ ποσσὶν ἐπήβολός ἐστ’ ἀλεωρή, ### book 1.695.1 εἴ κεν ἐπιτρέψητε δόμους καὶ ληίδα πᾶσαν ### book 1.695.2 ὑμετέρην ξείνοισι καὶ ἀγλαὸν ἄστυ μέλεσθαι.” ### book 1.695.3 Ὧς ἔφατ’· ἐν δ’ ἀγορὴ πλῆτο θρόου, εὔαδε γάρ σφιν ### book 1.695.4 μῦθος· ἀτὰρ μετὰ τήνγε παρασχεδὸν αὖτις ἀνῶρτο ### book 1.695.5 Ὑψιπύλη, καὶ τοῖον ὑποβλήδην ἔπος ηὔδα· ### book 1 “Εἰ μὲν δὴ πάσῃσιν ἐφανδάνει ἥδε μενοινή, ### book 1.1 ἤδη κεν μετὰ νῆα καὶ ἄγγελον ὀτρύναιμι.” ### book 1.2 Ἦ ῥα, καὶ ἀμφίπολον μετεφώνεεν ἆσσον ἐοῦσαν· ### book 1.3 “Ὄρσο μοι, Ἰφινόη, τοῦδ’ ἀνέρος ἀντιόωσα ### book 1.4 ἡμέτερόνδε μολεῖν ὅστις στόλου ἡγεμονεύει, ### book 1.705.1 ὄφρα τί οἱ δήμοιο ἔπος θυμηδὲς ἐνίσπω· ### book 1.705.2 καὶ δ’ αὐτοὺς γαίης τε καὶ ἄστεος, αἴ κ’ ἐθέλωσι, ### book 1.705.3 κέκλεο θαρσαλέως ἐπιβαινέμεν εὐμενέοντας.” ### book 1.705.4 Ἦ, καὶ ἔλυς’ ἀγορήν· μετὰ δ’ εἰς ἑὸν ὦρτο νέεσθαι. ### book 1.705.5 ὧς δὲ καὶ Ἰφινόη Μινύας ἵκεθ’· οἱ δ’ ἐρέεινον ### book 1.710.1 χρεῖος ὅ τι φρονέουσα μετήλυθεν. ὦκα δὲ τούσγε ### book 1.710.2 πασσυδίῃ μύθοισι προσέννεπεν ἐξερέοντας· ### book 1.710.3 “Κούρη τοί μ’ ἐφέηκε Θοαντιὰς ἐνθάδ’ ἰοῦσαν ### book 1.710.4 Ὑψιπύλη καλέειν νηὸς πρόμον ὅστις ὄρωρεν, ### book 1.710.5 ὄφρα τί οἱ δήμοιο ἔπος θυμηδὲς ἐνίσπῃ· ### book 1.715.1 καὶ δ’ αὐτοὺς γαίης τε καὶ ἄστεος, αἴ κ’ ἐθέλητε, ### book 1.715.2 κέκλεται αὐτίκα νῦν ἐπιβαινέμεν εὐμενέοντας.” ### book 1.715.3 Ὧς ἄρ’ ἔφη, πάντεσσι δ’ ἐναίσιμος ἥνδανε μῦθος· ### book 1.715.4 Ὑψιπύλην δ’ εἴσαντο καταφθιμένοιο Θόαντος ### book 1.715.5 τηλυγέτην γεγαυῖαν ἀνασσέμεν. ὦκα δὲ τόνγε ### book 1.720.1 πέμπον ἴμεν, καὶ δ’ αὐτοὶ ἐπεντύνοντο νέεσθαι. ### book 1.720.2 Αὐτὰρ ὅγ’ ἀμφ’ ὤμοισι, θεᾶς Ἰτωνίδος ἔργον, ### book 1.720.3 δίπλακα πορφυρέην περονήσατο, τήν οἱ ὄπασσε ### book 1.720.4 Παλλάς, ὅτε πρῶτον δρυόχους ἐπεβάλλετο νηός ### book 1.720.5 Ἀργοῦς, καὶ κανόνεσσι δάε ζυγὰ μετρήσασθαι. ### book 1.725.1 τῆς μὲν ῥηίτερόν κεν ἐς ἠέλιον ἀνιόντα ### book 1.725.2 ὄσσε βάλοις ἢ κεῖνο μεταβλέψειας ἔρευθος· ### book 1.1 δὴ γάρ τοι μέσση μὲν ἐρευθήεσσα τέτυκτο· ### book 1.2 ἄκρα δὲ πορφυρέη πάντη πέλεν, ἐν δ’ ἄρ’ ἑκάστῳ ### book 1.3 τέρματι δαίδαλα πολλὰ διακριδὸν εὖ ἐπέπαστο. ### book 1.730.1 Ἐν μὲν ἔσαν Κύκλωπες ἐπ’ ἀφθίτῳ ἡμμένοι ἔργῳ, ### book 1.730.2 Ζηνὶ κεραυνὸν ἄνακτι πονεύμενοι· ὃς τόσον ἤδη ### book 1.730.3 παμφαίνων ἐτέτυκτο, μιῆς δ’ ἔτι δεύετο μοῦνον ### book 1.730.4 ἀκτῖνος· τὴν οἵγε σιδηρείῃς ἐλάασκον ### book 1.730.5 σφύρῃσιν, μαλεροῖο πυρὸς ζείουσαν ἀυτμήν. ### book 1.735.1 Ἐν δ’ ἔσαν Ἀντιόπης Ἀσωπίδος υἱέε δοιώ, ### book 1.735.2 Ἀμφίων καὶ Ζῆθος, ἀπύργωτος δ’ ἔτι Θήβη ### book 1.735.3 κεῖτο πέλας· τῆς οἵγε νέον βάλλοντο δομαίους ### book 1.735.4 ἱέμενοι· Ζῆθος μὲν ἐπωμαδὸν ἠέρταζεν ### book 1.735.5 οὔρεος ἠλιβάτοιο κάρη, μογέοντι ἐοικώς· ### book 1.740.1 Ἀμφίων δ’ ἐπὶ οἷ χρυσέῃ φόρμιγγι λιγαίνων ### book 1.740.2 ἤιε, δὶς τόσση δὲ μετ’ ἴχνια νίσσετο πέτρη. ### book 1.740.3 Ἑξείης δ’ ἤσκητο βαθυπλόκαμος Κυθέρεια ### book 1.740.4 Ἄρεος ὀχμάζουσα θοὸν σάκος, ἐκ δέ οἱ ὤμου ### book 1.740.5 πῆχυν ἔπι σκαιὸν ξυνοχὴ κεχάλαστο χιτῶνος ### book 1.745.1 νέρθε παρὲκ μαζοῖο· τὸ δ’ ἀντίον ἀτρεκὲς αὔτως ### book 1.745.2 χαλκείῃ δείκηλον ἐν ἀσπίδι φαίνετ’ ἰδέσθαι. ### book 1.745.3 Ἐν δὲ βοῶν ἔσκεν λάσιος νομός, ἀμφὶ δὲ τῇσιν ### book 1.745.4 Τηλεβόαι μάρναντο καὶ υἱέες Ἠλεκτρύωνος, ### book 1.745.5 οἱ μὲν ἀμυνόμενοι, ἀτὰρ οἵγ’ ἐθέλοντες ἀμέρσαι, ### book 1.1 ληισταὶ Τάφιοι· τῶν δ’ αἵματι δεύετο λειμών ### book 1.2 ἑρσήεις, πολέες δ’ ὀλίγους βιόωντο νομῆας. ### book 1.3 Ἐν δὲ δύω δίφροι πεπονήατο δηριόωντε· ### book 1.4 καὶ τοῦ μὲν προπάροιθε Πέλοψ ἴθυνε τινάσσων ### book 1.5 ἡνία, σὺν δέ οἱ ἔσκε παραιβάτις Ἱπποδάμεια· ### book 1.755.1 τοῦ δὲ μεταδρομάδην ἐπὶ Μυρτίλος ἤλαεν ἵππους, ### book 1.755.2 σὺν τῷ δ’ Οἰνόμαος, προτενὲς δόρυ χειρὶ μεμαρπώς, ### book 1.755.3 ἄξονος ἐν πλήμνῃσι παρακλιδὸν ἀγνυμένοιο ### book 1.755.4 πῖπτεν, ἐπεσσύμενος Πελοπήια νῶτα δαΐξαι. ### book 1.755.5 Ἐν καὶ Ἀπόλλων Φοῖβος ὀιστεύων ἐτέτυκτο, ### book 1.760.1 βούπαις, οὔπω πολλός, ἑὴν ἐρύοντα καλύπτρης ### book 1.760.2 μητέρα θαρσαλέως Τιτυὸν μέγαν, ὅν ῥ’ ἔτεκέν γε ### book 1.760.3 δῖ’ Ἐλάρη, θρέψεν δὲ καὶ ἂψ ἐλοχεύσατο Γαῖα. ### book 1.760.4 Ἐν καὶ Φρίξος ἔην Μινυήιος, ὡς ἐτεόν περ ### book 1.760.5 εἰσαΐων κριοῦ, ὁ δ’ ἄρ’ ἐξενέποντι ἐοικώς. ### book 1.765.1 κείνους κ’ εἰσορόων ἀκέοις ψεύδοιό τε θυμόν, ### book 1.765.2 ἐλπόμενος πυκινήν τιν’ ἀπὸ σφείων ἐσακοῦσαι ### book 1.765.3 βάξιν, ὃ καὶ δηρὸν περιπορπίδα θηήσαιο. ### book 1.765.4 Τοῖ’ ἄρα δῶρα θεᾶς Ἰτωνίδος ἦεν Ἀθήνης· ### book 1.765.5 δεξιτερῇ δ’ ἕλεν ἔγχος ἑκηβόλον, ὅ ῥ’ Ἀταλάντη ### book 1.770 Μαινάλῳ ἔν ποτέ οἱ ξεινήιον ἐγγυάλιξε, ### book 1.1 πρόφρων ἀντομένη, πέρι γὰρ μενέαινεν ἕπεσθαι ### book 1.2 τὴν ὁδόν· ἀλλ’, ὅσον αὐτὸς ἑκών, ἀπερήτυε κούρην, ### book 1.3 δεῖσε γὰρ ἀργαλέας ἔριδας φιλότητος ἕκητι. ### book 1.4 Βῆ δ’ ἴμεναι προτὶ ἄστυ, φαεινῷ ἀστέρι ἶσος, ### book 1.775.1 ὅν ῥά τε νηγατέῃσιν ἐεργόμεναι καλύβῃσιν ### book 1.775.2 νύμφαι θηήσαντο δόμων ὕπερ ἀντέλλοντα, ### book 1.775.3 καί σφισι κυανέοιο δι’ αἰθέρος ὄμματα θέλγει ### book 1.775.4 καλὸν ἐρευθόμενος, γάνυται δέ τε ἠιθέοιο ### book 1.775.5 παρθένος ἱμείρουσα μετ’ ἀλλοδαποῖσιν ἐόντος ### book 1.780.1 ἀνδράσιν, ᾧ κέν μιν μνηστὴν κομέωσι τοκῆες— ### book 1.780.2 τῷ ἴκελος προπόλοιο κατὰ στίβον ἤιεν ἥρως· ### book 1.780.3 καί ῥ’ ὅτε δὴ πυλέων τε καὶ ἄστεος ἐντὸς ἔβησαν, ### book 1.780.4 δημότεραι μὲν ὄπισθεν ἐπεκλονέοντο γυναῖκες ### book 1.780.5 γηθόσυναι ξείνῳ· ὁ δ’ ἐπὶ χθονὸς ὄμματ’ ἐρείσας ### book 1.785.1 νίσσετ’ ἀπηλεγέως, ὄφρ’ ἀγλαὰ δώμαθ’ ἵκανεν ### book 1.785.2 Ὑψιπύλης. ἄνεσαν δὲ θύρας προφανέντι θεράπναι ### book 1.785.3 δικλίδας, εὐτύκτοισιν ἀρηρεμένας σανίδεσσιν· ### book 1.785.4 ἔνθα μιν Ἰφινόη κλισμῷ ἔνι παμφανόωντι ### book 1 ἐσσυμένως καλῆς διὰ παστάδος εἷσεν ἄγουσα ### book 1.790.1 ἀντία δεσποίνης. ἡ δ’ ἐγκλιδὸν ὄσσε βαλοῦσα ### book 1.790.2 παρθενικὴ ἐρύθηνε παρηίδας· ἔμπα δὲ τόνγε ### book 1.790.3 αἰδομένη μύθοισι προσέννεπεν αἱμυλίοισιν· ### book 1.790.4 “Ξεῖνε, τίη μίμνοντες ἐπὶ χρόνον ἔκτοθι πύργων ### book 1.790.5 ἧσθ’ αὔτως; ἐπεὶ οὐ μὲν ὑπ’ ἀνδράσι ναίεται ἄστυ, ### book 1.795.1 ἀλλὰ Θρηικίης ἐπινάστιοι ἠπείροιο ### book 1.795.2 πυροφόρους ἀρόωσι γύας. κακότητα δὲ πᾶσαν ### book 1.795.3 ἐξερέω νημερτές, ἵν’ εὖ γνοίητε καὶ αὐτοί. ### book 1.795.4 εὖτε Θόας ἀστοῖσι πατὴρ ἐμὸς ἐμβασίλευε, ### book 1.795.5 τηνίκα Θρηικίους οἵ τ’ ἀντία ναιετάουσι ### book 1.1 Λήμνου ἀπορνύμενοι λαοὶ πέρθεσκον ἐναύλους ### book 1.2 ἐκ νηῶν, αὐτῇσι δ’ ἀπείρονα ληίδα κούραις ### book 1.3 δεῦρ’ ἄγον. οὐλομένη δὲ θεᾶς πορσύνετο μῆνις ### book 1.4 Κύπριδος, ἥ τέ σφιν θυμοφθόρον ἔμβαλεν ἄτην· ### book 1.5 δὴ γὰρ κουριδίας μὲν ἀπέστυγον ἔκ τε μελάθρων ### book 1.805.1 ᾗ ματίῃ εἴξαντες ἀπεσσεύοντο γυναῖκας, ### book 1.805.2 αὐτὰρ ληιάδεσσι δορικτήταις παρίαυον, ### book 1.805.3 σχέτλιοι. ἦ μὲν δηρὸν ἐτέτλαμεν, εἴ κέ ποτ’ αὖτις ### book 1.805.4 ὀψὲ μεταστρέψωσι νόον· τὸ δὲ διπλόον αἰεί ### book 1.805.5 πῆμα κακὸν προύβαινεν. ἀτιμάζοντο δὲ τέκνα ### book 1.810.1 γνήσι’ ἐνὶ μεγάροις, σκοτίη δ’ ἄρα θάλλε γενέθλη· ### book 1.810.2 αὔτως δ’ ἀδμῆτες κοῦραι, χῆραί τ’ ἐπὶ τῇσι ### book 1.810.3 μητέρες, ἂμ πτολίεθρον ἀτημελέες ἀλάληντο· ### book 1.810.4 οὐδὲ πατὴρ ὀλίγον περ ἑῆς ἀλέγιζε θυγατρός, ### book 1.810.5 εἰ καὶ ἐν ὀφθαλμοῖσι δαϊζομένην ὁρόῳτο ### book 1.815.1 μητρυιῆς ὑπὸ χερσὶν ἀτασθάλου· οὐδ’ ἀπὸ μητρός ### book 1.815.2 λώβην ὡς τὸ πάροιθεν ἀεικέα παῖδες ἄμυνον, ### book 1.815.3 οὐδὲ κασιγνήτοισι κασιγνήτη μέλε θυμῷ· ### book 1.815.4 ἀλλ’ οἶαι κοῦραι ληίτιδες ἔν τε δόμοισιν ### book 1.815.5 ἔν τε χοροῖς ἀγορῇ τε καὶ εἰλαπίνῃσι μέλοντο, ### book 1.820.1 εἰσόκε τις θεὸς ἄμμιν ὑπέρβιον ἔμβαλε θάρσος, ### book 1.820.2 ἂψ ἀναερχομένους Θρῃκῶν ἄπο μηκέτι πύργοις ### book 1.820.3 δέχθαι, ἵν’ ἢ φρονέοιεν ἅπερ θέμις, ἠέ πῃ ἄλλῃ ### book 1.820.4 αὐταῖς ληιάδεσσιν ἀφορμηθέντες ἵκοιντο. ### book 1.820.5 οἱ δ’ ἄρα θεσσάμενοι παίδων γένος ὅσσον ἔλειπτο ### book 1.825.1 ἄρσεν ἀνὰ πτολίεθρον, ἔβαν πάλιν ἔνθ’ ἔτι νῦν περ ### book 1.825.2 Θρηικίης ἄροσιν χιονώδεα †ναιετάουσιν. ### book 1.825.3 τῶ ὑμεῖς στρωφᾶσθ’ ἐπιδήμιοι· εἰ δέ κεν αὖθι ### book 1.825.4 ναιετάειν ἐθέλοις καί τοι ἅδοι, ἦ τ’ ἂν ἔπειτα ### book 1.825.5 πατρὸς ἐμεῖο Θόαντος ἔχοις γέρας· οὐδέ ς’ ὀίω ### book 1.830.1 γαῖαν ὀνόσσεσθαι, περὶ γὰρ βαθυλήιος ἄλλων ### book 1.830.2 νήσων Αἰγαίῃ ὅσαι εἰν ἁλὶ ναιετάουσιν. ### book 1.830.3 ἀλλ’ ἄγε νῦν ἐπὶ νῆα κιὼν ἑτάροισιν ἐνίσπες ### book 1.830.4 μύθους ἡμετέρους, μηδ’ ἔκτοθι μίμνε πόληος.” ### book 1.830.5 Ἴσκεν, ἀμαλδύνουσα φόνου τέλος οἷον ἐτύχθη ### book 1.835.1 ἀνδράσιν· αὐτὰρ ὁ τήνγε παραβλήδην προσέειπεν· ### book 1.835.2 “Ὑψιπύλη, μάλα κεν θυμηδέος ἀντιάσαιμεν ### book 1.835.3 χρησμοσύνης ἣν ἄμμι σέθεν χατέουσιν ὀπάζεις. ### book 1.835.4 εἶμι δ’ ὑπότροπος αὖτις ἀνὰ πτόλιν, εὖτ’ ἂν ἕκαστα ### book 1.835.5 ἐξείπω κατὰ κόσμον. ἀνακτορίη δὲ μελέσθω ### book 1.840.1 σοίγ’ αὐτῇ καὶ νῆσος· ἔγωγε μὲν οὐκ ἀθερίζων ### book 1.840.2 χάζομαι, ἀλλά με λυγροὶ ἐπισπέρχουσιν ἄεθλοι.” ### book 1.840.3 Ἦ, καὶ δεξιτερῆς χειρὸς θίγεν, αἶψα δ’ ὀπίσσω ### book 1.840.4 βῆ ῥ’ ἴμεν· ἀμφὶ δὲ τόνγε νεήνιδες ἄλλοθεν ἄλλαι ### book 1.840.5 μυρίαι εἱλίσσοντο κεχαρμέναι, ὄφρα πυλάων ### book 1.845.1 ἐξέμολεν. μετέπειτα δ’ ἐυτροχάλοισιν ἀμάξαις ### book 1.845.2 ἀκτὴν εἰσανέβαν ξεινήια πολλὰ φέρουσαι, ### book 1.845.3 μῦθον ὅτ’ ἤδη πάντα διηνεκέως ἀγόρευσε ### book 1.845.4 τόν ῥα καλεσσαμένη διεπέφραδεν Ὑψιπύλεια· ### book 1.845.5 καὶ δ’ αὐτοὺς ξεινοῦσθαι ἐπὶ σφεὰ δώματ’ ἄγεσκον, ### book 1.1 ῥηιδίως· Κύπρις γὰρ ἐπὶ γλυκὺν ἵμερον ὦρσεν, ### book 1.2 Ἡφαίστοιο χάριν πολυμήτιος, ὄφρα κεν αὖτις ### book 1.3 ναίηται μετόπισθεν ἀκήρατος ἀνδράσι Λῆμνος. ### book 1.4 ἔνθ’ ὁ μὲν Ὑψιπύλης βασιλήιον ἐς δόμον ὦρτο ### book 1.5 Αἰσονίδης· οἱ δ’ ἄλλοι ὅπῃ καὶ ἔκυρσαν ἕκαστος, ### book 1.855.1 Ἡρακλῆος ἄνευθεν, ὁ γὰρ παρὰ νηὶ λέλειπτο ### book 1.855.2 αὐτὸς ἑκὼν παῦροί τε διακρινθέντες ἑταῖροι. ### book 1.855.3 αὐτίκα δ’ ἄστυ χοροῖσι καὶ εἰλαπίνῃσι γεγήθει ### book 1.855.4 καπνῷ κνισήεντι περίπλεον· ἔξοχα δ’ ἄλλων ### book 1 ἀθανάτων Ἥρης υἷα κλυτὸν ἠδὲ καὶ αὐτήν ### book 1.860.1 Κύπριν ἀοιδῇσιν θυέεσσί τε μειλίσσοντο. ### book 1.860.2 Ἀμβολίη δ’ εἰς ἦμαρ ἀεὶ ἐξ ἤματος ἦεν ### book 1.860.3 ναυτιλίης. δηρὸν δ’ ἂν ἐλίνυον αὖθι μένοντες, ### book 1.860.4 εἰ μὴ ἀολλίσσας ἑτάρους ἀπάνευθε γυναικῶν ### book 1.860.5 Ἡρακλέης τοίοισιν ἐνιπτάζων μετέειπεν· ### book 1.865.1 “Δαιμόνιοι, πάτρης ἐμφύλιον αἷμ’ ἀποέργει ### book 1.865.2 ἡμέας, ἦε γάμων ἐπιδευέες ἐνθάδ’ ἔβημεν ### book 1.865.3 κεῖθεν, ὀνοσσάμενοι πολιήτιδας, αὖθι δ’ ἕαδεν ### book 1.865.4 ναίοντας λιπαρὴν ἄροσιν Λήμνοιο ταμέσθαι; ### book 1.865.5 οὐ μάλ’ ἐυκλειεῖς γε σὺν ὀθνείῃσι γυναιξίν ### book 1.870.1 ἐσσόμεθ’ ὧδ’ ἐπὶ δηρὸν ἐελμένοι, οὐδὲ τὸ κῶας ### book 1.870.2 αὐτόματον δώσει τις ἑλεῖν θεὸς εὐξαμένοισιν. ### book 1.870.3 ἴομεν αὖτις ἕκαστοι ἐπὶ σφεά· τὸν δ’ ἐνὶ λέκτροις ### book 1.870.4 Ὑψιπύλης εἰᾶτε πανήμερον, εἰσόκε Λῆμνον ### book 1.870.5 παισὶν ἐπανδρώσῃ, μεγάλη τέ ἑ βάξις ἔχῃσιν.” ### book 1.875.1 Ὧς νείκεσσεν ὅμιλον· ἐναντία δ’ οὔ νύ τις ἔτλη ### book 1.875.2 ὄμματ’ ἀνασχεθέειν οὐδὲ προτιμυθήσασθαι, ### book 1.875.3 ἀλλ’ αὔτως ἀγορῆθεν ἐπαρτίζοντο νέεσθαι ### book 1.875.4 σπερχόμενοι. ταὶ δέ σφιν ἐπέδραμον, εὖτ’ ἐδάησαν· ### book 1.875.5 ὡς δ’ ὅτε λείρια καλὰ περιβρομέουσι μέλισσαι ### book 1.880.1 πέτρης ἐκχύμεναι σιμβληίδος, ἀμφὶ δὲ λειμών ### book 1.880.2 ἑρσήεις γάνυται, ταὶ δὲ γλυκὺν ἄλλοτ’ ἐπ’ ἄλλον ### book 1.1 καρπὸν ἀμέργουσιν πεποτημέναι—ὧς ἄρα ταίγε ### book 1.2 ἐνδυκὲς ἀνέρας ἀμφὶ κινυρόμεναι προχέοντο, ### book 1.3 χερσὶ δὲ καὶ μύθοισιν ἐδεικανόωντο ἕκαστον, ### book 1.885.1 εὐχόμεναι μακάρεσσιν ἀπήμονα νόστον ὀπάσσαι. ### book 1.885.2 ὧς δὲ καὶ Ὑψιπύλη ἠρήσατο, χεῖρας ἑλοῦσα ### book 1.885.3 Αἰσονίδεω, τὰ δέ οἱ ῥέε δάκρυα χήτει ἰόντος· ### book 1.885.4 “Νίσσεο, καί σε θεοὶ σὺν ἀπηρέσιν αὖτις ἑταίροις ### book 1.885.5 χρύσειον βασιλῆι δέρος κομίσειαν ἄγοντα, ### book 1.890.1 αὔτως ὡς ἐθέλεις καί τοι φίλον. ἥδε δὲ νῆσος ### book 1.890.2 σκῆπτρά τε πατρὸς ἐμεῖο παρέσσεται, ἢν καὶ ὀπίσσω ### book 1.890.3 δή ποτε νοστήσας ἐθέλῃς ἄψορρον ἱκέσθαι· ### book 1.890.4 ῥηιδίως δ’ ἂν ἑοῖ καὶ ἀπείρονα λαὸν ἀγείραις ### book 1.890.5 ἄλλων ἐκ πολίων. ἀλλ’ οὐ σύγε τήνδε μενοινήν ### book 1.895.1 σχήσεις, οὔτ’ αὐτὴ προτιόσσομαι ὧδε τελεῖσθαι· ### book 1.895.2 μνώεο μήν, ἀπεών περ ὁμῶς καὶ νόστιμος ἤδη, ### book 1.895.3 Ὑψιπύλης· λίπε δ’ ἧμιν ἔπος, τό κεν ἐξανύσαιμι ### book 1.895.4 πρόφρων, ἢν ἄρα δή με θεοὶ δώωσι τεκέσθαι.” ### book 1.895.5 Τὴν δ’ αὖτ’ Αἴσονος υἱὸς ἀγαιόμενος προσέειπεν· ### book 1.1 “Ὑψιπύλη, τὰ μὲν οὕτω ἐναίσιμα πάντα γένοιτο ### book 1.2 ἐκ μακάρων· τύνη δ’ ἐμέθεν πέρι θυμὸν ἀρείω ### book 1.3 ἴσχαν’, ἐπεὶ πάτρην μοι ἅλις Πελίαο ἕκητι ### book 1.4 ναιετάειν· μοῦνόν με θεοὶ λύσειαν ἀέθλων. ### book 1.5 εἰ δ’ οὔ μοι πέπρωται ἐς Ἑλλάδα γαῖαν ἱκέσθαι ### book 1.905.1 τηλοῦ ἀναπλώοντι, σὺ δ’ ἄρσενα παῖδα τέκηαι, ### book 1.905.2 πέμπε μιν ἡβήσαντα Πελασγίδος ἔνδον Ἰωλκοῦ ### book 1.905.3 πατρί τ’ ἐμῷ καὶ μητρὶ δύης ἄκος, ἢν ἄρα τούσγε ### book 1.1 τέτμῃ ἔτι ζώοντας, ἵν’ ἄνδιχα τοῖο ἄνακτος ### book 1.2 σφοῖσιν πορσύνωνται ἐφέστιοι ἐν μεγάροισιν.” ### book 1.910.1 Ἦ, καὶ ἔβαιν’ ἐπὶ νῆα παροίτατος. ὧς δὲ καὶ ἄλλοι ### book 1.910.2 βαῖνον ἀριστῆες, λάζοντο δὲ χερσὶν ἐρετμά ### book 1.910.3 ἐνσχερὼ ἑζόμενοι· πρυμνήσια δέ σφισιν Ἄργος ### book 1.910.4 λῦσεν ὑπὲκ πέτρης ἁλιμυρέος· ἔνθ’ ἄρα τοίγε ### book 1.910.5 κόπτον ὕδωρ δολιχῇσιν ἐπικρατέως ἐλάτῃσι. ### book 1.915.1 ἑσπέριοι δ’ Ὀρφῆος ἐφημοσύνῃσιν ἔκελσαν ### book 1.915.2 νῆσον ἐς Ἠλέκτρης Ἀτλαντίδος, ὄφρα δαέντες ### book 1.915.3 ἀρρήτους ἀγανῇσι τελεσφορίῃσι θέμιστας ### book 1.915.4 σωότεροι κρυόεσσαν ὑπεὶρ ἅλα ναυτίλλοιντο. ### book 1.915.5 τῶν μὲν ἔτ’ οὐ προτέρω μυθήσομαι, ἀλλὰ καὶ αὐτή ### book 1.920.1 νῆσος ὁμῶς κεχάροιτο καὶ οἳ λάχον ὄργια κεῖνα ### book 1.920.2 δαίμονες ἐνναέται, τὰ μὲν οὐ θέμις ἄμμιν ἀείδειν· ### book 1.920.3 κεῖθεν δ’ εἰρεσίῃ Μέλανος διὰ βένθεα Πόντου ### book 1.920.4 ἱέμενοι, τῇ μὲν Θρῃκῶν χθόνα τῇ δὲ περαίην ### book 1.920.5 Ἴμβρον ἔχον καθύπερθε· νέον γε μὲν ἠελίοιο ### book 1.925.1 δυομένου Χέρνησον ἐπὶ προύχουσαν ἵκοντο. ### book 1.925.2 ἔνθα σφιν λαιψηρὸς ἄη νότος, ἱστία δ’ οὔρῳ ### book 1.925.3 στησάμενοι κούρης Ἀθαμαντίδος αἰπὰ ῥέεθρα ### book 1.925.4 εἰσέβαλον. πέλαγος δὲ τὸ μὲν καθύπερθε λέλειπτο ### book 1.925.5 ἦρι, τὸ δ’ ἐννύχιοι Ῥοιτειάδος ἔνδοθεν ἄκρης ### book 1.930.1 μέτρεον, Ἰδαίην ἐπὶ δεξιὰ γαῖαν ἔχοντες. ### book 1.930.2 Δαρδανίην δὲ λιπόντες ἐπιπροσέβαλλον Ἀβύδῳ, ### book 1.930.3 Περκώτην δ’ ἐπὶ τῇ καὶ Ἀβαρνίδος ἠμαθόεσσαν ### book 1.930.4 ἠιόνα ζαθέην τε παρήμειβον Πιτύειαν. ### book 1 καὶ δὴ τοίγ’ ἐπὶ νυκτὶ διάνδιχα νηὸς ἰούσης ### book 1.935.1 δίνῃ πορφύροντα διήνυσαν Ἑλλήσποντον· ### book 1.935.2 ἔστι δέ τις αἰπεῖα Προποντίδος ἔνδοθι νῆσος ### book 1.935.3 τυτθὸν ἀπὸ Φρυγίης πολυληίου ἠπείροιο ### book 1.935.4 εἰς ἅλα κεκλιμένη, ὅσσον τ’ ἐπιμύρεται ἰσθμός ### book 1.935.5 χέρσῳ ἔπι πρηνὴς καταειμένος· ἐν δέ οἱ ἀκταί ### book 1.940.1 ἀμφίδυμοι, κεῖται δ’ ὑπὲρ ὕδατος Αἰσήποιο· ### book 1.940.2 Ἄρκτων μιν καλέουσιν Ὄρος περιναιετάοντες. ### book 1.940.3 καὶ τὸ μὲν ὑβρισταί τε καὶ ἄγριοι †ναιετάουσιν ### book 1.940.4 Γηγενέες, μέγα θαῦμα περικτιόνεσσιν ἰδέσθαι· ### book 1.940.5 ἓξ γὰρ ἑκάστῳ χεῖρες ὑπέρβιοι ἠερέθοντο, ### book 1.945.1 αἱ μὲν ἀπὸ στιβαρῶν ὤμων δύο, ταὶ δ’ ὑπένερθεν ### book 1.945.2 τέσσαρες αἰνοτάτῃσιν ἐπὶ πλευρῇς ἀραρυῖαι· ### book 1.945.3 ἰσθμὸν δ’ αὖ πεδίον τε Δολίονες ἀμφενέμοντο ### book 1.945.4 ἀνέρες· ἐν δ’ ἥρως Αἰνήιος υἱὸς ἄνασσε ### book 1.945.5 Κύζικος, ὃν κούρη δίου τέκεν Εὐσώροιο ### book 1.1 Αἰνήτη. τοὺς δ’ οὔτι, καὶ ἔκπαγλοί περ ἐόντες, ### book 1.2 Γηγενέες σίνοντο, Ποσειδάωνος ἀρωγῇ, ### book 1.3 τοῦ γὰρ ἔσαν τὰ πρῶτα Δολίονες ἐκγεγαῶτες. ### book 1.4 Ἔνθ’ Ἀργὼ προύτυψεν ἐπειγομένη ἀνέμοισιν ### book 1.5 Θρηικίοις· Καλὸς δὲ Λιμὴν ὑπέδεκτο θέουσαν. ### book 1.955.1 κεῖθι καὶ εὐναίης ὀλίγον λίθον εἰρύσσαντες ### book 1.955.2 Τίφυος ἐννεσίῃσιν ὑπὸ κρήνῃ ἐλίποντο, ### book 1.955.3 κρήνῃ ὑπ’ Ἀρτακίῃ· ἕτερον δ’ ἕλον, ὅστις ἀρήρει, ### book 1.955.4 βριθύν· ἀτὰρ κεῖνόν γε θεοπροπίαις Ἑκάτοιο ### book 1.955.5 Νηλεΐδαι μετόπισθεν Ἰάονες ἱδρύσαντο ### book 1.960.1 ἱερόν, ἣ θέμις ἦεν, Ἰησονίης ἐν Ἀθήνης. ### book 1.960.2 τοὺς δ’ ἄμυδις φιλότητι Δολίονες ἠδὲ καὶ αὐτός ### book 1.960.3 Κύζικος ἀντήσαντες, ὅτε στόλον ἠδὲ γενέθλην ### book 1.960.4 ἔκλυον οἵτινες εἶεν, ἐυξείνως ἀρέσαντο· ### book 1.960.5 καί σφεας εἰρεσίῃ πέπιθον προτέρωσε κιόντας ### book 1.965.1 ἄστεος ἐν λιμένι πρυμνήσια νηὸς ἀνάψαι. ### book 1.965.2 ἔνθ’ οἵγ’ Ἐκβασίῳ βωμὸν θέσαν Ἀπόλλωνι, ### book 1.965.3 εἱσάμενοι παρὰ θῖνα, θυηπολίης τ’ ἐμέλοντο. ### book 1.965.4 δῶκεν δ’ αὐτὸς ἄναξ λαρὸν μέθυ δευομένοισιν ### book 1.965.5 μῆλά θ’ ὁμοῦ. δὴ γάρ οἱ ἔην φάτις, εὖτ’ ἂν ἵκωνται ### book 1.970.1 ἀνδρῶν ἡρώων θεῖος στόλος, αὐτίκα τοῖσγε ### book 1.970.2 μείλιχον ἀντιάαν μηδὲ πτολέμοιο μέλεσθαι. ### book 1.970.3 νεῖόν που καὶ κείνῳ ὑποσταχύεσκον ἴουλοι· ### book 1.970.4 οὐδέ νύ πω παίδεσσιν ἀγαλλόμενος μεμόρητο, ### book 1.970.5 ἀλλ’ ἔτι οἱ κατὰ δώματ’ ἀκήρατος ἦεν ἄκοιτις ### book 1.975.1 ὠδίνων, Μέροπος Περκωσίου ἐκγεγαυῖα ### book 1.975.2 Κλείτη ἐυπλόκαμος. τὴν μὲν νέον ἐξέτι πατρός ### book 1.975.3 θεσπεσίοις ἕδνοισιν ἀνήγαγεν ἀντιπέρηθεν· ### book 1.1 ἀλλὰ καὶ ὧς θάλαμόν τε λιπὼν καὶ δέμνια νύμφης, ### book 1.2 τοῖς μέτα δαῖτ’ ἀλέγυνε, βάλεν δ’ ἀπὸ δείματα θυμοῦ. ### book 1.980.1 ἀλλήλους δ’ ἐρέεινον ἀμοιβαδίς· ἤτοι ὁ μέν σφεων ### book 1.980.2 πεύθετο ναυτιλίης ἄνυσιν Πελίαό τ’ ἐφετμάς, ### book 1.980.3 οἱ δὲ περικτιόνων πόλιας καὶ κόλπον ἅπαντα ### book 1.980.4 εὐρείης πεύθοντο Προποντίδος· οὐ μὲν ἐπιπρό ### book 1.980.5 ἠείδει καταλέξαι ἐελδομένοισι δαῆναι. ### book 1.985.1 Ἠοῖ δ’ εἰσανέβαν μέγα Δίνδυμον, ὄφρα κεν αὐτοί ### book 1.985.2 θηήσαιντο πόρους κείνης ἁλός· ἐν δ’ ἄρα τοίγε ### book 1.985.3 νῆα Χυτῷ Λιμένι προτέρου ἐξήλασαν ὅρμου· ### book 1.985.4 ἥδε δ’ Ἰησονίη πέφαται Ὁδός, ἥνπερ ἔβησαν. ### book 1.985.5 Γηγενέες δ’ ἑτέρωθεν ἀπ’ οὔρεος ἀίξαντες ### book 1.990.1 φράξαν ἀπειρεσίῃσι Χυτοῦ στόμα νειόθι πέτρῃς, ### book 1.990.2 πόντιον οἷά τε θῆρα λοχώμενοι ἔνδον ἐόντα· ### book 1.990.3 ἀλλὰ γὰρ αὖθι λέλειπτο σὺν ἀνδράσιν ὁπλοτέροισιν ### book 1.990.4 Ἡρακλέης, ὃς δή σφι παλίντονον αἶψα τανύσσας ### book 1.990.5 τόξον, ἐπασσυτέρους πέλασε χθονί. τοὶ δὲ καὶ αὐτοί ### book 1.995.1 πέτρας ἀμφιρρῶγας ἀερτάζοντες ἔβαλλον· ### book 1.995.2 δὴ γάρ που καὶ κεῖνα θεὰ τρέφεν αἰνὰ πέλωρα ### book 1.995.3 Ἥρη, Ζηνὸς ἄκοιτις, ἀέθλιον Ἡρακλῆι· ### book 1.995.4 σὺν δὲ καὶ ὧλλοι δῆθεν, ὑπότροποι ἀντιόωντες ### book 1.995.5 πρίν περ ἀνελθέμεναι σκοπιήν, ἥπτοντο φόνοιο ### book 1.1 Γηγενέων ἥρωες ἀρήιοι, ἠμὲν ὀιστοῖς ### book 1.2 ἠδὲ καὶ ἐγχείῃσι δεδεγμένοι, εἰσόκε πάντας ### book 1.3 ἀντιβίην ἀσπερχὲς ὀρινομένους ἐδάιξαν. ### book 1.4 ὡς δ’ ὅτε δούρατα μακρὰ νέον πελέκεσσι τυπέντα ### book 1 ὑλοτόμοι στοιχηδὸν ἐπὶ ῥηγμῖνι βάλωσιν, ### book 1.1005.1 ὄφρα νοτισθέντα κρατεροὺς ἀνεχοίατο γόμφους— ### book 1.1005.2 ὧς οἱ ἐνὶ ξυνοχῇ λιμένος πολιοῖο τέταντο ### book 1.1005.3 ἑξείης, ἄλλοι μὲν ἐς ἁλμυρὸν ἀθρόοι ὕδωρ ### book 1.1005.4 δύπτοντες κεφαλὰς καὶ στήθεα, γυῖα δ’ ὕπερθεν ### book 1.1005.5 χέρσῳ τεινάμενοι· τοὶ δ’ ἔμπαλιν, αἰγιαλοῖο ### book 1.1010.1 κράατα μὲν ψαμάθοισι, πόδας δ’ εἰς βένθος ἔρειδον, ### book 1.1010.2 ἄμφω ἅμ’ οἰωνοῖσι καὶ ἰχθύσι κύρμα γενέσθαι. ### book 1.1010.3 Ἥρωες δ’, ὅτε δή σφιν ἀταρβὴς ἔπλε κέλευθος, ### book 1.1010.4 δὴ τότε πείσματα νηὸς ἐπὶ πνοιῇς ἀνέμοιο ### book 1.1010.5 λυσάμενοι, προτέρωσε διὲξ ἁλὸς οἶδμα νέοντο· ### book 1.1015.1 ἡ δ’ ἔθεεν λαίφεσσι πανήμερος. οὐ μὲν ἰούσης ### book 1.1015.2 νυκτὸς ἔτι ῥιπὴ μένεν ἔμπεδον, ἀλλὰ θύελλαι ### book 1.1015.3 ἀντίαι ἁρπάγδην ὀπίσω φέρον, ὄφρ’ ἐπέλασσαν ### book 1.1015.4 αὖτις ἐυξείνοισι Δολίοσιν. ἐκ δ’ ἄρ’ ἔβησαν ### book 1.1015.5 αὐτονυχί (Ἱερὴ δὲ φατίζεται ἥδ’ ἔτι Πέτρη ### book 1.1020.1 ᾗ πέρι πείσματα νηὸς ἐπεσσύμενοι ἐβάλοντο), ### book 1.1020.2 οὐδέ τις αὐτὴν νῆσον ἐπιφραδέως ἐνόησεν ### book 1.1020.3 ἔμμεναι. οὐδ’ ὑπὸ νυκτὶ Δολίονες ἂψ ἀνιόντας ### book 1.1020.4 ἥρωας νημερτὲς ἐπήισαν, ἀλλά που ἀνδρῶν ### book 1.1020.5 Μακριέων εἴσαντο Πελασγικὸν ἄρεα κέλσαι· ### book 1.1025.1 τῶ καὶ τεύχεα δύντες ἐπὶ σφίσι χεῖρας ἄειραν. ### book 1.1025.2 σὺν δ’ ἔλασαν μελίας τε καὶ ἀσπίδας ἀλλήλοισιν, ### book 1.1025.3 ὀξείῃ ἴκελοι ῥιπῇ πυρός, ἥ τ’ ἐνὶ θάμνοις ### book 1.1025.4 αὐαλέοισι πεσοῦσα κορύσσεται· ἐν δὲ κυδοιμός ### book 1.1025.5 δεινός τε ζαμενής τε Δολιονίῳ πέσε δήμῳ. ### book 1.1030 οὐδ’ ὅγε δηιοτῆτος ὑπὲρ μόρον αὖτις ἔμελλεν ### book 1.1 οἴκαδε νυμφιδίους θαλάμους καὶ λέκτρον ἱκέσθαι, ### book 1.2 ἀλλά μιν Αἰσονίδης, τετραμμένον ἰθὺς ἑοῖο, ### book 1.3 πλῆξεν ἐπαΐξας στῆθος μέσον, ἀμφὶ δὲ δουρί ### book 1.4 ὀστέον ἐρραίσθη· ὁ δ’ ἐνὶ ψαμάθοισιν ἐλυσθείς ### book 1.1035.1 μοῖραν ἀνέπλησεν. τὴν γὰρ θέμις οὔποτ’ ἀλύξαι ### book 1.1035.2 θνητοῖσιν, πάντη δὲ περὶ μέγα πέπταται ἕρκος· ### book 1.1035.3 ὧς τόν, ὀιόμενόν που ἀδευκέος ἔκτοθεν ἄτης ### book 1.1035.4 εἶναι ἀριστήων, αὐτῇ ὑπὸ νυκτὶ πέδησεν ### book 1.1035.5 μαρνάμενον κείνοισι. πολεῖς δ’ ἐπαρηγόνες ἄλλοι ### book 1.1040.1 ἔκταθεν· Ἡρακλέης μὲν ἐνήρατο Τηλεκλῆα ### book 1.1040.2 ἠδὲ Μεγαβρόντην, Σφόδριν δ’ ἐνάριξεν Ἄκαστος, ### book 1.1040.3 Πηλεὺς δὲ Ζέλυν εἷλεν ἀρηίθοόν τε Γέφυρον, ### book 1.1040.4 αὐτὰρ ἐυμμελίης Τελαμὼν Βασιλῆα κατέκτα· ### book 1.1040.5 Ἴδας δ’ αὖ Προμέα, Κλυτίος δ’ Ὑάκινθον ἔπεφνεν, ### book 1.1045.1 Τυνδαρίδαι δ’ ἄμφω Μεγαλοσσάκεα Φλογίον τε, ### book 1.1045.2 Οἰνεΐδης δ’ ἐπὶ τοῖσιν ἕλε θρασὺν Ἰτυμονῆα ### book 1.1045.3 ἠδὲ καὶ Ἀρτακέα, πρόμον ἀνδρῶν· οὓς ἔτι πάντας ### book 1.1045.4 ἐνναέται τιμαῖς ἡρωίσι κυδαίνουσιν. ### book 1.1045.5 οἱ δ’ ἄλλοι εἴξαντες ὑπέτρεσαν, ἠύτε κίρκους ### book 1.1 ὠκυπέτας ἀγεληδὸν ὑποτρέσσωσι πέλειαι, ### book 1.2 ἐς δὲ πύλας ὁμάδῳ πέσον ἀθρόοι· αἶψα δ’ ἀυτῆς ### book 1.3 πλῆτο πόλις στονόεντος ὑποτροπίῃ πολέμοιο. ### book 1.4 ἠῶθεν δ’ ὀλοὴν καὶ ἀμήχανον εἰσενόησαν ### book 1.5 ἀμπλακίην ἄμφω· στυγερὸν δ’ ἄχος εἷλεν ἰδόντας ### book 1.1055.1 ἥρωας Μινύας Αἰνήιον υἷα πάροιθεν ### book 1.1055.2 Κύζικον ἐν κονίῃσι καὶ αἵματι πεπτηῶτα. ### book 1.1 ἤματα δὲ τρία πάντα γόων τίλλοντό τε χαίτας ### book 1.2 αὐτοὶ ὁμῶς λαοί τε Δολίονες· αὐτὰρ ἔπειτα, ### book 1.3 τρὶς περὶ χαλκείοις σὺν τεύχεσι δινηθέντες, ### book 1.1060.1 τύμβῳ ἐνεκτερέιξαν, ἐπειρήσαντό τ’ ἀέθλων, ### book 1.1060.2 ἣ θέμις, ἂμ πεδίον Λειμώνιον· ἔνθ’ ἔτι νῦν περ ### book 1.1060.3 ἀγκέχυται τόδε σῆμα καὶ ὀψιγόνοισιν ἰδέσθαι. ### book 1.1060.4 οὐδὲ μὲν οὐδ’ ἄλοχος Κλείτη φθιμένοιο λέλειπτο ### book 1.1060.5 οὗ πόσιος μετόπισθε, κακῷ δ’ ἔπι κύντερον ἄλλο ### book 1.1065.1 ἤνυσεν, ἁψαμένη βρόχον αὐχένι. τὴν δὲ καὶ αὐταί ### book 1.1065.2 νύμφαι ἀποφθιμένην ἀλσηίδες ὠδύραντο· ### book 1.1065.3 καί οἱ ἀπὸ βλεφάρων ὅσα δάκρυα χεύατ’ ἔραζε, ### book 1.1065.4 πάντα τάγε κρήνην τεῦξαν θεαί, ἣν καλέουσιν ### book 1.1065.5 Κλείτην, δυστήνοιο περικλεὲς οὔνομα νύμφης. ### book 1.1070.1 αἰνότατον δὴ κεῖνο Δολιονίῃσι γυναιξίν ### book 1.1070.2 ἀνδράσι τ’ ἐκ Διὸς ἦμαρ ἐπήλυθεν· οὐδὲ †γὰρ αὐτῶν† ### book 1.1070.3 ἔτλη τις πάσσασθαι ἐδητύος οὐδ’ ἐπὶ δηρόν ### book 1.1070.4 ἐξ ἀχέων ἔργοιο μυληφάτου ἐμνώοντο, ### book 1.1070.5 ἀλλ’ αὔτως ἄφλεκτα διαζώεσκον ἔδοντες. ### book 1.1075.1 ἔνθεν νῦν, εὖτ’ ἄν σφιν ἐτήσια χύτλα χέωνται ### book 1.1075.2 Κύζικον ἐνναίοντες Ἰάονες, ἔμπεδον αἰεί ### book 1.1075.3 πανδήμοιο μύλης πελανοὺς ἐπαλετρεύουσιν. ### book 1.1075.4 Ἐκ δὲ τόθεν τρηχεῖαι ἀνηέρθησαν ἄελλαι ### book 1.1075.5 ἤμαθ’ ὁμοῦ νύκτας τε δυώδεκα, τοὺς δὲ καταῦθι ### book 1.1080 ναυτίλλεσθαι ἔρυκον. ἐπιπλομένῃ δ’ ἐνὶ νυκτί ### book 1.1 ὧλλοι μέν ῥα πάρος δεδμημένοι εὐνάζοντο ### book 1.2 ὕπνῳ ἀριστῆες πύματον λάχος, αὐτὰρ Ἄκαστος ### book 1.3 Μόψος τ’ Ἀμπυκίδης ἀδινὰ κνώσσοντας ἔρυντο· ### book 1.4 ἡ δ’ ἄρ’ ὑπὲρ ξανθοῖο καρήατος Αἰσονίδαο ### book 1.1085.1 πωτᾶτ’ ἀλκυονίς, λιγυρῇ ὀπὶ θεσπίζουσα ### book 1.1085.2 λῆξιν ὀρινομένων ἀνέμων· συνέηκε δὲ Μόψος ### book 1.1085.3 ἀκταίης ὄρνιθος ἐναίσιμον ὄσσαν ἀκούσας. ### book 1.1085.4 καὶ τὴν μὲν θεὸς αὖτις ἀπέτραπεν, ἷζε δ’ ὕπερθεν ### book 1.1085.5 νηίου ἀφλάστοιο μετήορος ἀίξασα· ### book 1.1090.1 τὸν δ’ ὅγε, κεκλιμένον μαλακοῖς ἐνὶ κώεσιν οἰῶν, ### book 1.1090.2 κινήσας ἀνέγειρε παρασχεδόν, ὧδέ τ’ ἔειπεν· ### book 1.1090.3 “Αἰσονίδη, χρειώ σε τόδε ῥίον εἰσανιόντα ### book 1.1090.4 Δινδύμου ὀκριόεντος ἐύθρονον ἱλάξασθαι ### book 1.1090.5 μητέρα συμπάντων μακάρων, λήξουσι δ’ ἄελλαι ### book 1.1095.1 ζαχρηεῖς· τοίην γὰρ ἐγὼ νέον ὄσσαν ἄκουσα ### book 1.1095.2 ἀλκυόνος ἁλίης, ἥ τε κνώσσοντος ὕπερθεν ### book 1.1095.3 σεῖο πέριξ τὰ ἕκαστα πιφαυσκομένη πεπότητο. ### book 1.1095.4 ἐκ γὰρ τῆς ἄνεμοί τε θάλασσά τε νειόθι τε χθών ### book 1.1095.5 πᾶσα πεπείρηται νιφόεν θ’ ἕδος Οὐλύμποιο· ### book 1.1 καί οἱ, ὅτ’ ἐξ ὀρέων μέγαν οὐρανὸν εἰσαναβαίνῃ, ### book 1.2 Ζεὺς αὐτὸς Κρονίδης ὑποχάζεται, ὧς δὲ καὶ ὧλλοι ### book 1.3 ἀθάνατοι μάκαρες δεινὴν θεὸν ἀμφιέπουσιν.” ### book 1.4 Ὧς φάτο, τῷ δ’ ἀσπαστὸν ἔπος γένετ’ εἰσαΐοντι· ### book 1.5 ὤρνυτο δ’ ἐξ εὐνῆς κεχαρημένος, ὦρσε δ’ ἑταίρους ### book 1.1105 πάντας ἐπισπέρχων, καί τέ σφισιν ἐγρομένοισιν ### book 1.1 Ἀμπυκίδεω Μόψοιο θεοπροπίας ἀγόρευσεν. ### book 1.2 αἶψα δὲ κουρότεροι μὲν ἀπὸ σταθμῶν ἐλάσαντες ### book 1.3 ἔνθεν ἐς αἰπεινὴν ἄναγον βόας οὔρεος ἄκρην· ### book 1.4 οἱ δ’ ἄρα, λυσάμενοι Ἱερῆς ἐκ πείσματα Πέτρης, ### book 1.1110.1 ἤρεσαν ἐς λιμένα Θρηίκιον, ἂν δὲ καὶ αὐτοί ### book 1.1110.2 βαῖνον, παυροτέρους ἑτάρων ἐν νηὶ λιπόντες. ### book 1.1110.3 τοῖσι δὲ Μακριάδες σκοπιαὶ καὶ πᾶσα περαίη ### book 1.1110.4 Θρηικίης ἐνὶ χερσὶν ἑαῖς προυφαίνετ’ ἰδέσθαι· ### book 1.1110.5 φαίνετο δ’ ἠερόεν στόμα Βοσπόρου ἠδὲ κολῶναι ### book 1.1115.1 Μύσιαι· ἐκ δ’ ἑτέρης ποταμοῦ ῥόος Αἰσήποιο ### book 1.1115.2 ἄστυ τε καὶ πεδίον Νηπήιον Ἀδρηστείης. ### book 1.1115.3 ἔσκε δέ τι βριαρὸν στύπος ἀμπέλου ἔντροφον ὕλῃ, ### book 1.1115.4 πρόχνυ γεράνδρυον· τὸ μὲν ἔκταμον, ὄφρα πέλοιτο ### book 1.1115.5 δαίμονος οὐρείης ἱερὸν βρέτας, ἔξεσε δ’ Ἄργος ### book 1.1120.1 εὐκόσμως· καὶ δή μιν ἐπ’ ὀκριόεντι κολωνῷ ### book 1.1120.2 ἵδρυσαν, φηγοῖσιν ἐπηρεφὲς ἀκροτάτῃσιν ### book 1.1120.3 αἵ ῥά τε πασάων πανυπέρταται ἐρρίζωντο· ### book 1.1120.4 βωμὸν δ’ αὖ χέραδος παρενήνεον. ἀμφὶ δὲ φύλλοις ### book 1.1120.5 στεψάμενοι δρυΐνοισι θυηπολίης ἐμέλοντο, ### book 1.1125.1 Μητέρα Δινδυμίην πολυπότνιαν ἀγκαλέοντες, ### book 1.1125.2 ἐνναέτιν Φρυγίης, Τιτίην θ’ ἅμα Κύλληνόν τε, ### book 1.1125.3 οἳ μοῦνοι πλεόνων μοιρηγέται ἠδὲ πάρεδροι ### book 1.1125.4 Μητέρος Ἰδαίης κεκλήαται, ὅσσοι ἔασιν ### book 1 Δάκτυλοι Ἰδαῖοι Κρηταιέες, οὕς ποτε νύμφη ### book 1.1130.1 Ἀγχιάλη Δικταῖον ἀνὰ σπέος, ἀμφοτέρῃσιν ### book 1.1130.2 δραξαμένη γαίης Οἰαξίδος, ἐβλάστησε. ### book 1.1130.3 πολλὰ δὲ τήνγε λιτῇσιν ἀποστρέψαι ἐριώλας ### book 1.1130.4 Αἰσονίδης γουνάζετ’, ἐπιλλείβων ἱεροῖσιν ### book 1.1130.5 αἰθομένοις· ἄμυδις δὲ νέοι Ὀρφῆος ἀνωγῇ ### book 1.1135.1 σκαίροντες βηταρμὸν ἐνόπλιον εἱλίσσοντο, ### book 1.1135.2 καὶ σάκεα ξιφέεσσιν ἐπέκτυπον, ὥς κεν ἰωή ### book 1.1135.3 δύσφημος πλάζοιτο δι’ ἠέρος ἣν ἔτι λαοί ### book 1.1135.4 κηδείῃ βασιλῆος ἀνέστενον. ἔνθεν ἐσαιεί ### book 1.1135.5 ῥόμβῳ καὶ τυπάνῳ Ῥείην Φρύγες ἱλάσκονται. ### book 1.1140.1 ἡ δέ που εὐαγέεσσιν ἐπὶ φρένα θῆκε θυηλαῖς ### book 1.1140.2 ἀνταίη δαίμων, τὰ δ’ ἐοικότα σήματ’ ἔγεντο· ### book 1.1140.3 δένδρεα μὲν καρπὸν χέον ἄσπετον, ἀμφὶ δὲ ποσσίν ### book 1.1140.4 αὐτομάτη φύε γαῖα τερείνης ἄνθεα ποίης· ### book 1.1140.5 θῆρες δ’ εἰλυούς τε κατὰ ξυλόχους τε λιπόντες ### book 1.1145.1 οὐρῇσιν σαίνοντες ἐπήλυθον. ἡ δὲ καὶ ἄλλο ### book 1.1145.2 θῆκε τέρας, ἐπεὶ οὔτι παροίτερον ὕδατι νᾶεν ### book 1.1145.3 Δίνδυμον, ἀλλά σφιν τότ’ ἀνέβραχε διψάδος αὔτως ### book 1.1145.4 ἐκ κορυφῆς, ἄλληκτον· Ἰησονίην δ’ ἐνέπουσιν ### book 1.1145.5 κεῖνο ποτὸν Κρήνην περιναιέται ἄνδρες ὀπίσσω. ### book 1.1 καὶ τότε μὲν δαῖτ’ ἀμφὶ θεᾶς ἔσαν οὔρεσιν Ἄρκτων, ### book 1.2 μέλποντες Ῥείην πολυπότνιαν· αὐτὰρ ἐς ἠῶ ### book 1.1 ληξάντων ἀνέμων νῆσον λίπον εἰρεσίῃσιν. ### book 1.2 Ἔνθ’ ἔρις ἄνδρα ἕκαστον ἀριστήων ὀρόθυνεν, ### book 1.3 ὅστις ἀπολλήξειε πανύστατος· ἀμφὶ γὰρ αἰθήρ ### book 1.1155.1 νήνεμος ἐστόρεσεν δίνας, κατὰ δ’ εὔνασε πόντον. ### book 1.1155.2 οἱ δὲ γαληναίῃ πίσυνοι ἐλάασκον ἐπιπρό ### book 1.1155.3 νῆα βίῃ, τὴν δ’ οὔ κε διὲξ ἁλὸς ἀίσσουσαν ### book 1.1155.4 οὐδὲ Ποσειδάωνος ἀελλόποδες κίχον ἵπποι· ### book 1.1155.5 ἔμπης δ’, ἐγρομένοιο σάλου ζαχρηέσιν αὔραις, ### book 1.1160.1 αἳ νέον ἐκ ποταμῶν ὑπὸ δείελον ἠερέθοντο, ### book 1.1160.2 τειρόμενοι καμάτῳ μετελώφεον· αὐτὰρ ὁ τούσγε ### book 1.1160.3 πασσυδίῃ μογέοντας ἐφέλκετο κάρτεϊ χειρῶν ### book 1.1160.4 Ἡρακλέης, ἐτίνασσε δ’ ἀρηρότα δούρατα νηός. ### book 1.1160.5 ἀλλ’ ὅτε δή, Μυσῶν λελιημένοι ἠπείροιο, ### book 1.1165.1 Ῥυνδακίδας προχοὰς μέγα τ’ ἠρίον Αἰγαίωνος ### book 1.1165.2 τυτθὸν ὑπὲκ Φρυγίης παρεμέτρεον εἰσορόωντες, ### book 1.1165.3 δὴ τότ’, ἀνοχλίζων τετρηχότος οἴδματος ὁλκούς, ### book 1.1165.4 μεσσόθεν ἆξεν ἐρετμόν· ἀτὰρ τρύφος ἄλλο μὲν αὐτός ### book 1.1165.5 ἄμφω χερσὶν ἔχων πέσε δόχμιος, ἄλλο δὲ πόντος ### book 1.1170.1 κλύζε παλιρροθίοισι φέρων. ἀνὰ δ’ ἕζετο σιγῇ ### book 1.1170.2 παπταίνων, χεῖρες γὰρ ἀήθεσον ἠρεμέουσαι. ### book 1.1170.3 Ἦμος δ’ ἀγρόθεν εἶσι φυτοσκάφος ἤ τις ἀροτρεύς ### book 1.1170.4 ἀσπασίως εἰς αὖλιν ἑήν, δόρποιο χατίζων, ### book 1.1170.5 αὐτοῦ δ’ ἐν προμολῇ τετρυμένα γούνατ’ ἔκαμψεν ### book 1.1175.1 αὐσταλέος κονίῃσι, περιτριβέας δέ τε χεῖρας ### book 1.1175.2 εἰσορόων κακὰ πολλὰ ἑῇ ἠρήσατο γαστρί— ### book 1.1175.3 τῆμος ἄρ’ οἵγ’ ἀφίκοντο Κιανίδος ἤθεα γαίης ### book 1.1 ἀμφ’ Ἀργανθώνειον ὄρος προχοάς τε Κίοιο. ### book 1.2 τοὺς μὲν ἐυξείνως Μυσοὶ φιλότητι κιόντας ### book 1.1180.1 δειδέχατ’ ἐνναέται κείνης χθονός, ἤιά τέ σφι ### book 1.1180.2 μῆλά τε δευομένοις μέθυ τ’ ἄσπετον ἐγγυάλιξαν· ### book 1.1180.3 ἔνθα δ’ ἔπειθ’ οἱ μὲν ξύλα κάγκανα, τοὶ δὲ λεχαίην ### book 1.1180.4 φυλλάδα λειμώνων φέρον ἄσπετον ἀμήσαντες ### book 1.1180.5 στόρνυσθαι, τοὶ δ’ αὖτε πυρήια δινεύεσκον, ### book 1.1185.1 οἱ δ’ οἶνον κρητῆρσι κέρων πονέοντό τε δαῖτα, ### book 1.1185.2 Ἐκβασίῳ ῥέξαντες ὑπὸ κνέφας Ἀπόλλωνι. ### book 1.1185.3 Αὐτὰρ ὁ, εὖ δαίνυσθαι ἑοῖς ἑτάροις ἐπιτείλας, ### book 1.1185.4 βῆ ῥ’ ἴμεν εἰς ὕλην υἱὸς Διός, ὥς κεν ἐρετμόν ### book 1.1185.5 οἷ αὐτῷ φθαίη καταχείριον ἐντύνασθαι. ### book 1.1190.1 εὗρεν ἔπειτ’ ἐλάτην ἀλαλήμενος οὔτε τι πολλοῖς ### book 1.1190.2 ἀχθομένην ὄζοις οὐδὲ μέγα τηλεθόωσαν, ### book 1.1190.3 ἀλλ’ οἷον ταναῆς ἔρνος πέλει αἰγείροιο· ### book 1.1190.4 τόσση ὁμῶς μῆκός τε καὶ ἐς πάχος ἦεν ἰδέσθαι. ### book 1.1190.5 ῥίμφα δ’ ὀιστοδόκην μὲν ἐπὶ χθονὶ θῆκε φαρέτρην ### book 1.1195.1 αὐτοῖσιν τόξοισιν, ἔδυ δ’ ἀπὸ δέρμα λέοντος· ### book 1.1195.2 τὴν δ’ ὅγε, χαλκοβαρεῖ ῥοπάλῳ δαπέδοιο τινάξας ### book 1.1195.3 νειόθεν, ἀμφοτέρῃσι περὶ στύπος ἔλλαβε χερσίν ### book 1.1195.4 ἠνορέῃ πίσυνος, ἐν δὲ πλατὺν ὦμον ἔρεισεν ### book 1.1195.5 εὖ διαβάς· πεδόθεν δὲ βαθύρριζόν περ ἐοῦσαν ### book 1.1 προσφὺς ἐξήειρε σὺν αὐτοῖς ἔχμασι γαίης. ### book 1.2 ὡς δ’ ὅταν ἀπροφάτως ἱστὸν νεός, εὖτε μάλιστα ### book 1.3 χειμερίη ὀλοοῖο δύσις πέλει Ὠρίωνος, ### book 1.1 ὑψόθεν ἐμπλήξασα θοὴ ἀνέμοιο κατάιξ ### book 1.2 αὐτοῖσι σφήνεσσιν ὑπὲκ προτόνων ἐρύσηται— ### book 1.1205.1 ὧς ὅγε τὴν ἤειρεν· ὁμοῦ δ’ ἀνὰ τόξα καὶ ἰούς ### book 1.1205.2 δέρμα θ’ ἑλὼν ῥόπαλόν τε, παλίσσυτος ὦρτο νέεσθαι. ### book 1.1205.3 Τόφρα δ’ Ὕλας χαλκέῃ σὺν κάλπιδι νόσφιν ὁμίλου ### book 1.1205.4 δίζητο κρήνης ἱερὸν ῥόον, ὥς κέ οἱ ὕδωρ ### book 1.1205.5 φθαίη ἀφυσσάμενος ποτιδόρπιον, ἄλλα τε πάντα ### book 1.1210.1 ὀτραλέως κατὰ κόσμον ἐπαρτίσσειεν ἰόντι. ### book 1.1210.2 δὴ γάρ μιν τοίοισιν ἐν ἤθεσιν αὐτὸς ἔφερβε, ### book 1.1210.3 νηπίαχον τὰ πρῶτα δόμων ἐκ πατρὸς ἀπούρας, ### book 1.1210.4 δῄου Θειοδάμαντος, ὃν ἐν Δρυόπεσσιν ἔπεφνεν ### book 1.1210.5 νηλειῆ, βοὸς ἀμφὶ γεωμόρου ἀντιόωντα. ### book 1.1215.1 ἤτοι ὁ μὲν νειοῖο γύας τέμνεσκεν ἀρότρῳ ### book 1.1215.2 Θειοδάμας †ἀνίῃ βεβολημένος· αὐτὰρ ὁ τόνγε ### book 1.1215.3 βοῦν ἀρότην ἤνωγε παρασχέμεν, οὐκ ἐθέλοντα ### book 1.1215.4 ἵετο γὰρ πρόφασιν πολέμου Δρυόπεσσι βαλέσθαι ### book 1.1215.5 λευγαλέην, ἐπεὶ οὔ τι δίκης ἀλέγοντες ἔναιον. ### book 1.1220.1 ἀλλὰ τὰ μὲν τηλοῦ κεν ἀποπλάγξειεν ἀοιδῆς· ### book 1.1220.2 αἶψα δ’ ὅγε κρήνην μετεκίαθεν ἣν καλέουσιν ### book 1.1220.3 Πηγὰς ἀγχίγυοι περιναιέται. οἱ δέ που ἄρτι ### book 1.1220.4 νυμφάων ἵσταντο χοροί· μέλε γάρ σφισι πάσαις ### book 1.1220.5 ὅσσαι κεῖν’ ἐρατὸν νύμφαι ῥίον ἀμφενέμοντο ### book 1.1225 Ἄρτεμιν ἐννυχίῃσιν ἀεὶ μέλπεσθαι ἀοιδαῖς. ### book 1.1 αἱ μέν, ὅσαι σκοπιὰς ὀρέων λάχον ἢ καὶ ἐναύλους ### book 1.2 αἵ γε μὲν ὑλήωροι, ἀπόπροθεν ἐστιχόωντο· ### book 1.3 ἡ δὲ νέον κρήνης ἀνεδύετο καλλινάοιο ### book 1.4 νύμφη ἐφυδατίη. τὸν δὲ σχεδὸν εἰσενόησεν ### book 1.1230.1 κάλλεϊ καὶ γλυκερῇσιν ἐρευθόμενον χαρίτεσσιν, ### book 1.1230.2 πρὸς γάρ οἱ διχόμηνις ἀπ’ αἰθέρος αὐγάζουσα ### book 1.1230.3 βάλλε σεληναίη· τῆς δὲ φρένας ἐπτοίησεν ### book 1.1230.4 Κύπρις, ἀμηχανίῃ δὲ μόλις συναγείρατο θυμόν. ### book 1.1230.5 αὐτὰρ ὅγ’ ὡς τὰ πρῶτα ῥόῳ ἔνι κάλπιν ἔρεισε ### book 1.1235.1 λέχρις ἐπιχριμφθείς, περὶ δ’ ἄσπετον ἔβραχεν ὕδωρ ### book 1.1235.2 χαλκὸν ἐς ἠχήεντα φορεύμενον, αὐτίκα δ’ ἥγε ### book 1.1235.3 λαιὸν μὲν καθύπερθεν ἐπ’ αὐχένος ἄνθετο πῆχυν, ### book 1.1235.4 κύσσαι ἐπιθύουσα τέρεν στόμα, δεξιτερῇ δὲ ### book 1.1235.5 ἀγκῶν’ ἔσπασε χειρί· μέσῃ δ’ ἐνὶ κάββαλε δίνῃ. ### book 1.1240.1 Τοῦ δ’ ἥρως ἰάχοντος ἐπέκλυεν οἶος ἑταίρων ### book 1.1240.2 Εἰλατίδης Πολύφημος, ἰὼν προτέρωσε κελεύθου, ### book 1.1240.3 δέκτο γὰρ Ἡρακλῆα πελώριον ὁππόθ’ ἵκοιτο. ### book 1.1250* αἶψα δ’ ἐρυσσάμενος μέγα φάσγανον ὦρτο δίεσθαι, ### book 1.1251* μή πως ἢ θήρεσσιν ἕλωρ πέλοι, ἠέ μιν ἄνδρες ### book 1.1252* μοῦνον ἐόντ’ ἐλόχησαν, ἄγουσι δὲ ληίδ’ ἑτοίμην· ### book 1.1243.1 βῆ δὲ μεταΐξας Πηγέων σχεδόν, ἠύτε τις θήρ ### book 1.1243.2 ἄγριος, ὅν ῥά τε γῆρυς ἀπόπροθεν ἵκετο μήλων, ### book 1.1245.1 λιμῷ δ’ αἰθόμενος μετανίσσεται, οὐδ’ ἐπέκυρσε ### book 1.1245.2 ποίμνῃσιν, πρὸ γὰρ αὐτοὶ ἐνὶ σταθμοῖσι νομῆες ### book 1.1 ἔλσαν· ὁ δὲ στενάχων βρέμει ἄσπετον, ὄφρα κάμῃσιν— ### book 1.2 ὧς τότ’ ἄρ’ Εἰλατίδης μεγάλ’ ἔστενεν, ἀμφὶ δὲ χῶρον ### book 1.3 φοίτα κεκληγώς, μελέη δέ οἱ ἔπλετ’ ἀυτή. ### book 1.1253.1 ἔνθ’ αὐτῷ ξύμβλητο κατὰ στίβον Ἡρακλῆι ### book 1.1253.2 γυμνὸν ἐπισσείων παλάμῃ ξίφος, εὖ δέ μιν ἔγνω ### book 1.1255.1 σπερχόμενον μετὰ νῆα διὰ κνέφας· αὐτίκα δ’ ἄτην ### book 1.1255.2 ἔκφατο λευγαλέην, βεβαρημένος ἄσθματι θυμόν· ### book 1.1255.3 “Δαιμόνιε, στυγερόν τοι ἄχος πάμπρωτος ἐνίψω. ### book 1.1255.4 οὐ γὰρ Ὕλας, κρήνηνδε κιών, σόος αὖτις ἱκάνει, ### book 1.1255.5 ἀλλά ἑ ληιστῆρες ἐνιχρίμψαντες ἄγουσιν ### book 1.1260.1 ἢ θῆρες σίνονται· ἐγὼ δ’ ἰάχοντος ἄκουσα.” ### book 1.1260.2 Ὧς φάτο· τῷ δ’ ἀίοντι κατὰ κροτάφων ἅλις ἱδρώς ### book 1.1260.3 κήκιεν, ἂν δὲ κελαινὸν ὑπὸ σπλάγχνοις ζέεν αἷμα. ### book 1.1260.4 χωόμενος δ’ ἐλάτην χαμάδις βάλεν, ἐς δὲ κέλευθον ### book 1.1260.5 τὴν θέεν ᾗ πόδες αὐτοὶ ὑπέκφερον ἀίσσοντα. ### book 1.1265.1 ὡς δ’ ὅτε τίς τε μύωπι τετυμμένος ἔσσυτο ταῦρος ### book 1.1265.2 πίσεά τε προλιπὼν καὶ ἑλεσπίδας, οὐδὲ νομήων ### book 1.1265.3 οὐδ’ ἀγέλης ὄθεται, πρήσσει δ’ ὁδὸν ἄλλοτ’ ἄπαυστος, ### book 1.1265.4 ἄλλοτε δ’ ἱστάμενος καὶ ἀνὰ πλατὺν αὐχέν’ ἀείρων ### book 1.1265.5 ἵησιν μύκημα, κακῷ βεβολημένος οἴστρῳ— ### book 1.1270.1 ὧς ὅγε μαιμώων ὁτὲ μὲν θοὰ γούνατ’ ἔπαλλεν ### book 1.1270.2 συνεχέως, ὁτὲ δ’ αὖτε μεταλλήγων καμάτοιο ### book 1.1270.3 τῆλε διαπρύσιον μεγάλῃ βοάασκεν ἀυτῇ. ### book 1.1270.4 Αὐτίκα δ’ ἀκροτάτας ὑπερέσχεθεν ἄκριας ἀστήρ ### book 1.1270.5 ἠῷος, πνοιαὶ δὲ κατήλυθον· ὦκα δὲ Τῖφυς ### book 1.1275.1 ἐσβαίνειν ὀρόθυνεν ἐπαυρέσθαι τ’ ἀνέμοιο. ### book 1.1275.2 οἱ δ’ εἴσβαινον ἄφαρ λελιημένοι, ὕψι δὲ νηός ### book 1.1275.3 εὐναίας ἐρύσαντες ἀνεκρούσαντο κάλωας· ### book 1.1275.4 κυρτώθη δ’ ἀνέμῳ λίνα μεσσόθι, τῆλε δ’ ἀπ’ ἀκτῆς ### book 1.1275.5 γηθόσυνοι φορέοντο παραὶ Ποσιδήιον ἄκρην. ### book 1.1280.1 ἦμος δ’ οὐρανόθεν χαροπὴ ὑπολάμπεται ἠώς ### book 1.1280.2 ἐκ περάτης ἀνιοῦσα, διαγλαύσσουσι δ’ ἀταρποί ### book 1.1280.3 καὶ πεδία δροσόεντα φαεινῇ λάμπεται αἴγλῃ— ### book 1.1280.4 τῆμος τούσγ’ ἐνόησαν ἀιδρείῃσι λιπόντες. ### book 1.1280.5 ἐν δέ σφιν κρατερὸν νεῖκος πέσεν, ἐν δὲ κολῳός ### book 1.1285.1 ἄσπετος, εἰ τὸν ἄριστον ἀποπρολιπόντες ἔβησαν ### book 1.1285.2 σφωιτέρων ἑτάρων. ὁ δ’ ἀμηχανίῃσιν ἀτυχθείς ### book 1.1285.3 οὔτε τι τοῖον ἔπος μετεφώνεεν οὔτε τι τοῖον ### book 1.1285.4 Αἰσονίδης, ἀλλ’ ἧστο βαρείῃ νειόθεν ἄτῃ ### book 1.1285.5 θυμὸν ἔδων. Τελαμῶνα δ’ ἕλεν χόλος, ὧδέ τ’ ἔειπεν· ### book 1.1290.1 “Ἧς’ αὔτως εὔκηλος, ἐπεί νύ τοι ἄρμενον ἦεν ### book 1.1290.2 Ἡρακλῆα λιπεῖν· σέο δ’ ἔκτοθι μῆτις ὄρωρεν, ### book 1.1290.3 ὄφρα τὸ κείνου κῦδος ἀν’ Ἑλλάδα μή σε καλύψῃ, ### book 1.1290.4 αἴ κε θεοὶ δώωσιν ὑπότροπον οἴκαδε νόστον. ### book 1.1290.5 ἀλλὰ τί μύθων ἦδος; ἐπεὶ καὶ νόσφιν ἑταίρων ### book 1.1295.1 εἶμι τεῶν οἳ τόνδε δόλον συνετεκτήναντο.” ### book 1.1295.2 Ἦ· καὶ ἐς Ἁγνιάδην Τῖφυν θόρε, τὼ δέ οἱ ὄσσε ### book 1.1295.3 ὄστλιγγες μαλεροῖο πυρὸς ὣς ἰνδάλλοντο. ### book 1.1295.4 καί νύ κεν ἂψ ὀπίσω Μυσῶν ἐπὶ γαῖαν ἵκοντο, ### book 1.1295.5 λαῖτμα βιησάμενοι ἀνέμου τ’ ἄλληκτον ἰωήν, ### book 1.1 εἰ μὴ Θρηικίοιο δύω υἷες Βορέαο ### book 1.2 Αἰακίδην χαλεποῖσιν ἐρητύεσκον ἔπεσσιν, ### book 1.3 σχέτλιοι· ἦ τέ σφιν στυγερὴ τίσις ἔπλετ’ ὀπίσσω ### book 1.4 χερσὶν ὑφ’ Ἡρακλῆος, ὅ μιν δίζεσθαι ἔρυκον. ### book 1.5 ἄθλων γὰρ Πελίαο δεδουπότος ἂψ ἀνιόντας ### book 1.1305.1 Τήνῳ ἐν ἀμφιρύτῃ πέφνεν· καὶ ἀμήσατο γαῖαν ### book 1.1305.2 ἀμφ’ αὐτοῖς στήλας τε δύω καθύπερθεν ἔτευξεν, ### book 1.1305.3 ὧν ἑτέρη, θάμβος περιώσιον ἀνδράσι λεύσσειν, ### book 1.1305.4 κίνυται ἠχήεντος ὑπὸ πνοιῇ Βορέαο. ### book 1.1305.5 καὶ τὰ μὲν ὧς ἤμελλε μετὰ χρόνον ἐκτελέεσθαι· ### book 1.1310.1 τοῖσιν δὲ Γλαῦκος βρυχίης ἁλὸς ἐξεφαάνθη, ### book 1.1310.2 Νηρῆος θείοιο πολυφράδμων ὑποφήτης· ### book 1.1310.3 ὕψι δὲ λαχνῆέν τε κάρη καὶ στήθε’ ἀείρας ### book 1.1310.4 νειόθεν ἐκ λαγόνων, στιβαρῇ ἐπορέξατο χειρί ### book 1.1310.5 νηίου ὁλκαίοιο, καὶ ἴαχεν ἐσσυμένοισιν· ### book 1.1315.1 “Τίπτε παρὲκ μεγάλοιο Διὸς μενεαίνετε βουλήν ### book 1.1315.2 Αἰήτεω πτολίεθρον ἄγειν θρασὺν Ἡρακλῆα; ### book 1.1315.3 Ἄργεΐ οἱ μοῖρ’ ἐστὶν ἀτασθάλῳ Εὐρυσθῆι ### book 1.1315.4 ἐκπλῆσαι μογέοντα δυώδεκα πάντας ἀέθλους, ### book 1.1315.5 ναίειν δ’ ἀθανάτοισι συνέστιον, εἴ κ’ ἔτι παύρους ### book 1.1320.1 ἐξανύσῃ· τῶ μή τι ποθὴ κείνοιο πελέσθω. ### book 1.1320.2 αὔτως δ’ αὖ Πολύφημον ἐπὶ προχοῇσι Κίοιο ### book 1.1320.3 πέπρωται Μυσοῖσι περικλεὲς ἄστυ καμόντα ### book 1.1320.4 μοῖραν ἀναπλήσειν Χαλύβων ἐν ἀπείρονι γαίῃ. ### book 1.1320.5 αὐτὰρ Ὕλαν φιλότητι θεὰ ποιήσατο νύμφη ### book 1.1325 ὃν πόσιν, οἷό περ οὕνεκ’ ἀποπλαγχθέντες ἔλειφθεν.” ### book 1.1 Ἦ, καὶ κῦμ’ ἀλίαστον ἐφέσσατο νειόθι δύψας· ### book 1.2 ἀμφὶ δέ οἱ δίνῃσι κυκώμενον ἄφρεεν ὕδωρ ### book 1.3 πορφύρεον, κοίλην δ’ ἄιξ ἁλὸς ἔκλυσε νῆα. ### book 1.4 γήθησαν δ’ ἥρωες· ὁ δ’ ἐσσυμένως ἐβεβήκει ### book 1.1330.1 Αἰακίδης Τελαμὼν ἐς Ἰήσονα, χεῖρα δὲ χειρί ### book 1.1330.2 ἄκρην ἀμφιβαλὼν προσπτύξατο φώνησέν τε· ### book 1.1330.3 “Αἰσονίδη, μή μοί τι χολώσεαι, ἀφραδίῃσιν ### book 1.1330.4 εἴ τί περ ἀασάμην, πέρι γάρ μ’ ἄχος †εἷλεν ἐνισπεῖν ### book 1.1330.5 μῦθον ὑπερφίαλόν τε καὶ ἄσχετον· ἀλλ’ ἀνέμοισιν ### book 1.1335.1 δώομεν ἀμπλακίην, ὡς καὶ πάρος εὐμενέοντες.” ### book 1.1335.2 Τὸν δ’ αὖτ’ Αἴσονος υἱὸς ἐπιφραδέως