---
title: Libation Bearers
title_greek: Χοηφόροι
author: Aeschylus the Tragedian
eul_wid: emo-ab
eul_aid: emo
canonical: "https://eulogikon.org/grc/aeschylus/libation-bearers"
canonical_json: "https://eulogikon.org/data/works/grc/aeschylus-libation-bearers-emo-ab.json"
sha256: d5fb23a97f8c977badcc6a8a7e369734679a999036724fa19b2b96b6744d8d47
period: Classical
dialect: Attic Drama
domain: Drama
format: Verse
license: CC0-1.0
---

# Libation Bearers

*Χοηφόροι*

**Author:** Aeschylus the Tragedian

**eul_wid:** `emo-ab` · [HTML page](https://eulogikon.org/grc/aeschylus/libation-bearers) · [Canonical JSON](https://eulogikon.org/data/works/grc/aeschylus-libation-bearers-emo-ab.json)

## Text

### 1

ΟΡΕΣΤΗΣ

### 1.1

Ἑρμῆ χθόνιε, πατρῷ’ ἐποπτεύων κράτη,

### 1.2

σωτὴρ γενοῦ μοι ξύμμαχός τ’ αἰτουμένῳ·

### 1.3

ἥκω γὰρ ἐς γῆν τήνδε καὶ κατέρχομαι.

### 3.1

. . . . . . .

### 3.2

τύμβου δ’ ἐπ’ ὄχθῳ τῷδε κηρύσσω πατρὶ

### 5

κλύειν, ἀκοῦσαι. . . . .

### 5.1

. . . . . . .

### 5.2

. . . πλόκαμον Ἰνάχῳ θρεπτήριον.

### 5.3

τὸν δεύτερον δὲ τόνδε πενθητήριον

### 7.1

. . . . . . .

### 7.2

οὐ γὰρ παρὼν ᾤμωξα σόν, πάτερ, μόρον

### 7.3

οὐδ’ ἐξέτεινα χεῖρ’ ἐπ’ ἐκφορᾷ νεκροῦ.

### 9

. . . . . . .

### 10.1

τί χρῆμα λεύσσω; τίς ποθ’ ἥδ’ ὁμήγυρις

### 10.2

στείχει γυναικῶν φάρεσιν μελαγχίμοις

### 10.3

πρέπουσα; ποίᾳ ξυμφορᾷ προσεικάσω;

### 10.4

πότερα δόμοισι πῆμα προσκυρεῖ νέον;

### 10.5

ἢ πατρὶ τὠμῷ τάσδ’ ἐπεικάσας τύχω

### 15.1

χοὰς φερούσας νερτέροις μειλίγματα;

### 15.2

οὐδέν ποτ’ ἄλλο· καὶ γὰρ Ἠλέκτραν δοκῶ

### 15.3

στείχειν ἀδελφὴν τὴν ἐμὴν πένθει λυγρῷ

### 15.4

πρέπουσαν. ὦ Ζεῦ, δός με τείσασθαι μόρον

### 15.5

πατρός, γενοῦ δὲ σύμμαχος θέλων ἐμοί.

### 20.1

Πυλάδη, σταθῶμεν ἐκποδών, ὡς ἂν σαφῶς μάθω γυναικῶν ἥτις ἥδε προστροπή.

### 20.2

ΧΟΡΟΣ

### 22.1

ἰαλτὸς ἐκ δόμων ἔβαν[στρ. α.

### 22.2

χοᾶν προπομπὸς ὀξύχειρι σὺν κόπῳ.

### 22.3

πρέπει παρῂς φοίνισς’ ἀμυγμοῖς

### 25.1

ὄνυχος ἄλοκι νεοτόμῳ,

### 25.2

δι’ αἰῶνος δ’ ἰυγμοῖσι βόσκεται κέαρ.

### 25.3

λινοφθόροι δ’ ὑφασμάτων

### 25.4

λακίδες ἔφλαδον ὑπ’ ἄλγεσιν,

### 30.1

πρόστερνοι στολμοὶ πέπλων ἀγελάστοις

### 30.2

ξυμφοραῖς πεπληγμένων.

### 31.1

τορὸς γὰρ [Φοῖβος] ὀρθόθριξ δόμων[ἀντ. α.

### 31.2

ὀνειρόμαντις, ἐξ ὕπνου κότον πνέων,

### 31.3

ἀωρόνυκτον ἀμβόαμα

### 35.1

μυχόθεν ἔλακε περὶ φόβῳ,

### 35.2

γυναικείοισιν ἐν δώμασιν βαρὺς πίτνων,

### 35.3

κριταί 〈τε〉 τῶνδ’ ὀνειράτων

### 39

θεόθεν ἔλακον ὑπέγγυοι

### 40.1

μέμφεσθαι τοὺς γᾶς νέρθεν περιθύμως

### 40.2

τοῖς κτανοῦσί τ’ ἐγκοτεῖν.

### 41.1

τοιάνδε χάριν ἀχάριτον ἀπότροπον κακῶν,[στρ. β.

### 41.2

ἰὼ γαῖα μαῖα,

### 45.1

μωμένα μ’ ἰάλλει

### 45.2

δύσθεος γυνά. φοβοῦ‐ μαι δ’ ἔπος τόδ’ ἐκβαλεῖν.

### 45.3

τί γὰρ λύτρον πεσόντος αἵματος πέδοι;

### 45.4

ἰὼ πάνοιζυς ἑστία,

### unit_20.1

ἰὼ κατασκαφαὶ δόμων.

### unit_20.2

ἀνήλιοι βροτοστυγεῖς

### unit_20.3

δνόφοι καλύπτουσι δόμους

### 54

δεσποτᾶν θανάτοισι.

### 55.1

σέβας δ’ ἄμαχον ἀδάματον ἀπόλεμον τὸ πρὶν[ἀντ. β.

### 55.2

δι’ ὤτων φρενός τε

### 55.3

δαμίας περαῖνον

### 55.4

νῦν ἀφίσταται. φοβεῖ‐

### 55.5

ται δέ τις. τὸ δ’ εὐτυχεῖν,

### 60.1

τόδ’ ἐν βροτοῖς θεός τε καὶ θεοῦ πλέον.

### 60.2

ῥοπὴ δ’ ἐπισκοτεῖ δίκας

### 60.3

ταχεῖα τοῖς μὲν ἐν φάει,

### 60.4

τὰ δ’ ἐν μεταιχμίῳ σκότου

### 60.5

† μένει χρονίζοντ’ ἄχη βρύει †

### 65

τοὺς δ’ ἄκραντος ἔχει νύξ.

### 65.1

δι’ αἵματ’ ἐκποθένθ’ ὑπὸ χθονὸς τροφοῦ[στρ. γ.

### 65.2

τίτας φόνος πέπηγεν οὐ διαρρύδαν.

### 65.3

διαλγὴς ἄτη διαφέρει

### 65.4

τὸν αἴτιον παναρκέτας νόσου βρύειν

### 70.1

[τοὺς δ’ ἄκραντος ἔχει νύξ].

### 70.2

θιγόντι δ’ οὔτι νυμφικῶν ἑδωλίων[ἀντ. γ.

### 70.3

ἄκος, πόροι τε πάντες ἐκ μιᾶς ὁδοῦ

### 70.4

† βαίνοντες τὸν χερομυσῆ

### 70.5

φόνον καθαίροντες ἴθυσαν μάταν.

### 75.1

ἐμοὶ δ’ (ἀνάγκαν γὰρ ἀμφίπτολιν[ἐπῳδ.

### 75.2

θεοὶ προσήνεγκαν· ἐκ γὰρ οἴκων

### 75.3

πατρῴων δούλιόν 〈μ’〉 ἐσάγαγον

### 75.4

αἶσαν) δίκαια καὶ μὴ δίκαια,

### 75.5

† πρέποντ’ ἀρχὰς βίου,

### 80.1

βίᾳ φερομένων, † αἰνέσαι, πικρὸν φρενῶν

### 80.2

στύγος κρατούσῃ. δακρύω δ’ ὑφ’ εἱμάτων ματαί‐

### 80.3

οισι δεσποτᾶν τύχαις,

### 80.4

κρυφαίοις πένθεσιν παχνουμένη.

### 83

ΗΛΕΚΤΡΑ

### 84

δμῳαὶ γυναῖκες, δωμάτων εὐθήμονες,

### 85.1

ἐπεὶ πάρεστε τῆσδε προστροπῆς ἐμοὶ

### 85.2

πομποί, γένεσθε τῶνδε σύμβουλοι πέρι·

### 85.3

τί φῶ χέουσα τάσδε κηδείους χοάς;

### 85.4

πῶς εὔφρον’ εἴπω, πῶς κατεύξωμαι πατρί;

### 85.5

πότερα λέγουσα παρὰ φίλης φίλῳ φέρειν

### 90.1

γυναικὸς ἀνδρί, τῆς ἐμῆς μητρὸς πάρα;

### 90.2

τῶνδ’ οὐ πάρεστι θάρσος, οὐδ’ ἔχω τί φῶ

### 90.3

χέουσα τόνδε πέλανον ἐν τύμβῳ πατρός.

### unit_33.1

ἢ τοῦτο φάσκω τοὔπος, ὡς νόμος βροτοῖς,

### unit_33.2

ἴς’ ἀντιδοῦναι τοῖσι πέμπουσιν τάδε

### 95.1

στέφη, δόσιν γε τῶν κακῶν ἐπαξίαν;

### 95.2

ἢ σῖγ’ ἀτίμως, ὥσπερ οὖν ἀπώλετο

### 95.3

πατήρ, τάδ’ ἐκχέασα, γάποτον χύσιν,

### 95.4

στείχω, καθάρμαθ’ ὥς τις ἐκπέμψας, πάλιν

### 95.5

δικοῦσα τεῦχος ἀστρόφοισιν ὄμμασιν;

### unit_35.1

τῆσδ’ ἔστε βουλῆς, ὦ φίλαι, μεταίτιαι·

### unit_35.2

κοινὸν γὰρ ἔχθος ἐν δόμοις νομίζομεν.

### unit_35.3

μὴ κεύθετ’ ἔνδον καρδίας φόβῳ τινός.

### unit_35.4

τὸ μόρσιμον γὰρ τόν τ’ ἐλεύθερον μένει

### unit_35.5

καὶ τὸν πρὸς ἄλλης δεσποτούμενον χερός.

### 105.1

λέγοις ἄν, εἴ τι τῶνδ’ ἔχεις ὑπέρτερον.

### 105.2

Χο.αἰδουμένη σοι βωμὸν ὡς τύμβον πατρὸς

### 105.3

λέξω, κελεύεις γάρ, τὸν ἐκ φρενὸς λόγον.

### 105.4

Ηλ.λέγοις ἄν, ὥσπερ ᾐδέσω τάφον πατρός.

### 105.5

Χο.φθέγγου χέουσα σεμνά· τοῖσιν εὔφροσιν—

### 110.1

Ηλ.τίνας δὲ τούτους τῶν φίλων προσεννέπω;

### 110.2

Χο.πρῶτον μὲν αὑτὴν χὤστις Αἴγισθον στυγεῖ.

### 110.3

Ηλ.ἐμοί τε καὶ σοί τἄρ’ ἐπεύξομαι τάδε.

### 110.4

Χο.αὐτὴ σὺ ταῦτα μανθάνους’ ἤδη φράσαι.

### 110.5

Ηλ.τίν’ οὖν ἔτ’ ἄλλον τῇδε προστιθῶ στάσει;

### 115.1

Χο.μέμνης’ Ὀρέστου, κεἰ θυραῖός ἐσθ’ ὅμως.

### 115.2

Ηλ.εὖ τοῦτο, κἀφρένωσας οὐχ ἥκιστά με.

### 115.3

Χο.τοῖς αἰτίοις νυν τοῦ φόνου μεμνημένη—

### 115.4

Ηλ.τί φῶ; δίδασκ’ ἄπειρον ἐξηγουμένη.

### 115.5

Χο.ἐλθεῖν τιν’ αὐτοῖς δαίμον’ ἢ βροτῶν τινα—

### 120

Ηλ.πότερα δικαστὴν ἢ δικηφόρον λέγεις;

### unit_40.1

Χο.ἁπλωστὶ φράζους’, ὅστις ἀνταποκτενεῖ.

### unit_40.2

Ηλ.καὶ ταῦτά μοὐστὶν εὐσεβῆ θεῶν πάρα;

### unit_40.3

Χο.πῶς δ’ οὔ, τὸν ἐχθρὸν ἀνταμείβεσθαι κακοῖς;

### 165

Ηλ.κῆρυξ μέγιστε τῶν ἄνω τε καὶ κάτω,

### 124

〈ἄρηξον,〉 Ἑρμῆ χθόνιε, κηρύξας ἐμοὶ

### 125.1

τοὺς γῆς ἔνερθε δαίμονας κλύειν ἐμὰς

### 125.2

εὐχάς, πατρῴων δωμάτων ἐπισκόπους,

### 125.3

καὶ γαῖαν αὐτήν, ἣ τὰ πάντα τίκτεται

### 125.4

θρέψασά τ’ αὖθις τῶνδε κῦμα λαμβάνει·

### 125.5

κἀγὼ χέουσα τάσδε χέρνιβας νεκροῖς

### 130.1

λέγω καλοῦσα πατέρ’· Ἐποίκτιρόν τ’ ἐμέ,

### 130.2

φίλον τ’ Ὀρέστην φῶς ἄναψον ἐν δόμοις.