προσέειπεν· ### book 1.1335.3 “Ὦ πέπον, ἦ μάλα δή με κακῷ ἐκυδάσσαο μύθῳ, ### book 1.1335.4 φὰς ἐνὶ τοισίδ’ ἅπασιν ἐνηέος ἀνδρὸς ἀλείτην ### book 1.1335.5 ἔμμεναι. ἀλλ’ οὐ θήν τοι ἀδευκέα μῆνιν ἀέξω, ### book 1.1340.1 πρίν περ ἀνιηθείς· ἐπεὶ οὐ περὶ πώεσι μήλων ### book 1.1340.2 οὐδὲ περὶ κτεάτεσσι χαλεψάμενος μενέηνας, ### book 1.1340.3 ἀλλ’ ἑτάρου περὶ φωτός, ἔολπα δὲ τώς σε καὶ ἄλλῳ ### book 1.1340.4 ἀμφ’ ἐμεῦ, εἰ τοιόνδε πέλοι ποτέ, δηρίσασθαι.” ### book 1.1340.5 Ἦ ῥα, καὶ ἀρθμηθέντες ὅπῃ πάρος ἑδριόωντο. ### book 1.1345.1 τὼ δὲ Διὸς βουλῇσιν, ὁ μὲν Μυσοῖσι βαλέσθαι ### book 1.1345.2 μέλλεν ἐπώνυμον ἄστυ πολισσάμενος ποταμοῖο ### book 1.1345.3 Εἰλατίδης Πολύφημος, ὁ δ’ Εὐρυσθῆος ἀέθλους ### book 1.1345.4 αὖτις ἰὼν πονέεσθαι· ἐπηπείλησε δὲ γαῖαν ### book 1.1345.5 Μυσίδ’ ἀναστήσειν αὐτοσχεδόν, ὁππότε μή οἱ ### book 1.1 ἢ ζωοῦ εὕροιεν Ὕλα μόρον ἠὲ θανόντος. ### book 1.2 τοῖο δὲ ῥύσι’ ὄπασσαν ἀποκρίναντες ἀρίστους ### book 1.3 υἱέας ἐκ δήμοιο, καὶ ὅρκια ποιήσαντο ### book 1.4 μήποτε μαστεύοντες ἀπολλήξειν καμάτοιο. ### book 1.5 τούνεκεν εἰσέτι νῦν περ Ὕλαν ἐρέουσι Κιανοί, ### book 1.1355.1 κοῦρον Θειοδάμαντος, ἐυκτιμένης τε μέλονται ### book 1.1355.2 Τρηχῖνος· δὴ γάρ ῥα καταυτόθι νάσσατο παῖδας ### book 1.1355.3 οὕς οἱ ῥύσια κεῖθεν ἐπιπροέηκαν ἄγεσθαι. ### book 1.1355.4 Νηῦν δὲ πανημερίην ἄνεμος φέρε νυκτί τε πάσῃ ### book 1.1355.5 λάβρος ἐπιπνείων· ἀτὰρ οὐδ’ ἐπὶ τυτθὸν ἄητο ### book 1.1360.1 ἠοῦς τελλομένης. οἱ δὲ χθονὸς εἰσανέχουσαν ### book 1.1360.2 ἀκτὴν ἐκ κόλποιο μάλ’ †εὐρεῖαν ἐσιδέσθαι ### book 1 φρασσάμενοι κώπῃσιν ἅμ’ ἠελίῳ ἐπέκελσαν. ### book 2.1 Ἔνθα δ’ ἔσαν σταθμοί τε βοῶν αὖλίς τ’ Ἀμύκοιο, ### book 2.2 Βεβρύκων βασιλῆος ἀγήνορος, ὅν ποτε νύμφη ### book 2.3 τίκτε Ποσειδάωνι Γενεθλίῳ εὐνηθεῖσα ### book 2.4 Βιθυνὶς Μελίη ὑπεροπληέστατον ἀνδρῶν· ### book 2.5.1 ὅς τ’ ἐπὶ καὶ ξείνοισιν ἀεικέα θεσμὸν ἔθηκεν, ### book 2.5.2 μή τιν’ ἀποστείχειν πρὶν πειρήσασθαι ἑοῖο ### book 2.5.3 πυγμαχίης, πολέας δὲ περικτιόνων ἐδάιξεν. ### book 2.5.4 καὶ δὲ τότε, προτὶ νῆα κιών, χρειὼ μὲν ἐρέσθαι ### book 2.5.5 ναυτιλίης οἵ τ’ εἶεν ὑπερβασίῃσιν ἄτισσε, ### book 2.10.1 τοῖον δ’ ἐν πάντεσσι παρασχεδὸν ἔκφατο μῦθον· ### book 2.10.2 “Κέκλυθ’ ἁλίπλαγκτοι τάπερ ἴδμεναι ὔμμιν ἔοικεν. ### book 2.10.3 οὔ τινα θέσμιόν ἐστιν ἀφορμηθέντα νέεσθαι ### book 2.10.4 ἀνδρῶν ὀθνείων ὅς κεν Βέβρυξι πελάσσῃ, ### book 2.10.5 πρὶν χείρεσσιν ἐμῇσιν ἑὰς ἀνὰ χεῖρας ἀεῖραι. ### book 2.15.1 τῶ καί μοι τὸν ἄριστον ἀποκριδὸν οἶον ὁμίλου ### book 2.15.2 πυγμαχίῃ στήσασθε καταυτόθι δηρινθῆναι. ### book 2.15.3 εἰ δ’ αὖ ἀπηλεγέοντες ἐμὰς πατέοιτε θέμιστας, ### book 2.15.4 ἦ κέν τις στυγερῶς κρατερῇ ἐπιέψετ’ ἀνάγκῃ.” ### book 2.15.5 Ἦ ῥα μέγα φρονέων. τοὺς δ’ ἄγριος εἰσαΐοντας ### book 2.20.1 εἷλε χόλος, πέρι δ’ αὖ Πολυδεύκεα τύψεν ὁμοκλή· ### book 2.20.2 αἶψα δ’ ἑῶν ἑτάρων πρόμος ἵστατο, φώνησέν τε· ### book 2.20.3 “Ἴσχεο νῦν, μηδ’ ἄμμι κακήν, ὅτις εὔχεαι εἶναι, ### book 2.1 φαῖνε βίην· θεσμοῖς γὰρ ὑπείξομεν, ὡς ἀγορεύεις. ### book 2.2 αὐτὸς ἑκὼν ἤδη τοι ὑπίσχομαι ἀντιάασθαι.” ### book 2.25.1 Ὧς φάτ’ ἀπηλεγέως. ὁ δ’ ἐσέδρακεν ὄμμαθ’ ἑλίξας, ### book 2.25.2 ὥστε λέων ὑπ’ ἄκοντι τετυμμένος, ὅν τ’ ἐν ὄρεσσι ### book 2.25.3 ἀνέρες ἀμφιπένονται· ὁ δ’ ἰλλόμενός περ ὁμίλῳ ### book 2.25.4 τῶν μὲν ἔτ’ οὐκ ἀλέγει, ἐπὶ δ’ ὄσσεται οἰόθεν οἶος ### book 2.25.5 ἄνδρα τὸν ὅς μιν ἔτυψε παροίτατος οὐδ’ ἐδάμασσεν. ### book 2.30.1 ἔνθ’ ἀπὸ Τυνδαρίδης μὲν ἐύστιπτον θέτο φᾶρος ### book 2.30.2 λεπταλέον, τό ῥά οἵ τις ἑὸν ξεινήιον εἶναι ### book 2.30.3 ὤπασε Λημνιάδων· ὁ δ’ ἐρεμνὴν δίπτυχα λώπην ### book 2.30.4 αὐτῇσιν περόνῃσι καλαύροπά τε τρηχεῖαν ### book 2.30.5 κάββαλε τὴν φορέεσκεν ὀριτρεφέος κοτίνοιο. ### book 2.35.1 αὐτίκα δ’ ἐγγύθι χῶρον ἑαδότα παπτήναντες, ### book 2.35.2 ἷζον ἑοὺς δίχα πάντας ἐνὶ ψαμάθοισιν ἑταίρους, ### book 2.35.3 οὐ δέμας οὐδὲ φυὴν ἐναλίγκιοι εἰσοράασθαι· ### book 2.35.4 ἀλλ’ ὁ μὲν ἢ ὀλοοῖο Τυφωέος ἠὲ καὶ αὐτῆς ### book 2.35.5 Γαίης εἶναι ἔικτο πέλωρ τέκος οἷα πάροιθεν ### book 2.40.1 χωομένη Διὶ τίκτεν· ὁ δ’ οὐρανίῳ ἀτάλαντος ### book 2.40.2 ἀστέρι Τυνδαρίδης, οὗπερ κάλλισται ἔασιν ### book 2.40.3 ἑσπερίην διὰ νύκτα φαεινομένου ἀμαρυγαί· ### book 2.40.4 τοῖος ἔην Διὸς υἱός, ἔτι χνοάοντας ἰούλους ### book 2.40.5 ἀντέλλων, ἔτι φαιδρὸς ἐν ὄμμασιν, ἀλλά οἱ ἀλκή ### book 2.45.1 καὶ μένος ἠύτε θηρὸς ἀέξετο· πῆλε δὲ χεῖρας ### book 2.45.2 πειράζων εἴθ’ ὡς πρὶν ἐυτρόχαλοι φορέονται ### book 2.45.3 μηδ’ ἄμυδις καμάτῳ τε καὶ εἰρεσίῃ βαρύθοιεν. ### book 2.1 οὐ μὰν αὖτ’ Ἄμυκος πειρήσατο· σῖγα δ’ ἄπωθεν ### book 2.2 ἑστηὼς εἰς αὐτὸν ἔχ’ ὄμματα, καί οἱ ὀρέχθει ### book 2.1 θυμὸς ἐελδομένῳ στηθέων ἐξ αἷμα κεδάσσαι. ### book 2.2 τοῖσι δὲ μεσσηγὺς θεράπων Ἀμύκοιο Λυκωρεύς ### book 2.3 θῆκε πάροιθε ποδῶν δοιοὺς ἑκάτερθεν ἱμάντας ### book 2.4 ὠμούς, ἀζαλέους, πέρι δ’ οἵγ’ ἔσαν ἐσκληῶτες. ### book 2.5 αὐτὰρ ὁ τόνγ’ ἐπέεσσιν ὑπερφιάλοισι μετηύδα· ### book 2.55.1 “Τῶνδέ τοι ὥ κ’ ἐθέλῃσθα πάλου ἄτερ ἐγγυαλίξω ### book 2.55.2 αὐτὸς ἑκών, ἵνα μή μοι ἀτέμβηαι μετόπισθεν. ### book 2.55.3 ἀλλὰ βάλευ περὶ χερσί, δαεὶς δέ κεν ἄλλῳ ἐνίσποις ### book 2.55.4 ὅσσον ἐγὼ ῥινούς τε βοῶν περίειμι ταμέσθαι ### book 2.55.5 ἀζαλέας, ἀνδρῶν τε παρηίδας αἵματι φύρσαι.” ### book 2.60.1 Ὧς ἔφατ’· αὐτὰρ ὅγ’ οὔ τι παραβλήδην ἐρίδηνεν, ### book 2.60.2 ἦκα δὲ μειδήσας, οἵ οἱ παρὰ ποσσὶν ἔκειντο, ### book 2.60.3 τοὺς ἕλεν ἀπροφάτως. τοῦ δ’ ἀντίος ἤλυθε Κάστωρ ### book 2.60.4 ἠδὲ Βιαντιάδης Ταλαὸς μέγας, ὦκα δ’ ἱμάντας ### book 2.60.5 ἀμφέδεον, μάλα πολλὰ παρηγορέοντες ἐς ἀλκήν· ### book 2.65.1 τῷ δ’ αὖτ’ Ἄρητός τε καὶ Ὄρνυτος, οὐδέ τι ᾔδειν ### book 2.65.2 νήπιοι ὕστατα κεῖνα κακῇ δήσαντες ἐπ’ αἴσῃ. ### book 2.65.3 Οἱ δ’ ἐπεὶ οὖν ἐν ἱμᾶσι διασταδὸν ἠρτύναντο, ### book 2.65.4 αὐτίκ’ ἀνασχόμενοι ῥεθέων προπάροιθε βαρείας ### book 2.65.5 χεῖρας, ἐπ’ ἀλλήλοισι μένος φέρον ἀντιόωντες. ### book 2.70.1 ἔνθα δὲ Βεβρύκων μὲν ἄναξ, ἅτε κῦμα θαλάσσης ### book 2.70.2 τρηχὺ θοῇ ἐπὶ νηὶ κορύσσεται, ἡ δ’ ὑπὸ τυτθόν ### book 2.70.3 ἰδρείῃ πυκινοῖο κυβερνητῆρος ἀλύσκει ### book 2.70.4 ἱεμένου φορέεσθαι ἔσω τοίχοιο κλύδωνος— ### book 2.70.5 ὧς ὅγε Τυνδαρίδην φοβέων ἕπετ’ οὐδέ μιν εἴα ### book 2.75.1 δηθύνειν, ὁ δ’ ἄρ’ αἰὲν ἀνούτατος ἣν διὰ μῆτιν ### book 2.75.2 ἀίσσοντ’ ἀλέεινεν. ἀπηνέα δ’ αἶψα νοήσας ### book 2.75.3 πυγμαχίην, ᾗ κάρτος ἀάατος ᾗ τε χερείων, ### book 2.75.4 στῆ ῥ’ ἄμοτον καὶ χερσὶν ἐναντία χεῖρας ἔμειξεν. ### book 2.75.5 ὡς δ’ ὅτε νήια δοῦρα θοοῖς ἀντίξοα γόμφοις ### book 2.80.1 ἀνέρες ὑληουργοὶ ἐπιβλήδην ἐλάοντες ### book 2.80.2 θείνωσι σφύρῃσιν, ἐπ’ ἄλλῳ δ’ ἄλλος ἄηται ### book 2.80.3 δοῦπος ἄδην—ὧς τοῖσι παρήιά τ’ ἀμφοτέρωθεν ### book 2.80.4 καὶ γένυες κτύπεον, βρυχὴ δ’ ὑπετέλλετ’ ὀδόντων ### book 2.80.5 ἄσπετος· οὐδ’ ἔλληξαν ἐπισταδὸν οὐτάζοντες ### book 2.85.1 ἔστε περ οὐλοὸν ἆσθμα καὶ ἀμφοτέρους ἐδάμασσεν. ### book 2.85.2 στάντε δὲ βαιὸν ἄπωθεν ἀπωμόρξαντο μετώπων ### book 2.85.3 ἱδρῶ ἅλις, καματηρὸν ἀυτμένα φυσιόωντε. ### book 2.85.4 ἂψ δ’ αὖτις συνόρουσαν ἐναντίω, ἠύτε ταύρω ### book 2.85.5 φορβάδος ἀμφὶ βοὸς κεκοτηότε δηριάασθον. ### book 2.90.1 ἔνθα δ’ ἔπειτ’ Ἄμυκος μὲν ἐπ’ ἀκροτάτοισιν ἀερθείς ### book 2.90.2 βουτύπος οἷα πόδεσσι τανύσσατο, κὰδ δὲ βαρεῖαν ### book 2.90.3 χεῖρ’ ἐπὶ οἷ πελέμιξεν· ὁ δ’ ἀίσσοντος ὑπέστη, ### book 2.1 κρᾶτα παρακλίνας, ὤμῳ δ’ ἀνεδέξατο πῆχυν. ### book 2.2 τυτθὸν δ’ ἄνδιχα τοῖο παρὲκ γόνυ γουνὸς ἀμείβων, ### book 2.95.1 κόψε μεταΐγδην ὑπὲρ οὔατος, ὀστέα δ’ εἴσω ### book 2.95.2 ῥῆξεν· ὁ δ’ ἀμφ’ ὀδύνῃ γνὺξ ἤριπεν. οἱ δ’ ἰάχησαν ### book 2.95.3 ἥρωες Μινύαι· τοῦ δ’ ἀθρόος ἔκχυτο θυμός. ### book 2.95.4 Οὐδ’ ἄρα Βέβρυκες ἄνδρες ἀφείδησαν βασιλῆος, ### book 2.95.5 ἀλλ’ ἄμυδις κορύνας ἀζηχέας ἠδὲ σιγύννους ### book 2.1 ἰθὺς ἀνασχόμενοι Πολυδεύκεος ἀντιάασκον· ### book 2.2 τοῦ δὲ πάρος κολεῶν εὐήκεα φάσγαν’ ἑταῖροι ### book 2.3 ἔσταν ἐρυσσάμενοι. πρῶτός γε μὲν ἀνέρα Κάστωρ ### book 2.4 ἤλας’ ἐπεσσύμενον κεφαλῆς ὕπερ· ἡ δ’ ἑκάτερθεν ### book 2.5 ἔνθα καὶ ἔνθ’ ὤμοισιν ἐπ’ ἀμφοτέροισι κεάσθη· ### book 2.105.1 αὐτὸς δ’ Ἰτυμονῆα πελώριον ἠδὲ Μίμαντα, ### book 2.105.2 τὸν μὲν ὑπὸ στέρνοιο θοῷ ποδί, λὰξ ἐπορούσας, ### book 2.105.3 πλῆξε καὶ ἐν κονίῃσι βάλεν, τοῦ δ’ ἆσσον ἰόντος ### book 2.105.4 δεξιτερῇ σκαιῆς ὑπὲρ ὀφρύος ἤλασε χειρί, ### book 2 δρύψε δέ οἱ βλέφαρον, γυμνὴ δ’ ὑπελείπετ’ ὀπωπή. ### book 2.110.1 Ὠρείτης δ’, Ἀμύκοιο βίην ὑπέροπλος ὀπάων, ### book 2.110.2 οὖτα Βιαντιάδαο κατὰ λαπάρην Ταλαοῖο, ### book 2.110.3 ἀλλά μιν οὐ κατέπεφνεν, ὅσον δ’ ἐπὶ δέρματι μοῦνον ### book 2.110.4 νηδυίων ἄψαυστος ὑπὸ ζώνην τόρε χαλκός. ### book 2.110.5 αὔτως δ’ Ἄρητος μενεδήιον Εὐρύτου υἷα ### book 2.115.1 Ἴφιτον ἀζαλέῃ κορύνῃ στυφέλιξεν ἐλάσσας, ### book 2.115.2 οὔπω κηρὶ κακῇ πεπρωμένον· ἦ τάχ’ ἔμελλεν ### book 2.115.3 αὐτὸς δῃώσεσθαι ὑπὸ ξίφεϊ Κλυτίοιο. ### book 2.115.4 καὶ τότ’ ἄρ’ Ἀγκαῖος Λυκοόργοιο θρασὺς υἱός ### book 2.115.5 αἶψα †μέλαν τεταγὼν πέλεκυν μέγαν ἠδὲ κελαινόν ### book 2.120.1 ἄρκτου προσχόμενος σκαιῇ δέρος ἔνθορε μέσσῳ ### book 2.120.2 ἐμμεμαὼς Βέβρυξιν· ὁμοῦ δέ οἱ ἐσσεύοντο ### book 2.120.3 Αἰακίδαι, σὺν δέ σφιν ἀρήιος ὤρνυτ’ Ἰήσων. ### book 2.120.4 ὡς δ’ ὅτ’ ἐνὶ σταθμοῖσιν ἀπείρονα μῆλ’ ἐφόβησαν ### book 2.120.5 ἤματι χειμερίῳ πολιοὶ λύκοι, ὁρμηθέντες ### book 2.125.1 λάθρῃ ἐυρρίνων τε κυνῶν αὐτῶν τε νομήων, ### book 2.125.2 μαίονται δ’ ὅ τι πρῶτον ἐπαΐξαντες ἕλωσι, ### book 2.125.3 πόλλ’ ἐπιπαμφαλόωντες ὁμοῦ, τὰ δὲ πάντοθεν αὔτως ### book 2.125.4 στείνονται πίπτοντα περὶ σφίσιν—ὧς ἄρα τοίγε ### book 2.125.5 λευγαλέως Βέβρυκας ὑπερφιάλους ἐφόβησαν. ### book 2.130.1 ὡς δὲ μελισσάων σμῆνος μέγα μηλοβοτῆρες ### book 2.130.2 ἠὲ μελισσοκόμοι πέτρῃ ἔνι καπνιόωσιν, ### book 2.130.3 αἱ δ’ ἤτοι τείως μὲν ἀολλέες ᾧ ἐνὶ σίμβλῳ ### book 2.130.4 βομβηδὸν κλονέονται, ἐπιπρὸ δὲ λιγνυόεντι ### book 2.130.5 καπνῷ τυφόμεναι πέτρης ἑκὰς ἀίσσουσιν— ### book 2.135.1 ὧς οἵγ’ οὐκέτι δὴν μένον ἔμπεδον ἀλλὰ κέδασθεν ### book 2.135.2 εἴσω Βεβρυκίης, Ἀμύκου μόρον ἀγγελέοντες· ### book 2.135.3 νήπιοι, οὐδ’ ἐνόησαν ὃ δή σφισιν ἐγγύθεν ἄλλο ### book 2.135.4 πῆμ’ ἀίδηλον ἔην. πέρθοντο γὰρ ἠμὲν ἀλωαί ### book 2.135.5 ἠδ’ οἶαι τῆμος δῄῳ ὑπὸ δουρὶ Λύκοιο ### book 2.140.1 καὶ Μαριανδυνῶν ἀνδρῶν, ἀπεόντος ἄνακτος· ### book 2.140.2 αἰεὶ γὰρ μάρναντο σιδηροφόρου περὶ γαίης. ### book 2.140.3 οἱ μὲν δὴ σταθμούς τε καὶ αὔλια δηιάασκον· ### book 2.140.4 ἤδη δ’ ἄσπετα μῆλα περιτροπάδην ἐτάμοντο ### book 2.140.5 ἥρωες· καὶ δή τις ἔπος μετὰ τοῖσιν ἔειπεν· ### book 2.145.1 “Φράζεσθ’ ὅττι κεν ᾗσιν ἀναλκείῃσιν ἔρεξαν, ### book 2.145.2 εἴ πως Ἡρακλῆα θεὸς καὶ δεῦρο κόμισσεν. ### book 2.145.3 ἤτοι μὲν γὰρ ἐγὼ κείνου παρεόντος ἔολπα ### book 2.145.4 οὐδ’ ἂν πυγμαχίῃ κρινθήμεναι· ἀλλ’ ὅτε θεσμούς ### book 2.145.5 ἤλυθεν ἐξερέων, αὐτοῖς ἄφαρ οἷς ἀγόρευεν ### book 2.1 θεσμοῖσιν ῥοπάλῳ μιν ἀγηνορίης λελαθέσθαι. ### book 2.2 ναὶ μὲν ἀκήδεστον γαίῃ ἔνι τόνγε λιπόντες ### book 2.3 πόντον ἐπέπλωμεν, μάλα δ’ ἡμέων αὐτὸς ἕκαστος ### book 2.4 εἴσεται οὐλομένην ἄτην ἀπάνευθεν ἐόντος.” ### book 2.5 Ὧς ἄρ’ ἔφη· τὰ δὲ πάντα Διὸς βουλῇσι τέτυκτο. ### book 2.155.1 καὶ τότε μὲν μένον αὖθι διὰ κνέφας, ἕλκεά τ’ ἀνδρῶν ### book 2.155.2 οὐταμένων ἀκέοντο, καὶ ἀθανάτοισι θυηλάς ### book 2.155.3 ῥέξαντες μέγα δόρπον ἐφώπλισαν, οὐδέ τιν’ ὕπνος ### book 2.1 εἷλε παρὰ κρητῆρι καὶ αἰθομένοις ἱεροῖσιν· ### book 2.2 ξανθὰ δ’ ἐρεψάμενοι δάφνης καθύπερθε μέτωπα ### book 2.160.1 ἀγχιάλου φύλλοις, τῇ περ πρυμνήσι’ ἀνῆπτο, ### book 2.160.2 Ὀρφείῃ φόρμιγγι συνοίμιον ὕμνον ἄειδον ### book 2.160.3 ἐμμελέως, περὶ δέ σφιν ἰαίνετο νήνεμος ἀκτή ### book 2.160.4 μελπομένοις· κλεῖον δὲ Θεραπναῖον Διὸς υἷα. ### book 2.160.5 Ἦμος δ’ ἠέλιος δροσερὰς ἐπέλαμψε κολώνας ### book 2.165.1 ἐκ περάτων ἀνιών, ἤγειρε δὲ μηλοβοτῆρας, ### book 2.165.2 δὴ τότε λυσάμενοι νεάτης ἐκ πείσματα δάφνης, ### book 2.165.3 ληίδα τ’ εἰσβήσαντες ὅσην χρεὼ ἦεν ἄγεσθαι, ### book 2.165.4 πνοιῇ δινήεντ’ ἀνὰ Βόσπορον ἰθύνοντο. ### book 2.165.5 ἔνθα μὲν ἠλιβάτῳ ἐναλίγκιον οὔρεϊ κῦμα ### book 2.170.1 ἀμφέρεται προπάροιθεν ἐπαΐσσοντι †ἐοικός, ### book 2.170.2 αἰὲν ὑπὲρ λαιφέων ἠερμένον· οὐδέ κε φαίης ### book 2.170.3 φεύξεσθαι κακὸν οἶτον, ἐπεὶ μάλα μεσσόθι νηός ### book 2.170.4 λάβρον ἐπικρέμαται †ὑπὲρ νέφεος†, ἀλλὰ τόγ’ ἔμπης ### book 2.170.5 στόρνυται εἴ κ’ ἐσθλοῖο κυβερνητῆρος ἐπαύρῃ. ### book 2.175.1 τῶ καὶ Τίφυος οἵδε δαημοσύνῃσι νέοντο ### book 2.175.2 ἀσκηθεῖς μέν, ἀτὰρ πεφοβημένοι. ἤματι δ’ ἄλλῳ ### book 2.1 ἀντιπέρην γαίῃ Θυνηίδι πείσματ’ ἀνῆψαν. ### book 2.2 Ἔνθα δ’ ἐπάκτιον οἶκον Ἀγηνορίδης ἔχε Φινεύς, ### book 2.3 ὃς περὶ δὴ πάντων ὀλοώτατα πήματ’ ἀνέτλη ### book 2.180.1 εἵνεκα μαντοσύνης, τήν οἱ πάρος ἐγγυάλιξεν ### book 2.180.2 Λητοΐδης, οὐδ’ ὅσσον ὀπίζετο καὶ Διὸς αὐτοῦ ### book 2.180.3 χρείων ἀτρεκέως ἱερὸν νόον ἀνθρώποισιν· ### book 2.180.4 τῶ καί οἱ γῆρας μὲν ἐπὶ δηναιὸν ἴαλλεν, ### book 2.180.5 ἐκ δ’ ἕλετ’ ὀφθαλμῶν γλυκερὸν φάος, οὐδὲ γάνυσθαι ### book 2.185.1 εἴα ἀπειρεσίοισιν ὀνείασιν ὅσσα οἱ αἰεί ### book 2.185.2 θέσφατα πευθόμενοι περιναιέται οἴκαδ’ ἄγειρον· ### book 2.185.3 ἀλλὰ διὰ νεφέων ἄφνω πέλας ἀίσσουσαι ### book 2.185.4 Ἅρπυιαι στόματος χειρῶν τ’ ἀπὸ γαμφηλῇσι ### book 2.185.5 συνεχέως ἥρπαζον, ἐλείπετο δ’ ἄλλοτε φορβῆς ### book 2.190.1 οὐδ’ ὅσον· ἄλλοτε τυτθόν, ἵνα ζώων ἀκάχοιτο, ### book 2.190.2 καὶ δ’ ἐπὶ μυδαλέην ὀδμὴν χέον· οὐδέ τις ἔτλη ### book 2.190.3 μὴ καὶ λευκανίηνδε φορεύμενος ἀλλ’ ἀποτηλοῦ ### book 2.190.4 ἑστηώς, τοῖόν οἱ ἀπέπνεε λείψανα δαιτός. ### book 2.190.5 αὐτίκα δ’, εἰσαΐων ἐνοπὴν καὶ δοῦπον ὁμίλου, ### book 2.195.1 τούσδ’ αὐτοὺς παρεόντας ἐπήισεν ὧν οἱ ἰόντων ### book 2.195.2 θέσφατον ἐκ Διὸς ἦεν ἑῆς ἀπόνασθαι ἐδωδῆς. ### book 2.195.3 ὀρθωθεὶς δ’ εὐνῆθεν, ἀκήριον ἠύτ’ ὄνειρον, ### book 2.195.4 βάκτρῳ σκηπτόμενος ῥικνοῖς ποσὶν ᾖε θύραζε, ### book 2.195.5 τοίχους ἀμφαφόων, τρέμε δ’ ἅψεα νισσομένοιο ### book 2.1 ἀδρανίῃ γήραι τε· πίνῳ δέ οἱ αὐσταλέος χρώς ### book 2.2 ἐσκλήκει, ῥινοὶ δὲ σὺν ὀστέα μοῦνον ἔεργον. ### book 2.1 ἐκ δ’ ἐλθὼν μεγάροιο καθέζετο γοῦνα βαρυνθείς ### book 2.2 οὐδοῦ ἐπ’ αὐλείοιο· κάρος δέ μιν ἀμφεκάλυψεν ### book 2.3 πορφύρεος, γαῖαν δὲ πέριξ ἐδόκησε φέρεσθαι ### book 2.205.1 νειόθεν, ἀβληχρῷ δ’ ἐπὶ κώματι κέκλιτ’ ἄναυδος. ### book 2.205.2 οἱ δέ μιν ὡς εἴδοντο, περισταδὸν ἠγερέθοντο ### book 2.205.3 καὶ τάφον. αὐτὰρ ὁ τοῖσι, μάλα μόλις ἐξ ὑπάτοιο ### book 2.205.4 στήθεος ἀμπνεύσας, μετεφώνεε μαντοσύνῃσι· ### book 2.205.5 “Κλῦτε Πανελλήνων προφερέστατοι, εἰ ἐτεὸν δή ### book 2.210.1 οἵδ’ ὑμεῖς οὓς δὴ κρυερῇ βασιλῆος ἐφετμῇ ### book 2.210.2 Ἀργῴης ἐπὶ νηὸς ἄγει μετὰ κῶας Ἰήσων— ### book 2.210.3 ὑμεῖς ἀτρεκέως· ἔτι μοι νόος οἶδεν ἕκαστα ### book 2.210.4 ᾗσι θεοπροπίῃσι—χάριν νύ τοι, ὦ ἄνα Λητοῦς ### book 2.210.5 υἱέ, καὶ ἀργαλέοισιν ἀνάπτομαι ἐν καμάτοισιν. ### book 2.215.1 Ἱκεσίου πρὸς Ζηνός, ὅτις ῥίγιστος ἀλιτροῖς ### book 2.215.2 ἀνδράσι, Φοίβου τ’ ἀμφί, καὶ αὐτῆς εἵνεκεν Ἥρης ### book 2.215.3 λίσσομαι, ᾗ περίαλλα θεῶν μέμβλεσθε κιόντες· ### book 2.215.4 χραίσμετέ μοι, ῥύσασθε δυσάμμορον ἀνέρα λύμης, ### book 2.215.5 μηδέ μ’ ἀκηδείῃσιν ἀφορμήθητε λιπόντες ### book 2.220.1 αὔτως. οὐ γὰρ μοῦνον ἐπ’ ὀφθαλμοῖσιν Ἐρινύς ### book 2.220.2 λὰξ ἐπέβη, καὶ γῆρας ἀμήρυτον ἐς τέλος ἕλκω· ### book 2.220.3 πρὸς δ’ ἐπὶ πικρότατον κρέμαται κακὸν ἄλλο κακοῖσιν. ### book 2.220.4 Ἅρπυιαι στόματός μοι ἀφαρπάζουσιν ἐδωδήν ### book 2.220.5 ἔκποθεν ἀφράστοιο καταΐσσουσαι †ὀλέθρου, ### book 2.225.1 ἴσχω δ’ οὔτινα μῆτιν ἐπίρροθον· ἀλλά κε ῥεῖα ### book 2.225.2 αὐτὸς ἑὸν λελάθοιμι νόον δόρποιο μεμηλώς ### book 2.1 ἢ κείνας, ὧδ’ αἶψα διηέριαι ποτέονται. ### book 2.2 τυτθὸν δ’ ἢν ἄρα δήποτ’ ἐδητύος ἄμμι λίπωσιν, ### book 2.3 πνεῖ τόδε μυδαλέον τε καὶ οὐ τλητὸν μένος ὀδμῆς. ### book 2.230.1 οὔ κέ τις οὐδὲ μίνυνθα βροτῶν ἄνσχοιτο πελάσσας, ### book 2.230.2 οὐδ’ εἴ οἱ ἀδάμαντος ἐληλάμενον κέαρ εἴη· ### book 2.230.3 ἀλλά με πικρὴν δαῖτα κατ’ ἄατος ἴσχει ἀνάγκη ### book 2.230.4 μίμνειν, †καὶ μίμνοντα κακῇ† ἐν γαστέρι θέσθαι. ### book 2.230.5 τὰς μὲν θέσφατόν ἐστιν ἐρητῦσαι Βορέαο ### book 2.235.1 υἱέας· οὐδ’ ὀθνεῖοι ἀλαλκήσουσιν ἐόντες, ### book 2.235.2 εἰ δὴ ἐγὼν ὁ πρίν ποτ’ ἐπικλυτὸς ἀνδράσι Φινεύς ### book 2.235.3 ὄλβῳ μαντοσύνῃ τε, πατὴρ δέ με γείνατ’ Ἀγήνωρ, ### book 2.235.4 τῶν δὲ κασιγνήτην, ὅτ’ ἐνὶ Θρῄκεσσιν ἄνασσον, ### book 2.235.5 Κλειοπάτρην ἕδνοισιν ἐμὸν δόμον ἦγον ἄκοιτιν.” ### book 2.240.1 Ἴσκεν Ἀγηνορίδης. ἀδινὸν δ’ ἕλε κῆδος ἕκαστον ### book 2.240.2 ἡρώων, πέρι δ’ αὖτε δύω υἷας Βορέαο· ### book 2.240.3 δάκρυ δ’ ὀμορξαμένω σχεδὸν ἤλυθον, ὧδέ τ’ ἔειπεν ### book 2.240.4 Ζήτης, ἀσχαλόωντος ἑλὼν χερὶ χεῖρα γέροντος· ### book 2.240.5 “Ἆ δείλ’, οὔ τινά φημι σέθεν σμυγερώτερον ἄλλον ### book 2.245.1 ἔμμεναι ἀνθρώπων. τί νύ τοι τόσα κήδε’ ἀνῆπται; ### book 2.245.2 ἦ ῥα θεοὺς ὀλοῇσι παρήλιτες ἀφραδίῃσιν, ### book 2.245.3 μαντοσύνας δεδαώς; τῶ τοι μέγα μηνιόωσιν; ### book 2.245.4 ἄμμι γε μὴν νόος ἔνδον ἀτύζεται, ἱεμένοισιν ### book 2.245.5 χραισμεῖν εἰ δὴ πρόχνυ γέρας τόδε πάρθετο δαίμων ### book 2 νῶιν· ἀρίζηλοι γὰρ ἐπιχθονίοισιν ἐνιπαί ### book 2.1 ἀθανάτων· οὐδ’ ἂν πρὶν ἐρητύσαιμεν ἰούσας ### book 2.2 Ἁρπυίας, μάλα περ λελιημένοι, ἔστ’ ἂν ὀμόσσῃς ### book 2.3 μὴ μὲν τοῖο ἕκητι θεοῖς ἀπὸ θυμοῦ ἔσεσθαι.” ### book 2.4 Ὧς φάτο· τοῦ δ’ ἰθὺς κενεὰς ὁ γεραιὸς ἀνέσχε ### book 2.255.1 γλήνας ἀμπετάσας, καὶ ἀμείψατο τοῖσδ’ ἐπέεσσι· ### book 2.255.2 “Σίγα· μή μοι ταῦτα νόῳ ἔνι βάλλεο τέκνον. ### book 2.255.3 ἴστω Λητοῦς υἱός, ὅ με πρόφρων ἐδίδαξε ### book 2.255.4 μαντοσύνας· ἴστω δὲ δυσώνυμος ἥ μ’ ἔλαχεν Κήρ, ### book 2.255.5 καὶ τόδ’ ἐπ’ ὀφθαλμῶν ἀλαὸν νέφος, οἵ θ’ ὑπένερθεν ### book 2.260.1 δαίμονες, οἳ †μηδ’ ὧδε θανόντι περ εὐμενέοιεν, ### book 2.260.2 ὡς οὔ τις θεόθεν χόλος ἔσσεται εἵνεκ’ ἀρωγῆς.” ### book 2.260.3 Τὼ μὲν ἔπειθ’ ὅρκῳ, καὶ ἀλαλκέμεναι μενέαινον· ### book 2.260.4 αἶψα δὲ κουρότεροι πεπονήατο δαῖτα γέροντι, ### book 2.260.5 λοίσθιον Ἁρπυίῃσιν ἑλώριον· ἐγγύθι δ’ ἄμφω ### book 2.265.1 στῆσαν, ἵνα ξιφέεσσιν ἐπεσσυμένας ἐλάσειαν. ### book 2.265.2 καὶ δὴ τὰ πρώτισθ’ ὁ γέρων ἔψαυεν ἐδωδῆς, ### book 2.265.3 αἱ δ’ ἄφαρ, ἠύτ’ ἄελλαι ἀδευκέες ἢ στεροπαὶ ὥς, ### book 2.265.4 ἀπρόφατοι νεφέων ἐξάλμεναι ἐσσεύοντο ### book 2.265.5 κλαγγῇ μαιμώωσαι ἐδητύος. οἱ δ’ ἐσιδόντες ### book 2.270.1 ἥρωες μεσσηγὺς ἀνίαχον, αἱ δ’ ἅμ’ ἀυτῇ ### book 2.270.2 πάντα καταβρώξασαι, ὑπὲρ πόντοιο φέροντο ### book 2.270.3 τῆλε παρέξ, ὀδμὴ δὲ δυσάνσχετος αὖθι λέλειπτο. ### book 2.1 τάων δ’ αὖ κατόπισθε δύω υἷες Βορέαο ### book 2.2 φάσγαν’ ἐπισχόμενοι ἐπ’ ἴσῳ θέον, ἐν γὰρ ἕηκεν ### book 2.275.1 Ζεὺς μένος ἀκάματόν σφιν· ἀτὰρ Διὸς οὔ κεν ἑπέσθην ### book 2.275.2 νόσφιν, ἐπεὶ ζεφύροιο παραΐσσεσκον ἀέλλας ### book 2.275.3 αἰέν, ὅτ’ ἐς Φινῆα καὶ ἐκ Φινῆος ἴοιεν. ### book 2.275.4 ὡς δ’ ὅτ’ ἐνὶ κνημοῖσι κύνες δεδαημένοι ἄγρης ### book 2.275.5 ἢ αἶγας κεραοὺς ἠὲ πρόκας ἰχνεύοντες ### book 2.280.1 θείωσιν, τυτθὸν δὲ τιταινόμενοι μετόπισθεν ### book 2.280.2 ἄκρῃς ἐν γενύεσσι μάτην ἀράβησαν ὀδόντας— ### book 2.280.3 ὧς Ζήτης Κάλαΐς τε μάλα σχεδὸν ἀίσσοντες ### book 2.280.4 τάων ἀκροτάτῃσιν ἐπέχραον ἤλιθα χερσίν. ### book 2.280.5 καί νύ κε δή σφ’ ἀέκητι θεῶν διεδηλήσαντο, ### book 2.285.1 πολλὸν ἑκὰς νήσοισιν ἔπι Πλωτῇσι κιχόντες, ### book 2.285.2 εἰ μὴ ἄρ’ ὠκέα Ἶρις ἴδεν, κατὰ δ’ αἰθέρος ἆλτο ### book 2.285.3 οὐρανόθεν, καὶ τοῖα παραιφαμένη κατέρυκεν· ### book 2.285.4 “Οὐ θέμις, ὦ υἱεῖς Βορέω, ξιφέεσσιν ἐλάσσαι ### book 2.285.5 Ἁρπυίας, μεγάλοιο Διὸς κύνας· ὅρκια δ’ αὐτή ### book 2.290.1 δώσω ἐγὼν ὡς οὔ οἱ ἔτι χρίμψουσιν ἰοῦσαι.” ### book 2.290.2 Ὧς φαμένη, λοιβὴν Στυγὸς ὤμοσεν, ἥ τε θεοῖσιν ### book 2.290.3 ῥιγίστη πάντεσσιν ὀπιδνοτάτη τε τέτυκται, ### book 2.290.4 μὴ μὲν Ἀγηνορίδαο δόμοις ἔτι τάσδε πελάσσαι ### book 2.290.5 εἰσαῦτις Φινῆος, ἐπεὶ καὶ μόρσιμον ἦεν. ### book 2.295.1 οἱ δ’ ὅρκῳ εἴξαντες ὑπέστρεφον ἂψ ἐπὶ νῆα ### book 2.295.2 σώεσθαι· Στροφάδας δὲ μετακλείους’ ἄνθρωποι ### book 2.1 νήσους τοῖο ἕκητι, πάρος Πλωτὰς καλέοντες. ### book 2.2 Ἅρπυιαι δ’ Ἶρίς τε διέτμαγον· αἱ μὲν ἔδυσαν ### book 2.3 κευθμῶνα Κρήτης Μινωίδος, ἡ δ’ ἀνόρουσεν ### book 2.1 Οὔλυμπόνδε θοῇσι μεταχρονίη πτερύγεσσιν. ### book 2.2 Τόφρα δ’ ἀριστῆες, πινόεν περὶ δέρμα γέροντος ### book 2.3 πάντη φοιβήσαντες, ἐπικριδὸν ἱρεύσαντο ### book 2.4 μῆλα τά τ’ ἐξ Ἀμύκοιο λεηλασίης ἐκόμισσαν. ### book 2.5 αὐτὰρ ἐπεὶ μέγα δόρπον ἐνὶ μεγάροισιν ἔθεντο, ### book 2.305.1 δαίνυνθ’ ἑζόμενοι· σὺν δέ σφισι δαίνυτο Φινεύς ### book 2.305.2 ἁρπαλέως, οἷόν τ’ ἐν ὀνείρασι θυμὸν ἰαίνων. ### book 2.305.3 ἔνθα δ’, ἐπεὶ δόρποιο κορέσσαντ’ ἠδὲ ποτῆτος, ### book 2.305.4 παννύχιοι Βορέω μένον υἱέας ἐγρήσσοντες· ### book 2.305.5 αὐτὸς δ’ ἐν μέσσοισι παρ’ ἐσχάρῃ ἧσθ’ ὁ γεραιός, ### book 2.310.1 πείρατα ναυτιλίης ἐνέπων ἄνυσίν τε κελεύθου· ### book 2.310.2 “Κλῦτέ νυν· οὐ μὲν πάντα πέλει θέμις ὔμμι δαῆναι ### book 2.310.3 ἀτρεκές, ὅσσα δ’ ὄρωρε θεοῖς φίλον, οὐκ ἐπικεύσω. ### book 2.310.4 ἀασάμην καὶ πρόσθε Διὸς νόον ἀφραδίῃσιν ### book 2.310.5 χρείων ἑξείης τε καὶ ἐς τέλος. ὧδε γὰρ αὐτός ### book 2.315.1 βούλεται ἀνθρώποις ἐπιδευέα θέσφατα φαίνειν ### book 2.315.2 μαντοσύνης, ἵνα καί τι θεῶν χατέωσι νόοιο. ### book 2.315.3 Πέτρας μὲν πάμπρωτον ἀφορμηθέντες ἐμεῖο ### book 2.315.4 Κυανέας ὄψεσθε δύω ἁλὸς ἐν ξυνοχῇσι. ### book 2.315.5 τάων οὔ τινά φημι διαμπερὲς ἐξαλέασθαι· ### book 2.320.1 οὐ γάρ τε ῥίζῃσιν ἐρήρεινται νεάτῃσιν, ### book 2.320.2 ἀλλὰ θαμὰ ξυνίασιν ἐναντίαι ἀλλήλῃσιν ### book 2.1 εἰς ἕν, ὕπερθε δὲ πολλὸν ἁλὸς κορθύεται ὕδωρ ### book 2.2 βρασσόμενον, στρηνὲς δὲ πέρι στυφελὴ βρέμει ἀκτή. ### book 2.3 τῶ νῦν ἡμετέρῃσι παραιφασίῃσι πίθεσθε, ### book 2.325.1 εἰ ἐτεὸν πυκινῷ τε νόῳ μακάρων τ’ ἀλέγοντες ### book 2.325.2 πείρετε, μηδ’ αὔτως αὐτάγρετον οἶτον ὀλέσθαι ### book 2.325.3 ἀφραδέως ἰθύετ’ ἐπισπόμενοι νεότητι. ### book 2.325.4 οἰωνῷ δὴ πρόσθε πελειάδι πειρήσασθαι, ### book 2.325.5 νηὸς ἄπο πρό μιν ἕντας, ἐφίεμαι. ἢν δὲ δι’ αὐτῶν ### book 2.330.1 πετράων Πόντονδε σόη πτερύγεσσι δίηται, ### book 2.330.2 μηκέτι δὴν μηδ’ αὐτοὶ ἐρητύεσθε κελεύθου, ### book 2.330.3 ἀλλ’ εὖ καρτύναντες ἑαῖς ἐνὶ χερσὶν ἐρετμά ### book 2.330.4 τέμνεθ’ ἁλὸς στεινωπόν, ἐπεὶ φάος οὔ νύ τι τόσσον ### book 2.330.5 ἔσσετ’ ἐν εὐχωλῇσιν ὅσον τ’ ἐνὶ κάρτεϊ χειρῶν· ### book 2.335.1 τῶ καὶ τἆλλα μεθέντας ὀνήιστον πονέεσθαι ### book 2.335.2 θαρσαλέως· πρὶν δ’ οὔ τι θεοὺς λίσσεσθαι ἐρύκω. ### book 2.335.3 εἰ δέ κεν ἀντικρὺ πταμένη μεσσηγὺς ὄληται, ### book 2.335.4 ἄψορροι στέλλεσθαι, ἐπεὶ πολὺ βέλτερον εἶξαι ### book 2.335.5 ἀθανάτοις· οὐ γάρ κε κακὸν μόρον ἐξαλέαισθε ### book 2.340.1 πετράων, οὐδ’ εἴ κε σιδηρείη πέλοι Ἀργώ. ### book 2.340.2 ὦ μέλεοι, μὴ τλῆτε παρὲξ ἐμὰ θέσφατα βῆναι, ### book 2.1 εἰ καί με τρὶς τόσσον ὀίεσθ’ Οὐρανίδῃσιν ### book 2.2 ὅσσον ἀνάρσιός εἰμι, καὶ εἰ πλεῖον, στυγέεσθαι· ### book 2.3 μὴ τλῆτ’ οἰωνοῖο πάρεξ ἔτι νηὶ περῆσαι. ### book 2.345.1 καὶ τὰ μὲν ὥς κε πέλῃ, τὼς ἔσσεται· ἢν δὲ φύγητε ### book 2.345.2 σύνδρομα πετράων ἀσκηθέες ἔνδοθι Πόντου, ### book 2.345.3 αὐτίκα Βιθυνῶν ἐπὶ δεξιὰ γαῖαν ἔχοντες ### book 2.345.4 πλώετε ῥηγμῖνας πεφυλαγμένοι, εἰσόκεν αὖτε ### book 2.345.5 Ῥήβαν ὠκυρόην ποταμόν, ἄκρην τε Μέλαιναν ### book 2.1 γνάμψαντες νήσου Θυνηίδος ὅρμον ἵκησθε. ### book 2.2 κεῖθεν δ’ οὐ μάλα πουλὺ διὲξ ἁλὸς ἀντιπέραιαν ### book 2.3 γῆν Μαριανδυνῶν ἐπικέλσετε †νοστήσαντες, ### book 2.4 ἔνθα μὲν εἰς Ἀίδαο καταιβάτις ἐστὶ κέλευθος, ### book 2.5 ἄκρη δὲ προβλὴς Ἀχερουσιὰς ὑψόθι τείνει, ### book 2.355.1 δινήεις τ’ Ἀχέρων, αὐτὴν διὰ νειόθι τέμνων ### book 2.355.2 ἄκρην, ἐκ μεγάλης προχοὰς ἵησι φάραγγος. ### book 2.355.3 ἀγχίμολον δ’ ἐπὶ τῇ πολέας παρανεῖσθε κολωνούς ### book 2.355.4 Παφλαγόνων, τοῖσίν τ’ Ἐνετήιος ἐμβασίλευε ### book 2.355.5 πρῶτα Πέλοψ, τοῦ περ καὶ ἀφ’ αἵματος εὐχετόωνται. ### book 2.360.1 ἔστι δέ τις ἄκρη Ἑλίκης κατεναντίον Ἄρκτου, ### book 2.360.2 πάντοθεν ἠλίβατος, καί μιν καλέουσι Κάραμβιν, ### book 2.360.3 τῆς τ’ αἴπει βορέαο πέρι σχίζονται ἄελλαι, ### book 2.360.4 ὧδε μάλ’ ἂμ πέλαγος τετραμμένη αἰθέρι κύρει· ### book 2.360.5 τήνδε περιγνάμψαντι, Πολὺς παρακέκλιται ἤδη ### book 2.365.1 Αἰγιαλός. Πολέος δ’ ἐπὶ πείρασιν Αἰγιαλοῖο ### book 2.365.2 ἀκτῇ ἐπὶ προβλῆτι ῥοαὶ Ἅλυος ποταμοῖο ### book 2.365.3 δεινὸν ἐρεύγονται· μετὰ τὸν δ’ ἀγχίρροος Ἶρις ### book 2.365.4 μειότερος λευκῇσιν ἑλίσσεται εἰς ἅλα δίναις. ### book 2.365.5 κεῖθεν δὲ προτέρωσε μέγας καὶ ὑπείροχος ἀγκών ### book 2.370.1 ἐξανέχει γαίης· ἔπι δὲ στόμα Θερμώδοντος ### book 2.370.2 κόλπῳ ἐν εὐδιόωντι Θεμισκύρειον ὑπ’ ἄκρην ### book 2.370.3 μύρεται, εὐρείης διαειμένος ἠπείροιο. ### book 2.370.4 ἔνθα δὲ Δοίαντος πεδίον, σχεδόθεν δὲ πόληες ### book 2.370.5 τρισσαὶ Ἀμαζονίδων· μετὰ δὲ σμυγερώτατοι ἀνδρῶν, ### book 2.375.1 τρηχείην Χάλυβες καὶ ἀτειρέα γαῖαν ἔχοντες ### book 2.375.2 ἐργατίναι, τοὶ δ’ ἀμφὶ σιδήρεα ἔργα μέλονται. ### book 2.375.3 ἄγχι δὲ ναιετάουσι πολύρρηνες Τιβαρηνοί ### book 2.375.4 Ζηνὸς Ἐυξείνοιο Γενηταίην ὑπὲρ ἄκρην. ### book 2.375.5 τοῖς δ’ ἐπὶ Μοσσύνοικοι ὁμούριοι ὑλήεσσαν ### book 2.380.1 ἑξείης ἤπειρον ὑπωρείας τε νέμονται, ### book 2.380.2 δουρατέοις †πύργοισιν ἐν οἰκία τεκτήναντες ### book 2.381A κάλινα καὶ πύργους εὐπηγέας, οὓς καλέουσιν ### book 2.381B μόσσυνας, καὶ δ’ αὐτοὶ ἐπώνυμοι ἔνθεν ἔασιν. ### book 2.382.1 τοὺς παραμειβόμενοι, λισσῇ ἐπικέλσατε νήσῳ, ### book 2.382.2 μήτι παντοίῃ μέγ’ ἀναιδέας ἐξελάσαντες ### book 2.382.3 οἰωνοὺς οἳ δῆθεν ἀπειρέσιοι ἐφέπουσιν ### book 2.385.1 νῆσον ἐρημαίην· τῇ μέν τ’ ἐνὶ νηὸν Ἄρηος ### book 2.385.2 λαΐνεον ποίησαν Ἀμαζονίδων βασίλειαι ### book 2.385.3 Ὀτρηρή τε καὶ Ἀντιόπη, ὁπότε στρατόωντο ### book 2.385.4 ἔνθα γὰρ ὔμμιν ὄνειαρ ἀδευκέος ἐξ ἁλὸς εἶσιν ### book 2.385.5 ἄρητον· τῶ καί τε φίλα φρονέων ἀγορεύω ### book 2.390.1 ἰσχέμεν—ἀλλὰ τίη με πάλιν χρειὼ ἀλιτέσθαι ### book 2.390.2 μαντοσύνῃ τὰ ἕκαστα διηνεκὲς ἐξενέποντα; ### book 2.390.3 νήσου δὲ προτέρωσε καὶ ἠπείροιο περαίης ### book 2.390.4 φέρβονται Φίλυρες· Φιλύρων δ’ ἐφύπερθεν ἔασιν ### book 2.390.5 Μάκρωνες, μετὰ δ’ αὖ περιώσια φῦλα Βεχείρων· ### book 2.395.1 ἑξείης δὲ Σάπειρες ἐπὶ σφίσι ναιετάουσιν, ### book 2.395.2 Βύζηρες δ’ ἐπὶ τοῖσιν ὁμώλακες, ὧν ὕπερ ἤδη ### book 2.395.3 αὐτοὶ Κόλχοι ἔχονται ἀρήιοι. ἀλλ’ ἐνὶ νηί ### book 2.395.4 πείρεθ’, ἕως μυχάτῃ κεν ἐνιχρίμψητε θαλάσσῃ. ### book 2.395.5 ἔνθα δ’ ἀπ’ ἠπείροιο Κυταιίδος ἠδ’ Ἀμαραντῶν ### book 2.1 τηλόθεν ἐξ ὀρέων πεδίοιό τε Κιρκαίοιο ### book 2.2 Φᾶσις δινήεις εὐρὺν ῥόον εἰς ἅλα βάλλει· ### book 2.3 κείνου νῆ’ ἐλάοντες ἐπὶ προχοὰς ποταμοῖο, ### book 2.1 πύργους εἰσόψεσθε Κυταιέος Αἰήταο, ### book 2.2 ἄλσος τε σκιόειν Ἄρεος, τόθι κῶας ἐπ’ ἄκρης ### book 2.405.1 πεπτάμενον φηγοῖο δράκων, τέρας αἰνὸν ἰδέσθαι, ### book 2.405.2 ἀμφὶς ὀπιπτεύει δεδοκημένος· οὐδέ οἱ ἦμαρ, ### book 2.405.3 οὐ κνέφας ἥδυμος ὕπνος ἀναιδέε δάμναται ὄσσε.” ### book 2.405.4 Ὧς ἄρ’ ἔφη· τοὺς δ’ εἶθαρ ἕλεν δέος εἰσαΐοντας, ### book 2.405.5 δὴν δ’ ἔσαν ἀμφασίῃ βεβολημένοι. ὀψὲ δ’ ἔειπε ### book 2.410.1 ἥρως Αἴσονος υἱός, ἀμηχανέων κακότητι· ### book 2.410.2 “Ὦ γέρον, ἤδη μέν τε διίκεο πείρατ’ †ἀέθλων ### book 2.410.3 ναυτιλίης καὶ τέκμαρ ὅτῳ στυγερὰς διὰ πέτρας ### book 2.410.4 πειθόμενοι Πόντονδε περήσομεν· εἰ δέ κεν αὖτις, ### book 2.410.5 τάσδ’ ἡμῖν προφυγοῦσιν, ἐς Ἑλλάδα νόστος ὀπίσσω ### book 2.415.1 ἔσσεται, ἀσπαστῶς κε παραὶ σέο καὶ τὸ δαείην. ### book 2.415.2 πῶς ἔρδω, πῶς αὖτε τόσην ἁλὸς εἶμι κέλευθον, ### book 2.415.3 νῆις ἐὼν ἑτάροις ἅμα νήισιν—Αἶα δὲ Κολχίς ### book 2.415.4 Πόντου καὶ γαίης ἐπικέκλιται ἐσχατιῇσιν;” ### book 2.415.5 Ὧς φάτο· τὸν δ’ ὁ γεραιὸς ἀμειβόμενος προσέειπεν· ### book 2.420.1 “Ὦ τέκος, εὖτ’ ἂν πρῶτα φύγῃς ὀλοὰς διὰ πέτρας, ### book 2.420.2 θάρσει· ἐπεὶ δαίμων ἕτερον πλόον ἡγεμονεύσει ### book 2.420.3 ἐξ Αἴης, μετὰ δ’ Αἶαν ἅλις πομπῆες ἔσονται. ### book 2.420.4 ἀλλὰ φίλοι φράζεσθε θεᾶς δολόεσσαν ἀρωγήν ### book 2.420.5 Κύπριδος, ἐν γὰρ τῇ κλυτὰ πείρατα κεῖται ἀέθλου· ### book 2.425.1 καὶ δέ με μηκέτι τῶνδε περαιτέρω ἐξερέεσθε.” ### book 2.425.2 Ὧς φάτ’ Ἀγηνορίδης· ἐπὶ δὲ σχεδὸν υἱέε δοιώ ### book 2.425.3 Θρηικίου Βορέαο κατ’ αἰθέρος ἀίξαντε ### book 2.425.4 οὐδῷ ἔπι κραιπνοὺς ἔβαλον πόδας· οἱ δ’ ἀνόρουσαν ### book 2.425.5 ἐξ ἑδέων ἥρωες, ὅπως παρεόντας ἴδοντο. ### book 2.430.1 Ζήτης δ’ ἱεμένοισιν, ἔτ’ ἄσπετον ἐκ καμάτοιο ### book 2.430.2 ἆσθμ’ ἀναφυσιόων, μετεφώνεεν ὅσσον ἄπωθεν ### book 2.430.3 ἤλασαν, ἠδ’ ὡς Ἶρις ἐρύκακε τάσδε δαΐξαι, ### book 2.430.4 ὅρκιά τ’ εὐμενέουσα θεὰ πόρεν, αἱ δ’ ὑπέδυσαν ### book 2.430.5 δείματι Δικταίης περιωσίῳ ἄντρον ἐρίπνης. ### book 2.435.1 γηθόσυνοι δἤπειτα δόμοις ἔνι πάντες ἑταῖροι ### book 2.435.2 αὐτός τ’ ἀγγελίῃ Φινεὺς πέλεν. ὦκα δὲ τόνγε ### book 2.435.3 Αἰσονίδης, περιπολλὸν ἐυφρονέων, προσέειπεν· ### book 2.435.4 “Ἦ ἄρα δή τις ἔην Φινεῦ θεὸς ὃς σέθεν ἄτης ### book 2.435.5 κήδετο λευγαλέης, καὶ δ’ ἡμέας αὖθι πέλασσεν ### book 2.440.1 τηλόθεν, ὄφρα τοι υἷες ἀμύνειαν Βορέαο· ### book 2.440.2 εἰ δὲ καὶ ὀφθαλμοῖσι φόως πόροι, ἦ τ’ ἂν ὀίω ### book 2.440.3 γηθήσειν ὅσον εἴπερ ὑπότροπος οἴκαδ’ ἱκοίμην.” ### book 2.440.4 Ὧς ἔφατ’· αὐτὰρ ὁ τόνγε κατηφήσας προσέειπεν· ### book 2.440.5 “Αἰσονίδη, τὸ μὲν οὐ παλινάγρετον οὐδέ τι μῆχος ### book 2.445.1 ἔστ’ ὀπίσω, κενεαὶ γὰρ ὑποσμύχονται ὀπωπαί· ### book 2.445.2 ἀντὶ δὲ τοῦ θάνατόν μοι ἄφαρ θεὸς ἐγγυαλίξαι, ### book 2.445.3 καί τε θανὼν πάσῃσι μετέσσομαι ἀγλαΐῃσιν.” ### book 2.445.4 Ὧς τώγ’ ἀλλήλοισι παραβλήδην ἀγόρευον· ### book 2 αὐτίκα δ’ οὐ μετὰ δηρὸν †ἀμειβομένων ἐφαάνθη ### book 2.1 ἠριγενής, τὸν δ’ ἀμφὶ περικτίται ἠγερέθοντο ### book 2.2 ἀνέρες, οἳ καὶ πρόσθεν ἐπ’ ἤματι κεῖσε θάμιζον ### book 2.3 αἰὲν ὁμῶς φορέοντες ἑῆς ἀπὸ μοῖραν ἐδωδῆς· ### book 2.4 τοῖς ὁ γέρων πάντεσσιν, ὅτις καὶ ἀφαυρὸς ἵκοιτο, ### book 2.5 ἔχραεν ἐνδυκέως, πολέων δ’ ἀπὸ πήματ’ ἔλυσεν ### book 2.455.1 μαντοσύνῃ· τῶ καί μιν ἐποιχόμενοι κομέεσκον. ### book 2.455.2 σὺν τοῖσιν δ’ ἵκανε Παραίβιος, ὅς ῥά οἱ ἦεν ### book 2.455.3 φίλτατος, ἀσπάσιος δὲ δόμοις ἔνι τούσγ’ ἐνόησεν· ### book 2.455.4 πρὶν γὰρ δή νύ ποτ’ αὐτὸς ἀριστήων στόλον ἀνδρῶν ### book 2.455.5 Ἑλλάδος ἒξ ἀνιόντα μετὰ πτόλιν Αἰήταο ### book 2.460.1 πείσματ’ ἀνάψεσθαι μυθήσατο Θυνίδι γαίῃ, ### book 2.460.2 οἵ τέ οἱ Ἁρπυίας Διόθεν σχήσουσιν ἰούσας. ### book 2.460.3 τοὺς μὲν ἔπειτ’, ἐπέεσσιν ἀρεσσάμενος πυκινοῖσιν, ### book 2.460.4 πέμφ’ ὁ γέρων, οἶον δὲ Παραίβιον αὐτόθι μίμνειν ### book 2.460.5 κέκλετ’ ἀριστήεσσι σὺν ἀνδράσιν. αἶψα δὲ τόνγε ### book 2.465.1 σφωιτέρων ὀίων ὅτις ἔξοχος εἰς ἓ κομίσσαι ### book 2.465.2 ἧκεν ἐποτρύνας· τοῦ δ’ ἐκ μεγάροιο κιόντος, ### book 2.465.3 μειλιχίως †ἐρέτῃσιν ὁμηγερέεσσι μετηύδα· ### book 2.465.4 “Ὦ φίλοι, οὐκ ἄρα πάντες ὑπέρβιοι ἄνδρες ἔασιν, ### book 2.465.5 οὐδ’ εὐεργεσίης ἀμνήμονες· ὡς καὶ ὅδ’ ἀνήρ ### book 2.470.1 τοῖος ἐὼν δεῦρ’ ἦλθεν, ἑὸν μόρον ὄφρα δαείη. ### book 2.470.2 εὖτε γὰρ οὖν ὡς πλεῖστα κάμοι καὶ πλεῖστα μογήσαι, ### book 2.470.3 δὴ τότε μιν περιπολλὸν ἐπασσυτέρη βιότοιο ### book 2.470.4 χρησμοσύνη τρύχεσκεν, ἐπ’ ἤματι δ’ ἦμαρ ὀρώρει ### book 2.470.5 κύντερον· οὐδέ τις ἦεν ἀνάπνευσις μογέοντι, ### book 2.475.1 ἀλλ’ ὅγε πατρὸς ἑοῖο κακὴν τίνεσκεν ἀμοιβήν ### book 2.475.2 ἀμπλακίης. ὁ γὰρ οἶος ἐν οὔρεσι δένδρεα τάμνων ### book 2.475.3 δή ποθ’ ἁμαδρυάδος νύμφης ἀθέριξε λιτάων, ### book 2.475.4 ἥ μιν ὀδυρομένη ἀδινῷ μειλίσσετο μύθῳ ### book 2.475.5 μὴ ταμέειν πρέμνον δρυὸς ἥλικος, ᾗ ἔπι πουλύν ### book 2.480.1 αἰῶνα τρίβεσκε διηνεκές· αὐτὰρ ὁ τήνγε ### book 2.480.2 ἀφραδέως ἔτμηξεν ἀγηνορίῃ νεότητος. ### book 2.480.3 τῷδ’ ἄρα νηκερδῆ νύμφη πόρεν οἶτον ὀπίσσω ### book 2.480.4 αὐτῷ καὶ τεκέεσσιν. ἔγωγε μέν, εὖτ’ ἀφίκανεν, ### book 2.480.5 ἀμπλακίην ἔγνων· βωμὸν δ’ ἐκέλευσα καμόντα ### book 2.485.1 Θυνιάδος νύμφης, λωφήια ῥέξαι ἐπ’ αὐτῷ ### book 2.485.2 ἱερά, πατρῴην αἰτεύμενον αἶσαν ἀλύξαι. ### book 2.485.3 ἔνθ’ ἐπεὶ ἔκφυγε κῆρα θεήλατον, οὔποτ’ ἐμεῖο ### book 2.485.4 ἐκλάθετ’ οὐδ’ ἀθέριξε· μόλις δ’ ἀέκοντα θύραζε ### book 2.485.5 πέμπω, ἐπεὶ μέμονέν γε παρέμμεναι ἀσχαλόωντι.” ### book 2.490.1 Ὧς φάτ’ Ἀγηνορίδης· ὁ δ’ ἐπισχεδὸν αὐτίκα δοιώ ### book 2.490.2 ἤλυθ’ ἄγων ποίμνηθεν ὄις. ἀνὰ δ’ ἵστατ’ Ἰήσων, ### book 2.490.3 ἂν δὲ Βορήιοι υἷες ἐφημοσύνῃσι γέροντος, ### book 2.490.4 ὦκα δὲ κεκλόμενοι Μαντήιον Ἀπόλλωνα ### book 2.490.5 ῥέζον ἐπ’ ἐσχαρόφιν, νέον ἤματος ἀνομένοιο· ### book 2.495.1 κουρότεροι δ’ ἑτάρων μενοεικέα δαῖτ’ ἀλέγυνον. ### book 2.495.2 ἔνθ’ εὖ δαισάμενοι, τοὶ μὲν παρὰ πείσματα νηός, ### book 2.495.3 τοὶ δ’ αὐτοῦ κατὰ δώματ’ ἀολλέες εὐνάζοντο. ### book 2.495.4 Ἦρι δ’ ἐτήσιοι αὖραι ἐπέχραον, αἵ τ’ ἀνὰ πᾶσαν ### book 2.495.5 γαῖαν ὁμῶς τοιῇδε Διὸς πνείουσιν ἀρωγῇ. ### book 2.1 Κυρήνη πεφάτισται ἕλος πάρα Πηνειοῖο ### book 2.2 μῆλα νέμειν προτέροισι παρ’ ἀνδράσιν, εὔαδε γάρ οἱ ### book 2.3 παρθενίη καὶ λέκτρον ἀκήρατον. αὐτὰρ Ἀπόλλων ### book 2.4 τήνγ’ ἀνερειψάμενος ποταμῷ ἔπι ποιμαίνουσαν, ### book 2.5 τηλόθεν Αἱμονίης χθονίῃς παρακάτθετο νύμφαις ### book 2.505.1 αἳ Λιβύην ἐνέμοντο παραὶ Μυρτώσιον αἶπος. ### book 2.505.2 ἔνθα δ’ Ἀρισταῖον Φοίβῳ τέκεν, ὃν καλέουσιν ### book 2.505.3 Ἀγρέα καὶ Νόμιον πολυλήιοι Αἱμονιῆες· ### book 2.505.4 τὴν μὲν γὰρ φιλότητι θεὸς ποιήσατο νύμφην ### book 2.505.5 αὐτοῦ μακραίωνα καὶ ἀγρότιν, υἷα δ’ ἔνεικεν ### book 2.510.1 νηπίαχον Χείρωνος ὑπ’ ἄντροισιν κομέεσθαι· ### book 2.510.2 τῷ καὶ ἀεξηθέντι θεαὶ γάμον ἐμνήστευσαν ### book 2.510.3 Μοῦσαι· ἀκεστορίην τε θεοπροπίας τ’ ἐδίδαξαν, ### book 2.510.4 καί μιν ἑῶν μήλων θέσαν ἤρανον ὅσς’ ἐνέμοντο ### book 2.510.5 ἂμ πεδίον Φθίης Ἀθαμάντιον ἀμφί τ’ ἐρυμνήν ### book 2.515.1 Ὄθρυν καὶ ποταμοῦ ἱερὸν ῥόον Ἀπιδανοῖο. ### book 2.515.2 ἦμος δ’ οὐρανόθεν Μινωίδας ἔφλεγε νήσους ### book 2.515.3 Σείριος οὐδέ τι δηρὸν ἔην ἄκος ἐνναέτῃσιν, ### book 2.515.4 τῆμος τόνγ’ ἐκάλεσσαν ἐφημοσύνῃς Ἑκάτοιο ### book 2.515.5 λοιμοῦ ἀλεξητῆρα. λίπεν δ’ ὅγε πατρὸς ἐφετμῇ ### book 2.520.1 Φθίην, ἐν δὲ Κέῳ κατενάσσατο, λαὸν ἀγείρας ### book 2.520.2 Παρράσιον τοίπερ τε Λυκάονός εἰσι γενέθλης· ### book 2.520.3 καὶ βωμὸν ποίησε μέγαν Διὸς Ἰκμαίοιο, ### book 2.520.4 ἱερά τ’ εὖ ἔρρεξεν ἐν οὔρεσιν ἀστέρι κείνῳ ### book 2.520.5 Σειρίῳ αὐτῷ τε Κρονίδῃ Διί. τοῖο ἕκητι ### book 2.525 γαῖαν ἐπιψύχουσιν ἐτήσιοι ἐκ Διὸς αὖραι ### book 2.1 ἤματα τεσσαράκοντα, Κέῳ δ’ ἔτι νῦν ἱερῆες ### book 2.2 ἀντολέων προπάροιθε Κυνὸς ῥέζουσι θυηλάς. ### book 2.3 καὶ τὰ μὲν ὧς ὑδέονται· ἀριστῆες δὲ καταῦθι ### book 2.4 μίμνον ἐρυκόμενοι, ξεινήια δ’ ἄσπετα Θυνοί ### book 2.530.1 πάνδημοι, Φινῆι χαριζόμενοι, προΐαλλον. ### book 2.530.2 Ἐκ δὲ τόθεν μακάρεσσι δυώδεκα δωμήσαντες ### book 2.530.3 βωμὸν ἁλὸς ῥηγμῖνι πέρην καὶ ἐφ’ ἱερὰ θέντες, ### book 2.530.4 νῆα θοὴν εἴσβαινον ἐρεσσέμεν· οὐδὲ πελείης ### book 2.530.5 τρήρωνος λήθοντο μετὰ φρεσίν, ἀλλ’ ἄρα τήνγε ### book 2.535.1 δείματι πεπτηυῖαν ἑῇ φέρε χειρὶ μεμαρπώς ### book 2.535.2 Εὔφημος· γαίης δ’ ἀπὸ διπλόα πείσματ’ ἔλυσαν. ### book 2.535.3 οὐδ’ ἄρ’ Ἀθηναίην προτέρω λάθον ὁρμηθέντες· ### book 2.535.4 αὐτίκα δ’ ἐσσυμένως, νεφέλης ἐπιβᾶσα πόδεσσι ### book 2.535.5 κούφης, ἥ κε φέροι μιν ἄφαρ βριαρήν περ ἐοῦσαν, ### book 2.540.1 σεύατ’ ἴμεν Πόντονδε, φίλα φρονέους’ ἐρέτῃσιν. ### book 2.540.2 ὡς δ’ ὅτε τις πάτρηθεν ἀλώμενος, οἷά τε πολλά ### book 2.542/45* πλαζόμεθ’ ἄνθρωποι τετληότες, | ἄλλοτε ἄλλῃ ### book 2.546/42* ὀξέα πορφύρων ἐπιμαίεται, | οὐδέ τις αἶα ### book 2.543* τηλουρός, πᾶσαι δὲ κατόψιοί εἰσι πόληες, ### book 2.544* σφωιτέρους δ’ ἐνόησε δόμους, ἄμυδις δὲ κέλευθος ### book 2.545/46* ὑγρή τε τραφερή τ’ ἰνδάλλεται | ὀφθαλμοῖσιν— ### book 2.547.1 ὧς ἄρα καρπαλίμως κούρη Διὸς ἀίξασα ### book 2.547.2 θῆκεν ἐπ’ ἀξείνοιο πόδας Θυνηίδος ἀκτῆς. ### book 2 Οἱ δ’ ὅτε δὴ σκολιοῖο πόρου στεινωπὸν ἵκοντο ### book 2.1 τρηχείῃς σπιλάδεσσιν ἐεργμένον ἀμφοτέρωθεν, ### book 2.2 δινήεις ὑπένερθεν ἀνακλύζεσκεν ἰοῦσαν ### book 2.3 νῆα ῥόος, πολλὸν δὲ †φόβῳ προτέρωσε νέοντο. ### book 2.4 ἤδη δέ σφισι δοῦπος ἀρασσομένων πετράων ### book 2.5 νωλεμὲς οὔατ’ ἔβαλλε, βόων δ’ ἁλιμυρέες ἀκταί· ### book 2.555.1 δὴ τότ’ ἔπειθ’ ὁ μὲν ὦρτο, πελειάδα χειρὶ μεμαρπώς, ### book 2.555.2 Εὔφημος πρῴρης ἐπιβήμεναι, οἱ δ’ ὑπ’ ἀνωγῇ ### book 2.555.3 Τίφυος Ἁγνιάδαο θελήμονα ποιήσαντο ### book 2.555.4 εἰρεσίην, ἵν’ ἔπειτα διὲκ πέτρας ἐλάσειαν ### book 2.555.5 κάρτεϊ ᾧ πίσυνοι. τὰς δ’ αὐτίκα λοίσθιον ἄλλων ### book 2.560.1 οἰγομένας ἀγκῶνα περιγνάμψαντες ἴδοντο, ### book 2.560.2 σὺν δέ σφιν χύτο θυμός. ὁ δ’ ἀίξαι πτερύγεσσιν ### book 2.560.3 Εὔφημος προέηκε πελειάδα, τοὶ δ’ ἅμα πάντες ### book 2.560.4 ἤειραν κεφαλὰς ἐσορώμενοι· ἡ δὲ δι’ αὐτῶν ### book 2.560.5 ἔπτατο. ταὶ δ’ ἄμυδις πάλιν ἀντίαι ἀλλήλῃσιν ### book 2.565.1 ἄμφω ὁμοῦ ξυνιοῦσαι ἐπέκτυπον· ὦρτο δὲ πολλή ### book 2.565.2 ἅλμη ἀναβρασθεῖσα, νέφος ὥς· αὖε δὲ πόντος ### book 2.565.3 σμερδαλέον, πάντη δὲ περὶ μέγας ἔβρεμεν αἰθήρ· ### book 2.565.4 κοῖλαι δὲ σπήλυγγες ὑπὸ σπιλάδας τρηχείας ### book 2.565.5 κλυζούσης ἁλὸς ἔνδον ἐβόμβεον, ὑψόθι δ’ ὄχθης ### book 2.570.1 λευκὴ καχλάζοντος ἀνέπτυε κύματος ἄχνη· ### book 2.570.2 νῆα δ’ ἔπειτα πέριξ εἴλει ῥόος· ἄκρα δ’ ἔκοψαν ### book 2.1 οὐραῖα πτερὰ ταίγε πελειάδος, ἡ δ’ ἀπόρουσεν ### book 2.2 ἀσκηθής, ἐρέται δὲ μέγ’ ἴαχον. ἔβραχε δ’ αὐτός ### book 2.3 Τῖφυς ἐρεσσέμεναι κρατερῶς· οἴγοντο γὰρ αὖτις ### book 2.575.1 ἄνδιχα. τοὺς δ’ ἐλάοντας ἔχεν τρόμος, ὄφρα †μιν αὖτις† ### book 2.575.2 πλημυρίς, παλίνορσος ἀνερχομένη, κατένεικεν ### book 2.575.3 εἴσω πετράων. τότε δ’ αἰνότατον δέος εἷλεν ### book 2.575.4 πάντας, ὑπὲρ κεφαλῆς γὰρ ἀμήχανος ἦεν ὄλεθρος. ### book 2.575.5 ἤδη δ’ ἔνθα καὶ ἔνθα διὰ πλατὺς εἴδετο Πόντος, ### book 2.580.1 καί σφισιν ἀπροφάτως ἀνέδυ μέγα κῦμα πάροιθεν ### book 2.580.2 κυρτόν, ἀποτμῆγι σκοπιῇ ἴσον· οἱ δ’ ἐσιδόντες ### book 2.580.3 ἤμυσαν λοξοῖσι καρήασιν, εἴσατο γάρ ῥα ### book 2.580.4 νηὸς ὑπὲρ πάσης κατεπάλμενον ἀμφικαλύψειν, ### book 2.580.5 ἀλλά μιν ἔφθη Τῖφυς ὑπ’ εἰρεσίῃ βαρύθουσαν ### book 2.585.1 ἀγχαλάσας· τὸ δὲ πολλὸν ὑπὸ τρόπιν ἐξεκυλίσθη, ### book 2.585.2 ἐκ δ’ αὐτὴν πρύμνηθεν ἀνείρυσε τηλόθι νῆα ### book 2.585.3 πετράων, ὑψοῦ δὲ μεταχρονίη πεφόρητο. ### book 2.585.4 Εὔφημος δ’ ἀνὰ πάντας ἰὼν βοάασκεν ἑταίρους ### book 2.585.5 ἐμβαλέειν κώπῃσιν ὅσον σθένος. οἱ δ’ ἀλαλητῷ ### book 2.590.1 κόπτον ὕδωρ· ὅσσον δ’ ὑποείκαθε νηῦς ἐρέτῃσιν, ### book 2.590.2 δὶς τόσον ἂψ ἀπόρουσεν, ἐπεγνάμπτοντο δὲ κῶπαι ### book 2.590.3 ἠύτε καμπύλα τόξα, βιαζομένων ἡρώων. ### book 2.590.4 ἔνθεν δ’ αὐτίκ’ ἔπειτα καταρρεπὲς ἔσσυτο κῦμα, ### book 2.590.5 ἡ δ’ ἄφαρ ὥστε κυλίνδρῳ ἐπέτρεχε κύματι λάβρῳ ### book 2.595.1 προπροκαταΐγδην κοίλης ἁλός. ἐν δ’ ἄρα μέσσαις ### book 2.595.2 Πληγάσι δινήεις εἷλεν ῥόος· αἱ δ’ ἑκάτερθεν ### book 2.595.3 σειόμεναι βρόμεον, πεπέδητο δὲ νήια δοῦρα· ### book 2.595.4 καὶ τότ’ Ἀθηναίη στιβαρῇ ἀντέσπασε πέτρης ### book 2.595.5 σκαιῇ, δεξιτερῇ δὲ διαμπερὲς ὦσε φέρεσθαι· ### book 2.1 ἡ δ’ ἰκέλη πτερόεντι μετήορος ἔσσυτ’ ὀιστῷ, ### book 2.2 ἔμπης δ’ ἀφλάστοιο παρέθρισαν ἄκρα κόρυμβα ### book 2.3 νωλεμὲς ἐμπλήξασαι ἐναντίαι. αὐτὰρ Ἀθήνη ### book 2.4 Οὔλυμπόνδ’ ἀνόρουσεν, ὅτ’ ἀσκηθεῖς ὑπάλυξαν· ### book 2.5 πέτραι δ’ εἰς ἕνα χῶρον ἐπισχεδὸν ἀλλήλῃσιν ### book 2.605.1 νωλεμὲς ἐρρίζωθεν· ὃ δὴ καὶ μόρσιμον ἦεν ### book 2.605.2 ἐκ μακάρων, εὖτ’ ἄν τις †ἰδὼν διὰ νηὶ περάσσῃ. ### book 2.605.3 Οἱ δέ που ὀκρυόεντος ἀνέπνεον ἄρτι φόβοιο, ### book 2.605.4 ἠέρα παπταίνοντες ὁμοῦ πέλαγός τε θαλάσσης ### book 2.605.5 τῆλ’ ἀναπεπτάμενον· δὴ γὰρ φάσαν ἐξ Ἀίδαο ### book 2.610.1 σώεσθαι. Τῖφυς δὲ παροίτατος ἤρχετο μύθων· ### book 2.610.2 “Ἔλπομαι αὐτῇ νηὶ †τόγ’ ἔμπεδον ἐξαλέασθαι ### book 2.610.3 ἡμέας· οὐδέ τις ἄλλος ἐπαίτιος ὅσσον Ἀθήνη, ### book 2.610.4 ἥ οἱ ἐνέπνευσεν θεῖον μένος εὖτέ μιν Ἄργος ### book 2.610.5 γόμφοισιν συνάρασσε, θέμις δ’ οὐκ ἔστιν ἁλῶναι. ### book 2.615.1 Αἰσονίδη, τύνη δὲ τεοῦ βασιλῆος ἐφετμήν, ### book 2.615.2 εὖτε διὲκ πέτρας φυγέειν θεὸς ἧμιν ὄπασσε, ### book 2.615.3 μηκέτι δείδιθι τοῖον, ἐπεὶ μετόπισθεν ἀέθλους ### book 2.615.4 εὐπαλέας τελέεσθαι Ἀγηνορίδης φάτο Φινεύς.” ### book 2 Ἦ ῥ’ ἅμα καὶ προτέρωσε παραὶ Βιθυνίδα γαῖαν ### book 2.620.1 νῆα διὲκ πέλαγος σεῦεν μέσον· αὐτὰρ ὁ τόνγε ### book 2.620.2 μειλιχίοις ἐπέεσσι παραβλήδην προσέειπεν· ### book 2.620.3 “Τῖφυ, τίη μοι ταῦτα παρηγορέεις ἀχέοντι; ### book 2.620.4 ἤμβροτον, ἀασάμην τε κακὴν καὶ ἀμήχανον ἄτην· ### book 2.620.5 χρῆν γὰρ ἐφιεμένοιο καταντικρὺ Πελίαο ### book 2.625.1 αὐτίκ’ ἀνήνασθαι τόνδε στόλον, εἰ καὶ ἔμελλον ### book 2.625.2 νηλειῶς μελεϊστὶ κεδαιόμενος θανέεσθαι. ### book 2.625.3 νῦν δὲ περισσὸν δεῖμα καὶ ἀτλήτους μελεδῶνας ### book 2.625.4 †ἄγκειμαι, στυγέων μὲν ἁλὸς κρυόεντα κέλευθα ### book 2.625.5 νηὶ διαπλώειν, στυγέων δ’ ὅτ’ ἐπ’ ἠπείροιο ### book 2.630.1 βαίνωμεν, πάντη γὰρ ἀνάρσιοι ἄνδρες ἔασιν. ### book 2.630.2 αἰεὶ δὲ στονόεσσαν ἐπ’ ἤματι νύκτα φυλάσσω, ### book 2.630.3 ἐξότε τὸ πρώτιστον ἐμὴν χάριν ἠγερέθεσθε, ### book 2.630.4 φραζόμενος τὰ ἕκαστα. σὺ δ’ εὐμαρέως ἀγορεύεις, ### book 2.630.5 οἶον ἑῆς ψυχῆς ἀλέγων ὕπερ· αὐτὰρ ἔγωγε ### book 2.635.1 εἷο μὲν οὐδ’ ἠβαιὸν ἀτύζομαι, ἀμφὶ δὲ τοῖο ### book 2.635.2 καὶ τοῦ ὁμῶς καὶ σεῖο καὶ ἄλλων δείδι’ ἑταίρων, ### book 2.635.3 εἰ μὴ ἐς Ἑλλάδα γαῖαν ἀπήμονας ὔμμε κομίσσω.” ### book 2.635.4 Ὧς φάτ’, ἀριστήων πειρώμενος· οἱ δ’ ὁμάδησαν ### book 2.635.5 θαρσαλέοις ἐπέεσσιν. ὁ δὲ φρένας ἔνδον ἰάνθη ### book 2.640.1 κεκλομένων, καί ῥ’ αὖτις ἐπιρρήδην μετέειπεν· ### book 2.640.2 “Ὦ φίλοι, ὑμετέρῃ ἀρετῇ ἔπι θάρσος ἀέξω. ### book 2.640.3 τούνεκα νῦν οὐδ’ εἴ κε διὲξ Ἀίδαο βερέθρων ### book 2.640.4 στελλοίμην, ἔτι τάρβος ἀνάψομαι, εὖτε πέλεσθε ### book 2.640.5 ἔμπεδοι ἀργαλέοις ἐνὶ δείμασιν. ἀλλ’ ὅτε πέτρας ### book 2.645.1 Πληγάδας ἐξέπλωμεν, ὀίομαι οὐκ ἔτ’ ὀπίσσω ### book 2.645.2 ἔσσεσθαι τοιόνδ’ ἕτερον φόβον, εἰ ἐτεόν γε ### book 2.645.3 φραδμοσύνῃ Φινῆος ἐπισπόμενοι νεόμεσθα.” ### book 2.645.4 Ὧς φάτο· καὶ τοίων μὲν ἐλώφεον αὐτίκα μύθων, ### book 2.645.5 εἰρεσίῃ δ’ ἀλίαστον ἔχον πόνον. αἶψα δὲ τοίγε ### book 2.1 Ῥήβαν ὠκυρόην ποταμὸν σκόπελόν τε Κολώνης, ### book 2.2 ἄκρην δ’ οὐ μετὰ δηθὰ παρεξενέοντο Μέλαιναν, ### book 2.3 τῇ δ’ ἄρ’ ἐπὶ προχοὰς Φυλληίδας, ἔνθα πάροιθεν ### book 2.4 Διψακὸς υἷ’ Ἀθάμαντος ἑοῖς ὑπέδεκτο δόμοισιν, ### book 2.5 ὁππόθ’ ἅμα κριῷ φεῦγε πτόλιν Ὀρχομενοῖο· ### book 2.655.1 τίκτε δέ μιν νύμφη λειμωνιάς· οὐδέ οἱ ὕβρις ### book 2.655.2 ἥνδανεν, ἀλλ’ ἐθελημὸς ἐφ’ ὕδασι πατρὸς ἑοῖο ### book 2.655.3 μητέρι συνναίεσκεν, ἐπάκτια πώεα φέρβων. ### book 2.655.4 τοῦ μέν τ’ ἠρίον αἶψα, καὶ εὐρείας ποταμοῖο ### book 2.655.5 ἠιόνας πεδίον τε, βαθυρρείοντά τε Κάλπην ### book 2.660.1 δερκόμενοι παράμειβον, ὁμῶς ὅτ’ ἐπ’ ἤματι νύκτα ### book 2.660.2 νήνεμον ἀκαμάτῃσιν ἐπερρώοντ’ ἐλάτῃσιν. ### book 2.660.3 οἷοι δὲ πλαδόωσαν ἐπισχίζοντες ἄρουραν ### book 2.660.4 ἐργατίναι μογέουσι βόες, πέρι δ’ ἄσπετος ἱδρώς ### book 2.660.5 εἴβεται ἐκ λαγόνων τε καὶ αὐχένος, ὄμματα δέ σφιν ### book 2.665.1 λοξὰ παραστρωφῶνται ὑπὸ ζυγοῦ, αὐτὰρ ἀυτμή ### book 2.665.2 αὐαλέη στομάτων ἄμοτον βρέμει· οἱ δ’ ἐνὶ γαίῃ ### book 2.665.3 χηλὰς σκηρίπτοντε πανημέριοι πονέονται— ### book 2.1 τοῖς ἴκελοι ἥρωες ὑπὲξ ἁλὸς εἷλκον ἐρετμά. ### book 2.2 Ἦμος δ’ οὔτ’ ἄρ πω φάος ἄμβροτον οὔτ’ ἔτι λίην ### book 2.670.1 ὀρφναίη πέλεται, λεπτὸν δ’ ἐπιδέδρομε νυκτί ### book 2.670.2 φέγγος, ὅτ’ ἀμφιλύκην μιν ἀνεγρόμενοι καλέουσιν, ### book 2.670.3 τῆμος ἐρημαίης νήσου λιμέν’ εἰσελάσαντες ### book 2.670.4 Θυνιάδος καμάτῳ πολυπήμονι βαῖνον ἔραζε. ### book 2.670.5 τοῖσι δὲ Λητοῦς υἱός, ἀνερχόμενος Λυκίηθεν ### book 2.675.1 τῆλ’ ἐπ’ ἀπείρονα δῆμον Ὑπερβορέων ἀνθρώπων, ### book 2.675.2 ἐξεφάνη· χρύσεοι δὲ παρειάων ἑκάτερθεν ### book 2.675.3 πλοχμοὶ βοτρυόεντες ἐπερρώοντο κιόντι· ### book 2.675.4 λαιῇ δ’ ἀργύρεον νώμα βιόν, ἀμφὶ δὲ νώτοις ### book 2.675.5 ἰοδόκη τετάνυστο κατωμαδόν· ἡ δ’ ὑπὸ ποσσίν ### book 2.680.1 σείετο νῆσος ὅλη, κλύζεν δ’ ἐπὶ κύματα χέρσῳ. ### book 2.680.2 τοὺς δ’ ἕλε θάμβος ἰδόντας ἀμήχανον, οὐδέ τις ἔτλη ### book 2.680.3 ἀντίον αὐγάσσασθαι ἐς ὄμματα καλὰ θεοῖο, ### book 2.680.4 στὰν δὲ κάτω νεύσαντες ἐπὶ χθονός· αὐτὰρ ὁ τηλοῦ ### book 2.680.5 βῆ ῥ’ ἴμεναι πόντονδε δι’ ἠέρος. ὀψὲ δὲ τοῖον ### book 2.685.1 Ὀρφεὺς ἔκφατο μῦθον ἀριστήεσσι πιφαύσκων· ### book 2.685.2 “Εἰ δ’ ἄγε δὴ νῆσον μὲν Ἑωίου Ἀπόλλωνος ### book 2.685.3 τήνδ’ ἱερὴν κλείωμεν, ἐπεὶ πάντεσσι φαάνθη ### book 2.685.4 ἠῷος μετιών· τὰ δὲ ῥέξομεν οἷα πάρεστιν, ### book 2.685.5 βωμὸν ἀναστήσαντες ἐπάκτιον. εἰ δ’ ἂν ὀπίσσω ### book 2.690.1 γαῖαν ἐς Αἱμονίην ἀσκηθέα νόστον ὀπάσσῃ, ### book 2.690.2 δὴ τότε οἱ κεραῶν ἐπὶ μηρία θήσομεν αἰγῶν· ### book 2.1 νῦν δ’ αὔτως κνίσῃ λοιβῇσί τε μειλίξασθαι ### book 2.2 κέκλομαι· ἀλλ’ ἵληθι ἄναξ, ἵληθι φαανθείς.” ### book 2.3 Ὧς ἄρ’ ἔφη· καὶ τοὶ μὲν ἄφαρ βωμὸν τετύκοντο ### book 2.695.1 χερμάσιν, οἱ δ’ ἀνὰ νῆσον ἐδίνεον, ἐξερέοντες ### book 2.695.2 εἴ κέ τιν’ ἢ κεμάδων ἢ ἀγροτέρων ἐσίδοιεν ### book 2.695.3 αἰγῶν, οἷά τε πολλὰ βαθείῃ βόσκεται ὕλῃ. ### book 2.695.4 τοῖσι δὲ Λητοΐδης ἄγρην πόρεν· ἐκ δέ νυ πάντων ### book 2.695.5 εὐαγέως ἱερῷ ἀνὰ διπλόα μηρία βωμῷ ### book 2.1 καῖον, ἐπικλείοντες Ἑώιον Ἀπόλλωνα. ### book 2.2 ἀμφὶ δὲ δαιομένοις εὐρὺν χορὸν ἐστήσαντο, ### book 2.3 καλὸν Ἰηπαιήον’ Ἰηπαιήονα Φοῖβον ### book 2.4 μελπόμενοι, σὺν δέ σφιν ἐὺς πάις Οἰάγροιο ### book 2.5 Βιστονίῃ φόρμιγγι λιγείης ἦρχεν ἀοιδῆς· ### book 2.705.1 ὥς ποτε πετραίῃ ὑπὸ δειράδι Παρνησσοῖο ### book 2.705.2 Δελφύνην τόξοισι πελώριον ἐξενάριξεν, ### book 2.705.3 κοῦρος ἐὼν ἔτι γυμνός, ἔτι πλοκάμοισι γεγηθώς ### book 2.705.4 (ἱλήκοις· αἰεί τοι, ἄναξ, ἄτμητοι ἔθειραι, ### book 2.705.5 αἰὲν ἀδήλητοι, τὼς γὰρ θέμις, οἰόθι δ’ αὐτή ### book 2.710.1 Λητὼ Κοιογένεια φίλαις ἐνὶ χερσὶν ἀφάσσει). ### book 2.710.2 πολλὰ δὲ Κωρύκιαι νύμφαι, Πλειστοῖο θύγατρες, ### book 2.1 θαρσύνεσκον ἔπεσσιν, “ἵη ἵε” κεκληγυῖαι· ### book 2.2 ἔνθεν δὴ τόδε καλὸν ἐφύμνιον ἔπλετο Φοίβῳ. ### book 2.3 αὐτὰρ ἐπειδὴ τόνγε χορείῃ μέλψαν ἀοιδῇ, ### book 2.715.1 λοιβαῖς εὐαγέεσσιν ἐπώμοσαν ἦ μὲν ἀρήξειν ### book 2.715.2 ἀλλήλοις εἰσαιὲν ὁμοφροσύνῃσι νόοιο, ### book 2.715.3 ἁπτόμενοι θυέων· καί τ’ εἰσέτι νῦν γε τέτυκται ### book 2.715.4 κεῖν’ Ὁμονοίης ἱρὸν ἐύφρονος ὅ ῥ’ ἐκάμοντο ### book 2.715.5 αὐτοὶ κυδίστην τότε δαίμονα πορσαίνοντες. ### book 2.720.1 Ἦμος δὲ τρίτατον φάος ἤλυθε, δὴ τότ’ ἔπειτα ### book 2.720.2 ἀκραεῖ ζεφύρῳ νῆσον λίπον αἰπήεσσαν. ### book 2.720.3 ἔνθεν δ’ ἀντιπέρην ποταμοῦ στόμα Σαγγαρίοιο ### book 2.720.4 καὶ Μαριανδυνῶν ἀνδρῶν ἐριθηλέα γαῖαν ### book 2.720.5 ἠδὲ Λύκοιο ῥέεθρα καὶ Ἀνθεμοεισίδα λίμνην ### book 2.725.1 δερκόμενοι παράμειβον· ὑπὸ πνοιῇ δὲ κάλωες ### book 2.725.2 ὅπλα τε νήια πάντα τινάσσετο νισσομένοισιν. ### book 2.725.3 ἠῶθεν δ’, ἀνέμοιο διὰ κνέφας εὐνηθέντος, ### book 2.725.4 ἀσπασίως ἄκρης Ἀχερουσίδος ὅρμον ἵκοντο. ### book 2.725.5 ἡ μέν τε κρημνοῖσιν ἀνίσχεται ἠλιβάτοισιν, ### book 2.730.1 εἰς ἅλα δερκομένη Βιθυνίδα· τῇ δ’ ὑπὸ πέτραι ### book 2.730.2 λισσάδες ἐρρίζωνται ἁλίβροχοι, ἀμφὶ δὲ τῇσιν ### book 2.730.3 κῦμα κυλινδόμενον μεγάλα βρέμει· αὐτὰρ ὕπερθεν ### book 2.730.4 ἀμφιλαφεῖς πλατάνιστοι ἐπ’ ἀκροτάτῃ πεφύασιν. ### book 2.730.5 ἐκ δ’ αὐτῆς εἴσω κατακέκλιται ἤπειρόνδε ### book 2.735.1 κοίλη ὕπαιθα νάπη, ἵνα τε σπέος ἔστ’ Ἀίδαο ### book 2.735.2 ὕλῃ καὶ πέτρῃσιν ἐπηρεφές, ἔνθεν ἀυτμή ### book 2.735.3 πηγυλίς, ὀκρυόεντος ἀναπνείουσα μυχοῖο, ### book 2.735.4 συνεχὲς ἀργινόεσσαν ἀεὶ περιτέτροφε πάχνην, ### book 2.735.5 οὐδὲ μεσημβριόωντος ἰαίνεται ἠελίοιο. ### book 2.740.1 σιγὴ δ’ οὔποτε τήνδε κατὰ βλοσυρὴν ἔχει ἄκρην, ### book 2.740.2 ἀλλ’ ἄμυδις πόντοιό θ’ ὑπὸ στένει ἠχήεντος ### book 2.740.3 φύλλων τε πνοιῇσι τινασσομένων μυχίῃσιν. ### book 2.740.4 ἔνθα δὲ καὶ προχοαὶ ποταμοῦ Ἀχέροντος ἔασιν, ### book 2.740.5 ὅς τε διὲξ ἄκρης ἀνερεύγεται εἰς ἅλα βάλλων ### book 2.745.1 †ἠοίην, κοίλη δὲ φάραγξ κατάγει μιν ἄνωθεν. ### book 2.745.2 τὸν μὲν ἐν ὀψιγόνοισι Σοωναύτην ὀνόμηναν ### book 2.745.3 Νισαῖοι Μεγαρῆες, ὅτε νάσσεσθαι ἔμελλον ### book 2.745.4 γῆν Μαριανδυνῶν· δὴ γάρ σφεας ἐξεσάωσεν ### book 2.745.5 αὐτῇσιν νήεσσι, κακῇ χρίμψαντας ἀέλλῃ. ### book 2.1 τῇ ῥ’ οἵγ’ αὐτίκα νῆα διὲξ Ἀχερουσίδος ἄκρης ### book 2.2 εἰσωποί, ἀνέμοιο νέον λήγοντος, ἔκελσαν. ### book 2.3 Οὐδ’ ἄρα δηθὰ Λύκον, κείνης πρόμον ἠπείροιο, ### book 2.4 καὶ Μαριανδυνοὺς λάθον ἀνέρας ὁρμισθέντες ### book 2.5 αὐθένται Ἀμύκοιο κατὰ κλέος ὃ πρὶν ἄκουον· ### book 2.755.1 ἀλλὰ καὶ ἀρθμὸν ἔθεντο μετὰ σφίσι τοῖο ἕκητι, ### book 2.755.2 αὐτὸν δ’ ὥστε θεὸν Πολυδεύκεα δεξιόωντο, ### book 2.755.3 πάντοθεν ἀγρόμενοι· ἐπεὶ ἦ μάλα τοίγ’ ἐπὶ δηρόν ### book 2.755.4 ἀντιβίην Βέβρυξιν ὑπερφιάλοις πολέμιζον. ### book 2.755.5 καὶ δὴ πασσυδίῃ μεγάρων ἔντοσθε Λύκοιο ### book 2.760.1 κεῖν’ ἦμαρ φιλότητι, μετὰ πτολίεθρον ἰόντες, ### book 2.760.2 δαίτην ἀμφίεπον τέρποντό τε θυμὸν ἔπεσσιν. ### book 2.760.3 Αἰσονίδης μέν οἱ γενεὴν καί τ’ οὔνομ’ ἑκάστου ### book 2.760.4 σφωιτέρων μυθεῖθ’ ἑτάρων, Πελίαό τ’ ἐφετμάς· ### book 2.760.5 ἠδ’ ὡς Λημνιάδεσσιν ἐπεξεινοῦντο γυναιξίν· ### book 2.765.1 ὅσσα τε Κύζικον ἀμφὶ Δολιονίην τ’ ἐτέλεσσαν· ### book 2.765.2 Μυσίδα θ’ ὡς ἀφίκοντο Κίον θ’, ὅθι κάλλιπον ἥρω ### book 2.765.3 Ἡρακλέην ἀέκοντι νόῳ, Γλαύκοιό τε βάξιν ### book 2.765.4 πέφραδε· καὶ Βέβρυκας ὅπως Ἄμυκόν τ’ ἐδάιξαν· ### book 2.765.5 καὶ Φινῆος ἔειπε θεοπροπίας τε δύην τε· ### book 2.770.1 ἠδ’ ὡς Κυανέας πέτρας φύγον· ὥς τ’ ἀβόλησαν ### book 2.770.2 Λητοΐδῃ κατὰ νῆσον. ὁ δ’ ἑξείης ἐνέποντος ### book 2.770.3 θέλγετ’ ἀκουῇ θυμόν· ἄχος δ’ ἕλεν Ἡρακλῆι ### book 2.770.4 λειπομένῳ, καὶ τοῖον ἔπος πάντεσσι μετηύδα· ### book 2.770.5 “Ὦ φίλοι, οἵου φωτὸς ἀποπλαγχθέντες ἀρωγῆς ### book 2.775.1 πείρετ’ ἐς Αἰήτην τόσσον πλόον. εὖ γὰρ ἐγώ μιν ### book 2.775.2 Δασκύλου ἐν μεγάροισι καταυτόθι πατρὸς ἐμεῖο ### book 2.775.3 οἶδ’ ἐσιδών, ὅτε δεῦρο δι’ Ἀσίδος ἠπείροιο ### book 2.775.4 πεζὸς ἔβη, ζωστῆρα φιλοπτολέμοιο κομίζων ### book 2.775.5 Ἱππολύτης· ἐμὲ δ’ εὗρε νέον χνοάοντα παρειάς. ### book 2.780.1 ἔνθα δ’ ἐπὶ Πριόλαο κασιγνήτοιο θανόντος ### book 2.780.2 ἡμετέρου Μυσοῖσιν ὑπ’ ἀνδράσιν, ὅντινα λαός ### book 2.780.3 οἰκτίστοις ἐλέγοισιν ὀδύρεται ἐξέτι κείνου, ### book 2.1 ἀθλεύων, Τιτίην ἀπεκαίνυτο πυγμαχέοντα ### book 2.2 καρτερόν, ὃς πάντεσσι μετέπρεπεν ἠιθέοισιν ### book 2.785.1 εἶδός τ’ ἠδὲ βίην, χαμάδις δέ οἱ ἤλας’ ὀδόντας. ### book 2.785.2 αὐτὰρ ὁμοῦ Μυσοῖσιν ἐμῷ ὑπὸ πατρὶ δάμασσεν ### book 2.785.3 Μύγδονας, οἳ ναίουσιν ὁμώλακας ἧμιν ἀρούρας, ### book 2.785.4 φῦλά τε Βιθυνῶν αὐτῇ κτεατίσσατο γαίῃ ### book 2.785.5 ἔστ’ ἐπὶ Ῥήβαο προχοὰς σκόπελόν τε Κολώνης· ### book 2.790.1 Παφλαγόνες τ’ ἐπὶ τοῖς Πελοπήιοι εἴκαθον αὔτως ### book 2.790.2 ὅσσους Βιλλαίοιο μέλαν περιάγνυται ὕδωρ. ### book 2.790.3 ἀλλ’ ἐμὲ τῶν Βέβρυκες ὑπερβασίη τ’ Ἀμύκοιο ### book 2.790.4 τηλόθι ναιετάοντος ἐνόσφισαν Ἡρακλῆος, ### book 2.790.5 δὴν ἀποτεμνόμενοι γαίης ἅλις, ὄφρ’ ἐβάλοντο ### book 2.795.1 οὖρα βαθυρρείοντος ἐφ’ εἱαμεναῖς Ὑπίοιο. ### book 2.795.2 ἔμπης δ’ ἐξ ὑμέων ἔδοσαν τίσιν· οὐδέ ἕ φημι ### book 2.795.3 ἤματι τῷδ’ ἀέκητι θεῶν ἐπελάσσαι ἄρηα, ### book 2.795.4 Τυνδαρίδη, Βέβρυξιν, ὅτ’ ἀνέρα κεῖνον ἔπεφνες. ### book 2.795.5 τῶν νῦν ἥντιν’ ἐγὼ τεῖσαι χάριν ἄρκιός εἰμι, ### book 2.1 τείσω προφρονέως· ἡ γὰρ θέμις ἠπεδανοῖσιν ### book 2.2 ἀνδράσιν, εὖτ’ ἄρξωσιν ἀρείονες ἄλλοι ὀφέλλειν. ### book 2.3 ξυνῇ μὲν πάντεσσιν, ὁμόστολον ὔμμιν ἕπεσθαι ### book 2.1 Δάσκυλον ὀτρυνέω, ἐμὸν υἱέα (τοῖο δ’ ἰόντος, ### book 2.2 ἦ τ’ ἂν ἐυξείνοισι διαμπερὲς ἀντιάοιτε ### book 2.805.1 ἀνδράσι μέσφ’ αὐτοῖο ποτὶ στόμα Θερμώδοντος)· ### book 2.805.2 νόσφι δὲ Τυνδαρίδαις, Ἀχερουσίδος ὑψόθεν ἄκρης ### book 2.805.3 εἵσομαι ἱερὸν αἰπύ, τὸ μὲν μάλα τηλόθι πάντες ### book 2.805.4 ναυτίλοι ἂμ πέλαγος θηεύμενοι ἱλάξονται, ### book 2.805.5 καί κέ σφιν μετέπειτα πρὸ ἄστεος, οἷα θεοῖσιν, ### book 2.810.1 πίονας εὐαρότοιο γύας πεδίοιο ταμοίμην.” ### book 2.810.2 Ὧς τότε μὲν δαῖτ’ ἀμφὶ πανήμεροι ἑψιόωντο· ### book 2.810.3 ἦρί γε μὴν ἐπὶ νῆα κατήισαν ἐγκονέοντες, ### book 2.810.4 καὶ δ’ αὐτὸς σὺν τοῖσι Λύκος κίε, μυρί’ ὀπάσσας ### book 2.810.5 δῶρα φέρειν, ἅμα δ’ υἷα δόμων ἔκπεμπε νέεσθαι. ### book 2.815.1 Ἔνθα δ’ Ἀβαντιάδην πεπρωμένη ἤλασε μοῖρα ### book 2.815.2 Ἴδμονα, μαντοσύνῃσι κεκασμένον, ἀλλά μιν οὔ τι ### book 2.815.3 μαντοσύναι ἐσάωσαν, ἐπεὶ χρεὼ ἦγε δαμῆναι. ### book 2.815.4 κεῖτο γὰρ εἱαμενῇ δονακώδεος ἐν ποταμοῖο, ### book 2.815.5 ψυχόμενος λαγόνας τε καὶ ἄσπετον ἰλύι νηδύν, ### book 2.820.1 κάπριος ἀργιόδων, ὀλοὸν τέρας, ὅν ῥα καὶ αὐταί ### book 2.820.2 νύμφαι ἑλειονόμοι ὑπεδείδισαν· οὐδέ τις ἀνδρῶν ### book 2.820.3 ἠείδει, οἶος δὲ κατὰ πλατὺ βόσκετο τῖφος. ### book 2.820.4 αὐτὰρ ὅγ’ ἰλυόεντος ἀνὰ θρωσμοὺς πεδίοιο ### book 2.820.5 νίσσετ’ Ἀβαντιάδης, ὁ δ’ ἄρ’ ἔκποθεν ἀφράστοιο ### book 2.825 ὕψι μάλ’ ἐκ δονάκων ἀνεπάλμενος, ἤλασε μηρόν ### book 2.1 ἀίγδην, μέσσας δὲ σὺν ὀστέῳ ἶνας ἔκερσεν. ### book 2.2 ὀξὺ δ’ ὅγε κλάγξας, οὔδει πέσεν· οἱ δ’ ἐρυγόντος ### book 2.3 ἀθρόοι ἀντιάχησαν. ὀρέξατο δ’ αἶψ’ ὀλοοῖο ### book 2.4 Πηλεὺς αἰγανέῃ φύγαδ’ εἰς ἕλος ὁρμηθέντος ### book 2.830.1 καπρίου· ἔσσυτο δ’ αὖτις ἐναντίος, ἀλλά μιν Ἴδας ### book 2.830.2 οὔτασε, βεβρυχὼς δὲ θοῷ περὶ κάππεσε δουρί. ### book 2.830.3 καὶ τὸν μὲν χαμάδις λίπον αὐτόθι πεπτηῶτα· ### book 2.830.4 τὸν δ’ ἕταροι ἐπὶ νῆα φέρον ψυχορραγέοντα ### book 2.830.5 ἀχνύμενοι· χείρεσσι δ’ ἑῶν ἐνὶ κάτθαν’ ἑταίρων. ### book 2.835.1 Ἔνθα δὲ ναυτιλίης μὲν ἐρητύοντο μέλεσθαι, ### book 2.835.2 ἀμφὶ δὲ κηδείῃ νέκυος μένον ἀσχαλόωντες, ### book 2.835.3 ἤματα δὲ τρία πάντα γόων· ἑτέρῳ δέ μιν ἤδη ### book 2.835.4 τάρχυον μεγαλωστί, συνεκτερέιζε δὲ λαός ### book 2.835.5 αὐτῷ ὁμοῦ βασιλῆι Λύκῳ· παρὰ δ’ ἄσπετα μῆλα, ### book 2.840.1 ἣ θέμις οἰχομένοισι, ταφήια λαιμοτόμησαν. ### book 2.840.2 καὶ δή τοι κέχυται τοῦδ’ ἀνέρος ἐν χθονὶ κείνῃ ### book 2.840.3 τύμβος, σῆμα δ’ ἔπεστι καὶ ὀψιγόνοισιν ἰδέσθαι, ### book 2.840.4 νήιος ἐκ κοτίνοιο φάλαγξ, θαλέθει δέ τε φύλλοις, ### book 2.840.5 ἄκρης τυτθὸν ἔνερθ’ Ἀχερουσίδος. εἰ δέ με καὶ τό ### book 2.845.1 χρειὼ ἀπηλεγέως Μουσέων ὕπο γηρύσασθαι· ### book 2.845.2 τόνδε πολισσοῦχον διεπέφραδε Βοιωτοῖσιν ### book 2.845.3 Νισαίοισί τε Φοῖβος ἐπιρρήδην ἱλάεσθαι, ### book 2.845.4 ἀμφὶ δὲ τήνδε φάλαγγα παλαιγενέος κοτίνοιο ### book 2.845.5 ἄστυ βαλεῖν, οἱ δ’ ἀντὶ θεουδέος Αἰολίδαο ### book 2.1 Ἴδμονος εἰσέτι νῦν Ἀγαμήστορα κυδαίνουσιν. ### book 2.2 Τίς γὰρ δὴ θάνεν ἄλλος (ἐπεὶ καὶ ἔτ’ αὖτις ἔχευαν ### book 2.3 ἥρωες τότε τύμβον ἀποφθιμένου ἑτάροιο, ### book 2.4 δοιὰ γὰρ οὖν κείνων ἔτι σήματα φαίνεται ἀνδρῶν); ### book 2 Ἁγνιάδην Τῖφυν θανέειν φάτις· οὐδέ οἱ ἦεν ### book 2.855.1 μοῖρ’ ἔτι ναυτίλλεσθαι ἑκαστέρω, ἀλλά νυ καὶ τόν ### book 2.855.2 αὖθι μινυνθαδίη πάτρης ἑκὰς εὔνασε νοῦσος. ### book 2.855.3 εἰσόκ’ Ἀβαντιάδαο νέκυν κτερέιξεν ὅμιλος. ### book 2.855.4 ἄτλητον δ’ ὀλοῷ ἐπὶ πήματι κῆδος ἕλοντο· ### book 2.855.5 δὴν ἄρ’, ἐπεὶ καὶ τόνδε παρασχεδὸν ἐκτερέιξαν ### book 2.860.1 αὐτοῦ ἀμηχανίῃσιν ἁλὸς προπάροιθε πεσόντες, ### book 2.860.2 ἐντυπὰς εὐκήλως εἰλυμένοι οὔτε τι σίτου ### book 2.860.3 μνώοντ’ οὔτε ποτοῖο· κατήμυσαν δ’ ἀχέεσσι ### book 2.860.4 θυμόν, ἐπεὶ μάλα πολλὸν ἀπ’ ἐλπίδος ἔπλετο νόστος. ### book 2.860.5 καί νύ κ’ ἔτι προτέρω τετιημένοι ἰσχανόωντο, ### book 2.865.1 εἰ μὴ ἄρ’ Ἀγκαίῳ περιώσιον ἔμβαλεν Ἥρη ### book 2.865.2 θάρσος, ὃν Ἰμβρασίοισι παρ’ ὕδασιν Ἀστυπάλαια ### book 2.865.3 τίκτε Ποσειδάωνι, περιπρὸ γὰρ εὖ ἐκέκαστο ### book 2.865.4 ἰθύνειν· Πηλῆα δ’ ἐπεσσύμενος προσέειπεν· ### book 2.865.5 “Αἰακίδη, πῶς καλὸν ἀφειδήσαντας ἀέθλων ### book 2.870.1 γαίῃ ἐν ἀλλοδαπῇ δὴν ἔμμεναι; οὐ μὲν ἄρηος ### book 2.870.2 ἴδριν ἐόντ’ ἐμὲ τόσσον ἄγει μετὰ κῶας Ἰήσων ### book 2.870.3 Παρθενίης ἀπάνευθεν ὅσον τ’ ἐπιίστορα νηῶν· ### book 2.870.4 τῶ μή τοι τυτθόν γε δέος περὶ νηὶ πελέσθω. ### book 2.870.5 ὧς δὲ καὶ ἄλλοι δεῦρο δαήμονες ἄνδρες ἔασιν, ### book 2.875.1 τῶν ὅτινα πρύμνης ἐπιβήσομεν, οὔ τις ἰάψει ### book 2.875.2 ναυτιλίην. ἀλλ’ ὦκα παραιφάμενος τάδε πάντας ### book 2.875.3 θαρσαλέως ὀρόθυνον ἐπιμνήσασθαι ἀέθλου.” ### book 2.875.4 Ὧς φάτο· τοῖο δὲ θυμὸς ἀέξετο γηθοσύνῃσιν. ### book 2.875.5 αὐτίκα δ’ οὐ μετὰ δηρὸν ἐνὶ μέσσοις ἀγόρευσεν· ### book 2.880.1 “Δαιμόνιοι, τί νυ πένθος ἐτώσιον ἴσχομεν αὔτως; ### book 2.880.2 οἱ μὲν δή ποθι τοῦτον ὃν ἔλλαχον οἶτον ὄλοντο· ### book 2.880.3 ἡμῖν δ’ ἐν γὰρ ἔασι κυβερνητῆρες ὁμίλῳ ### book 2.880.4 καὶ πολέες, τῶ μή τι διατριβώμεθα πείρης· ### book 2.880.5 ἀλλ’ ἔγρεσθ’ εἰς ἔργον, ἀπορρίψαντες ἀνίας.” ### book 2.885.1 Τὸν δ’ αὖτ’ Αἴσονος υἱὸς †ἀμηχανέων προσέειπεν· ### book 2.885.2 “Αἰακίδη, πῇ δ’ οἵδε κυβερνητῆρες ἔασιν; ### book 2.885.3 οὕς περ γὰρ τὸ πάροιθε δαήμονας εὐχόμεθ’ εἶναι, ### book 2.885.4 οἵδε κατηφήσαντες ἐμεῦ πλέον ἀσχαλόωσι· ### book 2.885.5 τῶ καὶ ὁμοῦ φθιμένοισι κακὴν προτιόσσομαι ἄτην, ### book 2.890.1 εἰ δὴ μήτ’ ὀλοοῖο μετὰ πτόλιν Αἰήταο ### book 2.890.2 ἔσσεται ἠὲ καὶ αὖτις ἐς Ἑλλάδα γαῖαν ἱκέσθαι ### book 2.890.3 πετράων ἔκτοσθε· καταυτόθι δ’ ἄμμε καλύψει ### book 2.890.4 ἀκλειῶς κακὸς οἶτος, ἐτώσια γηράσκοντας.” ### book 2.890.5 Ὧς ἔφατ’· Ἀγκαῖος δὲ μάλ’ ἐσσυμένως ὑπέδεκτο ### book 2.895.1 νῆα θοὴν ἄξειν, δὴ γὰρ θεοῦ ἐτράπεθ’ ὁρμῇ· ### book 2.895.2 τὸν δὲ μετ’ Ἐργῖνος καὶ Ναύπλιος Εὔφημός τε ### book 2.895.3 ὤρνυντ’, ἰθύνειν λελιημένοι. ἀλλ’ ἄρα τούσγε ### book 2.895.4 ἔσχεθον, Ἀγκαίῳ δὲ πολεῖς ᾔνησαν ἑταίρων. ### book 2.895.5 Ἠῷοι δἤπειτα δυωδεκάτῳ ἐπέβαινον ### book 2.1 ἤματι, δὴ γάρ σφιν ζεφύρου μέγας οὖρος ἄητο ### book 2.2 καρπαλίμως δ’ Ἀχέροντα διεξεπέρησαν ἐρετμοῖς, ### book 2.3 ἐκ δ’ ἔχεαν πίσυνοι ἀνέμῳ λίνα, πουλὺ δ’ ἐπιπρό ### book 2.4 λαιφέων πεπταμένων τέμνον πλόον εὐδιόωντες. ### book 2.5 ὦκα δὲ Καλλιχόροιο παρὰ προχοὰς ποταμοῖο ### book 2.905.1 ἤλυθον, ἔνθ’ ἐνέπουσι Διὸς Νυσήιον υἷα, ### book 2.905.2 Ἰνδῶν ἡνίκα φῦλα λιπὼν κατενίσσετο Θήβας, ### book 2.905.3 ὀργιάσαι, στῆσαί τε χοροὺς ἄντροιο πάροιθεν ### book 2.905.4 ᾧ ἐν ἀμειδήτους ἁγίας ηὐλίζετο νύκτας· ### book 2.905.5 ἐξ οὗ Καλλίχορον ποταμὸν περιναιετάοντες ### book 2.910.1 ἠδὲ καὶ Αὔλιον ἄντρον ἐπωνυμίην καλέουσιν. ### book 2.910.2 Ἔνθεν δὲ Σθενέλου τάφον ἔδρακον Ἀκτορίδαο, ### book 2.910.3 ὅς ῥά τ’ Ἀμαζονίδων πολυθαρσέος ἐκ πολέμοιο ### book 2.910.4 ἂψ ἀνιὼν (δὴ γὰρ συνανήλυθεν Ἡρακλῆι) ### book 2.910.5 βλήμενος ἰῷ κεῖθεν, ἐπ’ ἀγχιάλου θάνεν ἀκτῆς. ### book 2.915.1 οὐ μέν θην προτέρω ἔτ’ ἐμέτρεον· ἧκε γὰρ αὐτή ### book 2.915.2 Φερσεφόνη ψυχὴν πολυδάκρυον Ἀκτορίδαο, ### book 2.915.3 λισσομένην τυτθόν περ ὁμήθεας ἄνδρας ἰδέσθαι· ### book 2.915.4 τύμβου δὲ στεφάνης ἐπιβὰς σκοπιάζετο νῆα, ### book 2.915.5 τοῖος ἐὼν οἷος πόλεμόνδ’ ἴεν, ἀμφὶ δὲ καλή ### book 2.920.1 τετράφαλος φοίνικι λόφῳ ἐπελάμπετο πήληξ. ### book 2.920.2 καί ῥ’ ὁ μὲν αὖτις ἔδυ μέλανα ζόφον, οἱ δ’ ἐσιδόντες ### book 2.920.3 θάμβησαν. τοὺς δ’ ὦρσε θεοπροπέων ἐπικέλσαι ### book 2.920.4 Ἀμπυκίδης Μόψος λοιβῇσί τε μειλίξασθαι. ### book 2.920.5 οἱ δ’ ἀνὰ μὲν κραιπνῶς λαῖφος σπάσαν, ἐκ δὲ βαλόντες ### book 2.925.1 πείσματ’ ἐν αἰγιαλῷ, Σθενέλου τάφον ἀμφεπένοντο, ### book 2.925.2 χύτλα τέ οἱ χεύαντο καὶ ἥγνισαν ἔντομα μήλων. ### book 2.925.3 ἄνδιχα δ’ αὖ χύτλων Νηοσσόῳ Ἀπόλλωνι ### book 2.1 βωμὸν δειμάμενοι μῆρ’ ἔφλεγον· ἂν δὲ καὶ Ὀρφεύς ### book 2.2 θῆκε λύρην· ἐκ τοῦ δὲ Λύρη πέλει οὔνομα χώρῳ. ### book 2.930.1 Αὐτίκα δ’ οἵγ’ ἀνέμοιο κατασπέρχοντος ἔβησαν ### book 2.930.2 νῆ’ ἔπι, κὰδ δ’ ἄρα λαῖφος ἐρυσσάμενοι τανύοντο ### book 2.930.3 ἐς πόδας ἀμφοτέρους. ἡ δ’ ἐς πέλαγος πεφόρητο ### book 2.930.4 ἐντενές, ἠύτε τίς τε δι’ ἠέρος ὑψόθι κίρκος ### book 2.930.5 ταρσὸν ἐφεὶς πνοιῇ φέρεται ταχύς, οὐδὲ τινάσσει ### book 2.935.1 †ῥιπήν, εὐκήλοισιν ἐνευδιόων πτερύγεσσιν. ### book 2.935.2 καὶ δὴ Παρθενίοιο ῥοὰς ἁλιμυρήεντος, ### book 2.935.3 πρηυτάτου ποταμοῦ, παρεμέτρεον, ᾧ ἔνι κούρη ### book 2.935.4 Λητωίς, ἄγρηθεν ὅτ’ οὐρανὸν εἰσαναβαίνῃ, ### book 2.935.5 ὃν δέμας ἱμερτοῖσιν ἀναψύχει ὑδάτεσσιν. ### book 2.940.1 νυκτὶ δ’ ἔπειτ’ ἄλληκτον ἐπιπροτέρωσε θέοντες ### book 2.940.2 Σήσαμον αἰπεινούς τε παρεξενέοντ’ Ἐρυθίνους, ### book 2.940.3 Κρωβίαλον Κρῶμνάν τε καὶ ὑλήεντα Κύτωρον. ### book 2.940.4 ἔνθεν δ’ αὖτε Κάραμβιν ἅμ’ ἠελίοιο βολῇσιν ### book 2.940.5 γνάμψαντες, παρὰ Πουλὺν ἔπειτ’ ἤλαυνον ἐρετμοῖς ### book 2.945.1 Αἰγιαλὸν πρόπαν ἦμαρ ὁμῶς καὶ ἐπ’ ἤματι νύκτα. ### book 2.945.2 Αὐτίκα δ’ Ἀσσυρίης ἐπέβαν χθονός, ἔνθα Σινώπην ### book 2.945.3 θυγατέρ’ Ἀσωποῖο καθίσσατο καί οἱ ὄπασσε ### book 2.945.4 παρθενίην Ζεὺς αὐτός, ὑποσχεσίῃσι δολωθείς. ### book 2.945.5 δὴ γὰρ ὁ μὲν φιλότητος ἐέλδετο, νεῦσε δ’ ὅγ’ αὐτῇ ### book 2.1 δωσέμεναι ὅ κεν ᾗσι μετὰ φρεσὶν ἰθύσειεν· ### book 2.2 ἡ δέ ἑ παρθενίην ᾐτήσατο κερδοσύνῃσιν. ### book 2.3 ὧς δὲ καὶ Ἀπόλλωνα παρήπαφεν, εὐνηθῆναι ### book 2.4 ἱέμενον, ποταμόν τ’ ἐπὶ τοῖς Ἅλυν· οὐδὲ μὲν ἀνδρῶν ### book 2.5 τήνγε τις ἱμερτῇσιν ἐν ἀγκοίνῃσι δάμασσεν. ### book 2.955.1 ἔνθα δὲ Τρικκαίοιο ἀγαυοῦ Δηιμάχοιο ### book 2.955.2 υἷες, Δηιλέων τε καὶ Αὐτόλυκος Φλογίος τε, ### book 2.955.3 τημόσδ’, Ἡρακλῆος ἀποπλαγχθέντες, ἔναιον· ### book 2.955.4 οἵ ῥα τόθ’, ὡς ἐνόησαν ἀριστήων στόλον ἀνδρῶν, ### book 2.955.5 σφᾶς αὐτοὺς νημερτὲς ἐπέφραδον ἀντιάσαντες· ### book 2.960.1 οὐδ’ ἔτι μιμνάζειν θέλον ἔμπεδον, ἀλλ’ ἐνὶ νηί, ### book 2.960.2 ἀργέσταο παρᾶσσον ἐπιπνείοντος, ἔβησαν. ### book 2.960.3 Τοῖσι δ’ ὁμοῦ μετέπειτα θοῇ πεφορημένοι αὔρῃ ### book 2.960.4 λεῖπον Ἅλυν ποταμόν, λεῖπον δ’ ἀγχίρροον Ἶριν ### book 2.960.5 ἠδὲ καὶ Ἀσσυρίης πρόχυσιν χθονός. ἤματι δ’ αὐτῷ ### book 2.965.1 γνάμψαν Ἀμαζονίδων ἕκαθεν λιμενήοχον ἄκρην, ### book 2.965.2 ἔνθα ποτὲ προμολοῦσαν Ἀρητιάδα Μελανίππην ### book 2.965.3 ἥρως Ἡρακλέης ἐλοχήσατο, καί οἱ ἄποινα ### book 2.965.4 Ἱππολύτη ζωστῆρα παναίολον ἐγγυάλιξεν ### book 2.965.5 ἀμφὶ κασιγνήτης, ὁ δ’ ἀπήμονα πέμψεν ὀπίσσω· ### book 2.970.1 τῆς οἵγ’ ἐν κόλπῳ προχοαῖς ἔπι Θερμώδοντος ### book 2.970.2 κέλσαν, ἐπεὶ καὶ πόντος ὀρίνετο νισσομένοισιν. ### book 2.970.3 τῷ δ’ οὔ τις ποταμῶν ἐναλίγκιος οὐδὲ ῥέεθρα ### book 2.970.4 τόσς’ ἐπὶ γαῖαν ἵησι παρὲξ ἕθεν ἄνδιχα βάλλων· ### book 2.970.5 τετράδος εἰς ἑκατὸν δεύοιτό κεν, εἴ τις ἕκαστα ### book 2.975.1 πεμπάζοι. μία δ’ οἴη ἐτήτυμος ἔπλετο πηγή· ### book 2.975.2 ἡ μέν τ’ ἐξ ὀρέων κατανίσσεται ἤπειρόνδε ### book 2.1 ὑψηλῶν, ἅ τέ φασιν Ἀμαζόνια κλείεσθαι, ### book 2.2 ἔνθεν δ’ αἰπυτέρην ἐπικίδναται ἔνδοθι γαῖαν ### book 2.3 ἀντικρύ· τῶ καί οἱ ἐπίστροφοί εἰσι κέλευθοι, ### book 2.980.1 αἰεὶ δ’ ἄλλυδις ἄλλη, ὅπῃ κύρσειε μάλιστα ### book 2.980.2 ἠπείρου χθαμαλῆς, εἱλίσσεται, ἡ μὲν ἄπωθεν, ### book 2.980.3 ἡ δὲ πέλας· πολέες δὲ πόροι νώνυμνοι ἔασιν ### book 2.980.4 ὅππῃ ὑπεξαφύονται, ὁ δ’ ἀμφαδὸν ἄμμιγα παύροις ### book 2.980.5 Πόντον ἐς Ἄξεινον κυρτὴν ὑπ’ ἐρεύγεται ἄκρην. ### book 2.985.1 καί νύ κε δηθύνοντες Ἀμαζονίδεσσιν ἔμειξαν ### book 2.985.2 ὑσμίνην, καὶ δ’ οὔ κεν ἀναιμωτί γ’ ἐρίδηναν ### book 2.985.3 (οὐ γὰρ Ἀμαζονίδες μάλ’ ἐπητέες οὐδὲ θέμιστας ### book 2.985.4 τίουσαι πεδίον Δοιάντιον ἀμφενέμοντο, ### book 2.985.5 ἀλλ’ ὕβρις στονόεσσα καὶ Ἄρεος ἔργα μεμήλει· ### book 2.990.1 δὴ γὰρ καὶ γενεὴν ἔσαν Ἄρεος Ἁρμονίης τε ### book 2.990.2 νύμφης, ἥ τ’ Ἄρηϊ φιλοπτολέμους τέκε κούρας, ### book 2.990.3 ἄλσεος Ἀκμονίοιο κατὰ πτύχας εὐνηθεῖσα) ### book 2.990.4 εἰ μὴ ἄρ’ ἐκ Διόθεν πνοιαὶ πάλιν ἀργέσταο ### book 2.990.5 ἤλυθον, οἱ δ’ ἀνέμῳ περιηγέα κάλλιπον ἄκρην, ### book 2.995.1 ἔνθα Θεμισκύρειαι Ἀμαζόνες ὡπλίζοντο· ### book 2.995.2 οὐ γὰρ ὁμηγερέες μίαν ἂμ πόλιν, ἀλλ’ ἀνὰ γαῖαν ### book 2.995.3 κεκριμέναι κατὰ φῦλα διάτριχα ναιετάασκον· ### book 2.995.4 νόσφι μὲν αἵδ’ αὐταί, τῇσιν τότε κοιρανέεσκεν ### book 2.995.5 Ἱππολύτη, νόσφιν δὲ Λυκάστιαι ἀμφενέμοντο, ### book 2 νόσφι δ’ ἀκοντοβόλοι Χαδήσιαι. ἤματι δ’ ἄλλῳ ### book 2.1 νυκτί τ’ ἐπιπλομένῃ Χαλύβων παρὰ γαῖαν ἵκοντο. ### book 2.2 τοῖσι μὲν οὔτε βοῶν ἄροτος μέλει οὔτε τις ἄλλη ### book 2.3 φυταλιὴ καρποῖο μελίφρονος, οὐδὲ μὲν οἵγε ### book 2.4 ποίμνας ἑρσήεντι νομῷ ἔνι ποιμαίνουσιν· ### book 2.1005.1 ἀλλὰ σιδηροφόρον στυφελὴν χθόνα γατομέοντες ### book 2.1005.2 ὦνον ἀμείβονται βιοτήσιον· οὐδέ ποτέ σφιν ### book 2.1005.3 ἠὼς ἀντέλλει καμάτων ἄτερ, ἀλλὰ κελαινῇ ### book 2.1005.4 λιγνύι καὶ καπνῷ †κάματον βαρὺν ὀτλεύουσιν. ### book 2.1005.5 Τοὺς δὲ μετ’ αὐτίκ’ ἔπειτα Γενηταίου Διὸς ἄκρην ### book 2.1010.1 γνάμψαντες σώοντο παρὲξ Τιβαρηνίδα γαῖαν· ### book 2.1010.2 ἔνθ’ ἐπεὶ ἄρ κε τέκωνται ὑπ’ ἀνδράσι τέκνα γυναῖκες, ### book 2.1010.3 αὐτοὶ μὲν στενάχουσιν ἐνὶ λεχέεσσι πεσόντες, ### book 2.1010.4 κράατα δησάμενοι· ταὶ δ’ εὖ κομέουσιν ἐδωδῇ ### book 2.1010.5 ἀνέρας ἠδὲ λοετρὰ λεχώια τοῖσι πένονται. ### book 2.1015.1 Ἱερὸν αὖτ’ ἐπὶ τοῖσιν ὄρος καὶ γαῖαν ἄμειβον ### book 2.1015.2 ᾗ ἔνι Μοσσύνοικοι ἀν’ οὔρεα ναιετάουσιν. ### book 2.1018.1 ἀλλοίη δὲ δίκη καὶ θέσμια τοῖσι τέτυκται· ### book 2.1018.2 ὅσσα μὲν ἀμφαδίῃ ῥέζειν θέμις ἢ ἐνὶ δήμῳ ### book 2.1020.1 ἢ ἀγορῇ, τάδε πάντα δόμοις ἔνι μηχανόωνται· ### book 2.1020.2 ὅσσα δ’ ἐνὶ μεγάροις πεπονήμεθα, κεῖνα θύραζε ### book 2.1020.3 ἀψεγέως μέσσῃσιν ἐνὶ ῥέζουσιν ἀγυιαῖς· ### book 2.1020.4 οὐδ’ εὐνῆς αἰδὼς ἐπιδήμιος, ἀλλὰ σύες ὥς ### book 2 φορβάδες, οὐδ’ ἠβαιὸν ἀτυζόμενοι παρεόντας, ### book 2.1025.1 μίσγονται χαμάδις ξυνῇ φιλότητι γυναικῶν· ### book 2.1025.2 αὐτὰρ ἐν ὑψίστῳ βασιλεὺς μόσσυνι θαάσσων ### book 2.1025.3 ἰθείας πολέεσσι δίκας λαοῖσι δικάζει, ### book 2.1025.4 σχέτλιος· ἢν γάρ πού τι θεμιστεύων ἀλίτηται, ### book 2.1025.5 λιμῷ μιν κεῖν’ ἦμαρ ἐνικλείσαντες ἔχουσιν. ### book 2.1030.1 Τοὺς παρανισσόμενοι καὶ δὴ σχεδὸν ἀντιπέρηθεν ### book 2.1030.2 νήσου Ἀρητιάδος τέμνον πλόον εἰρεσίῃσιν ### book 2.1030.3 ἠμάτιοι, λιαρὴ γὰρ ὑπὸ κνέφας ἔλλιπεν αὔρη· ### book 2.1030.4 ἤδη καί τιν’ ὕπερθεν Ἀρήιον ἀίσσοντα ### book 2.1030.5 ἐνναέτην νήσοιο δι’ ἠέρος ὄρνιν ἴδοντο· ### book 2.1035.1 ὅς ῥα, τιναξάμενος πτέρυγας κατὰ νῆα θέουσαν, ### book 2.1035.2 ἧκ’ ἐπὶ οἷ πτερὸν ὀξύ. τὸ δ’ ἐν λαιῷ πέσεν ὤμῳ ### book 2.1035.3 δίου Ὀιλῆος, μεθέηκε δὲ χερσὶν ἐρετμόν ### book 2.1035.4 βλήμενος· οἱ δὲ τάφον πτερόεν βέλος εἰσορόωντες. ### book 2.1035.5 καὶ τὸ μὲν ἐξείρυσσε παρεδριόων Ἐριβώτης, ### book 2.1040.1 ἕλκος δὲ ξυνέδησεν, ἀπὸ σφετέρου κολεοῖο ### book 2.1040.2 λυσάμενος τελαμῶνα κατήορον. ἐκ δ’ ἐφαάνθη ### book 2.1040.3 ἄλλος ἐπὶ προτέρῳ πεποτημένος· ἀλλά μιν ἥρως ### book 2.1040.4 Εὐρυτίδης Κλυτίος (πρὸ γὰρ ἀγκύλα τείνατο τόξα ### book 2.1040.5 ἧκέ τ’ ἐπ’ οἰωνὸν ταχινὸν βέλος) αὐτὸς ὑποφθάς ### book 2.1045.1 πλῆξεν, δινηθεὶς δὲ θοῆς πέσεν ἀγχόθι νηός. ### book 2.1045.2 τοῖσιν δ’ Ἀμφιδάμας μυθήσατο παῖς Ἀλεοῖο· ### book 2.1045.3 “Νῆσος μὲν πέλας ἧμιν Ἀρητιάς (ἴστε καὶ αὐτοί ### book 2.1045.4 τούσδ’ ὄρνιθας ἰδόντες)· ἐγὼ δ’ οὐκ ἔλπομαι ἰούς ### book 2 τόσσον ἐπαρκέσσειν εἰς ἔκβασιν· ἀλλά τιν’ ἄλλην ### book 2.1 μῆτιν πορσύνωμεν ἐπίρροθον, εἴ γ’ ἐπικέλσαι ### book 2.2 μέλλετε, Φινῆος μεμνημένοι ὡς ἐπέτελλεν. ### book 2.3 οὐδὲ γὰρ Ἡρακλέης, ὁπότ’ ἤλυθεν Ἀρκαδίηνδε, ### book 2.4 πλωάδας ὄρνιθας Στυμφαλίδος ἔσθενε λίμνης ### book 2.5 ὤσασθαι τόξοισι (τὸ μέν τ’ ἐγὼ αὐτὸς ὄπωπα)· ### book 2.1055.1 ἀλλ’ ὅγε χαλκείην πλαταγὴν ἐνὶ χερσὶ τινάσσων ### book 2.1055.2 δούπει ἐπὶ σκοπιῆς περιμήκεος, αἱ δ’ ἐφέβοντο ### book 2.1055.3 τηλοῦ ἀτυζηλῷ ὑπὸ δείματι κεκληγυῖαι. ### book 2.1055.4 τῶ καὶ νῦν τοίην τιν’ ἐπιφραζώμεθα μῆτιν— ### book 2.1055.5 αὐτὸς δ’ ἄν, τὸ πάροιθεν ἐπιφρασθείς, ἐνέποιμι· ### book 2.1060.1 ἀνθέμενοι κεφαλῇσιν ἀερσιλόφους τρυφαλείας, ### book 2.1060.2 ἡμίσεες μὲν ἐρέσσετ’ ἀμοιβαδίς, ἡμίσεες δέ ### book 2.1060.3 δούρασί τε ξυστοῖσι καὶ ἀσπίσιν ἄρσετε νῆα, ### book 2.1060.4 αὐτὰρ πασσυδίῃ περιώσιον ὄρνυτ’ ἀυτήν ### book 2.1060.5 ἀθρόοι, ὄφρα κολῳὸν ἀηθείῃ φοβέωνται ### book 2.1065.1 νεύοντάς τε λόφους καὶ ἐπήορα δούραθ’ ὕπερθεν. ### book 2.1065.2 εἰ δέ κεν αὐτὴν νῆσον ἱκώμεθα, δὴ τότ’ ἔπειτα ### book 2.1065.3 σὺν κελάδῳ σακέεσσι πελώριον ὄρσετε δοῦπον.” ### book 2.1065.4 Ὧς ἄρ’ ἔφη, πάντεσσι δ’ ἐπίρροθος ἥνδανε μῆτις. ### book 2.1065.5 ἀμφὶ δὲ χαλκείας κόρυθας κεφαλῇσιν ἔθεντο ### book 2.1070.1 δεινὸν λαμπομένας, ἐπὶ δὲ λόφοι ἐσσείοντο ### book 2.1070.2 φοινίκεοι· καὶ τοὶ μὲν ἀμοιβήδην ἐλάασκον, ### book 2.1070.3 τοὶ δ’ αὖτ’ ἐγχείῃσι καὶ ἀσπίσι νῆα κάλυψαν. ### book 2.1070.4 ὡς δ’ ὅτε τις κεράμῳ κατερέψεται ἑρκίον ἀνήρ, ### book 2 δώματος ἀγλαΐην τε καὶ ὑετοῦ ἔμμεναι ἄλκαρ, ### book 2.1075.1 ἄλλῳ δ’ ἔμπεδον ἄλλος ὁμῶς ἐπαμοιβὸς ἄρηρεν— ### book 2.1075.2 ὧς οἵγ’ ἀσπίσι νῆα συναρτύναντες ἔρεψαν· ### book 2.1075.3 οἵη δὲ κλαγγὴ δῄου πέλει ἐξ ὁμάδοιο ### book 2.1075.4 ἀνδρῶν κινυμένων, ὁπότε ξυνίωσι φάλαγγες— ### book 2.1075.5 τοίη ἄρ’ ὑψόθι νηὸς ἐς ἠέρα κίδνατ’ ἀυτή· ### book 2.1080.1 οὐδέ τιν’ οἰωνῶν ἔτ’ ἐσέδρακον. ἀλλ’ ὅτε νήσῳ ### book 2.1080.2 χρίμψαντες σακέεσσιν ἐπέκτυπον, αὐτίκ’ ἄρ’ οἵγε ### book 2.1080.3 μυρίοι ἔνθα καὶ ἔνθα πεφυζότες ἠερέθοντο· ### book 2.1080.4 ὡς δ’ ὁπότε Κρονίδης πυκινὴν ἐφέηκε χάλαζαν ### book 2.1080.5 ἐκ νεφέων ἀνά τ’ ἄστυ καὶ οἰκία, τοὶ δ’ ὑπὸ τοῖσιν ### book 2.1085.1 ἐνναέται, κόναβον τεγέων ὕπερ εἰσαΐοντες, ### book 2.1085.2 ἧνται ἀκήν, ἐπεὶ οὔ σφε κατέλλαβε χείματος ὥρη ### book 2.1085.3 ἀπροφάτως, ἀλλὰ πρὶν ἐκαρτύναντο μέλαθρον— ### book 2.1085.4 ὧς πυκινὰ πτερὰ τοῖσιν ἐφίεσαν, ἀίσσοντες ### book 2.1085.5 ὕψι μάλ’ ἂμ πέλαγος περάτης εἰς οὔρεα γαίης. ### book 2.1090.1 Τίς γὰρ δὴ Φινῆος ἔην νόος, ἐνθάδε κέλσαι ### book 2.1090.2 ἀνδρῶν ἡρώων θεῖον στόλον, ἢ καὶ ἔπειτα ### book 2.1090.3 ποῖον ὄνειαρ ἔμελλεν ἐελδομένοισιν ἱκέσθαι; ### book 2.1090.4 Υἱῆες Φρίξοιο μετὰ πτόλιν Ὀρχομενοῖο ### book 2.1090.5 ἐξ Αἴης ἐνέοντο παρ’ Αἰήταο Κυταίου, ### book 2.1095.1 Κολχίδα νῆ’ ἐπιβάντες, ἵν’ ἄσπετον ὄλβον ἄρωνται ### book 2.1095.2 πατρός· ὁ γὰρ θνῄσκων ἐπετείλατο τήνδε κέλευθον. ### book 2.1095.3 καὶ δὴ ἔσαν νήσοιο μάλα σχεδὸν ἤματι κείνῳ, ### book 2.1095.4 Ζεὺς δ’ ἀνέμου βορέαο μένος κίνησεν ἀῆναι, ### book 2 ὕδατι σημαίνων διερὴν ὁδὸν Ἀρκτούροιο. ### book 2.1 αὐτὰρ ὅγ’ ἠμάτιος μὲν ἐν οὔρεσι φύλλ’ ἐτίνασσεν ### book 2.2 τυτθὸν ἐπ’ ἀκροτάτοισιν ἀήσυρος ἀκρεμόνεσσιν· ### book 2.3 νυκτὶ δ’ ἔβη πόντονδε πελώριος, ὦρσε δὲ κῦμα ### book 2.4 κεκληγὼς πνοιῇσι· κελαινὴ δ’ οὐρανὸν ἀχλύς ### book 2.5 ἄμπεχεν, οὐδέ πῃ ἄστρα διαυγέα φαίνετ’ ἰδέσθαι ### book 2.1105.1 ἐκ νεφέων, σκοτόεις δὲ περὶ ζόφος ἠρήρειστο. ### book 2.1105.2 οἱ δ’ ἄρα μυδαλέοι, στυγερὸν τρομέοντες ὄλεθρον, ### book 2.1105.3 υἱῆες Φρίξοιο φέρονθ’ ὑπὸ κύμασιν αὔτως· ### book 2.1105.4 ἱστία δ’ ἐξήρπαξ’ ἀνέμου μένος ἠδὲ καὶ αὐτήν ### book 2.1105.5 νῆα διάνδιχ’ ἔαξε, τινασσομένην ῥοθίοισιν. ### book 2.1110.1 ἔνθα δ’ ὑπ’ ἐννεσίῃσι θεῶν πίσυρές περ ἐόντες ### book 2.1110.2 δούρατος ὠρέξαντο πελωρίου, οἷά τε πολλά ### book 2.1110.3 ῥαισθείσης κεκέδαστο θόοις συναρηρότα γόμφοις. ### book 2.1110.4 καὶ τοὺς μὲν νῆσόνδε, παρὲξ ὀλίγον θανάτοιο, ### book 2.1110.5 κύματα καὶ ῥιπαὶ ἀνέμου φέρον ἀσχαλόωντας· ### book 2.1115.1 αὐτίκα δ’ ἐρράγη ὄμβρος ἀθέσφατος, ὗε δὲ πόντον ### book 2.1115.2 καὶ νῆσον καὶ πᾶσαν ὅσην κατεναντία νήσου ### book 2.1115.3 χώρην Μοσσύνοικοι ὑπέρβιοι ἀμφενέμοντο. ### book 2.1115.4 τοὺς δ’ ἄμυδις κρατερῷ σὺν δούρατι κύματος ὁρμή ### book 2.1115.5 υἱῆας Φρίξοιο μετ’ ἠιόνας βάλε νήσου ### book 2.1120 νύχθ’ ὕπο λυγαίην. τὸ δὲ μυρίον ἐκ Διὸς ὕδωρ ### book 2.1 λῆξεν ἅμ’ ἠελίῳ· τάχα δ’ ἐγγύθεν ἀντεβόλησαν ### book 2.2 ἀλλήλοις. Ἄργος δὲ παροίτατος ἔκφατο μῦθον· ### book 2.3 “Ἀντόμεθα πρὸς Ζηνὸς Ἐποψίου, οἵτινές ἐστε ### book 2.4 ἀνδρῶν, εὐμενέειν τε καὶ ἀρκέσσαι χατέουσι. ### book 2.1125.1 πόντῳ γὰρ τρηχεῖαι ἐπιβρίσασαι ἄελλαι ### book 2.1125.2 νηὸς ἀεικελίης διὰ δούρατα πάντ’ ἐκέδασσαν, ### book 2.1125.3 ᾗ ἔνι πείρομεν οἶδμα κατὰ χρέος ἐμβεβαῶτες. ### book 2.1125.4 τούνεκα νῦν ὑμέας γουναζόμεθ’, αἴ κε πίθησθε, ### book 2.1125.5 δοῦναι ὅσον τ’ εἴλυμα περὶ χροὸς ἠδὲ κομίσσαι, ### book 2.1130.1 ἀνέρας οἰκτείραντας ὁμήλικας ἐν κακότητι. ### book 2.1130.2 ἀλλ’ ἱκέτας ξείνους Διὸς εἵνεκεν αἰδέσσασθε, ### book 2.1130.3 Ξεινίου Ἱκεσίου τε· Διὸς δ’ ἄμφω ἱκέται τε ### book 2.1130.4 καὶ ξεῖνοι, ὁ δέ που καὶ ἐπόψιος ἄμμι τέτυκται.” ### book 2.1130.5 Τὸν δ’ αὖτ’ Αἴσονος υἱὸς ἐπιφραδέως ἐρέεινε, ### book 2.1135.1 μαντοσύνας Φινῆος ὀισσάμενος τελέεσθαι· ### book 2.1135.2 “Ταῦτα μὲν αὐτίκα πάντα παρέξομεν εὐμενέοντες· ### book 2.1135.3 ἀλλ’ ἄγε μοι κατάλεξον ἐτήτυμον ὁππόθι γαίης ### book 2.1135.4 ναίετε, καὶ χρέος οἷον ὑπεὶρ ἅλα νεῖσθαι ἀνώγει, ### book 2.1135.5 αὐτῶν θ’ ὑμείων ὄνομα κλυτὸν ἠδὲ γενέθλην.” ### book 2.1140.1 Τὸν δ’ Ἄργος προσέειπεν, ἀμηχανέων κακότητι· ### book 2.1140.2 “Αἰολίδην Φρίξον τιν’ ἀφ’ Ἑλλάδος Αἶαν ἱκέσθαι ### book 2.1140.3 ἀτρεκέως δοκέω που ἀκούετε καὶ πάρος αὐτοί, ### book 2.1140.4 Φρίξον ὅτις πτολίεθρον ἀνήλυθεν Αἰήταο ### book 2.1140.5 κριοῦ ἐπαμβεβαώς, τόν ῥα χρύσειον ἔθηκεν ### book 2.1145 Ἑρμείας· κῶας δὲ καὶ εἰσέτι νῦν κεν ἴδοισθε ### book 2.1145A πεπτάμενον λασίοισιν ἐπὶ δρυὸς ἀκρεμόνεσσιν· ### book 2.1146.1 τὸν μὲν ἔπειτ’ ἔρρεξεν ἑῇς ὑποθημοσύνῃσιν ### book 2.1146.2 Φυξίῳ ἐκ πάντων Κρονίδῃ Διί· καί μιν ἔδεκτο ### book 2.1146.3 Αἰήτης μεγάρῳ, κούρην τέ οἱ ἐγγυάλιξεν ### book 2.1146.4 Χαλκιόπην ἀνάεδνον ἐυφροσύνῃσι νόοιο· ### book 2.1 τῶν ἐξ ἀμφοτέρων εἰμὲν γένος, ἀλλ’ ὁ μὲν ἤδη ### book 2.2 γηραιὸς θάνε Φρίξος ἐν Αἰήταο δόμοισιν· ### book 2.3 ἡμεῖς δ’, αὐτίκα πατρὸς ἐφετμάων ἀλέγοντες, ### book 2.4 νεύμεθ’ ἐς Ὀρχομενὸν κτεάνων Ἀθάμαντος ἕκητι. ### book 2.5 εἰ δὲ καὶ οὔνομα δῆθεν ἐπιθύεις δεδαῆσθαι, ### book 2.1155.1 τῷδε Κυτίσσωρος πέλει οὔνομα, τῷδέ τε Φρόντις, ### book 2.1155.2 τῷ δὲ Μέλας, ἐμὲ δ’ αὐτὸν ἐπικλείοιτέ κεν Ἄργον.” ### book 2.1155.3 Ὧς φάτ’· ἀριστῆες δὲ συνηβολίῃ κεχάροντο ### book 2.1155.4 καί σφεας ἀμφίεπον περιθαμβέες· αὐτὰρ Ἰήσων ### book 2.1155.5 ἐξαῦτις κατὰ μοῖραν ἀμείψατο τοῖσδ’ ἐπέεσσιν· ### book 2.1160.1 “Ἦ ἄρα δὴ γνωτοὶ πατρώιοι ἄμμιν ἐόντες ### book 2.1160.2 λίσσεσθ’ εὐμενέοντας ἐπαρκέσσαι κακότητα. ### book 2.1160.3 Κρηθεὺς γάρ ῥ’ Ἀθάμας τε κασίγνητοι γεγάασιν, ### book 2.1160.4 Κρηθῆος δ’ υἱωνὸς ἐγὼ σὺν τοισίδ’ ἑταίροις ### book 2.1160.5 Ἑλλάδος ἒξ αὐτὴν νέομ’ ἐς πόλιν Αἰήταο. ### book 2.1165.1 ἀλλὰ τὰ μὲν καὶ ἐσαῦτις ἐνίψομεν ἀλλήλοισιν, ### book 2.1165.2 νῦν δ’ ἕσσασθε πάροιθεν· ὑπ’ ἐννεσίῃσι δ’ ὀίω ### book 2.1165.3 ἀθανάτων ἐς χεῖρας ἐμὰς χατέοντας ἱκέσθαι.” ### book 2.1165.4 Ἦ ῥα, καὶ ἐκ νηὸς δῶκέ σφισιν εἵματα δῦναι. ### book 2.1165.5 πασσυδίῃ δἤπειτα κίον μετὰ νηὸν Ἄρηος, ### book 2.1170 μῆλ’ ἱερευσόμενοι, περὶ δ’ ἐσχάρῃ ἐστήσαντο ### book 2.1 ἐσσυμένως, ἥ τ’ ἐκτὸς ἀνηρεφέος πέλε νηοῦ, ### book 2.2 στιάων· εἴσω δὲ μέλας λίθος ἠρήρειστο ### book 2.3 ἱερός, ᾧ †ποτε πᾶσαι† Ἀμαζόνες εὐχετόωντο· ### book 2.4 οὐδέ σφιν θέμις ἦεν, ὅτ’ ἀντιπέρηθεν ἵκοιντο, ### book 2.1175.1 μήλων τ’ ἠδὲ βοῶν τῇδ’ ἐσχάρῃ ἱερὰ καίειν, ### book 2.1175.2 ἀλλ’ ἵππους δαίτρευον, ἐπηετανὸν κομέουσαι. ### book 2.1175.3 αὐτὰρ ἐπεὶ ῥέξαντες ἐπαρτέα δαῖτα πάσαντο, ### book 2.1175.4 δὴ τότ’ ἄρ’ Αἰσονίδης μετεφώνεεν, ἦρχέ τε μύθων· ### book 2.1175.5 “Ζεὺς ἐτεὸν τὰ ἕκαστ’ ἐπιδέρκεται, οὐδέ μιν ἄνδρες ### book 2.1180.1 λήθομεν ἔμπεδον οἵ τε θεουδέες †οὐδὲ δίκαιοι.