### 130.3

πεπραμένοι γὰρ νῦν γέ πως ἀλώμεθα

### 130.4

πρὸς τῆς τεκούσης, ἄνδρα δ’ ἀντηλλάξατο

### 130.5

Αἴγισθον, ὅσπερ σοῦ φόνου μεταίτιος.

### 135.1

κἀγὼ μὲν ἀντίδουλος· ἐκ δὲ χρημάτων

### 135.2

φεύγων Ὀρέστης ἐστίν, οἱ δ’ ὑπερκόπως

### 135.3

ἐν τοῖσι σοῖς πόνοισι χλίουσιν μέγα.

### 135.4

ἐλθεῖν δ’ Ὀρέστην δεῦρο σὺν τύχῃ τινὶ

### 135.5

κατεύχομαί σοι, καὶ σὺ κλῦθί μου, πάτερ·

### 140.1

αὐτῇ τέ μοι δὸς σωφρονεστέραν πολὺ

### 140.2

μητρὸς γενέσθαι χεῖρά τ’ εὐσεβεστέραν.

### 140.3

ἡμῖν μὲν εὐχὰς τάσδε, τοῖς δ’ ἐναντίοις

### 140.4

λέγω φανῆναί σου, πάτερ, τιμάορον,

### 140.5

καὶ τοὺς κτανόντας ἀντικατθανεῖν δίκῃ.

### 145.1

ταῦτ’ ἐν μέσῳ τίθημι τῆς κακῆς ἀρᾶς,

### 145.2

κείνοις λέγουσα τήνδε τὴν κακὴν ἀράν·

### 145.3

ἡμῖν δὲ πομπὸς ἴσθι τῶν ἐσθλῶν ἄνω,

### 145.4

σὺν θεοῖσι καὶ γῇ καὶ δίκῃ νικηφόρῳ.

### 145.5

τοιαῖσδ’ ἐπ’ εὐχαῖς τάσδ’ ἐπισπένδω χοάς.

### unit_48.1

ὑμᾶς δὲ κωκυτοῖς’ ἐπανθίζειν νόμος,

### unit_48.2

παιᾶνα τοῦ θανόντος ἐξαυδωμένας.

### 151.1

Χο.ἵετε δάκρυ καναχὲς ὀλόμενον

### 151.2

ὀλομένῳ δεσπότᾳ,

### 151.3

πρὸς ἔρυμα τόδε κεδνῶν κακῶν τ’

### 155.1

ἀπότροπον, ἄγος ἀπεύχετον,

### 155.2

κεχυμένων χοᾶν. κλύε δέ μοι, σέβας,

### 155.3

κλύ’, ὦ δέσποτ’, ἐξ ἀμαυρᾶς φρενός.

### 155.4

ὀτοτοτοτοτοτοῖ,

### 160.1

ἰώ, τίς δορυσθενὴς 〈εἶσ’〉 ἀνήρ,

### 160.2

ἀναλυτὴρ δόμων, Σκύθην τ’ ἐν χεροῖν

### 160.3

[παλίντον’ ἐν ἔργῳ βέλη] πιπάλλων Ἄρη

### 160.4

σχέδιά τ’ αὐτόκωπα νωμῶν βέλη;

### 163

Ηλ.ἔχει μὲν ἤδη γαπότους χοὰς πατήρ·

### 166.1

νέου δὲ μύθου τοῦδε κοινωνήσατε.

### 166.2

Χο.λέγοις ἄν· ὀρχεῖται δὲ καρδία φόβῳ·

### 166.3

Ηλ.ὁρῶ τομαῖον τόνδε βόστρυχον τάφῳ.

### 166.4

Χο.τίνος ποτ’ ἀνδρὸς ἢ βαθυζώνου κόρης;

### 170.1

Ηλ.εὐξύμβολον τόδ’ ἐστὶ παντὶ δοξάσαι.

### 170.2

Χο.πῶς οὖν παλαιὰ παρὰ νεωτέρας μάθω;

### 170.3

Ηλ.οὐκ ἔστιν ὅστις πλὴν ἐμοῦ κείραιτό νιν.

### 170.4

Χο.ἐχθροὶ γὰρ οἷς προσῆκε πενθῆσαι τριχί.

### 170.5

Ηλ.καὶ μὴν ὅδ’ ἐστὶ κάρτ’ ἰδεῖν ὁμόπτερος—

### 175.1

Χο.ποίαις ἐθείραις; τοῦτο γὰρ θέλω μαθεῖν.

### 175.2

Ηλ.αὐτοῖσιν ἡμῖν κάρτα προσφερὴς ἰδεῖν.

### 175.3

Χο.μῶν οὖν Ὀρέστου κρύβδα δῶρον ἦν τόδε;

### 175.4

Ηλ.μάλιστ’ ἐκείνου βοστρύχοις προσείδεται.

### 175.5

Χο.καὶ πῶς ἐκεῖνος δεῦρ’ ἐτόλμησεν μολεῖν;

### 180.1

Ηλ.ἔπεμψε χαίτην κουρίμην χάριν πατρός.

### 180.2

Χο.οὐχ ἧσσον εὐδάκρυτά μοι λέγεις τάδε,

### 180.3

εἰ τῆσδε χώρας μήποτε ψαύσει ποδί.

### 180.4

Ηλ.κἀμοὶ προσέστη καρδίᾳ κλυδώνιον

### 180.5

χολῆς, ἐπαίθην δ’ ὡς διανταίῳ βέλει·

### 185.1

ἐξ ὀμμάτων δὲ δίψιοι πίπτουσί μοι

### 185.2

σταγόνες ἄφαρκτοι δυσχίμου πλημυρίδος,

### 185.3

πλόκαμον ἰδούσῃ τόνδε· πῶς γὰρ ἐλπίσω

### 185.4

ἀστῶν τιν’ ἄλλον τῆσδε δεσπόζειν φόβης;

### 185.5

ἀλλ’ οὐδὲ μήν νιν ἡ κτανοῦς’ ἐκείρατο,

### 190.1

ἐμὴ δὲ μήτηρ, οὐδαμῶς ἐπώνυμον

### 190.2

φρόνημα παισὶ δύσθεον πεπαμένη.

### 190.3

ἐγὼ δ’ ὅπως μὲν ἄντικρυς τάδ’ αἰνέσω,

### 190.4

εἶναι τόδ’ ἀγλάισμά μοι τοῦ φιλτάτου

### 190.5

βροτῶν Ὀρέστου—σαίνομαι δ’ ὑπ’ ἐλπίδος.

### 195

φεῦ.

### 195.1

εἴθ’ εἶχε φωνὴν ἔμφρον’ ἀγγέλου δίκην,

### 195.2

ὅπως δίφροντις οὖσα μὴ ’κινυσσόμην,

### unit_61.1

ἀλλ’ ἢ σάφ’ ᾔνει τόνδ’ ἀποπτύσαι πλόκον,

### unit_61.2

εἴπερ γ’ ἀπ’ ἐχθροῦ κρατὸς ἦν τετμημένος,

### unit_61.3

ἢ ξυγγενὴς ὢν εἶχε συμπενθεῖν ἐμοί,

### unit_62.1

ἄγαλμα τύμβου τοῦδε καὶ τιμὴν πατρός.

### unit_62.2

ἀλλ’ εἰδότας μὲν τοὺς θεοὺς καλούμεθα,

### unit_62.3

οἵοισιν ἐν χειμῶσι ναυτίλων δίκην

### unit_62.4

στροβούμεθ’· εἰ δὲ χρὴ τυχεῖν σωτηρίας,

### unit_62.5

σμικροῦ γένοιτ’ ἂν σπέρματος μέγας πυθμήν.

### 205.1

καὶ μὴν στίβοι γε, δεύτερον τεκμήριον,

### 205.2

ποδῶν ὅμοιοι τοῖς τ’ ἐμοῖσιν ἐμφερεῖς.

### 205.3

καὶ γὰρ δύ’ ἐστὸν τώδε περιγραφὰ ποδοῖν,

### 205.4

αὐτοῦ τ’ ἐκείνου καὶ συνεμπόρου τινός.

### 205.5

πτέρναι τενόντων θ’ ὑπογραφαὶ μετρούμεναι

### 210.1

εἰς ταὐτὸ συμβαίνουσι τοῖς ἐμοῖς στίβοις.

### 210.2

πάρεστι δ’ ὠδὶς καὶ φρενῶν καταφθορά.

### 211

ΟΡΕΣΤΗΣ

### 212.1

εὔχου τὰ λοιπά, τοῖς θεοῖς τελεσφόρους

### 212.2

εὐχὰς ἐπαγγέλλουσα, τυγχάνειν καλῶς.

### 212.3

Ηλ.ἐπεὶ τί νῦν ἕκατι δαιμόνων κυρῶ;

### 215.1

Ορ.εἰς ὄψιν ἥκεις ὧνπερ ἐξηύχου πάλαι.

### 215.2

Ηλ.καὶ τίνα σύνοισθά μοι καλουμένῃ βροτῶν;

### 215.3

Ορ.σύνοιδ’ Ὀρέστην πολλά ς’ ἐκπαγλουμένην.

### 215.4

Ηλ.καὶ πρὸς τί δῆτα τυγχάνω κατευγμάτων;

### 215.5

Ορ.ὅδ’ εἰμί· μὴ μάτευ’ ἐμοῦ μᾶλλον φίλον.

### 220.1

Ηλ.ἀλλ’ ἦ δόλον τιν’, ὦ ξέν’, ἀμφί μοι πλέκεις;

### 220.2

Ορ.αὐτὸς κατ’ αὐτοῦ τἄρα μηχανορραφῶ.

### 220.3

Ηλ.ἀλλ’ ἐν κακοῖσι τοῖς ἐμοῖς γελᾶν θέλεις;

### unit_69.1

Ορ.κἀν τοῖς ἐμοῖς ἄρ’, εἴπερ ἔν γε τοῖσι σοῖς.

### unit_69.2

Ηλ.ὡς ὄντ’ Ὀρέστην τἄρ’ ἐγώ σε προὐννέπω;

### 225.1

Ορ.αὐτὸν μὲν οὖν ὁρῶσα δυσμαθεῖς ἐμέ·

### 225.2

κουρὰν δ’ ἰδοῦσα τήνδε κηδείου τριχὸς

### 225.3

ἰχνοσκοποῦσά τ’ ἐν στίβοισι τοῖς ἐμοῖς

### 225.4

ἀνεπτερώθης κἀδόκεις ὁρᾶν ἐμέ.

### 225.5

σκέψαι, τομῇ προσθεῖσα βόστρυχον τριχός,

### 230.1

σαυτῆς ἀδελφοῦ σύμμετρον τῷ σῷ κάρᾳ.

### 230.2

ἰδοῦ δ’ ὕφασμα τοῦτο, σῆς ἔργον χερός,

### 230.3

σπάθης τε πληγάς, ἒν δὲ θήρειον γραφήν—

### 230.4

ἔνδον γενοῦ, χαρᾷ δὲ μὴ ’κπλαγῇς φρένας·

### 230.5

τοὺς φιλτάτους γὰρ οἶδα νῷν ὄντας πικρούς.

### 235.1

Ηλ.ὦ φίλτατον μέλημα δώμασιν πατρός,

### 235.2

δακρυτὸς ἐλπὶς σπέρματος σωτηρίου,

### 235.3

ἀλκῇ πεποιθὼς δῶμ’ ἀνακτήσῃ πατρός.

### 235.4

ὦ τερπνὸν ὄμμα τέσσαρας μοίρας ἔχον

### 235.5

ἐμοί, προσαυδᾶν δ’ ἔστ’ ἀναγκαίως ἔχον

### 240.1

πατέρα σε, καὶ τὸ μητρὸς ἐς σέ μοι ῥέπει

### 240.2

στέργηθρον—ἡ δὲ πανδίκως ἐχθαίρεται—

### 240.3

καὶ τῆς τυθείσης νηλεῶς ὁμοσπόρου·

### 240.4

πιστὸς δ’ ἀδελφὸς ἦσθ’, ἐμοὶ σέβας φέρων

### 243.1

μόνος· . . . . . .

### 243.2

〈μόνον〉 Κράτος τε καὶ Δίκη σὺν τῷ τρίτῳ

### 245.1

πάντων μεγίστῳ Ζηνὶ συγγένοιτό μοι.

### 245.2

Ορ.Ζεῦ Ζεῦ, θεωρὸς τῶνδε πραγμάτων γενοῦ·

### 245.3

ἰδοῦ δὲ γένναν εὖνιν αἰετοῦ πατρός,

### unit_76.1

θανόντος ἐν πλεκταῖσι καὶ σπειράμασιν

### unit_76.2

δεινῆς ἐχίδνης. τοὺς δ’ ἀπωρφανισμένους

### unit_77.1

νῆστις πιέζει λιμός· οὐ γὰρ ἐντελεῖς

### unit_77.2

θήραν πατρῴαν προσφέρειν σκηνήμασιν.

### unit_77.3

οὕτω δὲ κἀμὲ τήνδε τ’, Ἠλέκτραν λέγω,

### unit_77.4

ἰδεῖν πάρεστί σοι, πατροστερῆ γόνον,

### unit_77.5

ἄμφω φυγὴν ἔχοντε τὴν αὐτὴν δόμων.

### 255.1

καίτοι θυτῆρος καί σε τιμῶντος μέγα

### 255.2

πατρὸς νεοσσοὺς τούσδ’ ἀποφθείρας πόθεν

### 255.3

ἕξεις ὁμοίας χειρὸς εὔθοινον γέρας;

### 255.4

οὔτ’ αἰετοῦ γένεθλ’ ἀποφθείρας, πάλιν

### 255.5

πέμπειν ἔχοις ἂν σήματ’ εὐπειθῆ βροτοῖς·

### 260.1

οὔτ’ ἀρχικός σοι πᾶς ὅδ’ αὐανθεὶς πυθμὴν

### 260.2

βωμοῖς ἀρήξει βουθύτοις ἐν ἤμασιν.

### 260.3

κόμιζ’, ἀπὸ σμικροῦ δ’ ἂν ἄρειας μέγαν

### 260.4

δόμον, δοκοῦντα κάρτα νῦν πεπτωκέναι.

### 260.5

Χο.ὦ παῖδες, ὦ σωτῆρες ἑστίας πατρός,

### 265.1

σιγᾶθ’, ὅπως μὴ πεύσεταί τις, ὦ τέκνα,

### 265.2

γλώσσης χάριν δὲ πάντ’ ἀπαγγελεῖ τάδε

### 265.3

πρὸς τοὺς κρατοῦντας· οὓς ἴδοιμ’ ἐγώ ποτε

### 265.4

θανόντας ἐν κηκῖδι πισσήρει φλογός.

### 265.5

Ορ.οὔτοι προδώσει Λοξίου μεγασθενὴς

### 270.1

χρησμὸς κελεύων τόνδε κίνδυνον περᾶν,

### 270.2

κἀξορθιάζων πολλὰ καὶ δυσχειμέρους

### 270.3

ἄτας ὑφ’ ἧπαρ θερμὸν ἐξαυδώμενος,

### 270.4

εἰ μὴ μέτειμι τοῦ πατρὸς τοὺς αἰτίους

### 270.5

τρόπον τὸν αὐτόν, ἀνταποκτεῖναι λέγων,

### 275.1

ἀποχρημάτοισι ζημίαις ταυρούμενον

### 275.2

αὐτὸν δ’ ἔφασκε τῇ φίλῃ ψυχῇ τάδε

### unit_83.1

τείσειν μ’ ἔχοντα πολλὰ δυστερπῆ κακά.

### unit_83.2

τὰ μὲν γὰρ ἐκ γῆς δυσφρόνων μηνίματα

### unit_83.3

βροτοῖς πιφαύσκων εἶπε τάσδε νῷν νόσους,

### 280.1

σαρκῶν ἐπαμβατῆρας ἀγρίαις γνάθοις,

### 280.2

λιχῆνας ἐξέσθοντας ἀρχαίαν φύσιν·

### 280.3

λευκὰς δὲ κόρσας τῇδ’ ἐπαντέλλειν νόσῳ·

### 280.4

ἄλλας τ’ ἐφώνει προσβολὰς Ἐρινύων

### 280.5

ἐκ τῶν πατρῴων αἱμάτων τελουμένας·

### 284

. . . . . . .

### 285.1

ὁρῶντα λαμπρόν, ἐν σκότῳ νωμῶντ’ ὀφρύν,

### 285.2

τὸ γὰρ σκοτεινὸν τῶν ἐνερτέρων βέλος

### 285.3

ἐκ προστροπαίων ἐν γένει πεπτωκότων,

### 285.4

καὶ λύσσα καὶ μάταιος ἐκ νυκτῶν φόβος

### 285.5

κινεῖ ταράσσει καὶ διωκάθει πόλεως

### 290.1

χαλκηλάτῳ πλάστιγγι λυμανθὲν δέμας.

### 290.2

καὶ τοῖς τοιούτοις οὔτε κρατῆρος μέρος

### 290.3

εἶναι μετασχεῖν, οὐ φιλοσπόνδου λιβός,

### 290.4

βωμῶν τ’ ἀπείργειν οὐχ ὁρωμένην πατρὸς

### 290.5

μῆνιν· δέχεσθαι 〈δ’〉 οὔτε συλλύειν τινά,

### 295.1

πάντων δ’ ἄτιμον κἄφιλον θνῄσκειν χρόνῳ

### 295.2

κακῶς ταριχευθέντα παμφθάρτῳ μόρῳ.

### 295.3

τοιοῖσδε χρησμοῖς ἆρα χρὴ πεποιθέναι;

### 295.4

κεἰ μὴ πέποιθα, τοὔργον ἔστ’ ἐργαστέον.

### 295.5

πολλοὶ γὰρ εἰς ἓν συμπίτνουσιν ἵμεροι,

### unit_89.1

θεοῦ τ’ ἐφετμαὶ καὶ πατρὸς πένθος μέγα,

### unit_89.2

καὶ πρὸς πιέζει χρημάτων ἀχηνία,

### unit_89.3

τὸ μὴ πολίτας εὐκλεεστάτους βροτῶν,

### unit_89.4

Τροίας ἀναστατῆρας εὐδόξῳ φρενί,

### unit_89.5

δυοῖν γυναικοῖν ὧδ’ ὑπηκόους πέλειν.

### 305

θήλεια γὰρ φρήν· † εἰ δὲ μή, τάχ’ εἴσεται.

### 305.1

Χο.ἀλλ’ ὦ μεγάλαι Μοῖραι, Διόθεν

### 305.2

τῇδε τελευτᾶν,

### 305.3

ᾗ τὸ δίκαιον μεταβαίνει.

### 305.4

ἀντὶ μὲν ἐχθρᾶς γλώσσης ἐχθρὰ

### 310.1

γλῶσσα τελείσθω· τοὐφειλόμενον

### 310.2

πράσσουσα Δίκη μέγ’ ἀυτεῖ·

### 310.3

ἀντὶ δὲ πληγῆς φονίας φονίαν

### 310.4

πληγὴν τινέτω. δράσαντα παθεῖν,

### 310.5

τριγέρων μῦθος τάδε φωνεῖ.

### 315.1

Ορ.ὦ πάτερ αἰνόπατερ, τί σοι[στρ. α.

### 315.2

φάμενος ἢ τί ῥέξας

### 315.3

τύχοιμ’ ἂν ἕκαθεν οὐρίσας,

### 315.4

ἔνθα ς’ ἔχουσιν εὐναί,

### 315.5

σκότῳ φάος ἀντίμοιρον;

### 320.1

χάριτες δ’ ὁμοίως

### 320.2

κέκληνται γόος εὐκλεὴς

### 320.3

† προσθοδόμοις Ἀτρείδαις.

### 324

Χο.τέκνον, φρόνημα τοῦ θανόντος οὐ δαμά‐[στρ. β.

### 325.1

ζει πυρὸς μαλερὰ γνάθος,

### 325.2

φαίνει δ’ ὕστερον ὀργάς·

### unit_97.1

ὀτοτύζεται δ’ ὁ θνῄσκων,

### unit_97.2

ἀναφαίνεται δ’ ὁ βλάπτων.

### unit_97.3

πατέρων δὲ καὶ τεκόντων

### 330.1

γόος ἔνδικος ματεύει,

### 330.2

τὸ πᾶν ἀμφιλαφὴς ταραχθείς.

### 331.1

Ηλ.κλῦθί νυν, ὦ πάτερ, ἐν μέρει[ἀντ. α.

### 331.2

πολυδάκρυτα πένθη.

### 331.3

δίπαις τοί ς’ ἐπιτύμβιος

### 335.1

θρῆνος ἀναστενάζει.

### 335.2

τάφος δ’ ἱκέτας δέδεκται

### 335.3

φυγάδας θ’ ὁμοίως.

### 335.4

τί τῶνδ’ εὖ, τί δ’ ἄτερ κακῶν;

### 335.5

οὐκ ἀτρίακτος ἄτα;

### 340.1

Χο.ἀλλ’ ἔτ’ ἂν ἐκ τῶνδε θεὸς χρῄζων

### 340.2

θείη κελάδους εὐφθογγοτέρους·

### 340.3

ἀντὶ δὲ θρήνων ἐπιτυμβιδίων

### 340.4

παιὼν μελάθροις ἐν βασιλείοις

### 340.5

νεοκρᾶτα φίλον κομίσειεν.

### 345.1

Ορ.εἰ γὰρ ὑπ’ Ἰλίῳ[στρ. γ.

### 345.2

πρός τινος Λυκίων, πάτερ,

### 345.3

δορίτμητος κατηναρίσθης·

### 345.4

λιπὼν ἂν εὔκλειαν ἐν δόμοισιν

### 345.5

τέκνων τ’ ἐν κελεύθοις

### unit_103.1

ἐπιστρεπτὸν αἰῶ

### unit_103.2

κτίσσας πολύχωστον ἂν εἶχες

### unit_103.3

τάφον διαποντίου γᾶς,

### unit_103.4

δώμασιν εὐφόρητον—

### 353

Χο.φίλος φίλοισι τοῖς ἐκεῖ καλῶς θανοῦ‐[ἀντ. β.

### 355.1

σιν, κατὰ χθονὸς ἐμπρέπων

### 355.2

σεμνότιμος ἀνάκτωρ,

### 355.3

πρόπολός τε τῶν μεγίστων

### 355.4

χθονίων ἐκεῖ τυράννων·

### 360.1

βασιλεὺς γὰρ ἦσθ’, ὄφρ’ ἔζης,

### 360.2

μόριμον λάχος πιπλάντων

### 360.3

χεροῖν πεισιβρότῳ τε βάκτρῳ.

### 362.1

Ηλ.μηδ’ ὑπὸ Τρωίας[ἀντ. γ.

### 362.2

τείχεσι φθίμενος, πάτερ,

### 365.1

μετ’ ἄλλῳ δουρικμῆτι λαῷ

### 365.2

παρὰ Σκαμάνδρου πόρον τεθάφθαι·

### 365.3

πάρος δ’ οἱ κτανόντες

### 365.4

νιν οὕτως δαμῆναι,

### 365.5

〈ἵν’ ἦν〉 θανατηφόρον αἶσαν

### 370.1

πρόσω τινὰ πυνθάνεσθαι

### 370.2

τῶνδε πόνων ἄπειρον.

### 371.1

Χο.ταῦτα μέν, ὦ παῖ, κρείσσονα χρυσοῦ,

### 371.2

μεγάλης δὲ τύχης καὶ ὑπερβορέου

### unit_111

μείζονα φωνεῖς· δύνασαι γάρ.

### 375.1

ἀλλὰ διπλῆς γὰρ τῆσδε μαράγνης

### 375.2

δοῦπος ἱκνεῖται· τῶν μὲν ἀρωγοὶ

### 375.3

κατὰ γῆς ἤδη, τῶν δὲ κρατούντων

### 375.4

χέρες οὐχ ὅσιαι † στυγερῶν τούτων·

### 375.5

παισὶ δὲ μᾶλλον γεγένηται.

### 380.1

Ορ.τοῦτο διαμπερὲς οὖς[στρ. δ.

### 380.2

ἵκεθ’ ἅπερ τε βέλος.

### 380.3

Ζεῦ Ζεῦ, κάτωθεν ἀμπέμπων

### 380.4

ὑστερόποινον ἄταν,

### 380.5

βροτῶν τλάμονι καὶ πανούργῳ

### 385

χειρί, τοκεῦσι δ’ ὅμως τελεῖται.

### 385

Χο.ἐφυμνῆσαι γένοιτό μοι πυκά‐[στρ. ε.

### 386.1

εντ’ ὀλολυγμὸν ἀνδρὸς

### 386.2

θεινομένου, γυναικός τ’

### 386.3

ὀλλυμένας· τί γὰρ κεύ‐

### 386.4

θω † φρενὸς θεῖον ἔμπας †

### 390.1

ποτᾶται, πάροιθεν δὲ πρῴρας

### 390.2

δριμὺς ἄηται κραδίας

### 390.3

θυμός, ἔγκοτον στύγος.

### 394

Ηλ.καὶ πότ’ ἂν ἀμφιθαλὴς[ἀντ. δ.

### 395.1

Ζεὺς ἐπὶ χεῖρα βάλοι,

### 395.2

φεῦ φεῦ, κάρανα δαΐξας;

### unit_120.1

πιστὰ γένοιτο χώρᾳ.

### unit_120.2

δίκαν [δ’] ἐξ ἀδίκων ἀπαιτῶ.

### unit_120.3

κλῦτε δὲ Γᾶ χθονίων τε τιμαί.

### unit_121.1

Χο.ἀλλὰ νόμος μὲν φονίας σταγόνας

### unit_121.2

χυμένας ἐς πέδον ἄλλο προσαιτεῖν

### unit_121.3

αἷμα· βοᾷ γὰρ λοιγὸς Ἐρινὺν

### unit_121.4

παρὰ τῶν πρότερον φθιμένων ἄτην

### unit_121.5

ἑτέραν ἐπάγουσαν ἐπ’ ἄτῃ.

### 405.1

Ορ.πόποι δᾶ νερτέρων τυραννίδες,[στρ. ζ.