† ### book 2.1180.2 ὡς μὲν γὰρ πατέρ’ ὑμὸν ὑπεξείρυτο φόνοιο ### book 2.1180.3 μητρυιῆς καὶ νόσφιν ἀπειρέσιον πόρεν ὄλβον, ### book 2.1180.4 ὧς δὲ καὶ ὑμέας αὖτις ἀπήμονας ἐξεσάωσεν ### book 2.1180.5 χείματος οὐλομένοιο. πάρεστι δὲ τῆσδ’ ἐπὶ νηός ### book 2.1185.1 ἔνθα καὶ ἔνθα νέεσθαι ὅπῃ φίλον, εἴτε μετ’ Αἶαν ### book 2.1185.2 εἴτε μετ’ ἀφνειὴν θείου πόλιν Ὀρχομενοῖο. ### book 2.1185.3 τὴν γὰρ Ἀθηναίη τεχνήσατο καὶ τάμε χαλκῷ ### book 2.1185.4 δούρατα Πηλιάδος κορυφῆς πάρα, σὺν δέ οἱ Ἄργος ### book 2.1185.5 τεῦξεν· ἀτὰρ κείνην γε κακὸν διὰ κῦμ’ ἐκέδασσεν, ### book 2.1190.1 πρὶν καὶ πετράων σχεδὸν ἐλθέμεν αἵ τ’ ἐνὶ Πόντου ### book 2.1190.2 στεινωπῷ συνίασι πανήμεροι ἀλλήλῃσιν. ### book 2.1190.3 ἀλλ’ ἄγεθ’ ὧδε καὶ αὐτοὶ ἐς Ἑλλάδα μαιομένοισιν ### book 2.1190.4 κῶας ἄγειν χρύσειον ἐπίρροθοι ἄμμι πέλεσθε ### book 2 καὶ πλόου ἡγεμονῆες, ἐπεὶ Φρίξοιο θυηλάς ### book 2.1195.1 στέλλομαι ἀμπλήσων, Ζηνὸς χόλον Αἰολίδῃσιν.” ### book 2.1195.2 Ἴσκε παρηγορέων· οἱ δ’ ἔστυγον εἰσαΐοντες, ### book 2.1195.3 οὐ γὰρ ἔφαν τεύξεσθαι ἐνηέος Αἰήταο ### book 2.1195.4 κῶας ἄγειν κριοῖο μεμαότες· ὧδε δ’ ἔειπεν ### book 2.1195.5 Ἄργος, ἀτεμβόμενος τοῖον στόλον ἀμφιπένεσθαι· ### book 2.1 “Ὦ φίλοι, ἡμέτερον μὲν ὅσον σθένος οὔποτ’ ἀρωγῆς ### book 2.2 σχήσεται οὐδ’ ἠβαιόν, ὅτε χρειώ τις ἵκηται· ### book 2.3 ἀλλ’ αἰνῶς ὀλοῇσιν ἀπηνείῃσιν ἄρηρεν ### book 2.4 Αἰήτης· τῶ καὶ περιδείδια ναυτίλλεσθαι. ### book 2.5 στεῦται δ’ Ἠελίου γόνος ἔμμεναι, ἀμφὶ δὲ Κόλχων ### book 2.1205.1 ἔθνεα ναιετάουσιν ἀπείρονα, καὶ δέ κεν Ἄρει ### book 2.1205.2 σμερδαλέην ἐνοπὴν μέγα τε σθένος ἰσοφαρίζοι. ### book 2.1205.3 οὐ μὰν οὐδ’ ἀπάνευθεν ἑλεῖν δέρος Αἰήταο ### book 2.1205.4 ῥηίδιον· τοῖός μιν ὄφις περί τ’ ἀμφί τ’ ἔρυται ### book 2.1205.5 ἀθάνατος καὶ ἄυπνος, ὃν αὐτὴ Γαῖ’ ἀνέφυσεν ### book 2.1210.1 Καυκάσου ἐν κνημοῖσι, Τυφαονίη ὅθι πέτρη, ### book 2.1210.2 ἔνθα Τυφάονά φασι, Διὸς Κρονίδαο κεραυνῷ ### book 2.1210.3 βλήμενον ὁππότε οἱ στιβαρὰς ἐπορέξατο χεῖρας, ### book 2.1210.4 θερμὸν ἀπὸ κρατὸς στάξαι φόνον· ἵκετο δ’ †αὔτως ### book 2.1210.5 οὔρεα καὶ πεδίον Νυσήιον, ἔνθ’ ἔτι νῦν περ ### book 2.1215.1 κεῖται, ὑποβρύχιος Σερβωνίδος ὕδασι λίμνης.” ### book 2.1215.2 Ὧς ἄρ’ ἔφη· πολέεσσι δ’ ἐπὶ χλόος εἷλε παρειάς ### book 2.1215.3 αὐτίκα, τοῖον ἄεθλον ὅτ’ ἔκλυον· αἶψα δὲ Πηλεύς ### book 2.1 θαρσαλέοις ἐπέεσσιν ἀμείψατο, φώνησέν τε· ### book 2.2 “Μὴ δ’ οὕτως, ἠθεῖε, λίην δειδίσσεο μύθῳ· ### book 2.1220.1 οὔ τι γὰρ ὧδ’ ἀλκῆς ἐπιδευόμεθ’ ὥστε χερείους ### book 2.1220.2 ἔμμεναι Αἰήταο σὺν ἔντεσι πειρηθῆναι, ### book 2.1220.3 ἀλλὰ καὶ ἡμέας οἴω ἐπισταμένους πολέμοιο ### book 2.1220.4 κεῖσε μολεῖν μακάρων σχεδὸν αἵματος ἐκγεγαῶτας· ### book 2.1220.5 τῶ εἰ μὴ φιλότητι δέρος χρύσειον ὀπάσσει, ### book 2.1225.1 οὔ οἱ χραισμήσειν ἐπιέλπομαι ἔθνεα Κόλχων.” ### book 2.1225.2 Ὧς οἵγ’ ἀλλήλοισιν ἀμοιβαδὸν ἠγορόωντο, ### book 2.1225.3 μέσφ’ αὖτις δόρποιο κορεσσάμενοι κατέδαρθον. ### book 2.1225.4 ἦρι δ’ ἀνεγρομένοισιν ἐυκραὴς ἄεν οὖρος, ### book 2.1225.5 ἱστία δ’ ἤειραν· τὰ δ’ ὑπαὶ ῥιπῆς ἀνέμοιο ### book 2.1230.1 τείνετο, ῥίμφα δὲ νῆσον ἀποπροέλειπον Ἄρηος. ### book 2.1230.2 Νυκτὶ δ’ ἐπιπλομένῃ Φιλυρηίδα νῆσον ἄμειβον· ### book 2.1230.3 ἔνθα μὲν Οὐρανίδης Φιλύρῃ Κρόνος, εὖτ’ ἐν Ὀλύμπῳ ### book 2.1230.4 Τιτήνων ἤνασσεν, ὁ δὲ Κρηταῖον ὑπ’ ἄντρον ### book 2.1230.5 Ζεὺς ἔτι Κουρήτεσσι μετετρέφετ’ Ἰδαίοισιν, ### book 2.1235.1 Ῥείην ἐξαπαφὼν παρελέξατο· τοὺς δ’ ἐνὶ λέκτροις ### book 2.1235.2 τέτμε θεὰ μεσσηγύς, ὁ δ’ ἐξ εὐνῆς ἀνορούσας ### book 2.1235.3 ἔσσυτο χαιτήεντι φυὴν ἐναλίγκιος ἵππῳ· ### book 2.1235.4 ἡ δ’ αἰδοῖ χῶρόν τε καὶ ἤθεα κεῖνα λιποῦσα ### book 2.1235.5 Ὠκεανὶς Φιλύρη εἰς οὔρεα μακρὰ Πελασγῶν ### book 2.1240.1 ἦλθ’, ἵνα δὴ Χείρωνα πελώριον ἄλλα μὲν ἵππῳ ### book 2.1240.2 ἄλλα θεῷ ἀτάλαντον ἀμοιβαίῃ τέκεν εὐνῇ. ### book 2.1240.3 Κεῖθεν δ’ αὖ Μάκρωνας ἀπειρεσίην τε Βεχείρων ### book 2.1240.4 γαῖαν ὑπερφιάλους τε παρεξενέοντο Σάπειρας, ### book 2.1240.5 Βύζηράς τ’ ἐπὶ τοῖσιν· ἐπιπρὸ γὰρ αἰὲν ἔτεμνον ### book 2.1245.1 ἐσσυμένως, λιαροῖο φορεύμενοι ἐξ ἀνέμοιο. ### book 2.1245.2 καὶ δὴ νισσομένοισι μυχὸς διεφαίνετο Πόντου, ### book 2.1245.3 καὶ δὴ Καυκασίων ὀρέων ἀνέτελλον ἐρίπναι ### book 2.1245.4 ἠλίβατοι, τόθι γυῖα περὶ στυφελοῖσι πάγοισιν ### book 2.1245.5 ἰλλόμενος χαλκέῃσιν ἀλυκτοπέδῃσι Προμηθεύς ### book 2.1 αἰετὸν ἥπατι φέρβε παλιμπετὲς †ἀίσσοντα· ### book 2.2 τὸν μὲν ἐπ’ ἀκροτάτης ἴδον ἑσπέρου ὀξέι ῥοίζῳ ### book 2.3 νηὸς ὑπερπτάμενον νεφέων σχεδόν, ἀλλὰ καὶ ἔμπης ### book 2.4 λαίφεα πάντ’ ἐτίναξε παραιθύξας πτερύγεσσιν· ### book 2.5 οὐ γὰρ ὅγ’ αἰθερίοιο φυὴν ἔχεν οἰωνοῖο, ### book 2.1255.1 ἶσα δ’ ἐυξέστοις ὠκύπτερα πάλλεν ἐρετμοῖς. ### book 2.1255.2 δηρὸν δ’ οὐ μετέπειτα πολύστονον ἄιον αὐδήν ### book 2.1255.3 ἧπαρ ἀνελκομένοιο Προμηθέος, ἔκτυπε δ’ αἰθήρ ### book 2.1255.4 οἰμωγῇ, μέσφ’ αὖτις ἀπ’ οὔρεος ἀίσσοντα ### book 2.1255.5 αἰετὸν ὠμηστὴν αὐτὴν ὁδὸν εἰσενόησαν. ### book 2.1260.1 Ἐννύχιοι δ’ Ἄργοιο δαημοσύνῃσιν ἵκοντο ### book 2.1260.2 Φᾶσίν τ’ εὐρὺ ῥέοντα καὶ ἔσχατα πείρατα Πόντου. ### book 2.1260.3 αὐτίκα δ’ ἱστία μὲν καὶ ἐπίκριον ἔνδοθι κοίλης ### book 2.1260.4 ἱστοδόκης στείλαντες ἐκόσμεον, ἐν δὲ καὶ αὐτόν ### book 2.1260.5 ἱστὸν ἄφαρ χαλάσαντο παρακλιδόν· ὦκα δ’ ἐρετμοῖς ### book 2.1265.1 εἰσέλασαν ποταμοῖο μέγαν ῥόον, αὐτὰρ ὅγ’ ἄντην ### book 2.1265.2 καχλάζων ὑπόεικεν. ἔχον δ’ ἐπ’ ἀριστερὰ χειρῶν ### book 2.1265.3 Καύκασον αἰπήεντα Κυταιίδα τε πτόλιν Αἴης, ### book 2.1265.4 ἔνθεν δ’ αὖ πεδίον τὸ Ἀρήιον ἱερά τ’ ἄλση ### book 2.1265.5 τοῖο θεοῦ, τόθι κῶας ὄφις εἴρυτο δοκεύων· ### book 2.1271.1 αὐτὸς δ’ Αἰσονίδης χρυσέῳ ποταμόνδε κυπέλλῳ ### book 2.1271.2 οἴνου ἀκηρασίοιο μελισταγέας χέε λοιβάς ### book 2.1271.3 Γαίῃ τ’ ἐνναέταις τε θεοῖς ψυχαῖς τε καμόντων ### book 2.1271.4 ἡρώων, γουνοῦτο δ’ ἀπήμονας εἶναι ἀρωγούς ### book 2.1275.1 εὐμενέως καὶ νηὸς ἐναίσιμα πείσματα δέχθαι. ### book 2.1275.2 αὐτίκα δ’ Ἀγκαῖος τοῖον μετὰ μῦθον ἔειπεν· ### book 2.1275.3 “Κολχίδα μὲν δὴ γαῖαν ἱκάνομεν ἠδὲ ῥέεθρα ### book 2.1275.4 Φάσιδος· ὥρη δ’ ἧμιν ἐνὶ σφίσι μητιάασθαι ### book 2.1275.5 εἴτ’ οὖν μειλιχίῃ πειρησόμεθ’ Αἰήταο, ### book 2.1280.1 εἴτε καὶ ἀλλοίη τις ἐπήβολος ἔσσεται ὁρμή.” ### book 2.1280.2 Ὧς ἔφατ’· Ἄργου δ’ αὖτε παρηγορίῃσιν Ἰήσων ### book 2.1280.3 ὑψόθι νῆ’ ἐκέλευσεν ἐπ’ εὐναίῃσιν ἔρυσθαι, ### book 2.1280.4 δάσκιον εἰσελάσαντας ἕλος· τὸ δ’ ἐπισχεδὸν ἦεν ### book 2.1280.5 νισσομένων. ἔνθ’ οἵγε διὰ κνέφας ηὐλίζοντο· ### book 2.1285 ἠὼς δ’ οὐ μετὰ δηρὸν ἐελδομένοισι φαάνθη. ### book 3.1 Εἰ δ’ ἄγε νῦν Ἐρατώ, παρ’ ἔμ’ ἵστασο καί μοι ἔνισπε ### book 3.2 ἔνθεν ὅπως ἐς Ἰωλκὸν ἀνήγαγε κῶας Ἰήσων ### book 3.3 Μηδείης ὑπ’ ἔρωτι· σὺ γὰρ καὶ Κύπριδος αἶσαν ### book 3.4 ἔμμορες, ἀδμῆτας δὲ τεοῖς μελεδήμασι θέλγεις ### book 3.5.1 παρθενικάς· τῶ καί τοι ἐπήρατον οὔνομ’ ἀνῆπται. ### book 3.5.2 Ὧς οἱ μὲν πυκινοῖσιν ἀνωίστως δονάκεσσιν ### book 3.5.3 μίμνον ἀριστῆες λελοχημένοι, αἱ δ’ ἐνόησαν ### book 3.5.4 Ἥρη Ἀθηναίη τε· Διὸς δ’ αὐτοῖο καὶ ἄλλων ### book 3.5.5 ἀθανάτων ἀπονόσφι θεῶν θάλαμόνδε κιοῦσαι ### book 3.10.1 βούλευον. πείραζε δ’ Ἀθηναίην πάρος Ἥρη· ### book 3.10.2 “Αὐτὴ νῦν προτέρη, θύγατερ Διός, ἄρχεο βουλῆς. ### book 3.10.3 τί χρέος; ἠὲ δόλον τινὰ μήσεαι ᾧ κεν ἑλόντες ### book 3.10.4 χρύσεον Αἰήταο μεθ’ Ἑλλάδα κῶας ἄγοιντο, ### book 3.10.5 ἦ καὶ τόνγ’ ἐπέεσσι παραιφάμενοι πεπίθοιεν ### book 3.15.1 μειλιχίοις; ἦ μὲν γὰρ ὑπερφίαλος πέλει αἰνῶς, ### book 3.15.2 ἔμπης δ’ οὔ τινα πεῖραν ἀποτρωπᾶσθαι ἔοικεν.” ### book 3.1 Ὧς φάτο· τὴν δὲ παρᾶσσον Ἀθηναίη προσέειπεν· ### book 3.2 “Καὶ δ’ αὐτὴν ἐμὲ τοῖα μετὰ φρεσὶν ὁρμαίνουσαν, ### book 3.3 Ἥρη, ἀπηλεγέως ἐξείρεαι· ἀλλά τοι οὔπω ### book 3.20.1 φράσσασθαι νοέω τοῦτον δόλον ὅστις ὀνήσει ### book 3.20.2 θυμὸν ἀριστήων, πολέας δ’ ἐπεδοίασα βουλάς.” ### book 3.20.3 Ἦ· καὶ ἐπ’ οὔδεος αἵγε ποδῶν πάρος ὄμματ’ ἔπηξαν, ### book 3.20.4 ἄνδιχα πορφύρουσαι ἐνὶ σφίσιν· αὐτίκα δ’ Ἥρη ### book 3.20.5 τοῖον μητιόωσα παροιτέρη ἔκφατο μῦθον· ### book 3.25.1 “Δεῦρ’ ἴομεν μετὰ Κύπριν, ἐπιπλόμεναι δέ μιν ἄμφω ### book 3.25.2 παιδὶ ἑῷ εἰπεῖν ὀτρύνομεν, αἴ κε πίθηται, ### book 3.25.3 κούρην Αἰήτεω πολυφάρμακον οἷσι βέλεσσι ### book 3.25.4 θέλξαι †ὀιστεύσας ἐπ’ Ἰήσονι· τὸν δ’ ἂν ὀίω ### book 3.25.5 κείνης ἐννεσίῃσιν ἐς Ἑλλάδα κῶας ἀνάξειν.” ### book 3.30.1 Ὧς ἄρ’ ἔφη· πυκινὴ δὲ συνεύαδε μῆτις Ἀθήνῃ, ### book 3.30.2 καί μιν ἔπειτ’ ἐξαῦτις ἀμείβετο μειλιχίοισιν· ### book 3.30.3 “Ἥρη, νήιδα μέν με πατὴρ τέκε τοῖο βολάων, ### book 3.30.4 οὐδέ τινα χρειὼ θελκτήριον οἶδα πόθοιο· ### book 3.30.5 εἰ δέ σοι αὐτῇ μῦθος ἐφανδάνει, ἦ τ’ ἂν ἔγωγε ### book 3.35.1 ἑσποίμην, σὺ δέ κεν φαίης ἔπος ἀντιόωσα.” ### book 3.35.2 Ἦ, καὶ ἀναΐξασαι ἐπὶ μέγα δῶμα νέοντο ### book 3.35.3 Κύπριδος, ὅρρά τέ οἱ δεῖμεν πόσις ἀμφιγυήεις, ### book 3.35.4 ὁππότε μιν τὰ πρῶτα παραὶ Διὸς ἦγεν ἄκοιτιν. ### book 3.35.5 ἕρκεα δ’ εἰσελθοῦσαι, ὑπ’ αἰθούσῃ θαλάμοιο ### book 3.40.1 ἔσταν, ἵν’ ἐντύνεσκε θεὰ λέχος Ἡφαίστοιο. ### book 3.40.2 ἀλλ’ ὁ μὲν ἐς χαλκεῶνα καὶ ἄκμονας ἦρι βεβήκει, ### book 3.40.3 νήσοιο Πλαγκτῆς εὐρὺν μυχόν, ᾧ ἔνι πάντα ### book 3.40.4 δαίδαλα χάλκευεν ῥιπῇ πυρός· ἡ δ’ ἄρα μούνη ### book 3 ἧστο δόμῳ δινωτὸν †ἀνὰ θρόνον ἄντα θυράων, ### book 3.45.1 λευκοῖσιν δ’ ἑκάτερθε κόμας ἐπιειμένη ὤμοις ### book 3.45.2 κόσμει χρυσείῃ διὰ κερκίδι, μέλλε δὲ μακρούς ### book 3.45.3 πλέξασθαι πλοκάμους· τὰς δὲ προπάροιθεν ἰδοῦσα ### book 3.45.4 ἔσχεθεν εἴσω τέ σφε κάλει, καὶ ἀπὸ θρόνου ὦρτο ### book 3.45.5 εἷσέ τ’ ἐνὶ κλισμοῖσιν· ἀτὰρ μετέπειτα καὶ αὐτή ### book 3.1 ἵζανεν, ἀψήκτους δὲ χεροῖν ἀνεδήσατο χαίτας. ### book 3.2 τοῖα δὲ μειδιόωσα προσέννεπεν αἱμυλίοισιν· ### book 3.3 “Ἠθεῖαι, τίς δεῦρο νόος χρειώ τε κομίζει ### book 3.4 δηναιὰς αὔτως; τί δ’ ἱκάνετον, οὔτι πάρος γε ### book 3.5 λίην φοιτίζουσαι, ἐπεὶ περίεστε θεάων;” ### book 3.55.1 Τὴν δ’ Ἥρη τοίοισιν ἀμειβομένη προσέειπεν· ### book 3.55.2 “Κερτομέεις, νῶιν δὲ κέαρ συνορίνεται ἄτῃ. ### book 3.55.3 ἤδη γὰρ ποταμῷ ἐνὶ Φάσιδι νῆα κατίσχει ### book 3.55.4 Αἰσονίδης ἠδ’ ἄλλοι ὅσοι μετὰ κῶας ἕπονται· ### book 3.55.5 τῶν ἤτοι πάντων μέν, ἐπεὶ πέλας ἔργον ὄρωρεν, ### book 3.60.1 δείδιμεν ἐκπάγλως, περὶ δ’ Αἰσονίδαο μάλιστα. ### book 3.60.2 τὸν μὲν ἐγών, εἰ καί περ ἐς Ἄιδα ναυτίλληται ### book 3.60.3 λυσόμενος χαλκέων Ἰξίονα νειόθι δεσμῶν, ### book 3.60.4 ῥύσομαι ὅσσον ἐμοῖσιν ἐνὶ σθένος ἔπλετο γυίοις, ### book 3.60.5 ὄφρα μὴ ἐγγελάσῃ Πελίης κακὸν οἶτον ἀλύξας, ### book 3.65.1 ὅς μ’ ὑπερηνορέῃ θυέων ἀγέραστον ἔθηκεν. ### book 3.65.2 καὶ δ’ ἄλλως ἔτι καὶ πρὶν ἐμοὶ μέγα φίλατ’ Ἰήσων, ### book 3.65.3 ἐξότ’ ἐπὶ προχοῇσιν ἅλις πλήθοντος Ἀναύρου ### book 3.65.4 ἀνδρῶν εὐνομίης πειρωμένῃ ἀντεβόλησεν, ### book 3.65.5 θήρης ἒξ ἀνιών· νιφετῷ δ’ ἐπαλύνετο πάντα ### book 3.70.1 οὔρεα καὶ σκοπιαὶ περιμήκεες, οἱ δὲ κατ’ αὐτῶν ### book 3.70.2 χείμαρροι καναχηδὰ κυλινδόμενοι φορέοντο· ### book 3.70.3 γρηὶ δέ μ’ εἰσαμένην ὀλοφύρατο, καί μ’ ἀναείρας ### book 3.70.4 αὐτὸς ἑοῖς ὤμοισι διὲκ προαλὲς φέρεν ὕδωρ. ### book 3 τῶ νύ μοι ἄλληκτον περιτίεται, οὐδέ κε λώβην ### book 3.75.1 τείσειεν Πελίης, εἰ μὴ σύ γε νόστον ὀπάσσῃς.” ### book 3.75.2 Ὧς ηὔδα, Κύπριν δ’ ἐνεοστασίη λάβε μύθων· ### book 3.75.3 ἅζετο δ’ ἀντομένην Ἥρην ἕθεν εἰσορόωσα, ### book 3.75.4 καί μιν ἔπειτ’ ἀγανοῖσι προσέννεπεν ἥγ’ ἐπέεσσιν· ### book 3.75.5 “Πότνα θεά, οὔ τοί τι κακώτερον ἄλλο πέλοιτο ### book 3.80.1 Κύπριδος, εἰ δὴ σεῖο λιλαιομένης ἀθερίζω ### book 3.80.2 ἢ ἔπος ἠέ τι ἔργον ὅ κεν χέρες αἵδε κάμοιεν ### book 3.80.3 ἠπεδαναί· καὶ μή τις ἀμοιβαίη χάρις ἔστω.” ### book 3.80.4 Ὧς ἔφαθ’· Ἥρη δ’ αὖτις ἐπιφραδέως ἀγόρευσεν· ### book 3.80.5 “Οὔτι βίης χατέουσαι ἱκάνομεν οὐδέ τι χειρῶν, ### book 3.85.1 ἀλλ’ αὔτως ἀκέουσα τεῷ ἐπικέκλεο παιδί ### book 3.85.2 παρθένον Αἰήτεω θέλξαι πόθῳ Αἰσονίδαο. ### book 3.85.3 εἰ γάρ οἱ κείνη συμφράσσεται εὐμενέουσα, ### book 3.85.4 ῥηιδίως μιν ἑλόντα δέρος χρύσειον ὀίω ### book 3.85.5 νοστήσειν ἐς Ἰωλκόν, ἐπεὶ δολόεσσα τέτυκται.” ### book 3.90.1 Ὧς ἄρ’ ἔφη· Κύπρις δὲ μετ’ ἀμφοτέρῃσιν ἔειπεν· ### book 3.90.2 “Ἥρη Ἀθηναίη τε, πίθοιτό κεν ὔμμι μάλιστα ### book 3.90.3 ἢ ἐμοί. ὑμείων γὰρ ἀναιδήτῳ περ ἐόντι ### book 3.90.4 τυτθή γ’ αἰδὼς ἔσσετ’ ἐν ὄμμασιν· αὐτὰρ ἐμεῖο ### book 3.90.5 οὐκ ὄθεται, μάλα δ’ αἰὲν ἐριδμαίνων ἀθερίζει. ### book 3.95.1 καὶ δή οἱ μενέηνα, περισχομένη κακότητι, ### book 3.95.2 αὐτοῖσιν τόξοισι δυσηχέας ἆξαι ὀιστούς ### book 3.95.3 ἀμφαδίην· τοῖον δ’ ἄρ’ ἐπηπείλησε χαλεφθείς· ### book 3.95.4 εἰ μὴ τηλόθι χεῖρας, ἕως ἔτι θυμὸν ἐρύκει, ### book 3.95.5 ἕξω ἐμάς, μετέπειτά γ’ ἀτεμβοίμην ἑοῖ αὐτῇ.” ### book 3.1 Ὧς φάτο, μείδησαν δὲ θεαὶ καὶ ἐσέδρακον ἄντην ### book 3.2 ἀλλήλας· ἡ δ’ αὖτις ἀκηχεμένη προσέειπεν· ### book 3.3 “Ἄλλοις ἄλγεα τἀμὰ γέλως πέλει, οὐδέ τί με χρή ### book 3.4 μυθεῖσθαι πάντεσσιν· ἅλις εἰδυῖα καὶ αὐτή. ### book 3.5 νῦν δ’ ἐπεὶ ὔμμι φίλον τόδε δὴ πέλει ἀμφοτέρῃσιν, ### book 3.105.1 πειρήσω καί μιν μειλίξομαι, οὐδ’ ἀπιθήσει.” ### book 3.105.2 Ὧς φάτο· τὴν δ’ Ἥρη ῥαδινῆς ἐπεμάσσατο χειρός, ### book 3.105.3 ἦκα δὲ μειδιόωσα παραβλήδην προσέειπεν· ### book 3.105.4 “Οὕτω νῦν Κυθέρεια τόδε χρέος ὡς ἀγορεύεις ### book 3.105.5 ἔρξον ἄφαρ· καὶ μή τι χαλέπτεο μηδ’ ἐρίδαινε ### book 3.110.1 χωομένη σῷ παιδί, μεταλλήξει γὰρ ὀπίσσω.” ### book 3.110.2 Ἦ ῥα καὶ ἔλλιπε θῶκον, ἐφωμάρτησε δ’ Ἀθήνη, ### book 3.110.3 ἐκ δ’ ἴσαν ἄμφω ταίγε παλίσσυτοι· ἡ δὲ καὶ αὐτή ### book 3.110.4 βῆ ῥ’ ἴμεν Οὐλύμποιο κατὰ πτύχας, εἴ μιν ἐφεύροι. ### book 3.110.5 εὗρε δὲ τόνγ’ ἀπάνευθε, Διὸς θαλερῇ ἐν ἀλωῇ, ### book 3.115.1 οὐκ οἶον, μετὰ καὶ Γανυμήδεα, τόν ῥά ποτε Ζεύς ### book 3.115.2 οὐρανῷ ἐγκατένασσεν ἐφέστιον ἀθανάτοισιν, ### book 3.115.3 κάλλεος ἱμερθείς. ἀμφ’ ἀστραγάλοισι δὲ τώγε ### book 3.115.4 χρυσείοις, ἅ τε κοῦροι ὁμήθεες, ἑψιόωντο. ### book 3.115.5 καί ῥ’ ὁ μὲν ἤδη πάμπαν ἐνίπλεον ᾧ ὑπὸ μαζῷ ### book 3.120.1 μάργος Ἔρως λαιῆς ὑποΐσχανε χειρὸς ἀγοστόν, ### book 3.120.2 ὀρθὸς ἐφεστηώς, γλυκερὸν δέ οἱ ἀμφὶ παρειάς ### book 3.120.3 χροιῆς θάλλεν ἔρευθος· ὁ δ’ ἐγγύθεν ὀκλαδὸν ἧστο ### book 3.120.4 σῖγα κατηφιόων, δοιὼ δ’ ἔχεν, ἄλλον ἔτ’ αὔτως ### book 3.120.5 ἄλλῳ ἐπιπροϊείς, κεχόλωτο δὲ καγχαλόωντι, ### book 3.125 καὶ μὴν τούσγε παρᾶσσον ἐπὶ προτέροισιν ὀλέσσας, ### book 3.1 βῆ κενεαῖς σὺν χερσὶν ἀμήχανος, οὐδ’ ἐνόησεν ### book 3.2 Κύπριν ἐπιπλομένην· ἡ δ’ ἀντίη ἵστατο παιδός ### book 3.3 καί μιν ἄφαρ γναθμοῖο κατασχομένη προσέειπεν· ### book 3.4 “Τίπτ’ ἐπιμειδιάᾳς, ἄφατον κακόν; ἦέ μιν αὔτως ### book 3.130.1 ἤπαφες οὐδὲ δίκῃ περιέπλεο, νῆιν ἐόντα; ### book 3.130.2 εἰ δ’ ἄγε μοι πρόφρων τέλεσον χρέος ὅττι κεν εἴπω, ### book 3.130.3 καί κέν τοι ὀπάσαιμι Διὸς περικαλλὲς ἄθυρμα ### book 3.130.4 κεῖνο τό οἱ ποίησε φίλη τροφὸς Ἀδρήστεια ### book 3.130.5 ἄντρῳ ἐν Ἰδαίῳ ἔτι νήπια κουρίζοντι, ### book 3.135.1 σφαῖραν ἐυτρόχαλον, τῆς οὐ σύγε μείλιον ἄλλο ### book 3.135.2 χειρῶν Ἡφαίστοιο κατακτεατίσσῃ ἄρειον. ### book 3.135.3 χρύσεα μέν οἱ κύκλα τετεύχαται, ἀμφὶ δ’ ἑκάστῳ ### book 3.135.4 διπλόαι ἁψῖδες περιηγέες εἱλίσσονται· ### book 3.135.5 κρυπταὶ δὲ ῥαφαί εἰσιν, ἕλιξ δ’ ἐπιδέδρομε πάσαις ### book 3.140.1 κυανέη· ἀτὰρ εἴ μιν ἑαῖς ἐνὶ χερσὶ βάλοιο, ### book 3.140.2 ἀστὴρ ὣς φλεγέθοντα δι’ ἠέρος ὁλκὸν ἵησιν. ### book 3.140.3 τήν τοι ἐγὼν ὀπάσω, σὺ δὲ παρθένον Αἰήταο ### book 3.140.4 θέλξον ὀιστεύσας ἐπ’ Ἰήσονι· μηδέ τις ἔστω ### book 3.140.5 ἀμβολίη, δὴ γάρ κεν ἀφαυροτέρη χάρις εἴη.” ### book 3.145.1 Ὧς φάτο, τῷ δ’ ἀσπαστὸν ἔπος γένετ’ εἰσαΐοντι· ### book 3.145.2 μείλια δ’ ἔκβαλε πάντα καὶ ἀμφοτέρῃσι χιτῶνος ### book 3.145.3 νωλεμὲς ἔνθα καὶ ἔνθα θεὰν ἔχεν ἀμφιμεμαρπώς, ### book 3.145.4 λίσσετο δ’ αἶψα πορεῖν, αὐτοσχεδόν. ἡ δ’ ἀγανοῖσιν ### book 3.145.5 ἀντομένη μύθοισιν ἐπειρύσσασα παρειάς ### book 3.1 κύσσε ποτισχομένη, καὶ ἀμείβετο μειδιόωσα· ### book 3.2 “Ἴστω νῦν τόδε σεῖο φίλον κάρη ἠδ’ ἐμὸν αὐτῆς· ### book 3.1 ἦ μέν τοι δῶρόν γε παρέξομαι οὐδ’ ἀπατήσω, ### book 3.2 εἴ κεν ἐνισκίμψῃς κούρῃ βέλος Αἰήταο.” ### book 3.3 Φῆ· ὁ δ’ ἄρ’ ἀστραγάλους συναμήσατο, κὰδ δὲ φαεινῷ ### book 3.155.1 μητρὸς ἑῆς, εὖ πάντας ἀριθμήσας, βάλε κόλπῳ. ### book 3.155.2 αὐτίκα δ’ ἰοδόκην χρυσέῃ περικάτθετο μίτρῃ, ### book 3.155.3 πρέμνῳ κεκλιμένην, ἀνὰ δ’ ἀγκύλον εἵλετο τόξον· ### book 3.155.4 βῆ δὲ διὲκ μεγάλοιο Διὸς πάγκαρπον ἀλωήν, ### book 3.155.5 αὐτὰρ ἔπειτα πύλας ἐξήλυθεν Οὐλύμποιο ### book 3.160.1 αἰθερίας. ἔνθεν δὲ καταιβάτις ἐστὶ κέλευθος ### book 3.160.2 οὐρανίη· δοιὼ δὲ πόλοι ἀνέχουσι κάρηνα ### book 3.160.3 οὐρέων ἠλιβάτων, κορυφαὶ χθονός, ἧχί τ’ ἀερθείς ### book 3.160.4 ἠέλιος πρώτῃσιν ἐρεύθεται ἀκτίνεσσιν. ### book 3.160.5 νειόθι δ’ ἄλλοτε γαῖα φερέσβιος ἄστεά τ’ ἀνδρῶν ### book 3.165.1 φαίνετο καὶ ποταμῶν ἱεροὶ ῥόοι, ἄλλοτε δ’ αὖτε ### book 3.165.2 ἄκριες, ἀμφὶ δὲ πόντος, ἀν’ αἰθέρα πολλὸν ἰόντι. ### book 3.165.3 Ἥρωες δ’ ἀπάνευθεν ἑῆς ἐπὶ σέλμασι νηός, ### book 3.165.4 ἐν ποταμῷ καθ’ ἕλος λελοχημένοι, ἠγορόωντο· ### book 3.165.5 αὐτὸς δ’ Αἰσονίδης μετεφώνεεν, οἱ δ’ ὑπάκουον ### book 3.170.1 ἠρέμα ᾗ ἐνὶ χώρῃ ἐπισχερὼ ἑδριόωντες· ### book 3.170.2 “Ὦ φίλοι, ἤτοι ἐγὼ μὲν ὅ μοι ἐπιανδάνει αὐτῷ ### book 3.170.3 ἐξερέω, τοῦ δ’ ὔμμι τέλος κρηῆναι ἔοικεν. ### book 3.170.4 ξυνὴ γὰρ χρειώ, ξυνοὶ δέ τε μῦθοι ἔασιν ### book 3.170.5 πᾶσιν ὁμῶς· ὁ δὲ σῖγα νόον βουλήν τ’ ἀπερύκων ### book 3.175 ἴστω καὶ νόστου τόνδε στόλον οἶος ἀπούρας. ### book 3.1 ὧλλοι μὲν κατὰ νῆα σὺν ἔντεσι μίμνεθ’ ἕκηλοι· ### book 3.2 αὐτὰρ ἐγὼν ἐς δώματ’ ἐλεύσομαι Αἰήταο, ### book 3.3 υἷας ἑλὼν Φρίξοιο δύω τ’ ἐπὶ τοῖσιν ἑταίρους, ### book 3.4 πειρήσω δ’ ἐπέεσσι παροίτερον ἀντιβολήσας ### book 3.180.1 εἴ κ’ ἐθέλοι φιλότητι δέρος χρύσειον ὀπάσσαι, ### book 3.180.2 ἦε καὶ οὔ, πίσυνος δὲ βίῃ μετιόντας ἀτίσσει. ### book 3.180.3 ὧδε γὰρ ἐξ αὐτοῖο πάρος κακότητα δαέντες, ### book 3.180.4 φρασσόμεθ’ εἴτ’ ἄρηι συνοισόμεθ’ εἴτε τις ἄλλη ### book 3.180.5 μῆτις ἐπίρροθος ἔσται ἐεργομένοισιν ἀυτῆς· ### book 3.185.1 μηδ’ αὔτως ἀλκῇ, πρὶν ἔπεσσί γε πειρηθῆναι, ### book 3.185.2 τόνδ’ ἀπαμείρωμεν σφέτερον κτέρας, ἀλλὰ πάροιθεν ### book 3.185.3 λωίτερον μύθῳ μιν ἀρέσσασθαι μετιόντας. ### book 3.185.4 πολλάκι τοι ῥέα μῦθος, ὅ κεν μόλις ἐξανύσειεν ### book 3.185.5 ἠνορέη, τόδ’ ἔρεξε κατὰ χρέος, ᾗπερ ἐῴκει, ### book 3.190.1 πρηΰνας· ὅδε καί ποτ’ ἀμύμονα Φρίξον ἔπεισε, ### book 3.190.2 μητρυιῆς φεύγοντα δόλον πατρός τε θυηλάς, ### book 3.190.3 δέχθαι, ἐπεὶ πάντη καὶ ὅτις μάλα κύντατος ἀνδρῶν ### book 3.190.4 Ξεινίου αἰδεῖται Ζηνὸς θέμιν ἠδ’ ἀλεγίζει.” ### book 3.190.5 Ὧς φάτ’· ἐπῄνησαν δὲ νέοι ἔπος Αἰσονίδαο ### book 3.195.1 πασσυδίῃ, οὐδ’ ἔσκε παρὲξ ὅτις ἄλλο κελεύοι. ### book 3.195.2 Καὶ τότ’ ἄρ’ υἱῆας Φρίξου Τελαμῶνά θ’ ἕπεσθαι ### book 3.195.3 ὦρσε καὶ Αὐγείην, αὐτὸς δ’ ἕλεν Ἑρμείαο ### book 3.195.4 σκῆπτρον. ἄφαρ δ’ ἄρα νηὸς ὑπὲρ δόνακάς τε καὶ ὕδωρ ### book 3.195.5 χέρσονδ’ ἐξαπέβησαν ἐπὶ θρωσμοῦ πεδίοιο. ### book 3.1 Κιρκαῖον τόγε δὴ κικλήσκεται, ἔνθα δὲ πολλαί ### book 3.2 ἑξείης πρόμαλοί τε καὶ ἰτέαι ἐμπεφύασιν, ### book 3.3 τῶν καὶ ἐπ’ ἀκροτάτων νέκυες σειρῇσι κρέμανται ### book 3.4 δέσμιοι. εἰσέτι νῦν γὰρ ἄγος Κόλχοισιν ὄρωρεν ### book 3.5 ἀνέρας οἰχομένους πυρὶ καιέμεν, οὐδ’ ἐνὶ γαίῃ ### book 3.205.1 ἔστι θέμις στείλαντας ὕπερθ’ ἐπὶ σῆμα χέεσθαι, ### book 3.205.2 ἀλλ’ ἐν ἀδεψήτοισι κατειλύσαντε βοείαις ### book 3.205.3 δενδρέων ἐξάπτειν ἑκὰς ἄστεος· ἠέρι δ’ ἴσην ### book 3.205.4 καὶ χθὼν ἔμμορεν αἶσαν, ἐπεὶ χθονὶ ταρχύουσιν ### book 3.205.5 θηλυτέρας· ἡ γάρ σφι δίκη θεσμοῖο τέτυκται. ### book 3.210.1 τοῖσι δὲ νισσομένοις Ἥρη φίλα μητιόωσα ### book 3.210.2 ἠέρα πουλὺν ἐφῆκε δι’ ἄστεος, ὄφρα λάθοιεν ### book 3.210.3 Κόλχων μυρίον ἔθνος ἐς Αἰήταο κιόντες· ### book 3.210.4 ὦκα δ’ ὅτ’ ἐκ πεδίοιο πόλιν καὶ δώμαθ’ ἵκοντο ### book 3.210.5 Αἰήτεω, τότε δ’ αὖτις ἀπεσκέδασεν νέφος Ἥρη. ### book 3.215.1 ἔσταν δ’ ἐν προμολῇσι, τεθηπότες ἕρκε’ ἄνακτος ### book 3.215.2 εὐρείας τε πύλας καὶ κίονας οἳ περὶ τοίχους ### book 3.215.3 ἐξείης ἄνεχον, θριγκὸς δ’ ἐφύπερθε δόμοιο ### book 3.215.4 λαΐνεος χαλκέῃσιν ἐπὶ γλυφίδεσσιν ἀρήρει. ### book 3.215.5 εὔκηλοι δ’ ὑπὲρ οὐδὸν ἔπειτ’ ἔβαν· ἄγχι δὲ τοῖο ### book 3.220.1 ἡμερίδες χλοεροῖσι καταστεφέες πετάλοισιν ### book 3.220.2 ὑψοῦ ἀειρόμεναι μέγ’ ἐθήλεον, αἱ δ’ ὑπὸ τῇσιν ### book 3.220.3 ἀέναοι κρῆναι πίσυρες ῥέον, ἃς ἐλάχηνεν ### book 3.220.4 Ἥφαιστος· καί ῥ’ ἡ μὲν ἀναβλύεσκε γάλακτι, ### book 3 ἡ δ’ οἴνῳ, τριτάτη δὲ θυώδεϊ νᾶεν ἀλοιφῇ· ### book 3.225.1 ἡ δ’ ἄρ’ ὕδωρ προρέεσκε, τὸ μέν †ποθι δυομένῃσιν ### book 3.225.2 θέρμετο Πληιάδεσσιν, ἀμοιβηδὶς δ’ ἀνιούσαις ### book 3.225.3 κρυστάλλῳ ἴκελον κοίλης ἀνεκήκιε πέτρης. ### book 3.225.4 τοῖ’ ἄρ’ ἐνὶ μεγάροισι Κυταιέος Αἰήταο ### book 3.225.5 τεχνήεις Ἥφαιστος ἐμήσατο θέσκελα ἔργα· ### book 3.230.1 καί οἱ χαλκόποδας ταύρους κάμε, χάλκεα δέ σφεων ### book 3.230.2 ἦν στόματ’, ἐκ δὲ πυρὸς δεινὸν σέλας ἀμπνείεσκον· ### book 3.230.3 πρὸς δὲ καὶ αὐτόγυον στιβαροῦ ἀδάμαντος ἄροτρον ### book 3.230.4 ἤλασεν, Ἠελίῳ τίνων χάριν, ὅς ῥά μιν ἵπποις ### book 3.230.5 δέξατο Φλεγραίῃ κεκμηότα δηιοτῆτι. ### book 3.235.1 ἔνθα δὲ καὶ μέσσαυλος ἐλήλατο, τῇ δ’ ἐπὶ πολλαί ### book 3.235.2 δικλίδες εὐπηγεῖς θάλαμοί τ’ ἔσαν ἔνθα καὶ ἔνθα· ### book 3.235.3 δαιδαλέη δ’ αἴθουσα παρὲξ ἑκάτερθε τέτυκτο. ### book 3.235.4 λέχρις δ’ αἰπύτεροι δόμοι ἕστασαν ἀμφοτέρωθεν· ### book 3.235.5 τῶν ἤτοι ἄλλον μέν, ὅτις καὶ ὑπείροχος ἦεν, ### book 3.240.1 κρείων Αἰήτης σὺν ἑῇ ναίεσκε δάμαρτι, ### book 3.240.2 ἄλλῳ δ’ Ἄψυρτος ναῖεν πάις Αἰήταο ### book 3.240.3 (τὸν μὲν Καυκασίη νύμφη τέκεν Ἀστερόδεια ### book 3.240.4 πρίν περ κουριδίην θέσθαι Εἰδυῖαν ἄκοιτιν, ### book 3.240.5 Τηθύος Ὠκεανοῦ τε πανοπλοτάτην γεγαυῖαν, ### book 3.245.1 καί μιν Κόλχων υἷες ἐπωνυμίην Φαέθοντα ### book 3.245.2 ἔκλεον, οὕνεκα πᾶσι μετέπρεπεν ἠιθέοισιν)· ### book 3.245.3 τοὺς δ’ ἔχον ἀμφίπολοί τε καὶ Αἰήταο θύγατρες ### book 3.245.4 ἄμφω, Χαλκιόπη Μήδειά τε. τῇ μὲν ἄρ’ οἵγε ### book 3 ἐκ θαλάμου θάλαμόνδε κασιγνήτην μετιοῦσαν· ### book 3.1 Ἥρη γάρ μιν ἔρυκε δόμῳ, πρὶν δ’ οὔτι θάμιζεν ### book 3.2 ἐν μεγάροις, Ἑκάτης δὲ πανήμερος ἀμφεπονεῖτο ### book 3.3 νηόν, ἐπεί ῥα θεῆς αὐτὴ πέλεν ἀρήτειρα· ### book 3.4 καί σφεας ὡς ἴδεν ἆσσον, ἀνίαχεν. ὀξὺ δ’ ἄκουσεν ### book 3.5 Χαλκιόπη· δμωαὶ δέ, ποδῶν προπάροιθε βαλοῦσαι ### book 3.255.1 νήματα καὶ κλωστῆρας, ἀολλέες ἔκτοθι πᾶσαι ### book 3.255.2 ἔδραμον· ἡ δ’ ἅμα τῇσιν, ἑοὺς υἱῆας ἰδοῦσα, ### book 3.255.3 ὑψοῦ χάρματι χεῖρας ἀνέσχεθεν· ὧς δὲ καὶ αὐτοί ### book 3.255.4 μητέρα δεξιόωντο καὶ ἀμφαγάπαζον ἰδόντες ### book 3.255.5 γηθόσυνοι. τοῖον δὲ κινυρομένη φάτο μῦθον· ### book 3.260.1 “Ἔμπης οὐκ ἄρ’ ἐμέλλετ’, ἀκηδείῃ με λιπόντες, ### book 3.260.2 τηλόθι πλάγξασθαι, μετὰ δ’ ὑμέας ἔτραπεν αἶσα. ### book 3.260.3 δειλὴ ἐγώ, οἷον πόθον Ἑλλάδος ἔκποθεν ἄτης ### book 3.260.4 λευγαλέης Φρίξοιο ἐφημοσύνῃσιν ἔνεσθε ### book 3.260.5 πατρός· ὁ μὲν θνῄσκων στυγερὰς ἐπετέλλετ’ ἀνίας ### book 3.265.1 ἡμετέρῃ κραδίῃ, τί δέ κεν πόλιν Ὀρχομενοῖο, ### book 3.265.2 ὅστις ὅδ’ Ὀρχομενός, κτεάνων Ἀθάμαντος ἕκητι ### book 3.265.3 μητέρ’ ἑὴν ἀχέουσαν ἀποπρολιπόντες ἵκοισθε;” ### book 3.265.4 Ὧς ἔφατ’· Αἰήτης δὲ πανύστατος ὦρτο θύραζε, ### book 3.265.5 ἐκ δ’ αὐτὴ Εἰδυῖα δάμαρ κίεν Αἰήταο, ### book 3.270.1 Χαλκιόπης ἀίουσα. τὸ δ’ αὐτίκα πᾶν ὁμάδοιο ### book 3.270.2 ἕρκος ἐπεπλήθει· τοὶ μὲν μέγαν ἀμφεπένοντο ### book 3.270.3 ταῦρον ἅλις δμῶες, τοὶ δὲ ξύλα κάγκανα χαλκῷ ### book 3.270.4 κόπτον, τοὶ δὲ λοετρὰ πυρὶ ζέον· οὐδέ τις ἦεν ### book 3.270.5 ὃς καμάτου μεθίεσκεν ὑποδρήσσων βασιλῆι. ### book 3.275.1 Τόφρα δ’ Ἔρως πολιοῖο δι’ ἠέρος ἷξεν ἄφαντος, ### book 3.275.2 τετρηχὼς οἷόν τε νέαις ἐπὶ φορβάσιν οἶστρος ### book 3.275.3 τέλλεται, ὅν τε μύωπα βοῶν κλείουσι νομῆες. ### book 3.275.4 ὦκα δ’ ὑπὸ φλιὴν προδόμῳ ἔνι τόξα τανύσσας, ### book 3.275.5 ἰοδόκης ἀβλῆτα πολύστονον ἐξέλετ’ ἰόν. ### book 3.280.1 ἐκ δ’ ὅγε καρπαλίμοισι λαθὼν ποσὶν οὐδὸν ἄμειψεν ### book 3.280.2 ὀξέα δενδίλλων· αὐτῷ δ’ ὑπὸ βαιὸς ἐλυσθείς ### book 3.280.3 Αἰσονίδῃ, γλυφίδας μέσσῃ ἐνικάτθετο νευρῇ, ### book 3.280.4 ἰθὺς δ’ ἀμφοτέρῃσι διασχόμενος παλάμῃσιν ### book 3.280.5 ἧκ’ ἐπὶ Μηδείῃ. τὴν δ’ ἀμφασίη λάβε θυμόν· ### book 3.285.1 αὐτὸς δ’ ὑψορόφοιο παλιμπετὲς ἐκ μεγάροιο ### book 3.285.2 καγχαλόων ἤιξε, βέλος δ’ ἐνεδαίετο κούρῃ ### book 3.285.3 νέρθεν ὑπὸ κραδίῃ φλογὶ εἴκελον. ἀντία δ’ αἰεί ### book 3.285.4 βάλλεν ἐπ’ Αἰσονίδην ἀμαρύγματα, καί οἱ ἄηντο ### book 3.285.5 στηθέων ἐκ πυκιναὶ καμάτῳ φρένες, οὐδέ τιν’ ἄλλην ### book 3.290.1 μνῆστιν ἔχεν, γλυκερῇ δὲ κατείβετο θυμὸν ἀνίῃ· ### book 3.290.2 ὡς δὲ γυνὴ μαλερῷ περὶ κάρφεα χεύατο δαλῷ ### book 3.290.3 χερνῆτις, τῇπερ ταλασήια ἔργα μέμηλεν, ### book 3.290.4 ὥς κεν ὑπωρόφιον νύκτωρ σέλας ἐντύναιτο, ### book 3.290.5 ἄγχι μάλ’ †ἐγρομένη· τὸ δ’ ἀθέσφατον ἐξ ὀλίγοιο ### book 3.295.1 δαλοῦ ἀνεγρόμενον σὺν κάρφεα πάντ’ ἀμαθύνει— ### book 3.295.2 τοῖος ὑπὸ κραδίῃ εἰλυμένος αἴθετο λάθρῃ ### book 3.295.3 οὖλος ἔρως, ἁπαλὰς δὲ μετετρωπᾶτο παρειάς ### book 3.295.4 ἐς χλόον, ἄλλοτ’ ἔρευθος, ἀκηδείῃσι νόοιο. ### book 3.295.5 Δμῶες δ’ ὁππότε δή σφιν ἐπαρτέα θῆκαν ἐδωδήν, ### book 3.1 αὐτοί τε λιαροῖσιν ἐφαιδρύναντο λοετροῖς, ### book 3.2 ἀσπασίως δόρπῳ τε ποτῆτί τε θυμὸν ἄρεσσαν. ### book 3.3 ἐκ δὲ τοῦ Αἰήτης σφετέρης ἐρέεινε θυγατρός ### book 3.4 υἱῆας, τοίοισι παρηγορέων ἐπέεσσιν· ### book 3.5 “Παιδὸς ἐμῆς κοῦροι Φρίξοιό τε, τὸν περὶ πάντων ### book 3.305.1 ξείνων ἡμετέροισιν ἐνὶ μεγάροισιν ἔτεισα, ### book 3.305.2 πῶς Αἶάνδε νέεσθε; παλίσσυτοι, ἦέ τις ἄτη ### book 3.305.3 σωομένοις μεσσηγὺς ἐνέκλασεν; οὐ μὲν ἐμεῖο ### book 3.305.4 πείθεσθε προφέροντος ἀπείρονα μέτρα κελεύθου. ### book 3.305.5 ᾔδειν γάρ ποτε πατρὸς ἐν ἅρμασιν Ἠελίοιο ### book 3.310.1 δινεύσας, ὅτ’ ἐμεῖο κασιγνήτην ἐκόμιζεν ### book 3.310.2 Κίρκην ἑσπερίης εἴσω χθονός, ἐκ δ’ ἱκόμεσθα ### book 3.310.3 ἀκτὴν ἠπείρου Τυρσηνίδος, ἔνθ’ ἔτι νῦν περ ### book 3.310.4 ναιετάει, μάλα πολλὸν ἀπόπροθι Κολχίδος αἴης. ### book 3.310.5 ἀλλὰ τί μύθων ἦδος; ἃ δ’ ἐν ποσὶν ὗμιν ὄρωρεν ### book 3.315.1 εἴπατ’ ἀριφραδέως, ἠδ’ οἵτινες οἵδ’ ἐφέπονται ### book 3.315.2 ἀνέρες, ὅππῃ τε γλαφυρῆς ἐκ νηὸς ἔβητε.” ### book 3.315.3 Τοῖά μιν ἐξερέοντα κασιγνήτων προπάροιθεν ### book 3.315.4 Ἄργος, ὑποδδείσας ἀμφὶ στόλῳ Αἰσονίδαο, ### book 3.315.5 μειλιχίως προσέειπεν, ἐπεὶ προγενέστερος ἦεν· ### book 3.320.1 “Αἰήτη, κείνην μὲν ἄφαρ διέχευαν ἄελλαι ### book 3.320.2 ζαχρηεῖς, αὐτοὺς δ’ ἐπὶ δούρατι πεπτηῶτας ### book 3.320.3 νήσου Ἐνυαλίοιο ποτὶ ξερὸν ἔκβαλε κῦμα ### book 3.320.4 λυγαίῃ ὑπὸ νυκτί. θεὸς δέ τις ἄμμ’ ἐσάωσεν· ### book 3.320.5 οὐδὲ γὰρ αἳ τὸ πάροιθεν ἐρημαίην κατὰ νῆσον ### book 3.325.1 ηὐλίζοντ’ ὄρνιθες Ἀρήιαι, οὐδ’ ἔτι κείνας ### book 3.325.2 εὕρομεν, ἀλλ’ οἵδ’ ἄνδρες ἀπήλασαν, ἐξαποβάντες ### book 3.325.3 νηὸς ἑῆς προτέρῳ ἐνὶ ἤματι· καί σφ’ †ἀπέρυκεν ### book 3.325.4 ἡμέας οἰκτείρων Ζηνὸς νόος ἠέ τις αἶσα· ### book 3.325.5 αὐτίκ’ ἐπεὶ καὶ βρῶσιν ἅλις καὶ εἵματ’ ἔδωκαν, ### book 3.330.1 οὔνομά τε Φρίξοιο περικλεὲς εἰσαΐοντες ### book 3.330.2 ἠδ’ αὐτοῖο σέθεν· μετὰ γὰρ τεὸν ἄστυ νέονται. ### book 3.330.3 χρειὼ δ’ ἢν ἐθέλῃς ἐξίδμεναι, οὔ ς’ ἐπικεύσω. ### book 3.330.4 τόνδε τις ἱέμενος πάτρης ἀπάνευθεν ἐλάσσαι ### book 3.330.5 καὶ κτεάνων βασιλεύς, περιώσιον οὕνεκεν ἀλκῇ ### book 3.335.1 σφωιτέρῃ πάντεσσι μετέπρεπεν Αἰολίδῃσιν, ### book 3.335.2 πέμπει δεῦρο νέεσθαι, ἀμήχανον· οὐδ’ ὑπαλύξειν ### book 3.335.3 στεῦται ἀμειλίκτοιο Διὸς θυμαλγέα μῆνιν ### book 3.335.4 καὶ χόλον οὐδ’ ἄτλητον ἄγος Φρίξοιό τε ποινάς ### book 3.335.5 Αἰολιδέων γενεήν, πρὶν ἐς Ἑλλάδα κῶας ἱκέσθαι. ### book 3.340.1 νῆα δ’ Ἀθηναίη Παλλὰς κάμεν, οὐ μάλα τοίην ### book 3.340.2 οἷαί περ Κόλχοισι μετ’ ἀνδράσι νῆες ἔασιν· ### book 3.340.3 τάων αἰνοτάτης ἐπεκύρσαμεν, ἤλιθα γάρ μιν ### book 3.340.4 λάβρον ὕδωρ πνοιή τε διέτμαγεν. ἡ δ’ ἐνὶ γόμφοις ### book 3.340.5 ἴσχεται, ἢν καὶ πᾶσαι ἐπιβρίσωσιν ἄελλαι· ### book 3.345.1 ἶσον δ’ ἐξ ἀνέμοιο θέει καὶ ὅτ’ ἀνέρες αὐτοί ### book 3.345.2 νωλεμὲς εὐήρεσσιν ἐπισπέρχωσιν ἐρετμοῖς. ### book 3.345.3 τῇ δ’ ἐν, ἀγειράμενος Παναχαιίδος εἴ τι φέριστον ### book 3.345.4 ἡρώων, τεὸν ἄστυ μετήλυθε, πόλλ’ ἐπαληθείς ### book 3.345.5 ἄστεα καὶ πελάγη στυγερῆς ἁλός, εἴ οἱ ὀπάσσαις. ### book 3.1 αὐτῷ δ’ ὥς κεν ἅδῃ, τὼς ἔσσεται· οὐ γὰρ ἱκάνει ### book 3.2 χερσὶ βιησόμενος, μέμονεν δέ τοι ἄξια τείσειν ### book 3.3 δωτίνης· ἀίων ἐμέθεν μέγα δυσμενέοντας ### book 3.4 Σαυρομάτας, τοὺς σοῖσιν ὑπὸ σκήπτροισι δαμάσσει. ### book 3.5 εἰ δὲ καὶ οὔνομα δῆθεν ἐπιθύεις γενεήν τε ### book 3.355.1 ἴδμεναι οἵτινές εἰσιν, ἕκαστά κε μυθησαίμην. ### book 3.355.2 τόνδε μέν, οἷό περ οὕνεκ’ ἀφ’ Ἑλλάδος ὧλλοι ἄγερθεν, ### book 3.355.3 κλείους’ Αἴσονος υἱὸν Ἰήσονα Κρηθεΐδαο· ### book 3.355.4 εἰ δ’ αὐτοῦ Κρηθῆος ἐτήτυμόν ἐστι γενέθλης, ### book 3.355.5 οὕτω κεν γνωτὸς πατρώιος ἄμμι πέλοιτο· ### book 3.360.1 ἄμφω γὰρ Κρηθεὺς Ἀθάμας τ’ ἔσαν Αἰόλου υἷε, ### book 3.360.2 Φρίξος δ’ αὖτ’ Ἀθάμαντος ἔην πάις Αἰολίδαο· ### book 3.360.3 τόνδε δ’ ἄρ’, Ἠελίου γόνον ἔμμεναι εἴ τιν’ ἀκούεις ### book 3.360.4 δέρκεαι Αὐγείην· Τελαμὼν δ’ ὅγε, κυδίστοιο ### book 3.360.5 Αἰακοῦ ἐκγεγαώς, Ζεὺς δ’ Αἰακὸν αὐτὸς ἔτικτεν. ### book 3.365.1 ὧς δὲ καὶ ὧλλοι πάντες ὅσοι συνέπονται ἑταῖροι ### book 3.365.2 ἀθανάτων υἷές τε καὶ υἱωνοὶ γεγάασιν.” ### book 3.365.3 Τοῖα παρέννεπεν Ἄργος· ἄναξ δ’ ἐπεχώσατο μύθοις ### book 3.365.4 εἰσαΐων, ὑψοῦ δὲ χόλῳ φρένες ἠερέθοντο. ### book 3.365.5 φῆ δ’ ἐπαλαστήσας (μενέαινε δὲ παισὶ μάλιστα ### book 3.370.1 Χαλκιόπης, τῶν γάρ σφε μετελθέμεν οὕνεκ’ ἐώλπει), ### book 3.370.2 ἐκ δέ οἱ ὄμματ’ ἔλαμψεν ὑπ’ ὀφρύσιν ἱεμένοιο· ### book 3.370.3 “Οὐκ ἄφαρ ὀφθαλμῶν μοι ἀπόπροθι λωβητῆρες ### book 3.370.4 νεῖσθ’ αὐτοῖσι δόλοισι παλίσσυτοι ἔκτοθι γαίης, ### book 3.370.5 πρίν τινα λευγαλέον τε δέρος καὶ Φρίξον ἰδέσθαι; ### book 3.375.1 αὐτίχ’ ὁμαρτήσαντες ἀφ’ Ἑλλάδος, οὐδ’ ἐπὶ κῶας, ### book 3.375.2 σκῆπτρα δὲ καὶ τιμὴν βασιληίδα, δεῦρο νέεσθε. ### book 3.375.3 εἰ δέ κε μὴ προπάροιθεν ἐμῆς ἥψασθε τραπέζης, ### book 3.375.4 ἦ τ’ ἂν ἀπὸ γλώσσας τε ταμὼν καὶ χεῖρε κεάσσας ### book 3.375.5 ἀμφοτέρας, οἴοισιν ἀποπροέηκα πόδεσσιν, ### book 3.380.1 ὥς κεν ἐρητύοισθε καὶ ὕστερον ὁρμηθῆναι· ### book 3.380.2 οἷα δὲ καὶ μακάρεσσιν ἐπεψεύσασθε θεοῖσιν.” ### book 3.380.3 Φῆ ῥα χαλεψάμενος· μέγα δὲ φρένες Αἰακίδαο ### book 3.380.4 νειόθεν οἰδαίνεσκον, ἐέλδετο δ’ ἔνδοθι θυμός ### book 3.380.5 ἀντιβίην ὀλοὸν φάσθαι ἔπος· ἀλλ’ ἀπέρυκεν ### book 3.385.1 Αἰσονίδης, πρὸ γὰρ αὐτὸς ἀμείψατο μειλιχίοισιν· ### book 3.385.2 “Αἰήτη, σχέο μοι· τῷδε στόλῳ οὔ τι †γὰρ αὔτως ### book 3.385.3 ἄστυ τεὸν καὶ δώμαθ’ ἱκάνομεν, ὥς που ἔολπας, ### book 3.385.4 οὐδὲ μὲν ἱέμενοι· τίς δ’ ἂν τόσον οἶδμα περῆσαι ### book 3.385.5 τλαίη ἑκὼν ὀθνεῖον ἐπὶ κτέρας; ἀλλά με δαίμων ### book 3.390.1 καὶ κρυερὴ βασιλῆος ἀτασθάλου ὦρσεν ἐφετμή. ### book 3.390.2 δὸς χάριν ἀντομένοισι· σέθεν δ’ ἐγὼ Ἑλλάδι πάσῃ ### book 3.390.3 θεσπεσίην οἴσω κληηδόνα. καὶ δέ τοι ἤδη ### book 3.390.4 πρόφρονές εἰμεν ἄρηι θοὴν ἀποτεῖσαι ἀμοιβήν, ### book 3.390.5 εἴτ’ οὖν Σαυρομάτας γε λιλαίεαι εἴτε τιν’ ἄλλον ### book 3.395.1 δῆμον σφωιτέροισιν ὑπὸ σκήπτροισι δαμάσσαι.” ### book 3.395.2 Ἴσκεν, ὑποσσαίνων ἀγανῇ ὀπί· τοῖο δὲ θυμός ### book 3.395.3 διχθαδίην πόρφυρεν ἐνὶ στήθεσσι μενοινήν, ### book 3.395.4 ἤ σφεας ὁρμηθεὶς αὐτοσχεδὸν ἐξεναρίζοι, ### book 3.395.5 ἦ ὅγε πειρήσαιτο βίης. τό οἱ εἴσατ’ ἄρειον ### book 3.1 φραζομένῳ, καὶ δή μιν ὑποβλήδην προσέειπεν· ### book 3.2 “Ξεῖνε, τί κεν τὰ ἕκαστα διηνεκέως ἀγορεύοις; ### book 3.3 εἰ γὰρ ἐτήτυμόν ἐστε θεῶν γένος, ἠὲ καὶ ἄλλως ### book 3.4 οὐδὲν ἐμεῖο χέρηες ἐπ’ ὀθνείοισιν ἔβητε, ### book 3.5 δώσω τοι χρύσειον ἄγειν δέρος, ἤν κ’ ἐθέλῃσθα, ### book 3.405.1 πειρηθείς· ἐσθλοῖς γὰρ ἐπ’ ἀνδράσιν οὔτι μεγαίρω ### book 3.405.2 ὡς αὐτοὶ μυθεῖσθε τὸν Ἑλλάδι κοιρανέοντα. ### book 3.405.3 πεῖρα δέ τοι μένεός τε καὶ ἀλκῆς ἔσσετ’ ἄεθλος ### book 3.405.4 τόν ῥ’ αὐτὸς περίειμι χεροῖν, ὀλοόν περ ἐόντα. ### book 3.405.5 δοιώ μοι πεδίον τὸ Ἀρήιον ἀμφινέμονται ### book 3.410.1 ταύρω χαλκόποδε, στόματι φλόγα φυσιόωντε· ### book 3.410.2 τοὺς ἐλάω ζεύξας στυφελὴν κατὰ νειὸν Ἄρηος ### book 3.410.3 τετράγυον, τὴν αἶψα ταμὼν ἐπὶ τέλσον ἀρότρῳ, ### book 3.410.4 οὐ σπόρον ὁλκοῖσιν Δηοῦς ἐνιβάλλομαι ἀκτήν ### book 3.410.5 ἀλλ’ ὄφιος δεινοῖο μεταλδήσκοντας ὀδόντας ### book 3.415.1 ἀνδράσι τευχηστῇσι δέμας· τοὺς δ’ αὖθι δαΐζων ### book 3.415.2 κείρω ἐμῷ ὑπὸ δουρὶ περισταδὸν ἀντιόωντας. ### book 3.415.3 ἠέριος ζεύγνυμι βόας καὶ δείελον ὥρην ### book 3.415.4 παύομαι ἀμήτοιο. σὺ δ’ εἰ †τάδε τοῖα τελέσσεις, ### book 3 αὐτῆμαρ τότε κῶας ἀποίσεαι εἰς βασιλῆος, ### book 3.420.1 πρὶν δέ κεν οὐ δοίην· μηδ’ ἔλπεο, δὴ γὰρ ἀεικές ### book 3.420.2 ἄνδρ’ ἀγαθὸν γεγαῶτα κακωτέρῳ ἀνέρι εἶξαι.” ### book 3.420.3 Ὧς ἄρ’ ἔφη· ὁ δὲ σῖγα ποδῶν πάρος ὄμματα πήξας, ### book 3.420.4 ἧστ’ αὔτως ἄφθογγος, ἀμηχανέων κακότητι· ### book 3.420.5 βουλὴν δ’ ἀμφὶ πολὺν στρώφα χρόνον, οὐδέ πῃ εἶχεν ### book 3.425.1 θαρσαλέως ὑποδέχθαι, ἐπεὶ μέγα φαίνετο ἔργον. ### book 3.425.2 ὀψὲ δ’ ἀμειβόμενος προσελέξατο κερδαλέοισι· ### book 3.425.3 “Αἰήτη, μάλα τοί με δίκῃ περιπολλὸν ἐέργεις. ### book 3.425.4 τῶ καὶ ἐγὼ τὸν ἄεθλον ὑπερφίαλόν περ ἐόντα ### book 3.425.5 τλήσομαι, εἰ καί μοι θανέειν μόρος. οὐ γὰρ ἔτ’ ἄλλο ### book 3.430.1 ῥίγιον ἀνθρώποισι κακῆς ἐπιμείρετ’ ἀνάγκης· ### book 3.430.2 ἥ με καὶ ἐνθάδε νεῖσθαι ἐπέχραεν ἐκ βασιλῆος.” ### book 3.430.3 Ὧς φάτ’, ἀμηχανίῃ βεβολημένος· αὐτὰρ ὁ τόνγε ### book 3.430.4 σμερδαλέοις ἐπέεσσι προσέννεπεν ἀσχαλόωντα· ### book 3.430.5 “Ἔρχεο νῦν μεθ’ ὅμιλον, ἐπεὶ μέμονάς γε πόνοιο· ### book 3.435.1 εἰ δὲ σύ γε ζυγὰ βουσὶν ὑποδδείσαις ἐπαεῖραι, ### book 3.435.2 ἠὲ καὶ οὐλομένου μεταχάσσεαι ἀμήτοιο, ### book 3.435.3 αὐτῷ κεν τὰ ἕκαστα μέλοιτό μοι, ὄφρα καὶ ἄλλος ### book 3.435.4 ἀνὴρ ἐρρίγῃσιν ἀρείονα φῶτα μετελθεῖν.” ### book 3.435.5 Ἴσκεν ἀπηλεγέως· ὁ δ’ ἀπὸ θρόνου ὤρνυτ’ Ἰήσων, ### book 3.440.1 Αὐγείης Τελαμών τε παρασχεδόν· εἵπετο δ’ Ἄργος, ### book 3.440.2 οἶος, ἐπεὶ μεσσηγὺς ἔτ’ αὐτόθι νεῦσε λιπέσθαι ### book 3.440.3 αὐτοκασιγνήτοις. οἱ δ’ ἤισαν ἐκ μεγάροιο, ### book 3.440.4 θεσπέσιον δ’ ἐν πᾶσι μετέπρεπεν Αἴσονος υἱός ### book 3.440.5 κάλλεϊ καὶ χαρίτεσσιν. ἐπ’ αὐτῷ δ’ ὄμματα κούρη ### book 3.445.1 λοξὰ παρὰ λιπαρὴν σχομένη θηεῖτο καλύπτρην, ### book 3.445.2 κῆρ ἄχεϊ σμύχουσα, νόος δέ οἱ ἠύτ’ ὄνειρος ### book 3.1 ἑρπύζων πεπότητο μετ’ ἴχνια νισσομένοιο. ### book 3.2 καί ῥ’ οἱ μέν ῥα δόμων ἐξήλυθον ἀσχαλόωντες· ### book 3.3 Χαλκιόπη δέ, χόλον πεφυλαγμένη Αἰήταο, ### book 3.1 καρπαλίμως θάλαμόνδε σὺν υἱάσιν οἷσι βεβήκει· ### book 3.2 αὔτως δ’ αὖ Μήδεια μετέστιχε. πολλὰ δὲ θυμῷ ### book 3.3 ὥρμαιν’ ὅσσα τ’ ἔρωτες ἐποτρύνουσι μέλεσθαι· ### book 3.4 προπρὸ δ’ ἄρ’ ὀφθαλμῶν ἔτι οἱ ἰνδάλλετο πάντα, ### book 3.5 αὐτός θ’ οἷος ἔην οἵοισί τε φάρεσιν εἷτο ### book 3.455.1 οἷά τ’ ἔειφ’ ὥς θ’ ἕζετ’ ἐπὶ θρόνου ὥς τε θύραζε ### book 3.455.2 ἤιεν· οὐδέ τιν’ ἄλλον ὀίσσατο πορφύρουσα ### book 3.455.3 ἔμμεναι ἀνέρα τοῖον· ἐν οὔασι δ’ αἰὲν ὀρώρει ### book 3.455.4 αὐδή τε μῦθοί τε μελίφρονες οὓς ἀγόρευσεν. ### book 3.455.5 τάρβει δ’ ἀμφ’ αὐτῷ, μή μιν βόες ἠὲ καὶ αὐτός ### book 3.460.1 Αἰήτης φθείσειεν· ὀδύρετο δ’ ἠύτε πάμπαν ### book 3.460.2 ἤδη τεθνειῶτα, τέρεν δέ οἱ ἀμφὶ παρειάς ### book 3.460.3 δάκρυον αἰνοτάτῳ ἐλέῳ ῥέε κηδοσύνῃ τε. ### book 3.460.4 ἦκα δὲ μυρομένη, λιγέως ἀνενείκατο μῦθον· ### book 3.460.5 “Τίπτε με δειλαίην τόδ’ ἔχει ἄχος; εἴθ’ ὅγε πάντων ### book 3.465.1 φθείσεται ἡρώων προφερέστατος εἴτε χερείων, ### book 3.465.2 ἐρρέτω. —ἦ μὲν ὄφελλεν ἀκήριος ἐξαλέασθαι.— ### book 3.465.3 ναὶ δὴ τοῦτό γε πότνα θεὰ Περσηὶ πέλοιτο, ### book 3.465.4 οἴκαδε νοστήσειε φυγὼν μόρον· εἰ δέ μιν αἶσα ### book 3.465.5 δμηθῆναι ὑπὸ βουσί, τόδε προπάροιθε δαείη, ### book 3.470.1 οὕνεκεν οὔ οἱ ἔγωγε κακῇ ἐπαγαίομαι ἄτῃ.” ### book 3.470.2 Ἡ μὲν ἄρ’ ὧς ἐόλητο νόον μελεδήμασι κούρη· ### book 3.470.3 οἱ δ’ ἐπεὶ οὖν δήμου τε καὶ ἄστεος ἐκτὸς ἔβησαν ### book 3.470.4 τὴν ὁδὸν ἣν τὸ πάροιθεν ἀνήλυθον ἐκ πεδίοιο, ### book 3 δὴ τότ’ Ἰήσονα τοῖσδε προσέννεπεν Ἄργος ἔπεσσιν· ### book 3.475.1 “Αἰσονίδη, μῆτιν μὲν ὀνόσσεαι ἥντιν’ ἐνίψω, ### book 3.475.2 πείρης δ’ οὐ μάλ’ ἔοικε μεθιέμεν ἐν κακότητι. ### book 3.475.3 κούρην δή τινα πρόσθεν ἐπέκλυες αὐτὸς ἐμεῖο ### book 3.475.4 φαρμάσσειν Ἑκάτης Περσηίδος ἐννεσίῃσιν· ### book 3.475.5 τὴν εἴ κεν πεπίθοιμεν, ὀίομαι, οὐκέτι τάρβος ### book 3.480.1 ἔσσετ’ ἀεθλεύοντι δαμήμεναι· ἀλλὰ μάλ’ αἰνῶς ### book 3.480.2 δείδω μή πως οὔ μοι ὑποστήῃ τόγε μήτηρ· ### book 3.480.3 ἔμπης δ’ ἐξαῦτις μετελεύσομαι ἀντιβολήσων, ### book 3.480.4 ξυνὸς ἐπεὶ πάντεσσιν ἐπικρέμαθ’ ἧμιν ὄλεθρος.” ### book 3.480.5 Ἴσκεν ἐυφρονέων· ὁ δ’ ἀμείβετο τοῖσδ’ ἐπέεσσιν· ### book 3.485.1 “Ὦ πέπον, εἴ νύ τοι αὐτῷ ἐφανδάνει, οὔτι μεγαίρω· ### book 3.485.2 βάσκ’ ἴθι καὶ πυκινοῖσι τεὴν παρὰ μητέρα μύθοις ### book 3.485.3 ὄρνυθι λισσόμενος. μελέη γε μὲν ἧμιν ὄρωρεν ### book 3.485.4 ἐλπωρή, ὅτε νόστον ἐπετραπόμεσθα γυναιξίν.” ### book 3.485.5 Ὧς ἔφατ’· ὦκα δ’ ἕλος μετεκίαθον, αὐτὰρ ἑταῖροι ### book 3.490.1 γηθόσυνοι ἐρέεινον, ὅπως παρεόντας ἴδοντο. ### book 3.490.2 τοῖσιν δ’ Αἰσονίδης τετιημένος ἔκφατο μῦθον· ### book 3.490.3 “Ὦ φίλοι, Αἰήταο ἀπηνέος ἄμμι φίλον κῆρ ### book 3.490.4 ἀντικρὺ κεχόλωται· ἕκαστα γὰρ οὔ νύ τι τέκμωρ ### book 3.490.5 οὔτ’ ἐμοὶ οὔτε κεν ὔμμι διειρομένοισι πέλοιτο. ### book 3.495.1 φῆ δὲ δύω πεδίον τὸ Ἀρήιον ἀμφινέμεσθαι ### book 3.495.2 ταύρω χαλκόποδε, στόματι φλόγα φυσιόωντε, ### book 3.495.3 τετράγυον δ’ †ἐπὶ τοῖσιν ἐφίετο νειὸν ἀρόσσαι· ### book 3.495.4 δώσειν δ’ ἐξ ὄφιος γενύων σπόρον, ὅς ῥ’ ἀνίῃσιν ### book 3.495.5 γηγενέας χαλκέοις σὺν τεύχεσιν· ἤματι δ’ αὐτῷ ### book 3.1 χρειὼ τούσγε δαΐξαι. ὃ δή νύ οἱ (οὔ τι γὰρ ἄλλο ### book 3.2 βέλτερον ἦν φράσσασθαι) ἀπηλεγέως ὑποέστην.” ### book 3.3 Ὧς ἄρ’ ἔφη· πάντεσσι δ’ ἀνήνυτος εἴσατ’ ἄεθλος· ### book 3.4 δὴν δ’ ἄνεῳ καὶ ἄναυδοι ἐς ἀλλήλους ὁρόωντο, ### book 3.5 ἄτῃ ἀμηχανίῃ τε κατηφέες. ὀψὲ δὲ Πηλεύς ### book 3.505.1 θαρσαλέως μετὰ πᾶσιν ἀριστήεσσιν ἔειπεν· ### book 3.505.2 “Ὥρη μητιάασθαι ὅ κ’ ἔρξομεν· οὐ μὲν ἔολπα ### book 3.505.3 βουλῆς εἶναι ὄνειαρ ὅσον τ’ ἐπὶ κάρτεϊ χειρῶν. ### book 3.505.4 εἰ μέν νυν τύνη ζεῦξαι βόας Αἰήταο, ### book 3.505.5 ἥρως Αἰσονίδη, φρονέεις μέμονάς τε πόνοιο, ### book 3.510.1 ἦ τ’ ἂν ὑποσχεσίην πεφυλαγμένος ἐντύναιο· ### book 3.510.2 εἰ δ’ οὔ τοι μάλα θυμὸς ἑῇ ἐπὶ πάγχυ πέποιθεν ### book 3.510.3 ἠνορέῃ, μήτ’ αὐτὸς ἐπείγεο μήτε τιν’ ἄλλον ### book 3.510.4 τῶνδ’ ἀνδρῶν πάπταινε παρήμενος· οὐ γὰρ ἔγωγε ### book 3.510.5 σχήσομ’, ἐπεὶ θάνατός γε τὸ κύντατον ἔσσεται ἄλγος.” ### book 3.515.1 Ὧς ἔφατ’ Αἰακίδης· Τελαμῶνι δὲ θυμὸς ὀρίνθη, ### book 3.515.2 σπερχόμενος δ’ ἀνόρουσε θοῶς· ἔπι δὲ τρίτος Ἴδας ### book 3.515.3 ὦρτο μέγα φρονέων, ἔπι δ’ υἱέε Τυνδαρέοιο· ### book 3.515.4 σὺν δὲ καὶ Οἰνεΐδης, ἐναρίθμιος αἰζηοῖσιν ### book 3.515.5 ἀνδράσιν οὐδέ περ ὅσσον ἐπανθιόωντας ἰούλους ### book 3.520.1 ἀντέλλων· τοίῳ οἱ ἀείρετο κάρτεϊ θυμός. ### book 3.520.2 οἱ δ’ ἄλλοι εἴξαντες ἀκὴν ἔχον. αὐτίκα δ’ Ἄργος ### book 3.520.3 τοῖον ἔπος μετέειπεν ἐελδομένοισιν ἀέθλου· ### book 3.520.4 “Ὦ φίλοι, ἤτοι μὲν τόδε λοίσθιον· ἀλλά τιν’ οἴω ### book 3.520.5 μητρὸς ἐμῆς ἔσσεσθαι ἐναίσιμον ὔμμιν ἀρωγήν. ### book 3.525.1 τῶ καί περ μεμαῶτες ἐρητύοισθ’ ἐνὶ νηί ### book 3.525.2 τυτθὸν ἔθ’ ὡς τὸ πάροιθεν, ἐπεὶ καὶ ἐπισχέμεν ἔμπης ### book 3.525.3 λώιον ἢ κακὸν οἶτον ἀφειδήσαντας ὀλέσθαι. ### book 3.525.4 κούρη τις μεγάροισιν ἐνιτρέφετ’ Αἰήταο, ### book 3 τὴν Ἑκάτη περίαλλα θεὰ δάε τεχνήσασθαι ### book 3.530.1 φάρμαχ’ ὅς’ ἤπειρός τε φύει καὶ νήχυτον ὕδωρ· ### book 3.530.2 τοῖσι καὶ ἀκαμάτοιο πυρὸς μειλίσσετ’ ἀυτμήν ### book 3.530.3 καὶ ποταμοὺς ἵστησιν ἄφαρ κελαδεινὰ ῥέοντας, ### book 3.530.4 ἄστρα τε καὶ μήνης ἱερὰς ἐπέδησε κελεύθους. ### book 3.530.5 τῆς μέν, ἀπὸ μεγάροιο κατὰ στίβον ἐνθάδ’ ἰόντες, ### book 3.535.1 μνησάμεθ’, εἴ κε δύναιτο, κασιγνήτη γεγαυῖα, ### book 3.535.2 μήτηρ ἡμετέρη πεπιθεῖν ἐπαρῆξαι ἀέθλῳ· ### book 3.535.3 εἰ δὲ καὶ αὐτοῖσιν τόδ’ ἐφανδάνει, ἦ τ’ ἂν ἱκοίμην ### book 3.535.4 ἤματι τῷδ’ αὐτῷ πάλιν εἰς δόμον Αἰήταο ### book 3.535.5 πειρήσων· τάχα δ’ ἂν σὺν δαίμονι πειρηθείην.” ### book 3.540.1 Ὧς φάτο. τοῖσι δὲ σῆμα θεοὶ δόσαν εὐμενέοντες· ### book 3.540.2 τρήρων μὲν φεύγουσα βίην κίρκοιο πελειάς ### book 3.540.3 ὑψόθεν Αἰσονίδεω πεφοβημένη ἔμπεσε κόλπῳ, ### book 3.540.4 κίρκος δ’ ἀφλάστῳ περικάππεσεν. ὦκα δὲ Μόψος ### book 3.540.5 τοῖον ἔπος μετὰ πᾶσι θεοπροπέων ἀγόρευσεν· ### book 3.545.1 “῎Υμμι φίλοι τόδε σῆμα θεῶν ἰότητι τέτυκται· ### book 3.545.2 οὐδέ πῃ ἄλλως ἐστὶν ὑποκρίνασθαι ἄρειον, ### book 3.545.3 παρθενικὴν δ’ ἐπέεσσι μετελθέμεν ἀμφιέποντας ### book 3.545.4 μήτι παντοίῃ· δοκέω δέ μιν οὐκ ἀθερίξειν, ### book 3.545.5 εἰ ἐτεὸν Φινεύς γε θεῇ ἐνὶ Κύπριδι νόστον ### book 3.1 πέφραδεν ἔσσεσθαι, κείνης δ’ ὅγε μείλιχος ὄρνις ### book 3.2 πότμον ὑπεξήλυξε. κέαρ δέ μοι ὡς ἐνὶ θυμῷ ### book 3.3 τόνδε κατ’ οἰωνὸν προτιόσσεται, ὧς δὲ πέλοιτο. ### book 3.4 ἀλλὰ φίλοι, Κυθέρειαν ἐπικλείοντες ἀμύνειν, ### book 3.5 ἤδη νῦν Ἄργοιο παραιφασίῃσι πίθεσθε.” ### book 3.555.1 Ἴσκεν· ἐπῄνησαν δὲ νέοι, Φινῆος ἐφετμάς ### book 3.555.2 μνησάμενοι. μοῦνος δ’ Ἀφαρήιος ἄνθορεν Ἴδας ### book 3.555.3 δείν’ ἐπαλαστήσας μεγάλῃ ὀπί, φώνησέν τε· ### book 3.555.4 “Ὦ πόποι, ἦ ῥα γυναιξὶν ὁμόστολοι ἐνθάδ’ ἔβημεν, ### book 3.555.5 οἳ Κύπριν καλέουσιν ἐπίρροθον ἄμμι πέλεσθαι, ### book 3.560.1 οὐκέτ’ Ἐνυαλίοιο μέγα σθένος, ἐς δὲ πελείας ### book 3.560.2 καὶ κίρκους λεύσσοντες ἐρητύονται ἀέθλων. ### book 3.560.3 ἔρρετε, μηδ’ ὔμμιν πολεμήια ἔργα μέλοιτο, ### book 3.560.4 παρθενικὰς δὲ λιτῇσιν ἀνάλκιδας ἠπεροπεύειν.” ### book 3.560.5 Ὧς ηὔδα μεμαώς· πολέες δ’ ὁμάδησαν ἑταῖροι, ### book 3.565.1 ἦκα μάλ’, οὐδ’ ἄρα τίς οἱ ἐναντίον ἔκφατο μῦθον. ### book 3.565.2 χωόμενος δ’ ὅγ’ ἔπειτα καθέζετο· τοῖσι δ’ Ἰήσων ### book 3.565.3 αὐτίκ’ ἐποτρύνων τὸν ἑὸν νόον ὧδ’ ἀγόρευεν· ### book 3.565.4 “Ἄργος μὲν παρὰ νηός, ἐπεὶ τόδε πᾶσιν ἕαδεν, ### book 3.565.5 στελλέσθω· ἀτὰρ αὐτοὶ ἐπὶ χθονὸς ἐκ ποταμοῖο ### book 3.570.1 ἀμφαδὸν ἤδη πείσματ’ ἀνάψομεν, ἦ γὰρ ἔοικεν ### book 3.570.2 μηκέτι δὴν κρύπτεσθαι, ἅτε πτήσσοντας ἀυτήν.” ### book 3.570.3 Ὧς ἄρ’ ἔφη· καὶ τὸν μὲν ἄφαρ προΐαλλε νέεσθαι ### book 3.570.4 καρπαλίμως ἐξαῦτις ἀνὰ πτόλιν, οἱ δ’ ἐπὶ νηός ### book 3.570.5 εὐναίας ἐρύσαντες ἐφετμαῖς Αἰσονίδαο ### book 3.575.1 τυτθὸν ὑπὲξ ἕλεος χέρσῳ ἐπέκελσαν ἐρετμοῖς. ### book 3.575.2 Αὐτίκα δ’ Αἰήτης ἀγορὴν ποιήσατο Κόλχων ### book 3.575.3 νόσφιν ἑοῖο δόμου, τόθι περ καὶ πρόσθε κάθιζον, ### book 3.575.4 ἀτλήτους Μινύῃσι δόλους καὶ κήδεα τεύχων. ### book 3.575.5 στεῦτο δ’, ἐπεί κεν πρῶτα βόες διαδηλήσονται ### book 3.580 ἄνδρα τὸν ὅς ῥ’ ὑπέδεκτο βαρὺν καμέεσθαι ἄεθλον, ### book 3.1 δρυμὸν ἀναρρήξας λασίης καθύπερθε κολώνης, ### book 3.2 αὔτανδρον φλέξειν δόρυ νήιον, ὄφρ’ ἀλεγεινήν ### book 3.3 ὕβριν ἀποφλύξωσιν ὑπέρβια μηχανόωντες. ### book 3.4 οὐδὲ γὰρ Αἰολίδην Φρίξον μάλα περ χατέοντα ### book 3.585.1 δέχθαι ἐνὶ μεγάροισιν ἐφέστιον, ὃς περὶ πάντων ### book 3.585.2 ξείνων μειλιχίῃ τε θεουδείῃ τ’ ἐκέκαστο, ### book 3.585.3 εἰ μή οἱ Ζεὺς αὐτὸς ἀπ’ οὐρανοῦ ἄγγελον ἧκεν ### book 3.585.4 Ἑρμείαν, ὥς κεν προσκηδέος ἀντιάσειεν· ### book 3.585.5 μὴ καὶ ληιστῆρας ἑὴν ἐς γαῖαν ἰόντας ### book 3.590.1 ἔσσεσθαι δηναιὸν ἀπήμονας, οἷσι μέμηλεν ### book 3.590.2 ὀθνείοις ἐπὶ χεῖρα ἑὴν κτεάτεσσιν ἀείρειν ### book 3.590.3 κρυπταδίους τε δόλους τεκταινέμεν, ἠδὲ βοτήρων ### book 3.590.4 αὔλια δυσκελάδοισιν ἐπιδρομίῃσι δαΐξαι. ### book 3.590.5 νόσφι δὲ οἷ αὐτῷ φάτ’ ἐοικότα μείλια τείσειν ### book 3.595.1 υἱῆας Φρίξοιο, κακορρέκτῃσιν ὀπηδούς ### book 3.595.2 ἀνδράσι νοστήσαντας ὁμιλαδόν, ὄφρα ἑ τιμῆς ### book 3.595.3 καὶ σκήπτρων ἐλάσειαν ἀκηδέες· ὥς ποτε βάξιν ### book 3.595.4 λευγαλέην οὗ πατρὸς ἐπέκλυεν Ἠελίοιο, ### book 3.595.5 χρειώ μιν πυκινόν τε δόλον βουλάς τε γενέθλης ### book 3.1 σφωιτέρης ἄτην τε πολύτροπον ἐξαλέασθαι· ### book 3.2 τῶ καὶ †ἐελδομένους πέμπεν† ἐς Ἀχαιίδα γαῖαν ### book 3.3 πατρὸς ἐφημοσύνῃ δολιχὴν ὁδόν· οὐδὲ θυγατρῶν ### book 3.4 εἶναί οἱ τυτθόν γε δέος μή πού τινα μῆτιν ### book 3.5 φράσσωνται στυγερήν, οὐδ’ υἱέος Ἀψύρτοιο, ### book 3.605.1 ἀλλ’ ἐνὶ Χαλκιόπης γενεῇ τάδε λυγρὰ τετύχθαι. ### book 3.605.2 καί ῥ’ ὁ μὲν ἄσχετα ἔργα πιφαύσκετο δημοτέροισιν ### book 3.605.3 χωόμενος, μέγα δέ σφιν ἀπείλεε νῆά τ’ ἐρύσθαι ### book 3.605.4 ἠδ’ αὐτούς, ἵνα μή τις ὑπὲκ κακότητος ἀλύξῃ· ### book 3 τόφρα δὲ μητέρ’ ἑήν, μετιὼν δόμον Αἰήταο, ### book 3.610.1 Ἄργος παντοίοισι παρηγορέεσκεν ἔπεσσιν, ### book 3.610.2 Μήδειαν λίσσεσθαι ἀμυνέμεν· ἡ δὲ καὶ αὐτή ### book 3.610.3 πρόσθεν μητιάασκε, δέος δέ μιν ἴσχανε θυμόν ### book 3.610.4 μή πως ἠὲ παρ’ αἶσαν ἐτώσια μειλίσσοιτο ### book 3.610.5 πατρὸς ἀτυζομένην ὀλοὸν χόλον, ἠὲ λιτῇσιν ### book 3.615.1 ἑσπομένης ἀρίδηλα καὶ ἀμφαδὰ ἔργα πέλοιτο. ### book 3.615.2 Κούρην δ’ ἐξ ἀχέων ἀδινὸς κατελώφεεν ὕπνος ### book 3.615.3 λέκτρῳ ἀνακλινθεῖσαν. ἄφαρ δέ μιν ἠπεροπῆες, ### book 3.615.4 οἷά τ’ ἀκηχεμένην, ὀλοοὶ ἐρέθεσκον ὄνειροι· ### book 3.615.5 τὸν ξεῖνον δ’ ἐδόκησεν ὑφεστάμεναι τὸν ἄεθλον ### book 3.620.1 οὔτι μάλ’ ὁρμαίνοντα δέρος κριοῖο κομίσσαι, ### book 3.620.2 