### 405.2

ἴδετε πολυκρατεῖς ἀραὶ φθινομένων,

### 405.3

ἴδεσθ’ Ἀτρειδᾶν τὰ λοίπ’ ἀμηχάνως

### 405.4

ἔχοντα καὶ δωμάτων ἄτιμα. πᾶ

### 405.5

τις τράποιτ’ ἄν, ὦ Ζεῦ;

### 410.1

Χο.πέπαλται δαὖτέ μοι φίλον κέαρ[ἀντ. ε.

### 410.2

τόνδε † κλύουσαν οἶκτον.

### 410.3

καὶ τότε μὲν δύσελπις,

### 410.4

σπλάγχνα δέ μοι κελαινοῦ‐

### 410.5

ται πρὸς ἔπος κλυούσᾳ.

### 415.1

ὅταν δ’ αὖτ’ ἐπαλκῆ ς’ ὁρῶ, ῥεῖ’

### 415.2

〈ἐλπίσ〉 ἀπέστασεν ἄχος

### unit_125.1

† πρὸς τὸ φανεῖσθαι † μοι καλῶς.

### unit_125.2

Ηλ.τί δ’ ἂν φάντες τύχοιμεν; ἢ τάπερ[ἀντ. ζ.

### unit_125.3

πάθομεν ἄχεα πρός γε τῶν τεκομένων;

### 420.1

πάρεστι σαίνειν, τὰ δ’ οὔτι θέλγεται.

### 420.2

λύκος γὰρ ὥστ’ ὠμόφρων ἄσαντος ἐκ

### 420.3

ματρός ἐστι θυμός.

### 422.1

Χο.ἔκοψα κομμὸν Ἄριον ἔν τε Κισσίας[στρ. η.

### 422.2

νόμοις ἰηλεμιστρίας,

### 425.1

ἀπρικτόπληκτα πολυπάλακτα δ’ ἦν ἰδεῖν

### 425.2

ἐπασσυτεροτριβῆ τὰ χερὸς ὀρέγματα,

### 425.3

ἄνωθεν ἀνέκαθεν, κτύπῳ δ’ ἐπιρροθεῖ

### 425.4

κροτητὸν ἀμὸν καὶ πανάθλιον κάρα.

### 428

Ηλ.ἰὼ ἰὼ δαΐα[στρ. θ.

### 430.1

πάντολμε μᾶτερ, δαΐαις ἐν ἐκφοραῖς

### 430.2

ἄνευ πολιτᾶν ἄνακτ’,

### 430.3

ἄνευ δὲ πενθημάτων

### 430.4

ἔτλης ἀνοίμωκτον ἄνδρα θάψαι.

### 433

Ορ.τὸ πᾶν ἀτίμως ἔλεξας, οἴμοι.[στρ. ι.

### 435.1

πατρὸς δ’ ἀτίμωσιν ἆρα τείσει,

### 435.2

ἕκατι μὲν δαιμόνων,

### 435.3

ἕκατι δ’ ἀμᾶν χερῶν.

### unit_133.1

ἔπειτ’ ἐγὼ νοσφίσας ὀλοίμαν.

### unit_133.2

Χο.ἐμασχαλίσθη δέ γ’, ὡς τόδ’ εἰδῇς,[ἀντ. ι.

### 440.1

ἔπρασσε δ’ ἅπερ νιν ὧδε θάπτει,

### 440.2

μόρον κτίσαι μωμένα

### 440.3

ἄφερτον αἰῶνι σῷ.

### 440.4

κλύεις πατρῴους δύας ἀτίμους.

### 443

Ηλ.λέγεις πατρῷον μόρον· ἐγὼ δ’ ἀπεστάτουν[ἀντ. η.

### 445.1

ἄτιμος, οὐδὲν ἀξία.

### 445.2

μυχῷ δ’ ἄφερκτος πολυσινοῦς κυνὸς δίκαν

### 445.3

ἑτοιμότερα γέλωτος ἀνέφερον λίβη,

### 449

χέουσα πολύδακρυν γόον κεκρυμμένα.

### unit_138

τοιαῦτ’ ἀκούων ἐν φρεσὶν γράφου, 〈πάτερ.

### unit_139.1

Χο.γράφου·〉 δι’ ὤτων δὲ συν‐[ἀντ. θ.

### unit_139.2

τέτραινε μῦθον ἡσύχῳ φρενῶν βάσει.

### unit_139.3

τὰ μὲν γὰρ οὕτως ἔχει,

### unit_139.4

τὰ δ’ αὐτὸς ὀργᾷ μαθεῖν.

### 455

πρέπει δ’ ἀκάμπτῳ μένει καθήκειν.

### 455.1

Ορ.σέ τοι λέγω, ξυγγενοῦ, πάτερ, φίλοις.[στρ. κ.

### 455.2

Ηλ.ἐγὼ δ’ ἐπιφθέγγομαι κεκλαυμένα.

### 455.3

Χο.στάσις δὲ πάγκοινος ἅδ’ ἐπιρροθεῖ·

### 455.4

ἄκουσον ἐς φάος μολών,

### 460.1

ξὺν δὲ γενοῦ πρὸς ἐχθρούς.

### 460.2

Ορ.Ἄρης Ἄρει ξυμβαλεῖ, Δίκᾳ Δίκα.[ἀντ. κ.

### 460.3

Ηλ.ἰὼ θεοί, κραίνετ’ ἐνδίκως 〈λιτάσ〉.

### 460.4

Χο.τρόμος μ’ ὑφέρπει κλύουσαν εὐγμάτων.

### 460.5

τὸ μόρσιμον μένει πάλαι,

### 465

εὐχομένοις δ’ ἂν ἔλθοι.

### 465.1

—ὦ πόνος ἐγγενὴς[στρ. λ.

### 465.2

καὶ παράμουσος ἄτας

### 465.3

αἱματόεσσα πλαγά.

### 465.4

ἰὼ δύστον’ ἄφερτα κήδη·

### 470

ἰὼ δυσκατάπαυστον ἄλγος.

### 470.1

—δώμασιν ἔμμοτον[ἀντ. λ.

### 470.2

τῶνδ’ ἄκος, οὐδ’ ἀπ’ ἄλλων

### 470.3

ἔκτοθεν, ἀλλ’ ἀπ’ αὐτῶν,

### 470.4

δι’ ὠμὰν ἔριν αἱματηράν.

### 475

θεῶν 〈τῶν〉 κατὰ γᾶς ὅδ’ ὕμνος.

### 475.1

—ἀλλὰ κλύοντες, μάκαρες χθόνιοι,

### 475.2

τῆσδε κατευχῆς πέμπετ’ ἀρωγὴν

### 475.3

παισὶν προφρόνως ἐπὶ νίκῃ.

### 478

Ορ.πάτερ, τρόποισιν οὐ τυραννικοῖς θανών,

### 480.1

αἰτουμένῳ μοι δὸς κράτος τῶν σῶν δόμων.

### 480.2

Ηλ.κἀγώ, πάτερ, τοιάδε· σοῦ χρεία μ’ ἔχει

### unit_151.1

† φυγεῖν μέγαν προσθεῖσαν Αἰγίσθῳ † . . .

### unit_151.2

Ορ.οὕτω γὰρ ἄν σοι δαῖτες ἔννομοι βροτῶν

### unit_151.3

κτιζοίατ’· εἰ δὲ μή, παρ’ εὐδείπνοις ἔσῃ

### 485.1

ἄτιμος ἐμπύροισι κνισωτοῖς χθονός.

### 485.2

Ηλ.κἀγὼ χοάς σοι τῆς ἐμῆς παγκληρίας

### 485.3

οἴσω πατρῴων ἐκ δόμων γαμηλίους·

### 485.4

πάντων δὲ πρῶτον τόνδε πρεσβεύσω τάφον.

### 485.5

Ορ.ὦ γαῖ’, ἄνες μοι πατέρ’ ἐποπτεῦσαι μάχην.

### 490.1

Ηλ.ὦ Περσέφασσα, δὸς δέ γ’ εὔμορφον κράτος.

### 490.2

Ορ.μέμνησο λουτρῶν οἷς ἐνοσφίσθης, πάτερ.

### 490.3

Ηλ.μέμνησο δ’ ἀμφίβληστρον ὡς ἐκαίνισαν—

### 490.4

Ορ.πέδαις δ’ ἀχαλκεύτοις ἐθηρεύθης, πάτερ—

### 490.5

Ηλ.αἰσχρῶς τε βουλευτοῖσιν ἐν καλύμμασιν.

### 495.1

Ορ.ἆρ’ ἐξεγείρῃ τοῖσδ’ ὀνείδεσιν, πάτερ;

### 495.2

Ηλ.ἆρ’ ὀρθὸν αἴρεις φίλτατον τὸ σὸν κάρα;

### 495.3

Ορ.ἤτοι δίκην ἴαλλε σύμμαχον φίλοις,

### 495.4

ἢ τὰς ὁμοίας ἀντίδος λαβὰς λαβεῖν,

### 495.5

εἴπερ κρατηθείς γ’ ἀντινικῆσαι θέλεις.

### unit_155.1

Ηλ.καὶ τῆσδ’ ἄκουσον λοισθίου βοῆς, πάτερ·

### unit_155.2

ἰδὼν νεοσσοὺς τούσδ’ ἐφημένους τάφῳ,

### unit_155.3

οἴκτιρε θῆλυν ἄρσενός θ’ ὁμοῦ γόον.

### unit_155.4

Ορ.καὶ μὴ ’ξαλείψῃς σπέρμα Πελοπιδῶν τόδε,

### unit_155.5

οὕτω γὰρ οὐ τέθνηκας οὐδέ περ θανών.

### 505.1

[παῖδες γὰρ ἀνδρὶ κληδόνες σωτήριοι

### 505.2

θανόντι· φελλοὶ δ’ ὣς ἄγουσι δίκτυον,

### 505.3

τὸν ἐκ βυθοῦ κλωστῆρα σῴζοντες λίνου.]

### unit_157.1

Ηλ.ἄκου’, ὑπὲρ σοῦ τοιάδ’ ἔστ’ ὀδύρματα,

### unit_157.2

αὐτὸς δὲ σῴζῃ τόνδε τιμήσας λόγον.

### 510.1

Χο.καὶ μὴν ἀμεμφῆ τόνδ’ ἐτείνατον λόγον,

### 510.2

τίμημα τύμβου τῆς ἀνοιμώκτου τύχης.

### 510.3

τὰ δ’ ἄλλ’, ἐπειδὴ δρᾶν κατώρθωσαι φρενί,

### 510.4

ἔρδοις ἂν ἤδη δαίμονος πειρώμενος.

### 510.5

Ορ.ἔσται· πυθέσθαι δ’ οὐδέν ἐστ’ ἔξω δρόμου,

### 515.1

πόθεν χοὰς ἔπεμψεν, ἐκ τίνος λόγου

### 515.2

μεθύστερον τιμῶς’ ἀνήκεστον πάθος;

### 515.3

θανόντι δ’ οὐ φρονοῦντι δειλαία χάρις

### 515.4

ἐπέμπετ’· οὐκ ἔχοιμ’ ἂν εἰκάσαι τάδε

### 515.5

τὰ δῶρα, μείω δ’ ἐστὶ τῆς ἁμαρτίας.

### 520.1

τὰ πάντα γάρ τις ἐκχέας ἀνθ’ αἵματος

### 520.2

ἑνός—μάτην ὁ μόχθος· ὧδ’ ἔχει λόγος.

### 520.3

θέλοντι δ’, εἴπερ οἶσθ’, ἐμοὶ φράσον τάδε.

### 520.4

Χο.οἶδ’, ὦ τέκνον, παρῆ γάρ· ἔκ τ’ ὀνειράτων

### 520.5

καὶ νυκτιπλάγκτων δειμάτων πεπαλμένη

### 525.1

χοὰς ἔπεμψε τάσδε δύσθεος γυνή.

### 525.2

Ορ.ἦ καὶ πέπυσθε τοὔναρ, ὥστ’ ὀρθῶς φράσαι;

### 525.3

Χο.τεκεῖν δράκοντ’ ἔδοξεν, ὡς αὐτὴ λέγει.

### 525.4

Ορ.καὶ ποῖ τελευτᾷ καὶ καρανοῦται λόγος;

### 525.5

Χο.ἐν σπαργάνοισι παιδὸς ὁρμίσαι δίκην.

### 530.1

Ορ.τίνος βορᾶς χρῄζοντα, νεογενὲς δάκος;

### 530.2

Χο.αὐτὴ προσέσχε μαστὸν ἐν τὠνείρατι.

### 530.3

Ορ.καὶ πῶς ἄτρωτον οὖθαρ ἦν ὑπὸ στύγους;

### 530.4

Χο.ὥστ’ ἐν γάλακτι θρόμβον αἵματος σπάσαι.

### unit_163

Ορ.οὔτοι μάταιον· ἀνδρὸς ὄψανον πέλει.

### 535.1

Χο.ἡ δ’ ἐξ ὕπνου κέκλαγεν ἐπτοημένη.

### 535.2

πολλοὶ δ’ ἀνῇθον, ἐκτυφλωθέντες σκότῳ,

### 535.3

λαμπτῆρες ἐν δόμοισι δεσποίνης χάριν·

### 535.4

πέμπει δ’ ἔπειτα τάσδε κηδείους χοάς,

### 535.5

ἄκος τομαῖον ἐλπίσασα πημάτων.

### 540.1

Ορ.ἀλλ’ εὔχομαι γῇ τῇδε καὶ πατρὸς τάφῳ

### 540.2

τοὔνειρον εἶναι τοῦτ’ ἐμοὶ τελεσφόρον.

### 540.3

κρίνω δέ τοί νιν ὥστε συγκόλλως ἔχειν.

### 540.4

εἰ γὰρ τὸν αὐτὸν χῶρον ἐκλιπὼν ἐμοὶ

### 540.5

οὕφις ἐπ’ ἀμὰ σπάργαν’ † ἠπλείζετο,

### 545.1

καὶ μαστὸν ἀμφέχασκ’ ἐμὸν θρεπτήριον,

### 545.2

θρόμβῳ τ’ ἔμειξεν αἵματος φίλον γάλα,

### 545.3

ἡ δ’ ἀμφὶ τάρβει τῷδ’ ἐπῴμωξεν πάθει,

### 545.4

δεῖ τοί νιν, ὡς ἔθρεψεν ἔκπαγλον τέρας,

### 545.5

θανεῖν βιαίως· ἐκδρακοντωθεὶς δ’ ἐγὼ

### unit_167.1

κτείνω νιν, ὡς τοὔνειρον ἐννέπει τόδε.

### unit_167.2

Χο.τερασκόπον δὴ τῶνδέ ς’ αἱροῦμαι πέρι,

### unit_167.3

γένοιτο δ’ οὕτως. τἄλλα δ’ ἐξηγοῦ φίλοις,

### unit_167.4

τοὺς μέν τι ποιεῖν, τοὺς δὲ μή τι δρᾶν λέγων.

### unit_167.5

Ορ.ἁπλοῦς ὁ μῦθος· τήνδε μὲν στείχειν ἔσω,

### 555.1

αἰνῶ δὲ κρύπτειν τάσδε συνθήκας ἐμάς,

### 555.2

ὡς ἂν δόλῳ κτείναντες ἄνδρα τίμιον

### 555.3

δόλῳ γε καὶ ληφθῶσιν, ἐν ταὐτῷ βρόχῳ

### unit_169.1

θανόντες, ᾗ καὶ Λοξίας ἐφήμισεν,

### unit_169.2

ἄναξ Ἀπόλλων, μάντις ἀψευδὴς τὸ πρίν.

### 560.1

ξένῳ γὰρ εἰκώς, παντελῆ σαγὴν ἔχων,

### 560.2

ἥξω σὺν ἀνδρὶ τῷδ’ ἐφ’ ἑρκείους πύλας

### 560.3

Πυλάδῃ, ξένος τε καὶ δορύξενος δόμων.

### 560.4

ἄμφω δὲ φωνὴν ἥσομεν Παρνησίδα,

### 560.5

γλώσσης ἀυτὴν Φωκίδος μιμουμένω.

### 565.1

καὶ δὴ θυρωρῶν οὔτις ἂν φαιδρᾷ φρενὶ

### 565.2

δέξαιτ’, ἐπειδὴ δαιμονᾷ δόμος κακοῖς·

### 565.3

μενοῦμεν οὕτως ὥστ’ ἐπεικάζειν τινὰ

### 565.4

δόμοις παραστείχοντα καὶ τάδ’ ἐννέπειν·

### 565.5

‘τί δὴ πύλῃσι τὸν ἱκέτην ἀπείργεται

### 570.1

Αἴγισθος, εἴπερ οἶδεν ἔνδημος παρών;‘

### 570.2

εἰ δ’ οὖν ἀμείψω βαλὸν ἑρκείων πυλῶν

### 570.3

κἀκεῖνον ἐν θρόνοισιν εὑρήσω πατρός,

### 570.4

ἢ καὶ μολὼν ἔπειτά μ’ οἱ κατὰ στόμα

### 570.5

ἐρεῖ, σάφ’ ἴσθι, καὶ κατ’ ὀφθαλμοὺς καλεῖν,

### 575.1

πρὶν αὐτὸν εἰπεῖν ‘ποδαπὸς ὁ ξένος;‘ νεκρὸν

### 575.2

θήσω, ποδώκει περιβαλὼν χαλκεύματι.

### 575.3

φόνου δ’ Ἐρινὺς οὐχ ὑπεσπανισμένη

### 575.4

ἄκρατον αἷμα πίεται τρίτην πόσιν.

### 575.5

νῦν οὖν σὺ μὲν φύλασσε τἀν οἴκῳ καλῶς,

### 580.1

ὅπως ἂν ἀρτίκολλα συμβαίνῃ τάδε·

### 580.2

ὑμῖν δ’ ἐπαινῶ γλῶσσαν εὔφημον φέρειν,

### 580.3

σιγᾶν θ’ ὅπου δεῖ καὶ λέγειν τὰ καίρια.

### 580.4

τὰ δ’ ἄλλα τούτῳ δεῦρ’ ἐποπτεῦσαι λέγω,

### unit_175

ξιφηφόρους ἀγῶνας ὀρθώσαντί μοι.

### 585.1

Χο.πολλὰ μὲν γᾶ τρέφει[στρ. α.

### 585.2

δεινὰ δειμάτων ἄχη,

### 585.3

πόντιαί τ’ ἀγκάλαι κνωδάλων

### 585.4

ἀνταίων βρύουσι, [πλά‐

### 585.5

θουσι] βλαστοῦσι καὶ πεδαίχμιοι

### 590.1

λαμπάδες πεδάοροι,

### 590.2

πτανά τε καὶ πεδοβάμονα κἀνεμόεντ’ ἂν

### 590.3

αἰγίδων φράσαι κότον.

### 594

ἀλλ’ ὑπέρτολμον ἀν‐[ἀντ. α.

### 595.1

δρὸς φρόνημα τίς λέγοι

### 595.2

καὶ γυναικῶν φρεσὶν τλημόνων

### 595.3

παντόλμους ἔρωτας, ἄ‐

### 595.4

ταισι συννόμους βροτῶν;

### 595.5

συζύγους δ’ ὁμαυλίας

### unit_180.1

θηλυκρατὴς ἀπέρωτος ἔρως παρανικᾷ

### unit_180.2

κνωδάλων τε καὶ βροτῶν.

### 601

ἴστω δ’ ὅστις οὐχ ὑπόπτερος[στρ. β.

### 602.1

φροντίσιν † δαεὶς

### 602.2

τὰν ἁ παιδολυ‐

### 602.3

μὰς τάλαινα Θεστιὰς

### 605.1

μήσατο,

### 605.2

πυρδαῆ τινὰ πρόνοιαν,

### unit_184.1

καταίθουσα παιδὸς δαφοινὸν

### unit_184.2

δαλὸν ἥλικ’, ἐπεὶ μολὼν

### unit_184.3

ματρόθεν κελάδησε,

### 610.1

ξύμμετρόν τε διαὶ βίου

### 610.2

μοιρόκραντον ἐς ἦμαρ.

### 611.1

ἄλλαν δ’ ἦν τιν’ ἐν λόγοις στυγεῖν[ἀντ. β.

### 611.2

φοινίαν Σκύλλαν,

### 611.3

ἅτ’ ἐχθρῶν ὕπερ

### 615.1

φῶτ’ ἀπώλεσεν φίλον,

### 615.2

Κρητικοῖς

### 615.3

χρυσεοδμήτοισιν ὅρμοις

### 615.4

πιθήσασα, δώροισι Μίνω,

### 615.5

Νῖσον ἀθανάτας τριχὸς

### 620.1

νοσφίσασα προβούλως

### 620.2

πνέονθ’ ἁ κυνόφρων ὕπνῳ·

### 620.3

κιγχάνει δέ νιν Ἑρμῆς.

### 622.1

ἐπεὶ δ’ ἐπεμνησάμην ἀμειλίχων[στρ. γ.

### 622.2

πόνων—† ἀκαίρως δὲ δυσφιλὲς γαμή‐

### 625.1

λευμ’ ἀπεύχετον δόμοις

### 625.2

γυναικοβούλους τε μήτιδας φρενῶν

### 625.3

ἐπ’ ἀνδρὶ τευχεσφόρῳ

### 625.4

ἐπ’ ἀνδρὶ δῄοις ἐπικότω σέβας †

### 625.5

τίων [δ’] ἀθέρμαντον ἑστίαν δόμων,

### 630.1

γυναικείαν ἄτολμον αἰχμάν.

### 630.2

κακῶν δὲ πρεσβεύεται τὸ Λήμνιον[ἀντ. γ.

### 630.3

λόγῳ· γοᾶται δὲ δημόθεν κατά‐

### 630.4

πτυστον· ᾔκασεν δέ τις

### 630.5

τὸ δεινὸν αὖ Λημνίοισι πήμασιν.

### 635.1

θεοστυγήτῳ δ’ ἄγει

### 635.2

βροτῶν ἀτιμωθὲν οἴχεται γένος.

### 635.3

σέβει γὰρ οὔτις τὸ δυσφιλὲς θεοῖς.

### 635.4

τί τῶνδ’ οὐκ ἐνδίκως ἀγείρω;

### 638

τὸ δ’ ἄγχι πλευμόνων ξίφος[στρ. δ.

### 640.1

διανταίαν ὀξυπευκὲς οὐτᾷ,

### 640.2

διαὶ Δίκας—τὸ μὴ θέμις—[γὰρ οὐ]

### 640.3

λὰξ πέδοι πατουμένας,

### 644

τὸ πᾶν Διὸς σέβας παρεκ‐

### 645

βάντας οὐ θεμιστῶς.

### 645.1

Δίκας δ’ ἐρείδεται πυθμήν·[ἀντ. δ.

### 645.2

προχαλκεύει δ’ Αἶσα φασγανουργός·

### 645.3

τέκνον δ’ ἐπεισφέρει δόμοις

### 645.4

αἱμάτων παλαιτέρων

### unit_198.1

τίνειν μύσος χρόνῳ κλυτὰ

### unit_198.2

βυσσόφρων Ἐρινύς.

### 653

Ορ.παῖ παῖ, θύρας ἄκουσον ἑρκείας κτύπον.

### unit_200

τίς ἔνδον; ὦ παῖ, παῖ, μάλ’ αὖ, τίς ἐν δόμοις;

### 655.1

τρίτον τόδ’ ἐκπέραμα δωμάτων καλῶ,

### 655.2

εἴπερ φιλόξεν’ ἐστὶν Αἰγίσθου διαί.

### 656

ΟΙΚΕΤΗΣ

### 657.1

εἶἑν, ἀκούω· ποδαπὸς ὁ ξένος; πόθεν;

### 657.2

Ορ.ἄγγελλε τοῖσι κυρίοισι δωμάτων,

### 657.3

πρὸς οὕσπερ ἥκω καὶ φέρω καινοὺς λόγους.

### 660.1

τάχυνε δ’, ὡς καὶ νυκτὸς ἅρμ’ ἐπείγεται

### 660.2

σκοτεινόν, ὥρα δ’ ἐμπόρους μεθιέναι

### 660.3

ἄγκυραν ἐν δόμοισι πανδόκοις ξένων.

### 660.4

ἐξελθέτω τις δωμάτων τελεσφόρος,

### 660.5

γυνὴ † τόπαρχος—ἄνδρα δ’ εὐπρεπέστερον·

### 665.1

αἰδὼς γὰρ ἐν λέσχῃσιν οὖς’ ἐπαργέμους

### 665.2

λόγους τίθησιν· εἶπε θαρσήσας ἀνὴρ

### 665.3

πρὸς ἄνδρα κἀσήμηνεν ἐμφανὲς τέκμαρ.

### 667

ΚΛΥΤΑΙΜΗΣΤΡΑ

### 668.1

ξένοι, λέγοιτ’ ἂν εἴ τι δεῖ· πάρεστι γὰρ

### 668.2

ὁποῖάπερ δόμοισι τοῖσδ’ ἐπεικότα,

### 670.1

καὶ θερμὰ λουτρὰ καὶ πόνων θελκτηρία

### 670.2

στρωμνή, δικαίων τ’ ὀμμάτων παρουσία.

### 670.3

εἰ δ’ ἄλλο πρᾶξαι δεῖ τι βουλιώτερον,

### 670.4

ἀνδρῶν τόδ’ ἐστὶν ἔργον, οἷς κοινώσομεν.

### 670.5

Ορ.ξένος μέν εἰμι Δαυλιεὺς ἐκ Φωκέων·

### 675.1

στείχοντα δ’ αὐτόφορτον οἰκείᾳ σαγῇ

### 675.2

εἰς Ἄργος, ὥσπερ δεῦρ’ ἀπεζύγην πόδας,

### unit_210.1

ἀγνὼς πρὸς ἀγνῶτ’ εἶπε συμβαλὼν ἀνήρ,

### unit_210.2

ἐξιστορήσας καὶ σαφηνίσας ὁδόν,

### unit_210.3

Στροφίος ὁ Φωκεύς· πεύθομαι γὰρ ἐν λόγῳ·

### 680.1

‘ἐπείπερ ἄλλως, ὦ ξέν’, εἰς Ἄργος κίεις,

### 680.2

πρὸς τοὺς τεκόντας πανδίκως μεμνημένος

### 680.3

τεθνεῶτ’ Ὀρέστην εἰπέ, μηδαμῶς λάθῃ.

### 680.4

εἴτ’ οὖν κομίζειν δόξα νικήσει φίλων,

### 680.5

εἴτ’ οὖν μέτοικον, εἰς τὸ πᾶν ἀεὶ ξένον,

### 685.1

θάπτειν, ἐφετμὰς τάσδε πόρθμευσον πάλιν.