οὐδέ τι τοῖο ἕκητι μετὰ πτόλιν Αἰήταο ### book 3.620.3 ἐλθέμεν, ὄφρα δέ μιν σφέτερον δόμον εἰσαγάγοιτο ### book 3.620.4 κουριδίην παράκοιτιν. ὀίετο δ’ ἀμφὶ βόεσσιν ### book 3.620.5 αὐτὴ ἀεθλεύουσα μάλ’ εὐμαρέως πονέεσθαι· ### book 3.625.1 σφωιτέρους δὲ τοκῆας ὑποσχεσίης ἀθερίζειν, ### book 3.625.2 οὕνεκεν οὐ κούρῃ ζεῦξαι βόας ἀλλά οἱ αὐτῷ ### book 3.625.3 προύθεσαν· ἐκ δ’ ἄρα τοῦ νεῖκος πέλεν ἀμφήριστον ### book 3.625.4 πατρί τε καὶ ξείνοις· αὐτῇ δ’ ἐπιέτρεπον ἄμφω ### book 3.625.5 τὼς ἔμεν ὥς κεν ἑῇσι μετὰ φρεσὶν ἰθύσειεν· ### book 3.630.1 ἡ δ’ ἄφνω τὸν ξεῖνον, ἀφειδήσασα τοκήων, ### book 3.630.2 εἵλετο· τοὺς δ’ ἀμέγαρτον ἄχος λάβεν, ἐκ δ’ ἐβόησαν ### book 3.630.3 χωόμενοι. τὴν δ’ ὕπνος ἅμα κλαγγῇ μεθέηκεν, ### book 3.630.4 παλλομένη δ’ ἀνόρουσε φόβῳ περί τ’ ἀμφί τε τοίχους ### book 3.630.5 πάπτηνεν θαλάμοιο· μόλις δ’ ἐσαγείρατο θυμόν ### book 3.635.1 ὡς πάρος ἐν στέρνοις, ἀδινὴν δ’ ἀνενείκατο φωνήν· ### book 3.635.2 “Δειλὴ ἐγών, οἷόν με βαρεῖς ἐφόβησαν ὄνειροι. ### book 3.635.3 δείδια μὴ μέγα δή τι φέρῃ κακὸν ἥδε κέλευθος ### book 3.635.4 ἡρώων· περί μοι ξείνῳ φρένες ἠερέθονται. — ### book 3 μνάσθω ἑὸν κατὰ δῆμον Ἀχαιίδα τηλόθι κούρην, ### book 3.640.1 ἄμμι δὲ παρθενίη τε μέλοι καὶ δῶμα τοκήων. — ### book 3.640.2 ἔμπα γε μὴν θεμένη κύνεον κέαρ, οὐκέτ’ ἄνευθεν ### book 3.640.3 αὐτοκασιγνήτης πειρήσομαι εἴ κέ μ’ ἀέθλῳ ### book 3.640.4 χραισμεῖν ἀντιάσῃσιν, ἐπὶ σφετέροις ἀχέουσα ### book 3.640.5 παισί· τό κέν μοι λυγρὸν ἐνὶ κραδίῃ σβέσει ἄλγος.” ### book 3.645.1 Ἦ ῥα, καὶ ὀρθωθεῖσα θύρας ὤιξε δόμοιο ### book 3.645.2 νήλιπος οἰέανος, καὶ δὴ λελίητο νέεσθαι ### book 3.645.3 αὐτοκασιγνήτηνδε καὶ ἕρκεος οὐδὸν ἄμειψεν· ### book 3.645.4 δὴν δὲ καταυτόθι μίμνεν ἐνὶ προδόμῳ θαλάμοιο ### book 3.645.5 αἰδοῖ ἐεργομένη· μετὰ δ’ ἐτράπετ’ αὖτις ὀπίσσω ### book 3.1 στρεφθεῖς’· ἐκ δὲ πάλιν κίεν ἔνδοθεν, ἄψ τ’ ἀλέεινεν ### book 3.2 εἴσω, τηΰσιοι δὲ πόδες φέρον ἔνθα καὶ ἔνθα. ### book 3.3 ἤτοι ὅτ’ ἰθύσειεν, ἔρυκέ μιν ἔνδοθεν αἰδώς· ### book 3.4 αἰδοῖ δ’ ἐργομένην θρασὺς ἵμερος ὀτρύνεσκεν. ### book 3.5 τρὶς μὲν ἐπειρήθη, τρὶς δ’ ἔσχετο· τέτρατον αὖτις ### book 3.655.1 λέκτροισι πρηνὴς ἐνικάππεσεν εἱλιχθεῖσα. ### book 3.655.2 ὡς δ’ ὅτε τις νύμφη θαλερὸν πόσιν ἐν θαλάμοισιν ### book 3.655.3 μύρεται, ᾧ μιν ὄπασσαν ἀδελφεοὶ ἠὲ τοκῆες, ### book 3.660.1 τὸν δέ τις ὤλεσε μοῖρα πάρος ταρπήμεναι ἄμφω ### book 3.660.2 δήνεσιν ἀλλήλων· ἡ δ’ ἔνδοθι δαιομένη κῆρ ### book 3.660.3 σῖγα μάλα κλαίει χῆρον λέχος εἰσορόωσα, ### book 3.658* οὐδέ τί πω πάσαις ἐπιμίσγεται ἀμφιπόλοισιν ### book 3.659* αἰδοῖ ἐπιφροσύνῃ τε, μυχῷ δ’ ἀχέουσα θαάσσει, ### book 3.663.1 μή μιν κερτομέουσαι ἐπιστοβέωσι γυναῖκες— ### book 3.663.2 τῇ ἰκέλη Μήδεια κινύρετο. τὴν δέ τις ἄφνω ### book 3.665.1 μυρομένην μεσσηγὺς ἐπιπρομολοῦς’ ἐνόησεν ### book 3.665.2 δμωάων, ἥ οἱ ἑπέτις πέλε κουρίζουσα, ### book 3.665.3 Χαλκιόπῃ δ’ ἤγγειλε παρασχεδόν. ἡ δ’ ἐνὶ παισίν ### book 3.665.4 ἧστ’, ἐπιμητιόωσα κασιγνήτην ἀρέσασθαι· ### book 3.665.5 ἀλλ’ οὐδ’ ὧς ἀπίθησεν, ὅτ’ ἔκλυεν ἀμφιπόλοιο ### book 3.670.1 μῦθον ἀνώιστον, διὰ δ’ ἔσσυτο θαμβήσασα ### book 3.670.2 ἐκ θαλάμου θάλαμόνδε διαμπερές, ᾧ ἔνι κούρη ### book 3.670.3 κέκλιτ’, ἀκηχεμένη, δρύψεν δ’ ἑκάτερθε παρειάς. ### book 3.670.4 ὡς δ’ ἴδε δάκρυσιν ὄσσε πεφυρμένα, φώνησέν μιν· ### book 3.670.5 “Ὤ μοι ἐγώ, Μήδεια, τί δὴ τάδε δάκρυα λείβεις; ### book 3.675.1 τίπτ’ ἔπαθες; τί τοι αἰνὸν ὑπὸ φρένας ἵκετο πένθος; ### book 3.675.2 ἤ νύ σε θευμορίη περιδέδρομεν ἅψεα νοῦσος, ### book 3.675.3 ἦέ τιν’ οὐλομένην ἐδάης ἐκ πατρὸς ἐνιπήν ### book 3.675.4 ἀμφί τ’ ἐμοὶ καὶ παισίν; ὄφελλέ με μήτε τοκήων ### book 3.675.5 δῶμα τόδ’ εἰσοράαν μηδὲ πτόλιν, ἀλλ’ ἐπὶ γαίης ### book 3.680.1 πείρασι ναιετάειν, ἵνα μηδέ περ οὔνομα Κόλχων.” ### book 3.680.2 Ὧς φάτο· τῆς δ’ ἐρύθηνε παρήια, δὴν δέ μιν αἰδώς ### book 3.680.3 παρθενίη κατέρυκεν, ἀμείψασθαι μεμαυῖαν· ### book 3.680.4 μῦθος δ’ ἄλλοτε μέν οἱ ἐπ’ ἀκροτάτης ἀνέτελλεν ### book 3.680.5 γλώσσης, ἄλλοτ’ ἔνερθε κατὰ στῆθος πεπότητο· ### book 3.685.1 πολλάκι δ’ ἱμερόεν μὲν †ἀνὰ στόμα θυῖεν ἐνισπεῖν, ### book 3.685.2 φθογγὴ δ’ οὐ προύβαινε παροιτέρω. ὀψὲ δ’ ἔειπεν ### book 3.1 τοῖα δόλῳ, θρασέες γὰρ ἐπικλονέεσκον ἔρωτες· ### book 3.2 “Χαλκιόπη, περί μοι παίδων σέο θυμὸς ἄηται, ### book 3.3 μή σφε πατὴρ ξείνοισι σὺν ἀνδράσιν αὐτίκ’ ὀλέσσῃ· ### book 3.690.1 τοῖα κατακνώσσουσα μινυνθαδίῳ νέον ὕπνῳ ### book 3.690.2 λεύσσω ὀνείρατα λυγρά—τά τις θεὸς ἀκράαντα ### book 3.690.3 θείη, μηδ’ ἀλεγεινὸν ἐφ’ υἱάσι κῆδος ἕλοιο.” ### book 3.690.4 Φῆ ῥα, κασιγνήτης πειρωμένη εἴ κέ μιν αὐτή ### book 3.690.5 ἀντιάσειε πάροιθεν ἑοῖς τεκέεσσιν ἀμύνειν· ### book 3.695.1 τῆς δ’ αἰνῶς ἄτλητος ἐπέκλυσε θυμὸν ἀνίη ### book 3.695.2 δείματι, οἷ’ ἐσάκουσεν· ἀμείβετο δ’ ὧδ’ ἐπέεσσιν· ### book 3.695.3 “Καὶ δ’ αὐτὴ τάδε πάντα μετήλυθον ὁρμαίνουσα, ### book 3.695.4 εἴ τινα συμφράσσαιο καὶ ἀρτύνειας ἀρωγήν. ### book 3.695.5 ἀλλ’ ὄμοσον Γαῖάν τε καὶ Οὐρανόν, ὅττι τοι εἴπω ### book 3.1 σχησέμεν ἐν θυμῷ σύν τε δρήστειρα πέλεσθαι. ### book 3.2 λίσσομ’ ὑπὲρ μακάρων σέο τ’ αὐτῆς ἠδὲ τοκήων, ### book 3.3 μή σφε κακῇ ὑπὸ κηρὶ διαρραισθέντας ἰδέσθαι ### book 3.4 λευγαλέως· ἢ σοίγε, φίλοις σὺν παισὶ θανοῦσα, ### book 3.5 εἴην ἐξ Ἀίδεω στυγερὴ μετόπισθεν Ἐρινύς.” ### book 3.705.1 Ὧς ἄρ’ ἔφη, τὸ δὲ πολλὸν ὑπεξέχυτ’ αὐτίκα δάκρυ, ### book 3.705.2 νειόθι δ’ ἀμφοτέρῃσι περίσχετο γούνατα χερσίν· ### book 3.705.3 σὺν δὲ κάρη κόλποις περικάββαλον. ἔνθ’ ἐλεεινόν ### book 3.705.4 ἄμφω ἐπ’ ἀλλήλῃσι θέσαν γόον, ὦρτο δ’ ἰωή ### book 3.705.5 λεπταλέη διὰ δώματ’ ὀδυρομένων ἀχέεσσιν. ### book 3.710.1 τὴν δὲ πάρος Μήδεια προσέννεπεν ἀσχαλόωσαν· ### book 3.710.2 “Δαιμονίη, τί νύ τοι ῥέξω ἄκος; οἷ’ ἀγορεύεις, ### book 3.710.3 ἀράς τε στυγερὰς καὶ Ἐρινύας· αἲ γὰρ ὄφελλεν ### book 3.710.4 ἔμπεδον εἶναι ἐπ’ ἄμμι τεοὺς υἱῆας ἔρυσθαι. ### book 3.710.5 ἴστω Κόλχων ὅρκος ὑπέρβιος, ὅντιν’ ὀμόσσαι ### book 3.715 αὐτὴ ἐποτρύνεις, μέγας Οὐρανὸς ἠδ’ ὑπένερθεν ### book 3.1 Γαῖα, θεῶν μήτηρ, ὅσσον σθένος ἐστὶν ἐμεῖο, ### book 3.2 μή ς’ ἐπιδευήσεσθαι ἀνυστά περ ἀντιόωσαν.” ### book 3.3 Φῆ ἄρα· Χαλκιόπη δ’ ἠμείβετο τοῖσδ’ ἐπέεσσιν· ### book 3.4 “Οὐκ ἂν δὴ ξείνῳ τλαίης χατέοντι καὶ αὐτῷ ### book 3.720.1 ἢ δόλον ἤ τινα μῆτιν ἐπιφράσσασθαι ἀέθλου, ### book 3.720.2 παίδων εἵνεκ’ ἐμεῖο; καὶ ἐκ κείνου τόδ’ ἱκάνει ### book 3.720.3 Ἄργος ἐποτρύνων με τεῆς πειρῆσαι ἀρωγῆς· ### book 3.720.4 μεσσηγὺς μὲν τῶνγε δόμον λίπον ἐνθάδ’ ἰοῦσα.” ### book 3.720.5 Ὧς φάτο· τῆς δ’ ἔντοσθεν ἀνέπτατο χάρματι θυμός, ### book 3.725.1 φοινίχθη δ’ ἄμυδις καλὸν χρόα, κὰδ δέ μιν ἀχλύς ### book 3.725.2 εἷλεν ἰαινομένην. τοῖον δ’ ἐπὶ μῦθον ἔειπεν· ### book 3.725.3 “Χαλκιόπη, ὡς ὔμμι φίλον τερπνόν τε τέτυκται, ### book 3.725.4 ὧς ἔρξω. μὴ γάρ μοι ἐν ὀφθαλμοῖσι φαείνοι ### book 3.725.5 ἠὼς μηδέ με δηρὸν ἔτι ζώουσαν ἴδοιο, ### book 3.730.1 εἴ γέ τι σῆς ψυχῆς προφερέστερον ἠέ τι παίδων ### book 3.730.2 σῶν θείην, οἳ δή μοι ἀδελφειοὶ γεγάασιν ### book 3.730.3 κηδεμόνες τε φίλοι καὶ ὁμήλικες· ὧς δὲ καὶ αὐτή ### book 3.730.4 φημὶ κασιγνήτη τε σέθεν κούρη τε πέλεσθαι, ### book 3.730.5 ἶσον ἐπεὶ κείνοις με τεῷ ἐπαείραο μαζῷ ### book 3.735.1 νηπυτίην, ὡς αἰὲν ἐγώ ποτε μητρὸς ἄκουον. ### book 3.735.2 ἀλλ’ ἴθι, κεῦθε δ’ ἐμὴν σιγῇ χάριν, ὄφρα τοκῆας ### book 3.735.3 λήσομεν ἐντύνουσαι ὑπόσχεσιν· ἦρι δὲ νηόν ### book 3.1 εἴσομαι εἰς Ἑκάτης, θελκτήρια φάρμακα ταύρων ### book 3.2 οἰσομένη ξείνῳ ὑπὲρ οὗ τόδε νεῖκος ὄρωρεν.” ### book 3.740.1 Ὧς ἥγ’ ἐκ θαλάμοιο πάλιν κίε παισί τ’ ἀρωγήν ### book 3.740.2 αὐτοκασιγνήτης διεπέφραδε· τὴν δὲ μεταῦτις ### book 3.740.3 αἰδώς τε στυγερόν τε δέος λάβε μουνωθεῖσαν, ### book 3.740.4 τοῖα παρὲξ οὗ πατρὸς ἐπ’ ἀνέρι μητιάασθαι. ### book 3.740.5 Νὺξ μὲν ἔπειτ’ ἐπὶ γαῖαν ἄγεν κνέφας, οἱ δ’ ἐνὶ πόντῳ ### book 3.745.1 ναυτίλοι εἰς Ἑλίκην τε καὶ ἀστέρας Ὠρίωνος ### book 3.745.2 ἔδρακον ἐκ νηῶν, ὕπνοιο δὲ καί τις ὁδίτης ### book 3.745.3 ἤδη καὶ πυλαωρὸς ἐέλδετο, καί τινα παίδων ### book 3.745.4 μητέρα τεθνεώτων ἀδινὸν περὶ κῶμ’ ἐκάλυπτεν, ### book 3.745.5 οὐδὲ κυνῶν ὑλακὴ ἔτ’ ἀνὰ πτόλιν, οὐ θρόος ἦεν ### book 3.1 ἠχήεις, σιγὴ δὲ μελαινομένην ἔχεν ὄρφνην· ### book 3.2 ἀλλὰ μάλ’ οὐ Μήδειαν ἐπὶ γλυκερὸς λάβεν ὕπνος. ### book 3.3 πολλὰ γὰρ Αἰσονίδαο πόθῳ μελεδήματ’ ἔγειρεν ### book 3.4 δειδυῖαν ταύρων κρατερὸν μένος, οἷσιν ἔμελλεν ### book 3.5 φθεῖσθαι ἀεικελίῃ μοίρῃ κατὰ νειὸν Ἄρηος. ### book 3.761* δάκρυ δ’ ἀπ’ ὀφθαλμῶν ἐλέῳ ῥέεν· ἔνδοθι δ’ αἰεί ### book 3.762* τεῖρ’ ὀδύνη, σμύχουσα διὰ χροὸς ἀμφί τ’ ἀραιάς ### book 3.763* ἶνας καὶ κεφαλῆς ὑπὸ νείατον ἰνίον ἄχρις, ### book 3.764* ἔνθ’ ἀλεγεινότατον δύνει ἄχος, ὁππότ’ ἀνίας ### book 3.765* ἀκάματοι πραπίδεσσιν ἐνισκίμψωσιν ἔρωτες. ### book 3.755.1 πυκνὰ δέ οἱ κραδίη στηθέων ἔντοσθεν ἔθυιεν, ### book 3.755.2 ἠελίου ὥς τίς τε δόμοις ἔνι πάλλεται αἴγλη, ### book 3.755.3 ὕδατος ἐξανιοῦσα τὸ δὴ νέον ἠὲ λέβητι ### book 3.755.4 ἠέ που ἐν γαυλῷ κέχυται, ἡ δ’ ἔνθα καὶ ἔνθα ### book 3.755.5 ὠκείῃ στροφάλιγγι τινάσσεται ἀίσσουσα— ### book 3.760 ὧς δὲ καὶ ἐν στήθεσσι κέαρ ἐλελίζετο κούρης, ### book 3.766.1 φῆ δέ οἱ ἄλλοτε μὲν θελκτήρια φάρμακα ταύρων ### book 3.766.2 δωσέμεν· ἄλλοτε δ’ οὔτι, καταφθεῖσθαι δὲ καὶ αὐτή· ### book 3.766.3 αὐτίκα δ’ οὔτ’ αὐτὴ θανέειν, οὐ φάρμακα δώσειν, ### book 3.766.4 ἀλλ’ αὔτως εὔκηλος ἑὴν ὀτλησέμεν ἄτην. ### book 3.770.1 ἑζομένη δἤπειτα δοάσσατο, φώνησέν τε· ### book 3.770.2 “Δειλὴ ἐγώ, νῦν ἔνθα κακῶν ἢ ἔνθα γένωμαι; ### book 3.770.3 πάντη μοι φρένες εἰσὶν ἀμήχανοι, οὐδέ τις ἀλκή ### book 3.770.4 πήματος, ἀλλ’ αὔτως φλέγει ἔμπεδον. ὡς ὄφελόν γε ### book 3.770.5 Ἀρτέμιδος κραιπνοῖσι πάρος βελέεσσι δαμῆναι, ### book 3.775.1 πρὶν τόνγ’ εἰσιδέειν, πρὶν Ἀχαιίδα νῆα κομίσσαι ### book 3.775.2 Χαλκιόπης υἷας· τοὺς μὲν θεὸς ἤ τις Ἐρινύς ### book 3.775.3 ἄμμι πολυκλαύτους δεῦρ’ ἤγαγε κεῖθεν ἀνίας. — ### book 3.775.4 φθείσθω ἀεθλεύων, εἴ οἱ κατὰ νειὸν ὀλέσθαι ### book 3.775.5 μοῖρα πέλει· πῶς γάρ κεν ἐμοὺς λελάθοιμι τοκῆας ### book 3.780.1 φάρμακα μησαμένη, ποῖον δ’ ἐπὶ μῦθον ἐνίψω; ### book 3.780.2 τίς δὲ δόλος, τίς μῆτις ἐπίκλοπος ἔσσετ’ ἀρωγῆς; — ### book 3.780.3 ἦ μιν ἄνευθ’ ἑτάρων προσπτύξομαι οἶον ἰοῦσα; ### book 3.780.4 δύσμορος· οὐ μὲν ἔολπα καταφθιμένοιό περ ἔμπης ### book 3.780.5 λωφήσειν ἀχέων, τότε δ’ ἂν κακὸν ἄμμι πέλοιτο ### book 3.785 κεῖνος, ὅτε ζωῆς ἀπαμείρεται. ἐρρέτω αἰδώς, ### book 3.1 ἐρρέτω ἀγλαΐη, ὁ δ’ ἐμῇ ἰότητι σαωθείς ### book 3.2 ἀσκηθής, ἵνα οἱ θυμῷ φίλον, ἔνθα νέοιτο· ### book 3.3 αὐτὰρ ἐγὼν αὐτῆμαρ, ὅτ’ ἐξανύσειεν ἄεθλον, ### book 3.4 τεθναίην, ἢ λαιμὸν ἀναρτήσασα μελάθρῳ ### book 3.790.1 ἢ καὶ πασσαμένη ῥαιστήρια φάρμακα θυμοῦ. — ### book 3.790.2 ἀλλὰ καὶ ὧς φθιμένῃ μοι ἐπιλλίξουσιν ὀπίσσω ### book 3.790.3 κερτομίας, τηλοῦ δὲ πόλις περὶ πᾶσα βοήσει ### book 3.790.4 πότμον ἐμόν· καί κέν με διὰ στόματος φορέουσαι ### book 3.790.5 Κολχίδες ἄλλυδις ἄλλαι ἀεικέα μωμήσονται· ### book 3.795.1 ‘ἥτις κηδομένη τόσον ἀνέρος ἀλλοδαποῖο ### book 3.795.2 κάτθανεν, ἥτις δῶμα καὶ οὓς ᾔσχυνε τοκῆας, ### book 3.795.3 μαργοσύνῃ εἴξασα.‘ —τί δ’ οὐκ ἐμὸν ἔσσεται αἶσχος; ### book 3.795.4 ὤ μοι ἐμῆς ἄτης. ἦ τ’ ἂν πολὺ κέρδιον εἴη ### book 3.795.5 τῇδ’ αὐτῇ ἐν νυκτὶ λιπεῖν βίον ἐν θαλάμοισιν, ### book 3.1 πότμῳ ἀνωίστῳ κάκ’ ἐλέγχεα πάντα φυγοῦσαν, ### book 3.2 πρὶν τάδε λωβήεντα καὶ οὐκ ὀνομαστὰ τελέσσαι.” ### book 3.3 Ἦ, καὶ φωριαμὸν μετεκίαθεν ᾗ ἔνι πολλά ### book 3.4 φάρμακά οἱ τὰ μὲν ἐσθλὰ τὰ δὲ ῥαιστήρι’ ἔκειτο. ### book 3.5 ἐνθεμένη δ’ ἐπὶ γούνατ’ ὀδύρετο, δεῦε δὲ κόλπους ### book 3.805.1 ἄλληκτον δακρύοισι, τὰ δ’ ἔρρεεν ἀσταγὲς αὔτως, ### book 3.805.2 αἴν’ ὀλοφυρομένης τὸν ἑὸν μόρον. ἵετο δ’ ἥγε ### book 3.805.3 φάρμακα λέξασθαι θυμοφθόρα τόφρα πάσαιτο, ### book 3.805.4 ἤδη καὶ δεσμοὺς ἀνελύετο φωριαμοῖο ### book 3.805.5 ἐξελέειν μεμαυῖα δυσάμμορος· ἀλλά οἱ ἄφνω ### book 3.810.1 δεῖμ’ ὀλοὸν στυγεροῖο κατὰ φρένας ἦλθ’ Ἀίδαο, ### book 3.810.2 ἔσχετο δ’ ἀμφασίῃ δηρὸν χρόνον. ἀμφὶ δὲ πᾶσαι ### book 3.810.3 θυμηδεῖς βιότοιο μεληδόνες ἰνδάλλοντο· ### book 3.810.4 μνήσατο μὲν τερπνῶν ὅς’ ἐνὶ ζωοῖσι πέλονται, ### book 3.810.5 μνήσαθ’ ὁμηλικίης περιγηθέος, οἷά τε κούρη· ### book 3.815.1 καί τέ οἱ ἠέλιος γλυκίων γένετ’ εἰσοράασθαι ### book 3.815.2 ἢ πάρος, εἰ ἐτεόν γε νόῳ ἐπεμαίεθ’ ἕκαστα. ### book 3.815.3 καὶ τὴν μέν ῥα πάλιν σφετέρων ἀποκάτθετο γούνων ### book 3.815.4 Ἥρης ἐννεσίῃσι μετάτροπος· οὐδ’ ἔτι βουλάς ### book 3.815.5 ἄλλῃ δοιάζεσκεν, ἐέλδετο δ’ αἶψα φανῆναι ### book 3.820.1 ἠῶ τελλομένην, ἵνα οἱ θελκτήρια δοίη ### book 3.820.2 φάρμακα συνθεσίῃσι καὶ ἀντήσειεν ἐς ὠπήν. ### book 3.820.3 πυκνὰ δ’ ἀνὰ κληῖδας ἑῶν λύεσκε θυράων, ### book 3.820.4 αἴγλην σκεπτομένη· τῇ δ’ ἀσπάσιον βάλε φέγγος ### book 3.820.5 ἠριγενής, κίνυντο δ’ ἀνὰ πτολίεθρον ἕκαστοι. ### book 3.825.1 Ἔνθα κασιγνήτους μὲν ἔτ’ αὐτόθι μεῖναι ἀνώγει ### book 3.825.2 Ἄργος, ἵνα φράζοιντο νόον καὶ μήδεα κούρης· ### book 3.825.3 αὐτὸς δ’ αὖτ’ ἐπὶ νῆα κίεν, προπάροιθε λιασθείς. ### book 3.825.4 Ἡ δ’ ἐπεὶ οὖν τὰ πρῶτα φαεινομένην ἴδεν ἠῶ ### book 3.825.5 παρθενική, ξανθὰς μὲν ἀνήψατο χερσὶν ἐθείρας, ### book 3.830.1 αἵ οἱ ἀτημελίῃ καταειμέναι ἠερέθοντο· ### book 3.830.2 αὐσταλέας δ’ ἔψηχε παρηίδας, αὐτὰρ ἀλοιφῇ ### book 3.830.3 νεκταρέῃ φαίδρυνε πέρι χρόα· δῦνε δὲ πέπλον ### book 3.830.4 καλόν, ἐυγνάμπτοισιν ἀρηρέμενον περόνῃσιν, ### book 3.830.5 ἀμβροσίῳ δ’ ἐφύπερθε καρήατι βάλλε καλύπτρην ### book 3.835.1 ἀργυφέην· αὔτως δὲ δόμοις ἔνι δινεύουσα ### book 3.835.2 στεῖβε πέδον λήθῃ ἀχέων, τά οἱ ἐν ποσὶν ἦεν ### book 3.835.3 θεσπέσι’, ἄλλα τ’ ἔμελλεν ἀεξήσεσθαι ὀπίσσω. ### book 3.835.4 κέκλετο δ’ ἀμφιπόλοις, αἵ οἱ δυοκαίδεκα πᾶσαι ### book 3.835.5 ἐν προδόμῳ θαλάμοιο θυώδεος ηὐλίζοντο ### book 3.840.1 ἥλικες, οὔπω λέκτρα σὺν ἀνδράσι πορσύνουσαι, ### book 3.840.2 ἐσσυμένως οὐρῆας ὑποζεύξασθαι ἀπήνῃ, ### book 3.840.3 οἵ κέ μιν εἰς Ἑκάτης περικαλλέα νηὸν ἄγοιεν. ### book 3.840.4 ἔνθ’ αὖτ’ ἀμφίπολοι μὲν ἐφοπλίζεσκον ἀπήνην· ### book 3.840.5 ἡ δὲ τέως γλαφυρῆς ἐξείλετο φωριαμοῖο ### book 3.845.1 φάρμακον ὅρρά τέ φασι Προμήθειον καλέεσθαι. ### book 3.845.2 τῷ εἴ κεν, νυχίοισιν ἀρεσσάμενος θυέεσσιν ### book 3.845.3 Δαῖραν μουνογένειαν, ἑὸν δέμας ἰκμαίνοιτο, ### book 3.845.4 ἦ τ’ ἂν ὅγ’ οὔτε ῥηκτὸς ἔοι χαλκοῖο τυπῇσιν ### book 3.845.5 οὔτε κεν αἰθομένῳ πυρὶ εἰκάθοι, ἀλλὰ καὶ ἀλκῇ ### book 3.1 λωίτερος κεῖν’ ἦμαρ ὁμῶς κάρτει τε πέλοιτο. ### book 3.2 πρωτοφυὲς τόγ’ ἀνέσχε καταστάξαντος ἔραζε ### book 3.3 αἰετοῦ ὠμηστέω κνημοῖς ἔνι Καυκασίοισιν ### book 3.4 αἱματόεντ’ ἰχῶρα Προμηθῆος μογεροῖο. ### book 3.5 τοῦ δ’ ἤτοι ἄνθος μὲν ὅσον πήχυιον ὕπερθεν ### book 3.855.1 χροιῇ Κωρυκίῳ ἴκελον κρόκῳ ἐξεφαάνθη, ### book 3.855.2 καυλοῖσιν διδύμοισιν ἐπήορον· ἡ δ’ ἐνὶ γαίῃ ### book 3.855.3 σαρκὶ νεοτμήτῳ ἐναλιγκίη ἔπλετο ῥίζα. ### book 3.855.4 τῆς οἵην τ’ ἐν ὄρεσσι κελαινὴν ἰκμάδα φηγοῦ ### book 3.855.5 Κασπίῃ ἐν κόχλῳ ἀμήσατο φαρμάσσεσθαι, ### book 3.860.1 ἑπτὰ μὲν ἀενάοισι λοεσσαμένη ὑδάτεσσιν, ### book 3.860.2 ἑπτάκι δὲ Βριμὼ κουροτρόφον ἀγκαλέσασα, ### book 3.860.3 Βριμὼ νυκτιπόλον, χθονίην, ἐνέροισιν ἄνασσαν, ### book 3.1 λυγαίῃ ἐνὶ νυκτὶ σὺν ὀρφναίοις φαρέεσσιν· ### book 3.2 μυκηθμῷ δ’ ὑπένερθεν ἐρεμνὴ σείετο γαῖα ### book 3.865.1 ῥίζης τεμνομένης Τιτηνίδος, ἔστενε δ’ αὐτός ### book 3.865.2 Ἰαπετοῖο πάις ὀδύνῃ πέρι θυμὸν ἀλύων. ### book 3.865.3 τόρρ’ ἥγ’ ἐξανελοῦσα, θυώδεϊ κάτθετο μίτρῃ ### book 3.865.4 ἥ τέ οἱ ἀμβροσίοισι περὶ στήθεσσιν ἔερτο. ### book 3.865.5 ἐκ δὲ θύραζε κιοῦσα θοῆς ἐπεβήσατ’ ἀπήνης, ### book 3.870.1 σὺν δέ οἱ ἀμφίπολοι δοιαὶ ἑκάτερθεν ἔβησαν. ### book 3.870.2 αὐτὴ δ’ ἡνί’ ἔδεκτο καὶ εὐποίητον ἱμάσθλην ### book 3.870.3 δεξιτερῇ, ἔλαεν δὲ δι’ ἄστεος· αἱ δὲ δὴ ἄλλαι ### book 3.870.4 ἀμφίπολοι, πείρινθος ἐφαπτόμεναι μετόπισθεν, ### book 3.870.5 τρώχων εὐρεῖαν κατ’ ἀμαξιτόν, ἂν δὲ χιτῶνας ### book 3.875.1 λεπταλέους λευκῆς ἐπιγουνίδος ἄχρις ἄειρον. ### book 3.875.2 οἵη δέ, λιαροῖσιν ἐν ὕδασι Παρθενίοιο ### book 3.875.3 ἠὲ καὶ Ἀμνισοῖο λοεσσαμένη ποταμοῖο, ### book 3.875.4 χρυσείοις Λητωὶς ἐφ’ ἅρμασιν ἑστηυῖα ### book 3.875.5 ὠκείαις κεμάδεσσι διεξελάῃσι κολώνας, ### book 3.880.1 τηλόθεν ἀντιόωσα πολυκνίσου ἑκατόμβης· ### book 3.880.2 τῇ δ’ ἅμα νύμφαι ἕπονται ἀμορβάδες, αἱ μὲν ἀπ’ αὐτῆς ### book 3.880.3 ἀγρόμεναι πηγῆς Ἀμνισίδες, αἱ δὲ λιποῦσαι ### book 3.880.4 ἄλσεα καὶ σκοπιὰς πολυπίδακας, ἀμφὶ δὲ θῆρες ### book 3.880.5 κνυζηθμῷ σαίνουσιν ὑποτρομέοντες ἰοῦσαν— ### book 3.885.1 ὧς αἵγ’ ἐσσεύοντο δι’ ἄστεος, ἀμφὶ δὲ λαοί ### book 3.885.2 εἶκον ἀλευάμενοι βασιληίδος ὄμματα κούρης. ### book 3.885.3 αὐτὰρ ἐπεὶ πόλιος μὲν ἐυδμήτους λίπ’ ἀγυιάς, ### book 3.885.4 νηὸν δ’ εἰσαφίκανε διὲκ πεδίων ἐλάουσα, ### book 3.885.5 δὴ τότ’ ἐυτροχάλοιο κατ’ αὐτόθι βήσατ’ ἀπήνης ### book 3.890 ἱεμένη, καὶ τοῖα μετὰ δμωῇσιν ἔειπεν· ### book 3.1 “Ὦ φίλαι, ἦ μέγα δή τι παρήλιτον, οὐδ’ ἐνόησα ### book 3.2 †μὴ ἴμεν ἀλλοδαποῖσι μετ’† ἀνδράσιν, οἵ τ’ ἐπὶ γαῖαν ### book 3.3 ἡμετέρην στρωφῶσιν, ἀμηχανίῃ βεβόληται ### book 3.4 πᾶσα πόλις, τὸ καὶ οὔ τις ἀνήλυθε δεῦρο γυναικῶν ### book 3.895.1 τάων αἳ τὸ πάροιθεν ἐπημάτιαι ἀγέρονται. ### book 3.895.2 ἀλλ’ ἐπεὶ οὖν ἱκόμεσθα καὶ οὔ νύ τις ἄλλος ἔπεισιν, ### book 3.895.3 εἰ δ’ ἄγε μολπῇ θυμὸν ἀφειδείως κορέσωμεν ### book 3.895.4 μειλιχίῃ, τὰ δὲ καλὰ τερείνης ἄνθεα ποίης ### book 3.895.5 λεξάμεναι, τότ’ ἔπειτ’ αὐτὴν ἀπονισσόμεθ’ ὥρην. ### book 3.1 καὶ δέ κε σὺν πολέεσσιν ὀνείασιν οἴκαδ’ ἵκοισθε ### book 3.2 ἤματι τῷδ’, εἴ μοι συναρέσσετε τήνδε μενοινήν. ### book 3.3 Ἄργος γάρ μ’ ἐπέεσσι παρατρέπει, ὧς δὲ καὶ αὐτή ### book 3.4 Χαλκιόπη—τὰ δὲ σῖγα νόῳ ἔχετ’ εἰσαΐουσαι ### book 3.5 ἐξ ἐμέθεν, μὴ πατρὸς ἐς οὔατα μῦθος ἵκηται· ### book 3.905.1 τὸν ξεῖνόν με κέλονται ὅτις περὶ βουσὶν ὑπέστη, ### book 3.905.2 δῶρ’ ἀποδεξαμένην, ὀλοῶν ῥύσασθαι ἀέθλων· ### book 3.905.3 αὐτὰρ ἐγὼ τὸν μῦθον ἐπῄνεον ἠδὲ καὶ αὐτόν ### book 3.905.4 κέκλομαι εἰς ὠπὴν ἑτάρων ἄπο μοῦνον ἱκέσθαι, ### book 3.905.5 ὄφρα τὰ μὲν δασόμεσθα μετὰ σφίσιν, εἴ κεν ὀπάσσῃ ### book 3.910.1 δῶρα φέρων, τῷ δ’ αὖτε κακώτερον ἄλλο πόρωμεν ### book 3.910.2 φάρμακον. ἀλλ’ ἀπονόσφι πέλεσθέ μοι, εὖτ’ ἂν ἵκηται.” ### book 3.910.3 Ὧς ηὔδα· πάσῃσι δ’ ἐπίκλοπος ἥνδανε μῆτις. ### book 3.910.4 Αὐτίκα δ’ Αἰσονίδην ἑτάρων ἄπο μοῦνον ἐρύσσας ### book 3.910.5 Ἄργος, ὅτ’ ἤδη τήνγε κασιγνήτων ἐσάκουσεν ### book 3.915.1 ἠερίην Ἑκάτης ἱερὸν μετὰ νηὸν ἰοῦσαν, ### book 3.915.2 ἦγε διὲκ πεδίου· ἅμα δέ σφισιν εἵπετο Μόψος ### book 3.1 Ἀμπυκίδης, ἐσθλὸς μὲν ἐπιπροφανέντας ἐνισπεῖν ### book 3.2 οἰωνούς, ἐσθλὸς δὲ σὺν εὖ φράσσασθαι ἰοῦσιν. ### book 3.3 ἔνθ’ οὔπω τις τοῖος ἐπὶ προτέρων γένετ’ ἀνδρῶν, ### book 3.920.1 οὔθ’ ὅσοι ἐξ αὐτοῖο Διὸς γένος οὔθ’ ὅσοι ἄλλων ### book 3.920.2 ἀθανάτων ἥρωες ἀφ’ αἵματος ἐβλάστησαν, ### book 3.920.3 οἷον Ἰήσονα θῆκε Διὸς δάμαρ ἤματι κείνῳ ### book 3.920.4 ἠμὲν ἐσάντα ἰδεῖν ἠδὲ προτιμυθήσασθαι· ### book 3.920.5 τὸν καὶ παπταίνοντες ἐθάμβεον αὐτοὶ ἑταῖροι ### book 3.925.1 λαμπόμενον χαρίτεσσιν, ἐγήθησεν δὲ κελεύθῳ ### book 3.925.2 Ἀμπυκίδης, ἤδη που ὀισσάμενος τὰ ἕκαστα. ### book 3.925.3 Ἔσκε δέ τις πεδίοιο κατὰ στίβον ἐγγύθι νηοῦ ### book 3.925.4 αἴγειρος φύλλοισιν ἀπειρεσίοις κομόωσα, ### book 3.925.5 τῇ θαμὰ δὴ λακέρυζαι ἐπηυλίζοντο κορῶναι· ### book 3.930.1 τάων τις, μεσσηγὺς ἀνὰ πτερὰ κινήσασα, ### book 3.930.2 ὑψοῦ ἐπ’ ἀκρεμόνων Ἥρης ἠνίπαπε βουλαῖς· ### book 3.930.3 “Ἀκλειὴς ὅδε μάντις, ὃς οὐδ’ ὅσα παῖδες ἴσασιν ### book 3.930.4 οἶδε νόῳ φράσσασθαι, ὁθούνεκεν οὔτε τι λαρόν ### book 3.930.5 οὔτ’ ἐρατὸν κούρη κεν ἔπος προτιμυθήσαιτο ### book 3.935.1 ἠιθέῳ, εὖτ’ ἄν σφιν ἐπήλυδες ἄλλοι ἕπωνται. ### book 3.935.2 ἔρροις, ὦ κακόμαντι, κακοφραδές, οὐδέ σε Κύπρις ### book 3.935.3 οὔτ’ ἀγανοὶ φιλέοντες ἐπιπνείουσιν Ἔρωτες.” ### book 3.935.4 Ἴσκεν ἀτεμβομένη· μείδησε δὲ Μόψος ἀκούσας ### book 3.935.5 ὀμφὴν οἰωνοῖο θεήλατον, ὧδέ τ’ ἔειπεν· ### book 3.940.1 “Τύνη μὲν νηόνδε θεᾶς ἴθι, τῷ ἔνι κούρην ### book 3.940.2 δήεις, Αἰσονίδη, μάλα δ’ ἠπίῃ ἀντιβολήσεις ### book 3.940.3 Κύπριδος ἐννεσίῃς, ἥ τοι συνέριθος ἀέθλων ### book 3.940.4 ἔσσεται, ὡς δὴ καὶ πρὶν Ἀγηνορίδης φάτο Φινεύς· ### book 3.940.5 νῶι δ’, ἐγὼν Ἄργος τε, δεδεγμένοι ἔστ’ ἂν ἵκηαι ### book 3.945 τῷδ’ αὐτῷ ἐνὶ χώρῳ, ἀπεσσόμεθ’· οἰόθι δ’ αὐτός ### book 3.1 λίσσεό μιν πυκινοῖσι παρατροπέων ἐπέεσσιν.” ### book 3.2 Ἦ ῥα περιφραδέως, ἐπὶ δὲ σχεδὸν ᾔνεον ἄμφω. ### book 3.3 Οὐδ’ ἄρα Μηδείης θυμὸς τράπετ’ ἄλλα νοῆσαι, ### book 3.4 μελπομένης περ ὅμως· πᾶσαι δέ οἱ ἥντιν’ ἀθύροι ### book 3.1 μολπὴν οὐκ ἐπὶ δηρὸν ἐφήνδανεν ἑψιάασθαι, ### book 3.2 ἀλλὰ μεταλλήγεσκεν ἀμήχανος· οὐδέ ποτ’ ὄσσε ### book 3.3 ἀμφιπόλων μεθ’ ὅμιλον ἔχ’ ἀτρέμας, ἐς δὲ κελεύθους ### book 3.4 τηλόσε παπταίνεσκε παρακλίνουσα παρειάς. ### book 3.5 ἦ θαμὰ δὴ †στηθέων ἐάγη† κέαρ, ὁππότε δοῦπον ### book 3.955.1 ἢ ποδὸς ἢ ἀνέμοιο παραθρέξαντα δοάσσαι. ### book 3.955.2 αὐτὰρ ὅγ’ οὐ μετὰ δηρὸν ἐελδομένῃ ἐφαάνθη, ### book 3.955.3 ὑψός’ ἀναθρῴσκων ἅ τε Σείριος Ὠκεανοῖο, ### book 3.955.4 ὃς δή τοι καλὸς μὲν ἀρίζηλός τ’ ἐσιδέσθαι ### book 3.955.5 ἀντέλλει, μήλοισι δ’ ἐν ἄσπετον ἧκεν ὀιζύν— ### book 3.960.1 ὧς ἄρα τῇ καλὸς μὲν ἐπήλυθεν εἰσοράασθαι ### book 3.960.2 Αἰσονίδης, κάματον δὲ δυσίμερον ὦρσε φαανθείς. ### book 3.960.3 ἐκ δ’ ἄρα οἱ κραδίη στηθέων πέσεν, ὄμματα δ’ αὔτως ### book 3.960.4 ἤχλυσαν, θερμὸν δὲ παρηίδας εἷλεν ἔρευθος· ### book 3.960.5 γούνατα δ’ οὔτ’ ὀπίσω οὔτε προπάροιθεν ἀεῖραι ### book 3.965.1 ἔσθενεν, ἀλλ’ ὑπένερθε πάγη πόδας. αἱ δ’ ἄρα τείως ### book 3.965.2 ἀμφίπολοι μάλα πᾶσαι ἀπὸ σφείων ἐλίασθεν· ### book 3.965.3 τὼ δ’ ἄνεῳ καὶ ἄναυδοι ἐφέστασαν ἀλλήλοισιν, ### book 3.965.4 ἢ δρυσὶν ἢ μακρῇσιν ἐειδόμενοι ἐλάτῃσιν, ### book 3.965.5 αἵ τε παρᾶσσον ἕκηλοι ἐν οὔρεσιν ἐρρίζωνται ### book 3.970.1 νηνεμίῃ, μετὰ δ’ αὖτις ὑπὸ ῥιπῆς ἀνέμοιο ### book 3.970.2 κινύμεναι ὁμάδησαν ἀπείριτον—ὧς ἄρα τώγε ### book 3.970.3 μέλλον ἅλις φθέγξασθαι ὑπὸ πνοιῇσιν Ἔρωτος. ### book 3.970.4 γνῶ δέ μιν Αἰσονίδης ἄτῃ ἐνιπεπτηυῖαν ### book 3.970.5 θευμορίῃ, καὶ τοῖον ὑποσσαίνων φάτο μῦθον· ### book 3.975 “Τίπτε με παρθενικὴ τόσον ἅζεαι οἶον ἐόντα; ### book 3.1 οὔ τοι ἐγὼν οἷοί τε δυσαυχέες ἄλλοι ἔασιν ### book 3.2 ἀνέρες, οὐδ’ ὅτε περ πάτρῃ ἔνι ναιετάασκον ### book 3.3 ἦα πάρος· τῶ μή με λίην ὑπεραίδεο κούρη ### book 3.4 ἤ τι παρεξερέεσθαι ὅ τοι φίλον ἠέ τι φάσθαι· ### book 3.980.1 ἀλλ’ ἐπεὶ ἀλλήλοισιν ἱκάνομεν εὐμενέοντες, ### book 3.980.2 χώρῳ ἐν ἠγαθέῳ, ἵνα τ’ οὐ θέμις ἔστ’ ἀλιτέσθαι, ### book 3.980.3 ἀμφαδίην ἀγόρευε καὶ εἴρεο, μηδέ με τερπνοῖς ### book 3.980.4 φηλώσῃς ἐπέεσσιν, ἐπεὶ τὸ πρῶτον ὑπέστης ### book 3.980.5 αὐτοκασιγνήτῃ μενοεικέα φάρμακα δώσειν. ### book 3.985.1 πρός ς’ αὐτῆς Ἑκάτης μειλίσσομαι ἠδὲ τοκήων ### book 3.985.2 καὶ Διός, ὃς ξείνοις ἱκέτῃσί τε χεῖρ’ ὑπερίσχει· ### book 3.985.3 ἀμφότερον δ’ ἱκέτης ξεῖνός τέ τοι ἐνθάδ’ ἱκάνω ### book 3.985.4 χρειοῖ ἀναγκαίῃ γουνούμενος, οὐ γὰρ ἄνευθεν ### book 3.985.5 ὑμείων στονόεντος ὑπέρτερος ἔσσομ’ ἀέθλου. ### book 3.990.1 σοὶ δ’ ἂν ἐγὼ τείσαιμι χάριν μετόπισθεν ἀρωγῆς ### book 3.990.2 ᾗ θέμις, ὡς ἐπέοικε διάνδιχα ναιετάοντας, ### book 3.990.3 οὔνομα καὶ καλὸν τεύχων κλέος· ὧς δὲ καὶ ὧλλοι ### book 3.990.4 ἥρωες κλῄσουσιν ἐς Ἑλλάδα νοστήσαντες, ### book 3.990.5 ἡρώων τ’ ἄλοχοι καὶ μητέρες, αἵ νύ που ἤδη ### book 3.995.1 ἡμέας ἠιόνεσσιν ἐφεζόμεναι γοάουσιν, ### book 3.995.2 τάων ἀργαλέας κεν ἀποσκεδάσειας ἀνίας. ### book 3.995.3 δή ποτε καὶ Θησῆα κακῶν ὑπελύσατ’ ἀέθλων ### book 3.995.4 παρθενικὴ Μινωὶς ἐυφρονέους’ Ἀριάδνη, ### book 3.995.5 ἥν ῥά τε Πασιφάη κούρη τέκεν Ἠελίοιο. ### book 3 ἀλλ’ ἡ μὲν καὶ νηός, ἐπεὶ χόλον εὔνασε Μίνως, ### book 3.1 σὺν τῷ ἐφεζομένη πάτρην λίπε· τὴν δὲ καὶ αὐτοί ### book 3.2 ἀθάνατοι φίλαντο, μέσῳ δέ οἱ αἰθέρι τέκμωρ ### book 3.3 ἀστερόεις στέφανος, τόν τε κλείους’ Ἀριάδνης, ### book 3.4 πάννυχος οὐρανίοις ἐνελίσσεται εἰδώλοισιν· ### book 3.1005.1 ὧς καὶ σοὶ θεόθεν χάρις ἔσσεται, εἴ κε σαώσεις ### book 3.1005.2 τόσσον ἀριστήων ἀνδρῶν στόλον· ἦ γὰρ ἔοικας ### book 3.1005.3 ἐκ μορφῆς ἀγανῇσιν ἐπητείῃσι κεκάσθαι.” ### book 3.1005.4 Ὧς φάτο, κυδαίνων· ἡ δ’ ἐγκλιδὸν ὄσσε βαλοῦσα ### book 3.1005.5 νεκτάρεον μείδησε, χύθη δέ οἱ ἔνδοθι θυμός ### book 3.1010.1 αἴνῳ ἀειρομένης· καὶ ἀνέδρακεν ὄμμασιν ἄντην, ### book 3.1010.2 οὐδ’ ἔχεν ὅττι πάροιθεν ἔπος προτιμυθήσαιτο, ### book 3.1010.3 ἀλλ’ ἄμυδις μενέαινεν ἀολλέα πάντ’ ἀγορεῦσαι. ### book 3.1010.4 προπρὸ δ’ ἀφειδήσασα θυώδεος ἔξελε μίτρης ### book 3.1010.5 φάρμακον· αὐτὰρ ὅγ’ αἶψα χεροῖν ὑπέδεκτο γεγηθώς. ### book 3.1015.1 καί νύ κέ οἱ καὶ πᾶσαν ἀπὸ στηθέων ἀρύσασα ### book 3.1015.2 ψυχὴν ἐγγυάλιξεν ἀγαιομένη χατέοντι· ### book 3.1015.3 τοῖος ἀπὸ ξανθοῖο καρήατος Αἰσονίδαο ### book 3.1015.4 στράπτεν ἔρως ἡδεῖαν †ἀπὸ φλόγα, τῆς δ’ ἀμαρυγάς ### book 3.1015.5 ὀφθαλμῶν ἥρπαζεν, ἰαίνετο δὲ φρένας εἴσω ### book 3.1020.1 τηκομένη, οἷόν τε περὶ ῥοδέῃσιν ἐέρση ### book 3.1020.2 τήκεται ἠῴοισιν ἰαινομένη φαέεσσιν. ### book 3.1020.3 ἄμφω δ’ ἄλλοτε μέν τε κατ’ οὔδεος ὄμματ’ ἔρειδον ### book 3.1020.4 αἰδόμενοι, ὁτὲ δ’ αὖτις ἐπὶ σφίσι βάλλον ὀπωπάς ### book 3.1020.5 ἱμερόεν φαιδρῇσιν ὑπ’ ὀφρύσι μειδιόωντες. ### book 3.1025.1 ὀψὲ δὲ δὴ τοίοισι μόλις προσπτύξατο κούρη· ### book 3.1025.2 “Φράζεο νῦν, ὥς κέν τοι ἐγὼ μητίσομ’ ἀρωγήν. ### book 3.1025.3 εὖτ’ ἂν δὴ μετιόντι πατὴρ ἐμὸς ἐγγυαλίξῃ ### book 3.1025.4 ἐξ ὄφιος γενύων ὀλοοὺς σπείρασθαι ὀδόντας, ### book 3.1025.5 δὴ τότε, μέσσην νύκτα διαμμοιρηδὰ φυλάξας, ### book 3.1030.1 ἀκαμάτοιο ῥοῇσι λοεσσάμενος ποταμοῖο, ### book 3.1030.2 οἶος ἄνευθ’ ἄλλων ἐνὶ φάρεσι κυανέοισιν ### book 3.1030.3 βόθρον ὀρύξασθαι περιηγέα, τῷ δ’ ἔνι θῆλυν ### book 3.1030.4 ἀρνειὸν σφάζειν καὶ ἀδαίετον ὠμοθετῆσαι, ### book 3.1030.5 αὐτῷ πυρκαϊὴν εὖ νηήσας ἐπὶ βόθρῳ· ### book 3.1035.1 μουνογενῆ δ’ Ἑκάτην Περσηίδα μειλίσσοιο, ### book 3.1035.2 λείβων ἐκ δέπαος σιμβλήια ἔργα μελισσέων. ### book 3.1035.3 ἔνθα δ’ ἐπεί κε θεὰν μεμνημένος ἱλάσσηαι, ### book 3.1035.4 ἂψ ἀπὸ πυρκαϊῆς ἀναχάζεο, μηδέ σε δοῦπος ### book 3.1035.5 ἠὲ ποδῶν ὄρσῃσι μεταστρεφθῆναι ὀπίσσω ### book 3.1040.1 ἠὲ κυνῶν ὑλακή, μή πως τὰ ἕκαστα κολούσας ### book 3.1040.2 οὐδ’ αὐτὸς κατὰ κόσμον ἑοῖς ἑτάροισι πελάσσῃς. ### book 3.1040.3 ἦρι δέ, μυδήνας τόδε φάρμακον, ἠύτ’ ἀλοιφῇ ### book 3.1040.4 γυμνωθεὶς φαίδρυνε τεὸν δέμας· ἐν δέ τοι ἀλκή ### book 3.1040.5 ἔσσετ’ ἀπειρεσίη μέγα τε σθένος, οὐδέ κε φαίης ### book 3.1045.1 ἀνδράσιν ἀλλὰ θεοῖσιν ἰσαζέμεν ἀθανάτοισιν· ### book 3.1045.2 πρὸς δὲ καὶ αὐτῷ δουρὶ σάκος πεπαλαγμένον ἔστω ### book 3.1045.3 καὶ ξίφος. ἔνθ’ οὐκ ἄν σε διατμήξειαν ἀκωκαί ### book 3.1045.4 γηγενέων ἀνδρῶν οὐδ’ ἄσχετος ἀίσσουσα ### book 3.1045.5 φλὸξ ὀλοῶν ταύρων. τοῖός γε μὲν οὐκ ἐπὶ δηρόν ### book 3.1 ἔσσεαι, ἀλλ’ αὐτῆμαρ ὁμῶς σύγε μή ποτ’ ἀέθλου ### book 3.2 χάζεο. καὶ δέ τοι ἄλλο παρὲξ ὑποθήσομ’ ὄνειαρ· ### book 3.1 αὐτίκ’ ἐπὴν κρατεροὺς ζεύξῃς βόας, ὦκα δὲ πᾶσαν ### book 3.2 χερσὶ καὶ ἠνορέῃ στυφελὴν διὰ νειὸν ἀρόσσῃς ### book 3.1055* σπειρομένων ὄφιος δνοφερὴν ἐπὶ βῶλον ὀδόντων, ### book 3.1054 οἱ δ’ ἤδη κατὰ ὦλκας ἀνασταχύωσι γίγαντες, ### book 3.1056.1 ᾗ κεν ὀρινομένους πολέας νειοῖο δοκεύσῃς, ### book 3.1056.2 λάθρῃ λᾶαν ἄφες στιβαρώτερον· οἱ δ’ ἂν ἐπ’ αὐτῷ, ### book 3.1056.3 καρχαλέοι κύνες ὥστε περὶ βρώμης, ὀλέκοιεν ### book 3.1056.4 ἀλλήλους. καὶ δ’ αὐτὸς ἐπείγεο δηιοτῆτος ### book 3.1060.1 ἰθῦσαι, τὸ δὲ κῶας ἐς Ἑλλάδα τοῖο ἕκητι ### book 3.1060.2 οἴσεαι ἐξ Αἴης—τηλοῦ ποθι, νίσσεο δ’ ἔμπης ### book 3.1060.3 ᾗ φίλον, ᾗ τοι ἕαδεν ἀφορμηθέντι νέεσθαι.” ### book 3.1060.4 Ὧς ἄρ’ ἔφη, καὶ σῖγα ποδῶν πάρος ὄσσε βαλοῦσα, ### book 3.1060.5 θεσπέσιον λιαροῖσι παρηίδα δάκρυσι δεῦε ### book 3.1065.1 μυρομένη, ὅτ’ ἔμελλεν ἀπόπροθι πολλὸν ἑοῖο ### book 3.1065.2 πόντον ἐπιπλάγξεσθαι. ἀνιηρῷ δέ μιν ἄντην ### book 3.1065.3 ἐξαῦτις μύθῳ προσεφώνεεν, εἷλέ τε χειρός ### book 3.1065.4 δεξιτερῆς, δὴ γάρ οἱ ἀπ’ ὀφθαλμοὺς λίπεν αἰδώς· ### book 3.1065.5 “Μνώεο δ’, ἢν ἄρα δή ποθ’ ὑπότροπος οἴκαδ’ ἵκηαι, ### book 3.1070.1 οὔνομα Μηδείης· ὧς δ’ αὖτ’ ἐγὼ ἀμφὶς ἐόντος ### book 3.1070.2 μνήσομαι. εἰπὲ δέ μοι πρόφρων τόδε· πῇ τοι ἔασιν ### book 3.1070.3 δώματα; πῇ νῦν ἔνθεν ὑπεὶρ ἅλα νηὶ περήσεις; ### book 3.1070.4 ἤ νύ που ἀφνειοῦ σχεδὸν ἵξεαι Ὀρχομενοῖο ### book 3.1070.5 ἦε καὶ Αἰαίης νήσου πέλας; εἰπὲ δὲ κούρην ### book 3.1075.1 ἥντινα τήνδ’ ὀνόμηνας ἀριγνώτην γεγαυῖαν ### book 3.1075.2 Πασιφάης, ἣ πατρὸς ὁμόγνιός ἐστιν ἐμεῖο.” ### book 3.1075.3 Ὧς φάτο· τὸν δὲ καὶ αὐτὸν ὑπήιε δάκρυσι κούρης ### book 3.1075.4 οὖλος ἔρως, τοῖον δὲ παραβλήδην ἔπος ηὔδα· ### book 3.1075.5 “Καὶ λίην οὐ νύκτας ὀίομαι οὐδέ ποτ’ ἦμαρ ### book 3.1080.1 σεῦ ἐπιλήσεσθαι προφυγὼν μόρον—εἰ ἐτεόν γε ### book 3.1080.2 φεύξομαι ἀσκηθὴς ἐς Ἀχαιίδα, μηδέ τιν’ ἄλλον ### book 3.1080.3 Αἰήτης προβάλῃσι κακώτερον ἄμμιν ἄεθλον. ### book 3.1080.4 εἰ δέ τοι ἡμετέρην ἐξίδμεναι εὔαδε πάτρην, ### book 3.1080.5 ἐξερέω· μάλα γάρ με καὶ αὐτὸν θυμὸς ἀνώγει. ### book 3.1085.1 ἔστι τις αἰπεινοῖσι περίδρομος οὔρεσι γαῖα, ### book 3.1085.2 πάμπαν ἐύρρηνός τε καὶ εὔβοτος, ἔνθα Προμηθεύς ### book 3.1085.3 Ἰαπετιονίδης ἀγαθὸν τέκε Δευκαλίωνα, ### book 3.1085.4 ὃς πρῶτος ποίησε πόλεις καὶ ἐδείματο νηούς ### book 3.1085.5 ἀθανάτοις, πρῶτος δὲ καὶ ἀνθρώπων βασίλευσεν· ### book 3.1090.1 Αἱμονίην δὴ τήνγε περικτίονες καλέουσιν· ### book 3.1090.2 ἐν δ’ αὐτὴ Ἰαωλκός, ἐμὴ πόλις, ἐν δὲ καὶ ἄλλαι ### book 3.1090.3 πολλαὶ ναιετάουσιν ἵν’ οὐδέ περ οὔνομ’ ἀκοῦσαι ### book 3.1090.4 Αἰαίης νήσου· Μινύην γε μὲν ὁρμηθέντα, ### book 3.1090.5 Αἰολίδην Μινύην, ἔνθεν φάτις Ὀρχομενοῖο ### book 3.1095.1 δή ποτε Καδμείοισιν ὁμούριον ἄστυ πολίσσαι. ### book 3.1095.2 ἀλλὰ τίη τάδε τοι μεταμώνια πάντ’ ἀγορεύω, ### book 3.1095.3 ἡμετέρους τε δόμους τηλεκλείτην τ’ Ἀριάδνην, ### book 3.1095.4 κούρην Μίνωος, τόπερ ἀγλαὸν οὔνομα κείνην ### book 3.1095.5 παρθενικὴν καλέεσκον ἐπήρατον ἥν μ’ ἐρεείνεις; ### book 3.1 αἴθε γάρ, ὡς Θησῆι τότε ξυναρέσσατο Μίνως ### book 3.2 ἀμφ’ αὐτῆς, ὧς ἄμμι πατὴρ τεὸς ἄρθμιος εἴη.” ### book 3.1 Ὧς φάτο, μειλιχίοισι καταψήχων ὀάροισιν· ### book 3.2 τῆς δ’ ἀλεγεινόταται κραδίην ἐρέθεσκον ἀνῖαι, ### book 3.3 καί μιν ἀκηχεμένη ἀδινῷ προσπτύξατο μύθῳ· ### book 3.1105.1 “Ἑλλάδι που τάδε καλά, συνημοσύνας ἀλεγύνειν· ### book 3.1105.2 Αἰήτης δ’ οὐ τοῖος ἐν ἀνδράσιν οἷον ἔειπας ### book 3.1105.3 Μίνω Πασιφάης πόσιν ἔμμεναι, οὐδ’ Ἀριάδνῃ ### book 3.1105.4 ἰσοῦμαι· τῶ μή τι φιλοξενίην ἀγόρευε, ### book 3.1105.5 ἀλλ’ οἶον τύνη μὲν ἐμεῦ, ὅτ’ Ἰωλκὸν ἵκηαι, ### book 3.1110.1 μνώεο, σεῖο δ’ ἐγὼ καὶ ἐμῶν ἀέκητι τοκήων ### book 3.1110.2 μνήσομαι. ἔλθοι δ’ ἧμιν ἀπόπροθεν ἠέ τις ὄσσα ### book 3.1110.3 ἠέ τις ἄγγελος ὄρνις, ὅτ’ ἐκλελάθοιο ἐμεῖο· ### book 3.1110.4 ἢ αὐτήν με ταχεῖαι ὑπὲρ πόντοιο φέροιεν ### book 3.1110.5 ἐνθένδ’ εἰς Ἰαωλκὸν ἀναρπάξασαι ἄελλαι, ### book 3.1115.1 ὄφρα ς’ ἐν ὀφθαλμοῖσιν ἐλεγχείας προφέρουσα ### book 3.1115.2 μνήσω ἐμῇ ἰότητι πεφυγμένον· αἴθε γὰρ εἴην ### book 3.1115.3 ἀπροφάτως τότε σοῖσιν ἐφέστιος ἐν μεγάροισιν.” ### book 3.1115.4 Ὧς ἄρ’ ἔφη, ἐλεεινὰ κατὰ προχέουσα παρειῶν ### book 3.1115.5 δάκρυα· τὴν δ’ ὅγε δῆθεν ὑποβλήδην προσέειπεν· ### book 3.1120.1 “Δαιμονίη, κενεὰς μὲν ἔα πλάζεσθαι ἀέλλας, ### book 3.1120.2 ὧς δὲ καὶ ἄγγελον ὄρνιν, ἐπεὶ μεταμώνια βάζεις· ### book 3.1120.3 εἰ δέ κεν ἤθεα κεῖνα καὶ Ἑλλάδα γαῖαν ἵκηαι, ### book 3.1120.4 τιμήεσσα γυναιξὶ καὶ ἀνδράσιν αἰδοίη τε ### book 3.1120.5 ἔσσεαι, οἱ δέ σε πάγχυ θεὸν ὣς πορσανέουσιν, ### book 3.1125.1 οὕνεκα τῶν μὲν παῖδες ὑπότροποι οἴκαδ’ ἵκοντο ### book 3.1125.2 σῇ βουλῇ, τῶν δ’ αὖτε κασίγνητοί τε ἔται τε ### book 3.1125.3 καὶ θαλεροὶ κακότητος ἄδην ἐσάωθεν ἀκοῖται· ### book 3.1125.4 ἡμέτερον δὲ λέχος θαλάμοις ἔνι κουριδίοισιν ### book 3.1125.5 πορσανέεις, οὐδ’ ἄμμε διακρινέει φιλότητος ### book 3.1130.1 ἄλλο, πάρος θάνατόν γε μεμορμένον ἀμφικαλύψαι.” ### book 3.1130.2 Ὧς φάτο· τῇ δ’ ἔντοσθε κατείβετο θυμὸς ἀκουῇ· ### book 3.1130.3 ἔμπης δ’ ἔργ’ ἀρίδηλα κατερρίγησεν ἰδέσθαι, ### book 3.1130.4 σχετλίη· οὐ μὲν δηρὸν ἀπαρνήσεσθαι ἔμελλεν ### book 3.1130.5 Ἑλλάδα ναιετάειν· ὧς γὰρ τόγε μήδετο Ἥρη, ### book 3.1135.1 ὄφρα κακὸν Πελίῃ ἱερὴν ἐς Ἰωλκὸν ἵκηται ### book 3.1135.2 Αἰαίη Μήδεια λιποῦς’ ἄπο πατρίδα γαῖαν. ### book 3.1135.3 Ἤδη δ’ ἀμφίπολοι μὲν ὀπιπτεύουσαι ἄπωθεν ### book 3.1135.4 σιγῇ ἀνιάζεσκον, ἐδεύετο δ’ ἤματος ὥρη ### book 3.1135.5 ἂψ οἶκόνδε νέεσθαι ἑὴν μετὰ μητέρα κούρην, ### book 3.1140.1 ἡ δ’ οὔπω κομιδῆς μιμνήσκετο, τέρπετο γάρ οἱ ### book 3.1140.2 θυμὸς ὁμῶς μορφῇ τε καὶ αἱμυλίοισι λόγοισιν, ### book 3.1140.3 εἰ μὴ ἄρ’ Αἰσονίδης πεφυλαγμένος ὀψέ περ ηὔδα· ### book 3.1140.4 “Ὥρη ἀποβλώσκειν, μὴ πρὶν φάος ἠελίοιο ### book 3.1140.5 δύῃ ὑποφθάμενον καί τις τὰ ἕκαστα νοήσῃ ### book 3.1145.1 ὀθνείων· αὖτις δ’ ἀβολήσομεν ἐνθάδ’ ἰόντες.” ### book 3.1145.2 Ὧς τώγ’ ἀλλήλων ἀγανοῖς ἐπὶ τόσσον ἔπεσσιν ### book 3.1145.3 πείρηθεν, μετὰ δ’ αὖτε διέτμαγον· ἤτοι Ἰήσων ### book 3.1145.4 εἰς ἑτάρους καὶ νῆα κεχαρμένος ὦρτο νέεσθαι, ### book 3.1145.5 ἡ δὲ μετ’ ἀμφιπόλους. αἱ δὲ σχεδὸν ἀντεβόλησαν ### book 3.1 πᾶσαι ὁμοῦ, τὰς δ’ οὔτι περιπλομένας ἐνόησεν· ### book 3.2 ψυχὴ γὰρ νεφέεσσι μεταχρονίη πεπότητο. ### book 3.3 αὐτομάτοις δὲ πόδεσσι θοῆς ἐπεβήσατ’ ἀπήνης, ### book 3.4 καί ῥ’ ἑτέρῃ μὲν χειρὶ λάβ’ ἡνία, τῇ δ’ ἄρ’ ἱμάσθλην ### book 3.5 δαιδαλέην οὐρῆας ἐλαυνέμεν. οἱ δὲ πόλινδε ### book 3.1155 θῦνον ἐπειγόμενοι ποτὶ δώματα· τὴν δ’ ἀνιοῦσαν ### book 3.1 Χαλκιόπη, περὶ παισὶν ἀκηχεμένη, ἐρέεινεν· ### book 3.2 ἡ δὲ παλιντροπίῃσιν ἀμήχανος οὔτε τι μύθων ### book 3.3 ἔκλυεν οὔτ’ αὐδῆσαι ἀνειρομένῃ λελίητο. ### book 3.4 ἷζε δ’ ἐπὶ χθαμαλῷ σφέλαϊ κλιντῆρος ἔνερθεν ### book 3.1160.1 λέχρις ἐρεισαμένη λαιῇ ἐπὶ χειρὶ παρειήν, ### book 3.1160.2 ὑγρὰ δ’ ἐνὶ βλεφάροις ἔχεν ὄμματα, πορφύρουσα ### book 3.1160.3 οἷον ἑῇ κακὸν ἔργον ἐπιξυνώσατο βουλῇ. ### book 3.1160.4 Αἰσονίδης δ’ ὅτε δὴ ἑτάροις ἐξαῦτις ἔμικτο ### book 3.1160.5 ἐν χώρῃ ὅθι τούσγε καταπρολιπὼν ἐλιάσθη, ### book 3.1165.1 ὦρτ’ ἰέναι σὺν τοῖσι, πιφαυσκόμενος τὰ ἕκαστα, ### book 3.1165.2 ἡρώων ἐς ὅμιλον. ὁμοῦ δ’ ἐπὶ νῆα πέλασσαν· ### book 3.1165.3 οἱ δέ μιν ἀμφαγάπαζον, ὅπως ἴδον, ἔκ τ’ ἐρέοντο· ### book 3.1165.4 αὐτὰρ ὁ τοῖς πάντεσσι μετέννεπε δήνεα κούρης ### book 3.1165.5 δεῖξέ τε φάρμακον αἰνόν. ὁ δ’ οἰόθεν οἶος ἑταίρων ### book 3.1170.1 Ἴδας ἧστ’ ἀπάνευθε δακὼν χόλον· οἱ δὲ δὴ ἄλλοι ### book 3.1170.2 γηθόσυνοι, τῆμος μέν, ἐπεὶ κνέφας ἔργαθε νυκτός, ### book 3.1170.3 †εὔκηλοι μέλλοντο περὶ σφίσιν†· αὐτὰρ ἅμ’ ἠοῖ ### book 3.1170.4 πέμπον ἐς Αἰήτην ἰέναι σπόρον αἰτήσοντας ### book 3.1170.5 ἄνδρε δύω, πρὸ μὲν αὐτὸν ἀρηίφιλον Τελαμῶνα, ### book 3.1175.1 σὺν δὲ καὶ Αἰθαλίδην, υἷα κλυτὸν Ἑρμείαο. ### book 3.1175.2 βὰν δ’ ἴμεν, οὐδ’ ἁλίωσαν ὁδόν, πόρε δέ σφιν ἰοῦσιν ### book 3.1175.3 κρείων Αἰήτης χαλεποὺς ἐς ἄεθλον ὀδόντας ### book 3.1175.4 Ἀονίοιο δράκοντος, ὃν Ὠγυγίῃ ἐνὶ Θήβῃ ### book 3.1175.5 Κάδμος, ὅτ’ Εὐρώπην διζήμενος εἰσαφίκανεν, ### book 3.1180.1 πέφνεν, Ἀρητιάδι κρήνῃ ἐπίουρον ἐόντα· ### book 3.1180.2 ἔνθα καὶ ἐννάσθη πομπῇ βοὸς ἥν οἱ Ἀπόλλων ### book 3.1 ὤπασε μαντοσύνῃσι προηγήτειραν ὁδοῖο· ### book 3.2 τοὺς δὲ θεὰ Τριτωνὶς ὑπὲκ γενύων ἐλάσασα ### book 3.3 Αἰήτῃ πόρε δῶρον ὁμῶς αὐτῷ τε φονῆι· ### book 3.1185.1 καί ῥ’ ὁ μὲν Ἀονίοισιν ἐνισπείρας πεδίοισιν ### book 3.1185.2 Κάδμος Ἀγηνορίδης γαιηγενῆ εἵσατο λαόν, ### book 3.1185.3 Ἄρεος ἀμώοντος ὅσοι ὑπὸ δουρὶ λίποντο· ### book 3.1185.4 τοὺς δὲ τότ’ Αἰήτης ἔπορεν μετὰ νῆα φέρεσθαι ### book 3.1185.5 προφρονέως, ἐπεὶ οὔ μιν ὀίσσατο πείρατ’ ἀέθλου ### book 3.1190.1 ἐξανύσειν, εἰ καί περ ἐπὶ ζυγὰ βουσὶ βάλοιτο. ### book 3.1190.2 Ἠέλιος μὲν ἄπωθεν ἐρεμνὴν δύετο γαῖαν ### book 3.1190.3 ἑσπερίων νεάτας ὑπὲρ ἄκριας Αἰθιοπήων, ### book 3.1190.4 Νὺξ δ’ ἵπποισιν ἔβαλλεν ἔπι ζυγά· τοὶ δὲ χαμεύνας ### book 3.1190.5 ἔντυον ἥρωες παρὰ πείσμασιν. αὐτὰρ Ἰήσων, ### book 3.1195.1 αὐτίκ’ ἐπεί ῥ’ Ἑλίκης εὐφεγγέες ἀστέρες Ἄρκτου ### book 3.1195.2 ἔκλιθεν, οὐρανόθεν δὲ πανεύκηλος γένετ’ αἰθήρ, ### book 3.1195.3 βῆ ῥ’ ἐς ἐρημαίην κλωπήιος ἠύτε τις φώρ ### book 3.1195.4 σὺν πᾶσι χρήεσσι. πρὸ γάρ τ’ ἀλέγυνεν ἕκαστα ### book 3.1195.5 ἠμάτιος· θῆλυν μὲν ὄιν γάλα τ’ ἔκτοθι ποίμνης ### book 3.1 Ἄργος ἰὼν ἤνεικε, τὰ δ’ ἐξ αὐτῆς ἕλε νηός. ### book 3.2 ἀλλ’ ὅτε δὴ ἴδε χῶρον ὅτις πάτου ἔκτοθεν ἦεν ### book 3.3 ἀνθρώπων καθαρῇσιν ὑπεύδιος εἱαμενῇσιν, ### book 3.4 ἔνθ’ ἤτοι πάμπρωτα λοέσσατο μὲν ποταμοῖο ### book 3.5 εὐαγέως θείοιο τέρεν δέμας, ἀμφὶ δὲ φᾶρος ### book 3.1205.1 ἕσσατο κυάνεον, τό ῥά οἱ πάρος ἐγγυάλιξεν ### book 3.1205.2 Λημνιὰς Ὑψιπύλη ἀδινῆς μνημήιον εὐνῆς· ### book 3.1205.3 πήχυιον δ’ ἄρ’ ἔπειτα πέδῳ ἔνι βόθρον ὀρύξας, ### book 3.1205.4 νήησεν σχίζας, ἐπὶ δ’ ἀρνειοῦ τάμε λαιμόν ### book 3 αὐτόν τ’ εὖ καθύπερθε τανύσσατο· δαῖε δὲ φιτρούς ### book 3.1210.1 πῦρ ὑπένερθεν ἱείς, ἐπὶ δὲ μιγάδας χέε λοιβάς, ### book 3.1210.2 Βριμὼ κικλήσκων Ἑκάτην ἐπαρωγὸν ἀέθλων. ### book 3.1210.3 καί ῥ’ ὁ μὲν ἀγκαλέσας πάλιν ἔστιχεν· ἡ δ’ ἀίουσα ### book 3.1210.4 κευθμῶν ἐξ †ὑπάτων δεινὴ θεὸς ἀντεβόλησεν ### book 3.1210.5 ἱροῖς Αἰσονίδαο, πέριξ δέ μιν ἐστεφάνωντο ### book 3.1215.1 σμερδαλέοι δρυΐνοισι μετὰ πτόρθοισι δράκοντες, ### book 3.1215.2 στράπτε δ’ ἀπειρέσιον δαΐδων σέλας· ἀμφὶ δὲ τήνγε ### book 3.1215.3 ὀξείῃ ὑλακῇ χθόνιοι κύνες ἐφθέγγοντο. ### book 3.1215.4 πίσεα δ’ ἔτρεμε πάντα κατὰ στίβον· αἱ δ’ ὀλόλυξαν ### book 3.1215.5 νύμφαι ἑλειονόμοι ποταμηίδες, αἳ περὶ κείνην ### book 3.1220.1 Φάσιδος εἱαμενὴν Ἀμαραντίου εἱλίσσονται. ### book 3.1220.2 Αἰσονίδην δ’ ἤτοι μὲν ἕλεν δέος, ἀλλά μιν οὐδ’ ὧς ### book 3.1220.3 ἐντροπαλιζόμενον πόδες ἔκφερον, ὄφρ’ ἑτάροισι ### book 3.1220.4 μίκτο κιών. ἤδη δὲ φόως νιφόεντος ὕπερθεν ### book 3.1220.5 Καυκάσου ἠριγενὴς ἠὼς βάλεν ἀντέλλουσα· ### book 3.1225.1 καὶ τότ’ ἄρ’ Αἰήτης περὶ μὲν στήθεσσιν ἕεστο ### book 3.1225.2 θώρηκα στάδιον, τόν οἱ πόρεν ἐξεναρίξας ### book 3.1225.3 σφωιτέρῃς Φλεγραῖον Ἄρης ὑπὸ χερσὶ Μίμαντα· ### book 3.1225.4 χρυσείην δ’ ἐπὶ κρατὶ κόρυν θέτο τετραφάληρον ### book 3.1225.5 λαμπομένην, οἷόν τε περίτροχον ἔπλετο φέγγος ### book 3.1230.1 ἠελίου, ὅτε πρῶτον ἀνέρχεται Ὠκεανοῖο· ### book 3.1230.2 ἂν δὲ πολύρρινον νώμα σάκος, ἂν δὲ καὶ ἔγχος ### book 3.1230.3 δεινόν, ἀμαιμάκετον· τὸ μὲν οὔ κέ τις ἄλλος ὑπέστη ### book 3.1 ἀνδρῶν ἡρώων, ὅτε κάλλιπον Ἡρακλῆα ### book 3.2 τῆλε παρέξ, ὅ κεν οἶος ἐναντίβιον πτολέμιξεν. ### book 3.1235.1 τῷ δὲ καὶ ὠκυπόδων ἵππων εὐπηγέα δίφρον ### book 3.1235.2 ἔσχε πέλας Φαέθων, ἐπιβήμεναι· ἂν δὲ καὶ αὐτός ### book 3.1235.3 βήσατο, ῥυτῆρας δὲ χεροῖν ἕλεν. ἐκ δὲ πόληος ### book 3.1235.4 ἤλασαν εὐρεῖαν κατ’ ἀμαξιτόν, ὥς κεν ἀέθλῳ ### book 3.1235.5 παρσταίη· σὺν δέ σφιν ἀπείριτος ἔσσυτο λαός. ### book 3.1240.1 οἷος δ’ Ἴσθμιον εἶσι Ποσειδάων ἐς ἀγῶνα, ### book 3.1240.2 ἅρμασιν ἐμβεβαώς, ἢ Ταίναρον ἢ ὅγε Λέρνης ### book 3.1240.3 ὕδωρ ἠὲ καὶ ἄλσος Ὑαντίου Ὀγχηστοῖο, ### book 3.1240.4 καί τε Καλαύρειαν μετὰ δὴ θαμὰ νίσσεται ἵπποις ### book 3.1240.5 Πέτρην θ’ Αἱμονίην, ἢ δενδρήεντα Γεραιστόν— ### book 3.1245.1 τοῖος ἄρ’ Αἰήτης Κόλχων ἀγὸς ᾖεν ἰδέσθαι. ### book 3.1245.2 Τόφρα δὲ Μηδείης ὑποθημοσύνῃσιν Ἰήσων, ### book 3.1245.3 φάρμακα μυδήνας, ἠμὲν σάκος ἀμφεπάλυνεν ### book 3.1245.4 ἠδὲ δόρυ βριαρόν, περὶ δὲ ξίφος. ἀμφὶ δ’ ἑταῖροι ### book 3.1245.5 πείρησαν τευχέων βεβιημένοι, οὐδ’ ἐδύναντο ### book 3.1 κεῖνο δόρυ γνάμψαι τυτθόν γέ περ, ἀλλὰ μάλ’ αὔτως ### book 3.2 ἀαγὲς κρατερῇσιν ἐνεσκλήκει παλάμῃσιν. ### book 3.3 αὐτὰρ ὁ τοῖς ἄμοτον κοτέων Ἀφαρήιος Ἴδας ### book 3.4 κόψε παρ’ οὐρίαχον μεγάλῳ ξίφει· ἆλτο δ’ ἀκωκή ### book 3 ῥαιστὴρ ἄκμονος ὥστε παλιντυπές, οἱ δ’ ὁμάδησαν ### book 3.1255.1 γηθόσυνοι ἥρωες ἐπ’ ἐλπωρῇσιν ἀέθλου. ### book 3.1255.2 καὶ δ’ αὐτὸς μετέπειτα παλύνετο· δῦ δέ μιν ἀλκή ### book 3.1255.3 σμερδαλέη ἄφατός τε καὶ ἄτρομος, αἱ δ’ ἑκάτερθεν ### book 3.1255.4 χεῖρες ἐπερρώσαντο περὶ σθένεϊ σφριγόωσαι. ### book 3.1255.5 ὡς δ’ ὅτ’ ἀρήιος ἵππος, ἐελδόμενος πολέμοιο, ### book 3.1260.1 σκαρθμῷ ἐπιχρεμέθων κρούει πέδον, αὐτὰρ ὕπερθε ### book 3.1260.2 κυδιόων ὀρθοῖσιν ἐπ’ οὔασιν αὐχέν’ ἀείρει— ### book 3.1260.3 τοῖος ἄρ’ Αἰσονίδης