### 685.2

νῦν γὰρ λέβητος χαλκέου πλευρώματα

### 685.3

σποδὸν κέκευθεν ἀνδρὸς εὖ κεκλαυμένου.‘

### 685.4

τοσαῦτ’ ἀκούσας εἶπον. εἰ δὲ τυγχάνω

### 685.5

τοῖς κυρίοισι καὶ προσήκουσιν λέγων

### 690.1

οὐκ οἶδα· τὸν τεκόντα δ’ εἰκὸς εἰδέναι.

### 690.2

Κλ.οἲ ’γώ, κατ’ ἄκρας εἶπας ὡς πορθούμεθα.

### 690.3

ὦ δυσπάλαιστε τῶνδε δωμάτων Ἀρά,

### 690.4

ὡς πόλλ’ ἐπωπᾷς κἀκποδὼν εὖ κείμενα,

### 690.5

τόξοις πρόσωθεν εὐσκόποις χειρουμένη.

### 695.1

φίλων ἀποψιλοῖς με τὴν παναθλίαν.

### 695.2

καὶ νῦν—Ὀρέστης ἦν γὰρ εὐβούλως ἔχων,

### 695.3

ἔξω κομίζων ὀλεθρίου πηλοῦ πόδα—

### 695.4

νῦν δ’ ἥπερ ἐν δόμοισι † βακχίας καλῆς

### 695.5

ἰατρὸς ἐλπὶς ἦν, παροῦσαν ἐγγράφει. †

### unit_215.1

Ορ.ἐγὼ μὲν οὖν ξένοισιν ὧδ’ εὐδαίμοσι

### unit_215.2

κεδνῶν ἕκατι πραγμάτων ἂν ἤθελον

### unit_215.3

γνωτὸς γενέσθαι καὶ ξενωθῆναι· τί γὰρ

### unit_216.1

ξένου ξένοισίν ἐστιν εὐμενέστερον;

### unit_216.2

πρὸς δ’ εὐσεβείας ἦν ἐμοὶ τόδ’ ἐν φρεσίν,

### 705.1

τοιόνδε πρᾶγμα μὴ καρανῶσαι φίλοις,

### 705.2

καταινέσαντα καὶ κατεξενωμένον.

### 705.3

Κλ.οὔτοι κυρήσεις μεῖον ἀξίως σέθεν,

### 705.4

οὐδ’ ἧσσον ἂν γένοιο δώμασιν φίλος.

### 705.5

ἄλλος δ’ ὁμοίως ἦλθεν ἂν τάδ’ ἀγγελῶν.

### 710.1

ἀλλ’ ἔσθ’ ὁ καιρὸς ἡμερεύοντας ξένους

### 710.2

μακρᾶς κελεύθου τυγχάνειν † τὰ πρόσφορα.

### 710.3

ἄγ’ αὐτὸν εἰς ἀνδρῶνας εὐξένους δόμων,

### 710.4

ὀπισθόπους τε τούσδε καὶ ξυνεμπόρους·

### 710.5

κἀκεῖ κυρούντων δώμασιν τὰ πρόσφορα.

### 715.1

αἰνῶ δὲ πράσσειν ὡς ὑπευθύνῳ τάδε.

### 715.2

ἡμεῖς δὲ ταῦτα τοῖς κρατοῦσι δωμάτων

### 715.3

κοινώσομέν τε κοὐ σπανίζοντες φίλων

### 715.4

βουλευσόμεσθα τῆσδε συμφορᾶς πέρι.

### 718

Χο.εἶἑν, φίλιαι δμωίδες οἴκων,

### 720.1

πότε δὴ στομάτων

### 720.2

δείξομεν ἰσχὺν ἐπ’ Ὀρέστῃ;

### 720.3

ὦ πότνια χθὼν καὶ πότνι’ ἀκτὴ

### 720.4

χώματος, ἣ νῦν ἐπὶ ναυάρχῳ

### 720.5

σώματι κεῖσαι τῷ βασιλείῳ,

### 725.1

νῦν ἐπάκουσον, νῦν ἐπάρηξον·

### 725.2

νῦν γὰρ ἀκμάζει Πειθὼ δολίαν

### 725.3

ξυγκαταβῆναι, χθόνιον δ’ Ἑρμῆν

### 725.4

καὶ τὸν νύχιον τοῖσδ’ ἐφοδεῦσαι

### unit_223

ξιφοδηλήτοισιν ἀγῶσιν.

### 730.1

—ἔοικεν ἁνὴρ ὁ ξένος τεύχειν κακόν·

### 730.2

τροφὸν δ’ Ὀρέστου τήνδ’ ὁρῶ κεκλαυμένην.

### 730.3

ποῖ δὴ πατεῖς, Κίλισσα, δωμάτων πύλας;

### 730.4

λύπη δ’ ἄμισθός ἐστί σοι ξυνέμπορος.

### 733

ΤΡΟΦΟΣ

### 734

Αἴγισθον ἡ κρατοῦσα τοῖς ξένοις καλεῖν

### 735.1

ὅπως τάχιστ’ ἄνωγεν, ὡς σαφέστερον

### 735.2

ἀνὴρ ἀπ’ ἀνδρὸς τὴν νεάγγελτον φάτιν

### 735.3

ἐλθὼν πύθηται· τὴν δὲ πρὸς μὲν οἰκέτας

### 735.4

θέτο σκυθρωπόν, ἐντὸς ὀμμάτων γέλων

### 735.5

κεύθους’ ἐπ’ ἔργοις διαπεπραγμένοις καλῶς

### 740.1

κείνῃ—δόμοις δὲ τοῖσδε παγκάκως ἔχει,

### 740.2

φήμης ὕφ’, ἧς ἤγγειλαν οἱ ξένοι τορῶς.

### 740.3

ἦ δὴ κλύων ἐκεῖνος εὐφρανεῖ νόον,

### 740.4

εὖτ’ ἂν πύθηται μῦθον. ὦ τάλαιν’ ἐγώ·

### 740.5

ὥς μοι τὰ μὲν παλαιὰ συγκεκραμένα

### 745.1

ἄλγη δύσοιστα τοῖσδ’ ἐν Ἀτρέως δόμοις

### 745.2

τυχόντ’ ἐμὴν ἤλγυνεν ἐν στέρνοις φρένα,

### 745.3

ἀλλ’ οὔτι πω τοιόνδε πῆμ’ ἀνεσχόμην.

### 745.4

τὰ μὲν γὰρ ἄλλα τλημόνως ἤντλουν κακά·

### 745.5

φίλον δ’ Ὀρέστην, τῆς ἐμῆς ψυχῆς τριβήν,

### unit_230

ὃν ἐξέθρεψα μητρόθεν δεδεγμένη

### unit_231.1

. . . . . . . .

### unit_231.2

καὶ νυκτιπλάγκτων ὀρθίων κελευμάτων

### unit_231.3

καὶ πολλὰ καὶ μοχθήρ’ ἀνωφέλητ’ ἐμοὶ

### unit_231.4

τλάσῃ—τὸ μὴ φρονοῦν γὰρ ὡσπερεὶ βοτὸν

### unit_232

τρέφειν ἀνάγκη, πῶς γὰρ οὔ; τρόπῳ φρενός·

### 755.1

οὐ γάρ τι φωνεῖ παῖς ἔτ’ ὢν ἐν σπαργάνοις,

### 755.2

εἰ λιμός, ἢ δίψη τις, ἢ λιψουρία

### 755.3

ἔχει· νέα δὲ νηδὺς αὐτάρκης τέκνων.

### 755.4

τούτων πρόμαντις οὖσα, πολλὰ δ’, οἴομαι,

### 755.5

ψευσθεῖσα, παιδὸς σπαργάνων φαιδρύντρια—

### 760.1

κναφεὺς τροφεύς τε ταὐτὸν εἰχέτην τέλος.

### 760.2

ἐγὼ διπλᾶς δὲ τάσδε χειρωναξίας

### 760.3

ἔχους’ Ὀρέστην ἐξεδεξάμην πατρί·

### 760.4

τεθνηκότος δὲ νῦν τάλαινα πεύθομαι.

### 760.5

στείχω δ’ ἐπ’ ἄνδρα τῶνδε λυμαντήριον

### 765.1

οἴκων, θέλων δὲ τόνδε πεύσεται λόγον.

### 765.2

Χο.πῶς οὖν κελεύει νιν μολεῖν ἐσταλμένον;

### 765.3

Τρ.ἦ πῶς; λέγ’ αὖθις, ὡς μάθω σαφέστερον.

### 765.4

Χο.εἰ ξὺν λοχίταις εἴτε καὶ μονοστιβῆ.

### 765.5

Τρ.ἄγειν κελεύει δορυφόρους ὀπάονας.

### 770.1

Χο.μή νυν σὺ ταῦτ’ ἄγγελλε δεσπότου στύγει·

### 770.2

ἀλλ’ αὐτὸν ἐλθεῖν, ὡς ἀδειμάντων κλύῃ,

### 770.3

ἄνωχθ’ ὅσον τάχιστα, γαθούσῃ φρενί.

### 770.4

ἐν ἀγγέλῳ γὰρ κυπτὸς ὀρθοῦται λόγος.

### 770.5

Τρ.ἀλλ’ ἦ φρονεῖς εὖ τοῖσι νῦν ἠγγελμένοις;

### 775.1

Χο.ἀλλ’ εἰ τροπαίαν Ζεὺς κακῶν θήσει ποτέ;

### 775.2

Τρ.καὶ πῶς; Ὀρέστης ἐλπὶς οἴχεται δόμων.

### 775.3

Χο.οὔπω· κακός γε μάντις ἂν γνοίη τάδε.

### 775.4

Τρ.τί φῄς; ἔχεις τι τῶν λελεγμένων δίχα;

### unit_238

Χο.ἄγγελλ’ ἰοῦσα, πρᾶσσε τἀπεσταλμένα.

### 780.1

μέλει θεοῖσιν ὧνπερ ἂν μέλῃ πέρι.

### 780.2

Τρ.ἀλλ’ εἶμι καὶ σοῖς ταῦτα πείσομαι λόγοις.

### 780.3

γένοιτο δ’ ὡς ἄριστα σὺν θεῶν δόσει.

### 782.1

Χο.νῦν παραιτουμένᾳ μοι, πάτερ[στρ. α.

### 782.2

Ζεῦ θεῶν Ὀλυμπίων,

### 785.1

δὸς τυχὰς τυχεῖν δόμου

### 785.2

κυρίοις τὰ σώφρον’ αὖ

### 786.1

μαιομένοις ἰδεῖν.

### 786.2

διὰ δίκας ἔπος ἅπαν ἔλακον, ὦ

### 786.3

Ζεῦ, σύ νιν φυλάσσοις.

### 788

αἰαῖ, πρὸ δὲ δὴ ’χθρῶν[μεσῳδ. α.

### 790.1

τῶν ἔσω μελάθρων,

### 790.2

ὦ Ζεῦ, θές, ἐπεί νιν μέγαν ἄρας

### 790.3

δίδυμα καὶ τριπλᾶ παλίμ‐

### 790.4

ποινα θέλων ἀμείψῃ.

### 793

ἴσθι δ’ ἀνδρὸς φίλου πῶλον εὖ‐[ἀντ. α.

### 795.1

νιν ζυγέντ’ ἐν ἅρμασιν

### 795.2

πημάτων, 〈σὺ δ’〉 ἐν δρόμῳ

### 795.3

προστιθεὶς μέτρον κτίσον

### 797.1

σῳζομένων ῥυθμόν,

### 797.2

διὰ πέδον τοῦτ’ ἰδεῖν ἀνομένων

### 797.3

βημάτων ὄρεγμα.

### unit_248.1

οἵ τ’ ἔσω δωμάτων πλουτογα‐[στρ. β.

### unit_248.2

θῆ μυχὸν νομίζετε,

### unit_248.3

κλῦτε, σύμφρονες θεοί·

### unit_248.4

ἄγετε . . . .

### unit_248.5

τῶν πάλαι πεπραγμένων

### 805.1

λύσασθ’ αἷμα προσφάτοις δίκαις·

### 805.2

γέρων φόνος μηκέτ’ ἐν δόμοις τέκοι.

### 806.1

τὸ δὲ καλῶς κτίμενον ὦ μέγα ναίων[μεσῳδ. β.

### 806.2

στόμιον, εὖ δὸς ἀνιδεῖν δόμον ἀνδρός,

### 806.3

καί νιν ἐλευθερίας φῶς

### 810.1

λαμπρὸν ἰδεῖν φιλίοις

### 810.2

ὄμμασιν 〈ἐκ〉 δνοφερᾶς καλύπτρας.

### 811.1

ξυλλάβοι δ’ ἐνδίκως παῖς ὁ Μαί‐[ἀντ. β.

### 811.2

ας, ἐπεὶ φορώτατος

### 811.3

πρᾶξιν οὐρίσαι θέλων.

### 815

ἀλαὰ πολλὰ δ’ ἀμφανεῖ χρῄζων [κρυπτά],

### unit_254.1

ἄσκοπον δ’ ἔπος λέγων

### unit_254.2

νυκτὸς προὐμμάτων σκότον φέρει,

### unit_254.3

καθ’ ἡμέραν δ’ οὐδὲν ἐμφανέστερος.