ἐπαγαίετο κάρτεϊ γυίων, ### book 3.1260.4 πολλὰ δ’ ἄρ’ ἔνθα καὶ ἔνθα μετάρσιον ἴχνος ἔπαλλεν, ### book 3.1260.5 ἀσπίδα χαλκείην μελίην τ’ ἐν χερσὶ τινάσσων. ### book 3.1268.1 καὶ τότ’ ἔπειτ’ οὐ δηρὸν ἔτι σχήσεσθαι ἀέθλων ### book 3.1268.2 μέλλον, ἀτὰρ κληῖσιν ἐπισχερὼ ἱδρυθέντες ### book 3.1270.1 ῥίμφα μάλ’ ἐς πεδίον τὸ Ἀρήιον ἠπείγοντο. ### book 3.1270.2 τόσσον δὲ προτέρω πέλεν ἄστεος ἀντιπέρηθεν, ### book 3.1270.3 ὅσσον τ’ ἐκ βαλβῖδος ἐπήβολος ἅρματι νύσσα ### book 3.1270.4 γίγνεται, ὁππότ’ ἄεθλα καταφθιμένοιο ἄνακτος ### book 3.1270.5 κηδεμόνες πεζοῖσι καὶ ἱππήεσσι τίθενται. ### book 3.1275.1 τέτμον δ’ Αἰήτην τε καὶ ἄλλων ἔθνεα Κόλχων, ### book 3.1275.2 τοὺς μὲν Καυκασίοισιν ἐφεσταότας σκοπέλοισιν, ### book 3.1275.3 τὸν δ’ αὐτοῦ παρὰ χεῖλος ἑλισσομένου ποταμοῖο. ### book 3.1275.4 Αἰσονίδης δ’, ὅτε δὴ πρυμνήσια δῆσαν ἑταῖροι, ### book 3.1275.5 δή ῥα τότε ξὺν δουρὶ καὶ ἀσπίδι βαῖν’ ἐς ἄεθλον, ### book 3.1280.1 νηὸς ἀποπροθορών, ἄμυδις δ’ ἔχε παμφανόωσαν ### book 3.1280.2 χαλκείην πήληκα, θοῶν ἔμπλειον ὀδόντων, ### book 3.1280.3 καὶ ξίφος ἀμφ’ ὤμοις, γυμνὸς δέμας, ἄλλα μὲν Ἄρει ### book 3.1280.4 εἴκελος, ἄλλα δέ που χρυσαόρῳ Ἀπόλλωνι. ### book 3.1280.5 παπτήνας δ’ ἀνὰ νειόν, ἴδε ζυγὰ χάλκεα ταύρων ### book 3.1285.1 αὐτόγυόν τ’ ἐπὶ τοῖς στιβαροῦ ἀδάμαντος ἄροτρον· ### book 3.1285.2 χρίμψε δ’ ἔπειτα κιών, παρὰ δ’ ὄβριμον ἔγχος ἔπηξεν ### book 3.1285.3 ὀρθὸν ἐπ’ οὐριάχῳ, κυνέην δ’ ἀποκάτθετ’ ἐρείσας· ### book 3.1285.4 βῆ δ’ αὐτῇ προτέρωσε σὺν ἀσπίδι, νήριτα ταύρων ### book 3.1285.5 ἴχνια μαστεύων. οἱ δ’ ἔκποθεν ἀφράστοιο ### book 3.1290.1 κευθμῶνος χθονίου, ἵνα τέ σφισιν ἔσκε βόαυλα ### book 3.1290.2 καρτερά, λιγνυόεντι πέριξ εἰλυμένα καπνῷ, ### book 3.1290.3 ἄμφω ὁμοῦ προγένοντο πυρὸς σέλας ἀμπνείοντες· ### book 3.1265* φαίης κεν ζοφεροῖο κατ’ αἰθέρος ἀίσσουσαν ### book 3.1266* χειμερίην στεροπὴν θαμινὸν μεταπαιφάσσεσθαι ### book 3.1267* ἐκ νεφέων, †ὅτ’ ἔπειτα† μελάντατον ὄμβρον ἄγωνται· ### book 3.1293.1 ἔδδεισαν δ’ ἥρωες ὅπως ἴδον· αὐτὰρ ὁ τούσγε ### book 3.1293.2 εὖ διαβὰς ἐπιόντας ἅ τε σπιλὰς εἰν ἁλὶ πέτρη ### book 3.1295.1 μίμνεν ἀπειρεσίῃσι δονεύμενα κύματ’ ἀέλλαις· ### book 3.1295.2 πρόσθε δέ οἱ σάκος ἔσχεν ἐναντίον. οἱ δέ μιν ἄμφω ### book 3.1295.3 μυκηθμῷ κρατεροῖσιν ἐνέπληξαν κεράεσσιν, ### book 3.1295.4 οὐδ’ ἄρα μιν τυτθόν περ ἀνώχλισαν ἀντιόωντες. ### book 3.1295.5 ὡς δ’ ὅτ’ ἐνὶ τρητοῖσιν ἐύρρινοι χοάνοισιν ### book 3.1 φῦσαι χαλκήων ὁτὲ μέν τ’ ἀναμαρμαίρουσιν ### book 3.2 πῦρ ὀλοὸν πιμπρᾶσαι, ὅτ’ αὖ λήγουσιν ἀυτμῆς, ### book 3.1 δεινὸς δ’ ἐξ αὐτῶν πέλεται βρόμος, ὁππότ’ ἀίξῃ ### book 3.2 νειόθεν—ὧς ἄρα τώγε θοὴν φλόγα φυσιόωντες ### book 3.3 ἐκ στομάτων ὁμάδευν, τὸν δ’ ἄμφεπε δήιον αἶθος ### book 3.1305.1 βάλλε θ’ ἅ τε στεροπή· κούρης δέ ἑ φάρμακ’ ἔρυτο. ### book 3.1305.2 καί ῥ’ ὅγε δεξιτεροῖο βοὸς κέρας ἄκρον ἐρύσσας ### book 3.1305.3 εἷλκεν ἐπικρατέως παντὶ σθένει, ὄφρα πέλασσεν ### book 3.1305.4 ζεύγλῃ χαλκείῃ· τὸν δ’ ἐν χθονὶ κάββαλεν ὀκλάξ, ### book 3.1305.5 ῥίμφα ποδὶ κρούσας πόδα χάλκεον· ὧς δὲ καὶ ἄλλον ### book 3.1310.1 σφῆλε γνὺξ ἐριπόντα, μιῇ βεβολημένον ὁρμῇ. ### book 3.1310.2 εὐρὺ δ’ ἀποπροβαλὼν χαμάδις σάκος, ἔνθα καὶ ἔνθα, ### book 3.1310.3 τῇ καὶ τῇ βεβαώς, ἄμφω ἔχε πεπτηῶτας ### book 3.1310.4 γούνασιν ἐν προτέροισι, διὰ φλογὸς εἶθαρ ἐλυσθείς· ### book 3.1310.5 θαύμασε δ’ Αἰήτης σθένος ἀνέρος. οἱ δ’ ἄρα τείως ### book 3.1315.1 Τυνδαρίδαι (δὴ γάρ σφι πάλαι προπεφραδμένον ἦεν) ### book 3.1315.2 ἀγχίμολον ζυγά οἱ πεδόθεν δόσαν ἀμφιβαλέσθαι· ### book 3.1315.3 αὐτὰρ ὁ εὖ ἐνέδησε λόφοις, μεσσηγὺ δ’ ἀείρας ### book 3.1315.4 χάλκεον ἱστοβοῆα θοῇ συνάρασσε κορώνῃ ### book 3.1315.5 ζεύγληθεν. καὶ τὼ μὲν ὑπὲκ πυρὸς ἂψ ἐπὶ νῆα ### book 3.1320.1 χαζέσθην· ὁ δ’ ἄρ’ αὖτις ἑλὼν σάκος ἔνθετο νώτῳ ### book 3.1320.2 ἐξόπιθεν, καὶ γέντο θοῶν ἔμπλειον ὀδόντων ### book 3.1320.3 πήληκα βριαρὴν δόρυ τ’ ἄσχετον, ᾧ ῥ’ ὑπὸ μέσσας ### book 3.1320.4 ἐργατίνης ὥς τίς τε Πελασγίδι νύσσεν ἀκαίνῃ ### book 3.1320.5 οὐτάζων λαγόνας· μάλα δ’ ἔμπεδον εὖ ἀραρυῖαν ### book 3.1325.1 τυκτὴν ἐξ ἀδάμαντος ἐπιθύνεσκεν ἐχέτλην. ### book 3.1325.2 οἱ δ’ ἤτοι †εἵως μὲν περιώσια† θυμαίνεσκον, ### book 3.1325.3 λάβρον ἐπιπνείοντε πυρὸς σέλας, ὦρτο δ’ ἀυτμή ### book 3.1325.4 ἠύτε βυκτάων ἀνέμων βρόμος, οὕς τε μάλιστα ### book 3.1325.5 δειδιότες μέγα λαῖφος ἁλίπλοοι ἐστείλαντο· ### book 3.1330.1 δηρὸν δ’ οὐ μετέπειτα κελευόμενοι ὑπὸ δουρί ### book 3.1330.2 ἤισαν. ὀκριόεσσα δ’ ἐρείκετο νειὸς ὀπίσσω ### book 3.1330.3 σχιζομένη ταύρων τε βίῃ κρατερῷ τ’ ἀροτῆρι, ### book 3.1330.4 δεινὸν δ’ ἐσμαράγευν ἄμυδις κατὰ ὦλκας ἀρότρῳ ### book 3.1330.5 βώλακες ἀγνύμεναι ἀνδραχθέες. εἵπετο δ’ αὐτός ### book 3.1335.1 λαῖον ἐπὶ στιβαρῷ πιέσας ποδί· τῆλε δ’ ἑοῖο ### book 3.1335.2 βάλλεν ἀρηρομένην αἰεὶ κατὰ βῶλον ὀδόντας, ### book 3.1335.3 ἐντροπαλιζόμενος μή οἱ πάρος ἀντιάσειεν ### book 3.1335.4 γηγενέων ἀνδρῶν ὀλοὸς στάχυς· οἱ δ’ ἄρ’ ἐπιπρό ### book 3.1335.5 χαλκείῃς χηλῇσιν ἐρειδόμενοι πονέοντο. ### book 3.1340.1 ἦμος δὲ τρίτατον λάχος ἤματος ἀνομένοιο ### book 3.1340.2 λείπεται ἐξ ἠοῦς, χατέουσι δὲ κεκμηῶτες ### book 3.1340.3 ἐργατίναι γλυκερόν σφιν ἄφαρ βουλυτὸν ἱκέσθαι, ### book 3.1340.4 τῆμος ἀρήροτο νειὸς ὑπ’ ἀκαμάτῳ ἀροτῆρι ### book 3.1340.5 τετράγυός περ ἐοῦσα, βοῶν τ’ ἀπελύετ’ ἄροτρα. ### book 3.1345.1 καὶ τοὺς μὲν πεδίονδε διεπτοίησε φέβεσθαι· ### book 3.1345.2 αὐτὰρ ὁ ἂψ ἐπὶ νῆα πάλιν κίεν, ὄφρ’ ἔτι κεινάς ### book 3.1345.3 γηγενέων ἀνδρῶν ἴδεν αὔλακας. ἀμφὶ δ’ ἑταῖροι ### book 3.1345.4 θάρσυνον μύθοισιν· ὁ δ’ ἐκ ποταμοῖο ῥοάων ### book 3 αὐτῇ ἀφυσσάμενος κυνέῃ σβέσεν ὕδατι δίψαν· ### book 3.1 γνάμψε δὲ γούνατ’ ἐλαφρά, μέγαν δ’ ἐμπλήσατο θυμόν ### book 3.2 ἀλκῆς, μαιμώων συῒ εἴκελος, ὅς ῥά τ’ ὀδόντας ### book 3.3 θήγει θηρευτῇσιν ἐπ’ ἀνδράσιν, ἀμφὶ δὲ πολλός ### book 3.4 ἀφρὸς ἀπὸ στόματος χαμάδις ῥέε χωομένοιο. ### book 3.5 οἱ δ’ ἤδη κατὰ πᾶσαν ἀνασταχύεσκον ἄρουραν ### book 3.1355.1 γηγενέες· φρῖξεν δὲ περὶ στιβαροῖς σακέεσσιν ### book 3.1355.2 δούρασί τ’ ἀμφιγύοις κορύθεσσί τε λαμπομένῃσιν ### book 3.1355.3 Ἄρηος τέμενος φθισιμβρότου, ἵκετο δ’ αἴγλη ### book 3.1355.4 νειόθεν Οὔλυμπόνδε δι’ ἠέρος ἀστράπτουσα. ### book 3.1355.5 ὡς δ’ ὁπότ’, ἐς γαῖαν πολέος νιφετοῖο πεσόντος, ### book 3.1360.1 ἂψ ἀπὸ χειμερίας νεφέλας ἐκέδασσαν ἄελλαι ### book 3.1360.2 λυγαίῃ ὑπὸ νυκτί, τὰ δ’ ἀθρόα πάντα φαάνθη ### book 3.1360.3 τείρεα λαμπετόωντα διὰ κνέφας—ὧς ἄρα τοίγε ### book 3.1360.4 λάμπον ἀναλδήσκοντες ὑπὲρ χθονός. αὐτὰρ Ἰήσων ### book 3.1360.5 μνήσατο Μηδείης πολυκερδέος ἐννεσιάων· ### book 3.1365.1 λάζετο δ’ ἐκ πεδίοιο μέγαν περιηγέα πέτρον, ### book 3.1365.2 δεινὸν Ἐνυαλίου σόλον Ἄρεος· οὔ κέ μιν ἄνδρες ### book 3.1365.3 αἰζηοὶ πίσυρες γαίης ἄπο τυτθὸν ἄειραν· ### book 3.1365.4 τόν ῥ’ ἀνὰ ῥεῖα λαβών, μάλα τηλόθεν ἔμβαλε μέσσοις ### book 3.1365.5 ἀίξας. αὐτὸς δ’ ὑφ’ ἑὸν σάκος ἕζετο λάθρῃ ### book 3.1370.1 θαρσαλέος· Κόλχοι δὲ μέγ’ ἴαχον, ὡς ὅτε πόντος ### book 3.1370.2 ἴαχεν ὀξείῃσιν ἐπιβρομέων σπιλάδεσσιν· ### book 3.1 τὸν δ’ ἕλεν ἀμφασίη ῥιπῇ στιβαροῖο σόλοιο ### book 3.2 Αἰήτην. οἱ δ’ ὥστε θοοὶ κύνες ἀμφιθορόντες ### book 3.3 ἀλλήλους βρυχηδὸν ἐδήιον, ἠδ’ ἐπὶ γαῖαν ### book 3.1375.1 μητέρα πῖπτον ἑοῖς ὑπὸ δούρασιν, ἠύτε πεῦκαι ### book 3.1375.2 ἢ δρύες ἅς τ’ ἀνέμοιο κατάικες δονέουσιν. ### book 3.1375.3 οἷος δ’ οὐρανόθεν πυρόεις ἀναπάλλεται ἀστήρ ### book 3.1375.4 ὁλκὸν ὑπαυγάζων, τέρας ἀνδράσιν οἵ μιν ἴδωνται ### book 3.1375.5 μαρμαρυγῇ σκοτίοιο δι’ ἠέρος ἀίξαντα— ### book 3.1380.1 τοῖος ἄρ’ Αἴσονος υἱὸς ἐπέσσυτο γηγενέεσσιν, ### book 3.1380.2 γυμνὸν δ’ ἐκ κολεοῖο φέρεν ξίφος. οὖτα δὲ μίγδην ### book 3.1380.3 ἀμώων, πολέας μὲν ἔτ’ ἐς νηδὺν λαγόνας τε ### book 3.1380.4 ἡμίσεας δ’ ἀνέχοντας ἐς ἠέρα, τοὺς δὲ καὶ ἄχρις ### book 3.1380.5 γούνων τελλομένους, τοὺς δ’ αὖ νέον ἑστηῶτας, ### book 3.1385.1 τοὺς δ’ ἤδη καὶ ποσσὶν ἐπειγομένους ἐς ἄρηα. ### book 3.1385.2 ὡς δ’ ὁπότ’, ἀγχούροισιν ἐγειρομένου πολέμοιο, ### book 3.1385.3 δείσας γειομόρος μή οἱ προτάμωνται ἀρούρας, ### book 3.1385.4 ἅρπην εὐκαμπῆ νεοθηγέα χερσὶ μεμαρπώς ### book 3.1385.5 ὠμὸν ἐπισπεύδων κείρει στάχυν, οὐδὲ βολῇσιν ### book 3.1390.1 μίμνει ἐς ὡραίην τερσήμεναι ἠελίοιο— ### book 3.1390.2 ὧς ὅγε γηγενέων κεῖρεν στάχυν· αἵματι δ’ ὁλκοί ### book 3.1390.3 ἠύτε κρηναίαις ἀμάραι πλήθοντο ῥοῇσιν. ### book 3.1390.4 πῖπτον δ’ οἱ μὲν ὀδὰξ τετρηχότα βῶλον †ὀδοῦσιν ### book 3 λαζόμενοι πρηνεῖς, οἱ δ’ ἔμπαλιν, οἱ δ’ ἐπ’ ἀγοστῷ ### book 3.1395.1 καὶ πλευροῖς, κήτεσσι δομὴν ἀτάλαντοι ἰδέσθαι· ### book 3.1395.2 πολλοὶ δ’, οὐτάμενοι πρὶν ὑπὲρ χθονὸς ἴχνος ἀεῖραι, ### book 3.1395.3 ὅσσον ἄνω προύκυψαν ἐς ἠέρα, τόσσον ἔραζε ### book 3.1395.4 βριθόμενοι πλαδαροῖσι καρήασιν, ἠρήρειντο· ### book 3.1395.5 ἔρνεά που τοίως, Διὸς ἄσπετον ὀμβρήσαντος, ### book 3.1 φυταλιῇ νεόθρεπτα κατημύουσιν ἔραζε ### book 3.2 κλασθέντα ῥίζηθεν, ἀλωήων πόνος ἀνδρῶν, ### book 3.3 τὸν δὲ κατηφείη τε καὶ οὐλοὸν ἄλγος ἱκάνει ### book 3.4 κλήρου σημαντῆρα φυτοτρόφον—ὧς τότ’ ἄνακτος ### book 3.5 Αἰήταο βαρεῖαι ὑπὸ φρένας ἦλθον ἀνῖαι· ### book 3.1405.1 ἤιε δ’ ἐς πτολίεθρον ὑπότροπος ἄμμιγα Κόλχοις ### book 3.1405.2 πορφύρων ᾗ κέ σφι θοώτερον ἀντιόῳτο. ### book 3 ἦμαρ ἔδυ, καὶ τῷ τετελεσμένος ἦεν ἄεθλος. ### book 4.1 Αὐτὴ νῦν κάματόν γε θεὰ καὶ δήνεα κούρης ### book 4.2 Κολχίδος ἔννεπε Μοῦσα, Διὸς τέκος· ἦ γὰρ ἔμοιγε ### book 4.3 ἀμφασίῃ νόος ἔνδον ἑλίσσεται, ὁρμαίνοντι ### book 4.4 ἠὲ τόγ’ ἄτης πῆμα δυσιμέρου ἦ μιν ἐνίσπω ### book 4.5.1 φύζαν ἀεικελίην ᾗ κάλλιπεν ἔθνεα Κόλχων. ### book 4.5.2 Ἤτοι ὁ μὲν δήμοιο μετ’ ἀνδράσιν ὅσσοι ἄριστοι ### book 4.5.3 παννύχιος δόλον αἰπὺν ἐπὶ σφίσι μητιάασκεν ### book 4.5.4 οἷσιν ἐνὶ μεγάροις, στυγερῷ ἐπὶ θυμὸν ἀέθλῳ ### book 4.5.5 Αἰήτης ἄμοτον κεχολωμένος, οὐδ’ ὅγε πάμπαν ### book 4.10.1 θυγατέρων τάδε νόσφιν ἑῶν τελέεσθαι ἐώλπει· ### book 4.10.2 τῇ δ’ ἀλεγεινότατον κραδίῃ φόβον ἔμβαλεν Ἥρη, ### book 4.10.3 τρέσσεν δ’ ἠύτε τις κούφη κεμὰς ἥν τε βαθείης ### book 4.10.4 τάρφεσιν ἐν ξυλόχοιο κυνῶν ἐφόβησεν ὁμοκλή· ### book 4.10.5 αὐτίκα γὰρ νημερτὲς ὀίσσατο μή μιν ἀρωγήν ### book 4.15.1 ληθέμεν, αἶψα δὲ πᾶσαν ἀναπλήσειν κακότητα· ### book 4.15.2 τάρβει δ’ ἀμφιπόλους ἐπιίστορας. ἐν δέ οἱ ὄσσε ### book 4.15.3 πλῆτο πυρός, δεινὸν δὲ περιβρομέεσκον ἀκουαί· ### book 4.15.4 πυκνὰ δὲ λαυκανίης ἐπεμάσσατο, πυκνὰ δὲ κουρίξ ### book 4.15.5 ἑλκομένη πλοκάμους γοερῇ βρυχήσατ’ ἀνίῃ. ### book 4.20.1 καί νύ κεν αὐτοῦ τῆμος ὑπὲρ μόρον ὤλετο κούρη ### book 4.20.2 φάρμακα πασσαμένη, Ἥρης δ’ ἁλίωσε μενοινάς ### book 4.20.3 εἰ μή μιν Φρίξοιο θεὰ σὺν παισὶ φέβεσθαι ### book 4.20.4 ὦρσεν ἀτυζομένην. πτερόεις δέ οἱ ἐν φρεσὶ θυμός ### book 4 ἰάνθη, μετὰ δ’ ἥγε παλίσσυτος ἀθρόα κόλπῳ ### book 4.25.1 φάρμακα πάντ’ ἄμυδις κατεχεύατο φωριαμοῖο. ### book 4.25.2 κύσσε δ’ ἑόν τε λέχος καὶ δικλίδας ἀμφοτέρωθεν ### book 4.25.3 σταθμοὺς καὶ τοίχων ἐπαφήσατο· χερσί τε μακρόν ### book 4.25.4 ῥηξαμένη πλόκαμον, θαλάμῳ μνημήια μητρί ### book 4.25.5 κάλλιπε παρθενίης, ἀδινῇ δ’ ὀλοφύρατο φωνῇ· ### book 4.30.1 “Τόνδε τοι ἀντ’ ἐμέθεν ταναὸν πλόκον εἶμι λιποῦσα ### book 4.30.2 μῆτερ ἐμή, χαίροις δὲ καὶ ἄνδιχα πολλὸν ἰούσῃ· ### book 4.30.3 χαίροις Χαλκιόπη καὶ πᾶς δόμος. αἴθε σε πόντος ### book 4.30.4 ξεῖνε διέρραισεν πρὶν Κολχίδα γαῖαν ἱκέσθαι.” ### book 4.30.5 Ὧς ἄρ’ ἔφη, βλεφάρων δὲ κατ’ ἀθρόα δάκρυα χεῦεν. ### book 4.35.1 οἵη δ’ ἀφνειοῖο †διειλυσθεῖσα δόμοιο ### book 4.35.2 ληιάς, ἥν τε νέον πάτρης ἀπενόσφισεν αἶσα, ### book 4.35.3 οὐδέ νύ πω μογεροῖο πεπείρηται καμάτοιο, ### book 4.35.4 ἀλλ’ ἔτ’ ἀηθέσσουσα δύης καὶ δούλια ἔργα ### book 4.35.5 εἶσιν ἀτυζομένη χαλεπὰς ὑπὸ χεῖρας ἀνάσσης— ### book 4.40.1 τοίη ἄρ’ ἱμερόεσσα δόμων ἐξέσσυτο κούρη. ### book 4.40.2 τῇ δὲ καὶ αὐτόματοι θυρέων ὑπόειξαν ὀχῆες ### book 4.40.3 †ὠκείαις ἄψορροι ἀναθρῴσκοντες ἀοιδαῖς. ### book 4.40.4 γυμνοῖσιν δὲ πόδεσσιν ἀνὰ στεινὰς θέεν οἵμους, ### book 4.40.5 λαιῇ μὲν χερὶ πέπλον ἐπ’ ὀφρύσιν ἀμφὶ μέτωπα ### book 4.45.1 στειλαμένη καὶ καλὰ παρήια, δεξιτερῇ δὲ ### book 4.45.2 ἄκρην ὑψόθι πέζαν ἀερτάζουσα χιτῶνος. ### book 4.45.3 καρπαλίμως δ’ ἀίδηλον ἀνὰ στίβον ἔκτοθι πύργων ### book 4.45.4 ἄστεος εὐρυχόροιο φόβῳ ἵκετ’, οὐδέ τις ἔγνω ### book 4 τήνγε φυλακτήρων, λάθε δέ σφεας ὁρμηθεῖσα. ### book 4.1 ἔνθεν ἴμεν νειόνδε μάλ’ ἐφράσατ’· οὐ γὰρ ἄιδρις ### book 4.2 ἦεν ὁδῶν, θαμὰ καὶ πρὶν ἀλωμένη ἀμφί τε νεκρούς ### book 4.3 ἀμφί τε δυσπαλέας ῥίζας χθονός, οἷα γυναῖκες ### book 4.4 φαρμακίδες· τρομερῷ δ’ ὑπὸ δείματι πάλλετο θυμός ### book 4.5 τὴν δὲ νέον Τιτηνὶς ἀνερχομένη περάτηθεν ### book 4.55.1 φοιταλέην ἐσιδοῦσα θεὰ ἐπεχήρατο Μήνη ### book 4.55.2 ἁρπαλέως, καὶ τοῖα μετὰ φρεσὶν ᾗσιν ἔειπεν· ### book 4.55.3 “Οὐκ ἄρ’ ἐγὼ μούνη μετὰ Λάτμιον ἄντρον ἀλύσκω, ### book 4.55.4 οὐδ’ οἴη καλῷ περὶ δαίομαι Ἐνδυμίωνι. ### book 4.55.5 ἦ θαμὰ δὴ καὶ σεῖο κύθον δολίῃσιν ἀοιδαῖς ### book 4.60.1 μνησαμένη φιλότητος, ἵνα σκοτίῃ ἐνὶ νυκτί ### book 4.60.2 φαρμάσσῃς εὔκηλος, ἅ τοι φίλα ἔργα τέτυκται· ### book 4.60.3 νῦν δὲ καὶ αὐτὴ δῆθεν ὁμοίης ἔμμορες ἄτης, ### book 4.60.4 δῶκε δ’ ἀνιηρόν τοι Ἰήσονα πῆμα γενέσθαι ### book 4.60.5 δαίμων ἀλγινόεις. ἀλλ’ ἔρχεο, τέτλαθι δ’ ἔμπης, ### book 4.65.1 καὶ πινυτή περ ἐοῦσα, πολύστονον ἄλγος ἀείρειν.” ### book 4.65.2 Ὧς ἄρ’ ἔφη. τὴν δ’ αἶψα πόδες φέρον ἐγκονέουσαν· ### book 4.65.3 ἀσπασίως δ’ ὄχθῃσιν ἐπηέρθη ποταμοῖο ### book 4.65.4 ἀντιπέρην λεύσσουσα πυρὸς σέλας ὅρρα τ’ ἀέθλου ### book 4.65.5 παννύχιοι ἥρωες ἐυφροσύνῃσιν ἔδαιον. ### book 4.70.1 ὀξείῃ δἤπειτα διὰ κνέφας ὄρθια φωνῇ ### book 4.70.2 ὁπλότατον Φρίξοιο περαιόθεν ἤπυε παίδων, ### book 4.70.3 Φρόντιν. ὁ δὲ ξὺν ἑοῖσι κασιγνήτοις ὄπα κούρης. ### book 4.70.4 αὐτῷ τ’ Αἰσονίδῃ τεκμαίρετο· σῖγα δ’ ἑταῖροι ### book 4 θάμβεον, εὖτ’ ἐνόησαν ὃ δὴ καὶ ἐτήτυμον ἦεν. ### book 4.75.1 τρὶς μὲν ἀνήυσεν, τρὶς δ’ ὀτρύνοντος ὁμίλου ### book 4.75.2 Φρόντις ἀμοιβήδην ἀντίαχεν· οἱ δ’ ἄρα τείως ### book 4.75.3 ἥρωες μετὰ τήνγε θοοῖς ἐλάασκον ἐρετμοῖς. ### book 4.75.4 οὔπω πείσματα νηὸς ἐπ’ ἠπείροιο περαίης ### book 4.75.5 βάλλον, ὁ δὲ κραιπνοὺς χέρσῳ πόδας ἧκεν Ἰήσων ### book 4.80.1 ὑψοῦ ἀπ’ ἰκριόφιν· μετὰ δὲ Φρόντις τε καὶ Ἄργος, ### book 4.80.2 υἷε δύω Φρίξου, χαμάδις θόρον. ἡ δ’ ἄρα τούσγε ### book 4.80.3 γούνων ἀμφοτέρῃσι περισχομένη προσέειπεν· ### book 4.80.4 “Ἔκ με φίλοι ῥύσασθε δυσάμμορον, ὧς δὲ καὶ αὐτούς ### book 4.80.5 ὑμέας, Αἰήταο· πρὸ γάρ τ’ ἀναφανδὰ τέτυκται ### book 4.85.1 πάντα μάλ’, οὐδέ τι μῆχος ἱκάνεται· ἀλλ’ ἐνὶ νηί ### book 4.85.2 φεύγωμεν πρὶν τόνγε θοῶν ἐπιβήμεναι ἵππων. ### book 4.85.3 δώσω δὲ χρύσειον ἐγὼ δέρος, εὐνήσασα ### book 4.85.4 φρουρὸν ὄφιν· τύνη δὲ θεοὺς ἐνὶ σοῖσιν ἑταίροις ### book 4.85.5 ξεῖνε τεῶν μύθων ἐπιίστορας οὕς μοι ὑπέστης ### book 4.90.1 ποίησαι, μηδ’ ἔνθεν ἑκαστέρω ὁρμηθεῖσαν ### book 4.90.2 χήτεϊ κηδεμόνων ὀνοτὴν καὶ ἀεικέα θείης.” ### book 4.90.3 Ἴσκεν ἀκηχεμένη· μέγα δὲ φρένες Αἰσονίδαο ### book 4.90.4 γήθεον. αἶψα δέ μιν περὶ γούνασι πεπτηυῖαν ### book 4.90.5 ἦκ’ ἀναειρόμενος, προσπτύξατο θάρσυνέν τε· ### book 4.95.1 “Δαιμονίη, Ζεὺς αὐτὸς Ὀλύμπιος ὅρκιος ἔστω ### book 4.95.2 Ἥρη τε Ζυγίη, Διὸς εὐνέτις, ἦ μὲν ἐμοῖσιν ### book 4.95.3 κουριδίην σε δόμοισιν ἐνιστήσεσθαι ἄκοιτιν, ### book 4.95.4 εὖτ’ ἂν ἐς Ἑλλάδα γαῖαν ἱκώμεθα νοστήσαντες.” ### book 4.95.5 Ὧς ηὔδα, καὶ χεῖρα παρασχεδὸν ἤραρε χειρί ### book 4.1 δεξιτερήν. ἡ δέ σφιν ἐς ἱερὸν ἄλσος ἀνώγει ### book 4.2 νῆα θοὴν ἐλάαν αὐτοσχεδόν, ὄφρ’ ἔτι νύκτωρ ### book 4.3 κῶας ἑλόντες ἄγοιντο παρὲκ νόον Αἰήταο. ### book 4.4 ἔνθ’ ἔπος ἠδὲ καὶ ἔργον ὁμοῦ πέλεν ἐσσυμένοισιν· ### book 4.5 εἰς γάρ μιν βήσαντες, ἀπὸ χθονὸς αὐτίκ’ ἔωσαν ### book 4.105.1 νῆα, πολὺς δ’ ὀρυμαγδὸς ἐπειγομένων ἐλάτῃσιν ### book 4.105.2 ἦεν ἀριστήων. ἡ δ’ ἔμπαλιν ἀίσσουσα ### book 4.105.3 γαίῃ χεῖρας ἔτεινεν, ἀμήχανος· αὐτὰρ Ἰήσων ### book 4.105.4 θάρσυνέν τ’ ἐπέεσσι καὶ ἴσχανεν ἀσχαλόωσαν. ### book 4.105.5 Ἦμος δ’ ἀνέρες ὕπνον ἀπ’ ὀφθαλμῶν ἐβάλοντο ### book 4.110.1 ἀγρόται, οἵ τε κύνεσσι πεποιθότες οὔ ποτε νύκτα ### book 4.110.2 ἄγχαυρον κνώσσουσιν, ἀλευάμενοι φάος ἠοῦς, ### book 4.110.3 μὴ πρὶν ἀμαλδύνῃ θερμὸν στίβον ἠδὲ καὶ ὀδμήν ### book 4.110.4 θηρείην λευκῇσιν ἐνισκίμψασα βολῇσιν— ### book 4.110.5 τῆμος ἄρ’ Αἰσονίδης κούρη τ’ ἀπὸ νηὸς ἔβησαν ### book 4.115.1 ποιήεντ’ ἀνὰ χῶρον ἵνα Κριοῦ καλέονται ### book 4.115.2 Εὐναί, ὅθι πρῶτον κεκμηότα γούνατ’ ἔκαμψεν, ### book 4.115.3 νώτοισιν φορέων Μινυήιον υἷ’ Ἀθάμαντος· ### book 4.115.4 ἐγγύθι δ’ αἰθαλόεντα πέλεν βωμοῖο θέμεθλα, ### book 4.115.5 ὅν ῥά ποτ’ Αἰολίδης Διὶ Φυξίῳ εἵσατο Φρίξος, ### book 4.120.1 ῥέζων κεῖνο τέρας παγχρύσεον, ὥς οἱ ἔειπεν ### book 4.120.2 Ἑρμείας πρόφρων ξυμβλήμενος. ἔνθ’ ἄρα τούσγε ### book 4.120.3 Ἄργου φραδμοσύνῃσιν ἀριστῆες μεθέηκαν· ### book 4.120.4 τὼ δὲ δι’ ἀτραπιτοῖο μεθ’ ἱερὸν ἄλσος ἵκοντο, ### book 4.120.5 φηγὸν ἀπειρεσίην διζημένω ᾗ ἔπι κῶας ### book 4.125 βέβλητο, νεφέλῃ ἐναλίγκιον ἥ τ’ ἀνιόντος ### book 4.1 ἠελίου φλογερῇσιν ἐρεύθεται ἀκτίνεσσιν· ### book 4.2 αὐτὰρ ὁ ἀντικρὺ περιμήκεα τείνετο δειρήν ### book 4.3 ὀξὺς ἀύπνοισι προϊδὼν ὄφις ὀφθαλμοῖσιν ### book 4.4 νισσομένους, ῥοίζει δὲ πελώριον, ἀμφὶ δὲ μακραί ### book 4.130.1 ἠιόνες ποταμοῖο καὶ ἄσπετον ἴαχεν ἄλσος· ### book 4.130.2 ἔκλυον οἳ καὶ πολλὸν ἑκὰς Τιτηνίδος Αἴης ### book 4.130.3 Κολχίδα γῆν ἐνέμοντο παρὰ προχοῇσι Λύκοιο, ### book 4.130.4 ὅς τ’ ἀποκιδνάμενος ποταμοῦ κελάδοντος Ἀράξεω ### book 4.130.5 Φάσιδι συμφέρεται ἱερὸν ῥόον, οἱ δὲ συνάμφω ### book 4.135.1 Καυκασίην ἅλαδ’ εἰς ἓν ἐλαυνόμενοι προρέουσιν· ### book 4.135.2 δείματι δ’ ἐξέγροντο λεχωίδες, ἀμφὶ δὲ παισίν ### book 4.135.3 νηπιάχοις, οἵ τέ σφιν ὑπ’ ἀγκαλίδεσσιν ἴαυον, ### book 4.135.4 ῥοίζῳ παλλομένοις χεῖρας βάλον ἀσχαλόωσαι. ### book 4.135.5 ὡς δ’ ὅτε τυφομένης ὕλης ὕπερ αἰθαλόεσσαι ### book 4.140.1 καπνοῖο στροφάλιγγες ἀπείριτοι εἱλίσσονται, ### book 4.140.2 ἄλλη δ’ αἶψ’ ἑτέρῃ ἐπιτέλλεται αἰὲν ἐπιπρό ### book 4.140.3 νειόθεν ἰλίγγοισιν ἐπήορος ἀίσσουσα— ### book 4.140.4 ὧς τότε κεῖνο πέλωρον ἀπειρεσίας ἐλέλιζε ### book 4.140.5 ῥυμβόνας, ἀζαλέῃσιν ἐπηρεφέας φολίδεσσιν. ### book 4.145.1 τοῖο δ’ ἑλισσομένοιο κατ’ †ὄμματος εἴσατο† κούρη, ### book 4.145.2 Ὕπνον ἀοσσητῆρα, θεῶν ὕπατον, καλέουσα ### book 4.145.3 ἡδείῃ ἐνοπῇ, θέλξαι τέρας, αὖε δ’ ἄνασσαν ### book 4.145.4 νυκτιπόλον, χθονίην, εὐαντέα δοῦναι ἐφορμήν. ### book 4 εἵπετο δ’ Αἰσονίδης, πεφοβημένος· αὐτὰρ ὅγ’ ἤδη ### book 4.1 οἴμῃ θελγόμενος δολιχὴν ἀνελύετ’ ἄκανθαν ### book 4.2 γηγενέος σπείρης, μήκυνε δὲ μυρία κύκλα, ### book 4.3 οἷον ὅτε βληχροῖσι κυλινδόμενον πελάγεσσιν ### book 4.4 κῦμα μέλαν κωφόν τε καὶ ἄβρομον· ἀλλὰ καὶ ἔμπης ### book 4.5 ὑψοῦ σμερδαλέην κεφαλὴν μενέαινεν ἀείρας ### book 4.155.1 ἀμφοτέρους ὀλοῇσι περιπτύξαι γενύεσσιν. ### book 4.155.2 ἡ δέ μιν ἀρκεύθοιο νέον τετμηότι θαλλῷ, ### book 4.155.3 βάπτους’ ἐκ κυκεῶνος, ἀκήρατα φάρμακ’ ἀοιδαῖς ### book 4.155.4 ῥαῖνε κατ’ ὀφθαλμῶν, περί τ’ ἀμφί τε νήριτος ὀδμή ### book 4.155.5 φαρμάκου ὕπνον ἔβαλλε· γένυν δ’ αὐτῇ ἐνὶ χώρῃ ### book 4.160.1 θῆκεν ἐρεισάμενος, τὰ δ’ ἀπείρονα πολλὸν ὀπίσσω ### book 4.160.2 κύκλα πολυπρέμνοιο διὲξ ὕλης τετάνυστο. ### book 4.160.3 ἔνθα δ’ ὁ μὲν χρύσειον ἀπὸ δρυὸς αἴνυτο κῶας, ### book 4.160.4 κούρης κεκλομένης, ἡ δ’ ἔμπεδον ἑστηυῖα ### book 4.160.5 φαρμάκῳ ἔψηχεν θηρὸς κάρη, εἰσόκε δή μιν ### book 4.165.1 αὐτὸς ἑὴν ἐπὶ νῆα παλιντροπάασθαι Ἰήσων ### book 4.165.2 ἤνωγεν· λεῖπον δὲ πολύσκιον ἄλσος Ἄρηος. ### book 4.165.3 ὡς δὲ σεληναίης διχομήνιδα παρθένος αἴγλην ### book 4.165.4 ὑψόθεν †ἀνέχουσαν ὑπωρόφιον θαλάμοιο ### book 4.165.5 λεπταλέῳ ἑανῷ ὑποΐσχεται, ἐν δέ οἱ ἦτορ ### book 4.170 χαίρει δερκομένης καλὸν σέλας—ὧς τότ’ Ἰήσων ### book 4.1 γηθόσυνος μέγα κῶας ἑαῖς ἀναείρετο χερσίν, ### book 4.2 καί οἱ ἐπὶ ξανθῇσι παρηίσιν ἠδὲ μετώπῳ ### book 4.3 μαρμαρυγῇ ληνέων φλογὶ εἴκελον ἷζεν ἔρευθος. ### book 4.4 ὅσση δὲ ῥινὸς βοὸς ἤνιος ἢ ἐλάφοιο ### book 4.175.1 γίγνεται, ἥν τ’ ἀγρωσταὶ ἀχαιινέην καλέουσιν, ### book 4.175.2 †τόσσον ἔην πάντη χρύσεον ἐφύπερθεν ἄωτον† ### book 4.175.3 βεβρίθει λήνεσσιν ἐπηρεφές· ἤλιθα δὲ χθών ### book 4.175.4 αἰὲν ὑποπρὸ ποδῶν ἀμαρύσσετο νισσομένοιο. ### book 4.175.5 ἤιε δ’ ἄλλοτε μὲν λαιῷ ἐπιειμένος ὤμῳ ### book 4.180.1 αὐχένος ἐξ ὑπάτοιο ποδηνεκές, ἄλλοτε δ’ αὖτε ### book 4.180.2 εἴλει ἀφασσόμενος· περὶ γὰρ δίεν ὄφρα ἑ μή τις ### book 4.180.3 ἀνδρῶν ἠὲ θεῶν νοσφίσσεται ἀντιβολήσας. ### book 4.180.4 Ἠὼς μέν ῥ’ ἐπὶ γαῖαν ἐκίδνατο, τοὶ δ’ ἐς ὅμιλον ### book 4.180.5 ἷξον. θάμβησαν δὲ νέοι μέγα κῶας ἰδόντες ### book 4.185.1 λαμπόμενον στεροπῇ ἴκελον Διός, ὦρτο δ’ ἕκαστος ### book 4.185.2 ψαῦσαι ἐελδόμενος δέχθαι τ’ ἐνὶ χερσὶν ἑῇσιν· ### book 4.185.3 Αἰσονίδης δ’ ἄλλους μὲν ἐρήτυε, τῷ δ’ ἐπὶ φᾶρος ### book 4.185.4 κάββαλε νηγάτεον. πρύμνῃ δ’ ἐνεείσατο κούρην ### book 4.185.5 ἀνθέμενος, καὶ τοῖον ἔπος μετὰ πᾶσιν ἔειπεν· ### book 4.190.1 “Μηκέτι νῦν χάζεσθε φίλοι πάτρηνδε νέεσθαι· ### book 4.190.2 ἤδη γὰρ χρειὼ τῆς εἵνεκα τήνδ’ ἀλεγεινήν ### book 4.190.3 ναυτιλίην ἔτλημεν, ὀιζύι μοχθίζοντες, ### book 4.190.4 εὐπαλέως κούρης ὑπὸ δήνεσι κεκράανται. ### book 4.190.5 τὴν μὲν ἐγὼν ἐθέλουσαν ἀνάξομαι οἴκαδ’ ἄκοιτιν ### book 4.195.1 κουριδίην· ἀτὰρ ὔμμες, Ἀχαιίδος οἷά τε πάσης ### book 4.195.2 αὐτῶν θ’ ὑμείων ἐσθλὴν ἐπαρωγὸν ἐοῦσαν, ### book 4.195.3 σώετε· δὴ γάρ που μάλ’, ὀίομαι, εἶσιν ἐρύξων ### book 4.195.4 Αἰήτης ὁμάδῳ πόντονδ’ ἴμεν ἐκ ποταμοῖο. ### book 4.195.5 ἀλλ’ οἱ μὲν διὰ νηὸς ἀμοιβαδὶς ἀνέρος ἀνήρ ### book 4.1 ἑζόμενος πηδοῖσιν ἐρέσσετε, τοὶ δὲ βοείας ### book 4.2 ἀσπίδας ἡμίσεες δῄων θοὸν ἔχμα βολάων ### book 4.3 προσχόμενοι νόστῳ ἐπαμύνετε. νῦν ἐνὶ χερσίν ### book 4.4 παῖδας ἑοὺς πάτρην τε φίλην γεραρούς τε τοκῆας ### book 4.5 ἴσχομεν, ἡμετέρῃ δ’ ἐπ’ ἐρείδεται Ἑλλὰς ἐφορμῇ ### book 4.205.1 ἠὲ κατηφείην ἢ καὶ μέγα κῦδος ἀρέσθαι.” ### book 4.205.2 Ὧς φάτο, δῦνε δὲ τεύχε’ ἀρήια· τοὶ δ’ ἰάχησαν ### book 4.205.3 θεσπέσιον μεμαῶτες. ὁ δὲ ξίφος ἐκ κολεοῖο ### book 4.205.4 σπασσάμενος, πρυμναῖα νεὼς ἀπὸ πείσματ’ ἔκοψεν· ### book 4.205.5 ἄγχι δὲ παρθενικῆς κεκορυθμένος ἰθυντῆρι ### book 4.210.1 Ἀγκαίῳ παρέβασκεν· ἐπείγετο δ’ εἰρεσίῃ νηῦς ### book 4.210.2 σπερχομένων ἄμοτον ποταμοῦ ἄφαρ ἐκτὸς ἐλάσσαι. ### book 4.210.3 Ἤδη δ’ Αἰήτῃ ὑπερήνορι πᾶσί τε Κόλχοις ### book 4.210.4 Μηδείης περίπυστος ἔρως καὶ ἔργ’ ἐτέτυκτο· ### book 4.210.5 ἐς δ’ ἀγορὴν ἀγέροντ’ ἐνὶ τεύχεσιν, ὅσσα τε πόντου ### book 4.215.1 κύματα χειμερίοιο κορύσσεται ἐξ ἀνέμοιο· ### book 4.215.2 ἢ ὅσα φύλλα χαμᾶζε περικλαδέος πέσεν ὕλης ### book 4.215.3 φυλλοχόῳ ἐνὶ μηνί (τίς ἂν τάδε τεκμήραιτο;)— ### book 4.215.4 ὧς οἱ ἀπειρέσιοι ποταμοῦ παρεμέτρεον ὄχθας, ### book 4.215.5 κλαγγῇ μαιμώοντες. ὁ δ’ εὐτύκτῳ ἐνὶ δίφρῳ ### book 4.220.1 Αἰήτης ἵπποισι μετέπρεπεν οὕς οἱ ὄπασσεν ### book 4.220.2 Ἠέλιος πνοιῇσιν ἐειδομένους ἀνέμοιο, ### book 4.1 σκαιῇ μέν ῥ’ ἐνὶ χειρὶ σάκος δινωτὸν ἀείρων, ### book 4.2 τῇ δ’ ἑτέρῃ πεύκην περιμήκεα, πὰρ δέ οἱ ἔγχος ### book 4.3 ἀντικρὺ τετάνυστο πελώριον· ἡνία δ’ ἵππων ### book 4.225.1 γέντο χεροῖν Ἄψυρτος. ὑπεκπρὸ δὲ πόντον ἔταμνε ### book 4.225.2 νηῦς ἤδη, κρατεροῖσιν ἐπειγομένη ἐρέτῃσιν ### book 4.225.3 καὶ μεγάλου ποταμοῖο καταβλώσκοντι ῥεέθρῳ· ### book 4.225.4 αὐτὰρ ἄναξ ἄτῃ πολυπήμονι, χεῖρας ἀείρας, ### book 4.225.5 Ἠέλιον καὶ Ζῆνα κακῶν ἐπιμάρτυρας ἔργων ### book 4.230.1 κέκλετο, δεινὰ δὲ παντὶ παρασχεδὸν ἤπυε λαῷ· ### book 4.230.2 εἰ μή οἱ κούρην αὐτάγρετον ἢ ἀνὰ γαῖαν ### book 4.230.3 ἢ πλωτῆς εὑρόντες ἔτ’ εἰν ἁλὸς οἴδματι νῆα ### book 4.230.4 ἄξουσιν καὶ θυμὸν ἐνιπλήσει μενεαίνων ### book 4.230.5 τείσασθαι τάδε πάντα, δαήσονται κεφαλῇσιν ### book 4.235.1 πάντα χόλον καὶ πᾶσαν ἑὴν ὑποδέγμενοι ἄτην. ### book 4.235.2 Ὧς ἔφατ’ Αἰήτης. αὐτῷ δ’ ἐνὶ ἤματι Κόλχοι ### book 4.235.3 νῆάς τ’ εἰρύσσαντο †καὶ ἄρμενα νηυσὶ† βάλοντο, ### book 4.235.4 αὐτῷ δ’ ἤματι πόντον ἀνήιον· οὐδέ κε φαίης ### book 4.235.5 τόσσον νηίτην στόλον ἔμμεναι, ἀλλ’ οἰωνῶν ### book 4.240.1 ἰλαδὸν ἄσπετον ἔθνος ἐπιβρομέειν πελάγεσσιν. ### book 4.240.2 Οἱ δ’, ἀνέμου λαιψηρὰ θεῆς βουλῇσιν ἀέντος ### book 4.240.3 Ἥρης, ὄφρ’ ὤκιστα κακὸν Πελίαο δόμοισιν ### book 4.240.4 Αἰαίη Μήδεια Πελασγίδα γαῖαν ἵκηται, ### book 4.240.5 ἠοῖ ἐνὶ τριτάτῃ πρυμνήσια νηὸς ἔδησαν ### book 4.245.1 Παφλαγόνων ἀκτῇσι, πάροιθ’ Ἅλυος ποταμοῖο· ### book 4.245.2 τῇ γάρ σφ’ ἐξαποβάντας ἀρέσσασθαι θυέεσσιν ### book 4.1 ἠνώγει Ἑκάτην, καὶ δὴ τὰ μὲν ὅσσα θυηλήν ### book 4.2 κούρη πορσανέουσα τιτύσκετο (μήτε τις ἴστωρ ### book 4.3 εἴη μήτ’ ἐμὲ θυμὸς ἐποτρύνειεν ἀείδειν) ### book 4.1 ἅζομαι αὐδῆσαι· τό γε μὴν ἕδος ἐξέτι κείνου, ### book 4.2 ὅρρα θεᾷ ἥρωες ἐπὶ ῥηγμῖσιν ἔδειμαν, ### book 4.3 ἀνδράσιν ὀψιγόνοισι μένει καὶ τηλός’ ἰδέσθαι. ### book 4.4 αὐτίκα δ’ Αἰσονίδης ἐμνήσατο, σὺν δὲ καὶ ὧλλοι ### book 4.5 ἥρωες, Φινῆος ὃ δὴ πλόον ἄλλον ἔειπεν ### book 4.255.1 ἐξ Αἴης ἔσσεσθαι· ἀνώιστος δὲ τέτυκτο ### book 4.255.2 πᾶσιν ὁμῶς. Ἄργος δὲ λιλαιομένοις ἀγόρευσεν· ### book 4.256.1 ” . . . . . . ### book 4.256.2 νισσόμεθ’ Ὀρχομενόν, τὴν ἔχραεν ὔμμι περῆσαι ### book 4.256.3 νημερτὴς ὅδε μάντις ὅτῳ ξυνέβητε πάροιθεν. ### book 4.256.4 ἔστιν γὰρ πλόος ἄλλος, ὃν ἀθανάτων ἱερῆες ### book 4.260.1 πέφραδον οἳ Θήβης Τριτωνίδος ἐκγεγάασιν. ### book 4.260.2 οὔπω τείρεα πάντα τά τ’ οὐρανῷ εἱλίσσονται, ### book 4.260.3 οὐδέ τί πω Δαναῶν ἱερὸν γένος ἦεν ἀκοῦσαι ### book 4.260.4 πευθομένοις· οἶοι δ’ ἔσαν Ἀρκάδες Ἀπιδανῆες, ### book 4.260.5 Ἀρκάδες, οἳ καὶ πρόσθε σεληναίης ὑδέονται ### book 4.265.1 ζώειν, φηγὸν ἔδοντες ἐν οὔρεσιν, οὐδὲ Πελασγίς ### book 4.265.2 χθὼν τότε κυδαλίμοισιν ἀνάσσετο Δευκαλίδῃσιν, ### book 4.265.3 ἦμος ὅτ’ Ἠερίη πολυλήιος ἐκλήιστο ### book 4.265.4 μήτηρ Αἴγυπτος προτερηγενέων αἰζηῶν, ### book 4 καὶ ποταμὸς Τρίτων εὐρύρροος ᾧ ὕπο πᾶσα ### book 4.270.1 ἄρδεται Ἠερίη, Διόθεν δέ μιν οὔποτε δεύει ### book 4.270.2 ὄμβρος· ἅλις προχοῇσιν ἀνασταχύουσιν ἄρουραι. ### book 4.270.3 ἔνθεν δή τινά φασι πέριξ διὰ πᾶσαν ὁδεῦσαι ### book 4.270.4 Εὐρώπην Ἀσίην τε, βίῃ καὶ κάρτεϊ λαῶν ### book 4.270.5 σφωιτέρων θάρσει τε πεποιθότα· μυρία δ’ ἄστη ### book 4.275.1 νάσσατ’ ἐποιχόμενος, τὰ μὲν ἤ ποθι ναιετάουσιν ### book 4.275.2 ἠὲ καὶ οὔ, πουλὺς γὰρ ἄδην ἐπενήνοθεν αἰών· ### book 4.275.3 Αἶά γε μὴν ἔτι νῦν μένει ἔμπεδον, υἱωνοί τε ### book 4.275.4 τῶνδ’ ἀνδρῶν οὓς †ὅγε καθίσσατο ναιέμεν Αἶαν· ### book 4.275.5 οἳ δή τοι γραπτῦς πατέρων ἕθεν εἰρύονται, ### book 4.280.1 κύρβιας οἷς ἔνι πᾶσαι ὁδοὶ καὶ πείρατ’ ἔασιν ### book 4.280.2 ὑγρῆς τε τραφερῆς τε πέριξ ἐπινισσομένοισιν. ### book 4.280.3 ἔστι δέ τις ποταμός, ὕπατον κέρας Ὠκεανοῖο, ### book 4.280.4 εὐρύς τε προβαθής τε καὶ ὁλκάδι νηὶ περῆσαι· ### book 4.280.5 Ἴστρον μιν καλέοντες ἑκὰς διετεκμήραντο· ### book 4.285.1 ὃς δή τοι τείως μὲν ἀπείρονα τέμνετ’ ἄρουραν ### book 4.285.2 εἷς οἶος, πηγαὶ γὰρ ὑπὲρ πνοιῆς βορέαο ### book 4.285.3 Ῥιπαίοις ἐν ὄρεσσιν ἀπόπροθι μορμύρουσιν· ### book 4.285.4 ἀλλ’ ὁπόταν Θρῃκῶν Σκυθέων τ’ ἐπιβήσεται οὔρους, ### book 4.285.5 ἔνθα διχῇ, τὸ μὲν †ἔνθα μεθ’ ἡμετέρην ἅλα βάλλει ### book 4.290 τῇδ’ ὕδωρ, τὸ δ’ ὄπισθε βαθὺν †διὰ κόλπον ἵησιν ### book 4.1 σχιζόμενος πόντου Τρινακρίου εἰσανέχοντα, ### book 4.2 γαίῃ ὃς ὑμετέρῃ παρακέκλιται, εἰ ἐτεὸν δή ### book 4.3 ὑμετέρης γαίης Ἀχελώιος ἐξανίησιν.” ### book 4.4 Ὧς ἄρ’ ἔφη. τοῖσιν δὲ θεὰ τέρας ἐγγυάλιξεν ### book 4.295.1 αἴσιον, ᾧ καὶ πάντες ἐπευφήμησαν ἰδόντες ### book 4.295.2 στέλλεσθαι τήνδ’ οἷμον· ἐπιπρὸ γὰρ ὁλκὸς ἐτύχθη ### book 4.295.3 οὐρανίης ἀκτῖνος, ὅπῃ καὶ ἀμεύσιμον ἦεν. ### book 4.295.4 γηθόσυνοι δέ, Λύκοιο καταυτόθι παῖδα λιπόντες, ### book 4.295.5 λαίφεσι πεπταμένοισιν ὑπεὶρ ἅλα ναυτίλλοντο ### book 4.1 οὔρεα Παφλαγόνων θηεύμενοι· οὐδὲ Κάραμβιν ### book 4.2 γνάμψαν, ἐπεὶ πνοιαί τε καὶ οὐρανίου πυρὸς αἴγλη ### book 4.3 μίμνεν ἕως Ἴστροιο μέγαν ῥόον εἰσαφίκοντο. ### book 4.4 Κόλχοι δ’ αὖτ’, ἄλλοι μὲν ἐτώσια μαστεύοντες ### book 4.5 Κυανέας Πόντοιο διὲκ πέτρας ἐπέρησαν, ### book 4.305.1 ἄλλοι δ’ αὖ ποταμὸν μετεκίαθον, οἷσιν ἄνασσεν ### book 4.305.2 Ἄψυρτος, Καλὸν δὲ διὰ στόμα πεῖρε λιασθείς· ### book 4.305.3 τῶ καὶ ὑπέφθη τούσγε βαλὼν ὑπὲρ αὐχένα γαίης ### book 4.305.4 κόλπον ἔσω πόντοιο πανέσχατον Ἰονίοιο. ### book 4.305.5 Ἴστρῳ γάρ τις νῆσος ἐέργεται οὔνομα Πεύκη ### book 4.310.1 τριγλώχιν, εὖρος μὲν ἐς αἰγιαλοὺς ἀνέχουσα, ### book 4.310.2 στεινὸν δ’ αὖτ’ ἀγκῶνα ποτὶ ῥόον, ἀμφὶ δὲ δοιαί ### book 4.310.3 σχίζονται προχοαί· τὴν μὲν καλέουσι Νάρηκος, ### book 4.310.4 τὴν δ’ ὑπὸ τῇ νεάτῃ Καλὸν στόμα· τῇδε διαπρό ### book 4.310.5 Ἄψυρτος Κόλχοι τε θοώτερον ὡρμήθησαν, ### book 4.315.1 οἱ δ’ ὑψοῦ νήσοιο κατ’ ἀκροτάτης ἐνέοντο ### book 4.315.2 τηλόθεν. εἱαμενῇσι δ’ ἐν ἄσπετα πώεα λεῖπον ### book 4.315.3 ποιμένες ἄγραυλοι νηῶν φόβῳ, οἷά τε θῆρας ### book 4.1 ὀσσόμενοι πόντου μεγακήτεος ἐξανιόντας· ### book 4.2 οὐ γάρ πω ἁλίας γε πάρος ποθὶ νῆας ἴδοντο ### book 4.320.1 οὔτ’ οὖν Θρήιξιν μιγάδες Σκύθαι οὐδὲ Σίγυννοι, ### book 4.320.2 οὔτ’ αὖ Γραυκένιοι, οὔθ’ οἱ περὶ Λαύριον ἤδη ### book 4.320.3 Σίνδοι ἐρημαῖον πεδίον μέγα ναιετάοντες. ### book 4.320.4 αὐτὰρ ἐπεί τ’ Ἄγγουρον ὄρος καὶ ἄπωθεν ἐόντα ### book 4.320.5 Ἀγγούρου ὄρεος σκόπελον παρὰ Καυλιακοῖο, ### book 4.325.1 ᾧ πέρι δὴ σχίζων Ἴστρος ῥόον ἔνθα καὶ ἔνθα ### book 4.325.2 βάλλει ἁλός, πεδίον τε τὸ Λαύριον ἠμείψαντο, ### book 4.325.3 δή ῥα τότε Κρονίην Κόλχοι ἅλαδ’ ἐκπρομολόντες, ### book 4.325.4 πάντη, μή σφε λάθοιεν, ὑπετμήξαντο κελεύθους. ### book 4.325.5 οἱ δ’ ὄπιθεν ποταμοῖο κατήλυθον, †ἐκ δ’ ἐπέρησαν† ### book 4.330.1 δοιὰς Ἀρτέμιδος Βρυγηίδας ἀγχόθι νήσους. ### book 4.330.2 τῶν ἤτοι ἑτέρῃ μὲν ἐν ἱερὸν ἔσκεν ἔδεθλον· ### book 4.330.3 ἐν δ’ ἑτέρῃ, πληθὺν πεφυλαγμένοι Ἀψύρτοιο, ### book 4.330.4 βαῖνον· ἐπεὶ †κείνας πολέων λίπον ἔνδοθι νήσους† ### book 4.330.5 αὔτως, ἁζόμενοι κούρην Διός, αἱ δὲ δὴ ἄλλαι ### book 4.335.1 στεινόμεναι Κόλχοισι πόρους εἴρυντο θαλάσσης. ### book 4.335.2 ὧς δὲ καὶ εἰς ἀκτὰς †πληθὺν λίπεν ἀγχόθι νήσους† ### book 4.335.3 μέσφα Σαλαγγῶνος ποταμοῦ καὶ Νέστιδος αἴης. ### book 4.1 Ἔνθα κε λευγαλέῃ Μινύαι τότε δηιοτῆτι ### book 4.2 παυρότεροι πλεόνεσσιν ὑπείκαθον, ἀλλὰ πάροιθεν ### book 4.340.1 συνθεσίην, μέγα νεῖκος ἀλευάμενοι, ἐτάμοντο· ### book 4.340.2 κῶας μὲν χρύσειον, ἐπεί σφισιν αὐτὸς ὑπέστη ### book 4.340.3 Αἰήτης, εἴ κέν οἱ ἀναπλήσειαν ἀέθλους, ### book 4.340.4 ἔμπεδον εὐδικίῃ σφέας ἑξέμεν, εἴτε δόλοισιν ### book 4.340.5 εἴτε καὶ ἀμφαδίην αὔτως ἀέκοντος ἀπηύρων· ### book 4.345.1 αὐτὰρ Μήδειαν (†τὸ γὰρ πέλεν ἀμφήριστον) ### book 4.345.2 παρθέσθαι κούρῃ Λητωίδι νόσφιν ὁμίλου, ### book 4.345.3 εἰσόκε τις δικάσῃσι θεμιστούχων βασιλήων ### book 4.345.4 εἴτε μιν εἰς πατρὸς χρειὼ δόμον αὖτις ἱκάνειν ### book 4.345.5 εἴτε μεθ’ Ἑλλάδα γαῖαν ἀριστήεσσιν ἕπεσθαι. ### book 4.1 Ἔνθα δ’ ἐπεὶ τὰ ἕκαστα νόῳ πεμπάσσατο κούρη, ### book 4.2 δή ῥά μιν ὀξεῖαι κραδίην ἐλέλιξαν ἀνῖαι ### book 4.3 νωλεμές. αἶψα δὲ νόσφιν Ἰήσονα μοῦνον ἑταίρων ### book 4.4 ἐκπροκαλεσσαμένη ἄγεν ἄλλυδις, ὄφρ’ ἐλίασθεν ### book 4.5 πολλὸν ἑκάς, στονόεντα δ’ ἐνωπαδὶς ἔκφατο μῦθον· ### book 4.355.1 “Αἰσονίδη, τίνα τήνδε συναρτύνασθε μενοινήν ### book 4.355.2 ἀμφ’ ἐμοί; ἦέ σε πάγχυ λαθιφροσύναις ἐνέηκαν ### book 4.355.3 ἀγλαΐαι, τῶν δ’ οὔ τι μετατρέπῃ ὅσς’ ἀγόρευες ### book 4.355.4 χρειοῖ ἐνισχόμενος; ποῦ τοι Διὸς Ἱκεσίοιο ### book 4.355.5 ὅρκια, ποῦ δὲ μελιχραὶ ὑποσχεσίαι βεβάασιν; ### book 4.360.1 ᾗς ἐγὼ οὐ κατὰ κόσμον ἀναιδήτῳ ἰότητι ### book 4.360.2 πάτρην τε κλέα τε μεγάρων αὐτούς τε τοκῆας ### book 4.360.3 νοσφισάμην, τά μοι ἦεν ὑπέρτατα, τηλόθι δ’ οἴη ### book 4.1 λυγρῇσιν κατὰ πόντον ἅμ’ ἀλκυόνεσσι φορεῦμαι, ### book 4.2 σῶν ἕνεκεν καμάτων, ἵνα μοι σόος ἀμφί τε βουσίν ### book 4.365.1 ἀμφί τε γηγενέεσσιν ἀναπλήσειας ἀέθλους· ### book 4.365.2 ὕστατον αὖ καὶ κῶας, ἐφ’ ᾧ πλόος ὔμμιν ἐτύχθη, ### book 4.365.3 εἷλες ἐμῇ ματίῃ, κατὰ δ’ οὐλοὸν αἶσχος ἔχευα ### book 4.365.4 θηλυτέραις· τῶ φημὶ τεὴ κούρη τε δάμαρ τε ### book 4.365.5 αὐτοκασιγνήτη τε μεθ’ Ἑλλάδα γαῖαν ἕπεσθαι. ### book 4.370.1 πάντη νυν πρόφρων ὑπερίστασο, μηδέ με μούνην ### book 4.370.2 σεῖο λίπῃς ἀπάνευθεν, ἐποιχόμενος βασιλῆας, ### book 4.370.3 ἀλλ’ αὔτως εἴρυσο· δίκη δέ τοι ἔμπεδος ἔστω ### book 4.370.4 καὶ θέμις ἣν ἄμφω συναρέσσαμεν· ἢ σύγ’ ἔπειτα ### book 4.370.5 φασγάνῳ αὐτίκα τόνδε μέσον διὰ λαιμὸν ἀμῆσαι, ### book 4.375.1 ὄφρ’ ἐπίηρα φέρωμαι ἐοικότα μαργοσύνῃσιν, ### book 4.375.2 σχέτλιε· †εἴ κέν με κασιγνήτοιο δικάσσῃ ### book 4.375.3 ἔμμεναι οὗτος ἄναξ τῷ ἐπίσχετε τάσδ’ ἀλεγεινάς ### book 4.375.4 ἄμφω συνθεσίας, πῶς ἵξομαι ὄμματα πατρός; ### book 4.375.5 ἦ μάλ’ ἐυκλειής. τίνα δ’ οὐ τίσιν ἠὲ βαρεῖαν ### book 4.380 ἄτην οὐ σμυγερῶς δεινῶν ὕπερ οἷα ἔοργα ### book 4.1 ὀτλήσω, σὺ δέ κεν θυμηδέα νόστον ἕλοιο; ### book 4.2 μὴ τόγε παμβασίλεια Διὸς τελέσειεν ἄκοιτις, ### book 4.3 ᾗ ἔπι κυδιάεις· μνήσαιο δὲ καί ποτ’ ἐμεῖο ### book 4.4 στρευγόμενος καμάτοισι, δέρος δέ τοι ἶσον ὀνείρῳ ### book 4.385.1 οἴχοιτ’ εἰς ἔρεβος μεταμώνιον· ἐκ δέ σε πάτρης ### book 4.385.2 αὐτίκ’ ἐμαὶ ἐλάσειαν Ἐρινύες, οἷα καὶ αὐτή ### book 4.385.3 σῇ πάθον ἀτροπίῃ· τὰ μὲν οὐ θέμις ἀκράαντα ### book 4.385.4 ἐν γαίῃ πεσέειν, μάλα γὰρ μέγαν ἤλιτες ὅρκον, ### book 4.385.5 νηλεές· ἀλλ’ οὔ θήν μοι ἐπιλλίζοντες ὀπίσσω ### book 4.390.1 δὴν ἕσσεσθ’ εὔκηλοι ἕκητί γε συνθεσιάων.” ### book 4.390.2 Ὧς φάτ’, ἀναζείουσα βαρὺν χόλον· ἵετο δ’ ἥγε ### book 4.390.3 νῆα καταφλέξαι διά τ’ †ἔμπεδα πάντα κεάσσαι, ### book 4.390.4 ἐν δὲ πεσεῖν αὐτὴ μαλερῷ πυρί. τοῖα δ’ Ἰήσων ### book 4.390.5 μειλιχίοις ἐπέεσσιν ὑποδδείσας προσέειπεν· ### book 4.395.1 “Ἴσχεο, δαιμονίη· τὰ μὲν ἁνδάνει οὐδ’ ἐμοὶ αὐτῷ, ### book 4.395.2 ἀλλά τιν’ ἀμβολίην διζήμεθα δηιοτῆτος, ### book 4.395.3 ὅσσον δυσμενέων ἀνδρῶν νέφος ἀμφιδέδηεν ### book 4.395.4 εἵνεκα σεῦ. πάντες γὰρ ὅσοι χθόνα τήνδε νέμονται ### book 4.395.5 Ἀψύρτῳ μεμάασιν ἀμυνέμεν, ὄφρα σε πατρί, ### book 4.1 οἷά τε ληισθεῖσαν, ὑπότροπον οἴκαδ’ ἄγοιτο· ### book 4.2 αὐτοὶ δὲ στυγερῷ κεν ὀλοίμεθα πάντες ὀλέθρῳ, ### book 4.3 μείξαντες δαῒ χεῖρας· ὅ τοι καὶ ῥίγιον ἄλγος ### book 4.4 ἔσσεται, εἴ σε θανόντες ἕλωρ κείνοισι λίποιμεν. ### book 4 ἥδε δὲ συνθεσίη κρανέει δόλον ᾧ μιν ἐς ἄτην ### book 4.405.1 βήσομεν· οὐδ’ ἂν ὁμῶς περιναιέται ἀντιόωσι ### book 4.405.2 Κόλχοις ἦρα φέροιεν ὑπὲρ σέο, νόσφιν ἄνακτος ### book 4.405.3 ὅς τοι ἀοσσητήρ τε κασίγνητός τε τέτυκται, ### book 4.405.4 οὐδ’ ἂν ἐγὼ Κόλχοισιν ὑπείξαιμι πτολεμίζων ### book 4.405.5 ἀντιβίην, ὅτε μή με διὲξ εἰῶσι νέεσθαι.” ### book 4.410.1 Ἴσκεν ὑποσσαίνων· ἡ δ’ οὐλοὸν ἔκφατο μῦθον· ### book 4.410.2 “Φράζεο νῦν (χρειὼ γὰρ ἀεικελίοισιν ἐπ’ ἔργοις ### book 4.410.3 καὶ τόδε μητίσασθαι, ἐπεὶ τὸ πρῶτον ἀάσθην ### book 4.410.4 ἀμπλακίῃ, θεόθεν δὲ κακὰς ἤνυσσα μενοινάς)· ### book 4.410.5 τύνη μὲν κατὰ μῶλον ἀλέξεο δούρατα Κόλχων, ### book 4.415.1 αὐτὰρ ἐγὼ κεῖνόν γε τεὰς ἐς χεῖρας ἱκέσθαι ### book 4.415.2 μειλίξω· σὺ δέ μιν φαιδροῖς ἀγαπάζεο δώροις, ### book 4.415.3 εἴ κέν πως †κήρυκας ἀπερχομένους πεπίθοιμι† ### book 4.415.4 οἰόθεν οἶον ἐμοῖσι συναρθμῆσαι ἐπέεσσιν. ### book 4.415.5 ἔνθ’ εἴ τοι τόδε ἔργον ἐφανδάνει, οὔτι μεγαίρω, ### book 4.420.1 κτεῖνέ τε καὶ Κόλχοισιν ἀείρεο δηιοτῆτα.” ### book 4.420.2 Ὧς τώγε ξυμβάντε μέγαν δόλον ἠρτύναντο ### book 4.420.3 Ἀψύρτῳ, καὶ πολλὰ πόρον ξεινήια δῶρα· ### book 4.420.4 οἷς μέτα καὶ πέπλον δόσαν ἱερὸν Ὑψιπυλείης ### book 4.420.5 πορφύρεον. τὸν μέν ῥα Διωνύσῳ κάμον αὐταί ### book 4.425.1 Δίῃ ἐν ἀμφιάλῳ Χάριτες θεαί, αὐτὰρ ὁ παιδί ### book 4.425.2 δῶκε Θόαντι μεταῦτις, ὁ δ’ αὖ λίπεν Ὑψιπυλείῃ, ### book 4.425.3 ἡ δ’ ἔπορ’ Αἰσονίδῃ πολέσιν μετὰ καὶ τὸ φέρεσθαι ### book 4.425.4 γλήνεσιν εὐεργὲς ξεινήιον. οὔ μιν ἀφάσσων ### book 4.425.5 οὔτε κεν εἰσορόων γλυκὺν ἵμερον ἐμπλήσειας· ### book 4.430.1 τοῦ δὲ καὶ ἀμβροσίη ὀδμὴ πέλεν ἐξέτι κείνου ### book 4.430.2 ἐξ οὗ ἄναξ αὐτὸς Νυσήιος ἐγκατέλεκτο ### book 4.430.3 ἀκροχάλιξ οἴνῳ καὶ νέκταρι, καλὰ μεμαρπώς ### book 4.430.4 στήθεα παρθενικῆς Μινωίδος, ἥν ποτε Θησεύς ### book 4.430.5 Κνωσσόθεν ἑσπομένην Δίῃ ἔνι κάλλιπε νήσῳ. ### book 4.435.1 ἡ δ’ ὅτε κηρύκεσσιν ἐπεξυνώσατο μύθους, ### book 4.435.2 θελγέμεν, εὖτ’ ἂν πρῶτα θεᾶς περὶ νηὸν ἵκηται ### book 4.435.3 συνθεσίῃ νυκτός τε μέλαν κνέφας ἀμφιβάλῃσιν, ### book 4.435.4 ἐλθέμεν, ὄφρα δόλον συμφράσσεται ᾧ κεν ἑλοῦσα ### book 4.435.5 χρύσειον μέγα κῶας ὑπότροπος αὖτις ὀπίσσω ### book 4.440.1 βαίη ἐς Αἰήταο δόμους· πέρι γάρ μιν ἀνάγκῃ ### book 4.440.2 υἱῆες Φρίξοιο δόσαν ξείνοισιν ἄγεσθαι— ### book 4.440.3 τοῖα παραιφαμένη, θελκτήρια φάρμακ’ ἔπασσεν ### book 4.440.4 αἰθέρι καὶ πνοιῇσι, τά κεν καὶ ἄπωθεν ἐόντα ### book 4.440.5 ἄγριον ἠλιβάτοιο κατ’ οὔρεος ἤγαγε θῆρα. ### book 4.445.1 Σχέτλι’ Ἔρως, μέγα πῆμα, μέγα στύγος ἀνθρώποισιν, ### book 4.445.2 ἐκ σέθεν οὐλόμεναί τ’ ἔριδες στοναχαί τε γόοι τε, ### book 4.445.3 ἄλγεά τ’ ἄλλ’ ἐπὶ τοῖσιν ἀπείρονα τετρήχασιν· ### book 4.445.4 δυσμενέων ἐπὶ παισὶ κορύσσεο δαῖμον ἀερθείς ### book 4.445.5 οἷος Μηδείῃ στυγερὴν φρεσὶν ἔμβαλες ἄτην. ### book 4.1 Πῶς γὰρ δὴ μετιόντα κακῷ ἐδάμασσεν ὀλέθρῳ ### book 4.2 Ἄψυρτον; τὸ γὰρ ἧμιν ἐπισχερὼ ἦεν ἀοιδῆς. ### book 4.3 Ἦμος ὅτ’ Ἀρτέμιδος νηῷ ἔνι τήν γε λίποντο ### book 4.4 συνθεσίῃ, τοὶ μέν ῥα διάνδιχα νηυσὶν ἔκελσαν ### book 4 σφωιτέραις κρινθέντες· ὁ δ’ ἐς λόχον ᾖεν Ἰήσων, ### book 4.455.1 δέγμενος Ἄψυρτόν τε καὶ οὓς ἐξαῦτις ἑταίρους. ### book 4.455.2 αὐτὰρ ὅγ’, αἰνοτάτῃσιν ὑποσχεσίῃσι δολωθείς, ### book 4.455.3 καρπαλίμως ᾗ νηὶ διὲξ ἁλὸς οἶδμα περήσας, ### book 4.455.4 νύχθ’ ὕπο λυγαίην ἱερῆς ἐπεβήσετο νήσου· ### book 4.455.5 οἰόθι δ’ ἀντικρὺ μετιών, πειρήσατο μύθοις ### book 4.460.1 εἷο κασιγνήτης, ἀταλὸς πάις οἷα χαράδρης ### book 4.460.2 χειμερίης ἣν οὐδὲ δι’ αἰζηοὶ περόωσιν, ### book 4.460.3 εἴ κε δόλον ξείνοισιν ἐπ’ ἀνδράσι τεχνήσαιτο. ### book 4.460.4 καὶ τὼ μὲν τὰ ἕκαστα συνῄνεον ἀλλήλοισιν· ### book 4.460.5 αὐτίκα δ’ Αἰσονίδης πυκινοῦ ἔκπαλτο λόχοιο ### book 4.465.1 γυμνὸν ἀνασχόμενος παλάμῃ ξίφος. αἶψα δὲ κούρη ### book 4.465.2 ἔμπαλιν ὄμματ’ ἔνεικε, καλυψαμένη ὀθόνῃσιν, ### book 4.465.3 μὴ φόνον ἀθρήσειε κασιγνήτοιο τυπέντος· ### book 4.465.4 τὸν δ’ ὅγε, βουτύπος ὥστε μέγαν κερεαλκέα ταῦρον, ### book 4.465.5 πλῆξεν, ὀπιπτεύσας νηοῦ σχεδὸν ὅν ποτ’ ἔδειμαν ### book 4.470.1 Ἀρτέμιδι Βρυγοὶ περιναιέται ἀντιπέρηθεν. ### book 4.470.2 τοῦ ὅγ’ ἐνὶ προδόμῳ γνὺξ ἤριπε· λοίσθια δ’ ἥρως ### book 4.470.3 θυμὸν ἀναπνείων, χερσὶν μέλαν ἀμφοτέρῃσιν ### book 4.470.4 αἷμα κατ’ ὠτειλὴν ὑποΐσχετο, τῆς δὲ καλύπτρην ### book 4.470.5 ἀργυφέην καὶ πέπλον ἀλευομένης ἐρύθηνεν. ### book 4.475.1 ὀξὺ δὲ πανδαμάτωρ λοξῷ ἴδεν οἷον ἔρεξαν ### book 4.475.2 ὄμματι νηλειεῖς ὀλοφώιον ἔργον Ἐρινύς. ### book 4.1 ἥρως δ’ Αἰσονίδης ἐξάργματα τάμνε θανόντος, ### book 4.2 τρὶς δ’ ἀπέλειξε φόνου, τρὶς δ’ ἐξ ἄγος ἔπτυς’ ὀδόντων, ### book 4.3 ἣ θέμις αὐθέντῃσι δολοκτασίας ἱλάεσθαι· ### book 4.480.1 ὑγρὸν δ’ ἐν γαίῃ κρύψεν νέκυν, ἔνθ’ ἔτι νῦν περ ### book 4.480.2 κείαται ὀστέα κεῖνα μετ’ ἀνδράσιν Ἀψυρτεῦσιν. ### book 4.480.3 Οἱ δ’ ἄμυδις πυρσοῖο σέλας προπάροιθεν ἰδόντες ### book 4.480.4 τό σφιν παρθενικὴ τέκμαρ μετιοῦσιν ἄειρεν, ### book 4.480.5 Κολχίδος ἀγχόθι νηὸς ἑὴν παρὰ νῆα βάλοντο ### book 4.485.1 ἥρωες, Κόλχων δ’ ὄλεκον στόλον, ἠύτε κίρκοι ### book 4.485.2 φῦλα πελειάων ἠὲ μέγα πῶυ λέοντες ### book 4.485.3 ἀγρότεροι κλονέουσιν ἐνὶ σταθμοῖσι θορόντες· ### book 4.485.4 οὐδ’ ἄρα τις κείνων θάνατον φύγε, πάντα δ’ ὅμιλον ### book 4.485.5 πῦρ ἅτε δηιόωντες ἐπέδραμον. ὀψὲ δ’ Ἰήσων ### book 4.490.1 ἤντησεν, μεμαὼς ἐπαμυνέμεν—οὐ μάλ’ ἀρωγῆς ### book 4.490.2 δευομένοις, ἤδη δὲ καὶ ἀμφ’ αὐτοῖο μέλοντο. ### book 4.490.3 Ἔνθα δὲ ναυτιλίης πυκινὴν πέρι μητιάασκον ### book 4.490.4 ἑζόμενοι βουλήν, ἐπὶ δέ σφισιν ἤλυθε κούρη ### book 4.490.5 φραζομένοις. Πηλεὺς δὲ παροίτατος ἔκφατο μῦθον· ### book 4.495.1 “Ἤδη νῦν κέλομαι νύκτωρ ἔτι νῆ’ ἐπιβάντας ### book 4.495.2 εἰρεσίῃ περάαν πλόον ἀντίον ᾧ ἐπέχουσι ### book 4.495.3 δήιοι. ἠῶθεν γὰρ ἐπαθρήσαντας ἕκαστα ### book 4.495.4 ἔλπομαι οὐχ ἕνα μῦθον ὅτις προτέρωσε δίεσθαι ### book 4.495.5 ἡμέας ὀτρυνέει τοὺς πεισέμεν, οἷά τ’ ἄνακτος ### book 4.1 εὔνιδες ἀργαλέῃσι διχοστασίῃς