### 818

καὶ τότ’ ἤδη † πλοῦτον[στρ. γ.

### 820.1

δωμάτων λυτήριον,

### 820.2

θῆλυν οὐριοστάταν

### 820.3

† ὁμοῦ κρεκτὸν γοήτων νόμον

### 824

μεθήσομεν· πλεῖ τάδ’ εὖ·

### 825.1

ἐμὸν ἐμὸν κέρδος αὔξεται τόδ’, ἄ‐

### 825.2

τα δ’ ἀποστατεῖ φίλων.

### 826.1

σὺ δὲ θαρσῶν ὅταν ἥκῃ μέρος ἔργων[μεσῳδ. γ.

### 826.2

ἐπαΰσας θροεούσᾳ

### 826.3

πρὸς σὲ ‘Τέκνον‘, ‘Πατρὸσ‘ αὔδα,

### 830

καὶ πέραιν’

### 830

ἀνεπίμομφον ἄταν.

### 830.1

Περσέως τ’ ἐν φρεσὶν[ἀντ. γ.

### 830.2

〈σαῖσι〉 καρδίαν σχεθών,

### 830.3

τοῖς θ’ ὑπὸ χθονὸς φίλος

### 830.4

τοῖς τ’ ἄνωθεν, προφράσσων φάρος

### 835.1

Γοργοῦς λυγρᾶς ἔνδοθεν

### 835.2

φόνιον ἄταν τίθει, τὸν αἴτιον δ’

### 835.3

ἐξαπόλλυ’ εἰσορῶν.

### 837

ΑΙΓΙΣΘΟΣ

### 838.1

ἥκω μὲν οὐκ ἄκλητος, ἀλλ’ ὑπάγγελος·

### 838.2

νέαν φάτιν δὲ πεύθομαι λέγειν τινὰς

### 840.1

ξένους μολόντας οὐδαμῶς ἐφίμερον,

### 840.2

μόρον γ’ Ὀρέστου. καὶ τόδ’ αὖ φέρειν δόμοις

### 840.3

γένοιτ’ ἂν ἄχθος αἱματοσταγές, φόνῳ

### 840.4

τῷ πρόσθεν ἑλκαίνουσι καὶ δεδηγμένοις.

### 840.5

πῶς ταῦτ’ ἀληθῆ καὶ βλέποντα δοξάσω;

### 845.1

ἢ πρὸς γυναικῶν δειματούμενοι λόγοι

### 845.2

πεδάρσιοι θρῴσκουσι, θνῄσκοντες μάτην;

### 845.3

τί τῶνδ’ ἂν εἴποις ὥστε δηλῶσαι φρενί;

### 845.4

Χο.ἠκούσαμεν μέν, πυνθάνου δὲ τῶν ξένων

### 845.5

ἔσω παρελθών. οὐδὲν ἀγγέλων σθένος

### unit_268.1

ὡς αὐτός’ αὐτὸν ἄνδρα πεύθεσθαι πέρι.

### unit_268.2

Αι.ἰδεῖν ἐλέγξαι τ’ εὖ θέλω τὸν ἄγγελον,

### unit_268.3

εἴτ’ αὐτὸς ἦν θνῄσκοντος ἐγγύθεν παρών,

### unit_268.4

εἴτ’ ἐξ ἀμαυρᾶς κληδόνος λέγει μαθών.

### unit_268.5

οὔτοι φρέν’ ἂν κλέψειεν ὠμματωμένην.

### 855

Χο.Ζεῦ Ζεῦ, τί λέγω, πόθεν ἄρξωμαι

### unit_270.1

τάδ’ ἐπευχομένη κἀπιθεάζους’,

### unit_270.2

ὑπὸ δ’ εὐνοίας

### unit_270.3

πῶς ἴσον εἰποῦς’ ἀνύσωμαι;

### unit_270.4

νῦν γὰρ μέλλουσι μιανθεῖσαι

### 860.1

πειραὶ κοπάνων ἀνδροδαΐκτων

### 860.2

ἢ πάνυ θήσειν Ἀγαμεμνονίων

### 860.3

οἴκων ὄλεθρον διὰ παντός,

### 860.4

ἢ πῦρ καὶ φῶς ἐπ’ ἐλευθερίᾳ

### 860.5

δαίων ἀρχαῖς τε πολισσονόμοις

### 865.1

ἕξει πατέρων μέγαν ὄλβον.

### 865.2

τοιάνδε πάλην μόνος ὢν ἔφεδρος

### 865.3

δισσοῖς μέλλει θεῖος Ὀρέστης

### 865.4

ἅψειν. εἴη δ’ ἐπὶ νίκῃ.

### 865.5

Αι.ἒ ἔ, ὀτοτοτοῖ.

### 870.1

Χο.— ἔα ἔα μάλα·

### 870.2

— πῶς ἔχει; πῶς κέκρανται δόμοις;

### 870.3

— ἀποσταθῶμεν πράγματος τελουμένου,

### 870.4

ὅπως δοκῶμεν τῶνδ’ ἀναίτιαι κακῶν

### 870.5

εἶναι· μάχης γὰρ δὴ κεκύρωται τέλος.

### 875

ΟΙΚΕΤΗΣ

### 875.1

οἴμοι, πανοίμοι δεσπότου † τελουμένου·

### 875.2

οἴμοι μάλ’ αὖθις ἐν τρίτοις προσφθέγμασιν.

### 875.3

Αἴγισθος οὐκέτ’ ἔστιν. ἀλλ’ ἀνοίξατε

### 875.4

ὅπως τάχιστα, καὶ γυναικείους πύλας

### 875.5

μοχλοῖς χαλᾶτε· καὶ μάλ’ ἡβῶντος δὲ δεῖ—

### 880.1

οὐχ ὥστ’ ἀρῆξαι διαπεπραγμένῳ· τί γάρ;

### 880.2

ἰοὺ ἰού.

### 881.1

κωφοῖς ἀυτῶ καὶ καθεύδουσιν μάτην

### 881.2

ἄκραντα βάζω. ποῦ Κλυταιμήστρα; τί δρᾷ;

### 881.3

ἔοικε νῦν αὐτῆς † ἐπὶ ξυροῦ πέλας

### 881.4

αὐχὴν πεσεῖσθαι πρὸς δίκην πεπληγμένος.

### 885.1

Κλ.τί δ’ ἐστὶ χρῆμα; τίνα βοὴν ἵστης δόμοις;

### 885.2

Οι.τὸν ζῶντα καίνειν τοὺς τεθνηκότας λέγω.

### 885.3

Κλ.οἲ ’γώ, ξυνῆκα τοὔπος ἐξ αἰνιγμάτων.

### 885.4

δόλοις ὀλούμεθ’, ὥσπερ οὖν ἐκτείναμεν.

### 885.5

δοίη τις ἀνδροκμῆτα πέλεκυν ὡς τάχος·

### 890.1

εἰδῶμεν εἰ νικῶμεν, ἢ νικώμεθα.

### 890.2

ἐνταῦθα γὰρ δὴ τοῦδ’ ἀφικόμην κακοῦ.

### 891.1

Ορ.σὲ καὶ ματεύω· τῷδε δ’ ἀρκούντως ἔχει.

### 891.2

Κλ.οἲ ’γώ. τέθνηκας, φίλτατ’, Αἰγίσθου βία.

### 891.3

Ορ.φιλεῖς τὸν ἄνδρα; τοιγὰρ ἐν ταὐτῷ τάφῳ

### 895.1

κείσῃ. θανόντα δ’ οὔτι μὴ προδῷς ποτε.

### 895.2

Κλ.ἐπίσχες, ὦ παῖ, τόνδε δ’ αἴδεσαι, τέκνον,

### 895.3

μαστόν, πρὸς ᾧ σὺ πολλὰ δὴ βρίζων ἅμα

### 895.4

οὔλοισιν ἐξήμελξας εὐτραφὲς γάλα.

### 895.5

Ορ.Πυλάδη, τί δράσω; μητέρ’ αἰδεσθῶ κτανεῖν;

### unit_282

ΠΥΛΑΔΗΣ

### unit_283.1

ποῦ δὴ τὸ λοιπὸν Λοξίου μαντεύματα

### unit_283.2

τὰ πυθόχρηστα, πιστά τ’ εὐορκώματα;

### unit_283.3

ἅπαντας ἐχθροὺς τῶν θεῶν ἡγοῦ πλέον.

### unit_283.4

Ορ.κρίνω σε νικᾶν, καὶ παραινεῖς μοι καλῶς.

### unit_284

ἕπου, πρὸς αὐτὸν τόνδε σε σφάξαι θέλω·

### 905.1

καὶ ζῶντα γάρ νιν κρείσσον’ ἡγήσω πατρός.

### 905.2

τούτῳ θανοῦσα ξυγκάθευδ’, ἐπεὶ φιλεῖς

### 905.3

τὸν ἄνδρα τοῦτον, ὃν δὲ χρῆν φιλεῖν στυγεῖς.

### 905.4

Κλ.ἐγώ ς’ ἔθρεψα, σὺν δὲ γηράναι θέλω.

### 905.5

Ορ.πατροκτονοῦσα γὰρ ξυνοικήσεις ἐμοί;

### 910.1

Κλ.ἡ Μοῖρα τούτων, ὦ τέκνον, παραιτία.

### 910.2

Ορ.καὶ τόνδε τοίνυν Μοῖρ’ ἐπόρσυνεν μόρον.

### 910.3

Κλ.οὐδὲν σεβίζῃ γενεθλίους ἀράς, τέκνον;

### 910.4

Ορ.τεκοῦσα γάρ μ’ ἔρριψας ἐς τὸ δυστυχές.

### 910.5

Κλ.οὔτοι ς’ ἀπέρριψ’ ἐς δόμους δορυξένους.

### 915.1

Ορ.αἰκῶς ἐπράθην ὢν ἐλευθέρου πατρός.

### 915.2

Κλ.ποῦ δῆθ’ ὁ τῖμος, ὅντιν’ ἀντεδεξάμην;

### 915.3

Ορ.αἰσχύνομαί σοι τοῦτ’ ὀνειδίσαι σαφῶς.

### 915.4

Κλ.[μὴ] ἀλλ’ εἴφ’ ὁμοίως καὶ πατρὸς τοῦ σοῦ μάτας.

### 915.5

Ορ.μὴ ἔλεγχε τὸν πονοῦντ’ ἔσω καθημένη.

### 920.1

Κλ.ἄλγος γυναιξὶν ἀνδρὸς εἴργεσθαι, τέκνον.

### 920.2

Ορ.τρέφει δέ γ’ ἀνδρὸς μόχθος ἡμένας ἔσω.

### 920.3

Κλ.κτενεῖν ἔοικας, ὦ τέκνον, τὴν μητέρα.

### 920.4

Ορ.σύ τοι σεαυτήν, οὐκ ἐγώ, κατακτενεῖς.

### 920.5

Κλ.ὅρα, φύλαξαι μητρὸς ἐγκότους κύνας.

### 925.1

Ορ.τὰς τοῦ πατρὸς δὲ πῶς φύγω, παρεὶς τάδε;

### 925.2

Κλ.ἔοικα θρηνεῖν ζῶσα πρὸς τύμβον μάτην.

### 925.3

Ορ.πατρὸς γὰρ αἶσα τόνδε σοὐρίζει μόρον.

### 925.4

Κλ.οἲ ’γὼ τεκοῦσα τόνδ’ ὄφιν ἐθρεψάμην.

### 925.5

Ορ.ἦ κάρτα μάντις οὑξ ὀνειράτων φόβος.

### 930.1

ἔκανες ὃν οὐ χρῆν, καὶ τὸ μὴ χρεὼν πάθε.

### 930.2

Χο.στένω μὲν οὖν καὶ τῶνδε συμφορὰν διπλῆν.

### 930.3

ἐπεὶ δὲ πολλῶν αἱμάτων ἐπήκρισε

### 930.4

τλήμων Ὀρέστης, τοῦθ’ ὅμως αἱρούμεθα,

### 930.5

ὀφθαλμὸν οἴκων μὴ πανώλεθρον πεσεῖν.

### 935.1

—ἔμολε μὲν δίκα Πριαμίδαις χρόνῳ,[στρ. α.

### 935.2

βαρύδικος ποινά·

### 935.3

ἔμολε δ’ ἐς δόμον τὸν Ἀγαμέμνονος

### 935.4

διπλοῦς λέων, διπλοῦς Ἄρης.

### 935.5

ἔλαχε δ’ ἐς τὸ πᾶν

### 940.1

ὁ πυθόχρηστος φυγὰς

### 940.2

θεόθεν εὖ φραδαῖσιν ὡρμημένος.

### 941.1

ἐπολολύξατ’ ὦ δεσποσύνων δόμων[μεσῳδ.

### 941.2

ἀναφυγᾷ κακῶν καὶ κτεάνων τριβᾶς

### 941.3

ὑπὸ δυοῖν μιαστόροιν

### 945

δυσοίμου τύχας.

### 945.1

ἔμολε δ’ ᾧ μέλει κρυπταδίου μάχας[ἀντ. α.