κεδόωνται· ### book 4.2 ῥηιδίη δέ κεν ἄμμι, κεδασθέντων δίχα λαῶν, ### book 4.1 ἥδ’ εἴη μετέπειτα κατερχομένοισι κέλευθος.” ### book 4.2 Ὧς ἔφατ’· ᾔνησαν δὲ νέοι ἔπος Αἰακίδαο. ### book 4.3 ῥίμφα δὲ νῆ’ ἐπιβάντες ἐπερρώοντ’ ἐλάτῃσιν ### book 4.505.1 νωλεμές, ὄφρ’ ἱερὴν Ἠλεκτρίδα νῆσον ἵκοντο, ### book 4.505.2 ἀλλάων ὑπάτην, ποταμοῦ σχεδὸν Ἠριδανοῖο. ### book 4.505.3 Κόλχοι δ’ ὁππότ’ ὄλεθρον ἐπεφράσθησαν ἄνακτος, ### book 4.505.4 ἤτοι μὲν δίζεσθαι ἐπέχραον ἔνδοθι πάσης ### book 4.505.5 Ἀργὼ καὶ Μινύας Κρονίης ἁλός, ἀλλ’ ἀπέρυκεν ### book 4.510.1 Ἥρη σμερδαλέῃσι κατ’ αἰθέρος ἀστεροπῇσιν. ### book 4.510.2 ὕστατον αὖ (δὴ γάρ τε Κυταιίδος ἤθεα γαίης ### book 4.510.3 στύξαν ἀτυζόμενοι χόλον ἄγριον Αἰήταο) ### book 4.510.4 ἔμπεδον ἄλλυδις ἄλλοι ἀφορμηθέντες ἔνασθεν· ### book 4.510.5 οἱ μὲν ἐπ’ αὐτάων νήσων ἔβαν ᾗσιν ἐπέσχον ### book 4.515.1 ἥρωες, ναίουσι δ’ ἐπώνυμοι Ἀψύρτοιο· ### book 4.515.2 οἱ δ’ ἄρ’ ἐπ’ Ἰλλυρικοῖο μελαμβαθέος ποταμοῖο, ### book 4.515.3 τύμβος ἵν’ Ἁρμονίης Κάδμοιό τε, πύργον ἔδειμαν, ### book 4.515.4 ἀνδράσιν Ἐγχελέεσσιν ἐφέστιοι· οἱ δ’ ἐν ὄρεσσιν ### book 4.515.5 ἐνναίουσιν ἅπερ τε Κεραύνια κικλήσκονται ### book 4.520.1 ἐκ τόθεν ἐξότε τούσγε Διὸς Κρονίδαο κεραυνοί ### book 4.520.2 νῆσον ἐς ἀντιπέραιαν ἀπέτραπον ὁρμηθῆναι. ### book 4.520.3 Ἥρωες δ’, ὅτε δή σφιν ἐείσατο νόστος ἀπήμων, ### book 4.520.4 δή ῥα τότε προμολόντες ἐπὶ χθονὶ πείσματ’ ἔδησαν ### book 4.520.5 Ὑλλήων· νῆσοι γὰρ ἐπιπρούχοντο θαμειαί ### book 4.525.1 ἀργαλέην πλώουσιν ὁδὸν μεσσηγὺς ἔχουσαι. ### book 4.525.2 οὐδέ σφιν, ὡς καὶ πρίν, ἀνάρσια μητιάασκον ### book 4.525.3 Ὑλλῆες, πρὸς δ’ αὐτοὶ ἐμηχανόωντο κέλευθον, ### book 4.1 μισθὸν ἀειράμενοι τρίποδα μέγαν Ἀπόλλωνος. ### book 4.2 δοιοὺς γὰρ τρίποδας τηλοῦ πόρε Φοῖβος ἄγεσθαι ### book 4.530.1 Αἰσονίδῃ περόωντι κατὰ χρέος, ὁππότε Πυθώ ### book 4.530.2 ἱρὴν πευσόμενος μετεκίαθε τῆσδ’ ὑπὲρ αὐτῆς ### book 4.530.3 ναυτιλίης· πέπρωτο δ’, ὅπῃ χθονὸς ἱδρυθεῖεν, ### book 4.530.4 μήποτε τὴν δῄοισιν ἀναστήσεσθαι ἰοῦσιν. ### book 4.530.5 τούνεκεν εἰσέτι νῦν κείνῃ ὅδε κεύθεται αἴῃ ### book 4.535.1 ἀμφὶ πόλιν Ἀγανὴν Ὑλληίδα, πολλὸν ἔνερθεν ### book 4.535.2 οὔδεος, ὥς κεν ἄφαντος ἀεὶ μερόπεσσι πέλοιτο. ### book 4.535.3 οὐ μὲν ἔτι ζώοντα καταυτόθι τέτμον ἄνακτα ### book 4.535.4 Ὕλλον, ὃν εὐειδὴς Μελίτη τέκεν Ἡρακλῆι ### book 4.535.5 δήμῳ Φαιήκων· ὁ γὰρ οἰκία Ναυσιθόοιο ### book 4.540.1 Μάκριν τ’ εἰσαφίκανε, Διωνύσοιο τιθήνην, ### book 4.540.2 νιψόμενος παίδων ὀλοὸν φόνον· ἔνθ’ ὅγε κούρην ### book 4.540.3 Αἰγαίου ἐδάμασσεν ἐρασσάμενος ποταμοῖο, ### book 4.540.4 νηιάδα Μελίτην, ἡ δὲ σθεναρὸν τέκεν Ὕλλον· ### book 4.546.1 οὐδ’ ἄρ’ ὅγ’ ἡβήσας αὐτῇ ἐνὶ ἔλδετο νήσῳ ### book 4.546.2 ναίειν κοιρανέοντος ὑπ’ ὀφρύσι Ναυσιθόοιο· ### book 4.546.3 βῆ δ’ ἅλαδε Κρονίην, αὐτόχθονα λαὸν ἀγείρας ### book 4.546.4 Φαιήκων, σὺν γάρ οἱ ἄναξ πόρσυνε κέλευθον ### book 4.1 ἥρως Ναυσίθοος· τόθι δ’ εἵσατο· καί μιν ἔπεφνον ### book 4.2 Μέντορες, ἀγραύλοισιν ἀλεξόμενοι περὶ βουσίν. ### book 4.1 Ἀλλὰ θεαί, πῶς τῆσδε παρὲξ ἁλὸς ἀμφί τε γαῖαν ### book 4.2 Αὐσονίην νήσους τε Λιγυστίδας, αἳ καλέονται ### book 4.3 Στοιχάδες, Ἀργῴης περιώσια σήματα νηός ### book 4.555.1 νημερτὲς πέφαται; τίς ἀπόπροθι τόσσον ἀνάγκη ### book 4.555.2 καὶ χρειώ σφ’ ἐκόμισσε; τίνες σφέας ἤγαγον αὖραι; ### book 4.555.3 Αὐτόν που μεγαλωστὶ δεδουπότος Ἀψύρτοιο ### book 4.555.4 Ζῆνα θεῶν βασιλῆα χόλος λάβεν οἷον ἔρεξαν, ### book 4.555.5 Αἰαίης δ’ ὀλοὸν τεκμήρατο δήνεσι Κίρκης ### book 4.560.1 αἷμ’ ἀπονιψαμένους πρό τε μυρία πημανθέντας ### book 4.560.2 νοστήσειν. τὸ μὲν οὔ τις ἀριστήων ἐνόησεν· ### book 4.560.3 ἀλλ’ ἔθεον γαίης Ὑλληίδος ἐξανιόντες ### book 4.560.4 τηλόθι, τὰς δ’ ἀπέλειπον ὅσαι Κόλχοισι πάροιθεν ### book 4.560.5 ἑξείης πλήθοντο Λιβυρνίδες εἰν ἁλὶ νῆσοι, ### book 4.565.1 Ἴσσα τε Δυσκέλαδός τε καὶ ἱμερτὴ Πιτύεια· ### book 4.565.2 αὐτὰρ ἔπειτ’ ἐπὶ τῇσι παραὶ Κέρκυραν ἵκοντο, ### book 4.565.3 ἔνθα Ποσειδάων Ἀσωπίδα νάσσατο κούρην, ### book 4.565.4 ἠύκομον Κέρκυραν, ἑκὰς Φλειουντίδος αἴης, ### book 4.565.5 ἁρπάξας ὑπ’ ἔρωτι· μελαινομένην δέ μιν ἄνδρες ### book 4.570.1 ναυτίλοι ἐκ πόντοιο κελαινῇ πάντοθεν ὕλῃ ### book 4.570.2 δερκόμενοι, Κέρκυραν ἐπικλείουσι Μέλαιναν· ### book 4.570.3 τῇ δ’ ἐπὶ καὶ Μελίτην, λιαρῷ περιγηθέες οὔρῳ, ### book 4.570.4 αἰπεινήν τε Κερωσσόν, ὕπερθε δὲ πολλὸν ἐοῦσαν ### book 4.570.5 Νυμφαίην παράμειβον, ἵνα κρείουσα Καλυψώ ### book 4.575.1 Ἀτλαντὶς ναίεσκε. τὰ δ’ ἠεροειδέα λεύσσειν ### book 4.575.2 οὔρεα δοιάζοντο Κεραύνια· καὶ τότε βουλάς ### book 4.1 ἀμφ’ αὐτοῖς Ζηνός †τε μέγαν χόλον ἐφράσαθ’ Ἥρη, ### book 4.2 μηδομένη δ’ ἄνυσιν τοῖο πλόου, ὦρσεν ἀέλλας ### book 4.3 ἀντικρύ· τοὶ δ’ αὖτις ἀναρπάγδην φορέοντο ### book 4.580.1 νήσου ἔπι κραναῆς Ἠλεκτρίδος. αὐτίκα δ’ ἄφνω ### book 4.580.2 ἴαχεν ἀνδρομέῃ ἐνοπῇ μεσσηγὺ θεόντων ### book 4.580.3 αὐδῆεν γλαφυρῆς νηὸς δόρυ, τόρρ’ ἀνὰ μέσσην ### book 4.580.4 στεῖραν Ἀθηναίη Δωδωνίδος ἥρμοσε φηγοῦ. ### book 4.580.5 τοὺς δ’ ὀλοὸν †μεσσηγὺ δέος λάβεν εἰσαΐοντας ### book 4.585.1 φθογγήν τε Ζηνός τε βαρὺν χόλον· οὐ γὰρ ἀλύξειν ### book 4.585.2 ἔννεπεν οὔτε πόρους δολιχῆς ἁλὸς οὔτε θυέλλας ### book 4.585.3 ἀργαλέας, ὅτε μὴ Κίρκη φόνον Ἀψύρτοιο ### book 4.585.4 νηλέα νίψειεν· Πολυδεύκεα δ’ εὐχετάασθαι ### book 4.585.5 Κάστορά τ’ ἀθανάτοισι θεοῖς ἤνωγε κελεύθους ### book 4.590.1 Αὐσονίης ἔντοσθε πορεῖν ἁλός, ᾗ ἔνι Κίρκην ### book 4.590.2 δήουσιν, Πέρσης τε καὶ Ἠελίοιο θύγατρα. ### book 4.590.3 Ὧς Ἀργὼ ἰάχησεν ὑπὸ κνέφας. οἱ δ’ ἀνόρουσαν ### book 4.590.4 Τυνδαρίδαι καὶ χεῖρας ἀνέσχεθον ἀθανάτοισιν ### book 4.590.5 εὐχόμενοι τὰ ἕκαστα· κατηφείη δ’ ἔχεν ἄλλους ### book 4.595.1 ἥρωας Μινύας. ἡ δ’ ἔσσυτο πολλὸν ἐπιπρό ### book 4.595.2 λαίφεσιν. ἐς δ’ ἔβαλον μύχατον ῥόον Ἠριδανοῖο, ### book 4.595.3 ἔνθα ποτ’ αἰθαλόεντι τυπεὶς πρὸς στέρνα κεραυνῷ ### book 4.595.4 ἡμιδαὴς Φαέθων πέσεν ἅρματος Ἠελίοιο ### book 4.595.5 λίμνης ἐς προχοὰς πολυβενθέος· ἡ δ’ ἔτι νῦν περ ### book 4.1 τραύματος αἰθομένοιο βαρὺν ἀνακηκίει ἀτμόν, ### book 4.2 οὐδέ τις ὕδωρ κεῖνο διὰ πτερὰ κοῦφα τανύσσας ### book 4.1 οἰωνὸς δύναται βαλέειν ὕπερ, ἀλλὰ μεσηγύς ### book 4.2 φλογμῷ ἐπιθρῴσκει πεποτημένος. ἀμφὶ δὲ κοῦραι ### book 4.3 Ἡλιάδες ταναῇσιν †ἀείμεναι αἰγείροισιν ### book 4.605.1 μύρονται κινυρὸν μέλεαι γόον, ἐκ δὲ φαεινάς ### book 4.605.2 ἠλέκτρου λιβάδας βλεφάρων προχέουσιν ἔραζε· ### book 4.605.3 αἱ μέν τ’ ἠελίῳ ψαμάθοις ἔπι τερσαίνονται, ### book 4.605.4 εὖτ’ ἂν δὲ κλύζῃσι κελαινῆς ὕδατα λίμνης ### book 4.605.5 ἠιόνας πνοιῇ πολυηχέος ἐξ ἀνέμοιο, ### book 4.610.1 δὴ τότ’ ἐς Ἠριδανὸν προκυλίνδεται ἀθρόα πάντα ### book 4.610.2 κυμαίνοντι ῥόῳ. Κελτοὶ δ’ ἐπὶ βάξιν ἔθεντο ### book 4.610.3 ὡς ἄρ’ Ἀπόλλωνος τάδε δάκρυα Λητοΐδαο ### book 4.610.4 ἐμφέρεται δίναις, ἅ τε μυρία χεῦε πάροιθεν, ### book 4.610.5 ἦμος Ὑπερβορέων ἱερὸν γένος εἰσαφίκανεν, ### book 4.615.1 οὐρανὸν αἰγλήεντα λιπὼν ἐκ πατρὸς ἐνιπῆς, ### book 4.615.2 χωόμενος περὶ παιδὶ τὸν ἐν λιπαρῇ Λακερείῃ ### book 4.615.3 δῖα Κορωνὶς ἔτικτεν ἐπὶ προχοῇς Ἀμύροιο. ### book 4.615.4 καὶ τὰ μὲν ὧς κείνοισι μετ’ ἀνδράσι κεκλήισται· ### book 4.615.5 τοὺς δ’ οὔτε βρώμης ᾕρει πόθος οὔτε ποτοῖο, ### book 4.620.1 οὔτ’ ἐπὶ γηθοσύνας νόος ἐτράπετ’· ἀλλ’ ἄρα τοίγε ### book 4.620.2 ἤματα μὲν στρεύγοντο περιβληχρὸν βαρύθοντες ### book 4.620.3 ὀδμῇ λευγαλέῃ τήν ῥ’ ἄσχετον ἐξανίεσκον ### book 4.620.4 τυφομένου Φαέθοντος ἐπιρροαὶ Ἠριδανοῖο, ### book 4.620.5 νυκτὸς δ’ αὖ γόον ὀξὺν ὀδυρομένων ἐσάκουον ### book 4.625.1 Ἡλιάδων λιγέως· τὰ δὲ δάκρυα †μυρομένῃσιν ### book 4.625.2 οἷον ἐλαιηραὶ στάγες ὕδασιν ἐμφορέοντο. ### book 4.625.3 Ἐκ δὲ τόθεν Ῥοδανοῖο βαθὺν ῥόον εἰσεπέρησαν, ### book 4.625.4 ὅς τ’ εἰς Ἠριδανὸν μετανίσσεται, ἄμμιγα δ’ ὕδωρ ### book 4.625.5 ἐν ξυνοχῇ βέβρυχε κυκώμενον. αὐτὰρ ὁ γαίης ### book 4.630.1 ἐκ μυχάτης, ἵνα τ’ εἰσὶ πύλαι καὶ ἐδέθλια Νυκτός, ### book 4.630.2 ἔνθεν ἀπορνύμενος, τῇ μέν τ’ ἐπερεύγεται ἀκτάς ### book 4.630.3 Ὠκεανοῦ, τῇ δ’ αὖτε μετ’ Ἰονίην ἅλα βάλλει, ### book 4.630.4 τῇ δ’ ἐπὶ Σαρδόνιον πέλαγος καὶ ἀπείρονα κόλπον ### book 4.630.5 ἑπτὰ διὰ στομάτων ἵει ῥόον. ἐκ δ’ ἄρα τοῖο ### book 4.635.1 λίμνας εἰσέλασαν δυσχείμονας αἵ τ’ ἀνὰ Κελτῶν ### book 4.635.2 ἤπειρον πέπτανται ἀθέσφατοι. ἔνθα κεν οἵγε ### book 4.635.3 ἄτῃ ἀεικελίῃ πέλασαν· φέρε γάρ τις ἀπορρώξ ### book 4.635.4 κόλπον ἐς Ὠκεανοῖο, τὸν οὐ προδαέντες ἔμελλον ### book 4.635.5 εἰσβαλέειν. τόθεν οὔ κεν ὑπότροποι ἐξεσάωθεν· ### book 4.640.1 ἀλλ’ Ἥρη σκοπέλοιο καθ’ Ἑρκυνίου ἰάχησεν ### book 4.640.2 οὐρανόθεν προθοροῦσα, φόβῳ δ’ ἐτίναχθεν ἀυτῆς ### book 4.1 πάντες ὁμῶς, δεινὸν γὰρ ἐπὶ μέγας ἔβραχεν αἰθήρ· ### book 4.2 ἂψ δὲ παλιντροπόωντο θεᾶς ὕπο καί ῥ’ ἐνόησαν ### book 4.3 τήνδ’ οἷμον τῇπέρ τε καὶ ἔπλετο νόστος ἰοῦσι. ### book 4.645.1 δηναιοὶ δ’ ἀκτὰς ἁλιμυρέας εἰσαφίκοντο, ### book 4.645.2 Ἥρης ἐννεσίῃσι δι’ ἔθνεα μυρία Κελτῶν ### book 4.645.3 καὶ Λιγύων περόωντες ἀδήιοι, ἀμφὶ γὰρ αἰνήν ### book 4.645.4 ἠέρα χεῦε θεὰ πάντ’ ἤματα νισσομένοισιν. ### book 4.645.5 μεσσότατον δ’ ἄρα τοίγε διὰ στόμα νηὶ βαλόντες, ### book 4.1 Στοιχάδας εἰσαπέβαν νήσους, σόοι εἵνεκα κούρων ### book 4.2 Ζηνός· ὃ δὴ βωμοί τε καὶ ἱερὰ τοῖσι τέτυκται ### book 4.3 ἔμπεδον, οὐδ’ οἶον κείνης ἐπίουροι ἕποντο ### book 4.4 ναυτιλίης, Ζεὺς δέ σφι καὶ ὀψιγόνων πόρε νῆας. ### book 4.5 Στοιχάδας αὖτε λιπόντες ἐς Αἰθαλίην ἐπέρησαν ### book 4.655.1 νῆσον, ἵνα ψηφῖσιν ἀπωμόρξαντο καμόντες ### book 4.655.2 ἱδρῶ ἅλις· χροιῇ δὲ κατ’ αἰγιαλοῖο κέχυνται ### book 4.655.3 εἴκελοι ### book 4.657.1 ἐν δὲ σόλοι καὶ τρύχεα θέσκελα κείνων· ### book 4.657.2 ἔνθα λιμὴν Ἀργῷος ἐπωνυμίην πεφάτισται. ### book 4.657.3 Καρπαλίμως δ’ ἐνθένδε διὲξ ἁλὸς οἶδμα νέοντο ### book 4.660.1 Αὐσονίης, ἀκτὰς Τυρσηνίδας εἰσορόωντες, ### book 4.660.2 ἷξον δ’ Αἰαίης λιμένα κλυτόν. ἐκ δ’ ἄρα νηός ### book 4.660.3 πείσματ’ ἐπ’ ἠιόνων σχεδόθεν βάλον· ἔνθα δὲ Κίρκην ### book 4.660.4 εὗρον ἁλὸς νοτίδεσσι κάρη περιφαιδρύνουσαν, ### book 4.660.5 τοῖον γὰρ νυχίοισιν ὀνείρασιν ἐπτοίητο· ### book 4.665.1 αἵματί οἱ θάλαμοί τε καὶ ἕρκεα πάντα δόμοιο ### book 4.665.2 μύρεσθαι δόκεον, φλὸξ δ’ ἀθρόα φάρμακ’ ἔδαπτεν ### book 4.1 οἷσι πάρος ξείνους θέλγ’ ἀνέρας ὅστις ἵκοιτο· ### book 4.2 τὴν δ’ αὐτὴ φονίῳ σβέσεν αἵματι πορφύρουσαν, ### book 4.3 χερσὶν ἀφυσσαμένη, λῆξεν δ’ ὀλοοῖο φόβοιο. ### book 4.670.1 τῶ καὶ ἐπιπλομένης ἠοῦς νοτίδεσσι θαλάσσης ### book 4.670.2 ἐγρομένη πλοκάμους τε καὶ εἵματα φαιδρύνεσκεν. ### book 4.670.3 θῆρες δ’, οὐ θήρεσσιν ἐοικότες ὠμηστῇσιν ### book 4.670.4 οὐδὲ μὲν οὐδ’ ἄνδρεσσιν ὁμὸν δέμας, ἄλλο δ’ ἀπ’ ἄλλων ### book 4.670.5 συμμιγέες γενέων, κίον ἀθρόοι, ἠύτε μῆλα ### book 4.675.1 ἐκ σταθμῶν ἅλις εἶσιν ὀπηδεύοντα νομῆι. ### book 4.675.2 τοίους καὶ προτέρους ἐξ ἰλύος ἐβλάστησεν ### book 4.675.3 χθὼν αὐτὴ μικτοῖσιν ἀρηρεμένους μελέεσσιν, ### book 4.675.4 οὔπω διψαλέῳ μάλ’ ὑπ’ ἠέρι πιληθεῖσα ### book 4.675.5 οὐδέ πω ἀζαλέοιο βολαῖς τόσον ἠελίοιο ### book 4.680.1 ἰκμάδας αἰνυμένου· τὰ δ’ ἐπὶ στίχας ἤγαγεν αἰών ### book 4.680.2 συγκρίνας. τὼς οἵγε φυὴν ἀίδηλοι ἕποντο, ### book 4.680.3 ἥρωας δ’ ἕλε θάμβος ἀπείριτον. αἶψα δ’ ἕκαστος, ### book 4.680.4 Κίρκης εἴς τε φυὴν εἴς τ’ ὄμματα παπταίνοντες, ### book 4.680.5 ῥεῖα κασιγνήτην φάσαν ἔμμεναι Αἰήταο. ### book 4.685.1 Ἡ δ’ ὅτε δὴ νυχίων ἀπὸ δείματα πέμψεν ὀνείρων, ### book 4.685.2 αὐτίκ’ ἔπειτ’ ἄψορρον ἀπέστιχε, τοὺς δ’ ἅμ’ ἕπεσθαι ### book 4.685.3 χειρὶ καταρρέξασα δολοφροσύνῃσιν ἄνωγεν. ### book 4.685.4 ἔνθ’ ἤτοι πληθὺς μὲν ἐφετμαῖς Αἰσονίδαο ### book 4 μίμνον ἀπηλεγέως, ὁ δ’ ἐρύσσατο Κολχίδα κούρην· ### book 4.690.1 ἄμφω δ’ ἑσπέσθην αὐτὴν ὁδόν, ἔστ’ ἀφίκοντο ### book 4.690.2 Κίρκης ἐς μέγαρον. τοὺς δ’ ἐν λιπαροῖσι κέλευεν ### book 4.690.3 ἥγε θρόνοις ἕζεσθαι, ἀμηχανέουσα κιόντων· ### book 4.690.4 τὼ δ’ ἄνεῳ καὶ ἄναυδοι ἐφ’ ἑστίῃ ἀίξαντε ### book 4.690.5 ἵζανον, ἥ τε δίκη λυγροῖς ἱκέτῃσι τέτυκται, ### book 4.695.1 ἡ μὲν ἐπ’ ἀμφοτέραις θεμένη χείρεσσι μέτωπα, ### book 4.695.2 αὐτὰρ ὁ κωπῆεν μέγα φάσγανον ἐν χθονὶ πήξας ### book 4.695.3 ᾧπέρ τ’ Αἰήταο πάιν κτάνεν· οὐδέ ποτ’ ὄσσε ### book 4.695.4 ἰθὺς ἐνὶ βλεφάροισιν ἀνέσχεθον. αὐτίκα δ’ ἔγνω ### book 4.695.5 Κίρκη φύξιον οἶτον ἀλιτροσύνας τε φόνοιο. ### book 4.1 τῶ καὶ ὀπιζομένη Ζηνὸς θέμιν Ἱκεσίοιο, ### book 4.2 ὃς μέγα μὲν κοτέει, μέγα δ’ ἀνδροφόνοισιν ἀρήγει, ### book 4.3 ῥέζε θυηπολίην οἵῃ τ’ ἀπολυμαίνονται ### book 4.4 νηλειτεῖς ἱκέται, ὅτ’ ἐφέστιοι ἀντιόωσιν. ### book 4.5 πρῶτα μὲν ἀτρέπτοιο λυτήριον ἥγε φόνοιο ### book 4.705.1 τειναμένη καθύπερθε συὸς τέκος, ἧς ἔτι μαζοί ### book 4.705.2 πλήμυρον λοχίης ἐκ νηδύος, αἵματι χεῖρας ### book 4.705.3 τέγγεν, ἐπιτμήγουσα δέρην· αὖτις δὲ καὶ ἄλλοις ### book 4.705.4 μείλισσεν χύτλοισι Καθάρσιον ἀγκαλέουσα ### book 4.705.5 Ζῆνα παλαμναίων τιμήορον ἱκεσίῃσι. ### book 4.710.1 καὶ τὰ μὲν ἀθρόα πάντα δόμων ἐκ λύματ’ ἔνεικαν ### book 4.710.2 νηιάδες πρόπολοι, ταί οἱ πόρσυνον ἕκαστα· ### book 4.710.3 ἡ δ’ εἴσω πελανοὺς μείλικτρά τε νηφαλίῃσιν ### book 4.710.4 καῖεν ἐπ’ εὐχωλῇσι παρέστιος, ὄφρα χόλοιο ### book 4.710.5 σμερδαλέας παύσειεν Ἐρινύας ἠδὲ καὶ αὐτός ### book 4.715.1 εὐμειδής τε πέλοιτο καὶ ἤπιος ἀμφοτέροισιν, ### book 4.715.2 εἴτ’ οὖν ὀθνείῳ μεμιασμένοι αἵματι χεῖρας ### book 4.715.3 εἴτε καὶ ἐμφύλῳ προσκηδέες ἀντιόῳεν. ### book 4.715.4 Αὐτὰρ ἐπεὶ μάλα πάντα πονήσατο, δὴ τότ’ ἔπειτα ### book 4.715.5 εἷσεν ἐπὶ ξεστοῖσιν ἀναστήσασα θρόνοισιν, ### book 4.720.1 καὶ δ’ αὐτὴ πέλας ἷζεν ἐνωπαδίς. αἶψα δὲ μύθῳ ### book 4.720.2 χρειὼ ναυτιλίην τε διακριδὸν ἐξερέεινεν, ### book 4.720.3 ἠδ’ ὁπόθεν μετὰ γαῖαν ἑὴν καὶ δώματ’ ἰόντες ### book 4.720.4 αὔτως ἱδρύθησαν ἐφέστιοι· ἦ γὰρ ὀνείρων ### book 4.720.5 μνῆστις ἀεικελίη δῦνεν φρένας ὁρμαίνουσαν, ### book 4.725.1 ἵετο δ’ αὖ κούρης ἐμφύλιον ἴδμεναι ὀμφήν ### book 4.725.2 αὐτίχ’ ὅπως ἐνόησεν ἀπ’ οὔδεος ὄσσε βαλοῦσαν· ### book 4.725.3 πᾶσα γὰρ Ἠελίου γενεὴ ἀρίδηλος ἰδέσθαι ### book 4.725.4 ἦεν, ἐπεὶ βλεφάρων ἀποτηλόθι μαρμαρυγῇσιν ### book 4.725.5 οἷόν τε χρυσέην ἀντώπιον ἵεσαν αἴγλην. ### book 4.730.1 ἡ δ’ ἄρα τῇ τὰ ἕκαστα διειρομένῃ κατέλεξεν, ### book 4.730.2 Κολχίδα γῆρυν ἱεῖσα, βαρύφρονος Αἰήταο ### book 4.730.3 κούρη μειλιχίως· ἠμὲν στόλον ἠδὲ κελεύθους ### book 4.1 ἡρώων, ὅσα τ’ ἀμφὶ θοοῖς ἐμόγησαν ἀέθλοις· ### book 4.2 ὥς τε κασιγνήτης πολυκηδέος ἤλιτε βουλαῖς· ### book 4.735.1 ὥς τ’ ἀπονόσφιν ἄλυξεν ὑπέρβια δείματα πατρός ### book 4.735.2 σὺν παισὶ Φρίξοιο. φόνον δ’ ἀλέεινεν ἐνισπεῖν ### book 4.735.3 Ἀψύρτου, τὴν δ’ οὔτι νόῳ λάθεν· ἀλλὰ καὶ ἔμπης ### book 4.735.4 μυρομένην ἐλέαιρεν, ἔπος δ’ ἐπὶ τοῖον ἔειπεν· ### book 4.735.5 “Σχετλίη, ἦ ῥα κακὸν καὶ ἀεικέα μήσαο νόστον. ### book 4.740.1 ἔλπομαι οὐκ ἐπὶ δήν σε βαρὺν χόλον Αἰήταο ### book 4.740.2 ἐκφυγέειν, τάχα δ’ εἶσι καὶ Ἑλλάδος ἤθεα γαίης ### book 4.740.3 τεισόμενος φόνον υἷος, ὅτ’ ἄσχετα ἔργα τέλεσσας. ### book 4.740.4 ἀλλ’ ἐπεὶ οὖν ἱκέτις καὶ ὁμόγνιος ἔπλευ ἐμεῖο, ### book 4.740.5 ἄλλο μὲν οὔτι κακὸν μητίσομαι ἐνθάδ’ ἰούσῃ· ### book 4.745.1 ἔρχεο δ’ ἐκ μεγάρων, ξείνῳ συνοπηδὸς ἐοῦσα ### book 4.745.2 ὅντινα τοῦτον ἄιστον ἀνεύραο πατρὸς ἄνευθεν, ### book 4.745.3 μηδέ με γουνάσσηαι ἐφέστιος· οὐ γὰρ ἔγωγε ### book 4.745.4 αἰνήσω βουλάς τε σέθεν καὶ ἀεικέα φύξιν.” ### book 4.745.5 Ὧς φάτο· τὴν δ’ ἀμέγαρτον ἄχος λάβεν, ἀμφὶ δὲ πέπλον ### book 4.1 ὀφθαλμοῖσι βαλοῦσα γόον χέεν, ὄφρα μιν ἥρως ### book 4.2 χειρὸς ἐπισχόμενος μεγάρων ἐξῆγε θύραζε ### book 4.3 δείματι παλλομένην, λεῖπον δ’ ἀπὸ δώματα Κίρκης. ### book 4.4 Οὐδ’ ἄλοχον Κρονίδαο Διὸς λάθον, ἀλλά οἱ Ἶρις ### book 4.5 πέφραδεν, εὖτ’ ἐνόησεν ἀπὸ μεγάροιο κιόντας· ### book 4.755.1 αὐτὴ γάρ μιν ἄνωγε δοκευέμεν ὁππότε νῆα ### book 4.755.2 στείχοιεν. τὸ καὶ αὖτις ἐποτρύνους’ ἀγόρευεν· ### book 4.755.3 “Ἶρι φίλη, νῦν, εἴ ποτ’ ἐμὰς ἐτέλεσσας ἐφετμάς, ### book 4.755.4 εἰ δ’ ἄγε λαιψηρῇσι μετοιχομένη πτερύγεσσιν ### book 4.755.5 δεῦρο Θέτιν μοι ἄνωχθι μολεῖν ἁλὸς ἐξανιοῦσαν, ### book 4.760.1 κείνης γὰρ χρειώ με κιχάνεται. αὐτὰρ ἔπειτα ### book 4.760.2 ἐλθέμεν εἰς ἀκτὰς ὅθι τ’ ἄκμονες Ἡφαίστοιο ### book 4.760.3 χάλκειοι στιβαρῇσιν ἀράσσονται τυπίδεσσιν, ### book 4.760.4 εἰπὲ δὲ κοιμῆσαι φύσας πυρός, εἰσόκεν Ἀργώ ### book 4.760.5 τάσγε παρεξελάσῃσιν. ἀτὰρ καὶ ἐς Αἴολον ἐλθεῖν, ### book 4.765.1 Αἴολον ὅς τ’ ἀνέμοις αἰθρηγενέεσσιν ἀνάσσει· ### book 4.765.2 καὶ δὲ τῷ εἰπέμεναι τὸν ἐμὸν νόον, ὥς κεν ἀήτας ### book 4.765.3 πάντας ἀπολλήξειεν ὑπ’ ἠοῖ, μηδέ τις αὔρη ### book 4.765.4 τρηχύνοι πέλαγος, ζεφύρου γε μὲν οὖρος ἀήτω, ### book 4.765.5 ὄφρ’ οἵγ’ Ἀλκινόου Φαιηκίδα νῆσον ἵκωνται.” ### book 4.770.1 Ὧς ἔφατ’. αὐτίκα δ’ Ἶρις ἀπ’ Οὐλύμποιο θοροῦσα ### book 4.770.2 τέμνε, τανυσσαμένη κοῦφα πτερά· δῦ δ’ ἐνὶ πόντῳ ### book 4.770.3 Αἰγαίῳ, τόθι πέρ τε δόμοι Νηρῆος ἔασιν, ### book 4.770.4 πρώτην δ’ εἰσαφίκανε Θέτιν καὶ ἐπέφραδε μῦθον ### book 4.770.5 Ἥρης ἐννεσίῃς ὦρσέν τέ μιν εἰς ἓ νέεσθαι· ### book 4.775.1 δεύτερα δ’ εἰς Ἥφαιστον ἐβήσατο, παῦσε δὲ τόνγε ### book 4.775.2 ῥίμφα σιδηρείων τυπίδων, ἔσχοντο δ’ ἀυτμῆς ### book 4.775.3 αἰθαλέοι πρηστῆρες· ἀτὰρ τρίτον εἰσαφίκανεν ### book 4.775.4 Αἴολον Ἱππότεω παῖδα κλυτόν. ὄφρα δὲ καὶ τῷ ### book 4.775.5 ἀγγελίην φαμένη θοὰ γούνατα παῦεν ὁδοῖο, ### book 4.780.1 τόφρα Θέτις, Νηρῆα κασιγνήτας τε λιποῦσα, ### book 4.780.2 ἐξ ἁλὸς Οὔλυμπόνδε θεὰν μετεκίαθεν Ἥρην. ### book 4.780.3 ἡ δέ μιν ἆσσον ἑοῖο παρεῖσέ τε φαῖνέ τε μῦθον· ### book 4.780.4 “Κέκλυθι νῦν, Θέτι δῖα, τά τοι ἐπιέλδομ’ ἐνισπεῖν. ### book 4.780.5 οἶσθα μὲν ὅσσον ἐμῇσιν ἐνὶ φρεσὶ τίεται ἥρως ### book 4.785.1 Αἰσονίδης ἠδ’ ἄλλοι ἀοσσητῆρες ἀέθλου, ### book 4.785.2 †οἵη τέ σφ’ ἐσάωσα† διὰ Πλαγκτὰς περόωντας ### book 4.785.3 πέτρας, ἔνθα πυρὸς δειναὶ βρομέουσι θύελλαι, ### book 4.785.4 κύματά τε σκληρῇσι περιβλύει σπιλάδεσσιν, ### book 4.785.5 †νῦν δὲ παρὰ Σκύλλης σκόπελον μέγαν ἠδὲ Χάρυβδιν ### book 4.790.1 δεινὸν ἐρευγομένην δέχεται ὁδός. ἀλλά σε γὰρ δή ### book 4.790.2 ἐξέτι νηπυτίης αὐτὴ τρέφον, ἠδ’ ἀγάπησα ### book 4.790.3 ἔξοχον ἀλλάων αἵ τ’ εἰν ἁλὶ ναιετάουσιν, ### book 4.790.4 οὕνεκεν οὐκ ἔτλης εὐνῇ Διὸς ἱεμένοιο ### book 4.790.5 λέξασθαι (κείνῳ γὰρ ἀεὶ τάδε ἔργα μέμηλεν, ### book 4.795.1 ἠὲ σὺν ἀθανάταις ἠὲ θνητῇσιν ἰαύειν), ### book 4.795.2 ἀλλ’ ἐμέ γ’ αἰδομένη καὶ ἐνὶ φρεσὶ δειμαίνουσα ### book 4.795.3 ἠλεύω· ὁ δ’ ἔπειτα πελώριον ὅρκον ὄμοσσε, ### book 4.795.4 μήποτέ ς’ ἀθανάτοιο θεοῦ καλέεσθαι ἄκοιτιν. ### book 4.795.5 ἔμπης δ’ οὐ μεθίεσκεν ὀπιπτεύων ἀέκουσαν, ### book 4.1 εἰσότε οἱ πρέσβειρα Θέμις κατέλεξεν ἅπαντα, ### book 4.2 ὡς δή τοι πέπρωται ἀμείνονα πατρὸς ἑοῖο ### book 4.3 παῖδα τεκεῖν· τῶ καί σε λιλαιόμενος μεθέηκεν ### book 4.4 δείματι, μή τις ἑοῦ ἀντάξιος ἄλλος ἀνάσσοι ### book 4.5 ἀθανάτων, ἀλλ’ αἰὲν ἑὸν κράτος εἰρύοιτο. ### book 4.805.1 αὐτὰρ ἐγὼ τὸν ἄριστον ἐπιχθονίων πόσιν εἶναι ### book 4.805.2 δῶκά τοι, ὄφρα γάμου θυμηδέος ἀντιάσειας ### book 4.805.3 τέκνα τε φιτύσαιο· θεοὺς δ’ εἰς δαῖτα κάλεσσα ### book 4.805.4 πάντας ὁμῶς, αὐτὴ δὲ σέλας χείρεσσιν ἀνέσχον ### book 4 νυμφίδιον, κείνης ἀγανόφρονος εἵνεκα τιμῆς. ### book 4.810.1 ἀλλ’ ἄγε καί τινά τοι νημερτέα μῦθον ἐνίψω. ### book 4.810.2 εὖτ’ ἂν ἐς Ἠλύσιον πεδίον τεὸς υἱὸς ἵκηται, ### book 4.810.3 ὃν δὴ νῦν Χείρωνος ἐν ἤθεσι Κενταύροιο ### book 4.810.4 νηιάδες κομέουσι τεοῦ λίπτοντα γάλακτος, ### book 4.810.5 χρειώ μιν κούρης πόσιν ἔμμεναι Αἰήταο ### book 4.815.1 Μηδείης· σὺ δ’ ἄρηγε νυῷ ἑκυρή περ ἐοῦσα, ### book 4.815.2 ἠδ’ αὐτῷ Πηλῆι. τί τοι χόλος ἐστήρικται; ### book 4.815.3 ἀάσθη, καὶ γάρ τε θεοὺς ἐπινίσσεται ἄτη. ### book 4.815.4 ναὶ μὲν ἐφημοσύνῃσιν ἐμαῖς Ἥφαιστον ὀίω ### book 4.815.5 λωφήσειν πρήσσοντα πυρὸς μένος, Ἱπποτάδην δέ ### book 4.820.1 Αἴολον ὠκείας ἀνέμων ἄικας ἐρύξειν ### book 4.820.2 νόσφιν ἐυσταθέος ζεφύρου, τείως κεν ἵκωνται ### book 4.820.3 Φαιήκων λιμένας. σὺ δ’ ἀκηδέα μήδεο νόστον· ### book 4.820.4 δεῖμα δέ τοι πέτραι καὶ ὑπέρβια κύματ’ ἔασιν ### book 4.820.5 μοῦνον, ἅ κεν †τρέψαιο κασιγνήτῃσι σὺν ἄλλαις· ### book 4.825.1 μηδὲ σύγ’ ἠὲ Χάρυβδιν ἀμηχανέοντας ἐάσῃς ### book 4.825.2 ἐσβαλέειν, μὴ πάντας ἀναβρόξασα φέρῃσιν, ### book 4.825.3 ἠὲ παρὰ Σκύλλης στυγερὸν κευθμῶνα νέεσθαι ### book 4.825.4 (Σκύλλης Αὐσονίης ὀλοόφρονος, ἣν τέκε Φόρκῳ ### book 4.825.5 νυκτιπόλος Ἑκάτη, τήν τε κλείουσι Κράταιιν), ### book 4.830.1 μή πως σμερδαλέῃσιν ἐπαΐξασα γένυσσιν ### book 4.830.2 λεκτοὺς ἡρώων δηλήσεται· ἀλλ’ ἔχε νῆα ### book 4.1 κεῖς’ ὅθι περ τυτθή γε παραίβασις ἔσσετ’ ὀλέθρου.” ### book 4.2 Ὧς φάτο· τὴν δὲ Θέτις τοίῳ προσελέξατο μύθῳ· ### book 4.3 “Εἰ μὲν δὴ μαλεροῖο πυρὸς μένος ἠδὲ θύελλαι ### book 4.835.1 ζαχρηεῖς λήξουσιν ἐτήτυμον, ἦ τ’ ἂν ἔγωγε ### book 4.835.2 θαρσαλέη φαίην καὶ κύματος ἀντιόωντος ### book 4.835.3 νῆα σαωσέμεναι, ζεφύρου λίγα κινυμένοιο. ### book 4.835.4 ἀλλ’ ὥρη δολιχήν τε καὶ ἄσπετον οἷμον ὁδεύειν, ### book 4.835.5 ὄφρα κασιγνήτας μετ’ ἐλεύσομαι αἵ μοι ἀρωγοί ### book 4.840.1 ἔσσονται, καὶ νηὸς ὅθι πρυμνήσι’ ἀνῆπται, ### book 4.840.2 ὥς κεν ὑπηῷοι μνησαίατο ναυτίλλεσθαι.” ### book 4.840.3 Ἦ, καὶ ἀναΐξασα κατ’ αἰθέρος ἔμπεσε δίναις ### book 4.840.4 κυανέου πόντοιο, κάλει δ’ ἐπαμυνέμεν ἄλλας ### book 4.840.5 αὐτοκασιγνήτας Νηρηίδας· αἱ δ’ ἀίουσαι ### book 4.845.1 ἤντεον ἀλλήλῃσι, Θέτις δ’ ἀγόρευεν ἐφετμάς ### book 4.845.2 Ἥρης, αἶψα δ’ ἴαλλε μετ’ Αὐσονίην ἅλα πάσας. ### book 4.845.3 αὐτὴ δ’ ὠκυτέρη ἀμαρύγματος ἠὲ βολάων ### book 4.845.4 ἠελίου ὅτ’ ἄνεισι περαίης ὑψόθι γαίης, ### book 4.845.5 σεύατ’ ἴμεν λαιψηρὰ δι’ ὕδατος, ἔστ’ ἀφίκανεν ### book 4.1 ἀκτὴν Αἰαίην Τυρσηνίδος ἠπείροιο. ### book 4.2 τοὺς δ’ εὗρεν παρὰ νηὶ σόλῳ ῥιπῇσί τ’ ὀιστῶν ### book 4.3 τερπομένους· στῆ δ’ ἆσσον, ὀρεξαμένη χερὸς ἄκρης, ### book 4.4 Αἰακίδεω Πηλῆος, ὁ γάρ ῥά οἱ ἦεν ἀκοίτης· ### book 4.5 οὐδέ τις εἰσιδέειν δύνατ’ ἀμφαδόν, ἀλλ’ ἄρα τῷγε ### book 4.855 οἴῳ ἐν ὀφθαλμοῖσιν ἐείσατο, φώνησέν τε· ### book 4.1 “Μηκέτι νῦν ἀκταῖς Τυρσηνίσιν ἧσθε μένοντες, ### book 4.2 ἠῶθεν δὲ θοῆς πρυμνήσια λύετε νηός, ### book 4.3 Ἥρῃ πειθόμενοι, ἐπαρηγόνι· τῆς γὰρ ἐφετμῇς ### book 4.4 πασσυδίῃ κοῦραι Νηρηίδες ἀντιόωσι ### book 4.860.1 νῆα διὲκ πέτρας αἵ τε Πλαγκταὶ καλέονται ### book 4.860.2 ῥυσόμεναι· κείνη γὰρ ἐναίσιμος ὔμμι κέλευθος. ### book 4.860.3 ἀλλὰ σὺ μή τῳ ἐμὸν δείξῃς δέμας, εὖτ’ ἂν ἴδηαι ### book 4.860.4 ἀντομένην σὺν τῇσι, νόῳ δ’ ἔχε, μή με χολώσῃς ### book 4.860.5 πλεῖον ἔτ’ ἢ τὸ πάροιθεν ἀπηλεγέως ἐχόλωσας.” ### book 4.865.1 Ἦ, καὶ ἔπειτ’ ἀίδηλος ἐδύσατο βένθεα πόντου· ### book 4.865.2 τὸν δ’ ἄχος αἰνὸν ἔτυψεν, ἐπεὶ πάρος οὐ μετιοῦσαν ### book 4.865.3 ἔδρακεν ἐξότε πρῶτα λίπεν θάλαμόν τε καὶ εὐνήν, ### book 4.865.4 χωσαμένη Ἀχιλῆος ἀγαυοῦ νηπιάχοντος. ### book 4.865.5 ἡ μὲν γὰρ βροτέας αἰεὶ περὶ σάρκας ἔδαιεν ### book 4.870.1 νύκτα διὰ μέσσην φλογμῷ πυρός, ἤματα δ’ αὖτε ### book 4.870.2 ἀμβροσίῃ χρίεσκε τέρεν δέμας, ὄφρα πέλοιτο ### book 4.870.3 ἀθάνατος καί οἱ στυγερὸν χροῒ γῆρας ἀλάλκοι· ### book 4.870.4 αὐτὰρ ὅγ’ ἐξ εὐνῆς ἀναπάλμενος εἰσενόησεν ### book 4.870.5 παῖδα φίλον σπαίροντα διὰ φλογός, ἧκε δ’ ἀυτήν ### book 4.875.1 σμερδαλέην ἐσιδών, μέγα νήπιος· ἡ δ’ ἀίουσα, ### book 4.875.2 τὸν μὲν ἄρ’ ἁρπάγδην χαμάδις βάλε κεκληγῶτα, ### book 4.875.3 αὐτὴ δὲ, πνοιῇ ἰκέλη δέμας, ἠύτ’ ὄνειρος, ### book 4.875.4 βῆ ῥ’ ἴμεν ἐκ μεγάροιο θοῶς καὶ ἐσήλατο πόντον ### book 4.875.5 χωσαμένη· μετὰ δ’ οὔ τι παλίσσυτος ἵκετ’ ὀπίσσω. ### book 4.880.1 τῶ μιν ἀμηχανίη δῆσεν φρένας· ἀλλὰ καὶ ἔμπης ### book 4.880.2 πᾶσαν ἐφημοσύνην Θέτιδος μετέειπεν ἑταίροις. ### book 4.880.3 οἱ δ’ ἄρα μεσσηγὺς λῆξαν καὶ ἔπαυσαν ἀέθλους ### book 4.1 ἐσσυμένως, δόρπον τε χαμεύνας τ’ ἀμφεπένοντο, ### book 4.2 τῇς ἔνι δαισάμενοι νύκτ’ ἄεσαν ὡς τὸ πάροιθεν. ### book 4.885.1 Ἦμος δ’ ἄκρον ἔβαλλε φαεσφόρος οὐρανὸν ἠώς, ### book 4.885.2 δὴ τότε λαιψηροῖο κατηλυσίῃ ζεφύροιο ### book 4.885.3 βαῖνον ἐπὶ κληῖδας ἀπὸ χθονός· ἐκ δὲ βυθοῖο ### book 4.885.4 εὐναίας εἷλκον περιγηθέες ἄλλα τε πάντα ### book 4.885.5 ἄρμενα μηρύοντο κατὰ χρέος, ὕψι δὲ λαῖφος ### book 4.890.1 εἴρυσσαν τανύσαντες ἐν ἱμάντεσσι κεραίης. ### book 4.890.2 νῆα δ’ ἐυκραὴς ἄνεμος φέρεν· αἶψα δὲ νῆσον ### book 4.890.3 καλὴν Ἀνθεμόεσσαν ἐσέδρακον, ἔνθα λίγειαι ### book 4.890.4 Σειρῆνες σίνοντ’ Ἀχελωίδες ἡδείῃσι ### book 4.890.5 θέλγουσαι μολπῇσιν ὅτις παρὰ πεῖσμα βάλοιτο. ### book 4.895.1 τὰς μὲν ἄρ’ εὐειδὴς Ἀχελωίῳ εὐνηθεῖσα ### book 4.895.2 γείνατο Τερψιχόρη, Μουσέων μία, καί ποτε Δηοῦς ### book 4.895.3 θυγατέρ’ ἰφθίμην, ἀδμῆτ’ ἔτι, πορσαίνεσκον ### book 4.895.4 ἄμμιγα μελπόμεναι· τότε δ’ ἄλλο μὲν οἰωνοῖσιν ### book 4.895.5 ἄλλο δὲ παρθενικῇς ἐναλίγκιαι ἔσκον ἰδέσθαι, ### book 4.1 αἰεὶ δ’ εὐόρμου δεδοκημέναι ἐκ περιωπῆς ### book 4.2 ἦ θαμὰ δὴ πολέων μελιηδέα νόστον ἕλοντο, ### book 4.3 τηκεδόνι φθινύθουσαι. ἀπηλεγέως δ’ ἄρα καὶ τοῖς ### book 4.4 ἵεσαν ἐκ στομάτων ὄπα λείριον· οἱ δ’ ἀπὸ νηός ### book 4.5 ἤδη πείσματ’ ἔμελλον ἐπ’ ἠιόνεσσι βαλέσθαι, ### book 4.905.1 εἰ μὴ ἄρ’ Οἰάγροιο πάις Θρηίκιος Ὀρφεύς, ### book 4.905.2 Βιστονίην ἐνὶ χερσὶν ἑαῖς φόρμιγγα τανύσσας, ### book 4.905.3 κραιπνὸν ἐυτροχάλοιο μέλος κανάχησεν ἀοιδῆς, ### book 4.1 ὄφρ’ ἄμυδις κλονέοντος ἐπιβρομέωνται ἀκουαί ### book 4.2 κρεγμῷ· παρθενίην δ’ ἐνοπὴν ἐβιήσατο φόρμιγξ, ### book 4.910.1 νῆα δ’ ὁμοῦ ζέφυρός τε καὶ ἠχῆεν φέρε κῦμα ### book 4.910.2 πρυμνόθεν ὀρνύμενον, ταὶ δ’ ἄκριτον ἵεσαν αὐδήν. ### book 4.910.3 ἀλλὰ καὶ ὧς Τελέοντος ἐὺς πάις οἶος ἑταίρων ### book 4.910.4 προφθάμενος ξεστοῖο κατὰ ζυγοῦ ἔνθορε πόντῳ ### book 4.910.5 Βούτης, Σειρήνων λιγυρῇ ὀπὶ θυμὸν ἰανθείς, ### book 4.915.1 νῆχε δὲ πορφυρέοιο δι’ οἴδματος, ὄφρ’ ἐπιβαίη, ### book 4.915.2 σχέτλιος· ἦ τέ οἱ αἶψα καταυτόθι νόστον ἀπηύρων, ### book 4.915.3 ἀλλά μιν οἰκτείρασα θεὰ Ἔρυκος μεδέουσα ### book 4.915.4 Κύπρις ἔτ’ ἐν δίναις ἀνερέψατο καί ῥ’ ἐσάωσεν ### book 4.915.5 πρόφρων ἀντομένη, Λιλυβηίδα ναιέμεν ἄκρην. ### book 4.920.1 οἱ δ’ ἄχεϊ σχόμενοι τὰς μὲν λίπον, ἄλλα δ’ ὄπαζον ### book 4.920.2 κύντερα μιξοδίῃσιν ἁλὸς ῥαιστήρια νηῶν. ### book 4.920.3 τῇ μὲν γὰρ Σκύλλης λισσὴ προυφαίνετο πέτρη, ### book 4.920.4 τῇ δ’ ἄμοτον βοάασκεν ἀναβλύζουσα Χάρυβδις· ### book 4.920.5 ἄλλοθι δὲ Πλαγκταὶ μεγάλῳ ὑπὸ κύματι πέτραι ### book 4.925.1 ῥόχθεον· ᾗχι πάροιθεν ἀπέπτυεν αἰθομένη φλόξ ### book 4.925.2 ἄκρων ἐκ σκοπέλων πυριθαλπέος ὑψόθι πέτρης, ### book 4.925.3 καπνῷ δ’ ἀχλυόεις αἰθὴρ πέλεν οὐδέ κεν αὐγάς ### book 4.925.4 ἔδρακες ἠελίοιο· τότ’ αὖ, λήξαντος ἀπ’ ἔργων ### book 4.925.5 Ἡφαίστου, θερμὴν ἔτι κήκιε πόντος ἀυτμήν. ### book 4.930.1 ἔνθα σφιν κοῦραι Νηρηίδες ἄλλοθεν ἄλλαι ### book 4.930.2 ἤντεον, ἡ δ’ ὄπιθε πτέρυγος θίγε πηδαλίοιο ### book 4.930.3 δῖα Θέτις, Πλαγκτῇσιν ἐνὶ σπιλάδεσσιν ἔρυσθαι. ### book 4.1 ὡς δ’ ὁπόταν δελφῖνες ὑπὲξ ἁλὸς εὐδιόωντες ### book 4.2 σπερχομένην ἀγεληδὸν ἑλίσσωνται περὶ νῆα, ### book 4.935.1 ἄλλοτε μὲν προπάροιθεν ὁρώμενοι ἄλλοτ’ ὄπισθεν ### book 4.935.2 ἄλλοτε παρβολάδην, ναύτῃσι δὲ χάρμα τέτυκται— ### book 4.935.3 ὧς αἱ ὑπεκπροθέουσαι ἐπήτριμοι εἱλίσσοντο ### book 4.935.4 Ἀργῴῃ περὶ νηί· Θέτις δ’ ἴθυνε κέλευθον. ### book 4.935.5 καί ῥ’ ὅτε δὴ Πλαγκτῇσιν ἐνιχρίμψεσθαι ἔμελλον, ### book 4.940.1 αὐτίκ’ ἀνασχόμεναι λευκοῖς ἐπὶ γούνασι πέζας, ### book 4.940.2 ὑψοῦ ἐπ’ αὐτάων σπιλάδων καὶ κύματος ἀγῆς ### book 4.940.3 ῥώοντ’ ἔνθα καὶ ἔνθα διασταδὸν ἀλλήλῃσιν. ### book 4.940.4 τὴν δὲ παρηορίην κόπτεν ῥόος· ἀμφὶ δὲ κῦμα ### book 4.940.5 λάβρον ἀειρόμενον πέτραις ἐπικαχλάζεσκεν, ### book 4.945.1 αἵ θ’ ὁτὲ μὲν κρημνοῖς ἐναλίγκιαι ἠέρι κῦρον, ### book 4.945.2 ἄλλοτε δὲ βρύχιαι νεάτῳ ὑπὸ κεύθεϊ πόντου ### book 4.945.3 ἠρήρεινθ’, ὅθι πολλὸν ὑπείρεχεν ἄγριον οἶδμα. ### book 4.945.4 αἱ δ’, ὥστ’ ἠμαθόεντος ἐπισχεδὸν αἰγιαλοῖο ### book 4.945.5 παρθενικαί, δίχα κόλπον ἐπ’ ἰξύας εἱλίξασαι, ### book 4.1 σφαίρῃ ἀθύρουσιν περιηγέι· †ἡ μὲν ἔπειτα† ### book 4.2 ἄλλη ὑπ’ ἐξ ἄλλης δέχεται καὶ ἐς ἠέρα πέμπει ### book 4.1 ὕψι μεταχρονίην, ἡ δ’ οὔ ποτε πίλναται οὔδει— ### book 4.2 ὧς αἱ νῆα θέουσαν ἀμοιβαδὶς ἄλλοθεν ἄλλη ### book 4.3 πέμπε διηερίην ἐπὶ κύμασιν, αἰὲν ἄπωθεν ### book 4.955.1 πετράων· περὶ δέ σφιν ἐρευγόμενον ζέεν ὕδωρ. ### book 4.955.2 τὰς δὲ καὶ αὐτὸς ἄναξ κορυφῆς ἔπι λισσάδος ἄκρης ### book 4.955.3 ὀρθός, ἐπὶ στελεῇ τυπίδος βαρὺν ὦμον ἐρείσας, ### book 4.955.4 Ἥφαιστος θηεῖτο, καὶ αἰγλήεντος ὕπερθεν ### book 4.955.5 οὐρανοῦ ἑστηυῖα Διὸς δάμαρ, ἀμφὶ δ’ Ἀθήνῃ ### book 4.960.1 βάλλε χέρας, τοῖόν μιν ἔχεν δέος εἰσορόωσαν. ### book 4.960.2 ὅσση δ’ εἰαρινοῦ μηκύνεται ἤματος αἶσα, ### book 4.960.3 τοσσάτιον μογέεσκον ἐπὶ χρόνον ὀχλίζουσαι ### book 4.960.4 νῆα διὲκ πέτρας πολυηχέας. οἱ δ’ ἀνέμοιο ### book 4.960.5 αὖτις ἐπαυρόμενοι προτέρω θέον· ὦκα δ’ ἄμειβον ### book 4.965.1 Θρινακίης λειμῶνα, βοῶν τροφὸν Ἠελίοιο. ### book 4.965.2 ἔνθ’ αἱ μὲν κατὰ βένθος ἀλίγκιαι αἰθυίῃσιν ### book 4.965.3 δῦνον, ἐπεί ῥ’ ἀλόχοιο Διὸς πόρσυνον ἐφετμάς· ### book 4.965.4 τοὺς δ’ ἄμυδις βληχή τε δι’ ἠέρος ἵκετο μήλων ### book 4.965.5 μυκηθμός τε βοῶν αὐτοσχεδὸν οὔατ’ ἔβαλλεν. ### book 4.970.1 καὶ τὰ μὲν ἑρσήεντα κατὰ δρία ποιμαίνεσκεν ### book 4.970.2 ὁπλοτέρη Φαέθουσα θυγατρῶν Ἠελίοιο, ### book 4.970.3 ἀργύρεον χαῖον παλάμῃ ἔνι πηχύνουσα· ### book 4.970.4 Λαμπετίη δ’ ἐπὶ βουσὶν ὀρειχάλκοιο φαεινοῦ ### book 4.970.5 πάλλεν ὀπηδεύουσα καλαύροπα. τὰς δὲ καὶ αὐτοί ### book 4.975.1 βοσκομένας ποταμοῖο παρ’ ὕδασιν εἰσορόωντο ### book 4.975.2 ἂμ πεδίον καὶ ἕλος λειμώνιον· οὐδέ τις ἦεν ### book 4.975.3 κυανέη μετὰ τῇσι δέμας, πᾶσαι δὲ γάλακτι ### book 4.975.4 εἰδόμεναι χρυσέοισι κεράασι κυδιάασκον. ### book 4.975.5 καὶ μὲν τὰς παράμειβον ἐπ’ ἤματι· νυκτὶ δ’ ἰούσῃ ### book 4.980.1 πεῖρον ἁλὸς μέγα λαῖτμα κεχαρμένοι, ὄφρα καὶ αὖτις ### book 4.980.2 ἠὼς ἠριγενὴς φέγγος βάλε νισσομένοισιν. ### book 4.980.3 Ἔστι δέ τις πορθμοῖο παροιτέρη Ἰονίοιο ### book 4.980.4 ἀμφιλαφὴς πίειρα Κεραυνίῃ εἰν ἁλὶ νῆσος, ### book 4.980.5 ᾗ ὕπο δὴ κεῖσθαι δρέπανον φάτις (ἵλατε Μοῦσαι, ### book 4.985.1 οὐκ ἐθέλων ἐνέπω προτέρων ἔπος) ᾧ ἀπὸ πατρός ### book 4.985.2 μήδεα νηλειῶς ἔταμε Κρόνος (οἱ δέ ἑ Δηοῦς ### book 4.985.3 κλείουσι χθονίης καλαμητόμον ἔμμεναι ἅρπην· ### book 4.985.4 Δηὼ γὰρ κείνῃ ἐνὶ δή ποτε νάσσατο γαίῃ, ### book 4.985.5 Τιτῆνας δ’ ἔδαε στάχυν ὄμπνιον ἀμήσασθαι, ### book 4.990.1 Μάκριδα φιλαμένη)· Δρεπάνη τόθεν ἐκλήισται ### book 4.990.2 οὔνομα Φαιήκων ἱερὴ τροφός· ὧς δὲ καὶ αὐτοί ### book 4.990.3 αἵματος Οὐρανίοιο γένος Φαίηκες ἔασιν. ### book 4.990.4 τοὺς Ἀργὼ πολέεσσιν ἐνισχομένη καμάτοισιν ### book 4.990.5 Θρινακίης αὔρῃς ἵκετ’ ἐξ ἁλός. οἱ δ’ ἀγανῇσιν ### book 4.995.1 Ἀλκίνοος λαοί τε θυηπολίῃσιν ἰόντας ### book 4.995.2 δειδέχατ’ ἀσπασίως, ἐπὶ δέ σφισι καγχαλάασκε ### book 4.995.3 πᾶσα πόλις· φαίης κεν ἑοῖς περὶ παισὶ γάνυσθαι. ### book 4.995.4 καὶ δ’ αὐτοὶ ἥρωες ἀνὰ πληθὺν κεχάροντο ### book 4.995.5 τῷ ἴκελοι οἷόν τε μεσαιτάτῃ ἐμβεβαῶτες ### book 4.1 Αἱμονίῃ. μέλλον δὲ βοῇ ἔπι θωρήξεσθαι· ### book 4.2 ὧδε μάλ’ ἀγχίμολον στρατὸς ἄσπετος ἐξεφαάνθη ### book 4.3 Κόλχων, οἳ Πόντοιο κατὰ στόμα καὶ διὰ πέτρας ### book 4.4 Κυανέας μαστῆρες ἀριστήων ἐπέρησαν, ### book 4.5 Μήδειαν δ’ ἔξαιτον ἑοῦ ἐς πατρὸς ἄγεσθαι ### book 4.1005.1 ἵεντ’ ἀπροφάτως, ἠὲ στονόεσσαν ἀυτήν ### book 4.1005.2 νωμήσειν χαλεπῇσιν ὁμόκλεον ἀτροπίῃσιν ### book 4.1005.3 αὖθί τε καὶ μετέπειτα σὺν Αἰήταο †κελεύθῳ· ### book 4.1 ἀλλά σφεας κατέρυκεν ἐπειγομένους πολέμοιο ### book 4.2 κρείων Ἀλκίνοος, λελίητο γὰρ ἀμφοτέροισιν ### book 4.1010.1 δηιοτῆτος ἄνευθεν ὑπέρβια νείκεα λῦσαι. ### book 4.1010.2 Κούρη δ’ οὐλομένῳ ὑπὸ δείματι πολλὰ μὲν αὐτούς ### book 4.1010.3 Αἰσονίδεω ἑτάρους μειλίσσετο, πολλὰ δὲ χερσίν ### book 4.1010.4 Ἀρήτης γούνων ἀλόχου θίγεν Ἀλκινόοιο· ### book 4.1010.5 “Γουνοῦμαι, βασίλεια· σὺ δ’ ἵλαθι, μηδέ με Κόλχοις ### book 4.1015.1 ἐκδώῃς ᾧ πατρὶ κομιζέμεν, εἴ νυ καὶ αὐτή ### book 4.1015.2 ἀνθρώπων γενεῆς μία φέρβεαι, οἷσιν ἐς ἄτην ### book 4.1015.3 ὠκύτατος κούφῃσι θέει νόος ἀμπλακίῃσιν, ### book 4.1015.4 ὡς ἐμοὶ ἐκ πυκιναὶ ἔπεσον φρένες, οὐ μὲν ἕκητι ### book 4.1015.5 μαργοσύνης. ἴστω ἱερὸν φάος Ἠελίοιο, ### book 4.1020.1 ἴστω νυκτιπόλου Περσηίδος ὄργια κούρης· ### book 4.1020.2 μὴ μὲν ἐγὼν ἐθέλουσα σὺν ἀνδράσιν ἀλλοδαποῖσιν ### book 4.1020.3 κεῖθεν ἀφωρμήθην, στυγερὸν δέ με τάρβος ἔπεισεν ### book 4.1020.4 τῆσδε φυγῆς μνήσασθαι, ὅτ’ ἤλιτον οὐδέ τις ἄλλη ### book 4.1020.5 μῆτις ἔην· ἔτι μοι μίτρη μένει ὡς ἐνὶ πατρός ### book 4.1025.1 δώμασιν ἄχραντος καὶ ἀκήρατος. ἀλλ’ ἐλέαιρε ### book 4.1025.2 πότνα τεόν τε πόσιν μειλίσσεο· σοὶ δ’ ὀπάσειαν ### book 4.1025.3 ἀθάνατοι βίοτόν τε τελεσφόρον ἀγλαΐην τε ### book 4.1025.4 καὶ παῖδας καὶ κῦδος ἀπορθήτοιο πόληος.” ### book 4.1025.5 Τοῖα μὲν Ἀρήτην γουνάζετο δάκρυ χέουσα· ### book 4.1030.1 τοῖα δ’ ἀριστήων ἐπαμοιβαδὶς ἄνδρα ἕκαστον· ### book 4.1030.2 “Ὑμείων πέρι δή, μέγα φέρτατοι, ἀμφί τ’ ἀέθλοις ### book 4.1 νῦν ἐγὼ ὑμετέροισιν ἀτύζομαι· ἧς ἰότητι ### book 4.2 ταύρους τ’ ἐζεύξασθε καὶ ἐκ θέρος οὐλοὸν ἀνδρῶν ### book 4.3 κείρατε γηγενέων, ἧς εἵνεκεν Αἱμονίηνδε ### book 4.1035.1 χρύσεον αὐτίκα κῶας ἀνάξετε νοστήσαντες. ### book 4.1035.2 ἥδ’ ἐγὼ ἣ πάτρην τε καὶ οὓς ὤλεσσα τοκῆας, ### book 4.1035.3 ἣ δόμον, ἣ σύμπασαν ἐυφροσύνην βιότοιο, ### book 4.1035.4 ὔμμι δὲ καὶ πάτρην καὶ δώματα ναιέμεν αὖτις ### book 4.1035.5 ἤνυσα, καὶ γλυκεροῖσιν ἔτ’ εἰσόψεσθε τοκῆας ### book 4.1040.1 ὄμμασιν· αὐτὰρ ἐμοὶ ἀπὸ δὴ βαρὺς εἵλετο δαίμων ### book 4.1040.2 ἀγλαΐας, στυγερὴ δὲ σὺν ὀθνείοις ἀλάλημαι. ### book 4.1040.3 δείσατε συνθεσίας τε καὶ ὅρκια, δείσατ’ Ἐρινύν ### book 4.1040.4 ἱκεσίην νέμεσίν τε θεῶν. εἰς χεῖρας ἰοῦσα ### book 4.1040.5 Αἰήτεω, λώβῃ πολυπήμονι δῃωθῆναι, ### book 4.1045.1 οὐ νηούς, οὐ πύργον ἐπίρροθον, οὐκ ἀλεωρήν ### book 4.1045.2 ἄλλην, οἰόθι δὲ προτιβάλλομαι ὑμέας αὐτούς· ### book 4.1045.3 σχέτλιοι ἀτροπίης καὶ ἀνηλέες, οὐδ’ ἐνὶ θυμῷ ### book 4.1045.4 αἰδεῖσθε ξείνης μ’ ἐπὶ γούνασι χεῖρας ἀνάσσης ### book 4.1045.5 δερκόμενοι τείνουσαν ἀμήχανον· ἀλλά κε πᾶσιν, ### book 4.1 κῶας ἑλεῖν μεμαῶτες, ἐμείξατε δούρατα Κόλχοις ### book 4.2 αὐτῷ τ’ Αἰήτῃ ὑπερήνορι, νῦν δὲ λάθεσθε ### book 4.3 ἠνορέης, ὅτε μοῦνοι ἀποτμηγέντες ἔασιν.” ### book 4.4 Ὧς φάτο λισσομένη· τῶν δ’ ὅντινα γουνάζοιτο, ### book 4.5 ὅς μιν θαρσύνεσκεν, ἐρητύων ἀχέουσαν, ### book 4.1055.1 σεῖον δ’ ἐγχείας εὐήκεας ἐν παλάμῃσιν ### book 4.1055.2 φάσγανά τ’ ἐκ κολεῶν, οὐδὲ σχήσεσθαι ἀρωγῆς ### book 4.1055.3 ἔννεπον, εἴ κε δίκης ἀλιτήμονος ἀντιάσειεν. ### book 4.1 στρευγομένης δ’ ἀν’ ὅμιλον ἐπήλυθεν εὐνήτειρα ### book 4.2 νὺξ ἔργων ἄνδρεσσι, κατευκήλησε δὲ πᾶσαν ### book 4.1060.1 γαῖαν ὁμῶς. τὴν δ’ οὔτι μίνυνθά περ εὔνασεν ὕπνος, ### book 4.1060.2 ἀλλά οἱ ἐν στέρνοις ἀχέων εἱλίσσετο θυμός, ### book 4.1060.3 οἷον ὅτε κλωστῆρα γυνὴ ταλαεργὸς ἑλίσσει ### book 4.1060.4 ἐννυχίη, τῇ δ’ ἀμφὶ κινύρεται ὀρφανὰ τέκνα, ### book 4.1060.5 χηροσύνῃ πόσιος· σταλάει δ’ ἐπὶ δάκρυ παρειάς ### book 4.1065.1 μνωομένης οἵη μιν ἐπισμυγερὴ λάβεν αἶσα— ### book 4.1065.2 ὧς τῆς ἰκμαίνοντο παρηίδες, ἐν δέ οἱ ἦτορ ### book 4.1065.3 ὀξείῃς εἰλεῖτο πεπαρμένον ἀμφ’ ὀδύνῃσι. ### book 4.1065.4 Τὼ δ’ ἔντοσθε δόμοιο κατὰ πτόλιν, ὡς τὸ πάροιθεν, ### book 4.1065.5 κρείων Ἀλκίνοος πολυπότνιά τ’ Ἀλκινόοιο ### book 4.1070.1 Ἀρήτη ἄλοχος κούρης πέρι μητιάασκον ### book 4.1070.2 οἷσιν ἐνὶ λεχέεσσι διὰ κνέφας· οἷα δ’ ἀκοίτην ### book 4.1070.3 κουρίδιον θαλεροῖσι δάμαρ προσπτύσσετο μύθοις· ### book 4.1070.4 “Ναὶ φίλος, εἰ δ’ ἄγε μοι πολυκηδέα ῥύεο Κόλχων ### book 4.1070.5 παρθενικήν, Μινύῃσι φέρων χάριν· ἐγγύθι Ἄργος ### book 4.1075.1 ἡμετέρης νήσοιο καὶ ἀνέρες Αἱμονιῆες, ### book 4.1075.2 Αἰήτης δ’ οὔτ’ ἂρ ναίει σχεδόν, οὐδέ τι ἴδμεν ### book 4.1075.3 Αἰήτην ἀλλ’ οἶον ἀκούομεν. ἥδε δὲ κούρη ### book 4.1075.4 αἰνοπαθὴς κατά μοι νόον ἔκλασεν ἀντιόωσα· ### book 4.1075.5 μή μιν ἄναξ Κόλχοισι πόροις ἐς πατρὸς ἄγεσθαι. ### book 4.1080.1 ἀάσθη, ὅτε πρῶτα βοῶν θελκτήρια δῶκεν ### book 4.1080.2 φάρμακά οἱ· σχεδόθεν δὲ κακῷ κακόν (οἷά τε πολλά ### book 4.1080.3 ῥέζομεν ἀμπλακίῃσιν) ἀκειομένη, ὑπάλυξε ### book 4.1080.4 πατρὸς ὑπερφιάλοιο βαρὺν χόλον. αὐτὰρ Ἰήσων, ### book 4 ὡς ἀίω, μεγάλοισιν ἐνίσχεται ἐξ ἕθεν ὅρκοις ### book 4.1085.1 κουριδίην θήσεσθαι ἐνὶ μεγάροισιν ἄκοιτιν· ### book 4.1085.2 τῶ φίλε μήτ’ οὖν αὐτὸς ἑκὼν ἐπίορκον ὀμόσσαι ### book 4.1085.3 θείης Αἰσονίδην, μήτ’ ἄσχετα σεῖο ἕκητι ### book 4.1085.4 παῖδα πατὴρ θυμῷ κεκοτηότι δηλήσαιτο. ### book 4.1085.5 λίην γὰρ δύσζηλοι ἑαῖς ἐπὶ παισὶ τοκῆες· ### book 4.1090.1 οἷα μὲν Ἀντιόπην εὐώπιδα μήσατο Νυκτεύς, ### book 4.1090.2 οἷα δὲ καὶ Δανάη πόντῳ ἔνι πήματ’ ἀνέτλη ### book 4.1090.3 πατρὸς ἀτασθαλίῃσι· νέον γε μὲν οὐδ’ ἀποτηλοῦ ### book 4.1090.4 ὑβριστὴς Ἔχετος γλήναις ἔνι χάλκεα κέντρα ### book 4.1090.5 πῆξε θυγατρὸς ἑῆς, στονόεντι δὲ κάρφεται οἴτῳ, ### book 4.1095.1 ὀρφναίῃ ἐνὶ χαλκὸν ἀλετρεύουσα καλιῇ.” ### book 4.1095.2 Ὧς ἔφατ’ ἀντομένη· τοῦ δὲ φρένες ἰαίνοντο ### book 4.1095.3 ἧς ἀλόχου μύθοισιν, ἔπος δ’ ἐπὶ τοῖον ἔειπεν· ### book 4.1095.4 “Ἀρήτη, καί κεν σὺν τεύχεσιν ἐξελάσαιμι ### book 4.1095.5 Κόλχους, ἡρώεσσι φέρων χάριν, εἵνεκα κούρης, ### book 4.1 ἀλλὰ Διὸς δείδοικα δίκην ἰθεῖαν ἀτίσσαι· ### book 4.2 οὐδὲ μὲν Αἰήτην ἀθεριζέμεν, ὡς ἀγορεύεις, ### book 4.3 λώιον, οὐ γάρ τις βασιλεύτερος Αἰήταο, ### book 4.4 καί κ’ ἐθέλων ἕκαθέν περ ἐφ’ Ἑλλάδι νεῖκος ἄροιτο. ### book 4 τῶ μ’ ἐπέοικε δίκην ἥτις μετὰ πᾶσιν ἀρίστη ### book 4.1105.1 ἔσσεται ἀνθρώποισι δικαζέμεν. οὐδέ σε κεύσω· ### book 4.1105.2 παρθενικὴν μὲν ἐοῦσαν, ἑῷ ἀπὸ πατρὶ κομίσσαι ### book 4.1105.3 ἰθυνέω· λέκτρον δὲ σὺν ἀνέρι πορσαίνουσαν, ### book 4.1105.4 οὔ μιν ἑοῦ πόσιος νοσφίσσομαι, οὐδὲ γενέθλην ### book 4.1105.5 εἴ τιν’ ὑπὸ σπλάγχνοισι φέρει δῄοισιν ὀπάσσω.” ### book 4.1110.1 Ὧς ἄρ’ ἔφη· καὶ τὸν μὲν ἐπισχεδὸν εὔνασεν ὕπνος, ### book 4.1110.2 ἡ δ’ ἔπος ἐν θυμῷ πυκινὸν βάλετ’· αὐτίκα δ’ ὦρτο ### book 4.1110.3 ἐκ λεχέων ἀνὰ δῶμα, συνήιξαν δὲ γυναῖκες ### book 4.1110.4 ἀμφίπολοι δέσποιναν ἑὴν μέτα ποιπνύουσαι. ### book 4.1110.5 σῖγα δ’ ἑὸν κήρυκα καλεσσαμένη προσέειπεν ### book 4.1115.1 ᾗσιν ἐπιφροσύνῃσιν ἐποτρυνέουσα μιγῆναι ### book 4.1115.2 Αἰσονίδην κούρῃ· μηδ’ Ἀλκίνοον βασιλῆα ### book 4.1115.3 λίσσεσθαι, τὸ γὰρ αὐτὸς †ἰὼν Κόλχοισι δικάσσει· ### book 4.1115.4 παρθενικὴν μὲν ἐοῦσαν, ἑοῦ ποτὶ δώματα πατρός ### book 4.1115.5 ἐκδώσειν· λέκτρον δὲ σὺν ἀνέρι πορσαίνουσαν, ### book 4.1120.1 οὐκέτι κουριδίης μιν ἀποτμήξειν φιλότητος. ### book 4.1120.2 Ὧς ἄρ’ ἔφη· τὸν δ’ αἶψα πόδες φέρον ἐκ μεγάροιο, ### book 4.1120.3 ὥς κεν Ἰήσονι μῦθον ἐναίσιμον ἀγγείλειεν ### book 4.1120.4 Ἀρήτης βουλάς τε θεουδέος Ἀλκινόοιο. ### book 4.1120.5 τοὺς δ’ εὗρεν παρὰ νηὶ σὺν ἔντεσιν ἐγρήσσοντας ### book 4.1125.1 Ὑλλικῷ ἐν λιμένι σχεδὸν ἄστεος, ἐκ δ’ ἄρα πᾶσαν ### book 4.1125.2 πέφραδεν ἀγγελίην· γήθησε δὲ θυμὸς ἑκάστου ### book 4.1125.3 ἡρώων, μάλα γάρ σφιν ἑαδότα μῦθον ἔειπεν. ### book 4.1125.4 Αὐτίκα δὲ κρητῆρα κερασσάμενοι μακάρεσσιν ### book 4.1125.5 ἣ θέμις, εὐαγέως τ’ ἐπιβώμια μῆλ’ ἐρύσαντες, ### book 4.1130.1 αὐτονυχὶ κούρῃ θαλαμήιον ἔντυον εὐνήν ### book 4.1130.2 ἄντρῳ ἐν ἠγαθέῳ, τόθι δή ποτε Μάκρις ἔναιεν ### book 4.1130.3 κούρη Ἀρισταίοιο μελίφρονος, ὅς ῥα μελισσέων ### book 4.1130.4 ἔργα πολυκμήτοιό τ’ ἀνεύρατο πῖαρ ἐλαίης· ### book 4.1130.5 κείνη δὴ πάμπρωτα Διὸς Νυσήιον υἷα ### book 4.1135.1 Εὐβοίης ἔντοσθεν Ἀβαντίδος ᾧ ἐνὶ κόλπῳ ### book 4.1135.2 δέξατο καὶ μέλιτι ξηρὸν περὶ χεῖλος ἔδευσεν, ### book 4.1135.3 εὖτέ μιν Ἑρμείης φέρεν ἐκ πυρός· ἔδρακε δ’ Ἥρη, ### book 4.1135.4 καί ἑ χολωσαμένη πάσης ἐξήλασε νήσου· ### book 4.1135.5 ἡ δ’ ἄρα Φαιήκων ἱερῷ ἐνὶ τηλόθεν ἄντρῳ ### book 4.1140.1 νάσσατο, καὶ πόρεν ὄλβον ἀθέσφατον ἐνναέτῃσιν. ### book 4.1140.2 ἔνθα τότ’ ἐστόρεσαν λέκτρον μέγα· τοῖο δ’ ὕπερθε ### book 4.1140.3 χρύσεον αἰγλῆεν κῶας βάλον, ὄφρα πέλοιτο ### book 4.1140.4 τιμήεις τε γάμος καὶ ἀοίδιμος· ἄνθεα δέ σφι ### book 4.1140.5 νύμφαι ἀμεργόμεναι λευκοῖς ἐνὶ ποικίλα κόλποις ### book 4.1145.1 ἐσφόρεον. πάσας δὲ πυρὸς ὣς ἄμφεπεν αἴγλη, ### book 4.1145.2 τοῖον ἀπὸ χρυσέων θυσάνων ἀμαρύσσετο φέγγος· ### book 4.1145.3 δαῖε δ’ ἐν ὀφθαλμοῖς γλυκερὸν πόθον, ἴσχε δ’ ἑκάστην ### book 4.1145.4 αἰδὼς ἱεμένην περ ὅμως ἐπὶ χεῖρα