### 945.2

δολιόφρων ποινά·

### 945.3

ἔθιγε δ’ ἐν μάχᾳ χερὸς ἐτήτυμος

### 945.4

Διὸς κόρα—Δίκαν δέ νιν

### unit_296.1

προσαγορεύομεν

### unit_296.2

βροτοὶ τυχόντες καλῶς—

### unit_297.1

ὀλέθριον πνέους’ ἐν ἐχθροῖς κότον·

### unit_297.2

τάπερ ὁ Λοξίας ὁ Παρνασίας[στρ. β.

### unit_297.3

μέγαν ἔχων μυχὸν χθονὸς ἐπωρθία‐

### 955.1

ξεν ἀδόλως † δολίας

### 955.2

† βλαπτομέναν ἐγχρονισθεῖσαν ἐποίχεται,

### 958.1

κρατεῖ τ’ αἰεί πως τὸ θεῖον [παρὰ] τὸ μὴ

### 958.2

ὑπουργεῖν κακοῖς,

### 960.1

ἄξια δ’ οὐρανοῦχον ἀρχὰν σέβειν.

### 960.2

〈πάρα τὸ φῶς ἰδεῖν.〉

### 961.1

πάρα τε φῶς ἰδεῖν, μέγα τ’ ἀφῃρέθη[μεσῳδ.

### 961.2

ψάλιον οἴκων.

### 961.3

ἄναγε μὰν δόμοι· πολὺν ἄγαν χρόνον

### 961.4

χαμαιπετεῖς ἔκεισθε.

### 965.1

τάχα δὲ παντελὴς χρόνος ἀμείψεται[ἀντ. β.

### 965.2

πρόθυρα δωμάτων, ὅταν ἀφ’ ἑστίας

### 965.3

μύσος ἅπαν ἐλάσῃ

### 965.4

καθαρμοῖσιν ἀτᾶν ἐλατηρίοις.

### 965.5

τύχᾳ δ’ εὐπροσώπῳ κεῖται τὸ πᾶν

### 970.1

ἰδεῖν, θρεομένοις

### 970.2

“Μέτοικοι δόμων πεσοῦνται πάλιν.”

### 970.3

πάρα τὸ φῶς ἰδεῖν.

### 972.1

Ορ.ἴδεσθε χώρας τὴν διπλῆν τυραννίδα

### 972.2

πατροκτόνους τε δωμάτων πορθήτορας.

### 975.1

σεμνοὶ μὲν ἦσαν ἐν θρόνοις τόθ’ ἥμενοι,

### 975.2

φίλοι δὲ καὶ νῦν, ὡς ἐπεικάσαι πάθη

### 975.3

πάρεστιν, ὅρκος τ’ ἐμμένει πιστώμασιν.

### 975.4

ξυνώμοσαν μὲν θάνατον ἀθλίῳ πατρὶ

### 975.5

καὶ ξυνθανεῖσθαι· καὶ τάδ’ εὐόρκως ἔχει.

### 980.1

ἴδεσθε δ’ αὖτε, τῶνδ’ ἐπήκοοι κακῶν,

### 980.2

τὸ μηχάνημα, δεσμὸν ἀθλίῳ πατρί,

### 980.3

πέδας τε χειροῖν καὶ ποδοῖν ξυνωρίδα.

### 980.4

ἐκτείνατ’ αὐτὸ καὶ κύκλῳ παρασταδὸν

### 980.5

στέγαστρον ἀνδρὸς δείξαθ’, ὡς ἴδῃ πατήρ—

### 985.1

οὐχ οὑμός, ἀλλ’ ὁ πάντ’ ἐποπτεύων τάδε

### 985.2

Ἥλιος—ἄναγνα μητρὸς ἔργα τῆς ἐμῆς,

### 985.3

ὡς ἂν παρῇ μοι μάρτυς ἐν δίκῃ ποτέ,

### 985.4

ὡς τόνδ’ ἐγὼ μετῆλθον ἐνδίκως φόνον

### 985.5

τὸν μητρός· Αἰγίσθου γὰρ οὐ λέγω μόρον·

### 990.1

ἔχει γὰρ αἰσχυντῆρος, ὡς νόμος, δίκην.

### 990.2

ἥτις δ’ ἐπ’ ἀνδρὶ τοῦτ’ ἐμήσατο στύγος,

### 990.3

ἐξ οὗ τέκνων ἤνεγχ’ ὑπὸ ζώνην βάρος,

### 990.4

φίλον τέως, νῦν δ’ ἐχθρόν, ὡς φαίνει, κακόν—

### 990.5

τί σοι δοκεῖ; μύραινά γ’ εἴτ’ ἔχιδν’ ἔφυ

### 995.1

σήπειν θιγοῦς’ ἂν μᾶλλον οὐ δεδηγμένον

### 995.2

τόλμης ἕκατι κἀκδίκου φρονήματος;

### 995.3

τί νιν προσείπω, κἂν τύχω μάλ’ εὐστομῶν;

### 995.4

ἄγρευμα θηρός, ἢ νεκροῦ ποδένδυτον

### 995.5

δροίτης κατασκήνωμα; δίκτυον μὲν οὖν,

### unit_310.1

ἄρκυν τ’ ἂν εἴποις καὶ ποδιστῆρας πέπλους.

### unit_310.2

τοιοῦτον ἂν κτήσαιτο φιλήτης ἀνήρ,

### unit_310.3

ξένων ἀπαιόλημα κἀργυροστερῆ

### unit_310.4

βίον νομίζων, τῷδέ τ’ ἂν δολώματι

### unit_310.5

πολλοὺς ἀναιρῶν πολλὰ θερμαίνοι φρένα.

### 1005.1

τοιάδ’ ἐμοὶ ξύνοικος ἐν δόμοισι μὴ

### 1005.2

γένοιτ’· ὀλοίμην πρόσθεν ἐκ θεῶν ἄπαις.

### 1006.1

Χο.αἰαῖ αἰαῖ μελέων ἔργων·

### 1006.2

στυγερῷ θανάτῳ διεπράχθης.

### 1006.3

αἰαῖ, αἰαῖ,

### 1009

μίμνοντι δὲ καὶ πάθος ἀνθεῖ.

### 1010.1

Ορ.ἔδρασεν ἢ οὐκ ἔδρασε; μαρτυρεῖ δέ μοι

### 1010.2

φᾶρος τόδ’, ὡς ἔβαψεν Αἰγίσθου ξίφος.

### 1010.3

φόνου δὲ κηκὶς ξὺν χρόνῳ ξυμβάλλεται,

### 1010.4

πολλὰς βαφὰς φθείρουσα τοῦ ποικίλματος.

### 1010.5

νῦν αὐτὸν αἰνῶ, νῦν ἀποιμώζω παρών,

### 1015.1

πατροκτόνον θ’ ὕφασμα προσφωνῶν τόδε

### 1015.2

ἀλγῶ μὲν ἔργα καὶ πάθος γένος τε πᾶν,

### unit_316.1

ἄζηλα νίκης τῆσδ’ ἔχων μιάσματα.

### unit_316.2

Χο.οὔτις μερόπων ἀσινῆ βίοτον

### unit_316.3

διὰ πάντ’ ἔντιμος ἀμείψει.

### 1019

αἰαῖ, αἰαῖ,

### 1020.1

μόχθος δ’ ὁ μὲν αὐτίχ’, ὁ δ’ ἥξει.

### 1020.2

Ορ.ἀλλ’ ὡς ἂν εἰδῆτ’, οὐ γὰρ οἶδ’ ὅπη τελεῖ,

### 1020.3

ὥσπερ ξὺν ἵπποις ἡνιοστροφῶ δρόμου

### 1020.4

ἐξωτέρω· φέρουσι γὰρ νικώμενον

### 1020.5

φρένες δύσαρκτοι, πρὸς δὲ καρδίᾳ φόβος

### 1025.1

ᾄδειν ἑτοῖμος ἠδ’ ὑπορχεῖσθαι κότῳ.

### 1025.2

ἕως δ’ ἔτ’ ἔμφρων εἰμί, κηρύσσω φίλοις,

### 1025.3

κτανεῖν τέ φημι μητέρ’ οὐκ ἄνευ δίκης,

### 1025.4

πατροκτόνον μίασμα καὶ θεῶν στύγος.

### 1025.5

καὶ φίλτρα τόλμης τῆσδε πλειστηρίζομαι

### 1030.1

τὸν πυθόμαντιν Λοξίαν, χρήσαντ’ ἐμοὶ

### 1030.2

πράξαντα μὲν ταῦτ’ ἐκτὸς αἰτίας κακῆς

### 1030.3

εἶναι, παρέντα δ’—οὐκ ἐρῶ τὴν ζημίαν·

### 1030.4

τόξῳ γὰρ οὔτις πημάτων ἐφίξεται.

### 1030.5

καὶ νῦν ὁρᾶτέ μ’, ὡς παρεσκευασμένος

### 1035.1

ξὺν τῷδε θαλλῷ καὶ στέφει προσίξομαι

### 1035.2

μεσόμφαλόν θ’ ἵδρυμα, Λοξίου πέδον,

### 1035.3

πυρός τε φέγγος ἄφθιτον κεκλημένον,

### 1035.4

φεύγων τόδ’ αἷμα κοινόν· οὐδ’ ἐφ’ ἑστίαν

### 1035.5

ἄλλην τραπέσθαι Λοξίας ἐφίετο.

### 1040

τάδ’ ἐν χρόνῳ μοι πάντας Ἀργείους λέγω

### 1041a

〈μνήμῃ φυλάσσειν ὡσ〉 ἐπορσύνθη κακά,

### 1041b

καὶ μαρτυρεῖν μοι, Μενέλεως 〈ὅταν μόλῃ.〉

### 1042.1

ἐγὼ δ’ ἀλήτης τῆσδε γῆς ἀπόξενος,

### 1042.2

ζῶν καὶ τεθνηκὼς τάσδε κληδόνας λιπών—

### 1042.3

Χο.ἀλλ’ εὖ γ’ ἔπραξας, μηδ’ ἐπιζευχθῇς στόμα

### 1045.1

φήμῃ πονηρᾷ μηδ’ ἐπιγλωσσῶ κακά.

### 1045.2

ἠλευθέρωσας πᾶσαν Ἀργείων πόλιν,

### 1045.3

δυοῖν δρακόντοιν εὐπετῶς τεμὼν κάρα.

### 1045.4

Ορ.ἆ, ἆ,

### 1048.1

δμωαὶ γυναῖκες· αἵδε, Γοργόνων δίκην,

### 1048.2

φαιοχίτωνες καὶ πεπλεκτανημέναι

### unit_328.1

πυκνοῖς δράκουσιν· οὐκέτ’ ἂν μείναιμ’ ἐγώ.

### unit_328.2

Χο.τίνες σε δόξαι, φίλτατ’ ἀνθρώπων πατρί,

### unit_328.3

στροβοῦσιν; ἴσχε, μὴ φοβοῦ, νικῶν πολύ.

### unit_328.4

Ορ.οὐκ εἰσὶ δόξαι τῶνδε πημάτων ἐμοί·

### unit_328.5

σαφῶς γὰρ αἵδε μητρὸς ἔγκοτοι κύνες.

### 1055.1

Χο.ποταίνιον γὰρ αἷμά σοι χεροῖν ἔτι·

### 1055.2

ἐκ τῶνδέ τοι ταραγμὸς ἐς φρένας πίτνει.

### 1055.3

Ορ.ἄναξ Ἄπολλον, αἵδε πληθύουσι δή,

### 1055.4

κἀξ ὀμμάτων στάζουσι νᾶμα δυσφιλές.

### 1055.5

Χο.εἷς σοι καθαρμός· Λοξίας δὲ προσθιγὼν

### 1060

ἐλεύθερόν σε τῶνδε πημάτων κτίσει.

### unit_331.1

Ορ.ὑμεῖς μὲν οὐχ ὁρᾶτε τάσδ’, ἐγὼ δ’ ὁρῶ·

### unit_331.2

ἐλαύνομαι δὲ κοὐκέτ’ ἂν μείναιμ’ ἐγώ.

### unit_331.3

Χο.ἀλλ’ εὐτυχοίης, καί ς’ ἐποπτεύων πρόφρων

### unit_331.4

θεὸς φυλάσσοι καιρίοισι συμφοραῖς.

### 1065.1

—ὅδε τοι μελάθροις τοῖς βασιλείοις

### 1065.2

τρίτος αὖ χειμὼν

### 1065.3

πνεύσας γονίας ἐτελέσθη.

### 1065.4

παιδοβόροι μὲν πρῶτον ὑπῆρξαν

### 1065.5

μόχθοι τάλανες [τε Θυέστου]·

### 1070.1

δεύτερον ἀνδρὸς βασίλεια πάθη,

### 1070.2

λουτροδάικτος δ’ ὤλετ’ Ἀχαιῶν

### 1070.3

πολέμαρχος ἀνήρ·

### 1070.4

νῦν δ’ αὖ τρίτος ἦλθέ ποθεν σωτήρ—

### 1070.5

ἢ μόρον εἴπω;

### 1075

ποῖ δῆτα κρανεῖ, ποῖ καταλήξει

### unit_335

μετακοιμισθὲν μένος ἄτης;

## License and provenance

This text is licensed CC0 1.0 Universal. The canonical record is the JSON at https://eulogikon.org/data/works/grc/aeschylus-libation-bearers-emo-ab.json (sha256:d5fb23a97f8c977badcc6a8a7e369734679a999036724fa19b2b96b6744d8d47). Cite as `eul_wid: emo-ab`.