βαλέσθαι. ### book 4.1145.5 αἱ μέν τ’ Αἰγαίου ποταμοῦ καλέοντο θύγατρες, ### book 4.1 αἱ δ’ ὄρεος κορυφὰς Μελιτηίου ἀμφενέμοντο, ### book 4.2 αἱ δ’ ἔσαν ἐκ πεδίων ἀλσηίδες· ὦρσε γὰρ αὐτή ### book 4.3 Ἥρη Ζηνὸς ἄκοιτις, Ἰήσονα κυδαίνουσα. ### book 4.4 κεῖνο καὶ εἰσέτι νῦν ἱερὸν κληίζεται Ἄντρον ### book 4.5 Μηδείης, ὅθι τούσγε σὺν ἀλλήλοισιν ἔμειξαν, ### book 4.1155.1 τεινάμεναι ἑανοὺς εὐώδεας· οἱ δ’ ἐνὶ χερσί ### book 4.1155.2 δούρατα νωμήσαντες ἀρήια, μὴ πρὶν ἐς ἀλκήν ### book 4.1155.3 δυσμενέων ἀίδηλος ἐπιβρίσειεν ὅμιλος, ### book 4.1155.4 κράατα δ’ εὐφύλλοις ἐστεμμένοι ἀκρεμόνεσσιν, ### book 4 ἐμμελέως Ὀρφῆος ὑπαὶ λίγα φορμίζοντος ### book 4.1160.1 νυμφιδίαις ὑμέναιον ἐπὶ προμολῇσιν ἄειδον. ### book 4.1160.2 οὐ μὲν ἐν Ἀλκινόοιο γάμον μενέαινε τελέσσαι ### book 4.1160.3 ἥρως Αἰσονίδης, μεγάροις δ’ ἐνὶ πατρὸς ἑοῖο ### book 4.1160.4 νοστήσας ἐς Ἰωλκὸν ὑπότροπος, ὧς δὲ καὶ αὐτή ### book 4.1160.5 Μήδεια φρονέεσκε· τότ’ αὖ χρεὼ ἦγε μιγῆναι. ### book 4.1165.1 ἀλλὰ γὰρ οὔποτε φῦλα δυηπαθέων ἀνθρώπων ### book 4.1165.2 τερπωλῆς ἐπέβημεν ὅλῳ ποδί, σὺν δέ τις αἰεί ### book 4.1165.3 πικρὴ παρμέμβλωκεν ἐυφροσύνῃσιν ἀνίη· ### book 4.1165.4 τῶ καὶ τούς, γλυκερῇ περ ἰαινομένους φιλότητι, ### book 4.1165.5 δεῖμ’ ἔχεν εἰ τελέοιτο διάκρισις Ἀλκινόοιο. ### book 4.1170.1 Ἠὼς δ’ ἀμβροσίοισιν ἀνερχομένη φαέεσσιν ### book 4.1170.2 λῦε κελαινὴν νύκτα δι’ ἠέρος, αἱ δ’ ἐγέλασσαν ### book 4.1170.3 ἠιόνες νήσοιο καὶ ἑρσήεσσαι ἄπωθεν ### book 4.1170.4 ἀτραπιτοὶ πεδίων, ἐν δὲ θρόος ἔσκεν ἀγυιαῖς· ### book 4.1170.5 κίνυντ’ ἐνναέται μὲν ἀνὰ πτόλιν, οἱ δ’ ἀποτηλοῦ ### book 4.1175.1 Κόλχοι Μακριδίης ἐπὶ πείρασι χερνήσοιο· ### book 4.1175.2 αὐτίκα δ’ Ἀλκίνοος μετεβήσετο συνθεσίῃσιν ### book 4.1175.3 ὃν νόον ἐξερέων κούρης ὕπερ, ἐν δ’ ὅγε χειρί ### book 4.1175.4 σκῆπτρον ἔχεν χρυσοῖο δικασπόλον, ᾧ ὕπο πολλοί ### book 4.1175.5 ἰθείας ἀνὰ ἄστυ διεκρίνοντο θέμιστας· ### book 4.1180.1 τῷ δὲ καὶ ἑξείης πολεμήια τεύχεα δύντες ### book 4.1180.2 Φαιήκων οἱ ἄριστοι ὁμιλαδὸν ἐστιχόωντο. ### book 4.1180.3 ἥρωας δὲ γυναῖκες ἀολλέες ἔκτοθι πύργων ### book 4.1180.4 βαῖνον ἐποψόμεναι· σὺν δ’ ἀνέρες ἀγροιῶται ### book 4.1180.5 ἤντεον εἰσαΐοντες, ἐπεὶ νημερτέα βάξιν ### book 4.1185 Ἥρη ἐπιπροέηκεν. ἄγεν δ’ ὁ μὲν ἔκκριτον ἄλλων ### book 4.1 ἀρνειὸν μήλων, ὁ δ’ ἀεργηλὴν ἔτι πόρτιν, ### book 4.2 ἄλλοι δ’ ἀμφιφορῆας ἐπισχεδὸν ἵστασαν οἴνου ### book 4.3 κίρνασθαι, θυέων δ’ ἄπο τηλόθι κήκιε λιγνύς· ### book 4.4 αἱ δὲ πολυκμήτους ἑανοὺς φέρον, οἷα γυναῖκες, ### book 4.1190.1 μείλιά τε χρυσοῖο καὶ ἀλλοίην ἐπὶ τοῖσιν ### book 4.1190.2 ἀγλαΐην, οἵην τε νεόζυγες ἐντύνονται. ### book 4.1190.3 θάμβευν δ’ εἰσορόωσαι ἀριπρεπέων ἡρώων ### book 4.1190.4 εἴδεα καὶ μορφάς, ἐν δέ σφισιν Οἰάγροιο ### book 4.1190.5 υἱὸν ὑπαὶ φόρμιγγος ἐυκρέκτου καὶ ἀοιδῆς ### book 4.1195.1 ταρφέα σιγαλόεντι πέδον κροτέοντα πεδίλῳ· ### book 4.1195.2 νύμφαι δ’ ἄμμιγα πᾶσαι, ὅτε μνήσαιντο γάμοιο, ### book 4.1195.3 ἱμερόενθ’ ὑμέναιον ἀνήπυον. ἄλλοτε δ’ αὖτε ### book 4.1195.4 οἰόθεν οἶαι ἄειδον ἑλισσόμεναι περὶ κύκλον, ### book 4.1195.5 Ἥρη, σεῖο ἕκητι· σὺ γὰρ καὶ ἐπὶ φρεσὶ θῆκας ### book 4.1 Ἀρήτῃ πυκινὸν φάσθαι ἔπος Ἀλκινόοιο. ### book 4.2 αὐτὰρ ὅγ’, ὡς τὰ πρῶτα δίκης ἀνὰ πείρατ’ ἔειπεν ### book 4.3 ἰθείης, ἤδη δὲ γάμου τέλος ἐκλήιστο, ### book 4.4 ἔμπεδον ὧς ἀλέγυνε διαμπερές, οὐδέ ἑ τάρβος ### book 4.5 οὐλοὸν οὐδὲ βαρεῖαι ὑπήλυθον Αἰήταο ### book 4.1205.1 μήνιες· ἀρρήκτοισι δ’ ἐνιζεύξας ἔχεν ὅρκοις. ### book 4.1205.2 τῶ καὶ ὅτ’ ἠλεμάτως Κόλχοι μάθον ἀντιόωντες, ### book 4.1205.3 καί σφεας ἠὲ θέμιστας ἑὰς εἴρυσθαι ἄνωγεν ### book 4.1205.4 ἢ λιμένων γαίης τ’ ἀπὸ τηλόθι νῆας ἐέργειν, ### book 4 δὴ τότε μιν, βασιλῆος ἑοῦ τρομέοντες ἐνιπάς, ### book 4.1210.1 δέχθαι μειλίξαντο συνήμονας. αὖθι δὲ νήσῳ ### book 4.1210.2 δὴν μάλα Φαιήκεσσι μετ’ ἀνδράσι ναιετάασκον, ### book 4.1210.3 εἰσότε Βακχιάδαι γενεὴν Ἐφύρηθεν ἐόντες ### book 4.1210.4 ἀνέρες ἐννάσσαντο μετὰ χρόνον, οἱ δὲ περαίην ### book 4.1210.5 νῆσον ἔβαν· κεῖθεν δὲ Κεραύνια μέλλον Ἀμάντων ### book 4.1215.1 οὔρεα Νεσταίους τε καὶ Ὤρικον εἰσαφικέσθαι. ### book 4.1215.2 ἀλλὰ τὰ μὲν στείχοντος ἄδην αἰῶνος ἐτύχθη· ### book 4.1215.3 Μοιράων δ’ ἔτι κεῖθι θύη ἐπέτεια δέχονται ### book 4.1215.4 καὶ Νυμφέων Νομίοιο καθ’ ἱερὸν Ἀπόλλωνος ### book 4.1215.5 βωμοὶ τοὺς Μήδεια καθείσατο. πολλὰ δ’ ἰοῦσιν ### book 4.1220.1 Ἀλκίνοος Μινύαις ξεινήια, πολλὰ δ’ ὄπασσεν ### book 4.1220.2 Ἀρήτη, μετὰ δ’ αὖτε δυώδεκα δῶκεν ἕπεσθαι ### book 4.1220.3 Μηδείῃ δμωὰς Φαιηκίδας ἐκ μεγάροιο. ### book 4.1220.4 Ἤματι δ’ ἑβδομάτῳ Δρεπάνην λίπον· ἤλυθε δ’ οὖρος ### book 4.1220.5 ἀκραὴς ἠῶθεν ὑπεύδιος, οἱ δ’ ἀνέμοιο ### book 4.1225.1 πνοιῇ ἐπειγόμενοι προτέρω θέον. ἀλλὰ γὰρ οὔπω ### book 4.1225.2 αἴσιμον ἦν ἐπιβῆναι Ἀχαιίδος ἡρώεσσιν, ### book 4.1225.3 ὄφρ’ ἔτι καὶ Λιβύης ἐπὶ πείρασιν ὀτλήσειαν· ### book 4.1225.4 ἤδη μὲν †ποτὶ κόλπον ἐπώνυμον Ἀμβρακιήων, ### book 4.1225.5 ἤδη Κουρήτων ἔλιπον χθόνα πεπταμένοισιν ### book 4.1230.1 λαίφεσι καὶ †στεινὰς αὐταῖς σὺν Ἐχινάσι νήσους ### book 4.1230.2 ἑξείης, Πέλοπος δὲ νέον κατεφαίνετο γαῖα· ### book 4.1230.3 καὶ τότ’ ἀναρπάγδην ὀλοὴ βορέαο θύελλα ### book 4.1230.4 μεσσηγὺς πέλαγόσδε Λιβυστικὸν ἐννέα πάσας ### book 4 νύκτας ὁμῶς καὶ τόσσα φέρ’ ἤματα, μέχρις ἵκοντο ### book 4.1235.1 προπρὸ μάλ’ ἔνδοθι Σύρτιν, ἵν’ οὐκέτι νόστος ὀπίσσω ### book 4.1235.2 νηυσὶ πέλει, ὅτε τόνδε βιῴατο κόλπον ἱκέσθαι· ### book 4.1235.3 πάντη γὰρ τέναγος, πάντη μνιόεντα βυθοῖο ### book 4.1235.4 τάρφεα, κωφὴ δέ σφιν ἐπιβλύει ὕδατος ἄχνη· ### book 4.1235.5 ἠερίη δ’ ἄμαθος παρακέκλιται, οὐδέ τι εἶσι ### book 4.1240.1 ἑρπετὸν οὐδὲ ποτητὸν ἀείρεται. ἔνθ’ ἄρα τούσγε ### book 4.1240.2 πλημυρίς (καὶ γάρ τ’ ἀναχάζεται ἠπείροιο ### book 4.1240.3 ἦ θαμὰ δὴ τόδε χεῦμα, καὶ ἂψ ἐπερεύγεται ἀκτάς ### book 4.1240.4 λάβρον ἐποιχόμενον) μυχάτῃ ἐνέωσε †τάχιστα ### book 4.1240.5 ἠιόνι, τρόπιος δὲ μάλ’ ὕδασι παῦρον ἔλειπτο. ### book 4.1245.1 οἱ δ’ ἀπὸ νηὸς ὄρουσαν, ἄχος δ’ ἕλεν εἰσορόωντας ### book 4.1245.2 ἠέρα καὶ μεγάλης νῶτα χθονὸς ἠέρι ἶσα ### book 4.1245.3 τηλοῦ ὑπερτείνοντα διηνεκές· οὐδέ τιν’ ἀρδμόν, ### book 4.1245.4 οὐ πάτον, οὐκ ἀπάνευθε κατηυγάσσαντο βοτήρων ### book 4.1245.5 αὔλιον, εὐκήλῳ δὲ κατείχετο πάντα γαλήνῃ. ### book 4.1 ἄλλος δ’ αὖτ’ ἄλλον τετιημένος ἐξερέεινεν· ### book 4.2 “Τίς χθὼν εὔχεται ἥδε; πόθι ξυνέωσαν ἄελλαι ### book 4.3 ἡμέας; αἴθ’ ἔτλημεν, ἀφειδέες οὐλομένοιο ### book 4.4 δείματος, αὐτὰ κέλευθα διαμπερὲς ὁρμηθῆναι ### book 4.5 πετράων· ἦ τ’ ἂν καὶ ὑπὲρ Διὸς αἶσαν ἰοῦσιν ### book 4.1255.1 βέλτερον ἦν μέγα δή τι μενοινώοντας ὀλέσθαι. ### book 4.1255.2 νῦν δὲ τί κεν ῥέξαιμεν, ἐρυκόμενοι ἀνέμοισιν ### book 4.1255.3 αὖθι μένειν τυτθόν περ ἐπὶ χρόνον; οἷον ἐρήμη ### book 4.1255.4 πέζα διωλυγίης ἀναπέπταται ἠπείροιο.” ### book 4 Ὧς ἄρ’ ἔφη· μετὰ δ’ αὐτὸς ἀμηχανίῃ κακότητος ### book 4.1260.1 ἰθυντὴρ Ἀγκαῖος ἀκηχεμένοις ἀγόρευσεν· ### book 4.1260.2 “Ὠλόμεθ’ αἰνότατον δῆθεν μόρον οὐδ’ ὑπάλυξις ### book 4.1260.3 ἔστ’ ἄτης, πάρα δ’ ἄμμι τὰ κύντατα πημανθῆναι ### book 4.1260.4 τῇδ’ ὑπ’ ἐρημαίῃ πεπτηότας, εἰ καὶ ἀῆται ### book 4.1260.5 χερσόθεν ἀμπνεύσειαν· ἐπεὶ τεναγώδεα λεύσσω ### book 4.1265.1 τῆλε περισκοπέων ἅλα πάντοθεν, ἤλιθα δ’ ὕδωρ ### book 4.1265.2 ξαινόμενον πολιῇσιν ἐπιτροχάει ψαμάθοισι· ### book 4.1265.3 καί κεν ἐπισμυγερῶς διὰ δὴ πάλαι ἥδε κεάσθη ### book 4.1265.4 νηῦς ἱερὴ χέρσου πολλὸν πρόσω, ἀλλά μιν αὐτή ### book 4.1265.5 πλημυρὶς ἐκ πόντοιο μεταχρονίην ἐκόμισσεν. ### book 4.1270.1 νῦν δ’ ἡ μὲν πέλαγόσδε μετέσσυται, οἰόθι δ’ ἅλμη ### book 4.1270.2 ἄπλοος εἰλεῖται, γαίης ὕπερ ὅσσον ἔχουσα. ### book 4.1270.3 τούνεκ’ ἐγὼ πᾶσαν μὲν ἀπ’ ἐλπίδα φημὶ κεκόφθαι ### book 4.1270.4 ναυτιλίης νόστου τε· δαημοσύνην δέ τις ἄλλος ### book 4.1270.5 φαίνοι ἑήν, πάρα γάρ οἱ ἐπ’ οἰήκεσσι θαάσσειν ### book 4.1275.1 μαιομένῳ κομιδῆς· ἀλλ’ οὐ μάλα νόστιμον ἦμαρ ### book 4.1275.2 Ζεὺς ἐθέλει καμάτοισιν ἐφ’ ἡμετέροισι τελέσσαι.” ### book 4.1275.3 Ὧς φάτο δακρυόεις, σὺν δ’ ἔννεπον ἀσχαλόωντι ### book 4.1275.4 ὅσσοι ἔσαν νηῶν δεδαημένοι. ἐν δ’ ἄρα πᾶσιν ### book 4.1275.5 παχνώθη κραδίη, χύτο δὲ χλόος ἀμφὶ παρειάς. ### book 4.1280.1 οἷον δ’ ἀψύχοισιν ἐοικότες εἰδώλοισιν ### book 4.1280.2 ἀνέρες εἱλίσσονται ἀνὰ πτόλιν, ἢ πολέμοιο ### book 4.1280.3 ἢ λοιμοῖο τέλος ποτιδέγμενοι ἠέ τιν’ ὄμβρον ### book 4.1280.4 ἄσπετον, ὅς τε βοῶν κατὰ μυρίος ἔκλυσεν ἔργα, ### book 4.1280.5 ὁππότ’ ἂν αὐτόματα ξόανα ῥέῃ ἱδρώοντα ### book 4.1285 αἵματι καὶ μυκαὶ σηκοῖς ἔνι φαντάζωνται, ### book 4.1 ἠὲ καὶ ἠέλιος μέσῳ ἤματι νύκτ’ ἐπάγῃσιν ### book 4.2 οὐρανόθεν, τὰ δὲ λαμπρὰ δι’ ἠέρος ἄστρα φαείνῃ— ### book 4.3 ὧς τότ’ ἀριστῆες δολιχοῦ πρόπαρ αἰγιαλοῖο ### book 4.4 ἤλυον ἑρπύζοντες. ἐπήλυθε δ’ αὐτίκ’ ἐρεμνή ### book 4.1290.1 ἕσπερος· οἱ δ’ ἐλεεινὰ χεροῖν σφέας ἀμφιβαλόντες ### book 4.1290.2 δακρυόειν ἀγάπαζον, ἵν’ ἄνδιχα δῆθεν ἕκαστος ### book 4.1290.3 θυμὸν ἀποφθίσειαν ἐνὶ ψαμάθοισι πεσόντες. ### book 4.1290.4 βὰν δ’ ἴμεν ἄλλυδις ἄλλος, ἑκαστέρω αὖλιν ἑλέσθαι· ### book 4.1290.5 ἐν δὲ κάρη πέπλοισι καλυψάμενοι σφετέροισιν, ### book 4.1295.1 ἄκμηνοι καὶ ἄπαστοι ἐκείατο νύκτ’ ἔπι πᾶσαν ### book 4.1295.2 καὶ φάος, οἰκτίστῳ θανάτῳ ἔπι. νόσφι δὲ κοῦραι ### book 4.1295.3 ἀθρόαι Αἰήταο παρεστενάχοντο θυγατρί· ### book 4.1295.4 ὡς δ’ ὅτ’ ἐρημαῖοι, πεπτηότες ἔκτοθι πέτρης ### book 4.1295.5 χηραμοῦ, ἀπτῆνες λιγέα κλάζουσι νεοσσοί, ### book 4.1 ἢ ὅτε καλὰ νάοντος ἐπ’ ὀφρύσι Πακτωλοῖο ### book 4.2 κύκνοι †κινήσουσιν ἑὸν μέλος, ἀμφὶ δὲ λειμών ### book 4.3 ἑρσήεις βρέμεται ποταμοῖό τε καλὰ ῥέεθρα— ### book 4.4 ὧς αἱ, ἐπὶ ξανθὰς θέμεναι κονίῃσιν ἐθείρας, ### book 4.5 παννύχιαι ἐλεεινὸν ἰήλεμον ὠδύροντο. ### book 4.1305.1 Καί νύ κεν αὐτοῦ πάντες ἀπὸ ζωῆς ἐλίασθεν ### book 4.1305.2 νώνυμνοι καὶ ἄφαντοι ἐπιχθονίοισι δαῆναι ### book 4.1305.3 ἡρώων οἱ ἄριστοι ἀνηνύστῳ ἐπ’ ἀέθλῳ, ### book 4.1305.4 ἀλλά σφεας ἐλέηραν ἀμηχανίῃ μινύθοντας ### book 4 ἡρῶσσαι Λιβύης τιμήοροι, αἵ ποτ’ Ἀθήνην, ### book 4.1310.1 ἦμος ὅτ’ ἐκ πατρὸς κεφαλῆς θόρε παμφαίνουσα, ### book 4.1310.2 ἀντόμεναι Τρίτωνος ἐφ’ ὕδασι χυτλώσαντο. ### book 4.1310.3 ἔνδιον ἦμαρ ἔην, περὶ δ’ ὀξύταται θέρον αὐγαί ### book 4.1310.4 ἠελίου Λιβύην· αἱ δὲ σχεδὸν Αἰσονίδαο ### book 4.1310.5 ἔσταν, ἕλον δ’ ἀπὸ χερσὶ καρήατος ἠρέμα πέπλον. ### book 4.1315.1 αὐτὰρ ὅγ’ εἰς ἑτέρωσε παλιμπετὲς ὄμματ’ ἔνεικεν, ### book 4.1315.2 δαίμονας αἰδεσθείς· αὐτὸν δέ μιν ἀμφαδὸν οἶον ### book 4.1315.3 μειλιχίοις ἐπέεσσιν ἀτυζόμενον προσέειπον· ### book 4.1315.4 “Κάμμορε, τίπτ’ ἐπὶ τόσσον ἀμηχανίῃ βεβόλησαι; ### book 4.1315.5 ἴδμεν ἐποιχομένους χρύσεον δέρος, ἴδμεν ἕκαστα ### book 4.1320.1 ὑμετέρων καμάτων ὅς’ ἐπὶ χθονὸς ὅσσα τ’ ἐφ’ ὑγρήν ### book 4.1320.2 πλαζόμενοι κατὰ πόντον ὑπέρβια ἔργα κάμεσθε· ### book 4.1320.3 οἰοπόλοι δ’ εἰμὲν χθόνιαι θεαὶ αὐδήεσσαι, ### book 4.1320.4 ἡρῶσσαι Λιβύης τιμήοροι ἠδὲ θύγατρες. ### book 4.1320.5 ἀλλ’ ἄνα, μηδ’ ἔτι τοῖον ὀιζύων ἀκάχησο, ### book 4.1325.1 ἄνστησον δ’ ἑτάρους· εὖτ’ ἂν δέ τοι Ἀμφιτρίτη ### book 4.1325.2 ἅρμα Ποσειδάωνος ἐύτροχον αὐτίκα λύσῃ, ### book 4.1325.3 δή ῥα τότε σφετέρῃ ἀπὸ μητέρι τίνετ’ ἀμοιβήν ### book 4.1325.4 ὧν ἔκαμεν δηρὸν κατὰ νηδύος ὔμμε φέρουσα, ### book 4.1325.5 καί κεν ἔτ’ ἠγαθέην ἐς Ἀχαιίδα νοστήσαιτε.” ### book 4.1330.1 Ὧς ἄρ’ ἔφαν, καὶ ἄφαντοι, ἵν’ ἔσταθεν, ἔνθ’ ἄρα ταίγε ### book 4.1330.2 φθογγῇ ὁμοῦ ἐγένοντο παρασχεδόν. αὐτὰρ Ἰήσων ### book 4.1330.3 παπτήνας ἀν’ ἄρ’ ἕζετ’ ἐπὶ χθονός, ὧδέ τ’ ἔειπεν· ### book 4.1330.4 “Ἵλατ’ ἐρημονόμοι κυδραὶ θεαί. ἀμφὶ δὲ νόστῳ ### book 4.1330.5 οὔτι μάλ’ ἀντικρὺ νοέω φάτιν· ἦ μὲν ἑταίρους ### book 4.1335.1 εἰς ἓν ἀγειράμενος μυθήσομαι, εἴ νύ τι τέκμωρ ### book 4.1335.2 δήωμεν κομιδῆς· πολέων δέ τε μῆτις ἀρείων.” ### book 4.1335.3 Ἦ, καὶ ἀναΐξας ἑτάρους ἐπὶ μακρὸν ἀύτει ### book 4.1 αὐσταλέος κονίῃσι, λέων ὣς ὅς ῥά τ’ ἀν’ ὕλην ### book 4.2 σύννομον ἣν μεθέπων ὠρύεται· αἱ δὲ βαρείῃ ### book 4.1340.1 φθογγῇ ὕπο βρομέουσιν ἀν’ οὔρεα τηλόθι βῆσσαι, ### book 4.1340.2 δείματι δ’ ἄγραυλοί τε βόες μέγα πεφρίκασιν ### book 4.1340.3 βουπελάται τε βοῶν. τοῖς δ’ οὔ νύ τι γῆρυς ἐτύχθη ### book 4.1340.4 ῥιγεδανὴ ἑτάροιο, φίλοις ἐπικεκλομένοιο· ### book 4.1340.5 ἀγχοῦ δ’ ἠγερέθοντο, κατηφέες. αὐτὰρ ὁ τούσγε ### book 4.1345.1 ἀχνυμένους ὅρμοιο πέλας μίγα θηλυτέρῃσιν ### book 4.1345.2 ἱδρύσας, μυθεῖτο πιφαυσκόμενος τὰ ἕκαστα· ### book 4.1345.3 “Κλῦτε φίλοι· τρεῖς γάρ μοι ἀνιάζοντι θεάων, ### book 4.1345.4 στέρφεσιν αἰγείοις ἐζωσμέναι ἐξ ὑπάτοιο ### book 4.1345.5 αὐχένος ἀμφί τε νῶτα καὶ ἰξύας, ἠύτε κοῦραι, ### book 4.1 ἔσταν ὑπὲρ κεφαλῆς μάλ’ ἐπισχεδόν, ἂν δ’ ἐκάλυψαν ### book 4.2 πέπλον ἐρυσσάμεναι κούφῃ χερί· καί μ’ ἐκέλοντο ### book 4.3 αὐτόν τ’ ἔγρεσθαι ἀνά θ’ ὑμέας ὄρσαι ἰόντα· ### book 4.4 μητέρι δὲ σφετέρῃ μενοεικέα τεῖσαι ἀμοιβήν ### book 4.5 ὧν ἔκαμεν δηρὸν κατὰ νηδύος ἄμμε φέρουσα, ### book 4.1355.1 ὁππότε κεν λύσῃσιν ἐύτροχον Ἀμφιτρίτη ### book 4.1355.2 ἅρμα Ποσειδάωνος· ἐγὼ δ’ οὐ πάγχυ νοῆσαι ### book 4.1355.3 τῆσδε θεοπροπίης ἴσχω πέρι. φάν γε μὲν εἶναι ### book 4.1355.4 ἡρῶσσαι Λιβύης τιμήοροι ἠδὲ θύγατρες· ### book 4.1355.5 καὶ δ’ ὁπός’ αὐτοὶ πρόσθεν ἐπὶ χθονὸς ἠδ’ ὅς’ ἐφ’ ὑγρῆς ### book 4.1360.1 ἔτλημεν, τὰ ἕκαστα διίδμεναι εὐχετόωντο. ### book 4.1360.2 οὐδ’ ἔτι τάσδ’ ἀνὰ χῶρον ἐσέδρακον, ἀλλά τις ἀχλύς ### book 4.1360.3 ἠὲ νέφος μεσσηγὺ φαεινομένας ἐκάλυψεν.” ### book 4.1 Ὧς ἔφαθ’· οἱ δ’ ἄρα πάντες ἐθάμβεον εἰσαΐοντες. ### book 4.2 ἔνθα τὸ μήκιστον τεράων Μινύῃσιν ἐτύχθη. ### book 4.1365.1 ἐξ ἁλὸς ἤπειρόνδε πελώριος ἄνθορεν ἵππος ### book 4.1365.2 ἀμφιλαφὴς χρυσέῃσι μετήορος αὐχένα χαίταις· ### book 4.1365.3 ῥίμφα δὲ σεισάμενος γυίων ἄπο νήχυτον ἅλμην ### book 4.1365.4 ὦρτο θέειν πνοιῇ ἴκελος πόδας. αἶψα δὲ Πηλεύς ### book 4.1365.5 γηθήσας ἑτάροισιν ὁμηγερέεσσι μετηύδα· ### book 4.1370.1 “Ἅρματα μὲν δή φημι Ποσειδάωνος ἔγωγε ### book 4.1370.2 ἤδη νῦν ἀλόχοιο φίλης ὑπὸ χερσὶ λελύσθαι· ### book 4.1370.3 μητέρα δ’ οὐκ ἄλλην προτιόσσομαι ἠέ περ αὐτήν ### book 4.1370.4 νῆα πέλειν· ἣ γάρ, κατὰ νηδύος αἰὲν ἔχουσα ### book 4.1370.5 νωλεμές, ἀργαλέοισιν ὀιζύει καμάτοισιν. ### book 4.1375.1 ἀλλά μιν ἀστεμφεῖ τε βίῃ καὶ ἀτειρέσιν ὤμοις ### book 4.1375.2 ὑψόθεν ἀνθέμενοι ψαμαθώδεος ἔνδοθι γαίης ### book 4.1375.3 οἴσομεν ᾗ προτέρωσε ταχὺς πόδας ἤλασεν ἵππος· ### book 4.1375.4 οὐ γὰρ ὅγε ξηρὴν ὑποδύσεται, ἴχνια δ’ ἡμῖν ### book 4.1375.5 σημανέειν τιν’ ἔολπα μυχὸν καθύπερθε θαλάσσης.” ### book 4.1380.1 Ὧς ηὔδα· πάντεσσι δ’ ἐπήβολος ἥνδανε μῆτις. ### book 4.1380.2 Μουσάων ὅδε μῦθος, ἐγὼ δ’ ὑπακουὸς ἀείδω ### book 4.1380.3 Πιερίδων, καὶ τήνδε πανατρεκὲς ἔκλυον ὀμφήν, ### book 4.1380.4 ὑμέας, ὦ πέρι δὴ μέγα φέρτατοι υἷες ἀνάκτων, ### book 4.1380.5 ᾗ βίῃ, ᾗ ἀρετῇ Λιβύης ἀνὰ θῖνας ἐρήμους ### book 4.1385.1 νῆα μεταχρονίην ὅσα τ’ ἔνδοθι νηὸς ἄγεσθε ### book 4.1385.2 ἀνθεμένους ὤμοισι φέρειν δυοκαίδεκα πάντα ### book 4.1385.3 ἤμαθ’ ὁμοῦ νύκτας τε. δύην γε μὲν †ἢ καὶ ὀιζύν ### book 4.1 τίς κ’ ἐνέποι τὴν κεῖνοι ἀνέπλησαν μογέοντες; ### book 4.2 ἔμπεδον ἀθανάτων ἔσαν αἵματος, οἷον ὑπέσταν ### book 4.1390.1 ἔργον ἀναγκαίῃ βεβιημένοι. αὐτὰρ ἐπιπρό ### book 4.1390.2 τῆλε μάλ’ ἀσπασίως Τριτωνίδος ὕδασι λίμνης ### book 4.1390.3 ὡς φέρον, ὣς εἰσβάντες ἀπὸ στιβαρῶν θέσαν ὤμων. ### book 4.1390.4 Λυσσαλέοις δἤπειτ’ ἴκελοι κυσὶν ἀίσσοντες ### book 4.1390.5 πίδακα μαστεύεσκον, ἐπὶ ξηρὴ γὰρ ἔκειτο ### book 4.1395.1 δίψα δυηπαθίῃ τε καὶ ἄλγεσιν. οὐδ’ ἐμάτησαν ### book 4.1395.2 πλαζόμενοι· ἷξον δ’ ἱερὸν πέδον, ᾧ ἔνι Λάδων ### book 4.1395.3 εἰσέτι που χθιζὸν παγχρύσεα ῥύετο μῆλα ### book 4.1395.4 χώρῳ ἐν Ἄτλαντος, χθόνιος ὄφις, ἀμφὶ δὲ νύμφαι ### book 4.1395.5 Ἑσπερίδες ποίπνυον ἐφίμερον ἀείδουσαι· ### book 4.1 τῆμος δ’ ἤδη κεῖνος ὑφ’ Ἡρακλῆι δαϊχθείς ### book 4.2 μήλειον βέβλητο ποτὶ στύπος, οἰόθι δ’ ἄκρῃ ### book 4.3 οὐρῇ ἔτι σκαίρεσκεν, ἀπὸ κρατὸς δὲ κελαινήν ### book 4.4 ἄχρις ἐπ’ ἄκνηστιν κεῖτ’ ἄπνοος· ἐν δὲ λιπόντων ### book 4.5 ὕδρης Λερναίης χόλον αἵματι πικρὸν ὀιστῶν, ### book 4.1405.1 μυῖαι πυθομένοισιν ἐφ’ ἕλκεσι τερσαίνοντο. ### book 4.1405.2 ἀγχοῦ δ’ Ἑσπερίδες, κεφαλαῖς ἔπι †χεῖρας ἔχουσαι ### book 4.1 ἀργυφέας ξανθῇσι, λίγ’ ἔστενον. οἱ δ’ ἐπέλασσαν ### book 4.2 ἄφνω ὁμοῦ· ταὶ δ’ αἶψα κόνις καὶ γαῖα, κιόντων ### book 4.3 ἐσσυμένως, ἐγένοντο καταυτόθι. νώσατο δ’ Ὀρφεύς ### book 4.1410.1 θεῖα τέρα, τὼς δέ σφε παρηγορέεσκε λιτῇσιν· ### book 4.1410.2 “Δαίμονες ὦ καλαὶ καὶ ἐύφρονες, ἵλατ’ ἄνασσαι, ### book 4.1410.3 εἴτ’ οὖν οὐρανίαις ἐναρίθμιοί ἐστε θεῇσιν ### book 4.1410.4 εἴτε καταχθονίαις, εἴτ’ οἰοπόλοι καλέεσθε ### book 4.1410.5 †νύμφαι· ἴτ’ ὦ† νύμφαι, ἱερὸν γένος Ὠκεανοῖο, ### book 4.1415.1 δείξατ’ ἐελδομένοισιν ἐνωπαδὶς ἄμμι φανεῖσαι ### book 4.1415.2 ἤ τινα πετραίην χύσιν ὕδατος ἤ τινα γαίης ### book 4.1415.3 ἱερὸν ἐκβλύοντα θεαὶ ῥόον, ᾧ ἀπὸ δίψαν ### book 4.1415.4 αἰθομένην ἄμοτον λωφήσομεν. εἰ δέ κεν αὖτις ### book 4.1415.5 δή ποτ’ Ἀχαιίδα γαῖαν ἱκώμεθα ναυτιλίῃσιν, ### book 4.1420.1 δὴ τότε μυρία δῶρα μετὰ πρώτῃσι θεάων ### book 4.1420.2 λοιβάς τ’ εἰλαπίνας τε παρέξομεν εὐμενέοντες.” ### book 4.1420.3 Ὧς φάτο λισσόμενος ἀδινῇ ὀπί, ταὶ δ’ ἐλέαιρον ### book 4.1420.4 ἐγγύθεν ἀχνυμένους· καὶ δὴ χθονὸς ἐξανέτειλαν ### book 4.1420.5 ποίην πάμπρωτον, ποίης γε μὲν ὑψόθι μακροί ### book 4.1425.1 βλάστεον ὅρπηκες, μετὰ δ’ ἔρνεα τηλεθάοντα ### book 4.1425.2 πολλὸν ὑπὲρ γαίης ὀρθοσταδὸν ἠέξοντο· ### book 4.1425.3 Ἑσπέρη αἴγειρος, πτελέη δ’ Ἐρυθηὶς ἔγεντο, ### book 4.1425.4 Αἴγλη δ’ ἰτείης ἱερὸν στύπος. ἐκ δέ νυ κείνων ### book 4.1425.5 δενδρέων, οἷαι ἔσαν, τοῖαι πάλιν ἔμπεδον αὔτως ### book 4.1430.1 ἐξέφανεν, θάμβος περιώσιον. ἔκφατο δ’ Αἴγλη ### book 4.1430.2 μειλιχίοις ἐπέεσσιν ἀμειβομένη χατέοντας· ### book 4.1430.3 “Ἦ ἄρα δὴ μέγα πάμπαν ἐφ’ ὑμετέροισιν ὄνειαρ ### book 4.1430.4 δεῦρ’ ἔμολεν καμάτοισιν ὁ κύντατος, ὅστις ἀπούρας ### book 4.1430.5 φρουρὸν ὄφιν ζωῆς, παγχρύσεα μῆλα θεάων ### book 4.1435.1 οἴχετ’ ἀειράμενος, στυγερὸν δ’ ἄχος ἄμμι λέλειπται. ### book 4.1435.2 ἤλυθε γὰρ χθιζός τις ἀνὴρ ὀλοώτατος ὕβριν ### book 4.1435.3 καὶ δέμας, ὄσσε δέ οἱ βλοσυρῷ ὑπ’ ἔλαμπε μετώπῳ, ### book 4.1435.4 νηλής· ἀμφὶ δὲ δέρμα πελωρίου ἕστο λέοντος ### book 4.1435.5 ὠμόν, ἀδέψητον· στιβαρὸν δ’ ἔχεν ὄζον ἐλαίης ### book 4.1440.1 τόξα τε, τοῖσι πέλωρ τόδ’ ἀπέφθισεν ἰοβολήσας. ### book 4.1440.2 ἤλυθεν οὖν καὶ κεῖνος, ἅ τε χθόνα πεζὸς ὁδεύων, ### book 4.1440.3 δίψῃ καρχαλέος· παίφασσε δὲ τόνδ’ ἀνὰ χῶρον, ### book 4.1440.4 ὕδωρ ἐξερέων. τὸ μὲν οὔ ποθι μέλλεν ἰδέσθαι· ### book 4.1440.5 τῇδε δέ τις πέτρη Τριτωνίδος ἐγγύθι λίμνης· ### book 4.1445.1 τὴν ὅγ’ (ἐπιφρασθείς, ἢ καὶ θεοῦ ἐννεσίῃσι) ### book 4.1445.2 λὰξ ποδὶ τύψεν ἔνερθε, τὸ δ’ ἀθρόον ἔβλυσεν ὕδωρ· ### book 4.1445.3 αὐτὰρ ὅγ’, ἄμφω χεῖρε πέδῳ καὶ στέρνον ἐρείσας, ### book 4.1445.4 ῥωγάδος ἐκ πέτρης πίεν ἄσπετον, ὄφρα βαθεῖαν ### book 4.1445.5 νηδύν, φορβάδι ἶσος ἐπιπροπεσών, ἐκορέσθη.” ### book 4.1 Ὧς φάτο· τοὶ δ’ ἀσπαστὸν ἵνα σφίσι πέφραδεν Αἴγλη ### book 4.2 πίδακα, τῇ θέον αἶψα κεχαρμένοι, ὄφρ’ ἐπέκυρσαν. ### book 4.3 ὡς δ’ ὁπότε στεινὴν περὶ χηραμὸν εἱλίσσονται ### book 4.4 γειομόροι μύρμηκες ὁμιλαδόν, ἢ ὅτε μυῖαι ### book 4.5 ἀμφ’ ὀλίγην μέλιτος γλυκεροῦ λίβα πεπτηυῖαι ### book 4.1455.1 ἄπλητον μεμάασιν ἐπήτριμοι—ὧς τότ’ ἀολλεῖς ### book 4.1455.2 πετραίῃ Μινύαι περὶ πίδακι δινεύεσκον. ### book 4.1455.3 καί πού τις διεροῖς ἐπὶ χείλεσιν εἶπεν ἰανθείς· ### book 4.1455.4 “Ὦ πόποι, ἦ καὶ νόσφιν ἐὼν ἐσάωσεν ἑταίρους ### book 4.1455.5 Ἡρακλέης δίψῃ κεκμηότας. ἀλλά μιν εἴ πως ### book 4.1460.1 δήοιμεν στείχοντα δι’ ἠπείροιο κιόντες.” ### book 4.1460.2 Ἦ· καὶ ἀγειρομένων οἵ τ’ ἄρμενοι ἐς τόδε ἔργον, ### book 4.1460.3 ἔκριθεν ἄλλυδις ἄλλος ἐπαΐξας ἐρεείνειν· ### book 4.1460.4 ἴχνια γὰρ νυχίοισιν ἐπηλίνδητ’ ἀνέμοισιν ### book 4.1460.5 κινυμένης ἀμάθου. Βορέαο μὲν ὡρμήθησαν ### book 4.1465.1 υἷε δύω πτερύγεσσι πεποιθότε, ποσσὶ δὲ κούφοις ### book 4.1465.2 Εὔφημος πίσυνος, Λυγκεύς γε μὲν ὀξέα τηλοῦ ### book 4.1465.3 ὄσσε βαλεῖν, πέμπτος δὲ μετὰ σφίσιν ἔσσυτο Κάνθος. ### book 4.1465.4 τὸν μὲν ἄρ’ αἶσα θεῶν κείνην ὁδὸν ἠνορέη τε ### book 4.1465.5 ὦρσεν, ἵν’ Ἡρακλῆος ἀπηλεγέως πεπύθοιτο ### book 4.1470.1 Εἰλατίδην Πολύφημον ὅπῃ λίπε, μέμβλετο γάρ οἱ ### book 4.1470.2 οὗ ἕθεν ἀμφ’ ἑτάροιο μεταλλῆσαι τὰ ἕκαστα. ### book 4.1470.3 ἀλλ’ ὁ μὲν οὖν, Μυσοῖσιν ἐπικλεὲς ἄστυ πολίσσας, ### book 4.1470.4 γνωστοῦ κηδοσύνῃσιν ἔβη διζήμενος Ἀργώ ### book 4.1470.5 τῆλε δι’ ἠπείροιο, τέως ἐξίκετο γαῖαν ### book 4.1475.1 ἀγχιάλων Χαλύβων· τόθι μιν καὶ μοῖρ’ ἐδάμασσεν, ### book 4.1475.2 καί οἱ ὑπὸ βλωθρὴν ἀχερωίδα σῆμα τέτυκται ### book 4.1475.3 τυτθὸν ἁλὸς προπάροιθεν. ἀτὰρ τότε γ’ Ἡρακλῆα ### book 4.1 μοῦνος ἀπειρεσίης τηλοῦ χθονὸς εἴσατο Λυγκεύς ### book 4.2 τὼς ἰδέειν, ὥς τίς τε νέης ἐνὶ ἤματι μήνην ### book 4.1480.1 ἢ ἴδεν ἢ ἐδόκησεν ἐπαχλύουσαν ἰδέσθαι· ### book 4.1480.2 ἐς δ’ ἑτάρους ἀνιὼν μυθήσατο μή μιν ἔτ’ ἄλλον ### book 4.1480.3 μαστῆρα στείχοντα κιχησέμεν. ὡς δὲ καὶ αὐτοί ### book 4.1480.4 ἤλυθον Εὔφημός τε πόδας ταχὺς υἷέ τε δοιώ ### book 4.1480.5 Θρηικίου Βορέω, μεταμώνια μοχθήσαντες· ### book 4.1485.1 Κάνθε, σὲ δ’ οὐλόμεναι Λιβύῃ ἔνι Κῆρες ἕλοντο. ### book 4.1485.2 πώεσι φερβομένοισι συνήντεες, εἵπετο δ’ ἀνήρ ### book 4.1485.3 αὐλίτης· ὅ ς’ ἑῶν μήλων πέρι, τόφρ’ ἑτάροισι ### book 4.1485.4 δευομένοις κομίσειας, ἀλεξόμενος κατέπεφνε ### book 4.1485.5 λᾶι βαλών· ἐπεὶ οὐ μὲν ἀφαυρότερός γ’ ἐτέτυκτο, ### book 4.1490.1 υἱωνὸς Φοίβοιο Λυκωρείοιο Κάφαυρος ### book 4.1490.2 κούρης τ’ αἰδοίης Ἀκακαλλίδος, ἥν ποτε Μίνως ### book 4.1490.3 ἐς Λιβύην ἀπένασσε θεοῦ βαρὺ κῦμα φέρουσαν, ### book 4.1490.4 θυγατέρα σφετέρην· ἡ δ’ ἀγλαὸν υἱέα Φοίβῳ ### book 4.1490.5 τίκτεν, ὃν Ἀμφίθεμιν Γαράμαντά τε κικλήσκουσιν· ### book 4.1495.1 Ἀμφίθεμις δ’ ἄρ’ ἔπειτα μίγη Τριτωνίδι νύμφῃ· ### book 4.1495.2 ἡ δ’ ἄρα οἱ Νασάμωνα τέκε κρατερόν τε Κάφαυρον, ### book 4.1495.3 ὃς τότε Κάνθον ἔπεφνεν ἐπὶ ῥήνεσσιν ἑοῖσιν. ### book 4.1495.4 οὐδ’ ὅγ’ ἀριστήων χαλεπὰς ἠλεύατο χεῖρας, ### book 4.1495.5 ὡς μάθον οἷον ἔρεξε. νέκυν δ’ ἀνάειραν ὀπίσσω ### book 4 †πυθόμενοι Μινύαι, γαίῃ δ’ ἐνὶ ταρχύσαντο ### book 4.1 μυρόμενοι· τὰ δὲ μῆλα μετὰ σφέας οἵγ’ ἐκόμισσαν. ### book 4.2 Ἔνθα καὶ Ἀμπυκίδην αὐτῷ ἐνὶ ἤματι Μόψον ### book 4.3 νηλειὴς ἕλε πότμος, ἀδευκέα δ’ οὐ φύγεν αἶσαν ### book 4.4 μαντοσύναις· οὐ γάρ τις ἀποτροπίη θανάτοιο. ### book 4.1505.1 κεῖτο γὰρ ἐν ψαμάθοισι, μεσημβρινὸν ἦμαρ ἀλύσκων, ### book 4.1505.2 δεινὸς ὄφις, νωθὴς μὲν ἑκὼν ἀέκοντα χαλέψαι, ### book 4.1505.3 οὐδ’ ἂν ὑποτρέσσαντος ἐνωπαδὶς ἀίξειεν· ### book 4.1505.4 ἀλλ’ ᾧ κεν τὰ πρῶτα μελάγχιμον ἰὸν ἐνείη ### book 4.1505.5 ζωόντων ὅσα γαῖα φερέσβιος ἔμπνοα βόσκει, ### book 4.1510.1 οὐδ’ ὁπόσον πήχυιον ἐς Ἄιδα γίγνεται οἷμος, ### book 4.1510.2 οὐδ’ εἰ Παιήων (εἴ μοι θέμις ἀμφαδὸν εἰπεῖν) ### book 4.1510.3 φαρμάσσοι, ὅτε μοῦνον ἐνιχρίμψῃσιν ὀδοῦσιν. ### book 4.1510.4 εὖτε γὰρ ἰσόθεος Λιβύην ὑπερέπτατο Περσεύς ### book 4.1510.5 Εὐρυμέδων (καὶ γὰρ τὸ κάλεσκέ μιν οὔνομα μήτηρ) ### book 4.1515.1 Γοργόνος ἀρτίτομον κεφαλὴν βασιλῆι κομίζων, ### book 4.1515.2 ὅσσαι κυανέου στάγες αἵματος οὖδας ἵκοντο, ### book 4.1515.3 αἱ πᾶσαι κείνων ὀφίων γένος ἐβλάστησαν. ### book 4.1515.4 τῷ δ’ ἄκρην ἐπ’ ἄκανθαν ἐνεστηρίξατο Μόψος ### book 4.1515.5 λαιὸν ἐπιπροφέρων ταρσὸν ποδός· αὐτὰρ ὁ μέσσην ### book 4.1520.1 κερκίδα καὶ μυῶνα πέριξ ὀδύνῃσιν ἑλιχθείς ### book 4.1520.2 σάρκα δακὼν ἐχάραξεν. ἀτὰρ Μήδεια καὶ ἄλλαι ### book 4.1520.3 ἔτρεσαν ἀμφίπολοι· ὁ δὲ φοίνιον ἕλκος ἄφασσεν ### book 4.1520.4 θαρσαλέως, ἕνεκ’ οὔ μιν ὑπέρβιον ἄλγος ἔτειρεν, ### book 4.1520.5 σχέτλιος· ἦ τέ οἱ ἤδη ὑπὸ χροῒ δύετο κῶμα ### book 4.1525.1 λυσιμελές, πολλὴ δὲ κατ’ ὀφθαλμῶν χέετ’ ἀχλύς. ### book 4.1525.2 αὐτίκα δὲ κλίνας δαπέδῳ βεβαρηότα γυῖα ### book 4.1525.3 ψύχετ’ ἀμηχανίῃ· ἕταροι δέ μιν ἀμφαγέροντο ### book 4.1 ἥρως τ’ Αἰσονίδης, ἀδινῇ περιθαμβέες ἄτῃ. ### book 4.2 οὐδὲ μὲν οὐδ’ ἐπὶ τυτθὸν ἀποφθίμενός περ ἔμελλε ### book 4.1530.1 κεῖσθαι ὑπ’ ἠελίῳ· πύθεσκε γὰρ ἔνδοθι σάρκας ### book 4.1530.2 ἰὸς ἄφαρ, μυδόωσα δ’ ἀπὸ χροὸς ἔρρεε λάχνη. ### book 4.1530.3 αἶψα δὲ χαλκείῃσι βαθὺν τάφον ἐξελάχαινον ### book 4.1530.4 ἐσσυμένως μακέλῃσιν· ἐμοιρήσαντο δὲ χαίτας ### book 4.1530.5 αὐτοὶ ὁμῶς κοῦραί τε, νέκυν ἐλεεινὰ παθόντα ### book 4.1535.1 μυρόμενοι· τρὶς δ’ ἀμφὶ σὺν ἔντεσι δινηθέντες ### book 4.1535.2 εὖ κτερέων ἴσχοντα, χυτὴν ἐπὶ γαῖαν ἔθεντο. ### book 4.1535.3 Ἀλλ’ ὅτε δή ῥ’ ἐπὶ νηὸς ἔβαν, πρήσσοντος ἀήτεω ### book 4.1535.4 ἂμ πέλαγος νοτίοιο, πόρους τ’ ἀπετεκμαίροντο ### book 4.1535.5 λίμνης ἐκπρομολεῖν Τριτωνίδος, οὔ τινα μῆτιν ### book 4.1540.1 δὴν ἔχον, ἀφραδέως δὲ πανημέριοι φορέοντο. ### book 4.1540.2 ὡς δὲ δράκων σκολιὴν εἱλιγμένος ἔρχεται οἷμον, ### book 4.1540.3 εὖτέ μιν ὀξύτατον θάλπει σέλας ἠελίοιο, ### book 4.1540.4 ῥοίζῳ δ’ ἔνθα καὶ ἔνθα κάρη στρέφει, ἐν δέ οἱ ὄσσε ### book 4.1540.5 σπινθαρύγεσσι πυρὸς ἐναλίγκια μαιμώοντι ### book 4.1545.1 λάμπεται, ὄφρα μυχόνδε διὰ ῥωχμοῖο δύηται— ### book 4.1545.2 ὧς Ἀργώ, λίμνης στόμα ναύπορον ἐξερέουσα, ### book 4.1545.3 ἀμφεπόλει δηναιὸν ἐπὶ χρόνον. αὐτίκα δ’ Ὀρφεύς ### book 4.1545.4 κέκλετ’ Ἀπόλλωνος τρίποδα μέγαν ἔκτοθι νηός ### book 4.1545.5 δαίμοσιν ἐγγενέταις νόστῳ ἔπι μείλια θέσθαι. ### book 4.1 καὶ τοὶ μὲν Φοίβου κτέρας ἵδρυον ἐν χθονὶ βάντες· ### book 4.2 τοῖσιν δ’ αἰζηῷ ἐναλίγκιος ἀντεβόλησε ### book 4.3 Τρίτων εὐρυβίης· γαίης δ’ ἀνὰ βῶλον ἀείρας ### book 4.4 ξείνι’ ἀριστήεσσι προΐσχετο, φώνησέν τε· ### book 4.5 “Δέχθε φίλοι, ἐπεὶ οὐ περιώσιον ἐγγυαλίξαι ### book 4.1555.1 ἐνθάδε νῦν πάρ’ ἐμοὶ ξεινήιον ἀντομένοισιν. ### book 4.1555.2 εἰ δέ τι τῆσδε πόρους μαίεσθ’ ἁλός, οἷά τε πολλά ### book 4.1555.3 ἄνθρωποι χατέουσιν ἐπ’ ἀλλοδαπῇ περόωντες, ### book 4.1555.4 ἐξερέω· δὴ γάρ με πατὴρ ἐπιίστορα πόντου ### book 4.1555.5 θῆκε Ποσειδάων τοῦδ’ ἔμμεναι, αὐτὰρ ἀνάσσω ### book 4.1560.1 παρραλίης, εἰ δή τιν’ ἀκούετε νόσφιν ἐόντες ### book 4.1560.2 Εὐρύπυλον Λιβύῃ θηροτρόφῳ ἐγγεγαῶτα.” ### book 4.1560.3 Ὧς ηὔδα· πρόφρων δ’ ὑποέσχεθε βώλακι χεῖρας ### book 4.1560.4 Εὔφημος, καὶ τοῖα παραβλήδην προσέειπεν· ### book 4.1560.5 “Ἀπίδα καὶ πέλαγος Μινώιον εἴ νύ που ἥρως ### book 4.1565.1 ἐξεδάης, νημερτὲς ἀνειρομένοισιν ἔνισπε. ### book 4.1565.2 δεῦρο γὰρ οὐκ ἐθέλοντες ἱκάνομεν, ἀλλὰ βορείαις ### book 4.1565.3 χρίμψαντες γαίης ἐνὶ πείρασι τῆσδε θυέλλαις, ### book 4.1565.4 νῆα μεταχρονίην ἐκομίσσαμεν ἐς τόδε λίμνης ### book 4.1565.5 χεῦμα δι’ ἠπείρου, βεβαρημένοι· οὐδέ τι ἴδμεν ### book 4.1570.1 πῇ πλόος ἐξανάγει Πελοπηίδα γαῖαν ἱκέσθαι.” ### book 4.1570.2 Ὧς ἄρ’ ἔφη· ὁ δὲ χεῖρα τανύσσατο, δεῖξε δ’ ἄπωθεν ### book 4.1570.3 φωνήσας πόντον τε καὶ ἀγχιβαθὲς στόμα λίμνης· ### book 4.1570.4 “Κείνη μὲν πόντοιο διήλυσις, ἔνθα μάλιστα ### book 4 βένθος ἀκίνητον μελανεῖ, ἑκάτερθε δὲ λευκαί ### book 4.1575.1 ῥηγμῖνες φρίσσουσι διαυγέες· ἡ δὲ μεσηγύ ### book 4.1575.2 ῥηγμίνων στεινὴ τελέθει ὁδὸς ἐκτὸς ἐλάσσαι· ### book 4.1575.3 κεῖνο δ’ ὑπηέριον θείην Πελοπηίδα γαῖαν ### book 4.1575.4 εἰσανέχει πέλαγος Κρήτης ὕπερ. ἀλλ’ ἐπὶ χειρός ### book 4.1575.5 δεξιτερῆς, λίμνηθεν ὅτ’ εἰς ἁλὸς οἶδμα βάλητε, ### book 4.1580.1 τόφρ’ αὐτὴν παρὰ χέρσον ἐεργμένοι ἰθύνεσθε ### book 4.1580.2 ἔστ’ ἂν ἄνω τείνῃσι· περιρρήδην δ’ ἑτέρωσε ### book 4.1580.3 κλινομένης χέρσοιο, τότε πλόος ὔμμιν ἀπήμων ### book 4.1580.4 ἀγκῶνος τετάνυσται ἄπο προύχοντος ἰοῦσιν. ### book 4.1580.5 ἀλλ’ ἴτε γηθόσυνοι, καμάτοιο δὲ μή τις ἀνίη ### book 4.1585.1 γιγνέσθω, νεότητι κεκασμένα γυῖα μογῆσαι.” ### book 4.1585.2 Ἴσκεν ἐυφρονέων· οἱ δ’ αἶψ’ ἐπὶ νηὸς ἔβησαν, ### book 4.1585.3 λίμνης ἐκπρομολεῖν λελιημένοι εἰρεσίῃσιν, ### book 4.1585.4 καὶ δὴ ἐπιπρονέοντο μεμαότες· αὐτὰρ ὁ τείως ### book 4.1585.5 Τρίτων, ἀνθέμενος τρίποδα μέγαν, εἴσατο λίμνην ### book 4.1590.1 εἰσβαίνειν· μετὰ δ’ οὔ τις ἐσέδρακεν οἷον ἄφαντος ### book 4.1590.2 αὐτῷ σὺν τρίποδι σχεδὸν ἔπλετο. τοῖσι δ’ ἰάνθη ### book 4.1590.3 θυμὸς ὃ δὴ μακάρων τις ἐναίσιμος ἀντεβόλησεν, ### book 4.1590.4 καί ῥά οἱ Αἰσονίδην μήλων ὅ τι φέρτατον ἄλλων ### book 4.1590.5 ἤνωγον ῥέξαι καὶ ἐπευφημῆσαι ἑλόντα. ### book 4.1595.1 αἶψα δ’ ὅγ’ ἐσσυμένως ἐκρίνατο, καί μιν ἀείρας ### book 4.1595.2 σφάξε κατὰ πρύμνης, ἐπὶ δ’ ἔννεπεν εὐχωλῇσιν· ### book 4.1 “Δαῖμον ὅτις λίμνης ἐπὶ πείρασι τῆσδε φαάνθης, ### book 4.2 εἴτε σέγε Τρίτων’, ἅλιον τέρας, εἴτε σε Φόρκυν ### book 4.3 ἢ Νηρῆα θύγατρες ἐπικλείους’ ἁλοσύδναι, ### book 4.1 ἵλαθι καὶ νόστοιο τέλος θυμηδὲς ὄπαζε.” ### book 4.2 Ἦ ῥ’, ἅμα δ’ εὐχωλῇσιν ἐς ὕδατα λαιμοτομήσας ### book 4.3 ἧκε κατὰ πρύμνης. ὁ δὲ βένθεος ἐξεφαάνθη ### book 4.4 τοῖος ἐὼν οἷός περ ἐτήτυμος ἦεν ἰδέσθαι· ### book 4.5 ὡς δ’ ὅτ’ ἀνὴρ θοὸν ἵππον ἐς εὐρέα κύκλον ἀγῶνος ### book 4.1605.1 στέλλῃ ὀρεξάμενος λασίης εὐπειθέα χαίτης, ### book 4.1605.2 εἶθαρ ἐπιτροχάων, ὁ δ’ ἐπ’ αὐχένι γαῦρος ἀερθείς ### book 4.1605.3 ἕσπεται, ἀργινόεντα δ’ ἐπὶ στομάτεσσι χαλινά ### book 4.1605.4 ἀμφὶς ὀδακτάζοντι παραβλήδην κροτέονται— ### book 4.1605.5 ὧς ὅγ’ ἐπισχόμενος γλαφυρῆς ὁλκήιον Ἀργοῦς ### book 4.1610.1 ἦγ’ ἅλαδε προτέρωσε. δέμας δέ οἱ ἐξ ὑπάτοιο ### book 4.1610.2 κράατος ἀμφί τε νῶτα καὶ ἰξύας ἔστ’ ἐπὶ νηδύν ### book 4.1610.3 ἀντικρὺ μακάρεσσι φυὴν ἔκπαγλον ἔικτο, ### book 4.1610.4 αὐτὰρ ὑπαὶ λαγόνων δίκραιρά οἱ ἔνθα καὶ ἔνθα ### book 4.1610.5 κήτεος ὁλκαίη μηκύνετο· κόπτε δ’ ἀκάνθαις ### book 4.1615.1 ἄκρον ὕδωρ, αἵ τε σκολιοῖς ἐπὶ νειόθι κέντροις ### book 4.1615.2 μήνης ὡς κεράεσσιν ἐειδόμεναι διχόωντο· ### book 4.1615.3 τόφρα δ’ ἄγεν, τείως μιν ἐπιπροέηκε θαλάσσῃ ### book 4.1615.4 νισσομένην, δῦ δ’ αἶψα μέσον βυθόν· οἱ δ’ ὁμάδησαν ### book 4.1615.5 ἥρωες, τέρας αἰνὸν ἐν ὀφθαλμοῖσιν ἰδόντες. ### book 4.1620 Ἔνθα μὲν Ἀργῷός τε λιμὴν καὶ σήματα νηός ### book 4.1 ἠδὲ Ποσειδάωνος ἰδὲ Τρίτωνος ἔασιν ### book 4.2 βωμοί, ἐπεὶ κεῖν’ ἦμαρ ἐπέσχεθον· αὐτὰρ ἐς ἠῶ ### book 4.3 λαίφεσι πεπταμένοις, αὐτὴν ἐπὶ δεξί’ ἔχοντες ### book 4.4 γαῖαν ἐρημαίην, πνοιῇ ζεφύροιο θέεσκον. ### book 4.1625.1 ἦρι δ’ ἔπειτ’ ἀγκῶνά θ’ ὁμοῦ μυχάτην τε θάλασσαν ### book 4.1625.2 κεκλιμένην ἀγκῶνος ὕπερ προύχοντος ἴδοντο. ### book 4.1625.3 αὐτίκα δὲ ζέφυρος μὲν ἐλώφεεν, ἤλυθε δ’ αὔρη ### book 4.1625.4 πρυμνήταο νότου, χήραντο δὲ θυμὸν ἰωῇ. ### book 4.1625.5 ἦμος δ’ ἠέλιος μὲν ἔδυ, ἀνὰ δ’ ἤλυθεν ἀστήρ ### book 4.1630.1 αὔλιος, ὅς τ’ ἀνέπαυσεν ὀιζυροὺς ἀροτῆρας, ### book 4.1630.2 δὴ τότ’ ἔπειτ’, ἀνέμοιο κελαινῇ νυκτὶ λιπόντος, ### book 4.1630.3 ἱστία λυσάμενοι περιμήκεά τε κλίναντες ### book 4.1630.4 ἱστόν, ἐυξέστῃσιν ἐπερρώοντ’ ἐλάτῃσιν ### book 4.1630.5 παννύχιοι καὶ ἐπ’ ἦμαρ, ἐπ’ ἤματι δ’ αὖτις ἰοῦσαν ### book 4.1635.1 νύχθ’ ἑτέρην· ὑπέδεκτο δ’ ἀπόπροθι παιπαλόεσσα ### book 4.1635.2 Κάρπαθος. ἔνθεν δ’ οἵγε περαιώσεσθαι ἔμελλον ### book 4.1635.3 Κρήτην, ἥ τ’ ἄλλων †ὑπερέπλετο εἰν ἁλὶ νήσων· ### book 4.1635.4 τοὺς δὲ Τάλως χάλκειος, ἀπὸ στιβαροῦ σκοπέλοιο ### book 4.1635.5 ῥηγνύμενος πέτρας, εἶργε χθονὶ πείσματ’ ἀνάψαι ### book 4.1640.1 Δικταίην ὅρμοιο κατερχομένους ἐπιωγήν. ### book 4.1640.2 τὸν μέν, χαλκείης μελιηγενέων ἀνθρώπων ### book 4.1640.3 ῥίζης λοιπὸν ἐόντα μετ’ ἀνδράσιν ἡμιθέοισιν, ### book 4.1640.4 Εὐρώπῃ Κρονίδης νήσου πόρεν ἔμμεναι οὖρον, ### book 4.1640.5 τρὶς περὶ χαλκείοις Κρήτην ποσὶ δινεύοντα· ### book 4.1645.1 ἀλλ’ ἤτοι τὸ μὲν ἄλλο δέμας καὶ γυῖα τέτυκτο ### book 4.1645.2 χάλκεος ἠδ’ ἄρρηκτος, ὑπαὶ δέ οἱ ἔσκε τένοντος ### book 4.1 σύριγξ αἱματόεσσα κατὰ σφυρόν· ἀμφ’ ἄρα τήνγε ### book 4.2 λεπτὸς ὑμὴν ζωῆς ἔχε πείρατα καὶ θανάτοιο. ### book 4.3 οἱ δέ, δύῃ μάλα περ δεδμημένοι, αἶψ’ ἀπὸ χέρσου ### book 4.1 νῆα περιδδείσαντες ἀνακρούεσκον ἐρετμοῖς. ### book 4.2 καί νύ κ’ ἐπισμυγερῶς Κρήτης ἑκὰς ἠέρθησαν ### book 4.3 ἀμφότερον δίψῃ τε καὶ ἄλγεσι μοχθίζοντες, ### book 4.4 εἰ μή σφιν Μήδεια λιαζομένοις ἀγόρευσεν· ### book 4.5 “Κέκλυτέ μευ, μούνη γὰρ ὀίομαι ὔμμι δαμάσσειν ### book 4.1655.1 ἄνδρα τὸν ὅστις ὅδ’ ἐστί, καὶ εἰ παγχάλκεον ἴσχει ### book 4.1655.2 ὃν δέμας, ὁππότε μή οἱ ἐπ’ ἀκάματος πέλοι αἰών. ### book 4.1655.3 ἀλλ’ ἔχετ’ αὐτοῦ νῆα θελήμονες ἐκτὸς ἐρωῆς ### book 4.1655.4 πετράων, εἵως κεν ἐμοὶ εἴξειε δαμῆναι.” ### book 4.1655.5 Ὧς ἄρ’ ἔφη· καὶ τοὶ μὲν ὑπὲκ βελέων ἐρύοντο ### book 4.1660.1 νῆ’ ἐπ’ ἐρετμοῖσιν, δεδοκημένοι ἥντινα ῥέξει ### book 4.1660.2 μῆτιν ἀνωίστως· ἡ δὲ πτύχα πορφυρέοιο ### book 4.1660.3 προσχομένη πέπλοιο παρειάων ἑκάτερθεν ### book 4.1660.4 βήσατ’ ἐπ’ ἰκριόφιν, χειρὸς δέ ἑ χειρὶ μεμαρπώς ### book 4.1660.5 Αἰσονίδης ἐκόμιζε διὰ κληῖδας ἰοῦσαν. ### book 4.1665.1 ἔνθα δ’ ἀοιδῇσιν μειλίσσετο θέλγε τε Κῆρας ### book 4.1665.2 θυμοβόρους, Ἀίδαο θοὰς κύνας, αἳ †περὶ πᾶσαν† ### book 4.1665.3 †ἠέρα δινεύουσαι ἐπὶ ζωοῖσιν †ἄγονται. ### book 4.1665.4 τὰς γουναζομένη τρὶς μὲν παρακέκλετ’ ἀοιδαῖς, ### book 4.1665.5 τρὶς δὲ λιταῖς· θεμένη δὲ κακὸν νόον, ἐχθοδοποῖσιν ### book 4.1670 ὄμμασι χαλκείοιο Τάλω ἐμέγηρεν ὀπωπάς· ### book 4.1 λευγαλέον δ’ ἐπὶ οἷ πρῖεν χόλον, ἐκ δ’ ἀίδηλα ### book 4.2 δείκηλα προΐαλλεν, ἐπιζάφελον κοτέουσα. ### book 4.3 Ζεῦ πάτερ, ἦ μέγα δή μοι ἐνὶ φρεσὶ θάμβος ἄηται, ### book 4.4 εἰ δὴ μὴ νούσοισι τυπῇσί τε μοῦνον ὄλεθρος ### book 4.1675.1 ἀντιάει, καὶ δή τις ἀπόπροθεν ἄμμε χαλέπτει, ### book 4.1675.2 ὡς ὅγε, χάλκειός περ ἐών, ὑπόειξε δαμῆναι ### book 4.1675.3 Μηδείης βρίμῃ πολυφαρμάκου· ἂν δὲ βαρείας ### book 4.1675.4 ὀχλίζων λάιγγας ἐρυκέμεν ὅρμον ἱκέσθαι, ### book 4.1675.5 πετραίῳ στόνυχι χρίμψε σφυρόν, ἐκ δέ οἱ ἰχώρ ### book 4.1680.1 τηκομένῳ ἴκελος μολίβῳ ῥέεν. οὐδ’ ἔτι δηρόν ### book 4.1680.2 εἱστήκει προβλῆτος ἐπεμβεβαὼς σκοπέλοιο· ### book 4.1680.3 ἀλλ’ ὥς τίς τ’ ἐν ὄρεσσι πελωρίη ὑψόθι πεύκη, ### book 4.1680.4 τήν τε θοοῖς πελέκεσσιν ἔθ’ ἡμιπλῆγα λιπόντες ### book 4.1680.5 ὑλοτόμοι δρυμοῖο κατήλυθον, ἡ δ’ ὑπὸ νυκτί ### book 4.1685.1 ῥιπῇσιν μὲν πρῶτα τινάσσεται, ὕστερον αὖτε ### book 4.1685.2 πρυμνόθεν ἐξαγεῖσα κατήριπεν—ὧς ὅγε ποσσίν ### book 4.1685.3 ἀκαμάτοις τείως μὲν ἐπισταδὸν ᾐωρεῖτο, ### book 4.1685.4 ὕστερον αὖτ’ ἀμενηνὸς ἀπείρονι κάππεσε δούπῳ. ### book 4.1685.5 Κεῖνο μὲν οὖν Κρήτῃ ἐνὶ δὴ κνέφας ηὐλίζοντο ### book 4.1690.1 ἥρωες· μετὰ δ’ οἵγε νέον φαέθουσαν ἐς ἠῶ ### book 4.1690.2 ἱρὸν Ἀθηναίης Μινωίδος ἱδρύσαντο, ### book 4.1690.3 ὕδωρ τ’ εἰσαφύσαντο, καὶ εἰσέβαν, ὥς κεν ἐρετμοῖς ### book 4.1 παμπρώτιστα βάλοιεν ὑπὲρ Σαλμωνίδος ἄκρης. ### book 4.2 αὐτίκα δὲ Κρηταῖον ὑπὲρ μέγα λαῖτμα θέοντας ### book 4.1695.1 νὺξ ἐφόβει τήνπερ τε κατουλάδα κικλήσκουσιν ### book 4.1695.2 νύκτ’ ὀλοήν· οὐκ ἄστρα διίσχανεν, οὐκ ἀμαρυγαί ### book 4.1695.3 μήνης, οὐρανόθεν δὲ μέλαν χάος, ἠδέ τις ἄλλη ### book 4.1695.4 ὠρώρει σκοτίη μυχάτων ἀνιοῦσα βερέθρων· ### book 4.1695.5 αὐτοὶ δ’ εἴτ’ Ἀίδῃ εἴθ’ ὕδασιν ἐμφορέοντο ### book 4.1 ἠείδειν οὐδ’ ὅσσον, ἐπέτρεψαν δὲ θαλάσσῃ ### book 4.2 νόστον, ἀμηχανέοντες ὅπῃ φέροι. αὐτὰρ Ἰήσων ### book 4.3 χεῖρας ἀνασχόμενος μεγάλῃ ὀπὶ Φοῖβον ἀύτει, ### book 4.4 ῥύσασθαι καλέων, κατὰ δ’ ἔρρεεν ἀσχαλόωντι ### book 4.5 δάκρυα· πολλὰ δὲ Πυθοῖ ὑπέσχετο, πολλὰ δ’ Ἀμύκλαις, ### book 4.1705.1 πολλὰ δ’ ἐς Ὀρτυγίην ἀπερείσια δῶρα κομίσσειν. ### book 4.1705.2 Λητοΐδη, τύνη δὲ κατ’ οὐρανοῦ ἵκεο πέτρας ### book 4.1705.3 ῥίμφα Μελαντείους ἀριήκοος, αἵ τ’ ἐνὶ πόντῳ ### book 4.1705.4 ἧνται· δοιάων δὲ μιῆς ἐφύπερθεν ὀρούσας, ### book 4.1705.5 δεξιτερῇ χρύσειον ἀνέσχεθες ὑψόθι τόξον, ### book 4.1710.1 μαρμαρέην δ’ ἀπέλαμψε βιὸς πέρι πάντοθεν αἴγλην· ### book 4.1710.2 τοῖσι δέ τις Σποράδων βαιὴ ἀνὰ τόφρ’ ἐφαάνθη ### book 4.1710.3 νῆσος ἰδεῖν, ὀλίγης Ἱππουρίδος ἀγχόθι νήσου· ### book 4.1710.4 ἔνθ’ εὐνὰς ἐβάλοντο καὶ ἔσχεθον. αὐτίκα δ’ ἠώς ### book 4.1710.5 φέγγεν ἀνερχομένη, τοὶ δ’ ἀγλαὸν Ἀπόλλωνι ### book 4.1715.1 ἄλσει ἐνὶ σκιερῷ τέμενος σκιόεντά τε βωμόν ### book 4.1715.2 ποίεον, Αἰγλήτην μὲν ἐυσκόπου εἵνεκεν αἴγλης ### book 4.1715.3 Φοῖβον κεκλόμενοι, Ἀνάφην δέ τε λισσάδα νῆσον ### book 4.1715.4 ἴσκον, ὃ δὴ Φοῖβός μιν ἀτυζομένοις ἀνέφηνεν. ### book 4.1715.5 ῥέζον δ’ οἷά κεν ἄνδρες ἐρημαίῃ ἐνὶ ῥέζειν ### book 4.1720.1 ἀκτῇ ἐφοπλίσσειαν· ὃ δή σφεας ὁππότε δαλοῖς ### book 4.1720.2 ὕδωρ αἰθομένοισιν ἐπιλλείβοντας ἴδοντο ### book 4.1720.3 Μηδείης δμωαὶ Φαιηκίδες, οὐκέτ’ ἔπειτα ### book 4.1720.4 ἰσχέμεν ἐν στήθεσσι γέλω σθένον, οἷα θαμειάς ### book 4.1720.5 αἰὲν ἐν Ἀλκινόοιο βοοκτασίας ὁρόωσαι· ### book 4.1725.1 τὰς δ’ αἰσχροῖς ἥρωες ἐπιστοβέεσκον ἔπεσσιν ### book 4.1725.2 χλεύῃ γηθόσυνοι· γλυκερὴ δ’ ἀνεδαίετο μέσσῳ ### book 4.1725.3 κερτομίη καὶ νεῖκος ἐπεσβόλον. ἐκ δέ νυ κείνης ### book 4.1725.4 μολπῆς ἡρώων νήσῳ ἔνι τοῖα γυναῖκες ### book 4.1725.5 ἀνδράσι δηριόωνται, ὅτ’ Ἀπόλλωνα θυηλαῖς ### book 4.1730.1 Αἰγλήτην Ἀνάφης τιμήορον ἱλάσκωνται. ### book 4.1730.2 Ἀλλ’ ὅτε δὴ καὶ κεῖθεν ὑπεύδια πείσματ’ ἔλυσαν, ### book 4.1730.3 μνήσατ’ ἔπειτ’ Εὔφημος ὀνείρατος ἐννυχίοιο, ### book 4.1730.4 ἁζόμενος Μαίης υἷα κλυτόν. εἴσατο γάρ οἱ ### book 4.1730.5 δαιμονίη βῶλαξ ἐπιμάστιος ᾧ ἐν ἀγοστῷ ### book 4.1735.1 ἄρδεσθαι λευκῇσιν ὑπαὶ λιβάδεσσι γάλακτος, ### book 4.1735.2 ἐκ δὲ γυνὴ βώλοιο πέλειν ὀλίγης περ ἐούσης ### book 4.1735.3 παρθενικῇ ἰκέλη· μίχθη δέ οἱ ἐν φιλότητι ### book 4.1735.4 ἄσχετον ἱμερθείς· ὀλοφύρατο δ’ ἠύτε κούρην ### book 4 ζευξάμενος, τὴν αὐτὸς ἑῷ ἀτίταλλε γάλακτι· ### book 4.1740.1 ἡ δέ ἑ μειλιχίοισι παρηγορέεσκεν ἔπεσσιν· ### book 4.1740.2 “Τρίτωνος γένος εἰμί, τεῶν τροφὸς ὦ φίλε παίδων, ### book 4.1740.3 οὐ κούρη, Τρίτων γὰρ ἐμοὶ Λιβύη τε τοκῆες. ### book 4.1740.4 ἀλλά με Νηρῆος παρακάτθεο παρθενικῇσιν ### book 4.1740.5 ἂμ πέλαγος ναίειν Ἀνάφης σχεδόν· εἶμι δ’ ἐς αὐγάς ### book 4.1745.1 ἠελίου μετόπισθε τεοῖς νεπόδεσσιν ἑτοίμη.” ### book 4.1745.2 Τῶν ἄρ’ ἐπὶ μνῆστιν κραδίη βάλεν, ἔκ τ’ ὀνόμηνεν ### book 4.1745.3 Αἰσονίδῃ· ὁ δ’ ἔπειτα, θεοπροπίας Ἑκάτοιο ### book 4.1745.4 θυμῷ πεμπάζων, ἀνενείκατο φώνησέν τε· ### book 4.1745.5 “Ὦ πέπον, ἦ μέγα δή σε καὶ ἀγλαὸν ἔμμορε κῦδος. ### book 4.1 βώλακα γὰρ τεύξουσι θεοὶ πόντονδε βαλόντι ### book 4.2 νῆσον, ἵν’ ὁπλότεροι παίδων σέθεν ἐννάσσονται ### book 4.3 παῖδες, ἐπεὶ Τρίτων ξεινήιον ἐγγυάλιξεν ### book 4.4 τήνδε τοι ἠπείροιο Λιβυστίδος· οὔ νύ τις ἄλλος ### book 4.5 ἀθανάτων ἢ κεῖνος, ὅ μιν πόρεν ἀντιβολήσας.” ### book 4.1755.1 Ὧς ἔφατ’· οὐδ’ ἁλίωσεν ὑπόκρισιν Αἰσονίδαο ### book 4.1755.2 Εὔφημος, βῶλον δὲ θεοπροπίῃσιν ἰανθείς ### book 4.1755.3 ἧκεν ὑποβρυχίην. τῆς δ’ ἔκτοθι νῆσος ἀέρθη ### book 4.1755.4 Καλλίστη, παίδων ἱερὴ τροφὸς Εὐφήμοιο· ### book 4.1755.5 οἳ πρὶν μέν ποτε δὴ Σιντηίδα Λῆμνον ἔναιον, ### book 4.1760.1 Λήμνου τ’ ἐξελαθέντες ὑπ’ ἀνδράσι Τυρσηνοῖσιν ### book 4.1760.2 Σπάρτην εἰσαφίκανον ἐφέστιοι· ἐκ δὲ λιπόντας ### book 4.1760.3 Σπάρτην Αὐτεσίωνος ἐὺς πάις ἤγαγε Θήρας ### book 4.1760.4 Καλλίστην ἐπὶ νῆσον, ἀμείψατο δ’ οὔνομα Θήρα ### book 4 ἐκ σέθεν. ἀλλὰ τὰ μὲν μετόπιν γένετ’ Εὐφήμοιο· ### book 4.1765.1 κεῖθεν δ’ ἀπτερέως διὰ μυρίον οἶδμα ταμόντες ### book 4.1765.2 Αἰγίνης ἀκτῇσιν ἐπέσχεθον. αἶψα δὲ τοίγε ### book 4.1765.3 ὑδρείης πέρι δῆριν ἀμεμφέα δηρίσαντο, ### book 4.1765.4 ὅς κεν ἀφυσσάμενος φθαίη μετὰ νῆάδ’ ἱκέσθαι· ### book 4.1765.5 ἄμφω γὰρ χρειώ τε καὶ ἄσπετος οὖρος ἔπειγεν. ### book 4.1770.1 ἔνθ’ ἔτι νῦν, πλήθοντας ἐπωμαδὸν ἀμφιφορῆας ### book 4.1770.2 ἀνθέμενοι, κούφοισιν ἄφαρ κατ’ ἀγῶνα πόδεσσιν ### book 4.1770.3 κοῦροι Μυρμιδόνων νίκης πέρι δηριόωνται. ### book 4.1770.4 Ἵλατ’ ἀριστῆες, μακάρων γένος, αἵδε δ’ ἀοιδαί ### book 4.1770.5 εἰς ἔτος ἐξ ἔτεος γλυκερώτεραι εἶεν ἀείδειν ### book 4.1775.1 ἀνθρώποις· ἤδη γὰρ ἐπὶ κλυτὰ πείραθ’ ἱκάνω ### book 4.1775.2 ὑμετέρων καμάτων, ἐπεὶ οὔ νύ τις ὔμμιν ἄεθλος ### book 4.1775.3 αὖτις ἀπ’ Αἰγίνηθεν ἀνερχομένοισιν ἐτύχθη, ### book 4.1775.4 οὐδ’ ἀνέμων ἐριωλαὶ ἐνέσταθεν, ἀλλὰ ἕκηλοι ### book 4.1775.5 γαῖαν Κεκροπίην παρά τ’ Αὐλίδα μετρήσαντες ### book 4.1780 Εὐβοίης ἔντοσθεν Ὀπούντιά τ’ ἄστεα Λοκρῶν, ### book 4 ἀσπασίως ἀκτὰς Παγασηίδας εἰσαπέβητε. ## License and provenance This text is licensed CC0 1.0 Universal. The canonical record is the JSON at https://eulogikon.org/data/works/grc/apollonius-of-rhodes-argonautica-jfq-aa.json (sha256:6a4746c978b42c462037e3083672a06e310f00709be0a1b6d06e5e40d5103fad). Cite as `eul_wid: jfq-aa`.